4119 · GMLW-003328

’DUL BA'I MDO'I 'GREL PA MNGON PAR BRJOD PA RANG GI RNAM PAR BSHAD PA ZHES BYA BA (Vinaya Sútra Vṛttyabhidhāna Svavyākhyāna (Nāma))

נושאי-מדףSubjects:
'DUL BAVowed Morality (Vinaya)
נושאיםTopics:Vowed MoralityVowsMorality
מחברauthor
פנדיטה הודיIndian panditaPAndI TA AA LANGKAR DE BA
לוצאווה טיבטיTibetan lotsawaSH'AKYA'I DGE SLONG TSUL KHRIMS 'BYUNG GNA
מהקולופוןfrom the colophon
נמצא בfound inVowed Morality (Vinaya)
מספר טוהוקוTohoku numberToh 4119 · Vinaya
מהדורהrecensionDerge
כותרת בסנסקריטSanskrit titleSVA BY'A KHY'A NA AA BHI DH'A NA BI NA YA S'U TRA BRi TTI N'A MA
כניעה לhomage to[DD] THAMS CAD MKHYEN PA
הפנדיטה ההודיIndian panditaPAndI TA AA LANGKAR DE BA
הלוצאווה הטיבטיTibetan lotsawaSH'AKYA'I DGE SLONG TSUL KHRIMS 'BYUNG GNAS
פוליוfolios1b–274a
צורהformprose
מצב תרגוםtranslationno English of the text
גשה מייקל לימד אותו בGeshe Michael taught it inDiamond Cutter Classics
כיסוי המילון לכותרתdictionary coverage of the title46%
ז'אנרgenreCommentarythe title says it is the author's OWN explanation of his Vinaya Sutra — RANG GI RNAM PAR BSHAD PA
פירוש עלa commentary on'DUL BA'I MDO — the Vinaya Sutrathe title names it, and this is its author's own commentary
אנשים ומקומותpeople and places namedthis volume names no one — the colophon belongs to another volume
רמת קושיleveladvanced scholastic
תלות קדםread firstthe Vinaya Sutra itselfit is a commentary upon it
הכותרת אומתה מול הטקסטtitle verified against the textnothe file has no title line at all; it opens in the middle of a discussion of a fault concerning cotton cloth

הקבציםThe files

TD04119-2_’DUL BA'I MDO'I 'GREL PA MNGON PAR BRJOD PA RANG GI RNAM PAR BSHAD PA ZHES BYA BA (Vinaya Sútra Vṛttyabhidhāna Svavyākhyāna (Nāma)).txt/08 'DUL BA_Vowed Morality (Vinaya)/VOL 11 (ZU)
TD04119-1_’DUL BA'I MDO'I 'GREL PA MNGON PAR BRJOD PA RANG GI RNAM PAR BSHAD PA ZHES BYA BA (Vinaya Sútra Vṛttyabhidhāna Svavyākhyāna (Nāma)).txt/08 'DUL BA_Vowed Morality (Vinaya)/VOL 10 (ZHU)

הטקסטThe text

טיבטיתTibetan TD04119-2_’DUL BA'I MDO'I 'GREL PA MNGON PAR BRJOD PA RANG GI RNAM PAR BSHAD PA ZHES BYA BA (Vinaya Sútra Vṛttyabhidhāna Svavyākhyāna (Nāma)).txt1,090,270 תוויםcharacters
1b

, ,GANG LA SHING BAL GYIS GOS PAR BYA BA'I LTUNG BYED DU 'GYUR ZHE NA, DE'I PHYIR SHING BAL GYIS GOS PAR BYAS PA LA'O ZHES BYA BA SMOS TE, DGE 'DUN GYI KHRI'AM KHRI'U DAG LA ZHES [DD] BYA BA NI GONG DU BSTAN ZIN TO, ,CI RANG NYID KYIS GOS PAR BYAS PA LA 'AM ZHE NA, DE'I PHYIR RANG NGAM BSKOS PAS SO ZHES BYA BA SMOS SO, ,'DIR SHING BAL JI LTA BU YIN PAR RIG PAR BYA ZHE NA, DE'I PHYIR SHING BAL NI LNGA STE, SHAM LA'I DANG, AARKA'I DANG, SPRA BA'I DANG, AER KA'I 'O ZHES BYA BA SMOS TE, 'DI NI 'DRES PAS NYAMS PAR BYED PA STE, TSIG DE DAG NI GOS DANG LUS MA RUNGS PAR GYUR PA DGAG PA'I PHYIR RO, ,SHING BAL GYIS GOS PAR BYAS PA'I LTUNG BYED DO, ,TSAD LAS LHAG PAR BYED DAM BYED DU 'JUG NA RKANG PA'I BSLAB PA'I GZHI LAS BSLAB PA'I GZHI GSUM PA ZHES BYA BAR BRJOD DO,, DE LA GANG GIS ZHES BYA BA LTOS PA LA BRJOD PAR BYA STE GDING BA'I'O ZHES BYA BA SMOS TE, DE'I TSAD GANG ZHE NA, DE'I PHYIR 'DI'I TSAD NI SRID DU KHRU GSUM MO ZHES BYA BA SMOS SO, ,MI CHOG NA KHRU PHYED DANG

2a

, ,DO MAN CHANG BKYED DO ZHES BYA BA NI GANG LA KHRUG SUM GYIS MI CHOG PA DES JI TZAM BKYED PAS DON 'GRUB PA DE TZAM BKYED PAR BYA STE, KHRU PHYED DANG DO MAN CHAD BKYED PAR BYA'O, ,CHEN PO DANG BAR MA DANG KHRU PHYED LAS BSGRUB PAR MI BYA BA'I DON TO, ,'DI'I ZHENG DU NI KHRU DO DANG SOR DRUG GO ZHES BYA BA NI 'DI'I TSAD CES BYA BA DANG SBYAR RO, ,DE CHUNG DU LA BYIN GYIS RLOB NA NI NYES BYAS SO ZHES BYA BA NI GDING BA DE'O, ,'OG MA GNYIS LA YANG NGO ZHES BYA BA NI G-YAN PA DGAB PA LAS GYUR PA DANG, DBYAR GYI RAS CHEN LAS GYUR PA ZHES BYA BA GNYIS LA YANG TSAD PAS CHUNG BA LA BYIN GYIS BRLABS PA LA NYES BYAS SU 'GYUR BA'O, ,BRAM ZE'I BU MO LAS MDO GNYIS PO 'DI YIN TE, 'OG MA GNYIS LA DER TSIG SBYAR TE, DBYAR GYI RAS CHEN CHUNG DU LA BYIN GYIS RLOB NA NYES BYAS SO, ,DE BZHIN DU G-YAN PA DGAB PA YANG DE DANG 'DRA'O ZHES GSUNGS PA YIN TE, DE'I RJES SU 'BRANG BAS GDING BA LA YANG DE SKAD CES SMRAS SO, ,GZHAN 'DI TSAD LAS 'DAS PA'I RNAM PAR GZHAG PA NI NYES BYAS 'DI GZHAN DU RIG PAR BYA STE, 'DIR GTOGS PA NI MA YIN NO, ,GDING BA LAS GYUR PA'I LTUNG BYED DO, ,TSAD LAS LHAG PAR BYED DAM BYED DU 'JUG PA LA LTUNG BYED BZHI PA GANG YIN PA BRJOD

2b

PA; DE LA GANG GIS ZHES BYA BA LA LTOS NAS BRJOD PAR BYA STE, DE'I PHYIR G-YAN PA DGAB PA'I 'O ZHES BYA BA SMOS SO, ,DE'I TSAD JI TZAM ZHE NA, DE'I PHYIR KHRU DRUG DANG GSUM MO ZHES BYA BA SMOS TE, SRID DU NI KHRU DRUG GO, ,ZHENG DU NI GSUM MO, ,G-YAN PA DGAB PA LAS GYUR PA'I LTUNG BYED DO, ,LNGA PA GANG GIS TSAD LAS LHAG PAR BYED DAM BYED DU 'JUG NA LTUNG BYED DO, ,DE LA GANG ZHIG ZHES BYA BA 'DI LA BRJOD PAR BYA STE, DE'I PHYIR DBYAR GYI RAS CHEN GYI'O ZHES BYA BA SMOS TE, DE'I TSAD JI TZAM ZHE NA, DE'I PHYIR DGU DANG GSUM DANG SOR BCO BRGYAD DO ZHES BYA BA SMOS TE, KHRU ZHES BYA BAR SBYAR RO, ,SRID DU NI KHRU DGU'O, ,ZHENG DU NI KHRU GSUM DANG SOR BCO BRGYAD DO, ,DBYAR GYI RAS CHEN LAS GYUR PA'I LTUNG BYED DO,, ,,STON PA RANG GI KHRU LNGA DANG GSUM PA'I CHOS GOS SO ZHES BYA BA NI GANG DU BDE BAR GSHEGS PA'I CHOS GOS KYI TSAD LAS GYUR PA'I LTUNG BYED DU 'GYUR ZHE NA, DE'I PHYIR DE'I LUS TZAM MED PAR DE'I TSAD DAM LHAG PA'I CHOS GOS BYED DAM BYED DU 'JUG PA LA'O ZHES BYA BA SMOS TE, BDE BAR GSHEGS PA'I CHOS GOS KYI TSAD DAM, DE LAS LHAG PAR BYED DAM BYED DU BCUG PA LA'O, ,CI BDE BAR GSHEGS PA'I CHOS GOS KYI TSAD THAMS CAD LA BYED DAM BYED DU BCUG PA LA LTUNG BYED DU 'GYUR RAM ZHE NA, DE'I PHYIR DE'I LUS TZAM MED PAR ZHES BYA BA SMOS TE, GANG LA BDE BAR GSHEGS PA'I SKU'I TSAD TZAM GYI LUS MED PA DES SO, ,BDE BAR GSHEGS PA'I SKU'I TSAD KYI LUS YOD PA LA NI LTUNG BA MED DO, , DE'I 'OG TU LHAG PA LA NI CI RIGS PAR KHA NA MA THO BAR 'GYUR RO ZHES BYA BA'I DON TO, ,GANG LA BDE BAR GSHEGS PA'I SKU'I TSAD TZAM GYI LUS MED PA DES DE LA CHOS GOS KYI TSAD LA SOGS PA BYED DAM BYED DU BCUG PA LA LTUNG BYED DO, ,BDE BAR GSHEGS PA'I CHOS GOS LAS NI CHUNG LA RANG GI LUS LAS NI CHE BA'I CHOS GOS BYED DAM BYED DU BCUG PA LA NYES BYAS SO, ,GANG LA BDE BAR GSHEGS PA'I SKU'I TSAD TZAM MAM, DE LAS LHAG PA'I LUS YOD PA DES RANG GI KHRU SUM 'GYUR LA SOGS PA BYED DAM BYED DU BCUG NA LTUNG BYED DE SUM 'GYUR DU MA CHOG PA LA NYES BYAS ZHES

3a

, ,BYA BAR 'DIR RNAM PAR GZHAG PAR RTOGS PAR BYA'O, ,'DIR GZHUNG NI GTAM GYI GZHI LAS TSAD DANG LDAN PAR BGYID PA LA LTUNG BAR 'GYUR BA DANG, TSAD DANG LDAN PAR MI BGYID PA LA LTUNG BAR MI 'GYUR BA 'GA' MCHIS SAM, BCOM LDAN 'DAS KYIS BKA' STZAL PA, YOD DE, BDE BAR GSHEGS PA'I CHOS GOS KYI TSAD DU BYED NA LTUNG BYED DO, ,DKYIL 'KHOR GYI TSAD DU BYED NA LTUNG BA MED DO ZHES GSUNGS PA YIN NO, ,DE BCANG BAR MI BYA'O ZHES BYA BA LA, DE ZHES BYA BA NI BDE BAR GSHEGS PA'I CHOS GOS SAM BDE BAR GSHEGS PA'I CHOS GOS LAS LHAG PA BYE BRAG MA SMOS PA'I PHYIR RO, ,LUS DANG 'BREL PAS SAM GZHAN YANG RUNG STE, BYIN GYIS BRLABS NAS SAM RNAM PAR BRTAGS NAS SAM, RNAM PAR MA BRTAGS PAR BCANG BAR MI BYA'O, ,'DIR GZHUNG NI GOS KYI GZHI LAS BTZUN PA BDE BAR GSHEGS PA'I CHOS GOS TZAM LAS DE 'DIR GSUNGS PA YIN TE, DE NI CHO GA'I RJES SU 'BRANG BAR 'OG MA YANG KHONGS SU BSDUS PAR RIG PAR BYA'O, ,BDE BAR GSHEGS PA'I CHOS GOS KYI TSAD LAS GYUR PA'I LTUNG BYED DO, ,LTUNG BYED 'BA' ZHIG TU GYUR PA RNAMS RDZOGS SO,, ,,DGE SLONG MA LAS BSOD SNYOMS LEN PA'I SO SOR BSHAGS PAR BYA BA LA BYED PA PO NYID GANG YIN ZHE NA, DE'I PHYIR SHES GTZO BO ZHES BYA BA SMOS TE, 'DU SHES GTZO CHER BYED PA YIN ZHE NA, DE'I PHYIR DGE SLONG MA NYE DU MA YIN PA NYID LA'O ZHES BYA BA SMOS SO, ,CI ZHIG RJES SU SGRUB NA DE BYED PA PO NYID YIN ZHE NA, DE'I PHYIR RANG GIS MI 'DRI MA PAR BSGRUBS PA'I BCA' BA DANG BZA' BA BDAG NYID GRONG NA 'DUG PAS BLANGS TE ZOS NA'O ZHES BYA BA SMOS TE, DGE SLONG MA GRONG NGAM GZHAN GANG YANG RUNG BA NA 'DUG PAS RANG GI LAG GIS MI 'DRIM PA'I RNAM PAS DGE SLONG BDAG NYID GRONG NA 'DUG PAS RANG GI LAG GIS BLANGS TE BCA' BA DANG BZA' BA DAG ZHES PA'I DON TO, ,RANG GIS ZHES BYA BA NI, BYIN LEN BYED PA PO LA SMOS SO, ,RANG GI LAG GIS ZHES BYA BA NI SBYIN BDAG NYED MA YIN PAS TE, DE'I RJES SU 'BRANGS NAS 'DI BYAS PA YIN NO, ,RJES SU

3b

MTHUN PA GZHAN LA LEN PA LA KUN NAS CHAGS PA'I DMIGS KYIS BSAL BA ZHES BYA BA RANG GI GZUNG BA LA YONGS SU SHES PA'O, ,'DIR GZHUNG NI ZHU BA LAS BTZUN BA RE ZHIG DGE SLONG MA'I DBYAR KHANG NA MCHIS PA NA DGE SLONG MA GRONG NA GNAS PAS MCHIS SAM BCA' BA DANG BZA' BA RTZOL LA, DES DE NA MCHIS PA LAS LEN CING BLANGS NAS 'TSAL BAR BGYID NA LTUNG BCIR 'GYUR, LTUNG BA MED DO ZHES GSUNGS PA YIN NO, ,DE BAS NA 'DIR LEN PA PO GRONG NA GNAS PA'I NYID RTEN TO, ,SBYIN PA MO LA NI KHYAD PAR MED DO, ,GNYIS KA LA YANG 'DI'I YAN LAG NYID LA 'DIR NYES BYAS SU RNAM PAR GZHAG PA'O, ,GANG ZHIG LAM LA BRTEN PAS GRONG DU BSOD SNYOMS KYI PHYIR ZHUGS PA NI ZHES BYA BA GSUNGS NA DGE SLONG LA GRONG NA GNAS PA NYID 'DI LA BSTAN PA'I DON DU TSUL 'DI ZHU BA'I GZHUNG 'DI NYID LAS SHES PAR BYA'O, ,GANG ZHIG 'DI RDZAS ZHES BYA BA'I TSIG 'DI LAS RANG GIS MI 'DRIM PAR ZHES BYA BA MDOR BYAS PAS BSOD SNYOMS SDUD PA LA 'DI BSTAN PA YIN GYI MI MTHUN PA'I RNAM PA NYID KYANG 'DIR RNAM PAR GNAS PA YIN NO, ,DBYAR KHANG NI GRONG NYID MA YIN NO ZHES BYA BA'I GZHUNG NI ZHU BA LAS, LTUNG BA MED DO ZHES SNGAR BSTAN MA THAG PA YIN NO, ,DGE SLONG GI GNAS KYANG MA YIN NO ZHES BYA BA NI GRONG NYID MA YIN PA'O, ,'DIR GZHUNG NI ZHU BA LA SOGS PA'I GZHUNG KHA CIG LAS, BTZUN PA RE ZHIG GNAS TZAM DU 'DZIN PA YOD DE DGE SLONG DAG DGE SLONG MA NYE DU MA YIN PA'I KHYIM GZHAN DU ZHUGS PA LAS BCA' BA DANG BZA' BA BLANGS TE 'CHOS SHING 'TSAL NA LTUNG BAR MI 'GYUR BA 'GA' MCHIS SAM, YOD DE DGE SLONG GNAS NA 'DUG PAS DGE SLONG MA'I KHYIM GZHAN NA 'DUG PA LAS LEN NA'O ZHES GSUNGS PA YIN NO, ,DGE SLONG MA'I GNAS LAS DGE SLONG GI GNAS LA DGOS PA'I KHYAD PAR 'DI YOD PA MA YIN TE, DE BAS NA SNGA MA LAS KYANG 'DI THOB PA'O, ,NAM MKHA' NI PHYED NYID DO ZHES BYA BA NI GRONG GI STENG GI NAM MKHA' LA 'DUG PA BLANGS TE ZA NA NYES BYAS SU 'GYUR BA ZHES BYA BA'I DON TO, ,'JOG PAR BYED PA NYE BAR MI GNAS NA GZHAG PA LEN PA NI DE LAS MA YIN NO ZHES BYA BA'I TSIG NI 'JOG PAR BYED PAS BZA' BAR

4a

, ,BYA BA GANG YIN PA 'JOG PAR BYED PA NYE BAR MI GNAS PA LA DE LEN PAR BYED KYANG 'JOG PAR BYED PA DE'I DRUNG NAS ZHES BYA BA'I DON TO, ,'DIR GZHUNG NI DGE SLONG MAS GRONG DU BZHAG PAR GYUR PA DGE SLONG GIS YID GCUGS PAS BLANGS TE ZA BAR BYED NA LTUNG BA MED DO ZHES GSUNGS PA YIN NO, ,GAL TE YID GCUGS PA MED PAS LEN NA NI KHA NA MA THO BA 'DIR MI 'GYUR TE, 'ON KYANG MA BYIN PAR LEN PAR GTOGS PA'O, ,DE LTA BAS NA YID CHES PA'I TSIG 'DI LA BYED PA'O, ,DGE SLONG MA LAS ZAS LEN PA'I SO SOR BSHAGS PAR BYA BA STE DANG PO'O,, ,, BSHAGS PAR BYA BA GNYIS PA LA BYED PA PO GANG YIN ZHE NA, DE'I PHYIR DE'AM DGE SLONG GZHAN DAG LA BZA' BA'AM BTUNG BA 'AM SRAN TSOD DAM, BCA' BA'AM YANG BYIN CIG CES BYA BA LA SOGS PAS BSKO SHAM BYED PA LA ZHUGS PA'I DGE SLONG MA 'DUG PA NI BYED PA PO YIN NO ZHES BYA BA SMOS TE, SOGS PA ZHES BYA BA'I SGRAS NI ZAS LHAG MA DAG STOBS PA YANG BSDUS PA'I PHYIR RO, ,BSKO SHAM BYED PA ZHES BYA BA 'DIS 'DI LA 'BREL PA YIN TE, DE'I 'DI NGO BO NYID BRJOD PA YIN NO, ,BSKO SHAM BYED PA LA ZHUGS PA'I DGE SLONG MA 'DUG PA LA NI DE BAS NA TSIG 'DI'O, ,DE'AM DGE SLONG GZHAN LA ZHES BYA BA LA, DE'AM ZHES BYA BA LTUNG BA 'BYIN PA PO NYID LA MNGON PAR BRTEN PA'I DGE SLONG GZUNG BA'O, ,CI DGE SLONG MA DE LTA BUR GYUR PA THAMS CAD KYI 'DUG PA DE BYED PA PO YIN NAM ZHE NA, DE'I PHYIR GAL TE DE'I TSIG GIS SAM, DE'I NYE DUS MGRON DU BOS PA MA YIN NA'O ZHES BYA BA SMOS TE BSKO SHAM BYED PA LA ZHUGS PA'I DGE SLONG MA DE LA NYE DUS MGRON DU BOS PA MA YIN NA'O, ,'DIR GZHUNG NI ZHU BA KHA CIG LAS, DE'I TSIG GIS NYE DU'I GNAS NAS LTUNG BA MED DO ZHES GSUNGS PA YIN NO, ,BSKO SHAM BYED PA LA SPYIR GTANG BA BSTAN NAS DMIGS KYIS BSAL BA BSTAN PA'I PHYIR BYUG RIS STON PA DANG, MA BYIN PA LA BYIN DU 'JUG PA MA GTOGS SO ZHES BYA BA SMOS TE, RE ZHIG 'DIR BRIMS SHIG CES BYA BA LA SOGS PAS GRAL RIMS BZHIN DU MDUN DU BYUG RIS STON PAR BYED PA'O, ,MA BYIN PA LA SBYIN DU 'JUG PA NI, MA BYIN PA LA SBYIN DU 'JUG PA'O, ,

4b

CI ZHIG BYAS NA DE BYED PA PO YIN ZHE NA, DE'I PHYIR DE LA DGE SLONG GANG YANG RUNG BAS LHAN CIG MI ZA BAS KYANG RUNG BAS SRING MO KHYOD DGE SLONG RNAMS ZAN ZOS KYI BAR DU RE ZHIG SDOD CIG CES MA BSGO BAR DGE SLONG GSUM LA SOGS PA MGRON DU BOS PAS ZOS NA'O ZHES BYA BA SMOS TE, SDOD CIG CES BYA BA NI 'DI NI BZLOG PA'I DON LA MTSON PA YIN TE, SUS MA BSGO BAR ZHE NA, DE'I PHYIR DGE SLONG GIS ZHES BYA BA SMOS TE, CI LTUNG BA 'BYIN PAR BYED PA KHO NAS SAM ZHE NA, MA YIN TE, DE'I PHYIR GANG YANG RUNG BAS SO ZHES BYA BA SMOS SO, ,SNGAR LANGS PA DES BSKO BA BYAS NA YANG DE LA BSGO BA NYID YIN PAS DE'I PHYIR LHAN CIG MI ZA BAS KYANG RUNG BAS ZHES BYA BA SMOS TE, 'DIR GZHUNG NI DGE SLONG GZHAN DAG ZOS TE 'BYUNG ZHING GZHAN DAG 'JUG PAS ZHES GSUNGS PA YIN NO, ,THAMS CAD LANGS PAR GYUR ZIN CING GZHAN DAG 'KHOD PAR GYUR NA 'DUG PA'I MDUN ROL DU ZHUGS PA MA YIN TE, DE'I PHYIR 'DIR ZAN GCIG PA NYID MI 'THAD PA'O, ,DE BAS NA ZA BA PO THAMS CAD MA LANGS PA NYID LA SU ZHIG GIS LANGS NA ZHES BYA BA'I DON TO, ,'DIR ZAN GCIG PA'I DBANG DU BYAS TE 'DI BRJOD PAR RNAM PAR GNAS PA YIN NO, ,DGE SLONG GSUM LA SOGS PA MGRON DU BOS NA'O ZHES BYA BA NI, DE ZOS PA LA'O,, CI MGRON DU BOS PA GANG YANG RUNG BA ZOS PA LA'AM ZHE NA, DE'I PHYIR KHYIM DU'O ZHES BYA BA SMOS TE, GAL TE BRAM ZE DANG KHYIM BDAG GI KHYIM DU MGRON DU BOS PA DES SO, ,KHYIM NYID DU ZOS NA STE GZHAN DU MA YIN ZHES BYA BA'I DON TO, ,GANG ZHIG DGON PA DANG GTZUG LAG KHANG LA SOGS PA SBYIN BDAG KHYIM GYI MI THAMS CAD 'DUS PA'AM DES BSKOS PA LA SOGS PA NYE BAR GNAS PAS ZA BAS TE, DE'I KHYIM DU NI MA YIN ZHES SHES PAR BYA'O, ,KHYIM ZHES SMOS PAS NI DES KHONGS SU BSDU BA 'GRUB PA'I PHYIR RO, ,'DIR RANG GI TSOGS RNAMS LAS DMAN PA BDAG NYID GNAS PAS MA MO'I TSOGS KYI CHOS SO, ,RIGS 'DI GANG GIS 'DI NYES PAR SPYOD PA DE BAS NA SHIN TU DMAN PAR KHAS LEN PAR GYUR PA 'DI'I ZANG ZING 'PHROG PA NYID RTEN DU GYUR PA ZANG ZING GI GTZO BO NYID DU RJES SU 'GRO BAR GYUR PA GANG ZHIG BDAG POR MA GYUR KYANG BDAG PO BZHIN DU RANG GI TSOGS KYI KHONGS SU BSDUS PA MA MO'I

5a

, ,TSOGS ZANG ZING LA 'JUG PAR GYUR PA LHAG PAR GNAS TE ZANG ZING DE LA NYE BAR LONGS SPYOD PA DE BAS NA 'DI NI KHA NA MA THO BA'O, ,MANG POR GYUR PA RNAMS LA DE LTAR MI BRTEN PA 'DIR YONGS SU GYUR PA KHYIM GYI ZAS LAS GZHAN PAS 'DIR SHIN TU DKA' BA NYID GYI PHYIR NYE BAR GNAS PA LA YANG KHYIM GYI SKYE BO LA 'DIR SHIN TU RDZOGS PAR GYUR PA NYID KYIS GSOL BA NYAMS PA'O, ,DE BAS NA 'DI RNAMS LA 'DIR KHYAD PAR RNAMS BRTEN PA'O, ,KHYIM GYI ZAN LAS GZHAN PA GTZUG LAG KHANG LA SOGS PA'I ZAN LA GCIG GAM GNYIS ZA BAR BYED NA RJES SU 'BRANGS PAS RTOGS PAR BYA'O, ,'DIR DGE SLONG MA THAG JI SRID NA 'DUG PAR GYUR PA NA KHA NA MA THO BA JI LTA BU'I BYED PA PO YIN ZHE NA, DE'I PHYIR GAL TE TSIG DE NYE BAR GDAGS SU RUNG BA NA DNGOS GZHI'O, ,GAL TE MI RUNG NA NYES BYAS KYI'O ZHES BYA BA SMOS TE SRING MO KHYOD SDOD CIG CES BYA BA SMOS NA GAL TE DGE SLONG MA 'DI NYE BAR SPYOD PA THOB PAR 'GYUR TE, GANG DU SMRA BAR NUS NA LTUNG BA DNGOS GZHI'I BYED PA PO YIN NO, ,GAL TE NYE BAR MA GDAMS SHING MA BSGO NA NYES BYAS KYI BYED PA PO YIN NO ZHES BYA BA'I DON TO, ,SNGA MA DAG GI SO SOR BSHAGS PAR BYA BA LA 'DIR NYES BYAS KYI GZHUNG NI GANG DAG BAR MA'I SA LA ZA BAR BYED PA RE RNAMS KYIS DRI BAR BYA'O, ,DGE SLONG MA DE LA BSGO'AM ZHES DRI BAR BYA STE, MA DRIS PAR ZA NA NYES BYAS SU 'GYUR RO, ,GANG DAG SGO KHANG NA ZA BA DE DAG GIS DGE SLONG MA DE LA BSGO'AM ZHES DRI BAR BYA STE, MA DRIS PAR ZA NA NYES BYAS SU 'GYUR RO ZHES GSUNGS PA YIN NO, , 'DIR DNGOS GZHI'I GZHUNG NI DGE SLONG DAG KHA CIG NI KHANG THOG NA ZA BAR BYED LA, KHA CIG NI BAR KHANG NA ZA BAR BYED LA, DE LA GAL TE DGE SLONG MA BSKO SHAM BYED CING 'DUG PAR GYUR NA DGE SLONG DE RNAMS KYIS DGE SLONG MA DE LA BSGO BAR BYA'O, ,MA BSGO BAR ZAN ZA NA SO SOR BSHAGS PAR 'GYUR RO, , 'DIR GZHUNG DGAGS, DGE SLONG DAG KHA CIG NI 'OG KHANG NA ZA BAR BYED LA, KHA CIG NI SGO KHANG NA ZA BAR BYED LA, DE NA GAL TE DGE SLONG MA BSKO SHAM BYED CING 'DUG PAR GYUR NA DGE SLONG DE DAG GIS DGE SLONG MA DE LA BSGO BAR BYA'O, ,MA BSGO BAR ZA NA SO SOR BSHAGS PAR 'GYUR RO ZHES GSUNGS PA YIN

5b

NO; ,GANG ZHIG 'DIR DRI BAR BYA BA NYID KYI TSIG 'DU SHES PAS BSGO BAR BYED PA NYID DU RNAM PAR GNAS PA DE BAS NA 'DI 'DRI BAR BYA BA NYID CES BYA BA DE LA 'DI STON PAR BYED PA YIN NO, ,DE NYID BRJOD PAR BYA STE 'DI LA BSGO BA NYID DU RNAM PAR GNAS PA NI SHES GTZO'O, ,DE'I PHYIR DRI BA LA BRTZON PAR BYA'O ZHES BYA BA SMOS TE, SHES GTZO'O ZHES BYA BA NI GANG GI PHYIR 'DU SHES GTZO CHER BYED PA PO NYID YIN PA'I PHYIR BSLAB PA'I GZHI LA BSGO BA RNAM PAR GZHAG PA LA'O, ,'DI LA RGAN PA MI 'JUG NA GSAR BUS 'JUG PAR BYA'O ZHES BYA BA NI DRI BA 'DI LA RGAN PAS 'JUG PAR BYA'O, ,DE MI 'JUG NA GSAR BUS 'JUG PAR BYA'O, , GRAL RIMS SU MA PHEBS PAR 'DRIM DU 'JUG PA MA BZLOG PAR ZA BA'I SO SOR BSHAGS PAR BYA BA STE GNYIS PA'O,, ,,DAD PA CAN GAL TE BYIN NA DE PHONGS PAR 'GYUR BA LTA NA KHYIM GYI BSLAB PA'I SDOM PA SBYIN PAR BYA'O ZHES BYA BA LA, DAD PA CAN ZHES BYA BA NI KHYIM BDAG STE, DE LA KHYIM GYI BSLAB PA'I SDOM PA SBYIN PAR BYA'O ZHES BYA BAR SBYAR RO, ,GAL TE SBYIN NA PHONGS PAR GYUR PA LTA NA ZHES BYA BA NI GAL TE SBYIN PA BYIN NA DAD PA CAN DE YO BYAD RNAMS KYIS PHONGS PAR 'GYUR BA LTA NA DE NA SDOM PA SBYIN PAR BYA ZHES BYA BA'I DON TO, ,'DIR PHAL CHER KHAS BLANGS TE SKYE BA'I DBANG GIS BSLAB PA RNAMS BRJOD, 'DIR PHAL CHER 'PHAGS PA LA SBYIN PA LA DAD PA 'JUG PAR BYED PAR 'GYUR BA YIN TE, DE BAS NA SO SO'I SKYE BO LA YANG CHO GA 'DI YIN NO, ,DAD PA CAN BZANG PO DE DGE BA'I BSAM PA DANG LDAN PA DE LA CUNG ZAD MI STER BA DANG MI 'DIR BAR YONGS SU 'DOR MI PHOD PA YOD PA YIN TE, SANGS RGYAS LA ZHES BYA BA LA SOGS PAS DAD PA TZAM GYIS 'BUL BA KHAS BLANGS PAS SHIN TU BDE BLAG TU YANG SO SO'I SKYE BO LA BSRUNG BAR BYA BA NYID DU RNAM PAR NGES TE 'DIR DAD PA TZAM ZHES SMOS PAS SLOB BZHIN PA'I DAD PA LA NI MA YIN NO, ,KHYIM GYI ZHES BYA BA LA KHYIM LA LHAG PAR GNAS PA'I BSLAB PA NI KHYIM GYI BSLAB PA'O, ,DE'I SDOM PA NI SDOM PAR GYUR CING NGES PA YIN PAS DGE SLONG RNAMS LA SDOM PA DE SBYIN PAR BYA'O, ,JI LTAR 'JUG CING SBYIN PAR BYA ZHE NA, DE'I PHYIR GSOL BAS SO ZHES BYA BA SMOS TE, GSOL BA 'BA' ZHIG GI LAS KYIS SO ZHES BYA BA'I DON TO, ,JI LTAR BAG YANGS SU BYA

6a

, ,ZHE NA, DE'I PHYIR BAG YANGS SU BYA BA YANG NGO ZHES BYA BA SMOS TE, 'DI YANG GSOL BA 'BA' ZHIG GI LAS KYIS BYA BA'O ZHES BYA BA'I DON TO, ,BYIN PA DE'I SEMS RTOGS NAS KHYIM DU 'GRO BA DANG, STAN LA 'DUG PA DANG CHOS BSTAN PA DAG BYA'O ZHES BYA BA LA BYIN BA DE'I ZHES BYA BA NI GANG LA KHYIM GYI BSLAB PA'I SDOM PA DE BYIN PA DE NI BYIN PA DE ZHES BYA BA STE DE'I SEMS RTOGS PAS SO, ,LHUNG BZED STONG PAS 'JUG PAR MI BYA'O ZHES BYA BA NI, BSLAB PA'I SDOM PA BYIN PA'I KHYIM DU 'JUG PAR MI BYA'O, ,DE'I BYIS PA SLONG BA DAG LA BSOD SNYOM LAS SNUM KHUR SBYIN PAR BYA ZHING RIL GYIS NI SBYIN PAR MI BYA'O ZHES BYA BA NI, RIL PO DANG RIL PO MA YIN PA ZHES BYA BA'I KHYAD PAR MA BRJOD PAS THAL CHES PA LA RIL PO MA YIN PA ZHES BYA BA SMOS SO, ,GANG DU KHYIM GYI BSLAB PA'I SDOM PA 'DI LA BAG YANGS SU BYA'AM ZHE NA, DE'I PHYIR 'DOD NA BAG YANGS SU BYA'O ZHES BYA BA SMOS TE, GAL TE DAD PA CAN DE BAG YANGS SU BYA BA DE 'DOD PAR GYUR NA DE'I TSE DE LA KHYIM GYI BSLAB PA'I SDOM PA DE BAG YANGS SU BYA ZHING GZHIG PAR BYA'O, ,GANG LA BSLAB PA DRAL TE KHYIM DU 'JUG PA'I SO SOR BSHAGS PAR BYA BA 'BYUNG BAR 'GYUR ZHE NA, DE'I PHYIR DE'I SBYIN PA'I MDUN DU MGRON DU MA BOS PAS; BSLAB PA'I SDOM PA SBYIN PA'I KHYIM NAS BCA' BA DANG BZA' BA DAG BLANGS SHING ZOS PA LAS TE, GA GON DANG LA PHUG DANG LDAM LDUM MOD PA DAG NI MA GTOGS SO ZHES BYA BA SMOS TE, JI SRID DU GCIG TU SBYIN PA NYID DE SRING NGU 'DIR KHYIM GCIG PA NYID DO, ,'DIR KHYIM NI MTSON PA TZAM YIN TE, YONGS SU GZUNG BA MED PAR DGE SLONG LA SOGS PAS SLOB MA LA SOGS PA GSO BAR BYED PA LA CHO GA 'DI YIN NO, ,BSLAB PA'I SDOM PA SBYIN PA'I RIGS PAS GZUNG STE, BCA' BAR BYA BA DAG ZA BAR BYED NA ZHES BYA BA DE LTAR 'DI 'BREL PA'O, ,CI 'DI THAMS CAD LA BSHAGS PAR BYA'O ZHES BYA BA 'DI LA SBYIN PA'I SNGA ROL DU SPYAN MA DRANGS PA ZHES BYA BA'I THA TSIG GO, ,BSLAB PA'I SBYIN PA LAS SNGA ROL DU SPYAN DRANGS PA LA BSLAB PA BYIN NAS ZA BAR BYED PA LA LTUNG BA MED DO, ,CI BCA' BAR BYA BA THAMS CAD ZA BAR BYED PA YIN NAM ZHE NA, DE'I PHYIR GA GON DANG LA PHUG DANG LDAM LDUM MOD PA DAG NI MA

6b

GTOGS SO ZHES BYA BA SMOS TE, DE RNAMS ZA BAR BYED PA LA LTUNG BA MED DO, ,'DI NI HA CANG YANG 'DOD PA CHE BA YIN TE GANG ZHIG KHYAD PAR CAN GYI BSLAB PA NYAMS PAR BYAS NAS 'JUG PA ZHES BYA BA SMOS PA NI LTUNG BA RNAM PAR GZHAG PA'O, ,BSLAB PA DRAL TE KHYIM DU 'JUG PA'I SO SOR BSHAGS PAR BYA BA STE GSUM PA'O,, ,,NAGS NYUL BA'I DGE SLONG BSKO BAR BYA'O ZHES BYA BA NI 'DIR GZHAN LA YID CHES PAR BYA BA MA YIN TE, DE BAS NA DGE SLONG LA 'DI LTAR BRTEN PA'O, ,DE GANG GI PHYIR BSKO BA DE'I LAS BSTAN PA'I PHYIR DES DPAG TSAD PHYED KHO RA KHOR YUG TU BRTAG PAR BYA'O, ,'JIGS PA DANG BCAS PA NYID YIN NA DUD BRNGA BTUL BAR BYA'O, ,BA DAN SNGON PO BSGRENG BAR BYA'O, ,'DAB MA'I CHANG BU LAM KAR GZHAG PAR BYA'O, ,GZHAN DU NA DKAR PO DAG GO, ,'DOD PA NYID YIN NA NI DE LA KHYE'U SUS DANG GROGS DAG KYANG SBYIN PAR BYA'O ZHES BYA BA NI NAGS NYUL BA DON DU GNYER BA YOD PAR GYUR NA SBYIN PAR BYA'O, ,SHES GTZO'O ZHES BYA BA NI 'DU SHES GTZO CHAR BYED PA PO NYID DO, ,GANG LA 'DU SHES PA YIN ZHE NA, DE'I PHYIR NAGS MA NYUL BA NYID LA'O ZHES BYA BA SMOS TE, RE ZHIG BDAG GI DON NI GRUB ZIN GYI, DGE 'DUN GYI DANG SBYIN PA PO'I GNOD PA BSRUNG BA 'DIS KHO BO LA CI ZHIG BYA ZHES BYA BA BDAG NYID BKANG BA TZAM GYIS CHOG PAR 'DZIN CING 'JIGS PA DANG BCAS PA'I GNAS SU ZAS BLANGS TE ZA BA LA KHA NA MA THO BA 'DIR 'GYUR RO, ,DE LTAR YANG GZHUNG NI DGE 'DUN GYI DGON PA'I GNAS DOGS PA DANG BCAS PAR GRAGS PA, 'JIGS PA DANG BCAS PAR GRAGS PA, 'JIGS PA THA DAD PAS 'JIGS SU RUNG BA DANG BCAS PAR GRAGS PA ZHIG TU ZHES GSUNGS PA YIN NO, ,DE BZHIN DU BSRUNG BA BSGRUB PA DANG, 'JIGS PA'I GNAS GZHAN LA 'JUG PAR GYUR PA NYID LA NA SMAD PAR BRJOD PA DE BAS NA 'JIGS PA DANG BRAL BA NYID KYIS MA LUS PAR SHES PA NYID LAS, 'DIR NAGS LA ZHES BYA BA 'DI'I DON RTOGS PAR BYA'O, ,DGON PAR GYUR PA NYID TZAM LAS DGONGS TE GSUNGS PA YIN GYI SHING LJON PA'I TSOGS THIBS PO 'BA' ZHIG LA MI BYA'O, ,'JUG PA GANG LA 'DI BYED PA PO YIN ZHE NA, KUN DGA' RA BA'I PHYI ROL GYI DGON PAR BCA' BA DANG BZA' BA BLANGS TE ZOS NA'O ZHES BYA BA SMOS TE, DGON PA

7a

, ,NAS RGYANG GRAGS KYI MTHA' GANG YIN PA DE NI GRONG DANG KUN DGA' RA BA LA SOGS PA DGE SLONG RNAMS KYI SPYI LA PO'I GNAS SO, ,DE'I PHYI ROL DU BCA' BAR BYA BA DANG BZA' BAR BYA BA DAG SO SOR BLANGS TE, GANG YANG RUNG BAR DE DAG ZOS NA ZHES BYA BA'I DON TO, ,BSRUNG BA BSGRUBS NA PHYED NYID DO ZHES BYA BA NI, 'JIGS PA MED PA NYID DU BYUL BAS DGON PA'I BSRUNG BA BSGRUBS PAR GYUR PA DE'I TSE BCA' BA DANG, BZA' BA DAG ZOS NA PHYED NYID DE MA CHOG PAS NYES BYAS BYED PA NYID YIN NO ZHES BYA BA'I DON TO, ,'DIR MDO SNGA MA DANG 'DI GNYIS KYI GZHUNG NI ZHU BA LAS BTZUN PA RE ZHIG DGE SLONG GI KUN DGA' RA BA'I PHYI ROL DU RANG GI LAG PAS BCA' BA DANG BZA' BA BLANGS TE 'TSAL BAR BGYID CING, CHOM RKUN PA DAG KYANG SLAR BZLOG PAR BGYID, SBYIN PA PO DANG SBYIN BDAG KYANG BDE BAR KUN DGA' RA BAR 'JUG PAR BGYID NA LTUNG BA CIR 'GYUR, NYES BYAS SO ZHES BYA BA GSUNGS PA NI MDO SNGA MA'I GZHUNG YIN NO, ,BSHUL GYI PHYED DU MCHIS TE 'TSAL NA LTUNG BA CIR 'GYUR, NYES BYAS SO ZHES BYA BA GSUNGS PA YIN NO, ,'JIGS PA DANG BCAS PA'I GNAS LAS GZHAN DU GYUR PA NYID DU YANG NGO ZHES BYA BA LA YANG NGO ZHES BYA BA'I SGRA NI ZA BA LA YANG PHYED NYID DO ZHES BYA BA'I RJES SU BSNYAGS PA'I PHYIR SMOS SO, ,SO SOR BSHAGS PAR BYA BA GSUM PO RNAMS LA YANG RANG GIS SHES PA MA SMOS PAS SPRING YIG LA SOGS PA DANG MNGAGS PAS BLANGS PA LA YANG KHA NA MA THO BA 'DRA BAR RIG PAR BYA'O, ,NAGS BRTAG PA LAS GYUR PA'I SO SOR BSHAGS PAR BYA BA STE BZHI PA'O, ,SO SOR BSHAGS PA RNAMS RDZOGS SO,, ,,SHAM THABS CI NAS KYANG ZLUM POR 'JUG PAR 'GYUR BA DE LTAR BGO BAR BYA'O ZHES BYA BA LA, 'DUG PA ZHES BYA BA NI MNYAM PAR 'DUG PA'O, ,HA CUNG RTZENGS PA MA YIN PAR YANG NGO, ,HA CANG 'JOL BA MA YIN PAR RO ZHES BYA BA NI ZLUM BOR ZHES BYA BA 'DI LA MA BSAMS PAR GYUR PA 'DI MCHOG TU GYUR PA ZHES BYA BA LA SOGS PA GZHAN DANG 'BREL PA ZHES BYA BA'I DON 'DI SHES PAR BYA BA'I PHYIR YANG NGO ZHES BYA BA'I SGRA SMOS SO, ,GRVA GLANG PO CHE'I SNA LTAR NAR BA MA YIN BAR RO ZHES BYA BA LA, GRVA ZHES

7b

BYA BA NI PHYOGS GCIG STE 'OG MA LA YANG 'DI DANG 'BREL BAR RIG PAR BYA'O, ,GLANG PO CHE'I SNA LTAR ZHES BYA BA 'DI LA 'DIR KHA TSAR DANG PHUN TSAR GYI MTHA' MA BCAD PA'I GRVA DAG LA SHIN TU 'BYUNG BA'O, ,GONG DU MA LTEBS PAR RO ZHES BYA BA NI LTE BA'I GONG ROL DU LTEBS SHING GNAS PA'O, ,SPRUL MGO'I GDENGS KA LTAR PHYIR BYUNG BA MA YIN PAR RO ZHES BYA BA'I RNAM PA 'DI NI MDUN GYI NANG NA 'BREL PA'I RIM PA LA GONG DU MA LTEBS PAR RO ZHES BYA BA'I RNAM PA 'DI DAG RIG PAR BYA'O, ,PHUR MA LTAR 'DUG PA MA YIN PAR RO ZHES BYA BA NI, 'DI NI STENG GI KHA LOGS NA GNAS PA'I RNAM PA YIN GYI; GLO NAS PHYI ROL GYI RIM PA DANG 'BREL PA NI MA YIN PA'O, ,CHOS GOS CI NAS KYANG DANG PO GSUM LTAR 'GYUR BA DE LTAR BGO BAR BYA'O ZHES BYA BA LA, CHOS GOS ZHES BYA BA NI BLA GOS DANG SNAM SBYAR RO, ,SHAM THABS BYIN GYIS BRLABS PA LA SOGS PA DAG LA YANG RNAM PA 'DI DAG RIG PAR BYA'O; ,DANG PO GSUM ZHES BYA BA NI ZLUM POR 'DUG PA DANG HA CANG RTZENGS PA MA YIN PA DANG, HA CANG 'JOL BA MA YIN PA ZHES BYA BA DE DAG GO, ,SHIN TU BSDAMS SHING KHYIM GZHAN DU 'GRO BAR BYA'O ZHES BYA BA NI RNAM PAR RAB TU BRTAG PA LA NGES PAR SBYAR BA STE, LEGS PAR BGOS SHING NGO, ,SKRA BSKYUNG ZHING NGO, ,MIG G-YENG BAR MI BYA ZHING NGO, ,GNYA' ZHING GANG TZAM DU BLTA ZHING NGO ZHES BYA BA NI MIG GI DBANG PO G-YENG BAR MI BYA ZHES BYA BA'I DON TO, ,DE LTAR YOD PAR 'GYUR BA MA NGES PAS THAMS CAD DU BLTA BAR BYA BA'AM SNYAM PA'I THAL BA SPANGS PA'I PHYIR GNYA' ZHING GANG TZAM DU BLTA ZHING NGO, ,MGO MI G-YOGS PA'I RNAM PAS SO, ,MI BRDZE BAR RO ZHES BYA BA STE, RNAM PAS SO ZHES BYA BA NAS BRDZES TE 'GRO BAR MI BYA ZHES BYA BA'I DON DU SBYAR BAR BYA'O, ,DE LTA BAS NA THA MA LA BAR GNAS PA CHAR PA LA SOGS PA'I GNOD PA BYUNG YANG SHAM THABS DANG CHOS GOS BRDZES TE 'GRO BAR MI BYA STE, SROG GI BAR CHAD NI MA GTOGS SO ZHES BYA BAR RTOGS PAR BYA'O, ,MA NYAM PA'I GNAS SKABS SU SHIN TU MCHOG MA YIN NO ZHES BYA BA DE NYID KYIS GRUB PA'I PHYIR MI GZAR BAR RO ZHES BYA BA SMOS TE, SO SOR GZAR TE STENG DU BGOS TE GZAR BA NI CHOS GOS KYI DNGOS PO'O, ,DGE SLONG DAG LA NI PHRAG PA G-YON PAR

8a

, ,GZAR BA NYID YIN LA, GANG ZHIG DE RNAMS LA NGOS GNYIS KAR SOR BCU GNYIS KYI RNAM PA NYID KYIS MI GZAR BA'O, ,GNYA' GONG DU MI BSNOL BAR RO ZHES BYA BA NI DAL BA 'AM SHIN TU MYUR BAR LAG PA BRKYANG ZHING GNYA' BA LA SOGS PAR DPUNG PA'AM LAG NGANG GZHAG PAS, GANG ZHIG KUN NAS 'DUG PAS LAG PA PHAN TSUN BSNOL ZHING DE LTAR BYAS NAS NI MA YIN NO, ,LTAG PAR MI BSNOL BAR RO ZHES BYA BA NI LTAG PA'I PHYOGS SU LAG PA PHAN TSUN NAS SPRAD DE SOR MO BSNOL BA NI LTAG PAR BSNOL BA ZHES BYA STE, DE LTAR MI BSNOL BAR RO, ,MI BRKYANG BAR NGO ZHES BYA BA NI SGYID PA GNYIS KAS SAM, GNYIS KAS MA YIN PAS BRKYANG BSKUM BYED CING 'GRO BAR MI BYA'O, ,MI MCHONG BAR RO ZHES BYA BA NI MCHONG ZHING MCHONG ZHING 'GRO BAR MI BYA'O, ,TZOG PUS MA YIN PAR RO ZHES BYA BA NI TZOG PUS 'GRO BAR MI BYA'O, ,BRANG BAS MA YIN PAR RO ZHES BYA BA NI BRANG BAS 'DIS BYAS PA ZHES BYA BAR SBYAR TE, BRANG BAS BYAS PA ZHES BYA BA'I DON TO, ,DKUR MI BRTEN PAR RO ZHES BYA BA NI LAG PA GNYIS RKED PA'I PHYOGS SU BRTEN TE GRU MO'I PHYOGS SU SMYUNG SMYUNG POR BYAS TE 'GRO BAR MI BYA'O, ,LUS MI BSGYUR BAR RO ZHES BYA BA NI GANG DU 'GRO BA DER LUS BSGYUR ZHING 'GRO BA NI LUS BSGYUR ZHING 'GRO BA ZHES BYA STE DE NI BYA BA'I BYE BRAG YIN PAS DE LA 'BREL PA DE 'DIS NI 'OG MA DAG KYANG BSHAD PA'O, ,LAG PO MI KYOG PAR RO, ,MGO MI SGYUR BAR RO, ,PHRAG PA MI SPRAD PAR RO ZHES BYA BA NI PHRAG PA GNYIS SPRAD PAS MA YIN NO, ,LAG PA MI SGREL BAR RO ZHES BYA BA NI LAG PA SBREL BA BKAG PA MA SBREL BA'I RNAM PAS GANG ZHIG SBREL BA ZHES BYA BAR RTOGS PA'O, ,KHYIM GZHAN DU 'GRO BAR BYA'O ZHES BYA BA NI LEGS PAR BGOS SHING ZHES BYA BA LA SOGS PA 'DI'I MTHAR THUG PAR SBYAR BAR BYA'O, ,DER MA BSGO BAR STAN LA 'DUG PAR MI BYA'O ZHES BYA BA LA DER ZHES BYA BA NI KHYIM GYI NANG DU'O, ,STAN LA MA BRTAGS PAR MI BYA'O ZHES BYA BA NI 'DUG PAR MI BYA'O, ,LUS THAMS CAD KYI LJID KYIS MI DBAB PAR RO ZHES BYA BA NI KHYIM GZHAN DE STAN LA ZON YOD PAR DAL BUS LUS PHAB STE 'DUG PAR BYA'I, GYA TSOM DU LUS THAMS CAD KYI LJID KYIS PHAB STE

8b

KHRIG CES BYA BAR 'DUG PAR MI BYA STE, GANG GI PHYIR DAL BU DAL BUS STAN LA 'DUG PAR BYA'O ZHES BYA BA'I DON TO, ,RKANG BA MI BSNOL BAR RO, ,BRLA MI BSNOL BAR RO, ,LONG BU'I STENG DU LONG BU MI GZHAG PAR RO ZHES BYA BA LA, MI BSNOL BAR RO ZHES BYA BA 'DI GNYIS KA LA SBYAR BAR BYA'O, , RKANG PA MI DGUG PAR RO, ,RKANG PA MI GDANG BAR RO, ,MDOMS MI SNANG BAR RO ZHES BYA BA 'DIS NI BRLA GNYIS SAM BYIN PA GNYIS SAM RKANG PA GNYIS SAM YANG NA THAMS CAD KYANG RUNG STE, THAD KAR GDANGS TE 'DUG PAR MI BYA BA BSTAN TO, ,LAG PA 'GRAM PA LA BRTEN TE MI BYA'O ZHES BYA BA NI DGE SLONG MA'I RNAM PAR 'BYED PA LAS RNAM PA 'DI LA RNAM 'BYED DU GYUR PA DANG MDOR GYUR PA'I GZHUNG MTHONG BAR YIN NO, ,STAN THABS BSKUR BAR MI BYA'O ZHES BYA BA NI STAN GANG LA 'DUG 'DUG PA DE RGYAB KYIS KHUR ZHING 'GRO BAR MI BYA'O ZHES BYA BA'I DON DE 'DI YANG DGE SLONG MA'I RNAM PAR 'BYED PA LAS SO, ,THAMS CAD DU LEGS PAR ZAS BLANG BAR BYA'O ZHES BYA BA NI GRONG KHYER 'BA' ZHIG TU MA ZAD KYI 'ON KYANG 'DI NI GZHAN 'OG MA RNAMS THAMS CAD LA SLOB PA RNAMS KYI DBANG DU BYAS PA YIN NO, ,BLANG BAR BYA'O ZHES BYA BA NI GZHAN GYI DON LA YANG BSLAB PA NI 'DI YIN NO, ,DE LTA BAS NA GZHAN GYI DON CAN GYI TSIG GIS BSTAN PA'O, ,MU DANG KHA DA CHAD DU MA YIN PAR NGO ZHES BYA BA LA MU ZHES BYA BA'I SGRA NI KHA LOGS KYI MUL BYA STE, CI NAS KYANG MU DANG KHA DA CHAD DU 'GYUR BA DE LTAR BLANG BAR MI BYA STE 'DI NI 'JUG PA'I LAM ZHES BYA BA'I 'JUG PA 'DIS SO, ,JI LTAR DE DANG MNYAM PA GZHAN 'GYUR BA DE LTAR BLANG BAR MI BYA ZHES BYA BA'I DON TO, ,MA CHOG PA NYID JI SNYED MA NYID LA MA CHOG PAR BTAGS PA DE SNYED PA NYID NI 'DIR LTUNG BA MED PAR BYAS PA NYID LA MTHAR THUG PAR RIG PAR BYA'O, ,MTHE BO'I LTO GANG GIS MU LA REG PAR MI BYA ZHES BYA BA DANG 'GAL BAR 'DI LTAR SHES PAR BYA BA MA YIN TE, DE NI DON LA LHUNG BZED KYI TSAD LA RIGS PA MA YIN PAS DE'I PHYIR TSIG 'DI'O, ,TSOD MA DANG MNYAM PA MA YIN PAR RO ZHES BYA BA NI BZA' BA GANG LA TSOD MA DANG MNYAM PA DE NI TSOD MA DANG MNYAM PA STE, DE LTAR BLANG BAR MI BYA'O, ,'DIR TSOD MA ZHES BYA BA NI BYA NA THAMS CAD KYI DPE YIN NO, ,TSOD

9a

, ,MA JI TZAM GYI MU DANG KHA DA CHAD DU 'GYUR BA STE, 'DIR DGAG PA NI MA YIN TE DE BAS NA TSIG 'DI'O, ,SNGA MA KHO NAS BYAS PA NYID KYI PHYIR 'DIR THAMS CAD GRUB CING SMIN PAR BZA' BAR BYA BA THAMS CAD BSOD SNYOMS NYID DU BSTAN PA RNAM PAR GNAS PA YIN NO, ,DE'I PHYIR LUS DANG SBYAR BAS RANG LA DGOS PA'I TSAD LAS LHAG PAR TSOD MA LEN PA DE BKAG PA YIN NO, ,'DIR TSOD MA SMOS PA NI MTSON PA TZAM YIN GYI, TSOD MA LA YANG RNAM PA 'DI YIN TE, DE LTAR YANG 'DIR GZHUNG NI MA MO LAS JI TZAM GYIS DE 'TSO BAR GYUR PA DE LAS LHAG PAR LEN TAM ZA NA THA NA KHAM GCIG TZAM DU ZIN KYANG DANG PAS SBYIN PAR BYA BA CHUD GSAN PAR BRJOD PAR BYA'O ZHES GSUNGS PA YIN NO, ,MA MO LAS GANG GI TSE TSOD 'DZIN BAR MI NUS SAM PHYIR BZLOG PAR MI NUS PAS, YON BDAG GIS NAN GYIS BLUGS PA DANG RJES SU SNYING BRTZE BAS LEN NA DE'I TSE 'BRAS CHAN LA SOGS PA LHAG PAR LEN CING GZHAN NAM SU YANG RUNG BA LA SBYIN NO SNYAM PA DE LA NI LTUNG BA MED BAR RIG PAR BYA'O, ,MTHAR CHAGS SU'O ZHES BYA BA NI STAN LA CI LTAR 'DUG PA'I GRAL GYI RIM PA BZHIN DU ZAN BLANG BAR BYA'O, ,'DIR RGAN RIMS SU BYA BA NI MA YIN GYI DE BAS NA JI LTAR RGAN RIMS KYIS 'DUG PA LA NYES PA 'DI MI BSKYED PA'O, ,'DIR NYES DMIGS 'DI NI MNYAM PA YIN TE, GANG DU THA SNYAD 'DI'O, ,DE NI SNGON DRUG SDE RNAMS ZAN ZAB NA TSOD MA 'PHRAL DU BRI MA PA MI NOD PAR 'OG TU THAG RING DU THAL BA DANG 'DOD PAS BRI MA PA 'KHRUGS SHING LONG LONG DU GYUR PA'I NYES DMIGS DE LTA BU BSAL BA'I PHYIR RO, ,LHUNG BZED LA LTA ZHING NGO ZHES BYA BA LA 'DIR LHUNG BZED LA BLTA BA ZHES BYA BA NI 'DIR YID KYIS BLTA BA LA BYA'O, ,MIG GI DBANG POS NI MA YIN NO, ,DE LTA BAS NA LHUNG BZED DANG 'BREL PA'I YID KYIS ZAS LEN PAR BLANG BAR BYA BA YIN GYI, THA SNYAD LAS BYUNG BA NI GNYA' ZHING GANG TZAM DU LTA BA'I SKABS SU BKAG ZIN TO, ,BCA' BA DANG BZA' BA MA 'ONGS PAR LHUNG BZED MI BZED PAR RO ZHES BYA BA NI LHUNG BZED DO, ,STENG DU BZUNG BAR MI BYA'O ZHES BYA BA NI BCA' BA DANG BZA' BA LA LHUNG BZED DO, ,LEGS PAR ZAS BZA' BAR BYA'O, ,KHAM HA CANG

9b

CHUNG BAR MA YIN PAR RO, ,KHAM HA CANG CHE BAR MA YIN PAR RO ZHES BYA BA LA, KHAM ZHES BYA BA NI KHAR KHAM TSAD DU GZHUG CING MID PAR BYA BA'I PHYIR KHAM ZHES BYA BA STE DE BAS NA KHAM RAN PAR RO, ,KHAM MA GZAS PAR KHA MI GDANG NGO, ,KHA KHAM GYIS BKANG STE MI SMRA BAR BYA'O, , YANG 'DOD PA'I PHYIR 'BRAS CHAN GYIS TSOD MA MID DGAB TSOD MAS 'BRAS CHAN MI DGAB PAR RO, ,TZUG TZUG MI BYA'O ZHES BYA BA NI TZUG TZUG ZER ZHING ZAS BZA' BAR MI BYA'O, ,DGAB PA DANG GDANG BA ZHES BYA BA 'DI DAG LA 'DI LA NUS PA MED PA'I PHYIR 'BREL PA MED PA NYID DO, ,DE BAS NA 'DIR MNGON PAR 'BAB PA'O, ,DE TZAM GYIS 'DI LA RTOGS PA NYID KYI PHYIR, RNAM PA 'DI DAG BAR DU BCAD PA'I PHYIR BRTAG PA MA YIN NO, ,CAG CAG MI BYA'O, ,HU HU MI BYA'O, ,PHU PHU MI BYA'O ZHES BYA BA NI DE SKAD ZER ZHING BSOD SNYOMS BZA' BAR MI BYA'O, ,KHA KHAM GYIS BKANG STE MI SMRA BAR BYA'O, ,'BRU NAS THA DAD MI BYA'O ZHES BYA BA NI DE LTAR BYAS TE BSOD SNYOMS BZA' BAR MI BYA'O, ,'DIR RIGS PA NI DE MA THAG TU SMOS PA DE NYID YIN TE, DE RNAMS NI KHA'I RNAM PAR 'GYUR BA'I SGRA'I BYE BRAG YIN PAS 'DI NI RNAM PAR 'GYUR BA BYED PA'I PHYIR DGAG PA YIN GYI, DE BRTAG PA'I PHYIR DGAG PA NI MA YIN PAR SHES PAR BYA'O, ,'PHYAS MI GDAGS SO, ,MKHUR BA MI SPO'O, ,KHAM 'PHROR MI GCAD DO, ,LCE PHYUNG STE ZAS MI ZA'O, ,MCHOD RTEN 'DRA BAR BYA STE MI GZHOM MO, ,LAG PA MI BLDAG GO, ,LHUNG BZED MI BYOG GO, ,LAG PA MI SPRUG GO; ,LHUNG BZED MI BSKYAM MO, ,RKAN MI GTOG GO ZHES BYA BA LA 'DI NI GZUNG BA'I TSIG YIN TE LAG PA MI BLDAG PA DANG LHUNG BZED MI BYOG PA DANG, LAG PA MI SPRUG PA DANG, LHUNG BZED MI BSKYAM PA DANG, RKAN MI GTOG PA ZHES BYA BA NI 'DIR DGE SLONG MA'I RNAM PAR 'BYED PA LAS SO; ,LHUNG BZED KYI 'DU SHES CAN KHA ZAS YANG DAG PAR SHES SHING LHUNG BZED DANG 'BREL PA'I MIG GIS ZHES BYA BA'I DON TO, ,'DIR MIG NI YID YIN TE, DE BAS NA DE DANG 'BREL PA'I YID CES BYA BA DE LA 'DI BSTAN PA'O, ,LHUNG BZED KYI DGOS PA LA BSTAN PAR RIGS PA MA YIN TE,

10a

, ,DE BAS NA DE'I DBANG GIS 'DIR LTA BA'I RNAM PAR RTOG PAR BYED BA LA LTUNG BA MED DO ZHES GSUNGS PA YIN NO, ,DRUNG NA 'DUG PA'I DGE SLONG GI LHUNG BZED LA 'PHYAS GDAGS PA'I BDAG NYID CAN GYI DON LA RJES SU BSGRUB PA MTHONG ZHING BLTA BA'O, ,LAG PA ZAS DANG 'BAGS PAS CHU SNOD LA MI BZUNG NGO, ,DRUNG NA 'DUG PA'I DGE SLONG LA ZAS DANG 'BAGS PA'I CHUS MI GTOR RO, ,KHYIM PA 'DUG PA LAM DRIS PAR DE'I KHYIM DU MI DBO'O ZHES BYA BA LA DE ZHES BYA BA NI ZAS DANG 'BAGS PA'I CHU'O, ,LHUNG BZED KYI NANG DU ZAS KYI LHAG MA BLUGS TE MI DOR RO, ,LHUNG BZED LEN GSUM BKRUS TE GTZUG LAG KHANG GI TSIGS SU BCAD PA DAG GIS BZLAS BRJOD BYAS PA'I LHUNG BZED KYI CHU SBYIN PAR BYA'O, ,'OG GZHI MED BA'I SA PHYOGS SU LHUNG BZED MI GZHAG PAR RO, ,'GRENG STE LHUNG BZED MI BKRU BAR RO, ,DE GNYIS DE GSUM DU MI BYA BAR RO ZHES BYA BA LA GNYIS PO NI BKRU BA DANG GZHAG PA'O, ,GANG KAM YIN PAR RO, ,G-YANG SA MA YIN PAR RO, ,DKAN GZAR PO MA YIN BAR RO, ,LAM GYI BZHI MDOR MI BYA'O, ,DES 'BAB CHU DRUG PO'I RGYUN LAS BZLOG STE CHU MI BCU BAR RO, ,BSHANG GCI YAN CHAD NI MI NA BA LA'O, ,LANGS TE BSHANG GCI MI BYA'O ZHES BYA BA 'DI'I GONG ROL DU DE DAG LA NI MIN BA'O ZHES BYA BAR SBYAR BAR BYA'O, ,DER BSHANG BA DANG GCI BA LA DE DANG YANG DAG PAR LDAN PA'I RNAM PA DE RNAMS LA MI BYA'O ZHES SBYAR BAR BYA'O, ,'DUG PA LA 'GRENG STE CHOS MI BSHAD PAR RO, ,NYAL BA LA 'DUG STE MI BSHAD PAR RO, , STAN MTHON PO LA 'DUG PA LA STAN DMA' BA LA 'DUG STE MI BSHAD PAR RO ZHES BYA BA LA, 'DIR STAN ZHES PAS NI 'DUG PA'I SA PHYOGS KYANG GZUNG BAR RIG PAR BYA'O, ,NGAN PA DANG BZANG PO YANG DE BZHIN NO ZHES BYA BAS NI MTHON PO DANG DMA' BA GNYIS GTOGS PAR BYA'O, ,RGYA CHE BA'I STAN LA 'DUG CING CHOS NYAN PAR BYED CING BDAG NYID SHIN TU DMA' BA LA 'DUG CING CHOS STON PAR BGYID NA SGUR MCHOG GIS ZHUS PA LAS, DE LTAR CHOS BSTAN PAR MI BYA'O ZHES GANG ZHIG BCOM LDAN 'DAS KYIS GSUNGS PA DE BAS NA MDO 'DI'O, ,MDUN DU 'GRO BA LA

10b

PHYI NAS 'GRO ZHING MI BSHAD PAR RO ZHES BYA BA NI JI LTAR LAM MA YIN BA NAS SO, ,LAM NAS 'GRO BA LA LAM GYI 'GRAM NAS 'GRO ZHING MI BSHAD PAR RO, ,MGO G-YOGS PA LA SOGS PA MA YIN NO ZHES BYA BA LA SOGS PA'I SGRAS NI MCHONG BA LA SOGS PA RNAM PAR 'BYED PA'I GZHUNG LAS GZANG BA RNAMS SO, ,GLANG PO CHE DANG RTA ZHON BA DANG KHYOGS DANG BA ZHON PA'I STENG NA 'DUG PA DANG, MCHIL LHAM GYON PA LA MI BSHAD PAR RO ZHES BYA BA NI GLANG PO CHE LA ZHON PA NA ZHES BYA BA LA SOGS PA LA RE RE NAS BZHON PA'I SGRAS 'BAB PA MA YIN TE, NGA RGYAL GYI GNAS SU 'BREL PA NYID KYI PHYIR 'DI BKAG PA YIN GYI MTHON PO'I GNAS DANG 'BREL PA NYID KYIS NI MA YIN TE, DER BKAG ZIN PA NYID KYI PHYIR DE BAS NA GNAS SKABS THAMS CAD DU 'DI BKAG PA'O, ,MGO DO KER CAN DANG, ZHVA GYON PA DANG COD PAN CAN DANG PHRENG BA CAN DANG DKRIS PA LA MI BSHAD PAR RO; ,LAG NA KHAR BA DANG GDUGS DANG MTSON DANG, RAL GRI DANG DGRA STA THOGS PA DANG GO CHA GYON PA LA MI BSHAD PAR RO, ,'GRENG STE BSHAD GCI MI BYA BAR RO, ,RTZVA SNGON PO YOD PA'I SA PHYOGS SU YANG MI BYA MI DOR BAR RO ZHES BYA BA NI BSHANG GCI MI BYA ZHES BYA BAR SBYAR RO, ,MI DOR BAR RO ZHES BYA BA NI RTZVA SNGON PO YOD PA'I SA PHYOGS SU BSHAD GCI'O, ,MCHIL MA DANG SNABS DANG, SKYUGS PA DANG RLUGS PA YANG NGO ZHES BYA BA NI DE YANG RTZVA SNGON PO YOD PA'I SA PHYOGS SU MI BYA MI DOR BA'O, ,CHU'I NANG DU MI BYA BAR RO ZHES BYA BA NI BSHANG GCIG DANG MCHIL MA LA SOGS PA MI BYA BA DANG MI DOR PA'O, ,GNOD PA BYUNG BA MA GTOGS PAR SHING LA MI GANG TZAM LAS MTHONG MI 'DZEG PAR RO ZHES BYA BA NI MI GANG TZAM LAS MTHOR MI 'DZEG CES BYA BA'I DON TO, ,BSLAB PA RNAMS KYIS YUL GYI RAB TU DBYE BA NI MDOR BSDU NA RNAM PA DGU STE, GOS BGO BA DANG SPYOD YUL DU 'GRO BA DANG, DER STAN LA 'DUG PA DANG, ZAS BLANG BA DANG, ZAN BZA' BA DANG, LHUNG BZED SPYOD PA DANG, CHOS BSTAN PA DANG, SGRUB PA'I TSUL DANG RGYU BA STE, DE RNAMS GO RIMS BZHIN DU SBYAR BAR BYA'O, ,BSLAB PA RNAMS SO, ,DGE SLONG GI RNAM PAR 'BYED

11a

, ,PA RDZOGS SO,, ,,'DIR GANG ZHIG BYE BRAG MED BAR TSUL KHRIMS BSHAD ZIN PA DANG, 'CHAD PAR 'GYUR BA LA THAMS CAD DU BSNYEN PAR RDZOGS PA DANG BCAS PA LA DE RIG PAR BYA STE, BYE BRAG MED PA'I PHYIR THAMS CAD DU LUS KYI BSNYEN PAR RDZOGS PAR BYA BA MA YIN PA THAMS CAD LAS LDOG BA DANG, BYA BA THAMS CAD LA YANG DAG PAR ZHUGS PA LA RNAM BAR GZHAG PA ZHES BYA BA 'DI'I NGO BO'O, ,GANG ZHIG 'DIR 'GA' ZHIG TU TSUL KHRIMS RNAM PAR GZHAG PA LA MI SRID PA'I PHYIR, DE LTA BU'I RTEN 'DI GANG GI PHYIR 'DIR YOD BA LA NYES DMIGS SU 'GYUR RO SNYAM PA DE LTA BU LA SEMS 'JOG PA 'DI NI BYA BA DANG BYA BA MA YIN PAR GYUR PA GANG ZHIG NYES PA CHUNG BA NYID RNAM PAR GZHAG PA DE NI SHIN TU CHE BA SPONG BA'I DON DU NI MA YIN NO, ,GANG ZHIG NYES PA CHE BA NYID DU RNAM PAR GZHAG PA YANG YOD DE, DE NI SHIN TU CHEN PO SLONG BA'I PHYIR RO, ,DE BAS NA DGE SLONG MA LA YANG 'DI JI LTAR SRID PAR TSUL KHRIMS GTOGS PAR BYA'O, ,DE LA GANG ZHIG RNAM PAR 'BYED PAR GTOGS PA MI SRID PA'I PHYIR DANG, BAR DU GCOD PAR BYED PA'I PHYIR 'DI LA RNAM PAR GZHAG PA MA BYAS PA GANG ZHIG YANG NYES PA MANG NYUNG GIS GANG MI MTSUNGS PA NYID DU RNAM PAR GZHAG PA DE RNAMS THAMS CAD BRJOD PAR BYA STE, DE LA LTUNG BA LA SBYONG BA'I TSIG YAN CHAD DGE SLONG MA RNAMS KYI'O ZHES BYA BA NI 'DI NAS BRTZAMS TE, 'OG NAS NYAMS PA DANG MA SKYES PA DAG LTUNG BA LA SBYOR NA NYES BYAS SO ZHES 'BYUNG BA'I TSIG YAN CHAD NI DGE SLONG MAR GYUR PA LA, DE RTOGS PA PO'AM BYED PA PO LA LTA BAR BYA'O, ,RE ZHIG PHAM PAR 'GYUR BA RNAMS LA GSUNGS PA THAMS CAD 'DIR BLTA BAR BYA BA STE, BZHI PO DAG GO ZHES BYA BA NI MI TSANGS PAR SPYOD PA LA SOGS PA BZHI NI DGE SLONG BZHIN DU DGE SLONG MA LA YANG NGO, ,GZHAN GYI LTUNG BA 'CHAB BA DANG SPANGS PA'I RJES SU PHYOGS BA DAG GIS TSUL KHRIMS GANG LA LA ZHIG DANG LUS KYI REG BA'I 'JUG PA THAMS CAD LA PHAM PAR 'GYUR BA NYID DO, ,DE LA GANG LA REG PA'I PHAM PAR 'GYUR ZHE NA, DE'I PHYIR BDAG GIR BYED PA LA'O ZHES BYA BA SMOS SO, ,YAN LAG GANG GIS SHE NA, DE'I PHYIR MIG NAS PUS MO'I BAR GYIS

11b

SO ZHES BYA BA SMOS TE MIG GI GNAS MAN CHAD NAS BUS MO'I LHA NGA YAN CHAD KYI BAR DES SO, ,DE CI ZHIG BDAG GIR BYED PA LA ZHE NA DE'I PHYIR REG PA'O ZHES BYA BA SMOS TE, NOM BAR BYED NYUG PAR BYED LA ZHES GSUNGS PA NI 'DI'I DPE YIN TE, 'DI LTAR NOM PAR BYED NYUG BAR BYED LA ZHES BYA BA DE'I RNAM PAR 'BYED PA NI LUS LA LUS KYIS NYE BAR GZHOL BAR BYAS LA ZHES GSUNGS PA YIN NO, ,GANG GI REG PA ZHE NA, DE'I PHYIR PHO'I 'O ZHES BYA BA SMOS SO, ,LUS KYI DBANG PO'I PHYOGS KYIS BDAG GIR BYED PA LA GSUNGS PA DE LA BSAM PA GANG GIS SHE NA, DE'I PHYIR 'KHRIG PA'I 'DOD CHAGS KYIS SO ZHES BYA BA SMOS TE, BDE BA NYAMS SU MYONG BAR 'DUN PAS DE'I KUN TU CHAGS PA DANG MTSUNGS PAR LDAN PAS GANG ZHIG 'DI SKAD SMOS PA DE LA TSIG 'DI'O, ,LUS KYI DBANG PO'I PHYOGS KYIS BDAG GIR BYED PA LA GSUNGS PA DE LA BSAM PA GANG GIS SHE NA, 'DIR MDO GZHAN LAS SKYES PA CHAGS BAR 'GYUR BA ZHES BYA BA NI CHAGS PA DANG, KUN NAS CHAGS PA DANG, KUN NAS 'KHRIG CING 'DOD PA'I 'DOD CHAGS KYIS ZIL GYIS NON PA GANG YIN PA'O ZHES BYA BA RNAM PAR 'BYED PA LAS 'BYUNG NGO, ,GAL TE YANG 'DIR CHAGS PAR 'GYUR BAS ZHES BYA BA SKYES PA LA YANG CHAGS PAR GYUR PA'I TSIG TU BYAS PA DE LTAR YANG CHAGS PAR MA GYUR PA'I SKYES BA LA YANG RNAM PAR 'BYED PA LAS CHAGS PAR 'GYUR BA SKYES PA MA CHAGS PAS PUS MO YAN CHAD MIG MAN CHAD NOM PAR BYED NYUG PAR BYED PA BDAG GIR BYED NA, LTUNG BA PHAM PAR 'GYUR RO ZHES GSUNGS PA'I PHYIR, PHAM PA NYID CES BYA BA LA PHO LA 'DIR CHAGS PA MNGON PAR MI BSTAN NO, ,YAN LAG GZHAN GYIS NI SBOM PO'O ZHES BYA BA NI MIG NAS PUS MO'I BAR LAS GZHAN PA'I YAN LAG GIS PHO'I REG PA 'KHRIG PA'I 'DOD CHAGS KYIS BDAG GIR BYED PA LA NI NYES PA SBOM POR 'GYUR RO; ,SKRA DAG DANG DE DANG 'BREL PA'I GOS KYIS BAR DU MI CHOD PAR REG NA DNGOS GZHIR 'GYUR BA LA BAR DU CHOD PAR REG NA SBOM PO'O ZHES BYA BA 'DIR DGE SLONG DU GTOGS BA LA REG PA'I BSLAB PA'I GZHIR BTAGS PA LAS RTOGS PAR BYA'O, ,SEMS GZHAN GYIS NI NA SMAD DO ZHES BYA BA NI

12a

, ,'KHRIG PA'I 'DOD CHAGS KYI SEMS MA YIN PAS BDAG GIR BYED PA LA NI GANG LA PHAM PAR 'GYUR BAR GSUNGS PA DE LA NI SBOM POR NA SMAD NA GANG LA SBOM POR GSUNGS PA DE LA NI NYES BYAS SU NA SMAD DO ZHES BYA BA'I DON TO, ,CI THAMS CAD LA RNAM PA DE DANG 'DRA'AM ZHE NA, DE'I PHYIR GAL TE DE'I TSE DE LAS SKYES PA'I DES SHES PA NA'O ZHES BYA BA SMOS TE, GAL TE DUS DE'I TSE DGE SLONG MA DE LA 'DOD PA'I 'DOD CHAGS KYIS BDAG NYID KYI SEMS DE YOD PAR DGE SLONG MA DES SKYES PA 'DI BDAG LA CHAGS SO SNYAM DU 'DU SHES PA DE LA 'DI CHO GA YIN NO ZHES BYA BA'I DON TO, , DES SKYES PA 'DI BDAG LA CHAGS SO SNYAM DU 'DU SHES PAR GYUR TE, 'DOD PA'I 'DOD CHAGS KYIS SEMS MNGON SUM DU MA GYUR DU ZIN KYANG RANG LA BSAM PA'I NYES PA YOD PA KHO NA YIN TE, DE'I PHYIR 'DIR SKYES PA'I 'DOD CHAGS YAN LAG NYID YIN NO, ,GAL TE MED NA NI DE LAS KYANG NGO ZHES BYA BA NI GAL TE DE'I TSE SKYES PA LA 'DOD PA'I 'DOD CHAGS MED DAM ZHES YOD NA YANG DE LA MA YIN NAM, DE MA YIN NA YANG MI SHES NA NI DE'I TSE NA SMAD PA DE LAS KYANG NA SMAD PAR BYA STE, GANG LA NA SMAD PA LAS SBOM POR 'GYUR BA DE LA NI NYES BYAS SU 'GYUR LA GANG LA NYES BYAS SU 'GYUR BA DE LA NI NYES BYAS PHRA MOR 'GYUR RO ZHES BYA BA'I DON TO, ,BDAG GIR MI BYED PA LA NI LTUNG BA MED DO ZHES BYA BA NI JI LTAR YANG BDAG GIR MI BYED CING DANG DU MI LEN PA DE LA NI BCA' BA 'DIR GTOGS PA'I KHA NA MA THO BA'I LTUNG BA NI MED DO, ,BU LA REG PA LA NI SKYON CHAGS PA MED DO ZHES BYA BA NI 'DOD CHAGS DANG BRAL BA LA NI, 'DIR MAS BU LA BYAMS PA'I SEMS GZHAN MA YIN PA DANG, RNAM PAR 'GYUR BAR NUS PA MA YIN NO, ,DE LTA BAS NA BU LA BYAMS PA NYID KYIS REG PA LA SKYON CHAGS PA MED PA'I TSIG 'DI'O, ,RNAM PAR 'GYUR BA MED PA'I SEMS KYIS GZHAN GYI YIN NA BYIS PA LA YANG REG PAR MI BYA'O ZHES BYA BA NI PHO NU'AM PHA KHU 'AM MTSAN ZHANG NGAM BU TSA LA SOGS PHA LA BYAMS PA'I SEMS LTA BU'AM, DGE BA'AM LUNG DU MA BSTAN PA'I SEMS KYIS KHYAD PAR MED PA NYID KYI PHYIR RTOG PA'O, ,MDO 'DI GNYIS KYI GZHUNG NI PHRAN TSEGS DAG LAS RIG PAR BYA'O, ,'DOD PA

12b

DANG LDAN PA LA BRTEN PA DANG TSIG LA DE DANG LDAN PA'I DON YONGS SU SHES PAR BYA BA'I MTHU YOD PA NYID KYI PHO NI YONGS SU RDZOGS PAR BYED PA NYID YIN NO ZHES BYA BA NI 'DOD PA DANG LDAN PA'I BSLAB PA'I GZHI LA NI BSTEN PA'I MTHU YOD PA NYID KYI SKYES PA NYID NI YONGS SU RDZOGS PAR BYED PA NYID DO, ,CHOS BSTAN PA LA SOGS PA LA NI DE DANG LDAN PA'I DON 'DOD PA DANG TSIG BRJOD PA'I DON YONGS SU SHES SHING GO BAR BYA BA'I MTHU YOD PA NYID KYI SKYES PA NI YONGS SU RDZOGS PAR BYED PA NYID YIN NO, ,MTHU MED PA NYID NI BYED PA NYID MA YIN NO ZHES DON GYIS BRJOD PAR 'GYUR RO, ,DGE SLONG GI RNAM PAR 'BYED PA LAS 'DI'I TSIG GANG YIN PA DE'I RJES SU 'BRANGS NAS 'DIR YANG DE LA BRTEN TO, ,REG PA'I PHAM PAR 'GYUR BA'O, ,GANG LA LUS KYI BKAN PA'I PHAM PAR 'GYUR ZHE NA, DE'I PHYIR LUS BKAN PA LA'O ZHES BYA BA SMOS TO, ,'DIR LUS KYIS LUS SU ZHES BRJOD PA YIN NO; ,KANG DANG 'BREL PA ZHE NA, NYE BAR GNAS PA'I DGOS PA DANG BCAS PA'I TSIG LAS 'DI LA RUNG BA NYID YOD PA LA LTUNG BA 'BYIN PA PO NI 'DI LTAR 'DIR DGE SLONG MA NYE BAR GNAS PA DE BAS NA DE DANG 'BREL PA ZHES BYA BA SHUGS KYIS MNGON PA'O, ,SEMS JI LTA BUS SHE NA, DE'I PHYIR CHAGS PAR GYUR PAS BSTEN PA'I PHYIR NYE BAR GNAS PA'I SKYES PA CHAGS PA'I PHYIR RO ZHES BYA BA SMOS TE, LTUNG BA 'BYIN PAR BYED PA'I DGE SLONG MA DE LA BRTEN PA'I PHYIR NYE BAR GNAS PA'I SKYES PA LA LUS BKAN NA DE PHAM PAR 'GYUR RO ZHES BYA BA'I DON TO, ,THAMS CAD DU SO SOR GNAS PA'I PHYIR CHAGS PAR LUS BKAN PAR 'GYUR RO SNYAM DU NI SHES PAR BYA BA MA YIN TE DE BAS NA CHAGS PAR 'GYUR BA ZHES BYA BA'I TSIG DON MED PAR 'GYUR RO ZHE NA, DON MED PA MA YIN TE, GANG GI PHYIR DE LA SRAN PA'I PHYIR YANG BDAG 'DI LTUNG BA NI, RE ZHIG BTZUN PA KHYED LA LAN 'GA' SRAN PA'I PHYIR GAL TE KHYOD KHO MO LA ZHON PHOD NA KHO MO NYAL LO ZHES LUS BKAN PA YANG SRID PAS DE'I PHYIR DE LA 'JIGS PA'I DBANG GIS LUS BKAN PA LA NI LTUNG BA MED, SRAN PA'I PHYIR NI NYES BYAS SO ZHES BYA BA 'THON PA YIN NO, ,KHYAD PAR JI LTA BU DANG LDAN PA'I 'GAL ZLA'I PHYIR BKAN

13a

, ,PA ZHE NA, DE'I PHYIR DE LA BRTEN PA'I PHYIR NYE BAR GNAS PA'I SKYES PA CHAGS PA'I PHYIR RO ZHES BYA BA SMOS TE, BRTEN PA'I PHYIR NYE BAR GNAS PA LA CHAGS PA'I BUD MED DE LA ZHES BYA BA'I TSIG 'DI DON MED DO SNYAM DU YANG SHES PAR BYA BA MA YIN NO ZHE NA, DE NI MA YIN TE, GANG GI PHYIR SNGAR NYE BAR GNAS PA'I BUD MED MTSAN NYID DANG BRAL BA LA YUN RING ZHIG SDOD SDOD PAS DE LA YANG GNAS SKABS DE LA BLTA BAR GYUR PA LA RMI LAM 'GYUR BA'AM, SEMS GZHAN NYID DU 'GYUR BA DE BAS NA DON MED PA NYID NI MA YIN NO, ,CI THAMS CAD DU LUS BKAN PA JI SKAD BSTAN PA DE LA KHA NA MA THO BA 'DIR 'GYUR RAM ZHE NA, DE'I PHYIR DE SPRAD DU RUNG BA NYID LA'O ZHES BYA BA SMOS TE SPRAD DU RUNG BA NYID YIN NA STE, CHAGS PA CAN DE DAG LHAN CIG TU BSTEN PA DE NYE BAR GNAS PA'I SKYES PA ZHES BYA BA'I DON TO, ,SKYES PAS BUD MED BGROD DU RUNG BA DE LTA BU'I PHYOGS SU LUS BKAN NA ZHES BYA BA NI 'DI LA MDO 'DI YIN TE DE LTA BU'I PHYOGS SU ZHES BYA BA NI PHYIR BZLOG TU MED PA'I GNAS SU'O, ,LUS BKAN PA ZHES BYA BA NI NYAL NA STE, DE LTAR GANG DU SKYES PAS BUD MED BGROD DU RUNG BA LA ZHES BYA BA RNAM PAR 'BYED PA LAS SO, ,JI SKAD DU LTUNG BA BSTAN PA LAS PHYIR BZLOG TU MED PA'I GNAS SU LUS BKAN PAR BYED NA GANG DU SKYES PAS BUD MED LA BGROD PAR BYA BAR 'GYUR NA PHAM PAR 'GYUR RO ZHES GSUNGS PA YIN NO, ,CHAGS PAR GYUR PAS CHAGS PAR GYUR PA DANG LHAN CIG GZHOGS STEGS BYED NA SBOM PO'O ZHES BYA BA LA, 'DIR GZHUNG NI, CHAGS PAR GYUR PAS SKYES PA CHAGS PAR GYUR PA DANG LHAN CIG GZHOGS STEGS BYED PA NYES PA SBOM POR 'GYUR RO, ,BUD MED BYED DAM BYED DU 'JUG NA NYES PA SBOM POR 'GYUR RO, ,SKYES PAS 'GRO BA DANG 'ONG BA DANG 'ONG BA BDAG GIR BYED NA JI SRID DU NYES PA SBOM POR 'GYUR ZHES BYA BA'I BAR DU GSUNGS PA YIN NO, ,PHYAR G-YENG NGO ZHES BYA BA NI 'DIR GNYIS KA YANG CHAGS PAS ZHES BYA BA DANG SBYAR BAR BYA'O, ,PHYAR G-YENG NGO ZHES BYA BA NI 'JUG PA SHIN TU MYUR BA MA YIN PA DANG, BRTAN PA MA NYAMS PA DANG HRAL BAG BYED PA'I BYA BAR RIG PAR BYA'O, ,TZAB HRAL LO ZHES BYA

13b

BA NI SHIN TU MYUR BA'I 'GRO BA DANG BRTAN PA NYAMS PA DANG, BTZUN SPU NYAMS SHING BSTAN PA'I GZHOL BA LA NGO TSA MED PAR ZHUGS SHING ZE LANGS PAR GYUR NAS LUS DANG NGAG GI LAS SO, ,DE LAS DUS MAL MNOS NA YANG NGO ZHES BYA BA NI SKYES PA CHAGS PAR GYUR PA DE LA SKYED MOS TSAL CHE GE MO ZHIG TU SHOG SHIG CE'AM, KHYOD KYI KHYIM GA GE MO ZHIG TU KHO MO 'ONG NGO ZHES DUS MAL TSIG GIS NOD PA DANG, SKYES PA CHAGS PAR GYUR PAS KHO MO SKYED MOS TSAL CHE GE MO ZHIG TU 'ONG GIS KHYOD KYANG GNAS DER SHOG SHIG CES DUS MAL BTAB PA'I TSIG GIS NOD NA SBOM PO'O ZHES BYA BA'I DON TO, ,LUS KYI BYA BAS DANG DU THEN NA NYES BYAS SO, ,GANG ZHE NA, 'DIR GZHUNG NI SPYIR BSTAN PA LAS, TSIG GIS ZHES GSUNGS PA YIN NO, ,BRDA'O MTSAN MA'O ZHES BYA BA NI SKYES PA CHAGS PA LA BYED PA DANG NOD PA LA ZHES BYA BAR SBYOR RO, ,BRDA ZHES BYA BA NI DUS TSOD KYI BRDA STE, KHO MO SNGA DRO STA GON BYED DO ZHES BYA BA LA SOGS PA'I DUS TSOD KYI BRDAS DUS 'DEBS PAR BYED PAR RIG PAR BYA'O, ,MTSAN MAS ZHES BYA BA NI KHO MO GOS 'DI LTA BU GON PA KHYOD KYIS MTHONG NA STA GON GYIS SHIG CES BYA BA LA SOGS PA'I MTSAN MA BYED PAR RIG PAR BYA'O, ,DE'I 'ONG BA DANG 'GRO BA'I 'JUG PA BDAG GIR BYED NA'O ZHES BYA BA LA, 'ONG BA ZHES BYA BA NI GANG NA DE 'DUG PA DER 'ONG BA'O, ,'GRO BA ZHES BYA BA NI DUS MAL BTAB PA'I GNAS SU 'GRO BA'O, ,SKYES PA CHAGS PAR GYUR PA DE'I 'ONG BA DANG 'GRO BA'I 'JUG PA BDAG GIR BYED NA DGE SLONG MA LA NI SBOM POR 'GYUR RO ZHES BYA BAR SBYAR RO, ,LUS BKAN PA NI DGE SLONG LA NI SBOM PO STE, GZHAN NI TSIG TU MA SMRAS NA NI NYES BYAS SO ZHES BYA BA DE'I RJES SU 'BRANGS NAS SHES PAR BYA'O, ,BUD MED LA TSIG TU SMRAS NA NI DGE 'DUN LHAG MA'O, ,LUS BKAN PA'I PHAM PAR 'GYUR BA'O, ,GANG LA KHA NA MA THO BA 'CHAB PA'I PHAM PAR 'GYUR ZHE NA, DE'I PHYIR DGE SLONG MA'I PHAM PAR 'GYUR BA 'CHAB PA LA'O ZHES BYA BA SMOS TE, DGE SLONG MA DANG 'BREL PA'I BRGYAD PO DAG LAS GANG YANG RUNG BA LA YANG NGO, ,SU'I PHAM PAR 'GYUR BA ZHE NA, DE'I PHYIR 'DIR DGE SLONG MA'I ZHES SMOS TE, 'DIR NYIN MTSAN GYI MTHAR NI KHA NA MA THO BA RDZOGS PAR 'GYUR LA, MDUN ROL DU NI NA SMAD DO, ,'DIR

14a

, ,GZHUNG NI GTAM GYI GZHI LAS, DGE SLONG MA MI TSANGS PAR SPYOD PA BYED PA MTHONG LA DE BCABS SHING 'DU SHES SBAS NA SKYA RENGS SHAR NA PHAM PAR 'GYUR RO ZHES GSUNGS PA YIN NO, ,'DI LA NA SMAD NA SBOM PO STE, DE BAS NA SDE PA 'DI LA SBOM PO ZHES RTOGS PAR BYA'O, ,'CHAB PA'I PHAM PAR 'GYUR BA'O, ,CI ZHIG BYAS NA BZLOG PA'I PHAM PAR 'GYUR ZHE NA, DE'I PHYIR DGE SLONG GNAS NAS PHYUNG BA BZOD PA GSOL BAR NGES PA PHYAG BYA BA'I 'OS MA YIN PA'I SDOM PA BYIN PAR SHES BZHIN DU DE LAS BZLOG PA NYID MI GTONG NA'O ZHES BYA BA SMOS TE, 'DI SKAD BSTAN TE DGE SLONG GRE SKYES DGE SLONG MA RNAMS DANG 'DRE ZHING GNAS NAS BCOM LDAN 'DAS KYI BKAS DGE SLONG GI DGE 'DUN GYIS GNAS NAS PHYUNG BA'I LAS BYAS SHING DGE SLONG MA'I DGE 'DUN GYIS KYANG PHYAG BYA BA'I 'OS MA YIN PA'I SDOM PA BYAS NAS, GNYIS KA'I DGE 'DUN GYIS PHYI ROL DU BYAS PA'I DGE SLONG GI DGE 'DUN LA BZOD PAR GSOL LO ZHES NGES PAR GYUR NAS, SBOM DGA' MOS DON DE SHES BZHIN DU PHYIR BZLOG PA DE LA DGE SLONG MA'I DGE 'DUN GYIS BZHAMS TE BSGO BA LA SOGS PA GSOL BA DANG, BZHI'I LAS KYIS BSGO BA NI BZLOG PA DE NYID MA GTONG BA DE LA PHAM PAR 'GYUR BA BCAS PA YIN TE, DE BAS NA 'DIR MDO 'DI BYAS PA YIN NO, ,PHYAG BYA BA MA YIN PA'I SDOM PA BYAS NAS ZHES BYA BA NI, DGE SLONG MA RNAMS KYIS BYAS PA NI PHYAG BYA BA'I 'OS MA YIN PA'I SDOM PA 'DI LA DE LTA BAS NA PHYAG BYA BA'I 'OS MA YIN PA'I SDOM PA BYIN BA'O, ,DGE SLONG GNAS NAS PHYUNG BA ZHES BYA BA NI, PHYAG BYA BA'I 'OS MA YIN PA'I SDOM PA BYIN PAR SHES BZHIN DU DGE 'DUN GYIS GNAS NAS PHYUNG BA BZOD PAR GSOL BAR NGES PAR SHES NAS, DE LAS BYUNG BA BZOD PAR GSOL BAR NGES NAS DE LAS BZLOG PA NYID GANG YIN PA DE MI GTONG NA PHAM PAR ZHES BYA BA'I DON TO, ,JI LTAR MI GTONG BA LA ZHE NA, DE'I PHYIR DBYEN LA BRTUL BA NYID DANG 'DRA'O ZHES BYA BA SMOS TE, JI LTAR DGE 'DUN GYI DBYEN LA BRTUL BAR BYED PA DE MI GTONG BA LA LTUNG BAR 'GYUR BA DE DANG 'DRA'O ZHES BYA BA'I DON TO, ,DE DANG 'DRA BAR BZHAMS PA DANG GSOL BA

14b

MNGON DU BTANG BA'I LAS BYAS TE, JI SRID 'DA' BAR BYED PA DE SRID THA DAD PAR BRJOD PA BSGO BA DANG 'BREL PA'I RIM PA DANG, DE'I RGYU MTSAN 'JUG PA DANG 'BREL PA DE THAMS CAD 'DIR CI RIGS PAR RTOGS PAR BYA'O, ,DGE SLONG MA BZLOG PA LA NI 'DI LA LTUNG BYED KHO NAR RIG PAR BYA'O, , BZLOG PA'I PHAM PAR 'GYUR BA'O, ,DGE SLONG MA'I PHAM PAR 'GYUR BA RNAMS RDZOGS SO,, ,,KHU BA 'BYIN PAR GTOGS PA'I DGE 'DUN LHAG MA DGE SLONG MA RNAMS KYI LTUNG BYED DU RNAM PAR GZHAG ZIN TO, ,REG PAR GTOGS PA'I PHAM PA 'JUG PA NYID KYIS SO, ,DE BZHIN DU BRJOD PA DANG 'BREL PA'I BSNYEN BKUR BSNGAGS PA 'BYUNG BA'O, ,GANG GI PHYIR BSNYEN BKUR BSNGAGS PA DANG 'KHRIG PA LA NI BUD MED DO, ,BSNYEN BKUR BYED PAR 'GYUR BA LA NI MA YIN NO, ,'DIR SKYES PA NI G-YOG PHRAN GYI CHA DANG BUD MED KYI KHANG PA DANG GTZUG LAG KHANG DANG 'BREL PA'I 'JUG PA LA'O, ,SHIN TU YANG 'BYUNG BA MA YIN TE, GANG GI PHYIR 'DI DAG LA MTHU DANG LDAN PA'I BYED PA PO NYID YOD PA MA YIN NO, ,BYED DU BCUG PA NYID KYANG YOD PA MA YIN TE, BDAG PO MED PA NYID KYI PHYIR RO, ,BUD MED RNAMS LA KHYIM BYED PA'I NYON MONGS PA LA NI SHIN TU YANG GNAS PA MA YIN TE, SKYES PA NI STOBS DANG LDAN PA NYID DO, ,DGE 'DUN GYI LHAG MA 'JUG PA'I LHAG MA RNAMS NI 'DI LA KHA NA MA THO BA MCHOG PA LHAG MA RNAMS DANG, KHA NA MA THO BA MED PA RNAMS LA NI DGE SLONG LA DGE 'DUN GYI LHAG MA 'JUG PA NYID KYIS RNAM PAR GZHAG PA BYAS PA YIN NO, ,DE GNYIS KYANG BRJOD PAR BYA STE DE LA THUN MONG BA NI MING TZAM RNAM PAR GZHAG PA DAG CI BSTAN PA'I PHYIR SMYAN BYED PA'O ZHES BYA BA SMOS TE, GZHAN SMYAN BYED PA NI NGO BO BSTAN PAS SO, ,DGE 'DUN LHAG MA KHA NA MA THO BA 'DI'I MTSAN NYID SNGAR JI SKAD BSTAN PA DE NYID DGE SLONG MA RNAMS KYI YANG YIN PAR RIG PAR BYA'O, ,SKABS 'DI DANG 'OG MA DAG LAS CHOS 'DI NI DANG POS LTUNG BAR 'GYUR LA ZHES GSUNGS PA'I TSIG DE'I RNAM PAR 'BYED PA NI MDO LAS LTUNG BAR 'GYUR RO ZHES GSUNGS PA YIN TE, DE'I DON NI SPYAD PA TZAM GYIS KHA NA MA THO BA 'DIR 'GYUR GYI, YANG DANG YANG DU PHYIR BZLOG CING MI GTONG BA LA NI MA YIN PAR RIG PAR BYA'O, ,'BYUNG BAR 'GYUR

15a

, ,BAS TE ZHES BYA BA NI GANG ZHIG LTUNG BA LAS 'BYUNG BA DANG RJES SU MTHUN PA DE NI PHAM PAR 'GYUR BA DAG LTAR PHYIR BCOS SU MI RUNG BA MA YIN NO, ,DE LTAR YANG DE'I RNAM PAR 'BYED PA NI LTUNG BA DANG BCAS PA'O ZHES GSUNGS PA YIN NO, ,'DIR CUNG ZAD DGE SLONG MA LA BRTEN TE PHRAN TSEGS DAG LAS CUNG ZAD LHAG PAR GSUNGS PA DAG BSTAN PA'I PHYIR DGE SLONG MA LA KHYIM PA MO NYID KYI BSNGAGS PA BRJOD NA SBOM PO'O ZHES BYA BA SMOS TE, BSNGAGS PA BRJOD PA ZHES BYA BA NI GANG ZHIG 'BREL PA BSTAN PAS YANG DAG PAR 'DZIN DU 'JUG PA'O, ,'DI YANG 'DOD PA LA BRTEN PA DANG PHAN YON BSTAN PAS GANG YANG RUNG BA'I MNGON PAR 'DOD PA GLENG GZHI LAS RTOGS PA'O, ,RAB TU 'BYUNG BA 'DOD PA RNAMS LA BRTEN PAR MDZOD CIG CES BYA BA NYON MONGS PA DAG GIS GNOD PAR 'GYUR BA RNAMS KYIS GO BAR BYAS PA NA SBOM DGA' MOS TSIG DE SKAD BRJOD PA LAS, 'DI BCAS TE DE NI SMYAN BYED PA DANG, RIGS MTHUN PA NYID YIN PA'I PHYIR 'DI DANG 'BREL PA NYID KYIS 'DI RNAMS SHES PAR BYA'O, ,DGE SLONG MA SMAD 'TSONG MAR 'GYUR BA SU ZHIG LA 'GA' ZHIG TU NYES PA MED PA NYID NI MA YIN TE, DE BA NA DGE SLONG LA YANG DE'I RJES SU 'BRANGS PAS NYES PA SBOM POR 'GYUR BAR SHES PAR BYA'O, ,GZHAN SMAN 'TSONG MA NYID BYED DU 'JUG PA LA YANG NGO ZHES BYA BA LA, YANG NGO ZHES BYA BA'I SGRA NI SBOM PO ZHES BYA BA LA BSNYEG PA'I DON DU'O, ,BDAG NYID LA BUD MED GZHAN SMAD 'TSONG MA NYID DU BYED DU 'JUG NA SBOM POR 'GYUR RO, ,SMAD 'TSONG MA ZHES BYA BA'I SGRA NI 'JUD MTHUN MA ZHES BYA BA STE, 'JUD PA ZHES BYA BA NI PHO'I DBANG PO LA BYAS TE, 'JUD PAR BYED PA YIN PAS 'JUD PA STE, DES 'JUD PA GANG LA YOD PA DE NI 'JUD MTHUN MA YIN TE SMAD 'TSONG MA'O, ,BRAN MO ZONG NYID DU GTONG BA NI DE LAS PHYI ROL DU GYUR PA NYID MA YIN NO ZHES BYA BA NI DGE SLONG MAS BRAN MO ZONG GI PHYIR SLAR GTONG BA GANG YIN PA DE LA SMAD 'TSONG MA NYID DU 'JUG PA ZHES BSTAN PA DE LAS PHYI ROL DU GYUR PA NYID MA YIN TE, DON 'DRA BAS 'DI LA YANG NYES PA SBOM POR 'GYUR RO ZHES BYA BA'I DON TO, ,'DI LTAR ZONG 'GREMS PA'I TSUL GYIS

15b

'JUG PA 'DI NI GRAGS PA'I DBANG GIS 'DI LTAR MDOR BYAS PA'O, ,DGE SLONG MA SMYAN BYED PA'I DGE 'DUN LHAG MA'O,, ,,GZHI MED PA'O, ,BAG TZAM MO ZHES BYA BA NI DGE 'DUN GYI LHAG MA DANG BCAS PA'I KHA NA MA THO BA 'DI DAG JI LTAR SMOS PA DE DGE SLONG MA RNAMS KYI YANG YIN PAR RIG PAR BYA'O, ,BUD MED SKYES PA NYID DANG BCAS PA 'DI LA SOGS PA THAMS CAD LA BYE BRAG NI 'DI YOD PAR RIG PAR BYA STE, PHO NYID LA NI MO NYID DO, ,DE LA PHO NYID DO ZHES BYA BA NI PHO'I RTAGS KYI GNAS SU NI MO'I RTAGS BLTA BAR BYA LA, MO'I RTAGS KYI GNAS SU NI PHO'I RTAGS BLTA BAR BYA'O ZHES BYA BA'I DON TO, ,GZHI MED PA DANG BAG TZAM GYI DGE 'DUN LHAG MA GNYIS SO, ,GANG LA CI YANG RUNG BA LEN PA'I DGE 'DUN LHAG MAR GYUR ZHE NA, DE'I PHYIR CI YANG RUNG BA BDAG GIR BYED PA LA'O ZHES BYA BA SMOS TE, DNGOS PO'I TSOGS GANG YIN PA DE NI PHYAG DAR NAS BRTZAMS TE CI YANG RUNG BA'O, ,KA YIG NI SMOD PA LA'O, ,'KHRIG PA'I DNGOS PO NYID KYI PHYIR RNAM PA 'DI LA 'KHRIG PA LA LTOS PA'I DBANG GIS SBYIN PAR BYA BA NYID LA RNAM PAR GNAS PA NYID LA 'DIR SMOS PA ZHES BYA BAR SHES PA'O, ,BDAG GIR BYED PA ZHES BYA BA NI RANG NYID KYIS MNGON PAR BSTAN PAR GYUR PA STE LEN PAR BYED PA'O, ,DE LTAR YANG RNAM PAR 'BYED PA LAS BDAG GIR BYED PA NI LEN PAR BYED PA'O ZHES GSUNGS PA YIN NO, ,JI LTA BUR GYUR PAS SHE NA, DE'I PHYIR DGE SLONG MA CHAGS PAR GYUR PAS SO ZHES BYA BA SMOS TE, 'DI DANG 'OG MA DAG LAS 'KHRIG PA'I 'DOD CHAGS KYIS CHAGS PAR GYUR PAS ZHES BYA BA'I DON RTOGS PA'O, ,GANG LAS BDAG GIR BYED CE NA DE'I PHYIR SKYES PA CHAGS PAR 'GYUR BA LAS SO ZHES BYA BA SMOS TE, JI LTA BU LAS SHE NA, DE'I PHYIR CHAGS PAR MA GYUR PAS NI PO'O, ,CHAGS PAR MA GYUR PA LA NI NYES BYAS SO ZHES BYA BA SMOS TE, DGE SLONG MA CHAGS PAR MA GYUR PAS, SKYES PA CHAGS PA LAS CI YANG RUNG BA DANG DU LEN PAR BYED PA LA NI SBOM PO'O, ,CHAGS PAR MA GYUR PA LAS NI NYES BYAS SO ZHES BYA BA'I TSIG GIS CHAGS PA LAS ZHES BYA BA GONG MA LAS SHES

16a

, ,PAR BYA'O, ,CUNG ZAD KYANG MI SHES PAR GYUR PA LA SKYES PA CHAGS PAR GYUR PAS BSAM PA SKYON CAN DU GYUR PA DANG MTHU DANG LDAN PA NYID LA 'DI BYED PA PO NYID DO, ,MED PA LA MED PAR SHES PA NYID KYIS DE LA MNGON PAR CHAGS PAS KYANG LCI BA NYID DO, ,BSAM PA'I NYES PA LA'O, , DE LTA BAS NA CI YANG RUNG BA BDAG GIR BYED PA DANG, SKYES PA CHAGS PAR GYUR PA 'DI GNYIS NI SHES KYANG RUNG DOGS KYANG RUNG, YOD KYANG RUNG MED KYANG RUNG STE, YOD PA NYID LA BRTEN PAR GYUR NA, DE LTA NA JI SKAD BSTAN PA NYID DO, ,DE LA SOGS PA BCU GSUM KHA CIG TU RGYU BA'I BZHI PO DAG LA NI, DGE SLONG RNAMS LA GCIG PU 'GRO BA LA LTUNG BA MED DO, ,LHAG MA LA NI NYES BYAS SU RNAM PAR GNAS PA YIN NO, ,'GA' ZHIG TU NI LTUNG BYAD DU 'GYUR RO, ,YANG NA LTUNG BA MED PA NI DPER NA SHI BA'I NOR LEN PA LTA BU'O, ,CHOS GOS KYI RIN BKUR BA LAS BLANG BA'I CHO GA GANG YIN PA DE LAS 'DAS NA NI SPANG BA'I LTUNG BYED DU 'GYUR LA, MA 'DAS NA NI LTUNG BA MED DO, ,CI YANG RUNG BA LEN PA'I DGE 'DUN LHAG MA'O, ,GANG LA CI YANG RUNG BA LEN DU 'JUG PA'I DGE 'DUN LHAG MAR 'GYUR ZHE NA, DE'I PHYIR CHAGS PAR MA GYUR PAS CHAGS PAR GYUR PA LAS CI YANG RUNG BA BDAG GIR BYED PA LA NYES PA MED DO ZHES DGE SLONG MA LA GO BAR BYED PA LA'O ZHES BYA BA SMOS TE, CHAGS PAR MA GYUR PAS ZHES BYA BA NI 'DIR 'DOD CHAGS MNGON SUM DU MA GYUR PA LA BYA'I MI LTOS PA NYID LA NI MA YIN NO, ,DGE SLONG MA CHAGS PAR MA GYUR PAS SKYES PA CHAGS PAR GYUR PA LAS CI YANG RUNG BA BDAG GIR BYED PA LA KHA NA MA THO BA MED DO ZHES GSUNGS PA YIN NO, ,DE BZHIN DU DGE SLONG MA LA GO BAR BYED PA LA ZHES BYA BA'I DON TO, ,DE LTAR YANG SBOM DGA' MOS GTZUG DGA' MO LA KYE KHYOD CHAGS PAR MA GYUR NA, KHYOD CHAGS SU MED PAS CHAGS PAR GYUR PA LAS CI YANG RUNG BA BDAG GIR BYA BA RUNG NGO ZHES NYES PA SBOM PO YANG DAG PAR LEN DU BCUG PA DE LA KHA NA MA THO BA 'DIR GSUNGS PA YIN PAS, DE'I PHYIR CHAGS PAR GYUR PA LAS BDAG TU BYA BA CI YANG RUNG BA LEN DU 'JUG PA LA SHIN TU LCI BA NYID KYI PHYIR KHA NA MA THO BA 'DIR GTOGS PAR BYA'O, ,LTOS

16b

PA MED PAS GZUNG BA LAN DU 'JUG PA LA BAR DU GCOD PA MED PA NYID KYI PHYIR KHA NA MA THO BA'I TSIG CAN 'DI LA SBOM POR RTOGS PAR BYA'O, ,CI YANG RUNG BA LEN DU 'JUG PA'I DGE 'DUN LHAG MA'O, ,'OG MA BZHI PO DAG LA NI DGE SLONG MA MED PAR RO ZHES BYA BA NI MTSAN MO 'BRAL BA LA SOGS PA RNAMS LA 'DI'I 'OG MA BSLAB PA'I GZHI BZHI PO DAG LA DGE SLONG MA MED PAR 'GRO NA TSIG 'DI RTOGS PAR BYA'O, ,DGE SLONG MA NYID NI SUM CHA DANG BRAL BA NYID YIN NO ZHES BYA BA NI SUM CHA DANG BRAL ZHING SUM GNYIS YOD PA MA YIN TE, GANG GI PHYIR DGE SLONG MA SUM CHA MA YIN TE, DGE SLONG MA MA YIN PA MA YIN TE DE DGE SLOB MA LAS SUM CHA GNYIS, DGE SLONG MA DANG BRAL BAS RJES SU BSGRUB PAR MI 'GYUR ZHES BYA BA'I DON TO, ,'DIR SUM CHAR GYUR BA'I SUM CHA'I TSIG LA DNGOS GZHI'I KHA NA MA THO BA'I NYES BYAS SU 'GYUR RO, ,DE MA THAG PA'I TSIG LA NYES BYAS PHRA MOR 'GYUR RO, ,GSUM PA LA SHIN TU MA CHOG PA DE BAS NA DE LA 'DI BSTAN PA'O, ,DGE TSUL MA NI SUM CHA'O ZHES BYA BA NI DGE TSUL MA DE NI DGE SLONG MA DANG LHAN CIG 'GROGS PA'I SUM CHA RJES SU BSGRUB CING DGE SLONG MA DANG BRAL BA LA RJES SU BSGRUB PAR 'GYUR TE, GNYIS PO NI RJES SU MA GRUB PAR 'GYUR RO, ,DE BAS NA 'DIR SBOM PO CHA GCIG RJES SU BSGRUB PA LA KHA NA MA THO BA CHUNG BAR 'GYUR BA ZHES BYA BA'I DON TO, ,MI 'DOD BZHIN DU 'BRAL BA LA NI NYES PA MED DO ZHES BYA BA LA NYES PA MED DO ZHES BYA BA NI DE LTA BUR GYUR BA'I BRAL BA LA LTUNG BA MI SKYED DO ZHES BYA BA'I DON TO, ,'DIR GZHUNG NI, GAL TE PHYI BZHIN DU 'BRANG BA'I DGE SBYONG MA BRDEGS SAM, SHI'AM NYAMS SAM LTUNG BAR GYUR TAM, GZHAN GYI YUL 'KHOR RAM GZHAN GYI YUL DU BROS PAR GYUR NA LTUNG BA MED DO ZHES GSUNGS PA YIN NO, ,MI 'DOD PA LAS SKYES PA BRAL BA RTZE GCIG PA NYID DU 'DIR RNAM PAR GNAS PA YIN NO, ,'DIR RGYU MTSAN GZHAN YANG 'PHROG PA DANG NYAMS PA LA SOGS PA YONG PA MA YIN TE, DE BAS NA DE SKAD CES SMOS SO, ,KHYIM PA'I DNGOS POR GTOGS PA LA 'DIR DGE SLONG MA NYID DU GTOGS PA LA NYAMS PA LA ZHES SMOS

17a

, ,SO; ,LTUNG BA ZHES BYA BA 'DIS NI LTUNG BA NYID BSTAN PA YIN TE, LTUNG BA ZHES BYA BA NI PHAM PAR 'GYUR BA'O, ,BAR CHAD BYUNG BA'I DBANG NYID KYIS KYANG NGO ZHES BYA BA NI DGE SBYONG GI TSUL DANG, TSANGS PAR SPYOD PA'I BAR CHAD BYUNG BA'I DBANG NYID KYIS KHRIMS ZLA DANG BRAL BA LA YANG NYES PA MED DO ZHES BYA BA'I DON TO, ,DUS DANG 'BREL PA LAS MTHA' NYID KYI MDUN ROL NI SBYOR BA NYID DO ZHES BYA BA NI DUS 'GA' ZHIG LA BRTEN PA'I BYA BA'I KHYAD PAR GANG ZHIG BRJOD PA NI 'DI LTA STE, DPER NA MTSAN MO DANG NYIN MO'I DUS KYI MTHA'I SKAD CIG MA LA BYA BA GANG 'BYUNG BA DE LA NI DNGOS GZHI NYID DU 'GYUR RO, ,MDUN ROL DU NI DE'I GANG ZHIG DE MA THAG PA'I TSIG NYID KYI DON TO, ,DUS KYI KHONGS SU GTOGS PA LAS GANG ZHIG MDUN ROL GYI DUS SU BYA BA GANG YIN PA DE LA NI SBYAR BA NYID DO, ,MTHA'I DUS SU GYUR PA NYID LA BYA BA GANG YIN PA DE LA NI DNGOS GZHI NYID YIN NO, ,DE GANG LA SHES SHE NA, DE'I PHYIR DBYAR KHANG DANG BRAL BAR GYUR CING GZHAN DU MTSAN MO SKYA RENGS 'CHAR BAR BYED NA'O ZHES GSUNGS PA LA STE, DGE SLONG MA GCIG PU DBYAR KHANG GI PHYI ROL GZHAN DU MTSAN MO SKYA RENGS 'CHAR BAR BYED NA THAMS CAD DU DGE 'DUN LHAG MAR 'GYUR RO ZHES GSUNGS PA DE GNYIS KYIS NI 'DIR NYIN MO 'BRAL BA DANG, MTSAN MO 'BRAL BA GNYIS BSTAN TO, ,'DIR MTHAR TZAM LA DNGOS GZHIR GSUNGS PAS DE'I PHYIR, MDUN ROL GYI DUS LA NI SBYOR BA NYID KHO NAR SBYAR TE, DE BAS 'DI LTAR NYE BAR 'BREL PA'O, ,NYI MA NUB PA'I MTHA' NI NYIN MO'I MTHA' YIN NO ZHES BYA BA NI, NYI MA NUB KAR 'JUG PA'I MTHA' NI NYIN MO'I MTHA'O, ,DE PHAN CHAD NI MTSAN MOR GTOGS PA'I KHA NA MA THO BAR 'GYUR RO ZHES BYA BA'I DON TO, ,'OG MA BZHI PO DAG GI THUN MONG GI MTSAN NYID BSHAD ZIN TO, ,DA NI SO SOR RTOGS PA BRJOD PAR BYA STE, GANG LA MTSAN MO 'BRAL BA'I DGE 'DUN LHAG MAR 'GYUR RO ZHE NA, DE'I PHYIR MTSAN MO DBYAR KHANG LAS PHYI ROL DU GYUR PA'O ZHES BYA BA SMOS TE, 'DIR DBYAR KHANG NA GNAS PA NI GNAS NYID KYI NYE BAR MTSON PA YIN TE,

17b

KHYIM GYI NANG DU YANG 'DIR GNAS PA NYID DU BRTEN PA 'PHEN PA'O, ,GRONG DANG SKYED MOS TSAL LA SOGS PA'I PHYI ROL GYI GNAS LA BSNYEGS PA'O, ,DGON PA LA YANG DON DANG BCAS PA'I SA PHYOGS KYI PHYOGS GCIG LA SOGS PA YANG BSNYEGS PA'O, ,BUD MED 'JUG PA LA YANG 'DI RNAM PAR SBYOR BA GANG ZHIG DE LA SOGS PA NGES PA BZHI PO RNAMS SO, ,DE BAS NA 'DIR PHYI ROL GYI NGOS NI DBYAR KHANG GI MTSAMS SO, ,GAL TE 'DI LA SKOR BA YOD NA NI DE NYID LA'O, ,GAL TE MED NA NI DE NYID LA'O, ,MTSAN MO 'BRAL BA'I DGE 'DUN LHAG MA'O, ,GANG LA NYIN MO BRAL BA'I DGE 'DUN LHAG MAR 'GYUR ZHE NA, DE'I PHYIR NYIN MO'I ZHES BYA BA SMOS TE, DBYAR KHANG LA PHYI ROL DU GYUR NA'O ZHES BYA BAR SBYOR RO, ,GCIG PU NYE DU'I KHYIM DU ZAN GYI PHYIR LO NYES BYUNG BA'I PHYIR NYE DU RNAMS DANG LHAN CIG 'BREL PA'I NYE BAR SPYOD PA'I GNANG BA THOB NA 'GRO BAR BYA'O ZHES BYA BA NI GLENG GZHI DAG LAS, NYE DU RNAMS KYI LUS DANG LHAN CIG 'BREL PA'I NYE BAR SPYOD PA GNANG BA THOB NA'O, ,DE'I DON DU 'GRO BA NA DGE SLONG MA'I DGE 'DUN LAS THOB PAR GYUR NA DGE SLONG MA GCIG PU GNYEN 'DUN GYI KHYIM RNAMS SU BZA' BA'I PHYIR 'GRO BAR BYA'O, ,CI DUS THAMS CAD DU'AM ZHE NA, MA YIN TE, DE'I PHYIR LO NYES BYUNG BA'I TSE'O, ,DE SBYIN PAR BYA'O ZHES BYA BA SMOS TE, LO NYES BYUNG BA'I TSE NYE DU RNAMS DANG LHAN CIG 'BREL BAR NYE BAR SPYOD PA GNANG BA'O, ,NYIN MO 'BRAL BA'I DGE 'DUN LHAG MA'O, ,GANG LA LAM DU 'JUG PA'I DGE 'DUN LHAG MAR 'GYUR ZHE NA, DE'I PHYIR LAM DU 'JUG PA LA'O ZHES BYA BA SMOS TE, DE'I PHYIR GRONG GI NYE 'KHOR LAS 'DAS NA LAM DU ZHUGS PA YIN NO, ,'DIR GRONG MED PA NYID LA KHYIM GYI GNAS NI GRONG NYID DO, ,DON DANG BCAS PA NYID LA GRONG LA SOGS PA'I NYE 'KHOR DANG BCAS PA LA CHOS GOS DANG BRAL BA'I SKABS SU JI SKAD BSTAN PA RNAMS THAMS CAD 'DIR YANG DE BZHIN DU GZUNG BAR BYA'O, ,SKYED MOS TSAL DANG LHA'I GNAS DANG TSOGS PA'I NANG LA SOGS PA NI MA GTOGS TE, GAL TE SKYED MOS TSAL LA SOGS PA GRONG GI NYE 'KHOR DANG 'BREL PA YIN NA, DE YANG GRONG LA SOGS PAS BSKOR BA NYE 'KHOR

18a

, ,NYID YIN TE, THAG RING POS BAR DU CHOD PA LA NYE BAR SPYOD PA NYID DO, ,SBOM DGA' MO GCIG PU GRONG KHYER CHEN PO DRUG PO DAG TU 'PHYEN PA'I GLENG GZHI DE LAS BSLAB PA'I GZHI 'DI BCAS SO, ,LAM DU 'JUG PA'I DGE 'DUN LHAG MA'O, ,GANG LA CHU RGAL BA'I DGE 'DUN LHAG MAR 'GYUR ZHE NA, DE'I PHYIR CHU KLUNG GI PHA ROL DU RGAL BA LA'O ZHES BYA BA SMOS TE, LAM DU 'GRO BA LA KHA NA MA THO BA 'DI YIN NO, ,DE LTA BAS NA GRU TSUGS TZAM LAS 'DAS NA KHA NA MA THO BA 'DI YONGS SU RDZOGS PAR 'GYUR RO, ,RGYUN PHYOGS SAM RGYUN LAS BZLOG PHYOGS SU 'GRO NA, 'DIR PHA ROL DU ZHES BRJOD PA NI DPE TZAM DU RTOGS PAR BYA'O, ,LAG RKYAL DAG GIS PHA ROL DU PHYIN NA'O ZHES BYA BA NI CHU KLUNG GI PHA ROL DU RGAL BA LA GRU TSUGS TZAM LAS 'DA' BAR BYED NA DGE 'DUN LHAG MA'I LTUNG BA 'DI'I PHA ROL TU PHYIN NA ZHES BYA BA'I DON TO, ,LAG PA GNYIS KYIS LAG RKYAL DAG GIS RGAL BA NI PHA ROL DU SON PA KHO NA LA NI DNGOS GZHI RNAM PAR GZHAG PA'O, ,MDUN ROL DU NI SBOM PO ZHES BYA BA NI GCIG PU LAG RKYAL DAG GIS CHU KLUNG GI PHA ROL DU 'GRO BA NA PHA ROL DU PHYIN PA'I MDUN ROL DU NI SBOM PO'O ZHES BYA BA'I DON TO, ,YUN PHRAN PHA ROL DU NI NYES BYAS SO ZHES BYA BA NI PHYIN NA ZHES BYA BAR SBYAR RO, , YUL PHRAN ZHES BYA BA NI, GANG ZHIG MCHONGS PAS RGAL BAR NUS PAS TE, DE LA YUR PHRAN NYID DU MNGON PAR BRTEN PA NYID DU RNAM PAR GNAS PA YIN NO, ,RGYUN LHAG MA RNAMS LA NI SNGA MA BZHIN CI RIGS PAR SBYAR RO, ,CHU RGAL BA'I DGE 'DUN LHAG MA'O, ,GANG LA RAB TU 'BYIN PA'I DGE 'DUN LHAG MAR 'GYUR ZHE NA, DE'I PHYIR RAB TU 'BYIN PA LA'O ZHES BYA BA SMOS TE, 'DIR RAB TU BYUNG BA 'DI PA DANG SKAL BA MNYAM PA NYID DU BYED PA GTZO BO YIN NO, ,DE BAS NA GAL TE DANG PO KHO NAR DGE TSUL MA LA SOGS PA'I DNGOS POR BYED NA YANG KHA NA MA THO BA YONGS SU RDZOGS PAR 'GYUR RO, ,'DIR NYE BAR SDUD PA LA SOGS PA NI 'DIR SBYOR BA'I SBYOR BA NYID DE NYES BYAS SO, ,ZHU BA LA SOGS PA NI 'DIR SBYOR BA NYID DE SBOM PO ZHES RNAM PAR GNAS PA YIN NO, ,GANG ZHIG CE NA, DE'I PHYIR TSOGS PA YID MTHUN PA BDAG POS YONGS SU BTANG BA RGYAL POS RJES SU GNANG BA'O ZHES BYA BA SMOS TE, BUD MED DU

18b

'GYUR BA'I GANG ZAG GANG LA TSOGS PA'I YID MTHUN PA NYID DANG BDAG POS YONGS SU BTANG BA NYID DANG, RGYAL POS RJES SU GNANG BA NYID KYI CHOS GSUM PO DE DAG YOD PA'I BUD MED DE LTA BU LA ZHES BYA BA'I DON TO, ,YAN LAG DE DAG LAS GCIG YOD NA NI SBOM PO KHO NAR 'GYUR BAR RIG PAR BYA'O, ,DON GANG LA TSOGS PA YID MTHUN PA NYID LA SOGS PA DAG CI ZHIG GI PHYIR ZHE NA, DE'I PHYIR GSAD PA'I PHYIR RO ZHES BYA BA SMOS SO, ,SBYOR BA GANG GIS RAB TU 'BYIN ZHE NA, DE'I PHYIR MKHAN MO NYID KYIS SO ZHES BYA BA SMOS TE, 'DIR GZHAN DE LA SBYOR BA DE LA NYES BYAS SU MTHONG BA YIN NO, ,CI LTA BU ZHIG GIS RAB TU BYUNG BA YIN ZHE NA, DE'I PHYIR DE SHES PA NYID KYIS SO ZHES BYA BA SMOS TE, TSOGS PA ZHES BYA BA LA SOGS PA GSUM NYID DU RNAM PAR GZHAG PA LA DE LAS 'DA' BAR BYED PA NYID DU RNAM PAR GNAS PA YIN NO, ,GLENG GZHI NI SDE BYED KYI BU MO MEE NA KA ZHES BYA BA SKYES PA GZHAN RNAMS KYIS LONGS SPYAD PAR BYED DE, BUD MED 'DI GSAD PA'I PHYIR TSOGS PA YID MTHUN PA DANG, BDAG POS YONGS SU BTANG BA DANG, RGYAL POS RJES SU GNANG BA'I GZHI DE DAG SHES PA NYID KYIS SO ZHES GSUNGS PA YIN NO, ,RAB TU 'BYIN PA'I DGE 'DUN LHAG MA'O, ,GANG LA NOR LEN PA'I DGE 'DUN LHAG MAR 'GYUR ZHE NA, DE'I PHYIR SHI BA'I NOR LEN PA LA'O ZHES BYA BA SMOS TE, THO 'TSAMS PA'I BLO 'DI SO SOR GNAS PA YIN TE, 'DI NI BUD MED RNAMS LA TSEGS DANG BCAS PA DE BAS NA 'DI NI KHA NA MA THO BAR 'GYUR RO, ,SHI BA'I NOR DED PA KHO NA LA STE, THOB PA'I DUS 'BA' ZHIG TU NI MA ZAD DO, ,DED PA'I DUS DE NI THO 'TSAMS PA STE, DE BAS NA SHI BA'I ZHES SMOS PA NI 'DIR NOR GYI BDAG PO MED PA GTZO BO YIN TE, BDAG PO DANG BCAS PA NYID LA LEN PA DE DANG 'DRA BA NYID KYIS SBOM POR RNAM PAR GNAS PA YIN NO, ,GZHAN LEN DU BCUG NA NI 'DIR NA SMAD PA'O, ,DGE 'DUN LA YANG RNYED PA RNAM PA 'DI LTA BUR 'GYUR RAM ZHE NA, DE DMIGS KYIS BSAL BA'I PHYIR DGE 'DUN GYI LA NI LTUNG BA MED DO ZHES BYA BA SMOS TE, DGE 'DUN GYIS THOB PA NI DGE 'DUN GYIS TE, SHI BA'I NOR DE LEN PA LA NI LTUNG BA MED DO, ,CI RNAM PA THAMS CAD DU'AM ZHE NA, DE'I PHYIR GAL TE TSEGS CHUNG DUS NA'O ZHES

19a

, ,SMOS TE, DE DED CING LEN PA LA LTUNG BA MED CES BYA BA'I DON TO, ,'DIR TSEGS CHUNG DUS ZHES BYA BA NI CHOS GOS KYI RIN CHUNG BA MA YIN PA BKUR BA ZHES BYA BA LA SOGS PA LTA BU RIGS PA LAS MI 'DA' BAR RIG PAR BYA'O, ,GZHAN DU NA GAL TE TSEGS DANG BCAS SHING RANG GI DON DANG BCAS PA NYID DU LEN NA NI DGE 'DUN GYI LHAG MA'O, ,GZHAN GYI DON NYID TZAM DU ZAD KYI MNGON PAR MI 'DOD PA NYID LA RANG GI CHA DANG 'BREL PA'I BSAM PA MED PA NYID LA NI SBOM POR RNAM PAR GNAS PA YIN NO, ,SHI BA'I NOR LEN PA'I DGE 'DUN LHAG MA'O, ,GANG LA BZOD PA GSOL DU 'JUG PA'I DGE 'DUN GYI LHAG MAR 'GYUR ZHE NA, DE'I PHYIR MTSAMS KYI PHYI ROL DU BZOD PA GSOL DU 'JUG PA LA'O ZHES BYA BA SMOS TE, BSDIGS PA LA SOGS PA'I CHAD PA'I LAS LA RNAM PAR GZHAG PA'I DGE SLONG MA MTSAMS KYI PHYI ROL DU BZOD PA GSOL DU 'JUG NA'O ZHES BYA BA'I DON TO, ,'DIR MTSAMS KYI NANG DU BZOD PAR GSOL DU 'JUG PA LA NI SDIG SHIN TU CHE BAR SNANG STE, DE BAS NA DGE 'DUN NAM CHAD PA'I LAS BYED PA PO RNAMS MED PA NA DE LA 'DI GTZO BO CHE BA YIN NO, ,'DI LTAR DE NI DBYEN GYI RNAM PAR TSOGS PA MI 'JIG PAR 'GYUR BA'O, ,BUD MED RNAMS KYI BSGRUB PA LA NI STOBS DANG LDAN PA STE, DE BZHIN DU MTHUN PA 'BYED PAR 'GYUR BA NI SHIN TU YANG SMAD PAR BYA BAS NA, 'DI RNAMS SHIN TU SPYI BRTOL CHE BA YIN PAS, DE'I PHYIR KHA NA MA THO BAR 'GYUR BA'O, ,YANG DGE SLONG BA GANG ZHIG DGE SLONG MA GANG LA DGE SLONG MA'I DGE 'DUN MTHUN PAS GNAS NAS DBYUNG BAR BYA BA'I LAS BYAS PAR SHES BZHIN DU DE MTSAMS KYI PHYI ROL DU KHRID DE BZOD PAR BYED NA, DGE 'DUN LHAG MA'I LTUNG BAR 'GYUR RO, ,DE'I PHYIR 'DIR GNAS NAS DBYUNG BA'I LAS ZHES SMOS PA NI CHAD PA'I LAS DAG GI DPE TZAM DU ZAD DO, ,DE BAS NA DE NYID SKYED PA'I DBANG GIS RNAM PAR GNAS PA YIN NO, ,GZHAN DU NA CHAD PA'I LAS BYAS PAR 'JUG PA 'DI NYAMS PA NYID KYI PHYIR 'DIR GNAS NAS DBYUNG BAR BYA BA'I LAS BYE BRAG TU MA SMOS SO, ,BZOD PA GSOL DU 'JUG PA'I DGE 'DUN LHAG MA'O, ,GANG LA SPONG BA'I DGE 'DUN LHAG MAR 'GYUR ZHE NA, DE'I PHYIR DKON MCHOG GTONG NGO, ,'DI DANG MTSUNGS PA NYID KYI DGE SLONG GZHAN DAG

19b

KYANG YOD KYI, DE DAG LA TSANGS PAR SPYAD PA NYID SPYOD DO ZHES BYA BA'I TSIG DE LA ZHUGS PA MI GTONG BA LA'O ZHES BYA BA SMOS TE, DKON MCHOG GTONG NGO ZHES BYA BA NI GZHAN MU STEGS CAN LAS RAB TU BYUNG BA'I DGE SLONG MA NAG MO ZHES BYA BA DGE SLONG MA RNAMS DANG LHAN CIG 'THAB KROL BYED CING SANGS RGYAS GTONG NGO, ,CHOS GTONG NGO, ,DGE 'DUN GTONG NGO ZHES ZER BA DE NYID YIN NO, ,DE BAS NA 'DI DANG MTSUNGS PA NYID KYIS ZHES SMOS PA YIN NO, ,DGE SBYONG GZHAN DAG KYANG YOD KYI ZHES BYA BA NI SH'AKYA'I BU'I DGE SBYONG DAG NYID, TSUL KHRIMS DANG LDAN PA YON TAN DANG LDAN PA DES PA, DGE BA'I CHOS CAN MA YIN GYI, DGE SBYONG DANG, BRAM ZE TSUL KHRIMS DANG LDAN PA YON TAN DANG LDAN PA DES PA, DGE BA'I CHOS CAN GZHAN DAG KYANG YOD KYI ZHES ZER BA YIN NO, ,DE DAG LA TSANGS PAR SPYAD PA NYID SPYOD DO ZHES BYA BA LA DE DAG LA ZHES BYA BA NI DGE SBYONG DANG BRAM ZE GZHAN DE DAG LA'O, ,TSANGS PAR SPYAD PA'I DNGOS PO NYID TSANGS PAR SPYAD PA NYID SPYAD PA STE, DE DAG GI DRUNG DU TSANGS PAR SPYAD PA NYID SPYAD DO ZHES ZER BA DE BSDU BA'O, ,GANG YANG RUNG BA SMOS PA LA DE DAG THAMS CAD SMOS PAR 'GYUR ZHES BYA BA PHYOGS GCIG RU SMOS PA 'DI LA YANG DNGOS GZHI'I LTUNG BA BYED PA PO NYID DO, ,TSIG DE LA ZHUGS PA GANG YIN PA DE NI MIG GTONG BA LA KHA NA MA THO BA 'DIR 'GYUR RO, ,JI LTAR MI GTONG ZHE NA, DE'I PHYIR DGE 'DUN GYI DBYE NA LA ZHUGS PA LTAR RO ZHES BYA BA SMOS TE, JI LTAR DE LA SBYOR BA'I LTUNG BA RNAMS DNGOS GZHIR 'GYUR BA LTAR 'DI LA YANG DE BZHIN NO ZHES BYA BA 'DI LA 'DA' BAR BYED PA NYID KYIS BSTAN PAR RIG PAR BYA'O, ,'OG MA DAG LA YANG NGO ZHES BYA BA NI 'DI NAS BRTZAMS TE, 'OG MA'I 'JUG PA RNAMS LAS DGE 'DUN GYI DBYEN LA ZHUGS PA LTAR MI GTONG BA LA DGE 'DUN GYI LHAG MAR 'GYUR RO, ,SPONG BA'I DGE 'DUN LHAG MA'O, ,GANG LA 'THAB KROL BYED PA'I DGE 'DUN LHAG MAR 'GYUR ZHE NA, DE'I PHYIR DGE SLONG MA RNAMS LA 'DUN PA LA SOGS PAS 'GRO BA NYID DU RJES SU SBYOR BA LA'O ZHES BYA BA SMOS TE, MI GTONG BA LA'O ZHES BYA BA LA SOGS PA SNGAR BSTAN PA'O, ,SOGS PA'I SGRAS NI ZHE SDANG DANG GTI MUG DANG 'JIGS PAS 'GRO BA ZHES BYA BA DAG KYANG BSDUS PA STE, DE DAG GIS KHYIM

20a

, ,SUN 'BYIN PA'I DGE 'DUN LHAG MA'I RJES SU 'BRANGS PAS SHES PAR BYA'O, ,SHIN TU NGO TSA BA DANG BRAL BAR GYUR PA'I BUD MED KYI TSOGS KYI MDUN DU 'DIR 'DI RGUD PA CHEN PO YIN TE, KHYAD PAR GYI MTHAR THUG PA'O, ,'DI LAS LDOG PA DANG MI 'DOD PA DANG NYE BAR PHRAD PAS, NYE BAR GNAS PA GANG YIN PA DE LA DGE 'DUN SMRA BAR BYED PA'I MI GTONG BA DE BAS 'DI KHA NA MA THO BA'O, ,DON GANG LA 'DUN PA LA SOGS PAS 'GRO BA NYID LA ZHE NA, DE'I PHYIR DGE SLONG MA RNAMS DANG LHAN CIG 'THAB KROL DANG MTSANG 'BRU BA DANG, RTZOD PA DANG 'GYED PA BZLOG PA LA'O ZHES BYA BA SMOS TE, 'THAB KROL ZHES BYA BA NI RTZUB MO SMRA BA DANG PHYIR SMRA BA'O, ,MTSANG 'BRU BA ZHES BYA BA NI RTZUB KYANG RUNG 'JAM PO YANG RUNG BA'I TSIG GI BYA BAS CO 'DRI BA'O, ,RTZOD PA ZHES BYA BA NI KHON DU 'DZIN CING GNAS PA'O, ,'GYED PA ZHES BYA BA NI SHAGS 'GYED PA'O, ,GANG DANG LHAN CIG 'THAB KROL LA SOGS PA BYED PA LA ZHE NA, DE'I PHYIR DGE SLONG MA RNAMS DANG ZHES BYA BA SMOS TE, 'DIR DGE SLONG DANG LHAN CIG LCI BA'I CHOS KYI KHA NA MA THO BAR RIG PAR BYA'O, ,GANG ZAG GZHAN DANG LHAN CIG TU 'THAB RTZOD LA SOGS PA BYED PA LA NI NYES BYAS SO, ,'THAB KROL BYED PA'I DGE 'DUN LHAG MA'O,, GANG LA BUD MED DANG BSTEN PA'I DGE 'DUN LHAG MAR 'GYUR ZHE NA, DE'I PHYIR SDE ZHING GNAS PA LA'O ZHES BYA BA SMOS TE, MI GTONG BA LA'O ZHES BYA BA DANG, DGE 'DUN GYI DBYEN LA ZHUGS PA LTAR RO ZHES BYA BA'I RJES SU SBYAR RO, ,SU DANG SDE ZHING GNAS PA LA ZHE NA, DE'I PHYIR DGE SLONG MA DANG PO ZHES BYA BA SMOS TE, LHAN CIG CES BYA BA BDAG TU BYA BAS RTOGS PAR BYA'O, ,GLENG GZHI'I DBANG GIS DGE SLONG MA DANG ZHES GSUNGS PAR ZAD KYI KHYIM PA MO DANG MU STEGS CAN MO DANG DGE TSUL MA DANG DGE SLOB MA DANG LHAN CIG SDE ZHING GNAS PA NI SHIN TU SDIG CHE BA'I PHYIR SMOS PA YIN NO, ,KHYIM PA MO DANG MU STEGS CAN MO DAG LA 'DIR SDUG BSNGAL BA DON 'DIR DGE SLONG MA SDE ZHING GNAS PA ZHES BYA BA 'BYUNG BAR DGA' BA NYID KYI PHYIR YANG MI BSTAN PA'O, ,SKYES PA DANG LHAN CIG SDE ZHING GNAS PA LA PHAM PA'I SBYOR BA NYID DU RIG PAR BYA'O, ,RNAM PA JI LTAR SDE ZHING GNAS PA LA ZHE NA, DE'I PHYIR GZHOGS STEGS DANG

20b

'PHYAR G-YENG DANG RTZAB HRAL GYI RGYUR 'GYUR BA DAG GIS SO ZHES BYA BA SMOS TE, 'DIR GZHOGS STEGS LA SOGS PA RNAMS KYI DON THO 'TSAMS PA DANG KUN DU RTZE BA DANG, KUN DU CA CO 'DON PA RNAM GRANGS JI LTA BA BZHIN DU DON BRJOD PA'O, ,CHAGS DANG BCAS PA THAMS CAD LA 'DU 'DZI'I SKYON LA 'DIS BSDUS PA NYID DU RIG PAR BYA'O, ,MTSAN NYID JI LTA BAR YANG 'DIR LTUNG BA ZHAN RNAMS SKYES PA'O, ,BUD MED DANG BSTEN PA'I DGE 'DUN LHAG MA'O, ,GANG LA BUD MED DANG BSTEN DU 'JUG PA'I DGE 'DUN LHAG MAR 'GYUR ZHE NA, DE'I PHYIR SDE PA DE YANG DAG PAR 'DZIN DU 'JUG PA LA'O ZHES BYA BA SMOS TE, GZHOGS STEGS LA SOGS PA'I RGYUR 'GYUR BA'I RGYUN SNGAR BSTAN MA THAG PA DAG GIS DGE SLONG MA DANG LHAN CIG SDE PA DE YANG DAG PAR 'DZIN DU 'JUG PA LA MI GTONG BA LA'O ZHES BYA BA DANG DGE 'DUN GYI DBYEN LA ZHUGS PA LTAR RO ZHES BYA BAR SBYAR RO, ,YANG DAG PAR 'DZIN DU 'JUG PA'I DGE 'DUN LHAG MA'O, ,GANG LA DGE 'DUN GYI DBYEN LA SOGS PA'I DGE 'DUN GYI LHAG MA BZHI POR 'GYUR ZHE NA, DE'I PHYIR DGE 'DUN 'BYED PA LA SOGS PA BZHI PA NI DGE SLONG MA'I SKABS LAS SO ZHES BYA BA SMOS TE, DGE SLONG MA'I DGE 'DUN 'BYED PA'I DGE SLONG MA'I RJES SU 'JUG PAS DGE SLONG MA RNAMS LA LOG PA'I 'JUG PA RJES SU SBYAR BAS DGE SLONG MA RNAMS LA MI SMRA BA NYID DU BYED PAS MI GTONG BA LA DGE 'DUN 'BYED PA LA ZHUGS PA LTAR ZHES BYA BA'I DON TO, ,DGE SLONG MA'I DGE 'DUN LHAG MA RNAMS RDZOGS SO,, ,,SDOM GYI TSIGS SU BCAD PA DANG PO LAS, 'CHANG BA LA SOGS PA JI SKAD GSUNGS PA'I RIM PAS SPANG BA RNAMS LA DGE SLONG GI RNAM PAR 'BYED PAR GTOGS PA RNAMS SNGAR JI SKAD BSTAN PA BZHIN DU BLTA BAR BYA STE, GSER DANG DNGUL LA REG PA DANG, MNGON MTSAN CAN GYI SPYOD PA DANG, NYO TSONG BYED PA DANG, LHUNG BZED TSOL BA DANG, 'THAG TU 'JUG PA DANG, 'THAG PA BSKYED PA DANG, 'PHROG PA DANG, BSNGOS PA LAS BSGYUR BA DANG, SOG 'JOG LAS GYUR PA'O ZHES BYA BA STE, 'DIR GYUR PA ZHES BYA BA'I SGRAS NI RE RE DANG SO SOR SBYAR TE, GSER DNGUL LA REG PA LAS GYUR PA ZHES BYA BA'I

21a

, ,BYE BRAG NI SNGAR GYI MDO 'DI LA BRTEN TE, PHO NYID LA NI MO NYID DO, ,DE LA PHO NYID DO ZHES BSTAN PA BZHIN DU SHES PAR BYA'O, ,BYE BRAG 'DI NI 'KHRUR 'JUG PA LA SOGS PA LA DMIGS KYIS BSAL BA BSTAN PA'I PHYIR GZHAN DU GSAL BA NYID KYI DON DU BSDUS PA LA CHUNG BA NYID KYI PHYIR BSTAN PA DE BAS NA NYE BAR BSTAN PAR BYA STE, 'KHRU BA LA SOGS PA'I DGE SLONG GI'O ZHES BYA BA NI GANG ZHIG DGE SLONG MAS DGE SLONG DBANG BA'I GOS GANG YIN PA DE GOS 'KHRU BA LA SOGS PA SPANG BA'I LTUNG BYED DO, ,DE LAS LEN NA'O ZHES BYA BA NI DGE SLONG LAS BLANGS NA SPANG BAR 'GYUR PA YIN GYI DGE SLONG MA LAS NI MA YIN TE DGE SLONG LA ZHES BYA BA'I DON TO, ,'O NA GANG ZHIG DGE SLONG LA KHA NA MA THO BA DE NYID 'DIR SMOS NA, 'DIR 'KHRU BA LA SOGS PA'I SPANG PA'I LTUNG BA NYID RTEN NAM ZHE NA MA YIN TE, DE'I PHYIR RNAM PA BDUN PO DANG POR SRIN BAL GYI STAN BYED PA NAS BAL RMEL DU 'JUG PA'I MTHAR THUG PA DAG DANG, BCU PA GSUM PA LAS LHUNG BZED 'CHANG BA DANG, BRTAD PA LAS BYUNG BA DANG, ZHAG BDUN NA 'BRAL BA DANG, DBYAR GYI RAS CHEN GYI SPANG BA ZHES BYA BA BZHI PO DAG STE, RNAM PA BCU GCIG PO DE DAG NI 'DIR SPANGS PA'O, ,LHA RTEN BCAD BAR MI BYA'O ZHES BYA BA NI SBOM DGA' MO MNYAN YOD DU BSOD SNYOMS LA ZHUGS PA NA, DES LHA BON MO LHA RTEN THOGS SHING RGYU BA ZHIG MTHONG NAS, SBOM DGA' MOS BSAMS PA, THABS 'DI NI BZANG PO ZHIG YIN PAS, BDAG GIS SANG SHES PAR BYA'O SNYAM NAS, DE'I PHYI DE'I NYIN PAR LHA RTEN THOGS TE, MNYAN YOD DU ZHUGS NAS, KHYE'U DANG BU MO DAG LA SRUNG SKYOB BYED CING DES GANG DANG GANG LA SRUNG SKYOB BYAS PA DE DANG DE DAG BDE BAR GNAS PAR GYUR NAS, DE'I PHYIR GANG DANG GANG DAG LA SRUNG SKYOB BYA DGOS PAR GYUR PA DE DAG THAMS CAD KYIS SBOM DGA' MO SRUNG SKYOB BYED DU 'JUG PAR BYED NA LHA BO NA MO 'PHYA BAR GYUR PA NAS, JI SRID BCOM LDAN 'DAS KYIS BKA' STZAL PA, DE LTA BAS NA DGE SLONG MAS LHA RTEN BCANG BAR MI BYA'O ZHES BYA BA'I BAR DU GSUNGS PA YIN NO, ,LHA RTEN ZHES BYA BA NI SRUNG SKYOB BYA BA DE'I PHYIR SNOD ZA MA TOG GIS BRGYAN CING SA LAS BYAS PA'I GZUGS

21b

KYIS BKANG BA YIN NO ZHES ZER RO, ,GANG LA LHUNG BZED 'CHANG BA'I SPAG BA'I LTUNG BYED DU 'GYUR ZHE NA, DE'I PHYIR LHUNG BZED LHAG PA ZHAG GCIG LAS 'DAS PAR 'CHANG BA LA'O ZHES BYA BA SMOS TE, BUD MED RNAMS NI YO BYAD LA LHAG PAR CHAGS PA SHIN TU DAM PAS NA DE'I PHYIR ZHAG GCIG LAS 'DAS PAR 'CHANG BA LA KHA NA MA THO BA 'DIR RNAM PAR GZHAG GO, ,LHUNG BZED 'CHANG BA'I SPANG BA'O, ,GANG LA BYIN GYIS MI RLOB PA'I SPANG BAR 'GYUR ZHE NA, DE'I PHYIR BYIN GYIS BRLAB TU RUNG BA NYI MA DANG PO LA'AM, ZLA BA PHYED PHYED CING BYIN GYIS MA BRLABS PA LA'O ZHES BYA BA SMOS TE, 'DIR PHYED PHYED KYI SGRAS NI LAN GNYIS SU BRJOD PA'O, ,ZLA BA PHYED PHYED CES BYA BA LNGA PO MED PA NYID KYIS NYI MA GANG LA CHOS GOS GANG YANG RUNG BA ZHIG RNYED NA NYI MA DE NYID LA BYIN GYIS BRLAB PAR BYA STE, DE YANG DE PHYIN CHAD ZLA BA PHYED PHYED CING BYIN GYIS BRLAB PAR BYA'O ZHES BYA BA 'DI 'DIR RNAM PAR GZHAG PA'O, ,DER MED PA NYID LA CHOS GOS RNYED PA'I ZHAG LA BYIN GYIS MI RLOB NA'O, ,YOD PA NYID LA NI ZLA BA PHYED PHYED CING BYIN GYIS MA BRLABS NA SPANG BAR 'GYUR RO, ,CHOS GOS BYIN GYIS BRLABS PA DE NYID KYANG NYIN ZHAG PAR MA CHAD PA DE NYID DANG POR BYA STE, THOG MA NYID DU MNGON PAR BSTAN NAS NYI MA DANG PO DE LA ZLA BA PHYED PHYED DU CHOS GOS BYIN GYIS BRLAB RGYU BYIN GYIS MA BRLABS NA ZHAG BCU DRUG PA LA ZHES BYA BA'I DON TO, ,'DIR DGE SLONG LA NI CHOS GOS BYIN GYIS BRLAB TU RUNG BA MED NA 'DI DANG BRAL BA'I SKYA RENGS SHAR BA SPANG BAR MI 'GYUR BA DE BAS NA NYES BYAS SU RIG PAR BYA STE, GZHAN LA NI LTUNG BA MED DO, ,SPONG BA 'OG MA RNAMS LA YANG THA MA GNYIS NI LTUNG BA MED DE GZHAN LA NI NYES BYAS SU 'GYUR RO, ,BYIN GYIS MI RLOB PA'I SPANG BA'O, ,GANG LA 'BYIN PA'I SPANG BAR 'GYUR ZHE NA, DE'I PHYIR DPYID ZLA RA BA'I NYA'I NYIN MO'I MDUN ROL DU SRA BRKYANG 'BYIN PA LA'O ZHES BYA BA SMOS TE, DPYID ZLA RA BA'I NYA'I NYIN MO GANG YIN PA DE'I MDUN ROL PHAN CHAD KYI DUS GANG YANG RUNG BAR SRA BRKYANG 'BYIN PA'I DGE 'DUN MA RNAMS LA ZHES BYA BA'I DON TO, ,SHIN TU STOBS DANG LDAN PA NYID KYI PHYIR BUD MED RNAMS KYI RNYED PA LA THA SNYAD 'DI NI

22a

, ,DGE 'DUN BYED PA PO NYID YIN GYI GANG ZAG LA NI MA YIN NO, ,DE LTA BAS NA DGE 'DUN THAMS CAD LA SO SOR 'DI BSKYED PAR 'GYUR RO, ,DGE 'DUN MA'I TSAD RNAM PAR CHAD PA LA SPANG BA'I LTUNG BYED BSKYED PA'O, ,DE BAS NA RNAM PAR 'BYED PA MA YIN PA LAS 'DI NI SPANG BA NYID DO, ,DE'I TSE NA SGRUB PA MA BYAS PA DANG RNAM PAR MA PHYE BA LA SPANG BAR BYA BA NYID MED DO, ,DGE SLONG MA CHOM RKUN PAS KYANG BCOM PA'I DON NYID DU NI LTUNG BA MED DO ZHES BYA BAR NI 'DIR DON GCIG LA MDUN ROL DU SRA BRKYANG 'BYIN PA LA LTUNG BA MED DO ZHES BYA BA SMOS TE, ,GANG GI TSE DGE SLONG MA CHOM RKUN PA DAG GIS BCOM PAR GYUR NA DE'I DON DU NYID DU NYES BYAS SU ZHES BYA BA NI BYE BRAG BSHAD MTSO LAS SHES PAR BYA'O, ,SRA BRKYANG 'BYIN PA'I SPANG BA'O, ,GANG LA MI 'BYIN PA'I SPANG BAR 'GYUR ZHE NA, DE'I PHYIR MI 'BYIN PA LA'O ZHES BYA BA SMOS TE, SRA BRKYANG ZHES BYA BAR SBYAR RO, ,MI 'BYIN PA ZHES BYA BA NI TSOGS PA SBYIN PAR MI BYED PAR RNAM PAR GNAS PA YIN NO, ,DE LA ZHES BYA BA NI GANG ZHIG SRA BRKYANG 'BYIN PA'I DON DU SRA BRKYANG 'BYIN PA'I LAS LA TSOGS PA SBYIN PA ZHES BYA BA LTUNG BYED 'BA' ZHIG PAR RNAM PAR GZHAG PA DE NAS 'DI LA DUS KYI BYE BRAG TZAM GYI BYE BRAG SHES PAR BYA'O, ,SRA BRKYANG DBYUNG BA'I DON DU TSOGS PA SBYIN PAR MI BYED PA LA SPANG BA'I LHUNG BYED DO, ,RNYED PA'I RGYU MTSAN RJES SU MA GNANG BA LA NI MED PA'I PHYIR RO, ,SRA BRKYANG 'BYIN PA'I DON DU TSOGS PA SBYIN PAR MI BYED PA LA NI LTUNG BYED 'BA' ZHIG TU 'GYUR RO, ,GANG GI PHYIR 'DIR RNYED PA'I RGYU MTSAN DU GYUR PA MA BYAS PA STE, DE BAS NA CI SNYED PA 'DIR TSOGS PA SBYIN PAR MI BYED PA DE 'DI SNYED RNAMS LA LTUNG BA 'DI SKYED PA YIN PAR RIG PAR BYA'O, ,DUS NAM GYI TSE NA MI 'BYIN PA YIN ZHE NA, DE'I PHYIR DPYID ZLA RA BA'I NYA'I MDUN ROL DU'O ZHES BYA BA SMOS SO, ,SRA BRKYANG MI 'BYIN PA'I SPANG BA'O, ,GANG LA RIN PO CHE SLONG BA'I SPANG BAR 'GYUR ZHE NA, DE'I PHYIR DBYIG DANG GSER SLONG BA LA'O ZHES BYA BA SMOS TE, 'DI LTAR MDO 'DI LAS MNGON MTSAN CAN ZHES BYA BA SMOS TE, YANG DGE SLONG MA BDAG GI PHYIR MNGON MTSAN CAN SLONG NA SPANG BA'I LTUNG

22b

BYED DO ZHES GSUNGS MOD KYI DE'I RNAM PAR 'BYED PA LAS NGO BO 'DI BSHAD PA'O, ,MNGON MTSAN CAN ZHES BYA BA NI DBYIG GAM GSER ZHES GSUNGS TE, DE DAG THAMS CAD KYANG RIN PO CHE MTSON PA'I DON DU BYE BRAG MED PA'I PHYIR TE, DE LA GTZO BOR RNAM PAR GNAS PA YIN NO, ,DE BAS NA RIN PO CHE THAMS CAD LA 'DIS BSTAN PA NYID DU SHES PAR BYA'O, ,'DIR RIN PO CHE 'GA' ZHIG LA MNGON PAR BRTEN PA NI MI RIGS PA YIN TE, KHYAD PAR MED PA'I PHYIR RO, ,SLONG BA SNGON DU BTANG NAS SPANG BA'I YOD PA NYID NI GLAGS RNYED PA MA YIN TE, 'DIR SLONG BA GRUB LA SPANG BA NYID KYI YOD PA NYID GLAGS RNYED PA NI MA YIN NO, ,DE BAS NA SLONG BA NYID LA THABS KYIS 'DI BSTAN PA'O, ,DE BAS NA GANG ZHIG 'DIR SLONG BA'I TSIG GO, ,GANG DU SLONG BA SNGON DU BTANG NAS LEN PA LA NI SPANG BAR BRJOD PA DE LA NI 'BRAS BU DANG BCAS PA NYID DO, ,GNAG DU 'DIR YANG MA BLANGS PA LA DBYAR KHANG GI DGOS PA'I DBANG GIS SLONG BA DANG, LEN PA LA NYES PA MED DO, ,DE BAS NA 'DIR ZHUGS PA'O, ,RIN PO CHE SLONG BA'I SPANG BA'O, ,GANG LA GOS ZA BA LAS GYUR PA'I SPANG BAR 'GYUR ZHE NA, DE'I PHYIR GZHAN GYI CHED DU RNYED PA'I GOS ZAS SU BYAS TE BZA' BA'I PHYIR 'JOG PA LA'O ZHES BYA BA SMOS TE, ZAS LAS GZHAN PA GLEGS BAM BRIS PA LA SOGS PA'I CHED DU RNYED PA'I GOS ZAS SU BSGYUR ZHING BYAS TE, TSONG GIS BSGYUR BA BZA' BAR BYA'O ZHES DE'I PHYIR NGES PAR 'JOG PAR BYED PA'I DON 'DI RNAM PAR NGES PA ZHES BYA BA'I DON TO, ,'DIR DON GZHAN NYID LA NI KHYAD PAR YONGS SU BZUNG BA YOD PA MA YIN TE, GZHAN GYI DNGOS PO ZHES BYA BA NI 'DIR MDO'I TSIG STE, GZHAN GYI DNGOS PO ZHES BYA BA NI, DNGOS PO GZHAN LA YONGS SU BSNGOS PAS ZHES BYA BA 'DI'I RNAM PAR 'BYED PA'O, ,DE BAS NA 'DIR DON GZHAN NYID TZAM KHAS BLANGS PA STE, 'DIR KHAS BLANGS PA YIN GYI KHYAD PAR BSTAN PA NI MA YIN NO, ,GOS ZA BA LAS GYUR PA'I SPANG BA'O, ,GANG LA GOS KYI RGYU ZA BA LAS GYUR PA DANG, MAL CHA ZA BA LAS GYUR PA DANG, DBYAR KHANG RGYU ZA BA LAS GYUR PA'I SPANG BA GSUM DU 'GYUR ZHE NA, DE'I PHYIR GO RIMS BZHIN DU GOS

23a

, ,DANG MAL CHA DANG DBYAR KHANG GI CHED DU YANG NGO ZHES BYA BA SMOS TE, YO BYAD GANG YANG RUNG BA RNYED PA ZAS SU BYA STE, BZA' BA'I PHYIR 'JOG PA LA'O ZHES BYA BA'I RJES SU BSNYEGS PA'I PHYIR MDO SNGA MA LAS YANG NGO ZHES BYA BA'I SGRA SMOS SO, ,GANG YANG RUNG BA'O ZHES BYA BA NI GOS GCIG PU LA NI MA YIN TE, SGRA'I RJES SU 'BRANGS PAS 'JUG PAR GYUR PA RNAMS BSAL BA'I DON DU THA SNYAD 'DI GDAGS SO, ,GOS RGYU LA SOGS PA ZA BA LAS GYUR PA'I SPANG BA'O,, ,,GANG LA GANG GIS BSNGOS PA BYIN GYIS RLOB PA'I SPANG BAR 'GYUR ZHE NA, DE'I PHYIR DGE SLONG MA'I SKYE BO MANG PO'I PHYIR SBYOR DU BCUG NAS RANG LA YONGS SU BSGYUR BA LA'O ZHES BYA BA SMOS TE, DGE SLONG MA'I BDAG NYID KYI SKYE BO MANG PO'I PHYIR DNGOS PO SBYOR DU BCUG PA GANG YIN PA DE BDAG LA YONGS SU SGYUR BAR BYED PA LA ZHES BYA BA'I DON TO, ,SKYE BO RNAMS KYI TSOGS NI SKYE BO STE, SKYE BO BZHI YAN CHAD LA SOGS PA'O, ,DE LTA BAS NA BZHI LA SOGS PA NI SKYE BO MANG POR RTOGS PAR BYA'O, ,DE LTAR YANG RNAM PAR 'BYED PA LAS, SKYE BO MANG PO JI LTA BA BZHIN DU DGE SLONG MA'I DGE 'DUN GYI PHYIR YANG DE BZHIN NO ZHES GSUNGS PA YIN NO, ,DGE SLONG MA'I DGE 'DUN GYI DON DU ZHES BYA BA TSIG TU MA SMOS PA'I PHYIR DE'I GNAS KYI SA DANG NYE BAR 'GRO BA'I DGE 'DUN LAS PHYED BCAD PA'I TSOGS LAS JI LTAR YID CHES PAR 'GYUR, DE'I KHYIM GYI GNAS DANG NYE BAR 'GRO BA'I DGE 'DUN THAMS CAD LA MNGON PAR BRTEN PAN YID KYIS RTOGS PAR MA GYUR CIG CES BYA BA'I PHYIR DANG, 'OG NAS KYANG DGE 'DUN ZHES SMOS PAR BYA'O, ,DGE SLONG GI PHYIR DANG RAB TU BYUNG BA 'DI LA BSNYEN PAR RDZOGS PA'I PHYIR DANG, MU STEGS CAN RAB TU BYUNG BA'I PHYIR DANG, KHYIM PA'I PHYIR SBYOR DU BCUG PA RANG LA YONGS SU BSGYUR BA NA NYES BYAS SU SHES PAR BYA'O, ,SKYE BO MANG PO LA BSNGOS PA BYIN GYIS RLOB PA'I SPANG BA'O, ,GANG LA RANG LA YONGS SU BSGYUR BA'I SPANG BAR 'GYUR ZHE NA, DE'I PHYIR DGE 'DUN GYI PHYIR YANG NGO ZHES BYA BA SMOS TE, YANG NGO ZHES BYA BA SGRAS NI PHYIR SBYOR DU BCUG NAS RANG LA YONGS SU BSGYUR BA NA'O ZHES BYA BA'I RJES BSNYEGS PA'I PHYIR RO, ,

23b

'DIR YANG RNAM PAR 'BYED PA'I TSIG NYID LAS, DGE 'DUN GYI ZHES SMOS PA NI DGE SLONG MA'I DGE 'DUN GYI PHYIR ZHES GSUNGS PA YIN TE, DE BAS NA DGE SLONG MA'I TSIG GO, ,'DI YANG DON GZHAN NYID LA NI SNGA MA BZHIN DU NYES BYAS SU RIG PAR BYA'O, ,'DIR DGE 'DUN ZHES SMOS PA NI GRANGS CHAD PA MED PAR DGE 'DUN MA SPYI PHYIR SBYOR DU BCUG PA YIN NO ZHES BYA BA BSLAB PA'I GZHI SNGA MA LAS SHES PA'O, ,DE'I PHYIR GRANGS CHAD PA MED PA'I TSOGS KYI PHYIR SBYOR DU BCUG PA BDAG GCIG PUS SPYOD PA LA NI SNGA MAR GTOGS PA'I BYA BAR RIG PAR BYA'O, ,DGE 'DUN LA BSNGOS PA BYING YIS BRLAB PA'I SPANG BA'O, ,GANG LA BCINGS PA 'GROL DU 'JUG PA'I SPANG BAR 'GYUR ZHE NA, DE'I PHYIR TSIG NYAN DU GZHUG PA'I PHYIR RDZAS BCINGS PA 'GROL DU GZHUG PA LA'O ZHES BYA BA SMOS TE, 'DIR GZHUNG NI GTZUG LAG DAG DGA' MOS SPOS 'TSONG GI KHYE'U LA CHAGS NAS DES DE'I TSIG NYAN DU GZHUG PA'I PHYIR DE LAS RDZAS NYO ZHING THUM BU BCINGS SHING BCINGS SHING YANG DANG YANG 'GROL DU BCUG NA THAMS CAD SPANG BA'I LTUNG BYED DU 'GYUR ZHES GSUNGS PA YIN NO, ,'DIR TSIG NYAN DU GZHUG PA'I PHYIR ZHES BYA BA'I GZHUNG NI LTUNG BA BSTAN PA LAS, DGE SLONG MAS DE TSIG NYAN DU GZHUG PA'I PHYIR JI TZAM DU THUM BU BCING DU BCUG CING YANG DANG YANG 'GROL DU BCUG NA THAMS CAD SPANG BA'I LTUNG BYED DU 'GYUR RO ZHES GSUNGS PA YIN NO, ,DON LA BDEN PAR GNAS PA'I DON DU DE LTA BU'I ZLA BO LA BCINGS PA 'GROL DU 'JUG PA LA NYES PAR RIGS PA MA YIN TE, DE BAS NA 'DI NYE BAR BSDU'O, ,'KHRIG PA'I RO NYE BAR GOS BAR BYED PA NI BDAG TU BYED PA'O, ,MTSAN THA DAD PA MA YIN PA SKYES PA BSTEN PA'I MTHU YOD PA DE LTA BU LA 'KHRIG PA NYE BAR SDUD PA 'DUL BA LAS 'GAL BA'I ZLA NI MNGON PAR GRAGS PA STE, DE BAS NA 'DI LA YANG 'DIS BSTAN PA NYID DO, ,MTSAN MTHUN PA LA SOGS PA LA NI NYES BYAS SO ZHES BYA BA'I RJES SU 'BRANGS PAS RTOGS PA'O, ,RDZAS BCINGS PA ZHES BYA BA'I TSIG 'GROL BA'I NGO BO BSTAN PA'I DON DU'O, ,'DIR THUN BU ZHES SMOS PA NI THAMS CAD DU NANG GI BDAG NYID KYI SNYIM PA LA SOGS PA 'DI DANG PHYI ROL GYI SPROG MA LA SOGS PA DAG NI RDZAS NYID

24a

, ,DU BZUNG BA'O, ,'O NA SPANG BA'I SNYIM PA LA SOGS PA 'GROL DU BCUG PA 'GAL LO ZHE NA, 'DI NI MA YIN TE THAMS CAD MA YIN PA GSAL BA'I PHYIR CHOS KYIS KYANG SPYI'I 'GREL PA NYE BAR BSTAN PA'I PHYIR NU MA BZHI DANG LDAN PA'I BA LANG GI RIGS ZHES BYA'O, ,GZHAN DBANG PA'I THUM BU BCING BA DANG 'GROL DU BCUG PA LA YANG DON MED PAR 'GROL DU 'JUG NA SHIN TU SDIG CHE BA NYID KYI PHYIR 'DI KHA NA MA THO BA YONGS SU RDZOGS PA RNAM PAR GNAS PA NYID DO, ,DE BAS NA GZHAN GYIS BCINGS PA 'GROL DU BCUG PA DANG THUM BU 'GROL DU BCUG PA BYE BRAG CUNG ZAD KYANG YOD PA MA YIN NO, ,DE LTA BAS NA SKYE BA'I DBANG GIS 'DIR MTSON PA TZAM NYID KYI DGONGS PA TZAM THUM BU'I TSIG GO, ,DE BAS NA 'DIR 'DI KHONGS SU BSDU BA MA YIN NO, ,BCINGS PA 'GROL DU 'JUG PA'I SPANG BA'O, ,GANG LA GOS LCI BA BSTAN PA'I SPANG BAR 'GYUR ZHE NA, DE'I PHYIR SRANG BRGYA PA LA SOGS PA NAS K'AR sh'A PA nA NYI SHU LA SOGS PA RI BA'I GOS BDAG GIR BYED PA LA'O ZHES BYA BA SMOS TE, BSLAB PA'I GZHI 'DI NI MCHOD SBYIN GYIS RAL GYI MTHU CAN GYIS KHROM NAS LA BA RIN PO CHE RIN THANG CHEN PO RNYED NAS DES KYANG SBOM DGA' MO LA BYIN PAS, DES DE GYON TE BSOD SNYOMS LA ZHUGS PA DE LAS BCAS TE, YANG DGE SLONG MA GOS LCI BA DANG RIN THAMS CHEN PO 'CHAG BAR BYED NA SPANG BA'I LTUNG BYED DO ZHES BYA BA 'DI DANG, 'OG MA'I YANG MDO YIN TE, 'CHANG DU 'JUG NA ZHES BYA BA 'DI NI LTUNG BA BSTAN PA LAS SO, ,'CHANG BAR BYED NA ZHES BYA BA'I RNAM PAR 'BYED PA NI BDAG GIR BYED CES GSUNGS PA YIN NO, ,DE'I PHYIR BDAG GIR BYED PA LAS ZHES BYA BA SMOS PA DANG, 'DIR BRJE BA'I PHYIR LTUNG BA MED DO ZHES GSUNGS PA YIN NO, ,DGE SLONG MAS GOS RIN THANG CHEN PO BRJE BA'I PHYIR, BDAG TU BYA'O ZHES BYA BA 'DIS BSTAN PAR RIG PAR BYA'O, , BTZONG PA LA SOGS PA'I PHYIR BDAG GIR BYED PA LA NI THAMS CAD DU SPANG BAR 'GYUR RO, ,GZHAN GYIS GON PA LAS YANG SPANG BAR BYA BA'I DNGOS PO MED DU ZIN KYANG KHA NA MA THO BA NI YONGS SU RDZOGS PAR 'GYUR RO, ,DE LAS SKYES PA'I RIN PO CHE YANG 'DI LAS LJID DANG RIN THANG CHEN PO ZHES BYA BA RIN GYIS RNYED

24b

PAR BYA BA NYID KYI PHYIR RO, ,DE BAS NA BRTAGS PA GANG DAG GIS RIN PO CHE LEN PA DE RNAMS KYIS 'DI LEN PA LA LTUNG BA MED DO ZHES RTOGS PAR BYA'O, ,BUD MED NI GOS BZANG PO GYON NA GSO RO SKYE BAS DE'I PHYIR GOS 'DI GNYIS BKAG PA YIN NO, ,'DIR LEN PA NI SPYAD PA'I PHYIR BDAG TU BYA'O, , DE BAS NA GOS LA YANG KHA NA MA THO BA 'DI'O, ,'DIR GZHAN GYIS GYON PA LA YANG SPANG BAR BYA BA'I DNGOS PO MED DU ZIN KYANG GCIG PA'I DNGOS PO MED PAS KHA NA MA THO BA YONGS SU RDZOGS PAR 'GYUR RO, ,SRANG BRGYAL SOGS PA DAG CES BYA BA NI ME TOG DANG SNA MA BU DANG BLANGS PA'I LA BA LA SOGS PA DE'I RIGS CAN LA'O, ,K'AR sh'A PA nA LA SOGS PA GNYI GA'I SOGS PA ZHES BYA BA'I SGRA SMOS PA NI 'OG MA LA YANG DE BZHIN DU SHES PAR BYA BA'I PHYIR, DE YUL GYI THA SNYAD KYIS RNAM PAR GZHAG PA ZHES BYA BA 'DI MA BYIN PAR LEN PA'I PHAM PA'I RJES SU 'BRANGS NAS SHES PAR BYA'O, ,GOS ZHES BYA BA NI KA SHI KA'I RAS PHRAN DANG DAR LA DANG, DAR GOS LA SOGS PA GZHAN YANG RUNG BA STE GANG ZHIG RNAM PAR 'BYED PA LAS SMOS PA DE NI 'DIR MTSON PA TZAM YIN TE, RIN THANG CHEN PO 'DIR RIN THANG CHEN PO GZHAN LAS DNGOS PO 'DI LA KHYAD PAR MED PAS RNAM PAR GNAS PA YIN TE, DE LTA BAS NA KHAS MA BLANGS SO, , GOS LCI BA BSTEN PA'I SPANG BA'O, ,GANG LA GOS YANG BA BSTEN PA'I SPANG BAR 'GYUR ZHE NA, DE'I PHYIR SRANG LNGA PA'I MTHAR THUG PA'O ZHES BYA BA SMOS TE, SOGS PA ZHES BYA BA'I SGRAS NI K'AR sh'A PA nA NYI SHU LA SOGS PA RI BA'I GOS BDAG GIR BYED PA LA'O ZHES BYA BA'I RJES BSNYEGS PA'I PHYIR RO, ,'DIR MTHAR THUG PA'I SGRAS NI SKYE PO'I GRANGS BZUNG BAR BYAS PAR RIG PAR BYA'O, ,'DIR GZHUNG NI SPANG BA ZHES BYA BA NI SPANG LNGA'AM LNGA LAS CHUNG BA'O ZHES BYA BA GSUNGS PA YIN TE, 'DIS NI 'DI LTA STE BUD MED NI GOS BZANG PO GYON NA GSO RO SKYE BAS DE'I PHYIR 'DI GNYIS BKAG PA'O, ,GOS YANG BA BSTEN PA'I SPANG BA'O, ,SPANG BA'I LTUNG BYED RNAMS RDZOGS SO,, ,,DA NI DGE SLONG MA RNAMS KYI LTUNG BYED 'BA' ZHIG TU 'GYUR BA DAG BSHAD PAR BYA STE, DE LA BDUN CU RTZA GNYIS SO ZHES BYA BA NI SNGAR DGE SLONG GI RNAM PAR 'BYED PA'I SKABS SU BSTAN ZIN TO, ,DE DAG KYANG GANG

25a

, ,ZHE NA, MA BSKOS PA LA SOGS PA BCU DANG, SKROD PA DANG, YANG YANG ZA BA DANG, ZAS BSOD PA SLONG BA DANG, 'DUG PA DANG, 'GRENG BA DANG, PHYIR MA BLANGS PA SPYOD PA DANG, MA LON PA DANG DBYAR GYI RAS CHEN LAS GYUR PA NI MA GTOGS SO ZHES BYA PA SMOS TE, LTUNG BYED DGU BCU PO 'DI DAG LAS BCO BRGYAD PO 'DI DAG MA GTOGS PA LHAG MA JI SNYED PAR GYUR PA RNAMS ZHES BYA BA'I DON TO, ,'DIR KHA CIG NI MI SRID PA'I PHYIR DGE SLONG MA RNAMS KYI LTUNG BAR MI GZHAG PA YANG YOD DE, 'DI LTA STE MA BSKOS PAR STON PA LA SOGS PA RNAMS TE, GANG GI PHYIR DGE SLONG MA RNAMS KYIS DGE SLONG DAG LA BSTAN PAR BYA BA MA YIN PA'I PHYIR RO, ,KHA CIG NI SHIN TU SMAD PAR BYA BA MA YIN PA'I PHYIR RO, ,'DI LTA STE BLANGS PA ZA BA'I LTUNG BYED DE GANG GI PHYIR SKYES PAS BLANGS PA ZA BA LA, BUD MED KYIS ZA BA NI SMAD PAR BYA BA MA YIN TE, DE BZHIN DU GZHAN DU YANG JI LTAR RIG PAR RTOGS PAR BYA'O, ,DGE SLONG MA'I LTUNG BYED RNAMS LA, DGE SLONG GI CUNG ZAD 'JUG PA MNYAM PA KHO NA YIN TE, 'DI LTA STE DPER NA, SKROD PA'I LTUNG BYED LTA BU'O, ,CUNG ZAD MED PA NI 'DI LTA STE, MA BSLABS PA'I BSLAB PA LA BSNYEN PAR RDZOGS PA RNAM PAR MA BZHAG PA'I PHYIR, SKYES PA BSLAB PA SPYOD PA LA'O, ,'GA' ZHIG TU LTUNG BA MED DO, ,NYES PA'I GLAGS MI RNYED PA NYID KYI PHYIR RO, ,'DI LTA STE LO RA RER RAB TU 'BYIN TU BCUG PA LA GANG GI PHYIR BUD MED KYI TSOGS LA NYE BA'I NYON MONGS PA SRED PA SHAS CHE BA YIN GYI SKYES PA LA NI DE LTA MA YIN NO, ,'GA' ZHIG TU JI LTAR THOB PA'I NYES BYAS NI 'DI LTA STE KHRI GCIG LA DGE SLONG DAG NYAL PA LTAR KUN NAS REG PAR 'GYUR NA'O, ,'DIR NI PHYOGS TZAM ZHIG BSTAN PA YIN GYI, RGYAS PAR NI BYE BRAG BSHAD MTSO LAS SHES PAR BYA'O, ,CHOS YONGS SU ZHUS PA LAS DGE SLONG LAS DGE SLONG MAS ZANG ZING NYE BAR BSGRUB TU RUNG NGO ZHES BYA BA 'DI GNAS LAS THOB PA PHRAN TSOGS DAG LAS SDUD PA PO RNAMS KYIS YANG DAG PAR BCUG PA DE BSTAN PAR BYA STE, DGE SLONG GIS RAB TU BYUNG BA MO'I PHYIR ZANG ZING NYE BAR SGRUB TU RUNG STE, CHUNG MAR GYUR PA NYID LA YANG NGO ZHES BYA BA NI SNGON KHYIM PAR GNAS PA'I TSE GANG ZHIG

25b

CHUNG MAR GYUR PA NYID LAS TE, DE LA YANG DGE SLONG MA NYID DU GYUR ZIN PA LA DGE SLONG GIS NYE BAR BSGRUB TU RUNG BA KHO NA STE, DE NI RUNG BA MA YIN PAR SHES PAR BYA ZHES BYA BA'I DON TO, ,DES BLANG DU RUNG NGO ZHES BYA BA NI DGE SLONG MA DES ZANG ZING NYE BAR SGRUB PAR BYED PA'I DGE SLONG DE LAS ZANG ZING BLANG DU RUNG BA KHO NA YIN PA'O, ,PHRAN TSEGS DAG LAS SKYES PA RNAMS DANG LHAN CIG MAL DU GTOGS PA YANG DAG PAR ZHUGS PA BRJOD PAR BYA STE, BU CHUNG DU DANG LHAN CIG NYAL PA LA NI MA GTOGS PA NYID MA YIN NO ZHES BYA BA NI BYIS PA GANG MA MED PAR MTSAN MO NYAL MI NUS PA DE NI BU CHUNG NGU ZHES BYA BAR RNAM PAR GNAS PA YIN TE, RANG GI BU CHUNG DU DE DANG LHAN CIG GNAS PA'I DON DU 'DI RJES SU GNANG BA NI GLENG GZHI DANG DON LAS GTOGS PAR 'GYUR BA'I PHYIR RO, ,CI DGE SLONG MA THAMS CAD LAS MA GTOGS PA NYID MA YIN NAM ZHE NA, DE'I PHYIR GNANG BA THOB PA LA'O ZHES BYA BA SMOS TE; BU CHUNG DU MA YIN PA DANG GANG GIS LHAN CIG NYAL BA'I GNANG BA THOB PAR GYUR PA DE LAS MA GTOGS PA NYID MA YIN ZHES BYA BA'I DON TO, ,DE LA GNANG BA DE SBYIN PA CHOS DANG MTHUN PA NYID RIGS SAM ZHE NA, DE'I PHYIR DE SBYIN PAR BYA'O ZHES BYA BA SMOS TE, 'DI LA DGE SLONG MA'I DGE 'DUN GYIS GNANG BA SBYIN PA LA NI CHOS DANG MTHUN PA NYID YIN TE, NGES PAR SBYIN PA DANG, NGES PAR LEN PA DANG, YANG DAG PAR BSGRUB PA DANG, TSANGS PAR SPYAD PA DANG, YO BYAD DANG, RTZE BA DANG, 'JO SGEG DANG, STAN GDING BA DANG, BZA' BA DANG, GOS DANG, SER SNA BYED PA DANG, GNAS KHANG NA 'DUG PAR 'GRO BA DANG, NGES PAR 'BYUNG BA LA GTOGS PA'I 'JUG PA RNAMS LAS GZHAN PA'I LTUNG BYED 'BA' ZHIG TU 'GYUR BA BRGYA RTZA BRGYAD PA DAG NI YUL DU GYUR PA'I SPYOD PA DE DAG LA RNAM PAR GZHAG PA YIN NO, ,DA NI 'DI MAN CHAD RNAM PAR BSHAD PAR BYA STE, GANG LA BDAG NYID KYI MA LON PA 'JOG PA'I LTUNG BYED DU 'GYUR ZHE NA, DE'I PHYIR RAB TU 'BYIN PA DANG, BSNYEN PAR RDZOGS PAR BYED PA LA'O ZHES BYA BA SMOS TE, ,GNAS SKABS GAN LA ZHE NA, DE'I PHYIR LO BCU GNYIS MA LO NA PA NYID LA'O ZHES BYA BA SMOS SO, ,GANG GIS SHE NA DE'I PHYIR BDAG NYID BSNYEN PAR RDZOGS PAS SO ZHES BYA BA SMOS

26a

, ,TE; BDAG NYID BSNYEN PAR RDZOGS NAS LO BCU GNYIS MA LON PAR RAB TU 'BYIN PA DANG, BSNYEN PAR RDZOGS PAR BYED DU 'JUG PA LA LTUNG BYED 'DI RNAM PAR GZHAG GO, ,MA LON PAS NYE BAR 'JOG PA'I LTUNG BYED DO, ,'KHOR DANG 'KHOR MANG PO NYE BAR GZHAG PA'I GNANG BA SBYIN PAR BYA'O ZHES BYA BA NI, 'KHOR NYE BAR GZHAG PA'I GNANG BA DANG, 'KHOR MANG PO NYE BAR GZHAG PA'I GNANG BA DGE SLONG MA RNAMS KYIS SBYIN PAR BYA ZHES BYA BA'I DON TO, ,'DIR ME'I SGRA NI MANG PO LAS TE, DE BAS NA 'KHOR MANG PO GZHAN ZHES BYA BA 'DI LAS RTOGS PA MANG POS TSOL BA NYID DO, ,ME'I CHOS RNAMS GANG YIN PA DE DANG RTOGS PA MANG PO NYID KYI RGYU MTSAN GYIS 'DIR ME'I SGRA 'DI 'JUG PA YIN NO, ,CI DGE SLONG MA THAMS CAD LA SBYIN PAR BYA'AM ZHE NA, DE'I PHYIR DE NYE BAR 'JOG NUS PA LA'O ZHES BYA BA SMOS TE, 'KHOR DE NYE BAR 'JOG PA DANG 'JOG NUS PA'I GNANG BA SBYIN PA'O, ,'DIR NUS ZHES BYA BA NI GNYIS KA LA YANG NAD G-YOG DANG 'GYOD PA BSAL BA ZHES BYA BA LA SOGS PA SMOS PA GANG YIN PA DE SNGA MA LA GTOGS PAR BYA'O, ,PHYI MA BSGRUB PA'I PHYIR 'BYUNG BA RNAMS KYI NUS PA'O, ,'DIR GZHUNG NI GANG GIS 'KHOR NYE BAR GZHAG PAR NUS PA DES DGE 'DUN LA 'KHOR NYE BAR GZHAG PA'I GNANG BA THOB NAS 'KHOR NYE BAR GZHAG PAR BYA'O ZHES GSUNGS PA YIN TE, DGE SLONG MA MING 'DI ZHES BGYI BA LO BCU GNYIS LON LAGS TE, 'KHOR NYE BAR GZHAG PAR SPRO NAS ZHES BYA BA YANG SNGA MA DANG PHYI MA LA GANG ZHIG DANG LDAN PA DES 'KHOR MANG PO NYE BAR GZHAG PA'I GNANG BA GSOL NA ZHES BYA BA LA SOGS PA YIN NO, ,BDAG MING 'DI ZHES BYA BA LO BCU GNYIS LON LAGS TE, 'KHOR MANG PO NYE BAR GZHAG PA SPRO NAS 'KHOR MANG PO NYE BAR GZHAG PA'I GANG BA GSOL NAS BDAG MING 'DI ZHES BGYI BA LO BCU GNYIS LON PA 'KHOR MANG PO GZHAG PA'I DON DU SPRO BA ZHES BYA BA YANG NGO, ,CI NUS PA THAMS CAD LA GNANG BA DE SBYIN PAR BYA'AM ZHE NA, DE'I PHYIR BSNYEN PAR RDZOGS NAS LO BCU GNYIS LON PA NYID LA'O ZHES BYA BA SMOS TE, 'DIR LUNG NI GNANG BA SLONG BA'I SNGAGS RNAMS LA BSNYEN PAR RDZOGS NAS LO BCU GNYIS LON PA ZHES BYA BA LA SOGS PA'O, ,BSLAB PA'I GZHI SNGA MA

26b

BCAS PA LA YANG 'DI THOB PA'O, ,GNAS SBYIN PA LA YANG LO BCU'I GNAS LA YANG LO BCU GNYIS LON PA NYID DGE SLONG MA RNAMS LA 'DI LAS SKYES PA NYID DU RIG PAR BYA'O, ,GZHAN GYIS GSOL BAR MI BYA'O ZHES BYA BA NI MI NUS PA LO BCU GNYIS MA LON PAS GNANG BA 'DI DAG GSOL BAR MI BYA'O ZHES BYA BA'I DON TO, ,'DIR YANG TSIG 'DI DAG NYID MDO LAS RTOGS PAR BYA'O, ,GANG YANG NUS PA ZHES BYA BA DE 'DIR DNGOS KYI TSIG STE, DON GZHAN DANG GZHAN LAS THOB PAR BYED PA'O, ,GANG LA 'KHOR NYE BAR 'JOG PA'I LTUNG BYED DU 'GYUR ZHE NA, DE'I PHYIR GNANG BA MA THOB PA LA'O ZHES BYA BA SMOS TE, DGE SLONG MA GANG GIS SNGAR 'KHOR NYE BAR GZHAG PA'I GNANG BA MA THOB PA DE LA'O, ,'JUG PA GANG LA CI ZHIG BYA NA DE LA DER 'GYUR ZHE NA, DE'I PHYIR 'KHOR NYE BAR 'JOG NA'O ZHES BYA BA SMOS TE, SLAR DE NYE BAR GZHAG PA NI RAB TU 'BYIN PA DANG BSNYEN PAR RDZOGS PAR BYED PA DANG, DGE SLOB MAR BYED PA DANG, GNAS SBYIN PA ZHES BYA BA RNAM PA BZHI PO DAG GIS SHES PAR BYA BA KHYAD PAR MED PA NYID KYI PHYIR RIG PAR BYA'O, ,'KHOR NYE BAR 'JOG PA'I LTUNG BYED DO, ,GANG LA 'KHOR MANG PO NYE BAR 'JOG PA'I LTUNG BYED DU 'GYUR ZHE NA, DE'I PHYIR CIG SHOS NI 'KHOR MANG PO ZHES BYA BA SMOS TE, NYE BAR 'JOG PA LA'O ZHES BYA BAR SBYAR RO, ,SNGAR GNANG BA MA THOB PA LA'O ZHES BYA BA DANG, 'KHOR MANG PO NYE BAR 'JOG NA'O ZHES BYA BA GNYIS KYANG DON GYIS BSGYUR TE, 'KHOR MANG PO NYE BAR 'JOG PA'I LTUNG BYED DO ZHES BYA BA'I DON TO, ,'KHOR MANG PO NYE BAR 'JOG PA'I LTUNG BYED DO, ,GANG LA LO BCU GNYIS MA LON PAR NYE BAR SDUD PA'I LTUNG BYED DU 'GYUR ZHE NA, DE'I PHYIR KHYIM SO BZUNG BA LO BCU GNYIS NYID KYI MDUN ROL DU BSNYEN PAR RDZOGS PAR BYED PA LA'O ZHES BYA BA SMOS TE, SNGAR BSNYEN PAR RDZOGS PA'I LO RNAMS KYI DANG PO NI BCU GNYIS NYID DO ZHES BSTAN PAS DE'I PHYIR, BUD MED KHYIM SO BZUNG BA BAG MAR BTANG BA NI NA TSOD BCU GNYIS LON PA'I MDUN ROL DU BSNYEN PAR RDZOGS PAR BYED NA LTUNG BYED DU 'GYUR RO, ,LO BCU GNYIS MA LON PAR BSNYEN PAR RDZOGS PAR BYED PA'I LTUNG BYED DO, ,GZHAN DU GANG LA YIN ZHE NA, DE'I PHYIR GZHAN NI LO NYI SHU'I 'O ZHES BYA BA SMOS TE, MDUN ROL DU

27a

, ,BSNYEN PAR RDZOGS PAR BYED NA NYE BAR LTUNG BA'O, ,LO ZHES SMOS PA NI LO RNAMS NI LO STE ZHES BYA BA DON GYIS NYE BAR BSKYUR BA LA NYE BAR LTUNG BA'O, ,KHYIM SO BZUNG BA LAS GZHAN PA'I KHYIM SO MA BZUNG BA NI NA TSOD LO NYI SHU LON PA'I MDUN ROL DU BSNYEN PAR RDZOGS PAR BYED NA ZHES BYA BA'I DON TO, , 'DIS NI BYE BRAG TZAM BSTAN PA YIN TE, 'DI LAS GZHAN PA THAMS CAD 'DI DAG GI BSNYEN PAR RDZOGS PA'I DNGOS PO LTUNG BYED DU BSGRUB PAR RTOGS PAR SHES PAR BYA'O, ,LO NYI SHU MA LON PAR BSNYEN PAR RDZOGS PAR BYED PA'I LTUNG BYED DO, ,GANG LA TSIG LAS BZLAS PA'I LTUNG BYED GNYIS SU 'GYUR ZHE NA, DE'I PHYIR BSLAB PA MA BYIN PA GNYIS MKHAN PO NYID KYIS SO ZHES BYA BA SMOS TE, KHYIM SO BZUNG BA DANG BSLAB PA GNANG BA MA BYIN PA NYID MKHAN MO NYID KYIS BSNYEN PAR RDZOGS PAR BYED NA LTUNG BYED GNYIS SU RNAM PAR GZHAG PA YIN NO, ,SBOM DGA' MOS BUD MED KHYIM SO BZUNG BA LO BCU GNYIS LON PA ZHIG DANG, KHYIM SO MA BZUNG BA LO NYI SHU LON PA GCIG BSLAB PA'I SDOM PA MA BYIN PAR BSNYEN PAR RDZOGS PAR BYAS PA LAS, BSLAB PA'I GZHI GNYIS SO SOR BCA' BA MDZAD PA GANG YIN PA DE LA SKYES PA'I DBANG GIS YUL THA DAD PA LA BRTEN NAS BCA' BA GNYIS MDZAD PA YIN NO, ,DE'I RJES SU 'GRO BAS BSLAB PA'I GZHI GNYIS BSTAN PA MDZAD PA 'DI YUL THA DAD PA LA BRTEN PA'O, ,BUD MED LA NI TSIGS GSUM YOD DE, DGE TSUL MA NYID DANG, DGE SLOB MA NYID DANG, DGE SLONG MA NYID RNAMS SO, ,DE LTA BAS NA TSIGS GCIG LAS 'DAS PAR 'GYUR BA ZHES BYA BA DON GYIS 'DI DAG LA MING DANG TSIGS LAS 'DA' BAR BYED PA ZHES BYA BA'O, ,TSIGS LAS 'DAS PA'I LTUNG BYED GNYIS SO, ,GANG LA SPYAD PA LAS 'DA' BAR BYED PA'I LTUNG BYED DU 'GYUR ZHE NA, DE'I PHYIR DE LAS MA SPYAD PA NYID DO ZHES BYA BA SMOS TE, BSLAB PA 'DI LA LO GNYIS SU JI LTAR BYAS PA'I MA SPYAD PA NYID LA MKHAN MO NYID KYIS BSNYEN PAR RDZOGS PAR BYED NA ZHES BYA BA'I DON TO, ,BSLAB PA'I GZHI 'DI NI SBOM DGA' MOS GZHON NU MA LO BCO BRGYAD LON PA RAB TU PHYUNG STE, LO GNYIS SU DGE SLOB MA'I BSLAB PA'I SDOM PA BYIN NAS LO GNYIS MA LON PA KHO NAR BSNYEN PAR RDZOGS PAR BYAS PA LAS BCAS PA YIN NO, ,BSLAB PA LAM BSLABS

27b

PA BSNYEN PAR RDZOGS PAR BYED PA'I LTUNG BYED DO, ,GANG LA GZHAN BSLAB PA'I LTUNG BYED DU 'GYUR ZHE NA, DE'I PHYIR SPYAD PA NYID MI BYED PA LA'O ZHES BYA BA SMOS TE, LO GNYIS SU DGE SLOB MA'I BSLAB PA LA SPYAD ZIN PA NYID LA MKHAN MO NYID KYIS BSNYEN PAR RDZOGS PAR MI BYED NA ZHES BYA BA'I DON TO, ,DE LTAR YANG DGE SLONG MA GANG GIS CHOS DRUG DANG RJES SU MTHUN PA'I CHOS DRUG PO RNAMS LA BSLABS PA BSNYEN PAR RDZOGS PAR MI BYED NA LTUNG BYED DO ZHES GSUNGS PA YIN NO, ,'DIR RKYEN MA TSANG BA'I PHYIR BSNYEN PAR RDZOGS PAR MI BYED PA LA NI NYES PA RIGS PA MA YIN TE, DE LTA BAS NA RJES SU MI MTHUN PAR 'BYUNG BA BSNYEN PAR RDZOGS PA MA YIN PA 'DI'I NGO BO'O, ,'DI NI BSLU BAR GYUR PA YIN TE, GANG ZHIG BRTUL ZHUGS RDZOGS PA NYID LA GANG GI DON DU BRTUL ZHUGS SBYIN PA DE MA GRUB PA'O SNYAM PA DE BAS NA 'DI KHA NA MA THO BA'O, ,BSLAB PA LA BSLAB PA BSNYEN PAR RDZOGS PAR MI BYED BA'I LTUNG BYED DO, ,GANG LA CHOS 'TSONG BA'I LTUNG BYED DU 'GYUR ZHE NA, DE'I PHYIR GAL TE KHO MO LA GOS BYIN PA LTA NA DE'I PHYIR KHYOD BSNYEN PAR RDZOGS PAR BYA'O ZHES BSNYEN PAR RDZOGS PAR 'DOD PA LA ZER BA LA'O ZHES BYA BA SMOS TE, DA LTAR YOD PAR GYUR PA LA CHOS GANG 'TSONG BAR 'GYUR ZHES BYA BA CHOS 'TSONG BA'I ZHES BYA BA 'DI BRJOD PA'I DON NYID NI RNYED PA STE, 'DIR MTHU DANG LDAN PA'I CHOS LA SGYID LUG PA DE BAS NA 'DIR KHA NA MA THO BA'O, ,DE'I PHYIR 'DIR GOS ZHES SMOS PA NI MTSON PA TZAM YIN TE, SHIN TU MCHOG TU GYUR PA'I DON KHAS BLANGS PA LA KHA NA MA THO BA 'DIR 'GYUR TE, DER SER SNA'I CHOS LA SHIN TU STOBS DANG LDAN PA NYID KYI PHYIR RO, ,SHIN TU DMAN PA'I THA MA RKANG PA NYED PA LA YANG LTUNG BYED KHO NA'O, ,'DIR SHIN TU YANG CHOS LA LTUNG BA NYID SKYE BAR 'GYUR RO, ,BDE BAR GSHEGS PA'I CHOS SU 'GYUR BA'I DON 'DI LA SANGS RGYAS KYI BKA' KLOG PA LA SOGS PA LA NYES BYAS SU RNAM PAR GNAS PA YIN NO, ,SDOM PA GZHAN SBYIN PA'I PHYIR KLOG PA LA SOGS PA STE, DE KHO MO LA CHOS GOS STER BLTA NA DE'I PHYI KHYOD RAB TU DBYUNG BAR BYA'O ZHE'AM, KLOG TU GZHUG GO ZHES BYA BA LA SOGS PA ZER BA LA NI NYES BYAS SU RNAM PAR GNAS PA YIN NO, ,BUD MED

28a

, ,RNAMS KYI NYES PA CI YANG RUNG BA DANG, SER SNA'I CHOS LA YANG DAG PAR GNAS PA DE DANG 'DRA BA'I SKYES PA DGE SLONG 'DIR NA SMAD PA'O, ,CHOS 'TSONG BA ZHES BYA BA'I LTUNG BYED DO, ,GANG LA 'DRID PA'I LTUNG BYED DU 'GYUR ZHE NA, DE'I PHYIR RAB TU DBYUNG BA DANG MTHUN PA BSTAN PAS KHYIM RGYAS PAR BYA BA SPONG DU BCUG NAS RAB TU MI 'BYIN PA LA'O ZHES BYA BA SMOS TE, BSLAB PA'I GZHI 'DI NI GOO TA MA SKEM MOS PHYUG PO'I YUGS SA MO GZHAN MYA NGAN GYI ZUG RNGUS GZIR BA ZHIG LA CI'I PHYIR RAB TU MI 'BYUNG ZHES SMRAS PA DANG, DE NA RE GAL TE 'PHAGS MAS RAB TU DBYUNG BAR GNANG NA BDAG RAB TU 'BYUNG NGO ZHES ZER BA LA, DES DE LA KHYIM RGYAS PAR BYA BA 'DI DAG SPONG NA DE BAS NA KHYOD RAB TU 'BYUNG BAR 'GYUR BA MI DKA'O ZHES SMRAS PA DANG, KHYIM RGYAS PAR BYA BA SPANGS PA NA DES DE RAB TU MA BYUNG BA LAS BCAS PA YIN NO, ,'DIS NI KHAS MA BLANGS PA MA YIN TE, GANG ZHIG PHYIS KHYOD LA DKA' BAR MI 'GYUR BA ZHES BYA BA'I TSIG DAL 'DI BSTAN PAR SHES PAR BYA'O, ,DE LA KHYIM RGYAS PAR BYA BA 'DI DAG SPONG NA KHO MOS KHYOD RAB TU 'BYUNG BAR 'GYUR BA ZHES BYA BA GANG ZHIG GSAL POR KHAS BLANGS PA DE NI RJES SU MI MTHUN PAR KHAS BLANGS PA BSTAN PA MA YIN NO, ,DE LTA BAS NA DE LA 'DIS MA BSDUS PA NYID MA YIN NO, ,'DI'I RJES SU 'BRANGS BAS GZHAN DAG 'DRID PA LA NI NYES BYAS SU RTOGS PAR BYA'O, ,'DRID PA'I LTUNG BYED DO, ,GANG LA 'KHOR MANG PO SOGS PA'I LTUNG BYED DU 'GYUR ZHE NA, DE'I PHYIR LO'I RJES SU RAB TU 'BYIN PA LA'O ZHES BYA BA SMOS TE, RAB TU BYUNG BA GZHAN GNYIS PA ZHES BYA BA'I DON TO, ,'DIR MTHAR THUG PA'I GTZO BO LO GZHAN GZUNG BA RNAMS GNAS PA YIN NO, ,DE BAS NA LO DANG PO LA DE DANG LHAN CIG GAM PHYIS RAB TU BYUNG BA LA LTUNG BYED DU RTOGS PAR BYA'O, ,LO GSUM PA LA SOGS PA DAG LTUNG BA MED PAR RIG PAR BYA'O, ,'KHOR MANG PO SOGS PA'I LTUNG BYED DO, ,GANG LA MA GNANG BA SDUD PA'I LTUNG BYED DU 'GYUR ZHE NA, DE'I PHYIR BDAG POS MA GNANG BA RAB TU 'BYIN PA LA'O ZHES BYA BA SMOS TE, RAB TU 'BYIN PA LA'O ZHES BYA BA NI 'DIR 'OG MA BZHI PO RNAMS LA YANG SBYAR BAR BYA'O, ,BDAG

28b

PO LA NI JI LTAR CHUNG MA RAB TU PHYUNG NA GNOD PAR 'GYUR BA DE LTA BU RAB TU PHYUNG NA GNOD PAR MI 'GYUR TE, DE LTAR CHUNG MA SPANG NGO, ,GANG GI PHYIR SROG DANG BRAL BAR GYUR PA MCHOG TU PHAN PA'I DNGOS PO 'DI GCOD PA'I RNAM PA 'JUG PA DE BAS NA 'DIR LCI BA'I KHA NA MA THO BA NYID SHES PA'O, ,MA GNANG BA SDUD PA'I LTUNG BYED DO, ,SKYON CAN SDUD PA LAS GYUR PA'I LTUNG BYED BZHI PO DAG LAS GANG LA 'KHRUL PA MO SDUD PA'I LTUNG BYED DU 'GYUR ZHE NA, DE'I PHYIR 'KHRUL PA MO'O ZHES BYA BA SMOS TE, RAB TU 'BYIN PA LA ZHES BYA BAR SBYAR RO, ,GNYIS PA GANG YIN ZHE NA DE'I PHYIR SBRUM MA'O ZHES BYA BA SMOS TE, RAB TU 'BYIN PA LA ZHES BYA BAR SBYAR RO, ,GSUM PA GANG YIN ZHE NA, DE'I PHYIR MYA NGAN GYIS GZIR BA'O ZHES BYA BA SMOS TE, RAB TU 'BYIN PA LA ZHES BYA BAR SBYOR RO, ,BZHI PA GANG YIN ZHE NA, DE'I PHYIR TZAB KROL CAN NO ZHES BYA BA SMOS TE, RAB TU 'BYIN PA LA ZHES BYA BA'I DBANG DU BYAS PA'O, ,TZAB KROL CAN RAB TU 'BYIN PA KHO NA LA LTUNG BYED DU 'GYUR BAR MA ZAD DO, ,'O NA GANG LA ZHE NA, DE'I PHYIR BSNYEN PAR RDZOGS PAR BYED PA LA YANG NGO, ,SBRUM MA LA SNOD MI SRING BA NYID NI MA GNANG BA SDUD PA'I LTUNG BYED DU RIG PAR BYA'O, ,'DIR BSNYEN PAR RDZOGS PAR BYED PA NI RGYU MTSAN 'DIS NYES BYAS SU RIG PAR BYA'O, ,MTHAR BYAS PA'I DGE 'DUN LA DE ZHES BYA BA 'DIR LTUNG BYED 'DI LA RNAM PAR GZHAG PA'O, ,BUD MED MA RUNGS PA RAB TU DBYUNG BAR MI BYA'O ZHES BYA BA TZAB KROL BYED PA CAN GYI MDO LAS SO, ,RNAM PAR 'BYED PA LAS TZAB KROL CAN ZHES BYA BA NI BUD MED MA RUNGS MA'O ZHES BYA BA GSUNGS PA YIN NO, ,GLENG GZHI LAS KYANG BUD MED GZHAN DE MTHONG BA NI MA RUNGS PA KHRO BA RTZUB PO SMRA BA, GZHAN LA NANG STON PAR BYED PA BUD MED GZHAN DANG LHAN CIG TU RTZOD PAR BYED CING DE RTZOD PAR BYED PA NA SKRA RNAMS ZHIG PAR GYUR CING DES DE LA BSDIGS PA'I PHYIR CE SBYANG MO'I SKAD 'DON PA DANG, DES KYANG DE'I SKAD THOS PA LA 'GYEL BA DE MTHONG NAS SBOM DGA' MO 'DI SNYAM DU SEMS TE, STOBS DANG LDAN PA 'DI LTA BU'I GROGS MO RTZOD PAR BYED PA MO 'DI GANG GI PHYIR BDAG GIS RAB TU DBYUNG BAR BGYI'O, ,DE DES RAB TU PHYUNG NAS SKYE DGU'I

29a

, ,BDAG MO CHEN MO SKRA RANG GIS 'JAR BAR BYED PA'I BAR DU 'DI NI GNOD PA STE, AUTPA LA'I MDOG CAN GYIS GRONG KHYER CHEN PO DRUG TU SMAD 'TSONG MAR GYUR PA NA CHOS SBYIN MA'I PHO NYA BSNYEN PAR RDZOGS PAR BYAS PAS, GOO TA MA SKEM MO'I KHYOS BZUNG BA DANG, BU'I SHA ZOS PAS DE LA 'DI NI GNAD PA'O, ,DE THOS NAS SBOM DGA' MO'I GROGS MO MA RUNGS PA DANG RTZOD PA NA DGE SLONG MA TZAB KROL BYED PA DANG, DE NAS DGE SLONG MA RAB TU MANG PO RNAMS 'DI SKAD CES YANG MA RUNGS MA KHRO BAS SMRA BA DANG BCAS NAS SMRA BAR BYED PA GANG GIS RAB TU PHYUR ZHES ZER RO, ,DE BAS NA MA RUNGS PA 'DI LA TZAB KROL BYED PA NYID TSAD MA ZHES BYA BA YID CHES PA'O, ,SHIN TU MTHUN PA NYID STOBS DANG LDAN PA'I NYES DMIGS SU GYUR PA, TZAB KROL BYED PA DE PAS NA, TZAB KROL BYED PA THAMS CAD LA CHO GA 'DI RNAM PAR GZHAG PAR RIG PAR BYA'I KHRO BAS SMRA BA NYID LA NI MA YIN NO, , BSNYEN PAR RDZOGS PA NYID LA SHIN TU STOBS DANG LDAN PA NYID MNAN PA LA DGE SBYONG DU MED PA'I CHOS DANG MTHUN PA NYID GSHE BA MTSANG 'DRU BA ZHES BYA BA LA BSNYEN PAR RDZOGS PA LA 'DI BKAG PA'O, ,SKYON CAN SDUD PA LAS GYUR PA'I LTUNG BYED DU GTOGS PA'O, ,YAL BAR 'DOR BA LAS GYUR PA'I LTUNG BA BZHI PO DAG LAS, DE RNAMS KYI DANG PO GANG YIN ZHE NA, DE'I PHYIR RAB TU PHYUNG BA DANG BSNYEN PAR RDZOGS PAR BYAS PA DAG LA PHAN MI 'DOGS PA LA'O ZHES BYA BA SMOS TE, MKHAN MO NYID KYIS ZHES BYA BA THAMS CAD KYI DBANG DU BYAS PAR RIG PAR BYA'O, ,RAB TU BYUNG BA DANG BSNYEN PAR RDZOGS PAR BYA BA DAG LA GDAMS NGAG LA SOGS PAS YONGS SU MI SKYONG ZHING, PHAN MI 'DOGS PA DAG LA LTUNG BYED DU 'GYUR RO, ,GANG LA BSLAB PA'I GZHI GNYIS PAR 'GYUR ZHE NA, DE'I PHYIR BAR CHAD MTHONG BA NI MI 'DREN PA LA'O ZHES BYA BA SMOS TE, BDAG PO LA SOGS PA DAG GIS BAR CHAD DU 'GYUR BA MTHONG NA RAB TU BYUNG BA DANG, BSNYEN PAR RDZOGS PA DAG BAR CHAD KYI GNAS DE LAS MI 'DREN TAM, DE NYID DU 'JIGS PA MED PA'I GNAS SU MI 'DREN NA LTUNG BYED DO,, ,GANG LA BSLAB PA'I GZHI GSUM PAR 'GYUR ZHE NA, DE'I PHYIR DGE SLONG MA'I BSLAB PA LA

29b

MI SLOB BA LA'O ZHES BYA BA SMOS TE, GANG ZHIG MKHAN MO NYID KYIS RAB TU BYUNG BA DANG, BSNYEN PAR RDZOGS PAR BYAS PA DAG LA MI SLOB PA DE LA LTUNG BYED DU 'GYUR RO ZHES BYA BAR RNAM PAR GZHAG PA YIN NO, ,GANG LA BZHI PA BTANG SNYOMS SU GTOGS PA YIN ZHE NA, DE'I PHYIR NAD PA DAG LA NAD G-YOG MI BYED PA LA'O ZHES BYA BA SMOS TE, RAB TU PHYUNG BA DANG BSNYEN PAR RDZOGS PAR BYAS PA DAG GIS ZHES BYA BAR SBYAR RO, ,DE DAG GCIG PUR MA ZAD KYI 'ON KYANG 'DI LTAR NYE GNAS DANG BCAS PAS KYANG NGO ZHES BYA BA SMOS TE, GNAS SBYIN PA'I GNAS NYID DU GZHAG PA'I NYE GNAS NAD PA DAG LA NAD G-YOG MI BYED PA LA YANG LTUNG BYED KHO NA STE, RAB TU BYUNG BA'I BAR CHAD MTHONG BA LA SBOM DGA' MO DANG LHAN CIG GNAS PA YUL GZHAN DU MA KHRID PAS, DE JO BOS 'GROS MED PAR RAB TU 'BYIN DU BCUG PA LAS BSLAB PA'I GZHI BCAS PA YIN NO, ,SGO KHANG LA SOGS PA RNAMS SU MGON MED RNAMS BCAD NAS, DE NYID KYIS RAB TU 'BYIN PA RNAMS NYE BAR MA BSDUS PA'O, ,DE LTAR RAB TU BYUNG BA'I BSLAB PA DANG NAD PA RNAMS KYI NAD G-YOG MI BYED PA'O, ,YAL BAR 'DOR BA LAS GYUR PA'I LTUNG BYED BZHI'O, ,GANG LA 'DOD PA BSTEN PA LAS GYUR PA'I LTUNG BYED DU 'GYUR ZHE NA, DE'I PHYIR RANG GI BSTEN PAR BYA BA'I NANG DU RGYA SKYEGS KYI CHANG BU 'JUG PA LA'O ZHES BYA BA SMOS TE, RANG GIS ZHES BYA BA NI RANG 'DZUD PA LA BYA'I, GZHAN DANG GZHAN GYIS 'DZUD DU BCUG PA MA YIN TE, BSTEN PAR BYA BA'I NANG DU GZHAN 'DZUD DU BCUG PA LA NI MI TSANGS PAR SPYAD PAR GTOGS PA'I SBOM POR RNAM PAR GZHAG PA'I PHYIR RO, ,BSTEN PAR BYA BA ZHES BYA BA NI MO'I DBANG PO'O, ,NANG DU ZHES BYA BA NI BSTEN PAR BYA BA'I DON DU'O, ,RGYA SKYEGS KYI CHANG BU ZHES BYA BA NI MDO LAS GROGS PO RGYA SKYEGS KYIS BSKUS PA 'CHANG NA ZHES GSUNGS PA YIN NO, ,RNAM PAR 'BYED PA LAS KYANG GROGS PO RGYA SKYEGS KYI TSIGS MAS BSKUS PA'I RGYA SKYEGS KYI TSIGS MA'I CHANG BU BDAG NYID 'CHANG NA ZHES GSUNGS PAS, BSTEN PAR BYA BA'I NANG DU 'CHANG NA ZHES RNAM PAR GNAS PA YIN NO, ,DE BAS NA NYE BAR 'JOG NA ZHES DE LTAR NYE BAR 'BREL PA'O, ,DGE SLONG MA RNAMS LA KHU BA 'BYIN PA'I KHA NA MA THO BA

30a

, ,GZHAN DU RNAM PAR GZHAG PA'I PHYIR RO, ,NANG DU 'DZIN PAR NUS PA KHA NA MA THO BA ZHES BYA BA MTHONG BA YIN NO, ,'DI LTAR DNGOS SU YANG GTAM GYI GZHI LAS, DGE SLONG GIS BSAMS BZHIN DU KHU BA PHYUNG NA DGE 'DUN LHAG MA'O, ,DGE SLONG MAS PHYUNG NA LTUNG BYED DO ZHES GSUNGS PA YIN NO, ,RANG GIS RTZOL BAR BYED NA BUD MED RNAMS LA STOBS DANG LDAN PA'I SKUD PA STE, DE BAS NA 'DIR DGE 'DUN GYI LHAG MAR RNAM PAR GZHAG PA'O, ,MI TSANGS PAR SPYOD PA LAS GYUR PA'I 'JUG PA 'DI ZHES BYA BA NI, RGYA SKYEGS KYI TSIGS MA'I CHANG BU BCUG PA TZAM LA NI LTUNG BYED KHO NAR 'GYUR RO, ,'DIR DE YAN CHAD DU BYED PA LAS THAMS CAD NI RTZOM PA GCIG TU GYUR PAS BYED NA NI LAS SU GCIG PA YIN TE, KHU BA PHYUNG BA'I MTHAR LTUNG BYED KHO NAR SHES PAR BYA'O, ,BKRU BA'I PHYIR SOR GNYIS TZAM GZHUG PA RJES SU GNANG BA'I PHYIR DE YAN CHAD NI 'DIR DANG PO YIN GYI; PAGS PA'I RIM PA NI DANG PO MA YIN NO ZHES BYA BAR SHES PA'O, ,'DRI RGYA SKYEGS KYI CHANG BU ZHES SMOS PA NI DPE TZAM DU RNAM PAR GNAS PA YIN NO, ,'JAM PA DANG HA CANG PHRA MO MA YIN PA NYID DANG, MI 'JAM PA DANG HA CANG PHRA MO NYID LA NI 'DIR DNGOS GZHI'I MTHAR NYES BYAS SO, , PHO LA NI JI TZAM DU REG PA TSOR GYI BAR DU 'DIR DE TZAM 'JAM PA NYID LA MTHAR RNAM PAR GNAS PA YIN TE, JI TZAM DU 'DOD PA NYAMS SU MYONG BAR GYUR PA'I BAR DU NI SBOM POR 'GYUR RO, ,PHO LA NI RGYA SKYEGS KYI TSIGS MA'I CHANG BU GZHUG PA'I GNAS GNYIS YOD DE, KHA DANG BSHANG BA'I LAM STE, 'DIR SHIN TU STOBS DANG LDAN PA NYID KYI PHYIR SKYES PA LA SKUD PAS DGE SLONG LA NI NYES PA SBOM POR RIG PAR BYA'O, ,RGYUN LAS BZLOG PHYOGS SU BRTZAL BAR MI BYA'O ZHES BYA BA NI, DE LA SOGS PA 'DI MAN CHAD NI NYES BYAS SU RIG PAR BYA'O, ,'DI DAG NI PHRAN TSEGS DAG LAS 'BYUNG STE, 'DI DAG KYANG 'DI LTA BU DANG MTHUN PA GZHAN DAG GI DPE YIN NO, ,MDO 'DI NI SBOM DGA' MO CHU KLUNG GNAS CAN GYI NANG DU ZHUGS TE, RGYUN LAS BZLOG PHYOGS SU RTZOL BAR BYED PA NA, DE DGE SLONG MA RNAMS KYIS CI BYED CES DRIS PA DANG, REG PA BDAG GIR BYED DO ZHES ZER BA LAS BSDUS PA

30b

YIN TE, DE BAS 'DI BSTAN PA YIN NO, ,MNGAL GYI SGOR KHU CHU BLUGS PAR MI BYA'O ZHES BYA BA DE NI, SBED MA'I GLENG GZHI LAS SO, ,RKED BCINGS KYIS GLO BCING BAR MI BYA'O ZHES BYA BA NI GLO GNYIS PHRA MOR 'DUG PAR BYA BA'I PHYIR RKED BCINGS 'CHAD BA'O, ,'DIR GLO BCING BAR BYA BA'I PHYIR RKED BCINGS LA SOGS PA'I RDZAS GANG YANG RUNG BA THAMS CAD LAS SPYIR RKED BCINGS ZHES BYA'O, ,BRANG BCINGS KYIS NU MA GNYIS MI BYA'O ZHES BYA BA YANG BCINGS PAR ZHES BYA BAR SBYAR RO, ,NU MA GNYIS 'CHING BA'I DON CAN RKED DKRIS THAMS CAD LA BRANG BCINGS ZHES BYA STE, NU MA GNYIS 'PHYANG DU MI GZHUG PA'I DON DU DE 'CHANG BA'O, ,MDZES 'GYUR GYI BAR CHAD KYIS BAR DU GCAD PAR MI BYA'O ZHES BYA BA YANG NU MA GNYIS MI BYA'O ZHES BYA BAR SBYAR RO, ,NU MA GNYIS PHAN TSUN DU MI 'BYAR BA'I DON DU BAR DU GCOD PA'I GOS NI MDZES 'GYUR GYI BAR CHAD CES BYA STE, DES NU MA GNYIS KYI BAR DU GCAD PAR MI BYA'O ZHES BYA BA'I DON TO, ,'DIR DE GSUM GYI GZHUNG NI, DGE SLONG MAS RKED BCING SKYIS GLO BCING BA RMI BYA'O, ,BCINGS NA 'GAL TSABS CAN DU 'GYUR RO, ,DGE SLONG MAS BRANG CHINGS DANG MDZES 'GYUR GYI BAR CHAD BCANG BAR MI BYA'O, ,BCANGS NA 'GAL TSABS CAN DU 'GYUR RO ZHES GSUNGS PA YIN NO, ,DE DAG NI DPE'O ZHES BYA BA NI RKED BCINGS DE GTZO BOR GYUR PA GLO'I SKA RAGS DANG MDZES 'GYUR GYI BAR CHAD GSUM PO GANG YIN PA DE NI DPE TZAM DU RIG PAR BYA'O, ,'DIS RKED BCING SLA SOGS PA THAMS CAD LA DE'I 'BRAS BU SGRUB PAR BYED PA 'PHANGS PA NYID DE, ,GZHAN GYIS KYANG RKED 'CHINGS LA SOGS PAR GYUR PAS DON 'DI BSGRUBS PAS KHA NA MA THO BA MNYAM PA NYID DO ZHES BYA BA'I DON TO, ,'DOD PA BSTEN PA'I LTUNG BYED DO, ,GANG LA 'DOD PA BSTEN PA LTAR 'CHOS PA'I LTUNG BYED DU 'GYUR ZHE NA, DE'I PHYIR SOR MO'I TSIGS GNYIS LAS LHAG PAR MO MTSAN GYI NANG 'KHRU BA LA'O ZHES BYA BA SMOS TE, 'DIR SONG MO RNAMS KYI TSIGS NI TSIGS NYID LA BYA STE, TSIGS KYI BAR RNAMS NI MA YIN NO, ,DRI MAR GYUR PA BSAL BAR BYA BA 'DI TZAM MED PA'I PHYIR ZHES RTOGS PAR BYA'O, ,GANG GI PHYIR SOR MO RENG BA NYID KYI TSIGS GNYIS KYIS SHES PAR GYUR PA LA SHIN TU RING BA BCUG PAR THAL

31a

, ,BAR 'GYUR RO, ,DE YANG CHE BA NYID KYIS MI 'DRA BA STE 'DI'I TSAD KYI THA SNYAD DO, ,DE LA DBUS MA'I CHE BA NYID LA TSIG 'DI SMOS SO, ,'DIR YANG RANG GIS ZHES BYA BAR SBYAR TE, GZHAN BYED DU BCUG PA LA NI MI TSANGS PAR SPYOD PAR GTOGS PA'I KHA NA MA THO BAR RNAM PAR GZHAG PA'I PHYIR RO, ,'DI NI SBOM DGA' MOS RMA'I SBUBS SU LAG PA BCUG STE RTZOL BA LAS MDOR BYAS PA GANG YIN PA DES SO, ,'DOD PA BSTEN PA LTAR BCOS PA'I LTUNG BYED DO, ,GANG LA 'DOD PA BSTEN PA LTAR GNOD PA'I LTUNG BYED DU 'GYUR ZHE NA, DE'I PHYIR DE LA LAG MTHIL GYI THAL LCAG GIS BSNUN PA LA'O ZHES BYA BA SMOS TE, DE LA ZHES BYA BA NI MO MTSAN LA'O, ,BSNUN PA LA'O ZHES BYA BA NI BYE BRAG MA SMOS PA'I PHYIR CHAGS PA CAN NAM, MA CHAS PA'I SEMS KYIS LTUNG BYED CES BYA BA YID CHES PA'O, ,'DOD PA BSTEN PA LTAR GNOD PA'I LTUNG BYED DO, ,GANG LA MTSAN MA NYE BAR 'CHOS PA'I LTUNG BYED DU 'GYUR ZHE NA, DE'I PHYIR DE LA SPU 'THOG PAR BYED DAM BYED DU 'JUG PA LA'O ZHES BYA BA SMOS TE, DE LA ZHES BYA BA NI MO MTSAN NO, ,MDO LAS GNOD PA CAN GYI GNAS LA SPU'I LAS BYED NA'O ZHES GSUNGS PA YIN NO, ,'DIR RNAM PAR 'BYED PA LAS GNOD PA CAN GYI GNAS LA ZHES BYA BA NI GSANG BA'I GNAS PA'O, ,SPU'I LAS ZHES BYA BA NI SPU 'THOG PA STE LTUNG BYED KYIS SREG PAR BYED CES BYA BA'I DON TO, ,'DIR REG PA'I KHA NA MA THO BAR RNAM PAR MI GZHAG STE, 'DIR JI LTAR BYAS PA NYID 'DI BSGRUBS PAS LTUNG BYED DO, ,'ON KYANG BCOS ZIN PA LA MNYAM PA NYID DU 'DI LA RANG DANG GZHAN GYI STE, DE LTA BAS NA BYED PA DANG BYED DU 'JUG PA ZHES BYA BA GNYIS KA BSTEN PA'O, ,'DIR BCOS ZIN PA NI DON TO, ,DE BAS NI 'DIR SPU GCIG BTOGS PA LA YANG DNGOS GZHI'O, ,GANG ZHIG YANG BYAS PA NYID KYIS 'DIR RNAM PAR GZHAG PAR RIGS PA DE DE LAS YANG DAG PAR BYAS PA NYID KYIS MO MTSAN LA NI 'DIR DNGOS GZHI'O, ,RTZOM PA GCIG PAR 'GYUR BA NYID KYIS LHAG PA'I RJES SU 'GRO BAR RIG PAR BYA'O, ,'DIR SKYES PA LA 'DIR RGUD PA MED DE, BUD MED LA JI LTA BA DE BAS NA DE LA 'DIR 'JUG NA NYES BYAS SU RNAM PAR

31b

GZHAG PA YIN NO, ,LAG PAS STENG DU THAL LCAG GIS BSNUN PA NI GAL TE 'DOD CHAGS KYIS BYED NA NI SBOM PO'O, ,GAL TE 'DOD CHAGS MED NA NI NYES BYAS SO ZHES RIG PAR BYA'O, ,BSTEN PAR BYA BA 'CHOS PA'I LTUNG BYED DO,, ,,DA 'DI MAN CHAD NI REG PAR BYA BA MA YIN PA DANG, BSTEN PA'I LTUNG BYED BCU GCIG PO RNAMS STON TE, DGE SLONG MAS SKYES PA REG PAR BYA BA MA YIN PA DE DANG LHAN CIG REG PA'I TSUL GYIS BSTEN PA GANG YIN PA DE RNAMS LA REG PAR BYA BA MA YIN PA DANG BSTEN PA'I LTUNG BYED RNAMS SHES PAR BYA'O, ,DE LA DE DAG GI DANG PO JI BSHAD PAR BYA STE, DE'I PHYIR KHYIM PA DANG LHAN CIG DBEN PA SKYABS YOD PA NA 'GRENG BA LA'O ZHES BYA BA SMOS TE, 'DOM GANG GI NANG TSUN CHAD CES BYA BA DE DGE SLONG GI DBANG DU BYAS PA'I CHO GA'I RJES SU 'BRANGS NAS SHES PAR BYA'O, ,'DUG PA LA YANG LTUNG BYED 'DI YIN TE, 'JUG PA DE LA SHIN TU LCI BA NYID KYI PHYIR RO, ,MI TSANGS PAR SPYAD PA'I YAN LAG TU GYUR PA DE THAMS CAD LA MI TSANGS PAR SPYOD PA DANG 'BREL PA LA STOBS DANG LDAN PA NYID LA 'GAL ZLAR RNAM PAR GNAS PA NYID DO, ,DE BAS NA STOBS DANG MI LDAN PA NYID DE NI 'DIR NA SMAD PAR RIG PAR BYA'O, ,JI TZAM DBEN PA SKYABS YOD PAR BRJOD PAR BYA ZHE NA, DE'I PHYIR RTZIG PA DANG SAB MO DANG YOL BA DANG, THIBS PO DANG MUN PA DAG GIS NI DE NYID 'GRUB BO ZHES BYA BA SMOS TE, LNGA PO 'DI RNAMS KYIS DBEN PA SKYABS YOD PAR GRUB PO, ,'DIR RTZIG PA'I SGRAS NI RTZIG PA NYID BRJOD DO, ,'DI MAN CHAD NI REG PAR BYA BA MA YIN PA DANG BSTEN PA GANG YIN ZHE NA, DE'I PHYIR DGE SLONG DANG NGO ZHES BYA BA SMOS TE, DGE SLONG DANG LHAN CIG DBEN PA SKYABS YOD PA NA 'GRENG BA LA'O ZHES BYA BAR SBYAR RO, ,GSUM PA GANG DU YIN ZHE NA, DE'I PHYIR BLA GAB MED PAR SNGA MA DANG NGO ZHES BYA BA SMOS TE, GANG DU BLA GAB MED PAR ZHES BYA BA SGRIB PA MED PA'I PHYOGS NI SNGA MA DANG NGO ZHES BYA BA NI KHYIM PA DANG LHAN CIG 'GRENG BA LA ZHES BYA BA'I DON TO, ,BZHI PA GANG LA YIN ZHE NA, DE'I PHYIR PHYI MA DANG NGO ZHES BYA BA SMOS TE, BLA GAB MED PAR DGE SLONG PHYI MA DANG LHAN CIG GNAS PA LA'O ZHES BYA BA'I DON TO, ,GSUM PO DE RNAMS LA NI 'DUG PA LA YANG LTUNG BYED KHO NAR 'GYUR RO, ,DE GROGS DANG BCAS PA

32a

, ,NYID YIN NA LTUNG BA MED DO ZHES BYA BA LA, DE LA ZHES BYA BA LA DGE SLONG LA'O, ,GROGS DANG BCAS PA NYID YIN NA ZHES BYA BA NI GNYIS DANG BCAS PA NYID LA NI LTUNG BA MED DO, ,'DIR GZHUNG NI, GAL TE DGE SLONG GROGS DANG BCAS PA NYID YIN NA ZHES BYA BA'I DON TO, , DGE SLONG MA KHRIMS ZLA DANG BCAS PA GCIG YIN NA YANG NGO ZHES BYA BA YANG LTUNG BA MED DO ZHES BYA BA DANG SBYAR RO, ,THAG JI SRID KYI DBANG GIS GROGS DANG THA DAD PA NYID MA YIN PAR GNAS PA'I THAG DE TZAM NA GROGS 'DUG NA KHRIMS ZLA DANG BCAS PA NYID YIN TE, DE PHYI NAS 'BRANG BA'I DGE SBYONG NYID DU GTOGS PAR BYA'O, ,GANG LA BSLAB PA'I GZHI LNGA PAR 'GYUR ZHE NA, DE'I PHYIR KHYIM PA'I RNAR BSHUB CING SMRA BA LA'O ZHES BYA BA SMOS TE, BYE BRAG MA BSTAN PAS DBEN PA SKYABS YOD PA YANG RUNG, BLA GAB MED PA YANG RUNG, GROGS YOD PA YANG RUNG, GCIG PU BYANG RUNG BA SHES PAR BYA'O,, 'DIR SMRA BA LA'O ZHES BYA BA NI GANG YANG RUNG BA 'BREL BA'I DON DANG 'BREL PA MED PA'I DON NAM DON DANG BCAS PA'AM, DON MED PA'I TSIG SMRA BA LA KHA NA MA THO BA 'DI YIN NO, ,DBEN PAR SMRA BA NYAMS SU MYONG BA 'DIR GTZO BO NYID DU RNAM PAR GZHAG PAS DPUNG MGO'I PHYI ROL GYI MTHA' LAS SMRA BA MO'I KO SKO'I MTHA' CHA 'DAS NA DE NI RNAR BSHUB CING NYE BAR 'BREL PA'I LTUNG BYED KYI DANG POR RNAM PAR GNAS PA YIN NO, ,MDUN ROL DU SNYING GA'I RUS PA DANG, PHYI NAS MCHAN KHUNG GI PHYOGS NAS SMRA STE GO NA'O, ,DRUG PA GANG ZHE NA DE LAS DES DE NYAN PA LA'O ZHES BYA BA NI, DES SMRAS PA DE CUNG ZAD PA LA MTHA' ZHES BYA BA'O, ,DE BZHIN DU RNA BA DANG NYE BAR SMRA BA 'DI BZUNG BA LA KHYIM PA DE LAS RNAR BSHUB CING SMRA BA LA'O, ,BDUN PA NI DGE SLONG GI'O ZHES BYA BA STE, RNAR BSHUB CING SMRA BA LA KHA NA MA THO BA 'DIR 'GYUR RO ZHES BYA BAR SBYAR RO, ,BSLAB PA'I GZHI BRGYAD PA NI DE LAS KYANG NGO ZHES BYA BA LA, KYANG NGO ZHES BYA BA'I SGRAS NI RNAR BSHUB CING SMRA BA NYAN PA LA'O ZHES BYA BA'I RJES SU BSNYEGS PA'I PHYIR RO, ,DE LAS KYANG NGO ZHES BYA BA YANG SGRAS 'DIS DGE SLONG DANG KHYIM PA GNYIS KA YANG BZUNG BA YIN TE, GNYIS PO DE DAG GI DRUNG DU RNAR BSHUB CING SMRA BA NYAN PA LA LTUNG BYED DU

32b

BLTA BAR BYA'O, ,KHYIM PA DANG LHAN CIG PA NYID LA RNAM PA 'DIR 'GYUR BA'AM BYE BRAG MED BAR RO, ,DE LA KHYIM PA DANG LHAN CIG PA'I RNAM PA'AM DGE SLONG DANG LHAN CIG TU GYUR PA LA LTUNG BA MED PA THOB PA'O, ,BYE BRAG MED PAR SMRA BA LA DGE SLONG DANG LHAN CIG PA NYID NI DGE 'DUN GYI KHONGS SU 'DUS PA NYID KYI PHYIR 'DI LA NYES PA MED DO, ,DE LTA BAS NA DGOS PA 'DI LA LTUNG BA MED CES BYA BA'O, ,DE BAS NA KHYIM PA DANG DGE SLONG GI DBYE BA LA SOGS PA LA BRTAN NAS BCAS PA 'DI RNAMS MDZAD DO, ,DGE SLONG DANG LHAN CIG PA NYID LA DGE TSUL LA 'DIR DGE SLONG NYID CES SMOS TE, NYES DMIGS MTSUNGS PA NYID KYI PHYIR 'DIR YONGS SU RDZOGS PA NYID DANG, 'DIR PHYI ROL PA'I RAB TU BYUNG BA LA KHYIM PA NYID CES GO BAR BYA'O, ,DGU PA GANG LA YIN ZHE NA, DE'I PHYIR KHYIM PA LAS RIG PA LEN PA LA'O ZHES BYA BA SMOS TE, DGE SLONG MAS KHYIM PA LAS RIG PA GANG YANG RUNG BA LA LHUNG BYAD 'DIR 'GYUR RO, ,'DI NI SBOM DGA' MOS CHAGS PAR GYUR PAS SKYES PA LAS RIG PA BLANGS NAS, DE'I TSEG NYAN DU GZHUG PA'I PHYIR, YANG DANG YANG DU ZLAS PA 'CHOL BAR BYED PA DE LAS BCAS PA YIN NA, ,BCU PA NI DE LAS DE KLOG PA LA'O ZHES BYA BA LA, DE LAS ZHES BYA BA NI KHYIM PA LA'O, ,DE ZHES BYA BA NI RIG PA'O, ,KLOG PA LA NI LHUNG BYED DO, ,'DIR RIG PA ZHES BYA BA NI DPE TZAM DU RNAM PAR GNAS PA YIN NO, ,BSGOM PAR BYA BA MA YIN PA THAMS CAD LA YONGS SU RDZOGS PA NYID KYI PHYIR RO, ,KHA NA MA THO BA 'DI BYED DU BCUG NAS DGE SLONG DANG LHAN CIG PA NYID DU 'DIR DGE SLONG MA DANG DGE SLOB MA SLOB DPON DU RIGS PA NYID KYI PHYIR LHUNG BA MED PA'O, ,'DIR YANG DGE SLONG DANG LDAN PA NYID NI DGE TSUL LA RNAM PAR GNAS PA YIN NO, ,'DI DANG YANG LHAN CIG TU RIGS PA NYID KYI PHYIR, ,DGE SLOB MAS SLOB MA DANG SLOB DPON NYID DU PHYI ROL BA'I RAB TU BYUNG BA LA KHYIM PA NYID YONGS SU RDZOGS PA KHO NA'O, ,GANG DU BCU GCIG PA 'DI LA RIG PAR BYA BA MA YIN PA DANG, BSTEN PA LAS GYUR PA'I LHUNG BYED DU 'GYUR ZHE NA, DE'I PHYIR RGYUR THABS KYIS RMA BCINGS SHING 'GROL DU 'JUG PA LA'O ZHES BYA BA SMOS TE, SGYU THABS KYIS ZHES

33a

, ,BYA BA NI NYON MONGS PA CAN GTZO BO NYID KYIS SO, ,RMA BCINGS SHING ZHES PA NI BCINGS SHING BCINGS SHING, SKYES PA LA 'GROL DU 'JUG NA DNGOS GZHI'O, ,SGYU THABS KYIS BUD MED 'GROL DU 'JUG PA LA NI NYES BYAS SO, ,'DI NI GTZUG DGA' MO'I DPUNG PA G-YAS PAR PHOL MIG BYUNG BA'I RMA DE SMAN PAS ZAN GYIS GLAN NAS RAS MAS BCINGS PA DANG, DES HA CANG LHOD DO, ,HA CANG DAM MO, ,ZHES ZER ZHING YANG DANG YANG 'GROL DU BCUG PA DE GANG YIN PA LAS BCAS PA YIN NO, ,DE'I PHYIR DON BDEN PA NYID LA NI LTUNG BA MED DO ZHES BYA BA NI, GANG GI PHYIR SGYU THABS KYIS 'GROL DU 'JUG PA 'DI LA LTUNG BYED YIN PA DE'I PHYIR DAM YANG DAG GAM, LHOD PA LAS SOGS PA BCINGS PA NYID KYI YANG DAG PA'I DON BDEN PA NYID LA NI LTUNG BA MED PAR BLTA BAR BYA'O, ,'DIR REG PA LA GZHAN 'DREN MA'I KHA NA MA THO BA'I MTSAN NYID JI LTA BAR RTOGS PAR BYA'O, , 'DIR DGE SLONG LA CHUNG BA NYID KYI PHYIR 'DI DANG 'BREL BA'I RGYUD LA SKYES PA LA NI NYES BYAS SU RIG PAR BYA'O, ,'DIR YANG BYA BA TZAM GTZO BO YIN TE, DE BAS NA PHYED 'GROL DU BCUG PA LA YANG LTUNG BYED 'DI'O, ,LHAN MANG PO 'GROL DU 'JUG CING SGYU THABS KYIS BKROL BA JI SNYED PA DE RNAMS LA LTUNG BYED DU 'GYUR RO, ,REG PAR BYA BA MA YIN PA DANG BSTEN PA LAS GYUR PA'I LTUNG BYED DE BCUG CIG GO, ,GANG LA BU 'TSO BA'I LTUNG BYED DU 'GYUR ZHE NA, DE'I PHYIR BU 'TSO BA LA'O ZHES BYA BA SMOS TE, BU PHRUG 'TSO ZHING RTZE BA LA'O, ,'DIR GLENG GZHI LAS KHYE'U ZHES SMOS PA NI BU MO DANG MA NING GI DPE YIN TE, RNAM PAR 'BYED PA LAS KYANG TSIG 'DI NYID DO, ,BU BCANG BAR BYA STE KHYE'U LA NYE GNAS BYA'O, ,BU MO DANG MA NING DAG LA NI 'JUG PA'I TSUL 'DRA'O, ,DE LTA BAS NA 'JUG PA TZAM GTZO BOS TE, GLENG GZHI LAS NI KHYE'U'I TSIG GO, ,DE'I RJES SU 'GRO BAS MTSON PA TZAM GYI BSAM PAS RNAM PAR 'BYED PA LAS BSHAD PA'O, ,BU THAMS CAD NI NYES PA YONGS SU RDZOGS PA NYID CES BYA BAR RIG PAR BYA'O, ,'DIR YANG 'TSO BAR NI KHYE'U DU BAR SHES PAR BYA'I NGO BO'AM RTZED MO LA SOGS PAS NYE BAR GNAS PA GANG YIN PA DE LA RTOGS PAR BYA'O, ,

33b

GANG GI BU LA REG PA RJES SU GNANG BA'I PHYIR RANG GI BU 'TSO BA LA NI NYES PA MED DO, ,'DIR DGE SLONG LA DMAN PA NYID KYI PHYIR SKYES PA LA MA GRUB PAS NYES BYAS SU RIG PAR BYA'O, ,BU 'TSO BA'I LTUNG BYED DO,, ,,DA NI 'DI MAN CHAD NI GNOD PAR 'GYUR BA'I SGO SPANG BA'I LTUNG BYED BSHAD PAR BYA STE, SKYES PAS GNOD PAR GYUR PA GANG YIN PA DE 'JUG PAR GYUR PA'I SGO GANG YIN PA SPANG BA'I PHYIR RO, ,GANG LA DE RNAMS KYI DANG PO YIN ZHE NA, DE'I PHYIR KHYIM BDAG LA MA DRIS PAR KHYIM GZHAN DU MTSAN MO 'DA' BAR BYED PA LA'O ZHES BYA BA SMOS TE, RANG GIS KYANG GNOD BAR 'GYUR BA'I KHYIM BDAG MA MTHONG BAR 'DOD LA RTZE GCIG PA DE'I KHYIM DU GTOGS PA RTZIG PA LA SOGS PAS BSKOR BA'AM, GZHAN DU BZLOG PA'I PHYI CI NAS KYANG RTZOM PA MED PA ZHE BYA BA 'DI BTAGS SO, ,BSKOR BA TZAM GYI KHYIM NYID GANG YIN PA DE NI 'DIR YAN LAG TU RNAM PAR GNAS PA YIN NO, ,'DIR BSGRIBS PA NYID NI YAN LAG MA YIN TE, YANG GANG ZHIG 'DIR BSKOR BA NYID DE NI KHYIM GYI MTHAR THUG PAR RIG PAR BYA'O, ,PHYUGS LHAS SAM MGRON KHANG LA SOGS PA LA YANG KHA NA MA THOB 'DI 'GRUB PA'O, ,BUD MED LA RAG LAS BA NYID YIN NA DE LA DRIS NA LTUNG BA MED DO ZHES BYA BA NI, KHYIM GANG BUD MED DBANG CHE ZHING KHYIM BDAG GI BUD MED KYI TSIG LAS 'DA' BAR MI NUS PA DE NI BUD MED LA GA LAS PA NYID CES BYA STE, DER BUD MED LA DRIS NAS KHYIM BDAG LAM DRIS PAR MTSAN MO 'DA' BAR BYED PA LA LTUNG BA MED PA'O, ,GANG LA LTUNG BYED GNYIS PAR 'GYUR ZHE NA, DE'I PHYIR MTSAN MO MA BRTAGS PAR SKYABS YOD PAR 'DA' BAR BYED PA LA'O ZHES BYA BA SMOS TE, SKYABS YOD PA ZHES BYA BA NI, ,RNAM PA GANG YANG RUNG BAS MI SNANG BA NYID SGRUB PAR BYED PA, MUN KHUNG DANG THIBS PO LA SOGS PA 'DIR SKYABS NYID DU RIG PAR BYA'O, ,RTEN NYID LA NI MA YIN NO, ,MA MTHONG BA GNAS PA'I SKYES PA YOD PA DANG, MED PA NYID SHES PAR BYA BA'I PHYIR BRTAGS PA 'DI'O, ,DE LTA BAS NA SKYABS YOD PA LA SO SOR BRTAG PAR BYA BA MA BYAS PAR MTSAN MO 'DA' BAR BYED PA LA LTUNG BYED DO ZHES BYA BA'I DON TO, ,GANG LA BSLAB PA'I GZHI GSUM PAR 'GYUR ZHE NA, DE'I PHYIR GNAS KHANG DU DGE

34a

, ,SLONG MA GZHAN MED PAR MTSAN MO 'DA' BAR BYED PA LA'O ZHES BYA BA SMOS TE, MTSAN MO GNAS KHANG DU DGE SLONG MA GZHAN MED PAR GCIG PU NYAL ZHING 'DA' BAR BYED PA LA LTUNG BYED CES BYA BA'I DON TO, ,'DIR GNAS KHANG ZHES SMOS PA NI DPE TZAM DU ZAD KYI, G-YOGS BA'I PHYOGS KYI GNAS KHANG GZHAN YANG BSDUS PA YIN NO, ,DUS 'DEBS PA DANG SKYES PAS GNOD PAR 'GYUR BA'I GZHAN DANG LHAN CIG NYES DMIGS MNYAM PA NYID KYI PHYIR RO, ,JI LTAR 'OS PAS RJES SU 'GRO BAR GYUR CIG CES BYA BAS DE'I GNAS KHANG ZHES SMOS SO, ,MTSAN MO GSUM PA'I CHA GSUM PA LA LTUNG BYED DO, ,MDUN ROL DU NI NYES BYAS SO ZHES GSUNGS PA YIN NO, ,NYIN MTSAN GYI DANG PO MA YIN PA LA MTSAN MO MTHA'I SKAD CIG LA NI YOD PA NYID DANG SBYAR BA TZAM NYID BDEN PA NYID DU SHES PAR BYA'O, ,DE SHI BA LA SOGS PA LA NI LTUNG BA MED DO ZHES BYA BA NI, DGE SLONG MA GZHAN DE NI SHI BA'AM, BABS SAM, YUL GZHAN LA SOGS PAR SONG NGAM, RKYEN GZHAN GYIS MED PAR GYUR NA GCIG PU GNAS KHANG DU MTSAN MO 'DA' BAR BYED PA LA LTUNG BA MED PA YIN TE, DES NI MI 'DOD BZHIN DU BRAL BAR BSTAN TO, ,GNOD PAR 'GYUR BA'I SGO SPANG BA'I LTUNG BYED GSUM MO, ,GANG LA MAL GCIG PA'I LTUNG BYED DU 'GYUR ZHE NA, DE'I PHYIR DGE SLONG MA DANG KHRI GCIG LA STAN GCIG REG PA DANG BCAS SHING MTSAN MO NYAL BA LA'O ZHES BYA BA SMOS TE, 'DIR DGE SLONG MA ZHES BYA BA NI BUD MED DU GYUR PA LA DPE TZAM DU ZAD DE BUD MED GZHAN LA NI SHIN TU SKYON DANG LDAN PA NYID KYI PHYIR RO, ,REG PA DANG BCAS SHING ZHES BYA BA NI REG PA DANG BCAS SHING 'JUG PA LA REG PA DANG BCAS SHING ZHES BYA BA'I BSDU BA'O, ,MA REG PAR NYAL BA LA LTUNG BA MED DO ZHES SMOS PA'I PHYIR 'DIR REG PA LA NI KHA NA MA THO BA RDZOGS PA'O, ,DE DANG NGAM DU MA DANG LHAN CIG KYANG RUNG STE, GTUR BU LA SOGS PAS BAR DU BCAD CING DRAN PA NYE BAR GZHAG STE, LUS KYI REG PA'I RO MYANG BA MED PAR KHRI MI 'KHRUL PA THA MAL PA'AM STAN LA NI LTUNG BA MED DO ZHES BYA BA LA, DE DANG NGAM ZHES BYA BA NI DGE SLONG MAS SO, ,DU MA DANG ZHES BYA BA NI DGE SLONG MA GCIG PU NYID DU MA ZAD KYI, 'ON

34b

KYANG GNYIS LA SOGS PAS KYANG ZHES BYA BA'I DON TO, ,CI DE TZAM NYID KYIS YIN NAM ZHE NA, DE'I PHYIR BAR DU BCAD CING ZHES BYA BA SMOS SO, ,GANG GIS SHE NA DE'I PHYIR GTUR BU LA SOGS PAS ZHES BYA BA SMOS TE, GTUR BU DANG LHUNG BZED DANG 'DRA BA LA SOGS PAS BAR DU BCAD PA BYAS PAR 'GYUR BA LA'O, ,DRAN PA NYE BAR GZHAG STE ZHES BYA BA KUN DU LONGS 'CHOS PAR GTOGS PA'I NYE BA'I NYON MONGS PA'I SKYON NYE BAR BSAL BA'I PHYIR BSLAB PA'I GZHI 'DI'O, ,DE BAS NA DRAN PA'I RNAM PA LTA BUR LONGS 'CHOS PAR GTOGS PA'I NYE BA'I NYON MONGS PA DE'I CHA CAN LA NYE BAR LTUNG BA BSAL BAR NUS PA'I DRAN PA DE LTA BUS DRAN PA NYE BAR GZHAG GO ZHES BYA BA'I DON TO, ,LUS KYI REG PA'I RO MYANG BA MED PAR ZHES BYA BA NI, LUS KYI REG PA YONGS SU BSAL BA NI BAR DU GCOD PA'I DON TO, ,DE'I PHYIR BAR DU GCOD BA LAS YANG RKYEN GYI DBANG GIS BRGYA LA LUS REG PAR 'GYUR NA LUS REG PA DE'I RO MYANG BA MED PAR BYED PA'O, ,GANG DU 'DI DANG LHAN CIG LTUNG BAR MI 'GYUR ZHE NA, DE'I PHYIR KHRI MI 'KHRUL BA'AM, THA MAL PA'AM, STAN ZHES BYA STE, 'DI RNAMS LA LHAN CIG NYAL BA LA LTUNG BA MED DO, ,'DIR GZHUNG NI KHRI MI 'GUL BA LA GTUR BU LA SOGS PAS BAR DU BCAD CING DRAN PA NYE BAR GZHAG STE, LUS KYI REG PA'I RO MYANG BA MED PA DANG, KHRI THA MAL PA DANG DE BZHIN DU STAN LA YANG NGO ZHES GSUNGS PA YIN NO, ,YOD NA NYES BYAS SO ZHES BYA BA NI, MAL SO SOR BYA BA'I SKABS YOD NA BAR DU BCAD PA LA SOGS PAS KYANG LHAN CIG NYAL BA LA NI NYES BYAS KYI KHA NA MA THO BAR 'GYUR RO, ,LONGS SPYOD CING GNAS PA BTANG BA'I LTUNG BYED DO,, ,,'DI MAN CHAD NI BYI DOR BYED PA LAS GYUR PA'I LTUNG BYED BRGYAD STON TE, GANG LA DE RNAMS KYI DANG POR 'GYUR ZHE NA, DE'I PHYIR RANG GI LUS KYI DRIL PHYIS DGE SLONG MAS BYED DU 'JUG PA LA'O ZHES BYA BA SMOS SO, ,BSLAB PA'I GZHI GNYIS PA NI, DGE SLONG MA LA'O ZHES BYA BA STE, RANG GI YAN LAG GI DRIL PHYIS DGE SLOB MA LA BYED DU 'JUG PA ZHES BYA BA LNGA PO DE RNAMS LAS YANG RIG PAR BYA'O, ,GSUM PA NI DGE TSUL MAS SO, ,BZHI PA NI KHYIM PA MO'O, ,LNGA PA NI MU STEGS CAN MA'O ZHES BYA BA LA, RANG GI YAN LAG

35a

, ,RNAMS LA DRIL PHYIS BYED DU 'JUG NA LTUNG BYED DO, ,CI'I PHYIR SLAR DE THA DAD PAS BCA' BA MDZAD CE NA, 'DIR LTUNG BA LNGA PO RNAMS LA 'JUG PA'I PHYIR CHIG TZAM GYI RJES SU 'JUG PA NYID KYIS DGE SLONG MAS RANG GI LUS LA DRI MA PHYI BAR MI BYA'O ZHES BYA BA'I BCAS PA 'DI YOD PA LA, DGE SLONG MA LA SOGS PA RNAMS KYIS RANG GI LUS LA DRI MA PHYIS PA LA NYES PA MED DO, ,DE LTAR 'JUG PAR GYUR PA RNAMS LA LNGA PO 'DI RNAMS BCAS PA'O, ,DRUG PA BYI DOR BYED PA'I LTUNG BYED NI BKRU BSHAL BYED DU 'JUG PA LA'O ZHES BYA BA STE, 'DIR BUD MED KYIS ZHES BYA BA RTOGS PAR BYA'O, ,SKYES PAS BYED DU BCUG PA LA REG PA'I KHA NA MA THO BA SHIN TU LCI BAR RNAM PAR GZHAG PA'I PHYIR RO, ,RDZAS GZHAN GANG YANG RUNG BAS DRIL PHYIS BYAS PA LA SNGA MA LNGA PO RNAMS BCAS PA YIN NO, ,'DI NI CHU 'BA' ZHIG GIS BKRU BSHAL BYED DU 'JUG PA LAS BCAS PA YIN TE, BYE BRAG NI DE YIN NO, ,DE LTAR YANG BKRU BSHAL BYED DU 'DZUD NA ZHES GSUNGS PA DE'I RNAM PAR 'BYED PA NI CHUS BKRU BSHAL BYED NA ZHES GSUNGS PA YIN NO, ,BSLAB PA'I GZHI BDUN PA NI RDZAS DRI ZHIM POS RANG GI LUS SKUD PA LA'I ZHES BYA BA LA, ,'DIR DRI DAG GIS ZHES BYA BA NI, MDO'I TSIG GO, ,RDZAS DRI ZHIM PO DAG GIS ZHES BYA BA NI RNAM PAR 'BYED PA'I TSIG GO, ,GANG LA LTUNG BYED BRGYAD PAR 'GYUR ZHE NA, DE'I PHYIR 'BUR MAR GYI TSIGS MAS SO ZHES BYA BA SMOS TE, RANG GI LUS SKUD PA LA'O ZHES BYA BAR SBYAR RO, ,'DIR RANG GI BYED PA'I RDZAS DRI ZHIM POS RANG GI LUS LA SKUD PA NI DRIL PHYIS ZHES SMOS PA YIN NO, ,GZHAN BYED DU 'JUG PA LA YANG ZHES BYA BA'I BYE BRAG MA SMOS PAS RTOGS PA'O, ,BUD MED SKUD DU 'JUG PA DANG GZHAN GYIS BYAS PA DANG GZHAN GYIS BYAS PA MA YIN PA ZHES BYA BA NI LTUNG BA SBOM PO DANG, DER PHAM PA SKYES PAS 'DIR DGE SLONG GIS DRI 'CHANG BA LA NI NYES BYAS KHO NA'O, ,MTSAN MTHUN PA BYI DOR BYED DU 'JUG PA LA NI LTUNG BA MED DO, ,BYI DOR BYED PA LAS BYUNG BA'I LTUNG BYED BRGYAD PA'O,, ,,GANG LA CHU LA LONGS SPYOD PA'I LTUNG BYED DU 'GYUR ZHE NA, DE'I PHYIR LAG PA SBREL TE KHRUS BYED PA LA'O ZHES BYA BA SMOS TE, BUD MED DANG LHAN CIG GO, ,SKYES PA DANG MA YIN NO, ,'DIR SBOM PO DANG PHAM PA SMOS PAS SHES

35b

PA'O; ,'DIR LTE BAR SON NA DNGOS GZHI'O, ,MDUN ROL DU NYES BYAS SO, ,BYI DOR BYED PA LAS KYANG RNAM PAR GZHAG PA 'DI NYID RIG PAR BYA'O, ,CHU LA LONGS SPYOD PA'I LTUNG BYAD DO,, ,,DA NI 'DI MAN CHAD KYIS 'CHOS PA LAS GYUR PA'I LTUNG BYED DRUG STE, GANG LA LNGA PO DE RNAMS SU 'GYUR ZHE NA, DE'I PHYIR BCOS PA'I PHYIR PU SHEL TZI 'CHANG BA LA'O, ,SO MANGS DANG SMYIG SHAD DANG, GSUM ZHES BYA BA DANG, SKRA BRNYAN GYIS KYANG NGO ZHES BYA BA SMOS TE, BCOS PA'I PHYIR 'CHAD PA LA'O ZHES BYA BA'I RJES BSNYEG PA'I PHYIR KYANG NGO ZHES BYA BA'I SGRA SMOS SO, ,SO MANGS DANG SMYIG SHAD DANG, GSUM ZHES BYA LA DANG, SKRA BRNYAN GYIS KYANG NGO ZHES SMOS PAS SO, ,GSUM ZHES BYA BA NI PU SHEL TZI LA SOGS PA'I MING 'DI LA YOD PAS NA GSUM ZHES BYA'O, ,DE DAG GIS SKRA SHAD PA LA SOGS PA'I RNAM PA GANG GIS 'CHOS PAR BYED CING RJES SU DAG PA LA SOGS PAS SKRA BRNYAN GYIS MGO LA BTZUGS CING DE BSGRUB PAR GYUR PA DE RNAMS LA BYA BA STE, BCOS PA'I PHYIR NYES PAR SBYOR BA STE, NGES PAR SBYOR BA DE LA KHA NA MA THO BA 'DI RNAMS SO, ,BRTZAMS PA TZAM GYIS BYAS PA NYID DE BCOS PA LA, DE'I BYA BA RTZOM PA GCIG TU GYUR PA'I PHYIR RO, ,JI SRID DU MA BTANG GI BAR DU LOG PAR GYUR NA LTUNG BA GCIG NYID DO, ,'DIR MDO NI PU SHEL TZI 'CHANG NGAM, SO MANGS 'CHANG NGAM, SMYIG SHAD 'CHANG NGAM, SKRA BRNYAN 'CHANG NA ZHES GSUNGS PA YIN NO, ,'DI RNAMS KYI RNAM PAR 'BYED PA NI 'CHOS PAR BYED NA ZHES GSUNGS PA YIN TE, DE LA 'CHOS PA'I PHYIR 'CHANG BA LA SOGS PAR BYED NA ZHES BYA BA NI, DON GNYIS KA LA YANG RNAM PAR GNAS PA YIN NO, ,DE LTAR MDO DANG RNAM PAR 'BYED PA DAG LA DON GCIG PA NYID DU 'GYUR BA DE BAS NA DE KHO NA NYID DU NYE BAR 'BREL PA'O, ,SKRA BCOS PA NYID NI DE RNAMS LA GRAGS BA'I PHYIR SKRA RNAMS ZHES BYA BA 'DI LA BCOS PA DANG 'BREL PA NYID DU SHES BZHIN PA'O, ,DE'I PHYIR DE GRUB PAS MDO MA BYAS SO, ,MCHAN KHUNG DANG GSANG BA'I SPU 'CHOS PA LA NI NYES BYAS SU RIG PAR BYA'O, ,YANG MGO 'CHOS PA SPANGS PA LA ZHES BYA BA NI BCOS PA'I PHYIR CHO GA DANG 'BREL PA

36a

, ,NYID KYI TSIG MED PAS 'DIR YANG MDOR MA BYAS PA NI GZUGS NYID LAS SHES PA'I PHYIR RIG PAR BYA'O, ,GANG LA LTUNG BYED DRUG PAR 'GYUR ZHE NA, DE'I PHYIR KHYIM PA'I RGYAN THOGS PA LA'O ZHES BYA BA SMOS TE, YANG MGO 'A CHOS PA SPANGS PA LA ZHES BYA BA NI, CHOS GOS LA SOGS PA RAB TU BYUNG BA'I YO BYAD RNAMS KYANG RAB TU BYUNG BA'I RGYAN NYID DE KHYIM PA'I RGYAN NI MA YIN NO, ,'DI LTAR DE RNAMS ZHI BA'I DGA' BA'I BLO SKYE BAS DE RNAM PAR BCAD PA'I PHYIR KHYIM PA'I ZHES SMOS PAS 'DI NI RAB TU BYUNG BA RNAMS LA BZHAD GAD DU 'GYUR BA YIN GYI RGYAN DU 'GYUR BA NI MA YIN NO ZHES BYA BA BSTAN PA'I DON DU'O, ,KHYIM PA'I RGYAN RIN PO CHE'I RANG BZHIN LA NI RGYAN NYID DU YONGS SU RDZOGS PA STE, DE BAS NA DES 'DI BSDUS PA YIN NO, ,DE LTAR YANG KHYIM PA'I RGYAN NI MGUL RGYAN DANG GDU BU RGYAN CAN DANG, DPUNG RGYAN DANG, DO SHAL DANG, SE MO DO DANG, MU TIG GI CHUN PO DAG GO ZHES BYA BA RNAM PAR 'BYED PA LAS GSUNGS SO, ,RIN PO CHE MA YIN PA'I RGYAN LA NI NYES BYAS SO, ,'DI LA RIN PO CHE LA RIG PA'I KHA NA MA THO BA 'DIR RDZAS JI LTA BAR GZHAN RIG PAR BYA'O, ,'CHOS PA LAS GYUR PA'I LTUNG BYED DRUG PA'O,, ,,DA 'DI MAN CHAD LTUNG BYED GSUM STON TE, DE RNAMS KYI DBANG PO GANG LA 'GYUR ZHE NA, DE'I PHYIR BRO BRDUNG BA LA'O ZHES BYA BA SMOS SO, ,JI LTAR ZHE NA DE'I PHYIR GANG YANG RUNG BAS SO ZHES BYA BA SMOS TE, THA NA SMIN MA BSKYOD PA LA SOGS PA'I BYA BAS KYANG NGO ZHES BYA BA'I DON TO, ,BSLAB PA'I GZHI GNYIS PA BSTAN PA NI, GLU LEN PA LA'O ZHES BYA BA SMOS TE, JI LTAR ZHE NA, DE'I PHYIR DE'I BSAM PAS MGRIN 'GYUR GANG YANG RUNG BAS SO ZHES BYA BA LA, DE'I BSAM PAS ZHES BYA BA NI GLU'I BSAM PAS SO, ,GANG YANG RUNG BA ZHES BYA BA NI, THA NA TSIGS SU BCAD PA TZAM 'DOD PA LA YANG NGO, ,GANG LA GSUM PAR 'GYUR ZHE NA, DE'I PHYIR ROL MO BYED PA LA'O ZHES BYA BA SMOS TE, 'DI LTAR BUD MED LA GAR DANG GLU LA SOGS PA RJES SU MI MTHUN PA DE LTAR SKYES PA RNAMS LA NI MA YIN NO, ,DE BAS NA 'DIR DGE SLONG LA NYES BYAS SU RIG PAR BYA'O, ,RGYA GAS PA LAS GYUR PA'I LTUNG BYED GSUM MO,, ,,DA 'DI MAN

36b

CHAD NI LONGS 'CHOS PA NYID LAS GYUR PA'I LTUNG BYED GSUM STON TE, DE RNAMS KYI DANG PO NI LONGS SPYOD DU GYUR PA'I GDUGS THOGS PA LA'O ZHES BYA BA SMOS TE, BDAG GIR BYED PA TZAM LA NI DNGOS GZHI MA YIN TE, 'ON KYANG YONGS SU LONGS SPYAD PAR GYUR PA LA ZHES BYA BA'I DON TO, ,GAL TE GANG ZHIG LAM LA DBANG BA NYID NGOS SU 'DUD PA LA ZHES BYA BA SMOS PA DE LA YANG MA BYAS PAS, DMIGS KYIS BSAL BA 'DI GTOGS PA'O, ,SBYOR BA GCIG YIN NA SHIN TU RING POR THOGS PA 'DI DANG 'OG MA LA YANG LTUNG BA GCIG KHO NAR ZAD DO, ,GANG LA GNYIS PA DE BRJOD PAR BYA STE, DE'I PHYIR MCHIL LHAM GYON PA LA YANG NGO ZHES BYA BA SMOS TE, LONGS SPYOD DU GYUR PA'I GDUGS THOGS PA LA'O ZHES BYA BA'I RJES SNYEGS PA'I PHYIR, YANG NGO ZHES BYA BA'I SGRA SMOS SO, ,DBYAR KHANG DU MAL STAN BSRUNG PA'I PHYIR NI LTUNG BA MED DO ZHES BYA BA NI DBYAR KHANG LA GNAS GZHAN DU MAL STAN LA BAG BYA BA'I PHYIR MCHIL LHAM GYON PA LA LTUNG BA MED DO, ,DE LAS GZHAN PA THAMS CAD LA NI LTUNG BYED KHO NAR 'GYUR RO, ,'DIR DGE SLONG GI GNAS LA MTSON PA'AM DE NYID KYIS DBYAR KHANG GI 'PHANGS PAR RIG PAR BYA BA YIN TE, DE YANG RJES SU MI MTHUN PA NYID KYI PHYIR BUD MED RAB TU BYUNG BA RNAMS LA MCHIL LHAM GYON PA 'JUG PA'I PHYIR RO, ,GSUM PA BSTAN PA NI KHRI'U'I BSNYEN BKUR NYAMS SU MYONG BAR BYED PA LA'O ZHES BYA BA STE, 'DI NI SBOM DGA' MO DGE SLONG RNAMS LA STON PAR BYED CING DES DGE SLONG MA 'ONGS SHING LHAGS PA RNAMS LA KHO MO'I PHYIR PHYOGS GA GE MO ZHIG TU KHRI'U SHOMS LA 'DUG TU CHUG SHIG CES BSGO ZHING, YANG PHYOGS GA GE MO ZHIG DANG, GNAS KHANG GI NYE 'KHOR DANG KHYAMS DANG KHANG STENG NGAM CHE GE MO ZHIG TU KHRI'U KHYER LA KHO MO 'DUG TU CHUG SHIG CES ZER BA LAS BCAS PA STE, DES KHRI'US BSNYEN BKUR BYED DU 'JUG PA'I NGO BO NYID KYANG BSTAN PA YIN PAR RIG PAR BYA'O, ,LONGS 'CHOS PA NYID LAS GYUR PA'I LTUNG BYED GSUM MO,, ,,GANG LA THUG THUB TU PHYIS GNON BYED PA'I LTUNG BYED DU 'GYUR ZHE NA, DE'I PHYIR KHYIM GZHAN DU MA BSGO BAR STAN LA 'DUG PA LA'O ZHES BYA BA SMOS TE, RTZVA'I

37a

, ,CHUN PO DANG SHING GI DUM BU DANG SO PHAG LA SOGS PA LA GAL TE RDOL BA YIN NA, THUG THUB TU BSTAN PA MI SKYED PA KHO NA'O, ,GAL TE MA YIN NA YONGS SU MA RDZOGS PA 'DI BSKYED PA'O, ,DE BAS NA SNGA MA LA NI LTUNG BA MED DO, ,PHYI MA LA NYES BYAS SO, ,BZHAD GAD KYI CHED DU RTZVA'I CHUN PO DANG SHING GI DUM BU DANG, SA DANG BA GLANG GI LCI BA'I RANG BZHIN KUN NAS 'TSO BAR BYED PA BSGRUB PA SHING GI DUM BU ZHES BYA BA LA SOGS PA'I MA RDOL BA LAS YONGS SU RDZOGS PA'I THUG THUB BSKYED PA'O, ,RDOL BA LA NA NI SMAD PA BSKYED PA'O, ,DE BAS NA 'DIR SNGA MA LA LTUNG BYED DO, , PHYI MA LA NI NYES BYAS SO, ,MAL STAN LA YANG 'DI BSTAN ZHES SMOS PAS BSDUS PAR RIG PAR BYA STE, GOS LA YANG 'PHANGS PAR RIG PAR BYA'O, ,DGOS PA MED PA DANG 'DRA BA'I RTZVA'I CHUN PO LA SOGS PA LA SMOS PA'I CHO GA RNAMS RNAM PAR GZHAG PA'O, ,'DUG PA LA NI SHIN TU RING POR RJES SU 'GRO BA'I PHYIS GNON DU GYUR PA NYID DU RIG PAR BYA'O, ,DE BAS NA 'DIR NYAL BA DAG LA KHA NA MA THO BA DE YONGS SU RDZOGS PAR 'GYUR TE, SHIN TU RING POR MA SONG BA LA 'DI NI THUG THUB CHES SHIN TU CHE BA'I PHYIR RO, ,GANG ZHIG RKANG PA DAG GIS 'DZEGS NAS, TZOG COG POR RAM GZHAN DU GNAS PA'O, ,DE BAS NA 'DIR YANG KHA NA MA THO BA YONGS SU RDZOGS PA 'DI'O, ,THUG THUB TU PHYIS GNON BYE PA'I LTUNG BYED DO,, ,,GANG LA LOG THABS BYED PA'I LTUNG BYED DU 'GYUR ZHE NA, DE'I PHYIR CHOS NYAN DU GZHUG PA'I GNAS SKABS SU KHYIM PA'I STAN SPYAD PA'I KHYIM PA LA MA SBRAN PAR BOR TE 'GRO BA LA'O ZHES BYA BA SMOS TE, CHOS NYAN DU GZHUG PA'I TSE KHYIM PA'I STAN YONGS SU LONGS SPYAD PA'I KHYIM PA LA MA SBRAN PAR BOR TE 'GRO BA LA LTUNG BYED DU 'GYUR TE, 'DI NI SBOM DGA' MO KHYIM BDAG GI KHYIM DAG TU SONG STE; KHYIM BDAG GI CHUNG MA DAG GIS KYANG STAN DAG BSHAMS PA NA DE DE LA 'DUG STE, RGYA CHER CHOS BSTAN PAR BRTZAMS PA DANG, DE RNAMS KYANG 'DI NI LAS MED PA ZHIG GO SNYAM NAS LANGS TE, DONG BA'I TSE DES KYANG STAN DAG MA SBRAN PAR GCIG PU LANGS TE SONG BA DANG, STAN DE

37b

DAG RKUN PO DAG GIS KHYER NAS KHYIM MI DAG GIS STAN BRTZAL NA MA RNYED DE, SBOM DGA' MO LA 'PHAGS MA STAN DAG CIR BGYIS ZHES PA DANG, DES SMRAS PA, JI LTAR KHYED CAG GIS KHO MO LA MA SBRAN PAR DONG BA DE BZHIN DU KHO MOS KYANG DE BZHIN NO ZHES ZER BA LA GZHI DE LAS BCAS PA YIN NO, , 'DI NI SNYING NAS LOG THABS BYED PA NI NYES PA NYID DO, ,KHYIM PA'I DON LA YONGS SU RDZOGS PA NYID 'JUG PA 'DI LA YIN TE, DE BAS NA 'DIR NI KHYIM PA LA BRTEN PA'O, ,GZHAN RAB TU BYUNG BA 'DI PA DANG, PHYI ROL PA'I RAB TU BYUNG BA DBANG BA NYID LA 'DIR NYES BYAS SU RNAM PAR GNAS PA YIN NO, , GANG GI TSE DNGOS GZHIR GYUR PA'I SONG BA'I MTHAR THUG PA YONGS SU RDZOGS PA'I BDAG NYID LA DNGOS GZHI'I DUS SU 'GYUR ZHE NA, DE'I PHYIR SPANGS PA'I NYE 'KHOR GYI MTHA' LA'O ZHES BYA BA SMOS TE, SNGAR GNAS MAL SPANGS TE 'GRO BA'I NYE 'KHOR GYI MTHAR THUG NA RDZOGS PA YIN NO ZHES BYA BA'I DON TO,, KHYIM PA LA LOG THABS BYED PA'I LTUNG BYED DO,, ,,DA 'DI MAN CHAD NI KHYIM PA MO'I BZO STON PA'I LTUNG BYED GSUM STE, GANG LA DE RNAMS KYI DBANG POR 'GYUR ZHE NA, DE'I PHYIR SKUD PA 'KHAL BA LA'O ZHES BYA BA SMOS TE, RGYUD KYI RANG GZHAN GANG YANG RUNG BA BSGRUB PA BYAS NA SKUD PA 'KHAL BA NYID YIN TE, RI MO TZAM BYAS PA LA RI MO BYAS PA NYID SMOS PAR RTOGS PA'O, ,'DI LTAR RNAM PAR 'BYED PA LAS, BDUN PO DAG LAS GANG YANG RUNG BA ZHES GSUNGS MOD KYI, DE NI DPE TZAM DU ZAD DE RUNG BA MA YIN PA'I SKUD PA 'KHAL BA LA YANG THAMS CAD DU BZO STON PA'I NYES BA 'DRA BA'I PHYIR, 'DI NI THAMS CAD MNYAM PA YIN NO, ,DE BAS NA THAMS CAD DU SKUD PA LA KUN NAS BRTEN PA'O, ,RGYA CANG DANG LCAG POD KYI DON DU DBEN PA'I PHYOGS SU NI LTUNG BA MED DO ZHES BYA BA NI DE'I CHED DU CHOS DANG LDAN PA'I DGOS PA'I DBANG GIS TSANGS PAR SPYOD PA DANG BCAS PA'I 'JAR BA BZHIN DU 'DI LA NYES PA MED PA BZHIN DU RIG PAR BYA'O, ,DBEN PA'I ZHES BYA BA NI DBEN PA'I SA PHYOGS SU DANG BA MI SKYE PA'I DNGOS PO BYAS PAS ZHES BYA BA 'DI LA SPROS PA 'DI'O, ,GANG ZHIG KHYIM PA MO'I BZO STON PA'I LTUNG BYED GSUM ZHES SMOS PA DE RNAMS LAS PHYI MA GNYIS PO

38a

, ,SPANGS NAS RANG BZHIN GYI RNAM PAR 'GYUR BA'I DNGOS PO 'DI LTAR SKUD PA DANG GOS GNYIS NI SNAM DU BYA BA'I RGYU DANG 'BRAS BU'I NGO BO NYID DU 'BREL BA'I PHYIR DANG, RNAM PAR BSGRUB PAR 'DRA BA'I PHYIR BZO BSTAN PA'I LTUNG BYED DANG PO 'DI DANG MNGON PAR 'BREL PA'I DBANG GIS DE LAS PHYI MA BDAG TU MI BYED PA LA DGE SLONG MA'I TSOGS KYI GOS BDAG GIR BYED PA 'DI RNAM PAR GZHAG PA'O, ,DE'I RJES SU GZHAN BYAS PA LA ZAS 'TSONG BA ZHES BYA BA 'DI LA THO 'TSAMS PAR BYED PAS, JI LTAR DGE SLONG MA'I TSOGS KYI GOS BDAG GIR BYED PA DE DANG 'DRA BA'I PHYIR RNAM PAR GZHAG PA'O,, DA NI DE GNYIS KYI DANG PO JE BSTAN PAR BYA STE, GANG LA DGE SLONG MA'I TSOGS KYI GOS BDAG GIR BYED PA'I LTUNG BYED DU 'GYUR ZHE NA, DE'I PHYIR DGE SLONG MA'I TSOGS KYI GOS BDAG GIR BYED PA'O ZHES BYA BA SMOS TE, 'DI NI DGE SLONG MA SBOM DGA' MOS BTZUN MO PHRENG LDAN MA LA BCOM LDAN 'DAS KYIS BDAG CAG LA RME GAB BCANG BAR RJES SU GNANG NA BDAG CAG LA DE MI BDOG PAS, DE KHYED KHYID BRTZAL BAR RIGS SO ZHES SMRAS PA DANG, DES GOS KYI SGRO MA THAMS CAD DGE SLONG MA RNAMS LA BYIN PA DE SBOM DGA' MOS BDAG GIR BYAS SO, ,DES NA DGE SLONG MA RAB TU MANG PO DAG GIS BTZUN MO PHRENG LDAN MA LA SMRAS PA, BDAG CAG LA RME GAB KYI GOS BYIN CIG ,DES SMRAS PA, DGE SLONG MA THAMS CAD LA BDAG GIS BYIN NO, ,DE RNAMS KYIS SMRAS PA DANG, GANG GIS KHYER ZHES ZER RO, ,DES SMRAS PA, SBOM DGA' MOS KHYER RO, ,DE NAS DGE SLONG MA DE RNAMS KYIS SBOM DGA' MO LA BLANGS PA DANG, NGES MA STER BA'I GLENG GZHI LAS BCAS PA YIN NO, ,GZHAG PA'I RDZAS 'DI LA SBYIN PAR BYA'O SNYAM NAS MA 'ONGS PA BDAG TU BYED PA LA GAL TE DNGOS PO YONGS SU TSANG NA PHAM PAR 'GYUR RO, ,GAL TE MA YIN NA LTUNG BA SBOM POR 'GYUR ROM, DE BAS NA 'DIR MA THOB PA ZHES BYA BA YONGS SU BRTAGS PA STE, MA 'ONGS PA MA YIN PA 'DIR BDAG TU BYED PAS BSNGOS PA'I RANG BZHIN DU 'GYUR BA 'DIR 'JUG PA BSTAN PA ZHES BYA BA RDZOGS PAR BYA'O, ,'DIR TSOGS ZHES BYA BA'I SGRA NI DGE 'DUN LA BYA STE, DE

38b

DANG MA BRAL BA'I PHYIR YANG YONGS SU RDZOGS PAR 'GYUR BA NYID KYI PHYIR RO, ,DE LTAR YANG RNAM PAR 'BYED PA LAS, TSOGS KYI GOS NI DGE 'DUN GYI'O ZHES GSUNGS PA YIN NO, ,DGE SLONG MA GCIG GAM GNYIS SAM GSUM PO 'DI'I RJES SU 'BRANGS NAS KHA NA MA THO BA SHIN TU CHUNG BA NYID DO, ,DE DAG KYANG BSLU BA'I RNAM PA DANG 'DRA BA'I PHYIR SNGA MA NYID DANG 'BREL PAR SHES PAR BYA'O, ,DGE SLONG MA'I TSOGS KYI GOS BDAG GIR BYED PA'I LTUNG BYED DO,, ,,GNYIS PA NI ZAS BTZONG BA BYAS PA LA'O ZHES BYA BA STE, ZAS DE DAG JI TZAM BYAS KYANG RUNG STE BYAS PA NYID YIN TE BYE BRAG MA SMOS PAR SHES PA'O, ,THA SNYAD 'DI RDZOGS PA'I DUS NI DNGOS GZHI'I DUS SU RIG PAR BYA'O, ,KUN DU SPYOD PA TZAM NYID LA KHA NA MA THO BA NI YIN TE, RNYED PA BSGRUB PA LA NI MA YIN NO, ,DE KHO NA NYID YOD PA LA 'DIR SPANGS PA'I LTUNG BYED KYI KHA NA MA THO BA GZHAN BSKYED PAR RIG PAR BYA'O, , SKABS SU SPYAD PA'I LTUNG BYED GNYIS BSTAN NAS, DA NI KHYIM PA MO LA BZO STON PA'I LTUNG BYED GNYIS PO GANG YIN PA DE BRJOD PAR BYA STE, DE'I PHYIR KHYIM GYI BYA BA YANG NGO ZHES BYA BA SMOS TE, ,BYAS PA LA'O BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS TE, DE DAG JI TZAM BYAS KYANG RUNG STE BYAS PA NYID YIN NO, ,KHYIM DU CHUS CHAG CHAG GDAB PA DANG PHYAG DAR BYAS PAS DAG PAR BYAS PA DANG, RDZA LAS BYAS PA'I SNOD RNAMS BSHAL BA DANG, BZA' BA DANG BTUNG BA DANG, BLDAG PA LA SOGS PA'I SGRUB PA BSGRUB PAR BYAS TE G-YO BA DANG, LAG PA DANG RKANG PA LA SOGS PA BKRU BA DANG, RIGS KYI LHA RNAMS MCHOD PA DANG, BDUG SPOS DANG GTOR MA'I LAS BYA BA NI KHYIM GYI BYA BA'I NGO BO GLENG GZHI LAS 'BYUNG BA YIN TE, BLTA BA DANG DRUG PA DANG, SKAM PA DANG, BTAG PA DANG, SHING LAM BKRU BA DANG, GZHAG PA DANG, MAL CHA DANG, STAN SPRUG PA DANG, GZHAG PA DANG, BSHAMS PA LA SOGS PA RNAMS DANG, MCHIL LHAM DANG KHRUS RAS 'BUL BA DANG, GOS GZUNG BA DANG, KHRUS KYI GOS 'BUL BA DANG, BTZIR BA DANG ZHUGS PA'I SKYE BO LA CHU DANG DRI 'BUL BA DANG, KUN NAS 'JUG TU BCUG PA DANG, SNOD BKRU BA LA SOGS PA YANG DE ZHES

39a

, ,BYA BAR GRAGS PA'I PHYIR RTOGS PAR BYA'O, ,RJEN PA 'TSOD PA LA SOGS PA CHO GA'I YUL YIN PAS LHAG MA 'DI RNAMS ZHES BYA BAR RIG PAR BYA'O, ,CHANG GI LAS MI BYA'O ZHES BYA BA NI, MNAN PA LA SOGS PA CHANG GI YO BYAD DE LA NYE BAR MKHO BA'I LAS MI BYA'O, , BSLAB PA'I BYE BRAG DANG 'BREL BA'I LAS 'DI RES 'GA' TZAM YIN TE, DE LA RES 'GA' TZAM 'BYUNG BA YIN NO, ,BZA' BA SKAM PO 'TSOD PA LTAR 'DI LA KHYIM GYI BYA BA LA KHONGS SU MA 'DUS PA'I PHYIR CHO GA 'DI BSTAN PA YIN NO, ,MDO 'DI DANG MDO 'OG MA NI PHRAN TSEGS DAG LAS 'BYUNG NGO,, CHANG KHANG BYED DU MI GZHUG GO ZHES BYA BA NI GZHAN BYED DU 'JUG PA BKAG PA STE, RANG GIS BYED PA NI CHES SHIN TU LCI BA DE BAS NA 'DI LA YANG DES BKAG PA THOB PAR BYED PA NYID DO, ,KHYIM PA MO'I BZO STON PA'I LTUNG BYED GSUM PA BRJOD PAR BYA STE, DE'I PHYIR RJEN PA 'TSOD PA'I'O ZHES BYA BA SMOS TE, MI SNYI BA RNAMS KYI SUM CHA BANGS PA NYID KYI MDUN ROL DU DE NYID YIN TE MA TSOS PA'I PHYIR RO, ,SNYI BA RNAMS KYI KHA DOG GYUR PA'I'O, ,KHU BA RNAMS KYI NI LAN GNYIS KHOL BAR GYUR PA'I'O ZHES SMOS PA YIN TE, 'DI RJEN PA NYID KYI PHYIR RNAM PAR GNAS PA YIN NO, ,GANG YANG RUNG BA LA DE BTAGS PA'I DBANG GIS ME LAS KHYAD PAR BSGRUB PA NYID LA 'TSOD PA LAS SKYES PA NYID RTZOM PA GCIG PAR GYUR PA NYID KYIS CHA GZHAN DER ZHUGS PA'O, ,BTAGS PA LA NI SBYOR BA NYID DE SNGA MA LA DE SBYOR BA MA YIN PA'I SBYOR BA NYID DO, ,DGE SLONG GI DGE 'DUN DANG, MKHAN PO DANG; SLOB DPON DANG, TSANGS PA MTSUNGS PAR SPYOD PA RNAMS KYI PHYIR DBEN PA'I PHYOGS SU NI LTUNG BA MED DO ZHES BYA BA'I TSIG NI, SLOB DPON GANG LA NGES PA NYE BAR GZHAG PAR BYA BA NYID NI DE'I MA GZHAN LA YANG NGO, ,TSANGS PA MTSUNGS PAR SPYOD PA RNAMS KYI ZHES BYA BA NI, RNAM PA 'DI LA MNGON PAR BRTEN NAS 'DIR TSANGS PA MTSUNGS PAR SPYOD PA DANG BCAS PA NYID KYI TSIG GIS BZUNG BA BSGRUB PA YOD PA LA THA DAD PA'I ZHES SMOS SO, ,DE BAS NA 'DI NI MTSON PA TZAM YIN TE, SLOB DPON YANG 'DIS 'PHANGS PA NYID YIN NO, ,'DIR TSANGS PA MTSUNGS PAR SPYOD

39b

PA ZHES SMOS PAS NI CHOS 'DI PA'I RAB TU BYUNG BA NYID DANG, SLOB DPON SMOS PAS RAB TU BYUNG BA BSDUS PAR RNAM PAR GNAS PA YIN TE, KHYIM PA RNAM LA MA YIN ZHES BYA BAR RIG PAR BYA'O, ,PHYIR ZHES BYA BA NI 'TSOD PA NYID LA CHOS DANG LDAN PA'I DON GYI DBANG GIS 'TSOD PA LA NI LTUNG BA MED PAR RIG PAR BYA'O, ,KHYIM PA MO'I BZO STON PA'I LTUNG BYED GSUM MO,, ,,GANG LA LTO 'DUN LAS GYUR PA'I LTUNG BYED DU 'GYUR ZHE NA, DE'I PHYIR ZAS ZOS NAS STAN LAS LANGS TE YANG ZAB LA'O ZHES BYA BA SMOS TE, GNAS BTANG BAR BYAS NAS BZA' BAR BYA BA GANG YANG RUNG BA ZOS PA LA LTUNG BYED 'DI LHAG POR MA BYAS PA ZA BA'I LTUNG BYED DU RNAM PAR GZHAG PA MA YIN PA STE, 'ON KYANG 'DI NI ZAS GCIG KHO NA LA NYE BAR BTAGS PA'I BZA' BAR BYA BA ZA BA DANG LDAN PA NYID YOD PA LA LHAG POR MA BYAS PAR STAN PAS LANGS TE YANG ZA BA LA LTUNG BA GCIG TU 'GYUR RO, ,NGES PAR BYAS PA ZHES BYA BA LTUNG BYED GNYIS SO, ,DE NYID LA SPANGS SHING LHAG POR MA BYAS PAR ZA NA NI LTUNG BA 'DI YIN PA DE BAS NA, ZA BA GCIG PA NYID KYIS NYE BAR BRTAGS PA LAS LANGS SHING LANGS TE, YANG YANG ZA BA DE NYID LTO 'DUN LAS GYUR PA'I LTUNG BYED DO, ,DE LTAR 'DIR GLENG GZHI LAS, DGE SLONG MA SBOM DGA' MO NANG PAR SNGAR LANGS TE, BSOD SNYOMS BLANGS NAS RANG GI NYEN 'KHOR DU GZHAG STE, LHUNG BZED YANG BLANGS YANG BLANGS YANG ZOS YANG ZOS SHING 'CHAG PAR BYED CING, BCAGS NAS YANG ZA BAR BYED DO, ,YANG 'CHAG PAR BYED YANG ZA BAR BYED CING DRO'I BAR DU MA SPANGS PAR DE LTAR BYED PA LAS BCAS PA YIN TE, SKYES PA NI LTO 'DUN LAS GYUR PA'I GDUNGS PA DANG, BRKAM CHAGS CHUNG BA ZHES GSUNGS PA YIN NO, ,DGE SLONG LA NI LHAG BOR MA BYAS SHING ZA BA GCIG PA NYID KYIS NYE BAR BRTAGS PA LA STAN LAS LANGS NAS YANG DANG YANG DU ZA BA NA NYES BYAS SO, ,LTO 'DUN LAS GYUR PA'I LTUNG BYED DO, ,GANG LA TSOGS PAR DBYUNG BA MA YIN PA'I DRI BSTAN PA'I LTUNG BYED DU 'GYUR ZHE NA, DE'I PHYIR SGOG SKYA'O ZHES BYA BA SMOS TE, ZA BA LA'O ZHES BYA BAR SBYAR RO, ,DE DAG CI TZAM LA YANG RUNG STE ZHES BYA BA BYE BRAG

40a

, ,MA SMOS PAS RTOGS PAR BYA'O, ,NA BA'I PHYIR NI LTUNG BA MED DO, ,BTZONG DANG SGOG SKYA DAG LA BYE BRAG SMOS PAS JI LTAR THOB PA'I NYES BYAS SU RIG PAR BYA'O, ,KUN DONG KE'U DAG ZA BA LA NI DRI CHUNG BA'I PHYIR NYES BYAS SO, ,TSOGS PAR DBYUNG BA MA YIN PA'I DRI BSTAN PA'I LTUNG BYED DO,, ,,DA 'DI MAN CHAD DU NI BSU BEL BA LAS GYUR PA'I LTUNG BYED GSUM STON TE, DE RNAMS KYI DANG PO BSTAN PA DE'I PHYIR, RMIG BA MI 'CHANG BA LA'O ZHES SMOS TE, LONGS SPYOD PAR BYED PA SNANG DU RUNG BA'I GOS NGAN PA MI 'DOG PA BSAL BA'I PHYIR 'DI YIN TE, BSU BEL BA ZHES BYA BA NI GOS MA RUNGS PAR GYUR PA DE GZHAN DAG GIS TSOR BA LA BYA'O, ,DE BAS NA DE LTA BUR GYUR PA'I LUS 'OG MA'I GOS SPANG PAR BYA ZHES BYA BA'I DON TO, ,JI LTAR BRJOD PA'I NYES PA YONGS SU SPANG BA'I DON DU RMEG PA BCANG BAR BYA'O, ,SKYE GNAS KYI SGOR 'DI MA BRTAGS PA NYID LA LTUNG BYED DO, ,DE THIG GUS BTAGS TE BZHAG GO ZHES BYA BA LA, DE ZHES BYA BA NI RME GAB DE'O, ,MDO DE GNYIS KYI LUNG NI PHRAN TSOGS DAG LAS KHA BSGYUR BAR BYA'O ZHES BYA BA'I BAR DU GSUNGS PA YIN NO, ,DE DUS DUS SU BKRU BA DANG KHA BSGYUR BAR BYA'O ZHES BYA BA NI, RMEG BA DE ZHES BYA BAR SBYAR RO, ,GANG LA BSLAB PA'I GZHI GNYIS PA DE BRNGOD PAR BYA STE, CHU GOS KYANG NGO ZHES BYA BA LA, KYANG GI SGRA NI MI 'CHANG BA LA'O ZHES BYA BAR SBYAR RO, ,GANG GI TSO LUS GSHER BAR GYUR PA DE'I TSO, GANG GIS CHU GOS MI 'CHANG MI GON ZHING DE LA ZHES BYA BA'I DON TO, ,MDOMS KYI SPU MAN CHAD NAS, PUS MO'I LHANG NGA YAN CHAD KYI PHYOGS MI 'GEBS PA LA DNGOS GZHI'O, ,GZHAN GNYA' BA MAN CHAD NAS LONG BU YAN CHAD KYI LUS MGRIN PA'I BAR DU LUS KYI PHYOGS MI 'GEBS PA LA NI NYES BYAS SO, ,'DIR GLENG GZHI LAS DGE SLONG MA RAB TU MANG PO DAG BUD MED KHYIM PA MO DAG DANG LHAN CIG TU CHU KLUNG GNAS CAN GYI NANG DU KHRUS BYED CING DE DAG KHRUS BYED PA NA BUD MED DAG MDZUB MOS STON CING RAB TU BYUNG BA MO CHE GE MO DAG GI NU MA GNYIS NI 'DI 'DRA'O, ,CHE GE MO ZHIG GI LTO BA NI SPYANG KHYI 'DRA'O,,

40b

CHE GE MO ZHIG GI RKED PA NI SBOM MO, ,CHE GE MO ZHIG GI BRLA NI GLANG PO CHE'I SNA 'DRA'O ZHES LUS KYI YAN LAG DANG GSANG BA'I PHYOGS DAG GI BRJOD PA RNAM PA MANG POS BSNYAD 'DOGS PA LAS 'DI BCAS PA YIN NO, ,'DIS NI RO STOD MA G-YOGS PA'I KHA NA MA THO BA NYID DU SHES PAR BYA STE ZHES BYA BA 'DIS SHES PAR BYA'O, ,CHU GOS DANG KHRUS RAS ZHES BYA BA 'DI'I RNAM PAR 'BYED PA LAS SO, ,CHU GOS 'DI DUS THAMS CAD DU PHYI ROL PA NYID KYI PHYIR RO, ,DE'I PHYIR DGE SLONG MA RNAMS LA DBYAR GYI GOS RAS CHEN MA GSUNGS TE, DE NYID KYIS CHOG PA'I PHYIR RO, , DE GNYIS BCANG BAR BYA'O ZHES BYA BA NI RMEG PA DANG CHU GOS DAG GO, ,RANG NYID KYANG NYE BAR GNAS PA BCA' BA BSGRUB PA'I PHYIR BCANG BAR BYA'O, ,GANG LA RMIG PA 'CHANG BAR GTOGS PA'I LTUNG BYED GSUM PAR 'GYUR BA DE BRJOD PAR BYA'O, ,DE'I PHYIR BKUR BSHAL BA LA GOS 'KHRUR 'JUG PA LA'O ZHES BYA BA SMOS TE, RANG GI GOS BYIN GYIS BRLABS PA RNYING PA BKRU BAR 'OS PA CHOS GOS DANG GDING BA DAG BKRU BSHAL BA LA 'KHRUR 'JUG PA LA ZHES BYA BA 'DIS NI 'DI'I BYE BRAG ZHIB TU NI 'KHRUR 'JUG PA'I SPANG BA'I LTUNG BYED KYI RJES SU 'BRANGS NAS SHES PAR BYA'O, ,GANG GI PHYIR KHA NA MA THO BA NI RNAM PA GNYIS TE, DE DANG 'DRA BA'I NYES DMIGS LA NI BCAS PA'O, ,'DIR GLING GZHI NI, DGE SLONG MA BCU GNYIS SDE DAG RMI LAM NA GNOD PA MTHONG BAS MI GTZANG BAS GOS DAG LA GOS PAR GYUR NAS BKRU BSHAL BA LA 'KHRUR 'JUG PA DANG, BKRU BSHAL BA DAG GIS BLANGS TE, KHYIM PA'I GOS DAG DANG LHAN CIG BKRUS PAS NA, DE DAG GIS 'BAGS PA KHYIM PA'I GOS DKAR PO DAG MI GTZANG BAS MA RUNGS PAR GYUR PA DANG, KHYIM PA RNAMS KYIS BKRU BSHAL BA LA BDAG CAG GI GOS GANG GIS 'BAGS ZHES ZER ZHING DRIS PA DANG, DES SMRAS PA, DGE SLONG MA RNAMS KYI GOS BDAG GIS BKRU BA'I PHYIR BLANGS TE, DE DANG 'BREL PAS 'DI RNAMS 'BAGS PA YIN NO ZHES DE SKAD CES ZER BA DE THOS PAS KHYIM PA RNAMS 'PHYA ZHING RAB TU BYUNG BAR DAG NI NYE BAR MA ZHI'O ZHES ZER BA'I BAR LAS BCAS PA YIN NO, ,PHYOGS GCIG

41a

, ,BKRUS NA YANG BKRUS PA NYID YIN NO, ,BYAS PA NYID LA BYED DU BCUG PA NYID YIN NO ZHES BYA BA DANG, 'BRAS BU'I MTHA' TSUN CHAD GCIG NYID DO, ,BSHANG BA DANG GCIG BA DANG, LJAN LJIN DANG 'DAM RDZAB LA SOGS PAS MA RUNGS PA 'KHRUR BCUG PA LA YANG NA SMAD PA MED DO ZHES SNGAR BSTAN PA DAG KYANG 'DIR DE BZHIN DU RIG PAR BYA'O, ,'DIR GOS KHA BSGYUR BA DANG MA BSGYUR BA BTZO BLAG MKHAN LA KHA BSGYUR DU BCUG PA NI JI LTAR THOB PA LAS NYES BYAS SU RIG PAR BYA'O, ,BSU BEL BA LAS GYUR PA'I LTUNG BYED GSUM MO,, ,,GANG LA CHOS KYI RGYAL MTSAN LA MI GUS PA'I LTUNG BYED DU 'GYUR ZHE NA, DE'I PHYIR DGE SBYONG GI GOS KHYIM PA LA BGO BA'I PHYIR SBYIN PA LA'O ZHES BYA BA SMOS TE, TSAD DANG LDAN PA'I GOS RNAM SBYAR DANG BLA GOS LA SOGS PA KHYIM PA LA BGO ZHING BSKON PA'I PHYIR SBYIN PA LA ZHES BYA BA'I DON TO, ,'DIR MDO LAS BYIN NA ZHES GSUNGS PA DE'I RNAM PAR 'BYED PA NI, ,BGO BAR BYED CING BSKON PAR BYED NA ZHES GSUNGS PA YIN NO, ,BSKON PA LA NGES PAR SBYOR BAR 'GYUR BAS SBYIN PAR BYA'O SNYAM PA 'DI NI DON LA RNAM PAR GNAS PA YIN NO, ,TSAD NI 'KHOR GSUM KHEBS PA'I MTHAR THUG PA YAN CHAD LA LTUNG BYED DO, ,KHRU GANG YAN CHAD LA NI NYES BYAS SO, ,DE BAS NA CHUNG BA GZHAN LA NI LTUNG BA MED DO ZHES BYA BA 'DIR RNAM PAR GZHAG PA RIG PA YIN PAR SHES PAR BYA'O, ,GANG ZHIG BSRUNG BA'I DON DU BYIS PA DAG LA MGRIN PAR GOS BTAGS TE, CHA LUGS BSGYUR BA'AM ZHES BYA BA SMOS PAS LTUNG BA BSKYED PA'I TSAD DANG LDAN PA LA YANG DER NYES PA MED PAR RIG PAR BYA'O, ,DE YANG RAB TU BYUNG BA'I PHYOGS LA GZHAG PA NYID KYI PHYIR ZHES BYA BAR RIG PAR BYA'O, ,CHOS KYI RGYAL MTSAN LA MI GUS PA'I LTUNG BYED DO, ,GANG LCI BA'I CHOS LAS 'DA' BAR BYED PA'I PHYOGS DANG MNYAM PAR BYED PAR GYUR PAS RANG GI PHYOGS KYIS LCI BA'I PHYOGS LA RGYAL MTSAN BRJE BA'I LTUNG BYED DU 'GYUR ZHE NA, DE'I PHYIR DGE SLONG DANG LHAN CIG SNAM SBYAR BRJE BA LA'O ZHES BYA BA SMOS TE, CHOS GOS CHEN PO NYID KYI PHYIR RO, ,DE BAS NA KHA NA MA THO BA 'DI SKYED

41b

PA'O; ,'DIR GZHAN LAS LEN YANG KHA NA MA THO BA 'DIR 'GYUR GYI SBYIN PA LA NI MA YIN NO, ,DE LTA BAS NA BZANG NGAN BRJE BA MA GTOGS PAR DGE SLONG LA SNAM SBYAR LEN PA LA LTUNG BYED 'DI RNAM PAR GZHAG PA KHO NA'O, ,BRJE BA ZHES BYA BA NI LEN PA'I DPE TZAM DU ZAD DO, ,RGYAL MTSAN PA RJE BA'I LTUNG BYED DO,, ,,DA 'DI MAN CHAD SER SNA BYED PA'I LTUNG BYED LNGA STON TE, GANG LA DE RNAMS KYI DANG POR 'GYUR ZHE NA, DE'I PHYIR BSNGAGS PA LA SER SNA BYED PA LA'O ZHES BYA BA SMOS TE, DGE SLONG MA GZHAN DAG GI BSNGAGS PA BRJOD PA LA SER NAS BYED PAR 'GYUR BA LA LTUNG BYED CES BYA BA'I DON TO, ,GANG LA LTUNG BYED BZHI POR 'GYUR ZHE NA, DE BRJOD PAR BYA STE KHYIM DANG, GNAS DANG, RNYED PA DANG CHOS LA SER SNA BYED PA LA'O ZHES BYA BA SMOS TE, LA'O ZHES BYA BA'I SGRA NI 'DIR KHYIM LA SOGS PA RE RE LA SER SNA BYED PA LA'O ZHES BYA BAR SBYAR RO, ,SDOM PAR BYED PA THAMS CAD LA NYES BYAS NYID DE BSDAM PAR BYA BA THAMS CAD KYANG YID KYI LTUNG BA THAMS CAD LA ZHES BYA BAR RNAM PAR GZHAG PA'O, ,'DIR YID TZAM GYI SER SNA BYED PA NA BSDAM PAR BYA BA NYID YIN TE NYES BYAS SO, ,DE BAS NA 'DIR GZHAN LA BSNGAGS PA LA SOGS PA LHAG PAR SPYOD PA'I GNYEN POR GYUR PA NA LUS DAG LA SER SNA'I DBANG GIS BSNGAGS PA LA SOGS PA'I GEGS SU GYUR PA NYID KYIS BSNGAGS PA LA SOGS PA'I SER SNA'I SGRA SMOS PA YIN GYI SER SNA'I DRI MA LA NI MA YIN NO, ,'DIR NI BSGRUB PA BSNGAGS PA LA SOGS PA LA SER SNA BYED PA LA YIN GYI SEMS KYI DRI MA LA NI MA YIN NO, ,DE LTAR YANG 'DIR GLENG GZHI LAS SBOM DGA' MOS DGE SLONG GZHAN DAG GIS YON TAN YANG DAG PAR BRJOD PA THOS PA DANG SMOD PAR BYED DE, DE LA DGE SLONG MA RNAMS KYIS 'PHAGS MA CI'I PHYIR SMOD PAR BYED CES SMRAS PA DANG, SBOM DGA' MOS SMRAS PA, BDAG NI SH'AKYA'I RIGS SU SKYES PAS SDE SNOD GSUM GYI CHOS SMRA BAR RIGS PA DANG, GROL BA'I SPOBS PA DANG LDAN PA KHO MO'I BSNGAGS PA MI BRJOD PAR GZHAN DAG GI BSNGAGS PA BRJOD DAM ZHES BYA BA DANG, SBOM DGA' MOS DGE SLONG MA GZHAN DAG LA KHYED KYIS GANG NA

42a

, ,BSOD SNYOMS BSOD PA RNYED CES DRIS PA DANG, DGE SLONG MA RNAMS KYIS THAMS CAD SMRAS PA DANG, DE NAS SBOM DGA' MO SMOD CING DE DAG ZLOG PAR BYED DO, ,KHYIM GA GE MO ZHIG TU KHYED CAG MA 'GRO SHIG CES BYA BA'I BAR DANG, SBOM DGA' MOS DE DGE SLONG MA'I DBYAR KHANG BYED DU BCUG NAS, DE NA DGE SLONG MA RNAMS GNAS SHING SA GNYIS PA GZHAN LA SBOM DGA' MO GNAS TE, DE RNAMS DES BAG YANGS SU RKANG PA DAG GIS 'CHAG CING SPYOD PA'I SGRA CHEN PO DAG GIS GRAG PAR GYUR NAS, SBOM DGA' MO DE RNAMS LA SMOD CING 'DI LTAR RNAM PAR 'GYUR BAR BYED DO, ,RNAM PAR 'GYUR BA DAG GIS SGEG PA DANG BCAS PAS 'CHAG PA DE RNAMS SU YIN ZHES ZER NAS, JI LTAR BA LANG MO RNAMS 'CHAG PAR BYED PA LTAR MA BSDAMS PA'I SGRA GANG GI PHYIR BYUNG BAR GYUR TO, ,DGE SLONG MA RNAMS KYIS 'PHAGS MA KHYOD GNAS LA SER SNA BYED DAM ZHES SMRAS PA, CI'I PHYIR KHO MO MI BYED BDAG GIS BLANGS SHING GTZUG LAG KHANG BYED DU BCUG STE CHOS BSTAN PAS LCE LA CHU BUR BYUNG BYUNG GI BAR DU BSGRUBS PA YIN NO, ,BDAG GIS SA'I LAS BYAS PAS RKANG PA BRDOL ZHING LAG PA GNYIS LA CHU BUR BSKYED PA DE'I PHYIR BDAG SER SNA BYED DO, ,SBOM DGA' MO 'DI SNYAM DU DGE SLONG MA 'DI RNAMS SNGA MAR BSOD SNYOMS LA RAB TU 'JUG PAS, KHO MOS RNYED PA GANG LA THOB SNYAM NAS, DA THABS CUNG ZAD BYAS TE, GANG GIS BDAG KHO NA SNGAR ZHUGS LA PHYIS 'DI RNAMS 'JUG GO SNYAM NAS, DES DE RNAMS GDAMS NGAG DANG RJES SU BSTAN PA STER BAR BYED DE KHYED CAG NI ZAS TZAM LA RTZE GCIG PA ZAS DANG 'BREL PA'I SEMS KYIS MTSAN MO 'DA' BAR BYED DO ZHES ZER ZHING, KHYED CAG RNAMS NI MKHAN MO MA YIN TE, NYE GNAS DANG BSNYEN BKUR GYIS SHIG ,KHYED CAG RNAMS NI BCOM LDAN 'DAS LA MAndAL DANG BSTOD PAR SMRA BAR MI BYED DE, GCIG PU LTUNG BYED DE BLANGS NAS SNGA BAR BSOD SNYOMS LA RAB TU ZHUGS SO ZHES BYA BA DANG, DE RNAMS KYI BSAMS PA 'PHAGS MA DE BZHIN DU RIGS SO ZHES ZER TE, DE RNAMS 'GRO BAR MA BRTZAMS PA DANG, SBOM DGA' MOS KYANG SKYA RENGS SHAR BA'I DUS KYI TSE BSOD SNYOMS LA ZHUGS PA NA, BRAM ZE

42b

GZHAN DAG BKRA SHIS DON DU GNYER BA YUL GZHAN DU 'GRO BAR 'DOD PAS KHYIM NAS BYUNG BA DANG, DES DE MTHONG NAS MGO REG MTHONG NA BKRA MI SHIS SO ZHES ZER TE, BZUNG NAS SHIN TU BRDEGS SO ZHES BYA BA'I BAR DANG, SBOM DGA' MO LA DGE SLONG MA RNAMS KYIS 'PHAGS MAS BDAG CAG RNAMS LA LUNG DBOG PAR 'TSAL NA, GAL TE KHYED KYIS BDAG CAG LA GNANG BA STER NA LUNG DBOG TU GSOL ZHES GSOL BA BTAB PA DANG, DES THOS NAS LUNG DBOG PA'I DUS DGE SLONG MA DE RNAMS 'ONGS PA DANG, DES KHO MO RO RGYAB NAS SHAS DUGS GYIS SHING CES LAS BYED DU 'JUG PA DANG, DE RNAMS BYED CING BDAG GI GOS RNAMS DRI MA CAN DU GYUR PAS NA, 'TSED PA'I LAS GYIS SHIG CHU LONG CIG CES BYA BA LA SOGS PA 'DI LTAR BYA BA MTHA' YAS PA YIN TE, DE RNAMS KYIS 'DI LTAR BSAMS TE, 'PHAGS MA NI NGES PAR CHOS LA SER SNA BYED DO SNYAM NAS DE DAG GIS DRIS PA, GCIG PU KHO MO CAG LA LAS BYED DU BCUG STE GANG GIS KHO MO CAG LA GNANG BAR MI BYED DE, DES SMRAS PA, KHO MO CI'I PHYIR MI BYED CES BYA BA'I BAR DU'O, ,SER SNA BYED PA LAS GYUR PA'I LTUNG BYED LNGA'O,, ,,DA 'DI MAN CHAD NI SKROD PA LAS GYUR PA'I LTUNG BYED GNYIS BSTAN TE, DE GNYIS KYI DANG PO NI DBYAR KHANG NAS DGE SLONG MA GANG YANG RUNG BAS SKROD PA LA'O ZHES BYA BA STE, GANG YANG RUNG BAS ZHES BYA BA NI GCIG NYID LA GZHAN GYI NGES PA RNAMS SO, ,BKRU BA'I DON DU RANG GI LUS SAM DAG GIS GZHAN LA BCOL BA'AM, SPRING YIG LA SOGS PA'I RNAM PA GANG YANG RUNG BAS ZHES BYA BA'I DON TO, ,'DIR SBOM DGA' MOS DGE SLONG MA SNGA NAS 'KHOD PA DAG RKANG PA DANG, LAG PA DAG GIS MNAN PA DANG, DE DAG GIS SMRAS PA, 'PHAGS MA CI'I PHYIR GNOD PA BYED, DES SMRAS PA, SU LA GNOD PA DE DAG 'GRO LA RAG GO, ,DE RNAMS KYIS PHAN TSUN SMRAS PA, SBOM DGA' MO NI STABS DANG LDAN PA STE, DUS NAM GYI CHE BDAG CAG LA RGYAB TU RKANG PA'I RDOG PA DANG, LAG PA RNAMS KYIS SROG DANG 'BRAL BA 'ONG NGO SNYAM NAS STAN LAS LANGS SHING BDAG CAG RNAMS 'GRO BAR BYA'O ZHES ZER TE, DE LTAR DGE SLONG MA RNAMS THAMS CAD DONG BA LAS BCAS PA YIN TE, PHYI MA'I GLENG GZHI

43a

, ,GANG YIN PA DE 'DIR YANG SBYAR BAR RIG PAR BYA'O, ,BUD MED RNAMS LA 'JUG PA 'DI NI SHIN TU STOBS DANG LDAN PA MI MTHUN PA ZHES BYA BA 'DIR 'DI SHES PA'O, ,LHAG MA NI DGE SLONG SKROD PA'I LTUNG BYED DANG 'BREL PA DER GTOGS PA THAMS CAD 'DIR SHES PAR BYA'O, ,GANG DU GNYIS PA DE BRJOD PAR BYA STE, DE'I PHYIR KHYIM GZHAN NAS DGE SLONG MA SNGA NA GNAS PA SKROD PA LA YANG NGO ZHES BYA BA SMOS TE, YANG NGO ZHES BYA BA'I SGRAS NI DGE SLONG MA GANG YANG RUNG BAS SKROD PA LA'O ZHES BYA BAR SBYAR RO, ,SKROD PA LAS GYUR BA'I LTUNG BYED GNYIS SO,, ,,GANG LA CHOS LA RMONGS PAS THO 'TSAMS PA'I LTUNG BYED DU 'GYUR ZHE NA, DE'I PHYIR LEGS PAR MA MTHONG BA LA SOGS PAS GLENG BA LA'O ZHES BYA BA SMOS TE, DGE SLONG MA LA'O ZHES BYA BAR SBYAR RO, ,SOGS PA ZHES BYA BA'I SGRAS NI, LEGS PAR MTHOS PA DANG LEGS PAR MI DOGS PA GNYIS SU BSDU'O, ,GZHI LEGS PA MED PA LAS GZHI MED PA NYID CHES SDIG CHE BAS DE'I PHYIR 'DIR YANG KHA NA MA THO BA 'DI'O, ,PHAM PAR 'GYUR BA DANG DGE 'DUN LHAG MA GNYIS GLENG BA SNGAR BSTAN ZIN PA'I PHYIR LHAG MAS GLENG BA YIN NO, ,DRAN PAR BYA BA YANG GLENG BA'I RNAM PA YIN PAS, DE BAS NA 'DIR YANG GLENG PA DANG 'BREL PA 'DI LA THA DAD PAR RTZOM PA NYID ME DPAS LHAG MA 'DI NI 'DI'I YUL LO, ,GLENG BA LAS GDAMS NGAG LA SOGS PA 'JOG PA DANG, GYOD LA BTAGS PA CHES SDIG CHE BAS DE BAS NA GNYIS PO 'DI DAG KYANG GZHI LEGS PA MED PA DANG GZHI MED PA DAG LA 'DI'O, ,'DIR GLENG GZHI NI, DE DAG GIS LEGS PAR MA MTHONG BA DANG, LEGS PAR MI THOS BA DANG, LEGS PAR MI DOGS PAS DGE SLONG MA LA GLENG BAR BYED PA DANG DRAN DU BCUG PA'O, ,DGE SLONG MA CHE GE MO ZHIG 'DI 'DRA'O ZHES GLENG BAR BYED CING DE RNAMS LA GSO SBYONG DANG DGAG DBYE 'JOG PAR BYED PA DANG, DE BZHIN DU GZHI MED PAR BRDZUN GYIS DGE SLONG MA RNAMS LA GLENG GZHI MI MTHUN PAR GNAS PAR BYED CES BYA'O, ,DE BZHIN DU 'DIR RANG LA YANG KHA NA MA THO BA RNAMS LA MTSON PA NYID KYIS 'DIR GLENG GZHI MI MTHUN PAR GNAS PAR BYED DO ZHES BYA BA 'DI LAS SHES PAR RO, ,THO 'TSAMS PA LAS GYUR PA'I LTUNG BYED DO,, ,,GANG LA RAB TU BYUNG BA'I

43b

BSAM PA LOG PAR STON PA'I LTUNG BYED DU 'GYUR ZHE NA, DE'I PHYIR MNA' DOR BA LA'O ZHES BYA BA SMOS TE, RAB TU BYUNG BA RNAMS KYI BSAM PA NI BDEN PAS 'JUG PA YIN NA, DE MNAS LOG PAR STON PA STE, KHO MO THAMS CAD BDEN PAS 'JUG PA MA YIN GYI, 'DI LTAR GANG LA MNA' DOR BAR 'JUG PA DE GCIG PU BDEN NO ZHES BYA BAR GYUR PAS SO, ,GZHAN GYI MDUN MA YIN PAR MNA' DOR BA NI TSIG KYAL PA TZAM DU ZAD PAS, SNGA MA'I RJES SU 'BRAD BAS NA 'DI NYES BYAS SU SHES PAR BYED PA'O, ,'DI LA SHES PA GZHAN LA DNGOS GZHI 'BYUNG BA'O, ,RJES SU SPRO BA LA NI NYES BYAS SO, ,GZHAN NYE BAR GNAS PA NI TSIG KYAL PA TZAM DU RIG PAR BYA'O, ,LOG PAR STON PA'I LTUNG BYED DO, ,GANG LA MI BRTAN PAS RNAM PAR 'GYUR BA'I LTUNG BYED DU 'GYUR ZHE NA, DE'I PHYIR KHRO BAS BDAG NYID LA GNOD PAR BYED PA LA'O ZHES BYA BA SMOS TE, GNOD PA BYED PA'I SGRA NI RDEG PA LA'O, ,BDAG NYID LA GNOD PAR BYED CES BYA BA'I RNAM PAR 'BYED PA NI RDEG PAR BYED PA'O ZHES GSUNGS PA YIN NO, ,MI BRTAN PAS RNAM PAR 'GYUR BA ZHES BYA BA 'DI NI 'DI YIN TE, DE BAS NA MI BRTAN PA RNAM PAR 'GYUR BA NYID KYIS 'DI BRJOD PA'O, ,MI BRTAN PAS RNAM PAR 'GYUR BA'I LTUNG BYED DO,, ,,DA 'DI MAN CHAD NI BLA MAR GYUR PA LA BRNYAS THABS BYED PA'I LTUNG BYED GSUM STON TE, DE RNAMS KYI DANG PO NI DGE SLONG MA'I TSOGS PA LA BRNYAS THABS BYED PA LA'O, ,TSOGS KYI SGRA NI DGE 'DUN 'DI DANG 'OG MA LA'O, ,DGE SLONG MA'I TSOGS ZHES BYA BA'I RNAM PAR 'BYED PA NI DGE SLONG MA'I DGE 'DUN ZHES GSUNGS PA YIN NO, ,GSUM MAM GNYIS SAM GCIG PO RNAMS KYI RJES SU 'BRANGS PAS NYES BYAS SU RIG PAR BYA'O, ,BRNYAS THABS BYED PA ZHES BYA BA'I MDO 'DI RNAM PAR 'BYED PA NI BRNYAS THABS BYED PA LA YANG NGO ZHES BYA BA STE; DE BAS NA 'DIR BRNYAS THABS BYED PA LA YANG NGO ZHES BYA BA SMOS SO, ,RNAM PA SNA TSOGS DAG GIS SMON PAR BYED DE, TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL GYIS 'TSO BAR BYED DO, ,MIG SAL BA RMONGS PA MI MKHAS PA YIN NO, ,LTUNG BA

44a

, ,YANG MI SHES LTUNG BA MED PA YANG MI SHES PA YIN NO, ,'DI LA BYIN PA'AM BYAS PA'AM, BSNYEN BKUR KUN DU SPYAD PAS CI BYA, LOG PA'I CHOS KYIS KUN TU DKRIS PA YIN NO ZHES GLENG GZHI LAS GSUNGS PA YIN NO, ,DE BAS NA 'DI LTA BU'I BRNYAS THABS BYED PA LA YANG 'DI'I NGO BO ZHES BYA BAR RTOGS PAR BYA'O, ,GANG LA BSLAB PA'I GZHI GNYIS PA DE BRJOD PAR BYA STE, DE'I PHYIR SPYO BA LA YANG NGO ZHES BYA BA SMOS TE, DGE SLONG MA'I TSOGS LA ZHES BYA BA'I RJES SNYEG PA'I PHYIR YANG NGO ZHES BYA BA'I SGRAS SMOS SO, ,DGE SLONG MA'I TSOGS LA SPYOD PAR BYED PA'I GLENG GZHI NI, 'DIR 'TSO BA'I PHYIR MGO BREGS PA, MU GE'I PHYIR MGO BREGS PA, SDIG PA'I LAS CAN, 'PHAGS PA MA YIN PA, ZOL PA MO, ,PHA ROL SLU BA YANG DAG PAR SDOM PA MA YIN PA TSUL KHRIMS 'CHAL PA'O ZHES GSUNGS PA YIN TE, DE BAS NA SPYOD BA'I RANG BZHIN NI 'DI RNAMS YIN NO ZHES RTOGS PAR BYA'O; ,SPYO BA'I TSIG 'DI RNAMS LA DON THA DAD PA NYID DE LOG PA'I 'TSO BA'I KHONGS SU TSUL KHRIMS 'CHAL BA BSDUS PA'I PHYIR RO, ,DE BAS NA THA DAD PA'I NGES PA NI SEMS THA DAD PA'I DBANG GIS TSIG LA'O, ,DE BAS NA BRNYAS THABS DANG SPYOD BA DAG LA DON THA DAD PA ZHES BYA BAR RTOGS PAR BYA'O,, GANG LA BSLAB PA'I GZHI GSUM PA DE BRJOD PAR BYA STE, DE'I PHYIR 'KHOR GTZO BO LA CHUS 'THOR BA LA'O ZHES BYA BA SMOS TE, 'KHOR GTZO BO ZHES BYA BA'I SGRAS NI, 'DIR DGE SLONG LA BRJOD DO, ,'KHOR GTZO BO ZHES BYA BA RNAM PAR 'BYED PA LAS DGE SLONG ZHES GSUNGS PA'I PHYIR RO, ,LUS LA THIGS PA TZAM GYIS PHOG PAR GYUR NA YANG DE'I TSE CHUS GTOR BA YIN NO, ,BRGYAL BA LA NI LTUNG BA MED DO ZHES BYA BA NI DGE SLONG BRGYAL BA LA CHU GTOR BA LA LTUNG BA MED DO, ,KHA NA MTHO BA 'DI NI LOG PAR BSGRUB PAR GYUR PA'I GTONG BA LA ZHES BSTAN PAR RIG PAR BYA'O, ,DGE SLONG LA THU ZHES MI BYA'O ZHES BYA BA NI, 'DIR GZHUNG NI, PHRAN TSEGS RNAMS LAS THU ZHES MI BYA'O ZHES BYA BA'I DANG PO 'DI NAS BSTAN PA ZHES BYA BA'I BAR DU GSUNGS PA YIN NO, ,RAB TU BYUNG BA 'DI PA LA SPYOD BAR MI BYA'O ZHES BYA BA NI DGE SLONG MA'I TSOGS LA SPYOD BA'I LTUNG BYED SNGAR LOGS SHIG TU BSTAN ZIN PA'I PHYIR RO, ,

44b

CHOS 'DI PA'I RAB TU BYUNG BA DGE SLONG LA SOGS PA LA CHOS 'DI PA RAB TU BYUNG BA'I TSIG GIS BSDUS TE, 'DI LA SPYOD BA LA NYES BYAS SU RNAM PAR GZHAG PA YIN TE, LCI BA'I CHOS MA YIN PA'I PHYIR MGU BAR SPYAD PA YIN NO, ,MGU BAR SPYAD PA ZHES SMOS PAS ZLA BA PHYED SPYAD PAR BYA'O, , DE LA GNYIS KA YANG NGO ZHES BYA BA NI GANG ZHIG RAB TU BYUNG BA 'DI PA DE LA SPYO PAR MI BA'O ZHES BYA BA SMOS PA DE LA BRNYAS THABS DANG SPYOD BA GNYIS KA LA YANG RIG PAR BYA'O, ,RAB TU BYUNG BA 'DI PA LA BRNYAS THABS MI BYA'O ZHES BYA BA 'DI YANG 'DIS 'PHANGS SO ZHES BYA BA'I DON TO, ,DGE SLONG GI MDUN DU SPYOD YUL DU RGYU BAR MI BYA'O, ,ZAM PA MI BRTAN PAR DGE SLONG DANG LHAN CIG 'GRO BAR MI BYA'O ZHES BYA BA NI ZAM PA BRTAN PA DANG MI LDEG PAS LTUNG BA'I BDAG NYID CAN GYI NYES DMIGS MI SRID PAS NA LTUNG BA MED DO, ,DGE SLONG MTHONG MA THAG TU STAN LAS LDANG BAR BYA'O, ,'DUG PAS DE 'GRENG BAS HA CANG YUN RING DU 'DA' BAR BYED NA STAN LA 'DUG TU GZHUG GO ZHES BYA BA LA, 'DUG PAS ZHES BYA BA NI STAN LA 'DUG TU GZHUG GO ZHES BYA BA DANG 'BREL LO, ,DE ZHES BYA BA NI DGE SLONG MA'O, ,GNAS SKABS GANG DU 'JUG PAR 'GYUR ZHE NA, DE'I PHYIR 'GRENG BA ZHES SMOS TE, GNAS PAS ZHES BYA BA'I SPYOD LAM GYIS DUS 'DA' BAR BYED PA LA'O, ,GNAS SKABS JI LTA BUS DE STAN LA 'DUG TU GZHUG CE NA, DE'I PHYIR 'DUG PAS ZHES BYA BA SMOS SO, ,DGE SLONG ZHES BYA BA 'DI LA 'DIR DGE SLONG RNAMS KYIS ZHES BYA BA YONGS SU GYUR PA LA BYED PA PO NYID KYI TSIG GIS 'BREL TO SNYAM DU SHUGS KYIS RTOGS PA'O, ,MI BYED NA 'DUG PA'I PHYIR ZHUGS TE DE LA 'DUG PAR BYA'O ZHES BYA BA LA, MI BYED NA ZHES BYA BA NI DGE SLONG MA STAN LA 'DUG PAR MA BYAS PA LA, 'DI LA DES 'DUG PA LA NGES PAR SBYAR BA ZHES BYA BA'I DON TO, ,MTHONG MA THAG TU ZHES BYA BA NYID DGE SLONG DE'O, ,DE LA 'DUG PAR BYA'O ZHES BYA BA NI DGE SLONG GIS SO, ,ZHUS TE ZHES BYA BA NI GNANG NA STAN DE LA 'DUG PAR BYA STE, DGE SLONG MAS ZHES BYA BA'I DON GYIS RTOGS PAR BYA'O, ,BLA MAR GYUR PA LA BRNYAS THABS BYED PA'I LTUNG BYED GSUM MO,, ,,GANG LA 'KHRUG LANG YAL

45a

, ,BAR DOR BA'I LTUNG BYED DU 'GYUR ZHE NA, DE'I PHYIR DGE SLONG MA RNAMS KYIS RTZOD PA MTHU YOD BZHIN DU NYE BAR ZHI BAR MI BYED PA LA'O ZHES BYA BA SMOS TE, NYE BAR ZHI BAR BYA BA'I MTHU YOD BZHIN DU RTZOD PA NYE BAR ZHI BAR MI BYED PA LA KHA NA MA THO BA 'DI BSGRUB PAR 'GYUR RO, ,GAL TE GANG GI TSE DE'I 'OG TU MA BRAL BA NYID LA DE'I SEMS LA DE DANG 'BREL PA RNAM PAR NGES PA'AM, BSAM PA BTANG NAS YANG BSAM PA GZHAN BSKYED PA LTUNG BA THAMS CAD KYI BSAM PA MA BTANG BA NYID LA, LTUNG BA GCIG PA NYID KYI BSAM PA DOR NAS SLAR YANG MNGON PAR BSTEN PA LA LTUNG BYED GZHAN BSKYED PAR 'GYUR RO, ,'KHRUG LONG YAL BAR DOR BA'I LTUNG BYED DO, ,GANG LA BLO MTHUN PAR MI BYED PA'I LTUNG BYED DU 'GYUR ZHE NA, DE'I PHYIR ZHAG LON PA'I MI 'DUN PA SBYIN PA LA'O ZHES BYA BA SMOS TE, NYI MA SNGA MA GZHAN LA 'DUN PA PHUL BA DE NYID DU YANG YOD PAS, 'DUN PA SNGA MA DE GANG GI PHYIR BDAG GIS DANG DU MA BLANGS PAS YANG CI'I PHYIR, DA LTAR 'DUN PA PHUL BA DE BDAG GIS MA BLANGS SO ZHES ZER ZHING ZAG LON PA'I 'DUN PA SBYIN PA'O, ,PHYIS NYI MA GZHAN LA 'DUN PA SBYIN PA LA ZHES BYA BA 'DIS BYE BRAG PA NYID BSTAN PAR RIG PAR BYA'O, ,LAS GANG LA SBYIN PA NYID DE, DE'I TSE LAS MA BYAS PA NYID LA MDUN DU DE'I LAS BYA BA'I DON SLAR BSDUS PA'I RNAM PA 'DI LA GO SKABS SO, ,DE LTAR 'DIR GLENG GZHI NI SBO MA DGA' MO LA DGE SLONG MA RNAMS KYIS 'PHAGS MA DGE SLONG MA'I DGE 'DUN 'TSOGS KYIS TSUR SHOG CIG CES BYAS PA DANG, DES SMRAS PA CHOS BZHIN DU BYED PA'I LAS LA 'DUN PA 'BUL LO, ,BYA BA DE YANG MA BYAS SO, ,YANG PHYI DE NYIN PHAR DGE SLONG MA'I DGE 'DUN 'DUS NAS SBOM DGA' MO LA SBRAN PA DANG, DE 'ONG DU MA BTUB NAS DGE SKOS MOS CI 'PHAGS MA 'DUN PA 'BUL MI 'DOD DAM ZHES SMRAS PA DANG, DES SMRA PA KHO MOS 'DUN PA PHUL ZIN TO, ,NAM PHUL NYI MA SNGA MA LA'O; ,'PHAGS MAS ZHAG LON PA'I 'DUN PA 'BUL DU RUNG NGAM, DES SMRAS PA CHAG GAM RDUL TAM CI NYES ZHES ZER BA LAS BCAS PA YIN NO, ,BLO MTHUN PAR MI BYED PA'I LTUNG BYED DO, ,BLO MTHUN PA LA RTZE BAR GYUR PA NYID KYI PHYIR, LCI BA'I CHOS LA 'DAS PA'I LTUNG BYED GSUM DANG, LCI BA'I

45b

CHOS DANG 'BREL PA'I LTUNG BYED CHOS LAS 'DAS PA ZHES BYA BA'I LTUNG BYED 'OG MA BZHI PO STE, DE RNAMS KYI DANG PO NI ZLA BA PHYED PHYED CING DGE SLONG RNAMS LAS GDAMS NGAG DANG RJES SU BSTAN PA DAG NYAMS SU MYONG BAR MI BYED PA LA'O ZHES BYA BA NI GSO SBYONG GI NYIN MO GDAMS DAG DANG RJES SU BSTAN PA NYAMS SU MYONG BAR BYAS PA NYID DO, ,DE BAS NA GSO SBYONG GI NYIN MO LAS 'DAS NA KHA NA MA THO BA 'DI SKYED PA'O, ,RKYEN BYUNG NA SO SOR NYAMS SU MYONG BAR BYA BA NYID MA YIN NO, ,NYAMS SU MYONG BA NI LAS NYID MA YIN PA MA YIN NO, ,GSO SBYONG GI DUS KYANG 'DI'I DUS SO, ,DE LTA BAS NA 'DIR NYI MA 'CHAR BA'I DUS LAS 'DA' BAR BYED NA 'DAS PA ZHES BYA BA 'DI LA NA SMAD PA 'JUG GO, ,GNYIS PA NI GANG LA DGE SLONG DAG MED PAR GSO SBYONG BYED PA LA'O ZHES BYA BA STE, DGE SLONG MA'I DGE 'DUN GYIS SNGAR DGE 'DUN LAS 'DUN PA'I GSO SBYONG BLANGS NAS 'TSOGS PA SGRUB PAR MI BYED PA DE NI 'DIR GSO SBYONG BYED PA LA YAN LAG TU RNAM PAR GZHAG PA DE BAS NA TSOGS PA SGRUB PAR MI BYED PA DE NI 'DIR DGE SLONG DAG MED PAR GSO SBYONG BYED PAR RIG PAR BYA'O, ,'DI NA 'DIR LCI BA'I CHOS DANG 'BREL PA'I CHOS LAS 'DAS PA'I KHA NA MA THO BA PA'O, ,'DIR GLENG GZHI LAS DGE SLONG MA KHYOD KYIS DGE SLONG DAG MED PAR GSO SBYONG DAG BYAS PA BDEN NAM ZHES GSUNGS PA DANG YANG DGE SLONG MA GANG DGE SLONG MED PAR GSO SBYONG BYED NA LTUNG BYED DO ZHES MDO LAS GSUNGS PA YIN NO, ,DGE SLONG MA'I TSIG 'DI NI RIGS KYI DGONGS PA CAN YIN NO, ,GSUM PA NI GANG LA DGE SLONG MED PA'I GNAS SU DBYAR GNAS PAR KHAS LEN PA LA'O ZHES BYA BA SMOS TE, DGE SLONG MED PA'I GNAS ZHES BYA BA NI, GANG LA LAS RNAMS THAMS CAD MI BYED PA'O ZHES BYA BA'O, ,'DI'I RNAM PAR 'BYED PA NI GANG NA LAS GCIG KYANG MI SHES PA ZHES BYA BA'I DON TO, ,GNAS GANG NA RANG BZHIN DU GNAS PA'I DGE SLONG BZHI YAN CHAD GNAS SHIN GLAS BYED PA MED PA DE NI DE LAS 'DIS BYAS SO,, 'DI'I DON NI GSO SBYONG DANG, GDAMS DAG DANG RJES SU BSTAN PA DAG LAS MA NYAMS PA DANG, LCI BA'I CHOS RNAMS BZUNG BA NYID DO, ,DE LTA BUR GYUR PA'I DGE SLONG RNAMS LA 'DI TZAM NYID LA GNYIS PO 'DI BSGRUB PA ZHES BYA BA 'DI YONGS SU BZUNG BA'O, ,GANG ZHIG DBYAR GNAS PAR GYUR PA LA GNAS PA MI

46a

, ,RIGS PA DANG, BUD MED KYI TSOGS LA BRTEN PA MED PAS 'DUG PA MI RIGS PA ZHES BYA BA 'DIR LCI BA'I CHOS BZUNG BA LA KUN NAS BRTEN PA 'DI NI GNAS YIN NO, ,BZHI PA NI GANG LA DBYAR GNAS PAS GNYIS KA'I DGE 'DUN LA GNAS GSUM GYIS DGAG DBYE MI BYED PA LA'O ZHES BYA BA SMOS TE, DGAG DBYE'I NYIN MO LAS 'DAS PA LAS KHA NA MA THO BA NI GSO SBYONG DANG 'DRA'O, ,LCI BA'I CHOS LAS 'DAS PA LAS GYUR BA'I LTUNG BYED DO,, ,,DA 'DI MAN CHAD NI GZHAN LA GNOD PAR BYED PA'I LTUNG BYED GSUM STE, DE RNAMS KYI DANG PO NI GANG ZHEN DBUL PO SRA BRKYANG SBYOR DU BCUG PA LA'O ZHES BYA BA SMOS TE, GAL TE 'DIR SBYIN PA DANG SBYOR DU 'JUG PA DANG, BSOD NAMS LHAG PAR SBYONG PA'I SGO NAS GNYIS KA'I DON DU SRA BRKYANG SBYOR DU 'JUG NA BYAS SAM BYED DU 'JUG NA THAB NA DNGOS GZHI'O, ,MDUN ROL DU NI NYES BYAS SO, ,GZHAN LA YANG CHOS GOS GTAN PA'I ZONG TZAM DGE 'DUN GYI DON DU DBUL PO SBYOR DU BCUG NA YANG LTUNG BYED DO, ,CHOS GOS GTAN PA ZHES BYA BA NI 'DIR DPE TZAM DU RNAM PAR GNAS PAR GYUR PAR RIG PAR BYA STE MA CHOG PA LA NI NYES PAS SO, ,DU MA SBYOR DU BCUG PA LA NI RE RE LAS KHA NA MA THO BA RE RER 'GYUR RO, , GNYIS PA NI GANG LA CHOS GOS GTAN PA DBYUNG BA'I PHYIR BAG YANGS SU BYA BA'I TSOGS PA LA MI SBYIN PA LA'O ZHES BYA BA SMOS TE, DUS SU DBYUNG BA'I PHYIR TSOGS PA MI SBYIN PA LA NI SPANG BA'I LTUNG BYED DU RNAM PAR GZHAG PA'I PHYIR BAG YANGS SU BYA BA ZHES BYA BA 'DI YANG DAG PAR BSTAN PA'O, , DPYID ZLA RA BA'I NYA TSUN CHAD GLO BUR DU SRA BRKYANG 'BYIN PAR RJES SU GNANG BA'I DUS DER RAM GZHAN LA DGOS PA'I DBANG 'GA' ZHIG GIS SRA BRKYANG DBYUNG BA'I PHYIR, BAG YANGS SU BYA BA GANG YIN PA DE LA'O ZHES BYA BA'I DON TO, ,DE LTA BAS NA DUS THA DAD PA TZAM GYIS 'DI NI SPANG BA'I LTUNG BYED LAS THA DAD PAR RIG PAR BYA'O, ,'DIR SPANG BA NYID LA RNYED PA MA BYAS PA'I RGYU MTSAN YIN PA DE BAS NA 'DI RNAM PAR MA BZHAG GO, ,DGE SLONG MA'I DGE 'DUN TSOGS PA NYID LA CHOS GOS GTAN PA DBYUNG BA'I PHYIR DE THOB PA'I ZHU BA NYID ZHU BA MI BYED PAR MTSAMS LAS 'DA' BAR BYED PA LA

46b

TSOGS PA MI SBYIN PA'I SEMS KYIS 'DI DANG 'OG MA LA KHA NA MA THO BAR RNAM BAR GNAS PA YIN NO, ,GANG LA GSUM PA DE BRJOD PAR BYA STE, DE'I PHYIR GOS 'GYED PA'I PHYIR YANG NGO ZHES BYA BA SMOS TE, TSOGS PA MI SBYIN PA LA ZHES BYA BA'I RJES SNYEG PA'I PHYIR YANG NGO ZHES BYA BA'I SGRA SMOS SO, ,RANG GI RNYED PA GZHAN LA BGO BA'I PHYIR RGYU MTSAN 'DI YIN PA DE BAS NA 'DIR YANG BA NYID MED PA'O, ,'DIR GOS SMOS PA NI, DPE TZAM DU ZAD DED LTAR YANG, CHOS DANG LDAN PA'I RNYED PA GZHAN LA BGO BA'I PHYIR KHA NA MA THO BA 'DI RNAM PAR GNAS PA YIN NO ZHES RIG PAR BYA'O, ,'DIS LEN MI 'DOD PA NYID NI MA BYAS PA NYID DO ZHES BYA BA LA, 'DIS ZHES BYA BA NI TSOGS PA MI SBYIN PA LA'O, ,LEN MI 'DOD PA NYID CES BYA BA NI SHUGS KYIS SKAL BA ZHES BYA BAR RTOGS PAR BYA'O, ,LEN MI 'DOD PA NYID LA, TSOGS PA MI SBYIN PA LA BYAS PA NYID DO, , DE BAS NA LEN MI 'DOD PA LA 'DIR LTUNG BA MED CES BYA BA'I DON TO, ,GZHAN LA GNOD PAR SPYOD PA LAS GYUR PA'I LTUNG BYED GSUM MO,, ,,GANG LA DBYAR KHANG YAL BAR 'DOR BA LAS GYUR BA'I LTUNG BYED DU 'GYUR ZHE NA, DE'I PHYIR DBYAR KHANG MA GTAD PAR 'GRO BA LA'O ZHES BYA BA SMOS TE, DGE 'DUN GYI'AM, GANG ZAG GI YANG ZHES BYA BA BYE BRAG MA SMOS PA'O, ,SHIN TU STOBS DANG LDAN PA LA DGE 'DUN GYI LAS LOG PAR RTOGS PA LA NYES BYAS SU RNAM PAR GZHAG PA'I BYIR RO, ,GNAS MAL GYI RNAM PA LA DBYAR KHANG 'DI YIN TE, DE BAS NA 'DI LA GNAS MAL BZHIN DU BLTA BAR BYA BA YIN TE, DE 'DIR MA GTAD PA DE LA BYA BA NYID DO, ,GAL TE GNAS DE LA NYE GNAS PA NYID YOD NA BYA BA NYID DO, ,GAL TE MED NA KHYIM PA 'DI LA ZHES BYA BAR RNAM PAR GZHAG PAR RIG PAR BYA'O, ,BRTZAMS PA'I CHA GANG LA YIN ZHE NA, DE'I PHYIR NYE 'KHOR BTANG NA'O ZHES BYA BA SMOS TE, DBYAR KHANG GI 'PHRAL GYI BYA BA RNAMS KYI YANG DAG PAR SRID PAR GYUR PA'I PHYOGS NI 'DIR NYE KHOR DU RNAM PAR GNAS PA YIN NO, ,DBYAR KHANG SLAR MI GTONG NGO, ,KHANG KHYIM GYI GZHI DANG TSONG KHANG GI GZHI YANG NGO ZHES BYA BA LA, SLAR MI GTONG NGO ZHES BYA BA'I RJES SNYEG PA'I PHYIR YANG NGO ZHES BYA BA'I SGRA SMOS

47a

, ,SO; ,'DIR MDO DE GNYIS KYI GZHUNG NI PHRAN TSEGS DAG LAS, DE LTA BAS NA DGE SLONG MAS DBYAR KHANG SLAR MI GTONG NGO, ,GTONG NA 'GAL TSABS CAN DU 'GYUR RO ZHES GSUNGS PA YIN NO, ,DBYAR KHANG YAL BAR 'DOR BA LAS GYUR PA'I LTUNG BYED DO,, ,,DA 'DI MAN CHAD NI 'GRO BA DANG MI 'GRO BA LAS GYUR PA'I LTUNG BYED BZHI STON TE, DE RNAMS KYI DANG PO NI GANG LA DBYAR GYI NANG DU LJONGS RGYU ZHING 'GRO BA LA'O ZHES BYA BA SMOS TE, BYE BRAG MA SMOS PA'I PHYIR KHAS MI LEN PA NYID LA YANG ZHES BYA BAS RTOGS PA'O, ,BYA BAS 'GRO BA NI LJONGS RGYU ZHING 'GRO BA NI MA YIN TE; DE BAS NA BYIN GYIS BRLABS TE 'GRO BA LA 'DIS GNOD PA MA YIN NO, ,BUD MED KYI TSOGS LA NI SHIN TU 'PHYAN PA NYID 'DI YIN TE DUS GANG GI TSE SKYES PAS KYANG 'PHYAN PAR MI BYA STE, DER YANG 'GRO BA DE BAS NA KHA NA MA THO BA 'DI'O, ,LAM DU ZHUGS PA'I TSE NI LTUNG BYED 'DI RTOGS PAR BYA'O, , BAR CHAD NYE BAR GNAS PA NI LTUNG BA MED DO ZHES BYA BA NI BAR CHAD BRGYAD PO DAG LAS GANG YANG RUNG BA BYUNG NA DBYAR GYI NANG LOGS SU 'GRO BA LA NI LTUNG BA MED DO, ,GNYIS PA NI GANG LA DBYAR GNAS PA'I 'OG TU DER MI 'GRO BA LA'O ZHES BYA BA SMOS TE, ,DER ZHES BYA BA NI LJONGS RGYU ZHING MI 'GRO BA LA'O, ,DGAG DBYE BYAS PA'I 'OG TU LAM MI 'DA' BAR BYED PA LA KHA NA MA THOB BA 'DI SKYED PAR BYED PA'O, ,PHYOGS KUN NAS 'JIGS PA DANG BCAS PA NYID KYIS MI 'GRO BA LA LTUNG BA MED DO ZHES BYA BA'I 'OG MA DAG GI TSOGS RTOGS PA'O, ,NUS PA GANG DANG LHAN CIG TU 'GRO BA LA DOGS PA DANG 'GAL BA GNYIS MI SRID PAS DE LTA BU'I LAM GROGS DANG 'PHRAD PA LA MI 'GRO NA LTUNG BAR 'GYUR RO, ,TSES BCU DRUG GI 'OG ROL DU LAM GROGS LA SDOD PA LA NI LTUNG BA MED DO, ,GSUM PA NI GANG LA YUL 'KHOR DOGS PA DANG BCAS PAR 'GRO BA LA'O ZHES BYA BA SMOS TE, LJONGS RGYU ZHING ZHES BYA BAR SBYOR RO, ,DOGS PA DANG BCAS PA NYID NI CHOM RKUN PA'I 'JIGS PAS 'JIGS PA DANG BCAS PA NYID DO, ,BZHI PA GANG YIN PA DE NI BRJOD PAR BYA STE, DE'I PHYIR MI MTHUN PA DANG BCAS PAR YANG NGO ZHES BYA BA SMOS TE, YUL 'KHOR DU 'GRO BA LA'O ZHES BYA BA'I PHYIR RJES SNYEG PA'I PHYIR YANG NGO ZHES BYA BA'I SGRA SMOS SO, ,YUL 'KHOR GANG

47b

NA DGRA BO MI MTHUN PA YOD PA DE NI MI MTHUN PA DANG BCAS PA YIN TE, PHYOGS 'DIR SU YANG 'GRO BAR MI BYA'O ZHES BYA BA LA SOGS PA 'GRO BA DGAG PA'I KHRIMS SU BYAS PA'I RNAM PAR GZHAG PA'I RGYU MTSAN YIN GYI, SKYES PA NYID LA SOGS PA'I DOGS PA'I RGYU MTSAN DU GYUR PA NI MA YIN NO, , GANG DU 'JIGS PA DANG BCAS PA NYID DANG, MI MTHUN PA DANG BCAS PA GNYIS PO DE LA KHA NA MTHO BA GNYIS PO 'DIR DAG KYANG BSKYED PA'O, ,'JIGS PA DANG BCAS PA'I GNAS THOB PA NI, DOGS PA DANG BCAS PA'I LTUNG BYED BSKYED PA'I DUS YIN NO, ,MI MTHUN PA DANG BCAS PA'I LTUNG BYED LA MI MTHUN PA DANG BCAS PA NYE BA'I GNAS THOB PA BSKYED PA'I DUS SO, ,'GRO BA DANG MI 'GRO BA LAS GYUR PA'I LTUNG BYED BA ZHI PA'O,, ,,DA 'DI MAN CHAD NI SMRA BA LAS GYUR PA'I LTUNG BYED GNYIS STON TE, DE GNYIS KYI DANG PO NI GANG LA LHA'I GNAS LA SOGS PA DANG, MU STEGS CAN GYI GNAS SU SONG STE, RTZOD PAR BYED PA LA'O ZHES BYA BA SMOS TE, GANG GI DON GCIG RTOGS PA'I DUS NA LTUNG BYED 'BYUNG BA'O, ,SMRA BA GZHAN LA RTZOM PA GCIG PAR GYUR PA NYID KYIS DE LA ZHUGS PA'O, ,'DRA BA GZHAN LA RNAM PAR NGES PAR RTOGS PA LA RTZOD PA NI MA YIN NO, ,DE LTAR RNAM PAR 'BYED PA LAS; RTZOD PA NI 'THAB KROL ZHES GSUNGS PA'I PHYIR RO, ,GNYIS PA BSTAN PA NI DE'I PHYIR SKABS MA PHYE BAR DRI BA LA'O ZHES BYA BA SMOS TE, GANG GI TSIG GI SKABS MA PHYE BAR DRI BA DE DRIS PA LA LTUNG BYED CES BYA BA'I DON TO, ,'DIR GLENG GZHI LAS DGE SLONG LA GSUNGS MOD KYIS LTUNG BA RNAM PAR GZHAG PA LAS, SPYIR BSTAN GYI BYE BRAG 'DI BSTAN PA MA YIN NO, ,KHYIM PA DANG MU STEGS PA DAG LA SHIN TU NYES PA STOBS DANG LDAN PA RNAM PAR GZHAG PA ZHES BYA BA 'DI SPYIR THAMS CAD KHYAD PAR MED PAR 'PHANGS PA'O, ,STAN PA TING STE PHAN TSUN KUN DGA' BAR BYAS NAS LUNG 'DRI BA'I SBYOR BAS SKABS 'BYED DU GZHUG PAR BYA'O ZHES BYA BA NI 'DI LA LUNG 'DRI BA'I SBYOR BA YOD PAS NA LUNG 'DRI BA'I SBYOR BA DRI BAR BYA'O, ,'DIR GZHUNG NI CHOS MNGON PA DANG 'DUL BA'I LUNG CI DAG BKLAGS ZHAL STON CING MKHYEN ZHES DRI BAS SO ZHES GSUNGS PA YIN NO, ,SMRA BA LAS GYUR PA'I

48a

, ,LTUNG BYED GNYIS SO,, ,,DA 'DI MAN CHAD NI BSHANG BA DANG 'BREL PA'I LTUNG BYED GSUM STON TE, PHYI SAR GCIG PU 'GRO BA LA'O ZHES BYA BA SMRAS TE, 'DIR GCIG BA'I SA NI PHYIS SA'O, ,DBYAR KHANG GI NYE 'KHOR 'DOM GANG LAS LOGS SHIG PA NI PHYI ROL GYI DNGOS PO'O, , 'DIR DBYAR KHANG GI NYE 'KHOR LAS 'DA' BA NI DNGOS GZHI'I DUS TE, BUD MED DU GYUR PA LA GROGS NYID DO, ,NUS PA GANG YANG RUNG BA LEN DU BCUG PA DGE SLONG MA'AM RAB TU BYUNG BA KHO NA LA'O, ,GNYIS PA BSTAN PA NI DE'I PHYIR RTZVA SNGON PO'I STENG DU BSHANG BA DOR BA LA'O ZHES BYA BA SMOS TE, MI 'DOR BA LA LTUNG BA MED DO, ,'DIR MI 'DOR BA ZHES BYA BA NI BSHANG BA MED PA ZHES SHES PAR BYA'O, ,SNGON PO LA MI GTZANG BAS PHOG PA NI 'DIR DNGOS GZHI'I DUS SO, ,NAD PA LA NI LTUNG BA MED DO, ,RTZVA SNGON PO THAMS CAD LA KHYAB PA NYID LA YANG NGO ZHES BYA BA NI, LTUNG BA MED DO ZHES BYA BA'I RJES SNYEG PA'I PHYIR YANG NGO ZHES BYA BA'I SGRA SMOS SO, ,GANG LA GSUM PA DE BRJOD PAR BYA STE DE'I PHYIR RTZIG PA'I PHAG TU MA BLTAS PAR BSHAD BA DOR BA LA'O ZHES BYA BA SMOS TE, NYES BYAS SU 'GYUR PA'O, ,RTZIG PA PU SHU BTAGS PA LA NI LTUNG BA MED DO ZHES BYA BA NI, RA BA'I PHYI ROL DU MI SLOB PAR GYUR NA, DE'I TSE PHAG TU MA BLTAS PAR BSHANG BA DOR BA LA NYES PA MED DO, ,DE GNAS PA LA 'JUG PA MA YIN TE, BLTA BAR NUS PA NYID LA 'DIR BSGRUB PA RIGS PA YIN TE, GAL TE BSGRUB PAR MI NUS PA NYID YIN NA NYES PA MI RIGS PA NYID YIN NO, ,MI GTZANG BA LA BONG RDOG 'PHANGS BAR MI BYA'O, ,ZHES BYA BA LA GZHUNG NI PHRAN TSEGS DAG LAS CHO DANG LDAN PA 'OD SRUNGS CHEN PO LHAN LJIN GYI DRUNG DU 'GRO BA DE SBOM DGA' MOS MTHONG NAS, DE MYUR BA MYUR BAR SONG NAS, LJAN LJIN DE'I STENG DU BONG CAR CES ZER BA BSNUN PAS TSE DANG LDAN PA 'OD SRUNGS CHEN PO'I CHOS GOS DANG LHUNG BZED SNOD MI GTZANG BA'I ZEG MAS MA RUNGS PAR GYUR PA NAS, BCOM LDAN 'DAS GYIS BKA' STZAL PA, DE LTA BAS NA DGE SLONG MAS DGE SLONG LA MI GTZANG BAS MA RUNGS PAR MI BYA'O, ,BYED NA 'GAL TSABS CAN DU 'GYUR RO ZHES GSUNGS PA YIN NO, ,BSHANG BA LAS GYUR PA'I LTUNG BYED DAG SUM MO, ,LTUNG BYED 'BA' ZHIG TU GYUR PA RNAMS RDZOGS SO,, ,,

48b

GANG LA 'O MA SLONG BA'I SO SOR BSHAGS PAR 'GYUR ZHE NA, DE'I PHYIR GZHAN GYI KHYIM NAS BDAG GI DON DU 'O MA BLANGS TE 'THUNG BA LA'O ZHES BYA BA SMOS TE, CIG NAS SKABS GANG LA 'THUNG BA LA ZHE NA, DE'I PHYIR MI NABS SO ZHES BYA BA SMOS TE, GNAS SKABS GANG DANG LDAN PAS BLANGS PA'I GNAS SKABS DE DANG LDAN PAS ZHES BYE BRAG MA SMOS PAS RTOGS PA'O, ,DES BSLANGS PA'I TSE NYES BYAS SO ZHES BYA BA LA DE ZHES BYA BA NI, MI NA BA DES BLANGS SHING ZA BA LA LTUNG BYED CES BYA BA 'DIS BYAS PAR RIG PAR BYA'O, ,GANG LA SO SOR BSHAGS PAR BYA BA GZHAN DGU PO DAG TU 'GYUR ZHE NA, DE'I PHYIR ZHO DANG, ZHUN MAR DANG, 'BRU MAR DANG, SBRANG RTZI DANG, BU RAM GYI LBU BA DANG, NYA SHA DANG SHA SKAS RNAMS KYANG NGO ZHES BYA BA SMOS TE, GZHAN GYI KHYIM NAS BDAG GI DON DU BLANGS TE 'THUNGS ZOS PA LA'O ZHES BYA BA'I RJES SNYEG PA'I PHYIR KYANG NGO ZHES BYA BA'I SGRA SMOS SO, ,DE DAG LA GZHAN BSLANGS PA LAS GZHAN THOB PA LA NI NA SMAD PA MED DO ZHES BYA BA NI, 'DIR 'O MA LA SOGS PA SNGAR BSTAN PA DE DAG LAS GANG YANG RUNG BA GZHAN PA BSLANG PA LAS GANG YANG RUNG BA GZHAN THOB CING ZOS PA LA NI NYES PA NA SMAD PA MED DO, ,MI BSOD PA LA YANG NGO ZHES BYA BA NI BSLANGS TE THOB PA LA NA SMAD PA MED DO ZHES BYA BAR SBYAR TE, 'O MA LA SOGS PA BSOD PA SLONG BA LA MI BSOD PA THOB PA LA YANG NA SMAD PA MED DO ZHES BYA BA'I DON TO, ,DER RTOGS PA LA DE THOB PA LA YANG NGO ZHES BYA BA LA NA SMAD PA MED DO ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS SO, ,MI BSOD PAR BSOD PA DE BSLANGS PA LAS 'O MA LA SOGS PA BSOD PA DE THOB CING ZOS SAM 'THUNGS PA LA YANG NYES PA NA SMAD PA MED DO ZHES BYA BA'O DON TO, ,'DIR THAMS CAD DU 'DIR BA ZA' BA NYE BAR MTSON PA'I RNYED PA'I ZHES SMOS PAR RIG PA BYA'O, BSOD PA RGYU MTSAN GYI THOB PA DANG BSLANGS PA LA BSOD PA SLONG BA'I RGYU MTSAN LA MI BSOD PA RNYED PA LA NA SMAD PAR BRJOD DO; ,DE LA 'DIR CING GIS GZHAN LA BSLANGS PAS THOB PA LA GZHAN BSLANGS PA'I RGYUS THOB PA LA KHAN MA THOB YONGS SU RDZOGS PA'O, ,GANG LA NA SMAD PA MED PA'I ZHES SMOS PA DE BRJOD PAR BYA STE, DE'I PHYIR DE NI NYES BYAS BYED PA NYID DO ZHES BYA BA SMOS TE, DE NI ZHES BYA BA NI BSLANGS PA'I RGYUS

49a

, ,THOB PA LA'O, ,BYE BRAG MA SMOS PA SBYOR BA LA DNGOS GZHI ZHES BYA BA RTOGS PAR BYA'O, ,'DIR LHAG MA THAMS CAD NI BSOD PA SLONG BA'I LTUNG BYED KYI SKABS SU SHES PAR BYA'O, ,SO SOR BSHAGS PAR BYA BA BCU GCIG PA BSTAN PAR BYA BA'I PHYIR SENG GE LAS GYUR PA'O ZHES BYA BA SMOS TE, DMAG DPON SENG GE'I GLENG GZHI LAS DGE SLONG RNAMS KYIS SO SOR BSHAGS PAR BYA BA GANG YIN PA DE NI DGE SLONG MA RNAMS KYI YANG YIN PAR RIG PAR BYA'O, ,SO SOR BSHAGS PAR BYA BA RNAMS RDZOGS SO,, ,,SHAM THABS SKED PAR SNANG BAR BGO BAR MI BYA'O, ,CHAGS PAR GYUR CING KHYIM GZHAN DU 'GRO BAR MI BYA'O, ,ZHES BYA BA SMOS TE, MI 'DOD BZHIN DU RKYEN GYI DBANG GIS 'GRO DGOS PA LA SKAD CIG RE RE RTZE GCIG PAR LHAG PAR MI GNAS PA LA LTUNG BA MED PAR SHES PAR BYA'O, ,'GRO BAR MI BYA'O, ,ZHES BYA BA'I TSIG NI DPE TZAM DU ZAD DE SONG ZIN PA'I GNAS SKABS LA YANG KHA NA MA THO BAR 'GYUR RO, ,DE LTAR YANG GLENG GZHI NI DE RNAMS LEGS PAR ZHUGS PA NA DE DAG GIS SKYES BU GZUGS BZANG BA MDZES PA BLTA NA SDUG PA MTHONG BA DANG, DE RNAMS MTHONG NAS CHAGS PAR GYUR TO ZHES GSUNGS PA NYID 'DIR RIG PAR BYA'O, ,DGE SLONG DAG LAS GYUR PA BZHIN NO ZHES BYA BA NI, GANG DAG DGE SLONG RNAMS LA BRJOD PAR BYAS PA GZHAN BSLAB PAR RNAMS BLTA BAR BYA'O ZHES BYA BA'I DON TO, ,RJES SU DAG NANG BA NYID NI STAN LA KHYIM GYI NANG DU 'DUG PA DANG RTZVA SNGON PO YOD PA'I SA PHYOGS SU BSHANG BA 'DOR BA LA LTUNG BYED KYI RNAM PA'O ZHES BYA BA'I CHOG 'DI LA GNOD PA NYID DU RIG PAR BYA'O, ,BSLAB PA RNAMS SO, ,DGE SLONG MA'I RNAM PAR 'BYED PA RDZOGS SO,, ,,ZHU PAR GTOGS PA LA SO SO BA DANG THUN MONG BA RNAM PAR GNAS PA GNYIS LAS, SOS SO BA GANG YIN PA DE 'DIR MA SMOS KYANG THAMS CAD DU RIGS PA MNYAM PA NYID KYI PHYIR THAMS CAD DU 'GRO BA NYID KYIS RNAM PAR SHES NAS THAMS CAD DU RANG GI YUL LA DBANG DU BYED PA NYID KYIS NYE BAR 'BREL PA'O, ,DA 'DI MAN CHAD NI PHAL CHER RNAM PAR 'BYED PA LA GTOGS PA NYID KYIS BSHAD PAR BYA STE, DE'I PHYIR NYAMS PA DANG MA SKYES PA GNYIS LTUNG BA LA SBYOR BA LA NI NYES BYAS SO ZHES

49b

BYA BA SMOS TE, NYAMS PA ZHES BYA BA NI PHAM PAR GYUR PA STE, 'DI LA SDOM PA YOD DU ZIN KYANG DE LTA MOD KYI DGOS PA MED PA NYID DU 'GYUR TE, BSNYEN PAR RDZOGS PA NYID DANG, DGE TSUL NYID KYI LAM LA GNAS PA'O, ,MA SKYES PA ZHES BYA BA NI SDOM PA MTHO PA STE, LTUNG BA'I GRANGS DANG MI SPYOD PA DANG LDAN PA LA NYES BYAS SO, ,NYAMS PA LA NI DMIGS KYIS BSAL BA STE, BSNYEN PAR RDZOGS PA CAN NYID KYI PHYIR MA SKYES PA NI SGRUB PA YIN TE, GANG LA 'DI DANG 'GRO BA LA BDAG NYID KYIS NYE BAR BSTAN PA DE NI DE DANG RJES SU MTHUN PA YIN TE, DE BAS NA MA SKYES PA LA NYES PA 'DI 'BYUNG NGO, ,PHAM PAR GYUR PA LA NI SDOM PA YOD DU ZIN KYANG DE LTA MOD KYI, DGOS PA MED PA NYID DU 'GYUR RO, ,'DIR SDOM PA MED PA DANG 'DRA BA NYID DU RTOGS PA'I RGYU ZHES BYA BAR BRJOD DO, ,'DIR GZHUNG NI, SDAR LTUNG BA BYUNG BA DANG, RKU THABS SU GNAS PA DANG, DANG PO 'KHRUGS PA DANG, MA NING DANG, DGE SLONG MA SUN PHYUNG BAS NYAMS PAR BYAS PA NI NYES BYAS SU 'GYUR RO ZHES GSUNGS PA YIN NO, ,'DIR RKU THABS SU GNAS PA ZHES BYA BA LA SOGS PA SMOS PA NI MA SKYES PA THAMS CAD KYI DPE TZAM DU ZAD DO, ,DE BAS NA THAMS CAD MA SKYES PA'I KHONGS SU BSDU BAR BYAS SO, ,SNGAR LTUNG BA BYUNG BA ZHES BYA BA NI 'DI LTAR SNGAR BSNYEN PAR RDZOGS PA NYID KYI TSE NA LTUNG BA BYUNG BAR RIG PAR BYA BA'O, ,BSNYEN PAR MA RDZOGS SHING RAB TU BYUNG BAS BLANGS PA LAS 'DAS PA LA YANG NGO ZHES BYA BA LA NYES BYAS SO ZHES BYA BA'I RJES SU SNYEG PA'I PHYIR YANG NGO ZHES BYA BA'I SGRA SMOS SO, ,'DIR DGE TSUL DANG, DGE TSUL MA DANG, DGE SLONG MA RNAMS KYIS YANG DAG PAR BLANGS PA'I SPYOD PA LAS 'DA' BAR BYED PA NI NYES BYAS SO ZHES BYA BA'I DON TO, ,LTUNG BA LA SBYOR BA LA NI NYES BYAS SO ZHES SNGAR SMOS PAS 'DIR YANG LTUNG BA DE DAG THAMS CAD LA YANG THAL BA BSAL BA'I PHYIR BLANGS PA LAS 'DAS PA LA ZHES GSUNGS SO,, ,DE'I PHYOGS DANG MTHUN PA LA NI YID KYI'O ZHES BYA BA NI BSNYEN PAR MA RDZOGS SHING RAB TU BYUNG BA BLANGS PA'I PHYOGS DANG MTHUN PA'I LTUNG BYED RNAMS GANG YIN PA MA BLANGS KYANG BLANGS PA'I PHYOGS LA BRTAN PA STE, DE DAG LAS 'DAS SHING 'GAL BAR BYAS PA NI YID KYIS NYES BYAS SU 'GYUR TE, BSDAM PAR BYA BA'I NYES BYAS ZHES BYA BA'I

50a

, ,DON TO, ,DE'I PHYOGS DANG MTHUN PA DAG GANG ZHE NA, DE BSTAN PA'I PHYIR DGE SLOB MA'I NI, 'CHANG BA DANG NI 'BRAL BA DANG, ,ME LA REG DANG SPANGS PA DANG, ,ZAS DANG SA BON 'JIG PA DANG, RTZVA SNGON YOD PA'I SA PHYOGS SU, ,MI GTZANG 'DOR DANG SHING 'DZEG DANG, , BLANGS PA MDOR GTOGS DGE SLOB BA'I, ,DGE TSUL GNYIS KYIS RIN CHEN REG ,SOG 'JOG BYAS PA ZA BA DANG, ,BYIN LEN MA BYAS SA BRKO DANG, ,SKYE BA 'JIG DANG BCAS PA DANG, ,MDOR GTOGS PA NI MA GTOGS PAR, ,DBYAR GNAS GCIG TU GNAS PA DANG, ,GSO SBYONG DGAG DBYE BCAS PA DANG, ,DE LA SOGS PA DE YIS NI, ,BLANGS PA'I PHYOGS DANG MTHUN PA YIN, ,RTAGS DANG SLONG DANG SNOD DANG NI, ,LONGS SPYOD 'PHYAR G-YENG 'DOD PA DANG, ,GNOD PA DANG NI GNAS PA DANG, ,MI GUS MI SBYONG GZHI LAS BYUNG, ,ZHES BYA BA SMOS SO, ,DE LA 'CHANG BA ZHES BYA BA NI CHOS GOS DANG, LHUNG BZED LHAG MA 'CHANG BA'O, ,'BRAL BA ZHES BYA BA NI CHOS GOS DANG 'BRAL BA'O, ,ME LA REG PA ZHES BYA BA NI ME 'BUD PA LA SOGS PA DANG 'BREL PA'O, ,SPANGS BA ZA BA ZHES BYA NI ZAS SPANGS PA ZA BA'O, ,SA BON GYI TSOGS 'JIG PA ZHES BYA BA NI, RUNG BAR MA BYAS PA'I SA BON GYI TSOGS 'JIG PA'O, ,RTZVA SNGON PO'I PHYOGS SU MI GTZANG BA 'DOR BA ZHES BYA BA NI, RTZVA SNGON PO YOD PA'I SA PHYOGS SU BSHANG BA LA SOGS PA 'DOR BA'O, ,SHING LA 'JIG PA ZHES BYA BA NI SHING LA MI GANG TZAM LAS MTHOR 'JOG PA'O ZHES BYA BA 'DI NI BSLAB PA RNAMS SO, ,BSLAB PA MDOR GTOGS ZHES BYA BA NI DGE SLOB MA DOR NAS SO, ,MDOR GTOGS PA NI DGE TSUL DANG DGE TSUL MA DAG GIS SA LE SBRAM LA SOGS PA 'CHANG BA'O, ,SOG 'JOG BYAS PA ZA BA ZHES BYA BA NI NYE BAR GNAS PA'O, ,BYIN LEN MA BYAS PA ZHES BYA BA NI GZHAN GYIS BYIN LEN MA BYAS PA'I ZAS ZA BA'O, , SA RKO BA ZHES BYA BA NI SA RKO BA 'AM RKONG 'JUG PA'O, ,SKYE BA'I TSOGS 'JIG PA ZHES BYA BA NI SHING LJON PA LA SOGS PA GCOD PA'O, ,BCAS PA NI 'DI DANG BCAS PA'O, ,BLANGS PA NI DGE TSUL DANG DGE TSUL MA DANG, DGE SLONG MA 'DI RNAMS KYIS YANG DAG PAR BLANGS PA'O, ,MDOR GTOGS PA

50b

ZHES BYA BA NI, DGE SLONG DANG DGE SLONG MA'I SO SOR THAR PA'I MDO DAG LAS 'DON PA DOR NAS LHAG MA SO SOR THAR PA'I MDO LA GTOGS PA'O, ,DBYAR GNAS ZHES BYA BA NI DBYAR GNAS PAR KHAS BLANGS PA'O, ,GSO SBYONG LA SOGS PA ZHES BYA BA NI GSO SBYONG DANG DGAG DBYE LA SOGS PA'O, ,DE LA SOGS PA DE YIN ZHES BYA BA NI RAB TU BYUNG BA BSNYEN PAR MA RDZOGS PA LA BLANGS PA'I PHYOGS DANG MTHUN PAR RIG PAR BYA'O, ,GANG ZHIG DE DAG LAS 'DA' BAR BYED PA LA YID KYI NYES BYAS SO, ,'DIR RNAM PA GANG GIS DE RNAMS NI SOGS PA'I SGRAS 'PHANGS PA'O, ,DE BSTAN PA'I DON DU 'DIR RTAGS LA SOGS PA'I GZHI BRJOD PA'O, ,'DIR GZHI'I SGRA NI RE RE ZHING SBYAR BAR BYA'O, ,RTAGS KYI GZHI LAS BYUNG BA DANG, SLONG BA'I GZHI LAS BYUNG BA DANG, SNOD KYI GZHI LAS BYUNG BA DANG, 'PHYAR G-YENGS KYI GZHI LAS BYUNG BA DANG, 'DOD PA'I GZHI LAS BYUNG BA DANG, GNON PA'I GZHI LAS BYUNG BA DANG, MI GUS PA'I GZHI LAS BYUNG BA DANG, MI SBYANG BA'I GZHI LAS BYUNG BA'O, ,DE LA RAB TU BYUNG BA'I RTAGS YANG DAG PAR LEN TO ZHES SMOS PA'I TSIG GANG YIN PA DE NI RE ZHIG BLANGS PA YIN PA DANG, DE'I PHYIR MU STEGS 'CHANG BA LA NI JI LTAR KHYIM PA'I RTAGS 'CHANG BA BZHIN DU RAB TU BYUNG BA'I RTAGS YANG DAG PAR BLANGS PA LAS 'DAS PA YIN PAS DE LA NI BSHAGS PAR BYA BA'I NYES BYAS SU 'GYUR RO, ,RJES RUNG BA MA YIN PA CHOS GOS TSAD LAS CHUNG BA DANG CHE BA'I BDAG NYID KYI YO BYAD RNAMS LA 'CHANG BA DANG 'CHANG BAR BYED DU BCUG PA'AM, SEN MO BCOS PA RJES SU MA GNANG BA DAG DANG, CHA LUGS NYAMS PAR GYUR PA SKRA CHAN PAS BREGS PAR GYUR PA DAG DANG, RJES SU DAG NANG BA'I PHYOGS KYI SPU BRAGS PA LA SOGS PA RNAMS NI RTAGS BLANGS PA DE'I PHYOGS DANG MTHUN PA'I TSIG GO, ,LHUNG BZED RUNG BA MA YIN PA THOGS SHING BSOD SNYOMS LA RGYU BA NI, RTAGS SU GYUR PA YIN PA DE YANG RAB TU BYUNG BA GZHAN GYI RTAGS SU GYUR PA DANG, KHYIM PA'I RTAGS PA DANG 'DRA BA'I LHUNG BA BZED 'CHANG BA YANG RTAGS YANG DAG PAR BLANGS PA LAS 'DAS PAR RIG PAR BYA'O, ,RDZAS GZHAN LAS BYAS PA DANG, CHAD LAS CHUNG BA DANG CHE BA DANG CHE BA DANG SKYA BA 'CHANG BA

51a

, ,GANG YIN PA DE NI RTAGS BLANGS PA DE'I PHYOGS DANG MTHUN PA'O, ,SLONG BA'I SNOD KYI GZHI LAS 'BYUNG BA GANG YIN PA DE RNAMS NI SA LE SBRA MA DANG DNGUL LA SOGS PA NI MA BYIN PA LEN GYI PHYOGS DANG MTHUN PA RNAMS SO, ,SLONG BA'I GZHI LAS BYUNG BA NI CHOS GOS LA SOGS PA SLONG BA'O, ,SNOD KYI GZHI LAS BYUNG BA GANG YIN PA DE RNAMS NI KHAB RA LA SOGS PA BYED DU BCUG PA'O, ,LONGS SPYOD KYI GZHI LAS BYUNG BA GANG YIN PA DE RNAMS NI BTZONG ZA BA LA SOGS PA DUS MA YIN PAR ZA BA'I PHYOGS NYID DO, ,'PHYAR G-YENG GI GZHI LAS BYUNG BA RNAMS NI, RGYUG PA DANG, MCHONG PA DANG, CHU LA RTZE BA LA SOGS PA RNAMS LA GLU GAR DANG, ROL MO'I SGRA DANG, ME TOG PHRENG BA DANG, DRIS BYUG PA DANG, KHA DOG 'CHANG BA DANG, MAL STAN MTHON PO DANG, MAL STAN CHEN PO'I PHYOGS DANG MTHUN PA NYID DO, ,GANG ZHIG 'DI NI KHYIM BYED DU BCUG PA'I KHA NA MTHO BA STE, KHANG PA DANG KHANG CHEN RTZIG PAR GTOGS PAR 'DOD PA'I PHYOGS DANG MTHUN PA NYID DO, ,KHYIM GYI 'DOD PA'I PHYOGS NI DE'I PHYIR DE LA 'DOD PA'I DNGOS PO NYID LA ZHUGS PAR GYUR PA NYID KYIS 'DI LA RAB TU BYUNG BA YANG DAG PAR BLANGS PA'I NYAMS PA'I PHYOGS DANG MTHUN PA NYID DO, ,KHU BA 'BYIN PA DANG, BZANG BA DANG 'KHRIG PA KUN TU SPYOD PA RNAMS NI 'DOD PA'I DNGOS PO NYID DO, ,GNOD PA'I GZHI NYID NI MI TSANGS PAR SPYOD PA'I PHYOGS NYID DO, ,THAL LCAG BRDEGS PA DANG MCHIL LHAM SBA BA LA SOGS PA RNAMS NI SROG GCOD PA'I PHYOGS DANG MTHUN PA NYID DO, ,KHRO BA LA SOGS PA RNAMS LA BRDZUN DU SMRA BA'I PHYOGS NYID DO, ,DGE 'DUN 'BYED PA LA SOGS PA'I 'JIG PA GSUM NI GNOD PA'I GZHI NYID DANG MTHUN PA NYID DO, ,GNAS PA'I GZHI LAS BYUNG BA ZHES BYA BA NI GANG ZHIG DGE 'DUN GYIS SPANGS PA'I GANG ZAG NI DGE 'DUN LA YANG MI GUS PAR GYUR PA NYID DANG, CHOS LA YANG MI GUS PAR GYUR PA NYID DO; ,GANG ZHIG BSNYEN PAR MA RDZOGS PA NYID DANG LHAN CIG NYAL BA'I BDAG NYID CAN DE LA 'DOD CHAGS DANG BRAL BA MI MTHUN PA'I PHYOGS SU GYUR PA NYID KYIS SBANG BAR BYA BA NYID KYI PHYIR, SDOM PA MA LUS PA NYAMS PA'I PHYOGS DANG MTHUN PA NYID DO, ,KHYIM PA DANG MU STEGS BA DANG LHAN CIG NYAL BA'I

51b

GNAS LA RIG PAR BYA, MTSAN MI MTHUN PA DANG LHAN CIG TU GANG ZHIG NYAL BA'I BDAG NYID CAN GYI GNAS PA NI DE LA MI TSANGS PAR SPYOD PA'I PHYOGS DANG MTHUN PA NYID DO, ,DE YANG GNAS PA MA YIN PA'I GZHI NYID DO, ,MA GUS PA'I GZHI LAS BYUNG BA NYID NI SANGS RGYAS DANG, CHOS DANG, DGE 'DUN GYI PHYIR MA GUS PAS SKYABS SU 'GRO BA ZHES BYA'O, ,GANG ZHIG RAB TU BYUNG BA NYID DANG, RAB TU BYUNG BA'I SNGOM PA DAG GI YAN LAG DE LA NYAMS PA'I PHYOGS DANG MTHUN PA NYID DO, ,GAL TE GANG ZAG GI PHYIR BRTEN PA YIN NA SNGOM PA THAMS CAD 'JIG PA'I PHYOGS DANG MTHUN PA NYID DO, ,MKHAN PO'I PHYOGS 'DI NI BDAG GI MKHAN PO'I ZHES BYA BAS BLANGS PA SNGON DU 'GRO BA CAN GYI KHAS BLANGS PA GANG YIN PA DE NI 'JIG PA'I PHYOGS DANG MTHUN PA NYID DO, ,GAL TE GANG ZAG GZHAN YIN NA DE'I PHYOGS DANG MTHUN PA 'DI LA MA GUS PA'I PHYOGS DANG MTHUN PA NYID DO, ,MI SBYONG BA'I GZHI NI SBYONG BAR MI BYED PA STE, BDAG NYID DAG PAR BYA BA'I PHYIR GSO SBYONG DANG DGAG DBYE DAG MI BYED PA'O, ,MI GNAS PAR 'DUG PA LA SOGS PAS SBYONG BAR MI BYED PA'O, ,GZHAN DU NA 'JUG PA NYID 'GRUB PAR MI 'GYUR RO ZHES BYA BA 'DI RNAMS KYI BYA BA NYID DO, ,DE LTA BAS NA 'DI RNAMS LA SNGOM PA THAMS CAD 'JIG PA'I PHYOGS DANG MTHUN PA NYID DU RIG PAR BYA STE, GSO SBYONG BYED PA LA NI MA YIN NO, ,'DI'I TSIG MED PA'I PHYIR RJES SU BSGRUB PAR BYA BA SHES PAR BYA'O, ,DE NYID KYI PHYIR GZHAN DU NA 'JUG PA BSGRUB PA NYID DU MI 'GYUR RO ZHES BYA BA'I RIGS PA LAS THOB PA'I PHYIR DANG DGAG DBYE BSGRUB PA'I RJES SU 'BRANGS PAS SBYONG BAR RIG PAR BYA'O, ,MTSAN MTHUN PA BSNYEN PAR RDZOGS PA LA GSO SBYONG BYED PA 'DI RNAM PAR GNAS PA YIN NO, ,SNGAGS NI 'DI YIN TE, CHE GE MO ZHIG DGONGS SU GSOL, DENG DGE 'DUN GYI GSO SBYONG BCO LNGA PA LAGS TE, BDAG DGE TSUL MING 'DI ZHES BGYI BA'I GSO SBYONG YANG GSO SBYONG BCO LNGA PA LAGS NA, BDAG DGE TSUL MING 'DI ZHES BGYI BA, BAR CHAD KYI CHOS RNAMS YONGS SU DAG GO ZHES BDAG NYID CHE ZHES BYA BA LA SOGS PA YOD PA'I PHYIR RO, ,BSLAB PA BYIN PA NI 'DRA BA NYID DO ZHES BYA BA NI LTUNG BA LA SBYOR BA DGE SLONG DANG

52a

, ,'DRA BA NYID DO ZHES BYA BAR SBYAR RO, ,'DIR 'DI LA DGE SLONG MA YANG DE BZHIN DU PHAN TSUN 'DRA BA NYID DU RIG PAR BYA'O, ,DGE SLONG BZHIN DU 'DIS LHAG PAR SPYOD PA LA, DGE SLONG BZHIN DU YANG GZHAN LA BRDEG PA DANG, GZAS PA DANG, 'GYOD PA BSKYED PA LA SOGS PAS LTUNG BA RNAMS BSKYED DO ZHES BYA BA'I DON TO, ,BSNYEN PAR MA RDZOGS PA DANG LDAN PA NYID KYANG NGO ZHES BYA BA NI, 'DI LA RNAM PA 'DIS DGE SLONG DANG MNYAM PA NYID YOD PAR GYUR KYANG GANG LA BYIN LEN BYED PA DANG LHAN CIG NYAL BA'I LTUNG BYED LA SOGS PA BSNYEN PAR MA RDZOGS PA LA BSKYED PA DE LA DE LAS MA YIN TE, GANG LA YANG BSNYEN PAR RDZOGS PA GZHAN LAS SKYES PA RANG GI BDAG NYID LA YANG SKYES PA NYID NYE BAR GNAS PA NYID DANG, 'DZIN PA NYID LAS SKYES PA YIN NO, ,DE LA 'DIR NYAMS PA DANG 'DRA BA NYID KYI PHYIR RO, ,DE LA NI MA YIN NO ZHES BYA BA NI BSLAB PA BYIN PA DE LA BSNYEN PAR RDZOGS PA DANG LDAN PA NYID NI MA YIN TE, PHYOGS GCIG PA NYID KYI PHYIR RO, ,'DIR GZHUNG NI ZHU BA LAS, BTZUN PA RE ZHIG DGE SLONG LA RGYU DUS GSOG 'JOG BGYIS PAR 'GYUR, GSUM GYIS TE, GSUM GANG ZHE NA, BDAG NYID KYIS GSOG 'JOG BYAS PA DANG, DGE SLONG GIS GSOG 'JOG BYAS PA DANG, DGE SLONG GI DGE 'DUN GYIS GSOG 'JOG BYAS PA'O, ,BTZUN PA RE ZHIG DGE SLONG MA LA RGYU DUS GSOG 'JOG BYAS PAR 'GYUR, GSUM GYIS TE, GSUM GANG ZHE NA, BDAG NYID KYIS GSOG 'JOG BYAS PA DANG, DGE SLONG MAS GSOG 'JOG BYAS PA DANG, DGE SLONG MA'I DGE 'DUN GYIS GSOG 'JOG BYAS PA'O, ,BTZUN PA RE ZHIG BSLAB PA BYIN PA LA RGYU DUS GSOG 'JOG BYAS PAR 'GYUR, BZHI STE, BZHI GANG ZHE NA, BDAG NYID KYIS GSOG 'JOG BYAS PA DANG, BSLAB PA BYIN PAS GSOG 'JOG BYAS PA DANG, DGE SLONG GIS GSOG 'JOG BYAS PA DANG, DGE SLONG GI DGE 'DUN GYIS GSOG 'JOG BYAS PA'O, ,BTZUN PA RE ZHIG BSLAB PA BYIN PA MO LA ZHES BYA BA NAS, BZHI GANG ZHE NA, BDAG NYID KYIS GSOG 'JOG BYAS PA DANG, BSLAB PA BYIN PA MOS GSOG 'JOG BYAS PA DANG, DGE SLONG MAS GSOG

52b

'JOG BYAS PA DANG, DGE SLONG MA'I DGE 'DUN GYIS GSOG 'JOG BYAS PA'O ZHES GSUNGS PA YIN NO, ,DGE SLOB MA LA YANG NGO ZHES BYA BA LA YANG NGO ZHES BYA BA'I SGRAS NI BSNYEN PAR MA RDZOGS PA DANG LDAN PA NYID MA YIN NO ZHES BYA BAR SBYAR RO, ,'DIR GZHUNG NI ZHU BA LAS, BTZUN PA RE ZHIG DGE SLOB MA LA ZHES BYA BA NAS LNGA STE, LNGA GANG ZHE NA, BDAG NYID KYIS GSOG 'JOG BYAS PA DANG, DGE SLOB MAS GSOG 'JOG BYAS PA DANG, BSLAB PA BYIN PA MOS GSOG 'JOG BYAS PA DANG, DGE SLONG MAS GSOG 'JOG BYAS PA DANG, DGE SLONG MA'I DGE 'DUN GYIS GSOG 'JOG BYAS PA'O ZHES GSUNGS PA YIN NO, ,'GRO BA GZHAN GYI RNAM PA BSTEN PA NA DGE SLONG GI 'DU SHES YOD PA LA'O ZHES BYA BA LTUNG BA LA SBYOR BA 'DRA BA NYID DO ZHES BYA BAR SBYAR RO, ,DGE SLONG SNGAGS DANG SMAN LA SOGS PA'I DBANG GIS 'GRO BA GZHAN GYI RNAM PA ZHES BYA BA DUD 'GRO LA SOGS PA'I GZUGS SU BSGYUR NAS BYA BA MA YIN PA BYED PA YIN PA DE LA DER LTUNG BA NYID DO, ,GAL TE BYED PA'I DUS NA DGE SLONG LA SOGS PA'I 'DU SHES MA BRJED PAR GYUR NA LTUNG BA 'DRA BA NYID DO, ,MED NA NI SMAD PA'O ZHES BYA BA DE'I TSE LTUNG BA 'BYIN PA DE LA BDAG NYID DGE SLONG YIN PA'I 'DU SHES MED CING BRJED PAR GYUR PA NYID YIN NA NI LTUNG BA LA SBYOR BA DE'I TSIG 'OG MAR NA SMAD PA YIN NO, ,TSIG SNGAR MAR SBYOR BA BYAS PA LA YANG NGO ZHES BYA BA NI NA SMAD PA NYID DO ZHES BYA BA'I RJES SNYEG PA'I PHYIR YANG NGO ZHES BYA BA'I SGRA SMOS SO, ,KHYIM PA NYID DU SBYOR BA TZAM GYI DBANG GIS GANG ZHIG DGE TSUL NYID LA TSIG SNGA MAR SBYOR BA BYAS PA TZAM GYI DBANG GIS BSNYEN PAR RDZOGS PA NYID LA DE LA YANG MA RDZOGS PA NYID NI NA SMAD PA NYID YIN TE, DE MA THAG PA'I TSIG NYID DO, ,DE LTAR YANG 'DIR GZHUNG NI BSNYEN PAR MA RDZOGS PAS BRKU BA LA SBYOR ZHING BSNYEN PAR MA RDZOGS PA'I PHYIR RKU BAR BYED NA NYES BYAS SU 'GYUR RO, ,BSNYEN PAR MA RDZOGS PA BRKU BA LA JI SRID DU BSNYEN PAR RDZOGS PA'I PHYIR RKUN NYES PA SBOM POR 'GYUR RO ZHES BYA BA LA SOGS PA YIN NO, ,'DIR DE'I PHYIR ZHES BSTAN PAR SHES PAR BYA STE, TSIG SNGA MAR SBYOR BA TZAM GYI DBANG KHO NA LAS MED NA, DE'I TSE SBYOR BA NA SMAD PA'O, ,SBYOR BA YOD NA NI DE'I TSE BYAS PA NYID LA DNGOS PO LA NA SMAD PA MI RIGS

53a

, ,PA'I PHYIR LEN PA'I DBANG DANG RTEN GYI BYE BRAG GI DBANG GIS 'DI TSIG 'OG MAR GTAN DU BA'I SBYOR BA LA LTUNG BAR 'GYUR BA'I RNAM PAR RIG PAR SKYES PA'I BDAG GI DNGOS PO'I DBANG DU BYAS PA LA LTUNG BYED DU RNAM PAR GNAS PA LA LCI BA NYID NI YANG BSNYEN PAR RDZOGS PA NYID LA YANG RNAM PAR GZHAG PA'O, ,NA SMAD PA'I SBYOR BA DE'I TSON MED PAS DE BZHIN DU 'OG MA'I TSIG SBYOR BA'I DBANG GIS TSIG SNGA MA LA 'CHAD PAR 'GYUR BA'I LTUNG BAR 'GYUR BA'I RNAM PAR RIG PA LAS SKYES PA, BDAG GI DNGOS PO RNAM PAR 'GYUR BA LA LTUNG BYED DU RNAM PAR GZHAG PA LA YANG BA NYID NI YANG DGE TSUL NYID LA SOGS PA LA RNAM PAR GZHAG PA'O, ,'DIR SBYOR BA GANG YIN PA DE LA MTSAN NYID JI LTA BAR LTUNG BA DANG LTUNG BA MED PAR RIG PAR BYA'O, ,PHYI MA YANG DE DANG LDAN PA NYID YIN NO ZHES BYA BA NI, 'DIR GANG DU TSIG PHYI MA STE, DGE TSUL NYID LA SOGS PA LA BSNYEN PAR RDZOGS PA'I GNAS SKABS KYI SBYOR BA TZAM GYI DBANG GIS BSGRUB PA NI DE DANG LDAN PA NYI DANG TSIG SNGA MA NYID DE LA NYES BYAS YONGS SU RDZOGS PAR BSKYED DO ZHES BYA BA'I DON TO, 'DI YANG BSNYEN PAR RDZOGS PA'I GNAS SKABS LA SBYOR BA BYAS PA GANG YIN PA DE LA MTSAN NYID JI LTA BAR LTUNG BA RNAM PAR GZHAG PA RIG PAR BYA'O, ,RDZAS BKAG PAS BZANG PO LA YANG DE DANG LDAN PA NYID YIN NO ZHES BYA BA NI BKAG PA LAS SHIN TU KHYAD PAR 'PHAGS PA'I RDZAS GANG YIN PA DE LA YANG GANG ZHIG GZHAN NYID NI DE DANG LDAN PAR 'GYUR BA NYID BKAG PAR GYUR PA NI, DPER NA BAL NAG PO 'BA' ZHIG LAS STAN BYED NAS SPANG BA'I LTUNG BYED DU 'GYUR BA DE BZHIN DU DE LAS, DE BZHIN DU SRIN BAL DANG RDZAS RIN PO CHE LAS STAN BYED PA LAS YANG BKAG STE, SPANG BA'I LTUNG BYED KHO NAR 'GYUR ZHES BYA BA'I DON TO, ,'DRA BA LA YANG NGO ZHES BYA BA NI RDZAS BZANG NGAN 'DRA BA LA YANG BKAG PA NYID KYIS SNYING PO DANG LDAN PA NYID KYIS SPANG BA'I LTUNG BA KHO NAR 'GYUR RO, ,GANG ZHIG BAL GYI GOS DANG 'DRES PA'I SRIN BAL DANG BAL NAG PO 'BA' ZHIG GAM, BAL DKAR PO DANG BCAS PA'AM BAL DKAR PO'I STAN BYED PA LA YANG SPANG BA KHO NAR 'GYUR RO, ,MTSAN GYUR PA NI DE'I ZHING NYID YIN NO ZHE BYA BA NI LTUNG BA DE'I ZHING NYID YIN NO ZHES BYA BAR SBYAR RO, ,

53b

ZHING NYID GANG YIN PA DE NI LTUNG BA ZHES BYA BA'I DON TO, ,DE BAS NA MTSAN GYUR PA ZHES BYA BA NI MTSAN MA SNGA MA NYID SBYOR BA TZAM GYI DBANG GIS BSGRUB PAR GYUR PA'I LTUNG BYED DO, ,GANG ZHIG LTUNG BA LA DE'I MTSAN MA NYID ZHING DU GYUR PA NA GAL TE DE NYID LA ZHING NYID GANG GI DON DU SBYOR BA DANG BCAS PA DE NYID DO, ,GAL TE NA SMAD PA NYID YIN NA SMAD PA'O, ,'DI LA DMIGS KYIS BSAL BA BYAS PA NI NA SMAD PA'I DON GYI SBYOR BA GANG YIN PA NYID LAS SO ZHES BYA BA SMOS TE, LTUNG BA NA SMAD PA NYID DON YIN TE, MTSAN MA GZHAN GTOGS PA'I SBYOR BA LAS MTSAN GYUR PA DE LA NI LTUNG BA GANG GI SBYOR BA BYAS PA'I LTUNG BA DE NYID BYAS SO, ,'DI LTA STE DPER NA DGE SLONG GNYIS KHRI GCIG LA REG PA DANG BCAS BZHIN DU DGE SLONG MA NYID DU GYUR PA NA SKYA RENGS MA SHAR BA'I MDUN ROL DU NYAL BA LA NYES BYAS KHO NAR ZAD KYIS LTUNG BYED DU NI MI 'GYUR BA LTA BU'O, ,BYAS PA NI DE NYID YIN NO ZHES BYA BA NI MTSAN MA GYUR PA'I GNAS SKABS SU KHA NA MA THO BA GANG BYAS PA DE NI, PHYIS MTSAN GYUR NA YANG KHA NA MA THO BA GANG YIN PA DE'I MTSAN GYUR PA NYID LA ZHING NYID NI DE'I KHA NA MA THO BA NYID DO, ,DGE 'DUN LHAG MAR GTOGS PA'I SBOM POR 'GYUR TE, DGE SLONG NYID DU GYUR PA'I DGE SLONG MA LA REG PA'I PHAM PA GANG YIN PA DE'I SBYOR BA LA NYES BYAS NYID DO, ,SBOM PO NYID NI LUS BKAN PAR GYUR PA'I PHAM PAR GYUR PA NYID LA'O, ,'CHAB PA'I PHAM PAR GYUR PA LA NI NYES BYAS NYID DE LTUNG BYED DU 'GYUR BA NYID LA NI MA YIN TE, MTSAN THA DAD DU GYUR PA 'CHAB PA LA DE'I TSE 'DI YOD PA'I PHYIR RO, ,RJES SU PHYOGS PA'I LTUNG BYED GANG YIN PA DE NYID 'BYIN PA BZHIN DU MTSAN GYUR CING DGE SLONG MAR GYUR NA RJES SU PHYOGS PA'I LTUNG BYED NI MTSAN THA DAD PA LA'O, ,'DIR DGE SLONG MA LA NA SMAD PAR GYUR PA NYID KHU BA 'BYIN PA DGE 'DUN LHAG MA DGE SLONG MA NYID DU GYUR PA LA LTUNG BYED CES BYA'O, ,NA SMAD PA NI RANG GI NYID DO ZHES BYA BA NI MTSAN GYUR PA GZHAN NYID LA NI NA SMAD PA NYID DE KHA NA MA THO BA BYAS PA YIN PA DE GYUR PA LA, MTSAN GYUR NA RANG GI KHA NA MA THO BA NYID DU 'GYUR TE, LTUNG BYED KHO NAR 'GYUR RO, ,DGE SLONG DU GYUR NA KHU BA 'BYIN PA'I LTUNG BYED DU 'GYUR RO, ,JI LTAR RJES SU MTHUN PA'I MTSAN GYUR PA'I DBANG GIS NI NA SMAD PA MI

54a

, ,RIGS PA DE BZHIN DU LHAG MA NYID DU MI 'GYUR RO, ,LHAG PAR SPYOD PA 'DI LAS RNAM PAR GZHAG PA'O, ,'DIR DE'I LHAG PAR SPYOD PA MED PA DE BAS NA 'DIS SHES PA'O, ,ZHAG BCUR MA LON PA NI CHA NYID DO ZHES BYA BA NI 'DI NI YOD PA LA STE, ZHAG BCU MA LON PA'I BDAG NYID KYI DUS YOD PA LA DE'I MTSAN GYUR TE, 'CHANG BA'I DUS GANG YIN PA DE LA CHA NYID DO, ,DE NYID NI DE'I DUS NYID MA YIN NO, ,'DIR YONGS SU RDZOGS PA LA JI LTAR RNYED PA'I DE NYID DO, ,'DI'I YUL NI LHUNG BZED 'CHANG BA STE, GZHAN DU CHO GA THA DAD PA MED PA'I PHYIR RO, ,'DIR DU MA LA SOGS PA DGU'I MTHAR THUG PA'I GZHAG RNAMS LAS 'DAS NA DE DGE SLONG MA NYID DU GYUR NA, ZHAG DGU PO DE DAG ZHAG GCIG PO'I KHONGS SU GTOGS PAS DON MED PA NYID THOB PAR BYED PA'O, ,'DIR GZHUNG NI BTZUN PA RE ZHIG DGE SLONG GIS LHUNG BZED RNYED PA NA MTSAN GYUR TE DGE SLONG MAR GYUR NAS DGUNG GCIG LAS LHAG PAR 'CHANG NA LTUNG BA CIR 'GYUR, SPANG BA'I LTUNG BYED DU 'GYUR RO, ,DGE SLONG GIS DUS DANG LHAN CIG TU LHAG PAR 'CHANG BA NI, DGUNG GCIG GI CHA LAS GYUR PA NYID KYIS LHAG PAR GNAS PAS SMOS PAR RNAM PAR GNAS PA YIN NO, ,'DIR YANG LHAN CIG RNYED PA 'CHANG BA LA BTZUN PA DGE SLONG GIS LHUNG BZED LHAG PA DGUNG GCIG LAS LHAG PAR 'CHANG BA LAS SPANG BA'I LTUNG BYED DU 'GYUR BA MCHIS SAM, YOD DE DGE SLONG GIS LHUNG BZED RNYED PA NA MTSAN GYUR TE DGE SLONG MAR GYUR NA'O ZHES GSUNGS PA YIN NO, ,RIGS LA NI PHAN TSUN GNAS THOB PA NYID 'DIR ZHAG BCU DANG ZHAG GCIG LA 'CHANG BA 'DI THUN MONG BA NYID DO, ,ZHING MA YIN PA NYID LAS NI NYAMS SU ZHES BYA BA NI MTSAN GYUR PA GANG LA DE'I MTSAN GYUR PA NYID LA LTUNG BA'I ZHING MA YIN PA NYID DO, ,THUN MONG MA YIN PA SNGAR GNANG BA MA THOB PAR 'KHOR NYE BAR 'JOG PA LA'O, ,SHAM THABS RKED PA SNANG BA BGO BAR MI BYA'O ZHES BYA BA'I BSLAB PA LA SOGS PA LAS 'DAS TE SNGON GYI MTSAN MA NYID DU BYAS PA NI MA GTOGS PA'O, ,'DIR GZHUNG NI, GTAM GYI GZHI LAS DGE SLONG LTUNG BA THUN MONG MA YIN PA SDE BZHI PO DAG BYUNG BA DE MTSAN GYUR TE, DGE SLONG MAR GYUR PA LTUNG BA DE

54b

DAG LAS 'BYUNG BAR BRJOD PAR BYA'O, ,DGE SLONG MA LTUNG BA THUN MONG MA YIN PA SDE LNGA PO DAG BYUNG BA DE MTSAN GYUR TE DGE SLONG DU GYUR NA DE DAG LAS BYUNG BAR BRJOD PAR BYA'O ZHES GSUNGS PA YIN NO, ,DE LA NYES PA BCAS PA MA YIN NO ZHES BYA BA NI GANG ZHIG DE NYID ZHING MA YIN PA NYID LA NI NYAMS SO ZHES BYA BA SMOS PA DE LA NI 'CHAB PA'I NYES PA DOGS PAR MI BYA'O, ,MTSAN THA DAD PA MA YIN PA'I DON DU NI 'DI SKYES PA STE, DE'I PHYIR MTSAN GZHAN GYUR PA DE DANG MNYAM PA NI 'DIR ZHING NYID MA YIN NO, ,MGU BA SPYAD PA NI DON MED PA NYID YIN NO ZHES BYA BA NI RNAM PA THAMS CAD DANG RNAM PA THAMS CAD MA YIN PA ZHES BYA BA BYE BRAG MA SMOS PAS RTOGS PAR BYA'O, ,'DIR GZHUNG NI SPO BA'I GZHI'I ZHU BA LAS, BTZUN PA RE ZHIG DGE SLONG DBYUNG BA LA SOGS PA THUG PA MTSAN GYUR TE DGE SLONG MAR GYUR NA, CI DES GNYIS KA'I DGE 'DUN LA ZLA BA PHYED MGU BA SPYAD PA SPYAD PAR BGYID 'TSAL LAM, SPYAD PAR BYA DGOS SO, ,BTZUN PA RE ZHIG DGE SLONG MA GNYIS KA'I DGE 'DUN LA MGU BA SPYOD PA MTSAN GYUR TE, DGE SLONG DU GYUR NA CI DES DGE 'DUN LA ZHAG DRUG MGU BA SPYAD PA SPYAD PAR BGYID 'TSAL LAM, SPYAD PAR BYA DGOS SO ZHES GSUNGS PA YIN NO, ,MDO SNGA MA SHOS KYIS NI LUS KYI NYES PA BCABS PA NYAMS PA BSTAN PAR RIG PAR BYA'O, ,PHYI MA'I SPYAD PA YANG SPYAD PAR BYA BA NYID DO, YANG GANG GI PHYIR BYAS PA NI DE NYID YIN NO, ,ZHING MA YIN PA NYID LA NI NYAMS SO, ,DE'I TSE NA 'BYUNG BA'I MTSAN MA LONGS SPYOD PA RNAMS KYIS MTSAN MA 'DI LA BYA BA NYID DO ZHES BYA BA NI 'DIR RNAMS PAR GZHAG PA'O, ,'DI LA CHO GA RNAMS GYUR TO ZHES BYA BA LA, 'DI LA ZHES BYA BA NI MTSAN GYUR PA LA'O, ,MTSAN GYUR PA 'DI LA CHO GA SPYAD PA RNAMS GYUR PA DE'I PHYIR, DE DAG RNAM PAR GZHAG PAR MDZAD DO ZHES BYA BA'I DON TO, ,DE'I TSE LUS BYED PA PO NYID YIN NO ZHES BYA BA NI GANG GI TSE DE'I TSE NA 'BYUNG BA'I GZHI'I DGOS PA DE NI BDAG NYID GANG YIN PA DE'I DBANG GIS LTUNG BA DANG LTUNG BA MED PA SKYES PA'O, ,'DI LTA STE DPER NA GSAD PAR BYA BA DGRA BCOM PA NYID MA YIN PA'I GNAS SKABS LA GSAD PA'I SBYOR BA BRTZAMS NAS, DGRA BCOM PA NYID THOB PA'I

55a

, ,GNAS SKABS SU GSAD PA'I MTSAMS MED PA LAS KYI BYED PA PO NYID YIN NO, ,SKYES PA'I LUS LA REG PA'I SBYOR BA BRTZAMS PA NA BUD MED NYID DU 'GYUR NA, DE'I LUS LA REG PA LAS SNYOMS PAR ZHUGS PA LA BUD MED LA REG PA'I LTUNG BA GANG YIN PA DE 'GRUB PAR 'GYUR RO,, BUD MED LA SBYAR BAR SKYES PAR GYUR NA, DER SNYOMS PAR ZHUGS PA LAS SKYES PA NYID LA GANG YIN PA 'DI DANG, SKYES PAR GYUR PA LA SBYAR NAS BUD MED KYI GNAS SKABS LA SNYOMS PAR ZHUGS PA LA BUD MED NYID LA GANG YIN PA 'DI BUD MED DU GYUR PA LA SBYAR TE, SKYES PA'I GNAS SKABS SU SNYOMS PAR ZHUGS PA DANG, SKYES PA NYID LA GANG YIN PA 'DI ZHES BYA BA LA SOGS PA'O, ,GZHAN LAS SKYES PA NI RANG GI 'GRO BA NYID MA YIN PA MA YIN NO ZHES BYA BA NI 'GRO BA GZHAN MA YIN PA ZHING DU GYUR PA LAS SKYES PA'AM, GANG GI 'GRO BAR GYUR PA 'DI NI SGRUB PA DE'I 'GRO BA NYID MA YIN PA DE BAS NA; MI MA YIN PA NYID LAS RANG GIS PHROGS PA LA PHAM PA'O, ,MI'I 'GRO BA PA'I BDAG NYID DU GYUR PA'AM, DUD 'GRO MO'I MNGAL LAS SKYES PA LAS MI MA YIN MO NYID DO, ,MI MA YIN PA'I NGO BO 'DI LA SBOM PO'O, ,DUD 'GRO'I BDAG NYID CAN LA LTUNG BYED CES BYA BA LA SOGS PA'O, ,'GRO BA GZHAN GYI RNAM PA BSTEN PA GSAD PA LA YANG NGO ZHES BYA BA LA, RANG GI 'GRO BA NYID MA YIN NO ZHES BYA BA'I RJES SNYEG PA'I PHYIR YANG NGO ZHES BYA BA'I SGRA SMOS SO, ,DPER NA MI SMAN DANG SNGAGS LA SOGS PA'I DBANG GIS 'GRO BA GZHAN GYI LUS KYI RNAM PA BSTEN PA MA YIN NO, ,GANG 'DI LA SKYE BA PO'I 'GRO BA NYID MA YIN NO, ,YANG DE GSAD PA LA YANG DUD 'GRO'I RNAM PA DANG, MI MA YIN PA'I RNAM PA DANG LDAN PA LA MI'I 'GRO BA PA DE'I 'DU SHES KYIS SO, ,DE'I TSE 'BYUNG BA'I RNAM PAR 'GRO BA'I 'DU SHES KYI YAN LAG NYID LAS 'GRO BAR 'DU SHES PA LA DE'I 'GRO BA'I STOBS KYIS SANGS RGYAS NYID DANG DGRA BCOM PA NYID DANG MA DANG PA NYID KYI BLO DANG 'DRA BAR MTSAMS MED PA'I LAS LA YAN LAG MA YIN PA NYID KYI PHYIR MNGON PAR 'DOD PA'I SROG CHAGS TZAM PO LA 'DIR YAN LAG NYID KYI PHYIR LTUNG BA DNGOS GZHI'O, ,SBYOR BA NI MI'I 'GRO BAR 'DU SHES NA SBOM PO'O, ,

55b

DE'I TSE NA 'BYUNG BA'I RNAM PA'I 'GRO BAR 'DU SHES PA LA, 'DU SHES KYI SBYOR BA'I YAN LAG GO, ,DE BAS NA NYES BYAS SO, ,DUD 'GRO MI MA YIN PA'I RNAM PA DANG LDAN PA DUD 'GRO'I 'DUS SHES KYIS DE'I TSE NA 'BYUNG BA'I RNAM PA LA 'GRO BA'I 'DU SHES KYI YAN LAG LAS LTUNG BA'I DNGOS GZHI'O, , SBYOR BA'I SNGON ROL DU NYES BYAS SO, ,'OG MA LA NI GRANGS JI LTA BA BZHIN DU NYES BYAS DANG SBOM PO'I LTUNG BA DAG GO, ,MI MA YIN PA DUD 'GRO'I RNAM PA DANG, MI YIN PA'I RNAM PA DANG LDAN PA LA MI MA YIN PA'I 'DU SHES KYIS DE'I TSE NA 'BYUNG BA'I RNAM PAS GNOD PAR BYED CING DNGOS GZHI'I DUS NA SBOM PO STE, SBOM PO'I SNGON ROL DU NI NYES BYAS SO, ,PHYI MA LA NI GRANGS JI LTA BAR NYES BYAS DANG SBOM PO'O, ,MA BYIN PAR LEN PA DANG, LUS KYIS REG PA DANG SLONG BA DANG STAN RNAMS LA 'GRO BA'I 'DU SHES KYIS BDAG NYID KYI GANG YIN PA DE LA 'GRO BA GZHAN GYI RNAM PA LA BRTEN DU ZIN KYANG, 'GRO BA DE NYID DU RNAM PAR GZHAG PAR RNAM PAR GNAS PA YIN TE, DE'I RANG BZHIN GYIS 'DI LA BDAG PO NYID LA SOGS PA DANG BZA' BA DAG LA BRTEN PA'I PHYIR RO, ,GNAS SKABS GZHAN THOB PA NI GZHAN NYID MA YIN NO ZHES BYA BA NI, DGRA BCOM PA LA SOGS PA'I GNAS SKABS GZHAN THOB PA NA, DE'I RGYUD NI GZHAN NYID MA YIN PA NI SEMS CAN DE LA SEMS CAN GZHAN NYID MA YIN NO, ,SEMS CAN GZHAN DU MTHAR THUG PA MNGON PAR 'DOD PA YIN PA NI, MTHUR THUG PA BYAS PA NYID MA YIN NO, ,DE BZHIN DU GNAS SKABS GZHAN LA SBYOR BA BYAS NAS; SBYOR BA GZHAN GYI SKABS SU MTHAR THUG PA NYID DO, ,DGRA BCOM PA MA YIN PA'I GNAS SKABS SU SBYOR BA BYAS NA DGRA BCOM PA NYID THOB PA NI GSOD PAR BYED NA DE LA PHAM PA SKYED PAR BYED PA MA YIN PAR 'GRUB BGO ZHES BYA BA LA SOGS PA'O, ,NYES PA DE MED PA NYID LA 'ONG BA NI THA DAD DO ZHES BYA BA NI DE LA NI DE'I LAS KYI NYES PA SKYED PA MA YIN PA DE BAS NA NYES PA DE MED PA'O, ,DE NYID KYI GNAS SKABS CAN DU GYUR PA NI THA DAD PA'O, ,GANG ZHIG DER DE'I NYES PA NYID LA BYAS PA DANG, GANG YANG DE'I NYES PA NYID MA YIN PA DANG, GANG YANG SLAR DE'I 'OG TU NYES PA DE YOD PA LA

56a

, ,DE DAG NI PHAN TSUN THA DAD PAR SHES PAR BYA'I GCIG PA NYID MA YIN NO, ,DUS MA YIN PA KHO NA STAN BRTZAMS NAS NGAL SO BAR BYED PA DE YANG BSNYEN PAR RDZOGS PAR BYAS NAS DUS MA YIN PA KHO NAR ZIN PAR BYED PA'O, ,BUD MED DU GYUR NAS YANG SKYES PA NYID THOB NA THA DAD PA NYID DO, ,GAL TE YANG BSAM PA THAG PA NAS GTANG BA GANG YIN PA DE NI MA SKYES PA NYID DU GYUR NAS DE LTA BU YANG THA DAD PA NYID KYIS SNGA MA DANG PHYI MA'I CHA GANG DAG LAS LTUNG BA'I BYED PA PO NYID DO, ,GTZO BO MA YIN PAS BTANG BA DANG, GANG ZHIG DE'I SNGA MA PHYED BYAS SAM BYED PA LA GANG ZHIG DE'I PHYI MA DANG RAB TU BYUNG NAS YANG BSNYEN PAR RDZOGS PA LA THOG MA NYID DU STAN GZHAN BYAS PA'I DBANG GIS DUS MA YIN PA NYID DU RIG PAR BYA'O, ,DGE SLONG MA NYID LAS YANG LTUNG BAR SNGAR BYAS PA LA YANG NGO, ,BTANG BA LA YANG NGO ZHES BYA BA NI LAS GANG BRTZAMS PA DE MA ZIN PAR DE YANG DE'I CHAD PA'O; ,SNGAR BYAS PA LA DE TZAM NYID DO, ,YANG LAS GZHAN NYID NI BYAS PA NAS BRTZAMS TE KHANG PA'AM STAN BRTZAMS NAS BTANG STE, YANG BYED NA SNGA MA DANG PHYI MA NYID LA LTUNG BA'I BYED PA PO NYID DO, ,GZHI GCIG LA DU MA NYID BCAS PA LA NI JI SNYED KYI NYES PAR 'GYUR RO ZHES BYA BA NI GANG DU GZHI GCIG LA DU MA NYID THOB PAR 'GYUR BA NI 'DI LTA STE DPER NA BRDZUN DU SMRA BA DANG, SKYON NAS SMRA BA DGAG PA LA NI MA YIN NO, ,BSNYIL BA DANG LHAN CIG ZHAG GSUM NYAL BA LA'O, ,DGE TSUL BSNYIL BA DANG BUD MED BSNYEN PAR MA RDZOGS PA DANG LHAN CIG ZHAG GSUM NYAL BA LA BCAS PA STE; DE LA LTUNG BYED DO, ,'DIR GZHUNG KHA CIG LAS NI, ZHAR BA LONGS SHIG CES ZER BA LA ZHER BA MA YIN NA LTUNG BYED GNYIS SU 'GYUR TE, SHES BZHIN DU BRDZUN SMRA BA DANG MI'I SKYON NAS SMRA BA LAS SO, ,DGE SLONG GIS DGE SLONG MA BRAM ZE'I RIGS CAN MO LA KHYOD KYIS 'DREG MKHAN GYI LAS BYAS SO ZHES SMRAS NA LTUNG BYED DANG NYES BYAS SU 'GYUR TE, SHES BZHIN DU BRDZUN DU SMRA BA LAS LTUNG BYED DANG SKYON NAS SMRA BA LA NYES BYAS SO, ,DGE SLONG MA RGYAL RIGS KYI RIGS CAN MO LA YANG DE BZHIN NO ZHES GSUNGS PA DANG, DGE SLONG BSNYEN PAR MA RDZOGS PA'I GANG ZAG DANG LHAN CIG DGUNG

56b

GSUM NYAL BA LA LTUNG BYED GNYIS 'BYUNG BA 'GA' MCHIS SAM, YOD DE ZHAG GNYIS DGE TSUL DANG NYAL BA, ZHAG GSUM PA LA KHYIM PA MO DANG LHAN CIG NYAL BA LA'O ZHES BYA BA LA SOGS PA GSUNGS PA YIN NO, ,DE'I CHA NI DER GTOGS SO ZHES BYA BA NI GANG ZHIG KHA NA MA THO BA NI DE'I CHA ZHES BYA BA SHAN NAM LHAG MA NI DE DANG GZHAN MA YIN NO, ,MI TSANGS PAR SPYOD PA'I CHA GANG ZHE NA, KHU BA 'BYIN PA DANG, LUS KYI REG PA DANG, 'KHRIG PA DANG LDAN PA SMRA BA DANG, KUN SPYOD BSNGAGS PA DANG, SMYAN BYED PA DANG, DGE SLONG MA NYE DU MA YIN PA LA GOS RNYING PA 'KHRUR 'JUG PA DANG, LEN PA DANG DE LAS GZHAN PA'I GOS KYI LAS BYED PA DANG, 'DIS BAL RMEL DU 'JUG PA DANG, RIG PA'I SKYES BU MED PAR TSIG DRUG GAM LNGA LAS LHAG PAR CHOS STON PA DANG, MA BSKOS PAR GDAMS NGAG LA SOGS PA STON PA BCU DANG, BZA' BA ZA BA'I DUS SU KHYIM DU 'DUG CING MI GNAS PA DANG, KHYIM DU ZA BA'I PHYIR 'DUG STE MI GNAS PA DANG, DGE TSUL DANG, DGE TSUL MA LA BYIN PA DANG, KHYIM DU LHAN CIG NYAL BA DANG, LAM DU 'GRO BA DANG, SKYES PA MED PAR BUD MED DANG LHAN CIG GRONG DU 'JUG PA DANG, NYE DU MA YIN PA'I GRONG DU 'GRO BA DANG; DGE SLONG LAS BLANGS TE ZA BA DANG, DGE SLONG MA'I MING GIS NGES PA DANG BCAS PAS KHYIM DU 'GRO BA DES BYA BA LA PA'O, ,SNGAR MA GNANG BA'I STAN LA 'DUG PA LA 'DUG PA LA 'DI YIN NO, ,MA BYIN PAR LEN PA'I CHA GANG YIN ZHE NA, BYIN PA PHROGS TE SPYOD PA DANG, MA GNANG BAR STAN LA 'DUG PA DANG, PHYIR MA BLANGS PAR SPYOD PA DANG, SO SOR BSDUS NAS LONGS SPYOD PA DANG, BSNGOS PA LAS BSGYUR BA DANG, SKROD PA DANG, SBED PA DANG, RKUN MA DANG LHAN CIG LAM DU 'GRO BA'O, ,MI GSOD PA'I CHA GANG ZHE NA, RTZOD PA DANG BCAS PA'I GZHI MI GTONG BA DANG, SA BON GYI TSOGS DANG, SKYE BA'I TSOGS 'JIG PA DANG, MTHO 'TSAMS PA DANG, PHYIS GNON BYAS NAS 'DUG PA DANG, BSGO BA BCAG PA DANG, RTZA BA 'BYUNG BA LA 'DUG PA DANG, SROG CHAGS DANG BCAS PA LA SPYOD PA DANG, DMAG LA LTA BA DANG, DMAG GI NANG NA GNAS PA DANG, BSHAMS PA

57a

, ,DKRUG PA DANG, BRDEG PA DANG, GZAS PA DANG, ZAS GCOD DU 'JUG PA DANG, DUD 'GRO GSOD PA DANG, 'GYOD PA SKYED PA DANG, GA GA TSIL BYED PA DANG, SNGAS PAR BYED PA DANG, SA BRKO BA'O, ,MI'I CHOS BLA MA SMRA BA'I CHA GANG ZHE NA, 'DI LTA STE DPER NA PHAM PAR 'GYUR BA DANG, DGE 'DUN LHAG MA GNYIS KYIS 'DUN PA LA SOGS PA 'GRO BAR BRJOD PA'I TSIG STE, JI LTAR BRTZAMS PAS BSHES NGOR BYED PA DANG, 'PHYA BA DANG, GZHOGS 'PHYAS BYED PA DANG, DGE 'DUN GYI DBYEN DANG, BRDZUN GYI LHAG MA DANG, MI'I CHOS BLA MA BDEN PAR SMRA BA'O, ,PHAM PAR 'GYUR BAS SKUR PA 'DEBS PA'I CHA GANG ZHE NA, DGE 'DUN LHAG MAS SKUR PA 'DEBS PA'O, ,DGE 'DUN GYI DBYEN BYED PA'I CHA GANG ZHE NA, DGE SLONG LA PHRA MA BYED PA DANG, SKYO SDOGS BYED PA DANG, DAD PA'I PHYIR BSGYUR BA DANG, LAS LAS 'DA' BAR BYED PA DANG, LTA BAR GYUR PA MI 'DOR BA DANG, BSLAB PA LA MA GUS PA DANG; 'DUS SHING ZA BA DANG, SPANGS PA'I RJES SU PHYOGS PA DANG, TSIG MI SNYAN PAS BSLAB PA LA KHYAD DU GSOD PA'O, ,GSOG 'JOG BYAS PA ZA BA'I CHA NI DGE SLONG GIS BTZOS PA ZA BA'I MTHAR THUG PA'O, ,DE LTA BAS NA CHA'I NGO BO NYID CES BYA BA NI MI TSANGS PAR SPYOD PA SPYAD PA'I PHYIR 'GRO BA GANG YIN PA DE NI NYES BYAS SO, ,BDAG NYID KYI KUN DU SPYOD PA BSNGAGS PA GANG YIN PA DE NI DGE 'DUN LHAG MA'O, ,GNAS NGAN LEN SMRA BA GANG YIN PA DE NI GZHAN MA YIN NO, ,BDAG NYID KYI DON DU BUD MED LA GZHOL BA GANG YIN PA DE NI PHAM PAR 'GYUR BAR GTOGS PA'I SBOM PO'O, ,KUN DU SPYOD PA BSNGAGS PA'I DGE 'DUN LHAG MAR GTOGS PA'I NYES BYAS SO, ,'KHYUD PA DANG 'O BYED PA DANG NYAL BA DANG MTSAMS KYI PHYI ROL DU 'GYUR BA DAG GANG YIN PA DE NI LUS KYI REG PA'I BDAG NYID GZHAN YIN NO, ,MTSAN GYI NANG DU REG PA LA NYAL TE RMA NYAMS PA MA YIN PA GANG YIN PA DE NI PHAM PAR 'GYUR RO, ,GAL TE NYAMS PA YIN NA GZHAN DANG LHAN CIG RTZOD PA NA MA BYUNG BA'I MDUN ROL DU NI SBOM PO'O, ,BYUNG NA NI DGE 'DUN LHAG MA'O, ,MDO 'DIS NI DE'I CHA MA BRJOD PA CUNG ZAD KYANG MA BRJOD KYI HA CANG THAL BA DE DMIGS KYIS BSAL BAR BYED DE KHU BA 'BYIN PA LA SOGS PA MI TSANGS PAR SPYOD PA SPYAD PAR GTOGS PA'I SBOM PO LA

57b

SOGS PA LA KHA NA MA THO BA GZHAN DU THAL BAR 'GYUR BA STE, DE'I CHA NI DAR GTOGS SO ZHES BYA BA'I MDO 'DIS SBOM PO LA SOGS PA KHA NA MA THO BA GZHAN DU 'GYUR BA DMIGS KYIS BSAL BA 'DI BYAS PA YIN NO, ,PHYUNG BA THAMS CAD LA MTHA' NYID MA GTOGS PA NI DGE 'DUN LHAG MA'O ZHES BYA BA NI DPER NA SPYAD MI BZOD PA'I BUD MED DANG LHAN CIG NYAMS PAR BYED PA DANG, MGO BCAD PA'I KHA LA SOGS PA DAG TU NYAMS PAR BYED PA NI SBOM POR 'GYUR RO ZHES BYA BA LA SOGS PA ZHU BA KHA CIG DANG GZHAN DAG LAS KHU BA 'BYIN PA'I RNAM PA GSUNGS PA DAG GAM, DE THAMS CAD LA THA MA NYID MED PA LA KHU BA 'BYIN PA'I 'DUN PAS KHU BA 'BYIN PA LA PHAM PA NYID MA YIN PA THAMS CAD DU NI KHU BA 'BYIN PA'I DGE 'DUN LHAG MAR SHES PAR BYA'O, ,MDO 'DI NI SNGAR DE'I CHA NI DER GTOGS SO ZHES BSTAN PA DE'I SPROS PA 'DI YIN NO, ,'DIR GANG DAG DGE 'DUN GYI LHAG MAR MI 'GYUR TE, MI TSANGS PAR SPYOD PA'I SKABS NYID KYI PHYIR 'DI SNYAM DU SEMS PA DE'I BSAM PA BZLOG PA'I PHYIR SMOS SO, ,SBYOR BA GANG LA LTUNG BA RNAM PAR MA BZHAG PA DE LA NA SMAD PA'I LTUNG BA RNAM PAR GZHAG PA YANG YOD DE, GANG DU RNAM PAR GZHAG PA DER LTUNG BYED DO, ,MI TSANGS PAR SPYOD PA'I BSAM PAS BUD MED KYI TSOGS LA REG PA LA NI DGE 'DUN LHAG MA YIN TE, SBYOR BA DER GTOGS PA GANG ZHE NA, GANG NAS BRTZAMS TE DE DANG 'DRA BA'I KHU BA 'BYIN PA'I MTHAR THUG PA NYID DE NAS BRTZAMS TE, DGE 'DUN LHAG MAR 'GYUR BA DANG, SBYOR BA SNGA MA NI PHAM PAR 'GYUR BA'I SBYOR BA ZHES BYA'O, ,DE LTAR DE LA NYES PA SBOM PO GNYIS SU 'GYUR TE, PHAM PAR 'GYUR BA DANG DGE 'DUN LHAG MAR 'GYUR BA'I ZHES BYA BAR RIG PAR BYA'O, ,'DIR GZHUNG KHA CIG LAS, GZHI THAMS CAD LA 'DI 'BYUNG BA YIN TE, BUD MED JI LTA BU DANG MI TSANGS PAR SPYOD PAR BGYID NA MTHAR 'GYUR LAGS, YAN LAG THAMS CAD DANG DU BLANG DU RUNG BA GANG YIN PA DANG NGO, ,DE BZHIN DU DUD 'GRO'I SKYE GNAS LA YANG BRJOD PAR BYA'O, ,GAL TE DANG DU BLANG DU MI RUNG NA DE DANG LHAN CIG NYAMS PAR BYED PA DE LA KHU BA 'BYUNG NA NI DGE 'DUN LHAG MAR 'GYUR RO, ,GAL TE KHU BA MA PHYUNG NA NI NYES PA SBOM POR 'GYUR RO ZHES BYA BA LA SOGS PA GSUNGS PA YIN NO, ,

58a

, ,GZHUNG GZHAN LAS KYANG RE ZHIG JI TZAM GYIS NA SBUBS NYAMS PAR BRJOD PAR BGYID, GANG GI PHYIR DE'I RMA'I THAN KOR NYAMS PAR 'GYUR NA STE, DE NYAMS PAR BYED NA NYES PA SBOM POR 'GYUR RO, ,KHU BA 'BYIN PA NA NI DGE 'DUN LHAG MAR 'GYUR RO ZHES GSUNGS PA YIN NO, ,BYA BA DU MA'I 'BRAS BUS LTUNG BA RNAM PAR MI GZHAG GO ZHES BYA BA NI BYA BA 'BRAS BU THA DAD PAS BAR DU CHOD PA'I 'BRAS BU THA DAD PA GRUB PA DU MA DAG GIS 'BRAS BU GCIG TU BSDUS PAS DNGOS GZHI'I LTUNG BA RNAM PAR MI GZHAG STE, DE DAG GI 'BRAS BU NI THA DAD PA NYID YIN NO, ,DPER NA NYUNG DU NYUNG DUR BRKUS PA GCIG TU BSDOMS PAS MA SHA KA LNGA LA SOGS PA'I TSAD DU CHOG PA GANG YIN PA DES PHAM PAR MI 'GYUR BA LTA BU DANG, KHANG PA CHUNG NGU MA BZHI BSDOMS NAS TSAD LAS LHAG PAR GYUR PA GANG YIN PA DES DGE 'DUN LHAG MAR MI 'GYUR BA LTA BU DANG, DE BZHIN DU GOS KYI DUM BU TSAD DU MI CHOG PA DU MA TSANG BAR BCANGS TE, DUS LAS 'DAS PAR SGRUB PA RNAMS LA SPANG BA'I LTUNG BYED DU MI 'GYUR BA LTA BU DANG, NYUNG DU NYUNG DU NAS RDZOGS PAR GYUR PA'I DON RNAMS LA DE BZHIN DU LAM NA BAL THOGS PA YANG NYIN RE ZHING CUNG ZAD CUNG ZAD DU KHYER BA'I LAM SPYIR BSDOMS PAS RGYANG GRAGS LAS 'DA' BA'O, ,DUS GZHAN DANG GZHAN DU TSIG RE RE SMRAS PA'I TSIG RNAMS SPYIR BSDOMS PAS TSIG LNGA 'AM DRUG LAS 'DAS PAR CHOS STON PA LTUNG BYED DU MI 'GYUR BA LTA BU'O, ,'DIR GZHUNG NI MA BYIN PAR LEN PA LAS, BCOM LDAN 'DAS KYIS DGE SLONG GIS MA SHA KA LNGA BRKUS NAS MTHAR 'GYUR RO ZHES GSUNGS PA DE LA, BTZUN PA RE ZHIG DGE SLONG GIS BRKUS PA DE LA MA SHA KA BRGYA 'AM STONG SNYED BRKUS KYANG MTHAR MI 'GYUR BA MCHIS SAM, YOD DE MA SHA KA BA NI BZHI RKU ZHING NAM YANG LNGA MA YIN TE, SBYOR BA LA NI NYES PA SBOM PO RE RER 'GYUR RO ZHES GSUNGS PA YIN NO, ,BYE BRAG MED PA'I PHYIR THAMS CAD KYI DBANG DU NYE BAR SBYAR RO, ,PHYED BYAS PA LA BYED PA NI PHYED NYID DO ZHES BYA BA LA 'DIR PHYED BYAS PA LA ZHES BYA BA'I PHYED KYI SGRA NI YAN LAG GI TSIG STE, LAS BRTZAMS PA PHYED BYAS PA DE LA BYED PA ZHES BYA BA LA LHAG MA SGRUB PAR BYED PA DE LA PHYED NYID DO, ,DE LAS DE'I SGRUB PA PHYED BYAS PA NYID YIN NO, ,BYA BA MA BRTZAMS PA LA NYES PA GANG YIN PA DE'I RJES LA DE'I TSIG CES BYA BA 'DI LA DE SGRUB PAR BYED PA'O, ,DPER NA GOS

58b

RNYINGS PA CUNG ZAD BCAGS PA ZHIG DGE SLONG MA NYE DU MA YIN PA LA 'CHAG TU BCOL NA NYES BYAS SU 'GYUR BA LTA BU DANG, LUG GI BAL CUNG ZAD BKRUS SAM PHYED BKUR BAR BYAS PA DAG RMEL DU BCOL NA NYES BYAS SU 'GYUR BA LTA BU DANG, 'KHRUR BCOL TAM 'TSED DU BCOL BA 'DI GNYIS KA DANG, BKRUS PA DANG BTZOS PA GNYIS KA DAG LA RANG BZHIN RNAM PAR 'GYUR BA SRIN BAL RNYID PA DANG LUG GI BAL RNYING PA DANG, LUG GI BAL RNYING PA NAG PO LAS BYAS NA NYES BYAS SU 'GYUR BA LTA BU'O, ,KHA NA MA THO BA SMAD PA DAG GIS CHA NYID NI NA SMAD PA NYID YIN NO ZHES BYA BA NI DE LTA BU'I KHA NA MA THO BA DAG GI CHA NI NA SMAD PA NYID YIN TE, NA SMAD PA'I CHAR GYUR PA NYID DU BLTA BAR BYA'O, ,DPER NA NYES PA SBOM PO DANG, LTUNG BYED DANG, SO SOR BSHAGS PAR BYA BA DANG NYES BYAS RNAMS KYIS SKUR BA BTAB PA LAS NYES BYAS SU 'GYUR BA LTA BU'O, ,MTSAMS MED PA GSUM PO PHA BSAD PA DANG, MA BSAD PA DANG, DGRA BCOM PA BSAD PA RNAMS KYIS SKUR PA 'DEBS PA GANG YIN PA DE LA NI DGE 'DUN LHAG MAR 'GYUR RO, ,DGE 'DUN GYI DBYEN BYED PA DANG, DE BZHIN GSHEGS PA LA NGAN SEMS KYIS KHRAG PHYUNG BA'I MTSAMS MED PA GNYIS PO DAG GIS SKUR PA 'DEBS PA DE LA SBOM PO'I LTUNG BAR MI 'GYUR TE, DE LA NI NYES BYAS NYID YIN NO, ,THAMS CAD LA THE TSOM ZA BAS ZHUGS PA NI BSAM PA DANG BCAS PA YIN NO ZHES BYA BA NI THE TSOM ZA BZHIN DU 'DI YIN NAM 'ON TE MA YIN, 'DI BDAG GI PHA YIN NAM 'ON TE MA YIN, 'DI DGRA BCOM PA YIN NAM 'ON TE MA YIN, 'DI DE YIN NAM 'ON TE MA YIN ZHES BYA BA LA SOGS PAR GZHI THAMS CAD LA ZHUGS PA GANG YIN PA DE NI BSAM PA DANG BCAS PAS GNAS PA YIN NO, ,GANG ZHIG YANG DE'I MDUN DU STE, THAMS CAD DU MA YIN NO, ,DE LA YANG DE'I TSE NA GNAS PA ZHES BYA BA'I DON TO, ,BSAM PA DANG BCAS PA NI DGOS PA STE NGES PA'I BSAM PA'O, ,NGES PAR 'DI LA DER YANG NYE BAR MI SDUD PA NI, GANG YANG DE YIN YANG RUNG MA YIN YANG RUNG GIS SNYAM PA'I BSAM PAS GNAS PA STE, DE 'DI YIN NAM 'ON TE MA YIN SNYAM NAS GSOD PA LA JI LTAR GSOD PAR BYED PA LA LTUNG BYED DO, ,'DI NI MI KHO NA STE, 'DI NI MI MA YIN SNYAM PAS GSOD PA LA PHAM PA KHO NA YIN TE, 'DI NI MI YIN TE MI MA YIN PA MA YIN SNYAM NAS, 'DI NI DGRA

59a

, ,BCOM PA STE, DGRA BCOM PA MA YIN PA NI MA YIN NO SNYAM PAS MA LA SOGS PA GSOD PA LA MTSAMS MED PA'I LAS KYANG NGO, ,GANG LA BDAG CHAGS PA DE 'DI YIN NAM 'ON TE MA YIN, 'DI NI BUD MED YIN NAM 'ON TE MA YIN SNYAM DU DNGOS PO JI LTA BAR 'DU SHES PAR MA GYUR PA'O, , SBYOR BA LA NI 'DU SHES YAN LAG YIN NO ZHES BYA BA NI SBYOR BA LA 'DU SHES YAN LAG YIN GYI DON NYID MA YIN TE, DPER NA DUD 'GRO NI MIR 'DU SHES PAS BSAD NA DE'I DON GYI SBYOR BA LA SBOM PO NYID DU 'GYUR BA DANG, MI MA YIN PA LA MIR 'DU SHES PA'I PHYIR DE NYID KYIS BSAD NA SBYOR BA SBOM POR 'GYUR BA DANG; DE MA BYIN PAR LEN PA DANG, CHOS BLA MA DANG LUS KYI REG PA LA SOGS PA DAG LA YANG DE BZHIN DU CI RIGS PAR SBYAR RO, ,BSAMS PA NI DE NYID DO ZHES BYA BA NI SEMS CAN NAM RDZAS LA BSAMS TE, ZHUGS GANG YIN PA LA NI BSAMS PA'I DON GYIS RANG GI NGO BO NYID YAN LAG DE NYID DO, , GAL TE DON DE NYID YIN NA GANG LA BRTZAMS TE, 'JUG CING BSAMS TE ZHUGS PA'I YAN LAG DE NYID YAN LAG YIN NAM, DE'I TSE DNGOS GZHI'I LTUNG BA 'GRUB PAR 'GYUR RO, ,'DI LTA STE DPER NA GNYIS 'KHOD PA LAS GCIG GSAD PAR BYA'O SNYAM PA LAS CIG SHOS BSAD PA DANG, DGRA BCOM PA GSAD PAR BYA'O SNYAM PA LAS DGRA BCOM PA MA YIN PA BSAD PA DANG, MA ZHES BYA BA PHA MA GNYIS DANG DGRA BCOM PA LA SOGS PA ZHES BYA BA DGRA BCOM PA LA SOGS PA LA'O, ,MI GSAD PAR BYA'O SNYAM PA LAS MI MA YIN PA BSAD PA DANG, MI MA YIN PA GSAD PAR BYA'O SNYAM PA LAS MI BSAD PA LA SOGS PA NI SBYOR BA'I LTUNG BA KHO NA YIN GYI DNGOS GZHIR MI 'GYUR RO, ,DE BZHIN DU DUD 'GRO BSAD DO SNYAM PA LAS MI BSAD NA YANG NYES BYAS SO, ,RTZIG PA DANG, KA BA DANG SHING LJON PA LA SOGS PA SEMS MED PA GCAD DO SNYAM PA LAS, MA LA SOGS PA BSAD NA YANG SBYOR BA'I NYES BYAS SO, ,KA BA LA BRDEG PAR MI BYA ZHES BYA BA'I MTSAN NYID DER GTOGS PA'I SBYOR BA'I NYES BYAS SO, ,MI LA SOGS PA BSAD PA LA NI SBYOR BAR YANG MI 'GYUR LA, DNGOS GZHIR YANG MI 'GYUR RO, ,MI TSANGS PAR SPYOD PA DANG KHU BA 'BYIN PA GNYIS LA NI DER MA ZAD DO ZHES BYA BA NI, GNYIS PO DE DAG LA NI BSAM PA 'BA' ZHIG YAN LAG MA YIN PAR MA ZAD

59b

KYI; BSAM PAS MA YIN PA'I DON GZHAN BUD MED LA SOGS PA BSTEN PA LA YANG PHAM PA'O, ,BSAM PA MA YIN PA'I BRAM ZE'I BU MOS YAN LAG LA DRUD PAS KHU BA BYUNG BA LA YANG DGE 'DUN LHAG MAR 'GYUR LA, SEMS CAN DU BGRANG BA MA YIN PA LA YANG SBOM POR 'GYUR RO, ,REG PA BDAG GIR BYED PA 'DI GNYIS PA DE DANG LDAN PA NYID KYI PHYIR RO, ,MI BDEN PA LA NI NYAN PA PO YANG NGO ZHES BYA BA LA DER MA ZAD DO ZHES BYA BA'I RJES BSNYAG PA'I PHYIR YANG NGO ZHES BYA BA'I SGRA SMOS SO, ,MI BDEN PA LA ZHES BRDZUN DU SMRA BA'I YUL YANG BSAMS PA YAN LAG YIN PAR MA ZAD KYI, MA BSAMS PA YANG YAN LAG YIN TE, NYAN BA PO MA BSAMS PA GZHAN LA YANG MI CHOS BLA MAR 'GYUR BA'I BRDZUN DU SMRAS NA DE YANG PHA MA PAR 'GYUR LA, GZHAN DAG LA NI LTUNG BYED DU 'GYUR RO, ,YAN LAG THAMS CAD DANG DU BLANG DU RUNG BDAG NI BSTEN PA'I PHYIR MTHU DANG LDAN PA NYID YIN NO ZHES BYA BA NI MI TSANGS PAR SPYOD PA DANG LUS KYI REG PA LA SOGS PA'I YUL LA DE BSTEN PA'I PHYIR DANG MTHU DANG LDAN PA NYID YIN PAR KHAS BLANGS PA DE NI DE'I NGO BO'O, ,'OG MA DAG LA NI GZHAN LA NI SMAD PA NYID DO ZHES BYA BA NI 'DI MAN CHAD NAS 'OG GI MDO LAS RDZU 'PHRUL GYI CHOS CAN NYID MA YIN PA NI REG PA MA YIN PA'I YAN LAG NYID YIN NO ZHES BYA BA LA SOGS PA'I PHYIR BSTAN PA RDZOGS PA'I BAR GYI MDO 'OG MA DAG LAS DE GZHAN LA NA SMAD PA NYID DO, ,DU MA MA TSANG BA LA NI DE BAS KYANG NGO ZHES BYA BA NI DE LAS KYANG MA TSANG BAS YAN LAG TU MA TSANG BA LA NI NA SMAD PA DE BAS KYANG NA SMAD DO, ,'DI LTA STE DPER NA LUS KYI REG PA DANG, GA GA TSIL BYED PA'I KHA NA MA THO BA NYID GNYIS LA REG PAR BYED PA DANG, REG PAR BYED PA'I LUS GNYIS KA LA YAN LAG YIN PAS RNAM PAR 'GYUR BA GCIG PA 'DI LA DE MA THAG PA'I TSIG GO, ,DE MA THAG PA DE LAS GZHAN ZHES BYA BA 'DI DANG SNGA MA BYED PA'O, ,RNAM PAR 'GYUR BA GNYIS KA LA YANG 'DIS NA SMAD PAR BYAS PA'O, ,MI LA DUD 'GRO YANG NGO ZHES BYA BA NI MI'I GNAS SU DUD 'GRO ZHES SMOS PA LA YANG NA SMAD PA DE SBYOR RO, ,DUD 'GRO DANG 'BREL PA LA NYES BYAS SU 'GYUR RO, ,'DI SMRA BA DANG BDAG NYID KYI KUN DU SPYOD PA BSNGAGS PA LA NYES BYAS SU 'GYUR GYI, JI LTAR MI MA YIN PA MTHU MED PA DANG LHAN CIG TU LUS KYI REG PA LA SOGS PA BYED PA LA NA SMAD DE, SBOM POR

60a

, ,'GYUR BA LTA BU MA YIN TE, DE BAS KYANG NA SMAD PA NYID YIN PA'O, ,DE BZHIN DU RDZU 'PHRUL GYI CHOS CAN NYID MA YIN PA NI REG PA MA YIN PA'I YAN LAG YIN NO ZHES BYA BA NI 'DI BSTEN PA LA DE NI REG PA MA YIN PA'I YAN LAG YIN NO, ,'DIR GZHUNG NI, 'DUL BYED DAG LAS 'DI NI DE'I RIM PA ZHES BYA BA 'DIS NI 'DIR BSDUS PA'O, ,SMRA BA'I SKABS NAS RDZU 'PHRUL GYIS RNAM PAR 'PHRUL PA'I CHOS CAN MO LA SMRAS NA SBOM POR 'GYUR RO, ,RDZU 'PHRUL GYIS RNAM PAR 'PHRUL BA'I CHOS CAN MO MA YIN PAS SMRA NA DGE 'DUN LHAG MA'O ZHES GSUNGS PA YIN NO, ,DE LA DANG PO RDZU 'PHRUL RNAM PAR 'PHRUL PA'I CHOS CAN LA MED PAS NA SMAD PA 'DI SHES SO ZHES BYA BA RNAM PAR GNAS PA YIN NO, ,DE BAS NA GCIG LA REG PAS 'DIR REG PA SPANG BA NYID KYI PHYIR CHOS 'DI LA 'JUG PA'I SBYOR BA 'DI GZHAN 'GA' ZHIG BSTEN PA DANG 'BREL PA LA NI MA YIN NO ZHES BYA BA THAMS CAD DU 'DU SHES PA'O, ,SMRA BA LA SOGS PA RNAMS LA RDZU 'PHRUL GYIS RNAM PAR 'PHRUL PA'I CHOS CAN LA NI SBOM POR 'GYUR RO, ,REG PA LA NI DGE 'DUN LHAG MA KHO NAR 'GYUR RO, ,REG PAR BYA BA NYID NI MA NYAMS PA'O ZHES BYA BA NI BSTEN PAR BYA BA'I LUS ZHES BYA BAR SBYAR RO, ,'DIR LUS KYI REG PA'I BDE BA NYAMS SU MYONG BA GTZO BO YIN PA'I PHYIR RO'I RNAM PAR GZHAG PA 'DI'O, ,'DIR DPER NA RMA DANG NAD LA SOGS PAS NYAMS PAS MTSAN MI MTHUN PA'I YAN LAG GIS LUS LA REG NA SBOM POR 'GYUR RO, ,SHU BA DANG G-YAN PA CAN DANG KHYI RNGO CAN GYIS REG NA YANG DE BZHIN DU SBOM PO'O, ,BDAG NYID KYI LUS DE LTAR 'GYUR NA NI NYES BYAS SO, ,RNAM PAR BSNGOS PA LA 'KHYUD PA LA NI SBOM PO'O, ,DE BZHIN DU RNAM PAR RANGS PA MO DANG, RNAM PAR 'BUS GZHIG PA MO DANG, RNAM PAR BAM PA MO DANG, RNAM PAR ZOS PA MO DANG, RNAM PAR DMAR BA MO DANG, RNAM PAR 'THOR BA MO NAS MI TSANGS PAR SPYOD PA'I PHAM PAR 'GYUR BA 'BYUNG BA DE TZAM GYI BAR DU 'DIR DAM DUM DU 'THOR BA NYID YIN PA KHAS BLANGS PAR RIGS SO, ,MTHU DANG LDAN PA NYID YAN LAG NYID YIN PA DE BAS NA 'DIR RO NYID LA NI SMAD PA MED PA'I PHYIR, DES NA RNAM PAR BSNGOS PA LA SOGS PA DAG LA SBOM POR GSUNGS SO, ,GA GA TSIL BYED PA LA YANG NGO ZHES BYA BA

60b

NI; SOR MOS GA GA TSIL BYED PA LA YANG REG PAR BYA BA LA YAN LAG NYID NI MA NYAMS PA'O ZHES BYA BA'I RJES SNYEG PA'I PHYIR YANG NGO ZHES BYA BA'I SGRA SMOS SO, ,'DI YANG 'DI LTA BU'I YAN LAG RNAMS LA GA GA TSIL BYED PA LA NI NA SMAD PA NYID DO, ,GNYIS KA'I LUS JI SNYED BSTAN PA DE LTA BU NYID LA NYAMS PA LA SOGS PA RNAM PAR GYUR PA LA 'DIR DON NYID KYI PHYIR, DE LTA BU'I REG PAR BYA BA LA YONGS SU MA RDZOGS PA GRUB PA LA DE LTA BU'I REG PAR BYA BA LAS KYANG GRUB PA'O, ,SEN MO DANG SO DANG SHA MED PA'I RUS PA DANG SPU DAG NI GZHAN DANG LDAN PA NYID DO ZHES BYA BA NI BSTAN PA DANG GA GA TSIL BYED PA GNYIS PO 'DI NI RNAM PAR 'GYUR BA NYID YIN NO; ,SEN MO DANG SO DANG SHA MED PA'I RUS PA DANG KENG RUS SU GYUR PA GZHAN DANG, SPU RNAMS LA YANG YAN LAG GZHAN GYIS REG PA DANG, GA GA TSIL BYED PA DAG LA NI GO RIMS BZHIN DU SBOM PO DANG NYES BYAS SU 'GYUR RO, ,'DI RNAMS KYIS KYANG YAN LAG GZHAN LA SEN MO LA SOGS PA RNAMS LA REG PA DANG GA GA TSIL BYED PA DAG LA NYES BYAS DANG NYES BYAS PHRA MOR 'GYUR RO, ,'DI RNAMS LA NI MNGON PAR ZHEN PA YONGS SU RDZOGS PAR 'GYUR PA DANG NYAMS PA LA SOGS PA'I RNAM PAR 'GYUR BA MED PA'I PHYIR NYES BYAS DANG NYES BYAS PHRA MOR 'GYUR RO, ,MI'I 'GRO BA NI THA SNYAD DU BYA BA NYID YIN NO ZHES BYA BA NI, MI'I 'GRO BA 'DI LA YOD PAS NA MI'I 'GRO BA PA'O, ,SROG CHAGS DANG LDAN PA DE LA THA SNYAD DU BYA BA NYID DO, ,SNOD DU GYUR PA'I DON DANG 'BREL PA SROG CHAGS SU GYUR PA RNAMS LA, 'DI LTAR MI'I 'GRO BAR SKYES PA RNAMS BSDUS PAR RIG PAR BYA'O, ,DE DANG 'BREL PA LHAG PAR SPYOD PA LA NI THA SNYAD DU RDZOGS PAR 'GRUB PA ZHES BYA BA'I DON TO, ,,DE'I PHYIR MI MA YIN PA MTHU DANG MI LDAN PA LA KUN DU SPYOD PA BSNGAGS PA NI SBOM PO'O, ,DE LA 'KHRIG PA DANG LDAN PA SMRA BA DANG, BDAG NYID LA KUN DU SPYOD PA BSNGAGS PA DANG, 'DI LA SMYAN BYED PA DANG, DE LA BRTEN PAR BYA BA NYID DANG, RTEN PAR BYED PA NYID GNYIS KA LA YANG 'DIR NYES BYAS SO, ,LHA DANG, KLU DANG, GNOD SBYIN DANG, DRI ZA DANG, MI 'AM CI DANG, YI DAGS DANG, SHA ZA DANG, GRUL BUM DANG, LUS SRUL PO LA SOGS PA RNAMS LA SLONG BA DANG, SO SO NAS SPAGS PA SLONG BA'I RNAM PAR RTOG PAS GOS THOB PA'O, ,DE RNAMS DANG

61a

, ,LHAN CIG TU MNGON MTSAN CAN GYI SPYOD PA DANG, NYO TSONG BYAS TE THOB PA DANG, DE DAG LAS RGYU SPUN SLONG PA DANG, RIG PA'I PHO DE RNAMS DANG LHAN CIG STON PA DANG, NYE BAR STON PA DANG, KLOG PA DANG, GNAS NGAN LEN BRJOD PA'I LTUNG BYED DO, ,'DIR STON PA'I MI'I CHOS BLA MA BRJOD PA DE DAG MO DANG LHAN CIG DBEN PA LA 'DUG PA DANG, DE DAG GIS BYED DU BCUG PA'AM, DE DAG DBANG BA'I 'DUG GNAS GCIG TU LHAS LA SOGS PA BYED DU BCUG PA DANG, LHAS LA SOGS PA DANG 'BREL BA'I KHYIM DU ZAN ZOS PA DANG, DE'I 'OG TU DE DAG LA LHUNG BZED DO GSUM TZAM LAS LHAG PAR LEN PA DANG, DE DAG LAS ZAS BSOD PA SLONG BA DANG, DE DAG LAS BZA' BA DANG BCA' BA NYID DANG 'DUG PA DANG, MI MA YIN MO DANG LHAN CIG KHYIM DU NYAL BA DANG, DE DAG DANG LHAN CIG LAM DU 'GRO BA DANG, MI MA YIN PA'I KHYIM DU SGO'I GTAN PA LAS 'DAS PA'I 'GRO BA LA NI NYES BYAS SO, ,RANG BZHIN NYAMS PA NI MA YIN NO ZHES BYA BA NI, MI'I 'GRO BA PA YIN YANG RANG BZHIN NYAMS PA SMYON PA DANG SEMS 'KHRUGS PA DANG, TSOR BAS NYAN PA RNAMS NI THA SNYAD DU BYA BA'I YAN LAG MA YIN NO, ,GO BAR BYA BA'I PHYIR THA SNYAD BYED PA NA RANG BZHIN DU MI GNAS PA'I DRUNG NAS, PHRIN BLANGS TE THA MAL PAR GNAS PA LA, PHRIN PAR BSKYAL ZHING SMYON PA LA, PHRIN PHYIR BSKYAL BA DANG, SMYON PA'I DRUNG NAS PHRIN BLANGS TE PHRIN PHAR BSKYAL ZHING SMYON PA LA PHRIN PHYIR BSKYAL BA LA NI SMYAN BYED PA LA SBOM PO ZHES BYA BA LA SOGS PAR SBYAR BA 'DI RTOGS PAR BYA'O, ,BLANGS TE THA MAL PAR GNAS PA LA SOGS PAS GNON PA SOGS LA NI RANG BZHIN DU GNAS PA SBOM PO'O, ,GZHAN NYID LA NI NYES BYAS SO, ,GZHI MED PA DANG BAG TZAM GYIS SKUR PA 'DEBS PA NI SMYON PA LA SOGS PA 'DI DAG GI DRUNG NA SBOM PO'O, ,MI SMYON PA DAG DANG LHAN CIG MNGON MTSAN CAN GYI SPYOD PA DANG NYO TSONG BYAS TE THOB PA DAG LA NYES BYAS SO, , DE DAG GI SKYON NAS SMRA BA DANG, DE DAG GI RTZOD PA LA SKYO SNGOGS BYED PA DANG, RIGS PA'I SKYES PA DE RNAMS DANG LHAN CIG BUD MED LA CHOS STON PA DANG, DE DAG DANG TSIG RE RE NAS KLOG PA DANG, MI'I CHOS BLA MA BRJOD PA DANG, DE RNAMS DBANG BA'I RNYED PA'AM DE RNAMS KYI RNYED PA YONGS SU

61b

SNGO BAR BYED PA DANG, SKUR PA 'DEBS PA DANG, 'DIR BSLAB PA LA KHYAD DU GSOD PA DANG, 'PHYA BA DANG, GZHOGS 'PHYAS BYED PA DANG, BSGO BA BCAG PA DANG, SKROD PA DANG, DE LTA BU'I DGE SLONG MA RNAMS LA STON PA DANG, CUNG ZAD TZAM GYI PHYIR STON TO ZHES GZHAN LA SKUR PA 'DEBS PA DANG, GOS SBYIN PA DANG BYED PA DAG LAS DE LTA BU'I DGE SLONG MA DAG DANG LHAN CIG LAM DU 'GRO BA DANG, GRUR 'JUG PA DANG, DE LTA BU'I BUD MED DANG, DGE SLONG MA DANG DBEN PA NA 'DUG PA DANG, 'DI RNAMS KYIS MGRON DU BOS PA BDAG GIR BYED PA DANG, DE LTA BU'I 'DUG GNAS SU NYI MA GNYIS PAR ZAN ZA BA DANG, 'DUG PA DANG, 'GRENG BA DANG DE LTA BU DAG GIS DMAG LA BLTA BA DANG, BSNYEN PAR RDZOGS PA DANG BCAS PA 'DI RNAMS LA YANG BSDIGS PA DANG, YO BYAD SBED PA DANG, GZHI MED PAR SKUR PA 'DEBS PA DANG, PHYIR MA BLANGS PAR SPYOD PA DANG, RKUN MA 'DI RNAMS DANG LHAN CIG LAM DU 'GRO BA LA NI NYES BYAS SO, ,MA NING DANG MTSAN GNYIS PA DAG NI DE DANG LDAN PA NYID DO ZHES BYA BA NI, DE GNYIS NI SMYON PA LA SOGS PA DANG LDAN PA NYID YIN TE, JI LTAR SMYON PA LA SOGS PA DAG LA THA SNYAD DU BYAS PA MA YIN PA BZHIN DU DE DAG LA YANG ZHES BYA BA'I DON TO, ,DE GNYIS KYI LUS LA 'DI DAG MA YIN PA NYID KYI PHYIR, SEMS LA YANG NYAMS PA 'DI DAG RO LTA BU'I LUS SU YID LA SNANG NGO, ,SEMS NI GDON GYIS BRLAMS PA DANG 'DRA BAR MI MA YIN PA NYID KYI YID LA NGES PAR 'BREL RGYU BAR DKA' BA NAD PA MA YIN PAR GYUR PA, SEMS GRAGS PAS 'GRO BZHIN PA MA YIN NO, ,DE LTAR YANG RNAM PA 'DI GANG YANG YIN TE, GANG ZAG 'DI RANG GI SEMS LA MI GNAS ZHES BYA BA LA SOGS PA 'DI RNAMS NI 'JIG RTEN PA RNAMS NI SNANG BA YIN NO, ,ZA MA NI DE LTA BU MA YIN TE, DE BAS NA 'DIR YANG CHO GA 'DI MED PA'O, ,MTSAN MED PA NI DE LTA BU NYID MA YIN PA STE, MA NING DE LAS LHAG PA MED PAS MA SMOS SO, , 'GRO BA MA YIN PA LAS RNAM PAR 'GYUR BA BSTAN PA'I DUS NA LTUNG BA'I BYED PA PO MA YIN TE, DE'I PHYIR 'DI LA MI'I 'GRO BAR BYAS PA RNAM PAR 'GYUR BA BSTEN PA'I DUS NA, DE YANG THA SNYAD DU BYAR MI RUNG BA NYID YIN NO, ,BUD MED DANG LDAN PA'I LUS KYI REG PA LA SOGS PA BSLAB PA'I GZHI 'DI RNAMS LA MA NING DANG

62a

, ,MTSAN GNYIS PA DAG GI RNAM PA BSTAN TO, ,RNAM PA DE LTA BU'I MTSAN GZHAN DON MED DO ZHES BYA BA NI, MTSAN GNYIS PA LA DON MED PA'O, ,MA NING NI MA NING PHO DANG, MA NING MO DANG, SPRUL BA YANG DE BZHIN NO ZHES BSTAN PA YIN TE, DE LAS GOS LA SOGS PA SLONG BA'I PHYIR MDO 'DI BYAS SO, ,DE'I PHYIR DE'I SKABS KYI DPE BRJOD PAR BYA STE, KHYIM BDAG DANG CHUNG MA MA NING DANG MTSAN GNYIS PA LA GOS SLONG BA SNGON DU 'GRO BA'AM, RNAM PAR RTOG PA SNGON DU 'GRO PAS GOS RNYED NA NYES BYAS SO, ,SBYIN BDAG DE GNYIS SAM THA GA PA GNYIS LAS RIN THANG SO SO BA DANG, 'THAG TU 'JUG PA DANG, 'THAG PA SKYED PA DANG, MA NING MO DANG, MA NING PHO DANG, GLE 'DAMS PA DANG MTSAN GNYIS PA NYAL PO BYED PAR SHAM PA'I KHYIM NA 'DUG PA DANG, 'GRENG BA DANG, DE DAG LA BRDEG PA DANG, GZAS PA DANG, MA NING PHO DANG, MA NING MO DANG, MTSAN GNYIS PA DANG LHAN CIG NYAL BA DANG, 'DIR MA NING PHO DANG MA NING MO GLE 'DAMS PA DANG, MTSAN GNYIS PA DANG LHAN CIG LAM DU 'GRO BA LA NYES BYAS SO, ,REG PA NI THA DAD DANG 'DRA'O ZHES BYA BA NI GSONG POR SMRA BAR GYUR PAS SMRA BA DANG, KUN SPYOD BSNGAGS PAR GYUR PA NI GO BAR GYUR PA YIN, NYAL PO BYED PAR SHAM PA'I KHYIM NA 'DUG PA DANG, SLONG BA DANG, DGA' BAR BYED PA DANG, LAD MO BYED PA DANG, DGA' BA'I RIM PA 'DI GANG YIN PA DER 'DI MED PA STE DE'I PHYIR MDO 'DI BYAS SO, ,MI MA YIN PA MTHU MED PA LA REG PA DANG, SMYOS PA DANG, SEMS 'KHRUGS PA DANG, TSOR BAS NYEN PA LA REG PA LA ZHES BYA BA 'DI BSTEN PA'O, ,PHYI ROL PA'I RAB TU BYUNG BA DANG, MA SKYES PA DANG NYAMS PA DAG NI PHYED NYID KHYIM PA'O ZHES BYA BA NI MA SKYES PA DANG BRAL BA DANG, NYAMS PA DAG GI PHYED NYID KHYIM PA'O ZHES BYA BA NI MA SKYES PA DANG, SKYE BA MA BRAL BA DANG, NYAMS PA 'DI PA'I RTAGS CAN KHYIM PA'O ZHES BYA BA SMOS PAS RAB TU 'BYUNG BA LTUNG BA MED PAR BYAS PA NYID DE 'DI RNAMS LA NI DE MA THAG PA'I TSIG BYAS PA NYID BYA BA'I DON TO, ,MU STEGS CAN GYI DGE SLONG LAS CHOS GOS DANG LHUNG BZED BLANGS TE THOB PA DANG, RIN THANG DANG, SO SO BA DANG, BSKUR BA DANG, SBYIN BDAG DANG, PHO NYA DANG, ZHAL LTA BA GANG YANG RUNG BA

62b

GCIG GAM DU MA PHYI ROL PA'I RTAGS CAN RAB TU BYUNG BA NYID DANG, DE BYED PA'I KHYIM DU BSOD SNYOMS GNYIS PA ZA BA DANG, SNGON LTUNG BA BYUNG BA DANG, DANG PO 'KHRUGS PA DANG, RKU THABS SU GNAS PA DANG, MA NING DANG, DGE SLONG MA SUN PHYUNG BA RNAMS DANG, LHAN CIG MNGON MTSAN CAN GYI SPYOD PA DANG, NYO TSONG BYAS TE SNYOMS PAR THOB PA LA YANG NYES BYAS SO, ,PHYI ROL PA'I RAB TU BYUNG BA LAS LHUNG BZED DO GSUM TZAM LAS LHAG PAR BLANGS TE ZOS PA LA YANG NYES BYAS SO, ,DE RNAMS DANG NYAL PO BYED PAR SHOM PA'I KHYIM NA 'DUG PA DANG 'GRENG BA LA YANG NYES BYAS SO, ,DGE SLONG DANG DGE SLONG MA BSNYEN PAR RDZOGS PA CAN MA NYAMS PA NYID NI BSLAB PA DAG LA YAN LAG YIN NO ZHES BYA BA NI, CHOS GZHAN PA'I RAB TU BYUNG BA NYID KYANG MA YIN LA DGE TSUL LA SOGS PA NYID KYANG MA YIN PA NI BSLAB PA RNAMS LA YAN LAG STE, MA SKYES PA DANG MA BLANGS PA DANG NYAMS PA BSNYEN PAR RDZOGS PA'I RTAGS CAN NYID KYANG MA YIN, DE'I DGE SLONG MA SUN PHYUNG BA DANG, SNGON BSNYEN PAR RDZOGS NAS PHAM BAR GYUR PA BYUNG BA NYID KYANG RAB TU BYUNG ZHING BSNYEN PAR RDZOGS PA LA GZHI MED PA DANG, BAG TZAM DAG GIS SKUR PA 'DEBS PA LA NI SBOM PO'O, ,DANG PO 'KHRUGS PA DANG, RKU THABS SU GNAS PA DANG, MI MA YIN PA DANG, LHA DANG, KLU DANG, GNOD SBYIN DANG, SRIN PO DANG, SHA ZA DANG, GRUL BUM DANG, LUS SRUL PO DANG, YI DAGS LA SOGS PA RAB TU BYUNG ZHING BSNYEN PAR RDZOGS PA RNAMS DANG, 'DI LAS PHYI ROL PA'I DGE SLONG RNAMS DANG, 'DI PA'I DGE SLONG MA DANG, DGE TSUL DANG, DGE TSUL MA RNAMS LA GZHI MED PA DANG, BAG TZAM GYIS SKUR PA 'DEBS PA LA YANG SBOM PO KHO NA'O, ,SNGON LTUNG BA BYUNG BA'I DGE SLONG MAS GOS RNYING PA 'KHRU BA LA SOGS PA DANG, SNGON RAB TU BYUNG BA MO DANG, DANG PO 'KHRUGS PA MO DANG, DGE SLONG SUN PHYUNG BA MO DANG, MI MA YIN PA MO RAB TU BYUNG ZHING BSNYEN PAR RDZOGS PA DANG, DGE SLONG MA DANG, DGE TSUL MA DANG, KUN DU RGYU MO LA SOGS PA 'DI LAS PHYI ROL PA'I DGE SBYONG MO LA SO SOR LEN PA DANG, DE LAS RNAM PAR RTOG PA THOB PA LA NYES BYAS SO, ,SNGON LTUNG BA BYUNG BA DANG, DANG PO 'KHRUGS PA DANG, RKU THABS SU GNAS PA DANG, MA NING DANG,

63a

, ,DGE SLONG MA SUN PHYUNG BA RNAMS LAS BYIN PHROGS BYED PA DANG, DE DAG GI SKYON NAS SMRA BA DANG, DE DAG LAS PHRA MA BYED PA DANG, DE DAG GI RTZOD PA LA SKYO SNGOGS BYED PA DANG 'DI LA RANG GI PHYOGS LA BSNYEN PAR RDZOGS PA NYID YOD PA LA YANG DE'I GNAS NGAN LEN PA DANG, SNGON LTUNG BA BYUNG BA DANG, DGE SLONG MA SUN PHYUNG BA DAG GI DRUNG DU 'DI DANG PHYI MA'I MI'I CHOS BLA MA BRJOD PA DANG, DGE 'DUN DE DANG 'BREL PA NYID DANG, 'DI RNAMS SKUR PA THOB PAR BYED PA NYID KYIS SKUR PA 'DEBS PA DANG, DE RNAMS LA DE'I BSLAB PA LA KHYAD DU GSOD PA DANG, DE DAG LA 'PHYA BA 'AM GZHOGS 'PHYAS BYED PA DANG, DE DAG GI RTZOD PA LA SKYO SNGOGS BYED PA DANG, DE DAG GI GTZUG LAG KHANG DU GNAS MAL MA BRTUL BAR 'GRO BA DANG, BTING BA MA DOR BAR 'GRO BA DANG, DE DAG GI GTZUG LAG KHANG DU DE DAG LA PHYIS GNOD PA BYED PA DANG, DGE 'DUN GYI GTZUG LAG KHANG NAS DGE SLONG MA NYAMS PA LA PHYIS GNOD PAR BYED PA DANG, DE DAG GI GTZUG LAG KHANG NAS DGE SLONG MA NYAMS PA SKROD PA DANG, DE DAG GI GTZUG LAG KHANG NAS KHRI'U RTZA BA 'BYUNG BA LA 'DUG PA YANG NYES BYAS SO, ,SNGON LTUNG BA BYUNG BA MO DANG, DANG PO 'KHRUGS PA MO DANG, RKU THABS SU GNAS PA MO DANG, DGE SLONG SUN PHYUNG BA MO DANG, 'GRO BA GZHAN DU GTOGS PA'I DGE SLONG MA LA MA BSKOS PAR STON PA DANG, ZANG ZING CUNG ZAD TZAM GYI PHYIR STON TO ZHES SKUR PA 'DEBS PA DANG, DGE SLONG MA DANG, DGE TSUL MA DANG, SNGON LTUNG BA BYUNG BA'I DGE SLONG RNAMS LA GOS BYIN PA DANG, DE DAG GI GOS BYED PA DANG, DE RNAMS DANG LHAN CIG LAM DU GRUR 'GRO BA DANG, DBEN PA NA 'DUG PA DANG 'GRENG BA DANG, DE DAG GIS SBYOR DU BCUG PA'I ZAS ZA BA DANG, DE DAG LA BRDEG PA DANG, GZAS PA DANG, GNAS NGAN LEN 'CHAB PA DANG, ZAN GCOD DU BCUG PA DANG, DE RNAMS LAS 'DUN PA PHYIR BSGYUR BA DANG, 'GYOD PA BSKYED PA DANG, GA GA TSIL BYED PA DANG, SDANGS PAR BYED PA YANG NYES BYAS SO, ,YO BYAD SBED PA NI CHOS 'DI PA'I RAB TU BYUNG BA DANG, BSNYEN PAR RDZOGS PA MA GTOGS PA'I GZHAN THAMS CAD KYI SBED PA LA NYES BYAS SO, ,CHOS 'DI PA'I SBED PA LA NI LTUNG BYED DO, ,DE DAG LAS NI BYIN PHROGS BYED PA DANG, GZHI MED PAR

63b

SKUR PA 'DEBS PA DANG, BSLAB PA LA NYE BAR 'JOG PA SPONG BA LA NYES BYAS SO, ,DGE TSUL DANG, DGE TSUL MA DANG, DGE SLONG MA RTZOD PA'AM, DE DAG DANG DGE SLONG DAG RTZOD PA LA NYAN RNA BYED PA LA YANG NYES BYAS SO, ,MI MA YIN PA RAB TU BYUNG ZHING BSNYEN PAR RDZOGS PA DANG, RTZOD PA LA NYAN RNA BYED PA LA YANG NYES BYAS SO, ,DGE TSUL DANG, DGE TSUL MA DANG, MA NING MO DANG, RKU THABS SU GNAS PA MO DANG DANG PO 'KHRUGS PA MO DANG DE'I DON DU SMRA BA NAS BLANGS TE, 'CHOS SAM ZOS NA YANG NYES BYAS SO, ,MTSAN DANG KHAS BLANGS PA DAG GIS NI RANG GI PHYOGS NYID KYI KHONGS SU GTOGS SO ZHES BYA BA NI, PHO DANG MO'I MTSAN DANG LTA BA MNYAM PA KHAS BLANGS PA DANG MA BLANGS PA DAG GI RANG GI PHYOGS KYI KHONGS SU GTOGS PA'I BSNYEN PAR RDZOGS PA GANG YIN PA LA BRTEN PA'I KHA NA MA THO BA'I BAR GYUR PAR RIG PAR BYA'O, ,JI LTAR RANG GI PHYOGS LAS LOG PAR BSGRUB PA SMAD PA NYID YIN PA DE LTAR GZHAN LA LOG PAR BSGRUB PA NI SMAD PAR BYA BA NYID MA YIN PA'I PHYIR RNAM PA DE LAS 'DI LTAR SHES SO, ,DE LTAR DGE SLONG MA RNAMS LA YANG THAMS CAD RNAM PA 'DI BZHIN DU RIG PAR BYA'O, ,'DIR DPE RNAMS BRJOD PAR BYA STE, KHAS BLANGS PAS KHAS MA BLANGS PA LA GOS BYIN NAS PHROGS PA DANG, KHAS MA BLANGS PAS KHAS MA BLANGS PA LA GOS BYIN NAS PHROGS PA DANG, DGE SLONG MA DANG DGE SLOB MA DAG LA SKYON NAS BRJOD PA DANG, DE GNYIS LA PHRA MA BYAS PA DANG, SKYO SNGOGS BYAS PA DANG, SMRA BA DANG, DGE DAG GI GNAS NGAN LEN BRJOD PA DANG, DGE SLONG MA'I DGE 'DUN DBANG BA'I RNYED PA DGE SLONG MAS BSHES NGOR BYAS TE GZHAN DU BSGYUR RO ZHES SKUR PA 'DEBS NA NYES BYAS SO, ,DE RNAMS KYI BSLAB PA LA KHYAD DU GSOD PA DANG, DGE SLONG MA'I DGE 'DUN GYI GTZUG LAG KHANG GI GNAS MAL MA BRTUL BAR 'GRO BA DANG, DGE SLONG MA'I GTZUG LAG KHANG DU PHYIS GNON BYED PA DANG, DE NAS SKROD PA DANG, DER RTZA BA 'BYUNG BA LA 'DUG PA DANG, KHAS BLANGS PAS KHAS MA BLANGS PA'I DGE SLONG MA RNAMS LA MA BSKOS PAR STON PA DANG, GOS BYIN PA DANG, GOS BYIN PA GNYIS DANG, KHAS MA BLANGS PAS KHAS BLANGS PA'I DGE SLONG MA RNAMS LA MA BSKOS PAR STON PA DANG, GOS SBYIN PA DANG, GOS BYED PA DAG PA DANG, KHAS MA BLANGS PAS KHAS BLANGS

64a

, ,PA LA ZANG ZING CUNG ZAD TZAM GYI PHYIR STON TO ZHES SKUR PA 'DEBS PA DANG, KHAS MA BLANGS PAS KHAS MA BLANGS PA LA KHAS BLANGS PA MO DANG LHAN CIG LAM DANG GRUR 'GRO BA DANG, KHAS BLANGS PAS KHAS MA BLANGS PA MO DANG KHAS BLANGS PA MOS SBYOR DU BCUG PA ZA BA DANG, KHAS MA BLANGS PAS SBYOR DU BCUG PA ZA PA DANG, KHAS MA BLANGS PAS KHAS BLANGS PA'I KHYIM NAS LHUNG BZED DO GSUM TZAM LAS LHAG PAR LEN PA DANG, KHAS BLANGS PAS KHAS MA BLANGS PA'I KHYIM NAS LHUNG BZED DO GSUM TZAM LAS LHAG PAR LEN PA DAG NI NYES BYAS SO, ,BYIN LEN NI RNAM PA THAMS CAD DU RANG GI PHYOGS KYI KHONGS SU GTOGS PA MA YIN PAS BYAS NA MA BYAS PA NYID DO, ,KHAS MA BLANGS PAS KHAS BLANGS PA'I ZAS BSOD PA BLANGS PA ZOS PA DANG, KHAS BLANGS PA'I ZAS BSOD PA KHAS BLANGS PAS ZOS PA DANG, DGE SLONG MA DANG, BSLAB PA BYIN PA MO LA BRDEG PA DANG, GZAS PA DAG DANG, DE GNYIS KYI GNAS NGAN LEN BCAS PA DANG, KHAS BLANGS PAS KHAS MA BLANGS PA LA 'DUN PA BYIN NAS KHAS BLANGS PAS KHAS MA BLANGS PA LA PHYIR BSGYUR BA DANG, KHAS MA BLANGS PAS KHAS BLANGS PA LA DGE SLONG MA DANG BSLAB PA MO LA 'GYOD PA BSKYED PA DANG SDANGS PAR BYED PA DANG, SKUR PA 'DEBS PA DAG DANG, KHAS BLANGS PAS KHAS MA BLANGS PA'I YO BYAD SBED PA DANG, BYIN PHROGS BYED PA DANG, KHAS MA BLANGS PAS KHAS BLANGS PA'I YO BYAD SBED PA DANG, BYIN PHROGS BYED PA DANG, KHAS BLANGS PAS KHAS MA BLANGS PA'I BSLAB PA LA NYE BAR 'JOG PA SPONG BA DANG, KHAS MA BLANGS PAS BLANGS PA LA NYE BAR 'JOG PA SPONG BA DANG, DAG SLONG MA DANG LHAN CIG DGE SLONG RTZOD PA BYED PA DANG, DGE SLONG MA RNAMS KYIS THUN MONG MA YIN PA STON PA LA KHO BO 'DI LA MI SLOB BO ZHES ZER BA DAG KYANG NYES BYAS SO, ,'DIR GTOGS PA LA KHYIM PA LA NI RTAGS CAN NYID KYIS NA SMAD DO ZHES BYA BA NI, DGE SLONG DANG, DGE SLONG MA NYID KYI RGYU MTSAN GYI KHA NA MA THO BA 'DIR GTOGS PA LA KHYIM PA RAB TU MA BYUNG BA'I GANG ZAG GI RTAGS CAN NI NA SMAD PAR YONGS SU MA RDZOGS PA NYID DO, ,JI LTAR 'DIR PHYI ROL PA'I RAB TU BYUNG BA LA NA SMAD PA BZHIN DU PHYI ROL PA'I RAB TU BYUNG BA'I RGYU MTSAN LAS NA SMAD PA DE BAS KYANG KHYIM PA LA CHES NA SMAD PAR

64b

SHES PAR BYA ZHES BYA BA'I DON TO, ,GZHI MED PA DANG BAG TZAM DAG GIS NI NYES BYAS PHRA MOR 'GYUR RO, ,KHYIM PAR GYUR PA'I SKYES PA DANG BUD MED LA SKUR BA BTAB PA MA YIN PA ZHES BYA BA 'DIS 'JUG PA KUN NAS THOB PA'I DON DUM DO 'DI BYAS SO, ,MI MA YIN PA RTAGS CAN MA YIN PA LA SKYON NAS SMRAS PA DANG PHRA MA BYAS PA LA NI NYES BYAS PHRA MO'O, ,MI MA YIN PA'I KHYIM PA RNAMS LA 'PHYA BA DANG, KHYIM PA'I GNAS MAL MA BRTUL BAR 'GRO BA DANG, GANG ZAG LA NI GANG ZHIG NYES BYAS SU BYAS PA DE'I BSOD NAMS MA YIN PAR RIG PAR BYA'O, ,MI MA YIN PA KHYIM PA RNAMS SKROD PA DANG, DE RNAMS LA BRDEG PA DANG, GZAS PA DAG DANG, KHYIM PA GZHAN GNYIS KA LA YANG SBYOR DU BCUG PA ZA BA DANG, DE DAG LA 'GYOD PA SKYED PA DANG, GA GA TSIL BYED PA DANG SKUR PA 'DEBS PA YANG NYES BYAS PHRA MO'O, ,'DIR MI MA YIN PA DAG DANG LHAN CIG PA'I DPE DAG LA RGYU GNYIS KYIS NA SMAD PAR SHES PAR BYA STE, KHYIM PA NYID YIN PA'I PHYIR DANG MI MA YIN PA NYID YIN PA'I PHYIR RO, ,RAB TU BYUNG BA'I RDZAS DAG LA NI RUNG BA NYID DANG TSAD DANG LDAN PA LA SOGS PA NYID DO ZHES BYA BA NI, GNYIS PO 'DI DAG NI DE RNAMS KYI YAN LAG GO, ,SOGS PA'I SGRAS NI MA CHOG PA LAN SMAD PA'I BYED PA PO NYID YIN GYI, LHAG PA LA NI MA YIN ZHES BYA BA'I DON TO, ,'DIR TSAD LAS LHAG PA YAN LAG YIN PA'I GZHUNG NI, SRIN BAL GYI STAN GYI SKABS NAS BDE BAR GSHEGS PA'I GDAN DANG TSAD BGYID NA LTUNG BA CIR 'GYUR, SPANG BA'I LTUNG BYED DO ZHES GSUNGS PA YIN NO, ,'DIR DGE TSUL LA SOGS PA DBANG BA'I RDZAS RNAMS LA YANG YO BYAD SBED PA DANG, GOS 'DRA BA LA SOGS PA LA CHO GA 'DI GZHUG PA'I DON DU RAB TU BYUNG BA'I RDZAS DAG LA ZHES SMOS SO, ,BSNYEN PAR RDZOGS PA'I ZHES MA SMOS SO, ,CHOS GOS GANG ZHIG TSAD LAS CHUNG BA DANG, RUNG BA MA YIN PA NYID KYI BA GLANG DANG RNGA MO LAS BYUNG BA DANG, RI DAGS KYI SPU DANG AA RA KA'I SHING BAL GYI RANG BZHIN NYID KYIS DE DANG 'DRES PA 'DI DAG LAS GZHAN PA GNYIS SAM GANG YANG RUNG BAS MI RUNG BA BYIN GYIS BRLAB PA DE BGOS PA LA NI NYES BYAS SO, ,ZHAG BCU LAS LHAG PAR 'CHANG BA DANG RNYING PA DGE SLONG MA NYE DU MA YIN PA LA KHRUR BCOL BA DANG, DGE SLONG MA NYE DU MA YIN PA

65a

, ,LAS BLANGS PA DANG, KHYIM BDAG DANG KHYIM BDAG GI CHUNG MA DAG LAS BLANGS PA DANG, BA GLANG GI SPU DANG GSO MA LA SOGS PA DANG BSRES PA'I SRIN BAL DANG, LUG GI BAL NAG PO SHAS CHE BA'I STAN BYED PA DANG, THA GA PAS MA BTAGS PA'I GOS DANG 'DRES BA'I STAN BYED PA LA MA CHOG PA NYID LAS KYANG NA SMAD PAR RIG PAR BYA'O, ,KHRUS BYED PA LA SOGS PA LA BA GLANG GI SPU DANG GSO MA LA SOGS PA DANG BSRES PA'I LUG GI BAL RNAMS DANG, LHUNG BZED KHA MA BSGYUR BA DKAR PO DAG ZHAG BCU LAS LHAG PAR 'CHANG BA DANG, 'KHRU BA LA RUNG BA DANG, RUNG BA MA YIN PA 'DI DPE BSTAN PA LA YANG LTUNG BYED 'BA' ZHIG TU MA ZAD KYI, SBYIN PAR BYED PA LA NYES BYAS SO, ,BRTAD BA LAS BYUNG BA ZHAG BCU LAS LHAG PAR 'JOG PA DANG, DBYAR GYI RAS CHEN RUNG BA MA YIN PA DUS LAS SNGAR TSOL BA DANG, DUS LAS YOL BAR 'JOG PA DANG, GNAS MAL MA GUS PAR 'GRO BA DANG, KHRI DANG KHRI'U RUNG BA MA YIN PA'I RUNG BA KHRI'U RKANG PA SOR BRGYAD LAS LHAG PAR BYED PA DANG, DE BZHIN DU RIN PO CHE'I KHRI'AM KHRI'U BYED PA DANG, ZAS RUNG BA MA YIN PA GSOG 'JOG BYAS PA DANG, BZA' BA DANG BCA' BA RUNG BA MA YIN PA GCER BU DANG, GCER BU MA LA SBYIN PA DANG, SBYIN DU 'JUG PA PO 'BA' ZHIG LAM ZAD KYI SBYIN PAR BYED PA LA YANG NYES BYAS SO, ,GOS RUNG BA MA YIN PA DANG, CHUNG BA KHA MA BSGYUR BAR GYON PA LA YANG NYES BYAS SO, ,LHUNG BZED RIN PO CHE LAS BYAS PA DANG, LHUNG BZED CHUNG BA DANG, CHUNG BA RUNG BA MA YIN PA'I CHOS GOS DANG RIN PO CHE LA SOGS PA LAS BYAS PA'I KHAB RAL LA SOGS PA BYED PA DANG, YO BYAD RUNG BA MA YIN PA SBED PA DANG, NOR BU DANG, BA SO DANG, RIN PO CHE LAS BYAS PA'I KHRI RKANG TSAD LAS LHAG PAR BYED PA DANG, RIN PO CHE LA SOGS PA RUNG BA MA YIN PA LAS BYAS PA'I KHRI DANG KHRI'U LA SHING BAL GYIS GOS PAR BYED PA DANG, GOS RUNG BA MA YIN PA DANG, AARKA'I SHING BAL DANG, RNGA MO'I BAL LA SOGS PA RUNG BA MA YIN PA'I STAN LA SOGS PA BYED PA LA YANG NYES BYAS SO, ,GOS RUNG BA MA YIN PA TSAD LAS CHUNG BA ZHAG BCU LAS LHAG PAR 'CHANG BA DANG, KHYIM BDAG DANG KHYIM BDAG GI CHUNG MA DAG LAS LEN PA DANG,

65b

LHUNG BZED GCIG SLONG BA DANG, GOS GCIG 'KHRUR 'JUG PA LA YANG NYES BYAS SO, ,GZHAN GYI DON DU BYIN PHROGS BYED PA DANG, BRTAD PA LAS BYUNG BA ZHAG BCU LAS LHAG PAR 'JOG PA DANG, DBYAR KYI RAS CHEN CHUNG NGU SNGAR TSOL BA DANG, PHYIS 'CHANG BA DANG, GNYIS KA LAS GCIG LEN PA LA YANG NYES BYAS SO, ,RANG GI DON DE NYID GTZO CHER YOD PA'O ZHES BYA BA NI, RANG GI DON DE NYID GTZO CHER YOD PA DE NI DE NYID GTZO CHER YOD PA DE LA RANG GI DON NYID YAN LAG STE, GANG GI PHYIR BSGRUB PAR GYUR PA YONGS SU RDZOGS PA'I DON 'DI YIN, DE YONGS SU RDZOGS PA LAS KYANG DNGOS GZHI DANG MTHA' GNAS PAR RNAM PAR GZHAG PA'O, ,'DIR DPE BRJOD PAR BYA STE, GZHAN GYI DON DU SPROD PA LAS BYUNG BA 'KHRIG PA DANG LDAN PA SMRA BA DANG, KUN SPYOD BSNGAGS PA DAG NI SBOM PO'O, ,'KHRUR 'JUG PA LA SOGS PA DAG LA NI NYES BYAS SO, ,GOS DANG BAL RNAMS LA DGE 'DUN GYI DON DU BYED DU 'JUG PA YANG GZHAN GYI DON KHO NA YIN TE, RANG DANG GZHAN GNYIS KA'I DON DU DGE SLONG GZHAN GCIG GAM DU MA'I DON DU NYE BAR 'DU BYAS PA'I GOS LA NI NYES BYAS SO, ,DE'I 'OG TU YO BYAD GANG RNAMS LA RNAM PAR RTOG PAS THOB PA LA YANG NYES BYAS SO, ,DE BZHIN DU DGE SLONG MA DANG DGE SLOB MA DANG, DGE TSUL DANG DGE TSUL MA DANG, DGE SBYONG DANG BRAM ZE GZHAN DAG DANG, SNGON LTUNG BA BYUNG BA LA SOGS PA DAG GI DON DU BYED DU BCUG PA LA YANG NGO, ,DGE SLONG GZHAN GCIG GAM DU MA'I DON DU SRIN BAL DANG BAL NAG PO 'BA' ZHIG DANG CHA GNYIS LAS LHAG PAR STAN BYED DU 'JUG PA LA YANG NYES BYAS SO, ,GZHAN GYI DON DU LHUNG BZED LHAG PAR TSOL BA DANG, 'THAG TU 'JUG PA DANG 'THAG PA SKYED PA DANG, KHAB RAL BYED DU 'JUG PA DANG, SHING BAL GYIS GOS PAR BYED DU 'JUG PA LA SOGS PA LA YANG NYES BYAS SO, ,DGE SLONG MA LA DES SMRAS PA LAS LEN PA LA YANG NYES BYAS SO, ,RNAM PAR RIG BYED LA NI DON GO BA'O ZHES BYA BA NI, GANG GI RNAM PAR RIG BYED KYIS SMRAS PA DANG, GZHAN GYIS GO BA NYID NI YAN LAG STE, DE'I 'BRAS BU NYID KYI PHYIR SNYOMS PAR ZHUGS PA LA 'KHRIG PA DANG LDAN PAR SMRA BA DANG, KUN DU SPYOD PA

66a

, ,BSNGAGS PA DAG LA SBOM PO'O, ,'DIR GZHUNG NI, GCIG LAS 'GOG PA LA SNYOMS PAR 'JUG PA'I DGE SLONG MA LA SMRA BAR BYED NA ZHES GSUNGS PA YIN NO, ,GZHAN LAS NAM SNYOMS PAR 'JUG PA'I DGE SLONG MA LA ZHES BYA BA'I DPES SNYOMS PAR 'JUG PA'I GZHUNG SNGA MA GANG LAS SGRA BYED PA LA SOGS PAS LDANG BAR MI NUS PA NYID DU GYUR PA DANG, SNYOMS PAR ZHUGS PA LA YANG RIGS PA YIN TE, DE BAS NA GNYIS KAS BSDUS PA'O, ,DE BZHIN DU GNYID LOG PA DANG, SNYOMS PAR ZHUGS PA DANG, GLEN PA DANG 'ON PA DAG LAS GZHI MED PA DANG, BAG TZAM GYIS SKUR PA 'DEBS PA LA YANG SBOM PO'O, ,GLEN PA DANG 'ON PA DAG DANG LHAN CIG MNGON MTSAN CAN GYI SPYOD PA DANG, NYO TSONG BYED PA LA NI NYES BYAS SO, ,'THAG PA DANG 'THAG PA SKYED DU 'JUG PA'I PHYIR GNYIS LA GO BAR BYED PA DBUS PA DANG, MTHA' 'KHOB PA DAG LA SKAD GZHAN GYIS SKYON NAS SMRAS TE, DON MA GO NA YANG NYES BYAS SO, ,DE GNYIS LAS PHRA MA BYED PA DANG, GLEN PA DANG 'ON PA GNYIS LA SKYO SDOGS BYED PA DANG, DE BZHIN DU BUD MED GNYID LOG PA LA CHOS STON PA DANG, SKYES PA RKUN MA DANG MTHA' 'KHOB PA DANG GLING GZHAN LAS SKYES PA DANG, GNYID LOG PA DANG, MYOS PA DANG, BAG MED PA DANG, SNYOMS PAR ZHUGS PA DANG, GLEN PA DANG, 'ON PA DAG DANG TSIG MTHUN PA DANG, TSIG LHAG PAR ZLOS PA LA YANG NYES BYAS SO, ,NGO TSA MED PA DANG, MTHA' 'KHOB PA DANG DBUS PA RNAMS LA SKAD GZHAN GYIS GNAS NGAN LEN BRJOD PA DANG, 'ON PA DANG GLEN PA DAG LA MI'I CHOS BLA MA BRJOD PA DANG, NGO TSA MED PA DANG, MTHA' 'KHOB PA DANG, DBUS PA DAG LA SKAD GZHAN GYIS BSHES NGOR BYAS SO ZHES SKUR PA 'DEBS PA DANG, GLEN PA DANG 'ON PA DAG DANG DE BZHIN DU BSLANG PA LA KHYAD DU GSOD PA DANG, 'PHYA BA DANG GZHOGS 'PHYAS BYED PA BSGO BA GCOG PA LA YANG NYES BYAS SO, ,DGE SLONG MA LAM BSKOS PAR STON PA DANG, DE DAG LA ZAS CUNG ZAD TZAM GYI PHYIR STON TO ZHES SKUR PA 'DEBS PA DANG, SBYOR DU BCUG PA ZA BA DANG, ME 'BUD DU BCUG PA DANG, 'GYOD PA SKYED PA DANG, SDANGS PAR BYED PA

66b

DANG; GZHI MED PAR SKUR PA 'DEBS PA DANG, SKAD GZHAN GYIS BSLAB PA LA NYE BAR 'JOG PA SPONG BA YANG NYES BYAS SO, ,SMRA BA PO NYID LA YOD PA STE GSOD PA DANG RANG GI DON DU RKU BA DAG LAS GZHAN PA'I 'O ZHES BYA BA NI 'ON KYANG SMRA BA'I DNGOS PO NI SMRA BA NYID DU GANG ZHIG RNAM PAR GNAS PA SMRA BA NYID DANG RJES SU 'BREL PA'I GNOD PA YIN GYI, LKUGS PA LA NI MA YIN NO ZHES BYA BA RJES SU MA ZHUGS PA'I DE DAG DANG 'BREL PA SMRA MI SHES SHING, GANG ZHIG 'DI RJES SU ZHUGS PAR GYUR PA GANG YIN PA DE NI RNAM PAR RIG BYED RDZOGS PAR GYUR BA MA YIN PA NYID DO, ,MI NUS PA LA SMRA BA'I PHYIR DANG, 'GRO BA'I PHYIR RJES SU ZHUGS PAR GYUR PA NYID KYANG MA YIN NO, ,DE YANG MI GSOD PA DANG RANG GI DON DU RKU BA DAG LAS GZHAN PA DAG LA GZHI MED PA DANG, BAG TZAM DAG GIS SKUR PA 'DE BAS PA LA NI SBOM PO'O, ,LKUGS PA DANG LHAN CIG MNGON MTSAN CAN GYI SPYOD PA DANG, NYO TSONG BYED PA LA NI NYES BYAS SO, ,'BYUNG BA'I DON DU 'DI ZHU BAR BYED PA 'AM MA TSANG BA NYID KYIS SMRAS PA LA NYES BYAS SO, ,SKYON NAS SMRA BA DANG, PHRA MA BYED PA DANG, SKYO SNGOGS BYED PA DANG, STON PA DANG KLOG PA DAG DANG, DE DAG LA GNAS NGAN LEN BRJOD PA DANG, MI'I CHOS BLA MA BRJOD PA DANG, BSHES NGOR BYAS SO ZHES SMRA BA DANG, BSLAB PA KHYAD DU GSOD PA DANG, 'PHYA BA DANG, GZHOGS 'PHYAS BYED PA DANG, BGO BA GCOG PA DANG, DE DAG LA MA BSKOS PAR STON PA DANG, DE DAG LA ZANG ZING CUNG ZAD KYI PHYIR STON TO ZHES SKUR BA 'DEBS PA DANG, SBYOR DU BCUG PA ZA BA DANG, DE DAG ME 'BUD DU BCUG PA DANG, MI NYAN PAR BYED PA DANG, DE DAG GIS BSLAB PA LA NYE BAR 'JOG PA SPONG BA YANG NYES BYAS SO, ,YANG DAG PAR LEN PAR BYED PA LA NI DER MA ZAD DO ZHES BYA BA NI, GANG ZHIG 'DI DE MA THAG PA SMRA BA PO NYID LA GNAS PA ZHES BYA BA SMOS PA DE NI 'DI LEN PA PO'I YAN LAG MA YIN TE, 'DI LTAR GO BAR BYED PA LKUGS PA'AM SMRA BA PO NYID MA YIN PA GZHAN DAG LA YANG SROG GCOD PA SPONG BA LA SOGS PA LA YANG DAG PAR LEN PA 'BYUNG BA'I PHYIR RO, ,DE NI SNOD YIN NO ZHES BYA BA NI, DES SMRA BA PO DON GO BAR

67a

, ,NUS PA'I GANG ZAG GANG YIN PA DE NI YAN LAG YIN GYI, GLEN PA DANG 'ON PA DAG KYANG MA YIN LA, DE BRDA MI PHRAD PA DANG, RNA BA'I SHUGS BKAG PA DANG, SOR MO DANG DES BRNGA BYAS NA, LKUGS PA DANG, RGYU GZHAN GYIS SMRA MI SHES PA DAG KYANG RNAM PAR RIG BYED KYI YAN LAG MA YIN NO, ,'DI LTAR MDO 'DI DAG THAMS CAD SNGAR SMRA BA PO LA YOD PA STE ZHES PA'I MDO DES GRUB ZIN MOD KYI SMRA BA PO NYID LA DON GO BAR YOD PA GANG YIN PA DE NI RNAM PAR RIG BYED KYI YAN LAG YIN NO ZHES BYA BA 'DIS BRJOD PA DON MED PA TZAM ZHIG BSTAN PAR ZAD DO, ,DER ZHU BA MI BYED PA DE LA NYES PA MED PAR BSTAN PA DE'I PHYIR MDO 'DI BYAS SO, ,'O NA BDAG NYID LTUNG BA BSHAGS PA DANG, BYIN GYIS BRLAB PA GNYIS KYI PHYIR GSO BAR BYA'O ZHES GSUNGS NA MA BRJOD PA LA NYES PA MED PA JI LTAR RUNG ZHE NA, DE LTA BU YANG YOD MOD KYI, 'ON KYANG MI 'GYUR BA'I PHYIR RO, ,NGAG GI'O ZHES BYA BA NI, DAG GI RNAM PAR RIG BYED YAN LAG YIN GYI, SPRING YIG DANG LAG YIG DANG LAG RTZIS LA SOGS PA NI MA YIN TE, GZHAN GYIS NI DON GO BAR GSAL BAR MI NUS PA'I PHYIR CHO GA 'DI YIN NO, ,RANG GI'O BDAG NYID DANG 'BREL PAR RO ZHES BYA BA NI, DANG PO GZHAN LA GO BAR BYED PA'I SKAD CIG MA LA SHES PAR BYED PA LA DNGOS GZHI BSKYED PA'O, ,GAL TE DE LTAR YANG DE THAMS CAD BYA BA ZHU BAR GTOGS PAS, DE DE BZHIN DU SEMS KYIS BRJOD PAR 'DOD PA'I TSIG JI SNYED PAS BRJOD PA DE BYED PA DANG G-YO BA LAS GZHAN LA JI SRID DE'I DON NYID DU G-YO BAR BYED PA GCIG GAM, DU MA'I YAN LAG GIS DER GTOGS PA YOD PA LA DNGOS GZHI'I NANG DU 'DUS PA YIN NO, ,DNGOS GZHI'I CHO GA BYED PAR GYUR NA SKUL ZHING BSKUL BAR GYUR PA NI, MNGON DU PHYOGS PA GANG YIN PA DE NI 'DIR DANG POR DON MA GON NI LUS BSKUL BA DANG, TSIG GI JI NYON CIG SEMS GTOD CES BYA BA LA SOGS PA LHAG MA THAMS CAD KYANG SBYOR BA YIN PAR RIG PAR BYA STE, THAMS CAD RTZOM PA GCIG TU GYUR PA NYID YIN PA'I PHYIR RO, ,'DIR DPE NI SPRING YIG DANG LAG YIG DANG LAG RTZIS DAG GIS SPROD PA LAS BYUNG BA DANG LDAN PAR SMRA BA DANG, KUN SPYOD BSNGAGS PA DANG, GZHI MED PA DANG, BAG

67b

TZAM GYIS SKUR PA 'DEBS PA GO BAR BYED PA LA NI SBOM PO'O, ,DGE SLONG MA NYE DU MA YIN PA LA GOS 'KHRUR 'JUG PA LA SOGS PA DANG, DE DAG LAS GOS LEN PA DANG, KHYIM BDAG DANG KHYIM BDAG GI CHUNG MA DAG LAS SLONG PA DANG, RIN SPAGS PA DANG, SO SO NAS SPAGS PA THOB PA DANG, LHUNG BZED TSOL PA DANG, 'THAG TU 'JUG PA DANG, 'THAG PA SKYED PA DANG, 'PHROG PA DANG, BRDZUN DU SMRA BA DANG, SKYON NAS SMRA BA DANG, PHRA MA BYED PA DANG, SKYO SNGOGS BYED PA DANG, STON PA DANG, ZLOS PA DANG, GNAS NGAN LEN BRJOD PA DANG, MI'I CHOS BLA MA BRJOD PA RNAMS DANG, BSHES NGOR BYAS SO ZHES ZER BA DANG, BSLAB PA KHYAD DU GSOD PA DANG, SHING LJON PA GCOD PA DANG, 'PHYA BA DANG, GZHOGS 'PHYAS BYED PA DANG, BSGO BA GCOG PA DANG, SPROD PA DANG, RIM PA GSUM LAS LHAG PAR BRTZIGS PA DANG, MA BSKOS PAR STON PAR BYED PA DANG, ZAS CUNG ZAD TZAM KYI PHYIR STON TO ZHES SKUR PA 'DEBS PA DANG, DGE SLONG MAS SBYOR DU BCUG PA'I ZAS ZA BA DANG, ZAN GCOD DU BCUG PA LA NI NYES BYAS SO, ,DE BZHIN DU ME LA REG TU 'JUG PA DANG, 'GYOD PA SKYED PA DANG, SNGANGS PAR BYED PA DANG, YO BYAD SBED PA DANG, SKUR PA 'DEBS PA DANG, DGE SLONG MA'I LAG NAS ZAS LEN PA DANG, MA BZLOG BAR ZA BA RNAMS LA NYES BYAS SO, ,RANG GI'O ZHES BYA BA NI RANG GI NGAG GI RNAM PAR RIG BYED YAN LAG YIN GYI MNGAGS PA GCIG NAS GCIG TU BRGYUD PA MNGAGS PAS MNGAGS PA LA SOGS PA DAG NI SBOM PO'O, ,SKUR PA 'DEBS PA NI GZHI MED PA DANG, BAG TZAM GYIS SKUR PA 'DEBS PA LA YANG SBOM PO'O, ,NYE DU MA YIN PA'I DGE SLONG MA LA GOS 'KHRUR 'JUG PA LA SOGS PA DANG, DE LAS GOS LEN PA DANG, KHYIM BDAG DANG KHYIM BDAG GI CHUNG MA DAG LA SLONG BA DANG, RIN SPAGS PA DANG, SO SO NAS SPAGS PA THOB PA DANG, LHUNG BZED TSOL BA DANG, 'THAG TU 'JUG PA DANG, 'THAG PA SKYED PA DANG, 'PHROG PA DANG, BRDZUN DU SMRA BA DANG, SKYON NAS SMRA BA DANG, PHRA MA BYED PA DANG, SKYO SNGOGS BYED PA DANG, STON PA DANG, ZLOS PA DANG, GNAS NGAN LEN BRJOD PA DANG, MI'I CHOS BLA MA BRJOD PA DAG DANG, BSHES

68a

, NGOR BYAS SO ZHES ZER BA DANG, BSLAB PA KHYAD DU GSOD PA DANG, SHING LJON PA GCOD PA DANG, 'PHYA BA DANG, GZHOGS 'PHYAS BYED PA DANG, BSGO BRNA LA GZON PA DAG SKROD PA DANG, RIM PA GSUM LAS LHAG PAR BRTZIGS PA DANG, MA BSKOS PAR STON PAR BYED PA DANG, ZAS CUNG ZAD TZAM GYI PHYIR STON TO ZHES SKUR PA 'DEBS PA DANG, DGE SLONG MAS SBYOR DU BCUG PA'I ZAS ZA BA DANG, ZAN GCOD DU 'JUG PA DANG, ME LA REG TU 'JUG PA DANG, 'GYOD PA SKYED PA DANG, SDANGS PAR BYED PA DANG, YO BYAD SBED PA DANG, SKUR PA 'DEBS PA DANG, SA RKO BA DANG, SHING BAL GYIS GOS PAR BYED PA DANG, DGE SLONG MA'I LAG NAS ZAN LEN PA DANG, MA BZLOG PAR ZA BA DAG KYANG NYES BYAS SO, ,BDAG NYID DANG 'BREL PA'O ZHES BYA BA NI, DE LTA BUR GYUR PA YAN LAG YIN GYI GZHAN LA BSNYAD 'DOGS PA NI MA YIN NO, ,SPRING YIG LA SOGS PAS DE SKAD ZER RO ZHE'AM, CHE GE MO ZHIG 'DI SKAD ZER RO ZHES BYA BA LA SOGS PA DANG, 'DIR RANG GIS BRIS PA LA BYE BRAG 'GA' YANG DOGS PAR BYA BA MA YIN TE, GZHAN LA BSNYAD 'DOGS PA'I TSIG NI RANG GI DON DU GYUR TE, DE BAS NA RANG GI DON NYID GTZO CHER YOD PA'I ZHES SMOS PA DE NYID KYIS 'GRUB PA'O, ,'DIR YANG DPE BRJOD PAR BYA STE, GZHAN LA BSNYAD 'DOGS PAS SPROD PA LAS BYUNG BA DANG LDAN PA SMRA BA DANG, KUN SPYOD BSNGAGS PA DANG, GZHI MED PA DANG BAG TZAM GYIS SKUR PA 'DEBS PA LA NI SBOM PO'O, ,DGE SLONG MA NYE DU MA YIN PA LA GOS 'KHRUR 'JUG PA LA SOGS PA DANG, DE LAS GOS LEN PA DANG, KHYIM BDAG DANG KHYIM BDAG GI CHUNG MA LAS SLONG BA DANG, RIN SPAGS PA DANG, SO SO NAS SPAGS PA THOB PA DANG, LHUNG BZED THOB PA DANG, 'THAG TU 'JUG PA DANG, 'THAG PA SKYED PA DANG, 'PHROG PA DANG, BRDZUN DU SMRA BA DANG, PHRA MA BYED PA DANG, SKYO SDOGS BYED PA DANG, STON PA DANG, ZLOS PA DANG; GNAS NGAN LEN BRJOD PA DANG, MI'I CHOS BLA MA BRJOD PA DAG DANG, BSHES NGOR BYAS SO ZHES ZER BA DANG, BSLAB PA KHYAD DU GSOD PA DANG, SHING LJON PA GCOD PA DANG, 'PHYA BA DANG, GZHOGS 'PHYAS BYED PA DANG, BSGO BA GCOG PA DANG, SKROD PA DANG, RIM PA GSUM LAS LHAG PAR

68b

BRTZIGS PA DANG, MA BSKOS PAR STON PA DANG, ZAS CUNG ZAD TZAM GYI PHYIR STON TO ZHES SKUR PA 'DEBS PA DANG, DGE SLONG MAS SBYOR DU BCUG PA'I ZAS ZA BA DANG, ZAS GCOD DU 'JUG PA DANG, ME LA REG TU BCUG PA DANG, 'GYOD PA SKYED PA DANG, SDANGS PAR BYED BA DANG, YO BYAD SBED PA DANG, SA BRKO BA DANG, SHING BAL GYIS GOS PAR BYED PA DANG, DGE SLONG MA'I LAG NAS ZAN LEN PA DANG, MA BZLOG PAR ZA BA DAG KYANG NYES BYAS SO, ,RANG GIS BSKOS PA NYID BYED DU BCUG PA YIN NO ZHES BYA BA NI, GSOD PA DANG, RANG GI DON DU RKU BA DAG LAS GZHAN PA'O ZHES BYA BAR SBYAR RO, ,GSOD PA DANG RANG GI DON DU RKU BA DAG LAS GZHAN BA'I DON LA MNGAGS PA LA SOGS PAS DE LA RANG GIS BSKOS PA NYID YAN LAG YIN TE, DE DANG 'DRA BA'I TSIG GIS BRJOD PA DANG, LUS 'KHRUS PAS GZHAN LAS NI MA YIN NO ZHES BYA'O, ,'DIR YANG DPE BRJOD PAR BYA STE, RANG GIS MNGON SUM DU BSKOS PA MA YIN PA LA NI SHING LJON PA DANG, BSGO BA RNA LA GZON PA DANG, RIM PA GSUM LAS LHAG PAR BRTZIGS PA DANG, SHING BAL GYIS GOS PAR BYED PA DANG, RIN PO CHE LA REG TU 'JUG PA DANG, SA RKOR 'JUG PA LA SOGS PA NYES BYAS SO, ,RNAM PAR 'BYED PAR GTOGS PA PHAL CHE BA PHYIR BSTAN PA RNAMS RDZOGS SO,, ,, SPYOD YUL DU ZHUGS PA RNAL 'BYOR BSGOM PAR MI BYA'O ZHES BYA BA LA, 'DIS NI BCOM LDAN 'DAS KYIS RNAL 'BYOR BSGOM PAR BYA'O ZHES GSUNGS PA DANG, DGE SLONG DAG SPYOD YUL DU ZHUGS NAS YANG SGOM PAR BYED PA DANG, DE DAG GLANG PO CHE 'KHRUL PA DANG LHAN CIG 'GRO NAS BCOM LDAN 'DAS KYIS BKA' STZAL PA, DGE SLONG SPYOD YUL DU ZHUGS PAS RNAL 'BYOR BSGOM PAR MI BYA'O ZHES BYA BA'I BAR DU GSUNGS PA DE BSDUS PA YIN NO, ,'DIR NI GOMS PAR BYED PA BKAG PA YIN GYI, DE LTA BU'I GNAS SKABS CAN LA GANG DU RNAM PAR 'GYUR BA MIG BTZUM PA SHES PAR 'GYUR BA'I 'DUL BA'I DON DU RDZU 'PHRUL GYI RNAM PAR 'PHRUL PA LA SOGS PA BSTAN PA'I PHYIR DE LA SKYON CHAGS PA MED DO, ,MNGON PAR 'DUL BAR YANG MI BYA'O ZHES BYA BA RNAL 'BYOR BSGOM PAR MI BYA'O ZHES BYA BAR SBYAR RO, ,'DIR GZHUNG NI DGE SLONG DAG SGO KHANG DU RNAL 'BYOR SGOM PAR BYED NA DE DAG SKUR PA DANG, MA DAD PA DAG 'DI SKAD CES

69a

, ,'PHAGS PA DAG CI KHYED CAG 'DU BAR NYAL BA'I BRTUL ZHUGS CAN YIN NAM ZHES CO 'DRI BAR BYED PA'I SKABS DE DGE SLONG DAG GIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, SGO KHANG DU RNAL 'BYOR BSGOM PAR MI BYA'O, ,DE RNAMS KHYAMS SU SGOM PAR BYED NA YANG DE NYID KYI NYES DMIGS SU GYUR PAS, BCOM LDAN 'DAS KYIS BKA' STZAL PA, DGE SLONG GIS KHYAMS SU YANG BSGOM PAR MI BYA'O ZHES BYA BA 'DIS BSDUS PA YIN NO, ,GTZUG LAG KHANG GI PHYI ROL DU KUN NAS BSKOR BA'I GTZUG LAG KHANG GI RDZING BU LA ZHES BYA BA LA SOGS PA LA YANG MTSUNGS PA NYID KYI PHYIR 'DIR RIGS PA YIN NO, ,SGO BCAD NA NI KHYAMS LA SOGS PA DAG TU MNGON PAR 'DU BA NYID DU RGYUN CHAD PAR 'GYUR BAS NYES BA MED PA DE GNYIS BSTAN PA'I DON DU STE DE LTAR BSTAN PA'O, ,DE LTAR YANG SGO KHANG DU MTSAN MO SROG CHAGS 'BYUNG BAR 'GYUR RO, ,MTSAN MO SBRUL GYIS BZUNG BAS SHI BAR GYUR PA DANG ZHES BYA BA LA SOGS PA YIN NO, ,RNAM PAR G-YENG BAR BYED PA DANG, GTUM PO DANG GYA TSOM PA RNAMS YONGS SU SPANG BAR RIGS SO ZHES BYA BA NI, SNGA MA LA NI SHIN TU 'BYUNG BA NYID KYI PHYIR MI BYA BA NYID SMOS TE, 'DIR NI 'DI SHIN TU MA YIN ZHES BYA BA RIGS PA DE BAS NA GSUNGS PA NI RNAM PAR G-YENGS PA ZHES SMOS PAS DE RNAMS GNAS KHANG DU SGOM PAR BYED PA NA BSAM GTAN DAG GI TSER MA NI SGRA YIN PAS SEMS RTZE GCIG TU MI GNAS PAS NA SKABS DE LA BCOM LDAN 'DAS KYIS BKA' STZAL PA, GNAS KHANG DU RNAL 'BYOR BSGOM PAR MI BYA'O ZHES BYA BA'I BAR DU GSUNGS PA DE BSDUS PA YIN NO, ,RNAM PAR G-YENG BAR BYED PA ZHES BYA BA NI, GNAS KHANG DE 'GYUR BAS RNAM PAR G-YENG BAR BYED PA'I PHYIR RO, ,GTUM PO ZHES BYA BA SMOS PAS NI DE DAG DGON PAR BSGOM PAR MI BYA'O ZHES BYA BAR GSUNGS PA DE BSDUS PA YIN NO, ,'DIR SENG GE LA SOGS PA GTUM PO RNAMS 'BYUNG BAR 'GYUR BA DE'I PHYIR 'DI SPANG PAR BYA'O, ,GYA TSOM ZHES SMOS PA NI DE DAG GRONG GI NYE 'KHOR DU DOR TE SGOM PAR BYED PA NA, MA DAD PA'I GYA TSOM BYED PA DAG 'DI SKAD DU 'PHAGS PA DAG CI KHYED 'GA' ZHIG SHI BA DANG LDAN PA YIN NAM ZHES CO 'DRI BAR BYED PA NAS, BCOM LDAN 'DAS KYIS BKA' STZAL PA, SA PHYOGS

69b

DER YAL BAR DOR BA RNAMS DANG, KI TA KA DANG, KI LEN DZA RNAMS KYIS BSKOR BAR BYA'O, ,SA PHYOGS DE JI SRID DU YAL GA RNAMS KYIS BSKOR BAR GYUR GYI BAR DU GYA TSOM PA MA DAD PA DAG 'DI SKAD CES 'PHAGS PA DAG ,CI KHYED 'GA' ZHIG RAS BAL GYI LDUM RA BYED DAM ZHES CO 'DRI BAR BYED PA'I SKABS DE SA PHYOGS DER TSER MA DANG, CHU'I 'OBS DAG GIS BSKOR BAR BYA'O, ,SA PHYOGS TSER MA DAG CHU'I 'OBS KYIS BSKOR BAR GYUR PA DANG, GYA TSOM PA MA DAD PA DAG 'DI SKAD CES SA BON GYIS BKANG BA'I LDUM RA YIN NAM, 'ON TE SE'U 'BRU'I LDUM RA YIN ZHES BYA BA NAS, SPONG KHANG BRTZIG PAR BYA'O ZHES BYA BA'I BAR DU GSUNGS PA YIN TE, MDO 'DIS NI DE DAG BSDUS PA YIN NO, ,DE'I PHYIR SPONG KHANG GI SKABS YIN PAS NA, GRONG DANG NYE BA LA SOGS PAR SPONG KHANG BRTZIG PAR BYA'O ZHES BYA BA LA, DE'I RNAM PA CI 'DRA ZHE NA, DE'I PHYIR GNAS KHANG GNYIS KYI BAR DU SRANG GDOD DO ZHES BYA BA SMOS TE, NGOS YA GCIG TU YANG GNAS KHANG BRTZIG LA, NGOS GZHAN LA NI GZHAN BRTZIG CING BAR DU SRANG GDOD PAR BYA BA STE, 'DI NI SPONG KHANG CHUNG DU'I RNAM PA YIN NO, ,BAR DU SRANG GDOD DO ZHES BYA BAR SBYAR TE, NGOS YA GCIG TU YANG GNAS KHANG LNGA BRTZIG LA, NGOS GZHAN LNGA BRTZIG CING BAR DU SRANG GDOD PAR BYA BA'AM, NGOS YA GCIG TU YANG DRUG BRTZIG LA, NGOS GZHAN LA YANG DRUG BRTZIG CING BAR DU SPANG GDOD PAR BYA STE, 'DI NI SPONG KHANG CHEN PO'I RNAM PA YIN NO, ,SPONG KHANG GNYIS PO 'DI DAG NI CHUNG DU DANG CHEN PO STE, CHUNG DU NI GNAS KHANG GNYIS PA STE BAR DU SRANG GDOD PAR BYA'O, ,'DIR CHEN PO NI GNAS KHANG BCU PA'AM, GNAS KHANG BCU GNYIS PA ZHES GSUNGS PA YIN NO, ,BAR MA NI RNAM PAR GZHAG PA STE, 'DI MI RIGS PA MA YIN TE, BRJOD PA LA DPE GNYIS KYI PHYIR ZHES BYA'O, ,SGO GLEGS SGRA MI 'BYUNG BA DANG DRANG BA'I THABS KYANG ZHES BYA BA NI BRTZIG PAR BYA'O ZHES BYA BAR SBYAR TE, 'OG NAS SGO KHANG BYA'O ZHES 'BYUNG BA YAN CHAD KUN LA 'DI RJES SU SBYAR RO, ,DE'I DANG PO BYAS NAS BRTZIG PAR BYA'O ZHES BYA BA'I SGRAS BSHAD PA 'DI BYAS PA ZHES BYA BA DE TZAM ZHIG 'DIR BRJOD PA'O, ,'DIR 'DOD PAS 'JUG PA NA, GAL TE PHONGS PA MA YIN PA'I DON LA 'JUG NA GAL TE MA YIN NA JI LTAR MNGON PAR 'DOD PAS 'JUG PAR BYA'O, ,

70a

, ,'DIS NI BCOM LDAN 'DAS KYIS BKA' STZAL PA, SGO GDOD PAR BYA'O, ,DGE SLONG DAG SGO GLEGS MI 'JUD NAS, BCOM LDAN 'DAS KYIS BKA' STZAL PA, SGO GLEGS GZHUG PAR BYA'O, ,BCAD DKA' NAS BCOM LDAN 'DAS KYIS BKA' STZAL PA, 'PHAGS PA DAG LAG GZUNGS GDAB PAR BYA'O, ,SGRA 'KHROL NAS BCOM LDAN 'DAS KYIS BKA' STZAL PA, 'OG TU KO BA'I DUM BU GZHUG PAR BYA'O, ,DBYE DKA' NA BCOM LDAN 'DAS KYIS BKA' STZAL PA, 'PHAGS PA DAG LAG GZUNGS GDAB PAR BYA'O, ,DBYE BA NA SGRA KHRIG NAS BCOM LDAN 'DAS KYIS BKA' STZAL PA, RAS MAS DKRI BAR BYA'O ZHES BYA BA GSUNGS PA DE RNAMS BSDUS PA YIN NO, ,DE LA SGRA MI 'BYUNG BA'I THABS ZHES BYA BA NI 'OG TU KO BA'I DUM BU GZHUG PAR BYA'O ZHES BYA BA DANG, RAS MAS DKRI BAR BYA'O ZHES GSUNGS PA DE RNAMS BSDUS PA YIN NO, ,DRANG BA'I THABS ZHES BYA BA NI PHYI NANG GNYIS NAS LAG GZUNGS GDAB PAR BYA'O ZHES GSUNGS PA BSDUS PA YIN NO, ,GONG DU SUM CHA BOR BAR SKAR KHUD PHYI RUB LA NANG YANGS PA YANG BZANG NGO ZHES BYA BA LA, GONG DU ZHES BYA BA NI RTZIG NGOS KYI GONG GI SUM CHA BOR ZHING SUM GNYIS LUS PA'I PHYOGS GANG YANG RUNG BA DER SKAR KHUNG BTOD NA BZANG STE, DMAS NA NI CHOM RKUN PA DANG, G-YON CAN DANG SENG GE LA SOGS PAS 'DZUL BA'I PHYIR RO, ,MTHOS NA NI SNANG BA GSAL BAR MI 'GYUR RO, ,GONG DU SUM CHA BOR BA LA SOGS PA'I DON DU 'DI BYAS SO, ,DE NYID NI 'JIG RTEN PA LA GRUB PA'I PHYIR RO, ,DRA BA DANG, SGO GLEGS DANG, 'PHRED GTAN DANG, GNAM GZER DANG, 'KHOR GTAN DANG, DBYUG GU SKAM KHA NYE BAR GZHAG PAR BYA'O ZHES BYA BAR SBYAR RO, ,'DIS NI KHRA DANG, MCHIL PA DANG, PHO ROG DAG 'JUG NAS, BCOM LDAN 'DAS KYIS BKA' STZAL PA, SKAR KHUD DRA BA CAN DU'O, ,SBRANG BU TRYEE MA BUG DANG, TRYE LA KA DAG 'JUG NAS BCOM LDAN 'DAS KYIS BKA' STZAL PA, SGO GLEGS GZHUG PAR BYA'O, ,RLUNG GIS PHYE NAS BCOM LDAN 'DAS KYIS BKA' STZAL PA, 'PHRED GTAN GZHUG PAR BYA'O, ,BCAD DKA' NAS BCOM LDAN 'DAS KYIS BKA' STZAL PA, GNAM GZER DANG 'KHOR GTAN

70b

GZHUG PAR BYA'O, ,DBYE DKA' NAS BCOM LDAN 'DAS KYIS BKA' STZAL PA, DBYU GU SKAM KHA NYE BAR GZHAG PAR BYA'O ZHES GSUNGS PA DE 'DIR BSDUS PA YIN NO, ,DRA BA DANG ZHES BYA BA NI BUG PA PHRA MO BSTAN PA'I DON DU CAN GYI SGRA SBYAR RO, ,MI SHONG NA STENG DU KHANG MO CHE BYA'O, ,YANG NA YANG THOG GO ZHES BYA BA LAS, KHANG MO CHE ZHES BYA BA NI, SPONG KHANG RNAMS KYI STENG DU'O, ,GAL TE SPONG KHANG LA SPONG KHANG RNAMS KYI TSAD DU MI 'GYUR NA STENG DU KHANG PA MI BYA STE, KHANG PA GZHAN LAS ZHES BYA BA'I DON TO, ,GZHUNG KHA CIG LAS DE DAG DER MI SHONG NAS STENG DU RIM KHANG GNYIS PA BYA'O ZHES GSUNGS PA DANG, DE GNYIS KA YANG 'GAL BA MED PAS MDO 'DIR BSDUS PA'O, ,'DZEG PA'I PHYIR THEM SKAS SO ZHES BYA BA NI, BYA'O ZHES BYA BAR SBYAR TE 'DZEG PA'I PHYIR DER THEM SKAS BYA'O ZHES BYA BA'I DON TO, ,MI LTUNG BAR BYA BA'I PHYIR KHA KHYER GYIS BSKOR BAR BYA'O, , DE MI 'GUL BAR BYA BA'I PHYIR LCAGS KYI GZER BU DAG GIS GDAB BO ZHES BYA BA NI, DE RNAMS KYIS NI KHA KHYER DE DAG LA 'DZEG DKA' NAS, BCOM LDAN 'DAS KYIS BKA' STZAL PA, THEM SKAS BYA'O, ,LTUNG BAR GYUR NAS, KHA KHYER GYIS BSKOR BAR BYA'O, ,DE 'GUL NAS BCOM LDAN 'DAS KYIS BKA' STZAL PA, LCAGS KYI GZER BU DAG GIS GDAB PAR BYA'O ZHES GSUNGS PA DE 'DIS BSDUS PA YIN NO, ,PHYI ROL DU SPONG KHANG CHEN PO 'AM GNAS KHANG GI TSAR DAG KYANG NGO ZHES BYA BA NI, BYA'O ZHES BYA BA'I RJES BSNYEG PA'I PHYIR YANG NGO ZHES BYA BA'I SGRA SMOS SO, , 'DIR YANG NGAM ZHES BYA BA'I SGRA NI TSIG GNYIS KA YANG BSDUS PA'I PHYIR RO, ,RAB TU BYUNG BA 'DI NI PHAN TSUN MI SNANG BA'I PHYIR NI MA YIN TE, GNAS KHANG GI TSAR DAG KYANG ZHES BYA BA DE YANG, SNGAR LTAR TSIG GNYIS KA BSDU BA'I PHYIR KYANG GI SGRA SMOS SO, ,SGO'I THAD KAR SGO GDOD PAR MI BYA'O ZHES BYA BA LAS, 'DIS NI DE DAG NYAN DU 'GYUR BA'I SGO DAG GDOD CING PHAN TSUN SNANG NAS, BCOM LDAN 'DAS KYIS BKA' STZAL PA, SGO DAG GZUR TE GDOD PAR BYA'O ZHES GSUNGS PA DE BSDUS PA YIN NO, ,GAL TE PHYI ROL GYI CHAR GYIS DE MA THAG PA DE SMOS PA YIN NO, ,DE LTAR YANG NANG DU NYES PA MI

71a

, ,'GRUB PA YIN NO, ,DE LTA BAS NA DE 'DI LAS THA DAD PAR GYUR PA GNYIS KA LA 'GRO BA'I TSIG TU GTOGS PAR BYA'O, ,SGO KHANG BYA'O ZHES BYA BA NI, SPONG KHANG LA SGO KHANG BYA'O, ,PHUG KYANG NGO ZHES BYA BA NI, SPONG KHANG GI NYEN 'KHOR DU ZHES BYA BAS DE DAG 'BREL PA'I CHO GA RNAM PAR BSTAN PA'I SKABS NAS SHES PAR BYA'O, ,'DUG PA'I CHED DU SA'I STEGS BU DAG DANG KHRI'U YANG BYA'O ZHES BYA BA NI BYA'O ZHES BYA BA 'DI GNYIS KA LA SBYAR RO, ,DE'I KHO RA KHOR YUG TU KHRU BZHIS 'KHOR BA BZANG NGO ZHES BYA BA NI, GRU BZHI PO'I NGOS RE RE LA KHRU GANG PA'I TSAD BYA'O ZHES BYA BA'I DON TO, ,THAGS MA NI RNAM PA LNGA'O ZHES BYA BA NI, KHRI'U'I STENG DU'O, ,MUN DZA'I DANG, SHA NA'I DANG, GRES MA'I DANG, RAS MA'I DANG, SBA PHRA MO'I'O ZHES BYA BA NI, RUNG BAR GRAGS PA'I PHYIR, DE RNAMS NYID DU GRAGS PAR SHES PAR BYA'O, ,DE'I THA GU LA SOGS PA BKAG PA NI MA YIN PAR SHES PAR BYA'O, ,THAGS MA DAG THA GU DMAS PAS SGROGS PA LA, DER STAN NANG TSANGS CAN DAG GDING NGO ZHES BYA BA LA, DER ZHES BYA BA NI KHRI'U LA'O, ,DE'I KHO RA KHOR YUG TU MTHO GANG LHAG PA NYID BZANG NGO ZHES BYA BA NI, KHRI'U DE'I KHOR KHOR YUG TU STAN NANG TSANGS CAN DE'I THA MA MTHO RE RE LHAG NA BZANG BA STE, DE LTAR 'DUG PA LA SOGS PA LA KHRI'U DE MI GNOD CING STAN NANG TSANGS CAN DE'I THA MA'I RIG PAR 'GYUR PA DE LTA BAS NA RDZAS SRID DU KHRU BZHI PA ZHING DU KHRU DO YOD PA NYIS LTAB TU BYAS TE BTZEM PAR BYA'O ZHES BYA BA'I DON TO, ,AARKA'I DANG, KA SHI DANG, AE RA KA'I DANG, SRA BA'I DANG, SHA MA LA DAG GI BAL GYIS DGANG NGO, ,BAL DANG, SHA NA DANG, RAS BAL DANG, RAS MA DAG DANG, LO MA'I TSOGS DAG GIS KYANG NGO ZHES BYA BA SMOS TE, 'DIR RUNG BAR GRAGS PA BSTAN PA'I PHYIR DE DAG SMOS PAR MA ZAD KYI, BZANG PO'I SGRA 'JUG PA YIN NO, ,DON JI LTA BA BZHIN DU 'DUG PAR BYA BA'I PHYIR MDO MDOR BYA ROG RKANG DAG BYA'O ZHES BYA BA LA, DON JI LTA BA BZHIN DU ZHES BYA BA NI, THAMS CAD DU KHOD SNYOMS PAR 'GYUR BA 'DI NI 'DIR DON TO, ,DE JI LTA BA BZHIN DU SGRUB PA DE LTAR GNAS PA'I PHYIR STAN NANG TSANGS CAN

71b

GYI PHYOGS THAMS CAD DU SNYOMS PAR KHYAB CING, GZHAN DU MI 'JUG PAR BYA BA'I PHYIR BYA ROG GI RKANG PA 'DRA BA DAG GIS GZUNGS GDAB PAR BYA'O ZHES BYA BA'I DON TO, ,BSGOM PA NA GNYID KYI GNOD PA BSAL BAR BYA BA'I PHYIR, GNYID BRO NA GDOS BU GDAGS PAR BYA'O ZHES BYA BA SMOS TE, SHING BAL LA SOGS PA LAS BYAS PA'I GDOS BU CHUNG DU'I TSAD DE LUNG MI GNAS SKUD PA BTAGS TE, BSAM GTAN PA RNAMS GNYID BRO NA GDOS BU DE RANG GI RNA BA LA BTAGS TE SPYAD PAR BYA'O, ,'DIR GZHUNG NI, GNYID BRO NA GDOS BU GDAGS PAR BYA'O, ,DE LHUNG NAS BCOM LDAN 'DAS KYIS BKA' STZAL PA, SKUD PAS BCINGS TE RNA BA LA BTAGS SHING BCANG BAR BYA'O ZHES GSUNGS PA YIN NO, ,DBYU GU DAL BUS GZUGS PAR BYA'O ZHES BYA BA NI, DE'I BSAM GTAN NYID 'GROGS PAR MI 'GYUR BA DE LTAR DAL BUS GZUGS PAR BYA'O ZHES SMOS SO, ,'DI NI SPONG BA'I ZHAL TA BA'I LAS YIN TE, DES DBYUG GU DAL BUS BTZUGS PA DES DE'I GNYID SAD PAR 'GYUR RO, ,GNOD PAR MI 'GYUR BAR BYA BA'I PHYIR BRE'I BCAD 'PHRO LTA BUR RAS MA DAG GIS DKRIS PAS SO ZHES BYA BA LAS, BRE'I BCAD 'PHRO LTA BU ZHES BYA BA NI, BRE'I BCAD 'PHRO LTAR 'DI LA BCAD PA YOD PAS NA ZHES BYA BA'I BSDU BA'O, ,RAS MA DAG GIS DKRIS PA GANG YIN PA DE NI SDUG BSNGAL GYIS 'BYUNG BAR BYA BA'I PHYIR BSTAN PA KHO NA'O, ,RAS MA ZHES BYA BA GZHAN DAG GI DPE TZAM DU ZAD DE, RAS BAL LA SOGS PA GZHAN GYIS KYANG DKRI BAR BYA BA NI RIGS PA YIN NO, ,'DIR GZHUNG NI 'ON KYANG YUR NAS BCOM LDAN 'DAS KYIS BKA' STZAL PA, DBYUG GU GZUGS PAR BYA'O, ,DGE SLONG DAG GIS SMYIG MA BRTZAL TE DES 'DZUG PA LAS RMA BYUNG NAS, BCOM LDAN 'DAS KYIS BKA' STZAL BA, BRE'I BCAD 'PHRO LTA BUR BYA'O; ,'ON KYANG SNAD NAS BCOM LDAN 'DAS KYIS BKA' STZAL PA, RAS MA DAG GIS DKRIS NAS DAL BUS KHAD KYIS GZUGS PAR BYA'O ZHES GSUNGS PA YIN NO, ,PHO LANG 'PHANG BAR BYA'O, ,YANG PHYIR 'ONG BAR BYA BA'I PHYIR THA GUS GDAGS PAR BYA'O ZHES BYA BA NI, PHO LANG DE YANG

72a

, ,PHYIR DRANG BAR BYA BA'I PHYIR THA GU PHRA MO RING MOS BTAGS TE 'PHANG BAR BYA'O, ,DE LTAR BYAS NA YANG DU 'PHANG ZHING BLANG SLA BAR 'GYUR RO, ,'DIR GZHUNG NI 'ON KYANG YUR NAS BCOM LDAN 'DAS KYIS BKA' STZAL BA, PHO LONG 'PHANG BAR BYA'O, ,DGE SLONG DAG GIS MUN KHUNG NA MI MTHONG NAS, BCOM LDAN 'DAS KYIS BKA' STZAL PA, THA GUS BTAGS TE 'PHANG BAR BYA ZHING, DE NAS YANG PHYIR DRAN PAR BYA'O ZHES GSUNGS PA YIN NO, ,MDUN DU MAR ME GZHAG PAR BYA'O ZHES BYA BA NI GNYID BSAL BA'I DON DU CHO GA 'DI YIN TE, 'DIR GZHUNG NI 'ON KYANG YUR NAS BCOM LDAN 'DAS KYIS BKA' STZAL PA, MDUN DU MAR ME GZHAG PAR BYA'O ZHES GSUNGS PA YIN NO, ,'ON KYANG GNYID MA SANGS NA RKANG PA DBYUNG NGO, 'ON KYANG MA SANGS NA YA GCIG BRKYANG NGO ZHES BYA BA NA, RKANG PA DBYUNG NGO ZHES BYA BAR SBYAR RO, ,'DIR GZHUNG NI 'ON KYANG YUR NAS BCOM LDAN 'DAS KYIS BKA' STZAL BA, RKANG PA YA GCIG BRKYANG BAR BYA'O, ,'ON KYANG YUR NAS BCOM LDAN 'DAS KYIS BKA' STZAL PA, RKANG PA YA GCIG KYANG BRKYANG BAR BYA'O ZHES GSUNGS PA YIN NO, ,MI 'THOM PAR BYA BA'I PHYIR PHRENG THAG DE DAG DE LTA BU LA BKOD PA'I BU GU'AM, DE LA BTAGS PA'I THAG PA LA 'JUS TE BCAG PAR BYA'O ZHES BYA BA NI, PHRENG THAG CHAD PAR RAB TU BRKYANGS PA DE LTA BU LA SMYU GU'I SBUBS LA SOGS PA BSKON PA LA 'JUS TE BCAG PAR BYA'O, ,CI'I DON DU 'JUS SHE NA, BKA' STZAL PA, MI 'THOM PA'I DON DU STE, 'DIR GZHUNG NI 'ON KYANG YUR NAS BCOM LDAN 'DAS KYIS BKA' STZAL BA, LANGS TE BCAG PAR BYA'O, ,DGE SLONG DAG 'CHAG PA NA 'THOMS NAS, BCOM LDAN 'DAS KYIS BKA' STZAL PA, PHRENG THAG LA 'JU BAR BYA'O, ,DE DAG LAG PAS 'CHAD BRGYUD BYED DAM, BCOM LDAN 'DAS KYIS BKA' STZAL PA; SBU GU BSKYON NAS SKUD PAS BTAGS PA LA 'JUS TE, BCAG PAR BYA'O ZHES GSUNGS PA YIN NO, ,'DIR SBU GU LA 'JUS PA NI SBYOR BA STE, GZHUNG LAS KYANG 'THOGS PA SRID PA DE BAS NA DE LTAR NYE BAR 'BREL PA'O, ,MCHI LA LHA MA CAN GYIS BCAG PAR MI BYA'O ZHES BYA BA NI SPONG BA NYI

72b

TSER MA ZAD KYI 'ON GANG ZHE NA, MTSON PA'I PHYIR SPONG BA PA'I ZHES SMOS PAS RIG PAR BYA'O, ,RKANG PA GNYIS LA RDUL MI 'GO BAR BYA BA'I PHYIR PAR THANG 'DING BAR BYA'O ZHES BYA BA LA, 'DIR PAR THANG ZHES SMOS PA NI, 'JAM PO DANG STAN GZHAN DAG GI DPE YIN NO, ,MI 'GO BAR BYA BA'I PHYIR ZHES BYA BA NI, RDUL GYIS MI 'GO BAR BYA BA'I PHYIR RO, ,'DI NI DPE TZAM YIN GYI LUS YID DU 'ONG BA LA DE BAS GZHAN GYIS KYANG LUS KYI GOS DANG STAN RNAMS KYIS NYAMS PA BAS LA BA'I PHYIR, RKANG PA PHYI BA DANG, BSDU BA DANG, RKANG PA RDUL CAN GYIS SKYIL MO KRUNG 'CHA' BA'I RGYU MTSAN NYID KYI PHYIR RO, ,SPONG BA PAS ZHAG GSUM ZHING RKANG PA GNYIS BSKU BAR BYA'O ZHES BYA BA NI, ZHAG GSUM GSUM ZHING RKANG PA GNYIS BSKU BAR BYA STE, DE LAS LHAG PAR NI MA YIN TE ZHES DE LTAR 'DI NI GTZO BO YIN NO, ,MA NUS NA DER YANG NYAL BAR BYA'O ZHES BYA BA NI, GNYID BRO BAS BSAD PAR MA NUS NA, RNAL 'BYOR GYI GNAS DER YANG NYAL BA NYES PA MED PA STE, RNAL 'BYOR GYI GNAS NYID KYI PHYIR RO, ,DE LA 'DI NI RNAL 'BYOR DANG BCAS PA NYID KYIS DER ZHUGS PA SRID PA'I PHYIR GZHAN DU SONG STE, 'DI BYED PA RIGS PA ZHES BYA BA DE'I 'DOD PA BSAL BA'I DON DU'O, ,SGO BCAD PAR RO ZHES BYA BA LA 'DI NI GZHAN DAG MA DAD PAR 'GYUR BA DANG, THO 'TSAMS PAR 'GYUR BA'I SPANG BA'I PHYIR, SGO GLEGS LA SOGS PAS SGO BCAD PA DER NYAL BA LA NYES PA MED DO, ,GLOS KYANG PHAB STE'O ZHES BYA BA NI, NYAL DU RUNG NGO ZHES BYA BA'I DON DU'O, ,DE YANG STAN LA NYAL BA 'DIR RUNG BA MA YIN GYI GZHAN NI MA YIN ZHES BYA BA 'DOD PA BSAL BA'I DON DU'O, ,DE YANG STAN LA NYAL BA 'DIR RUNG BA YIN GYI GZHAN NI MA YIN ZHES BYA BA 'DOD PA'I DON DU'O, ,SPONG BA BA'I PHYIR ZHAL TA BA BSKO BAR BYA'O ZHES BYA BA NI, ,JI LTAR 'OS PA DE DGE 'DUN GYIS GSOL BA DANG GNYIS KYIS BSKO BAR BYA'O, ,DE'I BYA BA NI LANGS MA THAG KHO NAR CHAG CHAG GDAB PA DANG, PHYAG DAR BYA BA DANG, LCI BSAR BA'I BYUG PAS BSKU BAR BYA'O ZHES BYA BA LA, ,SPONG BA BA'I ZHAL TA BA DES LAS SU BYA BA STE, DES BYA BA'I LAS 'OG NAS 'BYUNG

73a

, ,BA THAMS CAD LA SPYIR SBYAR RO, ,LANGS MA THAG KHO NAR ZHES BYA BA NI, NAM LANGS MA THAG KHO NAR LANGS NAS SO, ,STAN BSHAM PAR BYA'O, ,MI GTZANG BA'I SKYABS GNYIS KYIS BYI DOR BYA'O ZHES BYA BA NI BSHANG BA DANG GCI BA'I SA GNYIS BYI DOR BYA'O, ,CHAG CHAG LA SOGS PAS SO ZHES BYA BA LA SOGS PA'I SGRAS NI PHYAG DAR BYA BA DANG, LCI BA SAR PA'I BYUG PAS BSKU BA DAG BSDUS SO, ,BONG RDOG DANG, SA DANG CHU DAG GZHAG PAR BYA'O ZHES BYA BA LA 'DIR DAG PAR BYA BA'I PHYIR DUS DANG MTHUN PA'I CHU ZHES BYA BA PHRAN TSEGS DAG GI RJES SU 'BRANGS NAS SHES PAR BYA'O, ,BSDU BA'I PHYIR GAnd'I BRDUNG NGO ZHES BYA BA NI, SPONG BA PA RNAMS ZHES BYA BA SHUGS KYIS RTOGS PAR BYA'O, ,DE'I GNAS NI KHANG STENG NGO ZHES BYA BA LA, DE'I ZHES BYA BA NI GAnd'I BRDUNG BA DE'I GNAS DE'O, ,GANG DANG GANG DU DE DANG DE BRJOD PA DER 'DI GNAS PAR RTOGS PAR BYA STE, DE BAS NA 'DIS BYAS PA'O, ,DE'I KHANG STENG DU SGRUB PA LA MCHOG ,DE BAS NA GZHAN KHANG STENG GI RNAM PA MA YIN TE, 'DIR DE'I GNAS SU GTOGS PA'I GNAS DE DANG DER KHANG THOG TU 'DZEGS NAS BKLAG PAR BYA'O ZHES BYUNG BA YIN TE, DE BAS NA MDO 'DI'O,, DE SGRUB PAR BYED PAS NI MA YIN ZHES BYA BA 'DON PAS MED PAR SHES PAR BYA BA STE, DGONGS PA MTSUNGS PA NYID KYI PHYIR RO, ,DGE 'DUN BSDU BA'I PHYIR NI RGYUD GSUM DANG DE SNYED KYI TOG DAG GO ZHES BYA BA NI LAN GSUM BYA'O ZHES BYA BA'I DON TO, ,LAS BYA BA'I DON DU GAnd'I BRDUNG BA LA NI RGYUD GCIG DANG; TOG GSUM BRDUNG NGO ZHES BYA BA'I DON TO, ,KHA CIG LAS RGYUD GSUM DANG TOG GNYIS SO ZHES BYA BA LUGS GCIG LAS, LAS BYA BA'I DON DU GAnd'I BRDUNG BA LA NI, RGYUD GSUM DANG TOG GNYIS ZHES KYANG 'BYUNG STE, 'DI NI TOG GI SGRAS BRJOD PA'O, ,KHA CIG CES BYA BA NI 'DOD PA'O, ,LAS BYA BA'I DON DU KHA CIG GI 'DOD PA 'DI ZHES BYA BA'I DON DU'O, ,SHI BA LA PHRAG PA DBYUNG BA'I DON DU NI BYI BO'O ZHES BYA BA NI, GAnd'I BRDUNG BA NI BYI BO STE, BYI BO ZHES BYA BA NI RGYUD NYE TSE STE TOG DANG BRAL LO, ,KHA CIG LAS NI RGYUD GCIG DANG TOG GCIG GO ZHES BYA BA NI LUGS

73b

KHA CIG LAS TE 'DOD PA GZHAN NYE BAR BKOD PA'O, ,SPONG BA BA'I DON DU NI KHAR GSIL LO ZHES BYA BA NI, DES GAnd'I BYA BA'I DON TO, ,KHA CIG LAS GAnd'I CHUNG DU ZHE'O ZHES BYA BA NI, KLOG PAR BYED PA'I RTOGS PAS MNGON PAR 'BREL PA PHO'I RTAGS 'DI BSTAN TO, ,'DI DAG GI DON GCIG KHO NA ZHES BYA STE, DE BAS NA 'DI BSTAN PA KHAR GSIL NYID GAnd'I CHUNG DU ZHES BYA BA BRJOD DO, ,GNOD PA BYUNG BA LA NI JI TZAM GYIS CHOG PA'O ZHES BYA BA NI, GNOD PA BYUNG BA'I TSE GAnd'I BRDUNG BA LA NI JI TZAM GYIS CHOG PA DE TZAM BRDUNG BAR BYA STE, NAM ZHI BAR GYUR GYI BAR DU BRDUNG NGO ZHES BYA BA'I DON TO, ,ZAN GYI PHYIR 'DU BA'I DON DU NI GAnd'I DANG, GAnd'I CHUNG DU GNYIS KA BRDUNG NGO ZHES BYA BA NI, ZAN GYI PHYIR 'DU BA'I GANG YIN PA DE'I DON DU'O, ,CI RGYUN MA CHAD PAR BRDUNG BAR BYE'AM ZHE NA, DE'I PHYIR RAB TU GCAD DE'O ZHES BYA BA SMOS SO, ,CI TZAM GYIS BAR DU GCOD CE NA, DE'I PHYIR BRKYANG BAS SO ZHES BYA BA SMOS TE, DUS CI TZAM GYIS 'GRUB PAR 'GYUR BA'I DUS DE TZAM GYI BAR DU GAnd'I CHUNG DU BRKYANG BAS BRDUNG BAR BYA'O, ,DE BAS NA SHIN TU CHUNG BAR 'DI LAS BSTAN PAR MI BYA'O ZHES BYA BAR SHES PAR BYA'O, ,'DUS PA CHEN PO'I TSE GAnd'I BRDUNGS BAS GO BAR MI 'GYUR BA BLTA NA DUNG SBREL TE; BUD PAR BYA'O, ,RNGA BO CHE BRDUNG BAR BYA'O ZHES BYA BA NI 'DIR GZHUNG NI, GLENG GZHI DAG LAS DE RNAM PA'I DON DU ZAN GYI PHYIR 'DU BA'I DON DU ZHES BYA BA NI DPE TZAM DU RIG PAR BYA STE, GZHAN DU YANG 'DI SBYOR BA'I PHYIR RO, ,GAnd'I BRDUNGS PAR MI 'GRO BAR MI BYA'O ZHES BYA BA NI, CI YANG RUNG BA BLANGS PA'O, ,BCOM LDAN 'DAS KYIS BKA' STZAL BA, RNAM PAR 'BYED PA LA SOGS PA LA GAnd'I PHYIR MYUR BA KHO NAR 'GRO BAR BYA'O ZHES BYA BA'I TSIG GNANG NGO, ,GAnd'I BRDUNGS PAR SO SOR NYE BAR GNAS PA'I PHYIR SBRAN PA YIN PAS DE'I PHYIR DON CI ZHIG BYUNG ZHES NGES PAR SHES PAR BYA BA'I PHYIR DER 'GRO BAR BYA'O, ,'DIR 'GRO BA NI BYA BA STE DON SGRUB PA NI MA YIN NO, ,'DI LA DGOS PA'I DBANG NYID KYI PHYIR 'OS PA LA LTOS PA NYID KYI PHYIR RO, ,MI MYUR BAR MI BYA'O ZHES BYA BA NI, GAnd'I PHYIR MYUR BA KHO NAR 'GRO BAR BYA'O ZHES BYA BAR SBYAR TE 'DI NI MA MO LAS SO, BYA BA 'GRUB

74a

, ,PA'I DUS KYI LHAG MA LUS TZAM NA RGYUN CHAGS GSUM PA GDON CING CI BDER BYA'O ZHES BYA BA NI, RGYUN CHAGS GSUM PA GDON PA LA DUS JI TZAM GYIS DGE SLONG SPONG BA PA DAG GIS MCHOD RTEN LA PHYAG BYA BA LA SOGS PA'I BYA BA GRUB PA'I DUS KYI LHAG MA DE TZAM LUS PA NI, RGYUN CHAGS GSUM PA 'DON PA SPONG BA BDAG CI BDER BYA'O ZHES BYA BA'I DON TO, ,DE RAN PAR BYA'O ZHES BYA BA LA, DE ZHES BYA BA NI RGYUN CHAGS GSUM PA'O, ,YON BSHAD PAR BYA'O ZHES BYA BA NI, RGYUN CHAGS GSUM BTON PA'I 'OG TU SBYIN PA'I PHAN YON BSHAD PAR BYA'O, ,DE YANG JI LTAR BYA ZHE NA, DE'I PHYIR RAN PAR RO ZHES BYA BA SMOS TE, PHYI DRO MTSAN MO'I MJUG TU RANG GI GNAS SU 'GRO BAR MNGON PAR PHYOGS PA RNAMS LA DE RIGS PAR GYUR PA MTHONG BA YIN NO, ,SPONG BA PA'I ZHAL TA PAS SNGAR 'DU ZHING MJUG TU 'GYED PAR BYA'O ZHES BYA BA NI, SPONG BA'I ZHAL TA BYED PAS GANG DE RNAMS KYIS SO, ,GAL TE RKYEN DE LTA BU BYUNG NA LDE MIG SBAS PA BSTAN PAR BYA'O ZHES BYA BA LA, GAL TE DE LTA BU ZHES BYA BA NI, DON GAL PO CHE'I DBANG GIS MA GRUB PAS LDE MIG GANG DU SBAS PA DE BSTAN PAR BYA'O ZHES BYA BA DE BSDUS PA YIN NO, ,GAL TE SNGAR LDE MIG 'GA' ZHIG GI LAG TU GZHAG GAM, PHYOGS 'GA' ZHIG TU SBAS NAS, SNGAR 'GRO MI KHOM PA DE LTA BU'I RKYEN DAG BYUNG NA, SBED PA PO 'GRO BA'I PHYIR GNAS SKABS BDE BLAG TU BYED PAR MI NUS NA, DE'I PHYIR GAL TE DE LAS SPONG BA PA GZHAN DAG MI SNANG NA SMRA BAR BYA BA'I DON TO, ,'DIR GZHUNG THAMS CAD KYI SNGON DU 'ONG BAR BYA'O, ,GAL TE DE LTA BU'I RKYEN DAG BYUNG NA LDE MIG SBA BAR BYA BA BRJOD PAR BYA STE BSTAN PAR BYA'O, ,TSE DANG LDAN PAS PHYOGS 'DI NA LDE MIG SBAS PA BLTAS NAS DBYUNG BAR BYA'O, ,GSO SBYONG GI GZHI LAS ZHI GNAS KYI GSO SBYONG GI SKABS SO, ,GSO SBYONG GI GNAS LA BLO MTHUN PAR BYA'O ZHES BYA BA SMOS NAS, GNAS JI LTA BUR BLO MTHUN PAR BYA ZHE NA, DE'I PHYIR GNAS THAMS CAD GRUB PA'AM, BYAS PA'AM ZIN PA LA 'O ZHES BYA BA SMOS TE, GNAS GANG LA THAMS CAD GRUB PA'AM, THAMS CAD BYAS PA'AM, THAMS CAD ZIN

74b

BA YOD PA DE NI GANG LA ZHES BYA BA 'DIS BSDUS PA'O, DE LA GRUB PA ZHES BYA BA NI 'CHAGS PA'I BSKAL PA TSE RANG GRUB PA'AM, GTIB CHAD PA LA SOGS PAS RANG GRUB PA STE, DPER NA RI'I BYA SKYIBS LA SOGS PA LTA BU GZHAN GYIS BYAS PA LA MI LTOS PA'I PHYIR RO, ,BYAS PA ZHES BYA BA NI 'BAD PA LA BRTEN NAS, BSGRUB PA GANG YIN PA'O, ,ZIN PA ZHES BYA BA NI, BYA BA BYED PA'I GNAS LA SOGS PAR RUNG BA STE, GRUB PA DANG BYAS PA DANG ZIN PA LA'O ZHES BYA BA 'DI YONGS SU RDZOGS PA DE BAS NA GRUB PA LA SOGS PA NI MING GI RNAM GRANGS NYID DO, ,YONGS SU MA RDZOGS PA LA YANG 'DI DAG GI SGRA 'JUG PAR 'GYUR BA YIN TE, DE'I PHYIR BYE BRAG 'DI YIN NO, ,PHYI ROL NYE 'KHOR 'DOM GANG DANG LDAN PA'O ZHES BYA BA NI, DGE 'DUN LAS PHYI ROL DU GYUR BA'I NYEN KOR DU 'DOM GANG TZAM DANG BCAS PA GANG YIN PA DE NI PHYI ROL NYEN KOR 'DOM GANG DANG LDAN PA ZHES BYA BA'O, , NYEN KOR 'DOM GANG DANG BCAS PA ZHES BYA BA NI, MTHA'I SGRA NI 'DIR DRANG SRONG GIS GSUNGS PA LAS 'DON PA YIN TE, DE'I DON NI BAR DANG BCAS PAR GYUR PA DANG LHAN CIG TU DE TZAM PA'I PHYI ROL DU GYUR PA'I NYE 'KHOR ZHES GSUNGS PA YIN NO, ,CI MI 'DOD BZHIN DU YANG BLO MTHUN PAR BYA BA'AM ZHE NA, MA YIN TE DE'I PHYIR DGE 'DUN 'DOD NA'O, ,LAS GZHAN GYI GNAS KYANG DE YIN NO ZHES BYA BA SMOS TE, GSO SBYONG GI GNAS ZHES SMOS PAS 'DIR LAS GZHAN DER MI BYA BA'AM SNYAM DU SEMS PA RNAMS KYI DOGS PA BSAL BA'I PHYIR 'DI'O, ,'DIR GSO SBYONG ZHES SMOS PA NI, DPE TZAM DU ZAD DE DE BAS NA LAS RNAMS THA DAD PAR GNAS PA NYID CES BYA BA GSO SBYONG GI GZHI LAS DE BCAS PA'I PHYIR DE SKAD CES BYA'O, ,MTSAMS GCAD PAR BYA'O, ,DPAG TSAD PHYED DANG GSUM GYI MTHA' TSUN CHAD DU'O ZHES BYA BA LA, BYED CES BYA BA NI JI SRID DANG LHAN DU SBYAR BA 'DI STE, DE SRID DPAG TSAD PHYED DANG GSUM ZHES BYA BA'I DON TO, ,PHYOGS PHYOGS SU PHA BONG DANG, RTZIG PA DANG, KA BA DANG, SHING LJON PA DANG, RA BA DANG, BYA SKYIBS DANG, LAM PO CHE DANG, KHRON PA LA SOGS PA DE SHES PA'I DGE SLONG RNAMS KYIS BRTAGS NAS DGE 'DUN GYI MDUN DU MTSAN MA BRTAN PO BRJOD

75a

, ,DE LAS BYA'O ZHES BYA BA LA, DE SHES PA RNAMS KYIS ZHES BYA BA NI YUL DE NA GNAS PA'AM, GNYUG MAR GNAS PA RNAMS KYI'O, ,GNAS PA ZHES BYA BA NI GANG DAG GNAS PA DE'AM, PHYI ROL DU MNGON PAR SHES PA MA GRUB PA LAS SNGAR GNAS PA'O, ,SNGAR PHA BONG LA SOGS PA MTSAN MA BRTAN PO ZHES BYA BA LA SOGS PA'I SGRAS NI 'PHANGS PA RNAM PAR BCAD PA'O, ,RJES SU 'JUG PAR BYED TZAM LA BRTAN PO ZHES BYA BA LA SOGS PA'I SGRAS NI BRJOD PA'O, ,'DIS RNAM PAR BCAD NAS YUN RING DU GNAS PA BRJOD PA LA YIN TE, DON LAS JI LTAR YUN RING DU YONGS SU SHES PA BSGRUB PA DE LTAR GONG DU YANG MTSAN MA GZHAN NGES PAR ZHUGS PA MNGON PAR 'DU BYAS PAS BYA'O ZHES BYA BA SMOS PA DE'I PHYIR, GANG ZHIG GANG DU GZHAN SGRUB PAR 'GYUR PA DE BAS NA RE ZHIG 'BYUNG BAR GYUR CIG SNYAM DU BYED PA DER NA PAR SGRUB PA LA MTSAN MA ZHES 'BYUNG BA YIN TE, PHA BONG NGAM PHUR PA GDAB PA LA SOGS PA BYA'O ZHES BYA BA GSUNGS PA DE 'DIS BSDUS PA YIN NO, ,DER GNANG BA BYAS NA CHOS GOS DAG DANG BRAL BAR MI 'GYUR RO ZHES BYA BA LA, DER ZHES BYA BA NI MTSAMS KYI NANG DU'O, ,GAL TE CHOS GOS DAG DANG MI 'BRAL BA'I GNANG BA BYAS PAR GYUR NA 'DIR CHOS GOS DAG DANG 'BRAL BAR MI 'GYUR BA YIN NO, ,MTSAMS BCAD PA TZAM CHOS GOS DANG MI 'BRAL BAR GYUR PA NI MA YIN NO ZHES BYA BA'I DON TO, ,DE BYA'O ZHES BYA BA NI, CHOS GOS DANG BRAL BAR MI 'GYUR BA'I GNANG BA DE BYA STE, CHOS GOS DAG DANG MI 'BRAL BA'I GNANG BA DE BYAS PAR 'GYUR RO, ,DE LA BYED PA GNANG BA MA YIN NO SNYAM DU 'GA' ZHIG SEMS SO ZHES SMOS SO, ,THAMS CAD KYI CHED DU DKYIL 'KHOR BAR BLO MTHUN PAR BYA'O ZHES BYA BA NI, LAS THAMS CAD LA BRTEN NAS GSO SBYONG GI RJES LA DKYIL 'KHOR BLO MTHUN PAR BYA'O, , SNGA MA BAG YANGS SU MA BYAS PA BCAD PA GZHAN MI 'CHAGS SO ZHES BYA BA SNGAR GYI MTSAMS BAG YANGS SU MA BYAS PA LA MCHOMS GZHAN MI 'CHAGS SO, ,DE LTA BAS NA DKYIL 'KHOR BA'I MTSAMS SU BLO MTHUN PAR MA BYAS PAR MTSAMS BCAD PA'I BLOS MTHUN PAR BYED 'DOD PA LA

75b

MTSAMS DGROL BAR BYA'O, ,'DI NI RIGS PA MA YIN NO SNYAM DU SHES PAR MI BYA'O, ,DE'I PHYIR MTSAMS DAG DGROL BAR BYA'O ZHES BYA BA SMOS TE, MTSAMS PO CHE'I STENG DU DKYIL 'KHOR BA MI 'CHAGS PAS DE DGROL NAS BYA'O, ,TSIG GCIG GIS MTSAMS GNYIS BCAD PA DANG DGROL DU RUNG NGO ZHES BYA BA NI, MTSAMS GNYIS PO DAG LA TSIG GCIG GIS BCAD PA'AM DGROL BAR RIGS PA YIN TE, MTSAMS GNYIS KAR DGE 'DUN BKOD NAS LAS BYED PA'I DGE SLONG GIS MTSAMS GNYIS KAR SHING NGAM DBYUG PA'AM RE LDES MNAN NAS GSOL BA BYA STE LAS BYA'O ZHES GSUNGS PA DE BSDUS PA YIN NO, ,MTSAMS MA BCAD PA'I GNAS SU NI LAS LA RTZIG PA MTSAMS YIN NO ZHES BYA BA NI, MTSAMS MA BCAD PA'I GNAG GANG YIN PA DER LAS BYA BA'I YUL LA GTZUG LAG KHANG GI RTZIG PA NYID MTSAMS YIN NO ZHES BYA BA'I DON TO, ,'DIR CHOS GOS DANG 'BRAL BA'I MTSAMS BSAL BA'I PHYIR LA ZHES SMOS PA NI, DE LA CHO GA YIN NO, ,DBYAR GYI MTSAMS BCAD PA LA KHAS BLANGS PA'I RNAM PA GANG YIN PA DE NI 'DIR MTSAMS SO, ,KHAS BLANGS PA YANG LAS TE GANG GI PHYIR 'DIR LAS KYI GZHIR SPYIR BSTAN PA BZUNG BA NI MA YIN TE, 'ON KYANG THAMS CAD NGES PAR RTOGS PA'I RJES SU BSGRUB PA LA'O, ,DE LTAR YANG MTSAMS 'DIR RNYED PA BGO BA DANG SHI BA'I YO BYAD BYIN GYIS BRLABS PA YANG DE LTA BU'I RNAM PA LAS 'BYUNG BA'O, ,DE LTAR YANG TSE DANG LDAN PA NYE DGA' GTZUG LAG KHANG NAS THAG RING PO NA 'DUG PAS KHO BO MTSAMS SU GTOGS PAS RNYED PA DBANG NGO ZHES BYA BA SMRAS PA YIN NO, ,NANG DU 'TSED PA DANG SMIG PA DAG LA SGRUB PA GANG YIN ZHE NA, GNAS SU 'DI DAG LA MI MTHUN PA NYID DO, ,DE LTA BAS NA JI SRID GNAS KYI BLO YOD PA DE SRID DU ZHES BYA'O, ,DE YANG PHYI ROL 'DOM GANG DANG BCAS PA'O, ,GZHI MED PA'I GNAS SU JI LTAR BYA ZHE NA, JI SRID DU DER LHAG PAR GNAS PA'I NGO BOS SGRUB PAR BYED PA DE SRID SPANG BAR BYA'O, ,DGE SLONG GRONG DAG TU DGE SLONG RNAMS KYI DON DU NYE BAR MI MKHO BA'I GNAS RNAMS GANG YIN PAR BYED PA DE RNAMS LA JI LTAR BYA ZHE NA,

76a

, ,GANG ZHIG DER DGE SLONG RNAMS KYI GNAS DON DU DE NYE 'KHOR DANG BCAS PA SPANG BAR BYA'O, ,DE BZHIN DU GZHAN LA YANG NGO, ,WA NAS CHU 'DZAG PA GANG DU BAB PA YANG NGO ZHES BYA BA NI, WA NAS CHU 'DZAG PA NI RNAMS KYI NI SMYUG MA BZHIN DU GTZUG LAG KHANG GI KHONGS SU GTOGS PA NYID YIN NO, ,DE BAS NA KHYAMS BZHIN DU DE'I 'OG CHA 'DI ZHUGS PA'O, ,YANG NGO ZHES BYA BA'I SGRAS NI GAL GNYIS SU BTAGS PA MA YIN GYI, GANG DU WA NAS CHU 'DZAG PA YOD PA DE LA NI 'DI YIN NO, ,GZHAN LA NI RTZIG PA ZHES BYA BA BSTAN PA'I DON DU'O, ,MTSAMS DE'AM 'DI ZHES BYA BA WA NAS CHU 'DZAG PA'I WA YIN NO, ,GRONG LA NYEN KOR GYI MTHA' TSUN CHAD DO ZHES BYA BA NI, GRONG LA SNGAR 'BRAL BA'I SKABS SU GRONG GI NYEN KOR BSTEN PA GANG YIN PA DE'I MTHA' TSUN CHAD MTSAMS YIN TE, 'DIR GZHUNG NI LUNG SIL BU DAG PAS GSUNGS PA YIN NO, ,DGON PA LA NI PHYOGS PHYOGS SU RGYANG GRAGS KYI MTHA' TSUN CHAD DO ZHES BYA BA NI, DGON PA LA DBUS NAS BRTZAMS TE ZHES BYA BA BSTAN PA'I PHYIR PHYOGS PHYOGS SU ZHES SMOS SO, ,GSO SBYONG GI GZHI LAS GNAS KYI SKABS SO,, ,,'DIR GSO SBYONG DANG DGAG DBYE'I DON DU MDZAD DE 'DUN PA 'BUL BA GSUNGS MOD KYI TSOGS PAR GTOGS PA GZHAN THAMS CAD LA YANG YOD PAS, LAS THAMS CAD LA RNAM PAR GNAS PA DE BAS NA THAMS CAD KYI DBANG DU BYA STE BSTAN PA'I PHYIR, 'DUN PA 'BUL BAS LAS DE DANG MTHUN PA 'GRUB PO ZHES BYA BA SMOS TE, DE DANG ZHES BYA BA NI 'DUN PA 'BUL BAR BYED PA GANG YIN PA'I GANG ZAG DES SO, ,MTSAMS BCAD PA'I LAS NI MI 'GRUB BO ZHES BYA BA NI, 'DUN PA 'BUL BAR BYED PA DE'I TSOGS PA MTHUN PA MI 'GRUB BO, ,'DIR GZHUNG NI NYE BA 'KHOR LAS THAMS CAD LA 'DUN PA DANG BCAS PA YIN TE, MTSAMS BCAD PA NI MA GTOGS SO ZHES GSUNGS PA YIN NO, ,GLENG GZHI DAG LAS DE LA SOGS PA 'DUN PA 'BUL BA ZHES BYA BA'I MTHAR THUG PA'O, ,BSLAB PA BYIN PA LAS DE BLANG DU RUNG NGO ZHES BYA BA NI, 'DIR DE ZHES BYA BA'I SGRA NI 'DUN PA BZANG NGO, ,BSLAB PA BYIN PA LAS 'DUN PA BLANG BA SU LA RUNG ZHE NA,

76b

DE'I PHYIR DE LA DGE SLONG GI 'DU SHES NYE BAR GZHAG PA LA'O ZHES BYA BA SMOS TE, BSLAB PA BYIN PA DE LA DGE SLONG GI 'DU SHES NYE BAR GZHAG PA DE LA DGE SLONG GI 'DU SHES SO, ,DE NYE BAR GNAS PA GANG GIS DE LAS ZHES BYA BA'I DON TO, ,DBUL DU MI RUNG NGO ZHES BYA BA NI BSLAB PA BYIN PA DE LA 'DUN PA DBUL DU MI RUNG STE, DGE 'DUN DU GYUR PA 'DIR YANG MA YIN ZHES BYA BA BYE BRAG MED PAR GTOGS PA'O, ,YONGS SU DAG PA DAG DGAG DBYE DAG LA YANG 'DIS BYAS PAR 'GYUR ZHES BYA BAR RIG PAR BYA'O, ,SMYOS PA'I GNANG BA THOB PAS NI MI MTHUN PA NYID DU MI 'GYUR RO, ,YONGS SU DAG PA PHUL BA DANG YANG GCIG PA NYID DO ZHES BYA BA NI, 'GRUB BO ZHES BYA BA'I RJES BSNYEG PA'I PHYIR YANG ZHES BYA BA'I SGRA SMOS TE, GANG DANG LHAN CIG PA NYID CES BYA BA 'DI LA DGE 'DUN DANG ZHES BYA BA SHUGS KYIS RTOGS PA'O, ,DON GANG LA GCIG NYID DU 'GYUR ZHE NA, DE'I PHYIR GSO SBYONG DANG DGAG DBYE LA'O ZHES BYA BA SMOS TE, GCIG PA NYID DU 'GYUR ZHES BYA BAR SBYAR RO, ,CI ZHIG BYAS PAS SHE NA, DE'I PHYIR DE PHUL BAS SO, ,YONGS SU DAG PA DANG DGAG DBYE PHUL BAS ZHES BYA BA'I DON TO, ,DE BZHIN DU DE GNYIS LA'O ZHES BYA BA LA, DE BZHIN DU ZHES BYA BA NI YONGS SU DAG PA DANG DGAG DBYE 'BUL BA DAG GIS SO, ,DE GNYIS LA ZHES BYA BA NI GSO SBYONG DANG DGAG DBYE LA'O, ,RTOGS PA PO LA CHO GA 'DI LEGS PA NYID DU BSTAN GYI DGE 'DUN DU LONGS PAS NI MA YIN NO, ,DE BRJOD PAR BYA STE, CHO GNOD PAR BYA'O ZHES BYA BA SMOS TE, YONGS SU DAG PA DANG DGAG DBYE PHRAL BAS GSO SBYONG DANG DGAG DBYE GNYIS BYA BA'I CHO GA'O, ,TSOGS THA DAD PAS 'DUN PA LA SOGS PAS MTHUN PAR BYA STE, LAS BYED PA LA MI RUNG BA NYID DO ZHES BYA BA NI, BKOD PA SNA TSOGS PA BCINGS PAR GYUR PA NYID KYIS DE LA MI RIGS PA'I BLO SKYE BA STE; DE BSAL BA'I DON DU 'DI'O, ,'DIR KHA NA MA THO BA MED PA'I 'DUN PA LA SOGS PA 'BUL BA'I SKABS MA YIN PAR SHES PAR MI BYA STE, 'DI NAD PA LA SOGS PA DBANG PO NYID RIGS PAR GYUR PA NYID KYI PHYIR RO, ,'DIR GZHUNG NI ZHU BA LAS, BTZUN PA DGE SLONG PHYOGS

77a

, ,GCIG NA MCHIS PAS GNAS BZHI PO DAG TU SO SOR THAR PA'I MDO BTON PA LA GSO SBYONG YANG BGYIS PAR 'GYUR ZHING, DGE SLONG DE DAG LA YANG 'GAL TSABS CAN DU MI 'GYUR BA MCHIS SAM, NYE BA 'KHOR YOD DE, 'DI LTAR SO SOR THAR BA'I MED 'DON PA'I DGE SLONG GI GNAS BZHI PO DAG CIG CAR DU SHING NGAM, DBYUG PA'AM, RE LDES MNAN TE SO SOR THAR BA'I MDO 'DON NA'O ZHES BYA BA LA SOGS PA GSUNGS PA YIN NO, ,BRJOD PAR BYA BA RTZOM PA 'DRA BA RNAMS CIG CAR BRJOD PA LA YANG MED DO ZHES BYA BA NI MI RUNG BA MED DO ZHES BYA BAR SBYAR RO, ,CIG CAR ZHES BYA BA NI THABS CIG GIS BSGRUB PAR BYA BA NYID DO ZHES BYA BA'I DON TO, ,'DUN PA DANG YONGS SU DAG PA GNYIS LHAN CIG TU 'DUN PA DANG DGAG DBYE DAG LA YANG BRJOD DO, ,BRJOD PA YANG RIG PAR BGYID DO ZHES GSUNGS PA GANG YIN PA DE 'DIS BSDUS PA YIN NO, ,BRJOD PAR BYA BA RTZOM PA 'DRA BA RNAMS ZHES SPYIR SMOS PA GANG YIN PA DE LA RIG PA NI 'DUN PA DANG YONGS SU DAG PA DANG, 'DUN PA DANG DGAG DBYE DAG KYANG BRJOD PA YANG RIG PAR BGYID DO ZHES GSUNGS PA GANG YIN PA DE RNAMS KYIS NI YUL GYI BYE BRAG LA BCAS PA ZHES BYA BA DE LTA BUR GZHAN RNAMS LA YANG 'DIR KHONGS SU BSDU BA'I PHYIR 'DI BSTAN PA YIN NO, ,GCIG GIS DU MA'I DE DAG LEN PA LA YANG MED DO ZHES BYA BA NI, MI RUNG BA ZHES BYA BAR SBYAR TE, DGE SONG GCIG GIS DGE SLONG DU MA'I RGYUD DU GTOGS PA'I 'DUN PA DANG, DGAG DBYE LA SOGS PA LEN PA YANG MI RUNG BA MED DO, ,'DI LA BRJOD NUS PA'I TSIG GIS GZUNG NGO ZHES BYA BA LA, 'DI LA ZHES BYA BA NI DGE SLONG DU MA'I RGYUD DU GTOGS PA'I 'DUN PA LA SOGS PA LEN PA 'DI LA GRANGS KYI BYE BRAG YONGS SU CHAD PA MED DO, ,'ON KYANG BRJOD NUS PA LAS TE JI SNYED BRJOD NUS PA DE SNYED PA RNAMS LA ZHES BYA BA'I DON TO, ,MI NUS NA DE DAG 'BUL BA GANG YANG RUNG BAS 'GRUB BO ZHES BYA BA NI, 'DUN PA LA SOGS PA DE RNAMS 'BUL BA GANG YIN PA DE RNAMS LA GANG YANG RUNG BAS MI NUS PAR GYUR NA 'GRUB PA'O, ,LUS KYIS KYANG NGO, ,JI LTAR YANG MI NUS NA YANG NA DGE 'DUN DER 'GRO BAR BYA'O, ,YANG NA DE KHRIS BLANG BAR BYA'O ZHES BYA BA LA JI LTAR YANG ZHES

77b

BYA BA LA NI LUS KYIS KYANG MI NUS PAR 'GYUR NA'O, ,YANG NA DE ZHES BYA BA NI 'DUN PA LA SOGS PA 'BUL BA'I NAD PA LA'O, ,DE BLANGS PAS RGYUG PAR MI BYA'O ZHES BYA BA NI, 'DUN PA LA SOGS PA RNAMS SO, ,MGYOGS PAR MI BYA'O ZHES BYA BA LA, LA LA DAG NI MGYOGS PA DANG RGYUG PA DAG GIS GNAS LA MGYOGS PA DANG, RGYUG PAR MI BYA'O ZHES ZER RO, ,DON DE NYID 'DIR MTHONG BA YIN NO, ,RTZE BA'I NGO BOS CUNG ZAD DAL BA'I 'GRO BAS TSIG DANG BCAS PAS RGYUG PA MTHONG BA'O, ,TSIG DANG BCAS PA'I MGYOGS PA'ANG MTHONG BA YIN NO, ,RGYUG PA NI DE NYID STENG GI CHA LA BSNYEN NAS MCHONG BA LA SOGS PA'I NGO BO'O, ,MCHONG BAR MI BYA'O, ,PHYI ROL LA MCHONG BAR MI BYA'O ZHES BYA BA NI 'OBS LA'O, ,BANG RIM LA NI MI BYA'O ZHES BYA BA NI MCHONG BA STE, PHYI ROL GYI KHYAMS KYI BANG RIM LA'O, ,NAM MKHA' LA 'DUG PAR MI BYA'O ZHES BYA BA NI, NAM MKHA' LA 'JUG PA'AM, 'GRO BAR MI BYA'O, ,PHYI ROL DU MI BYA'O ZHES BYA BA NI MTSAMS NAS MTSAMS KYI PHYI ROL DU 'GRO BAR MI BYA'O, ,SKAS KYI RIM PA GZHAN BA ZHAG NAS GZHAN DU GOM PA DOR BAR MI BYA'O, ,THEM SKAS KYI THEM PAR MI BYA'O, ,CHU LKOG MA NUB TZAM LA 'BOG PAR MI BYA'O, , GNYID LOG PA DANG SNYOMS PAR 'JUG PAR MI BYA'O, ,DE GNYIS NI MA BKLAS PA NYID KYIS KYANG SMAD PAR BYA BA NYID YIN NO ZHES BYA BA LA, DE GNYIS ZHES BYA BA NI 'DUN PA LA SOGS PA GZUNG BA GNYID LOG PA DANG, SNYOMS PAR 'JUG PA DAG LA'O, ,MA BKLAS PA NYID CES BYA BA NI, THE TSOM ZA BA NYID DANG, MA NGES PA NYID DANG, MA MOS PA NYID DANG BSTAN PA LA MA GUS PA NYID DO, ,DES NA GNYID LOG PA DANG, SNYOMS PAR ZHUGS PA 'DI DAG LA SMAD PAR BYA BA NYID DO, ,LTUNG BA 'BYIN PA PO NYID KYIS NGO TSA BA MED PA 'BA' ZHIG MA ZAD KYI MTSAMS KYI PHYI ROL DU 'GRO BA LA SKYON DANG BCAS PA NYID KYI RJES SU BSGRUB PA LA GTOGS PA'I LO RGYUS LA SO SOR NUB PA NYID MA YIN GYI, 'DI DAG LA NI 'DI SO SOR MI GNANG BAR 'GYUR BA DE BAS NA 'DI DAG KHO NA LAS MA BKLAS PA NYID KYIS KYANG SMAD PAR BYA BA NYID YIN NO, ,DGE SLONG LA BRJOD PAR BYA'O ZHES BYA

78a

, ,BA NI, 'DUN PA LA SOGS PA'I LEN PAR BYED PA DES GANG GI TSE DGE 'DUN GYI GNAS BRTAN GYIS BRJOD PAR BYA STE, 'DIR GZHUNG NI, DES DRUNG NA 'DUG PA'I DGE SLONG LA TSE DANG LDAN PA DGE SLONG MA LHAGS PA RNAMS LA 'DUN PA DANG YONGS SU DAG PAR BRJOD DO, , BRJOD PA GANG RIG PAR BGYID DO ZHES GSUNGS PA YIN NO, ,KHA CIG LAS DGE 'DUN LA'O ZHES BYA BA NI, LUGS KHA CIG LAS DGE 'DUN LA BRJOD PAR BYA'O ZHES KYANG 'BYUNG NGO, ,BTZUN PA RNAMS DGONGS SU GSOL ZHES BYA BAS BRTZAM MO ZHES BYA BA NI, DE LTAR 'DUN PA LA SOGS PA BRJOD PAR BYA BA LA SOGS PA NI RTZOM PA RTZOM PA'O, ,BTZUN PA RNAMS DGONGS SU GSOL ZHES BYA BA DANG GSAN DU GSOL ZHES BYA BA NI, DGE 'DUN GYI NANG DU MA PHYIN PAR DUS BYAS SAM, KHYIM PA NYID LA SOGS PA'I KHAS BLANGS NA MA BLANGS PA NYID YIN NO ZHES BYA BA NI, 'DUN PA LA SOGS PA DBANG DU BYAS PAS RJES SU 'JUG PA'O, ,SOGS PA ZHES BYA BA'I SGRAS NI BSLAB PA DBUL BA'I TSIG DAG TU GTOGS PA DGE TSUL NYID CES BYA BA LA SOGS PA NAS, DE BZHIN GSHEGS PA LA NGAN SEMS KYIS KHRAG PHYUNG BA ZHES BYA BA'I MTHAR THUG PA'I BAR DAG BSDUS PA'O, , PHYIN NA BLANGS PA NYID YIN NO ZHES BYA BAR GO BAR MA BYAS SU ZIN KYANG 'DI LA THE TSOM MED PAR BYA'O ZHES GO BAR BYA BA'I PHYIR BRJOD PA YIN PAS DGE 'DUN GYI NANG DU 'ONGS PA NYID, DGE 'DUN GYI KHONGS SU GTOGS PAS DE'I DNGOS PO LA 'DIR GTZO BO STE, DE BAS NA 'DIR DE SHES PA'O, , GZHAN GYIS TSES BCO LNGA LA DGE SLONG BZUNG NA DE LA DGE 'DUN GYIS 'DI BDAG CAG GI TSANGS PA MTSUNGS PAR SPYOD PA YIN GYI THONG SHIG CES BRJOD PAR BYA'O ZHES BYA BA LA, GZHAN GYIS ZHES BYA BA NI, RGYAL PO LA SOGS PA'O, ,DE LA ZHES BYA BA NI GZHAN LA BRJOD PAR BYA'O, ,GANG GIS DGE SLONG BZUNG BAR GYUR PA DE LA MNGON SUM DU'AM 'PHRIN PA BTANG STE, DER RANG GIS SAM THAMS CAD KYIS MA BTANG BA DANG MA BTANG BAR 'GYUR BA MA YIN TE, PHO NYA'I KHA NAS SMRA BA GANG YIN PA DANG, RANG GIS KHA NAS SMRA BA GANG YIN PA 'DI GNYIS KA'I BSDU BA LA DGONGS NAS, DE LTAR

78b

NYE BAR BTAGS PA'O, MA BTANG NA BDAG CAG 'DI DANG LHAN CIG BYA BA CUNG ZHIG YOD DO ZHES SNGA MA DANG BCAS TE'O ZHES BYA BA LA, SNGA MA DANG BCAS TE ZHES BYA BA NI MDO SNGA MA DES, THONG SHIG CES SMOS PA'I TSEG SNGA MA DE DAG DANG BCAS TE, BDAG CAG DGE SLONG 'DI DANG LHAN CIG BYA BA CUNG ZAD CIG YOD DO ZHES BYA BA 'DI LTAR GZHAN LA BRJOD PAR BYA ZHES BYA BA'I DON TO, ,DE LTA NA YANG DKYIL 'KHOR PAR BYA'O ZHES BYA BA NI, TSIG GNYIS PA BRJOD KYANG MA BTANG NA DE'I TSE DGE 'DUN GYIS DKYIL 'KHOR DU GSO SBYONG BYA'O ZHES BYA BA'I DON TO, ,DE BTANG BA'I PHYIR SNGAR MI 'BAD PAR MI BYA'O ZHES BYA BA NI, GZHAN GYIS BZUNG BA'I DGE SLONG DE BTANG BA'I PHYIR RO, ,'PHRIGS PAS, MI MTHUN PA NYID DU 'GYUR RO ZHES BYA BA NI, MTSAMS KYI NANG NA DGE SLONG DNGOS SU 'KHOD PAR SHES PA RNAMS KYI NGES PA RNAMS KHO NAS DGE SLONG RNAMS YOD NA, GANG ZHIG MA 'ONGS PA ZHES PA LAS MI MTHUN PA NYID KYIS NYES PAR 'GYUR BA 'BA' ZHIG TU MA ZAD KYI, 'DI LTAR MTHONG NGAM THOS PAS MI MTHUN PA NYID KYIS NYES PAR 'GYUR BA SHAS PAR BYA BA MA YIN NO, ,THA DAD PA NYID DU 'DOD PAS MNGON PAR BRTAGS TE LAS BYED NA NYES PA SBOM PA'O ZHES BYA BA LA, THA DAD PA NYID DU 'DOD PAS ZHES BYA BA NI, NGES PA'AM 'PHRIGS PA MA LHAGS PA RNAMS THA DAD PA NYID DU 'DOD PAS MA 'ONGS KYANG SLA'O SNYAM DU SEMS SHING DE BAS NA THAG RING PO NA 'KHOD CIG SNYAM PA'O, ,'DIR LAS ZHES SMOS PA'I 'DUG PAR GTOGS PA DANG RJES SU MTHUN PA'I LAS SU BYA BA LA, TSOGS PA'I YAN LAG MA YIN PA DE YONGS SU BCAD PA'I DON DU TSIG 'DI'O, ,'DI NI DGE 'DUN GYI DBYEN LA 'DU BA'I SKABS SU DGE 'DUN LHAG MA GANG YIN PA DE'I SKABS SU TSOGS PA'I NYES PA SDOM POR 'GYUR RO, ,RTOG PA NYID NA THE TSOM ZA 'AM NGES PAR 'BYED PA LA NI NYES PA'I BYED PA MI 'BYUNG BA MA YIN NO ZHES BYA BA LA, DE LTAR YANG 'DIR GZHUNG NI, CI GANG DAG MA LHAGS PA DE DAG MED PAR BDAG CAG GIS GSOL BA BYAS TE, GSO SBYONG BYA BA DANG SO SOR THAR PA'I MDO 'DON PA GDON DU RUNG NGAM 'ON TE MI RUNG, DE DAG MED PAR BDAG CAG GIS DGAG DBYE BYAR RUNG

79a

, ,DAM 'ON TE MI RUNG SNYAM DU RTOG PA NYID NA THE TSOM ZA'AM NYES PA DE DAG MED PAR BDAG CAG GIS GDON PA DANG, DGAG DBYE'I BAR DAG BYAR RUNG NGO ZHES NGES PAR BYED PA GANG YIN PA DE LA NI NYES PA'I BYED PA MI 'BYUNG BA MA YIN TE, JI SRID DU 'DON PA DANG, DGAG DBYE BYED PA'I BAR DAG TU MI MTHUN PA'I NYES PA KHO NAR 'GYUR RO ZHES GSUNGS PA KHO NA YIN NO, ,DE BZHIN DU 'DIR 'DI NI LAS THAMS CAD KYI DBANG DU BYAS PA KHO NA YIN PAS SPYIR MDOR BYAS SO, ,BSAM PA THAG PA NAS YONGS SU BTZAL ZHING GO BA SLOB MA BYAS NA DAG PA'I BYED PA YIN NO ZHES BYA BA NI, GANG ZHIG MA 'ONGS PA NA DGE SLONG DAG 'BYUNG BAR SHES NAS GAL TE LHAG PA'I BSAM PAS DE RNAMS LA SLONG BAR BYED NA, DE NAS 'DI DAG GCIG PUS MA THOB PA LAS BYED PAS, DE RNAMS LA KHA NA MA THO BA DANG BCAS PA NYID DANG, MA DAG PA NYID 'BYUNG BAR MI 'GYUR RO, ,RUNG BA TZAM DU GYUR PA BSAM PA THAG PA NAS MA YIN PA YONGS SU BTZAL ZHING DAG PA'I BYED PA MA YIN TE, DER GTOGS PA RNAMS LA MI MTHUN PA'I NYES PAR 'GYUR RO, ,BTZAL BA DANG, BOD PA DANG MTHON PAR 'DUG STE, PHYOGS SU BLTA BA DAG GIS NI DE YIN ZHES BYA BA NI, RNAM PA DE GSUM GYI RIGS KYIS NI YONGS SU BTZAL BA NYID YIN TE, DE 'DIR MNGON PAR 'DOD PA ZHES BYA BA'I DON TO, ,'DIR BTZAL BA ZHES BYA BA NI PHYOGS DE DANG DE RNAMS SU BYUL BA'O, ,BOD PA ZHES BYA BA NI SKAD KYIS BOD PA'O, ,MTHON POR 'DUG STE PHYOGS SU BLTA BA ZHES BYA BA NI SA PHYOGS MTHON POR 'GRENG STE MIG RGYANG GIS PHYOGS SU BLTA BAR BYA'O, ,DE GSUM LA YANG GO RIMS BZHIN DU BYA STE, DANG PO RJES SU BTZAL BAR BYA'O, ,BTZAL BAS MA RNYED NA BOD PAR BYA'O, ,DES KYANG MA RNYED NA PHYOGS CHES MTHON POR 'GRENG STE, PHYOGS BZHIR BLTA BAR BYA'O, ,DE BZHIN DU 'DIR 'DI 'JUG PAR RIGS PA'I NGO BO'O, ,'DIR GZHUNG NI RNAM PA GNYIS DAG LA STE, JI SKAD DU ZHU BA LAS, BCOM LDAN 'DAS KYIS DGE SLONG GRONG MTHA' BA MA LAGS PA DGON PA NA GNAS PA DE RNAMS THAMS CAD GSO SBYONG GI GNAS GCIG

79b

TU 'DU BAR BYA'O ZHES BKA' STZAL NAS, GAL TE DE RNAMS MI GDA' NA BCAL BAR BGYI ZHING GAL TE DE RNAMS MA RNYED NA BOD PAR BGYI'O, ,GAL TE DE RNAMS KYIS MA MTHOS NA GSO SBYONG BGYI'O ZHES BGYI BA'AM, NYE BAR 'KHOR BYAS ZHES BYA'O ZHES GSUNGS PA DAG, 'OG MA SHOS KYIS GZHUNG NI PHYOGS BZHIR BLTAS TE, GSO SBYONG ZHES GSUNGS PA YIN NO ZHES BYA BA 'DI NI SA PHYOGS MTHON POR GNAS TE BRTAG PAR BYA'O ZHES BYA BA'I RJES SU 'BRANGS NAS SO, ,ZHU BA LAS RNAM PA 'DI GANG ZHIG MA GSUNGS PA DE NI CHUD ZOS PAS MTHONG BA YIN NO, ,GSO SBYONG GI GZHI LAS MTHUN PA'I GSO SBYONG GI TSOGS PA'I SKABS SO, ,GSO SBYONG BYA'O, ,ZLA BA PHYED PHYED KYI TSES BCO LNGA LA'O, ,SO SOR THAR PA'I MDO GDON PAS SO ZHES BYA BA NI, GANG ZHIG TSES BCU BZHI DANG BCO LNGA BA NYID LA 'DI MTSAN MO GCIG GIS MA CHOG PAS DER DE RING NYID DU TSES BCO LNGA ZHES BYA BA STE, GSO SBYONG BYED PA DE BAS NA BCU BZHI PA 'DIS BSDUS PA YIN NO, ,GANG ZHIG MDO LAS GSO SBYONG NI GNYIS TE, BCU BZHI PA DANG, BCO LNGA PA'O ZHES GSUNGS PA YIN NO, ,DE NI 'DIR 'GAL BA MED DO, ,DE NYID LA 'DI BSTAN PAR BYAS PA'O, , MTSAN MO GCIG CHAD PA DANG, GZHAN DU GSO SBYONG ZHES BYA BA 'DIS BSTAN PA'I DON DU ZLA BA PO DE'I TSES GRANGS GANG LA MTHAR THUG PA LA DER DGE 'DUN GYI GSO SBYONG BCU BZHI PA LAGS TE, BDAG DGE SLONG MING 'DI ZHES BGYI BA'I GSO SBYONG BCU BZHI BA LAGS PAS ZHES BRJOD PAR BYA'O, , DE YANG MTSAN MO GCIG CHAD PAS DE GSO SBYONG ZHES BYA BA BSTAN PA'I DON DU'O, ,ZLA BA PHYED PHYED CES BYA BA'I LAN GNYIS SU SMRA BA NI 'DIR ZLA BA PHYED PHYED CES BYA BA'I DON DU'O, ,SO SOR THAR PA'I MDO GDON PAS SO ZHES BYA BA NI, 'DIR GSO SBYONG GIS TSUL KHRIMS GSO BAR BYED PA YOD BAS; DE DAG BTZAL BA'I PHYIR SO SOR THAR PA'I MDOG DON PAS SO, ,DRAN PA TZAM GYIS BYAS PA DANG, MA BYAS BA LA SO SOR BRTAG PA'O, ,SEMS DRANG POR BSGRUB PA DANG, BYE BRAG NYE BAR BSGRUB PA LA RNAM PAR NGES PA KUN NAS LDANG BAS RANG GI NGO BO DANG 'BRAS BU LAS 'DAS PAR BYED CING

80a

, ,THA DAD PAR BYED PA RNAMS KYIS TSUL KHRIMS LA'O, ,DE LTAR RNAM PA 'DI RNAMS KYIS KYANG TSUL KHRIMS GSO BAR BYED PA YOD PAS BYE BRAG 'DI YONGS SU BZUNG BA'O, ,SO SOR THAR PA'I MDO GDON PAS SO ZHES BYA BA NI, 'DUL BAR GTOGS PA MA LUS PA STON PA DANG, MA LUS PA BSTAN PA'I SKABS BZLOG PA'I DON DU DGA' BA SPYOD PA 'DI LA ZHES BYA BA RGYAL BA'I BSTAN PA LHAG MA RNAMS PAR GZHAG PA'O, ,YANG NA SLAR YANG, GZHAN DAG CHOS DANG RJES SU MTHUN PA 'ONGS PAR GYUR NA'O, DER KHYED CAG GIS BCAS PA DANG RJES SU BCAS PA LAS YANG DAG PAR DGA' BAR GYUR PA DANG RJES SU BSTAN PAR GYUR PA RNAMS KYIS BSLAB PAR BYA'O ZHES GSUNGS PA YIN NO, ,DGAG DBYE BYAS NA 'DI MA GRUB PA NYID MA YIN NO ZHES BYA BA NI, DES DAG PAR SPYAD NAS DE BYIN PAS GSO SBYONG GI TSUL KHRIMS RGYAS PAR BYED PA'O, ,DGAG DBYE BYAS NAS SLAR GSO SBYONG MI BYA'O ZHES BYA BA DE LA 'DI BSTAN PA'O, ,DE GNYIS NI TSUL KHRIMS DAG PAR BYED PA STE, DE BAS NA DGAG DBYE BYAS PAS GSO SBYONG 'GRUB PA NYID DO, ,'DIR GZHUNG NI, PHRAN TSEGS DAG LAS, DGE SLONG DAG DGAG DBYE BYAS NAS GSO SBYONG BYED PA DANG, BCOM LDAN 'DAS KYIS BKA' STZAL PA, DGAG DBYE BYAS NAS GSO SBYONG MI BYA'O ZHES GSUNGS PA YIN NO, ,GSOL BA DANG, RNAM PAR GZHAG PA 'DZIN DU GZHUG PA SNGAR BYA ZHING DE GDON TO ZHES BYA BA NI DANG POR GSOL BA SNGON DU 'GRO BAS RNAM PAR GZHAG PAS 'DZIN DU GZHUG PAR BYAS NAS DE'I RJES LA SO SOR THAR PA'I MDO GDON PA'O, ,RNAM PAR GZHAG PA 'DZIN DU GZHUG PA NI SO SOR THAR PA'I MDO LAS TSE DANG LDAN PA DAG BDAG CAG GSO SBYONG BYA STE, SO SOR THAR PA'I MDO GDON PA GDON GYIS KHYED CAG SU LA LTUNG BA YOD PA CES MTHOL CIG CES BYA BA LA SOGS PA SMOS SO, ,GLENG GZHI GDON PA DANG GSOL BA NI TSIG TU BRJOD PA NYID KYIS BSGRUB PAR BYA BA NYID YIN NO ZHES BYA BA LA, 'DI GNYIS NI TSIG TU BRJOD PA NYID KYIS BSGRUB PAR BYA BA NYID YIN GYI, THOS PA BSGRAGS PAS BSGRUB PAR BYA BA NYID MA YIN NO, ,LHAG MA NI THOS PA BSGRUB PAS KYANG NGO ZHES BYA BA NI, GLENG GZHI GDON PA

80b

DANG; GSOL BA'I LHAG MA DAG DI THOS PA BSGRAGS PAS BSGRUB PAR BYA BA RUNG BA YIN NO, ,KYANG NGO ZHES BYA BA'I SGRAS NI TSIG TU BRJOD PA BSGRUB PAR BYA BA NI MA YIN NO ZHES BYA BAR SBYAR RO, ,BRTZAMS PA'I SDE TSAN NI RDZOGS PAR BYA DGOS SO ZHES BYA BA NI, PHAM PAR GYUR PA'I SDE TSAN MA CUNG ZAD BTON NAS LHAG MA DE DAG DANG LDAN PAR RTOGS PA NI THOS PA BSGRAGS PAS ZHES BYA BA'I DE NI MI BYA'O, ,DA BZHIN DU DGE 'DUN LHAG MA'I SDE TSAN DANG MA NGES PA'I SDE TSAN LAS KYANG MI BYA'O, ,DE LTAR 'PHROG 'JOG PA NYID SKYE BAR 'GYUR TE, 'PHROG 'JOG PA NI DMAN PAR BYA BA NYID DO, ,BZHI PA LA REG NA RIL GYIS SO ZHES BYA BA NI, LTUNG BYED KYI BDAG NYID KYI SDE TSAN BZHI PA LAS REG NA THAMS CAD RDZOGS PAR BYA'O, ,SO SOR BSHAGS PAR BYA BA LA SOGS PA LA YANG 'DIR THOS PA BSGRAGS PAR MI BYA ZHES BYA BA'I DON TO, ,BYAS PA THOB PA LA MTHAR THUG PA MA YIN PA GTONG BA LEGS PA NYID DU YID LA NGES PAR 'BREL BA MA YIN TE, DE BAS NA 'DI RNAM PAR GZHAG PA'O, ,SO SOR THAR PA'I MDO GDON PA LNGA PO 'DI RNAMS LA GLENG GZHI TSIG TU BRJOD PAS BTON NAS LHAG MA BSGRAGS PAS BSGRUB PAR BYAR RUNG NGO, ,DE BZHIN DU PHAM PAR 'GYUR BA RNAMS SAM, DGE 'DUN LHAG MA RNAMS SAM, MA NGES PA DAG TU 'DZIN TU BRJOD PAS BTON NAS LHAG MA THOS PA BSGRAGS PAS BSGRUB TU YANG RUNG BA YANG LNGA PA'O, ,'DI LA ZLA BA PHYED 'DAS PA'I SO SOR BRTAG PAR BYA'O ZHES BYA BA LA, 'DI LA ZHES BYA BA NI GSO SBYONG LA'O, ,ZLA BA PHYED 'DAS PA'I NYES PA DAG LA CI BYUNG BA DE DAG SO SOR BRTAG PAR BYA'O, ,GANG GI TSE ZHE NA, 'DU BAR 'GYUR BA DER RO ZHES BYA BA SMOS TE, DGE SLONG RNAMS SO SOR THAR PA'I MDO GDON PA'I PHYIR 'DU BA PA GANG YIN PA DE 'DU BA'I MDUN ROL DU 'DU BA LA SBYOR BA'I TSE, LHAG MA NI TSOGS PA ZHES BYA BA'I DON TO, ,CI SO SOR BRTAGS NAS LTUNG BA PHYIR MA BCOS PA KHO NAR 'DUG PAR BYA BA'AM ZHE NA, DE'I PHYIR SHES PA PHYIR BCOS TE THAMS CAD DU 'DUG PAR BYA'O ZHES BYA BA SMOS TE, LTUNG BA NGES PAR SHES PA'AM, YID GNYIS DANG BCAS PA SHES PA PHYIR BCOS TE, DGAG DBYE LA SOGS PA'I LAS

81a

, ,THAMS CAD 'DUG PAR BYA'O, ,GSO SBYONG NYID LA YID GNYIS KYIS NI MA YIN TE, DE LA DGE SLONG MDO SDE DANG 'DUL BA DANG MA MO 'DZIN PA RNAMS LA DRIS NAS YID GNYIS DANG BRAL PAR BYAS TE, PHYIR BCOS PA ZHES BYA BA NI SHUGS KYIS RTOGS PAR BYA'O, ,'DUG PA NA DRAN NAM YID GNYIS ZA NA DRUNG NA MO LA BYIN GYIS BRLAB PAR BYA'O ZHES BYA BA NI, GAL TE DER 'DUG PA 'DI LA LTUNG BA'I YUL CAN DRAN PA BCOS SU YOD PAR GYUR NA, GANG ZHIG DRUNG NA 'DUG PA'I DGE SLONG DE LA BYIN GYIS BRLAB PAR BYA STE, MDUN NAS BYA'I GLO NAS MI BYA'O, ,DE NA NGES PA LAS SHES PA'O, , SHIN TU 'DA' BAR BYED PAS DGOS PA MED PA DE BAS NA 'DI BRTEN PA'O, ,LAS BYED PAS NI SEMS KYIS SO ZHES BYA BA NI DE LTAR 'JUG PA NYID NA LTUNG BA DRAN NAM, YID GNYIS ZA NA BYIN GYIS BRLAB PAR BYA'O ZHES BYA BAR SBYAR RO, ,LAS BYED PA PO GANG ZHIG DRAN NAM DE LA YID GNYIS ZA NA LTUNG BYED YUL DES DE RANG GI SEMS KYIS BYIN GYIS BRLAB PAR BYA'O ZHES BYA BA'I DON TO, ,'DIR DUS RING DU 'DA' BAR BYED PA NI MA GUS PA SKYES PA YIN TE, DE BAS NA LAN CIG KHO NAS BYIN GYIS BRLAB PA YIN GYI LAN GSUM DU NI MA YIN NO, ,GAL TE TSES BCO LNGA LA BDAG GCIG PU DE DANG MI LDAN PAR SHES NA 'GROGS PA SHES LA DRANG POR 'BAD PAR BYA'O ZHES BYA BA NI, GAL TE DGE SLONG GIS GSO SBYONG GI NYI MA BDAG GCIG BU LTUNG BA DE DANG MI LDAN ZHING, DGE 'DUN THAMS CAD LTUNG BA MTHUN PA DANG LDAN PAR SHES NA, GANG ZHIG TSES BCO LNGA LA DGE 'DUN THAMS CAD LTUNG BA MED PAR BSAM PAR BYA ZHES BYA BA'I DON TO, ,BCO LNGA PA KHO NA GSO SBYONG BCU BZHI PA ZHES BYA BAR GZUNG BAR BYA BA MA YIN PA 'DIR SGRA GZHAN GYIS 'DIR GSO SBYONG DAG DANG, DGAG DBYE'I BAR CHAD BSAL BAR BYA BA'I SKABS KYIS 'DIR SMOS KYI, DUS GZHAN LA NI MA YIN NO, ,'DI LA BYA BA MA YIN PA NYID NA, JI LTAR 'BAD PAR BYA ZHE NA, DE'I PHYIR TSE DANG LDAN PA 'DI DANG 'DI LTAR BYED PA GANG YIN PA DES CIR 'GYUR, LTUNG BA DANG BCAS PAR RO, ,'O NA TSE DANG LDAN PAS KYANG 'DI DANG 'DI LTAR BYAS SAM BYAS SO, ,'O NA TSE DANG LDAN PA YANG LTUNG BA DANG BCAS PA YIN NO, ,TSE DANG LDAN PA

81b

KHO BO GCIG PUR MA ZAD KYI, DGE 'DUN THAMS CAD DON DE DANG LDAN PA YIN NO, ,KYE TSE DANG LDAN PA JE KHYOD RANG GI LTUNG BA CHOS BZHIN DU PHYIR GYIS SHIG ,DGE 'DUN THAMS CAD KYIS KHYED LA CI 'GYUR ZHES BYA BA'I RTZOM PAS MIG LAM DU LHAG MA 'DOD PA RNAMS 'CHAGS SU GZHUG GO ZHES BYA BA SMOS TE, RTZOM PA ZHES BYA BA'I TSIG 'DI DANG GZHAN RNAMS THAMS CAD KYIS ZHES BYA BA'I DON TO, ,'DI LA MI 'DOD PA DE LA GLENG BAR MI BYA'O ZHES BYA BA LA, 'DI LA ZHES BYA BA NI LTUNG BA LA'O, ,DE LA ZHES BYA BA NI MNYES GSHIN PA DANG BCAS PA DE LA'O, ,GSO SBYONG DANG DGAG DBYE'I BAR CHAD SPANG BAR BYA BA'I PHYIR BKAG PA YIN NO, ,'O NA GAL TE, 'DI LTAR DRAN DU BCUG PA MI 'DOD NA 'DI GSO SBYONG NGAM, DGAG DBYE MA DAG PAR 'GYUR RO, ,DAG PA RNAMS KYIS LAS RNAMS NYAMS SU MYONG BA LA NYES BYAS GANG YIN PA DE JI LTAR MI 'GRUB CES BYA'O, , DE'I PHYIR MI 'DOD PA ZHES BYA BA DMIGS KYIS BSAL BAR GYUR PA'I TSIG LAS MA GRUB PA YIN NO, ,GAL TE TSES BCO LNGA LA THAMS CAD KYIS LTUNG BA SHES SAM, YID GNYIS SU GYUR NA LEN PAR BYED PA BSGRUB PA'I PHYIR DGE SLONG 'GA' ZHIG LA PHYIR BCOS PA'I DON DU GNAS GZHAN DU GTANG BAR BYA'O ZHES BYA BA LA, RANG ZHES BYA BA NI 'DIR BZHAG BZHIN PA'I TSIG BLA DAGS SO, ,LEN PA BYED PA BSGRUB PA'I PHYIR RO ZHES BYA BA NI, GANG DE RNAMS KYI LTUNG BA BSTAN PA DE LEN PAR BYED PA'I DON DU'O, ,GANG GI PHYIR DON 'DI LTAR BSGRUB PAR 'GYUR RO, ,MA GRUB NA BYIN GYIS BRLAB PA'I PHYIR, GSOL BA BYA BA 'DOD PAR BYA'O ZHES BYA BA LA, MA GRUB NA ZHES BYA BA LA NI CHO GA 'DI'O, ,JI SKAD DU BSTAN PA'I CHO GA DE DGE SLONG GI DGE 'DUN GYIS GSOL BAS LTUNG BA BYIN GYIS BRLABS LA GSO SBYONG NGAM DGAG DBYE'I LAS MI SHOL BAR BYA'O, ,GSOL BA BYA BA 'DOD PAR BYA'O ZHES BYA BA NI, SO SOR BYIN GYIS BRLAB PAS 'DI LA DAG PA MI 'GRUB PA MA YIN NO, ,DE 'DIR BRJOD PAR MI BYA ZHES BYA BA 'DIR RNAM PA 'DI LA BRTEN PAR MI BYA'O ZHES BYA BA BSTAN PA'I DON DU DE SKAD BRJOD PA'O, ,BZHI PAS NYUNG BA NYID LA YANG GTZUG LAG KHANG GI BYA BA GNAS PA

82a

, ,KHO NA YIN NO ZHES BYA BA NI, GTZUG LAG KHANG GCIG NA, DGE SLONG GSUM MAM, GNYIS SAM GCIG KHO NA 'DUG NA YANG DES PHYAG DAR LA SOGS PA GTZUG LAG KHANG GI BYA BA GDON MI ZA BAR BYA DGOS SO ZHES BYA BA'I DON TO, ,'DUG PA PO RNAMS KYI DON DU STAN RNAMS GNANG BA DE MED PAS, DE'I TSE GTZUG LAG KHANG GI BYA BA MA YIN SNYAM PA'I DOGS PA BSAL BA'I PHYIR, STAN THABS NYAMS PAR MI BYA'O ZHES BYA BA SMOS TE 'ONGS SRID PAS DE'I DON DU MED PAR BRTEN PAR BYA BA MA YIN ZHES BYA BA'I BLO GROS SO, ,CHAG CHAG DANG, PHYAG DAR DANG, LCI BA SAR PAS BYUG PA BYA BA DANG, SENG GE'I KHRI BSHAM PA DANG, MAR ME GZUGS PA DANG CHOS NYAM DU GZHUG PA DAG BYAS LA PHYOGS CHES MTHON BOR 'DUG STE, PHYOGS BZHIR RNAM PAR BLTA BAR BYA'O ZHES BYA BA NI, 'DI LTAR LTA BAR BYED PA RNAMS KYIS BLTA BAR BYA STE, GO RIMS BSTAN PA'I DON DU DE LTAR BSAMS PA'O, ,DGE SLONG DAG 'ONG BA SNANG NA, KYE TSE DANG LDAN PA MYUR BA MYUR BAR SHOG SHIG DENG DGE 'DUN GYIS GSO SBYONG NGAM, DGAG DBYE BCO LNGA PA YIN NO ZHES BYA BA LA, DGAG DBYE LA BCO LNGA ZHES BYA BA SHUGS KYIS RTOGS PAR BYA'O, ,'DI NI MTSON PA TZAM YIN TE, GSO SBYONG BCU BZHI PA DE BAS NA 'DI LA MI BYA BA NYID DU SHES PAR MI BYA'O, ,BZHIR MA TSANG NA DUS KYI BAR DU BSDAD DE BYIN GYIS BRLAB PAR BYA'O ZHES BYA BA NI, DGE SLONG BZHIR MA TSANG NA, SKYA RENGS MA SHAR TSUN CHAD DU BSDAD DE, DUS SU MA 'ONGS NA GSO SBYONG DANG DGAG DBYE BYIN GYIS BRLAB PAR BYA'O ZHES BYA BA'I DON TO, ,'DI NI MA MO LAS SO, ,'BA' ZHIG NA 'DUG STE'O ZHES BYA BA NI, GAL TE GCIG PU 'DUG NA STAN DE LA 'DUG STE, DES GSO SBYONG DANG DGAG DBYE BYIN GYIS BRLAB PAR BYA'O, ,LHAG MA GZHAN DANG BCAS PA NYID YIN NA MDUN DU'O ZHES BYA BA NI, GZHAN DANG BCAS PA NI GZHAN DANG LHAN CIG GO, ,GAL TE GNYIS PA YOD PAR GYUR NA DE'I MDUN DU TZOG TZOG POR 'DUG STE, GSO SBYONG DANG DGAG DBYE BYIN GYIS BRLAB PAR BYA'O ZHES BYA BA NI NGES PA LA GTOGS PA'O, ,GSUM PA LA NI RNAM PA GZHAN DU BSTAN PA'I PHYIR

82b

GSUM NI 'KHOD DE'O ZHES BYA BA SMOS TE, JI LTAR DGE 'DUN GRAL RIMS BZHIN DU 'KHOD DE BYIN GYIS BRLAB PAR BYA'O ZHES BYA BA'I DON TO, ,BZHI'I DGAG DBYE YANG DE BZHIN NO ZHES BYA BA NI, JI LTAR DGE SLONG GSUM GYIS GSO SBYONG BYIN GYIS BRLAB PAR BYA BA BZHIN DU BZHI'I YANG DE BZHIN NO ZHES BYA BA'I DON TO, ,DE'I TSE GNAS NA SO SOR THAR PA'I MDO GDON NUS PA MED PAR SHES NA GSO SBYONG LA BSDAD PAR MI BYA'O ZHES BYA BA LA, DE'I TSE ZHES BYA BA LA NI GSO SBYONG LA LTOS PA'I GSO SBYONG GI DUS LA GANG DU STON PA PO MED PAR GYUR NA ZHES BYA'O, ,GANG NA DE LAS 'DA' BAR DER NYE BAR 'GRO BAR MI BYA'O ZHES BYA BA LA, DE LAS ZHES BYA BA NI GSO SBYONG LA'O, ,MDO 'DON NUS PA MED PA LA NI 'DI SMOS SO, ,TSOGS PA MED PA LA YANG DE NYID KYI PHYIR 'DI'I LTUNG BA STE, BAR CHAD GZHAN GYIS BSTAN PA MED PA LA DE BAS NA 'DI LTAR BYA'O, ,GNAS PAR KHAS BLANGS PA PHYI MA'I GONG MA BSRUNG BAR MI BYA'O ZHES BYA BA NI, KHAS BLANGS PA PHYI MA SHOS KYIS SNGA MA DE BSRUNG BAR MI BYA'O ZHES BYA BA'I DON TO, ,PHYI MA SHOS 'GRO BA'I PHYIR SNGA MA DE SGRUB PA ZHES BYA BAR DGONGS PA'O, ,DE BAS NA SNGA MA GZHAN LAS DBYAR DRAL BA LA PHYI MA KHAS BLANGS BAR BYA'O ZHES BYA BA 'DIS DE BYAS PAR RIG PAR BYA'O, ,DE LA YANG ZLA BA GNYIS LAS LHAG PA'O ZHES BYA BA NI KHAS BLANGS PA PHYI MA SHOS DE ZLA BA GNYIS BSRUNG GI GNYIS LAS LHAG PA GSUM PA BSRUNG BAR MI BYA'O ZHES BYA BA'I DON TO, ,GNAS DANG LAS DANG RNYED PA DANG BSNYEN BKUR BSTABS PAS GDON PAR BYED PA BSNYEN PAR BYA'O ZHES BYA BA NI, 'DI 'DON PA PO'I PHYIR 'BAD PAR BYED PA MED PA'O, ,DE BAS NA MA GRUB PA LA 'BAD PA DE LTA BU BYAS NAS KYANG CHO GA BYA BA LA RJES SU BSGRUB PA NYID DU RIG PAR BYA'O, ,'DIR GNAS ZHES BYA BA NI GNAS KHANG DANG, MAL CHA DANG, STAN DANG BGO BA LA SOGS PA YIN PAR RIG PAR BYA'O, ,LAS ZHES BYA BA NI GANG GI LAS TE DE DAG TU MI BSKO BA'O, ,RNYED PA ZHES BYA BA NI CHOS GOS DANG BSOD SNYOMS DANG SNUM BAG LA SOGS PA'O, ,'DI DAG GIS BSNYEN BKUR PA STABS PA NI 'DOD PA 'DI DAG GIS MA BRAL BA NYID DU NGES PAR BYED PA'O, ,MDO SDE 'DZIN PA 'ONG BA NA GDUGS DANG, RGYAL MTSAN DANG BA DAN LA SOGS PA DAG GIS BSU BAR

83a

, ,BYA'O; ,'DUL BA DANG MA MO YANG NGO ZHES BYA BA NA 'DUL BA 'DZIN PA DANG MA MO 'DZIN PA 'ONG BA LA GDUGS DANG RGYAL MTSAN DANG BA DANG LA SOGS PA DAG GIS BSU BAR BYA'O, ,LAM JI SRID DU ZHE NA, DE'I PHYIR DPAG TSAD PHYED DANG GSUM DU'O, ,MA NUS RGYANG GRAGS LNGAR RO ZHES BYA BA SMOS TE, LAM DE TZAM DU BSU BAR MI NUS NA RGYANG GRAGS LNGAR BSU BAR BYA'O ZHES BYA BA'I DON TO, ,GSUM MAM DPAG TSAD PHYED DAM RGYANG GRAGS SAM RGYANG GRAGS PHYED DAM KHYAMS SU RUNG NGO ZHES BYA BA LA, GSUM ZHES BYA BA NI RGYANG GRAGS RNAMS KYANG NGO, ,MA NUS NA ZHES BYA BA NI THAMS CAD LA SBYAR BAR BYA'O, ,DE LTAR BSU NAS CI ZHIG BYA ZHE NA, DE'I PHYIR NGAG GI BSHES PA'I TSIG GIS BSU NAS LHUNG BZED DANG CHOS GOS BLANG BAR BYA'O, ,KHRUS BYA'O, ,DGE 'DUN LA YANG SNUM BAG GIS RNYED PA'O, ,GNAS LA SOGS PA BSTABS PA SBYIN NO, ,CHOS NYAN PA YANG NGO ZHES BYA BA NI, SBYIN NO ZHES BYA BAR SBYAR TE, DER THAMS CAD KYIS SPRO BA BSKYED PAR BYA ZHES BYA BA NI MANG PO'I TSIG GIS BSTAN PA DE RNAMS THAMS CAD KYIS SMRA BAR MI RIGS PA'I PHYIR RO, ,DGE SLONG PHRAG DOG CAN LA 'DI DAG STON PAR 'DZIN PA YIN NO ZHES GO BAR BYA'O ZHES BYA BA NI, 'DI STON PA'O 'DI NI STON TE 'DI LTA STE, MDO SDE DANG 'DUL BA 'DZIN PA DANG MA MO ZHES GSUNGS PA DE 'DIS BSDUS PA YIN NO, ,GSO SBYONG DANG DGAG DBYE MA BYAS PAS DE'I NYIN MO RANG GI DE YOD PA'I GNAS NAS 'GRO BAR MI BYA STE, GAL TE DE NYID KYI TSE RNAM PA DE LTA BUR PHYIN PA'AM, 'THAB KROL CAN DAG DANG DBRAL BA'AM; SPYOD PA BZANG PO DAG DANG PHRAD PA DE LTA BUR 'GRO BA NYID MA YIN NA'O ZHES BYA BA LA, DE'I NYIN MO ZHES BYA BA NI GSO SBYONG DANG DGAG DBYE'I NYIN MO LA'O, ,RANG GI ZHES BYA BA NI DGE SLONG RNAMS DANG LHAN CIG MDO 'DON PA DANG SPYOD PA'O, ,YANG NA RANG GI ZHES BYA BA NI DGE SLONG MA'I DGAG DBYE DGE SLONG DANG DGE SLONG MA RNAMS LHAN CIG TU MDO 'DON PA'I TSE DGE SLONG GI TSOGS PA GRUB PA DGE SLONG MA RNAMS DANG LHAN CIG TU'O, ,DE ZHES BYA BA NI GSO SBYONG DANG DGAG DBYE LA LTOS NAS BDAG NYID KYIS GSO SBYONG NGAM DGAG DBYE RAB TU SHES BZHIN DU RANG DGAG DBYE NYID DU ZHES BYA BA'I DON TO, ,

83b

DE NYID KYI TSE ZHES BYA BA NI GSO SBYONG DANG DGAG DBYE'I NYI MA DE NYID LA RNAM PA DE LTA BU'I TSIG GIS RAB TU SHES BZHIN PA DE BAS NA GNAS 'DZIN PA'O, ,'THAB KREL CAN ZHES BYA BA NI 'THAB KROL BYED PA PO RNAMS LAS BDAG 'BRAL BAR 'GYUR SNYAM NAS GAL TE 'DI NYID GZHAN DBANG NYID DU THOB PAR BYED PA'O, , SPYOD PA BZANG PO DAG DANG PHRAD PA DE LTA BUR 'GRO BA NYID MA YIN NA'O ZHES BYA BA NI, GAL TE SPYOD PA BZANG PO DAG PHRAD PA DE LTA BU 'GRO BA NYID YIN NA 'GRO BA LA NYES PA MED DO, ,GNAS GANG NA RANG GI GSO SBYONG DANG DGAG DBYE'AM, GZHAN GANG YANG RUNG BA MED PAR GYUR NA YANG GNAS DE NAS 'GRO BAR BYA BA NYID DO, ,DE LA STON PAS KYANG DE LTA BU'I 'THAB KROL CAN MA YIN PA RANG 'JUG PA RNAMS LA YANG GSO SBYONG DANG RNAM PAR DAG PA KHAS LEN PA DGAG DBYES KYANG NGO, ,GANG NA 'ONGS PA MED NA GCIG PU RAB TU ZHI BA'I SEMS KYIS SPYOD PA BZANG PO'I NANG NAG GNAS PA'I BYIN GYIS BRLABS PA'I SNGA ROL DU DGE SLONG DAG DANG BCAS PA'I GNAS NAS GNAS MED KYANG DGE SLONG DE 'GRO BAR BYA STE, GANG NA DGE SLONG TSUL KHRIMS YONGS SU DAG PA LTA BA MTHUN PA DAG PAS 'DZIN PA DGE SLONG DANG BCAS PA'I GNAS SU 'GRO BAR BYA'O ZHES MDOR BYAS SO, ,'DIR LTA BA YANG TSUL KHRIMS NYID KYIS SMOS PAR RIG PAR BYA'O, , GNAS GANG NA DGE SLONG DANG BCAS KYANG DGE SLONG 'THAB KROL BYED PA YOD PA DER 'GRO BAR MI BYA'O ZHES BYA BA NI, GANG ZHIG 'THAB KROL BYED PA SPANG PA'I PHYIR GSO SBYONG DANG DGAG DBYE DAG BSHOL BAR GSUNGS PA DE NI 'THAB KROL CAN DAG CES BYA BA'I MDOR BYAS SO, ,GANG GI PHYIR DER 'GRO BA BKAG PA DE'I PHYIR SPYOD PA BZANG PO CAN GYI DGE SLONG DANG BCAS PA NAS 'THAB KROL CAN GYI DGE SLONG DANG BCAS PAR 'GRO BAR MI BYA'O ZHES BYA BA SMOS SO, ,DGE SLONG MED PAR 'GRO BAR MI BYA'O ZHES BYA BA'I NYES PA GZHAN STON PA'I TSIG BSDU BA'I PHYIR, DGE SLONG DANG BCAS PA NAS DGE SLONG MED PAR LHAG MA RNAMS DANG LHAN CIG MA YIN PA'AM GNOD PA DANG LUS DANG SEMS SHIN TU SBANGS PA'I DBANG MA GTOGS PAR 'GRO BAR MI BYA'O ZHES BYA BA SMOS TE, CI DGE SLONG DANG BCAS PA'I GNAS NA GNAS PA'I DGE SLONG RNAMS DAN YANG LHAN CIG TU MI RIGS SAM ZHE NA, DE'I PHYIR 'DIR LHAG MA RNAMS DAN LHAN CIG MA YIN PAR ZHES BYA BA SMOS TE, DGE

84a

, ,SLONG DANG BCAS PA'I GNAS SA MA GTZUG LAG KHANG NA GNAS PA'I DGE SLONG RNAMS KYIS SO, ,CI 'DI NGES PA KHO NAR YIN NAM ZHE NA, DE'I PHYIR LUS DANG SEMS SHIN TU SBYANGS PA'I DBANG MA GTOGS PAR ZHES BYA BA SMOS TE, GAL TE DER SONG NAS LUS DANG SEMS SHIN TU SBYANGS PA SKYE BAR 'GYUR ZHANG DE'I DBANG GIS NI DGE SLONG DANG BCAS PA'I GNAS NAS DGE SLONG MED PA'I GNAS SU 'GRO BAR BYA'O ZHES BYA BA'I DON TO, ,DGE SLONG GSO SBYONG RJES SU GZUNG BAR BYA BA NYID DU GYUR PAS KYANG RUNG BA NYID DANG THUGS BRTZE BA NYID CES BYA BA 'DI RIGS PA YIN TE, DE'I DON DU GSO SBYONG DANG DGAG DBYE DAG BYIN GYIS BRLAB PA TZAM DU RIGS PA KHO NA YIN NO, ,'GRO BA'I PHYIR GNAS PA'I GSO SBYONG DANG DGAG DBYE MA BYAS PAR DOR BAR MI BYA'O ZHES BYA BA NI, DE'I NYIN MO ZHES BYA BAR SBYAR RO, ,RKYEN DE LTA BU NYID YOD NA SPYOD PA BZANG PO DANG LDAN PA DANG, GNOD PA DANG LDAN PA'I GNAS BSTAN NAS DER 'GROR GZHUG BAR BYA'O ZHES BYA BA NI SPYOD PA BZANG PO DANG LDAN PA DANG, BSTAN PA DANG LDAN PA'O, ,'DIR GZHUNG NI, GNAS GA GI MOR 'JUG PAR BYA STE, DE NI DGE SLONG GI DGE 'DUN GYIS GNAS BRTAN DAN BCAS PA SO SOR THAR PA DANG BCAS SHING DGE SLONG TSUL KHRIMS DAN LDAN PA YON TAN DAN LDAN PA DES DGE BA'I CHOS CAN DAG 'KHOD KYI, DE DAG GI 'GYOD PA MA SKYES PA NI SKYED PAR MI 'GYUR LA, SKYES PA NI SKAD CIG MA NYID DU SLAR SEL BAR 'GYUR RO ZHES GSUNGS PA YIN NO, ,SO SOR THAR PA DANG BCAS PA ZHES BYA BA 'DIS NI DGE 'DUN GYI GNAS BRTAN GDON PA DANG LDAN PA NYID DU BSTAN TO, ,BSGO BAR DA LAS 'DA' BAR MI BYA'O ZHES BYA BA NI, BRTEN PAS BRJOD PA GANG YIN PA DE NYID BSGRUB PAR BYA'O ZHES BYA BA'I DON TO, ,PHYIS 'ONGS PA RNAMS KYI DON DU DE GNYIS YANG BYAR RUNG NGO ZHES BYA BA NI GSO SBYONG DANG DGAG DBYE 'DI DAG YANG BYED PA'O, ,GAL TE LEGS PAR NA DE LA CI DGAR 'JUG PAR BYA'O ZHES BYA BA NI GAL TE GSO SBYONG DANG DGAG DBYE DE GNYIS LEGS PAR BYAS PA YIN NO, ,DE'I TSE 'DOD PA NI 'DOD PA STE YANG 'JUG PA LA'O, ,'ON TE 'DIR GCIG PA NYID MA YIN PA'I SKYON NAS GZHAN YANG RUNG BA YOD BAR GYUR NA 'DOD PA NI MA YIN TE, 'ON KYANG GDON MI ZA BAR YANG 'JUG PAR BYA'O, ,'DU BA MTHUN PA DAG

84b

LA YANG NGO ZHES BYA BA NI, GNYUG MAR GNAS PA RNAMS NI BYAS PA DANG LDAN PA'I GNYUG MAR GNAS PA RNAMS DANG 'DU BA MTHUN PA YIN LA, GLO BUR DU LHAGS PA RNAMS KYANG GNYUG MAR GNAS PA RNAMS DANG MTHUN PA YIN SNYAM DU RTOGS PAR BYA'O, ,'ON KYANG 'DU BA MTHUN PA YIN PAS, GNYUG MAR GNAS PA BYAS ZIN PA RNAMS GLO BUR DU LHAGS PA DAG LA YANG ZHES BYA BA'I DON TO, ,GZHAN GYI TSOGS PA GSOL BAR BYA'O ZHES BYA BA LA, GZHAN GYIS ZHES BYA BA NI GANG DAG GI 'DOD PA 'DI SMOS PA DE DAG LAS GZHAN PA GSOL BAR BYA'O, ,DE MA THOB NA MTSAMS GZHAN DU BYA'O ZHES BYA BA NI TSOGS PA DE MA THOB NA MI MTHUN PA NYID KYI NYES PA SPANG BA'I PHYIR, MTSAMS GZHAN DU LAS BYED PA NI DE DAG NYI TSE RA MA ZAD KYI LAS THAMS CAD LA YANG DE BZHIN NO, ,BYED PA'I TSE 'ONGS NA LHAG MA NYAMS SU MYONG BAS 'GRUB PO ZHES BYA BA NI, DGAG DBYE BYED PAR 'GYUR BA'I TSE GANG DAG 'ONGS PAR GYUR NA DE DAG LA RANG GI DGAG DBYE BYA STE GONG MA NI MA YIN NO, ,SNGA MA NYID NYAMS SU MYONG BAR MA GYUR PA NYID KYI PHYIR MA GRUB PA STE 'ON KYANG GRUB PA KHO NA'O, ,DE BZHIN DU GSO SBYONG BYED PAR GYUR PA NYID KYI TSE GANG DAG 'ONGS PAR GYUR PA DE RNAMS LA DER SO SOR THAR PA LAS GANG ZHIG LHAG MA MA BTON PAR GYUR PA DE'I 'PHRO NYAMS SU MYONG BAS KYANG GSO SBYONG 'GRUB BO, ,DE BAS NA DER SLAR BYED PA DON MED PAR 'GYUR BA'I PHYIR MI BYA BA NYID DO, ,DER 'DI LA MA GRUB PA JI LTAR THOS PA NYAN DU BCUG PA LA YANG YIN ZHE NA, GANG GI PHYIR 'DIR DE LTA BU LHAG MA NYAMS SU MYONG BA THAMS CAD SO SOR GNAS PA'I TSIG YOD PA YIN TE, TSE DANG LDAN PA DAG BDAG LAS SO SOR THAR PA'I MDO LAS BSTEN PA'I GLENG GZHI YOD DE, PHAM PAR GYUR PA BZHI BSTAN PA ZHES BYA BA LA SOGS PA'O, ,GNAS DE NAS 'GA' YANG MA SONG BA YIN NA NGES PA YIN NO ZHES BYA BA NI, GSO SBYONG DANG DGAG DBYE ZIN PA'I GNAS DE NAS GCIG KYANG MA SONG BA NYID YIN NA, TSOGS PA MA BYIN PA'I PHYIR NGES PA STE 'DOD PAS NI MA YIN NO, ,MI RIGS PA GNAS PA TSOGS PAS RUNG BA NYID LA YAN LAG GI NGO BO 'JUG PAR 'GYUR BA RNAMS KYIS YAN LAG GI DNGOS POS 'GRO BAR MI 'GYUR RO ZHES BYA BA NI 'DIR 'JUG PA'I NGES PA 'DI RNAM PAR GZHAG PA'O, ,

85a

, ,'DIR 'DOD PAS 'JUG PA MA YIN ZHES BYA BA'I DON TO, ,GLO BUR DU LHAGS PA CHES MANG BA NYID YIN NA YANG NGO ZHES BYA BA NI, GAL TE PHYIS 'ONGS PA MANG BAR GYUR NA, SONG BA LA YANG GSO SBYONG GI GNAS NAS 'GA' YANG 'DIR NGES PAS 'JUG PA LA CHES MANG BA NYID LA RAB TU 'BYUNG BA NYID KYI PHYIR RO, ,DUS KYI PHYIR NI CHES MANG PO RNAMS KYI RJES SU 'JUG PAR BYA BA NYID YIN NO ZHES BYA BA NI GAL TE GNYUG MAR GNAS PA RNAMS KYI TSES BCO LNGA YIN LA, GLO BUR DU LHAGS PA RNAMS KYI NI TSES BCU BZHI YIN PA'AM, BCU DRUG YIN PA'AM, GLO BUR DU LHAGS PA RNAMS KYI NI TSES BCU BZHI 'AM BCU DRUG YIN PA LTA BU DE LA NI DGE SLONG GANG MANG SHOS KYI PHYOGS KYI RJES SU 'BRANG BAR BYA'O, ,JI STE PHYOGS GNYIS KA GRANGS MNYAM PA KHO NA YIN NA GCIG PA YANG DGE SLONG DE SNYED PA NYID DE GZHAN LA YANG DE SNYED PA NYID DO, ,GNYUG MAR GNAS PA'I PHYOGS SU GLO BUR DU 'ONGS PA'I PHYOGS KYI RJES SU 'JUG PAR BYA BA NYID YIN NO, ,JI SKAD DU GSUNGS PA MNYAM PA NYID YIN NA GNYUG MAR GNAS PA RNAMS KYANG NGO ZHES BYA BA'O, ,DER RJES SU 'JUG PAR BYA BA NYID DU RUNG BA YIN TE, PHYIS 'ONGS PA RNAMS KYI DON DU ZHES BYA BA YANG BYED PA RUNG BA NYID BRJOD PA YIN TE, 'JUG PA LA NI 'DIR 'DOD PA THOB PA DE 'DIR DUS KYI SKABS SU DMIGS KYIS BSAL BA DE BSTAN PA'I PHYIR 'DI LA YANG NGO ZHES BYA BA SMOS TE, 'DIR YANG RJES SU 'JUG PAR BYA BA NYID LA NGES PA STE, 'DIR 'JUG PA LA ZHES BYA BA'I DON TO, ,GSO SBYONG GI CHO GA'I SKABS SO, ,TING NGE 'DZIN LAS BSLANG BAR MI BYA'O ZHES BYA BAR 'DIR RNAM PAR 'BYED PA DANG MDO PHYI MA'I YANG GZHUNG NGO, ,GDAMS NGAG MED PAR BSGOM PAR MI BYA'O ZHES BYA BA NI GDAMS NGAG STON PA PO MED PAR BSGOM PAR MI BYA ZHES BYA BA'I DON TO, ,GDOS BU DANG PHO LONG GI SBYOR BA RIGS PA NYID YIN NO ZHES BYA BA NI, RTZA BA'I GZHI LAS 'DI'I TSIG GANG YIN BA DE NI NGAN PAR 'GRO BAR GYUR PA 'DI YOD PA DANG, RTZE BAR GYUR PA LA YANG MA YIN ZHES RTOGS PAR MI BYA'O ZHES BYA BA 'DI BSTAN PA'I DON DU MDO 'DI'O, ,'DIR GZHUNG NI, PHRAN TSEGS KYI MDO PHYI MA DAG LAS, DGE SLONG DAG DE LTA BAS NA JI LTAR CHU KLUNG YID 'ONG LDAN GYI DOGS KYI DGE SLONG DAG

85b

GIS BRTZON 'GRUS BRTZAMS PA DE LTAR GDOS BU DANG PHO LONG GI SBYOR BAS BRTZON 'GRUS BRTZAM PAR BYA'O ZHES BYA BA PHYI MA LAS KYANG DGE SLONG GIS BRTZON 'GRUS GLOD PAR MI BYA'O, ,BRTZON 'GRUS GLOD PAR BYED NA 'GAL TSABS CAN DU 'GYUR RO ZHES GSUNGS PA YIN NO, ,GANG DU 'DI LAS 'OG TU GZHUNG MA BSHAD PA DER YANG GZHUNG 'DI PHRAN TSEGS DAG LAS RIG PAR BYA'O, ,BRTZON 'GRUS GLOD PAR MI BYA'O, ,'DI NI MDO 'DI LAS GSUNGS PA BZHIN NO ZHES BYA BA NI 'DIR DGE SLONG NYIN MO 'DUG PA DANG 'CHAG PA DAG GIS SGRIB PAR 'GYUR BA'I CHOS RNAMS LAS SEMS YONGS SU SBYONG BAR BYED CING MTSAN MO'I THUN DANG PO LA 'DUG PA DANG 'CHAG PA DAG GIS SGRIB PAR 'GYUR BA'I CHOS RNAMS LAS SEMS YONGS SU SBYONG BAR BYED CING NAM GYI GUNG THUN LAG GTZUG LAG KHANG GI PHYI ROL DU RKANG PA BKRUS NAS GTZUG LAG KHANG DU ZHUGS TE, GLO G-YAS PA PHAB STE RKANG PA RKANG PA'I STENG DU BZHAG NAS SNANG BA'I 'DU SHES DANG LDAN PAS DRAN PA DANG SHES BZHIN DANG LDAN PAS DBUGS DBYUNG BA MA YIN PA'I 'DU SHES SU BYED CING, DE MTSAN MO'I THUN THA MA LA MYUR BA MYUR BAR RAB TU SAD NAS 'DUG PA DANG, 'CHAG PA DAG GIS SGRIB PAR 'GYUR BA'I CHOS RNAMS LAS SEMS YONGS SU SBYONG BAR BYED CING, DE TZAM GYIS DGE SLONG BRTZON 'GRUS BRTZAMS PAR 'GYUR RO, ,DE TZAM GYIS YANG DE BZHIN GSHEGS PAS DGE SLONG BRTZON 'GRUS BRTZAMS PAR SHES PA NAS GANG DU BKA' BSGO BA ZHES GANG ZHIG MDO SDE LAS BRTZON 'GRUS DANG LDAN PA ZHES 'DIR RTOGS PAR BYA'O ZHES BYA BA'I DON TO, ,'DIR NYAL BA LA MA MO LAS LHAG PAR 'DON PA DE 'DI BSDU BAR BYA STE, LUS DANG SEMS DANG GOS MA 'PHYAR BAR NYAL BAR BYA'O ZHES BYA BA NI LUS DANG SEMS DANG GOS DAG RE RE LA MI 'PHYAR BAR ZHES SO SOR SBYAR BAR BYA'O, ,MI NA BAS NYIN MO NYAL BAR MI BYA'O ZHES BYA BA NI, 'DIR NGAL BA YANG NA BA STE, LUS NYAM CHUNG BAR ZHES BYA BAR RNAM PAR GNAS PA YIN NO, ,DANG DAG DE'I BAR DU GNYID KYIS SNYOM PA BRNAGS MI THUB PA NYID YIN NA, GNYID KYI SNYOM PA BSANG BA'I PHYIR DES DE TZAM ZHIG BSTEN PAR BYA ZHES BYA BA NI RTZA BA'I GZHI LA SHES PAR BYA'O, ,ZAS KYIS SNYOM PA BRNAGS MI BZOD PA ZHIG YIN

86a

, ,NA YANG DE BSANG BA'I PHYIR DE TZAM ZHIG BSTEN PAR BYA'O, ,'DI LA YANG DE LTA BUR GYUR PA'I PHYIR RO, ,MDO SDE LAS KYANG MER 'JUG GI BUS NI DPYID RNAMS KYI ZLA BA THA MA LA YUD TZAM ZHIG ZAD KYIS SNYOM PA BSANG BAR BYED DO ZHES GSUNGS PA YIN NO, ,RO RGYAB NA BAS PUS 'KHYUD BCANG BAR BYA'O, , DBANG PO RNAMS NANG DU BSDUS PA DANG, YID PHYI ROL DU MA SONG BA DANG, GSAL BA DANG DRANG POS MI THOGS PAR BCAG PAR BYA'O ZHES BYA BA LA, PHYI ROL DU MA SONG BA'I ZHES BYA BA NI YUL RNAMS LA MA SONG BA STE, KHA PHYIR PHYOGS PA NYID KYIS PHYIR 'GRO BA 'DI LA PHYI ROL DU 'GRO BA'I BDAG NYID CAN SA'I DBYINGS LA SOGS PA RNAMS KYIS KYANG 'DIR YUL YIN PAR RIG PAR BYA'O, ,GSAL BA ZHES BYA BA NI SEMS DANG BA DANG RAB TU ZIN PA'I LUS KYIS SO, ,DRANG POR ZHES BYA BA NI GOM PA YA YO MED PAS SO, ,MI NUS NA THA GU BREL TE'O ZHES BYA BA NI, DRANG POR 'CHAG MI NUS NA THA GU SBREL TE BCAG PAR BYA'O, ,KHA TON PA'I 'CHAGS NI KHRU BCU GNYIS SO, ,SPONG BA PA NI BCO BRGYAD DO, ,DE THA GUS GZHAL TE BYA'O ZHES BYA BA LA, DE ZHES BYA BA NI 'CHAG PA'O, ,DGE SLONG MA'I RNAM PAR 'BYED PA LAS, 'DIR GZHUNG NI BSLAB PA'I GZHI LAS, DE DAG GIS 'CHAG PA JI LTA BU MI SHES NAS, BCOM LDAN 'DAS KYIS BKA' STZAL PA, SPONG PA'I SA NI KHRU BCO BRGYAD DO, ,KHA TON BYED PA NI KHRU BCU GNYIS TE, DE DAG THA GUS GZHAL TE BCAG PAR BYA'O ZHES GSUNGS PA YIN NO, ,THA GUS GZHAL TE BYA'O ZHES BYA BA NI RGYAS PA LAS, GZHAN 'DIR RANG DANG GZHAN DAG LA RIGS DAG PA GZHAG PA RNAM PA GANG ZHIG CHOS BSTAN PA'O, ,GSO SBYONG GI NYI MA LA BYA BA NYID 'DI LA YOD DE DE BAS NA 'DIR GTOGS PA'I CHO GA BRJOD PAR BYA STE, DGE SLONG GIS CHOS BSHAD PAR BYA'O ZHES BYA BA NI, 'DIR THOG MAR BYAS PA'I NGAG CUNG ZAD CES BYA BA'I MTHAR THUG PA'O, ,'DI THOG MA ZHES BYA BA NI RGAN PO'I MTHAR THUG PA ZHES BYA BA LA SOGS PA'O, ,DES TSES BCO LNGA ZHES BYA BA'I MTHAR ZLA BA PHYED PA'I RNAM PA ZHES BYA BA LA SOGS PA DOR BAR BYA'O ZHES BYA BA'I MTHAR YANG 'DIR GZHUNG NI RNAM PAR 'BYED PA LAS, 'DIR NYAR BYED PA ZHES BYA BA PHRAN TSEGS RNAMS LAS SO, ,GAL TE MA BSKUL BAR DE'I SGO NAS NGES PAR 'BYUNG

86b

BA MA YIN ZHES BYA BA 'DI RAB TU BYUNG BA'I GZHI LAS SO, ,'DIR LHAG MA GANG ZHIG BYED PA MTSAMS SBYAR BA MTHA'I RNAM PAS SO, ,DE LA MA MO 'DUG STE'O, ,GAL TE DU MA NYID YIN NA GCIG GIS SO ZHES BYA BA NI GAL TE CHOS STON PA DU MA NYID YOD NA 'DI PA'I DGE SLONG GI 'KHOR DU GTOGS PA RNAMS ZHES BYA BA SHUGS KYIS RTOGS PA'O, ,CHOS 'DI PA'I RAB TU BYUNG BA THAMS CAD LA MTSAN THA DAD PA LA YANG SDOM PA MCHOG DANG MCHOG MA YIN PA LA CHOS 'DI PA'I DGE SBYONG GI 'KHOR DU GTOGS PA ZHES BYA BA NYID DU RIG PAR BYA'O, ,RAB TU BYUNG ZHING BSNYEN PAR MA RDZOGS PA LA YANG CHO GA 'DI RNAM PAR GZHAG PA'O, ,GANG YANG RUNG BAS SO ZHES BYA BA NI GSAR BU DANG, MTSAN MI MTHUN PA DANG, RAB TU BYUNG ZHING BSNYEN PAR MA RDZOGS PA DAG GIS KYANG BYAR RUNG STE, RGAN PO 'BA' ZHIG GIS NI BYA BAR MA ZAD DE BSNYEN PAR RDZOGS PA ZHES BYA BA'I DON TO, ,DE DAG GI NANG NA CHOS STON PA DU MA YOD DU ZIN KYANG GANG LA STON PAR BYED PA THAMS CAD NI MA YIN ZHES BYA BA'I DON TO, ,MA GSOL BAR MI BYA'O ZHES BYA BA NI BSTAN PAR MI BYA'O, ,GAL TE DE'I TSE TSIG GIS BYUNG BA MA YIN NA'O ZHES BYA BA NI, GANG GI TSIG GIS DGE 'DUN SPYAN DRANGS PA LA SOGS PA MA GSOL BAR YANG CHOS BSTAN PAR BYA STE, STON PA DA BZHIN DU 'DIR 'DI 'BYUNG BA YIN TE, 'DI LTAR MDUN GYIS BLTAS PAR GYUR PAS MDUN GYIS BLTAS PA NYID DE DGE SLONG DE RNAMS DANG MTHUN PA NYID DO, ,'DIR 'BYUNG BA NI DPE TZAM YIN TE, THAMS CAD DU DE'I SGO NAS GNAS PA LA CHOG 'DI YIN NO, ,GNAS SKABS THAMS CAD LA YANG DGE 'DUN GYI GNAS BRTAN GYI TSIG LAS GYUR PA NYID YIN PAR RIG PAR BYA'O, ,GNAS PA LA NI GNAS KYI'O, ,NYE GNAS RNAMS LA NI KLOG PA'I SLOB DPON GYI'O, ,DGE SLONG MA RNAMS LA DGE SLONG RNAMS KYI'O, ,BSNYEN PAR MA RDZOGS SHING RAB TU BYUNG BA RNAMS LA NI BSNYEN PAR RDZOGS PA LA STE GNAS SU GYUR PA YIN PA'I PHYIR RO, ,GSAR BU LA KHA ZAS KYI MDUN DU YON BSHAD PA'I DON DU KHRI'I DRUNG DU DE NI MA GSOL BAR SHES PAR BYA BA MA YIN NO, ,GRVAS MI BYA'O ZHES BYA BA NI GRAL BCINGS PA'I DBYIBS DANG LANG LONG KHYAD PAR CAN MA YIN PAR GYUR PAS 'KHOR LHAG MA'O, ,'DIR DE'I MTHAR THUG PA YIN TE, 'DI NI DBYIBS SU 'BYIN

87a

, ,PA MA YIN NO ZHES BYA BA 'DI NI GRVA PHYED KYIS MI PHYE'O ZHES BYA BA DE LAS SHES PAR BYA'O, ,CHOS NYAN PA'I GRAL GYI RNAM PA KHYAMS SU ZLA KHAM GYI RNAM PA LTA BU 'DI RJES SU GNANG BAS, DE'I PHYIR LANG LONG 'DI BKAG PA YIN TE, DGE SLONG DAG LANG LONG DAG GIS CHOS STON PAR BYED PA NA, CA COR GYUR BA'I PHYIR RO ZHES GLENG GZHI LAS GSUNGS PA YIN NO, ,'DI LAS KYANG DE NI 'DIR MTHAR THUG PA ZHES BYA BAR GTOGS PA'O, ,GRVA PHYED KYIS MI BYA'O ZHES BYA BA LA, 'DIR DE GNYIS KYI GZHUNG NI MA MO LAS, GANG SMRA BAR MI BYA BA GRVA PHYED KYIS SMRA BAR MI BYA STE, GANG ZHIG SMRA NA NYES BYAS SU 'GYUR RO ZHES GSUNGS PA YIN NO, ,GNYIS KYIS GCIG TU MI BYA'O ZHES BYA BA NI, GRVA YANG RUNG GRVA PHYED KYANG RUNG 'DI NI SPONGS PA YIN NO, ,GAL TE DU MA NYID DAM GCIG LA ZHES BYA BA 'DI LA 'DIR GZHUNG NI, GNYIS KYIS GRVA GCIG TU SMRA BAR MI BYA'O, ,GANG SMRA BAR BYED PA DE LA NYES BYAS SU 'GYUR RO ZHES GSUNGS PA YIN NO, ,RGAN RIMS KYIS SO ZHES BYA BA 'DI LA YANG, SNGAR GAL TE DU MA NYID YIN NA GCIG GIS SO ZHES SMOS PAS DE'I RJES SU SBYAR GYI BSTAN PAR MI BYA'O ZHES BYA BA LA LOG GO, ,DU MA NYID LA GNAS PAS RGYAN RIMS KYIS BSTAN PAR BYA ZHES BYA PA'I DON TO, ,GAL TE MANG BA NYID YIN NA STAN GNYIS SAM GSUM GZHAG STE'O ZHES BYA BA NI, GAL TE RANG GI 'KHOR MANG BA NYID DU GYUR NA DE DAG GI GO GNYIS SAM GSUM GONG DU GZHAG NAS, DES RABS DANG NYE BAR GNAS PAR BYA'O, ,CI GANG YANG RUNG BAS SAM ZHE NA MA YIN TE, DE'I PHYIR GAL TE STAN DE DAG MA THOB PA YIN NA'O ZHES BYA BA SMOS TE, GANG GIS GNYIS SAM GSUM GYIS STAN DE DAG MI THOB PA YIN NA, DES DE DAG DOR NAS GZHAN NI MA YIN ZHES BYA BA'I DON TO, ,GANG GIS GNYIS MI THOB PA DES KYANG GNYIS GZHAG PAR BYA, GANG GIS GCIG MI THOB PA DES KYANG GCIG GZHAG PAR BYA'O ZHES BYA BA 'DI'I RJES SU 'BRANGS NAS SHES PAR BYA'O, ,SENG GE'I KHRI LA YANG NGO ZHES BYA BA NI, GNAS SHING BSTAN PAR BYA'O, ,MCHIL MA'I SNOD GZHAG PAR BYA'O ZHES BYA BA NI MCHIL MA DOR BA'I PHYIR ZHES BYA BA BRJOD PAS GO BA'O, ,'DIR GNYIS KA YANG

87b

BRTZAMS PA STE, ,CHOS SMRA BA KHRI STAN LOGS SHIG TU SPAGS PA LA BLTAS NAS 'DI SMOS PA STE, SENG GE'I KHRI TZAM LA NI MA YIN NA ZHES BYA BAR RIG PAR BYA'O, ,SENG GE'I KHRI LA DE SMOS KYI GZHAN LA NI SHIN TU DMAN PA'I SKYON 'DI ZHES BYA BA BSTEN PA'O, ,DER GCAL BLUGS SO ZHES BYA BA LA, MCHIL MA'I SNOD NI SNOD DU RIG PAR BYA STE, DER GCAL CI BLUGS PAR BYA ZHE NA, DE'I PHYIR BYE MA'AM THAL BA'O ZHES BYA BA SMOS TE, DE GNYIS NI DPE TZAM DU ZAD DO, ,DON 'DI LA GZHAN YANG RUNG BA'I PHYIR RO, ,DE DUS DUS SU SBYANG BAR BYA'O ZHES BYA BA LA, DE ZHES BYA BA NI MCHIL MA'I SNOD DE'O; ,TSES BRGYAD DANG, BCU BZHI DANG, BCO LNGA'I NUB MO CHOS MNYAN PAR BYA'O ZHES BYA BA NI TSES BRGYAD DANG BCU BZHI LA ZHES BYA BA DE TZAM 'DIR RE ZHIG RNAM PAR 'BYED PA LAS MTHONG BA YIN TE, MA MO LAS NI TSES BCO LNGA'I TSIG KYANG 'DIR YOD PA YIN NO, ,'DIR CHOS NYAN DU GZHUG PA RIGS PA YIN TE, DE LA YANG DE DUS TSIGS YIN PA NYID KYI PHYIR DANG, SHIN TU GTZO BO NYID KYI PHYIR PHYI MA DUS TSIGS KYI ZHAG DAG GIS NYAMS ZHES BYA BA NGES PAR BYAS NAS 'DI SKAD DU, NAD PAS DE MA BYAS PA LA NI NYES PA MED DO ZHES BYA BA SMOS TE, NAD PAS DE CHOS MNYAN PA DE MNYAN PA DANG MA BTON PA LA NYES PA MED PA'O, ,DE SMRA BA'I PHYIR GSOL BA 'DEBS PA MI GDON PAR MI BYA'O ZHES BYA BA LA, DE ZHES BYA BA NI CHOS MNYAN PA'I PHYIR CHOS LA'O, ,MI NUS PA LA SOGS PA YIN NA GSOL BA 'DEBS PA LA SHAD KYIS SBYANG BAR BYA'O ZHES BYA BA NI, NA STE MI NUS PA'AM BYA BA GZHAN GYIS BREL BAR GYUR PA YIN NA BYA BA GZHAN LA RTZE GCIG PA LA SOGS PA MA YIN PA LA NI SOGS PA'I SGRAS DRANGS PA'O, ,SMRA BA PO MED NA RIM GYIS DRAN PAR BYA ZHING THA NA TSIGS SU BCAD PA RE RE TZAM YANG SMRA BAR BYA'O, ,DER MAR ME GZUGS SO ZHES BYA BA LA, DER ZHES BYA BA NI CHOS NYAN SA DER RO, ,KHYAMS SU CHOS MNYAN PA'I GRAL NI ZLA KHAM GYI RNAM PA LTA BU'AM RDZING BU'I RNAM PA LTA BUR BSHAM PAR BYA'O ZHES BYA BA NI, 'DIR DE'I DON NI THUN MONG DU DPE TZAM DU ZAD DE MI GNOD PA GZHAN DAG KYANG RUNG STE, DE BAS NA NGES PA MED DO, ,BLA GAB MED

88a

, ,PAR CHOS NYAN NA BLA RE GDAGS SO, ,RLUNG DANG CHAR 'BAB NA BRTUL LO ZHES BYA BA NI BLA RE'O, ,DER CHOS NYAN PA DAG DOR BAR MI BYA'O ZHES BYA BA LA, DER ZHES BYA BA NI RLUNG DANG CHAR 'BAB PA DER RO, ,DER GNAS BRTAN DANG POR 'DUG STE YUD TZAM ZHIG KYANG MI SMRA BAR BSDAD NAS CHOS SMRA BAR BYA BA'AM GZHAN LA DGE SLONG CHOS SMRAS SHIG CES GSOL BA BYA'O ZHES BYA BA LA, GNAS BRTAN ZHES BYA BA NI DGE 'DUN GYI GNAS BRTAN NO, ,'DIR MI SMRA BAR BSDAD NAS ZHES BYA BA NI KU CO SPANG BA'I DON DU'O, ,DANG PO 'DUG STE ZHES BYA BA NI CHOS NYAN DU GZHUG PAR RTZOM PA'I DANG POR RO, , DER ZHES BYA BA NI CHOS NYAN PA LA'O, ,GSOL BA BYA'O ZHES BYA BA NI GNAS BRTAN GYIS CHOS STON PA PO LA CHOS BSTAN PAR GSOL BA GDAB CING GZHAN CHOS SMRAR GZHUG PAR BYA'O, ,SMRA BA NA SEMS GTAD DE CHOS YIN NA SPRO BAR BYA'O, ,GAL TE MA YIN NA BZLOG PAR BYA'O ZHES BYA BA LA, SEMS GTAD DE ZHES BYA BA NI SEMS GTOD DU GZHUG PA'O, ,GAL TE CHOS YIN NA ZHES BYA BA NI GAL TE CHOS SMRAS PA YIN NA'O, ,DER KHYIM PA LHAGS PAR RNAMS LA CHOS DANG LDAN PA'I GTAM BYA'O ZHES BYA BA LA, DER ZHES BYA BA NI CHOS NYAN PA DE LA'O, ,CHOS NYAN PA'I MTHAR THUG PA LA 'GRO BAR GYUR NA RTZOM PA LA SHUGS KYIS BSGRUB PAR BYA'O, ,MU STEGS CAN KLAN KA TSOL ZHING GNAS NA LEGS PAR TSER BCAD CING KHRO BA MI BSTAN PAR BZOD PAR BYA'O ZHES BYA BA NI, GNAS BRTAN GYIS ZHES BYA BAR SBYAR RO, ,GANG DU 'DIR BZOD PAR BYA ZHE NA, DE'I PHYIR STON PAS 'KHOR KHRID DE 'GRO BAR MI BYA'O ZHES BYA BA NI, TSUR SHOG BDAG GIS BSTAN PAR BYA'O ZHES BYA BA'O, ,STON PAS ZHES BYA BA NI GNAS BRTAN GYI DBANG DU BYAS PA LA DE DAG BZLOG PA POR RIG PAR BYA'O, ,DE DAG 'GRO NA CHOS KYI SGOR GZUNG BAR BYA'O ZHES BYA BA NI, DE TSOL BAS GZHAG PAR BYA'O ZHES BYA BA'I DON TO, ,RJE SA DANG BCAS PA DANG, GUS PA DANG BCAS PA DANG SEMS DMA' BAS 'JUG PAR BYA'O ZHES BYA BA NI, 'KHOR LA ZHES BYA BA DBANG DU BYA BAR GTOGS PA STE, RJES DANG BCAS PA DANG GUS PA DANG BCAS PA DANG SEMS DMA' BAS SO, ,GUS PAR BYA STE BSTAN PAR BYA'O ZHES BYA BA NI GZHAN LA

88b

'JIGS PA'I GNAS NYID DU LTA BA'O, ,SEMS DMA' BA ZHES BYA BA NI RGYAGS PA DANG NGA RGYAL NGES PAR BCOM PA NYID KYIS SO, ,GUS PAR BYA STE BRTAN PAR BYA'O ZHES BYA BA NI, CHOS LA GUS PA DANG BCAS PA DANG BRTEN PA DANG YID MI G-YENG BAS RIGS PA DANG GROL BA'I TSIG DAG GIS SO, ,DON JI LTA BA BZHIN DU THOGS PA MED PAR BRJOD PA DAG GIS SO, ,MA 'DRES PAR RO ZHES BYA BA NI GTAM GZHAN DANG MA 'DRES PAR RO, ,'BREL PAR RO ZHES BYA BA NI, TSIG SNGA MA'I DON DANG TSIG PHYI MA'I DON 'BREL BA DANG BCAS SHING SKABS SU BAR MA CHAD PAR PHA ROL GYI NGAG GIS SBYOR BAS SO, ,BYAMS PA DANG SNYING RJE DANG ZANG ZING MED PA'I SEMS KYIS SO ZHES BYA BA NI, BYAMS PA'I SEMS DANG SNYING RJE'I SEMS DANG ZANG ZING MED PA'I SEMS KYIS SO, ,BYAMS PA'I SEMS ZHES BYA BA NI, BYAMS PA'I SEMS DANG KHONG KHRO BA DANG BRAL ZHING MDZA' BSHES DANG LDAN PA'I SEMS KYIS SO, ,SNYING RJE'I SEMS KYIS ZHES BYA BA NI, PHAN PA NYE BAR BSGRUB PAR 'DOD PAS DAM PA SNGON DU BTANG BAS SO, ,ZANG ZING MED PA'I SEMS KYIS ZHES BYA BA NI, SO SOR BSNGAGS PA BZHIN DE'I RGYUS DE LAS SAM GZHAN LA RNYED PA DANG BKUR STI DANG RIM GRO'AM BYA BA GZHAN ZHES BYA BA'I DON TO, ,RANGS PA DANG MOS PA DANG DGA' BAR BYED PAS SO ZHES BYA BA NI ZHUM PA DANG LHAG PAR MI MOS PAS MI RIGS PAR BYED PA NYID KYI GNYEN POS SO, ,DON GYI DBANG GIS MA RDZOGS NA GZHAG PAR BYA'O ZHES BYA BA NI, MA NUS PA LA SOGS PA STE DE'I DBANG GIS SO, ,'DI LA MI RIGS PA MED PAR SHES PAR BYA'O, , DE BAS NA 'DI DANG MDO PHYI MA DANG YANG DAG PAR BSTAN PA'O, ,DBYANGS KYIS CHOS SMRA BAR BYA'O, ,LANGS NAS RNAM PAR DBYE BAR BYA'O, ,DON BSDUS TE BRJOD PA YANG NGO ZHES BYA BA NI BYA'O ZHES BYA BAR SBYAR BAR BYA'O, ,CHOS LA ZHES BYA BA NI MDO SDE LA SOGS PA SHUGS KYIS RTOGS PAR BYA'O, , GAL GZUNG BA DANG GZHUNG GZUGS PAR YANG NGO ZHES BYA BA LA GANG ZHIG CE NA, MDO SDE LA SOGS PA'I CHOS KYI'O, ,YI GE DANG DON DE NI RIGS PA MA YIN TE, DE NI 'DI LTAR BRJOD PAR BYA STE, DE YANG GZHI 'DIS CHO GA RTOGS PAR BYA'O ZHES BYA BA RNAM PAR 'BYED PA LAS SO, ,GAL GZUNG BA DANG

89a

, ,GZHUNG GZUGS PA DE LTAR YI DAM BYED PA'O, ,DGE 'DUN GYI GNAS BRTAN GYIS SMYUG MA'I THUR MA SKUD PA LA BRGYUS PA SPOBS NYI MA BGRANG BAR BYA'O ZHES BYA BA LA, 'DIR GZHUNG NI, GLENG GZHI DAG LAS 'DI DANG POR BYAS PA'I DRANG BAR BYA'O ZHES BYA BA'I BAR DU GSUNGS PA YIN NO, ,DGE SKOS KYIS DE LA BRTAGS TE DGE 'DUN LA BRJOD PAR BYA'O ZHES BYA BA NI DGE 'DUN GYI GNAS BRTAN GYI LAS SO, ,BYE BRAG TU MA BYAS PAS NI ZHU BAR BYA BA MA YIN TE, 'ON KYANG BYE BRAG TU BYAS PA'I 'O ZHES BYA BA SMOS SO, ,GANG GIS BYE BRAG TU BYAS PA YIN ZHE NA, DE'I PHYIR NGO'I DBYE BAS SO ZHES BYA BA SMOS TE, ZLA BA YAR GYI NGO DANG MAR GYI NGO 'DI DBYE BA DES SO, ,GTZUG LAG KHANG GI BDAG PO DANG LHA'I TSIGS SU BCAD PA 'DON PAR DGE SLONG RNAMS LA BSKUL BA'I TSIG BYA'O ZHES BYA BA GANG GI TSE NA ZHE NA, DE'I PHYIR ZHES BYA BA SMOS TE, NYI MA BRJOD PA'I ZHES BYA BA SKABS KYIS RTOGS PAR BYA'O, ,SDUG BSNGAL RIGS PA'I NGO BO TSIG GIS MNGON PAR 'DU BYAS PA ZHES BYA BA GANG ZHIG 'DIR RIGS PA'I NGO BO'I TSIG MNGON PAR 'DOD PA DE BSTAN PAR BYA STE, DE'I PHYIR DENG NI YAR GYI NGO'I TSES GCIG LAGS TE, GTZUG LAG KHANG GI BDAG PO DANG, GTZUG LAG KHANG GI LHA RNAMS KYI SLAD DU TSIGS SU BCAD PA RE RE BKLAG TU GSOL ZHES BYA BA SMOS TE, BKLAG TU GSOL ZHES BYA BA'I SGRAS NI 'DI SKAD CES BYA BA'I DON CAN NO, ,GTZUG LAG KHANG GI BDAG POS SPYAN 'DREN PA'I TSIG KYANG BRJOD PAR BYA'O, ,JI SKAD DU ZHE NA; DE'I PHYIR YON BDAG MING 'DI ZHES BGYIS PAS SANG DGE 'DUN BSHOS LA SPYAN 'DREN NA, BTZUN PA RNAMS KYIS DE LA DGE LEGS KYI YID DAG GIS SO SO NAS THUGS BRTZE BAR MDZAD DU GSOL ZHES BYA BAS SO, ,NYIN ZHAG GCIG GIS MI CHOG PAR BYA'O ZHES BYA BA LA, GANG GI TSE NA YIN ZHE NA, DE'I PHYIR DUS TSIGS RNAMS KYI ZLA BA PHYED LUS PA NYID LA'O ZHES BYA BA SMOS TE, GSO SBYONG GSUM PA LA 'DIS NI TSES BCU BZHI PA NYID BYAS PAR RIG PAR BYA'O, ,ZLA BA SHOL DOR BA NI RGYAL PO'I RJES SU 'BRANG BAS SO, ,RGYU SKAR NI SKAR MKHAN GYI RJES SU 'BRANG

89b

BAS SHES PAR BYA'O, ,'DI LA DGOS PA NI THA SNYAD LA MKHAS PAR BYA BA'O ZHES BYA BA LA TSES GRANGS BRJOD PAR BYA BA LA SOGS PA 'DI LA DGOS PA NI 'JIG RTEN PA'I THA SNYAD LA MKHAS PAR BYA BA DANG, TSES 'DAS PA SEMS LA GZHAG PAR BYA BA DANG, GSO SBYONG GI NYI MA YONGS SU SHES PAR BYA BA YIN NO, ,MA BRTAGS SHING GSO SBYONG LA MA BSDAD PAR 'DI NI SPONG BA ZHIG GO SNYAM NAS MTSAMS GCAD PAR MI BYA'O ZHES BYA BA NI, BRTAG CING MTSAMS BCAD DAM 'ON TE MA BCAD CES DE LTAR BRTAG CING GSO SBYONG GI NYI MA LA MA BAB KYI BAR DU BSDAD DE BYA'O ZHES BYA BA'I DON TO, ,BCAD PA NYID DU SHES PA NI MI CHAGS PA'I YAN LAG MA YIN NO ZHES BYA BA NI, BAG YANGS SU MA BYAS PAR GCAD PA GZHAN NI MI 'CHAGS PA KHO NA'O ZHES GANG BSTAN PA DE LA SHES PA DE YAN LAG MA YIN TE, 'DI LTAR MTSAMS BCAD ZIN PA YOD NA BAG YANGS SU GRAGS PA ZHES BYA BA MI SHES PA NYID LA YANG DE RIG PAR BYA'O, ,DE MED PA NYID KYIS KYANG BAG YANGS SU 'GYUR RO ZHES BYA BA NI, LAS GANG ZHIG BAG YANGS SU NYID KYIS RTZA BA'I GZHI LAS SMOS PA, DE LA LTOS PA KYANG GI SGRA 'DI YIN NO, ,DE'I SGRAS NI MTSAMS DGROL BA LA LTOS PA'AM 'BA' ZHIG TU MA ZAD KYI DON GYIS NYE BAR GNAS PA RNAMS KYANG NYE BAR BZUNG BA'O, ,GANG DAG GI MTSAMS DE'I NANG NA GCIG KYANG MA LUS PA ZHES BYA BA NI MTSAMS DE MED PA'O, ,DE'I DNGOS PO NI DE NYID MED PA'O, ,DE BAS KYANG MTSAMS KYI BAG YANGS SU BYA BA'O, ,LAS RNAM PAR LNGAS DE MED PA NYID KYIS KYANG BAG YANGS SU SGRUB PA BYED PA GCIG PUR MA ZAD KYI, DGE 'DUN THAMS CAD DONG BA THAMS CAD MTSAN PA DANG ZHING MA YIN PA NYID LTUNG BA THOB PA DANG RNAM PAR 'KHRUGS PAR GYUR PA DANG SHI BAS SO, ,GNAS SU GZHAG STE SEMS KYIS DKYIL 'KHOR PA GANG GIS BYIN GYIS BRLAB PA DE BAS NA, GNAS KHANG DER DE MED PA NYID KYIS KYANG 'DI LA DE MED PA DER RANG NYID KYIS NI MA YIN NO, ,RUNG PA'I KHANG PA YANG NGO ZHES BYA BA NI DE MED PA NYID KYIS KYANG BAG YANGS SU 'GYUR RO ZHES BYA BA STE, MDO SNGA MA LAS NYE BAR GZHAG PA LA KYANG GI SGRAS NI 'DIR BSDUS PA LA RIG

90a

, ,PAR BYA'O, ,LAS DANG DE MED PA NYID 'DIS KYANG ZHES BYA BA'O, ,MTSAMS SU MTSAMS KYIS BSKOR DU MI RUNG NGO ZHES BYA BA NI, MA GRAGS PA'I TSIG 'DI LAS BYAS SU ZIN KYANG MA BYAS PA NYID DU RIGS PAR BYA'O, ,DKYIL 'KHOR BA DANG DGE SLONG MA'I DBYAR KHOD DAG DANG KHRON PA DAG PA NI RUNG NGO ZHES BYA BA LA, 'DI DAG NI YUL GYI BDUN PA'O, ,YUL 'DI LA MTSAMS GANG ZHIG DE LA GANG ZHIG BSKOR DU RUNG BA ZHES BYA BA'I DON TO, ,SHING LJON PA GCIG LA MTSAN BZHI MAN CHAD KYIS MU SHUGS DU MA RNAM PAR GNAS SO ZHES BYA BA LA, MTSAMS BZHI MAN CHAD KYI ZHES BYA BA NI GSAL BA NYID DU KHAS BLANGS NAS 'DI SMOS SO, ,RNAM PA BZHI SHING LJON PA'I RNAM PAR DBYE BA SHIN TU YANG GSAL BA ZHES BYA BA NI SHIN TU YANG MANG PO'I MTSAMS RNAMS LA RNAM PAR GNAS PA NYID YOD PA'O, ,'DI LA THA SNYAD DU RUNG BA MTSAN MA NYID YIN NO ZHES BYA BA LA, 'DI LA ZHES BYA BA NI MTSAMS LA'O, ,RDZU 'PHRUL DANG SGYUR MA BYAS PA DAG KYANG DE LTAR GYUR PA NYID MA YIN NO ZHES BYA BA NI, THA SNYID MA YIN PA NYID DU BYAS PA ZHES BYA BA'I DON TO, ,ZLA BA DANG, NYI MA DANG, SKAR MA'I 'OD DAN DBA' KLONG GI RLABS DAG KYANG MI BRTAN PA NYI YIN NO ZHES BYA BA LA; BRTAN PA ZHES BYA BA 'DI NYID KYIS 'DI RNAMS MA YIN PAR DGAG PA NYID CES BYA BA'I DON TO, ,MTSAMS DANG MA 'BYAR BA LA DE'I MTSAN MA NYID MA YIN NO, ,DE LTA BAS NA 'DIR 'OD BER RNAMS MNGON PA BRTEN PA ZLA BA LA SOGS PA LA YANG MA YIN TE, 'DIR DOGS PA'I SKABS MED PA'I PHYIR RO, ,'DIR DE'I KHYAD PAR GYI NGO BOS ZLA BA LA SOGS PA NYE BAR BZUNG BA'O, ,DE BZHIN DU DBA' KLONG GI RLABS 'GRAM DU 'BYUNG BA ZHES BYA BA RTOGS PAR BYA'O, ,MTSAMS SU CHU NI MTSAMS GZHAN DANG 'DRA'O ZHES BYA BA NI, 'DI LA MTSAMS KYI NANG DU CHUS CHOD NA MTSAMS THA DAD PA NYID DE ZHES BYA BA 'DI LA DE'I MTSAMS KYI NANG DU LTUNG BA GCIG PUR MA ZAD DE, 'ON KYANG MTSAMS NYID THA DAD PA ZHES BYA BA'I DON TO, ,'DI NI GNAS BYIN GYIS BRLABS PA STE, GANG ZHIG MTSAMS LA MNGON PAR BRTEN PA YIN GYI, CHU LA NI 'DI RNAMS KYI GNAS NYID

90b

DU BYIN GYIS BRLAB PAR BYA BA'I GNAS NYID YOD PA MA YIN TE, JI LTAR BSTEN PA LA 'ANG YOD PA YIN ZHE NA, DE'I PHYI GNAS PAR GYUR PA MA YIN PA NYID KYIS SO, ,MTSAMS LA DE DANG LDAN PA NYID LA JI SRID DU CHUS MI 'BYER BA DE SRID DU MTSAMS KYI YUL MA YIN NO, ,CHU MED PAR GYUR NA MTSAMS DE LAS SKYES PA ZHES BYA BAR RIG PAR BYA'O, ,BAR DU CHOD NA GCIG PA NYID MA YIN NO ZHES BYA BA NI, GANG DU PHYOGS GCIG GIS KYANG 'BREL PA MED PAR DER MTSAMS GCIG PA NYID LAS SKYES PAR MI 'GYUR ZHES BYA BA'I DON TO, ,MTSAMS GCIG LA GNAS PA MA YIN PA DE LTAR RNAM BAR BCAD PA'I CHAR GNAS PA DU MA'I TSOGS RNAM PAR BCAD NAS CIG CAR MTSAMS BCAD PA LAS BLANG BA DE LTA BAS NA 'DI LDE LTAR BYED PA'O, ,GAL TE ZAM PA BRTAN PO YIN NA DE YUL NYID YIN NO ZHES BYA BA LA, 'DIR GZHUNG NI BTZUN PA CHAB KYI MTSAMS LAS 'DAR RUNG NGAM; NYE BA 'KHOR MI RUNG NGO, ,GAL TE ZAM PA BRTAN PO YOD NA NI RUNG NGO ZHES GSUNGS SO, ,DE BZHIN NA YANG PHYIR BA YIN NI RJES SU 'JUG GO ZHES BYA BA LA, DE ZHES BYA BA NI ZAM PA'O, ,JI LTA BU ZHIG PA DANG PHYIS BYA ZHE NA, DE'I PHYIR SBYOR BA MA BTANG BA NYID DO ZHES BYA BA SMOS TE, YANG PHYIR BYA BA GANG LA SPYOR BA MA BTANG BA ZHES BYA BA'I DON TO, ,DUS JI SRID DU SBYOR BA MA BTANG BA NYID KYANG PHYI BYA NAS RJES SU 'JUG CE NA, DE'I PHYI ZHAG BDUN PHAN CHAD NI MI 'JUG GO ZHES BYA BAS MOS TE, ,MI 'JUG GO ZHES BYA BAR SBYAR RO, ,NAM MKHA' NI BAR DU CHAD PA GYUR PA YIN PAS DE LA YOD PA NYID KYI THA SNYAD KYANG MED NA 'BREL PA LTA GA LA YOD CES BYA BA LA, DE LA ZHES BYA BA NI NAM MKHA' LA'O, ,SA DANG DE DANG 'BREL PA'I RANG GI CHA YANG RUNG STE, 'DI LA GNYIS KA'I CHA LA YANG MTSAMS GCIG GIS 'BREL PA MA YIN NO, ,'DIR GNAS KHANG GI NANG NA 'DUG PA'I GNAM MKHA' YANG MTSAMS LA 'JUG PA MA YIN TE, MTSAMS GCIG PA NYID KYANG MA YIN TE DE 'DIR DE LTAR BAS NA DE BYED PA'O, ,'DIR GZHUNG NI BTZUN PA NAM MKHA' LA MCHIS PA DAG DANG, DOGS LA MCHIS PA DAG LHAN CIG LAS BGYIR RUNG NGAM, NYE BA 'KHOR MI RUNG NGO ZHES

91a

, ,GSUNGS PA GANG YIN PA DANG, GANG YANGS DANG DE DANG 'BREL BA RNAMS KYIS MI RUNG BA NYID DE LA NI BSDUS PA'O, ,DBUS NAS DPAG TSAD PHYED DANG GSUM GYI MTHA' LAS LHAG PAR MTSAMS BCAD PA MI 'CHAGS SO ZHES BYA BA NI, DPAG TSAD PHYED DANG GSUM GYI MTHA' TSUN CHAD DU ZHES BYA BA GANG ZHIG SMOS PA GANG ZHIG MA GRAGS PA YANG DE LAS 'DA' BAR BYED PA LA LTUNG BA MED PA TZAM ZHES BYA BA DE LA 'DI BSTAN PA'O, ,BTZUN PA MTSAMS CHEN PO'I TSAD JI TZAM LAGS, NYE BA 'KHOR DPAG TSAD PHYED DANG GSUM MO, ,BTZUN PA DPAG TSAD PHYED DANG GSUM PHAN CHAD MTSAMS SU RUNG NGAM, NYE BA 'KHOR MI RUNG NGO ZHES GSUNGS PA YIN NO, ,DER GANG ZHIG TSAD 'DI BRJOD PA NI ZHU BA LAS GSUNGS PA DE 'DIS BSDUS PA YIN NO, ,'OG DANG STENG DU SRA BA DANG 'BREL PA LA GZHI DANG 'DRA BA NYID DO ZHES BYA BA NI, DPAG TSAD PHYED DANG GSUM GYI MTHA' YAN CHAD DANG MAN CHAD SA DANG RDO DANG RTZIG PA DANG SHING LJON PA DANG, SHING LA SOGS PA'I SRA BA DANG 'BREL PA'I RDZAS GANG YIN PA LA NI DE'I RANG BZHIN CAN GYI 'BREL PA LA GZHI DANG LDAN PA BZHIN DU MTSAMS LA YOD PA'O, ,MTSAMS CHEN PO'I DBANG DU BYAS NAS TSIG DE'O, , GZHAN DU JI LTAR BRIS PA BZHIN DU ZHES RTOGS PAR BYA'O, ,DE LTAR YANG DKYIL 'KHOR LA NI TSAD GZHAN DANG 'BREL PA GANG YIN PA DE LA DER ZHUGS PA MA YIN NO, ,DE YONGS SU SPONGS PAS YANG MTSAMS LAS SKYES PAR RIG PAR MI BYA'O, ,SA GZHI MTSAMS MA BCAD PA NYID DU MI 'BRAL BA'I GNANG BA MI 'CHAGS SO ZHES BYA BA NI, BCOS MA'I GNAS SU MI 'BRAL BA'I GNANG BA'I YUL YIN PA DE BAS DE DE LA 'DI BSTAN PA'O, ,ZHU BA LAS 'DI DANG POR BYAS TE DES NI DE MI ZHIG GO ZHES BYA BA'I MTHAR THUG PA'O, ,BCAD PA ZHIG NA ZHIG GO ZHES BYA BA LA, ZHIG PA NI MTSAMS BCAD PA LAS GROL BA'O, ,DE ZHIG NA MI 'BRAL BA'I GNANG BA ZHIG GO, ,DES NI DE MI ZHIG GA ZHES BYA BA NI, MI 'BRAL BA'I GNANG BA ZHIG PA DES NI MTSAMS BCAD PA DE MI ZHIG PA'O, ,MCHOD RTEN DANG, GTZUG LAG KHANG DANG, GTZANG KHANG PHYUR BU

91b

DANG 'KHOR SA DANG, GSO SBYONG GI GNAS DAG TU PHYAG DAR BYA BA NYID DO ZHES BYA BA NI, 'DIR PHYAG DAR BYA BA NI GNAS KHANG NGAM KHYAMS SAM RDZING BU'I TSAD TZAM ZHIG PHYAGS NA PHYAG DAR BYAS PA NYID DU SHES PAR BYA ZHES BYA BA'I DON TO, ,'DI NI MA MO LAS NYES BYAS TE, NAD PAS ZHES BYA BA DANG POR BYA STE, GNAS ZHES BYA BA'I MTHAR THUG PA DANG, PHUL BA NYID CES BYA BA LA SOGS PA'I MDO 'DI NI ZHUS PA LAS SO, ,DGE 'DUN LA 'DUN PA LA SOGS PA PHUL BA NI PHUL BA NYID YIN NO ZHES BYA BA NI, GANG ZAG LA 'DUN PA LA SOGS PA'I TSIG LHUG PA LAS PHUL BA GSUNGS PA YIN TE, DE BAS NA DGE 'DUN LA PHUL BA NYID LA MA PHUL BA NYID DU LA LA ZHIG DOGS PAR 'GYUR PA DE BAS NA, DE BZLOG PA'I DON DU 'DI GSUNGS PA YIN NO, ,DE LAS GANG YANG RUNG BAS DE BRJOD PAR BYA BA NYID YIN NO ZHES BYA BA LA, DE LAS ZHES BYA BA NI DGE 'DUN LAS SO, , GANG DU 'DI LA PHUL BA DE YOD PAR 'GYUR RO, ,DE BRJOD PAR BYA BA NYID YIN NO ZHES BYA BA LA, DE ZHES BYA BA NI DGE 'DUN LA 'DUN PA LA SOGS PA PHUL BA DE'O, ,'O NA BRJOD PA 'DI DON MED PA KHO NA YIN TE, 'DIR SMRA BA PO 'BYUNG BA NI MI RIGS PA KHO NA STE, GANG GI PHYIR GO BA BSKYED PA'I DON DU 'DI NI MNGON SUM NYID DU PHUL BA POS GO BA BSKYED DO ZHE NA, DE NI BDEN MOD KYI 'ON KYANG CHO GA LA 'JUG PA LA PHUL BA MA BYAS PA NYID DO, ,DE LTA BAS NA 'DIR DE THOB PA'O, ,MTSAMS KYI PHYI ROL NA GNAS PAS DE 'BUL BA DANG 'BUL DU GZHUG PAR MI BYA'O ZHES BYA BA LA, DE ZHES BYA BA NI 'DUN PA LA SOGS PA'O, ,MI CHAGS PA MI BYA'O ZHES BYA BA DE'I 'DI SPROS PA YIN NO, ,MTSAMS GZHAN NA GNAS PA NI GANG LA YANG YAN LAG NYID MA YIN NO ZHES GSUNGS PA DES 'DIR MI 'CHAGS PA BYAS PA NYID YIN NO, ,BRGYUD PAS MI BYA 'O ZHES BYA BA NI 'BUL BA DANG 'BUL DU GZHUG PAR BYA ZHES BYA BAR SBYAR RO, ,LEN PAR BYED PAS GZHAN LA PHUL BA DES KYANG GZHAN ZHIG LA 'BUL BA NI BRGYUD PA YIN NO, ,NA BA DANG DBANG MED PA DANG SROG DANG TSANGS PAR SPYOD PA'I BAR CHAD KYIS 'JIGS PA LAS GZHAN PAS 'BUL BA LA NYES BYAS SO ZHES BYA BA NI 'DUN PA LA

92a

, ,SOGS PA 'DI RNAMS GZHAN LA 'BUL BA LA NI NYES BYAS SU 'GYUR TE, 'BUL BA MI 'CHAGS PA NI MA YIN NO, ,DE TZAM GYI DBANG GIS DGE BA'I PHYOGS KYI BAR CHAD 'BYUNG BAR 'GYUR BA DE YANG 'DIR TSANGS PAR SPYOD PA'I BAR CHAD YIN PAR RIG PAR BYA STE ZHES BYA BA'I SGRAS BSDUS PAR RNAM PAR GNAS PA YIN NO, ,DE LTAR YANG BCOM LDAN 'DAS KYI NYAN THOS KYI DGE 'DUN NI DON NYUNG BA BYA BA NYUNG BA YIN PAS ZHES BYA BA NI MA 'ONGS PA LA RGYU BSTAN PA YIN NO, ,DE BAS NA DE TZAM NYID KYIS KYANG 'DIR PHUL BA NYID BSTAN PAR RIG PAR BYA'O, ,MA BRJOD NA NI MA GUS PA LAS SO ZHES BYA BA NI 'DUN PA LA SOGS PA BLANGS PA MA BRJOD NA NI MA GUS PA'I LTUNG BYED KYI RJES SU MTHUN PA LAS NYES BYAS SU 'GYUR BA'O ZHES BYA BA'I DON TO, ,DES 'JIGS PAS MTSAMS KYI PHYI ROL NAS KHYER TE 'ONGS PA LA NI NYES PA MED DO ZHES BYA BA LA, DES ZHES BYA BA NI SROG DANG TSANGS PAR SPYOD PA'I BAR CHAD KYIS 'JIGS PAS DGRA DANG PHRAD PA LA SOGS PAS YID LA BYED PA 'JOMS PA GANG YIN PA DE YANG 'DIR TSANGS PAR SPYOD PA'I BAR CHAD DU RNAM PAR GNAS PA YIN NO, ,DGE SKOS KYIS GSO SBYONG GI TSE TSUL SHING BRIM PAS DGE SLONG RNAMS BGRANG BAR BYA'O, ,LEGS PAR THON PAS GDON TE TSIG PHYED KYANG MA 'KHRUL BA NYID NA'O ZHES BYA BA NI GSO SBYONG LA'O, ,SO SOR THAR PA BTON PAS NI GSO SBYONG LAS BTON PA NYID DO, ,DE BAS NA SO SOR THAR PA LAS ZHES BYA BA 'DIR SKYES PA NYID DO, ,BYED PA PO GANG LA BSTAN PA 'DI LAS YIN NAM ZHE NA, DE'I PHYIR DGE 'DUN GYI GNAS BRTAN GYIS SO, ,MI NUS PA NYID YIN NA GNYIS PA'I 'O ZHES BYA BA NI GNAS BRTAN GYIS BTON PA'O, ,DES KYANG GSUM PA'I 'O ZHES BYA BA NI, GNYIS PA DES KYANG MI NUS PA NYID YIN NA GSUM PAS BSTAN PAR BYA'O, ,DES KYANG NA RES KYIS SO ZHES BYA BA NI, GSUM PA DES KYANG MI NUS PA NYID YIN NA RES KYIS GDON PAR BYA'O, ,'DIR DGE 'DUN GYIS GNAS BRTAN LA STON PA'I GNAS PA THOB PA NYID JI LTAR YANG 'DIR MTHA' GNYIS DANG BRAL BA DE LTAR RNAM PAR GNAS PA DE'I 'OG TU ZHES BYA BA LA, GSUM PO DE LAS 'OG TU TSIG GDON PAR MI NUS NA'O, ,MI NUS

92b

NA GZHAN LA BCOL BAR BYA'O ZHES BYA BA NI, RES BAB PA'I TSE 'DON MI NUS NA GDON PA GZHAN LA BCOL BAR BYA'O, ,MA BTUB NA DGE 'DUN GYIS SO ZHES BYA BA NI, MA BTUB NA DGE 'DUN GYIS BCOL BAR BYA'O, ,RTAG TU YANG NGO ZHES BYA BA NI DGE 'DUN GYIS BCOL BAR BYA'O ZHES BYA BAR SBYAR RO, ,RDUGS NA LHAG MA GZHAN GYIS SO ZHES BYA BAR SBYAR RO, ,GDON PA ZHES BYA BAR SBYAR RO, ,DUM BU 'DZIN PA NYID YIN NA JI SNYED KYIS 'GRUB PA DAG GIS SO ZHES BYA BA NI JI SNYED KYIS GDON PA 'GRUB PAR 'GYUR BA STE DE SNYED KYIS NI RJES SU BSGRUBS PAR BYA'O ZHES BYA BAR DANG BCAS PA NYID YIN NA GNAS MDZES PAR 'DOD PAS GRONG DANG MI NYE BAR GSO SBYONG BYAR MI RUNG NGO ZHES BYA BA NI, SIL BU DAG LAS 'DI DANG POR BYAS TE, KHYIM BDAG DANG RGYAL PO DAG LA SOGS PA'I MTHAR THUG PA'O, ,GZHAN NI ZHU BA LAS TE, 'DI NI LAS KYI SBYOR BA GZHAN LA YANG DPE TZAM DU ZAD DO, ,'GRON PA MI SDOD NA 'GRO BA BZHIN DU BYA'O ZHES BYA BA NI MCHONG BA BZHIN DU DE YID LA 'DRES PAR GYUR NA, GANG ZHIG 'GRO BA'I BYA BA RNAMS KYIS LAS BYED PA'O, ,DE LTA BAS NA MI SRID PA LAS GZHAN DU 'GYUR BA NYID LA DE RJES SU GNANG BA'O, ,SGRA MI 'DOD NA MDOR BSDUS PAS SO ZHES BYA BA NI, GANG DAG 'DIR SBYAR BA DE DAG SGRA MI 'DOD NA MDOR BSDUS PAS GSO SBYONG BYA BA'O, ,DE TZAM YANG NA BYIN GYIS BRLAB PO ZHES BYA BA NI MDOR BSDUS PAS BYA BA LA SGRA JI TZAM 'BYUNG BAR 'GYUR BA'I SGRA DE TZAM YANG 'GRON PA DAG GIS MI 'DOD NA SO SO NAS BYIN GYIS BRLAB PAR BYA STE, 'KHOR DANG BCAS PA LA SGRA LAS GROL BA MED PAS SO SO NAS ZHES BYA BAR BSGRUB PAR BYA'O, ,DAD PA CAN DANG GTZO BO DAG DGA' BAR 'GYUR BLTA NA CHO GA RJES SU BSGRUB PA LA KHA NA MA THO BA MED DO, ,DRUNG DU GSO SBYONG BYAS PA LA YANG NGO ZHES BYA BA NI, GNAS MAL GYI GZHI RA GTOGS PA LAS 'DIR GNYIS PO DE DAG GRANGS SO, ,PHONGS PA'I TSE KHYIM PA'I DRUNG DU BSHAGS PAR BYA'O ZHES BYA BA NI CHOM RKUN PA DAG LA DE SKAD GSUNGS PA YIN MOD KYI, KHYIM PA GZHAN DAG LA YANG RUNG BA NYID YIN PA'I PHYIR 'DI RNAM PAR GZHAG GO, ,DE LTA BAS NA KYAL KA CAN LA SOGS PA DANG RTZE RGOD LA SOGS PA LA

93a

, ,RGUD PA DE THOB PA DANG DRUNG DU'O, ,DE LTA BAS NA DE DANG NYE BAR 'BREL LO, ,RAB TU BYUNG ZHING BSNYEN PAR MA RDZOGS PA'I DRUNG DU YANG DE DAG NI SHIN TU NYES PA MED PAS DE LAS SHES PAR BYA'O, ,DE LA CHO GA RJES SU BSGRAGS PA LA YANG NGO ZHES BYA BA LA, DE LA ZHES BYA BA NI KHYIM PA LA'O, , CHO GA ZHES BYA BA NI RAB TU BYUNG BA'I BSLAB PA RNAMS LA YANG NGO, ,RGYAL PO LA GO BAR BYA BA LA YANG NGO ZHES BYA BA NI, CHO GA DAG RJES SU THOB PAR BYA BA LA KHA NA MA THO BA MED DE, 'DIR RGYAL PO NI DPE TZAM DU ZAD DE GANG DU KHYIM GYI BDAG PO LA CHOS DANG LDAN PA'I DON 'GRUB PAR DE LA RIG PAR BYA'O, ,SDOM PA MCHOG DANG 'BREL BAR BYA BA DMAN PA LA BLANGS SHING GZUNG BA NYE BAR MI BYA'O, ,CHO GA THOS PAR MI BYA'O ZHES BYA BA DE DANG LDAN PAR RIG PAR BYA'O, ,GZHAN MA RDZOGS PA LA MI 'CHAGS PA MED DO ZHES BYA BA LA, GZHAN ZHES BYA BA NI 'DON PA GNYIS PA LA SOGS PA'O, ,SDE TSAN THAMS CAD 'DON PAR BRTZAMS PA MA RDZOGS PA'O, ,REG NA'O ZHES GANG ZHIG GSUNGS PA NI MA RDZOGS PA DE LA MI CHAGS PA MED DO, ,'ON KYANG NYES BYAS TZAM ZHES BYA BA'I DON TO, ,CHOS MA YIN PA MI BYA'O ZHES GANG ZHIG GSUNGS PA DE 'DIR GSO SBYONG GI CHOS ZHES BYA BAR BRJOD PAR BYA STE, GDON PAR BYA BA DANG DE'I TSAD DANG DUS DANG 'DON PAR BYED PA RNAMS DE KHO NA BZHIN NYE BAR MA BZUNG BA NI 'DIR CHOS MA YIN NO ZHES BYA BA LA, DE KHO NA BZHIN ZHES BYA BA NI BSTAN PAR BYAS NAS DANG PO LA SOGS PA NYID DE KHO NA BZHIN NYE BAR MA BZUNG BA NI SO SOR THAR PA LAS GZHAN YANG BSTAN PAR BYAS TE, BSTAN PA NYID RJES SU MA BZUNG BA NI GLENG GZHI MI 'DON CING GZHAN MA BRJOD PA RNAMS NI THOS PA BSGRAGS PAS SGRUB PAR MI BYED PA RNAMS BSTAN PAR BYA STE, 'DI TZAM NYID RJES SU MA BZUNG BA'O, ,GSOL BA MA BYAS PA LA NI RTZE GCIG TU RIG PAR BYA STE, GROS MA BYAS PA DAG LA DE BYED PA NI GANG ZHIG MI SHES PA ZHES BYA BA STE, GSO SBYONG GI DUS LAS DUS GZHAN DU BYED PA NI DUS NYE BAR MA BZUNG BA'O, ,GANG ZAG GANG DAG GI DBANG DU GSO SBYONG BYED PA'I DBANG DU BSNYEN PAR RDZOGS PA DANG BCAS PA DANG LTA BA DANG TSUL KHRIMS DAG GIS RIGS MTHUN PA DE RNAMS LAS GZHAN PAS BYED PA'O, ,YANG NA 'DON PAR MI BYED PA DANG MI 'DZIN PA'O, ,GNAS

93b

DE NAS 'GA' YANG MA SONG BA NYID YIN NA NGES PA YIN NO ZHES SNGAR GANG BSTAN PA DE LA DE'I NGO BO BSTAN PA'I PHYIR, ,THOS PA'I NYE 'KHOR LAS 'DAS PA NYID NI SONG BA NYID YIN NO ZHES BYA BA LAS SO, ,GSO SBYONG GI GZHI DANG 'BREL PA RNAM PAR 'BYED PA LA SOGS PA'I SKABS SO, ,GSO SBYONG GI GZHI RDZOGS SO,, ,,DBYAR GNAS PAR KHAS BLANG BAR BYA'O ZHES BYA BA SMOS TE, DUS JI SRID DU ZHE NA, DE'I PHYIR ZLA BA GSUM DU'O ZHES BYA BA SMOS SO, ,NYI MA GANG LA DE RNAMS DE SRID DU KHAS BLANG PAR BYA ZHE NA, DE'I PHYIR TSES BCU DRUG LA'O ZHES BYA BA SMOS SO, ZLA BA GANG GI ZHE NA DE'I PHYIR, DBYAR ZLA 'BRING PO NYA'I PHYED DE NYIN PAR GYI'O ZHES BYA BA SMOS TE, DBYAR ZLA 'BRING PO NYA'I PHYED DE NYIN PAR ZHES BYA BA NI DBYAR 'BRING PO TSES BCU DRUG GI TSES SU GYUR PA LA ZHES BYA BA'I DON TO, ,DBYAR NYE PAR SGRUB PAR DBYAR ZLA 'BRING POR SGRUB PA ZHES BYA BA'I TSIG GANG ZHIG YANG DAG PAR BYED PA'O, ,DBYAR ZHES BYA BA NI DER NYE BAR SGRUB PA'O ZHES BYA BA DE'I DON TO, ,GANG ZAG NYE BAR 'GRO BA MA YIN PA RGYU MTSAN NYID KYIS SO SOR NYE BAR GNAS PAS DBYAR ZHES BYA BA'O, ,DBYAR ZLA THA CHUNGS NYA'I'O ZHES BYA BA NI DE MA THAG PA ZHES BYA BAR SBYAR RO, ,DE'I MTHAR DBYAR ZLA THA CHUNGS NYA'I PHYI DE NYIN PAR ZHES BYA BA NI; NYA'I DE MA THAG PA NI TSES BCU DRUG STE, STON ZLA RA BA'I TSES LA ZHES BYA BA'I DON TO, ,ZHAG BCU'AM ZLA BA PHYED KYIS 'BYUNG BAR 'GYUR BA NYID NA GTZUG LAG KHANG BYI DOR BYA'O ZHES BYA BA NI GNAS PAR KHAS BLANGS PA ZHES BYA BA'I SKABS KYIS RTOGS PA'O, ,KHA CIG LAS NI BDUN NAM BRGYAD NA'O ZHES BYA BA NI LUGS KHA CIG LAS ZHES BYA BAR DGONGS SO, ,NYI MA SNGA MA LA GNAS MAL BSDOG GO ZHES BYA BA NI, KHAS BLANGS PA DE'I NYI MA SNGA MA STE TSES BCU DRUG PA'I SNGA MA LA TSES BCO LNGA LA ZHES BYA BA'I DON TO, ,KHRI'U DANG CHOL ZANGS YAN CHAD DO ZHES BYA BA NI THA NA KHRI'U DANG CHOL ZANGS KYI BAR YAN CHAD KYANG DE'I NYIN MO BSDOG PAR BYA'O ZHES BYA BA'I DON TO, ,DE STOBS PA BSKO BAR BYA'O ZHES BYA BA LA, DE'I SGRAS NI GNAS MAL STOBS PA YANG BSDUS PA'O, ,MI NUS NA DU MA'O ZHES BYA BA NI GCIG GIS GNAS MAL STOBS PAR MI NUS PA NA, GNAS MAL STOBS PA DU MA BSKO

94a

, ,BAR BYA'O ZHES BYA BA'I DON TO, ,BSKOS PA'I 'OG TU DES CI ZHIG BYA ZHE NA, DE'I PHYIR, DES DRI DAG GIS BSLUS PA'I TSUL SHING GZEB KYI SPROG MAR RAS DKAR PO BTING BAS DKRIS PA DAG RGAN RIMS SU BZHAG NAS, TSE DANG LDAN PA DAG GNAS 'DI NA KHRIMS SU BCAS PA 'DI DANG 'DI YOD DE, KHYED CAG LAS GANG KHRIMS SU BYA BA 'DI DANG 'DIS GNAS PAR SPRO BA DES NI TSUL SHING LONG SHIG KHYED CAG LAS SUS KYANG DBYAR DGE 'DUN GYI NANG DU 'KHRUG LONG BSKYED PAR MI BYA'O, ,KHYED CAG LAS GANG GIS 'GA' ZHIG LAS CUNG ZAD SHES PA DES NGA SMROS SHIG; KHYED CAG LAS GANG DBYAR GYI NANG DU DGE 'DUN LAS 'KHRUG LONG SKYED PAR 'GYUR BA DE LA DGE 'DUN GYIS PHYIS NYE BAR BRTAG PAR DGONGS SO ZHES DGE SLONG RNAMS LA GO BAR BYA'O ZHES SMOS TE, DES ZHES BYA BA NI GNAS MAL STOBS PAS SO, ,SMROS SHIG CES BYA BAS NI DGOD PA POS GO BAR BYA'O ZHES BYA BA NI PHIGS PAR BYA'O ZHES BYA BA'I DON TO, ,GZHAN GYIS BLANG BA DANG KHAS BLANG BA'I PHYIR DGE 'DUN LA GSOL BA BYA'O ZHES BYA BA NI, ,GNAS MAL STOBS PA'I DGE SLONG DE LAS GZHAN PA'I DGE SLONG GIS SO, ,DGE SLONG GZHAN GCIG GIS TSUL SHING BLANGS PA DANG, DBYAR GNAS KHAS BLANGS PA'I PHYIR GO BAR BYA ZHES BYA BA'O, ,GSOL BA GCIG DANG 'BREL BA NYID LA DON GNYIS BRJOD PA'O, ,TSUL SHING BRIM MO, ,DANG PO STON PA'I BLANG NGO ZHES BYA BA NI, TSUL SHING BRIM PA POS TSUL SHING BRIM PAR BYA BA'O, ,GZHAN DAG GIS NI STAN LAS PHYED 'PHAGS PAS SO ZHES BYA BA NI, STON PA'I TSUL SHING LEN PA LAS GZHAN PAS SO, ,DGE TSUL RNAMS KYI NI SLOB DPON DANG MKHAN PO DAG GIS SO, ,MJUG TU GNYUG MAR GNAS PA RNAMS KYI DE YANG NGO ZHES BYA BA NI, 'PHROG MA LA SOGS PA DAG GIS TSUL SHING BRIM PA'O, ,DE YANG ZHES BYA BA NI TSUL SHING LA GTOGS PA'O, ,GANG GI TSE DE RNAMS LA 'DI YIN ZHE NA, DE'I PHYIR MTHAR DAL BUS GZHAG PAR BYA'O ZHES BYA BA SMOS TE, TSUL SHING RNAMS GZHAG GO ZHES GSUNGS PA YIN NO, ,DE LA GNAS KHANG BSTABS PA ZHES SMOS PAS 'DIR 'DI YANG SMOS PAR 'GYUR BA DE LTA BAS NA MDO 'DI BYAS PA YIN NO, ,BGRANGS NAS GNAS 'DIR DGE SLONG

94b

'DI SNYED KYIS TSUL SHING BLANGS SO ZHES GO BAR BYA'O ZHES BYA BA LA ZHES BYA BA'I SGRAS NI 'DI LTAR DGE 'DUN LA GO BAR BYA'O ZHES BYA BA'I DON TO, ,GNAS KYI GZHI BSTAB PAR BYA'O, ,DE DAG GI SGO LCAGS DANG LDE MIG BLANGS PAS MDUN DU 'DUG DU STE, ,GNAS BRTAN GTZUG LAG KHANG CHE MI NI RNYED PA DANG BCAS PA GOS KYI RIN DANG BCAS PA LAGS KYIS BZHES SHIG CES YON TAN JI LTA BA BZHIN DU MOS PA BSKYED CING LEN DU GZHUG GO ZHES BYA BA LA, BLANGS PAS ZHES BYA BA NI DE'I TSE GNAS KYI GZHI GANG LA BSTAB PAR BYA BA DE LA'O, ,SGO LCAGS DANG LDE MIG CES BYA BA NI, DE GNYIS GANG GIS BLANGS PA ZHES BYA BA'I BSDU BA'O, ,YON TAN JI LTA BA BZHIN DU ZHES BYA BA NI, GNAS KYI GZHI DE'I YON TAN GANG YIN PAS DE MOS BSKYED PAR BYA ZHES BYA BA'I DON TO, ,BLANG BA LA SOGS PA NI LHUNG BZED DANG 'DRA'O ZHES BYA BA LA, DGOS PA BLANG BA DANG BLANGS PA MA YIN PA STE, BAR CHOD PA TSIG GNYIS PA LA MI SBYIN ZHING PHYI MA LA NI MA YIN ZHES BYA BA 'DI NI GZHAN LA YANG 'GRE BA'O, ,MCHOD RTEN DANG DGE 'DUN GYI DON MA YIN PAR SENG BAR SHES PA LA NI 'THEB NYID LAS BSKOR BAR BYA'O ZHES BYA BA NI, MCHOD RTEN DANG DGE 'DUN GYI DON LA MA SONG BA LA JI LTAR RGAN RIMS NYID KYI DGE 'DUN GYI GNAS BRTAN YOD PA LA BTZUN PA NYE DGAS RGAN PA GZHAN 'ONGS PA LA BDAG NYID DANG LHAN CIG DGE 'DUN GNAS BRTAN DU GYUR NAS GNAS BRTAN GNYIS PAS GNAS PAR BYA SNYOM PA'I BLOS GTZUG LAG KHANG GZHAN DU SONG BA NA, DER DGE 'DUN GYI GNAS BRTAN GYI RNYED PA DANG, RNYED PA SNGA MA GNAS BRTAN GNYIS PA'I RNYED PA DANG, MNYAM PAR SHES NAS DGOS PA MED PAR CI'I PHYIR DGE 'DUN GYI GNAS BRTAN NYID BDAG GIS BYA'O SNYAM PA'I BLO SNGON DU BTANG NAS, GTZUG LAG KHANG DU PHYIN PA DANG SNGAR BSTAN PA'I GNAS MAL LA JI LTAR 'PHEL BA NYID KYIS MAL STAN SLONG BAR BYED PA ZHES BYA BA, BCOM LDAN 'DAS KYIS GSUNGS BA'I LUNG LAS 'BYUNG BA YIN NO, ,DGE 'DUN GYI'AM MCHOD RTEN GYI BYA BA LA SONG BAR GYUR PA GANG YIN PA DE LA JI LTAR RGAN RIMS KYIS GNAS MAL BSTAB PAR BYA'O, ,GZHAN LA NI JI LTAR 'THEB NYID LAS BSKO BAR BYA'O ZHES SMOS PA STE, DE BAS NA MDO 'DI STE JI LTAR BSKO BA LAS

95a

, ,GZHAN PAS BSKO BAR BYA'O, ,'DI JI LTAR 'THEB KYI DON 'DI'O, ,GNAS MAL GYI GZHI LAS 'DI DANG POR BYA STE, SNGAR RTOG PA'I DGE SKOS KYIS ZHES BYA BA DE BAS NA 'DIR GRAGS PA YIN NO, ,GANG DU GZHUNG 'CHAD PAR 'GYUR BA 'DI DANG GZHAN DE SPANGS NAS DU MA NYID MA YIN PA GTZUG LAG KHANG DU ZHES BYA BA 'DI YANG DRANGS PA YIN NO, ,SHING LJON PA'I DRUNG DANG NE'U GSING GI GZHI DAG LA YANG RGAN RIMS SU BSKO BAR BYA'O, ,GNAS KHANG GIS MI CHOG NA GNYIS LA SOGS PA DAG NA THA NA DE'I SA GZHI GDING BA'I TSAD TZAM YANG NGO ZHES BYA BA LA, MI CHOG NA ZHES BYA BA NI, GAL TE DGE SLONG THAMS CAD LA RE RE LA BSKOR MI CHOG NA 'DI RNAMS THAMS CAD KYIS GNAS KYI GZHI THOB PA'I MTHAR THUG PA MA YIN PA STE, SOGS PA'I SGRAS GRANGS PAR BSTAN PA'I PHYIR THA NA ZHES SMOS SO, ,DE'I SA ZHES BYA BA NI GNAS KHANG GIS GZHIR BTING BA'I TSAD TZAM YANG BSKO BA ZHES BYA BA'I DON TO, ,LHUNG BZED DANG BYA BA BUM DANG 'DAG RDZAS DANG, SO SHING DANG, SMAN GYI GNAS LA LTOS PAR BYA'O ZHES BYA BA LA LTOS PAR BYA'O ZHES BYA BA NI, GDING BA'I TSAD TZAM DU BSKO BAR BYA'O, ,DE DOR NAS NI MA YIN TE DE LTAR MA YIN NO, ,JI LTAR DE 'BYUNG BAR MI 'GYUR ZHES BYA BA'I DON TO, ,KHA CIG NI 'DIR SMAN GYI TSIG DU YANG BYED DO, ,DE NI MI RIGS TE NAD PAS BSTEN PAR BYA'I GZHAN GYIS NI BZA' BAR BYA BA MA YIN PA NYID KYI PHYIR RO, ,SGO KHANG DANG THEM SKAS KYI LKOG DANG, KHYAMS DANG DPONG SA DANG BKAD SA DANG BSRO KHANG GI RA BA DAG NI BSKO BAR MI BYA'O ZHES BYA BA LA, 'DI NI MI CHOG PA LA BSKO BAR BYA, SHES PAR BYA BA MA YIN ZHES BYA BA'I DON TO, ,'DIR 'DIR GZHUNG NI RNAM PAR 'BYED PA LAS, DGE SLONG DAG GNAS DRUG PO 'DI DAG NI BSGO BAR MI BYA BA DAG STE, SGO KHANG THAMS CAD DANG, THEM SKAS KYI LKOG DANG KHYAMS DANG DPONG SA'I RA BA DANG BKAD SA'I RA BA DANG BSRO KHANG GI RA BA DAG STE, SKO BAR BYED NA NYES BYAS SU 'GYUR RO ZHES GSUNGS PA YIN NO, ,MTSAN MO GNAS MAL MI BSKO'O ZHES BYA BA NI BSKO BAR MI BYA'O ZHES BYA BAR SBYAR RO, ,KHRI LA SOGS PA LA YANG CHO GA 'DI NYID YIN TE, GNAS KHANG NYID LA

95b

NI MA YIN NO ZHES BYA BA DE NYID KYI PHYIR GNAS MAL ZHES SMOS SO, ,GNAS KHANG GI GZHIR GYUR PA'I GNAS PA'I SGRA 'DI GRAGS PA STE, DE'I PHYIR SHING LJON PA'I RTZA BA LA SOGS PA LA 'DIS CHO GA 'DI LA BYAS PA NYID MA YIN NO, ,NAD PA 'DUG PA'I GNAS KHANG GZHAN LA MI SBYIN NO ZHES BYA BA NI GNAS KHANG ZHES SMOS PAS NI KHRI LA SOGS PA BZLOG PA'I PHYIR BSTAN TO, ,DE NYID THOB PA MED NA MI SBYIN PAR MI BYA'O ZHES BYA BA LA, DE NYID CES BYA BA NI DE LHAG PAR GNAS PA NYID LA THOB PA LA JI LTAR RGYAN RIMS SU MA BYAS PAR NAD PA LA GNAS KHANG SBYIN PAR MI BYA'O, ,'DIR GZHUNG NI, DGE SLONG NAD PA'I GNAS KHANG GZHAN LA BSKO BAR MI BYA'O, ,BSKO NA 'GAL TSABS CAN DU 'GYUR RO, ,'DIR NAD PA ZHES BYA BA NI SBYOR MI BZOD PA YIN PAR SHES PAR BYA STE, DE LTA BAS NA NAD PA SBYOR MI BZOD PA ZHES BYA BA DE LAS RTOGS PAR BYA'O, ,DE DANG DE'I G-YOG LAS BYED DU MI GZHUG GO ZHES BYA BA LA, DE ZHES BYA BA NI NAD PA DE'O, ,DE'I ZHES BYA BA DE NI NAD PA DE'I 'O, ,MDZE CAN GYIS DGE 'DUN GYI GNAS MAL LA SPYAD PAR MI BYA'O ZHES BYA BA NI GOS KYI GZHI LAS DE DANG POR BYA STE, NAD G-YOG SBYIN PAS 'DI LA SNYING BRTZE BAR BYA'O ZHES BYA BA'I MTHAR THUG PA'O, ,DE LA GNAS DBEN PA SBYIN NO ZHES BYA BA LA, DE LA ZHES BYA BA NI MDZE CAN LA'O, ,'DIR GNAS DBEN PA ZHES BYA BA NI GZHAN DAG GIS 'DOD PA'O, ,DE LAS THA DAD PAR SHES PAR BYA BA MA YIN NO, ,DBEN PAR DE NYID KYIS GANG ZHIG SBA BA NYID DE 'DIR RIGS PA YIN NO, ,DGE 'DUN GYIS BSTEN PAR BYA BA DANG BCAS PA THA NA KHYAMS DANG, KHYAMS GRU BZHI DANG, SGO KHANG DANG, BANG RIM DANG, 'CHAGS DANG, SHING DRUNG GI GNAS DER YANG 'DUG PAR MI BYA'O ZHES BYA BA LA, BSTEN PA ZHES BYA BA NI BSTEN PA YOD PAR GYUR PA LA DUS DUS SU BSTEN PAR BYA'O ZHES BYA BA'I DON TO, ,GANG GIS YIN ZHE NA, DGE 'DUN GYIS ZHES BYA BAR SBYAR RO, RAB TU BYUNG BA ZHES BYA BAR SHES PAR BYA'O, ,GNAS PAS KUN NAS LONGS SPYAD PA NI BSTAN PA ZHES BRJOD PA YIN NO, ,BSHANG BA DANG GCI BA'I SKYABS GNYIS SU 'JUG PAR MI BYA'O ZHES BYA BA NI DGE 'DUN DAG

96a

, ,GIS ZHES BYA BA 'JUG GO, ,DE LA G-YOG BSKO BAS SNYING BRTZE BAR BYA'O ZHES BYA BA NI NAD YUN RING ZHING CHE BA YIN PA'I PHYIR NAD G-YOG DE MED NA SBYIN PAR BYA'O ZHES BYA BA, CHO GA 'DI LA 'DIR MA SBYAR BA GANG YIN PA'I BRDA DE LA DE'I DOGS PA BSAL BA'I DON DU'O, ,DUS THAMS CAD DU DGON PA DAG LA LHUNG BZED DANG CHOS GOS GZHAG PA'I PHYIR GNAS KHANG BSKO BAR BYA'O ZHES BYA BA LA, 'DIR GZHUNG NI, DGE SLONG DGON PA DAG DANG GTZUG LAG KHANG DU LHAGS TE, GNAS KHANG DAG RNYED PA NA DGE SLONG DAG LAS MA THOB NAS, BCOM LDAN 'DAS KYIS BKA' STZAL NAS, GTZUG LAG KHANG DU DGE SLONG DGON PA PA RNAMS KYI LHUNG BZED DANG, CHOS GOS GANG DU 'JOG PA'I GNAS KHANG BSKO BAR BYA'O ZHES GSUNGS PA LTA BU YIN NO, ,DUS THAMS CAD DU ZHES BYA BA NI DBYAR DAG NYI TSOR MA ZAD KYI GANG ZHIG 'DIR SMOS PA'I GZHUNG LAS DUS KYI KHYAD PAR LA MA BSTEN PA DE BAS NA MDO'I TSIG 'DI SMOS TE, DE'I PHYIR DBYAR GNAS PAR KHAS BLANGS PA NA KHA CIG GLO BUR DU 'ONG SRID PAS GNAS DANG GNAS MAL GZHAG PAR BYA'O ZHES BYA BA SMOS TE, DUS THAMS CAD DU ZHES BYA BA 'DI LA RJES SU 'JUG PA MED PAR BSTAN PA'I DON DU NI 'DI YIN TE, BYE BRAG YANG YONGS SU MA SMOS PA'I PHYIR, KHAS BLANGS PA GNYIS KA LA YANG SNGA MA DANG PHYI MA ZHES BYA BAR RIG PAR BYA'O, ,GZHI ZHES BYA BA NI GNAS KYI GZHI'O, ,MANG PO DAG LHAGS NA GNAS PA GANG GIS GZONG BSKO BAR BYA'O ZHES BYA BA NI DGE SLONG GLO BUR PA MANG PO DAG LHAGS NA SNGAR GNAS PAR KHAS BLANGS PA DAG GIS GNAS MAL GZOD BSKO BAR BYA'O, ,GNAS PAR KHAS BLANGS PA PHYIN CHAD MI BYA'O ZHES BYA BA NI SLAR BSKO BA GNYIS PA LA KHAS BLANGS PA PHYI MA SHOS GANG YIN PA ZHES BYA BA DE LAS YID CHES PA'O, ,'DIR GZHUNG NI RNAM PAR 'BYED PA LAS, DGE SLONG DAG PAS DGE SLONG MA 'ONGS PA RNAMS LA BSTEN NAS DBYAR GNAS PAR KHAS BLANGS PA GNYIS PA BCAS KYI GSUM PA NI MA YIN NO ZHES GSUNGS PA YIN NO, ,MANG BA NYID YIN NA GCIG LA YANG GNYIS LA SOGS PA KHYAB PA'I BAR DAG GO ZHES BYA BA LA, GNYIS LA SOGS PA ZHES

96b

BYA BA NI GNAS KYI GZHI LA SOGS PA NAS THA MA BSTAN PAR BYED DE MANG BA NYID YIN NA ZHES BYA BA STE, BSKO BAR BYA'O ZHES SBYAR RO, ,SA DE SNYED DU MANG BA'I GZHI DAG LA RE RE LA BSKO BAR BYA'O, ,JI SNYED PA BSKO BA RNAMS LA THAMS CAD KYI BSKO BA 'GRUB PAR 'GYUR ZHES BYA BA'I DON TO, ,ZHAG GCIG GI DON DU GNAS MAL MNOD PAR MI BYA'O ZHES BYA BA NI, GNAS MAL ZHES SMOS PA NI DPE TZAM DU ZAD DE GTZUG LAG KHANG LA SOGS PA YANG GNAS PA YIN NO, ,'DIR GZHUNG NI, PHRAN TSEGS DAG LAS, DGE SLONG GIS ZHAG GCIG GI DON DU GNAS MAL MNOD PAR MI BYA'O ZHES GSUNGS PA YIN NO, ,RNYED PA 'DOD PAS GTZUG LAG KHANG MI MNOD DO ZHES BYA BA NI GNAS MAL LA YANG 'PHANGS PA NYID DU RIG PAR BYA'O, ,'DIR GZHUNG NI, ,DE NAS DUS GZHAN ZHIG NA DGE SLONG RNAMS LA RGAN RIMS BZHIN DU GNAS MAL STOBS PAR BYED NA, BRAM ZE ZHIG GTZUG LAG KHANG DU 'ONGS NAS DES DE MTHONG BA DANG, GANG GI PHYIR 'DI BZHIN BGO BSHA' BYED PA'I NGANG TSUL CAN SH'AKYA'I SRAS KYI DGE SLONG 'DI DAG LA SU ZHIG MNGON PAR DAD PAR MI 'GYUR SNYAM DU DAD PA SKYES PAR GYUR NAS, DES GTZUG LAG KHANG BYED DU BCUG STE DGE SLONG GI DGE 'DUN LA PHUL BA DANG, DGE SLONG RNAMS KYIS SMRAS PA, HA CANG GSHER CHES SO ZHES MI LEN PA DANG, DES PHRUS 'DEBS SU BCUG STE PHUL LO, ,DGE SLONG RNAMS KYIS SMRAS PA, HA CANG DGON DUNG CHES SO ZHES MI LEN PA DANG, BRAM ZE DES DE DAG RNYED PA 'DOD PAS MI LEN PAR RIG NAS, BRAM ZE DES SH'AKYA'I SRAS KYI DGE SLONG DAG GIS RNYED PA 'DOD PAS GTZUG LAG KHANG LEN TO ZHES BYA BAR RTZOM PA NAS, BCOM LDAN 'DAS KYIS BKA' STZAL PA, DGE SLONG RNAMS KYIS RNYED PA 'DOD PAS GTZUG LAG KHANG BLANG BAR MI BYA STE, 'ON KYANG SBYIN BDAG RNAMS LA RJES SU SNYING BRTZE BAS GTZUG LAG KHANG RNAMS BLANG BAR BYA'O ZHES GSUNGS PA DE 'DIS BSDUS PA YIN NO, ,DE LTA BAS NA 'DIR BRTZE BA'I SEMS KYIS ZHES BYA BA 'DI NI MTSON PA TZAM DU RNAM PAR GNAS PA YIN TE DE BAS NA 'DI BSDU BAR MA BYAS PA'O, ,THAMS

97a

, ,CAD YONGS SU SPYAD PAR BYA'O ZHES BYA BA NI GTZUG LAG KHANG DU MA BLANGS PA'O, ,'DI LA JI LTAR THAMS CAD KUN NAS SPYAD PAR BYA ZHE NA, DE'I PHYIR LA LAR KLOG PA DANG, KHA TON DANG, 'DUG PA DANG, BCAG PA LAS GANG YANG RUNG BA BYA, LA LAR LHUNG BZED DANG CHOS GOS GZHAG PAR BYA'O, ,LA LAR MTSAN MO NYAL BA DANG, LA LAR SNGA DRO DANG, GUNG TSIGS DANG, PHYI DRO 'DUG PAS DE LA SBYAR BAR BYA'O ZHES BYA BA SMOS TE, DE LA ZHES BYA BA NI THAMS CAD YONGS SU SPYAD PAR BYA BA DE LA'O, ,DE LA GZHUNG KHA CIG LAS NI, LA LAR BKLAG PAR BYA; KHA DON BYA, LA LAR LHUNG BZED DANG CHOS GOS GZHAG PAR BYA, LA LAR 'CHAG PAR BYA'O ZHES GSUNGS SO, ,GZHUNG KHA CIG LAS NI, LA LAR SNGA DRO 'DUG PAR BYA, LA LAR GUNG TSIGS LA 'DUG PAR BYA, LA LAR PHYI DRO 'DUG PAR BYA, LA LAR MTSAN MO 'DUG PAR BYA'O ZHES GSUNGS PAS, DE'I PHYIR GNYIS KA BSDU BA'I PHYIR MDO 'DI BYAS SO, ,GNAS PAR KHAS BLANGS PAS GNAS KYI GZHI RAL BA DANG 'DRUMS PA BCOS PAR BYA'O ZHES BYA BA LA, RAL BA ZHES BYA BA NI PHYOGS GCIG CHAD PA'O, ,'DRUMS PA ZHES BYA BA NI GAS PA'O, ,DGE SLONG MA DBYAR GNAS PA RNAMS KYIS DBYAR KHANG BCOS PAR BYA'O ZHES BYA BA NI THAMS CAD DU GCIG TU GYUR NAS THAMS CAD SPYIS BCOS PAR BYA BA YIN GYI, GNAS KHANG GANG NA GANG GNAS PA DES DE NYI TSES BCOS PA NI MA YIN NO ZHES BYA BA DE LTAR CHO GA 'DI'O, ,DE BAS NA MA BYAS BA NYID DE LA RAL BA DANG 'DRUMS PA ZHES BYA BA 'DIS RUNG BA 'JUG PA SGRUB PA'I DON DU'O, ,'THAB KROL CAN GYIS GNAS MI THOB PAR BYA BA'I PHYIR DGUN MNOD PA DANG DPYID MNOD PA'I GNAS MAL YANG BSTAB PAR BYA'O ZHES BYA BA NI GANG YANG RUNG BA DE LA DGUN DANG SO GA'I DUS KYI CHA DAG LA ZLA BA BZHI DANG LDAN PA NYID LA MNGON PAR BRTEN NAS TSIG DE SMOS SO, ,RIL GYIS BSKO BAR BYA'O ZHES BYA BA NI GNAS MAL RIL GYIS BSKO BAR BYA'O, ,DE NYID BSTAN PAR BYA BA'I PHYIR, 'DI LTA STE, GTZUG LAG KHANG DANG KHANG KHYIM DAG GI NYEN KOR YANG NGO, ,KHYAMS KYI DE YANG NGO ZHES BYA BA NI NYEN

97b

KOR DANG BCAS PA LA ZHES BYA BA'I DON TO, ,DE DAG DONG BA NYID KYI 'OG TU DE DAG MI GTONG BAR MI BYA'O ZHES BYA BA LA, DE DAG CES BYA BA NI KHYAMS KYI NYAN KOR DANG DE'I NYAN KOR DUS MA NGES PA NYID KYIS DGUN DANG DPYID MNOD PA'I GNAS MAL GNYIS KYANG BSTAB PAR BYA'O, ,RANG BZHIN DU GNAS PA'I PHYIR SGYU THABS MI BYA'O ZHES BYA BA NI RANG BZHIN DU GNAS PAS 'THAB KROL MI BYED PA'I ZHES BYA BA NI THAMS CAD NYID KYIS TE, 'DI NI BSKO BA'I DUS 'BA' ZHIG TU MA ZAD KYI ZHES BYA BA NI KHYAD PAR MED PAR RTOGS PA'O, ,GANG ZHIG MTHA' 'KHOB KYI RI LA RANG BZHIN DU GNAS PA'I DON DU CHO GA DE LA BYAS PAS DE'I DON DU DE MI BYA'O ZHES BYA BA SMOS PA DE NI 'DI'O, ,'BYUNG BA'I DON DU NI MI BSKO'O ZHES BYA BA NI PHYIS 'BYUNG BAR 'GYUR BA'I DON DU DGOS PA NYE BAR MI GNAS PAS DE NYID BSTAN PA'I PHYIR, 'DI NI DUS TSIGS DANG, NYIN MTSAN DANG DE'I YAN LAG CHE GE MO ZHIG 'BYUNG BA'I'O, ,'DI NI MKHAN PO DANG SLOB DPON CHE GE MO ZHIG 'BYUNG BA'I'O, ,'DI NI LHAN CIG GNAS PA DANG NYE GNAS CHE GE MO ZHIG 'BYUNG BA'I'O, ,'DI NI GTAM 'DRES PA DANG PHEBS PAR SMRA BA DANG, 'GROGS BSHES DANG SMOS 'DRIN PA LA SOGS PA CHE GE MO ZHIG 'BYUNG BA'I'O ZHES GTZUG LAG KHANG DAG BSKO BAR MI BYA'O ZHES BYA BA SMOS TE, DE'I YAN LAG CES BYA BA NI NYIN MTSAN GYI YAN LAG SNGA DRO LA SOGS PA'O, ,MNOD PAR MI BYA'O ZHES BYA BA NI, GZHAN GYIS BSKOS KYANG MNOD PAR MI BYA'O, ,'DIR GZHUNG NI 'BYUNG BA'I DON DU GTZUG LAG KHANG BSKO BAR MI BYA, BSKOR GZHUG PAR MI BYA'O ZHES GSUNGS PA YIN TE, DE LA MDO SNGA MAS NI BSKO BAR MI BYA'O ZHES GSUNGS PA BSDUS SO, ,MDO 'DIS NI BSKOR GZHUG PAR MI BYA'O ZHES GSUNGS PA BSDUS SO, ,PHRAN TSEGS DAG LAS KYANG DGE 'DUN GYI 'BREL PA ZHES BYA BA DANG POR BYAS TE MNOD PA ZHES BYA BA'I MTHAR THUG PA'O, ,TSANG GZHIG PA'I PHYIR DBYU GU THOGS PA BSKO BAR BYA'O, ,SGO NGA MED PA RNAMS NI GDON PAR BYA'O, ,PHRA MO RNAMS KYI NI MI 'PHEL PAR BYA BA'I PHYIR SKUD PAS DKRI'O ZHES BYA BA NI, KHVA TA DANG MCHIL

98a

, ,PA DANG PHUG RON RNAMS LA NI MA YIN TE, 'ON TE 'ON KYANG PHRA MO CHUNG BA SBRANG BU TREE MA BU GA DANG TREE LA TA LA SOGS PA DAG GI TSANG GANG YIN PA DE RNAMS SKUD PAS DKRI BAR BYA'O, ,'DIR GZHUNG NI MI 'BREL BAR BYA BA'I PHYIR SKUD PAS DKRI'O ZHES GSUNGS PA YIN TE, DKRIS PA DE LA 'DI RNAMS KYANG BRJOD PA YIN TE, NYE BAR BSAGS PAR BYA ZHES BYA BA DON 'DI SHES PA'O, ,GNAS MAL LA SOGS PA SBYIN NO ZHES BYA BA GOS LA SOGS PA YANG BSDU BA'I PHYIR SOGS PA ZHES BYA BA'I SGRA SMOS SO, ,YOD PA NYID NA DU MA YANG NGO ZHES BYA BA NI GAL TE GNYIS PA KHRI'U'I RIM PA YOD PAR GYUR NA KHRI'U LA SOGS PA GSUM LA SOGS PA YANG RUNG STE, DE YANG SBYIN PAR BYA'O ZHES BYA BA'I DON TO, ,RIM PA YONGS SU MA RDZOGS NA RGAN RIMS NAS BRTZAMS TE JI TZAM KHYED PA YAN CHAD LA DE SNYED PA RNAMS LA SBYIN PAR BYA'O ZHES BYA BA NI DON GYIS SHES PAR BYA'O, ,KHRI CHEN PO DAG KYANG BSKO BAR BYA BA NYID YIN NO, ,STAN DAG KYANG NGO ZHES BYA BA NI GLENG GZHI DAG LAS DE'O, ,DGE 'DUN GYI GNAS MAL G-YOGS PA DGE TSUL MI GTZANG BAS NYAMS PAR BYED PA'I CHOS CAN LA SUS KYANG MI SBYIN NO ZHES BYA BA LA, SUS KYANG ZHES BYA BA'I SGRAS NI GNAS MAL STOBS PA 'BA' ZHIG TU MA ZAD KYI GZHAN DAG GIS KYANG SBYIN PAR MI BYA'O ZHES BYA BA'I DON TO, ,DGE SLONG MA LA YANG MI SBYIN NO ZHES BYA BA NI GNAS MAL GYI CHOS CAN LA DGE 'DUN GYI GNAS MAL G-YOGS PA DAG MI GTZANG BA LA SUS KYANG MI SBYIN PA'O, , DGE SLONG MA RNAMS LA 'BREL PA'I KHRI SBYIN PAR MI BYA'O ZHES 'DIR SMOS TE, GNAS MAL YANG ZHES BYA BA 'DIR YANG CHO GA 'DI RNAM PAR GZHAG PA ZHES BYA BA'O, ,'DIR GNAS 'BYOR NA DE LA 'DAB TU GTZUG LAG KHANG SBYIN NO ZHES BYA BA LA, DE LA ZHES BYA BA NI DGE SLONG MA'O, ,'DIR ZHES BYA BA NI GTZUG LAG KHANG LA'O, ,GNAS MAL LHAG PA BZANG PO MA YIN PA YANG NGO ZHES BYA BA LA, LHAG CES BYA BA NI DGE SLONG RNAMS LAS LHAG PAR GNAS PA LA'O, ,KHYED CAG LA GANG GIS KYANG DGE 'DUN GYI GNAS MAL LA GDING BA MED PAR LONGS SPYAD PAR MI BYA, GDING BA RUNG BA

98b

MA YIN PAS LONGS SPYAD PAR MI BYA, GDING BA DRI MA CAN GYIS LONGS SPYAD PAR MI BYA'O ZHES BYA BA LA, DE NI LTUNG BA YIN TE, BSLAB PA'I GZHI NYID LAS 'DIR YOD PA NYID KYI PHYIR RO, ,ZLA BA PHYED CING SO SOR BRTAG PAR BYA'O ZHES BYA BA NI GNAS MAL LA'O, ,DAM TSIG LAS 'DAS SHING SPYAD NA GNAS PA NI GNAS LA GZHAN GYI NI DGE 'DUN LA BRJOD DE DBROG PAR BYA'O ZHES BYA BA NI BRTEN PA LAS GZHAN DGE 'DUN LA ZHUS TE SPYAD PAR BYA'O, ,DGE 'DUN SONG SBYIN BDAG CHE GE MO DANG ZHAL TA BA CHE GE MO DANG, SPYOD YUL GYI GNAS CHE GE MO DANG NAD G-YOG CHE GE MOS GNAS PAR ZHAL GYIS BZHES PAR 'GYUR RO ZHES BRJOD PAR BYA'O, ,'GYOD PA DANG, GZHAN SDUG BSNGAL BA DANG, YID MI BDE BA MI SKYED PA NYID DANG, SEL BA NYID DAG DANG, BDE BA DANG YID MI BDE BA BSKYED PA NYID RJES SU BSRUNG BA NYID DAG DANG, NAD G-YOG NYID TSANGS PA MTSUNGS PAR SPYOD PA DAG LAS 'BYUNG BA SO SOR BRTAGS PAS GNAS DANG SPYOD YUL DANG, BSOD SNYOMS DANG SMAN PAR BYED PA LA RNAM PAR BLTAS TE GNAS PAR KHAS BLANG BAR BYA'O ZHES BYA BA NI 'GYOD PAS NYE BAR GNAS PA LA'O, ,'DIR SDUG BSNGAL NI SHIN TU CHE BA STE, YID MI BDE BA DANG YID BDE BA NI BDE BA SHIN TU CHE BA STE LUS KYI YANG NGO, ,DE'I LUS CAN GYI YUL BSDUS PA DANG, DE'I RIGS CAN BZA' BAR BYA BA SBYIN PA NI DE DAG GIS BSKYED PA'I SDUG BSNGAL SEL BA NI GSO BAR BYED PA'O, ,BDE BA RJES SU SRUNG BA NI DE'I TSOGS PA RNAMS LA JI LTAR MI 'BRAL BA DE NI DE LTAR KUN THUB PA'O, ,SBYIN PAR BYED PA LA ZHES BYA BA NI SPYOD YUL DE LA 'BYOR PA SO SOR BRTAGS PAS SO, ,GANG DU GNAS PAR KHAS BLANG BAR BYA ZHE NA, DE'I PHYIR G-YOGS PAR DGE SLONG GI MDUN DU'O ZHES BYA BA SMOS SO, ,GTZUG LAG KHANG DU MAR MI BYA'O ZHES BYA BA LA, GTZUG LAG KHANG DU MAR MTSAMS SU RDZAS GCIG GIS MNAN TE, DU MAS KHAS LEN PA GANG YIN PA DER YANG 'DI DAG BKAG PA YIN NO, ,'DIR GZHUNG NI DGE SLONG GIS GTZUG LAG KHANG GNYIS SU DBYAR GNAS PAR KHAS BLANG BAR MI BYA'O, ,KHAS LEN PAR BYED NA 'GAL TSABS CAN DU 'GYUR RO ZHES GSUNGS PA YIN NO, ,GANG LA DGE SLONG MED PA NYID DANG SGO

99a

, ,GLEGS MED PA NYID DANG BCAS PAR YANG MI BYA'O ZHES BYA BA LA, GANG LA ZHES BYA BA NI GTZUG LAG KHANG LA'O, ,GTZUG LAG KHANG GANG NA 'DI GNYI GA MNYAM PAR SBYOR BA DE YANG GNAS PAR KHAS BLANG BAR MI BYA'O ZHES BYA BA'I DON TO, ,SBYIN BDAG DANG ZHAL TA BA DANG SPYOD YUL GYI GRONG DANG NAD G-YOG DAG YOD PA NYID YIN NA BRJOD PAR BYA'O ZHES BYA BA NI GAL TE DE NA DE DAG YOD PA NYID NA KHAS LEN PA'I SNGAGS BRJOD PA'I TSE YANG DE SKAD BRJOD PAR BYA STE, ZHU BA LAS KYANG BRJOD PAR BYA ZHES BYA BA'I DON TO, ,BYIN GYIS MA BRLABS PAR MTSAMS KYI PHYI ROL DU SKYA RENGS 'CHAR BAR MI BYA'O ZHES BYA BA NI SKYA RENGS LAS DUS SNGAR MTSAMS KYI PHYI ROL DU 'DA' BAR BYED PA LA NI NYES PA MED DO, ,DE LTA YANG GAL TE 'GRO NA DE YANG GNAS PAR MI BYA'O ZHES GSUNGS PA'I PHYIR RO, ,CHOS DANG LDAN PA'I DON DU ZHAG BDUN BYIN GYIS BRLAB PAR BYA'O ZHES BYA BA NI CHOS LAS MI 'DA' BA'I DON LA'O, ,DE 'DIR RGYAS PAR BSHAD PA'I PHYIR, 'DI LTA STE, DGE SLONG GI KUN DGA' RA BA 'BUL BA DANG, GTZUG LAG KHANG ZHAL BSRO BA DANG, GNAS MAL 'BUL BA DANG, BSLAB PA BRTAN PO BCA' BA DANG, MCHOD RTEN ZHAL BSRO BA DANG, MCHOD SDONG GZUGS PA DANG, RGYAL MTSAN BSGRENG BA DANG, MCHOD PA BYA BA DANG, TSON DANG, TZAN DAN GUR KUM BYUG PA SKUD PA DANG, BKLAG PA DANG, 'GYOD PA BSAL BA DANG, LTA BA'I RNAM PA SPANG BA DANG, PHYOGS DANG MTHUN PA BSGRUB PA DANG, BZOD PA GSOL BA DANG, YONGS SU GNAS PA LA SOGS PA BZHI BYA BA DANG, DBYUNG BA DANG NAD PA DBUGS DBYUNG BA DAG LA'O ZHES BYA BA SMOS TE, MCHOD SDONG GZUGS PA DANG RGYAL MTSAN BSGRENG BA ZHES BYA BA LA, MCHOD SDONG GI SGRAS NI GZUGS BA DANG 'BREL BA'O, ,BKLAG PA ZHES BYA BA NI MDO SDE'I MTSAN BKLAG PA DANG, STON PA NA RNYED PA 'GRUB PA YOD PAS LONGS SPYAD PA'I DON DU ZHES BYA BA 'DIR SMOS TE, KLOG PA DE TZAM GYI PHYIR YANG RIGS PA YIN TE, BZOD PA GSOL BA ZHES BYA BA YANG BSDU BA'I PHYIR BKLAG PA ZHES BYA BA'I SGRAS SMOS SO, ,PHYOGS DANG MTHUN PA ZHES BYA BA

99b

NI SMON LAM GYI LAM BYA BA DANG, GZHI 'GA' ZHIG SO SOR GNAS PA LA'O, ,YONGS SU GNAS PA LA SOGS PA BZHI BYA BA NI SPO BA DANG, GZHI NAS YONGS SU SPO BA DANG, MGU BAR BYA BA DANG, GZHI NAS MGU BAR BYA BA'O, ,GZHI NAS MGU BAR BYA BA LAS THA MI DAD DO, ,DGE SLONG GIS ZHES BYA BA NI CHOS LAS MI 'DA' BA'I DON LA ZHES BYA BA DE DANG 'BREL PA'O, ,DGE SLONG MA'I LCI BA'I CHOS KYI MGU BAR BYA BA DBUL BA LA YANG NGO ZHES BYA BA LA, SNGA MA RNAMS BSDU BA'I DON DU YANG NGO ZHES BYA BA'I SGRAS SMOS SO, ,DGE SLONG MA'I TSANGS PAR SPYOD PA LA NYE BAR GNAS PA'I SDOM PA DANG BSNYEN PAR RDZOGS PAR BYA BA LA YANG NGO, ,DGE TSUL GYI DE LA'O ZHES BYA BA NI BSNYEN PAR RDZOGS PAR BYA BA LA ZHES BYA BA LA ZHES BYA BA'I DON TO, ,DGE TSUL MA'I BSLAB PA'I SDOM PA SBYIN PA LA'O, ,KHYIM BDAG DANG KHYIM PA MO'I MGO DKRI BA DANG, BANG BSANG BA DANG, SKRA BSKYED PA DANG, SKRA BREG PA DANG, GDUB KOR BSKYED PA DAG LA'O ZHES BYA BA NI CHOS LAS MI 'DA' BA'I DON LA ZHAG BDUN MAN CHAD BYIN GYIS BRLAB PO ZHES BYA BA'I DGONGS PA 'DIR THAMS CAD DU RIG PAR BYA'O, ,BSNYEN PAR MA RDZOGS PA RNAMS KYI DGE 'DUN LHAG MA'I SKABS MA GTOGS PA SNGA MA DAG LA YANG NGO ZHES BYA BA NI YONGS SU GNAS PA LA SOGS PA DBYUNG BA MA GTOGS PA GANG ZHIG SNGON DU KUN DGA' RA BA 'BUL BA ZHES BYA BA LA SOGS PA GSUNGS PA DE THAMS CAD BSNYEN PAR MA RDZOGS PA RNAMS LA YANG RTOGS PAR BYA'O, ,KHYIM PA DANG KHYIM PA MO'I BZOD PA GSOL BA NI KHA BSRANG PA'O ZHES BYA BA NI BZOD PAR GSOL BA'I GNAS LA KHYIM PA PHO MO'I LHUNG BZED KHA PHUB PA DAG LA KHA BSRANG BAR GSOL BA YIN PAR BLTA'O, ,ZAS DANG SMAN DANG G-YOG DAG MED LA DE DAG MED PAR 'TSO MI NUS NA DE LAS 'DA' BAR BYA'O ZHES BYA BA LA, DE ZHES BYA BA NI DBYAR GNAS PAR KHAS BLANGS BA DE'O; ,ZAS LA SOGS PA RNAMS MED LA DE DAG MED PAR 'TSO MA NUS PAR GYUR NA DE LAS 'DA' BAR BYA'O ZHES BYA BA'I DON TO, ,JI LTAR ZAS MED PAR 'TSO BAR MI NUS SHE NA, GANG GI PHYIR 'DIR YANG BYE BRAG TU 'DI RTEN NI BYE BRAG TU 'DI LA BRTEN PA YOD PA STE, THAMS CAD DU MED PA KHO NA MA

100a

, ,YIN TE, DE LA MCHOG MED PA LA RTZA BA DANG 'BRAS BU LA SOGS PA GZHAN GYIS SU ZHIG LA NUS PA YOD SNYAM DU SEMS PA DE BAS 'DI BYE BRAG TU BYAS SO, ,DGE SBYONG GI TSUL DANG SROG DANG TSANGS PAR SPYOD PA'I BAR CHAD YOD NA YANG NGO ZHES BYA BA LA, DE LAS 'DA' BAR BYA'O ZHES BYA BAR SBYAR RO, ,BUD MED DANG SKYES PA DANG MA NING GI MTSAN MA RNAMS SAM, DER GNYEN 'DUN RNAMS KYI BAR CHAD YOD NA ZHES BYA BA DE BSDUS PA YIN NO, ,DGE 'DUN DBYE BA'I PHYIR BRTUL BA RJES SU MI MTHUN PA'I SEMS BSKYED PA DANG SDIG PA CAN GYI TSIG BRJOD PA DAG 'BYUNG NGO ZHES BYA BA NI DBYE BA'I PHYIR RJES SU MI MTHUN PAR GYUR BA GNYIS PO DE GANG YIN PA DE LA DE SKAD CES SMOS PAR RIG PAR BYA BA STE, GANG ZHIG GZHAN 'DUL BA'I PHYIR SKROD PA DE NI MA YIN NO, ,DON NI 'DI YIN TE, DGE 'DUN DBYE BA'I PHYIR BRTUL BA DAG YOD LA GANG ZHIG RJES SU MI MTHUN PA TSUL BZHIN MA YIN PA YID LA BYED PA DANG, MTSUNGS PAR LDAN PA'I SEMS STON PAR BYED PA, AE MA DGE 'DUN DBYE BAR BYA'O SNYAM PA GANG YIN PA DANG, GANG YANG DE DANG 'BRAL BA DE LTA BU SDIG PA CAN GYI TSIG BRJOD PA DE DAG LA 'BYUNG BAR 'GYUR NA DBYAR KHAS BLANGS PA LAS 'DA' BAR BYA STE, DE RAL PA'I LTUNG BAR MI 'GYUR RO ZHES GSUNGS PA YIN NO, ,DE ZHI BAR BYA BA'I PHYIR MTHU YOD PA LTA NA MI 'GRO BAR MI BYA'O ZHES BYA BA NI DGE 'DUN DBYE BA'I PHYIR BRTUL BA DAG YOD LA DE ZHI BAR BYA BA'I PHYIR GANG LA DE NUS PA'I MTHU YOD PA DE NI MTHU DANG BCAS PA'O, ,SONG NA MI 'DA' BAR MI BYA'O ZHES BYA BA NI BYIN GYIS BRLABS PA'I DUS LAS ZHES BYA BA'I TSIG GI LHAG MA'O, ,GAL TE DER SONG NAS ZHAG BDUN LAS 'DAS SU ZIN KYANG BYA BA NYID KYIS DGE SLONG GI DBYAR RAL BA'I LTUNG BAR MI 'GYUR RO ZHES GSUNGS PAS, NGES PAR 'DA' BAR BYA'O ZHES PA 'DIR DE LA GZHOL BAR BSTAN PA'I PHYIR MDOR BYAS PA'O, ,DAM BCAS NA DBYAR GNAS PA DANG GNAS SU MI 'BREL PAR MI BYA'O ZHES BYA BA NI GNAS 'DIR DBYAR GNAS PAR BYA BA'O ZHES DBYAR GNAS PAR SO SOR THOS NA DBYAR GNAS PA'I DON DU DBYAR GYI GNAS SU 'BREL BAR BYA BA'I DON DU GDON MI ZA BAR BYAS TE MI BYED NA NYES BYAS SO

100b

ZHES BYA BA'I DON TO, ,GSO SBYONG GCIG PA NYID KYIS GNAS GNYIS SU DE 'BYUNG BA MED DO ZHES BYA BA LA, DE ZHES BYA BA NI SLAR BSNYEN NAS DBYAR GNAS PA DANG GNAS SU 'BREL PAR MI BYED PA'I NYES PA'O, ,'DI SKAD BSTAN TE, GSO SBYONG GCIG PA'I GNAS GNYIS LA GCIG TU DBYAR GNAS PAR DAM BCAS NAS, GZHAN DU DBYAR GNAS PAR KHAS LEN PAR BYED DU ZIN KYANG DE LA NYES PA MED DE, GANG GI PHYIR GSO SBYONG GCIG YIN PAS THA DAD PA MA YIN PA'I PHYIR RO, ,GNAS GZHAN DU SONG BA LA'O, ,DER MA TSANG BAR BYAS PA'I GNAS KHANG DU MA BZUNG BA DANG 'DRA BAR MA 'BREL BA 'DI LA MI GNAS PAR GYUR PA NI MA YIN NO, ,DE LA GNAS GCIG PAR GYUR PA NYID KYI PHYIR, GNAS DE DAG LA DE BAS NA NYES PA MI SKYED PA'O, ,RNYED PAR GCIG PA NYID LA NI YOD DO ZHES BYA BA NI GSO SBYONG THA DAD PA NYID LA RNYED PA NI GCIG PA NYID YIN NA GNAS DAG LA THA DAD PAR NYAL BA 'DI LA BSKYED PA YOD PA NYID DO, ,GNAS PA'I LONGS SPYOD THA DAD PAS GNAS KYI BYED PA THA DAD PA'I PHYIR RO, ,DON LEN PA LA NI MA YIN NO, ,RNYED PA ZHES SMOS PAS YON BDAG GAM RNYED PA'I TSAD LAS THA DAD PA'I PHYIR RO, ,'DIR GZHUNG NI 'DI LTAR, DGE SLONG GIS GNAS 'DIR DBYAR SNGA MA ZLA BA GSUM GNAS PAR BYA'O ZHES DAM BCAS NAS GNAS DE GNYIS RNYED PA NI, GCIG LA GSO SBYONG NI THA DAD PAR GYUR NAS DE 'DI SNYAM DU 'DIR GNAS NA YANG RNYED PA GCIG TU ZAD LA, PHA GIR GNAS NA YANG RNYED PA GCIG GU ZAD DO SNYAM NAS DE DAM BCAS NAS MI 'GRO ZHING DGE SLONG DE LA DER DBYAR SNGA MA ZLA BA GSUM YANG MI SNANG PHYI MA YANG MI SNANG LA DAM NI BCAS NAS NYES BYAS SO ZHES GSUNGS PA YIN NO, ,GZHIR GTOGS PA'I DBYAR GYI GZHI'O,, ,,SDE PA SNGA CHAR GYIS KYANG GNAS PAR KHAS BLANG BAR BYA BA NYID YIN NO ZHES BYA BA NI DGE SLONG DANG DGE SLONG MA 'BA' ZHIG GIS GNAS PAR KHAS BLANG BAR BYA BA NYID DU MA ZAD KYI, 'DI LTAR DGE SLONG MA DANG DGE TSUL MA DAG GIS KYANG GNAS PAR KHAS BLANG BAR BYA BA NYID YIN NO ZHES BYA BA'I DON TO, ,DGE TSUL 'BA' ZHIG GIS NI MA YIN NO ZHES BYA BA NI KHAS BLANG BAR BYA BA NYID MA YIN NO ZHES BYA BAR SBYAR RO, ,LO MA TSANG

101a

, ,BA DAG GIS KYANG NGO ZHES BYA BA NI 'BA' ZHIG GNAS PAR BYA BA MA YIN NO, ,DE DAG LAS KHAS BLANG BA MI 'CHAGS PA NYID NI MA YIN NO ZHES BYA BA LA, DE DAG LA ZHES BYA BA NI DBYAR GNAS PAR BYA BA MA YIN PA DANG, SNGA MA DE RNAMS 'BA' ZHIG KHAS LEN PA LA'O, ,GNAS MAL MI MNOD PAR BYA BA NYID MA YIN NO ZHES BYA BA NI DE LTAR GNAS PAR KHAS BLANGS PA RNAMS LA'O, ,STOBS PA MED PAS KYANG MA YIN NO ZHES BYA BA GNAS MAL STOBS PA MED PAS NA GNAS MAL MI MNOD PA MA YIN TE, MNOD PAR BYA BA KHO NA YIN PA'O, ,MA BSKOS PAR BSTAB PAR MI BYA'O ZHES BYA BA NI GNAS MAL STOBS PAR MA BSKOS PA'I GANG ZAG GIS BSNYEN PAR RDZOGS PA DANG, BSNYEN PAR MA RDZOGS SHING RAB TU BYUNG BA SU YANG BZUNG BA DANG 'JUG PAR MI BYA'O ZHES BYA BA'I DON TO, ,'GYOD PA LA SOGS PAS SDE SNOD 'DZIN PA DANG, 'THAB KROL BYED PA YOD PA DANG MED PA DAG MA BSDUS PA MA YIN NO ZHES BYA BA NI MI SKYED PA NYID DANG SEL BA NYID DAG LA 'GYOD PA ZHES BYA BA LA SOGS PA LA MDO DES SDE SNOD 'DZIN PA YOD PA DANG, 'THAB KROL BYED PA MED PA 'DI GNYIS KYANG MA BSDUS PA NYID MA YIN PA'O, ,JI LTAR BSDUS SHE NA, 'DI LTAR 'GYOD PA BSAL BA'I SGRAS NI DE LA SDE SNOD 'DZIN PA TZAM BSDUS PA YIN NO, ,'GYOD PA DANG DE LAS GZHAN PA'I SDUG BSNGAL DANG YID MI BDE BA MI SKYED PA NYID CES SMOS PAS NI 'THAB KROL BYED PA MED PA 'DI GNYIS KYANG MA BSDUS PA MA YIN NO, ,GNAS PAR KHAS MA BLANGS PAS GNAS MI GTONG NA GNAS PA NYID YIN NO ZHES BYA BA NI 'DIR GZHUNG KHA CIG LAS NI, DGE SLONG DBYAR GNAS PAR KHAS MI LEN PA DAG LA DBYAR RAL BAR BRJOD PAR BGYI'AM, GAL TE DBYAR GYI NANG DU GNAS MI GTONG NA DBYAR RAL BAR BRJOD PAR BYA'O ZHES GSUNGS PA DE BSDUS PA YIN NO, ,'DIS NI GNAS PAR KHAS MA BLANGS SU ZIN KYANG DBYAR GYI NANG DU GNAS MI GTONG NA PHYI ROL DU 'GRO BA'I PHYIR BYIN GYIS BRLAB PAR BYA DGOS SO ZHES BSTAN PAR RIG PAR BYA'O, ,NAM MKHA' LA GNAS PAR KHAS BLANGS PA MI 'CHAGS SO ZHES BYA BA NI GNAS 'DIR DE LTA BAS NA RTEN 'DI LA 'DIR BLANG BA'O, ,GRU LA NANG DU 'BYAM PA NYID DU SHES NA MI 'CHAGS SO, ,SA LA PHYIN PA DANG, SA LA GNAS PA BRTAN PO DANG

101b

'BREL PA NI MA GTOGS SO ZHES BYA BA NI, GAL TE GRU SA LA PHYIN PAR GYUR NAS SA LA GNAS PA BRTAN PO DANG 'BREL BAR GYUR NA NYE BAR 'GRO BA POS SHES PAR MA GYUR LA, DE DBYAR GYI NANG DU 'BYAM PAR GYUR PA NYID DU MI SHES NA DE LTAR NA DBYAR GNAS PAR KHAS BLANGS PA 'CHAGS KYI GZHAN DU NI MI 'CHAGS SO ZHES BYA BA'I DON TO, ,DE LTAR LO NYI SHU MA LON PA BSNYEN PAR RDZOGS PAR BYED PA DE MI SHES PA MA LON PAR GRAGS, DE LTAR MA LON PA'I CHOS CAN NYID DU MI SHES PA LA NI KHAS LEN PA LA RIG PAR BYA'O, ,'DIR GZHUNG NI DGE SLONG DAG GYUR DBYAR GNAS PAR KHAS LEN PAR BGYID NA, DBYAR RAL BAR BRJOD PAR BGYI'AM, RAL BAR BRJOD PAR MI BGYI, BKA' STZAL PA, GAL TE BRJOD KYI NANG DU 'BYAM PAR 'GYUR BA NYID DU SHES NA DBYAR RAL BAR BRJOD PAR BYA'O, ,'ON TE MI SHES NA NI DBYAR RAL BAR BRJOD PAR MI BYA'O ZHES GSUNGS PA DANG, KHA CIG LAS, BTZUN PA RE ZHIG DGE SLONG GRUR DBYAR GNAS PAR KHAS LEN NA DBYAR GNAS PAR KHAS BLANGS ZHES BGYI'AM, GAL TE SA LA BRTEN CING GNAS PA YIN NA DBYAR GNAS PAR KHAS BLANGS ZHES BYA'O, ,BTZUN PA PHUR PA'AM ZHUGS SHING DANG 'BREL PA LAGS NA DBYAR GNAS PAR KHAS BLANGS ZHES BGYI'AM, NYE BA 'KHOR GNAS PAR KHAS BLANGS ZHES BYA'O ZHES GSUNGS PA YIN TE, DE GNYIS KA BSDUS NAS DE SMOS PA YIN NO, ,DE'I LTA BA LA MNGON PAR ZHEN NAS CHOS MA YIN PA'I PHYOGS SU SONG NAS SKYA RENGS SHAR NA 'JIG GO ZHES BYA BA LA, 'JIG GO ZHES BYA BA KHAS BLANGS PA DE'O, ,DE LTA BA LA ZHES BYA BA NI CHOS MA YIN PA'I PHYOGS DE'I LTA BA LA'O, ,GANG GI TSE NA 'DI NYAMS PA YIN ZHE NA, DE'I PHYIR SKYA RENGS SHAR NA'O ZHES BYA BA SMOS TE CHOS MA YIN PA'I PHYOGS KYI LTA BA LA MNGON PAR BRTEN NAS CHOS MA YIN PA'I PHYOGS SU MNGON PAR MCHIS NA, SKYA RENGS SHAR BA'I DUS SU KHAS LEN PA 'JIG PA'O, , 'DIR GZHUNG NI, DGE SLONG BZHI DAG LAS BTZUN PA RE ZHIG DBYAR GYI NANG DU DGE 'DUN BYE BAR GYUR LA, DE NA GAL TE DGE SLONG BSAMS BZHIN DU CHOS KYI PHYOGS NAS CHOS MA YIN PA'I PHYOGS SU MCHI NA DBYAR RAL ZHES BGYI'AM, NYE BA 'KHOR GAL TE DE'I LTA BA 'DOD CING DER YANG SONG NA SKYA

102a

, ,RENGS SHAR NA DBYAR RAL BAR BRJOD PAR BYA'O ZHES GSUNGS PA YIN NO, ,THE TSOM ZA BA NYID LA NI MI 'JIG GO ZHES BYA BA NI BDAG GNAS PAR KHAS BLANGS SAM 'ON TE MA BLANGS SNYAM DU THE TSOM ZA BA NYID LA NI DBYAR GNAS PAR KHAS BLANGS PA MI 'JIG PA'O, ,MTHA'I ZHAG DRUG LA BYIN GYIS BRLAB PA MI 'CHAGS SO ZHES BYA BA NI GNAS PAR KHAS BLANGS NAS ZLA BA GSUM GYI MTHA'I ZHAG DRUG LUS PA'I TSE, PHYI ROL DU 'GRO BA'I PHYIR BYIN GYIS BRLAB PA MI 'CHAGS PA STE, DUS HA CANG YUN THUNG NGU LAS 'DA' BA'I PHYIR RO, ,HA CANG THUNG NGU NYID LA MA RDZOGS PA RIGS PA YIN TE, ,GANG GI PHYIR SKYES PA NGAN PA NYID DE ZHES BYA BA NI ZHU BA LAS 'BYUNG BAS DGONGS PA MTHONG BA DE LTA BAS NA MDO 'DI YIN NO, ,BYA BA MED PAR SHES NAS PHYIR LDOG PA DANG GNAS PA DAG LA NI 'JIG GO ZHES BYA BA NI, 'BRAS BU MED PA NYID GANG GIS SHES PA DE NI 'BRAS BU SHES PA NYID SHES PA'O, ,BYIN GYIS BRLABS TE 'GRO BZHIN PA LA BSGRUB PA MI DGOS PA'I RNYED CING PHYIR MI LDOG PAR 'GRO BA LA DBYAR GNAS PAR KHAS BLANGS PA DE 'JIG GO, ,BYIN GYIS BRLABS NAS 'GRO BA LA DE SMOS TE, 'DIR GZHUNG NI GAL TE SHUL GYI DBUS KHO NAR DON DE BAG YANGS SU GYUR NA DE MCHI BAR BGYI'AM, NYE BA 'KHOR MI BYA STE, GAL TE 'GRO NA DBYAR RAL BA'I NYES BYAS SU 'GYUR RO ZHES GSUNGS PA YIN NO, ,'DRA BA NYID KYIS 'DRA BA YANG SHES PA'O, ,'DI LA MTHAR THUG PA'I MTHA' NI ZHAG BDUN NYID DO ZHES BYA BA LA, 'DI LA ZHES BYA BA NI BYIN GYIS BRLAB PA LA'O, ,ZHAG GCIG LA SOGS PA RNAMS LA YANG BYIN GYIS BRLAB TU RUNG BA NYID DU DE BSTAN PA'O, ,GNANG BA MA THOB BA'I MTHA' NI DE YIN NO ZHES BYA BA NI MTHA' ZHAG BDUN YIN NO, ,GZHAN GYI NI ZHAG BZHI BCU'O ZHES BYA BA LA, GZHAN GYI ZES BYA NI BYIN GYIS BRLAB PA GNANG BA THO BA DAG GI MTHA' NI ZHAG BZHI BCU'I MTHAR THUG PA'O, ,GNANG BA THOB BAS DGE SLONG GI BDUN DU SNGAGS KYIS BYIN GYIS BRLABS TE 'GRO BAR BYA'O, ,GNANG BA SBYIN PA NI BYIN GYIS BRLAB PA GNANG BA SBYIN PA'O, ,BYIN GYIS BRLABS PA MA YIN PA BSGRUB BA MA YIN ZHES BYA BA 'DIS BYAS PA RIG

102b

PAR BYA'O, ,KHYED LA KHO BO CAG GIS BYIN GYIS BRLAB PA 'DI RUNG BAR BYIN GYIS BRLAB PA ZHES BYA BA 'DIR GNANG BA SBYIN PA'I DUS LA MNGON PAR BRTEN NAS DE RTZE GCIG PA NYID DU RNAM PAR GNAS PA YIN NO, ,DE LTA BAS NA DUS MA TSANG BA LA BYIN GYIS BRLAB BA 'CHAGS PA MA YIN ZHES BYA BAR RIG PAR BYA'O, , DE SBYIN NO ZHES BYA BA NI BYIN GYIS BRLAB PA'I GNANG BA DE'O, ,DE LAS LHAG PAR PHYI ROL DU GNAS PAR MI BYA BA NYID DO ZHES BYA BA LA, ,DE LAS ZHES BYA BA NI ZHAG BZHI BCU PO DE LAS SO, ,LHAG PAR CUNG ZAD BYIN GYIS BRLABS KYANG RUNG BA YANG 'GRO BA LA CIG CAR BYIN GYIS BRLABS KYANG RUNG STE, DE LAS LHAG PAR MTSAMS KYI PHYI ROL DU 'DUG PAR MI BYA'O, ,'DIR GZHUNG NI NYE BA 'KHOR MTSAMS DER CHES MANG DU 'DA' BAR BYA'O ZHES GSUNGS PA DE MDO YIN NO, ,DE NI SDE PA LNGA PO DAG GI YANG YIN NO ZHES BYA BA NI, BYIN GYIS BRLABS PA DE ZHES BYA BA'I DON TO, ,DE NI MTSAMS KYI NANG DU 'CHAGS SO ZHES BYA BA LA, DE NI ZHES BYA BA NI, GANG ZHIG PHYI ROL DU 'GRO BA BYIN GYIS BRLAB PA DE NI SDE PA LNGA PO DAG LA BYA'O ZHES SMOS SO, ,DGE SLONG GI MDUN DU ZHES BYA BA NI DGE SLONG GI MDUN DU BYIN GYIS BRLABS NA 'CHAGS SO ZHES BYA BAR SBYAR BAR BYA'O, ,'DIR DGE SLONG GI MDUN DU ZHES SMOS PA NI GANG ZHIG DGE SLONG MA RNAMS KYI GZHAN DU GSUNGS PA DE BAS NA 'DIR RTAGS BRJOD PAR 'DOD PA MA YIN PA ZHES BYA BA RTOGS PAR BYA'O, ,BYA BA THAMS CAD LA DGE SLONG MA LA SOGS PA RNAMS LA BSNYEN PAR RDZOGS PA'I DRUNG DU DE GTZO BO NYID KYI PHYIR BYA BA NYID DU RNAM PAR GNAS PA YIN NO, ,DE LTA BAS NA 'DIR DE BYED PA GANG YIN PA DE NI MI RIGS PAR SHES PAR MI BYA'O, ,MU STEGS CAN GYI LTA BA DANG DBRAL BA'I PHYIR DANG NYE DU BYA BA DANG, BDAG NYID KYI LUNG DANG RTOGS PA LA NEM NUR ZA BA BSAL BA'I PHYIR 'GRO BA LA DE BYA BA MA BSDUS PA NYID DU DOGS PAR MI BYA'O ZHES BYA BA LA, DE BYA BA MA BSDUS PA NYID DU DOGS PAR MI BYA'O ZHES BYA BA NI SNGAR CHOS DANG LDAN PA'I DON DU ZHES SMOS PA'I MDO NGES SO, ,DE BYA BA ZHES BYA BA NI BYIN GYIS BRLAB BA DE BYA BA LA'O, ,GNAS PAR KHAS BLANG BA NYID LA GNAS PA SPANG BAR MI BYA BA NYID DO ZHES BYA BA KHAS BLANGS PA NYID LA GNAS PA'I DGE SLONG SPANG BAR MI BYA BA

103a

, ,NYID DO, ,RNAM PAR GZHAG PA 'DI SO SOR BRTEN PAR GYUR PAS NA DE SHES PA'O, ,'DIR GZHUNG NI DGE SLONG GNAS PAR KHAS BLANGS PA SPANG BAR BGYI BA DE DANG LHAN CIG GNAS PAR BGYI'AM, BKA' STZAL PA, DE DANG LHAN CIG GNAS PAR BYA'O, ,DGAG DBYE BYAS NAS NI GNAS PAR MI BYA'O ZHES GSUNGS PA YIN NO, ,GNAS PA DE NI DPE YIN NO ZHES BYA BA SNGAR MDO LAS, DAM BCAS NA DBYAR GNAS PA DANG GNAS SU MI 'BREL BAR MI BYA'O ZHES SMOS PA DE NI DPE TZAM DU ZAD DE, CHOS LAS MI 'DA' BA'I DON LA GNAS PA'O, ,GZHAN DAG LA YANG DAM BCAS PA SGRUB PAR MI BYED NA NYES BYAS SU 'GYUR RO ZHES BYA BA'I DON TO, ,'DI SKAD BSTAN TE, BCOM LDAN 'DAS KYIS DAM BCAS PA SGRUB PAR MI BGYID PA LAS NYES BYAS SU GSUNGS NA, BTZUN PA DAM BCA' BA DU MCHIS, NYE BA 'KHOR LNGA STE, LNGA GANG ZHE NA, DBYAR DAM BCA' BA DANG, LHUNG BZED DAM BCA' BA DANG, CHOS GOS DAM BCA' BA DANG, BSOD SNYOMS DAM BCA' BA DANG, NAD PA'I SMAN DAM BCA' BA STE, DE LTAR 'DI BSDU BAR BYAS PA YIN NO, ,'DIR DBYAR GYI TSIG NI DPE TZAM DU ZAD DE, RNAM PA DE DAG DANG DAM BCAS PA LAS 'DIR GZHAN YANG KHA 'OG TU LUS 'KHRUS PAR MI BYED NA, YANG NYES BYAS SU 'GYUR RO ZHES SBYAR RO, ,GLENG GZHI LA SOGS PAR GTOGS PA'I DBYAR GYI GZHI'O, ,DBYAR GYI GZHI RDZOGS SO,, ,,MI SMRA BA'I YID DAM BCA' BAR MI BYA'O, ,'DIS DAG PA DANG GROL BA THOB BO SNYAM NA NYES PA SBOM PO ZHES BYA BA LA, 'DIS ZHES BYA BA NI MI SMRA BA 'DIS SO, ,DGE 'DUN 'BYED PA LA BRTUL BA'I PHYOGS LA 'DI RIG PAR BYA'O, ,'DIR GZHUNG NI, MI GTI MUG CAN 'DI NI MU STEGS KYI RGYAL MTSAN TE, 'DI LTA STE MI SMRA'O, ,DE LTA BAS NA DGE SLONG GIS MI SMRA BA'I YID DAM BCAS NA NYES PA SBOM PO'O, ,DGE SLONG MI SMRA BA'I YID DAM BCA' BAR BYED NA NYES PA SNGOM POR 'GYUR RO ZHES GSUNGS PA YIN NO, ,DBYAR GNAS PA'I DGE 'DUN LA MTHONG BA DANG THOS PA DANG DOGS PA DAG GIS DGAG DBYE BYA'O ZHES BYA BA NI JI LTAR YANG RUNG BAS DBYAR

103b

RAL BA YANG RUNG DBYAR MA RAL BA YANG RUNG STE DBYAR GYI DUS RDZOGS PAR BYA'O, ,GANG GI PHYIR DBYAR RAL BA LA DGAG DBYE MI BYA BA MA YIN NO, ,DUS GANG GI TSE NA DE'I PHYIR DBYAR RNAMS KYI THA MA'I NYI MA LA'O, ,SPYOD YUL DU BRJOD PAR BYA'O ZHES BYA BA SMOS SO, ,GANG GI DUS NAS SHE NA, DE'I PHYIR GANG TSUN CHAD NAS BYI DOR BYED PA NAS SO ZHES BYA BA SMOS TE, SNGAR DBYAR GYI GZHI'I SKABS SU ZHAG BCU'AM ZLA BA PHYED KYIS 'BYUNG BAR 'GYUR BA NYID NA GTZUG LAG KHANG BYE DOR BYA'O, ,KHA CIG LAS NI BDUN NAM BRGYAD NA ZHE'O ZHES SMOS PAS BYI DOR BYED PAR RTZOM PA'I DUS GANG YIN PA DE'I TSE ZHES BYA BA'I DON TO, ,JI SKAD BRJOD PAR BYA ZHE NA, DE'I PHYIR DENG PHYIN CHAD ZHAG 'DI TZAM NA DGAG DBYE MDZAD PAR 'GYUR BA KHYED CAG LA BRJOD PA YIN NO, ,GTZUG LAG KHANG BRGYAN PAR BYA'O ZHES BYA BA SMOS TE, GANG TSUN CHAD NAS BYI DOR BYA BA BSTAN PA STE, DBANG DU BYAS PAS SHES PAR BYA'O, ,KHANG PA BRTZEGS PA DAG BRTZIG GO, ,GTZANG KHANG BYUR BU DAG KYANG RI MO BRI'O, ,MCHOD RTEN DAG GSO BA DANG BYI BYAD BYA'O, ,SENG GE'I KHRI BRGYAN BAR BYA'O, ,DO MOD MTSAN THOG THAG CHOS MNYAN PA 'BYUNG BAR 'GYUR GYI, DER TSE DANG LDAN PA DAG GI TSOGS PA SBYIN BAR BYA'O ZHES SPYOD YUL DU BRJOD NAS MDO SDE DANG, 'DUL BA DANG MA MO 'DZIN PA LA GSOL BA BTAB PA DAG GIS TSES BCU BZHI'I MTSAN THOG THAG TU CHOS MNYAM PA SBYIN PAR BYA'O ZHES BYA BA LA, TSES BCU BZHI ZHES BYA BA NI GZHAN ZHES BYA BA 'OG MA'I CHO GA BRJOD PA LAS SHES PAR BYA'O, ,GZHAN LA NI DE DAG GIS LAS KYI MDUN ROL TSUN CHAD DU CHOS DANG LDAN PA'I GTAM RNAM PAR GTAN LA DBAB PAS MTSAN MO 'DA' BAR BYA'O ZHES BYA BA LA, GZHAN LA ZHES BYA BA NI TSES BCO LNGA LA'O, ,DE DAG GIS ZHES BYA BA NI MDO SDE DANG 'DUL BA DANG MA MO 'DZIN PA DAG GIS SO, ,MDUN ROL DU ZHES BYA BA NI DGAG DBYE LAS SO; ,TSUN CHAD DU ZHES BYA BA NI CHOS DANG LDAN PA'I GTAM RNAM PAR GTAN LA DBAB PAS JI SRID DGAG DBYE'I LAS RTZOM PA LA THUG PA DE TSUN CHAD DU MTSAN MO 'DA' BAR BYA'O, ,DE LA YANG GANG GI ZHE NA, DE'I PHYIR DGAG DBYE'I LAS NI SKYA RENGS 'CHAR BA'I MDUN DU'O ZHES BYA BA SMOS TE, DE LTAR

104a

, ,DGAG DBYE'I LAS BYA'O, ,JI LTAR SKYA RENGS DANG PO MA SHAR BAR LAS THAMS CAD ZIN PA DE LTAR DGAG DBYE'I LAS BYA'O, ,MTHAR THUG PA'I CHA DANG LDAN PA'I SKYA RENGS KYI LAS LA MI BYA BA NYID CES BYA BA'I DON TO, ,DGE SLONG DGAG DBYE'I BYED PA BSKO BAR BYA'O, ,MI NUS NA DU MA'O ZHES BYA BA NI DGE 'DUN MANG BA NYID KYI PHYIR DGAG DBYE'I BYED PA GCIG GIS MI NUS NA DGAG DBYE BYED PA DU MA YANG SHES PAR BYA BA'I DON TO, ,DGAG DBYE BYA BA'I PHYIR GZHAN GYI DGE 'DUN LA GSOL BAR BYA'O ZHES BYA BA NI GSOL BA'I LAS BYA BA'O, ,'DI LA GRAL GYI CHA LAS BYAR RUNG NGO ZHES BYA BA MI GRAL GYI TSAR GCIG LA DGAG DBYE BYED PA DU MA DAG GIS LAS BYED PAR RIGS SO ZHES BYA BA'I DON TO, ,RTZVA D'UR BA BRIM PA DANG MDUN DU 'DUG PA YANG 'DI'I YUL YIN NO, ,DES RTZVA D'UR BA BRIM PAR BYA'O ZHES BYA BA NI DGAG DBYE BYED PA DES NYE BAR MI GNAS PA RNAMS LA BRIM PA YOD PA MA YIN TE, DER BRIM PA'I RNAM PAR GZHAG PA RJES SU SKYONG BA'I DON DU NGES PAR 'DIR NYE GNAS KYI PHYIR RTZVA D'UR BA 'BAD PA DANG LDAN BAS GNAS PAR BYA'O ZHES BYA BA'I DON GYIS THOB PAR BYA'O, ,DGAG DBYE'I PHYIR GZHAN GYIS DGE 'DUN LA GSOL BAR BYA'I DGAG DBYE BYED PA POS NI MA YIN NO ZHES BYA BAR DGONGS PA'O, ,DGAG DBYE BYAS ZIN GYI BAR DU DGE SLONG RE RE'I MDUN DU 'DUG PAR BYA'O ZHES BYA BA LA, DGAG DBYE BYAS ZIN GYI BAR DU ZHES BYA BA NI DGAG DBYE RJES SU BSGRUB PA THAMS CAD LA KHYAB PA 'DI YIN TE, DE LA JI SRID DU DGE SLONG DES DGAG DBYE BYAS PAR 'GYUR RO ZHES BYA BA'I DON TO, , MDUN DU 'DUG PAR BYA'O ZHES BYA BA NI JI LTAR GZHAN DU GNAS PA DE LTAR KHO NAR RO, ,GZHAN RJES SU MI MTHUN PA NYID KYIS PHYIR TSOL BA PO LA'O, ,DE LA DGAG DBYE GO BAR BYA BA NI LAN GSUM MO ZHES BYA BA NI DGAG DBYE BYED PA MDUN NA GNAS PA DE LA DGE SLONG RE RES KYANG DGAG DBYE BYA BA'I SNGAGS LAN GSUM BRJOD PAR BYA'O, ,DGE 'DUN BTZUN PA RNAMS DGONGS SU GSOL ZHES BYA BA 'DIR KHA CIG 'DIR DGAG DBYE'I SNGAGS RTZOM PA NA BTON NAS, TSE DANG LDAN PA DGONGS SU GSOL, GNAS GSUM GYIS DGE 'DUN LA DGAG DBYE BGYID DE ZHES BYA BA DE YANG, DGE 'DUN BTZUN PA RNAMS

104b

LA GNAS GSUM GYIS DGAG DBYE BGYID DO ZHES BYA BA'O, ,DER MDUN DU 'DUG PA DGOS PA MED PA DE LTA BAS NA DE LA MI BRTEN PA'O, ,RGAN PA'I MTHAR 'DUG STE, 'DI LA 'DI LTAR RIGS PA YIN TE, DGAG DBYE BYED PA POS 'DI LTAR GO BAR BYA BAR RIGS PA YIN TE, DE LTA BAS NA DE NYID LA DGONGS SU GSOL ZHES BYA BAR RIGS PA YIN NO, ,DE NYID KYIS NAD PA NGAL BA DANG GNAS MAL PHAN PHUN DU 'GYUR BA DANG, DUS LAS YOL BA DANG, GNOD PA 'BYUNG NA GNYIS SO ZHES BYA BA LA GNYIS SO ZHES BYA BA NI, GO BAR BYA'O, ,NAD PA ZHES BYA BA NI GZHANG 'BRUM GYI NAD LA 'DIR NAD PAR BRJOD DO, ,DUS LAS YOL BA ZHES BYA BA NI, LO GCIG GIS DUS LAS YOL BAR GRAGS PA STE, CHOS SNYAN PA SMRA BA DANG, CHOS DANG LDAN PA'I GTAM RNAM PAR GTAN LA 'BEBS PA DANG, RTZOD PA NYE BAR ZHI BAR BYED PAS KYANG 'GA' ZHIG MANG DU MTSAN MO 'DA' BAR BYED PA DANG, GNOD PA 'BYUNG BA NI NYAM NGA BA 'BYUNG BA STE, RGYAL PO DANG CHOM RKUN DANG GRONG BA'I MI DANG MI MA YIN PA'I GDUG PA DANG RLUNG DANG ME DANG CHU LA SOGS PA'I GNOD PAS SROG DANG DGE SBYONG GI TSUL DANG, TSANGS PAR SPYOD PA'I BAR CHAD KYI GNAS 'DI LA'O, ,DER RLUNG LA SOGS PA GSUM GYIS KYANG 'DUG PA LAS 'DA' BAR 'GYUR RO, ,DE 'DIR KHONGS SU BSDU BAR MI RIGS SO, ,THAMS CAD NYAMS PAR 'GYUR BAS YANG DAG PAR GO BAR BYA BA KHONGS SU BSDU BAR RIGS PA'O, ,RLUNG LA SOGS PAS KYANG DE BSGRUB PA YIN GYI GZHAN DU NI MA YIN NO, ,MTHAR 'DZIN PA 'JUG PA LA DUS LAS 'DA' BAR BSRUNG BAR BYA BA MA YIN PA'O, ,CHOS DANG LDAN PA'I DON LA GANG GIS KYANG BRTZAMS TE MTHAR 'DZIN BA NI MI RIGS PA MA YIN NO, ,SANGS RGYAS KYI MCHOD PA LA SOGS PA GZHAN 'DIR THAMS CAD LA GO BAR BYED PA MA SKYES PA LA BAR CHAD BYED PA YOD PA YIN TE, TSANGS PAR SPYOD PA'I GNAS RJES SU DRAN PA DANG SHES BZHIN GYI NGO BO LA DE'I PHYIR 'DIR GNOD PA LA 'GA' ZHIG MA BZUNG BA NYID NI MA YIN NO, ,'DI LA RGYU MTSAN GZHAN SDIG PA DANG PHYE MA LEB LA SOGS PA YANG YOD DE, DE BAS NA 'DIR GZHANG 'BRUM LA SOGS PA'I TSIG

105a

, ,'DI DPE TZAM DU ZAD DE ZHES BYA BAR SHES NAS 'DI LTAR MDOR BYAS SO, ,DE TZAM GYIS NA YANG LAN GCIG GO ZHES BYA BA NI LAN GNYIS BZLAS PA DE TZAM GYIS KYANG NAD PA NGAL BA LA SOGS PA 'BYUNG BAR 'GYUR LA LTA NA DGAG DBYE GO BAR BYA BA'I SNGAGS LAN GCIG BZLAS PAR BYA'O, ,DES GRAL RDZOGS NA GZHAN LA'O ZHES BYA BA LA, DES ZHES BYA BA NI DGAG DBYE BYED PA DES SO, ,GZHAN LA'O ZHES BYA BA NI, DGAG DBYE BYED PA GZHAN GCIG LA DGAG DBYE GO BAR BYED PA'O, ,GANG GI TSE ZHE NA, DE'I PHYIR GRAL RDZOGS NA ZHES BYA BA SMOS SO, ,DER DE GZHAN LA'O ZHES BYA BA NI DGAG DBYE BYED PA GZHAN DE MED NA DGAG DBYE BYED PA DES SO, ,DGE SLONG GZHAN GCIG GIS MDUN DU DGAG DBYE GO BAR BYA'O, ,DGE 'DUN THAMS CAD KYI DGAG DBYE BYAS PA DE NYID DGE 'DUN LA GO BAR BYA'O ZHES BYA BA LA, DE NYID CES BYA BA NI DGE 'DUN GYI DGAG DBYE BYAS PA NYID LA DGAG DBYE BYED PA POS GO BAR BYA'O, ,THAMS CAD KYIS LEGS PAR DGAG DBYE MDZAD DO, ,SHIN TU DGAG DBYE MDZAD DO ZHES BSGRUB PAR BYA'O ZHES BYA BA LA THAMS CAD KYIS ZHES BYA BA NI DGE SLONG 'DUS PA THAMS CAD KYIS SO, ,SHIN TU DGAG DBYE MDZAD DO ZHES BYA BA NI KHO BO CAG GIS 'DI LA THE TSOM PAR ZHES BYA BA DE LTAR BSGRUB PA'O, ,RANG GI RDZAS GANG YANG RUNG BA THA NA KHAB TZAM GYIS KYANG DGE 'DUN LA RDZAS KYI DGAG DBYE BTZAM PAR BYA STE, DE BLANGS NAS TSIG GIS SO ZHES BYA BA LA, RANG GIS ZHES BYA BA NI DGAG DBYE BYED PO BDAG NYID DO, ,JI LTAR BYA ZHE NA DE'I PHYIR DE BLANGS NAS TSIG GIS SO ZHES SMOS TE, DE BLANGS NAS THA NA ZHES BYA BA NI RANG GIS KHAB LA SOGS PA'O, ,GANG LA ZHE NA, DE'I PHYIR DGE 'DUN LA ZHES BYA BA SMOS TE, RGAN PA'I MTHA' LOGS SU 'DUG STE ZHES BYA BA RTOGS PAR BYA'O, ,TSIG JI LTA BU ZHE NA, DE'I PHYIR BTZUN PA, RDZAS JI LTA BUS KYANG DBYAR GNAS PA'I DGE SLONG GI DGE 'DUN LA DGAG DBYE BGYIR RUNG NGO ZHES BYA BAS SO, ,DE'I 'OG TU DGE TSUL RNAMS LA DGAG DBYE BYA'O ZHES BYA BA SMOS TE, DE'I ZHES BYA BA NI RDZAS KYI DGAG DBYE BYAS PA DE'I 'OG TU

105b

TU'O; ,DE'I 'OG TU DGE SLONG MA RNAMS LA'O ZHES BYA BA LA, DE'I ZHES BYA BA NI DGE TSUL RNAMS LA DGAG DBYE BYAS PA'I 'OG TU DGE SLONG MA RNAMS LA DGAG DBYE BYA'O, ,RANG GI PHYOGS MA RDZOGS PAR PHYOGS GZHAN LA 'JUG PAR MI RIGS PA ZHES BYA BA'I RGYU DE MTHONG BA YIN NO, ,TSIG 'DI NI PHYOGS GZHAN DU GTZO BO YIN GYI BSNYEN PAR RDZOGS PA'I RGYU MTSAN DU NI MA YIN NO, ,DE LTA BAS NA DGE SLONG MA DANG DGE TSUL MA RNAMS LA 'DI MA BSDUS PA MA YIN NO, ,BYIN GYIS BRLABS TE SONG BAS DER SNGAR DGAG DBYE BYED PA NA BYAS PA NYID YIN NO ZHES BYA BA NI, DGE SLONG GANG GZHAN DU SONG BA DE RNAMS KYI DGAG DBYE NI DE'I 'OG TU DGAG DBYE'O, ,BYIN GYIS BRLAB PAR BYAS NAS 'GRO BAR GYUR PA LA SNGA MA GNAS PAR KHAS BLANGS PA'I DBANG GIS SAM TSES GRANGS NOR BA'I DBANG GIS 'AM GANG ZAG 'THAB KRAL CAN 'ONG BAR GRAGS PA'I DBANG GIS GNAS DER DGAG DBYE'I DUS PAS SNGAR TSOGS TE DE DAG DANG LHAN CIG DGAG DBYE BYAS PA YIN NO ZHES BYA BA'I DON TO, ,GANG DU GNAS PAR KHAS BLANGS PA DE NYID DU DGAG DBYE NGES PAR 'CHAGS KYI GZHAN DU NA MI 'CHAGS SO SNYAM DU DOGS PA BSAL BA'I PHYIR MDOR BYAS SO, ,'DIR GZHUNG NI, BTZUN BA, RE ZHIG DGAG DBYE'I GDUGS KYI LHAG MA BCU MCHIS SHING DGE SLONG DE YANG BSKOS TE, MTSAMS KYI SLAD DU MCHIS NA DE NAS GDUGS BDUN NA DGAG DBYE BYUNG NAS DE DER DGAG DBYE BGYID NA DGAG DBYE BGYIS ZHES BGYI'AM NYE BA 'KHOR DGAG DBYE BYAS ZHES BYA'O, ,BTZUN BA RE ZHIG DGAG DBYE'I GDUGS KYI LHAG MA BDUN MCHIS SHING DGE SLONG DE YANG BYIN GYIS BRLABS TE, MTSAMS KYI PHYI ROL DU MCHIS NA GANG DU MCHIS PA DER GDUGS BZHI LA DGAG DBYE BGYIS NA DGAG DBYE BGYIS ZHES BGYI'AM NYE BA 'KHOR DGAG DBYE BYAS ZHES BYA'O ZHES GSUNGS PA YIN NO, ,BUD MED LA NI MA YIN NO ZHES BYA BA NI 'DIR DGAG DBYE BYED PA PO NYID LA NYE BAR 'BAB PA'O, ,BUD MED LA ZHES BYA BA 'DIS KYANG BUD MED LA DGAG DBYE BYED PA MA YIN PA NI DGAG DBYE BYAS PA NYID CES BYA BA'I DON TO, ,DGAG DBYE BYED PA PO NYID KYI TSIG NI 'DI YIN TE, DGE 'DUN LA NI MA YIN NO ZHES BYA BA'I DANG PO'I TSIG GI

106a

, ,RTOGS PA'O, ,SKYES PA'I PHYIR CHO GA NI 'DI YIN NO ZHES BYA BA SHUGS KYIS BUD MED KYI MTSAN LA SKYES PA'I DGAG DBYE BYAS PA NYID GANG YIN PA DE NI 'GYUR BA'I DBANG GIS MTSAN SGRUB PA YIN TE, DE NI DGAG DBYE BYAS PA NYID YIN NO ZHES BYA BA'I DON TO, ,'DIR GZHUNG NI, DGE SLONG DGAG DBYE BYED PA MTSAN GYUR NA, DGAG DBYE BYAS PA MA YIN BAR BRJOD PAR BYA'O ZHES GSUNGS PA YIN NO, ,GNAS PAR MI NUS PA NYID YIN NA SPYOD YUL DU GYUR PA'I DGE SLONG LA TSOGS KYI DGAG DBYES GO BAR BYA'O ZHES BYA BA NI 'DIR SKYE GNAS 'KHRUGS PA ZHES SMOS PA YIN TE, RGYAL PO LA SOGS PA PHA ROL GYI GNOD PA RNAMS LA 'DI YOD PA STE, DE'I RIGS CAN GZHAN RNAMS LA YANG YOD PA'O, ,DER GNAS PAR RIGS PA MA YIN TE, DE LTA BAS NA 'DI LA MTSON PA TZAM NYID YIN TE, DE BAS NA 'DI LTAR MDOR BYAS SO, ,SPYOD YUL DU GYUR PA ZHES BYA BA LA PHAN TSUN DU MCHOD NAS 'GRO BAR BYA'O ZHES BYA BA NI 'DIR GZHAN DAG GI 'DOD PA'O, ,DE LA THAMS CAD KYIS PHAN TSUN DU ZHES DON 'DI RIGS PA YIN TE, MI NUS PA NYID KYI PHYIR, GANG GIS GANG MTHONG BA DES DE BLTA BAR BYA'O ZHES BYA BA 'DIR DON 'DI RTOGS PAR BYA'O, ,'DIR YANG SPYOD YUL THOB PA NYID LA DE BRTAN PA ZHES BYA BA RTOGS PAR BYA TE, NGES PA NI MA YIN NO ZHES BYA BA DE NYID 'BREL PA'O, ,DGE 'DUN LA RDZAS KYI DGAG DBYE ZHES BYA BA NI SNGAGS MTSON PA'O, ,SNGAGS 'DI LA RNAM PA GANG KLAGS PA DES LTA BAR BYA'O ZHES BYA BA'I DON TO, ,DE LA DON GYI SNGAGS DES ZHES BYA BA THOB PA YIN NO, ,'DIR SNGAGS NI TSE DANG LDAN BA DENG NI DGE 'DUN DGAG DBYE MDZAD DE, BDAG DE SRID DU DENG DGE 'DUN LA DGAG DBYE BGYID DO ZHES BYA BA'O, ,SKYE BA'I GNAS 'KHRUGS PA LA SOGS PA'I NYE BAR 'TSED PAS MI NUS PA NYID LA GNAS PA'I PHYIR SPYOD YUL THOB PA'I DGE SLONG DGE 'DUN GYI DGAG DBYE BLTA BAR BYA'O ZHES BYA BA'I DON TO, ,DBYAR GYI NANG DU BYA BAS 'GRO DGOS NA DGAG DBYE BYA'O ZHES BYA BA NI KHAS BLANGS PA BSAL BAR GYUR PA DE'I NGO BO CUNG ZAD SKYES PAR GYUR NA GNAS PA'I PHYIR MI RIGS PA DBYAR RAL BA RIGS PA'I BYA BA DES 'GRO BAR BYED CING RANG DGAR 'GRO BA MA YIN TE, GAL TE DBYAR GYI NANG DU DGAG DBYE

106b

BYED PA LA MI RIGS PA MED DO ZHES BYA BA'I DON TO, ,'DIR GZHUNG NI BTZUN BA 'DI LTAR DGE SLONG KHRIMS LUGS SU BGYI BA 'DI LTA BU BGYIS NA DBYAR GNAS PAR KHAS LEN PAR BGYID DO, ,TSE DANG LDAN PA BDAG GAL TE BDAG DBYAR GYI NANG DU NYE DU'I GAN DU 'GRO BA'I DGAG DBYE SBYIN BA LTA NA, BDAG DBYAR GNAS PAR KHAS LEN TO ZHES 'CHI NA, BTZUN PA, DGAG DBYE STZAL BAR BGYI 'AM, NYE BA 'KHOR SBYIN BAR BYA'O ZHES GSUNGS PA YIN NO, ,DE LA RGYU MTSAN MED PAR DBYAR RAL BAR MI RIGS TE, NYE DU'I DRUNG DU 'GRO BA RGYU MTSAN GCIG PUR NI MA ZAD DE RIGS PA MED PAR YANG DBYAR GYI NANG DU DGAG DBYE MA BYAS PA NYID LA DGE 'DUN GYI KHRIMS SU BYA BA MI RIGS PA MA YIN NO, ,DE LTA BAS NA JI LTAR CHO GA 'DI LA SKYED PA MA YIN PA DE BZHIN DU RNAM PAR GZHAG PA RIGS SO, ,RNAM PA GSUM GYIS MDOR BYAS PA GNAS TE, DE'I PHYIR 'DI LTAR MDOR BYAS SO, ,GZHI 'AM GANG ZAG GAM GNYIS KA BZHAG NAS KYANG NGO ZHES BYA BA NI DGAG DBYE BYAR RUNG STE GZHI'I SGRAS NI LTUNG BA ZHES SMOS SO, ,PHAM PAR 'GYUR BA LAS LTUNG BYED KYI SDE TSAN GZHAN DU GZHAG PA'O, ,DE LTAR YANG 'DIR GZHUNG NI, GAL TE DGE 'DUN LHAG MA SHES NA BYIN GYIS BRLABS TE DGAG DBYE BYA'O, ,PHAM PAR 'GYUR BAR SHES NA NI BSNYIL BAR GSUNGS PAS BSNYIL TE DGAG DBYE BYA'O, ,DE LAS GZHAN BDAG SHES NA NI BSHAGS TE DGAG DBYE BYA'O ZHES GSUNGS PA YIN NO, ,CHE GE MO LA LTUNG BA BZHAG NAS DGAG DBYE BYA'O ZHES BYA BA NI GZHAG PA LA RIM PAS SO, ,'DIR GANG ZAG GANG DU GTOGS PA 'DI LA CUNG ZAD 'JUG PAR 'GYUR BA DE NI RIGS PA YIN TE, DE BSKUL BA PO 'AM GZHAN YANG RUNG STE, GANG ZAG LHAG MA YOD MOD KYI GZHAN THAMS CAD LA NI 'JUG PA'I DBANG DU BYA STE, DGAG DBYE'O ZHES BYA BA 'DIR GZHAG PA'I RIM PA 'DI YIN NO, ,GNYIS KA ZHES BYA BA NI GZHI DANG GANG ZAG GNYIS KA'O, , DE DAG MNOD PAR BYA'O ZHES BYA BA NI DE LTA BU'I RNAM PAS DGAG DBYE BYED PA'O, ,GZHAG PAR BYA BA MTHA' MA GTOGS PA NYID KHAS BLANGS PAR BYA'O ZHES BYA BA NI PHAM PAR 'GYUR BA 'DIR DANG POR ZHES GSUNGS PAS PHAM PAR 'GYUR BA DE LAS GZHAN PA GZHAG PAR BYA BA LA KHAS BLANGS NAS MNOD PAR

107a

, ,BYA'O ZHES BYA BA'I DON TO, ,JI LTAR KHAS BLANG BAR BYA ZHE NA, DE'I PHYIR TSE DANG LDAN PA KHO BO CAG NI TSE DANG LDAN PA CI NAS KYANG GZHI 'JOG PAR BYED CING GANG ZAG 'JOG PAR MI BYED PA, DE'I DON DANG DON DU 'DUS SHING 'DUG PA MA YIN GYI, 'DI LTAR BCOM LDAN 'DAS KYIS TSUL KHRIMS RNAM PAR DAG PAR BYA BA'I PHYIR NI GSO SBYONG GSUNGS LA, CHOS RNAM PAR DAG PAR BYA BA'I PHYIR NI DGAG DBYE GSUNGS PAS GAL TE 'DOD NA DGAG DBYE GYIS SHIG CES SO ZHES BYA BA SMOS TE, ,'O NA DENG ZHES BYA BA NI 'DIR GZHAG PA LA DGOS PA MED DE, ,'ON KYANG KHYOD RNAM PAR DAG PAR BYA BA'I DGOS PA YOD PAS, GAL TE DE SNYAM DU SEMS NA BDAG LA YANG DAG PA NYID 'DON PAR MI BYA BA MED DE, DE DGAG DBYE GYIS SHIG CES BYA BA'I DON SHES PAR BYA'O, ,DE LA BDAG CAG GZHAG PA LA DGOS PA MED DE, DE MED PAR GAL TE DGAG DBYE BYED NA, DGAG DBYE GYIS SHIG CES BYA'O; ,CHOS RNAM PAR DAG PAR BYA BA'I PHYIR ZHES BYA BA NI KHA NA MA THO BA MED PA TZAM NI GSO SBYONG GI RNAM PAR DAG PA'O, ,'DI NI CANG SHES NYID KYANG YANG DAG PAR ZHUGS PA NYID LA BSKUL BA DANG, GDAMS NGAG DANG RJES SU BSTAN PA RNAMS DANG, SA DANG SEMS LAS BYUNG BA RNAMS LAS KHYAD PAR DU 'PHAGS PA NYID CES BYA BA DE LTAR BRJOD PA'I TSIG GO, ,CHOS RNAM PAR DAG PA'I PHYIR ZHES BYA BA NI, 'DIR 'DON BA GZHAN DE 'DIR DON NI DE NYID DO, ,GANG ZAG 'JOG PAR BYED CING GZHI 'JOG PAR MI BYED PA DANG, GZHI YANG 'JOG PAR BYED CING GANG ZAG KYANG 'JOG PAR BYED PA'I 'O ZHES BYA BA NI 'ON KYANG TSE DANG LDAN PA CI NAS KYANG DE'I DON DU 'DUS SHING 'DUG PA MA YIN GYI, TSE DANG LDAN PA 'GA' ZHIG LA GANG ZAG 'JOG PAR BYED CING GZHI MI 'JOG PA DANG, TSUL KHRIMS RNAM PAR DAG PAR BYA BA'I PHYIR ZHES BYA BA NI TSIG DANG PO'O, ,GZHAN NI 'ON KYANG TSE DANG LDAN PA 'GA' ZHIG GZHI YANG 'JOG PAR BYED CING GANG ZAG KYANG 'JOG PAR BYED DE, 'ON KYANG TSUL KHRIMS RNAM PAR DAG PAR BYA BA'I PHYIR ZHES BYA BA LA SOGS PA GSUNGS PA YIN NO, ,KHAS BLANGS PA NYID NI GZHAG PA 'AM, GZHAG PA BSNYON PAS NI KHAS BLANGS PA NYAMS PAR MI 'GYUR RO ZHES BYA BA NI, DGAG DBYE BYED PAR KHAS

107b

BLANGS PA LA GAL TE GZHAG PA'AM GZHAG PA SNYON PAR BYED PA DE BDAG GIS GZHAG PA NYID MA BYAS TE, CUNG ZAD KYANG MA BZHAG GO ZHE 'AM, YANG NA GZHAG STE BDAG GIS 'DI MA BZHAG GI GZHAN GZHAG GO ZHES BSNYON NA, DE GNYIS KA LTAR YANG DGAG DBYE KHAS BLANGS PA GANG YIN BA DE DAG NYAMS PAR MI 'GYUR RO ZHES BYA BA'I DON TO, ,DE LA SNGA MA 'AM 'DI'I RNAM PA DE LTA BU CUNG ZAD KYANG MED DO ZHES ZER NA BRDZUN NYID DO ZHES BYA BA NI GZHAG PA SNGA MA LA DE LTAR BRJOD PA LA GZHAG PA 'DI LA YANG BRDZUN NYID DU SHES PAR MI BYA'O, ,DE LTA BU'I CHAS SMOS PA DE NI BRDZUN DU SMRA BA NYID CES BYA BA 'AM, BRDZUN DU SMRA BA'I RAB TU DBYE BA THE TSOM BZLOG PAR BYA BA'I DON TE, DE 'DI ZHES BYA BAR YUL BSTAN PA'O, ,SNGAR BSTAN MA THAG PA'I BSNYON PA DE LA 'JUG PA ZHES BYA BA'O, ,GAL TE GNAS PAR KHAS BLANGS PA DAG GIS DGE SLONG 'THAB KROL BYED PA DAG 'ONG BAR THOS PAR GYUR NA GAL TE GSO SBYONG GNYIS SAM GSUM THAL BAR GYUR NA DGAG DBYE BYA'O ZHES BYA BA NI GAL TE DE'I TSE KHAS BLANGS PA'I TSE, GAL TE GSO SBYONG GNYIS SAM GSUM THAL BAR GYUR PA NYID DU SHES NA, DBYAR GYI NANG DU DGAG DBYE BYA'O ZHES BYA BA'I DON TO, ,THAMS CAD LA YANG PHYED BYAS PA NI BYAS PA NYID YIN NO ZHES 'JIG RTEN PA'I GRAGS PA YIN LA, GANG ZHIG PHAL CHER BYAS PA NI BYAS PA NYID YIN NO ZHES GRAGS PA'I GRAGS PA YIN PAS 'DIR YANG 'DI 'AM GZHAN DU LTUNG BA LA'O, ,DE MED PA LA SNGAR GYI NYID LA BRTEN PAR RIG PAR BYA BA 'DIS GRAGS PA'I DON DU RNAM PAR RTOG PA'O, ,'DI LA TSES BCO LNGA SMOS PA LA GNYIS PA DANG GSUM PA 'DA' BAR BYED PA LA LTOS PA NYID DE, DE'I TSE DGAG DBYE BYA BA NYID KYI PHYIR DE LTA BAS NA DE NYID 'DA' BAR BYED PA NYID DU SHES PAR BYA'O, ,MA GRUB NA DKYIL 'KHOR PA LNGA 'AM DRUG TU BLO MTHUN BAR RO ZHES BYA BA NI 'DA' BAR MA GYUR TAM BAR CHAD KYI RKYEN GZHAN GYI DBANG GIS MA GRUB NA 'DIR DGAG DBYE DKYIL 'KHOR BA LNGA 'AM, DRUG TU BLO MTHUN PAS YANG DAG PAR SHES PAR BYA'O, ,NGAG GIS BSHES PA'I TSIG GIS BSU NAS LHUNG BZED DANG CHOS GOS BLANG BA DANG, GNAS KHANG DANG KHYAMS DANG KHANG PA

108a

, ,BRTZEGS PA BSKO BA DANG, KHRUS DANG SNUM BAG GI RNYED PA BSTABS PA DANG, CHOS MNYAN BA SBYIN PA DANG, DE LTA BU MGU BAR BYA BA DAG BYA'O ZHES BYA BA NI, SKABS DER 'THAB KROL BYED PA DAG 'ONGS NA, DE DAG LA NGAG GIS BSHES PA'I TSIG GIS BSU NAS LHUNG BZED DANG, CHOS GOS BLANG BAR BYA, GNAS KHANG SKYONG BAS GNAS KHANG DANG KHYAMS DANG KHANG PA BRTZEGS PA BSKO BAR BYA, KHRUS DANG SNUM BAG GI RNYED PA BSTABS PAR BYA, ,CHOS MNYAN BA SBYIN BAR BYA ZHING GAL TE DE SRID DU NUS NA DE LTA BU LA SOGS PA'I BCOM GSAG MGU BAR 'GYUR BA'I SBYOR BA GZHAN DAG KYANG DE LTA BU'I MKHAS PAS ZHES BYA BA DE LTA BU'I 'DON BA LA KUN NAS BRTEN NAS 'DIR MDOR BYAS SO, ,'DIR KHRUS 'DI LA 'DON PA GZHAN LAS SBYAR BA LAS JUG PA NYID LA KUN NAS BRTEN NO, ,BDAG NYID KYI DNGOS POR MA GRUB NA DKYIL 'KHOR BA DAG TU GSO SBYONG BYA'O, ,'O NA DENG KHYED KYIS DGAG DBYE MA YIN NAM ZHES ZER BA DAG LA TSE DANG LDAN BA DAG SDOD CIG, KHYED CAG GLO BUR DU LHAGS PA YIN GYI, DON 'DI GNYUG MAR GNAS PA DAG GI YIN NO ZHES LAN GDAB BAR BYA'O, ,DONG BA DAG NA DGAG DBYE BYA'O ZHES BYA BA NI BYA'O ZHES BYA BA'I KHYAD PAR RO, ,GSO SBYONG GI NYI MA KHO NA LA 'DI NYID BYA'O, ,THA DAD PA YOD KYANG LAS 'DI LA GSO SBYONG RIGS MTHUN PA NYID KYI PHYIR RO, ,DGAG DBYE'I GZHI'O,, ,,NANG DANG BCAS PAS BZOD PAR MA BYAS PAR DGAG DBYE MI BYA'O ZHES BYA BA LA, 'DIS NI BZOD PAR MA BYAS PA ZHES BYA BA STE, BZOD PA MA BYAS PA'O, , NANG DANG BCAS PA ZHES BYA BA NI THAMS CAD KYIS NI MA YIN NO, ,ZHAG BCU 'AM ZLA BA PHYED KYIS DE 'BYUNG BAR 'GYUR BA NYID NI DE'I DUS YIN NO ZHES BYA BA LA, DE ZHES BYA BA NI DGAG DBYE DE'O, ,DE'I DUS ZHES BYA BA NI DE LA SMOS PA'I BZOD PAR BYA BA DE'I DUS YIN NO, ,KHA CIG LAS NI BDUN NAM BRGYAD NA ZHES BYA BA NI, NYI MA BDUN NAM BRGYAD KYIS DE 'BYUNG BAR 'GYUR BA NYID KYI DUS NA DGAG DBYE DE LA BZOD PAR BYA BA DE'I DUS YIN NO ZHES KHA CIG LAS 'BYUNG NGO, ,'DUS PA LA NI MA YIN NO ZHES BYA BA NI, DE'I TSE 'DUS ZHES BYA BAR SBYAR TE, 'DIR DGAG DBYE'I DON DU 'DON PA YIN MOD KYI

108b

'DUS PA GZHAN LA YANG DE BZHIN DU 'DI RIGS PA MA YIN NO, ,DE'I PHYIR 'DIR BYE BRAG TU MA BYAS SO, ,DES BZOD PAR MA BYAS PAR MI BYA'O ZHES BYA BA NI NANG DANG BCAS PA DES BZOD PAR MA BYAS PAR DGAG DBYE MI BYA'O, ,DE'I TSE 'DUS PA THAMS CAD KYIS PHAN TSUN KUN DGA' BAR MA BYAS PAR MI BYA'O ZHES BYA BA NI PHYAG LA SOGS PAS PHAN TSUN KUN DGA' BAR MA BYAS PAR GANG GIS DE PHAN TSUN KUN DGA' BAR MA BYAS PAR MI BYA'O, ,GANG GI RNAMS KYIS SHE NA, DE'I PHYIR DE'I TSE GNAS KYI GZHI DER 'DUS PA THAMS CAD KYIS ZHES BYA BA SMOS TE, CI GANG ZHIG NANG DANG BCAS PAR 'GYUR BA GANG LA YANG DE 'BYUNG BAR MI 'GYUR BA DE NYID YIN NAM ZHE NA, DE'I PHYIR THAMS CAD KYIS ZHES BYA BA SMOS SO, ,CI ZHAG BCU 'AM, ZLA BA PHYED NA 'BYUNG BAR 'GYUR BA NYID NA PHAN TSUN KUN DGA' BAR MA BYAS PAR MI BYA BA'AM ZHE NA, DGAG DBYE'I DUS SO, ,DE'I TSE GSHE BA LA BZOD PAR MI GSOL BAR MI BYA'O ZHES BYA BA SMOS TE, DGAG DBYE'I DUS 'BA' ZHIG TU MA ZAD KYI DUS GZHAN GYI TSE YANG NGO, ,SIL BU DAG LAS MI 'DOD PA LAS NI MA YIN NO ZHES BYA BA LA SOGS PA DANG, JI SRID DU BZOD PA MA YIN ZHES BYA BA LA SOGS PA NI PHRAN TSEGS LHAG MA RNAMS LAS SO, , DGE SLONG MAS DGE SLONG LA GNAS KYI PHYI ROL DU BZOD PAR GSOL BAR MI BYA'O, ,RKANG PA GNYIS LA PHYAG BYAS TE MI BYA'O ZHES BYA BA NI DGE SLONG MAS DGE SLONG LA BZOD PAR GSOL BAR MI BYA'O ZHES BYA BAR SBYAR RO, ,BZOD NA PHYAG BYA STE 'GRO BAR BYA'O ZHES BYA BA NI DGE SLONG GIS BZOD NA DGE SLONG MAS DGE SLONG GI RKANG PA GNYIS LA PHYAG BYA STE 'GRO BAR BYA'O, ,BZOD PA GSOL BAR BYED PA DE LA DGE SLONG GIS MA GUS PAR BYA STE 'GRO BAR MI BYA'O, ,'DA' BAR MI BYA'O ZHES BYA BA NI DGE SLONG MA BZOD PAR GSOL BAR BYED PA DE LAS, DGE SLONG GIS 'DA' BAR MI BYA STE BZOD PA DANG DU BLANG BAR BYA'O, ,BZOD PAR BYA BA LA SNGAR SHES PA SHAD KYIS SPYANG DU GZHUG PAR BYA'O, ,MI 'DOD NA THABS BTZAL BA LA MI 'BAD PAR MI BYA'O ZHES BYA BA LA, MI 'BAD PAR MI BYA'O ZHES BYA BA NI, BZOD PA GSOL BAR BYA BA DE BZOD PAR MI 'DOD NA, DE'I PHYIR MI BSGYANG NGO, ,KUN NAS DKRIS PA

109a

, ,DANG MA BRAL GYI BAR DU MI BSDAD PAR MI BYA'O, ,BZOD PA GSOL BAR BYED PA LA MI BZOD PAR MI BYA'O ZHES BYA BA SMOS SO, ,DGAG DBYE'I GZHI DANG 'BREL BA PHRAN TSEGS LA SOGS PA'I SKABS SO, ,DGAG DBYE'I GZHI RDZOGS SO,, ,,SRA BRKYANG GDING BAR BYA'O ZHES BYA BA LA, SRA BRKYANG ZHES BYA BA NI GTAN PA STE, 'DI LTAR 'DI NI GOS GDING BAR BYED CING RKYONG BAR BYED PA MI 'KHUMS PAR BYED PA'I CHOS CAN SHING LA SOGS PA LAS BYAS PA'I SPANG LEB LA GTAN PA ZHES BYA'O, ,DE LA GANG ZHIG 'DIS TSOGS DE LA DGE SLONG GCIG TSOGS TE MA LUS PA LA KHYED PAR BYED NA TSOGS MA LUS PA NYID KYIS RGYAS PAR 'GYUR BA DE'I TSOGS 'BREL PA THAMS CAD LA RJES SU ZHUGS PA THAMS CAD LA NGO BO GCIG PA'I GDING BAR 'GYUR BA DGE 'DUN MTHA' DAG LA KHYAB PAR BYED PAS DE'I MING GTAN PA ZHES BYA BA'O, ,DE NYID KYI PHYIR 'DIR 'DI BYA BA LA GDING BA NGES PAR DE ZHES BYA BAR BRJOD PA YIN NO, ,CI'I PHYIR GOS GSUM GDING BAR BYA BA BTING BA LA 'BRAS BU CI YOD CE NA, DE'I PHYIR GSUM PO DAG JI LTA BA BZHIN DU SRA BRKYANG BTING NA YANG YANG ZA BA DANG 'DUS SHING ZA BA DANG, MA SMRAS PAR GRONG DU 'GRO BA DANG GOS SLONG BA LA YANG NYES PA MED LA, DE LHAG MA DAG DANG RNYED PA THUN MONG DU 'GYUR RO ZHES BYA BA SMOS TE, RE ZHIG GSUM PO DAG CES BYA BA NI 'CHANG BA DANG 'BRAL BA DANG 'JOG PA'I BDAG NYID CES SMOS PA KHO NA STE, JI LTAR BZHI PO GZHAN 'DI THUN MONG GI MTHAR THUG PA LNGA PO SKYON DANG BRAL BA ZHES BYA BA'I DON TO, ,SMAD G-YOGS DANG STOD G-YOGS SU BYAS PA'I CHOS GOS KYIS LJONGS RGYU ZHING 'GRO BA GANG YIN PA DANG, RUNG BAR BYAS PA'I GOS JI TZAM 'DOD PA 'CHANG BA ZHES BYA BA GANG YIN BA GNYIS PO 'DI BSDUS PA STE, GSUM PO BSTAN PA NYID KYIS BSDU BA BYAS ZIN PA'I PHYIR RO, ,GAL TE DE LA SNAM SBYAR BSKUR BAS DGOS PA MED PAS DES CI ZHIG BYA, JI LTAR GANG GI PHYIR STOD G-YOGS SMAD G-YOGS SU BCAS PA MED NA NGO TSA BA'I GNAS G-YOGS PAR BYA BA'I PHYIR DANG, RAB TU 'BYUNG BA'I RTAGS YANG DAG PAR BSRUNG BAR BYA BA'I PHYIR YIN GYI, SNAM SBYAR BSKUR BA LA DGOS PA MED PA DE BZHIN DU 'DI LA'O, ,GAL TE BTANG NA 'CHANG BA

109b

LA NYES PA MED DE RNAM PAR RTOG PAS CI ZHIG BYA ZHES BYA BA'O, ,'O NA BCOM LDAN 'DAS KYIS, TSIG 'DI BRJOD PA CI ZHIG BRJOD CE NA, STOD G-YOGS KYI KHUR LAS THAR PAR BYA BA'I PHAN YON BSTAN PA'I PHYIR RO, ,RUNG BA MA BYAS PA'I GOS 'CHANG BA DE NI RNAM PAR RTOG PA'I BYA BAS THAR PA DANG BAG YANGS KYI BDE BA'I PHAN YON YANG BSTAN PA'I PHYIR RO, ,GSUM PO DAG CES BYA BA LA LTOS PA GANG YIN ZHE NA, DE'I PHYIR GNAS PAR KHAS MA BLANGS PA DANG, DBYAR RAL BA DANG, DBYAR PHYI MAR GNAS PAR KHAS BLANGS PA DAG LA DE MI 'BYUNG NGO ZHES BYA BA SMOS TE, SA GZHAN GNAS PA DAG LA YANG NGO ZHES BYA BA NI DBYAR GNAS GZHAN DU KHAS BLANGS PA LA SOGS PA STE, DBYAR GNAS PA PHYI MAR GNAS PAR KHAS BLANGS PA DE DANG RO GCIG PAR 'DRA BA'O, ,DBYAR GNAS PAR KHAS MA BLANGS PA DANG, DBYAR RAL BA DAG LA DBYAR GYI GTAN PA MI 'BYUNG NGO, ,DBYAR GNAS GZHAN DU GNAS PAR KHAS BLANGS PA DAG LA NI GTAN PA GDING BA DAG MI 'BYUNG BA STE, GTAN PA GDING BA NI DNGOS GZHI'I CHO GA LA BRTEN PA YIN PA'I PHYIR RO, ,DNGOS GZHI'I CHO GA ZHES BYA BA GTAN PA BTING BA LA BYA'O, ,DBYAR PHYI MAR KHAS BLANGS PA NI MA YIN NO, ,DGE 'DUN GYI DUS LAS 'DA' BAS DE BRTEN PA DANG LDAN PA'I TSOGS PA SBYIN BA LA YANG DBYAR GNAS PAR KHAS LEN PA MED PA'O, ,'DI NI SKAL BA MI MNYAM PA STE, RANG BZHIN GNAS PA NYID KYI PHYIR RO, ,GANG ZHIG SA'I NANG DU GNAS PA NYID NI RANG BZHIN DU GNAS PA NYID MA YIN PA'O, ,DE BAS NA 'DI LTAR LHAN CIG TU RO GCIG PA 'DI LA NI RUNG BA MA YIN NO, ,GAL TE SKYE BAR MA GYUR NA RANG BZHIN DU GNAS PA NYID NAD PAR GYUR NA SRA BRKYANG BTING BA DANG, BTING BA CHUD ZOS PA MI SKYED PA'O, ,DGE TSUL DAG LA NI 'DI LTAR 'DI MI SKYED PA'O ZHES 'BYUNG NGO, ,DE DANG DE'I LAS LA 'DI MA ZHUGS PA LA CHO GA GANG YIN PA DE NYID KYI BYAS PA ZHES GSUNGS PA DE'I PHYIR 'DIR BSDUS PA MA YIN NO, ,DE DAG NYID THOB PA YIN NA MI 'BYUNG NGO ZHES BYA BA NI SRA BRKYANG GDING BA NYID LAS GZHAN NA NGAS PA DE DAG NYID THOB PA LA NI MI 'BYUNG BA STE, SRA BRKYANG GDING BA MI 'BYUNG ZHING SBYAR BA NI MA YIN NO, ,THA MA MA GTOGS PA DAG DANG SA

110a

, ,GZHAN NA GNAS PA DAG DANG DGE TSUL NI RNYED PA DBANG NGO ZHES BYA BA LA, THA MA MA GTOGS PA NI THA MA MA GTOGS PA STE, GNAS GZHAN DU GNAS PA DANG DBYAR PHYI MAR KHAS BLANGS PA DANG DBYAR GNAS PAR KHAS MA BLANGS PA LA SOGS PA RNAMS SO, ,GAL TE YANG GTAN PA GDING BA LA 'DI RNAMS MI 'GYUR BA DE LTAR YANG DE RGYU MTSAN CAN GYI RNYED PA LA DE RNAMS LA SKAL BA DANG LDAN BA NYID CES BYA BA'I DON TO, ,'DI LTAR DE DAG GI DBYAR GNAS PA DAG DANG DON GCIG PA NYID YIN BAS BZLOG PAR MI BYA STE DE RNAMS KYI DE SKAL BA DANG LDAN BA NYID DO, ,SA GZHAN NA GNAS PA DAG CES SMOS PAS SPANGS PA YANG RNYED PA DBANG BA NYID DU THAL BAR 'GYUR BAS DE BSAL BA'I PHYIR SPANGS PA NI MI DBANG NGO ZHES BYA BA SMOS TE, SPANGS PA NI DGE 'DUN LAS THA DAD DU GYUR PA NYID YIN PAS DE'I PHYIR NA GTAN PA BTING BA'I RNYED PA MI DBANG BA NYID DU RIG PAR BYA'O, ,DE LAS GZHAN PA CHAD PAS BCAD PA DANG SBO BA LA SOGS PA BYED PA NI DGE 'DUN LAS THA DAD DU GYUR PA NYID MA YIN PAS DE'I CHO GA 'DI MI 'JUG PA'O, ,BYE BA DAG NI CHOS MA YIN PA'I PHYOGS DANG MTHUN PA DAG TU SONG BA NI DE NYID KYIS THOB PA DANG 'DRA'O ZHES BYA BA LA, DE ZHES BYA BA'I SGRAS NI SPANGS PA LA SNYEGS TE SPANG BA'I RNYED PA DANG 'DRA STE, BYE BA DAG NA 'DOD PA GZHAN LA DMIGS PAS CHOS MA YIN BA'I PHYOGS DANG MTHUN PA DAG TU GNAS PA RNAMS LTUNG BA'O, ,JI LTAR SPANGS PA LA MED PAR 'GYUR BA DE BZHIN DU 'DI RNAMS LA ZHES BYA BA'I DON TO, ,GANG GI DON DU SRA BRKYANG GDING BAR BYA ZHES BYA BA DE BSDU BA BSTAN NAS, DA NI 'DIR DNGOS PO GANG GDING BAR BYA BA LA DE LA GTAN PA NYID CES PA BRJOD PAR BYA STE, DNGOS PO GZHI'I DUS SU DGAG DBYE'I MTHAR DBYAR GYI RGYU LAS BYUNG BA'I GDING BA'I NYI MA'I MTHAR GRUB PA GOS KYI RNYED PAR BGRANG BA'I CHOS GOS GSUM MO ZHES BYA BA LA 'DIR DBYAR DANG PO RNAMS BZUNG BA ZHES BYA BA DE NI DBYAR PHYI MA LA BRTEN PA LA MI 'BYUNG NGO ZHES GSUNGS PA'I TSIG GIS SHES PAR BYA STE, STON ZLA 'BRING PO'I TSES BCU DRUG NI GTAN PA GDING BA'I NYI MA NYID YIN PAR GSUNGS PA'I PHYIR RO, ,DNGOS GZHI'I DUS DE'I DGAG DBYE'I ZHAG MAN CHAD GZHAN NAM RGYU LAS GZHAN PA'I

110b

RNYED PA BYED BZHIN BA'I DGAG DBYE'I THA MA DE RNAMS BSDUS PA NAS RGYUS RNYED PA LA MTHAR THUG PA DE DAG BSDUS PA'I RGYU LAS BYUNG BA YIN NAM ZHE NA, 'DI LTA STE DBYAR GNAS PA'I RGYU LAS BYUNG BA'I RNYED PA GANG YIN PA'O, ,YANG NA SO SO BA STE, 'DI LTAR RGYU LAS BYUNG BA'I RNYED PA GANG LA YOD PA DE NI DNGOS GZHI'I DUS KYI DGAG DBYE'I MTHAR DBYAR GYI RGU LAS BYUNG BAS TE, DUS GZHAN DU 'BYUNG BA NI MA YIN TE, GDING BA'I ZHAG RNAMS KYI MTHA' CAN 'DI RNAMS DANG 'BREL BA'O, ,DE'I DUS LAS DUS GANG YANG RUNG BA'I SA LAS BSGRUB PA STE, DUS GZHAN GYI RGYU LAS BYUNG BA'I RNYED PA NI MA YIN NO, ,LAG GI BLA DANG RGYAN 'DOGS PA DANG BA GLANG GI DANG MA HE DANG MAL STAN DANG DER GTOGS PA'I DGAG DBYE LA SOGS PA'I BYE BRAG GI DON DU SBYIN BA MA YIN TE, DE'I GRANGS DANG LDAN PA CHOS GOS GSUM ZHES BYA BA'I DON TO, ,GTZUG LAG KHANG NA GOS KYI RNYED PAR NGES PA GANG YIN PA DE YANG 'DIR BSDUS PA SHES PAR BYA STE, DE LTA BAS NA GOS KYI DON DU RNYED PA'I RIN DAG GIS RNYED PA BZUNG NGO, ,DE LTA BAS NA CHOS GOS GSUM DU SHES PAR BYA BA MA YIN TE, GANG ZHIG GOS RNYED PA ZHES BYA BA BRJOD PAR BYA BA LA RIN THANG SNGON DU 'GRO BAS BSGRUB PA LA SKYED PAR BYED PA NYID DE DE BAS NA, GOS GSUM LA SRA BRKYANG NYID GDING BAR BYA'O ZHES BYA BA 'DIR DNGOS SU SGRUB BYED CUNG ZAD KYANG MA MTHONG NGO, ,RTAGS NI YOD DE, DE GANG LAS SHES SHE NA, TSE DANG LDAN PA DAG BDAG SANG GTAN PA GDING BAR 'GYUR GYI KHYED CAG GIS RANG RANG GI CHOS GOS RNAMS DBYUNG BAR BYA'O ZHES GSUNGS PA'I LUNG LAS SHES TE, GANG GI PHYIR GCIG PU ZHIG GDING BAR BYA BA NYID YIN NA NI DE'I TSE RANG GI ZHES BYA BA GCIG GI TSIG 'THOB PA'O, ,GCIG CIG BYIN GYIS BRLABS PA LA GSUM CHAR GYIS DBYUNG BA YANG MI RIGS PA'I PHYIR RO, ,DE LTAR YANG 'DIR GZHUNG NI BTZUN BA, GANG ZAG GI SNAM SBYAR GYI GTAN LA GDING DU RUNG NGAM, NYE BA 'KHOR MI RUNG NGO, ,GAL TE DGE 'DUN LA PHUN NA NI RUNG NGO, ,BLA GOS DANG MTHANG GOS KYANG DE BZHIN NO ZHES GSUNGS PA YIN TE, BLA GOS DANG MTHANG GOS GNYIS KYANG NGO, ,GCIG GIS GDING BA YOD PAR GYUR PA LA 'DI RIGS PAR GYUR PA MTHONG BA YIN NO, ,GANG YANG

111a

, ,GDING BAR BYA ZHES BYA BA GCIG GIS TSIG DE LA NI DE LTAR GNOD PA MA YIN TE, 'DIR DGE 'DUN RGYAS PA BSGRUB BA CAN GYI SRA BRKYANG GI SGRAS CHOS GOS BRJOD PA'I PHYIR DANG, GCIG PA NYID KYI PHYIR RO, ,CHOS GOS THAMS CAD GCIG PA NYID KYI PHYIR RGYAS PAR SGRUB PA NYID LA GNAS PA MED DO, ,DE LTA BAS NA BYIN GYIS BRLAB PA THAMS CAD LA 'DI THAMS CAD STON PA'O, ,DE LTA BAS NA DGE SLONG MA RNAMS KYIS CHOS GOS LNGA CHAR GTAN PA NYID DU GDING BAR BTING BA 'DIS BSTAN PA YIN NO, ,DGE 'DUN GYI'O ZHES BYA BA NI CHOS GOS GSUM MO, ,CHOS GOS GZHAN BYIN GYIS BRLAB PAR BYA BA DE NYID YIN TE, KHAS BLANG BAR MA BYAS PAR BYIN GYIS BRLAB PA MED DO, ,DE'I PHYIR DGE 'DUN GYIL BYIN PA DE LA BYIN GYIS BRLAB PAR BYA BA YIN NO, ,CHOS GOS GANG GDING BAR 'OS PA DE BSTAN PA'I BSHAD GDAB MA BYAS PA DANG, YA YOR MA GYUR PA DANG MA MUGS PA DANG MA ZEGS PA'O ZHES BYA BA SMOS TE BKRU BA LA BSHAD GDAB MA BYAS KYI BAR DE SRID DU BKRUS PA MI 'GRUB PAS DE SRID DU 'DIR BKRU BA LA BSHAD GDAB TU 'DOD DO, ,DE LAS GANG ZHIG LAB BZHIN DU BSHAD GDAB BYAS PA DANG RDUNG BA DE NI BSHAD GDAB BO, ,DE LTAR MA BYAS PA GANG YIN PA DE NI BSHAD GDAB MA BYAS PA'O, , YA YOR LA SOGS ZHES BYA BA NI SGAM BU LA SOGS PA GZHAG PA NI YA YOR RO, ,GANG ZHIG GRVA DAG 'PHYANG BAR 'DUG PA NI MI MNYAM PAR 'DUG PA'O ZHES BYA BA'I DON TO, ,'THAG PA'I TSE BAR BAR DU RGYU SPUN MA BCUG CING SENG SER POR GYUR PA'O ZHES KYANG GZHAN DAG ZER TE, 'DI LA DON DE KHAS LEN PA'O; ,DE'I 'DOD PA 'DIR YA YO NI SENG SENG POR GYUR PA'O, ,DE LAS BZLOG PA GANG YIN PA DE NI YA YOR MA GYUR PA'O, ,MA MUGS PA ZHES BYA BA LA MUGS PA ZHES BYA BA NI SRIL RNAMS DANG BYI BA LA SOGS PA'I MCHUS MUGS PA STE, DE LTAR MA GYUR PA GANG YIN PA DE NI GZHAN NO, ,MA ZEGS PA ZHES BYA BA LA, ZEGS PA ZHES BYA BA NI SHAS SRAB PA STE, DE LTAR MA GYUR PA NI MA ZEGS PA ZHES BYA BA'I DON TO, ,KHA BSGYUR BA'O ZHES BYA BA NI 'DIR BKRU BSHAL 'BA' ZHIG LA SOGS PAS KHA BSGYUR BAR BYAS PA'O, ,KHA BSGYUR BA DES KUN NAS SBYAR BA NI KHA BSGYUR BA'O, ,CHOS GOS MA

111b

BSDAMS PA RUNG BA ZHES GSUNGS PA DE NYID 'DIR BSDUS PA YIN NO, ,'DIR GZHUNG NI, BRAM ZE'I BU MOS ZHUS PA LAS, CHOS GOS MA BSDAMS PA RUNG BA GANG ZHE NA, MA BSDAMS PA NI MA BCAGS PA'O, ,DON DE NYID RUNG BA GANG YIN BAS MA BSDAMS PA RUNG BA'O ZHES GSUNGS PA YIN NO, , SMRAS PA CHOS GOS RUNG BA GANG YIN ZHE NA, CHOS GOS KHA BSGYUR BA GANG YIN BA DE YANG DE YIN BAS KHA BSGYUR BA ZHES BYA BA DE 'DI YIN TE, MI GDING BAR MI BYA'O, ,SMRAS PA BDAG NYID 'DI ZHES BYA BA'I DON TO, ,YONGS SU MA SPYAD PA'O ZHES BYA BA NI, 'DIR GZHUNG 'DI BRAM ZE'I BU MOS ZHUS PA LAS CHOS GOS DENGS PA 'CHANG BA LAS DGE SLONG RNAMS KYIS YONGS SU LONGS SPYOD PA NYID KYI DON DU GSUNGS SO, ,JI SKAD DU CHOS GOS RNYING PA 'CHANG BAS SRA BRKYANG GDING BAR MI BYA'O, ,CI JI TZAM GYIS NA RNYING PA BCANG BAR BGYI ZHE NA, DGE SLONG GIS SPYAD PA'I CHOS GOS GSUM GANG YIN PA'O ZHES GSUNGS PA YIN NO, ,DGE SLONG GIS SPYAD PA'I MI 'OS PA NYID LA BDE BLAG TU DE LAS GZHAN PA YONGS SU LONGS SPYOD PA ZHES BYA BAR THAL BAR 'GYUR RO, ,DE LTA BAS NA YONGS SU LONGS SPYOD PA THAMS CAD LAS DENGS PA BSAL BA DANG 'BREL LO, ,SRA BA'O ZHES BYA BA 'DIS NI CHOS GOS DENGS PA BSAL BA DE BSDUS PA YIN NO, ,BRAM ZE'I BU MOS ZHUS PA LAS, DE'I DON NI LONGS SPYOD MI BZOD PA ZHES GSUNGS SO, ,CHOS GOS DENGS PA GANG ZHE NA, CHOS GOS GANG DAG SLONG GI LUS LAS DENGS PA'O ZHES GSUNGS PA YIN TE, DENGS PA NI ZAD PA LAS TE ZHES BYA BA 'DIR GZUGS PA 'DI YIN TE, DENGS PA NI ZAD PA YIN PAS DE LTAR MA GYUR PA ZHES BYA BA'I DON TO, ,MTHUD MA CAN DANG LHAN RINGS CAN DANG LHAN PA CAN DANG CHAG CAN DANG ZUNGS CAN MA YIN BA'O, ,BYA BA 'DIR MA YIN BA'O ZHES BYA BA'I SGRA 'DI LNGA CHAR DANG SO SOR SBYAR TE, ZUNGS CAN MA YIN TE'O ZHES BYA BA'I BAR DU'O, ,DE LTAR YANG THAMS CAD LA THUNG BA NYID DU BYAS PA NYID DO, ,MTHUNG MA CAN ZHES BYA BA LA, 'DIR GZHUNG NI, TSAD DU MCHOG PA DGE SLONG MANG PO DAG LA MTSAMS SBYAR BAR BYED CING SRA BRKYANG 'DING BAR BYED NA BTING ZHES BRJOD PAR BGYI 'AM, BKA' STZAL PA, MA BTING ZHES BRJOD PAR

112a

, ,BGYI'O ZHES BYA BA LA DE LAS 'DIR GDING BAR BYA BA BKAG PA'O, ,GDING BAR BYA BA NI GANG ZHIG DUM BUR BYA STE, BTZEMS PAR MA YIN PA DE'O, ,LHAN RINGS CAN MA YIN BA ZHES BYA BA NI GANG DU LHAN PA RING POR GLAN PA STE, DE LTA BUS MA GLAN PA NI LHAN RINGS CAN MA YIN BA'O, , LHAN PA CAN ZHES BYA BA NI GANG LA CHU BUR GYI RNAM PA LTAR RLOB LHAN PA GZHAN GLAN PA CAN MA YIN PA'O, ,DE NI KHA CIG GIS LHAN PA ZHES BYA BAR BRJOD PA YIN TE, 'DI LA DE LAS DON THA DAD PAR SHES PAR BYA BA MA YIN NO, ,G-YA' BAR BYED PA ZHES BYA BAR DBYAR DANG BYI BA'I RNAM PA GSAD PA NI 'DIR G-YA' BAR BYED PA ZHES BYA BA'I DON TO, ,CHA GA CAN ZHES BYA BA NI CHOS GOS DAG GI MTHA' THOG THAG TU CHA GA TZAM BTAB PA STE, GANG DU DE RNAMS MED PA DE NI CHA GA MED PA'O, ,THA MA ZEGS PA DAG LA ZUNGS CAN BYAD PA DE GANG DU MED PA DE NI ZUNGS CAN MA YIN BA'O, ,MTHA' ZEGS PA RNAMS LA ZUNGS CAN MA BYAS PA NYID LA YANG MI MOS PA NYID GTAN PA MA YIN PA NYID KYI PHYIR RIG PAR BYA'O, ,SPANGS PA DANG RGYU MA BTAGS PA DANG BRAL PHRAD MA YIN BA'O ZHES BYA BA NI, 'DIR YANG MA YIN BA ZHES BYA BA'I SGRA SO SOR SBYOR TE, NYE BAR GNAS PA DANG MI RUNG BA BKAG PA DAG LA 'DIR SPANGS PA MA YIN BA DANG BRAL PHRAD MA YIN PA ZHES BYA BA GRANGS JI LTA BA BZHIN DU BSDU BA'O, ,'DIR GZHUNG NI, BRAM ZE'I BU MOS ZHUS PA LAS, RGYU MA BTAGS PA ZHES BYA BA NI RUNG BA MA YIN BA'O ZHES GSUNGS PA YIN TE, SPANGS PA NYE BAR GZHAG PA ZHES BYA BA NI 'DIR ZHU BA LAS KYANG GSUNGS SO, ,CHOS GOS GZHAG PA GANG YIN ZHE NA, 'DIR ZHU BA LAS CHOS GOS GANG ZHAG BCU 'DAS PA 'AM ZHAG GCIG BRAL BA'O ZHES GSUNGS TE, 'DI DAG GI 'JUG PA TZAM NI 'DI RGYU MTSAN DU BYAS TE, GANG ZHIG SNGAR SPANGS PAR GYUR PA DANG DE LTAR NI MI RUNG BA DE YIN TE, ZHAG LON PAR BRJOD PAR NGES PA'I PHYIR RO; ,BRAL PHRAD CES BYA BA 'DIS PHYAG DAR KHYOD KYANG BKAG PA'O, ,'DIR BRAL PHRAD KYI SGRAS NI THAMS CAD PHYAG DAR KHROD KYI DON CAN TE, SNGAR BOR BA'I TSE NA BDAG PO DANG BRAL BA YIN LA PHYIS BLANGS PA'I TSE NA BDAG PO GZHAN DANG PHRAD PA DE TZAM ZHIG NYE BAR BLANGS PA'O, ,GANG ZHIG PHYIR 'DI LTAR

112b

BRAM ZE'I BU MOS ZHUS PA LAS, CHOS GOS BRAL PHRAD GANG ZHE NA, CHOS GOS GANG LAM KA NAS BYUNG STE, LAM DU BOR BA LAS RNYED PA GANG YIN BA'O ZHES GSUNGS PA DE'I DON MTHONG BA YIN NO, ,DRAS SHING DRUBS PA'O ZHES BYA BA NI BYIN GYIS BRLAB TU MI RUNG BA NI MA YIN NO, ,DE'I PHYIR SBYAR MA NYID KYANG GANG GI TSE BYIN GYIS BRLAB PAR GSUNGS PA GANG YIN BA DE YANG 'DIS BSDUS PA YIN NO, ,ZIN PA'O, ,LNGA PA'O, ,LHAG MA YANG NGO ZHES BYA BA NI KHRU LNGA PO DAG LA 'DI LA DGE 'DUN GYIS KHYAB PA YIN PA'I PHYIR, LUS 'BA' ZHIG LA NI MA YIN TE, DE'I PHYIR LHAG MA LA NYES PA MED DO, , GDING BA ZHES BYA BA'I TSAD JI SNYED PA DE TZAM GYI RKYEN GYI NANG DU 'DUS PA LAS LHAG MA NI MA YIN ZHES BYA BA'I DON TO, ,YO BYAD RNAMS LA DER 'BYUNG BA'I PHYIR BSGRUB PA NI DGE 'DUN GYI GNAS SU RNYED PA'I PHYIR 'BYUNG BA'I ZHING RE RE LA SRA BRKYANG GDING BA BSKYED PA'O, ,'DIR THAMS CAD DU DMAN PA NI DGE 'DUN GYIS RNAM PAR GZHAG PA RIGS PA YIN NO, ,DE LTA BAS NI 'DIR GZHI'I TSAD KYI 'BYOR PA JI SNYED PA DE'I KHUNGS SU BSDUS PA DE LAS LHAG PA MA YIN PA ZHES BYA BA 'GRUB BA'O, ,KHA CIG NA RE, CHOS GOS SUM PHRUGS BZHI BAS LHAG PAR BTING BA LA YANG DON DER 'BYUNG BA NYID KYI PHYIR YO BYAD RNAMS LHAG PAR 'BYOR BA MI BRLAG PA RNAMS KYIS BRTEN PAR BYA STE, BYE BRAG MED PA'I PHYIR RO, ,YANG BDE BAR GSHEGS PA'I CHOS GOS SHIN TU CHEN PO LA YANG 'PHAGS PA NYID DU RIG PAR BYA'O, ,SNGAR MA BTING BA'O ZHES BYA BA NI GANG ZHIG LO GZHAN LA GTAN PA NYID DU SNGAR MA BTING BA NI ZHES BYA BA'I DON TO, ,BTING BA'O ZHES BYA BA NI SPROG MA'I NANG DU BTING BA STE BSDUS TE GZHAG PA NI MA YIN TO, ,DU MA YANG NGO ZHES BYA BA NI CHOS GOS SUM PHRUGS ZHES BYA BA'I DON TO, ,DGE 'DUN GYI TSOGS DU MA YONG PA'I PHYIR CHOS GOS SUM PHRUGS DU MA YANG 'DIR MTHUN PA YIN NO, ,DE JI SNYED PA'I 'DING BAR BYED PA'O ZHES BYA BA LA, DE'I SGRAS NI CHOS GOS SUM PHRUGS LA BZUNG NGO, ,CHOS GOS SUM PHRUGS DE JI SNYED PA DE SNYED KYI GDING BAR BYED PA'I DGE SLONG BSKO BAR BYA'O ZHES BYA BA'I DON TO, ,DE NI CHOS GOS GZHAN BYIN GYIS BRLAB PA YIN PAS DE'I PHYIR BYIN GYIS BRLABS PA DAG PHYUNG NAS SO ZHES

113a

, ,BYA BA NI TSOGS PA LA MI BRTEN PAS BRJOD PAR BYA'O ZHES BYA BA NI, RANG GI RDZAS NI DON DU NGES PAR SBYAR BA 'DI YIN TE, GANG GIS NI MTHUN PA'O, ,BDAG POS MI 'DOR BA'I RDZAS DON LA NGES PAR SBYOR BA MA YIN TE, DE LTA BAS NA BDAG PO RNAMS KYIS 'DIR 'DOD PAS BLANG BAR BYA'O, , CI TSOGS PA RJES SU BGRANG BAR YIN NAM ZHE NA, DE'I PHYIR ZHAG MA LON PAR TSOGS PAS MOS PAR BYA'O ZHES BYA BA SMOS TE, TSOGS PA KHAS LEN PA LA RTZOM PA 'DI'O, ,MNGON SUM DU PHYOGS PA'I DBANG GIS TSOGS PA 'BYOR PA'O, ,TSOGS PA LA TSOGS PAS MNGON DU PHYOGS PA NYID NI SHIN TU STOBS DANG LDAN BA STE, DE LTA BAS NA CHO GA 'DI GANG GI TSE ZHE NA, DE'I PHYIR ZHAG MA LON PAR ZHES BYA BA SMOS TE, ZHAG MA LON PA NI NYI MA GANG LA CHOS GOS DE 'BYOR BA'I NYI MA DE NYID LA BDAG PO RNAMS KYIS TSOGS PA DE LA 'DOD PAR BYA ZHES BYA BA'I DON TO, ,'DIR GZHUNG NI, JE DANG PO KHO NAR TSOGS PAS CHOS GOS 'DI NI DBYAR GNAS PA'I DGE 'DUN GYI CHOS GOS KYI RNYED PA GRUB PA LAGS TE, GAL TE DGE 'DUN BZHED NA CHOS GOS 'DIS DGE 'DUN GYI SRA BRKYANG 'DING PAR 'GYUR RO ZHES MOS PAR BYA'O, ,DE'I 'OG TU NYI MA GZHAN LA GNAS MAL BSHAM PAR BYA'O ZHES GSUNGS PA YIN NO, , NYI MA GZHAN LA MOS PAR BYA BA'I NYI MA DE NYID DAM, NYI MA GNYIS PA LA BLO MTHUN BAR BYA BA'I DGE SLONG KHO NAR NGES PA MED DE, DE'I PHYIR DON 'DI LA GDING BA'I NYI MA GANG NYID LA BRJOD PA DE NYID LA MTHUN BA'I BLO ZHES BYA BA 'DI LTAR RTZE GCIG PA NYID DU DE LTAR GNAS PA YIN GYI, GNYIS PA NYID LA NI MA YIN TE 'DIR DGOS PA MED PA'I PHYIR RO, ,MTSAMS KYI NANG DU BLO MTHUN BAR BYA'O ZHES BYA BA NI BZHED NA CHOS GOS SRA BRKYANG NYID BYA BA'O, ,GDING BA YANG NGO ZHES BYA BA NI MTSAMS KYI NANG DU BLO MTHUN PAR BYA'O ZHES BYA BAR SBYAR RO, ,DBYAR GNAS PA LA NI MTSAMS SBYAR BA NI GANG ZHIG GDING BA YANG NGO ZHES BYA BA'O; ,DBYAR GNAS PA'I ZHING LAS GZHAN PA BLO MTHUN PA 'DI MI DGE BA BSKYED PA'O, ,GANG GI PHYIR GDING BA BYAS PA LA 'DI LA MTSAMS SBYAR BA NI MA YIN NO, ,DE THAMS CAD NI GDING BA LA BYED PA NYID DE, DE'I PHYIR BRJOD PA LA YANG MTSAMS KYI NANG DU BYA BA NYID CES BYA BAR RIG PAR BYA'O, ,GANG LA

113b

DE 'BYUNG BA'O ZHES BYA BA NI RNAM PA GANG GIS GDING BA MI 'BYUNG BA SDE, SNGAR DBYAR GNAS PAR KHAS BLANGS PA DE DAG LAS GZHAN GDING BA POR BLO MTHUN PAR MI BYA ZHES BYA BA'I DON TO, ,DE LA GTAD PAR BYA'O ZHES BYA BA NI GTAN PA GDING BAR BLO MTHUN PAR BYAS BA DE NYID LA'O, ,JI LTAR GTAD PAR BYA ZHE NA, DE'I PHYIR GSOL BAR BYAS TE ZHES BYA BA SMOS TE, GSOL BA 'BA' ZHIG GI LAS BYA STE, GTAD PAR BYA'O ZHES BYA BA'I DON TO, ,GANG GI CHE CHOS GOS MTHUN PAR BYAS PA'I NYI MA DE NYID LA YANG 'DING BA PO LA GTAD PAR BYA'O ZHES BYA BA DE SHUGS KYIS RTOGS PAR BYA'O, ,GANG GI PHYIR CHOS GOS BLO MTHUN PAR BYAS BA NYI MA GZHAN DU GZHAG PAR RIGS PA MA YIN BA'I PHYIR RO, ,BKRU BA DANG DRUBS PA DANG, BA BSGYUR BA DAG LA DES SNGON DU 'GRO BAR BYA'O ZHES BYA BA LA, DES ZHES BYA BA NI GTAN PA 'DING BAR BYED PA'O, ,JI LTAR SNGON DU 'GRO BAR BYA ZHE NA, DE'I PHYIR GNYIS SAM GSUM RJES SU BSGRUB PAS SO ZHES BYA BA SMOS TE, BYA BA GNYIS SAM GSUM GYI LAS RJES SU BSGRUB PAS SO, ,ZIN PA ZHIG GRUB NA RANG GIS KHAB SRUBS GNYIS SAM GSUM DRUB PAR BYA'O ZHES BYA BA NI, GAL TE CHOS GOS DE BYAS ZIN PA ZHIG GRUB NA DE'I TSE SRA BRKYANG 'DING BA POS DE RANG GIS BYA'O ZHES BYA BA'I DON TO, ,'DIR GZHUNG NI, DGE SLONG GTAN PA 'DING BAS GTAN PA 'DING BA'I CHOS GOS BKRU BAR BYA BA DANG DRUB PAR BYA BA DANG, KHA BSGYUR BAR BYA BA LA SNGON DU 'GRO BAR BYA'O, ,GAL TE ZIN PA ZHIG RNYAD NA DE'I 'OG TU THA NA KHAB SRUBS GNYIS SAM GSUM DRUB PAR BYA'O ZHES BYA BA GSUNGS PA YIN NO, ,MNOS PA DANG RANG BYED PA DANG, DE'I MJUG DAG TU GO RIMS BZHIN DU 'DING BAR 'GYUR RO, ,GDING NGO, ,BTING NGO SNYAM DU SEMS BSKYED PAR BYA'O ZHES BYA BA LA, MNOS PA ZHES BYA BA NI DANG PO DGE 'DUN LAS GTAN PA GDING BA'I CHOS GOS MNOS PA'I TSE'O, , GANG ZHIG DER 'DI RANG GIS SGRUB PAR BYED PA NA SNGON DU 'GRO BAR 'GYUR BA ZIN PA ZHIG GRUB NA DE'I RANG GI BYAS PA DANG BYED PA DANG, DE'I MJUG DAG TU GO RIMS BZHIN DU 'DING BAR 'GYUR RO ZHES BYA BA LA SOGS PA'I SEMS GSUM PO RNAMS BSKYED PAR BYA'O, ,DANG PO NYAMS NA MI 'BYUNG BA MA YIN

114a

, ,NO ZHES BYA BA NI MNOS PA'I TSE NA 'DING BAR 'GYUR RO SNYAMS DU 'DI NYAMS PA LA GZHAN 'OG MA GNYIS RJES SU BSGRUB PAS GDING BAR BYED PA PO MI 'BYUNG BA MA YIN TE 'BYUNG NGO, ,TSE DANG LDAN PA DAG BDAG SANG GTAN PA 'DIR BAR 'GYUR GYIS KHYED CAG GIS RANG RANG GI CHOS GOS RNAMS DBYUNG BAR BYA'O ZHES TSOGS PA LA BRJOD PAR BYA'O ZHES BYA BA NI DE NYID KYI TSIG GIS SHES PAR BYA STE, SANG 'DING BAR 'GYUR BA NYID LA 'DI BRJOD PA'O, ,'O NA CHOS GOS GZHAN BYIN GYIS BRLAB PA ZHES BYA BA DE 'DON PA LA 'JUG PA GRUB PA DE BAS NA BRJOD PA 'DI DON MED DO ZHE NA BRJOD PAR BYA STE, KHA CIG MI MKHAS PA DANG MKHAS PA DAG DRAN PA BRJED NGAS PA 'BYUNG STE DE'I DON DU 'DI BYA'O, ,'DU BA'I SKABS RJES SU BSGRUB PAR BYA'O ZHES BYA BA NI GDING BA'I DON DU DGE 'DUN GANG 'DU BA GANG YIN PA DE'I SKABS 'DI NI GNAS MAL BSHAM PA DANG, GAnd'I BRDUNG BA DANG DRIS PA'I TSIG GIS YANG DAG PAR BSGO BA RNAMS LA STE 'DING BAR BYED PA POS BSGRUB CING 'DING BAR BYED PA YANG DAG PAR BSKO BA DANG, DE MA THAG PA'I BLO GDING BA GDING BA'I DON DU GANG ZHIG CES BYA BA DER RTOGS PA'O, ,DRI DANG ME TOG GIS MCHOD CING BDUG SPOS DRI ZHIM POS BDUG PA DU MA GZEB KYI SPROG MAR LHAN CIG GZHAG PA THOGS TE, RGAN RIMS SU 'DUG PAS GDING BA BSGRUB PAR BYA'O ZHES BYA BA NI KHA CIG DU MA ZHES BYA BA NI CHOS GOS GSUM MO, ,GCIG TU ZHES BYA BA NI GZEB KYI SPROG MAR GNAS PA THOGS TE'O, ,DU MA NI CHOS GOS PHRUGS GSUM STE GZHAN DU NI MA YIN NO, ,DUS GANG GI TSE ZHE NA, DE'I PHYIR CHOS BCU DRUG LA'O ZHES BYA BA SMOS TE, TSES BCU DRUG GI NANG BAR RO, ,ZLA BA GANG GI TSE NA ZHE NA, DE'I PHYIR STON ZLA 'BRING PO'I 'O, ,LAN GSUM BZLAS PAS SO ZHES BYA BA SMOS TE, CI ZHAG LAN GSUM DU BZLAS PAS SHE NA, DE'I PHYIR GDING NGO ZHES BYA BA SMOS TE, BTING NGO ZHES BYA BA'I SNGAGS 'DI MTSON PA TZAM MO, ,DGE SLONG RE RE'I MDUN DU 'DUG STE BTING NGO ZHES GO BAR BYA BA NI DGE SLONG DGE SLONG GI MDUN DU 'DUG STE BTING NGO ZHES BYA BAR RIG PAR BYA'O ZHES BYA BA 'DI YANG SNGAGS KYI MTSON PA TZAM YIN NO, ,CI'I PHYIR YANG DE GDING BA LTAR LHAN CIG NYID KYIS DGE 'DUN LA

114b

ZHU BAR MI BYA ZHE NA, BYE BRAG TU CHER 'BYUNG BA NYID GRUB PA YOD MOD CES BYA BA MTHONG BA YIN NO, ,GZHAN GYIS NI LEGS PAR BTING NGO, ,SHIN TU BTING NGO, ,'DI LA RNYED PA DANG PHAN YON GANG YOD PA'I BDAG GI YIN NO ZHES SO ZHES BYA BA NI GANG GI MDUN DU GNAS PA'I GDING BA POS BTING NGO ZHES BYA BA ZHUS PA DE NI 'DIR GZHAN NO, ,'DI LA RJES SU YI RANG BA NI NYAMS SU MYONG BA DANG 'DRA'O ZHES BYA BA NI JI LTAR SO SOR NYAMS SU MYONG BA DE NI BTING BA'I BYED PA 'DI BSKYED PA NYID DE, DE BZHIN DU SO SOR NYAMS SU MYONG BAR MA BYAS PA NYID 'THOB STE, 'DI LA RJES SU YI RANG BA ZHES BYA BA'I DON TO, ,'DIR GZHUNG NI MA MO LAS, DE THOS NAS LEGS PAR BTING NGO, ,SHIN TU BTING NGO ZHES RJES SU YI RANG BAR BYED PA DE DAG GIS KYANG GTAN PA BTING BAR BRJOD PAR BYAS SO ZHES GSUNGS PA YIN NO, ,GANG GIS DE'I RJES SU YI RANG BAR BYED PA DE NI LAS NYAMS SU MYONG BA DANG 'DRA BAR 'GYUR ZHE NA, DE'I PHYIR MNGON SUM DU GYUR PAS SO ZHES BYA BA SMOS TE, DE BTING BA'I PHYIR TSOGS PA BYIN PAS SO ZHES DON GYIS SHES PA'O, ,GDING BA PO'I PHYIR BTING BA'I CHOS GOS DE JI LTAR YONGS SU BRKYANG BA'I CHO GA BSHAD PAR BYA STE, DE'I PHYIR DUS DUS SU BSANG BAR BYA BSRANG BAR BYA SPRUG PAR BYA'O, ,KHYIM DU BA CAN DANG RDUL CAN DU GZHAG PAR MI BYA'O ZHES BYA BA'I DON TO, ,RGYAL PO'I PHO BRANG DU GZHAG PAR MI BYA'O ZHES BYA BA NI GZHAG PAR MI BYA'O ZHES BYA BAR SBYAR RO, ,DE DANG BRAL BAR MI BYA'O ZHES BYA BA LA, DE DANG ZHES BYA BA NI CHOS GOS SRA BRKYANG NGO, ,KHYER TE GZHAN DU 'GRO BAR MI BYA'O, ,MI GTZANG BA'I SKYABS SU 'JUG PAR MI BYA'O; ,BLA GAB MED PAR 'DUG PAR MI BYA'O ZHES BYA BA NI DE DAG GNYIS KA LA YANG KHYER TE ZHES BYA BAR SBYAR BA'I TSIG GO, ,GANG DU DE KHYER TE 'GRO BA DANG GNAS PA BKAG PA DER DE LAS BZHAG PA YANG BKAG PAR SHES PAR BYA'O, ,'DING BAR BYED PA PO LAS GZHAN GYIS GZHAG PA DANG, 'CHANG BA DANG KHYER BAR MI BYA'O ZHES BYA BA DE YANG 'DIS BYAS PA RIG PAR BYA'O, ,GDING BA DE JI LTAR BRKYANG BA BSHAD ZIN TO, ,DA NI DBYUNG BA BSHAD PAR BYA STE, DE'I PHYIR DBYUNG BA NI RNAM PA GNYIS TE, RANG 'JUG PA DANG BRAL BA DANG BCOS MA'O ZHES BYA BA SMOS TE, GANG ZHIG DBYUNG BAR GYUR PA NA RANG 'JUG PA

115a

, ,STE; GTAN PA DBYUNG BA 'GRUB PAR 'GYUR BA DE RANG NYID KYIS BYED RGYU MED PAR 'JUG PAR NYE BAR 'GRO BZHIN PA'O, ,'JUG PA JI LTAR 'GRUB PAR 'GYUR ZHE NA, DE'I PHYIR RANG 'JUG PA DANG 'BRAL BA NI GTAN PAS MTSAMS GZHAN DU PHYIN PA DANG, BYIN GYIS RLOB PAR BYED PA MED PAR MTSAMS KYI NANG DU SKYA RENGS 'CHAR BA DANG, DE'I DKYIL 'KHOR KYI KHONGS SU GTOGS PA 'CHANG PA'O ZHES BYA BA SMOS TE, GNAS SKABS GSUM PO 'DI DAG LA 'BYUNG STE, GTAN PA MTSAMS KYI GNAS GZHAN DU PHYIN PA DANG, MTSAMS GANG DU DE BTING BA'I MTSAMS DER BYIN GYIS RLOB PAR BYED BA'I DGE SLONG THAMS CAD MA LUS PA MED PA DER SKYA RENGS SHAR BA DANG, BYIN GYIS RLOB PAR BYED PA'I DGE 'DUN KYI MTSAMS KYI DKYIL 'KHOR GYI KHONGS SU GTOGS PA DE DAG GANG LA RGYUN CHAD BA'I GNAS SKABS NA'O, ,DBYAR GYI GNAS KYI RJES SU 'JUG PAR GYUR PA'I GTAN PA GDING BA GANG YIN BA'O; ,GANG GI PHYIR JI LTAR DE'I ZHING LAS GZHAN PA'I GNAS SU MI 'BYUNG BA DE BZHIN DU DBYUNG BA YANG ZHING GZHAN DU GNAS PA NYID NA 'JIG PAR 'GYUR BA'O, ,DE LAS THAMS CAD LA BAG YANGS SU GNAS PA GANG YIN PA DE NYID DANG, DE'I PHYIR BYIN GYIS RLOB PAR BYED PA MED PAR 'DI LA RGYUN GCOD PAR BYED PA DE LA 'BRAL BA'I SPANG BA NYID DER ZHING MA YIN BA NYID KYI PHYIR JI LTAR MI 'BYUNG BA DE BZHIN DU 'JIG PA'O, ,DE RNAMS LA 'DI'I RGYAS PA NYID GANG YIN PA DE LA YANG DE RNAMS LA 'DI 'JIG PA STE, GANG ZHIG DKYIL 'KHOR GYI KHONGS SU GTOGS PA DES RNAM PAR RGYUN CHAD PA'O, ,DE'I PHYIR MA LTA BU'I TSIG DRUG NI SBYOR BAS 'GRO BA DANG, NGES PAR 'BYED PA DANG, MTHAR THUG PAR GYUR PA DANG, ZHIG PAR GYUR BA DANG, BSAM PA'I RGYUN CHAD PA DANG, MTSAMS LAS 'DA' BA'O ZHES BYA BA SMOS TE, DE DAG NI DE'I DKYIL 'KHOR GYI KHONGS SU GTOGS PA CHAD PA ZHES BYA BA DE'I BYE BRAG TU BSHAD PAR GYUR PA DAG YIN NO, ,DA NI DE BSHAD PAR BYA STE DE'I PHYIR DE LA DE'O ZHES BYA BA SMOS TE, GANG ZAG GANG DE RNAM PAR RGYUN CHAD PA'I RGYU MTSAN SPYOD PA BYED PA DE BAS NA 'DIR DE LA DE'I DKYIL 'KHOR GYI KHONGS SU GTOGS PA RNAM PAR RGYUN CHAD PA LA SO SOR DBYUNG BA YANG DAG PAR GNAS PA'O, ,DGE

115b

'DUN THAMS CAD LA NI DE RNAM PAR MI GZHAG STE DE LTAR SNGA MA RNAMS LA'O, ,DE'I PHYIR MTSAMS 'DAS PA NA DE 'GRUB PA'O ZHES BYA BA SMOS TE, DE ZHES BYA BA NI RNAM PAR 'CHAD PA'O, ,CI GANG YANG RUNG BAS MTSAMS LAS 'DAS NA 'AM ZHE NA, MA YIN TE, DE'I PHYIR PHYIR MI 'ONG BA'I SEMS KYIS SO ZHES BYA BA SMOS TE, YANG PHYIR 'ONG BAR BYA'O SNYAM DU GNAS PA'I SEMS KYIS NI MA YIN NO, ,MTSAMS KYI PHYI ROL DU DE SKYES NA YANG NGO ZHES BYA BA NI MTSAMS KYI PHYI ROL DU SON PA NYID NA PHYIR MI 'ONG BAR NGES PA'I SEMS DE SKYES NA YANG, DE'I TSE RNAM PAR 'CHAD PAR 'GYUR BA 'DI 'GRUB PA'O, ,CHOS GOS BYA BA'I BSAM PAS RJES SU 'BREL BA MED NA DE'I TSE NYID NA'O, ,YOD NA BYED PAR 'GYUR PA NYID CHAD NA'O, ,CHOS GOS BYA'O SNYAM PA'I BSAM PA YOD NA'O, ,DKYIL 'KHOR DE DANG 'BREL BAR GYUR PA DANG, LHAG MA DANG BCAS PAR GYUR PA DANG, RNAM PAR CHAD PA LA YONGS SU MA BTANG BAR GYUR PA'O; ,GAL TE 'DIS 'BREL PA LA RJES SU 'GRO BA NYID GCIG PAR GYUR PA MED PAR GYUR PA DE NYID KYI TSE, MTSAMS LAS 'DA' BAR BYED PAS SLAR MI 'ONG BA'I SEMS SKYES PA'I DUS DAG NYID DU RNAM PAR 'CHAD PAR 'GYUR BA DE 'GRUB BO, ,'ON TE MED PAR GYUR NA GANG GI TSE CHOS GOS BYA BA'I BSAM PAS RJES SU 'BREL PA CHAD PAR GYUR PA DE'I TSE, RNAM PAR CHAD PAR GYUR PA DE RJES SU 'GRUB PAR 'GYUR RAM ZHE NA, MA YIN TE, DE'I PHYIR PHYIR 'ONG NA YANG NGO ZHES BYA BA SMOS TE, GTAN PA BTING BA'I MTSAMS SU PHYIR 'ONG NA YANG CHOS GOS BYED PAR 'GYUR BA'I BSAM PA NYID RGYUN CHAD PAR GYUR NA DE'I TSE RNAM PAR CHAD PAR 'GYUR RO, ,PHYIR 'ONGS NA YANG RNAM PAR CHAD PAR 'DI ZHES BYA BA DE'I PHYIR DBYUNG BAS 'GRUB PAR MI BYA'O SNYAM DU 'GA' ZHIG 'DOD PAR 'GYUR BA DE'I DON DU MDO 'DI YIN NO, ,PHYIR 'ONGS PA NYID LA YANG BYED PAR 'GYUR BA NYID CHAD NA'O ZHES GANG SMOS PA DE LA DBYUNG BA NYID YOD PAR 'GYUR RO, ,BYED PAR 'GYUR BA'I MTHAR THUG PA DANG, BRTZAMS PA ZHIG PA DANG, BSAM PA'I RGYUN CHAD PA GSUM LA DE GNAS SO ZHES BYA BA NI CHOS GOS BYA'O SNYAM DU BSAMS PA GANG YIN BA DE MTHAR THUG PAR 'GYUR BA STE, DE'I RE BA CHAD PA DANG, BRTZAMS PA ZHIG BAR GYUR

116a

, ,BA DANG BSAM PA'I RGYUN CHANG PAR GYUR PA ZHES BYA BA GSUM PO DE LA BYED BZHIN BA NYID DU DE LA RNAM PAR CHAD PA GNAS PA'O, ,YID GNYIS NI NGES PAS 'BYIN BAR BYED PA DANG 'DRA'O ZHES BYA BA NI GANG ZHIG 'DI PHYIR MI 'ONGS BA'I SEMS KYI BDAG NYID CAN GTAN PA DBYUNG BA SGRUB PAR BYED PA'I NGES PAR SMOS PA DE DANG 'DRA BAR YID GNYIS NI CI ZHIG 'ONG BAR BYA BA'AM, ,'ON TE PHYIR 'ONG BAR MI BYA SNYAM PA DE LTA BU'I SEMS GCIG TU MA NGES PAR MTSAMS LAS 'DA' ZHING 'GRO BA DANG, MTSAMS KYI PHYI ROL DU SON PA NA DE LTA BU'I SEMS BSKYED PAS KYANG RNAM PAR CHAD PA 'GRUB PAR 'GYUR RO, ,JI LTAR 'BREL BA MED PA LA RAB TU DBYE BAR GYUR PAR 'DI LA CHOS GOS BYA'O SNYAM PA'I NGES PA GANG YIN BA 'BREL BA MED PAR DBYUNG BA 'GRUB PAR BYED PA MA GSUNGS PA DE BZHIN DU, 'DI LTA BU'I BLO CI CHOS GOS BYA BA'AM 'AN TE CHOS GOS MI BYA SNYAM DU DE LTA BU'I SEMS GCIG TU MA NGES PAS MTSAMS LAS 'DA' ZHING 'GRO BA DANG, MTSAMS KYI PHYI ROL DU SON BA NA DE LTA BU'I SEMS SKYES PAS KYANG CHOS GOS BYA BA'I BSAM PAS 'BREL BA MED PAR 'GRUB PAR 'GYUR RO ZHES BYA BA'I DON TO, ,'DIR GZHUNG NI, MTSAMS KYI PHYI ROL DU 'GRO BA NA DE 'DI SNYAM DU CI'I PHYIR PHYIR 'ONG BAR BYA ZHING CHOS GOS BYA BA 'AM, 'ON TE MI 'ONG BAR MI BYA SNYAM DU SEMS PAS MTSAMS LAS 'DAS PAR BYED NA, DE'I GTAN PA DBYUNG BA 'BYUNG BA RANG 'JUG PA DANG BRAL BA NI, MTSAMS LAS 'DAS PA'I MTHA' LAS BYUNG BA YIN NO ZHES GSUNGS PA YIN NO, ,GAL TE YANG 'ONG BA'I PHYIR YID GNYIS KYIS 'DI LA SLAR 'ONG BA'I SEMS DANG LDAN PA NYID NI YID GNYIS SU BYED PA'I PHYIR, 'BREL BA MED PAR LDAN BA NYID DE DE BZHIN DU 'DIR MTSAMS LAS 'DA' BAR BYED PA LA GTAN PA DBYUNG BA 'GRUB PA SBYOR BA LAS TE, GZHAN DU NI MA YIN TE DE NI SONG ZIN TE, DA NI DBYUNG BA DRUG PO DE RNAMS 'DIR BSHAD PAR BYA STE, BYED PA'I BSAM PA MED PAR PHYIR MI 'ONG BA'I SEMS KYIS MTSAMS LAS 'DA' BAR BYED NA 'GRO BA'I MTHA' CAN GTAN PA DBYUNG PAR BYA'O, ,YID GNYIS KYIS BYED PA'I PHYIR PHYIR MI 'ONG BA'I SEMS DANG THE TSOM GYI SEMS SAM MTSAMS LAS 'DA' ZHING BYED DU 'JUG PA'I BSAM PA MED PAR

116b

PHYIR 'ONG BA LA THE TSOM ZA BA'I SEMS KYI MTSAMS KYI MTHAR 'DAS PA DANG, MTSAMS KYI PHYI ROL DU SON PA NA PHYIR MI 'ONG BA'I SEMS BSKYED PA'AM, PHYIR 'ONG BA LA THE TSOM ZA BA'I SEMS BSKYED PA LA BSAM BAS RJES SU 'BREL BA MI SKYED CING MTHAR THUG PAR GYUR BA'I MTHA' DANG, NGES PAR KHAS BLANGS PA MTHAR THUG PA ZHES BYA BA'I DON TO, ,RJES SU 'BREL BA YOD CING PHYIR MI 'ONG BA'I SEMS SAM THE TSOM ZA BA'I SEMS KYIS 'DA' BA DANG, MTSAMS KYI PHYIR ROL DU 'DI DAG SKYED PA LA GAL TE BSAM PA'I RGYUN CHAD PAS BYED PAR GYUR PA NYID LAS BSAM PA RGYUN CHAD PA LA RNAM PAR CHAD PAR 'GYUR RO, , 'O NA BRTZAMS PA ZHIG PA'I MA GANG ZHE NA, BRTZAMS PA ZHIG PA'I MTHA' CAN NO, ,YANG NA RDZOGS SHING ZIN PA'I MTHAR THUG CES BYA BA RANG 'JUG PA DANG BRAL BA SRA BRKYANG DBYUNG BA RNAM PAR DBYE BAR BYAS SO, ,DA NI BCOS MA BRJOD PAR BYA STE, GANG YANG RUNG BA'I RNAM PAR BSGRUB PAR BYA'O ZHES BYA BA NGES PAR MA BYAS PA NYID KYI PHYIR RNAM PAR NGES PA BRJOD PAR BYA STE, DE'I PHYIR LAS LAS GZHAN PA'I BYA BA RJES SU BSGRUB PAR MI BYA'O ZHES BYA BA SMOS TE, CI SLAR RNAM PA GZHAN 'DI ZLOG PA SGRUB PAR BYED PA GANG GI PHYIR GZHAN BYED PA RNAMS LA GZHAN SMOS TE, LAS LA RNAM PA GZHAN GYIS 'DI BSKYED PA MA YIN ZHES BYA BA'O, ,'DI LTAR SEMS BSKYED PA BRTAN POS KYANG 'GRUB PA'I PHYIR RO, ,SLAR GANG ZHIG DBYUNG BA'I LAS 'DI LA DUS NAM YIN ZHE NA, DE'I PHYIR DE'I DUS NI DPYID ZLA RA BA'I NYA LA'O ZHES BYA BA SMOS TE, DGE SLONG MA'I RNAM PAR 'BYED PA LAS, DUS MA YIN BAR GTAN BA DBYUNG BAR MI BYA'O ZHES GSUNGS PA YIN NO, ,GTAN PA DBYUNG BA'I DUS MA YIN PA GANG ZHE NA STON ZLA 'BRING PO'I NYA NAS DPYID ZLA RA BA'I NYA'I BAR DU GTAN PA DBYUNG BAR CHOS GOS GTAN PA GDING BA'I DUS MA YIN PA 'DI'O, ,DE MAN CHAD NI DUS TE, DUS SU GTAN PA DBYUNG BAR BYA BA SMOS NA SRA BRKYANG DBYUNG BA'I DUS GANG ZHE NA, DE'I PHYIR DPYID ZLA RA BA'I NYA LA'O ZHES BYA BA MNGON BAR BRTEN PA'O, ,DE'I RJES LA SNGA MA'I TSES BCU BZHI'I MTHA' CAN DPYID ZLA RA BA'I MTHA' CAN NYID KYIS SO, ,MOD LA'O ZHES BYA BA NI LO GNYIS PA LA SOGS PA DANG 'BREL BA'I DPYID ZLA RA BA'I NYA THAL BAR GYUR PA

117a

, ,BSAL BA'I PHYIR TSIG 'DI SMOS TE, DBYAR DE NYID KYIS BAR DU MCHOD PA'I MOD LA STE, DBYAR GZHAN NI YIN NO ZHES BYA BA'I DON TO, ,'DIR SNGAGS NI MING DE LAS DUS THAMS CAD PA DUS KYI GZHUNG 'DIR DGE 'DUN GYIS GSAN PA MDZOD CIG ,'DI LTAR GNAS 'DIR DGE SLONG GI DGE 'DUN GYIS GTAN PA BTING BA LAS DE'I RJES SU 'JUG PA'I DUS TSES BCO LNGA LAGS TE, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, GANG GI PHYIR DGE 'DUN GYIS GTAN PA 'BYIN PAR MDZAD DO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, JI SRID GNAS 'DI DGE SLONG GI DGE 'DUN GYIS GTAN PA BTING BA LAS DE'I RJES SU 'JUG PA'I DUS TSES BCO LNGA LAGS TE, DE'I BSLAD DU DGE SLONG GIS GTAN PA 'BYIN NO, ,GTAN PA 'BYIN PAR TSE DANG LDAN PA GANG DAG BZOD PA DE DAG NI CANG MA GSUNG SHIG GANG DAG MI BZOD PA DE DAG NI GSUNGS SHIG CES LAN GSUM BZLAS PAS DGE 'DUN GYIS BZOD CING GNANG NAS DGE 'DUN GYIS GTAN PA PHYUNG LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,BCOM BA'I DON NYID DU NI SNGAR YANG NGO ZHES BYA BA NA, DE DUS YIN NO ZHES BYA BAR SBYAR TE, NYI MA DE NYID LA ZHES BYA BA'I TSIG GIS GSO SPYONG GI NYI MA'I BDAG NYID CAN NI SNGAR GYI DUS KYI DE YIN TE, SNGAR NI SNGON DU BYA BA'O, ,DER NYAMS SU MA MYONG BA DANG LDAN PA LA NI MA THOS KYI BAR DU PHAN YON RJES SU 'JUG GO ZHES BYA BA LA MA THOS KYI BAR DU ZHES BYA BA NI MTSAMS KYI NANG NGAM PHYI ROL DU 'DUG PAS SO, ,DE NI 'DIR GTAN PA DBYUNG BA THOS PA'I MTHA' LAS BYUNG BA SNGAR KYI DUS SO, ,GTZUG LAG LAS, GANG GIS DE NYAMS SU MYONG BAR MA GYUR PA DE SRID DU 'DI MA THOS KYI BAR DU 'JUG GI THOS NA NI LDOG GO, ,CI GNAS SKABS THAMS CAD DU MA THOS KYI BAR DU PHAN YON DE RJES SU 'JUG GAM ZHE NA, DE'I PHYIR RJES SU 'BREL BA MED NA'O ZHES BYA BA SMOS SO, ,GZHAN DU JI SRID PHAN YON RJES SU 'JUG CE NA, DE'I PHYIR YOD NA MA CHAD KYI BAR DU ZHES BYA BA SMOS TE, RJES SU 'BREL BA YOD PA NYID MA CHAD KYI BAR ZHES BYA BA'I DON TO, ,'DIR GZHUNG NI ZHU BA LAS

117b

GTAN PA DBYUNG BA THOS PA'I MTHA' LAS BYUNG BA GANG ZHE NA, GANG ZHIG MTSAMS KYI PHYI ROL DU SHAN MED PA'I RGYUD KYI THOS PA DANG, GOS LA RE BA CHAD PA DANG, SHAN YOD PAS GOS ZIN PAR GYUR BA DANG, GAL TE GOS LA RE BA YOD PA DANG, GOS KYANG RUNG STE BRTZAMS PA NI SHAN GYI RGYUN YONGS SU YANG DAG PAS BRJOD PAR BYA BA STE, DE BZHIN DU DE 'JUG GO ZHES GSUNGS PA YIN NO, ,DNGOS PO BSDUS BA NI BRDA BSHAD KYIS CHOG STE ZHES BYA BA DE'I RNYED PA 'BYUNG BA MTHONG BA YOD KYANG RNYED PA BRTZAMS PA NYID LA YANG GOS GNANG BZHIN PA NYID LA 'DI NI MTHAR THUG BA'O, ,DE GNYIS NI MTHAR THUG PA'I MTHA' LAS BYUNG BA DANG, RE BA CHAD PA'I MTHA' LAS BYUNG BA 'DIS RNAM PA GZHAN GNYIS YIN NO, ,ZHIG PAR 'GYUR BA MTHA' LAS BYUNG BA'I RNAM PA GZHAN YANG 'DIR 'BYUNG BAR RIG PAR BYA'O, ,MA BYUNG NA THAMS CAD KYIS DE'I DUS KYI RNYED PA BGO BAR MI BYA'O ZHES BYA BA GTAN PA'I CHOS GOS DE MA BYUNG NA STE; DNGOS PO ZHUGS PA LA NI MA YIN NO, ,CHOS GOS DE NI GZHAN DAG GI LA GTER GYI GNAS LTA BU YIN PAS, GANG GI TSE 'DING BAR BYED PA THAMS CAD KYIS DE PHYUNG BAR 'GYUR BA DE'I TSE NA GTAN PA BTING BA'I DUS LAS BYUNG BA'I RNYED PAR BGO BAR BYA'I, ,DE MA PHYUNG BA'I SNGON ROL DU NI MA YIN NO ZHES BYA BA 'DIR STON TO, ,GZHIR GTOGS PA'I SRA BRKYANG GI GZHI'O, ,STON ZLA 'BRING PO'I ZHES SMOS PAS STON ZLA 'BRING PO'I CHOS BCU DRUG LA GTAN PA BTING BA'I DUS YIN NA SHOL GYI ZLA BA NI RGYAL PO'I RJES SU 'BRANG BAR BYA'O ZHES SMOS PAS DE'I RJES SU 'BRANG BA LA MNGON PAR BRTEN PAR THAL BA'I BRJOD PAR BYA STE, DE'I PHYIR DGAG DBYE BA JI LTA BA BZHIN DU GDING NGO ZHES BYA BA SMOS TE, 'DIR DGAG DBYE'I SGRAS NI DUS NYE BAR MTSON PAR BYED PAR RIG PAR BYA'O, ,JI LTAR DGAG DBYE'I DUS SU ZHES BYA BA'O, ,DE LTA BAS NA RTZOD PAR BYED PA'I DBANG GIS SNGON DU DGAG DBYE BYED PA LA DE'I 'OG TU GTAN PA BTING BA 'DIS BYA BA NYID DU STON PA'O, ,DE YANG 'DIR DE'I TSE STON ZLA 'BRING PO'I CHAS BCU DRUG LA ZHES BYA BA'I TSIG GIS SO, ,GANG GI PHYIR GZHAN DU DUS DE LA NGES PAR MI 'GRUB PA'O, ,GSO SBYONG GI MTHA' MA YIN BA LA MI BYA'O ZHES BYA BA NI, GTAN PA GDING BA NI ZHES BYA BAR SBYAR TE,

118a

, ,GSO SBYONG DANG NYE BAR GYUR BA'I DUS SU 'DIR NI THA MA'I SGRA'O, ,GSO SBYONG GI MDUN ROL DU GTAN PA DBYUNG BAR MI BYA'O ZHES BYA BA'I DON TO, ,DBYUNG BA YANG NGO ZHES BYA BA NI GSO SBYONG THA MA YIN BA LA MI BYA STE, GTAN PA DBYUNG BA YANG GSO SBYONG NYID BYAS NAS RJES SU BSGRUB PAR BYA'O ZHES BYA BA LA 'DIR DE BYED PA'O, ,TSES BCU DRUG LA YANG 'DIR NYE BA NYID DU SHES NA NI BCU DRUG GI DE'AM, TSES BCO LNGA GTAN PA DBYUNG BAR THAL BAR 'GYUR BA BSAL BA'I PHYIR, 'DI NI NYI MA DE NYID KYI'O ZHES BYA BA SMOS TE, GTAN PHA DBYUNG BA 'DI NI GSO SBYONG GI NYI MA TSES BCO LNGA LA DBYUNG BA YIN GYI; TSES BCU DRUG LA DBYUNG BA NI MA YIN NO ZHES BYA BA'I DON TO, BRTZAMS PA 'DI NI DUS MA YIN BAR DBYUNG BAR CHED DU BYAS PA YIN PAR RIG PAR BYA STE, GZHAN LA NI NGES PA YOD PA'I PHYIR RO, ,GSO SBYONG MA BYAS PAR GTAN PA GDING BA MI 'BYUNG NGO ZHES BYA BA SHES BZHIN DU GSO SBYONG GI MTHA' MA YIN PA LA ZHES BYA BA 'DI LAS GSO SBYONG BYA STE GTAN PA GDING BAR BYA ZHING YANG DGE SLONG GZHAN BYUNG NA YANG GSO SBYONG BYED PA LA JI LTAR BSGRUB PAR BYA ZHE NA, DE'I PHYIR YANG GSO SBYONG BYAS NA PHYUNG BA NYID YIN NO ZHES BYA BA SMOS TE, 'DIS KYANG RNAM PA GZHAN GYIS DBYUNG BA RANG 'JUG PA ZHES BYA BAR RIG PAR BYA'O, ,BTING NAS BYE BA DAG LA NI DE THA DAD PAR 'GRUB PO ZHES BYA BA NI, GTAN PA BTING BA NAS BYE BA DAG LA NI DE DAG THA DAD PAR DBYUNG BA 'DI LA 'GRUB PO, ,'DI LA GDING BA GCIG YIN BA'I PHYIR PHYOGS GCIG GIS PHYUNG NA PHYOGS CIG SHOS KYIS KYANG PHYUNG BA NYID MA YIN NO, ,GANG GIS GANG TSE DE LA PHYUNG BA'I LAS BYAS PAR 'GYUR BA DE'I TSE 'DI LA 'DI ZHES BYA BA'I DON TO, ,CHOS SMRA BA DAG YOD PAS DE GDING NGO ZHES BYA BA LA, DE ZHES BYA BA'I SGRAS NI CHOS SMRA BA PO BSDUS PA STE, GNAS GANG NA DE YOD PA'O, ,CHOS SMRA BA DANG BCAS PA'I GNAS LA CHOS SMRA BA PO RNAMS LA RANG BYUNG BA GDING BA ZHES BYA BA 'DIR DON TO, ,CHOS SMRA BA PO DES NI DBANG BYED PA NYID YIN PA'I PHYIR TE, DE RNAMS KYI GNAS KYI RGYU LAS DE'I DON GYI PHYIR BSTAN PA'O, ,DE LTA BAS NA MA CHOG PA DANG SHIN TU MA CHOG PA RNAMS LA MI SKYED PA LAM BYAS PA NYID DU'O, ,DE LTAR NA YANG BYAS PA NYID KYANG GZHAN RNAMS KYI ZHES BYA BA'I

118b

TSIG GIS SO, ,'DIR GZHUNG YANG DE BZHIN DU STE, DBYAR GNAS PA'I DGE 'DUN BYE NA GANG GIS GTAN PA GDING BAR BGYI, GANG DAG CHOS SMRA BA DAG GIS SO ZHES GSUNGS PA DANG, LAM NAS DRANGS PA RNAMS LA RANG BZHIN DU GNAS PA'I GNAS KYI GTAN PA GDING BAR BYED PA DE, SPANGS PA RNAMS SRA BRKYANG MA BTING BA ZHES BRJOD PAR BYA'O ZHES GSUNGS PA YIN NO, ,DGE SLONG BRAM ZE'I BU MOS ZHUS PA LAS KYANG, DGE 'DUN BYE NA SUS GTAN PA BTING BAR BGYI BKA' STZAL PA, CHOS SMRA BA DAG GIS TE, CHOS SMRA BA DES NI DBANG BYED PA NYID YIN BA'I PHYIR TE, THAMS CAD LA YANG GDING BA 'BYUNG BAR NI 'GYUR TE ZHES GSUNGS PA YIN NO, ,'DI NYID NI DBANG DU BYED PA LA DGONGS NAS DE BYA BA NYID DU GSUNGS SO, ,MA CHOG PA'I GNAS PA LA NI MA YIN NO ZHES BYA BA BRTZAMS PA DE LAS BSGRUB PAR BYA'O, ,DER GZHAN DAG GIS BYAS KYANG GNAS KYI RNYED PA NI DE DAG LAS 'OS PA NYID YIN NO ZHES BYA BA NI, DUS 'DIR GNAS PA LA 'DI SBYIN BAR BYA'O, ,GNAS DER GNAS PA'I DGE 'DUN LA RNYED PA 'DI'O, ,DE LTAR GNAS YONGS SU DAG PA LTAR RNYED PA DE NI GNAS KYI RNYED PA'O, ,CHOS MA YIN BA SMRA BA GZHAN DAG GIS GTAN PA GDING BA BYAS KYANG CHOS SMRA BA DE DAG LA GNAS KYI RNYED PA 'OS PA NYID YIN TE, CHOS MA YIN PA SMRA BA DAG LA NI MA YIN ZHES BYA BA'I DON TO, ,RANG BZHIN DU GNAS PA'I GNAS SU DE SPANGS PA RNAMS LA MI 'BYUNG NGO ZHES BYA BA NI, RANG BZHIN DU GNAS PA'I GNAS SU GTAN PA GDING BAR BYED PA DE BYED BZHIN PA LAS SPANGS PA RNAMS LA MI 'BYUNG NGO ZHES BYA BA'I DON TO, BSAM PA GNAS PA NI BTING BA YIN NO ZHES BYA BA LA, BSAM PA NI BSAM BA'O, ,LHAN CIG TU BYA BA LA 'DUN PA PHUL BA'I DBANG GIS LHAG MA RNAMS KYIS BYAS NA BYAS PA NYID YIN NO ZHES BYA BA NI BSAM PA GNAS PA NI BTING BA YIN LA DE DANG BRAL BA NI PHYUNG BA YIN BAS DE'I PHYIR 'DUN PA PHUL BA'I DBANG GIS NA 'BUL ZHES BYA BA SMOS PA LA, 'DI DAG MI 'BYUNG BA ZHES BYA BAR THAL BA'O, ,DE LA LAN NI 'DI YIN TE, GZHAN DAG LHAN CIG BYA BA GANG YIN BA'I BYA BAR 'GYUR BA DA GZHAN DAG GIS BYAS PA LA 'DUN PA PHUL BAR BYED PAS KYANG DE DAG BYAS PA NYID DO, ,DE 'DUN PA RJES SU

119a

, ,PHUL BAS LAM LA GNAS PAR 'GYUR ZHES BYA BA BYAS SO, ,DE BAS NA THAL BA 'DI YOD PA MA YIN NO ZHES BYA BA 'DI GLENG GZHI DAG LAS DRANGS PA'O, ,DA DANG BRAL BA NI PHYUNG BA YIN NO ZHES BYA BA LA, 'DI'I SGRAS NI BSAM PA GNAS PA DENG GZUNG BA'O, ,DE'I PHYIR 'DUN PA MA PHUL BA LA NI 'DUG TU ZIN KYANG GNYID LOG GAM SNYOMS PAR ZHUGS NA MA THOS KYI BAR DU BTING BA DANG PHYUNG BA MI 'BYUNG NGO ZHES BYA BA LA, 'DUG TU ZIN KYANG ZHES BYA BA NI, DGE 'DUN GYI NANG DU'O, ,MA THOS KYI BAR DU'O ZHES BYA BA NI, JI SRID DU GTAN PA BTING BA'AM, PHYUNG BA MA THOS KYI BAR DU'O, , GANG GI PHYIR BSAM PA GNAS PA NI BTING BA YIN LA, DE DANG BRAL BA NI PHYUNG BA YIN BA DE'I PHYIR 'DUN PA MA PHUL BA LA NI GNYID LOG GAM SNYOMS PAR ZHUGS SU ZIN KYANG THOS PA'I MDUN DU NI MA YIN NO, ,'DUG TU ZIN KYANG DE GNYIS YOD PA YIN TE, DE BAS NA BTING BA DANG PHYUNG BA 'BYUNG BA KHO NAR 'GYUR ZHES BYA BA'I DON TO, ,MTSAMS GCIG PA NYID YIN NA DER GNAS GZHAN DU GNAS PA RNAMS KYANG BTING BA'I PHYIR GNAS PA NYID YIN NO ZHES BYA BA LA DER ZHES BYA BA GANG YANG RUNG BA GCIG GI NANG NA GNAS DU MA YOD NA GNAS LA MNGON BAR BRTEN PA'O, ,DE LAS GNAS GZHAN DU BTING BA ZHES BYA BA NI, BTING BA'I PHYIR RNAM PAR GZHAG PA 'DI'O, ,MTSAMS GCIG PA'I GNAS GCIG TU DER CIG CAR DBYAR GNAS PAR KHAS BLANGS PA DAG LHAG MA RNAMS GNAS PA NYID CES BYA BA STE RNYED PA LA NI MA YIN NO, ,DBYAR RNAMS LA MTSAMS GCIG PA NYID LA GNAS DU MA'I 'OG TU DBYAR GYI NANG DU MTSAMS GCIG PA NYID DAM, MTSAMS THA DAD PA NYID DU GNAS GANG YANG RUNG BAR BTING BA'I GNAS DE THAMS CAD LA GTAN PA BTING BA NYID CES BYA BA GANG ZHIG GSUNGS PA DA 'DIS BSDUS PA YIN NO, ,DE NI BTING BA'I TSE DE NA GNAS PA DE NYID YIN NO ZHES BYA BA NI, GANG YANG RUNG BA'I GNAS DU MA NYID LAS DE'I 'DUN PAS GNAS LA MNGON BAR BRTAN PA'O, ,DE NYID GNAS 'DI YIN GYIS SNYAM DU GNAS GZHAN 'DI LA DE DANG LDAN PA NYID DE GDING BA'I DUS SU MTSAMS GCIG NA GNAS PAR GYUR NA GDING BA'I PHYIR GNAS GZHAN DU YANG BTING BAR RIG PAR BYA'O, ,DER 'DI GDING BAR BYA STE, JI LTAR

119b

GNAS GCIG PA NYID LA MTSAMS GCAD PAR BYA STE, MTSAMS 'PHEL BA LA'O, ,GDING BAR 'GYUR BA'I GNAS NYID LA GDING BAR BYA'O ZHES BYA BAR 'GYUR RO, ,DE BAS NA DER GNAS GZHAN NA GNAS PA SO SOR NYAMS SU MYONG BAR BYED CING MI 'BYUNG BA MA YIN ZHES BYA BA'I DON TO, ,DBYAR GNAS PA NYID MTSAMS GCIG TU BYED PA LA DU MA'I GNAS LA GNAS GCIG TU GTAN PA BTING BA LA GNAS LHAG MA RNAMS LA YANG GTAN PA NYID DU GSUNGS PA GANG YIN BA DE 'DIS BSDUS PA YIN NO, ,BTING NAS MTSAMS THA DAD PAR BYAS NA GANG YANG RUNG BA DE'I GNAS YIN NO ZHES BYA BA NI MTSAMS GCIG TU BTING NAS MTSAMS THA DAD PAR BYAS NA GNAS DU MA DE LAS GDING BA'I LAS BYAS PA'I GNAS GANG YIN PA DE GNAS GANG YANG RUNG BAR GZHAG NA YANG RANG GI GNAS KHON GNAS PA'I YIN NO ZHES BYA BA'I DON TO, ,GANG DU BTING BA DE NYID NI 'DI'I GNAS SO SNYAM DU DOGS PA BSAL BA'I PHYIR GTAN PA GDING BAR BYA STE, MTSAMS THA DAD DU BYED PA LA THAMS CAD LA GTAN PA GDING BA NYID CES BYA BA GANG ZHIG GSUNGS PA DE 'DIS BSDUS PA YIN NO, ,THA DAD PA NYID YIN NA GNAS SO SOR DE DBYUNG NGO ZHES BYA BA NI, MTSAMS THA DAD PA NYID YIN NA GNAS 'DI RNAMS LA GNAS SO SO SO SOR GTAN PA DE DBYUNG DGOS KYI THAMS CAD KYIS GNAS GCIG TU 'DI PHYUNG BA NYID LA GNAS GZHAN DANG 'BREL BA RNAMS KYI GTAN PA DE RANG GI GNAS SU SPO BAR BYA'O, ,YANG NA RANG GI GNAS NAS 'GA' ZHIG GTAN PA'I DRUNG DU GZHAG PAR BYA BA STE, GZHAN DU NA DE SKYA RENGS 'CHAR BA'I DUS SU DBYUNG BA 'GRUB PO SNYAM DU 'DI RNAM PAR GZHAG PAR RIG PAR BYA'O, ,GANG ZHIG SO SOR MTSAMS 'GUMS PAR BGYID CING SO SOR BYA STE, DBYUNG BA LA GNAS DE RNAMS THAMS CAD GTAN PA PHYUNG BAR 'GYUR RAM, NYE BA 'KHOR MI 'GYUR TE, GANG DAG 'BYIN PAR BYED PA DE DAG GIS NI GTAN PA DBYUNG BAR 'GYUR LA, GANG DAG 'BYIN BAR MI BYED PA DE DAG GIS NI GTAN PA PHYUNG BAR MI 'GYUR RO, ,MTSAMS GCIG PA NYID DU NI PHYUNG NA THAMS CAD KYIS GTAN PA PHYUNG BAR 'GYUR RO ZHES GSUNGS PA DE BAS NA 'DIR MDOR BYAS PA YIN NO, ,BYE BA NYID NA PHYOGS SO SO'I ZHES BYA BA NI GNAS GCIG TU

120a

, ,GTOGS PA NYID YIN NA DGE 'DUN BYE ZHING PHYOGS GNYIS SU GYUR NA PHYOGS GCIG GIS PHYUNG BA PHYOGS CIG SHOS KYIS PHYUNG PAR MI 'GYUR RO ZHES BYA BA'I DON TO, ,'DIR GZHUNG NI DGE SLONG BRAM ZE'I BU MOS ZHUS PA LAS GTAN PA BTING BA'I GNAS SU DGE 'DUN BYE NA, DER PHYOGS GCIG GAM CIG SHOS KYIS GTAN PA 'BYIN PAR BGYID NA DE DAG THAMS CAD KYIS GTAN PA PHYUNG BAR BRJOD PAR BGYI'AM, NYE BA 'KHOR MI BYA STE GANG DAG 'BYIN PAR BYED PA DE DAG GIS NI GTAN PA BYUNG BAR 'GYUR LA, GANG DAG MI BYED PA DE DAG GIS NI GTAN PA PHYUNG BAR MI 'GYUR RO ZHES GSUNGS PA YIN NO, ,MA BTING BAS PHYUNG BA NI MA PHYUNG BA MA YIN NO ZHES BYA BA NI GNAS GZHAN DU DBYAR GNAS PAR KHAS BLANGS PA GANG DAG LA GTAN PA BTING BA MED PA DAG NI MA BTING BA ZHES BYA BA STE, DE NI MA PHYUNG BA MA YIN TE PHYUNG BA NYID YIN NO, ,'DIR GZHUNG NI BTZUN PA, RE ZHIG DBYAR GNAS PA'I DGE SLONG GIS GTAN PA BTING NAS MTSAMS KYI SLANG ROL DU MCHIS SHING LTOS PA MA MCHIS PAR GYUR NA DGE SLONG GLO BUR BA DAG LHAGS TE GTAN PA 'BYIN BAR BGYID NA GTAN PA PHYUNG BAR BRJOD PAR BGYI'AM, NYE BA 'KHOR PHYUNG BAR BRJOD PAR BGYI'O ZHES GSUNGS PA YIN NO, ,DE MI 'BYUNG BA NYID KYIS KHA BSKANG DU MI RUNG BA NYID MA YIN NO ZHES BYA BA NI GANG LA DGE 'DUN GYIS GTAN PA GDING BA LA DE LA KHA BSKANG DU MI RUNG BA NYID MA YIN NO, ,'DIR GZHUNG NI CHOS GOS KYI GZHI ZHU BA LAS, BTZUN PA RE ZHIG DGE SLONG GIS GCIG TU DBYAR GNAS PAR KHAS LEN CING DES DBYAR ZLA BA GSUM PO DAG 'DAS NAS DGAG DBYE BGYIS TE DGE 'DUN LA GTAN PA GDING BA'I CHOS GOS 'BUL BAR BGYID CING DER DGE SLONG GLO BUR BDAG LHAGS SHING DE DAG GTAN PA 'DING BA'I RJES SU ZHUGS TE, DOD NA CHOS GOS DE SUS THOB PAR 'GYUR LAGS, NYE BA 'KHOR DGE SLONG DE NYID KYIS SO ZHES GSUNGS PA YIN NO, ,MA BTING BA NYID KYIS DBYUNG BAR MI RUNG BA NYID MA YIN NO ZHES BYA BA NI GANG LA GTAN PA BTING BAR MI 'GYUR BA DE LA DE 'DING BAR BYED PA'I DGE 'DUN DE LA KHA BSKANG DU RUNG BA'O, ,DGE SLONG GLO BUR BDAG 'ONGS TE GTAN PA 'DING BAR BGYID NA ZHES BYA BA 'DIR DON GYIS 'BYUNG BA DER MDOR BYAS

120b

PA'O; ,GTAN PA BTING BA SNAM SBYAR MED PAR GRONG DU 'JUG PA LA SOGS PA DANG SUM MDO TSUN CHAD DU 'DUG PA LA YANG NYES PA MED DO ZHES BYA BA NI JI SRID SUM MDO TSUN CHAD DU 'DUG PA DANG GRONG DU 'JUG PA LA SOGS PA LA YANG ZHES BYA BA'I DON TO, ,'ON KYANG 'DI NI DON LAS THOB PAS GSAL BAR BYA BA'I PHYIR MDOR BYAS PA'O, ,'DIR GZHUNG NI, BTZUN BA GTAN PA BTING BA'I GNAS NA RKYEN DU DAG BAG YANGS SU 'GYUR LAGS, NYE BA 'KHOR BCU STE, BCUG GANG ZHE NA, YANG YANG ZA BA DANG, 'DUS SHING ZA BA DANG, MA SMRAS PAR RGYU BA DANG, SMAD G-YOGS STOD G-YOGS DANG BCAS PAS CI BDER LJONGS RGYU BA DANG, MTSAN MO 'BRAL BA MED PA DANG, ZHAG BCU 'DA' BAR MED PA DANG, ZLA BA 'DA' BAR MED PA DANG, ,GOS JI TZAM GYIS CHOG PA SLONG BA DANG GOS RUNG BAR BYAS PA DAG JI TZAM 'DOD PA DAG 'CHANG BA DANG, STON ZLA 'BRING PO'I TSES BCU DRUG NAS DPYID ZLAR BA NYA'I BAR DU DBYAR GNAS PA'I DGE 'DUN GYI RNYED PA MI BGO BA'O ZHES GSUNGS PA DANG, GZHAN YANG BCOM LDAN 'DAS KYIS JI SKAD DU DGE SLONG GIS KHYIM GZHAN DU SMAD G-YOGS DANG STOD G-YOGS KYIS 'DUG PAR BYA'O ZHES GSUNGS NAS, BTZUN BA SUM MDO DANG BZHI MDO DAG TU SMAD G-YOGS DANG STOD G-YOGS KYIS MCHIS SU RUNG NGAM, NYE BA 'KHOR GTAN PA BTING PAR RUNG NGO ZHES GSUNGS PA DE GNYIS KA'I 'DIR BSDUS PA YIN NO, ,GTAN PA'I GZHI ZHU BA LA SOGS PA'I SKABS SO, ,SRA BRKYANG GI GZHI RDZOGS SO,, ,,MTSON GYIS MA DRAS PA'I GOS SPYAD PAR MI BYA'O ZHES BYA BA NI; DE LTA BAS NA DGE SLONG DAG GIS KHYIM BAG GI GOS MTSON GYIS MA DRAS PA DAG KHA DOG NGAN PAR BYA STE, BCANG BAR GNANG NGO ZHES GSUNGS PA YIN GYI KHA DOG NGAN PAR BYAS PA DANG BRAL BA LTUNG BYED DU GSUNGS PA NI MA YIN TE, LHAG MA YANG 'DI DANG NYE BAR SBYAR BA'O, ,DRAS SHING DRUBS PA CHOS GOS NYID DU BYIN GYIS BRLAB PAR BYA'O ZHES GSUNGS NA, RNAM PA GANG GIS DRUBS PA GANG ZHE NA, DE'I PHYIR SNAM PHRAN SBREL GZHI NYID DANG LHAG MA MNYAM PA NYID DANG, DBUS NAS GZHAN DU GLENGS BU'I 'PHRO PHYOGS PHYOGS SU LTA BA NYID DANG MTHA' BSKOR BA NYID DAG GIS SO ZHES BYA

121a

, ,PA SMOS TE, GDING BA SGRUB PAR BYED PA'I DUM BU RNAMS LA PHYED DANG GSUM GYI DKYIL 'KHOR NYID CES BYA BA LA SOGS PA'I CHO GA GSUNGS SO, ,DE'I PHYIR DE SRID DU SGRUB PAR BYED PA'I DUM BU'I DBANG DU BYAS NAS MDO 'DI BYAS SO, ,GLEGS BU 'PHRO BZUNG PA'I DBUS NAS SNAM PHRAN RNAMS LA LHAG MA GANG YIN BA DE NI 'DIR LHAG MA NYID DU GSUNGS SO, ,PHYOGS PHYOGS SU ZHES ZLOS BUR BYA STE, DBUS KYI SNAM PHRAN GZHAN RNAMS MNGON PAR KHYAB PAR BSGRUB PA'I DON DU SNAM PHRAN SBREL GZHI NYID DO, ,LHAG MA MNYAM PA NYID DANG DBUS NAS GZHAN GLEGS BU 'PHRO PHYOGS PHYOGS SU LTA BA NYID CES BYA BA DE'I DNGOS PO NI DE NYID DO, ,GLEGS BU'I 'PHRO PHYOGS PHYOGS SU LTA BA NYID CES BYA BA NI, RGYUD GZHAN GYI KHONGS SU GTOGS PA'I GLEGS BU'I 'PHRO DE'I DNGOS PO DANG MTHA' SKOR NYID DAG GIS SBYIN BA RJES SU SONG BA NYID DE DE LTAR RNAM PA BZHI PO 'DI RNAMS KYI ZHES BYA BA NI 'DI'I DON TO, ,JI TZAM DU GYON PA'I GOS GANG LA CHOS GOS KYI DON DU RNAM PA DE LTA BUR BYIN GYIS BRLAB PAR BYA ZHE NA, DE'I PHYIR MTHANG GOS DANG BLA GOS DANG SNAM SBYAR LA'O ZHES BYA BA SMOS TE GSUM CHAR LA YANG ZHES BYA BA'I DON TO, ,DGE SLONG MAS NI SHING DPUNG CHAD DANG RDUL GZHAN RNAM PA GANG YANG RUNG BA'O ZHES BYA BA NI 'DI DAG DANG DE MA THAG PA'I GSUM PO DGE SLONG MAS BYIN GYIS BRLAB PAR BYA'O, ,RNAM PA GANG YANG RUNG BA ZHES SMOS PA NI DRAS SHING DRUBS PA ZHES BYA BA LAS BZLOG PA'I DON DU'O, ,'DI'I GZHUNG NI PHRAN TSEGS DAG LAS, BSNYEN PAR RDZOGS PA'I CHO GA LAS CHOS GOS LNGA PO RNAMS BYIN GYIS BRLAB PAR BYA'O ZHES BYA BA LA SOGS PA DANG, DGE SLONG MA'I SO SOR THAR PA DANG, DE'I RNAM PAR 'BYED PA DAG LAS, DGE SLONG MA CHOS GOS ZIN PAS GTAN PA PHYUNG NAS, GAL TE CHOS GOS LNGA PO GANG YANG RUNG BA DAG LAS CHOS GOS GCIG DANG, NUB GCIG MTSAMS KYI PHYI ROL DU BRAL NA SPANG BA'I LTUNG BYED DO ZHES GSUNGS PA YIN NO, ,CHOS GOS LNGA PO DAG CES BYA BA NI, SNAM SBYAR DANG, BLA GOS DANG, MTHANG GOS DANG, SHING DPUNG CHAD DANG, RDUL GZAN ZHES BYA BA LA SOGS PA RNAMS SO, ,BRNYAN PO YANG YOD CING BDOG NA'O ZHES BYA BA NI, GAL TE

121b

CHOS GOS DRAS SHING DRUBS PA BRNYAN PO YANG YOD CING BDOG NA DE'I TSE YANG BYIN GYIS BRLAB PAR BYA'O, ,GAL TE MI BDOG NA NI DRAS SHING DRUBS PA MA YIN PA LA YANG BYIN GYIS BRLAB PAR BYA STE, CHOS GOS BYIN GYIS MA BRLABS PAR 'DUG PAR MI BYA'O ZHES BYA BA'I DON TO, ,DE DAG BZHAG STE SKYA RANGS 'CHAD BA 'DA' BAR MI BYA'O ZHES BYA BA NI, CHOS GOS BYIN GYIS BRLABS PA GSUM DANG 'BRAL BAR MI BYA STE, BRNYAN PO YANG YOD CING BDOG NA'O ZHES BYA BA 'DI DANG SBYAR BAS 'BREL BAR RIG PAR BYA'O, ,NYIN ZHAG 'DA' BAR BYED NA DE LTA BU'I RIGS CAN RNAMS LA 'DA' BAR BYA BA NYID DU RIGS PA DE BAS NA SKYA RENGS 'CHAR BA ZHES BYA BA SMOS TE, GZHAN MED NA KHA MA BSGYUR BA LA YANG BYIN GYIS BRLAB PA 'CHAGS SO ZHES BYA BA NI KHA BSGYUR BA MED NA CHOS GOS GSUM PO 'DI KHA MA BSGYUR BA LA YANG RNAM PAR RTOG PA DOR NAS BYIN GYIS BRLAB PA'O, ,DE LA DOR BAS DOGS PA LA GO SKABS NYID DO, ,KHA BSGYUR BA NYID LA YANG 'DI 'CHAGS PAR 'GYUR RO ZHES BYA BA MED PAS RAB TU MA RNYED PA LA KHA MA BSGYUR BA'I DON LA RUNG BAS CI ZHIG BSGYUR BAR BYA STE, 'DIR YANG DOGS PA MED BA KHO NA'O, ,GANG GI PHYIR LONGS SPYOD PA LA KHA BSGYUR BA NYID DANG, YAN LAG GI NGO BOR RUNG BA LA LONGS SPYOD PA'I NGES PA LA YAN LAG NYID DO, , KHA BSGYUR BA NYID NI RUNG BA'O, ,DE LTAR YANG DKAR PO'I BYA BA NYID BSAL BAS DON 'DI RUNG BA'I GZHI BYED PA MA YIN NO, ,DE LTA BAS NA KHA MA BSGYUR BA LA YANG BYIN GYIS BRLAB PA 'CHAGS PAS NA DON 'DI BYAS SO, ,MA DRAS PA LA YANG NGO ZHES BYA BA NI GZHAN ZIN PA LA YANG BYIN GYIS BRLAB PA 'CHAGS SO, ,DE DRANG BA'I DON DU YANG GI SGRA'O, ,'DIR GZHAN ZIN PA NI DRAS BA GZHAN MA ZIN PA'O, ,DE LA GAL TE 'BYOR NA LHAN THABS GLAN NO ZHES BYA BA DE LA ZHES BYA BA NI MA DRAS PA LA'O, ,GZHAN MA ZIN PA BYIN GYIS BRLAB PAR 'DOD PA DANG, BYIN GYIS BRLAB PA LA DE'I TSE GZHAN MA ZIN PA LA'O; ,GAL TE 'BYOR NA ZHES BYA BA NI LHAN THABS GLAN PA SBYIN PAR BYA'O, ,KHYIM DU RUNG BA'I RNAM PA LA YANG NGO ZHES BYA BA NI, GZHAN ZIN PA MED NA BYIN GYIS BRLAB PA 'CHAGS PA'O ZHES BYA BA 'DI LA YANG GI SGRAS NI DGUG PA'O, ,KHYIM DU RUNG BA'I RNAM PA 'DI LA YOD PAS NA KHYIM DU RUNG BA'I RNAM

122a

, ,PA'O; ,RUNG BAS KYANG DGE SLONG GI CHOS GOS KYI RNAM PA NYID DU MA RED PA ZHES BYA BA'I DON TO, ,PHYING BA DANG LA BA DANG BE'U PHRUG DANG KLAM DANG SENGS PA RNAMS NI MI DRA BAR LHAN THABS SU KLAN ZHING DRUB PO ZHES BYA BA NI CHOS GOS NYID DU BYIN GYIS BRLAB PAR BYA'O, ,SPU CAN NI CHOS GOS NYID DU BYIN GYIS BRLAB PAR MI BYA'O ZHES GSUNGS MOD KYI, SPU CAN NI LA BA DANG BE'U PHRUG DAG LA 'DI DAG SPU BYI BA YANG SRID PAS 'DIR DE GNYIS GZUNG BAR RIG PAR BYA'O, ,'DIR GZHUNG NI DGE SLONG DAG LNGA PO DAG NI MI 'DRA BA DAG YIN TE, ,PHYING PA THAMS CAD DANG, LA BA THAMS CAD DANG, BE'U PHRUG THAMS CAD DANG, KLAM THAMS CAD DANG, GOS SENGS PA THAMS CAD DANG, LHAN THABS GLAN TE BCANG BAR BYA'O ZHES GSUNGS PA YIN NO, ,DE LA CUNG ZAD KYANG NUS PAR BYA BA MA YIN MOD KYI 'DIR BYIN GYIS BRLAB PAR BYA BA NYID KYIS KHAS BLANGS PA RTOGS PA'I PHYIR ZHES BYA BA 'DI LTAR SHES PA YIN NO, ,GNAS MAL MI GTZANG BAS GOS PAR GYUR NA DE'I MOD LA SBYAR BAR BYA'O, ,DGE 'DUN GYI RTZVA'I KHRI DANG KHRI'U MA GTOGS PA STAN YAN CHAD LA DE MA YIN BA'I GDING BA MED PA DANG GDING G-YOGS LA YANG BAR CHAD MA BCUG PA NYE BAR SPYAD PAR MI BYA'O ZHES BYA BA LA KHRI DANG KHRI'U MA GTOGS PA ZHES BYA BA NI KHRI DANG KHRI'U LAS GZHAN PA'O, ,RTZVA'I KHRI DANG KHRI'U ZHES BYA BA NI 'DIR RTZVA MUN DZA DANG GRES MA'I KHRI DANG KHRI'U LA SOGS PA'I THAGS MAS BRGYUS PA LA SMOS SO, ,GANG ZHIG 'DI PHRAN TSEGS RNAMS LAS GSUNGS TE, TSE DANG LDAN PA GNAS MAL BSDUS SAM, DE SMRAS PA, BDAG GIS GDING BA MA BSDUS SO, ,DE RTZA'I KHRI LA NYAL ZHING MA BSDUS PA DE BAS NA DE DMIGS KYIS BSAL BA YIN NO, ,GANG GI PHYIR 'DIR GANG ZAG GI RTZVA'I KHRI DANG 'U 'DI MA BSDUS SO SNYAM DU YID LA BZUNG BA YIN NO, ,GROL BA LAS KYANG 'DI THOB PA 'DI DAG DRI MA CAN DU BYAS PA DON MED DO ZHES 'DI'I RJES SU 'BRANGS PAS KYANG, RTZVA'I KHRI DANG KHRI'U RJES SU GNANG BA'I 'JIG PA'I CHOS CAN DANG LDAN PAR GYUR PA LA YANG DRI MA CAN DU BYAS PA DON MED PA MA YIN TE, DE LTA BAS NA DE DANG LDAN BA LA YANG 'DI'I RJES SU 'BRANGS PAS RTOGS PAR BYA'O, ,DE ZHES BYA BA NI DGE 'DUN GYI MA YIN BAS SO, ,DGE 'DUN

122b

LAS GZHAN GYI GDING BA MA YIN PA ZHES BYA BA'I DON TO, ,GDING BA MED PA DANG ZHES BYA BA NI 'DUG PA LAS JI SRID DU NYE BAR LONGS SPYOD PAR MI BYA'O, ,'DUG PA'I STAN YAN CHAD LA YANG GDING BA MED PAR DGE 'DUN GYI LA 'DUG PAR MI BYA'O, ,'DIR LONGS SPYOD PA NI KHONGS SU MA GTOGS PA NI MA YIN NO SNYAM DU SHES PAR BYA BA'I DON TO, ,YAN LAG GIS REG PA TZAM LA YANG GDING BA GZHUG DGOS PAR RIG PAR BYA'O, ,'DIR GZHUNG NI MA MO LAS, DGE SLONG RNAMS LA BCOM LDAN 'DAS KYIS 'DUG PAR GNANG STE GNAS MAL SPA BA'I DON DU'O, ,GDING BA MED PAR NYE BAR SPYAD PAR MI BYA'O ZHES GSUNGS PA YIN NO, ,DGE SLONG BRAM ZE'I BU MOS ZHUS PA LAS KYANG, BTZUN BA STAN KHRA BO LA 'DUG TU RUNG NGAM, BCOM LDAN 'DAS KYIS BKA' STZAL PA, GAL TE GDING BA YOD PAR GYUR PA NA RUNG STE, GANG ZHIG PHAL CHER NYAMS PAR 'GYUR RO ZHES GSUNGS PA YIN NO, ,PHAL CHER MA NYAMS PA LA ZHES BYA BA 'DIR YANG TSIG NI 'DI NYID YIN TE, 'DIR GZHUNG NI, DGE SLONG BRAM ZE'I BU MOS ZHUS PA LAS RIG PAR BYA'O, ,GDING G-YOGS LA YANG ZHES BYA BA NI STENG DU G-YOGS PA LA GDING G-YOGS SU 'DOD DO, ,GZHAN YANG BAR CHAD MA BCUG PA NI, DGE 'DUN GYI GDING G-YOGS PA'O, ,DE LA YANG BAR CHAD MA BCUG PAR LONGS SPYOD PAR MI BYA'O, ,THAMS CAD KYI KHRA BO PHAL CHER MA NYAMS PA LA YANG NGO ZHES BYA BA NI GANG ZAG GI GNAS MAL LA YANG GDING BAR MA BYAS PA LA MI 'DUG PA LAS GDING G-YOGS LA YANG BAR CHAD MA BCUG PAR NYE BAR SPYAD PAR MI BYA'O ZHES BYA BA NI YANG GANG GI SGRAS DRANGS PA'O, ,DE MA YIN PA'I NI 'DIR KHRA BO LAS PHAL CHER MA NYAMS PA LAS, GZHAN GYIS BYA BA DON GYIS RNAM PAR GZHAG PA'O, ,NGAN NGON CAN DANG DRI MA CAN GYIS MI BYA'O ZHES BYA BA NI YANG GDING BA LA YANG BAR CHAD MA BCUG PA LA ZHES BYA BA'I RJES SU 'BRANGS NAS KYANG SLAR GDING BA'I CHO GA LA 'DIR BAR CHAD MA BCUG PA'I CHO GA THOB PA'O, ,BAR CHAD MA BCUG PA'I CHO GA LAS KYANG GDING BA'I CHO GA'O, ,DE LTA BAS NA THAMS CAD DU 'DIS GNYI GA'I KHONGS SU BSDUS PAR BYAS PA'O, ,GDING BA BCANG BAR BYA'O ZHES BYA BA NI BAR CHAD MA BCUG PA BZLOG PA'I DON DU 'DI SMOS SO, ,

123a

, ,DE NI STUG NA TSIG RKYANG RUNG NGO ZHES BYA BA NI GDING BA DE'O, ,SENGS PA NI NYI RIM MO, ,KHRA KHRA BO MI RUNG NGO ZHES BYA BA NI GDING BA KHRA BO BKRA BA KHRA KHRA BOR 'DUG PA DE BKAG PA'O, ,'DIR MTSON GYIS DRAS TE BCANG BAR BYA'O ZHES GSUNGS SO, ,MTSON GYIS DRAS PA'I GOS LONGS SPYAD PAR BYA'O ZHES BYA BA SPYI'I CHO GA BSGRUB PA NYID KYI PHYIR 'DIR MA BSDUS PA'O, ,DE LA GLEGS BU'I 'PHRO BYA'O ZHES BYA BA NI GDING BA DE LA'O, ,PHYOGS GANG DU ZHE NA, DE'I PHYIR 'OG ROL GYI SUM CHA'I DANG POR RO ZHES BYA BA SMOS TE, 'OG ROL ZHES BYA BA NI RKANG PA'I MTHA' LOGS SU SUM CHA'I GANG YIN PA DE'I DANG PO DANG DBUS DANG THA MAR NI MA YIN NO ZHES BYA BA'I DON TO, ,GLAGS BU GCIG PA BYIN GYIS BRLAB PAR MI BYA'O ZHES BYA BA NI GDING BA STE MA MO LAS 'DUG PA 'DI NI 'DIR GDING BA'O, ,G-YAN PA DGAB PA DE DANG LDAN PAS BCANG PAR BYA'O ZHES BYA BA LA DE DANG LDAN PAS ZHES BYA BA NI G-YAN PA'O, ,DE ZHAG LNGA'AM DRUG CING SBYANG BAR BYA'O, ,SRIN BAL GYI DANG, BAL GYI DANG, SHA NA'I DANG, ZAR MA'I RUNG NGO ZHES BYA BA NI BYE BRAG MA SMOS PA'I PHYIR BSAM PA'I BYE BRAG GO BAR BYED NUS PA MED PA'I PHYIR CHOS GOS GSUM PO NYID KYIS KYANG CHOS GOS LHAG PA NYID KYANG RIG PAR BYA'O, ,SROG CHAGS KYI YAN LAG RNAMS BYUNG BA NYID KYI PHYIR KO LPAGS LA SOGS PA BZHIN DU MI RUNG BA NYID DU DOGS PA LA, SRIN BAL GYI DANG BAL GYI DAG CES SMOS SO, ,SHA NA'I DANG ZAR MA'I RUNG BA DAG LA NI RTZUB PAR GYUR PA'I PHYIR GSO MA DAG GOS LA SOGS PA BZHIN NO, ,SNAMS SU MA BYAS PA DANG GSO MA NI MI RUNG NGO ZHES BYA BA NI, DPAG BSAM GYI SHING LAS BYUNG BA'I GOS LA SOGS PA DANG, GSO MA LA SOGS PA'I GOS NI MI RUNG NGO ZHES BYA BA'I DON TO, ,SPANG PA'I ZHU BA LAS NYES BYAS BYED PA NYID KYI MI RUNG BA'I KHONGS SU GANG ZHIG MA GTOGS PA LA GO RIMS BYED PA DE 'DIR BSDUS PA'O, ,SKRA LAS BYAS PA DANG GCER BU PA DANG BYA 'UG PA PA YANG DAG PAR LEN PA YANG NGO ZHES BYA BA YANG MI RUNG NGO ZHES BYA BAR SBYAR TE, 'DIR SO SOR YANG DAG PAR LEN PA'I SGRA MNGON PAR 'BAB PO, ,SKRA'I LA BA YANG DAG PAR LEN PA DANG, ,GCER BU PA YANG DAG PAR LEN PA DANG, BYA 'UG PA PA YANG DAG PAR LEN PA DANG NI MI RUNG NGO, ,'DIR GZHUNG NI,

123b

DGE SLONG BRAM ZE'I BU MOS ZHUS PA LAS, MU STEGS CAN GYI RGYAL MTSAN GSUM PO GCER BU PA NYID DANG, BYA 'UG PA NYID DANG, SKRA'I LA BA 'CHANG BAR BYED NA NYES PA SBOM POR 'GYUR RO, ,MU STEGS CAN GYI RGYAL MTSAN GSUM PO DAG MA GTOGS PA DE LAS GZHAN PA'I MU STEGS KYI RGYAL MTSAN 'CHANG NA NYES BYAS SU 'GYUR RO ZHES GSUNGS PA YIN NO, ,YANG DAG PAR BLANG BA MNGON DU GTONG BAS 'CHANG NA NYES PA SBOM POR 'GYUR RO ZHES GSUNGS PA YIN NO, ,DE LA SBOM PO'O ZHES BYA BA NI SKRA LAS BYA PA DANG, GCER BU DANG, BYA 'UG PA YANG DAG PAR LEN PA DE LA NI DGE 'DUN GYI DBYEN GYI PHYOGS SU GTOGS PA'I NYES PA SBOM POR GYUR PAR RIG PAR BYA'O, ,GZHAN BSTEN PA NI DE'I 'O ZHES BYA BA NI GSUM PO DAG LAS GZHAN PA'I YANG DAG PAR BLANG BA SNGON DU BTANG BAS BSTEN PA NI BSTEN DU RUNG BA MA YIN NO ZHES BYA BA'I DON TO, ,YANG DAG PAR BLANG PA SNGON DU BTANG BA'I BSTEN PA LA NI NYES BYAS TE DA BAS NA DE'I 'DI BYED PA'O, ,THAMS CAD DU MU STEGS KYI RGYAL MTSAN 'CHANG BA DE DAG DAG PA DANG GROL BAR 'DZIN PAS 'CHANG NA NI NYES PA SBOM POR 'GYUR RO, ,'DIR YANG DAG PAR BLANG BA LA THA DAD PA NYID YIN TE, SBYOR BA GRUB PA NYID NI MA YIN NO, ,DE LA YANG 'DIR SBOM PO NYID DU LOGS SHIG TU GSUNGS PAS GAL TE 'DIR DAG PA DANG GROL BA NYID LAS 'DIS ZHES BYA BA LA SBOM PO'O ZHES DA'I RJES SU 'BRANG BAR RTOGS PAR BYA'O, ,SKRA 'BAL BA DANG, LO MA GYON PA DANG, G-YANG GZHI'I SMAD G-YOGS STOD G-YOGS DANG BCAS PAS 'TSO BA DANG, GSO RAS DANG YAN LAG GI SBUBS DANG GOS THAMS CAD SNGO BA DANG, GDENGS KA LTA BU DANG KHA TSAR RING PO DANG, RAL KA DANG GTZUG GTOR DANG MGO DKRI BA DANG, RA PHYAR DANG RNGA BAL GYI SNAM BU DANG, MU STEGS CAN GYI RGYAL MTSAN YANG NGO ZHES BYA BA YANG MI RUNG NGO ZHES SBYAR RO, ,GSO RAS ZHES BYA BA NI 'DAB MA LAS MA BYAS PA'I GOS ZHES BYA BA NI RGYA GAR BA RNAMS 'DOD DO, ,KHA CHE BA RNAMS NI, GSO MA LAS BYAS PA'I GOS SENG SENG PO'I GOS 'DI'O, ,YAN LAG GI SBUBS ZHES BYA BA NI NU MA LA SOGS PA G-YOGS PA'I GOS SO, ,GOS THAMS CAD SNGO BA ZHES BYA BA'I DON TO, ,'DIR KHA CIG NI THAMS CAD

124a

, ,SER BA DANG THAMS CAD DMAR BA DAG LA YANG BKAG GO ZHES ZER TE, 'DI NI MI RIGS PA STE, DE G-YOGS PA LA MI 'DUN PA NYID DU MA MTHONG BA NYID KYI PHYIR RO, ,RAL GA ZHES BYA BA NI LHAM SGROG GU CAN GYI RNAM PA'O, ,'DIS SHING DPUNG CHAD RJES SU GNANG BA 'GAL BA MED DE SHING DPUNG CHAD NI RNAM PA GZHAN GYI PHYIR RO, ,DPER NA LHAM YU RINGS KYI RNAM PA LAS LHAM SGROG GU CAN GYI RNAM PA CUNG ZAD ZHAN PA DANG 'DRA'O, ,MGO DKRI BA ZHES BYA BA NI GTZUG TOR MA YIN PA DANG 'DRA BA YIN TE, DE NI RANG GI SGRAS SMOS PA NYID KYI PHYIR RO, ,RA PHYAR ZHES BYA BA NI RA BAL LAS BYAS PA'I PHYAR BA'O, ,RNGA BAL GYI SNAM BU ZHES BYA BA NI RNGA MO'I BAL LAS BYAS PA'I SNAM BU'O, ,MU STEGS KYI RGYAL MTSAN YANG ZHES BYA BA LA, YANG GI SGRAS NI MI RUNG NGO ZHES BYA BAR SBYAR TE, DE LTA BAS NA SKABS SU RDZOGS PA RAB TU BSTAN PA'I DON DU'O, ,LHAG MA BRTZAMS PA RNAMS LAS MU STEGS KYI RGYAL MTSAN 'DZIN PA SGRUB PA'I DON DU NI DE'I SGRA'O, ,PU SA LA'I 'DAB MAR GANG DANG MA RA ME'I SNYING PO TZAM DES KYANG SNYOMS PAR BYA BA'I PHYIR BGO BSHA' BYA'O ZHES BYA BA NI BZA' BAR BYA BA'I ZAS NI THA NA SHING PU SA LA'I LO MO LA GANG TZAM DES DBANG BA THAMS CAD LA SNYOMS PAR BYA BA'I PHYIR BGO BSHA' BYA'O, ,GOS NI THA NA MAR ME'I SNYING PO TZAM DES KYANG BGO BSHA' BYA'O, ,'DIR GZHUNG NI, PHRAN TSOGS DAG LAS DE NAS BRTZAMS TE NGES PA MA YIN ZHES BYA BA'I BAR DU 'DI DRANGS PA'O, ,LAB DANG DE LTA BU DAG NI BTZONGS TE'O ZHES BYA BA NI BGO BSHA' BYA'O ZHES BYA BAR SBYAR RO, ,ME BSHIGS PA NYID DO ZHES BYA BA NI DE LAS GZHAN PA'I GOS BZHIN DU MI BSHIGS PA NYID YIN NO, ,RNYED PA BGO BA LA LNGA BYA'O, ,RNYED PA BGO BA LA BYA BA LNGA BYA BA DE DAG GANG ZHE NA, DE'I PHYIR DER RNYED PA 'GOD PAR 'GYUR GYI DER KHYED CAG GIS TSOGS PAR BYA'O ZHES DGE 'DUN LA BRJOD PAR BYA BA DANG, GAnd'I BRDUNG BA DANG, TSUL SHING BRIM PA DANG, BGRANG BA DANG; SO SO'I SKAL BA BRIM PA'O, ,THA MA YAN CHAD BYED PA NYID NA 'ONGS PA DBANG BA NYID YIN NO ZHES BYA BA NI RNYED PA 'GOD PA'I DUS SU BYA BA LNGA PO DE DAG GI GZHAN DE SRID DU BYA BA NYID LA 'ONGS PA LA BRTEN PA NYID DO, ,RE ZHIG 'DIR DBANG BYED PA NYID LA LNGA PO 'DIR NGES PA LA DBANG DU BYA BA NYID YIN NAM 'O NA

124b

TE CI YANG MA YIN SNYAM DU MI SHES PA'I BLO CAN DAG LA GSUNGS PA NI, DE'I PHYIR MJUG TU PHYIN PA NYID NI MI DBANG NGO ZHES BYA BA SMOS TE, ,YONGS SU RDZOGS PA LA LNGA PO MI DBANG NGO ZHES BYA BA'I DON TO, ,DE NI RNYED PA CHUNG DU LA YANG NGO ZHES BYA BA NI LNGA RNAMS ZHES BYA BA LA SOGS PA SMOS TE, DE'I NI RNYED PA CHUNG NGU LA YANG BYA'I RNYED PA CHEN PO 'BA' ZHIG LA BYA BAR MA ZAD DO, ,RNYED PA'I BYA BA DER ZHUGS NAS SONG BA NYID YIN YANG MI DBANG BA MA YIN NO ZHES BYA BA NI DBYAR GNAS PA LA SOGS PA'I LAS GANG GIS RNYED PA 'GRIM PAR BYED PA'I BYA BA DER ZHUGS PAR GYUR NA, GTZUG LAG KHANG GI MTSAMS LAS 'DAS TE SONG BA YANG RNYED PA DE MI 'OS PA MA YIN NO, ,DE'I PHYIR 'GRO BAS NOD PA BCOL BAR BYA'O ZHES BYA BA NI GANG GI PHYIR RNYED PA DE 'OS PA DE BAS NA 'GRO BAS RANG GI SKAL BA MNOD PA GZHAN LA BCOL BAR BYA'O, ,KHAS BLANGS PA DANG LDAN PAS MA MNOS NA BSAB PAR BYA BA NYID DO ZHES BYA BA NI, MNOD DO ZHES DE LTAR DAM BCA' BAR BYED CING GAL TE RNYED PA MA MNOS NA DE'I TSE RANG GI SGO NAS BSAB PAR BYA BA NYID YIN NO ZHES BYA BA'I DON TO, ,RNYED PA CHUNG NGU LA PA NA LNGA LA SOGS PA'O ZHES BYA BA NI, RNYED PA CHUNG NGU LA YANG GAL TE MNGON PAR KHAS BLANGS PA DANG LDAN PA MA MNOS NA BGO SKAL MA SHA KA LNGA 'AM DE LAS LHAG PA YIN NA DE LA BSAB PAR BYA BA NYID YIN PA'O, ,MA BCOL NA MNOD PAR MI BYA'O, ,SLOB DPON NAM MKHAN PO'I NI MNOD PAR BYA'O ZHES BYA BA NI MA BCOL YANG RNYED PA MNOD PAR BYA'O, ,YID GCUGS PA'I GNAS KYI DON DU YANG NGO ZHES BYA BA NI, YID GCUGS PA'I GNAS SU GYUR PA GANG YIN PA DE'I DON DU MA BCOL YANG MNOD PAR BYA STE, SLOB DPON DANG MKHAN POR GYUR PA NYID LA MNOD PAR BYA'O, RANG GI PHYOGS DANG MTHUN PA MA YIN BA'I DON DU MI BYA'O ZHES BYA BA NI BYE BA'I PHYOGS SU SONG BA'I DON DU YANG MNOD PAR MI BYA'O, ,DE NI GNAS MAL LA YANG NGO ZHES BYA BA NI, GNAS MAL GNOD PAR BYA BA NYID LA YANG DE MA BCOL BA ZHES BYA BA LA SOGS PAR RTOGS PAR BYA'O, ,'DIR GZHUNG NI, GNAS MAL GYI GZHUNG ZHU BA LAS, YID GCUGS GNAS KYI DON DU ZHES BYA BA LA SOGS PA LA GANG GIS BCOL BA GANG DU YANG YID CHES PA'I DON DU GYUR PA STE, DE'I PHYIR MNGON DU

125a

, ,PHYOGS PAR GYUR PA'I DON LA GNAS MAL MNOD PAR BYA'O ZHES GSUNGS PA YIN TE, KHAS BLANGS PAS KHAS MA BLANGS PA LA NI MA YIN NO ZHES BYA BA DER DON DE TZAM DU GSUNGS SO, ,RNYED PA LA YANG SBYOR BA 'DI RNYED PA MA YIN PAR 'BREL PA LA YANG 'DIR YANG ZHES BYA BA DE LTAR SMOS SO, , ZAS LA YANG NGO ZHES BYA BA YANG MA BCOL NA MNOD PAR MI BYA'O ZHES BYA BA LA SOGS PA RIG PAR BYA BA STE, 'DIR GZHUNG NI, 'DUL BYED DAG LAS THA SNYAD 'DI YIN NO, ,'GOD PA DANG MA BYIN BAR LEN PAR RTOGS PA 'DI YANG GZHAN GYI TSIG GI SKABS MED PA'I PHYIR TE, MA BCOL NA MNOD PAR MI BYA'O ZHES BYA BA DE TZAM ZHIG DER DON GSUNGS SO, ,DE THAMS CAD LA MA BCOL BA NYID LA MA YIN ZHES BYA BA LA SOGS PA 'DIR RNAM PAR GZHAG PA DE'I PHYIR THAMS CAD DE 'DIR SBYAR BAR BYA'O, ,GZHAN GYI DON DU MNOD PAR PHA ROL LA GO BAR BYA'O ZHES BYA BA NI GZHAN YANG MNOD PAR BYA STE, ZAS GCIG PU NI MA YIN NO, , 'DIR GZHUNG NI 'DUL BYED DAG LAS, THA SNYAD 'DI 'GYOD PA GCIG PU LAS SKABS MED PAR BYA BA'I PHYIR ZAS MNOD PA LAS GLENG GZHI DE LAS BYED PA'O, ,THA SNYAD LA NI ZAS MNOD PA MA YIN TE, MNOD PAR BYED PAS GZHAN LA GO BAR BYA'O ZHES BYA BA TZAM ZHIG GSUNGS TE GZHAN DU MNOD PAR BYA BA LA CHO GA 'DI RNAM PAR GZHAG PAR BYA BA STE, DE LTAR NA BYE BRAG LA MA BRTEN PA'O, ,MI DBANG BAS NANG DU ZHUGS TE MI BYA'O ZHES BYA BA NI, RNYED PA NI DBANG BAS GANG DAG DBANG PA DE DAG GI NANG DU ZHUGS TE SKAL BA MNOD PAR MI BYA'O, ,'DIR GZHUNG NI, DE LTA BAS NA DGE SLONG GI GZHAN GYI RNYED PAR 'JUG PAR MI BYA'O ZHES GSUNGS PA YIN NO, ,'DIR DPE GZHAN YANG TSE DANG LDAN PA NYE DGA' MGRON DU MA BOS PAS ZAS ZOS NAS RAS YUG CHEN MNOS PA BZHIN NO, ,DBANG BA GCIG NYID KYIS SHIN TU MANG PO THOB PA LA MI DBANG BA'I RGYUR 'GYUR BA MED DO ZHES BYA BA NI, GANG ZAG GANG DE DAG LA 'DIR LUNG NI RGAN ZHUGS DE GNYIS 'DI SNYAM DU BDAG CAG GNYIS LAS RAS YUG CHEN BRGYA JI LTAR 'BYUNG BAR 'GYUR TE, GZHAN NAS 'JUG TU GZHUG PAR BYA'O SNYAM DU SEMS PA DE BSAL BA'I DON DU DE YIN TE, GANG ZHIG DED DPON GYI SA DGE 'DUN GYI PHYIR GTZUG LAG KHANG DU RNYED PA MANG PO BSKUR BA NAS GTZUG

125b

LAG KHANG DE NA DGE SLONG GCIG PU ZHIG GNAS PA DE 'GYOD PAS MI LEN NAS, BCOM LDAN 'DAS KYIS DE NI DE NA GANG GNAS PA DE'I PHYIR YIN NO ZHES RJES SU GNANG BA'I BAR DU GSUNGS PA DE NI DPE GZHAN YIN NO, ,BYE BA NI CHOS MA YIN PA'I PHYOGS DANG MTHUN PA DAG TU SONG BA DGE 'DUN GYI RNYED PA MI DBANG NGO ZHES BYA BA NI, CHOS MA YIN PA'I PHYOGS DANG MTHUN PA THA DAD PA RNAMS LA CHOS KYI PHYOGS DOR NAS SONG BA GANG YIN BA DE DGE 'DUN GYI RNYED PA MI DBANG BA'O ZHES BYA BA'I DON TO, ,DE'I DUS KYI RNYED PA LA NI CHES RING DU GNAS NA GNAS PA NYID YIN NO ZHES BYA BA LA, DE'I DUS KYI ZHES BYA BA NI DBYAR GNAS PA LA SOGS PA'I DON DUS DER RO, ,DE NI 'DIR SKABS DANG MTHUN PA THA DAD PA NYID KYI DON ZHES BYA BA SMOS SO, ,'DIR BRJOD PA YANG BABS PA DANG SHI BAR GYUR PA GNYIS LA YANG MI 'OS PA NYID KYI DOGS PA YOD PAR 'GYUR BA DE BAS NA DE'I PHYIR BRJOD PAR BYA STE, BABS PA DANG SHI BAR GYUR PA GNYIS KYANG NGO ZHES BYA BA NI 'DI GNYIS KYANG CHES RING DU GNAS PA YIN NA DE'I DUS KYI RNYED PA DBANG BA NYID YIN NO ZHES BYA BA'I DON TO, ,SHI BA'I PHYIR 'DI SMOS PA LA DGOS PA CI YOD CE NA, GAL TE SU ZHIG LA PHUL NAS SHIN BU LON 'DI LA YOD PA 'AM, NYE BAR GNAS PAS YO BYAD DRUG PO MA THOB NA DE LA SBYIN BAR BYA'O, ,GAL TE MA YIN NA GANG RNAMS KYIS DE NI SHI BA'I YO BYAD LA DBANG BA NYID DE DE RNAMS LA 'DIR RNYED PA ZHES BYA BA 'DI BSTAN PA'O, ,RNYED PA NI JI LTAR RNAM PAR NGES PAR BYED PA LTAR RNAM PAR GZHAG GO ZHES BYA BA NI, GTZUG LAG KHANG 'DI NA GNAS PA'I DGE SLONG RNAMS KYIS GNAS MAL DANG BSOD SNYOMS LA SOGS PA 'DI LONGS SPYOD PAR BYA'O ZHE 'AM, DE NA GNAS PA'I RTEN BA LA RKANG BA'I MAR BSKU BA LA SBYAR BAR BYA'O, ,SMAN GYI RIN LA SOGS PA DANG ZHES BYA BA 'DIR SPROS PA MA BYAS TE, SPROS PA MA BYAS PA NI GNAS KHANG LA SOGS PA DGE SLONG GI DBANG DU MDZAD NAS RNYED PA GNANG BA LA DE LTA BUR GYUR PA NYID KYIS LONGS SPYAD PAR BYA'O, ,GNAS KHANG DANG ZHING DANG KHANG PA BRTZEGS PA 'DI LA NGES PAR DE NI GNAS PAS 'DI LONGS SPYOD PAR BYA'O ZHES SPROS PA MA BYAS TE, DE NA DGE SLONG GI DBANG DU MDZAD NAS GNANG BA'O, ,GZHAN DU GNAS PAS LONGS SPYAD PAR BYA'O, ,'DIR DGUN NAM DBYAR GNAS PA LA 'DI DBUL BAR

126a

, ,BYA'O; ,NGES PAR GNAS PA NYID KYIS DER DUS DER MNOD PAR BYA'O ZHES BYA BA LA SOGS PA RNAM PAR DPYAD PAR BYAS NAS GANG ZAG LA SBYIN BAR BYA STE NGE NYID LA DE'O, ,'THOB PA RNAMS KYIS KYANG NGO ZHES BYA BA YANG, ,RNYED PA NI JI LTAR NGES PAR BYED PA LTAR RNYED PA RNAM PAR GZHAG PA'O, , GANG DU DE RNAMS 'GRO BA DER GTOGS PA'I RNAM PAR NGES PA LA ZHES BYA BA DE NI DON GYIS RTOGS PAR BYA'O, ,GANG DU YANG DE RNAMS 'GRO BA STE, PHUL BA'I RDZAS LA KHYIM CHE GE MO NI KHYED KYI'O, ,KHYIM CHE GE MO NI NGED KYI'O, ,LAM PO CHE 'DI NI KHYED KYI'O, ,LAM PO CHE 'DI NI NGED KYI'O, ,BZHI MDO'I DBUS KYI ZHES BYA BA LA SOGS PA LTA BUR KHRIMS SU BYA BA BCAS NAS THA DAD PA DAG LA CHOS KYI 'DOD PA KHAS BLANGS PA DANG MA BLANGS PA DAG GIS PHYOGS GNYIS LA DBYAR GNAS PAR KHAS BLANGS PA LA GZHI MDO LA SOGS PA LAS GNAS GZHAN LAS GANG GIS PHYOGS GZHAN RNAM PAR NGES PA'I KHYIM GYI PHYOGS GZHAN KYI RNYED PA RNYED PA'O; ,KHYIM DE NYID DU RNAM PAR NGES PAR BYAS PA'I PHYOGS KYI RNYED PA DE'O, ,DE'I PHYOGS GNYIS KA YANG GAL TE KHYIM DE DANG LDAN PA RNYED PA DE DANG SBYOR BA YIN NA DE LTAR YANG PHYOGS DE NYID KHYIM DER RNAM PAR NGES PA LA RNYED PA DE YOD PAR 'GYUR RO, ,'DIR THAMS CAD STON PA LA SU ZHIG LA DGOS PA 'GRUB PA'I PHYOGS DE LA YANG RNYED PA DE LA GZHAN GYI CI ZHIG SNYAM PA DE BZLOG PA'I DON DU BRJOD PAR BYA STE, DE'I PHYIR THAMS CAD KYI PHUL NA YANG NGO ZHES BYA BA SMOS TE, DE LTAR YANG JI LTAR RNAM PAR NGES PA'I RNYED PA RNAM PAR GZHAG PA'I DPER 'DIR DBYAR GYI DUS SU BYED PA DAG GI PHYOGS DUS GZHAN DAG LA YANG SDE TSAN GZHAN LA YANG 'DI RUNG BAS, DE'I PHYIR 'DIR SPYIR MDOR BSDUS PA'O, ,GAL TE ZAS LA YANG DE LTAR RNAM PAR NGES PAR BYAS PAR GYUR NA DE'I TSE KHYIM GZHAN RNAM PAR MA NGES PA LA GZHAN GYIS BZA' BAR MI BYA STE, RNAM PAR MA NGES PA'I PHYOGS KYI KHYIM GZHAN LAS RNYED PAR 'GYUR BA CIG SHOS KYIS PHYOGS KYI RJES SU GNANG BA NYID YIN NA NYES PA MED PAR RIG PAR BYA'O, ,DGE 'DUN YONGS SU MA BCAD NA LAS KYI MTSAMS KYIS YONGS SU BCAD DO ZHES BYA BA NI, DGE 'DUN YONGS SU MA BCAD NA DGE 'DUN LA RNYED PA RNAM PAR NGES PA LA GANG ZHIG GNAS DE LA GSOL BA LA SOGS PA'I LAS KYI MTSAMS DES DGE

126b

'DUN YONGS SU BCAD PA DE'I MTSAMS KYI NANG DU GTOGS PA'I SNA TSOGS PA'I GNAS SAM GNAS GCIG PA THAMS CAD LA, GLO BUR BA DANG BCAS PA LA RNYED PA DE ZHES BYA BA'I DON TO, ,'DI LA GCIG LA SOGS PA NI DE NYID DO ZHES BYA BA NI 'DIR DGE 'DUN LA BRTEN NAS PHUL BA'I RNYED PA LA GAL TE, MTSAMS GCIG GI NANG DU GTOGS PAR GYUR PA GNYIS SAM GSUM NI DGE 'DUN NYID DO, ,DE LA DE TZAM DER 'OS PA MA YIN NO ZHES BYA BA'I DON TO, ,SKYES PA'AM BUD MED DAM MA NING 'GA' ZHIG LA BRTEN NAS DBYAR GNAS PAR KHAS LEN CING GNAS MED PAR DE NA BUD MED LA SOGS PAS DBUL BAR BYED NA DE GNAS CHE GE MOR DGE 'DUN LA PHUL LO ZER LA, GAL TE DE LTAR GNAS DER MTSAMS GANG YIN PA'I KHONGS SU CHUD PA DE RNAMS KYI RNYED PA NI DE YIN NO, ,GAL TE BDAG GIS 'DI NYID KYI DGE 'DUN LA PHUL LO ZHES ZER LA, ,GAL TE DE NA GANG ZAG GZHAN MED NA NI RNYED PA DE MTSAMS KYIS BSTABS PA YIN NO; ,GAL TE 'DI KHYOD KHO NA LA PHUL LO ZHES ZER NA NI RNYED PA DE RTEN GYIS BSTABS PA YIN TE RTEN GYI DBANG GIS GRUB CES BYA BA'I DON TO, ,CHOS KYI RNYED PA NI DE SMRA BA RNAMS DBANG BA NYID YIN NO ZHES BYA BA NI 'DIR SMRA BA RNAMS LA SHUGS KYIS DBANG BYED PA NYID DO, ,DE'I SGRAS NI CHOS DANG 'BREL PA'O, ,CHOS KYI RNYED PAS NI MA YIN NO ZHES BYA BAR RIG PAR BYA'O, ,'DUL BA BYE BRAG TU BSHAD PA DAG LAS MYA NGAN LAS 'DAS PA DAG LA PHUL BA NI MCHOD RTEN GYI DANG 'DRA BAR GZHAG GO ZHES GSUNGS PAS, DE'I PHYIR 'DIR CHOS RIN PO CHE MA YIN GYI 'ON TE GZHAN YIN TE, SIL BU DAG LAS KYANG DER CHOS GZHAN BZUNG BA ZHES BYA BAR RTOGS PAR BYA'O; ,RIN PO CHE'I GO RIMS 'DI NI ZHES BYA BA GAL TE YOD PAR 'GYUR NA NI MI MKHAS PA LA RIN PO CHE'I GO RIMS LA BRDA BYAS PA LA CHOS KYI MING NGO, ,GTZUG LAG KHANG GI TSIGS SU BCAD LA GCIG 'DZIN PA NI 'DIR DE NYID KYI MTHA' YIN NO ZHES BYA BA LA DE NYID KYI ZHES BYA BA NI CHOS SMRA BA PO NYID LA'O, ,'DI ZHES BYA BA NI CHOS KYI RNYED PA DBANG BA 'DI LA'O, ,MDO 'DI NI RTZOD PA'I GZHI'I GZHUNG LAS 'BYUNG NGO, ,MTSAN MI MTHUN PA'I SHI BA'I YO BYAD LA CIG SHOS YOD NA MI DBANG BA NYID DO ZHES BYA BA LA, MTSAN MI MTHUN PA'I ZHES BYA BA NI, 'DIR GZHUNG NI, GLENG GZHI RNAMS LAS, DGE SLONG DAG DGE TSUL GYI RGYUD DU GTOGS PA DE'O ZHES

127a

, ,GSUNGS PA YIN NO, ,CI THAMS CAD DU RNAM PAR GZHAG PA 'DI YIN NAM ZHE NA MA YIN TE DE'I PHYIR CIS SHOS YOD NA ZHES BYA BA SMOS TE, CIG SHOS ZHES BYA BA GONG NA MTSAN MTHUN BA YOD PA DE MTSAN MA MTHUN BA MI DBANG NGO ZHES BYA BA'I DON TO, ,GNAS NAS PHYUNG BA'I YANG DE BZHIN NO ZHES BYA BA NI CIG SHOS YOD NA SHI BA'I YO BYAD LA YANG GNAS NAS PHYUNG BA'I MI DBANG NGO ZHES BYA BA 'DIR NYE BAR GZHAG PA'O, ,'DIR GNAS NAS PHYUNG BA'I NI CIG SHOS NYID LA MTHAR THUG PA'O, ,'DIR GNAS NAS MA PHYUNG BA LA NI CIG SHOS KYI SGRA'I RNAM PAR GZHAG PA'O, ,MED NA YANG NGO ZHES BYA BA NI CIG SHOS LA'O, ,RGYU LAS SEMS MA LOG NA'O ZHES BYA BA NI LTUNG BA MA MTHONG BA LA SOGS PA'I RGYU GANG GIS DE SPANG BA'I LAS BYAS PA'I RGYU DE LAS SEMS MA LOG CING BZLOG PAR MA BYAS PA DE LA'O, ,'DIR GZHUNG NI, GANG DBANG LAGS, DE DAG LAS GANG GIS DANG POR SDIG PA CAN GYI LTA BA'I RNAM PA SPONG BAR BYED PA'O ZHES GSUNGS PA YIN NO, ,GANG GIS MA BTANG BA NYID LA GZHAN GYIS KYANG ZHES BYA BA'I 'DIR TSIG YOD PA DE DE BAS NA 'DIR MDO BYAS SO, ,'DIR LTA BA DANG, 'BREL BA SPANG BA'I RGYU LAS MNGON PAR ZHEN PAR RIG PAR BYA STE, MCHOG NYID DU MTHONG BA'I RAB TU DBYE BA NYID KYI PHYIR 'DI LA LTA BA NYID DU RIG PAR BYA'O, ,DE'I DE MNOD PAR BYA BA NYID LA DE NI THA DAD PA NYID MA YIN NO ZHES BYA BA NI, SPANGS PA DE SHI BA'I YO BYAD RNAMS DE MNOD PAR BYA BA NYID LA SPANGS PA DE MA SPANGS PA DANG THA DAD PA NYID MA YIN NO, ,SPANGS PA NI DGE 'DUN LAS THA DAD PA NYID MA YIN PA'I PHYIR 'OS PA NYID DO, ,DE'I SHI BA'I YO BYAD LA RANG BZHEN GYIS GNAS PA ZHES BYA BA'I DON TO, ,THA DAD PA'I LA NI THA DAD PA NYID DO ZHES BYA BA NI 'DOD PA GZHAN LA BRTEN PAS THA DAD PA PHYOGS GZHAN DANG 'BREL BA LA NI, THA DAD PA NYID DE PHYOGS GZHAN LAS THA DAD PAR GYUR BA NYID DO, ,DE'I DE MNOD PA NYID LA GZHAN GYI PHYOGS SU GTOGS PA'I SHI BA'I YO BYAD LA GZHAN GYI PHYOGS SU GTOGS PA LA 'OS PA NYID MA YIN NO, ,CHOS DANG MTHUN PA'I 'DOD PA LA BRTEN PA RNAMS LA ZHES BYA BA'I DON TO, ,'DIR GZHUNG NI, KHAS BLANGS PA RNAMS KYI GNAS SU KHAS MA BLANGS PA'I DGE TSUL 'ONGS TE, DUS BYAS PAR GYUR NA ZHES BYA BA LA SOGS PA GSUNGS PA YIN NO, ,CHOS DANG

127b

MTHUN PA'I PHYOGS KHAS BLANGS PA NI KHAS BLANGS PA YIN LA CHOS MA YIN PA DANG MTHUN PA'I PHYOGS KHAS BLANGS PA NI KHAS MA BLANGS PA YIN PAR RIG PAR BYA'O, ,RAB TU BYUNG BA DANG, TSANGS PA MTSUNGS PAR SPYOD PA LAS GZHAN PA DAG DE MI DBANG BA NYID YIN NO ZHES BYA BA NI RAB TU BYUNG BA TSANGS PA MTSUNGS PAR SPYOD PA DAG LAS GZHAN NYE DU LA SOGS PA DANG, RGYAL PO LA YANG RAB TU BYUNG BA SHI BA'I YO BYAD DE MI DBANG BA YIN TE, DE NI RAB TU BYUNG BA DANG TSANGS PA MTSUNGS PAR SPYOD PA DAG KHO NA DBANG BA YIN NO ZHES BYA BA'I DON TO, ,'DIR DGE SLONG ZHES MA SMOS PA NI DGE TSUL DANG DGE TSUL MA YANG DBANG BA NYID DU BSTAN PA'I PHYIR RO, ,TSANGS PA MTSUNGS PAR SPYOD PA ZHES SMOS PA NI GZHAN MU STEGS CAN BSAL BA'I PHYIR RO, ,GSOL BA'AM DANG PO DANG THA MAS BYIN GYIS BRLABS ZIN PA NA 'ONGS PA NI MI DBANG NGO ZHES BYA BA NI SHI BA'I YO BYAD LA BYIN GYIS BRLABS ZIN KYANG RUNG STE, GANG ZHIG ZIN PA NA 'ONGS PA DE LA YANG DE DAG NI MI DBANG BA NYID YIN NO, ,DE LTAR BYUNG BA BYIN GYIS BRLAB PA MA ZIN PA NI DBANG BA NYID YIN NO, ,LHO PHYOGS SU MTSAN MO'I 'OG TU 'DI LA BYIN GYIS BRLAB PAR BYA BA NYID DU GSUNGS SO, ,DE LA GANG ZHIG MDUN ROL DU BYIN GYIS BRLAB PA GNYIS PO 'DI BYED PAR 'GYUR BA DES GZHAN RNAMS LA SKAL BA MI DBANG BA NYID DU YANG MI 'GYUR BA LAS DE MA GRAGS PA NYID KYI PHYIR LAS KYI CHO GA LAS 'DAS PA ZHES BYA BAR RIG PAR BYA'O, ,DE LAS 'GA' ZHIG DGE 'DUN GYI RGAN BA DANG GSAR BU GNYIS LA BYIN PA NI DE ZHES BYA'O ZHES BYA BA LA, DE LAS ZHES BYA BA NI SHI BA'I YO BYAD DE LAS SO, ,'GA' ZHIG CES BYA BA NI DNGOS PO 'GA' ZHIG GO, ,DGE 'DUN GYI RGAN BA DANG DGE 'DUN GYI GSAR BU GNYIS LAS BYIN PA NI DANG PO DANG THA MA YIN PA ZHES BYA'O, ,'DIR GZHUNG NI, YO BYAD GCIG BTZONGS TE CUNG ZHIG DGE 'DUN GYI RGAN BA DANG DGE 'DUN GYI GSAR BU LA BYIN NAS GSUNGS PA YIN NO, ,DE LA DON GYI DBANG GIS NI 'DIR CUNG ZHIG NYID DANG, NYO TSONG YANG NGES PA CAN NI MA YIN TE, DE BAS NA 'DIR MDOR BYAS SO, ,GANG NA BYIN GYIS BRLAB PAR BYA BA 'DUG PA DE'I MTSAMS SU GTOGS PA RNAMS BYIN GYIS RLOB PAR BYED PA YIN NO ZHES BYA BA NI GNAS GANG NA BYIN GYIS BRLAB PAR BYA BA'I DNGOS PO 'DUG PA DE'I MTSAMS SU GTOGS PA'I BYIN GYIS RLOB PAR BYED PA PO RNAMS ZHES BYA BA'I DON TO, ,'DI LA SHI BA'I GNAS NYID KYI RGYU MA YIN NO

128a

, ,ZHES BYA BA LA, 'DI LA ZHES BYA BA NI SHI BA'I YO BYAD BYIN GYIS BRLAB PAR BYA BA 'DI LA SHI BA'I GNAS NYID NI RGYU MA YIN PA'O, ,'DIR SHI BA DE'I DBANG GIS MTSAMS DE NA GNAS PA RNAMS KYIS SHI BA'I YO BYAD 'DUG PA BYIN GYIS BRLAB TU MI RUNG BA NYID YIN NO ZHES BYA BA'I DON TO, ,MTSAMS KYI BAR NA 'DUG PA LA LUS SAM GZHAN GYIS REG PAS JI TZAM NON PA DER GTOGS PA RNAMS SO ZHES BYA BA LA, MTSAMS KYI BAR NA 'DUG PA'I SHI BA'I YO BYAD DE LA SHI BA DE'I LUS KYIS REG GAM, GZHAN GYIS REG PA'I YO BYAD BYIN GYIS BRLAB PAR BYA BA DES MTSAMS JI TZAM NON CING KHYAB PA'I MTSAMS DER GTOGS PA'I DGE SLONG RNAMS KYIS BYIN GYIS RLOB PAR BYED PA YIN TE, 'DI LA NI BYIN GYIS BRLAB PAR BYA BA'I RDZAS KYI DBANG GIS RNAM PAR GZHAG GI SHI BA'I RO'I DBANG GIS NI MA YIN GYI ZHES BYA BA DE LA BRJOD PA STE, MDO 'DI NI GLENG GZHI RNAMS LAS SO, ,GANG NA NOR DANG 'DRA BA DE 'DUG PA'I KHONGS SU YO BYAD GTOGS PA NYID YIN NO ZHES BYA BA NI NOR DANG 'DRA BAR 'GYUR BA'I DNGOS PO DE LA KHYIM PA'AM RAB TU BYUNG BA'I NI NOR DANG 'DRA BA'O, ,DE'I KHONGS SU GTOGS PA DE NI DE'I LUS SU GYUR PA STE, 'DI 'DZIN PA'I BDAG NYID CAN GYI PHYIR ZHES BYA BA'I DON TO, ,DE KHAS LEN PA NYID LA GANG DU 'DI NOR DANG 'DRA BAR 'GYUR BA DE'I KHONGS SU YO BYAD GTOGS PA NYID YIN NO ZHES BYA BA'I DON TO, ,DE'I PHYIR NOR DANG 'DRA BAS GZHAN NA 'DUG PA BYIN GYIS BRLAB PAR BYA'O ZHES BYA BA NI GZHAN NA 'DUG PAS KYANG SHI BA'I YO BYAD KYI NOR DANG 'DRA BA'I GANG ZAG DRUNG NA 'DUG PAS BYIN GYIS BRLAB PAR BYA'O, ,BSKUR BA SKUR BAR BYA BAS MA SPANGS PA NI DE NYID YIN NO ZHES BYA BA NI BSKUR BA'I DNGOS PO MA SPANGS PA NI GANG GIS SKUR BAR BYED PAS BSKUR BAR BYA BA NI, DE NYID YIN TE BSKUR BAR BYA BA DANG BCAS PA NYID DO, ,SPANGS PA NI SKUR BAR BYED PA NYID KYI'O ZHES BYA BA NI SKUR BAR BYED PA NI SKUR BAR BYED PA NYID DE DNGOS PO NI DE NYID YIN NO ZHES BYA BA'I DON TO, ,DES SPANGS NA YANG NGO ZHES BYA BA LA, DES ZHES BYA BA NI SKUR BAR BYED PA DES SO, ,GANG LA STE GANG LA SKUR BAR BYED PA DE NI SPANG BAR 'GYUR RO, ,'DIR SKUR BAR BYED PA SPANGS PA NI BSHAD PA LA SKUR BAR BYED PA SPANGS BAR MI 'GYUR RO, ,GAL TE 'DIS SNGA MA BZUNG

128b

NA 'DIS BDAG LA CI ZHIG BYA ZHES BDAG GIS 'DI SPANGS SO ZHES BYA BA STE, DE LTAR YANG SKUR BAR BYED PA NYID KYI DE DANG 'BREL PA ZHES BYA BA'I DON TO, ,'DIR GZHUNG NI, DGE SLONG GIS DGE SLONG LA CHOS GOS DAG BSKUR NAS GANG LA BSKUR BA DES SPANGS NAS, GANG GIS BSKUR BA DES KYANG SPANG NA GANG LA BSKUR BA DE YIR BYIN GYIS RLOB NA NI BYIN GYIS MA BRLABS PA YIN NO, ,GANG GIS BSKUR BA DE YIR BYIN GYIS RLOB PAR BYED NA NI BYIN GYIS BRLABS PA YIN TE, LEGS PAR BYIN GYIS BRLABS PA YIN NO ZHES GSUNGS PA YIN TE, 'DI MI RIGS PAR SHES PAR MI BYA STE, GANG GI PHYIR DE LTA BUR GYUR PA'I 'JUG PA LA MI DGOS PA'I MI GTZANG BA LA BDAG GIS 'DI DOR RO SNYAM PA DE LTA BU'I BLO DANG 'DRA'O, ,DE'I DGOS PA NI BDAG PO SO SO SO SOR BYED CING DE LA YID BRTEN NAS RNAM PAR GZHAG PA SHI BA'I YO BYAD DU BYIN GYIS RLOB PA RNAMS KYIS ZHES BYA BA LA SOGS PA'O, ,PHYI ROL DU YANG MTSAMS KYI NANG DU 'DU SHES PA DAG GIS 'BA' ZHIG GIS BYIN GYIS RLOB PA MI 'CHAGS SO ZHES BYA BA LA, PHYI ROL DU YANG ZHES BYA BA NI NANG DU MA BYAS PA LA SOGS PA BYIN GYIS BRLAB PA'O, ,MI 'CHAGS SO ZHES BYA BA LA YANG GI SGRA 'DI NI MA GRAGS SO, ,NANG DU 'DU SHES PA DAG GIS ZHES BYA BA MTSAMS KYI ZHES BYA BAR SBYAR TE, MTSAMS KYI NANG DU 'DU SHES PA DAG GIS ZHES BYA BA'I DON TO, ,'BA' ZHIG GIS BYIN GYIS BRLABS PA ZHES BYA BA 'BA' ZHIG DAG GIS BYIN GYIS BRLAB PO, ,MTSAMS KYI NANG DU 'DU SHES PA RNAMS LA PHYI ROL DU YANG BYIN GYIS RLOB PAR BYED PA NI 'BA' ZHIG GIS ZHES BYA BA MI MTHUN PA DAG GES BYIN GYIS RLOB PAR BYED NA MI 'CHAGS SO, ,MI 'CHAGS PAR MI BYA'O ZHES SPYIR BSTAN PA DES 'DI LA NYES BYAS SU SHES PAR BYA'O, ,YID GNYIS ZA BA LA YANG YID GNYIS NI MTSAMS KYI NANG DU DE SMOS PA ZHES BYA BAR RIG PAR BYA'O, ,GANG ZHIG PHYI ROL DU MTSAMS KYI NANG DU 'DU SHES PA'AM YID GNYIS ZA BAS RKU SEMS KYIS BYIN GYIS RLOB PAR BYED NA RKU SEMS DE LA NYES PA SBOM POR BYAS PAR 'GYUR RO, ,DE'I PHYIR RKU SEMS LA NYES PA SBOM POR RIG PAR BYA'O, ,BTZUN PA GANG ZHIG MTSAMS KYI NANG DU RKU SEMS KYIS SNGAR PHROGS PA NYID KYI PHYIR NYES PA SBOM POR BYAS NA NI DNGOS PO

129a

, ,LAS RNAM PAR GZHAG GO, ,DBYUNG BA DANG RIM GRO DANG CHOS MNYAN PA DANG YON BSHAD PA MA BYAS BAR BYIN GYIS BRLAB PAR MA BYA'O, ,LHUNG BZED DANG CHOS GOS KHYIM GZHAN NA 'DUG PA NYID NI KHYIM BDAG GIS GANG LA BYIN PA DE DBANG BA NYID YIN NO, ,GAL TE DBANG ZHING DES PHONGS PA YIN NA'O ZHES BYA BA LA, 'DIR GZHUNG NI, GLENG GZHI RNAMS LAS DE MTHAR THUG PA'O, ,KHYIM BDAG GIS GANG LA BYIN PA ZHES BYA BA NI BYE BRAG YONGS SU MA SMOS PAS GCIG DANG DU MA ZHES BYA BAR SHES PAR BYA'O, ,GAL TE 'DI KHYIM PA DANG MU STEGS PA'I RAB TU BYUNG BA DANG, 'DI PA'I RAB TU BYUNG BA'AM MTSAMS THA DAD PA GZHAN LA BYIN BAR GYUR NA CI DE LA YANG DBANG BA NYID DAM ZHE NA, DE'I PHYIR GAL TE DBANG ZHING ZHES BYA BA SMOS SO, ,GANG LA RNYED PA DE YOD NA GAL TE DBANG BA DE LA BYIN PAR GYUR NA CI DE LA YANG RNYED PA TZAM GYI DBANG GIS DE DBANG BA NYID YIN NAM ZHE NA, PHONGS PA YIN NA'O ZHES BYA BA SMOS TE, 'DIR GZHUNG NI, MED DE 'DIR YANG CHO GA 'DI SBYAR BA ZHES BYA BA DE BAS NA DE LA MNGON PAR BRTEN PA'O, ,GAL TE KHYIM BDAG SBYIN BA'I PHYIR 'JUG PAR MI BYED NA, DE'I TSE SU DBANG BA NYID YIN ZHE NA, DE'I PHYIR SBYIN PAR MI BYED NA BLANGS PA DANG LDAN PA'O ZHES BYA BA SMOS TE, 'DIR YANG DBANG ZHING DES PHONGS PA'O ZHES BYA BA DBANG DU BYA BA DANG SBYAR BAR RIG PAR BYA'O, ,DU MA LA YANG ZHES BYA BA NI KHYAD PAR YONGS SU MA BZUNG BAR RIG PAR BYA'O, ,DE YANG 'DI CIG CAR BLANGS PA LA SHES PAR BYA'O, ,GZHAN YANG BRJOD PAR BYA STE, MTHAR GYIS NI DANG PO'I ZHES BYA BA NI BLANGS PA DANG LDAN BA'O ZHES BYA BAR SBYAR RO, , GANG ZHIG DANG POR BLANGS PA DE LA ZHES BYA BA'I DON TO, ,GANG DU YONGS SU 'DZIN PA PO MED PA NYID DE TZAM LA BRTEN NAS, GANG ZAG GANG LA YANG BYE BRAG TU MA BYAS PAR SU KHYER BA KHYER CIG SNYAM DU BOR BAR GYUR NA DE LA SU DBANG BA NYID YIN ZHE NA, DE'I PHYIR MED PA NYID YIN ZHING MA BSNGOS PAR BOR NA SONG BA DANG LDAN PA'O, ,DE NI MTHAR GYIS DANG 'DRA'O ZHES BYA BA SMOS TE, JI LTAR MTHAR GYIS SLONG BA DANG BOR GANG GIS BLANGS PA DBANG BA DANG 'DRA BAR ZHES BYA BA'I DON TO, ,BU LON PA BYUNG NA DE LA GZHAL BAR BYA BA'I TSAD KYI SHI BA'I YO BYAD DE DBANG BA NYID YIN NO ZHES BYA BA LA DE LA GZHAL BAR BYA PA'I TSAD KYI ZHES BYA BA

129b

NI; GANG ZHIG BU LON PA DE SHI BA DES GZHAL BAR BYA BA'I RDZAS KYI TSAD KYI ZHES BYA BA'I DON TO, ,DE DBANG BA NYID YIN NO ZHES BYA BA NI BU LON BA NYID DBANG BA NYID YIN NO, ,MA BGOS PAR BYUNG NA DE LA TSANGS PA MTSUNGS PAR SPYOD PA RNAMS KYIS DE GZHAL BAR BYA BA YIN GYI, BGOS PA'I 'OG TU BYUNG NA NI DE LA MI GZHAL BAR BYA BA NYID DO SNYAM DU DOGS PA BSAL BA'I PHYIR BGOS NA YANG NGO ZHES BYA BA SMOS TE, GZHAL BAR BYA BA NYID DO ZHES BYA BAR SBYAR RO, ,DE DANG LHAN CIG RNAM PAR GZHAG PA DE LA SBYIN BAR BYA BA NYID DAM BLANG BAR BYA BA NYID GANG YIN PA STE, DE NYID NI MA YIN NO ZHES BYA BA NI SHI BA DE DANG BU LON DED PA DANG, BU LON 'JAL BAR LHAN CIG GANG ZHIG GNAS PA DE LA 'DIR DGE SLONG RNAMS KYIS GZHAL BAR BYA BA 'AM, BSLANG BAR BYA BA NYID DE DE NYID LA NI MA YIN NO, ,GANG ZHIG DES BU LON PA'I DRUNG NAS BLANGS PA DE BU LON CHAGS PA LA SBYIN PA'O, ,K'ARsh'A PA nA RNAMS DBUL BAR BYA'O ZHES BYA BAS K'ARsh'A PA nA RNAMS BZUNG BA DE RNAMS NYID GZHAL BAR BYA'O, ,RAS YUG CHEN BLANGS TE RIN SBYIN BAR BYA'O ZHES BYA'O ZHES 'THAMS PA LA NI RIN SBYIN PAR BYA'I RAS YUG CHEN DNGOS SBYIN PAR MI BYA BA DANG, THA GA PA LA RAS YUG CHEN GYI DON DU RGYU SPUN GTAD PA LA SA NI RAS YUG CHEN BLANG BAR BYA'I, RGYU SPUN BLANG BAR MI BYA BA LTA BU'O, ,'DIR GZHUNG NI, DGE SLONG GIS PHRA BA BSLANGS PA DANG, DE NA RE 'PHAGS PA DAG BDAG GIS DE LA SBOM PO DBUL BAR BGYI BA LAGS SO ZHES ZER NAS, BCOM LDAN 'DAS KYIS BKA' STZAL PA, DE DAG DGE SLONG SHI BA CI 'DRA BA GTAD BA DE 'DRA BA BSLANG BAR BYA'O ZHES GSUNGS PA DE NI THA SNYAD KYI CHO GAS NGES PAR DE BLANG BA MA YIN NO, ,DE'I PHYIR 'DIR 'BAD PAR MI BYA STE, DE NI 'BAD PA'I GNAS MA YIN NO SNYAM PA DE LA 'DI BSTAN PA'O, ,GAL TE THA SNYAD TZAM SLOB PA DE'I PHYIR 'DIR MDOR BYAS SO, ,DE TSANGS PA MTSUNGS PAR SPYOD PA RNAMS LA BU LON CHAGS PA NYID DU MI 'GYUR RO ZHES BYA BA NI SHI BA LA BU LON CHAGS PA DES, DE'I DON LAS MA DAG PA BYAS PAR 'DI LA TSANGS PA MTSUNGS PAR SPYOD PA RNAMS KYIS GZHAL BAR BYA BA NYID NI MA YIN NO ZHES BYA BA'I DON TO, ,LAG GI BLAS DKON MCHOG GI BLANGS BA NYID YIN ZHE NA DE'I PHYIR JI SNYED PA DE SNYED PA DE SNYED MNYAM PAR BSAB PO ZHES BYA BA NA, SANGS RGYAS LA SOGS PA DKON MCHOG RNAMS KYI DKOR NI DKON MCHOG GI'O, ,DE BLANGS PA

130a

, ,NI 'DIS BZUNG BA STE, DE BAS NA DKON MCHOG GI BLANGS PA NYID DE, DE'I DNGOS PO NI DE SNYED MNYAM PAR BSAB PAR BYA'O, ,DE'I JI SNYED PA LAS ZHES BYA BA NI DKON MCHOG GI JI SNYED PA LAS DE DANG 'BREL BA BLANGS PA NYID NI MNYAM PAR BSAB STE, DE SNYED PA'I DKON MCHOG LA CHA MNYAM PAR BYA STE MNYAM PAR BSAB PAR BYA STE, 'ON KYANG GAL TE THA DAD PAR BYED PA DE DGE 'DUN GYI NI MCHOD RTEN GYIR BYED, MCHOD RTEN GYI NI DGE 'DUN GYIR BYED DE DE BZHIN DU CHOS KYI YANG 'DRES PAR BYED NA LHUNG BZED DANG CHOS GOS LAS CHA GSUM DU BYAS TE ZHES BYA BA GSUNGS SO ZHE NA, 'ON KYANG BDEN MOD KYI DE LTAR 'DIS DKON MCHOG GI BLANGS PAR MI 'GYUR BA YIN TE, GANG GI PHYIR RANG GI 'DOD PA BYAS PAS GZHAN DANG 'BREL BA LA GZHAN DAG LA STER BA NI MA YIN NO, ,DE NI SBYIN BDAG TU MI 'GYUR TE, MNYAM PAR BSAB PA NYID 'DI SHES PAR BYED PA LA DE NYID 'DI'I DGONGS PAS RNAM PAR GNAS PA YIN TE, GANG GI PHYIR MA BLANGS PA LA SBYIN PAR RIGS PA MA YIN NO, ,YIN NA ZHES BYA BA SMOS PA GANG YIN BA DE YANG DRANG SRONG GI YE SHES KYIS THA SNYAD MA YIN NO, ,RAB TU GRAGS PA CAN GYIS KYANG SDUG BSNGAL TE, DE LTA BUR GYUR PA LAS BSAL BAR SHES PA'O, ,DE BAS NA 'DI LTA BU'I DBANG BRTZAN KHO NA DE RNAM PAR GNAS PA YIN ZHES BYA BA'O, ,GANG ZHIG 'DIR JI SRID DU BLANGS PA DE SRID DU CHA GSUM BYA'O, ,LHAG MA NI DGE 'DUN NYID LA ZHES BYA BA SMOS SO, ,DE YANG DE NYID KYI PHYIR GZUNG BAR DKA' BAS ZHES BYA BA MTHONG NGO, ,DE NI GZUNG BAR DKA' BA 'DIS LHAG PAR PHUL BA LA SKYON YON YANG MED DE, DE BAS NA THAMS CAD BLANGS PA LA BGO BSHA' BYED PA ZHES BYA'O, ,LAG GI BLAS ZHES SMOS PA NI 'DIR MTSON PA TZAM DU RIG PAR BYA'O, ,GZHAN DU YANG 'DIS DKON MCHOG GSUM GYI DKOR BLANGS SHING KHYER BA GNYIS YIN NO SNYAM DU SHES NAS, DE'I DKOR LA YANG 'BUL BAR RIGS PA'I PHYIR RO, ,NAD G-YOG DANG BCAS PA NYID YIN NA YO BYAD DRUG PO DE BDAG DBANG BA NYID YIN BAS BYIN GYIS BRLAB PAR MI BYA BA NYID YIN NO ZHES BYA BA LA, DE DBANG BA NYID YIN BAS ZHES BYA BA NI DE NAD G-YOG DE DBANG BA NYID YIN PAS DGE SLONG RNAMS KYIS BYIN GYIS MI BRLAB PAR BYA BA NYID YIN NO, ,DE'I RAB DANG 'BRING DANG THA MA DANG BCAS PA LAS SO ZHES BYA BA NI DE LA KHA CIG NI DGE

130b

SLONG GI YO BYAD DANG 'TSO BA'I YO BYAD RAB LAS SBYIN BAR BYA'O, ,KHA CIG NI 'BRING, KHA GCIG NI THA MA DANG LDAN PA'O, ,GSUM PO 'DI DANG BCAS PA DRUG PO SBYIN BAR BYA BA NYID YIN NO ZHES BYA BA'I DON TO, ,DU MA NYID YIN NA THUN MONG NGO ZHES BYA BA NI NAD G-YOG GNYIS SAM GSUM MAM MANG PO NYID YIN NA, YO BYAD DRUG PO DE DAG GI THUN MONG NYID YIN NO, ,DE'I DON DU SONG BA NYID YIN LA NAD PA SHI NA SBYIN PAR BYA BA NYID CES BYA BA LA, DE'I DON DU ZHES BYA BA NI NAD PA DE'I DON DU'O, ,BCAS BA NYID YIN NA ZHES BYA BA NI, GAL TE NAD PA'I DON DU NAD G-YOG DANG BCAS PAR 'GYUR BA DE LTA BAS NA YANG YO BYAD DRUG PO 'DI SBYIN PAR BYA BA NYID YIN GYI GZHAN DU NI MA YIN NO ZHES BYA BA'I DON TO, ,DGE SLONG BRAM ZE'I BU MOS ZHUS PA LAS, DE DAG LA SOGS PA 'DIR BSNYEN PAR MA GNAS PAR KHAS BLANGS PA LA YO BYAD DRUG PO DAG MI SBYIN PAR MI GSUNGS PA'O, ,RDZAS DE MI DBANG BA LA NI DE MI SBYIN NO ZHES BYA BA LA, DE ZHES BYA BA NI DRUG PO DE MI SBYIN PA'O, ,KHYIM PA LA SOGS PA RNAMS LA NAD G-YOG GIS BYA BA NYID KYI PHYIR SPYI LA BYA BAR BKAG PA'O, ,'DIR GZHUNG NI, BTZUN BA BRO G-YOG KHYIM PA LAGS NA, DE LA BRO G-YOG GI CHOS GOS BRTZAL BAR BGYI 'AM, BCOM LDAN 'DAS KYIS BKA' STZAL PA, CUNG ZAD KYANG SBYIN PAR MI BYA STE, DE BZHIN DU NAD G-YOG MA DANG, DGE SLOB MA DANG, DGE TSUL MA LA YANG SBYIN NO ZHES RGYA CHER GSUNGS PA YIN NO ZHES BYA BA DE 'DIS BSDUS PA YIN NO, ,GANG LA YANG MTSAN MI MTHUN PA DAG 'BA' ZHIG YOD NA MTSAN MTHUN PA DAG MED PA DER MTSAN MI MTHUN BA DAG LA YAD SBYIN PAR BYA BA NYID YIN BAR SHES PAR BYA'O, ,DE LA MTSAN MI MTHUN BA DAG LA 'OS PA NYID KYI PHYIR RO, ,GZHAN DU GNAS PAR KHAS BLANGS PA LA MI SBYIN PAR MI BYA'O ZHES BYA BA NI, NAD G-YOG GNAS GZHAN DU GNAS PAR KHAS BLANGS PA LA YO BYAD DRUG PO DAG MI SBYIN PAR MI BYA ZHING SBYIN PAR BYA STE, 'DI DANG 'DI LAS GZHAN DU GNAS PAR KHAS BLANGS PA NI MI SBYIN BA'I RGYU MA YIN BA'I PHYIR RO ZHES BYA BA'I DON TO; ,'DI LA BSNYEN PAR MA RDZOGS PA NI THAMS CAD DBANG BA NYID DO ZHES BYA BA NI SO SOR SKAL BA'I CHA 'OS PA NYID YIN BA'O, ,'DI YANG 'DI LA SUM CHA 'BRI BA LTA BU MA YIN NO ZHES BYA BA'I DON TO, ,NAD PAS SMRAS PAS BYIN BA PHRI BA YANG JI SKAD SMRAS PA BZHIN BYA BA NYID DO ZHES BYA BA NI, NAD PAS SBYIN BA SMRAS PA LA GANG

131a

, ,DE LA SMRAS PA DE DES PHRI BAR GYUR KYANG JI LTAR DES DE LA SMRAS PA DE LTAR KHO NA BZHIN BYA DGOS PAR RIG PAR BYA'O, ,'DIR GZHUNG NI, 'DUL BYED DAG LAS SNGAR NAD PAS SBYIN BDE BDAG NYID SHI BA MA YIN NO ZHES BYA BA DANG, DE LTA BAS NA 'DI LA MI SBYIN PA MA YIN NO, ,NAD G-YOG GIS PHRI YANG GANG ZHIG DES SMRAS PA, GZHAN GYI PHYIR YANG 'DI LA BYE BRAG MED PAS RNAM PAR GZHAG PA'O ZHES GSUNGS PA TZAM BSDUS PA ZHES BYA BA'O, ,SHI BA NYID KYI DUS NA RDZAS NYING BSGRUB PA LA NI NOR BDAG MI DBANG NGO ZHES BYA BA NI RANG SHI BA NYID KYI DUS NA GNAS LA RANG GI DNGOS PO BSGRUB PA LA GAL TE BDAG SHI BAR GYUR NA CHA GE MO ZHIG LA BDAG GI RDZAS 'DI SBYIN PAR BYA'O SNYAM DU 'DIR BU LON PA RAB TU BYUNG BA MI DBANG BA MED DO, ,RAB TU BYUNG BA RNAMS LA 'DIR DE BYIN GYIS BRLAB PAR BYA BA NYID DO ZHES BYA BA'I DON TO, ,KHYIM NA GNAS PA NI DBANG NGO ZHES BYA BA NI, BU LON PA KHYIM NA DBANG BA LA SHI BA'I DUS NA RANG NYID BSGRUB PA'I PHYIR DE DBANG BA'O, ,'DIR GZHUNG NI, PHRAN TSOGS DAG LAS, KHYIM BDAG NI LTOS PA DANG BCAS PAS DUS BYED LA, RAB TU BYUNG BA DAG NI LTOS PA MED PAR DUS BYED PA'I PHYIR RO ZHES GSUNGS PA YIN TE, DE LTA BAS NA KHYIM BDAG NI LTOS PA DANG BCAS PA'I PHYIR DBANG LA, RAB TU BYUNG BA NI LTOS PA MED PA'I PHYIR MI DBANG NGO ZHES GSUNGS PA DE BSGRUB PO, ,KHYIM PAS BU DANG CHUNG MA PHUL NAS SHI NA CI BDE BAR BYA'O ZHES BYA BA NI KHYIM PAS DGE 'DUN LA BU DANG CHUNG MA PHUL NAS KHYIM PA NYID SHI NA, DE'I BU DANG CHUNG MA DAG CI BDER BYAS TE, BDAG GIR MI BYA'O ZHES BYA BA'I DON TO, ,GLANG PO CHE DANG RTA DANG, BONG BU DANG DRE'U DANG GO CHA RNAMS NI RGYAL PO LA DBUL LO, ,DBYIG DANG GSER DANG GZHAN BYAS PA DANG MA BYAS PA RNAMS NI GSUM LA'I ZHES BYA BA NI DBUL LO ZHES BYA BAR SBYAR TE, DBYIG DANG GSER DANG DE DAG LAS GZHAN PA NI ZANGS KYI RANG BZHIN LA SOGS PA BRDUNGS SU BYAS PA DANG MA BYAS PA RNAMS NI DKON MCHOG GSUM LA DBUL LO ZHES BYA BA'I DON TO, ,RIN PO CHE RNAMS KYANG NGO ZHES BYA BA NI NOR BU DANG BEE d'URYA DANG G-YAS SU 'KHYIL PA LA SOGS PA RNAMS KYANG DKON MCHOG GSUM LA DBUL LO ZHES BYA BA'I RJES SNYEGS PA'I PHYIR YANG GI SGRA'O, ,MU TIG RNAMS NI GZHAN YOD NA DE'I SKAL BAS SAM LHAG PA

131b

YIN YANG RUNG NGO, ,GAL TE MED NA DE BZHIN DU SANGS RGYAS LA'O ZHES BYA BA NI GAL TE MU TIG LAS GZHAN PA'I RIN PO CHE YOD NA DKON MCHOG DAG LAS SANGS RGYAS DE'I SKAL BAS MU TIG RNAMS BRJES TE, SANGS RGYAS LA DBUL BAR BYA'O, ,GAL TE DKON MCHOG GSUM MA CHAR GYI SKU SKAL LAS LHAG PA NYID YIN NA, DE LTAR YANG DE DAG THAMS CAD SANGS RGYAS BCOM LDAN 'DAS LA DBUL BAR BYA'O, ,GAL TE MU TIG RNAMS LAS GZHAN PA'I RIN PO CHE MED NA DE BZHIN DU SBYIN PA MED KYANG BLA STE, JI SRID DU SANGS RGYAS NYAG GCIG LA DBUL BAR BGYI'O, ,TSON RTZI CHEN PO RNAMS KYANG NGO ZHES BYA BA NI, GANG GUS DANG MTSAL DANG MTHING SHUN DANG LA SOGS PA YANG SANGS RGYAS LA DBUL LO ZHES BYA BA'I RJES SNYEGS PA'I PHYIR KYANG NGO ZHES BYA BA'I SGRA SMOS SO, ,DE DAG NI BTAGS TE DRI GTZANG KHANG GI ZHAL ZHAL DU BYA'O ZHES BYA BA LA DE DAG CES BYA BA LA DE DAG NI MU TIG RNAMS SO, ,DE MA YIN PA SANGS RGYAS KYI NI SKU GZUGS DANG, DRI GTZAB BANG DANG MCHOD RTEN GYI YO BYAD DU BYA'O ZHES BYA BA LA, DE MA YIN PA ZHES BYA BA NI MU TIG DE LAS GZHAN PA RNAMS SO, ,CHOS KYI NI SANGS RGYAS KYI BKA' ZHES BRI BA DANG SENG GE'I KHRI DAG GI'O ZHES BYA BA NI YO BYAD DU NGO ZHES BYA BAR SBYAR TE DBUL BA'O, ,THEG PA NI SKU GZUGS LA'O ZHES BYA BA NI, RGYAL MTSAN DE'I SROG SHING DAG NI RGYAL MTSAN GYI DON DU'O ZHES BYA BA NI, RGYAL MTSAN GYI DON DU DBUL LO, ,DE RUNG BA'I SROG SHING RNAMS KYANG NGO ZHES BYA BA NI, SKU GZUGS LA DBUL LO ZHES BYA BA'I RJES SU SNYEGS PA'I PHYIR, KYANG NGO ZHES BYA BA'I SGRA SMOS SO, ,GZHAN DAG DANG MTSON CHA RNAMS NI DGE 'DUN LA'O ZHES BYA BA NI DBUL LO ZHES SBYAR BAR BYA'O, ,GZHAN DAG DANG ZHES BYA BA NI, RGYAL MTSAN GYI SROG SHING DU RUNG BA LAS, 'DI LTA STE THUNG NGU DAG LA'O, ,DE DAG NI KHAR GSIL GYI YU BA DANG KHAB DANG GRI GUR BYAS TE BRIM MO ZHES BYA BA LA, DE BDAG CES BYA BA NI SROG SHING LA SOGS PA RNAMS SO, ,JI LTAR RIGS PA DE RNAMS NI YO BYAD DU BYA BAR RIG PAR BYA'O, ,SROG SHING GZHAN DE DAG NI KHAR GSIL GYIS YU BAR BYA'O, ,MTSON CHA RNAMS NI KHAB DANG GRI GUR BYAS TE DGE 'DUN LA BRIM MO, ,DGE 'DUN GYI GZHAN RNAMS NI GZHAG PA DANG BGO BA DANG BZA' BA DAG TU CI RIGS PAR BYA'O ZHES BYA BA LA, GZHAN NI ZHES BYA BA NI SROG SHING LA SOGS PA SMOS PA'I YO BYAD

132a

, ,KYIS SO, ,ZHING DANG KHANG KHYIM DANG TSONG KHANG DANG, GNAS MAL DANG MGAR SPYAD DANG, GSER MGAR GYI LAG CHA DANG, 'DREG MKHAN GYI LAG CHA DANG, RDZA MKHAN GYI LAG CHA DANG, SHING MKHAN GYI LAG CHA DANG, BSIL YAB MKHAN GYI LAG CHA DANG, BRAN DANG BRAN MO DANG, LAS BYED PA DANG ZHO SHAS 'TSO BA DANG, BA GLANG DANG MA HE DANG, RA DANG LUG DANG SMAN DANG, SANGS RGYAS KYI BSTAN BCOS KYI GLEGS BAM DANG, MYUR DU MI GRUB PA'I DAM RGYA DAG NI, DANG POR 'OS PA NYID YIN NO ZHES BYA BA LA MYUR DU MI GRUB PA'I ZHES BYA BA NI, BRI BAR BYA BA GANG YIN PA DANG, GANG DU BRI BAR BYA BA MYUR DU 'GRUB PAR MI NUS PA'O, ,DANG POR 'OS PA NYID YIN NO ZHES BYA BA NI GZHAG PAR 'OS PA YIN NO, ,RAS DANG RAS YUG CHEN PO DANG BE'U RAS DANG, MCHIL LHAM DANG, LHAM SGROG GU CAN DANG, 'BRU MAR DANG 'BRU MAR GYI SNOD DANG, BYA MA BU MA DANG RIL BA SPYI BLUGS DANG, GLEGS BAM GZHAN DANG DAM RGYA GZHAN DANG, TSON RTZI GZHAN DAG NI GNYIS PAR 'OS PA YIN NO ZHES BYA BA LA, BYA MA BUM ZHES BYA BA NI RDZA MKHAN GYI SNOD DMIGS KYIS BSAL BA'O, GZHAN DANG ZHES BYA BA LA, GZHAN GYI SGRAS NI GLEGS BAM LA SOGS PA GSUM PO RNAMS DANG 'BREL PA'O, ,SANGS RGYAS KYI BSTAN BCOS KYI GLEGS BAM MYUR BAR 'BRI BA MA YIN PA TSON CHEN PO RNAMS LAS GLEGS BAM LA SOGS PA, GZHAN RNAMS NI PHYI ROL PA'I BSTAN BCOS KYI GLEGS BAM MO, ,MYUR BAR BSGRUB PAR BYA STE, MYUR BAR 'BRI BAR KHAR GSIL GYI YU BA DANG, BTZAG DANG RNAMS LA SOGS PA TSON CHEN PO RNAMS LAS NGES PAR GROL PA'I KHA DOG CES BYA BA NI 'DI RNAMS KYIS KHA DOG GI SGRA 'DI BSDUS PAR BYAS KYI, TSON RTZI DANG KHAR GSIL GYI YAN LAG TU GYUR PA KHA DOG BYED PA LA BSDU BA'I DON DU NI MA YIN NO, ,GNYIS PAR ZHES BYA BA NI GO BAR 'OS PA NYID DU'O, ,'BRAS DANG TIL DANG NAS DANG MON SRAN SDE'U DANG MON SRAN GRE'U DANG, 'BRU GZHAN DANG BZA' BA DANG BTUNG BA DAG NI GSUM PAR 'OS PA NYID YIN NO ZHES BYA BA LA, GSUM PAR ZHES BYA BA BZA' BAR 'OS PA NYID DO, ,GZHIR GTOGS PA'I GOS KYI GZHI'O, ,GLEGS BU DANG GLEGS BU PHYED PA DAG MNYAM PAR BYA'O ZHES BYA BA NI YANG 'DIR GLEGS BU RNAMS KYANG SO SO MNYAM PA NYID DANG, GLEGS BU BYED RNAMS KYANG LOGS SHIG TU

132b

MNYAM PA NYID CES BYA BA RTOGS PAR BYA'O, ,GLEBS BU YANG GLEGS BU PHYED RNAMS DANG LHAN CIG TSAD MA NYAM PAR BYA ZHES BYA BA'I DON TO, ,MNYAM PA 'DI NI MDZES PA NYID DU BYA BA'I PHYIR RO, ,GZHAL BA'I PHYIR DE'I TSAD KYI CHAG SHING BCANG BAR BYA'O ZHES BYA BA NI, DE'I TSAD KYI ZHES BYA BA NI, GLEGS BU DANG GLEGS BU PHYED KYI TSAD LA DON GYI DBANG GIS 'CHANG BA 'DI'O, ,DE LTAR YANG GZHAL BAR BYA BA'I PHYIR ZHES BYA BA SMOS TE, DE BAS NA 'DI RJES SU GNANG BA STE, NGES PA NI MA YIN NO, ,GCIG GIS DGOS PA'I DON 'GRUB PAR 'GYUR NA DE TZAM 'CHANG BA LA NYES BYAS NYID NI MA YIN NO, ,DE LTAR YANG GZHAN LAS CHAG SHING KHO NA BCANG BAR BYA'O ZHES GSUNGS TE, BCOM LDAN 'DAS KYI BKA' STZAL PA, CHAG SHING BYA ZHING DE'I TSAD KYI GLEGS BU BYA'O, ,GLEGS BU'I TSAD KYI GLEGS BU PHYED BCANG BAR BYA'O ZHES GSUNGS PA YIN NO, ,GANG ZHIG 'DIR CHAG SHING GI SGRA LAS DON THA DAD PAR ZHES BYA BA MA YIN NO, ,GANG GI PHYIR 'DIR SROG SHING NI CHAG SHING DU GYUR PA NYID DU GSUNGS PA RNAMS PAR GNAS PA YIN NO, ,GANG DU GDONG GI CHAG SHING LAS 'DI LA SHIN TU CHE BA NYID BSTAN PA'I DON DU CHUG SHING GI SGRA'O, ,TSAL BU DAG KYANG NGO ZHES BYA BA NI MNYAM PA NYID DU BYA'O, ,DE'I TSAD KYI CHAG SHING BCAD PAR BYA'O ZHES BYA BA NI, GZHAG PA'I PHYIR TSAL BU'I TSAD KYI CHAG SHING BCANG BAR BYA'O ZHES BYA BA'I DON TO, ,DE'I TSAD NI SOR BZHI'O ZHES BYA BA LA DE LA ZHES BYA BA NI TSAL BU LA'O, ,BYA ROG GI MTHO GANG NGO ZHES BYA BA NI, MTHE BO'I LOGS SU SOR MO GANG YIN PA DE'I DBUS KYI TSIGS KYI LOGS STENGS SU MTHE BO'I TSIGS SU GTAD DE, GANG ZHIG SOR BCU GNYIS PAR GYUR PA YIN PA DE NI BYA ROG GI MTHO GANG DANG 'DRA BAR BRJOD PA'O, ,'DI'I TSAD NI SOR BZHI KHO NA STE, DE BAS NA DE NYID LA DE RNAM PA GZHAN GYIS BSTAN PA'O, ,CHUNG TSAD NI SOR GNYIS SAM PHYED DANG GSUM MA MTHE BO SOR GCIG GO ZHES BYA BA NI, SOR GNYIS NI THOB PA'O, ,GANG GI PHYIR CHUNG BA NI SOR BZHI PA DANG, CHUNG TSAD NI SOR PHYED DANG GSUM MO, ,DE'I BAR NI 'BRING TSAD DU STE DE'I BAR NI 'BRING DU'O ZHES 'BYUNG NGO, ,GZHUNG KHA CIG LAS NI CHE TSAD NI SOR BZHI 'AM, BYA ROG GI MTHO GANG NGO, ,CHUNG TSAD NI SOR GNYIS SAM MTHEB SOR GCIG GO, ,DE'I BAR NI 'BRING TSAD DO ZHES GSUNGS

133a

, ,PA YIN NO, ,SU ZHIG SBYOR BA LA THAMS CAD SBYOR BAR 'GYUR BA ZHES BYA BA BSDUS TE NYE BAR BTAGS PA 'DI BYAS SO, ,SA LA CHOS GOS GDING BAR MI BYA'O, ,DE'I DON DU GTAN PA BYA'O, ,SHING LAS BYAS PA'AM SMYIG MA LAS BYAS PA GRU BZHI PA RTOD PA'I PHYIR THUG GZHUG PA'I BU GA BTOD PA NI DE ZHES BYA BA NI THANG BCAD CING BCING BA'I PHYIR THA GU GANG YIN PA DE RTOD PA'I BU GA BTOD PAR GYUR PA DE NI GTAN PA ZHES BYA BA NI DON TO, ,CHOS GOS JI TZAM PAR RO ZHES BYA BA NI BCOS GOS DANG 'TSAMS PA'I TSAD BYA'O ZHES BYA BA'I DON TO, ,CHOS GOS TSAD THA DAD PA DU MA YOD PAS GTAN PA YANG DON GYIS 'JUG PA'I PHYIR ZHES BYA BA NAS SO, ,YU BA RTZI CAN DANG KHRA BO MI BCANG NGO ZHES DU MA BYA DOGS PAR RIG PAR BYA'O, ,GRI GUS DRA'O, ,DE BCANG BAR BYA'O ZHES BYA BA LA, DE ZHES BYA BA NI GRI GU DE'O, ,BYA ROG GI MCHU LTA BU DANG, BYA GAG GI GSHOG PA LTA BUR RO, ,LCAGS LAS BYAS PA LAS GZHAN MA YIN NO ZHES BYA BA NI, LCAGS KYI RANG BZHIN KHO NA LAS BYA ZHES BYA BA'I DON TO, ,DON GYIS 'JUG PA'I PHYIR ZHES BYA BA BYAS NAS SO, ,YU BA RTZI CAS DANG KHRA BO MI BCANG NGO ZHES BYA BA NI, YU BA MI BCANG NGO ZHES BYA BA'I TSIG GI LHAG MA'O, ,SOR DRUG GI TSANGS LAS LHAG PA MI BCANG MGO ZHES BYA BA LA, 'DIR GZHUNG NI, GRI GU NI GSUM STE, CHEN PO DANG 'BRING DANG CHUNG NGU'O, ,CHEN PO NI SOR DRUG GO, ,CHUNG NGU NI SOR BZHI'O, ,DE'I BAR NI 'BRING NGO ZHES GSUNGS PA YIN NO, ,DE LAS MANG BA NYID NI SPANG BAR RIG PA YIN TE, DE LAS CHUNG BA NYID KYIS NI DOGS PA MI 'GRUB PAR BRJOD PA ZHES BYA BA 'DOR DE'I BSDUS PA NYID SHES NAS DE LTAR SMOS SO, ,KHA CIG LAS NI BRGYAD LAS MI BCANG NGO ZHES BYA BA NI 'DON PA'I RNAM PAR RTOG PA LAS 'DI NYE BAR BTAGS PA STE, 'DIR GZHUNG KHA CIG LAS NI, GRI GU SOR BRGYAD KYI TSAD LAS LHAG PA MI BCANG NGO ZHES 'BYUNG NGO, ,'DIR GZHUNG CHEN PO NI SOR BRGYAD DO ZHES GSUNGS PA YIN NO, ,SHING BU THUR PA NYID LA DE YOD PAR GYUR NA'O, ,DE LTA BAS NA MI RIGS PAR GYUR PA 'DI ZHES BYA BA MTHONG BA YIN NO, ,SOR BZHI BAS THUNG BA NI DGOS PA MED DO ZHES BYA BA NI, MA LUS PA MA YIN PAR DGOS PA LA DGONGS NAS DGOS PA MED PA NYID BSTAN PAR BYA STE, DGOS PA TZAM NI MA YIN NO, ,GANG GI PHYIR DE LAS RNAM PA THAMS CAD DU DGOS PA MI 'GRUB PA NI MA YIN

133b

NO; LCI BA'I BYUG PAS BSKUS PAR BTZEM MO ZHES BYA BA NI DNGOS PO 'AM RGYUD PAS BTZEM PAR BYA BA'I CHOS GOS LA GNAS GANG YIN PA DE LA RDUL LDANG BA MED PAR BYA BA'I PHYIR LCI BA'I GYUR PAS BSKU BAR BYA'O, ,LCI BA MED NA CHAG CHAG GDAB CING PHYAGS PAR RO, ,DE BTZEM PAR BYA'O ZHES BYA BA LA DE ZHES BYA BA NI CHOS GOS SO, ,'DIR GZHUNG NI, DGE SLONG DAG BYA GAG GI GSHOG SHING NGAM, SMYIG MA'I TSAL BU GANG YIN PAS CHOS GOS DAG 'TSEM PAR BYA'O ZHES GSUNGS PAS DE'I PHYIR MDO 'DI BYAS PA'O, ,KHAB KYIS KYANG NGO ZHES BYA BA LA KYANG NGO ZHES BYA BA'I SGRAS NI BYA GAG GI GSHOG SHING DANG SMYIG MA'I TSAL BU 'BA' ZHIG TU MA ZAD KYI KHAB KYIS KYANG BTZEM DU RUNG BA'O, ,BYA GAG GI GSHOG SHING LA SOGS PA LAS DE DANG MTHUN PA STE KHAB KYIS NI MA YIN TE, KHAB KYIS 'TSEM PA'I RNAM PA STE, 'DIS 'TSEM PAR BYED PA'I BSHAD PA ZHES TE SHES PAR MI BYA'O ZHES BYA BA'I DON TO, ,DRA BA'I GZHUNG NI DGE SLONG DAG LAG PA DAG GIS BRAL BAR BYED PA NA MA RUNG BAR GYUR NAS, BCOM LDAN 'DAS KYIS BKA' STZAL PA, GRI GUS DRA BAR BA'O ZHES BYA BA YIN NO, ,KHAB KYI GZHUNG NI DGE SLONG DAG BYA GAG GI GSHOG SHING DANG, SMYIG MA'I TSAL BUS CHOS GOS DAG 'TSEM PA NA, BCOM LDAN 'DAS KYIS BKA' STZAL PA, KHAB BCANG BAR BYA'O ZHES GSUNGS PA YIN NO, ,DE LA DRA BA NYAMS PA'I SKYON LA BRTEN NAS NGES PAR SHES PA'O, ,KHAB KYIS NYES PA LA MNGON PAR MA BRTEN PAS 'PHAGS PA BKU LA GLENG GZHI'I RGYU LAS MI LDOG PAR RJES SU GNANG NGO, ,DE BCANG BAR BYA'O ZHES BYA BA NI KHAB DE'O, ,RA GAN DANG ZANGS DANG KHAR BA DANG LCAGS LAS BYAS PA LAS GZHAN PA MI BCANG NGO, ,KHA CIG LAS ZANGS NGANG LCAGS RNO BA DAG LAS BYAS PA'I ZHES SO ZHES BYA BA NI, 'DIR MA MO'I GZHUNG KHA CIG LAS KHAB RNO BZANGS DANG RNO LCAGS LAS BYAS PA BCANG NGO ZHES 'BYUNG STE, RNO BA ZHES BYA BA NI DE GNYIS KYI RIGS KYI BDAG NYID GZHAN ZHIG YOD DE ZHES GSUNGS PA YIN NO, ,DE'I KHAB RAL SPU GU 'AM CHANG PA LTA BU BCANG BAR BYA'O, ,DE NGO TSA MED PA DANG DGE TSUL DAG PA RAG LAS PAR MI BYA'O ZHES BYA BA LA DE ZHES BYA BA NI KHAB RAL DE DE'I NI MA MO DAG LAS SO, ,MI SHES PA DANG MI DRAN PA DANG, RANG BZHIN DU GNAS PA MA YIN PA DAG LA YANG ZHES BYA

134a

, ,BA NI; RAG LAS PAR MI BYA'O ZHES BYA BA NI RJES SNYEGS PA'I PHYIR YANG NGO ZHES BYA BA'I SGRA SMOS SO, ,KHAB DANG GRI GU DAG BTZAGS MI ZOS PAR BYA BA'I PHYIR SMRA TSIL GYIS BSKUS PA'I RAS MAR GZHUG PAR BYA'O ZHES BYA BA LA, 'DIR GZHUNG NI, DGE SLONG RNAMS KYI KHAB BTZAS ZOS PA DANG, BCOM LDAN 'DAS KYIS BKA' STZAL PA, RAS MAL SPRA TSIL GYIS BSKU BAR BYA ZHING DER KHANG DKRIS TE GZHAG PAR BYA'O ZHES GSUNGS PA DANG, GZHUNG GZHAN DAG LAS, KHAB DANG MTSON GZHAG PAR BYA'O ZHES GSUNGS PA YIN TE, DE BAS NA 'DIR MTSON GYI SGRA SMOS SO, ,MI 'BYIL BAR BYA BA'I PHYIR CHOS GOS LA SGROG RTEN BYAS TE SGROG GZUNGS GDAGS SO ZHES BYA BA NI, MI 'BYIL BAR BYA BA'I PHYIR ZHES BYA BA NI, CHOS GOS GYON PA LUS LAS MI 'BYIL BAR BYA BA'I PHYIR RO, ,SGROG GU YANG ZHES BYA BA NI MI 'BYIL BAR BYA BA'I PHYIR CHOS GOS LA SGEG RTEN BYAS PA LA DE GDAGS PA'O, ,GTZO BLAG MKHAN LA GOS KHA BSGYUR BA DANG KHA MA BSGYUR BA 'KHRUG GZHUG PAR MI BYA'O ZHES BYA BA LA, 'DIR GZHUNG NI, DRUG SDE DAG GTZO BLAG MKHAN DAG LA GOS DAG 'KHRUG 'JUG PA NA, BCOM LDAN 'DAS KYIS BKA' STZAL PA, DGE SLONG GI GOS DUR SMRIG DAG BTZO BLAG MKHAN DAG LA 'KHRUR MI 'JUG PAR GZONG PA 'JAM POR RANG GIS BKRU BAR BYA'O ZHES GSUNGS PA DANG, DRUG SDE DAG GOS DKAR PO DAG BTZO BLAG MKHAN DAG LA 'KHRUG 'JUG PA NA, BCOM LDAN 'DAS KYIS BKA' STZAL PA, DE LTA BAS NA DGE SLONG GIS THAMS CAD NAS THAMS CAD DU BTZO BLAG MKHAN LA GOS 'KHRU MI 'JUG GO ZHES GSUNGS PA YIN NO, ,DE DANG 'DRA PAR RANG GIS MI BYA'O ZHES BYA BA NI, BTZO BLAG MKHAN DE DANG 'DRA BAR MI BYA'O, ,DE'I ROGS SU MI BYA'O ZHES BYA BA LA, DE'I ZHES BYA BA NI BTZO BLAG MKHAN DE'O, ,SHING GI NGOS LA MI BYA'O ZHES BYA BA NI, GOS BKRU BAR MI BYA'O, ,GZHONG PA 'JAM POR BKRU BAR BYA'O ZHE BYA BA LA, 'DIR GZHUNG NI, GZHONG PA 'JAM POR RANG GIS BKRU PAR BYA'O ZHES GSUNGS PA YIN NO, ,CHU BDE BAS SO ZHES BYA BA LA, DE NI DRI MA 'DAG BA'I THABS BSTAN PA'O, ,DE BAS NA THABS GZHAN GYI GNAS SU DE LA NI BSIL BA NYID NI HA CANG MI GRANG BA NI MA YIN NO, ,LAG PA GNYIS KYIS MTHAR GYIS BSGYUR ZHING NGO ZHES BYA BA NI BSGYUR ZHING BKRU

134b

BAR BYA'O, ,MI NUS NA RKANG PA GNYIS KYIS SO, ,DE LTAR KHYIM PAS BKRUR RUNG NGO ZHES BYA BA LA, DE LTAR ZHES BYA BA NI JI LTAR RANG GIS BKRU BA'I CHO GA DE BSTAN PA DE LTAR RO, ,DE GZHAN DU 'GYUR BAR SPYOD PA BSRUNG BAR BYA'O ZHES BYA BA NI, CHO GA JI SKAD BSTAN PA LAS GZHAN DU KHYIM PA DE'I LOG PAR SPYOD PA BSRUNG BAR BYA'O, , 'DIR GZHUNG NI, GZHAN GYI LAG PA GNYIS KYIS KYANG MI NUS LA, RKANG PA GNYIS KYIS KYANG MI NUS NAS, BCOM LDAN 'DAS KYIS BKA' STZAL PA, DE DAG GIS ZHAL TA BYAS TE GZHAN GYIS BKRU BAR BYA'O ZHES GSUNGS PA YIN NO, ,MI NUS NA ZHES BYA BA SMOS PA NI, GLENG GZHI LAS BYUNG BAS SO, ,DE BAS NA 'DIR MA BSTAN NO, ,PHYAG DAR KHROD LEGS PAR BKRUS PA DANG, BTZEMS PA DANG KHAB SGYUR BA BCANG BAR BYA'O ZHES BYA BA NI LEGS PAR ZHES KUN LA SBYAR BAR BYAS TE LEGS PAR BKUR BA DANG LEGS PAR BTZEM PA DANG LEGS PAR KHA BSGYUR BAR ZHES BYA'O, ,DANG BA BSKYED PA MA YIN PA NYID BSAL BA'I DON DU 'DI NI 'DUL BYED DAG LAS 'DI DANG MDO 'OG MA'O, ,MI GTZANG BAS GOS PA'I CHOS GOS MI BCANG NGO ZHES BYA BA NI, MI BCANG NGO ZHES BYA BAR SBYAR RO, ,TSON BZANG BA NYID DU BYA BA'I PHYIR GRIB MA DANG NYI MA 'DRES PAR GDUNG ZHING BSKAM PAR BYA'O ZHES BYA BA LA GZHUNG NI RNAM PAR 'BYED PA KHA CIG DANG STAN GYI BSLAB PA'I GZHI LAS THIB PA LA'I TSON BLANGS TE, CHAM CHOM BRDUNG BAR BYA ZHING BSKAMS TE BSKOL BAR BYA'O ZHES GSUNGS PA YIN NO, ,GZHAN DU BYAS NA TSON NYAMS PAR 'GYUR TE, DE LTAR BYAS NA 'DI GDUNG BAR BYA'O, ,DE'I PHYIR 'DIR PHIB PA LA ZHES SMOS PA NI TSON GZHAN GYI DPE YIN TE DE BAS NA BYE BRAG MED PAR SMOS SO, ,GOS DAG MED PAR BSKOL LO ZHES BYA BA NI, TSON YIN TE CHOS GOS DANG BCAS PAR NI MA YIN ZHES BYA BA'I DON TO, ,BYE BRAG GSUM YAN CHAD DU'O ZHES BYA BAR SBYAR RO, ,GANG GI PHYIR, DE LTAR MANG BA NYID DU 'DOD PA NYID YIN NA LAN GSUM DU BYA'O, ,PHYI MA CHES NGAN PA NYID DE ZHES BYA BA NI DANG PO BSKOL PA BAS PHYIS BSKOL BA SHOS SO, ,DE'I PHYIR THA DAD PAR GZHAG GO ZHES BYA BA NI BSKOL BA RNAMS GZHAG PA'O, ,'DI NI DANG PO'I ZHES BYA BA LA SOGS PA'I YI GE BRI BA'O, ,SNGAR DANG PO DANG SBYAR RO ZHES BYA BA NI TSON NO, ,GOS KUN NAS BSUBS PA LA'O ZHES BYA BA NI, TSON LEGS PAR 'DZIN PA NYID DU BYA BA'I PHYIR TSON GYIS BSGO

135a

, ,BA'O; ,TSON GYIS KUN NAS BSUBS PA'I GOS DE LA TSON DANG SBYAR BAR BYA'O, ,DE BAS NA DE LAS THUN JI TZAM RANG BAR BA CUG CING GZHONG PAR BLUGS SO, ,GSHER CHES NA 'JAN LA SKAM CHES NA 'DRIS PAR 'GYUR BAS DE'I PHYIR RANG PAR RO ZHES BYA BA NI BLUGS PA'O, ,GZAR THAG THANG BCAD NYID LA BSKAMS NA BZANG NGO ZHES BYA BA NI GZAR THAG THANG BCAD CING BRGYANGS PA LA BSKAMS NA BZANG BA'O, ,JI LTAR ZHE NA, DE'I PHYIR MTHA' DBYAR BAS SO ZHES BYA BA SMOS SO, ,JI LTAR MTHA' DBYAR BAR BYA ZHE NA, DE'I PHYIR DBANG BU DAG GIS SO, ,GZUNG DKA' BA RNAMS NI RTZVA BTING BAR RO ZHES BYA BA NI SKAM SAR RO, ,TSON PHYOGS GCIG TU MI 'TSIGS PAR BYA BA'I PHYIR YANG DANG YANG BSGYUR PAR BYA'O ZHES BYA BA NI, TSON PHYOGS GCIG TU SONG PAR MA GYUR CIG SNYAM DU 'DI YANG NAS YANG DU BSGYUR BZLOG BYA'O, ,TSON SAR PA NI SAR PA DAG LA BLUGS NA BZANG NGO ZHES BYA BA NI, TSON SAR PA NI SA RAB DAG LA BLUGS NA BZANG NGO, ,RNYING PA NI RNYING PA DAG LA'O, ,SAR PA RNAMS NI NYI MA LA BSKAMS NA'O, ,RNYING PA RNAMS NI GRIB MA LA'O, ,MI 'DRIS PAR BYA BA'I PHYIR NYI MA GZHAN LA CHU'I THUN BLUGS SO, ,BANG RIM DANG 'CHAGS TSON GYI LAS MI BYA'O, ,GTZUG LAG KHANG DU MI BYA'O, ,DE'I STENG DU MI BYA'O ZHES BYA BA LA; DE ZHES BYA BA NI GTZUG LAG KHANG GI STENG DU'O, ,TSONG YI LAS DE BYED PA DE NI DE'I GNAS YIN GYIS BANG RIM LA SOGS PA NI MA YIN NO, ,'THOR 'THUNG BYA BA'I NYEN KOR DU MI BYA'O ZHES BYA BA NI TSON GYI LAS MI BYA'O, ,PHYOGS DER ZHAL ZHAL BYA'O, ,GAL TE RDO THAL GYIS BYUGS PA YIN NA BKRU'O, ,GAL TE BRTZAMS PA NA RLUNG DANG CHAR 'ONG NA KHYAMS SU BYA'O, ,BYAS ZIN NAS PHYOGS DER LCI BA'AM SAS BYUG PAR BYA'O ZHES BYA BA NI BYAS ZIN NAS ZHES BYA BA NI TSON GYI LAS SO, ,BCAG PA DANG BRDABS PAS RUNG BAR MA GYUR PA SPYAD PA BSTEN PAR MI BYA'O ZHES BYA BA NI GOS BCAG PA DANG, BRDABS PAS RUNG BAR MA GYUR CING MA GRUB PA DANG 'DRA BA MA GRUB PA'I GOS BSTEN PAR MI BYA'O, ,YANG 'DIR RUNG BA GANG YIN PA GANG DUB STEN PAR MI BYA ZHE NA, DE'I PHYIR 'DI LA 'TSOR BA NYAMS PA NI RUNG BA YIN NO, ,CHUS BRLAN PA NYID NA'O, ,ZIL PAS BRLAN NAS LAG PAS MNYE BAS NYAMS PAR BYA BA LA'O, ,SHAM THABS BGOS PA'I STENG DU SKA RAGS

135b

BCING NGO ZHES BYA BA NI SHAM THABS BGOS PA'I STER DU SKA RAGS BCING BAR BYA'O, ,CI ZHIG BCING BAR BYA ZHE NA, DE'I PHYIR SHUR BU 'AM LCAG POD DAM, RGYA CANG NGAM SHUR BU PHRE 'US SO ZHES BYA BA SMOS TE, ,SKUD PA MANG PO LAS BTAGS BA SRAB LA ZHENG CHE BA DANG, LHAS MA GRU BZHIR 'DUG PA DANG, SKUD PA MANG POS BTAGS PA NYID LA BAR KHOD STONG DU 'DUG PA DANG, SKUD PA PHRA MO LAS BTAGS PA MDO MDOR BU GU LNGA 'AM DRUG RIM DU BYAS PA BTOD PA RNAMS GO RIMS JI LTA BZHIN DU'O, ,SKA RAGS MA BCINGS PAR GRONG DU 'JUG PAR MI BYA'O ZHES BYA BA NI, SHAM THABS BGOS PA'I STENG DU SKA RAGS MA BCINGS PAR GRONG DU 'JUG PAR MI BYA BA STE, 'DI NI SHAM THABS BRLAG PAR 'GYUR PA SPANG BA'I PHYIR RO, ,KHRIS GCIG GIS KYANG NGO ZHES BYA BA NI, GAL TE SKA RAGS KHRIS GCIG GIS BCINGS NA DE LTAR NA YANG MI RUNG BA'O, ,TSOM BU CAN DANG TSAR TSAR CAN DANG ZLA GAM CAN DANG GSER SKUD NI RGYAN MA YIN PA MA YIN NO ZHES BYA BA NI, RGYAN THOGS PA BSTEN PAR MI BYA'O ZHES SMOS PAS DE RNAMS BKAG BAR RIG PAR BYA'O, ,KHRA BOR BYAS PA YANG DE DANG 'DRA'O ZHES BYA BA NI, RGYAN BZHIN DU'O, ,MDO 'DI NI GOS KYI DUN DU BYAS PA YIN GYI RTZVA LAS BYAS PA'AM, DE LAS GZHAN PA YANG RGYAN NYID KYI KHONGS SU GTOGS PA'I PHYIR RO, ,GZHI MA BTING BA'I SAR CHOS GOS BZHAG PAR MI BYA'O ZHES BYA BA NI, 'DIR THAMS CAD BAR DU GCOD PA DANG, MA NYAMS PAR RAS SAM LO MA LA SOGS PA GZHI MA BTING BA'I SA LA ZHES BYA BA STE, DE NI MA RUNG BAR 'GYUR BA SPANG BA'I PHYIR RO, ,'DIR GZHUNG NI RNAM PAR 'BYED PA'I STAN GYI GZHI LAS DGE SLONG RNAMS TSOGS GOS DAG GYON TE, SA LA 'KHOD PA NA CHOS GOS DAG MA RUNG PAR GYUR PA NA, BCOM LDAN 'DAS KYIS BKA' STZAL PA, DAD PAS SBYIN PAR BYAS PA CHUD GSAN PAR MI BYA BAR 'DI LTAR STAN NANG TSANGS CAN LA 'DUG PAR BYA'O, ,STAN NAG TSANGS CAN JI LTA BU MI SHES NAS, BCOM LDAN 'DAS KYIS BKA' STZAL PA, RTZVA'I CHUN PO BCINGS DE RAS MAS DKRI BAR BYA'O ZHES GSUNGS PA YIN NO, ,'DIR STAN NANG TSANGS CAN NI DPE TZAM DU ZAD DE, STAN GZHAN LA YANG 'DUG PAR BYA'O, ,'DI NI CHOS GOS MA RUNG BAR 'GYUR BA SPANG BA'I PHYIR RO ZHES BYA BA DE LTAR SMOS SO, ,MI GTZANG BA'I PHYOGS SU MI GZHAG GO ZHES BYA BA NI, SA MA YIN PAR GYUR

136a

, ,PA LA YANG NGO, ,BTUL BA YOD NA KHUR LCI BAS MI MNAN NO ZHES BYA BA NI, CHOS GOS MNAN PAR MI BYA'O, ,GZHAN DU SPYOD PAS YONGS SU SPYAD PAR MI BYA'O ZHES BYA BA'I GZHUNG NI, 'DIR MA MO LAS STOD DU BGO BA SMAD DU BGO BA DANG SMAD DU BGO BA STOD DU BGO BAS YONGS SU LONGS SPYAD PAR MI BYA'O ZHES BYA BA LA SOGS PA GSUNGS SO, ,BSHANG BA DANG GCI BA DANG MI GTZANG BA'I BYI DOR BYA BA DAG TU BLA GOS BGO BA BSTEN PAR MI BYA'O ZHES BYA BA NI BSHAD BA DANG GCI BA BYA BA DANG, MI GTZANG BA'I BYI DOR BYA BA DAG TU BLA GOS DAG BGO BAR MI BYA'O, ,DER NYAL BAR MI BYA'O ZHES BYA BA LA, DER ZHES BYA BA NI BLA GOS DE'I STENG DU'O, ,BSOD SNYOMS LA RGYU BA DANG, MCHOD STON DANG MCHOD RTEN LA PHYAG BYA BA DAD RJE SA BYA BA DANG, DGE 'DUN TSOGS PA DANG, GDAMS NGAG DANG CHOS MNYAN PA NYAMS SU MYONG BA LAS GZHAN PA'I BYA BA LA SNAM SBYAR BGO BAR MI BYA'O ZHES BYA BA NI BGO BAR MI BYA ZHES BYA BAR SBYAR RO, ,DE LA 'DUG PA 'AM NYAL BAR MI BYA'O ZHES BYA BA NI DE BRDZIS NAS 'DUG PA 'AM NYAL BAR MI BYA'O, ,DES NA GRVA BA RDZI BA YANG 'DIR BKAG PA YIN NO, ,MA MO DAG LAS DE DAG DANG MDO 'OG MA GNYIS SO, ,'GA' YANG BSKUR BA LA SBYAR BA MI BYA'O ZHES BYA BA NI DE'I NANG DU CI YANG BCUG NAS BSKUR BAR MI BYA'O ZHES BYA BA'I DON TO, ,LUS LA REG PAR BGO BAR MI BYA'O, ,CHAN KHUNGS G-YAS PA'I DROD KYIS DE MA RUNG BAR 'GYUR RO ZHES BYA BA NI, MCHAN KHUNG GANG GI DROD KYIS 'DI NYAMS PAR 'GYUR RO ZHE NA, DE'I PHYIR G-YAS PA'I ZHES BYA BA SMOS SO, ,DE LTAR MI 'GYUR BAR BYA BA'I PHYIR PHYOGS DER GOS GLAN PAR BYA'O ZHES BYA BA LA, DE LTAR MI 'GYUR BAR BYA BA'I PHYIR ZHES BYA BA NI, NYAMS PAR 'GYUR BA MI 'GRUB PA'I PHYIR RO, ,PHYOGS DER ZHES BYA BA NI MCHAN KHUNG G-YAS PA'I PHYOGS DER RO, ,DE LA ZHES BYA BA DE NI SNAM SBYAR DE LA'O, ,KHRU PHYED DANG DO DANG MTHO GANG NGO ZHES BYA BA NI, DE'I TSAD NI SRID DU KHRU PHYED DANG DO ZHENG DU MTHO GANG NGO, ,NGOS GNYIS KAR SKUD PA'I BRUNGS KYIS SBYAR RO ZHES BYA BA NI NGOS GNYIS KAR MNYAM BAR GLAN PAR BYA'O ZHES BYA BA NI DE'I DON RTOGS PAR BYA'O, ,GZHAN DU NI GNYIS KA LAS, NGOS GNYIS KAR GLAN PAR BYA'O ZHES BYA BA'O, ,SKUD PA'I ZUNGS KYIS SBYAR BAR BYA'O ZHES BYA BA NI STEN PAS NI MA YIN NO, ,DUS DUS SU DE BKRU

136b

BA DANG KHA BSGYUR BAR BYA'O, ,DE'I DE NI BTZAG GIS SO ZHES BYA BA NI, GOS DE'I KHA BSGYUR BA DE NI BTZAG GIS RIGS PAR BYA'O, ,GDONG PHYIS BCANG BAR BYA'O ZHES BYA BA LA, 'DIR GZHUNG NI GNAS BRTAN GYIS DRIS PA RUNG RAM, TSE DANG LDAN PA RNAMS BDAG NI NAD PAS TE MI RUNG NGO, ,CI KHYOD SNGON GDONG PHYIS BCANG BAR BYAS NA DA LTAR CI'I PHYIR MI 'CHANG, BCOM LDAN 'DAS KYIS MA GNANG NGO, ,BAR SKABS DER GSUNGS PA DE BAS NA GDONG PHYIS BCANG BAR BYA'O ZHES RJES SU GNANG BA'O, ,'DIR GDONG PHYIS NI LAG PHYIS LA SOGS PA DAG GI DPE YIN TE, SHIN TU MOD PA NYID DANG SHIN TU BZOD PA ZHES BYA BA'O, ,'DIR GDONG PA NI GTZO BO NYID DU BSTAN PA'O, ,LUS 'DZAG PAS RNAG GZAN NO ZHES BYA BA NI BCANG BAR BYA'O ZHES BYA BAR SBYAR BAR BYA'O, ,GANG GI LUS KHRAG GAM RNAG 'DZAG PA DE NI LUS 'DZAG PA ZHES BYA STE, DES RNAG GZAN BCANG PAR BYA'O, ,DE CHOS GOS KYIS NANG DU BGO'O ZHES BYA BA LA DE ZHES BYA BA NI LUS SPRUG PA DE'O, ,DBYAR BA NI SKA BA'I CHU 'AM SO PHAG GI PHYE MA SGYUR BA'I CHUS SPANGS TE DAL BUS KHAD KYIS 'GOGS PAR BYA'O ZHES BYA BA LA, SO PHAG GI PHYE MA SBYAR ZHES BYA BA NI CHUS SO, ,RNAG DANG KHRAG KYANG NGO ZHES BYA BA NI SKA BA'I CHU DANG SO PHAG GI PHYE MA DANG SBYAR BA'I CHUS SPANGS TE DAL BUS KHAD KYIS 'GOGS BAR BYA'O; ,DUS DUS SU DE BKRU BA DANG SKAM PA DANG KHA BSGYUR BAR BYA'O ZHES BYA BA LA DE ZHES BYA BA NI LUS KYI RNAG GZAN NO, ,DE NI DE'I BTZAG GIS BZAD DO ZHES BYA BA LA, DE NI ZHES BYA BA NI RNAG GZAN DE KHA SGYUR BAR BYED BA NI BTZAG GI RDUL BU GNAS 'DZAG PAR SPANGS PAS TE, DE LTAR GRANG MO DE MED PA ZHES BYA BA DES SHES PA'O; ,'DI'I DE LA SA'I SNYING PO BZANG NGO ZHES BYA BA NI, 'DZAG PA DE'I SKAM BA DANG, SHA BKRAR MI 'GYUR BA DE'I SMAD DU NI SA'I SNYING PO'I PHYE MA BZANG NGO, ,CHOS GOS GAR BAB BAB TU MI GZHAG GO ZHES BYA BA NI, SKABS 'GA' TZAM GZHAG PA'I SKABS DGAG PA NI SNGAR BYAS ZIN PAS, DE NI MDZOD DU GYUR PA'I GNAS GANG YIN BA DE'I DGAG PA YIN NO, ,DE'I DON DU GDANG BU BCA'O ZHES BYA BA NI CHOS GOS GZHAG PA'I DON DU'O, ,DE'I DON DU SBUBS KHUNG BYA'O ZHES BYA BA NI BCA' BA'O, ,DE'I DON DU ZHES BYA BA NI CHOS GOS KYI GDANG BCA' BA DE'I DON DU'O, ,GANG GI TSE ZHE NA, DE'I PHYIR GTZUG LAG KHANG RTZIG PA'I TSE NA'O ZHES

137a

, ,BYA BA SMOS TE, GAL TE DUS DE LA SBUBS KHYUD DE GDOD PAR BYA'I, ,BRTZIGS ZIN PA'I 'OG TU MI BYA'O, ,RTZIG PA'I STENG NAS DBUG PAR BYA BA'AM ZHE NA, MA YIN TE, DE'I PHYIR BYAS ZIN NA BU GU MI BYA'O ZHES BYA BA SMOS TE, ,GTZUG LAG KHANG LA ZHES BYA BA LA, 'DI LA GTZUG LAG KHANG BRTZIGS ZIN NA ZHES BYA BAR SBYAR RO, ,GTZUG LAG KHANG NI DPE TZAM YIN TE, KHANG KHYIM LA YANG DE BZHIN NO ZHES BYA BA NI GDANG BU'I SBUBS KHUNG BCA' BA'O, ,DE NI SHING BU 'AM THAG PAS 'GRUB PO ZHES BYA BA NI, GDANG BU DE BYA BA NYID LA 'BRAS BU MA NYAMS PAR GZHAG PA LA DGON PA RNAMS SU DE GSUNGS TE, YOD PA TZAM NYID LAS DE RNAMS LA BSTAN PA RNAM PAR GNAS PA YIN NO, ,DE RNAMS KYIS SAM GZHAN RNAMS KYIS KYANG BYED PA MA YIN TE, DE LA MA YIN NO ZHES BYA BA DE GTZO BO SNYAM PA LA DE SKAD CES SMOS SO, ,GTUR BUR GOS DAG BSKUR NA BZANG NGO ZHES BYA BA NI CHOS DAG CHUD ZA BAR 'GYUR BA SPONG BA DANG 'BREL BA'I PHYIR DE ZHUGS PA'O, ,DE BYA'O ZHES BYA BA NI GTUR BU DE LA'O, ,KHRU GSUM DANG PHYED DANG GSUM GNYIS BLTAB TU BYAS TE BTZEM MO ZHES BYA BA NI SRID DU NI KHRU GSUM MO, ,ZHENG DU NI KHRU PHYED DANG GSUM LAS GANG GI TSAD DE NYID BLTAB TU BYAS PA NI ZHENG DU YIN GYI; SRID DU MA YIN PA NI DON GYIS GO BAR BYA'O, ,DBUS SU KHA GDOD DO ZHES BYA BA NI GTUR BU DE'I'O, ,DER KHA RAN SBU GU CAN DU BYA'O ZHES BYA BA LA, DER ZHES BYA BA NI KHAR RO, ,KHAR NA SBUG GU CAN CI LAS BYA ZHE NA, DE'I PHYIR THA GU LAS SO ZHES BYA BA SMOS SO, ,KHA RGYUN GZHAN YANG NGO ZHES BYA BA NI THA GUS SO, ,SPYAD PAR BYA BA DAG STENG DU GZHUG GO ZHES BYA BA NI GOS RNAMS LA'O, ,SANG 'GRO BAR 'GYUR BA NYID NA BLA MA LA ZHUS TE GNANG NA 'GRO BAR BYA'O, ,RANG GI GNAS SU CHAG CHAG LA SOGS PA BYAS TE ZHES BYA BA NI GNAS KHANG NA GNAS BA DE NI 'DIR DE'I RANG GI ZHES BYA BA SMOS SO, ,DER GANG GIS CHAG CHAG LA SOGS PA BYAS PA DE'I NI RANG GI GNAS DER CHAG CHAG LA SOGS PA BYAS PA'O, ,SOGS PA ZHES SMOS PA'I SGRAS NI PHYAG DAR DANG LCI BA 'JAM POS BYUG PA DAG BSDU'O, ,MA MO LAS, 'GRO BAR 'GYUR BA ZHES BYA BA'I TSIG 'DI'O, ,LAM DU CHOS DANG LDAN PA'I GTAM

137b

GYIS SAM, 'PHAGS PA'I MI SMRA BA NYID KYIS 'GRO BAR BYA'O, ,NGAL BSO BA'I GNAS SU GTZUG LAG GI TSIGS SU BCAD PA GDON NO, ,CHU BCUS PAR YANG NGO ZHES BYA BA NI GNAS SU DRANG SRONG GIS GSUNGS PA'I TSIGS SU BCAD PA GDON PA'O, ,SU'I PHYIR ZHE NA, DE'I PHYIR CHU GANG GI YIN PA DE'I PHYIR RO, ,LHA RNAMS KYI PHYIR YANG NGO ZHES BYA BA NI, CHU BCUS PA'I GNAS SU YANG DRANG SRONG GIS GSUNGS PA'I TSIGS SU BCAD PA GZHAN GDON NO ZHES BYA BA NI CHU'I LHA RNAMS KYI PHYIR ZHES BYA BA NI CHU'I LHA RNAMS KYI PHYIR ZHES BYA BA DON GYIS RTOGS PA'O, ,GNAS PAR RGYUN CHAGS GSUM PA'O ZHES BYA BA NI ZHAG TU GNAS PA'I GNAS SU RGYUN CHAGS GSUM PA GDON PAR BYA'O, ,DPYANG THAG BCANG BAR BYA'O, ,DE'I TSAD KYI'O ZHES BYA BA NI KHRON PA DE'I 'O, ,KHRU BRGYA YAN CHAD NAS BRGYA LNGA BCU MAN CHAD DO, ,KHA CIG LAS NI YUL GYI RJES SU MTHUN PA'O ZHES SO ZHES BYA BA NI KHA CIG NI TSIGS SU BCAD PA RNAMS LA 'DOD DO, ,DE MED PAR ZHES BYA BA NI KHRON PA'I CHU DE'O, ,KHRON PA'I CHU MA YIN PA DKON PA'I YUL DU KUN DU RGYU BAR MI BYA'O ZHES BYA BA LA, KHRON PA'I CHU MA YIN PA LA NI 'BAB CHU LA SOGS PA'I CHU PHYOGS GANG NA RNYED PAR DKA' BA DE'I KHRON PA'I CHU MA YIN PA DKON PA'I YUL LO, ,LAM DU 'GRO BAS CHOS GOS SPRUGS SHING KHRUS BYAS PA 'AM, RKANG LAG BKRUS TE CHU THOGS NAS MCHIL LHAM BYIS SHING CHOS GOS GSUM GYON TE SPYOD LAM ZHI BAS GTZUG LAG KHANG DU 'JUG PAR BYA'O ZHES BYA BA NI SIL BU DAG LAS 'DI BSTAN TO, ,RGAN RIMS BZHIN LA PHYAG BYAS NAS THA MAL PA'I PHYOGS SU BSDAD PAR BYA'O ZHES BYA BA NI THA MAL PA'I PHYOGS LKOG TU GYUR PA MA YIN PA DGE SLONG THAMS CAD 'DUN PA GANG YIN BA DER BSDAD PAR BYA'O, ,SGRA BSKYUNG BA DANG MDZES PA DANG SHIN TU BSDAMS PA DANG SPYOD LAM RAN PAR RO ZHES BYA BA NI, SHIN TU BSDAMS PA DANG SPYOD LAM RAN PAR RO, ,'DIR NI MA MO DAG LAS, THA MAL PA'I PHYOGS SU ZHES BYA BA LA SOGS PA GSUNGS SO,, MI SHES NA ZHES BYA BA NI, 'DIR SIL BU DAG LAS, DE LA SOGS PA BYA'O ZHES GSUNGS PA YIN NO, ,RGYUS SHES PA DANG LDAN PAS BSU BAR BYA'O ZHES BYA BA NI GANG GIS DE'I RGYUS SHES PA NI DE LA 'DI NI CHE GE MO ZHIG NAS 'ONGS SO, ,CHE GE MO ZHIG GI LHAN CIG GNAS PA DANG NYE GNAS YIN NO ZHES DES BSU ZHING

138a

, ,RANG GNAS SU DAL BSOR GZHUG PA DANG CHAM DU DBAB PAR BYA'O, ,RGYUS KYI SGRAS NI DE SHES PAR BRJOD PA YIN TE, DE GANG LA YOD PA DES ZHES BYA BA'I DON TO, ,MI SHES NA MU GCIG PA YIN YANG BSU BAR MI BYA'O ZHES BYA BA NI GZHAN DU MU GCIG PA DANG BSU BAR MI BYA BA 'BA' ZHIG TU MA ZAD DO; ,SGO CHOD CIG TSOL NA MA SBYIN CIG LEN NA BZLOG CIG CES BCOL BA KHAS BLANGS NAS YAL BAR BOR RAM, 'DI KHO BO'I GROGS PO YIN NO ZHES BYA BA LA SOGS PA'I TSIG GIS YID GCUGS PA'I DNGOS PO NYID DU BSGRUBS PA LA BRLAB PAR GYUR NA GZHAL BAR BYA BA NYID YIN NO ZHES BYA BA LA, JI LTAR YID GCUGS PA'I DNGOS PO NYID DU BSGRUBS PA LAS YIN ZHE NA, DE'I PHYIR 'DI KHO BO'I GROGS PO YIN NO ZHES BYA BA LA SOGS PA'I TSIG GIS KHAS BLANGS NAS YAL BAR BOR NA RNAM PA 'DI GNYIS NI GNYUG MAR GNAS PA DANG, GLO BUR DU 'ONGS PA GNYIS KA BYE BRAG MED PA NYID DU SHES PAR BYA STE, DE'I PHYIR YID CHES PA LA BRTEN PAR BYA'O ZHES BYA BA SMOS SO JI LTA BU ZHE NA, DE'I PHYIR GZHAN GYIS MI SHES PA'I BYE BRAG BRTAG PA NI THABS YIN NO, ,DBUL BAR BYA BA LTUNG NA'O ZHES BYA BA NI DBUL BAR BYA BA'I DNGOS PO LEN BAR BYED PA'I LAG TU MA SONG BAR 'BAB CHU LA SOGS PA'I NANG DU LHUNG NAS 'DZIN MA NUS NA ZHES BYA BA DON GYIS RIG PAR BYA'O, ,CI RNAM PA THAMS CAD DU 'AM ZHE NA, DE'I PHYIR GAL TE MA BLANGS PAR BTANG NA'O ZHES BYA BA SMOS TE, GAL TE GANG LA DBUL BA DES MA BLANGS PAR 'BUL BAR BYED PAS BTANG NA NI DES NA BUL BAR BYED PAS GZHAL BAR BYA BA NYID MA YIN NO, ,DE LA BAG MED PAR MI 'GYUR BAR BYA BA'I PHYIR DRI BAR BYA'O ZHES BYA BA LA, DE LA ZHES BYA BA NI MA BLANGS PA DE LA'O, ,KHYOD KYIS ZIN TAM 'ON TE MA ZIN CES BYA BA'I TSIG GIS THA SNYAD DU BYA BA'O, ,DE'I PHYIR ZIN TAM MA ZIN CES BRJOD NA ZIN PA NYID DU RNAM PAR GZHAG PAR BYA'O, ,BRNYAS PA MI GTZANG BAS MA RUNG BAR 'GYUR BA BKRU BA LA SOGS PAS SEMS GZUNG BAR MA GRUB NA RIN SKYIN NO ZHES BYA BA NI, GANG GI PHYIR DE SON PA LA SMOS TE, GZHAN DU YANG CHO GA 'DI SBYAR BA ZHES BYA BA BYE BRAG MA SMOS PA'O, ,ZHAR LA BYUNG BA'I SKAB SONG ZIN TO,, ,,RGYUS SHES PA DANG LDAN PAS BSU BAR BYA'O ZHES GANG SMOS PA DE LA JI LTAR BSU BAR BYA ZHE NA LHUNG BZED DANG CHOS

138b

GOS BLANG BAR BYA'O, ,STAN GDING BAR BYA'O, ,RKANG PA BKRU BAR 'GRON DU GNYER BAR BYA'O, ,CHUS KYANG NGO ZHES BYA BA NI BTUNG BA'I DON DU CHUS 'GRON DU BSNYEN PAR BYA'O ZHES BYA BA DON GYIS RTOGS PAR BYA'O, ,PHYAG BYA'O, ,SPYOD PA BDE'AM MI 'DRI'O, ,CI NUS KYIS YANG DAG PAR DGA' BAR 'GYUR BAR BYA'O, , GNAS MAL RKYEN DU 'BAB PA SBYIN NO ZHES BYA BA NI MA MO DAG LAS MTHUN PAS LHUNG BZED DANG CHOS GOS ZHES BYA BA LA SOGS PA'O, ,DGE 'DUN GYI GNAS BRTAN GYI GAN DU 'GRO BAR BYA'O ZHES BYA BA NI GLO BUR BA'O, ,TSIG DE NI GLO BUR BA LAM DU MI 'GRO BA DAG GI PHYIR GSUNGS PA YIN NO, ,DES DE GNAS 'CHA' BA LA SBYAR BAR BYA'O ZHES BYA BA LA, DES DE ZHES BYA BA NI DGE 'DUN GYI GNAS BRTAN DES SO, ,DE LA ZHAS BYA BA NI GLO BUR DU 'ONGS PA DE LA'O, ,GAL TE RGAN NA DE GNAS MAL BSTABS PA'I PHYIR DE'I DGE SKOS LA'O ZHES BYA BA NI DGE 'DUN GYI GNAS BRTAN GYIS GNAS MAL STOBS PA'I DGE SKOL LA BSGO BAR BYA'O, , BAB COL DUG NAS MAL GSOL BAR MI BYA'O ZHES BYA BA LA, 'DI NI MA MO DAG LAS LEGS PAR SO SOR BRTAGS TE MNOD PAR BYA'O ZHES GSUNGS PA YIN NO, ,GLO BUR DU 'ONGS PA'I SKABS SONG ZIN TO,, ,,CHOS GOS KYI MTHA' ZEGS NA MTHA' SKAR GYIS GLAN ZHING PHYIR BCOS SO, ,SMYUNG TSAMS LTA BU DAG GIS DE'I GZUNGS GDAB PO ZHES BYA BA NI MTHA' SKOR BSDUS PA'O, ,RO'I GOS NI BLA GAB MED PAR ZHES BYA BA SMOS NA PHYOGS GANG DU ZHE NA, DE'I PHYIR, SHING LJON PA LA SOGS PA'I STENG DU'O ZHES BYA BA SMOS SO, ,NYI MA BDUN NAM BRGYAD DAM KHA CIG LAS LNGA 'AM DRUG BZHAG STE ZHES BYA BA SMOS SO, ,DE LTAR RO'I GOS LA'O, ,GOS 'KHRUR BCU GNAS SPYAD PAR BYA'O, ,BDAG DUR KHROD PA'O ZHES GO BAR BYAS NAS ZHES BYA BA LA GO BAR BYAS NAS ZHES BYA BA NI BRJOD NA DON GANG LA YIN ZHE NA, DE'I PHYIR BDAG DUR KHROD PA'O ZHES 'BOD NA'O, ,GTZUG LAG KHANG DANG KHYIM BDAG TU 'JUG PAR BYA'O, ,DUR KHROD PAS BDAG GIR BYA BA MA BTANG BA LA YANG SPYAD PA BSTEN BAR BYA BA NI GAL TE DE SKAD CES BRJOD PA NA, BDAG GIR BYA BA MA BTANG BA LA YANG DE LTAR LONGS SPYOD PA NYID KYIS BSTEN PAR BYA BA'I DON TO, ,KHYIM GYI SGRAS NI BRAM ZE DANG KHYIM BDAG GI KHYIM PA GZUNG BAR RIG PAR BYA'O, ,GANG GIS LONGS SPYOD PAR BYA ZHE NA,

139a

, ,DE'I PHYIR BDAG GIR BYA BA MA BTANG BAR YANG ZHES BYA BA SMOS TE, DE'I LHUNG BZED LA REG PA YONGS SU MA BTANG ZHING SBYIN PA GANG YIN PA DE LA ZHES BYA BA'I DON TO, ,DGE 'DUN GYI GNAS MAL LA SPYAD PAR MI BYA'O ZHES BYA BA NI DUR KHROD PAS SO, ,MCHOD RTEN LAS 'DOM GANG TZAM GYIS 'GYED DO ZHES BYA BA LA YANG DUR KHROD PAS SO, ,SBRANG YAB BCANG BAR BYA'O ZHES BYA BA LA, DE JI LTA BU ZHIG CE NA, DE'I PHYIR BAL LAS BYAS PA DANG, SHA NA LAS BYAS PA'I RAS MA 'AM 'DAB MA'I DOG PA'O, ,GLANG PO CHE DANG RTA DANG BA LANG GI SPU LA SOGS PA LAS BYAS PA MI RUNG NGO ZHES BYA BA, SBRANG BU DAG GSOD PA'I BDAG NYID GANG YIN PA DE YANG 'DIR BKAG PA YIN NO, ,BAL LA SOGS PA NI DPE TZAM DU ZAD KYI, DE BAS NA GZHAN YANG RTOGS BAR BYA'O, ,'DIR YANG SBRANG SKYABS NI DON MTSUNGS PA NYID DE DE'I PHYIR DE DANG BCAS PAR SMOS PAR GYUR CIG CES BYA BA 'DIR 'DI RNAM PAR GZHAG PA'O, ,THAMS CAD DU GANG ZAG GIS 'KHAR BA RTZI CAN NYID DANG KHRO BO NYID MI RUNG NGO ZHES BYA BA LA, THAMS CAD DU ZHES BYA BA NI SBRANG YAB KYI YU BA 'BA' ZHIG TU MA ZAD KYI, 'ON KYANG GZHAN THAMS CAD LA YANG PHYOGS GCIG TU GYUR PA DANG YAN LAG TU GYUR PA YIN PA'I PHYIR RO, ,SBRANG SKYABS KYANG NGO ZHES BYA BA YANG BCANG BAR BYA'O ZHES JI LTA BU ZHIG CE NA, DE'I PHYIR, SHING BU'I STENG DU RAS KYIS G-YOGS BA'O ZHES BYA BA SMOS SO, ,JI LTAR SHING BUL G-YOGS PAR BYA ZHE NA, DE'I PHYIR BCINGS PAS SO ZHES SMOS SO, ,RAS JI TZAM ZHIG CES NA, KHRU BZHI DANG DO PA'O ZHES SMOS TE, SRID DU KHRU BZHI LA ZHENG KHRU DO PA'I TSAD GANG LA YOD PA'I ZHES BYA BA'I DON TO, ,RAS KHRU BCU GNYIS PAS G-YOG GO ZHES BYA BA LA, JI LTAR G-YOGS PAR BYA ZHE NA, DE'I PHYIR 'BYAR BA DANG BCAS PAR RO ZHES BYA BA SMOS TE, RAS KYI MTHA' MA RNAMS 'BYAR BA ZHES BYA BA 'DI SKABS NYID KYI PHYIR SHES PAR BYA'O, ,DE'I MTHA' NI MAL CHAS SBYAR RO ZHES BYA BA LA, DE'I ZHES BYA BA NI G-YOGS MA'I RAS DE LA'O, ,SGO BSEGS KHAR 'DOD DO ZHES BYA BA NI, SBYANG SKYABS KYI SGO SNOL MAR 'DOD PA'O, ,TSA BAR NI BSIL BA SBYAR RO, ,BSIL YAB BCAD BAR BYA'O ZHES BYA BA LA, RLUNG BSKYAB PAR BYA'O ZHES BYA BA NI BSIL YAB BO, ,'DIR BCOS MA NYID NI GTZO BO STE, GANG ZAG NI MA YIN

139b

NO; ,DE BAS NA MA ZHEN PAR BYAS PA NI 'DIR MA BSDUS PA NYID DO, ,BSIL YAB MKHAN GYIS BYAS PA DANG, TA LA'I CHANG BU'O ZHES BYA BA NI SKYED PA'I CHA BYAD NI TA LA'I LO MA'I TSOGS YIN PA'I PHYIR RO, ,KHRA KHRA BO MI RUNG NGO ZHES BYA BA LA, 'DI NA DBYIG PAR GTOGS PA'I LUS SPYI LA BSNYEGS TE, DE'I PHYIR LHAG MA'I DON DU 'DI'O, ,DGE 'DUN GYIS NI GZHAN YANG NGO ZHES BYA BA LA, DGE 'DUN GYIS NI BSIL YAB MKHAN GYIS BYAS PA DANG TA LA'I CHANG BU LAS GZHAN KO LPAGS LAS BYAS PA DANG RMA BYA'I GSHOG PA LA SOGS PA LAS BYAS PA DANG, KHRA KHRA BO MA YIN PA LAS GZHAN PA KHRA KHRA BOR 'DUG PA DANG, YU BA RTZI CAN DANG KHRA BO YANG BCAD BAR BYA'O ZHES TE DBYUG PA DE LTA BU NI GANG ZAG LA BKAG PAR RIG PAR BYA'O, ,NOR BU DANG RNGA MA'I BSIL YAB RNYED NA MCHOD RTEN LA DBUL LO ZHES BYA BA NI DE'I CHED DU 'DI RNYED PAR GYUR PA BLANGS PA ZHES BYA BAR 'DIR RNAM PAR GZHAG PAR RIG PAR BYA STE, 'DI NI MA MO DAG LAS SO, ,MCHOD RTEN KUN LA YIN NAM CI SANGS RGYAS KHO NA'I LA YAN NAM ZHE NA, DE'I PHYIR NYAN THOS KYI LA YANG DO ZHES BYA BA SMOS TE, SANGS RGYAS KYI 'BA' ZHIG TU MA ZAD DO, ,'DIR GZHUNG NI DGE SLONG GIS RNGA MA'I BSIL YAB NOR BU CAN BCANG BAR MI BYA'O, ,JI STE RNYED NA BLANGS TE SANGS RGYAS KYI MCHOD RTEN NAM NYAN THOS KYI MCHOD RTEN LA DBUL BAR BYA'O ZHES GSUNGS PA YIN NO, ,STAN NANG TSANGS CAN DANG LA BA DANG SNGAS NAD TSANGS CAN DANG GOR BU DAG BCAD BAR BYA'O ZHES BYA BA NI MA MO LAS, DGE SLONG RNAMS KYIS GNAS MAL DANG, STAN GYI RJES SU GNANG BA NI 'DI LTA STE, KHRI DANG KHRI'U DANG STAN NAD TSANGS CAN DANG LA BA DANG SNGAS NAD TSANGS CAN DANG, GOR BU DANG BGO BA'I DGE 'DUN GYI YANG RUNG GANG ZAG GI YANG RUNG BA'O ZHES GSUNGS PA YIN NO, ,BU DANG CHUNG MA'I RNYED PA NI SBYIN BAR BYED PA'I DBANG GIS BSGRUB PO ZHES BYA BA NI SBYIN BAR BYED PAS JI LTAR RNAM PAR NGES PA BYED PA DE BZHIN DU 'DI LA RNAM PAR NGES PAR BYA STE, SIL BU DAG LAS DE DANG POR BYAS NAS GZHAN ZHES BYA BA'I MTHAR THUG PA DANG, SNOD SPYAD SBED PA ZHES BYA BA DANG BOR BYAS TE 'DUG PAR BYA'O ZHES BYA BA'I MTHAR THUG PA DANG, DKON MCHOG GI DON DU ZHES BYA BA DANG BOR BYA STE, 'KHOR LO BCAD BAR BYA'O ZHES BYA BA'I MTHAR THUG PA DANG, BCU STON LA SOGS PA'I RNYED PA ZHES BYA BA DANG POR BYA STE, 'CHANG BA BSTAN PA ZHES BYA BA'I

140a

, ,MTHAR THUG PA'O, ,'DIR GZHUNG NI MA MO DAG LAS, GLENG GZHI RNAMS LAS SBYAR BA ZHES BYA BA DANG POR BYAS NAS SBYIN PA ZHES BYA BA'I MTHAR THUG PA DANG, LHUNG BZED CES BYA BA DANG POR BYA STE, BYIN GYIS BRLAB PAR MI BYA'O ZHES BYA BA'I MTHAR THUG PAR GSUNGS PA YIN NO, ,GAL TE SLU BAR BYED NA JI TZAM DU 'DOD PA DE TZAM DU BTZONG BA NYID YIN NO ZHES BYA BA LA, GAL TE SLU BAR BYED NA ZHES BYA BA GAL TE SBYIN PAR BYED PAS RANG GI BU DANG CHUNG MA PHUL BA PHYIR SLU BAR 'DOD NA'O, ,JI TZAM DU 'DOD PA ZHES BYA BA LA, DE ZHES BYA BA NI SBYIN BAR BYED PA LA'O, ,DE TZAM DU BTZONG BAR 'DOD PA NYID YIN NO ZHES BYA BA JI TZAM DU BU DANG CHUNG MA SBYIN BAR 'DOD PAS SLU BAR 'DOD NA, SBYIN BAR BYED PA DE RIN JI TZAM DU 'DOD PA DE TZAM DU BTZONG BA NYID YIN NO, ,YANG DANG YANG 'BUL DU RUNG BA'O ZHES BYA BA NI PHUL ZIN BA'I DNGOS PO LEN PA PO NYID LA YANG DANG YANG 'BUL DU RUNG BA STE, SBYIN BAR BYED PA'I DAD PA SPEL BA'I PHYIR RO, ,SHING LJON PA LA PHUL NA GAL TE RGYAN YIN NA GAL TE DUS STON GYI TSE DE NYID BRGYAN PA'I PHYIR GZHAG GO ZHES BYA BA LA, DE NYID CES BYA BA NI SHING LJON PA DE NYID DO, ,DUS STON GYI TSE DE NYID BRGYAN PA'I PHYIR GZHAG GO ZHES BYA BA NI DE DANG RIGS MTHUN PA GZHAN MED NA RIGS MI MTHUN PA GZHAN BRGYAN BRGYAN BA'I PHYIR GZHAG PA LA LTUNG BA MED DO, , YONGS SU BTZAL NAS MA RNYED NA ZHES BYA BA LA YANG LHAG MA ZA BA LA SMOS PA'I PHYIR RTOGS PAR BYA'O, ,RTZIG PA LA GAL TE GNAS KHANG GI NI RI MO BYA BA'I PHYIR RO ZHES BYA BA LA, GAL TE GNAS KHANG LA PHUL BAR GYUR NA, DE NAS GNAS KHANG GI RTZIG PA LA RI MO BYA BA'I PHYIR GZHAG GO ZHES BYA BA'I DON TO, ,'DIR ME KHANG LA SOGS PAR GTOGS PA'I RTZIG PA'I RTZIG PA DANG KA BA DAG LA PHUL BAS LAS SAR PA BYA ZHES BYA BA'I GZHUNG YANG, 'DIR RTZIG PA GNAS KHANG GI YIN LA RDZAS DE GNAS KHANG GI YIN NA RDZAS DE GNAS KYI RTZIG PA'I RI BRI BA'I PHYIR SPYAD PAR BYA'O ZHES GSUNGS PA MTHONG BA YIN TE, DE GNAS KHANG GI RTZIG PA 'DIR BYE BRAG TU BRJOD PAR RNAM PAR GNAS PA YIN NO, ,GAL TE DE MA YIN NAM KA BA LA NI LAS SAR PA'I PHYIR RO ZHES BYA BA NI GAL TE RTZIG PA DE GNAS KHANG GI MA YIN NAM KA PA LA PHUL NA MKHAR LEN GYI PHYIR GZHAG PAR BYA'O, ,SA LA NA'O ZHES BYA BA 'DI NI 'OG MA RNAMS LA SBYAR BAR BYA'O, ,ME KHANG GI NI SNANG BAR RO ZHES BYA BA

140b

NI ME BUD PA'I ME KHANG GIS LA PHUL BA'I RDZAS NI DGE 'DUN GYI SNANG BA GANG DANG GANG DU DGOS PA'I RGYUR SPYAD KYI ME KHANG DE NYI TSER NI MA YIN NO, ,YANG NA SNUM BAG GI RNYED BAR RO ZHES BYA BA NI ME KHANG GIS SA LA PHUL BA'I RDZAS ZHES BYA BAR SBYAR RO, ,RUNG BA'I KHANG PA'I NI NA BA'I SMAN DU GZHAG GO ZHES BYA BA NI PHUL PA'I RDZAS DE'O, , BKANG SA'I NI ZAS SU BYA'O, ,SKYEMS MAL BYI NI BTUNG BAR RO ZHES BYA BA NI, SKYEMS MAL GYIS LA PHUL BA'I RDZAS NI BTUNG BAR BSGYUR BAR BYA'O, ,BSRO KHANG GI GNAS KYI NI BSRO KHANG GI LAM SNUM BAG GI RNYED PAR RO, ,'KHOR GYI KHYAMS DANG DPONG SA'I RA BA'I NI SNUB BAG GI RNYED PAR RO, ,YANG NA SKYES PA'I RAB KYI SDE BRI BAR RO ZHES BYA BA NI, DPONG SA'I RA BA'I RNAM PA NYID DANG, 'KHOR GYI KHYAMS LA CHOS KYI GNYER LA DBANG BYED PA PHAL CHER DE DAG GNAS PA ZHES BYA BAS SKYES PA'I RABS KYI SDE BRI BAR RIGS PA YIN NO ZHES BYA BA'I DGONGS PA'O, ,BANG RIM DANG 'CHAGS DANG SGO KHANG DANG, KHYAMS DAG LA PHUL BA'I SNOD SGO'O, ,RDZING BU'I YANG NGO ZHES BYA BA NI, SNOD SGO KHANG ZHES BYA BA 'DON PA 'DI 'DIR 'DON PAR 'DOD PA NYID KYIS NYE BAR BTAGS PA'O, ,KHA CIG LAS DE NI PHYOGS BZHI'I DGE 'DUN GYI NYID DU GZHAG GO ZHES BYA BA LA, DE NI ZHES BYA BA NI RDZING BU LA'O, ,KHA CIG LAS ZHES BYA BA NI 'DOD PA'O, ,DKON MCHOG GI DON DU BLANG DU RUNG NGO, ,BSGRAG TU YANG NGO ZHES BYA BA NI, DGE SLONG GI BYAR MI RUNG BA MA YIN ZHES BYA BA'I DON TO, ,GANG GI TSE BSGRAGS PAR BYA ZHE NA, DE'I PHYIR LEN PA'I 'TSE'O ZHES SMOS TE, RNYED PA 'BUL BA LEN PA'I TSE NA'O ZHES BYA BA'I DON GYIS SO, ,MTHONG BAR BYA BA'I PHYIR 'PHANG LO BYA'O ZHES BYA BA NI, GANG GI PHYIR DER SGROGS PAR BYED BA MTHONG BA YIN NO, ,'PHANG LO GNYIS SMOS PA NI SHING RTA'I 'PHANG LO'I RNAM PA LA 'DIR 'KHOR LOR 'DOD PA YIN NO, ,TSA BA DAG RLUNG DANG CHAR BA'I GNOD PAS MI REG PAR BYA BA'I PHYIR KHANG PA BRTZEGS PA SGO BZHI DANG LDAN PA'O, ,DUS STON GYI RJES LA 'PHANG LO BRTUL LO ZHES BYA BA NI DUS STON LA 'PHANG LO GANG YIN PA DE LA CHO GA 'DI ZHES BYA BA'I LAS RTOGS PA'O, ,SNOD SPYAD 'BRUB PAS RNYED PA 'GRUB PAR BYA'O, ,GNYIS KA LA MA BSNGOS PA STON PA MCHOD PA'I TSE PHUL BA DGE 'DUN GYI LA DGE SLONG MA RNAMS KYI 'JUG PA MED DO ZHES BYA BA LA, GNYIS KA LA ZHES BYA BA NI, DGE SLONG GI DGE 'DUN DANG,

141a

, ,DGE SLONG MA'I DGE 'DUN NO, ,STON PA MCHOD PA'I TSE ZHES BYA BA NI, BYANG CHUB SEMS DPA'I GNAS SKABS KYANG STON PA YIN PAS SO, ,DGE SLONG BYED PA PO RNAM KYIS MCHOD PA LA 'DI CHO GA ZHES BYA BA'O, ,DGE SLONG MA RNAMS KYIS BYAS PA'I TSE LA BSNGOS PA'I RNYED BA BYUNG BA GANG YIN PA DE NYID KYIS RTOGS PA'O, ,GNYIS KA BYAS PA NA GNYIS KA LA BSNGOS PA RNYED PA 'BYUNG BA GANG YIN PA DE LA NI RJES SU MA BRJOD PAR PHUL BA LA THUN MONG PA NYID KYIS PHYIR STON PA LA DOGS PA DE BZLOG PA'I DON DU 'DIR BYAS SO, ,'DI LA GCIG GI NANG DU DE DAG GIS 'PHANG LO THA DAD PA BTZUGS NA NYES PA SBOM PO'O ZHES BYA BA LA; 'DI LA ZHES BYA BA NI MCHOD PA LA'O, ,KHA CIG GIS ZHES BYA BA NI GANG DU DGE SLONG RNAMS KYIS 'PHANG LO BTZUGS PA DE LA GZHAN PA DAG LAS DGE 'DUN GYI DBYEN GYI SKABS SU 'DI GTOGS PAR RIG PAR BYA'O, ,SNOD SPYAD 'GYED PAS BGO BAR BYA'O, ,DE BSKOR BAR BYA'O ZHES BYA BA NI, SNOD SPYAD 'GYED PA PO DES SO, ,DES JI LTAR BGO BAR BYA BA ZHE NA, DE'I PHYIR BTZONG BAR BYA BA RNAMS BTZONGS TE'O ZHES BYA BA SMOS TE, SU LA BTZONGS TE ZHE NA, DE'I PHYIR DGE 'DUN 'DUS PA LA'O ZHES BYA BA SMOS TE, ,JI LTAR BTZONGS TE ZHE NA, DE'I PHYIR BSKYED PAS SO ZHES BYA BA SMOS SO, ,DE NYID KYIS DER 'DU BA'I SKABS SU RJES SU BSGRUB PAR BYA'O ZHES BYA BA NI, SNOD SPYAD 'GYED PA'I GANG ZAG DE NYID KYIS GNAS MAL BSHAM PA LA SOGS PA 'DU BA DANG 'BREL BA'I LAS ZHES BYA BA'I DON TO, ,DGE 'DUN GYI GNAS BRTAN GYIS RIN THANG GDAB PO ZHES BYA BA NI, BTZONG BAR BYA BA'I DNGOS PO RNAMS KYI'O, ,RIN THANG JI TZAM DU GDAB PAR BYA ZHE NA, DE'I PHYIR RAN PAR RO, ,DES NI DE LA MI DBAB PA NYID DO ZHES BYA BA NI, RIN THANG BTAB PA DES NI DGE 'DUN GYI GNAS BRTAN DE LA RDZAS DE NYO BA DANG DE'I RIN THANG GZHAL BA MI DBAB PA NYID DO, ,YANG MI 'BYUNG BAR NGES PAR BYAS NAS BSKYED PA LA DBAB BO ZHES BYA BA NI GAL TE SLAR MI BSKYED CES BYA BA NGES PAR GYUR NA DE LA YANG DBAB PA NYID YIN NO, ,MI NYO BAS BSKYED PAR MI BYA'O, ,BUD MED NI MI BYA'O ZHES BYA BA NI, RIN THANG DE LTAR BSKYED PAR MI BYA'O, ,RIN MA PHUL GYI BAR DU SPYAD PA DANG BYI DOR YANG MI BYA'O ZHES BYA BA NI, BKRU BA DANG KHA BSGYUR BA LA SOGS PA'I BYI DOR YANG MI BYA'O ZHES BYA BA'I DON TO, ,BGO

141b

SKAL PA RNAMS MANG BA NYID YIN NA BCU LA SOGS PA'I TSOMS KYIS BGO BAR BYA'O ZHES BYA BA LA, 'DIR BGO SKAL PA RNAMS KYI SGRA NI TSOMS BRJOD PA'O, ,PHOG PA MA BGOS PAR TSOMS LAS 'GA' ZHIG SHI NA DE'I SKAL BA TSOMS DE PA DBANG BA NYID YIN NO ZHES BYA BA NI TSOGS LA PHUL BA DE'I CHA MA BSGOS PAR TSOGS DER 'GA' ZHIG SHI NA, 'GA' ZHIG SHI BA DE'I SKAL PA GANG ZHIG THOB PA'I SKAL PA DE LA TSOGS GANG ZHIG 'BYUNG BA RNAMS LA DE DBANG BA NYID YIN NO, ,BGOS PA'I 'OG TU SHI NA NI DE'I SKAL BA MTSAMS SU GTOGS PA'I RAB TU BYUNG BA TSANGS PA MTSUNGS PAR SPYOD PA RNAMS KYIS SHI BA'I YO BYAD DU BYIN GYIS BRLAB PAR BYA'O, ,MYA NGAN LAS 'DAS BA'I BSAM PAS RAB TU BYUNG ZHING TSUL KHRIMS DANG LDAN PA LA NI GOS STONG PHRAG BRGYA PA DANG, KHA ZAS RO BRGYA PA DANG, KHANG PA BRTZEGS PA LNGA BRGYA PA YANG 'OS SO, ,DGE 'DUN GYI RDZAS KYANG NGO ZHES BYA BAR YANG 'OS SO ZHES BYA BAR YANG SBYAR RO, ,DGE 'DUN GYI RDZAS RNAM PA JI LTA BU ZHIG YIN ZHE NA, DE'I PHYIR MI SLOB PA MAN CHAD KYI'O ZHES BYA BA SMOS TE, MI SLOB PA'I DGE 'DUN MAN CHAD KYI RDZAS DE, JI SRID DU DGRA BCOM PA'I DGE 'DUN DBANG BA'I RDZAS KYANG 'OS PA YIN NO ZHES BYA BA'I DON TO, ,RNAM PA GANG LA ZHE NA, TSUL KHRIMS DANG LDAN PA LA NI ZHES BYA BA SMOS SO, ,SO SO'I SKYE BO LA YANG NGO ZHES BYA BA LA YANG NGO ZHES BYA BA'I SGRAS 'PHAGS PA 'BA' ZHIG LA 'OS PAR NI MA ZAD DO ZHES BYA BA BSTAN TO, ,TSUL KHRIMS 'CHAL BA LA NI MA YIN NO ZHES BYA BA NI DGE 'DUN GYI RDZAS 'OS PA MA YIN PA'O ZHES SMOS PA'I TSIG GI LHAG MA'O, ,LE LO CAN LA NI BLANGS PA DANG NYE BAR SPYAD PA BU LON DU 'GYUR RO ZHES BYA BA NI, TSUL KHRIMS 'CHAL PA LA, RNAM PA THAMS CAD DU MI 'OS PA'I PHYIR RO, ,DE NI TSUL KHRIMS DANG LDAN PA LA RIG PAR BYA'O, ,MTSAMS KYI NANG NYID NA GANG ZAG GI GTZUG LAG KHANG NGAM DE'I RNYED PAS 'TSO BA LA NI DGE 'DUN GYI RNYED PA 'OS SO ZHES BYA BA NI GANG ZAG GI GTZUG LAG KHANG YOD PA DE RNYED PAS 'TSO BA'O, ,GTZUG LAG KHANG DE'I MTSAMS KYI NANG ROL DU RNYED PA DE 'OS PA YIN TE, JI LTAR 'GA' ZHIG GTZUG LAG KHANG 'DI LA SU GNAS PA DE LA RNYED PA 'DI TZAM ZHIG KHUD PAR 'BUL LO ZHES DE'I RNAM PA NA RNYED PA DE'O, ,DE BAS NA 'DI LA DGE 'DUN GYIS BGO BAR BYA BA MA YIN TE

142a

, ,RNYED PA BYUNG NA'O, ,NGES PA'I GNAS KHANG NA YANG NGO ZHES BYA BA NI, RNYED PAS 'TSO ZHING DGE 'DUN GYI RNYED PA LA 'OS PA'O, ,DE RE MOS BSKO'O ZHES BYA BA NI RNYED PA NGES PA'I GNAS KHANG DE JI LTAR BSKYED PA NYID KYIS ZHES BYA BA DE 'DIR THAMS CAD DU JI LTAR BSKYED PA ZHES BYA BA 'DI LAS GRUB PA RIG PAR BYA'O, ,LCAGS LAS BYAS PA'I SNOD SPYAD DAG LAS LHUNG BZED DANG LHUNG BZED CHUNG NGU DANG TSA SNOD DANG ZO PHOR DANG LDE MIG KYOG PO DANG GRI GU DANG KHAB DANG SEN MO GCOD PA DANG, NAL ZE DANG THAL PHYAGS DANG STE RE DANG SLANG NGA DANG PHOR BU DAG NI BGO BAR BYA BA NYID DO, ,SA'I SNOD SPYAD DAG LAS NI LHUNG BZED DANG LHUNG BZED CHUNG NGU DANG SLANG NGA DANG BUM PA DANG BYA MA BUM DANG, GZHONG PA DANG RIL BA SPYI BLUGS DANG CHU SNOD RNAMS SO ZHES BYA BA NI BGO BAR BYA BA NYID DO ZHES BYA BAR SBYAR RO, ,KHRI NI RIN PO CHE LAS BYAS PA LA SOGS PA MAN CHAD NAS LCAGS LAS BYAS PA'I BAR DAG GO ZHES BYA BA NI, KHRI RIN PO CHE LAS BYAS PA NAS LCAGS LAS BYAS PA'I BAR YAN CHAD BGO BAR BYA BA NYID YIN NO, ,JI LTAR BGO BAR BYA ZHE NA, DE'I PHYIR ZHES BYA BA SMOS TE, RIN DU BTZONGS TE BGO BAR BYA BA'I DON TO, ,SHING LAS BYAS PA NI YIN NO ZHES BYA BA NI KHRI NI BGO BAR BYA BA NYID MA YIN NO, ,TSON RTZI NI LNGA LAS GZHAN PA'O ZHES BYA BA NI TSON CHEN PO LNGA LAS GZHAN PA DAG BGO BAR BYA BA NYID DO, ,TSON CHEN PO RNAMS THAMS CAD KYI LNGA PO NYID NI DPE TZAM YIN TE, 'DIR BSDUS PA NYID DU RIG PAR BYA'O, ,CI GNAS SKABS THAMS CAD DAM ZHE NA, DE'I PHYIR MA BSKOL BA'O ZHES BYA BA SMOS TE BKOL BA NI KHA BSGYUR BAR BYA BA LA SBYAR BAR BYA BA NYID DO ZHES BYA BA'I DON TO; ,KHA BSGYUR BAR BYA BA GANG LA SBYAR BAR BYA ZHE NA, DE'I PHYIR, DGE 'DUN GYI LA'O, ,KUN DGA' RA BA DANG GTZUG LAG KHANG DANG DE DAG GI GZHI DANG GNAS MAL DAG NI BTZONG BAR BYA BA YANG MA YIN NO ZHES BYA BA SMOS TE, YANG ZHES BYA BA'I SGRAS NI BGO BAR BYA BA YANG MA YIN PAR BSTAN NO, ,DE DAG GI GZHI DANG ZHES BYA BA NI KUN DGA' RA BA DANG GTZUG LAG KHANG GI'O, ,GZHAG PAR BYA BA NYID MA YIN NO ZHES BYA BA NI DE DAG GTAR GZHAG PA NYID KYANG MA YIN ZHES BYA BA'I DON GYIS SHES PAR BYA'O, ,BYIN GYIS BRLAB PAR BYA BA NYID MA YIN NO ZHES BYA BA NI GANG ZAG DANG 'BREL PA NYID KYIS SNYAM DU DON GYIS SHES PAR

142b

BYA'O; ,PHA MA LA ZAS DANG GOS KYIS GTANG BAR BYA'O ZHES BYA BA SMOS NA, JI LTAR GTANG BAR BYA ZHE NA, DE'I PHYIR, GAL TE LHUNG BZED DANG CHOS GSO LAS LHAG PA'I RNYED PA MED PA NA BSLANGS TE'O, ,MA GRUB NA ZAN GYI SKAL BA LAS PHYED SBYIN NO ZHES BYA BA LA, MA GRUB NA ZHES BYA BA NI BSLANGS PA LA DE RUNG BA'I GANG ZAG MA BRJOD PA'AM, BSLANG BAR MI NUS BA LA RNYED PA STE, PHRAN TSEGS KYI GZHI LA SOGS PAR GTOGS PA'O, ,BYE BRAG SHES PAR BYA BA'I PHYIR CHOS GOS DAG LA THIG LE BYA'O ZHES BYA BA NI MI NOR BAR BYA BA'I PHYIR MTSAN MA 'DI'O, ,SRI shU SRI shU SRI shU CHAG CHAG 'DEBS PAR BYED PA'O ZHES 'DIR ZUR CHAG PA'I KHAMS SO, ,'DIR GZHUNG NI DGE SLONG DAG KHYED KYIS, DGE SLONG MDZES DGA' BO'I CHOS GOS DAG LA THIG LE BYOS SHIG DANG 'DI NI MDZES DGA' BA'O, ,'DI NI BCOM LDAN 'DAS SO ZHES SHES PAR 'GYUR RO ZHES BYA BA GSUNGS PA YIN NO, ,DE DAG LA MTSAN MA GDAB BO ZHES BYA BA LA, DE DAG LA ZHES BYA BA NI CHOS GOS DE DAG LA'O, ,SNAG TSA'I THIG LE NI DES ZHES BYA BA'O ZHES BYA BA LA, DES ZHES BYA BA NI MTSAN MA GDAB PA DE'O, ,LUNG DAG KYANG NGO ZHES BYA BA NI CHOS GOS DAG LA GDAGS SO ZHES PAR SBYAR RO, ,KHA TSAR DANG PHUN TSAR GYI MTHA' RANG CHAG BYA'O, ,SNAM SPYAR MA YIN PA DAG LA DRAS TE BYIN GYIS BRLAB PAR NGES PA MED DO ZHES BYA BA NI, DRAS SHING DRUBS PA CHOS GOS NYID DU BYIN GYIS BRLAB PAR BYA'O ZHES BYA BA LAS SNAM SBYAR GYI CHO GA GANG ZHIG MI 'DOD PA 'DI DANG 'DRA BA'I DBYE BAS SO, ,RKYEN DE LTA BU DAG LA DE DANG DE'I RGYAN MED NA GZHAN LA DNGOS GZHI'I RNYED PA MA GRUB PA LA, GDOD KHAS BLANGS PA DBUL BA ZHES BYA BA NI PHAM DAG RUNG BA'I BSAM PAS DRAS SHING DRUBS PA MA YIN PA LA YANG DE YOD PAR 'GYUR ZHES BYA BA DE BAS NA DE LA 'DI BYED PA'O, ,'DIR GZHUNG NI BTZUN PA CHOS GOS MA DRAS PA BYIN GYIS BRLAB TU RUNG NGAM, NYE BA 'KHOR MI RUNG NGO, ,RKYEN DE LTA BU DAG NA NI RUNG NGO ZHES GSUNGS PA YIN NO, ,'DI LTAR 'DIR CHOS GOS GSUNGS PA NI SNAM SBYAR KHO NA YIN PAR RNAM PAR GNAS PA'I PHYIR RO, ,DER JI LTAR MNGON ZHE NA, 'DI LTAR BLO GOS DANG MTHANG GOS GNYIS MA DRAS PA GANG YIN PA DES NI CHA LUGS RDZOGS PA'I PHYIR RO, ,MA MOS LAS, SNAM SBYAR 'DI DRA BAR BYA'O, ,BLA GOS NI NGES

143a

, ,PA MED PA DANG, MTHANG GOS KYANG NGES PA MED DO ZHES GSUNGS PA YIN NO, ,RKYEN DE LTA BU DAG MED PAR MA DRAS PA DES GRONG DANG KHYIM GZHAN DAG TU 'DUG PA DANG 'JUG PAR MI BYA'O ZHES BYA BA LA, DES ZHES BYA BA NI SNAM SBYAR DES SO, ,'DIR GZHUNG NI, BTZUN PA CHOS GOS MA DRAS PAS GRONG KHYER DU 'JUG PAR RUNG NGAM ZHES BYA BA LA SOGS PA'O, ,'DIR SNAM SBYAR GYI DGONGS PA YANG LUNG DANG RIGS PA 'DI DANG SNGA MA GNYIS KYIS NI 'DIR CHOS GOS ZHES SMOS PA NI SNAM SBYAR YIN BAR DGONGS PAR RIGS SO, ,DE BAS NA 'DI LTAR 'DIR MDOR BYAS PA'O, ,MU STEGS KYI 'JUG GNAS SU YANG DE BZHIN NO ZHES BYA BA NI RKYEN DE LTA BU MED PAR SNAM SBYAR MA DRAS PA DES MU STEGS CAN GYI 'DUG GNAS SU 'JUG PA DANG 'DUG PAR MI BYA STE, NYE BAR ZHUGS PA'I CHO GA 'DI 'DUG GNAS DE NA MU STEGS CAN DAG NYE BAR MI 'KHOD KYANG MNGON PAR 'DOD PA YOD BZHIN DU DPER BYAS SO, ,'KHOD NA 'DUG PA DANG 'JUG PAR MI BYA'O ZHES BYA BA NI RKYEN DE LTA BU DAG YOD KYANG MU STEGS CAN GYI 'DUG GNAS DER 'DUG PAR MI BYA'O ZHES BYA BA'I DON TO, ,'DI LTAR CHOS GOS MA DRAS PA NI KUN DU RGYU LA SOGS PA MU STEGS CAN RNAMS KYI GOS DANG 'DRA BA BSTEN PAS DER ZHUGS PA DANG 'DUG PAR 'GYUR BA GANG YIN PA DE'I PHYOGS KYI NANG DU BSTEN PA YIN PAR DOGS PAR 'GYUR BAS NA 'DIR DE DAG GA PAR MDZAD DO, ,'DIR GZHUNG NI BTZUN BA KUN DU RGYU'I 'DUG GNAS SU SNAM SBAR MA MCHIS PAR MA CHIR RUNG NGAM, NYE BA 'KHOR MI RUNG NGO, ,GAL TE KUN DU RGYU DAG PHYI ROL DU BYUNG BAR GYUR NA NI RUNG NGO ZHES BYA BA YIN NO, ,SPU CAN CHOS GOS GSUM NYID DU BYIN GYIS MI BRLAB BO, ,DE BGO BA'I CHOS GOS SUN MI BSTEN NO ZHES BYA BA SPU CAN DE BGO BAR MI BYA'O, ,SENG BDAG BDAG GIR BYA'O ZHES BYA BA NI RUNG BAR BYA STE BCANG BA LA 'DIR BDAG GIR BYA'O ZHES BYA BA'I SGRAS GSUNGS SO, ,DE'I RNAM PA BZHI'O ZHES BYA BA NI SENG BA DE'O, ,BZHI GANG ZHE NA, DE'I PHYIR BAL LAS BYAS PA DANG ZAR MA LAS BYAS PA DANG DU GU LA LAS BYAS PA DANG RAS BAL LAS BYAS PAS SO ZHES BYA BA SMOS TE, 'DI LA LEGS PAR MA YIN PA'I NGO BO NYID DU TSOGS LA SOGS PA RNAMS SU 'GYUR RO, ,DE BAS NA GZHAN MI RUNG BA NI MA YIN MOD KYI 'DIR RNAM PA BZHI SMOS PA

143b

MTHONG BA YIN NO, ,SPU DMA' BA LA SOGS PA RAS KYI RNAM PA YANG BA GZHAN DAG KYANG NGO ZHES BYA BA YANG, SPU DMA' BA LA SOGS PA'I RNAMS LA YANG NGO, ,GZHAN DAG KYANG NGO ZHES BYA BA NI DE LTA BU'I SPU CAN LA SOGS PA LA 'DI LTAR BRGAL BAR BYAS PA RNAMS LA NGO BO BSTAN PAR BYED DE SPU DMA' BA LA SOGS PA ZHES BYA BA'I MTHAR THUG PA DE BZUNG BA YIN NO, ,LA BA YANG NGO ZHES BYA BA YANG BDAG GIR BYAR RUNG NGO ZHES BYA BA'I LHAG MA'O, ,DE SPU DMA' BA MA YIN PA'I PHYIR BRTZAMS SO, ,GNOD PA MED NA SPU PHYIR BSTAN TE BGE BAR MI BYA STE, GZHAN DU NA'O ZHES BYA BA LA, GNOD PA MED NA ZHES BYA BA NI DRI MA DANG SHIG LA SOGS PA RNAMS KYIS SO, ,'DIR GZHUNG NI, ,DRI MA CAN DANG SHIG CAN LA LTUNG BA MED DO ZHES GSUNGS PA YIN TE, DE YANG DPE TZAM DU RNAM PAR GNAS PA YIN NO ZHES BYA BA NI THAMS CAD BSNYEGS PAR BYAS PA YIN NO, ,DE ZHES BYA BA NI LA BDE'O, ,GZHAN DU NA ZHES BYA BA NI SPU MED PA GYON PA LA GNOD PA MED PA'O, ,DE DE BZHIN DU GYON PAS 'CHAG PAR MI BYA'O ZHES BYA BA LA, DE BZHIN DU ZHES BYA BA NI PHYIR BZLOG TU'O, ,'DI NI GNOD PA YOD NA ZHES BYA BA DMIGS KYIS BSAL LO, ,'DIR GZHUNG NI, BCOM LDAN 'DAS KYIS DGE SLONG GIS LA BA SPU PHYIR BSTAN TE BGO BAR MI BYA'O ZHES GSUNGS PA DANG, DGE SLONG DAG GIS BA GLANG RDZI'I KHYIM NAS LA BA'I GOS DAG RNYED NAS DE DGE SLONG DE DAG SHIG MANG BAS SHIG DAG GIS ZOS PA NA MOS PAR MA GYUR PA'I SKABS DE DGE SLONG DAG GIS BCOM LDAN 'DAS LA GSOL NAS BKA' STZAL PA, LA BA SPU PHYIR BSTAN TE GYON LA 'DUG PAR BYA ZHING NYAL BAR YANG BYA'O, ,BCAG PAR MI BYA'O ZHES GSUNGS PA YIN NO, ,PAR SIG GI LA BA DANG, BE'U PHRUG DANG, BAR THANG KHRA BO GANG ZHAG GIS BDAG GIR MI BYA'O ZHES BYA BA NI RNYED PA RNYED PA YANG BYE BRAG MED PAR RTOGS PA'O, ,'CHAG SAR PAR THANG GDING BA MNOD PAR BYA'O ZHES BYA BA LA, GAL TE KHRA BO YIN NA BDAG GIR MI BYA'O, ,GAL TE MA YIN NA CI DGAR BYA'O, ,KHRA BO BAG GIR BYED PA BKAG PA YIN PAR RTOGS PAR BYA'O, ,RTAG TU MAL GCIG TU BCAG PAR MI BYA'O ZHES BYA BA NI PAR THANG GI'O, ,NUS PA NYID YIN NA BTZEMS PA DANG LHAN PA RING POR GLAN PAS PHYIR BCOS PAR

144a

, ,BYA'O; ,MI NUS PA NYID NA 'CHAGS PA DE NYID DU LCI BA DANG SA SA BYUG PAR BYA'O ZHES BYA BA NI GZHAN BCANG BAR BYA'O ZHES BYA BA NI SPU CAN NAS BRTZAMS TE 'DI RNAMS LAS GZHAN SPU CAN JI LTAR BCANG BAR BYA BA ZHE NA, DE'I PHYIR SBYIN BDAG LA YID BRTEN PAS SO ZHES BYA BA SMOS TE, DE DBANG BA'I BSAM PAS DE LA YID BRTAN TE LONGS SPYOD PA NYID LA MNGON BAR BRTEN NAS ZHES BYA BA'I DON TO, ,SNAM SBYAR DANG BLA GOS DANG, MTHANG GOS DANG, SHAM THABS DANG, SHAM THABS KYI GZAN DANG, RDUL GZAN DANG, RDUL GZAN GYI GZAN DANG, GDONG PHYIS DANG, RNAG GZAN DANG, G-YAN BA DGAB BA DANG, SKRA BZED DANG, GDING BA DANG, DBYAR GYI GOS RAS CHEN BCANG BAR BYA'O ZHES BYA BA NI YO BYAD BCU GSUM PO DE DAG BCANG BAR BYA STE, CHOS GOS GNANG BA DE NYID DU BYIN GYIS BRLABS TE BCANG BAR BYA'O ZHES BYA BA LA, DE NYID DU ZHES BYA BA NI GANG ZHIG CHOS GOS DE NYID DANG, DBYAR GYI GOS RAS CHEN LA SOGS PA DE'I DNGOS POR DE GNANG BA'O, ,SNAM SBYAR LA SOGS PA'I GOS GNANG BA DAG SNAM SBYAR LA SOGS PA DE NYID KYI MING DU BYIN GYIS BRLABS TE BCANG BAR BYA'O, ,DE DAG GI SNGAGS NI, TSE DANG LDAN PA DGONGS SU GSOL BDAG MING 'DI ZHES BYA BA'I CHOS GOS BGYIS LAGS PA RUNG BAR SPYAD PAR 'OS PA 'DI CHOS GOS SNAM SBYAR DU BYIN GYIS BRLAB PO, ,LAN GSUM BZLAS, DE BZHIN DU BLA GOS NAS DBYAR GYI GOS RAS CHEN GYI MTHAR THUG PA RNAMS LA YANG BRJOD PAR BYA'O, ,YO BYAD KYI GOS KYANG NGO, ,DE NI DKAR PO NYID DANG, KHA TSAR DANG, PHUN TSAR DANG BCAS PA LA YANG NYES PA MED DO ZHES BYA BA LA, DE NI ZHES BYA BA NI YO BYAD KYI GOS 'CHANG BA DE'O, ,DGE 'DUN GYI YANG NGO ZHES BYA BA NI YO BYAD KYI GOS KYANG DKAR PO DANG, KHAR TSAR DANG PHUN TSAR DANG BCAS PA 'CHANG BA LA YANG NYES PA MED PA'O, ,'DIR GZHUNG NI, DE LTA BAS NA DGE 'DUN GYIS GOS DAG NI SAR PA DANG; KHAR TSAR DANG PHUN TSAR RING PO DAG KYANG BCANG BAR GNANG NGO ZHES GSUNGS PA YIN NO, ,GZHAN DU MA YANG RUNG BAR BYA STE BCANG BAR BYA'O ZHES BYA BA NI 'DIR 'CHANG BA'I NYES PA MED PAR RJES SU GNANG BAR BYAS SO, ,SKYON MANG PO MTHONG BA MI RIGS PA'I BLO LA 'BAB STE, DE BZLOG PA'I DON DU

144b

DE'O, ,SEMS MI BRTAN PA LA RUNG BAR MI BYA'O, BSNYEN PAR MA RDZOGS PA LA MI BYA'O ZHES BYA BA LA 'DIR GZHUNG NI, DGE SLONG DAG DGE TSUL LA GOS DAG TU RUNG BAR BYED NA, DES GOS KYI PHRENG BA PHUL BA DANG, BCOM LDAN 'DAS KYIS BKA' STZAL PA, BSNYEN PAR MA RDZOGS PA LA GOS DAG RUNG BAR MI BYA'O ZHES GSUNGS PA YIN NO, ,MNGON SUM DU MI BYA'O ZHES BYA BA NI, GANG LA RUNG BAR BYA BA DE'I MNGON SUM DU RUNG BAR MI BYA'O, ,YUL GZHAN DU GNAS PAR GYUR PA NYID YIN NA YANG RUNG BA MI NYAMS SO, ,SHIN NYAMS SO ZHES BYA BA NI GANG GI MING GIS RUNG BAR BYA BA DE YUL GZHAN DU GNAS PAR GYUR KYANG RUNG STE, DE MI NYAMS SO, ,GANG LA RUNG BAR BYAS PA DE SHIN TU RUNG BAR NYAMS PA'O, ,CI GANG GI TSE SHI BA DE'I TSE KHO NA NA DE NYAMS SAM ZHE NA, DE'I PHYIR SHES NA'O ZHES BYA BA SMOS TE, DE SHI BAR SHES NA'O, ,'DI LA RUNG BAR BYED PA BDAG NYID DO ZHES BYA BA NI RUNG BAR BYAS PA'I DNGOS PO 'DI LA GANG ZHIG RUNG BAR BYED PA'O, ,SPANGS PA BDAG GIR MI BYA'O ZHES BYA BA NI DGE 'DUN GYIS SAM GANG ZAG GIS SO, ,DGE SLONG LA SPANG BAR BYA'O ZHES BYA BA NI DGE 'DUN LA NI MA YIN NO, ,MI GSAL BA LA YANG MI BYA'O, ,MA BYIN PAR NI BLANG NGO ZHES BYA BA NI SPANGS PA'I GOS GANG LA DES PHYIR MA BYIN NA SPONG BAR BYED PAS PHYIR BLANG BAR BYA'O, ,MTHUS KYANG DGUG GO ZHES BYA BA NI MA BYIN NA ZHES RJES SNYEGS PA'I PHYIR KYANG ZHES BYA BA'I SGRA SMOS SO, ,GOS DRI MA DAG GIS GOS PA BKRUS TE BGO BAR BYA'O, ,PHYE MA DAG GIS NI SGRUGS TE'O ZHES BYA BA NI YONGS SU DAG PA'I GOS LA LONG SPYAD PA'O, ,SNUM GYIS NI RTZUB PAR BYAS TE'O ZHES BYA BA NI GOS SNUM GYIS GOS NA THAL CHU LA SOGS PAS RTZUB PAR BYAS TE BGO BAR BYA'O, ,DE DAG GI NI MI SDUG PA BSAL BA YIN GYI, GSOG 'JOG TU GYUR PA NI MA YIN TE, MI BDEN PA DE GANG ZHIG 'DIR KHA CIG NI 'DOD PA DE GSOG 'JOG NI ZAS DANG 'BREL PA YIN PA'I PHYIR RO, ,CHAR 'BAB PA'I TSE BLA GAB MED PAR DGE 'DUN GYI MI BGO'O ZHES BYA BA NI BGO BAR MI BYA'O ZHES BYA BAR SBYAR RO, ,BKRU BSHAL DANG TSON DANG LHUNG BZED KYI LAS DANG SHING GSHEG PA LA SOGS PA DE'I TSE MI BGO'O ZHES BYA

145a

, ,BA NI DGE 'DUN GYI GOS MI BGO BA'O, ,LHAN CIG NYID LA ZHES BYA BA MI BGON LHAN CIG DANG BRAL BA'I PHYIR 'DOMS PA LA BYIN PA NI YANG DAG PA NYID KYI GRANGS YIN NO ZHES BYA BA LA, LHAN CIG NYID LA ZHES BYA BA NI KHO BO CAG LA 'DI SBYIN BAR BYA'O, ,'DOMS PA PO RNAMS KYIS BYA BA MA BSGO NA GANG ZHIG DER GZHAN GCIG GAM DU MA GROGS BYED PA 'DOMS PAR BYED PA PO DE SPANGS NAS 'DOMS PAR BYED PA LA BYIN PA NI YANG DAG PA NYID KYI GRANGS DE'O, ,'DIR GZHUNG NI, BTZUN PA RE ZHIG SKYE BO BZHIS GOS GTAMS PAR GYUR PA GCIG GIS LEN NA STZAL BAR BGYI'AM, NYE BA 'KHOR SBYIN BAR BYA'O ZHES GSUNGS SO, ,BYE BRAG 'DI MA SMOS TE, SHUGS KYIS 'DI LA LTA BA MTHONG BA DE BAS NA 'DI SMOS SO, ,'DOMS PAR BYED PA DANG BCAS PA LA MI SBYIN NO ZHES BYA BA NI 'DOMS PAR BYED PA MA YIN PA'I GANG ZAG DANG LHAN CIG LEN DU 'ONGS NA BSKUR BAR MI BYA ZHES BYA BA'I DON TE, DNGOS PO DE BDAG PO MA YIN BA GZHAN LA YANG SBYIN PAR 'GYUR BA DANG, BSKUR BAR 'GYUR BA DANG, BDAG PO LA ZHES BYA BA NI DE'I RGYU RIG PAR BYA'O, ,SMYON PAS NYE DU MA YIN BA DANG DE'I KHYIM NAS BLANGS PA LA BLANG BAR MI BYA'O ZHES BYA BA NI SMYON PAS RANG GI NYE DU MA YIN PA'I KHYIM NAS BLANGS BA DANG, DE LAS GZHAN BA YANG RUNG STE DES GANG BLANGS BA ZHES BYA BA'I DON TO, ,'DIR GZHUNG NI GANG NA PA'AM MA'AM PHU NU 'AM SRID MO MNGON PAR RANG GI KHYIM NAS SBYIN PAR BYED PA DE LAS BLANG BAR BYA'O, ,GANG LAS BLANG BAR MI BGYI, GANG NA PHA MA LA SOGS PA MI MNGON BA NAS NAS SO ZHES BYA BA LA SOGS PA 'DIR GSUNGS PA YIN NO, ,NYE BA DANG 'BREL BA DE LA NI SBYIN PA'AM NYE DU GANG GIS BLANGS PA'AM ZHES BYA BA YID CHES PA'I GTZO BO PHA MA LA SOGS PAR GTAMS PA YIN NO, ,GSAL LA MI GSAL GYIS 'DIR BYA BA NYID DU RNAM BAR GZHAG PAS DE LTA BAS NA DE LTAR NYE BAR BTAGS PA'O, ,DGE SLONG BRAM ZE'I BU MOS ZHUS PA LAS, MDO 'DI DANG PHYI MA GNYIS RIG PAR BYA'O, ,BU BSKRAD PA LAS BLANG BAR BYA'O ZHES BYA BA NI PHAS BU RE ZHIG BSKRAD PA'I LAG NAS RDZAS BLANG BAR BYA BA STE, BU DE PHA'I KHYIM GYI BDAG PO LAS PHYIR MI LDOG PA'I PHYIR SNYAM DU DGONGS PA'O, ,DUR KHROD NAS PHYIR ZLOG PA LA YANG NGO

145b

ZHES BYA BA NI ZLOG PA BLANG BAR BYA'O, ,DUR KHROD PAS NI GTZUG LAG KHANG DU 'JUG PAR BYA BA NYID DANG BZA' BAR BYA BA NYID MA YIN TE, GTZUG LAG KHANG DU GNAS PA RNAMS KYIS ZHES BYA BA GZHAN LA BLANG BAR BYA BA NYID 'DI LA BSAM PAR BYED PA RNAMS LA 'DI SMOS SO, ,PHYIR 'GUGS NA SBYIN PAR BYA'O ZHES BYA BA NI DUR KHROD NAS PHYIR BZLOG PA RNYED PA LA'O, ,DMAN LA MNGON PAR ZHEN PA 'DI LTA BU MA YIN PA GZHAN LA DE BAS NA 'DI MA GRUB PA NYID SMOS PAR RIG PAR BYA'O, ,YANG RNYED NA BLANG NGO ZHES BYA BA NI GO SKABS DBYE BA'AM PHUL BA DE BLANG BAR BYA STE, DE NI DES KHRO BA MI BRTAN PAR BYAS PAR 'GYUR RO ZHES BYA BA 'DIR RGYU'O, ,MCHOD RTEN GYI DKOR DANG 'BYUNG KHUNG DANG RTZA BA DANG, 'BRAS BU DANG BU RAM SHING LAS GZHAN BA'I ZAS KYI DON DANG, BSKO BAS NYE BAR 'TSO BAR BYA BA DANG, NA BA'I RUNG BA NI BDAG GIR BYA BA'I PHYIR BGO BAR MI BYA BA NYID YIN NO ZHES BYA BA LA, MCHOD RTEN GYI DKOR ZHES BYA BYA NI DGE 'DUN GYIS THOB PAR BYA BA NYID KYI PHYIR, BCOM LDAN 'DAS LA SHI BA'I YO BYAD 'DI LA ZHES BYA BA THOB PA LA SOGS PA'O, ,RNAM PA THAMS CAD DU DKON MCHOG THA DAD PA YIN BA'I PHYIR, BCOM LDAN 'DAS DANG DE DAG KYANG BDAG GIR BYA BA'I PHYIR BGO BAR MI BYA BA NYID YIN NO, ,'BYUNG KHUNG ZHES BYA BA NI BYE BRAG MA SMOS PA PAS DNGOS GZHI'I 'JUG PA 'DI LTA STE ZHING DANG LO THANG DANG KUN DGA' RA BA LA SOGS PA DANG, TSONG 'DUS LA SOGS PA'I 'JUG PA DANG DKOR GYI 'JUG PA DANG, 'DU BA'I SGO MI ZAD PAR NGES PAR NYID BYAS GZHAN PA DAG DANG, BA LANG DANG MA HE LA SOGS PA DANG, LHA 'BANGS DANG RTZE RGOD LA SOGS PA DAG LA YANG BZA' BAR BYED PA RNAMS YIN NO, ,RTZA BA DANG ZHES BYA BA NI RTZA BA DANG 'BRAS BU DANG BU RAM SHING LAS GZHAN PA'I ZAS NI BGO BAR BYA BA NYID DO, ,DE DAG LAS GZHAN BA ZAS KYI DON DU SBYOR BA DE DAG LA SOGS PA'I DNGOS PO'I KHA 'DU BA'I SGO DAG CES BYA BA DE TZAM 'DIR BRJOD DE; GZHAN DU NA 'DI RNAMS LA BGO BAR BYA BA NYID DU GSUNGS SO, ,DE BAS NA DE GSAL BA'O, ,BSKO BAS NYE BAR 'TSO BA ZHES BYA BA NI BSKO BAS NYE BAR 'TSO BAR 'GYUR BA GANG YIN BA DANG, GNAS KHANG GNAS MAL DANG BGO BA LA SOGS PA'O, ,NA BA'I RUNG BA ZHES BYA BA NI SNAM DU GYUR PA DANG, DGE

146a

, ,SLONG GI LHAG MA BTANG BA DANG, GZHAN MA GRUB PA 'AM, DE'I RIN THANG LA'O, ,BDAG GIR BYA BA'I PHYIR ZHES BYA BA NI BDAG GIR BYA BA'I DON DU MCHOD RTEN GYI DKOR LA SOGS PA LNGA PO DE RNAMS KYIS BGO BA BYA BA GANG YIN PA DE LA BKAG PA 'DI YIN GYI 'DUS BYAS PA'I PHRIN LA SOGS PA'I DON DU NI MA YIN NO, ,RNYED PA LAS NI DBYAR GYI MTSAMS 'JUG GO ZHES BYA BA NI DGE 'DUN TZAM LA BRTEN NAS RNYED PA GANG YIN PA DE 'BUL BAR BYED DE DE LA DBYAR GYI DUS SU GYUR BA'I MTSAMS 'JUG PA STE, 'DIR GZHUNG NI GTAN PA'I GZHI ZHU BA LAS, DGE SLONG DAG DBYAR GNAS PAR KHAS BLANGS NAS SPYOD YUL GYI GRONG GI NYEN KOR DU MTSAMS BGYID CING DE DAG GIS DGAG DBYE BGYIS NAS PHYI ROL DU MTSAMS BGYIS TE, DER YANG MIS DGE 'DUN GZHAN BTZUD NA DGE 'DUN LA CHOS GOS 'BUL NA GANG GIS 'THOB PAR 'GYUR, GANG DAG DER DBYAR GNAS PA DAG GIS SO, ,CI'I PHYIR ZHE NA, RNYED PA DE GNAS KYIS BSTABS PA YIN PA'I PHYIR RO ZHES GSUNGS BA YIN NO, ,'ON TE DGE SLONG GZHAN DAG GNAS DER SBYIN BDAG GIS BTZUD PA LA RNYED PA YANG CI'I PHYIR DE DAG MI DBANG ZHE NA, KHO BOS DGE 'DUN TZAM GYI PHYIR DBUL BAR BYA STE, 'DI DAG RANG GIS DBANG BA NYID DU RNAM PAR 'JOG CING LEN GRANG SNYAM PA'I PHYIR TE, 'DI DAG DANG GZHAN DAG ZHUGS PAR BYED PA NI RIGS PA'I PHYIR RO, ,GAL TE YANG 'DI DAG DANG GZHAN DAG LA YANG RNYED PA DE DBUL BAR BYA'O ZHES YONGS SU CHAD PAR BYED NA NI, DE'I TSE GZHAN DAG KYANG DBANG BAR THE TSOM MED DO, ,DE'I SPYOD YUL GYI GRONG ZHES BYA BA NYAMS PAR BLTA BAR BYA'O, ,RLUNG DANG CHAR PA 'BYUNG BAR ZHES BYA BA DE'I DBYAR GYI GNAS NGES PAR BSGRUBS PA'I RNYED PA'I TSOGS NI 'DIR DBYAR GNAS PA RNAMS LA RNAM PAR GZHAG PA'I PHYIR RO, ,RNYED PA DE GNAS KYIS BSTABS PA YIN PA'I PHYIR RO ZHES GSUNGS PA LA 'DIR GNAS ZHES BYA BA NI 'DIR DBYAR GYI GNAS LA BRJOD DO, ,'DI LA GTZO BO BSTAN PA LA DNGOS GZHIR GYUR PA'I LUS LA MNGON PAR BRTAN PA NYID KYIS GNAS NYID CES BYA BA STE, DBYAR RAL BA LA NI MI DBANG BA NYID MA YIN NO ZHES BYA BA LA 'DIR GZHUNG NI DGE SLONG BRAM ZE'I BU MOS ZHUS PA LAS, GANG LAS SBYIN PAR BYA ZHE NA, DBYAR

146b

SNGA MA 'AM PHYI MA GANG YOD PA LAS TE, YUN RING DU GNAS PA LAS SO ZHES GSUNGS PA YIN NO, ,THAMS CAD NYID DAM SHIN TU MANG POR GNAS PA NYID KYIS DBYAR GYI RNYED PA DE'I RGYUS DBANG BA NYID MA YIN NO, ,'DIR GNAS PA TZAM RGYU YIN GYI, DBYAR MA RAL BAR GNAS PA NI MA YIN ZHES BYA BA'I DON TO, , GNAS NAS BYUNG BA NYID NI MI DBANG NGO ZHES BYA BA NI GNAS NAS PHYUNG BA NYID DU GYUR PA NA THAMS CAD KYIS PHAL CHER DBYAR GNAS PA'I RNYAD PA DE NI MI DBANG BA NYID DO, ,RDZAS KYIS MNAN PAR GNAS PAR KHAS BLANGS PA NI SKAL BA GCIG KHO NA'O ZHES BYA BA NI MTSAMS DU MA KHRI LA SOGS PA'I RDZAS GCIG GIS MNAN PAS KHAS BLANGS PA SNGON DU 'GRO BAR DU MA MNAN PA LA JI SRID DU MNAN PA NYID MA YIN PA DE SRID DU CHA DANG LDAN PA YIN NO, ,'ON KYANG SKAL PA GCIG KHO NA SBYIN PA'O, ,DE LA MNAN PA RNAMS SU BDAG NYID BGRANG BA'I CHA NYID DO ZHES BYA BA NI BDAG NYID BGRANG BA'I CHA MTSAMS GANG LA YOD PA RNAMS NI RANG GI GRANGS KYI CHA'O, ,MTSAMS KYI JI SNYED KHAS BLANGS SHING MNAN PA RNAMS DE TZAM MO, ,GRANGS KYI CHA'I DBYE BA GCIG GANG YIN NA DE NI DE LAS SKAL BA GCIG PA NYID CES BYA BAR BRJOD PA LA CHA MNAN PA'I GNAS SKABS SU SKAL BA SBYIN PAR BYA'O ZHES BYA BA'I DON TO, ,'DIR GZHUNG NI GTZUG LAG KHANG CIG SNYED PA'I THANG GANG YIN PA DE DES GNAS JI SNYED MNAN PA DE SNYED NAS CHA BSDUS TE, DE LAS SKAL BA GCIG SBYIN BAR BYA'O ZHES GSUNGS PA YIN NO, ,DE BZHIN DU GNAS LHAG MA RNAMS KYANG ZHES GSUNGS PA DE BAS NA 'DI MDOR BYAS SO, ,GZHAN BA GCIG TU GNAS PA KHAS BLANGS PA LA NI YUN RING BA NYID KYIS RNAM PAR GZHAG GO ZHES BYA BA LA, GZHAN PA GCIG TU GNAS PAR KHAS BLANGS PA LA ZHES BYA BA NI MNAN PA'I RDZAS MED PAR KHAS BLANGS PA ZHES GZHAN LA THA DAD PAR KHAS BLANGS PA ZHES BYA BA'I DON TO, ,DE DUS YUN RING DU GNAS PA NYID KYIS RNAM PAR GZHAG GO; ,GANG DU YUN RING BAR GNAS PA DE NYID LA RNYED PA 'DI SBYIN PAR BYA'I GZHAN LA NI MA YIN ZHES BYA BA'I DON TO, ,'DIR GZHUNG NI GNAS MAL GYI GZHI LAS, TSE DANG LDAN PA NYE DGAS RNYED PA 'DOD PAS GTZUG LAG KHANG GNYIS SU TSUL SHING DANG GNAS MAL BLANGS TE, GNAS MAL KHAS BLANGS PA NA DES

147a

, ,GNAS GTZUG LAG KHANG GCIG NAS CHOS GOS KYI RIN THOB LA, CIG SHOS NAS MA THOB NAS, DE NAS RNYED PA SGRUB PA NA, BCOM LDAN 'DAS KYIS BKA' STZAL PA, GANG DU GANG GSO SBYONG LAN MANG DU BYAS PA DE NAS RNYED PA BLANG BAR BYA'O ZHES GSUNGS PA YIN NO, ,DGE TSUL DANG DGE TSUL MA NI RNYED PA LA SUM CHA DBRI BA NYID DO ZHES BYA BA LA, SUM CHA DBRI BA NYID DO ZHES BYA BA NI SUM CHA DE CHA NYID MA YIN ZHES BYA BA'I DON TO, ,ZAS LA NI MNYAM PA NYID DO ZHES BYA BA LA, MNYAM PA NYID NI 'DIR CHA THOB CES BYA BA'I DON TO, ,ZANG ZING GI RNYED PA LA NI MA YIN NO ZHES BYA BAR GRAGS SO,, DE BAS NA 'DIR MNYAM PA NYID THOB PA LA GSAL BAR BYA BA'I PHYIR MNYAM PA ZHES SMOS PAR RIG PAR BYA'O, ,BSNYEN PAR RDZOGS PAR 'DOD PA DANG DGE SLONG MA DAG KYANG NGO ZHES BYA BA LA NI RNAM PA NYID DO ZHES BYA BAR SBYAR RO, ,BSNYEN PAR RDZOGS PAR 'DOD PA ZHES BYA BA SMOS PA NI DGE TSUL YANG BSDUS PA'O,, DE MED NA DGE TSUL MA LA BSNYEN PAR RDZOGS PAR BYAR MED PA'I PHYIR RO, ,'DI NI THAMS CAD KYI DON DU YIN GYI, YANG 'DOD PA'I DON DU NI MA YIN ZHES BYA BA'O, ,'DIR GZHUNG NI SIL BU DAG LAS, DGE SLONG DANG DGE SLONG MA DAG GIS SKAL BA MNYAM PAR SBYIN NO, ,DGE TSUL DANG DGE TSUL MA DAG LA NI SUM GNYIS SBYIN NO, ,BSNYEN PAR RDZOGS PAR 'DOD PA DANG, DGE SLONG MA DAG KYANG MNYAM PAR SBYIN PA ZHES GSUNGS PA YIN NO, ,DGE SLONG DANG DGE SLONG MA RNAMS KYI SKAL BA BGO BA NI GANG ZAG LAS NI YIN GYI DGE 'DUN LAS NI MA YIN NO ZHES BYA BA NI GANG ZAG 'DI SNYED NI DGE SLONG GI DGE 'DUN LA DBUL LO, ,'DI SNYED CIG NI DGE SLONG MA'I DGE 'DUN LA DBUL LO ZHES BYA BA DE LTAR BYE BRAG TU MA BYAS PA RNYED PA NI DGE 'DUN GNYIS LA BRTEN NAS PHUL BA ZHES BYA BA SHUGS KYIS RTOGS PAR BYA'O, ,'DIR GZHUNG NA MGO'I SHAS KYIS BGO BAR BYA'O ZHES GSUNGS PA YIN NO, ZAS KYI MJUG THOGS KYI RNYED PA BYE BRAG TU MA BCAD PA LA DE LA DGE SLONG MA ZOS PA NYID DAG KYANG MI 'JUG PA MA YIN NO ZHES BYA BA LA, ZAS KYI MJUG THOGS ZHES BYA BA NI ZAS SNGAR BCUG PA DANG LHAN CIG RUNG 'DI DGE SLONG KHO NA LA 'BUL LO ZHES SBYIN BDAG GIS BYE BRAG TU MA BCAD PA'I ZAS

147b

DE LTA BU'I RNYED PA DE DAG LA NI DER ZAN ZOS PA'I DGE SLONG MA RNAMS KYANG MI DBANG BA MA YIN TE DE RNAMS LA YANG RNYED PA DBUL BAR BYA ZHES BYA BA'I DON TO, ,'DIR LUNG NI DGE SLONG DRUG CU RNAMS BZA' BA'I PHYIR ZHUGS PA DANG, BCOM LDAN 'DAS KYIS KYANG STONG NYIS BRGYA LNGA BCU'I DGE SLONG GI DGE 'DUN DANG BCAS PA DANG, DGE SLONG DRUG CU YANG RI BRAGS DE NYID DU LHAGS NAS, DE DAG KYANG ZAN ZOS NAS RNYED PA THOB PA NYID CES GSUNGS SO, ,STAN DANG CHU DANG BSOD SNYOMS DAG LA DGE SLONG DANG DGE SLONG MA DAG PAS GTZO BO NYID MA YIN BA MA YIN NO, ,DGE SLONG MA RNAMS KYI TSOGS PA NI RGAN PA'I MTHAR STAN DAG GZHAG GO ZHES BYA BA LA 'DI NI BRGYA LAM NA DGE SLONG 'GA' ZHIG 'ONG SRID PAR 'GYUR BAS DE'I PHYIR DE MDOR BYAS SO, ,DGE SLONG DANG BCAS PA NYID NI DE DAG GIS MI NUS NA DGE SLONG MAS YON BSHAD PAR BYA'O ZHES BYA BA LA, DGE SLONG DANG BCAS PA NYID NA ZHES BYA BA NI MCHOD RTEN LA YON BSHAD PAR BYA'O ZHES SMOS PAR RIG PAR BYA'O, ,DE DAG GIS ZHES BYA BA NI DGE SLONG RNAMS KYIS SO, ,'DRIM PAR BYED PAS SBYIN PA'I PHYIR ZAS NYE BAR GZHAG PA NI DGE 'DUN GYI GNAS BRTAN GYIS DANG POR SNYOMS PAR BRIMS SHIG CES BSO BAR BYA BA NI DANG POR ZHES BYA BA NI THOG MAR RO, ,SBYIN BA'I PHYIR ZHES BYA BA NI BRTZON 'GRUS BRTZAMS PA'O, ,BRTZON 'GRUS DE NYID KYANG SMOS NA SKYON DU MI 'GYUR BA NYID DO, ,DANG POR MA SMRAS NA DE'I 'OG TU SMRA BAR BYA BA NYID YIN TE DE'I TSE YANG MA SMRAS NA NYES BYAS SU 'GYUR RO, ,'KHOR LA BLTAS TE MANG LA ZAS SU NYUNG BA NYID YIN NO, ,DE'I TSE SNGA MA BRJOD CING JI LTAR KHYED PAR BYA'O ZHES BYA BA LA, JI LTAR KHYED PAR ZHES SO ZHES BYA BA NI SNYOMS PAR BRIMS SHIG CES BSGO BAR BYA'O ZHES BYA BAR SBYAR RO, ,'KHOR LA BLTAS TE ZHES BYA BAR SBYAR RO, ,GZHAN DAG 'ONGS PA LA NI 'DI GSUNGS SO, ,GO RIMS BZHIN DU BOS PA LA DUS GZHAN DU YANG 'DI MTHONG BA DANG THOS PA LA BZA' BA'I TSAD KYI BLO SKYES PA LA ZAS NYUNG BA NYID DANG LHAGS PA'I DOGS PA BYA BA NYID RNAMS PAR GNAS PA YIN ZHES BYA BA BYE BRAG MED PAR SMOS SO, ,MANG LA ZHES BYA BA NI 'KHOR GYI RDZAS RNAMS MANG BA LA'O, ,ZAS NYUNG BA NYID YIN NA ZHES BYA BA NI GAL TE MTHONG BA'I LAM

148a

, ,NA NYE BAR SDUD PA'O, ,'DIR MTHONG BA LAS YONGS SU TSANG BAR 'GRUB PA'O, ,GAL TE MA YIN NA THOS PA DANG DOGS PA DANG BCAS PA LA SPYOD PA 'AM, YID GNYIS SAM THOS PA LA THE TSOM BRJOD PA DANG BCAS PA NYID DO, ,DGE SLONG DAG MANG LA ZAS NYUNG GI JI LTAR KHYED PAR BRIMS SHIG CES BSGO BAR BYA'O, ,'ON TE DGE SLONG DAG NYUNG LA ZAS DAG MANG BA YIN NO ZHES BYA BA BRJOD CING CI 'BYOR PA BRIMS SHIG CES BSGO BAR BYA'O, ,ZAS NYUNG BA NYID DU NGES PA LAS ZAS NYUNG BA NYID DAM MANG BA NYID MA YIN NA DE'I TSE SNGA MA BRJOD CING DE'I 'KHOR GYI RDZAS MANG BA NYID DAM NYUNG BA NYID NA'O, ,DE'I DON NI 'DI YIN TE, 'KHOR GYI RDZAS MANG BA NYID DANG ZAS NYUNG BA NYID YIN NA DE'I TSE SNGA MA BRJOD PA NI BRIMS SHIG CES BYA BA BSGO BA'O, ,ZAS 'GOD PAR BYED PA PO NYE BAR 'GOD PAS DANG POR DGE 'DUN GYI GNAS BRTAN PAR GSOL BAR BYA'O, ,GZHAN NYID YIN NA CI 'BYOR PA ZHES SO ZHES BYA BA NI 'KHOR GYI RDZAS RNAMS NI NYUNG LA ZAS NI MANG BA NYID YIN BAR GYUR NA 'KHOR LA BLTAS TE, DE'I TSE SNGA MA BRJOD CING JI LTAR KHYED PAR BRIMS SHIG CES BSGO BAR BYA'O ZHES BYA BA ZAS NYE BAR GZHAG PA NA DANG POR SBYIN PA'I PHYIR DGE 'DUN GYI GNAS BRTAN GYIS BSGO BAR BYA'O, ,RGAN PA'I MTHAR SAm SRA BA TA ZHES MA BRJOD PAR DANG POR BLANG BAR MI BYA'O ZHES BYA BA NI DANG POR ZHES BYA BA'I SGRAS NI DGE 'DUN GYI GNAS BRTAN GYI ZHES BYA BAR SBYAR RO, ,ZAS BSDOGS PA NA BSKOS PA DAG LAS GZHAN BA DAG LHAGS NA DE LA SBRAN BAR BYA'O ZHES BYA BA NI GZHAN PA'I MA BSKOS PA DAG LHAGS NAS SBYIN BDAG DE LA SBRAN BAR BYA'O, ,DGE SLONG CHOS GOS GSUM SBYIN DU GZHUG PAR MI BYA'O, ,DGE 'DUN GYI SOS PAR GYUR PA NYID NA 'DI SBYIN NO SNYAM PA LAS GZHAN BA'I YID KYIS BLANG BAR MI BYA'O ZHES BYA BA LA 'DI ZHES BYA BA NI CHOS GOS GSUM PO 'DI'O, ,SOS PAR GYUR PA NYID NA ZHES BYA BA NI GAL TE SHI BAR DOGS PA DE'I TSE 'DI PHYIR SBYIN NO SNYAM PAR DON GYIS RTOGS PAR BYA'O, ,DGE 'DUN GYI ZHES BYA BA NI 'DIR DE SMOS PA ZHES BYA BA NI BSDUS PA'O, ,GANG ZAG LA YANG DE RTOGS PAR BYA'O, ,LANGS PA DE NYID LA 'DI PHUL BAR GYUR BA 'DI LA'O ZHES BYA BA 'DI'I DGONGS PAS BZUNG BA LA SKYON MED DE

148b

GZHAN DU NA NYES BYAS ZHES BYA BA'I DON TO, ,STOD G-YOGS DANG SMAD G-YOGS KYI RO DOR RO, ,'BRING GIS SO ZHES BYA BA NI NGAN PA YANG MA YIN BZANG PO YANG MA YIN PA'O, ,LHAG MAS MI BYA'O ZHES BYA BA NI STOD G-YOGS DANG SMAD G-YOGS LAS GZHAN PA'I RDZAS LHAG MAS RO DOR BAR MI BYA STE, BKAG PA'I PHYIR 'DIR GSUNGS SO, ,LHAG MA YANG DE NYID DU BSRE BAR MI RIGS PA YIN NO, ,CI RO'I RDZAS BZUNG BAS ZHES BYA BA'I BLO BSAL BA'I DON DU DE'O, ,SKA RAGS MA BCINGS PAS GRONG DU 'JUG PAR MI BYA'O, ,KHRIS GCIG GIS KYANG NGO, ,GOS KYI GZHI PHRAN TSEGS LA SOGS BA'I ZHU BA BCAS PA'I SKABS SO, ,GOS KYI GZHI RDZOGS SO,, ,,MTHA' KHOB NGES PAR SHES PAR BYA BA'I PHYIR YUL DBUS BSTAN PAR BYA STE, DE'I PHYIR YUL DBUS KYI MTSAMS SO ZHES BYA BA SMOS TE, SHAR DU NI LI KHAR SHING 'PHEL GYI MDUN GYI NAGS PHUNG PO TSANG TSING CAN ZHES BYA BA'O, , 'DIR NAGS KYI CHA GZHAN MTSAMS SU RNAM PAR GNAS PA YIN TE, DE'I NUB KYI CHA TSUN CHAD DBUS KYI MTSAMS SO, ,LHOR NI 'DAM BU CAN GYI LHON CHU KLUNG DE ZHES BYA BA'O ZHES BYA BA LA, DE ZHES BYA BA NI LHO PHYOGS KYI CHA LA'O, ,DE'I LHO NA CHU KLUNG 'DAM BU CAN ZHES BYA BA YOD PA'I BYANG GI CHA TSUN CHAD NI, YUL DBUS KYI LHO PHYOGS KYI MTSAMS YIN NO, ,NUB TU NI BRAM ZE'I GRONG KA BA DANG, NYE BA'I KA BA ZHES BYA BA GNYIS SO ZHES BYA BA NI NUB TU BRAM ZE'I GRONG KA BA DANG NYE BA'I KA BA ZHES BYA BA YOD BA'I SHAR GYI CHA TSUN CHAD DU YUL DBUS KYI MTSAMS SO, ,BYANG DU NI AU SHI RA'I RI ZHES BYA BA'O ZHES BYA BA NI MTSAMS YIN NO ZHES BYA BAR SBYAR RO, ,JI LTAR AU SHI RA'I RI'I LHO PHYOGS KYI MTHAR THUG PA'O, ,MTHA' KHOB TU MCHI LA LHAM DAG BCANG BAR BYA'O, ,GNAS MAL BSKYAB PA'I PHYIR YANG NGO, ,MTHA' KHOB MA YIN PAR YANG MCHI LHAM DAG BCANG BAR BYA'O, ,RKANG PA DANG BCAS PA'I STAN LA 'DUG PA LA GNAS MA LA RKYANG PA MI 'GRUB PA'O, ,GNAS GZHAN DU SONG BAS KYANG GNAS MAL BSKYANG BAR DGOS PA MED DO, ,DE BAS NA LAM DU 'DI DAG SREL BAR BYA BA NYID MA YIN NO, ,GZHAN DU SONG BAS KYANG RKANG PA LA DGOS PAS DE DAG BGO BAR SHIN TU RIGS PA YIN NO, ,'DI DAG

149a

, ,LAM DU SONG BAS KYANG RJES SU KHUR BA YANG RIGS SO, ,'DI GNYIS LA YANG MTSON PAR BYED PA'I RTAGS 'DIR YANG YOD DE, DE'I PHYIR 'DIR GZHUNG NI BSOD SNYOMS PA ZHIG MNYAN YOD DU BSOD SNYOMS LA ZHUGS PA NA, DER MCHIL LHAM MED PAS RKANG PA DAG LA SER KHA BYUNG BA KHYIM BDAG GIS MTHONG NAS DES DE LA SMRAS PA, 'PHAGS PA KHYOD LA MCHIL LHAM DAG MED DAM, MED DO, ,TSUR SHEG DANG SBYIN DU GZHUG GO ZHES BYA BA LA SOGS PA GSUNGS PA YIN NO, ,CI YANG RUNG BA'I MCHI LHAM GNAS MAL BSKYANG BA'I DON DU MTHA' KHOB DAG TU BCANG BAR BYA BA 'AM ZHI NA; DE'I PHYIR TSIG RIM MO ZHES BYA BA SMOS TE, CHIG RIM GANG LA YOD PA DE NI TSIG RIM GCIG PA'O, ,DE YANG 'DIR MTHIL CHIG PA'I RIM CAN NAM RIM PA GCIG LA GNAS PA ZHES BYA BA'I DON TO, ,SDOGS PA GZHUG PAS BCOS PAR BYA'O ZHES BYA BA NI ZAD PA NYID LA NI RIM PA GZHAN SDOGS PA GZHUG PAR 'OS BA YIN NO ZHES BYA BA SU ZHIG SDOGS PA GANG ZHIG GIS BYAS PA DE SLOB MA'I DON DU NGES PA 'DIR RIG PAR BYA'O, ,DE'I DON DU GSAL BAR BYA BA'I PHYIR BRJOD PAR BYA STE, RIM PA GZHAN NI MI RUNG NGO ZHES BYA BA NI SDOGS PA RIM PA GZHAN GZHUG PAS BCOS PAR MI BYA'O ZHES BYA BAR SBYAR RO, , 'DIR GZHUNG NI, GAL TE RDOL NA SDOGS PA BCUG STE BCANG BAR BYA'O ZHES GSUNGS PA YIN NO, ,RDOL NA ZHES BYA BA'I DUG BYUNG NA'O, ,KHYIM PAS THA NA GOM PA MDUN DU BGOS NA RIM PA MANG YANG RUNG NGO ZHES BYA BA LA, 'DIR GZHUNG NI, NYE BA 'KHOR KHYIM PAS THA NA GOM PA BDUN BGOS PAR GYUR NA'O ZHES GSUNGS PA YIN NO, ,RUNG BA TZAM GYI DON NYID DU DE DANG SBYAR BA'I DBANG DU LEN PA NI, MI RUNG BA BLANGS PA NYID MA YIN NO ZHES BYA BA LA, MI RUNG BA ZHES BYA BA NI BLANGS PA NYID MA YIN NO ZHES BYA BAR SBYOR RO, ,GANG ZHIG RIM PA GCIG PA BYA STE BCANG BAR BYA'O ZHES BYA BA NI RIM PA DAG LA DGE SLONG GIS BDAG TU BYAS PA DE'I 'DI BSDUS PA'O, ,RUNG BA TZAM GYIS DON NYID DO ZHES BYA BA NI GANG ZHIG DER RUNG BA DANG JI SNYED PAR GYUR PA DE TZAM GYIS DON NYID YOD PA DANG, MED PA DANG LHAG PAR GYUR PA DANG MI RUNG BA'I BSTZAGS PAR GYUR PA DOGS PA LA DE'I SBYOR BA'I DBANG GIS RUNG BA DANG 'BREL BA 'BYOR BA

149b

BLANGS PA STE, RUNG BA MA YIN BA'I DNGOS PO LA BDAG GIR BYA BA MI 'BYUNG BA'I PHYIR RO, ,KHRA BO BKRA BA DAG MI BCANG NGO ZHES BYA BA NI 'DI MAN CHAD NAS 'OG GI MDO LAS SGEG RDZAS SU GYUR PA GZHAN DAG KYANG NGO ZHES 'BYUNG BA YAN CHAD MCHIL LHAM DAG CES BYA BAR SBYAR RO, ,LUG RU LTA BU DAG BCANG BAR MI BYA'O; ,AA SHVAD THA DANG KA RA B'I RA'I 'DAB MA LTA BU DAG MI BCANG NGO, ,GSER DANG DNGUL GYIS SPRAS PA DAG MI BCANG NGO, ,THRIG THRIG ZER BA DAG MI BCANG NGO, ,KROG KROG ZER BA DAG MI BCANG NGO, ,TUG TUG ZER BA DAG MI BCANG NGO, ,THRIG THRIG ZER BA DAG MI BCANG NGO ZHES BYA BA NI THRIG THRIG ZER BA DAG MI BCANG NGO, ,KROG KROG ZER BA DAG MI BCANG NGO ZHES BYA BA'I TSIG GNYIS SO, ,DE LAS GZHAN BA'I TUG TUG ZER BA DAG MI BCANG NGO, ,THRIG THRIG ZER BA DAG MI BCANG NGO ZHES BYA BA'I TSIG GNYIS BSDU BAR BYAS SO, ,DE LA SGEG RDZAS THAMS CAD BKAG PA'I GTZO BO NYID 'DIR RNAM PAR GNAS PA YIN TE, DE BAS NA GNYIS KA BSDUS PA'O, ,SGEG RDZAS SU 'GYUR BA GZHAN DAG KYANG NGO ZHES BYA BA NI GANG ZHIG 'DI SGEG RDZAS THAMS CAD DGAG PA'I GTZO BO NYID DU 'DIR RNAM PAR GNAS PA DE BAS NA MDO 'DI YIN NO, ,BOL KO BA CAN NI MI RUNG BA NYID MA YIN NO ZHES BYA BA LA, DE NI SGEG RDZAS SU GTOGS PA MA YIN PAR SHES PAR BYA'O ZHES BYA BA'I DON TO, ,SNA DANG RTING PA'I SBUBS CAN BCANG BAR BYA'O ZHES BYA BA NI MCHIL LHAM SNA'I SBUBS CAN ZHES BYA BA NI RKANG BA'I SNA'I SBUBS CAN NO, ,RTING PA NI RTING BA'O, ,'DIR GZHUNG NI, DGE SLONG RNAMS BYA RGOD PHUNG PO'I RI LA 'DZEGS PA NA RKANG PA'I SNA DAG DRUD NAS, BCOM LDAN 'DAS KYIS BKA' STZAL PA NAS, SNA SBUBS CAN BCANG BAR BYA'O ZHES GSUNGS PA DANG, 'BABS PA NI RTING BA DAG DRUD NAS RTING BA SBUBS CAN BCANG BAR BYA'O ZHES GSUNGS PA YIN NO, ,KHA CHU CHUS BYUNG NGO ZHES BYA BA NI PHAL CHER THAMS CAD RKANG PA 'GEBS PAR BYED PA MCHIL LHAM 'DI BCANG PAR RIG PAR BYA'O, ,LHAM YU CHAD KYANG NGO ZHES BYA BA YANG BCANG BAR BYA'O ZHES BYA BAR SBYAR RO, ,LHAM YU CHAD KYANG LAS LHAM GYI RNAM PA GZHAN 'BYUNG BA YOD PA YIN TE, DE BAS NA MCHIL LHAM DANG KHA CHU CHUS BYUNG NGO ZHES BYA BAR RIG PAR BYA'O, ,'DIR GZHUNG NI, GANG GI TSE KLU'I

150a

, ,RGYAL PO SOG MA MED KYIS SER BA DANG BA PA'I TSE, ,THOG GI CHAR RNAMS 'BAB PA DE'I TSE RTZA SNA RNAMS KYANG DUG DANG BCAS PA SKYE BAR 'GYUR RO, ,DER DGE SLONG RNAMS 'CHAG PAR BYA BA'I DGE SLONG RNAMS LA RMA BYUNG BAR GYUR PA DANG 'GRO MA SHES PAR GYUR TE, BCOM LDAN 'DAS KYIS BKA' STZAL PA, KHA CHU CHUS BYUNG BCANG BAR BYA'O, ,LHAM YU CHAD KYANG BCANG BAR BYA'O ZHES BYA BA DANG, MCHIL LHAM NYID 'DI BCANG BAR BYA'O ZHES BYA BA NI BYANG PHYOGS SU 'DI LTA BUS GRAGS PA'O, ,'DIR KHA CIG MCHIL LHAM GYI TSIG BYED BZHIN BA KHA CHU CHUS BYUNG BA DANG MCHIL LHAM BCANG BAR BYA ZHES BYA BA DE KLU'I KHA CHU'I CHU LAS BYUNG BA RGYU MTSAN LAS SKYES PA NYID KYI PHYIR DANG DE LAS SKYES PA'I PHYIR DANG 'JIG RTEN PAS BSKYED PA'I PHYIR ZHES BYA BA MTHONG BA YIN NO, ,RNAM PA GZHAN BSTAN PAR BYAS PAR GYUR CIG CES BYA BA LHAM YU CHAD RJES SU GNANG BA'O, ,'DIR DON THA DAD PA YANG YOD DE RNAM PA GZHAN NYID KYI PHYIR RO, ,SU ZHIG LA CUNG ZAD BDE BA BYED PA ZHES BYA BA 'DI YANG 'DIR RJES SU GNANG BA'I DON TO, ,CHU LA CHAB ROM 'CHAGS PA'I YUL DU NI ZHVA DANG LHAM SGROG GU CAN YANG NGO ZHES BYA BA NI YUL GANG DU CHU LA CHAB ROM 'CHAGS PA'I CHU YUL GANG NA YOD PA DE LA NI 'DI DAG BCANG BAR BYA ZHES BYA BA'I DON TO, ,DON 'DI LA MNGON PAR BRTEN PA YANG GZHAN YANG MED PA'I PHYIR DANG 'DIR LHAG PA'I RIGS PA'I NGO BO MED PA'I PHYIR RIGS PA'I NGO BO'I DON LA DRANG BA BSKYAB PA'I DON DU SHES PAR BYA'O, ,DUS GZHAN GYI TSE NA 'BAB PA GZHAN SBYIN PA'I PHYIR DANG 'BAB PA LHAGS PA DANG BRAL NA DBYAR GYI GOS RAS CHEN BZHIN DU ZHES BYA BA 'DI LTA BU CHU MED PA'I PHYIR GZHAG PAR BYA'O, ,NAD GSO BA'I DON DU NI 'DI DAG NI NYE BAR DGOS PA'O, ,BCAS PA'I KHA NA MA THO BA THAMS CAD RJES SU GNANG BAS BSDUS PAR RIG PAR BYA'O, ,BLA MA'I DRUNG DU MCHIL LHAM BGO BA BSTEN PAR MI BYA'O ZHES BYA BA NI JI SKAD DU BCOM LDAN 'DAS KYIS 'DI NYID KYI SPYAN SNGAR MCHIL LHAM GYON ZHING 'CHAG PA'I DGE SLONG SMAD PA NA DGE SLONG DAG LA YANG TSUL DE NYID SMAD PA YIN BAS DE'I PHYIR MDO 'DI BYAS SO, ,SENG GE DANG STAG DANG GUNG DANG, GLANG PO CHE CANG SHES DANG RTA CANG SHES KYI YAN LAG CUNG ZAD KYANG LUS LA GDAGS

150b

PAR MI BYA BA NYID DE ZHES BYA BA LA CUNG ZAD KYANG ZHES BYA BA YANG 'DIR GZHUNG NI, PHRAN TSEGS DAG LAS SENG GE DANG DE LAS GZHAN BA'I RI DAGS GTUM PO RNAMS LA YANG 'DIR BSNYEGS PA'O, ,DE DAG GIS GLANG PO CHE PHAL PA DANG RTA DMU RGOD DANG, DE LAS GZHAN BA'I GCAN GZAN DAG LA 'PHANGS PA YIN NO ZHES BYA BA LA, DE DAG GIS ZHES BYA BA LA, 'DIR GZHUNG NI, GLANG PO CHE DANG STAG DANG GUNG DANG GLANG PO CHE CANG SHES DANG, SENG GE LA SOGS PA RNAMS KYIS SO ZHES GSUNGS PA YIN NO, ,MCHIL LHAM DAG GDAB PAR MI BYA'O, ,RAS MA GSHER BA DAG GIS DE DAG GI RDUL MED PAR BYA BA'I PHYIR PHYI BAR BYA'O ZHES BYA BA LA, DE DAG CES BYA BA NI MCHIL LHAM MO, ,DE BCANG BAR BYA'O ZHES BYA BA LA, DE ZHES BYA BA NI PHYI BA'I RAS MA'O, ,DE DAG BRGYU BAR BYA'O ZHES BYA BA NI MCHIL LHAM DE DAG GO, ,MI MDZES PA'I DNGOS PO DBEN BA'I PHYOGS SU BYA'O ZHES BYA BA NI, LHUNG BZED GLAN PA LA SOGS PA MI MDZES PA'I DNGOS PO THAMS CAD DBEN PA'I PHYOGS SU LAS BYED PA ZHES BYA BA KHYAD PAR YONGS SUM BZUNG BAR BSGRUB PA'O, ,DE'I CHED DU SMYUNG BU DANG KO BA BCANG BAR BYA STE, DRA GRI NI MA YIN NO ZHES BYA BA LA, DE'I CHED DU ZHES BYA BA NI MCHIL LHAM DE BRGYU BA'I DON DU'O, ,'DIR GZHUNG NI, SMYUNG BU DANG KO BA BCANG BAR BYA'I DRA GRI NI MA YIN NO ZHES GSUNGS PA YIN NO, ,KHYIM GZHAN DANG CHAB KHUNGS LAS GZHAN BAR SHING GI MCHIL LHAM BGO BAR MI BYA BA'O, ,SMYUG MA'I GLEGS BU MUN DZA DANG, SI RI DANG DAR BA DAG GIS YANG MI BYA'O, ,THA GU'I YANG NGO, ,RLUNG DRAG CAN MA YIN BAS SO ZHES BYA BA NI GANG ZAG RLUNG DRAG CAN MA YIN BAS THA GU'I MCHIL LHAM BGO BAR MI BYA'O, ,RLUNG DRAG CAN GYI NAD PAS NI MI 'DRUL BAR BYA BA'I PHYIR CHAG CHAG GDAB PA LA 'DIR DE'I RJES SU MTHUN BAR BYA'O, ,'DI NI GTZO BOR DON MNYAMS PAR YIN GYI NAD GSO BA NI MA YIN NO, ,DE LTA BAS NA BCAS PA'I KHA NA MA THO BA 'DI MA GRUB PA NI MA YIN TE, NAD PA LA RJES SU GNANG BAS 'DIR SMYUG MA'I GLEGS BU LA SOGS PA LA PHAL CHER DBUL BAR BYED PA NYID DANG SHIN TU MI MTHUN PAR BYED PA NYID DANG SHING GI LHAM NI SHIN TU SKYON DANG LDAN BA NYID DO, ,DE BAS NA 'DIR DE'I THA TSIG GO, ,KHYIM GZHAN DU GZHAN MED NA KO LPAGS LA 'DUG PAR BYA'O ZHES BYA BA LA,

151a

, ,GZHAN ZHES BYA BA NI STAN GZHAN NA MED NA'O, ,DER YANG RKYEN DE LTA BU DAG MED NA NYAL BAR MI BYA BA NYID DO ZHES BYA BA LA, DER YANG ZHES BYA BA NI KHYIM GYI NANG DU'O, ,DE LTA BU DAG NA'O ZHES BYA BA NI KO LPAGS SO, ,'DI NI MA MO LAS, MCHIL LHAM DU GYUR PA'I KO LPAGS LA KO LPAGS NYID MA YIN TE, DE'I PHYIR PHRENG THAG GI CHO GA LA YUL MA YIN PAR SHES PAR MI BYA'O, ,MIG LA PHAN PAR BYA BA'I PHYIR DOM LPAGS BCANG BAR BYA'O ZHES BYA BA LA, 'DIR GZHUNG NI, DOM GYI PAGS PA BLANG BAR RJES SU GNANG NGO ZHES GSUNGS PA YIN NO, ,RKANG PA'I GNAS SU GDING BAR BYA BA'O ZHES BYA BA NI DO MA LPAGS BLANGS PA DE'O, ,SANGS RGYAS KYI NI DRI GTZANG KHANG GI SGOR RO ZHES BYA BA NI SANGS RGYAS DBANG BA'I DOM LPAGS DGE SLONG NGAM GZHAN GYI DRI GTZANG KHANG GI SGOR GDING BAR BCAS PA'O, ,MCHIL LHAM DAG TU BGO BAR BYA'O ZHES BYA BA NI MIG LA PHAN PAR BYA BA'I PHYIR ZHES BYA BAR SBYAR RO, ,RLUNG NAD CAN GYI NI 'DUG PA DANG NYAL BAR YANG BYA'O ZHES BYA BA NI DOM GYI PAGS PA DE'I STENG DU'O, ,GZHANG 'BRUM CAN THAMS CAD KYIS KYANG DE BZHIN NO ZHES BYA BA NI RKANG PA'I GNAS SU GDING BAR BYA'O ZHES BYA BA LA SOGS PA 'DIR DE RNAMS LA RLUNG NAD CAN DANG, LHAN CIG TU 'DUG PA DANG NYAL BAR YANG BYA BA SMOS SO, ,'DIR GZHUNG NI PHRAN TSEGS DAG LAS, MCHIL LHAM GDING BAR BYA'O, ,DE BAS NA DGE SLONG GZHANG 'BRUM NA BAS DOM LPAGS KYI MCHIL LHAM DAG BCANG BAR RJES SU GNANG NGO ZHES GSUNGS PA YIN NO ZHES BYA BA'I RJES SU 'BRANGS PAS RKANG PA'I GNAS SU YANG BCAS PA'O, ,'DIR YO BYAD CES GSUNGS SO, ,DE LA DE LTAR SBYAR BAR BYA'O ZHES BYA BA NI DOM GYI PAGS PA DE LA'O, ,SPU LA REG PAS PHAN PAR BYED PA NYID DU REG GO ZHES BYA BA NI DOM LPAGS KYI SPU LAS SO, ,DGE SLONG DAG DOM LPAGS KYI SPU DAG 'OG TU STON PAR BYED PA DANG, BCOM LDAN 'DAS KYIS BKA' STZAL PA, SPU DAG GYEN DU BSTAN PAR BYA'O ZHES GSUNGS PA DE 'DIS BSDUS PA YIN NO, ,MCHIL LHAM DAG RIM PA MANG PO NYID KYIS KYANG NGO ZHES BYA BA YANG PHAN PA BYED PA NYID DU RIG GO ZHES BYA BAR SBYAR TE, RIM PA GCIG PA YANG THAMS CAD KYIS THAMS CAD DU PHAN PAR BYED PA

151b

NYID YIN PAS, DE BAS NA RAB KYI DGONGS PA CAN TE ZHES BYA BAR SHES PAR BYA'O, ,DU MA'I STENG DU GCIG GZHAG PAS KYANG NGO ZHES BYA BA NI KO LPAGS BZHIN RIM PA DU MA'I STENG DU DOM LPAGS GCIG GZHAG PAS KYANG PHAN PAR BYED PA NYID DU RIG GO ZHES BYA BAR SBYAR TE, SNGA MA'I RNAM PA MED PA LA GANG BSTEN PA NYID DU RIG PAR BYA'O, ,'DIR GZHUNG NI, RIM PA MANG PO DAG RNYED PA MED NAS, BCOM LDAN 'DAS KYIS BKA' STZAL PA, STENG DU RIM PA GCIG BCUG PAR BYA'O ZHES GSUNGS PA YIN NO, ,AASHM PA RANTA DAG TU NI KO LPAGS MI BCANG BAR MI BYA'O ZHES BYA BA NI, YUL AASHM PA RANTA DAG TU NI KO LPAGS NI DGA' MGUR BCANG DU GNANG BA'O, ,'DIR GZHUNG NI, BE'U GSOD PA PA'I GLENG GZHI LAS, DE LTA BAS NA DGE SLONG GIS KO LPAGS MI BCANG BAR MI BYA'O ZHES GSUNGS PA YIN NO, ,SENG GE LA SOGS PA'I MI BCANG NGO ZHES BYA BA YANG KO LPAGS ZHES BYA BAR SBYAR TE, SENG GE DANG STAG DANG, GLANG PO CHE CANG SHES DANG, RTA CANG SHES LA SOGS PA RNAMS KYIS NYE BAR BSDU BA'O, ,DE BAS NA 'DIR YANG GLANG PO CHE LA SOGS PA DAG KYANG DE RNAMS KYIS BSNYEGS PA NYID DO, ,'DI RNAMS LA NYE BAR GNAS PAR BYA BA NYID MA YIN PA DE BAS NA DE'I BYED PA'O, ,GANG GIS KO LPAGS MI RUNG BA NYID YIN BA DE'I RGYUS PA DANG, RUS PA DANG SO DANG SHA LA SOGS PA YANG NGO ZHES BYA BA NI SROG CHAGS GANG GIS KO LPAGS MI RUNG BA DE'I RGYUS PA LA SOGS PA YANG MI RUNG BA NYID YIN PA'O, ,'GRO BA DMAN PA'I DE LA'O, ,RKYAL BA SKA BA CAN BCANG BAR BYA'O ZHES BYA BA NI, CHU LA RGAL BA DANG CHU 'DZIN PA'I DON DU'O, ,YANG NA RKYAL SKYA'O ZHES BYA BA NI, DKAR PO RKYAL SKYA NYID DU BRJOD PA'O, ,DON GSAL BA DON GYIS THOB PA MDZAD PAR BYA STE, DE'I PHYIR KHRA BO BKRA BA MI BCANG NGO ZHES BYA BA NI, RKYAL PA DANG RKYAL SKYA'O, ,RKYAL MI SHES PAS STA GON MA BYAS PAR CHU'I GTING DU 'JUG PAR MI BYA'O ZHES BYA BA LA, MA BYAS PAR ZHES BYA BA NI 'DIR GZHUNG NI, GANG RKYAL MI SHES PAR DES RANG GI LUS SU YONGS SU DOR BAR MI BYA'O ZHES 'DON PA GCIG LAS GSUNGS PA'I DE'I 'DI BSDUS PA YIN NO, ,DBEN PA'I PHYOGS SU RKYAL BSLAB PAR BYA'O ZHES BYA BA NI 'GRO BA'I

152a

, ,DON CAN LA RGOD BAG GI RNAM PA NYID KYIS RGAL BA NI MA YIN TE, BSLAB PAR BYA BA NI RGOD BAG GI RNAM PA NYID DE BSAL NA DE BZHIN DU 'DI LA RJES SU BSGRUB PA'I SNGA ROL DU GNAS PAR MI 'GYUR RO, ,DBEN PA ZHES BYA BA NI RAB TU DBEN PA'I SA PHYOGS SU DBEN PA'I KHYAMS KYI DNGOS PO BYED PA DE BAS NA DE'I SPROS PA 'DI'O, KHA CIG LAS MI 'DOD PA BZHIN DU RGAL BAR 'DOD PA DE NA MI BDEN TE, GANG GI PHYIR STOBS LA SOGS PA MED PA'I PHYIR DANG, DMIGS KYIS BSAL BA'I BAR MED PA'I PHYIR RO, ,DE MA YIN PA'I GTING DU KHYU MCHOG MA GTOGS PA'I BA LANG LA BRTEN PAR MI BYA'O ZHES BYA BA LA, DE MA YIN PA'I GTING ZHES BYA BA NI BA LANG GIS RGAL MI NUS PA'I GTING DU'O, ,MDOR GYUR PA LA YANG BYE BRAG MA BZUNG BAR CHO GA 'DI'O, ,DE LA MDOR GYUR PA 'DI LA BRTEN NAS NI BSLAB PA'I GZHI 'DI LAS 'GAL BA'I NYES BYAS GCIG DANG, MO LA REG PA'I NYES BYAS GZHAN CIG DANG GNYIS SU 'GYUR RO, ,CHO GA 'DI 'DA' BAR GYUR PA LA ZHUS PA LAS, MO LA REG PAR MI BYA'O ZHES GSUNGS PA LAS SHES PA YIN NO, ,GLANG PO CHE DANG RTA DANG MA HE DANG G-YAG DAG LA BRTEN PAR BYA'O ZHES BYA BA NI KHA CIG 'DIR G-YAG GI GNAS SU RNGA MO 'DON PA YIN NO, ,'DI NI MI RIGS TE DES RGAL MI NUS PA NYID KYI PHYIR RO, ,KO LPAGS KYI GZHI RDZOGS SO,, ,,SMAN BSTEN PAR BYA'O, ,DE NI RNAM PA BZHI'O, ,DUS SU RUNG BA DANG, THUN TSOD DU RUNG BA DANG, ZHAG BDUN BA DANG, 'TSO BA'I BAR DU BCANG BA NYID DO, ,DANG PO MA YIN PA NYID DAG NI NAD PA'I PHYIR RO ZHES BYA BA LA, 'DIR DANG PO ZHES BYA BA NI DUS SU RUNG BA STE, DE MA YIN PA GZHAN THUN TSOD DU RUNG BA LA SOGS PA NI DANG PO MA YIN PA NYID DO, ,DE'I DNGOS PO NI DANG PO MA YIN PA NYID DO, ,DUS SU RUNG BA'I SPANGS PA'I THUN TSOD DU RUNG BA LA SOGS PA GSUM LA NAD PA'I YUL LA BRTEN PAR BYA BA NYID YIN GYI MI NA BA'I YUL LA NI MA YIN NO ZHES BYA BA'I DON TO, 'DIR GZHUNG NI, DGE SLONG BRAM ZE'I BU MOS ZHUS PA LAS, BTZUN PA THUN TSOD DU RUNG BA DANG, ZHAG BDUN PA DANG, 'TSO BA'I BAR DU BCANG BAR BYA BA'I SMAN BYIN GYIS BRLABS PA GANG DAG LAGS PA DE DAG BRO MI

152b

'TSAL BAS YONGS SU SPYAD DU RUNG NGAM, NYE BA 'KHOR MI RUNG NGO, ,BYIN LEN BGYIS PA DANG BYIN GYIS BRLABS PA DE DAG BRO 'TSAL BAS YONGS SU SPYAD DU RUNG NGAM, NYE BA 'KHOR RUNG NGO ZHES GSUNGS PA YIN NO, ,BTZO TSA DANG CHU SHING GI 'BRAS BU DANG, RGYA SHUG DANG AA SHVADTH DANG, AU DUM B'A RA DANG RTZUB 'GYUR DANG, RGUN CHU DANG, 'BRA GO'I BTUNG BA RNAMS NI THAMS CAD DU'O ZHES BYA BA LA THAMS CAD DU'O ZHES BYA BA NI NA BA DANG, MI NA BA'I PHYIR BTZO TSA LA SOGS PA'I BTUNG BA BRGYAD PO 'DI RNAMS LA THAMS CAD NYID KYI PHYIR DANG PO MA YIN PA NYID DO, ,NAD PA MA YIN PA'I PHYIR TE, NAD PA KHO NA'I PHYIR NI MA YIN ZHES BYA BA'I DON TO, ,BTZOS PA'I TSA DANG, 'BRU'I TSA DANG ZHO GA CHU DANG, DAR BA'I DANGS MA DANG, RTZAB MO CHUS BTAB PA TSAGS KYIS BTZAGS PA SHIN TU SLA BA BZHIN SNANG BA 'DAM BU'I NYAG MA'I MDOG LTA BU DAG KYANG DE DANG 'DRA'O ZHES BYA BA LA DE DANG 'DRA'O ZHES BYA BA STE BTZO TSA LA SOGS PA'I BTUNG BA'ANG DE DANG 'DRA'O ZHES SBYAR RO, ,'DI RNAMS KYANG ZHO GA CHU'I BYE BRAG DANG LDAN PA RNAMS LA THAMS CAD KYI PHYIR DANG PO MA YIN PA DANG BTUNG BA'I ZHES BYA BA'I DON TO, ,'DIR GLENG GZHI RNAMS LAS MDO 'DI GZHUNG NGO, ,SPANGS PA GDONG MTHONG BA NI ZHES BYA BA'I TSIG 'DI'O, ,THUN TSOD DU RUNG BA GZHAG PA'I PHYIR, BTUNG BA NI BYED PA'I YAN LAG NYID LA'O, ,DE LA SIL BU RNAMS LAS DANGS MA ZHES BYA BA STE, 'DIR RGYAS PAR BSHAD PAR BYA STE, GDONG MTHONG BA NI ZHES BYA BA'O, ,'DIR GZHUNG NI, CHANG BTUNG BA'I LTUNG BYED KYI ZHU BA LAS, BTZUN PA DUS MA YIN PAR BCOS PA'I TSA BYAR RUNG NGAM, GAL TE DANGS MAR GYUR NA BYE BRAG TU GSAL BA GANG LA BZHIN SNANG BA'O, ,MYOS PA DANG BRAL BA ZHES BYA BA THAMS CAD DUB TUNG BAR GTOGS PA DANGS MA DE LA'O, ,DE LAS RJES SU MTHUN PAR RNAM PAR GNAS PA YIN NO, ,LHAG MA RNAMS LA YANG TSAL SOGS PA 'DI SMOS SO ZHES GSUNGS PA YIN NO, ,DE LTA BU NYID KYI MDUN ROL DU BSNYEN PAR RDZOGS PAR MTSAN MTHUN PAS REG TU MI RUNG NGO ZHES BYA BA NI DE LTA BU'I DNGOS PO NI DE LTA BU NYID DO, ,ZHO GA CHU LA SOGS PA MDUN ROL DU BSNYEN PAR RDZOGS PA GZHAN MTSAN MTHUN

153a

, ,PAS DE LA REG TU MI RUNG BA NI RIGS PA YIN NO, ,JI LTAR DUS SU RUNG BA'I RDZAS KYANG BTUNG BA LA MDUN ROL DU NI DUS MA YIN PA NYID KYI PHYIR DANG, BTUNG BAR BYA BA MA YIN PA'I PHYIR ZHES BYA BA'I DON TO, ,AA RU RA LA SOGS PA LNGA YANG NGO ZHES BYA BA NI AA RU RA DANG SKYU RU RA DANG, BA RU RA DANG NA LE SHAM DANG PI PI LING ZHES GSUNGS PA YIN NO, ,BU RAM YANG NGO ZHES BYA BA NI THAMS CAD DU RUNG BA STE DANG PO NYID MA YIN NO, ,DE BYIN GYIS BRLABS PA BZA' BA LAM DU ZHUGS PA DANG, DGE SKOS DANG LAG GI BLA RNAMS NI NAD PA DANG 'DRA BA NYID YIN NO ZHES BYA BA NI BU RAM DE ZHAG BDUN PA LA SOGS PAR BYIN GYIS BRLABS PA BZA' BA LA JI LTAR NAD PAS DUS DAD DUS MA YIN PAR THAMS CAD DU BZAR RUNG BA DE BZHIN DU LAM DU ZHUGS PA LA YANG ZHES BYA BA'I DON TO, ,ZAN CHAD PAS KYANG DE DANG DUS SU RUNG BA MA YIN PA BZAR RUNG NGO ZHES BYA BA LA, DE DANG ZHES BYA BA NI DE LA BU RAM BYIN GYIS BRLABS PA DE YANG NAD PA DE DANG 'DRA BA NYID DU BZAR RUNG LA THAMS CAD KYIS SAM, GZHAN GYIS KYANG DUS SU RUNG BA DANG MAR DANG 'BRU MAR LA SOGS PA YANG DUS MA YIN PAR BZAR RUNG ZHING NAD PA NYID KYIS SO, ,DE NI RNAM PA BZHI PO DAG BRJOD PAR BYA STE, DE'I PHYIR THUN TSOD DU RUNG BA'I NI BTUNG BA DAG GO ZHES BYA BA SMOS TE, 'DIR GZHUNG NI, THUN TSOD DU RUNG BA NI KHYIM PA'AM DGE TSUL GYIS SBYAR BA TSAGS KYIS BTZAGS PA DAG NI THUN TSOD DU RUNG BA'O ZHES GSUNGS PA YIN NO, ,KHA CIG NI THUN TSOD DU RUNG BA'I BTUNG BA BRGYAD PO ZHES KYANG ZER RO, ,'DIR GZHUNG DU BYED DE BTZO TSE'I BTUNG BA DANG, CHU SHING GI 'BRAS BU'I BTUNG BA DANG, RGYA SHUG GI BTUNG BA'AM, AA SHVADTHA'I BTUNG BA'AM, AU DUM B'A RA'I BTUNG BA'AM, RTZUB 'GYUR GYI BTUNG BA'AM, RGUN CHU'I BTUNG BA'AM, 'BRA GO'I BTUNG BA RNAMS NI THAMS CAD DU BYA'I ZHES ZER BA DE NI MI RIGS TE, NAD PA MA YIN PA LA YANG DE RNAMS 'OS PA'I PHYIR ZHES BYA BA'O, ,'BRAS BU BRGYAD PO 'DI RNAMS KHYIM PA DANG DGE TSUL GYIS SBYAR BA, TSAGS KYIS BTZAGS PA 'DI DAG NI DUS SAM DUS MA YIN PAR YANG NA BA'AM NA BA MA YIN PAS KYANG BTUNG BAR BYA BA DAG YIN TE, 'DI LA 'GYOD PAR MI BYA'O ZHES GSUNGS PA YIN NO, ,

153b

DANGS MA ZHES BYA BA NI SKA BA NYID BSAL BA'O, ,SHIN TU SLA BA'O ZHES BYA BA NI THUN TSOD DU RUNG BA'I BTUNG BA DAG GO, ,DE'I RDZAS DE NYID MA YIN PA DE'I PHYIR GAL TE DUS SU RUNG BA NYID YIN NA BSNYEN PAR MA RDZOGS PAS SBYAR ZHING TSAGS KYIS KYANG BTZAGS PAR BYA'O ZHES BYA BA DANG, DE'I RDZAS DE NYID MA YIN PA'I PHYIR ZHES BYA BA NI BTUNG BA NYID MA YIN PA'I PHYIR RO, ,DE'I RDZAS ZHES BYA BA NI BTUNG BAR BYA BA'I RDZAS DE'O, ,GAL TE DUS SU RUNG BA YIN NA ZHES BYA BA NI RDZAS DE'O, ,BSNYEN PAR MA RDZOGS PAS SBYAR ZHING ZHES BYA BA NI DUS MA YIN PAR RUNG BA NYID YIN NO, BSNYEN PAR RDZOGS PAS SBYAR ZHING BTZAGS PA LA YANG NYES PA MED DO, ,DE DAG LAS GZHAN BAL PO SE'U DANG MDU LUNG GA LA SOGS PA'I RDZAS KYI ZHES BYA BA NI BTZO TSA LA SOGS PA'I BTUNG BA DAG LAS GZHAN PA THUN TSOD DU RUNG BA'I BTUNG BA LAS, BAL PO SE'U DANG MA DU LUNG GA LA SOGS PA'I RDZAS GANG ZHIG RTZA BA DANG SDONG BU DANG, 'DAB MA DANG ME TOG DANG 'BRAS BU ZAS KYI DON DU KHYAB PAR BYED PA GANG YIN PA DE DAG KYANG BSDU BA'I PHYIR SNYEGS PAR RIG PAR BYA'O, ,'DIR GZHUNG NI, SIL BU DAG LAS, 'DI DANG PO BYAS TE SINGS PO ZHES BYA BA'I MTHAR THUG BA'O ZHES GSUNGS PA YIN NO, ,DE DUS SU RUNG BA NYID YIN NA THUN TSOD KYI MTHA' YIN NO ZHES BYA BA LA, DE ZHES BYA BA NI BTUNG BA'I RDZAS DE'O, ,GZHAN NYID YIN NA DE'I GANG YIN PA'O ZHES BYA BA NI BTUNG BA'I RDZAS DE DUS SU RUNG BA LAS GZHAN BA DUS MA YIN PAR RUNG BA NYID YIN NA GANG ZHIG RDZAS DE'I MTHAR THUG PA BTUNG BA DE LA THUN TSOD KYI MTHA' GZHAN BZA' BAR BYA BA LA DUS GANG GI TSE BZA' BAR BYA BA NYID SKYES PAR 'GYUR BA DE'I TSE BZA' BA'I PHYIR DUS MA YIN PAR BTUNG BA'I RDZAS LA DUS THAMS CAD PA NYID YIN PAR SHES PAR BYA'O, ,BYIN GYIS BRLABS PA'I PHYIR NI THUN TSOD DU RUNG BA NYID YIN PAR SHAS PAR BYA'O, ,KHA CIG NA RE MA GYUR NA DE YIN GYI GYUR NA GANG TSUN CHAD DE YIN PA'O ZHES ZER RO ZHES BYA BA NI GANG ZHIG BTUNG BA'I RDZAS KYI MTHA' YIN PA DE NYID BTUNG BA LA ZHES GANG SMOS PA DE GCIG TU NGES PAR RNAM PAR GNAS PA MA YIN PAR SHES PAR BYA STE, 'DI LTAR NGO BO NYID MA GYUR NA DE LTUNG BA'I MTHA' YIN GYI, GYUR NA SKAD CIG GANG TSUN CHAD KYI 'OG TU NGO BO NYID

154a

, ,DU GYUR PA'I SKAD CIG DE NYID BTUNG BA'I MTHA' YIN PAR SHES PAR BYA'O ZHES ZER RO, ,DE NI MA YIN TE DUS LHAG PA LA BRTEN NA MI 'CHAGS PAR 'GYUR BA'I PHYIR DANG, DE 'BYUNG BAR 'GYUR BA PHAL PA RNAMS KYI BGROD PA MA YIN PA'I PHYIR BYIN GYIS BRLAB PAR BYA BA NYID MA YIN PAR 'GYUR BA'I PHYIR RO ZHES BYA BA NI GYUR NA GANG TSUN CHAD DE YIN PA'O ZHES ZER BA NI, DE NI MA YIN TE, DUS LHAG PA LA BRTEN NA MI 'CHAGS PAR 'GYUR BA'I PHYIR TE, GANG LAS BTUNG BAR GYUR PAR 'GYUR NA, DE'I PHYIR DUS LHAG PA LA BYIN GYIS BRLAB PA BRTEN PA'I BYIN GYIS BRLAB PA MI 'CHAGS PA STE, 'DIR DE TZAM GYI DUS LAS MA GNANG BA NYID KYI PHYIR ZHES BYA BA 'DI THOB PA'O, ,THOB PA DE DANG MI 'CHAGS PA MED PA LA SHES PAR BYA BA MA YIN PA NYID KYI PHYIR 'BYUNG BAR 'GYUR BA LA THA MAL PA RNAMS LA BYIN GYIS BRLAB PA MA YIN PA NYID THAL BAR 'GYUR RO, ,GANG GI PHYIR GANG ZHIG 'BYUNG BAR 'GYUR BA DE NI THA MAL PA DANG, MA THOB PA RNAMS LA MA 'ONGS PA'I SHES PA'I NUS PAS BGROD PAR BYA BA MA YIN NO, ,DE LTA BAS NA DE MI SHES PA'I PHYIR YONGS SU GZUNG BAR BYA BA'I DUS GANG YIN PA DE MI SHES PAS, DES NA BYIN GYIS BRLAB PAR BYA BA NYID BTUNG BA LA THOB PAR 'GYUR RO, ,THUN TSOD NYID KYIS KYANG MDUN ROL DU THUN TSOD KYI THA MA LAS 'GA' ZHIG LAS YONGS SU GZUNG BAR 'GYUR RO, ,'DIR RO DANG PHYE MA SBYAR BA'I BTUNG BA DAG 'DUS PA NYID YIN NO ZHES BYA BA LA, 'DIR ZHES BYA BA NI THUN TSOD DU RUNG BA RNAMS LA'O, ,RO DANG PHYE MA SBYAR BA'I BTUNG BA LA YANG THUN TSOD DU RIG PAR BYA'O ZHES BYA BA'I DON TO, ,SMAN RTZABS SHIN TU SLA BA YANG NGO ZHES BYA BA LA, THUN TSOD DU RUNG BA'I BTUNG BA DAG TU 'DUS PA NYID YIN NO ZHES BYA BAR SBYAR RO, ,SMAN RTZABS ZHES BYA BA DE JI LTA BU ZHIG YIN ZHE NA, DE'I PHYIR DE NI RTZA BA LA SOGS PA'I SMAN BKUS PA SKYUR PO ZHES BYA BA SMOS TE, THUN TSOD DU RUNG BA BSTAN NAS; DE'I PHYIR ZHUN MAR DANG, 'BRU MAR DANG, SBRANG RTZI DANG BU RAM GYI SBU BA DAG NI ZHAG BDUN PA'O, ,BU RAM DANG HVAGS DANG, LI KHA RA LA SOGS PA THAMS CAD NI BU RAM GYI SBU BA NYID KYIS 'PHANGS SO ZHES BYA BA NI KHYIM BDAG GLANG BU LTA BUS DGE SLONG ZAN CHAD PA RNAMS KYIS DUS MA LAGS PAR CI

154b

ZHIG 'TSAL DU RUNG ZHES ZHUS NA, BU RAM DANG, ZHUN MAR DANG, HVAGS DANG, LI KHA RA DAG DANG, BTUNG BA DAG GO ZHES GSUNGS PA GANG YIN PA DE LAS 'DI LTAR SHES PAR BYA BA YIN NO, ,BDUD RTZI NI ZHUN MAR DANG 'DRA BA NYID DO ZHES BYA BA NI BZA' BAR BYA BA NYID DANG ZHAG BDUN PA NYID KYI PHYIR TE; ZHUN MAR GYI RNAM PA NYID BSTAN PA'I PHYIR DE LTAR 'DI SMOS TE, 'DIR GZHUNG NI, ZHU BA LAS SO, ,ZHAG BSKOL ZHING BTZAGS PA DAG NI 'BRU MAR DANG MAR 'DRA BA NYID DO ZHES BYA BA YANG, DE'I TSE DE RNAMS YIN PAR BYIN LEN BYAS PA RNAMS NI 'BRU MAR GYI RNAM PA NYID LAS SKYES PA NYID DO, ,'DIR GZHUNG NI, ZHAG RNAM PA LNGA PO 'DI DAG NI DUS MA YIN PAR BSKOL, DUS MA YIN PAR BTZAGS, DUS MA YIN PAR BYIN LEN BYAS, DUS MA YIN PAR BYIN GYIS BRLABS NA YANG YONGS SU LONGS SPYOD PAR MI BYA'O, ,DUS SU BSKOL DUS SU BTZAGS, DUS SU BYIN LEN BYAS SHING DUS MA YIN PAR BYIN GYIS BRLABS NA YANG LONGS SPYAD PAR MI BYA'O, ,DUS SU BSKOL DUS SU BTZAGS DUS SU BYIN LEN BYAS, DUS SU BYIN GYIS BRLABS NA 'BRU MAR NYID DU LONGS SPYAD PAS ZHAG BDUN PAS YONGS SU LONGS SPYAD PAR BYA'O ZHES GSUNGS PA YIN NO, ,GANG ZHIG 'DIR BSKOL BA DANG BTZAGS PA NYID NI KHAS LEN PAR BYED PA DE BAS NA 'DIR DON 'DI RNYED PA'O, ,'DIR DE DAG LA DUS MA YIN PAR BYAS PA NYID LA BZA' BAR BYA BA MA YIN PA NYID DU SHES PAR BYA BA YIN NO, ,DUS MA YIN PA 'AM DUS 'DI DAG BYAS PA LA DUS MA YIN PAR BYIN GYIS BRLABS BRLABS PA NYID LA BZA' BAR BYA BA MA YIN PA NYID CES BYA BA 'DIR DON DE'O, ,BYIN LEN BYED PA LA YANG TSUL 'DI NYID DO, ,'DIR GNAS SKABS DANG 'BREL BA'I BYE BRAG NI 'DI YIN NO, ,BYIN LEN 'DI LA BSKOL BA DANG, BTZAGS PA LTAR DUS MA YIN PAR BYIN GYIS BRLABS PA LA GNAS SKABS NYID YOD PA MA YIN NO, ,ZHAG RNAM PA LNGA ZHES GSUNGS PA DE DAG LA NI NGES PA NI MA YIN NO, ,'DI RNAMS NYID LA 'BRU MAR DANG 'DRA BA NYID YIN NAM 'ON TE 'DRA BA NYID MA YIN ZHE NA, DE BSTAN PA'I PHYIR DGOS PA BRJOD PAR BYA STE, DE'I PHYIR NYA DANG RI BONG GI DANG CHU SRIN BYIS PA GSOD KYI DANG, DOM GYI DANG PHAG GI'O, ,DE DAG NI NAD PA LA PHAL CHER

155a

, ,SBYOR BAR BYED DO ZHES BYA BA SMOS TE, PHAL CHER ZHES BYA BA NI LAN SHIN TU MANG BA'O, ,RGYU DES NYE BAR ZHI BAR BYED PA'I NA BA RNAMS LA PHAL CHER 'JIG RTEN LA GRAGS PA'I PHYIR RO, ,SOS PA NYID NI DE DAG NAD PA'I PHYIR SLONG NA SBYIN NO ZHES BYA BA NI DE RNAMS LA NI NAD SOS PAS BCANG BAR MI BYA'O ZHES BYA BA DE 'DIS BYAS PAR RIG PAR BYA'O, ,DE YANG DE LTA BUR GYUR PA NYID KYIS 'DI RNAMS DANG MI MTHUN PA NYID KYI PHYIR RIG PAR BYA'O, ,RGYU MED PAR NA BA ZHES BYA BA GANG LA ZHAG GIS GNOD PA'I NAD DE LA SNYAM DU SHUGS KYIS RTOGS PAR BYA'O, ,DGE SLONG GI TSIG KYANG 'DIR 'DON PA YIN TE, GLENG GZHI'I MTHA' MA'I ZHAG LA DER MTSON PAR GYUR PA SMOS PAR RNAM PAR GNAS PA YIN TE, KHYIM PA NAD PA LA YANG SBYIN PAR RIG PA'I PHYIR, DE BAS NA 'DIR NYE BAR MA BSDUS SO, ,DE MED NA SMAN KHANG DU'O ZHES BYA BA NI, SLONG BA NI MED NA DGE 'DUN GYI SMAN KHANG DU GZHAG PAR BYA'O, ,DGE 'DUN GYI SMAN KHANG DU GZHAG PAR BYA'O, , SMAN KHU DANG MIG SMAN DAG KYANG NGO ZHES BYA BA YANG, SOS PA NYID NA DE DAG NAD PA'I PHYIR SLONG NA SBYIN NO ZHES BYA BA DANG, DE MED NA SMAN KHANG DU GZHAG GO ZHES BYA BAR SBYAR RO, ,DA NI BZHI PA BSHAD PAR BYA STE, DE'I PHYIR 'TSO BA'I BAR DU BCANG BA NI RTZA BA DANG, SDONG BU DANG 'DAB MA DANG, ME TOG DANG 'BRAS BU ZAS KYI DON DU KHYAB PAR BYED PA MA YIN PA'O ZHES BYA BA SMOS SO, ,KHA ZAS KYI DON DU KHYAB PAR BYED PA MA YIN PA DE DAG 'TSO BA'I BAR DU BCANG BA YIN NO ZHES BYA BA'I DON TO, ,DE LA RTZA BA DAG GANG ZHE NA 'DI LTA STE GLA SGAR DANG SHU DAG DANG, YUNG BA DANG, SGE'U GSHER DANG BONG DKAR PO DAG GO, ,SDONG BU DAG GANG ZHE NA, TZAN DAN DANG, SBYI MO DANG SHUG PA DANG SRE TRES DANG, THANG SHING DANG SKYER BA DAG GO, ,'DAB MA DAG GANG ZHE NA, BA SHA KA DANG KO SHA TA KI DANG, PA TO LA DANG NI MA BA DANG, SAPTA PARnA'I 'DAB MA DAG GO, ,ME TOG DAG GANG ZHE NA, ME TOG NI BA SHA KA DANG, NIM PA DANG, HA DA KI DANG, KLU SHING DANG PADMA'I ZE BA DAG GO ZHES BYA BA SMOS TE, ZE BA DE DAG KYANG MTSON PA TZAM DU ZAD KYI, ME TOG LAS PHAL CHER SMAN ZAS KYI DON DU KHYAB PAR BYED PA MA YIN PA GZHAN DAG THA DAD DU BYAS NAS BSDUS PA'O, ,'BRAS BU DAG GANG ZHE NA, AA RU RA DANG, SKYU RU RA DANG, BA RU RA

155b

DANG; NA LE SHAM DANG, PI PI LING DAG GO ZHES BYA BA SMOS TE, RTZA BA DANG SDONG BU DANG 'DAB MA DANG ME TOG DANG 'BRAS BU RNAMS BSHAD NAS, GZHAN 'TSO BA'I BAR DU BCANG BAR BSTAN PA'I PHYIR BYA'O ZHES BYA BA SMOS SO, ,DE NYID BSTAN PA'I PHYIR SPYIL BA'O, ,'DI LTA STE SHING SHIN DANG PHRA RTZI DANG RGYA SKYEGS DANG SPRA TSIL DANG SHING MA ZHO'O ZHES BYA BA SMOS TE, 'DI LTA STE ZHES BYA BA'I SGRAS NI 'OG MA RNAMS LA YANG DPER BSTAN PA'I PHYIR RO, ,RGYA SKYEGS NI RGYA SKYEGS SO, ,SPRA TSIL NI SPRA TSIL LO, ,SHING MA ZHO ZHES BYA BA NI, RGYA SKYEGS LAS GZHAN PA'I SHING DAG GI SHING MA ZHO DAG STE, SHING DAG LAS 'BYUNG BA'O, ,'GYUR BYED DO ZHES BYA BA NI 'DI LTA STE, TIL GYI DANG RGYA SKYEGS KYI SHING DANG, SA TSUR GYI DANG, NAS KYI DANG, NAS KYI DRA MA'I DANG, BA SHA KA'I DANG THAL BA'I 'GYUR BYED DO ZHES BYA BA SMOS SO, ,LAN TSVA'O ZHES BYA BA NI, 'DI LTA STE RGYAM TSA DANG, KHA RU TSA DANG, TSA DMAR DANG, RGYA MTSO'I TSA DANG, BA TSA'O ZHES BYA BA SMOS SO, ,SMAN KHU'O ZHES BYA BA NI, 'DI LTA STE, SHING AA MRA DANG NI MA PA DANG KO SHAM PA DANG SHI RI SHA DANG 'DZAM BU DAG GO ZHES BYA BA SMOS SO, ,JI TZAM GYIS CHOG PA BSTAN NO, ,BKRUS NAS YANG NGO ZHES BYA BA NI, JI TZAM GYIS CHOG PA BSTEN TO ZHES BYA BAR SBYAR RO; ,MI MNYE BA LAN CIG BKRU'O ZHES BYA BA NI DE LA REG PA MED PAS NA REG PA MED PA'O, ,SMAN KHU DE LTAR BSTAN NO ZHES BYA BA NI RNAM PA DE LTAR ZHES BYA BA'I DON TO, ,SKAM SNGO LA SOGS PA LA YANG DE BZHIN NO, ,SMAN SMOS PAS DUG SMAN MA BSDUS PA NYID MA YIN NO ZHES BYA BA NI DE YANG SMAN ZHES BYA BAS DUG SMAN YANG BSDUS PAR RIG PAR BYA'O, ,DE NI 'TSO BA'I BAR DU BCANG BA NYID DO ZHES BYA BA LA, DE NI ZHES BYA BA NI DUG SMAN DE LA'O, ,'DIR GZHUNG NI, GANG ZHIG BU RAM SHING DANG BU RAM GNYIS BSREGS PA'I THAL BA NI 'TSO BA'I BAR DU BCANG BA'O ZHES GSUNGS SO, ,SIL BU RNAMS LAS KYANG 'DI GSUNGS SO, ,NU ZHOS 'TSO BA'I BE'U RNAMS KYI LCI PA DANG, GCIN DAG NI DE ZHES BYA'O ZHES BYA BA LA, DE ZHES BYA BA NI DUG SMAN DE LA'O, ,'DIR GZHUNG NI, GANG ZHIG DE ZHES BYA BA NI DUG LA PHAN NO ZHES BYA BA NI, LCI BA DANG GCIN LA SOGS PA DUG SMAN ZHES BYA BA JI SKAD

156a

, ,BSTAN PA DE DAG NI DUG ZOS PA LA PHAN NO, ,THAL BA'O ZHES BYA BA NI SHING KA TZA NA DANG, KA BI KA LA DANG, AA SHVADTHA DANG, AU DUM B'A RA DANG, N+YA GRO DHA RNAMS KYI ZHES BYA BA SMOS TE, DE'O ZHES BYA BA NI DUG LA SMAN PA'O, ,SA NI SOR BZHI'I 'OG GI BZANG NGO ZHES BYA BA NI RLUNG DANG NYI MA LA SOGS PA RNAMS KYIS STENG GI LA GNOD PA'I PHYIR RO, ,'DIR GZHUNG NI, DGE SLONG DAG DUG SMAN ZHES BYA BA NI LCI BA DANG GCIN DANG THAL BA DANG SA STE, DE LA LCI BA NI BE'U 'BRENGS NAS RING PO MA LON PA MA'I NU ZHOS 'TSO BA GANG DAG YIN PA RNAMS TE GCIN YANG DE DAG NYID KYI'O ZHES BYA BA LA SOGS PA GSUNGS PA YIN NO, ,DE DGE BSNYEN DAD PA CAN LAS BLANG NGO ZHES BYA BA LA DE NI ZHES BYA BA NI DUG SMAN DE'O, ,'DI NI SIL BU DAG LAS DES BYIN LEN YANG NGO, ,DES BYIN LEN BSTAB PAR BYA'O ZHES BYA BA NI BYIN LEN YANG DGE BSNYEN DAD PA CAN DES BSTAB PAR BYA'O, ,SHA'I BDAG NYID KYI SMAN DE YANG NGO ZHES BYA BA YANG, SHA'I BDAG NYID KYI SMAN DE LA DES PHYIN LEN BSTAB PAR BYA'O, ,THAMS CAD SHAN PA'I GNAS NAS BLANG NGO ZHES BYA BA NI SHA RLON PA 'BA' ZHIG TU MA ZAD KYI SHA'I SMAN THAMS CAD DGE BSNYEN DAD PA CAN GYIS SHAN PA'I GNAS NAS BLANG BA'O, ,DE NI BYA BA NYID YIN NO ZHES BYA BA NI SHA'I SMAN BLANG BA DE NI SHAN PA'I GNAS NAS BLANG BA NYID DO, ,DE LA BYA BA'I CHA MA YIN PAR DOGS PA MI BYA'O ZHES BYA BA'I DON TO, ,GAL TE DUS MA YIN PAR NAS LAS BYAS PA'I SMAN DGOS PA NYID YIN NA DE'I DON DU BA LANG RGAN PO'I LCI BA'I NAS KYIS CHOG PAR BYA'I GZHAN BZA' BAR MI BYA'O ZHES BYA BA LA, DE'I DON DU ZHES BYA BA NI NAS LAS BYAS PA'I SMAN DE'I DON DU'O, ,GZHAN ZHES BYA BA NI NAS GZHAN DAG GO, ,GAL TE SKYO MA TSAGS KYIS BTZAGS NAS TE GZHAN NI MA YIN NO ZHES BYA BA NI DUS MA YIN PAR ZA BAR BYA BA NYID LA GANG ZHIG SMAN DU BYAS PA DE'I DON DU BYA'I NAS LAS BYAS PA GZHAN DU NI MA YIN NO, ,DE RNAMS LA YANG BA LANG RGAN PO'I LCI BA'I NAS KYIS CHOG PAR BYA'I GZHAN BZA' BAR MI BYA'O, ,GAL TE SHA'I SMAN DGOS PA NYID YIN NA MTSA'I RTUG PA'I SHAS SO ZHES BYA BA DUS MA YIN PAR DGOS PA NYID LA MTSA'I RTUG PA'I NANG NAS BYUNG BA'I SHAS DE'I DON DU CHOG PAR BYA'I

156b

SHA GZHAN LONGS SPYAD PAR MI BYA'O, ,GAL TE KHU BA TSAGS KYIS BTZAGS NAS TE, GZHAN NI MA YIN NO ZHES BYA BA NI, DUS MA YIN PAR SHA LAS BYAS PA'I SMAN DGOS PA NYID YIN NO, ,DE'I DON DU MTSA'I RTUG PA'I NANG NAS BYUNG BA'I SHAS CHOG PAR BYA BA DE YANG SHA DES BYAS PA'I KHU BA GAL TE TSAGS KYIS BTZAGS NA DES CHOG PAR BYA BA YIN GYI, DE LAS GZHAN BA'I TSAGS KYIS MA BTZAGS PA DAG NI BZA' BAR MI BYA'O, ,GZHAN DAG BCAS PA LA DE LHAG PAR SPYOD PA YOD DO, ,DE'I PHYIR DE LAS BCAS PA LA CHO GA SNGA MAS 'JUG PAR BYA'O ZHES BYA BA NI GANG GI PHYIR GZHAN DANG BCAS PA DE LA LHAG PAR SPYAD PA LHAG PAR MI SPYOD PAR 'GYUR BA DE BAS NA GANG ZHIG 'DIR DUS DANG DUS MA YIN PA LA SOGS PA CHO GA SNGA MA DE DANG DES PHYI MA BCAS PA NYID LA 'JUG PAR BYA'O ZHES BYA BA'I DON TO, ,THUN TSOD DU RUNG BA DANG ZHAG BDUN PA DANG, 'TSO BA'I BAR DU BCANG BA DANG DUS SU RUNG BA DANG 'DRES BA GANG DAG NI DUS KHO NAR LONGS SPYAD PAR BYA'I, DUS MA YIN PAR LONGS SPYAD PAR MI BYA'O, ,ZHAG BDUN PA DANG, 'TSO BA'I BAR DU BCANG BA THUN TSOD DU RUNG BA DANG, 'DRES PA DAG GIS THUN TSOD DU KHO NAR YONGS SU LONGS SPYAD PAR BYA'I, ,THUN TSOD KYI MTHA' LAS YOL BAR YONGS SU LONGS SPYAD PAR MI BYA'O, ,'TSO BA'I BAR DU BCANG BA DANG ZHAG BDUN BA DANG, 'DRES PA NI ZHAG BDUN PA KHO NAR YONGS SU LONGS SPYAD PAR BYA'I, 'TSO BA'I BAR BCANG BAR YONGS SU LONGS SPYAD PAR MI BYA'O ZHES BYA BA DE LA MDO 'DI BYAS PA'O, ,RANG BZHIN GZHAN DU MA GYUR PA NI SNGON GYI RANG BZHIN MA YIN PA NYID MA YIN NO, ,DE'I PHYIR GZHAN DANG MA 'DRES PA LA NI RANG GI CHO GAS RUNG BAR BYA BA MI 'GRUB PA MA YIN NO ZHES BYA BA LA, RANG BZHIN GZHAN DU MA GYUR PA NI GANG DANG MA 'DRES PA DE'I BAG CHAGS SU 'GYUR BA'I NGO BO NYID GZHAN NO, ,SNGON GYI RANG BZHIN MA YIN PA ZHES BYA BA NI GANG GI SNGON DU RANG GI RIGS TZAM DU GYUR PA NGO BO YOD PAR GYUR PA DE LAS RNAM PA GZHAN NYID NI SNGON GYI RANG BZHIN MA YIN PA NYID MA YIN NO, ,GANG GI PHYIR RANG BZHIN GZHAN DU MA GYUR PA NI SNGON GYI RANG BZHIN MA YIN PA NYID MA YIN PA DE'I PHYIR, GZHAN DANG MA 'DRES PA'I ZHES BYA BA NI, GANG GIS 'DI DANG 'DRES PA YANG DAG PAR 'BYUNG BAR 'GYUR BA DE LAS THA

157a

, ,DAD PAR GYUR PA LA RANG GI CHO GAS RUNG BAS BYA BA MI 'GRUB PA MA YIN PA DE 'GRUB PA KHO NA YIN NO, ,DUS SU RUNG BA'I NANG NA 'DUG PA'I 'TSO BA'I BAR DU BCANG BA LA DUS SU RUNG BA NYID DANG, RANG BZHIN GZHAN DU MA GYUR PA DANG, GZHAN DANG MA 'DRES PA LA NI DUS SU RUNG BA DE LAS 'TSO BA'I BAR DU BCANG BAS RUNG BA BYA BA MI 'GRUB PA MA YIN TE, RANG RANG GI CHO GA 'DI LA 'JUG PAR BYAR RUNG ZHES BYA BA'I DON TO, ,BU RAM BSGONG BA'I PHYIR 'BRAS PHYE'I NANG DU GZHAG PA NI BKRU BAS RANG KHO NA'I GRANGS NYID DU 'GRUB PO ZHES BYA BA NI ZHAG BDUN PA NYID CES BYA BA'I DON TO, ,'GOR GYI ZUNGS NI BU RAM NYID DU SHES PAR BYA'O ZHES BYA BA NI BU RAM BSKOL BA'I DUS SU 'GOR DANG LINGS NYID DU BYA BA'I PHYIR 'BRAS KYI BAG PHYE LA SOGS PA BLUGS PA DE NI BU RAM NYID YIN PAS, DE LA DUS SU RUNG BA NYID NI MA YIN PAR SHES PAR BYA'O, ,DE'I PHYIR DE LA 'DI BSTAN PA'O, ,BYIN GYIS BRLABS PA LA NI GSOG 'JOG MI 'BYUNG NGO ZHES BYA BA LA 'DIR GZHUNG NI, BTZUN PA BRO 'TSAL BAS BYIN LEN BGYIS PA DANG, BYIN GYIS BRLABS PA YONGS SU LONGS SPYOD DU RUNG NGAM, NYE BA 'KHOR RUNG NGO ZHES GANG ZHIG GSUNGS PA DE BAS NA MDO 'DI BYAS SO, ,BRO 'TSAL BA ZHES BYA BA NI NA BA LA RUNG BA NYID DU BSTAN PA NYID YIN NO, ,NAD PA'I CHED DU YONGS SU LONGS SPYOD PA'I PHYIR RANG GI DUS KYI MTHA'I BAR DU BYIN GYIS BRLAB PAR BYA'O ZHES BYA BA LA, DUS SU RUNG BA'I NI DE'I YUL MA YIN TE, BYIN GYIS BRLABS PA DON MED PA'I PHYIR RO, ,THUN TSOD DU RUNG BA DANG, ZHAG BDUN PA DANG 'TSO BA'I BAR DU BCANG BA DAG RANG RANG GI DUS KYI MTHA' CHUN CHAD DU BYIN GYIS BRLAB PAR BYA'O, ,DUS GANG GI TSE BYIN GYIS BRLAB PAR BYA ZHE NA, DE'I PHYIR ZAS SNGA MA'I TSE'O ZHES BYA BA SMOS TE, 'DIR CHO GA'I GZHIR GYUR PA ZHES BYA BA YIN PAS, DUS SU BZA' BAR BYA BA LA BRTEN PA'O, ,BZA' BAR BYA BA'I DUS 'DI LA GZHIR GYUR PA NYID KYI PHYIR ZHES BYA BAS DE SHES PA'O, ,THUN TSOD KYI DON LAS KYANG 'DI'I NGES PA RNAM PAR GNAS PA BYIN GYIS BRLAB PA MED PAR PHYIS ZAS BYIN LEN BYAS PA LA THUN GCIG GI MTHAR JI SRID DU RUNG BA NYID CES BYA BA DE NYID DU 'DI LA DON DANG BCAS PA NYID DO, ,JI LTAR ZHE NA, DE'I PHYIR BYIN LEN BYAS TE'O, ,BYIN

157b

LEN MA BYAS PA DANG GSOG 'JOG DANG 'DRES PA BSRUNG BAR BYA BA YIN NO, ,DE'I PHYIR LAG PA GNYIS KA BSNYAL NAS SO ZHES BYA BA NI GANG GI PHYIR LAG PA GNYIS MA BSNYAL BA LA BYIN LEN MA BYAS PA DANG, GSOG 'JOG DANG 'DRES PA BSRUNG BAR BYA BA YIN NO, ,LAG NYAR BLANGS PA DANG GSOG 'JOG BYAS PA DANG, BYIN LEN MA BYAS PA DANG, NANG DU ZHAG LON PA DANG, NANG DU BTZOS PA DANG DGE SLONG GIS BTZOS PA DAG LA BYIN GYIS BRLABS PA MI 'CHAGS SO ZHES BYA BA LA BTZOS PA'I SGRAS KYANG NANG DU'I SGRA DANG 'BREL PA'O, ,'DIR GZHUNG NI ZHU BA LAS, NANG DU BTZOS PA ZHES BYA BA LA SOGS PA GSUNGS PA YIN NO, ,RO DANG SLA BA NYID YONGS SU GYUR NA NI GSOG 'JOG BYAS PA NYID YIN NO ZHES BYA BA NI RO MI SNANG BA NYID DU YONGS SU GYUR PA NI DE'I TSE GSOG 'JOG BYAS PA NYID YIN NO, ,'DIR NI 'DI GNYIS KYI NI NGO BO NYID GYUR PAR BSTAN TE, DE BAS NA DE GNYIS SMOS PA YIN NO, ,DE LTA BAS NA GCIG LA YANG DE LAS YONGS SU GYUR NA GSOG 'JOG NYID DO, ,'DIR GZHUNG NI SIL BU DAG LAS, BU RAM GYI BTUNG BA'I SKABS NAS, BTZUN BA BTUNG BA BTZAGS NAS DGUNG BDUN BAR BYIN GYIS BRLAB TU RUNG NGAM, NYE BA 'KHOR MI RUNG NGO, ,BTZUN BA YUN JI SRID CIG TU GZHAG PAR 'TSAL BAR BGYI, NYE BA 'KHOR SHIN TU SLA ZHING MI SKUR LA RANG GI NGO BO NYID MI SPONG BA DE SRID DU'O ZHES GSUNGS PA YIN NO, ,'DIR ZHU BA BYA BA MA YIN PA NYID GSUNGS TE, 'DI LA GSOG 'JOG LAS GZHAN PA'I BTUNG BAR BYA BA MA YIN PA NYID LA RGYU RNAM PAR MI GNAS PA DE BAS NA GSOG 'JOG NYID DU SHES PA'O, ,BYIN GYIS BRLAB PA 'OG MA DANG LHAN CIG YONGS SU LONGS SPYAD PAR MI BYA'O ZHES BYA BA NI 'DIR BYE BRAG TU BCAD PAS BYIN GYIS BRLABS PA DANG, GSOG 'JOG GI DUS LA MA BAB PA DANG LHAN CIG CES BYA BAR SHES PAR BYA'O, ,'DIR GZHUNG NI, MOOD GAL GYI BU LA THUN TSOD DU RUNG BA GANG YIN PA DANG, ZHAG BDUN PA GANG YIN PA DANG, 'TSO BA'I BAR DU BCANG BA GANG YIN PA DE DUS SU RUNG BA DANG 'DRES NA YONGS SU LONGS SPYAD PAR MI BYA'O, ,ZHAG BDUN BA GANG YIN PA DANG, 'TSO BA'I BAR DU BCANG BA GANG YIN PA DE THUN TSOD DU RUNG BA DANG 'DRES NA YANG YONGS SU LONGS SPYAD

158a

, ,PAR MI BYA'O, ,'TSO BA'I BAR DU BCANG BA GANG YIN PA DE ZHAG BDUN PA DANG 'DRES NA YANG YONGS SU LONGS SPYAD PAR MI BYA'O ZHES GSUNGS PA YIN NO, ,SMAN GYI GO RIMS NI DPE'O ZHES BYA BA NI SNGAR DE NI RNAM PA BZHI'O ZHES SMOS PAS, SMAN RNAM PA BZHI SMOS PA'I GO RIMS DE NI DPE TZAM DU ZAD DE, DE BAS NA 'DIS MIG SMAN LA SOGS PA DAG KYANG MA 'PHANGS PA NYID MA YIN NO, ,DE BAS NA CIR 'GYUR ZHE NA, DE'I PHYIR MIG SMAN BSTEN PAR BYA'O, ,SMAN MA YIN PA'I DON DU MI BYA'O ZHES BYA BA'I SGEG PA'I DON NI SMAN MA YIN PA'I DON TE DE'I DON DU MIG SMAN BSTEN PAR MI BYA'O, ,'DI NI DRIS BYUG PA DANG KHA DOG 'CHANG BA'I PHYOGS NYID DU DOGS PA DE BAS NA 'DI SPANGS PA'O, ,'DIR GZHUNG NI MA MO DAG LAS MIG THUR BCANG BAR BYA STE, JI SNYED DU RANG 'KHRUNGS DAG GO ZHES BYA BA'O, ,DE'I SNOD RIGS PA'O ZHES BYA BA SMOS TE, GANG GI SNOD CI YIN ZHE NA, DE'I PHYIR MIG SMAN SKYER KHAndA'I NI ZA MA TOG GO ZHES BYA BA SMOS TE, BCANG BAR BYA BA NYID KYANG DE LA SOGS PA DANG SKYER KHAndA LA SOGS PAR DON GYIS RIG PAR BYA'O, ,MIG SMAN RI LU'I NI SGE'U 'O, ,MIG SMAN DU BA DANG SBRUS PA DANG, PHYE MA RNAMS KYI NI DONG BU'I THUR MA BCANG BAR BYA'O, ,ZANGS MA DANG LCAGS DAG GI BZANG NGO, ,CI MIG THUR THAMS CAD RUNG NGAM ZHE NA, DE'I PHYIR RANG 'KHRUNGS DAG GO ZHES BYA BA SMOS SO, ,NAD PAS SMAN GZHUG PA'I PHYIR MCHAN KHUG BCANG BAR BYA'O, ,DER MA SHONG BA NYID YIN NA BRUBS SAM THUM PO BYAS TE BCER RO SHES BYA BA LA, DER ZHES BYA BA NI MTSAN KHUG DER BRUBS SAM THUM PO BYAS TE BCER RO, ,BCUG PA MI 'DRUL BAR BYA BA'I PHYIR DUS SU SKAM MO ZHES BYA BA LA GANG DU BSKAM PAR BYA ZHE NA, DE'I PHYIR NYI GRIB LA'O, ,BSKAMS NA MTHU 'BRI'O ZHES BYA BA NI SKABS 'DIR BSGRUB PA 'DI BSDUS PA YIN NO, ,GOS LA SOGS PA BSKAM BA LA YANG CHO GA 'DI YIN GYI DE NYID LA NI MA YIN ZHES BYA BA BSTAN PA'I DON DU'O, ,MA RUNG BAR 'GYUR BA'I RGYU BYUNG NA RANG GIS BRUB PAR BYA'O ZHES BYA BA NI, RLUNG DANG CHAR BA LA SOGS PAS SMAN MA RUNG BAR GYUR PA'I RGYU BYUNG NA DE BSKAMS PA'I GNAS NAS RANG GIS BSDU ZHING BRUB PAR BYA'O, ,CI GNAS SKABS THAMS CAD

158b

DU 'AM ZHE NA, DE'I PHYIR BSNYEN PAR RDZOGS PA MED NA'O, ,SMAN PHOR BCANG BAR BYA'O ZHES BYA BA NI NAD PAS ZHES BYA BAR SBYAR RO, ,PHRAN TSEGS DAG LAS, 'DIR DANG POR BYAS TE PHYIS LONGS SPYAD PA ZHES BYA BA'I MTHAR THUG PA'O, ,SMAN GYI NAL ZE YANG NGO ZHES BYA BA YANG, NAD PAS BCANG BAR BYA'O ZHES BYA BAR SBYAR RO, ,'GROR MI BTUB PAS PHUL BA'I BTUNG PHOR RO ZHES BYA BA YANG BCANG BAR BYA'O ZHES BYA BAR SBYAR RO, ,'GROR MI BTUB PAS ZHES BYA BA LA 'GRO BA ZHES BYA BA NI MID PA'I TSE NANG DU 'GRO BA'O, ,MI BTUB PA ZHES BYA BA NI MID PA'I TSE NANG DU 'GROR MI BTUB CING MGUL BAR THOGS SHING SNANG BA STE, GANG GIS DER 'GROR MI BTUB PA DE NI 'DIR MGUL PA'I NAD CES BYA BA'I DON TO, ,PHUL BA'I BTUNG PHOR ZHES BYA BA NI GANG ZAS ZOS NA MGUL PAR THOGS PA DE 'PHUL BAR BYED PA'I PHYIR, PHYI NAS SKOM 'THUNG BAR BYED PA'I SNOD CHUNG DU MA LA BYA'O, ,'DIR GZHUNG NI, GNAS BRTAN KHYOD CI BSNYUNG, TSE DANG LDAN BA 'GROR MI BTUB BA'O, ,KHYOD KYIS SNGON CI BGYIS PHUL BA'I BTUNG POR BCANGS SO, ,DE CI'I PHYIR MI BCANG, BCOM LDAN 'DAS KYIS MA GNANG NGO ZHES ZER BA'I SKABS DE NAS JI SRID DU BKA' STZAL PA, DE LTA BAS NA PHUL BA'I BTUNG PHOR BCANG BAR RJES SU GNANG NGO ZHES BYA BA'I BAR DU GSUNGS PA YIN NO, ,'DIR DE LA LTOS PA'I GLENG GZHI'I DBANG GIS RJES SU GNANG BA DE RIGS PA YIN TE, DE'I PHYIR 'DIR MDOR BSDUS PA BYAS SO, ,NAD PAS LAN TSVA BCANG BAR BYA'O ZHES BYA BA NI 'GROR MI BTUB PAS ZHES BYA BA BSAL BA'I PHYIR 'DIR NAD PA ZHES BYA BA SMOS SO, , DE'I SNOD NI RVA'I SBUBS BZANG NGO ZHES BYA BA NI LAN TSVA DE'I'O, ,RVA JI LTA BU BZANG ZHE NA, DE'I PHYIR LCI BAS KUN NAS BSKOR PA'O, ,DE MED PA'I NYIS PAR MI 'GYUR BAR BYA BA'I PHYIR KHA GAB GZHUG GO ZHES BYA BA NI KHA GAB DANG BRAL BA'I NYES PA GANG YIN PA DE'O, ,CI LAS BYAS PA ZHE NA, DE'I PHYIR DE NYID LAS BYAS PA'O ZHES BYA BA SMOS TE, RVA LCI BAS KUN NAS BSKOR BA LAS BYAS PA'I KHA GAB GZHUG PA'O, ,DRIS BSGOS PA'I SA'O ZHES BYA BA NI NAD PAS BCANG BAR BYA'O ZHES BYA BAR SBYAR RO, ,CHU SRO BA'I PHYIR LCAGS KYI GAR BU'O ZHES BYA BA YANG NAD PAS BCANG NGO ZHES BYA BAR SBYAR RO, ,THAMS CAD KYIS SPYAD PAR BYA'O, ,

159a

, ,ZHES BYA BA NI NAD PA 'BA' ZHAG GIS SPYAD PAR MA ZAD KYI NA BA DANG MI NA BA THAMS CAD KYIS SPYAD DU RUNG BA'O, ,'DIR GZHUNG KHA CIG LAS NI, BCOM LDAN 'DAS KYIS BSRO KHANG BYA'O ZHES GSUNGS PA DANG, GNAS PAR BYA BA'I DGE SLONG DAG CHU DRON BSKOL BAS NGAL BAR GYUR NAS, BCOM LDAN 'DAS KYIS BKA' STZAL BA, LCAGS KYI GAR BU BSREG PAR BYA ZHING LCAGS THAG GIS GDAGS PAR BYA'O ZHES GSUNGS PA DE MDO 'DIR BSDUS PA YIN NO, ,DE LTA BUR GYUR PA'I DOGS PA DANG, 'OS PA DGE 'DUN GYIS 'CHANG BA LA MI RIGS PA MED DO, ,DE LTA BAS NA DGE 'DUN GYIS KYANG BCANG DU RUNG PAR RIG PAR BYA'O, ,BSREGS PA GDAGS PA'I PHYIR DE LA LCAGS THAG GDAGS SO ZHES BYA BA LA DE LA ZHES BYA BA NI LCAGS KYI GAR BU DE LA'O, ,TSA BA'I DUS NAS GSHER BAS DE MNAN NO ZHES BYA BA LA, DE MNAN TO ZHES BYA BA NI LCAGS THAG DE MNAN PA'O, ,BSREGS PA NI ZAS DANG 'PHAGS PA'I GNAS MED DO ZHES BYA BA NI, LCAGS KYI GAR BU BSREGS PA NA DE LA ZAS DANG 'BAGS PA'I GNAS MED PA'O, ,DE BAS NA LCAGS KYI BAR DU DE RUNG BAR BYA BA'I PHYIR 'BAD PA NI DON MED DO, ,DE'I PHYIR DE LA 'DI BRJOD DO, ,RUNG BA SNGAR BSRO BA'O, ,LONGS SPYAD PA PHYIS SO ZHES BYA BA NI 'DI GNYIS NI GTZANG SBRA'I PHYIR DE BSGRUB BO, ,MDOMS KYI GSO BA BSTEN PAR BYA'O ZHES BYA BA NI NAD PA ZHES BYA BAR DON GYIS GYUR PA DANG SBYAR RO, ,'DIR GZHUNG NI SIL BU DAG LAS, MAS BTANG BAR BYA'O ZHES BYA BA LA SOGS PA GSUNGS PA YIN NO, ,GZHAN GYIS 'TSO BAR NUS PA NYID NA DE LA SBOM PO'O ZHES BYA BA NI SMAN GZHAN BYA BA'I THABS KYIS NAD DE LAS 'TSO BAR NUS PA NYID YIN NA MDOMS KYI GSO BA BSTEN PA DE LAS NYES PA SBOM POR 'GYUR RO, ,'DIR GZHUNG NI MA MO LAS, DE LAS GZHAN PA'I SMAN DAG GIS 'TSO NA DGE SLONG GIS MDOMS KYI LAS BYED DU MI GZHUG GO, ,GANG BYED DU 'JUG NA NYES PA SBOM POR 'GYUR RO, ,MI 'TSO BA NYID YIN NA BYED DU GZHUG GO ZHES GSUNGS PA YIN NO, ,'DI LA ZANGS MA 'AM KHAR BA'I SBU GU BZANG GI LCAGS KYI NI MI RUNG NGO ZHES BYA BA LA, 'DI LA ZHES BYA BA NI MDOMS KYI GSO BA 'DI LA'O, ,MTSON GYIS GSO BA YANG DE DANG 'DRA'O ZHES BYA BA LA,

159b

DE DANG 'DRA'O ZHES BYA BA NI MTSON GYIS GSO BA BSTEN PAR BYA BA LA'O, ,GZHAN GYIS 'TSO BAR NUS PA NYID NA DE SBOM PO'O ZHES BYA BA'I DON TO, ,'DIR GZHUNG NI MA MO LAS, RTUL BA GZHAN YOD NA DGE SLONG GIS MTSON GYI LAS BYED DU MI GZHUG GO, ,GANG BYED DU 'JUG NA NYES PA SBOM PO'O, , RTUL BA GZHAN MED NA BYED DU GZHUG GO ZHES GSUNGS PA YIN NO, ,GDONG BU RTZA'I RGYUN LAS GZHAN PAR DE MI BSTEN NO ZHES BYA BA NI GDONG BU RTZA'I RGYUN LAS GZHAN PAR MTSON GYIS 'TSO BA DE MI BSTEN PA'O, ,'DIR GZHUNG NI, PHRAN TSEGS DAG LAS, DGE SLONG GI GDONG NI ME LONG LTA BU YIN PAS, DE'I PHYIR SMAN PA GDONG DU MTSON GYI LAS BYED DU MI GZHUG GO ZHES GSUNGS PA YIN NO, ,GZHANG 'BRUM BCAD PAR MI BYA'O ZHES BYA BA NI DE MI BSTEN NO ZHES BYA BAR SBYAR RO, ,DE'I PHYIR GCIG TU GYUR PA NI GDONG DU MTSON GYI LAS BYED PA DANG, GZHANG 'BRUM GCOD PA YIN TE 'DI GNYIS YIN PAS 'DI GNYIS LA YANG SBOM POR RIG PAR BYA'O, ,MTSON LAS GZHAN PAS KYANG NGO ZHES BYA BA LA GZHAN GYIS KYANG ZHES BYA BA NI SEN MO LA SOGS PAS KYANG ZHES BYA BA'I DON TO, ,DE GSANG SNGAGS DANG SMAN DAG GIS GSO'O ZHES BYA BA LA, DE ZHES BYA BA NI GZHANG 'BRUM RNAMS SO, ,ZHE 'GRAS PA GSOR MI GZHUG GO ZHES BYA BA NI GZHANG 'BRUM RNAMS SO, ,GSO BA'I PHYIR NUB MO ZA BA NI TSUL DANG MI MTHUN PA MA YIN NO ZHES BYA BA NI, SIL BU DAG LAS MDO 'DI DAG DANG 'OG MA GNYIS SO, ,'DI LA BYIN LEN MA BYAS PA GSOG 'JOG BYAS PA DAG MI RUNG BA NYID DU DOGS PAR MI BYA'O ZHES BYA BA NI GSO BA 'DI LA'O, ,GSO BA'I PHYIR RENG BU'I DU BAS BDUG PAR BYA'O ZHES BYA BA NI PHRAN TSOGS DAG LAS, 'DI DANG POR BYAS TE 'DI BZA' BAR BYA BA MA YIN PA MA YIN ZHES BYA BA'I MTHAR THUG PA'O, ,DE NI SMAN GCE'US 'GRUB PA'O ZHES BYA BA LA, DE ZHES BYA BA NI DU BAR BDUG PA DE'O, ,LCAGS LAS BYAS PA'O ZHES BYA BA NI SMAN GCE'U'O, ,SOR BCU GNYIS PA BZANG NGO, ,RNO BA DANG RTZUB PA MI BYA'O ZHES BYA BA NI SMAN GCE'U 'I SBUBS SO, ,ZHUN MAR RAM BU RAM GYIS BSKUS TE SHUBS SU GZHUG GO, ,DE NI ZUNG NGA MA CHOS GOS KYI GDANG BU LA GDAGS SO ZHES BYA BA NI SHUBS DE'O, ,DRI MA MED PAR BYA BA'I PHYIR MER GZHUG

160a

, ,GO ZHES BYA BA NI SMAN GCE'U'O, ,SNAR BLUGS PA'I LAS BYA'O, ,DE NI SNAR LDUGS PA SPYAD KYIS 'GRUB PO ZHES BYA BA LA, DE NI ZHES BYA BA NI SNAR LDUGS PA'I LAS BYAS PA DE'O, ,MCHU GNYIS MI RNA BA BZANG NGO ZHES BYA BA NI SNAR LDUGS PA'I SPYAD NI KHA BRAG MCHU GNYIS PA MI RNO BA BZANG NGO; ,DE BYA'O ZHES BYA BA NI SNAR LDUGS PA'I SPYAD DE'O, ,DE NI BZA' BAR BYA BA MA YIN PA MA YIN TE, BYIN LEN BYAS TE, SNAR BLUGS PA'I LAS BYA'O, ,GAL TE 'TSO BA'I BAR DU BCANG BA SMIN PAR 'GYUR NA, DES RANG NYID KYIS BZUNG STE, SBYANGS TE SBYIN PAR BYA ZHES SMOS TE, DE LA DRI MA MED PA'I RIGS PA'I GNAS LA SOGS PA DANG LHAN CIG TU DE LTA BUS BSDU BA 'DI'O, ,SMAN GYI GO RIMS NI DPE'O ZHES SMOS TE DES MTSON PA GZHAN BSTAN PA'I PHYIR, SMAN GYI PHYIR SHA RLON PA BSTEN PAR BYA'O, ,DE ZA MI NUS NA THABS BYA'O, ,RAS KYIS MIG GNYIS DGAB PO, ,MI RGAL BAR BYA BA'I PHYIR DRI ZHIM POS BSGO'O, ,SHA MED PA NYID NA MDUN DU BZA' BA DANG BCA' PA YID DU 'ONG BA GZHAG STE DGROL LO ZHES BYA BA LA, DGROL LO ZHES BYA BA NI MIG NGAS KYIS G-YOGS PA DE'O, ,GZHAN GYI DON DER NA SBOM PO'O ZHES BYA BA LA, DE ZHES BYA BA NI SHA RLON PA DE SMAN GYI DON LAS GZHAN PAR ZA BA LA NYES PA SBOM PAR 'GYUR RO, ,MI'I SHA NI THAMS CAD DU'O ZHES BYA BA NI SMAN GYI DON DU YANG MI SHA ZOS NA NYES PA SBOM POR 'GYUR RO, ,SMAN GYI PHYIR ZA BA YANG BCOM LDAN 'DAS KYIS SMAD PAS DE DGAG PA DE'I PHYIR THAMS CAD DU'O ZHES MDOR BSDU BA BYAS SO, ,SHA BSDOS PAR SHES NA BZA' BAR MI BYA'O ZHES BYA BA NI, ZA BA PO LA BRTEN NAS BSNGOS PAR ZA BA POS MTHONG BA DANG THOS PA DANG DOGS PA'I SGO NAS SHES NA SHES SHA ZA BAR MI BYA STE, RNAM PAR RTOG PA YONGS SU SKYES PAS BZA' BAR BYA BA MA YIN BA NYID DU SMOS PA GANG YIN PA DE 'DIS MA BSDUS PA YIN NO, ,GAL TE RNAM PAR RTOG PA DE NGES NA NI SHES PA KHO NA YIN NO, ,GAL TE YID GNYIS SU GYUR NA 'DU SHES PA LTAR YID GNYIS SO SNYAM DU NGES PA'I PHYIR DES 'DI BSDUS PA'O, ,STAG GI GOD MA'I SHA MI BZA'O ZHES BYA BA NI, SHAR SHES NA ZA BAR MI BYA'O, ,'DI NI PHRAN TSEGS DAG LAS DGE SLONG DAG STAG NI RUL SBED PA YIN BAS

160b

DE'I PHYIR DGE SLONG GIS STAG GI GOD MA'I SHA BZA' BAR MI BYA'O ZHES BYA BAR SBYAR RO, ,GLANG PO CHE DANG, RTA DANG, KLU RNAMS KYI MI BZA'O, ,MIG GCIG PA DANG, WA DANG, SPRE'U DANG, SHING RTA MO DANG, BYA ROG DANG, BYA RGOD DANG, CHU SKYAR DANG, KHYI DANG, BYA KHRA DANG, 'UG PA DANG, DE DAG LAS GZHAN BA'I BYA MI RO ZA BA DAG DANG, BYA GAR DANG, PHA BANG DANG, SKYIN GOR DANG, DRE'U SRIN DANG, SRIN BU RNAMS KYI YANG MI BZA'O ZHES BYA BA NI, DE DAG GI SHA YANG SHES NA BZA' BAR MI BYA'O ZHES BYA BAR SBYAR RO, ,DE LAS GZHAN BA'I ZHES BYA BA NI GANG DU MI RO ZA BA'I BYA SNGAR BSTAN PA DE DAG LAS GZHAN PA'I LA'O, ,ZHU BA'I GZHUNG KHA CIG LAS, SRIN BU RNAMS KYI TSIL 'TSAL BAR BGYI'AM, 'TSAL BAR MI BGYI, BKA' STZAL PA BZA' BAR MI BYA'O, ,NAD DANG BRAL BA'I PHYIR LUS BSKU BAR NI BYA'O ZHES GSUNGS PA YIN NO, ,GZHAN DANG SKYA LA SOGS PA RNAMS NI DGE SLONG BRAM ZE'I BU MOS ZHUS PA LAS SO, ,LHAG MA RNAMS NI SA'I BU DAG LAS SO, ,SHA'I BYIN LEN STOBS PA LA BCAD PA LAS BYUNG BA NYID MA YIN NAM ZHES DRI BAR BYA'O ZHES BYA BA NI MI LA SOGS PA'I SHA BCAD PA GANG YIN PA DE BYUNG BA NYID MA YIN NAM ZHES BYA BA DANG, BCAS PAR DRI BAR BYA'O, ,DE MI LA SOGS PA MA YIN NAM ZHES BYA BA LA SOGS PAS SO, ,DU MA NYID YIN NA DANG POS SO ZHES BYA BA DANG, ZA BA PO DU MA NYID YOD NA DANG POS DRI BAR BYA BA STE, DGE 'DUN GYI GNAS BRTAN GYI CHOS NYID KYIS GSUNGS PA DE 'DIR RNAM PAR GNAS PA YIN NO, ,DE BAS NA DE LTAR NYE BAR SBYAR BA'O, ,NYAMS NA 'OG MAS SO ZHES BYA BA NI SHA'I SKABS DRI'O ZHES BYA BAR SBYAR TE, DANG POS DRI BA NYAMS NA 'OG MAS DRI BAR BYA ZHES BYA BA'I DON TO, ,GLANG PO CHE DANG MI'I 'O MA DAG BTUNG BAR MI BYA'O ZHES BYA BA NI GLANG PO CHE ZHES BYA BA GZHAN DU RIGS TZAM PO'I GTZO BO LA BRTEN NAS MO'I RKYEN MA BSKYED PA STE, DE LTA BU'I SBYOR BA YANG MTHONG STE RIGS KYI'O ZHES BYA BA LTA BU'O, ,ZHU BA'I GZHUNG KHA CIG LAS, BTZUN PA GLANG MO'I 'O MA 'AM ZHO LONGS SPYAD DU RUNG NGAM, NYE BA 'KHOR MI RUNG NGO, ,GANG ZHIG LONGS SPYOD PAR BYED NA LTUNG BA CIR 'GYUR, NYES BYAS SU 'GYUR RO ZHES GSUNGS PA YIN NO, ,GZHAN DU MI'I BUD MED KYI 'O MA BTUNG DU RUNG NGAM MI RUNG, BKA'

161a

, ,STZAL PA, MI RUNG NGO, 'ON KYANG LUS LA BSKU BAR BYA'O ZHES GSUNGS PA DE GNYIS KA BSDUS NAS SMOS PA YIN NO, ,PAGS PA DANG RMAR BSKU BA DANG SNAR BLUGS PA DANG, MIG SKUD CING BZA' BTUNG MI BYED PA LA NI SKYON CHAGS PA MED DO ZHES BYA BA NI DE DAG GIS PAGS PA SKUD PA DANG, RMA SKUD PA DANG, SNAR BLUGS PA DANG MIG SKUD CING BZA' BTUNG MI BYED PA LA NI SKYON CHAGS PA MED DO ZHES BYA BA'I DON TO, ,'DIR GZHUNG NI, DGE SRONG BRAM ZE'I BU MOS ZHUS PA LAS, BTZUN BA SMAN RUNG BA MA LAGS PA DAG DANG BSKOL BA'I 'BRU MAR 'TSAL DU RUNG NGAM NYE BA 'KHOR MI RUNG NGO, ,LUS SKUD PA DE DANG; RMA'I BSKU MNYE BYA BA DANG, SNAR LDUGS PA'I LAS BYA BA NI LTUNG BA MED DO, ,BTZUN BA BUD MED KYI 'O MA 'TSAL DU RUNG NGAM, NYE BA 'KHOR MI RUNG NGO, ,MIG LA SKUD PA LA LTUNG BA MED DO ZHES GSUNGS PA YIN NO, ,LUS SKUD PA LA LTUNG BA MED DO, ,SNGAR ZHU BA LAS GSUNGS SO, ,NAD PAS NI ZHUN MAR DANG 'BRU MAR CHANG DANG 'DRES PA BTUNG BAR BYA BA NYID DO, ,CHANG MA YIN PA NYID NI NYES PA MED PA NYID DO ZHES BYA BA LA, NAD PA ZHES BYA BA NI 'DIR BTUNG BA PO'I YUL LA ZHU BA LAS, 'DI NI DANG PO STE BSKOL NA RUNG NGO ZHES BYA BA'I MTHAR THUG PA'O, ,CHANG MA YIN PA NYID NA ZHES BYA BA NI CHANG MA YIN PA NYID DU GYUR NA NYES PA MED DO, ,BTUNG DU MI RUNG BA NYID MA YIN NO ZHES BYA BA'I DON TO, ,DE'I DRI DANG RO DAG KYANG GANG DU BRAL BA NYID DE NI 'DIR CHANG MA YIN PA NYID DU GSUNGS SO, ,DE'I PHYIR CHANG GI DRI DANG RO MYANG BA MYOS PAR MI BYED PA DAG CES GSUNGS PA LAS SHES PAR BYA'O, ,DE NI BSKOL BA LAS 'GRUB PO ZHES BYA BA LA, DE NI ZHES BYA BA LA NI CHAD MA YIN PA NYID DE NI BSKOL BA LAS CHANG MA YIN PAR 'GYUR RO ZHES BYA BA'I DON TO, ,'DIR GZHUNG NI, BTZUN BA MYOS PAR 'GYUR BA'I BTUNG BA ZHUGS KYIS BSKOL NAS 'TSAL DU RUNG NGAM NYE BA 'KHOR RUNG NGO ZHES GSUNGS PA YIN NO, ,GOS KYI GZHI LAS SMOS PA'I TSA NYID DU SGRUB PAR BYAD PA'I CHANG GI CHO GA BRJOD PA'I PHYIR, DE NI NAS RNGOS PAS GDAB CING SA'I STENG DU BCUG PA TSA NYID DU 'GYUR RO, ,RGUN GYI KHU BA NI BSKOL NA CHANG NYID DU MI 'GYUR RO ZHES BYA BA SMOS TE 'DIR GZHUNG NI, BSKOL TE GZHAG PAR BYA ZHING DGE 'DUN GYI DUS MA YIN PA'I BTUNG BAR 'GYUR RO ZHES GSUNGS

161b

BA'I DGONGS PA LA 'DI SMOS PA YIN NO, ,THA DAD PA MA YIN PA NYID LA NI YOD PA NYID MA YIN NO ZHES BYA BA NI GANG ZHIG THA DAD PA MA YIN PA DE NI THA MI DAD PAR GYUR PA'O, ,DPER NA TIL RNAMS LA TIL MAR DANG, BU RAM SHING LA KHU BA DANG, DE LA YANG BU RAM YOD PA NYID MA YIN PA LTA BU'O, ,DE LTA BAS NA TIL LA BYIN LEN BYAS PAS TIL MAR LA BYIN LEN BYAS PAR MI 'GYUR LA, BU RAM SHING LA BYIN LEN BYAS PAS BUR MA BYIN LEN BYAS PAR MI 'GYUR BAR SHES PAR BYA'O, ,BAG CHAGS SU GYUR PA NYID NI YOD PA NYID DO ZHES BYA BA NI, 'DIR GZHUNG NI, ZHAG RUNG BA MA LAGS PA DAG BSKOL BA'I DBON TSA 'TSAL DU RUNG NGAM MI RUNG BKA' STZAL PA, NAD PAS NI BZANG RUNG LA MIN PAS NI MI RUNG NGO, ,SHA LA YANG DE BZHIN NO ZHES GANG ZHIG ZHUS PA LAS RDZAS RUNG BA MA YIN PA DANG 'BAGS PA BZA' BAR BYA BA NYID MA YIN ZHES GSUNGS PA DE 'DIR BSDUS PA YIN NO, ,CHANG GI SRID PA DANG BRAL BAR BYA BA'I PHYIR RTZA BA DANG; SDONG BU DANG, 'DAB MA DANG, ME TOG DANG, 'BRAS BU'I SMAN SKAM PO'I PHYE MA CHANG GI DRIS BSGOS PA CHU DANG SBYAR BA BTUNG NGO ZHES BYA BA NI CHANG GI DRIS BSGOS PA'I RTZA BA LA SOGS PA'I SMAN RNAMS LA SKAM PO'I PHYE MA DANG SBYAR BA'I CHUS SO, ,'DIR GZHUNG NI, SIL BU DAG LAS, DE LTA BAS NA CHANG DU RUNG BA'I RTZA BA DANG SDONG BU LA SOGS PA'I RDZAS SKAM PO GANG DAG YIN PA DE DAG PHYE MAR BYAS TE, RAS MA DKAR POS PHUL TE CHANG GI SHUGS DANG BRAL BA'I SNOD MA GANG BAR BCANG BAR BYA ZHING DE NAS PHYUNG STE, BYI DOR BYAS NAS ZAS DANG MA 'BAGS PA'I CHU DANG LHAN CIG SBYAR ZHING BTZAGS TE BTUNG BAR RJES SU GNANG NGO ZHES BYA BA LA SOGS PA GSUNGS PA YIN NO, ,CHANG DANG BCAS PA'I SNOD DU SBYANGS TE GZHAG BAR BSGO BAR BYA'O, ,REG PA BSRUNG NGO ZHES BYA BA NI PHYE MA'I PHUR MA DE CHANG DANG REG PAR MI 'GYUR BAR BYA BA'I PHYIR BSRUNG BAR BYA'O, ,DE'I PHYIR MA GANG BA DANG SHUGS DANG BRAL BA NYID DU'O ZHES BYA BA NI CHANG GIS MA GANG BA'I SNOD DANG BCAS PA LA CHANG GI SHUGS DANG BRAL BA NYID NI DE'I SNOD DU GTOGS PA'I CHANG LA'O, ,GZHAN DU NA GYEN DU BTUNG BAS REG PAR 'GYUR BA'I PHYIR RO, ,DE BZHIN DU RO MED PAR BYED PA DANG, DUS MA YIN BAR BTUNG BA LA ZAS DANG YANG NGO ZHES BYA BA NI JI LTAR PHYE MA CHANG DANG RAG PA BSRUNG

162a

, ,BA DE BZHIN DU RO MED PAR GYUR PA'I RDZAS KYIS KYANG DUS MA YIN PAR BTUNG BAR 'DOD PA'I ZAS DANG REG PA BSRUNG BAR BYA'O, ,MDZES PA YANG BZANG NGO ZHES BYA BA NI PHYE MA SKAM PO CHANG GI DRIS BSGOS PA DANG SBYAR BA'I CHU BZANG BA'O, ,GANG GI PHYIR DE LTAR BSRUNG BAR BYA BA NYID MDZES PA YIN TE, DE'I PHYIR RAS MA DKAR POS BTZAGS PAR BYA'O, ,NAD PAS CHANG NI RTZVA MCHOG GIS KYANG MI BTUNG NGO ZHES BYA BA 'DI NI BCAS PA'I KHA NA MA THO BA DANG BCAS PA THAMS CAD GNANG BA'I YUL LA RJES SU GNANG BA DE NI DMIGS KYIS BSAL BA YIN TE, JI LTAR BCOM LDAN 'DAS KYIS SH'AKYA NA BAR GYUR PA DAG LA DE NYID MA GNANG BAR GSUNGS PA YIN NO, ,DE LTAR DGE SLONG DAG NGA LA STON BA ZHES ZER BA KHYED CAG GI TSANG RTZVA MCHOG GIS KYANG MI BLUD MI BTUNG NGO ZHES GSUNGS PA DE BAS MDO 'DI BYAS SO, ,DGE BSNYEN YAN CHAD KYIS MI BLUD CING ZHES BYA BA NI 'DIR YAN CHAD KYI SGRA BRIS PAR RIG PAR BYA'O,, DGE BSNYEN GYI MTHA' YAN CHAD CHOS 'DI PA BSLAB PA MA BLANGS PA THAMS CAD KYIS KYANG CHANG BLUD PAR MI BYA'O, ,DGE BSNYEN GYIS MI BYA BA'I LAS DRUG STE, SEMS CAN 'TSONG BA DANG, CHANG 'TSONG BA DANG, MTSON CHA 'TSONG BA DANG, DUG 'TSONG BA DANG, RGYA SKYEGS KYI LAS DANG, TIL 'TSONG PA'I LAS SO ZHES BYA BA 'DIS BSDUS PA YIN NO, ,RANG BZHIN GYI KHA NA MA THO BA DANG BCAS PA LAS GZHAN PA THAMS CAD LA GSO BA'I DON NYID MA GTOGS SO ZHES BYA BA'I LHAG MA'O ZHES BYA BA NI BCAS PA'I KHA NA MA THO BA DANG BCAS PA BZA' BA THAMS CAD BKAG PA LAS GZHAN DU YANG DGAG PA'I PHYIR GANG YIN PA DE THAMS CAD LA GSOL BA'I DON NYID DU NI MA GTOGS SO ZHES BYA BA'I LHAG MA 'DI SHES PAR BYA'O, ,PHRAN TSEGS DAG LAS 'DI DANG POR BYAS TE GTZANG BAR BYAS PA DANG SPOS KYIS BSGO BAR BYA'O ZHES BYA BA'I MTHAR THUG PA'O, ,SGOG SKYA DANG KUN DONG KE'U BZA' BAR MI BYA'O, ,NAD PAS NI DBEN BA'I PHYOGS SU'O ZHES BYA BA NI BZA' BAR BYA BA'O, ,ZOS NAS SGOG SKYA NI ZHAG BDUN, KUN DONG NI ZHAG GSUM, KE'U NI ZHAG GCIG MA LON PAR GTZUG LAG KHANG DU 'JUG PAR MI BYA'O ZHES BYA BA NI, ZOS NAS ZHES BYA BAR SBYAR RO, ,SGOG SKYA ZOS NAS NI ZHAG BDUN NO, ,DE BZHIN DU KUN DONG ZOS

162b

NAS NI ZHAG GSUM MO, ,KE'U ZOS NAS NI ZHAG GCIG GO, ,GNAS MAL LA MI BYA'O ZHES BYA BA NI LONGS SPYAD PAR MI BYA'O, ,BSHANG BA'I SAR 'JUG PAR MI BYA'O, ,GCI BA'I SAR MI BYA'O, ,DGE 'DUN GYI NANG DU 'GRO BAR MI BYA'O, ,MCHOD RTEN GYI NYEN KOR DU MI BYA'O, ,DE'I THAG NI 'DOM GANG NGO ZHES BYA BA NI MCHOD RTEN GYI NYEN KOR DE'I 'O, ,'DIR GZHUNG NI, MCHOD RTEN GYI NYEN KOR 'DOM GANG SPANG BAR BYA STE, DGE SLONG DAG MCHOD RTEN NI LHA MNGON BAR DAD PA CAN DAG GIS KUN NAS GANG BA YIN LA, LHA RNAMS NI GTZANG SBRA 'DOD PA YIN PAS DRI DE NI DE DAG DANG MI MTHUN PA'I PHYIR MCHOD RTEN LA PHYAG MI BYA'O ZHES GSUNGS PA YIN NO, ,'DI NI MI RIGS PAR GYUR PA STE, GANG GI PHYIR DE LTA BUR GYUR PA'I GNAS SKABS RNAMS LA MCHOD RTEN LA PHYAG BYA BAR MI RIGS PA KHO NA YIN NO, ,KHYIM BDAG DAG LA CHOS BSTAN PAR MI BYA'O, ,KHYIM DAG TU 'GRO BAR MI BYA'O, ,SKYE BOS GANG BA'I SA PHYOGS SU MI BYA'O, , MJUG TU KHRUS BYA'O, ,GOS DAG GI DRI NI BKRU BA DANG, DU BA DAG GIS BSAL LO, ,RUNG BA NYID DU BYIN GYIS BRLABS PAR BTZOS PA DANG GNAS PA DAG NI PHYI ROL DANG 'DRA'O ZHES BYA BA NI DPER NA DGE SLONG GIS GNAS NYEN KOR 'DOM GANG DANG BCAS PA NAS PHYI ROL DU GYUR PA'I BTZOS PA DANG GNAS PA DAG GIS ZAS LA RTEN NYID DU 'GRO ZHING MI RUNG BA NYID BYED PA PO MA YIN BA'I ZAS DE LA DE BZHIN DU RUNG BA NYID DU BYIN GYIS BRLAB PA'O, ,DER YANG NYES PA DE DAG MI 'BYUNG BA NYID BYIN GYIS BRLABS PA LAS GSUNGS SO, ,'DI BYED PAR RIGS PA MA YIN PA 'AM, 'ON TE YIN SNYAM PA DE BSTAN PA'I PHYIR, BYIN GYIS BRLAB PAR BYA'O, ,SHING DRUNG DANG GLANG PO CHE'I RA BA DANG, MU STEGS CAN GYI 'DUG GNAS DANG, RGYAL PO'I PHO BRANG SA DANG, DGE SLONG MA'I DBYAR KHANG DANG, GTZUG LAG KHANG GI BANG RIM DANG, SGO KHANG DANG, KHYAMS DANG, BSRO KHANG DANG, DPONG SA'I RA BA DAG TU MI BYA'O ZHES BYA BA NI PHYIN GYIS BRLAB PAR BYA ZHES BYA BAR SBYAR RO, ,GTUM PHUG CAN DANG BSNYON THABS MKHAN DANG, ZIL GYIS GNON PAR BYED PA DANG, KHANG PA DANG, KHYAMS SU MI BYED PA DANG, DON NYAMS PA DANG GUS PA NYAMS PA ZHES BYA BA DE RNAMS YONGS SU SPANG BA'I PHYIR DE RNAMS 'DIS DGAG PA STE BSGRUB PA LA SOGS PA LA YANG NGO, ,KHA

163a

, ,CIG LAS BLA GAB MED PA DANG, ME KHANG DANG, MCHOD RTEN GYI GZHI DANG, KHYIM BDAG GI SA GZHI YANG ZHES BYA BA NI, GZHUNG KHA CIG LAS 'DI RNAMS DANG SNGAR SMOS PA DAG TU RUNG BA'I KHANG PA BYIN GYIS BRLAB PAR MI BYA'O ZHES BYA BA NI GZHAN GYI 'DOD PA'O, ,DER G-YOS DANG BTZO BA YANG MI BYA'O ZHES BYA BA LA DER ZHES BYA BA NI SHING DRUNG LA SOGS PA DANG BLA GAB MED PA DER RO, ,KUN DU SPYOD PA 'DI NI KHYIM PA DANG 'DRA BA STE, G-YOS DANG BTZO BA BYED PA DE'I PHYIR SHIN TU DPEN PAR 'DI BYA BAR RIGS PA YIN NO, ,'DIR MA SBAS PAR GNAS PAS MI BYA BAR RAB TU BYUNG BA'I PHAM PAR GYUR BA'I DON 'DIS GZHAN RNAMS LA YANG 'GYUR RO, ,SHING DRUNG LA SOGS PA RNAMS LA 'DI SHIN TU MA SBAS PA NYID DANG, GUS PA NYAMS PA'I MTHA' MA CAN GYI NYES PA RNAMS LA 'GA' ZHIG TU ZHES BYA BA LAS G-YOS PA DANG BTZO BA DAG LAS 'DI RNAMS BKAG PA DANG, TSOS PA'I BYI DOR YANG MI BYA'O ZHES BYA BA LA; TSOS PA'I BYI DOR NI TSOS PA'I BYI DOR RO, ,DE MI BYA BA SUM CHA BANGS PAN TSOS PA YIN TE, TSOS PA DE DAG DGE SLONG RANG GIS BYI DOR BYA BA NI SHING DRUNG LA SOGS PA'I GNAS DE RNAMS SU MI BYA'O ZHES BYA BA'I DON TO, ,DE NI KLOG PA MA YIN TE, SHIN TU SDIG PA BSRUNG BA LA SOGS PA DE LTA BAS NA NYE BAR BSDUS PA'O, ,'DI LA DUS BZHI YOD DO ZHES BYA BA NI 'DIR RUNG BA'I KHANG PA BYIN GYIS BRLAB PA 'DI LA DUS BZHI YOD PA'O, ,DE DAG KYANG GANG ZHE NA, DANG PO SO PHAG 'GREMS PA'O, ,PHYIS LAS SAR PA DANG BCAS PA NYID DO ZHES BYA BA NI DANG PO SO PHAG BKRAM PA'I 'OG TU RUNG BA'I KHANG PA BYIN GYIS BRLAB PA NI DUS GCIG GO, ,DANG PO SO PHAG BKRAM PA'I 'OG TU DENG PHYIN CHAD NAS JI SRID DU LAS SAR PA YOD PA NYID 'DI NI GZHAN NO, ,GZHAN GYI TSE DGE SLONG GNAS PA NYID DANG MA BRAL BA'O ZHES BYA BA NI DGE SLONG GNAS PA NYID DANG MA BRAL BA 'DI LA YOD PAS NA 'DI NI DGE SLONG GNAS PA NYID DANG MA BRAL BA'O, ,DE'I DNGOS PO NI DE NYID DO, ,DE LAS SAR PA NYID KYI PHYIR DUS GZHAN GYI TSE NA GAL TE DGE SLONG RNAMS KYIS LHAG PAR GNAS PA DANG MI 'BRAL BAR 'GYUR NA, DE NAS BYIN GYIS BRLAB PAR BYA BA NYID CES BYA BA 'DI NI DUS GSUM PA'O, ,DE DAG MED PA NA GNAS PA'I PHYIR DGE SLONG DAG PHYIN PA NA

163b

ZHES BYA BA NI, DE NA DGE SLONG SNGAR GNAS PA GNAS KHANG NA MED PA DE NI DE MA YIN PA DE GANG YIN PA DE LA DGE SLONG GNAS PA MED PAR GYUR PA LA LHAG PAR GNAS PA'I PHYIR, DGE SLONG RNAMS KYIS PHYIN PA GANG YIN PA DE NI BYIN GYIS BRLAB PA'I DUS BZHI PA'O, ,PHYIN PA'I DUS DE NYID DU BYIN GYIS BRLAB PAR BYA'O, ,BYA BA GZHAN BRTZAMS PA DANG NGAL BSO BA MA BYAS PA TSUN CHAD NI DE NYID DO ZHES BYA BA NI JI SRID DU DE RNAMS PHYIN PA BYA BA GZHAN BRTZAMS PA MA BYAS PA TSUN CHAD ZHI BAR MI 'GYUR RO, ,'DUG PA LA SOGS PA GNAS PAR GYUR PA RE ZHIG BRTAG PAR MI BYA STE, DE NYID NI PHYIN PA NYID DO, ,PHYIN BA'I GNAS SKABS SU RIG PAR BYA ZHES BYA BA'I DON TO, ,THAMS CAD LA DGE 'DUN GYI LAS KYIS SO ZHES BYA BA NI DUS BZHI PO DE RNAMS LA DGE 'DUN GYI LAS KYIS BYIN GYIS BRLAB PAR BYA'O, ,DANG PO GNYIS LA NI GANG ZAG GIS KYANG NGO ZHES BYA BA NI DANG PO SO PHAG 'GREMS PAR GYUR PA DANG, PHYIS LAS SAR PA DANG BCAS PAR GYUR PA NYID NI GANG ZAG GIS KYANG BYIN GYIS BRLAB PAR BYA'O, ,GANG ZAG JI LTA BUS SHE NA, DE'I PHYIR LAG GI BLAS SO, ,DANG PO SHOS LA NI 'BA' ZHIG GIS KYANG NGO ZHES BYA BA SMOS TE, DANG PO'I DUS LA DANG PO'I SO PHAG 'GREMS PA NYID NA LAG GI BLA 'BA' ZHIG GIS KYANG BYIN GYIS BRLAB TU RUNG BA'O, ,DGE SLONG RAB TU MANG PO RNAMS KYIS SEMS BSDU BA 'BA' ZHIG TU MA ZAD KYI 'DI'I SNGAGS NI, TSE DANG LDAN BDAG SEMS SDUS SHIG CES BYA BA'I DON TO, ,DANG POR 'BA' ZHIG LA 'DIS JI LTAR BYIN GYIS BRLAB PAR BYA ZHE NA, DE'I PHYIR BRJOD PAS SO ZHES BYA BA SMOS SO, , JI LTAR YANG DE DGE SLONG LAG GI BLAS RDO BRTEG PA NA, DE'I PHYIR DANG POR GZHI 'DI NI DGE 'DUN GYI RUNG BA'I KHANG PAR 'GYUR BA'I SNYAM DU SEMS BSKYED PAR BYA ZHING TSIG TU YANG BRJOD PAR BYA STE, GZHI 'DI NI DGE 'DUN GYI RUNG BA'I KHANG PA 'BYUNG BAR 'GYUR ZHES GSUNGS PA YIN NO, ,GNYIS PA LA NI DGE SLONG RAB TU MANG PO DAG GIS SEMS BSDUS BAS SO ZHES BYA BA NI BYIN GYIS BRLABS PA'I DUS GNYIS PA STE, PHYIS LAS SAR PA DANG BCAS PA NYID DO ZHES BYA BA'I DUS DER NI DGE SLONG RAB TU MANG PO DAG GIS RUNG BA'I KHANG PAR SEMS BSDUS PAR BYIN GYIS BRLAB PAR BYA BA STE, DE'I TSE NA YANG GTZUG LAG

164a

, ,KHANG BYED PA SRID PA'I PHYIR RO, ,GSUM PA LA NI LAS KHO NAS SO ZHES BYA BA NI BYIN GYIS BRLAB PA'I DUS GSUM PA STE, GZHAN GYI TSE DGE SLONG GNAS PA NYID DANG MA BRAL BA'O ZHES BYA BA'I DUS KYI DE'I TSE NA DGE 'DUN GYIS GSOL BA DANG, GNYIS KYI LAS KYIS BYIN GYIS BRLAB PA KHO NAR BYAS PA'O, ,DUS GSUM PAR BYIN GYIS BRLAB PA'I RUNG BA'I KHANG PA 'DI'I MING NI LAS KYI MTHA' LAS BYUNG BA'I ZHES BYA BA'O, ,BZHI PA LA NI JI SNYED PHYIN PA DE SNYED KYIS RUNG BA'I KHANG PA NYID DU BSGRAG PA'I TSIG CIG CAR BRJOD PAS SO ZHES BYA BA LA, JI SNYED PHYIN PA ZHES BYA BA NI BYE BRAG MA THOB PA RNAMS LA MANG PO NYID DU 'JUG PAR 'GYUR BAS, MNYAM PA SRID PA LA BYIN GYIS BRLAB PAR 'GYUR ZHES BYA BA'I DON TO, ,BZHI PA LA NI ZHES BYA BA NI DUS LA'O, ,DE MA YIN PA LA LHAG PAR GNAS PA'I PHYIR DGE SLONG RNAMS PHYIN PA ZHES BYA BA DE LA'O, ,CIG CAR ZHES BYA BA LA DGE SLONG PHYIN PA THAMS CAD KYIS GZHI 'DI NI DGE 'DUN GYI RUNG BA'I KHANG PAR 'GYUR RO ZHES TSIG MTHUN PAR CIG CAR BAR BRJOD PAR BYA'O ZHES BYA BA'I DON TO, ,'DIR CHO GA DANG SNGAGS MA BRJOD PA DE BAS NA 'DI LTAR SMOS SO, ,'DI'I MING NI 'PHRAL LA BYUNG BA'I GNAS ZHES BYA'O, ,DUS GZHAN GYI TSE NA DGE SLONG GNAS PA NYID DANG MA BRAL LO ZHES BYA BA'I DUS GSUM PA 'DI LA LAS GCIG PA NYID KYIS ZHES BYA BA DE GNAS PAR RIG PAR BYA'O, ,GCIG GIS GTZUG LAG KHANG DU MA'I BYA BA BYED BA LA MI MDZES PA MED PA ZHES BYA BA LA GCIG GIS ZHES BYA BA NI RUNG BA'I KHANG PA'O, ,'DIR GZHUNG NI, BA LANG GI GNAS PA LTA BU GANG ZHE NA, GTZUG LAG KHANG THA DAD PA NA GNAS PA'O ZHES BYA BA'I DON DE 'DIS SHES PA'O, ,DE NI THA DAD PAR GYUR PA'I GNAS TE THA DAD PA DU MA DAG TU RUNG BA'I KHANG PA GCIG TU GTZUG LAG KHANG DU MA'I DE GNAS RNAMS KYIS BYA BA BYED PA GANG YIN PA DE NI MI MDZES PA MA YIN PAR SHES PAR BYA'O, ,DE NI THA DAD PAR GYUR PA'I RUNG BA NYID DU MA BSTAN TO ZHES BYA BA NI DON GZHAN 'DIS DOGS PA YIN LA 'BREL BAR GNAS PA'I GZHI THA DAD PAR GYUR PA GANG YIN PA DES SO, ,BYIN GYIS MA BRLABS PAR YANG RUNG BA ZHES BYA BA GZHUNG 'DIS SMOS PA DE BAS NA DE'I 'DI BKAG PA'O, ,'DIR NI DE MA GSUNGS SO ZHES BYA BA YANG CI'I

164b

PHYIR NGES PA 'DIR YIN ZHE NA, DE'I PHYIR GAL TE GNAS KYI GZHI YIN NA, DE'I PHYIR THA DAD PAR GYUR PA'O, ,'DI BYIN GYIS BRLAB PA MED PA RUNG BA NYID LA MI SBYAR RO, ,GAL TE MA YIN NA 'DIR MI RUNG BA NYID DU THAL BA MED PA'O, ,GSOG 'JOG TU GYUR PA ZA BA DE BSAL BA'O, ,GNAS PA MA YIN PA'I GZHI LA MI SPRO BA 'DI MTHONG BA MA YIN ZHES BYA BA'O, ,YANG KHA CIG NI 'DI SKAD CES ZER TE, BA LANG GI GNAS ZHES BYA BA 'DI LTAR BRJOD PA YIN TE, JI LTAR YANG MTSAMS GCIG TU GTZUG LAG KHANG RAB TU MANG PO THA DAD PA DAG TU BKOD PAR GYUR CING, DE RUNG BA'I KHANG PA GCIG LA BLO MTHUN PAR BYAS NAS GTZUG LAG KHANG DE DAG THAMS CAD KYI RUNG BA'I KHANG PA GCIG KHO NA YIN TE BA LANG GI GNAS LTA BU ZHES GSUNGS PA NI KHANG PA GCIG KHO NA YIN NO, ,PAD MA'I ZHES BYA BA YAN CHAD MU GE'I TSE'O, ,MU GE'I TSE DGE SLONG GIS BTZOS PA DAG DANG LAG NYER BLANGS PA DANG, BYIN LEN MA BYAS PA DAG BZA' BAR BYA'O, ,NANG DU BTZOS PA DANG ZHAG LON PA'O, ,SNGA DRO BA'I ZAS SO ZHES BYA BA DE DAG NI ZAS SPANGS NAS BZA' BA DANG YANG YANG ZA BA'I GNANG BA'O, ,BTUNG BA NI DUS THAMS CAD DU'O ZHES BYA BA NI LO LEGS PA'I DUS SU YANG BZA' BAR BYA BA'O, ,'DIR GZHUNG NI SIL BU LAS DE LTA BAS NA TSE DANG LDAN PA GRO BZHIN SKYES RNA BA BYE BA NYI SHU BA LA BRTEN TE, DE DGE 'DUN THAMS CAD KYIS GANG ZHIG BTUNG BA BTUNG BAR RJES SU GNANG NGO ZHES GSUNGS PA DE YIS BSDUS PA 'DI YIN NO, ,DE YANG SPANGS PA ZA BA DANG YANG YANG ZA BA BAG YANGS SU GNANG BAR RNAM PAR GNAS PA YIN NO, ,SNGAR BYIN LEN BYAS PA SPANGS TE LANGS PAS SO ZHES BYA BA NI SNGAR BYIN LEN BYAS PA GANG YIN PA DE SPANGS TE LANGS PAS BZA' BAR BYA'O, ,DE BLANG BAR BYA BA'I PHYIR LDANG BAR BYA'O ZHES BYA BA NI SNGAR BYIN LEN BYAS PA DE BLANG BAR BYA BA'I PHYIR RO, ,'DI NI ZAS BRTZAMS PAS BLANG BAR MI BYA'O ZHES BYA BA NI DE'I BAG YANGS SU BYA BA YIN NO, ,LHAG MA'O ZHES BYA BA NI DES BZA' BAR BYA BA'I PHYIR STA GON BYAS PA GANG YIN PA DE LAS LHAG MA YOD PA DE GANG YIN PA DE DGE SLONG SPANGS TE LANGS PAS BZA' BAR BYA'O, ,MNGON BAR BSGRUB PO ZHES BYA BA NI GZHAG PA'I GNAS PAS DRANGS PA SPANGS TE LANGS PAS BZA' BAR

165a

, ,BYA'O; ,LHAG MA DE 'BYUNG BA GANG GIS MI RIGS PA GANG ZHIG GI 'DOD PA DE LA BRJOD PAR BYA STE, DES BSGRUB PAR BYA'O, ,GZHAN YANG GNANG BA DE'I PHYIR NAGS KYI RUS PA'O ZHES BYA BA SMOS TE, SPANGS TE LANGS PA LAS BZA' BAR BYA'O, ,NAGS KYI RUS PA ZHES BYA BA NI DPER NA SHA'I RUS PA NI RUS PA DAG YIN PA DE BZHIN DU NAGS KYI SHING DAG NI RUS PA CAN DAG YIN PAS DE'I PHYIR SHING THOG RUS PA CAN NI NAGS KYI RUS PA YIN NO, ,SHA GAN DHA LA SOGS PA LTAR GZHAN GYI GZUGS SO, ,YANG NAGS KYI RUS PA ZHES BYA BA CI ZHIG YIN ZHE NA, DE'I PHYIR 'DI LTA STE RGUN DANG BAL PO SE'U DANG, 'BRA GO DANG STAR KA DANG PA TA MA DANG, AU RU MA'I KA DANG KU RU MA'I KA DANG KHAM BU DANG RGYA SHUG DANG SA RA DAG NI DE ZHES BYA BA'O, ,PADMA'O ZHES BYA BA SMOS TE, DE YANG NAGS KYI DUS PA YIN TE, SPANGS TE LAGS PAS BZA' BAR BYA'O, ,'DIR THAMS CAD DU LHAG MA'O ZHES BYA BA LA SOGS PAS SPANGS TE LANGS PAS ZHES BYA BA DANG SBYAR RO, ,PADMA ZHES BYA BA DE CI ZHIG YIN ZHE NA, DE'I PHYIR 'DI LTA STE PADMA'I RTZA BA DANG, PADMA'I RTZA LAG DANG BE tA DANG, AUTPA LA'I RTZA BA DANG PADMA'I SNYING PO DAG NI DE ZHES BYA'O ZHES SMOS SO, ,GZHIR GTOGS PA'I SMAN GYI GZHI'O,, ,,DE LA RE ZHIG 'BREL PA BSTAN PAR BYA STE, BKRES PA DANG SKOM PA DAG NI NAD DANG 'DRA BA MA YIN TE, DE BAS NA DE DAG GI GNYEN POR GYUR PA 'TSO BA TZAM SGRUB PAR BYED PA BZA' BAR BYA BA DANG, BTUNG BAR BYA BA DUS SU RUNG BA'I SMAN GYI CHOS KHONGS SU GTOGS PA NYID GANG YIN PA DE DAG GI 'DU BA'I SGO BSTAN PA'I PHYIR, RGYAL SRID DANG DE'I PHYED NOD PAR MI BYA'O ZHES BYA BA SMOS TE DE'I ZHES BYA BA NI RGYAL SRID DE'O, ,DGE 'DUN GYI CHED DU GRONG MNOD PA'O, ,ZHING YANG NGO ZHES BYA BA NI MNOD PAR BYA'O ZHES BYA BAR SBYAR TE, ZHING NI GRONG GI PHYOGS GCIG PA YIN PA'I PHYIR GRONG MED PA'I PHYIR DGON PA DANG, 'BAD RTZOL MED PA'I GNAS DANG 'BREL PA ZHES BYA BA LHAG MAS SHES PAR BYA'O, ,DE YAL BAR MI DOR RO ZHES BYA BA NI ZHING DE'O, ,DE'I 'OG SHAS MNOD DO, ,THOG SHAS BRTZAL LO, ,MNOD PAS DE GTZUG LAG KHANG DU DBUL BAR BYA BA NYID DO ZHES BYA BA SMOS TE, NAM GYI TSE GANG ZHE NA, DE'I PHYIR BDAG

165b

NYID KYI BAS DANG POR RO, ,BSRUNG BA'I PHYIR DGE SLONG DAG BSKO'O ZHES BYA BA NI THOG SHAS MNOD PA LA SOGS PA LA'O, ,'DU BA DANG 'GOD PA DANG GNYIS KA LAS GANG YANG RUNG BA MI MNGON PAS RTZIS GDAB PAR MI BYA'O ZHES BYA BA NI, 'DU BA DANG 'GOD PA DANG, 'DU 'GOD GNYIS LAS GANG YANG RUNG BA ZHES BYA BA'O, ,'DI RNAMS LAS GZHAN PA'I DAG 'DUN GYI GNAS GCIG LAS GDAGS PAR MI BYA STE, DER RTZIS GDAB PAR MI BYA ZHES BYA BA'I DON TO, ,GZHAN LA DRAN BA DANG SHES BZHIN SNGON DU BTANG STE DE LA 'JUG PAR BYA'O ZHES BYA BA LA, GZHAN LA ZHES BYA BA NI GANG DU GNYIS KA GDAGS PA BYED PA LA DER RTZIS BYED PA LA DRAN PA DANG, SHES BZHIN SNGON DU BTANG STE 'JUG PAR BYA'O, ,DGE 'DUN GYI CHED DU G-YOG 'KHOR NYE BAR GZHAG GO ZHES BYA BA LA 'DIR GZHUNG NI MA BYIN PAR LEN PA'I PHAM PAR GYUR PA LAS 'DIR LAS KYI MTHAR, BCOM LDAN 'DAS KYIS BKA' STZAL PA, DGE 'DUN GYI CHED DU G-YOG BLANG BAR BYA'O ZHES GSUNGS PA YIN NO, ,GANG NAS GTZUG LAG KHANG DU SGRA MI 'BYUNG BA DER LHA 'BANGS KYI KHYIM BYED DU GZHUG GO, ,JI SNYAD DGOS PAR 'JUG PAR BYA'O, ,ZAS DANG GOS SBYIN PAR BYA BA NYID DO ZHES BYA BA NI, GTZO BOR DGE 'DUN GYI G-YOG DAG LA'O, ,GAL TE GZHAN MED NA DE'I DON DU SBYIN PA SHUGS KYIS RTOGS PA'O, ,GAL TE LAS BYED PA NA'O ZHES BYA BA NI GAL TE G-YOG DAG LAS BYAS NA DE DAG LA ZAS DANG GOS SBYIN PAR BYA BA NYID DO, ,NA BA RNAMS LA G-YOG BYA'O ZHES BYA BA NI G-YOG DAG GAL TE NAN DE RNAMS LA YAL BAR MI DOR DE SMAN LA SOGS PAS BSNYEN BKUR BYA'O, ,BA GLANG DANG MA HE DANG RA DANG LUG DANG, GLANG PO CHE DANG RTA DANG RNGA MO DANG BONG BU DANG, 'BRU TZAM PA DANG SNOD KYANG NGO ZHES BYA BA YANG DGE 'DUN GYI CHED DU BLANG BAR BYA'O, ,GLENG GZHI RNAMS LAS 'BRU TZAM BA GNANG BA RJES SU GSUNGS PA YIN NO, ,PHRAN TSEGS DAG LAS NI SNOD RNAMS LA'O ZHES GSUNGS PA YIN NO, ,'DI YANG 'DIR GZHUNG NI BTZUN PA DGE SLONG GIS LONGS SPYOD DANG, LONGS SPYOD MCHOG BLANG DU RUNG NGAM KA TA YA NA DGE 'DUN GYI CHED DU BLANG DU RUNG NGO, ,DE LA LONGS SPYOD NI GRONG DANG ZHING DAG GO, ,LONGS SPYOD MCHOG NI BA LANG DANG RA DANG LUG DANG MA HE'O, ,YO

166a

, ,BYAD MA YIN PA DAG GANG ZHE NA GLANG PO CHE DANG RTA DANG RNGA MO DANG BA LANG DANG, BONG BU DANG RA DANG LUG DANG MA HE BCOM LDAN 'DAS KYIS RJES SU GNANG BA MCHOD RTEN GYI YANG RUNG BA DAG GO ZHES BYA BA NI, MA MO LAS DE BSDUS NAS GSUNGS PA YIN NO, ,GANG ZHIG PHUL NAS KHYIM PA SHI NA GLANG PO CHE LA SOGS PA RNAMS RGYAL PO LA DBUL LO ZHES GSUNGS SO, ,RDZAS 'DI NYID RNYED PA LA YANG KHYIM PAS RGYAL PO DBANG BA NYID CES BYA BA DE'I DGONGS PA NI 'DI YIN GYI, DE BDAG TU BYED PA LA MI RUNG BA NYID MA YIN NO ZHES BYA BA RTEN RTOGS PAR BYA'O, ,DE DAG MCHOD RTEN GYIR YANG MI RUNG BA MA YIN NO ZHES BYA BA NI, GRONG LA SOGS PA DGE 'DUN GYI CHED DU BLANG DU RUNG BA DE DAG MCHOD RTEN GYI CHED DU YANG RUNG, DGE 'DUN GYI CHED DU YANG RUNG BA DE DAG GO ZHES BYA BA MA MOR GTOGS PA DE BAS NA MDO 'DI'O, ,DE'I RJES SU 'BRANGS NAS 'DIR LHAG MA BSDUS PA'O, ,KHA GZAR DANG TSVA KHUG BCANG BAR BYA'O ZHES BYA BA LA DE GNYIS ZHES BYA BA NI KHA GZAR DANG TSVA KHUG DAG GO, ,DE GNYIS DANG PHUL BA'I BTUNG PHOR LAS GZHAN BA'I KHAR BA'I SNOD GANG ZAG GIS BCANG BAR MI BYA'O, ,KUN DGA' RA BA PA NYE BAR GZHAG PAR BYA'O ZHES BYA BA LA, 'DIR MA MO LAS DGE 'DUN GANG GIS KYANG NGO, , BSRUNG BA'I PHYIR BYIS PA MTSAN MTHUN PA 'BUL BA DAG BLANG BAR BYA'O ZHES BYA BA NI DGE 'DUN NAM GANG ZAG GIS KYANG BLANG BAR BYA'O, ,'DIR GZHUNG NI, BCOM LDAN 'DAS LA 'PHROG MA SKYABS SU SONG ZHING BSLAB PA'I GZHI DAG LA BZHAG NAS, DES BU DE DAG GNOD SBYIN GDUG PAS 'JIGS PA BSRUNG BA'I PHYIR DGE 'DUN LA PHUL BA THOS NAS, DE DAG 'DI SNYAM DU DES BSRUNG BA'I PHYIR DGE SLONG RNAMS LA BU RE ZHIG 'BUL BAR BYED NA BDAG CAG GIS KYANG CI'I PHYIR MI DBUL SNYAM NAS, DE DAG GIS BU DBUL BAR BRTZAMS PA DANG, DGE SLONG DAG MI LEN NAS, BCOM LDAN 'DAS KYIS BKA' STZAL PA, BLANG BAR BYA'O ZHES GSUNGS PA YIN NO, ,'DIR TSUL NI RJES SU 'GRO BA NI DGE 'DUN GYIS BLANGS TE, KUN DGA' RA BA'I G-YOG TU RNAM PAR GNAS PA YIN NO, ,DE LTA BAS NA BYE BRAG MED PAR BRTEN PA YIN NO, ,DE DAG GI CHA LUGS NI MGUL PAR CHOS GOS BTAGS PA NYID DO, ,

166b

SKYED PAR YANG RUNG NGO ZHES BYA BA LA, DE DAG GI CHA LUGS NI MGUL PAR CHOS GOS KYI TSAL BU RE RE BTAGS PA YIN NO, ,PHAN GDAGS PA'I SEMS KYIS SO SOR BSKYANG BAR BYA'O, ,DE'I NYE DUS PHUL BA BLANG PAR BYA'O, ,MJUG TU RIN NYID DU YANG NGO ZHES BYA BA LA, DE'I NYE DU DAG GIS MJUG TU BYIS PA PHYIR LEN PA'I TSE DE'I DUS PHUL BA BLANG BAR BYA'O ZHES BYA BAR SBYAR RO, ,DE LTAR YANG DE RNAMS KYIS PHUL BAR GYUR PA LA DAD PA'I DBANG DU BYAS PA NYID YIN PAS 'DI LA LOG PAS 'TSO BA NYID YIN PAR DOGS PAR MI BYA STE, DE BAS NA DE LA 'DI BSTAN PA'O, ,DE DAG GIS BYAS PA SHES PAS KYANG NGO ZHES BYA BA NI; BYIS PA DE DAG GIS BYAS PA SHES PAS PHUL BA YANG BLANG BAR BYA'O, ,DE'I RIN GDAB PAR MI BYA'O ZHES BYA BA NI, DGE SLONG GIS BYIS PA DE DAG YONGS SU BSKYANGS PA'I RIN DANG RNGAN PA BLANG BAR MI BYA'O, ,SHING THOG GI RNYED PA BDAG GIR BYA'O ZHES BYA BA LA, 'DIR GZHUNG NI RNAM PAR 'BYED PA LAS TE; 'OG MA GSUM GYIS YANG NGO, ,'DIR SIL BU DAG LAS, BZA' BAR BYA BA NYID NI MA YIN NO ZHES GSUNGS SO, ,ZHUN MAR DANG 'BRU MAR DANG SBRANG RTZI DANG BU RAM GYI LBU BA'I BUM PA YANG NGO ZHES BYA BA NI, ZHUN MAR LA SOGS PAS GANG BA'I BUM PA NI BLANG BAR BYA'O ZHES BYA BAR SBYAR RO, ,'DIR GZHUNG NI, ZHUN MAR DANG 'BRU MAR DANG SBRANG RTZI DANG BU RAM GYI, LBU BA'I BUM PA DGE 'DUN LA PHUL NA BUM PA'I TSAD TZAM PO DE RNAMS ZHES BYA BA NAS, JI SRID BCOM LDAN 'DAS KYIS BKA' STZAL PA, BLANG BAR BYA ZHING BLANGS PAS DGE SLONG DAG GAM KHYIM BDAG GIS BRIM PAR BYA'O ZHES GSUNGS PA YIN NO, ,DGE 'DUN DU GTOGS PA'I TSIG NI 'DI YIN TE, 'DIR DGE 'DUN NAM GANG ZAG GIS NI MA YIN NO ZHES BYA BA RNAM PAR DPYAD LA MA BYAS TE, 'DI NI GANG ZAG LA MI RIGS PA'I NGO BO MA MTHONG NGO, ,DE BAS NA SKABS KYI DBANG GIS TSIG 'DIR BLANGS SO SNYAM DU RNAM PAR NGES NAS BYE BRAG TU MA SMOS SO, ,DE DAG GI SNOD KYANG NGO ZHES BYA BA NI, ZHUN MAR LA SOGS PA DE DAG GI SNOD DE BUM PA NI BUM PA'O, ,DE DAG GZHAG PAR BYA'O ZHES BYA BA NI ZHUN MAR LA SOGS PA'I SNOD BUM PA DAG GO, ,ZHUN MAR LA SOGS PAS GANG BA'I BUM PA ZHES BYA BA 'DIR SHUGS KYIS ZHUN MAR GYI BUM PA LA

167a

, ,SOGS PA'I DON SHES PA'O, ,GANG DU GZHAG PAR BYA ZHE NA, DE'I PHYIR GZHI LA'O ZHES BYA BA SMOS SO, ,BSHANG BA DANG GCI BA DANG CHANG GI BUM PA DAG NI MI MKHO BA NYID DO, ,DGE 'DUN GYI PHYIR YANG G-YOS DANG 'TSED PA GANG YIN PA DAG GI ZHAL TA BYA'O ZHES BYA BA NI, BYED DU 'JUG PA ZHAL TA BYED PA STE, RANG GIS BYA BA NI MA YIN NO, ,'DIR GZHUNG NI SMAN GYI GZHI LAS, 'DIR DANG POR BYAS NAS LHUNG BZED KYI KHA G-YOGS BCANG BAR BYA'O ZHES BYA BA'I MTHAR THUG PA GSUNGS SO, ,LHUNG BZED DU BSOD SNYOMS MA BLUGS PA'I MDUN ROL DU MA BZUNG BA NYID KYIS BSOD SNYOMS LA 'JUG PAR BSTEN PAR MI BYA'O ZHES BYA BA LA, MA BLUGS PA'I MDUN ROL DU ZHES BYA BA NI, MDUN ROL DU LHUNG BZED BLOS MA BZUNG BA'I PHYIR RO, ,LHUNG BZED KYI KHA G-YOGS BCANG BAR BYA'O ZHES BYA BA NI, ,LHUNG BZED KYI NANG DU BSOD SNYOMS BLUGS PA GANG GIS G-YOGS PAR BYED PA DE NI LHUNG BZED KYI KHA G-YOGS ZHES BYA'O, ,'DI DANG 'KHAR BA'I SNOD BCANG BA LA THUN MONG MA YIN PA NYID DU DOGS PAR MI BYA'O ZHES BYA BA NI, LHUNG BZED KYI KHA G-YOGS BCANG BAR BYA'O ZHES BYA BA 'DI DANG 'KHAR PA'I SNOD BCANG BA DAG LAS DE LA PHUL BA'I BTUNG PHOR LAS GZHAN PA'I 'KHAR BA'I SNOD GANG ZAG GIS BCANG BAR MI BYA'O ZHES BYA BA THUN MONG MA YIN PA NYID DU DOGS PAR MI BYA STE, GNYIS PO DE DGE SLONG MA LA MA YIN SNYAM DU RTOG PAR MI BYA'O ZHES BYA'O ZHES BYA BA'I DON TO, ,NAD PAS ZHVA BCANG BA LA NI MI RUNG BA NYID DU YANG NGO ZHES BYA BA YANG DOGS PAR MI BYA'O ZHES SBYAR BAR BYA'O, ,NYE BA 'KHOR RANG BZHIN GYI KHA NA MA THO BA DANG BCAS PA MA GTOGS PA ZHES BYA BA GSUNGS PAS, NAD PA LA ZHVA BCANG BAR RJES SU GNANG BA GANG YIN PA DE DGE SLONG MA LA MI RUNG BA NYID DU DOGS PAR MI BYA'O, ,'DIR GZHUNG NI SKYE DGU'I BDAG MO CHEN MO GLAD PA NA NAS, BCOM LDAN 'DAS KYIS BKA' STZAL PA, ZHVA BCANG BAR BYA'O ZHES GSUNGS PA YIN NO, ,DON 'DI LA BUD MED KYIS KYANG ZHVA BCANG DU RUNG NGO ZHES BYA BA 'DIS BSTAN PAR 'GYUR RO, ,DE LTA BAS CHU LA CHAB ROM CHAGS PA'I YUL DU YANG DE RJES SU GNANG BAR SHES PAR BYA STE, DE'I PHYIR MDO 'DI NI DPE TZAM DU RIG PAR BYA'O, ,SIL BYED KYI SGRA

167b

MA PHYUNG BAR BSOD SNYOMS LA KHYIM DU 'JUG PAR MI BYA'O, ,DE BCANG BAR BYA'O ZHES BYA BA NI SIL BYED DE'O, ,'BYUNG BA DANG 'JUG PA LA MKHAS PAR 'BAD PAR BYA'O ZHES BYA BA NI BSOD SNYOMS PAS SO, ,JI LTAR ZHE NA DE'I PHYIR MTSAN MAR BYAS PAS SO, ,MTSAN MA GDAB PA CI ZHIG GIS SHE NA, DE'I PHYIR BSOD SNYOMS KYI BRAM ZE LA SOGS PAS SO ZHES BYA BA SMOS SO, ,CHOS BTZONGS PAS 'TSO BA SBYAR BAR MI BYA'O ZHES BYA BA LA, 'DIR GZHUNG NI MA MO LAS DE DAG CHOS KYI SGO NAS RNYED PA YONGS SU 'TSOL ZHING CHOS 'TSONG BAS 'TSO BA SBYOR BAR BYED PA NA, BCOM LDAN 'DAS KYIS BKA' STZAL PA, CHOS KYI SGO NAS RNYED PA YONGS SU BTZAL BAR MI BYA ZHING CHOS 'TSONG BAS 'TSO BA SBYAR BAR MI BYA'O ZHES GSUNGS PA YIN NO, ,'DIR SIL BU DAG LAS DE BYED PA ZHES BYA BA DANG POR BYAS TE BZA' BAR BYA'O ZHES BYA BA'I MTHAR THUG PAR GSUNGS PA YIN NO, ,GLENG GZHI RNAMS LAS DE SPANG BA 'DUG PA ZHES BYA BA DANG POR BYAS NAS DGE SLONG MA'I ZHES BYA BA'I MTHAR THUG PAR GSUNGS PA YIN NO, ,CHU MED NA ZHO GA CHU LA SOGS PA'I KHU BAS RKANG PA DAG BKRU'O ZHES BYA BA NI 'DI NI 'OG NAS ZAS RKANG PAS BRDZI BAR MI BYA'O ZHES 'BYUNG BA'I DMIGS KYIS BSAL BA YIN NO, ,RTZVA BAM LA 'DUG PAR BYA'O ZHES BYA BA NI STAN GZHAN MED PA'O, ,BLA GAB MED PA'I MTHA' GCIG TU GZHAG GO, ,SBUNGS TE YANG NGO ZHES BYA BA NI SO SOR GZHAG PA 'BA' ZHIG TU MA ZAD KYI, SPUNGS TE GZHAG TU YANG RUNG BA'O, ,MJUG TU 'DOR RO ZHES BYA BA NI, BYA BA ZIN PA'I MJUG TU RTZVA BAM DOR BAR BYA'O, , MANG BA NYID YIN NA BYA'O ZHES BYA BA NI DGE SLONG MANG BA NYID YIN NA'O, ,GRAL GYI TSAR DU MA NYID KYANG NGO ZHES BYA BA NI, TSAR DU DGE SLONG MANG BA NYID YIN NA, GRAL GYI TSAR DU MA NYID KYANG BYAR RUNG BA'O ZHES BYA BA'I DON TO, ,TSAD JI TZAM ZHE NA, DE'I PHYIR LNGA BRGYA'I TSAR RO ZHES BYA BA SMOS TE, GRAL TSAR GCIG LA DGE SLONG LNGA BKOD PA MAN CHAD KYI TSAR RING PO BYAR RUNG BA'O, ,RGAN PA'I MTHAR RE RER SPYI BUNGS BYA'O ZHES BYA BA NI BYIN GYIS BRLAB PAR BYA BA RNAMS LA BSKO'O ZHES 'BYUNG BA DANG SBYAR RO, ,GANG DU BSKO BA YIN ZHE NA, DE'I PHYIR 'DRIM PA DAG RKU BA NYID NA SPYAN PA DAG BSKO'O ZHES SMOS SO, ,ZAS

168a

, ,KYI LAS BYED PA DAG GIS DANG POR BZA' BAR BYA'O, ,'DUS PA CHEN PO'I TSE RGAN RIMS SU 'KHOD DU GZHUG PA'I PHYIR DANG, 'DRIM DU GZHUG PA'I PHYIR DGE SLONG DAG BSKO'O, ,'DI LA DGE SLONG MAS NI GNYIS SAM GSUM GZHAG STE CI DGAR 'KHOD PAR BYA'O ZHES BYA BA NI 'DUS PA CHEN PO 'DI LA DGE SLONG MAS NI RGAN PA GNYIS SAM GSUM SPANGS NAS SO, ,SGRA BSKYUNGS TE ZAN GYI CHED DU 'GRO BAR BYA'O ZHES BYA BA NI, MA MO LAS 'DI DANG POR BYAS NAS GNAS PAR BYA'O ZHES BYA BA NI MTHAR THUG PA DANG, DRAN PA NYE BAR BZHAG NAS ZHES BYA BA DANG POR BYA STE, MED NA BAR BSDU BAR BYA'O ZHES BYA BA'I MTHAR THUG PA DANG, MTHAR LANGS PAS GSHEGS PAR MI BYA BA DANG POR BYAS NAS LTO BA DANG BLO RNAMS ZHES BYA BA'I MTHAR THUG PA'O, ,KHYIM PA'I DRUNG DU 'ONGS PA BOD PA LA DAD PAS SBYIN PAR BYA'O ZHES BYA BA 'DIS KYANG NGO, ,ZAS RKANG BAR BRDZI PAR MI BYA'O ZHES BYA BA 'DI SMAN GYI GZHI LAS SO, ,BZHON BAS 'GRO BAR MI BYA'O ZHES BYA BA DANG POR BYAS NAS BKAG PA NI MA YIN NO ZHES BYA BA'I MTHAR THUG PA DANG, NGES PAR MA BYAS PA ZHES BYA BA DE YANG 'DUL BA LA ZHES BYA BA GANG ZHIG BCOM LDAN 'DAS KYIS LEGS PAR 'ONGS PA LHUNG BZED LHAG PA GZHAG PA ZHES BYA BA RNAM PAR 'BYED PA LAS KLOG PA DANG, SIL BU RNAMS LAS NI DE NAS GCIG TU 'DOD PAR BYA ZHES GSUNGS PA YIN NO, ,SHIN TU BSDAMS PA DANG SPYOD LAM MDZES PAS SO, ,MDZES PAS SO ZHES BYA BA YANG ZAN GYI CHED DU 'GRO BAR BYA'O, ,DE BZHIN DU 'DUG PAR BYA'O ZHES BYA BA DANG, SGRA BSKYUNGS PA DANG, SHIN TU BSDAMS PA DANG, SPYOD LAM MDZES PAS ZAN GYI CHED DU 'DUG PAR BYA'O, ,ZAS RKANG PAS BRDZI BAR MI BYA'O, ,LHUNG BZED KYI GZHI LA RKANG PAS REG PAR MI BYA'O, ,DRAN PA NYE BAR BZHAG STE BSOD SNYOMS BLANG BAR BYA'O ZHES BYA BA NI RTZE GCIG PA'O, ,BYA BA GZHAN DANG 'BREL BA'I BSAM PA YANG SEMS GTOD PA'I RTZE GCIG PA LAS GZHAG PAR YOD PAR 'GYUR BA DE BZLOG PA'I PHYIR, SEMS RNAM PAR MA G-YENGS PAS BSOD SNYOMS BLANG BAR BYA'O ZHES BYA BA SMOS SO, ,MI 'PHROGS PA DANG 'TSO BA TZAM DANG, DE MA 'DRES PA DANG MI DKRUG PA DANG, SHIN

168b

TU DPEN PA DANG DUS LAS MI YOL BAR BSGRUB PAR BYA'O, ,GANG LA MGRON DU BOS PA DE LAS GZHAN RNYED PA BDAG GIR BYED PA MI RIGS PA NYID MED DO ZHES BYA BA LA, 'DIR GZHUNG NI 'DREG MKHAN RAB TU BYUNG BAS DGE 'DUN THUG PA LA SPYAN DRANGS NAS RO BSOD PA STA GON BYAS PA DANG, DGE SLONG DAG ZAS GZHAN LA MGRON DU BOS PAS DE NI MI LEN PA DANG, BCOM LDAN 'DAS KYIS BKA' STZAL PA, ZAS GZHAN LA MGRON DU BOS PAS GZHAN RNYED PA BDAG GIR BYED PA LA MI RIGS PA MED DO ZHES GSUNGS PA YIN NO, ,RANG GIS ZAS LAS GZHAN MNOS PA LAS NYES PA MED DO ZHES BYA BA NI RANG GIS ZAN ZA BA'I TSE GAL TE GZHAN GYIS SBYIN BAR BYED NA DE MNOS PA LA NYES PA MED CES BYA BA'I DON TO, ,GZHAN GYIS MGRON DU BOS NAS 'DUG PA LA DES GNANG NA, GZHAN GYIS BYIN PA NA DE'I KHONGS SU GTOGS PA DANG 'DRA'O ZHES BYA BA NI GANG ZHIG GZHAN GYIS MGRON DU BOS NA NI 'DUG PA LA SBYIN BDAG DES GNANG NA SBYIN BDAG GZHAN GYIS SBYIN BA'O, ,'DI LTA STE SDIG BYUNG BA'I GYAD RNAMS KYIS MGRON DU BOS PA'I DGE SLONG RNAMS LA GYAD KYI SNA CHEN PO LA GTOGS PA SNANG BYED KYIS BCA' BA DANG BTUNG BA DAG BRIMS PA SBYIN BDAG GIS GNANG BA DE NI SBYIN BDAG GZHI BO'I KHONGS SU GTOGS PA DANG 'DRA'O, ,DE LA NI DAM BCA' BA LAS 'DAS PA DANG YANG YANG ZA BA'I NYES PAR MI 'GYUR RO, ,BSAMS PA'I DON GYIS SGRA'I SBYOR BAR RNAM PAR GZHAG GI GRAGS PAS NI MA YIN NO ZHES BYA BA NI SANGS RGYAS TSUR SHOG CES BYA BA LA SOGS PAS 'BOD CING CI'ANG RUNG BA SBYIN BAR BYED PA NA, SMRA BA PO'I BSAMS PA'I DON GYIS DE RNAM PAR GZHAG GI GRAGS PA NI MA YIN TE, GAL TE DE SKAD DU 'BOD PA DE SANGS RGYAS NYID DU BSAMS PA YIN NA NI DE NYID LA DE PHUL BAR 'GYUR RO, ,JI STE GRAGS PA NYID DU BSAMS PA YIN NA NI GRAGS PA NYID LA PHUL BA YIN NO, ,BLANGS BA SPANG BAR MI BYA'O ZHES BYA BA LA, BLANGS PA NI BYIN LEN BYAS PA STE SLAR SBYIN BAR MI BYA'O, ,'DI LTAR BSOD SNYOMS LA DE SKAD GSUNGS PA YIN MOD KYI GZHAN LA YANG DE RUNG BAR GNANG BAS DE RIGS PAR BYA'O, ,LTA BA DANG TSUL KHRIMS PHUN SUM TSOGS PA DAG LAS BLANGS PA GZHAN GO RIMS

169a

, ,BZHIN LA SBYIN BA DANG, 'TSO BAR BYED BA LHAG MA KHAM GCIG YAN CHAD LEN PA DANG ZA BA NI DAD PAS SBYIN BAR BYA BA CHUD GSON PA YIN NO ZHES BYA BA LA, GO RIMS BZHIN LA ZHES BYA BA NI LTA BA PHUN SUM TSOGS PA LAS BLANGS PA LTA BA NYAMS PA LA SBYIN BA DANG, TSUL KHRIMS PHUN SUM TSOGS PA LAS BLANGS PA TSUL KHRIMS 'CHAL PA LA SBYIN PA LA NI DPE TZAM DU ZAD DE, MCHOG LAS BLANGS PA MCHOG MA YIN PA LA YANG SBYIN BA ZHES BYA BA DE LA 'DI BSTAN PAR REG PAR BYA'O, ,MCHOG DANG MCHOG MA YIN PA NI 'DI LTAR SHES PAR BYA STE, TING NGE 'DZIN THOB BA NI MA THOB PA BAS MCHOG GO, ,'PHAGS PA NI MA 'PHAGS PA MA YIN PAS SO, ,CHOS KYI TSOGS RAB TU 'PHEL BA'I BYANG CHUB SEMS DPA'I SO SO'I YANG NYAN THOS LAS SO, ,DE LTAR 'DZAM BU'I GRIB MA LA BZHUGS BA'I BYANG CHUB SEMS DPA' SH'A KYA THUB PA'I DBANG DU MDZAD NAS GSUNGS PA NI DE LA PHUL BAS BSOD NAMS CHES MANG DU 'PHEL BAR 'GYUR GYI DGRA BCOM BA BYE BA RNAMS LA NI MA YIN NO ZHES GSUNGS PA YIN NO ZHES GSUNGS SO, ,KHAM GCIG YAN CHAD CES BYA BA NI 'DIR YAN CHAD KYI SGRA DANG RAB TU 'BREL BAR RIG PAR BYA STE, KHAM GCIG YAN CHAD CES BYA BA'O, ,KHAM GCIG YAN CHAD ZAB NI 'TSO BAR BYED PA TZAM LAS LHAG BAR LAN PA DANG, ZA BA NI DAD PAS SBYIN BAR BYED PA CHUD GSON PA YIN NO ZHES BYA BA'I DON TO, ,PHA MA DANG NAD PA DANG RAB TU BYUNG BAR 'DOD PA DANG SBRUM PA DAG DANG, GDUL BA DANG 'DOD PAS BSOD SNYOMS LA REG PA DANG KHYIM PA 'ONGS PA LA NI DE LAS BGO BSHA' BYA'O, , ZHES BYA BA NI DE BSOD SNYOMS CHUD ZOS PAR BYED PA DE LAS DAD PAS SBYIN BAR BYA BA CHUN GSON PA'I TSIG TU RIG PAR MI BYA'O, ,KHAM CHANGS GCIG ZA BA PO RNAM PAR MI BCAD PAR GZHAG PAR BYA'O ZHES BYA BA NI, 'GA' ZHIG TU MID PA LA YANG KHAM CHANGS GCIG ZAB POS ZHES BYA BA'I DON TO, ,'DIR GZHUNG NI CI NAS KYANG LHAG MAR MA GYUR PA'I KHAM CHANGS GCIG GZHAG PAR BYA'O ZHES GSUNGS PA YIN NO, ,BZA' BA'I PHYIR NYE BAR DUD 'GRO LA YANG SBYIN BAR BYA'O ZHES BYA BA NI, KHAM CHANGS GCIG GZHAG PA DE'O, ,'DIR GZHUNG NI DGE SLONG GIS ZOS NAS DUD 'GRO LA KHAM GCIG MI GZHAG PAR

169b

MI BYA'O ZHES GSUNGS PA YIN NO, ,BZA' BA'I PHYIR NYE BAR GZHAG PA LAS MA RDZOGS PAR SBYIN PAR MI BYA'O ZHES BYA BA LA, MA RDZOGS PAR ZHES BYA BA NI ZAS MA RDZOGS PA LA'O, ,DAD PAS SBYIN BAR BYA BA DE NYID KYIS MGRON DU BOS PA LA YANG MI BYA'O, ,LHUNG BZED KYI GZHI NI LHAG MA ZA BA RNAMS LA CI BDER BYA'O, ,GNYUG MAR GNAS PA RNAMS LA GTOR MA SBYIN NO ZHES BYA BA NI GTZUG LAG KHANG NA GNYUG MAR GNAS PA MI MA YIN PA'I GNAS PA RNAMS LA 'BAD PAS DE SBYIN BA BSGRUB PAR BYA'O ZHES BYA BAR SHES PAR BYA'O, ,DE DAG GI CHO GA'I RJES SU 'BRANGS PAS SNGA ROL LA SOGS PAR RO ZHES BYA BA NI GANG ZHIG GNYUG MAR GNAS PA DE DAG GI CHO GA'I RJES SU 'BRANG BAS SNGA DROL SOGS PAS GTOR MA SBYIN BAR BYA BA'I DON TO, ,CHO GA THA DAD PA NYID YIN NA THA DAD PAR RO ZHES BYA BA NI, GANG DU KHA CIG CHO GA YANG GZHAN YIN LA, KHA CIG GI CHO GA YANG GZHAN YIN NA DER CHO GA DE RNAMS THAMS CAD SO SOR SBYIN BAR BYA BA ZHES BYA BA'I DON TO, ,AA MRA RUS PA MA CHAGS PA DAG GI GNAS SKABS SU BZA' BAR MI BYA'O ZHES BYA BA NI ZE 'BRU CHAGS PA NYID KYI SMAN PA RNAMS LA RJES SU GNANG BA GANG YIN PA DE LA NI 'DI LAS LHAG PAR 'GYUR BA MA YIN TE, DE'I TSE ZE 'BRU CHAGS PA NYID LA NGES PA NYID KYI PHYIR RO, ,DANG PO NYID DU ZE 'BRU LAS RUS PA MA CHAGS BA SGRUB PA'I PHYIR DE BAS NA MA SBYAR RO, ,RTZA BA DANG SDONG BU DANG 'DAB MA DANG ME TOG DANG 'BRAS BU DANG BCA' BAR BYA BA DANG, 'BRAS CHAN DANG ZAN DRON DANG 'DE GU DANG SHA DANG, SNUM KHUR DANG 'O MA DANG ZHO DANG MAR DANG NYA SHA DANG SHA SKAM DAG NI MI RUNG BA NYID MA YIN NO ZHES BYA BA NI TSOD MA NYID DU YANG SHA LA SOGS PAS BZA' BA'I DON DU ZHES BYA BA NI BSTAN PA'I PHYIR NYA SHA DANG SHA SKAM DAG BZUNG BA'O, ,SNGA MA LA NI SHA'I 'O, ,'DIR 'O MA LA SOGS PA NI TSOD MA DAG BSTAN TO, ,'BRAS CHAN LA SOGS PAS NI BZA' BDAG BSTAN TO, ,RTZA BA LA SOGS PAS NI BCA' BA DAG BSTAN TO, ,GSO MA DANG YUNGS KAR DANG RTZA BA DANG, SDONG BU DANG 'DAB MA DANG ME TOG DANG 'BRAS BU LA SOGS PA'I THUG PA DAG BSTEN BAR BYA BA DAG MA YIN PAR DOGS PAR MI BYA'O ZHES BYA BA NI, 'DI DAG SMAN NYID KYI SKABS YIN MOD KYI, 'TSO BA TZAM GYI DON

170a

, ,DU GZHAN LA YANG SBYAR BA DE BAS NA BYE BRAG MED PAR SMOS SO, ,SIL BU DAG LAS RKYAL PAR BLUGS PA 'DI YANG ZHES GSUNGS PA YIN NO, ,CHUS KYANG SBANGS NAS 'TSAG TU 'GYUR BA NYID DO ZHES BYA BA NI, LHAG MAR GYUR PA DES 'O MA LA SOGS PA TSOD MA'I RNAM PA GANG YANG RUNG BAS SBANGS NAS RNAM PA GANG RUNG BAS NA SBANGS NAS YANG 'TSAG TU 'GYUR BA NYID BSTAN TO, ,RKYAL PAR BLUGS NA NI MI RUNG BA MA YIN NO, ,SNOD DU ZAN BZAR RUNG NGO, ,YOL GOR RO, ,RDO LAS BYAS PA YANG NGO ZHES BYA BA NI, ZAS BZAR RUNG BA'O, ,ZAS BYAS PAR YANG NGO, ,LCAGS KYI LHUNG BZED LA SOGS PA BZHIN BKRUS TE'O, ,BKRU BSHAL NI GNAS PA'I LAS YIN NO ZHES BYA BA NI 'O NA LHUNG BZED LA DE SMOS TE, DE NYID LA NI 'DI LA DPE GNYIS KYIS GRUB PO ZHE NA, DE LTAR NI MA YIN TE, GRUB PA LA NGOS KYI TSIG NI SKYON YIN TE, 'DI LA SHIN TU GSAL BA NYID KYI PHYIR RO, ,ZOS NAS KYANG NGO ZHES BYA BA NI, LHAG MA MA YIN PA LA LHUNG BZED BKRU BA LA SOGS BA RIGS PA YIN TE, DE ZLOG PA'I DON DU 'DI'O, ,'DIR GZHUNG NI MKHAN PO DANG SLOB DPON DAG GI SNOD DAG GNAS PA DAG GIS BKRUS TE DBUL BAR BYA'O, ,ZOS NAS KYANG GNAS PA DAG GIS SNOD DANG BYA MA BUM BKRUS TE BSKUR BAR BYA'O ZHES GSUNGS PA YIN NO, ,GZHAN DANG LHAN CIG SNOD GCIG TU BZA' BAR MI BYA'O, ,LAM DU SNOD DAG MED NA BZA' BAR BYA'O ZHES BYA BA NI GANG DU PHONGS PA'I PHYIR MED NA, RIM GCIG GI PHYIR ZA BA DE LA NI MED PA MA YIN TE, YOD PA DANG MED PA'I RNAM PAR GZHAG PA NI 'BRAS BU'I DUS LA LTOS PA NYID KYI PHYIR RO, ,DE LTA BAS NA 'DIR YANG DE BYAS PAS SHES PAR MI BYA'O, ,'DIR SU DANG LHAN CIG TU BZA' BAR BYA ZHE NA, DE'I PHYIR DGE SLONG DANG NGO, ,GZHAN GYI LAG BTEG NAS RANG GIS GZHUG GO ZHES BYA BA SMOS TE RANG GIS ZHES BYA BA NI LAG PA'O, ,DGE TSUL DANG NI 'OG MA BZHIN NO,, MI LDAN NA LHAN CIG TU 'O ZHES BYA BA NI GZHAN NYID MI LDAN NA GANG ZHIG 'DIR RUNG BAR BYED BA LA BYA BA BCANGS TE SBYIN BAR GAL TE RKYEN GYI DBANG GIS 'DIR BYA BAR MI RIGS NA, DE NAS LAM DU SNOD GZHAN MED NA DGE TSUL DANG LHAN CIG TU BZA' BAR BYA BA'I DON TO, ,RAB TU BYUNG BA NYID KYIS 'DI LA RIGS MTHUN

170b

BAR YOD PA DE BAS NA THAMS CAD KYIS THAMS CAD DU SMAD PA MA YIN NO, ,'DIR GZHUNG NI DGE TSUL DAG LA SNOD DAG MED NAS, BCOM LDAN 'DAS KYIS BKA' STZAL PA, DE DAG LA BCANGS TE LAG TU SBYIN BAR BYA'O, ,LAM DU 'JIGS PA DANG BCAS SHING 'GRON PA DAG KYANG THAL LAM ZAS BCANG DU MI RUNG NA LHUNG BZED BYIN GYIS BRLABS PA MI GTONG BAR DE DAG DANG LHAN CIG BZA' BAR BYA'O ZHES GSUNGS PA YIN NO, ,G-YOG RNAMS LA BCANGS TE SBYIN NO, ,NYE DU BCUGS PAS GSOL NA THAMS CAD DU DBEN PA'I PHYOGS SU'O ZHES BYA BA NI, BCUGS BAS LHAN CIG BZA' BAR GSOL NA DE'I LAM 'BA' ZHIG TU MA ZAD KYI, GNAS THAMS CAD DU YANG DBEN PA'I PHYOGS SU LHAN CIG BZA' BAR BYA'O, ,DE GNYIS LA BYIN LEN BYAS PA 'JIG PA DANG BYIN LEN MA BYAS PA DANG 'DRES PA BSRUNG BA NYID DO ZHES BYA BA LA, DE GNYIS ZHES BYA BA NI SNOD DAG LA'O, ,GANG ZHIG 'DIR DGE TSUL DANG NYE DU DAG NYIS DANG DE DAG DANG LHAN CIG BGO BAR BYA STE, GANG YANG NYE DU DANG LHAN CIG BYIN GYIS BRLABS TE'O, ,LHUNG BZED BYIN GYIS BRLABS TE LAG PA DAG BSNYAL DU BCUG NAS SO ZHES BYA BA LA, DE NI DON GYIS THOB PAR RIG PAR BYA STE, DE'I PHYIR 'DI DON GYIS BRJOD PA'O, ,'DIR NYE DU RNAMS LA LAG PA BSNYAL DU BCUG PA 'DIR GZHUNG NI PHYOGS DBEN PAR 'DUG STE, LAG PA DAG BSNYAL DU BCUG NAS SNOD MI BTANG BAR BZA' BAR BYA'O, ,'DI LA 'GYOD PAR MI BYA'O ZHES GSUNGS PA YIN NO, ,MCHIL LHAM DANG BCAS BZHIN DU BZA' BAR MI BYA'O ZHES BYA BA NI GSO BA'I DON NYID MA GTOGS PAR RANG BZHIN GYI KHA NA MA THO BA DANG BCAS PA MA YIN PA LHAG MA THAMS CAD LA ZHES BYA BA 'DIS, NAD PA MCHIL LHAM DANG BCAS PA LA BZA' BA YONGS SU THOB PA LA BYE BRAG TU SMOS PA NI, NAD PAS NI MNAN TE'O ZHES BYA BA LA, MCHIL LHAM PHUD PA'I STENG DU MNAN PAR RIG PAR BYA'O, ,'DIR NAD PA ZHES BYA BA NI NAD PA GANG LA RKANG PA SA LA GZHAG NA MI 'PHROD PA DE NAD PA YIN NO SNYAM DU DON GYIS SHES PAR BYA'O, ,SGREN MO DANG GOS GCIG PAS MI BYA'O ZHES BYA BA NI MI NA BAR MI BYA'O ZHES BYA BAR SBYAR RO, ,NAD PA LA NI LHUNG BA MED DO ZHES BYA BA LA, 'DIR NAD PA'I TSAD NI MI NUS

171a

, ,PA LA BYA STE, DE LTA BAS NA MI NUS PA LA RNAM PAR GZHAG GO ZHES BYA BAR SHES PAR BYA'O, ,DE G-YOG DAG GIS SKYOR BAR BYA'O ZHES BYA BA LA, DE ZHES BYA BA NI NANG PA DE'O, ,'DIR GZHUNG NI, BCOM LDAN 'DAS KYIS BKA' STZAL PA, SGREN MOS BZA' BAR MI BYA'O, ,NAD PAS SBYOR BAR MI BZOD NAS, BCOM LDAN 'DAS KYIS BKA' STZAL PA, NAD PA LA LTUNG BA MED DO, ,DE G-YOGS GOS KYIS SKYOR BAR BYA'O ZHES GSUNGS PA YIN NO, ,NUS NA RNGUL GZAN LA BRTEN PAR BYA'O ZHES BYA BA NI NAD PAS NUS NA, CHOS GOS STENG MA MED PAR BZA' BAR MI BYA STE, 'DI LA CHO GA 'DI SNYAM DU SHUGS KYIS RTOGS PAR BYA'O, ,GSANG BA'I PHYOGS KYANG NGO ZHES BYA BA NI NAD PAS NUS NA 'KHOR GSUM KHEBS PA'I MTHAR THUG PA'I SHAM THABS LA BRTEN PAR BYA STE, GNYIS KAR GTOGS PA YIN BAR RIG PAR BYA STE, 'DIR GZHUNG NI 'KHOR GSUM KHEBS PA'I TSAD 'DIS PHYAG 'TSAL BA NA 'OG MA'I CHA SPA BAR BYA BA 'AM NYE BA 'KHOR GANG ZHIG GOS DAG 'KHOR GSUM KHEBS PA ZHES BYA BA 'DI'I RJES SU 'BRANGS NAS SHES PAR BYA'O, ,ZAS KYI PHYIR 'DUG PAS 'DI 'AM 'DI NAS BYIN CES 'DRIM MKHAN LA BSGO BAR MI BYA'O, ,NAD PAS 'PHROD PA LA LTUNG BA MED DO ZHES BYA BA NI NAD PAS NAD PA LA 'PHROD PA LA KHAMS SNYOMS PAR 'GYUR BA'I ZAS 'DI BYIN CIG CES MI NUS PA LA, 'DIR RNAM PAR GNAS PA'O, ,'DIR GZHUNG NI NAD PA LA GAL TE KHAMS SNYOMS PAR 'GYUR NA LTUNG BA MED DO ZHES GSUNGS PA DE 'DIS BSDUS PA YIN NO, ,GZHUNG KHA CIG LAS DE'I DPE BSTAN PA'I PHYIR, DPER NA DROD CHUNG BAS TSOS PA DANG, DROD CHE BAS RLON PA LTA BU'O ZHES BYA BA SMOS TE, GO BAR BYA BA LA ZHES BYA BA DE GO BAR BYED PA LA ZHU BAR 'GYUR BA LA THA DAD DU NYE BAR GNAS PA'O, ,BDAG NYID LA NAD PA'I 'DU SHES DANG, ZAS LA SMAN GYI 'DU SHES NYE BAR GZHAG STE, BZA' BAR BYA'O ZHES BYA BA LA, BDAG NYID LA ZHES BYA BA NI RANG LA'O, ,'DI NI MA MO LAS, MAR DANG CHU DANG POR BYAS TE, DE MA YIN NO ZHES BYA BA'I MTHAR THUG PAS SO, ,DRAN BA YANG NGO ZHES BYA BA YANG NGO, ,ZAS LA NYE BAR GZHAG STE BZA' BAR BYA'O, ,JI LTAR ZHE NA DE'I PHYIR 'BYUNG BA DANG 'DRA BA

171b

DANG 'GYUR BA DANG PHYIR RGOL BA NYID DANG RGYU MTHUN BA DANG BRTEN PA DANG RNAM PA DANG BTZAL BA DANG, GZHAN LA RAG LAS PA NYID DANG, SO SOR 'GRO BA DAG GI MI MTHUN PA NYID DU GZHAG PA'O ZHES BYA BA SMOS TE, 'BYUNG BA LA SOGS PA RNAM PA BCU PO DE DAG GI ZAS LAS MI MTHUN BA'I DRAN PA NYE BAR GZHAG STE, BZA' BAR BYA'O ZHES BYA BAR SBYAR RO, ,DE LA 'BYUNG BA ZHES BYA BA NI ZAS NI MI GTZANG BA DANG, LUD PA LA SOGS PA DAG LAS 'BYUNG BA'O, ,'DRA BA ZHES BYA BA NI 'DI LTA STE, 'BRAS CHAN NI SRIN BU DANG 'DRA LA, PHYE DAG NI RUS PHYE DANG 'DRA BA LA SOGS PA'O, ,'GYUR BA ZHES BYA BA NI ZAS ZOS NA BAD KAN DANG SNABS DANG RANG DANG KHRAG LA SOGS PAR 'GYUR BA'O, ,PHYIR ZHES BYA BA NI ZAS KYI PHYIR RGOL BA RNAMS DANG RJES SU 'BREL BA STE, ZAS KYI RGYU LAS, MA NI BU DANG LHAN CIG 'THAB PAR BYED, BU NI MA DANG LHAN CIG 'THAB PAR BYED PA LA SOGS PA'O, ,RGYU MTHUN BA ZHES BYA BA NI ZAS NI BSHANG DANG GCI LA SOGS PA SHIN TU SMAD PA DAG DANG RGYU MTHUN BA YIN NO, ,RTEN PA'I RNAM PA ZHES BYA BA NI RTEN CING 'BREL BAR 'BYUNG BA STE, ZAS 'DI NI RTEN CING 'BREL PAR 'BYUNG BA STE, ZHING LA SOGS PA LA BRTEN TE 'BYUNG BA DANG, DE DAG LA BRTEN NAS SRED PA LA SOGS PA'I NAD MANG PO DU MA 'BYUNG BA'I PHYIR RO, ,BTZAL BA ZHES BYA BA NI DE TSEGS CHEN POS BSGRUB DGOS PA'O, ,GZHAN LA RAG LAS PA NYID CES BYA BA NI TSEGS CHEN POS 'BRU LA SOGS PA GRUB KYANG DE G-YO BA LA SOGS PA MED NA MI LDAN PA'I PHYIR GZHAN LA RAG LAS PA NYID DU 'GYUR BA'O, NAD DANG BCAS PA NYID CES BYA BA NI ZAS LOG PAR ZHU BAS RIMS LA SOGS PA'I NAD MANG PO DU MA DAG 'BYUNG BA'I PHYIR RO, ,SO SOR 'GRO BA NYID CES BYA BA NI, ZAS 'DI RNAM BZHIR 'GRO BA STE, DE'I CHA GCIG NI LUS KYI MES SREG PAR BYED PA DANG, GNYIS PA NI BSHANG BA DANG GCI BAR GYUR PA DANG, GSUM PA NI SRIN BU DAG GIS BZA' BAR 'GYUR BA DANG, BZHI PA NI LUS BRTAS PAR BYED PA'O, ,DRAN PA NYE BAR GNAS PAS SO ZHES BYA BA NI ZAS LA SEMS GTAD BAS SO ZHES BYA BA'I THA TSIG GO, ,SEMS RNAM PAR MA G-YENGS PAS SO ZHES BYA BA NI SEMS THAMS CAD KYIS ZAS LA RTZE GCIG PAS

172a

, ,GTAD PA STE, CHA SHAS KYIS NI MA YIN PA ZHES BYA BA'I DON TO, ,SHES BZHIN GYIS SGRA BSKYUNG ZHING NGO, ,DE MI SBYAR BAR RO ZHES BYA BA LA, DE ZHES BYA BA NI SGRA MI BYA BA DE'O, ,MI 'BYUNG BAR THUG PA DAG GO ZHES BYA BA NI SGRA ZHES BYA BAR SBYAR RO, ,KHRUM KHRUM MI BYA BAR RO ZHES BYA BA NI SGRA KHRUM KHRUM MI BYA BAR RO, ,SGRA 'BYUNG BA DAG CHU LA SOGS PAS SNYE BAR BYA'O ZHES BYA BA NI BZA' BAR BYA BA RNAMS LA'O, ,BZA' BA DE'I DON DU ROL MO BYED DU MI GZHUG GO ZHES BYA BA NI, ZAS ZA BA DE'I DON DU GLU GLING DANG, SIL SNYAN LA SOGS PA'I ROL MO BYED DU GZHUG CING BZA' BAR MI BYA'O, ,'DIR GZHUNG NI AA MRA SKYONGS KYIS RANG GI MGRON DU BOS PA'I DGE 'DUN ZA BA NA ROL MO BYA BAR BRTZAMS PA DANG, BCOM LDAN 'DAS KYIS BKA' STZAL PA, DGE SLONG GIS ROL MO BYED DU GZHUG BZHIN DU BZA' BAR MI BYA'O, ,ZA NA 'GAL TSABS CAN DU 'GYUR RO, ,KHANG PA'I DUS STON DANG MCHOD RTEN LA ROL MO BYAS PA LA NYES PA MED DO ZHES GSUNGS PA YIN NO, ,KHA NAS ROL MO BYED PA LA NI YONGS SU MA RDZOGS PA NYID KYI PHYIR DE LA BYAS PA LA NI SHIN TU NA SMAD PA'I PHYIR NYES BYAS PHRA MOR 'GYUR RO, ,BSHAD PA BYED PA NYID NA MI BYA'O ZHES BYA BA NI CHOS BSHAD PA DANG YON BSHAD PA LAS 'DIR KLOG PA YIN TE, CHOS BSHAD PA LA YANG 'DI NI MI RIGS PA ZHES GSUNGS PA DE'I PHYIR 'DIR BYE BRAG MI SKYED PA'O, ,DE SO SOR RIG PAR BYA'O ZHES BYA BA NI YON BSHAD PA LA'O, ,'DIR GZHUNG NI DGE SLONG RNAMS KYIS YON BSHAD PAR BYED PAR GYUR PA DE NA BZA' BAR MI BYA'O ZHES GSUNGS PA YIN NO, ,DUS YOL BAR 'GYUR NA TSIGS SU BCAD PA GNYIS SAM GSUM DU BYA'O ZHES BYA BA LA 'DIR GZHUNG NI BSHAD PA BYED DU BCUG STE, BZA' BAR BYA'O ZHES GSUNGS PA YIN NO, ,GAL TE DRO'I DUS YOL BAR DOGS PA YOD NA, DE'I TSE TSIGS SU BCAD PA GNYIS SAM GSUM BSHAD PA BYED KYI BAR DU BZA' BAR MI BYA'O, ,RKYANG PA 'CHAD NA TSIG GNYIS SAM GSUM 'CHAD KYI BAR DU BZA' BAR MI BYA BA YANG 'DI'I RJES SU 'BRANGS PAS SHES PAR BYA'O, ,GZHAN LA NI LTUNG BA MED DO, ,ZOS NA GTZUG LAG GI TSIGS SU BCAD PA GDON TO, ,ZOS NAS MGRON DU 'BOD BA LA

172b

YON BSHAD PA DANG CHOS BSHAD PA DAG BYA'O ZHES BYA BA NI, MDO SDE'I GZHUNG LAS, LAG PA BSNYAL LA LHUNG BZED BZHAG NAS ZHES GSUNGS PA BZHIN DU SHES PAR BYA STE, KHA'I NANG YANG BKRUS NAS ZHES BYA BA DE LTA BUS 'DIR TSIGS SU BCAD PA GDON PA NI MDZES PA BSKYED PA'O, ,THAMS CAD KYIS ZOS ZIN BA NYID DU NGES PAR SHES NAS SO ZHES BYA BA NI YON BSHAD PA DANG CHOS BSHAD PA DAG BYA'O, ,JI LTAR NGES PAR SHES BAR BYA ZHE NA, DE'I PHYIR KUN DU LTA BAS SO ZHES BYA BA SMOS SO, ,GANG GIS DE DAG BYA ZHE NA, DE'I PHYIR DU MA NYID YIN NA DANG POS SO ZHES BYA BA SMOS TE, GAL TE DGE SLONG DAG DU MA NYID YIN NA DE'I TSE DE DAG GI GRAL GYI DANG PO PAS DE DAG BYA'O, ,MI NUS NA NUS PA GZHAN LA BCOL LO ZHES BYA BA NI GAL TE DANG POS DE DAG MI NUS NA DU MA NYID YOD PA'I STOBS DANG LDAN BA GZHAN LA BCOL BAR BYA'O, ,GAL TE MA BYAS BAR DGE SLONG RNAMS LA 'GRO BA'I RKYEN BYUNG NA 'KHOR THA NA BZHI YAN CHAD SBYIN NO ZHES BYA BA NI GAL TE YON BSHAD PA DANG CHOS BSHAD BYED PA NA'O, ,GAL TE 'GRO DGOS PA'I RKYEN BYUNG NA DE'I TSE 'CHAD PAR BYED PA'I THA NA DGE SLONG BZHI YAN CHAD GZHAG STE 'GRO BAR BYA'O ZHES BYA BA'I DON TO, ,DE LA RKYEN BYUNG NA BYIN BA LA ZHUS TE BLTAS NAS SO ZHES BYA BA LA DE LA ZHES BYA BA NI 'KHOR LA'O, ,BLTAS NAS SO ZHES BYA BA NI CHOS BSHAD PA DANG, CHOS BSHAD PAR BYED PA'I BSHAD PA PO GANG LA DA 'KHOR DU SBYIN BAR 'GYUR BA DE LA BLTAS NAS ZHES BYA BA'I DON GYIS SHES PAR BYA'O, ,YON 'CHAD PA NA DGA' BO DANG NYE DGA' DAG GI MING SMOS PAR BYA'O ZHES BYA BA NI, 'DIR RNAM PAR 'BYED PA'I GZHUNG KHA CIG LAS YON 'CHAD PA'I TSE NA KLU'I RGYAL PO DGA' BO DANG NYE DGA' BO GNYIS KYI MING YANG SMOS PAR BYA'O, ,SMOS PAR MI BYED NA 'GAL TSABS CAN DU 'GYUR RO ZHES GSUNGS PA YIN NO, ,MID PA GNYIS PAS DUS MA YIN PA'I SGREGS PA DAG BYUNG NA, DANG POR GNYIS SAM GSUM POR TE KHA BRKUS NAS MID PAR BYA'O ZHES BYA BA NI; KHA CHU LA SOGS PA GNOD PA NYID SGREGS PA DAG BOR BA'I RGYUS SGREGS PA POR BA'I LHAG MA BSAL BA'I PHYIR BKRUS NAS BOR DA GSUM PO 'DI DAG LA RNAM PAR GZHAG PA DE BAS NA 'DI LA MI RUNG BA NYID DU RIG PAR BYA'O, ,DE NI ZAS MA YIN PA MA YIN NO ZHES BYA BA LA DE ZHES BYA BA NI SGREGS PA BYUNG BA'O, ,DE'I

173a

, ,PHYIR GZHAN GYIS DUS MA YIN PA DANG SDANGS PA'I TSE SGREGS PA BYUNG NA KHA BKRU BAR BYA'O ZHES BYA BA LA, GZHAN GYIS ZHES BYA BA NI RTZE GCIG PA SGREGS PA'O, ,'DI MAN CHAD NI RGYU MTHUN BA DAG GANG YIN BA DE DAG BRJOD PAR BYA STE, DE'I BYIR MA BSHAMS BA'I PHYOGS SU MCHIL MA DOR BAR MI BYA'O, ,BYI DOR BYAS PAR YANG MI BYA'O ZHES BYA BA NI DGE 'DUN GYI PHYOGS MA YIN PA YANG RUNG STE ZHES BYA BRTZOM BA'I SHUGS KYIS SHES PAR BYA'O, ,MA MO LAS, DE'I SKABS ZHES BYA BA'I MTHAR THUG PA CAN NO, ,SOS LCE BTZIR TE YANG MI BYA'O ZHES BYA BA NI SOS LCE BTZIR TE MTSAL MA BRLAN DE LA SGRA TZID CES KYANG PHYOGS DER DOR BAR MI BYA'O, ,DE DANG DE'I SGRA GNAS BRTAN GYI BDUN DU MI BYA'O ZHES BYA BA LA, DE ZHES BYA BA NI MCHIL MA DOR BA'O, ,DE'I SGRA ZHES BYA BA NI MCHIL MA DOR BA DE'I SGRA'O, ,ZA BA'I DRUNG DU YANG MI BYA'O ZHES BYA BA NI DE DANG DE SGRA MI BYA'O, ,LHAG MA'I DRUNG DU YANG DANG YANG MI BYA'O ZHES BYA BA NI GNAS BRTAN DANG ZA BA'I LHAG MA DE'O, ,MI NUS NA GZHAN DU 'GRO BAR BYA'O ZHES BYA BA NI GAL TE MCHIL MA DOR BA DE MI NUS NA PHYOGS GZHAN DU 'GRO BAR BYA'O, ,GZHAN LA MI BDE BA MI BYA'O, ,SDUR SGRA CAN GYIS NYAL BAR MI BYA'O ZHES BYA BA NI LHAG MA RNAMS KYI MDUN DU YANG NYAL BAR MI BYA'O, ,DES SDUR SGRA SPANG BA'I PHYIR JI LTA ZHE NA, DE'I PHYIR DA BCAG PA 'AM GZHAN DU 'GRO BAR BYA'O, ,DE'I SNOD GLANG PO CHE'I RMIG MTHIL LTA BU 'AM BRTZEGS MA'O ZHES BYA BA LA, DE'I ZHES BYA BA NI MCHIL MA DE'O, ,DE MED NA PHYI MA SHOS SO, ,DE NYE BAR GZHAG PAR BYA'O ZHES BYA BA NI MCHIL MA'I SNOD DE'O, ,DER SO PHAG GI PHYE MA'AM THAL BA DAG GI GCAL BLUGS SO ZHES BYA BA NI MCHIL MA'I SNOD DER RO, ,DER SBRANG BU 'DU BA'I GNYEN PO GANG ZHE NA, DE'I PHYIR SBRANG BU BSKRAD PA GNYEN PO YIN NO ZHES BYA BA SMOS TE, SA 'AM LO MA LA SOGS PAS DGAB PAS SO, ,DRING BAR MI 'GYUR BA DANG, SROG CHAGS 'BYUNG BAR MI 'GYUR BAR BYA BA'I PHYIR DUS DUS SU BKRU BA DANG BSKAM PAR BYA BA'O ZHES BYA BA NI DRING BAR MI 'GYUR BA'I PHYIR DANG SROG CHAGS 'BYUNG BAR MI 'GYUR BA'I PHYIR RO, DE'I DUS KYI CHED DU GZHAN NYE BAR GZHAG GO ZHES BYA BA NI BKRU BA DANG BSKAM PA DE'I DUS KYI CHED DU MA'I SNOD 'THEB NYE BAR GZHAG PAR BYA'O, ,MI BREL BAR BYA BA'I PHYIR GTZUG LAG

173b

KHANG GI GRVA'I KA BA BZHI PO DAG GI NGOS SU YANG MCHIL MA'I SNOD DAG GZHAG PAR BYA'O ZHES BYA BA LA, BZHI PO DAG GI ZHES BYA BA NI GRVA'I KA BA BZHI PO DAG GI NGOS LA'O, ,RLUNG LAS SGRA DANG BCAS PAR MI BYA'O ZHES BYA BA LA, 'DI NI MA MO LAS GSUNGS PA YIN NO, ,DKON MCHOG DANG BLA MA'I MDUN DU MI GTONG NGO, , GZHAN GYI DRUNG DU YANG DANG YANG DU MI GTONG NGO, ,SHING LJON PA'I DRUNG DU BSHANG BA DANG GCI BA DAG MI BYA'O ZHES BYA BA NI MI BYA'O ZHES BYA BAR SBYAR RO, ,DGON PAR DE DAG GI SKABS MED PA NYID YIN NAM GTOGS SO ZHES BYA BA NI TSER MA CAN GYI YANG NGO ZHES BYA BA NI, SHING TSER MA CAN GYI DRUNG YANG MA GTOGS TE, DER SKYE BO DAG MI SDUG PA'I PHYIR RO, ,BSHANG BA'I SKYABS BYA'O, ,GAL TE GTZUG LAG KHANG DU NA NUB BAM BYANG GI PHYOGS SU'O ZHES BYA BA NI, SGO SHAR PHYOGS NYID DANG NGES PA LA SMOS PAR RNAM PAR GNAS PA YIN NO, ,'DIR NUB DANG BYANG ZHES BYA BA NI NYI MA SHAR NUB KYI 'GROS KYI PHYOGS LA LTOS PA NI MA YIN NO, ,PHYOGS SU'O ZHES BYA BA NI, DPUNG PA GCIG GAM GZHAN GYI MTSAMS LA MA YIN NO ZHES BYA BA'I DON TO, ,GSONG LDONG NGAM PHUG RDUGS SO ZHES BYA BA NI MI GTZANG BA'I LAS SHOD DAM KHANG STENG NYID DU BYA'O, ,'OG TU SHING TSER MA CAN DAG BSKYED PAR BYA'O, ,STENG DU BU GU'I NYEN KOR DU RKANG RTEN DAG GZHUG GO ZHES BYA BA NI, BU GA'I NYEN KOR DU RKANG PA GNYIS RTEN PA'I RKANG RTEN DAG GZHUG PAR BYA'O, ,RIL BA SPYI BLUGS GZHAG PAR BYA'O, ,SGO BSNOL MAR GDOD DO ZHES BYA BA NI GANG GI RNAM PA CHAB KHUNGS SA'I RA BA'I DE LTA BU'I SGO BYED PA BSNOL MA GDOD DO, ,SGO GLAGS GZHUG GO, ,YANG MIG DANG SGO GTAN DAG KYANG NGO, , ZHES BYA BA NI GZHUG PA'O, ,'JUG PAR 'DOD PAS SGRA BYA'O, ,DER ZHUGS PAS KYANG THOS NA'O ZHES BYA BA NI, CHAB KHUNGS DER SNGAR ZHUGS PA'I SGRA BYAS PA DE THOS NA MI 'BYUNG BA'O, ,GOS LEGS PAR BRDZES PAS SHES BZHIN DU 'DUG PAR BYA'O ZHES BYA BA NI MA MO LAS, DE'I DRUNG NA GNAS PAR MI BYA'O ZHES BYA BA'I MTHAR THUG PA'O, ,DKYIL DU 'DUG PAR BYA'O, ,RKANG RTEN GNYIS LA MI GOS PAR KHYAD KYIS BYA'O ZHES BYA BA NI BSHANG BAS ZHES BYA BAR DON GYIS KHONG DU CHUD PAR BYA'O, ,MI 'ONG NA BSDAD PAR MI BYA'O ZHES BYA BA NI BSHANG BA'I SHUGS PAR MI 'BYUNG NA MTHUS BTZIR BAR MI BYA'O, ,'ONG NA DGAG

174a

, ,PAR MI BYA'O ZHES BYA BA NI SHUGS 'BYUNG NA DE PHYIR DGAG PAR MI BYA'O, ,DE DANG 'BREL BA'I DON LAS GZHAN PAS DE'I DRUNG DU 'DUG PAR MI BYA'O ZHES BYA BA LA, DE DANG 'BREL BA'I ZHES BYA BA NI CHAB KHUNGS DE DANG 'BREL BA LAS SO, ,'DIR GZHUNG NI DGE SLONG GIS BSHANG BA'I SA'I NYEN KOR DU 'GRENG BAR MI BYA 'DUG PAR MI BYA, BCAG PAR MI BYA KHA TON MI BYA'O ZHES BYA BA LA SOGS PA GSUNGS PA YIN NO, ,RKANG PA BKRU BA DANG 'THOR 'THUNG BYA BA DAG TU YANG DE BZHIN NO ZHES BYA BA NI, DE DANG 'BREL BA'I DON LAS GZHAN BAS DE DAG GI DRUNG DU 'DUG PAR MI BYA'O, ,'DIR RKANG PA BKRU BA ZHES BYA BA NI RKANG KHRUS KYIS DANG GCI BA'I SKABS GNYIS KA BSTAN TO, ,'THOR 'THUNG ZHES BYA BA NI KHA GDONG BKRU BA DANG LAG PA BSNYAL BA'I SA BSTAN TO, ,DGE SGOS KYIS NYI MA RE RE ZHING BYI DOR BYA'O ZHES BYA BA NI, GANG ZHIG 'DIR SA DAG GI PHYOGS SBYANG BAR 'OS PA DAG SBYANG BAR BYA'O, ,SA DANG LO MA GZHAG PA YANG NGO ZHES BYA BA NI, DGE SKOS KYIS BYA'O ZHES BYA BA'I RJES SNYEGS BA'I PHYIR YANG NGO ZHES BYA BA'I SGRA SMOS SO, ,LO MA NI PHYI BAR BYA BA'I BONG RDOG LA SOGS PA'I DPE YIN NO, ,PHYOGS MA YIN BAR GCI BAR MI BYA'O ZHES BYA BA NI MA MO LAS KHUNG SKOR GZHUG GO ZHES BYA BA'I MTHAR THUG PA GSUNGS PA YIN NO; ,DU MAR MI BYA'O ZHES BYA BA NI PHYOGS DU MAR GCI BA MI BYA'O, ,RGYUN GYI KHUNG SGOR GZHUG GO, ,GCI BA RGYUN GYI ZHES BYA BA NI RGYUN NO, ,GCI BA'I SKYABS BYA'O, ,DE'I GLOR RO ZHES BYA BA NI 'CHAG KHANG DE ZHES BYA BA'I DON TO, ,PHUG RDUGS LA WA GZHUG PAR BYA'O ZHES BYA BA NI GCI BA'I ZHES BYA BA'I PHYIR RO, ,GZHAN NI 'DRA'O ZHES BYA BA NI 'OG TU SHING TSER MA DAG BSKYED DO ZHES BYA BA LA SOGS PA THAMS CAD BSHANG BA'I SKYABS DANG 'DRA BA'O, ,SA DANG LO MA GZHAG PA YANG NGO ZHES BYA BA NI 'DIR MI DGOS PA'I PHYIR BZLOG PAR BYA BA'O, ,'KHRU BA'I NAD CAN LA NI KHRI'U'I BU GU BYA'O ZHES BYA BAR SMOS NA, DE JI LTA BYA ZHE NA, DE'I PHYIR THAG MA BSHUGS BAS SO, ,MA BTUNG NA BCAD DO ZHES BYA BA NI, GAL TE BSHUG TU MI BTUB NA BU GU SGRUB PAR MI NUS NAS, DE'I TSE THAG MA DE GCAD PAR BYA'O, ,GAL TE NA NI THAN KOR DU LO MA'I CHANG BU DAG GZHUG GO ZHES BYA BA NI GAL TE BU GA'I THAN KOR DU ZHUGS SHING BSHANG BA BYA BA'I PHYIR 'DUG PA NA REG PAS

174b

BSHANG BA'I LAM GYI THAN KOR NA NI DE'I TSE LO MA'I CHANG BU DAG 'DIR GZHUG PAR BYA'O, ,SA SMAD PAR BSRUNG BAR BYA'O, ,DE'I PHYIR 'OG GZHIR GYO MO BYA'O ZHES BYA BA NI DE'I 'OG GZHIR GYO MO GZHUG PAR BYA'O ZHES BYA BAR SBYAR RO, ,HA CANG MI MTHO BA BZANG NGO ZHES BYA BA NI GYO MO'O, ,DRI NGA BAR MI 'GYUR BAR BYA BA'I PHYIR DUS SU BKRU BA DANG SKAM PA DANG YUNGS MAR GYIS BSKU BAR BYA'O, ,DE'I DUS KYI CHED DU GZHAN BSGRUB PO ZHES BYA BA NI BKRU BA DANG BSKAM PA DANG YUNGS MAR GYIS BSKU BA DE'I DUS KYI CHED DU GYO MO'I 'THAB GZHAN BSGRUB PAR BYA'O, ,MA 'BYOR NA ZHI NYID DU LO CHUM GZHAG PAR BYA'O ZHES BYA BA NI, GYO MO GZHAN MA 'BYOR NA DE NYID KYI STING DU LO CHUN GZHAG PAR BYA'O, ,DE'I STENG DU BSHANG BA BYA'O, ,DE NYID DANG LHAN CIG DOR BAR BYA ZHING DUS GZHAN GYI TSE NA YANG LO CHUN GZHAN GZHAG PAR BYA'O, ,GYO MO DE NYID BKRU BA LA SOGS PA'I DON 'GRUB PAR 'GYUR RO, ,BSHANG BA BYAS NAS DE BYED PA'I BSHANG BA'I LAM PHYI BAR BYA'O ZHES BYA BA LA, DE BYED PA'I ZHES BYA BA NI BSHANG BA DE BYED PA'I LAM MO, ,CI ZHIG GIS DE PHYI BAR BYA ZHE NA, DE'I PHYIR RNON PO DANG RTZVA'I CHANG BU MA YIN PAS SO ZHES BYA BA SMOS SO, ,'O NA CI BZANG ZHE NA, DE'I PHYIR 'DI LA RAS MA DANG LO CHUN DANG LO MA'I CHANG BU DANG, SHING DANG BONG RDOG DAG BZANG BA NYID DO ZHES BYA BA SMOS TE, 'DI LA ZHES BYA BA NI BKRU BAR BYA BA LA'O, ,SA GNYIS KYIS BKRU BAR BYA'O ZHES BYA BA NI BSHANG BA'I LAM ZHES BYA BAR SBYAR RO, ,SNGAR GZHAG PA'I SA MA 'DRES PA DAG GIS PHYIS BKRU BAR BYA'O ZHES BYA BA LA, SNGAR ZHES BYA BA NI BSHANG BA BYAS PA LAS DANG PO NYID DU 'KHRU BA ZHES BYA'O, , 'THOR 'THUNG GI RKANG RTEN DAG ZER MA DAG GIS MI NYAMS PA NYID DU KHAD KYIS DAL BU DAL BUS SO ZHES BYA BA DE NI MA MO LAS SO, ,BDUN PA DAG GIS G-YON BA'O ZHES BYA BA NI, LAG PA G-YON BA BKRU BA'O, ,BDUN GYIS NI GNYIS KA'O ZHES BYA BA NI LAG PA GNYIS KA BKRU BAR BYA'O, ,LAG DAR GNYIS KYANG BKRU BAR BYA'O ZHES BYA BA NI LAG PA GNYIS BKRU PA DE'I RJES LA'O, ,YANG LAG PA GNYIS SO, ,GZHAN GYIS RIL BA SPYI BLUGS SO ZHES BYA BA LA, ,GZHAN GYIS ZHES BYA BA NI SAS SO, RKANG BA GNYIS BKRU BA'O, ,LTO 'DZAG PAS NI MDUN DAG TU PHYI BA TZAM BYAS TE 'DUG PA LA NYES PA MED DO

175a

, ,ZHES BYA BA LA, THA MA'I MDUN DU ZHES BYA BA 'DZAD BA'I THA MA LAS MDUN ROL DU BYA'O, ,DE LAS GZHAN BAS NI CHU YOD NA 'THOR 'THUNG MA BYAS PAR YANG 'DUG PAR MI BYA'O ZHES BYA BA LA, DE LAS ZHES BYA BA NI LTOS 'DZAG PA LAS SO, ,'THOR 'THUNG MA BYAS PAS ZHES BYA BA NI KHRUNG MA BYAS PAS TE DE NI MA MO LAS SO, ,SMAN GYI GZHI PHRAN TSEGS LA SOGS PA'I SKABS SO, ,SMAN GYI GZHI RDZOGS SO,, ,,CHO GA LAS 'DAS NA LAS MI 'CHAGS SO ZHES BYA BA NI CHO GA GANG DAG LAS GANG ZHIG BYED PA CHO GA LAS 'DAS NA GZHAN DU NA DE MI BYED PA LA PHYI ROL GYI DE 'BAD PA TZAM DE'I CHOS 'DUL BAR GTOGS PA'I LAS BYAS PAR MI 'GYUR ZHES BYA BA'I DON TO, ,'DIR CHO GA NI DGE 'DUN TSANG BA DANG LAS BRJOD PA DANG LAS BYED PA NYID DO ZHES BYA BA NI CHO GA'I RNAM PA BSTAN TO, ,DGE 'DUN LHAG MA'I LTUNG BA DBYUNG BA LA NI DGE SLONG NYI SHU LA SOGS PA'O, ,YUL DBUS SU BSNYEN PAR RDZOGS PA LA NI BCU LA SOGS PA'O, ,MTHA' 'KHOB TU NI GZHAN MED NA 'DUL BA 'DZIN PA DANG LNGA LA SOGS PA'O, ,DGE SLONG MA DGE 'DUN LHAG MA LAS DBYUNG BA LA NI MTSAMS KYI DGE 'DUN GNYIS KA TSOGS PA'O, ,DGE SLONG MA'I SDOM PA SBYIN PA DANG, TSANGS PAR SPYOD PA LA SDOM PA SBYIN BA DANG, 'KHOR NYE BAR GNAS PA'I SDOM PA SBYIN BA DANG, 'KHOR NYE BAR 'JOG PA DANG, 'KHOR MANG PO NYE BAR 'JOG PA'I GNANG BA SBYIN BA LA NI YUL DBUS SU DGE DGE SLONG MA BCU GNYIS LA SOGS PA'O, ,BSNYEN BAR RDZOGS PA LA NI DGE SLONG BCU DANG DGE SLONG MA BCU GNYIS LA SOGS PA'O, ,LAS GZHAN THAMS CAD LA NI BZHI LA SOGS PA'O ZHES GSUNGS PA'I GRANGS DE BZHIN TSANG BA'O, ,LAS BRJOD PA ZHES BYA BA NI GSOL BA 'BA' ZHIG GI LAS DANG GSOL BA DANG, GNYIS KYI LAS DANG, GSOL BA DANG BZHI'I LAS BRJOD PA DAG LAS GANG LA GANG BYA BAR GSUNGS PA DE LAS MA CHAD PA STE, LHAG MA LA NI NYES PA MED DO, ,LAS BYED PA ZHES BYA BA NI BSNYEN PAR RDZOGS PA'I LAS BYAS PA LA SOGS PA'O, ,LAS NI GSOL BA DANG BRJOD PA DANG SO SOR THAR PA 'DON PA DANG, DAG GANG BYE'O ZHES BYA BA NI LAS BRJOD PA'O, ,SO SOR THAR PA 'DON PA ZHES BYA BA NI GSO SBYONG NGO, ,DGAG DBYE ZHES BYA BA NI LAS BRJOD PA ZHES BYA BA'I DON TO, ,THOS PAR BYA

175b

BA MA YIN PAS THOS PA NI MI 'CHAGS PAR MI 'GYUR RO ZHES BYA BA NI, GANG ZHIG DE MA YIN PA LA SOGS PA'I DBANG DU BYA STE, SMOS PA DE NI DAG GIS DE THOS PAR BYA BA MA YIN PAS DE 'DA' BAR BYED PA LA LTUNG BA TZAM DU 'GYUR GYI MI 'CHAGS PAR MI 'GYUR RO, ,DE LTAR YANG KUN DGA' BO KHYOD KYIS RGYAL PO GSO SBYONG GI PHYIR, SO SOR THAR PA 'DON PA NYAN DU MA BCUG PA NYES BYAS SO ZHES GSUNGS PA YIN NO, ,MI 'CHAGS PA MI BYA'O ZHES BYA BA NI LAS GANG 'DI LA 'CHAGS PA MED PA DE NI MI 'CHAGS PA STE LAS DE MI BYA'O, ,GANG ZHIG CHOS MA YIN PA'I LAS RNAMS LA DES NI DGE 'DUN LA YANG 'GAL TSABS CAN DU 'GYUR RO ZHES BYA BA 'DOD PA BAS NA MDO 'DI'O, ,DA NI CHO GA LAS 'DAS NA LAS MI 'CHAGS SO ZHES SMRAS PA GANG YIN PA 'DI BRJOD PAR BYA STE, CHOS MA YIN PAS MI BYA'O ZHES BYA BA LA, CHOS MA YIN PA ZHES BYA BA NI GLENG BAR MA BYAS DRAN BAR MA BYAS PAR MTHUS MNGON SUM DU MA GYUR BA NI CHOS MA YIN PAR RIG PAR BYA'O, ,MA ZHI BA'I GZHI LA BRTEN NAS SKUL BA BOS DAM BCAS PA LA MNGON SUM DU RTOG PAR BYED DE, SMON LAM GYI LAS BYED PA LA SOGS PA LAS KYI GZHI LAS GZHAN PA LA GSUNGS PA'I CHO GA DE BSDUS BA'I MDO 'DI'O, ,MI MTHUN BA DAG MI BYA'O ZHES BYA BA NI LAS RNAMS MI BYA'O; ,TSOGS KYI MI BYA'O ZHES BYA BA NI LAS RNAMS MI BYA'O, ,BZHI LA SOGS PA'I LAS DAG BYED NA DGE 'DUN GYI DBYEN NYID DU 'GYUR BA'I PHYIR RO, ,DE LTA BAS NA 'DI SUN PHYUNG BA'O, ,DGE 'DUN DU MA GYUR PA DAG GIS MI BYA'O ZHES BYA BA NI LAS MI BYA'O ZHES BYA BAR SBYOR RO, ,LAS GANG LA DU DAG DGE 'DUN NYID YIN ZHE NA, DE'I PHYIR DBYUNG BA LA NI NYI SHU LA SOGS PA NYID DGE 'DUN YIN NO, ,BSNYEN PAR RDZOGS PA LA NI BCU LA SOGS PA'O, ,MTHA' 'KHOB DAG TU MED NA NI 'DUL BA 'DZIN BA DANG LNGA LA SOGS PA'O ZHES BYA BA NI DGE 'DUN BCU LA SOGS PA MA RNYED PA LA CHO GA 'DI'O ZHES BYA BA NI BSGRUB PA NI DNGOS GZHI'I CHO GA LA BRTEN PA NYID RIGS PA DANG MTHUN PA'O, ,DGE SLONG MA RNAMS LA YANG CHO GA 'DI YIN TE, DE RNAMS LA NI YUL MTHA' 'KHOB TU 'DUL BA 'DZIN PAR GTOGS PA'I DRUG LA SOGS PA'I TSOGS LA BCU GNYIS KYI TSOGS MA RNYED NA SHES PAR BYA BA NYID DO, ,LHAG MA LA NI BZHI LA SOGS

176a

, ,PA'O ZHES BYA BA NI DBYUNG BA DANG BSNYEN PAR RDZOGS PAR BYA BA'I LAS MA GTOGS PA DE DAG GI LHAG MA'I LAS LA NI DGE SLONG BZHI LA SOGS PA DGE 'DUN NYID DO, ,DGE SLONG MA RNAMS KYI LAS NI THA DAD PA NYID DO ZHES BYA BA NI DE LTAR YANG DGE SLONG RNAMS KYI LAS DAG KYANG THA DAD LA DGE SLONG MA RNAMS KYI LAS KYANG THA DAD DO ZHES BYA BA DE'I BSDU BA 'DI'O, ,DGAG DBYE NI DGE SLONG GI DGE 'DUN LA YANG NGO ZHES BYA BA NI DGE SLONG MA'I DGE 'DUN 'BA' ZHIG TU MA ZAD KYI, GNYIS KA'I DGE 'DUN TSOGS PA DGE SLONG DGAG DBYE BYED PA PO MDUN DU GNAS PA LA DGAG DBYE BYED PAS DE RNAMS KYI DGAG DBYE ZHES BYA BA RNAM PAR GZHAG PA'O, ,GSO SBYONG NI DE DANG MTHUN PAR 'GRUB PA RNAMS KYIS SO ZHES BYA BA LA, DE DANG ZHES BYA BA NI DGE SLONG GI DGE 'DUN DE DANG STE, DGE SLONG MA RNAMS KYI GSO SBYONG THA DAD PA YIN MOD KYI GAL TE DGE SLONG GI DGE 'DUN DANG MTHUN BAR GYUR PA RNAMS KYI 'GRUB KYI MA GYUR PA RNAMS KYI NI MI 'GRUB BO ZHES BYA BA'I DON TO, ,DGE SLONG MA RNAMS KYIS NI GSO SBYONG THA DAD PA BYA'O, ,DGE SLONG MA RNAMS KYIS KYANG THA DAD PA DGE SLONG MA 'DUN BA DANG GSO SBYONG 'BUL BA DAG GIS DBYUNG BAR BYA ZHES BYA BA DE TZAM ZHIG 'DIR GSUNGS SO, ,'DUN PA DANG GSO SBYONG 'BUL BA DAG GIS DBYUNG BAR BYA ZHES BYA BA TSIG DE LAS SHES PAR GYUR PA'I DON LA MDO DE BYAS PA STE, GANG GI PHYIR TSOGS PA MI MTHUN PA LAS GZHAN 'DUN PA 'BUL BA LAS DGOS PA MED DE GSO SBYONG GI LAS 'DIR GSO SBYONG GIS GSUNGS PA, GSO SBYONG 'BUL BA LA YANG TSOGS PA DE NYID MI MTHUN PA'I BDAG NYID CAN GYI DGOS PA ZHES BYA BAR SHES BAR BYA'O, ,JI LTAR DE DAG GIS DGE SLONG GI DGE 'DUN DANG GSO SBYONG MTHUN BAR BYA ZHE NA, DE'I PHYIR 'DUN PA DANG GSO SBYONG 'BUL BAS DE BSGRUB PAR BYA'O ZHES BYA BA SMOS TE, 'BUL BA ZHES BYA BA NI STOBS PAS SO, ,'DUN BA DANG GSO SBYONG DGE SLONG MA'I DGE 'DUN GYI 'DUN BA DANG, GSO SBYONG DGE SLONG GI DGE 'DUN LA DBUL BAR BYA BA NI KUN NAS THOB PAR BYA STE, DE LTAR NA DE'I TSOGS LA MTHUN BA 'GRUB PAR 'GYUR RO, ,'DI LA GNYIS KYIS BYA'O ZHES BYA BA LA, 'DI LA ZHES BYA BA NI 'DUN BA DANG GSO SBYONG 'BUL BA 'DI LA'O, ,GNYIS KYIS ZHES BYA BA NI, DGE SLONG MA GNYIS KYIS

176b

BSTABS PAR BYA'O ZHES BYA BA'I DON TO, ,DE GNYIS NUS PA NYID KYIS SO ZHES BYA BA NI 'DUN PA DANG GSO SBYONG 'BUL BAR BYED PA DAG LA'O, ,MED NA GCIG GO ZHES BYA BA NI DGE SLONG MA GNYIS KAS NUS PA NYID MED NA NI GCIG GIS NUS PA NYID LA NI 'BUL BAR BRTEN PAR BYA BA KHO NA YIN NO ZHES BYA BA'I DON TO, , DGE SLONG GIS DGE 'DUN GYI LEN PA'I DGE SLONG BSKO BAR BYA'O ZHES BYA BA NI GANG GI PHYIR 'DUN PA DANG GSO SBYONG DAG LEN PAR BYED PA DE BSGO BAR BYA'O, ,DES SGO KHANG DU BSDAD PAR BYA'O ZHES BYA BA LA, DE ZHES BYA BA NI LEN PAR BSKOS PA'I DGE SLONG DES SO, ,'BROS PA SHAD KYIS SBYANG NGO ZHES BYA BA NI LEN PAR BSKOS PA'I DGE SLONG DE 'JIGS PA DANG BCAS PA'I PHYIR 'BROS PAR BYED NA DE LA DGE SLONG MA DE GNYIS KYIS SHAD KYIS SBYANG BAR BYA'O, ,DES KYANG DE BZHIN NO ZHES BYA BA NI DGE SLONG MA DE GNYIS 'BROS NAS DGE SLONG DES KYANG DE BZHIN DU SHAD KYIS SBYANG BAR BYA'O, ,'BROS PAR MI BYA'O ZHES BYA BA NI DGE SLONG DE DANG 'DUN BA DANG GSO SBYONG 'BUL BA'I DGE SLONG MA DE GNYIS KYIS 'BROS PAR MI BYA'O, ,MI SHES NA MING RUS DRI'I ZHES BYA BA NI LEN PAR BYED PA'I DGE SLONG DE MI SHES NA 'BUL BAR BYED PA'I DGE SLONG MA DE GNYIS KYIS DE'I MING RUS DRI BAR BYA'O, ,MGU BA DANG DBYUNG BA NI GNYIS KA TSOGS PA LA'O ZHES BYA BA NI DGE SLONG MA GNYIS KYIS MGU BAR BYA BA DANG DBYUNG BA NI DGE SLONG MA'I DGE 'DUN 'BA' ZHIG LA BYA BAR MA ZAD KYI, GNYIS KA'I DGE 'DUN TSOGS PA DUS GCIG TU GNAS GCIG NA 'KHOD PA DAG LA BYA'O, ,BSNYEN PAR RDZOGS PAR BYAS PA YANG NGO ZHES BYA BA NI DE YANG GNYIS KA'I DGE 'DUN TSOGS PA LA BYA'O, ,'DI LA DE DAG GI TSOGS NI BCU GNYIS SO ZHES BYA BA NI DGE SLONG MA BSNYEN PAR RDZOGS PAR BYA BA 'DI LA DGE SLONG MA DE DAG GI TSOGS BCU GNYIS YAN CHAD DO, ,SNGON ROL GYI SDOM PA GNYIS DANG, 'KHOR DANG 'KHOR MANG PO NYE BAR GZHAG PA'I GNANG BA SBYIN BA DANG BCAS PA'I DGE 'DUN GYI MTHA'O ZHES BYA BA NI DE NI DGE SLONG MA BSNYEN PAR RDZOGS PA'I SNGON ROL GYI SDOM PA GNYIS PO BSLAB PA'I SDOM PA DANG, TSANGS PAR SPYOD PA LA NYE BAR GNAS PA'I SDOM PA SBYIN PA'O, ,YANG 'KHOR NYE BAR 'JOG PA'I GNANG BA DANG LHAN CIG TU 'KHOR MANG PO NYE BAR 'JOG PA'I GNANG BA DANG LHAN CIG TU DES 'DIR

177a

, ,BSNYEN PAR RDZOGS PA DANG BCAS PA'I DGE SLONG MA'I GRANGS KYI MTHA' YIN NO, ,'DI YANG SDOM PA BZHI PO SBYIN PA LA DE RNAMS LA TSOGS BCU GNYIS YAN CHAD KHO NAS SO ZHES BYA BA'I DON TO, ,LHAG MA DAG GI TSOGS NI BZHI'O ZHES BYA BA NI DGE SLONG MA'I LAS LNGA PO JI SKAD BSTAN PA DE DAG GI LHAG MA DGE SLONG MA'I DGE 'DUN GYI LAS GZHAN THAMS CAD LA NI DGE SLONG MA BZHI'I TSOGS YAN CHAD KYIS LAS BYAR RUNG NGO, ,DE LTAR YANG 'DIR GZHUNG NI, DGE SLONG MA RNAMS KYI TSOGS BZHIS LAS DAG BYA'O ZHES BYA BA LA SOGS PA YIN NO, ,LAS BYED PA POS MA NUS NA DES DGE SLONG GIS BYAS PA'I TSIG NGES PAR BRTAGS NA RUNG NGO ZHES BYA BA NI DGE SLONG MA LAS BYED PA LAS BYED MI NUS NA DES DGE SLONG GIS LAS BYED PA'I TSIG NGES PAR BRTAGS SHING THOS NA DES LAS BYAS PA NYID DU RUNG BAR 'GYUR RO ZHES BYA BA'I DON TO, ,JI TZAM YAN CHAD CE NA, DE'I PHYIR 'DI LTAR CANG MI GSUNG BAS ZHES BYA BA'I GONG YAN CHAD DO ZHES BYA BA SMOS TE, DGE SLONG 'PHAGS MA RNAMS KYIS BZOD CING GNANG NAS ZHES BYA BA DE NAS JI SRID DU 'DI LTAR CANG MI GSUNG BAS DE DE BZHIN DU 'DZIN TO ZHES BYA BA'I BAR DU DGE SLONG MA LAS BYED PA NYID KYIS NGES PA KHO NAR BRJOD PAR BYA DGOS SO, ,'DIR GZHUNG NI, MGU BA DANG DBYUNG BAR GTOGS PA'I DGE SLONG MA'I SO SOR THAR PA DANG, DE'I RNAM PAR 'BYED BA LAS 'KHOR NYE BAR 'JOG PA DANG, 'KHOR MANG PO NYE BAR 'JOG PA'I GNANG BA SBYIN PA DANG, DGE SLONG MA'I RNAM PAR 'BYED PA LAS, SO SO'I DGE 'DUN GYI TSAD GZHAN DU DE THA MA'O ZHES GSUNGS PA DANG, 'DIR PHRAN TSEGS LAS TSIG NGES PAR BTAGS NA ZHES BYA BA LA SOGS PA GSUNGS SO, ,DGE SLONG MA'I RNAM PAR 'BYED PA LAS, BSLAB PA'I SDOM PA SBYIN PA DANG SO SO'I DGE 'DUN GYI GRANGS KYANG GSUNGS SO, ,DGAG DBYER GTOGS PA'I DGAG DBYE'I GZHI NI DGE SLONG MA'I SO SOR THAR PA DANG, DE'I RNAM PAR 'BYED PA DAG LAS KYANG NGO, ,GSO SBYONG DU GTOGS PA'I DGE SLONG MA'I SO SOR THAR PA DANG, DE'I RNAM PAR 'BYED PA DAG LAS KYANG NGO, ,MI SDUG PAR 'GRENG BA NI KHA SKONG BA NYID MA YIN NO ZHES BYA BA LA, MI SDUG BAR 'GRED BA GANG YIN PA DE NI DGE 'DUN KHA SKONG BAR BYED PA PO MA YIN PA ZHES BYA BA'I DON TO, ,

177b

GANG LA LAS BYA BA YANG MA YIN NO ZHES BYA BA NI, DE NYID KYANG KHANG SKONG BA NYID MA YIN NO, ,DE'I PHYIR 'DUN PA DANG YONGS SU DAG PA'I CHO GA LAS MA YIN PA NYID DO ZHES BYA BA NI, GANG ZHIG 'DUN PA DANG YONGS SU DAG PAR GTOGS PA 'BUL BAR BYED PA DANG, BRJOD PA'I CHO GA TSOGS PA MI MTHUN PA'I DON DU RJES SU GNANG BA DE'I DBANG GIS KHA SKONG BA NYID DU MA YIN NO, ,DE 'BUL BA PO LAS SKYES PAR MI 'GYUR BA DE LTA BAS NA, GSUM GYIS 'DUN BA DANG YONGS SU DAG PA DAG BLANGS NAS GSO SBYONG DANG DGAG DBYE DAG MI BYA STE, LAS KYI 'DUN PA GZHAN MA BLANGS PAR ZHES BYA BA'I DON TO, ,DE GNYIS DBUL BAR BYA BA DAG MA YIN NO ZHES BYA BA NI KHA SKONG BA LA 'DUN BA YONGS SU DAG PA DE GNYIS 'OS PA NYID MA YIN TE, DGE 'DUN GYI KHA SKONG BAR BYED PA POS 'DUN BA DANG YONGS SU DAG PA GNYIS DBUL BAR BYA BA NYID MA YIN NO ZHES BYA BA'I DON TO, ,DGAG DBYE BYED PA NYID DU MI BSKO'O ZHES BYA BA NI KHA SKONG BAR BYED PA ZHES BYA BAR SBYAR RO, ,BSNYEN PAR MA RDZOGS PA DANG NYAMS PA DANG MTSAMS MED PA BYAS PA DANG, SDIG PA'I LTA BA CAN DANG SA GZHAN NA GNAS PA DANG, THA DAD PAR GNAS PA RNAMS MA YIN NO ZHES BYA BA NI DE DAG KYANG KHA SKONG BA NYID MA YIN NO ZHES BYA BA'I DBANG DU BYAS PA'O, ,DE LA NYAMS PA ZHES BYA BA NI PHAM PA'O, ,'DI LA BSNYEN PAR MA RDZOGS PA ZHES BYA BA SMOS SO, ,NYAMS PA ZHES BYA BA SMOS PA YANG MTSAMS MED PA BYAS PA'I TSIG GO, ,GANG GI PHYIR MA NYAMS PAR 'GYUR LA MTSAMS MED PA BYAS PA POR YANG 'GYUR BA DE NI 'DI LTA STE, DE BZHIN GSHEGS PA'I DRUNG DU NGAN SEMS KYIS KHRAG 'BYIN BA DANG, DGE 'DUN GYI DBYEN NO, ,LTA BA'I RNAM PA DRUG CU RTZA GNYIS PO DAG LAS GANG YANG RUNG BA LTA BA MA YIN PAR GTOGS PA DE NI SDIG PA'I LTA BA CAN NO, ,'DIS NI THAMS CAD LTA BA MTHUN BA TSUL KHRIMS YONGS SU DAG PA 'DUS PA 'KHOD PA DAG GIS GSO SBYONG DANG, DGAG DBYE DANG GSOL BA DANG, GNYIS DANG GSOL BA DANG BZHI'I LAS BYA'O ZHES GSUNGS PA DE BSDUS PA YIN NO, ,SA GZHAN NA GNAS PA ZHES BYA BA NI SPO BA LA SOGS PA CHAD PA NI LAS BYED PA'O, ,'DIS NI BZHI'I TSOGS KYIS LAS BYAS TE, SPO BA BYED PA DANG LAS BZHIS BYED PA CHOS MA YIN PAS LAS BYED PA YIN NO, ,

178a

, ,GZHI NAS SPO BA BYED PA DANG, MGU BA SPYOD PA DANG GZHI NAS MGU BA SPYOD PA SPANGS PA DANG BZHIS BYED NA CHOS MA YIN BA BYED PA YIN NA ZHES BSDUS BA YIN NO, ,'DIR CHOS MA YIN PA'I LAS BYED PA DPE TZAM YIN TE, SPO BA BYED PA RNAMS LA SPANGS PA'I TSIG TU RNAM PAR GNAS PA YIN NO; ,SPO BA BYED PA LA SOGS PA SMOS PA NI BSLAB PA BYIN PA YANG BZUNG BAR GRUB STE, BSLAB PA BYIN PA NI CHOS DMAN PA YIN PA'I PHYIR RO, ,THA DAD PAR GNAS PA ZHES SMOS PA NI 'DIR CHOS DANG MTHUN PA'I PHYOGS KHAS BLANGS PA YIN PAR SHES PAR BYA STE, CHOS MA YIN PA'I PHYOGS DANG MTHUN PAR KHAS BLANGS PA'I THA DAD PAR GNAS PA NI KHONGS SU BSDU BA BSGRUB PA'I DON DU CHOS MA YIN BA'I PHYOGS DANG MTHUN BAR KHAS BLANGS PA'I THA DAD PAR GNAS PA NI SDIG PA'I LTA BA CAN ZHES SMOS PA NYID KYIS BSDUS PA'I PHYIR RO, ,'KHRUL PA DANG BCAS PA YANG NGO ZHES BYA BA YANG, KHA SKONG BA NYID MA YIN NO ZHES BYA BA NI RJES SNYEGS PA'I PHYIR YANG NGO ZHES BYA BA'I SGRAS SMOS TE, THAMS CAD TSUL KHRIMS YONGS SU DAG PA ZHES GSUNGS BAS DE'I PHYIR MDO 'DI BYAS SO, ,'DI TSUL KHRIMS YONGS SU DAG PA NI LTUNG BA THAMS CAD YONGS SU DAG PAS YONGS SU DAG PA YIN GYI PHAM PAR 'GYUR BA NYID TZAM GYIS NI MA YIN NO, ,RANG BZHIN DU GNAS PA MA YIN PA DE NYID KYIS KHA SKONG BAR 'OS PA NYID MA YIN NO, ,'DIR GZHUNG NI SIL BU DAG LAS, BTZUN BA, JI TZAM GYIS RANG BZHIN DU GNAS PA MA LAGS PAR 'GYUR, NYE BA 'KHOR JI TZAM GYIS LHAG PAR SPYAD PA MA YIN PA LHAG PAR SPYOD CING DGE SLONG GI BSLAB PA LA MI BSLAB PA STE, NYE BA 'KHOR DE TZAM GYIS RANG BZHIN DU GNAS PA MA YIN PAR 'GYUR RO ZHES GSUNGS PA YIN NO, ,'DIS NI GANG YANG RUNG BAS 'KHRUL PAR GYUR CING DGE SLONG GI RANG BZHIN LAS NYAMS PAR 'GYUR BA NYID CES BYA BA'O, ,DE NYID KYIS RANG BZHIN DU GNAS PA YIN PA DE BSTAN TO, , RANG BZHIN DU GNAS PA MA YIN PA DE NYID KYIS NI PHYIR ZLOG PAR 'OS PA NYID MA YIN PAR GSUNGS TE, DE LTAR YANG 'DIR GZHUNG NI, BTZUN BA, GANG ZAG DU DAG GIS SLAR BZLOG PA MI CHAGS, NYE BA 'KHOR BCU GNYIS TE, BYIS PA DANG RMONGS PA MI GSAL BA DANG, MI MKHAS PA DANG NGO TSA MED PA DANG,

178b

NAD DANG BCAS PA DANG, MTSAMS KYI PHYI ROL NA GNAS PA DANG, GNAS NAS PHYUNG BA DANG TSIG YANG DAG PAR MA BSDAMS PA DANG, SPYOD LAM LAS NYAMS PA DANG, RANG BZHIN DU GNAS PA MA YIN PA DANG, BSLAB PA BYIN PAS SO ZHES GSUNGS PA YIN NO, ,'DIR DGE SLONG NYAMS PA LA RANG BZHIN DU GNAS PA MA YIN PA DE'I DON TO, ,SU ZHIG 'KHRUL PA MA YIN PA LA NI DGE SLONG GI RANG BZHIN DU GYUR PA NYID MA YIN NO, ,GANG GIS 'KHRUL PA DANG BCAS PA YIN ZHE NA, DE'I PHYIR BSDAMS PAR BYAS PAS KYANG YIN GYI BSHAGS PAR BYA BA 'BA' ZHIG GIS YIN PAR MA ZAD DO ZHES BYA BA SMOS TE, 'DIR GZHUNG NI DGAG DBYE'I GZHI LAS, GAL TE DES BSDAM PAR BYA BA RNAMS ZHE NA BSDAM PAR BYA STE, DGAG DBYE BYA'O ZHES GSUNGS PA YIN TE, DENG DANG POR BYA STE, DE NYID KYI MTHAR GZHUNG NI RANG BZHIN BYED PA DANG, RNAM PA DU MAS ZHES GSUNGS PA YIN NO, ,RANG BZHIN DU GNAS TE SEMS PA LA 'DUG PAR BYA'O ZHES BYA BA 'DI LA GZHAN PHAM BA BYED PA RNAMS BSTAN PA'I PHYIR 'KHRUL PA DANG BCAS PA ZHES BYA'O, ,'DIR 'KHRUL PA YO BYAD 'DI BYED BZHIN LA 'KHRUL PA MA YIN PA LTAR BLTA BAR BYA BA NYID CES BYA BA DE LA BRJOD PAR BYA STE, BYIN GYIS BRLABS PAS DAG PA NYID DU 'GYUR RO ZHES BYA BA SMOS TE, DGE 'DUN LHAG MA DANG SPANG PA'I LTUNG BYED NI BYIN GYIS BRLABS TE 'DUG PAR BYA'O, ,LHAG MA BSDAM PAR BYA BA LEN PAR BYED NA BYIN GYIS BRLABS PA BSKO BA 'DI LA KHA SKOR BA MA YIN PA NYID CES BYA BA DE MTHUN PA NYID DO, ,NUS PA NYID YIN NA MI 'GYUR RO ZHES BYA BA NI 'CHAGS NUS PA NYID YIN NA, BYIN GYIS BRLABS PAS DAG PA NYID DU MI 'GYUR BA'O, ,GANG GI PHYIR 'DI SKAD BSTAN TE, GAL TE PHAM PAR 'GYUR BA DAG SHES NA BSNYIL TE DGAG DBYE BYA'O, ,GAL TE DGE 'DUN LHAG MA DAG SHES NA BYIN GYIS BRLABS TE DGAG DBYE BYA'O, ,GAL TE SPONG BA SHES NA BYIN GYIS BRLABS TE DGAG DBYE BYA'O, ,GAL TE LTUNG BYED DE DAG SHES NA BSHAGS TE DGAG DBYE BYA'O, ,GAL TE SO SOR BSHAGS PAR BYA BA DAG SHES NA SO SOR BSHAGS TE DGAG DBYE BYA'O, ,GAL TE BSHAGS PAR BYA BA'I NYES BYAS DAG SHES NA BSHAGS TE DGAG DBYE BYA'O, ,GAL TE BSDAMS PAR BYA BA'I NYES

179a

, ,BYAS DAG SHES NA BSDAMS TE DGAG DBYE BYA'O ZHES GSUNGS PA YIN NO, ,GANG ZHIG SKABS 'DIR LHUNG BZED LA SOGS PA RNAMS KYI TSIG 'DIS BYAS PAR 'GYUR BAR NUS PA NYID YIN NA BYIN GYIS BRLABS PAS DAG PA 'GRUB BA NYID DU MI 'GYUR RO ZHES BSTAN PA YIN NO, , YANG NUS PA NYID GANG ZHE NA, DE'I PHYIR, DE'I TSE LEN PA YOD NA LTUNG BYED 'BA' ZHIG TU GYUR PA DANG, SO SOR BSHAGS PAR BYA BA DANG PHYIR BCOS PAR BYA BA'I NYES BYAS NI NUS PA NYID YIN TE BSHAGS PA TZAM YIN BA'I PHYIR RO ZHES BYA BA SMOS TE, DE'I TSE LEN PA YOD NA ZHES BYA BA NI NYI MA DE NYID LA LAS BYED PA DE'I TSE PHYIR BCOS PAR NUS PA NYID DO, ,GANG DAG BSHAGS PA LA LEN PA GANG GI PHYIR DE RNAMS LA DE'I MDUN DU BSHAGS PA TZAM GYIS PHYIR BCOS PA DAG YIN BA'I PHYIR RO, ,LTUNG BA CHUNG BA LA NI 'DU SHES JI LTA BA BZHIN DU BSGRUB PAR BYA'O ZHES BYA BA NI LHAG MA DANG BCAS PAR 'DU SHES PA RNAMS KYIS NI BYIN GYIS BRLAB TU GZHUG PA'AM, PHYIR BCOS PA BYED DU BCUG NAS DE DANG LHAN CIG LAS BYA'O, ,LHAG MA MED PAR 'DU SHES PA RNAMS KYIS NI DE MED PAR LAS BYA'O, ,GCIG LA DE LTAR BSNYIL BA DANG, MI BSNYIL BA DANG PHYIR BCOS PA RNAM PA DU MA NI RIGS PA KHO NA'O ZHES BYA BA NI, LHAG MA MED PAR 'DU SHES PA RNAMS KYIS NI DE BSNYIL BAR BYA'O, ,LHAG MA DANG BCAS PAR 'DU SHES PA RNAMS KYIS NI BSDU BAR BYA'O, ,BSHAGS PAR BYA BA 'DU SHES PA RNAMS KYIS NI, BSHAGS PA'I BDAG NYID KYI PHYIR BCOS PAR BYED DU GZHUG GO, ,BSDAM PAR BYA BAR 'DU SHES PA RNAMS KYIS NI BSDAMS PA'I BDAG NYID KYIS ZHES BYA BA LA SOGS PA GCIG LA MI RIGS PAR 'GYUR BA ZHES BYA BA'I DON TO, ,DE DAG NI BYED PA PO NYID MA YIN NO ZHES BYA BA NI BSNYEN PAR MA RDZOGS PA LA SOGS PA RNAMS LAS KYI BYED PA PO MA YIN NO, ,'DIR GZHUNG NI GLENG GZHI DAG LAS, BTZUN BA, BSLAB PA BRTZAL BAS LAS DAG BGYIS NA BGYIS ZHES BRJOD PAR BGYI 'AM 'ON TE MA BGYIS ZHES BRJOD PAR BGYI, NYE BA 'KHOR MA BYAS ZHES BRJOD PAR BYA STE, YANG BYA BA DAG YIN NO, ,BTZUN BA ZA MA DANG MA NING DANG DGE SLONG MA SUN PHYUNG BA DANG, MA BKUM PA DANG

179b

PHA BKUM PA DANG DGRA BCOM PA BKUM PA DANG, DGE 'DUN GYI DBYEN BGYIS PA DANG, DE BZHIN GSHEGS PA LA NGAN SEMS KYIS KHRAG PHYUNG BA DANG, MU STEGS CAN DANG MU STEGS CAN ZHUGS PA DANG, RKU THABS SU GNAS PA DANG THA DAD PAR GNAS PA DANG NGAS PAR MI BGYI BAS LAS DAG BGYIS NA BGYIS ZHES BGYI'AM, 'ON TE MA BGYIS ZHES BRJOD PAR BGYIS, NYE BA 'KHOR MA BYAS ZHES BRJOD PAR BYA BA STE, YANG BYA BA MA YIN NO ZHES GSUNGS PA YIN NO, ,GANG TSOGS KYI KHA SKONG BAR MI 'OS PA DE DANG, DES LAS BYA BAS THAG DING DU SPANG BA KHO NA YIN TE, LAS BYED PA NI TSOGS KYIS KHA SKONG BA GZHAN DAG PAS CHES GCES PA YIN PA'I PHYIR DANG DGE 'DUN GYI GTZO BOR GYUR PA YIN PA'I PHYIR RO, ,DGE 'DUN GYI SGOR GYUR PA NYID KYIS LAS KYI YAN LAG GZHAN LAS LAS KYI YAN LAG 'DI LA GLENG GZHI LAS GSUNGS PA'I BSLAB PA BRTZAL BA LA SOGS PA RNAMS LA GZHAN RNAMS NI LHAG MA'O, ,'DIR DE RNAMS LA LAS BYED PA PO NYID BKAG PA LA YONGS SU BSDU BA'O, ,LHAG MA DANG BCAS PA'I PHYIR BCOS PA LA ZHUGS PA NI 'DON PAR BYED PA NYID YIN NO ZHES BYA BA NI SNGAR DE DAG NI BYED PA PO NYID MA YIN NO ZHES SMOS PA DE'I DMIGS KYIS BSAL BA YIN TE, DGE 'DUN LHAG MA'I LTUNG BA PHYIR 'CHOS PA LA ZHUGS PA SBO BA LA SOGS PA DANG, DBYUNG BA LA SOGS PAS GSO BAR ZHUGS PA'I GANG ZAG GIS NI SO SOR THAR PA'I MDO 'DON DU RUNG BA NYID YIN PA'O, ,BSKO BA PO GZHAN YOD NA NYES BYAS TZAM GYI MI 'CHAGS PA NI MA YIN NO, , DE LAS GZHAN DE DAG GIS NI THOS PA DANG BCAS PAR MI BYA'O ZHES BYA BA LA, DE LAS GZHAN ZHES BYA BA NI LHAG MA DANG BCAS PA PHYIR 'CHOS PA LA ZHUGS PAS SO, ,GZHAN BA DE DAG GIS NI ZHES BYA BA NI BSNYEN PAR MA RDZOGS PA LA SOGS PA RNAMS KYIS SO, ,THOS PA DANG BCAS PAR MI BYA'O ZHES BYA BA NI LAS SO, ,DE DAG LAS KHA CIG DMIGS KYIS BSAL BA BSTAN PA'I PHYIR, MA SPANGS PA DANG MA LOG PA MA GTOGS SO ZHES BYA BA SMOS TE, MA SPANGS ZHES SMOS PAS NI SPANGS PA THA DAD PA DANG GNAS NAS PHYUNG BA GNYIS DMIGS KYIS BSAL BA'O, ,NYAMS PA DANG MTSAMS

180a

, ,MED PA BYED PA GNYIS BRAL BA'I BSNYEN PAR RDZOGS PA RNAMS SBONGS PA'I PHYIR LOG PA NI 'DIR LOG PAR MNGON BAR 'DOD PA'O, ,NYAMS PA DANG MTSAMS MED PA BYED PA GNYIS NI LOG PA YIN TE, GANG LAS SHE NA, BDE 'GROR 'GRO BA DANG RANG BZHIN DU GNAS PA'I RJES SU MTHUN BA NYID LAS SO, ,BSNYEN PAR RDZOGS PA DANG BRAL BA NI, YANG BSNYEN PAR RDZOGS PA LAS LOG PA YIN NO, ,MA SPANGS PA DANG MA LOG PA MA GTOGS PA DE LAS GZHAN BA 'DI RNAMS KYIS THOS PA DANG BCAS PAR LAS MI BYA'O ZHES BYA BA 'DIS NI BSLAB PA DANG, DE'I NGO BO NYID TSOL BA BYIN PA DANG, BSDIGS PA DANG SMAD PA DANG BSKRAD PA DANG SPANGS PA RNAMS BSTAN PAR RIG PAR BYA STE, DE RNAMS KYIS THOS PA DANG BCAS BAR LAS BYED PA LA NYES PA MED DO, ,GNAS NAS PHYUNG BA NI RANG GIS LAS YANG NGO ZHES BYA BA YANG MA GTOGS SO ZHES BYA BA RJES SNYEGS PA'I PHYIR YANG NGO ZHES BYA BA'I SGRA SMOS TE, GNAS NAS BYUNG BA DE'I RANG GIS BZOD PA GSOL BA DE NI DES THOS PA DANG BCAS PAR BYA BA LAS GZHAN NI MA YIN NO ZHES BYA BA'I DON TO, ,'O NA THA DAD PAR GNAS PA RNAMS KYIS ZHES BYA BA BYE BRAG MED PAR 'DI RNAMS PA SPANG BAR SMOS SO ZHE NA, BDEN MOD KYI 'ON KYANG YONGS SU MA BZUNG BA'I THA DAD PA'I GNAS LA DGONGS NAS NGES ZHES BYA BAR SHES PAR BYA STE, YONGS SU BZUNG BA LA YONGS SU SPANGS PAR MI RIGS PA'I PHYIR RO, ,GNAS NAS PHYUNG BA DAG LA THOS PA'I NYEN KOR SPANGS TE MTHONG BA'I NYEN KOR DU BZHAG NAS, GZHAN 'DON PAS MA YIN PA'I 'DIR LUNG DU RIG PAR BYA'O, ,NANG DU DRI BA'I PHYIR GSOL BA LA SOGS PA BSNYEN PAR RDZOGS PAR BYA BA LA YANG NGO ZHES BYA BA YANG MA GTOGS SO ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS SO, ,NANG DU ZHES BYA BA NI DGE 'DUN GYI NANG DU BAR CHAD KYI CHOS GANG DAG DRI BA STE DE'I PHYIR RO, ,GSOL BA ZHES BYA BA NI DE DANG PO'I LAS LA BSNYEN PAR RDZOGS BZHIN SPANGS NAS ZHES BYA BA'I DON TO, ,BSNYEN PAR MA RDZOGS PAS THOS PA DANG BCAS PA'I LAS DE BYA'O, ,DE LAS GZHAN THOS PA'I NYAN KOR DOR BAR BYAS NAS MTHONG BA'I NYEN KOR DU BZHAG STE ZHES BYA BA'I TSIG

180b

NI 'DIR LUNG LAS SO, ,CI THOS PAR BYA BA MA YIN PA LAS MNGON SUM DU BYAS PA DANG, RJES SU BSGRAG PAR BYA BA DANG, DBYE BA'I LAS LA BSNYIL LAM 'ON TE RNAM PA GANG GIS GZUNG BAR BYA ZHE NA, DE'I PHYIR DE DAG BYA BA LA LTA BA'I NYON KOR DU GZHAG PAS NI MNGON SUM DU BSGRUB PO, ,GO BAR BYA BAS NI RJES SU BSGRAG PA'O ZHES BYA BA SMOS TE, DE DAG BYA BA LAS ZHES BYA BA NI MNGON SUM DU BYA BA DANG RJES SU BSGRAG PAR BYA BA LA'O, ,MNGON SUM DU BYA BA NI GANG ZHIG THOS PAR BYA BA YIN PA'I LAS BYED PA DER LTA BA'I NYEN KOR DU GZHAG PAS MNGON SUM DU BSGRUB PAR BYA'O, ,RJES SU BSGRAG PA NI THOS PAR BYA BA MA YIN PA'I LAS BYA BA LA SOGS PA'I BYA BAS RJES SU BSGRAG BAR BSGRUB PAR BYA STE, KHYOD LA GSOL BA DANG BZHI'I LAS BYA BA LAS GSOL BA NI BYAS ZIN TO ZHES BYA BA LA SOGS PA GO BAR BYA BAS SO, ,SMYOS PA'I GNANG BA DANG PHYAG MI BYA BA DANG MI SMRA BA DANG, LONGS MI SPYOD PA DANG GTZUG LAG KHANG GI SDOM PA DAG NI MNGON SUM DU MA GYUR BAR RO ZHES BYA BA NI, GTZUG LAG KHANG LA SOGS PA RE RE LA SDOM PA'I SGRA SBYAR BAR BYA STE, GTZUG LAG KHANG GI SDOM PA DANG SMYOS PA'I SDOM PA DANG PHYAG MI BYA BA'I SDOM PA DANG, LONGS MI SPYOD PA'I SDOM ZHES BYA BA'O, ,'DIR GZHUNG NI MA MO LAS, MNGON SUM DU MA GYUR PAR BYA BA'I LAS BCU GANG ZHE NA, LHUNG BZED KHA SBUB PA DANG, LHUNG BZED KHA SBUB BAG YONGS SU BYA BA DANG, BSLAB PA'I SDOM PA DANG BSLAB PA'I SDOM PA YANGS SU BYA BA DANG, GTZUG LAG KHANG GI SDOM PA DANG, DGE TSUL GYI SDOM PA DANG, SMYOS PA'I SDOM PA DANG, PHYAG MI BYA BA'I SDOM PA DANG, MI SMRA BA'I SDOM PA DANG, LONGS MI SPYOD PA'I SDOM PA'O ZHES GSUNGS PA YIN NO, ,CI STE CI'I PHYIR LHUNG BZED KHA SBUB PA LA SOGS PA NAS DGE TSUL GYI SDOM PA'I BAR GYI SDOM PA LNGA PO RNAMS 'DIR CI'I PHYIR 'DIR MA BSDUS SHE NA, DE RNAMS NI BSNYEN PAR MA RDZOGS PA'I YUL YIN PAS DE DAG LA MNGON SUM DU GYUR PA'I DOGS PA ME DPA'I PHYIR RO, ,DE LTA BAS NA MDO 'DIR MA SMOS SO, ,'DI NA RANG LA NGES PA BYED PA STE, GZHAN DAG BSKRAD PAS NI MA YIN NO, ,DE BAS NA DE RNAMS LA MNGON SUM DU MA GYUR PA NYID LA BYA BA NYID DO, ,'DI NI SMRA

181a

, ,BAR MI BYA BA DANG, DE NI LONGS SPYOD PAR BYA BA MA YIN PA DANG, DE'I GTZUG LAG KHANG DU 'GRO BA MA YIN PA ZHES BYA BA'I DON DE RNAMS LA GO RIMS JI LTA BA BZHIN DU MI SMRA BA DANG, LONGS SPYAD PAR MI BYA BA DANG, GTZUG LAG KHANG GI SDOM PA RNAMS RIG PAR BYA'O, ,SMYOS PA'I SDOM PA NI SMYOS PA DANG RTZE GCIG PA DANG, SMYOS PA DANG RTZE GCIG PA MA YIN PA'I GRUB PA'I DON DU SBYIN PA YIN NO, ,PHYAG MI BYA BA'I SDOM PA NI DGE SLONG BSNYIL BA LA, DGE SLONG MA RNAMS KYIS BYA BA'O, ,SDOM PA 'DI RNAMS NI BSNYEN PAR RDZOGS PA MNGON SUM DU MA GYUR PA MA YIN PA RNAMS LA BYED PA YIN GYI, LAS GZHAN THAMS CAD NI MNGON SUM DU GYUR PA RNAMS LA'O, ,GSOL BA MA BYAS PAR DE'I DON DU BRJOD PAR MI BYA'O ZHES BYA BA NI GANG GI DON DU LAS BRJOD PA DE MA SHES PA LA LAS BRJOD PAR MI BYA'O, ,SNGAR MI MTHUN BA DAG MI BYA'O ZHES SMOS PA DE'I MI MTHUN BA'I NGO BO NYID BSTAN PA'I PHYIR, DE'I MTSAMS KYI KHONGS SU GTOGS PA'I KHA SKONG BAR 'OS PA LUS SAM DE LA 'DUN PAS RJES SU MA ZHUGS PA NYID DANG, PHYIR ZLOG PAR BYED PA YANG GANG LA LAS DE BYED PA DE LAS GZHAN PAS GAL TE MI MTHUN PA DANG CHOS DANG LDAN NA SPYOD LAM MA NYAMS PA DANG, RANG BZHIN DU GNAS PA DANG, NGAG YANG DAG PAR BSDAMS PAS MNGON PAR MI SHES PA DANG, NAD DANG BCAS PA MA GTOGS PAS NI MI MTHUN PA NYID DO ZHES BYA BA SMOS TE, MI MTHUN PA NYID NI RNAM PA GNYIS TE, 'DUS PAR RJES SU ZHUGS PA NYID DANG, PHYIR ZLOG PAR BYED PA'O, ,GANG DU BYE BRAG GANG DANG LHAN CIG BA'I 'DUG PA LA RJES SU MA ZHUGS PA NYID CES BYA BA DE DANG POR BSTAN PA'I PHYIR, DE'I MTSAMS KYI KHONGS SU GTOGS PA ZHES BYA BA SMOS TE, MTSAMS GANG DU LAS DE BYED PA DE'I KHONGS SU GTOGS PA'I DGE SLONG NGO ZHES BYA BA'I DON TO, ,KHA SKONG BAR 'OS PA ZHES BYA BA NI BSNYEN PAR MA RDZOGS PA DANG, NYAMS PA LA SOGS PA GZHAN LA ZHES BYA BA'I DON TO, ,'DIR LUNG NI JI SRID DU DGE SLONG DAG MTSAMS THOB PA DANG BYA BA THOB PA ZHES BYA BA'O, ,DE BAS NA BYA BA THOB PA'I TSIG GO, ,GANG GI PHYIR DE NI BYA BA THOB PA NYID YIN TE, GANG ZHIG BSKANG BA'I PHYIR

181b

'OS PA NYID DO, ,RNAM PA GANG GIS 'DUS PAR RJES SU MA ZHUGS PA NYID CE NA, DE'I PHYIR LUS SAM DE LA 'DUN PA ZHES BYA BA SMOS TE, PHYIR ZLOG PAR BYED PA'I MTHA' MA CAN MI MTHUN PA NYID CES BYA BA 'DI DANG 'DI 'BREL BA'O, ,GANG DU DE RJES SU MA ZHUGS PA NYID SMOS PA DE'I MTSAMS KYI KHONGS SU GTOGS PA KHA SKONG BA'I PHYIR 'OS PA DE NYID LA CHOS DE BZHIN NO SNYAM DU SHES PAR BYA BA'I PHYIR YANG GI SGRA'O, ,PHYI ROL GYI MTSAMS SU GNAS PA LA NI PHYIR ZLOG PAR BYED PA SKYE BA MA YIN TE, PHYIR ZLOG PAR BYED PA ZHES BYA BA NI PHYIR ZLOG PAR BYED PAS YANG ZHES BYA BA STON TE, DE LA MI MTHUN PA NYID YIN NO ZHES BYA BAR SBYAR RO, ,GANG GI PHYIR ZLOG PAR BYED CE NA, DE'I PHYIR GANG LA LAS DE BYED PA DE LAS GZHAN NI ZHES BYA BA SMOS TE, DE'I PHYIR BZLOG PA 'CHAGS KYI GANG LA LAS DE BYED PA NYID KYIS PHYIR BZLOG PA NI MI 'CHAGS SO, ,CI LAS THAMS CAD LA GANG LA BYED PA BRTZAL BAR BYA BA'AM ZHE NA, DE'I PHYIR GAL TE MI MTHUN BA DANG CHOS DANG LDAN NA ZHES BYA BA SMOS TE, GAL TE LAS DE LTA BU YIN NA LAS DE LTA BU DE LA BRTZAL BA'O, ,GZHAN MI MTHUN PA'I DE 'CHAGS PA YIN ZHES BYA BA'I DON TO, ,CHAD PA LAS GSOL BA'I GRANGS SU GZHUG PA DAG NI GANG LA BYED PA DES PHYIR BZLOG PA NI MI 'CHAGS SO, ,SBYIN BA DANG DBYUNG BA DANG BZOD PA DANG BSKO BA DAG LA NI DE BAS NA DE BYED PA'O, ,'DIR GZHUNG NI GLENG GZHI DAG LAS, BTZUN BA BCOM LDAN 'DAS KYIS GANG LA LAS BYED PA DES PHYIR BZLOG PA MI 'CHAGS SO ZHES GSUNGS PA DE LA, BTZUN BA GANG LA TSOGS MA LAGS PAS LAS BGYIS PA DES SLAR ZLOG PA NI MI 'CHAGS SAM, NYE BA 'KHOR 'CHAGS SO, ,BTZUN BA, RE ZHIG GANG ZAG BCU GNYIS PO DE DAG BSKO BA NA, DE DAG 'DI SKAD CES BDAG CAG MA BSKO CIG CES MCHI NA, DE DAG GIS SLAR BZLOG PA YANG MI 'CHAGS SAM, NYE BA 'KHOR 'CHAGS TE, MI 'CHAGS SO ZHES BYA BA DE NI NGAS CHAD PA'I LAS LA DGONGS TE GSUNGS PA YIN NO, ,GANG ZAG GI RNAM PA JI LTA BUS PHYIR BZLOG PA 'CHAGS SHE NA, DE BSTAN PA'I PHYIR SPYOD LAM LAS MA NYAMS PA DANG, RANG BZHIN DU GNAS PA DANG, NGAG YANG DAG PAR BSDAMS PA

182a

, ,MNGON BAR MI SHES PA DANG NANG DANG BCAS PA MA GTOGS SO ZHES SMOS TE, DE LTA BU'I RNAM PA THAMS CAD LAS 'CHAGS PAR 'OS PA NYID DU THAL BA BSTAN PA'I PHYIR, MNGON BAR MI SHES PA DANG NANG DANG BCAS PA MA GTOGS PA ZHES BYA BA SMOS TE, 'DIS MNGON BAR MI SHES PA ZHES BYA BA 'DIS NI BYIS PA DANG RMONGS PA DANG MI MKHAS PA DANG, RIGS NGAN PA'O ZHES GSUNGS PA GANG YIN PA DE'I 'DI BSDUS PA YIN NO, ,DE NI 'DIR MI SHES PA STE, 'DI LA PHYIR BZLOG PA DE LA GTOGS PA'I RIGS PAS SMRA BA NYID 'BYUNG BAR 'GYUR ZHES BYA BA GZUNG BAR BYA BA MA YIN PA'I TSIG SPANGS PA 'DI NYID LA GANG ZHIG DE RNAMS 'CHAGS PA'O, ,NANG DANG BCAS PA ZHES BYA BA NI ZHE 'GRAS PA'I DNGOS POR RIGS PA RJES SU GZUNG BAR BYA BA MA YIN PAS, DE RJES SU BZUNG BA 'DI LA YANG RIGS PA DOGS PAR BYA BA MA YIN TE, YID CHES PA LA BRTEN PA MA YIN PA NYID DE BAS NA 'DI LA TSIG TU MA BSDUS PA NYID DO, ,GZHUNG LAS BTZUN PA DU DAG GIS SLAR ZLOG PA 'CHAGS, NYE BA 'KHOR BZHI STE, RANG BZHIN DU GNAS PA DANG, DE'I MTSAMS NA GNAS PA DANG, SPYOD LAM LAS MA NYAMS PA DANG, NGAG YANG DAG PAR BSDAMS PAS SO ZHES GSUNGS PA LA, 'DIR NGAG YANG DAG PAR BSDAMS PA NYID KYIS GNONG BAR MI SHES PA DANG, NANG DANG BCAS PA GNYIS GSAL BAR RIG PAR BYA'O, ,NANG DANG BCAS PA LA DU MA YIN PA NYID KYI PHYIR BRJOD PA MI RIGS PA YIN NO, ,MNGON PAR MI SHES PA LA NI MI RUNG BA NYID KYI PHYIR RO, ,DE LTA BAS NA TSIG 'DI DAG LA BSDAMS PA'I DBANG GIS SO, ,DE ZHES BYA BA NI MA BSDAMS PA NYID DE DAG LA 'DI SMOS SO, ,'O NA MDO LAS CI'I PHYIR 'DI DAG BTANG BAR BYAS PA YIN ZHE NA, DE'I PHYIR SHIN TU GSAL BAR BSTAN PA ZHES GSUNGS PA YIN NO, ,MA NYAMS PA ZHES BYA BA LA, 'DIR NYAMS PA NI GANG YIN, GANG ZHIG MED PAS MA NYAMS PA NYID DO, ,CI RANG BZHIN DU MI GNAS PA NYID DAM, MA BSDAMS PA NI GANG YIN, GANG ZHIG ZLOG PA DANG LDAN PAS BSDAMS PA NYID NI RANG BZHIN DU GNAS PA NYID DO SNYAM BA LA, SIL BU DAG LAS, BTZUN PA JI TZAM GYIS NA NGAG YANG DAG PAR MA BSDAMS PA LAGS NYE BA

182b

'KHOR GANG TSUN CHAD BRDZUN DU SMRA BA'AM, PHRA MA CAN NAM, NGAG RTZUB PO CAN NAM, TSIG 'KHYAL PA CAN YIN NA'O ZHES BYA BA LA SOGS PA DAG BSDU BA'I PHYIR, BRDZUN DU SMRA BA'I RJES SU MTHUN PA NYID NI NGAG YANG DAG PAR MA BSDAMS PA'O ZHES BYA BA SMOS TE, BRDZUN DU SMRA BA'I RJES SU MTHUN PA NYID CES BYA BA NI, BRDZUN DU SMRA BA LAS SEMS PHYIR MA BSDAMS PA NYID DE, DE NI NGAG YANG DAG PAR MA BSDAMS PA YIN GYI, DRAN PA NYAMS PA GANG YANG RUNG BAS BRDZUN DU GYUR PA NI MA YIN NO, ,CI DE 'BA' ZHIG GIS NGAG YANG DAG PAR MA BSDAMS PA YIN NAM ZHE NA, DE'I PHYIR PHRA MA DANG, NGAG RTZUB MO DANG TSIG 'KHYAL PA'I YANG NGO ZHES BYA BA SMOS TE, RJES SU MTHUN BA NYID NI NGAG YANG DAG PAR MA BSDAMS PA'O ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS TE, DE DAG RE RE'I RJES SU MTHUN PA NYID KYANG 'DIR NGAG YANG DAG PAR MA BSDAMS PA YIN PAR BLTA BAR BYA'O, ,RANG BZHIN DU GNAS PA MA YIN PA NYID KYANG DE DAG GI'O ZHES BYA BA NI BRDZUN DU SMRA BA LA SOGS PA DE DAG GI RJES SU MTHUN PA NYID YIN TE DE BAS NA NGAG YANG DAG PAR MA BSDAMS PA DE NI RANG BZHIN DU GNAS PA MA YIN BA ZHES KYANG BYA'O, ,GZHAN YANG BYA BA MA YIN PA'O ZHES BYA BA NI LTUNG BAR 'GYUR BA DAG LHAG PAR SPYOD PA'I RJES SU MTHUN BA NYID KYANG RANG BZHIN DU GNAS PA MA YIN PA ZHES BYA'O, ,BYA BA MI BYED PA ZHES BYA BA NI GANG ZHIG BYA BA GANG YIN PA DE MI BYED PA LA LTUNG BA BSKYED PA NI MI MTHUN PA NYID DE, BSLAB PA THAMS CAD LA BRTZON BA BTANG ZHING SPRO BA BOR BA NYID CES BYA BA'I DON TO, ,DE BRTZAMS PA 'GRO BA'I SEMS KYIS BTANG BA NI SPYOD LAM LAS NYAMS PA YIN NO ZHES BYA BA NI 'DUG PA ZHES BYA BA'I SPYOD LAM DE BRTZAMS SHING SNGAR 'DUG PAR GYUR PA GZHAN DU 'GRO BA'I SEMS KYIS BTANG BA NI SPYOD LAM LAS NYAMS PA YIN NO ZHES BYA BA'I DON TO, ,GANG LA 'JUG PA ZHE NA, DE'I SPYOD LAM 'DI LA ZHES BYA BA'I DON TO, ,DGE 'DUN GYI NAD NAS STAN LAS LANGS PA NI SPYOD LAM LAS NYAMS PA YIN GYI, DE NAS GZHAN DU MA YIN NO, ,'DIR GZHUNG NI NYE BA 'KHOR GANG TSUN CHAD DGE 'DUN GYI NANG NAS LANGS PAR GYUR PA'O ZHES BYA BA 'DI GSUNGS PA YIN TE, STAN LAS LANGS PA NYID DANG DGE 'DUN GYI NANG

183a

, ,NAS LANGS PA NYID MA SONG BA NYID CES BYA BA 'DI LA 'DIR DON RNAM PAR GZHAG PA DANG 'DRA BA DE NI 'DI'I DON TO, ,GNAS SU SONG BA DON GZHAN GTZO BO LA ZHUGS PA ZHES BYA BA NI CHAGS PA'O, ,LTA BA DGE 'DUN LA BRJOD PAR BYA'O ZHES BYA BA NI DGE 'DUN GYI BYA BA DOGS PA LA LTA BA'I BLO NI LTA BA ZHES BYA BA'I SGRA BRJOD PA YIN NO, ,GZHAN LA NI MI BYA'O ZHES BYA BA NI DGE 'DUN LAS GZHAN PA'I TSOGS DGE 'DUN MA YIN PA LA LTA BA BRJOD PAR MI BYA NA, GANG ZAG LA LTA SMOS KYANG CI DGOS, BSNYEN PAR MA RDZOGS PA LA MI BYA'O ZHES BYA BA NI DGE TSUL GYI DGE 'DUN LA YANG MA YIN ZHES BYA BA'I DON TO, ,KHA SKONG BAR 'OS PA MA YIN PA LA YANG NGO ZHES BYA BA NI, BSNYEN PAR RDZOGS PA YIN YANG DGE 'DUN GYI KHA SKONG BA'I 'OS MA YIN PA RNAMS LA YANG LTA BA BRJOD PAR MI BYA'O, ,LHAG MA MA LUS PA NYID MI BYA'O ZHES BYA BA NI BSDUS PA'I GANG ZAG TU GTOGS PA'I GZHI LA MA BSDUS PA'I GANG ZAG LAS, DE'I RGYUS GNOD PA 'BYUNG BA SPANG BA'I PHYIR, LTA BA BRJOD PA NYID MI BYA'O, ,'DIR GZHUNG NI MA MO LAS, CHOS DANG LDAN BA MA YIN PA'I LTA BA BRJOD PA LNGA GANG ZHE NA, GNAS PAR MI BYA BA LA LTA BA BRJOD PA DANG, THA DAD PAR GNAS PA LA LTA BA BRJOD PA DANG, BSNYEN PAR MA RDZOGS PA LA LTA BA BRJOD PA DANG, TSOGS LA LTA BA BRJOD PA DANG, LHAG MA MA LUS PA'I DNGOS PO'I LTA BA BRJOD PA STE, LNGA PO DE DAG NI CHOS DANG LDAN PA MA YIN PA'I LTA BA BRJOD PA DANG, DE LAS BZLOG PA LNGA NI CHOS DANG LDAN BA'I LTA BA BRJOD PA YIN NO ZHES GSUNGS PA YIN NO, ,'DIR TSOGS ZHES SMOS PA NI DGE 'DUN DU MAR GYUR PA RNAMS BZUNG NGO, ,GANG RNAMS KYI MDUN DU CHOS DANG LDAN PA 'BYUNG BA SMOS PA DE RNAMS NI DGE 'DUN DU GYUR PA RNAMS LA ZHES BYA BAR SHES PAR BYA'O, ,LHAG MA MA LUS PA'I DNGOS PO'I LTA BA BRJOD PA BKAG PA NI DE'I PHYIR, GANG ZAG DE LAS DE'I RGYUS GNOD PA 'BYUNG BA SPANG BA'I PHYIR, 'DIR GZHUNG NI ZHU BA LAS, SNGON LTUNG BA BYUNG BA LAS LTA BA BRJOD NA NYES BYAS SO, ,RKU THABS SU GNAS PA DANG, DANG PO 'KHRUG PA DANG BSLAB PA BYIN PA DANG, DGE TSUL LA LTA BA BRJOD NA NYES BYAS SU 'GYUR RO, ,DE BZHIN DU GNAS NAS PHYUNG BA LA LTA BA BRJOD NA

183b

YANG NYES BYAS SU 'GYUR RO ZHES GSUNGS PA YIN NO, ,DE 'DIR BSDUS NAS SMOS PA GANG RJES SU GNANG BA LA DBANG BA DE LA NI 'BYUNG BA 'DI RIGS BA YIN NO ZHES BYA BA 'DI, GNAS PAR MI BYA BA LA SOGS PA RNAMS KYI MDUN DU 'BYUNG BA DGAG PA 'DI YIN TE, DE BAS NA THAMS CAD DU YANG KHA SKONG BAR 'OS PA MA YIN PA BKAG PAR SHES PAR BYA'O, ,BSKOS PA RJES NAS CHES LEGS PA DANG CHES MANG DU BYED PA BSKO BAR BYA'O ZHES BYA BA NI, SNGAR BSKOS PA'I GANG ZAG RJES NAS BYA BA DE LA 'DI 'BYUNG BA 'DI GANG ZHIG CHES LEGS PAR BYED PA DANG, CHES MANG DU BYED PA'I GANG ZAG GZHAN YANG YIN BA DE BSKO BAR BYA'O; ,'DIR GZHUNG NI MA MOS LAS DE DANG POR BYAS TE, DE SPANG BAR MI BYA'O ZHES BYA BA'I BAR DU GSUNGS PA YIN NO, ,DUS NGES PAR BYA STE MI BYA'O ZHES BYA BA NI BSKO BAR RO, ,GANG LA DUS NGES PAR BYA STE BSKO BAR MI BYA ZHE NA, DE'I PHYIR YANG DANG YANG DU'AM GZHAN LA'O ZHES BYA BA SMOS TE, DE'I GZHAN DU YANG DGOS PA 'BYUNG NGO COG TU KHYOD 'BA' ZHIG BSKO'O ZHES DE LTAR DUS NGES PAR BYA STE, MI BSKO'O, ,GZHAN LA'O ZHES BYA BA NI DGOS PA GZHAN DAG LA KHYOD KHO NA BSKO'O ZHES DE LTAR DUS NGES PAR BYA STE, YANG MI BSKO'O, ,GZHAN LA YANG JI TZAM GYIS CHOG PA NA SPANG BA SBYIN NO ZHES BYA BA LAS MTHUN PA GCIG LA JI SRID DU DGOS PA SPONG BAR BYED PA DE LAS BSKRAD PAR MI BYA'O ZHES BYA BA'O, ,BSKOS PA MED NA MDUNG DOR BAR BGO'O ZHES BYA BA NI GANG ZAG RE RE LA BYE BRAG GZHAN DANG GZHAN NI MDUNG DOR BA'I GANG ZAG BSKO BA PAS MTSAN MA'I BYE BRAG MI SHES PAS SO, ,'DIR MTSAN MA'I ZHES KYANG GCIG TU BYA STE, DES MIG BKAB STE, MDUNG RE RDZAS DE'I STENG DU GZHAG PAR BYA'O, ,BSKO BA PO MED NA GANG ZAG RE RE LA CHA RE RE'I PHYIR THA DAD PAR BYE BRAG GZHAN DANG GZHAN BYA STE, BYE BRAG TU MTSAN MA'I DBYE BA SHES PA RNAMS KYIS SHES PA LA 'DIR GCIG TU BYA STE, BKAB STE BZHAG NAS LAG TU BYIN NAS GZUNG BAR BYA BA DE BZHIN DU GANG LA GANG ZHIG MTSAN MA GZHAG PA DE NI DE'I SKAL BA YIN NO, ,GANG ZHIG 'JIG RTEN NA RGYAN 'GYED PA'I CHO GAR GRAGS PA DE 'DIR RNAM PA GZHAN GYIS SMOS PA STE, MI MTHUN PA LA RNAM PAR GZHAG PA 'DI'O, ,YOD PAR GYUR PA GANG ZHIG

184a

, ,DES SKAL BA SBYIN BA DE'I ZHES BYA BAR RNAM PAR GZHAG PAR BYA'O, ,BSKOS PA MED NA SNOD SPYAD 'GYED PA'I RNAM PAR GZHAG PA 'DI LTA STE, CHA GANG ZHIG DES GANG LA STER BA DE DE'I ZHES BYA BAR RNAM PAR GZHAG GO, ,BGO'O ZHES BYA BA NI GOS KYI GZHI LAS GSUNGS SO, , GOS DE DAG JI LTAR BGO BAR BYA ZHE NA, NYE BA 'KHOR MDUNG DOR BAS SO ZHES BYA BA SMOS SO, ,'DRA BA NYID DO ZHES BYA BA NI RNAM PA THAMS CAD DU SHES PAR BYA STE, 'DI GOS KYI GZHI ZHU BA LAS GSUNGS PA YIN NO, ,GANG KHA SKONG BAR MI 'OS PA DE MDUNG DOR BAR YANG ZHES BYA BA LA, DE YANG NGO ZHES BYA BA NI DE YANG LAS BYED PA'I CHO GA KHO NA RJES SU 'JUG PA ZHES BYA BA 'DIR RNAM PAR GZHAG STE, GLENG GZHI DAG LAS SO, ,DGE 'DUN GYI DBYEN LA YANG 'OS PA MA YIN PAS TSUL SHING BRIM PA MI 'CHAGS SO ZHES BYA BA NI SANGS RGYAS KYI GDUL BYA DANG LDAN PA'I LAS KYI LDANG BAR RNAM PAR GZHAG GO, , SANGS RGYAS KYI GDUL BYA LAS NYAMS PAR SHES PAR MI BYA'O, ,DE BAS NA 'DI SANGS RGYAS KYI GDUL BYA DANG LDAN PA'I LAS KYI CHOG LA YAN LAG NYID MA YIN NO ZHES BYA BA BSTAN PA'I DON DU 'DI RTZOM PA'O, ,SANGS RGYAS DANG DGE 'DUN DU GTOGS PA LA TSUL 'DI'O, ,GZHAN DU SANGS RGYAS DANG CHOS KYI RNAM PAR GZHAG PA MI GNAS SO ZHES BYA BA LAS CHO GA 'DI NI SIL BU DAG LAS GSUNGS PA YIN NO, ,LAS KYI GZHIR GTOGS PA'O,, ,,BRJOD PA LHAG PA DAG GIS NI MA BYAS PA NYID MA YIN NO ZHES BYA BA NI GANG LA LAS BRJOD PA DAG LHAG PAR BYED PA DE LA CHO GA LAS 'DAS NAS LAS MI 'CHAGS SO ZHES BYA BA'I NYES PAR 'GYUR BA'I DOGS PAR MI BYA'O, ,RANG GI DON NI BRAL BA DANG STONG PA DANG LDAN BAR SMOS PA ZHES BYA BA LA SOGS PA'I TSIG RNAM 'DIR LAS BRJOD PA'I TSIG GIS BSDUS PAR RIG PAR BYA'O, ,MA MO LAS, 'DIR DANG POR BYAS TE, RJES SU BSGRAGS PA ZHES BYA BA'I BAR DU GSUNGS PA'O, ,NYAMS NA MA BYAS PA NYID DO ZHES BYA BA NI GANG LA LAS BRJOD PA JI SNYED GSUNGS PA DE LAS NYAMS NA NI LAS DE MA BYAS PA NYID DO, ,BYED PA NYID NI SONG NA TSIG MA RDZOGS PA RNAM PAR 'KHRUGS PA NYID DO ZHES BYA BA NI LAS BYED PA DAG SONG NA GANG DE'I TSE GSOL BA'I

184b

BDAG NYID KYI TSIG MA RDZOGS PA GANG YIN PA DE RNAM PAR 'KHRUGS PA NYID YIN TE, GANG ZHIG YONGS SU RDZOGS PAR BYED PA DE LA NI MA YIN PA BYAS PA NYID MA YIN GYI, RDZOGS PAR BYAS PA GANG YIN PA DE NI BYAS PA KHO NA YIN NO ZHES BYA BA'I DON TO, ,LAS DE LA DGE 'DUN GYI TSAD DAG TU MA LANGS PA RNAMS MA LUS BA NYID NA RDZOGS PA'O ZHES BYA BA NI RTZOM PAR BYAS PAR GYUR PA NYID LA NI BYED PAR 'GYUR BA'O, ,LAS DE DGE 'DUN GYI MTHA' BCU'I TSOGS LA SOGS PA DE'I TSAD DAG TU DE NAS MA LANGS PA RNAMS MA LUS PA NYID YIN NA NI, TSIG RDZOGS PA DAG KYANG RNAM PAR 'KHRUGS PA NYID YIN NO, ,'DIR LANGS PA NI STAN LAS 'PHAGS PAR RIG PAR BYA'O, ,LUS PA NYID NA MI 'GYUR RO ZHES BYA BA NI LUS PA NYID NA DE'I LAS DANG DGE 'DUN GYI TSAD MA LANGS PA DAG DE'I TSE, LAS KYI TSIG SNGAR BRJOD PA RNAM PAR 'KHRUGS PAR MI 'GYUR BA DAG GO, ,GAL TE DE YANG BYED PAR 'DOD NA TSIG GIS RNAM PAR DKRUG CING GSOL BAS DGE 'DUN LA BTZUN PA DAG YANG GSOL BAR BGYI'O, ,ZHI'AM, RJES SU BSGRAG GO ZHES BYA BAS SO ZHES BYA BA LA, DE YANG BYED PAR 'DOD NA ZHES BYA BA NI TSIG RNAM PAR MA 'KHRUGS PA DE LA'O, ,JI LTAR TSIG GIS RNAM PAR DKRUG PAR BYA ZHE NA, GSOL BAS SO, , 'DIS SU LA GSOL BAR BYED NA, DGE 'DUN LA GSOL BAS SO, ,RNAM PA GANG GIS SHE NA, DE'I PHYIR BTZUN PA DAG YANG GSOL BAR BGYI'O ZHES BYA BA LA SOGS PA RNAM PAR DKRUG CING LAS DE SLAR BYA STE, RNAM PAR MA DKRUGS PAS NI MA YIN TE, DE BAS NA DE BYED PA'O, ,'DI NI BSTAN PA YIN TE DE LUS PA'I TSIG GNYIS RDZOGS ZIN PA'I DBANG DU BYAS TE'O, ,GSOL BA TZAM RDZOGS ZIN PA DE LAS GSOL BAR BGYI'O ZHES BYA BA'I BAR BRJOD PAR BYA BA NYID DU RIG PAR BYA'O, ,GSOL BA MA BYAS PA'I TSIG DAG LA DE SPANGS TE, DES NA GANG ZAG LA LHUNG BZED LA SOGS PA BYIN GYIS BRLAB PA'I TSIG DE YANG RANG BZHIN DANG BRAL BA NYID LA NYAMS PAR 'GYUR RO, ,DE LTA BAS NA 'DIR DGE 'DUN LA ZHES BYA BA SMOS PA DE NI DPE TZAM DU ZAD DE, BZLOG PA'I PHYIR BSGO BA DANG, BSNYIL BA DANG, DE'I NGO BO NYID TSOL DU GZHUG PA DANG, BSLAB PA DANG MTHUN PA DANG, DE'I

185a

, ,GSO SBYONG DANG, MU STEGS CAN GYI GNAS PA DANG, DE LAS GZHAN PA'I SPO BA DANG, MGU BA DANG, YANG GZHI NAS BSLANG BA DANG DRAN PAS 'DUL BA DANG, MA MYOS PAR 'DUL BA SBYIN BA DANG, BSNYEN PAR RDZOGS PAR BYA BA DANG, MTSAMS DGROL BA DANG, NAN TUR GYI LAS DANG, DBYUNG BA DAG LA NI BRJOD PA GSUM MO ZHES BYA BA LA, DE LAS BZLOG PA'I PHYIR BSGO BAS ZHES BYA BA NI DGE 'DUN 'BYED PA'I PHYIR BRTUL BA LA SOGS PA DE RJES SU 'JUG PA RNAMS KYI 'DUN PA LA SOGS PAS 'GRO BA NYID LAS KYIS BRJOD PAR GYUR PA LA BDAG NYID BRJOD PAR BYA BA MA YIN PA BYED CING DGE SLONG DANG DGE TSUL SDIG BA CAN GYI LTA BA'I RNAM PA MI GTONG BA GNAS NAS PHYUNG BA RJES SU 'JUG PA'I DGE SLONG MA DKON MCHOG DAG GTONG BA LA SOGS PA GZHI LA ZHUGS PA DAG BZLOG PA'I PHYIR BSGO BA STE, DGE TSUL SDIG PA CAN GYI LTA BA'I RNAM PA MI GTONG BA DE'I NGO BO NYID TSOL DU GZHUG PA SBYIN PA DANG GANG GI BSLAB PA SBYIN PA POR GYUR PA DANG, MTHUN PA SBYIN BA DANG, MTHUN PA'I GSO SBYONG SBYIN BA DANG, MU STEGS CAN GYI GNAS PA SBYIN PA ZHES BYA BAS NI, MU STEGS CAN RAB TU DBYUNG BAR 'DOD PA LA, ZLA BA BZHI'I BAR DU MKHAN POS SBYAR BA'I GOS KYI GNAS PA SBYIN PA'I LAS GCIG BSTAN TO, ,DE LAS GZHAN PA'I SPO BA SBYIN BA ZHES BYA BA NI MU STEGS CAN LA ZLA BA BZHI'I BAR DU MKHAN POS SBYAR BA'I GOS KYI GNAS PA SBYIN BA LAS GZHAN BA, DGE 'DUN LHAG MA'I BCABS PA LA SPO BA SBYIN PA'I LAS YIN PA'O, ,MGU BA SBYIN BA ZHES BYA BA SA NI, DGE 'DUN LHAG MA'I LTUNG BA'I PHYIR MGU BA SBYIN BA DANG, LCI BA'I CHOS KYI LTUNG BA'I MTSAN MA MGU BA LA'O, ,YANG ZHI NAS BSLANG STE SBYIN PA ZHES BYA BA NI, SPO BA DANG MGU BAR BYA BA BYED PA'I SKABS SU LHAG MA'I LTUNG BA BYUNG NA GZHI NAS SPO BA DANG, GZHI NAS MGU BAR BYA BA DANG, YANG GZHI NAS BSLANG STE, SPO BA DANG, YANG ZHI NAS BSLANG STE MGU BAR BYA BA DAG GIS 'DIR GZHI NAS BSLANGS PA'I SGRA RIG PAR BYA'O, ,YANG GZHI NAS BSLANGS PAR GYUR PA ZHES BYA BA LA SOGS PA ZHES BYA BAS YANG GZHI NAS BSLANGS PA LA SOGS PA BZHI PO RNAMS KYANG YANG GZHI NAS BSLANGS TE

185b

MGU BAR BYA BA SBYIN PA LA SOGS PA'I SGRAS BRJOD DO ZHES BYA BA LA DGONGS PA'O, ,DRAN PAS 'DUL BA SBYIN BA ZHES BYA BAS NI DRAN PAS DANG MA MYOS PAS 'DUL BA SBYIN PA GNYIS BSTAN TO, ,BSNYEN PAR RDZOGS PAR BYA BA DANG MTSAMS DGROL BA ZHES BYA BAS MTSAMS DGROL BA'I LAS GCIG BSTAN TO, ,NAN TUR GYI LAS ZHES BYA BA NI 'DI LTA STE, BSDIGS PA DANG, SMAD PA DANG, BSKRAD PA DANG, PHYIR 'GYED PA DANG MA MTHONG BAS GNAS NAS DBYUNG BA DANG, PHYIR MI 'CHOS PAS GNAS NAS DBYUNG BA DANG, SDIG PA CAN GYI LTA BA'I RNAM PA MI GTONG BAS GNAS NAS DBYUNG BA DANG, DBYUNG BA DAG LA NI BRJOD PA GSUM MO ZHES BYA BA NI LAS LAN GSUM DU BRJOD PA'O, ,DE LTAR 'DUL BA'I GZHUNG LAS BGRANG BA DANG, BSHUNG BA BYED PA DANG, KHYIM GYI BSLAB PA'I SDOM PA SBYIN PA DANG, PHYAG MI BYA BA'I BSLAB PA'I SDOM PA SBYIN PA DANG, RTZOD PA SPONG BAR BYED PA BSKO BA DANG, BZOD PA GSOL BA ZHES BYA BA'I LAS DRUG PO 'DI RNAMS LA LAN GSUM RJOD PAR BYED PA ZHES BYA BA 'DI STON PAR BYED PA MTHONG BAR BYED PA DE DAG NI 'DIR GSOL PA DANG BZHI'I LAS SU MA BYAS SO, ,DE LTAR GANG LAS SHES SHE NA, GTAM GYI GZHI LAS, LAS KYI GRANGS BRJOD PA LAS 'BYUNG STE, BTZUN PA LAS RNAM PA DU MA CHIS, NYE BA 'KHOR BA RGYA RTZA GCIG GO, ,BTZUN PA LAS DU RNAMS KYIS LAS RNAM BSDUS, NYE BA 'KHOR GSUM GYIS TE GSUM GANG ZHE NA, GSOL BA'I LAS DANG, GSOL BA DANG GNYIS KYI LAS DANG, GSOL BA DANG BZHI'I LAS KYIS SO, ,DE'I DBYE BA RNAMS NI GTAM GYI GZHI DE NYID LAS LTA BA RNAMS GSUM DU GSUNGS SO, ,BTZUN PA LAS BRGYA RTZA GCIG PO GANG LAGS PA DE RNAMS LA GSOL BA'I LAS RNAMS NI DU, GSOL BA DANG GNYIS KYI LAS DAG NI DU, GSOL BA DANG BZHI'I LAS RNAMS NI DU MA CHIS, BKA' STZAL PA; NYE BA 'KHOR GSOL BA'I LAS RNAMS NI NYI SHU RTZA BZHI'O, ,GSOL BA DANG GNYIS KYI LAS NI BZHI BCU RTZA BDUN NO, ,GSOL BA DANG BZHI'I LAS NI SUM CU'O ZHES GSUNGS PA YIN NO, ,LAS KYI GZHI NYID LAS DBYE BA'I TSAD DE LTA BU RNAM LA LAS RNAM PAR GZHAG PA'I SKABS SU

186a

, ,NGO BO NYID BRJOD PA YIN NO, ,DE'I PHYIR, GSANG DANG NANG DU DRI PHYIR DANG, ,GSO SBYONG DE LA LTUNG BCAS DANG, ,DE LA DGE 'DUN YID GNYIS DANG, ,RTZOD DANG NGES NYID MA YIN DANG, ,DE YI DON DU LNGA PO DAG ,THAMS CAD DGAG DBYER GTOGS PA YIN, ,DBYER GNAS KHAS BLANGS NYID DANG NI, ,SHI BA'I RDZAS DANG NOR 'DRA DANG, ,CHOS GOS SRA BRKYANG GTAD PA DANG, ,GNAS NGAN LEN NI BRJOD PA DANG, ,CHOS GOS SBYIN PAR BYA BA DANG, ,GRANGS SU GZHUG PA'I GZHI DAG DANG, ,KHYIM GYI SDOM DANG DE GZHIG DANG, ,LHUNG BZED KHA SBUB BYA BA DANG, ,DE NYID BZLOG PAR BYA BA DANG, ,GSOL BA 'BA' ZHIG LAS YIN NO, ,GNAS DANG MTSAMS KYI GNYIS PO DANG, ,MI 'BRAL MYOS DANG DGAG DBYE DANG, ,GNAS MAL STOBS PAR BYED PA DANG, ,RUNG BA'I SA GZHI BSKO BA DANG, SRA BRKYANG DANG NI DE GDING DANG, ,SPONG DANG LAG GI BLA DANG NI, , GNAS KHANG BSKO LA SOGS PA DAG ,GZU DANG GSOL DANG SBED PA DANG, TSUL SHING 'DRI MA PAR BYED PA DANG, KHANG PA KHANG CHEN BSTAN PA DANG, ,GLENG DANG 'BRAL BAR MI 'GYUR DANG, ,STAN DANG LHUNG BZED 'DRIM PA DANG, ,MA DANG GO BAR BYA BA DANG, ,STON PA DANG NI NAGS NYUL DANG, ,PHYAG MI BYA DANG MANG PHYIR DANG, ,KHAR BA DRA BA'I PHYIR DANG NI, ,RNYED PA GCIG TU BYA PHYIR DANG, ,BSLAB PA SBYIN DANG NYER GNAS DANG, ,BU DANG NYE DU'I PHYIR 'GRO BA, ,GSOL DANG GNYIS KYI LAS YIN NO, ,BSNYEN PAR RDZOGS PAR BYA BA DANG, MU STEGS GNAS DANG MTSAMS DGROL DANG, ,MTHUN SBYIN GSO SBYONG BDUN PO DANG, BRGYAD DANG DRAN DANG MA MYOS DANG, ,DE NYID TSAL DU GZHUG PA DANG, ,BGO BAR BYA BA BRGYAD DANG NI, ,NYAMS PA SBYIN PAR BYA BA NI, ,GSOL DANG BZHI YI LAS YIN NO, ,DA NI BSDU BA'I TSIGS SU BCAD PA DE DAG BSHAD PAR BYA STE, DE LA, GSANG DANG NANG DU DRI PHYIR DANG, , ZHES BYA BA LA DE LA GSANG STE DRI BA'I PHYIR ZHES BYA BA NI GSANG STE STON PAS BAR CHAD KYI CHOS RNAMS GSANG STE DRI BA'I PHYIR, GSOL BA 'BA' ZHIG GI LAS BYA'O, ,NANG DU DRI BA'I PHYIR ZHES BYA BA NI LAS BYED PAS BAR CHAD KYI CHOS RNAMS DGE 'DUN GYI NANG DU DRI BA'I PHYIR GSOL BA 'BA' ZHIG GI LAS

186b

SO, ,GSO SBYONG ZHES BYA BA NI SO SOR THAR PA'I MDO 'DON PA'I PHYIR GSOL BA 'BA' ZHIG GI LAS BYA BA'O, ,DE LA ZHES BYA BA NI GSO SBYONG DE LA'O, ,DE LA CI ZHE NA, DE'I PHYIR LTUNG BCAS DANG ZHES BYA BA SMOS TE, LTUNG BA NI LTUNG BA ZHES BYA BA BRJOD DO, ,DGE 'DUN THAMS CAD LTUNG BA DANG BCAS PAR GYUR NA GSOL BA 'BA' ZHIG GI LAS GYIS BYIN GYIS BRLABS TE GSO SBYONG BYA'O ZHES BYA BA SMOS TE, DE NI 'DI YIN NO, ,YID GNYIS DANG ZHES BYA BA NI DGE 'DUN LA'O, ,DE LA ZHES BYA BA NI LTUNG BA DE LA'O, ,RTZOD DANG NGES NYID MA YIN ZHES BYA BA NI DER GTOGS PA'I RTZOD PA DANG MA NGES PA NYID LA'O, ,DE YI DON DU LNGA PO DAG ,CES BYA BA NI GSO SBYONG ZHES BYA BA LA SOGS PA GSUNGS PA LA GSO SBYONG GSUNGS PAS DGAG DBYE LA SBYAR RO, ,SHI BA'I RDZAS DANG ZHES BYA BA NI SHI BA DANG 'BREL PA'I RDZAS BGO BA LA'O, ,CHOS GOS SRA BRKYANG GTAD PA DANG, ,GNAS NGAN LEN NI BRJOD PA DANG, ,CHOS GOS SBYIN PAR BYA BA DANG, ,ZHES BYA BA NI GAL TE GTAN PA PHUL NA DE BAS NA NYE BAR SBYAR BA'O, ,GRANGS SU GZHUG PA BZHI DAG DANG, ,ZHES BYA BA NI NGOR 'PHYA BA'I GRANGS SU GZHUG PA LA SOGS PA'O, ,KHYIM GYI SDOM DANG DE GZHIG CES BYA BA NI GANG ZHIG CES BYA BA 'DA' BYED CING LONGS SPYOD 'GRIBS PA LAS DE GZHIG PA'O, ,LHUNG BZED KHA SBUB BYA BA DANG, ,DE NYID BZLOG PAR BYA BA DAG ,GSOL BA 'BA' ZHIG LAS YIN NO, ,ZHES BYA BA NI LAS NYI SHU RTZA BZHI PO GSUNGS PA RNAMS LA'O, ,GNAS DANG ZHES BYA BA NI, GSO SBYONG GI GNAS LA GSOL BA DANG, GNYIS KYI LAS KYIS BSKO BA'O, ,MTSAMS GNYIS PO DANG ZHES BYA BA NI, MTSAMS CHEN PO DANG, DKYIL 'KHOR BA'I MTSAMS BSKO BA'O, ,MA 'BREL ZHES BYA BA NI MTSAMS CHEN PO BCAD BA'I NANG DU GSOL BA DANG, GNYIS KYI LAS KYIS CHOS GOS DANG 'BRAL BAR MI 'GYUR BA'I BSKO BA'O, ,SMYOS DANG ZHES BYA BA NI MI 'BRAL BAR BSKO BA DANG, MYOS PA'I BSKO BA DANG, DGAG DBYE BSKO BA DANG, GNAS MAL STOBS PAR BYED PA BSKO BA'O, ,RUNG BA'I SA GZHI ZHES BYA BA NI RUNG BA'I KHANG PA GSOL BA DANG, GNYIS KYI LAS KYIS BSKO BA'O, ,GTAN PA DAD NI ZHES BYA BA GSOL BA DANG GNYIS KYI LAS KYIS BSKO BA'O, ,DE GDING DANG ZHES BYA BA NI GSOL BA DANG GNYIS KYI LAS KYIS BSKO BA'O, ,SPONG DANG ZHES BYA BA NI SPONG BA'I ZHAL TA

187a

, ,BSKO BA'I LAS GCIG BSTAN TO, ,LAG GI BLA DANG ZHES BYA BA NI, DE'I LAG GI BLA BSKO BA'I LAS GCIG BSTAN TO, ,GNAS KHANG BSKO BA LA SOGS PA DANG ZHES BYA BA LA SOGS PA'I SGRAS NI 'DUN PA DANG BZLOG PA'I BAR DU BSKO BA'O, ,GZU DANG GSAL DANG SBED PA DANG, ,TSUL SHING 'DRIM PAR BYED BA DANG, ,ZHES BYA BA NI DE BSKO BA'O, ,SBED PA DANG ZHES BYA BA NI GZHI 'DRIM PAR BYED PA BSKO BA LA'O, ,KHANG PA KHANG CHEN BSTAN PA DANG, ,ZHES BYA BA NI DGE 'DUN LHAG MA LAS GSUNGS PA'I STON PA GNYIS BSKO BA'O, ,GLENG DANG ZHES BYA BA NI BSKO BA'O, ,'BRAL BAR MI 'GYUR DANG ZHES BYA BA NI SNAM SBYAR DANG MI 'BRAL BA'I GNANG BA SBYIN PA'O, ,GDING DANG ZHES BYA BA NI GDING BA'I THOG MAR LO DRUG TU GNANG BA SBYIN BA'O, ,LHUNG BZED 'DRIM DANG ZHES BYA BA NI, LHUNG BZED LHAG MA 'DRIM PAR BSKO BA LA'O, ,MA DAD GO BAR BYA BA DANG, ,ZHES BYA BA NI, KHYIM RNAMS SU GNAS NGAN LEN GO BAR BYA BA'I PHYIR GANG ZAG BSKO BA DANG, SNGON BZHIN DU GANG ZHIG BRJOD PA SMRA BA LA DGE SLONG RNAMS KYIS SO, ,NAGS NYUL BA LA SOGS PA GNYIS BSDUS PA LA DGE SLONG MA'I GDAMS NGAG STON PA BSKO BAR BSTAN PA'I DON DU'O, ,PHYAG MI BYA DANG ZHES BYA BA NI PHYAG MI BYA BA'I PHYIR BSKO BA STE, DGE SLONG MA'I DGE 'DUN GYIS RTZA BA DANG 'BRAS BU MED PA'I SBUN PA'I RNAM PA CAN RNAMS LA'O, ,MANG PHYIR DANG ZHES BYA BA NI 'KHOR DANG 'KHOR MANG PO NYE BAR 'JOG PA'I GNANG BA SBYIN PA'O, ,'KHAR BA DRA BA'I PHYIR DANG NI, ,ZHES BYA BA NI BSLAB PA'I DON DU 'KHAR BA DANG DRA BA'I SDOM PA GNYIS SO, ,RNYED PA GCIG TU BYA PHYIR DANG, ,ZHES BYA BA NI GTZUG LAG KHANG MTSAMS THA DAD PA GNYIS RNYED PA GCIG TU BYA BA'I PHYIR GSOL BA DANG GNYIS KYI LAS BYA BA'O, ,BSLAB PA BYIN DANG ZHES BYA BA NI, DGE SLONG MA'I BSLAB PA SBYIN PA'O, ,NYER GNAS DANG ZHES BYA BA NI, TSANGS PAR SPYOD PA LA NYE BAR GNAS PA'I SDOM PA SBYIN BA'O, ,BU DANG ZHES BYA BA NI NYAL BA'I GNANG BA SBYIN PA BSKO BA STE, GANG ZHIG GNAS PA'I DON DU GSUNGS PA'O, ,NYE DU'I ZHES BYA BA NI NYE DU RNAMS DANG LHAN CIG 'BREL BA'I NYE BAR SPYOD PA'I GNANG BA'I SDOM PA SBYIN BA'O, ,DGE SLONG MAS MU GE'I SDUG BSNGAL BYUNG BA'I TSE JI SKAD BSTAN PA'O, ,PHYIR 'GRO BA ZHES BYA BA NI, ZHAG BDUN LAS 'OG TU ZHAG BZHI BCU MTSAMS KYI PHYI ROL DU 'GRO BA'I GNANG BA SBYIN PA BSKO BA'O, ,'DI NI GSO SBYONG LA BSKO BA LA SOGS

187b

PA LAS BZHI BCU RTZA BDUN PO RNAMS LA'O, ,GSOL DANG GNYIS KYI LAS YIN NO, ,ZHES BYA BA NI GSOL BA DANG GNYIS KYI LAS YIN NO ZHES BYA BA'I DON TO, ,BSNYEN PAR RDZOGS PAR BYA BA DANG, MU STEGS GNAS DANG MTSAMS DGROL DANG, ,ZHES BYA BA LA MTSAMS DGROL BA NI MTSAMS BCAD PA GSOL BA DANG, BZHI'I LAS KYIS DGROL BA'O, ,MTHUN SBYIN ZHES BYA BA NI, MTHUN PA SBYIN PA DANG GSO SBYONG SBYIN PA'O, ,'DUN PA PO DANG ZHES BYA BA NI, DE'I RIGS CAN GYI NAN TUR GYI LAS BDUN PO RNAMS KYI NAN TUR BYA BA'I LAS GCIG ,BZOD PAR GSOL BA'I LAS GCIG DANG LAS GNYIS SO, ,BRGYAD DANG ZHES BYA BA NI SPO BA DANG MGU BAR BYA BA DANG, GZHI NAS SPO BA DANG, GZHI NAS MGU BAR BYA BA DANG, YANG GZHI NAS SPO BA SBYIN BA DANG, YANG GZHI NAS MGU BA SBYIN BA DANG, SRA BRKYANG DBYUNG BA DANG LHAG MA LAS DBYUNG BA DAG LA GSOL BA DANG, BZHI'I LAS BYA BA DANG, BRGYAD SO SOR BGRANG NGO, ,DRAN DANG MI MYOS DANG, DE NYID TSOL DU GZHUG PA DANG, ,ZHES BYA BA NI DRAN PAS 'DUL BAR 'OS PA DANG, MA MYOS PAS 'DUL BAR 'OS PA DANG, DE'I NGO BO NYID TSOL DU GZHUG PA GSUM BSDUS PA'O, ,BSKO BAR BYA BA RNAMS DANG NI, ,ZHES BYA BA NI BZLOG PA'I PHYIR BSGO BAR BYA BA BCU GCIG PO DAG GSUNGS TE DE LA DRUG NI DGE SLONG GI RNAM PAR 'BYED PA LAS SMOS TE, DGE 'DUN GYI DBYEN BYED PA LA SOGS PA RNAMS SO, ,GNYIS NI DGE SLONG MA'I RNAM PAR 'BYED PA LAS THUN MONG MA YIN PAR GSUNGS TE, PHAM PAR 'GYUR BA'I SKABS NAS GNAS NAS DBYUNG BA'I RJES SU PHYOGS PA GCIG GO, ,DGE 'DUN LHAG MA'I SKABS NAS BZHI BSTAN TE, SDE TSAN GCIG GO, ,NYAMS PA SBYIN PAR BYA BA'I BSLAB PA SBYIN PA'O, ,GSOL DANG BZHI YI LAS YIN NO, ,ZHES BYA BA NI LAS SUM CU PO JI SKAD BSTAN PA DE RNAMS NI GSOL BA DANG BZHI'I LAS YIN NO ZHES BYA BA'I DON NO, ,LHAG BOR MA GTOGS PA RANG GI DON GYI SNGAGS BRJOD PA YANG NGO ZHES BYA BA LA RANG GI DON NI BDAG GI DON TE, SNGAGS BRJOD PA NI SNGAGS GZHAN BRJOD PA GANG YIN PA DE YANG LAN GSUM BRJOD PAR BYA BA KHO NA'O, ,'DI LTA STE 'KHAR PA DANG DRA BA LA SOGS PA GSOL BA GANG DAG YIN PA DANG, CHOS GOS LA SOGS PA RDZAS GZHAN DANG, GSO SBYONG DANG DGAG DBYE DAG DANG GNAS PAR KHAS BLANGS PA

188a

, ,DANG; MTSAMS KYI PHYI ROL DU MI 'BRAL BAR BYA BA'I PHYIR ZHAG GCIG LA SOGS PA BYIN GYIS BRLAB PA DANG, SKYABS SU 'GRO BA DANG, RAB TU BYUNG BA DANG, SDOM PA MNOD PA GANG DAG YIN PA DANG, LTUNG BA BSHAGS PA DANG, 'DUN PA DANG, YONGS SU DAG PA DBUL PA DANG, DGAG DBYE DAG PA DBUL BA LA'O,, GZHAN GYI DON DU GANG ZAG LA YANG NGO ZHES BYA BA NI GZHAN GYI DON DU SNGAGS GANG ZAG LA BRJOD PA GANG YIN PA DE YANG LAN GSUM KHO NA BRJOD PAR BYA BA'O, ,'DI LTA STE 'DUN PA DANG YONGS SU DAG PA DANG, DGAG DBYE BRJOD PA DAG DGE SLONG LA BRJOD PA'I PHYOGS LA NI LAN GSUM BRJOD PAR BYA'O, ,DGE 'DUN LA BRJOD PAR BYA'O ZHES BYA BA'I PHYOGS LA NI LAN CIG BRJOD PAR BYA STE, GANG ZAG LA ZHES SMOS PA'I PHYIR RO, ,LHAG BOR YANG MDUN DU TZOG PUR 'DUG STE'O ZHES BYA BA NI GANG ZAG 'DI GANG ZAG LA YANG NGO ZHES BYA BA SMOS PAS SO, ,GANG YANG RANG GI DON LA ZHES BYA BA DGE 'DUN TZAM NYID DANG, 'DI LAS GZHAN RNAM PA GNYIS LA YANG DE BYED PA'O, ,LHAG POR BYA BA'I SNGAGS BRJOD PA GANG YIN PA DE YANG GANG ZAG GI MDUN DU TZOG PUR 'DUG STE BRJOD PAR BYA BA GZHAN GYIS NI MA YIN NO, ,ZHU BA YANG NGO ZHES BYA BA NI 'DIR RAB TU DBYUNG NGAM ZHES DGE SLONG GI DGE 'DUN LA ZHU BAR BYED PA NA, RAB TU DBYUNG BAR 'DOD PA'I DGE BSNYEN DES KYANG RGAN PA'I MTHA' LOGS SU TZOG BUR 'DUG PAR BYA BA STE, GANG ZHIG DGE 'DUN LA ZHES BYA BA 'DI LAS RGAN PA'I MTHA' LOGS SU ZHES BYA BA RTOGS PA'O, ,BSNYEN PAR RDZOGS PAR BYED NA GSANG STE STON PA MA GTOGS PA PHA GU LA RTING PA GNYIS KYIS SO ZHES BYA BA NI GSANG STE STON PA MA GTOGS PA BSNYEN PAR RDZOGS PA'I LAS BYED PA NA MKHAN POR GSOL BA DANG, LAS KYI SLOB DPON GYIS BAR CHAD DRI BA MNYAN PA DANG, DE'I LAN 'DEBS PA DANG, BSNYEN PAR RDZOGS PAR BYA BA LA SOGS PA'I SKABS THAMS CAD DU, BSNYEN PAR RDZOGS PAR BYA BA'I GANG ZAG DE PHA GU'I STENG DU RTING PA NYID KYIS 'DUG TU GZHUG GO, ,CHOS GOS DANG LHUNG BZED BYIN GYIS BRLAB PA NI, SNGAR BYAS ZIN PAS DE LA NI CHO GA 'DI THAL BAR MI 'GYUR TE, RDZAS BYIN GYIS BRLAB PA LA SOGS PAS GNOD PA'O, ,'DIR PHA GU ZHES BYA BA NI DRANG SRONG GI RJES SU 'BRANGS NAS SMOS PA'O, ,DE LTAR 'DI NI DRANG SRONG GI LUNG LAS 'BYUNG BA STE, BONG BA'I RIGS KYIS DBANG DU BYAS NAS

188b

DE'O; ,DUM BU YANG 'DIS RJES BSNYEGS PA'O, ,BUD MED NI STAN NANG TSANGS CAN LA SOGS PA'O ZHES BYA BA NI BUD MED BSNYEN PAR RDZOGS PAR BYED PA NA GSANG STE BSTAN PA MA GTOGS PAS GNAS SKABS JI SKAD BSTAN PA DE DAG TU STAN NANG TSANGS CAN LA SOGS PA BUD MED CI BDER 'DUG TU GZHUG PA YIN GYI TZOG PUR 'DUG TU YANG MI BZHUG GO, ,SOGS PA ZHES SMOS PA'I SGRAS NI RDZAS 'JAM PA DANG SPANGS PA GZHAN DAG BSDU'O, ,GZHAN GTZO BO MA YIN PA NYID LA NI DGE 'DUN LA RGAN PA'I MTHAR RO ZHES BYA BA NI RANG GI DON GYI SNGAGS DGE 'DUN LA BRJOD PA NA, DGE 'DUN LAS GZHAN GTZO BO MA YIN PA NYID LA NI, DE LA DE BSDU BA'I GTOGS PA'I GANG ZAG LA CUNG ZAD KYANG RAG LAS PA MA YIN PA DE NI RANG GI DON GYIS SNGAGS BRJOD PA'O, ,RGAN PA'I MTHA' LOGS SU TZOG PUR 'DUG STE BRJOD PAR BYA'O, ,'DI LTA STE, 'JUG PA'I SNGAGS RNAMS LTA BU'O, ,GZHAN GYI GNAS LA SOGS PA'I TSUL BRJOD PA LA'O, ,SNGAGS MA BRJOD PA'I GANG ZAG DAG GIS GSOL BA GZHAN LA MNYAN TE BRJOD PAR BYA BA DE NI GANG ZAG LA RAG LAS PA MA YIN PAS DE NI DE RNAMS KYI MDUN DU GTZO PUR 'DUG STE BRJOD PAR BYA'O, ,'DUN PA DANG YONGS SU DAG PA DANG, DGAG DBYE BRJOD PA GANG ZAG GI PHYOGS LAS YAN LAG GI NGO BOR 'GRO BA NYID KYIS DE LA RAG LAS PA YIN PAS DES DE NYID KYI MDUN DU GTZOG PUR 'DUG STE BRJOD PAR BYA STE, 'DI NI BSNYEN PAR RDZOGS PA'I SKABS SU GSUNGS MOD KYI THAMS CAD LA YANG 'DUN PA DANG YONGS SU DAG PA DANG 'DRA BAS SPYIR MDOR BYAS SO, ,GZHAN GYI DON DU NI 'GRENGS TE 'DUD PA DANG BCAS PAR RO ZHES BYA BA NI DGE 'DUN LA YANG GZHAN GYI DON DU BRJOD PA GANG YIN PA DE NI RGAN PA'I MTHAR 'GRENGS TE 'DUD PA DANG BCAS PAS BRJOD PAR BYA STE, 'DI LTA STE ZHU BA DAG DANG 'DUN PA DANG YONGS SU DAG PA DANG, DGAG DBYE BRJOD PA DGE 'DUN GYI PHYOGS LA BYA BA DANG, DBYAR GNAS PA'I DGE 'DUN GYI DGAG DBYE MDZAD LAGS SO ZHES BYA BA DANG, KHRIMS SU BYA BA BZANG PO BRJOD PA DANG; RTZOD PA MI SKYED PA NYID DANG, TSUL SHING GI GRANGS DANG GNAS MAL LAS LOG PAR LONGS MI SPYOD PAR BYED PA NYID NI 'BRAS BU GO BAR BYED PA DAG GO, ,KHA CIG LAS GSANG STE STON PA NYID NI LAM GYI DBUS NAS ZHES SO ZHES BYA BA NI LAM GYI DBUS NAS GSANG STE STON PA DGE 'DUN BTZUN PA RNAMS GSAN DU GSOL ZHES

189a

, ,BYA BA'I TSIG GIS SO, ,LAM GYI DBUS NA GNAS PA DES 'DUD PA DANG BCAS PAS ZHES BYA BA NI 'DOD PA GCIG GO, ,GZHUNG KHA CIG LAS RGAN PA'I MTHAR 'GRENGS TE ZHES BYA BA NI GZHAN DAG GO, ,RDZAS BYIN GYIS BRLAB PA YANG NGO ZHES BYA BA LA, 'GRENGS TE ZHES BYA BA NI DE TZAM LA 'DIR 'DOD PAS 'GRENGS TE BYA'O ZHES BYA BAR SBYAR RO, ,MDUN DU ZHES BYA BA NI DE NYID 'DIR SHUGS KYIS THOB PA NYID DU RIG PAR BYA'O, ,'DIR GZHUNG NI SMAN BYIN GYIS BRLAB PA LAS, DGE SLONG GI MDUN DU 'GRENGS TE 'DI SKAD BRJOD PAR BYA'O ZHES GSUNGS PA YIN TE, DE'I RJES SU 'BRANG BAS THAMS CAD KYI DBANG DU BYAS PA'I PHYIR MDO 'DI BYAS SO, , PHAL CHE BA LA RAB TU GRAGS PA LA BRTEN PA'O, ,DBYUNG BAR BYA BA LA YANG DE'I RJES SU 'BRANGS NAS CHO GA'I SKYON SHES PAR BYA'O, ,'GAL BA'I ZLA NI BYIN GYIS BRLABS PA'AM, DBYUNG BAR BYA BA DAG GZHAN DU GNAS PAS MI RIGS SO, ,DE LTA BAS NA GANG GI MDUN DU BYIN GYIS BRLAB PA 'AM DBYUNG BAR BYA BA DE LA YANG SPYOD LAM DE KHO NA DANG 'DRA'O, ,'GRENGS TE 'DUG PA RNAMS KYIS DUS SU'O, ,LHUNG BZED DANG CHOS GOS BYIN GYIS BRLAB PA'I PHYIR RIGS PA NI MA YIN NO, ,MA DAD PA NYID KYIS DE YID LA CHAGS PAR 'GYUR RO, ,DE LTA BAS NA DE LA BRTEN NAS GNAS PA LAS BSNYEN PAR RDZOGS PA NI MKHAN POS BYAS SO, ,DE BAS NA LTUNG BA DANG BCAS PAR RIG PAR BYA'O; ,'DIR RDZAS KYI SGRAS NI GSO SBYONG GI NYI MA DANG, DGAG DBYE DANG LTUNG BA BYIN GYIS BRLAB PA DANG, PHYIR BCOS PA'I DON DU 'GRENGS TE 'DUD PA DANG BCAS PA NYID KYIS SO, ,GSO SBYONG DANG DGAG DBYE DAG BYIN GYIS BRLAB PA'I PHYIR TZOG PUR 'DUG STE BYA BAR GSUNGS PAS DE GNYIS KA YANG 'DUG STE BYA'O, ,DES NA GCIG DANG BCAS PA LA NI DE LA NGES PA DANG LDAN PA'I CHO GAS SHES PAR BYA'O, ,GCIG PUR LTUNG BA BYIN GYIS BRLAB PA NI LAS BYED PA POS DA LTAR BYA BA NYID LA MI 'THAD PAS 'DIR SPYOD LAM RNAM PAR MA 'KHRUGS PAS JI LTAR GNAS PAS DGE 'DUN LAS PHYI ROL DU DGAG DBYE BYIN GYIS BRLAB PA NYID KYANG 'DUG STE ZHES BYA BAR RIG PAR BYA'O; ,CHOS GOS DBYUNG BA DANG BYIN GYIS BRLAB PA DAG LA YANG 'DUG PA GCIG PUS BYA BA RIG PAR 'GYUR BA MTHONG BA YIN NO, ,GSO SBYONG GI LAS LA YANG DE LTA BU'I NGO BO'I RKYEN RNAMS LA 'GRO BA RNAMS KYIS BYED PAR GSUNGS PA DE BAS NA, DE LTA BU'I NGO BO'I RKYEN RNAMS LA GSO SBYONG BYIN GYIS BRLAB PA LA SOGS PA THAMS

189b

CAD DU 'GAL ZLA DANG 'GRO BA MA YIN PA LA YANG BYED PA NYID RIG PAR BYA'O, ,GSO SBYONG LA NI GCIG PU BYIN GYIS BRLAB PA 'GRO BA NYID LA DER SMOS PA NYID DO, ,KHA CIG NI DE'I NGO BO'I RKYEN RNAMS SU 'GYUR TE, GANG DU MI 'DUG PA RNAMS KYIS GNAS PAR RIGS PA YIN TE 'DUG PA RNAMS KYIS NI MA YIN NO, ,'DUG PA'AM MI GNAS PA RNAMS KYIS DER YANG NUS PA DE LTA BUR GYUR PA NYID LA BYA BA BYED PA 'GRO BA BZHIN DU DOR BAR MI RIGS PA DE BAS NA, DE LTA BU'I NGO BO'I RKYEN RNAMS LA GANG LA 'GRO BA NYID LA BYA BA NYID 'DUG PA LA YANG DE'I RDZAS BYIN GYIS BRLAB PA DANG, BTANG BA DAG NI 'DUG PA LA YANG RIG PAR BYA'O, ,RNAM PAR BRTAG PA NI DE NYID DO ZHES BYA BA NI GOS RNAM PAR BRTAG PA NI BYIN GYIS BRLAB PA NYID YIN PAR RIG PAR BYA'O, ,DES NA RNAM PAR BRTAG PA DE LA YANG CHO GA BZHIN DU SHES PAR BYA'I MA BYAS PA NYID NI SHES PAR MI BYA'O, ,'DIR GZHUNG NI SIL BU DAG LAS, 'DI LTAR RNAM PAR BRTAG PAR BYA STE, DGE SLONG GI MDUN DU 'GRENGS TE, BTZUN PA DGONGS SU GSOL ZHES BYA BA LA SOGS PA GSUNGS PA YIN NO, ,DE LA BZUNG STE ZHES BYA BA NI LAG PAS RDZAS DE BZUNG STE BYIN GYIS RLOB PAR BYED PA GNYIS KAS DE LTAR BYA'O, ,'DI NI GOS KYI DON LHUNG BZED DANG SMAN BYIN GYIS BRLAB PA'I PHYIR, LHUNG BZED DANG SMAN LAG PA G-YON PAR GZHAG PA STE, LAG PA G-YAS PAS BKAB NAS SO ZHES BYA BA SMOS TE, BYIN GYIS RLOB DU 'JUG PA DANG BYIN GYIS RLOB PA GNYIS KAR SMAN DANG, LHUNG BZED BYIN GYIS BRLAB PA LA GRAGS PA'O, ,BYIN GYIS RLOB PAR BYED PA BZHIN DU DE'I PHYI ROL DU LAG PA DAG GIS SO, ,DE NYID LA GANG GIS BYIN GYIS RLOB PA'I BDAG NYID CAN MNGON PAR BRTEN PA BYIN GYIS RLOB PAR BYED PA DES LUS KYIS MNGON PAR BRTEN PA RIGS PA NI 'DIR YAN LAG NYID DO, ,CIG SHOS KYIS GANG ZHIG GI MI RIGS PA DE 'DIR YAN LAG NYID LA ZHES BYA BA SNOD DU MI RUNG BA NYID KYI PHYIR DANG DGOS PA GNANG DU MI RUNG BA NYID KYI PHYIR DE LA MA BRTEN PA'O, ,DBYUNG BAR BYA BA LA YANG RDZAS KYI CHO GA 'DI'I RJES SU 'BRANG BAR SHES PAR BYA'O, ,LHUNG BZED KYI DBYUNG BA NI LAG PAS STENG NAS G-YOGS PA BTANG STE, LAG PA YA RES KHA NAS BZUNG STE BYA BA NI RIGS PA YIN NO, ,GZUNG BAR BYA BA MA YIN PA NYID LA NI MDUN DU BZHAG STE'O ZHES BYA BA NI GZUNG BAR BYA BA'I RDZAS NYID MA YIN PA NI 'DI LTA STE, GSER DNGUL LA SOGS PA'I SGRAM BU MDUN DU BZHAG STE BYIN GYIS BRLAB

190a

, ,PAR BYA'O, ,LAS NI 'DUG PA NYID KYIS SO ZHES BYA BA NI GSOL BA LA SOGS PA'I LAS THAMS CAD 'DUG PA NYID KYIS BYA'I SPYOD LAM GZHAN GYIS NI MI BYA'O, ,DGAG DBYE BYED PA PO LA MNGON SUM DU CHO GA BRJOD PA YIN NO, ,BRJOD PA PO LA YANG DGAG DBYE BYED PA LA SNGAR GSUNGS PA NYID KYI TSIG RIG PAR BYA'O, ,LHAG MA'I DON DU MDO 'DI SHES PAR BYA'O, ,GSOL BA DANG LAS BRJOD PA'I BSTAN PA RNAMS NI MI BYED PA'I KHA SKONG BAR BYED PA RNAMS KYI DGAG DBYE PHYE BA LAS KHA SKONG DU BYED PA GZHAN RNAMS ZHES BYA BA'O, ,DGE 'DUN NAM GCIG KHO NA LA MA BRTEN PA NI GANG ZAG DGE SLONG LA BRJOD PAR BYA'O ZHES BYA BA LA GANG DU 'DIR DGE 'DUN NAM GANG ZAG GSOL BAR BYA BA LA MI BRTEN BAR NI 'DI LTA STE, GNAS LA SOGS PA'I MING BRJOD PA STE, GRONG DU ZHUGS PA'I DON DU'O, ,LTA BA DAG DANG, DE LAS GZHAN DU GCIG PU BYA BA NYID LA 'DI LTA STE, RDZAS BYIN GYIS BRLAB PA DANG, NYIN ZHAG BYIN GYIS BRLAB PA LA GANG ZAG GI DER GSOL BAR BYA BA NYID SHES PAR BYA'O; ,DGE SLONG GZHAN LA BRJOD PAR BYA BA NYID DO ZHES BYA BA NI DGE SLONG LA SOGS PA NYID YIN GYI GZHAN LA NI MA YIN NO ZHES BYA BA SMOS SO, ,CHOS GOS DBYUNG BA DANG BYIN GYIS BRLAB PA NI NYE BAR MI GNAS NA YID KYIS RNAM PAR BRTAGS PAS 'CHAGS SO ZHES BYA BA LA NYE BAR MI GNAS NA ZHES BYA BA NI DBANG DU BYA BA NYID KYI PHYIR DGE SLONG LA'O, ,'DIR CHOS GOS NYE BAR MI GNAS NA RNAM PAR BRTAG PA DANG BYIN GYIS BRLAB PA DAG BYA'O, ,PHYIR BTANG BA NI NYE BAR GNAS PA DGOS PA YIN GYI, DE BAS NA CHOS GOS NYE BAR MI GNAS PA LA BTANG BA MA GRUB PA SHES PAR MI BYA'O, ,DGE SLONG NYE BAR GNAS PA YOD PAR GYUR PA LAG TU BYA STE BTANG BA NYID DO, ,'DIR GZHUNG NI DGE SLONG DAG LNGA PO 'DI DAG NI SEMS BSKYOD PAS 'GRUB PA YIN TE, GSO SBYONG DANG DGAG DBYE DANG CHOS GOS BYIN GYIS BRLAB PA DANG, CHOS GOS RNAM PAR BRTAG PA DANG, GANG ZAG GI MGRON DU BOS PA'O ZHES GSUNGS PA YIN NO, ,DE LA GSO SBYONG DANG DGAG DBYE GNYIS LA MDO 'DI BYAS PA MDUN ROL DU ZHES BYA BA 'DIR BSDU BA MA BYAS PA'O, ,'DIR MGRON DU BOS PA BLANGS PAS CHO GA BRJOD PAR RIG PAR BYA'O, ,DE LTAR 'DI LA KHAS LEN PAR MI BYA ZHES BYA BA 'GA' ZHIG TU YANG 'GRUB PA YOD PA MA YIN NO, ,DE YANG YOD PA MA YIN TE, 'DI LA 'DI LTAR 'PHEL BA ZHES BYA BA SMOS PAS RNAM PA DE LTAR 'DI

190b

MI BYA ZHES BYA BA DE BAS NA DE MDOR MA BRIS SO, ,MI SMRA BA'I NGO BO DANG DU LEN PAS DE BYA BA'I DE'I NGO BO MNYAM PAR SBYAR BA YOD PA LA TSIG GIS ZHES BYA BA 'DIR CHO GA SHES PAR BYA STE, MDO'I RJES SU 'BRANGS NAS KYANG NGO, ,GANG ZAG GIS MGRON DU BOS PA SEMS BSKYED PAS 'GRUB PA NI CANG MI GSUNG PAS ZHES MDO'I SDE LAS GSUNGS PA YIN NO, ,DE'I NGO BO MNYAM PAR SBYAR BA YOD PA LA TSIG GIS SO, ,GAL TE DE RGYAL PO CHEN PO KHYOD KYI BTZUN MO PHRED LDAN MA RJES SU SHES NA DE LTAR DU BDAG NI DANG DU MI LEN PA ZHES BYA'O, ,'DIR RIGS PAS KYANG BRJOD PA'I RNAM PA NYID 'DIR TSIG MYUR BA NYID DU BSTAN PA'O, ,'DIR CANG MI GSUNGS BAS GNANG NGO ZHES GSOL BA MA GRUB PA MA YIN TE, DE LTA BAS NA 'DIR CANG MI GSUNG BA'I NGO BO NI LEGS PA YIN NO, ,SNGA MA MA PHYUNG NA PHYI MA MI 'CHAGS SO ZHES BYA BA NI DNGOS PO LA SNGAR BYIN GYIS BRLABS PA MA PHYUNG BAR GZHAN BYIN GYIS RLOB PAR BYED PA GANG YIN PA DE MI 'CHAGS SO, ,GCIG PUS BYIN GYIS RLOB NA DE LA DANG POR BSAM PA BSGRUB CING TSIG TU BRJOD PAR BYA'O ZHES BYA BA NI GANG ZHIG GCIG PUS BYIN GYIS RLOB PAR BYED NA YANG DE LA YANG TSIG TU BRJOD PAS BYIN GYIS BRLAB PAR BYA'O, ,'DIR GZHUNG NI DGE SLONG BRAM ZE'I BU MOS ZHUS PA LAS, DE LTAR SEMS BSKYED PAR BYA ZHING TSIG TU BRJOD PAR BYA'O ZHES GSUNGS PA YIN NO, , DGE SLONG DANG 'DU BA NYID NA BLA GOS PHRAG PA GCIG TU BYAS PA NYID DO ZHES BYA BA NI 'CHAGS PA LA SOGS PA DAG LA DGE SLONG DANG LHAN CIG 'DU BA NYID NA BLA GOS PHRAG PA GCIG TU BYAS PA NYID KYIS KUN NAS G-YOGS PA DANG BRAL BA NYID RIGS PAR BLTA BAR BYA'O, ,RANG GI DON DU SNGAGS LAN GSUM RJOD PAR BYED PA NYID NA DE'I 'OS NYID LA PHYAG BYAS TE'O ZHES BYA BA NI, RANG GI DON DU DGE 'DUN NAM GANG ZAG GANG LA BRJOD PA'I BDAG NYID DAM, GZHAN GANG YANG RUNG BA'I SNGAGS LAN GSUM BRJOD PA NYID KYIS MDUN ROL DU GAL TE BZLAS TE PHYAG BYA BA NYID YIN NA PHYAG BYA STE BRJOD PAR BYA BA'I DUS NI RIGS PA'O, ,GSANG STE STON PA YANG NGO ZHES BYA BA YANG PHYAG BYAS TE BYA BAR RIGS PA'O, ,SNAM SBYAR DANG BCAS PA NYID LA BSNYEN PAR RDZOGS PA'I PHYIR 'DUS PA LA YANG NGO ZHES BYA BA NI BSNYEN PAR RDZOGS PAR BYA BA'I PHYIR 'KHOD PA LA SNAM SBYAR DANG BCAS PA NYID DU GYUR PA NI BSNYEN PAR RDZOGS PAR BYA BA DES PHYAG BYA BA NYID DU RIGS PA'O, ,CHOS GOS BYIN GYIS

191a

, ,BRLAB PA LA SNAM SBYAR DANG BCAS PA NYID DE DE'I GNAS SKABS CAN LA BSTAN PAR RIG PAR BYA'O, ,DANG POR GSUM MO ZHES BYA BA NI BSNYEN PAR RDZOGS PAR BYA BA'I PHYIR 'DUS PA'I DANG POR DGE SLONG DANG PHRAD DO COG THAMS CAD LAS BSNYEN PAR RDZOGS PAR BYA BA DES PHYAG BYA BAR RIGS PA YIN NO, ,DE YANG LAN CIG MA YIN TE 'ON KYANG LAN GSUM PHYAG BYA BAR RIGS PA YIN TE, DE'I DON NYID DU 'DUS PA'I DGE 'DUN NAM GANG ZAG DE DAG LA YANG THAL MO SBYOR BAR BYED PA'I GANG ZAG DES THAL MO SBYOR BA NYID DU RIGS PA YIN NO, ,GCIG PUR 'DUS PA DANG GNYIS PA NI SKAL BA MNYAM PAR SON PA NI RAB TU BRTEN PAR GYUR PA DANG PO SHIN TU GYUR PA'I SNGON ROL DU'O, ,'DI BSTAN PA NGES PAR 'BYED PAR RIGS PA ZHES BYA BA 'DIR DANG POR PHYAG BTZAL BAR BYED PA LA DANG POR 'JUG PAR RIGS PA DE'I PHYIR 'DIR DANG POR LAN GSUM PHYAG BYA BAR GSUNGS SO, ,DE'I DON NYID DU DANG NYI MA BRJOD PA LA THAL MO SBYAR BA NYID DO ZHES BYA BA NI THAL MO SBYOR BAR BYED PA'I GANG ZAG DE'I DON 'DI LTA STE, RAB TU DBYUNG BA'I PHYIR ZHU BA DANG, YANG DAG PAR BLANG BA DANG, MKHAN PO NYID LA SOGS PAR GSOL BA DANG, SBYIN PA DAG DANG BAR CHAD DRI BA DANG, BSNYEN PAR RDZOGS PA'I PHYIR 'DU BA DAG BSGRUB PA'I PHYIR DGE 'DUN NAM GANG ZAG 'DUS PAR GYUR PA DE NI DE'I DON NYID DU ZHES BYA STE, NYIN ZHAG BYIN GYIS BRLAB PA DANG, GSO SBYONG DANG DGAG DBYE'I DUS BYIN GYIS BRLAB PA DANG, 'DUN PA DANG YONGS SU DAG PA DANG DGAG DBYE SBYIN PA DANG, GCIG TU 'DUN BA YONGS SU DAG PA DANG, DGAG DBYE SBYIN PA DANG, DBYUNG BA DAG DANG YONGS SU GNAS PA'I DUS 'DAS PA BRJOD PA DANG, YONGS SU GNAS PA LA SOGS PA LAS DBYUNG BA LA SOGS PA DE LA YANG DE'I ZLA BA'I NGO BO 'DI'I NYI MA'I 'DI'O ZHES BRJOD PA DAG STE, DE LA YANG THAL MO SBYAR BA NYID DU RIGS PA YIN NO, ,GAL TE GANG ZAG GIS RANG GI DON DU BRJOD NA GSOL BA BTAB PAS MJUG TU THABS YIN NO ZHES SO ZHES BYA BA NI GAL TE GANG ZAG GIS RANG GI DON TZAM SGRUB PA'I PHYIR BRJOD NA GSOL BA GANG BTAB PA'I GANG ZAG GIS DE SNGAGS BRJOD DU BCUG PA'I MJUG TU THABS YIN NO ZHES BRJOD PAR BYA'O, ,THABS LAS BYUNG BA'I THABS YIN TE, KHYOD KYIS 'DUL BA LA SOGS PA NYID KYI PHYIR RANG GI DON LA AE KAn NO, ,DE LTAR BYAS NA

191b

DON DE SGRUB PA'I THABS YIN NO ZHES BYA BA'I DON TO, ,DE'I RJES LA CIG SHOS KYIS LEGS SO ZHES BYA BA NI GSOL BA BTAB PA'I GANG ZAG DES THABS YIN NO ZHES BRJOD PA DE'I RJES SU GSOL BA 'DEBS PA'I GANG ZAG CIG SHOS KYIS LEGS SO ZHES BYA BA STE, THABS YIN NO ZHES GANG SMRAS PA DE LEGS TE, DE NI THABS YIN NO ZHES BYA BA'I DON TE, 'DUN PA DANG ZHE SDANG DANG GTI MUG DANG 'JIGS PAS 'GRO BA DANG BRAL BA BYAS PA DANG MA BYAS PA DRAN PAR NUS PAR SPRO BAR BYA STE BSKO'O ZHES BYA BA NI, DE LTA BU'I BYA BA DE RNAMS LA DES ZHES BYA BA STE, SPRO BAS BYAS PA YIN GYI; SPRO BA MA BYAS PAR NI MA YIN NO, ,BYAS PA NYID NI GNAS PAR BRJOD PAR BYA'O ZHES BYA BA NI LAS LA RAB TU GNAS PA NYID CES BYA BA LAS BYED PA PO MA YIN PAS BYAS PA NYID 'DI LA RIG PAR BYA'O, ,DPER NA DGE 'DUN GYIS BZOD CING GNANG NAS DGE 'DUN MING 'DI ZHES BGYI BA DGE SLONG RUNG BA LA 'CHAGS PA'I GZHI BSTAN PA SBYIN PA STE, GANG GI TSE 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA LA SOGS PA LTA BU'O, ,GSOL BA NI GO BAR BYA BA TZAM YIN PA'I PHYIR RO, ,'DI LA BYED PA YOD PA MA YIN TE, DE LTA BAS NA GSOL BA DANG BZHI'I LAS LA DE THAL BA MA YIN NO, ,MTSAMS GCOD BA NYID NI GCAD PA DANG 'DRA BA NYID DU SHES PAR BYA'O ZHES BYA BA LA 'DIR MTSAMS GCOD PA NYID CES BYA BA NI MTSAMS MA MNAN PAR DGE 'DUN GNAS PA LA MTSAMS BCAD PA NYID 'GRUB PA MA YIN TE, DE BZHIN DU BCAD PAR GYUR PA NYID KYANG MI 'GRUB STE, 'DI LTAR MTSAMS GCAD PAR 'DOD PA NGOS DE DANG NYE BA'I PHYOGS DE NA GNAS PA'I DGE 'DUN GYI CHA'I PHYOGS DER YANG BCAD PAR MI 'GYUR RO, ,SDUD PAR BYED PAS GAnd'I BRDUNG BA DANG, 'DRI BA LA BRJOD PA RJES SU BSGRUB PA DAG GIS BSDU BAR BYA BA DAG LA GO BAR BYA'O ZHES BYA BA NI, DGE 'DUN SDUD PAR BYED PA'I GANG ZAG GIS GAnd'I BRDUNG BA DANG, CI'I PHYIR BRDUNG ZHES DRI BA DAG LA TSIG GANG ZHIG RIGS PA LAS MA 'DAS PA DE DANG 'DRA BA'I TSIG DRI BA LA BRJOD PA'O, ,DES DE DAG GI DON DU BSHAM MO ZHES BYA BA NI, SDUD PAR BYED

192a

, ,PA DES SDUD PAR BYA BA DE DAG GI DON DU STAN BSHAM PAR BYA'O, ,BSKOS PA'I BYA BA DE'I DON NYID LA NI DE NYID DO ZHES BYA BA NI, BSKOS PA DE'I BYA BA LAG GI BLA LA SOGS PA DON GANG GI PHYIR DE BGO BAR BYA BA DE'I DON NYID LA BSDU BAR BYA BA DE BSKO BAR BYA BA DE NYID NI 'DUG PAR BYED PA PO NYID DO, ,DES 'DIR GAnd'I BRDUNG BA LA SOGS PA BYA'O, ,THAMS CAD LA RGAN RIMS SU'O ZHES BYA BA NI SHING DRUNG DANG NE'U GSING GI PHYOGS DANG DGON PA'I SA GZHI DANG, 'DUG PA'I GNAS THAMS CAD LA RGAN RIMS SU BSKO BA RIGS PA NYID YIN NO, ,BLANG BAR BYA BA NYID LA NI 'DOD PA MCHOG YIN NO ZHES BYA BA NI BSDU BAR BYA BA DANG 'DUL BA DANG PHYAG BYA BA DANG, MDUN DU 'GRO BA DAG GAM, DE LTA BU GZHAN LA YANG RNAM PA RTOG PA MED DO, ,DER JI LTAR RGAN RIMS KHO NAS RNAM PAR MI GZHAG GO, ,BLANG BAR BYA BA GNAS MAL LA SOGS PA DAG LA NI 'DOD PAS MCHOG NYID DU RNAM PAR GZHAG GI DNGOS PO LAS RNAM PAR MI GZHAG STE, LEN PA PO RGAN PA DE 'DOD PA YIN NA NGAN PA GANG YIN PA DE YANG DE LA SBYIN PAR BYA BA'I PHYIR MCHOG YIN GYIS GANG THOB PA BZANG PO DE NI MCHOG NYID MA YIN NO, ,'DIR GZHUNG NI DNGOS PO CHEN PO GANG DAG YIN PA LA BYI DOR BYED PAS RGAN PO DAG RAL BAR GYUR PAS MI 'DOD NAS, DE DAG LA MI 'DOD BZHIN DU SBYIN PAR MI BYA BAR GSAR BU DAG GIS DE DAG BLANG PAR BYA'O ZHES GSUNGS PA YIN NO, ,LAS SPYIR BSTAN PA'O,, ,,BSGO BA LAS BYUNG BA PHYIR MA BCOS PAS LAS NYAMS SU MYONG BAR MI BYA'O ZHES BYA BA NI BSGO BA LAS GYUR PA 'DIS MA BYAS PA DGE 'DUN GYI LHAG MA BZHI LAS LTUNG BA 'BA' ZHIG DANG, LTA BA'I RNAM PAR MI GTONG BA'I LTUNG BYED KYI BDAG NYID BSGO BA LAS BYUNG BA PHYIR MA BCOS PA DES LAS NYAMS SU MYONG BAR MI BYA STE, DE NYAMS SU MYONG BA DE LA NI NYES BYAS SO, , GANG DAG GIS DE KHA NA MA THO BA DE PHYIR MA BCOS PAR SHES BZHIN DU DE DANG LHAN CIG LAS NYAMS SU MYONG BAR BYED PA DE DAG LA YANG NYES BYAS SU 'GYUR BAR RIG PAR BYA'O, ,DGE 'DUN LAS THA DAD PA'I DNGOS POR GYUR PA ZHES BYA BA DE LTA BUR GYUR PA'I KHA NA MA THO BA 'DI RNAMS DANG, LUS KYI LAS NGAN

192b

PA BYED PA GZHAN DU GYUR PA LA GZHAN DU GTOGS PA ZHES BYA BA NYES BYAS 'DI SHES PAS SO, ,GSO SBYONG DANG DGAG DBYE DAG NI MA GTOGS SO ZHES BYA BA NI DE NA GNYIS NYAMS SU MYONG BA LA NYES BYAS SU MI 'GYUR RO ZHES BYA BA'I DON TO, ,DGE 'DUN DU BYED PA LA NI YAN LAG GI DNGOS POR MI SBYOR BA'O, ,RANG GI DON DU 'GRO BA DAG GANG ZHIG BYED PA 'DI DGE 'DUN GYIS DOR BAR BYA BA MA YIN NO, ,DGE SLONG GI DON LA GZHI SPANGS PA LA NYAMS ZHES BYA BA NYID DU SHES PAR BYA'O, ,'DIR GZHUNG NI RNAM PAR 'BYED PA LAS, DGE SLONG GIS JI SRID DU GZHI DES MA BSHAGS SHING SO SOR MA BSHAGS PAR GSOL BA DANG, GSOL BA DANG GNYIS DANG GSOL BA DANG BZHI'I LAS NYAMS SU MYONG BAR BYED NA THAMS CAD DU NYES BYAS SO ZHES GSUNGS PA YIN NO, ,'DIR 'DRA BA'I RJES SU 'BRANGS NAS SMOS PA YIN GYI, CHOS MA YIN GYI LAS NYID SMOS PA ZHES BYA BA SNGA MA LA 'DI GO BAR BYED PA NYID NI MA YIN TE, GSO SBYONG DANG DGAG DBYE DAG LA NI MA YIN NO, ,MTSAMS GZHAN NA GNAS PA NI GANG GI YAN LAG NYID KYANG MA YIN NO ZHES BYA BA NI DGE 'DUN NAM GANG ZAG MTSAMS GZHAN NA GNAS PA NI LAS GANG GI YAN LAG NYID KYANG MA YIN TE, BYIN LEN LA SOGS PA BYAS KYANG MA BYAS PA NYID DU SHES PAR BYA'O, ,MTSAMS GZHAN NA GNAS PA NYID NA BZOD PAR GSOL BA LA SOGS PA'I GSOL BA YANG 'DI LTA STE, 'DUN PA DANG YONGS SU DAG PA DANG DGAG DBYE BYA BA DANG, BRJOD PA 'DI RNAMS LA YANG DGAG DBYE BYED PA PO 'JOG PA DANG DGAG DBYE LA'O, ,DER SONG NA TSOGS PA'I YAN LAG NYAMS SO ZHES BYA BA NI MTSAMS GZHAN DU SONG NA GANG ZHIG TSOGS PA'I YAN LAG 'DI LTA STE, 'DUN PA DANG YONGS SU DAG PA DANG DGAG DBYE BLANGS PA DE MTHAR NI NYAMS PA STE DE LA'O, , DE BAS NA NYAMS PA'I NYES PA SPANG BA'I PHYIR, 'DUN PA LA SOGS PA LEN PA DES NAM MKHA' LA 'DUG PAR MI BYA'O ZHES BYA BA LA SOGS PA'I BSLAB PA'I GZHI BCA' BAR MDZAD DE, ,'DIR GZHUNG NI GLENG GZHI DAG LAS, BTZUN PA DGE SLONG GI 'DUN PA BLANGS TE, STENG GI

193a

, ,NAM MKHA' LA MCHIS NA 'DUN PA 'TSAL TE MCHIS ZHES BRJOD PAR BGYI'AM, 'TSAL TE MA MCHIS ZHES BRJOD PAR BGYI, NYE BA 'KHOR KHYER TE MA 'ONGS ZHES BRJOD PAR BYA STE, YANG BLANG BAR BYA'O, ,BTZUN PA DGE SLONG YONGS SU DAG PA LEN PAS YONGS SU DAG PA BLANGS TE, STENG GI NAM MKHA' LA 'TSAL TE MCHIS ZHES BRJOD PAR BGYI'AM, 'TSAL TE MA MCHIS ZHES BGYI, NYE BA 'KHOR MA 'ONGS ZHES BRJOD PAR BYA STE YANG BLANG PAR BYA'O ZHES GSUNGS PA DANG, ZHU BA LAS KYANG YONGS SU DAG PA BLANGS NAS MTSAMS KYI SLAD ROL NAS MCHIS NAS YONGS SU DAG PA RGYUN, CHAD PAR BRJOD PAR BGYI'AM, RGYUN MI 'CHAD PAR BRJOD PAR BGYI BKA' STZAL PA, RGYUN CHAD PAR BRJOD PAR BYA'O ZHES GSUNGS PA YIN NO, ,'DI NI DES 'JIGS PAS MTSAMS KYI PHYI ROL NAS KHYER TE 'ONGS PA LA NI NYES PA MED DO ZHES GANG SMOS PA DE'I DMIGS KYIS BSAL BA YIN PAR RIG PAR BYA'O,, GCIG TU RKANG PA YA GCIG LA GCIG TU YA GCIG NA GNYIS KAR GNAS PA NYID DO ZHES BYA BA NI MTSAMS GCIG TU GANG GI RKANG PA YA GCIG PA ZHAG LA MTSAMS GCIG TU RKANG PA YA GCIG BZHAG NA DE'I MTSAMS DE GNYI GAR GNAS PA YIN PA'O, ,THAMS CAD NON PA LA GNAS NA NON PA NYID DO ZHES BYA BA NI MTSAMS SU MA NON PA'I RDZAS LA GNAS PA GANG YIN PA DES NI MTSAMS JI TZAM NON PA NYID YIN PA'I RDZAS DES NON PA'I MTSAMS DE THAMS CAD DU GNAS PA NYID YIN NO, ,DU MAR GNAS PA KHAS BLANGS PA LA NI 'CHAGS PA KHO NA'O ZHES BYA BA NI MTSAMS GNYIS LA GNAS PA'I RKANG PA DAG GIS NON PA'I RDZAS LA GNAS PA GANG YIN PA JI SNYED PA'I GNAS GCIG TU DBYAR GNAS PAR KHAS LEN PA DE LA NI MI 'CHAGS PA MA YIN TE, 'CHAGS PA KHO NA YIN NO, ,GNAS MAL DU MA MNOD PAR RIGS PA NYID DO ZHES BYA BA NI SNGAR BSTAN PA'I TSUL KYIS MTSAMS DU MAR GNAS BSTEN PAR GYUR PA LA DE DANG NYE BA DE DAG GI KHONGS SU GTOGS PA GNAS MAL MNOD PAR BYED PA DE NI CHOS DANG MI MTHUN PA MA YIN NO ZHES BYA BA'I DON TO, ,CI DES THAMS CAD DU DUS MNYAM PAR GNAS PAR BYA'AM, 'ON TE MTSAMS DU MAR CI DGAR GNAS PAR BYA ZHE NA, DE'I PHYIR JI LTAR 'DOD PAS DUS 'GA' ZHIG GI TSE SKABS

193b

'GA' ZHIG GAM GCIG LA DUS THAMS CAD DU MNGON PAR BRTEN PAR BYA BA MA YIN NO, ,DE'I PHYIR DES CI DGAR GNAS PAR BYA BA NYID DO ZHES BYA BA SMOS TE, DES GTZUG LAG KHANG DU DUS JI SRID GNAS PAR 'DOD PA DE SRID DU DER GNAS PAR BYA BA NYID YIN NO, ,CHO GA 'DI RNAMS LA NAM MKHA' CI'I PHYIR MA SMOS NA, MTSAMS GZHAN SMOS PA NYID KYI PHYIR NAM MKHA' LA 'DUG PAR MI BYA'O ZHES BYA BA LA CI'I PHYIR SMOS, NANG GI NAM MKHA' PHYI ROL DU'O ZHES BYA BA GTOGS PA'I PHYIR RO, ,RGYAL BA NI MI MTHUN PA NYID BYED PA MA YIN NO ZHES BYA BA NI DE BZHIN GSHEGS PA NANG GI MTSAMS LA GNAS SHING RJES SU MA ZHUGS PAR 'DUG PA LA LAS BYED PA DE NI DKON MCHOG GZHAN YIN PAS LAS MI MTHUN PAR BYED PA MA YIN NO ZHES BYA BA'I DON TO, ,KHA SKONG BAR BYED PA NYID MA YIN NO ZHES BYA BA NI RGYAL BA NI DGE 'DUN GYI KHA SKONG BAR BYED PA MA YIN TE, ,LAS DAG MI BYA BA NYID MA YIN NO, ,DES BYA BA LAS MA YIN PAS MI 'CHAGS SO ZHES BYA BA NI LAS NGES BSNYEN PAR RDZOGS PA LA SOGS PAR BYA BAR RNAM PAR GZHAG PA GANG YIN PA DE LAS MA YIN PAS BYAS NA MI 'CHAGS SO, ,'DIR GZHUNG NI BSNYEN PAR RDZOGS PAR BGYI BA GSOL BA DANG, BZHI'I LAS MI BGYID NA BSNYEN PAR RDZOGS ZHES BGYI'AM, BSNYEN PAR MA RDZOGS ZHES BRJOD PAR BGYI, BKA' STZAL PA, BSNYEN PAR RDZOGS ZHES BRJOD PAR BGYI'O ZHES GSUNGS PA YIN NO, ,DE BSNYEN PAR RDZOGS PAR BYA BA'I SKABS SU GSUNGS PA YIN MOD KYI THAMS CAD LA 'DRA BAS 'DIR SPYIR MDOR BYAS SO, ,PHAL CHER BYAS PA NYID YIN YANG LAS YONGS SU MA RDZOGS PA'I PHYIR DE MA BYAS PA NYID YIN PAR DOGS PA BSAL BA'I PHYIR, TSIG PHAL CHER BYAS PA NYID NI BYAS PA NYID DO ZHES BYA BA SMOS TE, GANG ZHIG GSOL BA'I BDAG NYID DAM BRJOD PA'I BDAG NYID KYI TSIG PHAL CHER BYAS PA NYID CES BYA BA SUM GNYIS BRJOD ZIN NA SUM CHA BRJOD PA'I TSE NA RIL GYIS ZIN PA NYID YIN NO ZHES BYA BA'I DON TO, ,GSOL BA DANG BRJOD PA DAG LA DON 'DI SKABS GSUM YOD DE, DANG PO NI RANG GI NGO BO TZAM BRJOD PA STE, DPER NA DGE 'DUN BTZUN PA RNAMS GSAN DU GSOL ZHES BYA BA LA SOGS PA LTA BU'O, ,GNYIS PA NI BYA BA BRJOD PA STE, DPER NA MING 'DI ZHES BGYI BA 'DI ZHES BYA BA LA SOGS PA LTA BU'O, ,GSUM PA NI BYED PA BRJOD PAR BYA

194a

, ,STE; DPER NA DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG ZHES BYA BA LA SOGS PA LTA BU'O, ,GANG RNAMS KYIS ZHES BYA BA DANG POR BRJOD PA ZHES BYA BA 'DIR GSUM PA'I CHA LA THA MA 'JUG PA NYID DO ZHES BYA BA DE'I RJES SU 'BRANGS PAS RTOGS PAR BYA'O, ,CI TSIG THAMS CAD LA PHAL CHER BYAS PA NYID NA BYAS PA NYID YIN NAM ZHE NA DE'I PHYIR 'OG MA MED PA LA'O ZHES BYA BA SMOS TE, TSIG GANG LA 'OG MA MED PA DE NI 'OG MA MED PA STE, GANG ZHIG THA MA'I TSIG DE LAS PHAL CHER BYAS PA NYID NA BYAS PA NYID DO, ,GSOL BA'I LAS NI PHAL CHER BYAS PA NYID NA BYAS PA NYID DO, GSOL BA DANG GNYIS KYI LAS LA NI LAS BRJOD PA NYID 'OG MA MED PA YIN NO, ,GSOL BA DANG BZHI'I LAS LA NI LAS BRJOD PA GSUM PA 'OG MA MED PA YIN NO ZHES BYA BA'I DON TO, ,'DIR GZHUNG NI GLENG GZHI DAG LAS, MTSAMS BCAD PA LA BTZUN PA RE ZHIG MTSAMS 'GUMS PA NA DGE SLONG LAS BGYID PA SROG CHAD CING DUS BGYIS PAR GYUR NA MTSAMS BKUM PAR BRJOD PAR BGYI'AM, MA BKUM PAR BRJOD PAR BGYI, NYE BA 'KHOR GAL TE MTSAN MA DAG BRJOD PAR GYUR NA NI LAS PHAL CHER BAS PAS GCAD PAR BRJOD PAR BYA'O, ,BZLOG PAS NI MA BCAD PAR BRJOD PAR BYA'O, ,DGE SLONG MA'I MTSAMS LA YANG DE BZHIN NO ZHES GSUNGS PA YIN NO, ,DE NYID THAMS CAD DU RUNG BAS 'DIR SPYIR MDOR BYAS SO, ,GANG ZHIG SLAR BYAS PA NYID LA YANG TSIG PHYI MA'I TSIG LA ZHES BYA BA DE BAS 'DIR TSIG 'OG MA MA YIN PA LA ZHES BYE BRAG TU BSTAN PA'O, ,MTSAN MA DAG MA BRJOD PA NYID NA MA BCAD PA YIN NO ZHES BYA BA NI, PHAL CHER BYAS PA NYID NA BYAS PA NYID YIN DU ZIN KYANG PHYOGS BZHI'I MTSAN DAG MA BRJOD NA MTSAMS GCAD PA'I LAS BYAS PA DAG MA YIN TE, MTSAMS NGES PA LA DE RNAM PAR GZHAG PAR 'GYUR RO, ,DE LA RNAM PAR GZHAG PA DE NI LAS ZHES BYA STE DE BAS NA DE SHES PA'O, ,YONGS SU GNAS PAS NI NYE BAR GNAS PA LAS GZHAN PA'O ZHES BYA BA NI YONGS SU GNAS PAS NI TSANG PAR SPYOD PA STE, NYE BAR GNAS PA'I SDOM PA MA GTOGS

194b

PAR DE LAS GZHAN PA'I LAS BYAS PA NYID NA BYAS PA NYID YIN PA'O, ,'DIR GZHUNG NI DGE SLONG BRAM ZE'I BU MOS ZHUGS PA LAS, YONGS SU GNAS PAS DGE SLONG GNAS NAS 'BYIN PA GNAS NAS PHYUNG BAR BRJOD PAR BGYI'AM, NYE BAR GNAS PA'I SDOM PA MA GTOGS PAR LAS THAMS CAD BYAS PAR BRJOD PAR BYA'O ZHES GSUNGS PA YIN NO, ,GANG ZHIG 'DIS LAS RNAMS MI BYA BA NYID DU GSUNGS PA DER MI 'CHAGS PA NYID LA DE NI DPE TZAM DU ZAD DE, BSDU BAR BYAS NAS MA YIN PA ZHES BYA BA DE'I PHYIR DE SHES PA'O, ,DE LTA BAS NA DPE TZAM DU DGE 'DUN LHAG MA SPYOD PA LA GNAS PA GZHAN DAG LA YANG CHO GA 'DI ZHES BYA BA SHES PAR BYA'O, ,SMYON PAS BTON PA YANG NGO ZHES BYA BA NI SMYON PAS SO SOR THAR PA'I MDO GDON PAR BYAS PA LA YANG BYAS PA NYID YIN NO, ,'DIR GZHUNG NI SMYON PAS SO SOR THAR PA'I MDO BTON NA, SO SOR THAR PA'I MDO GDON, PAR BRJOD PAR BGYI'AM, BKA' STZAL BA BTON PAR BRJOD PAR BGYI'O, ,GSO SBYONG BGYID PAR BRJOD PAR BGYI 'AM, BKA' STZAL PA BYAS PAR BGYI'O ZHES GSUNGS PA YIN NO, ,'DIR SMYON PA NI DPE TZAM DU ZAD DE NGES NA RANG BZHIN DU NYAMS PA THAMS CAD 'PHANGS PA YIN TE DON DRAN PA'I PHYIR RO, ,DBYEN RJES SU SGRUB PA NI GSOL BA DANG 'DRA'O ZHES BYA BA NI RGYU GANG DAG GIS GSOL BA'I LAS BYAS PA'I MI 'CHAGS PA DE BZHIN DU RGYU DE DAG NYID KYIS DGE 'DUN GYI DBYEN GYI SBYOR BA RJES SU SGRUB PA LA NI YANG DE RNAMS KYIS SHES PA'I DON TO, ,GANG ZHIG 'DIR TSUL SHING DAG LEN PA DANG, 'DRIM PAR BYED PA'I NGO BO DE'I DON DU MDO 'DI BYAS TE, GZHAN LA GSOL BA NYID KYI PHYIR RO, ,'DIR GZHUNG NI ZHU NA LAS GNAS NAS PHYUNG BA DANG DGUS DGE 'DUN MA PHYED PAR BRJOD PAR BYA'O, ,RKU THABS SU GNAS PA DANG DGUS DGE 'DUN 'BYED NA DGE 'DUN MA PHYED PAR BRJOD PAR BYA'O, ,MTSAN GNYIS PAS TSUL SHING LEN TAM, RJES SU SGROGS NA DGE 'DUN BYE BAR BRJOD PAR BGYI'AM, DGE 'DUN MA BYE BAR BRJOD PAR BGYI, BKA' STZAL PA, DGE 'DUN MA BYE BAR BRJOD PAR BYA'O ZHES GSUNGS PA YIN NO, ,'DI LA

195a

, ,MTSAN MI MTHUN PA NYID NI YAN LAG MA YIN NO, ,RJES SU ZHES BYA BA NI DBYEN RJES SU SGRUB PA 'DI LA PHO RNAMS LA NI MO NYID YAN LAG MA YIN LA, MO RNAMS LA YANG PHO NYID YAN LAG MA YIN NO, ,'DIR GZHUNG NI GTAM GYI GZHI LAS, NYE BA 'KHOR DGE SLONG KHO NAS DGE SLONG GI DGE 'DUN 'BYED PAR 'GYUR GYI, DGE SLONG MAS KYANG MI 'GYUR, DGE SLONG MAS KYANG MI 'GYUR, DGE TSUL GYIS KYANG MI 'GYUR, DGE TSUL MAS KYANG MI 'GYUR MOD KYI 'ON KYANG DGE 'DUN 'BYED PA'I PHYIR BRTUL BAR NI 'GYUR RO, ,DGE SLONG MA KHO NAS DGE SLONG MA'I DGE 'DUN 'BYED PAR 'GYUR GYI, DGE SLONG GIS KYANG MI 'GYUR, DGE SLONG MAS KYANG MI 'GYUR, DGE TSUL MAS KYANG MI 'GYUR MOD KYI, 'ON KYANG DGE 'DUN 'BYED PA'I PHYIR BRTUL BAR NI 'GYUR RO ZHES GSUNGS PA YIN NO, ,BZHAD GAD KYI DNGOS POS NI GANG GIR YANG MI 'GYUR RO ZHES BYA BA NI, BZHAD GAD KYI DNGOS POS ZHES BYA BA NI KU RE'I BSAM PAS KHAS LEN PAR BYED CING LAS THAMS CAD NI GANG GIS YANG YAN LAG DU MI 'GYUR TE, BSAM PA'I DBANG GIS GNAS PA LDANG BA YIN GYI, LAS GNAS PA LA LTOS PA'I BSAM BAS NI 'DIR MA YIN NO,, 'DIR GZHUNG NI DBYEN GYI SKABS SU DGE SLONG BRAM ZE'I BU MOS ZHUS PA LAS, GANG GI PHYIR DBYEN GYI BYA BA LA BZHAD GAD KYI BSAM PAS RJES SU SGROGS SHING TSUL SHING LEN DU GSOL NA DGE 'DUN BYE BAR BGYI'AM, NYE BA 'KHOR MI BYA'O LAS BGYID PA LA LTUNG BA CIR 'GYUR, DBYIN GYI SKABS KYI NYES PA SBOM POR 'GYUR RO, ,GAL TE DGE 'DUN GYIS SHES NA DGE 'DUN THAMS CAD LA 'GAL TSABS CAN DU 'GYUR RO ZHES GSUNGS PA YIN NO, ,'DIR THAMS CAD DU BYE BRAG MED PAR SHES PAS 'DIR RJES SU THOB PA'I SGRAS NI LAS BRJOD PA LA'O, ,MI 'CHAGS PA'I SBOS DBYEN BYED PA DANG GNAS NAS 'BYIN PA DAG NI SBOM PO'I ZHES BYA BA NI DBYEN GYI LAS DANG GNAS NAS DBYUNG BA'I LAS MI 'CHAGS PAR SHES BZHIN DU MI 'CHAGS KYANG BLA'I, 'ON KYANG BYA'O SNYAM PA'I BLOS DBYEN DANG GNAS NAS DBYUNG BA'I LAS BYED DAM, DE'I YAN LAG

195b

GI DNGOS PO BSGRUBS NA THAMS CAD DU DBYEN GYI PHYOGS KYI SBOM POR 'GYUR BA'O, ,DGE 'DUN DU MA GYUR PA NYID NI NYES BYAS SO ZHES BYA BA NI GROGS MED PA NYID DU BYED PA'AM, GCIG DANG LHAN CIG GAM GNYIS DANG LHAN CIG TU DBYEN DANG GNAS NAS 'BYIN PA DAG BYED NA NYES BYAS SU 'GYUR RO; ,'DI NI RTZED MO'I RNAM PA YIN GYI RJES SU BSGRUB PA'I RNAM PA NI MA YIN PAR SHES PAR BYA'O, ,'DIR GZHUNG NI GCIG GIS GCIG GNAS NAS 'BYIN PA NYES BYAS SO, ,GCIG GIS GNYIS SAM GCIG GIS MANG PO 'AM GNYIS KYIS BZHI'AM, GNYIS KYIS GCIG GAM, MANG POS MANG PO 'AM MANG POS BZHI'AM, MANG POS GCIG GAM, MANG POS GNYIS GNAS NAS 'BYIN NA NYES BYAS SU 'GYUR RO ZHES GSUNGS PA YIN NO, ,THA DAD PAR GNAS PA DAG LAS GZHAN PA KHA SKONG BAR 'OS PA MA YIN PA DAG GIS TSOGS KYIS GSOL BA DANG BRJOD PA DAG NI MA YIN NO ZHES BYA BA NI, BYAS PA NYID LA BYAS PA NYID DOR NAS GNAS THA DAD PA ZHES BYA BA'I DON TO, ,'DI LTAR KHA SKONG BAR 'OS PA MA YIN PA THAMS CAD KYANG RNAM GRANGS KYIS THA DAD PAR GNAS PA YIN NO, ,DE LTAR NA GNAS PA THA DAD PAR GNAS PA NYID DANG GANG DAG RANG BZHIN DU MI GNAS PA NYID NI GZHAN MA YIN NO, ,DE RNAMS LA DE LEN PAR RTOGS PAR BYA'O, ,YANG DE RNAMS NI CHOS MA YIN PA'I PHYOGS KHAS BLANGS PA 'DI THOB PA RNAMS LA DE RNAMS YANG KHAS BLANGS PAS THA DAD PA NYID YIN PAS THA DAD PA NYID DU RIG PAR BYA'O; ,BSNYEN PAR RDZOGS PA DANG BCAS PA MA NYAMS PA RNAMS KYIS BSLAB PA LA GUS PAR BYA DGOS LA GSO SBYONG DANG DGAG DBYE DAG BYA BA GANG YIN PA DE NI BSLAB PA'I YAN LAG DANG, BSLAB PA RJES SU SKYONG BAR 'GYUR BA DAG YIN PA DE'I PHYIR KHA SKONG PAR 'OS PA MA YIN PAS GSO SBYONG DANG DGAG DBYE DAG BYAS PA KHO NA YIN NO, ,RANG GI 'OS PA'I DGE 'DUN NYAMS SU MYONG BA MA GRUB PA NYID NI MA YIN NO ZHES BYA BA NI LAS DE LA RANG GI 'OS PA'I DGE 'DUN BZHI'I TSOGS LA SOGS PA'I DGE 'DUN GANG YIN PA DE LAS NYAMS SU MYONG BA MA GRUB PA NYID NA LAS DE BYAS

196a

, ,PA NYID MA YIN TE LAS MA GRUB PA NYID CES BYA BA'I DON TO, ,GSOL BA THOS NA DE GRUB PA NYID YIN NO ZHES BYA BA NI, DGE 'DUN DANG NYAN DU GZHUG PA BSNYEN PAR RDZOGS PAR BYA BA LA SOGS PAS GSOL BA TZAM THOS NA YANG NYAMS SU MYONG BA DE 'GRUB PA NYID YIN TE, DE TZAM THOS PAS LAS DE BYAS PA NYID YIN NO, ,SKAL PA DANG LDAN PA'I RANG BZHIN CAN LA MA DAG PA 'DRA BAS RAB TU 'BYIN DU GZHUG PA NI CHO GA MA YIN PA MA YIN NO ZHES BYA BA NI GANG ZHIG, SKAL BA DANG LDAN BA'I RANG BZHIN CAN GYI GANG ZAG GANG YIN PA KHYIM NAS 'BYUNG BA'I SKABS MI RNYED NA, DE LA MNGAGS PA DANG 'DRA BAS RAB TU 'BYIN DU GZHUG PA GANG YIN PA DE NI CHO GA MA YIN PA MA YIN TE, CHO GA YIN PA KHO NAR BLTA BAR BYA BA ZHES BYA BA'I DON TO, ,'DIR GZHUNG NI DE BAS NA DE LTA BU'I MNGAGS PAS BSNYEN PAR RDZOGS PAR BYA'O, , BSNYEN PAR RDZOGS PAR MI BYED NA 'GAL TSABS CAN DU 'GYUR RO ZHES GSUNGS PA'I SKABS KYI CHOS BYIN GYIS SKABS RJES SU GNANG BA DANG CHU LA YANG GSUNGS SO, ,MNGAGS PA DES DE'I SKABS RJES SU BSGRUB PAR BYA'O ZHES BYA BA NI DES DER SONG NAS DE LA 'DI LTAR MNGAGS PA'I LAS KYIS BSLAB PA SBYIN PA DE NI SLOB DPON DANG 'DRA BAS MNGAGS PA'I LAS ZHES BYA BA BRJOD PAR BYA'O, ,BUD MED LA NI BUD MED DANG SKYES PAS KYANG NGO ZHES BYA BA NI RAB TU DBYUNG BAR BYA BA BUD MED LA NI MNGAGS PA BUD MED KYIS KYANG BYAR RUNG SKYES PAS KYANG BYAR RUNG NGO, , SKYES PA LA NI SKYES PA KHO NAS SO ZHES BYA BAS NI BUD MED KYIS MI BYA STE MTHU DANG LDAN PA'I YUL LA DMAN PA DBANG MED PA'I SKYES PA BDAG POR GYUR PA STE, DE YANG 'DI LA YOD PAS SKYES PA'I BYA BA DAG LA BUD MED KYI YID KYIS BYA BA MI RIGS PA NYID KYI PHYIR RO, ,DE LA MNGAGS PAS JI LTAR BSGRUB PAR BYA ZHE NA, DE'I PHYIR GSOL BA DANG KHAS BLANGS PA DAG DE'I MING KHO NAS BYA'O ZHES BYA BA SMOS TE, MING 'DI ZHES BYA BA DE RAB TU DBYUNG BAR GSOL LO ZHES, DE'I MING NYID KYIS RAB TU 'BYUNG BA YANG DAG PAR LEN TO ZHES DE LTAR DE'I MING GIS BYA'O, ,DE'I MING NAS

196b

MA SMOS PAR RAB TU DBYUNG BA ZHU BA YANG MNGAGS PAS MI BYA BA'I PHYIR BRJOD BA YANG RAB TU BYUNG BA ZHES SMOS PAS 'PHANGS PA NYID YIN NO, ,BSNYEN PAR RDZOGS PA MAN CHAD GONG MA YANG NGO ZHES BYA BA NI 'DIR MAN CHAD KYI SGRAS DBRI BA'O, ,RAB TU BYUNG BA'I GONG MA BSNYEN PAR RDZOGS PA MAN CHAD KYANG SKAL PA DANG LDAN BA'I RANG BZHIN CAN LA MNGAGS PA DANG 'DRA BAS GANG BYA BA DE MI RIGS PA MA YIN TE, RIGS PA KHO NA YIN NO, ,'DIR GONG MA ZHES BYA BA YIN TE, SNGAR RAB TU BYUNG BA DE SMOS PAS DGE TSUL GYI SDOM PA SBYIN PA BSTAN PA DANG, GONG MA DGE TSUL MA'I SDOM PA SBYIN PA DANG, BAR SLOB MA'I SDOM PA SBYIN PA DANG, TSANGS PAR SPYOD PA LA NYE BAR GNAS PA'I SDOM PA SBYIN PA DANG, BSNYEN PAR RDZOGS PAR BYA BA DAG GO, ,MI NOD NA SBYIN PA NYID MA YIN NO ZHES BYA BA NI BDAG LA BSLAB PA MA SBYIN CIG, BDAG LA BSNYEN PAR RDZOGS PAR MA BYAS SHIG CES MI NOD NA SBYIN PAR BYED DU ZIN KYANG BYIN PA NYID DU MI 'GYUR BA'O, ,DE LA GSOL BA NYAMS SO ZHES BYA BA NI MI NOD PA DE LA SNGAR GSOL BA GANG YIN PA DE YANG 'DIR KHAS MI LEN PA DE LA NYAMS PA YIN TE, DE'I PHYIR BLANG BAR 'DOD PA DE YANG GSOL BA BYA BA NYID YIN NO, ,SNGAR BZHAMS TE BSGO BA NYID CHO GA NYID YIN NO ZHES BYA BA DE DAG LA BZHAMS TE BSGO BAR BYA'O ZHES GANG GSUNGS PA DE NYID CHO GAR SHES PAR BYA STE, DES NA DE MA BSGRUBS NA CHO GA LAS 'DAS NA LAS MI 'CHAGS SO ZHES BYA BA BSTAN PAS, BSGO BAR BYA BA LA YANG SNGAR BZHAMS TE MA BSGO NA LAS MI 'CHAGS SO, ,GNAS NAS DBYUNG BA LA YANG BZHAMS TE BSGO BA NYID CHO GA YIN TE, DES NA GNAS NAS DBYUNG BA LA BZHAMS TE BSGO BA MA BYAS NA LAS MI 'CHAGS SO, ,DGONGS SU GSOL ZHES BYA BA LA SOGS PA LA NI PHA ROL GYI SEMS GTAD PA NYID GTZO BO YIN NO ZHES BYA BA NI, DGONGS SU GSOL ZHES BYA BA LA SOGS PA BRJOD PA DAG LA PHA ROL GYI SEMS GTAD PA NYID GTZO BO YIN TE, GANG GI PHYIR DE LTAR GYUR PA YIN PA DE'I PHYIR DGONGS SU GSOL ZHES BYA BA LA SOGS PA BRJOD PA LA

197a

, ,SEMS SDUS SHIG CES BYA BA'I SNGAGS RNAMS MA BRJOD KYANG LAS MI 'CHAGS PAR DOGS PAR MI BYA'O, ,SOGS PA ZHES SMOS PA'I SGRAS NI DGE 'DUN BTZUN PA RNAMS GSAN DU GSOL, DGE 'DUN BTZUN PA RNAMS DGONGS SU GSOL, BTZUN PA DGONGS SU GSOL, TSE DANG LDAN PA GSAN DU GSOL, TSE DANG LDAN PA DAG SEMS SDUS SHIG CES BYA BA'I SNGAGS DAG SMOS PA BSDU BAR RIG PAR BYA'O, ,DON GYI SKABS DAG GI GO RIMS 'KHRUGS PAS NI MI 'CHAGS PA MA YIN NO ZHES BYA BA NI MING 'DI ZHES BGYI BAS MING 'DI ZHES BGYI BA DGE 'DUN LAS BSTEN PAR RDZOGS PAR GSOL TE ZHES BYA BA LA, DGE 'DUN LAS MING 'DI ZHES BGYI BAS BSNYEN PAR RDZOGS PAR GSOL TE ZHES BYA BA LTA BU'I TSIG GI GO RIMS 'KHRUGS PAS NI LAS MI 'CHAGS PAR MI 'GYUR BA'O,, DE YANG TSIG GI PHRAD SNGA PHYI 'KHRUGS PAS GO BAR BYED PA MA YIN NA NI MI 'CHAGS SO, ,GO BAR BYED PA YIN NA NI 'CHAGS SO, ,DE NI MI BYA BA NYID DO ZHES BYA BA NI DGONGS SU GSOL ZHES BYA BA LA SOGS PA'I TSIG MED PA DANG, DON GYI SKABS DAG GI GO RIMS 'KHRUGS PA DE NI MI BYA BA NYID DE, DE NI ZUNG CHAG PA YIN PAS DE LTAR BYED NA NYES BYAS SU 'GYUR RO ZHES BYA BA'I DON TO, ,MTSAN GZHAN LA BRTEN PAS NI MA YIN NO ZHES BYA BA NI DGE SLONG ZHES BRJOD PAR BYA BA LA DGE SLONG MA NYID DU BRJOD PA DANG, DGE SLONG MA ZHES BYA BA BRJOD PAR BYA BA LA, DGE SLONG NYID DU BRJOD PA LA SOGS PAS NI MI 'CHAGS PA MA YIN PA'I RDZAS SU BRJOD PA NI DGONGS PA YIN TE MTSAN MAS NI MA YIN ZHES BYA BA DE SHES PA'O, ,DGE SLONG DANG DGE SLONG MA DAG GI LAS GZHAN BYED PA NI MA YIN NO ZHES BYA BA NI DGE SLONG NYID LA DGE SLONG MA NYID KYI LAS GZHAN BYED PA NI MI 'CHAGS PA MA YIN LA, DGE SLONG MA NYID LA DGE SLONG GI LAS BYED PA YANG MI 'CHAGS PA MA YIN PA'O, ,DGE SLONG BSNYEN PAR RDZOGS PAR BYA BA'I LAS GANG ZHIG LA DGE SLONG MA RNAMS KYI BSNYEN PAR RDZOGS PA'I LAS GANG ZHIG MTHAR THUG BYED PA LA GCIG PU

197b

YOD PA MA YIN NO, ,DGE SLONG GI DGE 'DUN GYIS BSNYEN PAR RDZOGS PAR BYED PA LA GTZO BO NYID DE RJES SU 'JUG PA TZAM POR GYUR PAS DGE SLONG MA'I DGE 'DUN NYE BAR GNAS PA'O, ,DE LTAR YANG DGE SLONG RNAMS LAS DGE SLONG MAS BSNYEN PAR RDZOGS PA DGE SLONG MA'I DNGOS PO BRTZAL BAR BYA'O ZHES GSUNGS PA DE BAS NA DES SHES PA'O, ,'DIR GZHUNG NI SIL BU DANG RAB TU BYUNG BA'I GZHI ZHU BA DAG LAS, BTZUN PA RE ZHIG DGE TSUL DGE TSUL MA'I LAS KYIS BSNYEN PAR RDZOGS PAR BGYI NA NI BSNYEN PAR RDZOGS PAR BGYI 'AM, NYE BA 'KHOR BSNYEN PAR RDZOGS PAR BRJOD PAR BYA STE, BSNYEN PAR RDZOGS PAR BYED PA DAG LA NI 'GAL TSABS CAN DU 'GYUR RO ZHES BYA BA LA SOGS PA GSUNGS PA YIN NO, ,LAS KYI GZHI ZHU BA LA SOGS PA'I SKABS SO, ,LAS KYI GZHI RDZOGS SO,, ,,GZHI MA ZHI BAR SHES NAS GLENG BA POS SO SOR SHES PAR BYAS SHING MNGON SUM DU 'JOG PA LA NAN TUR GYI LAS BYA'O ZHES BYA BA SMOS TE NAN TUR GYI LAS KYI RGYU 'THAB KROL BYED PA NYID LA SOGS PA'I GZHI DE MA ZHI ZHING DES YID CHES SHING MNGON BAR YID CHES PAR GYUR NA GLENG BA POS KYANG DAM BCAS PA LA GZHI DE NYE BAR MA ZHI BA LA GANG DU GLENG BA PO MA BYUNG BA LAS DGE SLONG THAMS CAD LA SHES PA NYID DER DGE 'DUN THAMS CAD KYIS SHES PAR BYA BA LA MDO 'DI'O, ,DE LTAR GNAS PA LA GLENG BA PO RANG GI NGANG GIS MA BYUNG BA DE LA CI DGE 'DUN GYIS BTANG SNYOMS SU BYA'AM, 'O NA GLENG PA PO BSLANG STE 'JUG PAR BYA SNYAM PA'I THE TSOM DANG MA NGES PA'I CHAGS PA MI LTUNG BA STE BZLOG PA'I PHYIR, GLENG BA PO RANG MA BYUNG NA DGE 'DUN GYIS BSLANG BAR BYA'O ZHES BYA BA SMOS TE, 'DIR YANG LUNG NI BSKRAD PAR BYA BA'I LAS LA LAM PHYED DU SONG LA 'GRO MGYOGS DANG NA BSO GNYIS KYI GLENG BA PO DGE SLONG BSKO BAR BYA'O ZHES GSUNGS PA YIN NO, ,DGE 'DUN THAMS CAD GSHE BA GANG YIN PA MI RIGS SHING MDZES PAS DE'I PHYIR GLENG BAR BYA BA RNAM PA DE LTA BU MNGON SUM DU GYUR PA LA NAN TUR GYI LAS BSDIGS PA LA SOGS PA BDUN PO DAG BYA'O, ,NAN TUR ZHES BYA BA NI 'OG TU GZHUG CING

198a

, ,BSHUD PA NYID DU RNAM PAR GZHAG PA ZHES BYA BA'I DON TO, ,'DU BA MI STER NA GRAGS PA TZAM GYIS SO ZHES BYA BA NI, GLENG BA POS SO SOR SHES PAR BYAS SHING MNGON SUM DU 'JOG NA ZHES SMOS NA DE NYID DMIGS KYIS BSAL BA YIN NO, ,GANG GI PHYIR 'DU BA MI STER BA LA SOGS PA LA DE'I TSE SO SOR SHES PAR BYA BA LA SOGS PA BYAR MI NUS PAS, DE'I PHYIR 'THAB KROL BYED PA NYID LA SOGS PA RGYU GRAGS PA TZAM GYI 'DU BA MI STER NA BSDIGS PA LA SOGS PA'I LAS BYA'O, ,MA MTHONG BA LA NI KHAS LEN PA YAN LAG MA YIN TO, ,YOD PA NYID RNAM PAR BSHIG PA'I PHYIR RO ZHES BYA BA NI GANG GI TSE LTUNG BA MA MTHONG BAS GNAS NAS DBYUNG BA'I LAS BYED PA MA MTHONG BA DE LA NI GRAGS PA DANG MNGON SUM GYI DNGOS PO GNYIS YAN LAG YIN GYI, KHAS LEN PA LA NI YAN LAG MA YIN NO, ,DE CI'I PHYIR ZHE NA, YOD PA NYID RNAM PAR BSHIG PA'I PHYIR RO, ,'DI LTAR BYAS PA YANG DAG PA'I LTUNG BA MA MTHONG ZHING LTUNG BA YANG DAG PAR MA MTHONG BA DE LA GAL TE DE BDEN YANG DAG STE, YANG DAG PA'I LTUNG BA BDAG GIS MA MTHONG ZHING KHAS LEN NA DES LTUNG BA MTHONG BAR 'GYUR RO, ,DE BAS NA GANG ZHIG NAN TUR GYI LAS BYED PA'I RGYU LTUNG BA MTHONG BA DES YOD PA NYID RNAM PAR BSHIG PA'I PHYIR NAN TUR GYI LAS MI BYA BA NYID YIN PAS, DE'I PHYIR DE LA KHAS LEN PA NI YAN LAG MA YIN NO, ,SKABS MI 'BYED NA YANG MI RIGS PA'I PHYIR RO ZHES BYA BA NI SKABS MI 'BYED NA YANG GRAGS PA DANG MNGON SUM GYI DNGOS PO GNYIS YAN LAG YIN GYI KHAS LEN PA NI YAN LAG MA YIN NO, ,DE CI'I PHYIR ZHE NA MI RIGS PA'I PHYIR RO, ,GANG GI PHYIR 'DI RGYU GNYIS KYIS MI RIGS TE, SKABS MI 'BYED PA'I GANG ZAG LA GLENG BA NYID KYANG MI BYA NA KHAS LEN PA LTA GA LA YOD DE, DE'I PHYIR RGYU GCIG GIS KYANG MI RIGS LA, GANG SKABS MI 'BYED PAR BYED PA DE LA JI LTAR BYAS KYANG SKABS RNYED CING GLENG BA LA KHAS BLANG NGO SNYAM DU SEMS PAR MI 'GYUR BAS DE'I PHYIR RGYU GNYIS PA DES KYANG MI RIGS SO, ,GLENG BA POS RANG MA LANGS NA BSKO BAS BSLANG BAR BYA'O ZHES BYA BA NI GAL TE GLENG BA PO RANG LANGS

198b

NAS SPRO BAR BYA STE, DGE 'DUN MTHUN PAR BSLANG BAR BYA'O, ,RGYU GANG GIS NAN TUR GYI LAS BYA BA DE SPYIR BSTAN PAS NAN TUR BYAS PA JI LTAR GYUR PA LA BZOD PAR BYA BA DE BSTAN PA'I PHYIR, GSHE BA DANG KHRO BA DANG SPYO BA NYID DANG, DGE 'DUN GYI RNYED PA MED PA DANG, GNAS MED PAR BYA BAR SEMS PA NYID DANG, BLA'I GRVA DANG 'OG ZUR DANG, NYE DU'I GANG ZAG RTEN NYID DANG, DGE 'DUN RTEN MA YIN PA NYID DU MI 'DZIN PA DANG, KHYIM PA DANG MU STEGS KYI RGYAL MTSAN 'CHANG BA DANG, MU STEGS CAN LA BRTEN PA DANG, CHO GA MA YIN PAR SPYOD PA DANG DGE SLONG GI BSLAB PA DAG LA SLOB PAR MI BYED PA DANG; SKRA 'GRENG BAR GYUR PA DANG, SKRA 'PHYAR BAR GYUR PA DANG, DGE 'DUN LA SPU SNYOL BAR BYED PA DANG, 'BYUNG BAR BSKYOD PA DANG MTSUNGS PAR NYE BAR STON PA DANG, RGYUN LAS PHYIR BZLOG PAR BZOD PAR GSOL BA'O ZHES BYA BA SMOS TE, MI 'DZIN PA ZHES BYA BA NI TSIG GONG MA BZHI DANG SO SOR SBYAR TE, KHYIM PA DANG RAB TU BYUNG BA DAG LA GSHE BA DANG KHRO BA DANG, SPYO BA NYID DU MI 'DZIN PA'O, ,'DIR GSHE BA LA SOGS PA LA 'JUG PAR GYUR PA NYID GZUNG BAR RIG PAR MI BYA BAR MI BYA'O, ,ZHI BA MA YIN PAR 'JUG PA LA YANG 'DIR BZOD PA GSOL BA MI RIGS PA'I PHYIR RO, ,BZOD PA GSOL BA DANG 'JUG PAR 'GYUR BA LA YANG SNGON GYI GNAS SKABS SU GYUR PA'I GSHE BA LA SOGS PA YANG 'DIR BSDUS PAR RIG PAR BYA'O, ,RNYED PA DANG GNAS PA DAG GIS DGE 'DUN LA SEMS PAR BYED PA NYID MI 'DZIN PA'O, ,GAL TE DGE 'DUN LA MA RNYED PA'I PHYIR SEMS PAR MI BYED PA DANG MI GNAS PA'I PHYIR SEMS PAR MI BYED PA ZHES BYA BA'O, ,'DIR DGE 'DUN ZHES SMOS PA NI DPE TZAM DU ZAD DE DGE SLONG BSDUS PA'AM, RE RE LA DE LTAR RNYED PA MA YIN PA DANG GNAS MED PA DAG GIS DE LTAR SEMS PA NYID MI 'DZIN PA STE, BZOD PAR GSOL BA RIGS PA NYID DO; ,NAN TUR GYI LAS KYI RGYU BYA BA YOD PA'I PHYIR, BLA'I GRVA DANG 'OG ZUR DANG, NYE DU'I GANG ZAG RTEN NYID DU MI 'DZIN PA'O, ,BLA'I GRVA DANG 'OG ZUR DANG, NYE DU'I GANG ZAG KHYIM PA DANG RAB TU BYUNG BA'I GANG ZAG RTEN NYID DU MI 'DZIN PA STE, DE DAG RTEN NYID DU MI 'DZIN CING BZOD PA GSOL BA LA DGE

199a

, ,'DUN GYIS BZOD PA'I LAS BYA'O, ,GAL TE DE LTAR DGE 'DUN RTEN PAR BYED NA KHYIM PA DANG MU STEGS CAN GYI RGYAL MTSAN 'DZIN PAR MI BYED CING MU STEGS CAN LA BRTEN PA DANG, CHO GA MA YIN PAR SPYOD PAR MI BYED PA ZHES BYA BA NI 'DIR GANG DAG DANG 'BREL PAS 'DIR CHO GA MA YIN PA DAG SPYOD PA DAG PA MI BYED PA BSDUS PAR RIG PAR BYA'O, ,KHYIM PA'I RGYAL MTSAN 'CHANG BA DANG, MU STEGS CAN GYI RGYAL MTSAN 'CHANG BA DANG, MU STE GAS CAN LA BRTEN PA DANG, CHO GA MA YIN PAR SPYOD PAR MI BYED PA ZHES BYA BA DE RNAMS MI BYED CING ZHES BYA BA'O, ,'DI PA'I CHA BYAD GRUB PAS BZOD PA GSOL BAR BYA BA NYID DO, ,JI LTAR BSNYEN PAR RDZOGS PA LA DE YANG KHYIM PA DANG, MU STEGS CAN GYI RGYAL MTSAN 'CHANG BAS MI RIGS PA STE, LTA BA PHUN SUM TSOGS PA DANG TSUL KHRIMS PHUN SUM TSOGS PAR GYUR PAS BSNYEN PAR RDZOGS PAR LTA BAR BZOD PA GSOL BA'O, ,DE YANG MU STEGS CAN LA BRTEN PA DANG, CHO GA MA YIN PA LA SPYOD PA LA RIM PA JI LTA BA BZHIN DU PHUN SUM TSOGS PA GNYIS MA TSANG BAS MI RIGS PA'O, ,DGE SLONG GI BSLAB PA DAG LA MI SLOB PAR MI BYED PA ZHES BYA BA NI SPONG BAS BSDUS PA'I BSLAB PA DAG LA SLOB PAR BYED PA KHO NAR BYED PA'O, ,SKRA 'GRENG BAR GYUR PA ZHES BYA BA NI SKRA DAG GYEN DU RNAM PAR 'GRENG BAR GYUR PA NYID DO, ,SKRA 'PHYAR BAR GYUR PA ZHES BYA BA SKRA DAG THAD KAR RNAM PAR 'PHYAR BAR GYUR PA NYID DO, ,DE GNYIS KYIS NI SMAD BAB PA NYID DU BSTAN PA YIN TE, 'DI LTAR NA SMAD BAB PA NI SKRA 'GRENG BAR GYUR BA DANG, SKRA 'PHYAR BAR GYUR BA YIN NO ZHES GRAGS PA'I PHYIR TE, DE LTAR GYUR CING BZOD PA YANG GSOL BA LA DGE 'DUN GYIS BZOD PA'I LAS BYA'O, ,SPU SNYOL BAR BYED PA ZHES BYA BA NI, SPU 'KHUMS PAR BYED PA STE, DES NI RGYAGS PA MED PAR BSTAN TE, 'DI LTAR RGYAGS PA DANG BCAS PA'I SPU DAG STE, DANG POR SHIN TU SPUNGS PAR STON PAS DES NA 'DI NI RGYAGS PA MED PA NYID DU BYED PA BSTAN TE, DE LTAR BYED CING BZOD PA GSOL BA LA DGE 'DUN GYIS BZOD PA'I LAS BYA'O, ,'BYUNG BA SPYOD PA DANG ZHES BYA BA LA 'BYUNG BA NI 'BYUNG BA STE, RIGS PA MA YIN PA DAG PA MA YIN PA SMAD PA ZHES BYA BA'I GNAS KYI

199b

BYE BRAG DE NAS RNAM PAR DAG PA'I LAM DU ZHUGS SHING 'BYUNG BA NI 'BYUNG BA ZHES BYA'O, ,MTSUNGS PA ZHES BYA BA NI YANG DAG PA NYID DU GYUR PAR 'JUG STE, DGE 'DUN DANG 'DRA DGE 'DUN DANG MTSUNGS PAR 'JUG PA'O, ,DER NYE BAR STON PA NI GANG GIS 'DI BDAG CAG DANG MTSUNGS PAR 'GYUR TE ZHES BYA BAS SHES PAR GYUR PAS 'DUD PA DANG, RDZES DANG BCAS PAS MNYAN ZHING RJES SU MTHUN PA'I BYA BA DANG, MDZA' BAR GYUR BA'I SPYOD PA DANG LDAN ZHING GUS PA DANG RJES GNYIS KYI BDAG NYID DU GYUR PA NI NANG DU GNAS SHING ZHES BYA BAS SHES PA YIN NO, ,RGYU LAS PHYIR BZLOG PA ZHES BYA BA NI 'THAB KROL BYED PA NYID LA SOGS PA'I RGYU GANG GIS DE LA NAN TUR GYI LAS BYAS PAR GYUR PA'I RGYU DE LAS PHYIR BZLOG PAS TE, DE NAS BSAM PA ZHUGS PA 'GA' ZHIG LA YANG LAM RNAM PA DAG PA LA DE DANG 'BREL PA NYID DU 'GYUR RO, ,LOG PA'I LAM LA GOMS PAS 'DI LAS NGES PAR 'BYUNG BAS BSTAN PA'I DON DU 'DI SMOS SO, ,DE LTA BUR GYUR PA LA YANG GSOL BA MED PAR BZOD PA'I LAS MI BYA'O, ,BZOD PA DE GSOL NA BZOD PA'I LAS BYA'O, ,LAS SBYIN PA DANG DBYUNG BA DANG BSNYEN PAR RDZOGS PAR BYA BA DANG, GZHIG PA DANG BSRANG BA YANG NGO ZHES BYA BA NI LAS KYI SBYIN PA 'AM LAS GYI BDAG NYID SBYIN BA 'DI LTA STE, KHANG PA DANG GTZUG LAG KHANG BSTAN PA LA SOGS PA'I LAS SBYIN BA'O, ,DE YANG DBYUNG BA DANG BSNYEN PAR RDZOGS PA DANG KHYIM GYI BSLAB PA GZHIG PA DANG, LHUNG BZED KHA SPUB PA RNAMS KYI GSOL BA NYID KYIS SO, ,'O NA BSNYEN PAR RDZOGS PA SMOS BA KHO NA YIN NA, BSNYEN PAR RDZOGS PAR GSOL BAR BYA'O ZHES BYA BAS MA YIN NAM ZHE NA, BRJOD PAR BYA STE GTZO BO MA YIN PA'I DNGOS POS 'DIR GSOL BA 'DI MNGON PAR BSTEN PA'O, ,'DIR LAS BYED PA PO'I BYA BA SGRUB PAR GYUR PA LA CHO GA 'DI THOB PA'O, ,SHUGS KYIS THOB PA LA DNGOS SU SMOS PA LA NYES PA YOD PA MA YIN NO, ,GZHI MA ZHI BAR SHES NAS ZHES BYA BA LA SOGS PAS NAN TUR GYI LAS KYI RGYU THUN MONG BA BSTAN NAS, DA NI RGYU GANG LA NAN TUR GYI LAS GANG DAG BYA BA DE DAG GI BYE BRAG BSTAN PAR BYA STE, 'THAB

200a

, ,KROL BYED PA LA LAS KYIS BSDIGS PAR BYA'O ZHES BYA BA NI 'THAB KROL BYED PA LA LAS KYIS BSDIGS PAR BYA BA'I DON TO, ,DGE 'DUN LHAG MA'I LTUNG BA PHYIR MI 'CHOS PAR RGYUN DU BYED PA LA NI SMAD PA'O ZHES BYA BA NI LAS KYIS ZHES BYA BA 'DI DANG 'OG MA THAMS CAD LA YANG SBYAR BAR SHES PAR BYA'O, ,DGE 'DUN LHAG MA'I BDAG NYID KYI LTUNG BA YANG DANG YANG DU 'BYUNG BA GANG LA YOD PA NI YANG DANG YANG DGE 'DUN LHAG MA'I LTUNG BA CAN TE DE LA'O, ,PHYIR MI 'CHOS PA BSTAN PA SMAD PAR BYA BA'I LAS BYA'O, ,TSAR BCAD NAS NAN TUR GYI LAS RIGS PA YIN TE; DAG PA LA 'JUG PAR GYUR PA LA NI MA YIN NO SNYAM DU BYAS NAS SO, ,KHYIM SUN 'BYIN PA LA NI BSKRAD PA'O ZHES BYA BA NI GANG GI KHYIM SUN 'BYIN BA MA BTANG BA DE GNAS DE NAS BSKRAD PA'I LAS BYA'O, ,DE'I PHYIR 'DU BA MI SBYIN BA DANG SKABS MI 'BYED PA DAG LA YANG NGO ZHES BYA BA LA DE'I PHYIR ZHES BYA BA NI GNAS NAS BSGRAD PA'I PHYIR RO, ,GLENG BA'I PHYIR YONGS SU RDZOGS PAS DE'I DON NYID DU RIG PAR BYA'O, ,'DU BA MI SBYIN PA DANG, SKABS MI 'BYED PA DAG LA GNAS NAS SKROD PAR BYED PA ZHES BYA BA'I DON TO, ,DE MA MTHONG NGO ZHES ZER NA YANG NGO ZHES BYA BA NI KHYIM SUN 'BYIN BA STE, MA MTHONG BA NI DE MA MTHONG BA'O ZHES ZER NA KHYIM SUN 'BYIN BA DE LA BSKRAD PA'I LAS BYA BA KHO NA YIN NO ZHES BYA BA'I DON TO, ,KHYIM PA LA BRNYAS THABS BYED PA LA NI PHYIR 'GYED PA'O ZHES BYA BA NI KHYIM PA LA GANG GIS THO 'TSAM BA NI BRNYAS THABS BYED PA STE, DE NI KHYIM PA LA BRNYAS THABS BYED BA YIN PAS DE LA PHYIR 'GYED PA'O, ,BRNYAS THABS SU BYA BA MI BDEN PA'I PHYIR RO, ,DE LTAR YANG DE'I MING GIS BZLOG PAR BYA BA BDAG CAG GIS KHYED KYI DRUNG NAS BSAM BA BZLOG PAR BYAS PAS SO, ,JI SRID DU KHYED KYI LAS KYI MTHA' 'DI MA BTANG GI BAR DU KHYED KYI YUL LAS NGED KYI MDZA' GCUGS KYI DNGOS PO DANG, DGA' BA'I DNGOS PO PHYIR BSDU ZHING DED PHYIR 'BYED PAR BYA'O ZHES BYA BA DE'I DON TO, ,'DI LA BZOD PA GSOL BA'I LAS KYI GNAS SU DE LA BZOD PA GSOL DU GZHUG GO ZHES BYA BA NI, PHYIR 'GYED PA'I LAS 'DI LA BZOD PA GSOL BA'I LAS KYI GNAS SU KHYIM PA DE LA

200b

BZOD PA GSOL DU GZHUG PA YIN BAR BLTA BAR BYA'I 'DIR LAS NI MI BYA'O, ,'ON KYANG GSOL BA BYA STE, KHYIM PA LA GSOL DU GZHUG PAR BYA STE, KHYIM PAS BZOD PA NYID BZOD PA BYAS PA YIN PAR SHES PAR BYA'O, ,LTUNG BA GRAGS PA PHYIR MA BCOS PA BSDAMS PAS PHYIR BCOS SU MI RUNG BA DANG, MA MTHONG NGO ZHES ZER ZHING PHYIR 'CHOS PA RJES SU BSGRUB PAR MI 'DOD PA DANG SDIG PA CAN GYI LTA BA MI GTONG BA LA NI GNAS NAS DBYUNG BAR BYA'O ZHES BYA BA LA NI GNAS NAS DBYUNG BA RNAMS KYIS DE LA LTUNG BA GRAGS PA PHYIR MA BCOS PA BSDAMS PAS PHYIR BCOS SU MI RUNG BA ZHES BYA BA'I DON TO; ,DE LA MA MTHONG NGO ZHES ZER ZHING ZHES BYA BA NI MA MTHONG BAS GNAS NAS DBYUNG BA BSTAN TE, DE'I PHYIR BCOS PA RJES SU BSGRUB PAR MI 'DOD CING JI LTAR CHOS BZHIN PHYIR BCOS PAR GYIS SHIG CES BYA BA DE LTAR BRJOD PAR GYUR PA JI LTAR LTUNG BA PHYIR 'CHOS PA'I PHYIR 'CHOS PA RJES SU BSGRUB PA MI 'DOD PA ZHES BYA BAS NI MA MTHONG BA GNAS NAS DBYUNG BA'O, ,LTUNG BA SLAR MI 'CHOS PA'I PHYIR GNAS NAS DBYUNG BA'I PHRIN LAS MDZAD DO ZHES BYA BA LA SOGS PA GSUNGS PA YIN NO, ,LTA BAR GTOGS PA'I LTUNG BYED LA BRJOD PA'I RNAM PAS SDIG PA CAN CHOS 'DU LA BA LAS DBYUNG BAR GYUR PA'I LTA BA'I RNAM PA MI GTONG BAS GNAS NAS DBYUNG BA BSTAN TO, ,SDIG PA CAN GYI LTA BA GTOGS PA LA GNAS NAS DBYUNG BA'I LAS 'DI BYA'O, ,'DI NYID DU LTUNG BA 'DI PHYIR 'CHOS PAR GYIS SHIG ,DGE 'DUN 'DI NYID KYIS KHYOD LA BAG YANGS SU BYED PAR 'GYUR RO ZHES BRJOD NGA RA BYA'O ZHES BYA BA NI; LTUNG BA BCAB PAR MI BYA'O ZHES BYA BA NI RANG GI LTUNG BA'I DBANG DU BYAS PA YIN GYI GZHAN GYI 'CHAB PA'I NYES PA BSTAN ZIN PA'I PHYIR RO, ,DGE 'DUN LHAG MA 'BA' ZHIG TU MA ZAD DE, DE LTAR YANG GZHUNG NI BTZUN BA RE ZHIG LTUNG BA DANG BCAS PA DGE SLOD MA MCHIS PA'I GNAS NA GNAS PAS GANG LA MI BRJOD NA BCABS PAR BRJOD PAR BGYI 'AM, NYE BA 'KHOR MI BYA'O ZHES BYA BA LA SOGS PA GSUNGS PA YIN NO, ,'DIR ZHU BA LAS KYANG LTUNG BA BCABS PA TZAM LAS LDANG BA LA DRI BA RNAMS BYED PA DANG, DE'I LAN LDON PA YIN NO, ,THA NA MING GO BAR BYA BA NYID DO ZHES BYA BA NI GAL TE RGYA

201a

, ,CHER GO BAR BYED MA NUS NA LTUNG BA SDE LNGA PO DAG LAS GANG BYUNG BA'I MING TZAM YANG GO BAR BYA BA NYID YIN NO, ,'DIR GZHUNG NI BDAG LA PHAM PAR 'GYUR BA BYUNG NGO ZHES BYA BA LA SOGS PA LHAG MA DANG LTUNG BYED BYUNG NGO ZHE 'AM, SO SOR BSHAGS PAR BYA BA'I RIGS BRJOD PA MA BYAS PA GANG YIN PA DANG, DGE SLONG STAN DE NYID LA 'DUG PA DES TSE DANG LDAN PA BDAG LA DGE 'DUN LHAG MA'I LTUNG BA BYUNG NGO ZHE 'AM, LTUNG BA BYUNG NGO ZHES BYA BA'I MING GIS GSUNGS PA YIN NO, ,RGYA CHER GO BAR BYA BA SHIN TU RIGS MOD KYI THA NA LTUNG BA'I MING YANG BRJOD PAR BYA BA NYID DO, ,DE'I GZHUNG YANG BTZUN BA BDAG GIS BSLAB PA MA PHUL BAR MI TSANGS PAR SPYOD PA 'KHRIG PA CHOS BRTEN TO ZHES BYA BA LA SOGS PA GSUNGS PA YIN NO, ,DE LTA BAS NA THA MA'I MTHAR THUG PA'I DBANG DU BYA STE, MING TZAM GYIS RIG PAR BYA BA NYID DU GSUNGS PA NYID DU RNAM PAR GNAS PA DE MDO 'DIR BSDUS PA YIN NO, ,NYES BYAS NI GANG YANG RUNG BAS SO ZHES BYA BA NI NYES BYAS RIG PAR BYA BA NYID LA NI BDAG LA NI LTUNG BA BYUNG NGO ZHES BYA BA 'AM, BDAG GIS KHA NA MA THO BA BYAS SO ZHES BYA BA RNAM PA GANG YANG RUNG BAS RIG PAR BYA BA NYID YIN NO, ,LTUNG BYED GZHAN LA 'DI LTAR MING BRJOD PA NYID 'BYUNG BA YIN TE, BDAG NYID KYI SMAD G-YOGS LA THUN MONG BA NYID KYI NGO BO 'DI LA NYES BYAS MA YIN NO, ,DE DAG LAS GANG LA RIG PAR BYA BA YIN ZHE NA, DE'I PHYIR RANG BZHIN DU GNAS PA LA'O ZHES SMOS SO, ,GANG GI DRUNG DU BCABS PA MA 'CHAGS PAR BYA ZHE NA, DE'I PHYIR RANG BZHIN DU GNAS BA MTSAMS KYI NANG NA 'DUG PA LA'O ZHES BYA BA SMOS SO, ,'DIR GZHUNG NI ZHU BA'I GANG ZAG GI GZHI LAS, RANG BZHIN DU GNAS PA MTSAMS KYI NANG NA 'DUG PA LA'O ZHES GSUNGS PA DE 'DIR LUNG YIN NO, ,CI LTA BA LAS RANG GI PHYOGS MA YIN PA 'ANG RANG BZHIN DU GNAS PA YIN NAM ZHE NA, DE'I PHYIR LTA BA THA MI DAD PA LA'O ZHES BYA BA SMOS TE, RAB TU BYUNG ZHING BSNYEN PAR MA RDZOGS PA DANG MA BSNYIL BA YANG DAG PAR SDOM PA DANG, KHYIM PA YANG DAG PAR SDOM PA YANG RANG BZHIN DU GNAS PA NYID YIN NAM ZHE NA, DE'I PHYIR BSNYEN BAR RDZOGS PA DANG BCAS PA LA'O ZHES BYA BA SMOS TE, DGE SLONG

201b

GIS KYANG DGE SLONG MA LA RIG PAR BYA BA NYID YIN LA, DGE SLONG MAS KYANG DGE SLONG LA RIG PAR BYA BA NYID YIN NAM ZHE NA, DE'I PHYIR MTSAN MTHUN PA LA'O ZHES BYA BA SMOS TE, DE LA RIG PAR BYA BA NYID YIN NO, ,RIGS MTHUN PAS RIG PAR BYA BA NYID DANG BSHAGS PA LA SOGS PA BYA BA NYID DAM ZHE NA, DE'I PHYIR DE NYID LA 'DI DANG 'OG MA DANG BCAS TE 'O ZHES BYA BA SMOS TE, LTUNG BAR RIG PAR BYA BA 'DI NYID LTUNG BA BSHAGS PAR BYA BA NAS 'OG NAS BYUNG BA DANG BCAS TE BYA'O, ,DE NYID LA ZHES BYA BA NI RANG BZHIN DU GNAS PA ZHES BYA BA LA SOGS PAS BYE BRAG DANG BCAS PAS GANG ZAG LA RIG PAR BYA'O, ,RAB TU BYUNG BA BSNYEN PAR MA RDZOGS PA DAG NI BSNYEN PAR RDZOGS PA'I DGE 'DUN GYIS YONGS SU BZUNG BA TZAM YIN PA'I PHYIR RO ZHES BYA BA NI DE RNAMS NI THAMS CAD DU RAG LAS KHO NA YIN PAR RNAM PAR GNAS SO, ,DE LTAR YANG RAB TU BYUNG ZHING BSNYEN PAR MA RDZOGS PA DAG GIS DGE 'DUN LA DGAG DBYE BYA'O ZHES GSUNGS PA LAS SHES SO, ,CHOS 'DI PA LA DE BYAS NA BYAS PA NYID DO ZHES BYA BA LA, CHOS 'DI BA ZHES BYA BA NI BSNYEN PAR RDZOGS PA MTSAN MI MTHUN PA DANG, RAB TU BYUNG ZHING BSNYEN BAR MA RDZOGS PA DANG, KHYIM PA DE BZHIN GSHEGS PA'I CHOS KYI LTA BA CAN THAMS CAD BSDUS TE, CHOS 'DI PA DE DAG LA LTUNG BA RIG PAR BYA BA DE BYAS NAS YANG BYAS PA NYID DE, DE RIG PAR BYAS NA BCABS PAR MI 'GYUR RO, ,DE LA 'DIR BYA BA NI DGE 'DUN GYI YUL LA MA GUS PA SPANG BA'I PHYIR TE, MI RIGS PA SPANGS PAR GSUNGS SO, ,'O NA MDO 'DI CI'I PHYIR BYAS SHE NA, MA BRJOD PA BRJOD PAR BYA BA'I PHYIR TE, DE BAS NA MTSAN MI MTHUN PA BSNYEN PAR RDZOGS BDAG LA RIG PAR BYED NA YANG BCABS PAR MI 'GYUR LA, ,RIG PAR BYED PA YANG NYES BYAS SU 'GYUR RO, ,'DIR GZHUNG NI NYE BA 'KHOR GYIS ZHUS PA'I GANG ZAG GI GZHI LAS, DGE SLONG LA BRJOD NA BRJOD CES BYA BA'AM, NYE BA 'KHOR BRJOD CES BYA'O, ,DE BZHIN DU DGE SLONG MA DANG BSLAB PA BYIN PA DANG, DGE SLOB MA DANG DGE TSUL DANG DGE BSNYEN DANG DGE BSNYEN MA LA BRJOD NA BRJOD CES BGYI 'AM, NYE BA 'KHOR BRJOD CES GSUNGS PA YIN NO, ,'DON PA GZHAN MA LAS KYANG DE BZHIN DU KHAS

202a

, ,BLANGS PAS KHAS MA BLANGS PA LA RJOD PAR BYED CING KHAS MA BLANGS PA LA RJOD PAR BYED NA BRJOD CES BGYI 'AM, NYE BA 'KHOR BRJOD CES BYA STE, NYES BYAS SU 'GYUR RO ZHES GSUNGS PA YIN NO, ,MTSAMS GZHAN NA GNAS PA LA YANG NGO ZHES BYA BA YANG RIG PAR BYAS NA BYAS PA NYID YIN PA STE 'DI NI MTSAMS GZHAN NA GNAS PA GANG GI YAN LAG KYANG MA YIN NO ZHES BYA BA DE'I DMIGS KYIS BSAL BA YIN NO, ,'DIR GZHUNG NI DE BZHIN DU DOGS LA MCHIS PA LA NAM MKHA' LA MCHIS PAS SAM, NAM MKHA' LA MCHIS PA LA DOG SA LA MCHIS PAS BRJOD NA BRJOD CES BGYI 'AM, NYE BA 'KHOR BRJOD CES BYA STE, BRJOD PA LA NYES BYAS SU 'BYUNG RO ZHES GSUNGS PA YIN NO, ,BSGO BA LAS BYUNG BA RNAMS NI DGE 'DUN THAMS CAD LA'O ZHES BYA BA NI DGE 'DUN LHAG MA THUN MONG BA BZHI PO DGE 'DUN BYED PA DANG DE'I RJES SU PHYOGS PA LA SOGS PA DANG, DKON MCHOG GTONG BA DANG 'THAB KROL BYED PA LA SOGS PA BZHI PO NI DGE SLONG MA RNAMS KYI'O, ,LTUNG BYED THUN MONG BA LTA BA'I RNAM PA MI GTONG BA DAG GI BSGO BA LAS BYUNG BA'I LTUNG BA RNAMS NI PHYIR BCOS SHING BSHAGS PA DANG, DE DAG RIG PAR BYA BA NYID DANG DGE 'DUN THAMS CAD LA BYA BA YIN NO, ,'DIR LUNG NI DGE SLONG STAN DE NYID LA 'DUG NAS DES TSE DANG LDAN PA DAG BDAG LA DGE 'DUN LHAG MA'I LTUNG BA BYUNG NGO ZHES BRJOD PAR BYA STE, GAL TE BRJOD PAR BYED NA DE LTAR NA LEGS GAL TE MI BRJOD NA DE LA NYI MA DE NYID NAS BRTZAMS TE 'CHAB PA 'BYUNG NGO, ,DGE SLONG DES TSE DANG LDAN BA DAG BDAG LA LTUNG BA BYUNG NGO ZHES BYA BA'I BAR DU GSUNGS PA YIN NO, ,SO SOR BSHAGS PAR BYA BA NI GNAS DER TSOGS PA LA'O ZHES BYA BA NI THAMS CA LA ZHES BYA BAR SBYAR TE, GNAS DER RIG PAR BYA BA'I DUS SU GANG DAG GI NYE BAR GNAS PA NYID DER GTOGS PA THAMS CAD LA GDON MI ZA BAR NYE BAR BSDU BAR BYA BA NYID YIN GYI DGE 'DUN DU GTOGS PA LA NI MA YIN ZHES BYA BA'I DON TO, ,DE LTAR YANG GZHUNG NI GNAS KYI NANG DU SONG BAS DGE SLONG GANG DAG MTHONG BA DE DAG GI DRUNG DU CI NAS KYANG GNAS KHANG LA SOGS PA NA

202b

'KHOD PA DAG LA YANG GRAG BAR 'GYUR BA DE LTAR THOS PA DANG BCAS PAR BRJOD PAR BYA'O ZHES GSUNGS PA YIN NO, ,DE LTAR BYAS NA GAL TE KHA CIG LA GNYID LOG PA DANG BREL BA LA SOGS PA'I DBANG GIS GRAG PAR MA GYUR NA YANG NYES PA MED DO ZHES BYA BA 'DI LA CHO GA RNAM PAR GNAS PA YIN NO, , 'DIR GNAS KYI GZHI SMOS PA'I NI 'DU BA'I GNAS KYI DPE YIN TE, PHYOGS GANG DU DGE SLONG DAG 'DU BA DER CI NAS KYANG DGE TSUL LA SOGS PA THOS PAR BYA BA MA YIN PA DAG GIS THOB PAR MI 'GYUR BA DE LTAR BYA'O, ,'DI NI GNAS BRTAN LA SOGS PA'I DUS CUNG ZHIG GNAS PA LA 'ANG DE SHES PAR BYA'O; ,DER 'DI JI LTAR RIG PAR BYA BA NYID YIN ZHE NA, DE'I PHYIR TSE DANG LDAN PA DAG BA BDAG LA SMAD PA'I GNAS SU GYUR PA MI RIGS PA SO SOR BSHAGS PAR BYA BA BYUNG GI CHOS DE SO SOR 'CHAGS SO ZHES BYA BA SMOS TE, SPYAD PA DE NGES PAR DMAN PA NYID DANG ZAS 'DU BA NYID YIN PA'I PHYIR SMAD PA YIN TE, 'DI LTAR ZANG ZING MED PA'I CHOS SGRUB PA'I PHYIR ZHUGS PA RNAMS LA SMAD PA'I GNAS DE NYID LA RGYUG PA NI SGRUB PA PO LA MI RIGS PA YIN NO, ,'DI NI SMRE SNGAGS 'DON PA'I RNAM PAR BRJOD PAR SO SOR BSHAGS PA'I BYA BA NYID DU GSUNGS PA YIN GYI, BSHAGS PA NI MA YIN NO, , BSHAGS PA JI LTAR LTUNG BYED KYI LTUNG BA BYUNG BAS GCIG GI MDUN DU BSHAGS PAR BYA BAR GSUNGS PA DANG 'DRA BA YIN NO, ,DE NI SNGAGS DANG 'DRA BA MA YIN NO ZHES BYA BA NI RIG PAR BYA BA DE NI RANG GI DON DU SNGAGS LAN GSUM BRJOD PA DANG 'DRA BA MA YIN TE, LAN CIG BRJOD PAS CHOG GO, ,GANG GI PHYIR SNGAGS NI GZHAN GANG LA LAN GSUM PAR BYA BA DE'I MDUN DU TZOG BUR 'DUG STE, THAL MO SBYAR BAR BYA BA YIN TE NGES PA DE LA 'DI BKAG PA'O, ,YID KYIS DE LAS NI BSDAM PAR BYAS NA LDANG NGO ZHES BYA BA NI CANG MI SMRA BA'I DNGOS POS MA DAG PA BSTAN PA LA DMIGS PA NOR GYI PHYIR GZHAN SHI BAR 'DOD PA ZHES BYA BA LA SOGS PA DE LAS NI YID KYI NYES BYAS BSDAM PAR BYA BA DON GYI PHYIR YANG MI BYA'O SNYAM DU BSDAMS PA LAS PHYIR BZLOG PA'I BSAM PA BYAS PA LTUNG BA LAS BSDAM PAR 'GYUR BA'O, ,'DIR NYE 'KHOR GYIS ZHUS PA'I GZHUNG KHA CIG LAS, PHYED CHAD SDOM

203a

, ,MA MA, SDOM MO ZHES GSUNGS PA YIN NO, ,LAS GZHAN LAS NI DE DANG BCAS PA'I BSHAGS PA'O ZHES BYA BA NI GANG ZHIG YID KYIS LTUNG BA DE LAS GZHAN LAS NI BSDAM PAR BYA BA DE DANG BCAS PA'I BSHAGS PA BYAS NA LDANG BA STE, DAG PA DANG MA DAG PA DAG NI BSAM BA'I GZHI LAS BYUNG BA YIN PAS, BSDAM PAR BYA BA MED NA 'DIR BSHAGS PAS CIR YANG MI 'GYUR RO, ,'DIR GZHUNG NI PHYIN CHAD SDOM MAM, SDOM MO ZHES BYA BAS SDOM PA LTUNG BA LAS LDANG BA'I DON DU TSIG TU BRJOD PA BSNGAGS PA YIN NO, ,DE LTAR YANG BSAM PAS LTUNG BA LAS LDANG BAR SMRA'I CHAD PA'I LAS KYIS NI MA YIN NO ZHES GSUNGS PA YIN NO, ,LUS MI MTHUN PA'I GNYEN PO NI 'DI YIN TE, GANG ZHIG KUN DU SPYOD PA'I TSUL LA PHYIR BCOS PA DANG SDUG BSNGAL YIN NO, ,LUS PA RNAM PAR 'GYUR BA LA GZHAN DBANG NYID MED PAR SDOM MO ZHES BYA BAS GANG ZHIG BSHAGS PA KHAS LEN PA'O, ,GANG LA BSHAGS PAR BYA ZHE NA, DE'I PHYIR DE GCIG PU LTA BA THA MI DAD PA LA'O ZHES BYA BA SMOS TE, DE ZHES BYA BA'I SGRAS NI RANG BZHIN DU GNAS PA ZHES BYA BA LA SOGS PA SNGAR BSTAN PA'I BYE BRAG DANG LTA BA THA MI DAD PA BSTAN TO, ,GCIG PU ZHES SMOS PA'I SGRAS NI MANG PO DAG BSAL TE, 'DI LTAR GANG ZAG GCIG LA BSHAGS PA 'GRUB PAR BSTAN TE, GANG ZHIG RANG BZHIN DU GNAS PA BSNYEN PAR RDZOGS PA DANG BCAS PA MTSAN MTHUN PA LTA BA THA MI DAD PA ZHES GSUNGS PA DE LTA BU GCIG LA BSHAGS PAR BYA'O,, CI 'DIR THAMS CAD LA 'AM ZHE NA, DE'I PHYIR KHA NA MA THO BA MI MTHUN PA LA'O ZHES BYA BA SMOS TE, LTUNG BA MI 'DRA LA ZHES BYA BA'I DON TO, ,JI LTAR KHA NA MA THO BA MI MTHUN PA NYID YIN ZHE NA, DE'I PHYIR SDE TSAN LAS SO ZHES BYA BA SMOS TE, 'DIR GZHUNG NI GLENG GZHI DAG LAS BTZUN BA LTUNG BA RIGS MTHUN PA ZHES KYANG BGYI, BTZUN PA LTUNG BA RIGS MI MTHUN PA ZHES KYANG BGYI NA, BTZUN BA LTUNG BA RIGS MTHUN PA NI GANG LAGS, LTUNG BA RIGS MI MTHUN PA NI GANG LAGS, NYE BA 'KHOR PHAM PAR GYUR PA GANG YIN BA PHAM PAR GYUR PA DANG RIGS MTHUN BA

203b

YIN LA, DE LAS GZHAN PA DAG RIGS MI MTHUN PA YIN NO, ,DGE 'DUN LHAG MA NI DGE 'DUN LHAG MA DANG NGO, ,LTUNG BYED NI LTUNG BYED DANG NGO, ,SO SOR BSHAGS PAR BYA BA NI SO SOR BSHAGS PAR BYA BA DANG NGO, ,NYES BYAS NI NYES BYAS DANG NGO ZHES GSUNGS PA YIN NO; ,'DIR NYES BYAS RANG DBANG CAN DAG BSDUS PAR RIG PAR BYA STE, LTUNG BA GZHAN BA DANG 'BREL BA'I NYES PA GANG YIN BA DE NI LTUNG BA DE BSHAGS PA NYID KYIS DE YANG BSHAGS PA BYAS PAR 'GYUR RO, ,CI DE LAS 'DA' BAR BYA BA MA YIN NAM ZHE NA, DE'I PHYIR MED NA LTUNG BA LAS SO ZHES BYA BA SMOS TE, RANG GI MDUN DU BSHAGS PAR BYA BA SDE TSAN LAS KHA NA MA THO BA MI MTHUN PA MED PA LTUNG BA LA KHA NA MA THO BA MI MTHUN PA'I MDUN DU BSHAGS PAR BYA'O ZHES BYA BA'I DON TO, ,'DIR GZHUNG NI SIL BU DAG LAS BTZUN BA LTUNG BA MTHUN PA'I MDUN DU LTUNG BA BSHAGS SU RUNG NGAM, NYE BA 'KHOR MI RUNG NGO, ,RKYEN DE LTA BU DAG YOD NA RIGS MI MTHUN PAR BYA STE RUNG NGO ZHES GSUNGS PA YIN NO, ,SPANGS PA LAS NI SPANGS PA DANG BRAL BA SNGON DU BTANG BA LAS SO ZHES BYA BA NI LTUNG BYED LAS RDZAS DE SPANGS PA DANG SPANGS BA DAG ZHAG GCIG BRAL BAR BYA BA DE GNYIS SNGON DU BTANG STE, BSHAGS NA LDANG BAR 'GYUR RO, ,BTANG BA LAS SO ZHES BYA BA NI NANG MA BYAS PA LAS SO, ,ZHAG DE LA CHOS GOS GZHAN BYIN GYIS MI RLOB PAR BYIN GYIS BRLAB TU RUNG BA'I CHOS GOS MED PAR GNAS PAR BYA'O, ,DE GNYIS SNGON DU SONG BA'I BSHAGS PA BYAS NA SPANG BA'I LTUNG BYED LAS LDANG BAR 'GYUR RO, ,CHOS GOS GZHAN BYIN GYIS BRLAB NA NI BYIN GYIS BRLAB TU RUNG BA DANG BRAL BAR MI 'GYUR RO, ,LHAG MA DANG BCAS PAR GTOGS PA'I SBOM PO LCI BA LAS DGE 'DUN LNGA LA SOGS PA'I THAMS CAD LA'O ZHES BYA BA NI DGE 'DUN LHAG MA DANG 'BREL BA'I SBOM PO LCI BA LAS NI MTSAMS DER GTOGS PA'I DGE 'DUN LNGA LA SOGS PA THAMS CAD LAS BSHAGS PAS LDANG BAR 'GYUR RO, ,LHAG MA MED PAR GTOGS PA'I SBOM PO LCI BA LAS NI MA BCAD PA LHAG PA LA'O

204a

, ,ZHES BYA BA LA NI PHAM PA DER GTOGS PA DE DANG 'BREL BA'I SBOM PO LCI BA LAS NI MA BCAD PA'I DE'I GNAS KYI GZHI DE NYE BAR SON BA LAS MTSAMS GZHAN DU KHYER BAS THAMS CAD DU DE'I MTSAMS KYI NANG DU GTOGS PA'I DGE 'DUN LNGA LAS MANG BA DRUG LA BSHAGS PAS LDANG BAR 'GYUR RO, ,YANG BA DE LAS BZHI LA SOGS PA LA'O ZHES BYA BA NI LHAG MA MED PAR GTOGS PA'I SBOM PO YANG BA DE LAS NI MTSAMS DER GTOGS PA'I DGE 'DUN MA BCAD PA BZHI LA SOGS PA THAMS CAD LA BSHAGS PAS LDANG BAR 'GYUR RO, , DGE 'DUN LHAG MAR GTOGS PA'I SBOM PO LCI BA DANG YANG BA JI LTAR SHES PAR BYA ZHE NA, DE'I DMIGS KYIS BSAL BA MED PA'I PHYIR DE DANG BCAS PAR BSHAGS PA LAS GCIG LA CHO GA GZHAN 'JUG PA'O, ,LCI BA DANG YANG BA NYID KYANG KHA NA MA THO PA MANG BA DANG NYUNG BA NYID KYIS SHES PAR BYA'O, ,DPER NA 'DZAG SNOD DU LAS SU MI RUNG BA'I YAN LAG GI RNAM PA NYED PA LA SOGS PA YANG BA YIN NO, ,BSTEN PAR BYA BA MTHU MED PAR YAN LAG RTZOL BA DANG, RIN THANG MA TSANGS BA'I RDZAS MANG POR RKU BA YANG LCI BA'O, ,'DIR GZHUNG NI 'DUL BYED DAG LAS SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN BA NYES PA SBOM PO JI LTAR BSHAGS PAR BGYI, NYE BA 'KHOR NYES PA SBOM PO NI BZHI PO 'DI DAG YIN NO, ,PHAM PAR 'GYUR BAS KUN NAS BSLANG BA LCI BA DANG, PHAM PAR 'GYUR BAS KUN NAS BSLANG BA YANG BA DANG, DGE 'DUN LHAG MAS KUN NAS BSLANG BA'I LCI BA DANG, DGE 'DUN LHAG MAS KUN NAS BSLANG BA YANG BA'O, ,NYE BA 'KHOR DE LA KUN NAS BSLANG BA PHAM PAR 'GYUR BAS KUN NAS BSLANG BA'I NYES PA SBOM PO LCI BA GANG YIN BA DE NI MTSAMS KYI NANG DU DGE 'DUN DRUG LA SOGS PA THAMS CAD KYI MDUN DU BSHAGS PAR BYA'O, ,PHAM PAR 'GYUR BA KUN NAS BSLANG BA'I NYES PA YANG BA GANG YIN PA DE NI MTSAMS KYI PHYI ROL DU DGE SLONG BZHI'I MDUN DU BSHAGS PAR BYA'O, ,DE LA DGE 'DUN LHAG MAS KUN NAS BSLANG BA'I NYES

204b

PA SBOM PO LCI BA GANG YIN PA DE NI MTSAMS KYI PHYI ROL DU DGE SLONG LNGA'I MDUN DU BSHAGS PAR BYA'O, ,DGE 'DUN LHAG MAS KUN NAS BSLANG BA'I NYES PA SBOM PO YANG BA GANG YIN PA DE NI MTSAMS KYI NANG DU DGE SLONG GCIG GI MDUN DU BSHAGS PAR BYA'O ZHES GSUNGS PA YIN NO, ,MTHAR DE LA BRTZAL BA'I RKYEN MA 'BYOR BA NYID NA LAS BYAS PA DANG 'DRA'O ZHES BYA BA LA, DE LA ZHES BYA BA NI PHYIR BCOS PA LA'O, ,BRTZAL BA'I RKYEN MA 'BYOR BA NYID NI ZHES BYA BA LA MTHAR ZHES BYA BA NI 'CHI BA SRING PA'I GNAS SKABS KYI 'CHI BA'I SKAD CIG MAR RO; ,DE LA ZHES BYA BA NI BSHAGS PA LA SOGS PA PHYIR BCOS PA'I PHYIR BRTZAL BA NI PHYIR BCOS PA'I LAS BYAS PA DANG 'DRA'O, ,'DIR GZHUNG NI DGE SLONG DAG DE NI LTUNG BA DE LAS LANGS PA YIN TE, DA NI BSAM PAS LTUNG BA LAS LDANG BAR SMRA'I, CHAD PA'I LAS KYIS NI MA YIN NO ZHES BYA BA NI DGE 'DUN LHAG MA'I LTUNG BA PHYIR BCOS PAR BYA'O SNYAM PA YUL GZHAN DU SONG BA'I SKABS SU SROG DANG BRAL BAR GYUR PA NAS CHAD PA'I LAS KYIS NI MA YIN NO ZHES BYA BA'I BAR DU GSUNGS PA YIN NO, ,NGA NI BSAM PAS LTUNG BA LAS LDANG BAR SMRA'I ZHES SMOS PA NI PHYIR BCOS PA THAMS CAD KYI LTUNG BYED KYI DBANG DU BYA BA'I DON DU'O, ,DGE 'DUN LHAG MA'I PHYIR BCOS PA NI THAMS CAD DU LCI BA STE, DE BAS NA DE LAS 'DI LTAR LNGA PA YOD PA LA SDANG BA ZHES BYA BA NI SBYAR BAR BYA'O, ,DE BAS NA THAMS CAD LA DBANG DU BYA BA'I PHYIR MDO 'DI'O, ,DUS GZHAN DU YANG DE LTAR BLANGS PA NYID LA BSHAGS PA LA SOGS PA'I DON MED PAR THAL BAS DE BAS NA NANG DU DE RNAM PAR GNAS PA YIN NO ZHES BYA BA GSUNGS SO, ,MI ZAD PA'I YID LAS BYUNG BA RJES SU SBYAR BA'I BSAM PA GCIG PU LAS BSHAGS PAR BYED PA RNAMS LAS LDANG BAR RIGS PA YIN NO, ,DON MED PA LA YANG DE LTAR DE, GZHAN DU NA BSHAGS PA LA SOGS PA THAL BAS NA DE BAS NA BRTZON PA DANG BCAS PA NYID NA DE RNAM PAR GNAS PA YIN TE, DE BAS NA DE YANG 'DI BRTEN PA'O, ,BRTZON 'GRUS

205a

, ,DMAN PA LA YANG BRTZON 'GRUS DANG BCAS PA NYID BSTAN PA'O, ,YOD PA GANG LA YANG RKYEN GZHAN MA TSANG BAS PHYIR BCOS PA MA GRUB PA DE LA 'DIR YAN LAG 'DI NYID RIGS PA MA YIN NO, ,DE BAS NA RKYEN MA GRUB PA'I PHYIR SMOS PA'O, ,SMYOS PAS BYAS PA DE'I PHYIR SANGS PA NI NYES BYED DANG 'DRA BA NYID DO ZHES BYA BA NI RANG BZHIN LAS NYAMS PAS BYAS PA THAMS CAD NYID LA LHAG PAR SPYAD PA SANGS PA RANG BZHIN THOB PA YOD PA LA BYED PA PO DES 'DU SHES PA NI NYES BYED DANG 'DRA BA NYID DO, ,GCIG GI MDUN DU PHYIS BSHAGS PA NYID DANG 'DRA'O, ,MI BDEN PA BSAL BA'I DON DU BSHAGS PA DE RNAM PAR GNAS PA YIN GYI PHYIR BCOS PA NYID KYI PHYIR LTUNG BA MI LDANG BA NYID LA NI MA YIN NO, ,MING DANG RIGS DANG LDAN PAR BRJOD NA LTUNG BA LAS SO ZHES BYA BA NI LDANG NGO ZHES BYA BAR DBANG DU BYED PA LAS SHES PAR BYA'O, , MING DANG LDAN BA ZHES BYA BA NI NYES BA SBOM PO DANG, DGE 'DUN LHAG MA DANG, SPANG BA'I LTUNG BYED DANG, LTUNG BYED 'BA' ZHIG PA DANG, SO SOR BSHAGS PAR BYA BA DANG, NYES BYAS ZHES BYA BA RNAMS SO, ,RIGS DANG LDAN PA ZHES BYA BA NI MI TSANGS PAR SPYOD PAS KUN NAS BSLANG BA LA SOGS PA DANG, BSAMS BZHIN DU KHU BA 'BYIN PAS KUN NAS BSLANG BA LA SOGS PA DANG, REG PAS KUN NAS BSLANG BA LA SOGS PA DANG, 'KHRIG PA SMRA BAS KUN NAS BSLANG BA LA SOGS PA DANG, BSNYEN BKUR BSNGAGS PAS KUN NAS BSLANG BA LA SOGS PA DANG, TSIG RTZUB PA SMRA BAS KUN NAS BSLANG BA'I BAR DANG, ZHAG BCU LAS 'DA' PAS KUN NAS BSLANG BA DANG, BRDZUN DU SMRA BAS KUN NAS BSLANG BA LA SOGS PA DANG, DGE SLONG MA'I BSOD SNYOMS BYIN BYED PAS KUN NAS BSLANG BA DANG, SHAM THABS ZLUM POR MA BGOS PAS KUN NAS BSLANG BA LA SOGS PA DAG STE, DE LTAR MING DANG RIGS DANG LDAN PAR BRJOD PAS LTUNG BA BSHAGS PAR BYA'O ZHES BYA BA'I DON TO, ,'DIR BDAG LAS BRJOD PA NI SNGAGS LAS SHES PAR BYA STE, BDAG DGE SLONG MING 'DI ZHES BYA BGYI BA LA LTUNG BYED KYI SDE TSAN LAS,

205b

BRDZUN DU SMRA BAS KUN NAS BSLANG ZHES BYA BA LA SOGS PAS DE LTAR DE BRJOD PAR RNAM PAR GNAS PA YIN NO, ,DGE 'DUN LHAG MA LAS NI DUS 'DI JI SRID CIG BCABS PA NYID DAM BCABS PA NYID DANG NGO ZHES BYA BA NI DGE 'DUN LHAG MA LAS NI GZHAN 'DI DANG LDAN PAR BRJOD PAR BYA STE, 'CHAB PA 'DZIN PAR BYED NA NI DUS JI SRID 'CHAB PAR BYED PA'I DUS DE TZAM PA NYID KYIS SO, ,ZHAG GCIG BCABS PA 'AM ZHAG GNYIS BCABS PA LA SOGS PA DE DANG BRJOD PAR BYA'O, ,BCAS PA MA YIN PA LA BCAS PA MA YIN PA NYID KYIS 'CHAB BA MA YIN PA LA SOGS PA'O, ,DE LAS BSLAB BYED PA NI DBYUNG BA'O ZHES BYA BA LA, DE LAS ZHES BYA BA NI DGE 'DUN LHAG MA DE LAS SO, ,GANG ZHIG DE LAS SLONG BAR BYED PA DE NYID KYI PHYIR MING 'DI DBYUNG BA ZHES BYA BA STE LTUNG BA LAS DBYUNG BA ZHES BYA BA'I DON TO, ,LTUNG BAR BYA BA'I RNAM PA NYID KYI PHYIR SDE TSAN DE LA 'DIR DE BRJOD PA'O, ,DBYUNG BA GANG ZHE NA, DE'I PHYIR DGE 'DUN LAS ZHAG DRUG MGU BAR BYA BA MA NOS TE SPYAD PA LA'O ZHES BYA BA SMOS TE, DGE 'DUN LAS ZAG DRUG MGU BAR BYA BA MA NOS TE SPYAD CING DBYUNG BA GANG YIN PA DE NI LTUNG BA DE LAS SLONG BAR BYED PA GANG YIN PA DE NI DBYUNG BA YIN GYI GZHAN NI MA YIN NO, ,DGE SLONG MAS NI ZLA BA PHYED DO ZHES BYA BA NI 'DI LAS ZHAG DRUG TU MGU BA SPYOD PAR BYA BA MA YIN TE, 'ON KYANG ZLA BA PHYED NI GNYIS KA'I DGE 'DUN LAS ZHES BYA'O, ,DE NI LAS KYI GZHI LAS DGE SLONG MAS LCI BA'I CHOS LAS 'DAS NA YANG GNYIS KA'I DGE 'DUN LAS ZLA BA PHYED MGU BAR BYA BA MNOS TE SPYAD PAR BYA BA NYID YIN NO, ,LCI BA'I CHOS LAS 'DAS NA YANG DE SPYAD PAR BYA BA NYID YIN NO ZHES BYA BAS NI DGE SLONG MAS LCI BA'I CHOS LAS 'DAS NA YANG GNYIS KA'I DGE 'DUN LAS ZLA BA PHYED MGU BAR BYA BA DE MNOS TE, SPYAD PAR BYA BA NYID YIN GYI DGE 'DUN LHAG MA 'BA' ZHIG LA NI MA YIN NO, ,BCABS PA'I NYES PA MED NA DE 'CHAGS SO ZHES BYA BA NI GAL TE BCABS PA'I NYES PA MED NA DE'I TSE MGU BAR BYA BA DE 'CHAGS SO, ,SPO BAS DE MED PAR 'GYUR RO ZHES BYA BA NI SPO BA DES BCABS PA'I

206a

, ,NYES PA DE 'BYANG ZHING MED PAR 'GYUR TE, SPO BA DES BCABS PA'I NYES PA BSAL BA BYAS PA LA MGU BAR BYAS PA 'CHAGS SO, ,LTUNG BA GZHAN BSKYED PA BSGRUB PA RJES SU SGRUB PAR BYED PA LA YANG NYES PA PHYIR BCOS PAR BYA ZHING 'CHAGS PA ZHES BYA BA'I RJES SU 'BRANGS NAS SHES PAR BYA'O, ,SPO BAS JI LTA BU ZHE NA, DE'I PHYIR DGE 'DUN LAS DUS DE SRID MNOS TE'O ZHES BYA BA SMOS TE, LTUNG BA 'BYIN PAR BYED PA DES DUS JI SRID DU BCABS PA'I DUS DE SRID SPO BA DAG 'DUN LAS MNOS TE'O ZHES BYA BA'I DON NO, ,DE GNYIS BYED PA NYID NA DGE 'DUN LHAG MA DE BYUNG NA MNOS TE BYAS PA DE GNYIS ZHIG PAS DE'I PHYIR GZHI NAS BRTZAMS PA NYID SBYIN NO ZHES BYA BA NI DGE 'DUN LHAG MA DE PHYIR BCOS PA'I PHYIR SPO BA DANG MGU BAR BYA BA DE GNYIS BYED PA NYID NA DGE 'DUN LHAG MA'I LTUNG BA BYUNG BA GANG ZHIG SNGA MA DANG 'DRA BA RIGS MTHUN PA YANG BYUNG NA SBO PA LA GNAS PA DANG, MNOS PA MGU BAR BYA BA SPYAD PA MNOS TE, BYAS PA DE NYID NYAMS PA YIN NO, ,DGE 'DUN LHAG MA'I LTUNG BA SNGA MA DANG MI 'DRA BA BYUNG BA LA NI MI NYAMS SO, ,GANG GI PHYIR DGE 'DUN LHAG MA'I LTUNG BA SNGA MA DANG 'DRA BA SPO BA DANG MGU BAR BYA BA MNOS SHING BYAS PA DE GNYIS NYAMS PA DE'I PHYIR GZHI NAS BRTZAMS PA NYID SBYIN PAR BYA STE, DGE SLONG DE LA YANG GZHI NAS BRTZAMS TE SPO BA DANG MGU BAR BYA BA NYID SBYIN PAR BYA BA ZHES BYA BA'I DON NO, ,BRTZAMS PA NI MTHAR THUG PAR BYA BA DANG 'DRA'O ZHES BYA BA NI GANG LA SPO BA BRTZAMS NAS GZHI NAS SPO BA DANG YANG GZHI NAS BSLANG STE SPO BA DANG, MGU BAR BYA BA DANG GZHI NAS BSLANG STE MGU BAR BYA BA BRTZAMS PA GANG LA DGE 'DUN LHAG MA'I LTUNG BA RIGS MTHUN PA BYUNG NAS MTHAR THUG PA DANG 'DRA BA DE BLTA BAR BYA'O, ,YANG DAG PAR BLANGS PAR GYUR PA DE LA SLAR BSLANG BAR BYA BA KUN DU SPYAD PA SPYOD DU 'JUG PA SNGA MA LTAR NI MA YIN NO ZHES BYA BA'I DON NO, ,SHES PA DE YANG DE KHO NA LTAR BLO GNAS PAS DE NYID 'DIR SKABS SU BAB PA DE LTAR MA GRUB PA ZHES BYA BA SLAR BYED PA STE, GZHAN GYIS NI MA YIN NO ZHES BYA BA'I DON TO, ,DE'I PHYIR DE MA

206b

CHAGS NA DE'I TSE DANG PO YANG THA DAD PAR BSLANG BAR BYA BA NYID DO ZHES BYA BA NI GANG GI PHYIR BRTZAMS PA NI MTHAR THUG PA DANG 'DRA BA DE'I PHYIR SPO BA LA SOGS PA SNGA MA LTAR NI MA YIN NO, ,DE BAS NA MA GRUB PAS BSLANG BA DE NI DE'I TSE SBYIN PA LA MA CHAGS PA'O, ,DE MA CHAGS PA'I GNAS SKABS SU GZHI NAS BSLANG BA NYID SBYIN PAR BYA BA MA YIN PAS THA DAD PAR BSLANG BAR BYA'O, ,JI LTAR LTUNG BAR MED PAR GYUR PA LA YANG SPO BA MGU BA SBYIN DGOS PA DE BZHIN DU BAR MA GYUR PA LA YANG THA DAD PAR SBYIN PA'O, ,BAR MA DE PHYIR BCOS PAR BYA'O ZHES BYA BA LA DE ZHES BYA BA NI PHYIR BCOS PA'I BDAG NYID CAN GYI DON SMOS PAS SO, ,GANG ZHIG LTUNG BA BAR MA'I BDAG NYID 'DI KHA NA MA THO BA PHYIR BCOS PA DE'I DON DU SPO BA LA SOGS PA'O, ,DE BAS NA 'DIR SPO BA LA SOGS PAS PHYIR BCOS PA NYID BYA'O ZHES BYA BA'I DON TO, ,DE'I PHYIR DE'I DON DU YANG BRTEN PAR BYA BA NYID YIN NO ZHES BYA BA NI GANG GI PHYIR LTUNG BA BAR MA'I BDAG NYID KHA NA MA THO BA DE'I PHYIR BCOS PAR BYA BA KHO NA STE, DE'I PHYIR GZHI NAS BRTZAMS PAS GANG GI TSE MA CHAGS PA LEN PAR BYED PA DE'I TSE DE PHYIR BCOS PA DE'I DON DU SNGAR BYAS PA YANG BSLANG BAR BYA BA'I DON TO, , DER GTOGS PA'I SEMS CAN THAMS CAD BSKYED DE RGYUD DANG 'DRA BA'I DU MA CIG CAR GZUNG BA'O, ,JI LTAR BRTZON PA SNGON DU 'GRO BA CAN LTUNG BA DU MA RNAMS KYI PHYIR DER GTOGS PA'I SEMS CAN THAMS CAD BSKYED NAS RGYUD LA BYA BA DU MA CIG CAR LEN PAR BYED PA DE LTAR ZHES BYA BA'I DON TO, , DE BCABS PA'I DUS LHAG MA YANG DER GZHUG PA NYID DO ZHES BYA BA NI GANG ZHIG 'DIR LTUNG BA BAR MA'I DUS LHAG PAR 'GYUR BA GZHI NAS BSLANGS TE LEN PA LA KHONGS SU BSDU BA NYID LA SPO BA 'AM GZHI NAS SPO BA DUS DE TZAM YANG DAG PAR BSLANG BAR BYA ZHES BYA BA'O, ,YANG JI LTAR LTUNG BAR MA BCABS PA'I DUS LHAG PAR 'BYUNG BA JI SRID PAS DE'I PHYIR BRJOD PAR BYA STE, SPYOD PA LA ZHUGS PA MTHONG THUG NA LTUNG BA BAR MA BRJOD PA DANG GZHAN DU YANG MA BRJOD PAS SO, ,RNAM PA GZHAN GYIS KYANG 'DI LTA STE, SPO BA'AM GZHI NAS SPO BA BYED PAS LTUNG BA RIGS MTHUN

207a

, ,PA BYUNG NAS 'THAB KROL BYED PA 'ONG BA PHYIR SPO BA 'AM GZHI NAS SPO BA LA SOGS PA BTANG STE YANG PHYIR LEN PA NGES BTANG BA'I GNAS SKABS SU BCABS PA'I DUS RING DU SGRUB PAR BYED BA'O, ,MNOS TE'O ZHES SMOS TE DGE 'DUN GYI SPO BA DANG MGU BAR BYA BA DE GNYIS JI LTAR SBYIN PAR BYA BA NI BSTAN PAS DE'I PHYIR, DBYUNG BA YANG NGO ZHES BYA BA YANG LAS KYIS SBYIN NO ZHES BYA BA'I RJES SU BSNYEG PA'I PHYIR YANG NGO ZHES BYA BA'I SGRA SMOS SO, ,DER BSDIGS PA YANG NGO ZHES BYA BA NI KHYOD KYIS LEGS PAR MA BYAS SO ZHES BYA BA LA SOGS PA'I SNGAGS LAS LDANG BAR BYED PA'O, ,DER ZHES BYA BA NI DBYUNG BA DER RO, ,BSDIGS PA DE NAM GYI TSE NA BYA ZHE NA DE'I PHYIR GSOL BA DANG LAS BRJOD PA DANG PO'I BAR DU'O ZHES BYA BA SMOS TE, GSOL BA BYAS NAS DE'I RJES LA ZHES BYA BA'I DON TO, ,GNAS SKABS JI LTAR 'DUG PA LA BYA ZHE NA, DE'I PHYIR RTZVA BKRAM PA LTA BUR 'GYEL BA LA'O, ,GZENGS BSTOD PA YANG NGO ZHES BYA BA LA SMOS TE, 'DI YANG KHYOD KYIS LEGS PAR BYAS SO ZHES BYA BA LA SOGS PA'I SNGAGS LAS LDANG BAR BYED PA LA'O, ,'GYEL BA LA'O ZHES BYA BA NI 'DIR SBYAR BAR BYA BA MA YIN NO, ,NAM GYI TSO NA BYA ZHE NA, DE'I PHYIR BRJOD MA THAG TU'O ZHES BYA BA SMOS TE, DGE 'DUN GYIS PHYUNG LAGS TE, 'DIR CANG MI GSUNG BAS DE DE BZHIN DU 'DZIN TO ZHES BYA BA'I TSIG BRJOD PA BYAS MA THAG TU'O ZHES BYA BA'I DON TO, ,PHYIR BCOS PA'I GZHI'O,, ,,TSUL KHRIMS 'CHAL PA BSKRAD PAR BYA'O ZHES BYA BA NI, 'DIR TSUL KHRIMS 'CHAL BA ZHES BYA BA NI PHAM PAR GYUR PAR SHES PAR BYA'O, ,'DI LA DGE 'DUN DBANG BA ZHES BYA BA NI TSUL KHRIMS 'CHAL BA BSKRAD PA NI DGE 'DUN LA RAG LAS PA YIN PA'I PHYIR GTZUG LAG KHANG GI BYA BA LA DGE 'DUN DBANG BA NYID YIN PAS GANG ZAG LA YANG NUS PAR YOD PAR GYUR KYANG 'DIR BYA BA NYID DO, ,DE LTAR YANG 'PHAGS PA MOD GAL GYI BU GCIG PUS GANG ZAG LA SDUG BSNGAL DE BYAS PAS NA, 'DIR GANG ZAG MI DBANG BA YIN PAS, DE BAS NA DGE 'DUN NYID KYIS BYA BAR GSUNGS SO, ,'DIR

207b

GZHUNG NI, BCOM LDAN 'DAS KYIS DGE SLONG TSUL KHRIMS 'CHAL BA BSKRAD PAR BYA'O ZHES BKA' STZAL NA, GANG GIS BSKRAD PAR BGYI, DGE 'DUN GYIS SO ZHES GSUNGS PA YIN NO, ,DES DE YAL BAR MI DOR RO ZHES BYA BA LA, DES ZHES BYA BA NI DGE 'DUN GYIS SO; ,DE ZHES BYA BA NI TSUL KHRIMS 'CHAL PA BSKRAD PA DE'O, ,YAL BAR MI DOR ZHES BYA BA NI DES DE LA 'BAD PAR BYA ZHES BYA BA'I DON NO, ,BSNYIL BA LA BZOD PAR BYA BA NYID DO ZHES BYA BA NI DGE TSUL BSNYIL BA'I LAS BYAS PA LA JI LTAR NAN TUR BYAS PA GZHAN DAG LA BZOD PAR BYA BA DE BZHIN DU DE LA YANG BZOD PAR BYA BA NYID YIN NO, ,BSNYIL BA NYID KYI PHYIR 'DI LA BZOD PAR MI 'OS SO SNYAM PA'I DOGS PA BZLOG PA'I PHYIR MDO 'DI YIN NO, ,'DIR GZHUNG NI DGE TSUL BSNYIL BA SDUG PA'I LTUNG BYED KYI ZHU BA KHA CIG LAS, DGE 'DUN GYIS DGE TSUL BSNYIL BA'I LAS KYIS BSNYIL BAR GYUR CING DE YANG 'BYUNG BA SKYOD NA BZOD PAR BGYI 'AM BZOD PAR MI BGYI, BZOD PAR BYA'O ZHES GSUNGS PA YIN NO, ,NAN TUR BYED PA DAG GIS MA BSKOS NA NAN TUR BYAS PA LA BZOD PA MI 'CHAGS SO ZHES BYA BA NI MA BSKOS PAR GYUR PA LA NAN TUR BYED PA'I DGE SLONG RNAMS KYIS NAN TUR BYAS NA BZOD PA MI 'CHAGS TE, GAL TE DGE SLONG GZHAN DAG NAN TUR BYAS PA DE LA BZOD PAR BYED 'DOD NA CI NAS KYANG NAN TUR BYED PA DE DAG GIS DER BSKOS PA NYID DU 'GYUR BA DE LTAR BYA ZHING JI LTAR NAN TUR BYED PA RNAMS LA DER BSKOS PA NYID DU GYUR TE, DE LTA BAS NA DE BSTAN PA'O, ,BSKRAD PAS SUN PHYUNG BA'I GNAS SU GNAS PAR MI BYA BA NYID DO ZHES BYA BA NI KHYIM SUN 'BYIN PA BSKRAD PA NYID KYIS GNAS KHANG PHYUNG BAR GYUR PA'I SPYOD YUL GYI GNAS DER GNAS PA NYID DO, ,DES DE DAG GI MA DAD PA YONGS SU SPANG BA'I PHYIR GZHAN DU 'GRO BAR BYA'O, ,'DIR GZHUNG NI RNAM PAR 'BYED PA DAG LAS, TSE DANG LDAN PA DAG KHYOD GNAS 'DI NAS SONG SHIG DANG ZHES BYA BA DANG, DGE SLONG BRAM ZE'I BU MOS ZHUS PA LAS KYANG BSKRAD PA ZHES BYA BA'I DON CI LAGS,

208a

, ,NYE BA 'KHOR LAS DE'I MING YIN TE, 'ON KYANG BSKRAD PAR BYA BA NI DGE SLONG SUN 'BYIN PA GANG YIN PA DE LA BYA STE, DE 'DIR GNAS PAR MI BYA'O ZHES GSUNGS PA YIN NO, ,GNAS NAS PHYUNG BA THAMS CAD LA GNAS PAR BYA BA MA YIN PA NYID DANG LONGS SPYAD PAR BYA BA MA YIN PA NYID DO ZHES BYA BA NI LHAN CIG GNAS PAR BYA BA MA YIN PA NYID DANG, LHAN CIG LONGS SPYOD PA MA YIN PA NYID CES BYA BA DE GNYIS NI GNAS NAS PHYUNG BA THAMS CAD LA RIG PAR BYA BA'I LTA BA'I RNAM PA MI GTONG BA NYID KYIS GNAS NAS PHYUNG BA 'BA' ZHIG LA DE GNYIS RIG PAR BYA BAR MA ZAD DO, ,DE YANG BSKRAD PAR BYA BA NYID CES BYA BA NYID DE 'DIR BRJOD PAS 'DI LA 'DI GNAS PAR RIG PAR BYA BA MA YIN NO, ,'DIR GZHUNG NI DGE SLONG BRAM ZE'I BU MOS ZHUS PA LAS GNAS NAS PHYUNG BA GROGS DANG BCAS PAR BRJOD PAR BGYI 'AM, GROGS MA MCHIS PAR BRJOD PAR BGYI, GNAS NAS PHYUNG BA THAMS CAD GCIG PU GROGS GNYIS MED PAR BRJOD PAR BYA'O, ,GNAS NAS PHYUNG BA LA LONGS SPYOD DANG BCAS PAR BRJOD PAR BGYI 'AM, LONGS SPYOD MA MCHIS PAR BGYI, GNAS NAS PHYUNG BA THAMS CAD LA LONGS SPYOD MED PAR BRJOD PAR BYA'O ZHES GSUNGS PA YIN NO, ,'DI LA 'DU SHES KYIS RNAM PAR GZHAG GO ZHES BYA BA NI GNAS NAS PHYUNG BA SPANG BA 'DI LA 'DU SHES KYIS RNAM PAR GZHAG PA STE, GANG GIS 'DI GNAS NAS BYUNG BA YIN NO ZHES BYA BAR SHES LA, DE MI SBONG BA DE LA NYES 'DIR 'GYUR GYI MI SHES PA NI MA YIN NO , ,'DIR GZHUNG NI GANG GIS GNAS NAS PHUNG BAR SHES PA DES LHAN CIG GNAS PA DANG, LHAN CIG LONGS SPYAD PAR MI BYA'I GANG GIS GNAS NAS PHUNG BAR MI SHES PA DES LHAN CIG GNAS PA DANG, LHAN CIG LONGS SPYOD PA LA NI LTUNG BA MED DO ZHES GSUNGS PA YIN NO, ,YONGS SU SPANG BAR BYA BA THAMS CAD YONGS SU SPANGS PA DAG LA YANG 'DI'I RJES SU 'BRANG BA'I RNAM PA NYID DU RIG PAR BYA'O, ,BYE BA NYID NI DE GNYIS CHOS MA YIN PA'I PHYOGS DANG, CIG SHOS SU YIN GYI CIG SHOS DANG NI MA YIN NO

208b

ZHES BYA BA NI, LAS BYE BA DANG 'KHOR LO BYE BA DAG LAS GANG YANG RUNG BA BYE BA DE NYID NAS GNAS PA BYA BA MA YIN PA NYID DANG, LONGS SPYAD PAR BYA BA MA YIN PA NYID DE DE GNYIS CHOS MA YIN PA'I PHYOGS DANG, CIG SHOS KYI PHYOGS SU LHAN CIG MI BYA BA YIN GYI CHOS KYI PHYOGS CIG SHOS DANG CHOS MA YIN PA'I PHYOGS SU LHAN CIG BYAR MI RUNG BA NI MA YIN TE, CHOS KYI PHYOGS LA NI NYES PA MED PA'I PHYIR RO, ,'DIR GZHUNG NI KHAS BLANGS PA DAG NI KHAS MA BLANGS PA DAG DANG LHAN CIG LONG SPYOD PAR BYED NA NYES BYAS SO, ,KHAS MA BLANGS PA DAG KHAS BLANGS PA DAG DANG LHAN CIG LONGS SPYOD PAR BYED PA DAG LA NI NYES PA MED DO ZHES GSUNGS PA YIN NO, ,'KHOR LO BYE BA DAG LAS THA DAD PA DAG LA YANG CHO GA 'DI RNAM PAR GZHAG PA DE BAS NA BYE BRAG MED PAR MDOR BYAS PA STE, THAMS CAD KYI DBANG DU BYAS NAS BSTAN PA'O, ,NAN TUR BYAS PA GZHAN DAG LA DE GNYIS MI BYA'O ZHES BYA BA NI GNAS NAS PHUNG BA LAS GZHAN PA'I NAN TUR BYAS PA BSDIGS PA DANG, SMAD PA DANG, BSKRAD PA DANG, PHYIR 'GYED PA BYAS PA'I YUL DAG LA LHAN CIG GNAS PAR MI BYA BA NYID DANG LHAN CIG LONGS SPYOD PAR MI BYA BA NYID DE GNYIS MI BYA'O, , 'DIR GZHUNG NI BSDIGS PA'I LAS BGYIS PA LA SMAD PA'I LAS BGYIS NA BGYIS PAR BRJOD PAR BGYI 'AM, BCOM LDAN 'DAS KYIS BKA' STZAL PA, BYAS PAR BRJOD PAR BYA STE, BSDIGS PA'I LAS NI BAG YANGS SU GYUR TO ZHES BYA BA LA SOGS PAS GNAS NAS PHYUNG BA LAS, GZHAN PA'I NAN TUR BYAS PA DAG LA NAN TUR GZHAN 'CHAGS PAR GSUNGS NAS, GNAS NAS PHYUNG BA LA BSDIGS PA'I LAS BGYIS NA BGYIS PAR BRJOD PAR BGYI 'AM, NYE BA 'KHOR MI BYA STE, CI'I PHYIR ZHE NA, DE NI LONGS MI SPYOD PAR BYA BA'I PHYIR SONG BA YIN PA'I PHYIR RO, , DE BZHIN DU GNAS NAS PHYUNG BA LA SMAD PA DANG, BSKRAD PA DANG, PHYIR 'GYED PA'I LAS BGYIS NA BGYIS PAR BRJOD PAR BGYI 'AM, NYE BA 'KHOR MI BYA STE, DE CI'I PHYIR ZHE NA, DE NI LONGS MI SPYAD PAR BYA BA'I PHYIR SONG BA YIN PA'I PHYIR RO ZHES GSUNGS PA YIN TE DE'I PHYIR MDO 'DI BYAS

209a

, ,SO; ,DES 'GROGS BSHES LA BRTEN TE GNAS PAR BYA BA NYID DO ZHES BYA BA NI NAN TUR BYAS PA DES 'GROGS BSHES LA BRTEN TE GNAS PAR BYA BA NYID YIN PA STE, GANG GI PHYIR CHAD PA DANG BCAS PA NYID LA YANG DE LTAR 'GYUR RO, ,'DIR GZHUNG NI MI GNAS PAR 'DUG PAR MI BYA'O ZHES GSUNGS PA DE'I DON CI LAGS, GANG ZAG GAN GAL 'GROGS BSHES SAM, GUS PA DAD NGO TSA SHES PA DANG, YID DU 'THAD PA'I SEMS NYE BAR GNAS PA YOD PA DE LA GNAS DER 'DUG PAR BYA'O ZHES GSUNGS PA'I GZHUNG GNANG BA YIN NO, ,DE'I PHYIR MDO 'DI RNAM PAR GNAS PA YIN NO, ,NAN TUR BYAS PAS SAM NYAMS PA BSKRAD PAR BYA BAS 'GYUR BA BRTEN NA YO BYAD KYANG PHUNG STE DER RO ZHES BYA BA NI SLONG GANG LA NAN TUR BYAS PA DES SAM, TSUL KHRIMS 'CHAL BA NYAMS PA LA BSKRAD PAR BYA BA DES DO ZUM DANG KHRO BA LA SOGS PAR 'GYUR BA BSTAN PA DE'I TSE DE'I YO BYAD KYANG PHYUNG STE DOR BAR BYA'O, ,GLENG GZHI DAG LAS, GTZUG LAG KHANG NAS ZHES BYA BA LA SOGS PA NAS DE NYID GNAS PA ZHES BYA BA'I BAR DU GSUNGS PA YIN NO, ,MTHUS BSKRAD PAR BYA'O ZHES BYA BA NI SNGAR BSTAN PA'I GANG ZAG NAN TUR BYA BA DANG, TSUL KHRIMS 'CHAL PA DE GNYIS SO, ,'JUS PA GCAD PAR BYA'O ZHES BYA BA NI GRAL NAS BSKRAD PAR BYA BA DAG KA BA LA SOGS PA GANG LA 'JUS PA DE YANG GCAD PAR BYA'O, ,DE RDIB PA'I CHOS CAN MA YIN NA DBYUNG NGO ZHES BYA BA NI GANG LA 'JUS PA GCAD PAR BYA BA DE RDIB PAR 'GYUR BA NYID MA YIN PA DE DBYUNG BAR BYA'O, ,'DIR GZHUNG NI DE LA KA BA GCAD PAR BYA SGO SKYES DBYUNG BAR BYA ZHES GSUNGS PA YIN TE, DE'I PHYIR MDO GNYIS BYAS SO, ,DGE 'DUN GYI DE PHYIR BCOS SO ZHES BYA BA NI BCAD PA DANG DBYUNG BA YANG NGO, ,JI LTAR ZHE NA DE'I PHYIR BCOL TE'O ZHES BYA BA SMOS TE SBYIN BDAG LA'O, ,MA GRUB NA GTZUG LAG KHANG GI RDZAS KYIS SO ZHES BYA BA NI BCOL TE MA GRUB NA GTZUG LAG KHANG GI RDZAS KYIS PHYIR BCOS PAR BYA'O, ,'THAB KROL BYED PA BSKRAD PA NA GZUNG BAR MI BYA'O ZHES BYA BA NI DGE SLONG 'THAB

209b

KROL BYED PA GTZUG LAG KHANG NAS BSKRAD PA NI DGE SLONG GZHAN GYIS PHYIR GZUNG BAR MI BYA STE, DE NI PHRAN TSOGS DAG LAS 'BYUNG BA'O, ,'THAB KROL LA 'BAD PA SA MA LOG NA NYE BAR ZHI BAR BYA BA'I PHYIR GNAS NAS DBYUNG BAR BYA'O ZHES BYA BA NI THA MAL PA NYE BAR ZHI BAR BYA BA'I DON LA 'BAD PAS MA LOG CING MA BTANG NA 'THAB KROL NYE BAR ZHI BAR BYA BA'I PHYIR DE GNAS NAS DBYUNG BA'I LAS BYA'O, ,YANG DANG YANG DU DON GZHAN DANG GZHAN GYI PHYIR 'THAB KROL SKYED PAR BYED PA NYID LA NI BSDIGS PA'I LAS BYA'O, ,MI GTONG BA LA NI GNAS NAS DBYUNG BA'I LAS BYA STE, DE GNYIS KYI YUL GYI BYE BRAG NI DE YIN NO, ,'DIR GZHUNG NI GLENG GZHI DAG LAS, BCOM LDAN 'DAS KYIS BKA' BSTZAL PA, 'THAB KROL BYED PA DAG BZLOG PAR BYA'O, ,DE DAG BZLOG PA MI 'KHOD NAS BCOM LDAN 'DAS KYIS BKA' STZAL PA, GAL TE BZLOG PA NA MI 'KHOD NA GNAS NAS DBYUNG BA'I LAS BYA'O ZHES GSUNGS PA YIN NO, ,RNAM PAR GTAN LA 'BEBS PA LAS GYUR PA LAS NYE BAR ZHI BAS SO ZHES BYA BA NI RNAM PAR GTAN LA 'BEBS PA'I DON LA 'THAB MO GANG LA RTZOD PA'I GZHI NYE BAR ZHI BA BRJOD PAR GYUR PA LA, NYE BAR MA ZHI BAS 'THAB KROL GYI RGYU NYE BAR BSGRUB PA LAS BZLOG PA'I PHYIR, DE GNYIS KA ZHI BAR BYA'I DON DU GNAS NAS DBYUNG BA ZHES BYA BA'I DON TO, ,GNAS PA LA GNAS KYIS 'BAD PAR BYA'O ZHES BYA BA NI SLOB MA NYE GNAS KYI RNAM PAR GTAN LA 'BEBS PA LAS GYUR PA'I 'THAB MO NYE BAR ZHI BAR BYA BA'I PHYIR YAL BAR MI 'DOD PAR 'BAD PAR BYA BA STE, 'DI LTAR DES GZHAN LA BCOL BAS 'BAD PAR BYA BA'AM, RANG GIS NYE BAR ZHI BAR BRJOD PAR GYUR PA LAS KYANG RUNG NGO ZHES BYA BA BYE BRAG MED PAR SHES PAR BYA'O, ,'THAB KROL GYI RGYU NYE BAR BSGRUB PA LA GNAS NAS DBYUNG BAR BYA BA NYID DO ZHES BYA BA NI 'THAB KROL GYI RGYU NYE BAR SGRUB PAR BYED PA GANG YIN PA DE LA GNAS NAS DBYUNG BA'I LAS BYA BA NYID YIN GYI 'THAB KROL BYED PA 'BA' ZHIG LA BYA BAR MA ZAD DE, ,GANG ZHIG BDE ZHING GNAS PA 'THAB KROL GYI RGYU RJOD PAR BYED GANG ZHIG DGE SLONG MA

210a

, ,RNAMS KYIS GNAS NAS DBYUNG BA'I LAS BYAS PA STE, DE LTA BAS NA MDO 'DI BYAS SO, ,DGE SLONG MA'I RNAM PAR 'BYED PA LAS, DE DANG 'OG MA GNYIS KYI YANG GZHUNG NI DE NYID DO, ,DGE SLONG MA RNAMS DANG 'DRE ZHING GNAS PA LA YANG GNAS NAS DBYUNG BAR BYA'O ZHES BYA BA NI DGE SLONG GANG DAG DGE SLONG MA RNAMS DANG LHAN CIG 'DRE ZHING GNAS PA LA 'BAD PAS BZLOG KYANG MI GTONG NA DE LA YANG GNAS NAS DBYUNG BAR BYA'I GZHAN LA BYA BA 'BA' ZHIG TU MA ZAD DO ZHES BYA BA'I DON TO, ,'DIS GNAS NAS DBYUNG BA LA DGE SLONG MAS PHYAG BYA BA'I 'OS MA YIN PA'I SNGOM PA BYA'O ZHES BYA BA LA, 'DIS ZHES BYA BA 'DI DGE SLONG MA DANG 'DRE ZHING GNAS PA'I BDAG NYID KYIS RGYU 'DIS GNAS NAS PHUNG BA'I DGE SLONG LA DGE SLONG MA RNAM SKYIS PHYAG BYA BA'I 'OS MA YIN PA'I SDOM PA BYA'O, ,DGE SLONG MA RNAMS PA NI LOG PAR RTOG PA 'DI YOD PA DE BAS NA 'THAB KROL DANG BSKRAD PA LA SOGS PA'I LOG PAR RTOG PA LA DGE SLONG GNAS NAS PHYUNG BA NYID LA BYA BA NYID DE NI DGE TZAM DU SHES PAR BYA'O, ,DGE SLONG GI DGE 'DUN GYIS DGE SLONG MA SPANGS PA LA DGE SLONG MA'I DGE 'DUN GYI LAN GDAB PAR MI RIGS SO, ,DE BAS NA DGE SLONG MAS DGE SLONG LA SKUR BAR BYA BA MA YIN PA DANG, DGE SLONG MAS DGE SLONG LA 'THAB KROL BYED PA MA YIN NO ZHES BYA BA LCI BA'I CHOS RJE SUS 'BRANGS PAS THOB PA'O, ,DE BAS NA GNAS NAS DBYUNG BA NYID LA SNGOM PA 'DI BYA BA NYID SHES PA 'DI'O, ,NAN TUR GYI RGYU GZHAN LA DE'I DON DU BSAM PA GZHAN BYED PA NI 'CHAGS SO ZHES BYA BA NI NAN TUR GYI RGYU GZHAN YOD PA LA DE'I DON DU BSAM PA ZHES BYA BA NI GANG GI RGYU DE NYE BAR GNAS PA DE'I BDAG NYID RANG GI NGO BOR GYUR PA'I DON GANG YIN PA DE NI NAN TUR GZHAN GYI MING GIS BSAM PA GANG YIN PA DE NI DE'I DON DU BSAMS PA STE, NAN TUR GYI RGYU NYE BAR GNAS PA DE'I DON TO, ,GAL TE BSDIGS PA'I NAN TUR GYI RGYU NYE BAR GYUR PA DE'I DON DU BSAMS PAS BSKRAD PA LA SOGS PA'I MING GI NAN TUR GYI LAS BYED NA DE LTAR NA YANG BSDIGS PA'I NAN TUR

210b

GYI LAS NYID 'CHAGS PAR 'GYUR RO, ,GZHAN DU NA MI 'CHAGS SO ZHES BYA BA NI DE'I MING GI DON 'DOD PA NYID DU MI SEMS NA ZHES BYA BA'I DON TO, ,'THAB KROL BYED PA NYID LA SKROD PAR BYE DPA'I LAS BYED PA LA GAL TE 'THAB GROL BYED PA NYID SKYOD PAR BYED PA'I YID CAN GYI DON LA DGONGS NAS SKROD PAR BYED NA BSKRAD PAR BYA BA DE 'BYUNG NGO, ,GAL TE KHYIM DUN 'BYIN PA NYID KYI DON LA DOGS NAS 'THAB KROL BYED PA'I RGYU YOD PA LA SKROD PA'I LAS BYED NA, DES NA LAS DE 'BYUNG BAR MI 'GYUR RO, ,DE BAS NA DE LA 'DI SKAD BRJOD DO, ,GZHAN LAS NYAMS SO ZHES BYA BA NI NAN TUR GZHAN BYAS PA LA SNGA MA NYAMS PA YIN TE, GZHAN MI 'CHAGS PA NI MA YIN NO, ,SPYIR NAN TUR BYED PA RNAMS PA LA DE BSKRAD PA'I RNAM PA NYID KYIS SHES PAR BYA'O, ,NAN TUR GZHAN BYAS NAN NA TUR SNGAR BYAS PA NYAMS SO, ,DIR GZHUNG NI DGE SLONG BRAM ZE'I BU MOS ZHUS PA LAS, BTZUN PA RE ZHIG BSDIGS PA'I LAS BYIS PA LA SMAD PA'I LAS BRJOD PAR BGYI 'AM, BCOM LDAN 'DAS KYIS BKA' STZAL BA, BYAS PAR BRJOD PAR BYA STE, BSDIGS PA'I LAS NI BAG YANGS SU GYUR TO, ,BTZUN PA GNAS NAS PHYUNG BA LA BSDIGS PA'I LAS BGYIS PAR BRJOD PAR BGYI'AM, NYE BA 'KHOR MI BYA STE, DE CI'I PHYIR ZHE NA, DE NI LONGS MI SPYAD PA'I PHYIR SONG BA'I PHYIR RO ZHES GSUNGS PA YIN NO, ,GNAS NAS PHYUNG BA LA NI MI 'CHAGS SO ZHES BYA BA NI GNAS NAS PHYUNG BA BDAG NYID KYIS NAN TUR BYAS BA LA NI PHYI MA MI 'CHAGS TE SNGA MA NYAMS PAR YANG MI 'GYUR TE, DE LONGS MI SPYAD PA'I PHYIR SONG BA NYID YIN PA'I PHYIR RO ZHES BYA BA 'DIR RGYU SMOS TE, LONGS MI SPYAD PAR SONG BA MA YIN TE 'DIR DGE 'DUN LA ZHES BYA BA'I DON DE RIG PAR BYA'O, ,SHES BA DANG, BSOD NAMS CHEN PO DANG, MDO SDE DANG 'DUL BA DANG, MA MO 'DZIN PA DANG, THOS PA MANG BA DANG, PHYOGS MANG BA DANG, 'KHOR MANG BDAG LA NI SBOM PO'O ZHES BYA BA SHES PA DANG, BSOD NAMS CHEN PO DANG, MDO SDE 'DZIN PA DANG, 'DUL BA 'DZIN PA DANG, MA MO 'DZIN PA

211a

, ,DANG; THOS PA MANG BA DANG, PHYOGS MANG BA DANG, 'KHOR MANG BA CHOS KYI GNAS NAS 'BYIN NA DBYIN GYI SKABS SU GTOGS PA'I NYES PA SBOM POR 'GYUR RO, ,DBYE BAR 'DOD PAS DES RGYAS PAR GYUR BA DANG, GZHAN CHOS DANG LDAN PA YANG MNGON PAR 'DOD PAS GANG ZAG LNGA PO LA NAN TUR BYED PA NI NYES BYAS SO, ,PHYI ROL PA'I RTOG GE DANG, SGRA DANG SPYOD PA LA SOGS PA'I THOS PA MANG BA DANG LDAN PA'I MDO SDE LA SOGS PA'I DON LA THOS PA MANG BAS ZHES SMOS PAS SO, ,KHYIM PA NI DPE'O, ,DGE SLONG LA SOGS PA LNGA PO DAG LA BRNYAS THABS BYED PA DAG LA YANG PHYIR 'GYED PA BYA'O ZHES BYA BA NI KHYIM PA LA BRNYAS THABS BYED PA LA PHYIR 'GYED PA'I LAS BGYI'AM, NYE BA 'KHOR BYA'O ZHES BYA BA LA SOGS PA GSUNGS PA YIN NO, ,PHYIR 'GYED PA'I LAS BYA'O ZHES GANG GSUNGS PA DE NI DPE TZAM DU ZAD DE DANG KHYIM PA RIG PAR BYA'O, ,DGE SLONG DANG DGE SLONG MA DANG, DGE SLOB MA DANG, DGE TSUL DANG DGE TSUL MA DAG LA BRNYAS THABS BYED PA LA YANG PHYIR 'GYED PA'I LAS BYA BA KHO NA YIN NO, ,'DIR GZHUNG NI GLENG GZHI DAG LAS, BTZUN PA BCOM LDAN 'DAS KYIS DGE SLONG KHYIM PA LA BRNYAS THABS BGYID PA LA PHYIR 'GYED PA'I LAS BYA'O ZHES GSUNGS NA, BTZUN PA DGE SLONG LA BRNYAS THABS BGYID PAR GYUR NA DE YANG PHYIR 'GYED PA'I LAS BGYI 'AM, NYE BA 'KHOR BYA'O ZHES BYA BA LA SOGS PA GSUNGS PA YIN NO, ,KHRO BA NI BRNYAS THABS MA YIN PA MA YIN NO ZHES BYA BA NI, 'DIR GZHUNG KHA CIG LAS, KHRO BA NI BRNYAS THABS BYED PA YIN PAS DE LA YANG PHYIR 'GYED PA'I LAS BYA BA YIN NO, ,KHRO BA LA YANG 'DI RNAMS KYI PHYIR 'GYED PAR BYA BA NYID DO, ,NAN TUR GYI LAS DAG LA THUN MONG BA MA YIN PAR DOGS PAR MI BYA'O ZHES BYA BA LA, 'DI NI DGE SLONG MA RNAMS KYI CHO GA MA YIN ZHES BYA BA'I DON TO, ,RAB TU BYUNG ZHING BSNYEN PAR MA RDZOGS PA LA YANG DE DAG BYA BA NYID YIN NO ZHES BYA BA LA, DE DAG BYA BA NYID NI NAN TUR GYI LAS DAG DANG, BSNYIL BA'I CHO GA 'DI LA DMIGS KYIS BSAL BAR RIG PAR BYA'O, ,KHYIM PA LA MI BYA'O ZHES BYA BA

211b

NI; KHYIM PA LA NAN TUR GYI LAS DAG MI BYA BA STE, DE LA DGE SLONG MI DBANG BA'I PHYIR RO, ,DGE SLONG LA PHAM PAR 'GYUR BA YANG DAG PA MA YIN BAS SKUR PA DANG GSHE BA DANG SPYO BA LA LHUNG BZED KHA SPUB PAR BYA'O ZHES BYA BA NI, GSOL BA 'BA' ZHIG GI LAS KYIS LHUNG BZED KHA SPUB PAR BYA'O ZHES BYA BAR SBYAR RO, ,SU LA KHAS SBUB PAR BYA ZHE NA, DE'I PHYIR YANG DAG PA MA YIN PAS SKUR PA'I KHYIM PA LA'O ZHES BYA BAR SBYAR RO, ,SKUR PA 'DEBS PA PO GANG GI PHYIR YIN ZHE NA, DE'I PHYIR DGE SLONG LA ZHES BYA BA SMOS TE, CHOS 'DI PA'I RAB TU BYUNG BA NI DPE TZAM YIN NO, , GANG GIS SKUR PA BTAB PA LA ZHE NA, DE'I PHYIR YANG DAG PA MA YIN PA'I PHAM PAR 'GYUR BAS SO ZHES BYA BA SMOS TE, 'DIR PHAM PA'I SGRA NI DPE YIN TE, TSUL KHRIMS LHUR BYA BA YIN NO, ,LTUNG BA LHUR BYA BA NI MA YIN NO, ,DE NA RAB TU BYUNG ZHING BSNYEN PAR MA RDZOGS PA LA SKUR BA 'DEBS PA LA BYA BA RIGS PAR GYUR PA NYID DU SHES PAR BYA'O, ,CI DE NYID LA BRTEN NAS SAM ZHE NA, DE'I PHYIR GSHE BA DANG, SPYO BA LA ZHES BYA BA SMOS TE, CI 'BYUNG BA DANG MI 'BYUNG BA KHYAD PAR MA BYAS PA NYID KYI PHYIR GNYIS KA LTAR SHES PA'O, ,'DIR GZHUNG NI ZHU BA LAS CHOS GNYIS DANG LDAN PA'I KHYIM BDAG LA LHUNG BZED KHAS SBUB PAR BYA STE, GNYIS GANG ZHE NA, DGE SLONG DAG LA GSHE BA DANG SPYO BAR BYED PA DANG, DGE SLONG DAG PA LA GZHI MED PA LA PHAM PAR 'GYUR BA'I CHOS KYIS SKUR PA 'DEBS PA LA'O ZHES GSUNGS PA YIN NO, ,CI KHAS PHUB TU GZHAG PAS KHA DBUB PAR BYA BA'AM, JI SRID DU GAN RKYAL DU MA BYAS PA DE SRID DU 'DI LA SUS KYANG LHUNG BZED MED PAR MI BYA'O, ,'ON TE GZHAN GYIS SHE NA, DE'I RNAM PAR GZHAG PAS SO ZHES BYA BA SMOS TE, 'DIR LHUNG BZED BZED PAR MI BYA'O ZHES BYA BA KHRIMS SU BYA BA RNAM PAR GZHAG PAR BYA BAS YIN GYI, LHUNG BZED KYI DBYIBS SU GRUB PAS NI MA YIN NO ZHES BYA BA'I DON TO, ,RNAM PA GANG GIS DE RNAM PAR GZHAG PAR BYA ZHE NA, DE'I PHYIR GSOL BAS SO ZHES BYA BA SMOS TE, GSOL BA 'BA' ZHIG GI LAS GYI'O, ,GANG GI PHYIR KHAS SPUB PA DE'I DON BRJOD PAR BYA

212a

, ,STE; LHUNG BZED KHAS SBUB BA'I KHYIM DU 'GRO BAR MI BYA'O, ,STAN LA 'DUG PAR MI BYA'O, ,SBYIN PAR BYA BA'I CHOS BSHAMS PA LAS YONGS SU LONGS SPYOD PAR MI BYA'O ZHES BYA BA LA 'DIS NI GTZUG LAG KHANG YANG SPANG BAR YANG RIG PAR BYA'O, ,DE LTAR YANG 'DIR GZHUNG KHA CIG LAS SBYIN PAR BYA BA'I CHOS SNGAR BSHAMS PA DAG YONGS SU LONGS SPYAD PAR MI BYA'O ZHES GSUNGS PA YIN NO, ,BSOD SNYOMS BLANG BAR MI BYA'O, ,CHOS BSTAN PAR MI BYA'O, ,GANG DU LAS BYA BA DER GTOGS PA DAG LA KHAS SBUB PA NYID YIN NO ZHES BYA BA YIN NO, ,GNAS KYI GZHI GANG DU LAS BYA BA DER GTOGS PA'I KHYIM BDAG RNAMS LA LHUNG BZED KHAS SBUB PA NYID YIN NO, ,'DIR GZHUNG NI DGE SLONG GI KHYIM BDAG BZHI'I GNAS BZHI PO DAG TU LHUNG BZED BZHI KHAS SBUB PAR 'GYUR BA MA CHIS SAM, BKA' STZAL PA, YOD DE KHRI 'AM KHRI'U 'AM SHING NGAM RE LDES GNAS BZHI PO DAG GI MTSAMS DAG MNAN TE KHA SBUB PAR BYED NA'O ZHES GSUNGS PA YIN NO, ,THA NA GNAS NAS PHYUNG BA PHAN CHAD RANG GI PHYOGS DANG MTHUN PA'I MA YIN PA'I KHYIM DU DE MI 'CHAGS SO ZHES BYA BA NI THA NA GNAS NAS PHYUNG BA PHAN CHAD KYI SGRA DBRI BA'O, ,THA NA GNAS NAS PHYUNG BA PHAN CHAD KYI SGRAS PHYOGS DANG MTHUN PA MA YIN PA TSUN CHAD KYI DGE SLONG GI YON TAN BDAG GI KHYIM DU LHUNG BZED KHAS SBUB PA DE MI 'CHAGS SO, ,'DIR GZHUNG NI DGE SLONG KHAS MA BLANGS PA DAG LA KHAS BLANGS PA DAG GIS KHYIM DAG TU LHUNG BZED KHAS MA SBUB PAR BRJOD PAR BYA'O, ,DE BZHIN DU GNAS NAS PHYUNG BA DAG GIS RANG BZHIN DU GNAS PA DAG GI KHYIM BDAG RNAMS KYI KHYIM BDAG TU LHUNG BZED KHAS SBUB PAR BYED NA KHAS MA SBUB PAR BRJOD PAR BYA'O, ,DE BZHIN DU GNAS PAR MI BYA BA DAG GIS NGAS PAR BYA BA DAG GI KHYIM BDAG RNAMS KYI KHYIM DAG TU LHUNG BZED KHAS SBUB PAR BYED NAS KHAS MA SBUB PAR BRJOD PAR BYA'O ZHES GSUNGS PA YIN NO, ,DE 'GA' ZHIG GIS GO BAR BYA'O ZHES BYA BA NI LHUNG BZED KHAS SBUB PA DE DGE SLONG 'GA' ZHIG GIS KHYIM BDAG DE LA DGE 'DUN GYIS KHYOD LA LHUNG BZED KHAS

212b

SBUB PO ZHES GO BAR BYA'O, ,BZOD PAR GSOL BA DANG LDAN NA GSOL BAS BZLOG PAR BYA'O ZHES BYA BA NI KHYIM BDAG DE BZOD PAR GSOL BAR BYED NA, DGE SLONG DE LA GSOL BA 'BA' ZHIG GI LAS KYIS LHUNG BZED PHYIR BZLOG PAR BYA'O, ,BCAB PA'I SEMS MA SKYES NA MTHA' LAS LDANG BAR 'GYUR RO ZHES BYA BA NI GANG LA BCAB PA'I SEMS GCIG KYANG MA SKYES NA DE PHAM PAR 'GYUR BA'I LTUNG BA LAS LDANG BAR 'GYUR BA'O, ,THABS GANG GIS LDANG BAR 'GYUR ZHE NA, DE'I PHYIR BSLAB PA SPYOD PAS SO ZHES BYA BA SMOS SO, ,BSLAB PA SPYOD PA DE DAG GANG GIS BSGRUB PAR BYA ZHE NA, DE'I PHYIR, DE THOB PAS SO ZHES BYA BA SMOS TE, BSLAB PA LA SPYOD PA THOB PAS BSGRUB PAR BYA'I MA THOB PAS MA YIN NO, ,SU LAS THOB PA ZHE NA, DE'I PHYIR, DGE 'DUN LAS SO ZHES BYA BA SMOS SO, ,DGE 'DUN GYIS DE LA JI LTAR SBYIN PAR BYA ZHE NA, DE'I PHYIR, LAS KYIS SBYIN NO ZHES BYA BA SMOS SO, ,DUS JI SRID DU ZHE NA, DE'I PHYIR, JI SRID 'TSE BA'I BAR DU'O ZHES BYA BA SMOS TE 'DIR GZHUNG NI JI LTAR DE SNYOMS PAR ZHUGS PA LA DE LTAR DGRA BCOM PA NYID BAG YANGS SU SBYOR BA'O, ,GANG GI TSE 'KHRUL PA'I RGYU ZAD NAS BSNYEN PAR RDZOGS PA LA DE'I TSE NA NI BSLAB PA SBYIN PA ZHES MI BYA STE, BSNYEN PAR RDZOGS PA SNGON DU 'GRO BA'I NGO BO ZHES BYA BA'O, ,'DIR GZHUNG NI PHRAN TSEGS DAG LAS 'DI DANG POR BYA BA STE MTHAR SONG BA ZHES BYA BA'I BAR DU GSUNGS PA YIN NO, ,NGO TSA DANG LDAN PA DANG, MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DANG, SHES PAS NI GCIG GI MDUN DU BSHAGS PAS, DGE 'DUN LHAG MA LAS BDAG GO ZHES BYA BA LA 'DIS SPO BAR BYA BA DANG MGU BAR BYA BA DAG LA RTZOM PA MI DGOS PA NYID CES BYA BA SHES PAR BYA'O, BSAM PAS LTUNG BA LAS LDANG GI TSAD PA'I LAS KYIS NI MA YIN NO ZHES BYA BA NI BSAM PA'I KHYAD PAR SKYED PA'I PHYIR CHAD PA'I LAS BYA BA YIN NO, ,DE BAS NA 'DIR CHAD PA'I LAS MED PAR BSAM PA'I KHYAD PAR GNAS PA YOD NA 'DI DON MED PAR BYED PA NYID DO, ,'DIR GZHUNG NI SIL BU

213a

, ,DAG LAS, DE LTA BAS NA GANG DAG RNAM PA DE LTA BUR RANG BZHIN GYIS NGO TSA SHES PA DANG LDAN PA DE DAG GIS NI GCIG GI MDUN DU BSHAGS PAR RJES SU GNANG ZHES BYA BA LA SOGS PA GSUNGS PA YIN NO, ,LTUNG BA MING DANG RIGS DANG LDAN PAR BRJOD PAR BYA'O ZHES GANG ZHIG GSUNGS PA DE LA, 'DIR MING NI RNAM PA JI LTA BU ZHIG YIN, RIGS NI RNAM PA JI LTA BU ZHIG YIN PAR SHES PAR BYA ZHE NA DE'I PHYIR, 'DIR MING NI LTUNG BYED KYI SDE TSAN LAS MING NGO, ,BYUNG BA NI RIGS SO ZHES BYA BA SMOS TE, 'DIR LTUNG BA LAS LDANG BA LA SDE TSAN LA BRTEN NAS MING DU GRAGS BA GANG YIN PA DE NI MING DU SHES PAR BYA'O, ,DE BAS NA PHAM PAR 'GYUR BA DANG DGE SLONG LHAG MAR ZHES BYA BA LA SOGS PAS SO, ,BSAMS BZHIN DU KHU BA 'BYIN PA LA SOGS PA BYUNG BA GANG YIN PA DE NI RIGS YIN PAR SHES PAR BYA'O, , 'DIR GZHUNG NI BTZUN PA LTUNG BA RNAMS KYI MING ZHES BGYI, RIGS ZHES KYANG BGYI NA, BTZUN PA MING GANG LAGS, RIGS NI GANG LAGS, NYE BA 'KHOR PHAM PAR 'GYUR BA ZHES BYA BA NI MING NGO, ,BYUNG BA NI RIGS SO, ,DGE 'DUN LHAG MA ZHES BYA BA NI MING NGO, ,LTUNG BYED DANG SO SOR BSHAGS PAR BYA BA DANG, NYES BYAS ZHES BYA BA NI MING NGO, ,BYUNG BA NI RIGS SO ZHES GSUNGS PA YIN NO, ,'DI NI GLENG GZHI DAG LAS KO'U SH'AMB'I DANG, DMAR SER CAN GYI GZHI GNYIS LA PHYIR BCOS PA'I GZHI ZHES BYA BA'I MING GZHAN DU BYAS TE, PHYIR BCOS PAR BYA BA'I GANG ZAG GI BYE BRAG THAMS CAD BSTAN PA'I PHYIR, 'THAB KROL BYED PA LA SOGS PA'I GANG ZAG GANG JI SNYED PHYIR BCOS PAR BYA BA DE DAG THAMS CAD DE GNYIS KYIS PHYIR BCOS PAR BYA BA GSUNGS PAS DE'I PHYIR DON DANG MTHUN PAR MING BSTAN PAR BYA BA'I PHYIR DE GNYIS LA PHYIR BCOS PA'I GZHI ZHES BYA BA'I MING DU GZHAN DU BYA STE DES NA MING BRJOD PA KHO NAS BRNGA PHRAD SLA BAR 'GYUR RO ZHES BYA BAR SHES PAR BYA'O, ,PHYIR BCOS PA'I GZHI ZHA BA LA SOGS PA'I SKABS SO, ,PHYIR BCOS PA'I GZHI RDZOGS SO,, ,,'DI LA DGE 'DUN LHAG

213b

MAR MI SHES PA NYID DANG, BCAB PA'I SEMS MA BZHAG PAS BRJED PA DANG, BYAS SAM MA BYAS CI ZHIG JI LTA BU ZHIG CES DRAN PAR MI NUS PA NYID DANG, BSNYEN PAR MA RDZOGS PA NYID DANG, GNAS NAS PHYUNG BA NYID LA 'CHAB PA MI 'BYUNG NGO ZHES BYA BA NI 'CHAB PA'I NYES PA MI 'BYUNG NGO ZHES BYA BAR SBYAR RO, ,GANG GI PHYIR SHES TE SBAS NA NI 'CHAB PAR 'GYUR RO, ,BCAB PA'I SEMS MA BZHAG PAS BRJOD PA ZHES BYA BA NI SNGAR SHES PA'I DON DE NYID DGOS PA MED PAR BRJOD PA STE MI SHES PA'O, ,GANG GIS BSAM PA'I SEMS MA BZHAG PAS NI MNGON PAR BRTEN PA'O, ,BSAM PAS ZHUGS PAS GZHAG PAR BYA BA DE LA DE SKYE BAR 'GYUR RO, ,'CHAB PA DE LA MI SKYED PA MA YIN NO, ,DE BAS NA MA BZHAG PA LA SOGS PA'I BYE BRAG BYAS PA'O, ,MI SNANG BA MA BRJED PA YOD PAR GYUR NA DE LTAR BCAB PA'I SEMS MA BZHAG PAS BRJED PA DE LA YANG 'CHAB PA MI 'BYUNG NGO, ,MI NUS PA NYID CES BYA BA NI DRAN PA'I PHYIR BAR DU CHOD PA'I CHOS CAN SKYON DANG BCAS PA BRJED NGAS PA DE BRJOD PA'O, ,JI LTA BU'I SKYON DANG BCAS PA BRJED NGAS PA MI SKYED PA DE BZHIN DU 'CHAB PA LA'O, ,BYAS SAM MA BYAS ZHES 'JUG PAR RTOGS PA NI SKYON DANG BCAS PAR BRJOD PA'O, ,JI SRID CIG CES BYA BA NI DBYAR GNAS PA NYID KYIS YID LA NYE BAR GNAS PA LA'O, ,JI LTA BU ZHIG CES BYA BA NI SPYIR YID KYI NGO BO KUN NAS SLONG BAS BSAMS BZHIN DU GYUR PA LA DE BZLOG PAR BYA BA'I DON DU'O, ,BSNYEN PAR RDZOGS PA NYID LTUNG BA DANG LDAN PA LA 'CHAB PA MI 'BYUNG BA NYID DO, ,THA SNYAD DU BYA BA'I 'DU SHES LAS NYAMS PA NYID LA NI PHAM PAR 'GYUR BA MAN CHAD KYI LTUNG BA YANG MI 'BYUNG NGO ZHES BYA BA NI SMYON PA DANG SEMS 'KHRUGS PA LA SOGS PA'I THA SNYAD DU RUNG BA'I 'DU SHES NYAMS PA NYID LA PHAM PAR 'GYUR BA MAN CHAD KYI LTUNG BA YANG MI 'BYUNG BA'O, ,MAN CHAD CES SMOS PAS NI LTUNG BA THAMS CAD NI MI 'BYUNG BAR BSTAN TO, ,YANG ZHES BYA BA'I SGRAS NI 'CHAB PA YANG MI 'BYUNG NGO ZHES BYA BA'I RJES BSTAN TO, ,'DIR PHAM PAR 'GYUR BA MAN CHAD KYI ZHES

214a

, ,BYA BA LA, 'DIR MAN CHAD KYI SGRAS NI MNGON PAR KHYAB PA'I DON DU'O, ,PHAM PAR 'GYUR BA MAN CHAD KYI LTUNG BA YANG MI 'BYUNG NGO ZHES BYA BA NI LTUNG BA THAMS CAD MI 'BYUNG BAR BSTAN TO ZHES BYA BA'I DON TO, ,MA BCAS PA NYID LA YANG NGO ZHES BYA BA NI DE PHAM PAR 'GYUR BA MAN CHAD KYI LTUNG BA YANG MI 'BYUNG NGO ZHES BYA BA'I RJES SU SNYEGS PA'I PHYIR YANG NGO ZHES BYA BA'I SGRA SMOS SO, ,'DIR GZHUNG NI LAS DANG PO PA LA LTUNG BA MED DO ZHES GSUNGS PA YIN NO, ,MI SHES PA NYID LA NI MA YIN NO ZHES BYA BA NI 'DI LTUNG BA YIN NO ZHES BYA BA MI SHES PA NYID LA NI LTUNG BA MI 'BYUNG BA MA YIN TE 'BYUNG BA KHO NA YIN PA'O, ,'DIR GZHUNG NI TSE DANG LDAN PA DE MI SHES PAS NI MI GROL TE, DE LTUNG BA GANG BYUNG BA DE CHOS BZHIN DU BYED DU GZHUG GI STENG DU ZHES GSUNGS PA DE 'DIS BSDUS PA YIN NO, ,MNGON PAR YID MI CHES PA NYID LA YANG NGO ZHES BYA BA YANG MI 'BYUNG BA MA YIN NO ZHES BYA BAR SBYAR RO, ,'DON PA DANG BRJOD PA DAG THOS PA DANG 'DI LTUNG BA YIN NO ZHES BYA BA MNGON PAR YID MI CHES PA NYID LA YANG LTUNG BA 'BYUNG BA KHO NAR 'GYUR RO, ,MNGON PAR MI SHES PA NYID DU 'DU SHES PA LA YANG NGO ZHES BYA BA YANG MI 'BYUNG BA MA YIN NO ZHES BYA BAR SBYAR TE, 'DON PAR BYED PA DANG RJOD PAR BYED PA LA 'DI BYIS PA YIN PAS CUNG ZAD KYANG SMRA BA MA YIN NO ZHES DE'I TSIG DAG LA MI GUS SHING MNGON PAR MI SHES PA NYID DU 'DU SHES PAS LTUNG BA LA YANG MNGON PAR YID MI CHED PA NYID LA YANG LTUNG BA KHO NAR 'GYUR TE, DE DAG NI LTUNG BA MI 'BYUNG BA'I RGYU MA YIN NO ZHES BYA BA'I DON TO, ,'DIR GZHUNG NI KUN SHES PAR 'DOD PA'I DGE SLONG GIS KYANG BSLAB PA 'DI LA BSLAB PAR BYA'O ZHES GSUNGS PA YIN NO, ,SA GZHAN NA GNAS PA NYID LA NI SNGA MA YANG NGO ZHES BYA BA NI SNGO BA DANG MGU BA DANG BA SDIGS PA DANG SMAD PA DANG BSKRAD PA DANG PHYIR 'GYED PA DANG, BSLAB PA BYIN PAS SA GZHAN NA GNAS PA NYID LA NI SNGA MA ZHES BYA BA LTUNG BA 'BYUNG BA KHO NAR MA ZAD SNGA MA 'CHAB PA ZHES BYA BA YANG MI 'BYUNG BA MA YIN TE 'BYUNG BA KHO NA YIN PA'O, ,DE LA 'CHAB PA DANG LTUNG BA

214b

GNYIS KA 'BYUNG NGO ZHES BYA BA'I DON TO, ,'CHAB PA LA DGE 'DUN LHAG MA NYID LA YID GNYIS ZA BA NI SHES PA PO DANG 'DRA'O ZHES BYA BA NI YID GNYIS NI 'DU SHES DANG 'DRA'O ZHES BYA BAR SBYAR TE, 'CHAB PA'I YUL LA DGE 'DUN LHAG MA LA YID GNYIS ZA BZHIN DU BCABS NA DGE 'DUN LTAG MA SHES BZHIN DU BCABS PA DANG 'DRA STE BCABS PA'I NYES PAR 'GYUR RO ZHES BYA BA'I DON TO, ,SA GANG LA 'CHAB PA MI 'BYUNG BA DE LA SPYAD PA YANG NGO ZHES BYA BA NI BSNYEN PAR MA RDZOGS PA DANG GNAS NAS PHYUNG BA DANG THA SNYAD DU RUNG BA'I 'DU SHES NYAMS PA ZHES SMOS PA DE DAG NI 'DIR SA ZHES BYA BA'I SGRAR BRJOD DO, ,DE DAG JI LTAR 'CHAB PA 'BYUNG BA'I ZHING MA YIN PA DE BZHIN DU YONGS SU GNAS PA LA SOGS PA SPYAD PA'I ZHING MA YIN PA'O, ,DE BZHIN DU MA BCABS PA LA YANG JI LTAR 'DIR 'CHAB PA MI 'BYUNG BA DE LTAR GNAS NAS SPO BA LA SOGS PA SPYOD PA LA YANG DE LTA BAS NA 'DI BSTAN PA'O, ,MA GUS PAS SPYOD PA GTONG NA NYAS BYAS SO ZHES BYA BA NI YONGS SU GNAS PA DANG MGU BA SPYOD PA MA GUS PAS GTONG NA NYES BYAS SU 'GYUR RO, ,'THAB KROL BYED PA 'ONG BAS 'JIGS PAS GTONG BA LA NI NYES PA MED DO, , DE LA DE'I SDE PA LHAG PAR SPYOD PA YANG NGO ZHES BYA BA DE LA ZHAS BYA BA NI SPO MGU BYED PA DE LA'O, ,DE'I SDE BA ZHES BYA BA GANG GI SDE TSAN SPYOD PA DE NI DE'I SDE PA'O, ,YONGS SU GNAS PA DANG MGU BA SPYOD PA'I GNAS SKABS DE LA DE'I SDE PA ZHES BYA BA DGE 'DUN LHAG MA'I SDE TSAN DU GTOGS PA'I DNGOS GZHI 'AM NYES PA SBOM PO 'AM NYES BYAS LHAG PAR SPYOD NA YANG NYES BYAS SU 'GYUR RO ZHES BYA BA'I DON TO, ,YOD LA PHYIR MI 'CHOS NA YANG NGO ZHES BYA BA NI LEN PAR BYED PA YOD PA LA SOGS PAS PHYIR BCOS PA'I THABS YOD PA LA SPO BA DANG LTUNG BA PHYIR MI 'CHOS NA SKYA RENGS RER ZHING NYES BYAS RE RER 'GYUR BA'O, ,MI SPYOD PA'I SA NAS PHYIR 'ONGS PA NI DE'I GNAS SKABS NYID YIN NO ZHES BYA BA NI GNAS SKABS GANG LA SPO BA LA SOGS PA'I SPYOD PA'I SA BSNYEN PAR MA RDZOGS PA LA SOGS PA THOB PA DE'I PHYIR 'CHOS PA LA SPO BA DANG MGU BA MI SPYOD

215a

, ,PA'I SAR SONG NAS SPYOD PA'I SA SGRUB PA LA LTUNG BA DANG BCAS PA'I GNAS SKABS NYID YIN NO ZHES BYA BA'I DON TO, ,SBYANGS PA'I GZHI LA LHAG MA RJES SU BSGRUB PO ZHES BYA BA NI BDAG LA LTUNG BA'I MING NI 'DI BYUNG RIGS NI 'DI BYUNG DUS JI SRID CIG TU BCABS PA 'AM MA BCABS PA DE'I PHYIR BDAG GIS SPYAD PA 'DI BLANGS TE 'DI JI SRID CIG NI SPYAD ZIN TO, ,LHAG MA NI JI SRID LUS SO ZHES SPYAD PA GANG LA KUN DU SPYAD PA DE BRTEN PAR BYA BA'I DGE 'DUN LA DE GO BAS SBYANGS PA'I GZHI LA LHAG MA MA SPYAD PA CI YOD PA BSGRUB PAR BYA STE, DE LA LHAG MA GANG YOD PA DE SPYAD PAR BYA'O ZHES BYA BA'I DON TO, ,'DIR GZHUNG NI YONGS SU GNAS PAR BYED PA'I GANG ZAG GIS GZHI JI TZAM SBYANGS NA RNAM PAR 'KHYAMS TE, YANG PHYIR 'ONGS NAS BSNYEN PAR RDZOGS NA 'DUL BA DANG 'GAL BA'I BCAS PA'I KHA NA MA THO BA'I NYES BYAS BSHAGS TE, YONGS SU GNAS PA LA YONGS SU GNAS PAR GYUR NA, YONGS SU GNAS PA LA YONGS SU GNAS PAR 'GYUR RO ZHES GSUNGS PA YIN NO, ,BCABS PA'I DUS NGES PAR MI SHES NA NYUNG BA NYID DU MI 'GYUR BA LA BRTEN PAR BYA'O ZHES BYA BA NI LTUNG BA GANG LA BCABS PA'I DUS NGES PA NYID DU MI SHES TE, BDAG GIS LTUNG BA DE DUS 'DI SRID DU BCABS PA ZHES BYA BAR BCABS PA'I DUS NGES PAR MI SHES PA DE LA CI NAS KYANG NYUNG BA NYID DU MI 'GYUR BA'I DUS DE SRID CIG LA BRTEN PAR BYA STE, GANG DU NYUNG BA'I DUS MI 'GYUR BA'I DUS DE SRID DU'O, ,SPYAD PAR BYA BA NYID LA DAG PA'I MTHA' CAN NYID KYI BYE BRAG GI'O ZHES BYA BA NI YUL DE LA NYUNG BA NYID DU MI 'GYUR BA'I DUS DE LTA BU LA BRTEN PAR BYA'O ZHES BYA BAR SBYAR RO, ,'DIR DUS DER DON GNYIS LA BRTEN TE BCABS PA DANG SPYAD PAR BYA BA NYID LA'O, ,SPYAD PAR BYA BA NYID CES BYA BA NI DUS 'DI SRID DU YONGS SU GNAS PAR BYA BA ZHES BYA'O, ,DE LA BCABS PA LA NI YONGS SU GNAS PA DANG MGU BAR BYA BA GNYIS KA'I DUS LA BRTEN PA'O, ,SPYAD PAR BYA BA NYID LA NI YONGS SU GNAS PA'I DUS 'BA' ZHIG LA BRTEN PA'I MGU BAR BYA BA'I DUS LA NI MI BRTEN TE 'DI LTAR

215b

DUS NGES PA NYID YIN PA'I PHYIR RO, ,JI LTAR NYUNG BA NYID KYI MI 'GYUR BA DAG PA'I MTHA' CAN GYI BYE BRAG GI DUS BRTEN PAR BYA'AM ZHE NA, DE'I PHYIR DAG PA'I MTHA' CAN ZLA BA BZHI LA'O ZHES BYA BA SMOS TE, ZLA BA BZHI LA SOGS PA JI LTAR NYUNG BA NYID DU MI 'GYUR BA'I TSIG GI DUS LA BRTEN NAS LHAG MA DANG BCAS PA LA DE BRTEN PA STE, DE TZAM DU SPYOD PAR BYA BA'I DUS DE KHO NAR NGES PAR 'CHAB PA'I DUS SPYOD PAR 'GYUR RO SNYAM DU DON GRUB PA LA MNGON PAR BRTEN NAS YID KYIS BRTEN PAR BYA BA TZAM LA NI MA YIN NO ZHES BYA BAR GO BAR BYA BA'I DON DU DAG PA'I MTHA' CAN ZHES BYA BA 'OG NAS BRJOD PAR BYA'O, ,'DIR DAG PA'I MTHA' CAN GYI DON NI TSIG GI DON 'DIS SPO BA 'DI LA YOD PAS NA DAG PA'I MTHA' CAN NO, ,DE YOD PAS DAG PA'I MTHA' STE, JI LTAR KHYOD LA 'DI SBYIN BA DANG BLANG BA ZHES BYA BA'I DON TO, ,'O NA BCABS PA'I DUS NGES PAR MI SHES PAS NYUNG BA NYID DU MI RUNG BA'I DUS LA BRTEN PAR GANG GSUNGS PA DE LA NI NYUNG BA NYID DU MI 'GYUR BA'I DUS YONGS SU CHAD PA ZHIG LA BRTEN PAR BYA BA 'AM ZHE NA MA YIN TE, DE'I PHYIR BCABS PA NI DPAG TU MED PA LA'O ZHES BYA BA SMOS TE BRTEN PAR BYA'O ZHES BYA BAR SBYAR RO, ,JI LTAR ZHE NA, DE'I PHYIR BSAMS BZHIN DU KHU BA PHYUNG BA LAS BYUNG BA DPAG TU MED PAR ZHES SO ZHES BYA BA SMOS TE, DUS BCABS PA GO BAR BYA'I DON DU 'DIR YANG DAG PAR 'BYUNG BA BRJOD PA'I 'OG TU DUS DPAG TU MED PAR BCABS PA ZHES BYA BAR SBYAR TE, ZLA BA BZHI BCABS PAS NI MA YIN ZHES BYA BA'I DON NO; ,'DI SKAD BRJOD PA NA BDEN PA BRJOD PAR MI 'GYUR TE, 'DI LA JI SNYED LA SEMS PA DE SNYED DU GTOGS PA NYID RJES SU BSGRUB PO ZHES BYA BA 'DI LA ZHES BYA BA NI YONGS SU GNAS PA DANG MGU BAR BYA BA DAG LA'O, ,'DI LA LTUNG BA JI SNYED PA PHYIR BCOS PAR SEMS PA DE SNYED DU GTOGS BA NYID CES SU BSGRUB PAR BYA STE, LTUNG BA MANG PO DAG LA YANG YONGS SU GNAS PA DANG MGU BAR BYA BA GCIG RJES SU BSGRUB PAR BYA BA NYID KYIS CHOG GO ZHES BSTAN PA'O, ,TSAD NI RNAM PA GNYIS TE LTUNG BA'I TSAD DANG MTSAN MO'I TSAD DO, ,DE LA MTSAN MO'I MTSAN NGES PAR MI

216a

, ,SHES PA'I CHO GA NI BSTAN ZIN TO,, ,,LTUNG BA'I TSAD NGES PAR MI SHAS PA'I CHO GA BSTAN PAR BYA STE, NGES PAR MI SHES NA DE DPAG TU MED PA LA BRTEN PAR BYA'O ZHES BYA BA LA, DE ZHES BYA BA NI DPE TZAM YOD PA LA'O, ,LTUNG BA'I TSAD NGES PAR MI SHES NA LTUNG BA DE DPAG TU MED PA BYUNG NGO ZHES BYA BA DE LA BRTEN PAR BYA STE, PHYIR BCOS PAR BYA BA 'DRA BA'I PHYIR DE LTAR SHES PAR BYA'O, ,MANG PO NYID LA NI TSAD SHIN TU MANG PO DANG LDAN PA ZHES SO ZHES BYA BA NI LTUNG BA DAG MANG PO YIN NA CHE GE MO LAS BYUNG BA'I DGE 'DUN LHAG MA'I TSAD LTUNG BA SHIN TU MANG PO DANG LDAN PA BYUNG BA LA BRTEN PAR BYA'O ZHES BYA BA'I DON TO, ,DUS RNAMS NI LHAG PAS SO ZHES BYA BA NI LTUNG BA DANG BCAS PA'I DUS THA DAD PA RNAMS DANG LHAN CIG TU YONGS SU GNAS PA DANG, MGU BAR BYA BA SBYIN PA DE'I TSE NA LTUNG BA GZHAN DAG GI DUS YUN RING ZHING LHAG PA DE LA BRTEN PAR BYA'O, ,MING DAG LA NI SOGS PA DANG LDAN PA NYID DU'O ZHES BYA BA NI BSAMS BZHIN DU KHU BA PHYUNG BA LAS BYUNG BA LA SOGS PA NI 'DIR MING DU GSUNGS BAR RIG PAR BYA BA STE GAL TE SDE TSAN GYI MING DE DAG LA NI SOGS PA DANG LDAN PA NYID DU BRTEN PAR BYA'O, ,GANG RNAMS KYIS DE DANG PO ZHES BYA BA DON DES LTUNG BA GZHAN DAG GI MING BRJOD PA LA BRTEN PAR BYA'O ZHES BYA BA'I DON TO, ,CI BYE BRAG MED PAR DANG PO GANG YIN PA NYID LA BRTEN PAR BYA BA 'AM ZHE NA, DE'I PHYIR LCI BA NYID DANG BSAM PA DRAG POS BYAS PA NYID DAG GIS DANG PO NYID DU'O ZHES BYA BA SMOS TE; 'DIR LCI BA NYID CES BYA BA NI GZHI LAS LTUNG BA GANG LAS DNGOS PO LAS LTUNG BA DU MA YOD PAR 'GYUR BA LA LTUNG BA LCI BA NYID DANG, BSAM PA DRAG POS BYAS PA NYID NI DE LA DANG PO NYID KYANG LTUNG BA'I PHYIR BCOS PA NYID DANG PHYIR BRTEN PAR BYA BA NYID DO, ,'DIR GZHUNG NI SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN BA DGE SLONG LA DGE 'DUN LHAG MA'I LTUNG BA BYUNG ZHING BSAMS BZHIN DU KHU BA PHYUNG BA LAS BYUNG BA NI DGUNG GCIG BCABS LA 'DZIN PA LAS 'BYUNG BA DGUNG GNYIS BCABS PA NAS BKA' BLO MI BDE BA BYUNG BA DGUNG

216b

BCU GSUM BCABS PA'I BAR DU BYUNG NA, BTZUN BA DE DAG DUS GCIG DANG SKAD CIG LA LAS BGYID PA GCIG GI YONGS SU GNAS PA DANG, GZHI NAS YONGS SU GNAS PA DANG MGU BAR BGYI BA DANG, GZHI NAS MGU BAR BGYI BA STZAL CING DBYUNG BAR BGYI BA DANG, LAS DE DAG BRJOD PAR BGYI BAR BRJOD PA DANG DES DGE 'DUN LA YANG 'GAL TSABS CAN DU MI 'GYUR BAR RUNG NGAM, NYE BA 'KHOR RUNG STE, BSAMS BZHIN DU KHU BA PHYUNG BA ZHIG PHYUNG BA ZHAG GCIG BCABS PA'I LTUNG BA GANG YIN PA NAS BKA' BLO MI BDE BA LAS BYUNG BA ZHAG BCU GSUM BCABS PA'I BAR GYI LTUNG BA GANG YIN PA DE DAG LA DAM PA DANG RAB TU DAM PA DANG LCI BA DANG ZHAG GCIG TU BCABS PA GANG YIN PA DE'I PHYIR YONGS SU GNAS PA DANG, GZHI NAS YONGS SU GNAS PA DANG, MGU BAR BYA BA DANG, MGU BAR BYA BA SBYIN ZHING DBYUNG BAR BYA STE, LAS DE DAG KYANG BYAS PAR BRJOD PAR BYA LA DES DGE 'DUN LA YANG 'GAL TSABS CAN DU MI 'GYUR RO ZHES GSUNGS PA YIN NO, ,GANG ZHIG 'DIR MNGON PAR ZHEN PAR BYAS PA NI DAM PA YIN LA MNGON PAR ZHEN PA SHAS CHEN POR BYAS PA NI RAB TU DAM PA NYID YIN PAR RIG PAR BYA'O, ,SPYOD PA LA SNGON BYUNG BA GZHAN GYI GSO BAR 'DOD PA SKYES NA THA DAD PAR SBYIN ZHING CIG CAR SPYAD DO ZHES BYA BA NI YONGS SU DAG PA DANG MGU BAR BYA BA SPYOD PA'I GANG ZAG LA SNGON LTUNG BA BYUNG BA GZHAN GYI GSO BAR 'DOD PA BSKYED NA LTUNG BA DE'I YONGS SU GNAS PA DANG MGU BAR BYA BA SBYIN PA THA DAD PAR SBYIN PAR BYA ZHING SPYAD PA NI CIG CAR SPYAD DU RUNG BA STE, 'DI LA LTUNG BA GZHAN YIN PAS SPYAD PA YANG SPYAD PA'I CHO GA YIN NO SNYAM DU BSAM PAR MI BYA'O, ,DE BCABS PA NYID YIN NA MGU BAR BYA BA LA MI SRID DO ZHES BYA BA NI MGU BA SPYOD PA DANG YONGS SU GNAS PA DE CIG CAR SPYOD PAR THAL BA BZLOG PA'I PHYIR MDO 'DI BYAS SO, ,LTUNG BA BCABS PA BCABS PA NYID DANG LHAN CIG SPYOD PA 'DI LA MGU BAR BYA BA SPYAD PA NI MI SRID DE YONGS SU GNAS PA DANG, LHAN CIG TU ZHES BYA BA'I DON GYIS GO BA'O, ,MGU BAR BYA BA NI SEMS MGU BAR

217a

, ,BYA BA'I PHYIR YIN LA, YONGS SU GNAS PA NI BCABS PA'I KHA NA MA THO BA GZHOM PA'I PHYIR YIN NO, ,DE BAS NA 'DI GNYIS CIG CAR SPYAD PA NI MI SRID DO, ,DGE SLONG DAG KHYOD KYIS GANG ZAG DE LA LTUNG BA GNYIS PA'I RGYU LA SNGA MA LA NI JI LTAR BCABS PA'I YONGS SU GNAS PA BYIN CIG ,PHYI MA LA NI ZHAG DRUG MGU BA BYIN CIG CES BYA BA LA SOGS PA GSUNGS PA YIN PA DE NI MGU BA SPYOD PA'I GNAS SKABS SU YONGS SU GNAS PA LA SPYAD PA YANG DE LTAR BSTAN PAR MI BYA STE DA NI PHYIR BCOL BA TZAM BSTAN PA YIN PAS NA DES NI SNGAR BCABS PA'I PHYIR YONGS SU GNAS PA BYED DU BCUG LA DE'I 'OG TU DBYUNG BA'I PHYIR MGU BAR BYED DU BCUG CIG CES GSUNGS PA YIN GYI MGU BA DANG YONGS SU GNAS PA GNYIS CIG CAR SPYOD DU GZHUG PA NI MA YIN NO, ,DUS DANG DUS MA YIN PAR BSDUS PA'I DBYUNG BA GZHI'O ZHES BYA BA NI GZHI 'DI LA MING DU BYAS PA'O, ,'DI NI LTUNG BA BCABS PA SPYAD PA RNAMS KYI LDANG BA'I DUS SO, ,'DI NI DUS MA YIN NO ZHES BYA BAR SBYAR RO, ,'DI NI MI SHES PA'I DUS LA BRTEN PAR BYA'O, ,BSDUS PA 'BYUNG BA ZHES BYA BA NI LTUNG BA RNAMS KYI CHOG MDOR BSDUS PA 'DI CIG CAR MNGON DU 'BYUNG NGO ZHES BYA BA'I TSIG GIS DE RIG PAR BYA'O, ,DUS DANG DUS MA YIN PAR BSDUS PA 'BYUNG BA'I GZHI'O, ,,NYIN MTSAN GYI MTHA'I CHA MA YIN PA LA 'CHAB PA MI 'BYUNG NGO ZHES BYA BA NI SKYA RENGS SHAR NA NI 'CHAB PA 'BYUNG BA KHO NAR 'GYUR RO, , BRJOD PA'I YAN LAG MED NA DE'I SEMS MA YIN PA NYID 'CHAB PA MA YIN NO ZHES BYA BA NI BRJOD PA'I RANG BZHIN DU GYUR BA DANG RANG BZHIN DU GNAS PA DANG, LTA BA THA MI DAD PA DANG BSNYEN PAR RDZOGS PA DANG BCAS PA DANG, MTSAN THA MI DAD PA DANG, MTSAMS KYI NANG NA GNAS PA ZHES BYA BA LA SOGS PA'I GANG ZAG GANG YIN PA DE MED NA, NYIN MTSAN GYI THA MA'I CHA DE LA YANG DE'I SEMS MA YIN PA NYID CES BYA BA BRJOD PA DE'I SEMS MA YIN PA NYID CES BYA BA YOD KYANG DA 'CHAB BA MA YIN NO, ,BRJOD PA'I YAN LAG YOD PA GAL TE MI BRJOD DO SNYAM DU MI BRJOD PA'I BSAM

217b

PA SKYE NA DE'I TSE 'CHAB PA KHO NAR 'GYUR RO, ,BGROD DU MED DAM SONG BA'I DBANG NI MED PA DANG 'DRA BA NYID DO ZHES BYA BA NI BRJOD PA'I YAN LAG YOD DU ZIN KYANG GAL TE RKYEN 'GA' ZHIG GIS BDAG NYID DER BRJOD DU 'GRO BA'I SKABS MED DAM GNAS DE NAS SONG BAR GYUR NA, DE'I DBANG GIS YAN LAG DE MED PA NI DE'I BRJOD PA'I YAN LAG MED PA DANG 'DRA BA NYID YIN NO, ,BRJOD PA'I YAN LAG NYE BAR GNAS SU ZIN KYANG RKYEN 'GA' ZHIG GIS BDAG NYID DER BRJOD DU 'GRO BA'I SKABS MED DAM BDAG NYID GNAS DE NAS GZHAN DU SONG BAR GYUR PA'I DBANG DAG GIS BRJOD PA'I YAN LAG MED PA NA MI BRJOD PA'I SEMS GANG YIN PA DE NI 'CHAB PA MA YIN NO, ,BGROD DU MED PA DANG SONG BA DE GNYIS KYIS BRJOD PA MA GRUB PA 'GA' ZHIG MED PA DANG 'DRA BA NYID YIN PAR MA ZAD KYI 'ON KYANG 'DI LTAR DE'I RKYEN GYI DBANG GIS BYAS PA YANG NGO ZHES BYA BA YANG 'CHAB PAR GYUR DU DOGS PA'I DBANG GIS TE DE LTAR NA YANG BCABS PAR MI 'GYUR BA KHO NA YIN NO, ,SONG STE MA BRJOD NA BDAG LA BCABS PA'I NYES PAR 'GYUR RO SNYAM DU DOGS PA'I BSAM PA GAL TE BRJOD PA'I YAN LAG DRUNG DU MI 'GRO 'AM, GNAS DE NAS GZHAN DU SONG BAR GYUR NA, DE LTAR NA YANG BRJOD PA'I YAN LAG MED PA DANG 'DRA BA NYID DU RIG PAR BYA STE DE'I TSE YANG 'CHAB PAR MI BYA'O, ,'DIR GZHUNG NI BTZUN PA RE ZHIG DGE SLONG LTUNG BA DANG BCAS PA DGE SLONG MI GNAS NA MCHIS SHING GANG LA YANG BRJOD PAR MI BGYID NA BCABS PAR BRJOD PAR BGYI 'AM, NYE BA 'KHOR MI BYA'O, ,BTZUN PA RE ZHIG DGE SLONG LTUNG BA DANG BCAS PA DGE SLONG RNAMS DANG LHAN CIG GDUGS YOL BAR BGYIS NAS MTSAN MO SLONG MI GNAS NA MCHIS SHING GANG LA YANG BRJOD PAR MI BGYI NA BCABS PAR BRJOD PAR MI 'GYI 'AM NYE BA 'KHOR MI BYA'O ZHES GSUNGS PA YIN NO, ,DON MED PAS NI NYES BYAS SO ZHES BYA BA NI DON CUNG ZAD LA YANG MI LTOS PAR MI 'GRO 'AM, GZHAN DU SONG BAS NI NYES SU 'GYUR RO, ,MTHA'I MDUN ROL DU YANG NGO ZHES BYA BA NI NYIN MTSAN GYI

218a

, ,MTHA'I MDUN ROL DU BCABS PA YANG NYES BYAS SU 'GYUR RO, ,'CHAB PA'I SEMS MA BTANG BA NYID NI DE'I SEMS NYID YIN NO ZHES BYA BA NI 'CHAB PA KUN DU SPYOD PA DAG NYIN MTSAN GYI MTHAR 'CHAB PA'I SEMS YIN ZHING 'CHAB PAR 'GYUR BA 'BA' ZHIG TU MA ZAD KYI JI LTAR 'CHAB PA'I SEMS MA BTANG ZHING YONGS SU MA SPANGS PA 'DIS KYANG 'CHAB PA DE'I SEMS NYID YIN PAR RIG PAR BYA'O ZHES BYA BA'I DON TO, ,'DIR GZHUNG NI GANG GI MDUN DU 'CHAB PA 'BYUNG BAR 'GYUR BAR RANG BZHIN DU GNAS PA DANG, MTSAMS KYI NANG NA GNAS PA LA GAL TE MI BRJOD NA DE PHYIN CHAD 'CHAB PA 'BYUNG BAR 'GYUR RO ZHES GSUNGS PA YIN NO, ,'DIR BRJOD PA RJES SU SGRUB PAR MI BYED PA TZAM KHAS BLANG BAR BYA'I 'CHAB PA LA PHYOGS PA NYID NI KHAS BLANG BAR MI BYA STE, DE'I PHYIR DON 'DI THOS PAS MDO 'DI BYAS SO, ,DGE SLONG PHAM PAR GYUR PAS LTUNG BA PHYIR MA BCOS PA LA NYES PA MED DO ZHES BYA BA NI JI SKAD DU 'DI NI YOD LA PHYIR MI 'CHOS NA YANG NYES BYAS SO ZHES SNGAR SMOS PA DE'I DMIGS KYIS BSAL BA YIN TE 'BYUNG BA'I YAN LAG NYID KYI PHYIR 'DIR DE'I SDOM PA NI DGOS PA MED PA NYID DU GYUR PA'I PHYIR DE LA NYES PA MED PA NYID DU RIG PAR BYA'O, ,YANG DE'I PHYIR GANG ZAG GI GZHI LA DUS DANG DUS MA YIN PAR BSDUS PA 'BYUNG BA'I GZHI ZHES MING DU BYAS SHE NA, 'DI NI LTUNG BA DANG BCABS PA SPYAD PA RNAMS KYI LDANG BA'I DUS SO 'DI NI DUS MA YIN NO ZHES BYA BAR SBYAR RO, ,BSDUS PA 'BYUNG BA ZHES BYA BA NI LTUNG BA RNAMS KYI CHO GA MDOR BSDUS PA 'DI CIG CAR DON GCIG TU 'BYUNG BA'O ZHES BRJOD PA'I PHYIR DE RIG PAR BYA'O, ,DUS DANG DUS MA YIN PAR BSDUS PA 'BYUNG BA'I GZHI ZHU BA'I SKABS SO, ,DUS DANG DUS MA YIN PAR BSDUS PA 'BYUNG BA'I GZHI RDZOGS SO,, ,, YONGS SU GNAS PA DANG MGU BAR BYA BA SPYOD PA DAG GIS DGE SLONG RANG BZHIN DU GNAS PA LAS MNGON PAR SMRA BA DANG PHYAG DANG MNGON DU LDANG BA DANG THAL MO SBYAR BA DANG GUS PA'I LAS DAG BDAG GIR MI BYA'O ZHES BYA BA NI YONGS SU GNAS PA DANG MGU BAR BYA BA SPYOD PA DAG GIS ZHES SMOS

218b

PAS NI GZHI NAS YONGS SU GNAS PA DANG, YANG GZHI NAS BSLANG STE YONGS SU GNAS PA DANG, GZHI NAS MGU BAR BYA BA DANG, YANG GZHI NAS BSLANG STE MGU BAR BYA BA SPYOD PA DAG KYANG BSDUS PA YIN TE, GANG GI PHYIR RTZOM PA'I BYE BRAG LA BRTEN PAS 'DI GNYIS MNGON PAR SMRA BA DAG GO, ,DE BAS NA DE SPYOD PA RNAMS LA 'DIR MA BSDUS PA NYID NI MA YIN NO, ,MNGON PAR SMRA BA ZHES BYA BA NI PHYAG 'TSAL LO ZHES ZER BA STE, MNGON PAR ZHES BYA BA STE BRJOD PA'I TSIG YIN LA, SMRAS PA ZHES BYA BA NI PHYAG 'TSAL BA'I TSIG YIN PAR SBYAR RO, ,PHYAG CES BYA BA NI LUS 'DUD PA BSDUS PA'O, ,GUS PA'I LAS ZHES BYA BA NI LAG RKYONG BA DANG, BSU BA LA SOGS PA MCHOD PA'I LAS GZHAN DAG BSDU'O, ,DE GNYIS KYIS MI BYA BA GANG YIN PA DE'I SKABS GZHAN DAG GIS KYANG DE DAG LA'O ZHES BYA BA LA DE GNYIS KYIS ZHES BYA BA NI YONGS SU GNAS PA DANG MGU BAR BYA BAR SPYOD PA DE GNYIS KYIS SO, ,MI BYA BA GANG YIN PA DE'I SKABS ZHES BYA BA NI RANG BZHIN DU GNAS PA LAS CIG SHOS RNAMS KYIS SO, ,DE DAG LA'O ZHES BYA BA NI YONGS SU GNAS PA MGU BAR BYA BA SPYOD PA DE DAG LA MNGON PAR SMRA BA LA SOGS PA SKABS DE DAG MI BYA BA ZHES BYA BA'I DON TO, ,RANG BZHIN DU GNAS PA RNAMS KYIS DE DAG LA MNGON PAR SMRA BA DANG PHYAG 'TSAL BA LA SOGS PA MI BYA'O, ,DE DANG LHAN CIG TU GOM PA BSRI BA NYID LAS GZHAN PAS BCAG PAR MI BYA'O, ,STAN CHES DMA' BA NYID LAS GZHAN LA 'DUG PAR YANG NGO ZHES BYA BA NI LHAN CIG PAR YANG MI BYA NA STAN GCIG LA LTA SMOS KYANG CI DGOS ZHES BYA BA'I DON TO, ,PHYI BZHIN 'BRENG BA'I DGE SBYONG GI BDAG NYID LAS GZHAN PAS KHYIM DAG TU 'GRO BA YANG NGO, ,G-YOGS MA GCIG TU MAL BSHAM PAR MI BYA'O, , RAB TU BYUNG BA DANG BSNYEN PAR RDZOGS PA DANG, GNAS SBYIN BA DANG, DGE TSUL NYE BAR GZHAG PA DAG MI BYA'O ZHES BYA BA NI RAB TU BYUNG BA DANG BSNYEN PAR RDZOGS PA DAG GIS YAN LAG GI NGO BOS 'GRO BAR MI BYA'O, ,MKHAN POS DE DAG LA BSNYEN PAR RDZOGS PAR MI BYA'O, ,'DI DAG

219a

, ,LAS BSNYEN NAS GNAS PAR MI BYA'O, ,GSOL BA DANG BRJOD PA DAG KHAS MI BLANG NGO ZHES BYA BA LA SOGS PA LA DE BSTAN PA YIN NO, ,GOM PA BSRI BA NYID LAS GZHAN DU 'DI DANG LHAN CIG BCAG PAR MI BYA BA DANG, YONGS SU GNAS PA DANG MGU BAR SPYOD PA DE GNYIS KYIS DGE SLONG RANG BZHIN DU GNAS PA DE DANG LHAN CIG TU GOM PA GCIG GI PHYIR 'BYANGS SHING BSRI BA NYID MA GTOGS PAR GOM PA MNYAM PAR 'DOR BA DANG, GOM PA MDUN DU THAL BAR 'DOR BA DAG GIS BCAG PAR MI BYA'O, ,STAN CHES DMA' BA NYID LAS GZHAN DU MI 'DUG PA DANG; PHYI BZHIN 'BRANG BA'I DGE SBYONG GI BDAG NYID KYIS KHYIM DAG TU 'GRO BA STE GZHAN DU NA ZHES BYA BAR SBYAR RO, ,DE GNYIS 'DUG PA NI DGE SLONG RANG BZHIN DU GNAS PA DANG LHAN CIG TU STAN CHES DMA' BA LA 'DUG PAR BYA'I MNYAM PA 'AM SHIN TU MTHO BA LA 'DUG PAR MI BYA'O, ,GNYIS GRONG DU 'GRO BAS RANG BZHIN DU GNAS PA'I DGE SLONG GIS PHYI BZHIN DU 'BRANG BA'I DGE SBYONG GI CHOS KYIS 'GRO BAR BYA'I MDUN DU 'GRO BA'I DGE SBYONG GIS CHOS KYIS NI MI BYA'O, ,G-YOGS MA GCIG TU MAL BSHAM PAR MI BYA'O, ,DE G-YOGS MA GCIG TU MAL MI BSHAM PA DANG YONGS SU GNAS PA DAG MGU BAR BYA BA SPYOD PA DE GNYIS KYIS DGE SLONG RANG BZHIN DU GNAS PA DANG LHAN CIG TU ZHES BYA BAR SBYAR RO, ,RAB TU BYUNG BA DANG BSNYEN PAR RDZOGS PA DANG GNAS SBYIN PA DANG, DGE TSUL NYE BAR GZHAG PA DAG MI BYA'O ZHES BYA BA NI DE GNYIS KYIS RAB TU DBYUNG BAR MI BYA BSNYEN PAR RDZOGS PAR MI BYA GNAS SBYIN PAR MI BYA DGE TSUL NYE BAR GZHAG PAR MI BYA BA'O, ,GSOL BA DANG BRJOD PA DAG KHAS MI BLANG NGO ZHES BYA BA NI GNYIS GSOL BA DANG BRJOD PA'I LAS DAG BYED DU BCUG PA KHAS BLANG BAR MI BYA'O, ,LAS BYED PA DANG DGE SLONG MA'I STON PA DANG, DGE 'DUN GYI YID BRTAN PAR BSKO BA YANG NGO ZHES BYA BA YANG KHAS MI BLANG NGO ZHES BYA BAR SBYAR TE, DGE 'DUN GYI YID BRTAN PA ZHES BYA BA NI GNAS KHANG BSKO BA LA SOGS PA'O, ,LAS BYED PAR BSKO BA DANG, DGE SLONG MA'I STON BAR BSKO BA DANG, DGE 'DUN GYI YID BRTAN PAR BSKO BA KHAS

219b

BLANG BAR MI BYA'O ZHES BYA BA'I BSKO BA DE DAG LA BRTZAL BAR MI BYA'O, ,SNGAR BSKOS PAS KYANG MI BYA'O ZHES BYA BA NI DE GNYIS LAS BYED PA PO LA SOGS PA DAG TU SNGAR BSKO NA YANG BYA BA BYED DU MI GZHUG GO, ,DGE SLONG MA RNAMS LA YANG BSTAN PAR MI BYA'O ZHES BYA BA YANG SNGAR BSKOS NA YANG ZHES BYA BA'I RJES BSNYEGS PA'I PHYIR YANG NGO ZHES BYA BA'I SGRA SMOS SO, ,'DON PA DANG GZHAN YOD NA GSO SBYONG LAS SO SOR THAR PA GDON PAR MI BYA'O, ,DGE SLONG LAS NYAMS PAS GLENG BAR MI BYA'O ZHES BYA BA NI YONGS SU GNAS PA DANG MGU BAR SPYOD PA DAG GIS DGE SLONG LA GLENG BAR MI BYA'O, ,DE GNYIS KYIS DGE SLONG LA TSUL KHRIMS NYAMS PA DANG LTA BA NYAMS PA DANG CHO GA NYAMS PA DANG 'TSO BA NYAMS PAS GLENG BAR MI BYA'O, ,CI THAMS CAD LA GLENG BAR MI BYA 'AM ZHE NA, DE'I PHYIR, DGE 'DUN LAS MA BKAR BA'O ZHES BYA BA SMOS TE DGE 'DUN LAS BKAR BA DE LA GLENG BA LA SOGS PA DAG LA NI BKAG PA MED DO, ,DE DANG BRTEN PAR BYA'O ZHES BYA BA NAS 'DI THAMS CAD DU SBYAR BAR BYA'O ZHES BYA BA'I BAR DU RIG PAR BYA'O, ,MA MO LAS DE MI BYED PA DANG BRJOD PAR BYA BA NYID DANG ZHES BYA BA DE YANG SBYOR BA ZHES BYA BA NAS YID LA BYED PA ZHES BYA'I BAR DU GSUNGS PA YIN NO, ,BRJOD PA DANG BCAS PA NYID DANG PHUR PA DANG BCAS PA NYID DAG MI BYA'O ZHES BYA BA NI DE GNYIS KYIS DGE SLONG RANG BZHIN DU GNAS PA DGE 'DUN LAS MA BKAR BA LAS BRJOD PA DANG BCAS PA NYID DANG PHUR BA DANG BCAS PA NYID DAG MI BYA'O; ,GDAMS NGAG DANG GSO SBYONG DANG, DGAG DBYE DANG GSOL BA DANG BRJOD PA DAG GZHAG PAR MI BYA'O ZHES BYA BA NI DE GNYIS KYIS DGE SLONG RANG BZHIN DU GNAS PA DGE 'DUN LAS MA BKAR BA'I GDAMS NGAG GZHAG PAR MI BYA GSO SBYONG GZHAG PAR MI BYA GSOL BA GZHAG PAR MI BYA LAS BRJOD PA GZHAG PAR MI BYA'O, ,DE DANG BRTEN PAR MI BYA'O ZHES BYA BA LA DE DANG ZHES BYA BA NI DGE 'DUN GYIS MA BKAR BA'I DGE SLONG LAS SO, ,CHAD PA DE'I RGYU BYAS PA SPONG NGO ZHES BYA BA NI CHAD PA GANG LAS 'DI YOD PA NYID DE, RGYU GANG LAS BYAS PA'I DE SPANG BAR BYA STE MI SPONG BA KHA NA

220a

, ,MA THO BA GZHAN DU 'GYUR RO, ,NYES PA GZHAN YANG NGO ZHES BYA BA NI CHAD PA'I LAS KYI RGYUR GYUR PA LAS GZHAN PA'I NYES PA YANG SPANG BA ZHES BYA BA 'JUG GO, ,'DIR GZHUNG NI DGE 'DUN GYIS DBYUNG BA'I LAS BYAS PA DES LTUNG BA 'BYUNG BAR MI 'GYUR ZHING, DE DANG 'DRA BA GZHAN YANG MI BYA'O ZHES GSUNGS PA YIN NO, ,TSANGS PA MTSUNGS PAR SPYOD PA RNAMS LA NYES PA DANG MTHUN PA NYID KYIS MI BYA'O ZHES BYA BA NI GNAS THA DAD PA'I TSUL LA DE SMOS TE BYE BRAG MED PAS 'DI BSDU BAR BYAS SO, ,BRTUL ZHUGS SNYING PO MED PAR 'GYUR RO SNYAM DU YID LA BYA'O, , NANG BAR SNGAR LANGS TE SGO DBYE BA DANG MAR ME'I KONG BU BSAL BAR BYA'O, ,GTZUG LAG KHANG CU CHAG CHAG DANG PHYAG DAR DANG LCI BA 'JAM PO'I BYUG PAS BSKU BA DAG KYANG BYA'O, ,GSHANG BA DANG GCI BA'I SKYABS DAG SBYANG NGO, ,SA PHYAG BA DANG DUS DANG MTHUN PA'I CHU DAG GZHAG PAR BYA'O, ,WA'I KHA DAG BSAL LO, ,STAN BSHAM MO, ,DUS SHES PAR BYA STE BDUG SPOS DANG POG PHOR DAG NYE BAR GZHAG GO, ,GAL TE NUS PA NYID YIN NA STON PA'I YON TAN YANG DAG PAR BSGRAG GO, ,GAL TE MI NUS NA SMRA BA PO LA BCOL LO, ,SPYI BUNGS BSHAM PA GAnd'I BRDUNG NGO, ,GAL TE DGE SLONG RNAMS TSAN BSIL YAB BYA'O, ,DE DAG GIS 'DUG PA LA SOGS PA NI BSNYEN PAR RDZOGS PA THAMS CAD KYI MTHA' NYID DU'O ZHES BYA BA NI DE GNYIS KYIS 'DUG PA LA SOGS PA NI DE GRAL RIMS BSTAN PA'I PHYIR RO, ,ZAS KYI BYA BA BYAS NAS GDAN CHA DBEN PAR BRTUL LO ZHES BYA BA LA, 'DIR GDAN CHA ZHES SMOS PAS NI, 'JAM PO DANG GOR BU DANG PAR THANG LA SOGS PA DBEN PAR BSDU BA'I DON DU'O, ,LHUNG BZED KYI GZHI DOR RO, ,DUS SHES BYA STE MCHOD RTEN DAG GI PHYAG DAR BYA'O, ,LCI BA 'JAM PO'I BYUG PAS BSKU'O, 'DU BA'I DUS SU BSHAM BA LA SOGS PA NAS YON TAN GYI SKABS KYI BAR DAG GO ZHES BYA BA NI STAN BSHAM MO, ,DUS SHES PAR BYA STE BDUG SPOS DANG POG PHOR GZHAG GO, ,GAL TE NUS PA NYID YIN NA STON PA'I YON TAN YANG DAG PAR BSGRAG GO, ,GAL TE MI NUS PA PO LA BCOL LO ZHES

220b

JI SKAD STON PA ZHES BYA BA'I DON TO, ,GAL TE NUS PA NYID NA NYI MA BRJOD PA YANG NGO, ,GAL TE MI NUS NA DGE SLONG GZHAN LA BCOL LO, ,DGONGS KAR DUS DANG MTHUN PA'I CHUS DGE SLONG RNAMS KYI RKANG PA BKRU'O ZHES BYA BA NI MTSAN MO'I DUS SU GANG ZHIG MAL LA BRTAG PA'I DON DU DE'O, ,RKANG PA DAG BSKU'O ZHES BYA BA NI DGONGS KAR BSKU'O ZHES BYA BA DANG SBYAR RO, ,MA 'DOD NA SNUM DBUL LO ZHES BYA BA NI DGE SLONG DAG RKANG PA DAG BSKU BAR MI 'DOD NA SNUM DBUL BAR BYA'O, ,DE'I GTZUG LAG KHANG THA MAR 'OS PA NYID YIN NO ZHES BYA BA LA, ,DE'I ZHES BYA BA NI YONGS SU GNAS PA DE'I 'O, ,MGU BAR BYA BA SPYOD PA 'DI'I THA MAR 'OS PA NYID YIN NO, ,BSNYEN PAR RDZOGS PA THAMS CAD KYIS ZHES BYA BA NI BSNYEN PAR RDZOGS PA RNAMS LA ZHES BYA BA'I BAR DU SHES PAR BYA'O, 'DUG PA LA THA MAR 'OS PA'I CHO GA 'DI YIN TE, DE BAS NA DE RTZOM PA'O, ,RANG BZHIN DU GNAS PA RNAMS LAS MTHAR 'OS PA'I CHOG GNYIS PO 'DI YIN TE, 'DIS NI PHAN TSUN DU YONGS SU GNAS PA LA SOGS PA RNAMS LA JI LTAR GANG GI TSE RIGS KYI CHO GA LA GNOD PAR SHES PAR BYA BA MA YIN NO, ,BSLAB PA BYIN PA LA YONGS SU GNAS PA DANG, MGU BAR SPYOD PA DAG GIS GZHAN NYID CES BYA BA SHIN TU DMAN PA DANG RTZUB PA BYUNG BA MA YIN PAR SHES PAR BYA ZHING 'DI RNAMS THAMS CAD GNAS NAS PHYUNG BA SPANG BA NYID KYI PHYIR SHES PAR BYA'O, ,THAMS CAD DU RNYED PA DBANG BA NYID YIN NO, ,DGE BA'I PHYOGS LA MI G-YEL BAR BYA'O ZHES BYA BA LA, 'DI NI DGE BA'I PHYOGS KYI DUS MA YIN PAR SHES PAR MI BYA STE, 'DI LTAR DE'I DUS NA RTOGS PA'I SKAL BA CAN MA YIN DU ZIN KYANG DE LTAR MOD KYIS TSOGS RJES SU BSGRUB PA'I PHYIR MI RIGS TE, DE'I SKAL BA CAN MA YIN PA DE LTA BAS NA 'DIR DGONGS PA DE RIG PAR BYA'O, ,SLAR SKAL BA DANG LDAN PA NYID DE'I TSE BSAM PAS LDANG BA LAS LDANG BAR SMRA'I CHAD PA'I LAS KYIS NI MA YIN NO ZHES GSUNGS PA'I PHYIR RO, ,BSLAB PA BYIN PA YANG RTOGS PAS GRAGS PAS DES NA DGRA BCOM NYID THOB PA NA YONGS SU GNAS PA DANG MGU BA SPYOD PA 'DI GNYIS KYANG BSLAB PA SBYIN PA DANG 'DRA BA RANG BZHIN

221a

, ,THOB CING CHAD PA'I LAS LHAG MA SPYAD PAR BYA BA MI DGOS PA NYID YIN TE, DBYUNG BA LA SOGS PA BYA MI DGOS PA NYID DU RIG PAR BYA'O, ,'DI LA DE'I NGO BO NYID TSOL BA BYIN PA DANG BSLAB PA BYIN PA DAG KYANG DE DANG 'DRA'O ZHES BYA BA NI 'DIR MNGON PAR SMRA BA LA SOGS PAS 'DI LA SKABS SU BAB PA'I 'JUG PA 'DI LA DE'I NGO BO NYID TSOL BA BYIN PA DANG, BSLAB PA BYIN PA DAG KYANG YONGS SU GNAS PA DANG MGU BAR BYA BA SPYOD PA DE DANG 'DRA STE, DE GNYIS KYIS SPYOD PA YANG 'DI DAG YIN ZHES BYA BA'I DON TO, ,GDON PAR MI BYA'O ZHES BYA BA NI DE'I NGO BO NYID TSOL BA BYIN PA DANG, BSLAB PA BYIN PA DE GNYIS KYI 'DON PA GZHAN MED NA YANG GSO SBYONG LAS SO SOR THAR PA GDON PAR MI BYA'O, ,SNGA MA NI BZOD PA GSOL BAS RANG BZHIN DU GNAS PA THOB PO ZHES BYA BA NI DE'I NGO BO NYID TSOL BA BYIN PA LA BZOD PAR GSOL BA BYAS PA NA RANG BZHIN DU GNAS PA NYID THOB PA'O, ,'OG MA NI DGRA BCOM PA NYID KYIS SO ZHES BYA BA NI BSLAB PA BYIN PA PO NI DGRA BCOM PA NYID KYIS RANG BZHIN DU GNAS PA NYID THOB PA STE RANG BZHIN DU MI GNAS PA NI MA YIN NO, ,SGO DBYE BA YAN CHAD DANG GTZUG LAG KHANG LA SOGS PA LA YONGS SU GNAS PA DANG LDAN BA DANG SPYOD PA DANG LDAN BA GNYIS KYANG NGO ZHES BYA BA NI DE DANG 'DRA'O ZHES BYA BAR SBYAR RO, ,NANG PAR LANGS TE SGO DBYE BA YAN LAG KYI MDO THAMS CAD DANG, DE'I GTZUG LAG KHANG THA MAR 'OS PA NYID YIN NO ZHES BYA BA DANG, THAMS CAD DU RNYED PA DBANG BA NYID YIN NO ZHES BYA BA DANG, DGE BA'I PHYOGS LA MI G-YEL BAR BYA'O ZHES BYA BA'I MDO GSUM PO DE DAG GI SPYOD PA DE NI YONGS SU GNAS PA DANG LDAN PA ZHES BYA BA YONGS SU GNAS PA BYAS ZIN LA MGU BAR BYA BA MA BLANGS PA DANG SPYAD PA DANG LDAN PA ZHES BYA BA MGU BAR BYA BA SPYAD ZIN NAS DBYUNG BA MA BYAS PA DA GNYIS KYANG YONGS SU GNAS PA DAD MGU BAR BYA BA SPYOD PA DE DANG 'DRA BAR RIG PAR BYA STE, DE GNYIS NI RANG BZHIN DU GNAS PA NYID MA YIN PA'I PHYIR DANG CHAD PA'I LAS BYAS PA DE YIN PA'I PHYIR DE LTAR RNAM PAR GZHAG GO, ,BSDIGS PA DANG SMAD PA DANG BSKRAD PA DANG PHYIR 'GYED PA

221b

DANG GNAS NAS PHYUNG BA DAG KYANG DE BZHIN NO ZHES BYA BA NI DE DAG KYANG SGO DBYE BA YAN CHAD DANG, GTZUG LAG KHANG LA SOGS PA YONGS SU GNAS PA DANG, MGU BAR BYA BA SPYOD PA DANG 'DRA BAR RIG PAR BYA'O, ,DE DAG LA HA CANG THAL BAR GYUR PA LA 'GAL TSABS DANG BCAS PAR 'GYUR BA DMIGS KYIS BSAL BA'I PHYIR GDON PA NI MI BYA BA NYID DO, ,GZHAN DAG GIS GNAS NAS PHYUNG BA SPANG BAR BYA BA KHO NA'O ZHES BYA BA SMOS TE, RANG BZHIN DU GNAS PA DAG GIS DE LA BSDIGS PAR BYA BA KHO NA YIN TE, DE DANG LHAN CIG BCAG PA DANG 'DUG PA DANG 'GRO BA JI SKAD BSTAN PA DAG KYANG MI BYA ZHING 'DON PA GZHAN MED NA DES SO SOR THAR PA'I MDO 'DON PA YANG NYAMS SU MYONG BAR MI BYA'O, ,GZHAN YANG DE LA LUS SAM NGAG GI 'DRE BAR 'GYUR BA CUNG ZAD MI BYA'O, ,DE'I DUS NYID KYI RGYU LAS BYUNG BA'I RNYED PA YANG MI DBANG BA NYID YIN NO ZHES BYA BA NI DE GNAS NAS PHYUNG BA'I DUS NYID KYI TSE NA DGE 'DUN LA RNYED PA BYUNG BA GANG YIN PA DE NI YANG GNAS NAS PHYUNG BA DE LA MI 'OS PA NYID YIN TE, GNAS NAS MA PHYUNG BA'I MDUN ROL DU JI SRID GNAS KYI RGYU LAS BYUNG BA'I RNYED PA LA GAL TE DE'I TSE DGE 'DUN GYIS THOB PA NYID DU 'BYUNG BAR 'GYUR BA'I DBYAR GNAS PA LA SOGS PA'I RGYU LAS BYUNG BA'I RNYED PA GANG YIN PA DE DE DANG LDAN PA NYID NI DE YANG DBANG BA NYID YIN TE, KHYIM PA NYID DU GYUR PA YANG DE LTAR DBANG BA NYID KYI PHYIR RO, ,CI CHA GCIG MI DBANG BA NYID DE GTAN DU 'AM ZHE NA DE'I PHYIR BYE BA BZHIN NO ZHES BYA BA SMOS TE, JI LTAR BYE BA DAG LAS DE SMOS PA DE BZHIN DU ZHES BYA BA'I DON TO, ,MA TSOR BA LTAR CIG SHOS RNAMS LA DE NYID CES BYA BA LA SOGS PA LA DE BSTAN PA'O, ,BYE BA DAG NA CHOS MA YIN PA'I PHYOGS DANG MTHUN BA YANG DE DANG 'DRA'O ZHES BYA BA NI DGE SLONG BYE BA RNAMS LA CHOS MA YIN PA'I PHYOGS DANG MTHUN PA YANG GNAS NAS PHYUNG BA DE DANG 'DRA STE, GNAS NAS PHYUNG BA LA GANG DU SPYOD PA CI BSTAN PA DE DAG THAMS CAD CHOS MA YIN PA'I PHYOGS DANG MTHUN PA LA YANG BLTA BAR BYA'O ZHES BYA BA'I DON TO, ,RANG BZHIN DU GNAS PA MA YIN PA DAG LA YONGS SU GNAS PA DANG MGU BAR

222a

, ,BYA BA DANG BSLAB PA SPYOD PA DAG MI 'CHAGS SO ZHES BYA BA NI RANG BZHIN DU GNAS PA MA YIN PA DE RNAMS LA MI SPYAD PA NYID DO, ,GANG GI PHYIR DE RNAMS LA MI 'CHAGS PA'I PHYIR RO, ,DGE 'DUN MA YIN PA LA YANG NGO ZHES BYA BA NI YONGS SU GNAS PA LA SOGS PA MI 'CHAGS PA STE, SU DAG DGE 'DUN DU MA GYUR PA'I GANG ZAG GCIG GAM GNYIS SAM GSUM DAG LA YANG MI 'CHAGS SO, ,GNAS DE NA 'KHOD PA DAG LAS YONGS SU BCAD PA DAG LA YANG NGO ZHES BYA BA LA YANG MI 'CHAGS SO ZHES BYA BAR SBYAR TE, GNAS GANG DU YONGS SU GNAS PA LA SOGS PA DE DAG LA SPYAD PAR BYA BA'I GNAS DE NA 'KHOD PA'I DGE SLONG DAG LAS LOGS SHIG TU YONGS SU BCAD CING BKAR BA DAG LAS YONGS SU GNAS PA LA SOGS PA SPYOD PA MI 'CHAGS SO, ,MANG PO NYID DU YONGS SU SPANG BAR MI BYA'O ZHES BYA BA NI GNAS DE NA DGE SLONG MANG PO DAG 'KHOD PAR 'DIR SPYAD PAR DKA'O SNYAM PA'I BLO MANG BA NYID KYIS SPYOD PA SPANG BAR MI BYA'O ZHES BYA BA'I DON TO, ,GNAS BRTAN DANG SO SOR THAR PA DANG BCAS PA NYID DU 'BAD PAR BYA'O ZHES BYA BA NI GNAS GANG NA GNAS BRTAN DANG BCAS SO SOR THAR PA DANG BCAS PA'I DGE 'DUN YOD PA'I GNAS DE JI LTAR SPYOD PAR 'GYUR BA ZHIG GU SNYAM DU DE'I DON DU 'BANG PAR BYA'O, ,MA GRUB NA GZHAN DU YANG SPYAD PAR BYA'O ZHES BYA BA'I DON TO, ,GANG NA GZHAN GSUM LA SOGS PA DE DAG GI MING RNAM PA THAMS CAD KYI SPYOD PA DER SPYOD PAR MI BYA'O ZHES BYA BA NI RNAM PA THAMS CAD KYI DE SPYOD PA DER ZHES BYA BA GANG RNAMS LA YOD PA DE RNAMS NI RNAM PA THAMS CAD SPYOD PA DER BYA BA'O, ,BSLAB PA LA SPYOD PA ZHES BYA BA SMOS PAS SO, ,YONGS SU GNAS PA DANG MGU BAR BYA BA DANG BCAS PA RNAMS NYE BAR BSDU BA'I PHYIR RNAM PA THAMS CAD KYI ZHES BYA BA SMOS SO, ,GANG NA BDAG NYID LAS GSUM PO LA SOGS PA DE DAG GI MING RNAM PA THAMS CAD SPYOD PA DER DE SPYAD PAR MI BYA'O ZHES BYA BA NI GANG DU GZHAN YONGS SU GNAS PA SPYOD PA GSUM YOD PA DER YONGS SU GNAS PAR SPYOD PA MI BYA'O, ,GANG NA GZHAN GSUM PO LA

222b

SOGS PA GZHI NAS YONGS SU GNAS PA SPYOD PA DER GZHI NAS YONGS SU GNAS PA SPYAD PAR MI BYA'O, ,GANG NA GZHAN YANG GZHI NAS BSLANG STE, YONGS SU GNAS PA DANG MGU BAR BYA BA SPYOD PA DANG, GZHI NAS MGU BAR BYA BA SPYOD PA DANG, YANG GZHI NAS BSLANG STE MGU BAR BYA BA SPYOD PA DANG, BSLAB PA SPYOD PA DER BSLAB PA GANG ZHIG LA ZHES BYA BA DE LA 'DI BSTAN PA'O, ,'DIR GZHUNG NI, GTZUG LAG KHANG GCIG TU YONGS SU GNAS PAR BYED PA BZHIS YONGS SU GNAS PAR BYED PAR MI BYA'O, ,MGU BAR BYA BA SPYOD PA BZHIS MGU BAR BYA BA SPYAD PAR MI BYA'O, ,GZHI NAS MGU BAR BYA BA SPYOD PA BZHIS GZHI NAS MGU BAR BYA BA SPYAD PAR MI BYA'O, ,GTZUG LAG KHANG DU BSLAB PA BYIN PA BZHIS BSLAB PA LA BSLAB PAR MI BYA'O ZHES GSUNGS PA YIN NO, ,DANG PO GNYIS KYIS GZHAN DU SKYA RENGS 'CHAR BAR MI BYA'O ZHES BYA BA NI YONGS SU GNAS PA SPYOD PA DANG MGU BA SPYOD PA DANG BSLAB PA SPYOD PA ZHES BYA BA GSUM SMOS PA'I DANG PO GNYIS TE, YONGS SU GNAS PA SPYOD PA DANG MGU BAR BYA BA SPYOD PA GNYIS KYIS GNAS GANG DU SPYAD PAR BYA BA YANG DAG PAR BLANGS PA'I GNAS DE LAS GZHAN PA'I MTSAMS SU SKYA RENGS 'CHAR BAR MI BYA'O, ,BSLAB PA BYIN PA LA NI CHO GA JI SRID 'TSO'I BAR DU DE LA 'JUG PA DANG BAR DU GCOD PAR GYUR PA 'DI MED DO, ,DE NI TSE GCIG GIS YIN PAS TSE GCIG TU NGES PA MED PA'I PHYIR SNGA ROL DU JI SRID 'TSO BA ZHES BYA BA MI SBYOR BA'O, ,'DUS PA'I DGE 'DUN LA 'DAS PA DANG 'BYUNG BAR 'GYUR BA BRJOD PAR BYA BA NYID DO ZHES BYA BA NI 'DUS PA'I GAnd'I BRDUNGS PA DER JI SNYED 'DUS PA DE SNYED 'DUS PA DAG LA GANG ZHIG 'DUS PA DE GNAS PA DE LA DGE 'DUN GYIS GANG YANG MA 'ONGS PA 'BYUNG BAR 'GYUR BA DANG BYUNG ZIN PA DE DAG SPYOD PAR GYUR PA DANG; DE DAG SPYAD ZIN PA ZHES BYA BA BRJOD PAR BYA BA NYID DO, ,'DIR LAS BZHIN DU THAMS CAD MI 'TSOGS NA BRJOD PA MI 'CHAGS PA MA YIN TE DE LTA BAS NA JI SNYED PA 'DUS PA DE SNYED PA RNAMS LA NYES PA DANG BRAL BAR RIG PAR BYA'O, ,DGE 'DUN LAS ZHES SMOS PA DE NI GANG ZAG

223a

, ,GI 'DUS PA BSAL BA'I DON DU'O, ,DUS JI TZAM ZHIG BRJOD PAR BYA ZHE NA, DE'I PHYIR GAL TE YUN RING DU SPYAD PAR BYA BA NYID MA YIN NA NYIN RE ZHING NGO ZHES BYA BA SMOS TE GAL TE YONGS SU GNAS PA YUN RING DU SPYAD PAR BYA BA MA YIN NA NYIN RE LAN RE BRJOD PAR BYA BA YIN NO, ,'DI LA NI GSUM MAM BZHI ZHING NGO ZHES BYA BA NI YUN RING DU SPYAD PAR BYA BA NYID 'DI LA NYI MA GSUM MAM BZHI ZHING LAN RE BRJOD PAR BYA BA NYID YIN NO, ,DE GNYIS LA DON DES BRNYAS THABS MI BYA'O ZHES BYA BA NI YONGS SU GNAS PA DANG MGU BAR BYA BA SPYOD PA DE GNYIS LA DGE 'DUN LHAG MA DANG KHA NA MA THO BA KUN DU SPYOD PA'I DON DES BRNYAS THABS MI BYA'O, ,'THAB KROL BYED PA 'ONG BAR THOS SHING GAL TE DES 'JIGS NA DGE 'DUN TSOGS PA 'AM GANG ZAG LA PHYIR BTANG BAR BYA BA NYID YIN NO ZHES BYA BA NI THAMS CAD DU 'THAB KROL BYED CING RGOL BA'I NGANG TSUL CAN LA DE LA CHED DU 'GRO BA NYID DU GNAS PA DE 'DIR 'THAB KROL BYED PAR 'GYUR SNYAM DU 'BYUNG BAR 'GYUR LA 'THAB KROL BYED PA GCIG GAM DU MA 'ONG BAR THOS SHING, GAL TE DE DAG GIS GLENG BA DANG DRAN PAR BYED PAS 'JIGS NA SPYOD PA DES 'KHRUG PAR GYUR PA'I 'THAB KROL BYED PA PO GCIG GAM DU MA 'ONG BAR MA THOS PAR 'BYUNG NA, DGE 'DUN GYI DRUNG NGAM GANG ZAG GAM DE DANG MI MDZA' BA NYID DU GNAS PAS BDAG NYID RANG BZHIN DU GNAS PA LA GZHAG PAR BYA'O, ,'DIR GZHUNG KHA CIG LAS RGAN PA'I MTHAR GNAS TE YONGS SU GNAS PA DANG MI MDZA' BA NYID DU GNAS PAR BYA'O, ,DGE 'DUN LA PHYIR BTANG BA'I SNGAGS NI DGE 'DUN BTZUN PA RNAMS GSAN DU GSOL ZHES BYA BA LA SOGS PA GSUNGS PA YIN NO, ,GZHAN DU YANG GNYIS PO 'DI DAG GANG ZAG LA PHYIR BTANG BA'I SNGAGS KYI GZHUNG NI ZHU BA LAS BTZUN PA BCOM LDAN 'DAS KYIS GAL TE YONGS SU GNAS PAR BYED PA'I DGRA BO 'ONGS NA, DE YONGS SU GNAS PA'I SPYOD PA BAG YANGS SU BYA'O ZHES BKA' STZAL NA DES JI LTAR BAG YANGS SU BGYI, NYE BA 'KHOR DGE SLONG DES CHOS GOS PHRAG PA GCIG TU STE, 'CHIL LHAM DAG PHUNG NAS DGE SLONG GI

223b

MDUN DU TZOG PUR 'DUG STE 'DI SKAD CES BRJOD PAR BYA'O, ,BDAG DGE SLONG YONGS SU GNAS PAR BGYID PA'I DGRA BO DGE SLONG MCHIS TE, BDAG MING 'DI ZHES BGYI BA YONGS SU GNAS PA'I SPYOD PA BAG YANGS SU BGYID CING SLAR YANG LEN PAR BGYID DO, ,YANG BLANGS TE SPYOD PAR BGYID NA TSE DANG LDAN BA DAG GIS BDAG NGO TSA MA MCHIS PAR GZUNG DU GSOL, ,DE BZHIN DU LAN GNYIS, LAN GSUM DU BZLAS, THABS YIN NO LEGS SO ZHES GSUNGS PA YIN NO, ,DGRA BO SONG NA PHYIR YANG DE BZHIN DU BLANG BAR BYA STE, DE NI YONGS SU GNAS PA DANG MGU BAR BYA BAR SPYOD PA YIN NO ZHES GSUNGS TE, DE LA GNYIS KA'I SBYOR BA ZHES BYA BA 'DI GNYIS KA BSDUS PA'O, ,'JIGS DANG BRAL NA DE NYID DU PHYIR BLANG BAR BYA'O ZHES BYA BA NI DGE 'DUN GYI DRUNG NGAM GANG ZAG LA'O, ,SA GZHAN NA GNAS PA'I GZHI'O,, ,,YONGS SU GNAS PA DANG MGU BAR BYA BA SPYOD PAR RANG BZHIN DU GNAS PA DANG LHAN CIG TU G-YOGS MA GCIG PAR NYAL NA NYIN MTSAN DE BCAD DO ZHES BYA BA NI JI SRID NYAL BA'I NYIN MTSAN DE YONGS SU GNAS PAR BYA BA DANG MGU BAR SPYAD PA'I ZHAG TU BGRANG BAR MI BYA ZHING BCAD PAR BYA BA'O, ,'DIR GZHUNG NI YONGS SU GNAS PAR BYED PAS RANG BZHIN DU GNAS PA DANG LHAN CIG G-YOGS MA GCIG PAR NYAL BA DE'I NYIN MTSAN YONGS SU GNAS PA DANG, MGU BAR BYA BA SPYOD PA MI BGRANG BAR MTSAN MO DE BCAD DE BGRANG BAR BYA'O, ,MGU BAR BYA BA SPYOD PA YANG DE BZHIN NO ZHES GSUNGS PA YIN NO, , MTSAMS KYI PHYI ROL DU SPYAD PA YANG NGO ZHES BYA BA YANG NYAL NA NYIN MTSAN DE BCAD DO ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS SO, ,MA BRJOD NA YANG NGO ZHES BYA BA YONGS SU GNAS PA DANG MGU BAR BYA BA SPYOD PA ZHAG 'DAS PA DANG 'BYUNG BAR 'GYUR BA MA BRJOD NA YANG NYIN MTSAN DE BCAD PAR BYA'O, ,THOS PAR BYA BA DAG MTSAMS DE NA NYE BAR MI 'KHOD NA MI 'BYUNG NGO ZHES BYA BA NI MTSAMS GANG DU DE SPYAD PAR BYA BA'I MTSAMS DE GANG NA MANG DU THOS PAR BYA BA RNAMS LA NYE BAR MI GNAS NA MA BRJOD PA DE MI 'BYUNG BA'O, ,NYI MA DE NYID LA PHYIR 'ONG NA

224a

, ,MTSAMS GZHAN DU 'GRO BA LA NYES PA MED DO, ,YONGS SU GNAS PAR BYED PAS YONGS SU GNAS PAR BYED PA DANG LHAN CIG G-YOGS MA GCIG PAR NYAL BAR MI BYA'O ZHES BYA BA NI NYIN MTSAN SPYAD PAR NI MI 'GYUR MOD KYI 'ON KYANG NYIN MTSAN GYI MTHA' NYES BYAS RDZOGS PAR 'GYUR LA, DE'I MDUN ROL DU NI SBYOR BA LAS BYUNG BA'I NYES BYAS SU 'GYUR BAR SHES PAR BYA'O, ,RANG BZHIN DU GNAS PA DANG LHAN CIG NYAL BA YANG KHA NA MA THO BA DE GNYIS SU 'GYUR BA'I STENG DU DE'I NYIN MTSAN BCAD PAR YANG 'GYUR RO, ,DE DANG MU STEGS CAN YONGS SU GNAS PA LA GNAS PA DANG, DER LHAN CIG PA LA NI NYES PA MED DO ZHES BYA BA NI DER LHAN CIG PA LA ZHES BYA BA NI MU STEGS CAN GYI GNAS DER RO, ,DER ZHES BYA BA NI NYAL SA DER RO, ,CI'I PHYIR YANG YONGS SU GNAS PA'I GZHI LAS GZHAN NA GNAS PA'I SPYOD PA'I GZHI ZHES MING GZHAN DU BYAS SHE NA, SA GZHAN NA GNAS PA DANG MGU BAR BYA BA SPYOD PA DANG, BSLAB PA BYIN PA LA SOGS PA GZHAN NA GNAS PA GANG JI SNYED PA DE DAG THAMS CAD GZHI 'DIS SPYOD PAR BSTAN GYI, YONGS SU GNAS PA 'BA' ZHIG TU NI MA ZAD PAS DE'I DON DE BSTAN PA'I PHYIR DE SHES PAR BYA'O, ,SA GZHAN NA GNAS PA SPYOD PA'I GZHI ZHU BA'I SKABS SO, ,SA GZHAN NA GNAS PA SPYOD PA'I GZHI RDZOGS SO,, ,,MA GRAGS PA NI GZHI NYID MA YIN NO ZHES BYA BA NI 'DOD PA RNAMS NI ZHE SDANG GIS 'JUG PA YIN TE, DRANG PO MA YIN PA LA BRTEN NAS 'DI RNAMS LA MI'I CHOS BLA MAR GYUR PA CI'I PHYIR ZHE NA, DE LA THA DAD DU BYA BA MA YIN PA LTUNG BA'I THA SNYAD KHA CIG SDIG PA 'DOD PA RNAMS KYIS DE LTA BU'I NGO BO NYID 'JUG PA RNAMS KYIS DGE SLONG RNAMS NYAMS PAR BYAS PA DE BAS NA 'DI RNAM PAR GZHAG GO; ,MA GRAGS PA DES CI'I PHYIR GLENG BAR MI BYA ZHE NA, KHA CIG MI'I CHOS BLA MA DANG LDAN PAS SNGAGS KYANG SMAN GYIS BYAS PA 'AM, SKYE BA LAS BYUNG BA GANG YIN PA 'DI LTA STE DPER NA 'KHOR LOS SGYUR BA LA SOGS PA RNAMS KYI'O, ,TING NGE 'DZIN LAS GRUB PA 'AM MNYAM

224b

PAR MA BZHAG PA'I SA LA GNAS PA NI 'DI LTA STE, BYE BRAG CAN GYI YON TAN RNAMS KYI RIGS LAS BYUNG BA NI 'DOD PA NA SPYOD PA RNAMS SO, ,'DIR GZHUNG NI, DGE SLONG DAG LHA'I MIG NI THA SNYAD DU BYA BA MA YIN TE, DE BAS NA DGE SLONG GIS LHA'I MIG GIS MTHONG BAS GLENG BAR MI BYA'O ZHES BYA BA NAS DE BZHIN DU LHA'I RNA BAS GLENG BAR MI BYA'O ZHES BYA BA LA SOGS PA'I BAR DU GSUNGS PA YIN NO ZHE NA BDEN MOD KYI, GZHAN DU YANG GRAGS PA LAS MI 'DA' BAS BYAS NAS 'DI LA 'DOD PA NYID RNAM PAR GNAS PA YIN TE SKYON MTSUNGS PA NYID KYI PHYIR RO, ,THA SNYAD DU BYAS PA MA YIN ZHES SMOS PAS LOG PAR RTOG PA DE BAS NA 'DI LTAR SBYAR BA'O, ,DGAG DBYE BRJOD PA RDZOGS NA DGAG DBYE GZHAG PA MI 'CHAGS SO ZHES BYA BA NI, GANG ZAG GANG GIS DGAG DBYE BRJOD PA RDZOGS NA MI 'CHAGS PA'O, ,DGAG DBYE BRJOD PA RDZOGS PAR DGAG DBYE 'JOG PAR BYED NA NI 'CHAGS SO, ,DGAG DBYE'I SNGAGS LAN CIG BRJOD PA LA NI DE'I MTHAR PHYIN PA NYID BRJOD PA YIN TE, LAN GNYIS BRJOD PA LA NI GNYIS PA'I MTHAR PHYIN PA NYID RDZOGS PA YIN NO, ,LAN GSUM DU BRJOD PA GSUM PA'I MTHAR PHYIN PA NYID RDZOGS PA YIN NO, ,DGAG DBYE'I GZHI LAS DE LA SOGS PAS DRAN PA NYE BAR GZHAG STE ZHES BYA BA NAS SHES BZHIN ZHES BYA BA'I BAR DU GSUNGS PA YIN NO, ,BYED PA PO NAD PA DANG LDAN PA NYID LA YANG DE BZHIN NO ZHES BYA BA NI GAL TE DGAG DBYE 'JOG PA PO NAD PAR GYUR NA DES DGAG DBYE 'JOG TU 'JUG PA YANG SNGA MA BZHIN DU MI 'CHAGS PA NYID YIN NO ZHES BYA BA'I DON TO, ,CI DES MNGON SUM DU 'JOG PA MI 'CHAGS PAR ZAD DAM ZHE NA, DE'I PHYIR MNGAGS PAS KYANG NGO ZHES BYA BA LAS KYANG NGO ZHES BYA BA'I SGRAS NI RANG GIS 'JOG TU 'JUG NA YANG MI 'CHAGS SO ZHES BYA BA'I DON TO, ,NAD PA NYID LA YANG NGO ZHES BYA BA NI GAL TE GZHAN GYIS NAD PA'I DGAG DBYE 'JOG PAR BYED NA, DES KYANG NAD PA'I DGAG DBYE GZHAG PA MI 'CHAGS PA'O, ,'DIR DGAG DBYE ZHES SMOS PAS NI GSO

225a

, ,SBYONG DANG GDAMS NGAG GZHAG PA LA YANG CHO GA 'DI RIG PAR BYA'O, ,DE MNOD PAR MI BYA'O ZHES BYA BA NI GANG ZHIG DGAG DBYE GZHAG PA MI 'CHAGS PA BSTAN PA GANG YIN PA DE MNOD PAR MI BYA'O, ,TSE DANG LDAN PA NAD PA NI SBYOR MI BZOD PA YIN GYI KHYED SDOD CIG CE 'AM, TSE DANG LDAN PA PHO NYA DE LA NI BRGAL ZHING BRTAG PA MA YIN NO ZHES LAN GDAB PAR BYA'O ZHES BYA BA NI GAL TE NAD PA RANG GI DGAG DBYE 'JOG TU 'JUD NA DE'I TSE TSE DANG LDAN PA NAD PA NI SBYOR MI BZOD PA YIN GYI KHYOD RANG SDOD CIG CES LAN GDAB PAR BYA'O, ,'ON TE NAD PAS MNGAGS PA DE LA TSE DANG LDAN PA PHO NYA NAD PA DE LA BRGAL ZHING BRTAG PAR BYA BA MA YIN NO ZHES LAN GDAB PAR BYA'O, ,BYAS PA DANG BYED PA'I RANG GI NGO BO MA RTOGS PA NYID NA YANG GLENG BA MI 'CHAGS SO ZHES BYA BA LA BYAS PA'I RANG GI NGO BO MA RTOGS PA NYID CES BYA BA NI 'PHAGS PA CHE GE MOS NYES PA BYAS PA ZHES THOS KYIS NYES PA 'DI DANG 'DI LTA BU BYAS ZHES BYA BA MA THOS SO ZHES ZER BA'O, ,BYED PA'I RANG GI NGO BO MA RTOGS PA NYID CES BYA BA NI 'PHAGS PAS NYES PA 'DI DANG 'DI LTA BU BYAS ZHES NI THOS KYI CHE GE MO ZHIG GIS NI MA THOS SO ZHES ZER BA STE, DE LTAR BYAS PA DANG BYED PA'I RANG GI NGO BO MA RTOGS PA NYID YIN NA YANG GLENG BA MI 'CHAGS SO, ,LHAG MAS KYANG DUS MA YIN PAR 'JUG PAR MI BYA'O ZHES BYA BA LA GNAS GANG DU GLENG BAR BYA BA'I GANG ZAG DE'I BSRUNG BAR BYA BA RNAMS KYI MDUN DU DES BDAG LA BRNYAS THABS BYAS PAR 'GYUR BA'I GNAS DE LAS LHAG MAS KYANG ZHES BYA BAS NI BYED PA PO NAD PA LA SOGS PAS GLENG BA DE LAS GZHAN BAS KYANG DUS MA YIN PAR 'JUG PAR MI BYA'I DUS SU 'JUG PAR BYA'O, ,DRAN PA DANG SHES BZHIN NYE BAR MA GZHAG PAR MI BYA'O, ,MTHA' MA YIN PAR MI BYA'O ZHES BYA BA NI GNAS GANG DU GLENG BAR BYA BA'I GANG ZAG DE'I BSRUNG BAR BYA BA RNAMS KYI MDUN DU DES DAG LA BRNYAS THABS BYAS PAR 'GYUR BA'I GNAS DE LAS GZHAN BA'I GLENG BAR BYA BA DES 'JUG PAR BYA BA'I DON TO, ,LCAGS KYI GSAL ZHING CAN NYID NI DAM PA RNAMS KYIS SMAD PAR BYA BA NYID YIN PA'I PHYIR RO, ,

225b

SKABS 'BYED DU MA BCUG PAR MI BYA'O ZHES BYA BA NI GANG DU GANG ZAG GANG LA SKABS 'BYED DU MA BCUG PAR GLENG BA LA 'JUG PAR MI BYA STE DE NI RAB TU 'KHRUG PA SPANG BA NYID KYI PHYIR RO, ,DGAG DBYE NI DE NYID YIN NO ZHES BYA BA NI, GANG GI DGAG DBYE'I TSE DGE 'DUN LAS DGAG DBYE BYAS PA DE NI SKABS PHYED PA NYID YIN PAS DE'I PHYIR DGAG DBYE BYED PA NI GLENG BA LA 'JUG PA NI NYES PA MED DO ZHES BYA BA'I DON TO, ,MI DRAN PA NA DRAN PAR BYA'O ZHES BYA BA NI GLENGS PA NA MI DRAN NA DRAN DU GZHUG GO, ,DRAN PAR BYA BA NI GLENG BA'I 'KHOR YIN PAS DE'I PHYIR JI LTAR GLENG BA LA DUS MA YIN PAR 'JUG PA MI BYA BA DANG, DRAN PA DANG SHES BZHIN NYE BAR MA BZHAG PAR MI BYA BA DANG, SKABS 'BYED DU MA BCUG PAR MI BYA'O ZHES JI SKAD SMOS PA DE DAG DRAN PAR BYA BA'I SKABS 'DIR YANG GRUB PA YIN NO, ,DE MI BYED NA DE LA BRJOD PA DANG BCAS PA NYID BYA'O ZHES BYA BA NI SKABS 'BYED PA DE MI BYED NA GLENG BAR BYA BA DE LA BRJOD PA DANG BCAS PA NYID BYA'O, ,MA MO DAG LAS CHO GA DANG BCAS PAR BRJOD PAR BYA BA NYID BRJOD PA'O, ,JI LTAR BRJOD PA DANG BCAS PA NYID BYA ZHE NA, DE'I PHYIR TSE DANG LDAN PA KHYED LA BRJOD PA DANG BCAS PA NYID KYIS KHYED KYIS GNAS 'DI NAS MA ZHUS PAR 'GRO BAR MI BYA'O, ,KHO BO LA TSE DANG LDAN PA LA BRJOD PA'I PHYIR BSDOGS PA YOD DO ZHES BYA BA SMOS TE, BRJOD PAR BYA BA NYID DU NGES PA NI BSDOGS PA ZHES BYA'O, ,DES DUL BAR MI 'GYUR BA MI GDAMS PA NYID DU'O ZHES BYA BA NI DE LA BRJOD PA DANG BCAS PA NYID BYA'O ZHES BYA BAR SBYAR RO, ,DE LA GTAM 'DRE BA LA SOGS PA YANG BZLOG PAR BYA'O ZHES BYA BA NI MI GDAMS PA NYID DU BYAS PA DE LA GDAMS SHING RJES SU BSTAN PAR BYA BA NYID KYIS PHAN GDAGS PA BZLOG PAR BYA BA 'BA' ZHIG TU MA ZAD KYI 'ON KYANG GTAM 'DRE BA DANG PHEBS PAR SMRA BA DANG, SO SOR KUN DGA' BAR BYA BA'I THA SNYAD KYIS TSIG SBYIN PAR YANG MI BYA'O, ,DE LTAR NA YANG GSO SBYONG GZHAG GO ZHES BYA BA NI DE LTAR YANG DUL BAR MI 'GYUR ZHING SKABS MI 'BYED NA DE'I TSE GSO SBYONG GZHAG PAR BYA'O, ,DES KYANG NI DGAG DBYE'O ZHES BYA BA NI DE LTAR GZHAG PA DES KYANG DUL BAR MI

226a

, ,'GYUR ZHING SKABS MI 'BYED NA DE'I TSE DE'I DGAG DBYE GZHAG PAR BYA'O, ,GSO SBYONG DANG DGAG DBYE GZHAG PAR ZHES BYA BA NI GANG ZAG 'DI 'DUG PA DANG LHAN CIG DGE SLONG RNAMS KYIS GSO SBYONG DANG DGAG DBYE MI BYA'O ZHES BYA BA YIN PAR RIG PAR BYA'O,, 'JOG PAR BYED PA DAG GIS GZHAN PA DANG LHAN CIG TU BYA BA YANG 'DIR BZOD PA YIN NO ZHES BYA BA NI GANG DAG GIS GZHAN PA GANG YIN BA DAG DANG LHAN CIG GSO SBYONG LA SOGS PA BYA BA GANG YIN PA DE YANG SKABS 'DIR DE LA BZOD PA BYA BA YIN GYI TSIG 'BA' ZHIG GIS BZOD PA BYA ZHING BAG YANGS SU BYA BAR MA ZAD DO ZHES BYA BA'I DON TO, ,'DIR GZHUNG NI DRUG SDE DAG GIS 'GRAN DOR GYI BSAM PAS DGE SLONG GIS GSO SBYONG GZHAG PA DANG, DGE SLONG RAB TU GNAS PA THAMS CAD KYIS KYANG KHYED KYI GSO SBYONG DRUG SDE DAG GIS GZHAG GO ZHES GSO SBYONG LAS ZLOG PAR BYED NA YANG DRUG SDE DAG GIS GSO SBYONG BYA'O ZHES SMRAS PA NAS BCOM LDAN 'DAS KYIS BKA' STZAL PA, GAL TE DGE SLONG DAG GIS GSO SBYONG GZHAG PA DE NYID KYIS GSO SBYONG BYAS NAS BZOD PAR BYAS PAR BRJOD PAR BYA'O ZHES BYA BA'I BAR DU GSUNGS PA YIN NO, ,SKABS PHYE BA NYID NA GAL TE MNYAN BA NYID MA YIN NA PHUR PA DANG BCAS PA NYID BYA'O ZHES BYA BA NI SKABS PHYE BA NYID NA GAL TE DE MNYAN PA NYID DU MI 'GYUR NA DE'I TSE DE LA PHUR PA DANG BCAS PA NYID CES BYA BA STE, PHUR PA DANG BCAS PA'I SKABS 'DI NI MA MO LAS 'BYUNG NGO, , JI LTAR PHUR PA DANG BCAS PA ZHES BYA ZHE NA, DE'I PHYIR GNAS 'DI'AM GZHAN DU'AM GZHI 'DI 'AM GANG YANG RUNG BA LA 'DOD PAR SMRA BAR BYA'O ZHES BYA BA DANG, LTUNG BA BKAL ZHING NYES PA BSTAN TE BTANG BAS SO ZHES BYA BA SMOS TE GANG YANG RUNG BA LA 'DOD PAR BYA ZHES BYA BA NI GNAS SAM GZHI LA 'O, ,NYES PA BSTAN TE ZHES BYA BA NI LTUNG BA BKAL ZHING ZHES BYA BA'I RNAM GRANGS GZHAN BSTAN PA'O, ,RTA DMU RGOD PHUR PA DANG BCAS PA DANG 'DRA BAR DE DANG DRI MA DANG BCAS PAR BTANG BA YIN PAS DE'I PHYIR PHUR PA DANG BCAS PA ZHES BYA'O, ,TSUL KHRIMS DANG LTA BA DANG

226b

CHO GA DANG 'TSO BA NYAMS PAS GLENG BA LA SOGS PA DE DAG THAMS CAD BYED NA GZHI DANG BCAS PA 'CHAGS SO ZHES BYA BA NI MTHONG BA DANG THOS PA DANG DOGS PA DAG GIS GZHI DANG BCAS PAR TSUL KHRIMS DANG LTA BA DANG CHO GA DANG 'TSO BA NYAMS PAS GLENG PA DANG DRAN PAR BYA BA DANG SKABS 'BYED DU GZHUG PA DANG BRJOD PA DANG BCAS PA DANG, MI GDAMS PA NYID DANG, GSO SBYONG GZHAG PA DANG, DGAG DBYE GZHAG PA PHUR PA DANG BCAS PAS BYA BA DAG BYED NA 'CHAGS PA'O, ,DE DAG BYA BA YANG GZHI YOD NA 'CHAGS KYI GZHI MED PAR TSUL KHRIMS LA SOGS PA NYAMS PAS GLENG BA LA SOGS PA BYED PA NI MI 'CHAGS SO, ,GZHI LEGS PA MA YIN PAS MI BYA'O ZHES BYA BA NI GLENG BA LA SOGS PA DE DAG LEGS PAR MA MTHONG BA DANG, LEGS PAR MA THOS PA DANG, LEGS PAR MI DOGS PAR MI BYA BA DANG, MI GSAL BAR THOS PA NI LEGS PAR MA THOS PA'O, ,SNYING THA DAD CING DAD PA ZHEN PA'I YONGS SU RTOG PA NI LEGS PAR MI DOGS PA'O, ,'DIR GZHI DRI NGAN PA YOD DE, DE BAS NA 'DIR MI 'CHAGS PA MA YIN PAR RIG PAR BYA'O, ,'DI NI PHRAN TSEGS DAG LAS 'BYUNG NGO, ,'DI LA DNGOS PO LA BDEN PA NYID NI RGYU MA YIN NO ZHES BYA BA NI GZHI 'DI LA DNGOS PO LA BDEN PA NYID NI RGYU MA YIN GYI 'DU SHES KYI DBANG GIS 'DI RNAM PAR GZHAG PA STE, DNGOS PO BDEN PA NYID YIN NA YANG GAL TE MTHONG BA LA SOGS PA'I 'DU SHES MED PAR GLENG BAR BYED NA GZHI MED PA KHO NAS GLENG BA LA SOGS PA KHO NAR 'GYUR LA, DNGOS PO MI BDEN PA NYID YIN YANG GAL TE MTHONG BA LA SOGS PA'I 'DU SHES KYIS GLENG BAR BYED NA GZHI DANG BCAS PA KHO NAS GLENG PA LA SOGS PAR 'GYUR RO ZHES BSTAN PA YIN NO, ,THOS PA NI RNAM PA GSUM STE, BYA BA'I MTSAN MA DANG, GZHAN PHEBS PAR SMRA BA DANG, RANG GI RJES SU THOS PA'O ZHES BYA BA LA, BYA BA'I MTSAN MA ZHES BYA BA SMRA BA GANG DAG GIS 'JUG PAR BYED PA'I SGRA DE DAG DER BYA BA DE LHAN CIG BYUNG BA'I RANG BZHIN GANG YIN PA DE NI BYA BA'I MTSAN MA'O, ,GZHAN DAG GIS

227a

, ,BYAS PAR GYUR PA LA DE'I DON DU GZHAN PHEBS PAR SMRA BA LA GZHAN GYIS SMRAS PA NYID DO, ,RANG GI BDAG NYID SHES PA PO NYID LA GANG ZHIG GZHAN GYIS THOS SU BCUG PA DE NI CHE GE MO ZHIG GIS 'DI LTA BUS BYAS SO ZHES GZHAN DAG LOGS SHIG NA GTAM ZER BA RANG GIS LOGS SHIG NAS RJES SU THOS PA GANG YIN PA'O, ,'DIR GZHUNG NI 'DI LA DGE SLONG DAG GIS RNAM PA GANG DAG DANG, RTAGS GANG DAG DANG MTSAN MA GANG DAG GIS PHAM PAR 'GYUR BA'I MTHA'I LTUNG BA 'BYIN PA'I RNAM PA DE DAG DANG RTAGS DE DAG DANG MTSAN MA DE DAG GIS PHAM PAR 'GYUR BA MTHA'I LTUNG BA 'BYIN PA DE THOS PA DANG, GTAM DE YANG DE LAS BYUNG ZHING DE'I RANG BZHIN GYIS NYE BAR GNAS PA YIN PA DANG, DE BZHIN DU DES DGE SLONG DE PHAM PAR 'GYUR BA'I MTHA' LTUNG BAR 'BYUNG NGO ZHES YID CHES PA'I TSIG LAS THOS PAR GYUR NA GZHI DES GNAS PA DE'AM GZHAN DU DE'I GSO SBYONG 'JOG PAR BYED NA CHOS BZHIN DU GSO SBYONG 'JOG PA YIN NO ZHES GSUNGS PA YIN TE, DER JI SKAD GSUNGS PA DE DAG GO RIMS BZHIN DU 'DIR BSDUS PA YIN NO YID MA CHES PA NI GZHI NYID MA YIN NO ZHES BYA BA NI THOS KYANG YID MA CHES PA GANG YIN PA DE NI GZHI MA YIN PAR RIG PAR BYA'O, ,'DIR GZHUNG NI DES YID CHES PA'I TSIG LAS THOS PA MA YIN NO ZHES GSUNGS PA YIN NO, ,YONGS SU SBYONG BA'I GZHI'O,, ,,SHES PA DU MA NYID YIN NA GLENG BA LA SOGS PA LA 'DOD PAS SO ZHES BYA BA NI SHES PA'I DGE SLONG DU MA NYID YIN NA DE LA GLENG BA DANG DRAN PAR BYA BA DANG SKABS 'BYED DU GZHUG PA LA SOGS PA DE DAG RGAN RIM GYIS 'JUG PAR BYA BA MA NGES KYIS GLENG BAR BYA BA 'DOD PAS CI DGAR 'JUG PAR BYA'O ZHES BYA BA'I DON TO, ,'DIR GZHUNG NI BRDZUN DU SMRA BA'I LTUNG BYED KYI ZHU BA LAS, ,BTZUN PA DGE SLONG GI DGE 'DUN GYI DBUS SU BSLAB PA LAS 'DA' BAR BGYID NA SUS GLENG BAR BGYI, GANG 'DOD PAS SO ZHES BYA BA GSUNGS PA YIN NO, ,DGAG DBYE MA YIN PAR DE GZHAG PAR MI BYA'O ZHES BYA BA NI DGAG BYA'O LAS KYI DUS MA YIN PA GZHAN DU DGAG DBYE DE GZHAG

227b

PAR MI BYA'O, ,GSO SBYONG MA YIN PAR DE MI BYA'O ZHES BYA BA NI GSO SBYONG GI LAS KYI DUS MA YIN PAR GZHAN DU GSO SBYONG DE GZHAG PAR MI BYA'O, ,'JOG PAR BYED PA BUD MED NYID KYIS GZHAN SKYES PA'I GZHAG PA NYID BYED DAM BYAS PA NYID NA GZHAG PA NYID MA YIN NO ZHES BYA BA NI DE DAG 'JOG PAR BYED PA NYID DAM GZHAG PAR BYAS PA NYID KYI 'OG TU GAL TE MTSAN DE BUD MED DU GYUR PA NYID KYIS 'JOG PAR BYED PA BUD MED YIN LA, CIG SHOS SKYES PA YIN PAR GYUR NA DE LA 'JOG PAR BYED PA GANG YIN BA DE NI GZHAG PA NYID MA YIN TE, DE LTA NA MI 'BYUNG BA KHO NA YIN NO ZHES BYA BA'I DON TO, ,SKYES PAS BUD MED KYI 'JOG PA NI 'BYUNG BA KHO NA YIN NO, ,MI 'BYUNG BAS RJES SU 'JUG PA MED DO, ,DE LTA BAS NA BUD MED KYIS 'JOG TU BCUG NA SKYES PA NYID DU GYUR KYANG GZHAN PA NYID DGAG DBYE'I GZHI ZHU BA LAS, BTZUN PAR ZHIG DGE SLONG GIS DGE SLONG GI DGAG DBYE 'JOG PAR BGYID CING GANG GIS BGYI BA DE MTSAN GYUR TE DGE SLONG MAR GYUR NA GZHAG PAR BGYI'AM, NYE BA 'KHOR GZHAG PAR BRJOD PAR BYA'O, ,'JOG PAR BGYI BA GANG LAGS PA DE MTSAN GYUR TE, DGE SLONG MAR GYUR NA GZHAG PAR BRJOD PAR BGYI'AM, NYE BA 'KHOR GZHAG PAR BRJOD PAR MI BYA'O, ,BTZUN PA RE ZHIG DGE SLONG MAS DGE SLONG MA'I DGAG DBYE 'JOG PAR BGYID CING GANG GIS 'JOG PAR BGYID PA DE MTSAN GYUR TE DGE SLONG DU GYUR NA GZHAG PAR BRJOD PAR BGYI'AM, NYE BA 'KHOR GZHAG PAR BRJOD PAR MI BYA'O, ,'JOG PAR BGYID PA GANG LAGS PA DE MTSAN GYUR TE DGE SLONG DU GYUR NA GZHAG PAR BRJOD PAR BGYI'AM, NYE BA 'KHOR GZHAG PAR BRJOD PAR BYA'O, ,DE BZHIN DU DGE SLONG DANG DGE SLONG MAS DGAG DBYE BYED PA LA YANG BRJOD PAR BYA'O ZHES GSUNGS PA YIN NO, ,RANG BZHIN DU NYAMS PAS KYANG MA YIN NO ZHES BYA BA SMYON PA LA SOGS PAS GZHAG PA NYID KYANG GZHAG PA NYID MA YIN NO, ,TSUL KHRIMS MED PA DANG GCIG PA NYID MA YIN PAS KYANG MA YIN NO ZHES BYA BA NI NYAMS PA'AM RNAM PA THAMS CAD DU GANG

228a

, ,LA TSUL KHRIMS MED PA DE NI TSUL KHRIMS MED PA'O, ,CHOS DANG CHOS MA YIN PA'I PHYOGS SU GYUR PA PHAN TSUN BLO GCIG PA NYID MA YIN PA DE GNYIS KYIS GZHAG PA NYID KYANG GZHAG PA NYID MA YIN NO, ,GCIG PA NYID MA YIN PA'I GZHUNG NI DGAG DBYE'I ZHU BA LAS, BTZUN PA RE ZHIG KHAS BLANGS PA DAG GIS KHAS MA BLANGS PA DAG GI DGAG DBYE 'JOG PAR BGYID NA GZHAG PAR BRJOD PAR BGYI'AM, NYE BA 'KHOR GZHAG PAR BRJOD PAR MI BYA'O, ,BTZUN BA RE ZHIG KHAS MA BLANGS PA DAG GIS KHAS BLANGS PA DAG GI DGAG DBYE 'JOG PAR BGYID NA GZHAG PAR BRJOD PAR BGYI 'AM, NYE BA 'KHOR GZHAG PAR BRJOD PAR MI BYA'O ZHES GSUNGS PA YIN NO, ,DE GNYIS KYIS YANG MA YIN NO ZHES BYA BA NI RANG BZHIN NYAMS PA SMYON PA LA SOGS PA ZHES BYA BA DE DANG TSUL KHRIMS MED PA DANG GCIG PA NYID MA YIN PAS GZHAG PA NYID KYANG GZHAG PA NYID MA YIN NO, ,YANG CI'I PHYIR GSO SBYONG GZHAG PA'I GZHI 'DI'I MING YONGS SU SBYANG BA'I GZHI ZHES GZHAN DU BYAS SHE NA, GZHI 'DIS GDANGS NGAG GZHAG PA DANG PHUR LA SOGS PAS LAS KYIS SPYAD BAR BYA BA THAMS CAD PA SDUS PA YIN GYI, GSO SBYONG GZHAG PA 'BA' ZHIG TU MA ZAD PAS ZHES BYA BA 'DI SGRUB PAS DE SHES PAR BYA'O, ,RNAM PA THAMS CAD DU MING DU MING DU GZHAN DU BYAS PA NI BZHI PO LA YANG YONGS SU SBYANG BA'I GZHI ZHES BYA BA DE BAR GTOGS PA'I DON DU'O, , YONGS SU SBYANG BA'I GZHI ZHU BA'I SKABS SO, ,YONGS SU SBYANG BA'I GZHI RDZOGS SO,, ,,DGE 'DUN THA DAD PA NYID DU NUS PA LA MI 'DOD PAR GLENG BA DANG, GLENG BAR BYED PA NA LOG PAR MI BYA'O, ,'DA' BAR BYA BA GANG NA MI MTHUN PA YOD PA DE DANG LHAN CIG TU 'KHOD PAR MI BYA'O ZHES BYA BA NI GNAS GANG DU 'DA' BAR BYED PA NI 'DA' BAR BYED PA'O, ,'THAB KROL GYI SKABS BCAD PA'I PHYIR 'DI BCA' BA MDZAD DO, ,GZHAN DU NA GO GNYIS SAM GSUM GYI BAR DU BCAD DE'O ZHES BYA BA YANG GNAS GANG NA GANG ZAG MI MTHUN PA YOD PA DE DANG

228b

LHAN CIG TU 'DA' BAR BYED PA LAS GZHAN LA GO GNYIS SAM GSUM GYI BAR DU BCAD DE STAN LA 'KHOD PAR BYA'O, ,'DI NI LUS KYIS PHA ROL GNON PA DANG DE DANG DE REG PA SPANG BA'I PHYIR RO, ,'DA' BAR BYA BA LA YANG LANGS NAS DE LA PHA ROL GNON PA'I PHYIR SBYOR BA ZHES BYA BA DER DE MI GNANG BA'O, ,DES CIG SHOS DANG YANG DE BZHIN NO ZHES BYA BA YANG 'DIR GANG ZHIG GANG LA ZHES BYA BA'I YUL NYID KYIS SMOS PA DES KYANG DE DANG LHAN CIG TU 'KHOD PAR MI BYA BA DANG DE NI DE LTA NYID DU BSDUS PA STE, GNYIS SAM GSUM GYIS BCAD DE 'KHOD PAR BYA'O, , 'DI NI LUS KYI LAS DE MI MTHUN PA DES KYANG 'GROGS BSHES NYID MA YIN PA DE LTA NA YANG LTUNG BA SPANG BA'I PHYIR, DE GNYIS KYI GTZUG LAG KHANG BAR DU CHOD PA SBYIN PAR BYA BA NYID DANG MNOD PA BYA BA NYID DO ZHES BYA BA NI MI MTHUN PA DANG, CIG SHOS DE GNYIS KYI GTZUG LAG KHANG ZHES BYA BA GNAS PA'I GZHI G-YOGS PA'AM, MA G-YOGS PA BSGRUB PAR BYA BA'I DON DU GNAS KHANG GIS BAR DU CHOD PA GNAS KHANG BSKO BAS KYANG SBYIN BAR BYA BA NYID YIN LA RANG GIS KYANG MNOD PAR BYA BA NYID YIN NO, ,'DIR SBYIN PA PO DANG MNOD PA PHOS KYANG GZHAN DU BYED NA NYES BYAS SU 'GYUR TE, DE LTA BAS NA LTUNG BA DANG LDAN PAR RIG PAR BYA'O, ,DGE 'DUN THAMS CAD KYIS GROS BYAS SAM LAS SU STZAL TE DER GNAS KHANG SBYIN PAR BYED NA YANG THAMS CAD NYES BYAS SU RIG PAR BYA'O, ,'DIR GNAS KYI GZHI G-YOGS PA NI GTZUG LAG KHANG NGO, ,CHOS DANG 'DUL BA LA GAL TE DE DANG LDAN PAR SHES NAS CHOS MA YIN PA LA MNGON PAR ZHEN PA LA DGE 'DUN MTHUN PA MED DO ZHES BYA BA LA CHOS DANG ZHES BYA BA NI DNGOS POR GTOGS PA DANG SPYOD PAR GTOGS PA'I CHO GA'O, ,'DUL BA ZHES BYA BA NI BYA BA DANG BYA BA MA YIN PA DAG LA BYAS PA DANG MA BYAS PA NYID DO, ,DE DANG LDAN PAR ZHES BYA BA NI DE LTAR CHOS DANG 'DUL BA'I RNAM PA LA MI MTHUN PA NYID DANG LDAN PA'O, ,GAL TE SHES NAS CHOS MA YIN PA LA ZHES BYA BA NI, CHOS MA YIN PA LA MNGON PAR BYED PA DE LA DGE 'DUN

229a

, ,MTHUN PA MED DO, ,GANG GI PHYIR CHOS DANG 'DUL BA'I PHYIR DGE 'DUN MI MTHUN PA YIN GYI, DON GZHAN GYI PHYIR NI MA YIN PAS DE'I PHYIR MI MTHUN PA LA NI DGE 'DUN MI MTHUN PA BYED PAR MI RIGS SO, ,DE'I PHYIR DE LAS GZHAN PA DAG DANG TSOGS TE LAS BYAS NA YANG MI 'CHAGS LA PHAN TSUN MI MTHUN PA NYID DU YANG MI 'GYUR RO ZHES BYA BA NI GANG GI PHYIR DGE 'DUN MTHUN PA MED PA DE'I PHYIR CHOS MA YIN PA LA MNGON PAR ZHEN PA DE DAG DANG DE LAS GZHAN PA CHOS KYI PHYOGS DANG MTHUN PA GZHAN DAG LA YANG BSDUS TE BYAS PA LA LAS BYAS NA YANG MI 'CHAGS PA DANG PHAN TSUN MI MTHUN PA'I DNGOS POR MI 'GYUR RO, ,DE DAG DE'I MI MTHUN PA'I PHYOGS DANG 'THAB PAR GYUR PA NYID NA CHOS 'DI PA DAG GIS PHYAG MI BYA BA NYID YIN NO ZHES BYA BA LA DE DAG CES BYA BA NI CHOS MA YIN PA LA MNGON PAR ZHEN PA DE RNAMS LA DE'I MI MTHUN PA'I PHYOGS CHOS DANG MTHUN PA'I PHYOGS SU GTOGS PA DANG LHAN CIG 'THAB PAR 'GYUR BA NYID NA DE DAG LA CHOS 'DI PA DGE SLONG DANG DGE SLONG MA DANG DGE TSUL DANG DGE TSUL MA DANG DGE SLOB MA DANG DGE BSNYEN DANG DGE BSNYEN MA RNAMS KYIS PHYAG MI BYA BA NYID YIN NO, ,MNGON DU LDANG BA DANG STAN LA BOD PA DANG, GTAM 'DRE BA DANG, PHEBS PAR SMRA BA DANG, KUN DGA' BAR 'GYUR BA DANG RNAM PAR LTA BA DANG CUNG ZAD LTA BA DAG KYANG MI BYA'O, ,LAG PA'I THA SNYAD KYIS GNAS MAL NGAN PA RJES SU SBYIN NO, ,KHA CIG LAS NI TSIG GIS THOS PA DANG BCAS PAR GZHAN LA'O ZHES BYA BA NI GZHUNG KHA CIG LAS NI CHOS MA YIN PA LA MNGON PAR ZHEN PA DE DAG 'ONGS NA TSIG GIS CI NAS KYANG DE DAG GIS THOS PA DANG BCAS PAR GANG ZAG GZHAN LA BRTEN TE DE DAG 'DI TZAM THOB PO ZHES BYA BA'I TSIG GIS GNAS MAL NGAN PA RJES SU SBYIN PAR BYA'O ZHES 'BYUNG NGO, ,GTZUG LAG KHANG MJUG TU'O ZHES BYA BA NI SBYIN NO ZHES BYA BAR SBYAR RO, ,KHO BO CAG RGAN NO ZHES ZER NA KHYED CAG KYANG BDAG CAG SH'AKYA'I SRAS KYI DGE SLONG DAG YIN NO SNYAM DU BDAG NYID KHAS 'CHE 'AM, KHYED CAG GANG

229b

DAG GI SPYOD TSUL 'DI LTA BU DANG GTAM 'DI LTA BU 'DI YANG MI THOB PA YIN NA, KHYED KYI STON PA THUGS RJE DANG LDAN PA DES NA 'DI RJES SU GANG NGO ZHES GZHAN LA LAN GDAB PAR BYA'O ZHES BYA BA NI, DE DAG LA DNGOS SU LAN MI GDAB PAR GANG ZAG GZHAN LA BRTEN TE LAN 'DI SKAD GDAB PAR BYA'O ZHES BYA BA'I DON TO, ,SPYOD TSUL 'DI LTA BU ZHES BYA BA NI GANG ZHIG DE RNAMS KYIS SPYAD PA'I SPYOD PA LA SOGS PA DE DAG BRJOD PAR BYA'O, ,GTAM 'DI LTA BU LA ZHES BYA BA NI GANG ZHIG SPYOD TSUL DE LA NYES DMIGS GANG BYUNG BA STE, STON PA GCUD DU GSHEGS PA LA SOGS PA GANG YIN PA DE DAG BRJOD PAR BYA'O, ,DGE SLONG MA LA STAN LAS LDANG BA DIR BAR MI BYA'O ZHES BYA BA NI 'THAB KROL BYED PA RNAMS LA'O, ,DGE BSNYEN GYIS BSOD SNYOMS DBUL BAR BYA'O, ,BZOD PAR BYAS PA DE DAG LA MTHUN PA THOB PA MED PAR MTHUN PA MI 'BYUNG NGO ZHES BYA BA LA DE DAG LA ZHES BYA BA NI CHOS MA YIN PA LA MNGON PAR ZHEN PA DE DAG LA'O, ,BZOD PAR BYAS PA RNAMS LA YANG BZOD PA BYAS SU ZIN KYANG MTHUN PA SBYIN PA THOB PA MED PAR MTHUN PA 'BYUNG BAR MI 'GYUR RO, ,GSO SBYONG MED PAR RANG BZHIN DU GNAS PA NYID MI THOB BO ZHES BYA BA NI MTHUN PA THOB TU ZIN KYANG JI SRID DU DGE 'DUN LAS MTHUN PA'I GSO SBYONG MA GSOL ZHING MTHUN PA'I GSO SBYONG MA THOB KYI BAR DU RANG BZHIN DU GNAS PA NYID MI 'THOB STE, CHOS DANG ZANG ZING GI LONGS SPYOD GNYIS KYI 'OS NYID MA YIN NO ZHES BYA BA'I DON TO, ,MTHUN PA'I GSO SBYONG ZHES BYA BA'I DON DANG MTHUN PA YIN TE, GSO SBYONG ZHES BYA BA'I DON NI GANG ZHIG 'DI LA 'THAB KROL LA MNGON PAR SPYOD PA NYID KYI PHYIR DES PAR SPYOD PA LA MNGON PAR GNAS PA SPANG BAR BYA BA NYID DO, ,THA DAD PA'I DNGOS PO LA YANG THA DAD PA'I BLO LA MNGON PAR ZHEN PAR GNAS PAS RANG BZHIN DU MI GNAS PA NYID DO, ,DE LTA BAS NA MTHUN PA RNYED PA DANG MTHUN PA'I GSO SBYONG DAG MED PAR YANG MI BYA BA NYID LA, RANG BZHIN DU GNAS PA DAG DANG DE MI 'GRUB PAS DE'I PHYIR DE BRTEN PA'O, ,DE BYIN NAS BYA'O ZHES BYA BA LA DE ZHES BYA

230a

, ,BYA NI GSO SBYONG STE, DE BZHIN MI BYA BAR 'ON KYANG BYIN NAS BZOD PAR BYA'O, ,DE NI LAS KYIS SO ZHES BYA BA NI GANG ZHIG GSO SBYONG BYIN PA DE NI LAS KYIS TE, DE THAMS CAD NYID KYIS NI MA YIN ZHES BYA BA'I DON TO, ,SNGA MA YANG NGO ZHES BYA BA NI MTHUN BA SBYIN PA ZHES BYA BA BSTAN PA DE YANG LAS KYIS TE DE BZHIN DU MTHUN PA SBYIN PA DANG MTHUN PA'I GSO SBYONG SBYIN PA DE DAG LA LAS KYIS SBYIN PA DANG, GSOL BA'I LAS KYIS SBYIN PA DANG RNAM PAR GZHAG PA LAS GSOL BA'I LAS SNGON DU 'GRO BA NYID DU SHES PAR BYA'O, ,MTHUN PA DANG BKRA SHIS DANG GNOD PA BYUNG BA'I DON DU GSO SBYONG BYAR RUNG NGO ZHES BYA BA NI GZHAN 'DI RNAMS TSUL KHRIMS RNAMS PAR DAG PA SBYIN PA'I RGYUD KYIS GSO SBYONG ZHES BYA BA 'DI LAS SU RUNG NGO ZHES BYA BA SMOS PAS SO, ,BYA BA RNAMS KYI MTHUN PA SGRUB PA'I PHYIR MTHUN PA'I GSO SBYONG BYAR RUNG BA YIN TE, BKRA SHIS KYI DON DANG CHOS DANG 'DUL BA'I SKABS SMA DGE 'DUN BDE BA'I SKABS SU CUNG ZAD BKRA MI SHIS PA NYE BAR ZHI BA MTHONG NAS GSOL BA BSGRUB PA'I DON DU 'DI BYED PA'O, ,GNOD PA YANG DAG PAR BSDUM PAR BYA BA 'AM DOGS PAR GYUR PA LA DE DAG NYE BAR ZHI BAR BYA BA'I DON DU GRONG KHYER YANGS PA CAN DU GANG DAG SDUD PAR BYED PA NA, GSO SBYONG BYAS PA GANG YIN PA DE NI MI RUNG BA'I GZHI BCU BYUNG BA DE DAG NYE BAR ZHI BAR BYA BA'I PHYIR TE, CHOS DANG 'DUL BA KUN NAS 'KHRUG PA MTHONG BAS ZHES BYA BAR RIG PAR BYA'O, ,BKRA MI SHES PA NYE BAR ZHI BAR BYA BA'I DON DU 'DI BYED PA RIGS PA YIN TE, NYE BAR 'TSE BA MA ZHI BA LA NI MA YIN NO, ,DE LTAR YANG GRONG KHYER YANGS PA CAN DU BYAS PA'O, ,'DI LA DUS NI DE KHO NA'I RGYU NYID DU'O ZHES BYA BA NI GSO SBYONG BYED PA 'DI LA DE DAG TSES BCU BZHI PA 'AM BCO LNGA'I DUS MA YIN MOD KYI, 'ON KYANG MTHUN PA LA SOGS PA DE DAG GI DUS YIN PA'I DUS DE KHO NA'I RGYU NYID DU BYA BA YIN NO, ,'DIR GZHUNG NI NYE BA 'KHOR GSO SBYONG LNGA PO 'DI DAG YIN TE BCU BZHI PA DANG, BCO LNGA PA DANG, BKRA SHIS KYI GSO SBYONG DANG, GNOD PA BYUNG BA'I GSO

230b

SBYONG DANG, MTHUN PA'I GSO SBYONG NGO, ,DGE SLONG GIS GSO SBYONG MA YIN PAR GSO SBYONG MI BYA'O, ,BYED NA 'GAL TSABS CAN DU 'GYUR RO, ,BKRA SHIS KYI GSO SBYONG BYA BA DANG GNOD PA BYUNG BA'I GSO SBYONG DANG MTHUN PA'I GSO SBYONG NI MA GTOGS SO ZHES GSUNGS PA YIN NO, , LAS BYED PA'I GZHI'O,, ,,CHOS MA YIN PA SMRA BA DAG GIS DBYE BA'I SEMS KYIS MTSAMS KYI NANG DU LAS THA DAD PA BYAS NA BYE BA YIN NO ZHES BYA BA NI NANG DU BCAS PA 'DI RNAMS BDAG CAG LA NI CI DGOS, 'DI RNAMS KHO BO CAG LAS THA DAD PAR GYUR CIG SNYAM DU DBYE BA'I SEMS KYIS CHOS SMRA BA RNAMS KYI MTSAMS KYI NANG DU CHOS MA YIN PA SMRA BA DAG LAS THA DAD PA'I LAS BYAS PA LAS DE BYE BA NI LAS BYE BA ZHES BYA BA'I DON NO, ,'DIR GZHUNG NI SIL BU DAG GIS KOO SH'AMBA'I PA'I DGE 'DUN PHYE BAR 'GYUR, CHOS MA YIN PA DAG GIS MTSAMS KYI NANG DU GSO SBYONG MA 'DRES PAR BYAS PAS SO ZHES GSUNGS PA YIN NO, ,YANG NA CHOS SMRA BA RNAMS KYIS CHOS MA YIN PA SMRA BA'I PHYOGS DAG LA THA DAD PAR BYAS PA NI MTSAMS KYI NANG DU LAS BYED PA MA YIN NO, ,CHOS LAS MI G-YO BA DE RNAMS KYIS DE BYAS PAS GNAS NAS DBYUNG BA RNAM PA DES CHOS MA YIN PA SMRA BA RNAMS LA ZHES BYA BA'O, ,'DI LA SO SO RANG GI LAS NI 'CHAGS SO ZHES BYA BA NI LAS BYED PA'I BDAG NYID KYI DGE 'DUN BYE BA 'DI LA PHYOGS SO SO'I LAS THA DAD PAR BYAS PA NI THA DAD PAR 'CHAGS PA'O, ,RANG GI PHYOGS DANG MTHUN PA MA YIN PA LA NI MI 'CHAGS SO ZHES BYA BA NI RANG GI PHYOGS DANG MTHUN PA MA YIN PA'I GANG ZAG LA NI LAS MI 'CHAGS SO, ,'DIR GZHUNG NI DGE SLONG BYE BAR RNAM PAR GNAS NAS PHAN TSUN GYI PHYOGS NAS 'BYIN BAR BGYID NA, GNAS NAS PHYUNG BAR BRJOD PAR BGYI 'AM, BKA' STZAL PA, GNAS NAS MA PHYUNG BA BRJOD PAR BGYI'O ZHES GSUNGS PA YIN NO, ,DGE 'DUN GYI NI CHOS SMRA BAR BYAS PA NYID NA BYAS PA NYID YIN NO ZHES BYA BA NI DGE 'DUN GYI MTSAMS BCAD PA LA SOGS PA'I LAS GANG YIN PA DE NI CHOS SMRA BA DAG

231a

, ,GIS BYAS PA NYID NA BYAS PA NYID YIN GYI CHOS MA YIN PA SMRA BA DAG GIS BYAS PA NYID NA NI BYAS PA NYID MA YIN NO, ,'DIR GZHUNG NI DGE 'DUN BYE NA GCIG GAM CIG SHOS KYIS MTSAMS DGROL BAR BGYID NA MTSAMS DGROL BAR BYED PAR BRJOD PAR BGYI 'AM, GAL TE CHOS SMRA BAS DGROL BAR BYED NA DGROL BAR BRJOD PAR BYA'O ZHES GSUNGS PA YIN NO, ,'DI LA GAL TE GZU BO DAG YOD NA DGE SLONG MA RNAMS LA BSTAN PAR BYA BA NYID YIN NO ZHES BYA BA NI DGE 'DUN DBYE BA 'DI LA GAL TE GZU BO DAG YOD NA DE DAG GIS DGE SLONG MA RNAMS LA BSTAN PAR BYA BA DAG YIN NO, ,GAL TE DE DAG MED NA CHOS SMRA BA DAG NYID KYIS SO, ,'DIR GZHUNG NI ZHU BA LAS BTZUN PA RE ZHIG KOO SH'AMB'I BA'I DGE SLONG PHYOGS GNYIS SU 'DUS SHING MCHIS PAR GYUR NA, DE GNYIS GANG GIS DGE SLONG MA RNAMS LA BSTAN PAR BGYI, NYE BA 'KHOR GZU BO DAG GIS MTSAMS KYI PHYI ROL DU SONG STE BSTAN PAR BYA'O ZHES GSUNGS PA DANG BRAM ZE'I BU MOS ZHUS PA LAS KYANG GAL TE GZU BO DAG MED NA CHOS SMRA BA DAG KHO NAS SO ZHES GSUNGS PA YIN NO, ,DE DAG GIS NI CHOS KYI PHYOGS DANG MTHUN PA DAG GIS MI MTHUN PA NYID DO ZHES BYA BA NI GZU BO DE DAG GI LAS NI CHOS KYI PHYOGS DANG MTHUN PA DAG GIS MI MTHUN PAR 'GYUR BA STE, DE DAG NI DGE 'DUN GYI KHONGS SU GTOGS PA'I PHYIR DANG DGE 'DUN LAS THA MI DAD PA'I PHYIR RO, ,CHOS MA YIN PA'I PHYOGS DANG MTHUN PA DAG GIS NI MA YIN NO, ,GZU BO 'AM DGE SLONG DAG GIS LAS LA CHOS SMRA BA DAG DANG MI MTHUN PA SPANG BAR BYA ZHING DE DAG LHAN CIG TU GNAS NA YANG 'CHAGS SO, ,CHOS MA YIN PA SMRA BA DAG KYANG NI MA YIN NO, ,DE LTA BAS NA DE LA 'DI BSTAN PA'O, ,RJES SU ZHUGS NA DE NYID NYAMS SO ZHES BYA BA NI GZU BO RNAMS GANG YANG RUNG BA'I PHYOGS KYI RJES SU ZHUGS NA GZU BO NYID NYAMS SO, ,GANG GI PHYIR DBUS NA GNAS PA NYID NI ZHAL CE BA NYID YIN NO, ,PHYOGS DE GNYIS LAS PHYOGS GANG YANG RUNG BA

231b

CIG SHOS SU YANG MA LTUNG LA CIG SHOS SU YANG MA LTUNG BA NYID KYIS SKABS LA GNAS PA NI GZU BO ZHES BYA BAR BSTAN PA'O, ,DE LTAR YANG 'DIR GZHUNG NI ZHU BA LAS, YANGS PA CAN GYI DGE SLONG GI GZHI BCU BYUNG BA NA, DGE SLONG GNAS BRTAN GANG DAG PHYOGS CIG SHOS SU YANG MA GTOGS LA PHYOGS GNYIS PAR YANG MA GTOGS PA DE DAG CI LAGS PAR BRJOD PAR BGYI, SKAM LA GNAS PA GZU BO YIN PAR BRJOD PAR BYA'O ZHES GSUNGS PA YIN NO, ,'DIR PHYOGS 'GA' ZHIG SGRUB PA LA GZU BO DANG, DBUS NA GNAS PA DANG ZHAL CE BA MIN BAR RIG PAR BYA'O, ,DE NI MI BYA'O ZHES BYA BA NI GZU BO NYID NYAMS PA NYID MI BYA'O, ,'DIR GZHUNG NI DGE 'DUN BYE BAR RNAM PAR GNAS PA NA GZU BO RNAMS KYIS JI LTAR BSGRUB PAR BGYI, PHYOGS CIG SHOS SU YANG RANG 'GRO BAR MI BYA'O,, MNGAG PA GTANG BAR MI BYA ZHING, PHYOGS GNYIS PAR YANG RANG 'GRO BAR MI BYA LA MNGAG PA GTANG BAR MI BYA BAR LUS KYIS KYANG BSDAM PAR BYA, NGAG GIS KYANG BSDAM PAR BYA ZHING MTSAMS KYI PHYI ROL DU SONG STE GSO SBYONG BYA'O ZHES GSUNGS PA YIN NO, ,DGE SLONG MA'I DGE 'DUN PHYOGS DANG GZHAN GYI PHYOGS SU RNAM PAR GNAS PA LA GDAMS PAR BYA BA NYID YIN NO ZHES BYA BA LA, 'DIR GZHUNG NI DGE SLONG MA'I DGE 'DUN PHYOGS DANG PHYOGS LA RNAM PAR GNAS PA LA DGUNG ZLA PHYED PHYED CING GDAMS NGAG DANG RJES SU BSTAN PA STZAL BAR BGYI 'AM BKA' STZAL PA, DGE SLONG MA'I DGE 'DUN BYE BAR MI 'GYUR BA'I PHYIR SBYIN PAR BYA'O ZHES GSUNGS PA YIN NO, ,BYE BA LA NI DE LTA MA YIN NO ZHES BYA BA NI DGE SLONG MA'I DGE 'DUN LAS DANG 'KHOR LO BYE BAS PHYOGS DANG GZHAN GYI PHYOGS SU RNAM PAR GNAS PA LA NI SNGA MA LTAR GDAMS PAR MI BYA BA NYID YIN NO, ,'KHOR GYI BYE BAS GNAS THA DAD PA RNAMS YANG NGO, ,MTSAMS GZHAN DU GTOGS PA NYID KYIS THA DAD PA NYID RNYED PA NYID KYIS BYE BRAG TU BSKUL BAR BYA BA MA YIN PA NYID DO, ,GSOL BA NA MTHUN PAR

232a

, ,BYE BA NYID LA NGES PAR SBYAR BAR BYA BA NYID YIN NO ZHES BYA BA LA DGE SLONG MA BYE BA PHYOGS GZHAN DANG GZHAN GYI PHYOGS SU RNAM PAR GNAS PA DAG GDAMS NGAG GSOL BA NI SRID MO DAG RJES SU MTHUN PAR GYIS SHIG CES MTHUN PA NYID LA NGES PAR SBYAR BAR BYA'O, ,DBYAR GYI RNYED PA NI CHOS SMRA BA DBANG BA NYID DO ZHES BYA BA NI DGE 'DUN BYED BA NA DBYAR GNAS PA'I RGYU LAS BYUNG BA'I RNYED PA NI CHOS SMRA BA DAG DBANG BA YIN GYI CHOS MA YIN PA SMRA BA DAG MI DBANG NGO, ,GNYIS KA 'DUS PA LA BYE BRAG TU MA BYAS PAR BGO BSHA' BYA BA DGE 'DUN LA PHUL BA YANG NGO ZHES BYA BA NI CHOS DANG CHOS MA YIN PA SMRA BA'I PHYOGS GNYIS KA 'DUS PA LA BYE BRAG TU MA BYAS PAR DGE 'DUN TZAM LA PHUL BA'I BGO BSHA' BYA BAR 'OS PA GANG ZHIG BDAG GIS MA YIN ZHING, CHOS GOS LA SOGS PA'I DNGOS PO PHUL BA DE GNYIS KA MA YIN PA DANG, CHOS MA YIN PAR SMRA BA DAG KYANG MI DBANG NGO ZHES BGO BSHA' BYAS NAS DE LA CHOS SMRA BA RNAMS DBANG BA NYID DO, ,CHOS MA YIN PA SMRA BA DAG NI MI DBANG NGO, ,CI THAMS CAD LA DE LTAR RNAM PAR GZHAG CE NA, DE'I PHYIR DE LA GAL TE DGE 'DUN KYI TSAD NYID YIN NA DE DAG GO ZHES BYA BA SMOS TE, GAL TE CHOS SMRA BA DAG BZHI YAN CHAD YIN NA DE'I TSE RNYED PA DE DAG DBANG BA RNAM PAR GZHAG GO ZHES BYA BA'I DON TO, ,DE DAG NYUNG BA NYID YIN NA JI LTAR BSGRUB PAR BYA ZHE NA DE'I PHYIR GAL TE NYUNG BA NYID YIN LA CIG SHOS KYIS NI DE NYID YIN NA GANG GIS PHANG BAR PHUL BA'I 'O ZHES BYA BA SMOS TE, GAL TE DE NA CHOS SMRA BA DAG NI DGE 'DUN GYI TSAD LA NYUNG BA NYID YIN LA CHOS MA YIN PA SMRA BA CIG SHOS NA DGE 'DUN GYI TSAD DE YIN NA NI PHYOGS DE GNYIS KYI GANG ZAG GI PHANG BAR RNYED PA DE PHUL BA'I PHYOGS DE RNYED PA DE DBANG NGO, ,PHANG PA ZHES SMOS PA NI LAG PA DANG RKANG PA'I DRUNG DAG KYANG DPE YIN NO, ,GANG DU BZHAG PA'I GANG ZAG DE LA GZHAG PA NYID CES BYA BA YIN TE, DE LA RNAM PAR GZHAG PA NYID DO, ,GANG ZHIG 'DIR CHOS SMRA BA RNAMS NYUNG LA CIG

232b

SHOS TSAD PA NYID LA DGE SLONG GNYIS KA LA GCIG LA GCIG GI PHYOGS DANG GZHAN LA GZHAN GYI PHYOGS PA'I PHANG LA SOGS PA'I PHUL BA DE LA JI LTAR BSGRUB PAR BYA ZHE NA, DE'I PHYIR GAL TE GNYIS KA'I NA GNYIS KA'I 'O ZHES BYA BA SMOS TE, GAL TE PHYOGS GNYIS KA'I DGE SLONG DAG GI PHYOGS GCIG DANG 'BREL PA CAN GCIG DANG, PHYOGS GZHAN DANG 'BREL PA CAN GZHAN GYI PHANG BA LA SOGS PAR PHUL NA PHYOGS GNYIS KA DBANG BA NYID DO ZHES BYA BA'I DON TO, ,DE LA PHYOGS GNYIS KAS DBANG BA NYID LA NI CI PHYOGS BRGYA LA GANG ZAG GI LA BGO BAR BYA BA 'AM ZHE NA DE'I PHYIR, DE LA GANG ZAG LAS CHA NYID YIN GYI DGE 'DUN LAS MA YIN NO ZHES BYA BA SMOS TE, GANG ZAG JI SNYED YOD PA DE SNYED KYI CHA NYID DU BYA'O ZHES BYA BA'I DON TO, ,LAS BYE BA'I GZHI ZHU BA DANG BRAM ZE'I BU MO'I SKABS SO, ,LAS BYE BA'I GZHI RDZOGS SO,, ,,'KHOR LO BYE BA'I BDAG NYID DGE 'DUN GYI DBYEN LA JI LTAR BSGRUB PAR BYA ZHE NA, DE'I PHYIR, DGE 'DUN GYI DBYEN NI CHOS LAS THA DAD PAR DNGOS POR GSOL BAS SAM, DON DES TSUL SHING LEN DU 'JUG PAS SO ZHES BYA BA SMOS TE, 'DIR CHOS ZHES BYA BA NI THAR PA'I LAM YANG DAG PAR GYUR PA STE, DGE 'DUN GYI DBYEN NI CHOS LAS THA DAD PA'I DNGOS POR ZHES PA 'AM GSOL BA'I BDAG NYID KYI LAS KYIS SO, ,DON DES TSUL SHING LEN DU 'JUG PAS DBYEN BYED PA'O, ,DE LAS THA DAD PA'I DNGOS POS GANG DAG LA DE 'DOD PA'I TSUL SHING LONG SHIG CES BYA BA'I DON 'DIS LEN DU 'JUG PA'O, ,DBYE BAR BYA BA DAG DGE 'DUN GYI TSAD NYID MA YIN PA DANG MTSAMS KYI NANG NA GZHAN DGE 'DUN TSAD DAG KYANG MED PA NYID YIN NO, ,DE MI 'CHAGS SO ZHES BYA BA NI 'DIR DGE 'DUN GYI TSAD NI BZHI LA SOGS PA YAN CHAD DO, ,DBYE BAR BYA BA'I DGE 'DUN GYI TSAD DAG KYANG MED PA NYID YIN NA DGE 'DUN GYI DBYEN DE MI 'CHAGS SO, ,DBYE BAR BYED PA PO LAS DBYE BAR BYA BA NYID NI MA YIN NO, ,DE LTA BAS NA LHAN CIG TU 'DI RNAMS LA DGE 'DUN GYI TSAD NYID RTEN PAR

233a

, ,SHES PAR BYA'O, ,PHYOGS GZHAN DU GYUR PA'I DGE 'DUN GYI TSAD GZHAN RNAMS LA MTSAMS KYI NANG DU DGE 'DUN RNAMS MED PA NYID LA DGE 'DUN GYI DBYEN MI 'CHAGS PA'O, ,CI 'BYED PA THAMS CAD LA MTSAMS MED PAR 'GYUR RAM ZHE NA, DE'I PHYIR CHAS DANG CHOS MA YIN PA GNYIS KA DE BZHIN NYID DU SHES NA MTSAMS MED PA'O ZHES BYA BA SMOS TE, CHOS KYANG CHOS NYID DU SHES LA CHOS MA YIN PA YANG CHOS MA YIN PA NYID DU 'DU SHES BZHIN DU DGE 'DUN 'BYED PAR BYED NA DE LA MTSAMS MED PA'I KHA NA MA THO BAR 'GYUR GYI CHOS LA CHOS MA YIN PAR 'DU SHES PA DANG, CHOS MA YIN PA LA CHOS SU 'DU SHES PA LA NI MA YIN TE, DE LA BSAM PAS LOG PAR SGRUB PA MED PA'I PHYIR RO, ,DBYE BA LA CHOS SU 'DU SHES PAS KYANG NGO ZHES BYA BA YANG MTSAMS MED PA NYID DU 'GYUR RO ZHES BYA BAR SBYAR TE, PHUNG PO'I LHAG MA MED PA CHUNG ZA BA DE LAS BZLOG CING DBYEN BYED PAS 'GRO BA RNAMS THAR PA LAS BZLOG PA GANG YIN PA DE NI 'DOD PA'I KHAMS KYI DBANG PHYUG LA PHAN PA CHEN PO YIN ZHES BYA BA LA SOGS PA'I RNAM PAR 'BYED PA LA CHOS SU 'DU SHES PAS, DGE 'DUN GYI DBYEN BYED NA DES NI CHOS DANG CHOS MA YIN PA DAG DE BZHIN DU SHES PA YIN PAS MTSAMS MED PAR 'GYUR RO ZHES BYA BA'I DON TO, ,YID GNYIS NI 'DU SHES PA DANG 'DRA BAR DE'I PHYIR 'DI LA YID GNYIS ZA BA NA YANG DE MTSAMS MED PAR 'GYUR BAR RIG PAR BYA'O; ,'KHOR LO BYE BA'I GZHI'O,, ,,RTZOD PA NI RNAM PA BZHI STE, 'GYED PA'I RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA DANG, BYA BA'I PHYIR RTZOD PA STE, RTZOD PA BZHI PO GANG DAG YIN PA DE DAG GI RANG GI NGO BO NGES PAR GZUNG BA'I PHYIR 'KHRUG LONG GI RGYU BZHI'O ZHES BYA BA SMOS TE, TSIG GI PHYIR SEMS GZHOL BA GANG YIN PA DE NI 'DIR 'KHRUG LONG ZHES BYA'I KHRO BA NI MA YIN NO, ,'DIR TSIG CES BYA BA NI DGRA BOS MI MTHUN PAR SMRA BA YIN PAR DGONGS KYI TSIG TZAM NI MA YIN TE, DE'I PHYIR DE LA

233b

'KHRUG LONG NYID DU NYE BAR GDAGS SO, ,GTZUG LAG LAS DE LA BRTEN TE 'THAB PA DANG MTSANG 'DRU BA DANG RTZOD PA DANG 'GYED PA GANG YIN PA DE 'GYED PA'I PHYIR RTZOD PA ZHES GSUNGS TE, 'KHRUG LONG NI 'DI'I 'KHOR DU GYUR PA YIN PA'I PHYIR RO, ,YANG DAG PAR 'KHRUG LONG NYID RTZOD PA YIN TE, 'DI LTAR RTZOD PA'I GZHI YIN PAS GZHIR GYUR PA'I DNGOS POR NI 'GYED PA'I PHYIR RTZOD PA YIN PAR RIGS PA YIN NO, ,DNGOS PO'I DE BZHIN NYID LA LOG PAR SGRUB PA DANG, SPONG BA DANG LTUNG BA DANG BCAS PA NYID DANG LAS LA MTHUN PA MI SBYIN PA'O ZHES BYA BA NI CHOS YIN NO ZHE 'AM CHOS MA YIN NO ZHES BYA BA LA SOGS PA DE LTAR DNGOS PO RNAMS KYI DE BZHIN NYID KYI NGO BO LAS LOG PAR BSGRUB PA DE NI 'KHRUL LONG GI RGYU DANG PO YIN NO, ,'DI LTAR DNGOS PO'I RNAM PA LA SPYOD PA LAS KYANG 'GYED PA 'BYUNG BA'I PHYIR TE, CI'I PHYIR KHYOD KYIS BLANGS SHE 'AM BYIN ZHE 'AM LAS SU BSKOS PA NI MA BYAS ZHES 'GYED PA YIN PA DE YANG DNGOS PO'I DE BZHIN NYID YIN NAM MA YIN TE 'DI NI BYA BA'O ZHE 'AM BYA BA MA YIN NO ZHES ZHUGS PA'I PHYIR RO ZHE NA, 'DI LTA STE, DE LTA BU'I RIGS CAN 'DIR MA BSDUS PAS SHES PAR MI BYA'O, ,SPONG BA ZHES BYA BA NI GDAMS NGAG LA SOGS PA 'JOG PAR 'GYUR BAS GZHAN SPONG BA STE DE NI 'KHRUG LONG GI RGYU GNYIS PA YIN NO, ,RGYU DE LAS MI GDAMS PA'I PHYIR RTZOD PA 'DI BRJOD PA'O, ,LTUNG BA DANG BCAS PA NYID CES BYA BA NI 'KHRUG LONG GI RGYU GSUM PA YIN TE DE LAS LTUNG BA'I PHYIR RTZOD PA 'BYUNG NGO, ,LAS LA MTHUN PA MI SBYIN PA ZHES BYA BA NI GSOL BA LA SOGS PA'I LAS LA MTHUN PA MI SBYIN PA STE DE NI 'KHRUG LONG GI RGYU BZHI PA YIN TE, DE BAS NA BYA BA'I PHYIR RTZOD PA ZHES BYA BA'I TSIG 'DI 'BYUNG NGO, ,RGYU DANG PO LAS BYUNG BA NI RGYU DAG CIG TU BYA BAS NYE BAR ZHI BA'O ZHES BYA BA NI, DANG PO ZHES BYA BA DNGOS PO'I DE BZHIN NYID LA LOG PAR SGRUB PA ZHES BYA BA DE'I RGYU 'KHRUG LONG GANG LA DE NI RGYUD GCIG TU BYAS PAS NYE BAR ZHI BAR 'GYUR TE MNGON SUM GYIS 'DUL BAR 'GYUR ZHES BYA BA YANG DE YIN NO, ,

234a

, ,GANG ZHIG SLAR NGO BO NYID TSOL DU GZHUG PAS GZHAN BLTA BAR BYA'O, ,RGYUD CES BYA BA NI NGES PAR RTOGS PAS TE DNGOS PO GANG LA NGES PAR RTOGS PA GCIG YOD PA'I DNGOS PO DE NI RGYUD GCIG BYA BA STE NGES PA SKYES PAS MTHA' GCIG TU BYA BA DES ZHES BYA BA'I DON TO, ,RGYU GNYIS PA LAS BYUNG BA NI 'DI DANG DAG PA SBYIN PAS SO ZHES BYA BA NI SPONG BA'I RGYU 'KHRUG LONG LA GCIG TU ZHES BYA BA SMOS PA 'DI DANG DAG PA SBYIN PAS NYE BAR ZHI BAR 'GYUR TE, DRAN PAS 'DUL BA DANG, MA MYOS PAS 'DUL BA ZHES BYA BA YANG DE BZHIN NO, , RGYU GSUM PA LAS BYUNG BA NI PHYIR BCOS PA DANG NGES PAR 'DZIN PA LA SBYAR BA NYID SBYIN BAS SO ZHES BYA BA NI LTUNG BA DANG BCAS PA NYID CES BYA BA LAS BYUNG BA'I RGYU 'KHRUG LONG PHYIR BCOS PA ZHES BYA BA BSHAGS PAS NYE BAR ZHI BAR BYA BA DANG, NGES PAR 'DZIN PA LA SBYAR BA NYID SBYIN BAS NGES PAR 'BYUNG BAR GTOGS PA'I NGES PAS SBYAR BA NYID DO, ,DE SBYIN PAS DE'I NGO BO NYID TSOL DU GZHUG PAS ZHES BYA BA'I DON TO, ,THA MA'I NI SBYIN DU GZHUG PAS SO ZHES BYA BAS NI MTHUN PAR MI SBYIN PA ZHES BYA BA'I RGYU LA BYUNG BA'I 'KHRUG LONG SBYIN DU GZHUG PA PHYIR BCOS PA'O; ,MTHUN PA SBYIN BAS MTHUN PA NYID DU GYUR NA BYA BA'I PHYIR RTZOD PA NYE BAR ZHI BA NYID YIN NO ZHES BYA BA'I DON TO, ,'O NA RGYUD GCIG TU BYA BAS NYE BAR ZHI BAR BYA'O ZHES GANG BSTAN PA DE JI LTAR RGYUD GCIG TU BYA ZHE NA, DE'I PHYIR 'GYED PA GNYIS RANG GIS MI NUS NA TSOGS PAR DBYUNG BA DAG GIS LEGS PAR BSGRUB PO ZHES BYA BA SMOS TE, GAL TE 'GYED PAR BYED PA DE GNYIS RANG GIS RTZOD PA DE NYE BAR ZHI BAR BYED MI NUS NA TSOGS PAR DBYUNG BA DAG GIS DON DE LEGS PAR BSGRUB CING MTHA' GCIG TU BYA'O ZHES BYA BA'I DON TO, ,'DIR NYE BAR ZHI BA NI DGOS PA YIN TE, DE BAS NA RANG LA BSGRUB PA LA DE BYA BA NYID DU NI RIGS PA MA YIN NO ZHES BYA BA DE BSTAN TE, 'O NA 'GYED PA MANG PO DAG BYUNG NA CI'I PHYIR 'GYED PA GNYIS ZHES GNYIS KYI TSIG TU BYAS SHE NA, BDEN MOD KYI DE NI PHYOGS GNYIS SU RNAM PAR GNAS PAS DE LA GNYIS NYID DU BYUNG BA

234b

NYID DO, ,TSOGS PAR DBYUNG BA JI LTA BU DAG GIS SO ZHE NA, DE'I PHYIR DGE SLONG DAG GIS SO ZHES BYA BA SMOS SO, ,DGE SLONG JI LTA BU DAG GIS SHE NA, DE'I PHYIR 'GRANG BA DAG GIS SO ZHES BYA BA SMOS SO, ,SU 'GRANG BDAG GIS SHE NA, DE'I PHYIR, DE GNYIS SO ZHES BYA BA SMOS TE 'GYED PA DE GNYIS SO, ,JI SNYED DAG GIS SHE NA, DE'I PHYIR GCIG YAN CHAD KYIS SO ZHES BYA BA SMOS TE, 'DI YAN CHAD KYI SGRA BRI BAR RIG PAR BYA STE GCIG YAN CHAD DU RUNG BAR ZHES BYA BA'I DON TO, ,YANG DGE SLONG GCIG GAM DU MA JI LTA BU LA DE GNYIS KYIS 'GRANG BAR BYA ZHE NA, DE'I PHYIR GZU BO DAG LA BGRANG BAR BYA'O ZHES BYA BA SMOS TE, PHYOGS GNYIS KA'I DBUS NA GNAS PA GCIG GAM DU MA PHYOGS KYI KHONGS SU MI BSDU ZHING GZU BO YIN PAR RIG PAR BYA'O, ,DE LTAR YANG 'DIR GZHUNG NI SO SOR THAR PA'I SKABS KYI RTZOD PA ZHI BAR BYA BA'I ZHU BA'I GZHUNG KHA CIG LAS, DGE SLONG GZU BO GANG ZHE NA PHYOGS CIG SHOS SU YANG MA SONG LA GNYIS PAR MA SONG BA GANG YIN PA'O ZHES GSUNGS PA YIN NO, ,DE DAG DGE 'DUN GYI GTAN DU BSGO'O ZHES BYA BA NI, GZU BO DE DAG DGE 'DUN GNAS DER GTAN TU DGE 'DUN THAMS CAD KYIS BSKO BA NI RTZOD PA BYUNG BA RNAMS RNAM PAR ZHI BAR BYA BA'I PHYIR YIN GYI, RTZOD PA GCIG GI PHYIR 'PHRAL LA BSKO BA'I PHYIR NI MA YIN ZHES BYA BA'I DON TO, ,'DIR 'THAB MO MI SKYED PAR BSKO BAR BYA BA NYID DO ZHES BYA BA NI GZU BO BSKO BA 'DIR GANG ZHIG 'DI LTA BU BSKO BAR BYA BA NYID YIN NO, ,NGO TSA SHES SHING BSLAB PA 'DOD PA'O ZHES BYA BA NI 'DIR NGO TSA SHES PA ZHES BYA BA BSLAB PA'I GZHI YANG DAG PAR BLANGS PA THAMS CAD LA BAG RKYONG BA ZHUM PAR BYED PA YIN GYI PHAN PAR 'GYUR BA TZAM NYI TSER MA ZAD DO, ,MA MO LAS 'DI SKAD GSUNGS TE, DE DGE SLONG CHOS NYI SHU RTZA GNYIS DANG LDAN PA BTZAL BAR BYA STE, NYI SHU RTZA GNYIS GANG ZHE NA CI TSE DANG LDAN PA DE LA TSUL KHRIMS DANG LDAN ZHING DANG PO NAS PHUN SUM TSOGS PA DANG NGO TSA SHES SHING 'GYOD PA DANG LDAN LA SDOM PA DANG BSLAB PA 'DOD PA DANG,

235a

, ,'DUL BA LA SHIN TU RNAM PAR NGES SHING THOS PA 'DZIN LA THOS PA BSAGS PA DANG, LUNG THON PA DANG, RTZOD PA LA MKHAS PA DANG, RTZOD PA KUN NAS SLONG BA LA MKHAS PA DANG, RTZOD PA'I BYE BRAG LA MKHAS PA DANG, RTZOD PA 'GOG PA LA MKHAS PA DANG, RTZOD PA 'GAGS NAS PHYIS MI 'BYUNG BA LA MKHAS PA DANG, BSTAN BCOS LA MKHAS PA DANG, GZHI LHAG PAR SPYOD PA LA MKHAS SHING NYES RTZOM MED PAR SMRA BA DANG, NYES RTZOM BYED DU MI 'DUG PA DANG, LUS DANG NGAG GIS MI 'JUG PA DANG, SMRA BAR BYED CING SMRA BA BRDA PHRAD PAR BYED PA DANG, GO BAR BYED CING GO BA BRDA PHRAD PAR BYED PA DANG, RNAM PAR RIG PAR BYED CING RNAM PAR RIG PAR BYA BA BRDA PHRAD PAR BYED PA DANG, NGES PAR RTOGS PAR BYED CING NGES PAR BRTAGS PA BRDA PHRAD PAR BYED PA DANG, 'DUN PAS 'GRO BA MA YIN PA DANG, ZHE SDANG GIS 'GRO BA MA YIN PA DANG, GTI MUG GIS 'GRO BA MA YIN PA DANG, 'JIGS PAS 'GRO BA MA YIN PA STE, GZU BO'I CHOS NYID NYI SHU RTZA GNYIS PO DE DAG DANG LDAN PA'I CHOS KYI LONGS SPYOD DAM, ZANG ZING GI LONGS SPYOD KYI PHYOGS GNYIS KA LA MI BRTEN PA YIN NO ZHES GSUNGS PA DE DAG 'DIR BSDUS PAR SHES PAR BYA'O, ,'DUL BA LA SHIN TU RNAM PAR NGES PA'O ZHES BYA BA NI LTUNG BA DANG LTUNG BA MA YIN PA LA MKHAS PA ZHES BA BA'I DON TO, ,RTZOD PA'I 'BYUNG BA SPYOD PA LA MKHAS PA'O ZHES BYA BA NI RTZOD PA LA MKHAS PA DANG, RTZOD PA KUN NAS SLONG BA LA MKHAS PA DANG, RTZOD PA'I BYE BRAG LA MKHAS PA DANG, RTZOD PA 'GOG PA LA MKHAS PA DANG, RTZOD PA 'GAGS NAS PHYIR MI 'BYUNG BA LA MKHAS PA NI 'BYUNG BA SPYOD PA LA MKHAS PA'O, ,SPYOD PA LA MKHAS PA ZHES BYA BA NI 'DI RJES SU SGRUB PA DANG 'DI BYED PAR 'GYUR BA LA MKHAS PA ZHES BYA BA'O, , THOB PA'I GZHI LA SOGS PA GSUM PO RANG GI RNAM PAR NGES PA LA JI SRID DU RNAM PAR ZHEN PA'I ZHES BYA BA 'DI LA RJES SU ZHUGS PAR RIG PAR BYA'O, ,RNAM PAR ZHEN PA'O ZHES BYA BA NI DON RNAM PAR NGES PAS MI 'GYUR TE DES NI BSTAN BCOS LA MKHAS PA BSDUS SO, ,BRTAN

235b

ZHING NYES RTZOM MED PAR 'JUG PA'O ZHES BYA BA LA, BRTAN PA NI BRTEN PA'O, ,LUS DANG NGAG GIS MI 'JUG PA BSDUS SO, ,NYES RTZOM MED PAR 'JUG PA'O ZHES BYA BA NI NYES RTZOM MED PAR SMRA BA DANG NYES RTZOM BYED DU MI 'JUG PA BSDUS SO SNYAM PA'O ZHES BYA BA NI, 'DUN PA DANG ZHE SDANG DANG 'JIGS PAS MI 'GRO BA BSTAN TO, ,BRDA PHRAD PA'O ZHES BYA BA NI GZHAN GYIS BSGO BA BRDA PHRAD PAR BYED PA GANG YIN PA DE NI BRDA PHRAD PAR BYA BA STE DES NI SMRA BA BRDA PHRAD PAR BYED PA DANG ZHES BYA BA NAS NGES PAR RTOGS PAR BYED PA ZHES BYA BA'I TSIG 'OG MA BZHI BSDUS SO, , BRDA SPROD PAR BYED PA'O ZHES BYA BA NI GANG ZHIG PHA ROL PO LA BRDA PHRAD PAR BYED NUS PA DE NI MKHAS PA'O, ,BRDA SPROD PAR BYED NUS PA ZHES BYA BA LA SOGS PA SNGA MA'I TSIG BZHI PO RNAMS BSDU PA'O, ,MKHAS PA ZHES BYA BA NI RMONGS PA MED CING MKHAS PA STE DES NI GTI MUG GIS 'GRO BA MA YIN PA ZHES BYA BA YAN CHAD THAMS CAD BSDUS PAR RIG PAR BYA'O, ,DE DAG GIS NYE BAR MA ZHI NA DGE 'DUN LA DBUL LO ZHES BYA BA NI GZU BO DE DAG GIS RTZOD PA DE NYE BAR MA ZHI NA DGE 'DUN LA DBUL BAR BYA'O, ,DES MA NUS NA GSAL BA DAG BSKO'O ZHES BYA BA NI DGE 'DUN DES RTZOD PA NYE BAR ZHI BAR BYED MA NUS NA DGE SLONG GSAL BA DAG BSKO BAR BYA'O, ,'DI'I BSKRAD PA'I RNAM PA YIN TE, JI LTAR BSKRAD PA SKYE BO CHEN POS SGRUB PAR MI NUS NA DE BZHIN DU 'DIR DON SGRUB PA'O, ,JI TZAM DU GSAL BA DAG BSKO BAR BYA ZHE NA, DE'I PHYIR DGE 'DUN GYI TSAD LAS MI NYUNG BA DAG GO ZHES BYA BA SMOS TE, MTSAMS KYI PHYI ROL DU SONG NAS DGE 'DUN TSANG BA JI SNYED PA DAG BSKO'O ZHES BYA BA'I DON TO, ,SDE TSAN DES MI NUS NA RANG GIS GSAL BA DAG BSKO BA NYID DO ZHES BYA BA NI GZU BO'I SDE TSAN NAM GSAL BA'I SDE TSAN NAM, GSAL PA'I YANG GSAL BA'I SDE TSAN GANG YANG RUNG BAS RTZOD PA DE NYE BAR ZHI BAR MA NUS NA, SDE TSAN DE RANG GIS GSAL BA DAG BSKO BAR RIGS PA NYID YIN TE CHOS DANG LDAN PA DE NI MNYAM PA STE, SDE TSAN DE RNAMS KYIS KYANG RANG GIS GSAL BA DAG BYED PA ZHES BYA BA'I DON TO, ,DGE 'DUN

236a

, ,GYI TSAD LAS MI NYUNG BA DAG GO ZHES SNGAR SMOS PA'I BDAG PO'I DBANG GIS SHES PAR BYA'O, ,'DIR GZHUNG NI KHA CIG LAS GZU BO RNAMS KYIS GSAL BA DAG BSKO BAR GSUNGS TE, GAL TE DGE SLONG GZU BO DAG GIS RTZOD PA DE NYE BAR ZHI BAR BYED MA NUS NA DGE SLONG GZU BO RNAMS KYIS DGE SLONG GSAL BA DAG BSKO BAR BYA'O ZHES GSUNGS PA DANG, KHA CIG LAS DGE 'DUN LAS GSAL BA DAG BSKO BAR GSUNGS TE GAL TE DGE 'DUN GYIS RTZOD PA DE NYE BAR ZHI BAR BYED MA NUS NA DGE 'DUN GYIS DGE SLONG GSAL BA DAG BSKO BAR BYA'O ZHES BYA BA LA SOGS PA GSUNGS PA YIN TE, 'DIR DE GNYIS KA YANG SBYAR BA'I DON GRUB PA ZHES BYA BA DE GNYIS KA YANG KHONGS SU BSDU BAR BYA'O, ,KHA CIG LAS 'DIR GSAL BA DANG GSAL BA'I GSAL BA RNAMS BYED PA 'BYUNG BA YIN NO, ,GZHAN DAG NI GSAL BA DANG GSAL BA'I GSAL BA 'DIR DE GNYIS KA'I DPE TZAM 'DIR ZHES BYA BA DES 'DI RIG PAR BYA'O, ,MI NUS SHING GZHAN MI BYED NA GANG LAS BLANGS PA DE LA DBUL LO ZHES BYA BA NI GANG DU RANG LAS GZHAN GYI TSOGS MI BYED CING DES NYE BAR ZHI BAR MI NUS NA DE'I TSE DANG PO RTZOD PA DE GANG LAS BLANGS PA DE NYID LA PHYIR DBUL BAR BYA BA STE GSAL BA'I YANG GSAL BA DAG GIS NI GSAL BA DAG LA'O, ,GSAL BA DAG GIS NI GZU BO DAG GAM DGE 'DUN DAG LA'O, ,GZU BO DAG GIS NI RGOL BA DANG PHYIR RGOL BA DAG LA'O, ,GNAS BRTAN DAG GIS RTZOD PA SBED PA LA'O, ,DES NI DGE 'DUN LA'O, ,PHYIR 'ONGS NA DGE 'DUN GZHI BOS RTZOD PA SBED PA BSKO'O ZHES BYA BA NI GSAL BA DAG LAS RTZOD PA DE PHYIR 'ONGS NA DGE 'DUN GZHI BOS RTZOD PA SBED PA BSKO BAR BYA STE, DE YANG DGE 'DUN GYIS SPRO BAR BYAS NAS GSOL BA DANG GNYIS KYI LAS KYIS BSKO BAR BYA'O, ,DES NA GNAS BRTAN DANG BCAS SHING SO SOR THAR PA DANG BCAS PA'I DGE 'DUN GZHAN LA DBUL LO ZHES BYA BA NI RTZOD PA SBED PA DE GNAS BRTAN DANG BCAS PA SO SOR THAR PA DANG BCAS PA'I DGE 'DUN LA DBUL BAR BYA'O,,

236b

SNGAR BYUNG BA BRJOD DE DUS ZLA BA GSUM DU DBUL LO ZHES BYA BA NI 'DIR KHA CIG NI ZLA BA DRUG GI BAR DU BRTAN NAS ZHES BYA BA NI 'DIR GZHUNG DU SMOS PA YIN TA MDO SDE 'DZIN PA LA SOGS PA RNAMS LA LO GCIG GI BAR DU BRTEN NAS ZHES GSUNGS PA YIN NO, ,SHIN TU YUN RING POR 'DIR MANG PO RNAMS LA 'DI KUN NAS NYON MONGS PAR RIGS PA MA YIN NO, ,DE BAS NA DE LA MA BRTEN NO, ,DE NI DE'I 'O ZHES BYA BA NI DE NI RTZOD PA SBED PAR BSKOS PA DE'I YIN PA STE, DBUL BA'I BDAG NYID KYI LAS DE NI DBUL BA THAMS CAD BSDUS PA'I PHYIR MDO 'DI BYAS SO, , PHYIR PHUL BA NA DES MDO SDE DANG 'DUL BA DANG MA MO 'DZIN PA DAG LA'O ZHES BYA BA NI GNAS BRTAN DANG BCAS SO SOR THAR PA DANG BCAS PA'I DGE 'DUN GYI RTZOD PA DE NYE BAR ZHI BAR BYED MA NUS TE, DE NYID LA PHUL BA NA MDO SDE LA SOGS PA 'DZIN PA DAG LA DBUL BAR BYA'O, ,ZLA BA DRUG TU'O ZHES BYA BA NI SNGAR BYUNG BA BRJOD DE DUS ZLA BA DRUG TU DBUL LO ZHES BYA BAR SBYAR RO, ,DE DAG GIS GNAS BRTAN MTHU DANG LDAN PA LA'O ZHES BYA BA NI MDO SDE 'DZIN PA DANG 'DUL BA 'DZIN PA DANG MA MO 'DZIN PA DAG GIS RTZOD PA DE NYID PHYIR PHUL BA GANG ZHIG GNAS BRTAN GRAGS PA BAS KYANG CHES GRAGS PA GTZO BO BAS KYANG CHES GTZO BO DE LA DBUL BAR BYA'O, ,THUG PA MED PAR RO ZHES BYA BA NI DUS THUG PA MED PAR DBUL LO ZHES BYA BAR SBYAR TE, 'GRO SA GNAS MED PA'I PHYIR PHUL BA GANG ZHIG GNAS BRTAN GRAGS PA BAS KYANG CHES GRAGS PA GTZO BO BAS KYANG CHES GTZO BO LA DBUL BAR BYA'O, ,THUG PA MED PAR RO ZHES BYA BA NI DUS THUG PA MED PAR DBUL LO ZHES BYA BAR SBYAR TE, 'GRO SA GNAS MED PA'I PHYIR 'DIR DUS DPAG TU MED PA LA BRTEN PAR MDZAD DO, ,GNAS BRTAN DES GDUL BAR BYA BA DE GNYIS LA JI LTAR BSGRUB PAR BYA ZHE NA, DE'I PHYIR DES DE GNYIS LAS BDAG GIR BYA BA THA NA 'DAG RDZAS DANG SO SHING YAN CHAD CUNG ZAD KYANG SPANG BAR BYA'O ZHES BYA BA SMOS TE, 'DIR YAN LAG GI SGRA BRI BAR BYA BA STE THA NA 'DAG RDZAS DANG SO SHING YANG CHAD CES BYA BA'I DON TO, ,LHAN

237a

, ,CIG 'GRO BA DANG 'DUG PA DANG LHAN CIG 'CHAG SAR 'CHAG PA DANG GTAM 'DRE BA DANG PHEBS PAR SMRA BA YANG NGO ZHES BYA BA YANG, DES DE GNYIS LAS LHAN CIG TU SPANG BAR BYA'O ZHES BYA BAR SBYAR RO, ,RJES SU 'BRENG NA DE DAG LA 'DI SKAD CES TSE DANG LDAN PA DAG KHYED CAG LEGS PAR GSUNGS PA'I CHOS 'DUL BA LA RAB TU BYUNG NAS 'THAB PAR GYUR MTSANG 'DRU BAR GYUR, RTZOD PAR GYUR 'GYED PAR GYUR CING GNAS PA NI MA RNYED DE RNYED PA MA YIN NO, ,NYES PA RNYED KYI LEGS PA RNYED PA MA YIN GYI, TSE DANG LDAN PA DAG MA 'THAB CIG MTSANG MA 'DRU SHIG , MA 'GYED CIG 'GYED PA GNYIS KA RGYAL BA MED DO, ,RGYUG PA GNYIS KA RGYAL BA MED DO, ,GCIG RGYAL GCIG 'PHAM DU 'GYUR RO ZHES BRJOD PAR BYA'O ZHES BYA BA NI GAL TE RGOL BA DANG PHYIR RGOL BA'I DGE SLONG DE DAG GNAS BRTAN DE'I RJES SU 'BRANG BA NA DES DE DAG LA DE SKAD CES BRJOD PAR BYA'O, ,CHES MANG BA'I BLOS LEGS PAR GZHAG PA NI LEGS PA SGRUB PA'I RNAM PA GZHAN YIN NO ZHES BYA BA NI TSOGS PAR BYUNG BA DAG GIS RGYUD GCIG TU BYA'O ZHES BYA BA LA SOGS PA JI SKAD BSTAN PA'I RNAM PA DE DAG LAS 'DI LTA STE, CHES MANG BA'I BLOS LEGS PAR GZHAG PA ZHES BYA BA 'DI NI LEGS PAR SGRUB PA'I RNAM PA GZHAN YIN PAR SHES PAR BYA'O, ,'DI NI CHOS KYI RNAM PAR GTAN LA DBAB PA LA SRID KYI TSUL KHRIMS RNAM PAR GTAN LA DBAB PA MI SRID DO ZHES BYA BA LA, 'DI NI ZHES BYA BA NI CHES MANG BA'I BLOS LEGS PAR GZHAG PA 'DI NI ZHES BYA BAR SBYAR RO, ,CHOS RNAM PAR GTAN LA DBAB PA'I ZHES BYA BA NI CI 'DI CHOS MA YIN NAM 'ON TE YIN 'DUL BA YIN NAM 'ON TE 'DUL BA MA YIN ZHES BYA BA LA SOGS PAS CHOS RNAM PAR GTAN LA DBAB PA LA YIN GYI TSUL KHRIMS RNAM PAR GTAN LA DBAB PA LA NI MA YIN NO, ,CI'I PHYIR ZHE NA, DE'I PHYIR DE'I SKABS KYIS SHES PA NI 'GYED PA GNYIS DANG 'BREL BA YIN PA'I PHYIR RO ZHES BYA BA SMOS TE, TSUL KHRIMS RNAM PAR GTAN LA DBAB PA ZHES BYA BA NI 'DIS GZHI BYAS SAM 'ON TE MA BYAS ZHES BYA BA LA SOGS PAS GTAN LA PHEBS

237b

PA YIN PAS DE NI 'GYED PA GNYIS LAS GZHAN PA DAG GIS SHES PA'I YUL MA YIN PAS DE'I PHYIR RTOG PA PO NYID KYIS BSTEN PAR BYA BA MED PAR SHIN TU MANG BA 'DI DANG GNAS PA ZHES BYA BA BSTEN PA'I RNAM PA GZHAN NI MED DO, ,CI 'DI LA DE BZHIN DU BRTEN PAR BYA BA 'AM ZHE NA, DE'I PHYIR RGOL BA DAG GIS GCES PAR GZUNG BA NYID DANG, RAB TU DAM PA NYID DANG MI ZAD PA NYID YIN ZHING DE DAG BYE BAR DOGS PA NYID KYIS DE LA BRTEN PAR BYA'O ZHES BYA BA SMOS TE, GAL TE RGOL BA DANG PHYIR RGOL BA DAG MNGON PAR ZHEN PA RNON POS RTZOD PA GCES PAR GZUNG BA NYID DANG; MNGON PAR ZHEN PA MI PHYED PAS GAL TE RTZOD PA DE YAL BAR BOR NA DE DAG RNON POS PHYE BA DOGS PA NYID SHES KYANG BSAM PA KHYAD PAR CAN DANG, MNGON PAR ZHEN PAS MI ZAD PA NYID DU 'GYUR ZHING MDO SDE DANG 'DUL BA DANG MA MO 'DZIN PA NYID RNAM PAR GNON PA NYID KYIS SO; ,GAL TE RTZOD PA DE YA LA BAR BOR NA DE DAG BYE BAR DOGS PA NYID KYANG YOD NA DE'I TSE DGE 'DUN BYE BAR GYUR NA MI RUNG NGO SNYAM PA'I BSAM PAS CHES MANG BA'I BLOS LEGS PAR GZHAG PA'I ZHES BYA BA LEGS PAR SGRUB PA'I RNAM PA GZHAN LA BRTEN PAR BYA ZHING GZHAN DU MI BYA'O, ,BSDAM PAR BYA BA MA YIN PA'I DON LA'O ZHES BYA BA NI 'DI LA LTUNG BA YIN NAM MA YIN RNAM PAR GTAN LA DBAB PA'I DON TO, ,GAL TE LTUNG BA LAS BSDAM PAR BYA BA'I BDAG NYID MA YIN GYI BSHAGS PAR BYA BA'I BDAG NYID YIN NA DES KYANG DON DE LA CHES MANG BA'I BLOS LEGS PAR GZHAG PA ZHES BYA BA'I LEGS PAR SGRUB PA'I RNAM PA GZHAN LA BRTEN PAR BYA'I BSDAM PAR BYA BA'I DON YIN NA DE LA NI RNAM PA 'DI LA BRTEN PAR MI BYA STE PHRAN TSEGS TZAM DU ZAD PA'I PHYIR RO, ,CI DANG PO NYID NAS 'DI LA BRTEN PAR BYA 'AM ZHE NA, DE'I PHYIR GNAS BRTEN GYI MTHAR THUG PA DAG YONGS SU NYON MONGS PAR GYUR PA DAG LA'O ZHES BYA BA SMOS TE, DGE 'DUN GZHI PO DANG GSAL BA LA SOGS PA'I RIM GYIS GNAS BRTAN GYI MTHAR THUG PA'I BAR DAG GIS NYON MONGS PA BRTZAL KYANG NYE BAR MA ZHI BAR GYUR PA NI YID

238a

, ,YIN NA 'DI LA BRTEN PAR BYA'O, ,GANG GIS 'DI LA BRTEN PAR BYA ZHE NA, DE'I PHYIR DGE 'DUN GZHI BOS SO ZHES BYA BA SMOS SO, ,DON 'DI LA CHES MANG PO DAG LA BGRANG BAR JI LTAR BYA ZHE NA, DE'I PHYIR 'DI LA TSUL SHING BRIM PAS BLO GZUNG BAR BYA BA NYID DO; ,TSUL SHING 'DRIM PA BSKO BAR BYA'O, ,DES TSUL SHING RNAM PA GNYIS DAG NYE BAR GZHAG GO, ,CHOS KYI TSUL SHING DAG NI YA YO MED PA DANG KHYAR KHYOR MED PA DANG CHAS CHUS MED PA DANG, KHA DOG BZANG BA DANG DRI ZHIM PA DANG REG PA 'JAM PA DAG YIN LA, ,CIG SHOS KYI NI DE LAS BZLOG PA'O, ,DGE 'DUN LA 'DU BAR GSOL LO, ,TSUL SHING 'DRIM PAR 'GYUR GYI THAMS CAD KYIS 'DU BAR BYA'O, ,GAL TE 'DI LTAR 'DUN PA SBYIN BAS TSOGS PA DANG CHOS MA YIN PA'I TSUL SHING LHAG PAR 'GYUR BA SEMS NA BRIM PAR MI BYA'O, ,'DRIM PA'I TSE NA LAG PA G-YAS PAS CHOS KYI TSUL SHING DAG BZUNG ZHING G-YON PAS CIG SHOS DAG GO, ,DE DAG G-YOGS TE SNGA MA DAG SNANG BAR BYAS NAS BRJOD PAR BYA'O, ,GNAS BRTAN 'DI DAG NI CHOS KYI TSUL SHING YA YO MED PA KHYAR KHYOR MED PA CHAS CHUS MED PA KHA DOG BZANG BA DRI ZHIM PA REG NA 'JAM PA DAG YIN GYI LONG SHIG CES SO, ,CIG SHOS TSOL NA TSIG GNYIS KYI BAR DU MI DBUL LO ZHES BYA BA SMOS TE, CIG SHOS CES BYA BA NI CHOS MA YIN PA'I TSUL SHING NGO, ,G-YOGS SAM PHYE BA GANG GIS CHOS KYI MANG BAR 'GYUR BA DE LTAR BRIM PAR BYA'O ZHES BYA BA NI GAL TE G-YOGS TE BRIM NA CHOS KYI TSUL SHING MANG BA LTA NA YANG G-YOGS TE BRIM PAR BYA'O, ,JI STE PHYE STE BRIM NA CHOS KYI TSUL SHING MANG BAR 'GYUR BA LTA NA YANG PHYE STE BRIM PAR BYA'O, ,TSE DANG LDAN PA KHYOD KYI MKHAN PO DANG SLOB DPON DANG MKHAN PO GCIG PA DANG SLOB DPON CIG PA DANG GTAM 'DRES PA DANG PHEBS PAR SMRA BA DANG SMOS 'DRIN DANG 'GROGS PA SHES KYI CHOS KYI TSUL SHING BLANGS KYIS KHYOD KYIS KYANG CHOS KYI TSUL SHING LONG SHIG ,KHYOD DE DAG LHAN CIG RTZOD PAR GYUR NA MA LEGS

238b

SO ZHES RNA DRUNG DU BSHUB BO ZHES BYA BA NI BRDA SPRAD PA'I PHYIR RNA DRUNG DU BSHUB CING DE SKAD YANG DANG YANG DU BRJOD PAR BYA'O ZHES BYA BA'I DON TO, ,CHOS MA YIN PA'I TSUL SHING BLANG BAR MI BYA'O ZHES BYA BA NI LEN NA 'DUL BA DANG 'GAL BA'I NYES BYAS KYI LTUNG BA BSHAGS PAR BYA'O ZHES BYA BA DE'I 'DI BSDUS PA'O, ,MDO SDE DANG 'DUL BA DANG MA MO 'DZIN PA DAG LA MA DRIS PAR MI BYA'O ZHES BYA BA NI TSUL SHING BLANG BAR BYA ZHES BYA BAR SBYAR TE, 'DI NI THAMS CAD KYI DBANG DU BYED PA'O, ,MDO SDE 'DZIN PA LA SOGS PA LA DRI BA NI CHOS YONGS SU SHES PAR BYA BA'I PHYIR RO, ,DE LA RANG GI MA YIN PA SHIN TU RNAM PAR GTAN LA DBAB PA NYID LA SDE SNOD 'DZIN PA RNAMS LA DRI BA 'DI BYAS PA NYID DO, ,CHOS KYI DON SHES PAR GYUR NAS, DE'I TSE TSIG DANG DON BLANG BAR BYA BA NYID MA YIN ZHES BYA BAR SHES PAR BYA'O, ,DBYEN DU 'GYUR BA'I BZOD PAS MI BYA'O ZHES BYA BA NI AE MA'O BYE BAR GYUR NA CI MA RUNG SNYAM PA'I MNGON PAR 'DOD PAS KYANG ZHES BYA BA'I DON TO, ,CHOS MA YIN PAS MI BYA'O ZHES BYA BA NI BYUNG BAR GYUR NA CI MA RUNG SNYA PA TSUL SHING BLANG BAR MI BYA STE, CHOS MA YIN PA 'BYUNG BAR 'DOD PAS KYANG BLANG BAR MI BYA'O, ,DE GNYIS 'BYUNG BAR 'GYUR BA NYID DOGS PAR SHES NA MI BYA'O ZHES BYA BA 'DI LTAR AE MA'O BYE BAR GYUR NA CI MA RUNG SNYAM PA'I DANG, AE MA'O CHOS MA YIN PA BYUNG BAR GYUR NA CI MA RUNG SNYAM PA MED DU ZIN KYANG DE GNYIS 'BYUNG BAR 'GYUR BA NYID DU SHES PA STE, DON JI LTA BU DANG 'DI NA DGE SLONG GANG DAG DBYEN LA MNGON PAR ZHEN PAR BYED PA DE LTA BU DAG YOD PAS STON PA NYID KYANG 'GA' ZHIG 'BYUNG BAR 'GYUR RO SNYAM DU SHES NA, DE LTAR YANG TSUL SHING DAG BLANG BAR MI BYA'O, ,MNYAM PA NYID NA NYAN THOS CHEN PO'I PHYIR CHOS KYI TSUL SHING GCIG BLANG NGO ZHES BYA BA NI CHOS DANG CHOS MA YIN PA'I TSUL SHING GRANGS MNYAM PA NYID YIN NA NYAN THOS CHEN PO LA GCIG BSDOS TE CHOS KYI TSUL SHING BLANG BAR BYA STE, DE LTAR NA RTZOD PA DE CHOS KYIS NYE BAR ZHI BAR 'GYUR BA YIN NO, ,CHOS MA

239a

, ,YIN PA'I TSUL SHING LHAG NA NI RTZOD PA DE CHOS MA YIN PAS NYE BAR ZHI BAR 'GYUR RO, ,CHOS MA YIN PAS NYE BAR ZHI BA LA SKYO SNGOGS MI BYA'O ZHES BYA BA NI CHOS KYIS NYE BAR ZHI BA LA SKYO SNGOGS BYED DU 'GYUR BA LA 'DI NI NYES BYAS SU GSUNGS SO, ,'GYED PA'I PHYIR RTZOD PA DE CHOS KYIS NYE BAR ZHI BA'I CHO GA BSHAD ZIN TO, ,MI GDAMS PA'I PHYIR RTZOD PA NI RGYUD GCIG TU BYA BA DANG, DAG PA SBYIN PA ZHES BYA BA GNYIS KYIS NYE BAR ZHI BAR BSTAN PA DE LA RGYUD GCIG TU BYA BA NI BSTAN ZIN PAS DAG PA SBYIN PAR BRJOD PAR BYA STE, DE'I PHYIR GLENG BA'I KHA NA MA THO BA MED PA LA NI DAG BA SBYIN NO ZHES BYA BA SMOS TE, GAL TE DGE SLONG DE LA LTUNG BA GANG GIS GLENG BAR BYA BA'I LTUNG BA DE NI KHA NA MA THO BA MED PAR GYUR NA DE'I PHYIR, DE LA DRAN PAS 'DUL BA DANG, MA SMYOS PAS 'DUL BA'I BDAG NYID KYIS DAG PA SBYIN PAR BYA'O,, GLENG BA NI RNAM PA BZHI STE, GZHI MED PA DANG GZHAN RJES SU SGRUB PA'I DBANG GIS DANG PHYIR BCOS PA LA MA LTOS PA'I PHYIR DANG SMYOS PAS BYAS PAS SO ZHES BYA BA NI GLENG BA'I KHA NA MA THO BA MED PA NI RNAM PA BZHI STE, GZHI MED PA NI LTUNG BA MA BYUNG BA NYID LA GLENG BA GANG YIN PA'O, , GZHAN RJES SU BSGRUB PA PA'I DBANG GIS NI DE GZHAN RJES SU BSGRUBS LA GZHAN GYIS GLENG BAR BYED PA STE, LTUNG BYED LA DGE 'DUN LHAG MA LA SOGS PAS GLENG BAS SO, ,PHYIR BCOS PA LA MI LTOS PA'I PHYIR NI 'DI LA LTUNG BA BYUNG BAR GYUR TO ZHES BYA BA DE DES CHOS BZHIN DU PHYIR BCOS PA NYID NA PHYIR BCOS PA NYID LA MA LTOS BAR GLENG BA'O, ,SMYOS PAS BYA BA NI SMYOS PA'I GNAS SKABS SU DES RUNG BA MA YIN PA KUN DU SPYAD PA DES GLENG BAR BYED PA'O, ,DANG PO GSUM LA NI DRAN PAS 'DUL BA SBYIN NO ZHES BYA BA NI GZHI MED PA DANG GZHAN RJES SU BSGRUB PA'I DBANG GIS DANG, PHYIR BCOS PA LA MI LTOS PA'I PHYIR RO ZHES BYA BA GSUM GYIS GLENG BAR BYA BA DE DAG LA NI DGE 'DUN GYI DRAN PAS 'DUL BA SBYIN PAR BYA STE, DE BYIN PA NA DGE SLONG DE LA DGE SLONG DAG GIS DRAN PA DANG LDAN PAR 'DZIN GYI LTUNG BA DANG BCAS PAR MI 'DZIN TE,

239b

DE LTAR NA DE'I RTZOD PA NYE BAR ZHI BA BRJOD PAR BYA'O, ,THA MA LA NI MA SMYOS PAS 'DUL BA SBYIN PA'O ZHES BYA BA NI SMYOS PAS BYAS PA GLENG BA LA NI DGE 'DUN GYI MA SMYOS PAS 'DUL BA SBYIN PAR BYA BA STE, DE SBYIN NA DGE 'DUN DE LA DGE SLONG GIS RANG BZHIN DU GNAS PA NYID DU 'DZIN GYI LTUNG BA DANG BCAS PAR MI 'DZIN TE, MI GDAMS PA LA RTZOD PA NYE BAR ZHI BAR BYA BA'I PHYIR CHOG BSHAD ZIN TO, ,LTUNG BA'I PHYIR RTZOD PA NI PHYIR BCOS PAS NYE BAR ZHI BAR BYA'O ZHES BSTAN PA DE'I RAB TU DBYE BA BSTAN PA'I PHYIR LTUNG BA DANG BCAS PA NYID KYI PHYIR 'KHRUG LONG RNAM PA GSUM STE; PHYIR 'PHROS PA MED PA DANG PHYIR 'PHROS PA DANG BCAS PAS RNAM PA GNYIS SO, ,NYI TSE BA DANG, DGE 'DUN MTHA' DAG DANG 'BREL PA'O ZHES BYA BA STE, GAL TE LTUNG BA DANG BCAS PA NYID KYI RGYUS 'KHRUG LONG GI PHYIR DGE 'DUN MTHA' DAG PHYOGS DANG GZHAN GYI PHYOGS SU GNAS PAR GYUR NA 'DI NI DGE 'DUN MTHA' DAG GI KHONGS SU GTOGS PA KHA CIG LA YANG 'KHRUG LONG 'BYUNG BA'O, ,DANG PO LAS NI KHAS BLANGS PA'I BYA BA PHYIR BCOS SO ZHES BYA BA NI PHYIR 'PHROS PA MED PAR 'KHRUG LONG DU GYUR PA'I 'OG TU LTUNG BA'I PHYIR RTZOD PA NI KHAS BLANGS PA'I BYA BAS PHYIR BCOS PAR BYA STE, KHAS BLANGS PA TZAM GYI DBANG GIS BYED PA NI BYA BA STE DE'I PHYIR BCOS PA'I MING NGO, ,GNYIS PA LAS NI MNGON SUM GYIS 'DUL BAS SO ZHES BYA BA NI PHYIR 'PHROS PA DANG BCAS PA NYI TSE BA'I 'KHRUG LONG DU GYUR PA GANG GI 'OG TU NI MNGON SUM GYIS 'DUL BAS PHYIR BCOS TE, 'DI LA RGOL BA DANG LAN GYI TSIG DAG MNGON SUM DU BYUNG GI GLENG BA POS DANG DAM BCAS PA TZAM GYIS 'DI LA RNAM PAR NGES PAR SBYIN PA MA YIN PAR RIG PAR BYA'O, ,PHYIR 'CHOS PAR BYED PA GANG YIN PA DE NI MNGON SUM GYIS 'DUL BAR BRJOD DO, ,DE LTAR YANG GANG ZAG LA GANG ZAG GIS GLENG BAR BYED NA CHOS 'DUL BAS MNGON SUM DU SRUNG BA THOB PA ZHES BYA BA LA SOGS PAS SO, ,GSUM PA LA NI RTZVA BKRAM BA LTA BUS SO ZHES BYA BA NI DGE 'DUN DU GTOGS PA THAMS CAD PHYOGS SU RNAM PAR GNAS PA'I DGE 'DUN DU GYUR PA'I DGE SLONG

240a

, ,THAMS CAD PHYIR 'PHROS PA DANG BCAS PAS 'KHRUG LONG GI 'OG TU STE, PHYIR BCOS PA NI RTZVA BKRAM BA'O, ,RTZA BKRAM NA RTZVA THAMS CAD PHAN SUN NAS RTZE SPROD DU NYAL BA DANG 'DRA BAS 'DI'I MING DE YIN NO, ,'DI LA MANG PO DAG GI DON DU DGE 'DUN MA YIN PA LA BSHAGS PAR BYA BA DAG NI GCIG GIS PHYIR BCOS PAR BYA'O ZHES BYA BA NI NYES PA SBOM PO DANG, DGE 'DUN LHAG MAR GTOGS PA'I NYES PA SBOM POR DOR NAS DGE 'DUN LA BSHAGS PAR BYA BA NYID DO, ,DE'I PHYIR LTUNG BA GZHAN RNAMS LA 'DI GANG ZAG MANG PO DAG GI DON GANG ZAG GI RTZVA BKRAM PA LTA BUS PHYIR BCOS PAR BYAR RUNG BA ZHES BYA BA'I DON TO, ,DU MA DAG CIG CAR DU YANG ZHES BYA BA NI 'DIR MANG PO DAG GI DON DU LTUNG BA DU MA DAG CIG CAR DU PHYIR 'CHOS SU YANG RUNG BA'O, ,GANG YIN PA ZHES SMOS PA DANG SHES PA SNANG BAR BYAS PAS SO ZHES BYA BA NI GZHI 'DI LAS KHYED CAG LA LTUNG BA BYUNG BA GANG YIN PA DANG, KHO BO CAG LA LTUNG BA BYUNG BA GANG YIN PA DE DAG LTUNG BA'I MING DANG RIGS SMOS PAS GZHAN LA LTUNG BA'I MING DANG RIGS SMOS PAS GZHAN LA LTUNG BA'I RIGS SHES PA SNANG BAR GO BAR BYAS PAS PHYIR BCOS PAR BYA'O ZHES BYA BA'I DON TO, ,PHYOGS GZHAN GYIS KYANG MTHUN PA DE DAG LA'O ZHES BYA BA NI GZHAN GYIS KYANG BLO GCIG TU GYUR PA DE DAG LA DE PHYIR BCOS PAR BYA'I GZHAN GANG LA YANG MA YIN NO, ,KHAS MI LEN PA DANG DON MED PA LA NI BSHAGS PA'I MI 'CHAGS SO ZHES BYA BA NI KHA NA MA THO BA KHAS MI LEN PA DANG DON MED PAR KHAS BLANGS PAS 'CHAGS PA GANG YIN PA DE LA NI BSHAGS PA MI 'CHAGS TE, GANG ZHIG LTUNG BA BYUNG BA DAG LA LTUNG BA MA BYUNG NGO ZHES KHAS MI LEN PA DANG, LTUNG BA MA BYUNG BA DAG LA LTUNG BA BYUNG NGO ZHES KHAS LEN PAR BYED PA NI CHOS MA YIN PA'O ZHES GSUNGS PA DE 'DIS BSDUS PA YIN NO, ,LHAN CIG GI DNGOS POS GLENG BA NYID DU RUNG NGO ZHES BYA BA NI GANG ZAG GIS GANG ZAG LA GLENG BAR BYED PA DANG, GANG ZAG GIS GANG ZAG GNYIS LA DANG, GANG ZAG GIS GANG ZAG MANG PO DANG, GANG ZAG GIS DGE 'DUN LA DANG, GANG ZAG GNYIS KYIS GANG ZAG LA DANG, JI SRID

240b

DGE 'DUN GYIS GANG ZAG MANG PO LA DANG, DGE 'DUN GYIS DGE 'DUN LA GLENG BAR BYED NA ZHES BYA BA'I BAR DU GLENG BAR BYED PA'I SKABS LHAN CIG GI DNGOS POR BSTAN PA DE DAG BSDU'O, ,GLENG BA PO NYID KYANG DE BZHIN NO, ,'DI LA GRANGS KYI BYE BRAG NI NGES PA MED DO ZHES BYA BA NI GLENG BAR BYA BA DANG GLENG BA PO GNYIS LA GLENG BAR BYA BA JI SNYED PA DE SNYED PA KHO NA'I GLENG BA PO DAG GIS BYA BAR MA NGES PA'O, ,GLENG BA PO LUS DANG NGAG DAG GIS BSDAMS PA NYID DANG, SDE SNOD DAG SHES PA NYID DANG, DGE 'DUN GYI NANG DU BSAMS BZHIN DU CHOS DANG 'DUL BA LOG PA DANG, DE BZLOG PA DAG MI STON PA NYID CES BYA BA GSUM DANG LDAN PA LA GUS PAR BYA'O ZHES BYA BA LA, DE LAS BZLOG PAR ZHES BYA BA NI CHOS DANG 'DUL BA MA YIN PA LAS TE, CHOS KYANG SHES BYA RNAM PAR GZHAG PA LAS RIG PAR BYA'O, ,'DUL BA NI TSUL KHRIMS RNAM PAR DAG PA'I CHO GA'O, ,GLENG BA PO GANG ZHIG LUS DANG NGAG DAG GIS BSDAMS PA NYID DANG, SDE SNOD DAG LA MKHAS PA NYID DANG, DGE 'DUN GYI NANG DU BSAMS BZHIN DU CHOS DANG CHOS MA YIN PAR MI STON, CHOS MA YIN PA CHOS SU MI STON PA DANG, 'DUL BA 'DUL BA MA YIN PAR MI STON PA DANG, 'DUL BA MA YIN PA 'DUL BAR MI STON PA'I GLENG BA PO 'DI LTA BU LA GUS PAR BYA'O, ,TSUL KHRIMS 'CHAL BA DANG LOG PAR STON PA LA MI BYA'O ZHES BYA BA NI GLENG BA PO TSUL KHRIMS 'CHAL BA DANG, CHOS DANG 'DUL BA CHOS MA YIN PA DANG, 'DUL BA MA YIN PAR LOG PAR STON PA LA NI MTHUN PAR MI BYA STE, MI BGRANG ZHING SMAD PA DANG TSIG GIS CUNG ZAD KYANG BSGRUB PAR MI BYA'O, ,DGOS PA DANG LDAN PA NYID KYIS GLENG BA LA RNAM PA GZHAN GYIS DER 'DI LA GLENG BA LA 'JUG PA ZHES BYA BA NGES PAR SHES PA LA MTHUN PAR BYA BA'O, ,NGES PAR SHES PA MED PA LA 'DI LA GUS PAR MI BYA BA NYID DO, ,KHA CIG NI LOG PAR STON PA LA SNANG BA DANG, RAB TU SNANG BA DE DPYAD PAR BYA ZHES ZER BA STE, 'JOMS PA DANG RAB TU 'JOMS PA MA YIN PAR ZHES BYA BAR SMRA STE DE NI MI RIGS SO, ,'DI LTA BU'I DON RNAMS LA TSUL

241a

, ,KHRIMS NYAMS PA DANG, LTA BA NYAMS PA LAS GUS PAR BYA BA MA YIN PA NYID KYI PHYIR RO, ,RNAM PA DE LTA BU MA YIN PA STE SNOD DAG 'DZIN CING MI SHES PA LA NI BLON GDAB PAR BYA'O ZHES BYA BA NI GLENG BA PO LOG PAR STON PA'I RNAM PA DE LTA BU MA YIN PA LUS DANG NGAG DAG GIS BSDAMS PA DE LA SDE SNOD 'DZIN PA PO STE MI SHES PA LA BLON GDAB PAR BYA'O, ,MI SHES PA NYID KYIS GLENG BAR BYED PA LA ZHES BYA BA GANG DU NGES PAR SHES PAR BYA BA LA DER LAN GDAB PA NGES PAR BYA'I SHES PA LA GUS PAR MI BYA BA NYID DO, ,GANG ZHIG GLENG BA PO YON TAN GSUM DANG LDAN PA LA GUS PAR BYA'O ZHES JI SKAD BSTAN PA DE LA BRTAG PA TZAM YANG MI BYA'AM ZHE NA, DE'I PHYIR, DE LA BSAM PA RTOGS PAR BYA BA'I PHYIR BRGAL ZHING BRTAG PAR BYA'O ZHES BYA BA SMOS TE, SEMS KYI SPYOD PA NI G-YO BA YIN PAS SNGAR SDIG PA LA MA ZHUGS SU ZIN KYANG PHYIS 'JUG SRID PAS DE'I PHYIR SEMS KYI SPYOD PA BSGOM PA'I PHYIR BRGAL ZHING BRTAG PAR BYA'O, ,BSAM PA RTOGS PAR BYA BA NI 'DIR BSAM PA RTOGS PAR BYA BA STE, ,'DI'I BSAM PA JI LTA BUS ZHES BYA BA DE'I DON DU'O, ,JI LTAR BRGAL ZHING BRTAG PAR BYA ZHE NA, DE'I PHYIR GNAS SU MI GZHAG PAS SO ZHES BYA BA SMOS TE, 'DI NI LOG PA'I BSAM PA RJES SU BRTZAL BA YIN GYI, YANG DAG PA'I BSAM PA RJES SU BRTZAL BAR BYA BA NI MA YIN NO, ,DUS LAS SOGS PA'I GNAS SU GLENG PA'I TSIG GIS 'JOG PAR MI PHYED NA LOG PAR GLENG BA LA ZHUGS PAR NGES PA YIN PAS DE'I PHYIR, GNAS SU MI 'JOG NA BSAM PA LOG PAR SHES PAR BYA'O, ,GAL TE GANG ZAG DE LA BRGAL ZHING BRTAGS PA NA DUS LA SOGS PA'I GLENG BA'I TSIG 'JIG PAR MI BYED NA ZHES BYA BA'O, ,GANG DU MI 'JOG NA BSAM PA LOG PAR MTSON PAR BYA BA'I GNAS DE DAG GANG ZHE NA DE'I PHYIR, GNAS SU NI DUS DANG YUL DANG SPYOD LAM DANG RJES SU SGRUB PA DAG GO ZHES BYA BA SMOS TE, DUS ZHES SMOS PAS NI MTSAN MO BYAS PAS GLENG BA DANG NYIN MO BYAS PAS GLENG BA LA SOGS PA BSDUS SO, ,YUL ZHES SMOS PAS NI LKOG TU BYAS PA DANG GSAL

241b

BAR BYAS PA DANG LAM DU BYAS PA DANG LAM GOL BAR BYAS PA DANG GRONG DU BYAS PA DANG DGON PAR BYAS PA LA SOGS PA BSDUS SO, ,SPYOD LAM ZHES SMOS PA NI 'GRO BA DANG 'GREL BA DANG 'DUG PA DANG NYAL BAS BYAS PAS GLENG BA BSDUS SO, ,RJES SU BSGRUB PA ZHES SMOS PAS NI PHAM PAR 'GYUR BA DANG DGE 'DUN LHAG MA DANG LTUNG BYED DANG SO SOR BSHAGS PAR BYA BA DANG NYES BYAS SU BSGRUB PAS GLENG BA BSDUS SO, ,GNAS GZHAN DU 'PHO BA DANG, RNYOG PA CAN DU GYUR NA GLENG BA MI 'CHAGS SO ZHES BYA BA NI GAL TE GLENG BA PO DE LA GAL TE DE LTAR BRGAL ZHING BRTAGS PA NA GNAS NAS GZHAN DU 'PHO BA DANG 'KHRUG PA'I RNYOG PA CAN DU GYUR NA DE'I TSE, DE LA GLENG BA MI 'CHAGS PA NYID YIN TE, GLENG BA'I BYA BA MA BYAS PA NYID DANG, MA BYUNG BA NYID DANG MI SKYED PA NYID YIN NO, ,DE YOD PA NA GLENG BA NYID DANG GLENG BA PO MED PA NYID YIN TE, DE NYID KYIS 'DIR DGOS PA 'GRUB PAR 'GYUR TE, DE YOD NA RTZOD PA NYE BAR ZHI BA NYID 'GRUB PAR 'GYUR BA YIN NO, ,DE BAS NA DE LA GLENG BA LA MI 'CHAGS SO ZHES SMOS SO, ,GLENG BAS KHAS BLANGS NA MTHAR THUG PA YIN NO ZHES BYA BA NI, GANG ZAG GANG LA GLENGS PA DES LTUNG BA DE KHAS BLANGS NA DE NI 'DIR RTZOD PA'I MTHAR THUG PA YIN TE, KHAS BLANGS NA RTZOD PA DE NYE BAR ZHI BAR 'GYUR RO, ,SMRA BA PO BDEN PA MTHONG BA NYID DANG, YON TAN LAS CHES MCHOG TU GYUR PA KHYIM PA YANG RUNG BA GZHAN TSAD MAR BYA'O ZHES BYA BA NI 'DIR THAMS CAD NYID DE DON TSOL BA DANG DON BRJOD PA'I DBANG PO GLENG BAR BYA BA DANG, GLENG BAR BYED PA SMRA BA PO NYID KYIS GZUNG BAR RIG PAR BYA'I CHE BA ZHIR GYUR PA NYID KYIS NI MA YIN NO, ,RAB TU BYUNG BA 'BA' ZHIG TU MA ZAD KYI SMRA BA PO BDEN PA MTHONG BA NYID DAM KHYIM PA YANG RUNG BA GZHAN DAG TSAD MAR BYAS TE, 'DI NI MI G-YO BA'I CHOS DANG LDAN PA NYID LA DPE TZAM DU RIG PAR BYA STE, YON TAN GZHAN GYIS KYANG GANG ZHIG BDEN PA LAS MI G-YO BA DE YANG 'DIR BSDUS PA NYID DO, ,MI G-YO BA'I CHOS BYED PA LAS GZHAN GANG YIN PA DE LA YON TAN LAS CHOS MCHOG TU GYUR PA NYID TSAD MAR BYA STE, DE DAG CHE BZHIR DRI'O ZHES BYA BA'I DON

242a

, ,TO; ,'DIR GZHUNG NI SIL BU DAG LAS BTZUN BA RE ZHIG DGE SLONG GNYIS LA THA DAD PAR SMRA BA DANG 'GAL BAR SMRA BA DANG MI MTHUN PAR SMRA BA DAG BYUNG BA NA, GANG GI TSIG GZUNG BAR BGYI, GANG TSUL KHRIMS DANG LDAN PA'I 'O, ,GNYIS KA TSUL KHRIMS DANG LDAN NA GANG MANG DU THOS PA'O 'O, ,GNYIS KA MANG DU THOS PA LAGS NA GANG YANG DAG PAR BSDAMS PA'I 'O, ,GNYIS KA YANG DAG PAR BSDAMS PA LAGS NA GANG CHES YANG DAG PAR BSDAMS PA'I 'O, ,GNYIS KA CHES YANG DAG PAR BSDAMS PA LAGS NA DE NI GNAS MA YIN SKABS MA YIN TE, GAL TE GNYIS KA CHES YANG DAG PAR BSDAMS PA LA THA DAD PAR SMRA BA DANG 'GAL BAR SMRA BA DANG MI MTHUN PAR SMRA BA DAG 'BYUNG BA DE NI GNAS MED DO ZHES GSUNGS PA YIN NO, ,GZHAN DANG BCAS PA NYID NA TSIG BSTUN PAR BYA'O ZHES BYA BA NI CHE BZHI DE LA GAL TE GZHAN PHA ROL PO NYE BAR GNAS PAR GYUR NA GZHAN DE LA DRI BAR BYA BA YIN ZHING DE DANG LHAN CIG DE'I TSIG GO BAR BYA'O, ,MI G-YO BA RNYED PA 'DI DAG GIS 'KHRUL BA MED PA SHES PAR BYA BA'I PHYIR DE BSKO'O, ,MA RNYED PA MI G-YO BA'I CHOS DANG LDAN PA LA MA SHES PA SHES PA'I DON DU BSKO BA 'DI'O, ,'DIR GZHUNG NI BTZUN PA DGE BSNYEN MA DAD PA CAN DGE SLONG RNAMS KYI DRUNG DU MCHIS TE, 'DI SKAD CES BTZUN PA DAG BDAG GIS DGE SLONG ZHIG RGYAL RIGS MO DANG LHAN CIG MI TSANGS PAR SPYOD PAS NYAMS PAR BGYID PA MTHONG NGO ZHES MCHI NA, BGYID DU STZAL CING DE LA DE'I NGO BO NYID TSOL BA DANG MTHUN PA BSTZAL BAR BGYI 'AM NYE BA 'KHOR MI BYA STE, DRI BAR BYA ZHING GAL TE DE NA SRING MO GZHAN GANG ZHIG KYANG YOD DO ZHES ZER NA GNYIS KA DRI BAR BYA'O, ,GAL TE MTHUN NA DGE BSNYEN MA DAD PA CAN GYI TSIG GIS BYED DU GZHUG CING DE LA DE'I NGO BO NYID TSOL BA DANG MTHUN PA YANG SBYIN PAR BYA'O, ,GAL TE 'DIS RGYAL RIGS MO DANG MI TSANGS PAR SPYOD PA MA BYAS KYI, 'DIS BRAM ZE MO DANG LHAN CIG MI TSANGS PAR SPYOD PA BYAS SO ZHES ZER NA DGE SLONG GIS DAM BCAS PAS BYED DU GZHUG GO ZHES GSUNGS PA YIN NO, ,

242b

THE TSOM NYID DU GYUR NA SHES PA NYID MA YIN NO ZHES BYA BA 'DI DON GANG LA THE TSOM NYID DU GYUR PA DES DON DE SHES PA NYID MA YIN TE, 'DI LTAR DES PA'I SHES PA MA BSKYED PA'I PHYIR RO, ,GANG LA BRJOD PA GZHAN LA GLENG BAR BYAS PA LA DUS MA YIN PAR LI KHA RA'I CHU 'THUNG BA LA SOGS PA MTHONG NAS DBANG PO DANG GLENG BA PO DAG GIS CIG SHOS BYAS PAR THE TSOM ZA BA NYID DU THOB PAR GYUR PA LA DES BRJOD PAR GYUR PA LA DES SHES PA DANG BRAL BA NYID SKYE BAR 'GYUR RO, ,DES RTZOD PA DE LA RNAM PAR GZHAG PA MED PAR DE BAS NA 'DI LA DON GYIS BYAS PA'O, ,'DIR THE TSOM ZA BAR GYUR PA NYID 'DI NI DPE YIN TE G-YO BA'I DBANG GIS BRJOD PA LA'O, ,NGAG GI RNAM PAR 'GYUR BA NI RNYOG PA LA SOGS PA'O, ,LUS KYI RNAM PAR 'GYUR BA NGAL BA NI RMYA BA NYID LAS SO, ,DU MA'I RNAM PAR 'GYUR BA NGAL BA NI GLAGS RNYED CING GNAS PA LA RTZOD PA'O ZHES BYA BA SU ZHIG GIS GLENG BA LA RANG NYID KYIS G-YO BAR GYUR BA KHAS LEN PA BSGRUB PA DE LA YANG DE SHES PA NYID MA YIN PAR RIG PAR BYA'O, ,'DIR GZHUNG NI DGE BSNYEN MA DAD PA CAN GYIS DGE SLONG DUS MA YIN PAR LI KHA RA'I CHU 'THUNG BA MTHONG NAS, DES DGE SLONG RNAMS LA 'DI SKAD CES BDAG GIS DGE SLONG DUS MA LAGS PAR SKYO MA 'THUNG BA MTHONG NGO ZHES MCHI NA, CHOS BZHIN DU BGYID DU STZAL CING DE'I NGO BO NYID TSOL BA DANG MTHUN PAR BSTZAL PAR BGYI 'AM NYE BA 'KHOR MI BYA STE, JE DGE SLONG LA DRI BAR BYA ZHING GAL TE 'DI SKAD CES BDAG GIS LI KHA RA'I CHU 'THUNGS SO ZHES ZER NA DGE SLONG GIS DAM BCAS PAS BYED DU GZHUG GO ZHES GSUNGS PA YIN NO, ,DE LA NGES PAR GYUR PA NI KHAS BLANGS PA DANG 'DRA'O ZHES BYA BA NI DE LTAR RANG GIS KHAS BLANGS PA DANG 'DRA STE, DE LAS CHO GA NGES PAR BLTA BAR BYA'O, ,DE'I NGO BO NYID TSOL BA NI GANG LA SGRUB PA DE LA SBYIN PAR BYA BA NYID MA YIN NO, ,DE'I RGYU MTSAN BRJOD PAS BSTAN PAR BYA STE, DE'I PHYIR, LTUNG BA'I PHYIR RTZOD PA 'DI LA DE'I NGO BO NYID TSOL BA DANG MTHUN PA SBYIN PAR BYA BA NYID DO ZHES BYA BA SMOS TE, DGE 'DUN LA KHAS BLANGS NAS YANG KHYAD DU GSOD PAR

243a

, ,BYED NA DE NI DE'I NGO BO NYID TSOL BA DANG MTHUN PA SBYIN PA'I RGYU YIN TE, DE LA KHAS BLANGS PAS NI YOD PA BSTAN PA YIN LA KHYAD DU GSOD PA NI MED PA STON PA YIN PA'I PHYIR NGES PA DANG BRAL BA NI KHYAD DU GSOD PA YIN NO ZHES BYA BA LA, KHYAD DU GSOD PA ZHES BYA BA NI GUS PA MA YIN PA'I TSIG GIS KHYAD PAR RNAM PA GZHAN GYIS NYE BAR BSDU BA BRJOD PA NI NYE BAR BSDU BA BRJOD PA'O, ,'DI NI MA MTHONG BA LA BRJOD PA YIN TE, DE LA YANG GNAS NAS DBYUNG BA'I LAS BYED PA STE 'ON KYANG NGES PA'O, ,'DI LA RTZOD PA SGRUB PA NI KHYAD DU GSOD PA'O, ,DE LTA NA 'DI KHAS BLANGS NAS YANG KHYAD DU GSOD PAR BYED NA RGYU YOD PA'I PHYIR DE'I NGO BO NYID TSOL BA DANG MTHUN PA SBYIN PAR 'GYUR RO, ,DGE 'DUN LA KHAS BLANGS NAS KHYAD DU GSOD NA NGES PAR 'DZIN DU GZHUG PA'I PHYIR NGES PAR SBYOR BA SBYIN NO ZHES BYA BA NI GANG ZHIG DGE 'DUN LA LTUNG BA KHAS BLANGS NAS YANG KHYAD DU GSOD PAR BYED NA DE NGES PAR LTUNG BA DE 'DZIN DU GZHUG PA'I PHYIR NGES PAR SBYOR BA SBYIN PAR BYA STE 'DZIN DU GZHUG GO ZHES BYA BA'I DON TO, ,MNGON SUM DU DGE 'DUN MTHUN PA LA DE RANG GIS KHAS BLANGS PA'I DE GANG GIS RANG BZHIN NYAMS PA LA ZHUGS PA SKYES PA ZHES BYA BA DE'I NGO BO TSOL BA NYID LAS RGYU RIG PAR BYA'O, ,CI'I PHYIR, 'DI'I MING DE'I NGO BO NYID TSOL BA DANG MTHUN PA ZHES BYA ZHE NA, DE'I PHYIR, DE NI DE'I NGO BO NYID TSOL BA LA PHAN PA YIN PA'I PHYIR DE'I NGO BO NYID TSOL BA DANG MTHUN PA NYID DO ZHES BYA BA SMOS TE, TSOL BAR BYED PAS NA TSOL BA'O, ,LTUNG BA DES DE'I NGO BO NYID TSOL BA NI DE'I NGO BO NYID TSOL BA'O, ,DE LA PHAN PA NYID NI RJES SU MTHUN PA NYID KYI PHYIR DE'I NGO BO NYID TSOL BA NYID DO, ,DE NI BSLAB PA BYIN PA DANG YONGS SU GNAS PA DANG MGU BA SBYIN PA LA SOGS PAS SA GZHAN NA GNAS PA KHAS BLANGS PA'I TSUL YANG YIN PAR BLTA BAR BYA STE, GANG GI PHYIR 'DI BLANGS PAS DE'I NGO BO NYID TSOL BAR BYED PA, LTUNG BA DE'I NGO BO NYID YONGS SU SHES NA DGE 'DUN GYIS DE LA BZOD PAR BYAS SHING DE'I 'OG TU RANG BZHIN DU GNAS PA NYID DU 'GYUR BA YIN NO, ,KHA CIG GIS 'DI NAN TUR GYI TSUL DU BSTAN TO ZHES BYA BA

243b

NI JI LTAR BSDIGS PA LA SOGS PA'I NAN TUR GYI LAS MI 'DOD BZHIN DU DGE 'DUN GYIS BYED PA DE BZHIN DU 'DI YANG DGE 'DUN GYIS SBYIN PA YIN PAS, KHA CIG GIS NAN TUR GYI LAS KYI NGO BO 'DI STON CING 'DOD PA LA SOGS PA'I NGO BOS NI MA YIN NO ZHES ZER TE, DGE 'DUN THAMS CAD 'DUG CING MTHUN PAR GRUB PA'I 'OG TU DGE SLONG GCIG GIS GSOL BA BYAS TE LAS BYA BA, DGE 'DUN BTZUN PA RNAMS DGONGS SU GSOL, DGE SLONG SHI RI KA 'DI DGE 'DUN GYI DBUS SU ZHES BYA BA LA SOGS PA GSUNGS PA YIN GYI, DGE SLONG SHI RI KA NYID KYIS RGAN PA'I MTHAR 'DUG STE, DGE 'DUN BTZUN PA RNAMS GSAN DU GSOL, BDAG DGE SLONG SHI RI KA DGE 'DUN GYI DBUS SU ZHES BYA BA NAS, THUGS BRTZE BA'I SLAD DU BDAG LA DE'I NGO BO NYID TSOL BA DANG MTHUN PA STZAL DU GSOL ZHES DE LTAR LAN GNYIS LAN GSUM DU YANG GSOL BA BYA'O ZHES BYA BA'I 'OG TU DE DAG BYAS NAS SO, ,SNGAGS 'DI LAS SNGAR KHYAD DU GSOD NA ZHES BYA BA NAS, GAL TE DE'I 'OG TU DGE 'DUN LA GNANG BA THOB PA ZHES BYA BA DGE SLONG SHI RI KA 'DI DGE 'DUN LAS DE'I NGO BO NYID TSOL BA DANG MTHUN PA STZAL DU GSOL ZHES BYA BA GSUNGS PA'I PHYIR RO ZHES ZER RO, ,DE NI MI BZANG STE MDO SDE DANG 'GAL BA'I PHYIR RO ZHES BYA BA NI MDO SDE LAS KUN DGA' BO 'DI NI DGE SLONG GI DGE 'DUN GYI DBUS SU LTUNG BA KHYAD DU GSOD PAR BYED CING, CI KHYAD DU BSAD NAS KHAS LEN PAR BYED PA DE NI DGE SLONG RNAMS KYIS 'DI SKAD CES BRJOD PAR BYA STE, TSE DANG LDAN PA KHYOD DGE 'DUN GYI DBUS SU LTUNG BA KHYAD DU GSOD PAR BYED CING, KHYAD DU BSAD NAS KHAS LEN PAR BYED LA, KHAS BLANGS NAS YANG KHYAD DU GSOD PAR BYED PA GANG YIN PA DE NI KHYOD KYIS MA RNYED DE RNYED PA MA YIN NO, ,NYES PA RNYED KYIS LEGS PA RNYED PA MA YIN GYI TSE DANG LDAN PA KHYOD DGE 'DUN GYI GAN DU SONG LA DE'I NGO BO NYID TSOL BA DANG MTHUN PA LEGS PAR TSOL CIG ,DES DGE 'DUN GYI GAN DU SONG STE, DE'I NGO BO NYID TSO BA DANG MTHUN PA GSOL BAR BYA'O, ,DGE 'DUN GYIS KYANG CHOS DANG 'DUL BAS DE LA DE'I NGO BO NYID TSOL BA DANG MTHUN PA SBYIN

244a

, ,PAR BYA'O ZHES GSUNGS PA'I MDO SDE 'DI DANG 'GAL BAS KHA CIG 'DI NAN TUR GYI TSUL DU STON PA DE NI MI BZANG STE, 'DI LTAR GANG GSOL BA BYED PA DE NI BDAG NYID DAG PAR BYED PA'I PHYIR YIN GYI NAN TUR GYI LAS NI MA YIN NO, ,NYE BAR ZHI BA NYID KYI SDE TSAN LAS LOGS SHIG TU MDZAD PA NI MI BZHED DO ZHES BYA BA NI GANG 'DI NAN TUR GYI LAS KYI SDE TSAN LAS LOGS SHIG TU MDZAD CING DE DAG GI NANG DU MA GSUNGS SO ZHE NA DE NI DE LTAR MI RUNG STE, 'DI LTAR DE NAN TUR GYI LAS NYID YIN NA NAN TUR GYI LAS KYI SDE TSAN GYI NANG DU GSUNG BAR 'GYUR BAR RIGS PA LAS DE MA GSUNGS PA'I PHYIR RO, ,NYE BAR MA ZHI BA NYID YIN PA'I PHYIR NI LOGS SHIG TU BZHAG STE, NAN TUR GYI LAS KYI NANG DU MA BZHAG PAS DE'I PHYIR 'DI NI NAN TUR GYI TSUL DU BSTAN PA MA YIN NO, ,DE LA YANG 'DIR MED PA RUNG BA YIN TE, NYE BAR ZHI BA NYID KYIS NAN TUR GYI LAS LAS DE'I NANG NAS THA DAD PAR BYED PA MI RIGS PA'I PHYIR RO, ,'DI LTAR MI BZHED PA DE GANG LAS SHES SHE NA, DE'I PHYIR, BSDIGS PA LA SOGS PA NI DE NYID YIN PAS RNAM PAR MA BZHAG PA'I PHYIR ZHES BYA BA SMOS TE, BSDIGS PA LA SOGS PA'I NI 'THAB MO LA SOGS PA NYE BAR GYUR PA NYID KYI PHYIR NYE BAR ZHIG BA NYID YOD MOD KYI DE DAG NI DE NYID KYIS NAN TUR GYI LAS KYI SDE TSAN DAG LAS LOGS SHIG TU RNAM PAR MA BZHAG PA'I PHYIR TE, DES NA NYE BAR ZHI BA NYID KYIS NAN TUR GYI LAS KYI SDE TSAN LAS LOGS SHIG TU MDZAD PAR MI BZHED DO, ,DE SHES BZHIN DU KHYAD DU GSOD DO SNYAM NA, YOD BZHIN DU MA MTHONG BA NYID KYIS SHES PA SKYES BA NYID KYI PHYIR RO ZHES BYA BA NI DE SHES BZHIN DU KHYAD DU GSOD DO SNYAM NA ZHES BYA BA YOD PAR GYUR PA LA NAN TUR GYI LAS NYID KYIS 'DI BYAS PA NYID DO, ,DE YOD BZHIN DU MA MTHONG NGO ZHES ZER BA DE LTA BU'I BLO DGE SLONG RNAMS LA SKYE BAR 'GYUR BA'I PHYIR RO, ,DE LA LTUNG BA MA MTHONG BA LA NAN TUR GYI LAS BCA' BA MDZAD ZIN PAS DE BAS NA MA MTHONG BAS GNAS NAS DBYUNG BA ZHES BYA BA 'DI'I GNANG BA'I SKABS MED PA NYID DU 'GYUR RO, ,DE LTAR BAS NA KHA CIG DE'I NGO BO NYID TSOL BA DANG MTHUN PA DE

244b

NAN TUR GYI LAS KYI TSUL DU STON PA DE MI BZANG NGO, ,NYE BAR ZHI BAR BYA BA'I PHYIR 'BAD PA MI SKYED PAR MI BYA'O ZHES BYA BA NI DGE 'DUN DU GYUR PA'I DGE SLONG DAG GIS DGE SLONG DAG BYA BA'I PHYIR RTZOD PA DGE 'DUN MTHUN PAS NYE BAR ZHI BAR BYA'O ZHES GANG GSUNGS PA DE MDO 'DIR BSDUS PA YIN NO, , MTHUN PA SBYIN PAR MI BYED NA DE'I TSE SBYIN PA LAS 'BAD PAR BYA BA STE, THAMS CAD DU RUNG BA'I PHYIR SPYIR MDOR BYAS PAR GNAS PA YIN NO, ,RTZOD PA NYE BAR ZHI BAR BYA BA'I PHYIR 'BAD PA 'DI ZHES BYA BA DE LTAR 'DI GSUNGS SO, ,RTZOD PA THAMS CAD LA 'DI RUNG BA NYID CES BYA BA THAMS CAD KYI DBANG DU BYAS NAS NYE BAR ZHI BAR SBYAR BA'O, ,RTZOD PA'I GZHI'O,, ,,ZHI BA THAMS CAD NI BYA BA'I PHYIR RTZOD PAR 'JUG GO ZHES BYA BA NI RTZOD PA ZHI BAR BYA BA BDUN PO THAMS CAD NI BYA BA'I PHYIR RTZOD PAR 'JUG GO, ,GSOL BA LA SOGS PA'I LAS LA MTHUN PA MI SBYIN PA NI BYA BA'I PHYIR RTZOD PA YIN PAS SPONG BA NYID LA BRTEN TE MTHUN PA MI SBYIN PA DANG BCAS PA NYID KYANG NGO, ,RNAM PAR NGES PAR BYA BA SPONG BA DANG LTUNG BA DANG BCAS PA 'DI GNYIS DANG LTA BA NGAN BA NYID KYIS KYANG RNAM PAR NGES PAR BYA BA NI RGYU'I SGO NAS TE, RGYU GANG GIS RTZOD PA ZHI BAR BYA BA BDUN PO DAG 'JUG PAR 'GYUR BA'I RGYU DE NI BYA BA'I PHYIR RTZOD PA LA YOD DE 'DI LTAR SPONG BA LA SOGS PA NI MTHUN PA MI SBYIN PA'I RGYU YIN PA DE'I PHYIR RTZOD PA'I MTHUN PA MI SBYIN PA ZHES BYA BA GANG YIN PA DE'I SGO NAS 'DIR ZHI BAR BYA BA THAMS CAD DU 'JUG GO, ,GSOL BA LA SOGS PA'I LAS LA MTHUN PA MI SBYIN PA NI BYA BA'I PHYIR RTZOD PA YIN PAS DE LA JI LTAR SPONG BA NYID LA BRTEN TE MTHUN PA MI SBYIN PA DE BZHIN DU MI GDAMS PA'I PHYIR RTZOD PA ZHI BAR BYA BA'I DRAN PA DANG MA SMYOS PAS 'DUL BA GNYIS KYANG 'DIR 'JUG GO, ,JI LTAR LTUNG BA DANG BCAS PA NYID KYIS DE BZHIN DU LTUNG BA'I PHYIR RTZOD PA ZHI BAR BYED PA KHAS BLANGS PA'I BYA BA DANG, MNGON SUM GYIS 'DUL BA DAG DANG, RTZVA BKRAM PA LTA BU DAG KYANG 'JUG GO, ,KHAS LEN CING KHYAD DU GSOD PA LA DE'I NGO BO NYID TSOL BA DANG MTHUN PA YANG NGO, ,JI LTAR RNAM PAR NGES PAR BYA BA SPONG BA DANG LTUNG BA DANG BCAS PA 'DI GNYIS KYI MTHUN PA

245a

, ,MI SBYIN PA DE BZHIN DU 'GYED PA'I PHYIR RTZOD PA NYE BAR ZHI BAR BYED PA'I GANG MANG BA BSTZAL BA DAN MNGON SUM GYIS 'GAL BA YANG 'DIR 'JUG GO, ,'DIR GZHUNG NI BTZUN PA BCOM LDAN 'DAS KYIS RTZOD PA BZHI PO GANG DAG GSUNGS PA DANG RTZOD PA ZHI BA BDUN PO GANG DAG GSUNGS PA DE DAG LA BTZUN PA DGE SLONG GIS RTZOD PA BZHI PO DAG RTZOD PA ZHI BAR BGYID PA BDUN PO GANG YANG RUNG BAS NYE BAR ZHI BAR BGYID PA DANG NYE BAR ZHI BAR BYAR RUNG NGAM, NYE BA 'KHOR ZHI BAR BYA BA'I PHYIR RTZOD PA MA GTOGS PA MI RUNG NGO ZHES GSUNGS PA YIN NO, ,KHA SKONG BAR 'OS PA MA YIN PA NI DGE 'DUN GYI THA SNYAD LA TSOGS PAR DBYUNG BA NYID MA YIN NO ZHES BYA BA NI BSNYEN PAR MA RDZOGS PA DANG, NYAMS PA LA SOGS PA GANG DGE 'DUN GYI KHA SKONG BAR 'OS PA MA YIN PA DE NI GZU BO LA SOGS PA DGE 'DUN GYI THA SNYAD LA YANG TSOGS PAR DBYUNG BA NYID MA YIN PA'O ZHES BYA BA'I DON TO, ,GZHAN GYI DAG LA NI BSNYEN PAR RDZOGS PA DANG BCAS PA RNAMS KYI DBANG DU BYA'O ZHES BYA BA NI BSNYEN PAR MA RDZOGS PA DGE 'DUN LA SOGS PA GZHAN GYI RTZOD PA DAG LA NI BSNYEN PAR RDZOGS PA DANG BCAS PA RNAMS KYI DBANG DU BYA STE DE DAG GI DE NYE BAR ZHI BAR BYA'O, ,BUD MED RNAMS KYI NI SKYES PAS RIGS PA NYID DO ZHES BYA BA NI BUD MED RNAMS KYI RTZOD PA GANG YIN PA DE NI DE NYID DU NYE BAR ZHI BAR BYA BA'I RIGS PA NYID YIN NO, ,'DIR GZHUNG NI DGE SLONG RNAMS KYI RTZOD PA GANG YIN PA DE DAG DGE SLONG MA RNAMS KYIS SPANG DU RUNG NGAM NYE BA 'KHOR MI RUNG STE, DGE SLONG RNAMS KYI RTZOD PA NI DGE SLONG RNAMS KYIS NYE BAR ZHI BAR BYA'O, ,DE BZHIN DU DGE SLONG MA RNAMS KYI RTZOD PA YANG DGE SLONG RNAMS KYIS NYE BAR ZHI BAR BYA'O, ,DE BZHIN DU DGE SLOB MA RNAMS DANG, DGE TSUL DANG DGE TSUL MA RNAMS KYI RTZOD PA YANG DGE SLONG RNAMS KYIS NYE BAR ZHI BAR BYA'O ZHES GSUNGS PA YIN NO, ,SROG GAM BSNYEN PAR RDZOGS PA LAS NYAMS NA NYE BAR ZHI BA NYID YIN NO ZHES BYA BA NI SROG LAS NYAMS SAM BSNYE PAR RDZOGS PA LAS NYAMS NA RTZOD PA NYE BAR ZHI BA NYID YIN PA'O, ,SPANG BA NYID NAS GZHAN GYI PHYOGS NYID KYI BAR DU GYUR NA YANG NGO ZHES BYA BA NI

245b

'DIR BAR DU'I SGRA BRI BAR BYA'O, ,SPANG BAR BYA BA NYID NAS PHYOGS NA PHYOGS MA YIN PA THA DAD PAR GNAS PA'I BAR DU GYUR NA DE DAG THAMS CAD LA YANG LTUNG BA DANG RTZOD PA NYE BAR ZHI BA NYID YIN PA'O, ,DGE 'DUN DU GYUR PA DANG 'BREL PA DAG LA 'KHRUG LONG GI RTZOD PA DAG GIS RNAM PAR GZHAG PA'I LTUNG BA NYID NI DGE 'DUN DU GYUR PA GSAL BA NYID DO, ,GZHAN DU SONG NGAN NAD KYI RNAM PAS YUN RING POR BTAB NA YANG NGO ZHES BYA BA YANG RTZOD PA NYE BAR ZHI BA NYID YIN PA'O, ,GANG ZHIG SROG LAS 'DAS PA NAS NA NAD KYI RNAM PAS YUN RING POR BTAB PA'I BAR DU GYUR NA RTZOD PA NYE BAR ZHI BA NYID YIN NO, ,DE'I PHYIR, DON SBYIN PAR BYED PA'AM MNGON PAR BRTZON PA'O ZHES BYA BA SMOS TE DON SBYIN PAR BYED PA NI GLENG BA'O, ,'DIR NYAMS PA LA SOGS PA'I GZHUNG NI BTZUN PA RTZOD PA BZHI PO DAG LAS RTZOD PA GANG YANG RUNG BA BYUNG BA RTZOD PA ZHI BAR BGYID PA'I CHOS BDUN PO DAG LAS GANG YANG RUNG BAR NYE BAR ZHI BAR MI 'GYID CING, NYE BAR ZHI BAR YANG BRJOD PAR BGYI BA MCHIS SAM, YOD DE SBYIN PAR BYED PA'I DGE SLONG DUS BYED DAM BYIN PA'I DGE SLONG DUS BYED DAM DGE SLONG SBYIN PAR BYED PA'I DGE SLONG BYIN PA NYID DU DAM 'CHA' 'AM, , DGE TSUL NYID DAM DGE SLONG MA SUN PHYUNG BA NYID DAM, RKU THABS SU GNAS PA NYID DAM MA NING NYID DAM, MU STEGS CAN ZHUGS PA NYID DAM MA BSAD PA NYID DAM, PHA BSAD PA NYID DAM, DGRA BCOM PA BSAD PA NYI DAM, DGE 'DUN GYI DBYEN BYAS PA NYID DAM, DE BZHIN GSHEGS PA LA NANG SEMS KYIS KHRAG PHYUNG BA NYID DAM, GNAS PAR MI BYA BA NYID DAM, THA DAD DU GNAS PA NYID DU DAM 'CHAR BAR BYED DAM, DE BZHIN DU BYIN PA'I DGE SLONG DE DAG TU DAM 'CHA' BAR BYED DAM, SBYIN PAR BYED PA'I DGE SLONG NAD KYI RNAM PAS YUN RING DU THEBS SAM GZHAN DU SONG NGAM, DE BZHIN DU BYIN PA'I DGE SLONG DE LTAR GYUR NA RTZOD PA DE NYE BAR ZHI BAR BRJOD PAR BYA'O ZHES GSUNGS PA YIN NO, ,RTZOD PA'I GZHI ZHU BA'I SKABS SO, ,RTZOD PA'I GZHI RDZOGS SO,, ,,SO SOR THAR PA'I SDOM PAS MCHOG LA RAB TU BYUNG BAS PHYAG BYA'O

246a

, ,ZHES BYA BA NI SO SOR THAR PA'I SDOM PAS MCHOG TU GYUR PA DGE SLONG GANG YIN PA DE LA RAB TU BYUNG PAS PHYAG BYA'O, ,DGE TSUL GYIS DGE SLONG LA PHYAG BYA'O, ,DGE TSUL MAS DGE SLOB MA LA PHYAG BYA'O, ,DGE SLOB MAS DGE SLONG MA LA PHYAG BYA'O ZHES BYA BA DE LA DE BYED PA'O; ,MNYAM NA RGAN PA LA'O ZHES BYA BA NI SO SOR THAR PA'I SDOM PAS MNYAM PA NYID NA SO SOR THAR PA'I SDOM PA DES RGAN PA DE LA GZHON PAS PHYAG BYA'I NA TSOD KYIS NI MA YIN NO, ,BSNYEN PAR RDZOGS PA'I SDOM PA SNGAR BLANGS PA LA PHYIS BLANGS PAS PHYAG BYA'O ZHES BYA BA'I DON TO, ,DANG BOR BSNYEN PAR RDZOGS ZIN PA LA BSNYEN PAR RDZOGS PAS PHYAG BYA'O, ,DGE SLONG GIS DGE SLONG LA PHYAG BYA'O, ,DGE SLONG MAS DGE SLONG MA LA PHYAG BYA'O, ,DANG POR DGE SLONG MA'I SDOM PA DANG LDAN ZIN PA LA DGE SLONG MAS PHYAG BYA'O, ,DANG POR RAB TU BYUNG BA'I SDOM PA DANG LDAN ZIN PA LA DGE SLONG MAS PHYAG BYA'O, ,DANG POR RAB TU BYUNG BA'I SDOM PA DANG LDAN PAR GYUR ZIN PA'I DGE SLONG LA DGE SLONG LA DGE TSUL GYIS PHYAG BYA'O, ,DGE TSUL MAS KYANG DGE TSUL MA LA PHYAG BYA'O ZHES GSUNGS PA DE BAS NA DE LA DE BYED PA'O, ,MDO SNGA MAS NI SA SOR THAR PA'I SDOM PAS MCHOG LA RAB TU BYUNG BAS PHYAG BYA'O ZHES BSTAN PA LA DGE TSUL PHAS DGE SLONG MA DANG DGE SLONG MA LA PHYAG BYA BAR THAL BAR 'GYUR BA DANG, MDO 'DIS NI MNYAM NA RGAN PA LA'O ZHES BYA STAN PAS DGE SLONG DANG DGE SLONG MA YANG SO SOR THAR PA'I SDOM PAS MNYAM PA YIN PAS, DGE SLONG MA LA DGE SLONG GIS PHYAG BYA BAR THAL BAR 'GYUR BA DANG, DGE TSUL DANG DGE TSUL MA YANG SO SOR THAR BA'I SDOM PAS MNYAM PA YIN PAS DGE TSUL MA RGAN PA LA DGE TSUL GYIS PHYAG BYA BAR THAL BAR 'GYUR BAS DE BSAL BA'I PHYIR MDO DE GNYIS KYI BYE BRAG BSTAN PAR BYA STE, DE'I PHYIR, MTSAN THA MI DAD PA LA'O ZHES BYA BA SMOS TE, MTSAN MTHUN PA DAG LA CHO GA 'DI YIN GYI MTSAN MI MTHUN PA DAG GI NI MA YIN NO, ,JI LTAR SKYES PAS BUD MED LA PHYAG MI BYA BA DE BZHIN DU BUD MED KYIS KYANG SKYES PA LA PHYAG MI BYA BAR THAR BAR 'GYUR BA DE DMIGS KYIS BSAL BA'I PHYIR,

246b

SKYES PA MI DMAN PA LA BUD MED KYIS SO ZHES BYA BA SMOS TE, GANG ZHIG SO SOR THAR PA'I SDOM PAS BUD MED PAS MI DMAN NA GSAR BU LA YANG BUD MED KYIS PHYAG BYA NA DUS MNYAM PA 'AM RGAN PA LA LTA SMOS KYANG CI DGOS ZHES BYA BA'I DON TO, ,CHO GA DE DAG THAMS CAD KYI DMIGS KYIS BSAL BA'I PHYIR, SA GZHAN NA GNAS PA DANG NYAMS PA DANG DGE SLONG MA SUN PHYUNG BA DANG, CHOS MA YIN PA'I PHYOGS DANG MTHUN PA DANG, THA DAD PAR GNAS PA DANG, THA DAD PAR GNAS PA DANG, NYAL BA DANG SNYOMS PAR ZHUGS PA DANG BREL BA DANG SEMS GZHAN DU SONG BA DANG RGYAB KYIS PHYOGS PA DANG KHYIM GZHAN NA 'DUG PA DANG ZAS KYI GRAL NA 'DUG PA MA GTOGS SO ZHES BYA BA SMOS TE, SA GZHAN NA GNAS PA ZHES BYA BA NI YONGS SU GNAS PA LA SOGS PA BSLAB PA BYIN PA DANG, DE'I NGO BO NYID TSOL BA DANG MTHUN PA SBYIN PA LA SOGS PA'O; ,NYAMS PA ZHES BYA BA NI GNAS PAR MI BYA BA'O, ,DGE SLONG MA SUN PHYUNG BA DANG MTSAMS MED PA BYAS PA ZHES BYA BA NI, MU STEGS CAN ZHUGS PA DANG, RKU THABS SU GNAS PA DANG, ZA MA DANG, MA NING DANG ZHES BYA BA LA SOGS PA SDOM PA'I ZHING MA YIN PAR GYUR BA DAG BSDUS SO, ,CHOS MA YIN PA'I PHYOGS DANG MTHUN PA ZHES BYA BA SMOS PAS NI THA DAD PAS GNAS PA'I BYE BRAG GO, ,CHOS MA YIN PA'I PHYOGS DANG MTHUN PA'I THA DAD PA GNAS PA GANG YIN PA ZHES BYA BA DES NI CHOS KYI PHYOGS DANG MTHUN PA GNAS PA'I THA DAD PA LA PHYAG BYA BA NYID YIN NO, ,CHOS MA YIN PA'I PHYOGS DANG MTHUN PA ZHES SMOS PAS NI RANG GI PHYOGS KYIS KYANG PHYAG MI BYA BAR THAL BAR 'GYUR BA ZHES BYA BAS 'DIR THA DAD PAR GNAS PAR BSDUS SO, ,NYAL BA ZHES BYA BA NI GLOS PHAB STE NYAL BA'O, ,SNYOMS PAR ZHUGS PA ZHES BYA BA NI TING NGE 'DZIN LA'O, ,BREL BA ZHES BYA BA NI BYA BA RJES SU BSGRUB PA LA SEMS GZHOL BA'O, ,SEMS GZHAN DU SONG ZHES BYA BA NI PHYAG 'TSAL BA LA SEMS GTOD PA MI SBYIN PA'O, ,RGYAB KYIS PHYOGS PA ZHES BYA BA NI MDUN PHAR PA LTAS PA'O, ,KHYIM GZHAN NA

247a

, ,'DUG PA ZHES BYA BA'I SGRA LAS KHYIM GYI NANG NA 'DUG PA ZHES BYA BA DANG SBYAR TE KHYIM PA'I KHYIM NA 'DUG PA ZHES BYA BA'I DON TO, ,KHYIM PAS RAB TU BYUNG BA LA'O ZHES BYA BA NI MA GTOGS PA'I JI SKAD BSTAN PA DE DAG LAS GZHAN PA THAMS CAD LA PHYAG BYA'O, ,KHYIM GZHAN NA 'DUG PA LA YANG MA GTOGS PAR MI RIGS TE, KHYIM GZHAN NI KHYIM PA RNAMS KYI SPYOD YUL YIN PA'I PHYIR RO, ,DE LTAR YANG 'DIR GZHUNG NI KHYIM BDAG GI CHUNG MA BDE CHEN MA DAD PA SKYES PA GNAS NAS PHYIR BYUNG STE, BCOM LDAN 'DAS KYI ZHABS LA PHYAG BYAS SO ZHES GRAGS PA YIN NO, ,CHUS BTAB PAS SROG PHYIR BZLOG PA'I PHYIR TSE DANG LDAN PA LAM PHRAN GYI ZHABS LA PHYAG BYAS NAS BZOD PA GSOL BA ZHES THOS PA YIN NO, ,MA GTOGS PA GZHAN THAMS CAD LA NI KHYIM PAS KYANG PHYAG MI BYA BAR RIGS TE, 'DI LTAR YONGS SU GNAS PA LA SOGS PA DAG LA YANG DE DANG MI 'BYUNG BA NYID LA SOGS PA SMOS TE, KHYIM PA DAG GIS KYANG PHYAG BYA BAR MI RIGS TE, NAN TUR BYAS PA DAG KYANG SPANGS PA YIN PA'I PHYIR RO, ,DE LA KHYIM PA'I SNYOMS PAR ZHUGS PA SPANG BA NI 'DI YIN TE, GANG ZHIG LHA LA MCHOD PA'I RNAM PA NI MA YIN PA NI 'DI LTA STE, ME'I KHANG PA LA SOGS PAR SNYOMS PAR ZHUGS PA KHA CIG RNAMS LA NI KHA CIG TU LHA RNAMS KYIS PHYAG 'TSAL BA KHO NA YIN NO, ,'DIR DE DAG GI GZHUNG NI SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN PA PHYAG MI BYA BA DU MCHIS NYE BA 'KHOR SUM CU RTZA GNYIS TE, BSDIGS PA'I LAS BYAS PA DANG, SMAD PA'I LAS BYAS PA DANG, BSKRAD PA'I LAS BYAS PA DANG, PHYIR 'GYED PA'I LAS BYAS PA DANG, MA MTHONG BAS GNAS NAS PHYUNG BA DANG, PHYIR MA 'CHOS PAS GNAS NAS PHYUNG BA DANG; SDIG PA CAN GYI LTA BA'I RNAM PA MI GTONG BAS GNAS NAS PHYUNG BA DANG, YONGS SU GNAS PAR BYED PA DANG, MA GU BA SPYOD PA DANG GZHI NAS MA GU BA SPYOD PA DANG, BSLAB PA BYIN PA DANG, ZA MA DANG MA NING DANG DGE SLONG MA SUN PHYUNG BA DANG, RKU THABS SU GNAS PA DANG GNAS

247b

PAR MI BYA BA DANG, MA BSAD PA DANG, PHA BSAD PA DANG, DGRA BCOM PA BSAD PA DANG, DGE 'DUN GYI DBYEN BYAS PA DANG DE BZHIN GSHEGS PA LA NGAN SEMS KYIS KHRAG PHYUNG BA DANG, GCER BU DANG CHOS GOS GCIG PA DANG NYAL BA DANG, SNYOMS PAR ZHUGS PA DANG, SNYOMS PAR ZHUGS PA DANG, RGYAB KYIS PHYOGS PA DANG, SO SHING ZA BA DANG, BSHANG BA BYED PA DANG, GCI BA BYED PA DANG, KHYIM GZHAN NA 'DUG PA'O, ,BTZUN PA PHYAG BGYI BA DU MCHIS, NYA BA 'KHOR LNGA STE, KHYIM PAS RAB TU BYUNG BA LA DANG, BSNYEN PAR MA RDZOGS PAS BSNYEN PAR RDZOGS PA LA DANG, GZHON PAS RGAN PA LA DANG, DGE SLONG MA BSNYEN PAR RDZOGS NAS LO BRGYA LON PAS DE RING BSNYEN PAR RDZOGS PA'I DGE SLONG LA DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA LHA DANG BCAS PA'I 'JIG RTEN GYIS PHYAG BYA'O ZHES GSUNGS PA YIN NO, ,'DIR KHA CIG TU BREL BA DANG SEMS GZHAN DU SONG BA DANG ZAS KYI GRAL NA 'DUG PA DAG NI GZHUNG GZHAN NAS BSDUS SO, ,THAMS CAD KYIS SANGS RGYAS LA'O ZHES BYA BA NI KHYIM PA YANG RUNG RAB TU BYUNG BA YANG RUNG BUD MED KYANG RUNG SKYES PA YANG RUNG RGAN PA YANG RUNG GZHON PA YANG RUNG BA THAMS CAD KYIS SANGS RGYAS BCOM LDAN 'DAS LA PHYAG BYA'O, ,GTZUG LAG KHANG BYA'O ZHES BYA BA NI DGE SLONG GIS GTZUG LAG KHANG BYA BA LA MI RUNG BA MED PA'O, ,DE LTAR YANG 'DIR GZHUNG NI 'DI LTA STE, DGE SLONG KUN DGA' RA BA DE NYID DU PHYOGS BZHI'I DGE SLONG GI DGE 'DUN GYI PHYIR GTZUG LAG KHANG KHA SRO BER BYED DO ZHES GSUNGS PA YIN NO, ,NGOS GCIG GI DBUS SU DRI GTZANG KHANG BYA BA NYID DO ZHES BYA BA LA, 'DIR NGOS ZHES BYA BA NI PHYOGS TE, SHAR LA SOGS PA'I PHYOGS GCIG GI DBUS SU DRI GTZANG KHANG BYA BA NYID YIN PA'O, ,DE'I MDUN DU SGO KHANG NGO ZHES BYA BA NI DRI GTZANG KHAR DE'I MDUN GYI BYANG GTAD KYI NGOS SU SGO KHANG BRTZIG PAR BYA'O, ,GTZUG LAG KHANG GI DBYIBS NI GRU BZHI BZANG BA NYID DE RNAM PA GZHAN YANG BKAG PA NI MED PAR SHES PAR BYA'O, ,KHYAMS GSUM PA YANG NGO ZHES BYA BA NI GRU BZHI PA BZANG NGO ZHES BYA BA RJES SU SBYAR TE, GRU BZHI LA NGOS

248a

, ,GSUM LAS KHYAMS BTAGS PA BZANG NGO, ,'DIR GZHUNG NI BCOM LDAN 'DAS KYIS BKA' STZAL PA, KHYIM BDAG RJES SU GNANG GIS BYED DU CHUG CIG ,DE JI LTA BUR BYED DU GZHUG PA MI SHES NAS, BCOM LDAN 'DAS KYIS BKA' STZAL PA, GAL TE GNAS KHANG GSUM PA BYED DU 'JUG NA, DBUS SU DRI GTZANG KHANG BYED DU GZHUG CING GNYIS SU GNAS KHANG GNYIS SO, ,KHYAMS GSUM LA NI DI BZHIN DU GNAS KHANG DGU DAG GO, ,KHYAMS BZHI LA NI DBUS SU SGO KHANG GI BYANG GTAD DU DRI GTZANG KHANG NGO, ,SGO KHANG GI NGOS GNYIS SU GNAS KHANG GNYIS SO ZHES GSUNGS PA YIN NO, ,MNOD PAR BYA'O ZHES BYA BA NI GTZUG LAG KHANG ZHES BYA BAR SBYAR TE, 'DIS NI DON GYIS DE'I SA GZHI NYEN KOR DANG BCAS PA MNOD PAR RIGS PAR BYA'O, ,GTZUG LAG KHANG DU GNAS PAR BYA'O ZHES BYA BA NI BYA'O ZHES BYA BA DANG MNOD PAR BYA'O ZHES BYA BA DE GNYIS KYIS GNAS PAR BYA BA MA BSDUS TE, DE GNYIS KYIS GZHAN GYI DON DU BYA BA DANG, MNOD PAR BYA BA YANG SRID PAS RTZOM PA 'DI'O, ,GZHAN DAG DGE 'DUN GYI GZHIR DGE 'DUN GYI PHYIR RAM GANG ZAG DGE SLONG GI PHYIR GNAS KYI GZHI BYED PA RJES SU GNANG BAR BYA'O, , GAL TE SBYIN BDAG YOD NA DES RJES SU GNANG BA NA'O ZHES BYA BA NI GAL TE DGE 'DUN GYI GZHI DE LA SBYIN BDAG YOD NA DES RJES SU GNANG NA DGE 'DUN GYI PHYIR RAM GANG ZAG GI PHYIR, GNAS KYI GZHI BYED PA RJES SU GNAD BAR BYA'O, ,GRONG KHYER GYI PHYI ROL LA LAM NANG DU BSTI BA'I GNAS DAG RUNG NGO ZHES BYA BA NI GANG DU DGE SLONG DAG BSONG SNYOMS PA'I DON DU 'JUG PA RNAMS KYI TSA BA DANG, NGAL BA RNAMS LA SOGS PA BSAL BA'I PHYIR BSTI BA'I GNAS MI 'ONG BA'I GNAS ZHES BYA BA DE BYED DU GZHUG PAR RUNG NGO, ,'DIR GZHUNG NI GAL TE BCOM LDAN 'DAS KYIS RJES SU GNANG NA BDAG GRONG KHYER GYI SLANG ROL DU BSTI BA'I GNAS BGYID DU STZAL TE ZHES BYA BA NAS, KHYIM BDAG RJES SU GNANG GIS RTZIGS SHIG CES BYA BA'I BAR DU GSUNGS PA YIN NO, ,'DIR GRONG KHYER GYI PHYI ROL DU ZHES GSUNGS PA NI, BYUNG BA'I DBANG GIS SMOS PA YIN GYI, GRONG KHYER GYI NANG DU YANG

248b

'GAL BA MED PAS 'DIR GNYIS KA MDOR BSDUS SO, ,RANG GI KHRON PA BAR DU BCAD PA'I PHYIR RTZIG GU BYAS PAS KUN DU CHAGS PA'I SHES PA BSAL BAR BYA'O ZHES BYA BA NI BAR DU BCAD PA'I PHYIR RTZIG GU BYA BA GANG YIN PA DE BYED PAS BUD MED KYI TSOGS LA BLTA BAR BYA BA GSAL BAR BYA STE, KHRON PA GZHAN LA CHO GA 'DI BYED PA MA YIN TE DE BAS NA RANG GI KHRON PA'I TSIG GO, ,DER BUD MED CHU CHUR 'ONGS PA MTHONG BA NA KUN DU CHAGS PA'I RKYEN YIN TE, RTZIG PAS BAR DU CHOD PA MED PA NYID LA NI MTHONG BA MED PA NYID KYI PHYIR CHAGS PA SKYE BA'I RKYEN DU MI 'GYUR TE, DE LTA BAS NA DE'I DE NYID MED PA NYID DO, ,SNYIM PA BKANG ZHING BLUD PAS BUD MED RJES SU GZUNG BAR BYA ZHING CHU RGYUN MA CHAD PAS BLUGS PAR MI BYA'O ZHES BYA BA NI BUD MED KYIS CHU SNYIM PA GANG 'THUNGS ZIN NAS SNYIM PA GNYIS PA DGANG ZHING BLUD PAR BYA'I, SNYIM PA NAS 'THUNG BZHIN DU CHU'I RGYUN PHYI MA YANG RGYUN MI 'CHAD PAR BLUGS PAR MI BYA'O ZHES BYA BA'I DON TO, ,BUD MED GANG ZHIG DGE SLONG GI MDUN DU SEMS RAB TU GTANG PA DE LA RANG GIS SBYIN PAR MI BYA'O ZHES BYA BA, 'DIR KHA CIG BYED PA DE NI GZHAN GYI SEMS SHES PAR DKA' BA NYID KYI PHYIR TE, SHIN TU BREL BA'I NGO BO MA YIN NO, , BAR BAR DU YANG CHU'I RGYUN GCAD PAR BYA'O ZHES BYA BA LA, GZHAN DE RNAMS CHU STER BA LA RNAM PAR RTOG PA BYED PA DE LA YANG THO 'TSAM BA NYID DU 'GYUR BA'I PHYIR MI RIGS PA NYID DO, ,DE'I DUS NYID KYI DBYAR GYI NANG DU 'ONGS PA NI RNYED PA DBANG NGO ZHES BYA BA NI 'DIR RNYED PA LA DE'I SGRA LA LTOS PA NYID DE DUS GANG LA YOD PA ZHES BYA BA DE BSDUS PA'O, ,'DIR DBYAR GYI RNYED PAS DBYAR GYI NANG DU 'ONGS SHING ZHES BYA BA 'DI LAS SHES PA'O, ,DBYAR GYI DUS LA SHIN TU MANG BA NYID NI DE'I RNYED PA'I DUS SO, ,GAL TE DBYAR GYI NANG DU 'ONGS PA LA SHIN TU MANG BAR DBYAR GNAS LA DER GNAS PA GRUB PAR 'GYUR NA DE 'OS PA YIN NO, ,DBYAR RAL BA LA YANG DBYAR GYI RNYED PA'I SKAL BA DBANG BA'O ZHES BYA BA'I DON TO, ,'DIR RNYED PA DBANG BA'I RGYU NI GNAS PA YIN TE, GNAS PAR KHAS BLANGS PA NI MA YIN TE, JI LTAR YANG DE LTAR KHAS BLANGS KYANG ZHES BYA BA DE LTAR

249a

, ,RNAM PAR GZHAG PA 'DI'O, ,ZA ZHING RNYED PA MA YIN PA LA NI LAS MI RIGS SO ZHES BYA BA NI ZAS TZAM GYIS 'TSO ZHING RNYED PA MA YIN PA LA NI DE LA SUS KYANG BSKO BAR MI BYA'O ZHES BYA BA'I DON TO, ,'DIR GZHUNG NI KHA CIG LAS DBYAR GYI NANG DU 'ONGS PA DAG GI DBANG DU BYAS TE GSUNGS PA YIN NO, ,'DIR GZHUNG NI DGE SLONG DAG GI RNYED PA MA THOB PA DANG, BCOM LDAN 'DAS KYIS BKA' STZAL PA, GAL TE LAS SU BSKOS PA BYED NA NI RNYED PA YANG SBYIN PAR BYA'O, ,JI STE MI BYANG NA NI ZAN LA BLTAS PA TZAM GYIS GNAS PAR BYA STE LAS DANG RNYED PA YANG NGO ZHES GSUNGS PA 'DI LA RIGS PAS BYE BRAG NYE BAR BSDUS NAS MDO 'DI GNYIS KYIS 'DI BSDUS SO, ,GZHUNG GZHAN LAS KYANG DGE SLONG DAG ZAS KYI RNYED PA DE YANG MI NOD NAS, BCOM LDAN 'DAS KYIS BKA' STZAL PA, DE DAG LA ZAS KYI RNYED PA DE DAG SBYIN PAR BYA'O ZHES GSUNGS PA DE DAG 'DIR BSDUS PA YIN NO, ,LAS SU NI GZHON RIMS NAS MTHAR GYIS BSKO'O ZHES BYA BA NI GZHON RIMS NAS MTHAR GYIS BYA'O, ,RNYED PA MI 'THOB PA LA ZAS SBYIN PAR BYA BA NYID DO ZHES BYA BA NI GANG LA DBYAR RAM DUS GZHAN LA DBYAR GYI DUS BZHIN DU NGES PA NYID KYI PHYIR, ,BYA BAS RNYED PA MI 'THOB PA DE LA ZAS NI SBYIN PAR BYA BA NYID YIN PA'O, ,GZHAN GYI RNYED PA LA 'DU BAR MI BYA'O ZHES BYA BA NI GANG ZHIG DE'I TSE MA SBYIN PAR LEN PA SKYED PA NI 'DI LTA STE, GNAS GZHAN MNGON SUM DU RNYED PA'I PHYIR NANG DU GTOGS PA'I KHROD DU ZHUGS NAS ZOS NA NYES PAR 'GYUR LA, NYES PA MED PA DE'I DON KHO NAR DER SONG BA MA YIN PA GTZUG LAG KHANG GZHAN DU SONG NAS ZOS PA LA'O, ,GAL TE ZAS KYI DON KHO NAR DER SONG BA MA YIN PA DE LA NI NYES PA MED PA'O, ,MU GE'I TSE RANG GIS MA KHYER BA LA YANG NGO ZHES BYA BA MU GE'I DUS KYI TSE RANG GIS GTZUG LAG KHANG NAS BRGYAGS MA KHYER BAR GTZUG LAG KHANG GZHAN DU ZAN ZOS NA NYES PA MED PA'O, ,DGE SLONG GI TSANG NYID LAS LHAG MA NYID BLANGS PA YANG NGO ZHES BYA BA NI GTZUG LAG KHANG NA GNAS NAS DGE SLONG JI SNYED PA 'KHOD PA'I ZAS KYI TSOD LAS LHAG PA'I

249b

THOB PA YOD PA NYID YIN NA GTZUG LAG KHANG NA GNAS NAS ZAS BLANGS NA NYES PA MED PA'O, ,GTZUG LAG KHANG YAL BAR MI DOR RO ZHES BYA BA NI 'DI NI SIL BU DAG LAS SO, ,RANG GIS ZHES BYA BA DE YANG NGO, ,SBYIN PA'I BDAG PO ZHES BYA BA DE NI 'DIR YANG NGO, ,PHYIR BCOS PA'I PHYIR SBYIN BDAG SPRO BAR BYA'O ZHES BYA BA NI BYE BRAG TU MA SMOS PAS GNAS PA'I GZHI NYI TSER MA ZAD KYI DGE 'DUN GYI GTZUG LAG KHANG THAMS CAD KYANG DGE 'DUN GYI YIN GYI GZHAN GYI NI MA YIN NO ZHES BYA BA 'DI'I 'OG NAS STON PA LAS SHES PAR BYA'O, ,MA GRUB NA DGE 'DUN GYI LAS JI TZAM GYIS NUS PA NGES PAR SBYAR RO ZHES BYA BA NI SBYIN BDAG MA GRUB NA PHYIR BCOS PA'I PHYIR DGE 'DUN GYI RDZAS LAS JI TZAM GYIS CHOG PAR PHYIR BCOS PAR BYA'O, ,RANG GIS KYANG PHYIR BCOS PAR BYA'O ZHES BYA BA NI LAG GI LAS KYI TSUL GYIS CI NUS PAS KYANG NGO, ,RNYED PA MNOD PAS GTZUG LAG KHANG GI BYI DOR BYA'O ZHES BYA BA NI DE NAS GANG RNYED PA NOD PA DES LAS DE BYA'O, ,DAD PA'I RNYED PA NI GTZUG LAG KHANG NYID KYIS MA YIN NO ZHES BYA BA NI DAD PA'I RGYU LAS BYUNG BA'I RNYED PA GANG YIN PA SBYIN BDAG DAD PAS DUS NGES PA MED PAR GANG ZAG 'GA' ZHIG LA 'BUL BAR BYED PA DE NI GTZUG LAG KHANG NYID LA RNYED PA MA YIN NO, ,GTZUG LAG KHANG NAS SGO BCAD DE 'GRO BAR BYA'O, ,SRUNG MA YANG GZHAG STE'O ZHES BYA BA NI GTZUG LAG KHANG GI ZHES BYA BA'I LHAG MA'O, ,DE LA ZAN MED NA SBYIN NO ZHES BYA BA NI GTZUG LAG KHANG GI SRUNG MA DE LA ZAN MED NA SBYIN PAR BYA'O, , DES CHOM RKUN PA'I RANG DBANG NYID MED PAR MI SHES PAR SGO DBYE BAR MI BYA'O ZHES BYA BA NI GTZUG LAG KHANG GI SRUNG MA DES GZHAN DAG GTZUG LAG KHANG GI SGO PHYE SHIG CES ZER NA, CHOM RKUN PA'I RANG DBANG NYID MED PA NGES PAR MI SHES PAR SGO DBYE BAR MI BYA'O, ,'DIR NGES PAR SHES PAR BYA BA'I THABS GANG ZHE NA, DE'I PHYIR KHANG STENG DU 'DZEGS LA BLTA STE, KHYOD RIMS KYIS MA BTAB BAM ZHES BRJOD PA NI 'DIR THABS YIN NO ZHES BYA BA SMOS TE, KHYOD RIMS KYIS MA BTAB BAM ZHES BRDA SKAD BRJOD PA NI SMRAR GZHUG PA'O, ,GNAS DANG MING DANG PHA MA LA SOGS PA SO SOR

250a

, ,SHES PAR BYED DU GZHUG PA YANG NGO ZHES BYA BA YANG BRJOD PA NI THABS YIN NO, ,'DI RJOD PAR BYED DU GZHUG PA'O, ,YID MA CHES SHING 'JIGS PA DANG BCAS PA NYID LA SGO DBYE BAR MI BYA'O, ,DGON PA BAS KHYI BCANG BAR BYA'O, ,DES NANG BAR SNGAR LANGS MA THAG KHO NAR GTZUG LAG KHANG DANG MCHOD RTEN GYI 'KHOR SA BLTA BAR BYA'O ZHES BYA BA LA, DES ZHES BYA BA NI KHYI 'CHANG BA POS SO, ,LANGS MA THAG CES BYA BA LA LANGS MA THAG KHO NAR ZHES BYA BA'I SGRAS NI BYA BA GZHAN DAG MA BYAS PA'I MDUN ROL DU BLTA BAR BYA'O ZHES BSTAN PAS NI NYI MA SHAR BAR LANGS PA 'DIS BKAG PA YIN NO, ,GAL TE DES BSHANG BA BYAS NA DOR BAR BYA ZHING GCI BA BYAS NA PHYI BAR BYA, GAL TE SDER MO DAG GIS BRAD NA MNYAM PAR BYA'O, ,DE DAG GI GNAS DAG TU DKYIL 'KHOR BYA'O ZHES BYA BA NI BSHANG BA LA SOGS PA DE DAG GI GNAS DAG TU BYA'O, , ZHES BYA BAR SBYAR RO, ,DE JI LTAR GSO BAR BYA ZHE NA, DE'I PHYIR DE LA LHUNG BZED KYI LHAG ROL SBYIN NO ZHES BYA BA SMOS TE KHYI DE LA'O, ,GANG DU DE SBYIN PAR BYA ZHE NA, DE'I PHYIR MCHOD RTEN DANG GTZUG LAG KHANG GI NYEN KOR GYI PHYI ROL DU'O, ,SPYOD LAM CI 'DOD PAS LUNG DPOG GO ZHES BYA BA LA, LUNG DBOG PA NI SPYOD LAM BZHI PO DAG LAS CI 'DOD BAS DBOG NA YANG DE LA NYES PA MED PA'O ZHES BYA BA'I DON TO, ,GSAR BUS MNOD PA'I PHYIR KHAMS SNYOMS PA NYID DRI STE, PHYAG BYA BA SNGAR BTANG BA'I SPYOD LAM BSTEN PAR BYA'O ZHES BYA BA NI GSAR BUS BLA MA LA KLAG PA'I LUNG MNOD PA'I PHYIR, SNGAR PHYAG BYA STE BSNYUN GSOL NAS BYA BA'I SPYOD LAM BSTEN PAR BYA'O, ,RGAN PAS NI PHYAG MI BYA BAR BSNYUN GSOL NAS SO, ,THAL MO BSNOL TE BCANG NGO ZHES BYA BA NI LAG PA GNYIS KYIS THAL MO BSNOL TE BCANG BA'I SPYOD LAM BSTEN PAR BYA'O; ,LUS DANG SEMS BTUD DO ZHES BYA BA NI LUS BTUD PA DANG SEMS BTUD PAR BYA BA STE, NGA RGYAL GYIS SEMS KHENGS PA'I YAN LAG KYANG SEMS DMA' BA NYID YIN LA GUS PA DANG BCAS PA NYID KYANG SEMS DMA' BA NYID YIN PAR RIG PAR BYA'O, ,DRANG POR RO ZHES BYA BA NI GYA GYU MED PA

250b

DANG SGYU DANG G-YO MED PAR BYA'O, ,LUNG 'BOGS PAR BYED PA GNAS JI LTA BU DE LTA BUR GYUR PA'I SPYOD LAM BSTEN PAR BYA ZHE NA, DE'I PHYIR 'CHAG PA NA GOM PA SRI BAS BCAG PA'I 'O ZHES BYA BA SMOS TE, LUNG 'BOGS PAR BYED PA 'CHAG PA NA LUNG NOD PAR BYED PAS GOM PA SRI BAR BCAG PA'I SPYOD LAM BSTEN PAR BYA'O, ,'GRENG BA DANG 'GRENG BA'I 'O ZHES BYA BA NI LUNG 'BOGS PAR BYED PA 'GRENG BA NA LUNG NOD PAR BYED PAS KYANG 'GRENG BA'I SPYOD LAM BSTEN PAR BYA'O, ,'DUG PA DANG NYAL BA NA 'DUG PA'I 'O ZHES BYA BA NI BSTEN PAR BYA'O, ,GANG DU 'DUG PA'I SPYOD LAM BSTEN PAR BYA ZHE NA, DE'I PHYIR STAN CHES DMA' BA LA'O ZHES BYA BA SMOS TE, 'DIR CHES RGAN PA NI, RJES SU GNANG BA LA MI LTOS PA NYID KYIS RANG 'DUG PAR BYA'O, ,GSAR BUS RJES SU GNANG BA LA LTOS TE 'DUG PAR BYA BA BSTAN PA'I PHYIR GSAR BUS NI BSGO NA'O ZHES BYA BA SMOS TE LUNG 'BOGS PAR BYED PAS BSGO ZHING RJES SU GNANG NA 'DUG PAR BYA'O, ,MA BSGO BA'I CHOG BSTAN PA'I PHYIR, MA BSGO NA TZOG PUS SO ZHES BYA BA SMOS TE, 'DUG PA BSTEN PAR BYA'O ZHES BYA BAR SBYAR RO, ,MNOD PAR BYA BA MANG BA NYID YIN NA ZHU BAR BYA'O ZHES BYA BA NI LUNG MNOD PAR BYA BA'I GZHUNG MANG BA NYID YIN NA 'DUG PA'I PHYIR LUNG 'BOGS PAR BYED PA LA ZHU BAR BYA'O, ,'DIR GZHUNG NI GAL TE GSAR BUS YIN LA, MANG DU NOD NA SLOB DPON LA ZHUS TE STAN CHES DMA' BA LA 'DUG NAS LUNG MNOD PAR BYA'O, ,JI STE NYUNG DU NOD NA NI TZOG BUS 'DUG STE'O ZHES GSUNGS PA YIN NO, ,THOS PA'I NYEN KOR MA GTOGS PA SNANG BA'I NYEN KOR DU 'DUG STE KHA TON BYA'O ZHES BYA BA NI MTHONG BA'I NYEN KOR DU GNAS NAS SO, ,GDAMS NGAG NI MTHA' GCIG TU SONG STE BSGRUB PAR BYA'O ZHES BYA BA NI SGOM PA'I GDAMS DAG GO, ,LUNG 'BOGS PA DANG MNOD BA'I SHIN TU LEGS PAR BSLABS PA DANG, SHIN TU YONGS SU BYANG BA DANG THE TSOM MED PAR BYAS TE'O, ,GNAS KHANG DANG ZAS LA BSKO BA DANG THUG PA DANG BAG CHOS DANG SHING THOG 'DRIM PA BSKO BAR BYA'O ZHES BYA BA NI GNAS KHANG BSKO BAR BYA'O ZHES BYA BAR SBYAR BAR BYA'O, ,

251a

, ,THUG PA DANG BAG CHOS DANG SHING THOG 'DRIM PA YANG BSKO BAR BYA'O ZHES BYA BA NI SGRA DANG SBYAR RO, ,BAR BUR 'DRIM PA YANG NGO ZHES BYA BA NI BSKO BAR BYA'O ZHES BYA BAR SBYAR RO, ,GZHUNG KHA CIG LAS NI BAR BUR 'DRIM PA ZHES BYA BA 'DI'I MING PHRAN TSEGS 'DRIM PA ZHES 'BYUNG NGO, ,BAR BUR ZHES BYA BA DE CI YIN ZHE NA DE'I PHYIR, LHAG ROL PHYI DE NYIN PAR BRIM PAR BYA BA NI DE ZHES BYA BA SMOS TE, 'DIR GZHUNG NI BAG CHOS LA SOGS PA BRIM PA'I LHAG ROL LUS PAS SU YANG BRIM PAR MI BYED PA NA, BCOM LDAN 'DAS KYIS BKA' STZAL PA, BAR BUR BRIM PA BSKO BAR BYA ZHING DES DE DAG PHYI DE NYIN PAR BRIM PAR BYA'O ZHES GSUNGS PA YIN NO, ,SNOD SPYAD 'DRUB PA'O ZHES BYA BA NI BSKO BAR BYA'O, ,DBYAR GYI RAS CHEN NO ZHES BYA BA NI SBED PA PO BSKO BAR BYA'O, ,SNAM SBYAR ZHES BYA BA NI 'DI LA DGE 'DUN GYI BSAM PAR BYA BA MA YIN PA NYID SHES PA'O; ,CHOS GOS BSTAN PA'O ZHES BYA BA NI SBED PA PO BSKO BAR BYA'O, ,GANG ZHIG 'DI GDING BA PO BSTAN PA STE, 'DIR SBED PA'O ZHES BYA BAR RJOD PA PO RNAM PAR GNAS PA YIN NO, ,GOS DAG GO ZHES BYA BA NI SBED PA PO BSKO BAR BYA'O, ,'GYED PA YANG NGO ZHES BYA BA NI GOS SBED PA DANG 'GYED PA PO DE GNYIS BSKO BAR BYA'O, ,DGE SKOS DANG MNGAG GZHUG GO ZHES BYA BA NI SKOS CI RIGS PAR SBYAR BA'I PHYIR BSDUS PA'O, ,DGE SKOS KYI BYA BA DANG BAG YANGS SU GYUR PA DANG DES BYA BA GANG YIN PA DES DE 'GRUB PA'I PHYIR RO, ,'DIR GZHUNG NI DGE SLONG RNAMS KYI ZAN GYI GRAL DANG CHOS NYAN SAR SU YANG STAN SHOM PAR MI BYED NAS, BCOM LDAN 'DAS KYIS BKA' STZAL PA, DGE SKOS BSKO BAR BYA ZHING DGE SKOS KYIS KUN DU SPYOD PA THAMS CAD BYA'O, ,DGE SKOS LA BYA BA CUNG ZHIG BYUNG BA DES SU YANG MI BYED NAS, BCOM LDAN 'DAS KYIS BKA' STZAL PA, MNGAG GZHUG BSKO BAR BYA'O ZHES GSUNGS PA YIN NO, ,SDER SPYAD 'DRIM MO ZHES BYA BA NI BSKO BAR BYA'O, ,DE DAG 'DRIM PA DANG ZAN GYU NAS SBA BA NI DE'I LAS YIN NO ZHES BYA BA NI DGE SLONG DES ZAN GYI DON DU SDER SPYAD 'DRIM PAR BYA'O, ,'DIR

251b

GZHUNG NI SDER SPYAD 'DRIM PA DES DGE SLONG RNAMS KYI ZAN GYI GRAL DU SDER DAG BRIM PAR BYA ZHING ZAN ZOS ZIN NAS BRUB PAR BYA'O ZHES GSUNGS PA YIN NO, ,CHU'I ZHAL TA PA'O ZHES BYA BA NI CHU SBYIN PA LA DE'I BYA BA LA BSKO BAR BYA'O ZHES BYA BA'I DON GYIS SHES PA'O, ,MDZES CHOS SO ZHES BYA BA NI MDZES PAR BYA BA'I DON DU 'CHOS PA NI MDZES CHOS KYI DON DU BSKO BAR BYA'O, ,DE BLTAS TE RAB TU BYUNG BA RNAMS MI MDZES PA BSTEN NA SE GOL GYI SGRA SNGON DU BTANG STE MDZES PA LA NGES PAR SBYAR BAR BYA'O ZHES BYA BA NI MDZES CHOS DES SO, ,MDZES PA LA NGES PAR SBYAR BA'I NGO BO NYID BSTAN PA'I PHYIR 'DIR LTA STE, ZAS LA SGRA BSKYUNG BA NYID DANG SHIN TU BSDAMS PA NYID DANG SHIN TU NOGS THUG PA NYID KYIS SO, ,MCHOD RTEN LA PHYAG BYA BA LA SGRA BSKYUNG BA NYID DANG RGAN RIMS NYID KYIS SO ZHES BYA BA SMOS SO, ,BANG RIM GYI ZHAL TA PA'O ZHES BYA BA NI BSKO BAR BYA'O, ,DES DANG POR ZAN ZOS TE DBYI GU BLANGS NAS ZAN ZA BA DAG LA KHVA TA DANG BYE'U DANG PHUG RON LA SOGS PA DAG BZLOG PAR BYA'O ZHES BYA BA NI BANG RIM GYI ZHAL TA BA DES SO, ,KHVA TA LA SOGS PA DE DAG NI BANG RIM LA SOGS PA DAG TU GNAS 'CHA' BAS DE'I PHYIR DES SHAS CHER DE DAG ZLOG PAR BYED PAS BANG RIM GYI ZHAL TA BA ZHES BYA'O, ,GNAS MAL DBOG PA DANG GNAS MAL BYI BO DBOG PA'O ZHES BYA BA NI DE GNYIS DPOG PA SPRO BAR BYA STE GCIG GI DNGOS PO'O, ,GNAS MAL ZHES BYA BA NI KHRI DANG KHRI'U LA SOGS PA LA RTAG PAR GNAS PA LA'O, ,GNAS MAL BYI BO ZHES BYA BA NI KHRI DANG KHRI'U DANG; STAN NANG TSANGS CAN DANG MAL CHA DANG STAN DANG GNAS MAL LA SOGS PA MED PA 'DI LTA STE, SHING LJON PA'I DRUNG DANG NE'U GSING LA SOGS PA GTAN GYI GNAS MAL MA YIN PA'O, ,ZAS RUNG BA DANG BCAS PA NYID YIN NA MI DAG 'ONG BA LA SGE'U CHUNG SRUNG BA'O ZHES BYA BA NI 'JIG RTEN PA ZHUGS NAS ZAS RUNG BA DANG BCAS PA NYID CES BYA BA SHA DANG BCAS PA NYID YIN NA, DER MI GZHAN DAG 'ONG BA DGAG PA'I PHYIR, SGE'U CHUNG SRUNG BA SPRO BAR BYA STE BSKO BAR BYA'O, ,'DIR SGE'U CHUNG ZHES BYA BA NI DGAG PA SGO BA YIN PAR RIG PAR BYA'O, ,'DIR GZHUNG NI DGE SLONG DAG

252a

, ,GRAL NA ZAN ZA BA NA MI DAG 'ONGS NAS BCOM LDAN 'DAS KYIS BKA' STZAL PA, SGE'U CHUNG SRUNG BA BSKO BAR BYA'O, ,SHA DAG 'DRIM PA NA BRAM ZE DANG KHYIM BDAG DAG 'PHYA NAS, BCOM LDAN 'DAS KYIS BKA' STZAL PA, GANG GI TSE RUNG BA YOD PA DE'I TSE SGE'U CHUNG SRUNG BA BSKO BAR BYA'O ZHES BYA BA GSUNGS PA YIN NO, ,GNAS MAL GYI GZHI'O,, ,,PHYAG BYA BA'I GNAS MUN KHROD DU PHYAG DANG BCAS PA'I TSIG BRJOD PAR BYA'O ZHES BYA BA NI PHYAG 'TSAL BA'I GNAS MUN KHROD DU DGE SLONG GIS PHYAG MI BYA BAR PHYAG 'TSAL LO ZHES BYA BA'I SGRA DANG BCAS PA'I TSIG BRJOD PAR BYA BA YIN GYI ZHES BYA BA 'DIR SMOS NA, 'DI NI PHYAG 'TSAL BA'I TSE MDUD PA MED PAR 'DI MI RIGS SO ZHE NA, BDEN MOD KYI DE'I PHYIR 'DUD PA DANG BCAS PAR ZHES BYA BA SMOS SO, ,NYEN KOR DU GYUR PA GZHAN GYIS PHYAG BYA BAR BRTZAMS PA LA PHYAG MI BYA BAR MI BYA'O ZHES BYA BA NI GZHAN GYIS PHYAG BYA BAR BRTZAMS PA LA NYEN KOR DU GYUR PA GZHAN GYIS PHYAG BYA BAR 'OS PA LA GZHAN GYIS PHYAG MI BYA BA MA YIN NO, ,SIL BU DAG LAS 'DI DANG POR BYAS NAS PHYAG 'TSAL BA NYID DO ZHES BYA BA'I MTHAR THUG PA'O, ,'DIR ZHU BA DAG LAS, MTHA' DANG BCAS PA LA DOR NAS MI BYA ZHES BYA BA'I BAR DU GSUNGS SO, ,TSANGS PA'I PHYAG GIS NI DE BYAS PA NYID YIN NO ZHES BYA BA NI TSANGS PA'I PHYAG CES BYA BA THAMS CAD LA KHYAB PA THAMS CAD GNAS GCIG TU TSOGS PA LA SPYIR PHYAG BYA BA BSTAN PHYAG BYA BA BSTAN PA STE DE BYAS NA DE BYAS PA NYID YIN PA'O, ,NANG DANG BCAS PA LA PHYAG MI BYA'O ZHES BYA BA LA, 'DIR NANG DANG BCAS PA ZHES BYA BA NI GNOD PA BYA BA'I BSAM PAS NYE BAR GNAS PAR BYA BA YIN PAR RIG PAR BYA'I, RTZOD DO COG THAMS CAD NI MA YIN NO, ,DE BAS NA GNOD PAR BYA BA'I BSAM PAS NYE BAR GNAS PA LA PHYAG BYAD MI RUNG GI RTZOD PA GZHAN LA NI RUNG NGO, ,'DIR GZHUNG NI GNYIS LA PHYAG BYA STE, GLO BUR DU 'ONGS PA DAG DANG GNYUG MAR GNAS PA DAG GIS PHAN TSUN RGAN RIMS BZHIN DU PHYAG BYA'O, ,NANG DANG BCAS PA DANG YONGS SU GNAS PA BYED PA NI MA GTOGS SO ZHES GSUNGS PA YIN NO, ,PHYAG 'TSAL BA LA AA ROG GYA ZHES

252b

BYA BAR MI BYA'O, ,'DAS PA LA PHYAG BYA BA YIN PA LA PHYAG MI BYA BA NYID MA YIN NO ZHES BYA BA NI SNGON 'DAS PA'I DUS NA DE PHYAG BYA BA NYID DU 'GYUR BA YIN NA, DA LTAR PHYAG BYA BA NYID MA YIN DU ZIN KYANG SNGON GYI GNAS SKABS DE NYID MNGON SUM BYAS TE PHYAG BYAR RUNG BAS DE'I PHYIR DE LA PHYAG BYA BA NYID YIN NO,, 'DI NI DGE SLONG RGAN PO KHROS PA'I DBANG GIS SDOM PA RGYUN CHAD DE SPRUL DU GYUR PA LA, DGE SLONG CIG SHOS KYIS SNGON GYI RGYUD DE MNGON SUM DU BYA STE 'DUD PAR BYA'O ZHES GSUNGS PA'I GLENG GZHI YIN TE, THAMS CAD LA BYE BRAG MED PAS BYAR RUNG BAS 'DIR SPYIR MDOR BYAS SO, ,SBAGS PA LA PHYAG MI BYA'O, ,SBAGS PAS PHYAG MI BYA'O, ,DES BDAG GIR MI BYA'O ZHES BYA BA NI SBAGS PA LA PHYAG MI BYA BA DANG, SBAGS PAS GZHAN LA PHYAG MI BYA BA DANG, SBAGS PAS PHYAG DE BDAG GIR MI BYA'O, ,SBAGS PA LAS MI BYA'O ZHES BYA BA NI SBAGS PA GZHAN LAS PHYAG DE BDAG GIR MI BYA BA'O, ,'DIR GZHUNG NI BCOM LDAN 'DAS KYIS NAD PA BLTA BAR BYA'O ZHES GSUNGS PA DANG, NAD PA BLTA BAR BYA BA'I DGE SLONG RGAN PO DAG DANG GSAR BU DAG KYANG DONG NAS, DE NA GSAR BU GANG DAG YIN PA DE DAG NI NAD PA DE LA PHYAG 'TSAL BAR BYED, RGAN PO GANG DAG YIN PA DE DAG LA NI NAD PA DES PHYAG DAG 'TSAL BAR BYED PA NA DE SKYO BAR GYUR NAS, BCOM LDAN 'DAS KYIS BKA' STZAL PA, SBAGS PA LA PHYAG MI BYA'O, ,SBAGS PAS PHYAG MI BYA'O, ,SBAGS PAS PHYAG BDAG GIR MI BYA'O, ,SBAGS PA LAS PHYAG BDAG GIR MI BYA'O, ,SBAGS PA LA PHYAG 'TSAL LAM, SBAGS PAS PHYAG 'TSAL LAM, SBAGS PAS PHYAG BDAG GIR BYED DAM, SBAGS PA LAS PHYAG BDAG GIR BYED NA 'GAL TSABS CAN DU 'GYUR RO ZHES GSUNGS PA YIN NO, ,SBAGS PA NI RNAM PA GNYIS TE, THA NA SO SHING YAN CHAD ZA BAS SAM, THA NA DE'I SA BYI DOR BYED PA YAN CHAD MI GTZANG BAS SO ZHES BYA BA NI ZA BAS SBAGS PA NI THA NA SO SHING YAN CHAD ZA BAS SBAGS PA YIN NO, ,MI GTZANG BAS SBAGS PA NI THA NA MI GTZANG BA'I SA BYI DOR BYED PA YAN CHAD GYIS SBAGS PA YIN NO, ,'DI LA GCER BU NYID DANG GOS GCIG PA NYID NI SBAGS PA DANG

253a

, ,'DRA'O ZHES BYA BA NI 'DI LA ZHES BYA BA NI PHYAG BYA BA LA STE, DES GCER BU LA PHYAG MI BYA'O, ,GCER BUS PHYAG MI BYA'O, ,GCER BUS PHYAG BDAG GIR MI BYA'O, ,GCER BU LAS PHYAG BDAG GIR MI BYA'O, ,DE BZHIN DU GOS GCIG PA LA PHYAG MI BYA'O, , GCIG PAS PHYAG MI BYA'O, ,GOS GCIG PAS PHYAG BDAG GIR MI BYA'O, ,GOS GCIG PA LAS PHYAG BDAG GIR MI BYA'O, ,PHYAG NI RNAM PA GNYIS TE, YAN LAG LNGAS PHYAG 'TSAL BA DANG, SGYID PA LA 'KHYUD PAS PHYAG 'TSAL BA'O, ,SBRID BA BYUNG BA LA SOS ZHES BRJOD PAR MI BYA STE, RGAN ZHUGS DANG KHYIM PA LA NI MA GTOGS SO, ,GSAR BU DE LA AA ROG GYA ZHES BRJOD PAR BYA'O, ,RGAN PO LA NI PHYAG BYA'O ZHES BYA BA NI DE LA ZHES BYA NI SBRID PA BYUNG BA DE LA NI GSAR BUS PHYAG BYA'O, ,SBRID PA BYUNG NA YANG NGO ZHES BYA BA NI GSAR BU RANG LA SBRID PA BYUNG NA YANG RGAN PO LA PHYAG BYA'O, ,'DIR GZHUNG NI GSAR BUS SBRID PA BYUNG NA PHYAG BYA'O ZHES GSUNGS PA YIN NO, ,DE BZHIN GSHEGS PA LA TSE DANG LDAN PA DANG MING DANG RUS BRJOD PAS KUN DU SPYAD PAR MI BYA'O, ,NYE BA'I TSIG DANG BRAL BAR DE'I MTSAN NAS GDUNG SMOS PAR MI BYA'O ZHES BYA BA NI 'ON KYANG NYE BA'I TSIG DANG BCAS PAR MTSAN NAS GDUNG SMOS PAR BYA'O, ,'DIR GZHUNG NI 'DI LTAR NYE BA'I TSIG DANG BCAS TE STON PA'I MTSAN SMOS PAR BYA STE, BCOM LDAN 'DAS SH'AKYA THUB PA ZHES BRJOD PAR BYA'O ZHES BYA BA LA SOGS PA GSUNGS PA YIN NO, ,RGAN PA'I MI BYA'O ZHES BYA BA NI NYE BA'I TSIG DANG BRAL BAR MING DANG RUS SMOS PAR MI BYA'O, ,'DI LA GNAS BRTAN DANG TSE DANG LDAN PA NI NYE BA'I TSIG NYID KYI TSUL DANG MTHUN PA YIN NO ZHES BYA BA LA, 'DI LA ZHES BYA BA NI RGAN PA LA'O, ,SNGA MA LA NI MA YIN NO ZHES BYA BA NI DE BZHIN GSHEGS PA LA STE, STON PA LA NI GNAS BRTAN DANG TSE DANG LDAN PA ZHES BYA BA NI NYE BA'I TSIG NYID KYI TSUL DANG MTHUN PA MA YIN NO ZHES BYA BA'I DON TO, ,LAG GI BLAS 'GRO BA DANG 'ONG BA DANG LDAN PA'I GZHIR GTZUG LAG KHANG RAB TU GNAS PAR BYA'O ZHES BYA BA NI GANG 'GROR YANG NUS LA 'ONG YANG NUS

253b

PA'I GZHIR RO, ,'DIR GZHUNG NI MA MO LAS, PHYOGS GANG DU DANG PO GTZUG LAG KHANG RAB TU GNAS PAR BYED PA DE DGE SLONG LAG GI BLAS DANG PO KHO NAR GTZUG LAG KHANG GI GZHI BRTAG PAR BYA STE, 'ONG BA DANG LDAN PA DANG 'GRO BA DANG LDAN PA ZHES BYA BA LA SOGS PA GSUNGS PA YIN NO; ,SHING LJON PA DANG RDZING BU DANG 'CHAG SA DAG DANG NGO ZHES BYA BA YANG LDAN PA ZHES BYA BAR SBYAR TE, SHING LJON PA DANG LDAN PA DANG RDZING BU DANG LDAN PA DANG 'CHAG SA DANG LDAN PA'I GZHIR GTZUG LAG KHANG RAB TU GNAS PAR BYA'O, ,NYEN KOR DANG NGO ZHES BYA BA NI NYEN KOR DANG LDAN PA'I GTZUG LAG KHANG RAB TU GNAS PAR BYA'O, ,RGYUN LUGS DANG KLAG COR DANG SGRA DANG TUG RING CHUNG BAR RO ZHES BYA BA NI RGYUN LUGS NYUNG BA DANG KLAG COR CHUNG BA DANG SGRA CHUNG BA DANG TUG RING CHUNG BAR GTZUG LAG KHANG RAB TU GNAS PAR BYA'O, ,BRAM ZE'I KLOG PA DANG 'DUN SA'I THA SNYAD DANG GLANG PO CHE DANG RTA LA SOGS PA'I SGRA NI SGRA'O, ,RDZA RNGA LA SOGS PA'I SGRA NI TUG RING STE DE DAG CHUNG BAR BYA'O, ,SBYIN PA POS RJES SU GNANG NA GTZUG LAG KHANG BYA BA'I DNGOS PO LAS DE BYA BA'I SPYAD BYA'O ZHES BYA BA NI SBYIN BDAG GIS RJES SU GNANG NA GTZUG LAG KHANG BYA BA'I RDZAS GANG YIN PA DE LA LAG GI BLAS BYA BA'I SPYAD BYA BA LA MI RIGS PA MED PA'O, ,'DIR GZHUNG NI GAL TE KHYIM BDAG GIS RJES SU STER NA DE NYID LAS SPYAD NYE BAR GZHAG PAR BYA'O ZHES GSUNGS PA YIN NO, ,DE GZHAG PA'I KHANG PA SBYIN NO ZHES BYA BA NI LAG GI BLAS BYA BA'I SPYAD DE GZHAG PA'I KHANG PA SBYIN PAR BYA BA DE DMIGS KYIS BSAL PA'O, ,DE ZHES BYA BA NI SPYAD DE'O, ,DER DGOS PA'I 'BRU MAR LA SOGS PA TSOD RAN PAR NYO'O ZHES BYA BA NI 'DIR DER GYI SGRAS NI LAG GI BLAS LAS BYA BA DE BSDUS PA'O, ,LAG GI BLAS SPYI BUNGS JI 'DRA BA DE 'DRA BAR BZA'O ZHES BYA BA NI GANG DU DE 'OS PA NYID DE LA BSDUS PA DE RNAM PAR GNAS PA YIN NO, ,GANG DU DE'I 'OS PA NYID NI GANG ZHIG GTZUG LAG KHANG NA GNAS PA DE LAS SAR PA BYED DU 'JUG PA DE'I GTZUG LAG KHANG LA'O, ,GNAS DE'I GTZUG LAG KHANG MED PA NYID YIN NA NYE 'KHOR GYI GTZUG LAG KHANG GI'O ZHES BYA BA NI JI

254a

, ,TZAM PA DE TZAM ZHES BYA BAR SBYAR RO, ,SNUM BAG GI RNYED PA MNOD DO ZHES BYA BA NI 'DIR BYA NA YANG DGE SLONG GI THANG BZHIN DU MNOD PA'O ZHES BYA BAR RNAM PAR GNAS PA YIN NO, ,'DIR DE 'DRA BAR ZHES BYA BAR SBYAR BAR BYA'O, ,GTZUG LAG KHANG DAG GI BRTZEGS MA NYID KYI MTHA' NI LNGA'O, ,DGE SLONG MA RNAMS KYI NI GSUM MO ZHES BYA BA NI MTHA'O, ,'DIR GZHUNG NI SIL BU DAG LAS DGE SLONG RNAMS KYI GTZUG LAG KHANG NI LNGA BRTZEGS SU BYA'O, ,DRI GTZANG KHANG NI BDUN BRTZEGS SU BYA'O, ,SGO KHANG GI STENG GI BSIL KHANG YANG BDUN BRTZEGS SO, ,DGE SLONG MA RNAMS KYI GTZUG LAG KHANG NI SUM BRTZEGS SU BYA'O, ,DRI GTZANG KHANG NI LNGA BRTZEGS SU SO, ,SGO KHANG NI STENG GI BSIL KHANG YANG LNGA BRTZEGS SO ZHES BYA BA LA SOGS PA GSUNGS PA YIN NO, ,DRI GTZANG KHANG DANG SGO KHANG STENG GI BSIL KHANG DAG NI BRTZEGS MA GNYIS KYIS LHAG PAR BYA'O, ,DE DAG LCI BAS 'JIG PA NYID YIN NA BRTZEGS MA BSHIG PA LA KHA NA MA THO BA MED DO ZHES BYA BA LA, DE DAG CES BYA BA NI DGE SLONG DANG DGE SLONG MA'I GTZUG LAG KHANG DE DAG LCI BAS 'JIG PA NYID YIN NA, BRTZEGS PA BSHIGS PA LA KHA NA MA THO BA MED PA NYID YIN TE, BRTZEGS MA JI SNYED BSHIG PA GCIG GAM DU MA DE SNYED BSHIG PAR BYA'O, ,BDUN STOBS NYID KYIS SEL BA ZHES BYA BA DANG KHA NA MA THO BA MED PA NYID CES BYA BA SHUGS KYIS RTOGS PA STE GTZUG LAG KHANG GIS ZHES BYA BAR SBYAR RO, ,BRTZAMS PA SKYED PA 'AM BSKYUD BAR BYA BA'I PHYIR BSHIG PA YANG NGO ZHES BYA BA YANG, KHA NA MA THO BA MED DO ZHES BYA BAR SBYAR TE, 'DIR GZHUNG NI GAL TE BYED DU 'JUG MI NUS NA BSHIG STE CHUNG DUR BYED DU GZHUG STE 'DI LA 'GYOD PA MI BYA'O ZHES GSUNGS PA YIN NO, ,MCHOD RTEN DANG SKU GZUGS DAG NI SKYED PA NYID KYI PHYIR RO ZHES BYA BA NI BRTZAMS PA BSHIG PA LA KHA NA MA THO BA MED BA STE, DE GNYIS BRTZAMS PA BSKYUNG BA'I PHYIR BSHIG PA NI KHA NA MA THO BAR 'GYUR RO, ,RNYINGS PA NYID KYI PHYIR NI ZIN KYANG MNYAM PA'I PHYIR YANG NGO ZHES BYA BA LA YANG NGO ZHES BYA BA'I SGRAS NI KYANG NGO ZHES BYA BA'I RJES SNYEGS PA'I PHYIR SMOS SO, ,BRTZAMS PA MA ZIN PA DE DAG SKYED PA 'BA'

254b

ZHIG GI PHYIR BSHIG PA LA KHA NA MA THO BA MED PAR MA ZAD KYI SNGA MA DANG MNYAM PAR BYA BA'I PHYIR BSHIG PA LA YANG KHA NA MA THO BA MED PA'O, ,RNYINGS PA LA GANG LA PHYIR BCOS PAS BSKYED PAR BYA MI NUS PA DE LA BSNYAMS PA LA KHA NA MA THO BA MED PA 'DI GSUNGS PAR RIG PAR BYA'O, , PHYOGS GCIG PHYIR BCOS PA'I PHYIR YANG NGO ZHES BYA BA NI MCHOD RTEN DANG SKU GZUGS KYI PHYOGS GCIG RNYINGS PA PHYIR 'CHOS PAR BYA BA'I PHYIR BSHIG PA LA YANG KHA NA MA THO BA MED PA'O, ,'DIR GZHUNG NI MCHOD RTEN DANG SKU GZUGS DAG RNYINGS PA NA, BCOM LDAN 'DAS KYIS BKA' STZAL PA PHYIR BCOS PAR BYA'O ZHES GSUNGS PA YIN NO, ,MDO SNGA MA'I GZHUNG NI SKYANG NUL GYI SKU GZUGS DAG RNYINGS PAR GYUR PA NA, DGE SLONG DAG 'GYOD PAS PHYIR 'CHOS PAR MI BYED PA DANG, BCOM LDAN 'DAS KYIS BKA' STZAL PA, LHAG MA 'AM MNYAM PAR BYA'I CHUNG BA NI MI BYA'O ZHES GSUNGS PA YIN NO, ,'DIR MCHOD RTEN DANG SKU GZUGS DAG 'DRA BA NYID DE GANG ZHIG 'DI DAG GI DE DAG LAS DE LTA BU'I RIGS CAN GYI TSIG DE LAS GZHAN DU BRJOD PA NYID NI MA YIN NO, ,DE LTA BAS NA 'DI GNYIS KA LUNG GNYIS LAS SHES PA'O, ,GDUGS LA SOGS BCOS PA YANG NGO ZHES BYA BA NI RNYINGS PA PHYIR GCOS PA'I PHYIR MCHOD RTEN DANG SKU GZUGS DAG LAS DBOG PA LA KHA NA MA THO BA MED PA'O, ,SOGS PA ZHES BYA BA'I SGRAS NI CHAR KHAB LA SOGS PA DAG KYANG BSDU'O, ,GZHAN GDAGS PA'I PHYIR YANG NGO ZHES BYA BA NI RNYINGS PA PHYIR BCOS PAR BYA BA'I PHYIR 'BOGS PA LA KHA NA MA THO BA MED PA 'BA' ZHIG TU MA ZAD KYI SAR PA GZHAN GDAGS PA'I PHYIR 'BOGS PA LA YANG KHA NA MA THO BA MED PA'O, ,DE'I DON DU NYE BAR MA BZHAG PAR 'GOG PAR MI BYA'O ZHES BYA BA NI GZHAN GDAGS PA DE'I DON DU GDUGS LA SOGS PA NYE BAR MA BZHAG PAR SNGA MA DBOG PAR MI BYA'O, ,'DIR GZHUNG NI GZHAN DAG GIS GDUGS DAG PHOG PAR GYUR NAS DE DAG RAB TU DUS BYED PAR GYUR PA DANG, BCOM LDAN 'DAS KYIS BKA' STZAL PA, JI SRID DU GZHAN DAG NYE BAR MA BZHAG PA DE SRID DU DBOG PAR MI BYA'O ZHES

255a

, ,GSUNGS PA YIN NO, ,SKYES PA'I RABS LA SOGS PA'I RI MO DANG, SANGS RGYAS KYI BKA'I YI GE DAG KYANG ZHES BYA BA NI DE DAG KYANG RNYINGS PA BCOS PA'I PHYIR PHYIS PA LA KHA NA MA THO BA MED PA'O, ,CI ZHIG GI PHYIR PHYIS PA LA BYA ZHE NA, DE'I PHYIR BYID PA'I BYE BRAG KHO NA BYA BA'I PHYIR RO ZHES BYA BA SMOS TE, BYID PA'I BYE BRAG GANG YIN PA DE KHO NA BRI BA'I PHYIR YIN GYI GZHAN DU NI MA YIN NO, ,RTZOM PAR BYED PAS MA BYAS NA GZHAN GYIS LHAG MA BYA'O ZHES BYA BA NI GANG GIS MCHOD RTEN DANG GTZUG LAG KHANG DAG RTZOM PAR BYED PA DE BRTZAMS NAS MA ZIN PAR MA BYAS NA GZHAN GYIS DE'I LHAG MA BYA BA LA MI RIGS PA MED PA'O, ,GAL TE DGE 'DUN GYI PHYIR PHYED BRTZIGS NA 'KHAR LEN SBYIN PAR BYA'O ZHES BYA BA NI 'DI LA TSUL DANG MI MTHUN PA MED PAR SHES PAR BYA'O, ,DE BAS NA DE'I BRJOD PA 'DI'O, ,'DIR PHYED CES BYA BA'I SGRA NI CHA SHAS LA SNYEGS KYI CHA MNYAM PA'I PHYED KHO NA NI MA YIN TE, CUNG ZAD TZAM BRTZIGS NAS ZHES BYA BA'I DON TO, ,'DIR RNAM PAR 'BYED PA LAS, BCOM LDAN 'DAS KYIS BKA' STZAL PA, GZHI MA ZIN PA LA ZHES BYA BA NAS 'DI LTAR LHAN CIG BYA'O ZHES BYA BA'I BAR DU GSUNGS PA YIN NO, ,DES BSTANG BA'I DUS NI GAL TE DGUN YIN NA ZAS KYI 'OG ROL DU'O, ,GAL TE SO GA YIN NA ZAS KYI MDUN ROL DU'O ZHES BYA BA LA, DUS NI MKHAR LEN GYIS BSTANG BA DE'I DUS SO, ,'DIR GZHUNG NI DGE SLONG DAG SO GA NI ZAS KYI 'OG ROL DU LAS BYED LA, DGUN NI ZAS KYI MDUN ROL DU LAS BYED NAS, BCOM LDAN 'DAS KYIS BKA' STZAL PA, DGUN NI ZAS KYI 'OG ROL DU LAS BYA LA, SO GAS NI ZAS KYIS MDUN ROL DU LAS BYA'O ZHES BYA BA LA SOGS PA GSUNGS PA YIN NO, ,ZAS KYI BYA BA'I DUS LUS PAR RO ZHES BYA BA NI JI SRID DU ZAS KYI BYA BA LHUNG BZED BKRU BA LA SOGS PA DAG GI DUS LAS YOL BAR GYUR PA DE SRID DU LAS MI BYA'O, ,DE'I LAS BYI DOR MA BYAS PAR 'TSO BA LA 'JUG PAR MI BYA'O ZHES BYA BA LA, DE LAS ZHES BYA BA NI BSTANG BA'I BYA BA LAS SO, ,'TSO BA LAS ZHES BYA BA NI BSOD SNYOMS KYI PHYIR 'GRO BA LA SOGS

255b

PA'O, ,DE'I MTHA' NI RKANG LAG BKRUS PA NYID DO ZHES BYA BA LA, DE'I MTHA' ZHES BYA BA NI BYI DOR BYAS PA DE'I MTHA'O, ,'DIR MTHA'I SGRA NI 'DI THAMS CAD LAS CHUNG BA NYID LA SMOS SO, ,LAG GI BLAS KHYE'U SUS SBYOR DU GZHUG GO ZHES BYA BA NI GAL TE DGE SLONG DAG ZAS KYI MDUN ROL DU BYED NA DE'I TSE LAG GI BLAS KHYE'U SAS SBYOR DU GZHUG GO, ,ZAS KYI 'OG ROL DU NI SKOM DANG RKANG LAG BSKU MNYE BYA'O ZHES BYA BA NI GAL TE DGE SLONG DAG ZAS KYI 'OG ROL DU LAS BYED NA DE'I TSE LAG GI BLAS SKOM LA SOGS PA SBYOR DU GZHUG PA'O, ,GNAS KHANG DAG GI SGO GDOD DO, , SGO GLEGS GZHUG GO, ,LAG GZUNGS DANG YANG MIG DANG KO BA'I DUM BU DAG GO ZHES BYA BA NI GZHUG GO ZHES BYA BA'I RJES SU SBYAR RO, ,SKAR KHUNG DAG GDOD DO ZHES BYA BA NI GNAS KHANG LA'O, ,PHYOGS GANG DU GDOD PAR BYA ZHE NA DE'I PHYIR DKYIL DU'O ZHES BYA BA SMOS TE RTZIG NGOS KYI'O, , DBYIBS CI 'DRA BA ZHE NA, PHYI RUB LA NANG YANGS PA RGYA MTSO'I RNAM PA LTA BU'O ZHES BYA BA SMOS TE, RGYA MTSO LTAR BYIN GYIS YANGS PA'O, ,DRA BA GZHUG GO ZHES BYA BA NI STEGS BU'I RNAM PA 'DIR RIG PAR BYA STE SKAR KHUNG LA STE, DRA BA ZHES BYA BA GANG ZHIG BSTAN PA DE NI 'DIR STEGS BU DE'O, ,SGO GLEGS SO ZHES BYA BA NI SKAR KHUNG LA GZHUG PAR BYA'O, ,'KHOR GTAN DANG GNAM GZER DANG 'PHRED GTAN DAG GO ZHES BYA BA NI SGO GLEGS DE LA GZHUG PAR BYA, DBYUG GU SKAM KHA BCANG NGO, ,GSOR GYIS BTZUGS PAS RGYU'O ZHES BYA BA NI THAG MA RGYU BA THAMS CAD NI GSOR GYIS BTZUGS PA'I THABS KYIS BYA BA'O, ,GNAS KHANG GI MDUN DU KHYAMS BYA'O ZHES BYA BA SMOS NA, PHYOGS GANG DU BYA ZHE NA DE'I PHYIR GNAS KHANG GI MDUN DU'O ZHES BYA BA SMOS SO, ,RIM PA GANG GIS 'DI BYA ZHE NA DE'I PHYIR, SO PHAG GI GCAL BDUN NAM BRGYAD GZHUG GO ZHES BYA BA SMOS TE, GNAS KHANG GI RTZIG PA'I 'OG GZHI'I GCAL DU SO PHAG RIM PA BDUN NAM BRGYAD GZHUG PAR BYA BA'O, ,DE'I STENG DU KA TAN GYI SPANG LEB BO ZHES BYA BA SMOS PAS KA TAN GYI SPANG LEB GZHUG PAR BYA'O ZHES BYA BA NI SO PHAG GI GCAL DE'I STE 'DU KA TAN GYI SPANG LEB

256a

, ,GZHUG PAR BYA'O, ,DE'I STENG DU KA BA'I TSAR DAG GO ZHES BYA BA NI KA TAN GYI SPANG LEB DE'I STENG DU KA BA'I TSAR DAG GZUGS PA'O, ,DE DAG GI STENG DU KA ZHU'I 'DAB MA DAG GO ZHES BYA BA LA, DE DAG GI ZHES BYA BA NI KA BA'I TSAR DE DAG GI STENG DU KA ZHU'I 'DAB MA DAG GZHUG PA'O, ,DE DAG GI STENG DU GDUNG MA DAG GO, ,DE DAG GI STENG DU PHYAM DAG GO, ,DE DAG GE STENG DU SPANG LEB DAG GO, ,DE DAG GI STENG DU SO PHAG DGRAM MO, ,DE DAG GI STENG DU SO PHAG GI PHYE MA'I 'JIM PA'O ZHES BYA BA NI DE DAG GI STENG DU SO PHAG GI PHYE MA'I 'JIM PA GLAN PAR BYA BA'O, ,MI LTUNG BAR BYA BA'I PHYIR LAN KAN BYA'O, ,MI 'GUL BAR BYA BA'I PHYIR SHAR BA GZHUG GO, ,DE LCAGS KYI GZER BU DAG GIS SBYAR RO ZHES BYA BA LA, DE ZHES BYA BA DE SHAR BA DE'O, ,'DZEG PA'I PHYIR THEM SKAS BYA'O, ,'OG TU RDO LAS BYAS PA BAR DU SA LAS BYAS PA, STENG DU SHING LAS BYAS PA'O, ,YA GAD LAS 'DZEG PAR BYA'O, ,SHING DANG SMYIG MA DANG THAG PA LAS BYAS PA YANG NGO ZHES BYA BA NI SHING LAS BYAS PA DANG SMYIG MA LAS BYAS PA DANG THAG PA LAS BYAS PA RNAMS SO, ,RDZING BU DANG SGO KHANG DU RDZAB MI 'BYUNG BAR BYA BA'I PHYIR SO PHAG GI GCAL GZHUG GO, ,DE'I STENG SO PHAG GI PHYE MA'I 'JIM PA'O ZHES BYA BA NI SO PHAG GI GCAL DE'I STENG DU'O, ,DE'I STENG DU RDO THAL GYIS SO ZHES BYA BA NI SO PHAG GI STENG MA'I 'JIM PA DE'I STENG DU RDO THAL GYI SKYANG NUL GYIS BSKU BAR BYA BA'O, ,MED NA RKANG PA BSKYAB PA'I PHYIR SHING GI SPANG LEB SO ZHES BYA BA NI GCAL JI LTAR BSTAN PA'I RDZAS DE DAG MED NA RKANG PA BSKYAB PA'I PHYIR SPANG LEB GZHUG PAR BYA'O, ,YANG NA BAR BAR DU SO PHAG GO ZHES BYA BA NI RKANG PA BSKYAB PA'I PHYIR GZHUG BA'O, ,MCHOD RTEN LA YANG DE BZHIN NO ZHES BYA BA NI RDZAB MI 'BYUNG BAR BYA BA'I PHYIR SO PHAG GI GCAL GZHUG GO ZHES BYA BA NAS SO PHAG DAG GO ZHES BYA BA'I BAR DE DAG DE BZHIN DU GZHUG PA'O, ,'DI LA DE 'DOM GANG TZAM BYAS PA NYID NA BYAS PA NYID DO ZHES BYA BA LA DE ZHES BYA BA NI GCAL DE'O, ,'DI LA ZHES BYA BA NI MCHOD RTEN LA'O, ,SENG GE'I KHRI GRU BZHI BYA'O, ,RKANG PA DAG LA SENG GE'I GDONG

256b

NYID DO, ,SPO BA'I PHYIR GZUNG BA'I DON DU BZHI PO DE DAG LA LCAGS KYI YANG MIG DAG GDAGS SO ZHES BYA BA LA DE DAG LA ZHES BYA BA NI RKANG PA BZHI PO DAG LA'O, ,THAG GU DAG GIS GDAGS SO, ,DER STAN NANG TSANGS CAN GZHAG GO, ,STENG DU BLA RE 'O ZHES BYA BA NI GDAGS PA'O, , DPYANG BA DAG GO ZHES BYA BA NI YANG GDAGS PA'O, ,BRTAN PA LA NI SO PHAG LAS BYAS PA'I THEM SKAS BYA'O ZHES BYA BA NI MI BSKYOD PA'I CHOS CAN BRTAN PA LA'O, ,SPO BA LAS NI SHING LAS BYAS PA'O, ,MA 'BYOR NA YA GAD DO ZHES BYA BA NI THEM SKAS MA 'BYOR NA 'DI BYA BA'O, ,RKANG RTEN YANG NGO ZHES BYA BA NI GANG DU RKANG PA GNYIS MI 'PHYANG BA NI 'DIR DGOS PA ZHES BSTAN PAR 'GYUR RO, ,DE BAS NA GANG DU RKANG PA 'PHYANG BA DE RTOGS PAR BYA'O, ,MCHOD PA'O ZHES BYA BA NI RKANG RTEN LA'O ZHES BYA BA DE MA THAG PAR SHES PAR BYA'O, ,STENG DU LO MA'I CHUN PO 'AM RTZVA'I CHUN PO GZHUG GO, ,'DI NI RKANG PA GNYIS MI 'PHYANG BAR BYA BA'I PHYIR RO ZHES BYA BA LA, 'DI NI ZHES BYA BA NI RKANG PA'I RTEN LA'O, ,'DI NI RDOS 'GRUB PO ZHES BYA BA LA, 'DI NI ZHES BYA BA NI RKANG PA GNYIS MI 'PHYANG BA 'DI'O, ,ZAN ZA BA DAG LA KHRA DANG BYE'U DAG PHUG RON DAG GIS MI 'TSE BAR BYA BA'I PHYIR BYA RGYA BYA'O ZHES BYA BA NI GANG DU KHVA TA LA SOGS PA 'BYUNG BA DER ZHES BYA BA NI DON GYIS SHES PA'O, ,'DIR GZHUNG NI DGE SLONG DAG KHYAMS SU ZAN ZA BA NA, DE DAG KHVA DANG BYE'U DANG PHUG RON DAG GIS 'TSE NAS, BCOM LDAN 'DAS KYIS BKA' STZAL PA, BYA RGYA BYA'O ZHES GSUNGS PA YIN NO, ,RNAM PA BZHI'O ZHES BYA BA NI BYA RGYA DE'O, ,MUNYDZA LAS BYAS PA DANG, BAL BA RDZA LAS BYAS PA DANG, SHA NA LAS BYAS PA DANG, RAS BAL LAS BYAS PA'O ZHES BYA BA NI GLENG GZHI DAG LAS DE GSUNGS PA DANG, 'DIR GZHUNG NI PHRAN TSEGS DAG LAS KYANG DRA BA NI RNAM PA LNGA STE, LNGA GANG ZHE NA, SHA NA LAS BYAS PA DANG, MUNYDZA LAS BYAS PA DANG, BAL BA RDZA LAS BYAS PA DANG, KA SHA LAS BYAS PA DANG, KU SHA LAS BYAS PA'O ZHES GSUNGS PA YIN TE, DE DAG NI 'GAL BAR SHES PAR MI BYA STE, DE NI GNYIS KA LA YANG DPE NYID DU

257a

, ,RNAM PAR GZHAG PA'I PHYIR RO, ,BAL BA DZA SMOS PAS NI SNGAR GYI KA SHA LAS BYAS PA DANG, KU SHA LAS BYAS PA DAG KYANG 'PHANGS PAR SHES PAR BYA'O, ,SHA NA LAS BYAS PA ZHES SMOS PAS NI PHYI MA RAS BAL LAS BYAS PA YANG 'PHANGS SO, ,GRU BZHI DAG TU GZUNGS GZER GDAB PO, ,DE DAG LA YANG GDAGS SO ZHES BYA BA NI GZUNGS GZER DE DAG LA BYA RGYA GDAGS SO, ,SHING GI NI 'CHAG PA DANG 'DRUL BAS DE'I PHYIR LCAGS LAS BYAS PA DAG GO ZHES BYA BA NI GZUNGS GZER GDAGS PA'O, ,DE'I PHYOGS GCIG TU MTHONGS GDOD DO ZHES BYA BA LA DE'I 'O ZHES BYA BA DE NI BYA RGYA DE'I 'O, ,DE CI'I PHYIR ZHE NA, ZAS ZOS ZIN NAS 'JUG PA'I PHYIR RO ZHES SMOS TE, KHVA TA LA SOGS PA RNAMS ZHES BYA BA SHUGS KYIS SHES PA'O, ,DE DRO KAR DGAB BO ZHES BYA BA LA, DE ZHES BYA BA NI MTHONGS DE'O, ,DBYAR DAG KHYAMS SU CHU MI 'BYUNG BAR BYA BA'I PHYIR SPANG LEB DAG GO ZHES BYA BA NI GZHUG GO ZHES BYA BAR SBYAR RO, ,PHYOGS GAN DU ZHE NA DE'I PHYIR KA BA'I BAR DAG TU'O ZHES BYA BA SMOS SO, ,CI THAMS CAD DU'AM ZHE NA DE'I PHYIR SNANG BAR BYA BA'I PHYOGS MA GTOGS PAR RO ZHES BYA BA SMOS SO, ,MED NA SEG DAG GAM RE SDE DAG GO ZHES BYA BA NI SPANG LEN DAG MED NA SEG DAG GAM RE LDE DAG GZHUG PAR BYA'O, ,DBYAR GYI ZLA BA BZHI PO DAG GI MTHAR DE DBYUNG NGO ZHES BYA BA NI SPANG LEB LA SOGS PA'O, ,'KHOR GYI KHYAMS BYA'O ZHES BYA BA LA, KHYAMS NI KUN NAS ZLUM PA STE 'KHOR GANG LA YOD PA DE NI KHYAMS ZLUM PA'O, ,GNAS BSIL BAR BYA BA'I PHYIR PHYI ROL RTZIG PAS BSKOR BAR BYA'O, ,KA BA'I TSAR DAG GZUGS SO ZHES BYA BA NI RTZIG PA'I PHYI ROL DU GYUR PA LA RIG PAR BYA'O, ,KA BA'I TSAR DAG GZUGS SO ZHES BYA BAR SBYAR RO, ,SKAR KHUNG GDOD DO ZHES BYA BA NI DER SKAR KHUNG MANG PO DAG GDOD PAR BYA'O ZHES BYA BA STE MANG PO'I MTHA' CAN NO, ,MA MTHA' DAG STAN GYI YA MTHA' DANG THAD KAR BAB PAR BYA'O ZHES BYA BA NI, STAN TSAD MA DAG GI MTHA' DAN MNYAM PA'I MA MTHA' DANG YA MTHA' GANG LA YOD PA THAD KAR BAB PAR 'GYUR BA DE LTA BUR 'KHOR GYI KHANG

257b

PA DER SKAR KHUNG DAG GDOD PAR BYA'O, ,DRA BA DANG SGO GLEGS DAG GZHUG GO, ,ZAS DANG ME DANG DPONG SA DANG 'CHAG PA'I KHANG PA DAG BYA'O ZHES BYA BA NI ZAS LA SOGS PA RNAMS LA KHANG PA'I SGRA SO SOR SBYAR BAR BYA BA'O, ,MA MO LAS, 'DI DANG BOR BYA STE, RTZIG NGOS KYI PHYOGS KYI GSAL BA ZHES BYA BA'I BAR DU GSUNGS PA YIN NO, ,G-YOGS PA'I RTZIG NGOS KYIS PHYOGS SU KUN NAS BSKOR BA'I LHAG MA DANG BCAS PA ZHES BYA BA DE'I DON DU MTHONG BA YIN NO, ,DE BAS NA DE BYED PA NI GNAS PA'I PHYIR NI MA YIN TE, RTZIG NGOS KYI PHYOGS 'KHOR BAR GLO 'BUR DAG BYA'O ZHES BYA BA NI RTZIG NGOS KYI BDAG NYID NGOS GCIG TU KUN NAS BSKOR BA GRUB PA LA NYE BAR BRTEN TE KHANG PA BYA'O ZHES BYA BAR RIG PAR BYA'O, ,SA KHYIM RUNG NGO, ,DGRA KHANG YANG NGO ZHES BYA BA NI DGE SLONG DAG GI GNAS SU RUNG BA STE, 'DIR DGRA KHANG ZHES BYA BA NI GTZUG LAG KHANG GI GRVA DAG GI YANG THOG LA SOGS PA STE, PHA ROL GYI MTSON RDUGS PAR BYED PA'I PHYIR RO, ,'DI LA LAN KAN GYI SKABS NI KHYAMS DANG 'DRA'O ZHES BYA BA LA, 'DI LA ZHES BYA BA NI DGRA KHANG LA'O, ,MI LTUNG BAR BYA BA'I PHYIR LAN KAN BYA BA DANG MI 'GUL BAR BYA BA'I PHYIR SHAR BA GZHUG PA DANG; DE LCAGS KYI GZER BU DAG GIS SBYAR BA ZHES BYA BA GZHAN RNAMS LA YANG SBYAR BA'O, ,RAB TU BYUNG BA'I KUN DKA' RA BA RTZIG PAS BSKOR BA NYID KYANG NGO ZHES BYA BA YANG RUNG NGO ZHES BYA BA'I RJES SNYEG PA'I PHYIR KYANG NGO ZHES BYA BA'I SGRA SMOS SO, ,RTZIG PA LA CHU KHUNG GDOD PA NYID KYANG NGO ZHES BYA BA NI RAB TU BYUNG BA'I KUN DGA' RAB GANG YIN PA DE LA CHU KHUNG GDOD PA NYID KYANG NGO ZHES BYA BA NI RUNG BA'O, ,RTZANG DANG 'OBS DAG KYANG NGO ZHES BYA BA YANG RAB TU BYUNG BA'I KUN DGA' RAB DE DAG GIS BSKOR BA NYID KYANG RUNG BA'O, ,GANG ZAG GI GTZUG LAG KHANG YO BYAD DANG BCAS PA YANG NGO ZHES BYA BA YANG RUNG BA'O ZHES BYA BAR SBYAR TE, LAN KAN DANG DRA BA DANG ZAS KYI KHANG PA LA SOGS PA YO BYAD YIN PAR RIG PAR BYA'O, ,SNGON PO LA SOGS PA ZAD PAR GYI MTSAN MA MNGON DU BYA BA'I PHYIR GNAS KHANG GI RTZIG PA DAG SNGON PO LA SOGS PA RNAM PA BZHIR BYA'O ZHES BYA BA NI ZAD PAR

258a

, ,SNGON PO DANG ZAD PAR SER PO DANG ZAD PAR DMAR PO DANG ZAD PAR DKAR BA'I SKYE MCHED KYI MTSAN MA DAG MNGON DU BYA BA'I PHYIR, GNAS KHANG GI RTZIG PA DE DAG SNGON PO LA SOGS PA KHA DOG RNAM PA BZHIR BYA BA'O, ,'DIR GZHUNG NI DGE SLONG ZHIG ZAD PAR SNGON PO'I SKYE MCHED KYI SNYOMS PAR 'JUG PA SGOM PAR BYED PA'I DGE SLONG DE LA RE ZHIG MNGON DU MI 'GYUR BA NAS, BCOM LDAN 'DAS KYIS BKA' STZAL PA, GNAS KHANG GI RTZIG PA SNGON PO DANG SER PO DANG DMAR PO DANG DKAR PO DANG DKAR PO RNAMS PA BZHI BYA STE, DE DAG MTHONG NAS MNGON DU BYA STE, ZAD PAR SNGON PO'I SKYE MCHED KYI SNYOMS PAR 'JUG PA BSGOM PAR BYA'O ZHES GSUNGS SO, ,RAB TU BYUNG BA'I KUN DGA' RA BA LA RI MO BRI BA NYID DU RUNG NGO ZHES BYA BA SMOS NA, GANG DU CI ZHIG BRI BAR BYA ZHE NA, DE'I PHYIR SGOR GNOD SBYIN LAG NA RDO RJE 'DZIN PA LA SOGS PA RNAMS BRI'O, ,SGO KHANG DU 'KHOR BA'I 'KHOR LO'O ZHES BYA BA YANG RI MO BRI BAR BYA'O ZHES BYA BAR SBYAR RO, ,CI 'DRA BA ZHE NA, DE'I PHYIR CHA LNGA PAR SBYAR ZHES BYA BA SMOS TE, 'DIR CHA LNGA PA ZHES BYA BA'I SGRAS NI 'GRO BA LNGA PO DAG BSTAN TE, LHA DANG MI'I CHA DAG PHYOGS GANG DU BRI BAR BYA ZHE NA, DE'I PHYIR DE'I STENG DU LHA DANG MI RNAMS SO ZHES BYA BA SMOS TE, DE NAS 'OG GI PHYOGS DAG TU SEMS CAN DMYAL BA DANG DUD 'GRO DANG YI DGAS KYI 'GRO BA RNAMS BRI BAR ZHAR LA SHES PAR BYA'O, ,'DIR GZHUNG NI RNAM PAR 'BYED PA LAS, 'DI DANG POR BYA STE GZHAG PAR BYA'O ZHES BYA BA'I BAR DU GSUNGS PA YIN NO; ,GLING BZHI PO DAG GO ZHES BYA BA YANG BRI BAR BYA'O, ,RDZUS TE SKYE BA'I SEMS CAN ZO CHUN RGYUD MO BZHIN DU 'CHI 'PHO BA DANG SKYE BA DAG KYANG NGO ZHES BYA BA YANG RI MOR BRI BAR BYA'O, ,DBUS SU 'DOD CHAGS DANG ZHE SDANG DANG GTI MUG DAG PHUG RON DANG SBRUL DANG PHAG GI RNAM PAR RO ZHES BYA BA NI DE DAG GRANGS JI LTA BA BZHIN DU RI MOR BRI BAR BYA'O, ,SNGA MA DE GNYIS GTI MU GES ZA BAR RO ZHES BYA BA LA, SNGA MA DE GNYIS ZHES BYA BA NI 'DOD CHAGS ZHE SDANG GI RNAM PA PHUG RON DANG SBRUL GNYIS TE, GTI MUG TI RNAM PA PHAG GIS ZA BA 'DRA BA BRI BAR BYA'O, ,KHO RA KHOR YUG TU

258b

RTEN CING 'BREL PAR 'BYUNG BA'I YAN LAG BCU GNYIS DANG THAMS CAD MI RTAG PAR GZUNG BAR RO, ,STENG DU SANGS RGYAS MYA NGAN LAS 'DAS PA'I DKYIL 'KHOR DKAR PO NYE BAR STON PA'O, ,'OG TU BRTZAM PAR BYA ZHING ZHES BYA BA'I TSIGS SU BCAD PA GNYIS SO ZHES BYA BA NI 'DIR BRI BAR BYA ZHES THAMS CAD DU DGONGS PA'O, ,DE STON PAR BYED PA GZHAG PAR BYA'O ZHES BYA BA NI SKYE BO LHAGS PA RNAMS LA 'KHOR BA'I 'KHOR LO DE STON PAR NUS PA'I DGE SLONG GTZUG LAG KHANG DER GZHAG PAR BYA'O, ,DE'I KHOR KHOR YUG TU CHO 'PHRUL CHEN PO DANG BDUD 'JOMS PA DAG GO ZHES BYA BA NI DE LTAR STON BYED NUS PA ZHES BYA BAR SBYAR RO, ,KHYAMS SU SKYES PA'I RABS DAG GO, ,DRI GTZANG KHANG GI SGOR GNOD SBYIN PHRENG THAGS DAG GO, ,DPONG SA'I KHANG PAR GNAS BRTAN GYI GRAL DAG GO, ,MDZOD KYI SGOR NI GNOD SBYIN LAG NA DBYU GU THOGS PA DAG GO, ,ZAS KYI KHANG PAR LAG NA BCA' BA THOGS PA DAG GO, ,BSRO KHANG GI KHANG BAR LAG NA MYU GU DANG BUM PA THOGS PA DAG GO, ,ME'I KHANG PAR GRUL BUM ME SBAR BAR BYED PA DAG DANG, GRUL BUM GYI BU MO BYI DOR LA SOGS PA BYED PA DANG, ME SBAR BAR BYED PA DANG, SBYIN BDAG MAR ME THOGS PA DANG LHA'I PHO NYA DAG GO, ,CHU'I KHANG PAR KLU LAG NA BUM PA THOGS PA RGYAN SNA TSOGS KYIS BRGYAN PA DAG DANG KLU'I BU MO CHU 'DRIM PAR BYED PA DAG GO, ,NAD PA'I RUNG PA'I KHANG PAR DE BZHIN GSHEGS PA NAD PA'I RIM GRO MDZAD PA'O, ,BSHANG BA DANG GCI BA'I SKYABS SU DUR KHROD DAG GAM MGO BO'I THOD PA DAG GO, ,GTZUG LAG KHANG BLA KHAB MED PA MA YIN PAR ME DU BA CAN DANG BCAS PA BUNG PAR YANG MI BYA, BCANG BAR YANG MI BYA'O, ,SPYIL BUR NI THAMS CAD MI BYA'O ZHES BYA BA NI ME DU BA CAN DANG DU BA MED PA THAMS CAD BUD PAR MI BYA BCANG BAR YANG ME BYA'O ZHES BYA BAR SBYAR RO, ,DE'I DON DU ZHUGS LING BCANG BAR BYA'O ZHES BYA BA LA, DE'I DON ZHES BYA BA NI ME 'BUD PA DANG BCANG BA DE'I DON DU ZHUGS LING BCANG BAR BYA'O, ,'DIR GZHUNG NI SIL BU DAG LAS, DGE SLONG DAG DGUN SMAD KYI DUS SU LHAGS

259a

, ,PAS NYEN NAS SPYIL BUR ME BUD PAR BYED PA NA SPYIL BU MA RUNG BAR GYUR NAS, BCOM LDAN 'DAS KYIS BKA' STZAL PA, SPYIL BUR ME BUD PAR MI BYA BA LA SOGS PA GSUNGS PA YIN NO, ,MNYAM PAR BCER BA'I PHYIR LCAGS KYI PHRA SKAM MO ZHES BYA BA NI BCANG BAR BYA'O ZHES BYA BAR SBYAR TE, ME'I PHYOGS PHAN TSUN NAS BSKUL BA NI MNYAM PAR BCER BA ZHES BYA'O, ,LCAGS KYI PHRA SKAM ZHES BYA BA NI LCAGS KYI THAL PHYAGS SO, ,SHING GI YOG PAS KYANG LAS DE 'GRUB PO ZHES BYA BA NI PHRA SKAM GYI LAS DE 'GRUB PO, ,KHANG SKYONG GIS GTZUG LAG KHANG DE NYI MA RE RE ZHING PHYAG DAR BYA'O, ,MI NUS NA MKHO BA'I PHYOGS SO ZHES BYA BA NI GTZUG LAG KHANG MTHA' DAG PHYAG DAR BYED MI NUS NA GTZUG LAG KHANG GI PHYOGS GANG MKHO BA DE PHYAG DAR BYA'O, ,LHAG MA NI TSE BRGYAD DAM BCU BZHI LA GAnd'I BRDUNGS TE DGE 'DUN THAMS CAD KYIS CHOS DAG LDAN PA'I GTAM GYIS SAM, 'PHAGS PA'I MI SMRA BA NYID KYIS SO ZHES BYA BA NI MKHO BA'I PHYOGS KYI LHAG MA PHYAG DAR MA BYA PA GANG YIN PA DE DAG DUS DER DGE 'DUN THAMS CAD KYIS RIM PA 'DIS PHYAG DAR BYA'O, ,CHOS KYI MDUN SAR CHAG CHAG DANG LCI BA 'JAM PO'I BYUG GO ZHES BYA BA NI GSO SBYONG DANG DGAG DBYE LA SOGS PA CHOS KYI 'DUN SA'I GNAS DER RO, ,MJUG TU KHRUS BYA'O ZHES BYA BA NI PHYAG DAR LA SOGS PA ZIN PA'I MJUG TU'O, ,YANG NA RKANG LAG BKRU'O, ,CHUS BRLAN PAS LUS KYANG BYUG GO ZHES BYA BA NI RDZAS KYI NGO BO BSTAN BAS LAG PA LA SOGS PA RNAMS GANG YANG RUNG BA DES ZHES BYA BA SHES PAR BYA'O, ,SNUM BAG GI NYED PA BYA'O ZHES BYA BA NI TSE BRGYAD DANG BCU BZHI DANG BCO LNGA LA'O, ,DKON MCHOG GI DON DU PHYAG DAR BYAS PA DANG ZHAL ZHAL BYAS PA DAG, DRI GTZANG KHANG DANG SKU GZUGS DANG MCHOD RTEN DANG SROG SHING GI GRIB MA LA GTZUG LAG GI TSIGS SU BCAD PA GDON CING 'GOM MO ZHES BYA BA LA, 'DIR ZHAL ZHES BYA BA NI BYUG PA LA RIG PAR BYA'O, ,NYI MA DE NYID LA GNAS MAL LA SO SOR BRTAGS LA DES BCOS PAR BYA'O ZHES BYA BA NI TSES BRGYAD DANG BCU BZHI'I NYI MA DE DAG LA'O, ,SUS DE LA SO SOR BRTAG PAR BYA ZHE NA, DE'I PHYIR RDOL BA LA SOGS PA

259b

DANG LDAN PA DAG GIS SO ZHES BYA BA SMOS TE MAL CHA LA SOGS PA'O, ,SUS BCOS PAR BYA ZHE NA, DE'I PHYIR GNAS PA DAG GIS SO ZHES BYA BA SMOS TE, DE DAG NYID KYIS 'DIR MKHAN PO DANG SLOB DPON DAG GIS MAL STAN LA SOGS PA BCOS PAR BYA'O, ,GNAS MAL GYI GZHIR CHAG CHAG DANG PHYAG DAR DANG, LCI BA 'JAM PO'I BYUG PAS BSKU BAR BYA'O ZHES BYA BA NI MA MO LAS 'DI DANG POR BYAS NAS BKRU'O ZHES BYA BA'I BAR DU GSUNGS PA YIN NO, ,MAL CHA DRI MAS GOS PA SPRUG PAR BYA'O, ,GAL TE HA CANG NA SPRUG PAR BYA'O ZHES BYA BA NI GAL TE HA CANG DRI MA CAN DU GYUR NA 'GYUR BYED KYI CHU LA SOGS PAS BKRU BAR BYA'O, ,CHAG CHAG GDAB PA'I 'OG TU PHYAG GO, ,DE'I 'OG TU BSHAM MO ZHES BYA BA NI PHYAG DAR BYAS PA'I 'OG TU MAL DANG STAN BSHAM PAR BYA'O, ,GZHI RDUL DANG BCAS PA MA SPRUGS PA LA MI BYA'O ZHES BYA BA MAL DANG STAN GYI GZHI KHRI LA SOGS PA RDUL DANG BCAS PA NYID YIN NA DE MA SPRUGS PA'I STENG DU MAL DANG STAN BSHAM PAR MI BYA'O, ,BSHAM PAR BYA BA DAG LA GOS CIG SPRUG PAR SPYAD DO ZHES BYA BA NI MAL STAN BSHAM PAR BYA BA DE DAG GI'O, ,GOS JI LTA BU ZHIG CE NA DE'I PHYIR, NGAN PA'O ZHES BYA BA SMOS TE THAMS CAD KYI THA MA'O, ,DE BCOS SO ZHES BYA BA LA, DE ZHES BYA BA NI PHYIR BCOS PA DE'O, ,SPRUG PA'I DON DU SPYAD PA'I DON GOS NGAN PA DE'O, ,MI NUS PA NYID NA RAS MAR BYAS TE SHING BU'I RTZE MO LA BTAGS NAS SPRUG GO ZHE BYA BA NI DES KHRI LA SOGS PA DAG SPRUG GO ZHES BYA BAR SBYAR RO, ,DE LTAR YANG MI RUNG BA NYID MA YIN NA, SBYIN PA PO'I BSOD NAMS MNGON PAR SPEL BA DANG YUN RING BA NYID DU BYA BA'I PHYIR LCI BA DANG SA BSRES TE KA BA DANG RTZIG PA'I SER KAR GLAN PAR BYA'O ZHES BYA BA LA, DE LTAR YANG ZHES BYA BA NI DE LTAR BYAS KYANG MI RUNG PA NYID YIN NA'O ZHES BYA BAR SBYAR RO, ,SGO KHANG DANG KHYAMS SU MAL BCA' BA DANG BCAS NA YANG GZUNG BAR MI BYA'O ZHES BYA BA NI DE DAG TU MAL BCA' BAR YANG MI BYA GZHAN GYIS BCAS NA YANG RANG GIS GZUNG BAR MI BYA'O ZHES BYA BA'I DON TO, ,'DIR BRTAGS PA NI SKYON YIN TE GZUNG BAS KYANG NGO, ,GZHAN GYIS BCAS NA YANG GNAS KHANG YONGS SU GYUR PA LA SOGS PA RANG LAS PA NYID THOB PA LA NYES PA SPANG

260a

, ,BAR BYA'O, ,SBYIN PA POS MYA NGAN BSANG BA'I PHYIR PHUL BA DES MTHONG BAR GZHAG PAR MI BYA'O ZHES BYA BA NI RGYAL PO GSAL RGYAL GYIS RANG GI MA SHI BA'I MYA NGAN BSANG BA'I PHYIR, MA'I MAL KHRI DGE 'DUN LA PHUL BA DGE SLONG GIS SGO KHANG DANG KHYAMS SU BSHAMS PA RGYAL POS MTHONG NAS, YANG MYA NGAN LNGAS PA BYUNG BA'I MTHA' LAS BCAS PA YIN TE, DE LTA BU'I RDZAS SPYIN BDAG GIS MTHONG BAR MI BYA'O, ,SGRA MI SNYAN PA'I GNYEN PO'I PHYIR TSE BRGYAD DANG BCU BZHI DAG LA KHYAMS SU BSHAM PAR BYA'O ZHES BYA'O ZHES BYA BA NI DE RNAMS KYIS MAL KHRI DE BKRUS SO ZHES BYA BA LA SOGS PA'I SGRA MI SNYAN PA'O, ,DE BSAL BA'I GNYEN PO'I PHYIR BSHAM ZHING GZHAN GYIS MTHONG BAR BYA'O, ,KHRI DANG KHRI'U BCANG BAR BYA'O ZHES BYA BA NI BYE BRAG MA SMOS PA'I PHYIR GANG ZAG GIS KYANG NGO ZHES BYA BAR RTOGS PAR BYA'O, ,MA MO LAS 'DI NI BYA'O ZHES BYA BA'I BAR DU GSUNGS PA YIN NO; ,SPYIL BA MI NYAMS PAR BYA BA'I PHYIR KHRI RKANG GI MTHIL MNYAM PAR SPYAD PAR BYA'O, ,YANG DE'I 'OG TU PHUB MA'I PHUNG PO GZHAG PA'AM DE RAS MAS DKRI BAR BYA'O ZHES BYA BA LAS, DE'I ZHES BYA BA NI KHRI'U'I RKANG PA DE'I 'OG TU'O, ,DGE 'DUN MA YIN PAS RKANG PA DKRIS PA'I KHRI'U BSTEN PA BDAG GIR MI BYA'O ZHES BYA BA NI SIL BU DAG LAS SGRON MA'I SHING SHES PAR BYA BA'I BAR DU YANG NGO, ,STAN BZANG PO DANG RGYAB RTEN DANG BCAS BA'I STAN YANG MI BYA'O ZHES BYA BA YANG DGE 'DUN MA YIN PAS BDAG GIR BYA BA BSTEN PAR MI BYA BA'O, ,MAR ME'I SDONG BU YANG MI BYA'O ZHES BYA BA NI SHING LJON PA'I RNAM PA 'DRA BA'I MAR ME'I SDONG BU YANG DGE 'DUN MA YIN PAS BDAG GIR BYA BA BSTEN PAR MI BYA BA'O, ,'DIR GZHUNG NI, DGE 'DUN LA NI YAL GA GCIG PA'I MAR ME'I SDONG PO RNYED NA YANG RJES SU GNANG NGO, ,GANG ZAG LA NI RJES SU MA GNANG NGO, ,YAL GA GNYIS PA DANG MANG PO YANG DE BZHIN NO ZHES GSUNGS PA YIN NO, ,KHA CIG LAS NI YAL GA DU MA PA ZHES SO ZHES BYA BA NI LUGS KHA CIG LAS NI YAL GA DUM DANG LDAN BA'I MAR ME'I SDONG PO DGE 'DUN MA YIN PAS BDAG GIR BYA BA BSTEN PAR MI BYA'O, ,YAL GA GCIG DANG LDAN PA BDAG GIR BYAS PA LA NI NYES PA MED DO ZHES 'BYUNG NGO, ,STAN NANG

260b

TSANGS CAN GRU BZHI DANG SNGAS NANG TSANGS CAN BCANG PAR BYA'O ZHES BYA BA NI BYE BRAG MA GTOGS PA'I PHYIR THAMS CAD KYIS BCANG BAR RTOGS PAR BYA'O, ,STAN NANG TSANGS CAN ZHES BYA BA NI SHING BAL CAN NO, ,'DIR GZHUNG NI MA MO LAS STAN NANG TSANGS CAN GRU BZHI DANG SNGAS NANG TSANGS CAN BCANG BAR BYA'O ZHES GSUNGS PA YIN NO, ,SNGAS NANG TSANGS CAN GYI NGO BO BSTAN PA'I PHYIR KHRU BZHI PA DANG DO PA NYIS BLTAB TU BYA STE, BTZEM MO ZHES BYA BA SMOS TE, SRID DU NI KHRU BZHI PA NYIS BLTAB DANG ZHENG DU NI KHRU DO PA NYIS BLTAB TU BYAS TE BTZEM MO, ,SHING BAL GYIS BRDZANG NGO, ,SO SOR BRTAG PA MA BYAS PAR NYAL BAR MI BYA'O ZHES BYA BA NI MAL DANG STAN 'DI LA SO SOR BRTAG PA MA BYAS NA SO SOR BRTAG PA MA BYA PA ZHES BYA BA 'DIS BSDUS BA'O, ,'DIR GZHUNG NI DGE SLONG NYAL BAR BYED NA SO SOR BRTAGS TE NYAL BAR BYA'O ZHES GSUNGS BA YIN NO, ,DRAN PA NYE BAR MA BZHAG PAR MI BYA'O ZHES BYA BA NI DGE BA BRTZAMS PA DANG 'BREL BA DANG DGE BA'I PHYOGS GZHAN DANG 'BREL BA DANG, DUS JI LTA BA BZHIN DU LDANG BA DANG 'BREL BA DAN LUS DAN GOS MI 'PHYAR BA DAG 'BREL BA'I DRA PA YIN PAR RIG PAR BYA'O, ,GZHAN DANG LHAN CIG KHRI'AM STAN NAM GZHAN LA CIG CAR MI BYA'O ZHES BYA BA NI NYAL BAR MI BYA BA STE, GZHAN LA ZHES SMOS PA NI STEGS BU LA SOGS PA'I KHRI DAG BSDU'O, ,NGO TSA SHES PA MED NA STAN SO SOR BTING STE GTUR BU'AM LHUNG BZED KYI SNOD LA SOGS PAS RAB TU BCAD NAS DRAN PA NYE BAR GZHAG STE NYAL BAR BYA'O ZHES BYA BA NI REG PA'AM KUN NAS NYON MONGS PA'I GNYEN POR GYUR PA ZHES BYA BA SHUGS KYIS SHES PA'O, ,GSUM LAS LHAG PA DANG PO DANG LHAN CIG KHRI LA 'DZEGS PA BSTEN PAR MI BYA'O ZHES BYA BA NI GANG ZAG GSUM LAS LHAG PA MANG PO DANG LHAN CIG TU KHRI GCIG GE STENG DU 'DZEGS PA DANG 'DUG PA DANG NYAL BAR MI BYA'O, ,GANG ZHIG KHRI GCIG GI STENG DU GANG ZAG GNYIS SAM GSUM NI 'DZEGS PA DAG 'DUG PA DANG NYAL BAR BYA'I BZHI YAN CHAD NI MI BYA ZHES BYA BA'I DON TO, ,KHRI RING PO LA NI GNYIS LAS MI BYA'O ZHES BYA BA NI, LHAG PAR MANG PO DANG LHAN CIG 'DZEG PA BSTEN PAR MI BYA BA'O, ,KHRI'U LA GCIG MA YIN PAS

261a

, ,MI BYA'O ZHES BYA BA NI GCIG KHO NA DE LA 'DUG PAR BYA'O ZHES BYA BA'I DON TO, ,DE NI KHRI THUNG NGU'I DPE YIN PAR RIG PAR BYA'O, ,SHING GI KHRI'U LA YANG DE LTA BU YIN TE, DE LTAR KHRI'U MED PAS DE LA YANG KHYAB PA NYID KYIS YANG BA NYID DU RNAM PAR GZHAG PAS 'DIR DU MAS 'DZEG PAR MI 'OS PA NYID DO, ,SHING GI SPANG LEB LA NI STOBS CI YOD PA DANG GO CI YOD PA LAS SHES PAR BYA'O, ,LO GSUM LAS LHAG PAS BAR DU CHOD PA DANG LHAN CIG STAN LA 'DUG PAR MI BYA'O ZHES BYA BA NI LO GSUM LAS LHAG PA'I DUS BSNYEN PAR RDZOGS PA'I BAR DU GYUR PAS BSNYEN PAR RDZOGS PA'I DUS GZHAN GYIS BAR DU CHOD PA NYID DE DANG LHAN CIG STAN THAMS CAD LA 'DZEG PA NYID BSTEN PAR BYA BA MA YIN NO, ,KHYIM GZHAN DU MED NA MKHAN PO DANG YANG DRAN PA NYE BAR GZHAG STE STAN GCIG LA 'DUG PAR BYA'O ZHES BYA BA NI KHYIM PA'I KHYIM MA MA GZHAN 'GA' ZHIG TU NI MA YIN NO, , KHYIM PA DANG GANG DU YANG MI BYA'O ZHES BYA BA NI KHYIM PA DANG KHYIM GZHAN YANG RUNG GTZUG LAG KHANG YANG RUNG BA STE, GANG YANG RUNG BAR STAN GCIG LA 'DUG PAR MI BYA'O, ,BSNYEN PAR MA RDZOGS PA DANG YANG MI BYA'O ZHES BYA BA NI BSNYEN PAR MA RDZOGS PA DANG GANG DU YANG STAN GCIG LA 'DUG PAR MI BYA'O; ,ZA MA DANG MA NING DANG MA BSAD PA LA SOGS PA DANG MU STEGS CAN ZHUGS PA DANG, RKU THABS SU GNAS PA DANG, THA DAD PAR GNAS PA DANG, GNAS PAR MI BYA BA DAG DANG MI BYA'O ZHES BYA BA NI MA MO LAS 'DI LA SOGS PA GSUNGS TE, DE DAG GANG DANG GANG DU YANG RUNG STAN GCIG LA 'DUG PA BSTEN PAR MI BYA'O, ,BSLAB PA BYIN PA DANG MI BYA'O ZHES BYA BA NI GANG DU YANG STAN GCIG LA 'DUG PA BSTEN PAR MI BYA'O, ,AAR MO NIG NI BSNYEN PAR RDZOGS PA DANG BCAS PA'I DGE 'DUN 'DUS PA LAS GZHAN PAR STAN NYID YIN NO ZHES BYA BA NI AAR MO NIG NI BSNYEN PAR RDZOGS PA DANG BCAS PA'I DGE 'DUN 'DUS PA LAS GZHAN PA'I GNAS SU STAN NYID YIN PA'O, ,GANG GI PHYIR DE LTA YIN PA DE'I PHYIR DGE 'DUN 'DUS PA LAS GZHAN PAR YANG AAR MO NIG NI DE LA LO GSUM LAS LHAG PA'I BAR DU CHOD PA DANG LHAN CIG 'DUG PA BSTEN PAR MI BYA'O, ,'DIR BSNYEN

261b

PAR RDZOGS PA DANG BCAS PA ZHES SMOS PA NI BSNYEN PAR MA RDZOGS PA DAG DANG LHAN CIG DGE 'DUN TSOGS NA YANG 'DUG PAR MI BYA'O ZHES BSTAN PA'I PHYIR SMOS SO, ,STEGS BU NI MA YIN NO ZHES BYA BA NI STEGS BU NI SAR GYUR PA NYID YIN PAS STAN MA YIN NO, ,DOGS PA'I GNOD PAR GYUR NA LTUNG BA MED DO ZHES BYA BA NI 'DIR 'DUS PA'I SKABS KYI BSLAB PA'I GZHI DE DAG THAMS CAD LA 'DI DMIGS KYIS BSAL BA YIN NO, ,'DIR GZHUNG NI BTZUN PA DGE SLONG KHYIM PA DANG LHAN CIG STAN NANG TSANGS CANG CIG LA MCHIS SU RUNG NGAM, NYE BA 'KHOR MI RUNG STE, RKYEN DE LTA BU DAG YOD NA RUNG NGO ZHES GSUNGS PA YIN NO, ,GNAS MAL SPED PA NA GAL TE GNYIS YOD NA GCIG GIS KHRI'AM KHRI'U BSKUR ZHING CIG SHOS KYIS STAN NANG TSANGS CAN LA SOGS PA'O ZHES BYA BA NI GAL TE GANG ZAG GNYIS YOD NA DE LTAR BSKUR BAR BYA'O, ,'DIR BYE BRAG TU MA SMOS PAS DGE 'DUN GYI 'BA' ZHIG TU MA ZAD KYI GANG ZAG GI YANG RUNG NGO, ,DGE 'DUN GYI DE SNYING MI BRTZE BAR MDUN NAS DRANG BA DANG, G-YAS G-YON NAS DRANG BAR MI BYA'O ZHES BYA BA LA DE ZHES BYA BA NI GNAS MAL DE'O, ,CI NAS KYANG DE DU BA DANG RDUL DANG DRI MA DAG GIS GOS PAR 'GYUR BA DE LTAR MI BYA'O ZHES BYA BA LA, DE ZHES BYA BA NI DGE 'DUN GYI DE'O, ,DE MI GTZANG BA'I SKYABS DANG NYE BAR BSTEN PAR MI BYA'O, ,NYAMS PA DOR BAR MI BYA'O, ,BSRAD PA DANG SKAM PA DANG SPRUG PA DANG BU GU GLAN PAR BYA'O, ,RAL PA NA LHAN RINGS SO, ,DBUS ZEGS NA MTHA' GNYIS DBUS SU BYA'O, ,DER 'OS PA KHA BSGYUR RO, ,PHYIR BCOS MA NUS NA DKON MCHOG LA PHUL BA'I MAR ME GANG ZAG SBYIN BDAG YIN PA GANG YANG RUNG BA DAG GI SNYING PO NYID DU SPYAD DO ZHES BYA BA NI DKON MCHOG LA PHUL BA'I MAR ME GANG ZAG SBYIN BDAG MIN PA YANG RUNG BA DAG GIS SPYAD PAR BYA STE, DGE 'DUN SBYIN BDAG YIN PA'I YANG RNAM PAR SBYAR BAR BYA'O, ,DER MI MKHO BA NYID YIN NA 'JIM PA DANG BSRES TE DKON MCHOG DAG GI RTZIG PA DANG, KA BA DANG SGO GLEGS KYI SER KA DAG BYUG PA'I PHYIR DE LA NAN TAN BYA'O ZHES BYA BA LA, DER MI MKHO BA NYID YIN NA ZHES BYA BA NI MAR ME'I SNYING PO DER RO, ,DKON MCHOG DAG GI ZHES BYA BA NI DKON MCHOG DANG 'BREL PA RNAMS LA'O, ,

262a

, ,DE LA NAN TAN BYA'O ZHES BYA BA NI BSRAD PA LA SOGS PA DE RNAMS LA NAN TAN BYA BA'O, ,GNAS MAL JI LTA BUR GYUR PA SUS BSRAD PA LA SOGS PA'I NAN TAN BYA ZHE NA, DE'I PHYIR BSKOS PA NI MNOS PAS SO ZHES BYA BA SMOS TE, BSKOS PA GANG YIN PA DES SU ZHIG LA SBYIN PA STE; BSKOS PA MNOS PAS BSRAD PA LA SOGS PA RJES SU BSGRUB PAR BYA'O, ,LHAG MA NI DGE 'DUN GAnd'I BRDUNGS PAS BSDUS TE'O ZHES BYA BA LA, LHAG MA BSKOS PA NI DGE 'DUN GYIS BSRAD PA LA SOGS PA DE DAG BSDUS TE BSGRUB PAR BYA JI LTAR BSDUS TE BSGRUB PAR BYA'O ZHE NA, DE'I PHYIR GAnd'I BRDUNGS PAS BSDUS TE'O ZHES BYA BA SMOS TE'O, ,DGE 'DUN GYI RKU 'PHROG BYED PA MTHONG LA NUS NA MI BZLOG PAR MI BYA'O ZHES BYA BA LA, RKU 'PHROG NI DPE TZAM DU ZAD DE, CHUD ZA BAR GYUR BA DAG LA YANG CHO GA DE BZHIN DU BSGRUB PAR BYA'O, ,BSKRAD PA NA DGE 'DUN GYI YAL BAR MI DER RO, ,GNAS SUM SON GYI BAR DU KHYER BAR BYED PAS LONGS SPYOD PAR BYA BA NYID YIN NO ZHES BYA BA NI BSKRAD PA NI DGE 'DUN GYI DNGOS PO YAL BAR DOR TE BLANGS PA GANG YIN PA DE NI DGE SLONG GI GNAS SU MA SON GYI BAR DU GANG GIS KHYER BAR BYED PA'I GANG ZAG DE NYID KYIS LONGS SPYAD PAR BYA BA NYID YIN PA'O, ,DER RANG GI GNAS SU BSKUR BAR MI 'GRUB NA GNAS GZHAN DU LONGS SPYAD PAS YONGS SU SPYAD PAR BYA'O ZHES BYA BA NI GNAS GZHAN DU LONGS SPYAD PAR BYA'O ZHES BYA BA'I DON TO, ,GNAS GZHAN GYI ZAS DANG YO BYAD KYI RNYED PA NAS GZHAN DU YONGS SU SPYAD PAR MI BYA'O ZHES BYA BA NI GNAS GZHAN GYI ZAS KYI RNYED PAR BZA' BA DANG BCAS PA LA SOGS PA DANG, YO BYAD KYI RNYED PA MAR ME DANG 'BRU MAR DANG RKANG PA BSKU BA DANG, MCHIL LHAM DANG GOS DANG GDUGS DANG SHING DANG RTZA BA DANG SDONG BU DANG 'DAB MA DANG ME TOG DANG, 'BRAS BU DAN SMAN LA SOGS PA DAG GNAS DER GNAS PAR MI BRTEN PAS GNAS GZHAN DU DRANG ZHING YONGS SU SPYAD PAR MI BYA'O, ,DE DE LA SBYIN PAR MI BYA'O ZHES BYA BA NI GNAS GZHAN GYI ZAS DANG YO BYAD KYI RNYED PA DE GNAS GZHAN DU ZA BAR BYED PA DE LA SBYIN PAR MI BYA'O, ,NOD PA 'BUL DU GZHUG PAR BYA'O ZHES BYA BA NI GNAS GZHAN DU ZA BAR BYED PA MNOS PA SMOS PA GANG YIN PA DE 'BUL DU GZHUG

262b

PAR BYA'O, ,MI KHUGS NA DBROG PAR BYA'O ZHES BA NI GAL TE NOD PA STE MA RNYED DAM, MTHU DANG LDAN PA LA BRTEN PA'I PHYIR NOD PA DE LA DBROG PAR MI NUS NA, GANG GIS DE LA SBYIN PA DE LA 'BUL DU GZHUG PAR BYA'O, ,'DIR SIL BU DAG LAS, DGE SLONG GZHAN DU GNAS PAS GZHAN DU KHYER TE CUNG ZAD CI TZAM ZOS PA THAMS CAD RIN THANG TSANG BAR BYA STE 'BUL DU GZHUG PAR BYA'O ZHES GSUNGS PA DE 'DIR BSDUS PA YIN NO, ,CHA DBANG BA DAG GIS DGE 'DUN GYI RTZVA DANG SHING MI MKHO BA DANG, RANG GI DANG 'DRA BAR SPYAD PA LA KHA NA MA THO BA MED DO ZHES BYA BA GANG DAG DES 'THOB CING DE'I CHA DBANG BA DAG GIS DGE 'DUN GYI RTZVA DANG SHING DGE 'DUN GYI SA KHO NAR SKYE ZHING YONGS SU MA BZUNG BA DAG YIN LA YONGS SU BZUNG BA DANG 'DIR MI MKHO BA NYID MA YIN NO, ,MA BSKOS PA 'KHOR ZHING SPYAD PA LA JI LTAR 'ONGS PAS YIN GYI RGAN RIMS KYIS MA YIN NO ZHES BYA BA NI MA BSKOS PA RES KYIS 'KHOR ZHING SPYAD PA ZAS LA SOGS PA LA MAR ME BZHIN DU CIG CAR SPYAD PA MA YIN PA LA NI JI LTAR 'OS PAS SPYAD PAR BYA'I RGAN RIMS KYIS SPYAD PAR BYA BA NI MA YIN GYI, GANG ZHIG MA BSKOS NA DANG PO SU 'ONGS PA DE LA G-YAR POR SBYIN PAR BYA'O ZHES BYA BA'I DON TO, ,CIG CAR BRNYAS NA NI DE'O ZHES BYA BA NI GAL TE CIG CAR BRNYAS PAR GYUR NA NI CIG CAR BRNYAS PA DE RGAN RIMS KYIS SPYAD PAR BYA BA'O, ,MA ZIN NA DE LAS DBRAL BAR MI BYA'O ZHES BYA BA LA DE LAS ZHES BYA BA NI MA BSKOS PA DE LA SBYAR ZHING SPYAD PA LAS SO, ,DE BKRU BAR CHUS RKANG PA 'BAGS PA NYID NA DE YIN NO ZHES BYA BA LA, DE ZHES BYA BA NI MA ZIN PA NYID DO, ,DE BKRU BAR ZHES BYA BA NI RKANG PA DE BKRU BA LA'O, ,CHAB KHUNGS DER ZHUGS PA NYID NA'O ZHES BYA BA LA, DER ZHES BYA BA NI CHAB KHUNG LA'O, ,ZHUGS PA NYID NA ZHES BYA BA NI MA ZIN NA'O, ,SGOM PA'I PHYIR 'DUG PA BSLONG BAR MI BYA'O ZHES BYA BA LA 'DUG PA ZHES BYA BA NI SGOM PA'O, , DE LA RGAN RIMS SU MI BYA'O ZHES BYA BA NI 'DUG PA DE LA RGAN RIMS SU MI BYA'O, ,'ON KYANG 'DI LTAR 'ONGS PAS BYA BA STE, 'DUG PA LA NYE BAR MKHO BA'I STAN LA SOGS PA RNAMS LA JI LTAR 'ONGS PA NYID KYIS LONGS SPYAD PA STE, JI LTAR RGAN RIMS SU LONGS SPYAD PAR BYA BA MA YIN TE DE BAS NA DE'I 'DI BYA

263a

, ,BA'O; ,'DIR GZHUNG NI DGE SLONG DAG SPONG BA'I KHANG PA NA 'KHOD CING DGE BA'I PHYOGS DAG BYED PA NA, DRUG SDE DAG 'ONGS TE NGED CAG RGAN NO ZHES BYA BAS SLONG BAR BYED PA DANG, BCOM LDAN 'DAS KYIS BKA' STZAL PA, 'DI LA RGAN RIMS SU MI BYA'O ZHES GSUNGS PA YIN NO, , DGE SLONG LAS DANG ZAS KYIS 'BAGS PA MI BYA'O ZHES BYA BA NI LAS DANG ZAS BRTZAMS PAS 'BAGS PA BSLANG BAR MI BYA'O, ,BYUG RIS MA YIN PAR 'DUG PAR MI BYA'O ZHES BYA BA NI RANG GI GO MA YIN PA NI BYUG RIS MA YIN PA STE DER 'DUG PAR MI BYA'O, ,BYA BA BYAS NAS 'KHOR ZHING SPYAD PA 'DOD PA YOD NA BCANG BAR MI BYA'O ZHES BYA BA LA, 'KHOR ZHING SPYAD PA ZHES BYA BA NI JI LTAR 'OS PA'I SPYOD PA LA SPYAD PAR BYA BA'O, ,BAR DU DON GYI CHED NYID DU KHRI'U LAS LANGS PA NI BYA BA BYAS PA NYID MA YIN NO ZHES BYA BA NI BAR MA BYA BA NYID KYI DBANG GIS THA MA BYAS PA NYID LA DU DUNG LAS SNGA MA BRTZAMS PA GANG YIN PA DANG, KHRI'U LAS BABS PA GANG YIN PA DE LA 'DI BYA BA BYAS PA NYID DU SHES PAR BYA BA MA YIN NO, ,DE'I DUS NA DE LA CHOS GOS SAM PUS 'KHYUD GZHAG PAR BYA'O ZHES BYA BA NI KHRI'U'O, ,DE'I DUS NA ZHES BYA BA NI BAR MA BYAS PA NYID KYI DBANG GIS DUS LA BTANG BA'I DUS LA'O, ,'DOD PA YOD LA GNAS YOD NA DGE 'DUN GYI SPAGS PA NYID BRTEN PAR MI BYA'O ZHES BYA BA NI GAL TE DON DU GNYER BA GZHAN DAG YOD NA 'GRO BA YANG YO NA DES DGE 'DUN GYI YO BYAD SBAGS PA NYID STEN PAR MI BYA'O, ,DON YOD NA RNAMS PA DE LTA BU LAS BRAL BAR BYAS PA LA KHA NA MA THOB MED DO ZHES BA NI DON YOD PA NYID DANG 'DOD PA'I GANG ZAG GZHAN YOD PA LA GANG LA SBAGS PA YOD PA NYID BSTEN PA'O, ,DE LTA BUR GYUR PA LAS YO BYAD DE LAS BRAL BAR BYA STE KHYER BA LA KHA NA MA THO BA MED PA'O, ,CI DGOS PA MED KYANG KHA NA MA THO BA MED PA YIN NAM ZHE NA, DE'I PHYIR, DON YOD NA ZHES BYA BA SMOS TE, DGOS PA YOD PA LA YIN GYI MED NA NI MA YIN NO, ,DGE 'DUN GYI MCHIG DANG MCHIG GU BCANG BAR BYA'O, ,'DREG MKHAN GYI LAG CHA YANG NGO ZHES BYA BA YANG BCANG BAR BYA'O ZHES BYA BA'I RDZAS SNYEGS PA'I PHYIR YANG NGO ZHES BYA BA'I SGRA SMOS TE, DGE SLONG GI DGE 'DUN GYI PHYIR BCAD PA'O, ,SNOD DU BCUG STE RTZIG PA LA

263b

GZHAG GO ZHES BYA BA NI 'DREG MKHAN GYI LAG CHA'O, ,'DIR GZHUNG NI PHRAN TSEGS DAG LAS, DGE SLONG GIS DGE 'DUN GYI PHYIR 'DREG MKHAN GYI LAG CHA BCANG BAR BYA ZHING SNOD DU BCUG STE RTZIG PA LA GZHAG PAR BYA'O ZHES GSUNGS PA YIN NO, ,STE'U DANG STA RE DANG GZONG LA SOGS PA DANG DE DAG GI SNOD DANG BCAS PA YANG NGO ZHES BYA BA YANG DGE 'DUN GYIS BCANG BAR BYA'O ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS TE, DE DAG GI SNOD DANG BCAS PA ZHES BYA BA NI STE'U DANG STA RE DANG GZONG LA SOGS PA DE DAG GI SNOD DO, ,'DIR GZHUNG NI SHING DAG GSHAGS PAR MI NUS NAS, BCOM LDAN 'DAS KYIS BKA' STZAL PA, DGE 'DUN GYI PHYIR STE'U DANG STA RE DANG GZONG BCANG BAR BYA'O, ,DGE SLONG ZHIG GI HRI CHAG NAS DGE SLONG DES SMRAS PA NA KHO BO LA GZOD YOD DE ZHES BYA BA NAS, BCOM LDAN 'DAS KYIS BKA' STZAL PA, DBEN PA'I PHYOGS SU BYA'O, ,DGE 'DUN GI STE'U DANG SNOD KYANG BCANG BAR BYA'O, ,GANG ZAG GIS 'CHANG NA 'GAL TSABS CAN DU 'GYUR RO ZHES GSUNGS PA YIN NO, ,NGES G-YAR PO NYID DU SA LAS BYAS PA YANG CHAD SBYIN NO ZHES BYA BA NI DGE 'DUN DES DGE SLONG DE LA LAG CHA'I SNOD THA NAS LAS BYAS PA YANG CHAD KYANG G-YAR PO NYID DU SBYIN PAR BYA'O ZHES BYA BA'I DON TO, ,DGE SLONG MAS MCHING BU'I SNOD BCANG BAR MI BYA'O, ,THAMS CAD KYIS 'BRU MAR GYI SNOD BCANG BAR BYA'O ZHES BYA BA NI DGE SLONG DANG DGE SLONG MA THAMS CAD GYIS SO, ,PHUL GANG MAN CHAD NAS PHUL PHYED YAN CHAD SHONG BA'O ZHES BYA BA NI, 'DIR YAN CHAD KYI SGRA BRI BAR BYA STE PHUL PHYED YAN CHAD CES BYA BA'I DON TO, ,LCAGS KYI DOG LE YANG NGO ZHES BYA BA NI THAMS CAD KYIS BCANG BAR BYA'O, ,DE'I LCAGS SGYED KYANG NGO ZHES BYA BA NI LCAGS KYI DOG LE'I LCAGS SGYED RKANG PA GSUM PA'AM, RKANG PA BZHI PA YANG BCAD BAR BYA'O ZHES GSUNGS PA YIN NO, , SA LAS BYAS PA'I THAB KYANG NGO ZHES BYA BA NI RGYA THAB DANG SKYED PO YANG BCANG BAR BYA'O, ,GNANG BA THOB PAS 'KHAR BA'O ZHES BYA BA NI GNANG PA THOB PA THAMS CAD KYIS BCANG BAR BYA'O, ,DRA BA KHA DOG GCIG PA YANG NGO ZHES BYA BA NI 'DIR DRA BA ZHES BYA BA NI BYA RGYA'I RNAM PA LTA BU YIN PAR SHES PAR BYA STE, 'DI

264a

, ,NYID DU DE GRAGS PA'I PHYIR RO, ,'DIR GZHUNG NI BCOM LDAN 'DAS KYIS DRA BA NYE BAR GZHAG PAR BYA'O ZHES BKA' STZAL PA DANG, DRUG SDE DAG GIS TSON SNA LNGA'I DRA BA DAG NYE BAR BZHAG NAS, BCOM LDAN 'DAS KYIS BKA' STZAL PA, TSON SNA LNGA'I DRA BA DAG NYE BAR GZHAG PAR MI BYA'O ZHES GSUNGS PA YIN NO, ,DE'I PHYIR DRA BA KHA DOG GCIG PA YANG NGO ZHES BYA BA SMOS SO, ,GNANG BA 'DI DAG LA SBYIN PAR RIGS SAM ZHE NA, DE'I PHYIR DE SBYIN PAR BYA'O ZHES BYA BA SMOS SO, ,CI THAMS CAD LA 'AM ZHE NA DE'I PHYIR RGAS PA DANG NAD PA DAG LA'O ZHES BYA BA LA SMOS SO, , DE GNYIS TSIG GCIG GIS SBYIN PA YANG SRID DO ZHES BYA BA NI GCIG GIS ZHES BYA BA NI SNGAGS KYI TSIG GCIG GIS SO, ,SDIG SBRUL LA SOGS PA'I GNYEN PO'I PHYIR 'KHAR BA SGRA DANG BCAS PA BCANG NGO ZHES BYA BA LA, SNGAR RGYAN PO DANG NAD PA DAG LA GNANG BA SBYIN PA'I 'KHAR BA NI LUS RTEN PA'I PHYIR, BE CON SBOM PO RJES SU GNANG BA YIN NO, ,DE DANG MI 'DRA BA'I PHYIR DE BAS NA 'DIR RJES SU MTHUN PAR NGES PA STE DE LAS GZHAN PA'I SKABS KYI BYE BRAG MED DO, ,DE BAS NA DE 'CHANG BA'I CHO GA 'DI DGOS PA GZHAN GYIS BRJOD PAR SHES PAR BYA'O, ,MA MO DAG LAS DE DANG POR BYA STE, DE BYIN PAS ZHES BYA BA'I BAR DU GSUNGS PA YIN NO, ,YU BA'I RTZA BAS NAS GAS NA SBU GU BSKON NO ZHES BYA BA LA 'KHAR BA'I YU BA DANG, 'KHAR GSIL GYI YU BA DANG, GOS KYI SROG SHING GI YU BA NGAG CES SMOS PAS GZUNG BA'O, ,DE DAG GI RTZA BA MA THOG GAS NA LCAGS KYI SPU GU NGOS GCIG NAS ZHABS BCUG PA BSKON PAR BYA'O, ,YA THOG DKRI BAS SO ZHES BYA BA NI YU BA DE DAG GI YA THOG GAS NA DKRI BA BSKON PAR BYA STE, LCAGS KYI GLEGS BUS KUN NAS 'KHOR BAR DKRI BAR BYA'O, ,'DIR GZHUNG NI RGYAL PO'I KHAB KYI GRONG KHYER GYI BSIL BA'I CHAL GYI DUR KHRONG NA SDIG SBRUL DAG MANG BAS DE NA DGE SLONG DUR KHROD DU 'GRO BA DAG SDIG SBRUL DAG GIS ZIN PA NAS, BCOM LDAN 'DAS KYIS BKA' STZAL PA, SDIG SPRUL BZLOG PA'I PHYIR 'KHAR BA SGRA DANG BCAS PA RJES SU GNANG NGO ZHES BYA BA'I BAR DU GSUNGS PA YIN NO, ,SMYIG MA MKHAN GYIS BYAS PA'AM LO MA LAS BYAS PA'I GDUGS BCANG

264b

BAR BYA'O ZHES BYA BA LA, SMYIG MAS 'TSO BA NI SMYIG MA MKHAN TE, DE NI SKYE BO THAMS CAD KYI DON DU GDUGS KHRA BO BKRA BA DAG BYED PAS DE 'DIR NYES PA MED PAR BSTAN PA'I PHYIR SMYIG MA MKHAN GYI SGRAS SMOS PAR BYA'O, ,DE LAS GZHAN PA KHRA BO BKRA BA DAG BRTAG PAR BYA BA MA YIN NO, ,YU BA NI LUS KYI TSAD DO ZHES BYA BA NI LUS KYI TSAD KYI YU BA 'DIR ZHES BSDU BA'O, ,DES GRONG DBUS SU 'GRO BAR MI BYA'O ZHES BYA BA LA DES ZHES BYA BA NI GDUGS DES SO, ,GAL TE LAM GYI DBANG GIS NA GLOR BSNYAL TE'O, ,CHAR 'BAB PA NYID NA BSOD SNYOMS LA RGYU BAR BYA'O ZHES BYA BA NI GDUGS KYIS GRONG DBUS SU'O, ,YU BA LA GZHAR DU MI RUNG BA NYID MA YIN NO ZHES BYA BA NI 'DIR DRI MA BKRU BAR BYA BA'I PHYIR YU BA LA BYI DOR BYA BAR RIG PAR BYA STE, ,'DIR DE LTAR BRJOD PAR BYA'O, ,CHAD NA KHYIM DAG TU GZHAG GO ZHES BYA BA NI CHAR PA CHAD NA DE'I DRUNG DU 'DUG PA'I KHYIM GANG YIN PA DER 'DUGS TE BTAGS TE GZHAG GO, ,'BYUNG KHAR BLANG NGO ZHES BYA BA NI GDUGS GANG DU GZHAG PA'I GRONG DE NAS PHYIR 'BYUNG KHAR DE BLANG NGO, ,GTZUG LAG KHANG NA GNAS PA'I SKABS BSHAD ZIN TO,, ,,DA NI GNAS GZHAN NA GNAS PA'I SKABS BRJOD PAR BYA STE, ,ROL MO MKHAN GYI GNAS DANG, SMAD 'TSONG MA'I GNAS DANG, CHANG 'TSONG MA'I GNAS DANG, RGYAL PO'I PHO BRANG DANG, GDOL PA'I KHYIM GYI GNAS DAG BSTEN PAR MI BYA'O ZHES BYA BA LA, ROL MO ZHES BYA BA NI GRU MKHAN LA SOGS PA RTZE 'JO'I GNAS SO, ,GDOL BA'I KHYIM GYI GNAS DAG ZHES BYA BA NI GDOL PA'I GNAS DAG GO, ,DE LTAR SPYOD YUL MA YIN PA'I GNAS LNGA PO DE DAG TU 'JUG PAR MI BYA'O, ,MI GTZANG BA'I SKYABS DANG NYE BAR 'DUG PAR MI BYA'O ZHES BYA BA NI 'JUG PA'I PHYIR SONG NA YANG DE'I NYEN KOR DU BSDAD PAR MI BYA'O, ,'DIR GZHUNG NI GLENG GZHI DAG LAS DE LTA BAS NA, DGE SLONG GIS CHAB KHUNG SAR SONG NA 'DU 'DZIS GNAS PAR MI BYA'O, ,DE'I NYE 'KHOR DU LUNG DBOG PAR MI BYA BKLAG PAR MI BYA BA KHA TON MI BYA'O ZHES BYA BA LA SOGS PA GSUNGS PA YIN NO, ,GOS RIN PO CHER GYUR BAS DGON PAR GNAS PAR MI BYA'O ZHES BYA BA'I LA BA RIN PO CHE LA SOGS PA RIN CHE BAS SO, ,LDUM BU

265a

, ,NI ME RU KA'I PHYE MAS LA BA LA SROG CHAGS DAG MI 'BYUNG NGO, ,SHING KUN GYIS KYANG NGO ZHES BYA BA LA SHING KUN PHYE MAS KYANG LA BA LA SROG CHAGS DAG GI 'BYUNG BA'O, ,SHING NIM PA DANG BA SHA KA'I LO MA DAG GIS KYANG NGO ZHES BYA BA NI SHING NIM PA DANG BA SHA KA'I LO MA DAG GIS KYANG NGO ZHES BYA BA'I DON NO, ,RIM PA DER SONG NA DE LA SHING TU PHAN PA NYID DO ZHES BYA BA LA, RIM PA DER SONG NA ZHES BYA BA NI RIM PA DE LA SHIN TU PHAN PA NYID DU 'GYUR TE, DE TZAM GYI MTHUS RIM PA GZHAN LA YANG SHING TU PHAN PA'I DRI 'BYUNG NGO, ,DE RNAMS LA YANG PHAN PA DE NYID 'BYUNG BA'O, ,SKAM PA YANG DE'I DON NYID YIN NO ZHES BYA BA NI GOS SKAM PA YANG SROG CHAGS MI SKYE BA DE'I DON NYID YIN PA'O, ,'DIR GZHUNG NI DUS SU BSKAM PAR BYA'O ZHES GSUNGS PA YIN NO, ,DGON PA BAS PHYOGS DANG LAM DANG, TSES GRANGS DANG NYI MA DANG RGYU SKAR DAG LA MKHAS PAR BYA'O ZHES BYA BA NI DGON PA PAS DE DAG SHES PAR BYA BA'O, ,RTAG TU MED DANG CHU YOD PAR RO, ,PHYE DANG RAS MA DAG DANG SBRANG RTZI DANG ZHUN MAR DAG CI 'BYOR BA NYE BAR GZHAG PAR BYA'O ZHES BYA BA LA, PHYE DANG ZHES BYA BA THAMS CAD DU CI 'BYOR BA ZHES BYA BA LA LHAG MA NYID LA YANG RIG PAR BYA'O, ,'DIR GZHUNG NI PHYE DANG SBRANG RTZI DANG ZHUN MAR CI 'BYOR PA NYE BAR GZHAG PAR BYA'O ZHES GSUNGS PA YIN NO, ,GAL TE ZAS LAS LHAG ROL BYUNG NA YANG NGO ZHES BYA BA NI GAL TE ZAS LAS LHAG ROL LUS PAR GYUR NA YANG NYE BAR GZHAG PAR BYA'O ZHES BYA BA'I DON TO, ,DGE SLONG MAS DGON PAR GNAS PAR MI BYA'O, ,GRONG KHYER GYI NANG DU DBYAR KHANG BYA'O, ,DES DE'I PHYIR SGOR 'DUG PAR MI BYA'O ZHES BYA BA LA, DE'I ZHES BYA BA NI DBYAR KHANG DE'I 'O, ,DES ZHES BYA BA NI DGE SLONG MA DES SO, ,SNANG G-YEL CAN DU MI BYA'O ZHES BYA BA NI 'DUG PAR TE, 'DIR SNANG G-YEL ZHES BYA BA SKAR KHUNG 'BA' ZHIG TU MA ZAD KYI GANG DU PHYI ROL SNANG BA THAMS CAD YANG YIN PAR RO, ,LAM BZHI MDOR MI BYA'O, ,GOS MED PA CAN GYIS MI BYA'O ZHES BYA BA NI 'DUG PAR MI BYA'O ZHES BYA BAR SBYAR RO, ,DBYAR KHANG ZHES SMOS PA NI LAM GYI BZHI MDO LAS LOG PA STE, THAMS CAD DU CHO GA 'DI NYID YIN NO, ,DE LA RDUL GZHAN NI GOS

265b

NYID YIN NO ZHES BYA BA LA, DE LA ZHES BYA BA NI DE THOG MAR GSUNGS PA'I CHO GA LA'O, ,DPUNG PA GNYIS MA G-YOGS PAR KHYIM PA'I DRUNG DU MI BYA'O ZHES BYA BA'I RDUL GZHAN GYI GOS NYI GON DU ZIN KYANG DPUNG PA GNYIS MA G-YOGS PAR KHYIM PA'I DRUNG DU 'DUG PAR MI BYA'O ZHES BYA BA'I DON TO, , DE'I SKYIL MO KRUNG GI GNAS SU SKYIL MO KRUNG PHYED DO ZHES BYA BA LA, SKYIL MO KRUNG GI GNAS SU SKYIL MO KRUNG PHYED KYIS 'DIR TING NGE 'DZIN LA 'DUG PAR BYA'O ZHES BA'I DON TO, ,ZAG BYED KYI SGOR SROG CHAGS MI 'JUG PAR BYA BA'I PHYIR GOS LA SOGS PAS G-YOG GO, ,DGE SLONG DAG GIS DGE SLONG MA GTZUG LAG KHANG DU 'JUG PA BZLOG PAR MI BYA'O, ,DE DAG GTAM MI 'DRE BA DAN MI GDAMS PA DANG GSO SBYONG DANG DGAG DBYE GZHAG PA DAG GIS YONGS SU GDUL BAR BYA'O, ,DES DGE SLONG RJES SU GNANG BA BYED DU MA BCUG PAR GTZUG LAG KHANG 'DU 'JUG PAR MI BYA'O ZHES BYA BA SMOS NA, DGE SLONG GIS DE LA JI LTAR RJES SU GNANG BAR BYA ZHE NA, DE'I PHYIR KHYOD NAD DANG BCAS PA MA YIN NA RJES SU GNANG NGO ZHES SO ZHES BYA BA SMOS SO, ,DE BZHIN DU RJES SU GNANG BAR BYA BA 'AM ZHE NA, DE'I PHYIR DRI BA ZHE 'GRAS PA MED PA NYID NGES PAR SHES PAR BYAS TE'O ZHES BYA BA SMOS TE, DRI BA GANG GIS DE LA ZHE 'GRAS PA MED CING DRI BA DE SHUGS KYIS SHES PAR BYA'O, ,GNAS KYI YANG DAG PAR SBYOR BA'I SKABS BSHAD ZIN TO,, ,,DA NI SPA BA'I RNAM PAR GZHAG PA DANG YONGS BSKYAB PA'I SKABS BRJOD PAR BYA STE, 'PHRED GTAN DANG GNAM GZER DANG, 'KHOR GTAN DANG SGO LCAGS DANG LDE MIG KYOG PO DAG GTZUG LAG KHANG BSDAMS PA'I PHYIR YANG DAG PAR SBYAR RO ZHES BYA BA LA, 'DIR GZHUNG NI SIL BU DAG LAS, BCOM LDAN 'DAS KYIS BKA' STZAL PA, DGE SLONG DAG LNGA PO 'DE DAG NI SNGOM PAR BYED PA DAG YIN TE LNGA GANG ZHE NA, 'PHRED GTAN DANG GNAM GZER DANG 'KHOR GTAN DANG SGO LCAGS DANG LDE MIG KYOG PO STE, DE DAG GTZUG LAG KHANG NA BDOG NA DE DAG THAMS CAD DGE SKOS KYIS BCANG BAR BYA'O ZHES GSUNGS PA DANG, RNAM PAR 'BYED PA LAS KYANG DGE 'DUN GYI GNAS BRTAN DGE SLONG GIS DGE SKOS LA TSE DANG LDAN PA KHYOD

266a

, ,GYIS SGO BCAD DAM, GTZUG LAG KHANG SO SOR BRTAGS SAM ZHES BRI BAR BYA'O ZHES GSUNGS PA DANG MA MO LAS KYANG, BCOM LDAN 'DAS KYIS DGE SLONG RNAMS LA GNAS MAL BSRUNG BA'I PHYIR LDE MIG 'KHYOG PO RJES SU GNANG NGO ZHES GSUNGS PA YIN NO, ,DGE SKOS KYIS DGONGS KAR GTZUG LAG KHANG SO SOR BSDAMS NAS SO SOR BRTAG PAR BYA'O ZHES BYA BA NI GTZUG LAG KHANG BSDAMS NAS DGONGS KAR SO SOR BRTAG PAR BYA STE, GTZUG LAG KHANG ZHES BYA BA DANG SBYAR BAR BYA'O, ,SGO BSDAMS NAS DE'I ZHES BYA BA RIG PAR BYA'O, ,'JIGS PA DANG BCAS PA NYID YIN NA THUN PA NYID KYIS MEL TSE BYA'O, ,DER GYUR BAS NYAL BA DANG SNYOMS PAR ZHUGS PA DAG SPANG NGO ZHES BYA BA LA, DER GYUR PA ZHES BYA BA NI MEL TSE'I THUN PAR GYUR PAS GNAS PA'O, ,DANG POR SPANG BAR BYA BA'I SGRA MI BYED PA DES PAR RTOGS PAR BYA'O, ,GZHAN DU MA YID RTON PA LA 'KHUS PAR 'GYUR RO, ,DE DAG LA 'KHU BA YOD PA ZHES BYA BA 'DIR DES PAR RNAM PAR GZHAG GO, ,DER DGE 'DUN GYI GNAS BRTAN GYIS DGE SKOS LA DAM GZHAG BYAS PA NYID DRI BAR BYA'O ZHES BYA BA LA, DER ZHES BYA BA NI GTZUG LAG KHANG BSDAMS PA LA SOGS PA DER RO, ,DAM GZHAG BYAS PA NYID CES BYA BA NI BYA BA DANG BYED PA LA NGES PAR SBYAR BA DAG GO, ,GAL TE YANG DAG PAR SBYOR BA DAG GIS MA BSDAMS PA NYID NA GTZUG LAG KHANG BRLAG NA DGE SKOS 'JAL DU GZHUG PAR BYA BA NYID YIN NO ZHES BYA BA LA, YANG DAG PAR SBYAR BA ZHES BYA BA NI 'PHRED GTAN LA SOGS PA RNAMS KYIS SO, , 'JAL DU GZHUG BAR BYA BA NI BRLAG PA'I DNGOS PO DE'O, ,DE DAG JI TZAM NYAMS PAR BYAS BA DE TZAM GYI CHA DAG GO ZHES BYA BA NI BSDAMS PA'I PHYIR YANG DAG PAR SBYOR BA SU DAG LAS GCIG GAM DU MA 'AM MANG POS BSDAMS PA MA BSGRUB SHING NYAMS PAR BYAS NA YANG DAG PAR SBYOR BA DE DAG GI CHA DAG DGE SKOS 'JAL DU GZHUG PAR BYA BA NYID YIN TE, GAL TE GCIG GIS MA BSDAMS NA GCIG GI CHA 'JAL DU GZHUG GO, ,JI DE GNYIS KYIS MA BSDAMS NA GNYIS KYI CHA 'JAL DU GZHUG PA'O, ,JI SRID DU LNGA CHAR GYIS MA BSDAMS NA SKYIN PA RIL GYIS 'JAL DU GZHUG GO, ,LDE

266b

MIG 'KHYOG PO DANG SGO LCAGS BCAD BAR BYA'O ZHES BYA BA NI THAMS CAD KYIS SO, ,SDOM PA JI SNYED YOD PA DAG GIS SGOM BSDAMS BAR 'GRO BAR MI BYA'O ZHES BYA BA NI 'PHRED GTAN LA SOGS PAR SDOM PAR BYED PA JI SNYED YOD PA DE DAG THAMS CAD KYIS SGO MA BSDAMS PAR GZHAN DU 'GRO BAR MI BYA'O ZHES BYA BA SMOS SO, ,GAL TE GNAS STONG PAR ZHUGS PAR GYUR NA DER CHAGS CHAG LA SOGS PA BYA'O ZHES BYA BA NI 'DI NI YONGS SU BSKYANG BA'I RNAM PA STE DES NA 'DIR NI DE ZHUGS PA'O, ,SNOD SPYAD TZAM PA 'KHOS SU DBAB PAR BYA'O ZHES BYA BA NI GNAS JI LTA BA BZHIN DU BSDU SKYOG BYA ZHING 'KHOS SU DBAB PAR BYA BA'O, ,GAL TE DE BZOD NA BYI DOR BYA'O ZHES BYA BA NI GAL TE BKRU BSHAL LA SOGS PA BYI DOR BYA BA DE BZOD CING 'OS PA YIN NA BYIN DOR BYA STE 'KHOS SU DBAB PAR BYA'O, ,GAL TE RUNG PAR BYED PA YOD NA SNGO SRAB PAR BYED DU GZHUG GO, ,GAL TE DER KHYIM PA DAG LHAGS NA DE DAG LA CHOS DANG LDAN PA'I GTAM DANG NUS PA'I CHOS GZHAN YANG BYA'O ZHES BYA BA LA, GZHAN YANG ZHES BYA BA NI ZAS SKOM DANG DBYAR GZIGS LA SOGS PA'O, ,GNAS KYI GZHI'I NANG GI SKABS BSHAD ZIN TO,, ,,DA NI PHYI'I SKABS BRJOD BAR BYA STE, SHING LJON PA BSKYED BA MI RUNG BA NYID MA YIN NO ZHES BYA BA LA, 'DIR SHING LJON BA ZHES BYA PA NI NAGS MA DANG GEL BA DANG 'KHRI SHING DANG T'A LA LA SOGS PA DAG BSTAN PAR RIG PAR BYA'O, ,DE SKYED NAS MI BSKYANG BAR MI BYA'O ZHES BYA BA SMOS NA, SHING LJON PA BSKYED NAS DUS JI SRID DU BSKYANG BAR BYA ZHE NA DE'I PHYIR, DE'I SHING LJON PA NI ME TOG CHAGS KYI BAR DU'O ZHES BYA BA SMOS TE, ME TOG GI SHING LJON PA NI ME TOG CHAGS KYI BAR DU BSKYANG BAR BYA'O, ,GZHAN NI 'BRAS BU'I BAR DU'O ZHES BYA BA NI 'BRAS BU'I SHING LJON PA NI 'BRAS BU CHAGS KYI BAR DU BSKYANG BAR BYA'O, ,GANG LA ME TOG DANG 'BRAS BU GNYIS KA YANG GRUB PA'I SHING LJON PA DE LA NI GANG GI DON DANG LDAN PA NYID DU CHES GRAGS PA DES RNAM PAR GZHAG GO, ,YUN RING PA NYID NA LO LDAR RO ZHES BYA BA NI ME TOG DANG 'BRAS BU CHAGS BA DE GNYIS NI YUN RING BA NYID LO LDAR BSKYANG BAR BYA'O, ,'DI LA DGE SLONG BSKOS PA NI RANG NYID DANG 'DRA'O ZHES BYA BA NI SHING LJON PA BSKYED PA BSKYAB BA

267a

, ,'DI LA DGE SLONG GZHAN LA BCOL ZHING BSKOS BA NI RANG NYID DANG 'DRA STE, DGE SLONG BSKOS PAS BSKYANG BAR BYAS NA RANG NYID KYIS BSKYANG BA BYAS PA DANG 'DRA BA YIN NO ZHES BYA BA'I DON TO, ,'DIR GZHUNG NI DGE SLONG KUN DGA' RA BA BSKYED PAS LO LDA GAR YANG 'GRO BAR MI BYA'O, , GAL TE 'GRON NA DGE SLONG LA RJES SU GTAD DE 'GRO BAR BYA'O ZHES GSUNGS PA YIN NO, ,CI DE DANG RTZE GCIG PA NYID KYIS BCU PA'I BDAG NYID KYIS BSKYANG BAR JI LTAR BYA ZHE NA, DE'I PHYIR, ,LAG PA DAG DANG RKANG BA DAG BKRU BA DANG SO ZHING DOR BA DANG LHUNG BZED BKRU BA DANG KHRUS BYAS PA NI BCU PA YIN NO, ,GRANG BA SKYOB PA'I PHYIR KHANG BU'I SBUBS BYA'O, ,DBUGS DBYUNG BA'I PHYIR DE LA SKAR KHUNG GDOD DO ZHES BYA BA SMOS TE, DE LA ZHES BYA BA NI KHANG BU'I SBUBS DE LA'O, ,G-YOGS MAS DGAB PO ZHES BYA BA NI GRANG BA BSKYAB PA'I PHYIR KHO NAR KHANG BU'I SBUBS DE G-YOGS PAR BYA BA'O, ,SO GA MI TSA BAR BYA BA'I PHYIR BSAL 'O ZHES BYA BA NI SO GA SHING LJON PA DE MI TSA BAR BYA BA'I PHYIR G-YOGS MA DE BSAL BAR BYA BA'O, ,DBYAR DAG NI MI 'DRUL BAR BYA BA'I PHYIR SNGA MA YANG DE ZHES BYA BA LA SNGA MA ZHES BYA BA NI KHANG BU'I SBUBS DE YANG BSAL BAR BYA'O, ,CHU'I YUR BA GDOD DO ZHES BYA BA NI KHANG BU'I SBUBS DE LA'O, ,RTZA BA'I 'ONGS YAL BAR MI DOR RO ZHES BYA BA LA, RTZA BA'I 'ONGS ZHES BYA BA NI SHING LJON PA'I 'ONGS SO, ,'DIR GZHUNG NI RTZA BA'I THOG YAL BAR MI BYA ZHING BYI DOR BYA'O ZHES GSUNGS PA YIN NO, ,'DIR GZHUNG NI GLENG GZHI DAG LAS 'DIR DANG POR BYAS TE, DE RNAMS 'GRO BA ZHES BYA BA'I BAR DU GSUNGS PA YIN NO, ,'KHOR RNAM PAR DBYE BA'I BYE BRAG GI BYI DOR BYA'O ZHES BYA BA SMOS NA, CI DE LA 'JUG PAS SAM ZHE NA DE'I PHYIR, KHA CIG TU SO SHING BZA' BA DANG, KHA CIG TU KHA BKRU BA DANG, KHA CIG TU RKANG PA DAG BKRU BA DE LTA BUS DE LA 'JUG PA NYID MA YIN PAS SO ZHES BYA BA SMOS TE, BKRU BAR BYA BA NI BYI DOR GYI LAS LHAG MA RNAMS LA YANG CI RIGS PAR RIG PAR BYA'O YANG 'DIR CI ZHIG BYI DOR BYA ZHE NA, KHANG BU'I SBUBS BYA BA LA SOGS PAR RANG GIS BSKYED PA LA BYA BAR BSTAN PA GANG YIN PA DE LA BYA'O ZHES BYA BA DE DAG LA SMOS SO, ,ME TOG DANG 'BRAS BU BSRUNG BA'I PHYIR

267b

DGE SLONG BSKO BAR BYA'O ZHES BYA BA NI ME TOG DANG 'BRAS BU LA SOGS PA BSRUNG BA'I PHYIR RO, ,ZAS KYI CHED DU GZHAN DAG GO, ,DE DAG GIS CHES DANG POR ZAN ZOS TE 'GRO BAR BYA'O ZHES BYA BA NI ZAN GYI DUS KYI CHED DU BSKOS PA DAG GIS SO, ,GNAS KYI TSUL BSHAD ZIN TO,, ,,DA NI BYA BA'I SKABS BRJOD PAR BYA STE, KLOG TU 'DZUD PA BSNYEN BKUR CHES MAD BA BYED PA DANG, MI NUS PA LA LOGS SHIG TU BYAS BAS KYANG RJES SU BRTZE BAR BYA'O ZHES BYA BA NI KLOG TU 'DZUD PA ZHES BYA BA KLOG PA'I SLOB DPON GYI BSNYEN BKUR CHES MANG DU BYED PA ZHES BYA BA RANG GI DRUNG NA 'DUG PA'I SLOB MA DANG NYE GNAS LA SLOB DPON DAG GIS SO, ,DE'I 'DUL BA BZUNG STE DE'I LUNG DBOG PA DANG KHA DON BYA BA DANG DMIGS KYIS DRI BA SBYIN BA DAG GIS DGE SLONG MA LA RJES SU BRTZE BAR BYA'O ZHES BYA BA LA, DE'I 'DUL BA ZHES BYA BA NI DGE SLONG MA'I 'DUL BA DE'O, ,DE'I LUNG DBOG PA ZHES BYA BA NI DGE SLONG MA'I 'DUL BA DE LA'O, ,YI GE BRI BAR BYA'O ZHES BYA BA NI 'DI LA TSUL DANG MI MTHUN PA MED PAR SHES PAR BYA ZHES BYA BA'I DON TO, ,'DIR GZHUNG NI RNAM PAR 'BYED PA LAS, BCOM LDAN 'DAS KYIS RANG NYAD KYI YAB LA SPRING YIG BSKUR BA DANG, SKYED GU'I BDAG MO CHEN MOS AUTPA LA'I MDOG GI PHYIR DANG RANG NYID KYI YI GE SPRING NGO ZHES GSUNGS PA DE'I PHYIR MDO 'DI BYAS SO, ,DRAN PA DANG 'DZIN PAR MI NUS PAS 'DUL BA'O, ,DE MI BRI BAR BYA BA NYID YIN NO ZHES BYA BA NI 'DUL BA DE DRAN PAR BYA BA'I DON LAS GZHAN DU YI GE MI BRI BA NYID YIN PA'O, ,GLENG GZHI RNAMS LAS 'DI DANG POR BYA STE MTSAN MA MED PA ZHES BYA BA'I BAR DU GSUNGS PA YIN NO, ,'DIR GZHUNG NI BTZUN PA BCOM LDAN 'DAS KYIS MA 'ONGS PA'I DUS NA BRJED NGAS PA RGYUD NYAM CHUNG BA DAG 'BYUNG BAR 'GYUR TE, DE DAG GIS GLENG GZHI YANG THON PAR MI 'GYUR RO ZHES GSUNGS PA LA, BCOM LDAN 'DAS KYIS LNGA PO DAG NI YI GER MI BRI STE, LNGA GANG ZHE NA, SO SOR THAR PA THAMS CAD DANG, SO SOR THAR PA DANG LDAN PA THAMS CAD DANG 'DUL BA THAMS CAD DANG, 'DUL BA DANG LDAN PA THAMS CAD DANG, GANG ZAG SO SO'O ZHES BKA' STZAL NA DE DAG GIS JI LTAR BSGRUB PAR BGYI, NYE BAR 'KHOR DE DAG GIS GLEGS BU LA

268a

, ,YI GER BRIS TE BCAD BAR BYA'O ZHES GSUNGS PA YIN NO, ,'DIR GZUNG NI PHRAN TSEGS DAG LAS, BRI BA DOR NAS DE DAG LDAN PA NYID DO ZHES GSUNGS SO, ,'DI LA SO SOR THAR PA NI DE DANG 'DRA'O ZHES GSUNGS PA YIN NO, ,YI GER BRI BA DANG YI GER MI BRI BA NYID 'DI LA SO SO THAR PA NI 'DUL BA DANG 'DRA STE, DRAN PA DANG 'DZIN PAR MI NUS PAS NI SO SOR THAR PA YI GER BRI BAR BYA'O, ,DE DANG LDAN PA YANG NGO ZHES BYA BA NI 'DUL BA DE DANG LDAN PA DANG SO SOR THAR PA DE DANG LDAN PA YANG YI GER BRI BA DANG, YI GER MI BRI BA NYID 'DI LA 'DUL BA DANG 'DRA BAR SHES PAR BYA'O, , 'DIR GZHI DAG NI 'DUL BA NYID KYIS BSTAN TO, ,MDO TZAM NI SO SOR THAR PA NYID KYIS BSTAN TO, ,SO SOR THAR PA RNAM PAR 'BYED PA DANG, DER GTOGS PA'I PHRAN TSEGS DANG, GLENG GZHI DANG SIL BU DANG ZHU BA LA SOGS PA'O SO SOR THAR PA DANG LDAN PA NYID KYIS BSTAN TO, ,GZHIR GTOGS PA'I PHRAN TSEGS DANG, GLENG GZHI DANG SIL BU DANG ZHU BA LA SOGS PA NI 'DUL BA DANG LDAN PA NYID KYIS BSTAN TO, ,GANG ZAG GI YANG NGO ZHES BYA BA YANG MI BRI BAR BYA BA NYID YIN NO ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS SO, ,MTSAN MA BYA BA LA NI NYES PA MED DO ZHES BYA BA NI GANG ZHIG YONGS SU SHES PAR BYA BA'I PHYIR LHUNG BZED LA SOGS PA LA MTSAN MA MED PA GANG YIN PA DE NI YIN PAR RIG PAR BYA'O, ,'DIR GZHUNG NI MTSAN MA MED PA LA LTUNG BA MED DO ZHES GSUNGS PA YIN NO, ,DGE 'DUN GYI GNAS MAL LA MING YI GER BRI'O ZHES BYA BA SMOS NA JI LTAR ZHE NA, DE'I PHYIR, 'DI CHE GE MO'I GTZUG LAG KHANG MING 'DI ZHES BYA BA NI SBYIN PAR BYA BA'I CHOS SO ZHES BYA BA SMOS SO, ,DE NI 'DIR SIL BU'I GZHUNG LAS, BCOM LDAN 'DAS KYIS BKA' STZAL PA, MAL CHA DE LAS 'DI NI RGYAL PO GZUGS CAN SNYING PO'I SBYIN PAR BYA BA'I CHOS SO ZHES YI GER BRI BAR BYA'O ZHES GSUNGS PA YIN NO, ,GOS DAG LA YANG NGO ZHES BYA BA NI 'DIR GZHUNG NI GNAS MAL GYI LTUNG BYED ZHU BA LAS, DGE 'DUN GYI GOS DAG LA YANG 'DI NI CHE GE MO'I GTZUG LAG KHANG MING 'DI ZHES BYA BA'I SBYIN PAR BYA BA'I CHOS ZHES YI GER BRI BAR BYA BA YIN NO ZHES

268b

GSUNGS PA YIN NO, ,RNAM PA DE LTAR GZHAN LA YANG NGO ZHES BYA BA LA, 'DIR GZUNG NI SIL BU DAG LAS, GNAS MAL GYI RNAM PA DE LTA BUR SNOD SPYAD DANG GTZUG LAG KHANG DU ZHES BYA BA NI GLENG GZHI LAS TE, GNAS MAL GYI RNAM PA DE LTAR SNOD SPYAD LA SOGS PA'I DON GZHAN LA YANG BYA'O, ,KLOG TU GZHUG PA'I SKABS ZHAR LA BYUNG BA DANG BCAS PA BSHAD ZIN TO,, ,,DA NI KLOG PAR BYED PA'I SKABS BRJOD PAR BYA STE, SANGS RGYAS KYI BKA' SDE BA SPYOR DANG TSIG DANG RIM PA LA GZHOL BA NYID KYIS SBYAR TE KLOG PAR MI BYA'O ZHES BYA BA LA, SDEB SBYOR ZHES BYA BA NI SDEB SBYOR TE, KLAG PA'I RNAM PA DANG RING POR DRANG BA LA SOGS PA RNAMS LA DE LTA BUR GYUR CIG SNYAM PA NYID KYIS SO, ,DE LA GZHOL BA NYID CES BYA BA NI DE DAG KHO NA LTA BUR BYAS PAR GYUR CIG SNYAM PA LA NYES PA 'DI YIN TE GZHAN GYI DBANG GIS 'DI 'GRUB PA MA YIN ZHES BYA BA'I DON TO, ,GZHAN LA LEGS PAR GO BAR BYED NUS SHING SANGS RGYAS KYI BKA' LA BRTZON BA NYID MIG GTONG NA PHYI ROL BA'I BSTAN BCOS DAG GZUNG BAR BYA'O ZHES BYA BA NI GZHAN LA GO BAR BYED NUS SHING SANGS RGYAS KYI BKA' LA BRTZON PA NYID MI GTONG NA TSIG DANG DON MI GTONG ZHING BYE BRAG YONGS SU MA SMOS PAS SHES PA'O, ,'DIR GZHUNG NI DE'I PHYIR RJES SU SHES TE, DGE SLONG RNAMS KYIS 'JIG RTEN RGYANG 'PHEN PA'I BSTAN BCOS GZUNG BAR BYA ZHES TE, 'DI NI DPE TZAM DU RNAM PAR GNAS PA YIN NO ZHES BYA BA DE LTAR RNAM PAR GNAS PA YIN NO, ,CI THAMS CAD KYI BYE BRAG MED PAR RAM ZHE NA, DE'I PHYIR, GZHAN LA LEGS PAR GO BAR BYED NUS SHING ZHES SMOS TE, GZHAN MA GU BAR BYED NUS PA GANG YIN PA DES SO, ,CI DE LA GZHOL PA KHO NAS DE GZUNG BAR BYA 'AM ZHE NA, DE'I PHYIR, SANGS RGYAS KYI BKA' LA BRTZON PA NYID MIG GTONG NA ZHES BYA BA SMOS TE, RNAM PA THAMS CAD DU SANGS RGYAS KYI BKA' LA BRTZON PA GTANG BAR MI BYA'O, ,DE'I DUS NI NYI MA'I SUM CHA BDE BA MA YIN PA'O ZHES BYA BA LA, DE'I DUS ZHES BYA BA NI PHYI ROL PA'I BSTAN BCOS BZUNG BDE'I DUS SO, ,DE YANG BDE BA MA YIN PA ZHES BYA BA'I DUS GANG GI TSE LUS

269a

, ,DANG SEMS LAS SU RUNG BA MA YIN PA'O, ,LUS LA GZI BRJID DANG BCAS PA NYID DE LA 'DIR BDE BAR 'DOD DE DE SANGS RGYAS KYI BKA' LA SBYAR BA NI MDZES PA ZHES BYA BAR BLTA BAR BYA'O, ,MTSAN MO YANG NGO ZHES BYA BA YANG, DE'I DUS SUM CHA BDE BA MA YIN PA'O ZHES BYA BAR SBYAR RO, ,GSANG SNGAGS PHAN 'DOGS PAR BYED PA DAG GZUNG BAR BYA'O ZHES BYAS NI DUG GI GNOD PA LA SOGS PA SEL BAR BYED BA DAG GO, ,SBYAR BAR BYA'O ZHES BYA BA NI GSANG SNGAGS GZUNG BA DAG THAMS CAD DU RJES SU GNANG BA'I GSANG SNGAGS RJES SU SBYAR BAR BYA'O, ,GNOD PA BYED PA NI MI BYA'O ZHES BYA BA NI, GSANG SNGAGS GNOD PAR BYED PA NI GZUNG BAR YANG MI BYA'O, ,SBYAR BAR YANG MI BYA'O, ,DE DAG GI PHYAG GI GNAS SU DKON MCHOG GSUM BRJOD PAR BYA'O ZHES BYA BA NI GSANG SNGAGS DE DAG LA PHYAG 'TSAL BA BYUNG BA DE GANG YIN PA DE'I GNAS SU DKON MCHOG GSUM LA PHYAG 'TSAL LO ZHES BRJOD PAR BYA'O, ,LHA GZHAN LA PHYAG MI BYA'O ZHES BYA BA NI KHYAB 'JUG LA SOGS PA LA'O, ,'DIR GZHUNG NI GSANG SNGAGS NI RNAM PA GNYIS TE, PHAN 'DOGS PA DANG, GNOD PA BYED PA'O, ,DE LA GNOD PA BYED PA GANG YIN PA DE DAG NI DGE SLONG RNAMS KYIS BKLAG PAR MI BYA SBYAR BAR MI BYA, PHAN 'DOGS PA GANG YIN PA DE DAG NI DGE SLONG RNAMS KYIS BKLAG PAR BYA'O, ,SPYAR BAR BYA'O ZHES GSUNGS PA DANG, GSANG SNGAGS DE DAG LA LHA GZHAN LA PHYAG 'TSAL BA DAG SNGON DU BTANG BA BYUNG NAS, BCOM LDAN 'DAS KYIS BKA' STZAL PA, DGE SLONG GIS 'DI LA PHYI ROL PA'I LHA LA PHYAG MI BYA'O ZHES GSUNGS PA YIN NO, ,MCHOD PA MI BYA'O ZHES BYA BA NI GLENG GZHI DAG LAS 'DI DANG POR BYA STE, RJES SU GZUNG BAR BYA ZHES BYA BA'I BAR DU GSUNGS PA YIN NO, ,BKUR STI MI BYA'O ZHES BYA BA NI 'DI LAS PHYI ROL PA'I LHA LA'O; ,GNAS SU PHYIN NA MNGON DON SUM DU 'GRENG STE SE GOL GYI SGRAS GO BAR BYAS NAS GTZUG LAG GI TSIGS SU BCAD PA GDON PAS DE LA PHAN GDAGS PAR BYA'O ZHES BYA BA NI 'DI LAS PHYI ROL PA'I LHA'I GNAS SU PHYIN NAD DE'I MNGON SUM DU 'GRENG STE, SE GOL GYI SGRAS GO BAR

269b

BYAS NAS SO, ,BZO RJES SU SGRUB PA DANG, BSLAB PA DANG, DE'I SNOD NYE BAR GZHAG PAR MI BYA STE, MTSON GYI SHUBS DANG KHAB RAL DANG RAM PHYIS NI MA GTOGS SO ZHES BYA BA NI 'DIR GZHUNG NI SMAN GYI GZHI LAS DGE SLONG GIS RANG GIS BZO MI BYA BA DANG GZHAN LA BZO BSLAB PAR MI BYA BA DANG, BZO SPYAD KYI SNOD NYE BAR GZHAG PAR MI BYA'O, ,GRI SHUBS LA SOGS PA DANG KHAB RAL DANG RAM PHYIS NI MA GTOGS SO ZHES GSUNGS PA DANG, 'DIR GZHUNG NI DGE SLONG GIS DE LTA BU'I SNOD NYE BAR GZHAG PAR MI BYA'O, ,SNGON SMAN PA YIN NA MTSON GYI SNOD DANG SNGON YI GE PA YIN NA RAM PHYIS DANG, SNGON BZO MKHAN LAS RAB TU BYUNG BA YIN NA KHAB RAL NI MA GTOGS SO ZHES GSUNGS PA YIN NO, ,MU GCIG PA LA BSOD NAMS KYI BSAM PAS DGE PA'I GSO BA NYE BAR BSGRUB BAR BYA STE, GLA RNGAN GYIS NI MA YIN NO ZHES BYA BA NI TSANGS PA MTSUNGS PAR SPYOD PA MU GCIG PA DAG LA'O, ,BKRU SMAN BTANG NAS GZHAN DU 'GRO BAR MI BYA'O ZHES BYA BA NI SMAN GZHAN LA BKRU SMAN BTANG NAS DE NYID DU BSDAD PAR BYA'O ZHES BYA BA'I DON NO, ,RKYEN DE LTA BU DAG BYUNG NA HA CANG 'KHRU BA LA SOGS PA'I GNYEN PO'I CHOG BSTAN TE 'O ZHES BYA BA NI 'DIR GZHUNG NI GLENG GZHI DAG LAS DE LTA BAS NA DGE SLONG GIS GLA RNGAN GYIS BKRU SMAN BTANG BAR MI BYA'O, ,BKRU SMAN BTANG NAS GZHAN DU 'GRO BAR MI BYA'O, ,RKYEN DE LTA BU DAG BYUNG NA BSGO STE 'GRO BAR BYA'O ZHES GSUNGS PA YIN NO, ,TSANGS PA MTSUNGS PAR SPYOD PA LA DBEN BA'I PHYOGS SU 'DREG MKHAN GYI BYA BA BYA'O ZHES BYA BA NI DGE SLONG GIS DGE SLONG LA DANG, DGE SLONG MAS DGE SLONG MA LA'O, ,KHRI'U YAN LAG CHAG PA BCOS PA YANG NGO ZHES BYA BA LA, YANG NGO ZHES BYA BA YANG DBEN BA'I PHYOGS SU BYA BA'O, ,'DIR KHRI ZHES SMOS PA NI KHRI'U LA SOGS PA GZHAN DAG GI DPE YIN TE, KHRI'U LA SOGS PA GZHAN RNAMS LA YANG 'DI RIGS PA'I PHYIR RO, ,PHRENG BA'I RIM PA DAG BRGYUD YANG DO ZHES BYA BA YANG DBEN BA'I PHYOGS SU BYA BA'O, ,DKON MCHOG MCHONG PAR GYUR PA SEMS CAN GYI GZUNGS MA YIN PA'I RI MO 'DRI BA YANG NGO ZHES BYA BA YANG DBEN PA'I PHYOGS SU BYA'O, ,SEMS CAN GYI GZUGS MA YIN

270a

, ,PA ZHES SMOS PA NI 'DAB MA DANG MYU GU LA SOGS PA DAG BSDUS SO, ,DE'I PHYIR 'DRI BA NI DE NYID YIN NO ZHES BYA BA LA, DE'I PHYIR 'DRI BA ZHES BYA BA NI BRI BA'I PHYIR RI MOR BRI BA NYID DO, ,DE'I PHYIR 'DRI BA NI 'DRI BAR RTZOM PA LA NI NYES PAR 'GYUR LA, SEMS CAN GYI GZUGS MA YIN PA LA NI NYES PAR MI 'GYUR BA'O, ,RJES SU BSGRUB PA'I SKABS BSHAD ZIN TO, ,SHI BA'I SKABS DANG GZHAG PA'I SKABS LAS GZHAN PA'I RJES SU BSGRUB PA'I SKABS RDZOGS SO,, ,,DA NI SHI BA'I SKABS DANG GZHAG PA'I SKABS SU 'JUG PA GZHAN YIN PAS DE LTAR GYUR PA'I SLOB PA LA SHI BA LA GANG BYA BA DE BRJOD PAR BYA STE, TSANGS PA MTSUNGS PAR SPYOD PA SHI BA'I LUS LA MCHOD PA BYA'O, ,DE BSREG PAR BYA'O ZHES BYA BA LA 'DIR GZHUNG NI LUS LA MCHOD PAR BYA STE BSREG PAR BYA'O ZHES GSUNGS PA YIN NO, ,CI GDON MI ZA BAR SREG PA KHO NA YIN NAM ZHE NA, DE'I PHYIR, GAL TE SROG CHAGS DANG BCAS PA'I RMA MED PA NYID YIN NA'O, ,SO SOR BRTAG PAS NGES PAR BYA'O ZHES BYA BA NI DE LA SROG CHAGS YOD DAM MED PA'O, ,'DIR BSREG PA NYID NI RNAM PA GCIG NYID YIN NAM ZHE NA, DE'I PHYIR, BRKO BA'AM CHU KLUNG LA BSKUR RO ZHES BYA BA SMOS TE, SA BRKOS PAR GZHUG PA'AM CHU KLUNG LA BSKUR BAR BYA'O, ,MI RUNG NA TSANG TSING GI DBUS SU GZHUG GO ZHES BYA BA NI BRGYA LA SROG CHAGS DANG BCAS SHING BSREGS NA SROG CHAGS MANG PO DAG 'CHI BA LTA NA'O, ,SPYOD LAM GANG GIS GZHAG PAR BYA ZHE NA, DE'I PHYIR GLO G-YAS PAS BSNYAL TE MGO BYANG PHYOGS SU BSTAN TO ZHES BYA BA SMOS SO, , SNGAS SU RTZVA'I CHUN PO GZHUG GO, ,RTZVA DAG GAM LO MA DAG GIS G-YOGS SO, ,CHOS MNYAN PA DANG YON BSHAD PA DAG BYA'O, ,REG PA DAG GIS GOS DANG BCAS TE KHRUS BYA'O, ,GZHAN DAG GIS NI RKANG LA LAG BKRU'O ZHES BYA BA NI ROL MA REG PA DAG GIS SO, ,MCHOD RTEN LA PHYAG BYAS TE 'JUG PAR BYA'O, , MCHOD RTEN NI RNAM PA GNYIS TE, GTZANG KHANG CAN NYID DANG, KA BA LTA BU NYID DO ZHES BYA BA LA, 'DI NI MA MO DAG LAS SO, ,DE RAB TU BYUNG BA RNAMS LA 'OS PA NYID DO ZHES BYA BA NI MCHOD RTEN DE'O, ,CI THAMS CAD LA'AM ZHE NA DE'I PHYIR, GAL TE DGE BA YIN NA'O ZHES BYA BA SMOS TE, RAB TU BYUNG BA ZHES BYA

270b

BAR SBYAR RO, ,SO SO'I SKYE BO DGE BA YIN NA MCHOD RTEN DBU MED PA BYA'O ZHES GSUNGS PA YIN NO, ,GANG ZHIG 'PHAGS PA LAS GZHAN PA DGE BA NYID SGRUB PA RNAMS LA DE'I PHYIR MDO 'DI YIN NO, ,SANGS RGYAS RNAMS KYI NI RNAM PA THAMS CAD DO ZHES BYA BA SMOS NA, RNAM PA DE DAG GANG YIN SNYAM NA DE LA BRJOD PAR BYA STE DE'I PHYIR, RNAM PA NI BAR RIM BZHI DANG 'DAB MA DANG PU SHU DANG SROG SHING DANG, GDUGS BCU GSUM DANG CHAR KHAB DAG GO ZHES BYA BA NI MCHOD RTEN GYI RNAM PA THAMS CAD RDZOGS PA'O, ,RANG SANGS RGYAS RNAMS KYI NI CHAR KHAB MED PA'O ZHES BYA BA NI RNAM PA DE DAG LAS CHAR KHAB 'BA' ZHIG MED PA DANG ZHES BYA BA'I DON TO, ,DE YANG BSE RU LTA BU'I PHYIR GSUNGS PA YIN GYI TSOGS NA SPYOD PA NI DGRA BCOM PA'I CHO GA'I RNAM PA LTA BUS RIG PAR BYA'O, ,'DIR GZHUNG NI RANG SANGS RGYAS KYI CHAR KHAB MED PA'O ZHES GSUNGS PA YIN NO, ,NYAN THOS RNAMS KYI NI 'BRAS BU'I TSAD DAG GIS DE'I GDUGS GCIG LHAG PA'O ZHES BYA BA LA, 'DIR GZHUNG NI DGRA BCOM PA'I NI GDUGS LNGA'O, ,PHYIR MI 'ONG BA'I NI GDUGS BZHI'O, ,LAN CIG PHYIR 'ONG BA'I NI GDUGS GSUM MO, ,RGYUN DU ZHUGS PA'I NI GDUGS GNYIS SO ZHES GSUNGS PA YIN NO, ,DE'I ZHES BYA BA NI GDUGS DE'I 'O, ,MCHOD RTEN YONGS SU RDZOGS PAR GYUR PA'I GDUGS NI LHAG MA RNAMS LAS BYE BRAG TU GYUR PA NYID DO ZHES BYA BA'I DGONGS PA YANG MTHONG BA YIN NO, ,'DIR 'BRAS BU RNAMS NI RGYUN DU ZHUGS PA LA SOGS PA RNAMS SO, ,GANG GI 'BRAS BU RNAMS JI SNYED THOB BDE SNYED LAS GDUGS RE RES LHAG PAR BYA'O ZHES BYA BA'I DON TO, ,GAL TE YANG PHAL CHER 'DOD CHAGS DANG BRAL BA DANG 'DOD PA'I 'DOD CHAGS DANG BRAL BA DAG LA 'BRAS BU GZHAN GCIG DANG GNYIS THOB PA MED NA, DE LTAR YANG DE'I 'BRAS BU THOB PAR BYA BA'I SPANG BYA RNAMS LA ZAG PA DANG BRAL BA THOB BA RNYED PAS THOB PA LTAR BLTA BAR BYA BA NYID DO, ,NYAN THOS KYI MCHOD RTEN PHYOGS GANG DU BYA ZHE NA, DE'I PHYIR, DE BZHIN GSHEGS PA'I PHYOGS KYI YUL NYID DU GANG DU DE DAG GNAS PAR GYUR PA'I PHYOGS, DER DE'I 'KHOR DU BYA'O ZHES BYA BA SMOS TE, DE BZHIN GSHEGS PA'I MCHONG RTEN GYI PHYOGS BZHI PO DAG GANG YIN PA DE DAG GI YUL

271a

, ,YIN NA, DER GAL TE 'BRAS BU THOB PA'I NYAN THOS DE RNAMS GAL TE 'JUG PA NYID DE BZHIN GSHEGS PA'I NGOS SU YUL NYID DU GYUR NA PHYOGS DER MCHOD RTEN BYA STE, GANG DU DE RNAMS LA 'KHOR BYIN PA LA GNAS PAR GYUR PAS SO, ,'DI LA RGAN RIMS SU MI BYA BAR MI BYA'O ZHES BYA BA LA, 'DI LA ZHES BYA BA NI MCHOD RTEN GYI PHYOGS LA'O, ,SO SO'I SKYE BO RNAMS KYI NI BYI BO'O, ,DE DAG LA NI DGE 'DUN GYI KUN DGA' RA BA'I PHYI ROL DU BYA'O, ,'PHAGS PA LA NI MCHOD RTEN GYI DUS STON RIGS SO ZHES BYA BA NI 'PHAGS PA'I GANG ZAG LA MCHOD RTEN GYI DUS STON RIGS SO, ,NYAN THOS KYI MCHOD RTEN LA PHUL BA NI TSANGS PA MTSUNGS PAR SPYOD PA DBANG PA NYID YIN NO ZHES BYA BA NI DE LA RAS DANG SNAM BU DANG RDZAS GANG YANG RNAM PA GZHAN GANG DAG PHUL BA DE DAG NI DGE SLONG RNAMS KYIS BGO BAR BYA'O, ,'DIR GZHUNG NI TSANGS PA MTSUNGS PAR SPYOD PA'I RDZAS LA NI DGE SPONG TSANGS PA MTSUNGS PAR SPYOD PA DAG DBANG NGO ZHES GSUNGS PA YIN NO, ,MU TIG DAG NI BSTAN PA BZHIN BYA'O ZHES BYA BA NI DRI GTZANG KHANG GI ZHAL ZHAL DU BYA'O ZHES BSTAN PA BZHIN DU BYA'O ZHES BYA BA'I DON TO, ,BUD DUNG DAG NI SANGS RGYAS LA DBUL LO ZHES BYA BA LA, 'DIR GZHUNG NI BUD DUNG GANG DAG YIN PA DE DAG NI 'DZAM BU'I GRIB MA LAS BYUNG BA'I SKU GZUGS LA DBUL BAR BYA'O ZHES GSUNGS PA YIN NO, ,DE LAS ZHIG RAL BYUNG BA BCOS PA'I PHYIR GZHAG PAR BYA'O ZHES BYA BA LA, DE LAS ZHES BYA BA NI MCHOD RTEN GANG LA PHUL BA'I RDZAS DE LAS SO, ,MCHOD PAR RUNG BA NYID KYANG NGO ZHES BYA BA NI DE LA GZHAG PAR BYA'O, ,'DIR GZHUNG NI, DE LA DBYIG DANG, GSER GANG YIN PA DE DAG MCHOD RTEN DE NYID ZHIG RAL DU GYUR PA BCOS PA'I PHYIR GZHAG PAR BYA'O, ,MCHOD PAR RUNG BA'I RDZAS DE DAG NI DUS STON GYI TSE MCHOD PAR BYA BA'I PHYIR GZHAG PAR BYA'O ZHES GSUNGS PA YIN NO, ,SANGS RGYAS LA LCAGS LAS BYAS PA'I MCHOD RTEN BYA BA NI CHOS DANG MTHUN PA'O ZHES BYA BA NI RUNG NGO ZHES BYA BA'I DON TO, ,DBU SKRA DANG SEN MO'I MCHOD RTEN GSER DANG DNGUL DANG BEE d'URYA DANG SHEL LAS BYAS PA YANG NGO ZHES BYA BA YANG CHOS DANG MTHUN PA'O, ,'DIR GZHUNG NI RNAM PAR 'BYED PA DANG, SIL BU DAG DANG, GLENG GZHI DAG LAS, RAB TU BYUNG BA'I GNAS SU DGRA BCOM PA GZHAG PAR BYA'O ZHES

271b

BYA BA NAS SKU GZUGS BGYID DU STZAL LO ZHES BYA BA'I BAR DANG, DE LA ZHES BYA BA NAS MTHUN PA'I 'KHOR BGYID DU STZAL TO ZHES BYA BA'I BAR DANG, GRONG KHYER DU ZHUGS TE ZHES BYA BA NAS YONGS SU BSKOR TE ZHES BYA BA'I BAR DU'O, ,RAB TU BYUNG BA'I GNAS SU DGRA BCOM PA GZHAG PAR BYA'O ZHES BYA BA 'DI'I NI SIL BU DAG LAS SO, ,LHAG MA NI GLENG GZHI DAG LAS SO, ,DE LA MTHUN PA'I 'KHOR BYA'O ZHES BYA BA LA, DE LA ZHES BYA BA NI SANGS RGYAS KYI MCHOD RTEN DE LA'O, ,DGA' LDAN GYI GNAS NA BZHUGS PA LA SOGS PA NAS YONGS SU MYA NGAN LAS 'DAS PA'I MTHA'I BAR GYI SPYOD PA NI DE ZHES BYA'O ZHES BYA BA NI MTHUN PA'I 'KHOR ZHES BYA'O, ,DKAR RTZIS DKAR POR BYA'O ZHES BYA BA NI SA DKAR PO LA SOGS PAS SO, ,MAR ME 'DZIN PA BYA'O, ,LAN KAN GYIS BSKOR RO, ,RTA BABS BSGRENG BAR BYA'O, ,RGYAL MTSAN GZUGS SO, ,DE NI RNAM PA BZHI'O ZHES BYA BA LA, DE NI ZHES BYA BA NI RGYAL MTSAN NO, ,SENG GE'I RGYAL MTSAN DANG; CHU SRIN GYI RGYAL MTSAN DANG, KLU'I RGYAL MTSAN DANG, KHYU MCHOG GI RGYAL MTSAN NO, ,GTZANG KHANG GI MU KHYUD BYA'O, ,DER RTA BABS BA SGRENG BAR BYA'O ZHES BYA BA NI DER ZHES BYA BA NI GTZANG KHANG GI MU KHYUD DER RO, ,SGO YAB BYA'O ZHES BYA BA NI SGO YAB BYA BA'O, ,GTZANG KHANG GI MU KHYUD DE'I MDUN ROL DU SGO YAB KYI KHYAMS BYA BA STE SGO'I DRUNG DU KHANG PA BYA'O, ,DE LA LAN KAN GYIS BSKOR RO ZHES BYA BA LA, DE LA ZHES BYA BA NI SGO YAB DE LA'O, ,KA BA RNAMS BTZAG GIS BSKU'O, ,RTZIG PA DAG RGYA SKYEGS KYIS BRI'O, ,DRIS DBANG BSKUR BA DBUL LO ZHES BYA BA NI CHOS DANG MTHUN NO ZHES BYA BAR SBYAR RO, ,'BRU MAR DANG BA BLA DANG TZANDAN DANG GUR GUM GYIS CHAG CHAG DAG KYANG NGO ZHES BYA BA YANG 'BUL BA CHOS DANG MTHUN ZHES BYA BAR SBYAR RO, ,GZER BU MI GDAB BO ZHES BYA BA NI MCHOD RTEN LA GOS LA SOGS PA SPYAD PA'I PHYIR GZER BU GDAB PAR MI BYA BA'O, ,BRTZIG PA'I TSE PHRENG BA LA SOGS PA GDAGS PA'I PHYIR ZUNGS THAG GZHUG GO ZHES BYA BA NI MCHOD RTEN LA'O, ,MI DBUG GO ZHES BYA BA NI MCHOD RTEN LA ZUNGS GZHUG PAR BYA BA'I PHYIR RO, ,STENG DU MAR ME MI GZUGS SO, ,MCHOD PA BYA BA'I PHYIR KHYIM PA DAG 'DZEG TU GZHUG GO ZHES BYA BA NI MCHOD RTEN LA'O, ,MED NA DGE TSUL DAG DRI'I CHUS RKANG PA BKRUS

272a

, ,TE'O ZHES BYA BA NI KHYIM PA MED NA'O, ,GAL TE DE MA BYAS NA DRI DAG GIS DRIL PHYIS BYAS TE'AM GOS KYIS DKRIS TE STON PA'I 'DU SHES MNGON DU BYAS NAS DON GYI BRNAB SEMS KYI DRAN PA DAG GIS SO ZHES BYA BA LA, GAL TE DE MA BYAS NA ZHES BYA BA NI DRI'I CHU DANG GZHAN GYIS SO, ,GAL TE DRI'I CHUS RKANG PA BKRU BA DAG MA BYAS NA DE'I PHYIR DRI DAG GIS RKANG PA DRIL PHYIS BYA STE ZHES BYA BA'I DON TO, ,DON GYI ZHES BYA BA NI MCHOD PAR BRJOD PAR BYA'O ZHES BYA BA DE LA'O, ,DRAN BA DAG GIS SO ZHES BYA BA NI DRAN PA NYE BAR GZHAG PA RNAMS KYIS SO, ,DE DAG KYANG MED NA DGE SLONG DAG GIS DE BZHIN DU'O ZHES BYA BA NI DGE TSUL DE DAG KYANG MED NA DGE SLONG DAG GIS DRI'I CHUS RKANG PA BKRU BA LA SOGS PA'I RNAM PA JI SKAD BSTAN PA BZHIN BYA STE 'DZEG PAR BYA'O, ,DE'I CHED DU THAG PAS GDAGS SO ZHES BYA BA LA, DE'I CHED DU ZHES BYA BA NI 'DZEG PA DE'I CHED DU'O, ,RIN PO CHE LAS BYAS PA'I PHRENG BA DBUL LO ZHES BYA BA NI MCHOD RTEN LA'O, ,'JIG PAR BYED PA ZLOG PA'I PHYIR DBU G-YOGS G-YOGS SO ZHES BYA BA NI MCHOD RTEN LA'O, ,MUN NAG MI GNAS PAR BYA BA'I PHYIR DE LA SGO GDOD DO ZHES BYA BA LA, DE LA ZHES BYA BA NI DBU G-YOGS TE DE LA'O, ,SANGS RGYAS KYI SKU GZUGS BYA'O ZHES BYA BA NI CHOS DANG MTHUN PA NYID YIN PA'O ZHES BYA BAR SBYAR RO; ,DE LA DUS STON BYA'O ZHES BYA BA NI SANGS RGYAS KYI SKU GZUGS DE LA'O, ,BLTAMS PA DANG GTZUG PUD DANG DBU SKRA DANG BYANG CHUB PA'I DUS STON DAG KYANG NGO ZHES BYA BA YANG BYA'O ZHES BYA BA'I RJES SNYEGS PA'I PHYIR KYANG NGO ZHES BYA BA'I SGRA SMOS SO, ,DUS STON ZHES BYA BA'I SGRAS NI BLTAMS PA LA SOGS PA DANG SO SOR SBYAR RO, , DE GRONG KHYER DU GSHEGS PAR BYA'O ZHES BYA BA NI SANGS RGYAS KYI SKU GZUGS DE'O, ,'DI LA DGE SLONG GIS BSKUR DU RUNG NGO ZHES BYA BA LA, 'DI LA ZHES BYA BA NI GRONG KHYER DU ZHUGS PA 'DI LAS TE, SANGS RGYAS KYI SKU GZUGS BSKUR BA DE LA'O, ,DE NI GSAR BU DAG LA 'BAB PO ZHES BYA BA LA, DE NI ZHES BYA BA NI BSKUR BA DE'O, , SDE PA LNGA PO DAG GIS ZHABS 'BRING BYA'O ZHES BYA BA NI DGE SLONG LA SOGS PA DAG GIS SO, ,MCHOD YON DU BYA BA NI RGAN PA DAG GIS GZUNG NGO, ,DE LA ROL MO BYED PA DAG GIS ROL MO BYA BA DANG, BKUR STI CHEN PO GZHAN YANG BZANG NGO ZHES BYA BA LA, DE LA ZHES BYA BA NI SANGS RGYAS KYI SKU GZUGS GRONG KHYER DU GSHEGS PAR

272b

BYA BA DE LA'O, ,ROL MO BYED DU GZHUG PA'I PHYIR KYE MI DAG STON PA LA MCHOD PAR GYIS SHIG CES BYA BA LA KHA NA MA THO BA MED DO ZHES SMOS NAS, JI LTAR BSGRAGS PAR BYA ZHE NA, DE'I PHYIR LAM PO CHE DANG LAM SRANG DANG BZHI MDO DANG SUM MDO DAG TU SANG NGAM GNANG 'BYUNG BAR 'GYUR BA NYID NI YI GER BRIS PAS BSGRAGS PAR BYA'O ZHES BYA BA SMOS SO, ,JI LTAR YI GER BRI BAR BYA ZHE NA DE'I PHYIR DE LTAR SANGS RGYAS GSHEGS PAR 'GYUR RO ZHES GRO GA LA SOGS PA LA BRIS PA GLANG PO CHE'I BSHUL STENG DU GDUGS DANG, RGYAL MTSAN DANG, BA DAN LA SOGS PAS YONGS SU BSKOR BA'O ZHES BYA BA SMOS TE, DE LTAR SANGS RGYAS GSHEGS PAR 'GYUR RO ZHES SMOS PA LA SNYEGS PA'O, ,BYANG CHUB SEMS DPA'I SKU GZUGS BYA BA CHOS DANG LDAN NO, ,DE RGYAL MTSAN DAG GIS BSKOR RO, ,LAN KAN GYIS BSKOR RO, ,LCAGS KYI KA BA DAG GIS SO, ,DE DAG LA BA DAN GDAGS SO ZHES BYA BA NI LCAGS KYI KA BA DE DAG LA BA DAN DAG GDAGS PA NI CHOS DANG MTHUN PA'O; ,RJES SU 'GRO BA BYA'O, ,RKANG RGYAN DANG RNA RGYAN MA GTOGS PA'I RGYAN GDAGS SO, ,SANGS RGYAS KYI SKU GZUGS BRNYAN DANG BDAG PO GZHAN LA DE GNYIS MA GTOGS PA'I CHOS DANG MTHUN PA ZHES BYA BA 'DI LAS RTOGS PAR BYA'O, ,SPOS KYI LUS SBYIN PAR BYA'O, ,KHYOGS KYIS BSKUR RO, ,SHING RTAS KYANG NGO ZHES BYA BA YANG BSKUR RO ZHES BYA BAR SBYAR TE CHOS DANG MTHUN PA'O, ,DE LA GDUGS DANG RGYAL MTSAN DANG BA DAN DAG BSGRENG NGO ZHES BYA BA LA, DE LA ZHES BYA BA NI SHING RTA DE LA'O, ,DBU LA ME TOG RNA RGYAN GDAGS SO ZHES BYA BA NI BYANG CHUB SEMS DPA'I SKU GZUGS KYI ZHES BYA BAR SBYAR RO, ,MCHOD YON DANG ZHABS LA GSOL BA DAG KYANG NGO ZHES BYA BA NI DE LA DBUL BA CHOS DANG MTHUN PA'O, ,DANG RDZAS NI GNAS PA DANG, GZHON NU DANG RGAN PO DAG GIS BLANG NGO, ,GNAS BRTAN RNAMS KYIS BSRUNG NGO ZHES BYA BA NI DANG RDZAS SO, ,LAM PO CHER PHRENG BA'I BRAM TOG BYA'O ZHES BYA BA NI MCHOD YON DANG ZHABS LA GSOL BA ME TOG DANG GOS LA SOGS PA GTOR BA DAG SA LA MI 'BAB PAR BYA BA'I PHYIR DE DAG LAM SROL DU ZHES BYA BA'I DON TO, ,PHRENG BA'I ZA MA TOG GI NANG DU DRI'I ZA MA TOG GZHUG GO ZHES BYA BA NI PHRENG BA'I ZA MA TOG GI NANG DU DRI'I ZA MA TOG GZHAG PAR BYA ZHES BYA BA'I DON TO, ,PHRENG BA GDAGS SO ZHES BYA BA NI PHRENG

273a

, ,BA GDAGS PA CHOS DANG MTHUN NO ZHES BYA BA'I DON TO, ,MCHOD PA RDZOGS SHING ROL MO BRTUL BA DAG NA SKYE BO'I TSOGS PHYI ROL DONG BA'I TSE RGYAN BRTUL LO ZHES BYA BA SMOS NA GANG GI TSE YIN ZHE NA DE'I PHYIR MTSAN MO'O ZHES BYA BA SMOS TE, NYIN MO NI PHYIR DONG DU ZIN KYANG YANG PHYIR 'ONGS PA DANG, DANG PO NAS PHYIR MI 'ONG BA YANG SRID PAS 'DI DAG GI 'GRO BA YOD PAS 'DI MI BYA BA NYID DO, ,BYANG CHUB SEMS DPA'I 'BA' ZHIG LA DE LA DE LTAR BYA BAR MA ZAD KYI, MCHOD PA THAMS CAD LA CHO GA DE LTAR BYA BA RIG PAR BYA'O, ,SHI BA'I SKABS SU MCHOD RTEN BYA BA LA SOGS PA DANG 'DRA BA DANG BCAS PA BSHAD ZIN TO, ,DA NI MCHOD RTEN DANG, LHA DANG MTHA' MED BA'I RAB TU BYUNG BA'I GNAS SKABS SU BAB PA BRJOD PAR BYA STE, RAB TU BYUNG BA'I GNAS SU DUS STON BYA BA CHOS DANG MTHUN NO ZHES BYA BA NI KHANG PA'I DUS STON NI 'OS PA'O, ,'DUL BA RGYA CHER BSTAN PA BSHAD ZIN TO,, ,,DA NI 'DUL BA MDOR BSDUS NAS BRJOD PAR BYA STE, MI RUNG BA DANG MTHUN LA RUNG BA DANG 'GAL BA NI RUNG BA MA YIN PAR BSDU'O ZHES BYA BA NI GANG RUNG BA MA YIN PA BSTEN CING RUNG BA DANG 'GAL BA DE NI RUNG BA MA YIN TE, DE NI 'DIR RUNG BA MA YIN PAR MDOR BSDU'O ZHES BYA BA'I DON TO, ,PHYI MA DANG MTHUN PA LA SNGA MA DANG 'GAL BA NI RUNG BAR RO ZHES BYA BA LA, PHYI MA ZHES BYA BA NI RUNG BA STE, DE DANG MTHUN LA SNGA MA ZHES BYA BA NI MI RUNG BA STE; DE DAG DANG 'GAL BA NI RUNG BA STE, DE NI 'DIR RUNG BAR MDOR BSDU'O, ,GNAS MAL GYI GZHI'I PHRAN TSOGS LA SOGS PA'I SKABS SO, ,GNAS MAL GYI GZHI RDZOGS SO, ,'DUL BA MDO'I 'GREL BA RANG GI RNAM PAR BSHAD PA ZHES BYA BA GNAS BRTAN YON TAN 'OD KYI MDZAD PA RDZOGS SO,, ,,RIG BYED NYI MA RNAMS NI MA LUS GDON BYAS NAS, BSTAN BCOS BZHI PO RNAMS LA MNYAM PO'I MTHU MNGA' BA, ,DAG SLONG YON TAN 'ONG CES BYA BA BYUNG GYUR TE, ,GANG ZHIG SH'AKYA'I SRAS KYIS RAB TU BSKUL BAR GYUR, ,BSOD SNYOMS PHYIR NI GANG GI BAR SNANG LA 'KHOR ZHING, ,LHA RNAMS LUS PHYED DAG GIS BYUNG BAR GYUR BA NI, ,BRTZON LDAN ZHAL ZAS BDUD RTZI RNAMS NI 'DZIN MDZAD DE, ,'OD ZER DANG LDAN RGYAN RNAMS KYIS SMRAS GNAS PAR GYUR, ,NU MA GNYIS KYI LCID KYIS DUD BYAS LHA YI BUD MED RNAMS NI NYAMS DGA' BA, ,LAG PA PADMA'I ZE 'BRU RNAMS LA DBUL BA CHAGS PA'I LAG DAR BCAS, ,RO DANG BCAS PA'I SHING RNAMS LA NI BYUNG BA'I BCA' BA DANG

273b

BCAS PA, ,RTAG TU G-YUL DOR RNAM PAR RGYAL BA'I PHYOGS NI KHA NA MA THO NYID, ,YE SHES LAS NI RAB TU 'JUG BA'I STENG DU GANG GI 'GREL PA BRTZAMS PA STE, ,BYE BRAG BSHAD PA RNAMS LAS SHIN TU RGYA CHEN TSUL NI RNAM PAR GSAL BYED PA, ,THAMS CAD DU NI SNANG BAR BYED PA'I 'OD ZER TSOGS KYIS MUN PA'I RAB RIB LTAR, ,RIN CHEN 'BYUNG GNAS MCHOG GI GRUB MTHA' NGA RGYAL CHEN PO RNAMS NI 'JIG PAR BYED, ,THEG PA RGYAS PAS ZAB PA'I SANGS RGYAS GSUNG GI CHU YI PHUNG PO LAS, ,RANG BYUNG TSUL NI RNAM PAR 'JOMS PA'I SHES RAB KYIS BSRUBS YANG DAG PAR, ,SHIN TU DRI MED TSUL GYIS RIN CHEN RNAMS KYI 'OD GSAL 'GREL PA'I DPAL, ,'GRO BA RNAMS KYI DGE BA'I RGYUR GYUR DES NI MYUR DU BTU BAR BYAS, ,MUN PA 'JOMS SHIN TSUL KHRIMS YANGS PA'I 'OD ZER CAN NI DPAL LDAN SNGON MED RI BONG CAN, ,RTZOD PA'I DUS SU SKYES PA DRI MA DANG BRAL GANG ZHIG GRANGS PA RDZOGS PA LEGS PA'I BLO, ,RTAG TU MU STEGS CAN GYI MTHUG PA'I MUN PA LAS RGYAL SHES RAB RI BONG CAN GYI MTHAR, ,GRAGS PA'I SHES RAB 'DZIN MKHAS DMAN PA'I TSOGS 'JOMS SH'AKYA'I 'OD NI GSAL LDAN PA, ,YANG DAG BSTAN BCOS TSUL GYI RAB TU RGYAS PA'I PADMA GSAL BAR BYED CING THAMS CAD DU, ,SKYES BU SHIN TU RNAM DAG GRAGS PA'I RJES 'GRO GANG ZHIG NYI MA'I GSHEGS GNYEN LA BRTEN PA'O,, ,,TSIGS BCAD STONG PHRAG BCU BZHI NI, ,'DI YI TSAD DU SHES BYA STE, ,DPAL LDAN RGYAL CHEN THAMS CAD KYIS, ,RGYAL SRID BYED DUS 'DI BYAS SO, ,'DUL BA MDO'I 'GREL PA BCOM BRLAG MA ZHES BYA BA YUL BCOM BRLAG GI 'PHAGS PA GZHI THAMS CAD YOD PAR SMRA BA'I RTZOD PA BA CHEN PO RNAMS KYI KHYU MCHOG BSTAN BCOS DU MA MDZAD PA GZHUNG 'BUM PHRAG BCO BRGYAD LA KHA TON MDZAD PA'I SLOB DPON YON TAN 'OD KYIS MDZAD PA RDZOGS SO,, ,,'DI NI DPAL SA NYI'I GTZUG LAG KHANG CHEN POR RJE BTZUN DAM PA RGYAL PO CHEN PO'I YANG CHEN PO DBANG PHYUG DAM PA DPAL TSUL KHRIMS NYI MA'I LHA RAB TU RGYAS PAR GYUR PA RNAM PAR RGYAL BA'I RGYAL SRID KYI LO LA BRIS PA YIN NO, ,GANG 'DI 'DUL BA'I SDE SNOD STONG PHRAG NYI SHU RTZA LNGA LAS LHAG PA'I 'BUM PHRAG GCIG GI DON GSAL BAR BYED PA RANG GI

274a

, ,RNAM PAR BSHAD PA ZHES BYA BA LO TZ'A BA SH'AKYA'I DGE SLONG TSUL KHRIMS 'BYUNG GNAS KYIS BSGYUR BA'I BSOD NAMS GANG DES MKHAN PO DANG SLOB DPON DANG PHA DANG MA SNGON DU 'GRO BAR BYAS PA'I MA LUS PA'I SEMS CAN GYI PHUNG POS BLA NA MED PA'I YE SHES KYI 'BRAS BU THOB PAR GYUR CIG, ,, 'BUM GYI TSAD LDAN 'DUL BA'I RGYA MTSO CHEN PO DAG ,STON PAS GSUNGS PA LAS NI MAN NGAG TSUL GYIS 'DIR, ,GZINGS NI YANG DAG THOB NAS BLA MA'I DRIN GYIS NI, ,GANG ZHIG RIN CHEN MDO RNAMS YANG DAG MDZAD PAR GYUR, ,SA GSUM BRNYES NAS DPAL LDAN RGYAL BA RNAMS KYI SRAS, ,YON TAN 'OD CES BYA BA YON TAN RNAMS KYIS GTZOS, ,MDO YI BSHAD PA BDUD RTZI'I RO YIS YANG DAG PAR, ,RANG GIS MDZAD 'DI 'GRO BA LA NI PHAN 'DOD CING, ,DGE SLONG PHA MA LA SOGS 'DUL BA'I SNOD GYUR PA'I, ,'JIG RTEN TSIM PAR MDZAD CING GRAGS PAS KUN LA KHYAB, ,RGYAL BA'I YUM LA LEGS PA'I BLO MNGA' 'PHAGS PA THOGS MED BZHIN DU DRI MED DON SHES KHYOD, ,PHYOGS KYI GLANG PO'I BSDUS DON 'DI LA YANG NI MI MNYAM DE DANG 'DRA BAR KHYOD KYIS GZUNG, ,SLOB DPON CHOS MCHOG BZHIN DU TSANG MA LA MKHAS KHYOD KYIS PHYI ROL DON GRUB LA STER BA, ,SLOB DPON DBYIG GNYEN LTA BUR SEMS CAN RNAMS LA KHYOD NI DON GNYER LA DGA' MDZOD NI STER, ,DPAL LDAN BLO GROS 'BYUNG GNAS ZHES BYA BCOM LDAN 'DAS KYI BSTAN PA'I BSLAB 'DZIN NI, ,GSOL DANG BZHI YI LAS KYI CHO GAS DGE SLONG RNAM DAG BSNYEN RDZOGS MCHOG NI THOB GYUR NAS, ,GZHAN RNAMS LA YANG RUNG DBANG THOB NAS RANG GIS RAB TU DBYUNG PHYIR MKHAN PO MDZAD PA STE, ,RANG GI RNAM BSHAD SGYUR BAR BYED PA'I SBYIN BDAG DE NI YUN RING POR NI GNAS GYUR CIG ,BSGYUR BA'I YON BDAG NYID MDZAD PAS, ,KHYED KYIS DGE BA GANG THOB PA, ,DES NI TSOGS GNYIS MYUR RDZOGS NAS, ,KHYOD NYID SANGS RGYAS NYID GYUR CIG, ,,RGYA GAR GYI MKHAN PO PAndI TA AA LANGKAR DE BA DANG, ZHU CHEN GYI LO TZ'A BA SH'A KYA'I DGE SLONG TSUL KHRIMS 'BYUNG GNAS SBAS PA GNYIS KYIS DPAL SGYE'U RI'I RTZA CHOS SKOR DBEN TSA'I GTZUG LAG KHANG DU BSGYUR, 'DI LA SHLO KA STONG PHRAG BCU BZHI YOD DO,, ,,

טיבטיתTibetanTD04119-1_’DUL BA'I MDO'I 'GREL PA MNGON PAR BRJOD PA RANG GI RNAM PAR BSHAD PA ZHES BYA BA (Vinaya Sútra Vṛttyabhidhāna Svavyākhyāna (Nāma)).txt1,129,329 תוויםcharacters
1b

[DD] #, ,RGYA GAR SKAD DU, SVA BY'A KHY'A NA AA BHI DH'A NA BI NA YA S'U TRA BRi TTI N'A MA, BOD SKAD DU, 'DUL BA'I MDO'I 'GREL PA MNGON PAR BRJOD PA RANG GI RNAM PAR BSHAD PA ZHES BYA BA, [DD] THAMS CAD MKHYEN PA LA PHYAG 'TSAL LO, ,'DUL BA'I MDO RNAMS GANG YIN PA, ,BSDU BA'I PHYIR NI MDZAD GYUR TE, ,BYANG CHUB SEMS DPA' YON TAN 'OD, ,RANG GIS DE NYID RNAM BSHAD BYA; ,DE LA MDO DANG PO NI 'DI YIN TE, DE NAS, NGES PAR 'BYUNG BA'I TSUL KHRIMS KYI DBANG DU BYAS TE ZHES BYA BA SMOS TE, DE LA DE NAS ZHES BYA BA'I SGRA NI DBANG DU BYED PA'I DON TO, ,MDO BRTZAMS PA NAS YONGS SU RDZOGS PA'I BAR GYIS NGES PAR 'BYUNG BA'I TSUL KHRIMS KYI DBANG DU BYAS PAR RIG PAR BYA'O, ,'DIR 'BYUNG BA NI THOB PA YIN TE 'GRO BA NI MA YIN NO, ,'DIS NGES PAR 'BYUNG BAS NA NGES PAR 'BYUNG BA ZHES BYA'O, ,DPER NA GRONG THOB PA ZHES BYA BA LTA BU'O, ,NGES PA'I SGRA NI PHYIR MI LDOG PA BSGRAGS PA'I DON DU STE, PHYIR MI LDOG PAR 'BYUNG BA NI NGES PAR 'BYUNG BA ZHES BYA'O, ,

2a

, ,DE LTAR NA 'DIS PHUNG PO LHAG MA MED PA'I MYA NGAN LAS 'DAS PAR YANG DAG PAR THOB PA BRJOD PA STE, GANG GI PHYIR DE NI PHYIR MI LDOG PAR BYED PA'I 'BYUNG BA'O, ,'O NA DE LAS NGES PAR 'BYUNG BAS NA NGES PAR 'BYUNG BA ZHES BYA BA'I SGRA 'DIS CI'I PHYIR 'DIR PHUNG PO LHAG MA DANG BCAS PA'I MYA NGAN LAS 'DAS PA YANG DAG PAR THOB PA BRJOD PA ZHES BYA BA GO BAR BYED PA MA YIN NAM, 'DIS NGES PAR 'BYUNG BAS NA NGES PAR 'BYUNG BA ZHES BYA BAS LAM MNGON PAR BRJOD PA ZHES BYA BA YIN ZHE NA, GANG GI PHYIR NGES PA'I SGRA NI RTZOM PA'I DON CAN BSTEN PA MA YIN LA, THA MA'I DON CAN YANG MA YIN NO, ,'DIS BSTEN PAS PHUNG PO LHAG MA DANG BCAS PA'I MYA NGAN LAS 'DAS PA YANG DAG PAR THOB PA BRJOD PAR 'GYUR BA YIN TE, 'KHOR BAR 'JUG PA RTZOM PAR GYUR PA 'DI LAS 'BYUNG BAS NA NGES PAR 'BYUNG BA'AM 'KHOR BAR 'JUG PA LA MTHAR THUG PAR 'GRO BA ZHES BYA BA STE DE YANG BSTEN PA MA YIN NO, , 'ON KYANG PHYIR MI LDOG PA'I DON CAN NI NGES PA'I SGRA 'DIR MNGON PAR 'DOD PA'O, ,DES NA GANG NYID PHYIR MI LDOG PAR 'JUG PAR BYED PA'I 'BYUNG BA DE NYID 'DIS BRJOD KYI GZHAN NI MA YIN NO, ,GANG GI PHYIR GANG ZHIG SNYOMS PAR

2b

'JUG PA'I LAM DU 'ONGS NAS RDO RJE LTA BU'I RJES LA PHUNG PO LHAG MA DANG BCAS PA'I MYA NGAN LAS 'DAS PA YANG DAG PAR THOB PA'O, ,DE'I LAM LAS GANG ZHIG LONGS NAS LAM GZHAN DU 'GRO BA DE NI PHYIR MI LDOG PA NI MA YIN TE, DGRA BCOM PA NYID LA SOGS PA LAS MA NYAMS PA DE NI 'DI'I MING DU SNANG BA NYID DO, ,'DIR 'BYUNG BA NI LAM THOB PA STE 'GRO BA NI MA YIN NO, ,DE BAS NA 'GRO BA'I DON LA YANG DAG PAR MA BSTAN PAS KYANG NGES PAR 'BYUNG BA NYID DU THAL BA MA YIN NO, ,NGES PAR 'BYUNG BA LA 'GRO BA'I TSUL KHRIMS NI NGES PAR 'BYUNG BA'I TSUL KHRIMS SO, ,DE YANG 'DIR CHOS KYI RGYU MTSAN GANG ZHIG TSUL KHRIMS DE NI MA LUS PA'I 'DUL BAS GSUNGS PAR SHES PAR BYA'O, ,DE BAS NA 'DIR RAB TU BYUNG BA'I GZHI DANG, RNAM PAR 'BYED PA'I GZHI DANG, GSO SBYONG GI GZHI DANG, DBYAR GYI GZHI DANG, DGAG DBYE'I GZHI DANG, SRA BRKYANG GI GZHI DANG, CHOS GOS KYI GZHI DANG, KO LPAGS KYI GZHI DANG, SMAN GYI GZHI DANG, LAS KYI GZHI DANG, PHYIR BCOS KYI GZHI DANG, DUS DANG DUS MA YIN PAS BSDUS PA 'BYUNG BA'I GZHI DANG, SA GZHAN NA GNAS PA SPYOD PA'I GZHI DANG, YONGS SU SBYONGS PA'I GZHI DANG, LAS BYE BA'I GZHI DANG, 'KHOR LO BYE BA'I GZHI DANG, RTZOD PA'I GZHI DANG, GNAS MAL GYI GZHI ZHES BYA BA'I GO RIMS 'DIS 'DUL BA'I CHO GA MA LUS BA LA YANG DAG PAR 'JUG PA'O, ,GANG GI PHYIR 'DIR DGONGS PA NI 'DI YIN TE, RNAM PA 'DIS RAB TU BYUNG BA NYID DANG BSNYEN PAR RDZOGS PA DAG LA NYE BAR THOB PA NI RIGS PA STE 'DIR NI 'DI LTA BU'I RNAM PA CAN BSDU BA DANG, 'DIR 'DI LTA BU'I RNAM PA CAN YANG SPANG BAR BYA BA ZHES BYA BA 'DI LA THOG MAR SBYAR BA ZHES BYA BA DE'I PHYIR DANG POR RAB TU BYUNG BA'I GZHI YANG DAG PAR GZHAG PA'O, ,BSTAN PA LA RAB TU ZHUGS PA DE LA BSLAB PA MA LUS PA 'DOR BA LA SOGS PAS TSUL MA YIN PA LA 'JUG PA LAS BSLAB PA NI 'DI YIN TE, DE BAS NA DE'I RJES LA RNAM PAR 'BYED PA LA YANG DAG PAR 'JUG PA'O, ,GSO SPYONG GI GZHI LA SOGS PA RNAMS LA YANG GO RIMS KYIS RGYU 'DI RNAMS YIN TE, JI LTAR BSLAB PA MTSUNGS PA NYID DU DUS SU MDO LA

3a

, ,BRTEN NAS YONGS SU RGYAS PAR BYED PA DE'I PHYIR GSO SBYONG GI GZHI MNGON PAR BRJOD PA YIN NO, ,DUS GANG ZHIG LA DUS GCIG TU GNAS PAS DON BSGRUB PA DE LA GNAS PA LAS SON PA'I CHO GA STE DE'I RJES LA DBYAR GYI GZHI BSTAN PA YIN NO, ,GNAS NGES PA'I BDAG NYID CAN DBYAR GYI GZHI LA GNAS PA'I THA MAR MTHONG BA LA SOGS PA'I GNAS GSUM RNAMS KYI DGE 'DUN LA DGAG DBYE BGYID DO ZHES BYA BAS DAG PA YOD PA LA SBYIN PA GTONG BA LA SBYAR BA NYID DO ZHES BYA BA STE, DE'I RJES LA DGAG DBYE'I GZHI BSTAN PA YIN NO, ,BKOD PA DANG 'BREL BA SU ZHIG DBYAR GYI GZHI LA GNAS PA'I BDAG NYID CAN GYIS GNAS NGES PA LAS LUS GZHAN DU GYUR PA YOD DE, SHIN TU SBYONGS PA LA GNAS PA NYID KYI DON DU BSTEN PAR BYA BA YIN TE, 'DI'I RJES LA DE'I RIM PA NI DE'I PHYIR SRA BRKYANG GI GZHI BSTAN PA YIN NO, ,DE LA SO SOR BSGRUB PA MED PA LAS GOS KYI RNAM PAR DBYE BA LA SBYOR BA ZHES BYA BA DANG BRAL BA NYID KYI BKOD PA DANG 'BREL BA DE DAG LA GOS SBYIN PA'I DUS YIN TE, DE'I PHYIR GOS KYI GZHI'I CHO GA BSTAN PA YIN NO, ,GOS KYI RAB TU DBYE BA SHES PA NI KO LPAGS ZHES BYA BA YIN TE, DE'I RJES LA KO LPAGS KYI GZHI BSTAN PA YIN NO, ,NAD GSO BA MED PAS GNAS GCIG GAM SO SOR GNAS PAR MI NUS PAS DE'I PHYIR LHAN CIG DANG NYE BA'I SNGA MA DANG PHYI MA'I DUS DAG GIS DANG POR GOS SBYIN PA'I DUS LA PHAL CHER NAD KYIS BTAB PA BYUNG BA DE LA BSTEN PA DE LAS DGOS PA'I CHO GA RIGS PA'I NGO BO STE, DE'I RJES LA SMAN GYI GZHI BSTAN PA YIN NO, ,DE LTAR GNAS PA RNAMS KYIS 'BYUNG ZHING 'BYUNG BA'I BYA BA RNAMS LA RJES SU SGRUB PA'I CHO GA ZHES BYA BA STE DE'I RJES LA LAS KYI GZHI BRJOD PA YIN NO, ,SMON LAM GYI LAS LA SOGS PA 'BYUNG BA RNAMS LA SMON LAM GYI LAS BYED PA LA SOGS PA NGES PAR BYED PA DANG SO SOR BSGRUB PAR SKABS LA SOGS PAS RIGS PA ZHES BYA BA DE'I RJES LA PHYIR BCOS PA'I GZHI BSTAN PA YIN NO, ,DGE 'DUN LHAG MA DANG LDAN PA LA DUS DANG DUS MA YIN PA BSDUS PA 'BYUNG BA DANG, SA GZHAN NA GNAS PA LA SPYOD PA'I GZHI DAG LA NGES PAR SPYOD PA DANG SO SOR SPYOD PA'I DON DU YANG DAG PAR 'JUG PA YIN NO, ,

3b

KOO SH'AMB'I DANG, SKYA BO DANG, DMAR BA DANG GANG ZAG DANG KUN NAS GNAS PA'I GZHI RNAMS NI PHYIR BCOS PA'I GZHI LA SOGS PA'I MING RNAMS KYIS GSUNGS PA YIN TE, MING GZHAN 'JUG PA'I DGONGS PA NI RIM PA DE NYID LAS BSHAD PAR BYA'O, ,NGES PAR 'BYED PA LA SOGS PA LA RJES SU NYE BAR GNAS PA RNAMS LA YONGS SU 'DUL BAR BYED PA NI RIGS PA'I NGO BO NYID YIN TE, DE'I RJES LA YONGS SU SBYONG BA'I GZHI BSTAN PA YIN NO, ,GSO SBYONG GZHAG PA'I GZHI'I MING GZHAN 'DI 'CHAD PAR 'GYUR BA'I DON DU SHES PA RNAMS LA 'JUG PA ZHES BYA BA DE'I RJES SU LAS BYE BA DANG, 'KHOR LO BYE BA'I GZHI DAG BSTAN PA YIN NO, ,THA SNYAD LA BSTEN PA'I CHO GA 'DI'I RJES SU RIGS PA YIN ZHES BYA BA 'DI'I DON LA RTZOD PA'I GZHI BSTAN PA YIN NO, ,GNAS GANG DU 'DI THAMS CAD DANG DGE BA'I PHYOGS GZHAN RJES SU SGRUB PAR BYED PA DE LA BRTEN PA'I CHO GA 'DI LAS RIGS PA YIN TE, DE'I RJES LA GNAS MAL GYI GZHI BSTAN PA YIN NO, ,PHRAN TSEGS LA SOGS PA RNAMS KYANG 'DI RNAMS KYIS RAB TU DBYE BAR GYUR PA NYID KYI PHYIR 'DI RNAMS LAS LHAG PA NYID NI MA YIN TE, DE BAS NA SO SOR MDOR BYAS PA MA YIN NO, ,GANG DU GANG GI SBYOR BA NI DE NYID LAS NGES PAR BSDUS PA YIN NO, ,MKHAN PO DANG SLOB DPON DAG GIS RJES SU GNANG BAS MTHAR PHYIN PA NI RAB TU BYUNG BA DANG, BSNYEN PAR RDZOGS PA'I CHO GA STE, DE NYE BAR BSTAN PA'I DON DU, DGE 'DUN THAMS CAD 'DUS PA NI CHA LUGS 'DI BZHIN DU BYAS, RGAN RIMS LA PHYAG 'TSAL NAS, THAL MO SBYAR TZOG TZOG POR 'DUG CING GSOL BA BTAB PAR GYUR PA GSUM DANG, GSOL BA DANG BZHI'I LAS KYIS CIG CAR RAB TU BYUNG BA DANG BSNYEN PAR RDZOGS PA NYE BAR BSGRUBS PAR GYUR PA LTA BU NI, SNGON GYI CHO GA'O ZHES BYA BA GSUNGS TE, 'KHOR DU DGE 'DUN GYI PHYOGS GCIG BSDUS PA DGAG PA'I DON DU THAMS CAD CES BYA BA'I THA TSIG GO, ,'KHOR DU GNAS PA YANG DGE 'DUN GYI PHYOGS GCIG LA NI MA YIN TE, 'ON KYANG DE'I NANG DU MTSAMS NA GNAS PA THAMS CAD DO, ,'DIS CHA LUGS 'DI BZHIN BYAS PA NI CHA LUGS 'DI BZHIN DU BYAS PA'O,

4a

, ,'DI ZHES BYA BA NI SANGS RGYAS KYI BSTAN PA LA DGE SLONG GI CHA LUGS 'DI BZHIN TE SKRA DANG KHA SPU BREGS PA'I DGE SLONG GI CHA LUGS KYIS CHOS GOS GSUM GYON PA ZHES BYA BA'I DON TO, ,PHYAG 'TSAL NAS ZHES BYA BA NI RGAN RIMS LA ZHES BYA'O, ,JI SKAD DU 'CHAD PAR 'GYUR BA STE, DE LA 'DIR MNGON PAR 'BREL BA NI RGAN RIMS LA PHYAG 'TSAL NAS YAN LAG LNGAS PHYAG BYAS TE ZHES BYA BA'I DON TO, ,THAL MO SBYAR BA ZHES BYA BA NI THAL MO SBYAR BA'O, ,TZOG TZOG POR 'DUG CING ZHES BYA BA NI TZOG TZOG PO NYID KYIS GNAS PA STE, STAN LA NYE BAR 'DUG PAS NI MA YIN NO, ,GANG DU GNAS SHE NA, RGAN RIMS LA ZHES BYA BA'O, ,'O NA RGAN RIMS LA TZOG TZOG PO NYID KYIS 'DUG LA, THAL MO SBYAR BA NYID CES BYA BA 'DIS NI DGE 'DUN LA RAG LAS PA'I LAS LA NGES PA YIN TE, LAS THAMS CAD LA DBANG DU BYED PA'I MDOR BYAS PA STE, DE NYID KYI PHYIR 'DIR YANG LAS NYID KYI PHYIR GSUM PO 'DIS THOB PAR GYUR BA LA CI'I PHYIR SLAR TSIG DA LTAR BYUNG BA'I CHO GA DBANG DU BYED PA NYID KYIS THAL MO SBYAR ZHES PA LA SOGS PA NGES PA LAS, 'DIR 'DI LA BSGRUBS PAR GYUR PA LTA BU NI SNGON GYI CHO GA ZHES BYA BA'I TSIG YOD PA MA YIN NO, ,GSOL BA BTAB PAR GYUR PA ZHES PA NI CI ZHIG CE NA, RAB TU 'BYUNG BA DANG BSNYEN PAR RDZOGS PA DAG GO, ,SLAR GSOL BA BTAB PA NI BTZUN PA RNAMS GSON CIG DGE 'DUN GYIS BDAG MING 'DI ZHES BGYI BA, LEGS PAR GSUNGS PA'I CHOS 'DUL BA LA RAB TU 'BYUNG BA NYID DANG, BSNYEN BAR RDZOGS PA DGE SLONG GI DNGOS PO BDAG 'DOD CES BYA BA NI RGYA CHER BSHAD PA'O, ,SNGAGS 'DIS LAN GSUM GYI BAR DU GSOL BA BTAB PA'O, ,GSOL BA DANG BZHI'I LAS KYIS ZHES BYA BA NI LAN GSUM DU BRJOD PAS GSOL BA DANG BZHI'I LAS GANG ZHIG LA YOD PA DE NI GSOL BA DANG BZHI'I LAS DE NYID KYIS SO, ,CIG CAR RAB TU 'BYUNG BA DANG BSNYEN PAR RDZOGS PA DAG CES BYA BA NI RAB TU BYUNG BA NYID DANG BSNYEN PAR RDZOGS PA DUS MNYAM DU YIN GYI RIM GYIS NI MA YIN NO, ,NYE BAR BSGRUB PAR GYUR PA ZHES BYA BA NI DGE 'DUN DU GYUR PA'I DGE SLONG RNAMS SO, ,DE

4b

LTAR NA YANG SNGAGS NI DGE 'DUN BTZUN PA RNAMS GSAN DU GSOL, BDAG MING 'DI ZHES BGYI BA LEGS PAR GSUNGS PA'I CHOS 'DUL BA LA RAB TU 'BYUNG BA NYID DANG BSNYEN PAR RDZOGS PA DGE SLONG GI DNGOS POR 'DOD CING GSOL NA, BDAG MING 'DI ZHES BGYI BA DGE 'DUN GYIS RAB TU 'BYUNG BA DANG BSNYEN PAR RDZOGS PAR MDZAD DO ZHES BYA BA'O, ,LTA BU NI SNGON GYI CHO GAS TE, LTA BU'I SGRA NI RAB TU DBYE BRJOD PAR BYED PA'O, ,SNGON GYI CHO GA ZHES BYA BA NI DA LTAR BYUNG BA'I CHO GA LAS SNGA ROL DU 'DI LTA BU'I RAB TU DBYE BA CAN RAB TU BYUNG BA NYID DANG BSNYEN PAR RDZOGS PA'I CHO GA ZHES BYA BA'I DON TO; ,CI 'O NA DA LTAR BYUNG BA'I CHO GA NYID BCOM 'DAS KYIS SNGON ROL DU CI'I PHYIR MA GSUNGS, YANG NA SNGON GYI CHO GA 'DI SLAR CI'I PHYIR MA GSUNGS SHE NA GANG GA PHYIR DE'I TSE NA RNAM PAR DAG PA'I SEMS CAN RNAMS NI RTOGS PA PO YIN TE, DE RNAMS LA RIM GYIS RNAM PAR NGES PA NYID MA YIN TE, GZHAN DAG LA BRTEN NAS MA YIN PA DANG, YONGS SU SLOB PAR BYED PAS SAM, 'DI RNAMS NI DMAN PA MA YIN TE, BSOD NAMS BYAS PA NYID KYI PHYIR MI LEGS PA SGRUB PA MA YIN TE, 'ON TE SGRUB PA LA RANG NYID KYIS 'DI RNAMS LA RTZE BAR BYED PA RNAMS YOD PA YIN TE; BAR DU GCOD PAR BYED PA'I CHOS RNAMS LA NI DE'I TSE NA LTUNG BA MED PA'I PHYIR RO, ,DE BZHIN DU GSAL BAR BYED PA RNAMS LA LTUNG BA MED PA'I PHYIR ZHES BYA BA STE, DE BAS NA SNGON GYI CHO GA BRJOD PA'O, ,GANG GI TSE RNAM PA GZHAN DU YANG 'DI RNAMS 'BYUNG BA DE'I TSE PHYI MA THAMS CAD LA NYE BAR MI MKHO BA 'GA' YANG MA YIN TE, DE BAS NA 'DIR NYE BAR BRTAGS PA 'DIS CI ZHIG BYA'O, ,GAL TE CHO GA 'DIS DA LTAR THA SNYAD MA YIN TE, DE LTAR NA YANG 'DI LA PHYI MA LAS GZHAN NYID NI YOD PA MA YIN TE, GANG ZHIG PHYI MA LAS KHYAD PAR DE NI 'DI'I CHA LAG TZAM YIN NO, , DE LA 'DI NI SNGAGS DANG RGYUD YIN TE, 'DI TZAM NYID DE'I TSE YOD PAR 'GYUR TE, 'DUL BA'I DBANG GIS GZHAN 'DIR 'DI'I CHO GA RNAM PAR GZHAG PA ZHES BYA BA'I DON NI BSGRAGS PA'I DON DU NYE BAR BTAGS PA'O, ,DE LTAR DGOS BA DANG BCAS PA NI SNGON GYI CHO GA NYE BAR BSTAN PA'O,,

5a

, ,DE NI DA LTAR BYUNG BA'I CHO GA BRJOD PAR BYA STE, RAB TU 'BYUNG BA DANG BSNYEN PAR RDZOGS PA DE'I PHYIR DGE SLONG 'GA' ZHIG LA MKHAN PO NYID DU GNAS PA LA'O ZHES BYA BA STE, DGE SLONG 'GA' ZHIG LA ZHES BYA BA NI GDON MI ZA BAR 'GA' ZHIG LA BRTEN NAS RAB TU 'BYUNG BA NYID DE LA BSNYEN PAR RDZOGS PA MA YIN NO ZHES BYA BA RAB TU BSTAN PA'I DON DU 'GA' ZHIG CES BYA BA'I TSIG GO, ,JI LTAR BRTEN NAS SHE NA, SMRAS PA, MKHAN PO NYID DU'O, ,CI'I DON DU BRTEN PA LA ZHES BYA BA ZHE NA, SMRAS PA, DE'I PHYIR ZHES BYA BA STE, RAB TU 'BYUNG BA NYID DANG BSNYEN PAR RDZOGS PA LA LTOS PA LA'O, ,'DI'I RGYU MTSAN GYI BDUN PA STE, 'DI RNAMS LA RAB TU 'BYUNG BA NYID DANG BSNYEN PAR RDZOGS PA'I RGYU MTSAN GYIS MKHAN PO NYID KYIS DGE SLONG 'GA' ZHIG LA BRTEN PA LAS RAB TU 'BYUNG BA NYID DANG BSNYEN PAR RDZOGS PA DAG TU 'GYUR GYI, JI LTAR SNGON GYI CHO GA LTAR 'GA' ZHIG LA MA BRTEN PA NYID KYIS NI MA YIN ZHES BYA BA'O, ,'DIR SLAR RAB TU BYUNG BA NYID NI GANG ZHIG DE LA 'OS PA'I TSUL KHRIMS DGE TSUL GYI SDOM PA DES RJES SU CHAGS PAR RIG PAR BYA'O, ,RAB TU 'BYUNG BA NYID DANG DGE TSUL GYI SDOM PA DAG GNYIS PO 'DI YANG BRTEN PA LA'O, ,SLAR 'DIR KHYAD PAR YIN TE, MKHAN PO NYID LAS RAB TU BYUNG BA STE SDOM PA NI GZHAN LAS ZHES BYA'O, ,RTEN LA BRTEN PA YONGS SU 'DZIN PA LA CHO GA NI DANG PO'I MKHAN PO NYID KYIS BAR CHAD DRIS NAS, ,YONGS SU DAG PA LA SKABS DBYE'O ZHES BYA BA SMRAS TE, RAB TU BYUNG BA NYID LA GANG ZHIG BAR CHAD BYED PA MA BSAD PA LA SOGS PA DE NI 'DIR BAR CHAD DU MNGON PAR 'DOD DO, ,DE BAS NA RTEN GANG ZHIG RAB TU 'BYUNG BA NYID LA LTOS PA'I BAR CHAD DRIS NAS GAL TE 'DI LA CHOS DE RNAMS YOD PA MA YIN NA, DE'I PHYIR YONGS SU DAG PA 'DI LA DANG PO'I MKHAN PO NYID KYIS DGE TSUL GYI MKHAN PO NYID KYIS BDAG GIS KHYOD RAB TU DBYUNG NGO ZHES SKABS DBYE BA NI BYA BA'O, ,DE LTAR NA YANG GZHUNG LAS GANG SU DAG LAS RAB TU BYUNG BA LA LTOS PA NYE BAR 'GRO BAR BYED PA DE DES BAR CHAD KYI CHOS RNAMS DRIS TE GZHUNG BAR BYA ZHES BYA'O, ,SDOM

5b

PA RNAMS KYI GO RIMS BSTAN PAR BYA BA'I PHYIR, DGE BSNYEN NYID DANG DGE TSUL NYID DANG DGE SLONG NYID DAG GI SNGA MA BSNYEN PAR MA RDZOGS PA LA PHYI MA MI BYA'O ZHES SMRAS TE, DGE BSNYEN NYID LA SOGS PA 'DI RNAMS KYI SNGA MA SNGA MA NI SNGA MA BSNYEN PAR MA RDZOGS PA LA DE'I BDAG NYID DU NYE BAR SONG BAS KHAS MA BLANGS PA LA GANG ZHIG PHYI MA PHYI MA DE NI BYA BA MA YIN TE, 'DI NI RNAM PAR GZHAG PA BSTAN PA'O, ,BAR CHAD DRIS NAS RAB TU BYUNG BA GZUNG BA LA LTOS PA DANG PO DGE BSNYEN NYID 'DZIN DU GZHUG GO, ,DE NAS DGE TSUL NYID DANG, DE NAS DGE SLONG NYID 'BYUNG BA YIN NO ZHES BYA BA 'DI SHES PAR BYA BA'I DON DU STE, 'DI'I DON NI MA YIN TE, SNGA MA MA BZUNG BA LA PHYI MA SKYE BA 'BYUNG BA MA YIN NO ZHES BYA BA'O, ,DGE SLONG GI SDOM PA'I SNGON DU SDOM PA GZHAN SKYE BA LA YANG KHUNGS KYI TSIG GTZO BO YOD PA NYID DE, DGE TSUL GYI SDOM PA LA NI DGE BSNYEN GYI SDOM PA MED PAR SKYE BA 'BYUNG BA YIN NO, ,DGE SLONG GI SDOM PA LA NI KHUNGS KYI TSIG YOD PA MA YIN NO, ,SKYABS SU 'GRO BA SNGON DU 'GRO BAS SDOM PA BLANG NGO ZHES BSTAN PA'I PHYIR, SKYABS SU 'GRO BA KHAS BLANGS PA'I TSIG RTZOM PA DANG, DGE BSNYEN NYID DANG DGE TSUL NYID DU KHAS BLANGS PA'I TSIG BYA'O ZHES SMRAS TE, 'GRO BA NI 'GRO BA STE SKYABS SU 'GRO BA KHAS LEN PA'O, ,SANGS RGYAS LA SKYABS SU MCHI'O ZHES BYA BA LA SOGS PA DE RJOD PAR BYED PA'I TSIG SKYABS SU 'GRO BA KHAS BLANGS PA'I TSIG NI DE'I TSIG GO, ,RTZOM PA NI BRTZAMS PA'O, ,DGE BSNYEN NYID DANG DGE TSUL NYID DU KHAS BLANGS PA'I TSIG BYA'O ZHES SMRAS TE, DE SU ZHIG CE NA, SGRUB PA PO'O, ,DE NI 'DI YIN TE, 'DI LTAR LEN PA POS SMRA BAR BYA STE, BTZUN PA DGONGS SU GSOL, BDAG MING 'DI ZHES BGYI BA, SANGS RGYAS LA SKYABS SU MCHI'O, ,JI SRID 'TSO'I BAR DU BTZUN PAS BDAG DGE BSNYEN DU GZUNG DU GSOL, ,BTZUN PA DGONGS SU GSOL, BDAG MING 'DI ZHES BGYI BA JI SRID 'TSO'I BAR DU SANGS RGYAS LA SKYABS SU MCHI'O, ,'DOD CHAGS DANG BRAL BA RNAMS KYI MCHOG CHOS LA SKYABS SU MCHI'O, ,TSOGS RNAMS KYI MCHOG DGE 'DUN LA SKYABS SU MCHI'O, ,JI SRID 'TSO'I BAR

6a

, ,DU BDAG DGE TSUL DU SLOB DPON GYIS GZUNG DU GSOL, 'DI LTA BUR GYUR PA NYID RTZOM PA LA LAN GSUM DU BRJOD PAR BYA'O, ,GANG KHA CIG DANG POR SKYABS SU 'GRO BA LA LAN GSUM DU BRJOD NAS DE'I 'OG TU BTZUN PAS BDAG DGE BSNYEN DU GZUNG DU GSOL, BDAG DGE TSUL DU SLOB DPON GYIS GZUNG DU GSOL ZHES BYA BA BRJOD PA 'DIS NI MI RIGS PAR BRJOD PAR BYA'O, ,GANG GI PHYIR SDOM PA YANG DAG PAR BLANG BA'I TSIG 'DI DAG 'DI LTAR YOD PA LA SKYABS SU 'GRO BA'I TSIG YAN LAG GI NGO BO SO SOR GYUR PA NYID NI MA YIN NO, ,GZHAN YANG GANG GI SNGAR NYID DU SKYABS SU 'GRO BA TZAM KHAS BLANGS PA DE LA SDOM PA LEN PA'I DUS SU SKYABS SU 'GRO BA MI BRJOD PA NYID DU THAL BAR 'GYUR RO, ,'DI NI CI NAS KYANG MYA NGAN LAS 'DA' BA'I BSAM PA RAB TU SKYED PA'I DON DU DUS SU 'DI LA BRJOD PAR BYA BA STE, GANG GI PHYIR 'DI LTAR SDOM PA YANG DAG PAR BLANGS PA'I TSIG DAG GIS 'DI NI YAN LAG TU GYUR PA YIN GYI GZHAN DU NI MA YIN NO, ,MYA NGAN LAS 'DAS PA'I BSAM PA BRTEN PO MED PAR SDOM PA BLANG BA NI MA YIN TE, GANG GI PHYIR MYA NGAN LAS 'DAS PA LA RJES SU MTHUN PA NI SDOM PA YIN NO, ,'O NA BSNYEN PAR RDZOGS PA LA SKYABS SU 'GRO BA'I TSIG MED PAR JI LTAR SKYE BA YIN ZHE NA, 'DIS NI SKYON DU MI 'GYUR TE, BSNYEN PAR RDZOGS PA'I SGRA NYID LAS NI DE'I DON BSGRUB PA'I PHYIR DANG, BYA BA MA YIN PA THAMS CAD LDOG PA'I MTSAN NYID KYI PHYIR RO, ,GANG GI PHYIR RNAM PA THAMS CAD DU MYA NGAN LAS 'DAS PAR KHAS LEN PA NI BSNYEN PAR RDZOGS PA YIN TE, GANG GI PHYIR BSNYEN PAR RDZOGS PA LA GNAS PA MYA NGAN LAS 'DAS PA LA RJES SU MTHUN PAR RNAM PAR GNAS PAR 'GYUR RO, ,BYA'O ZHES BYA BA NI BDAG NYID KYI PHYIR TSIG NI SGRUB PA POS 'DI BYA'O ZHES BYA BA 'DIS YANG DAG BAR BSTAN PA'I DON DU'O, ,GANG ZHIG 'DIR GZHAN GYIS BRJOD PA DE NI SLOB PAR BYED PA ZHES BYA BAR SHES PAR BYA'I SBYIN PA DANG LEN PA NI MA YIN NO, ,BSNYEN GNAS LA YANG SGRUB PA PO NYID KYIS 'DI BYA ZHES BYA BA SHES PAR BYA'O, ,GANG ZHIG DE SBYIN PA DANG LEN PA'I CHOS DER ZHES BYA BA

6b

NI KHA CIG SMRAS TE, BZLAS PA NYID KYI PHYIR DE RNAMS LA 'DI 'KHRUL PA ZHES SHES PAR BYA STE YANG DAG PAR BLANGS PA LA MTSUNGS PA NYID KYI PHYIR RO, ,DE'I 'OG TU BSLAB PA BRJOD PA KHAS BLANGS PA'I TSUL GYIS BYA'O ZHES BYA BA LA, 'DI ZHES BYA BA NI DGE BSNYEN NYID DANG, DGE TSUL NYID DU KHAS BLANGS PA'I TSIG GI RJES LA DGE BSNYEN DANG DGE TSUL GYIS BSLAB PA DES BSLAB PA'I TSIG RNAMS LA JI LTAR RIGS PAS BRJOD PA STE, THOG MAR LNGA RNAMS LA'O, ,PHYI MA NI BCU RNAMS LA'O, ,RNAM PA GANG GIS SHES SHE NA, KHAS BLANGS PA'I TSUL GYIS TE, 'DI DANG 'DI LAS BZLOG PAR BGYID CES BYA BA YIN GYI, 'DI DANG 'DI KHYED KYIS BYIN PA DE NI BSRUNG BAR BGYI ZHES BYA BA DE MA YIN NO, ,RANG GIS DGE BSNYEN NYID DU NYE BAR BSGRUBS NAS DGE 'DUN LA ZHU BA'I DGE SLONG LA GTAD PAR BYA'O ZHES BYA BA STE, RANG GIS ZHES BYA BA NI SKABS 'DI NYID KYI PHYIR MKHAN POS SO; ,GANG GI PHYIR DE NI RAB TU 'BYUNG BA LA SKABS BYAS PA'O, ,DE RANG NYID KYIS DGE BSNYEN DU NYE BAR BSGRUBS NAS NI DGE BSNYEN GYI SDOM PA BYIN NAS SO, ,GANG ZHIG DE RAB TU 'BYUNG BA LA LTOS PA LA DGE 'DUN LA ZHU BA'I DGE SLONG DE LA 'DI NI ZHU BA MDZOD CIG CES BYA BAS GTAD PAR BYA'O; ,DGE SLONG DANG 'BREL PAS 'DI BYA BA NYID NI SKYES PAS SO, ,'DI NI MKHAN PO NYID KYIS RANG DON NYID YIN NO ZHES BYA BA RAB TU BSTAN PA'I DON DU BDAG GI DON GYI TSIG GO, ,GSOL BA LA SOGS PA'I LAS KYI BDAG NYID CAN MA YIN PA NYID KYI PHYIR BSNYEN PAR RDZOGS PA MA BYAS PAS KYANG DGE 'DUN LA RAB TU 'BYUNG BA LA LTOS PA 'DI LA ZHU BA NI 'GAL BA MA YIN TE ZHES BYA BA'I RNAM PAR RTOG PA 'DI RNAM PAR GSAL BA'I DON DU DGE SLONG LA ZHES BYA BA'I THA TSIG GO, ,DE LTAR YANG GZHUNG LAS DE'I 'OG TU DGE SLONG LA GSOL BA GDAB PAR BYA'O, ,GANG ZHIG 'DI LA ZHU BAR BYED PAS CI ZHIG BYA ZHE NA, ZHU BAR BYED PA POS DA CI YONGS SU DAG GAM ZHES DRIS NAS NGAG NA ZHU BAR BYA'O ZHES BYA BA NI GTOD PAR BYED PA'I MKHAN PO LA DRIS NAS DAG PAR GYUR NA RAB TU 'BYUNG BA LTOS PAS ZHU BAR BYA'O, ,BTZUN PA DGONGS SU GSOL, MING 'DI ZHES BGYI BA 'DI RAB TU

7a

, ,'BYUNG BA NYID LA LTOS PAS GOS DKAR PO 'DZIN PA ZHES BYA BA LA SOGS PA'I SNGAGS KYIS ZHU BAR BYA'O ZHES BYA BA GANG ZHIG GZHAN GYI TSIG DE NI GZHAN GYI BYA BAS 'DI 'JUG PA'I PHYIR RANG GI DON NYID MA YIN PA'I PHYIR RO, ,JI LTAR 'DIR MKHAN POS BU DANG 'DRA BAR 'JUG PA LA RANG GI DON NYID MA YIN PA DE BZHIN DU 'DI LA'O, ,JI LTAR NA GNAS PA'I DGE 'DUN LA ZHU BAR BYA ZHES SHES PAR BYA ZHE NA, THAMS CAD 'DUS PA LA YANG RUNG, GNAS KHANG SO SO NA 'KHOD PA LA YANG RUNG NGO ZHES BYA BA SMRAS TE, SO SOR YONGS SU BGRANG BA NYID KYIS ZHES BYA BA 'DI'I 'GREL PA NI GNAS KHANG SO SO NA ZHES BYA BA'O, GANG GI YONGS SU BGRANG BA NI GNAS KHANG KHYAD PAR RO, ,GANG RNAMS KYI SNGON DU ZHU BAR BYED BA DE RNAMS KYI CHO GA GANG ZHIG DE BSTAN PA'I PHYIR, THAMS CAD KYIS GAL TE YONGS SU DAG NA'O, ,BRJOD PAR BYA'O ZHES BYA BA SMRAS TE, GAL TE ZHES BYA BA NI GAL TE ZHES BYA BA'I DON TE, ZHU BAR BYED PA'I DUS PHYI MA LA RAB TU 'BYUNG BA NYID LA LTOS PA'O, ,MKHAN POR GSOL BAR BYA'O ZHES BYA BA NI BLANG BA'I SNGAGS KYIS MKHAN POS 'DI LA GTZUG PHUD MA GTOGS PA SKRA DANG KHA SPU BREG PAR BYA'O ZHES BYA BA'O, ,MKHAN PO NYID KYIS LHAG PAR GNAS NAS GANG ZHIG 'BREG MKHAN GYI BYA BA DE YANG DAG PAR BSTAN PA'I DON DU BREG PAR BYA'O ZHES BYA BA NI, BDAG PO'I DON GYI TSIG GO, ,MKHAN PO NYID KYIS 'DIR RANG GIS BYA'O ZHES BYA BA 'DI LTAR SHES PAR BYA BA MA YIN TE, BRGYUD NAS BYED DU BCUG PA NI BYED DU BCUG PA YIN PAR YANG SHES PAR BYA BA MA YIN PA'O, ,DON DANG DON NYID KYI PHYIR 'JUG PA'O, ,DE BAS NA DON BSGRUB PA LA 'JUG PA MI SNANG BA'O, ,DE LA MKHAN PO'I BSGO BA LA NI MI SDOD PAR SKRA DANG KHA SPU BREGS PA GZHAN GYI BSGRUB PA LA SLAR MKHAN POS 'DI LA 'JUG PAR BYA ZHES BYA BA SHES PAR BYA BA MA YIN PA'O, ,GTZUG PHUD MA GTOGS PA ZHES BYA BA NI GTZUG PHUD LAS GZHAN NO, ,KHA SPU BRIG PA LA YANG JI LTAR 'DI LA GZUGS MI SDUG PA'I BLO DE LTAR NI MA YIN TE, DE BAS NA 'DI NGES PA YIN NAM, MA YIN ZHES BYA BA'I DRI BAS GSOL BA'I DON DU 'DI GZHAG PA'O, ,

7b

GTZUG PHUD BREG GO ZHES DRIS NAS STER NA DE'O ZHES BYA BA STE, GTZUG PHUD BREG GAM ZHES DRIS PAR GYUR PA'I RAB TU BYUNG BAR BYA BAS GAL TE STER BAR GYUR NA DE NAS STER BA LA GTZUG PHUD BREG PAR BYA ZHES BYA BA NI RJES SU 'JUG GO, ,DE LTAR SKRA DANG KHA SPU BREGS PAS KHRUS BYA'O ZHES BYA BA NI DUS DANG RJES SU MTHUN PA'I CHUS SO, ,KHRUS KYI RJES KYI DUS LA MKHAN POS GOS DUR SMRIG DAG SBYIN PAR BYA'O, ,DES KYANG MKHAN PO'I RKANG PA GNYIS LA GTUGS TE BLANG BAR BYA'O, ,DE NAS RANG GI DE LA MKHAN POS BSKON PAR BYA'O, ,BSKON PA NA ZA MA DANG MA NING DANG MTSAN MED PA DANG MTSAN GNYIS PA NYID KYI SKYON YONGS SU SPANG BA'I DON DU MTSAN MA TSOR BAR BRTAG GO, GCER BUR BYAS NAS NI MA YIN TE 'ON KYANG MA TSOR BAR RO, ,JI LTAR 'DIS BDAG GI MTSAN MA MTHONG NGO SNYAM DU SHES PAR MI 'GYUR BAR RO, ,KHAS BLANGS PAS MKHAN PO'I LAS 'DI'O, ,YID CHES PA'I DGE SLONG GZHAN GYIS KYANG BYAS PAS NI GO CHOD PA'O, ,BYAS PA ZHES BYA BA NYID NI MKHAN PO NYID KYIS ZHES BYA BAR SHES PAR BYA'O, ,SKYABS SU 'GRO BAR RTZOM PAS RAB TU 'BYUNG BA NYE BAR BSGRUB PAR BYA'O ZHES BYA BA NI BDAG MING 'DI ZHES BGYI BA JI SRID DU SANGS RGYAS BCOM LDAN 'DAS SH'AKYA THUB PA DE LA, JI SRID DU TSOGS RNAMS KYI MCHOG, JI SRID DU RAB TU 'BYUNG BA NYID KYI RTAGS YANG DAG PAR LEN TO ZHES BYA BA'I SNGAGS 'DIS MKHAN POS SKYABS SU 'GRO BAR BRTZAMS PAS RAB TU 'BYUNG BA NYE BAR BSGRUB PAR BYA'O, ,SKYABS SU 'GRO BA DANG POR GYUR PA MED PA NI MA YIN ZHES BYA BA'I DON TO, ,'O NA 'DI NI SDOM PA MA YIN ZHES BYA BA NI 'DI LA SKYABS SU 'GRO BAR RTZOM PA NYID KYI DON CI ZHIG YIN ZHES BYA BA KHA CIG SMRA NA DE NI YANG DAG PA MA YIN TE, GANG GI PHYIR RAB TU BYUNG BA NYID CES BYA BA NI NGES PAR ZHUGS PA NYID YONGS SU DOR BA STE, ZAG PA DANG BCAS PA'I DNGOS PO THAMS CAD LA MNGON PAR MI DGA' BA DE LA NGES PAR ZHUGS PA'O, ,DE BAS NA 'KHOR BA LA RGYAB TU PHYOGS PA NI NGES PAR ZHUGS PA YONGS SU DOR BA MA LUS PA'O, ,MYA NGAN LAS 'DAS PA LA BRTEN PA MED PAR 'KHOR BA LA RGYAB KYIS PHYOGS PA GRUB PA MA YIN TE, DE BAS NA SDOM PA BZHIN DU 'DIR YANG MYA

8a

, ,NGAN LAS 'DAS PA'I BSAM PA RAB TU BSGRUB PAR BYA'O, ,DE BAS NA 'DIR YANG SKYABS SU 'GRO BA RTZOM PA NYID DO, KHA CIG NI RAB TU BYUNG BA NYID NYE BAR BLANG BA'I SNGAGS LA RAB TU BYUNG BA NYID KYI RTAGS YANG DAG PAR BLANG BAR BGYI ZHES BYA BA 'DI'I MDUN DU BDAG NI DGE TSUL DU MKHAN POS GZUNG DU GSOL ZHES BYA BA 'DON PA YIN NO ZHE NA, DE NI RIGS PA MA YIN TE, RAB TU SKYES PA LA SLAR RAB TU SKYES PA MED PA NYID KYI PHYIR DANG, YANG DAG PAR BLANGS PA LA YANG DAG PAR BLANG BA MI 'THAD PA'I PHYIR DANG, SLOB DPON GYIS SNGAGS LA YANG GDON PAR BYA BA NYID MI 'THAD PA'I PHYIR RO, ,DGE TSUL NYID DU SGRUB PAR BYED PA'I SNGAGS LA RAB TU BYUNG BA NYID DU KHAS BLANGS PA LA YANG BCOM LDAN 'DAS SH'AKYA THUB PA DE LA JI SRID DU RAB TU BYUNG BA NYID KYI RTAGS YANG DAG PAR LEN TO, ,DON GYI SLAD DU MTSAN NAS BRJOD DE MKHAN PO 'DI ZHES BYA BAS MKHAN PO'I MING GZUNG NGO; ,BDAG DGE TSUL NYID DU SLOB DPON GYIS GZUNG DU GSOL ZHES PA NI DE RNAMS KYI 'DON PA YIN NO, ,DE YANG YANG DAG PAR BLANGS PA MI 'THAD PAS DE NYID KYI PHYIR MI RIGS SO, ,GSOL BA'I 'OG TU YANG RUNG NGO ZHES BYA BA NI RAB TU BYUNG BA NYID NYE BAR SGRUB PA ZHES BYA BA LA 'JUG PA'O, , RUNG NGO'I SGRA NI 'DOD PA RNAMS RNAM PAR BRTAG PA'I DON DU'O, ,MKHAN PO LA SOGS PA'I RJES NYID LA SKRA DANG KHA SPU BREGS PA RAB TU DBYUNG BAR BYA ZHES BYA BA NI KHA CIG RNAMS 'DON NO, ,DE RNAMS KYI DGONGS PA NI 'DI YIN TE, JI LTAR DGE TSUL NYID DE BZHIN DU SKRA BREGS PA LA SOGS PA YANG RAB TU BYUNG BA NYID KYI LUGS TE, DE BAS NA DE 'DON PA'I RNAM PAR RTOG PA NYE BAR 'BREL PA'O, ,DE BZHIN DU MKHAN POS DE DGE TSUL NYID DU NYE BAR SGRUB PAR BYED PA'I DGE SLONG LA GTAD PAR BYA'O ZHES BYA BA NI GANG ZHIG 'DI LAS DGE TSUL NYID DU NYE BAR SGRUB PAR BYED PA DGE TSUL NYID DU NYE BAR BSGRUB PA'I PHYIR NGANG TSUL 'DI LA YOD PAS NA DGE TSUL NYID DU NYE BAR BSGRUB PA'O, ,GANG ZHIG 'DI LA DGE TSUL GYI SDOM PA NYE BAR SGRUB PA LA MNGON PAR SHES PA'I SLAD DU'O, ,SEMS KYIS RAB TU PHYE BA NYID 'DIR DE'I NGANG TSUL NYID KYIS BRTEN PAR RIG PAR BYA'O, ,GANG LA NYE BAR BSGRUB PA'I DON DU 'DI GTAD PAR BYA'O, ,

8b

CI YONGS SU DAG GAM ZHES DRIS NAS DAG NA NYE BAR BSGRUB PAR BYA'O ZHES BYA BA STE, DE NI SLOB DPON YIN NO ZHES BYA BA NI GANG ZHIG DGE TSUL NYID DU NYE BAR BSGRUB PA DE NI SLOB DPON DU BLTA BAR BYA'O, ,GSANG STE STON PA DANG, LAS BYED PA DANG, GNAS SBYIN PA DANG, KLOG PA YANG NGO ZHES BYA BA NI SLOB DPON RNAMS ZHES BYA BA'I BSDUS PA'I DON NI YANG GI SGRA'O, ,CI TZAM GYIS SLOB DPON NYID 'DI RNAMS LA SHES PA NYID CE NA, DON GRUB NA GYUR PA NYID DO ZHES BYA BA SMRAS TE, DON GANG ZHIG GIS SNGAGS LA RNAM PAR GZHAG PA 'DI LTA STE, DGE TSUL NYID DU NYE BAR BSGRUB PA'I DON GYIS DGE TSUL NYID KYI SLOB DPON NYID LA'O, ,DE GRUB PA NI DON NGES PA LA SLOB DPON NYID LA SOGS PAR GYUR PA DE LA'O, ,GRUB PA NYID NI SKYE BA NYID DO, ,DE BAS NA NYE BAR SGRUB PA LA SOGS PA GRUB PA RNAMS LA SLOB DPON NYID 'DI RNAMS LA SKYE BA NYID DU RIG PAR BYA'O, ,DON GANG ZHIG GIS 'DI MKHAN PO YIN PA MKHAN PO NYID LA YANG DE NGES PA'I DON LA CI ZHIG SKYES PA NYID CES BYA BA MKHAN POR GSOL BA KHAS BLANGS PA NI DER GYUR TO ZHES BYA BA SMRAS TE, GSOL BA'I DUS MKHAN POR KHAS BLANGS PA GANG ZHIG DE LA MKHAN PO NYID DU GYUR RO, ,RAB TU BYUNG BA NYID NYE BAR BSGRUB PA'AM; BSNYEN PAR RDZOGS PA'I MTSAN NYID CAN GYI DON DU BSGRUB PA LA NI MA YIN NO, ,DON GANG ZHIG GRUB PAS SLOB DPON NYID DANG MKHAN PO NYID SKYE BA'I DON DU DE LA GANG GI TSE GRUB PA NYID CES BYA BA BRJOD PA THA MA GANG YIN PA'I CHA GSUM PA LA GRUB PA NYID DU ZHES BYA BA SMRAS TE, BRJOD PA GANG ZHIG LA DON DE GANG YIN PA'I CHA SLOB DPON NYID LA SOGS PA RNAMS GRUB PA NYID DU DE NI BRJOD PA STE, DE'I CHA LA DON GRUB PA NYID DE BRJOD PA DE RNAMS KYANG GSUM YIN TE, DE LA BRJOD PA GANG TSIG LAS BRJOD PA'I CHA JI TZAM PA LAS ZHES BYA BA SHES PA MA YIN TE, DE LA 'DI BRJOD PAR BYA STE, DE LA THA MA YIN TE PHYI MA LA'O, ,DE'I BRJOD PA YIN PA DE'I CHA GSUM PA GANG ZHIG DE LA GRUB PA NYID DON DE LA SHES PAR BYA'O, ,DPE NYID KYIS DON DE RAB TU GRUB PAR BYED PA DPER NA GZHAN BRJOD PA'I DUS NA DGE TSUL NYID BZHIN NO ZHES BYA BA STE, GZHAN NI NYE BAR SGRUB PA PO'I BRJOD PA'I DUS NA'O, ,

9a

, ,BDAG DGE TSUL 'DI ZHES BYA BA 'DI LAS PHA ROL DU SLOB DPON ZHES BYA BA GANG ZHIG GZHAN BRJOD PA DER DGE TSUL 'DI BYED PA PO NYE BAR BSGRUB PA PO'I DON GANG ZHIG DGE TSUL GYI SDOM PA ZHES BYA BA DE'I GRUB PA NYID SHES PAR BYA'O, ,SLOB DPON GYIS GZUNG DU GSOL ZHES BYA BA 'DIR SHES PAR BYA'I, BTZUN PAS GZUNG DU GSOL ZHES BYA BA NI MA YIN NO, ,'DIR THAM LA MKHAN PO'I DON TO ZHES BYA BA NI GRUB PA NYID CES BYA BA 'JUG PA YIN NO, ,'DIR ZHES BYA BA NI GZHAN GYIS BRJOD PA'I DUS NA'O, ,MKHAN PO LA GSOL BA GDAB PA LA DGONGS SU GSOL ZHES BYA BA'I SGRA LAS DGE SLONG DANG 'BREL PA BRJOD PAS PHYI MA MANG PO MKHAN POS BRJOD PA RNAMS SO, ,DE LA GANG ZHIG GSUM PA BRJOD PA MKHAN POS RAB TU DBYUNG BAR BGYI BA 'AM, BSNYEN PAR RDZOGS PAR BGYI ZHES BYA BA 'DI LAS SNGON DU GANG ZHIG DE'I DUS LA MKHAN PO'I DON DE KHAS LEN PA'I BDAG NYID LA GRUB PA NYID DO, ,DUS NYID DU RAB TU BYUNG BA LA MKHAN POS ZHES BYA BA BRJOD PAR BYA'O, ,BSNYEN PAR RDZOGS PA LA NI GAL TE DANG PO NYID DU SLOB DPON MED PA YIN NA SLOB DPON GYIS NI MA YIN PA'AM, BTZUN PA ZHES BYA BA BAR DU GCOD PA MED PA NYID KYIS 'DIR CHA GSUM PAR RIG PAR BYA'O, ,YI GE'I TSAD KYIS NI MA YIN TE, DE LTAR NA MKHAN POR GSOL BA GDAB PA LA BAR DU GCOD PA GSUM 'BYUNG BA YIN TE, BDAG MING 'DI ZHES BGYI BA BTZUN PA LA MKHAN POR GSOL BAR BGYI'O, ,BTZUN PA BDAG GIS MKHAN PO MDZOD CIG BTZUN PA MKHAN POS RAB TU BYUNG BA 'AM BSNYEN PAR RDZOGS PAR 'GYUR BAR BGYI'O ZHES BYA BA'O, ,DGE TSUL NYID DU KHAS BLANGS PA LA RGYUN DANG RAB TU CHAD PA DAG SKYABS SU 'GRO BA DANG DGE TSUL NYID DU KHAS LEN PA'O, ,DE LA THA MA RAB TU CHAD PA NI DON GZHAN LA RJES SU 'GRO BA STE, BDAG DGE TSUL ZHES BYA BAR SLOB DPON GYIS GZUNG DU GSOL ZHES BYA BA RNAM PA GNYIS SU BYAS TE, GSUM NYID DU NGES PA YIN NO, ,BRJOD PA MA RDZOGS PA NYID LA CI'I PHYIR CHA GSUM PA LA 'DI LA 'JUG PA LA GRUB PA NYID 'BYUNG BA YIN TE, GANG ZHIG SLAR BYAS SO ZHES BYA BA STE, MTSAMS

9b

GCAD PA LA SOGS PA THAMS CAD LA CHO GA 'DI BLTA BAR BYA'O, ,DE LTAR NA GSANG STE STON PA LAS GSANG STE BSTAN PA MA RDZOGS PA LA SLOB DPON NYID DANG, DGE TSUL NYID DU NYE BAR SGRUB PA'I DUS 'DI LA LAS BYED PA 'DI LTA BU ZHES BYA BAS SO, ,GNAS SBYIN PA DANG KLOG PA PO DAG LA DUS GANG GI TSE NA ZHES BYA BA SHES PA MA YIN TE, GNAS SBYIN PA DANG KLOG PA PO DAG GI TSAD LA MI GNAS PA NYID KYI PHYIR RO, ,DE LA CI TZAM GYIS 'DI DAG LA SLOB DPON NYID DU BYA BA NYID BSHAD PAR BYA'O, ,GNAS SBYIN PA NI ZHAG GCIG GNAS NYID KYI PHYIR NYE BAR GNAS PA MTHAR THUG PAS ZHES BYA BA'O, , ZHAG GCIG CES BYA BA NI NYIN MO DANG MTSAN MO GCIG NI ZHAG GCIG STE, GNAS KYI SLOB DPON LA GNAS PA'I SLAD DU GNAS NYID KYI GANG ZHIG NYE BAR GNAS PA LA MTHAR THUG PA NYID GNAS SBYIN PA MTHAR THUG PA'O, ,DE LTAR YANG GZHUNG LAS GNAS KYI SLOB DPON NI GANG YIN ZHE NA, GANG ZHIG NYE BAR MTSAN MO GCIG KYANG GNAS PA NAS GNAS SU 'GYUR ZHES BYA BA'O, ,'DI NAS BRTZAMS TE 'DI LA YONGS SU RDZOGS PA'I NGO BO NYID TSU ROL DU NI REG PA TZAM MI 'GRO BA'I MTHAR THUG PA MA BYAS PA NYID KYIS YID LA NGES PAR 'BREL BZHIN PA NGES PA'I GRANGS SU 'GRO BAR 'OS PA MA YIN NO; KLOG PA NI TSIGS SU BCAD PA GCIG LAN GSUM BZLAS NA'O ZHES BYA BA NI GANG ZHIG DANG NYE BAR KLOG PA'I BSAM PAS TSIGS SU BCAD PA GCIG LAN GSUM DU BZLAS PA DE NI KLOG BA'I SLOB DPON NO, ,DE LTAR NA KLOG PA'I MTHAR THUG PA'O, ,DE LTAR YANG GZHUNG LAS, KLOG PA'I SLOB DPON GANG ZHE NA, GANG ZHIG DANG NYE BAR RKANG PA BZHI'I TSIGS SU BCAD PA YANG LAN GSUM BZLAS NAS 'DZIN PAR 'GYUR ZHES BYA BA'O, ,DE BAS NA 'DIR DRANG SRONG GI GZHUNG GI DGONGS PA 'DI MTSON PA YIN NO, ,KLOG PA'I SLOB DPON GYIS BRJOD PA'I KLOG PA PO'I RJES SU BRJOD PA NI 'DZIN PA'O, , LAN CIG BRJOD PA LA REG PA TZAM MA RDZOGS PA'I NGO BO'I KLOG PA YID LA NGES PAR 'BREL PA YIN NO, ,LAN GSUM DU BRTZAMS NAS MTHAR THUG PAR 'GRO BA DANG 'DRA BAR RGYUN BZHIN DU MTSON PA YIN NO, ,DE BAS NA KLOG PA'I MTHAR THUG BA 'DI RIGS PA YIN ZHES BYA BA'O, ,SLOB DPON RIN CHEN SENG

10a

, ,GES GSUNGS PA, MA THU RA'I KLOG PA RNAMS NI 'DI LTA BUR GYUR PA STE, 'DI LTAR MTHONG BA'I PHYIR RO, ,DES NI MDO 'DI BRTZAMS SO, ,'DI LTAR RIGS PA MA YIN TE, GANG GI PHYIR GANG ZHIG 'DI GZHUNG LA MA LTOS PAR MDO BYED PA YIN NO, ,DE LA 'THAD PA SMRAS PA, 'DI NI RIGS PA MED PAR MDO TZAM NYID DU NYE BAR 'BREL BA STE, DE BAS NA NGES PAR 'DI 'GA' ZHIG TU 'DI LTA BU'I NGO BO'I DRANG SRONG GIS MDZAD PA 'BYUNG BA YIN ZHES BYA BA'O, ,KLOG PA'I BSAM PA MED PAS BRJOD PA NI KLOG PA NYID MA YIN TE, KLOG PA'I BSAM PA MED PAS GANG ZHIG BRJOD PA NI KLOG PA NYID DU MI 'GYUR TE, DPER NA KHA TON BYED PA LA SOGS PA LTA BU'O, ,GOMS PAR BYA BA'I BSAM PAS KLOG PA LA THA SNYAD 'DI GRAGS PA NYID KYI PHYIR RO, ,DE LTA BAS NA 'DIR SLOB DPON NYID LA LTA BA MA YIN NO, ,DE GNYIS LA GZHAN DU NYE BAR MI BRJOD DO ZHES BYA BA STE, ,DE GNYIS NI MKHAN PO DANG SLOB DPON DAG GO, ,NYE BAR KLOG PA'I TSIG NI NYE BAR KLOG PA'O, ,TSE DANG LDAN PA DANG BTZUN PA DANG GNAS BRTAN GYI NYE BAR KLOG PA RNAMS KYIS NYE BAR KLOG PAR BYAS PA YIN NO, ,NYE BAR KLOG PA MED PA 'DI DAG GI MING GZUNG BA LA RGAN RIMS NYE BAR KLOG PA MED PA'I MING GZUNG BAR MI BYA ZHES BYA BA 'DI NYID KYIS BKAG PAR RIGS PAR BYA'O, ,SLOB DPON NI SLOB DPON NYID KYIS BRJOD PAR BYA'O, ,MKHAN PO YANG MKHAN PO NYID DO ZHES BYA BA'O, ,DE LTAR GZHAN LA MI BYA'O ZHES BYA BA NI MKHAN PO DANG SLOB DPON DAG LAS GZHAN PA'I GANG ZAG LA MKHAN PO DANG SLOB DPON GYI SGRA DAG GIS NYE BAR BRJOD PAR BYA BA MA YIN NO, ,DON GYI SLAD DU MTSAN NAS SMOS TE ZHES BYA BA DANG BCAS PAR MA SMRAS PAR MKHAN PO'I MING MI GZUNG NGO ZHES BYA BA STE, BCAS PAR ZHES BYA BA NI MKHAN PO'I GZUNG BAS SO, ,DON GYI SLAD DU MTSAN NAS SMOS TE ZHES BYA BA'I NGAG 'DI DAG DANG BCAS PAS MKHAN PO'I MING GZUNG BAR BYA STE, TSIG 'DI MA BRJOD PAR NI MA YIN ZHES BYA BA'I DON TO, ,DE YANG 'DI LA DE MA THAG PA DANG BCAS PAR BYED PA TSIG GANG LA 'DI NI 'JUG PA LOG PA ZHES BYA BA'I BLO'O, ,DGE TSUL NYID DU NYE BAR SGRUB PA'I CHO GA'O,, ,,DGE 'DUN LAS BSNYEN PAR RDZOGS PAR BYA'O

10b

ZHES BYA BA NI JI LTAR RAB TU 'BYUNG BA DANG DGE TSUL NYID DU KHAS LEN PA LTAR GANG ZAG LAS NI MA YIN TE, 'ON KYANG DGE 'DUN LAS BSNYEN PAR RDZOGS PAR BYA'O, ,MKHAN PO NYID DU PHYOGS PAR GYUR PAS LAS BYED PA DANG GSANG STE STON PA'I DGE SLONG LA GSOL BA GDAB PAR BYA'O ZHES BYA BA STE, MKHAN PO NYID DU PHYOGS PAR GYUR PA ZHES BYA BA NI BSNYEN PAR RDZOGS PA LA MKHAN PO NYID KYIS SO SOR NYE BAR GNAS PA'O, ,GSOL BA GDAB BAR BYA'O ZHES BYA BA NI GSOL BA GDAB PA'O, ,GSANG STE STON PA LA YANG GSOL BA GDAB PAR BYA'O, ,DGE SLONG LA ZHES BYA BA NI GSANG STE STON PA'I DON DU DGE SLONG GI TSIG STE; LAS BYED PA'I DON DU NI MA YIN NO, ,LAS BYED PA LA NI GANG ZHIG LAS KYI CHO GA GSUNGS PA DE NYID LAS DE LA DGE SLONG NYID GRUB PA'I PHYIR RO, ,MKHAN POR GSOL BAR BYA'O ZHES BYA BA NI DGE 'DUN GYI DBUS SU BSNYEN PAR RDZOGS PAR BYA BAS SO, ,DE RANG GIS DE LA CHOS GOS GSUM BYIN GYIS BRLAB PAR BYA'O ZHES BYA BA STE, DE ZHES BYA BA NI MKHAN PO'O, ,RANG GIS ZHES BYA BA NI 'DIR DBUGS DBYUNG BA'I CHO GA BREGS PA LA SOGS PA BZHIN DU CI NAS KYANG MA YIN TE, RANG GIS 'DI BYA'O ZHES BYA BA'I DON TO, ,DE LA ZHES BYA BA NI BSNYEN PAR RDZOGS PAR BYA BA LA'O, , TSOGS PA YOD PA LA DRAS SHING DRUB PAS BYIN GYIS BRLABS PAS KYANG NGO, ,MED PA LA GZHAN ZHES BYA BA GOS KYI GZHI LAS RTOGS PAR BYA'O, ,BYIN GYIS BRLAB PA NI CHA LUGS KYI DON NYID KYI PHYIR BYIN GYIS BRLABS PA'I DON DE MA THAG TU 'DI RNAMS BGO BAR BYA ZHES BYA BAR SHES PAR BYA'O, , LHUNG BZED KYANG MI CHUNG NGAM MI CHE 'AM MI SKYA 'AM ZHES DGE 'DUN LA BSTAN NAS SO ZHES BYA BA STE, BSTAN NAS ZHES BYA BA DGE 'DUN LA ZHES BYA BA 'DI DANG 'DI LA 'BREL TO, ,CI'I PHYIR BSTAN ZHE NA, MI CHUNG NGAM MI CHE 'AM MI SKYA 'AM ZHES BYA BA SMOS TE, SKYON 'DI YONGS SU SPANG BA'I DON DU RNAM PA 'DI LTA BU LA BYIN GYIS BRLABS PA RIGS PA MA YIN NO, ,DGE 'DUN LA BSTAN NAS SO ZHES BYA BA NI LHAG PAR GNAS PAR BYA'O ZHES BYA BA'I RJES SU 'JUG GO, ,THAMS CAD KYIS DE LTA BU NYID MA YIN TE LHUNG BZED BZANG NGO ZHES BRJOD PAR BYA'O ZHES BYA BA NI JI LTAR DGE SLONG RNAMS 'DU

11a

, ,PAS SO; ,DE LTA BU'I DNGOS BO NI DE LTA BU NYID DE CHUNG BA LA SOGS PA'I SKYON DANG LDAN PA NYID DO, ,DE LTA BU NYID MA YIN PA NI DE LTA BU NYID MA YIN PA STE, SKYON 'DI RNAMS DANG BRAL BA NYID CES BYA BA'I DON TO, ,BKAR NAS LAS BYED PAS GSANG STE STON PA LA GANG YIN ZHES BYA BAS SMAR BCUG STE SPRO BAR BYAS NAS DE DGE 'DUN LA GSOL BA'O ZHES BYA BA STE, BKAR NAS ZHES BYA BA NI DKYIL 'KHOR GYI GNAS NAS GZHAN DU STON PA'I NYE BAR GNAS PAR BYA BA LA GSANG STE STON PA LA GNAS PA'I LAS THOS PA'I NYE 'KHOR MA YIN PA NI 'DIR BKAR BA'I DON TE GZHAN MTHONG BA MA YIN NO, ,DE BAS NA GANG DU GNAS PA 'DI LA THOS PA'I NYE 'KHOR MA YIN PAR 'GRO BA DER ZHES BYA BA LAS KYI CHO GA RTOGS PAR BYA'O, ,MTHONG BA NYI BAR SPYAD BA LA 'DI 'CHAD PAR 'GYUR TE, TSOGS PA LA MNGON PAR PHYOGS SHING THAL MO SBYAR BA 'DI BKAR NAS GZHAG PAR BYA ZHES BYA'O, ,SU ZHIG CE NA, BKAR NAS ZHES BYA BA STE, MING 'DI ZHES BYA BA SU ZHIG GSOL BA BTAB PAR GYUR PA GSANG STE STON PA ZHES BYA BA'I SNGAGS 'DIS BDAG MING 'DI ZHES BGYI BA GSANG STE STON PA BTZAL NAS ZHES BYA'O, ,SPRO BAR BYAS NAS ZHES BYA BA NI KHYOD SGRO 'AM ZHES BYA BA LA SOGS PAS GSANG STE STON PA DE NYID LA'O, ,DE ZHES BYA BA NI GSANG STE STON PA'O, ,GSOL BAR BYA'O ZHES BYA BA NI 'DI'I DON DU LAS BYED PA POS GSOL BAR BYA'O, ,KHA CIG NI 'DIR SON PA'I SNGAGS LA DGE 'DUN GYIS MING 'DI ZHES BGYI BA'I GSANG STE STON PA LA YANG DAG PAR BSAMS PA ZHES BYA BA GANG ZHIG 'DON PAR BYED PA DE NI RIGS PA MA YIN TE, LAS BRJOD PA LA YANG BYA BA NYID DU THAL BA'I PHYIR DANG, 'DI RNAMS LA BLO MTHUN PAR GSOL BAR BYA BA 'DI ZHES BYA BA RNAM PAR GZHAG PA'O, ,DE BAS NA MING 'DI ZHES BGYI BA'I GSANG STE STON PA MING 'DI ZHES BGYI BA'I LKOG TU STON PAR BYED PA ZHES BYA BA 'DI LA GDON PAR RIGS PA YIN TE, DE BAS NA GSOL BAR BYA BA NI 'DI LTAR MDOR BYAS PA YIN TE BLO MTHUN PA NI MA YIN NO, ,KHYOD NYON CIG CES BYA BAS LKOG TU RJES SU BSTAN PAR BYA'O ZHES BYA BA NI GSANG STE STON PA ZHES BYA BA SHUGS KYIS RIG PAR BYA'O, ,TSE DANG LDAN PA KHYOD NYON CIG, KHYOD KYIS 'DI NI

11b

BDEN PA'I DUS YIN TE ZHES BYA BA LA SOGS PA'I SNGAGS LA KHYOD NYON CIG CES BYA BA'I TSIG 'DI DANG 'BREL PA'O, ,MA BOS KYI BAR DU MA 'ONG BAR SDOD CIG CES SMRAS NAS RJES SU BSTAN NA ZHES BYA BAS DGE 'DUN LA YONGS SU DAG PA GO BAR BYA STE ZHES BYA BA NI DGE 'DUN BTZUN PA RNAMS GSAN DU GSOL; ,MING 'DI ZHES BYA BAS BDAG GI DGE 'DUN LA RJES SU BSTAN PAS ZHES BYA BA'I SNGAGS KYIS SO, ,CI MCHI ZHIG GAM ZHES BYA BAS DGE 'DUN LA 'ONG BA ZHU BAR BYA'O, ,THAMS CAD KYIS GAL TE YONGS SU DAG NA'O ZHES BRJOD PAR BYA'O ZHES BYA BA NI DGE SLONG RNAMS KYIS BSNYEN PAR RDZOGS PA CIG GO, ,KHA CIG NI 'DI DANG SNGA MA LA RAB TU BYUNG BA'I DON DU ZHU BA'I TSIG LA LEN BRJOD PA YIN TE, GAL TE YONGS SU DAG NA'O ZHES DGE 'DUN THAMS CAD KYIS BRJOD PAR BYA'O, ,DES NA YONGS SU DAG GO ZHES BYA BA BRJOD PAR BYA BA DE NI MI 'THAD DE, GANG GI PHYIR BRJOD PA PO LA KHUR BKAL BA 'DI MIN TE, GSANG STE STON PAS DANG PO NYID DU BRJOD PA NYID KYI PHYIR RO, ,LAS BYED PAS BSNYEN PAR RDZOGS PA GSOL DU GZHUG GO ZHES BYA BA STE, BSNYEN PAR RDZOGS PA LA LTOS PA'O, ,DGE 'DUN LA GSOL NAS BAR CHAD DRI BAR BYA'O ZHES BYA BA NI, BAR CHAD YONGS SU DRI BA'I DON DU GSOL BA BYAS NAS SO, ,TSE DANG LDAN PA KHYOD NYON CIG ,'DI NI KHYOD KYI BDEN PA'I DUS, ,'DI NI KHYOD KYI 'BYUNG BA'I DUS TE ZHES BYA BA LA SOGS PA'I SNGAGS KYIS BAR CHAD YONGS SU DRI BA'O, ,BSNYEN BAR RDZOGS PA NYE BAR BSGRUB PAR BYA'O ZHES BYA BA NI GSOL BA DANG BZHI'I LAS KYIS TE, LAS BYED PA PO LA SKABS DON YIN PA'I PHYIR RO, ,DE MA THAG TU GRIB TSOD RIG PAR BYA'O ZHES BYA BA NI BSNYEN PAR RDZOGS PA NYE BAR BSGRUBS PA'I RJES SU GRIB TSOD BSNYEN PAR RDZOGS PA LA RIG PAR BYA ZHES BYA BA'I DON TO, ,DE MA THAG TU NI THOGS PA MED PA'O, ,JI LTAR RIGS PAR BYA BA NI CHA LHAG MA'I BYA BA'I TSAD BYA BA LA GTAN 'JUG PA MI RIGS PAS LAS BYED PA LAS GZHAN GYIS TSAD 'DI LA SBYAR BA'O ZHES BYA BA SMOS TE, DE YANG TSAD MA 'DI LA RKANG BA LA SOGS PA RNAMS LA GANG ZHIG CE NA, DE NI THUR MA SOR BZHI BAS BZANG NGO ZHES BYA BA SMOS SO, ,DE NI ZHES BYA BA NI TSAD DE RING BA NYID MED PA'I PHYIR

12a

, ,THUR MA SOR BZHI PAS TSAD MDZES PA'O, ,DE'I SKYES BU NYID DU BYA'O ZHES BYA BA NI BZANG ZHES SBYAR BAR RO, ,DE NI ZHES BYA BA NI THUR MA RNAMS DE TZAM DU SKYES BU GRIB MA BRJOD PAR BYA ZHES BYA BA'I DON TO, ,NYIN MTSAN GYI CHA SNGA DRO LA SOGS PA DANG ZHES BYA BA NI RIG PAR BYA ZHES BYA BA RJES SU 'JUG GO, ,SNGA DRO DANG GUNG GI ZHES BYA BA LA SOGS PA'I GZHUNG GIS GSUNGS SO, ,DUS TSOD KYANG NGO ZHES BYA BA NI RIG PAR BYA'O, ,DE DAG LNGA'O ZHES BYA BA NI DUS TSOD RNAMS TE, DGUN GYI DUS DANG, DPYID KYI DUS DANG, DBYAR GYI DUS DANG, DBYAR THUNG NGU'I DUS DANG, DBYAR RING PO'I DUS SO, ,'DI RNAMS KYI TSAD BRJOD PA YIN NO, ,DANG PO GNYIS NI ZLA BA BZHI BZHI'O ZHES BYA BA NI DGUN GYI DUS DANG DPYID KYI DUS SO, ,'OG MA NI ZLA BA GCIG GO ZHES BYA BA NI DBYAR GYI DUS SO, ,DE'I 'OG MA NI NYIN ZHAG GCIG GO ZHES BYA BA NI DE NI DBYAR GYI DUS LAS 'OG MA NI DBYAR THUNG NGU'I DUS TE NYIN ZHAG GCIG GO, ,THA MA NI DES ZLA BA GSUM DU MCHOG PA'O ZHES BYA BA NI NYIN ZHAG GCIG PO DES MA CHOG PA'I ZLA BA GSUM NI THA MA'I DUS TE DBYAR RING BO'I DUS SO, ,DUS TSOD BRJOD PA'I DE MA THAG TU BSNYEN PAR RDZOGS PAR BYAS PA TZAM LA LAS BYED PA POS GNAS RNAMS BRJOD PAR BYA'O ZHES BYA BA NI PHYAG DAR KHROD PA LA SOGS PA BZHI PO DE RNAMS SO, ,LTUNG BAR 'GYUR BA'I CHOS RNAMS DANG, DGE SBYONG DU BYED PA'I CHOS RNAMS KYANG NGO ZHES BYA BA STE, KHRO BA LA SLAR MI KHRO BA LA SOGS PA RNAMS BRJOD PAR BYA'O ZHES BYA BAR 'BREL TO, ,MCHOG TU 'DOD PAR BYA BA YANG DAG PA NYID KYIS RDZOGS PA NYID BRJOD NAS, TSUL KHRIMS KYIS MNYAM PAR GYUR BA NYID BSGRUB PA LA NGES PAR SBYAR BAR BYA'O ZHES BYA BA NI MCHOG TU 'DOD PAR BYA BAS NA MCHOG TU 'DOD PAR BYA BA YIN TE, GANG ZHIG KHYED LA SNGON BYUNG BA STON PAR BYED PA'O, ,BDAG GIS CI ZHIG THOB PAR 'GYUR RAM ZHES BYA BA LA SOGS PA DE NI DE'I 'DOD PA'O, ,DE'I RDZOGS PA NYID NI YOD PA NYID GZUNG NAS SU 'DI LA RAB TU BYUNG BA DANG BSNYEN PAR RDZOGS PA ZHES BYA BA LA SOGS PAS SO, ,SLAR RDZOGS PA NYID LA MTHUN PA'I MKHAN POS ZHES BYA BA LA SOGS PAS YANG DAG PA NYID BRJOD PA'O, ,RDZOGS PA

12b

NYID BRJOD NAS CI ZHIG BYA ZHE NA, TSUL KHRIMS KYIS MNYAM PAR GYUR PA NYID BSGRUBS PA LA NGES PAR SBYAR BAR BYA'O ZHES BYA BA SMOS TE, GANG DU BSNYEN PAR RDZOGS NAS LO BRGYA LON PA ZHES BYA BA LA SOGS PA'I TSUL KHRIMS KYIS MNYAM PAR GYUR PA NYID NI TSUL KHRIMS KYIS MNYAM PAR GYUR PA NYID DO; ,BSGRUB PA NI STEN PAR BYED PA'O, ,TSUL DANG 'BREL PA'I GZUGS BRNYAN DANG ZHES BYA BA NI NGES PAR SBYAR BAR BYA ZHES PA THAMS CAD DU DBANG DU BYED PAR RIG PAR BYA'O, ,TSUL DANG 'BREL PA NI PHA MA LTA BUR 'BREL PA'O, ,DE'I GZUGS BRNYAN NI DE PHYIN CHAD NAS MCHOG TU KHYOD KYIS MKHAN PO LA PHA'I 'DU SHES NYE BAR GZHAG PAR BYA'O ZHES BYA BA LA SOGS PAS SO, ,DE LTAR NA KHYOD KYIS KHYIM PA'I 'BREL BA DE GOMS PA SO SOR SPANG BAR BYA ZHES BYA BA'O, ,DUL BAR GNAS PA NYID DANG ZHES BYA BA NI DENG PHYIN CHAD KHYOD KYIS GUS PA DANG BCAS PAR ZHES BYA BA LA SOGS PAS SO, ,DGOS PA RJES SU BSGRUB PA YANG NGO ZHES BYA BA NI DENG PHYIN CHAD MCHOG TU KHYOD LA BSTAN PAR BYA ZHES BYA BA LA SOGS PAS SO, ,MA BRJOD PA YANG DAG PAR BLANGS PA YONGS SU SHES PA'I BSGRUB PAR 'GYUR BA NYID KYANG BRJOD PAR BYA'O ZHES BYA BA NI KHYOD LA 'DI DANG 'DI RNAMS BDAG GIS RGYA CHER ZHES BYA BA 'DI LTA BU LA SOGS PAS SO; ,DE NI MA BRJOD PAR YANG DAG PAR BLANGS PA'I TSUL KHRIMS LA GNAS PA LA YONGS SU SHES PA DE LTAR BSGRUB PAR 'GYUR ZHES BYA BA'O, ,GUS PA LAS YANG NGES PAR SBYAR BAR BYA'O ZHES BYA BA NI, KHYOD NI BSNYEN PAR RDZOGS PAR GYUR, ,ZHES BYA BA'I TSIGS SU BCAD PA DAG GIS DANG, SKYED PA ZHES BYA BA 'DIS DAL 'BYOR PHUN SUM TSOGS BA RNYED PAR DKAR BA NYID BSTAN PA YIN TE, GANG GI PHYIR MI KHOM PA GZHAN MED PAS KYANG THOB PAR BYA BA RNYED PA LA YANG THUGS BRTZE BA DANG LDAN PA RNAMS KYIS DAL 'BYOR PHUN SUM TSOGS PA'I MI'I LUS NYID 'DI LA RNAM PAR MA DAG PA'I GRANGS MANG PO NI BAR CHAD RNAMS DANG GZUGS NGAN PA NYID DE, DE BAS NA 'DI RNYED PAR DKA' BA'O, ,BSGRUB PAR BYA BA THABS BRJOD PA DANG BCAS PA LA YANG NGO ZHES BYA BA NI BRJOD PA DANG LHAN CIG TU NI BRJOD PA DANG BCAS PA'O, ,GANG GI DON DU RAB TU BYUNG BA NYID DANG BSNYEN PAR RDZOGS PA DE BSGRUB PAR BYA BA LA TSE

13a

, ,DANG LDAN PA KHYOD BSNYEN PAR RDZOGS ZIN GYIS BAG YOD PAR SGRUBS SHING CES BYA BA 'DIS NGES PAR SBYAR BAR BYA'O, ,'DI LTA STE KHYOD NI GNAS 'DI RJES SU THOB PA STE, DA NI 'DIR KHYOD KYIS MNGON PAR DGA' BAR BYA ZHES BYA BA'O, ,DANG PO PHYAG LAN GSUM BYAS NAS DGE 'DUN 'DUS PA'I NANG DU RJES SU BSTAN PA LA TZOG TZOG POR 'DUG PA'I MDUN DU SO PHAG BTING BA DAG GIS GSANG STE STON PA LA BSNYEN PAR RDZOGS PA LA GNAS PA'I LAG PA G-YON PAR LHUNG BZED BZHAG STE, LAG PA G-YAS PAS BKAB NAS ZHES BYA BA LA SOGS PA LAS KYI GZHIR 'CHAD PAR 'GYUR BA NYID KYI PHYIR 'DIR RJES SU 'BREL PA MA BYAS SO, ,BSNYEN PAR RDZOGS PA'I TSIG GA'O,, ,,GNAS PAS GNAS PA LA MA ZHUS PAR BYA BA MI BYA'O ZHES BYA BA LA SOGS PA LA MA ZHUS PA NI MA DRIS PA'O, ,MA DRIS PAR CUNG ZAD KYANG MI BYA'O ZHES BYA BA'I DON TO, ,BYA BA MTHA' DAG GNAS LA ZHU BAR BYAS PA THAL BA LA, BYA BA 'GA' ZHIG MA DRIS PAR YANG BYED PA BCOM LDAN 'DAS KYIS GSUNGS TE, DE'I PHYIR BSHAD PA DANG GCI BA DANG SO SHING DOR BA DANG NYE 'KHOR DANG BCAS PA'I GTZUG LAG KHANG DU MCHOD RTEN LA PHYAG BYA BA NI MA GTOGS SO ZHES BYA BA NI GANG ZHIG 'DIR NANG DU BYA BA'I GRANGS 'DRU BA LA SOGS PA'I BYA BAS MNGON PAR KHYAB PA DE NI 'DIR NYE 'KHOR DU RIG PA YIN NO, ,NYE 'KHOR DU LHAN CIG TU NI NYE 'KHOR DANG BCAS PA'O, ,DER MCHOD RTEN GANG ZHIG LA PHYAG 'TSAL BA'O, ,GTZUG LAG KHANG NAS 'DOM BZHI BCU RTZA DGU'I MTHA' TSUN CHAD DU 'GRO BA YANG NGO ZHES BYA BA NI MA GTOGS SO ZHES BYA BAR RJES SU 'BREL LO, ,GCIG GIS MA TSANG BA'I LNGA BCU ZHES BYA BA LA, A'A tA SA MTSAMS SBYAR BA'O, ,'DOM GCIG GIS MA CHOG PA'I JI SRID LNGA BCU'I MTHAR THUG PA ZHES BYA BA'I DON TO, ,GTZUG LAG KHANG GANG LA 'OBS SAM RA BA'AM 'KHOR SA GZHAN YOD PA DE LA GTZUG LAG KHANG GI MTHA' MA ZHES BYA BA'I NGES PAR RIG PA YIN NO, ,RA BA DU MA LA SOGS PA LA THAMS CAD KYI PHYI ROL LO, ,DE BAS NA DE'I PHYI ROL GYI LOGS KYI TSAD NI 'DI'I TSAD KYI THA MA'O, ,GANG ZHIG 'KHOR SA MED PA DE LA GTZUG LAG KHANG GI RTZIG

13b

BA NYID NI THA MA'O, ,'DIR GANG ZHIG 'OG TU SNGAR BSHAD PA'I NYE 'KHOR GYI GNAS DE LA BRTEN PA'I MCHOD RTEN NI PHYAG BTZAL BAR BYA BA 'DIR NYE BAR GNAS PA YIN NO, ,BCAG PAR BYA BA'I PHYIR RJES SU GNAD PA 'DI YIN TE, GZHAN YANG DE BAS NA MCHOD RTEN LA PHYAG BTZAL BA ZHES BYA BA'O, ,DER CI ZHIG BSGRUB PAR BYA ZHE NA, DE'I DON DU MA DRIS PAR 'GRO BAR MI BYA'O, ,BCAG PAR BYA BA'I PHYIR 'GRO BA NI PHYAG BTZAL BAR BYA ZHES BYA BA'O, ,BYA BA 'DI NI RNAM PA GNYIS TE, RTZOM PAR GYUR BA DANG MNGON PAR PHYAG 'TSAL BAR GYUR PA'O, ,DE LA GANG ZAG RTZOM PAR GYUR PA DE NYID BKAG PA YIN TE, MNGON PAR PHYAG 'TSAL BAR GYUR PA LA NI DGAG PAR BYA BA MA YIN PA NYID DU RNAM PAR GNAS PA YIN NO, ,'DI LTA STE GTAM 'DRE BA DANG PHEBS PAR SMRA BA DANG, PHAN TSUN KUN DGA' BAR BYA BA DANG, LAN GDAB PA DANG 'ONGS PA LEGS SO ZHES BRJOD PA LA SOGS PA DANG, LAG PA TSUR BSNYUGS PAS RKANG LAG DAG LA BYUG PA DANG, GOS LA RDUL CHAGS PA SPRUG PA DANG, DE LTA BU LA SOGS PA'O, ,DE NI MA ZHUS PAR YANG BYA STE, DE DAG ZHUS NA BZHAD GAD KYI GZHIR 'GYUR BA'I PHYIR RO, ,MCHIL LHAM DANG SO SHING DAD KLOG PA DANG KHA DON BYED PA DANG, NYE BAR BSDU BA RNAMS BYED PA DANG SO SOR 'DOD PA RNAMS LA DE'I RIGS CAN DGE SLONG DANG NYE BAR GNAS ZHES BYA BA'I KHYAD PAR YONGS SU 'DZIN PAS 'DIR MNGON PAR PHYAG 'TSAL BAR GYUR PA 'DOD PA YIN ZHES BYA BAR SHES PAR BYA'O, ,'DIR RAB TU BYUNG BA GDUG PA CAN SHES PA 'AM, DOGS PA MA DRIS PAR YONGS SU SPANG BAR BYA BA MA YIN TE, GZHAN NI MA YIN NO, ,GANG GI PHYIR KLOG PA 'AM KHA DON BYED PA LA NYE BAR BSDU BA DE DAG RJES SU MTHUN PA'I DUS LA NYE BAR BSDU BA BYA BA MA YIN NO ZHES BYA BA LA SOGS PA LA BYA BA NYID KYIS RAB TU SHES SO, ,MNGON PAR PHYAG 'TSAL BA'I RNAM PA NYID KYIS 'DI'I YID LA NGES PAR GNAS SO, ,GDUG PA CAN LA MI MTHUN PA'I RJES SU 'GRO BA CAN NYID KYIS 'DI SO SOR SMRA BAR GYUR PA NA RTZOM PA NYID KYIS GRAGS PA NYE BAR 'GRO BA YIN TE, DE BAS NA DE LA 'BAD PAR BYA ZHES BYA BAS 'DIR DGONGS PA MTHONG BA YIN NO, ,CHU 'THUNG BA LA YANG MA ZHUS PAR BYED PA BAR DU GCOD PA

14a

, ,'DIS BYAS PAR RIG PAR BYA'O, ,GANG GI PHYIR 'DI NI RNAM PA GNYIS YIN TE, RDUL DANG BRAL BA'I YAN LAG RNAMS LA CHUS YANG DAG PAR REG PA'O, ,GNAS PA'I TSUL KHRIMS BRJOD PAR BYA STE, LHUNG BZED DANG CHOS GOS KYI LAS DANG, NAD G-YOG DANG 'GYOD PA BSAL BA DANG, SDIG PA CAN GYI LTA BA'I RNAM PA SPONG BA LA AE MA'O BDAG GIS BYA'O ZHE 'AM, BYED DU 'JUG GO ZHES BRTZON PA CHEN POS BSGRUB PAR BYA'O ZHES BYA BA LA, 'DIR KHA CIG NI MTSON GYI LAS KYANG 'DON PA YIN TE, DE CHOS GOS KYI LAS LAS LHAG PA MED PA'I PHYIR GZUNG BAR MI BYA'O, ,NAN TUR BYED PAR 'DOD PA'I DGE 'DUN LA AE MA'O DGE 'DUN GYIS 'DI LA NAN TUR GYI LAS 'DI LTA BU MI BYA'O ZHES KYANG NGO ZHES BYA BA LA NAN TUR BYED PAR 'DOD PA LA ZHES BYA BA NI GDON PAR 'DOD PA LA SOGS PA'I NAN TUR GYI LAS BYED PAR 'DOD PA'I DGE 'DUN LA'O, ,AE MA'O DGE 'DUN GYIS 'DI LA ZHES BYA BA NI RTEN LA'O; ,NAN TUR GYI LAS 'DI LTA BU MI BYA'O ZHES KYANG NGO ZHES BYA BA NI BRTZON PA SHAS CHEN POS BSGRUB PAR BYA BA DANG, LDOG PAR BYA BA DANG, JI SRID DU BZOD PAR BYA BA ZHES BYA BA THAMS CAD DU 'DI RJES SU 'BREL PAR RIG PAR BYA'O, ,BYAS NA BZOD PAR BYA'O ZHES BYA BA NI NAN TUR GYI LAS BYAS PA LA, AE MA'O DGE 'DUN GYIS 'DI LA BZOD PAR BYA ZHES BYA'O, ,SBO BA DANG GZHI NAS SPO BAR BYA BA DANG, MGU BAR BYA BA DANG, GZHI NAS MGU BAR BYA BA DANG, DBYUNG BAR 'DOD PA'I GNAS LA AE MA'O DGE 'DUN GYIS 'DI LA SPO BA LA SOGS PA BZHI PO SBYIN PAR BYA ZHING DBYUNG BAR 'DOD PA LA AE MA'O PHYUNG SHIG CES BYA BA'O, ,DES KYANG 'DI LA DE BYAS TE ZHES BYA BA LA DES KYANG ZHES BYA BA NI GNAS SO, ,DE ZHES BYA BA NI LHUNG BZED DANG CHOS GOS KYI LAS LA SOGS PA'O, ,'DI LA NI GNAS PA LA BYA'O, ,ZHU BA NI MA GTOGS SO ZHES BYA BA NI ZHU BA GCIG TU DOR NAS SO, ,BSNYEN PAR RDZOGS NAS LO BCU MA LON PAR MKHAN PO NYID DANG GNAS NYID DANG RANG MI GNAS PAR 'DUG PAR MI BYA'O ZHES BYA BA NI BSNYEN PAR RDZOGS NAS GANG ZHIG LO BCU MA LON PAR DES 'DI GSUM MI BYA'O, ,BSNYEN PAR RDZOGS NAS LO BCU LON PAS KYANG 'OG NAS 'BYUNG BA DAG LAS LHAN CIG SBYAR BA GANG DANG YANG MI LDAN PAS

14b

NI MA YIN NO ZHES BYA BA GANG ZHIG 'OG NAS 'CHAD PAR 'GYUR BA'I YAN LAG LNGA DANG LDAN PA'I LHAN CIG SBYAR BA RNAMS NI DE RNAMS LAS GANG YANG RUNG BA DAG CIG GIS KYANG YANG DAG PAR LDAN PA 'OS PA STE, GZHAN NI MA YIN ZHES BYA BAR DGONGS PA'O, ,DE LTA NA YANG JI SKAD DU GSUNGS PA, CHOS LNGA PO GZHAN RNAMS KYIS KYANG YANG DAG PAR LDAN PAS ZHES BYA BA 'DIR 'DI DANG 'DI RNAMS GZHAN GYIS KYANG ZHES BYA BA'I BSDUS PA RNAM PAR SHES PAR BYA BA MA YIN TE, 'ON KYANG RE ZHIG 'DI RNAMS KYIS KYANG BYA ZHES BYA BA SMOS TE, 'DI RNAMS KYIS KYANG GZHAN DAG GIS ZHES BYA BA GANG YANG RUNG BA CIG GIS ZHES BYA BA'I RNAM PAR SO SOR RTOG PA'O, ,'DI CI'I PHYIR ZHE NA LNGA PO 'DI RNAMS THAMS CAD MED PA'I PHYIR DE NI GZHAN LA'O, ,LNGA PO DANG PO LA NI LO BCU NYID YAN LAG TU SMRA TE, BSNYEN PAR RDZOGS SHING LO BCU LON PAS YIN ZHES BYA BAS NI LO BCU LON PA NYID YAN LAG TU GSUNGS SO, ,DE BAS NA 'DI LO BCU LON PA NYID GYIS TSIG DANG PO PHYI MA THAMS CAD KYI YUL YONGS SU 'DZIN PA 'DI ZHES BYA BA GRAGS PA'I DON DU'O, ,'DUL BA NI DON NYID GNAS PA STE, LO BCU LON PA YOD PA LA MKHAN PO BYED PA LA SOGS PA LA RGYU YIN TE, LHAG MA DER KHYAD PAR DU GYUR PA NYID GAL TE YOD PA KHYAD PAR NYID DANG BCAS PA NI MCHOG GI CHO GA'O, ,GAL TE MIN NA 'DI TZAM LA 'DIR BSTEN PAR BYA'O, ,JI LTAR SLOB PA NYID LA SOGS PA'I KHYAD PAR LA 'DA' BA NYID DE BZHIN DU LO BCU LON NAS 'DUL BA'I DON LA GNAS PA 'DI YANG MA YIN NO ZHES BYA BA'O, ,DA NI LHAN CIG SBYAR BA DE RNAMS BRJOD PAR BYA STE, NAD G-YOG DANG 'GYOD PA BSAL BA DANG SDIG PA CAN GYI LTA BA'I RNAM PA SPANG PA DANG GNAS MNGON PAR MI DGA' BA DOR BA DAG LA BYED DAM BYED DU 'JUG NUS PA'O ZHES BYA BA NI 'GYOD PA BSAL BAR BYED PA'I NUS PA'I TSIG GIS 'DUL BA'I DON LA GNAS PA BSTAN PA'O, ,SDIG PA CAN GYI LTA BA'I RNAM PA SPANG BA ZHES BYA BA'I TSIG GIS CHOS MNGON PA LA MKHAS PA NYID LA'O, ,GNAS MNGON PAR MI DGA' BA DER BA'I TSIG GIS BSAM PAR SHES PA NYID DANG NGAG 'DZIN PA NYID LA YANG NGO, ,'DIR BYED DU 'JUG PA'I SGRAS NI MI NUS PAS KYANG BYED PA ZHES BYA BA

15a

, ,SHES PAR BYA BA MA YIN NO, ,'ON KYANG GDUL BYA'I DBANG GIS SHES PAR BYA BA NYID YOD PA LA GZHAN 'JUG PA LA BYA BAR 'GRO BAR NUS PA NYE BAR BZUNG BA NYID DO, ,DE LTAR NA 'DIR SHIN TU 'DA' BAR BYA BA MA YIN PA'I BYED DU 'JUG PA'I DON 'DUL BA LA GNAS PA NYID LA SHIN TU 'DA' BAR BYED PA MED PAR 'GYUR BA MA YIN NO, ,SLOB PA NYID YAN CHAD LNGA BA NYID MA YIN PA LA TSUL KHRIMS DANG LDAN PA NYID DANG MANG DU THOS PA NYID DANG SBYAR RO ZHES BYA BA LA, SLOB PA NYID DANG MI SLOB PA NYID CES BYA BA 'DI LAS YAN CHAD GANG LHAN CIG TU BRJOD PA'I LNGA PA MA YIN PA NYID 'DI LTA STE, DAD PA DANG TSUL KHRIMS LA SOGS PA LAS GZHAN PA'I LHAN CIG SBYAR BA RNAMS TE, TSUL KHRIMS DANG LDAN PA NYID DANG MANG DU THOS PA NYID DANG BCAS PA SBYAR BAR RIG PAR BYA'O, ,TSUL KHRIMS DANG LDAN PA NYID DANG MANG DU THOS PA NYID DAG DANG BCAS PA LNGA BA'O, ,'DIR TSUL KHRIMS DANG LDAN PA NYID NI TSUL KHRIMS 'CHAL PA DANG LHAN CIG TU GNAS PA MI RIGS PAS KHYAD PAR CAN TE, GANG GIS 'DI DGE'O ZHES BYA BAR BSAM PAR BYED PA DE RIG PAR BYA'O, ,SLAR MANG DU THOS PA NYID NI LHAN CIG SBYAR BA GANG LA SDE SNOD RNAMS 'DZIN PA YOD PA DE LA DE'I MI MTHUN PA'I PHYOGS SU GYUR PA PHA ROL GYI GTZO BO LA SOGS PA DANG, DNGOS PO DANG TSIG DANG NGAG LA SOGS PA'I YAN LAG RNAMS DANG, TSIGS SU BCAD PA RNAM PAR BSAGS PA LA SOGS PA RNAMS DANG, BZHAD GAD DANG SNGON BYUNG BA LA SOGS PA RNAMS LA MNGON PAR SHES PA NYID GANG LA YOD PA MA YIN PA DE SDE SNOD RNAMS 'DZIN PAR RTOGS PAR BYA'O, ,SDE SNOD MNGON PAR SHES PA NYID DO ZHES BYA BA NI MDO SDE DANG, 'DUL BA DANG, MA MO MNGON PAR SHES PA NYID DANG, TSUL KHRIMS DANG LDAN PA NYID DANG MANG DU THOS PA NYID DANG SBYAR NAS LNGA'O, ,'DUL BA LAS GSUNGS TE, MDO SDE 'DZIN PA DANG, 'DUL BA 'DZIN PA DANG MA MO 'DZIN PA'O, , MDO SDE LA GSAL BA DANG, 'DUL BA LA GSAL BA DANG, MA MO LA GSAL BA'O, ,MDO SDE LA MKHAS PA DANG, 'DUL BA LA MKHAS PA DANG, MA MO LA MKHAS PA'O, ,MDO SDE LA RIG PA DANG, 'DUL BA LA MKHAS PA DANG, MA MO LA MKHAS PA'O, ,MDO SDE LA RIG PA DANG, 'DUL BA LA RIG PA DANG MA MO LA RIG PA ZHES BYA'O, ,DE LA MDO SDE LA SOGS PA BZUNG BA MI

15b

BRJED PA NI 'DZIN PA LA, ,'DI NI SDE SNOD GSUM YIN TE, GCIG TU GNAS PA LA GNAS LA MTHONG BAS 'DRES PAR GNAS PA'O, ,DE LTAR GNAS PA 'DI LA GANG ZHIG MA 'DRES PA YONGS SU DPYOD PAR NUS PA 'DI NI MKHAS PA NYID DO, ,LUNG DANG RIGS PA DAG GIS MDO SDE LA SOGS PA SBYOR BA 'DI NI RIG PA NYID DO; ,DE LTAR SBYAR BAS GANG ZHIG GZHAN LA STON PAR NUS PA 'DI NI GSAL BA NYID DO, ,MI BRJED PA DANG LHAN CIG TU 'DI THAMS CAD MNGON PAR SHES PA NYID CES BYA BA SPYIR MNGON PAR SHES PA'I TSIG GIS GSUNGS SO, ,DE DAG 'DZIN DU 'JUG NUS PA NYID DO ZHES BYA BA NI MDO SDE RNAMS MNGON PAR MI SHES PA LA DE RNAMS LA 'DZIN DU 'JUG CING GO BAR BYED NUS PA YIN NO, ,DE BAS NA SDE SNOD MNGON PAR SHES PA'I TSIG 'DI KHYAD PAR NYID LA RIG PAR BYA'O, ,LHAG PA'I TSUL KHRIMS DANG SEMS DANG SHES RAB LA SLOB PA NYID DO ZHES BYA BA LA, SLOB PA'I DNGOS PO NI SLOB PA NYID DE GNYIS LDAN GYIS GCIG DANG LDAN PA'I DNGOS PO'O, ,LHAG PA'I TSUL KHRIMS KYI TSIG GIS 'DUL BA'I LUGS THAMS CAD GSUNG BA YIN NO, ,LHAG PA'I SEMS KYI TSIG GIS NI BSAM GTAN RNAMS SO, ,LHAG PA'I SHES RAB KYI TSIG GIS NI BDEN PA MTHONG BA'I GOMS PA LA'O, ,SLOB TU 'JUG KYANG NUS PA NYID DO ZHES BYA BA NI LHAG PA'I TSUL KHRIMS LA SOGS PA YID CHES PA BSKYED PA'I DON DU KYANG GI SGRA BYAS PA YIN GYI THA DAD PA RTOG PA'I DON DU NI MA YIN NO, ,LHAG PA'I TSUL KHRIMS LA SOGS PA LA MI SLOB CING DES SLOB PA LA STOBS DANG LDAN PAR GYUR PA MA YIN NO, ,SLOB PA ZHES BYA BA'I TSIG GIS 'DI BYE BRAG YIN PAR RIG PAR BYA'O, ,LHAG PA'I SPYOD PA DANG 'DUL BA DANG SO SOR THAR PA LA YANG DE BZHIN NO ZHES BYA BA LA, DE BZHIN NO ZHES BYA BA 'DIS SLOB PA NYID LA 'JUG NUS PA NYID DAM SLOB TU 'JUG PA LA ZHES BYA BA 'DI GZUNG BA'O, ,DE BAS NA LHAN CIG SBYAR BA 'DI DAG GNYIS SU GYUR PA YIN TE; DE LA LHAG PA'I SPYOD PA NI RIG PAR SPYOD PA CAN NO, ,'DUL BA NI LHAG PAR GYUR PA'O, ,SO SOR THAR PA'I BSLAB PA RNAMS DANG, GZHI'I CHO GA RNAMS YAN LAG DANG BCAS PA NI, SO SOR THAR PA STE, DE ZHES BYA BA NI MDOR GTOGS PA'I BSLAB PA'I GZHI RNAMS SO, ,DAD PA DANG

16a

, ,TSUL KHRIMS DANG THOS PA DANG GTONG BA DANG SHES RAB PHUN SUM TSOGS PA NYID DO ZHES BYA BA LA, TSUL KHRIMS KYI TSIG GIS NI 'DIR 'DUL BA BZUNG BA YIN NO, ,TSUL KHRIMS DANG TING NGE 'DZIN DANG SHES RAB DANG RNAM PAR GROL BA DANG DE SHES PA DANG MTHONG BA RNAMS KYANG NGO ZHES BYA BA PHUN SUM TSOGS PA NYID DO ZHES BYA BA DANG RJES SU 'BREL TO, ,TSUL KHRIMS PHUN SUM TSOGS PA'I TSIG GIS 'DIR 'DUL BA GRAGS PA NYID YIN GYI GZHAN DU NI MA YIN NO, ,DGE SLONG GI TSUL KHRIMS PHUN SUM TSOGS PA DANG LDAN PA LA YANG DAG PAR 'BYUNG BA YIN NO ZHES BYA BA'O, ,DE SHES PA ZHES BYA BA LA DE'I SGRAS NI RNAM PAR GROL BA BZUNG BA YIN TE, RNAM PAR GROL BA'I YE SHES MTHONG BA ZHES BYA BA'O, ,BRTZON 'GRUS BRTZAMS PA NYID DANG SHES RAB DANG LDAN PA NYID DANG YANG SBYAR RO ZHES BYA BA NI SLOB PA NYID YAN CHAD TSUL KHRIMS DANG LDAN PA NYID DANG MANG DU THOS PA NYID CES BYA BA 'DI LA YANG GI SGRAS NI SO SOR NYE BAR GNAS PA 'DI'I 'OG TU SLOB PA NYID YAN CHAD GANG ZHIG LHAN CIG TU GSUNGS PA LNGA PA MA YIN PA DE NI BRTZON 'GRUS BRTZAMS PA NYID DANG SHES RAB DANG LDAN PA NYID DAG GIS LHAN CIG TU BRJOD PAR RIG PAR BYA'O, ,TSUL KHRIMS DANG LDAN PA NYID DANG MANG DU THOS PA NYID DAG GIS KYANG GSUM PO 'DIR RE RE LAS GROL BA RNAMS SO, ,DRAN PA DANG LDAN PA NYID DANG NANG DU YANG DAG PAR BZHAG PA NYID DANG MNYAM PAR BZHAG PA NYID DO ZHES BYA BA NI DE RNAMS LA BZHI PO 'DI KHA SKOR BA YIN TE, TSUL KHRIMS DANG LDAN PA DANG, MANG DU THOS PA DANG, BRTZON 'GRUS BRTZAMS PA NYID DANG; SHES RAB DANG LDAN PA NYID DANG, DRAN PA DANG LDAN PA YIN TE, SLAR BZHI PO 'DI BRJOD NAS NANG DU YANG DAG PAR BZHAG PA NYID YIN NO ZHES BYA BA BRJOD PAR BYA BA DANG, SLAR MA NYAM PAR BZHAG PA NYID CES BYA BA'O, ,SLOB PA NYID DO ZHES BYA BA NI SLOB PA'I TSUL KHRIMS KYI PHUNG PO DANG YANG DAG PAR LDAN PA YIN PA DANG, SLOB PA'I TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO DANG ZHES BYA BA 'DIS BSDUS PA YIN NO, ,MI SLOB PA NYID DO ZHES BYA BA NI MI SLOB PA'I TSUL KHRIMS KYI PHUNG PO DANG ZHES BYA BA LA SOGS PA LA,

16b

GANG ZHIG 'DI DAG LA CHOS NYID DANG RNAM PAR NGES PA'I TSUL KHRIMS DE LA GANG ZHIG LEGS PA DANG MI LEGS PA NYID YONGS SU SHES PA DE NI RE ZHIG 'DI DAG LAS RTOGS PA 'BYUNG BA YIN NO, ,GANG ZHIG LTUNG BA RNAM PAR GZHAG PA YONGS SU SHES PA DANG, LHAG MA'I 'DUL BA'I CHO GA LA YANG GANG ZHIG DE LA YANG 'DI DAG LO BCU LON PA LA SOGS PA NYID RANG DGAR RNAM PAR GNAS PA NGES PAR 'BAD PA BYAS ZHES BYA BA 'DI LA SHIN TU 'DA' BAR MA BYAS PAR BYED DU 'JUG PA SHIN TU 'DA' BAR BYAS PA MA YIN BAR RIG PAR BYA'O, ,BYUNG BA DANG BCAS PA DANG RJES SU BCAS PA DANG BKAG PA DANG GNANG BA MNGON PAR SHES PA NYID DO ZHES BYA BA NI 'DI LAS 'DI BYUNG ZHES BYA BA BSLAB PA'I GZHI BSKYED PA'I RGYU LA BSKYED PA'I SGRAS BRJOD DO, ,BSLAB PA'I GZHI RNAM PAR GZHAG PAR BYED PA NI BCAS PA'O, ,BYAS PA'I TSIG GIS NI 'DI TZAM DANG NYES PA SBOM PO'I LTUNG BA BSHAGS PAR BYA ZHES BYA BA LA SOGS PA YANG GZUNG NGO, ,'DI NI 'DIR SLAR BKAG PA DANG GNANG BA MNGON PAR SHES PA NYID CES BYA BA NI RJES SU BCAS PA'O, ,DPER NA MCHIL LHAM RJES SU GNANG BAS KRIG KRIG BYED PA ZHES BYA BA LA SOGS PA'I BYE BRAG BKAG PA'O, ,DUS MA YIN PA'I KHA ZAS BKAG KYANG NAD PA LA SMAN PA'I TSIG GIS GNANG BA'O, ,SHIN TU NAS KYANG 'DI MI BYA ZHES BYA BA BSGRUB PA NI BKAG PA'O, ,DPER NA RTZVA MCHOG GIS KYANG CHANG MI BTUNG BA DANG MI TSANGS PAR SPYOD PA LA SOGS PA LA'O, ,GNANG BA MNGON PAR SHES PA NYID DANG ZHES BYA BA NI SLAR BYA BA GANG ZHIG BYED PA LA SKYON MED PA DER 'JUG PA LA MI BYED DAM BYED NA 'JUG PA LA'O, ,DPER NA PHAS KYI RGOL BA TSAR GCAD PA'I PHYIR PHYI ROL GYI BSTAN BCOS RNAMS BKLAG PAR BYA ZHES BYA BA LA SOGS PA 'DI LA MI BYED PA DANG MI BYED PA LA LTUNG BA'I SKYON 'GA' YANG MED DE NGAS RJES SU GNANG NGO ZHES GSUNGS PA LTA BU'O, ,BYA BA DANG BYA BA MA YIN PA YONGS SU SHES PA 'DI TZAM NI 'DUL BA SO SO LAS SHES PAR BYA'O; ,'DI NI 'DUL BA SHES PA MA YIN PA NYID GCIG TU LNGA PAS BSTAN PA DANG LTUNG BA LA SOGS PA LNGA PAS KYANG RIG PAR BYA'O, ,BAR DU GCOD PA DANG BAR DU GCOD PA MA YIN PA MNGON PAR SHES PA NYID DANG, SMRA BA PO NYID DANG, RJES SU STON PA NYID DANG ZHES BYA BA NI BAR DU GCOD PA DANG BAR DU GCOD PA MA

17a

, ,YIN PA MNGON PAR SHES PA NYID DANG SMRA BA PO NYID DANG ZHES BYA BA'I BSDU BA'O, ,GANG ZHIG 'DUL BA LA BYA BA MA YIN PA DE NI BAR CHAD DO, ,GANG ZHIG DE NI BAR CHAD MA YIN PA'O, ,DE DAG LA MNGON PAR SHES PA NYID DO, ,GNYIS PO 'DI NI 'DUL BA LA GNAS PA'I DON NYID BSTAN TO; ,SMRA BA PO NYID NI SLAR SMRA BA'I PHYIR DANG RTOGS PA'I PHYIR GNYIS PO 'DI LA MKHAS PAR 'GYUR BA'I NUS PA 'AM LE LO MED PA NYID DO, ,RJES SU STON PA NYID NI RNAM PAR BZLOG PA LA YANG DAG PAR GNAS PA NYID DANG RJES SU MTHUN PAR SMRA BA PO NYID DE, LE LOR GYUR PA LA YANG RAB TU 'JUG PA DANG, RJES SU MTHUN PA'I SMRA BA PO DANG, RJES SU STON PAR BYED CES BYA BA 'DON PA 'DIS NI 'DON PA 'DI'I DON 'DI BRJOD DO, ,KHA CIG NI 'DI DAG GI GNAS LA GDAMS NGAG DU BYED PA DANG, RJES SU STON PAR BYED PA ZHES BYA BA 'DON PA YIN TE, DE LA RJES SU STON PAR BYED PAR 'GYUR ZHES BYA BA 'DI DANG MTSUNGS PA'O; ,GDAMS NGAG TU BYED CES BYA BA NI YID LA BYED PA'I DON DU GDAMS NGAG GANG ZHIG DE LA 'DIS BRJOD PA'O, ,'DI'I DON DU RAB TU BYUNG BA NYID DO, ,DE BAS NA 'DIR BYE BRAG TU 'KHOR BSDUS PA 'DI 'OS PA YIN TE ZHES BYA BA 'DI'I NYE BAR BSDUS PA'O, ,LHAN CIG 'DZIN DU 'JUG NUS PA NYID KYI GNAS SAM NYE BAR GNAS 'DZIN DU 'JUG NUS PA NYID 'DI DANG LHAN CIG TU YAN LAG BZHI PO 'DI RNAMS SHES NAS GNYIS PO 'DI DAG LHAN CIG SBYAR BAS TE, GCIG NI GNAS LA BRTEN PA 'DIR BCUG NAS GZHAN NI NYE BA'I GNAS LA GNAS PA ZHES BYA BA BSTAN PA'I DON DU 'AM GYI SGRA'O, ,MKHAN PO GZHAN DU 'CHAG PA LA GNAS 'DZIN DU 'JUG NUS PA NYID NYE BAR SBYAR BA YIN NO, ,MKHAN PO GZHAN DU GNAS PA LA DE SRID KYI DUS LA DGONGS PAS 'JUG PA DANG GNAS PA LA DGONGS PA 'GA' ZHIG GI DBANG GIS NYE BAR GNAS 'DZIN DU 'JUG PA NUS PA NYID DANG SBYAR RO, ,LTUNG BA DANG LTUNG BA MA YIN PA DANG YANG BA DANG LCI BA NYID MNGON PAR SHES PA NYID DANG SO SOR THAR PA DANG RGYAS PA THON PA NYID DO ZHES BYA BA NI DE LA LTUNG BA DANG LTUNG BA MA YIN PA DANG, MNGON PAR SHES PA NYID LA BYA BA NYID DANG, BYA BA MA YIN PA NYID DANG RNAM PAR SBYAR BA LA GNAS PA'I SLAD DU NYE BAR SBYAR BA LA DGONGS SO, ,YANG BA DANG LCI BA NYID MNGON

17b

PAR SHES PA NYID NI LTUNG BA SBOM PO BSHAGS PA LA DGONGS PA'O, ,SO SOR THAR PA DANG RGYAS PA THON PA NYID KYIS NI 'DUL BA LA GNAS PA'I DON NYID BSTAN TO, ,RGYAS PA'I SGRA 'DIS NI 'DUL BA MTHA' DAG BSDUS PA NYID DO, ,SO SOR THAR PA DANG RGYAS PA'I SGRA NI RNAM PAR 'BYED PA LAS LHAG PA'I GZHI DANG PHRAN TSEGS LA SOGS PA STON PAR BYED PA ZHES BYA BA SHES PAR BYA BA YIN TE, SO SOR THAR PA RGYAS PAR 'GYUR BA NYID KYI PHYIR RO, ,DANG PO THAMS CAD LA YANG SO SOR THAR PA LAS 'BYUNG NGO, ,GANG ZHIG YANG DGE SLONG DANG DGE SLONG MA RNAMS LHAN CIG TU ZHES BYA BA 'DI LAS RAB TU 'BYUNG BA'I GZHI 'BYUNG BA'O, ,GSO SBYONG GI TSIG TSE DANG LDAN PA RNAMS ZHES BYA BA LA GSO SBYONG GI GZHI 'BYUNG NGO, ,GSO SBYONG GI BYE BRAG NI DGAG DBYE STE, DBYAR MA TSANG BA ZHES BYA BAS DBYAR GYI GZHI 'BYUNG NGO, ,'DI NYID KYI PHYIR DGAG DBYE'I GZHI LA DBYAR GNAS PA DANG 'BREL BAS RNAM PAR GZHAG PA'O, ,TSUL KHRIMS LA GNAS PA LA NI SRA BRKYANG ZHES BYA BA SRA BRKYANG GI GZHI 'BYUNG NGO, ,GOS KYI MTHAR THUG PA'I DGE SLONG ZHES BYA BAS GOS KYI GZHI 'BYUNG NGO, ,GOS KYI PHYOGS NI KO LPAGS DANG SMAN GYI PHYOGS ZHES BYA BA DE LAS LDANG BAR BYED DU 'JUG PA NYID KYIS KO LPAGS KYI GZHI 'BYUNG BA DANG, DGE SLONG NAD PA RNAMS LA BCOM LDAN 'DAS KYIS GANG ZHIG SMAN DE RNAMS GNANG BA ZHES BYA BA DES SMAN GYI GZHI 'BYUNG BA'O, ,TSE DANG LDAN PA RNAMS MA 'ONGS PA RNAMS LA 'DUN PA DANG YONGS SU DAG PA ZHU BAR GYIS SHIG ,DGE 'DUN DBYE BA'I PHYIR GZHAN DU 'GRO BAR MA BYED CIG CES BYA BA LA SOGS PA LA KOO SH'AMB'I'I GZHI 'BYUNG BA'O, ,DGE 'DUN DBYE BA'I PHYIR GZHI DANG 'DI LAS KYANG RAB TU 'BYUNG BA LA SOGS PA'I LAS YANG DAG PAR MTSON PAS MA THOB PA NYID 'DIR GNAS PA ZHES BYA BA'I TSIG 'DI LAS KYI GZHI 'BYUNG NGO, ,DGE SLONG KUN NAS 'DOD PAS DGE 'DUN LA YONGS SU GNAS PAR BYA'O ZHES BYA BAS SKYA BA DANG DMAR BA'I GZHI 'BYUNG NGO, ,MI 'DOD PA NYID KYIS BYA BA LA SOGS PAS SPONG BA'I GZHI 'BYUNG NGO, ,GANG ZHIG LTUNG BA RNAM PAR GZHAG PA'I SLAD DU BYED PA BSTAN PA DANG, DGE 'DUN LHAG MA SO SOR BSHAGS PA RNAMS LA DE NAS GSO SBYONG GZHAG PA'I GZHI 'BYUNG BA'O, ,DGE SBYONG RNAMS KYI GNAS PA NI CHEN PO YIN TE ZHES BYA BAS GNAS

18a

, ,MAL GYI GZHI 'BYUNG NGO, ,RTZOD PA LA NUS PA'I BSTAN PA DOR NAS KYANG LTUNG BA DANG DE GSO BA'I RNAM PAR GZHAG PAS RTZOD PA'I GZHI 'BYUNG NGO, ,BRJOD PA'I YAN LAG TU GYUR PA DE'I RIGS CAN TSUL KHRIMS GZHAN BYA BA RNAM PA GNYIS YIN NA SO SOR THAR PA DANG GZHI RNAMS KYI LHAG MA'O,, PHRAN TSEGS RNAMS DANG MA MO LA BRTEN PA'I GZHI RNAMS KYI RGYU CUNG ZAD GSUNGS PA LA SOGS PA RNAMS KYI RNAM PAR MTSON PA NI DRI BA STE, SPYOD PA RNAM PAR MTSON PA NI DRI BA DUL BAR BYED PA RNAMS SO, ,DE LTAR 'DI LAS LHAG MA MED PA'I SO SOR THAR PA RGYAS PA NYID NI MA YIN NO, ,RNAM PAR 'BYED PA TZAM GYIS 'JUG PA LA RAB TU BYUNG BA LA SOGS PAR BYED PA MA YIN TE, 'DI LTAR BYA BA NYID RNAMS LA YANG 'DI TZAM GYIS BSTAN PA'I PHYIR RO, ,RGAN PA MED NA GZHON PA LA GNAS BCA' BAR BYA'O ZHES BYA BA NI GAL TE RGAN PA LNGA PA GANG YANG RUNG BA CIG DANG MI LDAN PAR GYUR NA DE'I CHO GA NI 'DI YIN NO, ,BTZUN PA DGE SLONG BSNYEN PAR RDZOGS PA NAS LO DRUG CU LAGS LA, DES SO SOR THAR PA'I MDO GDON PA DANG RGYAS PAR BKLAGS PA DANG THON PA MA LAGS NA DES KYANG GZHAN LA GNAS PAR MCHIS PAR BGYI 'AM NYE BA 'KHOR DES KYANG GZHAN LA GNAS PAS 'DUG PAR BYA'O ZHES GSUNGS PA YIN NO, ,'DIR LO DRUG CU LON PA NYID KYANG RANG DBANG CAN MA YIN GYI, SHIN TU MANG BA NYID STON PAR GNAS PA YIN ZHES BYA BA KHYAD PAR MED PAR RGAN PA MED NA ZHES BYA BA LA SOGS PA GSUNGS SO, ,'DUD PA 'BA' ZHIG MA GTOGS SO ZHES BYA BA NI PHYAG BYA BA 'BA' ZHIG MA GTOGS PA GNAS PA'I TSUL KHRIMS DE LAS GZHAN PA DAG LA RGAN PAS GZHON PA LAS RJES SU GNAS PAR BYA'O ZHES BYA BA'I THA TSIG GO, ,LO LNGA LON CING LHAN CIG SBYOR BA THA MA DANG LDAN NA GNAS MA BCAS PAR LJONGS RGYUR 'GRO BAR BYA'O ZHES BYA BA NI LTUNG BA DANG LTUNG BA MA YIN PA ZHES BYA BA LA SOGS PA LHAN CIG SBYAR BA THA MA STE, DE DANG YANG DAG PAR LDAN PA'I LO LNGA LON PAS GNAS MA BCAS PAR LJONGS RGYUR 'GRO BAR BYA'O, ,GZHAN DU NA GSUM RIG PA YIN YANG MI BYA'O ZHES BYA BA LA, CHOS LNGA DANG MI LDAN PA DANG LO LNGA MA LON PA YANG NGO, ,GANG GI PHYIR LAM DU 'DUL BA NYAMS PAR GYUR PA YIN TE, DER LO LNGA TSUL KHRIMS KYI

18b

DNGOS PO DANG LDAN PA'I PHYIR SDUG BSNGAL GYI RNAM PAR 'GYUR BA 'BYUNG BA YIN TE, LO MA TSANG BA LA NI MA YIN NO ZHES BYA BA 'DIR DGONGS PA MTHONG BA YIN NO, ,GSUM RIG PA YIN YANG ZHES BYA BA NI GNAS LA GNAS PA'I DON DU BYA BA DANG BYA BA MA YIN PA LA YONGS SU SHES PA GNYIS DANG YONGS SU 'DUL BAR BYED PA'O; ,DE LA GAL TE YANG 'DI LA CHOS NYID MNGON PAR SHES PA NYID KYI PHYIR DANG SNGON GYI GNAS SHES PA NYID KYIS 'JUG PA LA LTA BA'I PHYIR DANG DKA' BA CHUNG NGU'I RIG PA BSTEN PAS 'ONG BA PHUN SUM TSOGS PAS BYA BA DANG BYA BA MA YIN PA YONGS SU SHES PAR 'GRUB PAR 'GYUR TE, DE LTAR NA YANG YONGS SU GDUL BAR BYA BA'I DON DU GNAS LA GNAS PAR BYA'O, ,GANG GI PHYIR SDUG BSNGAL BA'I THA SNYAD NI 'DUL BA NYID DANG BCAS PA'I DNGOS PO SNGON GYI RANG BZHIN 'PHROG PA'I PHYIR RO, ,DGRA BCOM PA RNAMS LA NI SNGON GYI RANG BZHIN 'PHROG PA THOS PA YIN TE, DGRA BCOM PA LA LA ZHIG NI MCHONG ZHING MCHONG ZHING CHU BO RNAMS LAS RGAL BAR GYUR PA DANG, TSE DANG LDAN PA PI LIN DA'I BUS GANG G'A'I LHA MO LA RLANGS MA 'DUG SHIG CES BYA BA BRJOD PAR GYUR CES BYA BA LA SOGS PA'O, ,GZHAN YANG 'DIR NI 'DUL BA YONGS SU SHES PAR CI NAS KYANG BYA BA MA YIN TE, DKA' BA NYID KYI PHYIR DANG, MANG BA DANG PHRA MO DANG, GCIG NA MI GNAS PA LTA BA DANG 'BAD PA RNAMS LA BAR CHAD MANG BA NYID KYI PHYIR RO, ,GANG GI PHYIR GNAS SKABS NI RNAM PA SNA TSOGS PA YIN NO, ,'DI LTA STE BTZUN PA GAL TE DE GSUM RIG PA LOG GSUM LON PA DRI MA GSUM RAB TU SPANGS PA YIN LA; DE YANG CHOS LNGA DANG YANG DAG PAR LDAN PAR MA GYUR NA DES KYANG MI GNAS PA LA LJONGS RGYU ZHING MCHI BAR MI BGYI 'AM, NYE BA 'KHOR MI BYA'O ZHES GSUNGS PA'I PHYIR RO, ,RING PO NAS RING POR 'DI NI SPONG BAR MDZOD CIG CES BYA BA YONGS SU BCAS PA BSGRUB PA'I DON DU 'DIS 'DUL BA LA GNAS PA YANG BSRUNG BAR BYA BA STE, GANG ZHIG LHAG PAR SPYOD PAS GZHAN DAG LA DANG BA MA YIN PA SKYE BAR 'GYUR BA DE YONGS SU SPANG BA'I DON DU BSLAB PA RNAMS LA DON BYAS PA DANG 'DI LA GUS PA DANG LDAN PA ZHES BYA BA GUS PA BSKYED PA'I DON DANG, BSTAN PA GNAS PA'I DON DU GRAGS PA NYID LA

19a

, ,SOGS PA MI 'DA' BAR 'GRO BAR 'GYUR RO, ,GZHAN DU NA GANG ZHIG 'DAS PAR GYUR NA BSTAN PA NYAMS PA GRUB PA YIN NO, ,DE BAS NA 'DIR JI LTAR GSUM RIG PA YANG MA GNANG BA BZHIN DU GZHAN PA YANG DE KHO NA BZHIN NO, ,GNAS PA'I SKABS SO,, ,,RAB TU 'BYUNG BA'I PHYIR NYE BAR 'ONGS BA LA MU STEGS CAN MA YIN NAM ZHES DRI BAR BYA ZHING BSNYEN PAR RDZOGS PAR BYED PA DAG GIS KYANG NGO ZHES BYA BA LA, DRI BAR BYA ZHING ZHES BYA BAS NI MKHAN POS SO, ,'DRI PAR 'GYUR RO ZHES BYA BA YONGS SU GYUR PA LA BSNYEN PAR RDZOGS PAR BYED PA RNAMS KYIS ZHES BYA BA 'DI DANG 'BREL PA'O, ,BSNYEN PAR RDZOGS PAR BYED PA RNAMS KHO NAS DRI BA 'DI YIN TE GANG ZHIG GSANG STE STON PAS DE LA DE NGES PAR SBYAR BA'I PHYIR RO, ,SH'AKYA DANG ME PA RAL PA CAN MA GTOGS PA SEMS MGU BAR MA GYUR PA'I MU STEGS CAN RAB TU DBYUNG BA DANG BSNYEN PAR RDZOGS PAR MI BYA'O ZHES BYA BA LA, SH'AKYA DANG ME PA'I RIGS CAN DAG LA NGES PAR BCOM LDAN 'DAS KYIS NGES PAR 'DI DAG GIS SGRUB PA SNYING POR BYED PA LA BDEN PAR BSGRUB PA YIN TE, BCOS MAS NI MA YIN NO ZHES BYA BA CUNG ZAD BZANG BA SKAL BA DANG BCAS PA YIN NO, ,GANG DU 'DI GNANG BA ZHES BYA BA RTOGS PAR BYA'O, ,BDAG GIS GNYEN 'DUN RNAMS LA GNYEN NYID YONGS SU SPANG BA BDAG GIS SBYIN PAR BYA ZHES BYA BA GANG ZHIG GSUNGS PA DER GNYEN 'DUN NYID MA MTHONG PA 'DI RNAMS LA BDEN PAR BSGRUB PA 'BYUNG BAR 'GYUR ZHES BYA BA BCOM LDAN 'DAS KYIS MKHYEN PA YIN TE, DE BAS NA GNYEN 'DUN GYI RGYU MTSAN YONGS SU SPANG BA SBYIN PA ZHES GSUNGS PA YIN NO, ,'DIR ME PA NI BDEN PAR ME'I BSNYEN BKUR BYED PA'I LAS LA 'DUG PA YIN TE, DE'I BSAM PA YONGS SU DAG PA LA 'JUG BZHIN PA BZUNG BA ZHES BYA BA RIG PAR BYA STE, DE LTAR GYUR PA LA BSAM PA PHUN SUM TSOGS PA MED MI SRID PA NYID KYI PHYIR RO, ,BKOL BA DE NI MU STEGS CAN DANG SH'AKYA LA SOGS PA'I MJUG GI MU STEGS CAN BKOL BA'O ZHES BYA BA LA MGU BAR MA GYUR PA'I MU STEGS CAN GYI MTHA' CAN LA GTOGS PA STE ZHES BYA BA'I SGRA LAS THOG MAR MU STEGS CAN GYI SGRA SPANGS NAS SEMS MGU BAR MA GYUR PA SPANGS

19b

TE; SH'AKYA DANG ME PA RAL PA CAN MU STEGS PA ZHES BYA BA 'DI NI MGU BAR MA GYUR PA'I SGRA DANG PO MU STEGS CAN GYI SGRA'I THA MAR SPANGS TE, GANG ZHIG 'DI KHYOD MA YIN NAM ZHES BYA BA LA SOGS PA GSUNGS PA 'DI NI MING DU BTAGS PAR RIG PAR BYA'O, ,GANG DU BKOL BA ZHES BYA BA BRJOD PA DER KHYOD NI MA YIN NAM ZHES BYA BA RAB TU 'BYUNG BA'I PHYIR NYE BAR 'ONGS PA LA KHYOD MU STEGS CAN MA YIN NAM ZHES DRI BAR BYA STE, BSNYEN PAR RDZOGS PAR BYED PA PO RNAMS KYIS KYANG RAB TU DBYUNG BA DANG BSNYEN PAR RDZOGS PAR MI BYA'O ZHES BYA BA 'DI BRJOD PAR RTOGS PAR BYA'O, ,'DI NAS BRTZAMS TE 'DI NYID LA RAB TU BYUNG BA'I GZHI DANG PHRAN TSEGS LA BRTEN PA RNAMS LA PHYOGS BYAS PA RNAMS SO, ,SEMS MGU BAR GYUR PA RNAMS KYIS JI TZAM GYIS MU STEGS CAN BRJOD PAR BYA ZHES BYA BA MA LUS PA SHES PA'I DON DU, DKON MCHOG RNAMS KYI BSNGAGS PA DANG, MU STEGS CAN RNAMS KYI BSNGAGS PA MA YIN PA YANG DAG PAR BRJOD PA NI MI G-YO BA NYID NI SEMS MGU BAR GYUR PA NYID DO ZHES BYA BA SMOS TE, KHRO BAR MI BYED PAS NA MI G-YO BA STE, MI G-YO BA'I DNGOS PO NI MI G-YO BA NYID DO, ,DE'I DON DU DE DANG MI LDAN PA DE DGE BSNYEN NYID DU BYAS PA'I MTHA' CAN DE LA DGE 'DUN GYI LAS KYIS GNAS PA BYIN LA ZLA BA BZHIR GNAS PAR BYA'O ZHES BYA BA LA, DE'I DON DU ZHES BYA BA NI SEMS MGU BAR GYUR PA NYID KYI DON DU'O, ,DE DANG MI LDAN PA ZHES BYA BA NI SEMS MGU BAR GYUR PA DANG LDAN PA'O, ,DE ZHES BYA BA NI MU STEGS CAN NO, ,DGE BSNYEN NYID DU BYAS PA'I MTHA' CAN ZHES BYA BA NI DGE BSNYEN NYID DU BYAS PA'I MTHA' CAN GYI CHO GA 'DI LA BYAS PAS NA DGE BSNYEN NYID DU BYAS PA'I MTHA' CAN NO, ,DE LTAR GYUR PA DE LA GSOL BA DANG BZHI'I LAS KYIS DGE 'DUN GYIS GNAS PA BYIN LA ZLA BA BZHIR GNAS PAR BYA'O, ,GNAS PA BYIN PA LA, DE'I ZAN NI DGE 'DUN LAS SO, ,GOS NI MKHAN PO LAS SO, ,LAS SU BSKO BA NI BYED PA PO NYID DO, ,RAB TU BYUNG BA'I PHYIR NYE BAR 'ONGS PA LA LO BCO LNGA LON NAM ZHES DRI BAR BYA'O ZHES BYA BA NI MKHAN POS SO, ,MA LON PA BYA ROG SKROD MI NUS PA DANG, NUS PA LO BDUN MA LON PA RAB TU DBYUNG BAR MI

20a

, ,BYA'O ZHES BYA BA NI LO BCO LNGA MA LON PA MI NUS PA DANG LO BDUN MA LON PA NUS PA GNYIS PO 'DI DAG RAB TU 'BYUNG BAR MI BYA'O ZHES BYA BA MANG PO'I TSIG CI'I DON DU YIN ZHE NA, ZHU BA POS 'DI NI MA DAG GO ZHES BYA BAR SHES NAS ZHU BAR BYA BA MA YIN LA, DGE 'DUN GYIS GNANG BAR BYA BA MA YIN TE, DGE TSUL NYID DU NYE BAR THOB PA'I DGE TSUL NYID DU NYE BAR BSGRUB PAR BYA BA MA YIN NO ZHES BYA BA NYE BAR BSDU BA'I DON DU'O, ,DGE TSUL GCIG LAS LHAG PA NYE BAR GZHAG PAR MI BYA'O ZHES BYA BA NI DGE TSUL GNYIS LAS LHAG PAR NYE BAR GZHAG PA MA YIN PA LA GNYIS PA LA RAB TU BYUNG BA LA YANG THAL BA DE BSAL BA'I DON DU, GAL TE SO SOR RAB TU 'BYUNG BAR MI 'DOD NA RAB TU BYUNG LA RGAN PA BSNYEN PAR RDZOGS PAR BYA'O ZHES BYA BA SMOS TE, GNYIS KA RAB TU DBYUNG BA'I DON DU BDAG CAG GIS GNAS GCIG TU RAB TU 'BYUNG BAR BYA'O ZHES BYA BA 'DI LTAR NGES NAS 'ONGS PA DAG LA GAL TE SO SO NI SO SOR RAB TU DBYUNG BAR MI 'DOD NA DE NAS GNYIS KA RAB TU PHYUNG NAS GCIG LAS LHAG MAR GYUR PA BSNYEN PAR RDZOGS PAR BYA'O, ,GAL TE MA LON NA GZHAN LA RE ZHIG GNAS PA'I DON DU GTAD PAR BYA'O ZHES BYA BA NI GAL TE LO NYI SHU MA LON NA DE NAS DGE SLONG GZHAN LA NYE BAR GNAS PA'I DON DU GTAD PAR BYA'O, ,NYE BAR GNAS PA'I DON DU GANG LA GTAD PA DES NI DE DBROG PAR MI BYA'O ZHES BYA STE, GANG ZHIG GTAD PA DES 'DI LA BSNYEN PAR RDZOGS PAR BYA'O, ,MI STER BA LA MTHUS BKUG STE'O ZHES BYA BA LA GANG GI PHYIR CHO GA 'DI'I DON DU GZHAN LA NYE BAR GNAS PAS SBYIN PA STE THAMS CAD KYIS NI MA YIN NO, ,DE BAS NA DBROG PA MA YIN NO, ,BKOL BA BRAN NO ZHES BYA BA NI BKOL BA ZHES BYA BA'I MING 'DIS KHYOD BRAN MA YIN NAM ZHES BYA BA LA SOGS PA'I MING CAN BRAN DANG 'BREL BA LA SO SOR NYE BAR GZHAG PA'O, ,DE BAS NA MING BSTAN PA 'DI LA GANG ZHIG LDAN PA KHAS LEN PAR BYED PA DE DON JI LTAR YONGS SU GYUR KYANG GNAS JI LTA BAR YANG DAG PAR GNAS PA YIN NO, ,'DIR NI NGAG KYANG 'DI BSKYED PA YIN TE, KHYOD NI BRAN MA YIN NAM ZHES BYA BAR RAB TU 'BYUNG BA'I DON DU NYE BAR 'ONGS PA LA DRI BAR BYA'O, ,BSNYEN PAR RDZOGS

20b

PAR BYED PA RNAMS KYANG BRAN LAS RAB TU DBYUNG BA MA YIN PA DANG BSNYEN PAR RDZOGS PAR BYA BA MA YIN PA ZHES BYA BA'O, ,YIN NAM BTANG LA KHYOD LA LA LA'I BU LON MANG YANG RUNG NYUNG YANG RUNG CUNG ZAD CHAGS PA MED DAM ZHES BYA BA KHYOD RNAM PAR BTANG BA NI YIN NAM ZHES BYA BA BTANG STE, KHYOD KYI SGRA DANG BRAL BA NI BKOL BA BRJOD PAR BYA'O ZHES BYA BA'I DON TO, ,KHYOD CES BYA BA'I GNAS 'DI LA KHYOD LA ZHES BYA BA BRJOD PAR BYA STE, DA BAS NA NGAG NI 'DI YIN TE, KHYOD LA LA LA'I BU LON MANG YANG RUNG NYUNG YANG RUNG CUNG ZAD CHAGS PA MED DAM ZHES BYA BA RAB TU 'BYUNG BA'I DON DU NYE BAR 'ONGS PA LA DRVI BAR BYA'O, , BSNYEN PAR RDZOGS PAR BYED PA PO RNAMS KYANG BU LON CHAGS PA DANG LDAN PA RAB TU DBYUNG BAR MI BYA, BSNYEN PAR RDZOGS PAR MI BYA ZHES BYA BA'I SNGAGS KYIS SO, ,'DI'I SNGAGS LAS RAB TU DBYUNG DU BCUG NAS BSNYEN PAR RDZOGS PAR BYA STE, SBYIN PAR NUS PAR 'GYUR BA SO SOR SHES PAR BYA ZHING BU LON CHAGS PA MA GTOGS PAR ZHES BYA BA'I GRANGS BYE BRAG SO SOR BSGRUB PAR BYA'O, ,RAB TU 'BYUNG BAR 'DOD PA PHA MA GSON ZHING DE GNYIS KYIS MA GNANG BA YUL THAG MI RING BA NI ZHAG BDUN BSREL BAR BYA'O ZHES BYA BA NI PHA MA DAG GSON BZHIN PA DANG GANG LA YOD PA DE NI PHA MA GSON BZHIN PA CAN NO, ,DE GNYIS KYIS MA GNANG BA ZHES BYA BA NI PHA MA DAG LAS SO, ,DE GNYIS KYI SGRAS NI PHA MA DAG 'DIR PHA MA'I SGRA ZHES BYA BAS SHES PAR BYA'O, ,DE YUL THAG RING NA YANG DGE 'DUN LA MA ZHUS PAR RAB TU DBYUNG BAR MI BYA'O ZHES BYA BA LA, DE ZHES BYA BA NI PHA MA GSON BZHIN PAS MA GNANG BA'O, ,DE GNYIS KYI NANG NAS PHA MA GSON BZHIN PHA MA YIN PA'AM PHA MA DAG GIS GNANG BA MA ZHUS PA YANG SKYON DANG BRAL BA ZHES BYA BAR RTOGS PAR BYA'O, ,DE LTAR NA YANG PHA MA GSON BZHIN PA LA DRI BA'I KLOG PA STE, BTZUN PA RE ZHIG GANG LA PHA MA DAG DUS 'DAS PAR GYUR PA'AM, DUD 'GRO'I SKYE GNAS SU GYUR PA NI DE SKRA BREG BA'I PHYIR DGE 'DUN THAMS CAD LA ZHU BAR BGYI 'AM, NYE BA 'KHOR MI BYA'O ZHES GSUNGS PA'O, ,YUL THAG RING PO'I TSIG NI CI'I DON DU BYAS SHE NA, GANG GI PHYIR KHYIM BDAG GI CHUNG MA 'GA' ZHIG GI BU RAB

21a

, ,TU BYUNG BA LA 'ONGS TE SMRAS PA, KHYOD NI SH'AKYA'I SRAS CHOM RKUN 'DI RNAMS KYI NANG DU CI'I PHYIR RAB TU BYUNG STE, TSUR SHOG 'GRO BAR BGYI'O ZHES SMRAS TE, DES 'DI BZUNG NAS KHYIM DU KHRID DO, ,DE LTAR NI CHOM RKUN NYID DU SKUR PA 'DEBS PA NI 'DIR NYES DMIGS TE, YUL THAG RING BA LA NI NYES PA MED DO, ,RANG GI GNAS LA GNAS PA DAG LA YANG THOS NAS BYAS PA LA NYES DMIGS SU GYUR PA NYID KYI PHYIR 'ONGS NAS KYANG NYES DMIGS BYED PA SRID PA NYID KYI PHYIR DE BAS NA YUL THAG RING BA LA YANG ZHES BYA PA MDOR BYAS PA YIN NO, , RAB TU 'BYUNG BAR 'DOD PA'I ZAN NI DGE 'DUN GYIS BYIN NA RUNG NGO ZHES BYA BA LA, RUNG BA ZHES BYA BA NI 'DI NGES PA MA YIN TE, DGE SLONG DE RNAMS LA SMOS PA 'JUG PA'I PHYIR ZHES BYA BA STON PAR BYED DO, ,BKOL BA PHA MAS KHYOD GNANG NGAM 'JUG TU YUL THAG RING PO NI MA GTOGS SO ZHES BYA BA LA; KHYOD GNANG NGAM ZHES BYA BA NI KHYOD MA YIN NAM ZHES BYA BA 'DI'I GNAS PA 'DI YIN TE, BKOL BA ZHES BYA BA 'DI'I BRJOD PA'I THA MA LA YUL THAG RING PO MA GTOGS PA ZHES BYA BA'I SGRAS 'DI LHAG PAR BRJOD PAR BYA'O, ,DE LTAR NA NGAG NI 'DI YIN TE, KHYOD PHA MA DAG GIS GNANG NGAM ZHES BYA BA'O, ,RAB TU 'BYUNG BA'I DON DU ZHES BYA BA LA SOGS PA NAS JI SRID DU PHA MA DAG GIS MA GNANG BA RAB TU DBYUNG BA DANG BSNYEN PAR RDZOGS PAR MI BYA STE, YUL THAG RING BA NI MA GTOGS SO ZHES BYA BA'O, ,NYE BAR 'ONGS PA LA KHYOD NAD PA MA YIN NAM ZHES DRI BAR BYA'O ZHES BYA BA NI RAB TU BYUNG BA'I DON DU STE ZHES BYA BA SKABS KYIS SHES PAR BYA'O, ,KHYOD LA NAD GANG YANG RUNG BA MED DAM ZHES BYA BAR YANG RUNG NGO ZHES BYA BA NI 'DON PA'I RTOG PA LA 'DIR NYE BAR 'BREL PA'O, ,GNYIS PO DAG LAS GANG YANG RUNG BA BRJOD PAR BYA'O ZHES BYA BA BSTAN PAR BYED DO, ,BSNYEN PAR RDZOGS PAR BYED PA DAG GI BYE BRAG TU 'O ZHES BYA BA NI DRI BAR BYA'O ZHES BYA BA 'DI YONGS SU GYUR PA LA DRI BAR BYA'O ZHES BYA BA DANG RJES SU 'BREL LO, ,SKYES PA RNAMS KYI LUS LA 'DI RNAMS 'DI LTA BU'I NGO BO NYID LUS KYI GNOD PA 'BYUNG BA 'DI LTA STE, MDZE DANG 'BRAS DANG ZHES BYA BA LA SOGS PA BYE BRAG DANG LDAN

21b

PA STE; KHYOD NI 'DI TZAM DU NAD PA MA YIN NAM ZHES BYA BA'O, ,NAD PA RAB TU DBYUNG BA DANG BSNYEN PAR RDZOGS PAR MI BYA'O ZHES BYA BA NI ZHU BA BYED PA PO DANG, RAB TU 'BYIN PAR BYED PA DANG DGE TSUL NYID DU NYE BAR KHRID PA'I DGE 'DUN MANG PO RNAMS KYI BYA BA STE, DE BAS NA MANG PO'I TSIG GO, ,BKOL BA CHAD PA YAN CHAD DO ZHES BYA BA NI RGYU LAS BZLOG PA'I CHAD PA KHAS MI LEN PA DAG LA ZHES BYA BA 'DI YAN LAS CI TZAM BSTAN PA THAMS CAD DU BKOL BA ZHES BYA BA'I DBANG DU BYAS NAS RIG PAR BYA STE, DE RNAMS THAMS CAD BKOL BA DANG 'BREL PA RNAMS SO, ,'DI LA SKYE BA'I CHOS NYID MED PAR YANG 'DRA'O ZHES BYA BA NI 'DIR GANG ZHIG SBRUL PA LA SOGS PA 'GAG PAR 'GYUR BA DE LA YANG GI SGRA NI YAN CHAD PA ZHES BYA BA LAS 'BREL BA'I DON DU'O, ,DE LTA BU'I RTAGS CAN NI BSNYIL BAR BYA'O ZHES BYA BA LA, DE LTA BU'I ZHES BYA BA NI SKYE BA'I CHOS DANG MI LDAN PA LA'O, ,RTAGS CAN ZHES BYA BA NI RAB TU BYUNG NGAM BSNYEN PAR RDZOGS PA LA'O, ,KHYIM NA GNAS PAR GYUR PA LA DGE SLONG RNAMS KYIS DBUS SU GNAS PA LA 'GRO BA PA'I DGONGS PA'I DBANG GIS BSNYIL PA YANG NI MA YIN NO, ,DA NI BKOL BA LA SOGS PA DANG 'BREL PA CAN BSHAD PAR BYA'O, ,SPRUL PA'O ZHES BYA BA LA, KHYOD NI SPRUL PA MA YIN NAM ZHES BYA BA RAB TU 'BYUNG BA'I DON DU NYE BAR 'ONGS PA LA DRI BA YIN TE, BSNYEN PAR RDZOGS PAR BYED PA DAG GIS KYANG SPRUL PA RAB TU DBYUNG BA DANG BSNYEN PAR RDZOGS PAR MI BYA'O, ,'DI LA SKYE BA'I CHOS NYID YOD PA MA YIN TE, DE LTA BU'I RTAGS CAN NI BSNYIL BAR BYA'O ZHES BYA BA'O, ,DE BZHIN DU MA NING LA SOGS PA GZHAN DAG LA YANG SBYAR PAR BYA'O, ,MA NING NGO, ,DE NI RNAM PA LNGA'O ZHES BYA BA LA, DE NI ZHES BYA BA NI MA NING LAS SO, ,LNGA PO GANG ZHE NA, SKYES NAS DANG, ZLA BA PHYED PA DANG, 'KHYUD NAS LDANG BA DANG, PHRAG DOG CAN DANG, NYAMS PA'O ZHES BYA BA LA, SKYES NAS MA NING NI GANG ZHIG SKYE BA NYID KYIS BUD MED KYANG MA YIN SKYES PA YANG MA YIN PA'O, ,ZLA BA PHYED PA ZHES BYA BA NI GANG ZHIG ZLA BA PHYED LA BUD MED ZLA BA PHYED LA SKYES PA DE NI ZLA BA PHYED PA'I MA NING NGO, ,ZLA BA PHYED PA NI ZLA BA PHYED DO, ,

22a

, ,'KHYUD NAS LDANG BA ZHES BYA BA NI GANG ZHIG GZHAN GYIS 'ONGS PA LA 'BYUNG BAR 'GYUR BA DE NI 'KHYUD NAS LDANG PA'I MA NING NGO, ,PHRAG DOG CAN DANG ZHES BYA BA NI GANG ZHIG GZHAN DAG GIS NYE BAR 'ONGS PA'I BUD MED MTHONG NAS BRTZAL BAR MA GYUR PA DE NI PHRAG DOG CAN GYI MA NING NGO, ,NYAMS PA'O ZHES BYA BA LA, NYAMS PA'I MA NING NI GANG GI PHO'I DBANG PO BCAD PA LA SOGS PAS NYAMS PAR GYUR PA STE, DE NI NYAMS PA'I MA NING NGO, ,'DI LAS THA MA NI NYES PA BSTEN NA BSNYIL BAR BYA'O ZHES BYA BA LA, THA MA ZHES BYA BA NI NYAMS PA'I MA NING NGO, , SKAD CIG DE LA MA NING GI SKYON LA BRTEN PA DE LAS BSNYIL BAR BYA'I GZHAN DU NI MA YIN ZHES BYA BA'I DON TO, ,RKU THABS SU GNAS PA'O ZHES BYA BA 'DI'I MTSAN NYID NI GANG ZHE NA, BSNYEN PAR RDZOGS PA'I CHO GA MA BYAS PA NYID DAM MA CHAGS PA NYID DU SHES LA LAN GNYIS SU DGE 'DUN DANG LHAN CIG LAS NYAMS SU MYONG BAR GYUR PA NYID NA DE NYID YIN NO ZHES BYA BA SMOS TE, BSNYEN PAR RDZOGS PA LA 'DREN PA'I GANG ZHIG GSOL BA LA SOGS PA DE MA BYAS PA NYID DU SHES SHING BYAS PA NYID DU YANG MA CHAGS PA NYID DU SHES SHING, GAL TE YANG CHO GA BYAS PA BSNYEN PAR RDZOGS PA NI CHAGS PA MA YIN TE, LO BCU DGU LON PA LA SOGS PA'I SKYON GYIS DE'I PHYIR DGE 'DUN DANG LHAN CIG LAS GNYIS PA NYAMS SU MYONG BA LA DE NYID CES BYA BA NI RKU THABS SU GNAS PA NYID DO, ,'O NA GANG GI PHYIR NYE NGAR 'KHOR RANG BZHIN DU GNAS PA'I DGE SLONG RNAMS DANG LHAN CIG TU GSO SBYONG GI LAS LAN GNYIS LAN GSUM NYAMS SU MYONG BAR GYUR PA DE TZAM GYIS NI RKU THABS SU GNAS PA YIN NO ZHES GSUNGS NA, GSUM ZHES BYA BA DE CI'I PHYIR MDOR MA BRIS SHE NA, GANG GI PHYIR NGES PAR BYED PA'I TSIG NI 'DI MA YIN TE, 'ON KYANG RGYUN LA 'DI RAB TU BSTAN PA'O, ,RGYUN LA RTZOM PAR GYUR PA NA NYAMS PAR 'GYUR ZHES BYA BA STE, GZHAN DU NA GNYIS ZHES BYA BAS 'DI RNAM PAR GZHAG PA LA, GSUM ZHES BYA BA 'DI DBUGS DBYUNG BA RNAM PAR SHES PAR 'GYUR RO, ,DE LTAR NA 'DI NI RTZOM PA STE THA SNYAD DU BYA BA CHOS NYID

22b

KYI RNAM PAR GZHAG PA MA YIN PA ZHES BYA BAR THAL BAR 'GYUR RO, ,'DIR LUNG YANG YOD DE, GTAM GYI GZHI LAS, GANG GIS RKU THABS SU GNAS PA RAB TU DBYUNG PAR MI BGYID, BSNYEN PAR RDZOGS PAR MI BGYI BA'I GZHI DE NYID KYIS RAB TU DBYUNG BAR BGYI BA DANG, BSNYEN PAR RDZOGS PAR BGYI BA MA MCHIS SAM ZHE NA, BKA' STZAL PA YOD DE, GANG GIS LAN GNYIS LAN GSUM DU GSO SBYONG NYAMS SU MYONG BAR 'GYUR BA DE RAB TU DBYUNG BAR MI BYA, BSNYEN PAR RDZOGS PAR MI BYA'I, GANG GIS LAN CIG GSO SBYONG NYAMS SU MYONG BAR GYUR PA DE NI RAB TU DBYUNG BAR BYA, BSNYEN PAR RDZOGS PAR BYA'O ZHES BYA BA'O, GANG GI PHYIR GZHAN DU NA KHA CIG GIS LAN GNYIS SO SOR NYAMS SU MYONG BA LA 'OS PA NYID MA YIN TE, SLAR RIGS PA NI GANG GI PHYIR 'DIR THOG MAR RAB TU 'JUG PA NA DOGS PA DANG BCAS PAR 'GYUR RO, ,DE LAS BRDZUN PA NYID KYI RANG BZHIN NYID NI 'GRO BAR MI 'GYUR TE, RGYUN DU BYED CING DE'I RANG BZHIN NYID THOB PA YIN ZHES BYA BA'O, ,'O NA 'DIR GSO SBYONG BZUNG BAR MI BYA BA STE, DE BAS NA 'DIR CI'I PHYIR KHYAD PAR MED PAR LAS THAMS CAD SO SOR NYAMS SU MYONG BA GANG ZHE NA, BRJOD PAR BYA STE, DGE 'DUN LA YANG DAG PAR BRTEN PA'I BYA BA LA 'DI'I KHONGS SU BSDUS PA'O, ,GANG ZHIG GSO SBYONG LA MTSUNGS PA'AM LAS GZHAN RNAMS LA YANG DGE 'DUN GYI GNAS PA NYID DO, ,DE BAS NA DPE NYID KYIS 'DIR GSO SBYONG GZUNG BA RNAM PAR GNAS PA YIN NO, ,BSNYEN PAR RDZOGS PAR MA TSANG BA'I LTUNG BYED DRI BA LAS 'DI LA LUNG YANG YOD DE, GANG ZHIG GSOL BA DANG, BZHI'I LAS KYIS BSNYEN PAR MA RDZOGS PAR DGE 'DUN GYI LAS GSO SBYONG NGAM, DGAG DBYE 'AM, GANG ZAG BCU GNYIS BSKO BA DAG NYAMS SU MYONG BAR GYUR PA DE YANG DE TZAM GYIS NI RKU THABS SU GNAS PA YIN NO ZHES GSUNGS SO, ,JI SRID DU BSNYEN PAR MA RDZOGS PAS BYA BA MA YIN PA RJES SU MTSON PAR GYUR PA DGE 'DUN GYI LAS RAB TU 'BYUNG BA ZHU BA LA SOGS PA DE THAMS CAD DGE 'DUN LA RAG LAS PA'I PHYIR LAS KYI PHYOGS PA NYID DO, ,DE BAS NA LAS KYI

23a

, ,TSIG KYANG 'DIR DPER RTOGS PAR BYA'O, ,GAL TE DE LTA YIN NA RAB TU 'BYUNG BAR ZHU BA DANG DGE TSUL NYID DU NYE BAR BSGRUB PA DANG GSANG STE STON PA DANG YONGS SU DAG PA DANG BSDU BA DANG, SPO BA LA SOGS PA ZHU BA DANG RJES SU THOB PA RNAMS KYANG SO SOR NYAMS SU MYONG BA LA RKU THABS SU GNAS PA NYID RNAM PAR GNAS PA YIN NO, ,MU STEGS CAN ZHUGS PA'O ZHES BYA BA NI DE'I RANG GI NGO BO NYID YONGS SU SHES PAR BYA BA'I PHYIR, RAB TU BYUNG BA 'DI LA YANG DAG PAR BLANGS PA LTA BA DANG LDAN PA CHOS GOS 'DI BOR TE, RGYAL MTSAN DES DER SKYA RENGS SHAR NA DE NYID YIN NO ZHES BYA BA SMOS TE, RAB TU BYUNG BA 'DI LA YANG DAG PAR BLANGS PA 'DI YIN PAS NA YANG DAG PAR BLANGS PA'I RAB TU BYUNG BA 'DI'O, ,LTA BA DE DANG LDAN PA ZHES BYA BA NI MU STEGS CAN DE RNAMS KYI LTA BA 'DI LA YOD PAS NA DE'I LTA BA CAN NO, ,CHOS GOS 'DI BOR TE ZHES BYA BA NI BDE BAR GSHEGS PA'I DGE SLONG GI CHA BYAD BOR BAR BYAS NAS SO, ,RGYAL MTSAN DES ZHES BYA BA NI MU STEGS CAN GYI RGYAL MTSAN GYIS SO, ,DER ZHES BYA BA NI MU STEGS CAN GYI 'DUG GNAS SU'O, ,SKYA RENGS SHAR NA DE NYID YIN NO ZHES BYA BA NI MU STEGS CAN ZHUGS PA CAN YIN NO; ,DE MA BYAS PA YANG RKU THABS DANG 'DRA'O ZHES BYA BA NI DE BZHIN GSHEGS PA'I CHA BYAD MA BYAS PAR BOR TE, MNGON PAR 'DOD PA'I MU STEGS CAN GYI RTAGS 'DOD PAS BGOS NAS DE'I 'DUG GNAS SU SKYA RENGS SHAR BA ZHES BYA BA NI DE BZHIN GSHEGS PA'I RTAGS CAN GANG GIS YANG DAG PAR BLANGS PA STE, MU STEGS PA'I LTA BA CAN GYIS NI MA YIN NO, ,'DI NI DE MA BYAS PA'O, ,'OG MA 'DI MA BYAS PAS GZHAN DU YANG MU STEGS CAN DU SONG BA NYID 'BYUNG BA YIN TE JI LTAR ZHE NA, DPER NA RKU THABS DANG 'DRA'O, ,RKU THABS KYI DE NYID BRJOD DE LAS NYAMS SU MYONG BA GNYIS PA LA ZHES BYA BA'I DON TO, ,RKU THABS KYI DE NYID BRJOD ZIN TO, ,MA BSAD PA DANG, PHA BSAD PA DANG, DGRA BCOM PA BSAD PA DANG, DGE 'DUN GYI DBYEN BYAS PA DANG, DE BZHIN GSHEGS PA LA NGAN SEMS KYIS KHRAG PHYUNG BA DANG, DGE SLONG MA SUN PHYUNG BA DANG, PHAM PAR GYUR PA

23b

BZHI LAS LTUNG BA GANG YANG RUNG BA ZHIG BYUNG BA MA YIN NAM ZHES SO, ,RGYU LAS BZLOG PA'I CHAD PA KHAS MI LEN PA DAG RAB TU BYUNG BA DANG BSNYEN PAR RDZOGS PAR MI BYA'O ZHES BYA BA LA, RGYU LAS BZLOG PA'I ZHES BYA BA NI RGYU GANG GIS 'THAB RTZOD BYED PA NYID LA SOGS PAS BSDIGS PA LA SOGS PA'I NAN TUR GYI LAS BYED PAR 'GYUR BA DE BZLOG PA NI 'THAB RTZOD BYED PA NYID LA SOGS PA MA YIN PA'O, ,CHAD PA KHAS MI LEN PA NI SGRUB PAR BYED PA BZHIN PA MA YIN PA'O, ,BSNYEN PAR RDZOGS NA BZOD PA GSOL ZIN PA YIN NO ZHES BYA BA NI MI BZOD PA BSNYEN PAR MA RDZOGS PA RNAMS BSNYEN PAR RDZOGS PA NYID BZOD PA NYID KYI PHYIR SLAR BZOD PA GZHAN NI BYA BA MA YIN NO, ,BZOD PA ZHES BYA BA NI BZOD PAR BYA BA'O, ,BTZUN PA DGE SLONG DAG BSDIGS PA'I LAS BGYIS NAS RE ZHIG BSNYEN PAR RDZOGS PAR BGYID NA BSNYEN PAR RDZOGS ZHES BGYI 'AM, BSNYEN PAR MA RDZOGS ZHES BGYI, NYE BA 'KHOR BSNYEN PAR RDZOGS PA ZHES BYA STE, BSNYEN PAR RDZOGS PAR BYED PA DAG LA NI 'GAL TSABS CAN DU 'GYUR LA, BZOD PA NI GSOL ZIN PA ZHES BYA BA'O ZHES BYA BA NI GLENG GZHI DAG LAS GSUNGS SO, ,GAL TE BSNYEN PAR RDZOGS NAS KHAS MI LEN PA NI TSOGS PA YOD NA YANG CHAD PAS BCAD DO ZHES BYA BA NI BSNYEN PAR RDZOGS NAS NI 'THAB KROL MI BYED PA NYID LA SOGS PA RGYU BZLOG PA GAL TE KHAS MI LEN NA TSOGS PA YOD PA NA YANG CHAD PA'I LAS BYA'O ZHES BYA BA'I DON TO, ,GAL TE MA MTHONG NGO ZHES BRDZUN ZER NA LTUNG BYED DO ZHES BYA BA NI LTUNG PA BDAG GIS MA MTHONG ZHES BYA BA GAL TE BRDZUN ZER NA LTUNG BAR BYED PA 'DI'I LTUNG BYED DO, ,'DI LTA BU'I RIGS CAN GYI BRDZUN DU SMRA BA RNAMS LA LTUNG BYED MED PAR DOGS PAR BYA BA MA YIN NO, ,LAG RDUM DAG DANG RKANG RDUM DANG, ,LAG SOR ZLUM POR 'JAS PA DANG, ,MCHU MED LUS LA RMA MTSAN CAN, ,RGAN CHOS PA DANG GZHON CHES DANG, ,'THENG PO SMAD 'CHAL ZHAR PA DANG, ,LAG SOR RDUM RGUR MI'U THUNG DANG, ,WA BA LKUGS PA 'O NA PA DANG, ,RTEN 'PHYE DANG NI RKANG BAM DANG, ,BUD MED KYIS DUB KHUR GYIS BUD, ,MI GANG LAM GYIS DUB RNAMS DANG, ,YA ZA MA LUG

24a

, ,GTA' GAM DANG, ,DE LTA BU YI MI RNAMS NI, ,DRANG SRONG CHEN POS DGAG PAR MDZAD, ,MDZES PA RAB TU DBYUNG BA DANG, ,YONGS SU DAG PA BSNYEN RDZOGS PAR, ,RDZOGS SANGS RGYAS KYIS RAB MKHYEN TE, ,BDEN PA'I MTSAN GYIS BKA' STZAL TO, ,ZHES BYA BA LA; LAG RDUM ZHES BYA BA NI NOR BU 'CHING BA NAS BZUNG NAS GANG RNAMS KYI LAG RDUM MO, ,RKANG RDUM ZHES BYA BA NI GANG RNAMS KYI LONG BU MAN CHAD CHAD PA DE RNAMS NI RKANG RDUM MO, ,GANG RNAMS KYI LAG PA'I SOR MO SBRUL GYI GDENGS KA 'DRA BA DE RNAMS NI LAG SOR ZLUM POR 'JAS PA'O, , GANG RNAMS KYI MCHU GNYIS MED PA DE RNAMS NI MCHU MED PA'O, ,GANG RNAMS KYI LUS LA RMA MTSAN YOD PA DE NI RMA MTSAN CAN TE, LAG PA LA SOGS PA BRIS BA NI RMA MTSAN CAN YIN TE RGYUN GYIS BRABS PA DANG 'DRA BAR ZHES BYA BA LA SOGS PA RNAMS SO, ,RGAN CHES PA ZHES BYA BA NI BRGYA LON PA LA SOGS PA RNAMS SO, ,GZHON CHES PA ZHES BYA BA NI BYA ROG SKROD MI NUS PA LO BDUN MA LON PA RNAMS SO, ,'THENG PO NI RKANG PA 'THING ZHING 'GRO BA RNAMS SO, ,SMAD 'CHAL BA NI BRLA'I PHYOGS SU RLUNG BYA RGOD 'GROS KYIS KUN DU NYAMS PAR GYUR PA'O, ,ZHAR BA NI MIG YA GCIG PA'O, ,SOR MO RDUM PA NI GANG GI MKHRIG MA'I PHYOGS NA MTSAN MA TZAM GYI LAG PA YOD CING CUNG ZAD KYANG BYED MI NUS PA'O, ,WA BA CAN NI MGRIN PA WA BA CAN GANG LA YOD PA DE NI WA BA CAN NO, ,LKUGS PA NI SMRA MI NUS PA'O, ,RTEN 'PHYE NI GANG RTEN DAG LA LAG PA GNYIS SO SOR BZHAG NAS GZUGS BZHIS PHYE BA'O, ,MING GNYIS PA NI GRUB PO ZHES KYANG BYA'O, ,BUD MED KYIS DUB PA NI BUD MED RNAMS SHAS CHER BSTEN PAS STOBS ZAD PA STE, GANG GI LUS MI BDE BA BUD MED KYIS DUB PA'O, ,DE BZHIN DU MI BZOD PA'I KHUR THOGS PA'I PHYIR DANG, LAM DU 'GRO BA DRAGS PA'I PHYIR RIM PA JI LTA BA BZHIN DU KHUR GYIS DUB PA DANG LAM GYIS DUB PA RNAMS SO, ,YA ZA MA LUG NI GANG RNAMS KYIS JI LTAR ZOS PA DAG MA ZHU BA PHYIR 'BYUNG BA'O, ,KHA CIG NI 'DI SKAD CES ZER TE GANG GIS 'GRO BA BCINGS PAS NYAMS PA BCINGS PA LAS GROL YANG BCING

24b

PA BZHIN DU YONGS SU 'GRO BAR BYED PA DANG, GANG RNAMS LANG TSOL BAB PA KHO NAR NAD LA SOGS PAS DE LTAR MI NUS PA NYID BYAS PA MTHUG PA DANG RAB TU STOBS DANG LDAN PA'I RGAS PAS NYE BAR GDUNGS PA LTAR BYA BA THAMS CAD MI NUS PA DE RNAMS NI GTA' GAM STE, 'BYUNG BA BZHIN DU DE RNAMS KYI LANG TSO MA NYAMS PA ZHES BYA BA'I DON TO, ,BSDU BAR BYA BA'I SKABS RDZOGS TE, RAB TU BYUNG BA'I GZHI RDZOGS SO,, ,,BKOL BA RGYAL POS BKRABS PA'O, ,RGYAL POS MA GNANG BA YUL THAG MI RING BA'O ZHES BYA BA LA, KHYOD RGYAL POS BKRABS PA MA YIN NAM ZHES BYA BA RAB TU 'BYUNG BA NYID NYE BAR 'ONGS PA LA DRI BAR BYA STE, BSNYEN PAR RDZOGS PAR BYED PA RNAMS KYIS KYANG RGAL POS BKRABS PA RGYAL POS MA GNANG BA YUL THAG MI RING BA NYID RAB TU DBYUNG BA DANG BSNYEN PAR RDZOGS PAR MI BYA ZHES BYA BA'O, ,GANG ZHIG RAB TU BYUNG BA'I GZHI LA MA BZUNG BA DE LA 'DIS STON PAR BYED PA'O, ,GANG ZHIG RGYAL PO DE 'AM DE'I RJE BO LA RNAM PAR RGYAL BA DE DE LAS GANG YANG RUNG BA'I GROGS PO LA GANG ZHIG DE'I TSIG GIS 'BREL PA DE NI 'DIR YUL THAG MI RING BA'O, ,BKOL PA CHOM RKUN PAR GRAGS PA'O ZHES BYA BA NI RGYAL POS MA GNANG BA YUL THAG MI RING BA ZHES BYA BA 'DI BZLOG PA'I DON DU SLAR BKOL BA'I TSIG STE, KHYOD CHOM RKUN PAR GRAGS PA MA YIN NAM ZHES BYA BA RAB TU 'BYUNG BA'I DON DU NYE BAR 'ONGS PA LA DRI BAR BYA ZHING BSNYEN PAR RDZOGS PAR BYED PA RNAMS KYIS KYANG DRI BAR BYA STE, CHOM RKUN PAR GRAGS PA RAB TU DBYUNG BA DANG BSNYEN PAR RDZOGS PAR MI BYA'O, ,CHO GA 'DI TZAM NYID KYIS 'DIR 'BYUNG BA'O, ,CHOM RKUN PAR GRAGS PA NI RGYAL MTSAN BCINGS PA'O, ,GANG DU GANG LA RAB TU GRAGS PAR GYUR PA NYID MA YIN PA DER DE LA RGYAL MTSAN BCINGS PA NYID DO, ,SHING RTA BYED PA DANG, LHAM MKHAN DANG, GDOL PA DANG, G-YUNG PO DANG, DE LTA BU RAB TU DBYUNG BAR MI BYA'O ZHES BYA BA LA, SHING RTA BYED PA NI LHAM MKHAN NO, ,DE LTA BU ZHES BYA BA NI ZAN BZA' BAR MI BYA BA STE, DGE TSUL NYID DANG SLOB PA NYID KYIS BSNYEN PAR RDZOGS PA MA YIN PA NYID SHING RTA MKHAN

25a

, ,LA SOGS PA RNAMS LA RAB TU DBYUNG BA MA YIN PA NYID KYI RGYU MTSAN NO, ,DE BAS NA 'DI RNAMS LA YANG MI BYA BA NYID DU STON PA'O, ,LAG RDUM LA SOGS PA NI MTSON PA YIN NO ZHES BYA BA NI GANG ZHIG 'DIR RAB TU DBYUNG BA'I GZHI LAS LAG RDUM DANG RKANG RDUM LA SOGS PA BRJOD PA DE NI MTSON PAR RIG PAR BYA STE, YONGS SU BGRANG BA NI MA YIN NO, ,DA NI GANG RNAMS KYIS 'DI 'TSOD PA DE RNAMS NYE BAR DGOD PAR BYED DE, SKRA SER DANG NI SKRA SER SKYA, ,DE BZHIN SKRA NI LJANG GU KHA, ,MI RNAMS SKRA NI DKAR BA DANG, ,GLANG CHEN SKRA 'DRA SKRA MED DANG, ,MGO 'BAR 'BUR CAN GLANG PO CHE, ,HA CANG SBOM DANG LUS GLEBS 'DRA, ,BANG BU PHAG GI MGO LTA BU, ,MGO GNYIS PA DANG MGO CHUNG DANG, ,GLANG CHEN RNA 'DRA RTA RNA 'DRA, ,BA GLANG RNA 'DRA SPRE'U SNA 'DRA, ,BONG DU'I RNA 'DRA PHAG RNA 'DRA, ,RNA GCIG PA DANG RNA MED DANG, ,MIG DMAR HA CANG MIG CHE DANG, ,MIG CHUNG MIG NI HA CANG SER, ,SHEL MIG MIG NI CHU BUR 'DRA, ,MIG GCIG PA DANG MIG MED DANG, ,GLANG CHEN SNA 'DRA RTA SNA 'DRA, ,BA GLANG SNA 'DRA SPRE'U SNA 'DRA, ,BONG BU'I SNA 'DRA PHAG SNA 'DRA, ,SNA SBUBS GCIG DANG SNA MED DANG, ,GLANG CHEN KOS 'DRA RTA KOS 'DRA; ,BA GLANG KOS 'DRA SPRE'U KOS 'DRA, ,BONG DU'I KOL 'DRA PHAG KOS 'DRA, ,KOS SMYUNG DANG NI KOS MED DANG, ,GLANG CHEN SO 'DRA RTA SO 'DRA, ,BA GLANG SO 'DRA SBRE'U SO 'DRA, ,BOD BU'I SO 'DRA PHAG SO 'DRA, ,SO GCIG PA DANG SO MED DANG, ,MGUL RINGS CHES DANG MJING NUB DANG, , PHRAG MIG DANG NI CHES SGYUR DANG, ,PHO MTSAN CHAD DANG RLIG RLUGS DANG, ,RLIG GCIG PA DANG RLIG MED DANG, ,HA CANG RING DANG HA CANG THUNG, ,SKOM PO MA 'OS NGAL SKYEN DANG, ,SHA MDOG KHA DOG RNAM BZHI DANG, ,DE BZHIN GYOL PO LUS NYAMS PA'O, ,RNAM PA DE LTA BU DAG GI DGAG PA DE YANG RAB TU GZUNG BAR BYA'O, ,DE ZHES BYA BA NI LAG RDUM DANG RKANG RDUM ZHES BYA BA LA SOGS PA'O, ,RNAM PA DE DANG DE LTA BU RNAMS KYI DGAG PA DE YANG RAB TU GZUNG ZHES BYA BA NI GZUNG BAR BYA ZHES BYA BA'I DON TO, ,GANG RNAMS KYI SKRA YUNG BAS BTZOS PA LTA BU DE DAG NI SKRA SER CAN NO, ,SKRA SENG GE'I LTA BU RNAMS

25b

NI SKRA SER SKYA CAN NO, ,GANG RNAMS KYI SKRA RNAMS KYIS KHA BSGYUR BA LTA BU DE RNAMS NI SKRA LJANG GU'O, ,GANG RNAMS KYI SKRA SKYES PA NYID KYIS DKAR BA DE RNAMS NI DKAR BA'I SKRA CAN TE, RGAS PAR GYUR PA NI MA GTOGS SO, ,GANG RNAMS KYI SKRA GLANG PO CHE'I LTA BU RNAMS NI GLANG PO CHE'I SKRA STE GLANG PO CHE'I SPU 'DRA BA RNAMS YIN NO, ,GANG RNAMS KYI MGO SKRA MED CING ZANGS MA'I SNOD LTAR 'JAM PA DE RNAMS NI SKRA MED PA'O, ,GANG GI MGO SUL GSUM MAM BZHI PA DAG RNAMS KYI MTHON DMAN DU SNANG BA DE NI MGO 'BAR 'BUR CAN NO, ,GANG RNAMS KYI LUS GLEBS PA 'DRA BAR RGYA CHE BA NYID KYIS SO SO DANG; 'DRA BAR BSDUS PA DE RNAMS NI LUS GLEBS PA CAN NO, ,GANG GI MIG DAG HA CANG CHUNG ZHING ZLUM PA DE NI MIG CHUNG BA'O, ,MGO BO NANG DU ZHUGS PA NYID KYI PHYIR PHRAG PA'I SKABS SU GANG LA MIG DAG YOD PA DE NI PHRAG MIG CAN NO, ,PHO MTSAN NI GCI BA 'BYUNG BA STE, GANG GI CHAD PA DE NI PHO MTSAN CHAD PA'O, ,GANG RNAMS KYI BYA BA CHUNG BAS KYANG KHYAD PAR CAN GYI NGAL BA BSKYED PA DE RNAMS NI NGAL BA SKYEN PA'O, ,RANG GI SHA MDOG BZHI RNAMS KYIS, ,ZHES BYA BA NI SDO BA DANG, SER BA DANG, DMAR BA DANG, DKAR BA RNAMS KYIS TE, 'DIS NI RUS SBAL BRJOD PA'O,, GANG ZHIG DE LTA BU'I RNAM PA CAN KHA DOG GI BYE BRAG RNAMS LA SMAD PA'I NGO BO DE RNAMS LA 'DI BKAG PA STE, GANG ZHIG LHA RNAMS KYI DANG 'DRA BAR SHIS PA'I NGO BO CAN DE RNAMS NI MA YIN NO, ,DE LTAR RE ZHIG 'DI LTA BU RNAMS LA RAB TU BYUNG BA LA SOGS PA BKAG ZIN TO, ,RAB TU BYUNG BA DANG BSNYEN PAR RDZOGS PA 'DI RNAMS LA YANG BSDU BAR MI BYA ZHES BYA BA NYE BAR STON PAR BYED CING RIGS DANG LUS LA SKYON CHAGS PA RAB TU BYUNG BA NI NYE BAR GZHAG PAR MI BYA'O ZHES BYA BA SMOS TE, RIGS LA SKYON CHAGS PA SHING RTA MKHAN PO LA SOGS PA ZAN BZA' BAR MI BYA BA RNAMS SO, ,LUS LA SKYON CHAGS PA NI DBYIBS DANG KHA DOG LAS TE LAG RDUM LA SOGS PA'O, ,NYE BAR GZHAG PAR MI BYA BA NI GNAS SBYIN PA GCIG PUR MA ZAD KYI GNAS KHANG GI YANG NANG DU MI SBYIN PA DANG RJES SU 'BRANG BA'I 'KHOR NYID KYIS SO, ,DE LTAR YANG DGE SLONG GIS 'KHOR SUN 'BYIN PA'I 'KHOR

26a

, ,NYE BAR GZHAG PAR MI BYA STE, NYE BAR 'JOG PAR 'GYUR NA 'GAL TSABS CAN DU 'GYUR RO ZHES GSUNGS NA, JI TZAM GYIS NA 'KHOR SUM 'BYIN PA'I 'KHOR YIN PAR BRJOD PAR BYA ZHE NA, RIGS LAS DANG KHA DOG LAS DANG DBYIBS LAS TE, JI LTAR RIGS LAS SHE NA SHING RTA MKHAN DANG GDOL PA DANG G-YUNG PO'I RIGS LAS SO, ,JI LTAR RIGS DANG DBYIBS LAS SHE NA SKRA SER ZHES BYA BA LA SOGS PA 'DIR SMOS SO, ,DU MA MKHAN PO GCIG PAS GSUM MAN CHAD TSIG GCIG GIS BSNYEN PAR RDZOGS PAR BYAR RUNG NGO ZHES BYA BA LA, DU MA ZHES BYA BA NI GNYIS LA SOGS PA'O, ,MKHAN PO GCIG PA 'DI LA YOD PAS NA MKHAN PO GCIG PA STE DE LA'O, ,TSIG GCIG GIS ZHES BYA BA NI GSOL BA GCIG GIS SO, ,DU MA JI TZAM GYIS SHES SHE NA, 'DIR GSUM MAN CHAD CES SMOS TE GSUM MAN CHAD RIGS PA YIN GYI GZHAN NI MA YIN ZHES BYA BA'I DON TO, ,LUNG LAS KYANG, TSOGS KYIS TSOGS KYI LAS RNAMS MI BYA'O ZHES GSUNGS PA LA, KHA CIG NI MKHAN PO'I BYE BRAG KHAS BLANGS PA'I GZHUNG 'DI LA BYED PA YIN NO, ,NYE BA 'KHOR GYIS ZHUS PA LAS KYANG, BTZUN PA DUS GCIG DANG SKAD CIG NYID LA LAS BYED PA PO GCIG CIG GIS GSOL BA GCIG GIS LAS GNYIS BGYI BA DANG BGYIS PAR BRJOD PA DANG, DGE 'DUN YANG DES 'GAL TSABS CAN DU MI 'GYUR BA MCHIS SAM, NYE BA 'KHOR YOD DE, DE LAS BYED PA PO'I DGE SLONG STOBS DANG LDAN PAR GYUR NA MKHAN PO RNAMS DANG; BSNYEN PAR RDZOGS PAR 'DOD PA RNAMS KYI MING YONGS SU BRJOD NUS SHING GSOL BA NYAMS PAR MI 'GYUR BA LAS KYANG BYED NA'O ZHES BYA BA LA SOGS PA GSUNGS SO, ,'PHAGS PA NYE BA 'KHOR DGE TSUL SBYIN BYED DANG SKYONG BYED MNYES GSHIN PA DANG BCAS PA DE GNYIS PHAN TSUN SEMS RJES SU BSRUNGS PAS CIG CAR BSNYEN PAR RDZOGS PAR BYA BA YIN TE, DE BAS NA SO SOR BSNYEN PAR RDZOGS PAR MI BYA'O, ,RGYU 'DIS MKHAN PO GCIG GIS DU MA BSNYEN PAR RDZOGS PAR GNANG BA LA RGYU 'DI LAS MKHAN PO GCIG LA DU MA KHAS LEN PA 'DI NI GLENG GZHI LAS

26b

MTHONG BA YIN TE, DE BAS NA DE LTAR KHAS MA BLANGS PA LA 'DI YANG DGOS PA MA YIN NO, ,DUS MNYAM PA RNAMS NI GCIG LA GCIG PHYAG MI BYA'O ZHES BYA BA NI DUS GCIG TU LAS GCIG BRJOD PAS BSNYEN PAR RDZOGS PA'AM, SO SOR BSNYEN PAR RDZOGS PA GANG DAG GIS DUS MNYAM PA DE RNAMS LA PHAN TSUN DU PHYAG BYED PA MED PA STE, PHYAG CES BYA BA NI PHYAG GO, ,SNGAR 'ONGS PA DANG PO YIN NO ZHES BYA BA NI DUS MNYAM PA RNAMS KYANG RNYED PA DANG LAS SU BSKO BA DANG LDAN PA LA SOGS PA'I GNAS GANG ZHIG LA DANG PO 'ONGS PA DE LA RNYED PA BLANGS PA LA DANG PO NYID DE, JI LTAR 'ONGS PAS RNYED PA BLANG BAR BYA'O ZHES GSUNGS PA'I PHYIR RO, ,LAS SU BSKO BA LA GANG ZHIG PHYIS 'ONGS PA DES DANG POR BYA BA NYID DE, PHYIS 'ONGS PAS LAS SU BSKO BA DANG PO ZHES BYA BA ZHES GSUNGS PA'I PHYIR RO, ,DON NI 'DI YIN TE, RNYED PA BLANG BA LA DANG POR GNAS YANG DAG PAR THOB PA LA DANG PO NYID DE LAS SU BSKO BAR BYED PA LA, PHYIS GNAS YANG DAG PAR THOB PA LA DANG PO NYID CES BYA BA'O, ,DGON PA BAS SKRA SOR GNYIS LAS LHAG PAR MI GZHAG GO, ,GRONG MTHA' BAS NI DE'I 'OG MA NYID LAS MI GZHAG GO ZHES BYA BA LA 'OG MA'I DNGOS PO NI 'OG MA NYID DE, SOR GNYIS PO 'DI'I 'OG GI DNGOS PO LAS LHAG PAR SOR PHYED DANG GNYIS KYI TSAD NYID YANG DAG PAR THOB PA STE, JI SRID DU GZHAG PAR MI BYA ZHES BYA BA 'DIR SHES PAR 'GYUR ZHES BYA BAR RIG PAR BYA'O, ,'DIR GZHUNG NI, DGE SLONG DGON PA BAS SKRA SOR GNYIS SU GZHAG PAR BYA LA, GRANG MTHA' BAS NI DE'I 'OG MA'O ZHES GSUNGS SO, ,KHA CIG NI SOR GNYIS BSKOR BA ZHES BYA BA SOR GNYIS KYI GNAS LA SMRA BA YIN TE, GAL TE 'DON PA 'DI LA SOR GNYIS PA'I TSAD KYIS BSKOR BA GANG RNAMS ZHES BYA BA'I DON TE, SNGON GYI 'DON PA LAS DON GZHAN NYID NI MA YIN NO, ,'ON TE SOR GNYIS PA BSKOR BA YIN NA NI RIGS PA MA YIN TE, 'DI TZAM RING PO NYID LA RTAGS MI GNANG BAR GYUR PA NYID KYI PHYIR DANG, GLENG GZHI'I SKYON GANG GIS KYANG BSLAB PA'I GZHI 'DI BRTAGS PA DE'I SKYON LAS BYUNG BA LA YANG GNAS SKABS DE NYID KYI PHYIR RO, ,GANG GI PHYIR SOR LNGA LAS LHAG PA'I TSAD NI 'DI YIN TE, RAB TU BYUNG

27a

, ,BA'I DUS NA 'BYUNG BA'I SKRA BREG PA'I CHO GA LAS GZHAN DU YANG SKRA BREG PA LA SOGS PA LA BYA BA NYID DU RIGS PA YIN TE, DE BAS NA GNAS 'DI LA RNAM PAR ZHUGS PA'O, ,SKRA BA LANG GI 'DRA BAR MI BREG GO, ,RMA'I THAN KOR NI MA GTOGS SO, ,GTZUG PHUD BYED DU MI GZHUG GO; ,MDOMS KYI SPU BREG TU MI GZHUG GO ZHES BYA BA NI BYED DU MI GZHUG GO ZHES BYA BA DANG RJES SU 'BREL LO, ,MDOMS GYI PHYOGS NI GSANG BA'I GNAS SO, ,RMA'I CHED DU GZHAN GYIS MI 'TSO NA MKHAS PA GNAS BRTAN GNAS BRTAN DAG LA DRIS TE 'BREG TU GZHUG GO ZHES BYA BA LA, MI 'TSO NA NI GZHAN GYIS ZHES BYA BA BCOM LDAN 'DAS KYIS GSUNGS PA BSKA BA LNGA BKRU BAR BYA'O, ,DE'I 'OG TU GAL TE 'TSO BAR MA GYUR NA MDO SDE 'DZIN PA DANG 'DUL BA 'DZIN PA DANG, MA MO 'DZIN PA'I DGE SLONG RNAMS LA DRIS TE MDOMS KYI SPU BREG TU GZHUG GO ZHES BYA BA GSUNGS TE, DE NI 'DIR GZHUNG YIN NO, ,DE LA DPE YIN TE; SBYANG BA'I CHO GA 'DI RIGS PA YIN ZHES BYA BA RNAM PA GZHAN RNAMS KYANG GSO BAR BYED PA LA BSDUS PA YIN TE, DGE SLONG GNAS BRTAN GNAS BRTAN DAG LA BLTAS NAS RMA'I CHED DAM SROG CHAGS RNAMS KYI CHED DU GNOD PA MED PA'I SA PHYOGS SU SPU'I LAS BYED DU GZHUG GO ZHES BYA BA 'DIR GZHAN RNAMS KYI GZHUNG NI DE LA MNGON SUM DU RIG PAR BYAS PAR GYUR PA ZHES BYA BA 'DI'I LHAG MA'O, ,RGAN PA GNYIS DAG GIS MNGON SUM PA NYID KYI TSUL KHRIMS NYID DANG CHOS 'DUL BA MNGON PAR SHES PA NYID KYIS SO, ,'DI GNYIS KA YANG LTA BA SON PAS BSDUS PA'O, ,BSDUS PA NI RNAM PAR SHES PA'O, ,SDE SNOD 'DZIN PA NYID KYI TSIG NI SHES PA PO LA RAG LUS PAR SHES SO, ,SROG CHAGS KYI CHED NI 'DIR RMA LA GNAS PA'I SROG CHAGS RNAMS LA DGONGS PAR RIGS PA YIN TE, SHIG LA SOGS PA'I DGONGS PA NI MA YIN NO, ,'DI LA YANG RMA'I CHED NYID KYI NANG DU BSDUS PA NYID DE'I PHYIR MA BZUNG NGO, ,BYIN PA'I SPU BREG PA YANG DE'I PHYIR MA YIN PAR BYED DU MI GZHUG GO ZHES BYA BA LA, DE'I PHYIR MA YIN PA NI RMA'I PHYIR MA YIN PA'O, ,BYIN PA'I SPU BRAG PA NI YAN LAG GI SPU'O, ,LUS GZHAN GYI YANG MI BYA'O ZHES BYA BA NI MDOMS DANG BYIN PA DAG LAS GZHAN PA'I LUS NI

27b

MGRIN PA MAN CHAD GANG ZHIG LUS KYI THA SNYAD DE LA YANG SPU BREG PA'I LAS 'DI BKAG PA'O, ,DE BAS NA 'DIR SKRA DANG KHA SPU DAG LA YANG BYA BA NYID BKAG PA MA YIN NO, ,SNA'I SPU BREG PA LA NI TSIG YOD DE DE'I PHYIR GRAGS PA LA YID CHES PA'O, ,'DIR MA MO'I GZHUNG LAS SKRA DANG KHA SPU MA GTOGS PA DE LAS GZHAN PA'I YAN LAG DANG NYID LAG RNAMS KYI SPU BREG PAR MI BYA'O, ,GANG ZHIG 'BREG PAR GYUR NA NYES BYAS KYI LTUNG BAR 'GYUR RO ZHES 'BYUNG NGO, ,SEN MO SPU GRI'I SO LTA BU 'AM STE'U'I KHA LTA BUR BREG PAR BYA'O, ,DE DAG SPYIL BAR MI BYA'O, ,DRI MA BSAL BA'I PHYIR BRUD PAR BYA'O, ,CHOS GOS GYON BZHIN DU SKRA DANG KHA SPU BREG PAR MI BYA'O ZHES BYA BA NI BLA GOS LA 'DIR GZUNG BAR BYA'I, MTHANG GOS LA NI MA YIN NO, ,MTHANG GOS THAMS CAD LA NI MA YIN NO, ,DE BAS NA CHOS GOS DANG BLA GOS DAG NYID LA STE, 'DIR RNYING PA DUS GZHAN DU STENG DU BGOS PA LA RIGS PA YIN NO ZHES BYA BA 'DIR BKAG PA'I RGYU MTSAN RNAM PAR GZHAG PA'I PHYIR RO, ,SKRA BZED BCAD PAR BYA'O ZHES BYA BA NI SKRA BZED PA'I GOS BCAD BAR BYA STE, DON DE NYID LA GANG DGOS PA'O, ,'DI SKRA RNAMS SO SOR 'DZIN PAS NA SKRA BZED DO ZHES BYA BA NI NGES PA'I TSIG GO, ,'DI CI'I PHYIR GOS ZHES BRJOD CE NA, GOS 'DI SKRA BZED DU BYIN GYIS BRLAB PAR BYA'O ZHES BYA BAS BYIN GYIS BRLAB PA'I SNGAGS LAS GSUNGS PA'I PHYIR RO, ,BGO BA'I DON DU SLAR 'DI JI LTAR RNAM PAR SHES SHE NA, SLAR DE NYID DU SKRA RNAMS NYE BAR BCANG BA'I DON DU MA YIN ZHES BYA BA'O, ,MED NA RDUL GZAN GYIS SO ZHES BRJOD PA'I PHYIR RO; ,RDUL GZAN DU SKRA BREG PA NI MA BKAG PA'O, ,MED NA RDUL GZAN GYIS SO ZHES BYA BA NI SKRA BZED PA'I GOS MED NA RDUL GZAN GYON PAS SKRA DANG KHA SPU DAG BREG PAR BYA'O, ,BTING BAR YANG MI BYA'O ZHES BYA BA NI SKRA DANG KHA SPU DAG BREG PAR MI BYA'O, ,'DIR GLENG GZHI LA YANG DANG PO NYID DU SEN MO BREG PA ZHES BYA BA'I THA MAR GZUNG NI 'DI YIN TE, GANG DU DGE 'DUN PHYAG DAR 'PHYAG PAR YANG MI BYA'O ZHES BYA BA 'DI NI GTZUG LAG KHANG GI DBANG DU BYAS PA YIN NO, ,RGAN PO DANG NAD PA DANG RLUNG DANG NYI MA DANG CHAR PA DAG LA KHYAMS LA SOGS PAR BREG TU GZHUG PAR BYA'O, ,PHYOGS DER BYI DOR

28a

, ,BYA'O; ,BYI DOR BYA BA NI SKRA MED PA NYID DANG CHU MED PA NYID DANG, DE JI LTAR BSGRUB PA DE LTAR BYA'O, ,SKRA NI PHYAG DAR KHROD DU DOR, ,ZHES BYA BA NI PHYAG DAR KHROD KYI PHYOGS SU'O ZHES BYA BA'I DON TO, ,SEN MO BCAS YANG DE BZHIN NO, ,ZHES BYA BA NI BTING BAR YANG MI BYA'O ZHES BYA BA LA SOGS PA LA 'DRE BA 'DI YIN NO, ,SKRA BZED LA MKHAS PA MDZES PAR BYED PAR 'GYUR BAS LAS BYA BAR 'GYUR RO, ,DE BAS NA 'DIR BCAD PA NI GANG DU DGE 'DUN PHYAG DAR 'PHYAG PAR MI BYA'O ZHES BYA BA 'DI LAS 'DA' BA NYID DAM SA LA BYI DOR BYA BA NYID DO, ,SKRA DANG KHA SPU BREG PA SPANG BA 'DI LA MI SRID PAR RIG PAR BYA'O, ,DE 'DOD CHAGS DANG BRAL BA MA YIN NA DGE SLONG MAS 'DI ZHAL TA MA BYAS PAR SKYES PAS SKRA MI BREG GO ZHES BYA BA LA, 'DI ZHES BYA BA NI DGE SLONG MA 'DOD CHAGS DANG BRAL BA MA YIN PA ZHES BYA BA'O, ,GAL TE 'DOD CHAGS DANG BRAL BAR GYUR NA LTUNG BA MED DE ZHES BYA BA'I GZHUNG 'DI LA BREG PAR BYA'O ZHES BYA BA BREG PA NYID 'DIR 'DI LTA BU'I TSIG GO, ,DE NAS SKYE DGU'I BDAG MO GOO TA MA CHEN PO SH'AKYA'I DGE SLONG MA BRGYA PHRAG DANG LHAN CIG TU RANG NYID KYIS SKRA BREGS TE, GOS DUR SMRIG GYON NAS ZHES BYA BA SKRA BREG PA GSUNGS LA, DE BZHIN DU GOO TA MA KHYOD KYIS MGO BO RNAMS MDZES PAR GYIS SHIG CES BYA BA MGO BO NYID DU BRJOD PA'I PHYIR SKRA RNAMS RING BA NYID KYIS GZHAN GYIS BREG PA LA RGYU MTSAN DANG BCAS PA 'DI BRJOD PA'O, ,GZHAN DU NI THA SNYAD DE 'DOD CHAGS DANG MA BRAL BA'I DGE SLONG MA NI DGE SLONG MAS ZHAL TA MA BYAS PAS SKU MI BREG GO ZHES BYA BA'I DON TO, ,KUN TU CHAGS BAR GYUR NA ZHAL TA BYED PA MOS RJES SU BSTEN BAR BYA'O, ,DRAN PA NYE BAR ZHOG CIG ,CI RNAG GI LUS 'DI LA SNYING PO YOD DAM ZHES SO BYA BA LA, KUN TU CHAGS PAR GYUR NA ZHES BYA BA NI 'BREG MKHAN LA DGE SLONG MA DE'O, ,'BREG MKHAN LA NI MA DANG SRING MO DANG BU MO'I 'DU SHES NYE BAR ZHOG CIG CES SO ZHES BYA BA LA, KUN DU CHAGS PAR GYUR PA LA ZHAL TA MOS MA LA SOGS PA'I 'DU SHES NYE BAR ZHOG CIG CES BYA BA LA YANG DAG PAR RJES SU BSTAN PAR BYA'O, ,DE BYAS NAS KHRUS BYA'O ZHES BYA BA LA, 'DIR DE ZHES BYA BA NI SKRA DANG KHA SPU BREG PA LA'O, ,YANG NA YAN LAG LNGA'I KHRUS KYANG NGO

28b

ZHES BYA BA LA, YANG NA ZHES BYA BA'I SGRA NI CHO GA GZHAN BSTAN PA'I DON TO, ,CHU YOD PA LA 'DI BRTAG PA NYID YIN TE, 'DIR GZHUNG NI DGE SLONG GIS SKRA BZED BCANG BAR BYA ZHING KHRUS KYANG BYA STE, THA NA RKANG LAG DAG KYANG BKRU BAR BYA'O ZHES GSUNGS PA YIN NO, ,SGREN MOR KHRUS MI BYA'O ZHES BYA BA LA; 'DI LTAR 'KHOR GSUM G-YOGS PA NYID YONGS SU RDZOGS PA NYID NI SGREN MO MA YIN PA NYID DO, ,JI SRID DU 'KHOR GSUM G-YOGS PA LA YAN LAG LAS SKYES PA'I SPU DAG G-YOGS PA NYID NI DE SRID DU G-YOGS PA NYID KYIS THAMS CAD LA SPANG BAR BYA BA MA YIN PA NYID CES BYA BA 'DI NI 'DIR SHUGS KYIS RTOGS PAR BYA'O, ,DGE SLONG MAS SKYES PA'I CHU DOGS SU MI BYA'O, ,BUD MED KYI CHU NGOGS SU YANG PHYE MAS MI BYA'O ZHES BYA BA NI SKYES PA RNAMS KYI CHU NGOGS SU DGE SLONG MAS KHRUS BYAS PA NYID BKAG PA'O, ,BUD MED KYI CHU NGOGS SU NI SRAN CHUNG GI PHYE MA LA SOGS PAS KHRUS BYA BA BKAG PAR MDZAD KYI KHRUS NYI TSE NI MA BKAG GO, ,'DIR GZHUNG NI BCU GNYIS SDE RNAMS BUD MED KYI CHU DOGS SU KHRUS BYED PAR GYUR TE, KHYIM BDAG GI BUD MED KHRUS BYED PA RNAMS LA NGA RGYAL BYED CING MON SRAN GRE'U'I PHYE MA LA SOGS PA YANG 'DOR BAR BYED DE ZHES BYA BA DANG, BCOM LDAN 'DAS KYIS DGE SLONG MA BUD MED KYI CHU DOGS SU PHYE MAS KHRUS MI BYA'O ZHES GSUNGS PA YIN NO, ,MON SRAN GRE'U LA SOGS PA'I PHYE MA'I DRIS BSGOS PA RUNG NGO ZHES BYA BA LA, 'DI NI THAMS CAD DU DBANG DU BYED PA'O, ,DE NI BLANG BAR BYA'O, ,NAD PAS NI SMAN GYI DGOS PA YANG NGO ZHES BYA BA NI RUNG NGO ZHES BYA BA DANG RJES SU MTHUN NO, ,DGE SLONG MAS BUD MED LA PHYE MAS MI GTOR RO ZHES BYA BA NI KHRUS KYI DUS SU 'AM DUS GZHAN LA YANG ZHES BYA BA KHYAD PAR YONGS SU MA BZUNG BA SGREN MO NYID BSAL BA ZHAR LA BSGRUB PA BRJOD PA YIN NO, ,SHAM THABS KYI MTHA' MA NYID KYI MDUN DANG RGYAB KYI MTHA' MA MA MDUD PAR SKAS LA MI 'DZEG GO ZHES BYA BA NI SHAM THABS KYI GOS KYI MTHA' MA RGYAB DANG 'OG MA NI 'OG NAS 'BYUNG BA'I MTHA' MA GANG GIS NA MDUD PA ZHES BYA BA'I DON TO, ,'DI NI SMAD DKRIS MTHONG BA YONGS SU SPANG BA'O, ,SHING LA SOGS PA LA 'DZEG PA YANG SMAD DKRIS MTHONG BA BSGRUB PA YIN NO, ,DE BAS NA SKABS KYI

29a

, ,TSIG NI 'DIR DPE TZAM DU RTOGS PAR BYA'O, ,RGUD PA'I DUS SU 'DZEG PA LA GSO BA'I DON DU 'DZEG PA GANG ZHIG GAL TE SHAM THABS DE LA 'DI LTAR MDUD PAS NYE BAR BKAG PA MIN NAS DE LA SRUNG BA NYID DO, ,GAL TE MA YIN NA MA YIN ZHES BYA BA SHING LA 'DZEG PA GNANG BAS RJES SU RTOGS PAR BYA'O, ,GZHAN GYI DUS SU DE LTAR MI BYA'O ZHES BYA BA NI SKAS LA 'DZEG PA LAS DUS GZHAN DU SHAM THABS KYI MTHA' MA NYID KYI MDUN DANG RGYAB KYI MTHA' MDUD PAS GNAS PAR MI BYA'O ZHES BYA BA'I DON TO, ,KHA'I NANG YANG SMAD DKRIS PA'I PHYOGS DANG MTHUN PA NYID KYI PHYOGS 'DI LA DE SGREN MO YONGS SU SPANG BA BRJOD PA YIN TE, KHA MA BKAG PAR GDANGS PAR MI BYA'O ZHES BYA BA LA, GOS LA SOGS PAS KHA MA BKAB PAR GDANGS PA GANG ZHIG DE NI BSTEN PAR MI BYA STE, 'DIR GZHUNG NI DGE SLONG GLAL BAR GYUR PAS KHA LA LAG PAS DGAB PAR BYA'O ZHES GSUNGS PA YIN NO, ,'DIR DPE NI LAG PA RNAM PAR GNAS PA YIN NO, ,GLAL BA YANG 'DOD PA BZHIN DU BYA BA STE, GANG RNAM PAR GSAL BA'I SLAD DU DE'I DBANG DU BYAS NAS 'DI GSUNGS PA YIN TE, NUS PA MED PA LA GANG ZHIG KHA PHYE BA DE BSTEN PA LA SKYON MED DO, ,KHRUS RAS BCANG BAR BYA'O, ,NYI RIM LA NI SROG CHAGS DAG KUN DU 'CHAGS SO ZHES BYA BA LA BRJOD PAR BYA BA LA KUN DU ZHES BYA BA NI GZHUNG MDZES PA SGRUB PA'I PHYIR NYE BAR BZUNG BA STE 'DI NI RGYU MTSAN BSTAN PA YIN NO, ,GANG GI PHYIR NYE RIM LA SROG CHAGS RNAMS 'CHAGS PAR GYUR PA DE'I PHYIR SROG CHAGS DANG BCAS PA'I CHU LA DE LTA BU'I GOS KYIS KHRUS MI BYA'O ZHES BYA BA'I DON TO, ,CHOS GOS GSUM PAS KYANG NGO ZHES BYA BA NI KHRUS RAS BCANG BAR BYA'O ZHES BYA BA DANG RJES SU 'BREL LO, ,'DIR GZHUNG NI BCOM LDAN 'DAS KYIS BKA' STZAL PA, DE DAG SLONG CHOS GOS GSUM PAS KYANG KHRUS RAS BCANG BAR BYA'O ZHES GSUNGS PA YIN NO, ,KHA CIG NI PHYIN GYIS MA BRLABS PAR YANG GZUNG BAR BYA ZHES ZER TE, DE NI MI RIGS SO, ,BDAG GIS KHRUS RAS ZHES BYA BA KUN DU RTOG PA MA SKYES PA RANG BZHIN GYIS LDANG BA'I PHYIR DES PAR KUN DU RTOG PA 'DI 'DIR BSKYED PAR BYA'O, ,'DIR YANG BSKYED PA LA YID KYIS BYIN GYIS BRLAB PAR BYA BA NYID 'DIR SKYE

29b

BA YIN TE, DE BAS NA BYIN GYIS BRLAB PA GZHAN LA BYA BAR RIGS PA YIN NO, ,NGAG GIS BYIN GYIS BRLAB PA SHIN TU BDE BA NYID KYI PHYIR RO, ,GNANG BA 'DI NYID LAS NI 'DIS YANG DAG PAR BLANGS PA 'DI LAS NYAMS PAR 'GYUR BA MA YIN ZHES BYA BAR RIG PAR BYA'O, ,MANG NA MDUN DANG RGYAB NAS LO MA DAG GIS GLAN LA DBEN PA'I PHYOGS SU KHRUS BYA'O ZHES BYA BA LA, THAMS CAD DU CHOS GOS GSUM PA NYID NI MA YIN TE, 'DIR GZHUNG NI, GZHAN RNAMS LA KHRUS RAS KYI RNYED PA MED NAS BCOM LDAN 'DAS KYIS BKA' STZAL PA, DE RNAMS KYI MDUN DANG RGYAB NAS MO LA RNAMS KYIS GLAN LA DBEN PA'I SA PHYOGS SU KHRUS BYA'O ZHES BYA BA KHYAD PAR MED PAR GSUNGS PA YIN NO, ,SROG CHAGS CHAGS NA BSHAL BAS MED PAR 'GYUR RO ZHES BYA BA NI RIM PA GCIG LAS NYI RIM LA SROG CHAGS NA ZHES BYA BA 'DI LAS RTOGS PA'O, ,LHAN PA CAN YANG NYI RIM MED PA MA YIN NO, ,DE BAS NA 'DIS SROG CHAGS DANG BCAS PA'I CHU LA KHRUS MI BYA'O ZHES BYA BA 'DIR GNAS PAR RIG PAR BYA'O, ,DE GTZUG LAG KHANG DU NI STOR KHUNG DU'O ZHES BYA BA NI GAL TE GTZUG LAG KHANG DU 'DI KHRUS BYED NA STOR KHUNG NYID DU BYA STE GZHAN DU NI MA YIN NO, ,BTZOG CHU YANG DBO BAR BYA'O ZHES BYA BA NI RKANG PA BKRUS PA LA SOGS PA'I CHU STOR KHUNG NYAD DU DBO BAR BYA'I GZHAN DU NI MA YIN NO, ,KHRUS KHANG BYA'O, ,DER SO PHAG GI GCAL DGRAM MO ZHES BYA BA LA, DER NI KHRUS KYI KHANG PA LA BYA'O, ,STOR KHUNG GDOD DO, ,LJAN LJIN BSAL BAR BYA'O ZHES BYA BA LA, 'DIR GZHUNG NI BCOM LDAN 'DAS KYIS BKA' STZAL PA, STOR KHUNG GDOD PAR BYA'O, ,LJAN LJIN YOD NAS BCOM LDAN 'DAS KYIS BKA' STZAL PA, DUS DUS SU BSAL BAR BYA'O ZHES GSUNGS PA YIN NO, ,'ON KYANG STOR KHUNG KHO NAR KHRUS BYA'O ZHES GSUNGS PAS DE BSDU BA'I PHYIR, STOR KHUNG DU KHRUS BYED NA DE MI 'BYUNG NGO ZHES BYA BA SMOS TE; LJAN LJIN ZHES BYA BA RJES SU 'BREL LO, ,KHRUS BYED PA NI KHRUS BYED PA'O, ,LJAN LJIN BYUNG BA SO SO'I CHO GA LA BRJOD PA 'DI YIN NO, ,STOR KHUNG DU KHRUS BYED NA LJAN LJIN MI 'BYUNG NGO ZHES BYA BA STE, STOR KHUNG NYID DU KHRUS BYA BA NI MA YIN NO, ,DE'I PHYIR NGES BAR GYUR PA STE,

30a

, ,KHANG PA NI KHRUS KYI KHANG PA NYID KYI PHYIR RO, ,SO PHAG GI DUM BUS BRUD PAS RKANG PA GNYIS LAS GZHAN PA'I LUS LA BRUD PAR MI BYA'O ZHES BYA BA NI SO PHAG GI DUM BUS DGE SLONG GIS LUS BRUD PAR BYA BA MA YIN NO ZHES BYA BA'I GZHUNG LAS SO, ,GZHAN PA'I ZHES BYA BA NI RKANG PA GNYIS LAS THA DAD PA'O, ,DE DAG LAS NI BKAG PA MED DO, ,DE NI DPE YIN NO ZHES BYA BA NI BRUD PA'O, ,RDZAS JI LTA BU LA SHES PAR BYA ZHE NA, RNON PO DANG BZHAR SPYAD DAG LA'O, ,RNON PO ZHES BYA BA NI MTSON LA SOGS PA'O, ,BZHAR SPYAD CES BYA BA NI SPU BA LA SOGS PA STE, SEMS KYI RNAM PAR 'GYUR BA SGRUB PAR BYED PA'I PHYIR RO, ,'DIR GZHUNG NI BCOM LDAN 'DAS KYIS SO PHAG GI DUM BUS LUS LA BRUD PAR MI BYA'O ZHES BYA BA BKA' STZAL PA DANG, DGE SLONG DAG NYA PHYIS KYIS BRUD PAR BYED PA DANG, BCOM LDAN 'DAS KYIS BKA' STZAL PA, NYA PHYIS NI RNO BAS BYA'O ZHES GSUNGS PA YIN NO, ,'DIR NYA PHYIS RNO BA NYID 'DIR BKAG PA'O, ,DE BAS NA SO PHAG GI DUM BU NI DPE YIN NO, ,RNON PO GZHAN LA YANG GZHAR SPYAD KYI RDZAS LA DES KYANG LUS LA BRUD PAR MI BYA'O, ,NYA PHYIS NI MES SBYANG NGO ZHES BYA BA NI 'DI LA MES RAB TU GDUNG BA TZAM SBYANG BA STE, GZHAN NI NYA PHYIS NYAMS PA'I PHYIR RO, ,DGE SLONG MAS NI GANG DU YANG KHU TSUR DAG DANG GOS GRIL BA DAG YAN CHAD GANG GIS KYANG BRUD PAR MI BYA'O ZHES BYA BA NI CUNG ZAD CES BYA BA NI LUS TE, 'JAM PA'I BUD MED KYI LUS TE, 'JAM PA DANG RTZUB PA MA YIN PA LAS KYANG DE LA RNAM PAR 'GYUR BA BSGRUB PA'O, ,SHIN TU KHRUS PAS 'DI BYED PA LA BUD MED LA BZHAR SPYAD NYID NI, DE'I PHYIR DGE SLONG MA RNAMS LA THAMS CAD BKAG PA'O, ,CUNG ZAD KHU TSUR LAS 'DAM PA LAS GZHAN PA'I GOS 'BYUNG BA YIN NO ZHES BYA BA'O, ,KHU TSUR TZAM NYID KYIS BRJOD NAS GOS DRIL BA'I TSIG GO, ,GSHER 'GYUR GYI CHU DANG MA BRAL BAS CHOS GOS DAG BGO BAR MI BYA'O ZHES BYA BA NI BGO BAR GYUR PA'I GOS NYAMS PA YONGS SU BSAL BA'I DON DU 'DI YIN NO, ,DE BAS NA 'DI RNAMS LA GSHER 'GYUR GYI CHU DANG MA BRAL BAS GANG LA ZHES BYA BA SHES PA'O, ,GANG ZHIG MTHONG BA'I PHYIR BCUG PA MI 'DOD PA DE'I SLAD DU 'OG MA'I CHO GA DAG GO, ,LUS PHYIS BCANG BAR

30b

BYA'O; ,MED NA YUD CAM ZHIG TZOG BUR 'DUG LA KHRUS RAS KYIS PHYI BAR BYA'O ZHES BYA BA NI 'JUG PA JI TZAM GYIS 'GRUB PAS KHRUS RAS KYIS PHYIS PAS DON BSGRUB PA DE TZAM GYIS 'DI LA JI TZAM PA'I DUS KYI TSAD KYIS BSGRUB PA DE NYE BAR MTSON PA NI 'DAR NI YUD TZAM MO, ,CHUNG BA DAG GIS DE LA YUD TZAM ZHAS BYA BA 'DI BRJOD PA'O, ,TZOG BUR 'DUG PA ZHES BYA NI DE BZHIN DU MYUR DU 'GRO BA'I CHU LA LUS LAS BSGRUB PA'O, ,'DIR GNAS PA'I SBAS PA'I NGO BO STE, DE BAS NA 'DI SGREN MOS BSTEN PA RIGS PA MA YIN NO ZHES BYA BA 'DI YANG DAG PAR BSTAN PA'O, ,BSRO KHANG BSTEN PAR BYA'O, ,BSRO KHANG GI KHANG PA BYA BA NI GRAM SA CHE BAR BZANG NGO ZHES BYA BA NI BSRO KHANG GI DON DU KHANG PA NI KHANG PA STE, GRAMS CHE BA'I SA PHYOGS KA KHANG PA BYA ZHES BYA BA'O, ,'DIR GZHUNG NI PHYOGS RNAMS LA 'DI SONG BA LA YANG MA RDZOGS PA'I DON BSGRUB PA YIN TE, GRAM SA CHE BA LA NI YONGS SU RDZOGS PA'I DON SGRUB PAR BYED PA NYID KYI PHYIR RUNG BA NYID DO ZHES BYA BA'I DON TO, ,DE BZHIN DU GNAS LA YANG RUNG BA'I SGRA SBYOR BAR RIG PAR BYA'O, ,BSRO KHANG GI KHANG PA DE LA GANG ZHIG BYA BA DE NYE BAR BSTAN PA'I PHYIR, DKYIL DU SKAR KHUNG PHYI RUB LA NANG YANGS PA RGYA MTSO'I RNAM PA LTA BU GDOD DO ZHES BYA BA SMOS TE, KHANG PA LA BRTAN PA'I TSIG PA'I DBUS SU STENG 'OG DANG STENG DU YANG MA YIN ZHES BYA BA'I DON TO, ,DER SKAR KHUNG DRA BA CAN DANG SGO GLEGS DANG 'KHOR GTAN DANG GNAM GZER DANG 'PHRED GTAN DANG BCAS PA GZHUG GO ZHES BYA BA LA, DER ZHES BYA BA NI SKAR KHUNG LA'O, ,DBYUG GU SKAM KHA YANG NYE BAR GZHAG GO ZHES BYA BA NI DER ZHES BYA BA 'DI DANG 'BREL PA NYE BAR BSGRUB PA'I DON DU YANG GI SGRA'O, ,DBYUG GU SKAM KHAS SKAR KHUNG GI 'PHRED GTAN GZHUG PA DANG DBYE BA'O, ,SGRO SGO GLEGS DANG SGO GTAN DANG YANG MIG DANG LAG GZUNGS LEGS PAR BYA'O ZHES BYA BA LA, SGOR ZHES BYA BA NI BSRO KHANG GI SGO LA'O; ,CHU DRON GZHAG PA'I PHYIR NANG GI PHYOGS SU GZHAG STEGS BYA'O ZHES BYA BA LA, GZHAG STEGS NI STEGS BU STE GANG LA CHU'I BUM PA RNAMS 'JOG PA YIN NO, ,ME 'BUD PA'I GNAS KYI SAR SO PHAG GI GCAL BYA'O, ,ME MI 'CHI BA'I PHYIR SBA BAR BYA'O ZHES BYA BA NI ZLUM POR BYA BA'O, ,DE'I

31a

, ,CHED DU LCAGS KYI THAL PHYAGS BCANG BAR BYA'I ZHES BYA BA LA, DE'I CHED DU ZHES BYA BA NI ME SBA BA'I CHED DU'O, ,ME 'BAR BA NA MI RMYA BAR BYA BA'I PHYIR 'JUG PA BSAD PAR BYA'O ZHES BYA BA NI BSRO KHANG LA'O, ,POG PA MI 'BYUNG BAR BYA BA'I PHYIR PHYE DANG NYUNGS MAR DU BSRES PA DAG MER BLUGS SO ZHES BYA BA LA, ME'I PAR NI BOG PA'O, ,DRI MI ZHIM PA NYID BSAL BA'I PHYIR BDUG SPOS BLUGS SO ZHES BYA BA NI GANG ZHIG DE'I PHYE RNAMS KYIS DRI MI ZHIM PAR BYAS PAS SO, ,MCHI MA 'DZAG NA NAS KYI BAG ZAN GYIS BCAD DO, ,SKYU RU RA'I PHYE MA SBRUS PA'I CHANG BUS KYANG NGO, ,DER RTZVA BAM GYI STAN GDING NGO ZHES BYA BA LA, DE'I BSRO KHANG LA RTZVA BAM GYI STAN GDING NGO, ,'DI LA CHAGS PAS STAN GDING BA'I DON MA YIN NO ZHES BYA BA 'DI LA GNANG BA'O, ,SA GZHIR SKYES PA NYID KYIS SAM SBANGS PAS GSHER BA'I RTZVA GSHER BA DAG DGRAM MO ZHES BYA BA NI DE LA SKYES PA NYID NI GANG ZHIG SKYES PA NYID KYIS GSHER BA NYID DO, ,DE MED NA GANG ZHIG SKYES PA SPANGS PAS GSHER BA NYID DE LA BSTEN PAR BYA'O, ,'DI LA DON NI TSAB MED PA'O, ,G-YAN PA PHRUG PA'I CHED DU LCAGS KYI PHRUG SPYAD BYA BA'O, ,RDZAS KYI GLAS LUNG MIG NAS THAG GUS BTAGS TE DBEN PAR GZHAG GO, ,DE LA DRI MA MED PA NYID DU BSGRUB PA'I PHYIR MES RUNG BAR BYA'O, ,DER KHRUS MI BYA'O ZHES BYA BA LA, DER ZHES BYA BA NI BSRO KHANG LA'O, ,DE'I CHED DU KHRUS KHANG BYA'O ZHES BYA BA LA, DE'I CHED DU ZHES BYA BA NI KHRUS KYI CHED DU'O, ,KHRUS CHU LDUGS PA'I CHOS GANG DAG MI MNYAM PAR BYA BA'I PHYIR SO PHAG GIS BSGRON PA'I KHRUS DONG BYA'O ZHES BYA BA NI KHRUS CHU LDUGS PA'I CHOS GOS RNAMS MI NYAMS PAR BYA BA'I PHYIR DONG DU ZHUGS PAS NI KHRUS BYA BA LA KHA NA SDOD BYAS NI CHU BLUGS PAR BYA STE, DE BAS NA NYAMS PAR MI 'GYUR RO, ,DE LA STOR KHUNG GDONG NGO ZHES BYA BA LA, DE LA ZHES BYA BA NI STOR KHUNG LA'O, ,CHU HA CANG TSA NA PHYI MA RNAMS LA SBRAN PAR BYA'O ZHES BYA BA NI CHU TSA BAR SHES NAS PHYI MA RAB TU BYUNG BA RNAMS LA SBRAN PAR BYA'O ZHES BYA BA'I DON TO, ,DER GRANGS MOS BSRE'O ZHES BYA BA NI CHU TSA BA LA'O, ,CHAG CHAG GIS CHU LA SOGS PAR YANG NGO ZHES BYA BA NI CHAG CHAG GIS CHU LA SOGS PA'I DON DU YANG GRANG MOS 'DI LA BSRE'O, ,THAL

31b

BA DANG BA LANG GI LCI BA DANG SO SHING GIS BKANG PA'I GYO MO DAG GZHAG PAR BYA'O, ,GAL TE NYAMS DMAS PAR GYUR NA KHYE'U SUS BYA'O, ,DER NGO MI SHES PA ZHIG SHAN BSRE BAS NYE BAR GNAS PAR GYUR NA DER GTOGS PAS NGES PAR SHES PAR BYA BA'I PHYIR DRI BAR BYA ZHING DE'I CHED DU MI 'JUG PAR BYA BA'I PHYIR DGE SLONG BSGO BA BSKO'O ZHES BYA BA LA, SHAN BSRE BAS ZHES BYA BA NI KHO BO KHYED CAG LAS GANG YANG RUNG BA ZHIG YIN NO ZHES BYA BA GSEB TU 'JUG PAR BYA BAS SO, ,DER GTOGS PA ZHES BYA NI BSRO KHANG NA RNAM PAR GNAS PA'I DGE SLONG GIS TE DES DRI BAR BYA'O, ,JI ZHIG GI PHYIR ZHE NA, JI CHOS 'DI PA'I DGE SLONG ZHIG GAM 'ON TE 'TSO BA LA SOGS PA ZHIG YIN ZHES TE DE LTAR NGES PAR SHES PAR BYA BA'I PHYIR DRI BAR BYA ZHING, DE'I CHED DU SGO BA BSKO'O ZHES BYA BA 'DI MI SHES PA SHAN BSRE PAS NYE BAR GNAS PAR GYUR PA DE NGES PAR SHES PAR BYA BA'I PHYIR DRI BAR BYA BA DANG MI 'JUG PAR BYA BA'I PHYIR ZHES BYA'O, ,'DI NI BDAG CAG LAS GANG YANG RUNG BA YIN PAS ZHES BYA BA'I DRI BA 'DI SHES PA LA'O, ,BSGO BA JI LTA BU ZHIG CE NA, DGE SLONG ZHES BYA BA SMOS TE, 'DI NI DPE YIN GYI BSNYEN PAR RDZOGS PAR MA BYAS PA'I RAB TU BYUNG BA LA YANG DGE SLONG MA RNAMS LA DE'I PHYOGS SU GYUR PA'I GANG ZAG LA'O, ,DER MA DAD PA 'JUG TU MI GZHUG PA'O ZHES BYA BA LA, DER ZHES BYA BA NI BSRO KHANG LA'O, ,SO SOR GNAS BZHIN PA LA YANG SHAN BSRE BAS SO, ,'DI NI 'DIR SGO SKYONG GI DON GZHAN YIN NO, ,DER BYI DOR GYI LAS NI LHAN CIG GNAS PA DANG NYE GNAS DAG GIS BYA'O ZHES BYA BA LA, DE ZHES BYA BA NI BSRO KHANG LA'O, , GZHAN LAS NI GZHON RABS DAG GIS ZHE'O ZHES BYA BA LA, 'DI NI 'DOD PA GZHAN RAB TU BSTAN PA YIN NO, ,KHA CIG RNAMS LA NI 'DON PA GZHAN YIN TE, GZON RABS DAG GIS BYI DON GYI LAS BSRO KHANG GI LAS ZHES BYA BA'O, ,BYI DOR GYI LAS KYI NGO BO BSTAN PA'I PHYIR SBREN PA DANG ZANGS DANG 'BRU MAR DANG, , SO SHING DANG BA LANG GI LCI BA DANG, SA DANG BYE MA DANG CHU MA SOGS PA NYE BAR GZHAG PA DANG, SHING BRTAG PA DANG DRIL PHYIS DANG, SNUM GYIS BSKU BA DANG BKRU BA DANG, PHYAGS PA DANG PHYAG DANG DOR BA LA SOGS PA'O, ,DE DAG GI NI GCIG GIS GCIG LA'O ZHES BYA BA SMOS TE, GTZUG LAG KHANG GI NANG NA

32a

, ,GNAS PA RNAMS DANG LHAN CIG TU DRIL PHYIS LA SOGS PA'I LAS LA GCIG LA GCIG BSGO BA'O, ,KHRI'U DANG NYA PHYIS DAG KYANG GTZANG SBRA NYID BYAS NAS GNAS JI LTA BAR GZHAG GO ZHES BYA BA LA SOGS PA'I SGRAS NI 'PHEN PA'I LAS BSDU BA NI MA MO LAS 'DAR ZHES BYA BA LA SOGS PA NAS MDUN DU 'DUG STE ME MI 'DE'O ZHES BYA BA'I BAR DU'O, ,SNOD SPYAD THAMS CAD LA CHO GA DE BZHIN NO ZHES BYA BA NI GTZANG SBRA NYID BYAS TE, GNAS JI LTA BAR GZHAG GO ZHES BYA BA 'DI'O, ,YO BYAD THAMS CAD LA LEGS PAR SPA BA DANG, BYI DOR BYA'O ZHES BYA BA NI SNOD KYI TSIG GIS YO BYAD GANG YANG BZUNG BAR MI BYA STE, BSRO KHANG GI THA MA LAS GZHAN DU'O, ,MDO 'DI NI SGRUB PA PO'I DON DU STE, DER SGRA BSKYUNGS TE 'JUG PAR BYA'O ZHES BYA BA NI BSRO KHANG DU'O, ,MDZES PAR RO, ,LEGS PAR BSDAMS PA DANG, SPYOD LAM MDZES PA DANG SHES BZHIN DU'O ZHES BYA BA LA, LEGS PAR BSDAMS PA NI RANG NYID KYI LUS DANG NGAG MA YENGS PAR LEGS PAR BSDAMS PA NYID KYIS STEN PAR BYED DO, ,SHES BZHIN DU ZHES BYA BA 'DIS NI SEMS LA'O, ,SPYOD LAM MDZES PA NYID 'DI LA RAB TU DBYE BA GNYIS KYIS BSTAN TO, ,MDUN DU 'DUG STE ME MI 'DE'O ZHES BYA BA NI GZHAN YANG ME DE BZHIN PA LA BSGRIBS NAS BDAG NYID KYIS ME MI 'DE'O ZHES BYA BA'I TSIG GO, ,'DU 'DZI'I GTAM YANG NGO ZHES BYA BA NI DER ZHES BYA BAR SBYAR TE 'DI NI 'DOD PA DANG RJES SU MTHUN PAR BYAR SHES NAS BSRO KHANG DU 'JUG PA NA 'DOD PA RNAMS YANG DAG PAR 'BAR BA NI 'DU 'DZI ZHES BYA'O, ,DE BAS NA 'DIR 'DI SPONG BA NI BYE BRAG TU SPONG BA'O, ,'PHAGS PA'I MI SMRA BA NYID LA DMIGS PAS SO ZHES BYA BA NI DER ZHES BYA BAR SBYAR RO, ,RTOGS PA MI BDEN PA DANG, DE DANG RJES SU MTHUN PA'I SEMS RNAM PAR BZLOG PA'I DON DU MDO 'DI'O, ,'PHAGS PA'I MI SMRA BA NYID NI TSUL BZHIN DU YID LA BYED PA LA KUN NAS PHYOGS PAR BYED PAR RIG PAR BYA'O, ,MJUG TU RGYUN CHAGS GSUM PA GDON NO ZHES BYA BA NI 'GRO BA'I DUS SU'O, ,GOS GCIG PAS BYI DOR GYI LAS MI BYA'O ZHES BYA BA NI 'DIR NI BSRO KHANG GI TSIG DANG KHRO BA LA GNAS PAR GRAGS PA'I GZHI GCIG GIS GCIG GI TSIG KYANG KHA CIG BYED DE, CHOS GOS GCIG PA'I DGE SLONG

32b

RNAMS KYIS BSRO KHANG DU GCIG GIS GCIG LA LAS MI BYA ZHES BYA BA'O, ,LAS THAMS CAD LA LUS LA GNAS PA NYID GNAS THAMS CAD LA MA YIN TE, BSRO KHANG NYID LA CHO GA 'DI RNAM PAR GNAS PA MA YIN PA NYID DE, DE BAS NA 'DI BSTAN PA MA YIN NO, ,LUS KYI DE LA MA DAD PA BYED DU MI GZHUG GO ZHES BYA BA LA; DE ZHES BYA BA NI LAS SO, ,KHUR KHUR BA LA SOGS PA PHYI ROL GYI LAS NI BKAG PA MA YIN NO, ,'DI DANG GONG MA LA YANG BSTAN PA NI DAD PA CAN DU 'DOD DO ZHES BYA BA LA, BSTAN PA ZHES BYA BA NI DUS RING PO NAS SKYES PAS GANG ZHIG MI G-YO BA DE NI BSTAN PA'O, ,'DI DANG ZHES BYA BAS DE MA THAG TU BRJOD PA'I LAS KYI CHO GA LA'O, ,GONG MA LA YANG ZHES BYA BA NI DAD PA CAN MA YIN PA 'DIR ZHUGS PA MI SBYIN ZHES BYA BA 'DI LA'O, ,'DOD DO ZHES BYA BA NI MNGON PAR 'DOD PA'O, ,SENG GE LTA BUS WA LTA BU LA BSNYEN BKUR MI BYA'O ZHES BYA BA NI TSUL KHRIMS DANG LDAN PAS TSUL KHRIMS 'CHAL PA LA NYE BAR GNAS PAR MI BYA ZHES BYA BA'I DON TO, ,'DI LA GSAL BAR BYED PA YIN PA NI, SLOB DPON DANG MKHAN PO MCHOG TU TSUL KHRIMS 'CHAL PA LA YANG BSNYEN BKUR BYA'O, ,PHA MA DANG NAD PA DAG NI KHYIM PA YIN NA YANG NGO ZHES BYA BA NI MCHOG TU 'DI RNAMS LA PHAN PAR BYED PA NYID KYI PHYIR DE BAS NA 'DI SNGON DU GNANG NGO, ,LEGS PAR SPYAR BA'I KHRUS KYIS BKRU'O ZHES BYA BA NI 'DIR GLENG GZHI LAS 'DOD PA YIN TE, NAD PA'I TSIG NI THA SNYAD DU MA BYAS PA YIN TE, 'DI LA GZHAN DU MTHUN PA NYID KYANG MA YIN TE, KHYAD PAR YONGS SU MI 'DZIN PA'I PHYIR THAMS CAD KYI DBANG DU MDZAD NAS NYE BAR BRTAGS PA'O, , DE'I RANG GI NGO BO NYID BSTAN PA'I PHYIR, RLUNG 'DREN PA'I RTZA BA DANG SDONG BU DANG LO MA DANG ME TOG DANG 'BRAS BU BSKOL BAS KHRUS BYA BA NI DE'I MING YIN NO ZHES BYA BA SMOS TE, LEGS PAR SBYAR BA'I KHRUS KYIS BKRU'O ZHES BYA BA'I DON TO, ,BCUD NI KHRUS KYI DON TO, ,DE BAS NA 'DI RNAMS LA 'DIR YAN LAG NYID DO; ,KHRUS JI LTAR BYA ZHE NA, BSKU MNYE BYAS NAS TE MI RTZUB PA NYID KYI PHYIR RO ZHES BYA BA SMOS TE, SRAN CHUNG GI PHYE MAS NYE BAR BSAL BA'I PHYIR 'DI MI RTZUB PA'I DON 'DI LA 'BRU MAR LA SOGS PAS BSKU MNYE BYAS PAS DE DANG DBRAL BA'I PHYIR SRAN CHUNG GI PHYES BSKU MNYE BYAS NAS ZHES BYA BA'I DON TO, ,DE DANG

33a

, ,DBRAL BA'I PHYIR KHRUS GCAL GYIS SO, ,SNGA MA'I CHED DU CHU'I BUM PA PHYI MAR SNUM THIGS PA GNYIS SAM GSUM BLUGS SO ZHES BYA BA NI, SNGA MA'I CHED DU ZHES BYA BA NI MI RTZUB PA NYID KYI CHANG DU GNYIS SAM GSUM SNUM GYI THIGS PA CHU'I BUM PAR PHYE MA BLUGS PAR BYA BA'I DON TO, , LCAGS KYI GZHONG RIGS SU KHRUS BYA'O, ,DE NI NAD PAS BCANG BAR BYA'O ZHES BYA BA LA, DE NI ZHES BYA BA NI LCAGS KYI GZHONG PA'O, ,NAD PA MA YIN PAS NI BCANG BAR MI RIGS PA STE, LCAGS KYI RI LU LTAR DGOS PA MED DO ZHES BYA BA 'DI LA RTOGS PAR BYA'O, ,'DI LTA BU'I RIGS CAN LA DON MED PAR BYED PA LA NGA RGYAL YIN TE, DE YANG THAMS CAD NYES PAR BYAS PA ZHES BYA BA GO BZHIN PA NYID KYI PHYIR MDOR BYAS PA MA YIN NO, ,DE'I STENG DU KHA GAB GZHUG GO ZHES BYA BA NI CHU DRON MO LA GRANG BA'I DNGOS PO YONGS SU BSAL BA'I PHYIR RO, ,DER GNYA' BAR SNGAS NAD TSANGS CAN GZHUG GO ZHES BYA BA DANG SBYAR RO,, 'DIR KHRUS NI THOGS PA MED PAR SDUG BSNGAL MED PA'I DON DU STE DE BAS NA 'DI BZUNG BA'O, ,GAR BAB BAB TU RKANG PA MI BKRU'O ZHES BYA BA LA, 'DI NI GTZUG LAG KHANG GI DBANG DU BYAS PA'O, ,DE'I GNAS NI WA KHAR RO ZHES BYA BA LA, DE'I ZHES BYA BA NI RKANG PA BKRU BA'O, ,'DIR GZHUNG NI BCOM LDAN 'DAS KYIS BKA' STZAL PA, RKANG PA WA KHAR BKRU'O ZHES GSUNGS PA YIN NO, ,RKANG KHRUS KYI GZHI BYA'O ZHES BYA BA NI 'DI MED PAR WA'I KHA LA SOGS PA DON GRUB PA RNAM PAR NYAMS PA STE, DE'I PHYIR 'DI NI RES 'GA' BYA BA DANG RES 'GA' MI BYA BA YIN GYI ZHES BYA BA YANG DAG PAR BSTAN PA'I DON DU DANG POR BYA BA'I TSIG SBYAR BA'O, ,DGE 'DUN GYI RDZAS NI 'DI'I GNAS YIN TE, DGE 'DUN GYI RDZAS NI GCIG LA SKABS MED DE DE BAS NA MANG PO'I TSIG GO, ,PHYOGS GANG DU ZHE NA, DE'I PHYIR GTZUG LAG KHANG GI STENG GI SHAR LHO'I MTSAMS SU'O ZHES BYA BA SMOS TE, RNAM PA JI LTA BU ZHE NA, DE'I PHYIR RUS SBAL GYI RNAM PA 'DRA BA RTZUB PAR RO ZHES BYA BA SMOS TE, 'DIR DON NI DRI MA SEL BAR BYED PA'O, ,CHOL ZANGS SA LAS BYAS PA GZHAG PAR BYA'O ZHES BYA BA LA, 'DI'I MING NI LHUNG ZHING BZUNG BA LA'O, ,CI LAS BYAS PA ZHE NA, SA LAS BYAS PA ZHES BYA BA SMOS TE, 'DIR GZHUNG NI GSER DANG DNGUL DANG BEEd'URYA DANG SHEL

33b

LAS BYAS PA'I CHOL ZANGS NYE BAR GZHAG PAR MI BYA STE, 'ON KYANG SA'I RANG BZHIN GZHAG PAR BYA'O ZHES GSUNGS PA YIN NO, ,DBYIBS JI LTA BU ZHE NA DE'I PHYIR ZHABS GLANG PO CHE'I RMIG MTHIL 'DRA LA SNYING PO CAN NO ZHES BYA BA SMOS TE, 'DIR DON NI MI RDIB PA'O, ,SNYING PO CAN NO ZHES BYA BA NI DAG BZHIN PA'I RKANG PA GZHAG PA'I DON DU 'DI BYA'O, ,SNYING PO GANG DU BYAS PA, DE DANG LDAN PAR SHES SHE NA, DBUS NA YOD PA ZHES SMOS TE, RNAM PA JI LTA BU ZHE NA, DE'I PHYIR KA DAM PA'I ME TOG 'DRA BA RTZUB PA DANG NGO ZHES BYA BA SMOS TE, RKANG PA MI 'DRED PA'I DON DU RTZUB PA NYID DO, ,BKRUS NAS KHA SBUB TU GZHAG GO ZHES BYA BA LA, KHRUS BYED PA 'DI NI DRI MA MED PA NYID KYI DON DU STE, DRI MA MED PA NYID NI DRI MA DANG BRAL BA NYID DO, ,'DI LA NI GANG ZHIG DER CHU GTZANG MA RNAMS GNAS PA DE LA BSGRUB PA STE DE LAS DE BAS CHU GZHAN DAG GIS ZHES BYA BA SHES PAR BYA'O, ,'DIR GZHUNG NI RKANG PA GNYIS BKRUS NAS RKANG PA BKRUS PA'I CHU GTZUG LAG KHANG GI PHYI ROL LAM WA KHAR DBOR BCUG STE SLAR YANG 'KHRUR BCUG NAS SO ZHES GSUNGS PA YIN NO, ,GANG DU GZHAG PAR BYA ZHE NA, DE'I PHYIR DGE 'DUN GYI NI KHANG THOG TU'O, ,GANG ZAG GI NI GNAS KHANG GI SGO GLEGS KYI PHAG TU'O, ,GTZUG LAG KHANG GI PHYOGS GANG DU LHUNG BZED KYI BYI DOR LA SOGS PA BYAS PA DER CHUS BYUG GO, ,YANG NA BSKU'O, ,DE MDUNG RTZE'I RNAM PA LTA BU'AM, RDZA RNGA'I RNAM PA LTA BUR RO ZHES BYA BA SMOS TE, RNAM PA DE LTA BU ZHES BYA BA 'JUG PA YIN NO, ,CI ZHIG GIS BSKU ZHE NA, BA GLANG GI LCI BA 'AM 'JIM PAS SO ZHES BYA BA SMOS SO, ,DKON MCHOG GI DON NYID DU BSKU BA LA NI RNAM PAR NGES PA MED DO, ,LHUNG BZED MED PA RAB TU 'BYUNG BA DANG BSNYEN PAR RDZOGS PAR MI BYA'O, ,CHUNG DU DANG CHEN PO DANG SKYA BAS KYANG MI BYA'O ZHES BYA BA SMOS TE, LHUNG BZED NI GSUM TE, CHE BA DANG 'BRING DANG, CHUNG BA ZHES BYA BA'O, ,DE RNAMS KYI TSAD NGES PAR SHES PAR BYA BA'I PHYIR, KHA'I CHA'I MTHA' KHO NA NAS MTHE BO'I LTO GANG GI LHAG MAR 'BRAS THUG PO CHE MA GA DH'A'I BRE'U CHUNG GANG BTZOS PA SRAN TSOD DANG BCAS PA, TSOD MA DANG BCAS PA LHAG PA NAS DO'I BAR DE SHONG BA DE NI RIGS PA YIN NO ZHES BYA BA SMOS TE, KHA'I CHA NAS TE 'OG GI TSAD LA NI MA YIN NO, ,MTHA' KHO NA NAS TE PHYOGS GZHAN

34a

, ,GYI DE MA THAG TU GANG ZHIG MTHE BO'I LTO STE MTHE BO'I TSIGS KYI PHYOGS LA GANG ZHIG MTHE BONG GI RGYA CHE BA NYID NI TSAD DE NYID DE, DE'I SA LHAG MA SMAD KYI CHAR MA GA DH'A'I BRE'U CHUNG GANG BTZOS PA DE'I KHA'I CHA GNYIS 'GYUR SHONG BA'I BRE JI SRID DU RANG DANG RJES SU MTHUN PA'I TSOD MA DANG BCAS PA DE'I KHAR BRE NYIS 'GYUR RAM GANG ZHIG 'DZIN PA DE NI 'DI DANG MA BRAL BAR RIGS PA ZHES BYA BA'I DON TO, ,'BRU MAR DANG MAR DANG SBRANG RTZI DANG CHU LA SOGS PA RNAMS KYI SRONG SUM CU RTZA GNYIS NI MA GA DH'A'I BRI'O, ,GZHAN ZHU BA MA YIN PA RNAMS LAS BCU DRUG CES BYA BA RDZAS TZAM BSAM PAR BYED PA RNAMS KYI'O, ,DE BAS NA 'DIR CHU SRANG BCU DRUG LAM GA DH'A'I BRES BRJOD PA ZHES BYA BAR RTOGS PAR BYA'O, ,'DIR GZHUNG DU NI GANG DU MA GA DH'A'I 'BRAS BRE'U CHUNG DO BTZOS PA SRAN TSOD DANG BCAS TSOD MI DANG BCAS PA LA MTHE BONG GI LTO BA BCUG PA KHA'I CHA LA REG PAR MI 'GYUR BA DE NI CHEN PO'I TSAD YIN NO, ,GANG DU GCIG PO DE NA CHUNG BA'O, ,'DI GNYIS KYI BAR DU NI 'BRING PO ZHES BYA BA'O, ,'DIR TSAD MAR BYA BA DON GNYIS KYIS SRAN CHUNG TSONG MA DAG BZUNG BAS CHA SHAS KYIS SRAN CHUNG DANG TSOD MA DAG 'DIR SPANGS PA NYID BSTAN PA DE BAS NA TSOD MA'I RAB TU DBYE BA RNAMS LA DU MA'I CHA SHAS NYID KYIS 'DIR BSTAN PA NYID DE JI TZAM GYI TSOD MAS BZA' BAR BYA BA SPOGS PAR 'GYUR BA TSOD MA DE TZAM GYI LHUNG BZED KYI TSAD LA BRTEN PA STE, GZHAN GYIS NI MA YIN NO ZHES BYA BA'I DON TO, ,YUL THA DAD PAS SRAN CHUNG DANG 'BRING DANG RAB 'DRES PA'I SKYON RNAM PAR BSAL BA'I DON DU YAN LAG LAS 'BYUNG BA'I TSAD BRJOD PAR BYA STE, MAm SA SE BA BRGYAD CES BYA, ,MAm SA BRGYAD LA ZHO GCIG 'DOD, ,GSER ZHO GCIG CES RAB BRJOD DE, ,GSER ZHO BRGYAD LA SRANG GCIG GO, ,DGE SLONG MAS DGE SLONG GI CHUNG DU LAS LHAG PA MI BCAD ZHES BYA BA NI GANG ZHIG DGE SLONG RNAMS KYIS CHUNG BA NI 'DI'I CHEN PO STE, CHUNG BA NI 'DI LA JI TZAM DU LHUNG BZED KYI TSAD KYI BSOD SNYOMS SGRUB PAR BYED PA ZHES BYA BA DON GYIS RTOGS PA'O, ,DES DE'I GZHIR ZHA NYE'I DBYAR 'DAB GZHAG PAR BYA'O ZHES BYA BA LA, DES ZHES BYA BA NI DGE SLONG MAS SO, ,DE'I ZHES BYA BA NI LHUNG BZED KYIS SO, ,GZHIR ZHES BYA BA NI SA'I PHYOGS GANG DU 'DI GZHAG PA'I SA

34b

GANG YIN PA DE NI 'DIR GZHI DER ZHES BYA BA'I DON TO, ,DE'I RNAM PA CI 'DRA ZHE NA, DE'I PHYIR BYANG CHUB DANG PA TA LA'I LO MA'AM LAG MTHIL GYI LTA BUR RO, ,TSAD LAS KYANG NGO ZHES BYA BA SMOS TE, RNAM PA LAS GCIG BUR MA ZAD KYIS TSAD LAS KYANG 'DI TZAM NYID PHYIN PAR BYA STE, LHAG MA NI MA YIN TE, DON 'DRA BA'I PHYIR RO, ,CHAD PA MA YIN TE, YANG DAG PAR BSGRUB PA'I PHYIR ZHES BYA BA'I DON TO, ,SA LA REG PA LA RKO BA DANG MA SBYAR BA NI 'DI SBYIN PA'I DON TO, ,BRNYAN POS KYANG DE NYID DANG BCAS PA YIN NO ZHES BYA BA LA, DE NYID DANG BCAS PA NI LHUNG BZED DANG BCAS PA NYID DO, ,BRNYAN PO 'DIS LHUNG BZED MED PA RAB TU DBYUNG BA DANG BSNYEN PAR RDZOGS PAR MI BYA'O, ,DBYAR GYI DUS SU LHUNG BZED MED DU MI RUNG NGO ZHES BYA BA 'DI LA SOGS PA 'DA' BAR GYUR PA DE BAS NA 'DI BYAS SO, ,LNGA PO YANG DE BZHIN NO ZHES BYA BA NI CHOS GOS GSUM DANG DE'I GZHI DANG ZAG SNOD JI LTAR LHUNG BZED KYIS DE NYID DANG BCAS PAR 'GYUR BA DE BZHIN DU 'DIS KYANG ZHES BYA BA'I DON TO, ,'DIR GZHUNG NI DE BAS NA RJES SU SHES TE, BRNYAN PO RNAMS KYIS KYANG YO BYAD DRUG POS RAB TU DBYUNG BAR BYA'O ZHES BYA BA ZAG SNOD DANG DE'I GZHI DAG KYANG MED PAR RAB TU DBYUNG BAR MI BYA'O ZHES GSUNGS PA YIN NO, ,DE BAS NA LTUNG BAR RIG PAR BYA'O, ,DBYAR DAG LHUNG BZED MED DU MI RUNG NGO, ,LJONGS RGYU ZHING 'GRO BAR MI BYA'O, ,'JIGS PA DANG BCAS PA NYID DU LHUNG BZED CHUNG DUS 'GRO BAR BYA'O ZHES BYA BA SMOS TE, 'DIR GZHUNG NI NYE DGA' POS LHUNG BZED MED PAR RAB TU PHYUNG STE, DES DGE SLONG RNAMS DANG LHAN CIG TU LJONGS RGYUR 'GRO BAR BYED CING YUL KAR PA TA KAR RJES SU THOB PO, ,DER KHYIM BDAG GIS DGE SLONG RNAMS BZA' BA LA SPYAN DRANGS TE, JI SRID DU GSAR DU RAB TU BYUNG BA DE LA LHUNG BZED MED DE, DE LA KHYIM BDAG 'PHYA BAR GYUR NAS BCOM LDAN 'DAS KYIS BKA' STZAL PA, DGE SLONG GIS LHUNG BZED MED PAR LJONGS RGYU ZHING 'GRO BAR MI BYA'O, ,MA BYIN PAR LEN BA DAG GIS BCOM NAS BCOM LDAN 'DAS KYIS BKA' STZAL BA, LHUNG BZED CHUNG DUS BKUR BAR BYA ZHING LHUNG BZED GZHAG PAR BYA'O, ,DBYAR GYI DUS SU LHUNG BZED NYE BAR GZHAG PAR BYA'O ZHES GSUNGS PA YIN NO, ,MED NA RAB TU DBYUNG BAR

35a

, ,BYA'O; ,'GRENG BZHIN DU LHUNG BZED DBYUNG BA DANG GZHUG PA DANG SKAM PAR MI BYA'O, ,RAN PAR SPYAD PAR BYA'O ZHES BYA BA NI DE'I LONGS SPYOD RAB TU BSTAN PA'I DON DU'O, ,GZHAN GYIS SPANGS PA DER MI BLUGS SO ZHES BYA BA NI GZHAN GYIS SO, ,SPANGS PA ZHES BYA BA NI DOR BA'I CHOS CAN NO; ,DES PHYAG DAR MI DOR RO, ,NGAN PA YANG MI DOR RO ZHES BYA BA NI MI DOR RO ZHES BYA BA 'JUG GO, ,LAG PA DANG KHA'I CHU MI BLUGS SO, ,DGE TSUL BAG MED PA'I CHOS CAN BYI DOR BYED DU MI GZHUG GO, ,BYE MA CAN DANG LCI BAS MI BYA'O, ,HA CANG GSHER BZHIN DU PHYIR MI GZHUG GO, ,HA CANG BSKAM PAR MI BYA'O, ,RDO'I STENG DU MI GZHAG GO ZHES BYA BA NI GZHAG PA 'DI NI RE ZHIG GI DUS CAN NO, ,MI GTZANG BA'I PHYOGS SU MI GZHAG GO, ,GAR BAB BAB TU MI GZHAG GO ZHES BYA BA NI PHYOGS ZHES PA DANG MI GZHAG GO ZHES BYA BAR SBYAR RO, ,DER MI BZHAG GO ZHES BYA BA LA, GAR BAB BAB TU 'DI NI GTAN DU GZHAG PA'I PHYIR DGAG PA YIN GYI RE ZHIG KHO NA NI MA YIN NO, ,DE'I CHED DU NGOS KHUNG BYA'O ZHES BYA BA NI LHUNG BZED GZHAG PA'I DON DU'O, ,NGOS KHUNG ZHES BYA BA NI KHUNG BU'I MING NGO, ,NGOS KHUNG JI LTAR BYA ZHE NA, DE'I PHYIR GTZUG LAG KHANG DANG KHANG KHYIM DAG RTZIG PA'I TSE BYA'I RTZIG PA RKO BAS NI MA YIN NO, ,DGON PA PA RNAMS KYIS SKON BU KHA SBYAR BAR BYA'O ZHES BYA BA SMOS TE, LHUNG BZED GZHAG PA'I PHYIR BYA BA'O, ,NAM MKHA' LA NGOS KHUNG ZHES BYA BA 'DI LA 'DON PA GZHAN LA THA SNYAD DO, ,DE CI LAS BYA ZHE NA, DE'I PHYIR LCUG MA 'AM SRAD BU LAS BYAS PA'O ZHES BYA BA SMOS TE, SRAD BU'I RANG BZHIN GYI RNAM PAR 'GYUR BA LA ZHES BYA BA'I DON TO, ,LCI BA DANG SAS BYUGS PAS SO ZHES BYA BA NI DE LTA BU'I RANG BZHIN GYI KHA GAB LA'O, ,'DI LA KHA GAB KYANG LCUG MA'I RANG BZHIN NAM SRAD BU'I RANG BZHIN PA'I LCI BA DANG SAS BYUG PA BYA'O ZHES BYA BA'I DON TO, ,DER NI GZAR THAG GIS SHING LA DPYANGS NA BZANG NGO; ,SAL MI BZHAG GO, ,DE GZHAN DU MI BSKUR RO ZHES BYA BA NI SKON BU'O, ,DE BSKUR BA NI LUNG THAG BTAGS TE LHUNG BZED LA'O, ,LAG PAS ZHES BYA BA NI MI BSKUR BA'O, ,DE MCHAN KHUNG GIS SO ZHES BYA BA NI LHUNG BZED DO, ,KHUR BA NA DPYAD THAG

35b

BTAGS NAS SO, ,LHUNG BZED DANG SMAN DANG BAR BUR DAG SNOD THA DAD PAR GZHUG GO ZHES BYA BA NI GZHAN LA LHUNG BZED DANG, GZHAN LA SMAN DANG GZHAN LA BAR BUR ZHES BYA BA'I DON TO, ,BAR BUR ZHES BYA BA YANG SMYUNG BU DANG RGYUN LA SOGS PAR BLTA BAR BYA'O, ,DE DAG BCAD BAR BYA'O ZHES BYA BA NI LHUNG BZED LA SOGS PA'I SNOD RNAMS SO, ,DE DAG LA DPYANG BA'I LUNG THAG MNYAM PAR GDAGS PAR MI BYA'O ZHES BYA BA NI PHYID PA NYE BAR SBYAR BA'O, ,DE DAG LA ZHES BYA BA NI LHUNG BZED LA SOGS PA'I SNOD RNAMS KYI LUNG THAG MNYAM PAR SPANG BAS GDAGS PAR BYA ZHES BYA BA'I DON TO, ,DE LTAR YANG GLENG GZHI NI 'PHAGS PA CI ZHIG 'DI RDZA RNGA 'AM ZHES BYA BA YIN NO, ,DE BAS NA MNYAM PAR GZHAG PA'I DOGS PA DGAG PA'I GTZO BO 'DI YIN TE, SDUG BSNGAL MI 'DOD PAS NI ZHENG CHUNG NGU DAG KYANG NGO ZHES BYA BA NI DPYANG THAG RNAMS LA PHYING BUS SBYAR BAR BYA'O, ,RGYU CI'I PHYIR ZHE NA, SDUG BSNGAL MI 'DOD PAS NI ZHUM PAR MI 'GYUR PAR BYA BA'I PHYIR ZHES BYA BA NI 'DOD PA SPYIN PA MA YIN NO, ,'DOD PA MI SBYIN PA PHYOGS GANG LAS SHE NA, DE'I PHYIR DBUS SU ZHES BYA BA SMOS TE, DPYANG THAG CES BYA BA SKABS KYIS GO BAR BYA'O, ,THA DAD PA NYID 'DI'I DBUS SU STE RING PO LA NI MA YIN ZHES BYA BA NI DON GYIS GO BAR BYA'O; ,DE GNAS PAR BYA BA'I PHYIR MDO MDOR BYA ROG RKANG BYA'O, ,LHUNG BZED MIG BZHIN TU BSKYANG BAR BYA'O, ,SNAM SBYAR PAGS PA DANG 'DRA BAR RO, ,CHOS GOS LHAG MA YANG NGO, ,BCOS LEGS BYA BA YAL BAR MI 'DOR RO ZHES BYA BA NI LHAN PA DANG BSRO BA DANG 'KHRU BA DANG BSTEN PA DANG KHA BSGYUR BA RNAMS TE, LHUNG BZED DANG CHOS GOS GNYIS LA LTOS NAS CHO GA 'DI'O, ,'DIR LHAN PA NI DBEN PA'I PHYOGS SU BSGRUB PAR BYA'O, ,SO SOR MA SBAS PAR 'DI BYED PAR GYUR NA MA DAD PA SKYE BA'I DNGOS POR 'GYUR RO ZHES BYA BA BSTAN PA'I PHYIR MDO 'DI'O, ,DGE 'DUN GYIS MGAR SPYAD DAG BSREL BAR BYA'O, ,BU GU DE'I ZHES BYA BA NI LHAN PA'O, ,BU RAM DANG RGYA SKYEGS KYI TSIGS MA DANG SPRA TSIL DANG ZHA NYE DKAR PO DANG ZHA NYE NAG PO RNAMS KYIS MI BZANG NGO, ,'O NA GANG BZANG ZHE NA, DE'I PHYIR LHAN RINGS DANG THAM PHRAN DANG LHAN PA DANG CHU SRIN GYI SO LTA BU DAG BZANG NGO ZHES BYA BA DAG SMOS TE,

36a

, ,PHYE MAS KYANG NGO, ,LCAGS KYI 'AM RDO'I'O, ,LHAN BA BZANG NGO ZHES BYA BA RJES SU 'BREL LO, ,'BRU MAR GYIS BDAR RO ZHES BYA BA STE PHYE MAS SO, ,JI SRID DU BDAR ZHE NA DE'I PHYIR SPRA TSIL DANG 'DRA BA LA THUG PAR GYUR PAS SO ZHES BYA BA SMOS SO, ,RDZAS CI ZHIG BDAR BAR BYA ZHE NA; DE'I PHYIR LCAGS SAM KU RU BA NI DAS SO ZHES BYA BA SMOS TE, 'BRU MAR DANG PHYE MA BSRES NAS GLAN PAR BYA STE, JI SRID DU SPRU TSIL 'DRA BAR GYUR PA DE SRID DU BDAR BAR BYA'O ZHES BYA BA'I DON TO, ,DRO BA LA GLAN NO ZHES BYA BA NI LTUNG BZED LA ZHES BYA BA SKABS KYIS RTOGS TE LHUNG BZED DRO BA LA PHYE MA BDAR BAS GLAN PA'O, ,GRO BAS G-YOGS TE 'JIM PA BSKUS LA JI RAN CAM DU BSRO'O ZHES BYA BA LA RJES SU 'BREL LO, ,DRO BA JI LTA BUR SBYAR ZHE NA, DE'I PHYIR BAR MA NI 'BRU MAR GYIS BDAR RO ZHES BYA BA SMOS TE, GLAN PA DE LA 'BRU MAR GLAN NAS BDAR BAR BYA'O, ,BU RAM DANG 'JIM PAS SO ZHES BYA BA NI SA LAS BYAS PA'I LHUNG BZED LA BUR MA DANG 'JIM PAS GLAN PA'O, ,LHAN RINGS ZHES BYA BA LA SOGS PA LNGA PO'I GNAS SU BU RAM DANG 'JIM PA BZUNG BA'O, ,DE BAS NA LHAG MA 'DI LAS SNGA MA LA RJES SU 'BREL BA JI LTAR RIGS PA RIG PAR BYA'O, ,SPYOD PA NYID YIN NA 'DUS BYAS PA LA SO SOR NYE BAR SBYOR BA NI THABS SO, ,DE LA DUS JI TZAM GYIS LHUNG BZED LA DE 'DUS MA BYAS PA NYID GANG GIS BSREG PAR 'OS PA NYID CE NA, 'DIR BRJOD PAR BYA STE SPYOD PA NYID YIN NA ZLA BA DRUG GI 'OG TU BSREG PA NYID DO ZHES BYA STE, BYE BRAG TU BRJOD PA NI SA LAS BYAS PA LA GSAL BAR BYED DE, GAL TE SA LAS BYAS PA'I YIN NA ZLA BA PHYED NA'O ZHES BYA BA NI BSREG PA NYID DO ZHES BYA BA DANG RJES SU 'BREL LO, ,SPYOD PA MA YIN PA NYID LA YANG NI JI LTAR SBYOR BAS LHUNG BZED LA SO SOR 'DU BYA BA BSGRUB PAR BYA'O, ,GAL TE DBYAR BYUNG NA DE'I BYA BA'I BAR DU BSKU BA DANG RTZUB KHRUS NYID KYIS LEGS PAR BCOS PA NYID BYA'O ZHES BYA BA NI SROG CHAGS RNAMS LA NYE BAR 'TSE BA MED CING NUS PA MED PA NYID LA 'DI SBYIN PA NYID DO, ,BSREGS PA LA GNAS PAS 'TSO BA LA 'DI BRJOD PA YIN NO, ,BYA BA'I BAR NI DGOS PA'I DUS GNYIS KYI BAR RO, ,DER LHUNG BZED 'DI LA BKRU BA DANG

36b

RTZUB KHRUS NYID KYIS LEGS PA NYID DO, ,BYA BA BYAS PA STE BSKU BA BYAS NAS GZHAG PAR BYA'O, ,BYA BA'I DUS GZHAN LA RTZUB KHRUS NYID BYA ZHES BYA BA'O, ,DE LTAR NA 'DI LEGS PAR BCOS PA ZHES BYA BA DON GYIS GO BAR BYA'O, ,DE BSREG PAR BYA'O ZHES BYA BA LA DE NI LHUNG BZED DO, ,'DI NI BDAG NYID KYIS BYED PAR MI RIGS PA MA YIN TE, 'DI NI RAB TU BYUNG BA LA BDAG NYID KYIS BYED PAR RIGS PA MA YIN NO ZHES BYA BA'I DON TO, ,DE'I CHED DU RDZA BO BSREL BAR BYA'O ZHES BYA BA LA, DE'I DON DU ZHES BYA BA NI BSREG PA'I DON DU'O, ,DE JI LTA BU ZHIG CE NA, DE'I PHYIR DE NYID DU GRUB PA'AM ZHES BYA BA SMOS TE, DE'I DNGOS PO DE NYID LA RDZA BO NYID KYIS GANG GIS BSKYED PA'O, ,DE GYUR PA NYID KYIS GANG BYED PA DE BUM PA LA SOGS PA'I YAN LAG GNYIS KYIS NI MA YIN ZHES BYA BA'I DON TO, ,CI 'DI NYID GCIG PU LA YIN NAM MA YIN ZHE NA, DE'I PHYIR DE NYID DU GRUB PA 'AM DBYIB MO YANG RUNG NGO ZHES BYA BA SMOS TE, NYE BAR GZHAG PA ZHES BYA BA DANG RJES SU 'BREL LO, ,JI LTAR DBYIB MO 'DOD PAS RDZA BO 'DI LA BSGRUB PA'I DON DU BUM PA LA SOGS PA BCAG PA BZANG STE BSTAN PA'I PHYIR, THAL BAS BKANG STE RDZA GZANG GIS BRKOS NA BZANG NGO ZHES BYA BA SMOS TE, BUM PA BCAG PAS CHAG PA'O, , CI ZHIG GIS SHE NA RDZA GZANG GIS ZHES BYA BA SMOS TE, LCAGS LAS BYAS PA'I PHUR PA 'DI'I MING NGO, ,BUM PA BCAG PA DE SU ZHIG LA DGAB PAR BYA ZHE NA, DES DU BA MI 'TSOR BA STE RDZA BOS LHUNG BZED LA'O, ,DGAB PA JI LTA BU ZHE NA, DU BA MI SOR BAR TE, GANG LTA BU LA DU BA MI 'CHOR BA DE LTA BU 'DI BYA'O ZHES BYA BA'I DON TO, ,CI ZHIG PHYI ROL MA BYUGS PA NYID KYI RDZA BOS YAN NAM ZHE NA, DE'I PHYIR PHUB DANG 'JIM PAR SBYAR BAS PHYI ROL BYUGS PAS SO ZHES BYA BA SMOS TE, PHUB MA DANG 'JIM PA SBYAR BAS PHYI ROL BYUGS PA GANG LA DES ZHES BYA BA'I DON TO, ,'DI LA RDZAS CI ZHIG BYUGS PAS NANG DU MA BYUGS PA YIN NAM ZHE NA, DE'I PHYIR 'BRU MAR GYI TSIGS MA'AM LCI BAS NANG BYUGS PAS SO ZHES BYA BA SMOS SO, ,CI BYUGS PA SBYAR BAS SKAMS PAS YIN NAM ZHE NA, DE BSKAMS PAR GYUR PAS SO ZHES BYA BA SMOS TE, SA CI LTA BU DANG CI ZHIG BTING BA'I SA LA LHUNG BZED BZHAG PA LA 'DIS

37a

, ,DGAG CE NA, DE'I PHYIR SA GZHI BYI DOR BYAS PAR PHUB MA BTING ZHING DU BA 'CHOR BAR BYED PA 'BRU MAR GYI TSIGS MA LA SOGS PA'I RDZAS BKRAM PA'I STENG DU KHA BUB TU BZHAG PA LA'O ZHES BYA BA SMOS TE, PHUB MA'I STENG DU SNANG BA'I NGAG TSUL CAN 'BYUNG BAR BYED PA'I 'BRU MAR GYI TSIGS MA LA SOGS PA'I RDZAS RNAMS BKRAM PA ZHES BYA BA'I THA TSIG GO, ,JI LTAR GZHAG PAR BYA ZHE NA, DE'I PHYIR KHA BUB TU ZHES BYA BA SMOS SO, ,'DI'I RJES SU CI BYA ZHE NA, DE'I PHYIR LCI BA DAG DANG SOGS MA BCER TE SBAR RO, ,TE POR GRANGS NAS DBYUNG NGO ZHES BYA BA SMOS TE, LHUNG BZED KHA DOG RDZOGS PA PHUN SUM TSOGS PAR 'GYUR GYI BAR DU BZLAS PAR BYA'O ZHES BYA BA LA, JI SRID DU KHA DOG GRUB BA DE SRID DU BSREG PA SBYIN PAR BYA'O, ,BYI DOR BYAS SHING BYI DOR BYAS SHING GZHUG PAR BYA'O ZHES BYA BA NI BSREG PA RE RE LA BYI DOR BYA ZHES BYA BA'I DON NO, ,SROG CHAGS RNAMS LA SNYING BRTZE BAS NYE KOR PHYAG DAR DANG CHAG CHAG BYA'O ZHES BYA BA NI CHUS NYE 'KHOR NYID LA'O; ,LHUNG BZED MED PAR RAB TU DBYUNG BAR MI BYA'O ZHES BYA BA 'DI ZHAR LA 'BYUNG BA YAN LAG DANG BCAS PA'I LHUNG BZED KYI CHO GA BSHAD ZIN TO,, ,,RAB TU 'BYUNG BA'I GZHI GZHAN 'BREL BAS BRJOD PAR BYA STE, LO TSIGS MI SHES NA MTSAN GYI NYE 'KHOR DU SPU SKYES PA BSNYEN PAR RDZOGS PAR KHAS BLANGS BAR BYA'O ZHES BYA BA LA, SPU SKYES PA ZHES BYA BA NI SPU SKYES PA LA'O, ,PHYOGS GANG DU ZHE NA, DE'I PHYIR MTSAN GYI NYE 'KHOR DU ZHES BYA BA SMOS TE MTSAN PAR MA THAMS CAD LA'O, ,LO TSIGS MI SHES PA NI BSNYEN PAR RDZOGS PAR BYED PAR KHAS BLANGS PA'O, ,BSNYEN PAR RDZOGS PAR BYA BA KHAS BLANGS PA'I DON DU LO NYI SHU LON PA NYID DU MI SHES NA DE'I MTSAN GYI THAN KOR DU SPU SKYES PA KHAS BLANGS PAS ZHES BYA BA'I DON TO, ,'DIS SKYES PA'I DNGOS PO MTSON PAR BYED PAS NA MTSAN MA STE PHO'I DBANG PO'O, ,DE NI SGYU THABS KYIS BRTAG PAR BYA'O ZHES BYA BA LA, DE NI ZHES BYA BA NI MTSAN MA LA SBU BYUNG BA'O, ,SGYU THABS SU JI LTA BUS SHE NA, DE'I PHYIR ZUNG NGA DANG GOS KYI GDANG MTHON PO LA 'DUG PA'I DNGOS PO DBAB PA LA SOGS PAS SO ZHES BYA BA SMOS TE, ZUNG NGA DANG GOS KYI GDANG MTHON PO LA 'DUG PA'I GOS LA SOGS PA'I DNGOS PO DBAB PA DANG 'GEL BA LA SOGS PA'O, ,BSNYEN

37b

PAR RDZOGS PAR 'DOD PA SHING LA 'DZEG TU MI GZHUG GO, ,MTSAMS KYI PHYI ROL DU MI GTONG NGO ZHES BYA BA NI BSNYEN PAR RDZOGS PAR 'DOD PA ZHES BYA BA LA 'JUG PA'O, ,SNANG BA'I NYE 'KHOR GYI NANG NI 'DIR MTSAMS SU RNAM PAR GNAS PA'O, ,SNANG BA'I NYE 'KHOR GYI NANG DU BYAS PA NI BSNYEN PAR RDZOGS PA'I GNAS SU KHRID PA LA DE'I GNAS LAS SO, ,DE'I GNAS LAS LDANG BA NYID LA BSNYEN PAR RDZOGS PA'I GNAS SU DE'I DON DU BYA BA BYED PA'I BSTAN PA LA LHAG PAR MOS PA TSUL KHRIMS DANG LDAN PA'I DGE SLONG 'KHOR DANG BCAS PA'I GTZUG LAG KHANG NA GNAS PA LAS 'GRO BA NA DE'I LAM LA ZHUGS PAS SO, ,DUS GZHAN LA GNAS PA LA DE LA 'DI LTAR BYA BA NYID DANG, 'CHAGS PA DANG SHIN TU 'DUD PA'I GNAS PAS DE LTAR SNANG BA'I NYE KOR DU BKAR TE TSOGS LA MNGON DU PHYOGS PAR THAL MO SBYAR TE GZHAG PAR BYA'O ZHES BYA BA LA DE ZHES BYA BA NI BSNYEN PAR RDZOGS PAR 'DOD PA'O, ,BKAR TE ZHES BYA BA NI GSANG STE STON PA DE LA BSKO BA'I LAS MI THOS PAR BYA BA'I PHYIR DGE 'DUN GYI DBUS KYI NANG NAS LOGS SHIG TU GZHAG PA YIN PA DE NI 'DIR BKAR BA'I TSIG GIS GZUNG NGO, ,BKAR BA YOD PA LA TSOGS LA MNGON DU PHYOGS PAR THAL MO SBYAR TE GZHAG PAR BYA'O, ,DGE 'DUN GYI NANG NAS MA BKAR BAR DE MI BYA'O ZHES BYA BA'I THA TSIG GO; ,KHYIM PA LA GNAS RNAMS BRJOD PAR MI BYA'O, ,BSNYEN PAR RDZOGS MA THAG PA LA MI BRJOD PAR MI BYA'O ZHES BYA BA NI GNAS RNAMS ZHES BYA BA 'JUG GO, ,KHYIM DU GNAS PA LA GNAS RNAMS BRJOD PAR MI BYA STE, JI SRID DU RAB TU 'BYUNG BAR MI 'GYUR ZHES BYA BA'O, ,'DI'I 'OG TU GZHUNG NA 'DI YIN TE; BRAM ZE'I KHYE'U GZHAN ZHIG RAB TU BYUNG BA DANG BSNYEN PAR RDZOGS PA LA MKHAN POS JI SRID DU BSOD SNYOMS LA SONG CIG CES BSGO BA DANG, DES BSGO BA NA BDAG SLONG MO LA RGYU BAS SKYO BA STE RAB TU BYUNG NA YANG BSOD SNYOMS BYA 'AM ZHES BSLAB PA PHUL TE NYAMS PAR GYUR PA NAS BCOM LDAN 'DAS KYIS BKA' STZAL PA, BSNYEN PAR RDZOGS PA'I DE MA THAG TU GNAS BZHI BRJOD PAR BYA'O ZHES BYA BA 'DI LA BSDU BA 'DI YIN NO, ,GANG NAS GNAS MED PAR DER GSO SBYONG LA BSDAD PA 'AM GNAS PAR KHAS BLANGS BAR MI BYA'O, ,GNAS PAR KHAS BLANGS PA SNGA MA RJES SU BSRUNG BAR MI BYA'O ZHES BYA BA NI GNAS MED PA LA KHAS

38a

, ,BLANGS PA PHYI MAS DON BSGRUB PA MTHONG ZHIG TSIG 'DI MTHONG BA YIN TE, DE LA SNGA MA ZHIG PA LA PHYI MA KHAS BLANG BAR BYA'O ZHES BYA BA SHES PAR 'GYUR ZHES BYA BAR RIG PAR BYA'O, ,PHYI MA LA YANG ZLA BA GNYIS LAS LHAG PA'O ZHES BYA BA LA, PHYI MA ZHES BYA BA NI KHAS LEN PA'O, ,ZLA BA GNYIS LAS LHAG PA GNAS MED NA BSRUNG BAR MI BYA'O ZHES BYA BA'I RJES SU DGAG PA'I DON DU YANG GI SGRA'O, ,ZLA BA GNYIS MA BSTEN PAS KYANG GNAS PAR BYA ZHES BYA BA 'DIR SHES PAR 'GYUR RO, ,GNAS DANG LAS DANG NYE GNAS GYI STA GON GYIS DE BTZAL BAR BYA'O ZHES BYA BA LA, DE ZHES BYA BA NI GNAS SO, ,GNAS LA SOGS PA'I STA GON RNAMS KYIS GNAS 'DI YONGS SU BTZAL BAR BYA'O, ,GNAS LA STA GON NI GNAS KHANG LA STA GON NO, ,GNAS LA 'OS PA'I DGE 'DUN LA GANG ZAG MANG BA NYID KYI PHYIR BTZAL BAR BYA'O ZHES BYA BA NI MANG PO'I TSIG GO, ,MED NA GZHON NU'I NANG NAS CHES RGAN PA LA ZHU BAR BYA'O ZHES BYA BA LA, MED NA ZHES BYA BA NI GNAS PA'O, ,DBYAR GNAS LA MA BSTEN PA ZHES BYA BA'I CHED DU BRJOD PA'I TSIG 'DI LA GNAS SU BYA BA RNAMS LA NANG DU LO GCIG TU SLOB DPON DUS LAS 'DAS PAR GYUR NAS DBYAR BCUG NAS GTZUG LAG KHANG DU MI GNAS PAR BYAS NAS SONG BAR GYUR PA RNAMS LA GTZUG LAG KHANG NA GNAS MED KYANG MI BYA STE BYED NA 'GAL TSABS CAN DU 'GYUR RO, ,'ON KYANG GANG ZHIG DE RNAMS LAS SHIN TU RGAN PA DE LA ZHU BAR BYA ZHING DE'I 'OG TU DGAG DBYE LA GNAS KYI SLOB DPON YONGS SU BTZAL BAR BYA BA GSUNGS PA'I GZHUNG 'DI LA 'DI NI BSDU BA YIN NO, ,DON GYIS DE RNAMS KYI CHES RGAN PA'I GZHON NU DE GNAS SO, ,CHES RGAN PA DE LA NI GZHON NU LA GNANG BAR 'GYUR TE, GNAS LA MI GNAS PA ZHES BYA BAR RIG PAR BYA'O, ,YOD NA YANG RE ZHIG GI GNAS DE NYID KYIS SO ZHES BYA BA NI GNAS LA'O, ,YOD NA YANG RTEN NI RTEN LA'O, ,GZHON NU'I CHES RGAN PA LA ZHU BAR BYA'O, ,'DIR GZHUNG NI 'DI YIN TE, RE ZHIG GI GNAS NYID KYIS 'DI NYID MKHAN PO MNYAM PAR 'GYUR RO, ,'DI NYID KHYOD KYIS ZHU BAR BYA'O, ,'DI NYID KHYOD LA SLOB PAR BYED PAR 'GYUR BA DANG, KLOG KYANG KLOG PAR 'GYUR TE ZHES BYA BA RAB TU BYUNG BA'I GZHI LAS SPRUL PA LA GSUNGS PA'O, ,MA ZHUS PAR DE LTA BU LA BDAG GIS SAM DES KYANG BSNYEN BKUR GYI

38b

LAS MI BYA'O ZHES BYA BA LA, 'DIR DE LTA BU NI LUGS THA DAD PA'I RAB TU 'BYUNG BA SHES PA'AM DOGS PA'O, ,GNAS PAR 'OS PA YONGS SU TSOL BA LA ZHUGS PA NI MED NA MI GNAS PAR 'DUG PA LA NYES PA MED DO ZHES BYA BA LA, NYES PA MED DO ZHES BYA BA NI SKYON MED PA'O, ,MED NA NI ZHES BYA BA NI RTEN NO; ,SKYON MED PA NI SU LA ZHE NA, DE'I PHYIR YONGS SU 'TSOL BA LA ZHUGS PA NI ZHES BYA BA LA SOGS PA SMOS SO, ,DUS JI TZAM DU ZHE NA, DE'I PHYIR ZHAG LNGA'I MTHAR THUG PA'I BAR DU'O ZHES BYA BA SMOS TE, JI SRID DU ZHAG LNGA'I MTHAR THUG PA'I BAR DU'O ZHES BYA BA'I DON TO, ,JI SRID ZHAG LNGA NYID DU RNYED PA YOD NA 'OS PA YIN NO, ,'DIR GZHUNG NI GLENG GZHI DAG LAS MI GNAS PA LA YUL JI SRID DU RNYED PA 'TSAL BAR BGYI, NYE BA 'KHOR ZHAG LNGA TSUN CHAD DO, ,RNYED PA YOD NA 'OS PA NYID DE ZHES GSUNGS PA YIN NO, ,DE YANG SBYOR BA MI THOGS PA DANG GNAS YONGS SU TSOL BA LA ZHES BYA'O, ,GLO BUR DU 'ONGS PAS NI NGAL SOS NAS NYI MA GNYIS PA'AM GSUM PA LA GNAS BCA' BAR BYA'O, ,NYI MA GCIG NI CHED DU MI BYA'O ZHES BYA BA NI GNAS BCA' BAR BYA'O ZHES BYA BA DANG RJES SU 'BREL TO, GNAS PA NYE BAR MI GNAS NA GNAS LA ZHU BAR BYA'O ZHES BYA BA NI GNAS PAR BYED PAS NA GNAS PA STE, 'DI LAS LA KA'I RKYEN TE GNAS NYID KYIS BCA' BA LA ZHES BYA BA'I DON TO, LAS SU BSKOS PAR SONG BA NA DER GZHAN BYUNG BA NA MA ZHUS KYANG NYES PA MED DO ZHES BYA BA NI LAS SU BSKOS PA'I RGYU MTSAN DU SONG BA GZHAN GYIS LAS SU BSKOS PA LA 'GRO PA LA SKYON MED DE MA ZHUS PAR ZHES PA'I DON TO, ,'DI NI RNAM PAR 'BYED PA LAS GNAS MAL GYI BSLAB PA'I GZHI LAS 'DI DANG NYE BA NA MTHONG BA MA YIN TE, GNAS BCA' BAR BYA'O ZHES BYA BA DANG SBYAR BAR BYA'O, ,GANG YANG RUNG BA LA MI BYA'O, ,DRI BA LA SOGS PAS TSUL KHRIMS DANG SHES PA DANG 'KHOR LA PHAN 'DOGS PA NYID NGES PAR SHES PAR BYAS NAS DE GZUNG BAR BYA'O ZHES BYA BA NI TSUL KHRIMS DANG SHES RAB DANG 'KHOR DANG 'DZIN PAR BYED PA DANG RJES SU BRJOD PA LA SOGS PA LA RAB TU 'JUG BZHIN PA NYID GANG ZAG 'DI'I DRI BAS SAM YANG DAG PAR SPYOD PA GZHAN GYIS SHES NAS GNAS BZUNG BA ZHES BYA BA'I DON TO, ,CHO GA JI LTA BUS SHE NA, SDOM PA BZHIN NO ZHES BYA BA NI DGE BSNYEN GYI

39a

, ,SDOM PA LA SOGS PA BZHIN DU SNGAGS LA SOGS PA'I CHO GAS ZHES BYA BA'I DON TO, ,SDOM PA NI THAL MO SBYAR NAS BLANG BAR BYA BA YIN TE, DE'I PHYIR 'DI LA NI, LAG PA GNYIS KYIS RKANG PA'I MTHIL GNYIS LA BCANGS PAS SO, ,YONGS SU BRTAGS NAS SPYIN NO ZHES BYA BA SMOS TE; BSTAN PA LA GZHAG PAR YANG NUS SAM ZHES BYA BA'I BRTAG PA 'DI'O, ,BU DANG PHA'I 'DU SHES DAG BSKYED PAR BYA'O, ,MKHAN PO DE NYID GNAS PA NYID YIN NO ZHES BYA BA LA, ,DE'I SGRA NI MKHAN PO NYID MCHOG TU BZUNG BA'O, ,MKHAN PO GNAS PA LA MKHAN PO NYID GNAS PA NYID NI, 'DIR YANG LAS LA KA'I RKYEN NO, ,GNAS PAS NA GNAS PA STE GNAS ZHES BYA BA'I DON TO, ,DE'I DNGOS PO NI GNAS PA NYID DO, ,DE BAS NA DER 'DI MA BZUNG NGO, ,DE'I PHYIR DE LA DE MI BCA'O ZHES BYA BA LA, DE LA ZHES BYA BA NI GNAS LA'O, ,DE ZHES BYA BA NI MKHAN PO LA'O, ,'DI SKAD BSTAN TE, GANG GI PHYIR LHAN CIG GNAS PA'I MKHAN PO DE NYID KHO NA YIN PA DE'I PHYIR DE'I DRUNG NA GNAS BCA' BAR MI BYA ZHES BYA BA'O, ,GNYIS KA LA MI LTOS PA NYID BYUNG BA NI GNAS BCAS PA 'JIG PA'I RGYU YIN NO ZHES BYA BA STE, GNYIS KA LA ZHES BYA BA NI GNAS DANG GNAS PAR LDAN PA DAG LA'O, ,CIG CAR RAM RIM GYIS MI LTOS PA NYID DU BYUNG BA NYID DO, ,BCAS PA NI GNAS BZUNG BA NYAMS PA'I RGYU YIN NO, ,MI LTOS PA NYID DU GYUR PA GCIG LA RE ZHIG RTEN LA RJES SU 'JUG PA STE, JI SRID DU GZHAN MI LTOS PA NYID DU GYUR PA ZHES BYA BA'O, ,GANG ZHIG GNAS DANG GNAS PA NYID DU KHAS BLANGS PA 'DI NI 'KHOR DANG 'BREL PA STE, GCIG LA LTOS PA DANG BCAS PA NYID LA 'KHOR DANG 'BREL BA DANG BREL BA NYID MA YIN PA NYID CES BYA BA 'DI NI 'DIR RNAM PAR GZHAG PA'O, ,MKHAN PO MA YIN PA DAG TSOGS NA 'DOD PAS 'JUG PAR BYA'O ZHES BYA BA NI JI SRID DU GSUNGS PA, MKHAN PO NYE BAR GNAS PA LA GNAS LA ZHU BAR MI BYA'O ZHES BYA BA 'DI LA DE BSTAN PA'O, ,MED PAS 'KHOR DANG 'BREL PA KHAS BLANGS PA LA LTOS PA DANG BCAS PA NYID DO ZHES BYA BA'O, ,MKHAN PO LA BRTEN PA'I GNAS LAS GNAS GZHAN RNAMS NI MKHAN PO MA YIN PA'O, ,TSOGS PAR GYUR PA NI TSOGS PA STE, DES NI TSOGS PA YOD PA

39b

LA MNGON PAR 'DOD PA'I GNAS KYIS GNAS PA LA 'JUG PA'O, ,GANG ZHIG 'DI LA ZHU BA BYED PA DE LA GNAS PAS GNAS PAR BYA'O ZHES BYA BA'I DON TO, ,DE DANG NA NI DE NYID KYIS SO ZHES BYA BA NI MKHAN POR RTOG PA'I GNAS DE DANG TSOGS NA'O, ,DE NYID KYIS SO ZHES BYA BA NI MKHAN PO DE NYID KYIS TE, 'DI LA RES BYAS PA DANG RES MI BYA BA MED DO, ,MKHAN PO MTHONG MA THAG TU STAN LAS LDANG BAR BYA'O ZHES BYA BA LA, MKHAN PO NI DPE TZAM STE GNAS GZHAN DAG MTHONG NA YANG CHO GA 'DI GZHAG PA'I PHYIR RO, ,GTZUG LAG KHANG DE NA GNAS PAS NYIN PAR LAN GSUM 'GRO BAR BYA'O, ,GAL TE DGON PA NA 'DUG NA RGYANG GRAGS TZAM NA NYIN RE LAN RE'O ZHES BYA BA NI GAL TE RGYANG GRAGS LA DGON PA DE YOD NA DE GANG DU GNAS PA YOD PA DER NYI MA RE RER 'ONGS TE 'GRO BAR BYA'O ZHES BYA BA'I DON TO, ,RGYANG GRAGS LNGA YOD NA ZHAG LNGA 'AM DRUG BCING NGO, ,DPAG TSAD PHYED DANG GSUM DAG NA GSO SBYONG GI TSE'O ZHES BYA BA NI 'DI'I 'OG TU MTSAMS GCIG PA NYID MED PA'I PHYIR GNAS NYID LA MED PAR RIG PAR BYA'O, ,GNAS PA CHAD PAS GCAD PAR 'OS PA CHAD PAS MI GCAD PAR MI BYA'O, ,CHAD PA NI LNGA STE, GTAM DRI BAR MI BYED PA DANG, GDAMS NGAG MI SBYIN PA DANG, BSNYEN BKUR DANG CHOS DANG ZANG ZING DAG GIS LONGS SPYOD DU MI GNYUG PA DANG, DGE BA'I PHYOGS BRTZAMS PA RGYUN GCAD PA DANG, GNAS DGAG PAR BYA'O, ,MA DAD PA DANG, LE LO CAN DANG, BKA' BLO MI BDE BA DANG, MA GUS PA DANG, SDIG PA'I GROGS BYED PA LA DE DAG 'OS PA NYID DO, ,CHAD PAS BCAD PA GZHAN KYIS LEN PAR BYED PA LA NYES PA SBOM POR 'GYUR RO ZHES BYA BA NI DE LTAR NA YANG BYED BZHIN PA LA GAL TE 'DI BZOD PAR BYED PA LA GUS PA MI BYED NA DE LA CI ZHIG BYA ZHE NA, DE'I PHYIR GUS PAR MI BYAD NA DRANG POR BYA BA'I PHYIR DGE SLONG SHES GNYEN CAN BSKO BAR BYA'O ZHES BYA BA NI JI LTA BU LAS SHE NA, DE'I PHYIR BSHES GNYEN CAN ZHES BYA BA SMOS TE, GANG ZHIG DE DRANG BAR BYA BA'I PHYIR MKHAS PA DE LA'O, ,RGYU BTANG BA BZOD PAR GSOL BAR BYED PA LA BZOD PAR BYA'O ZHES BYA BA NI RGYU MTSAN GANG ZHIG CHAD PAS BCAD PA DE YONGS SU DOR BA LA BZOD PA'O, ,DE LTA NYID DU YANG MA YIN TE 'ON KYANG BZOD PAR BYED PA LA'O, ,MI 'OS PA CHAD PAS GCAD PAR MI

40a

, ,BYA'O; ,'OS PA LA MI BZOD PAR MI BYA'O, ,MI 'OS PA LA BZOD PAR MI BYA'O ZHES BYA BA NI RNAM PA THAMS CAD DU'O, ,MI BYED PA NYID YIN NA GNAS KHANG NAS BSKRAD PAR BYA'O, ,DGE TSUL LA NI CHU TSAGS DANG RIL BA SPYI BLUGS MTHANG GOS DANG BCAS PA'I BLA GOS KYANG BYIN TE'O; ,GAL TE BSNYEN PAR RDZOGS PAR 'DOD PA ZHIG YIN NA YO BYAD LNGA'O ZHES BYA BA NI BYIN TE BSKRAD PAR BYA'O ZHES BYA BA DANG RJES SU 'BREL LO, ,CHU TSAGS NI SNGAR NYID DU BRJOD PA'I DRUNG ZHES BYA BA BRJOD PA YIN TE, CHOS GOS GSUM DANG GDING BA DANG LHUNG BZED DANG ZHES BYA BA LNGA'O, ,BSNYEN PAR RDZOGS PA LA YANG NGO ZHES BYA BA NI YO BYAD LNGA PO DANG ZHES BYA BA DANG RJES SU 'BREL LO, ,SENG GE LTAR GYA TSOM MI BYA'O, ,GNOD PAR 'GYUR BA'I KHRIMS SU BYA BA MI BCA'O ZHES BYA BA NI DGE 'DUN DU GYUR PA'I DGE SLONG RNAMS KYIS SO, ,KA'I GNAS PA NYID NI MA BKRUS PA NYID YIN NO ZHES BYA BA NI MTSAN MO GNAS PA LAS LANGS NAS SO SHING NGAM GZHAN GYIS KHA SBYANGS KYI BAR DU RE ZHIG GZHAN LA PHYAG DANG BZA' BA LA SOGS PA MI BYA'O ZHES BYA BA NI 'DI LA 'DIS STON PA'O, ,'DI LA GZHUNG NI DGE SLONG GIS SO SHING MA BOR BAR BSOD SNYOMS BZA' BAR MI BYA'O, ,DE NYID LA NI 'GAL TSABS CAN DU 'GYUR RO ZHES GSUNGS PA DANG; GLENG GZHI LAS JI SKAD DU BYIN LEN MA BYAS PAR KHA ZAS NYE BAR GNAS PA BKAG PA LA BRTEN BA 'DI GSUNGS PA YIN NO, ,KHA'I DRI MA MA BSAL BAR KHA ZAS KYI PHYOGS NYID LA KHYED CAG GIS 'DA' BAR BYED BA DE ZHES BYA BA 'DI LA'O, ,DE LTAR NA GNAS 'JUG PA BSTAN PA'O, ,GZHUNG NI LDANG BYED 'DI LA LHAN CIG GNAS PA DANG, NYE GNAS KYIS NANG PAR SNGAR LANGS TE SHAM THABS ZLUM POR BGOS NAS SO SHING BOR TE MTSAMS KYI NANG GI MCHOD RTEN LA PHYAG 'TSAL NAS ZHES BYA BA LA SOGS PA DANG YONGS SU DAG PAR BYA BA NYID DE'I PHYIR SO SHING BOR NAS ZHES BYA BA 'DIR TSIG GO, ,DE'I PHYIR MDO 'DI SMOS TE, SO SHING DBEN PAR DOR RO ZHES BYA BA'O, ,'DI NI RJES SU MTHUN PA MA YIN TE, DE BAS NA KHA'I DRI MA DAG BA'I DON TU 'DI LA BRTEN PAR BYA BA NYID DO, ,JI LTAR DOR BAR BYA ZHE NA, DE'I PHYIR BSHAD GCI BYA BA YANG NGO ZHES BYA BA SMOS TE DBEN PA NYID DU'O, ,LONGS SPYAD DU RUNG BA'I SHING NGAM RTZIG PA'I DRUNG DU MI DOR RO ZHES BYA BA LA,

40b

DRUNG DU ZHES BYA BA NI NYE BA LA BYA STE, GANG DU SKYES BU CHEN PO'I DUS THAMS CAD GNAS PA DE NI 'DIR NYE BAR LONGS SPYOD PAR BYA BA STE, DER SO SHING DOR BA LA SOGS PA MI BYA ZHES BYA BA'I DON TO, ,DE'I TSAD NI SOR BCU GNYIS MAN CHAD SOR BRGYAD YAN CHAD DO ZHES BYA BA LA, 'DI LA ZHES BYA BA NI SO SHING LA'O, ,SOR BRGYAD YAN CHAD CES BYA BA NI YAN CHAD KYI SGRA DANG 'DIR MTSAMS SBYAR BA STE, SOR BCU GNYIS NAS BRTZAMS TE JI SRID DU SOR BRGYAD NYING NI 'DI'I TSAD YIN ZHES BYA BA'I DON TO, ,BAD KAN MANG BA NI MED NA SOR BZHI LAS LHAG PA YAN CHAD DO ZHES BYA BA NI GANG ZHIG SOR BZHI LAS LHAG PA YAN CHAD KYI TSAD DE SRING DU 'BYUNG BA LA SNGA MA'I TSAD KYIS SO SHING LA BAD KAN MANG BA'I SO SHING GI TSAD DO, ,'DIR GZHUNG NI BAR NI DBUS TE 'ON KYANG BAD KAN MANG BA GANG YIN PA NI DE RNAMS KYIS NI SO SHING SOR BZHI PA MA GTOGS PAR YANG DOR BAR BYA'O ZHES GSUNGS PA YIN NO, ,GNAS KHANG DU CHOL ZANGS KYI NANG DU SO SHING NGOR BA LA MI RIGS PA MED DO ZHES BYA BA LA, DOR BA LA ZHES BYA BA NI SKABS NYID KYI PHYIR SO SHING DOR BA LA'O, ,DE LA LBA KHA YANG MI BDEN PAR MI 'GYUR RO ZHES BYA BA NI 'DIR SO SHING DOR BA LA LBA KHAR SBAS TE, DBEN PA NYID DU GRUB PA KHO NA YIN ZHES BYA BA'I DON TO, ,DER KHRU GANG KHOR YUG TU RNAM PA DE LTA BU BYAR RUNG BA NYID DO ZHES BYA BA LA, DER ZHES BYA BA NI LBA KHAR RO, ,DE LTA BU BYAR RUNG BA NYID DO ZHES BYA BA NI SO SHING DOR BA'I RIGS CAN KYI RKANG PA BKRU BA LA SOGS PA'I BYA BA NYID LA'O, ,KHRU GANG KHOR YUG TU RUNG BA NYID DE KHRU GANG KHOR YUG LAS GZHAN DU SO SHING DOR BA LA SOGS PA MI BYA'O ZHES BYA BA'I DON TO, ,DE'I RJES LA LCE BZHAR BAR BYA'O, ,LCE BZHAR NYE BAR GZHAG PAR BYA'O, ,DE'I ZHES BYA BA NI LCE BZHAR DON LA'O, ,LCE BZHAR BAR BYA ZHES BYA NI BZHAR BAR BYED BA'I KHAB KYI RDZAS TE RDZAS GANG ZHIG KHAB BYED PAR GAN DANG ZANGS DANG LCAGS DANG KHAR BA RNAMS KYIS TE, DE'I RANG BZHIN LAS BYAS PA ZHES BYA BA'I DON TO, ,DON 'DI LA SO SHING GI TSAL BAS KYANG RUNG NGO ZHES BYA BA LA, DON 'DI LA ZHES BYA BA NI LCE BZHAR BA'I DON LA'O, ,DE MI RNO BAR BYA BA'I PHYIR GCIG GIS GCIG DRUD PAR BYA'O ZHES BYA BA LA, GCIG GIS GCIG CES BYA BA NI PHAN TSUN DU'O, ,DE ZHES

41a

, ,BYA BA NI SO SHING 'CHA' BA LA'O, ,MI RNO BAS SO DANG LCE DANG RNA BA DRUNG BZHAR BYA'O, ,DAL GYIS MA YIN BAR MI BYA'O ZHES BYA BA NI DAL GYIS DRUD CES BYA BA'I DON TO, ,DE DAG GIS SHA LA MI GNOD PAR RO ZHES BYA BA NI SO DANG RNYIL LA SOGS PA LA'O, ,SO DANG LCE GNYIS KYI DRUD BZHAR GYI PHYOGS KHA'I DRI MAS GOS PA MA BKRUS SAM SAS MA BSKUS PA MI DOR RO ZHES BYA BA NI SO SHING DANG DRUNG BZHAR DOR RO ZHES BYA BA 'DI DANG 'BREL LO, ,CHU MED NA SO DANG LCE GNYIS KYI DRUD BZHAR SAS MA BSKUS PAR RO, ,DRUD BZHAR NI SLANG 'DI DAG LA RIM PA JI LTA BA BZHIN DU SO SHING DANG TSAL PA'O, , SGRA MA BYAS PAR MI DOR RO ZHES BYA BA NI JI LTAR GSUNGS PA GNYIS DOR TE 'DI NI DPE YIN NO, ,SGRA MA BYAS PAR SO DANG LCE DAG GI DRUNG BZHAR TE, 'DIS GZHAN YANG MTSON PA ZHES BYA BA'I DON TO, ,GANG ZHIG DPES MTSON PA DE STON PAR BYED PA NI BSHAD PA DANG GCI BA DANG MCHIL MA DANG SNABS DANG SKYUGS PA DANG RLUGS PA DANG GZHAN DAG KYANG NGO ZHES BYA BA LA, MCHIL MA YIN LA SKYUGS PA MA YIN PA NI 'DI LTA STE, DPER NA SNA'I BSHAL SMAN LTA BU'O, ,PHYOGS ZHES BYA BA NI SO SHING LA'O, ,GTZO BO NYID KYI PHYIR DOR RO, ,JI LTAR ZOS PA DE BZHIN DU THUR DU RLUGS PA LTA BU'O, ,DE BAS NA MCHIL MA DANG BSHANG PA BRJOD PA YOD KYANG SKYUGS PA DANG RLUGS PA'I TSIG GO, ,BSHANG BA LA SOGS PA GZHAN DOR BAR BYA BA THAMS CAD NYE BAR BSDU BA'I DON DU KYANG NGO ZHES BYA BA'I THA TSIG GO, ,DE LAS BYI DOR 'BYUNG BA BZHIN DU 'DAG RDZAS DANG LAS KYANG NGO ZHES BYA BA NI SO SHING DOR BA LAS SO, ,'DAG RDZAS DANG LCI BA LAS KYANG NGO ZHES BYA BA NI 'BYUNG BA'O, ,'DIR GZHUNG NI SO SHING MA RNYED NA BA GLANG GI LCI BA DANG 'DAG RDZAS KYIS KHA SBYANG BAR BYA'O ZHES BYA BA GSUNGS PA YIN NO, ,SO SHING DOR BA DE MA THAG TU BYA BA GANG GIS BSGRUBS NAS DE LA PHYAG BYA'O, ,GNAS PAS SGRUB PA'I DBANG DU BYAS TE DE NAS KYI SGRA NI DBANG DU BYA BA'I DON TE RJES KYI DON MA YIN NO, ,'DI'I 'OG TU GNAS PAS BSGRUB PA DBANG DU BYAS PAR REG PAR BYA'O, ,DE NAS DE MA THAG TU SNGAR SONG STE PHYAG BYA'O ZHES BYA BA LA, DE NAS ZHES BYA BA NI LUS KYI BYA BA BSGRUB PA'I RJES LA STE, MCHOD RTEN LA PHYAG BYA BA NI DES PA'O, ,GNAS PA BDE BAS SNGAR LUS

41b

KYI BYA BA BSGRUBS NAS ZHES BYA BA 'DI LAS SHIN TU SNGAR GNAS LA RTOGS PAR BYA'O, ,GDONG RNAM PAR DAG PAS PHYAG BYED PA LA 'DOD PAR BYA BA NYID KYI PHYIR RO, ,GZHAN DU NA GNAS PA LA PHONGS PA BSKYED PA'I PHYIR RO, ,'DAG RDZAS DANG SO SHING DBUL LO ZHES BYA BA SHES PAR BYA BA YANG MA YIN TE; NAD PA LA SOGS PA LA GNANG BA SBYIN PA'I PHYIR RO, ,BSNYUN GSOL LO, ,'DAG RDZAS DANG SO SHING DBUL LO, ,TSANG MANG BLTAS TE BRJOD PAR BYA'O ZHES BYA BA NI GANG GIS DER BZA' BA DANG BTUNG BA NYE BAR BRTAGS TE DE BRJOD PA LA'O, ,DGA' BA BSTABS PA NYID DU YID LA BYA'O ZHES BYA BA NI BRJOD PA LA GANG DU 'DI DGA' BA YANG DAG PAR STON PAR BYED PA'I DGA' BA DE LA DBUL BAR BGYI'O ZHES BYA BAS DE LTAR YID LA BYED PA'O, ,LHUNG BZED BKRU BAR BYA'O, ,GAL TE BSOD SNYOMS PA ZHIG YIN NA GSIL BYED KYANG NGO ZHES BYA BA NI SGRA SI LI LI BYED PA GSIL BYED DE GNYIS PA'I MING CAN LA BKUR BAR BYA'O, ,GSIL BYED DE SKRA BYED PAS NA GSIL BYED DO, ,GAL TE DGOS PA YOD NA CHU CHAGS KYANG NGO ZHES BYA BA NI BKRU BAR BYA'O ZHES BYA BA DANG 'BREL LO, ,SLAR DOGS PA NI DUS GCIG TU PHYI ROL NYID DU BZA' BAR BYA BAR 'GYUR RO, ,GAL TE DE YANG YIN NA ZHU BAR BYA'O; ,GAL TE BZOD CING 'DOD NA DE NYID DANG LHAN CIG TU 'JUG PAR BYA'O ZHES BYA BA NI, GAL TE GNAS PA DE YANG BSOD SNYOMS PAR GYUR NA DE NAS BSOD SNYOMS LA 'JUG PA'I DON DU BZOD CING LHAN CIG 'JUG PA DAG GIS SO, ,'DI LA MNGON PAR 'DOD PA CI ZHIG CES BYA BA NGES PAR SHES PA'I DON DU 'DRI BA NI GAL TE BZOD NA ZHES BYA BA LA, GNAM LA GNAS PA DANG LHAN CIG TU ZHUGS NA MNGON PAR 'DOD NA DE NYID NI GNAS DANG LHAN CIG TU 'JUG PA STE, NYAM RA BA LA SOGS PAR MDUN DU 'GRO BAR BYA'O, ,BSOD PA DE LA BDAR BAR BYA'O ZHES BYA BA NI GAL TE BSOD SNYOMS BSOD PA ZHIG RNYED NA 'DI LA PHUL CIG CES BYA BAS DE LA BSNGO BAR BYA'O, ,GAL TE MA 'GROGS NA ZHES BYA BA NI ZHUGS PA'O, ,'ONGS NAS BSTAN PAR BYA'O ZHES BYA BA NI BSOD SNYOMS LA'O, ,JI LTA BUR DBUL BAR BYA ZHE NA, DE'I PHYIR CHES MCHOG TU GYUR BA'I DBUL PAR BYA'O ZHES

42a

, ,BYA BA SMOS TE, BZA' BA DANG BCA' BAR GYUR PA DE NI GNAS LA 'DI BZHES SHIG CES DBUL ZHING BSTABS PAR BYA'O, ,DES THAMS CAD LA TSOD RIG PAR BYA'O ZHES BYA BA NI GNAS SO, ,CHU SNOD DGANG BAR BYA'O, ,DUS BRJOD PAR BYA'O ZHES BYA BA NI BZA' BA'I DUS LA'O, ,ZAN ZOS NAS LHUNG BZED LA SOGS PA BKRU BAR BYA'O, ,DE DAG GZHAG PAR BYA'O, ,MCHOD RTEN LA PHYAG 'TSAL BA NA 'DAG RDZAS DANG CHU LA SOGS PA DBUL LO, ,RKANG PA BKRU BAR GTOGS PA LA NAN TAN BYA'O, ,MAL DANG STAN BSHAM PAR BYA'O, ,SHAM THABS KYI GZAN DBUL BAR BYA'O, ,SHAM THABS BLANG BAR BYA'O, ,RKANG PA'I CHU DANG RTEN DANG CHOL ZANGS DBUL BAR BYA'O ZHES BYA BA LA, RKANG PA'I ZHES BYA BA'I SGRA NI CHU DANG RTEN DAG GIS SO SOR MNGON PAR 'BREL PA STE, RKANG PA'I CHU LA SOGS PA DBUL BAR BYA BA NI RKANG PA BKRU BA'I CHU DANG RTEN DANG CHOL ZANGS RNAMS DBUL BAR BYA BA'O, ,MCHIL LHAM GNYIS PHYI'O, ,SGRUB PAR BYED PA NYID DU MA BSGOS PAR PHYAG MA THOGS PA MTHONG NA LAS CHUNG BAR BYA'O, ,GOS 'TSEM PA NYID DU MA BSKOS PAR KHAS THOGS PA YANG NGO ZHES BYA BA NI MTHONG NAS LAS CHUNG BAR BYA'O ZHES BYA BA RJES SU SBYAR RO, ,SGRUB PAR BYED PA NYID DU BSKOS PA'AM GOS 'TSEM PA NYID DU BSKOS PA LAS CHUNG BAR MA BYAS KYANG SKYON MED DO, ,RUNG BAR BYA BA DANG SNGO CHUNG DU BRNGA BA DANG ME TOG DANG 'BRAS BU BTOGS PA DANG, SO SHING NYE BAR BSGRUB PA LA SOGS PA LA YANG DGE TSUL BSKO'O ZHES BYA BA NI GNAS KYI SLAD DU BYA'O ZHES BYA BA DON GYIS SHES SO, ,DE'I PHYIR YANG ZHES BYA BA'I SGRAS GNAS PAR BYA BA SNGAR BSTAN PA THAMS CAD DANG GNAS 'GA' ZHIG LA BYA BAR MA ZAD KYI DGE 'DUN LA YANG DE DAG THAMS CAD LA 'DI BYA'O ZHES BYA BA'I RJES SU 'BRENGS NAS SHES PAR BYA'O, ,SGO GLEGS LA BRDABS PAS NANG NA GNAS PA LA GO BAR BYA'O ZHES BYA BA GNAS DANG GNAS LA'O, ,CHO GA 'DI NI DGE SLONG RNAMS KYI DBANG DU BYAS PA'O; ,DA NI DAL BUS DANG YUN MI RING BAR BYA'O ZHES BYA BA NI YANG DANG YANG DU SGO GLEGS LA BRDABS PAS NANG NA GNAS PA LA GO BAR BYA BA STE, ,DE NI DAL BU DANG YUN MI RING BAR BYA'O ZHES BYA BA NI YANG DANG YANG DU SGO GLEGS BRDUNG BAR MI BYA ZHES BYA BA'I THA TSIG GO, ,DE NI GZHAN GYIS MI PHUL LO ZHES BYA BA LA,

42b

DE NI SGO GLEGS TE SGO ZHES BYA BA GNYIS PA'I MING CAN SHIN TU SHUGS DANG LDAN PAS MI PHUL LO ZHES BYA BA'I DON TO, ,DAL BUS SHES BZHIN DU 'JUG PA DANG 'BYUNG BA DANG SGO SKYAS LA MI DRUD PAR BYA'O ZHES BYA BA NI JI LTAR 'DI DAG LA DRUD PAR MI 'GYUR BA DE LTAR ZHES BYA BA'I DON TO, ,DE LA BKUR STI BYA'O ZHES BYA BA LA, DE LA ZHES BYA BA NI GNAS SA, ,BAR DU GNAS DANG GNAS PA DBANG DU BYED PA LA RGYUN MI 'CHAD PA NYID KYIS DE LA ZHES BYA BA'I SGRA NI GNAS YONGS SU BZUNG BA'I DON LA'O, ,BZHAR BAR BYA'O ZHES BYA BA NI DE LA ZHES BYA BA DANG RJES SU 'BREL TE GNAS PAS GNAS DE LA BZHAR BAR BYA STE, THAG MI RING BAR 'DUG PAR BYA STE ZHES BYA BA'I DON TO, ,DE DANG ZHE 'GRAS PA LA MI BZHAR RO ZHES BYA BA NI BZHAR BAR BYA'O ZHES BYA BA DANG RJES SU 'BREL TE, GNAS DANG LHAN CIG ZHE 'GRAS PA'I GANG ZAG LA MI BZHAR RO ZHES BYA BA'I DON TO, ,DE LA KHREL YOD PAR BYA'O ZHES BYA BA LA, DE LA ZHES BYA BA NI GNAS LAS SO; ,JI SRID DU GNAS BAS GNAS LA NGO TSA SHES PA DANG BCAS PAS GNAS PAR BYA'O ZHES BYA BSTAN PAR 'GYUR RO, ,DE'I BYA BA LA GRIMS PAR BYA ZHES BYA BA NI LE LO MED PA'O, ,GUS PAR BYAS TE BYA BA DANG ZHES BYA BA NI GANG ZHIG GIS BYA BA DE NI GUS PAR BYA'O ZHES BYA BA'I DON TO, ,MDZES PAS 'JUG PAR BYA'O ZHES BYA BA NI MDZES PA 'DA' BAR BYED PA LA SOGS PA DANG LDAN PA'O, ,NGO TSA DANG LDAN PA DANG GUS PA DANG BCAS PA DANG ZHES BYA BA NI GAL TE YANG NGO TSA BA'I BYE BRAG GUS PA YIN NA DE LTAR NA YANG SGRA 'DI LAS 'DI SHES PA MA YIN PA DE BAS NA 'DI BZUNG NGO, ,NGO TSA BSKUM PA'O, , RDZES DANG BCAS PA'O ZHES BYA BA NI GZHAN LA RAG LAS PA'I RIG PA'I NGO BO KHREL YOD PA'I BYE BRAG NI RJES DANG BCAS PA'O, ,SEMS DMA' BA ZHES BYA BA NI NGA RGYAL BCOM PA'O, ,SHES BZHIN GYIS ZHES BYA BA NI RANG GI DON TE BSAM GTAN DANG KLOG PA LA SOGS PA'O, ,DGE BA GANG YIN ZHES TSOL BA CAN DU BYA'O, ,'DI LA BRTEN PA'I GNAS BCA' BA DANG ZHU BA DANG 'KHOR SBYIN PA LA SOGS PA LAS GZHAN 'DI LA GNAS PA LA GANG DGE BA TSOL BAS GNAS PAR BYA'O, ,'JIG RTEN GYI BYA BA LA RTZE GCIG PAS NI 'DI MI BYA ZHES BYA BA'I DON TO, ,NYES PAR BYED PA 'JUG NA BZLOG PAR BYA'O ZHES

43a

, ,BYA BA NI GAL TE GNAS 'DI NYES BYED CUNG ZAD LA 'JUG PA DE NI GNAS PAS BZLOG PAR BYA'O, ,DGE BA MI 'PHEL NA DE BYED PA GNAS PA GZHAN LA GTAD PAR BYA'O ZHES BYA BA LA GAL TE GNAS DE LA GNAS PA'I DGE BA 'PHEL BAR MI 'GYUR NA, DE NAS DE 'DI LA DGE BA 'PHEL BAR BYED PA'I GNAS GZHAN LA GTAD PAR GSOL BAR BYA'O, ,DE'I PHYIR DES KYANG DE LA DRI BA LA SOGS PAS GNAS KYI 'OS NGES PAR SHES PAR BYAS NAS GTANG PAR BYA'O, ,GNAS DES KYANG GNAS PA DE LA 'DI LA YANG BYA BA STE, SDIG PA'I GROGS PO LAS BZLOG PAR BYA'O, ,DGE BA LA SBYAR BAR BYA'O; ,DE NYE BAR BSGRUB PAR BYA'O ZHES BYA BA NI DGE BA LA NYE BAR BSGRUB PAR BYA'O ZHES BYA BA'I DON TO, ,LTUNG BA LAS BSLANG BA DANG RJES SU MTHUN PA'I MTSO BA'I YO BYAD BSGRUB PA LA BRTZON PAR BYA'O ZHES BYA BA NI, JI LTAR GNAS PA LA 'DI GNYIS BSGRUB PA DE LTAR GNAS KYIS BRTZON PAR BYA'O, ,DES KYANG DE LA DE BYA'O ZHES BYA BA'I MDO 'DA' BA LA GNAS PAS KYANG GNAS LA 'DI GNYIS BSGRUB PA LA BRTZON PAR BYA'O ZHES BYA BA RTOGS PAR BYA'O, ,LHAN CIG GNAS PA DANG NYE GNAS DANG MKHAN PO DANG SLOB DPON DANG MKHAN PO GCIG PA DANG SLOB DPON GCIG PA DANG GTAM 'DRES PA DANG PHEBS PAR SMRA BA DANG SMOS 'DRIN DANG 'GROGS BSHES RNAMS KYIS NAD G-YOGS BYA'O ZHES BYA BA LA, GTAM 'DRES PA ZHES BYA BA NI GTAM DRI BA LA SOGS PA DANG DGA' BA SPYOD PA NYID KYIS DGA' BA NYID DU BKRI BA'O, ,PHEBS PAR SMRA BA NI GANG DANG LHAN CIG TU BAG PHEBS PAR GYUR CING DE LA DUS SU KUN DU SMRA BAR BYED PA YIN NO, ,SMOS 'DRIN ZHES BYA BA NI GANG DANG LHAN CIG TU GNAS GCIG NA 'DUG PA DANG LHAN CIG TU 'GRO BA LA SOGS PAS 'DRIS PA KHAS BLANGS PAS YAN LAG DANG YAN LAG CAN GYI DNGOS PO SKYES PA'O, ,'GROGS BSHES ZHES BYA BA NI GANG GIS GANG MTHONG NGAM THOS MA THAG KHO NAR YAN LAG CAN GYI DANGS PO SKYES PA NAS DGA' BA TZAM SKYES PA'O, ,BYED PA DANG PO MED NA 'OG MAS SO ZHES BYA BA GTZUG LAG KHANG GI NYE GNAS LA SOGS PA RNAMS DANG LHAN CIG TU SNGA MAS NYE GNAS BYED PA MED PA LA PHYI MA PHYI MAS NYE GNAS BYA'O, ,GTZUG LAG KHANG DANG LHAN CIG TU NYE

43b

GNAS BYED PA MED PA LA MTHAR GNAS PAS NYE GNAS BYA'O, ,DE YANG MED NA MKHAN POS SO, ,DE YANG MED NA SLOB DPON GYIS SO ZHES BYA BA LA SOGS PA'O, ,MKHAN PO LA LCI BA NYID KYI PHYIR DE'I SNGON DU GANG ZHIG DANG POR 'OS PA NYID SLOB DPON LA MTHAR GNAS PA LA GTZUG LAG KHANG DANG LHAN CIG NYE GNAS PAS SO, ,DE BAS NA SHIN TU NYE BAR GNAS PA NYID KYI PHYIR LHAG MA SNGA MA LA DANG PO 'OS PA NYID DO, ,'DIR KLOG PA'I SLOB DPON YANG BZUNG BA NYID YIN NO ZHES BYA BA NI SLOB DPON BZUNG BAS SO, ,CIG CAR MI NUS NA GNAS PA GANG DANG 'JUG PA'I'O ZHES BYA BA LA, CIG CAR ZHES PA NI NAD PA LA NYE BAR GNAS DU MA LA'O, ,MI NUS PA LA ZHES BYA BA NI GAL TE GCIG LAS YANG NYE BAR GNAS PA MI NUS NA GNAS PAR NYE BAR GNAS PAR BYA ZHES BYA BA'I DON TO, ,GNAS PA SU ZHIG CE NA, GANG DANG 'JUG PA'I'O ZHES BYA BA SMOS TE, GANG ZHIG LA ZHU BA BYAS NAS BYA BA BYED PA GANG GI TSE GANG LA GANG GIS GAL CHE BA DE'I DE LA 'JUG PA'O, ,SHIN TU GNOD PAR BYED PA'I PHONGS PA LA THAMS CAD DOR NAS ZHES BYA BA DON GYIS GO BAR BYA'O, ,'DIR DE'I RTAGS TZAM PA YANG RAB TU BYUNG BA DANG 'DRA'O ZHES BYA BA LA, 'DIR ZHES BYA BA NI NAD G-YOG BYA BA'I YUL LA GANG ZHIG RAB TU BYUNG BA'I DON DU SKRA BREGS PA LA SOGS PA'I RTAGS TZAM GYIS SBYAR CING DA LTAR YANG RAB TU 'BYUNG DU MA BCUG PA DE NI RAB TU BYUNG BA DANG 'DRA BAR RIG PAR BYA'O, ,JI LTAR RAB TU BYUNG BA LA NYE BAR GNAS PA DE LTAR NAD PA DE LA BYA'O ZHES BYA BA'I DON TO, ,TSANGS PA MTSUNGS PAR SPYOD PA NA BA YAL BAR MI DOR RO, ,DE LA NAD G-YOG MED NA MTHAR THUG PA MAN CHAD LAS BSKO BAR BYA'O ZHES BYA BA LA, MED NA ZHES BYA BA NI GTZUG LAG KHANG LA SOGS PA DANG LHAN CIG TU'O, ,GANG MAN CHAD LAS BSKO BAR BYA ZHE NA, DE'I PHYIR MTHAR THUG PA ZHES BYA BA SMOS TE, GAL TE GCIG BYIN NAS KYANG NYER GNAS MED PAR GYUR NAS, DES 'BRAS BU BSGRUB PA'I NUS PA MED PA'I PHYIR GZHAN BSKO BAR BYA'O, ,DE BZHIN DU JI SRID DU DGE 'DUN GYI MTHAR THUG PA MAN CHAD LAS BSKO BAR BYA'O ZHES BYA BA'I DON TO, ,'DIR GZHUNG NI THAMS CAD MAD NA DGE 'DUN GYI NAD PA'I GNAS SKABS YONGS SU SHES PAR BYA STE, NAD G-YOG GCIG GAM

44a

, ,GNYIS SAM RAB TU MANG PO BSKOR BAR BYA ZHING THA NA DGE 'DUN THAMS CAD KYIS NAD G-YOG BYA'O ZHES GSUNGS PA YIN NO, ,SMAN BRTAG PAR BYA BA'I PHYIR DGE 'DUN LAS BYUNG BA'I SMAN NI NAD PA 'BA' ZHIG GIS SPYAD DU RUNG NGO ZHES BYA BA SMOS TE, KHYIM BDAG SGRE BO'I RDZAS LAS SMAN GANG YIN PA DGE 'DUN GYI SMAN KHANG DU GZHUG PAR BYA ZHING DGE SLONG NAD PA RNAMS KYIS LONGS SPYAD PAR BYA'O ZHES GSUNGS PA DE 'DIS BSDUS PA YIN NO, ,MED PA NYID YIN NA DE NAD G-YOG GIS TSOL DU GZHUG GO ZHES BYA BA NI MED PAR GYUR NA SMAN 'DI NAD G-YOG GIS TSOL DU GZHUG PAR BYA'O, ,MA 'BYOR NA DGE 'DUN GYIS LAS SBYIN PAR BYA'O ZHES BYA BA NI GAL TE TSOL DU BCUG KYANG MA 'BYOR BAR GYUR NA DE NAS DGE 'DUN GYIS SBYIN PAR BYA'O ZHES BYA BA'I DON TO, ,MED NA ZHES BYA BA NI DGE 'DUN GYI'O, ,SANGS RGYAS KYI SKU LA GSOL BA MAN CHAD KYANG NGO ZHES BYA BA NI GANG ZHIG SKU GZUGS DANG MCHOD RTEN DANG RGYAN LA SOGS PA BTAGS PA GANG YIN PA DE DAG GI BAR YANG SBYIN PAR BYA NA GZHAN LTA SMOS KYANG CI DGOS ZHES BYA BA'I DON TO, ,DE'I PHYIR DGE 'DUN GYI LAS BTUNG BA DANG GDUGS GDAGS PA LA SOGS PA'I MCHOD PA BYA'O ZHES BYA BA NI MA 'BYOR NA ZHES BYA BA DANG SBYAR RO, ,RANG LA MED NA DGE 'DUN LAS 'DI LA BYA'O, ,DGE 'DUN LA 'DI MED NA SANGS RGYAS KYI LAS SO, ,DE GNYIS KYIS BLANGS PA DE MA SHI LA 'BYOR PA YOD NA BSAM PA NYID DU BYA'O ZHES BYA BA LA DE GNYIS KYI ZHES BYA BA NI DGE 'DUN DANG SANGS RGYAS GNYIS DAG GI'O, ,SBYIN DU MED NA SKYON MED DO, ,NAD G-YOG GIS DE LA BSNYEN BKUR MI BYA BAR MI BYA'O ZHES BYA BA LA, DE LA ZHES BYA BA NI NAD PA LA'O, ,DE'I TSIG DON DANG LDAN PA DANG CHOS DANG LDAN PA BCAG PAR MI BYA'O ZHES BYA BA LA, DON DANG LDAN PA ZHES BYA BA NI 'TSO BA LA PHAN PA DANG SO SOR YANG DAG PAR 'BREL BA'O, ,DE'I ZHES BYA BA NI NAD PA'O, ,CHOS DANG LDAN PA ZHES BYA BA NI BSOD NAMS LA PHAN PA DANG 'BREL PA'O, ,LHAG PAR CHAGS PA'I DNGOS PO 'GUGS NA DGAG PAR MI BYA'O ZHES BYA BA LA LHAG PAR CHAGS PA'I DNGOS PO NI LHUNG BZED LA SOGS PA GANG LA NAD PA'I SRID PA'O, ,'GUGS NA ZHES BYA BA NI NAD PAS

44b

NAD G-YOG LA'O, ,MI GDAMS PAR MI BYA'O ZHES BYA BA NI NAD G-YOG GIS NAD PA LA'O, ,DE NAD PAS BZLA BAR SHIN TU MI BYA'O ZHES BYA BA NI NAD G-YOG GIS GDAMS NGAG BYAS PA LAS NAD PA 'DA' BAR MI BYA'O ZHES BYA BA'I DON TO, ,NAD G-YOG DES DE 'CHI BAR DOGS NA DE DGE 'DUN GYI MAL STAN LA BSLANG STE GANG ZAG GI LA GZHAG PAR BYA'O, ,BSKU MNYE DANG KHRUS SNGAR BYA BA NYID KYIS SGYU THABS KYIS SO ZHES BYA BA LA, BSKU MNYE DANG KHRUS SNGAR BYA BA NYID KYIS SGYU THABS KYIS GZHAG PAR BYA'O, ,'DIR SGYU THABS NI GTZO BO NYID KYI PHYIR GNYIS PO 'DI DPER RIG PAR BYA'O, ,DE'I GNAS SKABS KYI YONGS SU BRTAG PA LA 'BAD PA DANG LDAN PAR BYA'O ZHES BYA BA NI SHI BA'I GNAS SKABS YONGS SU GCOD PA LA LUS KYI GNAS SKABS GANG LA 'CHI BA'I DOGS PA 'BYUNG BA DE LA ZHES BYA BA'I DON TO, ,'DIR 'BAD PA NI YANG NAS YANG DU RTOG PA'O, ,DES SME BAR BYAS PA'I SHI BA'I GOS DE DAG BKRU BA NI DES BYA BA NYID YIN NO ZHES BYA BA NI NAD DES KUN NAS NYON MONGS PAR BYAS PA SHI BA'I GOS DE RNAMS LA NAD PA GANG LA NAD G-YOG DES SHI BA DE NYID KYI GAL TE GOS DE RNAMS YIN NA YANG GZHAN GYIS DE RNAMS BKRU BAR MA YIN TE, NAD G-YOG DES BYA'O ZHES BYA BA'I DON TO, ,DGE 'DUN 'DUS PA NA DE'I GNAS BRTAN MDUN DU 'GRO BAR BYA'O ZHES BYA BA LA, 'DI NI RTEN DANG BRTEN PA'I RAB TU DBYE BA ZHES BYA BA'I MTHAR THUG PA 'DI LA DGE 'DUN GYI GNAS BRTAN GYIS DBANG DU BYA BA LA NYE BAR DGOD PA STE DGE 'DUN TSOGS PA NA DGE 'DUN GYI GNAS BRTAN THOG MAR 'GRO BAR BYA'O ZHES BYA BA'I DON TO, ,'GRO BA'I TSE THOGS NA BSDAD PAR BYA'O ZHES BYA BA NI GNAS BRTAN DE'O, ,DE RNAMS KYIS DE YANG NGO ZHES BYA BA NI GANG RNAMS KYI GNAS BRTAN DE DE RNAMS KYIS YANG THOGS NA BSDAD PAR BYA'O, ,MA BYUNG BA LA NI RING BAR SONG STE'O, ,GRONG GI NYEN KOR DU YANG NGO ZHES BYA BA LA, NYEN KOR GYI SKRA NI NYE BAR BRJOD PAR BYA'O, ,GAL TE 'JUG PA NA PHYI BZHIN 'ONGS PA NA YANG NGO ZHES BYA BA NI GAL TE MNGON PAR 'JUG PAR 'DOD NA PHYI BZHIN 'ONG BA 'DI LA GRONG GI NYEN KOR DU BSDAD PAR BYA'O, ,DE LTAR LTA BAR GYUR PA RNAMS LA GAL TE SBRON PA 'ONGS NA YANG DE LA GNAS BRTAN 'ONGS KYI BAR DU SDOD CIG

45a

, ,CES GO BAR BYA'O ZHES BYA BA LA, DE LA ZHES BYA BA SBRON PA LA'O, ,ZAS KYI PHYIR SON PA NYID NA LAG CHU DRANGS PA'I TSE GAL TE DUS YOD NA YANG NGO ZHES BYA BA NI ZAS KYI PHYIR RAM BTUNG BA'I PHYIR SON PA NYID NA LAG CHU DRANGS PA'I TSE GAL TE THOGS PAR GYUR PA RNAMS LA DUS YOD NA DE NAS SBRON PA DE LA TSUR SHOG JI SRID DGE 'DUN GYI GNAS BRTAN 'ONGS KYI BAR DU SDOD CIG CES BSGO BAR BYA'O, ,MED NA GRAL DER DE'I STAN GZHAG PAR BYA'O ZHES BYA BA NI BSDAD PA'I DUS SU MED NA BZA' BA LA SOGS PAR ZHUGS PA LA DGE 'DUN GYI GNAS BRTAN LA STAN BZHAG PAR BYA'O, ,'DUG PA DANG PHYI ROL DU YANG SO SOR BRTAG PAR BYA'O ZHES BYA BA LA, 'DIR 'DUG PA NI KHYIM GYI NANG DU'O, ,PHYI ROL ZHES BYA BA NI SDOD SA LAS SO, ,GNAS SKABS 'DI DAG LA DGE 'DUN GYI GNAS BRTAN GYIS SO SOR BRTAG PAR BYA'O, ,LEGS PAR MA BGOS PA NYID DANG LEGS PAR MA DPYANGS PA NYID YIN NA MDZES PAR BYA BA'I PHYIR DE GNYIS LA BRDA BYA'O ZHES BYA BA LA, LEGS PAR MA BGOS PA NYID DAM LEGS PAR MA DPYANGS PA NYID LA MDZES PAR BYA BA'I PHYIR 'DI DAG GI RGYU MTSAN DU 'DI LA BYA'O, ,DE GNYIS LA ZHES BYA BA NI MA BGOS PA NYID DAM LEGS PAR MA DPYANGS PA NYID LA'O, ,MA GO NA DRUNG NA MO ZHES BYA BA NI GANG ZHIG 'DI MA BGOS PA NYID DAM LEGS PAR MA DPYANGS PA NYID DO, ,MA GO NA DRUNG NA MO BYED DU GZHUG GO ZHES BYA BA LA, GAL TE 'DI MA BGOS PA NYID DGE 'DUN GYI GNAS BRTAN GYIS BRDA BYED BZHIN PAS GO BAR MA GYUR NA DE NAS DRUNG NA MO DES BYED DU GZHUG GO, ,MA GYUR NA RANG GIS SO ZHES BYA BA NI DE LTAR NA YANG MDZES PAR BYED PA LA, GRUB PAR MA GYUR NA RANG GIS BYED DU GZHUG GO, ,BRNGA MA GO NA TSIG GIS BYED DU GZHUG GO, ,GSAR BU DE DAG LA KUN DU SMRA BAR MI BYA'O, ,GANG RNAMS KYIS DER DGE 'DUN GYI GNAS BRTAN DES GTZUG LAG KHANG DANG DGON PA DER DE DAG GI TSUL KHRIMS KYI TSUL KHRIMS DE 'DZIN DU GZHUG PAR BYA ZHING NGES PAR SBYAR BAR YANG BA'O ZHES BYA BA LA, GANG RNAMS KYI ZHES BYA NI GSAR BU DE RNAMS LA'O, ,DE DAG GI TSUL KHRIMS ZHES BYA BA NI GTZUG LAG KHANG GI TSUL KHRIMS DANG DGON PA'I TSUL KHRIMS SO, ,NGES PAR SBYAR BAR BYA ZHES PA NI, DE DAG GI TSUL

45b

KHRIMS 'DZIN DU GZHUG PAR BYA BA GCIG PUR MA ZAD KYI, 'ON KYANG TSUL KHRIMS DE BSGRUB PA LA DE RNAMS KYI NGES PAR SBYAR BA YANG BYA'O, ,GLO BUR DU 'ONGS PAS NI SO SOR BRTAGS NAS GNAS MAL GYI PHYI ROL GNYUG MAR GNAS PA RNAMS LA BRJOD PAR BYA'O ZHES BYA BA LA, GNAS MAL GYI PHYIR GLO BUR DU 'ONGS PA'I DGE 'DUN GYI GNAS BRTAN GYIS GLO BUR DU 'ONGS PA MA YIN PA RNAMS LA SO SOR BRTAG PAR BYA'O, ,GANG RNAMS KYI DGE 'DUN GYI GNAS BRTAN 'DI GNYUG MAR GNAS PA RNAMS LA GNAS MAL GYI PHYIR BRJOD PAR BYA'O, ,'GRO BAR CHAS PAS NI PHYOGS DANG 'GRON PA DANG GNAS DANG GNAS MAL GYI GROGS NA NI MI 'DOR BA NYID BRTAGS NAS 'BAG PAR BYA'O ZHES BYA BA LA, 'GRO BAR CHAS PA LA NI DGE 'DUN GYI GNAS BRTAN NO, ,'GRON PA RNAMS LA ZHES BYA BA NI DON GYIS GO BAR BYA STE PHYOGS GANG DU 'GRO BAR BYA BA 'GRO BA DANG LAM GYIS GNAS GANG ZHIG DER 'GRO BA LA GNAS MAL DANG DE THAMS CAD BLO RIGS PA NYID KYIS GZHAL BAR BYA STE GROGS RNAMS DANG NAD YOD PA LA GANG GIS KYANG SU YANG YONGS SU DOR BAR MI BYA'O ZHES BYA BA DE LTAR GZHAL BAR BYAS NAS DE NAS JI LTAR 'DOD PA'I GNAS THOB PAR BYA BA'I PHYIR 'GRO BAR BYA'O, ,RING POR MA SON PAR THAMS CAD KYI THA MAR LA LA'I CUNG ZAD MA LUS SAM ZHES 'PHRAL DU DRAN PAR BYA'O ZHES BYA BA NI DGE 'DUN GYI GNAS BRTAN NYID DO, ,GSAR BU RNAMS MI RGOD PA NYID DANG MA KHENGS PA NYID LA DGOD PAR BYA'O ZHES BYA BA LA, RGOD PA NI NYE BAR MA ZHI BA'O, ,KHENGS PA NYID NI RENGS PA NYID DE DE DAG BZLOG PA LA RAB TU DGOD PAR BYA'O ZHES BYA BA'I DON TO, ,KHYIM PHYIR NYE BA NI THAMS CAD KYIS THAMS CAD KYANG NGO ZHES BYA BA NI MI RGOD PA NYID DANG MA KHENGS PA NYID LA DGOD PAR BYA'O ZHES BYA BA DANG RJES SU 'BREL LO, ,'GRO BAR CHAS PA NI GNAS BRTEN NYID MA YIN TE, 'ON KYANG GZHAN YANG STE GSAR DU ZHUGS PA NYID RNAMS NI MA YIN TE, 'ON KYANG GZHAN LA YANG ZHES BYA BA'I DON TO, ,KUN SHES PAR BYA'O ZHES BYA BA NI 'GRO BAR CHAS PA'I DGE 'DUN GYI GNAS BRTAN NO, ,DGE 'DUN NI SPYOD PA DANG SPYOD LAM BRTAN PA DANG LUNG NOD PA LA SOGS PA DANG ZAS KYI RNYED PA DANG NAD PA LA BGO BSHA' BYA BA LA SOGS PA'I BYA BA BSGRUB PAS PHAN GDAGS

46a

, ,PAR BYA'O ZHES BYA BA LA SPYOD PA NI YUL LO, ,SPYOD LAM NI SPYOD LAM MO, ,DE DAG BSTAN PA NI 'DI NI YUL LO, ,'DI NI YUL MA YIN PA DE LTAR 'GRO BAR BYA'O ZHES BYA BA LA SOGS PA'O, ,LUNG NOD PA LA SOGS PA ZHES BYA BA 'DI LA KHA TON LA SOGS PA RNAMS NI SOGS KYI SGRAS GZUNG NGO, ,DBYAR GNAS PAR KHAS BLANGS PAS GTZUG LAG KHANG GI BYI DOR MI BYED PA LA GROS BTAB STE BYI DOR BYED DU GZHUG CING BYI DOR BYED PA LA NI SPRO BAR BYA'O, ,THAMS CAD KYI 'KHOR DU GTOGS PA GTAM 'DOD PA DAG LA RJES SU MTHUN PA'I CHOS NYE BAR BSGRUB PAS PHAN GDAGS PAR BYA'O ZHES BYA BA NI GAL TE DES 'KHOR DU GTOGS PA RNAMS GTAM 'DOD NA DE NAS GANG ZHIG GANG LA RJES SU MTHUN PA'I CHOS NYE BAR BSDUS PAS DES RJES SU GZUNG BAR BYA'O, ,THAMS CAD KYIS ZHES BYA BA NI DGE 'DUN GYI GNAS BRTAN GYIS SO, ,DBYAR GNAS PAR KHAS BLANGS PA'I DGE 'DUN GYI GNAS BRTAN NYID NI MA YIN NO, ,MI SMRA BA NYID LA DGA' BA DAG BTANG SNYOMS SU GZHAG STE, SMRA BA'I DNGOS PO NI SMRA BA NYID 'DIR MI SMRA BA'I DNGOS PO 'PHAGS PA ZHES BYA BA MNGON PAR 'DOD PA STE MI SMRA BA TZAM NI MA YIN NO, ,KHYIM PA NYE BAR 'ONGS PA'I 'TSAL MA SBYOR DU GZHUG GO ZHES BYA BA NI 'DI RNAMS LA KHA ZAS SBYIN PAR RIGS PA ZHES BYA BA'O, ,DGE SLONG RNAMS LA GO BAR BYAS NAS GAL TE DGE SLONG DE RNAMS LA DGE 'DUN GYI GNAS BRTAN GYIS BRJOD CING GO BAR MI BYED PA'AM KHYIM PA DE RNAMS ZAR MI 'DOD NA DE'I TSE MI BYED DAM MI 'DOD NA DE DAG LA CHOS DANG LDAN PA'I GTAM BYAS NAS BDAG CAG LA 'DI YOD DO ZHES BRJOD PAR BYA'O, ,DE DANG LDAN PA THAMS CAD KYIS 'KHOR LA SO SOR BRTAG PAR BYA'O ZHES BYA BA NI 'KHOR DANG LDAN PA THAMS CAD MA YIN TE, DGE 'DUN GYI GNAS BRTAN NYID NI MA YIN ZHES BYA BA'I DON TO, ,DON MED PAR SPYOD PA TSAR GCAD DO ZHES BYA BA NI 'KHOR DANG LDAN PA THAMS CAD KYIS ZHES BYA BA DANG RJES SU 'BREL LO, ,JI LTAR DON MED PAS DUS 'DA' BAR MI BYED PA DANG RAB TU BYUNG BA DANG RAB TU BYUNG BA DON MED PAR YANG MI BYED PA DE LTAR BYA'O ZHES BYA BA'I DON TO, ,DE LA 'GRO BA LA SOGS PA LA DE JI LTA BA BZHIN DU BYA'O ZHES BYA BA NI JI LTAR GNAS

46b

PAR BGYI, JI LTAR 'GRO BAR BGYI ZHES BYA BA LA SOGS PA NI YANG DAG PAR ZHUGS PA LA LTOS PA'I SOGS KYI SGRA'O, ,DE LA ZHES BYA BA NI 'KHOR LA'O, ,DE JI LTA BA BZHIN DU ZHES BYA BA NI 'KHOR JI LTA BAS DE 'KHOR DANG RJES SU MTHUN PA ZHES BYA BA'I DON TO, ,GTAM SNA TSOGS DANG 'GAL BA MED PAR BYA'O ZHES BYA BA NI DE LA ZHES BYA BA DANG SBYAR TE CHOS 'DUL BA DANG 'GAL LO, ,'GAL BA MED PAR BYA BA NI 'GAL BA MED PA STE, GTAM SNA TSOGS PA DANG 'DRES PA'O, ,PHYI BZHIN 'BRANG BA DGE SBYONG MDUN DU 'GRO BAR MI BYA'O, ,'DUG PAR MI BYA'O ZHES BYA NI SNGON DU 'AM PHYI NAS DGE SBYONG GIS 'DUG PAR MI BYA ZHES BYA BA'I DON TO, SMRA NAS SMRA BAR BYA ZHING ZHES BYA BA NI MI SMRA BAR CUNG ZAD BRJOD PAR MI BYA'O ZHES BYA BA'O, ,BSGRUB PAR BYA'O ZHES BYA BA NI GANG ZHIG 'DI LA MDUN DU DGE SBYONG GIS SMRA BA DE BSGRUB PAR BYA ZHES BYA BA'I DON TO, ,GTAM GYI BAR CHAD MI BYA'O ZHES BYA BA NE DGE SBYONG BLA MA GTAM BYED PAS NA BAR DU GTAM MI BYA'O ZHES BYA BA'I DON TO, ,CHOS MA YIN PA SMRA BA ZHES BYA BA NI DGE SBYONG BLA MA STE BZLOG PAR BYA'O, ,CHOS KYIS RJES SU YI RANG BAR BYA'O, ,CHOS DANG LDAN PA'I RNYED PA BYUNG NA BLANG BAR BYA'O ZHES BYA BA NI PHYI BZHIN 'BRANG BA'I DGE SBYONG NGO; ,DE NI PHYI BZHIN 'BRANG BA'I DGE SBYONG GI TSUL KHRIMS YIN NO, ,KHYIM DU 'GRO BA'I TSUL KHRIMS BRJOD PAR BYA STE, KHYIM DU MI RGOD PA DANG MA KHENGS PA DANG MI GNAS PAR BYA'O ZHES BYA BA LA MI RGOD PA DANG ZHES BYA BA NI THAMS CAD KHYIM DU 'GYUR RO, ,MA KHENGS PA DANG MI GNAS PAR BYA BA LA KHYIM NAS 'GRO BAR 'DOD PA NYID NI MI GNAS PA NYID DO, ,MIG DMAD PA DANG KHYIM PA RNAMS LA CHOS DANG LDAN PA'I GTAM BYA'O ZHES BYA BA LA, MIG DMAD PA ZHES BYA BA NI YUL RNAMS LAS TE, MIG SO SOR DMAD PAR BYAS PA ZHES BYA BA'I DON TO, ,KHYIM PA RNAMS LA CHOS DANG LDAN PA'I GTAM BYA'O, ,SBYIN PA DANG DUL BA DANG YANG DAG PAR SDOM PA DANG TSANGS PAR SPYOD PA LA GNAS PA DANG GSO SBYONG DANG SKYABS SU 'GRO BA DANG BSLAB PA'I GZHI GZUNG BA DAG LA DE RNAMS NGES PAR SBYAR BAR BYA'O ZHES BYA BA LA, DE RNAMS ZHES BYA BA NI KHYIM PA RNAMS SO, ,DUL BA NI

47a

, ,DBANG DU BYED PA STE, DBANG PO RNAMS DANG LUS DANG NGAG DAG LA DBANG DU BYED PA NYID DO, ,YANG DAG PAR SDOM PA NI 'DI RNAMS LA 'GRO BA MED PA STE, 'DUL BA DANG 'DUL BA NYID LA GNAS PA'O, ,TSANGS PAR SPYOD PA LA GNAS PA DANG ZHES BYA BA NI RAB TU BYUNG BA'I TSUL KHRIMS DANG KHYIM PA NYID LA YANG JI SRID 'TSO'I BAR DU GRONG BA'I CHOS LAS PHYIR BZLOG PAR BYA'O, ,LTUNG BA'I SGOR GYUR BA'I 'JUG PA THAMS CAD LA DRAN PAS BSGRUB PAR BYA'O ZHES BYA BA LA, DRAN PAS ZHES BYA BA NI LTUNG BA RNAMS LA ZHES BYA BA'I DON GYIS GO BAS KHYIM DU 'JUG PA LA SOGS PA 'GRO BA LA SOGS PA 'JUG PA LTUNG BA LAS 'DA' BA'I SGOR GYUR PA GANG YIN PA DE LA DE LTAR DRAN PA NYE BAR GNAS PAR BYAS NAS JI LTAR CUNG ZAD LTUNG BAR MI 'GYUR RO, ,RJES SU 'GRO BA BSLABS PAS MI BYA'O ZHES BYA BA NI BSGRUB PAR BYA'O ZHES BYA BA DANG RJES SU 'BREL TO, ,'DI NI RJES SU BSTAN PA DANG RJES SU 'BREL BA MA YIN TE, DE BAS NA BSGRUB PAR MI BYA STE, 'DI'I RJES SU BSTAN PA 'DA' BAR BYA BA MA YIN ZHES BYA BA'I DON TO, ,'ONGS PA LA 'ONGS PA LEGS SO ZHES SNGAR SNYAN PA BRJOD PAR BYA'O ZHES BYA BA LA, 'ONGS PA LA 'ONGS PA LEGS SO ZHES BYA BA NI LEGS PAR 'ONGS PA SMRA BA LAS BSNYEN PAR BRJOD PAR 'GYUR ZHES BYA BA'I DON TO, ,'ONGS PA LA ZHES BYA BA NI RAB TU BYUNG BA'AM KHYIM PA LA'O, ,BZHIN GYI MDANGS GSAL BAR BYA'O ZHES BYA BA NI NGOM ZUM MI BYA'O, ,'DZUM PA SNGAR BYA'O ZHES BYA BA NI 'DZUM PA THOG MAR 'GRO BA STE; MNGON DU PHYOGS PA STER BA ZHES BYA BA'I DON TO, ,BAR DANG BCAS PA'I 'JUG PA YANG 'DZUM PA DANG BCAS PA NYID DU 'GYUR RO ZHE NA, DE'I PHYIR KHRO GNYER MED PAR BYA'O ZHES BYA BA SMOS SO, ,GAL TE KHYIM PA ZHIG YIN NA DE LA CHOS DANG LDAN PA'I GTAM BYA'O, ,GRONG MTHA' BAS NI DER MI 'ONG NA KUN DGA' BAR 'GYUR BA CI NUS PAS LHUG PAR BYA'O, ,MI 'ONG NA ZHES BYA BA LA MI 'ONG NA NI KHYIM PA'O, ,GRONG MTHA' BAS NI DGE SLONG NGO, ,KUN DGA' BAR 'GYUR BA NI BZA' BA LA SOGS PA'O, ,CI NUS PAS LHUG PAR BYA'O, ,CHU DANG STAN BSTABS PAR BYA'O ZHES BYA BA LA, DGON

47b

PA BAS KYANG CHU DANG STAN DANG ZHES BYA BAR BSDU BA'O, ,PHYAG DAR DANG MAL DANG STAN BSHAM PA DANG CHU GZHAG PA DANG BRIM PA DANG ZAN DRANG BA NI GSAR BUS BYA'O ZHES BYA BA NI GANG DE YANG DAG PAR 'ONGS PA LA 'DI THAMS CAD GSAR DU ZHUGS PA DES BYA'O, ,G-YOG 'KHOR GYI BYA BA MI MTHUN PA GAL TE RANG DANG GZHAN LA GNOD PAR MI 'GYUR BA NI CI BDER GZHAG GO ZHES BYA BA LA, CI BDER GZHAG GO ZHES BYA BA NI BTANG SNYOMS SU GZHAG PAR BYA BA'O, ,GAL TE KHAS BLANGS PAR GYUR PA YIN NA RANG DANG GZHAN RNAMS LA GNOD PAR MI 'GYUR RO, ,GAL TE DE LTA YIN NA ZHES BYA BA NI GAL TE 'KHOR GYI BYA BA DE GNOD PA'I PHYIR YIN LA NUS PA YOD NA DE RGYUN BCAD LA ZHES BYA BA NI MI MTHUN PA'I BYA BA GZHAN NO, ,CHOS DANG LDAN PA NI BYA BA'O, ,BSKYED NAS DE G-YOG 'KHOR LA GROS GDAB PAR BYA'O, ,DE'I GZHI LAS G-YOG 'KHOR MI DGA' ZHING 'PHO BA LTA NA PHYIR BSDU BAR BYA'O ZHES BYA BA NI CHOS DANG LDAN PA'I BYA BA SKYED PAR 'GYUR BA LA G-YOG 'KHOR DE LA GAL TE SEMS MI DGA' ZHING YID MI BDE BAR GYUR TAM, NAD MED PA'AM GZHAN GYIS 'GRO BAR BYA ZHING DE LA SO SOR 'DU BYED PA'O, ,DE BZHIN DU SBYIN PA LA SOGS PAS SO SOR BSDU BAR BYA'O, ,G-YOG 'KHOR JI LTA BA 'DI LA GNYIS SU YANG MI 'GYUR BAR ZHIS BYA BA'O, ,MI NUS PA NYID YIN NA YANG GZHAN DU 'GRO BAR BYA'O ZHES BYA BA NI DE RGYUN GCAD PAR MI NUS PA NYID LA GZHAN DU 'GRO BAR BYA'O, ,DE'I RKYEN GYIS RTZOD CING SMRA BAR MI BYA'O, ,DGE 'DUN GYI KUN DGA' BAR GNOD PA BYED NA CI NAS KYANG DE NYID 'DZIN DU GZHUG PA'I PHYIR 'DZIN PA GTANG BA DE LTAR BYA'O, ,MI 'GRO NA BAB COL DU SU LA YANG MI BRJOD PAR GZHON NU DANG MDZA' BSHES DANG ZHANG BLON DANG ZHABS 'BRING DAG LA SKAD SBYAR TE, 'KHOR DAG PAR 'DZIN DU BCUG NAS THUL 'OG TU GZHUG PAR BYA'O ZHES BYA BA LA, 'DZIN DU BCUG NAS ZHES BYA BA NI GO BAR BYAS NAS SO, ,'KHOR DAG PA NI GANG DU 'DI LA CHAD PA MI DBAB PA DER 'JUG PAR BYA BA NI PHAM PAR BYA'O ZHES BYA BA'I DON TO, ,GZHON NU LA SOGS PA RNAMS LA GANG ZHIG SNGAR GO BAR BYED PA DE NI 'DI'I DON DU STE, PHAM PAR GYUR PA DE LA BRTAN NAS GCOD PAR MA GYUR

48a

, ,CIG CES BYA BA'I DON TO, ,RAB TU BYUNG BA'I GZHI LAS, DGE SLONG DANG 'BREL BA'I SKABS BSHAD ZIN TO,, ,,DA NI DGE SLONG MA LA BRTEN PA BRJOD PAR BYA STE, DE LA SKYES PA RAB TU 'BYUNG BA DANG BSNYEN PAR RDZOGS PA LA BRJOD PA GANG ZHIG DE NYID BUD MED LA YANG ZHES BYA BA KHAS BLANG NGO, ,BYE BRAG TU NI 'DI BRJOD PAR BYA STE, DGE SLONG GI GNAS SU DGE SLONG MA'O ZHES BYA BA NI DGE 'DUN GYI PHYOGS GCIG TU GYUR PA'AM GCIG POR GYUR PA'I MKHAN PO DANG ZHU BA PO LA SOGS PA GANG DU DGE SLONG SMOS PA DER DGE SLONG MA BLTA BAR BYA'O ZHES BYA BA'I DON TO, ,CI DGE SLONG THAMS CAD KYI GNAS SU YIN NAM 'ON TE 'GA' ZHIG LA ZHE NA, DE'I PHYIR RAB TU BYUNG BA THAMS CAD KYI'O ZHES BYA BA SMOS TE, RAB TU BYUNG BA'I YUL LA MKHAN PO LA SOGS PA'I DGE SLONG THAMS CAD KYI GNAS SU DGE SLONG MA SHES PAR BYA'O, ,MKHAN PO NYID KYI DON DU ZHU BA BYED PA DANG DGE TSUL MA'I SDOM PA SBYIN PA ZHES BYA BA 'DI THAMS CAD DGE SLONG MA RNAMS KYIS BSGRUB PAR BYA'O, ,'DIR DGE SLONG LA DBANG DU BYA BA MED DO ZHES BYA BA 'DI BSTAN PA'I DON DU'O, ,BSNYEN PAR RDZOGS PA LA NI DE GSOL PA LA SOGS PA'I LAS BYED PA LAS GZHAN PA'I'O ZHES BYA BA NI BSNYEN PAR RDZOGS PA LA DGE SLONG THAMS CAD KYI GNAS SU DGE SLONG MA BLTA BAR BYA BA MA YIN TE, 'ON KYANG BSNYEN PAR RDZOGS PA LA NI DE GSOL BA LA SOGS PA'I LAS BYED PA PO LAS GZHAN PA'I DGE SLONG GI GNAS SU DGE SLONG MA'I BSNYEN PAR RDZOGS PAR GSOL BA NAS BRTZAMS TE 'DIR LAS BYED PA PO'I DGE SLONG NYID DE DGE SLONG MA NI MA YIN ZHES BYA BA NI BRJOD PAR 'GYUR RO, ,BSNYEN PAR RDZOGS PA GSOL BA LAS SNGA ROL DU DGE SLONG MA LAS BYED PA PO STE GANG ZHIG 'DIR DGE SLONG MA'I DGE 'DUN 'GA' ZHIG GI DBUS SU TSANGS PAR SPYOD PA LA NYE BAR GNAS PA'I SDOM PA SBYIN PA ZHES BYA BA'I DON TO, ,'DIR DGE 'DUN GYIS BSNAN PAR BYA'O ZHES BYA BA NI BSNYEN PAR RDZOGS PAR GSOL BA LA SOGS PA LA DGE SLONG GI DGE 'DUN SLOB DPON DU GYUR PA RTOGS PAR BYA'O, ,GNYIS KA'I DGE 'DUN TSOGS LA GSOL BA NAS BRTZAMS TE LAS BYED PA PO NI

48b

DANG PO ZHES BYA BA'I DON TO, ,BAR CHAD DRI BA DGE SLONG MA BSGRIBS PA LA BYA'O ZHES BYA BA NI BAR CHAD DRI BA'I TSE DGE 'DUN GYI DBUS SU BAR CHAD DRI BA LA LAN GNYIS BYA DGOS TE, GCIG NI TSANGS PAR SPYOD PA LA NYE BAR GNAS PA'I SDOM PA SBYIN PA'I DUS SU DGE SLONG MA'I DGE 'DUN 'BA' ZHIG GI DBUS SU'O; ,GZHAN NI GNYIS KA'I DGE 'DUN GYI DBUS SU'O, ,DE GNYIS KAR YANG CHO GA 'DI BZHIN DU RTOGS PAR BYA'O, ,NGO TSA BA'I RGYU MTSAN DU 'DI BRJOD PA STE, RES BYA BA DANG RES MI BYA BA SHES PA'I DON DU DANG PO BYA BA'I TSIG SBYAR RO, ,BUD MED LA NI DGE SLONG MA ZHES PA'I TSIG GZHAN YOD DO ZHES BYA BA NI DGE TSUL MAS 'OG TU DGE SLONG MA NYID CES BYA BA'I TSIG GNYIS PA 'DI SKYES PA DANG THUN MONG MA YIN NO, ,DE'I TSIG GSUM PA 'DI YIN TE, DE YANG GNAS PA KHO NA LA'O ZHES BYA BA NI DGE TSUL MA NYID DANG DGE SLONG MA NYID DAG DANG KHYAD PAR MED PA NYID BSTAN PA'I DON DU KHO NA'I SGRA'O, ,JI LTAR TSIG GNYIS PO 'DI DAG BRTEN PA LA DE BZHIN DU 'DI YANG ZHES BYA'O, ,DE BAS NA MKHAN PO NYID KYIS DGE SLONG MA SU ZHIG YIN GYI DE NYID NI MA YIN TE, GANG ZHIG DGE TSUL MA'I DON DU ZHES BYA BA RIG PAR BYA'O, ,DE LTAR NA MKHAN PO BUD MED DANG LHAN CIG RNAM PA GSUM YIN TE; SKYES PA LA NI RNAM PA GNYIS ZHES BYA BA 'BYUNG BAR 'GYUR RO, ,DGE SLONG MA NYID KYI TSIG GZHAN DE GNAS SKABS GANG DU SBYIN PAR BYA ZHING DE'I DUS JI SRID DU SPYAD PAR BYA DGOS SHE NA, DE'I PHYIR DGE SLONG MA NYID DANG DGE SLOB MA GNYIS KYIS BAR SKABS SU SPYOD PA'I DUS NI LO GNYIS SO ZHES BYA BA SMOS TE, DUS DE SRID DU SPYAD PA NYID KYIS BSNYEN PAR RDZOGS PA ZHES BYA BA 'DI LTAR DUS YONGS SU 'DZIN PA STE, BRTUL ZHUGS TE SPYAD PAR MI BYA ZHES BYA BA 'DI'I 'OG TU NI MA YIN NO, ,DE BAS NA DUS 'DI RDZOGS PA NYID KYIS BSNYEN PAR RDZOGS PA'I SNGON ROL DU BSLAB PAR MI BYA STE, SPYOD PA 'DI NYAMS PA'AM ZHIG PA ZHES BYA BA RTOGS PAR BYA'O, ,DGE SLOB MA NYID 'BYUNG BA 'DI LA DUS GANG YIN ZHE NA, DE'I PHYIR BSNYEN PAR RDZOGS PA'I DUS KYI DANG POR DER MA LON PA'I DANG PO LA SKYE'O ZHES BYA BA SMOS TE, BSNYEN PAR RDZOGS PA'I DUS KYI DANG PO NI BSNYEN PAR RDZOGS PA'I

49a

, ,DUS SO; ,DE NI DANG PO GNYIS YIN TE, GZHON NU MA NYID LA LO NYI SHU DANG KHYIM SO BZUNG BA'I LO BCU GNYIS SO, ,SPYAD PA'I DUS DES LO GNYIS KYIS MA CHOG PA'I BSNYEN PAR RDZOGS PA'I DUS KYI DANG PO'O, ,DES MA CHOG PA'I BSNYEN PAR RDZOGS PA'I DUS KYI DANG PO DUS 'DI LA YOD PAS NA DUS DE MA TSANG BA'I BSNYEN PAR RDZOGS PA'I DUS KYI DANG PO'I DANG PO STE, DGE SLOB MA NYID SKYE BA'I DUS 'DI'O, ,GZHON NU MA LA LO BCO BRGYAD NYID DANG KHYIM SO BZUNG BA'I LO BCU NYID CES BYA BA'I DON TO, ,'DIR GZHUNG NI DGE SLONG MA'I RNAM PAR 'BYED PA LAS KHYIM SO BZUNG BA'I GANG YIN PA DE NI LO BCU LON PA'AM, GZHON NU MAR GYUR PA NI LO BCO BRGYAD LON TE, DE GNYIS LA LO BCU GNYIS SU DGE SLOB MA'I SDOM PA SBYIN PAR BYA'O ZHES BYA BA GSUNGS PA YIN NO, ,BSNYEN PAR RDZOGS PA'I DUS NI 'DIR 'GRUB PAR KHAS BLANGS PA'I KHYAD PAR BRJOD PAR BYA STE, DE'I PHYIR KHYIM SO BZUNG BA BSNYEN PAR RDZOGS PAR BYA BA'I LO RNAMS KYI DANG PO NI LO BCU GNYIS NYID DO ZHES BYA BA SMOS TE, BUD MED KHYIM SO BZUNG BA BAG MANG BTANG BA GANG YIN PA DE'I BSNYEN PAR RDZOGS PAR BYA BA'I DUS DE'I LO RNAMS KYI DANG PO NI LO BCU GNYIS LON PA NYID DO; ,SBYIN PA LAS SKYE'O ZHES BYA BA NI DGE SLOB MA NYID LA ZHES BYA BAR RJES SU 'BREL TO, ,SUS SBYIN PA LAS SHE NA, DE'I PHYIR DGE SLONG MA'I DGE 'DUN GYIS SO ZHES BYA BA SMOS SO, ,JI LTAR ZHE NA, DE'I SBYIN PA NI SLOB PA'I SDOM PA ZHES BYA BAS SO ZHES SMOS TE, MING 'DI ZHES BGYI BA 'DI BSLAB PA'I SDOM PA GSOL NA JI SRID DU DGE 'DUN DE LA BSLAB PA'I SDOM PA BYIN CIG CES BYA BA LA SOGS PA'I SNGAGS LAS 'BYUNG BA YIN NO, ,DE'I 'OG TU BSLAB PA BRJOD PAR BYA'O ZHES BYA BA NI BSLAB PA'I SDOM PA SBYIN PA 'DI'I RJES LA BSLAB PA BRJOD PAR BYA BA NI CHOS DRUG DANG; RJES SU MTHUN PA'I CHOS DRUG STE, DE LA CHOS DRUG RNAMS GANG ZHE NA, DE'I PHYIR, GCIG PU LAM DU 'GRO MI BYA, ,CHU BO'I PHA ROL BRGAL MI BYA, ,SKYES PA LA NI REG MI BYA, ,DE DANG KHYIM GCIG NYAL MI BYA, ,SMYAN DU 'GYUR BA MI BYA ZHING, ,KHA NA MA THO BCA' MI BYA, ,'DI LTAR

49b

'DI RNAMS DGE SLOB MA'I, ,CHOS RNAMS DRUG POR YONGS SU GRAGS, ,RJES SU MTHUN PA'I CHOS DRUG GANG ZHE NA, SA LE SBRAM LA GZUNG MI BYA, ,MDOMS KYI SPU NI BREG MI BYA, ,SA YANG BRKO BAR MI BYA STE, RTZVA SNGON DAG KYANG GCAD MI BYA, ,BYIN LEN MA BYAS BZA' MI BYA, ,GSOG 'JOG BYAS PA BZA' MI BYA, ,RJES SU MTHUN PA'I CHOS DRUG 'DI, ,DGE SLOB MA LA SLOB PHYIR BSHAD, ,TSANGS PAR SPYOD PA LA NYE BAR GNAS PA'I SDOM PA MA THOB PAR BSNYEN PAR RDZOGS PAR MI 'GYUR RO ZHES BYA BA LA, 'DIR BSNYEN PAR RDZOGS PA NI TSANGS PAR SPYOD PA'O, ,DE LA NYE BAR GNAS PA NI NYE BAR SKYE BAR BYED PA'O, ,TSANGS PAR SPYOD PA LA NYE BAR GNAS PAR BYA BA'I PHYIR SDOM PA NI TSANGS PAR SPYOD PA LA NYE BAR GNAS PA'I SDOM PA'O, ,GANG GIS DE MA THOB PA DE NI TSANGS PAR SPYOD PA LA NYE BAR GNAS PA'I SDOM PA MA THOB PA STE DE LA'O, ,BSNYEN PAR RDZOGS PAR MI 'GYUR BA NI GANG GI PHYIR 'DI RNAMS KYI SDOM PA NI BSNYEN PAR RDZOGS PA'I DON DU STE, ZHING NYID DU NGES PAR BYED PA DE LAS 'DI MA THOB PAR NI BSNYEN PAR RDZOGS PA MA YIN NO, ,GANG GI TSE 'DI BLANG ZHE NA, DE'I PHYIR GSANG STE BSTAN PA'I 'OG TU DGE 'DUN GYIS DE SBYIN PAR BYA'O ZHES SMOS TE, TSANGS PAR SPYOD PA LA NYE BAR GNAS PA'I SDOM PA DE SBYIN PAR BYA'O, ,SUS SHE NA DE'I PHYIR, DGE 'DUN GYIS ZHES BYA BA SMOS TE, SKABS YIN PA'I PHYIR DGE SLONG MA'I DGE 'DUN GYIS SBYIN PAR SHES PAR BYA'O, ,CI ZHIG 'DI TZAM NYID KYIS 'DI SBYIN NAM ZHE NA, DE'I PHYIR BAR CHAD DRIS SO ZHES BYA BA SMOS TE, DE LTAR NA 'DI LA BAR CHAD DRI BA LAN GSUM DU 'GYUR TE, GCIG NI DGE SLONG MAS GSANG STE STON PAS BKAR TE DRI'O, ,DGE SLONG MA'I DGE 'DUN 'BA' ZHIG GI DBUS SU TSANGS PAR SPYOD PA LA NYE BAR GNAS PA SDOM PA'I YAN LAG TU GYUR PA NI GNYIS PA'O, ,GNYIS KA'I MDUN GYI DBUS SU BSNYEN PAR RDZOGS PAR GSOL BA LA BSNYEN PAR RDZOGS PA'I YAN LAG TU GYUR PA NI GSUM PA'O, ,'DIR GSOL BA NI GSOL BAR BYED PA LA'O, ,LAS SU BSKO BA ZHES BYA BA 'DE LAS THOB PA DE BAS NA GSOL

50a

, ,BA 'DI LA YANG BSKO BA RIG PA'I NGO BO YIN TE, DE'I PHYIR GSOL BA BYAS NAS SO ZHES BYA BA SMOS TE, TSANGS PAR SPYOD PA LA NYE BAR GNAS PA'I SDOM PA YANG GSOL NAS SBYIN PAR BYED PA'I TSANGS PAR SPYOD PA LA NYE BAR GNAS PA'I SDOM PA 'DI MA GSOL BA LA NI MI SBYIN PA'O ZHES BYA BA'I DON TO, ,CHOS GOS DAG NI LNGA NYID DO, ,ZHES BYA BA NI DGE SLONG MA LA NI CHOS GOS GSUM THUN MONG YIN TE, SHING PA DPUNG CHAD DANG RDUL GZAN LHAG PAR RO, ,GNAS RNAMS LA SHING DRUNG MA GTOGS SO ZHES BYA BA LA, SHING DRUNG NYID MA GTOGS PA GNAS GZHAN GSUM PO NI DE'I GNAS SO, ,LTUNG BAR 'GYUR BA NYID RNAMS LA BRGYAD NYID DO ZHES BYA BA NI, REG PA DANG NI LUS BKAN DANG, ,'CHAB PA DANG NI BZLOG PA'O, ,ZHES BYA BA BZHI PO RNAMS LHAG PA YIN NO, ,LCI BA'I CHOS RNAMS BRJOD PAR BYA'O ZHES BYA BA LA, LCI BA'I CHOS BRGYAD PO RNAMS BRJOD PAR BYA STE, DE RNAMS KYANG, DGE SLONG RNAMS LAS BSNYEN PAR RDZOGS PA DANG, GNYEN PO'I TSOGS DANG GDAMS NGAG YONGS TSOL DANG, ,DGE SLONG MED PAR GNAS PAR BYED PA DANG, ,GANG DU YANG NI DBYAR GNAS KHAS LEN DANG, ,RGUD PA RNAMS LA DGE SLONG BSKUL BA DANG, ,KHRO BA MED DANG GSAR ZHUGS LA PHYAG 'TSAL, ,GNYIS KA'I TSOGS LAS THOB BYA MIN PA DANG, ,DGAG DBYE ZHES BYA BA LCI BA'I CHOS RNAMS SO, ,DUS GANG LA BRJOD PA ZHE NA, DE'I PHYIR LTUNG BAR 'GYUR BA DANG, DGE SBYONG BYED PA'I BAR SKABS SU'O, ,BKOL BA DRUG GO ZHES BYA BA NI SNGON RAB TU BYUNG BA ZHES BYA BA 'DI NAS JI SRID DU BKOL BA ZHES BYA BA YAN CHAD KYI MING CAN GANG ZHIG KHYOD NI MA YIN NAM ZHES BYA BA RAB TU BYUNG BA'I DON DU NYE BAR 'ONGS PA LA DRI BAR BYA STE, BSNYEN PAR RDZOGS PAR BYED PA PO RNAMS KYIS KYANG RAB TU DBYUNG BAR BYA BA DANG BSNYEN PAR RDZOGS PAR MI BYA'O ZHES BYA BA'I DON TO, , DE LA SKYE BA'I CHOS NYID MED PAR YANG 'DRA'O ZHES BYA BA NI 'DIR CHO GA DRUG PO 'DI GTOGS PAR BYA'O, ,RNAM PA DE LTA BU'I RTAGS CAN NI BSNYIL BAR BYA'O ZHES BYA BA NI THAMS CAD LA DBANG DU BYED PA NYID KYI PHYIR BRJOD PAR BYA BA YIN TE, SLAR 'DIR YANG DAG PAR RIG PAR BYA'O, ,DRUG PO DE DAG

50b

GANG ZHE NA, DE'I PHYIR MTSAN GNYIS PA'O, ,GLE 'DAMS PA'O, ,RTAG TU ZLA MTSAN 'DZAG PA'O, ,ZLA MTSAN MI 'DZAG PA'O, ,MTSAN MA TZAM YOD PA'O, ,MTSAN MA TZAM DU GYUR PA'I MTSAN YOD PA NI ZHES BYA'O ZHES BYA BA SMOS TE, GANG LA MTSAN MA TZAM DU GYUR PA'I MO MTSAN YOD PA DE NI MTSAN MA YOD PA DE ZHES BYA BA STE MING DE SKAD GDAGS SO, ,SNGON RAB TU BYUNG BA'O ZHES BYA BA NI KHYOD MTSAN GNYIS PA MA YIN NAM ZHES BYA BA NAS JI SRID DU KHYOD NI SNGON RAB TU BYUNG BA MA YIN NAM ZHES BYA BA'I BAR NI RAB TU BYUNG BA'I DON DU NYE BAR 'ONGS PA LA DRI BAR BYA'O, ,JI SRID 'DI LA SKYE BA'I CHOS NYID MED PA ZHES BYA BA 'DIR TSUL 'DI RTOGS PAR BYA'O, ,RAB TU BYUNG BA'I GZHI PHRAN TSEGS LA SOGS PA'I SKABS SO,, ,,MI MA YIN PA'I 'GRO BA BA DANG BYANG GI SGRA MI SNYAN PA GNYIS NI SDOM PA'I ZHING NYID MA YIN NO ZHES BYA BA NI MI'I 'GRO BA PA LAS GZHAN PA'I 'GRO BA GZHAN LAS SKYES PA DANG, MI'I 'GRO BA NYID YIN DU ZIN KYANG BYANG GI SGRA MI SNYAN PA NI SDOM PA'I ZHING NYID MA YIN TE, DE GNYIS LA SDOM PA MI SKYE'O ZHES BYA BA'I DON TO, ,MTSAN LAN GSUM DU GYUR PA YANG MA YIN NO ZHES BYA BA NI SDOM PA'I ZHING NYID MA YIN TE ZHES BYA BA DANG RJES SU 'BREL TO; ,GANG ZHIG MTSAN LAN GSUM DU GYUR PA DE LA SDO, PA MI SKYE'O ZHES BYA BA'I DON TO, ,DANG PO GNYIS LA NI MI NYAMS SO ZHES BYA BA NI SDOM PA SE MTSAN GYUR PA DANG PO DANG GNYIS PA LA NI SDOM PA NYAMS PA MED DO ZHES BYA BA'I DON TO, ,PHRAN TSEGS LAS CHO GA GNYIS PA 'DI 'DRA BA NAS DRANGS PA'O, ,LEN PA NYID NA LANG SKYE'O ZHES BYA BA NI SDOM PA YANG DAG PAR LEN PA NYID LA DE'I TSE NA MTSAN GYUR NA YANG SDOM PA SKYE BA NYID YIN NO, ,'DIR GZHUNG NI BSNYEN PAR RDZOGS PAR 'TSAL BA'I MTSAN GYUR NA BSNYEN PAR RDZOGS ZHES BYA BGYI 'AM BSNYEN PAR MA RDZOGS ZHES BGYI, BKA' STZAL BA, BSNYEN PAR RDZOGS ZHES BYA STE, DGE SLONG MAS NI DGE SLONG RNAMS LAS BSNYEN PAR RDZOGS PA DGE SLONG MA'I DNGOS PO YONGS SU BTZAL BAR BYA BA'I PHYIR RO ZHES GSUNGS PA YIN NO, ,'DI PHO'I MTSAN GYUR PA NI DPE TZAM DU ZAD DO, ,GZHAN DU CHO GA 'DI LA

51a

, ,SHIN TU DOGS PA DANG BRAL BA NYID KYI PHYIR RO, ,BSNYEN PAR RDZOGS PAR GYUR PA'I GNAS SKABS CAN 'DI NI BSNYEN PAR RDZOGS PAR LTA BA GZUNG BA STE, YONGS SU GYUR PA'I SNGA ROL DU DGE SLONG TZAM BSDUS PA MI RIGS PA'I PHYIR RO, ,DE DANG LDAN PA'I LTAR MKHAN PO MED PA NYID LA YANG NGO ZHES BYA BA LA, DE DANG LDAN PA'I ZHES BYA BA NI MKHAN PO DANG LDAN PA LA DE'I SDOM PA SKYE BA LTAR MKHAN PO MED PA NYID LA YANG SDOM PA SKYE BA YIN NO, ,DE BSNYEN PAR MA RDZOGS PA NYID YIN YANG NGO ZHES BYA BA NI MKHAN PO DE BSNYEN PAR RDZOGS PA NYID YIN NA YANG MKHAN PO DANG LDAN PA'I SDOM PA SKYE BA NYID DU 'GYUR RO, ,DE DGE SLONG NYID MA YIN PAR SHES NA NI MI SKYE'O ZHES BYA BA NI YANG DAG PAR LEN PAR BYED PA BOS MKHAN PO DE BSNYEN PAR MA RDZOGS PA NYID DAM NYAMS PA NYID YIN PAS DGE SLONG NYID MA YIN PAR SHES NAS NI MKHAN PO DANG LDAN PA'I SDOM PA MI SKYE BA KHO NA'O, ,'DIR GZHUNG NI BSNYEN PAR RDZOGS PAR 'TSAL BA MKHAN PO RKU THABS SU GNAS PAS BSNYEN PAR RDZOGS PAR BGYID NA BSNYEN PAR RDZOGS ZHES BGYI'AM, BSNYEN PAR MA RDZOGS ZHES BGYI, BKA' STZAL PA, GAL TE BDAG GI MKHAN PO RKU THABS SU GNAS PA YIN NO ZHES SHES NA NI BSNYEN PAR MA RDZOGS PAR SHES PAR BYA'O, ,GAL TE MI SHES NA NI BSNYEN PAR RDZOGS ZHES BYA'O, ,SNGON LTUNG BA BYUNG BA'AM DE BZHIN NO ZHES GSUNGS PA LA SOGS PA YIN NO, ,DANG POR YENGS PA KHYIM PA'I MKHAN POS SHES PAR BYA'O, ,'O NA MKHAN PO MED PA NYID LA YANG SDOM PA SKYE NA, DE BAS NA JI LTAR SHES BZHIN DU 'DI LA DGE SLONG MA YIN PA NYID DU MI 'GYUR BA GANG GI PHYIR MI LDAN PA SHES PA'I BSAM PA GYUR PA DANG TSUL KHRIMS LA MA GUS PA'I BSAM PAR 'GYUR RO, ,TSUL KHRIMS LA DON DU MI GNYER BAR 'GYUR RO ZHES BYA BA DE'I PHYIR 'DI SKYE'O ZHE NA, DE MA YIN TE, MKHAN PO NYID MA YIN PA JI SRID DU SHES NA DE'I PHYIR 'DIR SKYE BA LA 'GAL BA MED PA GANG ZHIG MKHAN PO NYID BSNYEN PAR RDZOGS PA MA YIN PA LA SDOM PA SKYE BAR BRJOD PA DE NI DGE 'DUN GYI DBANG DU MDZAD NA, DGE 'DUN GYIS BSNYEN PAR RDZOGS PA NYID MA YIN PA SHES BZHIN

51b

PA LA SKYE BA YIN GYI, BSNYEN PAR RDZOGS PAR LTA BAS NI MA YIN ZHES BYA BA'O, ,DE'I PHYIR SPONG BA LA YANG MI SKYA'O ZHES BYA BA LA SDOM PA'I SGO NYID KYI PHYIR MKHAN PO LA DE'I PHYIR DBUL ZHING PHYIR SPONG BAR BYED NA DE LA YANG SDOM PA MI SKYE'O, ,'DIR GZHUNG NI BSNYEN PAR RDZOGS PAR BGYID PA NI SLAR MKHAN PO SPONG BAR BGYID NA BSNYEN PAR RDZOGS ZHES BGYI'AM, BSNYEN PAR MA RDZOGS ZHES BGYI, BKA' STZAL PA, BSNYEN PAR MA RDZOGS ZHES BRJOD PAR BYA'O ZHES GSUNGS PA YIN NO, ,DE GNYIS KYI MING MA BRJOD NA, YANG MI SKYE'O ZHES BYA BA NI ZHING DANG MKHAN PO 'DI DAG LA YANG DAG PAR LEN PAR BYED PA 'AM, LAS BYED PA DAG GIS MTSAN MA BRJOD NA SDOM PA SKYE BAR 'GYUR BA MA YIN NO, ,DGE 'DUN GYI NA YANG DE'I SKYE GNAS KYIS MI SKYE'O ZHES BYA BA NI YANG DAG PAR LEN PAR BYED PA'AM LAS BYED PA DAG LAS GANG YANG RUNG BAS DGE 'DUN GYI MTSAN MA BRJOD NA YANG DE'I SKYE GNAS KYIS ZHES BYA BA DGE 'DUN GYI SKYE GNAS DE'I RIGS KYI SDOM PA LA SKYE BA YOD PA MA YIN NO, ,'DIR GZHUNG NI YANG DAG PAR LEN PAR BYED PA'I PHYIR NI GANG ZAG GSUM NI BSNYEN PAR MA RDZOGS PA YIN TE, BDAG NYID KYI MING MI BRJOD PA DANG, MKHAN PO'I MING MI BRJOD PA DANG, BSNYEN PAR RDZOGS PA YANG MI SHES PA'O ZHES GSUNGS PA'O, ,LAS BYED PA PO'I PHYIR NI GZHUNG 'DI YIN TE, MKHAN PO DANG BSNYEN PAR RDZOGS PAR 'TSAL BA DANG DGE 'DUN DANG GSUM GYI MING BRJOD PAR MI BGYID NA BSNYEN PAR RDZOGS ZHES BGYI 'AM BSNYEN PAR MA RDZOGS ZHES BGYI, BKA' STZAL PA; BSNYEN PAR MA RDZOGS ZHES BYA'O ZHES GSUNGS PA YIN NO, SO SOR NYE BAR GNAS PA MA YIN PA NI 'DI YIN TE, GANG ZHIG 'DIR GZUNG BAR BYAS PA NYID KYIS YANG DAG PAR LEN PA PO'I BDAG NYID KYI MING BRJOD PA'O, ,'DI NI DGE 'DUN GYI SO SOR NYE BAR GNAS PA STE, RJES SU BZUNG BA PO MA YIN PA NYID KYIS GANG ZHIG DGE 'DUN GYI 'DI MTSAN NAS MA BRJOD PA'O, ,GANG ZHIG LAS BYED PA POS YANG DAG PAR BLANGS PA DE'I YUL NYID KHAS BLANGS PAS DE MI BYED PA'O, ,GANG ZHIG DGE 'DUN DANG DGE 'DUN DU BYED PA PO'I KHAS BLANGS PAS DE MI BYED PA'O, ,GANG ZHIG MKHAN PO

52a

, ,LA LAS BYED PA POS MING MA BRJOD PA DE YANG DGE 'DUN DU BYED PA PO NYID LA KHAS BLANG PAR BYA BA STE, GANG GI PHYIR LAS GANG LA DER DGE 'DUN BYED PA PO NYID DU RIG PAR BYA STE, DE LAS GZHAN PA'I LAS DE BYAD PA'O, ,MKHAN PA LA YANG DAG PAR LEN PA POS MING BRJOD PA GANG YIN PA DE LAS GANG LA BYED PA MKHAN PO DANG BCAS PA DE LA DE'I YUL NYID KYIS SO SOR NYE BAR GNAS PA'O, ,DE BAS NA 'DI RNAMS KYI MTSAN NAS MA BRJOD PAR SDOM PA MI SKYE'O, ,KHYIM PA DANG MU STEGS CAN GYI RGYAL MTSAN LA YANG MI SKYE'O ZHES BYA BA NI RGYAL MTSAN CAN DANG SO SOR YONGS SU RDZOGS PA STE, KHYIM PA'I RGYAL MTSAN CAN DANG MU STEGS KYI RGYAL MTSAN CAN LA ZHES BYA BA'O, ,'DIR NI 'BRU MANG PO CAN GYI BSDU BA'O, ,KHYIM PA'I RGYAL MTSAN GANG LA YOD PA DANG MU STEGS KYI RGYAL MTSAN GANG LA YOD PA DER NI KHYIM PA'I RGYAL MTSAN CAN DANG MU STEGS CAN GYI RGYAL MTSAN CAN ZHES BYA BA'O, ,RGYAL MTSAN 'DI GANG 'DZIN PA DAG LA SDOM PA MI SKYE STE, 'DIR RGYAL MTSAN NI CHA BYAD DO, ,SGREN MO DANG 'KHRUGS PA DANG MTSAN DUG MA LA YANG MI SKYE'O ZHES BYA BA LA SDOM PA MI SKYE'O ZHES BYA BA DANG RJES SU 'BREL LO, ,YANG DAG PAR BLANGS PA LAS SGREN MOR GYUR BA MU STEGS CAN GYI RGYAL MTSAN ZHES BYA BA 'DI NYID KYIS BSDUS PA'I PHYIR, SGREN MO'I TSIG NI DON GZHAN CAN RAB TU DOR NAS SEMS RAB TU BZUNG BA NYID GNAS SKABS DE LA DE'I PHYIR SDOM PA MI SKYE'O, ,'KHRUGS PA NYID KYIS DE LA BRTAN PA NYID MED PA DE LA YANG SDOM PA MI SKYE'O; ,'DIR MTSAN DUG MA'I GZHUNG NI, RE ZHIG MTSAN DUG MA ZHIG BTZUN PA RNAMS KYIS BSNYEN PAR RDZOGS PAR BGYID NA BSNYEN PAR RDZOGS ZHES BGYI'AM BSNYEN PAR MA RDZOGS ZHES BGYI, BKA' STZAL PA, BSNYEN PAR RDZOGS ZHES BYA STE, BSNYEN PAR RDZOGS PAR BYED PA RNAMS 'GAL TSABS CAN DU 'GYUR RO ZHES GSUNGS PA YIN NO, ,MTSAN DUG MA NI SNGAR GANG DANG MNYAM PAR SBYOR BAS SKYES PA 'CHI BA'O, ,RGYU LAS BZLOG PA'I CHAD PA KHAS MI LEN PA GNAS NAS PHYUNG BA LA YANG MI SKYE'O ZHES BYA BA NI LTA BA DANG BCAS PA DRI BA DANG BRAL BA ZHES BYA BA'I

52b

BSAM PA CAN LA SDOM PA SKYE'O, ,DE BAS NA LTUNG BA MA MTHONG BA LA SOGS PA'I RGYU GANG GIS GNAS NAS DBYUNG BA'I LAS BYAS PA RGYU DE LAS BZLOG PA LA SOGS PA DE KHAS MI LEN PA LA YANG SDOM PA MI SKYE'O, ,'DIR GNAS NAS PHYUNG BA SMOS PA NI DPE TZAM DU ZAD KYI, SMAD PA THAMS CAD LA YANG CHO GA 'DI YIN TE, 'THAB MO BYED PA LA SOGS PA'I BSAM PA CAN LA YANG MI BZLOG PA'I BSAM PA CAN NYID KYI PHYIR RO, ,TSIG SNGA MA MED PA NYID LA NI NYES BYAS TZAM DU ZAD DO, ,DGE BSNYEN NYID MED PAR DGE TSUL NYID DU KHAS LEN PA DANG DGE TSUL NYID MED PAR DGE SLONG NYID KHAS LEN PAR BYED NA NYES BYAS TZAM DU 'GYUR GYI SDOM PA MI SKYE BAR NI MI 'GYUR RO, ,'DIR GZHUNG NI, KHYIM PA RAB TU MA BYUNG BA ZHIG BSNYEN PAR RDZOGS PAR BGYID NA, BSNYEN PAR RDZOGS ZHES BGYI'AM BSNYEN PAR MA RDZOGS ZHES BGYI, BKA' STZAL PA, NYE BA 'KHOR BSNYEN PAR RDZOGS ZHES BYA STE, BSNYEN PAR RDZOGS PAR BYED PA PO RNAMS LA NI NYES BYAS KYI LTUNG BAR 'GYUR RO ZHES GSUNGS PA YIN NO, ,MKHAN POR MA GSOL BA LA YANG NGO, ,BAR CHAD MA DRIS PAR YANG NGO ZHES BYA BA NI 'DIR GNYIS KA LA YANG NYES BYAS YIN TE, SDOM PA MI SKYE BA NI MA YIN ZHES BYA BA DANG RJES SU 'BREL LO, ,DE MED PAR KHAS LEN PA LA SBYIN NA YANG NGO ZHES BYA BA LA, MED PAR ZHES BYA BA NI YOD PAR GYUR PA MA YIN PA LA'O, ,YANG DAG PAR LEN PA POS BDAG BAR CHAD YOD DO ZHES BYA BA KHAS BLANGS NA SDOM PA 'BOGS PA LA NYES BYAS TZAM YIN GYI MI SKYE BA NI MA YIN NO, ,'DIR GZHUNG NI GLENG GZHI RNAMS LAS, BTZUN PA RE ZHIG BAR CHAD KYI CHOS RNAMS DANG LDAN NO ZHES MCHI BA ZHIG BSNYEN PAR RDZOGS PAR BGYID NA BSNYEN PAR RDZOGS ZHES BGYI 'AM MA RDZOGS ZHES BGYI, BKA' STZAL PA, NYE BA 'KHOR BSNYEN PAR RDZOGS ZHES BYA STE, BSNYEN PAR RDZOGS PAR BYED PA PO RNAMS LA 'GAL TSABS CAN DU 'GYUR RO ZHES GSUNGS SO, ,DE BAS NA GANG DU BAR CHOD MNGON PAR 'DOD PAS RNAM PAR GNAS TE, RNAM PA GANG ZHIG LA BDAG NI BSNYEN PAR RDZOGS PA'O, ,SKYES PA 'DRA BA'I BUD MED NYID DANG, BUD MED 'DRA BA'I SKYES PA NYID MTSAN GYI RNAM PA GZHAN MA YIN

53a

, ,PA LA YANG ZHES BYA BA 'DIR SDOM PA MI SKYE BA STE ZHES BYA BA DE LA 'DI RAB TU BSTAN TE MTSAN RNAM PA GZHAN NYID KYI PHYIR 'DIR SKYE BAR MI 'GYUR RO, ,DE YANG 'DIR MI 'GYUR TE, DE NI LAG RDUM LA SOGS PA 'PHANGS PA NYID YIN NO ZHES BYA BA 'DI LA SKYES PA 'DI LA BUD MED KYI RNAM PA GZHAN LA LAG RDUM DANG RKANG RDUM ZHES BYA BA LA SOGS PAS 'PHANGS PA NYID KYI PHYIR NYES BYAS TZAM DU ZAD DO ZHES BYA BA BRJOD PAR ZAD DO, ,SDIG SDIG LTA BU'I MTSAN NYID CAN DANG GLING GZHAN NAS SKYES PA'I TSUL BYAD MI 'DRA BA GNYIS KYANG NGO ZHES BYA BA NI 'DI DAG LA YANG LAG RDUM LA SOGS PAS 'PHANGS PA NYID YIN NO ZHES BYA BA'I DON TO, ,SDIG SDIG LTA BU'I MTSAN NYID CAN GYI GZHUNG NI, BTZUN PA SDIG SDIG LTA BU'I MTSAN NYID CAN BSNYEN PAR RDZOGS PAR BGYID NA ZHES BYA BA NAS JI SRID BSNYEN PAR RDZOGS PAR BYED PA PO DGE SLONG RNAMS LA NYES BYAS KYI LTUNG BAR 'GYUR RO ZHES GSUNGS PA YIN NO, ,GLING GZHAN NAS SKYES PA'I GZHUNG YANG BTZUN PA 'DZAM BU GLING PA'I DGE SLONG RNAMS KYIS SHAR GYI LUS 'PHAGS PO ZHIG BSNYEN PAR RDZOGS PAR BGYID NA BSNYEN PAR RDZOGS ZHES BGYI'AM, JI SRID DU NYE BA 'KHOR BSNYEN PAR RDZOGS ZHES BYA STE, BSNYEN PAR RDZOGS PAR BYED PA PO RNAMS NI 'GAL TSABS CAN DU 'GYUR RO ZHES BYA BA DANG, DE BZHIN DU RGYAS PAR 'KHOR LO BZHIN DU SBYAR BA GSUM PA YIN NO, ,DBYIBS NGANG TSAD DANG GNAS SKABS KYI DBYE BA MI RNAMS KYI GLING GANG LA DE TZAM GSAL BA'I GTZO BO 'DIR GLING GI TSIG TU RNAM PAR GNAS PA YIN NO, , 'DIR NI TSUL BYAD KYI TSIG GIS 'DI KHYAD PAR DU BYAS TE GDONG LA SOGS PA'I DBYE BA YANG 'DIR TSUL BYAD MI 'DRA BA LA MNGON PAR 'DOD DO, ,DE LTAR NA YANG GLING GCIG PA RNAMS LA YANG RA'I GDONG DANG RNA BA 'PHYANG BA LA SOGS PA RNAMS LA GSAL BA NYID DU RIG PAR BYA'O, ,SEN MO GCIG PA DANG LAG PA 'JAS TE LTEBS PA DANG, GZHOGS PHYED 'JAS PA DANG, MGO SMYUNG DANG SKRA SGRA SGRE CAN DANG, SGUR PO DANG DGYE BO DANG DGYE SGUR GYUR PA DANG SEN MO DRUG PA DANG 'BYAR BA DANG MED PA DANG, MIG RDZI MA NANG DU ZUG PA DANG NE'U LE'I LTA BU DANG 'UG PA'I LTA BU DANG PHYIN CI LOG PA DANG BAR 'DZINGS

53b

PA DANG RLO BA DANG GLE'O DANG ZLUM PO DANG MIG PO CHE 'DZER CAN DANG SHU BA CAN DANG 'BRUM CAN DANG, RNA BA SER BA DANG DKAR BA DANG DMAR BA DANG SBUBS CAN DANG, KHYI RNGO G-YA' BA DANG, 'PHUNGS PA DANG, CHE BA DANG RLIG PA'I NANG DU MTSAN NUB PA DANG, GLEN PA DANG, LCE MED PA DANG, RKANG LAG GCIG PA DANG, SKRA SNGON DANG MGO GLANG PO CHE'I LTA BU DANG, RTA'I LTA BU DANG KHYI'I LTA BU DANG BA GLANG GI LTA BU DANG LUG GI LTA BU DANG RI DAGS KYI LTA BU DANG NYA'I LTA BU DANG SBRUL GYI LTA BU DANG, RING BA DANG MANG BA DANG, MGUL TA LA LTA BU DANG, SKRANGS PA DANG SPYOD LAM GYIS DUB BA DE DAG LAS MIN PA RNAMS SO, ,GZHAN DAG NI NA BAS SO ZHES BYA BA NI SEN MO GCIG PA LA SOGS PA RDZOGS PAR BYED PA RNAMS LA LAG RDUM LA SOGS PA DAG GIS 'PHANGS PA NYID DE GZHAN DAG GNOD PAR BYED PA RNAMS NI NA BA STA, KHYOD NAD PA YIN NAM ZHES BYA BA 'DIS 'PHANGS PA NYID CES BYA BA'I DON TO, ,SEN MO GCIG PA NI GANG LA SEN MO GCIG PA KHO NA YOD PA'O, ,LAG PA 'JAS TE LTEBS PA NI GANG GI LUS KYI YAN LAG RGYA BLTABS PA 'DRA BA'O, ,GZHOGS PHYED 'JAS PA NI GANG GI GZHOGS PHYED BSKAMS PA'O, ,MOG SMYUNG ZHES BYA BA NI GANG GI MOG MTSAN GYI RNAM PA 'DRA BA'O, ,SKRA SGRA SGRE CAN NI GANG GI SGRA SMYON THABS MKHAN GYI LTAR BAR DU 'DZINGS PAR GNAS PA'I SKRA'O, ,SGUR PO DANG DGYE BO DANG DGYE SKUR GYUR PA ZHES BYA BA NI SGYE SGU'I SGRA GSUM CHAR LA SO SOR KHYAB CING RDZOGS PA'O, ,NANG DU SGUR BA DANG PHYIR DGYE BA DANG, MDUN RGYAB TU SGUR BA ZHES BYA BA NI DE GZHAN DU GSUNGS TE, ZHAR BA SOR GDUB SKUR MI'U THUNG, ,ZHES SMOS STE, 'DI'I RAB TU DBYE BA BSTAN PA'I DON DU'O, ,SOR MO DRUG PA DANG 'BYAR BA DANG MED PA ZHES BYA BA NI, SOR MO ZHES BYA BA'I SGRA NI SO SOR YONGS SU RDZOGS PA STE, SOR MO DRUG PA DANG, SOR MO 'BYAR BA DANG, SOR MO MED PA ZHES BYA BA'O; ,SOR MO DRUG PA NYID DANG, SOR MO 'BYAR BA NYID DANG, SOR MO MED PAR GYUR PA NYID TZAM SOR MO'I GDENGS KA'I LAG PA CAN TE, 'DIR SOR MO 'BYAR BA NYID KYI KHONGS SU BSDU BA'O, ,MIG GI RDZI MA NANG DU ZUG PA DANG NE'U LE LTA BU DANG 'UG PA'I LTA BU DANG, PHYIN CI LOG PA DANG BAR

54a

, ,'DZINGS PA CAN DANG, RLO BA DANG GLE'O DANG ZLUM PO ZHES BYA BA NI YANG MIG CES PA'I SGRA SO SOR SBYAR TE, MIG RDZI MA NANG DU ZUG PA DANG, MIG NE'U LE LTA BU DANG, MIG 'UG PA'I LTA BU DANG, MIG PHYIN CI LOG PA DANG, MIG BAR 'DZINGS PA DANG, MIG RLO BA DANG, MIG GLE'O DANG, MIG ZLUM PO'O, ,MIG GI RDZI MA NANG DU 'DZUG PA ZHES BYA BA NI GANG GI MIG GI NANG GI PAGS PA'I RIM PA LA RDZI MA YOD PA'O, ,MIG NE'U LE'I LTA BU ZHES BYA BA NI GANG GI MIG NE'U LE'I MIG LTA BU'O, ,MIG 'UG PA'I LTA BU ZHES BYA BA NI GANG GI MIG 'UG PA'I LTA BU'O, YANG NA MIG SER SKYA BA LA ZLUM PA'I PHYIR PO'I MIG 'DRA BA'O, ,MIG PHYIN CI LOG CES BYA BA NI GANG GI GRVA LOGS KYI ZUR GANG YIN PA DE NI SNA LOGS LA 'DUG LA SNA LOGS KYI ZUNG GANG YIN PA DE NI GRVA LOGS NA 'DUG PA'O, ,MIG BAR 'DZINGS PA NI GANG GI SNA GONG GTAN MED LA MIG G-YAS G-YON 'BREL BA'O, ,MIG RLO BA ZHES BYA BA NI GANG GI MIG DRA BA BZHIN DU HA CANG 'PHYANG BA'I MIG GO, ,MIG GLE'O ZHES BYA BA NI GANG GI MIG GI RDZI MA'I SPU MED PA'I PHYIR RDZI MA SKYE BA'I MTHAR DPER NA KHRAG 'DZAG PA'I SHA LTAR DMAR BA'O, ,MIG ZLUM PO ZHES BYA BA NI GANG GI MIG DAG GI 'BRAS BU ZLUM PO DE'I MIG DAG GO, ,MIG PO CHE DANG 'DZER CAN DANG SHU BA CAN DANG 'BRUM CAN ZHES BYA BA NI YANG MIG CES BYA BA'I SGRA SO SOR SBYAR TE, MIG PO CHE DANG, MIG 'DZER CAN DANG, MIG SHU NA DANG, MIG 'BRUM CAN NO, ,DE LA MIG PO CHE DANG, ZHES BYA BA NI GANG GI MIG HA CANG CHE BA'O, ,RNA BA SER BA DANG DKAR BA DANG DMAR BA DANG SBUBS CAN ZHES BYA BA NI YANG RNA BA ZHES BYA BA'I SGRA SO SOR SBYAR TE, RNA BA SER BA DANG, RNA BA DKAR BA DANG, RNA BA DMAR BA DANG, RNA BA SBUBS CAN NO, ,KHYI RDO G-YA' BA DANG 'PHUNGS PA DANG, CHE BA ZHES BYA BA YANG KHYI G-YA' BA DANG, KHYI RDO 'PHUNGS PA DANG, KHYI RDO CHE BA'O, ,RLIG PA'I NANG DU MTSAN NUB PA DANG ZHES BYA BA NI GANG GI RLIG PA GNYIS KYIS PHO MTSAN GANG G-YOGS PA'O, ,GLEN PA DANG LCE MED PA DANG RKANG LAG GCIG PA DANG ZHES BYA BA LA, GLEN PA ZHES BYA BA'I SGRA NI BSNYEN

54b

PAR RDZOGS PAR MI SHES ZHES BYA BA 'DI BSDUS PA NYID DO, ,LCE MED PA ZHES BYA BA NI LCE GTAN MED PA'O, ,LKUGS PA'I TSIG GIS NI LCE YOD DU ZIN KYANG SMRA BAR MI NUS PA NI LKUGS PA STE, GZHAN NI LCE MED PA ZHES BYA BA BRJOD PA'I PHYIR RO, ,RKANG LAG GCIG PA DANG ZHES BYA BA NI, RKANG LAG GI SGRA DAG GIS SO SOR 'BREL BA STE LAG PA GCIG PA DANG, RKANG BA GCIG PA DANG LAG PA MED PA DANG RKANG PA MED PA ZHES BYA BA'O, ,SKRA SNGO ZHES BYA BA NI YUNG BA'I KHA DOG LAS GZHAN PA'I KHA DOG LA BYA STE, DE BAS NA YUNG BA'I TSIG GIS SNGON PO LA BRJOD PA NYID DO, ,MOG GLANG PO CHE'I LTA BU DANG, RTA'I LTA BU DANG, KHYE'I LTA BU DANG, BA GLANG GI LTA BU DANG, LUG GI LTA BU DANG, RI DAGS KYI LTA BU DANG, NYA'I LTA BU DANG, SBRUL GYI LTA BU DANG, RING BA DANG MANG BA ZHES BYA BA LA, MGO'I SGRA NI SO SOR SBYAR TE, MGO GLANG PO CHE'I LTA BU DANG, MGO RTA'I LTA BU DANG, MGO KHYI'I LTA BU DANG, MGO BA GLANG GI LTA BU DANG, MGO LUG GI LTA BU DANG, MGO RI DAGS KYI LTA BU DANG, MGO NYA'I LTA BU DANG, MGO SBRUL GYI LTA BU DANG, MGO RING BA DANG, MGO MANG PO ZHES BYA BA'O, ,THAMS CAD SNGO BA DANG, THAMS CAD SER BA DANG, THAMS CAD DMAR BA DANG, THAMS CAD DKAR BA ZHES BYA BA LA GANG ZHIG 'DI YANG 'DON PA DE RNAMS LA YANG LUS KYI KHA DOG BZHI RNAMS KYIS DE LTAR BRJOD PA NYID DO, ,MGUL TA LA LTA BU DANG, SKRANGS PA DANG, SKRANGS PAS DUB PA DANG, SPYOD LAM GYIS DUB PA ZHES BYA BA'O, ,RKUN POS NI PHUNG KROL PA'O ZHES BYA BA NI 'PHANGS PA NYID DO ZHES BYA BA DANG RJES SU 'BREL TO, ,SDIG PA LA 'JUG PA MNYAM PA NYID KYI THUN MONG GIS SO, ,'O NA SO SO NYID DU 'GYUR BAR SMOS PA MA YIN NAM ZHE NA, DE'I PHYIR PHUNG KROL BAR GYUR PA YANG RKUN PO NI SNYING RJE DANG BCAS SHING GZHAN LA 'PHROG PA YIN TE, THAMS CAD KYI THAMS CAD DU GANG GI PHYIR PHAL CHER SROG GCOD PA LA 'JUG PA'O, ,PHUNG KROL BA NI RKUN PO MA YIN PAR GYUR PA SNYING RJE MED PA GSAD BYA GSOD PAR BYED PA LA SOGS PA STE, DE BAS NA 'DI LA SO SOR NYID DU'O, ,RGYAL PO PHA MA'I BSAM PA CAN NYID KYIS GNANG BA NI PHA MA DANG 'DRA BA'O ZHES BYA BA NI PHA MA'I BSAM PA CAN

55a

, ,NYID KYI RGYAL PAS GNAS BA NI PHA MA DAG NYID KYIS GNANG BAR BLTA BAR BYA STE, RGYAL POS GNANG BAS RAB TU DBYUNG BA LA SKYON MED DO ZHES BYA BAR DGONGS PA'O, ,YONGS SU 'DZIN PAR BYED PA GNYIS KYANG GNANG BA DANG BSREL BA DANG ZHU BA DAG LA PHA MA NYID DANG 'DRA'O ZHES BYA BA NI SKYED PAR BYED PA NYID MED PA LA YANG PHA MAS YONGS SU BZUNG BAS GNAS PA DAG GIS GNANG BA LA ZHAG BDUN BZUNG BA DANG, DGE 'DUN LA ZHU BA BYED PA LA PHA MA NYID YIN GYI, SKYED PAR BYED PA DAG KHO NAS YONGS SU 'DZIN PA PO NYID KYIS GNAS PA DAG LA NI MA YIN ZHES BYA BA'I DON TO, 'DIR GZHUNG NI, BTZUN PA BU BCOS MA ZHIG RE ZHIG BSNYEN PAR RDZOGS PAR BGYID NA SU'I DRUNG DU BZOD PA GSOL BAR BGYI, BKA' STZAL PA, BU NYID DANG 'DRA BAS GANG GIS KHAS BLANGS PA DE LA'O, ,DE BZHIN DU BU MO BCOS MA YANG BU MO NYID DANG 'DRA BAR GANG GIS KHAS BLANGS PA DE LA'O ZHES BYA BA GSUNGS PA YIN NO, ,MI MA YIN PA'I 'GRO BA PA GNYIS NI MA YIN NO ZHES BYA BA NI PHA MA GNYIS ZHES BYA BA DANG RJES SU 'BREL TO, ,'DIR GZHUNG NI, BTZUN PA RE ZHIG GANG GI PHA MA DAG DUS BYAS PAR GYUR TAM, DUD 'GRO'I SKYES GNAS SU SONG BA LAGS NA DE'I SKRA BREG PA'I PHYIR DGE 'DUN THAMS CAD LA ZHU BAR BGYI'AM, NYE BA 'KHOR 'DI NI MA YIN NO ZHES GSUNGS SO, ,DE GNYIS LAS MTSAMS MED PAR MI 'GYUR RO ZHES BYA BA NI PHA MA MI'I 'GRO BA NI MA YIN PA SKYED PAR BYED PA DAG GIS NI 'DI MTSAMS MED PA MI SKYED PA'O, ,DE NI SKYED PAR BYED PA GNYIS LAS TE MTSAN GYUR PA GNYIS LAS KYANG NGO ZHES BYA BA NI MA SKYES PA NYID DU GYUR TAM, PHA BUD MED NYID DU GYUR NA YANG MTSAMS MED PA 'BYUNG BAR 'GYUR BA KHO NA YIN NO, ,MA BSAD BA LA SOGS PA DE BYAS PA NYID GTZO BOR ZHES BYA BA LA, DE BYAS PA NYID NI MTSAMS MED PA BYAS PA NYID DE GANG ZHIG MA GSOD PA LA SOGS PA RNAMS LA RAB TU DBYUNG BA'I PHYIR BKAG PA GANG YIN PA DE BYAS PA NYID DE MTSAMS MED PA DE BYAS PA NYID DU RTOGS PAR BYA'O, ,DE'I PHYIR MTSAMS MED PA BYED PA PO NI RAB TU 'BYUNG BAR MI BYA ZHES BYA BA THAMS CAD DU YIN TE, MA BSAD PA RAB TU 'BYUNG BAR MI BYA'O

55b

ZHES BYA BA DE LTA BU'I GTZO BO CAN DE MA YIN NO, ,DE LTAR NA YANG DUD 'GRO'I SKYE GNAS SU GTOGS PA'I MA GSOD PAR BYED PA LA RAB TU DBYUNG BA BKAG PAR 'GYUR RO, ,SKYES PAS DGE SLONG MA LA JI ZHIG BYAS NA DGE SLONG MA SUN PHYUNG BAR 'GYUR ZHING BUD MED KYIS KYANG DGE SLONG LA JI ZHIG BYAS NA SUN PHYUNG BAR 'GYUR CI'I PHYIR DE GNYIS SU BSTAN ZHE NA, DE'I PHYIR PHAM PAR GYUR PA MA BYUNG BA NYID LA MI TSANGS PAR SPYOD PAS NYAMS SU MYONG BA DAG SUN PHYUNG BA NYID YIN NO ZHES BYA BA SMOS SO, ,'DIR GZHUNG NI BTZUN BA JI TZAM GYIS NA DGE SLONG MA SUN PHYUNG BA ZHES BGYI, NYE BA 'KHOR GANG GIS MI TSANGS PAR SPYAD PAS DGE SLONG MA SUN PHYUNG BAR GYUR NA'O ZHES GSUNGS PA YIN NO, ,CI SEMS GANG YANG RUNG BA'I SEMS DAG LA 'DI 'BYUNG BAR 'GYUR RAM ZHE NA, DE'I PHYIR NYAMS SU MYONG BA DAG LA ZHES BYA BA SMOS TE, BGROD PAR BYA BA YANG SUN PHYUNG BAR 'GYUR LA BGROD PA PO LA YANG SUN PHYUNG BAR 'GYUR BA ZHES BYA BA 'DI BSTAN PA'I DON DU 'DIR GNYIS PA'I TSIG GO, ,BRJOD PA DANG BCAS PA'I ZLAS NYAMS SU MYONG BAS SUN PHYUNG BA NYID MI 'GYUR BA ZHES BYA BA 'DI LA 'DIR ZLAS NYAMS SU MYONG BA YAN LAG MA YIN PA NYID DE GANG GI PHYIR GZHAN GYI NYES PAS GZHAN LA MI GOS PA'I PHYIR RO, ,'DOD CHAGS DANG BRAL BA SUN PHYUNG BA LA YANG SUN 'BYIN PA NYID MI 'GYUR BAR THAL BA'I PHYIR RO, ,'DUN PA ZHES BYA BA'I TSIG GANG YIN PA DE NI 'DIR LUNG STE, RANG GI 'DOD PAS ZHES BYA BA 'DI'I DON TO, ,CI PHAM PAR GYUR PA BYUNG BA'I YUL LA YANG DGE SLONG DANG DGE SLONG MA NYID YOD DAM GNAS SKABS DE DANG LDAN PA 'DI DAG LA YANG SUN 'BYIN PAR BGYID NA SUN PHYUNG BA NYID DU 'GYUR RAM ZHE NA MA YIN TE, DE'I PHYIR PHAM PAR GYUR PA MA BYUNG BA NYID LA ZHES BYA BA SMOS SO, ,'DIR GZHUNG NI, BTZUN PA RE ZHIG GANG ZAG BRGYAD KYIS DGE SLONG MA GCIG LA DNGOS PO BRGYAD PO RE RES SUN 'BYIN PAR BGYID NA DGE SLONG MA DE SUN PHYUNG BA ZHES BGYI'AM, NYE BA 'KHOR SUN PHYUNG BA ZHES BYA'O, ,GANG ZAG DE RNAMS LAS DU ZHIG GIS DGE SLONG MA SUN PHYUNG BA ZHES BGYI, BKA' STZAL PA, NYE BA 'KHOR

56a

, ,'GA' YANG MA YIN NO ZHES BYA BA GSUNGS PA YIN NO, ,DE NI REG PA DANG LUS BKAN PA DAG GIS DGE SLONG MA LA PHAM PAR MI 'GYUR BA ZHES BYA BA 'DI NI SUN PHYUNG BA NYID DU RNAM PAR GZHAG PAR MI SNANG NGO, ,JI LTAR ZHE NA, DE LA YANG SKYE BA DON GZHAN GYIS REG PA DANG, LUS BKAN PA LA KHAS MI LEN PA DANG, NOM PA DANG NYUG PA LA YANG DAG PAR ZHUGS PA'O, ,REG NAS KYANG KHAS MA BLANGS PA LA DES REG PA LA'O, ,SKYES PA'I LUS LA RANG GIS REG CING SKYES PA DANG NYE BAR GYUR PA LA'O, ,BUD MED BSLAB PA PHUL NAS SKYES PA NYID DU GYUR PA NI RAB TU DBYUNG BA DANG BSNYEN PAR RDZOGS PAR RUNG BA NYID DO ZHES BYA BA NI BUD MED BSLAB PA PHUL NAS NYAMS PAR GYUR PA MTSAN GYUR NAS SKYES PA NYID DU GYUR PA NI RAB TU DBYUNG BA DANG BSNYEN PAR RDZOGS PAR BYAR RUNG BA NYID YIN NO, ,BUD MED MA YIN PA NYID KYIS GNAS SKABS DANG 'DRA BAR MI RUNG BA NYID DO ZHES BYA BA'I DON TO, ,PHAM PAR GYUR PA THUN MONG MA YIN PA LHAG PAR SPYAD PA CAN YANG NGO ZHES BYA BA NI SKYES PA NYID DU KHAS BLANGS PA LA RAB TU 'BYUNG BA DANG BSNYEN PAR RDZOGS PAR BYAR RUNG BA NYID YIN TE, BUD MED BSLAB PA PHUL NAS ZHES BYA BA DANG RJES SU 'BREL TO, , BUD MED BSNYEN PAR RDZOGS PAR BYA BA LA GNYUG MAR GNAS PA RNAMS YAN LAG YIN NO ZHES BYA BA LA, 'DIR GZHUNG NI GSO SBYONG GI GZHI LAS, JI SKAD DU, BCOM LDAN 'DAS KYIS DGE SLONG MA RNAMS KYI DGE SLONG RNAMS DANG NYE BAR DGE SLONG MA'I DNGOS PO YONGS SU BTZAL BAR BYA'O ZHES GANG GSUNGS PA LA DGE SLONG DE RNAMS GANG DAG LAGS, NYE BA 'KHOR GNYUG MAR GNAS PA DANG RING DU GNAS PA DAG GO ZHES GSUNGS PA YIN TE, DE'I GNAS LA BRTEN PA'I GNAS LA GNAS PA'I DGE SLONG GI DGE 'DUN LA NYE BAR BRTEN PAS DGE SLONG MA RNAMS KYI GNAS SO, , DE NAS DUS DUS SU GDAMS NGAG DANG RJES SU BSTAN PA SLONG BA STE, GNAS PA LAS 'DA' BA NI RIGS PA MA YIN NO ZHES BYA BA 'DIS SHES PA'O, ,GNYUG MAR GNAS PA NYID NI 'DIR YUN RING POR GNAS PA NYID KYIS KHYAD PAR DU GYUR PA LA RING DU GNAS PA YIN NO, ,SKYE BA'I TSE NYID

56b

NA PHUL LAM NYAMS NA MI SKYE'O ZHES BYA BA LA, SKYE BA'I DNGOS PO NI SKYE BA NYID DE SKYE BZHIN PA NYID CES BYA BA'I DON TO, ,SDOM PA LEN PA'I TSE NA SDOM PA DE SKYE BA'I TSE NYID GANG YIN PA'I SKYE BZHIN PA NYID KYI DE'I GNAS SKABS DE LA PHUL BAS YONGS SU BTANG BA LA SOGS PAS PHUL LAM NYAMS PAR 'GYUR RO, ,GANG ZHIG SDOM PA SKYE BZHIN PA DE NI RTOGS PA STE, RTOGS PA LA NI SLAR LOG PA RGAL BA LA SOGS PA LA MTHONG BA MA YIN NO, ,DE BAS NA SDOM PA SKYE BZHIN PA LA SLAR LOG PAS GNAS PA MA YIN NO ZHES BYA BA GANG ZHIG GIS 'DOD PA DE BZLOG PA'I DON DU MDO 'DI'O, ,'DIR GZHUNG NI SIL BU RNAMS LAS, NYE BA 'KHOR RE ZHIG BSNYEN PAR RDZOGS NAS KHYIM PA NYID YIN NO SNYAM DU SO SOR SHES NA YANG BSNYEN PAR RDZOGS PA MA YIN ZHES BYA BA NA BSNYEN PAR RDZOGS PAR BYED BA'I TSE NA LTA SMOS KYANG CI DGOS ZHES GSUNGS PA YIN NO, ,RAB TU BYUNG BA'I GZHI ZHU BA PHAL CHE BA'I SKABS SO, ,'DUL BA'I 'GREL PA RANG GIS RNAM PAR BSHAD PA ZHES BYA BA LAS RAB TU BYUNG BA'I GZHI RDZOGS SO,, ,,RANG BZHIN NYAMS PAS BYAS PA NYID NI PHUL BA NYID MA YIN NO ZHES BYA BA LA, RANG BZHIN NYAMS PAS BYAS PA NI RANG BZHIN NYAMS PAS BYAS PA NYID DO, , PHUL BA LAS GANG ZHIG RANG BZHIN NYAMS PAS BYAS PA NYID DE NI PHUL BA NYID MA YIN NO, ,RANG BZHIN NYAMS PA NI THA SNYAD LAS NYAMS PA ZHES BYA'O, ,RANG BZHIN NYAMS PA NYID NI RNAM PA GSUM GYIS SKYES PA YIN TE, SMYOS PA DANG, SEMS RNAM PAR G-YENG BA DANG, SDUG BSNGAL GYIS MNGON PAR GDUNGS PAS SO, ,DE LA MA YIN NO ZHES BYA BA NI RANG BZHIN NYAMS PA'I GANG ZAG LA PHUL BA NYID GANG ZHIG BYED PA 'DI NYID DE NI PHUL BA NYID MA YIN NO, ,'DI NI THA SNYAD DU RIGS PA MA YIN NO, ,GANG ZHIG 'DIR LKUGS PA LA MA YIN NO ZHES BYA BAS NI DE LA YANG GANG ZHIG PHUL BA NYID DE NI PHUL BA NYID MA YIN NO, ,RNAM PA THAMS CAD DU SMRA BAR MI NUS PA DE NI, 'DIR LKUGS PAR 'DOD DE, DE LA GANG ZHIG RAB TU RIG PA DE NI RAB TU RIG PAS 'DI ZHUGS PA MA YIN NO, ,MI MA YIN PA'I 'GRO BA LA MA YIN NO ZHES BYA BA NI LHA DANG SPRUL PA LA SOGS PA LA'O, ,MA GO

57a

, ,BA NYID LA MA YIN NO ZHES BYA BA NI GLEN PA DANG 'ON PA DANG SNYOMS PAR ZHUGS PA DANG ZHES BYA BA LA SOGS PA DE RNAMS KYANG BSDUS TE, GLEN PA DANG 'ON PA DANG BSDUS PA NYID KYI PHYIR 'DI RGYU GZHAN MTHONG BA YIN TE, DE BAS RNAM PA THAMS CAD DU GO BA DANG NYAN PA'I PHYIR ZHES BYA BA GRANGS JI LTA BA BZHIN DU 'DIR MI NUS PA NI GLEN PA DANG 'ON PA DAG LA 'DOD PA RNAM PAR GNAS PA YIN TE, GANG DANG NYE BAR PHUL BA DE LA GO BA NYID LA ZHES BYA BA 'DI 'DIR SHUGS KYIS RTOGS PA YIN NO, ,DBEN PAR MA YIN NO ZHES BYA BA 'DI DBEN PA'I 'DU SHES KYIS SAM DBEN PA MA YIN PA'I 'DU SHES KYIS DBUL BA NYID BYAS NA YANG DE PHUL BA NYID MA YIN NO, ,DE BAS NA LTOS PA DANG BCAS PA NYID LA 'DIR DBEN PA'I 'DU SHES KYIS LKUGS PA'I YUL LA ZHUGS PA BZHIN DU 'GYUR TE, THAMS CAD DU BYED PA'I RIM PA'O, ,DBEN PAR 'DU SHES PAS MA YIN NO ZHES BYA BA NI MI DBEN PAR DBEN PA'I 'DU SHES KYIS PHUL BA NYID MA YIN NO, ,'DIR PHUL BA NYID NI RGYU CIS MI 'DOD CE NA, GANG GI PHYIR MA NYAMS PA'I 'DU SHES KYIS THA SNYAD GYI YUL THAMS CAD DU BYED PA'I RIM PA THAMS CAD BYED PA GANG YIN PA DE NI PHUL BA NYID DO, ,GNYID LOG PA NA BLA BAR 'GYUR BA NYID KYIS 'DU SHES MA NYAMS PA NYID LA KUN NAS SPYOD PA NYID LA GNAS SKABS DE DANG LDAN PAS PHUL BA NYID MA YIN TE, RANG BZHIN NYAMS PA DANG LKUGS PA DANG MA GO BA NYID DANG DBEN PAR THAMS CAD DU BYED PA MED PA'I PHYIR RO, ,GANG GI PHYIR THAMS CAD DU BYED PA MA YIN PA LA 'DI LTAR BDAG NI THA SNYAD LA GNAS ZHES BYA BA'I BSAM PA RDZOGS PA MA YIN NO, ,MI MA YIN PA'I 'GRO BA PA LA THA SNYAD DU BYA BA MED PA'I PHYIR DANG DBEN PA'I 'DU SHES KYIS THAMS CAD DU BYED PA RTZOM PA MED PA'I PHYIR RO, ,THAMS CAD DU BYED PA RTZOM PA NYID MED PA BDAG 'DI LTAR THA SNYAD LA GNAS ZHES BYA BA BSAM PA RDZOGS PA MA YIN NO, ,DE BAS NA LTOS PA DANG BCAS PA NYID RANG GI 'DOD PAS RAB TU GROL ZHING SEMS RAB TU BZUNG BAR 'GYUR RO, ,DE BAS NA 'DIR PHUL BA NYID 'DOD PA MA YIN NO, ,BSLAB PA'AM, SANGS RGYAS SAM CHOS SAM DGE 'DUN NAM MDO SDE'AM 'DUL BA'AM MA

57b

MO'AM, SLOB DPON NAM MKHAN PO 'BUL LO, ,BDAG KHYIM PA'AM, DGE TSUL LAM, ZA MA'AM, MA NING NGAM, DGE SLONG MA SUN PHYUNG BA'AM, RKU THABS SU GNAS PA'AM, THA DAD PAR GNAS PA'AM, GNAS PAR MI BYA BA'AM, MU STEGS CAN NAM, MU STEGS CAN ZHUGS PA'AM, MA BSAD PA'AM, PHA BSAD PA'AM, DGRA BCOM PA BSAD PA'AM, DGE 'DUN GYI DBYEN BYAS PA'AM, DE BZHIN GSHEGS PA LA NGAN SEMS KYIS KHRAG PHYUNG BAR GZUNG DU GSOL, ,BDAG TSANGS PA MTSUNGS PAR SPYOD PA KHYED CAG DANG LHAN CIG GNAS PA'AM LONGS SPYOD PAS CHOG GO ZHES BYA BA LTA BU NI 'BUL BA'I TSIG DAG YIN NO ZHES BYA BA LA, LTA BU ZHES BYA BA'I SGRA NI RNAM PA GSUM BSTAN PA'I PHYIR TE, RNAM PA DE LTA BU DANG CHO GA DE LTA BU DANG, RIGS DE LTA BU RNAMS NI 'BUL BA'I TSIG RNAMS RTZOM PA'O, ,SLAR MDO 'DI LA DE LTAR NA BSLAB PA 'BUL BA NI TSIG TU SMRA BA DE KHO NA LAS BSLAB PA 'BUL BAR MA ZAD KYI, TSIG TU MA SMRAS PAR RNAM PA GANG YANG RUNG BAS GTONG BA'I MTSAN MA LAS KYANG PHUL BAR 'GYUR TE, DES NA LUS KYI RNAM PAR RIG BYED LAS KYANG 'DIR PHUL BAR 'GYUR LA, NGAG GI RNAM PAR RIG BYED LAS KYANG ZHES BYA BA RTOGS PAR BYA'O, ,'DIR SLAR RIGS PA NI 'PHO BA BSTAN PAS 'DIR DGOS PA YIN GYI TSIG GI KHYAD PAR GYIS NI MA YIN NO, ,DON GZHAN STON PA'I SGRA LAS DON GZHAN KHONG DU CHUD PA ZHES BYA BA 'GRUB PA YIN NO, ,DE BZHIN DU 'PHO BA LA DGOS PAS, TSIG TU SMRAS PA DANG; TSIG TU MA SMRAS PAR SHES PA DANG, RTOGS PA GZHAN GYIS LUS KYI RNAM PAR RIG BYED KYIS NYAMS PA 'DI LA SGRUB PAR BYED PA YIN GYI GZHAN DU NI MA YIN ZHES BYA BA 'DIR RNAM PAR GZHAG GO, ,GZHAN GYIS GO BAR BYAS PA LA 'DIR DON YIN PA'I PHYIR GANG DU SU ZHIG GIS RNAM PA GANG YANG RUNG BAS BSLAB PA 'DIS YONGS SU BTANG NGO ZHES BYA BA GZHAN GYIS RTOGS BAR GYUR NA PHUL BA NYID DU 'GYUR RO, ,LTA BU NI DBUL BA'I TSIG RNAMS YIN NO ZHES BYA BAS NGAG GI RNAM PAR RIG BYED NYID LAS YONGS SU BZUNG BA YIN NO, ,'BUL BA'I BYA BA LA 'DI LTA BU'I TSIG

58a

, ,RNAMS ZHES BYA BA 'DI'I DON YIN TE, TSIG NYID NI 'BUL BAR BYED PA ZHES BYA BA 'DI NI YOD PA MA YIN NO, ,CHA DANG LDAN PA DGONGS SU GSOL ZHES BYA BA LA SOGS PA GANG ZHIG 'DIR 'DON PA DE NI MI G-YENG BA NYID SBYIN DU BCUG PAS DGE SLONG GI TSIG GIS 'DON PA YIN NO; ,'DI NI SNGAGS MA YIN TE, GANG GI PHYIR 'DIR SNGAGS KYI DGOS PA MA YIN TE, DOR BA TZAM NYID KYI PHYIR ZHES BYA BA 'DI NI SONG BA TZAM DU ZAD DO, ,SANGS RGYAS SAM, CHOS SAM DGE 'DUN NAM ZHES BYA BA NI DKON MCHOG 'DUL BA LA YANG DAG PAR BRTAGS PA'I DON DU 'DI NI 'DI LTA BU MA YIN PA DANG, 'DI LTA BU CUNG ZAD YOD PA MA YIN PA DANG, 'DI NI 'DI LTA BU YOD DAM 'ON TE MA YIN SNYAM PA 'DIS BDAG LA RE ZHIG DGOS PA MED CES BYA BA RTOGS PA GSUM MO, ,MDO SDE'AM 'DUL BA'AM ZHES BYA BA NI DE BZHIN DU SDE SNOD 'BUL BA LA, 'DI NI GTONG BA'I CHO GA YIN PA DANG, 'DI LTA BU GTONG BA'I CHO GA YOD PA MA YIN PA DANG, GTONG BA'I CHO GA 'DI NI YOD DAM, 'ON TE MA YIN SNYAM DU 'DIS BDAG LA RE ZHIG DGOS PA MED CES BYA BA LA, DANG PO BDAG GI 'DOD PA BRTAGS PA NI, MED NA BDEN PAR BRTEN 'DOD LA, ,GTONG BA'I CHO GA BDEN PAR 'DOD, ,CES BYA BAS 'BUL BAR BYA BA MA YIN PA 'BUL BA NYID DO, ,GZHAN LA BRTEN PA'I GTONG BA'I CHO GA 'DI YOD DAM, DON GZHAN LA BRTEN PA'I GTONG BA'I CHO GA 'DI YOD PA MA YIN ZHE NA, 'DUL BA YOD PA MA YIN PA DANG, 'DI LTA BU NI CUNG ZAD YOD PA MA YIN; 'DI LTA BUR YOD DAM 'ON TE MA YIN ZHE NA, DE'I PHYIR 'DIS RE ZHIG BDAG LA DGOS PA MED DO, ,GTONG BA'I CHO GA 'DI LTA BU YOD PA MA YIN PA DANG, 'DI NI YOD DAM 'ON TE MA YIN ZHE NA, DE'I PHYIR RE ZHIG 'DIS BDAG LA DGOS PA MED CES BYA BA RNAMS KYIS RNAM RTOG MED PAR 'BUL BA'O, ,'DI NI SDOM PA'I RTEN YIN TE, GANG ZHIG GSUM PO 'DI DE BAS NA 'DI 'BUL BAS BSLAB PA 'BUL BA LA YID CHES PA'O, ,SLOB DPON NAM MKHAN PO 'BUL LO ZHES BYA BA NI SDOM PA'I MTSAN MAR 'DI 'BREL PA YIN TE, GANG ZHIG SLOB DPON NYID DANG MKHAN PO NYID 'DI DAG

58b

'BUL BA LA YID CHES PA'O, ,KLOG PA'I SLOB DPON LA NI CHO GA 'DI NYID BDAG GIS BRJOD PA YIN TE, GANG ZHIG PA'I DON DU DANG GZHAN 'DI LTA BU LA SLOB DPON NYID DE BDAG LA SLAR 'DI 'AM, GZHAN SLOB DPON 'DI LTA BU GANG LA STE ZHES BYA BA'I CHO GA GTONG BA'I BRTAGS PAS 'BUL LO, , GNAS KYI SLOB DPON LA YANG DE LTA BU NYID DU GTONG BA'I CHO GAS SO, ,GAL TE MKHAN PO NYID LA SLAR RNAM PAR BCAD NAS 'BUL BA NYID BSNYEN PAR RDZOGS PA'I MKHAN PO LA 'BUL BA ZHES BYA BA BSNYEN PAR RDZOGS PA LA 'BUL BA RNAM PAR GCAD NAS DGE TSUL NYID LA YANG NGO, ,BDAG KHYIM PA 'AM ZHES BYA BA NI KHYIM PA NYID DU DAM BCAS PA LA RAB TU BYUNG BA'I SDOM PA YOD PA'I DNGOS PO MED DE ZHES BYA BA NI KHYIM PA NYID SO SOR SHES PA LA BSLAB PA 'BUL BA NYID GO BAR BYED PA'O, ,DGE TSUL LAM ZHES BYA BA NI BSNYEN PAR RDZOGS PA NYID DGE TSUL LA BRTEN PA ZHES BYA BA YOD PA MA YIN TE ZHES BYA BA DGE TSUL LA BRTEN PA NYID SHES PA LA BSNYEN PAR RDZOGS PA 'BUL BA LA'O, ,ZA MA'AM MA NING NGAM ZHES BYA BA NI ZHING MA YIN PA LA SDOM PA'I DNGOS PO YOD PA MA YIN NO ZHES BYA BA ZA MA'AM MA NING NYID DU DAM BCAS PA LA SDOM PA THAMS CAD 'BUL BA LA'O, ,DGE SLONG MA SUN PHYUNG BA'AM ZHES BYA BA NI DGE SLONG MA SUN PHYUNG BA NYID NI ZHING MA YIN PA NYID KYI RTOG PAS GAL TE DAM BCAS NA DE LTA BU NYID 'DI LA GO BA NYID DE PHAM PA NYID KYI BSAM PAS GAL TE 'PHO BA NYID 'DIR RAB TU BYUNG BA'I PHYIR ZHES BYA BA'I BLO GANG YIN PA DE'I DBANG GIS SO, ,RKU THABS SU GNAS PA'AM ZHES BYA BA NI DAM BCAS PA LA ZHING MA YIN PA NYID KYI BSAM PA NYID LA ZA MA DANG MA NING NYID DU DAM BCAS PA BZHIN GO BAR BYED PA NYID MA YIN NO, ,SDOM PA MA BLANGS PA'I BSAM PA NYID LA KHYIM NA GNAS PA DAM BCAS PA BZHIN DU'O, ,THA DAD PAR GNAS PA'AM ZHES BYA BA LA; THA DAD PAR GNAS PA ZHES BYA BA NI DAM BCAS PA LA SMON PA'I PHYOGS KYI NANG NA GNAS PA NYID KYI BSAM PA LA 'BUL BA LA GO BAR BYED PA NYID NI YOD PA MA YIN PA STE, RAB TU BYUNG BA KUN LAS 'DI THA DAD PA NYID CES BYA BA MNGON PAR 'DOD PA LA KHYIM PA NYID DU DAM BCAS PA BZHIN DU'O, ,BSNYEN

59a

, ,PAR RDZOGS PA THAMS CAD LAS 'DI THA DAD PA GNAS PA ZHES BYA BA 'DI DGE TSUL NYID DU DAM BCAS PA BZHIN DU'O, ,GNAS PAR MI BYA BA'AM ZHES BYA BA LA, GNAS PAR MI BYA BA NI DAM BCAS PA 'DI PHAM PA NYID DE ZHES BYA BA PHYOGS 'DI LA DGE SLONG MA SUN 'BYIN PAR BYED PA LA DAM BCAS PA BZHIN DU'O, ,MU STEGS CAN ZHES BYA BA LA, MU STEGS CAN NI ZHING MA YIN PA NYID KYIS BSAM PA NYID LA MU STEGS CAN ZHUGS PA LA RIGS PA YIN TE, DE LA ZA MA DANG MA NING NYID DU DAM BCAS PA BZHIN DU'O, ,DGE 'DUN GYI DBYEN BYAS PA'AM, DE BZHIN GSHEGS PA LA NGAN SEMS KYIS KHRAG PHYUNG BAR GZUNG DU GSOL ZHES BYA BA LA, DGE 'DUN GYI DBYEN BYAS PA DANG NGAN SEMS KYIS KHRAG PHYUNG BA ZHES BYA BA NI 'DI NYID RIGS PA YIN TE, DE DAG LA YANG DE BZHIN DU'O, ,MTSAMS MED PA LHAG MA RNAMS BYED PA LA ZHING MA YIN PA NYID KYIS BSAM PA LA YANG SBYAR BA DANG PHAM PA NYID NI BSAM PA YANG SBYAR BA'O, ,ZHING MA YIN PA NYID DU RTOGS PA LA 'DI RNAMS KYANG DAM BCAS PA LA DE LTA BU NYID DU PHAM PAR 'GYUR BA'I BSAM PA CAN LA GNAS PAR MI BYA BA NYID DU DAM BCAS PA BZHIN DU'O, ,BDAG LA CHOG GO ZHES BYA BA NI THA DAD PA'I DNGOS PO'I TSIG NI 'DI LA THA DAD PAR GNAS PA NYID DU DAM BCAS PA BZHIN DU'O, ,'BUL BA'I CHO GA'O,, ,,SO SOR BSHAGS PAR BYA BA'I MTHA' CAN GYI LTUNG BA RNAMS NI MDO 'DI RNAMS LA MA BRJOD PA LTUNG BA RGYAS PAR BSHAD PA SO SOR THAR PA'I MDO LA GNAS PA LA LTOS NAS LTUNG BA 'DI GANG YIN ZHES BYA BA'I MTSAN NYID STON PAR RIG PAR BYA STE, DE LA MI TSANGS PAR SPYOD PA'I PHAM PAR GYUR BA GANG ZHE NA, DE'I PHYIR BCUG REG NYAMS SU MYONG BAR BYAS NA'O ZHES BYA BA SMOS TE, BCUG PA'I REG PA NYAMS SU MYONG BAR BYAS NA ZHES BYA BA'I DON TO, , BCUG PA DANG 'BREL BA DANG YANG TSIG GIS NI BCUG PA MED PAR LTUNG BA SKYED PA MA YIN ZHES BYA BAR RIG PAR BYA'O, ,GANG DU BCUG PA 'DI DE LA BCUG PA'I CHA DANG YANG DAG PAR LDAN PA'I PHYOGS KYIS REG PA GANG ZHIG DE LA NYAMS SU MYONG BAR BYAS PA LA DGE SLONG MA PHAM PAR BYED PA LA MTSAN

59b

NYID 'DI'O, ,DGE SLONG MA BRTEN PA NYID KYIS NYE BAR MKHO BA LA REG PAR BYA BA LA REG PA GCIG GANG ZHIG DE DANG YANG DAG PAR LDAN PAS 'DI BRJOD PAS NYAMS SU MYONG BAR BYAS NA ZHES BYA BA'I TSUL RTOGS PAR BYA'O, ,'DIR YANG SNYOMS PAR 'JUG PA GNYIS LAS SGRA GCIG LA 'JUG PA YANG DAG PAR 'BYUNG BA YOD PA YIN TE, DE BAS NA MDO 'DI LA YANG BLTA BAS PAR RTOGS PAR BYA'O, ,CI ZHIG BCUG PA ZHE NA, DE'I PHYIR, ZAG BYED DO ZHES SMOS TE, SKYES PA ZHES BYA BA SHUGS KYIS RTOGS PAR BYA'O, ,'DOD CHAGS DANG BRAL BA RJES SU MTHUN PA NYID KYI PHYIR SGRA 'DIS GANG DU BSTAN ZHE NA, DE'I PHYIR DER RO ZHES BYA BA SMOS TE, ZAG BYED LA ZHES BYA BA'I DON TO, ,'DIR ZAG BYED NI MO'I DBANG PO'O, ,DE JI LTA BU LAS SHE NA, DE'I PHYIR MA NYAMS PAR RO ZHES BYA BA SMOS TE, MI'I BUD MED GSON PA MA NYAMS PA LA'O ZHES BYA BAS MA LUS PA LA BRTEN PA LA 'DIR RAB TU SBYAR RO, ,DER DGOS PA MED PAR MO'I DBANG PO DANG KHA'I NANG DU BRTZEGS PA LA BRTEN PA'I NYAMS PA NYID LAS DON GZHAN LA NYAMS PA NYID CES BYA BAR RNAM PAR SHES NAS MO'I DBANG PO DANG KHA'I RTEN NYE BAR BRTAGS PA NI KHA'AM BSHAD BA'I LAS DU'O ZHES BYA BA STE, KHYAD PAR YONGS SU MA BZUNG BA THAMS CAD DU RANG GI DANG GZHAN DANG MO'I DANG DUD 'GRO'O SKYE GNAS LA SOGS PA DANG 'BREL BA'I BUD MED KYI TSOGS LA DANG SKYES PA'I DANG MA NING NA YANG MA NYAMS PA ZHES BYA BA 'JUG PA YIN NO, ,NYAMS PA DAG LA NI SBOM POR RO ZHES BYA BA NI KHA DANG BSHANG BA'I LAM DANG MO'I DBANG PO NYAMS PA DAG TU BCUG PA LA NI KHA NA MA THO BA SBOM POR 'GYUR ZHES BYA BA'I DON TO, ,MI RUNG BA NYID NI NA SMAD DO ZHES BYA BA NI YAN LAG THAMS CAD LA RUNG BA NYID DE GZUNG BA DANG 'GRO BA DANG BSTEN PA LA RUNG BA NYID CES BYA BA NGES PA RNAMS LA 'CHAD PAR 'GYUR BA'O, ,BGROD PAR BYA BA PHO DANG MO DANG MA NING NI MI RUNG BA NYID LA NA SMAD PA STE, RUNG BA NYID GANG LA RTZA BA DANG DER 'DI LA SBOM PO'O, ,GANG DU SBOM PO DER NYES BYAS TE, GANG DU NYES BYAS DER PHRA MO ZHES BYA BA'I DON TO, ,MI MA YIN PA'I 'GRO BA NYID DANG SKYES PA NYID DANG MA NING NYID DANG STEN PAR BYED PA DANG, BSTEN

60a

, ,PAR BYA BA G-YOGS MA CAN DANG RO NYID DAG LA NA SMAD PA MED DO, ,MA TSOR BA DANG RANG BZHIN NYAMS PA'I GNAS SKABS DANG MI 'DOD BZHIN DU BCUG PA NYID NA'O, ,RANG GIS BSTEN PAR BYA BAR RO, ,SNGAR PHYI ROL DU DRUG PA NYID LA'O, ,NANG DU MI DBO BAR PHYI ROL NYID DU'O ZHES BYA BA LA, NA SMAD PA MED DO ZHES BYA BA NI MED PA'I DON MI ZAD PA'I DNGOS PO BSDU BA 'DI YIN NO, ,MI MA YIN PA'I 'GRO BA PA NYID LA BGROD PAR BYA BA DANG, SKYES PA NYID LA SKYES PA'I DNGOS PO SKYED PA NYID LA ZHES BYA BA'I DON TO, ,MA NING NYID LA BGROD PAR BYA BA DANG, STEN PAR BYED PA PHO'I DBANG PO'O, ,BSTEN PAR BYA BA MO'I DBANG PO DANG, KHA DANG BSHAD BA'I LAM RNAMS LA'O, ,G-YOGS MA CAN NYID LA ZHES BYA BA NI G-YOGS PA NYID LA'O, ,RO NYID DAG LA ZHES BYA BA NI BGROD PAR BYA BA LA'O, ,MA TSOR BA DANG ZHES BYA BA NI GNYID LOG PA LA SOGS PA LA BCUG PA NYID LA'O,, RANG BZHIN NYAMS PA'I GNAS SKABS DANG MI 'DOD BZHIN DU BCUG PA NYID NA'O ZHES BYA BA'I YUL GYI BDAG GI BA MED PA NYID LA'O, ,SNGAR PHYI ROL DU DRUD PA NYID LA'O ZHES BYA BA NI KHA DANG BSHANG BA'I LAM DAG LA PHYI ROL TU DRUD PA SNGON DU 'GRO BA NYID KYIS BCUG PA NYID NA'O, ,NANG DU MI DBO BAR PHYI ROL NYID DU'O ZHES BYA BA LA, NA SMAD PA MED DO ZHES BYA BA'I DON TO, ,MI MO LA RO GANG GIS DE NYID DU MI LA PHAM PAR RIG PA ZHES BYA BA LA SOGS PA DOGS PA LA DE BZLOG PA'I DON DU TSIG 'DI'O, ,RO GZHAN MA RNAMS NI 'DI YIN TE, 'DI RNAMS KYI PHYI ROL GYI NGO BO 'DI TZAM STE, 'DIR BSTAN PA LA MA RDZOGS PA NYID DE, DE BAS NA 'DIR NA SMAD PA MED PAR SHES PAR BYA'O, ,MA BSRUNGS PAR NYIN MO GLOS PHAB STE GNYID LOG PAR MI BYA'O ZHES BYA BA LA, GANG GIS 'DI BSRUNGS PA'I SGRAR BRJOD DO, ,BSRUNGS PA DE JI LTA BU ZHIG CE NA, DE'I PHYIR BSRUNGS PA NI GSUM STE, SGO BCAD CING KUN NAS BSKOR BA NA GNAS PA NYID CES BYA BA SMOS TE, SGO BCAD CING KUN NAS BSKOR BA NA THAMS CAD NAS KUN DU BSKOR BA'I GNAS LA GNAS PA NA SGO BCAD CING KUN NAS BSKOR BA NA GNAS PA'O, ,DE'I DNGOS PO NI DE NYID DE KUN NAS BSRUNGS PA NYID DO, ,SUS SHE NA, DE'I PHYIR DGE SLONG

60b

GIS KUN NAS BSRUNGS PA NYID DANG, SHAM THABS KYI MTHA' BCINGS PA NYID DO ZHES BYA BA SMOS SO, ,MI TSANGS PAR SPYOD PA'I PHAM PAR 'GYUR BA RNAM PAR 'BYED PA STE PHAM PA DANG PO'I RNAM PAR 'BYED PA RDZOGS SO,, ,,GANG DU BUD MAD KYIS BRJOD PA DER 'GRO BAR MI BYA'O, , GANG DU MI MA YIN PAS GNOD PA'I PHYIR BRTZAL BA DER GNAS PAR MI BYA'O, ,'DOD CHAGS SHAS CHE BAS 'DZAG SNOD BCANG BAR BYA'O ZHES BYA BA LA, 'DZAG SNOD CES BYA BA RAGS PA 'DI'I DON DU 'DI ZHES BYA BA KHU BA 'DZAG PAR GYUR NA 'DI MNGON PAR GNANG BA STE, RDZAS CI ZHIG LAS BYA ZHE NA, DE'I PHYIR RA'AM RI DAGS SAM BYI BA'I PAGS PA LAS SO ZHES BYA BA SMOS SO, ,PAGS PA 'DI RNAMS NI DPE YIN TE, SPANG BAR BYA BA MA YIN PA LA 'JIG RTEN PA RNAMS KYIS MI BYED CING SENG GE'I PAGS PA BZHIN DU NYES DMIGS SO, ,CI'I PAGS PA LAS BYA ZHE NA, DE'I PHYIR BYI BA DANG LUG LPAGS LA SOGS PA YANG 'DIS 'PHANGS PA'O, ,DRI MI NGA BAR BYA BA'I PHYIR SKABS SU BKRU BA'AM BSKAM PAR BYA'O ZHES BYA BA NI DRI MI NGA BAR BYA BA'I DON DU ZHES BYA BA'O, ,DE'I DUS KYI CHED DU GZHAN BYA'O ZHES BYA BA NI 'DZAG SNOD BCANG BAR BYA'O ZHES BYA BA DANG RJES SU 'BREL LO, ,DE'I DUS KYI CHED DU ZHES BYA BA NI BKRU BA DANG BSKAM PA'I DUS KYI DON DU STE, 'DZAG SNOD GNYIS PA BCANG BAR BYA ZHES BYA BA'I DON TO, ,KHU BA HA CANG MANG BAS LNGAR BAR GYUR NA PHRU BLUGS SO ZHES SMOS NA PHRU CI 'DRA BA BLUGS PAR ZHE NA, DE'I PHYIR BYE MA'AM SA'I'O ZHES BYA BA SMOS SO, ,ZAN ZA BA DANG MCHOD RTEN LA PHYAG 'TSAL BA'I TSE PHOG LA BKRUS TE ZHES BYA BA LA, PHOG LA ZHES BYA BA NI 'DZAG SNOD DE DBANG PO LAS BSAL BAR BYA STE ZHES BYA BA'I DON TO, ,DE NAS CI ZHIG BYA ZHE NA, DE'I PHYIR BKRUS TE ZAN ZA BA DANG MCHOD RTEN LA PHYAG 'TSAL BA ZHES BYA BA SMOS TE BYA'O ZHES BYA BA NI LHAG MA'O, ,MI TSANGS PAR SPYOD PA'I PHAM PAR 'GYUR BA LAS PHRAN TSEGS KYI SKABS RDZOGS SO,, ,,RMA'I SGO GSUM RNAMS LAS PHYOGS GANG PHAM PAR BYED PA NYID LA DANG PO YIN ZHE NA, DE'I PHYIR KHA'I DANG PO NI SO PHAN CHAD DO ZHES BYA BA SMOS TE, SO'I NANG LOGS KYI NGOS KYI SO'I MTHAR THUG PA STE DE PHAN CHAD NI KHA'I

61a

, ,DANG PO'O, ,BSHANG BA'I LAM GYI NI BU GA'I SBUBS KYI MTHA' YAN CHAD DO ZHES BYA BA NI BU GAR GYUR PA'I SBUBS YIN PAS BU GA'I SBUBS TE GTZANG MA'I RTZA STE DE LA'O, ,DE NAS BRTZAMS TE BSHANG BA'I LAM GYI DANG PO'O, ,GANG NAS BRTZAMS TE BYA ZHING GNOD PA DANG BCAS PA'I NAD YOD PA GANG NAS 'BYUNG ZHING RMA'I SGO'I MIG DANG 'DRA BA SLAR DGA' BAS 'JUG PAR BYA BA MA YIN PA YOD PA DE NI MTHA' MA ZHES BYA BA'I DON TO, ,ZAG BYED KYI NI PAGS RIM YAN CHAD DO ZHES BYA BA NI PHYI ROL DU GRANGS GCIG PA GNYIS KA'I RIM PA STE, DE LAS GZHAN NI PAGS RIM YAN CHAD SHA'I RNAM PA'I DANG BOR GYUR PA RDUL PHRA RAB KYI MTSAMS LA THUG PA NI DANG PO STE, DE LAS GZHAN PA NI ZAG BYED KYI DANG ZHES BYA BA'I DON TO, ,DER NOR BU BCUG PA NYID NI DE'I MTHA'O ZHES BYA BA LA, DE'I ZHES BYA BA NI ZAG BYED KYI'O, ,NOR BU'I GANG ZHIG BCUG PA NYID NI DE'I MTHA' STE BCUG PA'I MTHA' MA'O, ,THAMS CAD LAS CHUNG BA BCUG PA NYID DE NOR BU RIL GYIS MA 'DAS MOD KYI, 'ON KYANG GANG GIS BCUG PA'I REG PA NYAMS SU MYONG BAR BYAS BA ZHES BYA BA DES BCUG PA BSTAN PA ZHES BYA BA'I DON TO, ,'DIR GZHUNG NI, SO DAG LAS NOR BU 'DA' BAR BYED PA DANG; BU GU'I SBUBS LAS NOR BU 'DA' BAR BYED PA DANG, PAGS PA LAS NOR BU 'DA' BAR BYED PA ZHES GSUNGS PA YIN NO, ,SO DAG CES BYA BA 'DI NI SO RNAMS LAS ZHES BYA BA 'DI LA ZUR CHAG PA'I SGRA ZHES BYA BAR RIGS PA YIN NO, ,RNAM PAR 'BYED PA'I MDO LAS, GANG ZHIG RMA'I SGO NYID RNAMS LA NYAMS PA NYID SMRAS PA DE'I MTSAN NYID BRJOD PAR BYA STE, PHYOGS KYI DANG PO CUNG ZAD ZIN PA NYID DANG SUNGS PA NYID DANG RUL BA NYID DANG MYAGS PA NYID DANG SROG CHAGS DAG GIS ZOS PA NYID LTA BU NYAMS PA NYID DO ZHES BYA BA LA, GANG GI RMA'I SGO RNAMS MA ZIN PA'AM ZIN PAR GYUR PA RNAMS KYANG RUL BA DANG SUNGS PA ZHES BYA BA 'DI GZHUNG 'DI LA PHYOGS 'DI NI MA BRTEN ZHES BYA BA'I DON TO, ,PHYOGS KYI DANG PO ZHES BYA BA 'DI SMOS PA YIN NO, ,GZHUNG GZHAN LAS CUNG ZAD ZIN TAM, SKRANGS PA NYID DAM, RUL BA NYID DAM, SROG CHAGS DAG

61b

GIS ZOS PA NYID DAM ZHES GSUNGS PA STE, DE LA 'DIR SKRANGS PA DANG SROG CHAGS RNAMS KYIS ZIN PA'I TSIG BYAS PA YIN NO, ,'DIR CUNG ZAD ZIN PAS NI MA ZIN PA SHES PAR BYA'O, ,LHAG MA NI GO SLA BA NYID KYI PHYIR RGYAS PAR MA BSHAD DO, ,RMA'I SGO LA BRTEN PA'I PHYOGS 'DI BZUNG BA YIN GYI GZHAN GYI LUS LA BRTEN PA LA NI MA YIN NO, BGROD PAR BYA BA PHYED BCAD PA NYID LA YANG NA SMAD PA MED DO ZHES BYA BA NI 'DIR BGROD PAR BYA BA'I TSIG GIS GNAS MA LUS PA BZUNG BA STE, RMA'I SGO TZAM LA NI MA YIN NO, ,MI TSANGS PAR SPYOD PA'I PHYIR NYE BAR SONG BA'I BGROD PAR BYA BA PHO DANG MO DANG MA NING PHYED BCAD PA NYID LA DANG PO YONGS SU RDZOGS PA NYID CES BYA BA'I DON TO, ,'DIR GZHUNG NI, BTZUN PA RE ZHIG DGE SLONG GIS BUD MED LUS PHYED DU BKUM LA RMA'I SGO GSUM PO RNAMS LA RMA'I SGO GZHAN DANG GZHAN GANG YANG RUNG BA ZHIG MA NYAMS PA DER MI TSANGS PAR SPYOD PA SO SOR BSTEN NA MTHAR 'GYUR RAM ZHES GSUNGS PA DE NI 'DIR BSDUS PA YIN NO, ,YANG GI SGRA NI NA SMAD PA NYID MED PA ZHES BYA BA RJES SU 'JUG PA'I DON DU'O, ,BSTEN PAR BYA BA'I DBUS PHYE BA'I MTSAMS SBYAR BA MI MNGON PA LA YANG NGO, ,MNGON PA LA NI TSIG 'OG MAR RO ZHES BYA BA NI MNGON PA'I RJES SU MTSAMS THAMS CAD MNGON PA LA DE MA THAG PA'I RIM PA ZHES BYA BA'O, ,GANG DU MTSAMS MNGON PA LA DER RTZA BA NI 'DIR SBOM PO'O, ,GANG DU SBOM PO DE LA NI 'DIR NYES BYAS SO, ,GANG DU NYES BYAS DE LA NI 'DIR PHRA MOR 'GYUR ZHES BYA BA'I DON TO, ,SBOM PO'I DBANG DU BYAS PA NI PHAG LA SOGS PA GCOS PA SBU MED PA DAG LA'O ZHES BYA BA NI DBANG DU BYAS PA BSTAN PA'I PHYIR DANG POR SBOM PO'I DBANG DU BYAS PA NI ZHES BYA BA'I TSIG SMOS SO, ,DE LAS GZHAN BRJOD PAR BYA ZHES BYA BA NI DE LAS SNGA ROL DU SBOM PO'I DBANG DU BYAS PA ZHES BYA BA 'DI DANG 'BREL TO, ,'DIR LOG PAR RTOG PA LA SBOM PO NI GNYEN PO KUN TU SPYOD PA GZHAN YANG MA YIN TE, 'DI'I RJES SU 'BRANG NAS NYES BYAS DANG GZHAN LA NI NYAMS PA NYID DO, ,RMA'I SGO RNAMS LA GANG ZHIG BCOS MA NYID 'DI NI DE BAS NA SMAD PA'O, ,SPU MED PA'I TSIG NI 'DIR MI'I PAGS PA NYID DANG 'DRA BA'I PHYIR SPU MED PA

62a

, ,NYID LA NA SMAD PA MED DO ZHES BYA BA'I KUN TU RTOG PA BZLOG PA'I DON DU STE, SPU DANG BCAS PA NYID LA NA SMAD PA MED PA BSTAN PA'I PHYIR NI MA YIN NO, ,'DIR SOGS PA'I SGRA NI RAB TU DBYE BA NYE BAR BSDU BA'I DON DU'O, ,DE BAS NA SPU DANG BCAS PA'I DUD 'GRO RNAMS LA 'DIS 'PHANGS PAR RIG PAR BYA'O, ,'DIR GZHUNG NI, DE LTAR DUD 'GRO'I SKYES GNAS SU SKYES PA THAMS CAD LA GTOGS PAR BYA'O ZHES GSUNGS PA YIN NO, ,MGO BCAD PA'I KHAR RO ZHES BYA BA NI 'DIR GCIG PU DE LA SBOM PO'I DBANG DU BYAS PA NYID DO, ,ZAG BYED DANG BSHANG BA'I LAM DAG LA NI PHAM PA NYID DU BYED PA NYID DO, ,KHYAD PAR MED PAR BRJOD PA'I PHYIR KHA DANG 'BREL PA THAMS CAD LA'O, ,BSTEN PAR BYA BA DANG, STEN PAR BYED PA LUS THA DAD PAR BYAS PA GNYIS KYI'O ZHES BYA BA NI KHA DANG BSHANG BA'I LAM DANG GZHAN DAG DANG MO'I DBANG PO BSTEN PA DANG BCAS PA LA SOGS PA LUS LAS THA DAD PAR BYAS PA'I PHO'I DBANG PO DANG YANG DAG PAR SBYOR BA LA RANG GI PHO'I DBANG PO DANG RANG GI KHA'I LAM DANG BSHANG BA'I LAM DU DGE SLONG MA LA MO'I DBANG POS KYANG RANG GI YANG DAG PAR SBYOR BA LA SBOM PO'I DBANG DU BYAS PA NYID CES BYA BA'I DON TO, ,GZHAN PA GNYIS KYANG GZHAN GYI GNYIS DANG GZHAN DU SBYOR BAR BYED NA'O ZHES BYA BA NI LUS LAS THA DAD PAR MA GYUR PA LA YANG GZHAN GYI BSTEN PAR BYA BA DANG STEN PAR BYED PA DANG PHO DANG MO DANG MA NING DANG GZHAN LA CI RIGS PAR BSTEN PAR BYA BA STEN PAR BYED PA LA YANG DAG PAR SBYOR BA LA SBOM PO'I DBANG DU BYAS PA NYID DO; ,DE BZHIN DU GZHAN DU YANG GSUNGS TE, BUD MED KYI TSOGS LA BCAD NAS 'JUG PAR BYED NA CI ZHIG THOB PAR 'GYUR ZHE NA, DE'I PHYIR SBOM PO'I LTUNG BA ZHES BYA BA SMOS SO, ,GCIG LAS GSUNGS PA BUD MED KYI TSOGS LA RTZOL BAR BYED NA LTUNG BA CIR 'GYUR ZHE NA, DE'I PHYIR GZHAN GYI YAN LAG GI RNAM PA GZHAN GYI ZAG BYED DU RTZOL BAR BYED NA'O ZHES BYA BA SMOS TE, SBOM PO'I LTUNG BA ZHES BYA BA'O, ,GZHAN DU YANG DGE SLONG 'GA' ZHIG YOD DE ZAG BYED LA ZAG BYED RTZOL BAR BYED NA LTUNG BA MED PAR 'GYUR RAM, BKA' STZAL PA, MTHAR 'GYUR RO, ,BUD

62b

MED KYI TSOGS LA BCAD NAS RTZOL BAR BYED PA DANG GNYIS CHAR BCAD NAS BCUG NA NYES PA SBOM PO'I LTUNG BAR 'GYUR RO ZHES GSUNGS PA YIN NO, ,LHAG MA 'DI'I RJES SU 'BRANG NAS SHES PAR BYA STE, MDO 'DI DAG BYAS PA YIN NO, ,GZHAN PA'I BU GA LUS LAS BCAD PA LA YANG ZHES BYA BA NI RMA'I SGO GSUM LAS GZHAN PA'I BU GA MTSAN GYIS DRAL BA LA SOGS PA BCOS MA DANG, MI NA BA LA SOGS PA LUS BYUNG BA NYID LAS BYUNG BA DANG PO LAS DOD PA LUS LAS BCAD PA DANG MA BCAD PA YANG SBOM PO'I DBANG DU BYAS PA MA YIN PA'O, ,GCIG NAS GSUNGS PA, LUS DRAL TE YAN LAG GI RNAM PAS RTZOL NA LTUNG BA CIR 'GYUR, NYES PA SBOM POR ZHES GSUNGS SO, ,GZHAN DU YANG MGO BO BCAD PAR GYUR TE, MTHA' GNYIS PA LA 'JUG PAR BYED NA LTUNG BAR 'GYUR RAM, NYES PA SBOM POR RO ZHES GSUNGS PA DE 'DI'I BSDUS PA'O, ,BSTEN PAR BYA BA MA NING MO SBUBS MED PA LA YANG NGO ZHES BYA BA LA, BU GA LUS LAS BCAD PA LA YANG NGO ZHES SNGAR SMOS PA'I RJES BSNYAG PA'I PHYIR YANG GI SGRA'O, ,SBUBS ZHES BYA BA NI GANG LA PHO'I DBANG PO GZHUG PAR BYA BA'I SKABS KYI TSAD DE LTA BU SBUBS KYI RGYUN MA CHAD PAR BSTEN PAR 'GYUR BA'I MA NING LA BU GA LUS LAS BCAD PA LA YANG NGO ZHES SBOM PO'I DBANG DU BYAS PA'O, ,'BREL PA TZAM LA 'DIR PHAM PA ZHES BYA BA SBUBS KYI SGRAS SHES PAR BYA'O, ,KLOG PA 'BA' ZHIG TU 'DI BRJOD DE MA NING LA RTZOL BAR BYED DE GANG DU GLAGS MED PA LA LTUNG BAR 'GYUR BA MCHIS SAM, SBOM PO'I LTUNG BAR 'GYUR RO ZHES BYA BA NI BSDUS PA'O, ,MCHU GNYIS LA'O ZHES BYA BA NI MCHU GNYIS LA SBYAR BA TZAM LA YANG SBOM PO'I DBANG DU BYAS PA NYID DE, SO'I MTHA' TSUN CHAD 'BA' ZHIG TU MA ZAD KYI JI SRID DU BSTZAL BA ZHES BYA BA SNGON GYI RJES SU 'BRANG BAS RTOGS PAR BYA'O, ,PHYI ROL GYI MTSAMS LA THUG PAR RO ZHES BYA BA KHA'I DANG PO NI SO PHAN CHAD DO ZHES BSTAN PA LA PHYI ROL DU SBOM PO'I DBANG DU BYAS PA NYID DO, 'DIR GZHUNG NI, SO'I PHYI ROL DU NYAMS PAR BYED NA NYES PA SDOM PO'I LTUNG BAR 'GYUR RO ZHES GSUNGS PA YIN NO, ,SNOD DU'O

63a

, ,ZHES BYA BA NI BYE BRAG YONGS SU MA ZIN PA'I PHYIR GANG ZHIG SNOD DE'I RANG BZHIN DU 'JUG PA NA SBOM PO'I DBANG DU BYAS PA NYID DO, ,BLTABS PA DANG MI RIG PAR 'JUG PA GNYIS SO ZHES BYA BA NI PHO'I DBANG PO RKED BLTAB TU BYAS TE RMA'I SGO RNAMS SU 'JUG PA GANG YIN PA DANG; GANG YANG MI REG PAR GYUR PA'I RMA'I SGO DE DGE SLONG LA YANG LTUNG BAR 'GYUR BA BZHIN DU DGE SLONG MA LA YANG SBOM PO'I DBANG DU BYAS PA NYID YIN NO, ,GAL TE MI REG PAR 'JUG PA LA SBOM PO'I DBANG DU BYAS PA NYID YIN NA GANG ZHIG 'DI DAG BSTEN PAR BYA BA G-YOGS MA CAN NYID DAG LAS NI NA SMAD PA MED PAR BRJOD DO, ,G-YOGS MAS BAR DU MA CHOD PA ZHES BYA BA DE JI LTAR YIN ZHE NA, DE'I PHYIR MTHA' NYID BRJOD PA'I G-YOGS PA DE NI BSGRIBS PA STE, DES G-YOGS PA LA THAMS CAD KYIS THAMS CAD DU REG PAR MI 'GYUR BA MA YIN NO ZHES BYA BA NI THA MA NA YOD PA'I PHAM PAR 'GYUR BA LAN SMAD PA MED PA'I TSIG GIS BRJOD PA LA 'DI LTA BU'I G-YOGS PA NI G-YOGS PA DANG BCAS PA DE NI BSGRIBS PA NI 'DOD PA'O, ,GANG ZHIG PAR DU CHAD PAS G-YOGS MAS BSGRIBS PA DE LA NI THAMS CAD KYIS THAMS CAD DU REG PAR MI 'GYUR BA MA YIN NO, ,'O NA CI ZHE NA, DE LA REG BA YOD PA KHO NA'O, ,GZHAN GYIS G-YOGS PA NYID NI MI REG PAR 'JUG PAS RNAM PAR BGAD PA YIN NO ZHES BYA BA LA, GZHAN GYIS ZHES BYA BA NI GANG GIS G-YOGS PA DE LA THAMS CAD KYIS THAMS CAD DU REG PAR MI 'GYUR BA NI PAGS PA MTHUG PA'AM, 'JAM POS SAM GOS KYIS REG PAS 'JUG PA LA DE RNAM PAR BSHAD PA YIN TE, 'DI LAS LHAG PA SHES PAR BYA BA MA YIN NO ZHES BYA BA'I DON TO, ,PHAM PAR 'GYUR BA DANG PO ZHU BA'I SKABS SO ZHES BYA BA MI TSANGS PAR SPYOD PA'I PHAM PAR 'GYUR BA ZHU BA'I SKABS RDZOGS SO,, ,,DGE SLONG GI DNGOS POR MI SHES PA NI RANG BZHIN GYIS NYAMS PA YIN NO ZHES BYA BA NI RANG BZHIN GYIS NYAMS PA ZHES BYA BA'I SGRA DE'I DON RGYAS PAR GYUR PAS THA SNYAD NYAMS PA ZHES BYA BA'I SGRA RANG BZHIN NYAMS PA SMYON PA LA SOGS PA'I NGO BO NYID KYIS BRJOD PA LA LTUNG BA MA BLANGS PAS YONGS SUM BCAD PA LA NGO

63b

PO 'DI YIN NO ZHES BYA BA RAB TU BSTAN PA'I DON DU MDO 'DI YIN NO, ,'DIR GZHUNG NI, GAL TE DGE SLONG GI DNGOS POR YANG DAG PAR SHES NA NI GZHI JI LTA BA BZHIN DU LTUNG BAR 'GYUR RO, ,GAL TE DGE SLONG GI DNGOS POR MI SHES PA SMYON PA LA NI LTUNG BAR MI 'GYUR TE, SEMS 'KHRUGS PA DANG TSOR BAS NYEN PA YANG DE BZHIN NO ZHES GSUNGS PA YIN NO, ,NYAMS PA NYID NI GNYIS TE, NANG DANG PHYI ROL LO ZHES BYA BA NI 'DIR NANG GI RIM PA RTOGS PA NYAMS PA NYID LA DON DANG LDAN PA NYID DE, DE BAS NA NANG GI RIM PA NAS BRTZAMS TE, JI SRID DU PHYI ROL NYAMS PA'I BAR DE NI 'DIR PHYI ROL NYAMS PA NYID YIN GYI PHYI ROL NYAMS PA 'BA' ZHIG NI NYAMS PA NYID MA YIN NO, ,BSTAN PA'I PHYIR GZHAN LA KHAS BLANGS PA NA BSLAB PA 'KHRUGS PA NYID DO ZHES BYA BA NI DGE SLOB MA GANG GI MING DE NI BSLAB PAR 'DOD PA'O, ,DE LTAR NA DGE SLOB MA LA GNAS PA'I CHO GA 'DIR RTOGS PAR BYA'O, ,DGE SLOB MA GANG ZHIG BSTEN PA'I PHYIR GZHAN SKYES PA 'DOD PA BSTEN NUS PA LA 'DI LTAR ZHES BYA BAR KHAS LEN PAR BYED PA DE LA DGE SLOB MA DE'I BSLAB PA'I GZHI RNAMS 'KHRUGS PA NYID DE MED PA ZHES BYA BA'I DON TO, ,'DIR GZHUNG NI, DGON PA BA SDIG CAN GYIS DGE SLOB MA LA KHYOD BSNYEN PAR MA RDZOGS KYIS MI TSANGS PAR SPYOD KYANG LTUNG BAR MI 'GYUR RO ZHES CO 'DRI STE DES DE BSTEN PA DANG BSTEN PA DE LA 'GYOD PA SKYES SO, ,DES DE MI 'DOD BZHIN DU BRTZAL BA DANG, DE BDAG DGE SLOB MAR MA RUNG BAR MA GYUR TAM SNYAM DU 'GYOD PA SKYES SO; ,BCOM LDAN 'DAS KYIS BKA' STZAL PA, BSLAB PA 'KHRUGS PAS YANG DPOG PAR BYA STE, NYES BYAS GYI LTUNG BAR 'GYUR RO ZHES GSUNGS PA YIN NO, ,PHYIR BLANG BA MA YIN PA NYID LA BRTZAL BA LA NGES PAR MI 'DOD PA'O, ,'DI NI SKYON MED PAR SHES NAS KHAS BLANGS NAS CHO GA 'DI SHES PA YIN NO, ,DE LA DE YANG SBYIN PAR BYA BA NYID DO ZHES BYA BA LA, DE LA ZHES BYA BA NI DGE SLOB MA'I BSLAB PA'O, ,'DIR NYAMS PA NYID SLAR SBYIN PA ZHES BYA BA'I DON TO, ,DE NI DGE SLONG GI SBOM PO'O ZHES BYA BA LA, DE NI ZHES BYA BA NI BSTEN PA'I PHYIR GZHAN LA KHAS BLANGS

64a

, ,PA NI DGE SLONG LA SBOM PO'I LTUNG BYED CES BYA BA'O, ,'DI MAN CHAD 'OG NAS MDO LAS BSTAN PA'I PHYIR GZHAN LA BSGO NA ZHES BYA BA YAN CHAD NI SBOM PO'I DBANG DU BYAS PAR RIG PAR BYA'O, ,'DIR YANG GZHUNG NI, DGON PA BSDIG CAN GYIS LOR MA LON PA LA KHYOD BSNYEN PAR RDZOGS NAS RING POR MA LON GYIS MI TSANGS PAR SPYAD KYANG DES LTUNG BAR MI 'GYUR RO ZHES CO DRIS TE, DES DE BSTEN PA DANG BSTEN PA DE LA 'GYOD PA SKYES SO, ,DES DE MI 'DOD BZHIN DU BRTZAL PA DANG, DE BDAG PHAM PAR MA GYUR TAM SNYAM DU 'GYOD PA SKYES SO, ,BCOM LDAN 'DAS KYIS BKA' STZAL PA, PHAM PA'I LTUNG BAR MI 'GYUR TE, NYES PA SBOM POR 'GYUR RO ZHES BYA BA'O, ,'DIR YANG NGES PAR KHAS BLANGS PA LA SBOM PO'I LTUNG BAR 'GYUR BA STE, BLANG BA MA YIN PA NYID LA BSTZAL BA LA NGES PAR MI 'DON PA LAS 'DIR BZUNG BA YOD LA PHAM PAR 'GYUR BA YOD PAS MED PA LA SKYON MED PA NYID LA'O, ,MA CHUD NA YANG NGO ZHES BYA BA NI BSTEN PAR BYA BA SBOM PO STE, STEN PAR BYED PA LA RUNG BA MA CHUD PA NI MI MNYAM PA ZHES BYA BA'I DON TO, CHUD PAR BYA BA'I PHYIR RMA NYED NA YANG NGO ZHES BYA BA NI ZAG BYED DU CHUD PAR BYA'O SNYAM NAS DE'I CHED DU RMA'I SGO SBAL BAR BYED NA YANG SBOM PO'O, ,SKRAG PA DANG NGO TSA BAS KUN DU 'DOD CHAGS MA SKYES NA'O ZHES BYA BA NI SKRAG PA DANG NGO TSA BA YOD PA LA SBOM POR 'GYUR RO, ,GANG GI PHYIR 'DI DAG KUN DU 'DOD CHAGS MA SKYES NA ZHES BYA BA'I DON TO, ,CI BYED PA ZHES BYA BA 'DI 'DIR MDOR BYAS PA MA YIN TE, DER RTZOL BA MA YIN PAR 'GYUR BA LHAG MA NYID GANG YIN PA DER KUN DU 'DOD CHAGS SKYES PA LA YANG LTUNG BA SBOM PO ZHES BYA BA KUN DU 'DOD CHAGS MA SKYES PAS ZHES BYA BA'I RGYU'I TSIG LAS RTZOL BA ZHES RTOGS PAR BYA'O, ,RTZOL BA 'DI NYAMS SU MYONG NA ZHES BYA BA BYAS NAS SO, ,YAN LAG GI RNAMS PA RDOL BA'I PHYIR RO MA MYONG NA'O ZHES BYA BA NI 'KHRIG PA'I RO NYAMS SU MA MYONG NA SBOM PO STE, 'DIR YANG RTZOL BA NYID NA 'DI'O, ,LAS SU MI RUNG BA BCUG NA'O ZHES BYA BA NI SBOM PO'I LTUNG BA SHES PA'O, ,LAG PAS LAG PA DANG RKANG PAS RKANG PA DANG TSIGS KYIS TSIGS

64b

SU DANG MDOMS KYIS MDOMS SU LTA BUR MI RUNG NA'O ZHES BYA BA NI PHRAD PAR MA GYUR NA SBOM PO'O ZHES BYA BA 'JUG PA YIN NO, ,'DIR THAMS CAD DU RO NYAMS SU MA MYONG BA LA RGYU RIG PAR BYA'O, ,'DIR MA PHRAD PA NI LAG PA LA SOGS PA RNAMS LA GZUNG DU MI RUNG BA NYID DO, ,PHRAD PA'I G-YO BA NYID TZAM LA'O ZHES BYA BA NI STOBS KYIS BRTZAL BAR 'GYUR BA LA RTZOL BA'I BSTEN PAR BYA BA LA STEN PAR BYED PA DANG YANG DAG PAR LDAN PAS MTHA' MED PAR GNAS PAR BYED CING 'KHRIG PA'I RO NYAMS SU MYONG BA SPRAD PA'I G-YO BA NYID LA NI DER SBOM PO'O, SHING DANG BA SO DANG RDO BA DANG GOS LAS BU MO'I GZUGS BYAS PA LA RTZOL BA NA GAL TE DBANG PO TZAM DOD NA'O ZHES BYA BA LA, 'DIR SHING DANG RDO LA SOGS PA'I MTSAN NYID NI DPE YIN TE, GZHAN GYI BDAG NYID BU MO LA BTZAL BA NA YANG DBANG PO TZAM DOD PA LA SBOM PO NYID DO, ,YAN LAG THAMS CAD DU REG PA STER NA DNGOS GZHI'O ZHES BYA BA NI SHING LA SOGS PA'I RANG BZHIN GYI BU MO'I GZUGS LA ZHES BYA BA DANG RJES SU 'BREL TO, ,BSTAN PA'I DON DU BTZAL BA'I YAN LAG GI RNAM PAR RKANG PA 'JUG NA'O ZHES BYA BA BSTEN PA'I DON DU BTZAL BAS YAN LAG GI RNAM PAR RKANG PA 'DZUD NA SBOM PO'O, ,BSTEN PAR BYA BA LA YAN LAG GI RNAM PAS DE TZAM LA GZHOL PAS PHYI ROL DU REG NA'O ZHES BYA BA NI BSTEN PAR BYA BA MO'I DBANG PO LA SOGS PA YAN LAG GI RNAM PAR PHYI ROL DU REG PA LA SBOM PO'O, ,DE TZAM LA GZHOL BAS ZHES BYA BA NI RIG PA TZAM LA GZHOL BAS RTZOL BA'I 'DUN PA MED PAS 'DIR NYES BYAS SU RIGS KYI SBOM PO MA YIN NO ZHES BYA BA'I RNAM PAR RTOG PA BSAL BA'I DON DU 'DI YIN NO, ,'DI LTA BU'I CHO GAS REG PA LA SBOM PO MED CES BYA BA SHES PAR BYA BA MA YIN NO, ,'DIR GZHUNG NI, BUD MED SGREN MO YOL BA'I PHAG NA SNANG BA CHU LDUGS PA DE'I YAN LAG GI RNAM PA DGE SLONG GIS YOL BA'I RGYAB NAS MTHONG NGO, ,DES MTHONG NAS KUN NAS CHAGS PAS DE'I YAN LAG GI RNAM PA DANG YAN LAG GI RNAM PA SPRAD DO, ,DE 'GYOD PA SKYES NAS, JI SRID BCOM LDAN 'DAS KYIS BKA'

65a

, ,STZAL PA; NYES PA SBOM POR 'GYUR RO ZHES BYA BA'I BAR DU GSUNGS PA YIN NO, ,BSTAN PA'I PHYIR GZHAN LA BSGO NA'O ZHES BYA BA NI 'KHRIG PA'I DON DU GZHAN LA BSGO NA SBOM PO'O, ,RANG BZHIN GYIS LAS SU RUNG BA NYID LEN NA SMAD PAR BYA BA MED DO ZHES BYA BA NI GANG RANG BZHIN GYIS TE, NGO BO NYID KHO NAS DUS THAMS CAD DU DBANG PO LAS SU RUNG BA DE LA BCUG NAN SMAD PA DANG BCAS PA NI MA YIN TE, 'ON KYANG DNGOS GZHI NYID CES BYA BA'I DON TO, ,MDUN MA DANG PHYI MA GNYIS GANG DU BRTZAMS PA DE LAS GZHAN DU GTUGS PA LA MED DO ZHES BYA BA NI MDUN NAS LAS BYAS TE, RGYAN NAS GROL BA DANG, RGYAB NAS LAS BYAS TE MDUN NAS GROL BA NI NA SMAD PAR BYA BA MED DO ZHES BYA BA'I DON TO, ,'DIR GZHUNG NI, BTZUN PA MDUN NA MOR BSNYUG PA'I LAS BYAS SHING RGYAB NA MOR 'DUG PA DE LA NI KHO MO MI TSANGS PAR SPYAD KYANG YIN PAR MI 'DZIN TE ZHES ZER LA; DES MDUN NA MOR BSNYUGS PA'I LAS BYAS SHING, RGYAB NA MOR 'DUG GO ZHES GSUNGS PA YIN NO, ,DE LA 'DRA BA NYID KYI BZLOG PA LA RGYUD MED PA DANG SNGAGS KYI KHYAD PAR NI GZHAN NYID TZAM DER ZHES BYA BA 'DI LTAR NYE BAR 'BREL PA'O, ,LAM LHAG MA RNAMS SU BRTZAL BAR BYA'O SNYAM PA LA YANG MED DO ZHES BYA BA NI ZAG BYED DANG KHA DANG BSHANG BA'I LAM RNAMS GCIG TU DANG POR MI TSANGS PAR SPYOD PA BRTZAMS PA LA LAM LHAG MA RNAMS SU BSTZAL BAR BYA'O SNYAM PA'I BSAM PA STE, NA SMAD PA'I RGYU MTSAN DU NI MA YIN NO, ,BDAG NI NYAMS PA'O SNYAM PA'I BSAM PA CAN LA YANG MED DO ZHES BYA BA NI BDAG NI NYAMS PA STE DGE SLONG GI TSUL ZHIG PA'O SNYAM PA'I BSAM PA CAN GYIS BCUG PA LA YANG NA SMAD PAR BYA BA MED PA'O, ,NAD DANG BRAL BAR BYA BA'I DON NYID LA YANG MED DO, ,LAM LA GZHAN NYID DU 'DU SHES PA DANG YID GNYIS ZA BA LA YANG MED DO ZHES BYA BA NI MO'I DBANG PO LA SOGS PA LA LAM LA YIN PA NYID DU YANG DAG PAR SHES PA GANG YIN PA DANG, GANG LAM LA YID GNYIS ZA BA CI 'DI ZAG BYED LA SOGS PA'I LAM MA YIN NAM 'ON TE YIN SNYAM DU YID GNYIS ZA BAS BCUG NA DE GNYIS KA LA YANG NA SMAD PAR BYA BA MED

65b

DO; ,LAM MA YIN PA NI DE GNYIS SBOM PO'I DBANG DU BYAS PA NYID DO ZHES BYA BA NI LAM MA YIN PA LA LAM DU 'DU SHES PA NYID DANG, LAM MA YIN PA LA YID GNYIS ZA BAS BCUG PA LA SBOM PO'O, ,'DIR GZHUNG NI LAM LA LAM MA YIN PA NYID DU 'DU SHES PA LA NI PHAM PAR 'GYUR BA'I LTUNG BA'O, ,LAM LA YID GNYIS ZA BA LA YANG PHAM PAR 'GYUR BA'I LTUNG BA'O, ,LAM MA YIN PA LA LAM DU 'DU SHES PA LA NI NYES PA SBOM POR 'GYUR RO, ,LAM MA YIN PA LA YID GNYIS ZA BA LA LANG NYES PA SBOM POR 'GYUR RO ZHES GSUNGS PA YIN NO, ,'DIR NI LAM GSUM YIN TE, BSHANG BA'I LAM DANG, KHA'I LAM DANG, ZAG BYED DO ZHES BYA BA'O, ,BRDOS PAS BUD MED KYI STENG DU 'GYEL BA LA NI LTUNG BA MED DO ZHES BYA BA NI BA GLANG LA SOGS PAS BRDOS PA'I DGE SLONG BUD MED KYI STENG DU 'GYEL BA LA RGYU DES RIG PA LA SKYON MED DO ZHES BYA BA 'DI TZAM 'DIR BRJOD PA YIN TE, ,DE BAS NA MA BSDUS PAS GANG ZHIG REG PA NYAMS SU MYONG BAR BYA BA MI BYED NA DE LA NI NYES PA MED DO ZHES SHES PAR BYA'O, ,NYAM THAG PAS MGUL NAS MI 'DOD BZHIN DU 'KHYUD PA LA YANG NGO ZHES BYA BA NI BLANGS PA MED PA ZHES BYA BA'I DON TO, ,MCHUR MCHUS REG PA LA YANG DO ZHES BYA BA NI MI 'DOD PA ZHES BYA BA DANG RJES SU 'BREL TO, ,LCANG BA MED DO ZHES BYA BA YANG MI 'DOD BZHIN DU RAG PA YIN GYI, 'DIR CHAGS PA SKYES PA LA MNGON PA TSAR GCOD PA LA SEMS LA 'BANG PA MI BYED CING RO MYONG BA BSGRUB PA LA GAL TE SKABS SU G-YO BA DANG SPRAD PA NI DGE 'DUN LHAG MAR GTOGS PA'I LTUNG BA SBOM PO DER ZHES BYA BAR RTOGS PAR BYA'O, ,KHYI'I MDUN DU GCI BAR MI BYA'O, GANG DU SROG GI BAR CHAD 'BYUNG BA'I DGON PA DER GNAS PAR MI BYA'O ZHES BYA BA LA, MI'AM CI MO'I DBANG PA'I GLENG GZHIR GYUR PA'I BSLAB PA'I GZHI LA DE BSDUS PA YIN NO, ,'DIR GZHUNG NI, YANG DGE SLONG GIS GANG NA NYES DMIGS DE LTA BU YOD PA'I DGON PA DE LTA BUR LHAG PAR GNAS PAR MI BYA STE, GANG NA 'DI LTA BU'I 'JIGS PA'I NGO BO YOD PAR GYUR PA'I ZHES GSUNGS PA YIN NO, ,GANG NA YAN LAG GI

66a

, ,RNAM PA 'DZIN PA'I 'JIGS PA YOD PA'I CHU KLUNG DER SGREN MOR RGAL BAR MI BYA'O, ,DER SHES BZHIN DU GRU RGAL BAR BYA'O ZHES BYA BA NI BUD MED LA REG PA YONGS SU SPANG BA'I PHYIR SHES BZHIN DU 'GRO BAR BYA BA YIN PAR RIG PAR BYA'O, ,BA GLANG GI NANG DU YANG SHES BZHIN DU 'GRO BAR BYA'O, ,KHRON PA YANG BRTAG PAR BYA'O, ,BSOD SNYOMS PA LA YANG GRONG DU RGYU BAR BYA'O ZHES BYA BA LA, GSUM PO DAG LA YANG ZHES BYA BA'I SGRA SMOS PA NI SHES BZHIN ZHES BYA BA'I RJES SU 'JUG PA'I DON DU'O, ,LEGS PAR SO SOR BRTAG PAR BYAS NAS RAB TU DBYUNG BAR BYA'O ZHES BYA BA NI 'DIR BYE BRAG TU 'BAD PAR BYA ZHES BYA BA 'DI LA 'DI 'GRUB PA YIN TE, 'GA' ZHIG TU YANG LHOD PA'I SBYOR BA MI BYA'O, ,DE BAS NA 'DI NI DPE YIN TE, CHO GA 'DI NI BSLAB PA THAMS CAD LA SBYOR BA LHOD NA NYES BYAS YIN TE, DE'I PHYIR 'DI BSTAN PA'O, ,GCIG PU BLA GAB MED PAR GLOS MI DBAB PO ZHES BYA BA NI GNYID KYIS LOG PA DE'I SHAM THABS BUD PA NA BUD MED KYIS BRTZAL BAS 'DI GSUNGS PA YIN NO, ,RTZA BA'I LTUNG BA'I RGYUR 'GYUR BA NI SKYE BO MED PA'I PHYOGS LA NYIN MO 'AM MTSAN MO GNYID MA LOG PA NA YANG DER GLOS DBAB PAR MI BYA'O, ,DE BAS NA 'DI MI BYA'O ZHES BYA BA 'DIR BRJOD PA YIN NO, ,DGON PA DANG BLA GAB MED PA LA GCIG PU NYID DU GYUR PA LA NYES PA DANG LDAN PA YANG YIN TE, DE BAS NA 'DI RIG PAR BYA'O, ,DGE SLONG MAS GNAS KHANG SGO MA BCAD PAR SNYOMS PAR 'JUG PA YANG MI BYA'O ZHES BYA BA LA, YANG GI STHA NI GLOS DBAB PAR MI BYA'O ZHES BYA BA'I RJES SU DRANG BA'I DON DU'O, ,GNYIS KA YANG 'DIR DGE SLONG MAS GNAS KHANG SGO MA BCAD PAR MI BYA'O, ,GROGS DANG BCAS PAS KYANG BYA BAR 'GYUR GYI, 'DIR GROGS YOD PA LA YANG 'DI ZIL GYIS MNAN NAS STZOL BA'I NYES BYAS SU 'GYUR RO, ,MI TSANGS PAR SPYOD PA'I PHAM PAR 'GYUR BA RDZOGS SO ZHES BYA BA DNGOS GZHI DANG PO MI TSANGS PAR SPYOD PA'I PHAM PAR 'GYUR BA RDZOGS SO,, ,,GANG BYAS NA MA BYIN PAR LEN PA'I PHAM PAR 'GYUR ZHE NA, DE'I PHYIR RKU BA'AM RKUR BCUG NA'O ZHES BYA BA SMOS TE, RKU BA NI RANG GIS BYA BA'O, ,RKUR

66b

BCUG PA NI GZHAN LA BCOL NAS 'PHROG TU BCUG PA'O, ,RANG GI LUS NGAG 'BA' ZHIG TU YANG MA ZAD KYI, MNGAGS PAS KYANG NGO ZHES BYA BA SMOS TE, PHO NYAS KYANG BYED PAR 'GYUR BAS RKU 'AM RKUR BCUG PAS ZHES BYA BA'I DON TO, ,RKU BA NI MNGAGS PA STE GANG DU MNGAGS PA RANG GI LUS KYIS BYED PA'O, ,RKUR BCUG PA NI GANG LA MNGAGS PAS BCOL NAS GZHAN LA 'DI SKAD CES SO, ,RANG GIS RKUS SHIG ,SONG LA RKUR CHUG SHIG CES BYED DU BCUG PA'O, ,BYE BRAG TU BCOL BA'I DBANG GIS DE LTAR RNAM PAR GZHAG STE, MNGAGS PA'I MNGAGS PAS GZHAN GYIS RKUR BCUG PA YIN TE, DES MNGAGS PA LA SOGS PAS SAM, DE LA YANG RANG GIS MNGAGS PA NYID KYIS ZHES BYA BA'I KHYAD PAR YONGS SU MA BZUNG BA'I PHYIR 'DIR MNGAGS PA NYID RIG PAR BYA'O, ,GANG GI ZHE NA, DE'I PHYIR MA BYIN PA'O ZHES BYA BA SMOS TE, BYIN PA LA YANG TU SEMS KYIS LEN PA SRID PAS DE'I PHYIR KHYAD PAR 'DI'O, ,'DIR LUNG NI, DE LA BUD MED DAM SKYES PA'AM MA NING DAG GIS KYANG MA BYIN PA ZHES GSUNGS PA DE YIN NO, ,TSAD JI TZAM ZHE NA, DE'I PHYIR MA SHA KA LNGA LA SOGS PA'O ZHES BYA BA SMOS TE, 'DIR GZHUNG NI, MA SHA KA LNGA'AM MA SHA KA LNGA LAS LHAG PAS ZHES GSUNGS PA YIN NO, ,SEMS JI LTA BUS SHE NA, DE'I PHYIR, RKU SEMS KYIS SO ZHES BYA BA SMOS TE, 'DI LTAR YID GCUGS PA'I SEMS LA SOGS PA RNAMS KYIS NI LTUNG BA MED DO ZHES 'OG NAS 'BYUNG NGO, ,CI MI MA YIN PA'I RGYUD KYIS YONGS SU BZUNG BA'AM ZHE NA, MA YIN TE, ,DE'I PHYIR MI'I RGYUD KYIS YONGS SU BZUNG BA'O ZHES BYA BA SMOS TE, MIS YONGS SU BZUNG BA MA YIN PA LA NA SMAD PA NYID DU GSUNGS PA'I PHYIR 'GRO BA GZHAN DANG 'BREL PA'I 'DU SHES KYIS CI ZHIG DE LTA NYID DU 'GYUR RAM ZHE NA, MA YIN TE, DE'I PHYIR DER 'DU SHES PAS SO ZHES BYA BA SMOS TE, MI'I 'GRO BA PAS YONGS SU BZUNG BA YIN PAR 'DU SHES PAS SO ZHES BYA BA'I DON TO, ,GAL TE MI'I BDAG GIS RKU'O SNYAM DU 'DU SHES PAR GYUR NA DES PHAM PA YIN NO, ,'DIR GZHUNG NI, 'DI LTA STE, DGE SLONG GIS 'DI LTAR YO BYAD LCI BA 'DI

67a

, ,RNAMS NI GZHAN SKYES PA'AM BUD MED DAM MA NING RNAMS KYIS YONGS SU BZUNG BAR 'DU SHES PAS TE ZHES BYA BA LA SOGS PA'O, ,DE LTAR MA BYIN BAR LEN PA'I PHAS PHAM PA BSKYED PA LA YAN LAG LNGA STE, MA BYIN PA NYID DANG, MA SHA KA LNGA LA SOGS PA NYID DANG, RKU SEMS NYID DANG, MI'I RGYUD KYIS YONGS SU BZUNG BA NYID DANG, DER 'DU SHES PA NYID DO, ,YAN LAG GANG YANG RUNG BA MA TSANG BA LA NI PHAM PAR 'GYUR BA MED DE NA SMAD PA KHO NAR 'GYUR RO, ,MI'I RGYUD KYIS YONGS SU BZUNG BA ZHES SMOS SO, ,KHYER BA NYID NI BSAM PAS MA BTANG BA NI BDAG PO NYID DANG MA BRAL BA NYID YIN NO ZHES BYA BA SMOS TE, RLUNG DANG RKUN PO LA SOGS PA RNAMS KYIS GOS LA SOGS PA'I RDZAS KHYER BA NYID NI GANG GIS DE DANG 'BREL PAR JI SRID BSAM PA DE DANG LDAN PAS MA BTANG BAR GYUR PA NI YONGS SU GTONG BAR MI 'GYUR BA 'DI LA RE BA MED PA NYID MA SKYES PA DE SRID DU RDZAS KYI YUL DE LA GANG ZHIG BDAG PO NYID DANG MA BRAL BA YIN NO ZHES BYA BA'I DON TO, 'DIR GZHUNG NI, JI LTAR YANG BCO BLAG MKHAN GYIS GOS RNAMS BTING BA ZHES BYA BA LA SOGS PA'O, ,BDAG TU BYAS PA NYID LA YANG GZHAN GYIS MA BRAL BA NYID KYI BSAM PAR BDAG PO NYID DU MA BTANG BA DAG TU BYAS PA RJES SU 'JUG PA'I PHYIR RO, ,DE DANG MA BRAL BA NYID DANG BDAG LA BYAS PA LA DE BSAL BA MI RIGS PA'I PHYIR RO, ,DE LTAR NA RGYAL PO'I PHO BRANG DU RKUN PO RNAMS GTAD CING BZLOG PA LA RKU BA NYID BSKYED PA MI SRID PA'O, ,PHYED RIN RNAM PAR SBYOR BA GANG ZHIG DNGOS PO DE LAS BDAG GIS BYED PA SO SOR MA LOG PA 'DI NI 'DIR BSAM PAS MA BTAR BAR SHES PAR BYA'O, ,THA SNYAD MI SHES PA'I NI ZHAL TA BYED PA BDAG PO NYID YIN NO ZHES BYA BA LA THA SNYAD SHES PA NI 'JIG RTEN GYI THA SNYAD SMRA NUS PA STE, DE'I RGYUD DU GTOGS PA'I RDZAS NI THA SNYAD SHES PA'O, ,THA SNYAD MI SHES PA'I NI MA YIN PA STE, DPER NA BYA RNAMS KYI RGYAN BZHIN NO, ,DE LA THA SNYAD MI SHES PA'I RGYUD DU GTOGS PA YOD KYANG DE'I ZHAL TA BYED PA NGA YIR 'DZIN PAR BYAS PA GANG YIN PA DE BDAG PO NYID DU 'GYUR RO, ,'DIR

67b

BDAG PO MED PA DANG 'DRA STE DE BAS NA ZHAL TA BYED PA PO'I 'DIR NGAR 'DZIN PA DNGOS PO CAN LA YANG DAG PAR GNAS PA STE 'DIR BDAG TU BYAS PA NI BYA DE RNAMS KYI BYA'I RGYAN BZHIN DU DE BAS NA BYA RNAMS LA YANG 'DIR BDAG PO NYID DO, ,GNYIS KA BDAG PO NYID YIN NA NI 'DU SHES KYI DBANG GIS LTUNG BA RNAM PAR GZHAG PA ZHES BYA BA RIG PAR BYA'O, ,DE LTAR 'DIR GZHUNG NI, GAL TE DE 'DI SNYAM DU MI LAS BRKU BAR BYA'I BYA RNAMS LAS MA YIN NO ZHES BYA BA DANG, MI LAS RIN THANG BRTZI BAR BYA ZHES BYA BA LA SOGS PA GSUNGS PA YIN NO, ,MI'I BDAG PO NYID MED PAR PHAM PAR SBYOR BA MA YIN NO, ,BZA' BTUNG GI PHYIR BYIN PA LA NI BSAM PA DANG 'BREL PA MED PA NYID YIN NO ZHES BYA BA LA, DGON PA'I LAM DU CHU'I SKAL BA DUD 'GRO RNAMS LA SBYIN PA LA GANG GI PHYIR 'DU SHES KYIS RNAM PAR GZHAG PA MA BYAS PA DE RGYUR BRJOD PA YIN NO, ,GANG GI PHYIR BZA' BTUNG GI DON DU DUD 'GRO KHYU LA SOGS PA DE LA NI CHU LA SOGS PA GANG ZHIG STER BA'I SBYIN PAR BYED PA 'DI BDAG GI'O SNYAM PA'I BSAM PAS 'BREL PA GANG YIN PA DANG LTOS PA GANG YIN PA DE MED PA NYID NI DNGOS PO MED PA'O, ,DE BAS NA DUD 'GRO RNAMS KHO NA BDAG PO NYID CES BYA'O; ,'DIR GZHUNG NI, GNAS SKABS DE LA DUD 'GRO RNAMS KYI SKAL BA'I CHU'I RIN THANG DE RNAMS KYIS BRTZI BAR BYA ZHES GSUNGS PA GANG YIN PA DE LAS MA BYIN PAR LEN PA BSKYED DO, ,NAGS MES BTANG BA LA SOGS DAG GIS GZUNG BA'I PHYIR RI DGAS DANG BYA DANG SDIG SBRUL LINGS BTAB PA RNAMS LA NI LINGS PA MA YIN PA BDAG PO NYID MA YIN NO ZHES BYA BA LA, RNGON PA LA SOGS PA RNAMS KYIS RI DGAS LA SOGS PA RNAMS LA NGAS MES BTANG BA LA SOGS PA'I THABS RNAMS KYIS BZUNG BA'I PHYIR MNGON PAR BRTZON PA RNAMS LA GANG ZHIG DE RNAMS KYI NANG MNGON PAR MI BRTZON PA DE LA MNGON PAR BRTZON PA NYID NI BDAG PO NYID DU DER GYUR TE MNGON PAR MI BRTZON PA NI MA YIN NO, ,RKU SEMS KYIS 'DZIN PA LA RKUN MA'I DNGOS PO ZHAS BYA BA'I DON TO, ,RI DGAS LA SOGS PA SMOS PA NI 'DIR DPE YIN TE, MI DANG PHYUGS DAG LA

68a

, ,YANG CHO GA 'DI SBYAR BA'O, ,BDAG DANG BDAG GI DAG LA YANG YOD PA NYID KYI PHYIR BDAG PO SKYES PA LA BDAG PO DANG BCAS PAR SBYAR BA'O, ,BYE BRAG MA PHYED PA LA NI GZHI LAS RNAM PAR GZHAG GO ZHES BYA BA NI BDAG PO DANG BCAS PA ZHIG GAM 'ON TE MA YIN ZHES BYE BRAG MA PHYED PA GANG ZHIG DE YOD MOD CES BYA BA GANG DU GTER RAM, RDZAS GZHAN 'DZIN PA DNGOS PO DE LA NI 'DU SHES LAS RNAM PAR GZHAG PA'O, ,GAL TE RDZAS DE BDAG PO DANG BCAS PA YIN NA BDAG PO DANG BCAS PA'I SKYON NO, ,GAL TE MIN NA BDAG PO MA YIN PA LA SOGS PA LDANG BA'I SKYON NO, ,RIN THANG NI BRKUS PA'I GNAS DANG DUS KYIS SO ZHES BYA BA NI RIN THANG GI RNAM PAR GZHAG PA ZHES BYA BA 'JUG GO, ,BRKUS PA'I GNAS DANG DUS GANG YIN PA DES RIN THANG GI RNAM PAR GZHAG PA GANG DU BYED PA DANG, GANG GI TSE NA DER DE'I TSE RIN THANG DES BER LTUNG BYED CES BYA BA'I DON DE RNAM PAR GZHAG GO ZHES BYA BA 'JUG GO, ,MA BSAMS PA LA LTUNG BA MED DO ZHES BYA BA LA, RDZAS GANG ZHIG RKU BA NYID KYIS MNGON PAR MI 'DOD PA DE LTA BU 'AM 'ON TE CHE GE MO'I YIN NA YANG BDAG GIS RKU'O SNYAM STE, 'KHRUL PAS BRKUS PAR GYUR PA DE LAS LTUNG BAR MI 'GYUR RO, ,DE LTAR NA YANG NYE BA 'KHOR GYIS ZHUS PA LAS, BTZUN PA RE ZHIG DGE SLONG GIS RKU SEMS KYIS CHOS GOS KYI GDANG BU BA RKUS PA LA GAL TE DER CHOS GOS DAG KYANG ZHAR LA MCHIS NA LTUNG BA CIR 'GYUR CHOS GOS KYI GDANG BU'I RIN THANG BRTZI BAR BYA'O ZHES GSUNGS PA YIN TE; DE LA CHOS GOS RNAMS NI MNGON PAR 'DOD PA MA YIN TE, DE BAS NA DE LA BRTEN PA'I GRANGS GSUNGS PA MA YIN NO, ,RANG DANG BRNYA BA DANG YID GCUGS PA'I SEMS DAG GIS GZHAN LA GO BAR BYA STE, BLANGS NA LTUNG BA MED DO ZHES BYA BA NI RKU SEMS MED NA LTUNG BA MED DO ZHES BYA BA DANG 'BREL LO, ,RANG GI SEMS DANG BRNYA BA'I SEMS DANG YID GCUGS PA'I SEMS NI RANG DANG BRNYA BA DANG YID GCUG PA'I SEMS SO, ,DE RNAMS KYIS BZUNG BA LA RKU SEMS MED PAS LTUNG BA MED DO, ,DE LTAR YANG DGE SLONG GIS RANG GI LTUNG BZED DANG CHOS GOS KYANG

68b

RKU SEMS KYIS LEN NA NYES PA SBOM POR 'GYUR RO, ,SEMS 'DI RNAMS KYIS KYANG LEN PAR BYED NA GZHAN GYIS RKU BA'I GLAGS BZLOG PA'I DON DU DNGOS PO 'DI GZHAN LA GO BAR BYA BA 'DIR RIGS PA YIN NO, ,DE LTAR NA YANG GZHAN LA GO BAR BYA'O ZHES 'BYUNG BA'I PHYIR RO, ,DOGS PA DANG BRAL BAR BYA BA'I PHYIR BSTAN PA 'DI YIN TE, DOGS PA MED PAR DON DU GNYER BA'I PHYIR 'DI BYA'O, ,DE LTAR BYAS NA 'GYOD PA'I GLAGS RNYED PAR MI 'GYUR BA ZHES BYA BA'O, ,RANG DANG BRNYA BA DANG YID GCUGS PA'I SEMS DANG GZHAN LA GO BAR BYAS PA RNAMS LAS RNAM PA GZHAN GYIS KYANG RKU BA'I SEMS MED PAR LEN PA LA LTUNG BA MED CES BSTAN PA'I PHYIR, ,RKU SEMS MED PA GZHAN GYIS KYANG NGO ZHES BYA BA SMOS SO, ,RNAM PA GZHAN GYIS KYANG JI LTAR NYES PA MED CE NA, NYE BA 'KHOR GYIS ZHUS PA LAS, DGE SLONG GIS SLONG LA 'DI SKAD CES SMRAS TE, KHYOD KYIS DGE SLONG CHE GE MO'I YO BYAD DE DANG DE DAG SHES SAM SHES SO, ,'O NA SONG LA DE DAG RKUS SHIG ,DE DAG PHROGS SHIG ,DE DAG GNAS NAS YANG GZHAN DU SPOGS SHIG CES BSGO NAS ZHES BYA BA'O, ,RKU BA'I SEMS KYIS RKU ZHES BYA BA 'DI LA DON GNYIS DANG LDAN PA NYID DO, , RKU BAR BYED KHAR 'JUG PAR BYED CES BYA BAR MNGON PAR 'DOD DO, ,'ON TE DE 'DI SNYAM DU 'DI NI ZHES BYA BA 'DI LA BDAG PO NYID KYIS 'DI ZHES BYA BA DON GYIS KUN DU SPYOD PAR GYUR PA RKU BA MNGON PAR 'DOD CES BYA BA DON 'DI YIN NO, ,SNYING RJES RDZU 'PHRUL GYIS PHROGS NA'O ZHES BYA BA NI LTUNG BA MED DO ZHES BYA BAR RJES SU 'BREL TO, ,SEMS KYIS RIGS NYID DE 'DRA BA 'DI YIN GYI, GANG ZHIG 'DIR LTUNG BA MI SKYED CES BYA BAR RIG PAR BYA'O, ,SNYING RJE'I SEMS KYIS GZHAN NOR DANG BRAL BA LA LTUNG BA MI SKYED PA'O, ,DE LTAR NA YANG 'CHAD PAR 'GYUR BA STE SNYING RJE'I SEMS KYIS NI NYES BYAS ZHES BYA BA'O, ,DE BAS NA RNAM PA GSUM ZHES BYA BA KHYAD PAR RO, ,THAMS CAD DU SBYOR BA LA NI NYES BYAS SO ZHES BYA BA NI LTUNG BA THAMS CAD LA YANG SBYOR BA GANG YIN PA DE LA NI NYES BYAS SO, ,DE NI SPYIR BTANG BA STE, DE'I DMIGS KYIS BSAL BA BSTAN PA'I PHYIR, SDE

69a

, ,TSAD DE LA GAL TE DNGOS GZHI'I YIN NA SBOM PO'O ZHES BYA BA SMOS TE DE LA ZHES BYA BA NI PHAM PA LA'O, ,SDE TSAN LA SBOM PO NI SBYOR BA'O, ,GAL TE DNGOS GZHI'I YIN NA ZHES BYA BA NI SBYOR BA DE'O, ,JI STE SBYOR BA'I SBYOR BA YIN NA DE LA NI NYES BYAS KHO NA'O, ,'OG MA DAG LA YANG DE BZHIN NO ZHES BYA BA NI GANG ZHIG SDE TSAN DE LA 'OG MA SBOM PO BRJOD PA DNGOS GZHI'I YIN NA SBYOR BA DE LA ZHES BYA BA NI 'OG MA'I SDE TSAN LA DGE 'DUN LHAG MA ZHES BYA BA RTOGS PAR BYA'O, ,'DIR YANG DNGOS GZHI'I SBYOR BA YIN NA SBOM PO'O, ,SBYOR BA'I SBYOR BA YIN NA NI NYES BYAS SO, ,MCHOG PA BRKUS NA'O ZHES BYA BA SBOM PO'O ZHES BYA BA'I DBANG DU BYA STE, 'DI MAN CHAD 'OG NAS SNYING RJE DANG LDAN PA'I SEMS KYIS NA NYES BYAS SO ZHES BYA BA NAS MA SHA KA LNGAR MA CHOG PA BRKUS NA GANG CUNG ZAD MA TSANG BAR BRJOD PA DE THAMS CAD NI DNGOS GZHI'I CHOG LA'O,, DE BAS NA 'DIR JI TZAM DU DNGOS GZHI'I CHO GA LA BRTEN PA'I RNAM 'GYUR DU GYUR PA'O, ,DE LAS GZHAN PA'I DNGOS GZHI'I CHO GA BRTEN PA DE LA RJES SU SBYOR BA'O, ,DPER NA RKU BA DANG RKUR BCUG PA DANG MNGAGS PA DANG MA BYIN PA DANG, RKU SEMS KYI MI'I RGYUD KYIS YONGS SU BZUNG BAR 'DU SHES PA DANG ZHES BYA BA 'DI RNAMS DNGOS GZHI'I CHO GA LA GTOGS PA'I YAN LAG RNAMS MDO 'DI BLA RJES SU SBYAR BA'O, ,DE BAS NA KHYAD PAR 'DI DANG LDAN PA'I CHO GA 'DI LA SBOM PO 'DI RIG PAR BYA'O, ,GZHAN DU YANG DE DANG RJES SU 'BRANG BAS RTOGS PAR BYA'O, , MI MA YIN PA'I 'GRO BA DANG 'BREL PA LA DE'I 'DU SHES DANG MI'I 'GRO BA LA BRTEN PA'I 'DU SHES KYIS MA CHOG PA BRKUS PA LA SGOM PO'I LTUNG BA BYUNG LA DMAN PA NYID KYI PHYIR NYES BYAS SO, ,GANG DE'I BDAG PO NYID YONGS SU BZUNG BA DANG MA CHOG PA DANG MI'I 'GRO BA PA YONGS SU 'DZIN PA NYID KYI PHYIR 'DU SHES LA NYES BYAS NYID DO, ,RKU BA'I SEMS MED NA THAMS CAD DU LTUNG BA MED DO, ,GANG GI PHYIR 'DIR RKU BA'I SEMS NI LTUNG BA BYAS PA STE, YAN LAG GZHAN RNAMS LA NI DE'I KHYAD PAR DU BYAS PA NYID DO, ,BDAG PO MED PA'I GTER RO ZHES BYA BA NI

69b

MA BYAS PA LA 'DIR BDAG PO NYID CI 'DRA BA STE, GANG ZHIG DON RTOGS PA'I BDAG POS YIN GYI DON MA RTOGS PA NI MA YIN NO, ,YUL GYI BDAG PO 'AM DE'I RIGS DANG LDAN PAS MA RTOGS PAR GYUR PA LA GANG DANG BCAS PAS DE'I RIG CHAD PA DE RGYAL POS MA SHES PA DANG MA BYAS PA LA SBOM PO'I LTUNG BA'O, ,'DIR DON MA RTOGS PA'I BDAG PO RGYAL PO YOD PA MA YIN TE, DE BAS NA CI'I PHYIR PHAM PA MA YIN TE, BDAG TU BYAS PA NYID KYI CHANG PAS YONGS SU MA RDZOGS PA'I PHYIR RO, ,DE LTAR NA GZHUNG NI, DES NAD G-YOG LA SMRAS PA, KHUR BA SNA GSUM DANG THUG PA STA GON GYIS SHIG DANG DGE 'DUN LA YANG DBUL RANG YANG BZA' BTUNG BYA'O ZHES ZER NAS DES DE DAG LA ZONG PHOG GO, ,DE DAG 'DI SNYAM DU BDAG CAG LA KHUR BA SNA GSUM PA DANG THUG PAS CI BYA, 'DI LA KHUR BA SNA GSUM DANG THUG PA ZHES BYIN LA ZONG BDAG CAG GIS BGO BAR BYA'O SNYAM NAS DE DAG GIS DE LA KHUR BA SNA GSUM PA DANG THUG PA ZHIG BYIN TE ZONG BGOS SO, ,DE LA 'GYOD PA SKYES NAS BCOM LDAN 'DAS KYIS BKA' STZAL PA, PHAM PAR 'GYUR BA'I LTUNG BA NI MED DE, NYES PA SBOM PO'I LTUNG BAR 'GYUR RO ZHES GSUNGS PA YIN TE, GANG DAG LA PHUL BA DE DAG LA DER BDAG GIR BYA BA SKYES PAR MA GYUR PAS DE'I PHYIR PHAM PAR 'GYUR BA'I RGYU MED PAS SNANG NGO, ,'O NA MA CHAD PA LA BDAG TU BYA BA MED PA LA JI LTAR SKYED PA STE, DER GTOGS PA NYID KYIS RDZAS DE LA GNAS PA NYID KYI PHYIR RO, ,JI STE DON MA RTOGS PA'I BDAG POS KYANG GANG ZHIG BDAG PO MED PA NYID NI DPER NA SUS KYANG BDAG TU MA BYAS PA'I DGON PA LA GNAS PA'I GTER LA JI LTAR SGRUB CE NA, BYANG GI SGRA MI SNYAN PA RNAMS KYI RDZAS RKUS PA BZHIN DU DE LA MA BYIN PAR LEN PA MED DE, BDAG TU MA BYAS PA NYID KYI PHYIR RO, ,JI STE RKU SEMS SKYED PAR BYED NA NYES PA SBOM POR 'GYUR RO, ,'DIR DNGOS GZHI'I CHO GA LA GTOGS PA'I YAN LAG RNAMS LA MI'I 'GRO BA PA YONGS SU GZUNG BAR BYA BA 'DIS SPANG BA'I DON DU SBYAR BA'O, ,DE'I 'DU SHES KYIS ZHES BYA BA LA DE LA BDAG PO MED PA'I GTER GYI 'DU SHES KYIS ZHES BYA

70a

, ,BA'I DON TO, ,BYE BRAG 'DI DANG LDAN PA RNAMS LA 'DI NI SBOM PO STE, BDAG PO MED PA'I GTER LA BDAG PO DANG BCAS PA'I 'DU SHES KYIS MIR GYUR BA'I BDAG POS SAM GZHAN GYIS KYANG SBOM PO NYID DO, ,'DIR LAS 'DI LA SHIN TU MCHOG NYID KYI PHYIR MA SHA KA LNGA LA SOGS PA MA TSANG BA NYID KYI PHYIR GTER LA BDAG PO NYID MED PA'I 'DU SHES KYI DANG, BDAG PO DANG BCAS PA NYID KYI 'DU SHES LA YANG BDAG PO MI MA YIN PA'AM, MI'I BDAG POS KYANG SBOM PO BYAS PA LAS DMAN PA'I PHYIR NYES BYAS SO, ,RANG GI'O ZHES BYA BA NI RANG GI RDZAS MA SHA KA LNGA LA SOGS PA RKU SEMS KYIS DER 'DU SHES PAS RKU'AM RKUR BCUG PA DANG, MNGAGS PAS DANG LTUNG BA SBOM POR 'GYUR RO, ,DER 'DU SHES PA ZHES BYA BA'I TSIG DE SKABS 'DIR NI RANG GI 'DU SHES PA ZHES BYA BAR RIG PAR BYA'O, ,DE LTAR YANG GZHUNG NI, DE'I PHYIR DGE SLONG GIS RANG GI LHUNG BZED DANG CHOS GOS KYANG RKU SEMS KYIS BLANG BAR MI BYA'O, ,GAL TE DGE SLONG GIS RANG GI LHUNG BZED DANG CHOS GOS KYANG RKU SEMS KYIS LEN NA NYES PA SBOM POR 'GYUR RO ZHES GSUNGS PA YIN NO, ,RANG GI LA GZHAN GYIS YONGS SU BZUNG BAR 'DU SHES PA YANG SBOM PO KHO NA STE, 'DI LAS 'DI LA RKU SEMS SHIN TU LCI BA'I PHYIR RO, ,DE LTAR YANG GZHUNG NI, DGE SLONG DAG MA PHAM PA MI GTI MUG CAN 'DI NI RANG GI CHOS GOS RNYANG RNYING DAG GIS NYES PA SBOM PO'I LTUNG BA 'BYUNG NGO ZHES GSUNGS PA YIN NO, RANG GI LA GZHAN GYIS YONGS SU BZUNG BAR 'DU SHES PA LA SBOM PO KHO NA STE, RANG GI LA GZHAN GYIR 'DU SHES PA DANG YONGS SU MA BZUNG BA LA MA BZUNG BAR 'DU SHES PAR CES PA NI LTUNG BA LA 'DRA BA'I PHYIR RO, ,DE BZHIN DU YONGS SU MA BZUNG BA LA YONGS SU MA BZUNG BAR 'DU SHES PA'AM, YONGS SU BZUNG BA DANG BCAS PAR 'DU SHES PA LA YANG SBOM PO KHO NA'O, ,'GRO BA GZHAN GYIR RO ZHES BYA BA NI MI'I 'GRO BA LAS GZHAN PA'I 'GRO BA GANG LA YOD PA GANG YIN PA DE NI 'GRO BA GZHAN TE RANG GI ZHES BYA BA 'JUG GO, ,'GRO BA GZHAN LA GNAS PA MI'I 'GRO BA BAR

70b

YONGS SU 'DZIN PA LA 'DI DANG BRAL BA'I DNGOS GZHI'I YAN LAG YOD DU ZIN KYANG SBOM PO STE, DER 'DU ZHES PAS SO ZHES BYA BA 'DI LA 'DIR 'GRO BA GZHAN DU SHES PAS SO ZHES BYA BA'I DON TO, ,'DIR GZHUNG NI, DE 'DI SNYAM DU GAL TE BYA'I RKU'I MI'I NI MA YIN NO SNYAM NA ZHES BYA BA LA SOGS PA YIN NO, ,MI MA YIN PA'I 'GRO BA PA DANG 'BREL PA'I 'DU SHES KYIS NI 'GRO BA GZHAN DANG 'BREL PA LA SBOM PO KHO NA STE, SHIN TU MCHOG NYID KYI PHYIR RO, ,BDAG GIR MA BYAS PAR SBA BA DANG CHUD GZAN PA DANG ZIN PA BTANG BA LA SOGS PAS BRAL BAR BYED NA YANG NGO ZHES BYA BA NI BDAG GIR MA BYAS PAR SBA BA LA SOGS PA GANG ZHIG BRAL BAR BYED NA YANG DER SBOM PO'O, ,SBA BA ZHES BYA BA NI 'DIR 'DAM RDZAB TU GZHUG PA LA SOGS PAR BSTAN TO, ,CHUD GZAN PA ZHES BYA BA NI BSREG PA DANG GCAD PA DANG BRAL BA'I BDAG NYID KYIS CHUD ZOS PA'O, ,ZIN PA BTANG BA ZHES BYA BA NI RI DGAS DANG NYA DAG LA SOGS PA RLUBS DANG RDOS LA SOGS PAS ZIN PA DAG DE'I YANG 'DRA BA NYID KYI PHYIR 'DI LTA BU'I RIGS CAN GZHAN LA DPE NYID RNAM PAR GNAS ZHES BYA BA BYE BRAG MED PAR NYE BAR 'BREL PA'O, ,'DIR RNAM PA GZHAN YANG BCING BA DANG BRAL PA DANG SKROD PA DANG GSOD PA LA SOGS PA YOD PA YIN TE, DE RNAMS LA KHONGS SU BSDU BA'I PHYIR SOGS PA'I SGRA'O, ,RKU'AM RKUR BCUG PA DAG LA RKU SEMS KYIS ZHES BYA BA 'DIR DNGOS GZHI'I CHO GA LA GTOGS PA 'BA' ZHIG GI YAN LAG 'DI MED PA'O, ,DE BAS NA MNGAGS PAS KYANG MA BYIN PA'O; ,MA SHA KA LNGA LA SOGS PA'O, ,MI'I 'GRO BA PAS YONGS SU BZUNG BA LA DE'I 'DU SHES KYIS ZHES BYA BA'I KHYAD PAR DE DANG LDAN PA'I CHO GA 'DI LA SBOM PO 'DI RIG PAR BYA'O, ,GZHAN LA YANG DE'I RJES SU 'BRANGS PAS RTOGS PAR BYA'O, ,GZHAN GYI 'GRO BA PA DANG 'BREL PA'I 'DU SHES KYIS MI'I 'GRO BA DANG 'BREL PA BRAL BAR BYED NA SBOM PO'I BYED PA DMAN PA'I PHYIR NYES BYAS SO, ,DE BZHIN DU MI MA YIN PA'I 'GRO BA PA DE 'BREL PA LA MI'I 'GRO BA DANG 'BREL BA'I 'DU SHES KYIS 'BRAL BAR BYED KYANG NYES BYAS SO, ,MA CHOG PA NYID LA GANG DANG

71a

, ,DE 'BREL PA LA GANG DANG 'BREL BA'I 'DU SHES KYIS SBOM PO'I BYED PA DMAN PA'I PHYIR NYES BYAS SO, ,GZHAN GYIS YONGS SU MA BZUNG BA NYID KYI 'DU SHES KYIS NYES BYAS SO, ,YONGS SU BZUNG BA DANG BCAS PA'AM YONGS SU MA BZUNG BA LA LTUNG BA MED DO, ,BRAL BAR BYED PA'I 'DU SHES MED PA'I PHYIR BRAL BAR BYED PA'I 'DU SHES CAN LA 'DIR LTUNG BAR BYAS PA NYID DO, ,DPER NA GZHAN LA RKU SEMS KYIS DE'I KHYAD PAR DU BYAS PA NYID LA YAN LAG GZHAN RNAMS ZHES BYA BA'O, ,'DIR GNYIS KA RNAM PAR BRAL BAR BYED PA LAS YONGS SU BZUNG BA DANG BCAS PA'I 'DU SHES YOD PA LA RNAM PAR LDANG BA STE, GSOD PA'I BLO DANG SNYING RJE'I SEMS KYIS ZHES BYA BA'O, ,DE LA SNYING RJE'I SEMS KYIS 'DI BYED PA LA NYES BYAS TE ZHES BYA BAR 'CHAD PAR 'GYUR RO, ,LHAG MA GSOD PA'I BLOS CHO GA 'DI BYED PA LA RNAM PAR ZHUGS PAR RIG PAR BYA'O, , SNYING RJE DANG LDAN PA'I SEMS KYIS NA NYES BYAS SO ZHES BYA BA LA, YONGS SU BZUNG BA DANG BCAS PA'I 'DU SHES YOD PA LA BZUNG BA BTANG BA LA SOGS PAS GZHAN GYI DON DANG BRAL BAR BYED PA LA NI NYES BYAS SO, ,SNGAR BYAS NA PHYIR BCOS MA BYAS PA NYID MA YIN NO ZHES BYA BA NI KHYIM DE NA BUD MED NI MANG SKYES PA NI NYUNG NGO ZHES SNGAR SBRAN PA'I LO RGYUS DBUL BA'I PHYIR BCOS PA STE, GANG DU PHYIR BCOS PA RKUN PO RNAMS PHYIR BZLOG PA LA SOGS PA BYED PA DE LA DANG PO NI RTZOM PA BYAS PA MED PAR MI 'GYUR RO, ,DE BAS NA DER SBOM PO'I LTUNG BA LAS MED PAR SHES PAR RIG PAR BYA'O, ,NOM PA'I SNGA ROL NI SBYOR BA'I SBYOR BA NYID DO ZHES BYA BA NI BSAM PA'I DBYE BAS BYA BA NI DBYE BA'O, ,BYA BA'I DBYE BAS LTUNG BA DBYE BA'O ZHES BYA BA NGES PAR BSAM PA'I DBYE BAS BYA BA'I DBYE BA NGES PAR BYA'O, ,DE LA JI LTAR DNGOS GZHI'I SBYOR BA LA BYA BA GZHAN NYID NGES PAR BYAS NAS LTUNG BA GZHAN DANG RNAM PAR SHES PA YIN NO, ,DE BZHIN DU NOM PA'I SNGA ROL DU BSAM PA'I DBYE BA YOD PA YIN ZHES BYA BA BYA BA GZHAN NYID NGES PAR BYAS NAS LTUNG BA GZHAN DANG DMAN PAR RIG PAR BYA'O, ,'DIR GZHUNG NI, JI SRID DU NOM PAR MI BYED, MCHOG TU NOM PAR

71b

MI BYED PA DE SRID DU NYES BYAS SU 'GYUR RO, ,KUN NAS NOM PAR BYED MCHOG TU NOM PAR BYED CING JI SRID DU GNAS NAS GNAS SU SBED PAR MI BYED PA DE SRID DU NYES PA SBOM POR 'GYUR RO ZHES GSUNGS PA YAN NO, ,THA MA GTONG PAR GYUR PA GANG YIN PA DE LA RTZOM PA NI DE NAS BYA BA GZHAN NYID RNAM PAR GZHAG GO, ,GANG ZHIG LA GTONG BAR GYUR PA MA YIN NA NI DPER NA NOM ZHING NYUG NA DON GYI DBANG DU SU ZHIG GIS SLAR MNAN PA ZHES BYA BAR SHES PAR RIG PAR BYA'O, ,PHRI BA'I GOM PA RE RE LA DE THA DAD PA YIN NO ZHES BYA BA NI GOM PA PHRI BA LA RDZAS BZUNG BA'I DGE SLONG GIS DE'I BDAG PO'I DRUNG NAS RKU BA'I DON DU PHRI BA'I GOM PA RE RE LA DE THA DAD PA YIN PAR SHES PAR BYA'O, ,GANG NAS MI SNANG BAR 'GRO BA'I RKANG PA BTEG PA'I RKANG PA DE NI SBYOR BA NYID YIN NO, ,GZHAN RNAMS LA NI SBYOR BA'I SBYOR BA NYID DANG SNA TSOGS PA NYID DE GCIG PA NI MA YIN NO ZHES BYA BA 'DI'I BYED PA'O, ,THA MA'I RKANG PA BTEG PA LA SBOM PO STE, GZHAN RNAMS LA NI SO SOR NYES BYAS SO ZHES BYA BA NI YONGS SU THOB PA'I DON DU SO SOR BTEG PAR 'DIR RTZOM PAR GYUR PA NYID DE 'GA' ZHIG TU NI RDZOGS PAR 'GYUR BA MA YIN NO, ,DE BAS NA GOM PA RE RER 'DIR THA DAD PA'O, ,DE'I GZHI LA NI SEMS CAN SO SO LA'O ZHES BYA BA NI SEMS CAN GYI GZHI SEMS CAN GYI RTEN LA BRKUS PA DANG GSOD PA DANG MTSON BYIN PA DANG SBA BA LA SOGS PA LA SEMS CAN SO SO LA DNGOS GZHI DANG SBYOR BA'I BDAG NYID CAN GYI LTUNG BA THA DAD DO, ,PHUR PA LAS BKROL BA LA NI GRU LA REG PA MA YIN NO ZHES BYA BA NI THAG PA GRU DANG 'BREL PA NYID KYI PHYIR DE LA REG PAS GRU LA REG PA NYID CES BYA BA'I DOGS PA BSAL BA'I PHYIR SBYOR BA'I SBYOR BA NYID DO, ,'DIR SBYOR BA'I SBYOR BA NYID NI NYES BYAS YIN TE, 'DIR SBOM PO MA YIN TE, 'DI LA BYED PA'O,, 'DIR GZHUNG NI, DGE SLONG GIS RKU SEMS KYIS GRU PHUR PA LA BTAGS PA SKYOD PAR BYED NA NYES BYAS SU 'GYUR RO ZHES GSUNGS PA YIN NO, ,DE BYAS NAS RKU BA LA NI KHUR BRKUS PA NA'O ZHES BYA BA LA, DE BYAS NAS ZHES BYA BA NI KHUR BU BYAS NAS RKU BA NI GANG DU KHUR BU BYAS TE RKU BA'O, ,

72a

, ,DPER NA GOS RNAMS RLUNG GIS SNA TSOGS PA'I PHYOGS RNAMS SU RNAM PAR 'PHEN PAR BYED PA DER KHUR BU 'PHROG PA YIN GYI RDZAS RE RE LA NI MA YIN NO, ,MA SHA KA LNGA LA SOGS PA'I RIN THANG GI TSAD NI GOS LA SOGS BA DAG KHUR DRAGS PA'I SNGA ROL DU GNAS SPO BAR BYED KYANG DE LTAR NA YANG PHAM PAR MI 'GYUR TE, DE'I CHE NA DE LA BSDU'O SNYAM PA'I BLO YOD KYI RKU'O SNYAM PA'I BLO MED PA'I PHYIR RO, ,'DIR GZHUNG NI, 'DI LTAR BTZO BLAG MKHAN GYIS GOS RNAMS 'KHRU ZHING GOS DAG BTING BA RLUNG GIS KHYER ZHING DGE SLONG DE LA SBYOR BAS JI SRID DU NOM PAR MI BYED, NYUG PAR MI BYED PA DE SRID DU NYES BYAS SU 'GYUR RO, ,NOM PAR BYED, NYUG PAR BYED, GOS DAG SDUD PAR BYED, BAM POR SBREL BAR BYED CING, JI SRID DU GNAS NAS GNAS SU SBED PAR MI BYED PA DE SRID DU NYES PA SBOM POR 'GYUR RO, ,GNAS NAS GNAS SU SBED PAR BYED NA BRKUS PAR BRJOD PAR BYA STE, RIN THANG BRTZI BAR BYA ZHING DE SRID DU SBOM PO'I LTUNG BA ZHES BYA BA'I BAR DU'O, ,BTUS NAS NI PHUNG PO NA'O ZHES BYA BA NI RDZAS GANG ZHIG BTUS NAS RKU BAR BYED PA NI ME TOG DANG 'BRAS BU RNAMS SO, ,DE'I TSE NAM PHUNG PO BCER BA KHO NA BRKUS PA YIN GYI RDZAS RE RE LA NI MA YIN NO, ,GANG GI TSE NA PHUNG PO DE GNAS NAS 'PHO BAR GYUR NA DE'I TSE DNGOS GZHI'I LTUNG BA'O, ,GANG GI TSE ME TOG DANG 'BRAS BU RE RE YANG RIN THANG MA SHA KA LNGA LA SOGS PA'I TSAD DE LA BSDU BA'O SNYAM PA'I BLO 'DIR YOD PAS RKU BA'I BLO NI MA YIN NO, ,PHUNG PO 'DI LA GZHUNG NI, SHING RNAMS NI GSUM YIN TE, ME TOG GI SHING DANG, 'BRAS BU'I SHING DANG, GRIB MA'I SHING ZHES BYA BA STE, DGE SLONG NI ME TOG RNAMS KYI PHYIR KHRI LAS LDANG ZHING GOS GYON PAR BYED DE 'GRO BAR BYED, ,ME TOG GI SHING LA 'DZEG STE JI SRID DU NOM PAR MI BYED, NYUG PAR MI BYED PA DE SRID DU NYES BYAS SU 'GYUR RO, ,NOM PAR BYED, NYUG PAR BYED, ME TOG RNAMS 'THOG PAR BYED, THU BA 'GENGS PAR BYED CING JI SRID DU GNAS NAS GNAS GZHAN DU 'PHO BAR MI BYED PA DE SRID DU NYES PA SBOM POR 'GYUR RO ZHES BYA BA LA SOGS PA'O, ,BTUS PA RNAMS KYI TSOGS

72b

NI PHUNG PO'O, ,SPYINGS PA LA NI GNAS KYI STENG NAS RDZAS KYI STENG NA BYING NA'O ZHES BYA BA NI BRKU BAR BYA BA'I RDZAS KYI GNAS NI CHU LA SOGS PA GANG YIN PA'O, ,DE'I STENG NI GANG ZHIG STENG GI YA MTHA' CHA'I STENG RIM MO, ,DE'I SPYINGS PA'I LTUNG BA RKU BZHIN PA'I RDZAS LA NI BYING PA NYID LA NI STENG GANG ZHIG YA BLA'I CHA'I STENG RIM DE'I BYING BA LAS 'PHO BA'O, ,GNAS GZHAN DU BYING BA LA NI 'PHO BA MA YIN NO, ,'DIR 'PHO BA NI 'PHO BA'O, ,DE LAS STENG GI CHA NI STENG NA YOD PA'I STENG GI MTSAMS ZHES BYA BA 'DIS SHES PA RDZAS MA LUS PA 'DA' BA NI 'PHO BA'O, ,DE BAS NA BU GA LA GNAS GZHAN NYID YOD KYANG 'DA' BAR BYED PA NYID LA GNAS KYI STENG NAS RDZAS KYI STENG NA BYING BA NYID MA YIN NO, ,DER PHYIR DBYUNG NGO SNYAM PA'I BLO GROS GANG YIN PA NI BSKUR BA'I 'O ZHES BYA BA NI BYING BA LA PHYIS BRKU BAR BYA'O ZHES BYA BA 'DIR BLO GROS KYI NGES PA GANG YIN PA DE LA NI GNAS KYI STENG NAS RDZAS KYI STENG 'PHO BA ZHES BYA BA NI RIGS PA MA YIN ZHES BYA BA GANG ZHIG GIS 'DOD PA DE'I BLO BZLOG PA'I PHYIR MDO 'DI YIN TE, GANG GI PHYIR GAL TE RKU BA'I SEMS YANG DAG PAR MA SKYES PA 'DIR 'JUG PA YIN NA BYING BA NYID 'PHO BA MA YIN PAR 'GYUR RO, ,RKU SEMS YANG DAG PAR SKYES PA NYID KYIS RNAM PA 'DI LTA BU RNAMS LA 'JUG PA'O, ,DE BAS NA 'DIR RKU BA NI BSKUR BA'I DON YIN GYI, KUN NAS CHAD PA'I DON DU NI MA YIN ZHES BYA BA'O, ,'DIR GZHUNG NI, DGE SLONG GIS ZONG SPYING BA'I PHYIR KHRI LAS LDANG BAR BYED CES BYA BA LA SOGS PA'O, ,BSHAL BA LA NI NGES KYI GZHI'I MTSAMS LAS NGOS CIG SHOS 'DAS NA'O ZHES BYA BA NI BRKU BAR BYA BA'I RDZAS LA PHYOGS KYI CHA GANG ZHIG GIS BSHAL BA'I PHYOGS KYI CHA DE LA NGOS GANG ZHIG THA MA'I NGOS TZAM DU GYUR PA CHA MED PA'I CHA DE'I RTEN GANG YIN PA LA SOGS PA DE'I GNAS KYI BDAG NYID CAN GYI CHA DE'I MTSAMS GANG ZHIG CHA DE LAS RDZAS BSKUR BAR BYA BA DE 'DAS PA GANG ZHIG CHA GANG YANG RUNG BAS MA YIN NO, ,'ON KYANG NGOS GZHAN GYIS TE NGOS GANG ZHIG GI GZHI 'DI STE MTSAMS BRJOD PA DE'I RJES SU GYUR PA'I NGOS KYI BSHAL BA LA GZHI'I STENG GI CHA LA GZHI'I STENG GI CHAS NYE BAR KHRID PA LA RKU BA'O, ,GAL

73a

, ,TE DES SA DE 'DAS PAR GYUR NA ZHES BYA BA NI BYE BRAG MED PAR SMOS PAS PHYOGS LAS PHYI ROL TU RDZAS KYIS NI MA YIN NO, ,GAL TE DAS SA DE 'DAS PAR GYUR NA ZHES BYA BA STE, DE BAS NA 'DIR BSKUR BA GDAGS PAR BYA'O, ,KHYAB PA'I KHONGS SU GTOGS PA'I DE DANG LDAN PA NYID LA BSKUR BAR BYA BA'I RDZAS DE PHYOGS CI TZAM KHYAB PA DE'I KHONGS SU BSDUS PA'I MTSAMS KYI CHA LA NGOS GZHAN GYIS BSHAL NAS 'DAS PA NI BRKUS PA MA YIN ZHES STON PA KHYAB PA'I KHONGS SU GTOGS PA'I DE DANG LDAN PA NYID LA NI MA YIN NO ZHES BYA BA NI RKU BZHIN PA'I RDZAS DES PHYOGS JI TZAM KHYAB PA DE'I KHONGS SU GTOGS PA'I CHA'I MTHA' DANG LDAN PA NYID DU GYUR PA LA GANG ZHIG KHYAB PA'I KHONGS SU GTOGS PA'I CHA'I MTSAMS DE LAS NGOS GZHAN GYIS 'DAS NAS BSHAL BAS BRKUS PA MA YIN NO, ,GANG GI PHYIR 'DI LTAR MA LUS PA LA RKU BA BSGRUB PA MA YIN TE, 'ON KYANG DUM BU PHYI MA LAS PHRAD PA BSGRUB BA'I CHA SHAS 'DOD PAR GYUR PA NYID KYIS RKU BAR GYUR PA RNAMS LA TSOGS PA'I NGO BO LA SO SO NYID KYIS RKU BA BSKYED PA MA YIN TE, TSOGS PA'I NGO BO NYID KYIS BRTEN PA NYID KYI PHYIR RO, ,DE LTAR YANG DGE SLONG GIS YO BYAD LCI BA SHIN TU THAG RING POR BSHAL TE BRKUS KYANG MTHA'I LTUNG BAR MI 'GYUR BA MCHIS SAM YOD DE, DGE SLONG GIS YO BYAD LCI BA'I NGOS GCIG KHO NA NAS BZUNG STE SHIN TU THAG RING POR BSHAL KYANG NGOS CIG SHOS GNAS DE NAS MA 'DAS NA NYES PA SBOM POR 'GYUR RO ZHES GSUNGS SO, ,DE'I MTSAN NYID NI GYONG GRUGS DANG GAS PA DANG BRIS PA DANG, KHA DOG GZHAN DANG BAR MTSAMS DANG BAR CHAD DAG GO ZHES BYA BA LA, MTSAMS DE'I MTSAN NYID NI BDAG NYID DE'I MTSAN NYID DO, ,GANG DU BCAD PA BRJOD PAR BYA BA'O, ,GYONG DRUGS ZHES BYA BA NI GYONG BA BZUNG BA'O, ,GAS PA ZHES BYA BA NI GAS PA BZUNG BA'O, ,BRIS PA ZHES BYA BA NI YI GE BRIS PA BZUNG BA'O, ,KHA DOG GZHAN BYA BA NI KHA DOG GCIG LAS GZHAN PA GANG YIN PA DE NI KHA DOG GZHAN TE DE NI MTSAMS GZHAN PA'O, ,BAR MTSAMS KYI TSIG GI NI RE LDE LA SOGS PA RAB TU SHES PAR GYUR PA'I BAR MTSAMS BZUNG BA'O, ,BAR CHAD NI RNAM PA GNYIS TE,

73b

SHIN TU GYUR PA DANG, SA PHYOGS GZHAN LA RTZOM PAR GYUR PA'O, ,SA PHYOGS GZHAN DE LAS MTHONG BA NYID DU DE RTZOM PAR GYUR PA GANG GIS 'DI RTZOM PAR 'GYUR PA'I SA PHYOGS GZHAN DE NA ZHUGS PA'O, ,SHIN TU GYUR PA NI SHIN TU'AM, GZHAN ZHING LA SOGS PA NGOS GCIG TU GYUR PA'I SA PHYOGS LA ZHUGS PA MA YIN PA DANG, NGOS GZHAN DU GYUR PA LA NI GSUM PA MA YIN PA'O, ,DE BAS NA DE DAG GIS DBUS SU BRKOS PA'I SA LA DBYIG GUS BZHAG PA'O, ,'DIR BAR CHAD KYI TSIG GIS NI BSDUS PAR RIG PAR BYA'O, ,RE LDE LA SOGS PAS BAR DU BCAD PA RNAMS LA BAR MTSAMS KYI CHIG GIS NI KHA DOG GZHAN DANG LDAN PA 'AM GZHAN LA KHA DOG GZHAN GYI TSIG GIS TE, GANG DU CHAD PA BRJOD PAR BYA BA DE TZAM GYI DGONGS PA NI MDO 'DI YIN GYI, MA LUS PA'I DGONGS PA CAN NI MA YIN NO, ,'DI LA BRJOD PAR BYA BA NYID NI GZHAN DU YIN ZHE NA, DBUS SU GNAS PA'I SKYE BA'I RGYUN LA'O, ,DER NI DE NYID DA LTAR YANG GNAS 'DI ZHES BYA BA BLO'I SKABS YOD DE, BZLOG PA'I DON DU GNAS DE LA GNAS KYI SKYE BA'I RGYUN LA YOD PA NYID DE GANG GI PHYIR DA LTAR YANG GNAS DE NYID CES BYA BA'I BLO'I SKABS YOD PA MA YIN NO, ,SROG CHAGS LA NI RTZIB MA LA SOGS PA THA DAD BA BTAG TU RUNG BA RNAMS BAR CHAD YIN NO ZHES BYA BA NI SROG CHAGS LA NI RTZIB MA LA SOGS PA GANG RNAMS LA THA DAD PAR RTAG TU RUNG BA RTZIB MA LA SOGS PA'O, ,DE RNAMS KYI BAR NYID DE BAR CHAD NI NGES PA STE, 'DI RNAMS LA SO SOR GNAS PA NYID CES BYA BA'I DON TO, ,SOGS PA'I SGRAS NI SO DANG SNAS BAR DU BCAD PA BZUNG BA'O, ,SOG CHAGS LA GCIG PA NYID KYI PHYIR SROG CHAGS KYI LUS KYI BDAG NYID LA GCIG PA NYID KYI PHYIR DU GNAS KYANG GCIG PA NYID CES BYA BA'I DOGS PA BZLOG PA'I DON DU'O, ,SHA DANG KHRAG NYID NYE BAR BRTAGS PA NYID LA 'DI'I THA DAD PAR BRTAG TU RUNG BA NYID KYI PHYIR RTZIB MA LA SOGS PA RNAMS NYID LA GNAS PA NYID YIN TE STOBS CHUNG BA NYID LA MA YIN NO, ,'DI RNAMS KYI LUS KYI BDAG NYID KYI GNAS LA CHA SHAS NYID KYI PHYIR SO SOR GNAS PA NYID SHES PAR BYA BA MA YIN ZHES BYA BA'I DON TO, ,DES NA RTZIB MA ZHIG GCIG GI PHYOGS NAS

74a

, ,RTZIB MA THA DAD PAR BRTAG TU RUNG BA NYID GZHAN GYI BAR DU SPOS NA BRKUS PA NYID DU BRJOD PAR BYA'O, ,GDING BA BTING BA NYID GNAS NYID YIN NO ZHES BYA BA NI SA LA SOGS PA GZHIR RTZVA LA SOGS PA'I GDING BA BTING BA NYID YOD NA GDING BA DE NYID KYIS DE LA GNAS PA'I RDZAS LA GNAS PA NYID DE SA LA SOGS PA DE LA NI MA YIN NO, ,GDING BA BTING BA'I SGRA DAG LA YANG DAG PA'I SGRA THOG MAR LDAN PA MA BYAS SO, ,BRAG LA SOGS PA GDING BA THAMS CAD LA GDING BA KHONGS SU BSDUS PA'I DON DU'O, ,YANG DAG PAR GDING BA BTING BA ZHES BYA BA BRJOD PAR GYUR NA RTZVA DANG SHING LO LA SOGS PA'I RANG BZHIN NYID KYI GDING BA NYID LA GO BAR 'GYUR RO, ,SKYE BA NI BZHAG PA DANG 'DRA'O ZHES BYA BA NI RTZVA DANG GEL BA DANG RTZI DANG NAGS TSAL LA SOGS PA 'BYUNG BA'I SKYE BA NI DPER NA RDZAS BZHAG PA BRKUS PA DANG 'DRA BAS DE BZHIN DU BLTA BAR BYA'O, ,GNAS NAS SPO BA NI 'DI LA RKU BA ZHES BYA BA'I DON TO, ,'BREL PA SEL BA TZAM NI MA YIN TE, GANG ZHIG 'DI LA SA LA SOGS PA BSDU BA'O, ,'DIR GZHUNG NI, DGE SLONG GIS ME TOG GI SHING LJON PA PHYUNG STE, RKU NA JI SRID DU NOM PAR MI BYED PA'I BAR DU NI NYES BYAS SU 'GYUR RO, ,NOM PA NAS GNAS DANG SPO BA'I BAR GYIS NI BRKUS PA ZHES BYA BA STE, ME TOG GI SHING GI RIN THANG BRTZI BAR BYA'O ZHES BYA BA GSUNGS PA YIN NO, ,KHA CIG NI ME TOG GI SHING PHYUNG STE, RKU NA ME TOG GI SHING GI RIN THANG BGRANG BAR BYED CES BYA BA 'DI TZAM 'DON PA YIN TE LHAG MA NI MA YIN NO, ,'DON PA 'DI LA YANG GNAS NAS SPO BA LAS CHO GA GZHAN LA LDANG BA DOGS PAR BYA BA MA YIN TE, 'DIR PHYUNG BA NYID RKU BAR BRJOD PA YIN TE, 'DIR RKU BA'I KHYAD PAR NI 'DOD PA ZHES BYA BAR RNAM PAR GNAS TE PHYUNG NAS RKU BA ZHES BYA'O, ,JI LTAR KHA PHYE NAS NYAL BA DANG PHYE BA'I KHAS NYAL BAR BYED PA ZHES BYA BA LTA BU'O, ,PHYUNG BA YANG GNAS NYID NAS SPOS PA YIN TE SA DANG 'BREL PA BSAL BA'I 'OG TU RKU BA 'DI YIN NO, ,GANG DU THAMS CAD RDUL PHRA RAB TZAM YANG 'GRO BA NI 'PHO BA GNAS LAS SO, ,BSKON PA NI BUD NA'O ZHES BYA BA BRKUS PA ZHES BYA BA DANG RJES SU 'BREL LO, ,PHUD NA'O ZHES BYA BA NI PHUD PA DANG

74b

BKROL BA STE DE LA GANG DU YONGS SU BSAL BA'O, ,DE LA BSKON PA GANG YIN PA DE NI BRKUS PA'O, ,'DIR GZHUNG NI, DE DAG RGYAN SNA TSOGS DAG GIS BRGYAN PAR GYUR PA DGE SLONG GIS BRGYAN PAR GYUR PA DE'I SBYOR BAS KHRI LAS LDANG BA NAS, NOM NYUG MI BYED PA'I SBYOR BA'I SBYOR BA JI SRID DU NOM NYUG BYED PA NAS GNAS NAS GNAS GZHAN DU MA SPOS PA'I BAR DU BYED NA SBYOR BA GNAS NAS SPO BA'I TSE BRKUS PAR BRJOD PAR BYA ZHES BYA BA LA SOGS PA GSUNGS PA YIN NO, ,'DIR BSKON PA NI GNAS GZHAN DU 'PHO BA LA MNGON PAR 'DOD PAS RNAM PAR GNAS PA STE, DE'I PHYIR 'DI LTAR NYE BAR BRTAGS PA'O, ,JI LTAR YANG RNAM PAR DBEN PAR GNAS GZHAN NAS 'PHO BA STE GANG GI PHYIR PHYUNG BA NI BTON PA'O, ,DE BAS NA PHYUNG BAR BYED PA NI 'DIR MA CHAD PA STE, GZHAN PA'I GNAS DOR BA NI MA YIN NO, ,PHRAL BA'I SKABS BSHAL BA NI PHYUNG BAR BYED PA'I TSUL MA YIN PA ZHES BYA BA'O; ,SHO GAM NI SA 'DAS NA'O ZHES BYA BA NI RKU BA ZHES BYA BA DANG RJES SU 'BREL TO, ,'DIR SHO GAM GYI GNAS NI SA'O, ,DE YANG GANG DU JI TZAM ZHUGS PA LA SHO GAM PA LA SBYIN PAR BYA BA NYID DE, DE TZAM DU SA DE LAS 'DAS PA NI 'DAS PA'O, ,GANG ZHIG SHO GAM BYA BA NYID KYIS SHO GAM GYI SA LAS 'DAS PA NI SHO GAM GYI SA DE NYID KYIS YIN GYI PHYOGS GZHAN GYIS NI MA YIN TE, 'DAS PA DE NA SHO GAM RKU BA'O, ,SHO GAM NYID LA NI DE 'DA' BAR BYED PA STE, GANG ZHIG SHO GAM BYA BA LA SHO GAM BYA BA'I CHAR GYUR PA NYID KYI PHYIR RO, ,RGYUD PAS KYANG SA LA BRTEN PA NYID KYIS DGOS PA NI MA YIN TE, DE BAS NA KHUR BAS SAM RANG GI LUS KYIS SAM, ZLA LA SOGS PAS SAM RANG GI LUS KYI KHUR BA DANG 'BREL PAS SHO GAM GYI BYA BA 'DAS BAR BYED PA NI GANG ZHIG SHO GAM 'DA' BAR BYED PA 'DI LA SA YIS NI MA YIN NO, ,DE BAS NA 'DIR 'DI YANG DAG PAR BSDUS NAS 'DA' BAR BYED PA BZUNG BA MA YIN PA SHES PAR BYA'O, ,SHO GAM GYI GNAS SU ZHUGS PA LA GANG ZHIG CHU ZHENG DU 'JUG PAS 'DA' BAR BYED PA DE LA RE ZHIG THE TSOM MED PA NYID DU DES SA LAS 'DA' BAR BYED PA'O, ,LOG NAS GNAS GZHAN DU 'GO BA LA GAL TE ZHUGS PA LAS SA LA SOGS PA YANG

75a

, ,SBYIN PAR BYA BA NYID YOD PA 'DI NI 'DA' BAR BYED PA'O, ,DE YANG LOG PA GANG ZHIG 'DI DE NYID YIN GYI GZHAN NI MA YIN ZHES BYA BA'O, ,'O NA SBYIN PAR BYA BA NYID MA YIN NA LOG PA LA 'DA' BAR BYED PA 'DI YOD PA MA YIN ZHES BYA BAR RIG PAR BYA'O, ,RNAM PAR GZHAG PA'I DBANG GIS 'DI SBYIN PA NYID DO, ,GANG DU 'DA' BAR BYED PA MTHONG BAR SGO CHE GE MOR ZHUGS PA LA SBYIN PAR BYA BA NYID MA YIN ZHES BYA BA LA SOGS PA'I RNAM PAR GZHAG PAR BYAS PAR 'GYUR BA DE LA SBYIN PA NYID YOD PA MA YIN NO, ,MI LA GAL TE BRDAS NI DE GRUB PA NA'O ZHES BYA BA LA MI RKU BA NI RNAM PA MANG DU 'GYUR TE MI 'DOD BZHIN DU DKRIS PA DANG GZHAG PA DAG GIS SO, ,'JIG PA'I RGYU MTSAN GYIS SAM KUN DU RGYU BAS RNAM PAR RMONGS PAR GYUR PA LA YANG SNGAGS DANG SMAN DAG GIS SO, ,BCINGS PA LA YANG BKROL BAS SO, ,GNYID KYIS LOG PA LA YANG MA TSOR BA'I 'PHEN PAS SO, ,GSOD PA NYE BAR RTZOL BA YANG 'CHI BDAG DANG LHAN CIG TU'AM 'CHI BDAG GIS ZHES BYA BA KHYAD PAR 'DI'O, ,MI LA NI GAL TE BRDAS BKRU PA'O, ,DE GRUB PA NI BRDA GRUB PA NYID RKU BA'O, ,'DI LTAR GZHUNG LAS, MI RKU BA RNAM PA GSUM PO YUL PHYOGS DANG, MTSAN MA DANG; BRDAS SO, ,RANG GI 'DOD PAS RAB TU RGYU BA GROL BA PHRAD PA NI DE 'DIR RKU BA NYID KYIS MNGON PAR 'DOD PA'O, ,'DIR 'DUN SAL SOGS PA'I YUL PHYOGS BRJOD DO, ,MTSAN MA NI RTAGS TE SKRA DANG KHA SPU BREGS TE RING PO MA LON PA ZHES BYA BA LA SOGS PA'O, ,BRDA NI SNGA DRO LA SOGS PA'O, ,YUL PHYOGS LA SOGS PA GSUM PO 'DI RNAMS LA DON THA DAD PA NYID YOD KYANG, SNGA DRO LA SOGS PA'I KHYAD PAR MNGON PAR MTSON PAR DKA' BAS TE, DE BAS NA SPYIR BRDA'I SGRAS BRJOD PA'O, ,BRDA GANG YIN PA 'DI BYAS PA GANG GI TSE KHYOD KYI KHO BO 'DI DANG 'DI LTA BUR MTHONG BA DE'I TSE KHYOD KHO BO'I GAN DU SHOG CES BYA BA LTA BU STE, GANG GI TSE BRDA DE GRUB PA DE'I TSE MI DE BRKUS PAR RIG PAR BYA'O, ,'DI DANG RNAM PA GZHAN RNAMS LA YANG MTSAN NYID KYI RJES SU 'BRANG BAS RKU BA RTOGS PAR BYA'O, ,GTER BZHIN DU GSANG SNGAGS KYIS DRANG BAR BYA BA

75b

LA SNANG BAR GYUR NA'O, ,PHYI BZHIN DU 'BRANG BA DANG NANG BYAN BYED PA MED PA MA YIN NO ZHES BYA BA LA SOGS PA'O, ,GAL TE DE LTAR NA BYA SPAR BA NA'O ZHES BYA BA NI 'DIR GAL TE BYA SPAR TE BRKU BAR BYED NA'O, ,DE'I TSE BYA SPAR NA BRKUS PA KHON YIN PAR RIG PAR BYA'O, ,'DIR GZHUNG NI, DGE SLONG BYA SPAR TE RKU BAR BYED NA BYA'I RIN THANG BRTZI BAR BYA'O ZHES GSUNGS PA YIN NO, ,SPAR BA NA ZHES BYA 'DI NI RKU BA'I KHYAD PAR TE, DE LTAR SPAR NAS RKU BAR BYED CES BYA BA'I DON 'DI 'GRUB PAR 'GYUR RO, ,SPAR BA THAMS CAD NI MTSAMS GZHAN DU 'GRO BA STE, DE BAS NA DE'I RKU BA NYID NI 'DIR DPE YIN NO; ,BYA'I TSIG NI RDZAS RNAMS THAMS CAD LA CHO GA 'DI RTOGS PAR BYA'O, ,DUD 'GRO BTAGS PA NI BKROL NA'O ZHES BYA BA NI DUD 'GRO BTAGS PA RKU BA NI BKROL BA NA BRKUS PA YIN NO, ,'DIS NI DGE SLONG GIS RI DAGS RLUBS SU CHUD PA PHYUNG NA RI DAGS KYI RIN THANG BRTZI BAR BYA'O, ,DGE SLONG GIS NYA DOL LA THOGS PA PHYUNG NA NYA'I RIN THANG BRTZI BAR BYA'O ZHES GSUNGS PA RNAMS NI DE LA 'DI BSDUS PA YIN NO, ,BKROL BA NYID LAS RIN THANG BRTZI BA LA RIM PA YONGS SU BZUNG BAS BKROL BA NYID 'DIR RKU BA MNGON PAR 'DOD PA ZHES BYA BA SHES PAR BYA'O, ,BRTOD PA DANG KHYU LAS BKAR BA GNYIS NI MI SNANG BAR GYUR PA NYID NA'O ZHES BYA BA LA, BRTOD PA DANG KHYU LAS BKAR BAS DUD 'GRO'I BYA BA NI MI SNANG BA NYID 'DI LA BRKUS PA'O, ,GAL TE 'DI LA DER BDAG PO 'AM DE DANG 'DRA BA YOD NA PHYI BZHIN 'BRANG BA 'PHROG BZHIN PA 'DI LA'AM, PHYIR 'GRO BZHIN PA MA YIN PA DE LA RTZE GCIG DE'I GNAS LAS MI SNANG BA NYID DO, ,'ON TA YOD PA MA YIN NA MA BKROL BA LA'AM DE LA RTZI GCIG PA LA GAL TE KHYU GNAS PA LA BRTOD PA DANG KHYU LAS BKAR BAS KHYU'I MTHA' MA TSANG BAS MI SNANG BA NYID DO, ,GAL TE GCIG PU MA YIN NA GNAS DE LAS MI BSKYOD NA DE NAS MI SNANG BA NYID NI RKU BA ZHES BYA BA 'DI RIGS PAR RTOGS PAR BYA'O; ,GNAS MA NGES PA NYID KYI PHYIR DANG RAB TU RGYU BA MI GNAS PA NYID KYIS GROL BA'I DUD 'GRO LA GNAS KYI THA MA 'DI LA SPO BA RNAM PAR GNAS PA YIN NO, ,DE YANG 'DI LA 'DI RNAM PAR GNAS NAS TE GANG ZHIG STOBS KYI BDAG NYID BRTAN PA'I PHYIR DE'I TSE MI NUS PA'AM, 'JIGS PAS KYANG 'JUG PA DE

76a

, ,BAS NA DE LTA BUR GYUR PA'I DUD 'GRO'I 'DI LA BZUNG BAR RTOGS PAR BYA'O, ,DE BAS NA GZHAN DU YANG 'DI LTA BUR GYUR PA'I SROG CHAGS LA RNAM PAR GZHAG PAS 'DI LA DPE NYID DO, ,'DIR GZHUNG NI, MIG LAM DU SNANG BAR MA GYUR NA BRKUS ZHAS BYA BA'O, ,ZHES GSUNGS PA YIN NO; ,GSANG SNGAGS DAG GIS 'DREN PA NI SNANG BA NA'O ZHES BYA BA NI GSANG SNGAGS RNAMS KYIS GTER LA SOGS PA 'DREN PA NA GTER LA SOGS PA SNANG BA NA BRKUS PA YIN NO, ,YUL DE NA GNAS PA NA YANG KHA BYE BA NYID BSGRUBS PAS SNANG BAR GYUR NA 'DIR BSGRUB PA'I BLOR 'GRO BA MA YIN TE, CI STE SHIN TU THAG RING PO NAS DRANGS TE RKANG PA'I DRUNG DU BKUG CING 'BREL BA LA YANG RKANG PA'I DRUNG DU SNANG BAR MA GYUR PA LA GRUB PA'I BLO SKYE BA MA YIN TE, DE BAS NA SNANG BA LA RKU BA NYID DU SHES PAR BYA'O, ,MANG PO ZHIG YOD PA LA GCIG KHO NA ZHIG GIS 'JUG PA LA YANG SNANG BAR SGRUB PA LA THAMS CAD BSGRUB PA NYID CES BYA BA RKU BA'I CHO GA DANG BCAS PAR RTOGS PAR BYA'O, ,GTER LA NI 'DI BSHAD PA YIN TE THAMS CAD DU 'DI SBYAR BA ZHES BYA BA DPE NYID DU RNAM PAR SHES PA KHYAD PAR DU SNGAR NYE BAR BRTAGS PA BSTAN PA'I PHYIR PHYI BZHIN 'BRANG BA DANG NANG BYAN BYED PA GNYIS NUR BA DANG 'BYANGS PA DANG 'BYAM PA DANG 'JUG PA DANG 'DZEG PA RNAMS KYIS SNGA MA LTAR YIN KYI DE GNYIS KYIS BLANGS PA NI MA YIN NO ZHES BYA BA NI DE'I TSE DE LA SNGAR MI SNANG BA NYID MA YIN NO, ,SU LA MI SNANG BA NYID CE NA, DE'I PHYIR PHYI BZHIN 'BRANG BA DANG NANG BYAN BYED PA ZHES BYA BA SMOS TE, RGYAB NAS 'GRO ZHING CHOS GOS NYE BAR KHYER BAR BYED PA PO ZHES BYA BA'I DON TO, ,GZUNG BA MA YIN PA DE DAG GIS BZUNG BA LA RKU BA'I DNGOS PO NYID DU KHAS BLANGS PA'I RDZAS LA MI SNANG BA NYID NI BRKUS PA MA YIN NO, ,GANG GI PHYIR DE BRKU BZHIN PA NYID KYIS KYANG CUNG ZAD MI SNANG BAR 'GYUR TE, DE LA GANG ZHIG MA NYAMS PA TZAM LA YANG BRKUS PAR THAL BA'O, PHYI BZHIN 'GRO BA DANG NANG BYAN BYED CING SNANG BAR GYUR PA DANG MI SNANG BAR GYUR PA'I RDZAS LA YANG MA BCAD PA'I BLO MA YIN PA LA GNAS NAS SPO BA DAG LA MI SNANG BAR GYUR PA NYID LA MA CHAD PA'I BLO YOD PAR 'GYUR RO, ,RNAM PA GANG GIS MI SNANG BAR GYUR PA NYID CE NA, DE'I PHYIR NUR BA DANG 'BYANGS PA DANG 'BYAM PA

76b

DANG 'JUG PA DANG 'DZEG PA RNAMS KYIS ZHES BYA BA SMOS TE, NUR BA NI GANG ZHIG MA NYAMS PA NYID KYIS 'GRO BA'O, ,'BYANGS PA NI PHYIR NUR TE SONG BA'O, ,MA BRJOD PA'I DON RNAMS LA 'DI BSDUS PA'O, ,DE RNAMS KYANG 'DA' BAR BYAS NAS 'GRO BA DANG MI SNANG BA DANG GSANG SNGAGS DANG SMAN DAG GIS GZUGS GZHAN DU BSGYUR BA DANG, 'DI DAG GIS NI LUS GZHAN RNAM PAR BKAB PAS NUS PA NGES PAR GNAS PA'O, ,'JUG PA ZHES BYA BA NI GNAS KHANG DU'O, ,'DZEG PA ZHES BYA BA NI YANG THOG GZHAN DU 'DZEG PA'O, ,'BYAM PA ZHES BYA BA NI GNAS GTANG BA STE, DPER NA GSHONG NAS THANG LA 'BYUNG BA DANG THANG LAS GSHONG DU 'BAB PA DANG, MNGON PAR SKABS YOD PA NAS THIBS POR 'JUG PA DANG, THIBS PO NAS MNGON PAR SKABS YOD PAR 'GRO BA DANG, GNAS KHANG NAS KHYAMS SU DANG KHYAMS NAS GNAS KHANG DU DANG, YANG THOG NAS YANG THOG GZHAN DU 'DZEG PA DANG YANG THOG NAS YANG THOG GZHAN DU 'BAB PA DANG, KHYAMS NAS SGO KHANG DU 'JUG PA DANG, SGO KHANG NAS DANG RA KHYAD KHYUD DU 'GRO BA LA SOGS PA STE, NUR BA LA SOGS PA 'DI RNAMS KYIS PHYI BZHIN 'BRANG BA DANG NANG BYAN BYED PA DAG MI SNANG BAR GYUR PA NYID GANG YIN PA DE BRKUS PA YIN PAR RIG BAR BYA'O, ,JI LTAR YANG 'GRO BAR BYA BA NYID LA YANG GNAS KHANG DU ZHUGS PA DANG, YANG THOG GZHAN DU 'DZEG PA DANG KHYAMS NAS GNAS KHANG LA SOGS PA BYAS PA NYID DAM MA MTHONG BA'I MTHA' MA NYID NI CHOM RKUN PA LA ZHES BYA BA BYAS NAS SO, ,'DIR GZHUNG NI, JI LTAR YANG MKHAN PO DANG SLOB DPON DAG LAM DU ZHUGS PAR GYUR PA DE DAG GIS LHAN CIG GNAS PA DANG NYE GNAS DAG GI LAG TU CHOS GOS DAG GTAD PA NA DE LA DE DAG RKU SEMS NYE BAR GNAS PAR GYUR CING DE DAG GOM PA BSRI BAS 'GRO ZHING DAL BUS 'GRON NA GOM PA RE RE LA NYES BYAS SU 'GYUR RO, ,JI SRID DU MIG SNGAR SNANG BAR GYUR PA DE SRID DU NYES PA SBOM POR 'GYUR RO, ,MIG SNGAR SNANG BAR MA GYUR NA BRKUS PAR BRJOD PAR BYA STE RIN THANG BRTZI BAR BYA'O, ,DE RNAMS NI GSHONG NAS THANG LA 'BYUNG BAR BYED PA DANG, THANG LAS GSHONG DU 'JUG PAR BYED PA DANG, MNGON PAR SKABS YOD PA NAS THIBS POR 'JUG PA DANG, THIBS PO NAS MNGON PAR SKABS YOD PAR 'GRO BA DANG JI SRID DU MIG

77a

, ,SNGAR SNANG BAR GYUR PA DE SRID DU SNGA MA BZHIN DU JI LTAR YANG DE RNAMS DANG LHAN CIG GNAS PA DANG, NYE GNAS DAG LA MKHAN PO DANG SLOB DPON RNAMS KYI CHOS GOS DAG KHUR BAR BYED PA DER DE LA RKU SEMS NYE BAR GNAS PAR GYUR CING, DE RNAMS GNAS KHANG NAS KHYAMS SU 'GRO ZHING, KHYAMS NAS GNAS KHANG DU ZHUGS PAR BYED PA DANG, 'OG KHANG NAS YANG THOG DU 'DZEG PAR BYED PA DANG, YANG THOG NAS 'OG DU 'JUG PAR BYED PA DANG, KHYAMS NAS SGO KHANG DU 'JUG PA DANG, SGO KHANG NAS DANG RA KHYAD KHYUD DU 'BYUNG BA DANG, JI SRID DU MIG SNGAR SNANG BAR GYUR PA DE SRID DU SNGA MA BZHIN DU 'DIR GANG ZHIG NUR BA DANG, 'BYANGS PA DANG 'BYAM PA DANG, 'JUG PA DANG, GNAS GZHAN DU 'DZEG PA LAS GZHAN 'BYAM PA ZHES BYA BA GSUNGS PA YIN NO, ,RKU BAR BYED CES BYA BA 'DIR RKU BA NI NYE BAR RKU BA'O, ,GRU NI SKAMS DANG YUR PO CHE DANG CHU 'DAL BA DAG GIS ZHES BYA BA NI GRU NI SKAMS LA SOGS PA RNAMS KYIS RKU BA LA MI SNANG BA NYID NI RKU BA STE, RNAM PAR MI GNAS PA'I RGYU BA RIGS SU 'BYUNG BA NYID KYI PHYIR GRU LA 'DI GNAS GZHAN DU 'PHO BA RNAM PAR GNAS PA YIN NO, ,'DIR GRU NI DPE TZAM STE, SEMS MED PA CHU LA RGYU BA'I GZINGS LA YANG CHO GA 'DI NI SHING DANG SNOD LA SOGS PA'I RANG BZHIN THAMS CAD LA'O, ,RGYUN PHYOGS KYIS SO ZHES BYA BA NI DE LTAR YANG RKU BA NYID NI 'DIR RKU BA'O, ,THAD KAR YANG PHA ROL GYI 'GRAM DU MI SNANG BAR GYUR NA'O ZHES BYA BA NI THAD KA'I PHA ROL GYI 'GRAM DE MI SNANG BAR GYUR NA, DE'I TSE MI SNANG BA 'DI NYID RKU BA YIN NO, , DE LAS GZHAN PA NYID LA NI DER PHYIN NA'O ZHES BYA BA NI PHA ROL GYI 'GRAM DE MI SNANG BA NYID LA PHA ROL GYI 'GRAM THOB PA NI BRKUS PA'O, ,RGYUN LAS BZLOG PA LA NI GRU TSUGS LAS 'DAS NA'O ZHES BYA BA LA, RGYUN LAS BZLOG PA BRKUS PA LA NI GRU TSUGS LAS 'DAS PA NA BRKUS PA'O, ,RGYUN LAS BZLOG PA'I PHYIR 'DI LA RGYU BA NYID YOD PA MA YIN TE, GRU'I 'GRO BA'I RKYEN LAS BZLOG PA LA MTHUN PAR MI 'GRO BA'I PHYIR RO, ,THANG LA RGYU BA'I 'GRAM GYI RNAM PAR YANG DAG PAR RGYU BA NYID NI MA YIN NO, ,DE BAS NA GNAS GZHAN DU 'PHO BA'I BDAG NYID CAN LA 'DIR RKU BA'I RNAM PAR GZHAG

77b

PA'O; ,GRU TSUGS LAS GNAS PA NYID LA'O, ,'DI LA YONGS SU 'GRO BAR BYED PA'I SPYOD YUL DU MA GYUR PA NYID KYIS MA LUS PA'I GNAS DE ZHES BYA BA 'DI SHES PA'O, ,GRA TSUGS PA MED PA LA 'DI'I GNAS BZUNG BA TZAM YIN TE ZHES BYA BA RTOGS PAR BYA'O, ,GZHAN GYI LAS KYI MTHA' DAG LA CHU GTONG BA'AM 'GOG PA LA NI RANG GI LAS KYI MTHA' GRUB PA'I SKYED MA GTOGS PA DE'I CHED DU DER 'DUN PAS GZHAN DU GYUR NA'O ZHES BYA BA NI GTONG BA'AM 'GOG PA LA'O, ,DE'I CHED DU ZHES BYA BA NI RANG GI LAS KYI MTHA' GRUB PA'I DON DU'O, ,SKYED MA GTOGS PA ZHES BYA BA NI GRUB PA'I KHYAD PAR RO, ,SKYED MA GTOGS PA'I GRUB PA NI RKU BA ZHES BYA BA'O, ,CI'I PHYIR SKYED MA GTOGS PA ZHES BYA BA'I KHYAD PAR BSTAN PA'I DON DU CIG SHOS ZHES BYA BA SMOS TE, GRUB PA LAS CIG SHOS GANG YIN PA'O, ,PHAM PA 'DI CI YIN PA DANG PHAM PA 'DI GANG YIN PA STE ZHES BYA BA'I RTEN 'DI LA BRTEN PA'I DON DU GZHAN GYI LAS KYI MTHA' ZHES BYA BA SMOS SO, ,DGOS PA CI LTA BUS GZHAN GYI LAS KYI MTHA' LA PHAM PA YOD PA LA RANG GI LAS KYI MTHA' GRUB PA RKU BA ZHES BYA BA DER 'DUN PAS ZHES BYA BA SMOS TE, GZHAN GYI PHUNG BYA'O, ,BDAG GI GRUB PAR BYA'O SNYAM PAS BSAM PA 'DIS SO, ,BSAM PA TZAM NYID KYIS GZHAN GYI PHUNG BAR YOD PAR GYUR PA DANG RANG LA GRUB PA RKU BA CHU BTANG BA 'AM 'GAGS PA LAS ZHES BYA BA SMOS TE, GAL TE RANG GI LAS RNAMS 'JUG PA DGAG PA LA CHU YOD PAR 'GYUR BA DANG, GZHAN GYI LAS KYI MTHA' RNAMS LA CHU GTONG BA LA CHU YOD PAR 'GYUR RO, ,'ON TE CHU DKON PAR GYUR NA RANG GI LAS KYI MTHA' RNAMS LA CHU BTANG BA DANG, GZHAN GYI LAS KYI MTHA' RNAMS LAS 'GOG PAR BYAS PA LA GZHAN GYIS PHUNG BAR BYAS PA'I BSAM PAS BYED LA, GANG GI LAS KYI MTHA' GRUB CING BRKUS PA ZHES BYA BA'I DON TO, ,RGYUN PHYOGS SU 'GRO BA LA YANG CHU BTANG BA DANG BKAG PA 'DI DAG LAS KYI MTHAR 'GRO BA LA GTOGS PAR BYA'O, ,'DIR 'BRU PHUN SUM TSOGS PA LA RKU BAR GYUR PA NYID DU GNAS PA'O, ,CHU GTONG BAR BYED PA'AM RANG GI LAS KYI MTHA' 'GOG PA LA RKU BAR MI BYED PAR THAL BA MA YIN NO, ,RANG 'DOD PA DANG GZHAN LA NYAMS PA MED PAR GYUR PA LA CUNG ZAD

78a

, ,BRKUS PAR 'GYUR BA MA YIN ZHES BYA BA RNAM PAR NGES NAS DE LA GRUB PA DANG GZHAN LA PHUNG BA ZHES BYA BA YANG GZHAN PHUNG BA LA YANG DAG PAR BRTAN PA'I GZHUNG LA BRTEN NAS CIG SHOS ZHES BYA BA BYAS TE CHAD PA'I SEMS MED PAR RKU BA BSKYED PA MA YIN NO, ,'DI YANG 'DI LA CHAD PA GANG ZHIG NYAMS PA ZHES BYA BA RNAM PAR NGES NAS BDAG LA GRUB PAR GYUR CIG ,GZHAN LA NI PHUNG BAR GYUR CIG CES BYA BA GZHAN PAR 'DOD PA'I TSIG LA BRTEN NAS DER 'DUN PAS ZHES BYA BA BYAS SO, ,JI TZAM DU GZHAN LAS GCOD PA DE TZAM LAS RKU BA NYID CES BYA BA LTA BAR BYAS NAS SKYED MA GTOGS ZHES BYA BA BYAS SO, ,GANG ZHIG GZHAN PHUNG BA MI SKYED PA'I ZHING GI YON TAN LA SOGS PAS BSGRUB PAR GYUR PA DE LA RKU BA NYID MA YIN PA GTOGS PAR BYA'O, ,RKUN PO RNAMS LA DE'I CHED DU LAM RGYUS GO BAR BYED PA LA NI SHAS THOB PAR BYED NA'O ZHES BYA BA LA, RKU BA'I LAM LA BRTEN PA'I LO RGYUS NI LAM RGYUS TE LAM GA GE MO NAS DER 'GRO BAR BYA'O, ,DE LTAR 'JUG PAR BYA BA ZHES BYA BA LA SOGS PA'O, ,DE'I CHED DU ZHES BYA BA NI SHAS THOB PAR BYA BA'I CHED DU'O, ,RKUN PO RNAMS LA ZHES BYA BA NI CHOM RKUN PA RNAMS LA GAL TE RKU BA'I DON DU LAM RGYUS GO PAR BYED PA'I LAS BYAS PA LA DE RNAMS KYI DRUNG NAS THOB PA GANG YIN PA DE NI SHAS BRKUS PA YIN NO, ,'DI NI RKUN PO LAS SHAS THOB PAR BYA BA'I PHYIR KHAS LEN PA YIN TE, ,RKUN PO RNAMS LAS BRKUS PA SO SOR BZUNG BA NYID DO, ,DE'I PHYIR RKUN PO'I TSOGS KYI KHONGS SU GTOGS PA NYID KYI PHYIR BRKUS PA NYID DO, ,BDAG GI DON DU YANG DE LAS CHA SHAS BRKU BAR BYA BA 'DI LA DE'I DON DU RKU BA'O, ,THOB PA 'DI LA BRAN GYIS LAS DANG 'DRA BA NYID DE 'DIR NI MNYAM POR BYA BA BYED PA NYID KYIS DE LAS GZHAN PA'I CHOM RKUN BZHIN DU CHA SHAS DANG LDAN PA NYID NI MA YIN NO, ,NGES PAR SBYOR BA PO NYID DANG GTONG BA PO NYID KYI BLO YANG DAG PAR GNAS PA ZHES BYA BA THOB PA LA RKU BA NYID SHES PA YIN TE, 'GRO BA'I DUS LA NI MA YIN NO, ,SA GZHI DANG KHANG KHYIM DAG YONGS SU BSKOR BAS NI MTSAMS 'BYOR NA'O ZHES BYA BA NI RIB MA DANG RTZIG PA LA SOGS PAS YONGS SU BSKOR BAS SA GZHI LA SOGS PA RKU BA RIB MA LA SOGS PA DE LAS MTSAMS

78b

'BYOR NA NI RKU BA'O, ,'DIR NGES PAR DE'I TSE NA NYE BAR BZUNG BA NYID KYI BLO LA YANG DAG PAR BSTAN PA LA DE RNAM PAR SHES PA'O, ,SHAGS KYIS GAL TE BLA'I GRAR RGYAL NA'O, ,GAL TE 'OG ZUR NA PHA ROL PO'I SBYOR BA NYID BTANG NA'O, ,DE NI SBYOR BA NYID DO ZHES BYA BA NI GAL TE BLA'I GRAR SHAGS BKYE BA NI SHAGS KYIS RKU BA LA RGYAL BA NI BRKUS PA YIN NO, ,GAL TE 'OG ZUR NA PHA ROL PO'I SBYOR BA PA NYID BTANG BA NI BRKUS PA YIN NO, ,RGYAL BA 'DI LA SBYOR BA NYID YONGS SU RDZOGS PAR GYUR PA'I DNGOS PO CAN LA NYES PA SBOM PO'O, ,GZHAN DU NYES BYAS ZHES BYA BA'I DON TO, ,NGES PAR 'DIR SO SOR GSAL BA NYID LA GZHAN LA GRUB PA'I BLO YANG DAG PAR GNAS PA YIN NO, ,BLA'I GRAL DU GZHAN LA GSAL BA NYID YOD KYANG MNGA' BDAG NYID KYI PHYIR RGYAL PO RTEN GYI MA NGES PA NI MA YIN NO, ,GRUB PA'I BLO YANG DAG PAR GNAS PA ZHES BYA BA NI RNAM PAR SHES PA YIN NO, ,SHO GAM GYI SA LAS 'DAS NA ZHES BYA BA SMOS PA DER SHO GAM GYI BRKUS PA NYID DU BRJOD DE SHO GAM GYI BYA BA NYID LA BRTEN PA SKYE BA DANG BCAS PA LTUNG BA DANG LTUNG BA MA YIN PA'I TSIG RNAMS GANG YIN PA DE RNAMS NI RNAM PAR 'BYED PA LAS BSDU BAR BYA STE, RKU SEMS MED PA LA SHO GAM DU GTOGS PA'I NYES PA 'BYUNG BAR DOGS PAR MI BYA'O ZHES BYA BA NI YONGS SU SPANG BA MA THOB PA'I DGE SLONG RNAMS KYIS TSONG PA RNAMS LA SHOG GAM DU GTOGS PA LAS 'DA' BAR BYA BA'I PHYIR SBYIN PA GANG YIN PA DER TSONG PA RNAMS 'DIR RKU BA BYED PA NYID MA YIN TE SHO GAM PA'I SEMS BZUNG BAR BYAS BA'I TSONG PA DE RNAMS LAS 'DA' BA'I PHYIR RO, ,GANG GI PHYIR DGE SLONG RNAMS LA BRKUS PA NYID DU MI 'GYUR BA DE'I PHYIR LTUNG BA MED PA'I TSIG RIGS PA YIN NO, ,GANG ZHIG YONGS SU SPANG BA MA THOB PA'I DGE SLONG GIS DGE SLONG GZHAN LA 'DA' BA'I PHYIR SNOD SBYIN PA DER YANG DGE SLONG 'DI YIN TE, 'DI NI DA LTAR 'DA' BAR GYUR PA MA YIN TE, JI LTAR 'DI LA RKU BA NYID 'BYUNG PAR 'GYUR ZHES BYA BA LTUNG BA MA YIN PA'I RIGS PAR GYUR BA NYID DE NGES PAR 'DIR 'DI'I BLO ZHES BYA BRKU BA NYID MED PA'I PHYIR RO, ,GANG ZHIG SPONG BA THOB PA RNAMS TSONG PA RNAMS DANG 'BREL PA

79a

, ,LAS 'DA' BAR BYED PA DER 'DI RNAMS LA GZHAN GYI DON DU BRKUS PA NYID YOD PA DER RANG GI SPONG BA THOB PA 'DI ZHES BYA BA RNAM PAR GZHAG PA'I PHYIR RO, ,DE LA 'DI RNAMS LA GANG ZHIG LTUNG BA MED PAR BRJOD PA DER RKU SEMS MED PAR RGYU RNAM PAR GNAS PA YIN TE, 'DI LA 'DI BSDUS PA'O, ,'DI NI BDAG CAG LA GZHAN GYI SPONG BA'I CHA SHAS PAS 'DI RNAMS LA RKU SEMS KYIS SKABS MA GYUR CIG CES BYA BA 'DIR RIG PAR BYA'O, ,GANG GIS BLANGS PA NYID KYI SNOD LAS SPYIN PAR BYA BA NYID YIN NO ZHES BYA BA NI GANG GIS BLANGS PA NI GANG GIS BLANGS PA STE, DE'I DNGOS PO NI GANG GIS BLANGS PA NYID DO, ,GANG GIS DNGOS PO BZUNG BA SHO GAM DE LA SBYIN PA NYID DO, ,GANG ZHIG 'DIR 'DA' BAR BYED PA GNYIS NI SKYON MED PA DANG LDAN PA GANG GIS DNGOS PO BLANGS PA DE SHO GAM MA SBYIN PA NYID DU GYUR PA LA, 'DI GNYIS LA SKYON MED PA NYID DU RIGS PA YIN TE ZHES BYA BA 'DI SHES PA'O, ,GNANG BA LAS GZHAN GYIS BZLAS NA MA BRKUS PA YIN NO ZHES BYA BA LA, ,GNANG BA NI SPONG BA THOB PA'O, ,DE LA GZHAN GYI NOR LA DE BYAS PA'I 'DA' BAR BYED PA GANG YIN PA 'DI NI DE'I CHA'I PHYIR MA BA RKUS PA YIN NO, ,GANG ZHIG 'DI SHO GAM MA BYIN PA ZHES BYA BA SPANG BA SBYIN PA RANG GI CHA SO SOR THOB PA STE GZHAN GYI NI MA YIN NO, ,DE BAS NA SKYON 'DI 'BYUNG BA STE, TSONG PA DANG 'BREL PA'I 'DA' BAR BYED PA GANG YIN PA'O, ,SLAR DGE SLONG GIS SA LA RNYED PA'I SHO GAM 'DA' BAR BYED PA STE DGE SLONG GIS SA LA RNYED PA'I SHO GAM 'DA' BAR BYED NA 'GAL TSABS CAN DU 'GYUR RO ZHES BRJOD PA LA BSDU BA NI 'DI YIN NO, ,DNGOS PO JI LTAR LTUNG BA LA 'GAL TSABS CAN ZHES BYA BA GSUNGS PA'I TSIG KYANG GZHI JI LTA BA LAS 'BYUNG BA YIN GYI NYES BYAS NYID NI MA YIN NO, ,'DI CI'I PHYIR ZHE NA, NYE BA 'KHOR GYIS ZHUS PA LAS 'DIR SBOM PO'I LTUNG BA LA BRJOD PA'I PHYIR RO, , BTZUN PA RE ZHIG TSONG PA RNAMS SHO GAM GYI PHYIR SHO GAM LA NYE BAR BRTEN PA'I DNGOS BO NI SA LA YANG DAG PAR RNYED PAR 'GYUR TE, DGE SLONG LA TSONG PAS 'DI SKAD CES SMRAS TE, 'PHAGS PA BYIN CIG SHO GAM GYI SA LAS 'DA' BAR BYAS NAS DGE SLONG GIS DE LAS 'DA' BAR BYED NA SHO GAM

79b

'JOMS PA STE, DE LA MA SHA KA LNGA'I RIN THANG 'BYUNG BAR 'GYUR TE, SPOM PO'I LTUNG BA LA LTUNG PA BAR 'GYUR ZHES BYA BA'O, ,SPANG BA THOB BA'I DGE SLONG GI DBANG DU MDZAD NAS 'DI GSUNGS PA RNAM PAR GNAS PA YIN TE, GZHAN GYIS RIG PA SHO GA PA RNAMS KYIS 'DA' BAR BYA BA'I PHYIR MI NUS PA NYID KYIS BRKU BA NYID TSONG PA RNAMS NYID LA SHIN TU BYA SLA BA NYID KYI PHYIR RO, ,RANG GI BYA BA MA YIN PA'I DBANG DU BYAS NAS SPOM PO 'DI BRJOD PAR RIG PAR BYA'O, ,MA GNANG BAS GZHAN GYIS 'DA' BAR MI BYA'O ZHES BYA BA NI CHO GA YANG DAG PAR BYAS PA GZHAN GYIS SHO GAM RANG GIS SHO GAM GYI BYA BA LAS 'DA' BAR BYA BA MA YIN NO, ,TSONG PA RNAMS KYIS 'DA' BAR BYED PAS KYANG SLAR DGE SLONG GI SAR PHYIN PA'I SHO GAM 'DA' BAR BYED PA STE, DGE SLONG GI SAR PHYIN PA'I SHO GAM 'DA' BAR BYED NA 'GAL TSABS CAN DU 'GYUR RO ZHES GSUNGS PA DE'I DON BSDU BA'I PHYIR MDO 'DI BYAS SO; ,RKU BA LA GNAS PA'I SKYON GYIS SKYON DANG BRAL BA NYID DU GYUR PA LA 'DI YIN TE, DE BAS NA BSLAB PA GZHAN LA 'DI RAB TU BTAGS PA NYID DO, ,RAB TU BTAGS PA 'DI NA SLAR CI'I PHYIR ZHE NA, RKU BA'I RNAM PA NYID KYIS 'DI 'JIG RTEN NA KHA ZER BAR 'GYUR BA'I SKYON NYID KYIS GZHAN DU YANG GZHAN GYIS 'DA' BAR BYA BA MA YIN ZHES BYA BA 'DI'I RJES SU 'BRANG BAS RTOGS PAR BYA'O, ,MA TSOR BAR 'DA' BAR BYED PA MI GRUB PAR BYA BA'I PHYIR MI 'BAD PAR MI BYA'O ZHES BYA BA NI 'DA' BAR BYA BA GRUB PA NYID KYIS 'DI NI GZHAN GYIS SAM BDAG NYID RANG NYID KYIS SAM, GZHAN GYI YANG DAG PAR RIG PA LAS 'DA' BAR BYED PA SER SNA LA SOGS PA ZHES BYA BA 'DI'I DON TU MI 'BAD PAR MI BYA'O, ,'DI LTAR 'DA' BAR BYED PA LA RKU BA'I RNAM PA NYID DANG, SKYON NYID KYIS SRID PA'I SKABS YOD PA YIN TE ZHES BYA BA 'DI RNAMS NI BTAGS PA'O, ,JI LTAR YANG MI 'BAD PAR MI BYA ZHE NA, DE'I PHYIR SRUNG MA DGE SLONG DU MA GZHAG PAR BYA'O ZHES BYA BA SMOS SO, ,SRUNG MA JI LTA BU ZHE NA, DGE SLONG ZHES BYA BA SMOS SO, ,GRANGS JI LTA BU ZHE NA, DE'I PHYIR DU MA ZHES BYA BA SMOS TE, GNYIS YAN CHAD NAS BRTZAMS TE BSRUNGS PA'I PHYIR JI SNYED KYIS DON GRUB PA DE SNYED GZHAG GO ZHES BYA BA'I DON TO, ,

80a

, ,DE'I ZAN BSKYAL BAR BYA BA NYID DO ZHES BYA BA NI SRUNG BAR BYED PA DE'I ZAN NI DE'I ZAN TE DE'O, ,DE'I BSKYAL BAR BYA BA NYID DE 'DI NI NGES PA MA YIN NO, ,DES NA 'DIR 'JUG PA GANG YIN PA DE LA RTOGS PA NYID MA YIN PA SHES PAR BYA ZHES BYA BA'I DON DU 'DI BRJOD PA'O, , DES BZLOG PAR BYA'O ZHES BYA BA NI SRUNG BA'I DGE SLONG GZHAG PAS SO, ,BCUG PA NYID BRJOD PAR BYA'O ZHES BYA BA NI DES ZHES BYA BAR RJES SU 'BREL TO, ,GANG RNAMS KYIS GZHAG PA DE RNAMS LA ZHES BYA BA DON GYIS GRUB PA STE GZHAG PA LA DE'I DON NYID KYI PHYIR RO, ,MED NA MTSAN MA GDAB PO ZHES BYA BA NI SRUNG MA MED NA BSOD SNYOMS LA SOGS PA LA YANG 'GRO BA'I DON DU 'GRO BAR BYED CING RANG GI SNOD DAG LA MTSAN MA GDAB PAR BYA'O, ,BSOD SNYOMS KYI PHYIR ZHUGS PA LA SHO GAM GZHAL DOGS PA LA LAS MI PHYUNG BA MI BCUG PAR BYA ZHES BYA BA'I DON TO, ,KHYER TE 'ONGS BA LA DRI BAR BYA'O ZHES BYA BA NI GZHAN GYIS GANG YANG RUNG BA SHO GAM DU BYA BA MA YIN PA'I DNGOS PO LA SHO GAM GYI GNAS NAS 'DA' BAR BYED PA'I DON DU KHYER TE 'ONGS PA LA SHO GAM GZHAL DGOS PA'I RDZAS CUNG ZAD MED DAM ZHES BYA BA 'DI DRI BAR BYA'O ZHES BYA BA'I DON TO, ,GZHAN GYIS DOR BA MI 'GRUB NA REG PA NYID DU BYA'O ZHES BYA BA NI GSER LA SOGS PA REG PAR BYA BA MA YIN PA LA GZHAN GYIS DE'I GTUR BU LA SOGS PA'I NANG DU BCUG PA LA RANG GIS RIG PAR MA BYAS NA DOR BA DBYUNG BAR MI 'GRUB NA DE'I TSE DBYUNG BA'I CHED DU RANG NYID KYIS REG PA NYID DU BYAS TE DE LA NI LTUNG BAR BYED PA 'GA' ZHIG TU 'GYUR BA BAG YONGS SU GNANG NGO, ,MA PHUL YANG NGES PA SKYES NA PHUL BA NYID YIN NO ZHES BYA BA NI MA LA SOGS PA RNAMS LA BDAG GIS 'DI SBYIN PA ZHES BYA BA GANG ZHIG 'DI RDZAS NGES PAR BYAS NAS BZUNG BA MA PHUL BA'I RDZAS DE LA YANG PHUL BA NYID KHO NA SHES PAR BYA'O, ,GANG LA PHUL BA YIN PA DES MA BZUNG BA ZHES BYA BA BYAS TE, GANG GIS DE'I LAG PA LA DE DANG 'BREL BA NYID SHES PAR BYA BA'I DON DANG DE DANG 'DRA BA'I SHO GAM GYI BYA BA 'DA' BAR BYED PA LA GZHAN GYI DON DU RKU BA LA SKYON TE DE LTUNG BA ZHES BYA BA'I DON TO, ,DE DAG GIS RDZAS GNANG BAR BYA BA'I PHYIR PHA MA'I BSNGAGS PA

80b

BRJOD DO ZHES BYA BA LA, PHA MA ZHES BYA BA NI PHA MA DAG LA'O, ,PHA MA DAG GI CHED DU BKUR BA'I RDZAS NI PHA MA DAG LA BSNGAGS PA BRJOD PAR BYA BA STE, 'DI'I DON DU SHO GAM PA RNAMS KYI DRUNG DU 'DI DAG GI YON TAN BRJOD PA GANG YIN PA DE NI BRJOD BA TZAM DON DU GNYER BA ZHES BYA BA YONGS SU BRTAGS NAS SKYON DANG LDAN PA SHES PAR BYA ZHES BYA BA'I DON TO, ,DKON MCHOG RNAMS KYI YANG NGO ZHAS BYA BA NI SANGS RGYAS DANG CHOS DANG, DGE 'DUN RNAMS LA DE DAG GIS RDZAS GNANG BAR BYA BA'I PHYIR YANG DAG PAR BSNGAGS PA ZHES BYA BA'I DON TO, ,DON DU GANG YANG RUNG BA'I DKOR GANG YANG RUNG BA LAS SKYIN POR BLANG PA'I CHOS SU SBYIN PAR BYA'O ZHES BYA BA NI GANG YANG RUNG BA'I RDZAS LAS SKYIN PO BLANG BA'I CHOS KYIS SANGS RGYAS LA SOGS PA RNAMS LA GANG YANG RUNG BA'I DON DU SHO GAM GYI BYA BA GANG YIN PA DE'I DON DU DKON MCHOG GZHAN GYI DON DU SHO GAM SBYIN PA SKYON MED DO ZHES BYA BA'I DON TO, ,SKYIN PO BLANG BA'I CHOS KYIS ZHES BYA BA DE GANG LAS BZUNG BA SLAR SBYIN PA NYID DO, ,CI'I PHYIR ZHE NA GANG GI CHED DU BZUNG BA DE'I DON GYIS ZHES BYA BA'I DON TO, ,SHO GAM GZHAL DGOS PA DANG BCAS PAR 'GRO BAR MI BYA'O ZHES BYA BA NI 'DIR RGYANG GRAGS KYI LAM DU SONG BA LA BDAG NYID CES BYA BA 'DI LAS RGYANG GRAGS 'DI LA DNGOS GZHIR GYUR PA'I NYES BYAS RGYANG GRAGS PHYED PHYED CING DE'I SBYOR BAR 'GYUR BA'I ZHES BYA BA 'DI RTOGS PAR BYA'O, ,'GRO BA NI 'DA' BAR BYED PA STE, SHO GA MA DANG LHAN CIG TU THA SNYAD LA GLAGS LTA BA'I PHYIR BTAGS PA'O, ,MTHUN PAR BYED PA DKA' BA MA YIN PAR 'GYUR BA YANG SHO GAM LA BRTEN PA'I THA SNYAD DE DKA' BAR GYUR PA NI LTA SMOS KYANG CI DGOS TE, DE MA YIN PA NYID LA NI LANG GI LCI BA BTZIR BAS KYANG KHA BSGYUR BA DANG, KHA TSAR DANG PHUN TSAR BCAD PA YANG NGO ZHES BYA BA LA DE MA YIN PA NYID CES BYA BA NI SHO GAM GZHAL DGOS PA MA YIN PA NYID DO, ,RE RE NYID KYIS KYANG 'DI DAG LA BCAD PA DANG KHA BSGYUR BA DAG LA SHO GAM GZHAL BA NYID MA YIN NO, ,DE BAS NA SO SO 'DI DAG LA SHO GAM GZHAL DGOS PA MA YIN PAR RIG PAR BYA'O, ,MA MTHONG BA LA BLO DE MI 'CHAGS SO ZHES BYA BA NI 'DI NI KHA BSGYUR BA'AM CHAD PA ZHES BYA BA'I BLO LA MA MTHONG BA'I DNGOS PO LA DE MI

81a

, ,MI 'CHAGS SO, ,MTHONG BA MED PAR 'DIR LTUNG BA DANG RTOGS PA'I NGES PA MED PA'I PHYOGS PA'O, ,DE'I DBANG GIS SHO GAM GZHAL DGOS PA DANG BCAS PA NYID NI MA YIN NO, ,MI 'CHAGS SO ZHES BYA BA NI LTUNG BA MI LDANG BA ZHES BYA BA'I DON TO, ,'DIR GZHUNG NI RANG GI MIG GIS BLTA BAR BYA'O, ,MA BLTAS NA 'GAL TSABS CAN DU 'GYUR RO ZHES GSUNGS PA YIN NO, ,GZHAN GYI SPYOD PA BRTOL BAR MI BYA'O ZHES BYA BA NI, RANG GI 'AM GZHAN GYI SHO GAM GZHAL DGOS PA'I RDZAS RANG NGAM GZHAN GYIS SHO GAM GYI GNAS NAS 'DA' BAR BYED PA GANG YIN PA DE DGAG PAR MDZAD PA NYID KYI PHYIR GZHAN GYI SPYOD PA BRTOL BAR BYED PA 'DI YANG BKAG PAR RIG PAR BYA'O, ,YID GCUGS PA MA YIN PA LA GCUGS PA NYID DU MI BYA'O, ,'DI LA GSUM NYID DO, ,DE NYID NI 'OG MA LA GONG MA'O ZHES BYA BA LA, DE NYID CES BYA BA NI YID GCUGS PA NYID DO, ,'OG MA LA ZHES BYA BA NI YID GCUGS PA'O, ,GONG MA'O ZHES BYA BA NI YID GCUGS PA NYID LA'O, ,CHUNG DU DANG, 'BRING DANG, CHEN PO NYID KYIS GONG MA DANG, 'OG MA NYID 'DI ZHES BYA BA'I RNAM PA 'DIS SBYAR BA NYID KYI PHYIR RTOGS PAR BYA'O, ,YID GCUGS PA MA YIN PA LA YID GCUGS PA NYID DU BRTEN PAR MI BYA'O; ,'DI SKAD BSTAN PA MDZA' BSHES THA MA LA YID GCUGS PA 'BRING DANG CHEN PO MI BYA'O, ,'BRING LA NI CHEN PO BRTEN BZHIN PA YID GCUGS PAR MI BYA BA BRTEN PAR 'GYUR GYI YID GCUGS PAR BYA BA NI MA YIN NO, ,GANG ZHIG GANG LA YID GCUGS NAS SNOD YIN PA DE NI DE'I DON YID GCUGS PAR BYA BA MA YIN ZHES BYA BA BYAS TE ZHES BYA BA'I DON TO, ,SLAR SU ZHIG LA YID GCUGS PAR BYA ZHE NA, DE'I PHYIR DE NI SDUG PA DANG, YID DU 'THAD PA DANG, BLA MA DANG, BSGRUB PAR 'OS PA DANG, MCHOD PAR 'OS PA DANG, BSTOD PAR 'OS PA DANG, BLANGS NA DGA' BA'O ZHES BYA BA LA, 'DIR NI MNYES GSHIN PA DANG BCAS PA NI DGA' BAR BRJOD DO, ,BSTOD PAR 'OS PA NI YID DU 'ONG BA'O, ,BLA MA ZHES BYA BA NI SLOB DPON DANG MKHAN PO'O, ,RJES SU BYED PA SGRUB PA'I DON DU DGE BA'I BSHES GNYEN NYID KYIS GANG ZHIG NYE BAR BSTEN LA GNAS PA DE NI

81b

BSGRUB PAR 'OS PA'O, ,MCHOD PAR 'OS PA ZHES BYA BA NI GANG SBYIN PA DANG BSNYEN BKUR BA LA SOGS PA'I MCHOD PAS GANG ZHIG LA DUS DUS SU BSNYEN BKUR BAR BYA BA DE NI MCHOD PAR BYA BA'O, ,BSTOD PAR 'OS PA ZHES BYA BA NI GANG GANG LA DUS DUS SU NYE BAR GNAS NAS TSUL KHRIMS DANG THOS PA DANG GTONG BA LA SOGS PA'I YID BZUNG BA NYID KYIS YANG DAG PAR MTHONG BA DE NI BSTOD PAR BYA BA'O, ,BLANGS NA DGA' BA ZHES BYA BA NI BDAG GIS BZUNG BA LA DGA' BA'I PHYIR GANG DU YID CHES PA 'DI SKYES PA'O, ,LAG SPOD KYI LAS KYIS LAS BYA ZHING BSOD NAMS KYI BLOS KYANG STE GLA RNGAN GYIS NI MA YIN NO, ,YUL GYI NGES PA'I TSIG NI 'DRID PA MA YIN NO ZHES BYA BA NI DE LTAR YANG RNAM PAR 'BYED PA LAS BCOM LDAN 'DAS KYIS DGE SLONG MA'I GNAS SU KHYOD KYIS CI ZHIG BYAS ZHES BYA BA GANG BRJOD PA CI'I THA TSIG CES SMRAS PA DANG, GSOL BA BTZUN PA 'JIG RTEN NA LTUNG NGO ZHES BYA BA GANG LAGS PA'I THA TSIG GO, ,BCOM LDAN 'DAS KYIS BKA' STZAL PA, DGE SLONG DAG YUL GYI NGES PA'I TSIG GIS LTUNG BAR MI 'GYUR RO ZHES GSUNGS PA YIN NO, ,'DI LTAR BRJOD PAR GYUR PA 'DI SDUG BSNGAL DU RTOGS PAR BYA BA MA YIN TE ZHES BYA BA 'DI BSTAN PA'O, ,LTUNG BA BLANGS PA YUN RING DU MI BSREL LO ZHES BYA BA NI DUS JI SRID KYIS NA 'DIS BCABS SO SNYAM DU DOGS PA SKYE BA'I DUS DE SRID NA 'DIR YUN SHIN TU RING BA NYID DU RIG PAR BYAS TE DE SRID DU BSREL BAR MI BYA'O, ,DE DGE SKOS LA GTAD PA NYID DU BYA'O ZHES BYA BA LA, DE ZHES BYA BA NI LTUNG BA BLANGS PA LA'O, , DES RAB TU BYUNG BA YIN PAR DOGS NA DGE 'DUN LA BSTAN PAR BYA'O ZHES BYA BA NI DGE SKOS DE RAB TU BYUNG BA LA 'DI DANG 'BREL PA LA ZHES BYA BA DOGS PA 'DI YOD PA LA DE'I TSE RDZAS DE'I BDAG PO NGES PAR SHES PAR BYA BA'I PHYIR DGE 'DUN LA BSTAN PAR BYA'O, ,BDAG PO MA BYUNG NA GZAR THAG LA BTAGS TE GZHAG GO ZHES BYA BA NI GAL TE DE LTAR NA 'DI NYE BAR BSTAN PA RAB TU BYUNG BA'AM GZHAN 'GA' ZHIG BDAG PO BYUNG STE, 'DI NI BDAG GI YIN ZHES BYA BA BDAG NYID NYE BAR BSTAN PAR BYED PA DE'I CHED NI RDZAS DE GZAR THAG LA NYE BAR BTAGS PA NYID DO, ,'DI LA GOS RNAMS GZAR THAG TU BYA

82a

, ,BAS NA GZAR THAG STE KA BA LA SOGS PA LA BCINGS PA DGE SLONG THAMS CAD LA GSAL BAR GYUR PA 'DI 'DIR MNGON PAR 'DOD PA ZHES BYA BA SHUGS KYIS GO BAR BYA'O, ,NYE BAR BTAGS PA NI LTUNG BA'I DON DU'AM SLAR MI STOR BA'I DON DU'AM, MA BYIN PAR LEN PAR YANG MI RIGS PA BZUNG BA MA GRUB PA'I DON DU'O, ,NAD PAS MA GNANG BA DE LA SMAN MI BLANG NGO ZHES BYA BA NI 'DI LAS SMAN LONG SHIG CES BYA BA NAD PAS DE LTAR GNANG BA MA THOB PA GANG YIN PA DE LAS SMAN DE NAD PA'I NAD G-YOG GAM GZHAN GYIS KYANG BLANG BAR MI BYA'O, ,MA BYIN PAR LEN PA'I PHAM PAR 'GYUR BA RNAM PAR 'BYED PA'O ZHES BYA BA MA BYIN PAR LEN PA'I PHAM PAR GYUR PA'I SKABS RNAM PAR 'BYED PA LAS 'BYUNG BA RDZOGS SO,, ,,YONGS SU BZUNG BA DANG BCAS PA GNANG BA LAS GZHAN PA'I THABS KYIS BDAG GIR MI BYA'O ZHES BYA BA NI CHOM RKUN DAG GIS 'GRON PO BCOM PA DANG, DUR KHROD DANG LHA'I CHU'I RDO SNOD DU ZHES BYA BA LA SOGS PA LA SONG BA YONGS SU 'DZIN PA DANG BCAS PA'I RDZAS DE GNANG BA LAS GZHAN PA'I THABS KYIS 'DI PHYAG DAR KHROD DO ZHES BSHAD PA YIN NO, ,BDAG GIS BTZUGS PA'I LHA'I CHU'I RDO SNOD LA 'BYOR PA'I GYUR PA NYID KYI PHYIR NGA'I YIN NO ZHES BYA BA LA SOGS PA'I THABS KYIS BDAG GIR MI BYA STE, BDAG NYID DU BYA BA MA YIN ZHES BYA BA'I DON TO, ,BDAG GIR BYAS PA DGUG PAR MI BYA'O ZHES BYA BA NI RANG GI MA YIN PA'I NOR RANG GI MING GIS BYAS PA RKU BA'AM BTANG BA LHAG PAR GNAS PAS BDAG TU BYAS PA GANG YIN PA DE NI SO SOR LEN PA DANG, 'TSONG BA DAG GI LAS KYIS RNYED PA DER BDAG TU BYAS PA MA YIN PA ZHES BYA BA 'DI GRAGS PA YIN NO, ,DGUG PAR MI BYA BA ZHES BYA BA 'DIS NYO BA DGAG PA MA YIN PA DANG MDZA' POS SBYIN DU BCUG PA DGAG PA MA YIN PA DANG, BYIN LEN LA DGAG PA MA YIN PA'O; ,DE BAS NA STOBS KYIS BYA BAS ZHES BYA BA YID CHES PA YIN NO, ,'DIR NI RANG GI 'DU SHES KYIS 'JUG PA LA CHO GA NI 'DI YIN TE, KHA NA MA THO BA MED PA LA GZHAN DU BYAS PA NYID KYI PHYIR RO, ,'DIR GZHUNG NA SLAR DGE SLONG GIS BDAG TU BYAS PA DGUG PAR BYA BA YANG MA YIN TE,

82b

DE NI GANG GIS PHROGS PA DE'I YIN PA'I PHYIR RO ZHES GSUNGS PA YIN NO, ,'DI'I DON NI GANG ZHIG RKU BA DE'I DE MA YIN PA DE NI DE LA DE RANG NYID MI 'BYUNG STE, MI 'DOD PA NI GZHAN LA SBYIN PA ZHES BYA BA RIGS PA YIN TE, DE BAS NA 'DI MI BYA BA ZHES BYA BA'O, ,'DIR SLAR JI LTAR BSGRUB PAR BYA ZHE NA, DE'I PHYIR, DE NI CHOS BSHAD PAS BLANG BAR BYA'O ZHES BYA BA SMOS TE, DE NI ZHES BYA BA NI BRKUS PA'I NOR RO, ,RIN PHYED DU NYE BAS KYANG NGO ZHES BYA BA NI BLANG BAR BYA ZHES BYA BAR SBYAR RO, ,LHUNG BZED DANG CHOS GOS NI RIN CHEN POS BLUS KYANG RUNG NGO ZHES BYA BA LA, RUNG NGO ZHES BYA BA NI RNYED PAR BYA BA MA YIN PA DANG BRKUS PA LA'O, ,BLUS KYANG ZHES BYA BA NI RIN THANG YONGS SU RDZOGS PAS KYANG NGO ZHES BYA BA'I DON TO, ,MI SNYAN PA 'BYUNG BAR 'GYUR BA NI PHYIR BOR BA'O ZHES SKYE BO PHAL PO CHE'I MNGON SUM DU MA BAB PAR BSKUR BAR MI BYA'O ZHES BYA BA NI DNGOS PO GANG LAS 'DI NYID KYIS 'DI BSAD DO, ,'DI NYID KYIS 'DI BRKUS SO ZHES BYA BA LA SOGS PA MI SNYAN PA MI MDZES PA 'BYUNG BAR 'GYUR BA NI DE BDEN DU BOR BA NYID YIN NA DE BDEN DU BOR BA NYID YIN NO, ,SKYE BO PHAL PO CHE SU'I YANG MNGON SUM DU MA BAB PAR BSKUR BAR MI BYA BLANG BAR MI BYA ZHES BYA BA'I DON TO, ,SKYE BO PHAL PO CHE'I MNGON SUM DU DAM PA MA YIN PA'I YANG DAG PAR 'BYUNG BA LA SKABS MED PA'O, ,'DIR GZHUNG NI PHAG GI MGO BCAD PA ZHES BYA BA GSUNGS PA YIN NO, ,RO'I RDZAS MI MA YIN PAS BLANGS PA NYID NI YONGS SU MA BZUNG BA NYID MA YIN NO ZHES BYA BA NI RO'I RGYUD DU GTOGS PA'I RDZAS GANG YIN PA DE GAL TE MI MA YIN PAS BLANGS PAR GYUR NA DE YONGS SU MA BZUNG BA'O SNYAM DU SHES PAR MI BYA STE, DE BRKUS NA NYES PA SBOM POR 'GYUR BA NYID LA 'DI BRJOD PA'O, ,RAB TU GTUM PA DE'I PHYI BZHIN DU 'GRO BAR BYA'O ZHES BYA BA LA, DE'I ZHES BYA BA NI MI MA YIN PA DES GNOD PAR BYED PA SPANG BA'I PHYIR RAB TU GTUM PA DE'I PHYI BZHIN DU 'GRO BAR BYA'O, ,KHAS BUB TU BSNYAL BA LA RKANG PA'I MTHA' NAS BRTZAMS TE G-YOGS PAR BYA'O ZHES BYA BA LA BSNYAL BA ZHES BYA BA NI RO LA'O, ,'DI YANG RAB TU 'GRO BA YONGS SU SPANG PA'I DON DU RO MA RMAS PA LAS GOS BLANG BAR MI BYA'O, ,RANG GIS RMAS PA DANG

83a

, ,RMAS PAR BYED DU GZHUG PAR MI BYA'O ZHES BYA BA NI 'DIR RO ZHES BYA BA MTHA' GNYIS KAR SBYAR RO, ,THAMS CAD DU BSTI GNAS DANG SO SHING DANG CHU DANG 'DAG RDZAS DANG LCI BA DANG SA CI BDER BYA'O ZHES BYA BA NI 'DIR BYUG PA LA SOGS PA'I DON DU BA LANG GI LCI BA BZUNG BA YIN TE, 'DAG RDZAS SU GYUR PA LA NI MA YIN NO, ,'DIR GZHUNG NI DGE SLONG GANG DU BSTI BA DER RNAM PA LNGA PO CI BDER BRJOD PAR BYA STE, SO SHING DANG CHU DANG 'DAG RDZAS DANG LCI BA DANG SA'O ZHES GSUNGS PA YIN NO, ,DGE SLONG DANG DGE TSUL MI 'DOD BZHIN DU 'BREL BAS KHRID PA NA GZUNG BAR BYA'O ZHES BYA BA LA; 'BREL BAS ZHES BYA BA NI PHU NU DANG BU SRING DANG CHUNG MA LA SOGS PAS MI 'DOD BZHIN DU KHRID PAR GYUR NA DGE SLONG GIS GZUNG BAR BYA'O, ,'DIR GZHUNG NI DE LA LAG PA GANG SHOS NA ZHES DRI'O, ,GAL TE SNGON GYI CHUNG MAS BZUNG BA SHOS NA'O ZHES ZER NA NI MI GTANG NGO, ,GAL TE KHYOD KYIS BZUNG BA SHOS NA'O ZHES ZER NA NI BSAM PA LAS CHUNG MA 'DOD PA 'DRA BAS THONG SHIG CES GSUNGS PA YIN NO, ,THAMS CAD DU MTSAN MA NYAMS PA DANG TSANGS PAR SPYOD PA DANG BCAS PA'I RAB TU BYUNG BA LA 'DI'I BYA BA NYID RIGS PA YIN TE, DE BAS NA DGE TSUL GYI TSIG BZUNG BA'O, ,PHRAN TSEGS KYI SKABS SO,, ,,KA KA NI BZHI LAM SHA KA'O ZHES BYA BA LA, KA KA NI ZHES BYA BA NI BO DHI KA STE, 'GRON BU NYI SHU'I RIN THANG GI MING YIN NO, ,KA KA NI BZHI LA NI MA SHA KA STE, TSIGS NYID NYI SHU STE ZHES BYA BA 'CHAD PAR 'GYUR BA'I TSIG DE'I RANG GI NGO BO BSTAN PA'I PHYIR MDO 'DI'O, , GANG GI PHYIR 'DIR MA SHA KA NI TSIGS TE DE YANG DAG PAR BRJOD PA NI K'AR sh'A PA nA'I TSANG MA LUS PA SHES PA'I DON DU'O, ,DE MA LUS PAR SHES PA NI DE'I BZHI CHA CIG BRKUS PA'I MTHA' MAR 'GYUR PA NYID KYIS TSAD SHES PAR BYA BA'I PHYIR, ,LNGA NYID NI K'AR sh'A PA nA BZHI CHA'I DPE YIN NO ZHES BYA BA SMOS TE; GANG ZHIG RNAM PAR 'BYED PA'I MDO LAS MA SHA KA LNGA LA SOGS PA ZHES BYA BA GSUNGS PA DE NI K'AR sh'A PA nA'I BZHI CHA CIG NI DPE YIN PAR RIG PAR BYA'O, ,K'AR sh'A PA nA BZHI CHA CIG TU RKUN PHAM PA ZHES BYA BA NYID DO, ,DE'I PHYIR 'DI GNAS GANG DANG DUS GANG LA BRTEN NAS SHES SHE NA, DE'I PHYIR

83b

GANG NA DE'I TSIGS NYID NYI SHU YIN PA DE LA BRTEN NAS SO ZHES BYA BA SMOS TE, GNAS DANG DUS GANG NA K'AR sh'A PA nA DE'I TSIGS NYID MA SHA KA NYI SHU YIN PA DE LA BRTEN NAS MA SHA KA LNGA NYID NI 'DI'I DPE YIN ZHES BYA BA'I DON TO, ,GANG ZHIG BRKU BA'I GNAS DANG DUS KYIS DE'I BRTZI BA RNAM PAR GZHAG GO ZHES BYA BA 'CHAD PAR 'GYUR BA LAS DGAR BAR BYA BA DANG DUS DANG GNAS KYI DGONGS PA NYID SHES PAR BYA'O, ,LNGA NYID CES BYA BA NI DPE YIN TE, DE BAS NA TSIGS LA MA SHA KA'I DGOS PA NYID DO, ,'O NA NA NA KA ZHES BYA BA LA TSIGS 'DI 'DON PA YIN TE, NA NA KA CI LTA BU MA SHA KA LNGA'I BAR DU LTUNG BAR MI 'GYUR NA THA MA'I BZHI CHA'I KA KA NI SA MA SHA KA TSIGS NYI SHU BA'I NA NA KAS ZHES BYA'O, ,'DIR K'AR sh'A PA nA NYID NA NA KA'I SGRAS GSUNGS PA 'DI LTA STE, 'DON PA GANG ZHIG LA MA SHA KA NI NA NA KA NYID KYIS 'DON PA YIN TE, K'AR sh'A PA nA NI TSIGS NYID KYIS SO, ,NA NA KA JI LTA BUS BRKUS SHING KA KA NI BZHIS NYE BAR MTSON PA'I NYI SHU NYE BAR SONG BA'I K'AR sh'A PA nAS MA SHA KA LNGA RKU ZHING THA MA LA LTUNG BAR 'GYUR RO ZHES GSUNGS SO, ,'DIR KHA CIG RNAMS KYIS 'DON PA DE JI LTAR YANG MA SHA KA LNGA BRKUS NA LTUNG BA'I MTHAR 'GYUR RO, ,MA SHA KA NYI SHU PA'I NA NA KAS SO, ,JI LTA BUS SHE NA KA KA NI BZHI LA MA SHA KA'O, , K'AR sh'A PA nA JI LTA BUS SHE NA, NA NA KA'O, ,DE'I BZHI CHA BRKU BAR BYAS PA ZHES BYA BA'O, ,'DIR MA SHA KA ZHES BYA BA NYID KYIS TSIGS BRJOD DE DE BAS NA K'AR sh'A PA nA'I DGONGS PA NYID NA NA KA'I SGRA LA DE'I PHYIR LTUNG BA'O, ,'O NA DE LTAR YIN NA K'AR sh'A PA nA CI LTA BU ZHES BYA BA'I DRI MA 'DI MI LDANG NGO ZHE NA, 'DI NA YOD PA MA YIN TE, CI ZHIG BYAS PA DANG, CI ZHIG RNAM PAR GZHAG PAS ZHES BYA BA NYE BAR SHES PA BO MA LUS PA SHES PA'I DON NYID KYI PHYIR 'DI LA'O, ,DE LTAR NA YANG BRKU BAR BYAS PAS ZHES BYA BAS NYE BAR SHES PA PO NYID LA BRKUS PA LA RGYAL POS BSTAN PA'O, ,GZHUNG 'DI RNAMS LA MA SHA KA NYI SHU PA NYID K'AR sh'A PA nA GANG LA GSUNGS PA'O, ,K'AR sh'A PA nA CI LTA BUS MA SHA KA LNGA BRKUS NA LTUNG BA THA MAR 'GYUR RO ZHES BYA BA'I DON 'DI LA GTZO BO MA YIN PAR 'GYUR BA NYID DO, ,DE BAS NA 'DIR LNGA NYID NI DPE YIN TE, K'AR sh'A PA nA'I BZHI CHA ZHES BYA BA 'DI RNYED PA'O, ,DE LTAR YANG GTAM GYI GZHI'I SKABS NAS SHIN TU GSAL BAR 'DI

84a

, ,GSUNGS PA YIN TE, BTZUN PA MA SHA KA GSUM BRKUS NA PHAM PA'I LTUNG BAR 'GYUR BA MCHIS SAM, BKA' STZAL BA YOD DO, ,GANG NA MA SHA KA BCU GNYIS LA K'AR sh'A PA nA GCIG TU GYUR PA NA'O, ,MA SHA KA LNGA LAS LHAG PA BRKUS NA PHAM PA'I LTUNG BAR MI 'GYUR BA MCHIS SAM, BKA' STZAL PA YOD DE, GANG NA MA SHA KA BZHI BCU LA K'AR sh'A PA nA GCIG TU 'GYUR NA'O ZHES GSUNGS PA YIN TE, DER NI MA SHA KA BCU BRKUS NA PHAM PAR 'GYUR BAR DGONGS SO, ,DENG SONG NI 'DIR K'AR sh'A PA nA GCIG NI PA nA BCU DRUG GIS TE, DENG SONG NI 'DIR PA nA BZHI BRKUS NA PHAM PAR 'GYUR BAR RIG PAR BYA'O, ,RKU BA'I GNAS DANG DUS KYIS DE'I BRTZI BA RNAM PAR GZHAG GO ZHES BYA BA NI RKU BA'I GNAS DANG RKU BA'I DUS KYI RIN THANG BRTZI BA GANG YIN PAS K'AR sh'A PA nA DE'I RIN THANG MA SHA KA BCU GNYIS LA K'AR sh'A PA nA GCIG GAM MA SHA KA BCU DRUG GAM MA SHA KA NYI SHU'AM, MA SHA KA BZHI BCU'AM DE LA SOGS PA'I RIN THANG BRTZI BA DE BRTZIS PA'I K'AR sh'A PA nA'I BZHI CHA CIG BRKUS NA PHAM PAR 'GYUR BAR SHES PAR BYA'O, ,YUL GZHAN DANG DUS GZHAN DANG GLING GZHAN GYI RIN THANG BRTZI BA DES YUL DANG DUS DANG GLING GZHAN DU BRTZI BA NI MA YIN NO, ,CHE BA NYID KYIS RIN THANG GDAB PAR MI NUS PA NI RAB KYI MTHAR BYIN PA NYID DO ZHES BYA BA NI RDO RJE PHA LAM LA SOGS PA RIN PO CHE GANG CHE BA NYID KYIS RIN THANG GDAB PAR MI NUS PA DE NI RAB KYI MTHAR PHYIN PA NYID YIN TE, RDZAS DE LA RIG PAR BYA'O, ,MA SHA KA LNGA LA SOGS PA'I RIN THANG BZLOG PAR MI NUS PA NYID KYI PHYIR 'DIR PHAM PA 'BYUNG BAR BYA BA GANG ZHIG BSAM PA DE'I 'DOD PA BZLOG PA'I DON DU MDO 'DI GSUNGS SO, ,PHAM PA NI 'DI RKU BA ZHES BYA BA DGUG PA'I DON TO, ,CHUNG BA NYID KYIS DER MI CHOG PA NI KHONGS SU MA GTOGS PA NYID MA YIN NO ZHES BYA BA LA, DE'I ZHES BYA BA NI RIN THANG GDAB MI NUS PA LA STE, GANG ZHIG LA CHUNG BA NYID KYIS RIN THANG GDAB PAR MI CHOG BA STE, GANG ZHIG MI CHOG PA NYID NI DER KHONGS SU MA BSDUS PA NYID MA YIN STE, DER SBOM PO'I LTUNG BA NYID CES BYA BA'I DON TO, ,DE LA SANGS RGYAS KYI SKU GDUNG NI GZHAL DU MED PA'I RIN PO CHE NYID YIN NO ZHES BYA BA LA, GZHAL DU MED PA NI MI NUS PA STE, RAB KYI MTHAR PHYIN PA NYID YIN PA'I PHYIR

84b

'DI TZAM ZHES BYA BA GANG ZHIG GZHAL BAR MI NUS PA'I RIN PO CHE DE NI GZHAL DU MED PA STE, SANGS RGYAS KYIS SKU GDUNG DE NYID LA ZHES BYA BA'I DON TO, ,DPER NA NOR BU'I BDAG NYID GZHAL DU MED PA'I RIN PO CHE MI'I RGYUD KYIS YONGS SU BZUNG BA ZHIG RKU SEMS KYIS RKU NA, GAL TE DON JI LTA BA BZHIN DU 'DI LA DE'I RIN THANG RNAM PAR GNAS PA YIN NA NI DE'I TSE PHAM PAR 'GYUR RO, ,GAL TE DE'I RIN THANG DE BZHIN DU GNAS PA MA YIN NA LTUNG BA MA YIN NO, ,DE BZHIN DU SANGS RGYAS KYI SKU GDUNG LA ZHES BYA BA DE LA 'DI BYED PA'O, ,DE'I GNAS LA LUGS SU GYUR PA'I DUS DE LA GANG ZHIG RNAM PAR GZHAG PA DES 'DIR LTUNG BA SKYED PAR RIG PAR BYA'O, ,GANG ZHIG GANG ZAG 'GA' ZHIG LA GCIG GAM DU MA LA DOR BYED PA NYID KYIS 'DI'I RIN THANG RNAM PAR GZHAG PA 'DI LA BZUNG BA NYID DANG ZHES BYA BA DOR BYAS NAS DE LTAR BYA STE, RIN THANG CHEN PO LA SNYING PO DE DANG LDAN PA NYID DU SHES NAS KYANG GNAS GANG LA DOR BYED PA NYID KYIS THAMS CAD KYIS RIN THANG CHUNG BA NYID DU RNAM PAR GZHAG PA DE LA YANG 'JIG RTEN PA'I RIN THANG NYID LTUNG BA BYED PA NYID DO, ,MCHOD PA'I DON DU NI NYES BYAS SO ZHES BYA BA NI 'DIR BDAG TU BYA BA'I BLOS NI MA YIN LA GZHAN GYI BLOS KYANG MA YIN LA DE BAS NA NYES BYAS BSKYED PA STE, PHAM PA YANG MA YIN LA SBOM PO YANG MA YIN NO; ,'DIR GZHUNG NI JI STE MCHOD PA'I DON DU 'DI BDAG GI STON PA'O, ,BDAG GIS 'DI LA BKUR STI BYA'O SNYAM DU RKU BAR BYED NA NYES BYAS KYI LTUNG BAR 'GYUR RO ZHES GSUNGS PA YIN NO, ,DPE BRI BA LA NI NYES PA MED PA YIN NO ZHES BYA BA NI GANG ZHIG MTHONG NAS GZHAN DU 'DRI BA NI DE'I YI GE LA SOGS PA 'DIR BAR BYA STE, YI GE LA SOGS PA'I MTSAN MA DE BSKUS PAS BLANGS PA LA SKYON MED PA NYID DE LTUNG BA MI BYED PA NYID DO, ,GZHAN DU 'DIR BA MTHONG NAS 'DI LA BZUNG BA'O, ,'DIR NI CUNG ZAD GZHAN LA CHAD PAR 'GYUR BA MA YIN TE, 'DRI BA'I SNOD BSKUS PA LA NI RIN THANG JI LTA BAR LTUNG BA'O, , BSHIG STE RKU BA LA NI DE'I GNAS SKABS RKU BA'I DNGOS PO NYID YIN NO ZHES BYA BA NI GSER LA SOGS PA'I RDZAS GANG ZHIG BSHIG PA DE'I GNAS SKABS RKU BA'I DNGOS PO NYID DO, ,DE'I GNAS SKABS ZHES BYA BA 'DI LA RKU BA'I BDAG NYID CAN GYI SBYOR BA BDUN DU DES SBYOR BA DANG BRAL BAR GYUR PA ZHES BYA BA'I DON

85a

, ,TO; ,'JIG PA LA NI SBOM PO STE, 'JIG PA'I RNAM PAR 'GYUR PA'I GNAS SKABS LA RIN THANG GANG YIN PA DE'I DBANG GIS LTUNG BA ZHES BYA BA DE LA 'DI BRJOD PA'O, ,'DIR GZHUNG NI BTZUN PA DGE SLONG GIS MI RNAMS KYI RIN PO CHE'AM RIN PO CHER SMOS PA'AM GSER BSHIG STE RKU NA LTUNG BA CIR 'GYUR, BKA' STZAL PA, RIN THANG BRTZI BAR BYA'O ZHES BYA BA LA SOGS PA GSUNGS PA YIN NO, ,DE DANG GNAS SKABS CAN NYID LA RIN THANG BRTZI BAR BYA'O ZHES BYA BA GSUNGS PA'I PHYIR DON 'DI MNGON PAR 'DOD CES BYA BA 'DI LTAR DON BYAS SO, ,BYANG GI SGRA MI SNYAN NA NI YONGS SU 'DZIN PA MED PA NYID DO ZHES BYA BA NI YONGS SU 'DZIN PA MED PA'I DNGOS PO NI RANG GI BZHIN DU BLTA BAR BYA'O, ,DE NI RANG GI DANG 'DRA'O ZHES BYA BA NI JI LTAR RANG GI RDZAS RKU SEMS KYIS BRKUS NA NYES PA SBOM POR 'GYUR BA BZHIN DU 'DI YANG DE BZHIN NO ZHES BYA BA'I THA TSIG GO, ,ZHU BA'I SKABS 'DIS DNGOS PO'I SKABS DANG, BDAG PO'I SKABS DANG, RJES SU SGRUB PA'I SKABS DANG, MTHAR THUG PA'I SKABS ZHES BYA BA'I RNAM PA BZHI BSDUS PA DE RNAMS LAS DE YAN CHAD DU DNGOS PO'I SKABS BSHAD ZIN TO, ,DA NI BDAG PO'I SKABS BRJOD PAR BYA STE, DE'I DUS NA BDAG NYID YOD PA BDAG PO NYID DO ZHES BYA BA LA, DE'I DUS KYI ZHES BYA BA NI RKU BA'I DUS KYI'O, ,MCHOD RTEN LAS BSKUS PA YANG MI'I RGYUD KYIS YONGS SU BZUNG BA MED PA'I PHYIR YAN LAG MA YIN PA NYID LA DNGOS PO TSANG NA NYES PA SBOM POR 'GYUR TE 'DI NI BSDUS PA YIN NO, ,MYA NGAN LAS 'DAS PA NI LHA NYID DO ZHES BYA BA NI SLAR 'DI RNAM PAR NGES PAR PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA NI RNAM PAR DAG PA'I LHA NYID DU BZHED DO, ,MYA NGAN LAS 'DAS PA 'BYUNG BA'I DBANG GIS DER PHUNG PO SPANGS PA LA PHUNG PO LHAG MA MED PA LA RNAM PAR DAG PA'I LHA NYID DU SKYES PA NYID DO, ,MCHOG TU BDE BA'I BDAG NYID CAN NYID KYI PHYIR MYA NGAN LAS 'DAS PA LA YANG LHA NYID KHO NAR RNAM PAR GNAS PA YIN ZHES BYA BA'O, ,BRNYAN PA NGES PAR SBYIN PA NYID BZHIN DU NYE BAR SPYOD NA SBYOR BA BZHIN NO ZHES BYA BA NI GZHAN DU NI RKU SEMS MED PA ZHES BYA BA BSTAN PA'I PHYIR RKU BA'I SEMS KYIS ZHES BYA BA 'DIR RJES SU CHAGS PAR RIG PAR BYA'O, ,DNGOS PO MCHOG PA NYID LA SBOM PO'I

85b

LTUNG BA LA DNGOS GZHIR BRJOD PA'I PHYIR YONGS SU RDZOGS PA LA SBYOR BA NYID SHES PAR BYA'O, ,DON CI ZHIG GIS DNGOS PO GANG ZHIG GNANG BA DE YANG JI LTAR BSRI BA MED PAR THAMS CAD NYID KYIS BSTAN PA LA SBYIN PAR BYA BA MA YIN PA NYID KYIS LONGS SPYOD PA DE NI SBYOR BA BZHIN DU BLTA BAR BYA'O, ,DE LTA BU'I NYE BAR LONGS SPYOD PA LA SBOM PO'I LTUNG BA ZHES BYA BA'I DON TO, ,NYE BAR SPYOD NA SBYOR BA BZHIN NO ZHES BYA BA NI MA CHAD PA'I RNAM PA YANG NYE BAR SPYOD PAR BYA BA GZUNG BA DANG BCAS PAR BYA BA NYID KYI PHYIR RO, ,DE BAS NA 'DIR SBOM PO'I LTUNG BA'O, ,MA GNANG BA LA BSRI BA MED PA NYE BAR LONGS SPYOD PA NI SHIN TU LCI BA NYID DE DE BAS NA 'DIR YANG 'DIS SBOM PO'I LTUNG BA BYAS PA NYID DU RIG PAR BYA'O, ,'DIR GZHUNG NI BTZUN PA DGE SLONG GIS KHYIM BDAG GI GOS BRNYAN PA BTAGS TE RKU NA LTUNG BA CIR 'GYUR, NYES PA SBOM POR 'GYUR RO, ,CI STE KHYIM BDAG 'DI SKAD CES 'PHAGS PA BDAG NYID 'DI KHYOD LA BRNYAN NO ZHES ZER NA DGE SLONG DE LA BSRI BA MED PA'I 'DU SHES CAN DE LA YONGS SU LONGS SPYOD PAR BYED NA SBOM PO'I LTUNG BAR 'GYUR ZHES BYA BA 'DI'I 'DI BSDUS PA'O, ,'DI LAS SNGA ROL GYI GZHUNG LAS RUNG BA ZHES BYA BA'I MDO 'DI BSDUS PA'O, ,GSANG SNGAGS DANG SMAN DAG GIS 'BUL DU BCUG NA YANG NGO ZHES BYA BA NI SBYOR BA BZHIN NO ZHES BYA BA DANG RJES SU 'BREL TO, ,DE NI CHAD PAS BCAD PA'I RNAM PA YIN PA STE, DE BAS NA 'DIR NYES PA SBOM POR 'GYUR RO, ,'DIR GZHUNG NI JI STE DES GSANG SNGAGS KYIS SAM, ME TOG DANG 'BRAS BU RNAMS KYIS STZAL NAS KHYIM BDAG DES 'DI SKAD CES 'PHAGS PA BDAG GIS 'DI KHYOD LA BRNYAS PA BRNYAN NO ZHES ZER NAS, DGE SLONG DE LA YANG BSRI BA MED PA'I 'DU SHES CAN DANG, NGES PAR BYIN PA NYID KYI 'DU SHES KYIS NYE BAR SPYAD NA NYES PA SBOM POR 'GYUR RO ZHES GSUNGS PA YIN NO, ,NGES PAR BYIN PA'I 'DU SHES CAN ZHES BYA BA NI DE LTAR RNYED PA LA BDAG TU BYA BA BSTAN PAR REG PAR BYA'O, ,YONGS SU TSIM PAR BYA BA'I PHYIR ME TOG DANG 'BRAS BU SBYIN PA GANG YIN PA NI MA GTOGS PA STE, DE NI LOG PA'I 'TSO BA LA MTSAN MA RNYED PA DANG BLANGS PAS BSAM PA BRAL BAR GYUR PA RKU BA LA BRTEN PA'I SKYON MI SKYED PA NYID DO, ,DE BAS NA DBANG DU BYA BA LA MKHAS PAR

86a

, ,GYUR PA'I ME TOG DANG 'BRAS BU RNAMS LA MA BZUNG BA 'DI RNAM PAR SHES PA'O, ,GZHAN GYI DON NYID DU NA YANG DNGOS GZHI'I RNAM PA'O ZHES BYA BA NI GZHAN GYI DON LA BDAG GI BYA BA MA SKYES PAR GANG RKU BAR BYED NA YANG DE LA DNGOS GZHI'I RNAM PA'O ZHES BYA BA DNGOS GZHI'I SBYOR BA STE, DNGOS GZHI'I KHA NA MA THO BA MA TSANG BA ZHES BYA BA'I DON TO, ,PHAM PAR 'GYUR BA'I SBYOR BA LA DGONGS NAS DNGOS GZHI'I RNAM PA ZHES BRJOD DO, ,'DIR GZHUNG NI BTZUN PA DGE SLONG GIS MA BSGO BAR GZHAN GYI DON LA RKU BAR BYED NA LTUNG BAR CIR 'GYUR, NYES PA SBOM BOR RO ZHES GSUNGS PA YIN NO, , RTOG PAS KYANG NGO ZHES BYA BA NI DNGOS GZHI'I RNAM PA'O ZHES BYA BA DANG RJES SU 'BREL TO, ,KHA BCINGS PA TZAM DU GYUR PA'I RTOG PA GANG YIN PA DE LA MI SKYED PA 'GRIB PA LA DNGOS GZHI NYID DU RNAM PAR GNAS TE DNGOS GZHI'I RNAM PA NI MA YIN NO, ,DE BAS NA YANG DAG PAR NA SKYON MED PA'I RNAM PA'I GNAS DANG RJES SU 'BREL PA DE LAS BZLOG PA RNAMS LA RTOG PA 'DI CIS RTOGS PAR BYA ZHE NA, 'DI LTA STE DPER NA 'DI NI BDAG GI YIN NO SNYAM PA'AM YONGS SU BZUNG BA MA YIN NO SNYAM PA'AM, DE BDAG LA SBYIN NO ZHES BYA BA'I 'DU SHES SAM, DMIGS PA MED PA'AM, DOGS PA DANG BCAS PA'AM, G-YO BA MED PA'AM, CIG SHOS KYI 'DU SHES KYI SKYON GYIS RJES SU 'BREL BA'O, ,'O NA 'DI NI THE TSOM YIN NA DER 'DI LA SKYON GYI 'DU SHES TE THE TSOM NI MA YIN NO, ,DE BAS NA GZHAN NYID DU GYUR PA LA PHAM PA 'BYUNG BAR 'GYUR TE, GANG YANG RUNG BA'I 'O SNYAM PA'I BSAM PA YANG DAG PAR GNAS PAR 'GYUR BA LA 'DI 'BYUNG BAR 'GYUR BA NYID DE, DE LTA BU NI BDAG TU BYAS PA MA YIN NO ZHES BYA BA NGES PA LA GNAS PA'I 'DZIN PA LA SBOM PO 'DI BRJOD PAR RIG PAR BYA'O, ,GDAMS TE BZANG PO RKU BAR 'DOD PA LA YANG NGO ZHES BYA BA NI DNGOS GZHI'I RNAM PA'O ZHES BYA BA DANG RJES SU 'BREL TO, ,RKU BAR 'DOD PA LA ZHES BYA BA 'DI LTA BU'I 'DOD PA YOD PA LA, GANG ZHIG GDAMS PA DNGOS GZHI'I RNAM PA DE LA KHA NA MA THO BA MED PA'O, ,JI LTA BU ME TOG RNAMS KYI GDAMS PA DE LTA BU 'DI'O, ,'DI LTAR GZHAN DU NI NOM PA'I SNGA ROL DU ZHES BYA BA BRJOD PAS 'DI'I NOM PA SNGA ROL DU 'DIR DE'I DNGOS PO DE BAS NA SBYOR BA'I SBYOR BA NYID

86b

DO; ,NOM PA'I SNGA ROL DU ZHES BYA BA NYES BYAS THOB PA LA MDO 'DI'O, ,'DIR GZHUNG NI BTZUN PA MI RNAMS KYI GOS KYI GDANG SHING NGAM, GOS KYI SNOD DAM GOS KYI ZA MA TOG GAM GLANG PO CHE'I SO BZHAG PAR 'GYUR TE, DER DGE SLONG RKU BA'I SEMS RNAM PAR SHES TE, GANG 'DOD PAR GYUR PA DE RKU BAR BYED NA CI LTUNG BAR 'GYUR RAM, NYES PA SBOM PO'I LTUNG BAR 'GYUR ZHES BYA BA'O, ,GANG ZHIG 'DOD PA DE NI BRKUS TE RIN THANG BRTZI BAR BYA'O ZHES GSUNGS PA YIN NO, ,SO SOR BYED PAR 'GYUR BA LA YANG GNAS NAS GDAMS PA 'DI NI NYES PA SBOM POR RIG PAR BYA'O, ,GZHAN DON DANG BCAS PA 'DRA BAR YANG DAG PAR 'GRO BA LA BSDUS PA'I BLO LA DER YANG DAG PAR GNAS PAS GDAMS TE, 'DIR SBOM PO'I LTUNG BA GCIG GO, ,GDAMS TE RKU BA'I DON DU NOM PA LA GZHAN ZHES BYA BA RNAM PAR GNAS PA YIN NO, ,RGYAN LA DOR BYED NA GAL TE DE RGYAL BA NYID DU MA GYUR BA'I TSE SBYOR BA'O ZHES BYA BA NI RGYAN LA DOR BYED NA GAL TE DE RGYAL BA NYID DU MA GYUR GYI BAR DU DOR TE SBYOR BAR 'GYUR RO, ,DE LA DE NI BRKUS PA YIN NO ZHES BYA BA LA, DE LA ZHES BYA BA NI RGYAN LA'O, ,DE NI ZHES BYA BA RGYAL BA NYID NA BRKUS PA YIN NO, ,GANG GI PHYIR 'DIR RKU BA NYID NI DE BAS NA 'DI LA BRTEN PA'I DOR BYED PA LA SBYOR BA NYID DO, , DNGOS GZHI LA SO SOR DE MA THAG PA NYID KYI PHYIR RO, ,GRANGS LA NI DE'I'O ZHES BYA BA NI GRANGS NI RTZIS LAS TE, GANG ZHIG DOR BYED PA NI RANG GI SBYOR LA DE'I SBYOR BA NYID DANG BCAS PA DANG, ,DNGOS GZHI LA NYES BYAS MA YIN PA LA, GRANGS KYI SKABS SU DOR BYED PA NYID NI NYES BYAS YIN GYI SBOM POR NI MI 'GYUR ZHES BYA BA'I DON TO, ,MTSAN MA PHYIS PA DANG BSNAN PA GNYIS GNAS GZHAN DU GZHAG PA YANG DE NYID YIN NO ZHES BYA BA NI MTSAN MA GANG ZHIG GCIG LA SOGS PA SHOD THABS KYI MTSAN NYID BYAS PA DE PHYIS PA ZHES BYA BA NI MED PAR BYAS PA'O, ,BSNAN PA LA GANG ZHIG MTSAN MA LA JI LTAR THOB PA'I GZHAN DU GZHAG PA YANG DE NYID DO ZHES BYA BA NI DOR BYED PA NYID CES BYA BA'I DON TO, ,THAMS CAD DU DBANG BYED PA'I MDO YIN NO, ,RGYAN GYI DBANG DU BYED PA NYID MA YIN NO, ,DE LA GRUB PA NA BRKUS PA YIN NO ZHES BYA BA LA DE LA ZHES BYA BA NI GRANGS LA'O, ,GRUB PA NA ZHES BYA BA NI THOB PA STE NOR LA BRKUS PA YIN NO, ,

87a

, ,DE BAS NA 'DIR DOR BYED NA SBYOR BA'I SBYOR BA NYID DO, ,THOB PA'I PHYIR DE MA THAG PA'I BYA BA LA SBYOR BA NYID DO, ,SLAR THOB PA NI 'DI'I BDAG NYID DAM DE LAS GZHAN PA'I GANG ZAG BSTAN PA DANG, BYA BA 'GA' ZHIG LA DE'I NGES PAR SBYAR BAS SO, ,TSOMS GZHAN DU BGRANG BA YANG DE DANG 'DRA'O ZHES BYA BA YANG RNYED PA'I PHYIR BDAG NYID TSOMS GZHAN DU BGRANG BA YANG DE DANG 'DRA STE, DE'I GRANGS KYI SKABS SU DOR BYED PA DANG 'DRA BAR BLTA BAR BYA'O, ,'DIR YANG BGRANG BA NI SBYOR BA'I SBYOR BA NYID DE NYES BYAS NYID DO, ,GRUB PA'I TSE NI BRKUS PA NYID DO, ,'DIR GZHUNG NI BTZUN PA DGE SLONG GIS RE ZHIG BDAG NYID TSOMS GNYI GAR BGRANGS NA LTUNG BA CIR 'GYUR, NYES PA SBOM POR SBYOR BA'I NYES BYAS SU'O ZHES GSUNGS PA YIN NO, ,SNGA MA NYID PHYI MA DAG LA PHYI MA NYID SNGA MA DAG LA BSNYON PA YANG NGO ZHES BYA BA YANG GI SGRA NI DE DANG 'DRA'O ZHES BYA BA RJES SU DRANG BA'I DON DU'O, ,SNGA MA'I GRANGS LA PHYI MA DAG LA NI TSOMS DAG LA THOG MAR 'DIR BDAG NYID BGRANG BAR BYAS PA'I TSOMS DE LAS GZHAN DE RNAMS LAS BSNYON PA'AM GZHAN GRANGS GNYIS PA GANG YIN PA DE LA TSOMS SNGA MA SHOS GANG LA DANG POR DE'I GRANGS BYAS PA DE'I TSOMS YONGS SU THOB PA RNAMS LA BSNYON PA GANG ZHIG DE YANG DE DANG 'DRA BAR GRANGS ZIN PA DOR BA BZHIN DU BLTA BAR BYA'O, ,'DIR YANG TSOMS LA SBYOR BA'I SBYOR BA NYID DE NYES BYAS SO, ,GRUB PA'I TSE NI BRKUS PA NYID DO, ,'DIR GZHUNG NI BTZUN PA DGE SLONG GIS RE ZHIG BDAG NYID BGRANG DU STZAL BAS BSNYON LTUNG BA CIR 'GYUR, NYES PA SBOM POR SBYOR BA'I NYES BYAS SO ZHES GSUNGS PA YIN NO, ,SKAL BA NYID NI DE DAG GANG DU THAMS CAD KYI DANG POR BGRANGS PA DER RO ZHES BYA BA NI GANG DU DE TSOMS THAMS CAD KYI DANG POR BGRANGS PA DER GTOGS SO, ,DE LA SKAL BA BLANGS PA LA NI LTUNG BA MED DO ZHES BYA BA DE LA 'DI NI BYED PA'O, ,MI DBANG BA DBANG BAR SGROGS PA YANG NGO ZHES BYA BA LA, YANG GI SGRAS NI DE DANG 'DRA'O ZHES BYA BA RJES SU DRANG BA'I DON DU'O, ,'DIR YANG DBANG BAR SGROGS PA NI SBYOR BA'I SBYOR BA NYID DE NYES BYAS SO, ,GRUB PA'I TSE NA NI BRKUS PA NYID DO, ,'DIR GZHUNG NI BTZUN PA DGE SLONG GIS RE ZHIG RNYED PA GLO BUR BA MI DBANG

87b

BA LA 'DI SKAD CES BDAG KYANG DBANG NGO ZHES DBANG BAR SGROGS NA LTUNG BA CIR 'GYUR, NYES PA SBOM POR SBYOR BA'I NYES BYAS SU 'GYUR RO ZHES GSUNGS PA YIN NO, ,MA BSGO BAR SLONG BA YANG NGO ZHES BYA BA NI GRANGS KYI SKABS SU DOR BYED PA DE DANG 'DRA BAR MA BSGO BAR SLONG BA BLTA BAR BYA'O, ,'DIR YANG MA BSGO BAR SLONG BA NI SBYOR BA'I SBYOR BA NYID DE NYES BYAS SO, ,GRUB PA'I TSE NA NI BRKUS PA NYID DO, ,'DIR GZHUNG NI BTZUN PA DGE SLONG GIS RE ZHIG KHYIM BDAG GI KHYIM DU NYE BAR MCHIS PAS, DE KHYIM BDAG DE'I NYE DU'I THAD DU MCHIS NAS KHYIM BDAG NA RE 'DI SKAD CES DNGOS PO CHE GE MO DANG MANG GE ZHIG BYIN CIG CES ZER RO ZHES BGYIS NA LTUNG BA CIR 'GYUR NYES PA SBOM POR SBYOR BA'I NYES BYAS SU'O ZHES GSUNGS PA YIN NO, ,BRNYAS PA DANG BSKYIS PA DANG GTAMS PA RNAMS BSNYON PA NI SBYOR BA'O ZHES BYA BA NI BRNYAS PA LA SOGS PA BSNYON PA NI SBYOR BA STE, MED PA NI SBYOR BA MA YIN PA ZHES BYA BA'I DON TO, ,BRNOGS PA NA BRKUS PA YIN NO ZHES BYA BA NI BRNYAS PA LA SOGS PA DE DAG GANG GI TSE BRNOGS SHING MI SBYIN PAR NGES PA DE'I TSE NA BRKUS PA YIN NO, ,DE LA BRNYAS NAS GZHAN LA 'DIR SO SOR DE MA THAG PAR GYUR PA'I BYA BA LA BYA BA MED PA ZHES BYA BA DE LA BRNYAS PA NYID LA SBYOR BA NYID DO; ,BRNOGS PA LAS SNGA ROL DU GYUR PA'I BSNYON PA GANG ZHIG PHYI MA NI MA YIN ZHING DUS MNYAM PAR YANG MA YIN PAR 'DIR MNGON PAR 'DOD PA ZHES BYA BA 'DI SHUGS KYIS RTOGS PAR BYA'O, ,DE LA BRNYAS NAS ZHUGS PA NI BRNYAN POR ZHUGS PA'O, ,BSKYIS NAS ZHUGS PA NI SO SOR SBYIN BAR BGYI ZHES BYA BAS RNYED PA NI BSKYIS NAS RNYED PA'O, ,RAB TU BSKYIS NAS RNYED PA ZHES BYA BA DRANG SRONG GI TSIG GANG YIN PA DE LA 'DI NYAMS PA'O, ,YONGS SU SBYOR BA ZHES BYA BA 'DI GZHAN ZHU BA LAS 'BYUNG BA YIN TE, NOR ZAD PAR YONGS SU SBYAR BA'I DON DU STE, DE LAS NOR BZUNG BA MA BTANG BA ZHES BYA BA'I DON TO; ,YONGS SU 'GRO BAR BYED PA ZHES BYA BA 'DI GZHAN DAG GIS BRJOD PA STE, 'DI DANG CHE GE MO LAS 'GRO BA BSGRUB PA'I DON DU ZHES BYA BA NI 'DI'I DON TO, ,'DI GNYIS KA YANG THA MI DAD PAR BSKYIS PA ZHIG BYA BA BRNOGS PA NA BRKUS PA YIN NO ZHES BYA BA'O, ,'DIS NI 'DIR BRKU BA'AM 'ON TE MA

88a

, ,YIN SNYAM DU YID GNYIS ZA BAR GYUR PA DE'I TSE NA GANG ZHIG GNAS LA 'PHO BA DER NI NYES PA SBOM POR 'GYUR RO, ,DNGOS PO YONGS SU RDZOGS PA DE LA PHAM PA MI BSKYED CES BYA BA 'DI THAL BAR RIG PAR BYA'O, ,'DIR GZHUNG NI BTZUN PA DGE SLONG GIS RE ZHIG BSNYON PAR BYAS NAS RKU NA LTUNG BA CIR 'GYUR, G-YAR NAS BSNYON PAR BYED NA NYES PA SBOM POR RO, ,DE GNYIS LAN 'GA' MTHAR 'GYUR BA YANG YOD DE GANG GI TSE BRNOGS PA NA'O, ,DGE SLONG GI THAD DU GZHAN GYIS GTAMS TE GZHAG PA DE LEN PA'I TSE BSNYON NA LTUNG BA CIR 'GYUR, NYES PA SBOM POR RO, ,LAN 'GA' NI MTHAR 'GYUR TE, GANG GI TSE BRNOGS PA NA'O ZHES GSUNGS PA YIN NO, ,GTAMS PA SBAS PA LA GAL TE SPO BA DANG LHAN CIG TU DANG, SPOS PA'I 'OG TU DANG, GAL TE SNGAR NA NI SBYOR BA GZHAN NYID DO ZHES BYA BA NI GTAMS PA YANG BA GANG YIN PA GANG ZHIG GZHAG PA GNAS GANG DU GAL TE SPO BAS GNAS PA DANG, LHAN CIG TU BRNOGS NA PHYIR SPO BA'I 'OG TU DE LAS BRNOGS PA NYID NI BRKUS PA NYID YIN NO, ,'ON TE SPO BA LAS SNGA ROL DU BRNOGS NA GZHAN DU BSNYON PA NI SBYOR BA STE DNGOS GZHI'I RNAM PA NYID KYI PHYIR RO, ,BSNYON PA YOD KYANG GANG DU CHAD PA NYID KYIS BRNOGS NA SBYOR BA MA YIN PA NYID DU RTOGS PAR MI BYA'O, ,BRNOGS PA LA BRNOGS PA'I SNGA ROL DU BSNYON PA LA SBYOR BA'I SBYOR BA NYID DO, ,DE BAS NA SBYOR BA NYID DO, ,BRNOGS PA DANG BSNYON PA'O, ,'DIR SBAS PA NI BRKUS PA'O, ,'DIR GZHUNG NI DGE SLONG GI THAD DU GZHAN GYIS GTAMS TE GZHAG PA DE LEN PA'I TSE BSNYON NA NYES PA SBOM POR 'GYUR RO, ,LAN 'GA' NI MTHAR 'GYUR TE GANG GI TSE BRNOGS PAR BYED CING DNGOS PO TSANG NA NI MTHAR 'GYUR RO, ,GAL TE MA TSANG NA NYES PA SBOM POR 'GYUR RO, ,SNGAR BRNOGS PAR BYED CING PHYIS GNAS NAS SPO BAR BYED NA BRNOGS PA'I TSE NYID NA NYES PA SBOM POR 'GYUR RO, ,CI STE SNGAR GNAS NAS SPO BAR BYED CING DNGOS PO TSANG NA MTHAR 'GYUR RO, ,DNGOS PO MA TSANG NA NYES PA SBOM POR 'GYUR RO ZHES GSUNGS PA YIN NO, ,SKYID PA GCOD PA DANG GSOD PA NI CHUD GZON PA YIN NO ZHES BYA BA NI GLANG PO CHE DANG RTA DANG RNGA MO DANG BA LANG DANG BSEL SOGS PA RNAMS LA PHAN PAR MA GYUR CIG CES CHU LA GCOD PA DANG, GSONG

88b

PA NI SBED PA'O, ,CHUD GZAN PA ZHES BYA BA 'DI LA CHUD GZAN PA'I TSIG GI KHONGS SU BSDU BA NYID CES BYA BA'I DON TO, ,'DIR SKYID PA GCOD PA NI DPE YIN TE RNAM PAR 'TSE BA GZHAN DAG LA YANG RIG PAR BYA'O, ,'DIR GZHUNG NI CI STE PHAN PAR MA GYUR CIG CES GSOD PAR BYED NA NYES PA SBOM POR 'GYUR RO; ,CI STE PHAN PAR MA GYUR CIG CES SKYID PA GCOD PAR BYED NA YANG NYES PA SBOM POR 'GYUR RO ZHES GSUNGS PA YIN NO, ,MTSAMS KYI NAM MKHA' LAS SHO GAM 'DRAL BAR BYED NA YANG SBOM PO'I DBANG DU BYAS PA NYID DO ZHES BYA BA NI MTSAMS DANG 'BREL BA'I NAM MKHA' GANG YIN PA DE LA SHO GAM 'DRAL BA'I SBOM PO'I DBANG DU BYAS PA NYID DO, ,GANG GIS MTSAMS KYI KHONGS SU BSDUS PA'I SA LA GNAS PA LUS KYIS BRTZAL BA MTSON CHA 'PHANGS PA LA SOGS PAS SAM, NGAG GIS BRTZAL BA GSANG SNGAGS KYI BZLAS BRJOD LA SOGS PAS SAM, YID KYIS BRTZAL BA RDZU 'PHRUL MNGON PAR 'DU BYED PA LA SOGS PA SHO GAM GYI BYA BA MA CHAGS PAR GYUR PA LUS DANG 'BREL BA'I NAM MKHA' 'GA' ZHIG LA SHO GAM GYIS 'DA' BAR BYED NA DER MA SHA KA LNGA LA SOGS PA'I DNGOS POR TSANG BA LA YANG NYES PA SBOM PO YIN NO, ,GANG GI TSE DGE SLONG NAM MKHA' LA GNAS PA DANG PHYI ROL GYI MTSAMS KYI SA LA GNAS PA LA NI DER LTUNG BA MED CES BYA BA 'DIR BSDUS PAR RIG PAR BYA'O, ,RGYAL PO NGAG NI SA LA DBANG BA YIN GYI, NAM MKHA' LA NI MA YIN NO, ,DE BAS NA DGONGS PA MED PA LA SA LA SKYON MED PA NYID DU RNAM PAR GZHAG GO, ,RDZU 'PHRUL GYIS KHYER BA LA NI NYES PA MED PA NYID DO ZHES BYA BA LA, 'DI NI SHO GAM DRAL PA LA GNAS PA NYID DE GSANG SNGAGS DANG SMAN GYIS BYAS PA DANG YANG 'DIR LAS LAS SKYES PA'I RDZU 'PHRUL GYI MNGON PAR SHES PA YANG 'DI LTAR MNGON PAR SHES PA MED PAR ZHING NYID MA YIN PA'I PHYIR YID MI CHES PA'I SEMS DANG LDAN PA LA THAMS CAD DU LTUNG BA MED DO; ,GSANG SNGAGS DANG SMAN GYI LAS KYIS SKYES PA GANG ZHIG LA, MTSAMS KYI KHONGS SU GTOGS PA'I SA LA GNAS PA'I KHYER BA PO LA DGOS PA MED PA DE LA LTUNG BA MED DO, ,MTSAMS KYI KHONGS SU GTOGS PA'I SA LA GNAS PA'I KHYER BA PO LA SBOM PO NYID DO, ,'DIR GZHUNG NI BTZUN PA DGE

89a

, ,SLONG GIS RE ZHIG NAM MKHA' LAS SHO GAM 'DRAL BAR BYED NA LTUNG BA CIR 'GYUR, GAL TE RDZU 'PHRUL GYIS 'DRAL BAR BYED NA NI LTUNG BA MED DO, ,CI STE RNAM PA GZHAN DAG GIS BYED NA NYES PA SBOM POR 'GYUR RO ZHES GSUNGS PA YIN NO, ,MTSAMS GZHAN DU YANG NGO ZHES BYA BA NI NYES PA MED PA NYID DO, ,SHO GAM DRAL BA NA YANG ZHES BYA BA DANG RJES SU SBYAR RO, ,MTSAMS GZHAN DU ZHES BYA BA SHO GAM GYI BYA BA 'DA' BAR BYED PA LA LTUNG BA YOD PA MA YIN ZHES BYA BA'I DON TO, ,SHO GAM GYI GNAS NAS THOB PA'I SPONG BA'I BDAG NYID CAN DRAL BA'I BSAM PA MED PA LA RKU BA'I SEMS ZHES BYA BA 'DI LA 'DI BRJOD PA'O, ,BSGO NA NYES BYAS SO ZHES BYA BA NI SHO GAM DRAL NA ZHES BYA BAR SBYAR TE, SA GANG ZHIG LA SHO GAM LA SBYIN PAR BYA BA NYID DES MI 'GRO BA LA THAD KAR DE LAS 'DA' BAR BYED PA'AM SO SOR BZLOG PA LA SA MA THOB PA NYID LA GZHAN GYIS 'GRO BA'AM BZLOG PA ZHES SHUGS KYIS RTOGS PAR BYA'O, ,LAM GZHAN STON NA YANG NGO ZHES BYA BA SHO GAM DRAL BA'I ZHES BYA BAR SBYAR TE, SHO GAM GYI SA LA 'GRO BA'I LAM GZHAN NAS 'GRO BA'AM PHYIR BZLOG PAR BYA BA'AM THAD KAR 'GRO BA LAS SAM THOB PA NYID LA SHO GAM GYI SA LA 'GRO BA LAS LAM GZHAN NAS 'GRO BA 'AM PHYIR BZLOG PA LA ZHES BYA BA 'DI 'DIR SHUGS KYIS RTOGS PAR BYA'O, ,THABS KYIS BRJOD NA PHRA MOR RO ZHES BYA BA BSGO BA DANG LAM GZHAN STON PA DE GNYIS KA'I DNGOS SU MI BYED PAR THABS KYIS BRJOD PA YIN PA DE NI ZUR GYIS SMRA BA STE, DNGOS SU BRJOD PA NI MA YIN NO ZHES BYA BA 'DI LTA BUR GYUR PA PHRA MO STE, SHIN TU YANG BA'I NYES BYAS ZHE BYA BA'I DON TO, ,LAM GOL BA NI LAM DANG 'DRA'O ZHES BYA BA NI THAMS CAD DU LAM MA YIN PAS BRKUS PA LA SHO GAM GYI SAR 'GRO BA'I LAM YIN PAS 'DA' BAR BYED PA LA SKYON DANG BRAL BA NYID DANG 'GRIB PA YANG MA YIN ZHES BYA BA'I DON TO, ,KHA DANG TSEM BU NI SKUNGS GZHAN DANG 'DRA'O ZHES BYA BA NI JI LTAR SGRO BA NGAG LA SOGS PA'I SKUNGS GZHAN GYIS RKU BA'AM 'DA' BAR BYED NA NYES PAR 'GYUR BA DE BZHIN DU KHA DANG TSE MA BU'I NANG DANG BAR DU BCUG STE RKU 'AM 'DA' BAR BYED NA YANG NYES PAR 'GYUR RO, ,LUS KYI

89b

KHONGS SU GTOGS PA NYID KYI PHYIR 'DI NI LUS SU GYUR PA STE, GOS KYI KHONG SU GTOGS PA NYID KYI PHYIR GOS YIN PAS SHES PAR BYA BA MA YIN NO, ,DE BAS NA NYES PA MED PA NYID DANG 'GRIB PA MA YIN ZHES BYA BA'I DON TO, ,'DIR GZHUNG NI KHAS RKU NA MTHA'I LTUNG BAR 'GYUR RO, , TSEM BUS RKU NA MTHA'I LTUNG BAR 'GYUR RO ZHES GSUNGS PA YIN NO, ,RKU SEMS DANG BRAL NA MTHA'I MTHAR THUG PA NYID MA YIN NO ZHES BYA BA NI GANG RKU SEMS KYI SBYOR BA DANG DE MED PAR BRNOGS PA LA SBYOR BA'I LTUNG BA TZAM LA DE BSKYED PA'O, ,DNGOS GZHI'I LTUNG BA TZAM MA YIN NO ZHES BYA BA 'DI LA 'DI NI BYED PA'O, ,YONGS SU RDZOGS PA'I DUS SU RKU SEMS NYID BSAL BA LA MTHAR THUG PA DANG DNGOS GZHI LA RJES SU 'GRUB PA NYID MA YIN ZHES BYA BA'I DON TO, ,SBYOR BA LA DE MED NA DE MA BYAS PA NYID MA YIN NO ZHES BYA BA LA, SBYOR BA LA ZHES BYA BA NI SBYOR BA'I GNAS SKABS LA'O, ,DE MED NA ZHES BYA BA NI RKU SEMS DE MED LA RDZAS BZUNG BA'I DUS SU 'DI YOD PAS THA MA DANG DNGOS GZHI LA BYAS PA NYID KHO NA'O, ,GANG DU RKU SEMS MED PAR SBYOR BA MTHAR THUG PA NI RKU SEMS KYI SBYOR BA'I LTUNG BA NYID LA DER SGRUB PA YIN GYI DNGOS GZHI'I LTUNG BA NI MA YIN NO ZHES BYA BA 'DI LA 'DI BRJOD PA'O, ,'DIR GZHUNG NI BTZUN PA DGE SLONG CHOS GOS KYI GDANG LAS CHOS GOS LEN PA'I SNGA ROL DU RKU SEMS BYUNG LA PHYIS NI RANG GI 'DU SHES KYIS BLANGS NA LTUNG BA CIR 'GYUR, SNGAR NI NYES PA SBOM POR RO, ,PHYIS NI LTUNG BA MED DO, ,SNGAR RANG GI 'DU SHES KYIS LEN LA PHYIS RKU SEMS KYIS RKU NA LTUNG BA CI 'GYUR, SNGAR NI LTUNG BA MED DO, ,PHYIS NI NYES PA SBOM POR RO ZHES GSUNGS PA YIN NO, ,RANG GI 'DU SHES YOD PA LA RKU SEMS NYE BAR GZHAG PA'I DBANG DU MDZAD NAS 'DIR NYES PA SBOM POR RO ZHES GSUNGS SO ZHES RNAM PAR GNAS SO, ,SPRING YIG LA SOGS PAS NI NA SMAD PA MED DO ZHES BYA BA NI 'DOD PA ZHES BYA BA NGES PA'I TSIG LAS LAG YIG DANG RGYA'I YI GE RNAMS KYIS 'GRIM PA THOB PA LA 'DI NI RTZOM PA'O, ,'DIR GZHUNG NI SPRING YIG DANG LAG YIG RNAMS SAM, LAG RTZIS KYIS RKU NA RIN THANG BRTZI BAR BYA BA LA SOGS

90a

, ,PA GSUNGS PA YIN TE, RNAM PA GANG YANG RUNG BAS RKU NA YANG NA SMAD PA MED DO ZHES BYA BA'I DON TO, ,RJES SU BSGRUB PA'I SKABS SMRAS NAS, DA NI MTHAR THUG PA'I SKABS BRJOD PAR BYA STE, NAN KHUGS DANG DANG NA 'THEN YANG MA BRKUS PA MA YIN NO ZHES BYA BA NI, NAN KHUGS KYIS RKU BA GANG YIN PA SBYIN PAR BYA BA LA GCIG PA NA YANG GANG YIN PA 'DI NI RKU BA MA YIN ZHES BYA BAR SHES PAR BYA'O, ,'DI LA YANG KHYAD PAR BRJOD PA RNAMS LA CHOM RKUN PAS RKU BA BZHIN DU KHONGS SU BSDU BAR RIG PAR BYA'O, ,DE LTAR YANG 'DIR GZHUNG NI BTZUN PA RKU BA RNAM PA DU MCHIS, NYE BA LA 'KHOR DRUG STE, NAN KHUGS KYIS RKU BA DANG, SGYUR THABS KYIS RKU BA DANG, GTAMS PA RKU BA DANG, PHYIR BSAB PA RKU BA DANG, DNGAN 'THEN GYIS RKU BA DANG, CHOS RKU BA'O, ,BTZUN PA BCOM LDAN 'DAS KYIS GANG RKU BA DRUG PO 'DI RNAMS GSUNGS NA 'DI RNAMS KYI NANG NAS DU ZHIG MTHA'I LTUNG BAR 'GYUR, NYE BA 'KHOR CHOS RKU BA MA GTOGS PA GZHAN THAMS CAD KYIS MTHA'I LTUNG BAR 'GYUR RO ZHES GSUNGS PA YIN NO, ,DE LA CHOS RKU BA NI NYES PA MED DE, RKU SEMS MED PA'I PHYIR RO ZHES BYA BA DON GO BAR ZAD DO, ,SGYU THABS KYIS RKU BA NI RNAM PA GNYIS TE CHOM RKUN GYIS LEN PA DANG, DOR BYED PA'O, ,DE LA CHOM RKUN GYIS LEN PA NA RKU BA NYID YIN PAS DOGS PAR BYA BA MED DO, ,DOR BYED PA LA NI SBYOR BA DOR BYED PA ZHES BYA BA LA SOGS PAS BRKUS PA NYID DU GRAGS PA'O, ,GTAMS PA RKU BA LA NI GTAMS PA ZHES BYA BA LA SOGS PA'O, , PHYIR BSAB PA RKU BA LA NI SNGAR BRNYAS PA DANG BSKYIS PA YIN ZHES BYA BA'O, ,NAN KHUGS KYIS RKU BA LA NI DBANG GIS MNAN ZHING LEN PA STE, DE'I PHYIR DE BRKUS PA MA YIN NO SNYAM DU DOGS PA 'GA' YANG YOD LA, GANG ZHIG DANG NA 'THEN GYIS RKU BA YANG DE NI MI STER BTZAM DU ZAD KYIS BRKUS PA NI MA YIN NO SNYAM DU DOGS PA YOD PAS DE BAS BRKUS PA NYID DU BTAGS PA MA YIN NO, ,DOGS PA DE GNYIS BSAL BA'I PHYIR MDO 'DI BSTAN PAR RIG PAR BYA'O, ,GNAS DANG BCAS PA DANG MA YIN NO ZHES BYA BA NI RDZAS GANG GNAS DANG LHAN CIG TU BRKUS PA DE YANG MA BRKUS PA MA YIN TE

90b

BRKUS PA KHO NA YIN NO, ,RDZAS KYI GNAS LAS MI SEL BA NYID DU GANG DU GNAS LA SEL BAR BYED PA DE NI 'DIR GNAS DANG BCAS PA LA RKU BAR RIG PAR BYA'O, ,'DIR SBYOR BA DANG BRAL BA NYID NI DE GNYIS NI DE NYID DE GNAS DANG BCAS PAR YANG BRKUS PA NYID LA BDAG PO LA RDZAS DANG SBYOR BA DRAL BA NYID KYI PHYIR RO, ,'DIR GZHUNG NI JI SKAD DU BCOM LDAN 'DAS KYIS YO BYAD LCI BA GNAS NAS SPO BAR BYED NA MTHA'I LTUNG BAR 'GYUR RO ZHES BKA' STZAL NA, DGE SLONG GIS YO BYAD LCI BA GNAS LAS MA SPOS PAR BRKUS NA MTHA'I LTUNG BAR 'GYUR BA MCHIS SAM, YOD DE GNAS GANG NA 'DUG PA DE GNAS DANG BCAS TE BRKUS NA'O ZHES GSUNGS PA YIN NO, ,BSAD PA NYID NI BRKUS PA NYID MA YIN NO ZHES BYA BA NI DE BAS NA 'DI TZAM GYIS BRKUS PA NYID DU 'GYUR BA MA YIN NO, ,'DIR GNAS NA SPOS PA NYID BSAD PA DANG LHAN CIG TU 'GYUR BA'AM PHYIS BRKUS PA ZHES BYA BAR GRUB PA'O, ,PHYOGS GCIG TU GNAS NAS MA 'PHAGS PA YANG MA YIN NO ZHES BYA BA NI GNAS GANG ZHIG LA GNAS NAS SPO BAR GYUR PA LA RDZAS RGYUD GCIG LA PHYOGS 'GA' ZHIG GNAS DOR BAR GYUR TE GZHAN CUNG ZAD KYANG MA GROL BA NI MI 'DOR BA DE LA 'DI BYAS PA NYID MA YIN NO, ,THAMS CAD KYIS DOR BA LA BYAS PA NYID CES BYA BA'I DON TO, ,LTUNG BA NI DE LAS KHYER NA BRKUS PA YIN NO ZHES BYA BA NI 'BRAS BU RNAMS LA DES LTUNG BAS TE, SNGON DU 'DEGS PA LA RANG GI GNAS NAS PHUNG BA LA LTUNG BA DE NYID RKU BA'O, ,DER 'OG TU SA'AM GOS LA SOGS PA GANG YIN PA DE NI MCHOG GI BRTZEGS MA THOB PA'I BDAG NYID CAN GYI LTUNG BA NI 'DIR BRKUS PAR RIG PAR BYA'O, ,'DIR YUL DU THOB PAR BYED PA'I BLO YANG DAG PAR GNAS TE BSDUS PA'I BLO NI MA YIN NO, ,JI LTAR BSDUS TE GZHAG PA LA DE BAS NA 'DIR BRKUS PA NYID DU SHES PA'O, ,'DIR MNGON PAR 'DOD PAS YUL GYI RNAM PAR GZHAG PA'O, ,GANG DU RTEN PA NYID KYIS 'GRO BAR BYA BA MA YIN PA'AM, 'GRO BAR BYA BA MNGON PAR 'DOD PA DE 'DIR YUL LO, ,'DIR GZHUNG NI BTZUN PA DGE SLONG GIS SHING THOG RNAMS SPRUGS TE LTUNG BAR BYAS NAS BRKUS NA LTUNG BA CIR 'GYUR, GAL TE SBYOR BA GCIG

91a

, ,GIS MA SHA KA LNGA LA SOGS PA TSANG NA MTHAR 'GYUR RO, ,CI STE MA TSANG NA NYES PA SBOM POR 'GYUR RO ZHES GSUNGS PA YIN NO, ,'DZAG PA DANG 'BRUL BAR BYED PA'I BU GU LAS NI BYUNG NA'O ZHES BYA BA LA, 'DZAG PAR BYED PA'I BU GU ZHES BYA BA NI DPER NA CHU KRUNG LA SOGS PA'O; ,LAG PAS BYAS PA DANG RKANG PAS BYAS PA NI DPER NA GZHI'I CHOS CAN RDZOGS PA'I BANG MDZOD LA SOGS PA LA BU GA NI DE BSAL BA MA YIN PA LA NGES PAR BYUNG NA'O, ,DE BAS NA CHU KLUNG DANG BANG MDZOD LA SOGS PA LA RKU BA'O, ,'DIR THA MA DE TSUN CHAD RDZAS GCIG PA NYID YIN NO ZHES BYA BA LA, 'DI LA NI BYUNG BA THA MA LAS JI SRID DU BU GA LA RDZAS THAMS CAD GCIG PA NYID DE, DE THAMS CAD KYI RIN THANG GIS LTUNG BA LA RNAM PAR GZHAG PA ZHES BYA BA'I DON TO, ,GANG LA LO THOG BSKYED PA LA SOGS PA'I DGOS PA LA RTZE GCIG PA NYID MA BRTEN PAR CHU RKU BA LA SOGS PA DE'I DON DU CHU 'DI BRJOD PAR RIG PAR BYA'O, ,'DIR GZHUNG NI BCUN PA DGE SLONG GIS 'BAB CHU BCAD NAS RKU NA LTUNG BA CIR 'GYUR, CHU'I PHUNG PO DANG PO NAS BZUNG STE, JI SRID THA MA'I BAR GYI CHU'I RIN THANG BRTZI BAR BYA STE, DNGOS PO TSANG NA NI MTHA'I LTUNG BAR 'GYUR RO, ,DNGOS PO MA TSANG NA NI NYES PA SBOM POR 'GYUR RO, ,BTZUN PA DGE SLONG GIS BANG PA BRTOL TE, 'BRU RKU NA LTUNG BA CIR 'GYUR, SBYOR BA GCIG GIS RKU BA NYID TSUN CHAD KYI RIN THANG BRTZI BAR BYA'O ZHES GSUNGS PA YIN NO, ,'DIR 'BUGS PA NYID SBYOR BA STE, GZHAN MED PA'I PHYIR DES BUG PA BYAS LA JI SRID RANG NYID 'BYUNG BA DE SRID DER SBYOR BA GCIG BYAS PA BRJOD PAR RNAM PAR GNAS SO, ,PHUNG PO LAS RKU NA NI LEN RE RE ZHING BLANGS PA THA DAD DO ZHES BYA BA NI BLANGS PA RE RE PHUNG PO LA RKU NA THA DAD PA'O, ,BSDUS PA LAS SEL BA 'DI 'DIR BSDUS PA LAS LA YANG DAG PAR GNAS PA YOD PA MA YIN NO, ,BCUS PA BZHIN DU NI 'DIR RNAM PAR GZHAG PA MA YIN NO, ,'DIR GZHUNG NI BTZUN PA DGE SLONG GIS 'BRU'I PHUNG PO LAS BCAD DE 'BRU RKUN LTUNG BCIR 'GYUR, RIN THANG BRTZI BAR BYA STE, GAL TE SBYOR BA GCIG GIS DNGOS PO TSANG NA NI MTHA'I LTUNG BAR 'GYUR RO, ,GAL TE MA TSANG

91b

NA NYES PA SBOM POR 'GYUR RO ZHES GSUNGS PA YIN NO, ,DBRAL BAR BYA BA DU MA NYID YIN NA DE'I CHA SO SO'I ZHES BYA BA NI BRKUS PA THA DAD DO ZHES SBYAR RO, ,DE RNAMS NI SBYAR BA DANG RNAM PAR DBRAL BAR BYA STE, GANG RNAMS KYI RDZAS RKU BA DE RNAMS DU MA NYID LA RE RE'I CHA GANG YIN PA RE RE'O, ,DE'I DON DU RKU BA THA DAD PA'O, ,BRKU BAR BYA BA'I RDZAS KYI BDAG PO GCIG LA DE'I CHA GANG YIN PA DE'I RIN THANG GANG GIS LTUNG BA GCIG GO, ,GNYIS PA LA GANG ZHIG DE'I RIN THANG GIS GZHAN NO, ,GSUM PA LA GANG ZHIG DE'I RIN THANG GIS GZHAN NO, ,DE LTAR NA DE BZHIN DU BZHI PA LA SOGS PA RNAMS LA ZHES BYA BA'I DON TO, ,SBYAR BA DANG DBRAL BAR BYA BA SO SO LA 'DI LA RIN THANG TSANG BA NI GANG GI NGO BO GZHAN DANG GZHAN ZHES BYA BA 'DI 'DI'I SHES PA'O, ,RKUN PO RNAMS KYANG NGO ZHES BYA BA LA YANG DU MA NYID YIN NA SO SO'I SKAL BA'I CHAS RKUS PA THA DAD DO ZHES SBYAR RO, ,DER RKU BA PO GCIG LA CHA JI TZAM PA DE TZAM GYI RIN THANG GIS DE LA LTUNG BA'O, ,GNYIS PA LA JI TZAM PA DE TZAM PA DE LA LTUNG BA'O, ,DE BZHIN DU GSUM PA LA SOGS PA RNAMS LA ZHES BYA BA'I DON TO, ,SBYAR BAR BYA BA DANG 'BRAL BA NYID LA DU MA YIN NA RKU BA PO RNAMS LA YANG DU MA NYID LA BSGRUB PA GCIG GO, SBYAR BAR BYA BA DANG DBRAL BA GCIG LA CHA JI TZAM PA DE'I RIN THANG GIS DE LA LTUNG BA GCIG GO, ,SBYAR BAR BYA BA DANG DBRAL BAR BYA BA'I GNYIS PA'I CHA GANG YIN PA DE'I RIN THANG GNYIS PA ZHES BYA BA LA SOGS PA RTOGS PAR BYA'O, ,MDO 'DI DAG GI GZHUNG NI JI SKAD DU BCOM LDAN 'DAS KYIS DGE SLONG GIS MA SHA KA LNGA LA SOGS PA BRKUS NA LTUNG BA MTHAR 'GYUR RO ZHES GSUNGS PA LA, DGE SLONG SHIN TU MANG PO DAG GIS BRKUS NA MTHAR MI 'GYUR BA MCHIS SAM, YOD DE, SKYE BO MANG PO LA BRKUS NA NYES PA SBOM POR 'GYUR RO, ,DE BZHIN DU SKYE BO BA MANG PO RNAMS DANG LHAN CIG TU RKU NA YANG NYES BA SBOM POR 'GYUR RO ZHES GSUNGS PA YIN NO, ,'DIR SKYE BO MANG PO ZHES BYA BA'I TSAD NI GCIG GI CHAS DNGOS PO TSANG BAR MI 'GYUR BA DE SNYED DU SKYE BO MANG PO DE LA DGONGS NAS NYES PA SBOM PO'I TSIG 'DI RNAM PAR GNAS PA YIN NO, ,'DI LA BLO GROS DU MA NYID YIN NA THOB NA BRKUS PA

92a

, ,YIN NO ZHES BYA BA NI 'DI LA RKUN PO RNAMS DU MA YIN NA RDZAS GANG LA MA SKYES PA LA BLO GROS GCIG PA NI BTUS NAS BYED PA NYID DO, ,BLO GROS THA DAD PA 'BYUNG ZHING RKUN PO MANG PO RNAMS RNAM PAR BSGRUB PA YIN TE, DER RDZAS DE LA THOB PA NI BRKUS PA STE SBOS PA NI MA YIN NO, , GANG GI TSE 'BREL BA DANG BCAS PA NYID KYIS THOB PA'I SNGA ROL DU BDAG GIR BYED PA LA 'DIR MI SKYED PA NYID DO, ,'DIR GZHUNG NI BTZUN PA MUN KHROD DU CHOS GOS GZHAG PA LA DGE SLONG BZHIS RKU NA LTUNG BA CIR 'GYUR, BKA' STZAL PA, NYES PA SBOM POR RO, ,LAN 'GA' MTHAR 'GYUR TE, GANG GI TSE CHA BZHIR BYAS PA DE'I CHA RE RES KYANG DNGOS PO TSANG NA MTHA'I LTUNG BAR 'GYUR RO, ,MA TSANG NA NYES PA SBOM POR RO ZHES GSUNGS PA YIN NO, ,DE LTAR DNGOS PO DANG BDAG PO DANG RJES SU BSGRUB PA DANG, MTHAR THUG PA'I SKABS DE RNAMS KYIS MA BYIN PAR LEN PA'I SKABS DAG GI CHO GA RNAM PAR RIG PAR BYA'O, ,PHAM PAR 'GYUR BA GNYIS PA'I ZHU BA'I SKABS SO,, ,,BLANG BA'I SNGA ROL DU SHI BA NYID DU GYUR NA GZHAG PA NYID DO ZHES BYA BA BLONG BAR BYED PA DE'I BLANG BA STE BZUNG BA'O, ,RNAM PAR 'BYED PA'I DUS LA SNGAR CHA BZUNG BAS GAL TE RAB TU BYUNG BA SHI BA NYID DU GYUR NA GANG LAS CHA STE BLANGS PA DE NYID LA 'DI'I GZHAG PA NYID DE, DE SHI BA'I YO BYAD NYID NI MA YIN NO, ,BZLOG PA NA SHI BA'I YO BYAD NYID DO ZHES BYA BA NI CI STE SHI BA LAS SNGA ROL DU RDZAS BLANGS PAR GYUR NA DE'I TSE SHI BA DANG 'BREL PA NYID DO, ,GANG LAS GZUNG BA DE LA DER SO SOR SBYIN PAR BYA BA NYID NI MA YIN TE, SHI BA'I YO BYAD NYID KHO NA 'DI LA ZHES BYA BA'I DON TO, ,DGE 'DUN NI PHO NU DANG 'DRA BAS DE'I CHED DU RKU BA NI BDAG GIR MI BYED PA MA YIN NO ZHES BYA BA LA, DPER NA PHO NU RNAMS NOR GCIG PA RNAMS LA SO SOR THAMS CAD DU NOR MA BGOS PAS BDAG GIR BYA BA'I BLO 'BYUNG BA DE BZHIN DU DGE SLONG RNAMS KYANG DGE 'DUN GYI'O, ,DE BAS NA DGE 'DUN GYI DON DU RKU BA GANG YIN PA 'DI NI BDAG GIS BYA BA MIN PA MA YIN NO, ,PHAM PA NYID GCIG GIS DGE 'DUN GYI CHED DU MA SHA KA LNGA TZAM GYI DNGOS PO BRKUS PA LA SO SOR DGE SLONG RNAMS KYI SKAL BA TSAD MA YIN PAS SBOM PO'I LTUNG

92b

BA MED CES BYA BA 'DI RNAM PAR GNAS PA YIN NO, ,'DIR GZHUNG NI DGE SLONG GNYUG MAR GNAS PA DGE 'DUN GYI ZHING RMED DU 'JUG PA DES NYEN KOR NA KHYIM BDAG GI ZHING 'DUG PA YANG RMED DU BCUG PA DANG KHYIM BDAG 'ONGS TE SMRAS PA, BTZUN PA CI'I PHYIR BDAG GI ZHING RMED DU BCUG ,SMRAS PA, 'DI KHYOD KYI MA YIN GYI DGE 'DUN GYI ZHING YIN NO; ,SMRAS PA, BTZUN PA KHO BOS MI MA YIN PA'I TSE BZHI BSTAN PAR BYA'O, ,KHYIM BDAG DE RNAMS LA YUL CHOS RNYING PAS MTSAMS SU PHUR PA BTAB PA DE BSKOS NAS BSTAN PA DANG, DGE SLONG GIS BRKUS PA DANG PHROGS PA NA DES KHYIM BDAG DE SONG PA DANG PHUR PA DE NANG DU BSNUR NAS ZHING DER RMOS PA DANG KHYIM BDAG YANG 'ONGS TE SMRAS PA, BTZUN PA KHYOD NI KHAR TSANG PHAM PAR BYAS TE DA DUNG YANG CI'I PHYIR RMED PAR BYED DE 'GYOD PA SKYES NAS BCOM LDAN 'DAS KYIS BKA' STZAL PA, GAL TE DNGOS PO TSANG NA PHAM PA'I LTUNG BAR 'GYUR RO ZHES GSUNGS PA YIN NO, ,'DIR GAL TE DNGOS PO TSANG NA ZHES BYA BA'I TSIG GIS 'DI LA DER SKAL BA GANG YIN PA DE LAS LTUNG BA 'DIR BSKYED PAR MNGON PAR 'DOD PA ZHES BYA BA SHES PAR BYA BA YANG MA YIN TE, MA SHA KA LDA NYID KYI PHYIR SBYIN PAR GYUR PA'I ZHING LA MI RIGS PA'I PHYIR ZHES BYA'O, ,TI LA TZAM LA SOGS PA LA RIGS PA'I PHYIR DANG, TSANG MED PA NYID KYIS KYANG DGE SLONG RNAMS LA YONGS SU RDZOGS PA NYID MI RIGS PA NYID KYI PHYIR DNGOS GZHI'I CHO GA LA RNAM PAR MI 'BYED PA NYID KYI PHYIR SKAL BA RNAM PAR BCAD PAS GNAS PA MI RIGS PA'I PHYIR RO, ,BDAG PO THA DAD PA MA YIN PA NI RANG GI DANG 'DRA'O ZHES BYA BA NI GANG DANG 'BREL BA'I RDZAS DE NYID LA RKU BA GANG YIN PA DPER NA DGE 'DUN GYI YO BYAD LA GNAS NAS DGE 'DUN GYI DON NYID DU SPO BAR BYED CING JI LTAR RANG GI DON 'DI LTA BU 'DI RIG PAR BYA'O, ,DPER NA RANG GI RDZAS RKU SEMS KYIS BLANGS NA SBOM POR 'GYUR BA DE BZHIN DU 'DIR YANG DE BZHIN NO ZHES BYA BA'I DON TO, , 'DIR GZHUNG NI DGE SLONG GNYUG MAR GNAS PAS PHYOGS BZHI'I DGE 'DUN GYI YO BYAD RKU SEMS KYIS GNAS NAS GNAS GZHAN DU SPOS PA DANG DE 'GYOD PA SKYES NAS, BCOM LDAN 'DAS KYIS BKA' STZAL PA, LTUNG BA PHAM PAR NI MI 'GYUR RO, ,NYE PA SDOM POR 'GYUR RO ZHES GSUNGS

93a

, ,PA YIN NO, ,BDAG PO THA DAD PA NYID LA SDE PA THA DAD PA LA SOGS PA GNAS DAG LA GAL TE 'DI LA GANG DU 'PHO BA YOD NA DE'I BDAG PO RNAMS LA KHONGS SU BSDUS PA NYID DO, ,TSANG BA LA PHAM PA STE, GAL TE MA YIN NA SBOM PO STE, GZHAN DON NYID KYI PHYIR ZHES BYA BA RNAM PAR GNAS SO, ,DE BAS NA BDAG PO THA MI DAD PA LA 'DI RNAM PAR SHES PA'O, ,'GOD PA GTZO BO NYID RKU BA LA THAMS CAD LA SBYOR BA'I PHYIR 'JUG PA LA PHU NU 'AM GZHAN LA SKAL BA LA GTZO BO NYID DO, ,DE BAS NA CHOG GNYIS PO 'DI DAG LA YANG 'GOD PA'I MA DON LA RANG GI SKAL BA NYID RNAM PAR GZHAG PA ZHES BYA BAR RIG PAR BYA'O, ,PHYIR LDOG GAM MI BLANG BAR NGES PA NA LHAG MA RNAMS KYIS BRKUS PA NI DE'I YAN LAG MA YIN NO ZHES BYA BA NA TSOGS NAS RKU BA'I DON DU SONG BA RNAMS LA GANG ZHIG LA TSOMS DE LAS PHYIR LOG PA NI SO SOR THOB PA GZHAN DANG PHYIR LOG BA'O; ,BDAG 'DI RNAMS DANG LHAN CIG TU SONG YANG MA BYIN PAR LEN PAR MI BYED CES BYA BA 'DI LTAR MI LEN PA'I NGES PA'O, ,DER RKUN PO LHAG MA RNAMS KYI BSKUS PA NI DE LA RKU BA DE'I YAN LAG NYID MA YIN TE, RKUN PO RNAMS DANG LHAN CIG TU BYA BA GCIG PA NYID MED PA'I PHYIR RO, , 'DIR CHOGS TE 'GRO BA NA SBYOR BA'I SBYOR BA ZHES BYA BA'I NYES BYAS TE, BLANG BA'I SNGA ROL DU ZHES BYA BA 'DI LAS RTOGS PAR BYA'O, ,CHA BDAG GIR BYA BAR 'DOD PA NI MI BLANG BA'I BSAM PA MA YIN NO ZHES BYA BA NI MI BLANG BA'I BSAM PA CAN LA MA BYIN PAR NI MI BLANG NGO, ,BGO SKAL GYI CHA NI BDAG GIR BYA'O ZHES BYA BA DE LTA BU'I NGO BO RKUN PO RNAMS DANG 'GROGS PA'I DON DU SONG BA LA SKAL BA LEN PAR 'DOD PA GANG YIN PA DE NI MI BLANG BA'I BSAMS PA MA YIN NO, ,'DIR BSNYEN PA LA SKAL BA DANG LDAN PA NYID NI 'DI'O, ,DE BAS NA 'DI LA BLANG BA'I BSAM PA KHO NA YIN NO, ,'DI LTA BUR GYUR BA'I 'DOD PA YOD PA LHAG MA RNAMS KYIS BRKUS PA LA BRKUS PA'I CHA DANG LDAN PA NYID DO, ,DER GTOGS PA'I LAS RJES SU SGRUB PA NI DE'I MA YIN PA MA YIN NO ZHES BYA BA NI RKUN PO'I BYA BA DER GTOGS PA'I LAM BSRUNGS PA LA SOGS PA DAG RJES SU SGRUB PA NI RKU BA DE'I RJES SU SGRUB PA

93b

MA YIN PA MA YIN NO, ,SKAL BA NYID KYI PHYIR YANG 'DI LA LTUNG BA GRUB PA'O, ,BYA BA'I RANG GI NGO BO YANG BSAL BAR 'GYUR BA ZHES BYA BA 'DI'I TSIG GO, ,LHAN CIG GNAS PA NYID DANG NYE GNAS NYID KYANG BRKUS PAR MI 'GYUR BA'I RGYU MA YIN NO ZHES BYA BA NI RNAM PA 'DI DAG GIS RANG NYID MA YIN PA GZHAN DAG GIS BLANGS PA DAG DANG LHAN CIG GNAS PA NYID DANG NYE GNAS NYID DAG RANG GIS BRKUS PA YANG BRKUS PA'I NYES PAR MI 'GYUR BA'I RGYU MA YIN TE, 'DIR BRKUS PA KHO NAR 'GYUR RO, ,BLANGS PA NYID NI 'DI DAG GIS DBANG DU BYAS PA NYID KYI PHYIR RO ZHES BYA BA RTOGS PAR BYA'O, , YONGS SU BSKOR BA LA MTSAMS NYID GTZO BO'O, ,MTSAMS GNAS PA SPOS PA YANG 'DIS MA BSDUS PA MA YIN NO ZHES BYA BA NI MTSAMS DANG 'BREL PA'O, ,'DIR YONGS SU BSKOR BA ZHES SMOS PA MTSAMS GTZO BOR RIG PAR BYA'O, ,YONGS SU BSKOR BA NYID LA NI MI BYA'O, ,DE BAS NA MI MTHUN PA DANG LHAN CIG GNAS PAS PHUR PAS BRKO BA LA SOGS PA GANG YIN PA MTSAMS DE'I SPOS PA YANG 'DIS MA BSDUS PA MA YIN NO, ,'DI YANG 'DIR RKU BA NYID KYIS BRJOD PA RTOGS PAR BYA ZHES BYA BA'I DON TO, ,MNGON SUM DU BLANGS PA YANG MI SNANG BA NYID NA BRKUS PA YIN NO ZHES BYA BA LA DBANG PO DANG NYE BA NI MNGON SUM MO, ,DE'I DNGOS PO 'BUL BA BLANGS PA NI MNGON SUM GYIS BLANGS PA'O, ,DER YANG MI SNANG BA NYID NA BRKUS PA YIN GYI PHYI BZHIN 'BRANG BA DANG NANG BYANG GNYIS MI SNANG BAR GYUR PA 'BA' ZHIG TU MA ZAD DO, ,DE BAS NA BDAG PO GZUNG BAR BYED PA LA YANG JI SRID DU MTHONG BA'I BAR LA BRKUS PAR MI 'GYUR TE, DE LTAR YANG RDZAS 'DI DANG RNAM PAR BRAL BAR MI 'GYUR ZHES BYA BAR SBYOR BA DANG BRAL BA NYID NI NYES BYAS SO, ,DE BAS NA NAN GYIS RKU BA YANG CHO GA 'DI YOD PAR RIG PAR BYA'O, ,'DIR GZHUNG NI DGE SLONG GIS BE'U RAS 'TSONG BA THAG MED PAR GYUR PA LAS BE'U RAS BRKUS TE, DES DE KHYER TE 'GRO BA NA BE'U RAS 'TSONG BA DES MTHONG NAS DES DGE SLONG DE LA SMRAS PA, BE'U RAS MA 'PHROG CIG ,DGE SLONG GIS SMRAS PA, BSTAN LA KHYER TE 'ONG BAR BYA'O, ,DES 'GYOD PA SKYES NAS, BCOM LDAN 'DAS KYIS BKA' STZAL PA, PHAM

94a

, ,PA'I LTUNG BAR NI MI 'GYUR TE, NYES PA SBOM POR 'GYUR RO ZHES GSUNGS PA YIN NO, ,'DIR MI SNANG BA NYID LAS GZHAN DU LTUNG BA'I TSIG LA RGYU MTHONG BA YIN TE, SBYOR BA NYID KYI PHYIR 'DIR NYES PA SBOM POR BRJOD PA ZHES BYA BA 'DIR NI SHES PA YIN NO, ,MI MTHUS RKU BA NI DBANG DU BYAS PA NYID NA'O ZHES BYA BA NI NAN GYIS LEN PA LA MI LA BAG PHEBS SHING DBANG DU BYAS PA NYID NA BRKUS PA YIN NO, ,'DIR MI ZHES SMOS PA'I SGRA 'DI NI RIGS LA BSNYAGS PA DES NA SKYES PA 'BA' ZHIG TU MA ZAD DE BUD MED LA SOGS PA LA YANG YOD PAR RIG PAR BYA'O, ,GZHAN DANG LHAN CIG TU GTZUG LAG KHANG LA SOGS PA LAS RKU BA NAS DBANG DU BYAS PA LAS GROL BA GANG YIN PA DE'I DON DU YANG 'DI DE LTAR BLANG BAR BYAS PA LA GROL BA NA RKU BA SKYE SPA ZHES BYA BA'I DON TO, ,DE BDAG NYID NI MA YIN NO ZHES BYA BA NI, GZHAN RNAMS KYIS BDAG NYID DBANG DU BYA BA LA; SKABS GROL BA GANG YIN PA 'DI NI RKU BA MA YIN NO ZHES BYA BA'I DON TO, ,'DIR GZHUNG NI BDAG NYID LA BRKUS PA MED DO ZHES GSUNGS PA YIN NO, ,GANG BSAMS PA DE DANG 'BREL BAS MA BSAMS PA BLANGS PA BRKUS PA MA YIN NO ZHES BYA BA NI ZHES BYA BA DANG SBYOR RO, ,'DI LTAR MA BSAMS PA NI RKU BA MA YIN NO ZHES BYA BA'I DON TO, ,'DIR GZHUNG NI DGE SLONG GIS RAS SBYAR MA MA BYIN PAR BLANGS NAS DE BRKUS TE BAR PHYE BA DANG DE'I BAR NAS DANG RIN THANG CHEN PO BYUNG NAS DE 'GYOD PA SKYES PA DANG, BCOM LDAN 'DAS KYIS BKA' STZAL PA, RAS SBYAR MA'I RIN THANG BRTZI BAR BYA'O ZHES GSUNGS PA YIN NO, ,'DIR DAR RIN THANG CHEN PO NI RKU BAR BSAMS PA MA YIN PAS DE BAS NA LTUNG BAR MI 'GYUR, SBOM PO NI GANG GI GANG LEN PA DE DE'I RNAM PAR GZHAG PA LA GZHAN GYIR RKU BA'O ZHES BYA BA LA, SBOM PO NI ZHES BYA BA'I TSIG DE DANG POR SMOS PA NI DBANG DU BYAS PA NYID BSTAN PA'I PHYIR RO, ,GANG ZHIG GANG LEN PA DE'I DE ZHES BYA BA 'DI'I RNAM PAR GZHAG PA LA BSDUS NAS 'JUG PA RNAMS LA GZHAN GYI NOR RKU BA LA GANG ZHIG GROGS KYI PHYIR 'GRO BA STE, BDAG GI DON DU NA MA BYIN PAR LEN PAR 'DOD PA NI NYES PA SBOM POR RO, ,DER GZHAN GYI DON NYID DU NA YANG DNGOS

94b

GZHI'I RNAM PA'O ZHES SMOS PA NI MDO 'DI SPROS PA'O, ,YONGS SU 'DZIN PA DANG BCAS PA'I DUR KHROD NAS LEN PA PO ZHES BYA BA NI 'DIR LEN PA'I BDAG NYID CAN YONGS SU 'DZIN PA DANG BCAS PA NYID LA PHAM PAR BYAS PA NYID DO, ,DE BAS NA MA BYUNG BA DANG 'BYUNG BAR 'GYUR BA NYID KYIS BDAG GIR BYA BA LA SOGS PA'I DBANG GIS GANG ZHIG RNAM PAR GNAS PA NYID 'DIR YONGS SU BZUNG BA DANG BCAS PA NYID 'DI RIG PAR BYA'O, ,GANG RNAMS KYIS DUR KHROD KYI DNGOS PO DE MA BYUNG BAR 'GYUR BA DE RNAMS DANG DE LA YONGS SU 'DZIN PA DANG BCAS PA NYID DO, ,CI STE SHO GAM BZHIN 'DIR PHAM PA YOD PAR 'GYUR RO ZHE NA, 'DI NI YOD PA MA YIN TE SKYON PO BZHIN DU SHO GAM LA SBYIN PA NYID DO, ,'DI LTAR DUR KHROD KYI RDZAS DE DAG LA PHONGS PA NYID KYIS BLANGS PA NYID DO, ,BRTZE BA MED PA NYID KYIS 'DI'I DON DU BSRIS LA SOGS PA NYID KYI RGYU'O, ,DE BAS NA MA BYUNG BA DANG 'BYUNG BAR MA GYUR PA NYID YOD KYANG 'DIR MA BYUNG BA RNAMS LA LOG PAR MA GYUR PA DE'I DNGOS PO LA BDAG GIR BYA BA'I BLO YANG DAG PAR GNAS PA'O, ,DE BAS NA 'DIR PHAM PA MI SKYED PA NI RKU BA'I RNAM PA 'DI YONGS SU BZUNG BA DANG BCAS PA'I 'DU SHES KYIS BZUNG BA ZHES BYA BA 'DIR NI NYES PA SBOM POR SHES PA'O, ,DNGOS PO TSANG BA NI SPOM PO 'DIR RTOGS PAR BYA'O, ,RTZA BA'I LDUM ZHING DANG SDONG BU DANG LO MA DANG ME TOG DANG 'BRAS BU'I KUN DGA' RAB LA SOGS PA GSANG SNGAGS DAG GIS SKEMS PAR BYED PA'O ZHES BYA BA NI GSANG SNGAGS DAG GIS CHUD GZON PAS CHUD GSON PA DE BSTAN PA'I PHYIR MDO 'DI BSTAN PA YIN NO, ,CHAS KYIS RDO PAS RTA BKRI BA DANG ZHON TE 'DI BRKU BAR BYA'O SNYAM NAS LUS 'GYUR BA'O ZHES BYA BA NI CHAS SBYIN PAS RTA KHYER BA DE LTAR RNAM PA DES RTA 'DI BRKU BAR BYA'O SNYAM DU LUS 'GYUR BA LA NYES PA SBOM PO'O, ,DE BZHIN DU ZHON TO RTA 'DI BRKU BAR BYA'O SNYAMS NAS DE LTAR SEMS SHING LUS G-YO BA LA SOGS PAS LUS 'GYUR BA YANG SBOM POR 'GYUR RO, ,GRU YANG NGO ZHES BYA BA NI GRU 'DIR ZHUGS TE 'DI RKU BAR BYA'O SNYAM DU SEMS SHING LUS 'GYUR BAR BYED NA ZHES BYA BA NI SBOM POR ZHES BYA BA DANG SBYOR RO, ,'DI LAS 'DI LTAR SNYAM PA YANG NGO ZHES BYA BA NI SNGAR 'DI ZHES BYA BA SMOS PA'I TSIG GI

95a

, ,GNAS SU 'DIR RTA 'DI LAS GRU 'DI LTAR BRKU BAR BYA'O SNYAM NAS LUS 'GYUR BA YANG SBOM PO'O, ,'DIR 'DI NI MI BSAL BA MA YIN NO, ,'DIR GZHUNG NI DGE SLONG GRU RIN PO CHES BKANG BA RGAL BAR BYED PA DES 'DI LAS 'DI LTAR BRKU BAR BYA'O SNYAM NA DER LUS 'GYUR BAR BYAS NAS DES 'GYOD PA SKYES NAS, BCOM LDAN 'DAS KYIS BKA' STZAL PA, PHAM PAR MI 'GYUR TE NYES PO SBOM POR 'GYUR RO ZHES GSUNGS PA YIN NO, ,JI STE SBYOR BA'I RNAM PA 'DI YIN GYI SBYOR BA NI MA YIN NO, ,DE BAS NA NYES BYAS KYIS 'DIR 'BYUNG BAR 'GYUR RO, ,NGES PA THOB PA LA 'BYUNG BA MED PA MTHONG BAS GCIG TU SPRO BA NYAMS PA LA RNAM PAR 'GYUR BA 'DI ZHES BYA BA SHES PAR BYA'O, ,DE LTAR NA 'DI LA SBYOR BA NYID SKYES PAR 'GYUR RO, ,PHAM DANG PHU NU DANG BU SRING DANG MKHAN PO DANG SLOB DPON DANG MCHOD RTEN DANG DGE 'DUN LA SOGS PA LA BSDOS PA SHO GAM GZHAL DGOS PA BZLAS PA'O ZHES BYA BA NI, 'DI LA BDAG GI SHO GAM GYI BYA BA 'DI DAG PHUL BA ZHES BYA BA'I BRNAG PA BSKYED NAS DE 'DA' BAR BYED NA GZHAN DON NYID KYI PHYIR NYES PA SBOM POR TE PHAM PA NI MA YIN NO, ,GZHAN GYI DON LA NI DNGOS GZHI'I RNAM PA ZHES BYA BA 'DI SPROS PA YIN NO, ,BRNYAS PA DANG BSKYIS PA DAG MI SBYIN PAR SEMS PA'O ZHES BYA BA LA, BRNOGS PA NI 'DIR BRKUS PA'O, ,DE BAS NA DES SBYIN PAR MI 'GYUR BA ZHES BYA BA MI SBYIN PA'I KUN TU RTOG PA LA SBYOR BA NYID RIGS PA YIN TE, SNON PA LA YANG BRNYAS PA DANG BSKYIS PA DAG LA SBOM PO STE, ME SBYIN PA'I KUN TU RTOG PA YANG NGO ZHES BYA BA NI 'DIR RNAM PAR GZHAG PAR BYA'O, ,GZHAN GYI DON DU BYIN PA 'GOD PA YANG NGO ZHES BYA BA NI YON BDAG GIS DGE 'DUN LA MCHOD RTEN LA SOGS PA'I DON DU RDZAS DGE SLONG GI LAG TU BYIN PA DE RNAMS KYIS 'GOD PA LA SBOM PO STE, 'DIR DON MI SHES PA NYID DGE 'DUN GYI BDAG NYID KYI BDAG PO LA RGYU YIN TE, GANG GI PHYIR PHAM PA DANG 'DRA BA'I SBOM PO'O, ,GANG GI PHYIR DGE SLONG NAD PAS DGE 'DUN LA RDZAS PHUL BA DA DGE 'DUN GYI 'DI SHES PA MA YIN NO, ,DGE 'DUN LAS KYANG NYE GNAS DE DAG GIS BRKU BA 'DI BYAS BA STE SBYIN PA PO LA NI MA YIN NO, ,DE BAS NA BRKUS PA LA

95b

PHAM PA BSKYED PA'O, ,YONGS SU MA BZUNG BA YONGS SU BZUNG BAR 'DU SHES PA'O ZHES BYA BA NI DNGOS PO GANG SUS KYANG YONGS SU MA BZUNG BA LA 'DI YONGS SU BZUNG NGO SNYAM PA'I 'DU SHES CAN GYIS BLANGS PA LA NYES PA SBOM POR 'GYUR RO, ,ZAN DRON DANG 'BRAS CHANG DANG PHYE DANG NYA SHA DANG KHUR BA LA SOGS PA'I BSOD SNYOM PA GZHI MED PA NOD PA'O ZHES BYA BA NI GZHI MED PA ZHES BYA BA MI DBANG BA'O, ,ZAN DRON LA SOGS PA'I BSOD SNYOMS THOB CING BZUNG BA LA SBOM PO'O, ,'DIR GZHUNG NI DGE SLONG GIS BSOD SNYOMS 'BRAS CHAN GZHI MED PA BLANGS NAS DE 'GYOD PA SKYES PA DANG, BCOM LDAN 'DAS KYIS BKA' STZAL PA, PHAM PAR MI 'GYUR TE NYES PA SBOM POR 'GYUR RO ZHES GSUNGS PA YIN NO, ,BSOD SNYOMS LA 'BRAS CHAN LA JI LTA BA BZHIN DU BSOD SNYOMS PHYI BA SOGS PA JI LTA BA MA YIN PA NA NA KAR GYUR PA'I NOR LEN PA LA MNGON PAR ZHES PA DE LTA BU'I KHA ZAS LA ZHES BYA BA 'DI 'DIR DAM PA MA YIN PA NYID KYI PHYIR 'DI LA SBOM PO'I LTUNG BA RNAM PAR SHES TE, PHAM PA NI MA YIN NO ZHES BYA BA MTHONG BA YIN NO, ,MA CHOG PA NYID KYI PHYIR RIN THANG BRTZI BAR BYED PA MA YIN NO ZHES BYA BA LA SOGS PA MA GSUNGS PA'I PHYIR GZHAN GYIS KYANG MA YIN NO, ,MA GSUNGS PA NYID KYIS MA BLANGS PA GZHAN GYI DON DU RKU BA MI BSKYED PAS MA THOB CING 'DI BZUNG BA LA GANG GZHI MED PA THOB BA NI 'DIR RKU BA'O, ,GZHAN GYIS BLANGS PAR MI SHES PA NI GZHI MED PA NYID MA YIN NO ZHES BYA BA NI RANG GI DON NAM GZHAN GYI DON LA BSOD SNYOMS SAM RNYED PA GZHAN GYIS DE'I DON DU BLANGS PA NYID YOD PA LA GAL TE MI SHES NA GZHAN GYIS BZUNG BA NYID SLAR RNYED PAR GYUR PA LEN NA DER GZHI MED PAR SHES PAR BYA BA MA YIN ZHES BYA BA'I DON TO, ,MA BCOL BSAM YIN NO ZHES BYA BA NI GANG ZHIG LEN PA DE'I DON GYIS 'DIR BCOL BAR MA GYUR BA DES 'DI LA GAL TE CUNG ZAD THOB CING BZUNG BA YIN NA DE LA DER GZHI MED PA MA YIN NO, ,LEN PA NYID DE LA MI 'GYUR NA CI'I PHYIR 'DI LA GZHI MED PA NYID 'BYUNG BAR 'GYUR ZHES BYA BA'I DON TO, ,MGRON DU MA BOS PAR ZAN ZAN NYES BYAS SO ZHES BYA BA NI 'DIR RNYED PA NI RNAM PA GNYIS TE, BRGYA LA BDAG POS SHES TE, 'DI BDAG GIS MGRON DU NI MA BOS

96a

, ,MOD KYI 'ON KYANG SBYIN NO SNYAM PA DANG, MI SHES PAS SBYIN PAR BYED PA'O, ,SNGAR GYI LA MED PA STE, RKU BA'I SBYOR BA LA NYES BYAS NYID DO, ,PHYI MA LA NI SHIN TU DRANG BA STE, 'DIR DGA' BAS BSOD SNYOMS BLANGS PA LAS MNGON PAR ZHEN PA'O, ,DE LTAR NA NI 'DIR 'JIG RTEN PA LA RKU BA'I BLO MED PA NYID DE DE BAS NA NYES BYAS SU RNAM PAR SHES PA'O, ,RKU BA'I CHED DU 'GRO BA YANG NGO ZHES BYA BA LA, YANG GI SGRAS NI NYES BYAS ZHES BYA BA RJES SU DRANG BA'I DON DU'O, ,SNGAR BLANGS PA LAS ZHES BYA BA GANG ZHIG BRJOD PA DER 'DI KHONGS SU BSDU BA MA YIN TE, DE BAS NA MDO PHYI MA LA YAN LAG TU GTOGS PA MDO 'DI RIG PAR BYA'O, ,DE BAS NA GROS BYED PA THA DAD PA NYID MA YIN NO ZHES BYA BA NI 'GRO BA 'DI LAS GROS BYED PAR GYUR PA NGAG GI LAS SAM LUS KYI BYA BA'I BDAG NYID CAN GANG YIN PA DE LA MI 'GRO BA LAS THA DAD PA NYID MA YIN TE, NYES BYAS 'DI NYID LA DE KHONGS SU GTOGS PA STE, NYES BYAS GNYIS PA NI MA YIN ZHES BYA BA'O, ,KUN TU BZUNG BA MA YIN NAM ZHES LEGS PAR SO SOR BRTAG PAR BYA STE BLANG BAR BYA'O ZHES BYA BA NI 'GYOD PA DANG GZHAN GYI TSIG LA GLAGS GCAD PA'I DON DU 'DI BTAGS PA'O, ,DE LTAR LEGS PAR SO SOR BRTAG PAR BYAS NAS BLANG BAR BYA'O, ,JI LTAR KUN DU BZUNG BA MA YIN PA 'DI ZHES BYA BA'I BRTAN PA NGES PAR 'GYUR RO, ,LUS BSNYAL BAR MI BYA'O ZHES BYA BA NI LUS SGYEL CING BSNYAL BA NI GRAGS PA LAS DGOS PA'I DON DU'O, ,BRDUNG BA DANG BRDEGS PA LA SOGS PA GZHAN RNAM PAR 'KHRUGS PAR GYUR PAS 'DI LTA BU BSNYAL BAR MI BYA'O, ,'BRAS BU'I MDUN DU DGE SLONG GIS BDAG NYID DOR BA LA SMRAB PA GANG YIN PA'O, ,SLAR DGE SLONG GI LUS 'GYUR BA RNAM PA DE LTA BU MA BYA'O ZHES GSUNGS PA GANG YIN PA DE BSDUS PA YIN NO, ,TSANG GZHIG PAR MI BYA'O ZHES BYA BA NI BYE'U DANG PHUG RON LA SOGS PA'I RTEN NI TSANG NGO, ,'DI LA SKUR PA GDAB PA NI DGE SLONG GI GNAS SU SGO NGA MED PA LA SOGS PA GSAL BA'I CHO GA LA SOGS PA RIG PAR BYA'O, ,MA GNAS PA DER CHOS GOS KYI CHA MI BLANG NGO ZHES BYA BA LA, GANG DU GNAS PA LA RNYED PA DE 'BYUNG BA DE LAS GZHAN DU LO GCIG GI CHOS GOS RNYED PA LA

96b

YANG MI BLANG NGO, ,'DIR GZHUNG NI DGE SLONG GIS DBYAR GZHAN DU GNAS LA, GZHAN DU DBYAR GYI SO SOR CHA BLANG BAR MI BYA'O ZHES BYA BA'O, ,SO SO'I CHA NI SKAL BA'O, ,'DIR LO GCIG GI TSIG NI DPE YIN NO, ,GZHAN DU YANG MI THOB PA 'DI BKAG PA'O, ,CHOM RKUN PA LAS SPYIN BDAG GI SEMS KYIS LEN PA LA NYES PA MED DO ZHES BYA BA NI CHOM RKUN PA DE'I DRUNG NAS BLANGS PA GANG YIN PA DE LA 'DI NI SBYIN BDAG SNYAM PA'I SEMS KYIS LEN NA DE LA NYES PA MED DO, ,JI LTAR GZHAN LAS BLANGS PA LA NYES PA MED PA DE BZHIN DU 'DI LA'O, ,GANG GI PHYIR 'DIS BRKUS PA DE NYID KYIS 'DI 'BREL PA'O, ,NOR 'DI LA 'DI NI BDAG PO STE DE NYID KYIS 'DI GNANG BA ZHES BYA BA 'DI LTAR YONGS SU MA DAG PA'I SEMS KYIS BLANGS PA LA LTUNG BA DANG BCAS PA NYID DU 'GYUR RO, ,DE BAS NA SBYIN PA PO'I SEMS KYIS ZHES BYA BA 'DI NI BYE BRAG GO, ,'ONG BA RKU THABS CAN GYI CHOM RKUN PAR MA GRAGS PA LAS BLANG BAR MI BYA'O ZHES BYA BA NI MA SHES PA DANG GLO BUR DU GYUR PA MA GRAGS PA LAS BLANG BAR MI BYA'O, ,RKU BA YANG DAG PAR SRID PA LA GLAGS GCAD PA'I DON DU 'DI BTAGS PA'O, ,GANG GI PHYIR RKU BA DE LA GANG ZHIG SHES PA DE NI GRAGS PA ZHES BYA BAR RTOGS PAR BYA'O; ,GRAGS PA LAS BLANGS PA LA CHOM RKUN PA NYID KYIS 'DI BRKUS TE GZHAN GYI NI MA YIN NO ZHES BYA BA'I RKU BA YANG DAG PAR SRID PA LA GLAGS MED DO, ,DE LAS BLANGS PA NI MTSON GYIS BCAD PA DANG KHA DOG NGAN PAR BYA STE BCANG BAR BYA'O ZHES BYA BA LA, DE LA ZHES BYA BA NI GRAGS PA LAS DE LTA BUR GYUR PA NYID 'DZIN PA LA SU ZHIG LA GLO BUR DU MA BCAD PA YOD PA SRID PAR 'GYUR RO ZHES BYA BA 'DI BTAGS PA'O DE LTAR BYAS KYANG SLONG NA SBYIN NO ZHES BYA BA NI DE LTAR BRKUS PA LA YANG MTSON GYIS GCAD PA DANG, KHA DOG NGAN PAR BYAS KYANG SLONG NA GANG LAS DE BRKUS PA DES SHES TE GAL TE SLONG BA DE LA DER SBYIN PAR BYA BA'I DON TO, ,GNAD LA BSGRE BAR MI BYA'O ZHES BYA BA LA, G-YON POS GNOD PA NI YOD PA'O, ,GANG GI TSE DANG LDAN PA SPONG BYED KYIS BZOD PAR BYA BA'I PHYIR KHYIM PA RNAMS KYIS 'PHAGS PA KUN DGA' BO LA KHYE'U DANG BU MO DU BA DAG SDUD DU BCUG STE GNOD PAR BYED PA DE'I

97a

, ,TSE THAMS CAD DU SBYAR BA 'DI THAMS CAD KYIS BYA BA NYE BAR BTAGS PA'O, ,MA BYIN PAR LEN PA LA YANG 'DI SBYAR BA YOD DE RDO RJE PHA LAM GYIS BRKUS PA LA GTONG BA DANG SBYIN DU 'JUG PA LA NOR LA KHA NA MA THO BA NYID DANG BCAS PA ZHES BYA BA 'DI LAS RTOGS PAR BYA'O, ,GSANG SNGAGS DAG GIS GTONG BA LA NYES PA MED DO ZHES BYA BA NI RDZU 'PHRUL DANG 'DRA BA'I RNAM PAR DAG PA DANG SKYON MED PA'I SEMS KYIS RKU BA'I RNAM PA NGES PA GANG GIS KYANG BRKUS PA CHOM RKUN PA RNAMS LAS GSANG SNGAGS RNAMS GSANG SNGAGS KYIS GTONG BA GANG YIN PA DE NI NYES PA DANG BCAS PAR SHES PAR BYA BA MA YIN ZHES BYA BA'I DON TO, ,BYI BAS KHYER BA BDAG POS BLANGS PA YANG NGO ZHES BYA BA GANG ZHIG LEN PA PO 'DI DE'I RDZAS BYI BAS BRKUS PA BLANGS PA LA YANG NYES PA MED DO, ,RANG GI 'DU SHES NYID KYIS DE LEN PA ZHES BYA BA 'DIR NYES PA DANG BRAL BA NYID DO, ,DGE SLONG GZHAN GYI RDZAS LA DE'I RDZAS SU NA YANG NGO ZHES BYA BA NI DGE SLONG GZHAN GANG LA NOR DE BRKUS PA DE LA NOR LEN PAR BYED PA LA NYES PA MED DE, ,RKU SEMS MED PA'I PHYIR RO, ,RNGON PA DAG GIS MNGON PAR GTZES PAR GYUR PA'I RI DAGS GNAS KHANG DU ZHUGS PA BLANGS PA LA YANG NGO ZHES BYA BA NI YONGS SU BSKYAB PA TZAM DU 'DI BLANGS PA STE, BZUNG BA MA YIN ZHING GTONG BA YANG MA YIN NO, ,DE BAS NA 'DIR SKYON MED DO, ,DE SHI NA DE DAG LA SBYIN PAR BYA BA NYID DO ZHES BYA BA NI DE DAG GIS GTZES PAS DER ZHUGS NA DE RNAMS LA SBYIN PAR BYA BA NYID DE RANG GIS GZUNG BAR BYA BA NYID DANG GZHAN LA SBYIN PAR BYA BA MA YIN PA NYID DO, ,PHAM PA GNYIS PA'I 'DUL BYED KYI SKABS SO,, ,,NAD PA LA 'CHI BA'I SEMS PA DANG RJES SU MTHUN PA'I CHOS NYE BAR BSGRUB PAS NYE BAR BSGRUB PAR MI BYA'O ZHES BYA BA NI NYE BAR BSGRUB PA GANG ZHIG THOS NAS NAD PA 'DI 'CHI BA'I BSAM PA SKYES PAR 'GYUR BA'I NYE BAR BSGRUB PA DE NI NAD PA'I PHYIR MI BYA'O, ,DPER NA KHYOD DUG ZOS PAR GYUR PA NI BLA'I 'DI LTA BU'I MI 'PHROD PA ZA BAR BYED PA NI DE LTA MA YIN NO ZHES BYA BA LA SOGS PA'O, ,NYES PA YOD PA LA PHAM PAR 'GRO BA LAS GZHAN BSKYED PA'O, ,NYES PA MED PA YOD PA NYID LA BTAGS PA 'DI

97b

YIN NO; ,MI SHES PA LAS 'CHI BA'I DGRA PO MA SMRAS PAR DE'I NAD G-YOG TU MI GZHAG GO ZHES BYA BA NI 'DI LA KHYOD KYI DGRA BOS 'CHI BA'I PHYIR RJES SU SGRUB PA POS 'CHI BA RJES SU DBYUNG BAR BYA'O, ,DE LTAR BSGO BAR MA BYAS PAR NAD PA LA NAD G-YOG MI SHES PA NYE BAR GZHAG PAR MI BYA'O, ,GNAS YOD NA MI GZHAG GO ZHES BYA BA NI GAL TE MI SHES PA DE MED PAR YONGS SU 'JUG NA 'DI NI GZHAG PAR BYA BA MA YIN PA KHO NA'O, ,DE'I NGO BO YID CHES PA LA DE'I TSIG GO, ,SLAR DGE SLONG GI NAD PA LA MI SHES PA'I NAD G-YOG NYE BAR GZHAG PAR BYA BA MA YIN NO, ,GAL TE DE'I NGO BO YID CHES PAR GYUR NA SBAS NAS GZHAG PAR BYA'O ZHES BYA BA BSTAN PA 'DIR SBA BA'O, ,'CHI BA'I 'TSOG CHAS MI GZHAG GO ZHES BYA BA NI NAD PA LA ZHES SBYAR BAR BYA'O, ,DE YANG MTSON LA SOGS PA'O, ,DE 'CHI BA'I PHYIR RJES SU BSGRUB PA LAS NAD G-YOG GIS BZLOG PAR BYA'O ZHES BYA BA LA, DE ZHES BYA BA NI NAD PA'O; ,RDZAS KYI PHYIR GZHAN 'CHI BAR 'DOD PAR MI BYA'O ZHES BYA BA NI LHUNG BZED DANG, CHOS GOS LA SOGS PA'I RDZAS THOB PAR BYA BA'I DON DU'O, ,BYA BA MA YIN PA BYED PA LA SEMS KYIS RJES SU YI RANG BAR MI BYA'O ZHES BYA BA LA, BYA BA MA YIN PA NYID BYED PA NI BYA BA MA YIN PA NYID BYED PA'O, , RANG NGAM GZHAN GYIS 'DAS PA 'AM MA 'ONGS PA 'AM, DA LTAR BYUNG BA LA DE'I RJES SU YI RANG BAR SEMS KYIS MA BYAS PA NYID DAM LUS KYI BYA BAS KYANG MA YIN ZHES BYA BA STE, 'DI DAG LA SEMS SNGON DU 'GRO BA NYID KYI PHYIR GRUB PA DMAN PA'I DE NYID BRJOD PA LA GZHAN DU GTAM GANG YANG MED DO ZHES BYA BA RTOGS PA'I PHYIR RO, ,GZHUNG KHA CIG LAS TSE DANG LDAN PA NYE SDE'I DBANG DU MDZAD NAS GSUNGS PA, NYE SDE KHYOD KYIS MNGAL NA GNAS PA RLUGS PAR BYAS PA BDEN NAM, BTZUN PA MA LAGS TE 'DI LTAR BDAG GIS RJES SU YI RANG BAR NI BGYIS SO, ,BKA' STZAL PA, DGE SLONG DAG DGE SLONG NYE SDE LA LTUNG BA MED DE SLAR DGE SLONG GIS MNGAL NA GNAS PA RLUGS PAR MI BYA'O, ,DGE SLONG MNGAL NA GNAS PA RLUGS PAR BYED NA 'GAL TSABS CAN DU 'GYUR RO ZHES GSUNGS TE, DE BAS NA MDO 'DI BYAS SO, ,MDZES PA 'DI BYED PAR 'GYUR BA KHYED NI 'DI BYED DU GZHUG PA MA YIN TE, 'JUG

98a

, ,PA MA YIN ZHES BYA BAR SEMS PAR BYED NA 'DIS NI 'DI BYED DE CI'I PHYIR MI BYED, BDAG LA 'DIS CI ZHIG BYA ZHES BYA BA'I DBANG DU MDZAD NAS 'DON PA 'DI YIN NO, 'DI LA DPE NYID RNAM PAR GNAS PA YIN NO, ,BYED PAR 'GYUR BA LA GNAS PA THAMS CAD NYID LA BYA BA LA GNAS PA DANG BYA BA MA YIN PA BYED PA LA RJES SU YI RANG BA LA KHA NA MA THO BA DANG BCAS PA NYID KYI PHYIR SHIN TU YANG DGE SLONG LA MI MTHUN PA NYID KYI PHYIR ZHES BYA BA LA KHYAD PAR MI BRTEN PA'O, ,JI LTAR YANG RJES SU YI RANG BA LA LTUNG BA NYID DE GANG GI PHYIR 'DI LA LTUNG BAR BYA BA ZHES BYA BA BRJOD PA DANG SBYAR BA'O, ,LTUNG BA LA BRTEN PA'I YID KYIS SGRIB PA 'DI ZHES BYA BA'O, ,GANG DU THAM PA GSUM PA ZHES BYA BA LA LTOS NAS BRJOD PAR BYA STE, DE'I PHYIR SROG BCAD NA'O ZHES BYA BA SMOS SO, ,SEMS JI LTA BUS SHE NA, DE'I PHYIR DE LTAR BSAMS PAS SO ZHES BYA BA SMOS TE, SROG GCOD PA'I SEMS KYIS SO, ,SU'I SROG GCOD PA YIN ZHE NA, DE'I PHYIR MIR GYUR PA'I'O ZHES BYA BA SMOS TE, 'DIR 'GRO BA TZAM LA NI MTSAN MA NYID MA YIN TE, BUD MED DANG SKYES PA DANG MA NING DANG MTSAN MED PA DANG, MTSAN GNYIS PA DANG, MNGAL NAS SKYES PA NYID LA SOGS PA KHYAD PAR 'GA' ZHIG LA ZHES BYA BA DE'I PHYIR 'GRO BA'I TSIG GO, ,GZHAN DU 'DU SHES PAS SAM ZHE NA MA YIN TE, DE'I PHYIR DE LTAR 'DU SHES PAS SO ZHES BYA BA SMOS TE MA NOR BAR RO, ,JI LTAR RNAM PA GANG GIS SHE NA, DE'I PHYIR GANG YANG RUNG BAS SO ZHES BYA BA SMOS TE, RNAM PA GANG YANG RUNG BAS SO, ,DE NYID KYI SPROS PA BSTAN PA'I PHYIR, BYE BRAG MED PA NI LUS DANG DE DANG 'BREL PA DANG, 'PHANGS PA DANG GZHAN DANG BSGO BA RNAMS SO ZHES BYA BA SMOS TE, BYE BRAG MED PA ZHES BYA BA NI 'DI NAS BRTZAMS TE JI SRID DU RGYU DES GZHAN GYI TSE SHI NA'O ZHES 'BYUNG BA YAN CHAD KYI DBANG DU BYAS TE RIG PAR BYA'O, ,BYE BRAG MED PA NI THA MI DAD PA STE, SHI BA'I DON BYED PA LA 'DI RNAMS LA ZHES BYA BA'I DON TO, ,RNAM PA GANG YANG RUNG BAS GSOD PA LA PHAM PAR 'GYUR RO ZHES BYA BA'I DGONGS PA'O, ,LUS ZHES BYA BA NI LUS NYID DO, ,DE DANG 'BREL PA ZHES BYA BA NI LUS DANG 'BREL PA DBYIG LA SOGS PA'O, ,'PHANGS PA NI LUS KYIS SAM DE DANG 'BREL PAS GTANG BA'O, ,DE LA GZHAN GYI

98b

NGES PAR SBYAR BA GSAD PAR BYA BA NI BUD MED LA SOGS PA'O, ,BSGO BA ZHES BYA BA NI GSAD PAR BYA BA DE NYID LA RANG GIS BSGO BA'O, ,DUG DANG PHYE MA DANG DONG DANG SHING DANG RANG BZHIN NYAMS PA GTONG BA DANG BRANG DU 'DEBS PA DANG, 'KHRUL 'KHOR DANG SGYU THABS DANG RO LANGS DANG RJES SU SBYOR BA RNAMS SO ZHES BYA BA NI BYE BRAG MED PA ZHES BYA BAR SBYAR RO, ,RANG BZHIN NYAMS PA ZHES BYA BA NI DE NYID KYIS NYAMS PA 'AM GSOD PA 'DI NYID KYI DON DU MTSAN MA DE MED PAR NYAMS PA'I RANG BZHIN GYIS GANG ZHIG DER 'DI LTA BUR GYUR PA DE LA 'CHI BA'I RKYEN NYE BAR GNAS PAR 'GYUR ZHES BYA BA'I BLOS BSKUR BA NI RANG BZHIN NYAMS PAS BSKUR BA'O, ,RO LANGS PHYED PA DANG PHYED DU GYUR PA NYID KYIS YO BYAD RNAMS LA GZHAN DU MA YIN PAR BSTAN PA 'DI LA RO LANGS NYING MA YIN PA MA YIN NO ZHES BYA BA'I RO LANGS KYI TSIG BZUNG BA NYID DU SHES PAS BSDUS PA NYID DU MA BYAS SO, ,G-YANG DU GTANG BA'O ZHES BYA BA NI G-YANG LA SOGS PA LA ZHES BYA BA'I DON GYIS GO BAR BYA'O, ,ME DANG CHUR 'JUG PA'O, ,GRANG BA DANG TSA BAR 'DOGS PA ZHES BYA BA NI RKYEN 'DI DANG LDAN PA 'DI LA 'CHI BA 'BYUNG BAR 'GYUR ZHES BYA BA'I BLOS SO, ,PHO NYAR GTONG BA LA SOGS PA'I ZHES BYA BA NI GANG DU 'JIGS PA SRID PA DER PHO NYA DANG MNGAGS PA NYID DU GTONG BA'O, ,DER SONG NA 'DI DANG 'DI LTA BU RNYED PAR 'GYUR RO ZHES BYA BA'I RNAM PAS BSKUL BA GANG YIN BA DE NYE BAR BSDU BA'I DON DU SOGS PA'I SGRA'O, ,DE'I RJES SU BSGRUB PA CHUNG DU NYID KYANG NGO ZHES BYA BA NI RKANG PA'I MTHE BONG DANG RGYA SHUG GI TSI GU DANG SHING BAL LA SOGS PA BSNUN PA LTA BU DAG GO, ,RJES SU BSGRUB PA LA CHUNG BA 'DI NI MTSAN NYID 'DI LAS GRUB STE BYE BRAG MA SMOS PA DE GSAL BAR BSTAN PA'I PHYIR 'DI SPROS PA'O, ,GSAD PAR BYA BA NI SKYES PA DANG BUD MED DANG MA NING NYID DO ZHES BYA BA NI BYE BRAG MED PAR ZHES BYA BAR SBYAR RO, ,GNAS DE DAG BSTAN PA NI SPROS PA'I DON BSTAN PA YIN NO, ,GZHI DES GZHAN GYI TSE SHI NA'O ZHES BYA BA LA 'DIR GZHUNG NI DES DE'I TSE MA YIN YANG 'ON KYANG NGES DE'I 'OG TU'O ZHES GSUNGS PA YIN NO, ,'DUN PA BZLOG PA'I 'OG TU NI RGYU NYID MA YIN NO ZHES BYA BA NI SHI NA ZHES BYA BAR SPYAR RO, ,SHI BA 'AM

99a

, ,'GRO BA LA 'JIGS PA DANG BCAS PA'I GNAS LA BSGO BAR BYA BA'AM, NGES PAR SBYAR TE GSAD PAR BYA BA'AM, GZHAN LA DE'I DON DU 'DUS PA ZLOG PAR BYED PA DE LAS GZHAN LA 'DA' BAR BYAS NAS DE'I TSIG MA YIN NO, ,SBYAR BAR BYAS PA'I SHI BA LA SBYOR BAR BYED PA PO'I RGYU MTSAN NYID DU SNGAR 'DUN PA ZLOG PAR BYED PAR GYUR PA'I SHI BA LA DE LAS PHAM PA 'DA' BAR 'GYUR RO, ,PHYIS DES SKYE BA YIN TE, 'DI LA NI SBYOR BA TZAM NYID YIN TE, DNGOS GZHI'I PHAM PA NI MA YIN ZHES BYA BA'I DON TO, ,DKU MNYES PAS MA DANG MNGAL NA GNAS PA GNYIS LAS MA BSAMS PA SHOS NA SBOM PO'O ZHES BYA BA NI SHI NA'O ZHES BYA BAR SBYAR RO, ,SHI BA'I DON DU MNGAL DANG BCAS PA'I LTO BA MNYES PA LAS GANG GI MNGAL DU SHI BA LA MA BSAMS PA NYID DE, SHI BA LA SBOM PO'O ZHES BYA BA'I DON TO, BSAMS PA SHOS SHI BA PHAM PA NYID DE, 'DIR NGES PA 'DI LA 'BREL PA YIN TE; 'DI LA GSOD PAR 'GYUR ZHES BYA BA'O, ,DE LTAR YID LA 'BREL PAR GYUR PA LA YONGS SU MA SPANGS PA GANG YIN PA DE LA DE BAS NA 'DI SPOM PO'O, ,'CHI BA'I BDAG NYID CAN GYI NYE BAR GSOD PA'I MTSAN MA CAN GYIS MNYES PA YANG CHO GA 'DI DANG SBYAR BA SHI BA'I DOGS PA YOD PAR GYUR PA LAS RTOGS PAR BYA'O, ,GZHI DE LAS GSOD PA LA 'JUG PA DANG DU LEN NA'O ZHES BYA BA NI SBOM PO'O ZHES BYA BAR SBYAR RO, ,GZHI BYED PA PO GANG LA SBOM PO 'DI DE'I RGYU MTSAN DU GZHAN LA GSOD PA'I DON GYIS 'JUG PA GANG YIN PA DE GZHI DE LA SBOM PO'O, ,'DIR GZHUNG NI GZHAN LAS TSE DANG LDAN PA NYE SDE'I DBANG DU MDZAD NAS GSUNGS BA, NYE SDE KHYOD KYIS MNGAL NA GNAS PA RLUGS PAR BYAS SAM, BTZUN PA BDAG GIS MNGAL NA GNAS PA RLUGS PAR MA BGYIS TE, 'ON KYANG BDAG GIS DANG DU BLANGS SO, ,BCOM LDAN 'DAS KYIS BKA' STZAL PA, DGE SLONG RNAMS KYIS DE LTA BU'I GNAS PA DANG DU BLANG BAR MI BYA'O, ,GAL TE DANG DU LEN PAR BYED NA 'GAL TSABS CAN DU 'GYUR RO ZHES GSUNGS PA YIN NO, ,DE'I DON DU MDO 'DI BYAS SO, ,KHYOD KYI MING GIS 'CHI BA'I YO BYAD SBYIN NO ZHES ZER BA YANG NGO ZHES BYA BA NI 'DI LTA BU'I TSIG 'DI LA YANG GZHI BYAS PA LA SBOM PO'O, ,JI SKAD DU DGE

99b

SLONG MA'I RNAM PAR 'BYED PA LAS KHYOD KYI MING GIS PHYE MA SBYIN NO ZHES BYA BA BRJOD PA LA DGE SLONG MAS GZHI BYAS TE, JI SRID DU BDEN PAR DGE SLONG MA KHYOD MNGAL RLUGS PAR BYAS PA BDEN NAM, BTZUN PA BDAG GIS MNGAL NA GNAS PA RLUGS PAR MA BGYIS TE, 'ON KYANG BDAG GIS DANG DU BLANGS SO, ,BCOM LDAN 'DAS KYIS DGE SLONG MA RNAMS LA BOS TE BKA' STZAL PA, DGE SLONG MAS GNAS RNAM PA DE LTA BU DANG DU BLANG BAR BYA BA MA YIN TE, DANG DU LEN PAR BYED NA NYES PA SBOM PO'I LTUNG BA 'PHEL BAR 'GYUR RO ZHES BYA BA GSUNGS TE, DE BAS NA MDO 'DI BYAS PA YIN NO; ,CHO GA 'DI LA 'DI SBYOR CIG CES BYA BA 'DI LTA BU'I GZHI BYAS PA'I DBANG DU BYAS NAS 'DI GNYIS NI SBOM PO'I LTUNG BA LA BTAGS PA'O, ,BDAG GI PHYIR NYES PA SBOM PO'I DGONGS PA NYID 'DI DGE SLONG GI RNAM PAR 'BYED PA LAS 'GAL TSABS DANG BCAS PA'I TSIG CAN RANG GIS 'JUG PA RAB TU RIG PA LA GZHI BYED PA 'DI YIN GYI SNANG PA DANG BSLANGS PA LA NI MA YIN NO, ,DE BAS NA RNAM PAR SBYAR BA NYID KYI PHYIR GO BAR BYED PA NYID YOD KYANG MI SMRA BA'I NGO BOR GZHI BYAS PA LA 'DIR SBOM POR RNAM PAR SHES PA STE PHAM PA LA NI MA YIN NO, ,GZHAN DUD 'GRO MA YIN PA DANG SPRUL PA BSAD PA LAS YANG NGO ZHES BYA BA LA YANG NGO ZHES BYA BA'I SGRA NI SBOM PO'O ZHES BYA BA'I RJES BSNYAGS PA'I PHYIR RO, ,MI'I 'GO BA LAS GZHAN PA'I SPRUL PA DUD 'GRO SPANGS PA LA YANG GSOD PA LA SBOM PO'O ZHES BYA BA'I DON TO, ,'DI NI DNGOS GZHI'I CHO GA LA LTOS PA'O, ,'DI LAS SROG CHAGS SU GYUR PA MA YIN PA'I SPRUL PA LA 'DIR BKAG PA'O, ,'DIR GZHUNG NI TSE DANG LDAN PA RNAMS MI MA YIN PA SHIN TU CHEN PO BSAD KYANG SBOM POR ZAD DO ZHES GSUNGS PA YIN NO, ,SPRUL PA'I PHYIR GZHUNG NI GTAM GYI GZHI LAS, 'GRO BA THAMS CAD DU MA GTOGS PA GANG YIN PA'O, ,MYA NGAN LAS 'DAS PA YANG MA YIN, RGYAL BA'I BSTAN PA LA MI 'JUG PA YANG YIN NO, ,YONGS SU MYA NGAN LAS 'DAS PA MA YIN NO, ,DES DE LA SMRAS PA, KHYOD NI SPRUL PA STE SROG BCAD NA LTUNG BA CIR 'GYUR, BKA' STZAL PA, NYES PA SBOM POR RO, ,GZHAN LAS NI RO LANGS KYI BSAM PAS

100a

, ,SPRUL PA GSOD PAR BYED NA ZHES GSUNGS SO, ,GZHAN DU YANG DE DANG 'DRA BA NYID KYI PHYIR 'DI RNAM PAR GZHAG GO, ,DUD 'GRO GSOD PA LTUNG BYED 'BA' ZHIG PAR BYAS PA NYID KYI PHYIR SPONG BA'O, 'DIR DUD 'GRO 'GRO BA PA'I SPRUL PA LA MIR 'DU SHES PAS 'GRO BA GZHAN GYI NGO BOS GNAS PA LA GZHAN GYI 'GRO BA PA YANG MI'I 'GRO BA'I NGO BO STE, 'DU SHES KYIS 'DI RNAM PAR GNAS PA'I PHYIR DON JI LTA BA NYID LA DNGOS GZHI'O, ,DON JI LTA BA NYID MA YIN PA LA NYE BA'I DNGOS GZHI'O ZHES GSUNGS PA YIN NO, ,DE LTAR LTUNG BA RTOGS PAR BYA'O, , DRI BAR BYAS PA LA MA SMRAS PAR NAD PA LA SMAN SBYIN PAR MI BYA'O ZHES BYA BA NI GSO BA LA MKHAS PAS CHANGS PA MTSUNGS PAR SPYOD PA'I NAD G-YOG BYA'O ZHES GSUNGS PA'I TSIG GIS GSO BAR BYA BA LA MKHAS PA MA YIN PA DE'I PHYIR 'DI BTAGS PA'O, ,'DIR SU ZHIG LA MNGON PAR DRI BAR 'DOD NA GANG GIS MA SMOS PA'I SMAN SBYIN PAR MI BYA ZHE NA, DE'I PHYIR SMAN PA DANG DE RAB TU BYUNG BA DANG, BKOL BA RNAMS LA DRI BAR BYA BA NYID DO ZHES BYA BA SMOS TE, DE RAB TU BYUNG BA ZHES BYA BA NI SMAN PA RAB TU BYUNG BA'O, ,'DIR BKOL BA LA YANG NGO ZHES BYA BA'I SGRA BKOL BA ZHES BYA BA YANG SBYAR RO; ,DES BKOL BA ZHES BYA BA'I SMAN PAS BKOL BA'O, ,NAD KYIS KYANG NGO ZHES BYA BA NI BKOL BA ZHES BYA BAR SBYAR TE, NAD KYIS BKOL PAR GYUR PA RNAMS LA YANG DRI BAR BYA BA'I DON TO, ,DGE SLONG RGAN RABS RGAN RABS SHES RAB CAN RNAMS LA YANG NGO ZHES BYA BA NI DRI BAR BYA BA NYID DO ZHES BYA BAR SBYAR RO, ,SNGA MA NYID MED NA PHYI MA LA'O ZHES BYA BA NI DRI BAR BYA BA 'DI RNAMS LA GANG ZHIG 'DI LA SNGA ROL DU MED PA LA 'DIR GZHAN LA DRI BAR BYA BA NYID DO, ,'DI RNAMS KYI SNGA MA NI SHIN TU MKHAS PA YIN TE, DRI BA 'DI NI RDZAS KYI DON DU STE, MED PA LA NI PHYI MA LA DRI BA'O, ,PHUN SUM TSOGS PA LAS DRI BAR RIGS TE, SMAN PA MED NA DE RAB TU BYUNG BA ZHES BYA BA LA SOGS PA'O, ,PHAN PAR 'DOD PA NYID KYIS 'CHI BA'I PHYIR SMAN MA YIN PA SBYIN PA LA NI NA SMAD PA MED DO ZHES BYA BA NI RANG GIS BSGO BA MA BYAS PAR CI ZHIG SNYAM DU 'DI LTAR PHAN BAR 'DOD PAS 'CHI BA'I DON DU SMAN MA YIN

100b

PA SBYIN PA LA NA SMAD PA MED DO, ,PHAN PAR 'DOD PA NYID KYIS SBYIN PA 'DI DE'I PHYIR SKYON MED PA NYID DANG, NA SMAD PA LA YANG 'DIR GANG ZHIG GIS 'DOD PA DE BZLOG PA'I DON DU YONGS SU RDZOGS PA NYID 'DIR KHA NA MA THO BA ZHES BYA BA'I DON TO, ,CHOM RKUN PA RNAMS KYI LAG PA LA SOGS PA BCAD DE TSOR BAS GNOD PAR 'GYUR BA RNAMS LA 'CHI BAR BYA BA'I PHYIR GANG ZHIG DGE SLONG MAS 'GYUR BYED KYI LAN TSVA BYIN PA LAS MDO 'DI BYAS SO, ,KHUR 'DEGS PAR MI NUS PA LA GROGS NYID MI BYA'O, ,GAL TE DE LTA BU'I RKYEN GYIS MA BYIN MA DAG RUB PA NYID LA CIG CAR 'DEGS PAR SKAD SBYAR TE BYA'O ZHES BYA BA NI BYA'O ZHES BYA BA BYED PA'I TSIG DANG POR SMOS PA NA 'DIR YANG CI DGAR BSTAN PA YIN NO, ,KHUR 'DEGS PAR MI NUS PA NYID LA BAR BAR DU DE LA BRTZAN PA'I DON DU NUS PA'I KHYIM DU GNAS PA RNAMS KYIS RUB PA NYID SHES PAR BYA'O, ,GNAS PA TZAM GYIS NYE BAR GNAS PA RNAMS NI MA YIN NO, ,DE 'DEGS PA'I DUS NI CIG CAR 'DEGS PAR SKAD SBYAR TE ZHES BYA BA NI KHYIM PA RNAMS LA BSGO BAR BYA ZHING SKAD SBYAR NAS GDEG PAR BYA'O, CIG CAR DU MI BYA ZHES BYA BA'I DON TO, ,GZHAG PA LA YANG CIG CAR NYID DU SKAD SBYAR BAR BYA'O ZHES BYA BA NI KHUR MI BZOD PA DE LA GDEG PA'I DUS DANG GZHAG PA LA YANG CIG CAR NYID DU SKAD SBYAR TE BYA'O, ,SO PHAG MI 'PHANG NGO ZHES BYA BA NI LAG NAS LAG TU SBYIN PAR BYA ZHES BYA BA'I DON TO, ,DE NI LAG GI LAS DAG BYED PA LA BSTAN PA YIN TE, GANG GI TSE BRJOD DO, ,BYE BA DANG GAS PA MA BRJOD PAR DE NYID SBYIN PAR MI BYA'O ZHES BYA BA LA, DE NYID CES BYA BA NI BYE BA DANG GAS PA NYID DO, ,RKUN PO SPA BKONG BA'I PHYIR TSAM NGAM BYA'O ZHES BYA BA NI CI DGAR BSTAN PA'I DON DU DANG PO BYA'O ZHES BYA BA'I TSIG GO, ,DE BZHIN DU GZHAN RNAMS LA YANG DANG PO CHO GA'I TSIG RNAMS LA RIG PAR BYA'O, ,GAnd'I LA SOGS PA MI 'PHOG PAR 'PHANG NGO ZHES BYA BA NI JI LTAR GAnd'I LA SOGS PA CHOM RKUN PA RNAMS LA PHOG PAR MI 'GYUR BA DE LTAR 'PHANG BAR BYA STE, CI NAS KYANG GZHAN LA GNOD PAR MI 'GYUR BAR BYA BA'I DON TO, ,RDZI PHYOGS NA RDUL GYI BUM PA DANG THAL BA'I GYO MO YANG NGO ZHES BYA BA NI 'DIR PHOG PA YONGS

101a

, ,SU SPONG BA NI MA YIN TE DE'I PHYIR 'DIS RTZOM PA'O, ,RDUL GYI BUM PA DANG THAL BA'I GYO MO STE ZHES BYA BA'I BSDU BA'O, ,RDUL DANG THAL BA DAG NI DPE YIN TE, RDUL 'BYIN PA'I RDZAS RNAMS LA BUM PA DANG GYO MO DAG KYANG DE SDUD PAR BYED PA POS SO, ,'UR RDO BCANG BAR BYA'O ZHES BYA BA NI RKUN PO SPA BKANG BAR BYA BA'I PHYIR ZHES BYA BAR SBYAR RO, ,DE'I PHYIR 'PHEN PAR BYA'O, ,'DIR 'UR RDO 'PHANGS PA'I DGOS PA NI CHOM RKUN PA RNAMS PHAM PAR BYA BA'I DON DU CHAGS PA YONGS SU SPANGS PAS 'DI BCANG BAR BYA STE, 'DI'I DON DU ZHES BYA BA 'DIS BYA BA NYID DO, , DGE SLONG NGAL BA MI PHUL LO ZHES BYA BA NI GZHAN NGAL BA LA DE DANG 'DRA BAS NYES BYAS PHRA MOR RIG PAR BYA'O, ,DE'I GROGS BYA'O ZHES BYA BA LA, DE'I ZHES BYA BA NI DGE SLONG NGAL BA DE'O, ,CHOS 'DI PA'I RAB TU BYUNG BA NYID 'DI LTA BU'I RIGS CAN RNAMS LA DGE SLONG GI TSIG RNAM PAR GNAS SO; ,DE BAS NA DGE TSUL LA YANG 'DI BYA'O ZHES BYA BAR RIG PAR BYA'O, ,GROGS JI LTA BUS SHE NA DE'I PHYIR NGAL SOR GZHUG GO, ,SNOD SPYAD BLANG BAR BLA'O, ,GAL TE LHAN CIG TU GNAS SU PHYIN PAR MI NUS LA ZAN DANG SKOM GYI DUS SU MA YIN NA LHUNG BZED BKRU BA DANG BYUG RES GZHAG PA DANG BYIN LEN DANG BRTAG PAR BYA'O ZHES BYA BA NI GAL TE KHYOD LA GROGS PO DANG MNYAM PAR GNAS SU PHYIN PAR MI NUS LA ZAN DANG SKOM GYI DUS SU MA YIN NA LHUNG BZED BKRU BA DANG BYUG RIS GZHAG PA DANG BYIN LEN DANG BRTAG PAR BYA'O, ,GAL TE DUS SU NA KHYER TE BSU BAR BYA'O ZHES BYA BA NI CI STE DUS LA YANG ZAS DANG BTUNG BA DAG LA PHYIN PAR NUS PA MED NA DE'I PHYIR KHYER TE BSU BAR BYAS TE ZAN DANG SKOM DE BLANGS NAS ZHES BYA BA'I DON TO, ,'DIR LTUNG BAS NI PHYI DRO BZUNG NGO ZHES BYA BA SHUGS KYIS GO BAR BYA'O, ,PHAM PAR 'GYUR BA GSUM PA'I RNAM PAR 'BYED PA'O,, ,, MI'I 'GRO BA PA'I LAG PA GCOD PA NI SPOM PO'O, ,NAGS MES GTONG NA'O ZHES BYA BA NI DE LAS SROG CHAGS GSAD PAR MA BSAMS KYANG SPYIR SROG CHAGS MANG PO YOD PA'I BLOS 'DI NI SBOM PO'O, ,SROG CHAGS NYUNG NGU'I BLOS NI 'DI NYES BYAS SU RNAM PAR GZHAG PA'O, ,MED PAR NGES PA

101b

LA LTUNG BA MED DO, SROG CHAGS RNAMS LA MA LTOS PAR MNYAM PAR SPYOD PA NYID KYI PHYIR 'DIR 'DI RNAM PAR SHES PA'O, ,SBYOR BA THOB PA'I PHYIR 'DI MA SMOS SO, ,'DIR DNGOS GZHI RNAMS LA MTSAN NYID JI LTA BAR RTOGS PAR BYA BA NYID DE GNOD PA MED PA'I PHYIR SROG GCOD PA NI NAGS LA MES GTONG DU 'JUG PA LA MED PA LA NGES PA YOD PAR 'GYUR BA LA MI SKYED DO, ,YOD PA'I BLO LA NYES BYAS TZAM POR 'GYUR BA LA YANG JI TZAM DU NYES BYAS 'DIR RIGS SU GYUR PA GANG YIN PA RNAMS LA SPYI'AM BYE BRAG GCIG TU MA ZAD KYI DE RNAMS SHI BA LA DE'I RIGS YONGS SU RDZOGS PA'I RJES LA NA SMAD PAR GYUR BA'I LTUNG BA DE TZAM DAG LA SKYED PA'O, ,GAL TE MI'I 'GRO BA PA RNAMS LA NYES PA YOD NA NI SBOM PO'O, ,CI STE DUD 'GRO RNAMS LA NI NYES BYAS SO, ,GZHAN DU GNOD PA LA NI DE LAS KYANG NA SMAD PA STE DE TZAM DAG LA MNGON PAR 'BREL BA'I PHYIR GSOD PA DANG SBA BA LA 'DI BCAD NAS 'DIR LA LA THAMS CAD GANG YIN PA 'DI NI RGUD PAR GYUR CIG CES BYA BAS, DE RNAMS SHI BA LA JI LTAR JI TZAM DU SROG CHAGS DE DANG RJES SU MTHUN PA'I LTUNG BA RNAMS KYANG DE TZAM MO, ,RNAM PAR GCAD PA LA RI DAGS RNAMS NYID SHI BAR GYUR CIG CES BYA BAS GAL TE, DE MA YIN NA DER MI LA SOGS BA GZHAN RNAMS MED PA'AM YOD PAR GYUR PA MA BZUNG BAR SHES PA NYID LA MNGON PAR BRTEN PA'I RI DAGS RNAMS LA JI LTA BAR BYAS PA'I KHA NA MA THO BA DANG MA SHES PA'I MI LA SOGS PA RNAMS LA NI MA YIN NO, ,GAL TE SHES PA NYID MI RNAMS LA YANG 'DIR DUD 'GRO GZHAN RNAMS YOD DE DE YANG RI DAGS RNAMS LA JI LTA BAR BRJOD PA MI RNAMS SHI BA LA SBOM PO DANG GZHAN RNAMS LA NI NYES BYAS SO, ,SHI BA LAS GZHAN PA'I GNOD PA GNYIS KA LA NYOS BYAS NYID DO, ,SKRA CAN 'TSONG NA'O ZHES BYA BA NI MI'I 'GRO BA 'TSONG NA NI SBOM PO'O, ,'DIR GZHUNG NI NYE DAGS SHA ZA'I BU GCIG BZUNG STE BRO GAR MKHAN LA BTZONGS PA NAS, JI SRID BCOM LDAN 'DAS KYIS BKA' STZAL PA, DGE SLONG GIS SKRA CAN BTZONG BAR MI BYA'O, ,BYED NA NYES PA SBOM POR 'GYUR RO ZHES BYA BA LA SOGS PA'I BAR DU GSUNGS PA YIN NO, ,GANG GIS BRKUS PA DE BLA'I GRAR 'BUL NA'O ZHES BYA BA YANG SBOM PO'O ZHES BYA BAR

102a

, ,SBYAR RO; ,YONGS SU DOR BAR GYUR PA NI BTANG BA 'DI'O, ,'TSONG NA ZHES BYA BA 'DI LA SBOM POR SHES PA'O, ,'DI GNYIS KA LA MNGON PAR MA BSAMS PAS GNOD PA GCIG PU 'DI NYID KHA NA MA THO BA MED PA NYID DO, ,MNGON PAR BSAMS PA'I GNOD PA LA NI DE BSGRUB PAR GYUR PA LA GNOD PA JI LTA BAR KHA NA MA THO BA'O, ,PHRAN TSEGS KYI SKABS SO,, ,,STON PAS BSGO NA'O ZHES BYA BA NI GSAD PA'I SEMS KYIS GANG ZHIG GSOD PA LA RANG GI BSAM PA NYID KYIS BSAD PA DE'I DON DU RJES SU 'BREL PAS STON PA SU ZHIG LA BRJOD PA NI STON PA'O, , GSOD PAR BYED PA LA GSAD PA'I PHYIR BSGO BA BYAS PA YIN TE, DE GSOD PAR BYED PA LA BSAD DU ZIN KYANG DE BSTAN PA DES GSAD PAR GYUR PAS 'DIR PHAM PA BSKYED PA ZHES BYA BA'I DON TO, ,MA DANG MNGAL NA GNAS PA GNYIS NI DPE'O ZHES BYA BA NI GSAD PAR BYA BA MANG PO'I RJES SU GSOD PAR BYED PAS SU ZHIG BGRANG BA DE RNAMS LA GSAD PAR BYA BA GANG LA, GSOD PA'I SEMS NYE BAR GNAS PAR GYUR LA DE BSTAN PA'I PHYIR MA BSAMS PA GZHAN THAMS CAD KYANG STON PAR BYED CING DE NI ZHAR LA SBOM PO'O, ,DER SBOM PO DE NI MA BSAMS PA LA MA DANG MNGAL NA GNAS PA DAG LA DKU MNYES PA ZHES BYA BA 'DIS BSTAN PAR RIG PAR BYA STE, 'DIR MA DANG MNGAL NA GNAS PA GNYIS NI DPE YIN NO ZHES BYA BA'I DON TO, ,BDAG NYID GSOD NA SBOM PO ZHES BYA BA NI GSAD PA'I PHYIR RJES SU BSGRUB PA LAS 'DIR LTUNG BA RNAM PAR GZHAG PA'I BSAD PA LAS NI MA YIN NO, ,DE BAS NA 'DIR TSE RABS GZHAN DU LAS KYIS LAM SKYE BA MED DO, ,SEMS GYUR PA MED PAR LEGS PAR BYAS NAS NYES BYED DO ZHES BYA BA NI MA BSAMS PA'I 'BRAS BU GANG ZHIG MA LEGS PAR BYAS PA DPER NA GSAD PAR BYA BA BSTAN PA DE NI NYES BYED DE LEGS PAR BYED PA MA YIN NO, ,DE BAS NA SEMS 'GYUR BA MED PA NYID YOD KYANG 'DI NI NYES BYAS SU RIG PAR BYA'O ZHES BYA BA'I DON TO, ,CHED DU MA BSAMS PAR GRUB PA NI BYED PA PO NYID MA YIN NO ZHES BYA BA NI MA BSAMS PA'I 'BRAS BU GANG ZHIG LAS SKYE BA DPER NA BZHAD GAD KYI BSAM PAS MTSON 'PHANGS PAS SHI BA'I GSOD PAR GTOGS PA GRUB PA DE NI LTUNG BA'I BYED PA PO NYID MA YIN

102b

TE; DE LA NI MTSON 'PHANGS PA LAS DER LTUNG BA KHO NA STE, SHI BA LAS NI MA YIN ZHES BYA BA'I DON TO, ,'DIR GZHUNG NI BTZUN PA DGE SLONG GIS BZHAD GANG DU GZHAN LA MTSON 'PHANGS PAS RKYEN DES DUS BGYIS NA LTUNG BA CIR 'GYUR, NYES BYAS SO ZHES GSUNGS BA YIN NO, ,TSE RABS GZHAN DU LAS SKYE BA MED DO ZHES BYA BA NI BSAD PA LA SOGS PA'I SBYOR BA BYAS NAS THOG MAR SHI BAR GYUR BA'I SROG CHAGS PA LA SOGS PA MI BSKYED DE SBYAR BTZAM NYID LAS DER LTUNG BA'O, ,PHAM PAR GYUR PA GSUM PA'I ZHU BA'I SKABS SO,, ,,SBOM PO NI KHO BO 'CHI BAR 'ONG NGO ZHES DE SKAD ZER BA LA YID MI CHES SHING DE BZHIN NYID DU SGRUB PAR BYED NA'O ZHES BYA BA LA, SBOM PO NI ZHES BYA BA'I TSIG DANG POR SMOS PA NI DBANG DU BYA BA BSTAN PA'I PHYIR TE, GAL TE NAD PA NA RE BDAG LA KHRUS DANG BSKYOD PA LA SOGS PA CUNG ZAD BYED NA GDON MI ZA BAR KHO BO 'CHI BAR 'ONG ZHES DE SKAD ZER PA LA YID MA CHES SHING DE GZHAN NYID DU KHRUS LA SOGS SGRUB PAR BYED NA SBOM PO'O, ,NGES PAR 'DIR LTUNG BAR 'GYUR BA LA YANG RTZUB PAS NYE BAR GNAS PA ZHES BYA BA LTUNG BA 'DI'O, ,NAD PA SHI BLA'O ZHES G-YOG MI BYED NA'O ZHES BYA BA NI SBOM PO ZHES BYA BA DANG SBYAR RO, ,MED PAR BYA BA MI 'PHROD PA SBYIN NA'O ZHES BYA BA NI NAD PA LA ZHES BYA BA DANG RJES SU 'BREL LO, ,'DIR YANG YID MA CHES PA'I PHYIR SHES PAR GYUR PA NA RTZUB PA NYID LA NYE BAR GNAS PA'O, ,'DIR 'CHAD PAR 'GYUR BA LA YANG SBOM PO'O, ,'BRAS YONGS SU MA SMIN PA BRTOL NA'O ZHES BYA BA NI 'DIR YANG NGES PAR RTZUB PA NYID NYES BAR GNAS PA ZHES BYA BA LTUNG BA 'DI'O, , DONG DU 'JUG PA DANG SGO GLEGS KYIS BTZIR BA LA SOGS PAS NYON MONGS PAR BYED PA'O ZHES BYA BA LA, 'DI NI GSAD PA'I SBYOR BA'I RNAM PA STE DE BAS NA 'DIR SBOM PO'O, ,G-YANG SA NAS MCHONG BA DANG 'CHI BA LA SOGS PA LA 'CHI BA'I DON DU BSGRUB PA YANG NGO ZHES BYA BA NI YANG GI SGRAS NI SBOM PO'O ZHES BYA BA DE'I RJES SU BSNYAG PA'I PHYIR RO, ,'DIR GZHAN SHI BA YOD PAR GYUR PA LA PHAM PA STE MED PAR GYUR NA SBYOR BA NYID KYI PHYIR SBOM PO 'GRUB PA'O, ,DE BAS NA BDAG NYID GSAD PA LA G-YANG SA DER BTANG BA LA SOGS PA LA BZUNG BAR RTOGS PAR BYA'O, ,'DIR BDAG NYID GSOD PA LA SBOM PO STE, DE BAS NA 'DI

103a

, ,SHI BA LA BRJOD DO, ,DA BAS NA MED PAR GYUR PA LA ZHES BYA BAR RTOGS PAR BYA'O, ,NAD PA LA BAB COL DU MTSON DANG THAG PA SBYIN PAR MI BYA'O ZHES BYA BA NI NAD G-YOG LA SHI BA'I YO BYAD MA YIN NA ZHES BYA BA BRJOD ZIN TO, ,NAD G-YOG MA YIN PA'I DON DU NI RTZOM PA 'DI'I BAB COL DU ZHAS BYA BA'I TSIG GIS SHI BA LA MA YIN PA'I YO BYAD NYID SHES NAS BYA BA GZHAN GYI DON DU SBYIN PAR BYA ZHES BYA BA'I DON TO, ,'DIR NI MTSON DANG THAG PA'I TSIG NI DPE YIN TE KHAB LA SOGS PA RNAMS KYANG BSDUS PA YIN NO, ,ZHAL TA BAS SHES BZHIN DU BYA'O, ,GSANG SNGAGS KYI THAL LCAG BYA BA YANG NGO ZHES BYA BA NI SHES BZHIN DANG ZHES BYA BA DANG SBYOR RO, ,SHES BZHIN DU ZHES BYAS PAS GDON GYIS ZIN PA THAR BAR BYA'I GSANG SNGAGS SNGON DU 'GRO BAS GDONG DU THAL LCAG GIS BSNUN PA NI THAL LCAG BSNUN PA'O, ,SHI BA DANG GNOD PA DANG GZHAN LA DGAG PA'I DON DU DE LHA BU'I RIGS CAN GYI THA SNYAD RNAMS SO, ,KHONG NAD BSAL BA'I PHYIR DANG THOGS PA BSAL BA'I PHYIR BSNUN PA YANG NGO ZHES BYA BA NI MGRIN PA LA SOGS PA'I LUS LA CUNG ZAD NUS PA LUS LAS DON GZHAN DU GYUR PA NI THOGS PA'O, ,DE BSAL BA'I PHYIR BSNUN PA GANG YIN PA DE YANG DAG PAR SHES SHING SBYIN PAR BYA ZHES BYA BA'I DON TO, ,DER 'GYUR BAS LEGS PAR SO SOR BRTAG PAR BYA STE DRIL BAR BYA'O ZHES BYA BA LA DER GYUR PAS ZHES BYA BA NI YANG DAG PAR SHES PAR GYUR PA SHES BZHIN LA GNAS PA'O, ,DE LTAR SO SOR BRTAG PAR BYA STE RNGO PA LA SOGS PAS DRIL BAR BYA'O, ,JI LTAR SU ZHIG LA YANG GNOD PAR MI 'GYUR BAR RO, ,GNOD PAR BYA BA MED PAR SHES PA'I PHYIR SO SOR RTOG PA 'DI'O, ,DE BAS NA GNOD PA BYED PA'I RDO BA LA SOGS PA LA 'DI DRIL BA ZHES BYA BA LA SOGS PA BRTAG PAR BYA'O, ,PHYOGS NYUNG DUS GDEG PA LCI BA LA 'BAD PAR MI BYA'O ZHES BYA BA NI NYUNG BA'I GSUM GYI TSOGS BRTZON PA CHA SHAS SU GYUR BA LCI BA'I KHUR GDEG PAR BYA BA'I DON TO, ,SPYI BO TSUGS SU 'GRO BAR MI BYA'O ZHES BYA BA NI SPYI BO TSUGS MKHAN LTAR RO, ,MA BSLABS PAS BSLABS PA LA SBYAR BAR MI BYA'O ZHES BYA BA NI MTSON GYI LAS LA SOGS PA GZHAN LA GNOD PA'I PHYIR NUS

103b

PA ZHES BYA BA SHUGS KYIS RTOGS PAR BYA'O, ,MTSON 'PHANG BA LA BSGO BAR MI BYA'O ZHES BYA BA NI DPER NA MDA' 'PHANGS SHIG DANG BLTA BAR BYA'I ZHES BYA BA'O, ,NAD PA MI NUS PA LAM DU MI BKRI'O ZHES BYA BA'O, ,PHAM PA GSUM PA 'DUL BYED KYIS SKABS SO,, ,,GANG DU PHAM PAR GYUR PA BZHI PA ZHES BYA BA LA LTOS NAS BRJOD PAR BYA STE, DE'I PHYIR 'DU SHES BSGYUR TE BDAG NYID MI'I CHOS BLA MA DANG LDAN PA NYID DU SMRA BA'O ZHES BYA BA NI GANG ZHIG 'DI BDEN PAR GYUR PA DANG MING DU GYUR PA'I DON BZUNG STE BSGYUR TE SBA BAR BYAS NAS 'OG TU BYAS TE BRDZUN PA'I DON GYIS 'DU SHES GZHAN GYIS BKAB NAS BDAG NYID MI'I CHOS BLA MA DANG LDAN PA NYID DU BRJOD PA LA CI BDAG NYID DAM GZHAN LA ZHES BYA BA NI BDAG NYID LA'O, ,DE NYID MTHONG NGO BDAG MTHONG NGO SGRA THOS SO, ,BDAG GIS THOS SO, ,'GRO'O, ,BDAG GI DRUNG DU'ONG NGO, ,LHAN CIG TU GTAM 'DRE'O, ,PHEBS PAR SMRA'O; ,SO SOR KUN DGA'O, ,BDAG DANG RTAG DU YANG LHAN CIG GNAS PAR BYED DO ZHES SMRAS PA 'DI NYID DO ZHES BYA BA MTHONG NGO ZHES BYA BA LA, SOGS PA SMRAS PA DE NYID NI BDAG NYID MI'I CHOS BLA MA DANG LDAN PA NYID DU SMRA BA NYID YIN PAR BLTA BAR BYA'O, ,BDAG DANG LHAN CIG GTAM 'DRE 'O ZHES BYA BA 'DIS NI GTAM 'DRE BAR BYED, PHEBS PAR SMRA BAR BYED, PHAN TSUN KUN DGA' BAR BYED, RTAG TU YANG LHAN CIG GNAS PAR BYED DO ZHES DE LTAR YANG SBYAR BAR SHES PAR BYA'O, ,CI MTHONG NGO, ,BDAG MTHONG NGO ZHES BYA BA DE TZAM GYI TSIG KHO NA LAS PHAM PAR 'GYUR RAM, 'ON TE ZLA CUNG ZAD CIG LA LTOS NAS YIN, DE LTAR NA YANG ZLA GANG YANG RUNG BA ZHIG YIN NAM 'ON TE KHYAD PAR CAN ZHIG YIN NAM ZHE NA, ,DE'I PHYIR, LHA DANG, KLU DANG, GNOD SBYIN DAG, DRI ZA DANG, MI'AM CI DANG, LTO 'PHYE CHEN PO DANG, YI DAGS DANG, SHA ZA DANG, GRUL BUM DANG, SRUL PO DANG; LUS SRUL PO'I ZLA NYID LA'O ZHES BYA BA SMOS TE, DE'I PHYIR LHA RNAMS BDAG GIS MTHONG NGO, ,LHA RNAMS KYIS BDAG MTHONG NGO, ,LHA RNAMS DANG LHAN CIG BDAG GNAS SO ZHES BYA BA NYE BAR GNAS PA 'DI RNAMS KYI TSIG DAN LDAN PAS BDAG NYID MI'I CHOS BLA MA DANG LDAN PA NYID SMRA BA ZHES BYA

104a

, ,BA'I DON TO, ,SBOM PO'I DBANG DU BYAS PA NYID NI DUR KHROD KYI SHA ZA'O ZHES BYA BA NI DUR KHROD KYI SHA ZA BA LA SOGS PA 'GAL BA'I ZLA LA BDAG GIS RIGS PA MTHONG NGO ZHES BYA BA 'DI LTA BU LA SOGS PA TSIG RNAMS GZHAN SO SO NYID KYI PHYIR 'DI LA DE LTAR 'DI DANG LHAN CIG BDAG LA STOD PAR BYED CAS BYA BA 'DI SHES PA'O, ,'BRAS BU DANG LHAN CIG TU MI'I CHOS BLA MA BSTAN PA'I NGO BO NYID LA BRJOD PAR BYA STE, MI RTAG PA LA SOGS PA'I 'DU SHES DANG, BSAM GTAN RNAMS DANG, TSAD MED PA RNAMS DANG, GZUGS MED PA RNAMS DANG, 'BRAS BU RNAMS DANG; MNGON PAR SHES PA LA SOGS PA NI CHOS BLA MA'O ZHES BYA BA NI MI RTAG PA'I 'DU SHES DANG, MI RTAG PA LA SDUG BSNGAL BA'I 'DU SHES DANG, SDUG BSNGAL BA LA BDAG MED PA'I 'DU SHES DANG, ZAS LA MI MTHUN PA'I 'DU SHES DANG, 'JIG RTEN THAMS CAD LA MNGON PAR MI DGA' BA'I 'DU SHES DANG, NYES DMIGS KYI 'DU SHES DANG, SPONG BA'I 'DU SHES DANG, 'DOD CHAGS DANG BRAL BA'I 'DU SHES DANG, 'GOG PA'I 'DU SHES DANG, 'CHI BA'I 'DU SHES DANG, MI SDUG PA'I 'DU SHES DANG, RNAM PAR BSNGOS PA'I 'DU SHES DANG, RNAM PAR RNAGS PA'I 'DU SHES DANG, RNAM PAR BAM PA'I 'DU SHAS DANG, RNAM PAR 'BUS GZHIGS PA'I 'DU SHES DANG, RNAM PAR ZOS PA'I 'DU SHES DANG, RNAM PAR DMAR BA'I 'DU SHES DANG, RNAM PAR 'THOR BA'I 'DU SHES DANG, RUS GONG GI 'DU SHES DANG, STONG PA NYID LA SO SOR RTOGS PA'I 'DU SHES SO ZHES BYA BA'I MDO SDE RNAMS LAS YANG DAG PAR 'BYUNG BA'I 'DU SHES RNAMS NYE BAR BSDU BA'I PHYIR RO, ,MI RTAG PA LA SOGS PA 'DI LA 'DIR SOGS PA'I SGRA DANG MNGON PAR SHES PA LA SOGS PA ZHES BYA BA 'DIR YANG SOGS PA'I SGRAS 'DI LHAG MA 'DI LTA BU'I RNAM PA'I YON TAN RNAMS BSDU BA'I DON DU'O; ,SBOM PO'I DBANG DU BYAS PA NYID NI ZHI GNAS KYI RGYU MTSAN RANG GI MTSAN NYID 'DZIN PA NYON MONGS PA RNAM PAR GNON PA'O ZHES BYA BA NI MOS PA YID LA BYED PA'I BDAG NYID TSAD MED PA LA SOGS PA RNAMS LA'O, ,DE KHO NA YID LA BYED PA'I BDAG NYID CAN RNAMS LA YANG MI RTAG PA'I 'DU SHES

104b

LA SOGS PA'I DGE BA'I RNAMS YONGS SU RDZOGS PA GANG YIN PA DE LA TSU ROL GYI CHA GANG YIN PA DE 'DIR RANG GI MTSAN NYID 'DZIN PA ZHES BYA BA LA SOGS PA'I TSIG GIS BRJOD PA'O, ,ZHI GNAS KYI DON NI TING NGES 'DZIN GYI DON TO, ,YONGS SU RDZOGS PA DANG MI RTAG PA LA SOGS PA'I 'DU SHES RNAMS LA MI RTAG PA LA SOGS PA'I 'DU SHES NYID KYIS BKA'I TSIG GO, ,DE BAS NA PHYIR MI BZLOGS PAS BSDUS PA'I DGE BA'I RTZA BA RNAMS YONGS SU RDZOGS PA LUNG BSTAN PA LA NI PHAM PA'O, ,TSU ROL NYID LA YONGS SU RDZOGS PA LUNG BSTAN PA NI SBOM PO'I LTUNG BA ZHES BYA BA RNAM PAR GZHAG PA RTOGS PAR BYA'O, ,DE DANG LDAN PA'I CHOS CAN NYID DU SMRA BA NI DE DANG LDAN PA NYID MA SMRAS PA MA YIN NO ZHES BYA BA NI, DE DANG LDAN PA NYID KYI CHOS GANG YIN PA DE LA BRJOD PA GANG YIN PA 'DI NI DE DANG LDAN PA NYID MA YIN NO, ,DE BAS NA MI MA YIN PA RNAMS MI 'TSE BA NYID DANG, KHRO BO BKRA BA LA SOGS PA 'THOB PA'I CHOS ZHES BYA BA LA SOGS PA, RGYUN DU ZHUGS PA LA SOGS PA'I CHOS NYID KYIS RNAM PAR GNAS PA LA BRJOD PA GANG YIN PA DE NI RGYUN DU ZHUGS PA LA SOGS PA MA YIN ZHES BYA BAR SHES PAR MI BYA STE, BRJOD PA 'DI LA PHAN PA NYID CES BYA BA'I DON TO, ,DE YOD DO ZHES RANG GI BSAM PA GZHAN LA SBYOR ZHING STON PA NYID DO ZHES BYA BA NI DGE SLONG YOD DE GANG ZHIG LHA RNAMS MTHONG BA ZHES BYA BA LA SOGS PA GANG YIN PA BDAG NYID LA DGONGS NAS 'DI YOD DO ZHES BYA BA BSAMS PAS TSIG GO, ,GAL TE YANG DER BDAG NYID MNGON PAR BSAMS PA DE LTAR NA YANG GZHAN LA SBYOR BA NYID DE LA TSIG GI NGO BO RANG DANG GZHAN LA SBYOR BA RNAM PAR GZHAG PA RANG GI BSAM PAS GDUG PA CAN DANG GDUG PA CAN MA YIN PA NYID LA DE BAS NA TSIG LA TSIG 'DI LAS RNAM PAR GZHAG PA MED DO, ,DE BAS NA 'DIR KHA NA MA THO BA MA YIN PA CHAD PA LA PHAM PA MA YIN NO ZHES BYA BA'I DON TO; ,GAL TE 'DI YOD CES BSAMS PA RNAMS LA MA BSTAN PA YANG BDAG CES BYA BA LA SOGS PA'I SGRAS NYE BAR BSDU BA'O, ,'DI NI BDAG NYID CES BYA BA LA SOGS PAR 'GYUR NA DE'I TSE NA YANG GZHAN LA SBYOR ZHING ZHES BYA BA CI ZHIG BYA ZHE NA, DE'I PHYIR NYE BAR SBYOR NA MA YIN NO ZHES BYA BA

105a

, ,SMOS TE; RANG LA ZHES BYA BAR SBYAR RO, ,DGE SLONG 'DI YOD DE GANG ZHIG LHA RNAMS MTHONG ZHES BYA BA 'DI LA GAL TE RANG GI STON PA'I SGRA LA BDAG NYID 'DI YIN ZHES BYA BA BSAM PAR BYED NA DE BAS NA GZHAN GYI BSTAN PA NYID MA YIN NO, ,RANG BSTAN PA NYID KYIS DER LTUNG BA YONG SU RDZOGS PA NYID CES BYA BA'I DON TO, ,DE LTAR YANG GI GZHUNG NI 'DI SKAD CES NGA NYID DO ZHES MI SMRA NA ZHES BYA BA YIN NO, ,MA BSAMS PAR BSTAN PAR MI BYA'O ZHES BYA BA NI JI LTAR BSLU BA'I BLOS YID CHES DANG BRAL BA'I TSIG GIS GLAGS MI RNYED DE BZHIN DU, SO SOR BRTAGS PA MA BYAS PAR LUNG BSTAN PAR MI BYA'O ZHES BYA BA'I DON TE, ,PHAM PAR 'GYUR BA BZHI PA RNAM PAR 'BYED PA'I SKABS SO,, ,,BLA MA THOB PA YONGS SU NYAMS PA GO BAR BYED PA NI MA BRJOD PA MA YIN NO ZHES BYA BA NI BDAG NYID DMAN PA STE, BDAG NI DGE SBYONG GI 'BRAS BU BZHI LAS NYAMS PA'O ZHES BYA BA LA SOGS PAS THOB PA LAS YONG SU NYAMS PA LAS BSTAN PA GANG YIN PA DE YANG MI'I CHOS BLA MA MA BRJOD PA MA YIN TE BRJOD PA KHO NA NYID YIN PAS, 'DIR GAL TE BRDZUN DU SMRA BA NYID YOD PAR GYUR PA PA PHAM PAR MI 'GYUR BA MA YIN TE, PHAM PAR 'GYUR BA KHO NA YIN NO, ,MA THOB PA LA NYAMS PA GANG ZHES BSTAN PA DE GAL TE SKYON DANG BCAS NA KHYAD PAR SU ZHIG SRID PA'I 'DUN PAS YANG DAG PAR MTSON PA NYID DE LA RIG PAR BYA'O, ,SLAR GANG ZHIG SKYON DANG BRAL BA DE LA SKYON DANG BRAL BA NYID DO, ,BLA MA BRJOD PA'I 'DUN PAS MING MTHUN PA'I DON BRJOD NA SBOM PA'O ZHES BYA BA NI MING 'DRA BA DON BRJOD PA NI MING DANG MTHUN PA'I DON BRJOD PA'O, ,BDAG SLOB PA ZHES BYA BA SO SOR THAR PA'I SDOM PA LA SOGS PA LA SLOB PA'O, ,BDAG NI MI SLOB CES BYA BA BSTAN PA DANG, 'DUL BA DANG SO SOR THAR PA'I MDO LA SOGS PA DANG, CHOS MNGON PA LA SOGS PA SLOB PA NYID DANG MI BRTZON PA NYID LHUNG BZED LA SOGS PA LAS LHAG MA MED PA DANG, BDAG LA CI'ANG MED DO ZHES BYA BA SKYE BA'I THA MA BZLOG PA NYID CES BYA BA'O, ,GRUR 'GRO BA DAG LA RGYUN DU ZHUGS PA'I 'BRAS BU ZHES BYA BA BSTAN PA NYID DER 'BRAS BU DI LA ME TOG LA SOGS PA BDAG

105b

NYID KYIS BZUNG NAS 'BRAS BU THOB PO ZHES BYA BA DANG , KHYOD NI ZAG PA MED DO ZHES BYA BA LA SOGS PAS 'DRI BA'I BDAG NYID LA BDAG LA 'TSO BA LA SOGS PA MED DO ZHES BYA BA NI 'DI 'DAS PA'O, ,TSO BA'I 'JIGS PA LAS BDAG NI 'JIGS PA MA YIN ZHES BYA BA DANG BDAG NI KUN TU SBYOR BA LA SOGS PA LAS GROL LO ZHES BYA BA'I MING DANG BCAS PA'I DON LA DGONGS NAS BLA MA'I MING DANG 'DRA BA'I MING DE LA BLA MA BSTAN PA'I 'DUN PAS BRJOD PA LA SBOM PO'O ZHES BYA BA'I DON TO, ,GZHAN GYIS THOS PA LA YOD PAR 'GYUR BA 'DI RTOGS PAR BYA'O, ,NOR NA YANG NGO ZHES BYA BA NI BRJOD PA ZHES BYA BA DANG SBYAR RO, ,RGYUN DU ZHUGS PA'I 'BRAS BU LA SOGS PA MI BDEN PA MI'I CHOS BLA MA BRJOD PAR BYA'O SNYAM PA LAS NOR TE LAN CIG PHYIR 'ONG BA'I 'BRAS BU LA SOGS PA GONG MA DAG BRJOD NA SBOM POR 'GYUR RO ZHES BYA BA'I DON TO, ,GZHOGS SMOS KYANG NGO ZHES BYA BA LA, YANG GI SGRAS NI SBOM PO ZHES BSNYAG PA'I DON DU'O, ,AE MA'O KHYOD KHO BO CI 'DRA BA DE 'DRA BAR 'GYUR RO, ,KHO BO DANG KHYOD DANG 'U CAG 'DI LTAR RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA RNAMS SU GYUR CIG ,BDAG NI RGYUN DU ZHUGS PA MA YIN PA NAS JI SRID DU DGRA BCOM PA'I BAR YANG MA YIN NO ZHES DE SKAD DU ZER ZHING, GANG GI PHYIR BDAG NI RGYUN DU ZHUGS PA DANG, LAN CIG PHYIR MI 'ONG BA DANG, PHYIR MI 'ONG BA DANG, DGRA BCOM PA YIN NO ZHES SU ZER ZHES BYA BA'O, ,BAG NI DENG NAS 'JIG RTEN PA'I BSAM GTAN LAS SNYOMS PAR ZHUGS PA MA YIN TE KHAR RTZANG NI MA YIN NO, ,DE BAS GZHAN PAS KYANG DUS GCIG GI TSE NA LANG MA YIN NO, ,CHUR SHOG 'BRAS BU RNAMS LA LUNG BSTAN PAR BGYI'O, ,RGYUN DU ZHUGS PA'I 'BRAS BU LA LUNG BSTAN PAR 'GYUR BAR BGYI STE, BDAG NI RGYUN DU ZHUGS PA MA YIN NO ZHES BYA BA LA SOGS PA 'DI LTA BU LA SOGS PA LA MTHAR BYED PA BLA MA MTSON PA GZHAN GYIS THOS BZHIN PA LAS SBOM PO ZHES BYA BA'I DON TO, ,YANG DAG PAR PHYI MA NYID DE MI 'GYUR BA MA YIN NO ZHES BYA BA LA, YANG DAG PA NI BDEN PA'O, ,PHYI MA'I GANG LA YOD PA ZHES BYA BA'I BSDU BA'O, ,BDEN PA'I DON CAN GZHAN MA GROL BA LA SNGA MA'I

106a

, ,CHIG LA GZHOGS SMOS MA BYAS PA NYID MA YIN NO, ,GANG GI PHYIR MA BYAS PA NYID NI BYAS PA'I DON JI LTAR YANG RTOGS PAR BZOD PA MA YIN NO, ,'DIR GZHUNG NI, BTZUN PA DGE SLONG 'DI SKAD CES SLONG MO STER BA'I KHYIM CHE GE MO DGE SLONG GANG GI YIN PA'I DGE SLONG DE NI RGYUN DU ZHUGS PA DANG LAN CIG PHYIR 'ONG BA DANG PHYIR MI 'ONG BA DANG DGRA BCOM PA'O, ,RIGS DE SU ZHIG GIS TE DE NI BSOD SNYOMS PA'I RIGS SO, ,DES SMRAS PA, KHO BO'I STE KHO BO NI RGYUN DU ZHUGS PA DANG LAN CIG PHYIR 'ONG BA DANG PHYIR MI 'ONG BA DANG DGRA BCOM PA MA YIN ZHES MCHI NA LTUNG BA CIR 'GYUR; NYES PA SBOM POR RO ZHES GSUNGS PA YIN NO, ,PHAM PA BZHI PA LAS NYE BA 'KHOR GYI ZHUS PA'O,, ,,SBOM PO NI BTZUN PA NI DGRA BCOM PA CHOS GOS LA SOGS PA MCHOG 'OS PA BRAM ZE SDIG PA'I CHOS BSAL BA BTZUN PA'I DBANG PO DRUG PO DAG NI SHIN TU DUL BA SBAS PA, BSRUNGS PA, BSGOMS PA DAG YIN NO ZHES ZER BA LA CANG MI SMRA BAS DANG DU LEN PAR BYED NA'O ZHES BYA BA LA, YANG DAG PAR ZHUGS PA NI YID LA DANG DU LEN PA BRJOD YANG DON 'DI BSGRUB PA STE, DE BAS NA CANG MI SMRA BA'I NGO BO ZHES BYA BA NI BYE BRAG GO, ,'DIR CANG MI SMRA BA NYID LA RNAM PAR RIG BYED KYIS RNAM PA NYID BSGRUB PA YIN TE, DE BAS NA KHA CIG RNAMS LA RTOGS PA'O, ,DE BAS NA 'DIR SKYON 'DI DANG DU BLANGS PA GZHAN GYIS RTOGS PA YOD PAR 'GYUR BA LA 'DI SBOM PO'O, ,GZHAN DU NI 'DI LTA BU NA SMAD PA ZHES BYA BA RIG PAR BYA'O, ,BTZUN PA GAL TE DGRA BCOM PA YIN NA BDAG GI BSOD SNYOMS LONG SHIG KHYIM DU ZHUGS SHIG STAN LA 'DUG SHIG LAG CHU BZED CIG ,BZA' BA DANG SRAN TSOD DANG BCA' BA LONG LA ZO SHIG ,RJES SU YI RANG BAR BYOS SHIG ,BYUNG SHIG CES ZER BA LA DE BZHIN DU BSGRUB NA'O ZHES BYA BA NI SO SOR 'DIR BRJOD PA ZHES BYA BA'I TSIG LA, BTZUN PA GAL TE DGRA BCOM PA YIN NA ZHES BYA BA 'DI LONG SHIG CES BYA BA RNAMS LA BSGYUR BAR BYA'O, ,BZA' BA DANG SRAN TSOD CES BYA BA NI LONG SHIG CES BYA BA 'DI GNYIS KA YANG SBYAR TE DE BZHIN DU BSGRUB NA'O ZHES BYA BA'O, ,JI SKAD DU GSUNGS PA DE LTAR BSGRUB PA LA

106b

BTZUN PA GAL TE DGRA BCOM PA YIN NA BDAG NYID BSOD SNYOMS LONG SHIG CES ZER BA LA DE BZHIN DU BSGRUB PA LA BSOD SNYOMS LEN PAR BYED NA SBOM PA'O, ,GZHAN DU NA YANG JI LTAR RIGS PA ZHES BYA BA'I DON TO, ,BTZUN PA GAL TE DGRA BCOM PA YIN NA RJES SU YI RANG BAR MDZOD CIG CES ZER BA LA CANG MI SMRA BA'I NGO BOS RJES SU YI RANG BA LA SBOM PO'AM 'DIR TSIG GIS NI PHAM PA'O, ,PHAM BAR 'GYUR BA BZHI PA 'DUL BYED KYI SKABS LAS BLA MA BRJOD PA'O,, ,,RMI LAM NI MED PA DANG 'DRA'O ZHES BYA BA NI THA SNYAD KYI CHOS LAS YANG DAG PAR 'DAS PA NYID KYI PHYIR RMI LAM GYI DNGOS PO MED PA DANG 'DRA BA NYID DO, ,DE'I 'BRAS BU NI MA BYAS PA NYID DO ZHES BYA BA NI RMI LAM GYI 'BRAS BU LA RMI LAM GYI BDAG NYID KYIS SEMS DMIGS PA'I BUD MED LA SOGS PAS GANG ZHIG BYAS PAS KHU BA 'BYIN PA NI BYA BA'O, ,TSIG KYANG BYED PA DANG BCAS PA'I BYA BA CAN NO, ,BYA BA MA BYAS PA DE NI LTUNG BA MA YIN TE, LTUNG BA'I MTSAN MA MA YIN ZHES BYA BA'I DON TO, ,GANG DU KHU BA 'BYIN PA DGE 'DUN GYI LHAG MA ZHES BYA ZHE NA, DE'I PHYIR PHYUNG NA'O ZHES BYA BA SMOS SO, ,SEMS JI LTA BU ZHE NA, DE'I PHYIR DER 'DUN PAS SO ZHES BYA BA SMOS TE, 'BYIN PAR 'DUN PAS YIN GYI RGYUG PA LA SOGS PA'I SEMS NI MA YIN NO, ,SU LAS PHYUNG BA ZHE NA, DE'I PHYIR RANG GI KHU BA'O ZHES BYA BA SMOS TE, RANG GI KHU BA YIN GYI GZHAN GYI NI MA YIN NO ZHES BYA BA'I DON TO, ,'DI LA KHU BA PHYUNG BA NI MANG DU YOD DE, GNAS NAS DBYUNG BA DANG GZHAN YANG SBUBS SU 'ONG BAS DBYUNG BA DANG; DBANG PO'I MTHA' NAS DBYUNG BA NI GSUM PA ZHES BYA'O, ,'DI RNAMS 'DI LA SU ZHIG LAS PHYUNG BA ZHE NA, DE'I PHYIR DANG PO LA'O ZHES BYA BA SMOS TE, RANG GI KHU BA YIN PA NI DANG PO STE PHYUNG BA DE LA'O ZHES BYA BA'I DON TO, KHU BA LA NI MA YIN TE 'ON KYANG LUS 'DI LA KHU BA'I GNAS SU GYUR PA LOGS SHIG NA 'KHRIS PA LTA BU MED DE, YAN LAG RNAMS LAS 'BYUNG BA STE, DPER NA BU RAM SHING LAS KHU BA DANG SHA LAS TSIL DANG, ZHO LAS MAR RO, ,DE BZHIN DU 'DIR 'PHO BA RTOGS PAR BYA'O, ,SLAR 'DI NI PHYUNG BA DANG PO DGE 'DUN LHAG MA CI'I PHYIR TE, DBANG PO'I

107a

, ,MTHA' MA LA SOGS PA RNAMS KYIS NI MA YIN NO, ,'GA' ZHING TU NYE BA 'KHOR GYIS ZHUS PA'I 'DON PA LAS BTZUN PA JI TZAM GYIS NA KHU BA PHYUNG BAR BRJOD PAR BGYI, GANG GI PHYIR RTZA'I SBUBS LA BRTEN PAR GYUR NA'O ZHES BYA BA'I TSIG DANG, RNAM PAR 'BYED PA'I TSIG LAS KYANG, PHYUNG BA'I TSIG 'DI NI DE MA THAG TU PHYUNG BA'O ZHES GSUNGS SO, ,GANG GI PHYIR GNAS LA GNAS PA LAS DE MA THAG PA NYID MNGON PAR 'DOD PA RNAM PAR GNAS PA YIN GYI DBANG PO'I MTHA' MA NAS MA YIN TE MED PA'I PHYIR RO, ,DE BAS NA RNAM PAR PHYUNG BA GZHAN RNAMS KYIS DE MA THAG TU ZHES BYA BA KHYAD PAR DON MED PA'I PHYIR RO, ,GANG GI PHYIR RNAM PAR SPYAD PAR BYA BA MED NA KHYAD PAR RAB TU SBYOR BA MA YIN TE, DBANG PO'I MTHA' MA NAS 'BYUNG BA LA 'DOD CHAGS SHIN TU SHAS CHER GYUR PA NYID DANG BSGRUB PA NI MA RDZOGS PA'O, ,DE BAS NA 'DIR DNGOS GZHI 'DI LA SBYOR BA ZHES BYA ZHE NA DE NI MA YIN TE, TSANGS PAR SPYOD PA MA YIN PA BZHIN DU DANG PO LA SBYOR BA'I PHYIR RO, ,DE LAS GZHAN PA'I CHA 'BYUNG BA LA YANG 'DI LTAR DNGOS GZHIR THAL BAR 'GYUR BAS SO, ,RTZA LA BRTEN PA PHYUNG BA LA YANG DNGOS GZHIR THAL BA'I PHYIR 'DIR SBOM PO'I LTUNG BAR 'DOD PA YIN NO, ,BDE BA DON DU GNYER BAR PHYUNG BA'I BDE BA SO SOR NYAMS SU MYONG BA'I BSAM PA CAN SU ZHIG LA 'BYIN PA'I 'DUN PA SKYE BA YIN TE, RIG PA DON DU GNYER BA SU ZHIG LA GSANG SNGAGS KYIS PHYUNG BA BSGRUB PA LA BZHAD GAD CAN GYI CHA BYAD CAN RIG PAR GYUR PA'I BSLAB PA YANG DAG PAR BSGRUB PA MNGON PAR 'DOD PA MANG NGO, ,RIG PA DON DU GNYER BA SU ZHIG LA PHYUNG NAS BZHAG PAS SO, ,RMA RNAM PAR SBAS PA LAS PHYUNG BAR SKYE DGU BSGRUB PA SO SOR SHES BZHIN PA LA'O, SMAN DON DU GNYER BA SU ZHIG LA KHU BA PHYUNG BAS NAD NYE BAR ZHI BA SMAN GYIS SAM RDZAS GZHAN DANG LDAN PA LA'O, ,'GA' ZHIG LA KHU BA RNAM PAR DOR BA LA MNGON PAR BRTZON PA LA'O, ,SHIN TU SBYANGS PA DON DU GNYER BA SU ZHIG LA LAM DAG PA BSGRUB PA'AM, LAM LA YID CHES PAR 'DOD PA LA BDAG GI KHU BA PHYUNG NGAM 'ON TE MA YIN ZHES BYA BA YOD PA NYID DAM, BDAG LA KHU BA YOD

107b

DAM 'ON TE MA YIN SNYAM DU YANG DAG PAR SKYES PA YANG SHES PAR 'DOD PA LA BDAG LA KHU BA YANG DAG PAR SKYES SAM, 'ON TE MA YIN ZHES BYA BA LO'I GNAS SKABS SAM, BUD MED KYIS DUB PA LA SOGS PA'I SO SOR LTUNG BA'I GNAS SKABS LA BDAG GI KHU BA NI JI LTA BU'I GNAS SKABS SNYAM DU SKAL BA DANG LDAN PA NYID DAM, BDAG GI KHU BA JI LTA BU ZHES BYA BA BDE BA'I RNAM PA'I DON DU YANG DAG PAR SPYOD PAS SHES PAR 'DOD PA LA BDAG GI BDE BA 'DI LTA BU ZHES YOD PA'AM, 'DIR SEMS CAN GYI RGYU JI LTA BU ZHES BYA BA DANG RANG BZHIN JI LTA BU ZHES BYA BA'I NUS PA'AM RNAM PA 'DIS KHU BA PHYUNG PAS BDAG GIS NUS SAM 'ON TE MIN ZHES BYA BA'I BSLAB PA BSGRUB PA'AM, BDAG GIS 'DI PHYUNG BA'I RNAM PA BSLABS SAM 'ON TE MA YIN, 'DIR LA LA ZHIG KHA NA MA THO BA DANG BCAS PA DANG, KHA NA MA THO BA MED PA DANG, RDZOGS PA DANG MA RDZOGS PA DANG SHIN TU CHUNG BA NYID DANG, KHA NA MA THO BA MA YIN PA DE NYID KYI PHYIR CI KHYAD PAR YOD DAM ZHE NA, DE'I PHYIR BDE BA DANG RIG SNGAGS DANG SA BON DANG SMAN DANG BRTAG PA'I PHYIR BRTAG PA LA BYE BRAG MED DO ZHES BYA BA SMOS SO, ,RNAM PA GANG GIS 'BYIN PA ZHE NA, DE'I PHYIR REG PAS SO ZHES BYA BA SMOS SO, ,REG PA JI LTA BUS SHE NA, DE'I PHYIR BRTZAL BAS SO ZHES BYA BA SMOS TE, BYA BAS DRUD PA LA SOGS PA YIN GYI GNAS PA NI MA YIN NO, ,'DIR TSIG NI RTZOL NA ZHES GSUNGS LA, 'DUL BYED DAG LAS DGE SLONG YAN LAG GI RNAM PAS BZUNG BA LA MI GTZANG BA BYUNG BA DANG, BCOM LDAN 'DAS KYIS BKA' STZAL PA, NYES PA SDOM POR 'GYUR ZHES GSUNGS SO, ,GANG LA REG PAS SHE NA, DE'I PHYIR YAN LAG GI RNAM PA LA'O ZHES BYA BA SMOS TE, PHYOGS GZHAN LA NI MA YIN NO, ,GANG GIS REG PA ZHE NA, DE'I PHYIR PHYI ROL GYIS KYANG NGO ZHES BYA BA SMOS TE, NANG GI BDAG NYID 'BA' ZHIG GIS NI MA YIN NO; ,SEMS CAN DU BGRANG BAS SO, ,DE NI RNAM PAR GNAS PAS SO ZHES BYA BA NI MI 'PHO BA STE LUS KYI RNAM PA NYID YIN PA'I PHYIR RO, ,GANG YANG RUNG BA CIG GI CHAS REG PAS BYUNG BA LA DGE 'DUN GYI LHAG MA'O, ,LAG PA KHO NAS REG PAR PHYUNG BAR MA ZAD DE, ,LUS KYI RNAM PA LAS NYAMS

108a

, ,PAR 'PHO BA LA NI SBOM PO STE, SHA'I DUM BUS NI SBOM PO ZHES GSUNGS PA'I PHYIR RO, ,RNAM PA GANG YANG RUNG BA DANG, DE'I RNAM PA BRTZAL BAS REG PAS SO ZHES BYA BAR SHES PAS CHANG PAS BCANG PA'I BRTZAL BA'I RANG BZHIN 'BA' ZHIG TU MA ZAD DE, DAM DU BCANG BA DANG BCAS PAS BYE BRAG YONGS SU MA BZUNG BAS YANG DAG PAR BSTAN PA'I DON DU RNAM PAR MTSON PAR BYA'O, ,RIL GYIS BCAD PA DANG DAM DU BCANG BA GNYIS MED PAR YANG NGO ZHES BYA BA NI DE GNYIS MED PAR YANG DNGOS GZHIR 'GYUR BA'O, ,BYE BRAG NGES PAR MYONG BA LA SOGS PA BDE BA SO SOR NYAMS SU MYONG BA YANG 'DIR RES 'GA' 'BYUNG STE, DE RNAMS LA 'DIR CHA SHAS NYID CI ZHIG YOD DAM MA YIN ZHE NA, DE'I PHYIR BYE BRAG NGES PAR MYONG BA DANG BYUNG LA THUG PA DANG NGAD LAS PA'I BDE BA NYAMS SU MYONG BA DAG KYANG NGO ZHES BYA BA SMOS TE, YANG GI SGRAS NI CHO GA BSDU BA'I DON DU'O, , BDE BA SO SOR NYAMS SU MYONG BA 'DI RNAMS MED PAR YOD CES BYA BA NI 'DIR BYE BRAG NGES PAR MYONG BA LA THA DAD PAR BYAS PA BZHIN DU KHYAD PAR DU MYONG BAR RO, ,LUS DANG DBANG PO CHAGS PA NYID LA LUS KYI RNAM PAR SHES PA'I BYED PA POS NYED PAS REG PA 'BYUNG BA STE DE NYAMS SU MYONG NA'O ZHES BYA BA'I DON TO; ,BYUNG LA THUG PA NI BRTZAL BA'I KHU BA'I KHU BA LA LUS DANG DBANG PO LAS KYANG NGO, ,NGAD LAS PA'I BDE BA NYAMS SU MYONG BA DAG KYANG NGO ZHES BYA BA NI LUS DANG DBANG PO LAS BYUNG MA THAG PA RNAM PAR GROL BZHIN PA'I BYED PA'I 'TSO BA LA MYUR DU NYE BAR 'TSO BAR BYED PA'I GANG YIN PA DE NI 'DIR BDE BA SO SOR NYAMS SU MYONG BA DAG KYANG NGO, ,GANG DU KHU BA 'BYIN PA LA RTZE GCIG PA NYID KYIS 'DI LA NYE BAR 'TSO BAR BYED PA DE LA BYE BRAG NGES PAR MYONG BAR BYED PA LA BDE BA SO SOR NYAMS SU MYONG BA LA RTZE GCIG PA NYID MED PAR YANG MNGON PAR GROL BA'I PHYIR RO, ,'DIR GZHUNG NI DGE SLONG GIS BYE BRAG NGES PAR MYONG BA'I BDE BA SO SOR NYAMS SU MYONG BAR BYED DE, KHU BA 'BYIN PAR BYED NA DGE 'DUN LHAG MA'I LTUNG BAR 'GYUR RO, ,DE BZHIN DU BYUNG LA THUG PA'I BDE BA DANG, NGAD LAS PA'I BDE BA SO SOR NYAMS SU MYONG BAR BYED DE, KHU BA 'BYIN PA YANG SNGA MA BZHIN DU 'BYIN PAR BYED NA

108b

ZHES BYA'O, ,SNGA MA BZHIN DU PHYUNG BA LA DE'I 'DUN PAS RANG GI KHU BA DANG POR REG PAS CHA SHAS KYI TSOGS LA BYA BA BYAS NAS PHYI ROL GYI SEMS CAN DU BGRANG BAS KYANG DE'I RNAM PAR GNAS PA MA YIN ZHES BYA BA CHA SHAS 'DI RNAMS KYI GANG YANG RUNG BA CIG MA TSANG BAS LHAG MA MED PA'O, ,SBUBS SU MA 'ONGS PA'O ZHES BYA BA NI 'DI LA DANG PO'I GNAS LA DOR BAR 'BYUNG BAR 'GYUR TE, GANG DU 'PHO BA 'DI LA GNAS PAR 'GYUR BA DE LAS 'PHO BAR BYED PAS NA 'DI NI SKUR BA BTAB PA STA 'DIR SBOM PO 'CHAD PAR 'GYUR RO, ,SHUGS KYI GNAS SKABS SU BTANG NA RDZOGS PAR MA BYAS PA NYID DO ZHES BYA BA NI DE MA THAG PAR 'PHO BZHIN PA NI 'PHO BA STE LUS KYI BYA BA BTANG BA NI SPONG BA'O, ,SHUGS KYI GNAS SKABS SU SPONG BA YOD PAR 'GYUR BA LA SBYOR BA SNGA MA'I DBANG GIS RDZOGS PA GANG YIN PA NI KHU BA PHYUNG BA STE, DE LA MA BYAS PA NYID NI SBOM PO'I LTUNG BA NYID DO, ,DE BZHIN DU DER SBYAR BA NYID KYI PHYIR DGE 'DUN LHAG MA NI MA YIN NO, ,DNGOS GZHI BSKYED PA YANG 'DI LTAR MTHONG STE, DPER NA 'DIR SROG GCOD PA LA BRTEN PA NI DE LA NI GROL BA MA YIN TE SROG GCOD PA LA NI SROG CHAGS RNAMS LA RNAM PAR LTUNG BA YIN TE, DE BAS NA DE BZHIN DU 'DIR SPONG BA RDZOGS PA LA BYAS PA NYID CES BYA BA DE'I PHYIR 'DI RNAM PAR SHES PA'O, ,'DIR GZHUNG NI SHUGS BTANG STE, KHU BA PHYUNG NA NYES PA SBOM POR 'GYUR RO ZHES GSUNGS PA YIN NO, ,YID KYIS KYANG SPONG BA LA TSIG 'DI GNAS PA YIN TE, 'KHRUL PA MED PA'I DON DU RNAM PA THAMS CAD KYIS SBYOR BA'O, ,DE BAS NA GZHAN LA MED PA'I DBANG DU BYAS NAS 'DI BYAS PA'O, ,'DIR NYE BAR BSDU BA NI SPANG BA'O, ,DE MA THAG TU 'PHO BZHIN PA'I GNAS SKABS LA LUS KYI BYA BA BZLOG PA LA SBYOR BA SNGA MA'I DBANG GIS PHYUNG BA GANG YIN PA DE RO MYANG BA LA SBOM PO'O, ,MA MYANGS PA LA NI LTUNG BA MED DO, ,GAR BYED PA DANG RAB TU GAR BYED PA GNYIS LA NI NA SMAD PA NYID DO, ,NAM MKHA' LA RKED PA BSKYOD PA'O, ,PHYOGS GZHAN DU REG PA'O, ,RGYUN LAS BZLOG PA'I PHYOGS SU GTOD PA'O, ,RDZI PHYOGS MA YIN PAR YANG NGO ZHES BYA BA NI YAN LAG GI TSOGS LA REG PA SEMS CAN DU BGRANG BAS PHYI ROL BAS KYANG GNAS PA'I DE'I

109a

, ,RNAM PA ZHES BYA BA GNAS 'DI LA GAR BYED PA LA SOGS PA RNAMS BZUNG BA'O, ,SBYOR BA 'DI RNAMS LA NA SMAD PA NYID DO, ,DE LA NI PHYUNG BA DANG 'DUN PA DANG RANG GI KHU BA DANG PO ZHES BYA BA 'DI RNAMS LA 'DIR DNGOS GZHI'I CHO GA LA SON PA'I YAN LAG RNAMS DANG 'BREL LO, , YAN LAG GI TSOGS LAS PHYOGS GZHAN PAR BYA'O, ,BRLA DANG GOS DANG GZHAN GYIS REG PA DANG, G-YAN PA PHRUG PA DAG GIS BAB COL DU DE'I DON MA YIN PAR ZHUGS PA LA NI LTUNG BA MED DO ZHES BYA BA LA, DE'I DON MA YIN PA NI MI 'BYIN PA'I DON DU RGYUG CING 'GRO BA LA, KUN NAS 'GRO BA DANG; RGOD BAG DANG, MCHONG BA LA SOGS PA'I DON DU 'JUG PA LA BRLA DANG GOS KYIS REG PA'O, ,SHU BA DANG KHYI RNGO DANG 'BRUM BU DANG, G-YAN PA PHRUG PA DANG, BAL LDAGS KYI TSOGS DANG, ME DBAL LA SOGS PA'I SDUG BSNGAL GSO BA'I DON DU G-YAN PA 'PHRUG PA'I RKO SPYAD 'GRUB PA'I LAS SO SOR NYAMS SU MYONG BA'I DON DU BSKUL BA'I GZHAN DANG MIS REG PAS BAB COL DU SBYOR BA LA SOGS PA MED PAR BTZAN THABS KYIS BAB COL DU BYUNG BA'I SHUGS KYIS RKU BZHIN PA LA 'BYIN PA GANG YIN PA DE LA YOD PA LA LTUNG BA MED PA ZHES BYA BA'I DON TO, ,BRAL DANG GOS DANG GZHAN GYIS REG PA DAG LA 'DIR YAN LAG GI TSOGS LA SBYAR BA'O, ,GZHAN LA 'DI LTAR REG PAR BYA BA LA MI 'GRUB PA'I PHYIR REG PA DANG SBRUG PA DAG LA GNYIS KA LA LUS KYI LAS KYI YAN LAG GI TSOGS LA YANG DAG PA REG PAS BSGRUB PA DANG 'BYIN PAR 'GYUR BA YIN NO, ,REG BYA MA YIN PA NYAMS SU MYONG NA'O ZHES BYA BA NI REG BYA'I YUL MA GTOGS PA GZUGS DANG SGRA DANG DRI DANG RO RNAMS LA GZUGS CAN GYI DBANG POS SO SOR NYAMS SU MYONG BA LA DE'I DON MA YIN PAR 'JUG PA LA BAB COL DU PHYUNG BA LA LTUNG BA MED DO, ,JI LTAR YANG 'DI RNAMS LAS PHYUNG BA DANG SBYAR BA'O ZHE NA, DE'I PHYIR 'DIR GZHUNG NI DE NYAMS SU MYONG BA BZHIN DU DES CHU GTONG BA LA RNAM PAR 'GYUR BAS BSGRUB PAS SNOD MA YIN PA LAS CHAGS PAR BYA BA'I GZUGS RNAMS MTHONG NAS ZHES BYA BA GSUNGS PA YIN NO, ,DRAN PAS DE LA YANG NGO ZHES BYA BA NI REG PAR BYA BA MA YIN PA'I SGRAS BRJOD PA'I YUL 'DI RNAMS LA REG PAR BYA BA DRANG ZHING

109b

NYAMS SU MYONG BA LA, DE'I DON MA YIN PAR ZHUGS PA LA BAB COL DU BYUNG BA LA LTUNG BA MED DO, ,'DIR DE'I DON DU 'JUG PA LA BYE BRAG NGES PAR MYONG BA'I BDE BA SO SOR NYAMS SU MYONG BAR NYE BAR BSGRUB PA'I PHYIR CHO GA 'DI'O, ,'DI'I DON MA YIN PAR 'JUG PA LA YANG 'DOD PA BZHIN DU NYE BAR LTUNG BA RJES SU CHAGS PAR BYA BA'I GZUGS MTHONG BA LA SOGS PAS 'JUG PA DE LA YANG DE'I RNAM PAR NYES BYAS NYID DU RIG PAR BYA'O, ,DE LTAR YANG BCOM LDAN 'DAS KYIS DENG PHYIN CHAD MIG GIS MIG LA BRTEN TE BUD MED KYI TSOGS LA RNAM PAR BLTA BAR MI BYA'O ZHES GSUNGS PA YIN NO, ,DGE 'DUN GYI LHAG MA DANG PO'I RNAM PAR 'BYED PA'O,, ,,'PHO BAR 'GYUR BA DANG 'PHOS MA THAG PA NI SHUGS DANG SBUBS SU 'ONGS PA'O ZHES BYA BA LA, GANG ZHIG SHUGS ZHES BYA BA DE MA THAG TU BRJOD PA DE GNAS LAS 'PHO BAR 'GYUR BA LA RIG PAR BYA'O, ,GANG GI PHYIR 'DIR MA ZHUGS PA NI ZHUGS PA ZHES BRJOD DO, ,SBUBS SU 'ONGS PA'O ZHES BYA BA SMRAS PA GANG YIN PA DE NI DE MA THAG TU GNAS NAS 'PHO BA'O, ,SKAD CIG MA GNYIS PA LA GANG LA 'PHO BA DE NI 'DIR 'PHO PAR GYUR PA BRJOD PAR RIG PAR BYA'O, ,BRTZAMS PA TZAM NA SBYOR BA NYID MA YIN PA MA YIN NO; ,MDO 'DI NI SHUGS KYI GNAS SKABS LA SBOM PO'I LTUNG BA BRJOD PA'I 'OG TU GANG ZHIG NA SMAD PAR 'DOD PA DE'I BZLOG PA'I DON DU'O, ,DE LTAR YANG GSUNGS PAS DES BDUD 'JOMS SHING SO SOR SDUD PAR BYED NA LTUNG BA CIR 'GYUR, NYES PA SBOM POR ZHES GSUNGS PA YIN NO, ,'DIR BYAS PA LA SBYAR BA MA BYAS PA NYID NI MA YIN ZHES BYA BA NI 'DI'I DON TO, ,SBYOR BA MED PAR PHYUNG BA LA RO MYONG PAR BYED PA NI DE DANG LDAN PA NYID DO ZHES BYA BA DE DANG LDAN PA NYID CES BYA BA NI SBYOR BA MA YIN PA NYID NI MA YIN NO, ,SBYOR BA MED PAR ZHES BYA BA NI GNYID LOG PA'I GNAS SKABS NA RTZOM PA GANG YIN PA DANG 'DAB CHAGS SU PHYUNG BA GANG YIN PA SBYOR BA MED PAR GANG ZHIG PHYUNG BA LA RO MYANG BA LA SBYOR BA DE DANG LDAN PA NYID DO ZHES BYA BA'I DON TO, ,'DIR GZHUNG NI NYAL BA'I BRTZAL BA LA DE SKAD CES BYA STE, GAL TE RO MYONG BAR BYED NA NYES PA SBOM POR 'GYUR RO ZHES GSUNGS PA YIN

110a

, ,NO; ,YAN LAG GI RNAM PA CUNG ZAD NYED PA DANG, YONGS SU NYED PA DANG 'TSIR BA'O ZHES BYA BA LA DE DANG LDAN PA NYID CES BYA BAR SBYAR RO, ,THAMS CAD NYED PA NI YONGS SU NYED PA'O, ,KUN NAS NYED PA NI GANG DU NYED PA'I SKAD CIG MA RNAMS LA YUL GCIG BA NYID CES BYA BA NI 'DI DAG GI KHYAD PAR RO, ,'DI NI PHYOGS GCIG NYED PA'O, ,'DIR GZHUNG NI BTZUN PA DGE SLONG GIS YAN LAG GI RNAM PA LA CUNG ZAD NYED PA BDAG GIR BYED NA NYES PA SBOM POR 'GYUR RO, ,YONGS SU NYED PA BDAG GIR BYED NA NYES PA SBAM POR 'GYUR RO, ,MNGON PAR BTZIR BA BDAG GIR BYED NA NYES PA SBOM POR 'GYUR RO ZHES GSUNGS PA YIN NO, ,DE LAS SU RUNG BA LA NOM PA'O ZHES BYA BA NI YAN LAG NI RNAM PA DE LAS SU RUNG BA LA NOM PA NI NYES PA SBOM PO'O, ,'DIR GZHUNG NI YAN LAG GI RNAM PA LAS SU RUNG BA LA NOM NA NYES PA SBOM POR 'GYUR RO ZHES GSUNGS PA YIN NO, SEMS CAN DU BGRANG BA LAG PA LA SOGS PAS NOM PAR BYED PA LA LUS KYI RNAM PA NYID KYI PHYIR ZHES BYA BA SHUGS KYIS RTOGS PAR BYA'O, ,SMAN GYIS 'BYIN NA'O ZHES BYA BA NI SBOM PO'O ZHES BYA BAR SBYAR RO, ,'DIR RNAM PAR 'GYUR BA YOD PAR 'GYUR BA LA SBOM PO STE MED PA LA NI MA YIN NO, ,'DIR PHYUNG BA LA GCI BA BYAS PAR 'GYUR BA'I PHYIR RO, ,GZHAN GYI LAS KYANG NGO ZHES BYA BA LA, GZHAN GYI ZHES BYA BA NI YAN LAG GI RNAM PA LAS SO, ,'BYIN NA NYES PA SBOM PO'O, ,NGES PAR BDAG NYID LA GZHAN GYI YAN LAG GI RNAM PA LAS 'BYIN NA RNAM PAR 'GYUR BA YOD KYANG 'DI RANG LA BRTEN PA'I PHYOGS PA DANG, DE LAS GZHAN PA'I RAGS PA ZHES BYA BA STE SBOM POR RNAM PAR GZHAG PA'O, ,DGE 'DUN GYI LHAG MA DANG PO ZHU BA'I SKABS SO,, ,,RNAM PAR BSNGOS PA LA SOGS PA DANG, RNAM PAR ZHIGS PA DANG, KENG RUS DAG DANG, MGO DANG, RNA BA DANG; SNA DAG DANG, MGUL PA'I BAR DANG, RTZIB LOGS DANG, RGYAB DANG, BRANG DANG, GNYER MA DAG DANG, SKRE'I GSEB DANG LAG PA DANG, DBANG PA DAG DANG, DPUNG BA'I BAR DANG RKED PA DANG, BRLA DANG RKANG PA DANG SGYID PA DAG DANG SGYID PA'I BAR DU

110b

'BYIN PA NA DNGOS GZHI'O ZHES BYA BA NI PHYI ROL SEMS CAN DU BGRANG BA DANG, DE'I RNAM PAR GNAS PA ZHES BYA BA SMOS PA DE RNAMS KYI SPROS PA NI 'DI YIN NO, ,RNAM PAR BSNGOS PA LA SOGS PA ZHES BYA BA'I SOGS PA'I SGRAS NI RNAM PAR RNAGS PA DANG RNAM PAR BAM PA DANG, RNAM PAR 'BUS GZHIGS PA DANG, RNAM PAR ZOS DANG, RNAM PAR DMAR BA RNAMS BSDU'O, ,RNAM PAR ZHIGS PA'I TSIG GIS NI RNAM PAR 'THOR BAR BSDU STE, GLAN PA DAG POG PA DANG YAN LAG DANG BRAL BA NI RNAM PAR GZHIGS PA ZHES BYA'O, ,SBOM PO NI LA BA DANG PHYID BA DANG DRE'U RNGOG DANG SNGAS NANG TSANGS CAN DANG KHRI DANG KHRI'U DANG, STAN DANG STAN NANG TSANGS CAN DANG, KHRI'I GSEB DANG BUM PA DANG BUM BU DANG BUM PA'I BAR DANG BYAM BUM DANG TSOL ZANGS DANG, RDO BA DANG SKYANG NUL SKYANG NUL GYI BAR DANG, SGO GTAN DANG SHA'I DUM BU RNAMS SO ZHES BYA BA NI LTUNG BA MED DO ZHES 'BYUNG BA YAN CHAD SBOM PO'I DANG DU BYAS PAR RIG PAR BYA'O, ,LA BA LA SOGS PAR 'BYIN NA SBOM PO'O 'DIR SHA'I DUM BU LUS KYI RNAM PA LAS 'PHO BA NYID KYI PHYIR 'BYIN PA LA SBOM PO STE, GZHAN DU SEMS CAN DU BGRANG BA MA YIN PA NYID KYIS DON GO BZHIN PA LA 'DI NI SPROS PA'O, ,RMA 'TSIR NA'O ZHES BYA BA NI GZHAL BA'I DON NYID KYIS ZHES BYA BA BA GANG ZHIG BRJOD PA DE'I 'DI NI SPROS PA'O, ,'DI RANG GI YAN LAG GI TSOGS KYI BUG NI RMA ZHES BYA BA BAR BRJOD DO, ,GZHAN GYIS 'DIR BTZIR BA LA DE LAS BYUNG BA LA SBOM PO MTHONG BA MA YIN NO, ,DE BAS NA NYES BYAS SU RTOGS PAR BYA'O, ,RTZOM PA NA BUD MED DU BYAS PA 'TSIR NA'O ZHES BYA BA NI BUD MED NYID DES BYAS PA NI BUD MED DU BYAS PA STE MO'I DBANG PO ZHES BYA BA'I DON TO, ,DE LA DANG POR 'TSIR BA GANG YIN PA DE LA SBAM PO STE DE RA 'JUG PA LA NI MA YIN NO, DER MTHE BO 'JOG BA'O ZHES BYA BA LA DER ZHES BYA BA NI BUD MED DU BYAS PA STE TSANGS PAR SPYOD PA MA YIN LA SPYOD PAR 'GYUR BA'I SBOM PO'I LTUNG BA'I 'DI DAG DE LAM MNYAM PAR SBYAR BA RTOGS PAR BYA'O, ,'DIR MTHE BO'I TSIG NI DPE YIN TE, YAN LAG GI TSOGS LAS GZHAN PA'I 'JUG PAR BYA BA NI BUD MED KYI DBANG PO STE, LAM GZHAN KHA DANG BSHANG BA'I LAM DAG PA YANG

111a

, ,'DI'I RJES SU 'BRANGS PAS 'KHRIG PA SO SOR YANG DAG PAR SBYOR BAS CHAGS PA DANG BCAS PAS 'TSIR BA DANG, MTHE BO LA SOGS PAS 'JUG PA LA NI SBOM PO'O, ,NYE BAR 'GRO BA LAS SHOR NA'O ZHES BYA BA NI 'KHYUD PA'I DON DANG PHYUNG BA'I DON DU ZHES BYA BA SHUGS KYIS SHES PAR BYA'O, ,'KHYUD PA NI DON DU'AM MI TSANGS PAR SPYOD PA'I DON DU NYE BAR 'GRO BZHIN PA GNAS NAS GNAS GZHAN DU DE'I DON NYID DU 'JUG PA'I PHYIR ZHES BYA BA RIG PAR BYA STE, DE'I DON MA YIN PAR 'JUG PA LA LTUNG BA MED PAR BRJOD PA'I PHYIR RO, ,TSUL BZHIN MA YIN PA YID LA BYED PA LAS SO ZHES BYA BA NI BYE BRAG NGES PAR MYONG BA LA SOGS PA'I BDE BA SO SOR NYAMS SU MYONG BA NYE BAR BSGRUB PA LA BRJOD PA NYID KYI PHYIR LTUNG BA LA GZHAN GYI RNAM PA TSUL BZHIN MA YIN PA YID LA BYED PA BSDUS PA'I DON DU NI MDO YIN NO, ,YAN LAG GI RNAM PA 'DZIN PA LAS SO ZHES BYA BA NI DON GZHAN NYID LA SKYON DANG BRAL BA NYID LA RNAM PAR GZHAG PAS 'BYUNG BA'I PHYIR YID CHES PA'O, ,BYA BA MED PA'I PHYIR 'DIR DGE 'DUN LHAG MA MI BSKYED PA STE, BYA BA DANG BRAL BA'I LUS KYI BYA BA LA NYES BYAS ZHES BYA BA DE'I PHYIR RIG PAR BYA'O, ,'DZAG SNOD LA DRUD PA LAS NI LTUNG BA MED DO ZHES BYA BA NI BAB COL DU PHYUNG BA BZHIN DU DE'I DON DU 'JUG PA LA ZHES BYA BA SHUGS KYIS RTOGS PAR BYA'O, ,'DZAG SNOD LA DRUD PA LAS ZHES BYA BA NI CHOS GOS LA KHU BAS GOS PA'I DON DU BSAG PA DANG SOGS PA'I 'DZAG SNOD KYIS SO, ,SNGON GYI CHUNG MAS 'KHYUD PA LAS KYANG NGO ZHES BYA BA NI PHA MA DANG SRING MO DANG BU MOS YUN RING BAR BZUNG BA LA NYES MED PA 'BA' ZHIG TU MA ZAD KYI GZHAN LA YANG DAG PAR LONGS SPYOD PAS KYANG NGO, ,RKANG PA DANG BYIN PA DANG DPUNG PA DANG MTHE BONG LA SOGS PA NAS BUD MED KYIS BZUNG BA LA YANG NGO ZHES BYA BA NI BAB COL DU PHYUNG BA LA LTUNG BA MED DO ZHES BYA BA YANG GNYIS KA LA SBYAR BA'O, ,DE'I PHYIR ZHUGS PA MA YIN PA LA 'DI SHUGS KYIS GO BAR BYA'O, ,DGE 'DUN GYI LHAG MA DANG PO'I 'DUL BYED RNAMS SO, ,'BYIN PA'I DGE 'DUN LHAG MA RDZOGS SO,, ,,'DI LA BYED PA PO NYID NI BUD MED DO ZHES BYA BA NI REG PA'I BSLAB PA'I GZHI

111b

'DI LA LTUNG BA'I BYED PA PO NYID NI BUD MED DO ZHES BYA BA'I DON TO, DBEN PA NA 'DUG PA DANG 'GRENG BA GNYIS KYI'O ZHES BYA BA NI SLAR DGE SLONG GANG ZHIG BUD MED KYI TSOGS DANG LHAN CIG TU GCIG PU NYID KYIS DBEN PA SKYABS YOD PA NA STAN LA 'DUG PAR BYED PA DANG, SLAR DGE SLONG GANG DGE SLONG MA DANG; LHAN CIG GCIG PU GCIG DANG DBEN PA SKYABS YOD PA NA 'GRENG NA LTUNG BYED DO ZHES BYA GSUNGS PA 'DI DAG LA YANG BYED PA PO NYID NI BUD MED DO, ,NYAL PO BYED PAR SHOM PA LA YANG NGO ZHES BYA BA'I SGRA NI 'DUG PA DANG 'GRENG BA DAG LA YANG BYED PA PO NYID BUD MED DO ZHES BYA BA'I RJES SU BSNYAG PA'I PHYIR RO, ,NYAL PO BYED PAR SHOM PA'I KHYIM NA 'DUG PA DANG 'GRENG BA DAG LA YANG BYED PA PO NYID DU NI BUD MED DO ZHES BYA BA'I DON TO, ,LHAN CIG NYAL BA LA'O ZHES BYA BA NI SLAR DGE SLONG GANG BUD MED KYI YUL DANG LHAN CIG GNAS GCIG NA NYAL NA LTUNG BYED DO ZHES GSUNGS PA 'DI LA BUD MED NI LTUNG BA'I BYED PA PO NYID DO, ,RIG PA'I SKYES PA MED PA'I BUD MED DANG LHAN CIG LAM DU 'GRO BA LA'O ZHES BYA BA NI SLAR DGE SLONG GANG SKYES PA MED PAR BUD MED DANG LHAN CIG 'GRO NA LAM DU 'GRO NA ZHES BYA BA'I 'JUG PA 'DI LA BUD MED NI BYED PA PO NYID DO, ,'DIR REG PA'I SGRAS NI CHOS STON PA'I BSLAB PA'I GZHI'I RJES SU 'BRANGS NAS BYAS PA'O, ,RIG PA DANG RTZOM PA'I 'DUN PA LA SNGAR NYID DU SKUR PA 'DEBS PA LA BRTEN PA LA MA BSGRUBS PA NI 'DIR SKYES PA'I DON TO, ,'DI NI KUN NAS 'GRO BA'I KHYE'U DANG DUD 'GRO RMONGS PAS KYANG BSGRUB PA MA YIN NO, ,'OG MA GNYIS LA'O ZHES BYA BA NI 'DI LAS 'OG MA GANG YIN PA 'KHRIG PA DANG LDAN PA SMRA BA DANG, BSNYEN BKUR BSNGAGS PA GNYIS PO DAG LA YANG 'DIR BYED PA PO NI BUD MED NYID DO, ,KHYIM PA MO LA STON PA LA'O ZHES BYA BA NI KHYIM PA MO LA TSIG DRUG GAM LNGA LAS LHAG PAR CHOS 'CHAD PA'I LTUNG BYED LA YANG BYED PA PO NYID DU BUD MED DO, ,DE LTAR RAB TU BYUNG BA LA SLOB MAR GYUR PA NYID KYI PHYIR LTUNG BA MI SKYED PA'O, ,PHYI ROL GYI RAB TU BYUNG BA MO LA NI NYES BYAS NYID DO, ,ZHU BA'I NGES PAR BYED PA 'CHAD PAR 'GYUR TE, DE BAS NA BUD MED KHYIM NA GNAS PA NYID BYED PA PO ZHES BYA BA'O, ,CI KHYIM PA MO LA STON PA'I GNAS SKABS THAMS CAD KYIS BYED PA PO NYID DU BUD MED YIN

112a

, ,NAM ZHE NA MA YIN TE, DE'I PHYIR SKYES PA MED PAR RO ZHES BYA BA SMOS SO, ,JI LTAR ZHE NA, DE'I PHYIR RIG PA'O ZHES BYA BA SMOS TE, 'KHRIG PA DANG LDAN PA'I BRJOD PA DANG SPYOD PA DAG LA MNGON PAR SHES PA NYID NI 'DIR RIG PA NYID DU SHES PAR BYA'O, ,'DI LA RIG PA MA YIN PA YOD PA NI MED PA NYID DE DON YOD PA NI MA YIN NO, ,DE BAS NA YONGS SU RDZOGS PA NYID NI 'DI DAG LAS RIG PA MED PAR NYE BAR GYUR PA LA STON PA DANG, LAM DU 'GRO BA DAG LA KHA NA MA THO BA MI SKYED DE NA SMAD PA YANG NI MA YIN NO, ,YOD KYANG MI RUNG BA LA'O ZHES BYA BA NI SPYAR MA'I SPYOD PA GANG DAG YIN PA DE DAG NYE BAR STON PAR BYED PA STE, DNGOS SU YOD PA LA NI RIG PA'I SKYES PA YOD KYANG BUD MED NI BYED PA PO YIN NO, ,DE NI NYES BYAS KYI'O ZHES BYA BA NI DNGOS SU GNAS PA LA YANG MI RUNG BA LA BYED PA PO NYID GANG YIN PA 'DI NYES BYAS LA STE DNGOS GZHI LA NI MA YIN NO, ,'DIR GZHUNG NI ZHU BA LAS, BUD MED MI RUNG BA LAS SKYES PA RUNG BA DANG LHAN CIG CHOS STON NA NYES BYAS SO ZHES GSUNGS PA YIN NO, ,GLING GZHAN NAS SKYES PA DANG 'GYUR BA BRTEN PA GNYIS NI MA CHOG PA NYID DO ZHES BYA BA NI BYANG GI SGRA MI SNYAN LA SOGS PA'I GLING GZHAN NAS SKYES PA DANG, LUS SAM NGAG GIS BUD MED KYI SKABS SAM SKYES PA'I SKABS SU 'KHRIG PA DANG LDAN PA'I RNAM PAR 'GYUR BA GANG GIS BSTEN PAR 'GYUR BA NI DPER NA BSNYON THABS MKHAN NAM MA NING LTA BU DE GNYIS NI STON PA'I SKABS 'DIR RIG PAR MA CHOG PA NYID DO, ,'DIR RUNG BA LA STON PA YOD PAR GYUR PA LA NI NYES BYAS ZHES BYA BA'I DON TO, ,MI RUNG BA LA NI SHIN TU LCI BA 'DI'I RJES SU 'BRANGS PAS NYES BYAS SHES PAR BYA'O, ,'DIR GZHUNG NI ZHU BA LAS BTZUN PA DGE SLONG GIS RE ZHIG 'DZAM BU'I GLING GI BUD MED LA BYANG GI SGRA MI SNYAM PA DANG LHAN CIG CHOS STON NA LTUNG BA CIR 'GYUR, NYES BYAS SO, ,DE BZHIN DU GLING GZHAN PA RNAMS DANG LHAN CIG CHOS STON PA LA YANG NYES BYAS SO ZHES GSUNGS PA YIN NO, ,BCOM LDAN 'DAS KYIS RIG PA'I SKYES PA MED PAR BUD MED LA CHOS BSTAN PAR MI BYA'O ZHES GANG GSUNGS PA DE LA RIG PA'I SKYES PA JI LTA BU ZHIG DANG LHAN CIG TU BUD MED LA CHOS BSTAN PAR BYA ZHE NA, RUNG BA GANG YIN PA'O, ,RUNG BA JI LTA BU ZHE NA, SMRAS PA, KHYIM PA YANG RUNG

112b

RAB TU BYUNG BA YANG RUNG STE, 'GYUR BA BSTEN PAR MI BYED PA GANG YIN PA'O, ,RNAM PAR 'GYUR BA'I SGO 'BREL BA'I DON DU 'DIR RIG PA'I SKYES PA LA BRTEN PA'O, ,'DIR 'DI DAG LA BDAG PO NYID YONGS SU RDZOGS PA MA YIN TE, GLING GZHAN NAS SKYES PA LA SKYE BA 'DI SU ZHIG CES BYA BA YIN LA BRTEN PA NYID KYI GUS PA MED PAS, DE BAS NA 'DI LHAG PAR SHES PAR 'GYUR TE, 'DI DAG LA RTZOM PA DANG 'DUN PA LA SOGS PA MA GRUB PA'O, ,DE BAS NA 'DIR LAM DU 'GRO BA YIN GYI RNAM PAR SHES PA LA NI MA YIN NO, ,DE NI BRDA PHRAD PA NYID DO ZHES BYA BA NI DPER NA GO BAR BYA BA GZHAN LA GO BAR GRUB PA KHO NAR 'GYUR GYI MA GRUB NA NI PHYED NYID YIN PA DE BZHIN DU RIG PA'I SKYES PA YOD PA 'DI LA BRDA PHRAD NA'O ZHES BYA BA'I DON TO, ,CHOM RKUN DANG KLA KLO LA SOGS PA NYID KYIS SKAD MA GO BA DANG GNYID LOG PA DANG, SMYOS PA DANG, BAG MED PAR GYUR PA DANG, SNYOMS PAR ZHUGS PA DANG, GLEN PA DANG 'ON PAR GYUR PA RNAMS LA STON PA LA RIG PA'I SKYES PA DE LA NYES BYAS DE LA 'DI BYED PA'O, ,RNAM PA DE LTA BU NYID LA MTSAN CIG SHOS DON MED DO ZHES BYA BA LA, RNAM PA DE LTA BU ZHES BYA BA NI RNAM PA GNYIS NYID YOD PAR GYUR PA LA'O, ,DON MED PA NI 'BRAS BU MED PA CUNG ZAD KYANG MI BYED PA'O, ,BUD MED NYID NYAMS PA LA BUD MED KYI MTSAN LAS GZHAN NI SKYES PA'I MTSAN MA STE, SKYES PA'I RNAM PA NYID KYANG YOD PAR GYUR PA LA SKYES PA NYID NI DON MED PA STE SKYES PA'I MTSAN NYAMS PA LAS GZHAN PA NI BUD MED KYI MTSAN MA'O, ,DE BAS NA 'JUG PA 'DI RNAMS LA DGE SLONG LA BUD MED KYI RNAM PA'I MTSAN MA BYED DO, ,SKYES PA'I RNAM PA LA YANG LA LAR NI NA SMAD PA'O, ,'DIR GZHUNG NI MTSAN GNYIS PA LA REG NA GAL TE BUD MED KYI DBANG DU GYUR PA YIN NA DE'I TSE NI DGE 'DUN GYI LHAG MA'I LTUNG BAR 'GYUR RO, ,GAL TE SKYES PA'I DBANG DU GYUR PA YIN NA NI DE'I TSE NYES PA SBOM PO'I LTUNG BAR 'GYUR RO ZHES GSUNGS PA YIN NO, ,GANG ZHIG KHYAD PAR MED PAR MTSAN GNYIS PAR GYUR NA SBOM PO'I LTUNG BAR GLOG PAR GYUR NA DE'I NYAMS PAR RIG PAR BYA'O, ,'DIR PHYED NYID BYED PA YIN NO ZHES BYA BA NI MTSAN CIG SHOS MO'I MTSAN GYI SKABS 'DIR RIG PA'I SKYES PA NYID KYI SKYES PA DANG BUD MED DANG LHAN CIG TU LAM DU 'GRO BA DANG BUD MED LA CHOS STON PA

113a

, ,NI NYES BYAS SU 'GYUR RO ZHES BYA BA'I DON TO, ,'OG MA GSUM LA LEGS PAR SMRAS PA DANG NYES PAR SMRAS PA DAG GIS DON KUN SHES PA DANG, GZHAN LA 'KHRIG PA BSTEN PAR BYA BA'I MTHU YOD PA NYID YIN NA DNGOS GZHI'O ZHES BYA BA NI 'DI LAS 'OG MA BSLAB PA'I GZHI GNYIS PO DANG STON PA GANG YIN PA GSUM PO 'DI 'DON PA'I RIM PA LAS THA MAR GYUR PA NYID KYI PHYIR THA MAR BYUNG BA'O, ,'KHRIG PA KUN NAS SMRAS PA DANG, BSNYEN BKUR BSNGAGS PA DANG, STON PA RNAMS LA LEGS PAR SMRAS PA DANG, NYES PAR SMRAS PA DAG LA DON KUN SHES PA DANG, SO SOR STOBS DANG LDAN PA NYID LA BUD MED LA DNGOS GZHI'I BYED PA PO NYID YIN NO, ,GZHAN DU BRJOD PA'I GSUM LAS 'DIR REG PA DANG DBEN PA'I GNAS SU STAN LA 'DUG PA DANG 'GRENG BA GNYIS DANG NYAL PO BYED PAR SHOM PA DANG BCAS PA'I KHYIM DU 'DUG PA DANG, 'GRENG BA GNYIS DANG LHAN CIG TU NYAL BA DANG RIG PA'I SKYES PA MED PAR BUD MED DANG LHAN CIG LAM DU 'GRO BA LA'O ZHES BYA BA 'DIS 'KHRIG PA DGAG PA'I PHYIR BSTEN PAR BYA BA LA MTHU YOD PA NYID LA BUD MED DNGOS GZHI'I BYED PA PO NYID DO ZHES BYA BA 'DIR NGAG GI DON TO, ,GZHAN DU NA 'OG MA'I 'O ZHES BYA BA NI MTHU YOD PAR JI LTAR BRJOD PA'I DON 'DI LA 'DIR DBEN PA ZHES BYA BA LA SOGS PA LA 'OG MA'I TSIG LA BYED PA PO NYID NI BUD MED DO ZHES GANG ZHIG MTHU DANG LDAN PA LAS DGE 'DUN LHAG MA GANG YIN PA DE LA MTHU MED NA NYES PA SBOM PO'O, ,GANG ZHIG NYES PA SBOM PO GANG YIN PA DE NI MTHU MED NA NYES BYAS SO, ,GANG ZHIG MTHU YOD PA LAS LTUNG BA DE NI MTHU MED PA LA NYES BYAS TE ZHES BYA BA 'DI LA 'DI BYED PA'O, ,MA NING MO DANG MA NING PHO DANG SPRUL PA MO LA YANG DE BZHIN NO ZHES BYA BA NI MTHU MED PA BZHIN DU'O ZHES BYA BA'I DON TO, ,GSUM PO 'DI LA SKYES PA'O, ,ZHES BYA BA NI LUS KYI REG PA DANG, KUN NAS SMRA BA DANG , BSNYEN BKUR BSNGAGS PA RNAMS LA SKYES PA YANG DAG PAR GYUR PA LA SPRUL PA LA MTHU MED PA LTAR BLTA BAR BYA'O, ,GAL TE DE DAG GI BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PAS KYANG NGO ZHES BYA BA'I SGRA NI 'DI DANG 'DI ZHES BYA BA'I CHO GA KUN NAS BSDUS PA'I DON DU'O, ,'DI YANG GSUM PO 'DI RNAMS LA RIG PAR BYA'O, ,'DIR LTUNG BA

113b

RGYAS PAR BSHAD PA 'DI LA GSUM PO GANG ZHIG 'CHAD PAR 'GYUR BA LUS KYIS REG PA DANG 'KHRIG PA DANG LDAN PA SMRA BA DANG, BSNYEN BKUR BSNGAGS PA RNAMS DE LA 'DIR DE'I SGRAS BRJOD PA'O, ,GAL TE DE DAG GI BDE BSNYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PAS KYANG NGO ZHES BYA BA NI 'DUN PA'I KHYAD PAR RO, ,YONGS SU GYUR PA NYID DANG BUD MED DE LA LTOS PA DANG LDAN PA NYID DANG, KUN NAS DKRIS PA NYID DANG, KUN NAS GNAS PA NYID CES BYA BA GNYIS PO 'DI DANG LDAN PA'I CHAGS PA GANG YIN PA DE NI 'DIR KUN DU 'DOD CHAGS PA ZHES BYA BAR BRJOD DO, ,GANG GI 'DUN PA 'DI DANG YANG DAG PAR LDAN TE GAL TE DES REG PA DANG, 'KHRIG PA DANG LDAN PA SMRA BA DANG, BSNYEN BKUR BSNGAGS PA DE BAS NA DGE 'DUN GYI LHAG MA ZHES BYA BA'I DON TO, ,THUN MONG GI MTSAN NYID BSTAN NAS, DA NI REG PA LA BSTAN PA 'BA' ZHIG BRJOD PAR BYA STE, REG PA DANG SPROD PA LA DGE 'DUN GYI LHAG MA GANG DU YIN ZHE NA, DE'I PHYIR LUS KYI REG PA BDAG GIR BYED NA'O ZHES BYA BA SMOS TE, 'DIR BDAG GIR BYED PA'I DON 'DOD PAR GYUR PA NYID DU RNAM PAR GNAS PA YIN TE, RO MYANG BA NI MA YIN NO, ,'DOD PAR GYUR PA NYID KYANG SEMS LA KUN NAS CHAGS PA NYID NI MA YIN TE, MA LA SOGS PA RNAMS LA BRTEN PA LA SOGS PA LA YOD PA'I PHYIR TE, DE BAS NA GAL TE DE DAG GI BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PAS KYANG NGO ZHES BYA BA'I KHYAD 'DI BYAS SO, ,'DIR LAN BU NI DE DANG LDAN PA NYID DO ZHES BYA BA LA, DE DANG LDAN PA NYID NI LUS DANG LDAN PA NYID DO, ,'DIR REG PA'I DGE 'DUN GYI LHAG MA LA LAN BU LAS GZHAN PA'I BUD MED KYI MTSAN MA LA KHA NA MA THO BA MED PA MA YIN NO, ,JI LTAR BUD MED KYI LUS LA REG PA LA DNGOS GZHI'O, ,DE BZHIN DU LAN BU LA REG PA YANG ZHES BYA BA'I DON TO, ,SLAR LUS MED PA NYID YOD PAR GYUR PA LA CI'I PHYIR LAN BU LA DNGOS GZHI BYED PA NYID DU SHES PA YIN, LUS LA REG PA LTAR 'DIR REG PA LA RO LA SO SOR NYE BAR GNAS PA'I PHYIR RO, ,DE DANG 'BREL BA'I GOS LA YANG NGO ZHES BYA BA NI LAN BU DANG 'BREL PA SKUD PA LA SOGS PA LA LAN BU'I YAN LAG TU GYUR PA NI DE LA LUS DANG LDAN PA NYID CES BYA BA'I

114a

, ,DON TO, ,'DIR RNAM PAR SPYOD PAR BYED PA RNAMS LA SKYED PA'I SDONG BU LAS REG PA'I SKRA BZHIN DU COD PA NA DANG KHA CHU LA SOGS PA LA REG PA NI DPER NA SEN MO DANG 'DRA BAR SBOM PO'O, ,NOM PA DANG NYUG PA DANG, SPROD PA DANG 'DZIN PA DANG, 'DREN PA DANG YONGS SU 'DREN PA DANG; 'OG NAS 'KHYUD PA DANG, STENG NAS 'KHYUD PA DANG, DAM DU SPYOR BA RNAMS LA NI BYE PHRAG MED PA NYID DO ZHES BYA BA LA, SPROD PA NI REG PA TZAM MO, ,'DIR REG PA DANG LDAN PA GANG ZHIG LA BYE BRAG TU SNYEGS PA NI MA YIN NO, ,DE BAS NA JI LTAR RNAM PA GANG GIS REG PA BSGRUB PA LA YANG DGE 'DUN GYI LHAG MA 'DI RNAMS PAR GNAS PA YIN NO, ,BYA BA'I KHYAD PAR 'GA' ZHIG NI MA YIN NO ZHES BYA BA'I DON TO, ,DE LA NOM PA ZHES BYA BA NI DANG POR LAN CIG LUS LA SBYOR BA NYID DO, ,NYUG PA ZHES BYA BA NI YANG DANG YANG DU LUS LA SBYOR BA'O, ,SPYOD PA ZHES BYA BA NI MTHAR SBYAR BA'I BSAM PAS RANG GI LUS BUD MED KYI LUS DANG BAR DU MA BCAD PAR SPROD PA'O, ,'DZIN PA ZHES BYA BA NI LAG PA LA SOGS PA 'CHANG BA'O, ,'DREN PAS ZHES BYA BA NI THAG RING PO NAS LAG PA SOGS PA NAS BZUNG STE, THAG RING PO RNAMS NAS 'ONGS PA'O, ,RING PO NAS DRANGS PA NA 'DREN PA ZHES BYA BA BYAS NAS SO, ,YONGS SU 'DREN PA ZHES BYA BA NI THAG NYE BA NAS KHOR YUG TU BSKOR BA'O, ,STENG NAS 'KHYUD PA ZHES BYA BA NI STENG NA 'DUG PA LUS KYI 'OG TU 'JOG CING 'KHYUD PAR BYED PA'O, ,'OG NAS 'KHYUD PA ZHES BYA BA NI DE NAS PHAB STE 'OG TU 'JUG CING 'KHYUD PAR BYED PA ZHES BYA BA'I DON TO, ,DAM DU SBYOR BA NI MTHANG DAM DU SPYOR BA LA SOGS PA'O, ,BSTEN PAR BYA BAS BYAS PA NYID KYANG NGO ZHES BYA BA NI 'DIR BSTEN PAR BYA BA'I SGRA NI BZUNG BA YIN GYI BUD MED KYI SGRA LA NI MA YIN NO, ,NA SMAD PA BYAS PA THAMS CAD LA YANG KHONGS SU BSDU BSGRUB PA'I DON DU GANG ZHIG NOM PA LA SOGS PA 'DI LA KHYAD PAR CAN DANG KHYAD PAR CAN MA YIN PA'I REG PA LA BSTEN PAR BYA BA DANG LHAN CIG TU BUD MED DANG SKYES PA LA SOGS PA RNAMS LA BYAS PA NYID DE KHYAD PAR MED PA NYID DO, ,DE LA RANG DANG BCAS PAS DE LA YANG KUN DU 'DOD CHAGS PA'I SEMS KYIS BDAG GIR BYED NA LTUNG BA DE NYID GANG ZHIG RANG DANG BCAS PA NYID LA ZHES BYA BA'I DON TO, ,GOS KYIS

114b

BAR DU CHOD PA LA NI 'OG MAR RO ZHES BYA BA NI GOS KYIS BAR DU CHOD PA NYID LA BSTEN PAR BYA BA LA REG PA LA 'OG MA'I TSIG GIS ZHES BYA BA'I DON TO, ,KHYAD PAR MA BZUNG BA'I PHYIR MI SRID PA LA ZHES BYA BAR RTOGS PAR BYA'O, ,BAR DU CHOD PA ZHES BYA BA'I SGRA NI BAR DU CHOD PA'I RNAM GRANGS SU GYUR PAR SHES PAR BYA'O, ,NYES BYAS KYI NA SMAD PA NI GZHAN NYID MA YIN NO ZHES BYA BA NI JI LTAR LTUNG BA GZHAN LA NA SMAD PAR GSUNGS PA LA LTUNG BA GZHAN DU RNAM PAR GZHAG PA YIN PA DE BZHIN DU 'DIR MA YIN NO, ,'ON KYANG NYES BYAS KYI NA SMAD PA LA BYA DKA' BA NYID KYI PHYIR GZHAN NYID MA YIN TE, NYES BYAS NYID DE NYES BYAS PHRA MO ZHES BYA BA'I DON TO, ,DGE SLONG MA LA REG PAR MI BYA'O, ,BUD MED LA YANG MI BYA'O ZHES BYA BA NI YANG REG PAR MI BYA'O ZHES BYA BA DANG RJES SU 'BREL LO, ,RJES SU BYAS PA NYID KYI PHYIR BSAM PA'I NYES PA MED DU ZIN KYANG BKAG PAR RIG PAR BYA STE, KUN NAS LHAG MA NYID KYI PHYIR BSGRUB PA'O, ,'DIR GNYIS KA LA REG NA NYES BYAS SO, ,DGE SLONG MA NI BUD MED KYI RIGS LAS MA 'DAS MOD KYI 'ON KYANG DGE 'DUN GYI KHONGS SU GTOGS PA'I PHYIR DGE SLONG MA LA ZHES BYA BA GANG ZHIG KHAS LEN PAR BYED PA DE'I 'DOD PA BZLOG PA'I DON DU DGE SLONG MA LA REG PAR MI BYA ZHES BYA BA'I MDO 'DI BRTZAMS SO, ,CHUR NYAM THAG PA BSGRAL BA'I PHYIR NI REG PAR BYA'O ZHES BYA BA NI SNYING BRTZE BAS SDUG BSNGAL LAS THAR BAR BYA BA LA LTUNG BA MED DO ZHES BYA BA 'DI LA PHYOGS GCIG PA'I RJES SU BRJOD PA 'DI 'OG MA'I CHO GA LA YUL BSTAN PA'I DON DU'O, ,JI LTAR RIG PAR BYA ZHE NA, DE'I PHYIR MA DANG SRID MO DANG BU MO'I 'DU SHES NYE BAR BZHAG STE LAG PA 'AM SKRA DAG LAS SO ZHES BYA BA SMOS SO, ,DRAN PA RNYED PAR BYA BA'I PHYIR BYE MA BDAL BA'I STENG DU KHA SBUB TU GZHAG GO ZHES BYA BA NI DE'I TSE NA CHU ZHUGS PA 'JAG PAR 'GYUR ZHING DE ZAGS NA DRAN PA THOB PAR 'GYUR RO, ,KHYE'U BZHIN BSRUNG BAR BYA'O ZHES BYA BA NI JI LTAR KHYIM PA DAG LA BYIN PA'I KHYE'U RNAMS LA KHA TON BYED PA'AM YID LA BYED PA BSKYED CING PHYOGS GCIG TU 'DUG STE SRUNG BAR BYED PA DE BZHIN DU 'DI LA YANG ZHES BYA BA'I DON TO, ,BA GLANG RDZI 'AM PHYUGS RDZI DAG LA GTANG DE ZAN LA 'GRO BAR BYA'O ZHES BYA BA NI DUS DE TZAM DU BA GLANG RDZI DANG PHYUGS RDZI RNAMS

115a

, ,KYIS KHAS BLANGS PA DANG MI BSKYED PA LA RANG GIS BRTZON PAR GYUR PA 'AM MGON MED PA SLAR GTAD PA DANG, MTSAN MO YANG 'ONG BA'I DON DU 'BAD PAR BYA'O, ,'ONG BA MA GRUB PA DANG MI NUS PA NYID KYIS 'DI LA BDAG NYID BSRUNG BA LA DE NYID DU GNAS PA ZHES BYA BA'I DON GYIS SHES PAR BYA'O, ,'TSO 'AM 'ON TE MA YIN ZHES YANG DANG YANG DU BRTAG PAR BYA'O ZHES BYA BA NI 'JIG PA DANG MI 'JIG PA'I DON 'BAD PAS SO SOR BRTAG PA'O, ,SEMS DAG PAS SNYING BRTZE BAS BUD MED DE LA 'KHYUD PA LA NYES PA MED DO ZHES BYA BA NI GANG ZHIG SMAN GYI GZHI LAS BCOM LDAN 'DAS KYIS BUD MED SKRA GROL BA LA 'KHYUD PA GNANG NGO ZHES 'BYUNG BA STE, DE MDO 'DIR BSDUS PA YIN NO, ,'DIR DGE BA'I SEMS NYID TZAM NI DAG PA'I SEMS NYID DU RIG PAR BYA'O, ,'DOD CHAGS DAG DANG BRAL BA'I SEMS NYID KHO NA NI MA YIN NO, ,DGE 'DUN GYI LHAG PA GNYIS PA'I RNAM PAR 'BYED PA'O,, ,, 'JAM PA DANG DRO BA DANG SNYI BA'I BSAM PA NYID NA SBOM PO'O ZHES BYA BA NI 'JAM PA YIN NAM 'ON TE MA YIN SNYAM PA'I BSAM PA NYI TSE BUD MED LA NYAMS SU MYONG BA LA YIN GYI, REG PA RTZE GCIG PA NYID KYIS 'KHYUD PA DANG SO SO YANG DAG PAR LDAN PA'I RO MYANG BA'I BSAM PA NYID KYIS NI MA YIN ZHES BYA BA'I DON TO, ,'DIR GZHUNG NI BTZUN PA RE ZHIG DGE 'DUN GYIS DRO BA'I BSAM PA DANG LDAN PAS LUS LA REG PAR BGYID NA LTUNG BA CIR 'GYUR, NYES PA SBOM POR 'GYUR RO ZHES GSUNGS PA YIN NO, ,DE BZHIN DU 'JAM PA'I BSAM PA DANG LDAN PA DANG, SNYI BA'I BSAM PA DANG LDAN PA ZHES BYA BA'O, ,KUN DU 'DOD CHAGS PA MED PAR BUD MED DAG GI LUS LA REG PA RNAM PA LNGA GSUNGS TE DE NI KHYAD PAR CAN GYI SPYOD PA DANG, DE DANG 'DRA BA DANG, DON MED PAR REG PA KHO NA YIN PA DANG, RGOD BAG GIS REG PA'I BYE BRAG NYAMS SU MYONG BAR 'DOD PA DANG, MI 'DOD PAR SKYE BO MANG PO LTOS PA'I DUS DAG TU DBANG MED PAR REG PA GANG YIN PA RNAMS SO, ,'DIR KHYAD PAR CAN GYI SPYOD PA NI RNAM PA GSUM STE, SNYING BRTZE BA DANG NYE DU BSHES PA MTHONG BA DANG, SNGON SPYAD PA LA KUN DGA' BA NYAMS SU MYONG BA'O, ,KHYAD PAR CAN GYI SPYOD PA DANG 'DRA BA NI GNAS MA YIN PA LA SNYING BRTZE BA LA SOGS PA RNAMS LA DE'I NGO BAS MI

115b

'JUG PA'O, ,DPER NA 'GYEL BA RANG NYID SDANGS PAR NUS PA SLONG BAR BYED PA'O, ,RNAM PA LNGA PO 'DI RNAMS LA ZHU BA 'DI RNAMS TE, GANG ZHIG 'DUL BYED DAG LAS LTUNG BA DANG LTUNG BA MED PA RNAMS BSTEN PA'I PHYIR BRJOD DO, ,SNYING BRTZE BAS SDUG BSNGAL LAS THAR PAR BYA BA LA NI LTUNG BA MED DO ZHES BYA BA NI ME DANG G-YANG SA DANG MTSON DANG GAG MIG DANG, DUG ZA BA DANG SPRUL GYIS SOS BTAB PA DANG STAG DANG 'DAB CHAGS DANG MI MA YIN PA LA SOGS PA'I RGUD PA'I RGYU MTSAN GYI SDUG BSNGAL LAS GROL BA LA REG PA GANG YIN PA DE LA NI LTUNG BA MED DO, ,MA DANG BU MO DANG SRING MO RNAMS LA DE DAG TU 'DU SHES PA'O ZHES BYA BA NI MA LA SOGS PA'I 'DU SHES DE RNAMS YOD PAR GYUR PA LAS MA LA SOGS PA LA REG PAS LTUNG BA MED DO ZHES BYA BA'I DON TO, ,SNGON SPYAD PA NYID LA KUN DGA' BAR BYA'O ZHES BYA BA NI KUN DGA' BA'I MTSAN CAN GYI REG PA LA LTUNG BA MED CES BYA BA'I DON TO, ,DGE 'DUN LHAG MA GNYIS PA'I ZHU BA'I SKABS SO,, ,,ZAS DANG SA DANG BONG BA LA SOGS PA MO'I DBANG POR 'JUG NA SBOM PO'O ZHES BYA BA NI 'DI NI RNAM PAR 'GYUR BAR GYUR PA MI TSANGS PAR SPYOD PA'I LAM GYI RNAM PAR NGES PAR 'DIR RGOD BAG CES BYA BA KHA NA MA THO BA DANG BCAS PA NYID DO, ,RKANG BA DANG PHRAG PA LA SOGS PAS BUD MED LA PHUL NA NYES BYAS SO ZHES BYA BA LA 'DI NI SHIN TU MA KHYAB PA STE, JI LTAR SNGAR BSTAN PA ZHES BYA BA 'DI SHES PA'O, ,PUS MO DANG RJE DAR DANG BRLA DANG RKED PA DANG LAG PA DANG DPUNG PA DANG MGO BO LA SOGS PA GCIG PU RNAMS KHO NAR MA ZAD KYI SEN MO LA SOGS PA RNAMS YANG 'DI SNYEGS PAR RIG PAR BYA'O, ,DE'I STAN LA YANG NGO ZHES BYA BA NI BUD MED DANG BCAS PA 'AM, BUD MED MED PA'I BUD MED KYI STA NA LA RKANG PA'I CHU LA SOGS PAS 'PHUL NA NYES BYAS SO, ,BUD MED DANG BCAS PA NYID KYIS 'DI RNAMS LA BUD MED KYI SNYAN BSTEN PA 'DON PA YIN TE, 'DIR GZHUNG NI DGE SLONG GIS BUD MED DANG BCAS PA 'AM, BUD MED MED PA'I STAN LA RKANG PAS BSGUL NA NYES BYAS SO ZHES GSUNGS PA YIN NO, ,BUD MED DANG BCAS PA NYID LA NI 'DIR NYES BYAS YIN TE, 'ON KYANG BUD MED LA DGA' BAS 'DI PHUL PA GCIG PU NYID LA YANG NYES BYAS DANG SBYOR BA ZHES BYA BA 'DI

116a

, ,LTAR MDO BYAS SO, ,'DRED PAS 'GYEL BA'I BUD MED SLONG BA'O ZHES BYA BA NI 'DRED PAS 'GYEL BA'I BUD MED SLONG NA NYES BYAS SO, ,'DI NI NYAM NGA BAR GYUR PAS 'GYEL BA MA YIN NO, ,DE BAS NA LEGS PAR MA BYAS PA NYID KYIS 'JUG PA 'DI YID LA NGES PAR 'BREL BA YIN GYI SNYING RJE'I DNGOS PO RGYU MTHUN PA NYID KYIS NI MA YIN NO, ,DE BAS NA 'DIR LTUNG BA RNAM PAR GZHAG PA'O, ,NYES BYAS LA SNYING BRTZE BA'I NGO BO NYID KYI PHYIR SBOM PO'I LTUNG BA NI MA YIN NO, ,BUD MED KYIS DE GSUM BYED PA LA NI LTUNG BA MED DO ZHES BYA BA NI RKANG PA'I CHA LA SOGS PAS DGE SLONG 'PHUL BA DANG, DGE SLONG GI STAN LA 'PHUL BA DANG, 'DRED PAS 'GYEL BA SLONG BA ZHES BYA BA GSUM PO 'DI BUD MED KYIS BYAS PA LA LTUNG BA MED DO, ,MI 'DOD BZHIN DU 'BYUNG BA NYID KYI PHYIR 'DI DANG 'CHAD PAR 'GYUR BA LA SKYON MED PA NYID DO, ,BZUNG BA LA YANG NGO ZHES BYA BA NI DGE SLONG MI 'DOD BZHIN DU BUD MED KYIS BZUNG BA LA YANG LTUNG BA MED DO, ,MAS 'KHYUD PA LA YANG NGO, ,PANG PAR BU MO 'DUG PA LA YANG NGO ZHES BYA BA NI LTUNG BA MED DO ZHES BYA BAR SBYOR RO, ,BUD MED 'KHRUL BA STENG DU 'GYEL BA YANG NGO ZHES BYA BA NI LTUNG BA MED DO ZHES BYA BAR SBYAR RO, ,DGE 'DUN LHAG MA GNYIS PA'I 'DUL BYED KYI SKABS SO,, ,,LUS KYIS REG PA'I DGE 'DUN LHAG MA'O, ,GANG ZHIG SMRAS NA DGE 'DUN LHAG MAR 'GYUR ZHE NA, DE'I PHYIR 'KHRIG PA SMRAS NA'O ZHES BYA BA SMOS TE, BUD MED MTHU YOD PA LA KUN NAS CHAGS PAS ZHES BYA BA 'DI SNGAR BRJOD PA RTOGS PAR BYA'O, ,SLAR YANG 'KHRIG PA NI GNYIS KYIS GNYIS SPROD PA STE DE SMRAS NA'O, ,SGRA JI LTA BUS DE BRJOD PA GANG ZHE NA, DE'I PHYIR RGYA LA SOGS PA'I DON GYIS SO ZHES BYA BA SMOS TE, 'DIR RGYA LA SOGS PA'I SGRA NI YA YIG DANG BHA YIG GI RANG BZHIN ZHES BYA BA BRJOD PA'O, ,DE'I DON CAN RGYA LA SOGS PA RNAM PA GZHAN GYIS 'KHRIG PA BRJOD PA GANG YIN PAR STON PA DE NI RGYA LA SOGS PA ZHES BYA BA GRAGS PA NYE BAR SONG BA'O, ,RGYA'I DON NI MTHONG BAR RIG PAR BYA BA MA YIN NO, ,DE LTAR YANG BCOM LDAN 'DAS KYIS BDAG DANG LHAN CIG BUD PAR GYIS SHIG CES BYA BA DE LA NYES PA SBOM POR GSUNGS PA YIN NO, ,

116b

BYE BRAG MA BYAS PA'I SGRA LA YANG BRJOD PAR 'DOD PA'I DBANG GIS KHYAD PAR DU GZHAG PA STE, DE BAS NA BDAG NYID KYIS BRJOD PAR 'DOD PA GSAL BAR BYED PA'I SGRA MED KYANG RANG GIS BRJOD PAR 'DOD PAS SBYOR BAR RTOGS PA LA DE'I BRJOD PAR 'DOD PA NYID LA GZHAN GYI DNGOS GZHI BSKYED PAR RIG PAR BYA'O; ,YA YIG BHA YIG LA SOGS PA GANG YANG RUNG BA'I SGRA LA BRJOD PAR 'DOD PA LA YIN TE, BUD MED LA GNAS PA'I BDAG NYID BRJOD PAR 'DOD PAS THOS SU BCUG PA TZAM LA NYES BYAS NI YIN NO, ,'DIR BYA BA'I TSIG NI DGONGS PA MA YIN NO, ,BDAG NYID DU RNAM PAR RIG PAR BYA BA DAG LA MTSAMS NYE BAR SBYOR BAS KHAS LEN PA'I NGO BOS NI MA YIN NO, ,'GRO BA BRJOD PA NYID LA 'DIR SKYON NYID BSTAN PAS DON GYIS BSNYEN PA RTZOM PAR GYUR PA NYID LA NI MA YIN NO, ,'DIR RANG GI 'DOD PA NYID SMRA BA YOD PAS GYUR PA YANG GZHAN GYIS MA SHES PA LA SBOM PO'O ZHES BYA BA 'DI SHES PA'I DON DU NGES PA'I MDO 'DI LAS RTOGS PAR BYA'O, ,RANG GI SMRA BAR GYUR PA NYID MED PA LA SBOM PO NYID NI RANG GI DON NYID DO, ,DE NI DE'I GTZO BO ZHES BYA BA 'DI LAS SO, ,GANG LA GO BAR BYA BA NYID DE BRDA PHRAD PA NI MTHA'O ZHES BYA BA NI 'DIR BRDA PHRAD PA NI BRJOD PAR 'DOD PA'I DON YONGS SU THOB PA'O, ,BRJOD PAR 'DOD PA'I DON YONGS SU THOB PAR BYED PA'I DON CAN GYI LUS DANG NGAG PHRAD PAR BYED PA'I BDAG NYID CAN THAMS CAD LA DON GCIG LA RTZOM PAR GYUR PA NYID KYI PHYIR SKAD CIG MA GCIG TU GYUR PA'O, ,'DIR LTUNG BA RNAM PAR GZHAG PA MED PAR GYUR PA NYID DE MTHA' DANG MTHA' MED PA'I DBYE BA JI TZAM DU BYAS PA LA DNGOS GZHI'I LTUNG BA BSKYED PA STE ZHES BYA BA 'DI LA MDO 'DI'O, ,TSIG LA SOGS PA'I MTHA' NI MTHA' ZHES BYA BA 'DI RNAM PAR GZHAG PA MA YIN TE, 'ON KYANG MTHA' LAS BYUNG BA 'AM MTHA' MA YIN PA GANG YIN PA GANG ZHIG LA YI GE LA SOGS PA GANG ZHIG LA GZHAN GYI SHES PAR RUNG BA NYID BRJOD PAR 'DOD PA'I DON SHES PA LAS SNOD DU RUNG BA NYID DU GYUR PA LA RTOG PA PO LA RNA BA'I RNAM PAR SHES PA'AM MIG GI RNAM PAR SHES PA LA BSGRUB PA GANG YIN PA DE NI 'DIR MTHA'O, ,DE BAS NA DER DNGOS GZHI'O, ,DE'I 'OG TU RTZOM PA GCIG TU GYUR PA'I PHYIR DE

117a

, ,NYID DU ZHUGS BA'O, ,GAL TE YI GE DANG PO SHES PA'I DUS NA YANG DE LA DNGOS GZHI'I ZHES BYA BA RIG BAR BYA STE, 'DIR SHES PA LA YAN LAG NYID DO, ,DE DANG 'BREL BA'I DON SMRAS PA NI SBYOR BA MA YIN PA MA YIN NO ZHES BYA BA NI 'DIR DNGOS GZHI'I DON GYI TSIG YA YIG DANG BHA YIG GI RANG BZHIN CAN LA DE'I SGRA BZUNG BA'O, ,'BREL BA ZHES BYA BA NI DNGOS GZHI'I DON NYID KYI TSIG DANG 'BREL PA'I DON GANG YIN PA'O, ,DE SMRAS PA GANG YIN PA NI 'DI LTA STE, DPER NA BSNGAGS PA BYED PA LA SOGS PA LA SRU KHYOD KYI RMA'I SGO GSUM PO RNAMS LEGS PAR DOD DAM ZHES BYA BA LA SOGS PA SMRAS PA'O, ,YA YIG BHA YIG GI RANG BZHIN GYI SGRA MED PAR DE LA SBYOR BA MED PA NYID DO, ,MA SMRAS PA LA DNGOS GZHI BYAS PA'I SGRA LA DE DANG 'BREL PA MED PA NYID KYI PHYIR SMRA BA 'DI LA SBYOR BA MA YIN PA NYID GANG ZHIG 'DOD PA DE 'DOD PA BZLOG PA'I DON DU MDO 'DI BYAS TE, RGYA ZHES BYA BA DANG RNA RU ZHES BYA BA LA SOGS PA'I SGRA BRJOD PA LA NI SBYOR BA NYID THE TSOM MED PA'O, ,BSNGAGS PA DANG BSNGAGS PA MA YIN PA DANG, GSOL BA DANG NYE BAR GSOL BA DANG, 'DRI BA DANG NYE BAR 'DRI BA DANG, BRJOD PA DANG SMON PA DANG GSHE BA DANG, PHYIR SMRA BA BSGRUB PA BDAG LA NI BYE BRAG MED PA NYID DO ZHES BYA BA NI BSNGAGS PA LA SOGS PA'I BDAG NYID CAN GYIS SMON PA THAMS CAD NYID RNAMS LA DNGOS GZHI'I BYED PA NYID DE, BYE BRAG CUNG ZAD KYANG MED DO ZHES BYA BA'I DON TO, ,DE LA BSNGAGS PA ZHES BYA BA NI SRU'I RMA'I SGO GSUM RNAMS LEGS PAR DOD PA YIN NAM ZHES BYA BA'O, ,, BSNGAGS PA MA YIN PA ZHES BYA BA NI DE LAS BZLOG PAR SMOD PA'O, ,GSOL BA ZHES BYA BA NI SRU TSUR SHOG DE DANG DE BYA'O ZHES BRJOD CING, RGYA ZHES BYA BA DANG RNA RU ZHES BYA BA GNYIS KYIS BRJOD PA GANG YIN PA'O, ,NYE BAR GSOL BA ZHES BYA BA NI SRU BUD MED DAM SKYES PA GANG LA LA 'DI DANG 'DI BYED DE; DE LA DGA' BA DANG YID DU 'ONG BAR 'GYUR RO, ,SRU YANG BDAG CAG LA DE DANG DE BYED DO, ,SRU YANG BDAG CAG LA DGA' BA DANG YID DU 'ONG BAR 'GYUR RO ZHES BYA BA DGA' BA NYE BAR BSGRUB PAS 'DUN PA SKYED PA STE, 'DI NI DGA' BA NYE BAR BSGRUB PA, 'DI NI GSOL BA'O, ,'DRI BA ZHES BYA BA NI

117b

SRU SKYES PA GANG DANG BUD MED GANG DE DANG DE BYED PA DE NI DGA' BA DANG YID DU 'ONG BAR 'GYUR NA KHO BOS KYANG KYANG SRU LA DE DANG DE BYAS NA SRU KHO BO LA DGA' BA DANG YID DU 'ONG BAR 'GYUR RAM ZHES 'DRI BA'O, ,NYE BAR 'DRI BA ZHES BYA NI SRU'I RMA'I SGO GSUM PO RNAMS LEGS PAR 'DOD PA DANG, LEGS PAR GNAS PA DANG, LEGS PAR GYUR PA BDEN NAM ZHES BYA BA LA SOGS PA YONGS SU 'DRI BA'O, ,BRJOD PA ZHES BYA BA NI KHO BO NI KHYOD LA DGA' BA DANG YID DU 'ONG BA BDEN NA KHYOD DE LA JI LTAR ZHES BRJOD PA'O, ,SMON PA ZHES BYA BA NI SRUN MA ZHIG NA KHO BO KHYOD DANG LHAN CIG DE DANG DE LTAR BYED ZHIG GU SNYAM DU SMOS PA'O, , GSHE BA ZHES BYA BA NI KHYOD LA BONG BU RNAMS GANG DE LTAR BYED PAR GYUR CIG PA'I BLOS 'DIR MI LTUNG ZHES GSHE BA'O, ,PHYIR SMRA BA ZHES BYA BA NI BUD MED KYIS BRJOD PA'I BSNGAGS PA LA SOGS PA LA DGE SLONG GIS PHYIR RNAM PA DE RNAMS KYIS SLAR LAN 'DEBS PA'O, ,DON GZHAN LA BSAMS PAS LJONGS KYI NGES PA'I TSIG GI DBANG GIS NA LTUNG BA MED DO ZHES BYA BA 'DI NI MI MDZES PA ZHES BYA BA BSAMS PAR GYUR PA LA LTUNG BA'I BLOS 'DIR MI LTUNG BA'O ZHES BYA BA DE'I ZLOG PA'I DON DU MDO 'DI DANG 'OG MA'O, ,CI STE DON GZHAN LA BSAMS PA ZHES BYA BA LJONGS KYI TSIG 'DI'I NGES PA'I TSIG GI DBANG GIS DON GZHAN GYI BSAM PAS 'KHRIG PA SMRAS PA GANG YIN PA DE LA NI LTUNG BA MED DE, GANG ZHIG RUNG BA TZAM GYIS GZHAN LA BSAM PAR BYED PA NI MA YIN ZHES BYA BA'O, ,MING GI CHA NYID 'DRA BA LA YANG NGO ZHES BYA BA NI, CHA NYID 'DRA BA GANG ZHIG GI DBANG GIS 'KHRIG PA SMRAS PA GANG YIN PA STE 'DI LTA STE DPER NA, RGYA GAR SKAD DU NAS LA NI YA BA ZHES BYA BA, 'KHRIG PA LA NI YA BHA ZHES BYA BA DE LA NAS KYI MING YA BA ZHES BRJOD PA'I BSAM PAS DRAG TU BRJOD PA'I DBANG GIS BA ZHES BYA BA'I GNAS SU BHA ZHES BRJOD BA LA LTUNG BA MED CES BYA BA'I DON TO, ,DGE 'DUN LHAG MA GSUM PA'I RNAM PAR 'BYED PA'O,, ,,MDZES PA YIN NO, ,SDIG CAN YIN NO, ,RMA'I SKO MDZES PA 'AM SDIG CAN YIN NO, ,BGO BSHA' GYIS SHIG KHO BO LA BGO BSHA' GYIS SHIG ,KHO BO DANG LHAN CIG NYOL CIG ,PHRAD PAR GYIS SHIG CES SMRAS NA SBOM PO'O ZHES BYA BA NI 'DIR KHYOD NI SDIG PU CAN

118a

, ,ZHES BYA BA LA SOGS PA RNAMS KYI SGRA BRJOD PA DANG SO SOR MNGON PAR 'BREL LO, ,GNAS NGAN LEN DANG BCAS PA'I SEMS KYIS GNAS NGAN LEN GYI TSIG BRJOD PA LA SBOM PO'O, ,RNAM PA GANG YIN SBYAR BAR GYUR PA DE'I RNAM PA'I GNAS NGAN LEN GYIS THA NA RGOD BAG TZAM GYIS SMRAS NA YANG THAMS CAD DU SBOM POR RIG PAR BYA'O, ,KUN DU CHAGS PAR GYUR PAS NI MA YIN TE DE YANG MTHU YOD PA CAN LA'O, ,DGE 'DUN LHAG MA GSUM PA'I ZHU BA'I SKABS SO,, ,,DE BZHIN DU RDZU 'PHRUL GYI RNAM PAR 'PHRUL PA'I CHOS CAN MO LA SMRA NA'O ZHES BYA BA LA, DE BZHIN DU ZHES BYA BA'I SGRA NI SBOM PO'O ZHES SNGAR BSTAN PA'I RJES BSNYAGS PA'I PHYIR RO, ,RDZU 'PHRUL GYI RNAM PAR 'PHRUL BA'I CHOS GANG LA YOD PA DE NI RDZU 'PHRUL GYI RNAM PAR 'PHRUL PA'I CHOS CAN NO, ,DE'I GNAS NGAN LEN CAN SMRAS NA NI SBOM PO'O, ,'DIR SEMS NI 'JIGS PAR 'GYUR TE, MNGON POR ZHEN PA DMAN PAS RAB TU 'GRO BA MI SRID PA'I PHYIR DANG, MTHU MTHONG BA'I PHYIR DANG, ,DE BAS NA 'DIR NA SMAD PA'O, ,DE BZHIN DU ZHES BYA BA NI 'DIS THAMS CAD KYI DBANG DU BYA BAR RIG PAR BYA'O, ,SRU KHO BO LA NAS BYIN CIG ,SRU KHYOD LA CI MTHONG BA DE BYIN CIG ,SRU KHYOD KYI MDUN NA MO GANG YIN PA DE BYIN CIG ,SRU KHYOD KYI YID DU 'ONG BA GANG YIN PA DE BYIN CIG ,KHYOD LA CI DGA' BA BYIN CIG CES BDAG LA SMRAS PA KHYOD CI LA DGA' ZHES ZER BA LA SRU KHYOD LA KHO BO DGA'O ZHES BYA BA DANG, SRU KHO BO LA CHU DANG BCA' BA DANG THUG PA DANG BZA' BA BYIN CIG ,KHYOD NYID DE DAG YIN NO ZHES SMRAS PA DAG LA'O ZHES BYA BA NI KHYOD CI LA DGA' BA SBYIN PAR BYA ZHES ZER BA LA BDAG NI KHYOD KYI SBYIN BDAG GIS SMRAS PA DE BAS NA KHYOD LA DRI BAR BYA STE, KHYOD CI LA DGA' ZHES ZER BA LA BUD MED DE LA 'DI SKAD CES SRU KHYOD LA KHO BO DGA' 'O ZHES ZER BA'O, ,BDAG LA BYIN CIG CES BYA BA NI BZA' BA LA SOGS PA GSUM PO 'DI LA YANG SO SOR RJES SU 'BREL LO, ,KHYOD NYID DE DAG YIN NO ZHES BYA BA NI CHU LA SOGS PA BZHI PO LA YANG TSIG LHAG MA 'DI RNAMS SO, ,SRU KHO BO LA CHU BYIN CIG ,SRU KHYOD NYID NI CHU YIN TE ZHES BYA BA NAS JI SRID DU SRING MO BDAG LA BZA' BA BYIN CIG CES BYA

118b

BA'I BANG DU SMRAS PA DAG LA 'DI LTA BU'I NGO BO BZHI PO SMRA BA 'DI RNAMS LA SBOM PO'I LTUNG BA'O, ,KHYOD LA BONG BU DAG DE BYED PAR GYUR CIG ,SRU SKYES BU 'PHYON PA DAG LA BSOD SNYOMS SPYOD DAM ZHE NA YANG NGO ZHES BYA BA 'DI LA, SPYOD DAM ZHES BYA BA 'DI DANG 'BREL TO, ,BSOD SNYOMS KYI SPYOD PA KHYOD KYIS SPYOD CES ZER ZHING GRONG BA'I RO LA NYE BAR BRTEN PA RNAMS LA KHYOD NI SPYOD PA 'DIS SPYOD PAR BYED DE GANG LA BSOD SNYOMS SHES PA'I DON TO, ,DER MGAL DUM CHUG CIG CES NA YANG NGO, ,RANG BZHIN GYIS GNAS NGAN LEN BRJOD PAS GNAS NGAN LEN SMRAS PA YANG NGO ZHES BYA BA NI RGYA'I DON CAN GYI SGRA RNAMS KYIS KYANG SMRAS PA LA SBOM PO 'DI'O, ,KUN NAS CHAGS PA MED PA'I PHYIR 'O NA CI'I PHYIR LTUNG BA MED PA NYID DU MI 'GYUR TE RGOD PAR GYUR PA'I GNAS NGAN LEN YOD PA'I PHYIR RO, ,DGE 'DUN GYI LHAG MA GSUM PO 'KHRIG PA DANG LDAN PA SMRA BA'I 'DUL BYED RNAMS SO,, ,,GANG DU BSNGAGS PA DGE 'DUN GYI LHAG MAR 'GYUR ZHE NA, DE'I PHYIR BDAG NYID 'KHRIG PA KUN TU SPYOD PA BSNGAGS NA'O ZHES BYA BA SMOS TE, BUD MED DON KUN SHES PAR BYA BA'I MTHU YOD PA LA DES ZHES BYA BA 'DI 'DIR SNGAR BSHAD PA RJES SU DRAN PAR BYA'O, ,LOG PAR BSGRUBS PA LA LEGS PA NYID KYIS SPYOD PA NI BSNGAGS PA'O, ,'ON TE BSGRUB PA 'DI MCHOG CES BYA BA LA SOGS PA'I RNAM PA DANG KHYAD PAR DU 'PHAGS PAS LOG PA'I BSGRUB PA DOR BAS KHA NA MA THO BA DE NYID DU RNAM PAR GZHAG PA YIN NO, ,BDAG NYID DANG 'KHRIG PA KUN DU SPYOD PA SMRA BA LA GAL TE 'GRO BA BRJOD PAR SBYOR NA SMRA BA LA DGE 'DUN GYI LHAG MA NYID DO, ,SMRA BA'I BDAG NYID CAN LA YANG SKAD CIG MA GCIG TU GYUR PA NYID KYI PHYIR DON GCIG GO BAR BYED PA'I SNGON GYI RNAM PA MED PA LA THA SNYAD 'DI'O, ,DE BAS NA GZHAN GYIS 'GRO BA BRJOD PA'I PHYIR 'KHRIG PA'I TSIG NI DGE 'DUN GYI LHAG MA LA YAN LAG TU RTOGS PAR BYA'O, ,DES BSNGAGS PA LA RJES SU YI RANG BA'I DON GYI TSIG NI DE DANG 'DRA'O ZHES BYA BA NI 'DIR BUD MED GANG ZHIG 'GAL ZLA NYID KYIS GNAS PA DE DANG LHAN CIG DGE SLONG DE LA BSNYEN BKUR BYAS PA 'DI NI 'PHAGS PA LA BSNYEN BKUR BYAS PA RNAMS KYI MCHOG STE, GANG GI PHYIR KHYED LTA BU'I DGE SLONG TSUL KHRIMS DANG

119a

, ,LDAN PA LA ZHES BYA BA LA SOGS PAS BSNGAGS PA LA, GANG ZHIG 'DI NI DE LTAR YIN NO ZHES BYA BA RJES SU YI RANG BA'I DON DU BRJOD PA NI BSNGAGS PA BZHIN DU BLTA BAR BYA'O, ,'DIR DNGOS GZHI KHO NA'I KHA NA MA THO BA ZHES BYA BA'I DON TO, ,DE NYID PHYIR BZLAS NA'O ZHES BYA BA NI GANG ZHIG 'DI BSNYEN BKUR BYAS PA RNAMS KYI MCHOG CES BYA BA LA SOGS PA DES BZLAS NA DGE SLONG GI PHYIR ZLO BAR BYED DE, DES BSNGAGS PA NYID NI YOD PA MA YIN TE DE LAS BZLAS PAR BYAS PA'O, ,DE LTA DE LTAR PHYIS RJES SU SMRA BA ZHES BYA BA GANG GSUNGS PA DE 'DIS BSDUS PA YIN NO, ,DE DANG 'KHRIG PA DANG NYE BAR MA SBYAR NA SBYOR BA NYID DO ZHES BYA BA NI GANG DU NYE BAR MA SBYAR BA LA DES SBYOR BA NYID DO, ,DPER NA 'DI LTA STE, DGE SLONG LA 'KHRIG PAS BSNYEN BKUR BYAS PAR GYUR NA DE NI BSNYEN BKUR RNAMS KYI MCHOG GO ZHES JI LTAR YANG DGE SLONG DES 'KHRIG PAS BSNYEN BKUR BAR BYED NA ZHES ZER BA LTA BU'O, ,'KHRIG PA DANG NYE BAR MA SBYAR BA YANG SBYOR BA NYID DE, DPER NA 'DI LTA STE KHO BO LTA BU'I DGE SLONG LA BSNYEN BSKUR BYAS BAR GYUR PA DE NI BSNYEN BKUR RNAMS KYI MCHOG GO ZHES ZER BA LTA BU STE, DE GNYIS KA YANG SBOM PO'I LTUNG BA ZHES BYA BA'I DON TO, ,GNYIS KA DANG NI DE'I'O ZHES BYA BA NI 'KHRIG PA'I LTUNG BA LA GNYIS KA DAG GIS KYANG NYE BAR MA SBYAR BA LA SBYOR BA'I SBYOR BA NYID DO, ,DPER NA 'DI LTA STE, DGE SLONG LA BSNYEN BKUR BYAS PAR GYUR PA DE NI BSNYEN BKUR RNAMS KYI MCHOG GO ZHES BYA BA LTA BU STE, SBYOR BA NYID KYI PHYIR NYES BYAS SO, ,BSNYEN BKUR BSNGAGS PA'O,, ,,GANG DU SMYAN BYED PA'I DGE 'DUN LHAG MA BRJOD PAR 'DOD NAS PHRAD NA'O ZHES BYA BA SMOS TE, GNYIS KYIS GNYIS PHRAD NA'O ZHES BYA BA'I DON TO, ,'DIR GZHUNG NI NYE BA 'KHOR GYIS ZHUS PA LAS, NGES PAR MI STEN PAR BYED PA RNAMS LA SMYAN BYED PA LA SBOM PO'I TSIG GO, ,GANG DE'I PHO NYA DANG 'BREL BA LA BZUNG BA DANG BRKUS PA DANG, PHYIR ZHING BRKUS PA GSUM GYIS BSGRUBS PAS DGE 'DUN GYI LHAG MA YIN PAR GYUR NA, 'DIR YANG BRJOD PAR 'GYUR TE PHRAD PA MED PAS 'DI SPOM PO NYID DU GSUNGS PA YIN NO ZHES BYA BA RNAM PAR GNAS SO, ,'DUL BYED KYI GZHUNG RNAMS LAS KHYIM BDAG GI CHUNG

119b

MA LA CUNG ZAD SMYAN BYAS PA DANG, DES DE RKANG LAG LA BTEG PAR BYAS TE, KHYIM NAS PHYIR PHYUNG NAS DER DGE SLONG GZHAN ZHIG RIGS DANG NYE BAR 'GRO BA DES DE DAG TSOGS PA BYAS TE DE DAG KYANG PHRAD PAR GYUR PA DANG, DGE SLONG DE LA 'GYOD PA SKYES PA DANG ZHES BYA BA LA SOGS PA GSUNGS PA YIN NO, ,'PHAGS PA KHYIM PA MING 'DI ZHES BYA BA ZHIG TSUR SHOG CES SMRA BAR NUS SAM, SMRAS PA NUS SO, ,GAL TE DGE 'DUN LA GUS PAR BYAD NUS NA DE LA 'DI 'BOD PAR BGYI STE, ,DES DE LA SPYAD PA'I RGYU BYIN NO, ,DGE SLONG DES GUS PA SO SOR SAD PAR BYA STE, KHYIM BDAG DE LA BOS SO,, DE DAG PHRAD PAR GYUR TO ZHES BYA BA LA SOGS PA 'DUL BYED DAG LAS THAMS CAD NYID DU PHRAD PA LA LTUNG BAR BRJOD PA'O, ,DE DAG PHRAD PA YOD PAR GYUR NA SMYAN BYED PA'I DGE 'DUN LHAG MA YIN GYI PHRAD PA MED PAR NI MA YIN NO ZHES BYA BA DES KYANG SHES PA YIN NO, ,GZHAN DU NA TSIG 'DI LA DON DANG LDAN PA NYID SKYE BA NI MA YIN NO, ,SU DANG PHRAD CE NA, DE'I PHYIR GZHAN DANG NGO ZHES BYA BA SMOS TE, BDAG NYID DANG SMYAN BYED PA LA NI MA YIN NO, ,SUR PHRAD PA NA ZHE NA, DE'I PHYIR GZHAN DU'O ZHES BYA BA SMOS TE, BDAG NYID DU PHRAD PA MA YIN GYI GZHAN DU PHRAD NA'O, ,KHYAD PAR YONGS SU MA BZUNG BAS NA THAMS CAD KYIS SO, ,MI'I 'GRO BA PA GNYIS PHRIN GSUM RNAMS KYIS BSTEN PAR BYA BA RMA'I SGO RNAMS DANG LDAN PA THAMS CAD LDAN PA BSTEN PAS MI'I 'GRO BA LA ZHES BYA BA RTOGS PAR BYA STE, BDAG NYID YONGS SU BCAD PA'I DON DU MDO 'DI'O, ,DE'I DON DU MI MTHUN PA MTHUN PAR BSGRUB PA'I PHYIR SPRAD PAR BYA BA LAS SPRING BA MNOS PA GZHAN DE LA GO BAR BYAS SHING DES SMRAS PA SNGA MA LA BRJOD NA'O ZHES BYA BA LA, 'DIS NI LTUNG BA RJES SU BSGRUBS PAS SPRAD PAR BYA BA GNYIS SU SGRUB PA LA ZHES BYA BA NI 'DIR NGAG GI DON TO, ,MI MTHUN PA MTHUN PAR BSGRUB PA'I PHYIR ZHES BYA BA LA, MI MTHUN PA DAG LA MTHUN PA SGRUB PA'I DON DU'O, ,'DI'I MTHUN PAR ZHES BYA BA YANG YID GCUGS PA'I DNGOS PO NYID DU BYAS PA YIN GYI, GNYIS KYIS GNYIS SPRAD PA NI MA YIN TE, DE YANG JI LTAR NA BSGRUB PAR MI 'GYUR ZHES BYA BA DE'I DON DU SPRING BA MNOS PAS ZHES BYA BA SMOS TE PHRIN MNOS PA NA'O, ,SPRING

120a

, ,BA MNOS PA DE SU LA GO BAR BYAS NA ZHE NA, DE'I PHYIR SPRAD PAR BYA BA ZHES BYA BA SMOS TE, SPRAD PA GANG LA BYA BA DE NI SPRAD PAR BYA BA'O, ,GZHAN DE LA GO BAR BYAS SHING ZHES BYA BA NI SPRING BA MNOS PA DE'O, ,DE LA ZHES BYA BA NI SPRAD PAR BYA BA LA'O, ,SPRAD PAR BYA BA GANG LA GO BAR BYA ZHE NA, DE'I PHYIR GZHAN LA ZHES BYA BA SMOS TE, GANG LA SPRING BA MNOS PA DE LAS GZHAN PA DE LA'O ZHES BYA BA'I DON TO, ,DES SMRAS PA ZHES BYA BA NI DE GZHAN SPRAD PAR BYA BA SMRAS PA'O, ,GANG ZHIG 'DI SPRING BA MNOS PA BRJOD PA LA LAN STER BA DE LA DE ZHES BYA BA'I DON TO, ,SNGA MA LA ZHES BYA BA NI SPRAD PAR BYA BA LA STE GANG LAS SPRING BA MNOS PA DE LA'O, ,SNGA MA DE LA GZHAN DES SMRAS PA DE JI LTAR BYAS NA ZHE NA, DE'I PHYIR BRJOD NA ZHES BYA BA SMOS TE, BRJOD PA LA ZHES BYA BA'I DON TO, ,PHRAD PA'I DON DU YID GCUGS PA BSGRUB PA'I PHYIR MNOS TE PHRIN PAR SKYEL BAR BYED DAM PHRIN TSUR SKYEL BAR BYED PA RNAMS LA RJES SU BSGRUB PA ZHES BYA BA'I THA TSIG GO, ,'JUG PA BAR MA'I PHYANG YAR THOS PA NYID NA DE BYAS PA NYID CES BYA BA LA, 'JUG PA BAR MA ZHES BYA BA NI 'JUG PA DE BAR MAR GTOGS PAS 'JUG PA BAR MA STE PHRIN LAS ZHES BYA BA'I DON TO, ,GNAG GI TSE NA SPRAD PAR BYAS NAS SPRING BA MNOS PA DE LA GO BAR BYAS PAR GYUR NA DE'I TSE NA GANG ZHIG 'DI LUS KYI RNAM PAR RIG BYED DAM NGAG GI RNAM PAR RIG BYED DAM CANG MI SMRA BAR 'JUG PA GANG YIN PAS LAN STER BAR BYED NA BSKUR BA PO LA MIG GI RNAM PAR SHES PAS SAM RNA BA'I RNAM PAR SHES PAS SAM YID KYI RNAM PAR SHES PAS GRANGS JI LTA BAR BSKUR BA PO'I KHAS LEN PA LA SNGA MAR BRJOD PA LA PHYANG YAR NYID CES BYA BA'I DON TO, ,JI SRID DU BSTAN PAR 'GYUR TE, DBUS DANG 'BREL BA'I 'JUG PA DE GO BAR BYED PA LA BRTEN PA'I LO RGYUS LA DE'I PHRIN LAN SMRA BAR GO BAR BYAS PA'I SPRING PAR BYA BAS BSKUR PA PO 'AM SMRA BA PO 'AM GZHAN LAS PHRIN LAN, THOS PA DANG BYAS PA NYID LA BSKUR BA LA PHYANG YAR NYID DO, ,SNGA MA LA BRJOD NA CI YANG RUNG BA'I DON BSGRUB PA NI 'DIR YAN LAG GO, ,DE LTAR 'DI NI MA YIN TE DES NA BSKUR BAR BYED PA POS BSGRUB PAR 'GYUR RO, ,GANG GI PHYIR GAL TE DES GO BAR MI 'GYUR NA 'DI NI DE'I LAN STER BAR MI 'GYUR RO, ,'DIR

120b

GZHUNG NI DGE SLONG DES SPRING BA RNAM PA DE LTA BU DE MNOS TE, PHRIN PAR SKYEL BAR BYED DAM PHRIN TSUR SKYEL BAR BYED NA DGE 'DUN LHAG MA'I LTUNG BAR 'GYUR RO ZHES GSUNGS PA YIN NO, ,PHRIN TSUR BSKYAL BA LA LTA SMOS CI DGOS TE PHRIN GTONG BA TZAM LA YANG 'DIR DGE 'DUN GYI LHAG MA'O ZHES BYA BA 'DI'I DON TO, , GSUM PO DE DAG GI BYA BA NYID NI THA DAD PA NYID DO ZHES BYA BA NI 'DIR RJES SU BSGRUB PAR BYA BA'I TSIGS GSUM PO GANG DAG SNGAR BSTAN PA NOD PA DANG GO BAR BYED PA DANG BRJOD PA ZHES BYA BA TSIGS DE DAG GI BYA BA NYID CES BYA BA NI RJES SU BSGRUB PAR BYA BA NYID NI THA DAD PA NYID DE SBYOR BA THA DAD PA NYID YIN NO ZHES BYA BA'I DON TO, ,DE BAS NA SO SOR 'DI RNAMS LA SBOM PO'I LTUNG BA'O, ,DE LTAR NA 'DI RNAMS LA RE RE DAG LA SBOM PO'I LTUNG BA'O, ,NYES PA SBOM POR GSUNGS PA GANG YIN PA DANG, PHYI MA MED NA YANG TSIGS SNGA MA LA NYES PA SBOM POR GSUNGS PA GANG YIN PA DE'I 'DI BSDU BA'O, ,MI NYID LA MTHA'I BYED PA PO NYID MA YIN PA YANG SBYOR BA NYID MA YIN PA MA YIN NO ZHES BYA BA LA MI NYID NI MI NYID DO, ,MI'I 'GRO BA PA NYID YOD PAR GYUR PA LA MNGAL NA GNAS PA DANG RDE'U GSUM GTOR BA LA SOGS PAR NOD PA DANG, PHRIN PAR SKYEL TSUR SKYEL BA RNAMS LA YANG DAG PAR SBYOR BA MED PA'I PHYIR SPRAD PAR BYA BA THOB PA LA MI MTHUN PA MED PAS DNGOS GZHI LA BYED PA PO NYID MA YIN DE LA GNOD PA LA SOGS PA TSIGS GSUM PO 'DI RNAMS YOD PAR GYUR PA LA SBYOR BA NYID MA YIN TE, 'DI LTAR SBYOR BA KHO NA YIN NO, ,DE LA NYE BA 'KHOR GYIS ZHUS PA LAS, MNGAL NA GNAS PA LAS SOGS PA LAS NYES PA SBOM POR GSUNGS PA DANG, RNAM PAR 'BYED PA LAS, RDE'U GTOR BA DANG, CHO GA BTANG BA GNYIS KYIS NYES PA SBOM POR GSUNGS PA DE DAG GIS 'DIR LUNG GI DON KHONG DU CHUD PAR BYA'O, ,GNYIS LA SOGS PA RNAMS NI DGE 'DUN NAS BRTZAMS TE TSIGS 'DI RNAMS LA LHAN CIG PA'I DNGOS POS KUN DU SPYOD PA LA DE'I SBYOR BA RNAMS LA YANG RE RE DAG LA LTUNG BA RNAMS BSKYED PA DE BRJOD PAR BYA BA STE, DE'I PHYIR 'BRAS BU GCIG LA BYED PA PO SO SO LA BYA BA RDZOGS PAR BYED PA MA YIN NO ZHES BYA BA SMOS TE, GCIG PA'I DNGOS PO NI GCIG PA NYID DE, 'BRAS BU GCIG PA NYID NI 'BRAS BU GCIG PA NYID DO, ,NOD PA

121a

, ,LA SOGS PA'I TSIGS THAMS CAD DANG LHAN CIG PA'I DNGOS POS GANG ZAG MANG PO RNAMS KYIS KUN DU SPYOD PA LA PHRAD PA ZHES BYA BA'I THA MI DAD PAR 'BRAS BU GCIG CES BYA BA 'BRAS BU GCIG PA NYID KYIS 'DIR RE RE YANG LTUNG BA 'DI RNAMS BSKYED PA LA MI SBYOR BA YID LA 'BREL PAR GYUR CING 'DRE BAR MI 'GYUR TE ZHES BYA BA 'DI LTAR 'DI BRJOD PA'O, ,'ON KYANG BYED PA PO DANG BYED PA'I PHYIR BYA BA RDZOGS PA NYID DE THAMS CAD KYI BDAG NYID KYIS 'BREL BA NYID DO, ,LTUNG BA'I BYE BRAG DE LTA BUR GYUR PA LA RGYU YIN TE, 'BRAS BU'I DBYE BA NI MA YIN NO, ,GAL TE DE LA 'BRAS BU GCIG PA BYED PA PO RE RE LA BYA BA RDZOGS PAR GNAS PA LA RGYU YIN PAR GYUR NA 'DI NI DE LTAR 'GYUR PA YIN TE, DE NI YOD PA MA YIN ZHES BYA BA'I DON TO, ,'DIR MNGAGS PA NI RANG NYID DANG 'DRA'O ZHES BYA BA NI JI LTAR GNAS NGAN LEN SMRA BA LA SOGS PA LA MNGAGS PA LTA BU NI MA YIN TE, DER MNGAGS PAS BYAS PA MA YIN PA ME RANG GIS BYAS PA 'DRA BA MA YIN PA LTAR DE BZHIN DU 'DIR MNGAGS PA GANG YIN PA DE RANG GIS BYAS PAR 'GYUR RO, ,SPRAD PAR BYA BA NYID KYIS DE MNGAGS PA SBYIN PAR 'GYUR RO, ,GANG ZHIG DE'I MNGAGS PAS SPRAD PAR BYA BA NYID KYIS BRJOD PAR 'GYUR BA GANG YIN PA DE NI MNGAGS PA NYID LA'O, ,GANG DE BYAS PAR 'GYUR BA LA MNGAGS PA GANG YIN PA ZHES BYA BA NI 'DIR RNAM PAR GZHAG PA'O, ,MNGAGS PA'I BDAG NYID DU GYUR PA DE MNGAGS PA LA RANG GI MNGAGS PA NYID KHO BO NA SKYE BAR 'GYUR BA YIN GYI MNGAGS PA NYID NI MA YIN NO ZHES BYA BA'O, ,MNGAGS PA'I MNGAGS PA LA SOGS PA LA YANG 'DIS BDAG NYID KYIS BYAS PAR RIG PAR BYA'O, ,DE GNYIS KYIS BDAG PO DAG NI SPRAD PAR BYA BA NYID DANG 'DRA'O ZHES BYA BA NI SPRAD PAR BYA BA STE, BDAG PO DBANG BYED PA LA DER NGES PAR SBYOR BA BZLOG PA DANG SBYIN PA DANG KUN DU CHAD PA RNAMS LA CI RIGS PAR SPRAD PAR BYA BA NYID DO, ,'DIR SPRAD PAR BYA BA'I KHYI'U DANG BU MO DE GNYIS KYI BDAG PO PHA MA LA SOGS PA GANG DAG YIN PA DE DAG NI DE LA BZUNG BA DANG SMRA BA GANG YIN PA DER SPRAD PAR BYA BA NYID LAS DE DANG SPRAD PAR BYA BA 'AM ZHES BYA BA 'DIR SHES PAR BYA'O, ,GZHAN LA BYAS PA NYID NI NYES BYAS SO ZHES BYA BA LA GZHAN LA ZHES BYA BA NI BDAG PO MA YIN PA LA'O, ,SPRAD PAR BYA BA DBANG DU MI

121b

BYED PA NYID GANG YIN PA DE LAS MNGAGS PA SPRING BA MA NOD PA LA SOGS PA LA NYES BYAS ZHES BYA BA'I DON TO, ,SPRING YIG DANG LAG YIG DANG YUL PHYOGS DANG BRDA DANG MTSAN MA RNAMS NI TSIG NYID DANG 'DRA'O ZHES BYA BA NI 'DIR YONGS SU THOB PA BYED PA TZAM LA GTZO BA NYID DE 'DIR THOB PA LA DON NYID KYI PHYIR RO, ,RNAM PA THAMS CAD DU YANG PHUN SUM TSOGS PA 'DI YONGS SU THOB PA'I PHYIR RO, ,DE BAS NA 'DIR SPRING YIG LA SOGS PA RNAMS LA TSIG TU GYUR PA NYID DE NA SMAD PAR BYED PA NYID NI MA YIN NO, ,JI LTAR TSIG GIS JI LTAR BSTAN PA'I DON YONGS SU THOB PAS LTUNG BA DE BZHIN DU SPRING YIG LA SOGS PA RNAMS KYIS ZHES BYA BA'I DON TO, ,'DIR MTSAN MA NI GANG MTHONG NAS SO SOR GO BA STE, DPER NA SKRA DANG KHA SPU BREGS NAS RING PO MA LON PA 'AM GOS DMAR SER GYON PA NYID DAM YAN LAG DANG 'BREL BA'I SHING DPUNG CHAD LTA BU'O, ,YUL NI SA PHYOGS TE SKYED MOS TSAL LA SOGS PA'O, , BRDA NI DNGOS PO CUNG ZAD MA YIN PAR GYUR PA'I MTSAN MA STE, DPER NA SNGA DRO 'AM NYI MA PHYED DAM PHYI DRO ZHES BYA BA'I DUS KYI RNAM PAR GZHAG PA'O, ,BRDA NI BRDA'I YUL NYID KYI PHYIR 'DIR BRDAS BRJOD PA'O, ,'DIR THAMS CAD DU BRDA'I DBANG GIS GO BAR GYUR PA STE, 'DIR NI CUNG ZAD MA YIN PAR GYUR PA NYID KYI PHYIR BRDA TZAM GYI DBANG NYID ZHEN PAR BYAS NAS BRJOD PA 'DI BYAS SO, ,'DIR GZHUNG NI RGYU GSUM GYIS MNGAGS PA LA PHRIN BSKUR BAR 'GYUR GYI TSUR SKYEL BA NI MA YIN NO, ,GSUM GANG ZHE NA, YUL PHYOGS DANG, BRDA DANG MTSAN MAS SO ZHES BYA BA LA SOGS PA'O, ,SMAD 'TSONG MA NI MI MTHUN PA NYID DO ZHES BYA BA NI DE'I SKAD CIG LA PHRAD PA'AM, LAN BDUN DU PHRAD PA'I CHUNG MA BRJOD PA STE, YUN THUNG DU PHRAD PA ZHES BYA BA 'DIR 'DI'I DON SHES PA YIN NO, ,BSHAD PA YANG DE BZHIN DU STE, DE'I SKAD CIG LA PHRAD PA NI YUD TZAM PHRAD PA BRJOD PA YIN NO, ,SMAD 'TSONG MA'I DE'I LUS KYI DON DU NYE BAR GZUNG BA ZHES BYA BA NI 'DI'I RNAM PAR GZHAG PAR 'GYUR RO, ,THAMS CAD KYIS THAMS CAD DU NYE BAR GZHUNG BA LA DE'I SKAD CIG TZAM DU PHRAD PA NYID MED PA'I PHYIR RO, ,GZHAN GYIS YONG SU BZUNG BA LA CHUNG MA NYID MED PAS 'DI NI KHA DUM PA YIN TE, DE LA SMAD 'TSONG BA NYID DU THOB

122a

, ,PA YOD PAR GYUR PA LA DUS THAMS CAD DU THAMS CAD KYI PHYIR SMAD 'TSONG MA LA CHUNG MA NYID DU SHES PAR 'GYUR RO ZHES BYA BA MA PHRAD PA NYID 'DI LA 'DIR SHES PAR RNAM PAR GNAS PA YIN NO, ,DE'I 'DI NI BSDU BA'O, ,'DI NI KUN DU SBYAR BAR GYUR PA ZHES BYA BA SHES PAR BYA BA YANG MA YIN TE, 'DI LA LUS 'DUD PA MED PA'I PHYIR RO, ,BDAG PO NYID MA YIN PAS BZHI PA MAN CHAD ZHUGS PA NYID DO ZHES BYA BA NI BZHI PA MAN CHAD 'JUG PA NYID GANG YIN PA BDAG PO NYID MA YIN PAS BDAG GIS NYID KHAS BLANGS PAS NI MA YIN PAR 'JUG PA NYID GANG YIN PA DE YANG MI 'THOB PA MED PAR GLA MED PAR 'DOD PA TZAM GYI DBANG GIS DON DU GNYER BA MED PAR SMAD 'TSONG MA LA 'JUG PA GANG YIN PA GZHAN LA YANG DE NI CHO GA 'DI'I YUL BZHI PO LA SKYES PAR 'GYUR RO, ,BZHI PO MA YIN PA LA BDAG NYID DU GYUR PA NYID DANG BCAS PA MA YIN PA ZHES BYA BA 'DIR MI RIGS PA'O, ,'DIR KHA DUM PA'I TSIG GANG YIN PA DE LA NI 'DI BSDU BA'O, ,GANG ZHIG YANG NYE BA 'KHOR GYIS ZHUS PA LAS, DGE SLONG GIS LAN GRANGS GNYIS LAS LHAG PA LA SPRING BA MNOS TE, PHRIN PHAR SKYEL TSUR SKYEL BGYID NA LTUNG BA CIR 'GYUR, DGE 'DUN LHAG MAR RO, ,DGE SLONG GIS LAN GRANGS MANG PO LAS LHAG PA LA SPRING BA MA NOS TE, PHRIN PHAR SKYEL TSUR SKYEL BGYID NA LTUNG BA CIR 'GYUR, NYES PA SPOM POR RO ZHES BYA BA GSUNGS PA YANG BSDUS PA YIN NO, ,DE KHYAD PAR 'DI DANG BCAS PA LA 'DI BSDU BA'O, ,BDAG TU GYUR PA DANG BCAS PA MA YIN PA'I BSAM PA KHA DUM PA NYID KYIS ZHES BYA BA'I TSIG 'DI'O, , DE BAS DRI BA BRJOD PA SHES PAR BYA'O, ,'DIR LAN GRANGS ZHES BYA BA LA, LAN ZHES BYA BA NI RES LA BYA'O, ,LAN GYIS DON DE'I YANG DANG YANG DU GOMS PA NI LAN GRANGS ZHES BYA'O, ,LAN GRANGS GNYIS PHRAD PA'I RES GRUB PA DE NI LAN GRANGS GNYIS ZHES BYA'O, ,GANG LAN GRANGS MANG DU PHRAD PA'I RES GRUB PA DE NI LAN GRANGS MANG NGO ZHES BYA BA STE GSUM PA'O, ,'DIR GSUM PA LAN GRANGS MANG BA NYID KYIS SO, ,'DIR GNYIS KA DAG KYANG SPRING BA MNOS PA NYID DU RNAM PAR GNAS PA YIN NO ZHES BYA BA NI BZHI PA MAN CHAD CES BYA BA GSUNGS SO, ,'THABS PA NYID NI NYAMS PA

122b

NYID DO ZHES BYA BA NI MTHUN PA NYID CES BYA BAR SBYAR RO, ,'DIR 'THABS PA'I SKAD CIG MA DANG PO LA NI 'DAS PA NYID DU BRJOD DE, DE'I RJES LA 'THABS PA'I GNAS SKABS LA YANG NYAMS PA NYID 'DI GANG LA MDZA' GCUGS NYAMS PA'I DON DU NI TSIG 'DI'O, ,DE BAS NA 'THABS PA MED PAR YANG PHRA MA LA SOGS PAS MDZA' GCUGS NYAMS PAR GYUR PA DE LA NI MTHUN PA NYID NYAMS PA YIN NO, ,'DIR GZHUNG NI DGE SLONG GIS CHUNG MA THA MA BZHI PO DE'I DE MA THAG TU 'THABS PA'I 'OG TU SDUM BYED CING MTHUN PAR 'GYUR TE, TSOGS PA RNYED NA DGE 'DUN LHAG MA'I LTUNG BAR 'GYUR RO ZHES GSUNGS PA YIN NO, ,'DIR DE'I 'OG TU DANG DE MA THAG PA'I TSIG 'DI MDZA' GCUGS NYAMS PA GSAL BA NYID THOB PA'I DON DU'O, ,DE BAS NA DE'I 'OG TU 'THABS PA NYID DANG YUN RING POR 'THABS PA NYID LA 'DIS NYAMS PAR MA BYAS PA NYID CES BYA BA SHES PAR MI BYA STE DE'I PHYIR 'DI LA SMAD PAR BYA'O, ,GAL TE DE DBANG BA CHUNG MA MA YIN PAR BSGRAGS PA NYID KYANG NGO ZHES BYA BA NI GANG DU 'DI LA PHRAD PA DE GAL TE DE NI DE'I DBANG DU 'GYUR RO, ,CHUNG MA MA YIN PA ZHES BYA BA RJES SU BCUG PA NYID LA NYAMS PA NYID DE 'THABS PA TZAM 'GA' ZHIG GIS DE NYAMS PAR MA ZAD DO, ,'THABS PA NYID KYI MOD LA DANG, 'OG TU DANG DUM PA BCAD PA NYID DANG RDE'U GSUM GTONG BA NYID DANG CHO GA BTANG BA NYID DANG CHUNG MA MA YIN PAR BSGRAGS PA NYID DANG, DRIL BSGRAGS PA NYID DAG NI SROG DANG LDAN PA NYID DAG BZHIN NO ZHES BYA BA NI JI LTAR SPRAD PAR BYA BA SROG DANG LDAN PA NYID JI SNYED SPRAD PAR 'DOD PA DE RNAMS LA LTUNG BA DE SNYED PA DE RNAMS DE BZHIN DU BSKYED PA'O, ,DE'I 'OG TU 'THABS PA LA SOGS PA'I CHOS JI TZAM PA 'DI RNAMS YOD PAR GYUR PA LA 'JUG PA DE SNYED RNAMS LA ZHES BYA BA 'DI LA DE STON PA'O, ,BAR DU BSGRIB PA BZHIN DU 'DI RNAMS LA YID LA GNAS PA LAS SO SOR 'DA' BAR BYED PA LA LTUNG BA SKYED PAR BYED PA'O, ,DE BAS NA 'DI RNAMS YANG DAG PAR SHES SHING 'DIS ZHES BYA BA SHES PAR BYA'O, ,DE'I DUS LA DE'I RJES KYIS SGRA RIGS PAR BYA'O, ,JI LTAR DE'I 'OG TU SPANGS PA ZHES BYA BA LTA BU'O, ,DE'I DANG PO GSUM LA NYES BYAS KYI DBANG DU BYAS PA NYID DO ZHES BYA BA NI SNGAR

123a

, ,BSTAN PA'I CHUNG MA DE DBANG BA DE'I DANG PO GSUM POR 'THABS PA NYID KYI MOD LA DANG 'OG TU DANG, DUM PA BCAD PA NYID LA TI LI TIN TA LI KA DUM PA BCAD PA NYID LA NI NYES BYAS KYI DBANG DU BYAS PA NYID DO, ,BYED PA PO NYID LA GSUM PO NYID KYIS SBYOR BA NYID 'DI LA YOD PA MA YIN TE, DE BAS NA SBOM PO'I LTUNG BA LA NI 'DIR SKUR BA 'DEBS PA'O, ,'DIR GZHUNG NI DGE SLONG GIS CHUNG MA DANG PO GSUM PO CHU TSIGS KYIS BYIN PA DANG, RIN CHAS NYOS PA DANG, BTZAN PHROGS SU THOB PA 'THABS PA'I MOD LA YIN PA 'THABS PA'I 'OG MA YIN PA DANG, TI LI TIN TA LI KA DUM PA MA BCAD PA DANG, RDE'U GSUM MA GTOR BA DANG, CHO GA MA BTANG BA DANG, CHUNG MA MA YIN PAR MA BSGRAGS PA DANG, DRIL MA BSGRAGS PA DAG GIS SDUM BYED CING MTHUN PAR GYUR NA NYES BYAS GCIG TU 'GYUR RO, ,DGE SLONG GIS CHUNG MA DANG PO GSUM PO 'THABS PA'I MOD LA DANG 'THABS PA'I 'OG TU YIN LA TI LI TIN TA LI KA DUM PA BCAD PA MA YIN LA, JI SRID DRIL MA BSGRAGS PA'I BAR DAG GIS SDUM BYED CING MTHUN PAR GYUR NA NYES BYAS GNYIS SU 'GYUR RO, ,DGE SLONG GIS CHUNG MA SNGA MA GSUM PO 'THABS PA'I MOD LA DANG, TI LI TIN TA LI KA DUM PA BCAD PA NAS JI SRID RDE'U GSUM MA GTOR GYI BAR LA DE SRID DU SNGAR BZHIN DU NYES BYAS GSUM DU 'GYUR RO, ,DGE SLONG CHUNG MA SNGA MA GSUM PO 'THABS PA'I MOD LA DANG, JI SRID DU RDE'U GSUM GTOR BA YIN LA, CHO GA MA GTANG BA NAS DE SRID DU NYES BYAS GSUM DANG SBOM PO GCIG TU 'GYUR RO, ,DGE SLONG GIS CHUNG MA SNGA MA GSUM PO 'THABS PA'I MOD LA DE JI SRID DU CHO GA BTANG BA CHUNG MA MA YIN PAR MA BSGRAGS PA DE SRID DU NYES BYAS GSUM DANG SBOM PO GNYIS SU 'GYUR RO, ,DGE SLONG GIS CHUNG MA SNGA MA GSUM PO JI SRID DU CHUNG MA MA YIN PAR BSGRAGS NAS DRIL MA BSGRAGS PA DAG GIS SDUM BYED CING MTHUN PAR GYUR NA NYES BYAS GSUM DANG SBOM PO GNYIS DANG DGE 'DUN LHAG MA GCIG TU 'GYUR RO, ,DGE SLONG GIS CHUNG MA SNGA MA NAS JI SRID DRIL BSGRAGS PA'I BAR DAG GIS SDUM BYED CING MTHUN PAR GYUR NA NYES BYAS GSUM DANG SBOM PO GNYIS DANG DGE 'DUN LHAG MA GNYIS SU 'GYUR RO ZHES GSUNGS PA YIN NO, ,CI'I PHYIR 'DI'AM

123b

'DI MI SPRAD, GYOS PO'I GAN DU MI 'GRO MI BKRI ZHES ZER BA DAG KYANG NGO ZHES BYA BA LA, KYANG NGO ZHES BYA BA'I SGRA NI NYES BYAS KYI DBANG DU BYAS PA NYID DO ZHES BYA BA'I RJES SNYEGS PA'I PHYIR RO, ,'DI 'AM ZHES BYA BA SKYES PA'I RTAGS KYIS GNAS LA 'DI ZHES BYA BA BUD MED KYI RTAGS BLTA BAR BYA'O, ,CI'I PHYIR 'DI 'AM 'DI MI SPRAD GYOS PO'I GAN DU MI 'GRO'O ZHES BYA BA NI CI'I PHYIR BYA BA DANG SBYAR RO, ,'DI NI CI'I PHYIR GYOS PO'I GAN DU MI 'GRO MI BKRI ZHES ZER BA 'DI LA YANG, CI'I PHYIR 'DI GYOS PO'I GAN DU MI 'GRO MI BKRI ZHES PA'I SGRA NI RAB TU DBYE BA NYE BAR BSTAN PA'I DON DU'O, ,CI'I PHYIR BU MO 'DI MI SPRAD, CI'I PHYIR KHYE'U 'DI GYOS PO'I GAN DU MI 'GRO, ,CI'I PHYIR BU MO 'DI GYOS PO'I GAN DU MI 'GRO ZHES BYA BA RNAM PA DE LTA BU DAG SMRA BA RNAMS LA NYES BYAS KYI DBANG DU BYAS PA YIN NO ZHES BYA BA'I DON TO, ,SMYAN BYED PA'I DGE 'DUN LHAG MA RNAM PAR 'BYED PA'O,, ,,MNGAL NA GNAS PA DANG MED PA DANG NGES PA DANG MI BRTEN PA DANG, NYOS PA DANG MTHUN PA DANG BDAG GI SMYAN BYED PA NI SBOM PO'I ZHES BYA BA LA, SMYAN GYI LAS NI SMYAN BYED PA'O, ,SO SOR 'DI LA MNGAL LA SOGS PA RNAMS LA NYE BAR LTUNG BA'O, ,MNGAL NA GNAS PA DANG MED PA DANG NGES PA DANG MI BRTEN PA DANG NYOS PA DANG MTHUN PA DANG BDAG NI DE RNAMS NYID YIN TE, DE RNAMS KYI SMYAN BYED PA NI SBOM POR 'GYUR RO, ,DE LA MNGAL DANG MI MTHUN PA'I RABS 'BYUNG BA'I PHYIR 'DIR GANG DAG GIS TSAR GCOD PA DE NI MED PA ZHES BYA BAR BRJOD PA YIN NO, ,DE'I MTHUN PA NYID KYIS DE'I SMYAN BYED PAR RIG PAR BYA'O, ,DE BZHIN DU MNGAL LA YANG STE MNGAL NA GNAS PA'I SMYAN BYED PA LA NI SPOM PO'I LTUNG BA ZHES GSUNGS PA YIN NO, ,'DIR GZHUNG NI SBRUM MA GCIG NI BU MO'I SBYAR TE, GNYIS PA NI KHYE'U LA DE DAG GI SMYAN BGYIS NA LTUNG BA CIR 'GYUR, NYES PA SPOM POR RO ZHES GSUNGS PA YIN NO, ,KHYIM BDAG BU MED PA RNAMS KYI SMYAN BGYIS NA LTUNG BA CIR 'GYUR, NYES PA SPOM POR RO ZHES GSUNGS PA YIN NO, ,NGES PA DANG ZHES BYA BA NI DE DAG GI SMYAN BYED NA SPOM PO'O, ,DGE SLONG MA LA SMYAN BGYIS NA LTUNG BA CIR 'GYUR, NYES PA SBOM POR RO ZHES GSUNGS PA YIN NO, ,BRTUL ZHUGS LA GNAS PA GZHAN THAMS CAD LA YANG DE BZHIN DU SHES PAR BYA'O, ,MI BSTEN PA

124a

, ,ZHES BYA BA NI SMYAN BYED PA LA ZA MA DANG MA NING PHO DANG MA NING MO DAG NI SMYAN BYED NA LTUNG BA CIR 'GYUR, THAMS CAD NYES PA SBOM PO ZHES GSUNGS PA YIN NO, ,'DI RNAMS BSTEN PA LA MO'I DBANG PO 'AM PHO'I DBANG PO YOD PA MA YIN TE, DE BAS NA ZA MA LA SOGS PA MI BSTEN PA RNAMS SO; ,'DIR GZHUNG NI BUD MED NYOS PA LA SMYAN BGYID NA LTUNG BA CIR 'GYUR, NYES PA SBOM POR RO ZHES GSUNGS PA YIN NO, ,MTHUN PA'I SMYAN BYED NA DGE SLONG GIS SPRING BA MA NOS TE LAN GRANGS MANG PO 'PHRIN PHAR SKYEL BA DANG TSUR SKYEL BAR BGYID NA LTUNG BA CIR 'GYUR NYES PA SBOM POR RO ZHES GSUNGS PA YIN NO, ,BDAG GI SMYAN BYED PA ZHES BYA BA NI BDAG NYID KYI PHYIR BDAG NYID SMYAN BYED NA NYES PA SBOM POR RO ZHES GSUNGS PA YIN NO, ,PHRIN PHAR SKYEL BA'I TSIG LA BDAG NYID LA SMYAN BYED PA LA SPOM PO'I TSIG 'DI'O, ,NOD PA DANG TSUR SKYEL BA DAG 'DIR MED PA'I PHYIR DANG PHRAD PA LA YANG PHAM PAR 'GYUR GYI, LHAG MA MED PA'I PHYIR MI BSTEN PA'I MTHA' CAN RNAMS LA NOD PA LA SOGS PA'I TSIG GSUM PO 'DI YOD PA LA SPOM PO STE, 'DI LTAR PHRAD PA 'JUG PA MED PA'I PHYIR RO, ,NGES PA DANG MI BSTEN PA DAG SPOM PO'O, ,MNGAL MED PA DAG LA KHUNGS GZHAN GYI DBANG NYID KYI PHYIR RNYED PA 'JUG PA YANG NAM MKHA'I ZHAGS PA BZHIN DU MI 'JUG PA NYID DU YID LA NGES PAR 'BREL BA YIN NO, ,NGES PAR SKYES PA NYID LA SLAR 'DIR KHUNGS DRANG BAR BYA STE, 'DI LA KHYOD KYIS NU MO 'DI SBYIN PAR BYA STE GZHAN LA NI SBYIN PAR MI BYA'O ZHES ZER RO, ,NYOS PA DANG MTHUN PA DAG LA PHRAD PA LA YANG DE'I DBANG NYID KYIS THOB PA'I RNAM PA NYID KYI PHYIR SBOM PO NYID DE DGE 'DUN LHAG MA NI MA YIN NO, ,SKAD SBYAR BA NYID STON NA'O ZHES BYA BA NI 'DIR SHUGS KYIS PHRAD PA'I DON DU ZHES BYA BA 'OG TU YANG RTOGS PAR BYA'O, ,STON PA YOD PAR GYUR BA LA SKAD SBYAR BA GANG YIN PA PHRAD PA'I DON DU DER SBOM PO ZHES BYA BA'I DON TO, ,'DIR GZHUNG NI SKYES PAS BUD MED DANG LHAN CIG BRDA BGYIS NAS DES DGE SLONG LA 'DI SKAD CES 'PHAGS PA BUD MED CIG MTHONG NGAM ZHES MCHI BA LA, DES 'DI SKAD CES RTZIG PA 'DI'I DRUNG NA 'DUG GO ZHES BGYIS NA LTUNG BA CIR 'GYUR NYES PA SBOM POR ZHES GSUNGS PA YIN NO, ,

124b

'THAB KROL GYIS 'PHROG TU BCUG NA'O ZHES BYA BA LA 'DI NI SMYAN BYED PA LA MA YIN TE ZHES BYA BA 'DIR DNGOS GZHI MI SKYED PA'O, ,'DIR GZHUNG NI 'THAB KROL CAN GYIS 'PHROG TU BCUG NA NYES PA CIR 'GYUR, NYES PA SBOM POR RO ZHES GSUNGS PA YIN NO, ,CHUNG MA 'AM BUD MED CHE GE MO NYOS SHIG CES ZER NA'O ZHES BYA BA NI GZHUNG KHA CIG LAS 'DI NYOS SHIG CES MCHIN LTUNG BA CIR 'GYUR, NYES PA SBOM POR RO ZHES GSUNGS PA YIN NO, ,GZHUNG KHA CIG LAS BUD MED CE GE MO NYOS SHIG CES MCHI NA LTUNG BA CIR 'GYUR NYES PA SPON POR RO ZHES GSUNGS PA 'DI GNYIS KA YANG RIGS PAR 'GYUR BA NYID KYI PHYIR BSDUS PA YIN NO, ,BUD MED CES ZER NA NYES BYAS SO ZHES BYA BA NI NYOS SHIG CES BYA BAR SBYAR RO, ,'DIR BTZUN PA DGE SLONG GIS 'DI SKAD CES BUD MED NYOS SHIG CES BGYI NA LTUNG BA CIR 'GYUR NYES BYAS SU 'O ZHES GSUNGS PA YIN NO, ,TSIG 'DI NI SHIN TU MA NGES PA'I KHYAD PAR DANG LDAN PA STE, KHYAD PAR MNGON PAR NGES PAR BSTEN PA RGUD PA LA SHIN TU BSTAN PA NYID CES BYA BA 'DI LTAR SMAD PA'O, ,RNYED MOD CES BYA BA YANG NGO ZHES BYA BA LA, YANG NGO ZHES BYA BA'I SGRAS NI SMRAS NA NYES BYAS SO ZHES BYA BA'I RJES SNYEGS PA'I PHYIR RO, ,'DIR GZHUNG NI BTZUN PA RE ZHIG SKYES PAS BUD MED DANG LHAN CIG BRDA BGYID PA NA DGE SLONG DER MCHIS NAS 'DI SKAD CES RNYED MOD CES MCHIS NA LTUNG BA CIR 'GYUR NYES PA SBOM POR RO ZHES GSUNGS PA YIN NO, ,DE LA CI'I PHYIR KHYE'U 'DI MI SPRAD CES BYA BA LA SOGS PA'I RNAM PA TSIG 'DI STE, DE BAS NA NYES PA SBOM POR SMRAS PAS NYAMS PA NYID SHES NAS NYES BYAS ZHES BYA BA MDOR BYAS PA YIN NO, ,GANG GI PHYIR 'DI NI NGES PA MA YIN TE, BRJOD PA YANG MA YIN NO ZHES BYA BA NA SMAD PA NYID 'DIR RAB TU SBYAR BA'O,,SMYAN BYED PA ZHU BA'I SKABS SO,, ,,BYIN PA LAS DOR BYAS PA SPRAD PAS NI SBOM PO'I ZHES BYA BA LA, BYIN PA LAS DOR BYAS PA ZHES BYA BA NI SNGAR BYIN ZIN PA NYID LA PHYIS DOR BYED DE BU MO 'DI NGAS MA BYIN NO ZHES 'DA' BAR BYED PA GANG YIN PA DE NI SPRAD CING SLAR SBYIN DU BCU GNAS PHRAD NA SBOM PO'O, ,CHOS KYI PHUNG PO MNGON DU BTANG STE BOS PAS SO ZHES BYA BA NI DGE 'DU MCHOD STON GSOL BA LA SOGS PA CHOS KYI PHUNG PO BSOD SNYOMS KYI RGYU MTSAN GYI PHYIR BUD MED

125a

, ,KYIS SKYES PA LA MNGAGS PA'I TSIG GIS GZHAN BOS NAS DES PHRAD NA SBOM PO'O, ,'DIR GZHUNG NI 'PHAGS PA KHYIM BDAG CHE GE MO LA 'DI SKAD CES TSUR SHOG SHIG CES SMRA NUS SAM, DES SMRAS PA, GAL TE KHYOD DGE 'DUN LA MCHOD STON BYED PA LTA NA NUS TE DER DE BOD DO, , DES DE KA RGYUN BYIN PA DANG DGE SLONG DES MCHOD STON BSHAMS NAS KHYIM BDAG DE 'BOD PA TANG BA DANG, DE GNYIS PHRAD PAR GYUR NAS DGE SLONG DE 'GYOD PA SKYES PA DANG, BCOM LDAN 'DAS KYIS BKA' STZAL BA, NYES PA SBOM POR 'GYUR RO ZHES GSUNGS PA YIN NO, ,DON GZHAN DANG LDAN PAS KYANG NGO ZHES BYA BA LA KYANG NGO ZHES BYA BA'I SGRAS NI 'BOD NA ZHES BYA BA'I RJES SNYEGS PA'I PHYIR TE, CHOS KYI PHUNG PO LAS GZHAN PA'I DON NI KHYOD KYI KHYIM MI MO 'DI YIN TE, SKYE BO 'DI YANG DON THAMS CAD LA SKYONG BA ZHES BYA BA LA SOGS PA NYE BAR DGONGS NAS BOS TE PHRAD NA SBOM PO'O ZHES BYA BA'I DON TO, , 'DIR GZHUNG NI 'PHAGS PA SNA CHEN PO LA GTOGS PA CHE GE MO LA 'DI SKAD CES, 'DI NI KHYOD KYI KHYIM MO 'DI NI KHYOD KYI MI STE, DON THAMS CAD LA BSKYANG BAR BYA DGOS KYIS TSUR SHOG SHIG CES SMRA NUS SAM, DES NUS SO ZHES SMRAS NAS SONG STE, SMRAS PA DANG DE GNYIS PHRAD PAR GYUR NAS DGE SLONG 'GYOD PA SKYES PA DANG, BCOM LDAN 'DAS KYIS BKA' STZAL BA, NYES PA SBOM POR 'GYUR RO ZHES GSUNGS PA YIN NO, ,GZHAN ZHES BYA BAS SKYON CHAGS PA MED PAR SEMS CAN LA BSNUN PA YANG MA 'PHAGS PA NYID MA YIN NO ZHES BYA BA NI GZHUNG LAS KA BA LA BSNUN PAS BSNUN PAR MI BYA'O ZHES BYA BA 'DI 'AM GZHAN LA LA GANG YIN PA ZHES BYA BA'I TSIG DES SKYON CHAGS PA MED PAR BRDEGS PA PO'I BSNUN PA STER DU 'JUG PA LA SEMS CAN LA 'PHANGS PA NYID MA YIN NO, ,JI LTAR SHING LA SOGS PA LA BSNUN PAS BSNUN PA LA NYES BYAS SU 'GYUR BA BZHIN DU SKYON CHAGS PA MED PA'I SEMS KYIS SEMS CAN LA SNUN PAR BYED PA LAS KYANG NYES BYAS ZHES BYA BA'I DON TO, ,SKYON CHAGS PA MED PA'I SEMS KYIS SEMS CAN LA SNUN PAR BYED PA GANG YIN PA DE LA NI LTUNG BAR GSUNGS PA YIN NO, ,LTUNG BA LA 'DIR GZHUNG NI KHYIM BDAG GIS BUD MED LA SMRAS PA KHO BO LA SKABS PHYE SHIG, DES

125b

SMRAS PA, KHO MO MI KHOM MO, ,SMRAS PA KHYOD DUS GANG GI TSE KHOM PAR 'GYUR BA KHO BOS JI LTAR SHES PAR BYA, SMRAS PA, KHO MO'I KHYIM NA DGE SLONG KHYIM DU NYE BAR 'GRO BA YOD DE, DES KHYED KYI RGYAB TU KHU TSUR SNUN PAR BYED NA'O, ,DE NAS DGE SLONG DE KHYIM DER ZHUGS PA NA DE LA BUD MED DES SMRAS PA, 'PHAGS PA KHYIM BDAG CHE GE MO'I RGYAB TU KHU TSUR BSNUN NUS SAM, DES NUS SO ZHES SMRAS TE, DE SONG NAS KHYIM BDAG DE'I RGYAB TU KHU TSUR BSNUN PA DANG, DES SMRAS PA, BTZUN PA LA LEGS SO LEGS SO DON GRUB BO, ,DES SMRAS PA, 'DI CI ZHIG YIN, SMRAS PA, BRDA'O, , DGE SLONG DE 'GYOD PA SKYES PA DANG, BCOM LDAN 'DAS KYIS BKA' STZAL PA, DGE 'DUN LHAG MA'I LTUNG BAR MI 'GYUR TE, NYES BYAS SU 'GYUR RO ZHES GSUNGS PA YIN NO, ,SMYAN BYED PA'I 'DUL BYED RNAMS SO,, ,,SPYOD LAM BZHI'I SNOD MA YIN PA NYID LA NI NYES PA MED DO ZHES BYA BA NI NYES PA YOD PA MA YIN PA NI NYES PA MED PA'O, ,SPYOD LAM BZHI PO LA GNAS GANG YIN PA'I SNOD MA YIN PA NI SNOD MA YIN PA ZHES BYA BA GZHIR MI RUNG BA'I GNAS TE, GNAS DE LTA BU BYED PA LA NYES PA MED DO, ,'JIGS PAR GYUR PA NYID KYIS DE TZAM DU RGYUG CING YID LA ZHUGS PAS 'JUG PA'I DON NYID KYIS YAN LAG THAMS CAD RENGS PA LA LANGS PAR GNAS PAR MI NUS PA DE LA DE'I GNAS LA SNOD MA YIN PA NYID DO, ,GANG DU 'DUG PAS GNAS PAR NUS PA DE LA MAL DU SNOD MA YIN PA NYID DO, ,YANG DANG YANG DU 'CHAG PA NI 'CHAG PA'O, ,DE BAS NA GSUM RNAMS LA GANG DU THA MAL PA'I 'GRO BA BGROD PAR GYUR PA LA GO SKABS MED PA DE LA 'CHAG PA'I SNOD MA YIN PA NYID DO, ,SKYIL MO KRUNG BCAS NAS 'DUG PAR MI NUS PA DE NI GNAS PA'I SNOD MA YIN NO, ,DE BAS NA SKYIL MO KRUNG BCINGS PA GANG GANG DU GLAGS MED PA DE LA 'DUG PA'I SNOD MA YIN NO, ,MAL TZAM NYID DU LAN GSUM DU THA MAL PAS 'GRO BA BA'I RIM GYIS 'CHAG PA SPRO BA DE BAS NA RING BA DANG ZHING GIS SKYES PA'I TSAD MTHA' NAS RGYAR NI SKYIL MO KRUNG GI TSAD KYI DNGOS PO GANG YIN PA DE LA SOGS PA'I LTUNG BA BYAS PA NYID DO, ,GANG ZHIG 'DI LAS SHIN GTU MCHOG PA DE LA NI LTUNG BA MED DO, ,SA GZHI'I

126a

, ,BDAG NYID KYIS GZHI DANG SHING DANG RIN LA SOGS PA'I YO BYANG BLANGS PA DANG, MA BLANGS PA'I GZHI'I YO BYAD LAS KHANG PA DANG GTZUG LAG KHANG BYED PAS KUN DU BSGRUB PA LA YAN LAG BZHI PO THAMS CAD DU RUNG BA NYID DANG RTZOD PA MED PA NYID DANG, BRTZAM DU RUNG BA NYID DANG, BRTAN PA NYID CES BYA BA LAS 'DA' BAR BYED PA LA TSAD LAS LHAG PAR BYED NA MTHAR NI DGE 'DUN LHAG MAR 'GYUR RO, ,SNGAR NI SBOM POR 'GYUR RO, ,YAN LAG BZHI PO MA TSANG BA SGRUB PA 'DA' BAR BYED PA TSAD KYI MTHAR NI SBOM POR 'GYUR LA, SNGAR NI NYES BYAS SU 'GYUR RO, ,'DA' BAR MI BYED PA LA YANG TSANG BA DANG MA TSANG BA'I YAN LAG BZHI PO MA BSGRUBS PA LA MTHAR NI SPOM PO STE, SNGAR NI NYES BYAS SU 'GYUR RO, ,MA BLANGS PA'I GZHI'I YO BYAD KYI TSAD LAS 'DA' BAR BYED PA LA YAN LAG BZHI PO MA BSGRUBS PA LA MTHAR NI SPOM PO STE SNGAR NI NYES BYAS SO, ,TSAD LAS 'DA' BAR BYED PA LA YAN LAG BZHI PO THAMS CAD KYIS MA BSGRUBS PA LA MTHAR NI NYES BYAS SU 'GYUR LA, SNGAR YANG NYES BYAS NYID DO, ,TSAD LAS 'DA' BAR MI BYED PA YAN LAG BZHI PO THAMS CAD KYIS MA BSGRUBS PA LA MTHAR NI NYES BYAS SU 'GYUR LA, SNGAR YANG NYES BYAS NYID DO ZHES BYA BA'I RNAM PAR GZHAG PA 'DI LA'O, ,SPYOD LAM BZHI PO 'GRO BA LA SOGS PA KHANG PA DANG GTZUG LAG KHANG DAG TSAD LAS 'DA' BAR MA BYAS PA ZHES BYA BAR RIG PAR BYA'O, ,BSKOS PA NYID DANG MA BSKOS PA NYID DAG NI GTZO BO NYID MA YIN NO ZHES BYA BA NI GTZO BO MA YIN PA NYID CES BYA BA'I DON TO, ,BSKOS PA NYID CES BYA BA NI GZHAN GYIS BYED DU BCUG PA NYID DE, DE'I RNAM PA NYID BSGRUB PA YIN NO, ,GANG GI RNAM PAR RANG GI 'DOD PAS ZHES BYA BA 'DI LA 'DI BSTAN PA'O, ,'DIR 'DOD PA DANG 'BREL PA'I LTUNG BA BSGRUB PA LA RGYU NYID KYI PHYIR BSKOS PA'I RGYU LA 'DOD PA DANG 'BREL PA MED PA'I PHYIR MA CHOG PA MED PAS GANG GIS 'DRA BA NYID MI 'DOD PA DE'I 'DOD PA ZLOG PA'I DON DU MDO 'DI'O, ,JI LTAR ZHE NA, GANG GI PHYIR 'DIR LTUNG BA'AM 'DRA BA NYID BSGRUB PA MA YIN TE, 'DIR 'DOD PA 'DI LA BSGRUB PAR GNAS PA'I PHYIR RO, ,DE BAS NA DGE SLONG RJES SU GNANG BA NYID LA DNGOS GZHI GRUB PA STE,

126b

MNGON PAR RJES SU MA GNANG BA NYID LA NI MA YIN NO, ,BSKOS PA NI RANG NYID DANG 'DRA'O ZHES BYA BA LA BSKOS PAS BYAS PA NI SKO BAR BYED PA RANG NYID KYIS BYAS PA DANG 'DRA'O, ,JI LTAR BDAG NYID KYIS KHANG PA DANG GTZUG LAG KHANG DAG LOG PA NYID DU SGRUB PAR BYED PA KHA NA MA THO BAR GYUR PA DE BZHIN DU, BSKOS PAS LOG PA NYID DU SGRUB PAR BYED NA YANG SGO BAR BYED PA NYID LA KHA NA MA THO BAR 'GYUR RO ZHES BYA BA 'DI LA 'DI BYED PA'O, ,GANG GI TSE GNAS PAR GYUR NA BSKOS BZHIN PAS SGO BA POS BSGRUB PA LA BSKOS PA DE NI 'DIR RGYUR RIG PAR BYA'O, ,JI SKAD BSGO BA BZHIN MI BYED PA LA LUS DANG NGAG GIS NOD NA'O ZHES BYA BA NI JI LTAR BSGO BA BZHIN MI BYED PA BSGO BA BYAS PA 'AM BYED DU BCUG PA DE LA JI SKAD BSGO BA'I RGYU DE LA LUS SAM NGAG GIS NOD NA RANG NYID DE MI NOD PA LA NI MA YIN NO, ,YID KYIS NOD PA LA YANG MA YIN ZHES BYA BA'I DON TO, ,'DIR GZHUNG NI GAL TE DE LA 'DI SKAD CES LEGS PAR BYAS SO, ,SHIN TU BYAS SO NGAS KHYOD LA 'DI LTAR BSKO'O ZHES ZER ZHING, DES DE LA SHING NGAM RTZVA 'AM LCI BA 'AM SA 'JIM RNAMS 'BUL BAR BYED DE, GANG MI RUNG BA BYED DU 'JUG NA GNYIS KA LA YANG GZHI JI LTA BA BZHIN DU LTUNG BAR 'GYUR ZHES GSUNGS PA YIN NO, ,BYAS PA NI GCIG NYID DO ZHES BYA BA NI 'DIR BYED PA THAMS CAD RJES SU BSGRUB PA'I PHYIR GCIG PA NYID DE, LO LA SOGS PA'I TSAD KYANG SDOD PA LA GZHAN LA MI LTOS PAS MA BTANG BA NI 'DIR SDOD CING BYAS PA LTUNG BA MANG BA NYID MED CES BYA BA'I DON TO, ,MI LTOS PAS BTANG BA NI DUM BU LA SO SO NYID DU RNAM PAR GNAS PA YIN NO, ,DE LTAR NA MI LTOS PAS BTANG BA LA SNGAR GYI CHA TZAM LTUNG BA STE, MI LTOS PAS BAR DU YE BTANG BA LA GANG ZHIG PHYIS YANG RTZOM PAR BYUNG BA LA YANG PHYI MA'I CHA LA'O, ,PHYIS KYANG BSAM PA GZHAN GYIS RTZOM PA LA NI GZHAN NYID DO, ,GTZO BO MA YIN PAR MTHAR THUG PA LA GANG ZHIG 'DIR GZHAN THAMS CAD LA CHA THAMS CAD KYI BDAG NYID MED PAR LTUNG BA BYAS PA NYID CES BYA BA 'DIR RNAM PAR GNAS PAR RIG PAR BYA'O, ,RJES SU BSGRUB PA CIG KHO NA YIN DU ZIN KYANG, DPER NA 'THABS PA'I MOD LA DANG 'THABS PA'I 'OG TU SDUM BYED PA LA SOGS PA'I TSIG DAG LA LTUNG BA THA DAD PAR BYAS

127a

, ,PA BZHIN DU CI'I PHYIR 'DIR YANG RUNG BA NYID MA YIN PA DANG, RTZOD PA DANG BCAS PA NYID DANG RNAM PAR GNON PA NYID MA YIN PA DANG, MA BSTAN PA NYID RNAMS LA ZHES BYA BA 'DOD PA 'DI LA LTUNG BA'O SNYAM DU DOGS PA BSAL BA'I PHYIR, YAN LAG RNAMS NI BYED PA PO THA DAD PA NYID MA YIN NO ZHES BYA BA SMOS TE, THOB PA LA SGRIB PAR BYED PAR 'GYUR BA NYID NI DE'I 'OG TU SDUM BYED PA LA SOGS PA RNAMS LA STE, DE BAS NA 'DI RNAMS LAS THA DAD PA 'DI LA BSKYED PA'O, ,'DIR NI KHYIM BYED PAR 'DOD PA LA 'BREL PA'I DBANG NYID LTUNG BA BSGRUB PA LA 'DI GSAL BAR BYA STE, 'DI'I YAN LAG 'DA' BAR BYED PA GANG YIN PA NI SHIN TU KHYAB PA NYID DU GYUR PA 'DI LA GANG ZHIG SROG CHAGS RNAMS LA GNOD PAR BYED PA'I DOGS PA MNGON PAR RJES SU GNANG BA RNAMS LA MA LTOS PA BYED PA DANG, BRTZAM DU MI RUNG BA NYID CES BYA BA 'DA' BAR GYUR PA'I YAN LAG RNAMS 'DIR DGOS PA'O; ,DE BAS NA RAB TU 'BYED PA PO 'DI RNAMS DANG MI SBYOR RO, ,'DIR YAN LAG RNAMS JI TZAM 'DA' BAR BYED PA LTUNG BA RNAM DE TZAM MA YIN TE, 'ON KYANG LTUNG BA GCIG KHO NAR ZAD DE ZHES BYA BA'I DON TO, ,GANG LA KHANG PA'I DGE 'DUN LHAG MAR 'GYUR ZHE NA, DE'I PHYIR BTZAL BA LA'O, ,DES RJES SU GNANG BA LA'O, ,RNAM PA DE LTA BUS SO, ,GZHI MA DAG LA'O, ,MA BSTAN PA LA'O, ,GNAS BYAS SAM BYED DU BCUG NA'O, ,MTHAR RO ZHES BYA BA RNAMS SMOS TE, 'DIR GZHI ZHES BYA BA'I SGRAS NI SA GZHI BRJOD DO, ,BTZAL BA ZHES BYA BA NI KHYAD PAR YONGS SU MA BZUNG BAS CHOS 'DI LA RAB TU BYUNG BA LAS KYANG ZHES BYA BA RTOGS PAR BYA'O, ,SUS BTZAL ZHE NA, DE NI 'DIR SKABS YIN PAS LTUNG BA 'BYIN PA POS ZHES BYA BAR SHES PAR BYA'O, ,DES RJES SU GNANG BA LA'O ZHES BYA BA NI DGE SLONG GANG GIS SA GZHI BTZAL BAR GYUR PAS SO, ,RNAM PA DE LTA BUS SO ZHES BYA BA NI LTUNG BA 'BYIN PA POS BTZAL BA 'AM BTZAL BA POS SO, ,DE DGE SLONG GIS RTEN DU GNANG BA LA SGRUB PAR BYED PA'I TSIG 'DI'O, ,DE YANG LAS LA DGOS PAR BYA BA'I RDZAS RNAMS DANG 'DI RNAMS KYI RIN THANG NGO, ,'GA' ZHIG LAS NI GNYIS KA DAG LA ZHES 'BYUNG NGO, ,NYE BA 'KHOR GYIS ZHUS PA

127b

LAS 'DI SKAD CES JI TZAM GYIS NA RANG GIS BTZAL BA'I KHANG PA ZHES BGYI, GANG LAS GNYIS YONGS SU 'GRUB PAR 'GYUR BA STE, BYED DU BCUG PA DANG GZHI ZHES BYA BA'O, ,'DIR 'DI NI BTZAL BA'I CHA NYID LA LUNG RIG PAR BYA'O, ,DE NYID KYI GZHUNG YANG 'DI YIN TE, GANG ZAG GI GZHIR BYED DU 'JUG NA NYES PA SBOM POR 'GYUR ZHES GSUNGS PA YIN NO, ,SO SOR THAR PA'I MDO LAS KYANG RANG GIS BTZAL BA ZHES GSUNGS PA'O, ,GANG GI PHYIR 'DI GNYIS KA DON MED PA STE GZHAN DU NA GNYIS KA SKYE BAR 'GYUR RO, ,GZHI MA DAG PA LA'O ZHES BYA BA NI MI RUNG BA NYID LA SOGS PA NI MA DAG PA'O ZHES 'OG NAS 'BYUNG NGO, ,MA BSTAN PA LA'O GNAS BYAS SAM BYED DU BCUG NA'O ZHES BYA BA LA, MA BSTAN PA LA'O ZHES BYA BA NI DGE 'DUN LAS BSTAN PA THOB PA NI BSTAN PA NYID DO ZHES BSTAN PA NYID KYANG 'OG NAS 'BYUNG STE, DE LAS BZLOG PA NI MA BSTAN PA NYID DO, ,GNAS BYAS SAM BYED DU BCUG NA'O ZHES BYA BA NI KHANG PA BYED DU BCUG NA'O, ,MTHAR RO ZHES BYA BA NI ZIN NAS TE GNAS KYI NGO BO NYID NI THOG BKAB CING BSGO BA MA GTOGS PA KUN NAS BSKOR BA NYID DO, ,DE ZIN PA'I SKAD CIG MA LA ZHES BYA BA'I DON TO, ,SNGAR NI SBOM POR RO ZHES BYA BA 'DI'I RJES KYI SDE PA ZHES BYA BA NI MDO 'DIS BYAS PAR RIG PAR BYA'O, ,'OG MA LA YANG DE DAG NYID DE MA BTZAL BA NYID DO ZHES BYA BA NI GANG 'DI NYES PA MED PA ZHES BYA BA 'DI NI SKABS SU BAB PA DE DE MA THAG PA'I GTZUG LAG KHANG GI RGYU BSLAB PA'I GZHI 'OG MA LA YANG BLTA BAR BYA STE, DE NI BTZAL BA NYID MA GTOGS PAR RIG PAR BYA'O, ,DE LA YANG BTZAL BA NYID KYI DON DANG NGES PAR GROL BA'I CHO GA 'DI ZHES BYA BA'I DON TO, ,BTZAL BA NYID GSAL BA LA 'DIR 'DI SKYE BAR 'GYUR RO, ,RANG NYID KYIS GNAS PA 'AM RJES SU GNANG BA'I GZHI LA SGRUB PAR BYED PA GNAS PA 'AM RJES SU GNANG BAS DAG PA'I DNGOS PO MA BSTAN PA'I GNAS KYI RGYU'I MTHAR ZHES BYA BA'O, ,BDAG PO DANG BCAS PA ZHES BYA BA GTZUG LAG KHANG GI TSIG 'DIR GANG YIN PA PHAL CHE BA'I CHOS LA 'DI SKYE BA'I DBANG GIS SMOS PA STE DE'I YAN LAG NI MA YIN NO, ,JI LTAR BDAG PO MED PA NYID LA YANG SA GZHI SRID PA

128a

, ,STE; KHYIM GYI GZHI YONGS SU 'DZIN PA DGAG PA LAS 'DA' BAR BYAS NAS DGE 'DUN LA BRTEN NAS NYOS PA BZUNG BA DANG, DGE 'DUN GYI GZHI RJES SU GNANG BAS ZHES BYA BA'O, ,KHANG BA'I DGE 'DUN LHAG MA PA YAN LAG GZHAN GNYIS BRJOD PAR BYA STE, GCIG GI DON DU'O ZHES BYA BA NI GANG ZAG GCIG GI DON DU BYED DU 'JUG NA DGE 'DUN LHAG MAR 'GYUR GYI GNYIS DANG MANG PO DAG LA NI MA YIN NO, ,'DIR GZHUNG NI NYE BA 'KHOR GYIS ZHUS PA'I GZHUNG KHA CIG LAS, GNYIS KYIS SPYI LA BYED DU 'JUG NA SBOM POR RO ZHES 'BYUNG NGO, ,'DIR MANG PO'I DON DU NI NYES PA MED PA NYID RIGS PA YIN TE, DGE 'DUN GYI DON NYID DU NI NYES BYA SU BRJOD PA'I PHYIR DNGOS GZHI NI MA YIN NO, ,'DIR SHIN TU 'BYUNG BAR 'DOD PA DANG 'BREL PA LA GNAS PAS NYES BYAS TZAM NI MA YIN NO, ,LTUNG BA BYE DPA'I DNGOS PO THAMS CAD LA YANG LAG 'DAB BAR BYED PA LA SBOM PO'I LTUNG BA BYED PA'I PHYIR RO, ,DE BAS NA GNYIS LA SOGS PA DU MA NYID LA 'DIR GNYIS KYI TSIG RNAM PAR GNAS PA ZHES BYA BA GCIG PA NYID KYI GTZO BO 'DI SHES PA YIN NO, ,DE BAS NA BDAG NYID GCIG PU 'AM DGE SLONG GZHAN GCIG GAM, KHYIM PA GCIG GI DON BYED DU BCUG NA DGE 'DUN LHAG MA STE ZHES BYA BA BYE BRAG TU MA BYAS PA'I PHYIR RTOGS PAR BYA'O, ,CI GNAS BYED DU BCUG PA THAMS CAD LAS DER 'GYUR RAM ZHE NA MA YIN TE, DE'I PHYIR TSAD LAS LHAG PA'O ZHES BYA BA SMOS TE, TSAD LAS 'DAS PA LA ZHES BYA BA'I DON TO, ,GZHI MA DAG PA LA'O ZHES SMOS NA 'DIR MA DAG PA GANG YIN ZHE NA, DE'I PHYIR MI RUNG BA NYID DANG RTZOD PA DANG BCAS PA NYID DANG BRTZAM DU MI RUNG BA NYID NI MA DAG PA'O ZHES BYA BA SMOS TE, DE GSUM GYI RANG BZHIN JI LTAR ZHE NA MA YIN TE, DE'I PHYIR SKYE BA PO PHRA MO'I GNAS DANG LDAN PA NYID DANG RGYAL PO DANG LHA'I GNAS DANG, MU STEGS CAN GYI 'DUG GNAS LA BRTEN PA NYID DANG, SHING LJON PA GCAD PAR BYA BA MA YIN PA NYID DANG, PHYI ROL 'DOM GANG GI MTHA'I NYEN KOR GYI NANG ROL DU CHU KLUNG NGAM NGAM GROG GAM KHRON PA DANG 'DOM PA NYID NI GO RIMS BZHIN DU DE DAG YIN NO ZHES SMOS TE, DE LA SKYE BA PO PHRA MO'I GNAS DANG LDAN PA NYID DANG 'DOM PA

128b

NYID NI MI RUNG BA NYID DANG, RGYAL PO'I GNAS LA SOGS PAR BRTEN PA NYID DANG, SHING LJON PA GCAD PAR BYA BA MA YIN PA NYID NI RTZOD PA DANG BCAS PA NYID DANG, PHYI ROL ZHES BYA BA LA SOGS PA BRTZAM DU MI RUNG BA NYID DO, ,'DIR GZHUNG NI GAL TE DA NA SKYE BA PO PHRA MO'I GNAS DANG SBRUL GYI GNAS SAM, SDIG PA'I GNAS SAM, SPRANG BU TRE MA BU KA DANG TREE LA TA KA'I GNAS YOD PA NYID DO ZHES GSUNGS PA NYID DO, ,'DIR SBRUL LA SOGS PA SKYE BA PHRA MO RNAMS NI DPE TZAM DU RNAM PAR GNAS PA YIN NO, ,DE BAS NA 'DI RNAMS THAMS CAD KHONGS SU BSDU BAR BYA'O, ,RGYAL PO'I GNAS LA SOGS PA LA BRTEN PA NYID NI DE'I DRUNG DU 'GRO BA NYID DO, ,'DIR MTHO BTZAMS PA LAS 'BYUNG BA'I NYES PA'O, ,SGRA DE DANG DE'I DBANG GIS BYUNG BA'I SROG CHAGS RNAMS DANG RDZAS GZHAN RNAMS KYIS KYANG NGO, ,'DIR RNAM PAR MTHO BTZAMS PA NI GNOD PA'O, ,SHING LJON PA GCAD PAR BYA BA MA YIN PA NYID DANG ZHES BYA BA NI GCAD PAR 'OS PA MA YIN PA NI 'DIR SHING ZHES 'JIG RTEN PA DAG LA MKHO BA YIN PA'I PHYIR KHA MCHU 'BYUNG BA MI RTZOM PA'O, ,YUN THUNG BAR GNAS PA NYID KYIS DGOS PA CHUNG BA NYID DO, ,RNAM PAR GNON PA MA YIN PA NYID TZAM DU MI RUNG BA NYID KYI SKYON NO, ,PHYOGS GCIG PA YANG 'DOM STE DE'I GANG ZHIG NYEN KOR GYI NANG ROL DE MA THAG PA GZHAN GYIS NYE BAR LONGS SPYOD PA DE'I PHYIR ROL NYID DU 'DZIN PA NYID MA YIN PA JI TZAM PA DE TZAM GYI PHYOGS LA'O, ,GCIG GIS KYANG CHU KLUNG LA SOGS PA RNAMS LA NYES PA 'DI YIN NO, ,'DIR GZHUNG NI 'DOM GANG GI MTHA'I NYEN KOR BRTAG PAR BYA STE, GAL TE GZHI CHU KLUNG LA BRTEN NAM NGAM GROG LA BRTEN PA YIN NA BRTZAM DU MI RUNG BA'I PHYIR BSTAN PAR MI BYA'O ZHES GSUNGS PA YIN NO, ,GANG LAS 'DAS NA GNAS TSAD LAS 'DAS PAR GYUR PA'I TSAD DE GANG YIN ZHE NA, DE'I PHYIR TSAD DANG LDAN PA'I KHRU PHYED DANG DO NI BDE BAR GSHEGS PA'I MTHO GANG STE, NANG ROL NAS DE BCU GNYIS DANG BDUN GYI TSAD DO ZHES BYA BA SMOS TE, DE ZHES BYA BA NI 'DI TZAM GYI TSAD DE LA'O, ,BDE BAR GSHEGS PA'I MTHO GANG ZHES BYA BA NI DKYUS SU'O, ,NANG ROL DU NI DE BCU GNYIS TE, RGYAR NI BDUN GYI TSAD DO ZHES BYA BA'I DON TO, ,DE LAS BZLOG PA NYID NI MA BSTAN PA NYID DO ZHES

129a

, ,SMRAS NA BSTAN PA NYID DE GANG ZHE NA, DE'I PHYIR DGE 'DUN LA BSTAN PA THOB PA NYID NI BSTAN PA NYID DO ZHES BYA BA SMOS TE, SHIN TU GTONG BAR GYUR PA'I GZHI DE'I LAS LA MNGON PAR RJES SU GNANG BAR GYUR PA'I TSIG NI BSTAN PA STE, GZHI GANG LAS DGE 'DUN LA THOB PA DE NI BSTAN PA ZHES BYA BAR 'DIR 'DOD DO ZHES BYA BA'I DON TO, MA DAG PA GSOL BAR MI BYA'O ZHES BYA BA NI GZHI MI RUNG BA NYID LA SOGS PA DANG LDAN PA DANG MA DAG PA DGE 'DUN LAS BSTAN PA GSOL BAR MI BYA'O, ,RANG DAG RTOG TU DONG BAR BYA'O, ,YANG NA DGE SLONG BSKOS PA DAG GO ZHES BYA BA NI GANG DAG LA GZHI BSTAN PA LA GSOL PA DE RNAMS RANG GI RKYEN GYIS DNGOS PO'I DAG PA NYID SHES PAR 'GYUR BA 'AM, RANG NYID KYIS BSKOS PA'I DGE SLONG RNAMS KYI RKYEN GYIS SHES PAR 'GYUR RO, ,STAN LA YANG DE BZHIN NO ZHES BYA BA NI RNYING BA NYID KYI PHYIR LO DRUG TSUN CHAD DU STAN BYA BA'I PHYIR GNANG BA GSOL BAR BYED NA BSTAN LA RANG GI RKYEN GYIS SHES PAR 'GYUR BA 'AM GSOL BA'I DGE SLONG RNAMS KYIS ZHES BYA BA 'DI RTOGS PAR BYA'O ZHES BYA BA'I DON TO, ,BYAS PA RNYED PA DANG BYAS PA LA LONGS SPYOD PA DAG LA NI LTUNG BA MED DO ZHES BYA BA NI RNYED PAR BYAS PA'AM LONGS SPYAD PAR BYAS PA LA LTUNG BA MED DO, ,'DI LA BDAG TU BYAS PA'I DBANG GIS KHA NA MA THO BA MED DO, ,LHAG PAR GNAS PA'I DBANG GIS MA YIN NO ZHES BYA BA 'DI BSTAN PA'I PHYIR TSIG 'DI'O, ,RNYING PA MA 'CHOS PA LA SOGS PA YANG NGO ZHES BYA BA'I SGRAS NI LTUNG BA MED DO ZHES SBYAR RO, ,'DIR GSAR PA BRTZIG PA LA NI SKYON TE, RNYING PA MA 'CHOS PA LA NI MA YIN NO, ,DE BAS NA RNYING PA MA YIN PA MA 'CHOS PA LA YANG LTUNG BA MED DE, 'DIR RNYING PA'I TSIG SMOS PA NI DPER NA RIG PAR BYA'O, ,KHANG PA'I DGE 'DUN LHAG MA'O,, ,,GANG BYAS NA GTZUG LAG KHANG GI DGE 'DUN LHAG MAR 'GYUR ZHE NA, 'DIR 'OG MA LA YANG DE DAG NYID DE, DE MA BTZAL BA NYID DO ZHES BYA BA SNGAR BSTAN PA'I CHO GA LA LTOS NAS BYE BRAG BRJOD PAR BA STE, TSOGS KYI DON DU'O ZHES BYA BA NI 'DIR KHYIM PA YAN CHAD KYI GANG ZAG BZHI LA SOGS PA TSOGS ZHES BYA BA MNGON PAR 'DOD PAR RIG PAR BYA'O, ,SHIN TU SDIG PA DANG LDAN PA NYID KYI PHYIR KHYIM PA'I DON NYID

129b

KYI BSAM PA LA 'PHAGS PA'I DGE 'DUN RJES SU GZUNG BA'I BSAM PA LA SHIN TU DGE BA NYID LA YANG KHA NA MA THO BA RNAM PAR GZHAG PA'I PHYIR RO, ,GANG ZHIG TSOGS KYI PHYIR ZHES BYA BA NI DE BZHIN GSHEGS PA'I NYAN THOS KYI DGE 'DUN NO ZHES GSUNGS PA DE NI GLENG GZHI'I DBANG GIS DE DPE TZAM DU ZAD PAR 'DI LA NYES PA MED DO ZHES RIG PAR BYA'O, ,GTZUG LAG KHANG GI DGE 'DUN LHAG MA'O,, ,,RTZOM PA NYID NI SBYOR BA NYID DO ZHES BYA BA NI MTHAR THUG PA GANG LA DNGOS GZHI'I TSAD 'DA' BAR BYED PA NYID LA THAMS CAD DU YAN LAG LHAG MA RNAMS LA 'DA' BAR BYED PA DANG, SBYOR BA NYID LA DER 'DI RNAMS SBOM POR STON PAR BYED PA'I TSIG RNAMS ZHES BYA BA RTOGS PAR BYA'O, ,MTHAR THUG PA GANG LA SBOM PO DES SBYOR BA YANG SBOM PO RIGS PA MA YIN NO, ,'DIR GZHUNG NI BRTZAMS NAS BDAG NYID GSOD PAR BYED PA NYES PA SBOM POR 'GYUR RO ZHES GSUNGS PA YIN NO, ,MA G-YOGS PA BYED DU 'JUG PA'I MTHA' YANG DE 'DRA'O ZHES BYA BA NI GNAS DE MA G-YOGS PA ZHIG BYED DU GZHUG GO SNYAM PA'I BSAM PAS MTHA'I MTHAR THUG PA GANG YIN PA DE YANG DE BZHIN DU STE SBYOR BA DANG 'DRA BAR BLTA BAR BYA'O, ,'DIR GZHUNG NI STENG MA G-YOGS PA ZHIG BYED DU 'JUG NA NYES PA SBOM POR 'GYUR RO ZHES GSUNGS PA YIN NO, ,SNGAR NI NYES BYAS SO ZHES BYA BA 'DI'I SBYOR BA LA NYES BYAS SO, ,THAMS CAD DU ZHES BYA BA 'DIS BYAS PA NYID RIG PAR BYA'O, ,DU MA'I DON DU'O ZHES BYA BA NI KHANG PA MI RUNG BA LA SOGS PA'I YAN LAG THAMS CAD LAS 'DAS PA DU MA'I DON DU BYED DU BCUG PA'I MTHA' GANG YIN PA DE YANG SBYOR BA DANG 'DRA BAR BLTA BAR BYA'O, ,'DIR GZHUNG NI GNYIS KYI SPYI LA BYED DU 'JUG NA SBOM POR 'GYUR RO ZHES GSUNGS PA YIN NO, ,MA BSKOS PAR RO ZHES BYA BA NI 'TSOL BA PO 'AM GNANG BA POS RJES SU MA GNANG BAR GNAS BYED DU 'JUG PA STE, DE'I MTHA' GANG YIN PA DE YANG SBYOR BA DANG 'DRA BAR BLTA BAR BYA'O, ,GANG GI DE SO SOR BZUNG BA DE'I DON NYID DU 'DI BYED DU 'JUG PAS MNGON PAR 'DOD PA'O, ,'O NA CI'I PHYIR DNGOS GZHIR RNAM PAR MI GZHAG STE, LHAG MA BSGRUB PA DAG LA 'DIR GNAS PAR 'GYUR RO, ,JI LTAR RANG BZHIN MI MTHUN PA BYED DU 'JUG PAS 'DAS PA LA YANG RJES SU

130a

, ,GNANG BA LA NI BZUNG BA 'DIS 'GYUR TE DE NI 'JUG PA'O, ,DE BAS NA RJES SU GNANG BA DANG BSGRUB PA DE LA GNOD PA NYID KYI PHYIR DNGOS GZHI BSKYED PA'O, ,RJES SU MA GNANG BA LA SBYOR BA'O, ,'DIR GZHUNG NI YI GE KHA CIG LAS MA BSKOS PAR BYED DU 'JUG NA NYES PA SBOM POR 'GYUR RO ZHES GSUNGS PA YIN NO, ,GANG ZAG GIS SO ZHES BYA BA NI SGRUB PAR BYED PAS BYED DU 'JUG NA DE BZHIN DU MTHA'O, ,'DIR GZHUNG NI GANG ZAG GI GZHIS BYED DU 'JUG NA NYES PA SBOM POR 'GYUR RO ZHES GSUNGS PA YIN NO, ,'DI THAMS CAD ZHU BA DANG 'BREL PA BSLAB PA'I GZHI GNYIS KYI DBANG DU BYAS PA YIN GYI GANG ZAG GI ZHES BYA BA 'DI NI MA GTOGS PAR RIG PAR BYA'O, ,GANG GI PHYIR GTZUG LAG KHANG GI BSLAB PA'I GZHI LA BTZAL BA NYID KYI YAN LAG RNAM PAR MA BZHAG PA'I PHYIR RO, ,RANG BZHIN MI MTHUN PA YANG NGO ZHES BYA BA LA YANG NGO ZHES BYA BA'I SGRAS NI DE BZHIN DU BYED DU 'JUG NA MTHA' DE DANG 'DRA'O ZHES BYA BA'I RJES SNYEGS PA'I PHYIR RO, ,'DIR GZHUNG NI RANG BZHIN MI MTHUN PA'I ZHAL TA BYED NA NYES PA SBOM POR 'GYUR RO ZHES GSUNGS PA YIN NO, ,GSOL BA'I 'OG TU MA GRUB NA NYES BYAS SO ZHES BYA BA GSOL BA'I 'OG TU GNAS DE MOR MA GRUB PA GANG YIN PA DE LA NI NYES BYAS SO,, 'DIR RIM PA NYID NI SKYON TE DE BAS NA RIM PA'I NGO BOS MI 'DOD PA'I BSAM PAS MA GRUB PA LA NYES BYAS SU RNAM PAR GZHAG GI BAR CHAD KYI DBANG GIS MA GRUB PA NI MA YIN NO, ,'DIR GZHUNG NI BTZUN PA RE ZHIG GZHI BTZAL NAS MI BGYID NA LTUNG BA CIR 'GYUR, NYES BYAS SU'O, ,KHANG PA BSTAN PA GSOL NAS BGYID DU MI STZOL NA LTUNG BA CIR 'GYUR NYES BYAS SU'O ZHES GSUNGS PA YIN NO, ,KHANG PA DANG GTZUG LAG KHANG GI DGE 'DUN LHAG MA ZHU BA'I SKABS SO,, ,,GANG DU DNGOS GZHI DANG 'BREL PA BRJOD PA LA DGE 'DUN GYA LHAG MA YIN ZHE NA, DE'I PHYIR PHAM PAR 'GYUR BA LHAG PAR SPYOD PAS DGE SLONG NYAMS PA LA YANG NGO ZHES BYA BA SMOS TE, MI TSANGS PAR SPYOD PA LA SOGS PAS PHAM PAR 'GYUR BA LHAG PAR SPYOD PA DES SKUR PA 'DEBS NA DGE 'DUN GYI LHAG MA'O, ,SU LA LHAG PAR SPYOD PA DES SKUR BA 'DEBS SHE NA, DE'I PHYIR DGE SLONG NYAMS PA YANG NGO ZHES BYA BA SMOS TE TSUL KHRIMS DANG LDAN PA

130b

'BA' ZHIG LA MA YIN GYI NYAMS PA LA SKUR BA BTAB NA YANG NGO, ,BSNYEN PAR RDZOGS PA'I LAS DANG BCAS PA TSUL KHRIMS DANG LDAN PA GCIG PU LA NI MA YIN NO, ,NYAMS PA LA YANG ZHES BYA BA'I TSIG NI DGE SLONG PHA DANG DGE SLONG MA NYID NYAMS PA ZHES BYA BA 'DI LA SKUR BA 'DEBS PA'I DON DU'O, ,MA DAG PA DANG NYAMS PA LA DGE 'DUN LHAG MA'I LTUNG BA'I TSIG LA GZHUNG NI 'DI YIN TE ZHU BA LAS KYANG BTZUN PA DGE SLONG RANG 'DI SKAD CES BDAG GIS MI TSANGS PAR SPYOD PA 'KHRIG PA'I CHOS BSTEN NO ZHES MCHI BA DE LA DGE SLONG GIS GZHI MA MCHIS PAR RKU BA 'AM 'GUGS PA'I SMRA BAS SKUR PA 'DEBS NA LTUNG BA CIR 'GYUR, DGE 'DUN LHAG MAR RO ZHES BYA BA LA SOGS PA GSUNGS PA YIN NO, ,RANG GI PHYOGS KYI BSNYEN PAR RDZOGS PA DANG MTHUN PA NI MTSAN DANG KHAS LEN PA DAG GIS ZHES BYA BA 'DI LA DE'I DMIGS KYIS BSAL BA BSTAN PA'I PHYIR, PHYOGS LAS RANG NYID NI 'DIR YAN LAG MA YIN NO ZHES BYA PA SMOS TE, GANG ZHIG 'DI MTSAN DANG KHAS LEN PA DAG GI PHYOGS LAS RANG NYID DU GSUNGS PA GANG YIN PA DE 'DIR KHAS LEN PA NI MA YIN NO, ,MTSAN MI MTHUN PA LA SKUR BA 'DEBS PA DANG LTA BA MI MTHUN PA LA SKUR BA 'DEBS PA LA 'ANG DGE 'DUN LHAG MA'O ZHES BYA BA'I DON TO, ,'DIR ZHU BA LAS MTSAN DANG LTA BA YAN LAG MA YIN PA NYID LA GZHUNG NI DGE SLONG GIS DGE SLONG MA LA GZHI MED PA'I PHAM PAR 'GYUR BA'I CHOS KYIS SKUR BA 'DEBS NA DGE 'DUN LHAG MA'O, ,DE BZHIN DU DGE SLONG MAS DGE SLONG LA GZHI MED PA'I PHAM PAR 'GYUR BA'I CHOS KYIS SKUR PA 'DEBS NA DGE 'DUN LHAG MA'O ZHES GSUNGS SO; ,NYAMS PA LA SKUR BA 'DEBS PA LA YANG KHA NA MTHO BA YONGS SU RDZOGS PA ZHES BYA BA LAS NA KHAS LEN PA DANG MI LEN PA NYID KYI THA DAD PA LA 'DRA BA'I KHA NA MA THO BA 'DIR RNAM PAR GZHAG GO, ,SHIN TU SLAR KHROS PA'I 'JUG PA 'DI SHIN TU YANG SGOR GYUR PA DGE SBYONG GI RIGS LA SKUR PA 'DEBS PA ZHES BYA BA DANG, NYAMS PA DANG MTSAN THA DAD PA'I YUL LA YANG LTUNG BA MTSUNGS PA NYID DU 'DI LA RNAM PAR GZHAG PA'O, ,BRDZUN DU SMRA BA'O ZHES BYA BA NI GZHI MED PA ZHES BYA BA'I TSIG GIS MA YIN NO, ,MA GRAGS PA'I SHES PAS NYE BAR DMIGS PAR BYA BA GO BAR BYED PA LA YID MA CHES PA'I THOS

131a

, ,PAS BDAG GIS THOS SO, ,BDAG NI YID CHES PAS MA YIN ZHES BYA BA 'DI LTAR DGE 'DUN LHAG MA SKYED PAR GYUR TAM ZHES BYA BA'O, ,GANG YANG RUNG BA LA GO BAR BYAS NA'O ZHES BYA BA NI MI'I 'GRO BA THAMS CAD LA GLENG BA 'BA' ZHIG GIS MA YIN ZHES BYA BA'I DON TO, , SKUR BA 'DEBS PA LA KHA NA MA THO BA 'DI'O, ,GZHAN LA SMRA BA NI SKUR PA 'DEBS PA YANG MA YIN NO, ,LTUNG BA'I PHRENG BA LA YANG BDAG GIS MTHONG NGO ZHES BYA BA SRID PA TZAM LA 'BYUNG BA STE, KHYOD NI BDAG GIS MTHONG NGO ZHES BYA BA NI MA YIN TE, DE BAS NA 'DI SHES PA'O, ,GANG LA LTUNG BA NYID LA SKYON ZHES BYA BA MA BSTAN PA MED PA RGOD BAG GI BLOS DE LA 'DI BDAG GIS BYED CING MTHONG NGO ZHES BYA BA 'JUG PA'O, ,GANG LA 'DIR SKYON GZHAN YIN GYI PHAM PA NI MA YIN ZHES BYA BA'I BLO SGRUB PA GZHAN LA DES NYAMS PA LA 'JUG PA STE, 'PHO BAR GYUR PA LA NI MA YIN NO, ,'DIR GANG LA SKYON YOD PA ZHES BYA BA 'DI TZAM GYI BLO 'DI NI 'DI MA YIN ZHES BYA BA DE LA YANG RNAM PA GZHAN NYID DE NYAMS PAR GYUR PA NI MA YIN NO, ,DE BAS NA 'DIR BSAM PA GANG YANG RUNG BA DES CI ZHIG BYA ZHES BYA BA SU ZHIG LA GO BAR BYAS NA DE BAS NA LTOS PA DER BRJOD PAR BYA'O, ,NYAMS PAR 'DUN PAS SO ZHES BYA BA NI KHROS PAR MA GYUR CIG CES BYA BA BYUNG RGYAL GYIS SMRAS PAS BRDA BYAS PA LA PHAM PA 'DI ZHES BYA BA BRDZUN DU SMRAS PA LAS 'PHO BAR 'JUG PA'I 'DUN PA MED PA'O, ,NYAMS PA NYID DU SRID PA DANG 'BREL PA 'DI YIN TE, NYAMS PA NYID LAS GZHAN NI 'DIR NYAMS PA NYID NI MA YIN NO, ,DE BAS NA 'DI LTA BU'I 'DUN PAS BRDZUN PAR GZHAN LA GO BAR BYED PA GANG YIN PA DE LA 'DIR LHAG MA'I LHUNG BYED DO, ,NYAMS PAR MA GYUR PA'I BRJOD PA RNAMS GANG YIN PA DE RNAMS LA NI GANG DU DGE 'DUN GYI LHAG MA'I BLO YOD PA DE LA LHUNG BYED DO, ,GZHAN LA NI NYES BYAS SU RIG PAR BYA'O, ,GANG DU DOGS PA 'JUG PA 'DI PHAM PA ZHES BYA BAR MA GYUR TAM SNYAM DU YID GNYIS SU GYUR PAS DE LA BSKYED PA'O, ,DE GZHI GZHAN MA YIN NO ZHES BYA BA NI GANG GIS SMRA BA DE 'DIR NI ZHES BYA BAR BRJOD DO, ,GZHI DE LAS GZHI GZHAN GANG YIN PA DE LA NI 'DIR GZHI MA YIN NO, ,'DI LTA STE DPER NA MTHONG BAS SMRA BA

131b

YOD PAR GYUR PA LA MTHONG BA DE LAS GZHAN DOGS PA'I GZHI MA THOS PA GANG YIN PA DE NI MTHONG BA MA YIN ZHES BYA BA'I DON TO, ,GZHI GZHAN YOD PAR GYUR KYANG GANG GIS SMRA BA DE MED PA LA 'DIR DGE 'DUN GYI LHAG MA YOD PAR GYUR TE ZHES BYA BA 'DI LA BYED DU 'JUG PA'I TSIG GIS STON PA'O, ,GAL TE GZHI GZHAN GANG YIN PA DE NYID DE'I GZHIR 'GYUR NA, GZHI GZHAN YOD PAS KYANG GZHI GANG GIS GLENG BA'I GZHI DES DGE 'DUN LHAG MA YOD PAR MI 'GYUR TE, 'DI NI YOD PA MA YIN ZHES BYA BA'I DON TO, ,'DIR GZHUNG NI THOS PA LA YID CHES NAS SMRAS PA, BDAG GIS MTHONG NGO ZHES YID CHES PAR BYED PA DANG, THOS PA LA YID MA CHES PAS SMRAS PA, BDAG GIS MTHONG NGO ZHES SMRAS PA DANG THOS PA LA DOGS TE, MTHONG BAR BRJOD PA DANG, MI DOGS TE MTHONG PAR BRJOD PA DANG, DOGS PAR GYUR PAS SMRAS PA, BDAG GIS MTHONG NGO ZHES SMRA NA BRJOD DO COG DGE 'DUN LHAG MA'O ZHES GSUNGS PA YIN NO, ,BRJOD PA NI YOD PA NYID MA YIN NO ZHES BYA BA NI MI 'DRA BA NI MED PA NYID DU BLTA BAR BYA STE, GANG ZHIG MI DRAN PAS BRJED PA LA NI NYES PAS 'DIR BRJOD PA'O, ,'DIR GZHUNG NI 'DIS MTHONG BAR GYUR PA BRJED BZHIN DU DANG, 'DIS THOS PAR GYUR TE, DE YANG BRJED BZHIN DU DANG, 'DIS DOGS PAR GYUR TE DE YANG BRJED BZHIN DU DES 'DU SHES BSGYUR BA DANG BCAS PAS JI SRID DU MTHONG NGO, ,DE YANG MI BRJED PA DANG SMRAS PA THOS TE 'DI YANG MA BRJED PA DANG DOGS SO ZHES DE YANG MA BRJED PA'O ZHES ZER NA, BRJOD DO COG LA DGE 'DUN LHAG MA'O ZHES GSUNGS PA YIN NO, ,DON GYI DE NYID NI MI BRDZUN PAR SMRA BA NYID KYI RGYU MA YIN NO ZHES BYA BA NI 'DU SHES PA LA JI LTAR SMRA BA DE NYID MED PA NI 'DIR RGYU YIN TE DON LA MA YIN NO, ,DE NYID YOD KYANG DON LA BSAMS PA NYID NI 'DU SHES PA NYID SMRA BA LA BRDZUN DU SMRA BA NYID DO, ,MA BSAMS PAR 'DU SHES PA MED PAR GYUR PA LA SMRA BA LA BDEN PA NYID DO, , GZHI GZHAN GYIS MI DRAN PAS BRJOD PA LA DGE 'DUN GYI LHAG MA ZHES BYA BA'O, ,'DI DANG 'DI BRJOD PA LA LTUNG BA'I RGYUR BRJOD PA NI MA DAG PAS SKUR BA BTAB PA LA DGE 'DUN GYI LHAG MAR BRJOD PAS BSDUS PA'O, ,ZHE SDANG BAS MA GTOGS ZHES BYA BA 'DI DANG 'OG TU BRJOD PA DE'I YAN LAG NYID NI MA YIN

132a

, ,TE; SKUR BA 'DEBS PA LA 'DIR SKYON NYID KYI PHYIR RO, ,BRJOD PA YOD PAR GYUR CIG CES BYA BA YANG KUN NAS RGOL BA'AM RNAM PA GZHAN GYIS SKUR BA 'DEBS PA DANG, SKUR BA 'DEBS PA NYID KYIS CI STE 'JUG PA'I RGYU RJES SU 'GRO BA TZAM 'DI DPE NYID KYIS PHAL CHE BA NYID LA BRTEN NAS PHAL CHER SKUR BA 'DEBS PA 'JUG PA LA ZHE SDANG GI RGYU SKYES PA'I DBANG GIS 'DIR GSUNGS PA YIN GYI YAN LAG NYID KYIS NI MA YIN NO, ,GZHI MED PA'I DGE 'DUN LHAG MA'O,, ,,DA NI GZHAN GYI CHA DANG MTHUN PA'I DGE 'DUN LHAG MA LA 'DI NYID CHO GA MA LUS PA KHAS BLANGS NAS BRDZUN DU SMRA BAS SO ZHES SMOS PA'I GNAS SU 'DI 'THOB PAS DE'I BYE BRAG 'GA' ZHIG 'DIR BRJOD PAR BYA STE, BRJOD PAR BYA BA GZHAN LA GNAS PA'I TSIG GIS BRDZUN NA'O ZHES BYA BA 'DI PHAM PAR 'GYUR BA'I LAS 'DIS LHAG PAR SPYOD PA ZHES BYA BA BRJOD PAR BYA BA 'DIS LAS GZHAN DU DE'I YAN LAG TU GYUR PA'I RNAM PAR BRAL BA BRJOD PAR BYA BA LA GNAS PA GANG LA YOD PA DE NI BRJOD PAR BYA BA GZHAN LA GNAS PA'I TSIG GO, ,'DI LTA STE DPER NA KHO BO CAG GIS TSE DANG LDAN PA GYANG BU NOR MTHONG NGO, ,DGE SLONG MA AUTPA LA'I MDOG CAN MTHONG NGO, ,MI TSANGS PAR SPYOD PA 'KHRIG PA'I CHOS BSTEN PA MTHONG NGO ZHES GANG GI PHYIR SGRA DE GSUM GCIG LA GCIG SBYAR BA DE BZHIN DU 'DI RNAMS KYIS BRJOD PAR BYA BA'I DON RNAM PAR BRAL BA DE'I CHAR GYUR PA'I PHAM PA'I LAS 'DIS LHAG PAR SPYOD PA DE BAS NA DE LTAR DE'I CHA DANG RNAM PAR BRAL BA SO SOR GYUR PA 'DIS ZHES BYA BA BYAS NAS SO, ,'DIR YANG 'DI NYID KYI TSIG LA GNAS PA STE; DES NA BRJOD PAR BYA BA GZHAN LA GNAS PA'I TSIG GIS PHAM PAR LHAG PAR SPYOD PA'I DGE SLONG SU ZHIG LA GO BAR BYED PA LA DGE 'DUN LHAG MA ZHES BYA BA'I DON TO, ,YANG DAG PAR SHES NAS KYANG SKUL PAR BYED PA DANG 'BREL BA PHAM PA LHAG PAR SPYOD PAR GYUR PA YIN TE BRJOD PAR BYA BA GZHAN LA GNAS PA'I TSIG GIS DE STON PA STE, DE BSAL BA'I PHYIR BRDZUN NA'O ZHES BYA BA SMOS TE, 'OG MA SGROGS PAR 'DOD PA'I 'DUN PAS 'DRA BA'I DON BRJOD PA LA SBOM PO'O ZHES BYA BA RNAM PA 'DIS SBOM PO THOB PA LA THA SNYAD 'DI BTAGS PA'O, ,GZHAN GYI CHA DANG MTHUN PA'I DGE 'DUN LHAG MA'O,, ,,

132b

MI BSTEN PAS SKUR PA 'DEBS NA SBOM PO'O ZHES BYA BA NI DGE SLONG MA LA PHO'I DBANG PO MED PA NI DPER NA MA NING PHOS LTA BU'O, ,DGE SLONG LA MO'I DBANG PO MED PA NI DPER NA MA NING MOS SKUR PA 'DEBS NA YANG SBOM PO'I KHA NA MA THO BA'O, ,DE YANG 'DI'I DBANG DU MA BYAS SHING KHA DANG BSHANG BA'I LAM ZHES BYA BAR RIG PAR BYA'O, ,MING MA SMOS PA YANG NGO ZHES BYA BA NI NYAMS PAR BYA BA'I MING LA SMOS PAR SKUR PA 'DEBS NA YANG SBOM PA'O, ,'DIR GZHUNG NI ZHU BA KHA CIG LAS, DGE 'DUN GYI DBUS SU NGES PA MED PAR 'DI SKAD CES MI TSANGS PAR SPYOD PA BYAS SO, ,MA SHA KA LNGA LAS LHAG PA BRKUS SO, ,MI SROG DANG PHRAL LO, ,MI CHOS BLA MA DAG PA MA YIN PA SMRAS SO ZHES ZER ZHING, BDAG NI CHE GE MOS SO ZHES MI ZER NA NYES PA SBOM POR 'GYUR RO ZHES GSUNGS PA YIN NO, ,DE BZHIN GSHEGS PA LA NGAN SEMS KYIS KHRAG PHYUNG BA DANG DGE 'DUN GYI DBYEN BYAS PA'O ZHES BYA BA NI MTSAMS MED PA 'DI GNYIS NI SBOM PO'O, ,MI GSOD PA DANG DGE 'DUN GYI DBYEN GYI LHAG MA DBYE BAR BRTUL BA NI SPONG BA'I PHYOGS LA, 'DI DAG LA GO RIMS JI BZHIN DU SBOM PO'I LTUNG BA YIN GYI SKUR PA 'DEBS PA'I PHYOGS PA NI MA YIN ZHES BYA BAR RIG PAR BYA'O, ,DE GNYIS KYIS SKUR PA 'DEBS NA NYES BYAS SU RNAM PAR GNAS PA YIN NO, ,BSAMS TE SMRAS SO ZHES BYA BA LA SOGS PAS GZHOGS SMOS BYED NA NYES BYAS SO ZHES BYA BA NI 'DIR SOGS PA ZHES BYA BA'I SGRA NI RNAM PA GZHAN BSTAN PA'I PHYIR RO, ,BSAMS TE SMRAS SO ZHES BYA BA NI 'DI LTA BU'I RNAM PA MTSON PAR BYED PA LA NYES BYAS SO, ,'DIR GZHUNG NI ZHU BA KHA CIG GI GZHUNG LAS DGE SLONG STAN LAS LANGS TE BDAG GIS BSAMS TE SMRAS SO ZHES ZER ZHING SKYE BO THAMS CAD LA NYES BYAS SU 'GYUR RO ZHES BYA BA LTA BU'O, ,BAG TZAM LA YANG RNAM PA DE DAG SHES PAR BYAS TE, BDAG GIS DGE SLONG MA CHE GE MO ZHES BYA BA NI PHO DANG MI TSANGS PAR SPYOD PA'I 'KHRIG PA'I CHOS BSTEN PA MTHONG NGO ZHES BYA BA LA SOGS PA'O, ,GZHI MED PA'I DANG BAG TZAM GYI ZHU BA'O, ,GZHAN GYI 'KHOR KHA 'DREN NA SBOM PO'O ZHES BYA BA NI PHRAN TSEGS RNAMS LAS 'DI 'BYUNG NGO, ,DGE 'DUN GYI DBYEN LA SOGS PA'I DGE 'DUN LHAG MA BSGO BA LAS BYUNG BA BZHI PO

133a

, ,RNAMS KYI THUN MONG GI RNAM PAR BRJOD PAR BYA STE, BZLOG PA'I TSUL GYIS MI GTONG BAR RJES SU BSGRUB PA'I RANG BZHIN NI RJES SU MTHUN NO ZHES BYA BA NI 'CHAD PAR 'GYUR BA DAG LAS DGE 'DUN GYI DBYEN BYED PA LA 'JUG PAS ZHES BYA BA 'DI LTA BU LA SOGS PA MI GTONG BA'I BDAG NYID CAN RJES SU BSGRUB PA LA GANG ZHIG GI NGO BO LUS NGAG GIS GO BAR GYUR PA LA'ANG CANG MI SMRA BA'I NGO BOS RJES SU MTHUN PAR GYUR PA'AM, GNYIS KA'I BDAG NYID CAN BZLOG PA'I TSUL GYIS DE RJES SU 'GRO BA'O, ,GANG GI PHYIR BZLOG PA DANG 'BREL PA'I SO SOR NYE BAR GNAS PA ZHES BYA BA 'DI LA MI GTONG BAR RJES SU BSGRUB PA'I RANG BZHIN NO, ,DE BAS NA BZLOG PA'I NGO BOS RJES SU 'GRO BAR RIGS PA YIN NO, ,GCIG TU BZLOG PA LA DE DANG 'BREL PA'I MI GTONG BA'I RJES SU BSGRUB PA LA GCIG PA NYID DANG, GZHAN LA NI GZHAN NYID DANG, SBYOR BAR GYUR PA LA SBYOR BAR 'GYUR BA NYID DANG, MTHAR THUG PAR GYUR PA LA MTHAR THUG PAR 'GYUR BA NYID CES BYA BA 'DI LA 'DI BYED PA'O, ,GSOL BA NI BZLOG PA DANG 'DRA BA NYID DO ZHES BYA BA NI 'DIR YANG MI GTONG BA LA LA BYED PA NYID DO ZHES BYA BA'I DON TO, ,BZLOG PAR BYA BA NYID LA 'DI KHAS LEN PA STE, BZLOG PA NI MA YIN NO ZHES BYA BA'I RTZOM PA'I 'DI'O, , BSGRUB PA 'DI NI BZLOG PA'I DON CAN NYID DE, DE BAS NA BZLOG PA'I DBANG CAN GYI NYES PA BSKYED PA'O, ,TSIG GI SKAD CIG MA GCIG NYID DO ZHES BYA BA NI CHA SHAS RE RE LA YANG 'DIR CHA RE RE NI SO SOR GCOD PA LA NI LTUNG BA MED DO, 'DIR SHIN TU RING BA GCIG NYID LA YANG LTUNG BA GCIG NYID DO, ,GANG ZHIG GANG DU DNGOS GZHI'I DUS DE'I DUS LAS 'BYUNG BA'I RNAM PAR RIG PA DANG RNAM PAR RIG PA MA YIN PA DAG LA LTUNG BA BYAS PA NYID DO, ,DE'I BDAG NYID DU GYUR PA GZHAN DAG LA RNAM PAR 'GYUR BA NYID KYI PHYIR LTUNG BA RNAM PAR GZHAG PA LA MTHONG BA'O, ,'DIR GZHUNG NI GSOL BA BYED PA NA GZHI DE GTONG NA DE LTA NA LEGS, GAL TE MI GTONG NA DE LA BRJOD PAR BYAS NA NYES PA SBOM POR 'GYUR RO ZHES GSUNGS PA YIN NO, ,SKAD CIG MA GANG LA PHAL CHER BYAS PA NYID GANG YIN PA NI 'DIR DNGOS GZHI'I DUS SHES PAR BYA'O, ,BZLAS PA NI THA DAD PA NYID DO ZHES BYA BA NI LAS SO SO LA BZLOG PAR BYED PA NI THA DAD PA'O,,

133b

DANG PO 'DI DAG LA SO SOR SBOM PO STE, PHYI MA NI DNGOS GZHI'O ZHES BYA BA GANG ZHIG BRJOD PA DE BAS NA MDO 'DI BRTZAMS PA'O, ,MJUG SDUD PA NI MA YIN NO ZHES BYA BA NI DGE 'DUN GYIS BZOD CING GNANG NAS ZHES BYA BA LA SOGS PA'I MJUG SDUD PA LA SO SO NYID MA YIN NO, ,BYAS PA NI GO BAR BYA BA TZAM NYID KYI PHYIR LHAG MA LTAR DNGOS GZHI'I DUS KYI THA MA RGYUN LAS 'DI LA SNGON DU ZHUGS PA RNAM PAR GNAS PA YIN NO, ,SNGAR SNGON DU 'DI LA ZHUGS PA GANG DU RIGS PA MA YIN TE PHYI MA BSGRUB PA LA RIGS PA YIN ZHE NA, DE'I PHYIR 'JUG PA NYID NI SBYOR BA NYID DO ZHES BYA BA NI DGE 'DUN GYI DBYEN BYA BA LA BRTZAMS PA LA SOGS PA'I 'JUG PA NI SBYOR BA NYID DO, ,DUS GANG ZHIG LA 'JUG PA GANG YIN PA ZHES BYA BA 'DIR KHYAD PAR MA BRJOD PAS SNGAR YANG BZHAMS TE BSGO BA LA SOGS PA'I 'OG TU 'AM GSOL BA LA SOGS PA'I BAR DU YANG ZHES BYA BA SHES PAR BYA'O, ,MA GTAD PA'I PHYIR SHIN TU DMAN PA 'JUG PA 'DI YIN TE; DE BAS NA 'DIS DE MA THAG PA'I MI GTONG BA LA SBYOR BA NYID DU GRAGS PAR 'GYUR RO, ,BSKRAD PA'I LAS MA BGYIS PAR YANG 'DUN PAS 'GRO BA LA SOGS PA NYID KYIS 'GRO BAR BYED PA LA 'DI LAS SBYOR BA NYID THAL BA DANG, BSKRAD PA DANG GLENG BA DANG DRAN PAR BYED DU 'JUG PA LA YANG BRTZAM PAR BYA BA NYID GO BAR BYED PAS DE BSAL BAR BYA STE, BSKRAD PA DANG GLENG BA DANG DRAN PAR MA BYAS PAR DE'I 'O ZHES BYA BA NI GNAS 'DI LA SBYOR BA 'JUG PA'I PHYIR RO, ,SBYOR BA NYID DE DNGOS GZHI'I LA NI MA YIN ZHES BYA BA'I DON TO, ,'DIR GZHUNG NI ZHU BA LAS, BSKRAD PA'I LAS MA BGYIS PAR DE 'DUN PAS MCHI'O ZHES BGYI BA DANG, ZHE SDANG GIS MCHI BA DANG, GTI MUG GIS MCHI BA DANG, 'JIGS PAS MCHI'O ZHES BGYI BA'I BAR DU MCHI NA, LTUNG BA CIR 'GYUR NYES BYAS SU 'GYUR RO, ,BSGO BAR BGYI 'AM 'ON TE BSGO BAR MI BGYI, BKA' STZAL PA, BSGO BAR MI BYA'O, ,BSGO BA 'CHAGS BSAM MI CHAGS, BKA' STZAL BA, MI 'CHAGS SO, ,GLENG BAR MA BGYIS DRAN PAR MA BGYIS PAR BDAG NYID NGAG MI NYAN PA NYID DU 'JOG PAR BGYID NA LTUNG BCING 'GYUR NYES BYAS SU 'GYUR RO, ,BSGO BAR BGYI 'AM 'ON TE BSGO BAR MI BGYID, BKA' STZAL BA BSGO BAR MI BYA'O, ,BSGO BA 'CHAGS

134a

, ,SAM MI 'CHAGS, BKA' STZAL BA, MI 'CHAGS SO ZHES GSUNGS PA YIN NO, ,SLAR CI'I PHYIR GNAS SKABS 'DI LA NI NYES BYAS BSKYED PA STE, 'DI LA SHIN TU MNGON PAR ZHEN PA GZHAN GNAS PA'I PHYIR SHIN TU SDIG PA'I BSAM PA SHAS CHUNG BA LA JI LTAR DRAN PAR BYED PA MTSANG PAS MED PA'O, ,KHA NA MA THO BA MA YIN PA DAG NYID LA DRAN PA RNYED PAS YID LA GNAS PA'I PHYIR BRTZON PA NGAN PA NYID KYIS DRAN PAR MI BYED CING GLENG BA LA SDIG PA DANG BCAS PA NYID MTHONG SHING TSIG GI SGO NAS MTHU DANG LDAN PA NYID SDIG PA'I BSAM PA CAN LA SO SOR NYE BAR GNAS PAR 'GYUR RO, ,BRTZON PA BZANG BA NYID KYANG BSAMS PAR GYUR PA LA GLENG BA LA GNAS PA NYID DO, ,GLENG BAR BYED PA PO LA GNAS PA YIN TE, GLENG BA NI PHYOGS GCIG TU GYUR PA'O, ,'DIR GLENG BA YONGS SU RDZOGS PAR GYUR PA DRAN PAR BYED PA LA 'DOD PA YIN NO, ,GANG ZHIG MED PAR BSTAN PA BZUNG BAS RTZOM PA PO'AM, BDAG NYID GLENG BA'I BSAM PA MA YIN PA DE NI 'DIR DRAN DU 'JUG PAR SHES PAR BYA'O, ,TSIG 'DI GNYIS KYIS NI GLENG BA YONGS SU RDZOGS PAR BYAS PA YIN NO, ,DE LTA BU'I GLENG PA PO NYID MED PA LA NYES BYAS SU ZHES BYA'O, ,DE LA NI BSGO BAR MI BYA'O ZHES BYA BA NI, BSKRAD PAR MA BGYIS PA LA GLENG BA DANG, DRAN PAR MA BYAS PA LA BYE BRAG YONGS SU MA BZUNG BAS, BZHAMS TE BSGO BA LAS KYANG STE LAS GCIG PUS MA YIN NO ZHES BYA BA RTOGS PAR BYA'O, ,DE DAG LA BZHAMS PA DANG, LAS KYIS MI BSGO BAR MI BYA'O ZHES BYA BA NI DGE 'DUN GYI DBYEN BYED PA LA RTZOL BA LA SOGS PA, 'DI RNAMS LA GZHAMS TE, BSGO BA'I LAS KYIS MI BSGO BAR MI BYA'O, ,DGE SLONG DAG KHYED KYIS BSGO BAR GYIS SHIG CES BYA BA LA SOGS PAS BZHAMS TE BSGO BA'I LAS KYIS BYAS PA DAG LA BSLAB PA'I GZHI 'DI RNAMS LA GO BAR BYED PA DAG LA BSDUS PA 'DI YIN NO, ,SKYON RAB TU ZHI BA'I DON DU 'DI BYAS PA'O, , SKYON LA LTOS PA NI MI RIGS PA STE ZHES BYA BA NGES PAR BYA BA NYID KYIS BSAMS PAS 'DI SHES PA'O, ,'DIR LAS KYIS ZHES BYA BA TSIG GCIG GIS KYANG DON 'GRUB PA'O, ,DGE 'DUN BYED PA PO NYID KYI PHYIR BZHAMS TE BSGO BA ZHES BYA BA 'DI'I DON DU'O, ,MI BSGO BAR MI BYA'O ZHES BYA BA MANG PO'I

134b

TSIG BZUNG BA'O, ,'DIR DGE 'DUN GYI BYED PA PO NYID MA YIN TE GNAS MA YIN PA NYID KYI PHYIR RO, ,DE LTAR YANG 'DI DGE SLONG MANG PO RNAMS KYIS BZHAMS TE BSGO BAS BSGO BA DE 'DIR DGE SLONG MANG PO RNAMS KYIS BZHAMS TE BSGO BAR GNANG BAR GYUR PA NA ZHES BYA BA'I TSIG 'DIR MANG POR GYUR PA RNAMS KYIS DER 'JUG PAR BYA STE, MANG PO MA YIN PA RNAMS KYIS NI MA YIN NO ZHES BYA BA 'DI BSTAN PA'I DON DU MANG PO'I TSIG LA DGONGS PA NYID DO, ,GANG DU BSGO BA LAS GYUR PA'I DGE 'DUN LHAG MA RNAMS SHE NA, DE'I PHYIR DE'I MTHA' LA MI GTONG NA'O ZHES BYA BA SMOS TE, DE'I 'DI LAS KYI GAL TE ZHES BYA BA SMOS PA LA BSGO BA'I MTHA' STE, THA MA LA MI GTONG BA GANG YIN PA DE LA ZHES BYA BA'I DON TO, ,DA NI 'DI BSGO BAR BYED PA THUN MONG BA STE BSGO BAR BYED PA LAS SKYES PA'I DGE 'DUN GYI LHAG MA RNAMS LA BRTZAMS LA SO SO DANG 'BREL PA RIM PA JI LTA BA BZHIN DU BRJOD PAR BYA STE, DON GANG ME GTONG NA, DGE 'DUN GYI DBYEN BYED PA'I DGE 'DUN LHAG MAR 'GYUR ZHE NA, DE'I PHYIR BRTUL BAR BYED PA NYID DO ZHES BYA BA SMOS TE, GANG LA BRTUL BAR BYED PA NYID CE NA DE'I PHYIR DBYEN LA'O ZHES BYA BA SMOS SO, ,GANG GI PHYIR DBYEN BYED PA LA ZHE NA, DE'I PHYIR DGE 'DUN GYI'O ZHES SMOS TE, DGE 'DUN GYI DBYEN LA'O, ,DBYEN BYED PA'I DGE 'DUN LHAG MA'O, ,GANG ZHIG MI GTONG NA DE'I RJES SU PHYOGS PA DGE 'DUN LHAG MAR 'GYUR ZHE NA, DE'I PHYIR DE'I GROGS NYID RJES SU SGRUB PAR BYED PA'O ZHES BYA BA SMOS TE, DE DANG 'BREL PA DER DGE 'DUN GYI DBYEN DANG 'BREL PA'I GROGS NI DE'I GROGS NYID DO, ,DE LA RJES SU BSGRUB PA NYID NI SHIN TU DMAN PA NYID KYI PHYIR RO, ,SNGON NAS 'JUG PA 'DI LA NA SMAD PA THOB PA NYID LA 'DI BTAGS PA'O, ,RJES SU PHYOGS PA'I DGE 'DUN LHAG MA'O,, ,,GANG ZHIG MI GTONG NA KHYIM SUN 'BYIN PA'I DGE 'DUN LHAG MAR 'GYUR ZHE NA, DE'I PHYIR RANG SKROD PAR BYED PA'I DGE 'DUN LA LOG PA'I BSAM PAS DE DE LA DE LTAR ZHUGS SO ZHES BRDZUN DU SMRA BA NYID DO ZHES BYA BA SMOS TE, 'DI'I BDAG NYID KYI RANG SKROD PA LA DGE 'DUN GANG ZHIG BYED PA PO DER 'DI LA KHO BO CAG GI SKROD PA LA LAS GO BAR BYA BA LA 'JUG PAR GYUR PA LA LOG PA'I BSAM

135a

, ,PAS 'DUN PA DANG ZHE SDANG DANG 'JIGS PA DANG RMONGS PA DANG SDUG BSNGAL GYIS 'BYUNG BAR 'GYUR BA ZHES BYA BA LOG PAR SMRA BA PO NYID GANG YIN PA'I RNAM PA DE LTA BU'I BRDZUN DU SMRA BA RNAMS PA DE LTA BU'I TSIG GIS MTHA' MAR MA BTANG BA LA'O, ,KHYIM SUN 'BYIN PA'I DGE 'DUN LHAG MA STE BCU GNYIS PA'O,, ,,GANG ZHIG MI GTONG NA BKA' BLO MI BDE BA'I DGE 'DUN LHAG MAR 'GYUR ZHE NA, DE'I PHYIR DGE SLONG GIS LHAG PA'I TSUL KHRIMS KYIS GLENG BA NYID NA BDAG NYID KYI DE LA DGE SLONG DAG GIS BRJOD PAR MI BYA BA NYID DU BYED PA'O ZHES BYA BA SMOS TE, DGE SLONG GIS LHAG PA'I TSUL KHRIMS KYIS GLENG BA NYID NA 'DIR BDAG NYID DANG 'BREL PA'I LHAG PA'I TSUL KHRIMS LA DGE SLONG RNAMS KYIS BRJOD PAR MI BYA BA NYID LA BYED PA GANG YIN PA DE LA ZHES BYA BA'I DON TO, ,PHYOGS BCU NA GNAS PA'I DE BZHIN GSHEGS PA THAMS CAD KYI DGE SLONG GI DGE 'DUN LA 'DIR DGE SLONG RNAMS KYIS ZHES BYA BA BRJOD PA NYID DU RIG PAR BYA'O, ,LHAG PA'I TSUL KHRIMS ZHES BYA BA NI 'DIR 'DUL BA'I RNAM PA THAMS CAD BSTAN PA YIN NO, ,YONGS SU GCOD PA BRJOD PAR MI BYA BA NYID BYED PA LA JI SRID DU CUNG ZAD DGE SLONG ZHES BYA BA 'DIS NYES BYAS SU BYA BA NYID DU RIG PAR BYA'O, ,BSLAB BA'I GZHI RNAMS KYIS KYANG RNAM PAR GCOD PAR BRJOD PAR MI BYA BA NYID BYED PA LA NYES BYAS NYID DO, ,SO SO NYID THOB PA LA 'DI NI KHA NA MA THO BA STE, YONGS SU GCOD PA'I BSLAB PA'I GZHI RNAMS KYIS BRJOD PAR MI BYA BA NYID BYED PA NI SO SO NYID THOB PA MA YIN NO, ,DE BAS NA 'DIR SBOM PO MI BSKYED PA NYID DO; ,DER NYES BYAS NYID DE MI MDZES PA NYID KYI PHYIR RO, ,BKA' BLO MI BDE BA'I DGE 'DUN LHAG MA'O, ,DGE 'DUN LHAG MA RNAMS RDZOGS SO,, ,,NYIN MTSAN GYI DANG PO MA YIN PA LA THA MA MA YIN PA MED PA NYID DO ZHES BYA BA NI CHO GA THAMS CAD KYI DBANG DU BYA BA MDO 'DI DANG MDO 'OG MA GNYIS KYANG DE'I KHA NA MA THO BA'I YAN LAG TU GYUR PA DANG PO'O, ,NYIN MTSAN GANG LA NYIN MTSAN GYI DANG PO MED PA DE NI DANG PO MA YIN PA'O, ,DE'I MTHA'I THA MA LA MTHAR THUG PAR GYUR PA'I SKAD CIG MA GANG YIN PA DE LAS GZHAN LA YOD PA NYID NI YOD PA NYID MA YIN PA ZHES BYA BA'I DON TO, ,ZHAG BCU 'DAS PAR

135b

BYED PA LA GANG ZHIG SPANG BA RNAM PAR GZHAG PA ZLA BA GCIG 'DAS PA DANG, ZHAG DRUG 'DAS PA DANG ZHAG BDUN 'DAS PA LA PHYI MA'I CHA TZAM YOD PA LA YANG DER GZHAN NYIN ZHAG GCIG PA'I DANG PO NYID DO, ,MTHAR 'BYUNG BA'I CHA LA BSKRAD PA BRJOD PA STE, DANG PO 'GA' ZHIG LA NI MA YIN TE ZHES BYA BA 'DI LA 'DI BYED PA'O, ,'DIR LUNG NI 'CHANG BA 'AM BSLAB PA'I GZHI LAS DGE SLONG GIS TSES GCIG LA CHOS GOS RNYED DAM TSES LNGA LA LHUNG BZED RNYED NA ZHES GSUNGS PAS TSES 'DI'I DANG PO THUN TSOD NGES PAR MA SMOS PAR TSES BCU GCIG GI NYIN PAR SKYA RENGS SHAR NA SPANG BA'I LTUNG BYED DU 'GYUR ZHES GSUNGS PA YIN NO, ,GANG GI PHYIR 'DIS TSIG BSTAN PAR 'GYUR TE, MTHA' MA LAS GZHAN PA'I NYIN MTSAN GYI CHA RNAMS LA NYIN MTSAN GYI YAN LAG RNAMS LA YOD PA MA YIN PA NYID GANG GI PHYIR 'DI RNAMS YOD PA NYID LA 'DI NI 'DI SKAD CES TSES GCIG GI SNGA DRO ZHIG LA ZHES BYA BA BRJOD PAR BYA BA SKYE BAR 'GYUR RO, ,GNAS PA LA NI SBYOR BA'I SNOD NYID DO ZHES BYA BA NI BSNYEN PAR MA RDZOGS PA DANG LHAN CIG GNAS PA DANG BSNYEN PAR RDZOGS NA YANG LTA BA'I RNAM PA MI GTONG BA DANG LHAN CIG GNAS PA DANG, DGE TSUL BSNYIL BA DANG LHAN CIG GNAS PA DANG, MTSAN MI MTHUN PA DANG GNAS PA DANG, MTSAN MI MTHUN PA DANG GNAS GCIG NA LHAN CIG NYAL BA DANG, SNANG BA DANG BCAS PA DANG DMAG GI NANG NA GNAS PA LA SBYOR BA'I SNOD NYID YIN PA'O, ,MTHA' YAS PA GNAS PA NYID NI SBYOR BA NYID DO, ,DE'I YUL LHAN CIG NYAL BA LA PHYOGS SNGA MA RNAMS DANG DMAG GI NANG DU GNAS PA LA NYES PA MED PA NYID MA YIN ZHES BYA BA'I DON TO, ,'DIR MTSAN MO TZAM LA DMAG GI NANG NA 'DUG PA MA GTOGS PA GNAS NA MAL CHA BZUNG BA'I PHYIR RO, ,GANG GI PHYIR MTSAN MO LAM LA RAB TU GRAGS PA YIN PA STE, DE DAG GI MTSAN MO GSUM PA LA 'DRON PA DAG PHYI ROL DU DGAR BAR BYA'O ZHES GSUNGS PA LAS MTSAN MO ZHES SMOS PA'I PHYIR RO, ,DE BAS NA MTSAN MO DANG 'BREL PA 'DI RNAMS LA MAL DANG LHAN CIG SBYOR BAR RTOGS PAR BYA'O, ,DMAG GI NANG NA GNAS PA LA NYES PA DANG LDAN PA NYID DO, ,DE BAS NA NYIN MO YANG 'DIR GNAS PAR SBYOR BA LA ZHUGS PA'O, ,DE'I DANG PO NI SKYA RENGS DANG PO DE'I'O

136a

, ,ZHES BYA BA LA NYIN MTSAN DE'I DANG PO NI SKYA RENGS DANG PO GANG YIN PA DE YIN PAR RIG PAR BYA'O, ,ZHAG NI NYIN MTSAN GYI DANG PO STE, NGES PAR 'BYUNG BAR 'GYUR BA NGO BO NYID KYI PHYIR RO, ,NYIN MO DANG MTSAN MO LA SNANG BA NI ZHAG GI NGO BO'O, ,SKYA RENGS DANG PO LA SOGS PA YANG NYIN MO LA SOGS PA'I SNANG BA LA DANG PO ZHES BYA BA 'DI LTAR MDO BYAS PA'O, ,LAS LA NI 'DAS NA NYI MA SHAR BA'I 'O ZHES BYA BA NI GSO SBYONG DANG DGAG DBYE DANG, DE GNYIS LA LHAG PAR GNAS PA DANG, DBYAR KHAS BLANGS PA DANG SRA BRKYANG 'DING BA'I SGO RNAMS LA TSES KYI KHYAD PAR DANG 'BREL BA'I LAS RNAMS LA DUS 'DA' BAR YOD PAR GYUR PA LA NYI MA 'BYUNG BA'I DANG PO NI NYIN MO DANG MTSAN MO SKYA RENGS SHAR BA'I BAR DU 'DA' BAR BYED PA LA DUS KYI BYA BA NYID CES BYA BA'O, ,DON 'DRI BA LA 'DIR GZHUNG NI ZHU BA LAS, BTZUN PA RE ZHIG DGE SLONG GIS SKYA RENGS SHAR BA DANG BDAG CAG GIS GSO SBYONG MA BYAS SO SNYAM DU DRAN PA SLAR RNYED PAR GYUR NAS, DE DAG DE'I TSE NA GSO SBYONG BGYID CING SO SOR THAR PA 'DON PAR BGYID NA DGE 'DUN GYIS GSO SBYONG BGYIS PA DANG SO SOR THAR PA BTON PA ZHES BGYI 'AM, NYE BA 'KHOR DGE SLONG DE RNAMS KYIS GSO SBYONG BYAS PA DANG SO SOR THAR PA BTON ZHES BYA BA NI 'DRA BA NYID KYI PHYIR DGAG DBYE LAS 'DI SHES PA'O, ,SPANG BA LA NI 'DU SHES LAS GTZO CHER RANG GI NYID DO ZHES BYA BA NI DNGOS PO LAS JI LTAR MA BYIN PAR LEN PA DANG, SHI BA'I YO BYAD GNYIS NI NYE BAR DGOS PAR BYA BA MA YIN PA NYID NI RANG NYID MA YIN PA SHES PAR BYED PA'I BDAG PO LA YANG SKYE BA NYID BDAG TU BYA BA 'DI LA YANG DAG PAR SHES PA NYID DE DE BZHIN DU SPANG BA'I LTUNG BYED LA YANG SHES PAR GYUR PA YOD DU ZIN NA DNGOS GZHI SKYES PA STE MA SHES PAR GYUR PA LA NI GTZO CHER RANG NYID KYI 'DU SHES LA NI LTUNG BA MED DO, ,DON JI LTA BA NYID NA DNGOS GZHI STE DON JI LTA BA MA YIN PA LA ZHES BYA BA'I DON TO, ,RANG GI MA YIN PA LA RANG GI BLO YOD PA LA NYES BYAS BSKYED PA ZHES BYA BAR SHES PAR BYA'O, ,RANG GI YIN PA LA NI DNGOS GZHI STE, RANG GI MA YIN PA LA NYES BYAS SO ZHES BYA BA 'DI 'DU SHES PA BZHIN DU SOM NYI ZHES BYA BA'I DON TO, ,'DIR GZHUNG NI KO LPAGS KYI GZHI LAS DGE SLONG GIS DGE SLONG LA CHOS GOS DAG BSKUR ZHING

136b

'DI NAS BTANG LA DER MA BYIN PA DAG LA NI GANG LA YANG SPANG BAR MI 'GYUR RO ZHES GSUNGS PA YIN NO, ,MA THOB PA GANG LA BTANG BA DE LA NI SPANG BA'I LTUNG BYED MI BSKYED PAR BSTAN PA NI 'DU SHES PAR MI 'GYUR BA NYID KYI PHYIR 'DIR RNAM PAR GNAS PA YIN NO, ,DE NI BSNGOS PA NYID NA BRAL BA NYID DO ZHES BYA BA NI GZHAN LA BRAL BA NYID 'DI LA SPANG BA'I LTUNG BYED MA BYAS PA'I PHYIR RANG NYID LA GANG DU BSNGOS PA NYID DES 'DU SHES PA NYID LA YANG STONG PA NYID LA RNAM PAR MA BRTAGS SU ZIN KYANG SU ZHIG LA ZHES BYA BA BYE BRAG YONGS SU MA BZUNG BAR SHES PAR BYA'O, ,GANG ZHIG 'DI NI KO LPAGS KYI GZHI LAS GANG GIS BTANG BA DER SPANG BA'I LTUNG BYED MI BSKYED PAR BRJOD PA'O, ,'DIR LUNG NI 'O NA 'DI SHI BA'I YO BYAD LA JI LTAR 'DIR DNGOS PO LAS RANG NYID RNAM PAR GZHAG GI 'DU SHES LAS MA YIN NO, ,RAB TU BYUNG BA'I DON DU NGES PAR BYA BA YANG DE NYID DO ZHES BYA BA NI DNGOS PO NYID CES BYA BA'I DON LA LTUNG BA MED DO, ,RAB TU BYUNG BA LA LTOS PA'I DON DU BYED PA NYID KYI PHYIR 'DZIN PAR BYED CES BYA BA GANG ZHIG TZAM LA BRJOD PA DE LA'ANG BSHAD PA'O, ,CHOS GOS LAS KYANG RNAM PAR BRTAGS NA'O ZHES BYA BA NI MA BLANGS PA NYID LA RNAM PAR BRTAGS PA LAS CHOS GOS LAS KYANG RANG GI NYID DANG 'BRAL BA STON TO, ,'DI LA RJES SU ZHUGS PA NYID KYANG NYAMS PA YIN NO ZHES BYA BA NI RANG NYID KYIS RJES SU 'JUG PA NYID GANG YIN PA DE LA 'DIR MA BLANGS PA NYID LA SOGS PAS BRAL BA NYID LA NYAMS PA NYID DO, ,RANG BZHIN LAS NYAMS NA YANG NGO ZHES BYA BA'I SGRA NI RJES SU ZHUGS PA NYID NYAMS PA YIN NO ZHES BYA BA'I RJES SU SNYEGS PA'I PHYIR RO, ,'DIR GZHUNG NI NYE BA 'KHOR GYIS ZHUS PA LAS BTZUN PA DGE SLONG GI CHOS GOS RNYED NAS DGUNG LNGA LAGS LAS SEMS RNAM PAR 'KHRUGS PAR GYUR NAS DE'I DGUNG BCU PO SLAD MA GANG TSUN CHAD NAS BGRANG BAR BGYI, NYE 'KHOR GANG TSUN CHAD NAS RANG GI SEMS PHYIR RNYED PA NAS SO ZHES GSUNGS PA YIN NO, ,RANG GI SEMS SO SOR RNYED PA NAS BRTZAMS TE 'DIR BGRANG BA'I TSIG GANG YIN PAS ZHAG LNGA PO YANG 'DA' BAR BYED PA LA NYE BAR BSDU BA'O, ,'DIR NI 'DI LA BSTAN PA'O, ,DE YOD NA DNGOS PO DE LTA BU GZHAN LA YANG 'BYUNG BA NYID DO ZHES BYA BA NI RJES SU ZHUGS PA NYID DE YOD CING GZHAN DU DE'I

137a

, ,DNGOS PO DANG GANG GI RNAM PA'I DNGOS PO LA DE DANG RJES SU 'JUG PA NYID DO, ,YOD PA'I RNAM PA'I DNGOS PO LA CHOS GOS ZHAG BCU PAR GTOGS PA NI ZHAG BCU PA'I CHOS GOS LA 'BYUNG BA NYID DO, ,ZLA BA GCIG PAR GTOGS PA NI ZLA BA GCIG PA LA'O, ,SMAN ZHAG BDUN PAR GTOGS PA NI SMAN ZHAG BDUN PA LA 'BYUNG BA NYID TZAM LA SKYES PA NYID DO, ,GANG GI PHYIR PHYIS 'BYUNG BA RNAMS LA DANG PO'I DUS 'DA' BA NYID NI SPANG BA'I LTUNG BYED BRJOD PA'O, ,DE NYID LA ZHAG BCU'I NANG ROL DU STE DE BAS NA SKYON MED DO, ,'DIR LUNG NI SBYOR BA NI YONGS SU DAG PA NYID DE, 'DIR RGYUN LA DER 'DZIN PA MA YIN NO, ,SBYOR BA DES DE DANG 'BREL PA'I RDZAS KYI KHYAD PAR BUM PA DANG SNAM BU ZHES BYA BA LA SOGS PA GSUNGS PA YIN NO, ,ZHAG BDUN PA LA NI RIGS MTHUN PA LA'O ZHES BYA BA NI RDZAS KYI RIGS 'DRA BA LA ZHAG BDUN PA'I DON DU LHAG PAR GNAS PA LA RJES SU 'JUG PA NYID YOD PA 'DI LA SKYES PA NYID DO, ,'DIR RNAM PAR 'BYED PA'I GZHUNG 'GA' ZHIG LAS MAR DANG 'BREL BA NI MAR LA'O, ,'BRU MAR DANG 'BREL PA NI 'BRU MAR LA'O, ,SBRANG RTZI DANG 'BREL PA NI SBRANG RTZI LA'O, ,HVAGS DANG 'BREL PA NI HVAGS LA'O, ,'BREL PA DANG BCAS PA NI 'BREL PA DANG BCAS PA'O ZHES GSUNGS PA YIN NO, ,DON THA DAD PAS 'DI LTA BU NYID DU RNAM PAR GZHAG PA'O, ,LTUNG BA DE YOD NA YO BYAD TZAM BDAG GIR BYAS PA LA SPANG BA NYID DO ZHES BYA BA NI SPANG BA'I LTUNG BYED DE YOD NA'O, ,RANG BZHIN GYIS MA GRUB PA LA SPANG BA'I LTUNG BYED DAG TU BYED PA LA GANG DU YO BYAD 'GA' ZHIG LA SPANG BA'I LTUNG BYED LAS SKYES PA NYID DO, ,'DI NI SPANG BA'I LTUNG BYED LAS MA SKYES PA NYID BYAS PAR RIG PAR BYA'O, ,SPANG BA NYID TZAM LA CHO GA 'DI LTA STE SPANG BA'I LTUNG BYED RANG BZHIN GYIS MA BYAS PA NYID LA JI SRID DU THAMS CAD 'GRUB PA DNGOS PO THAMS CAD DE DNGOS PO GANG LAS LTUNG BA DE BSKYED PA DE'I DNGOS PO BZHIN DU DE LA YANG BRAL BA MA BYAS PA'O, ,DE'I PHYIR LTUNG BA NI BSHAGS PAR BYA MI DGOS TE, ,DE'I GZHI LAS LTUNG BA MA BYUNG BA'I PHYIR RO, ,'DIR GZHUNG NI DGE SLONG GIS CHOS GOS SPANG BA MA SPANGS SHING BRAL BAR MA BYAS LA LTUNG BA DE YANG MA BSHAGS PAR GZHAN ZHIG RNYED NA DE YANG SPANG BA YIN TE, SNGA MA'I

137b

SHUGS KYIS SO ZHES BYA BA LA SOGS PA GSUNGS PA YIN NO, ,CHUNG BA NYID KYI DUM BU DE NI MI 'GYUR RO ZHES BYA BA LA DE NI MI 'GYUR RO ZHES BYA BA NI SPANG BA NYID DO, ,'KHOR YUG GI MTHA' MNYAM PA NI SPANG BA'I LTUNG BYED RNAMS LA DE BAS NA MA TSANG BA RNAMS LA ZHES BYA BAR GTOGS PA'O, ,'KHOR YUG MNYAM PA LAS MA TSANG BA NYID LA DUM BU NI SPANG BA NYID MA YIN ZHES BYA BA'I DON TO, ,SPANG BA NYID LA 'DI DUM BU NYID DU 'BREL PA LA DUM BU RNAMS LA BRAL BAR MA BYAS PA LA BYED PA'O, ,'DIR GZHUNG NI NYE BA 'KHOR GYIS ZHUS PA LAS BTZUN PA DGE SLONG GIS CHOS GOS SPANG BA TSIG GAM SROG CHAGS DAG DANG SRIL DAG GIS 'CHAL BAR GYUR NA DE LA PHYA PHYE 'AM DAM DUM GANG DAG MCHIS PA DAG SPANG BAR BGYI 'AM NYE BA 'KHOR MI BYA STE, LTUNG BYED 'GA' ZHIG BSHAGS PAR BYA'O, ,LHAG PAR GNAS PAR BYA BA MA YIN ZHES GSUNGS PA DE NYID DE RNAMS LA LHAG PAR GNAS PA DE 'DIR BSDUS PA YIN NO, ,DGE 'DUN GYI YANG NGO ZHES BYA BA NI DGE 'DUN MNGA' BA GANG ZAG GIS BDAG NYID DU RIS SU BCAD PA DANG, DGE 'DUN MNGA' RIS SU MA BCAD PA'O, ,SPANG BA'I LTUNG BYED DAG GIS YANG 'CHANG BA DANG 'BRAL BA DANG 'JOG PA DE'I RGYUS SPANG BA'I LTUNG BYED RNAMS LA YANG DER GANG ZAG GCIG PA DANG 'DRA BAR GANG ZAG RE RES BDAG TU BYAS PAS YANG DAG PAR GNAS PA'O, ,DGE 'DUN MNGA' RIS SU BCAD PA'I DGE 'DUN DANG 'BREL PA LA BDAG TU BYAS PAS SU ZHIG MED PAS 'CHANG BA DANG 'JOG PA'I RGYUS SPANG BA'I LTUNG BYED DAG GI YANG SKABS MED PAS GNAS PA'I RGYUS LHAG PAR GNAS PA LA MNGA' RIS SU MA BCAD PA MI SRID PA'I PHYIR GANG ZAG GCIG GIS DGE 'DUN RIGS SU BCAD PA DANG LHAG PAR 'BREL BA GNAS PA SPANG BA'I LTUNG BYED LA GLAG YOD DE DE BAS NA MDO 'DI YIN NO, ,'DIR GZHUNG NI NYE BA 'KHOR GYIS ZHUS PA LAS, BTZUN PA DGE SLONG GIS DGE 'DUN GYI CHOS GOS BYIN GYIS BRLABS NAS MTSAMS KYI SLAD ROL TU 'BRAL BAR BGYID NA CHOS GOS DANG BRAL ZHES BGYI 'AM MA BRAL ZHES BGYI BKA' STZAL PA, CHOS GOS DANG BRAL ZHES BYA'O, ,CHOS GOS DE SPANG BAR BGYI 'AM, NYE BA 'KHOR MI BYA STE, LTUNG BYED 'BA' ZHIG BSHAGS PAR BYA'O ZHES GSUNGS PA YIN NO, ,DE BAS NA GANG DU RANG NYID LA GTAD PA NYID MA YIN PA NI

138a

, ,'DI LTA STE DGE 'DUN GYI CHOS GOS DE LA BYA BA NYID DO, ,'DI LA MED PA DE NYID GTZO BO'O ZHES BYA BA NI 'DI LA DNGOS PO DE YOD PA MA YIN ZHES BYA BA NI 'DI LA DNGOS PO DE MED PAS NA MED PA'O, ,MED PA'I DNGOS PO NI MED PA NYID DO, ,DE NYID SPANG BA NYID LA GTZO BO YIN GYI SPANG BAR BYA BA'I RDZAS NI GTZO BO MA YIN NO, ,THAMS CAD MED PAS 'DI LA BYA BA NYID DU SHES NAS 'DI LA BYA BA NYID DU SHES NAS 'DIR CI ZHIG BYA BA ZHES BYA BA THE TSOM MI BYA ZHES BYA BA 'DI LA 'DI BYED PA'O, ,'DIR GZHUNG NI ZHU BA LAS, BTZUN PA DGE SLONG GIS CHOS GOS SPANG BA NYAMS PAR GYUR NA LTUNG BYED BSHAGS PAR BGYI 'AM, NYE BA 'KHOR MA DAG PA NI BSHAGS PAR BYA'O ZHES GSUNGS PA YIN NO, ,'DI GSUM NI SRA BRKYANG BTING BA LA MI 'BYUNG NGO ZHES BYA BA NI 'CHANG BA 'AM 'BREL BA DANG 'JOG PA LHAG PAR GNAS PA'O, ,THUN MONG BA NI SONG ZIN TO,, ,,DE NAS SO SO'I SKABS BRJOD PAR BYA STE, GANG DU 'CHAD BA'I SPANG BA'I LTUNG BYED BSKYED CE NA; DE'I PHYIR YOD NA'O ZHES BYA BA SMOS TE SU YOD CE NA, DE'I PHYIR RANG GI NYID DO ZHES BYA BA SMOS TE, THAMS CAD LA YANG MA YIN NO, ,'O NA GANG ZHE NA, DE'I PHYIR ZHAG BCUR RJES SU ZHUGS PA NYID DO ZHES BYA BA SMOS SO, ,DUS GANG GI TSE SPANG BAR 'GYUR ZHE NA, DE'I PHYIR GZHAN GYI NYI MA'I DANG PO LA'O ZHES BYA BA SMOS TE RJES SU ZHUGS PA'I DUS 'DI ZHAG BCUR BRJOD PA GANG YIN PA DE LAS GZHAN PA'I ZHAG LA DANG POR SKYA RENGS 'CHAR BA'I SKAD CIG MA DANG PO LA'O, ,RANG NYID GANG DU STE DUS TZAM GANG ZHIG LA YOD PA NA ZHE NA, DE'I PHYIR GOS LA'O ZHES BYA BA SMOS SO, ,THAMS CAD DU MA YIN TE 'ON KYANG 'KHOR GSUM KHEBS BA'I MTHA'I TSAD LA'O ZHES BYA BA LA 'KHOR GSUM ZHES BYA BA NI LTE BA'I DKYIL 'KHOR DANG PUS MO'I LHA NGA'I TSIGS GNYIS SO, ,'KHOR GSUM PO DE DAG CHUB PAR KHEBS PA'I MTHAR GYUR PA'I KHYON GYI TSAD GANG LA YOD PA DE ZHES BYA BA'I DON TO, ,'DI YANG THAMS CAD DU NI MA YIN TE GZHAN YANG BYIN GYIS BRLABS PA DANG MA 'BREL PA LA'O, ,GZHAN YANG 'BREL KYANG RJES SU ZHUGS PA DANG BCAS PA LA'O ZHES BYA BA NI 'BREL KYANG RJES SU ZHUGS PA DANG BCAS PA LA'O, ,YOD PA NYID DANG RJES SU 'JUG PA LHAN CIG TU RJES SU 'JUG PA DANG BCAS PA'O, ,RANG NYID LAS BYUNG BA

138b

DANG GZHAN LAS BYUNG BA'O, ,RANG NYID KYIS RJES SU ZHUGS PA DANG BCAS PA LA 'BREL PA NI YUL KHYAD PAR DU GYUR PA YONGS SU BZUNG BA YIN NO, ,'DI LA GZHAN YOD NA BYIN GYIS MA BRLABS PA DE'I SHAN TSUN CHAD NAS SO ZHES BYA BA LA, 'DI LA ZHES BYA BA NI RJES SU ZHUGS PA DANG BCAS PA'I GOS LA'O, , BYIN GYIS BRLABS PA RJES SU ZHUGS PA DANG BCAS PA DE LAS GZHAN BYIN GYIS MA BRLABS PA DE'I SHAN TSUN CHAD NAS YOD PA ZHES BYA BA'I DON TO, ,SHAN TSUN CHAD NAS SO ZHES BYA BA NI MA TSANG BA LA GTZO BOR 'GYUR RO, ,DE LTAR NA YONGS SU DAG PA NYID BYIN GYIS BRLABS PA LA ZHES BYA BA 'DI SHES PA'O, , 'DIR GZHUNG NI NYE BA 'KHOR GYIS ZHUS PA LAS, BTZUN PA DGE SLONG GIS CHOS GOS DE NYID ZHAG BCU LAS 'DAS PA YANG LAGS LA DE NYID ZHAG GCIG BRAL BA YANG LAGS PA MCHIS SAM NYE BA 'KHOR YOD DE 'DI LTA STE, DGE SLONG GIS CHOS GOS RGYUN MA CHAD PAR RGYUN 'BYUNG BA YANG YIN LA, DES CHOS GOS 'BYUNG BA DE ZHAG BCU PA LA BYIN GYIS BRLABS NAS MTSAMS KYI PHYI ROL DU CHOS GOS DE MED PAR SKYA RENGS 'CHAR BAR BYED NA, DE LTAR NA CHOS GOS DE NI DE NYID ZHAG BCU 'DAS PA YANG YIN LA DE NYID ZHAG GCIG BRAL BA YANG YIN NO ZHES GSUNGS PA YIN NO, ,'CHANG BA'I SPANG BA'O,, ,,GDING BA DANG BRAL BA LA NI NYES PA MED DO ZHES BYA BA NI 'DIR PHRAN TSEGS RNAMS LAS 'DI LA SOGS PA'I SHIN TU MANG BA ZAD PAS ZHES BYA BA'I MTHAR 'DI SNYEGS PA'O, ,GAL TE DENG NYID PHYIR LDOG CING GNAS PAR BYA'O SNYAM PA MED NA GDING BA GZHAG STE 'GRO BAR MI BYA'O ZHES BYA BA NI 'DI LTAR DGONGS NAS 'GRO BA LA DUS 'BYOR PAR 'GYUR BA LA DER SLAR 'ONGS PA NYID LA DER GNAS PAR BYA'O, ,GAL TE DENG NYID KYI PHYIR LDOG CING 'DIR GNAS PAR BYA'O SNYAM PA'I BSAM PA MED NA GDING BA MED PAR GANG DU YANG 'GRO BAR MI BYA'O, ,DER DUS MA 'BYOR NA YOD PAR GYUR PA LA BRNYAS TE GDENG BA LA GNAS PAR BYA'O, ,MA RNYED NA BLA GOS BZHI BLTAB TU BYAS PA'I STENG DU YUN RING DU MI NYAL BAR RO, ,SNAM SBYAR GZHAG PAR MI 'OS PA'I GNAS SU DBYAR GYI GOS RAS CHEN YANG GZHAG PAR MI BYA'O ZHES BYA BA GNAS GANG NA DGE SLONG NYID MED PA DANG SGO GLEGS GNYIS KA 'DOM PA DER GZHAG PAR MI BYA ZHES BYA BA'I DON TO, ,CHAR 'BAB

139a

, ,NA MI GZHAG GO, ,CHU KLUNG GIS CHOD PAR 'GRO BA LA YANG MI GZHAG GO, ,DE GNYIS DOGS PAR YANG MI GZHAG GO ZHES BYA BA NI DBYAR GYI GOS RAS CHEN ZHES BYA BA 'DI LA NI 'DIR SO SOR SBYAR BAR BYA'O, ,'DI GNYIS ZHES BYA BA NI CHAR 'BAB PA DANG CHU KLUNG GIS CHOD PA DE GNYIS YOD PAR DOGS PA'I GNAS SU 'GRO NA YANG DBYAR GYI GOS RAS CHEN MI GZHAG PAR BSKUR RO, ,DGE SLONG DANG BCAS PA NYID DANG SGO GLEGS DANG BCAS PA NYID DUB CAS PA'I GNAS DANG CHAR 'BAB PAR DOGS PA DANG, BGROD PAR BYA BA CHU KLUNG GIS CHOD PA NYID 'DI LTA BU MED NA GNANG BA MA BYIN PA DANG SRA BRKYANG MA BTING BAS SNAM SBYAR MED PAR GAR YANG 'GRO BAR MI BYA'O ZHES BYA BA LA BCAS PA NYID CES BYA BA NI GNYIS PO 'DI DANG YANG DAG PAR LDAN PA'O, ,CHU KLUNG GIS CHOD PA ZHES BYA BA NI 'BAD PAS BRGAL BAR MI BYA BA'I CHUS BAR DU CHOD PA NYID DO, ,GZHI SNANG BA YOD PA LA BAR DU MA CHOD PA NYID DO, ,'DI LTA BU MED NA ZHES BYA BA NI DGE SLONG DANG BCAS PA NYID CES BYA BA LA SOGS PA'O, ,'DI YOD PA LA 'DI DANG LHAN CIG TU SBYOR BA MED BAR SKYON MED DE, CHAR 'BAB PA DANG DGE SLONG DANG BCAS PA NYID MI BDEN YANG SGO GLEGS DANG BYAS PA NYID DU BCAS PA'I GNAS ZHES BYA BAR SBYAR TE SNAM SBYAR ZHES BYA BA 'DIR RNAM PAR GNAS PA YIN NO, ,DES BSNYEN PAR MA RDZOGS PA'I LAG TU SNAM SBYAR GTAMS PA YANG RUNG BAR SNANG NGO, ,GNAS SU PHYIN PAR MI 'GYUR NA CHOS GOS KYIS PHYUNG STE GZHAN LA BYIN GYIS BRLABS PA NI CHO GA'I RNAM PA'O ZHES BYA BA NI GNAS GZHAN NA 'DUG PA'I BYIN GYIS BRLABS PA PHYUNG STE, KHYIM PA YAN CHAD KYI GOS SAM GZHAN LA BRNYAS PA LA YANG BYIN GYIS BRLABS PA BSGRUB PAR BYA'O, ,'DI NI CHOS GOS KYI GNAS LA THOB PA MI SRID PA LA SLAR CHO GA'I RNAM PA STE THABS SO ZHES BYA BA'I DON TO, ,SNAM SBYAR LCI BA NYID YIN NA RGAN PO DANG NAD PA DAG LA MI 'BRAL BA'I GNANG BA SBYIN NO ZHES BYA BA STE 'BRAL BA'I SPANG BA'I THABS SO, ,GANG LA GNANG BA DANG SPANG BA'I LTUNG BYED LA BYED PA PO NYID CE NA, DE'I PHYIR BYIN GYIS BRLABS PA DANG GNANG BA MA THOB PA NI BYED PA PO NYID DO ZHES BYA BA SMOS TE, GOS ZHES BYA BA 'DI LA GOS KYI DNGOS POR YONGS SU GYUR PA LA SO SOR NYE BAR GNAS

139b

PA'O; ,DE BAS NA LHUNG BZED LA SKABS MA YIN NO, ,BYIN GYIS BRLABS PA'I GOS LA GANG ZAG GNANG BA MA THOB PA NI LHUNG BA'I BYED PA PO NYID CES BYA BA'I DON TO, ,'DIR NI GNAS SKABS THAMS CAD LA GANG ZAG DE BYED PA PO NYID MA YIN TE, DE LA BDEN PA LA 'DI GANG YIN PA DER BRJOD PAR BYA STE, DE'I PHYIR DE'I GNAS NYEN KOR DANG BCAS PA NAS GZHAN NA GNAS PA LA SKYA RENGS SHAR NA'O ZHES BYA BA SMOS TE, CHOS GOS BYIN GYIS BRLABS PA DE'I GNAS GANG YIN PA GNAS PA'I SA DE NYE BAR SPYAD PAS KYANG GNAS GZHAN NA GNAS PA LA STE GANG YANG RUNG BA GCIG GI NGUS LA NI MA YIN NO, ,'ON KYANG SKYA RENGS SHAR BA LA GANG GIS DE BYIN GYIS BRLABS PA DE LA ZHES BYA BA 'DI SKYA RENGS SHAR BA LA 'BREL PA CAN GYI SGRA NYID KYI PHYIR SHES PAR BYA'O, ,'DIR BZUNG BA TZAM NI GNAS MA YIN TE DE BAS NA 'DI LA MTSAMS BRJOD PAR BYA'O, ,MTSAMS BYAS PA LA MTSAMS GNAS KYI MTHA'O ZHES BYA BA NI 'DI LTAR YOL BA DANG RTZIG PA DANG RIB MA DANG 'OBS KYIS BSKOR BA LA SOGS PA DAG KYANG MTSAMS NYID YIN NO, ,MTSAMS BCAD PA 'BA' ZHIG MTSAMS YIN PAR NI MA ZAD DE KHYAD PAR YONGS SU MA BZUNG BA'I PHYIR RO, ,JI LTAR BDAG PO GCIG PA NYID MA YIN PA'I BAR GYI MTSAMS RNAM PA THA DAD PA NYID YIN PA DE BZHIN DU BDAG PO GCIG NYID KYI BAR GYI MTSAMS RNAMS NI THA DAD PA NYID DU MI 'GYUR BAS DE'I PHYIR BDAG PO GCIG NYID MA YIN PA'I BAR GYI MTSAMS RNAMS NI THA DAD PA NYID DO ZHES BYA BA SMOS TE, GANG DU RAB TU 'BYED PAS MANG BA'I BDAG PO RNAMS LA GNYEN GCIG PA'I RIGS PAS GNAS PA DE LA CHO GA 'DI MI 'JUG PA'O, ,MTSAMS GZHAN LA YANG DE NYID LA BDAG PO NYID DO, ,GNAS SO SOR NI BDAG PO THA DAD PA MA YIN PA ZHES BYA BA'O, ,GANG ZHIG SNA TSOGS PA NYE BAR SPYOD PA'I RIGS LA PHYI SGO LA SOGS PA THUN MONG BA'I DNGOS PO BRJOD PA NI YUL GYI TSOMS DANG, MU STEGS CAN GYI KHYIM DANG, TSONG KHANG DANG, TSONG RDAL DANG, GZHAG STEGS DANG, 'DUG STEGS DANG, DGRA KHANG DANG, G-YUL DANG, DKYIL DANG, RGYAL MTSAN GYI SHING BSGRENG BA DANG, SHING RTA DANG, KHA LO BA'I GNAS ZHES BYA BA DANG, GRU LA DANG, GRU DONG DANG, KUN DGA' RA BA NI KHRON PA THUN MONG YIN TE,

140a

, ,THAMS CAD LA DE DANG KHYIM PA LA SOGS PAR 'JUG PA LA NI ZHUGS PA'I BDAG PO RNAMS DE YONGS SU GCOD PA NYID KYI SGO BA LA SOGS PA RNAMS LA ZHEN PA ZHES BYA BA 'DIS SHES PA'O, ,NOR LAS DANG LTA BA LAS THA DAD PAS THA DAD PA MA YIN PA'I YANG NGO ZHES BYA BA LA NOR LA NI 'DI LTA STE DPER NA SPUN RNAMS KYI LTA BU'O, ,LTA BA LAS NI MU STEGS CAN RNAMS KYI LTA BU'O, ,MA BA GOS PA NI YONGS SU BZUNG BA PO RNAMS SO, ,GZHAN MTSAMS KYANG THA DAD PA NYID MA YIN TE, GNAS 'GOD PA LA THA DAD PA NYID CES BYA BA'I DON TO, ,YAL GA DANG YAL GA PHRA MO DAG MA REG PA NI GNAS THA DAD PA NYID DO ZHES BYA BA LA MI REG PA NI MA REG PA STE PHAN TSUN MA PHRAD PA ZHES BYA BA'I DON TO, ,DE YOD PA LA GNAS THA DAD PA NYID DE 'DI RNAMS MA 'DRES PA LA GNAS GCIG PA NYID CES BYA BA 'DI DANG BYAS PAR RIG PAR BYA'O, ,RTZA BA NI THUN MONG NGO ZHES BYA BA NI YAL GA DE DAG GI RTZA BA NI THUN MONG BA'O, , RTZA BA'I RTZA BA LA SOGS PA YANG NGO ZHES BYA BA NI PHYOGS GANG LAS YAL GA DU GYES PAR GYUR PA DE'I MOD KHO NA'I 'OG NA YAL GA MED PA'I SHING LJON PA'I SDONG PO'I PHYOGS LA BYA STE DE NI RTZA BA'O, ,DE LA DE LTA BU NYID KYI YAL GA GCIG TU GYUR TAM YAL GA DU MAR GYUR BA'I CHUNG NGU 'AM CHEN PO 'AM PHRA BA 'AM RAGS PA'I SHING LJON PA DANG LHAN CIG TU GANG DU GCIG PA NYID DE'I MTHA' CAN 'DIR RTEN YAL GA MED PA SHING LJON PA'I SDONG PO'I PHYOGS LA BYA STE, DE NI RTZA BAR RIG PAR BYA'O, ,SOGS PA'I SGRAS NI DE MAN CHAD NAS SA GZHI LA THUG PA YAN CHAD KYI BAR BZUNG STE DE RNAMS NYE BAR SDUD PA'O, ,GANG GI GANG RNAMS LA RTZA BA NYID DE'I DE RNAMS THUN MONG BA NYID DO, ,'DIR GZHUNG NI 'DI LTA STE SHING LJON PA YAL GA DANG LO MA MA REG PA DE'I NYEN KOR GANG LAGS, SO SO THA DAD PA'O, ,JI ZHIG THUN MONG LAGS RTZA BA'I ZHES GSUNGS PA YIN NO, ,YAL GA DANG LO MA REG PA'I SHING LJON PA RNAMS NI GNAS GCIG PA NYID DO ZHES BYA BA NI 'DAB MA DANG ME TOG DANG BRAS BU RNAMS LA YAL GA RGYAS PAR 'GYUR BA NYID DE DE BAS NA SO SOR MA SMOS SO, ,SHING LJON PA RNAMS ZHES BYA BA NI SHING DAG DANG SHING RNAMS LA'O, ,DE'I CHA 'OG MAR SBYANGS PA NI STENG G-YOGS DANG 'DRA'O ZHES BYA BA NI 'DIR BLA GAB KYI RIM PA'I CHA

140b

'OG MA DE'I GNAS KYI KHONGS SU GTOGS PA DE BZHIN DU 'DIR ZHES BYA BA'I DON TO, ,GRU DANG SHING RTA DAG GI YANG NGO ZHES BYA BA NI CHA 'OG MA YANG STENG G-YOGS DANG 'DRA BAR KHONGS SU GTOGS PAR SHES PAR BYA'O, ,NAM MKHA' NI MTSAMS SU GTOGS PA MA YIN NO, ,DE BAS NA DE DANG 'BREL PA STENG GI NGOS DANG 'BREL PA'I RDZAS NI MDO 'DI GNYIS KYIS GNAS NYID YIN PAR RIG PAR BYA'O, ,MTSAMS MED PA NI YAN LAG GIS KHYAB PA MTHA'O ZHES BYA BA NI LHAG PAR GNAS PA 'AM DE'I RNAM PA'I SHING GCOD PA LA SOGS PA LA RNAM PAR GCOD PA NI 'DIR MTSAMS BCAD PA STE, DE MED PA LA 'DI RNAMS MTSAMS BCAD PA MED PA NYID KYI TSIG GO, ,KHYAB PA NI GNAS TE DER YAL GA GANG YIN PA DE'I MTHAR THUG PA NI GNAS KYI MTHAR THUG PA'O, ,'DIR LUNG NI GANG ZHIG LAM DU ZHUGS PA LA LUS DANG 'BREL PA'I PHYOGS NAS MTSAMS SO, ,'DOM BZHI BCU RTZA DGU TSUN CHAD NYEN KOR YIN PAR GSUNGS PA GANG YIN PA DANG, MTSAMS GZHAN PA LA LUS KYIS NON PA NYI TSE GNAS NYID YIN PAR GSUNGS PA GANG YIN PA DE YIN NO, ,YANG RIGS PA NI 'DIR ZHUGS PA LA GNAS NYID TZAM DU RUNG BA NYID KYIS GNAS KYI KHONGS SU GTOGS PA ZHES BYA BA STE GZUGS LA NI MA YIN ZHES BYA BA'O, ,DE'I PHYIR GNAS BSTAN PAR BYAS PA'O, ,DA NI 'DI LA NYEN KOR BSTAN PA'I PHYIR NYEN KOR NI KHOR KHOR YUG TU 'DOM RE RE'O ZHES BYA BA SMOS TE, NYEN KOR NI RNAM PA GNYIS TE, BRTZAMS PA NYID KYI GNAS NYID KYI KHONGS SU GTOGS PA DANG, GNAS NGES PA LA LHAG PAR NGAS SHING BRTZAMS BA'I SKABS LA BRTZAMS PA YANG DAG PAR GNAS ZHES BYA BA'O, ,NYEN KOR DU GYUR PA NYID KYI DANG PO LA 'DIR BRJOD PA NYID DO, ,KHOR YUG TU 'DOM RE RE'O ZHES BYA BA'O, ,PHYI MA NI DMIGS KYIS BSAL BAR GYUR PA'O, ,GRONG GSUM DANG 'BREL PA GNAS SO SOS BRTZAMS PA TZAM NI MA YIN NO, ,LHAG PAR GNAS PA BRTZAMS PA LA YANG GSUM STE, NYEN KOR LA YANG GRUB PA DANG, SHING RTA LA SOGS PA RNAMS LA 'DIR G-YOG 'KHOR NYID DO, ,GRUB PA NI RNAM PA GSUM YIN TE, BSHANG BA DANG GCI BA DANG MI GTZANG BA'O, ,NGA RGYAL YANG RA DANG LUG LA SOGS PA RNAMS KYI RLUNG GIS NGES PAR BAB PAR 'GYUR BA STE

141a

, ,DE BAS NA DE RNAMS LA 'DI BRTEN PA'O, ,RTZIG PAS BSKOR BA'I GRONG LA NI JI TZAM DU BA LANG DRUG DANG LDAN PA'I SHING RTA SMYIG MA CAN GYI 'AM BYA GAG SPAR NAS 'DUG PA'I LAM GYIS KHYAB PA'O ZHES BYA BA, BYA GAG SPAR NAS 'DUG PA'I ZHES BYA BA NI LAM JI TZAM NA 'DUG PA DE NI 'DI 'AM SNGA MA GANG YANG RUNG BA NYEN KOR YIN NO, ,RIB MAS BSKOR BA LA NI RA LUG GI RDUL GYI 'AM MI RANG BZHIN GYIS NGO TSA BA DANG LDAN PA'I BSHANG BA'I LAM GYIS SO ZHES BYA BA NI MI RANG BZHIN GYIS NGO TSA BA DANG LDAN PA GANG YIN PA DES SPRO BAS 'DIR DE NI NYEN KOR RAM JI SRID DU RDUL GYIS KHYAB PA LA'O, ,'OBS KYIS BSKOR BA LA NI SKAS GDANG BU BCU GNYIS PA'I 'AM PHYAG DAR BOR BA'I BONG BA RAGS PA'I LAM GYIS SO ZHES BYA BA NI PHYAG DAR BOR BA'I BONG BA RAGS PA YAN LAG TU GYUR PA'I LAM GYIS KHYAB PA GANG YIN PA DE NI NYEN KOR DU BRJOD DO, ,BRTZAMS PA NYID KYI GNAS PA LA NYEN KOR NANG DU 'BYUNG ZHING NYEN KOR DU GYUR PA NYID KYIS GANG YIN PA DE NI BRJOD PAR BYA STE, GNAS DE'I 'PHRAL GYI BYA BA DANG 'GRO BA DANG 'DUG PA DANG RDUL DAG GIS DER GTOGS PA KHYAB PA'O ZHES BYA BA NI GNAS DE DANG 'BREL PA DE'I 'PHRAL GYI BYA BA NYID GANG YIN PA DANG 'GRO BA DANG 'DUG PA DANG RDUL DE DAG GIS SAM, DE JI TZAM PA DER GTOGS PA DE'I GNAS KYI SA PHYOGS LA KHYAB PA'O, ,DE YANG NYE BAR SPYOD PA GZHAN NO, ,DE'I SGRA NI 'DIR GZHAN GNAS PA'O, ,'PHRAL GYI BYA BA LA SOGS PA KHYAB PAR GYUR PA LA GNAS GZHAN PA NYE BAR SPYOD PA NYID THOB PAR MA GYUR CIG CES BYA BA GANG DU YANG DE RNAMS 'DRA BAR BYED PA DANG, RNGO BAR BYED PA DANG; 'THAG PAR BYED PA DANG, KHYI'U SUS BYED PA ZHES BYA BA LA SOGS PA NYE BAR SPYOD PA RIGS LA SOGS PA GANG YIN PA DANG BRJOD PA GANG YIN PA DE NI KHONGS SU GTOGS PA BSDU BA'I DON DU MDO 'DI BYAS PA'O, ,MTSAMS MED PA'I LAM DU THA DAD PA MA YIN PAR 'GRO BA'I MI LA NI 'DOM BZHI BCU RTZA DGU'O ZHES BYA BA NI GANG DU BYIN GYIS RLOB PAR BYED PA DE MNGON PAR 'GRO BA DE DANG MNGON PAR PHYOGS PAR 'GRO BA GANG LA YOD PA DE NI THA DAD PA MA YIN PAR 'GRO BA'O, ,DE MTSAMS BCAD PA MA YIN PA'I LAM LA 'JUG PAR GYUR PA LA NYE BAR SPYOD PA 'DI BYAS SO, ,MTSAMS BCAD PA DANG BCAS PA LA MTSAMS

141b

BCAD PA NYID KYIS RNAM PAR GZHAG PA RIGS PA YIN TE, ZHENG DU LAM JI TZAM GYI 'GRO BA RNAMS LA LAM GCIG LA LTUNG BA NYID SEMS PAR BYED PA RGYAS PA DE TZAM LA 'DIR 'DI LA LAM NYID CES BYA BAR RIG PAR BYA'O, ,GANG LA GNAS DANG GNAS MA YIN PA DAG LA BSAM PA DE LA 'DI NI GNAS NYE BAR BZUNG BA ZHES BYA BA SKABS KYIS RTOGS PA'O, ,MI LA ZHES BYA BA NI 'GRO BA LA 'DI BZUNG BA'O, ,'DIR MO'I MTSAN MA 'AM SKYES PA'I MTSAN MA GTZO BO MA YIN PA DE LA NI 'DOM BZHI BCU RTZA DGU YAN CHAD ZHES BYA BA SHING RNAMS KYIS RGYAS PA BDUN PA'I TSAD KYIS LAM GYI BAR GYIS BAR DU CHOD PAR BYAS PA LA SHIN TU RING BA NYID MA YIN PA ZHES BYA BA'O, ,SBYAR BAR GYUR PA NYID KYI PHYIR RNAM PAR GZHAG PA 'DI'O, ,'DI NI DMIGS KYIS BSAL BA STE, DE BAS NA LAM BRGYAD KYI THA MA LA 'DIR 'DOM BZHI BCU RTZA DGU TSUN CHAD LA GRANGS YIN TE, DE LAS GZHAN PA'I 'DOM GANG YIN PA DE NI MTHA' TSUN TSAD LAS GZHAN ZHES BYA BA RTOGS PAR BYA'O, ,MTSAMS GZHAN MA YIN NO ZHES BYA BA NI NYES PAR SPYOD PA THAMS CAD KYI SKABS SU GYUR PA'I NYES PAR SPYOD PA'I CHO GA LA DMIGS KYIS BSAL BA 'DI YIN NO, ,DBUS NAS RGYANG GRAGS KYI MTHA' PHAN CHAD NI THA DAD PA NYID DO ZHES BYA BA NI DBUS SU GYUR PA'I YAN LAG DANG POR BYAS TE, GANG ZHIG RGYANG GRAGS GANG YIN PA DE'I MTHA' MA LAS GZHAN PA'I THA DAD PA NYID GNAS KYI MTSAN NYID KYIS KYANG ZHUGS PA MA YIN NA NYE BAR SPYOD PA'I MTSAN NYID KYIS LTA SMOS KYANG CI DGOS ZHES BYA BA'I DON TO, ,GNAS DANG NYE BAR SPYOD PA'I CHO GA RNAM PA GNYIS KA LA YANG 'DI DMIGS KYIS BSAL BA YIN NO, , LUNG NI GZHUNG BSTAN PA'I PHYIR NAGS ZHES BYA BA NI SHING LJON PA'I GNAS SO, ,DE LA JI SRID DU YAL GA DANG LO MA DANG ME TOG DANG 'BRAS BU RNAMS LA PHAN TSUN 'BREL PAR GYUR PA DER DGE SLONG GI RGYANG GRAGS KHO RA KHOR YUG GAR DGA' BAR CHOS GOS BZHAG STE DER GAR DGA' BAR SKYA RENGS 'CHAR BAR BYA'O ZHES MA MO LAS GSUNGS PA YIN TE GNAS RNAMS THAMS CAD LA CHO GA 'DIS RNAM PAR GZHAG PA ZHES BYA BA'I BAR RNAM PAR GZHAG GO, ,'BRAL BA'I SPANG BA RNAM PAR 'BYED PA'O,, ,,DAM DUM DU GYUR PA LA BYIN GYIS BRLAB PA MED PAR MI 'GYUR RO, ,SPANG BA LA NI MI 'CHAGS PA MA YIN NO ZHES

142a

, ,BYA BA NI SPANG BAR BYA BA'I DNGOS PO LA BYIN GYIS BRLAB PA MI 'CHAGS PAR MI 'GYUR BA STE RANG NYID DANG MA BRAL BA'I PHYIR RO, ,GZHUNG KHA CIG LAS DGE SLONG GIS CHOS GOS DE NYID DGUNG BCU 'DAS PA YANG LAGS LA DGUNG GCIG BRAL BA YANG LAGS PA MCHIS SAM, BKA' STZAL PA YOD DE, CHOS GOS ZHAG BCU 'DAS PA YANG YIN LA DGE SLONG GIS KYANG DE BYIN GYIS BRLABS TE MTSAMS KYI PHYI ROL DU SKYA RENGS 'CHAR PAR BYED PA'O ZHES GSUNGS TE BSDUS PA YIN NO, ,DGE SLONG GIS KYANG DE BYIN GYIS BRLABS NAS ZHES BYA BA LA DE BYIN GYIS BRLABS TE ZHES BYA BA'I TSIG NI 'DIR 'CHAD PA ZHES MTHONG BA YIN NO, ,DGE 'DUN GYI LA YANG NGO ZHES BYA BA NI BYIN GYIS BRLABS PA MI 'CHAGS PA MA YIN NO, ,RANG NYID KHO NAS DGE SLONG LA DGE 'DUN GYI NYE BAR LONGS SPYOD PA'I DUS NA RNAM PAR GZHAG PA DE BZHIN DU MANG PO YONGS SU THOB BA RE RE NAS NYE BAR LONGS SPYOD PA LA MANG PO DANG 'BREL PA'I DON NYID KYI PHYIR DE LAS 'BRAL BAR 'GYUR RO, ,DE LAS ZHES BYA BA NI DGE 'DUN GYI BYIN GYIS BRLABS PA DE LAS 'DIR BYIN GYIS BRLABS PA BZUNG BA NI RGYU YIN TE, THAMS CAD KYI THAMS CAD DU BZUNG BA NI MA YIN NO, ,DE BAS NA DGE 'DUN GYIS BYIN GYIS BRLABS PA LAS 'BRAL PAR YANG 'GYUR BA KHO NA'O, ,GZHAN GNAS PAS GZHAN GYI GNAS MI NYAMS SO ZHES BYA BA LA, GZHAN GYI ZHES BYA BA NI MTSAN THA DAD PA BSNYEN PAR RDZOGS PA 'AM BSNYEN PAR RDZOGS PA MA YIN PA BYIN GYIS BRLABS PAR GYUR PA'I GNAS LAS GNAS GZHAN NYID GANG YIN PA DER BYIN GYIS BRLABS PAS SAM, GZHAN DU NA BSNYEN PAR RDZOGS PA NYID DE NI NYAMS PA MA YIN TE BRAL BA MA YIN PA'O, ,GNAS GZHAN DU BYIN GYIS BRLABS PA GZHAN LA BRAL BA MA YIN PA STE ZHES BYA BA 'DI YANG 'DI'I RJES SU 'BRANGS TE RTOGS PAR BYA'O, ,'DIR GZHUNG NI YI GE KHA CIG LAS DGE SLONG LA LA ZHIG MU STEGS CAN GYI GNAS SU CHOS GOS BZHAG STE; DGE 'DUN GYI GNAS NYEN GOR GCIG PAR GNAS PAR BGYIS NA LTUNG BAR MI 'GYUR BA MA CHIS SAM, BKA' STZAL PA YOD DE, GANG ZHIG MU STEGS CAN DANG LHAN CIG BSKOS PAR RO ZHES GSUNGS PA YIN NO, ,DE BZHIN DU SHING LJON PA YANG DE DANG 'DRA'O, ,DNGOS PO GCIG LA

142b

'JUG PAR RNAM PAR RTOG PA TZAM DU 'DIR BSKOS PAR RIG PAR BYA'O, ,CHOS 'DI PA DANG GZHAN PA DAG NI LTA BA LAS SHES PAS MA 'PHANGS PA MA YIN NO ZHES BYA BA NI YONGS SU 'DZIN PA PO RNAMS RNAM PAR 'BYED PA LA LTA BA LAS DBYE BA ZHES BYA BA 'DIS CHOS GZHAN PA DANG 'DI PA DAG MA 'PHANGS PA MA YIN NO, , THUN MONG BA DAG GI SGO GANG YANG MA YIN NO ZHES BYA BA'I GNAS DU MA NYID KYI PHYIR SGO LA SOGS PA NI THUN MONG BAR BRJOD DO, ,DES NI SGO GANG YANG MA BSDUS PA MA YIN TE BSDUS PA KHO NA YIN NO, ,MDO 'DI GNYIS KYI GZHUNG NI 'DI YIN TE DGE 'DUN GYI GNAS DANG MU STEGS CAN GYI GNAS NYEN KOR GCIG PAR GNAS PAR BYED NA SGO KHANG DU GNAS PA LA LTUNG BA MED DO ZHES GSUNGS PA GRAGS PAR GYUR PA DE BAS NA 'DI DANG THA MI DAD PA NYID DO, ,NOR LAS ZHES BYA BAS PHA DANG BU DAG KYANG MA YIN NO ZHES BYA BA NI NYE BAR 'DZIN PA PO RNAMS THA DAD PA NI NOR LAS GNAS KYI DBYE BA ZHES BYA BA 'DIS PHA DANG BU DAG KYANG 'PHANGS PA KHO NA'O, ,SPANGS PA NYID KYANG DE DANG 'DRA'O ZHES BYA BA NI RNAM PAR 'BYED PA NYID LA THA DAD PA NYID DANG, NOR GYIS RNAM PAR 'BYED PA NYID MA YIN PA LA NOR GYIS THA DAD PA NYID MA YIN PA ZHES BYA BA 'DI GANG ZHIG 'DIR LHUNG BZED KHA SBUB PAS SAM KHRIMS SU BYAS PAS SPANGS PA NYID KYANG DE DANG 'DRA BAR RIG PAR BYA'O ZHES BYA BA'I DON TO, ,ZAS DANG BCAS PA NYID LA YANG NGO ZHES BYA BA NI RNAM PAR 'BYED PA NYID LA THA DAD PA NYID DANG NOR GYIS KYANG RNAM PAR 'BYED PA NYID MA YIN PA NYID LA THA MI DAD PA NYID DO, ,THA MI DAD PA NYID CES BYA BA 'DI KHA ZAS DANG BCAS PA NYID LA YANG ZHES BYA BA'I DON TO, ,KHANG PA GCIG PA NYID DANG SHING CHE BA GCIG PA NYID DANG GCIG PAR GYUR PA NYID LA GZHAN SU DAG RNAMS LA CHO GA 'DI SBYAR BA'O, ,NYAL PO BYED PAR SHOM PA NYID KYANG NGO ZHES BYA BA 'DIR 'DUG NAS GNAS PA BRTAG PAR BYED CING 'KHRIG PA'I TSAD DANG LDAN BA LTUNG BYED RNAMS LA ZHES BYA BA 'DI LA 'DI BSTAN PA'O, ,'DIR GZHUNG NI PHRAN TSEGS KYI ZHU BA LHUNG BZED KHA SBUB PA LAS, KHYIM BDAG LA KHYIM ZHIG YOD LA DE LA DU RAB TU MANG PO DAG BDOG CING DE YANG NOR THA DAD PA'I KHYIM MA YIN PA LA KHYIM BDAG RNAMS KYANG LHAN CIG GNAS PA YIN NA KHYIM GCIG YIN PAR BRJOD PAR BYA STE, 'DIR PHYIS GNON MA BYAS SHING

143a

, ,YONGS SU GCOD PAR MI 'GYUR NA'O, ,GAL TE DES SLAR NOR BGOS PAR GYUR NA KHYIM THA DAD PA BRJOD PAR BYA STE, BU DE RNAMS JI SNYED PA DAG DANG 'BREL PA JI SNYED PA YOD PA RNAMS DANG MNA' MA JI SNYED PA DE RNAMS 'KHOD PA THAMS CAD LA PHYIS GNON BYAS SHING 'DUG PA'AM, SKYABS YOD PA NA 'GRENG BA'I LTUNG BYED RE RER 'GYUR RO ZHES GSUNGS PA YIN NO, ,DE LTAR KHYIM BDAG RNAMS KYANG LHAN CIG GNAS PA YIN LA ZHES BYA BA NI KHYIM GCIG TU GYUR PA NYID BSTAN TO, ,PHYIS GNON MA BYAS SHING 'DUG PAR GYUR PA ZHES BYA BA 'DI LA PHYIS GNON MA BYAS SHING 'DUG PAR YANG 'GYUR TE, 'DI'I MTSAN MA CAN KHA NA MA THO BA GNYIS LA 'DI'I MTSAN MA TZAM NYID KYIS SO SOR NYE BAR GNAS PA MA YIN ZHES BYA BA'I DON TO, ,THAMS CAD LA PHYIS GNON MA BYAS SHING 'DUG LA ZHES BYA BA 'DI LA THAMS CAD PHYIS GNON MA BYAS PAR 'DUG PAR YANG 'GYUR TE, SO SOR NYE BAR 'DUG PA'I MTSAN MA 'DI GNYIS NI GNAS KYIS ZHES BYA BA'O, ,GRONG LA DE YOD PA NI GTZUG LAG KHANG GI NYEN KOR NYID MA YIN NO ZHES BYA BA NI GRONG LA DE ZHES BYA BA NI NYE BAR SPYOD PA'O, ,YOD PA ZHES BYA BA NI BDOG PA STE, GTZUG LAG KHANG GI NYEN KOR NYID MA YIN NO, ,GRONG GI NYEN KOR GYI DON GANG YIN PA DE NI GTZUG LAG KHANG GI NYEN KOR NYID MA YIN NO, ,'DIR GZHUNG NI ZHU BA LAS BTZUN PA RE ZHIG GRONG DANG GTZUG LAG KHANG GI NYEN KOR 'BREL BAR GYUR NA CHOS GOS DANG MI 'BRAL BAR JI LTAR 'TSAL BAR BGYI, NYE BA 'KHOR GRONG GI NYEN KOR MA GTOGS PA LHAG MA LAS CHOS DANG MI 'BRAL BAR SHES PAR BYA ZHES GSUNGS PA YIN NO, ,'DIR MTSAMS LA JI LTAR MI LDANG BA DANG BYIN GYIS BRLABS PA DON DU GNYER BA LA SHES PAR BYA BA GNAS PA NYID KYIS SO SOR GYUR PA NYID KYI PHYIR DE BZHIN DU 'DI LA GANG ZHIG GTZUG LAG KHANG LA CUNG ZAD LHAG PAR GNAS PA'I DGE SLONG KHYIM NA GNAS PAS GNAS KHANG DU LHAG PAR GNAS NA SO SOR GNAS PA NYID DE LA ZHES BYA BA 'DI YANG 'DIS BYAS PAR RIG PAR BYA'O, ,DE BAS NA GNAS KHANG DANG 'BREL PA'I RNAM PAR GZHAG PAS 'DI THOB PAR RIG PAR BYA'O, ,GANG ZHIG 'GRO BA POS MTSAN MO GCIG LA YANG MTSAMS KYI SA PHYOGS 'BA' ZHIG NA LHAG PAR GNAS PA DE LA DE'I SO SOR

143b

GNAS PA NYID CES BYA'O, ,'BRAL BA'I SPANG BA ZHU BA'I SKABS SO,, ,,KHA BSKANG BA LA RE BA MED NA CHUNG BA KHRU GANG YAN CHAD KYANG CHOG PA DANG 'DRA'O ZHES BYA BA NI 'KHOR GSUM KHEBS PA'I MTHA'I TSAD BZHIN DU 'DZIN PA DANG, BSLAB PA'I GZHI LAS 'DI ZHUGS PA ZHES BYA BA'I DON TO, ,MED NA ZHES BYA BA NI GNAS MA ZIN PA LA 'DIR JI LTAR RNAM PA GANG GIS KYANG BSGRUB PA YIN TE, PHYIR 'ONG BA LA SDOD PA NI RE BA DANG BCAS PAR RIG PAR BYA'O, ,'DIR CHAD NI RE BA KUN NAS CHAD PA'O, ,'DIR GZHUNG NI DE CHOS GOS LA RE BA GANG YIN PA DE THAMS CAD KYI THAMS CAD DU RGYUN CHAD PAR GYUR NA DGE SLONG DES GOS DE NYI MA BCU PA DE NYID KYI NANG ROL DU GTANG BAR BYA'O ZHES BYA BA LA SOGS PAS CHO GA PA ZHES BYA BA GANG ZHIG DER KHA BSKANG BAR GSUNGS PA 'KHOR GSUM KHEBS PA'I MTHA'I TSAD DU 'DI CHOG PAR SNGA MA BZHIN DU ZHES BYA BA NI KHRU GANG YAN CHAD KHA BSKANG BA PO LA RE BA MED PAR GYUR NA KHRU GANG YAN CHAD DU CHOG PA DE ZHAG BCU'I MTHAR THUG PAR BTZANG BAR BYA'O, ,YOD NA NI KHRU GANG YAN CHAD NYE BAR BSKUL BAR BYA'O ZHES BYA BA NI RNAM PAR GZHAG PA 'DI'O, ,BYIN GYIS BRLAB PAR BYA BA YOD PA NYID YIN NA YANG NGO ZHES BYA BA NI KHA BSKANG BA BZHIN DU RDZOGS PAR GYUR PA LA KHRU GANG LAS CHOG PA DANG 'DRA BAR BLTA BAR BYA'O, ,'DIR GZHUNG NI MDO'I TSIG LAS CHUNG NA KHA BSKANG BAR BYA'O ZHES GSUNGS SO, ,BYIN GYIS BRLAB PAR BYA BA LA 'DI 'DIR KHA BSKANG BA NYID DU MNGON PAR 'DOD PA DE GANG GI PHYIR 'DIR DE'I RNAM PAR 'BYED PA NI 'DI YIN TE MA CHOG PA KHA BSKANG BA'I DON DU 'AM ZHES BYA BA NI SNAM SBYAR GYI 'AM MTHANG GOS KYI'O ZHES BYA BAS 'DIR 'AM GYI SGRA NI NYAMS PA MTHONG BA YIN NO ZHES GSUNGS PA YIN NO, ,PHRAN TSEGS KYI ZHU BA PA'I NANG NAS KYANG GZHUNG 'DI YIN TE ZLA BA GCIG GI MTHAR THUG PA'I CHOS GOS NI 'DI YIN TE GANG LA CHOS GOS GSUM TSANG BAR YOD PA DES DE GZHAG PAR MI BYA'O, ,CI STE 'JOG NA SPANG BA'I LTUNG BYED DO ZHES GSUNGS PA YIN NO, ,GANG LA 'JOG PA'I SPANG BA 'BYUNG ZHE NA, DE'I PHYIR GZHAN DU NA DE NI ZHAG SUM CU 'DAS NA'O ZHES BYA BA NI KHA BSKONG BA PO LA RE BA LA YOD PA DANG BYIN GYIS BRLAB PAR BYA BA MED PA NYID NA'O, ,DE NI ZHES BYA BA NI CHUNG BA KHRU GANG YAN CHAD PA'O, ,ZHAG

144a

, ,SUM CU 'DAS NA'O ZHES BYA BA NI ZHAG SUM CU RTZA GCIG GI SKYA RENGS DANG PO SHAR NA'O ZHES BYA BA'I THA TSIG GO, ,'DIR GZHUNG NI DGE SLONG GIS CHOS GOS SNGON PO RNYED LA BYED DU MI 'JUG CES BYA BA LA SOGS PA DANG, ZHU BA LAS KYANG BCOM LDAN 'DAS KYIS DGE SLONG DES ZLA BA GCIG GI MTHAR THUG PAR CHOS GOS GZHAG PAR BYA'O, ,CHOS GOS JI LTA BU ZHIG CE NA, 'KHOR GSUM MI KHEBS PA GANG YIN PA'O ZHES GSUNGS PA GANG YIN PA'O, ,KHA DOG LA SOGS PA LAS RIGS MI MTHUN PA NI CHOG PA NYID MA YIN NO ZHES BYA BA NI 'DI LA 'GRUB PA NYID DU RTZOM PA NYID 'DIR GANG ZHIG RE BA GANG YIN PAS NI RE BA DANG BCAS PA MA YIN ZHES BYA BA'I DON TO, ,'DIR GZHUNG NI 'DI LTAR GANG GI TSE DE DANG 'DRA BA RNYED PAR GYUR NA'O ZHES BYA BA GSUNGS PA YIN NO, ,SOGS PA ZHES BYA BA'I SGRAS NI RIGS MI MTHUN PA THA DAD PA BAL GOS DANG RAS GOS LA SOGS PA LTA BU THAMS CAD BSDU'O, , KHA DOG CES BYA BA'I SGRAS NI 'DIR SNGON PO DANG SER PO DANG DMAR PO DANG DE DAG GI BYE BRAG LAS BYAS PA DAG KYANG BSDU'O, ,DKAR PO NYID NI KHA DOG THAMS CAD PA NYID DO ZHES BYA BA LA KHA DOG THAMS CAD PA NI KHA DOG THAMS CAD PA'O, ,DE'I DNGOS PO NI DKAR PO NYID DO, ,SNGON PO LA SOGS PA LA DKAR PO'I RDZOGS PA NYID MA YIN TE, SNGON PO LA SOGS PA BZHAG PA LA DKAR PO RNYED PA GANG YIN PA DE NI GZHAN RNYED PA NYID MA YIN ZHES BYA BA 'DI LA 'DI BYED PA'O, ,'DIR LUNG NI SNGON PO LA SOGS PA'I NANG DU DKAR PO MA SMOS PA YIN PAR RIG PAR BYA'O, ,DE RNYED NA ZHAG BCU PA DE'I DANG PO LA BAG LA GLON PA NYID DO ZHES BYA BA NI GANG ZHIG NYE BAR GZHAG PA DE ZHES BYA BA NI DE'I RIGS KYI KHA DOG LA SOGS PA DE DANG RIGS MTHUN PA BSGRUB PA LA GANG ZHIG DE'I TSE NA GZHAG PA'I DUS NA ZHAG BCU PA DANG PO 'AM GNYIS PA LA SOGS PA DE'I DANG PO LA BAG LA GLON PA NYID DO, ,TSAD RDZOGS PA NYID GAL TE DE'I TSAD KYIS CHOG LA ZHAG BCU LAS 'BYUNG BA NYID DE DAG GCIG PA NYID KYI RNAM PAR LTOS PAR BYA BA NYID DO, ,DE'I ZHAG BCU LA SOGS PA NYID NI 'CHANG BA LA SOGS PA'O, ,DE YANG GAL TE DE'I TSE BAG LA GLON PA NYID DE TSAD DU CHOG PA NYID YIN NA DE'I TSE LTUNG BA MED PA NYID DO, ,SNGA MA LA ZLA BA GCIG PA NYID KYI

144b

PHYIR DE NYID DU PHYI MA LA ZHUGS PA NYID DO ZHES BYA BA 'DI LA 'DI BYED PA'O, ,BZHAG PA DANG BAG LA GLON PA'I DBANG GIS 'DIR RNAM PAR BZHAG PA 'DI RIG PAR BYA'O, ,'DIR GZHUNG NI DGE SLONG DES ZHAG BCU PA DE NYID KYI NANG ROL DU ZHES 'DI TZAM LTA BUR GYUR PA LA BYIN GYIS BRLABS PA NYID BSKYED PA SPANG BA'I LTUNG BYED BYAS PA NYID GZHAN LA ZHES BYA BA GSUNGS PA YIN NO, ,DE BSGRUB PA'I TSUL BRJOD PAR BYA STE SAR PA LAS SNAM SBYAR GYI MTHA' NI NYIS RIM MO ZHES BYA BA SAR PA LAS ZHES BYA BA NI DUS GSUM DU GANG YANG RUNG BA GCIG DUS LAS LONGS MA SPYAD PA LA'O, ,GDING BA'I YANG NGO ZHES BYA BA NI SAR PA LAS BYED NA DE'I RIM PA'I TSAD KYI MTHA' NYIS RIM MO, ,BLA GOS DANG MTHANG GOS GNYIS NI TSIG RKYANG NGO ZHES BYA BA NI BLA GOS DANG MTHANG GOS GAL TE SAR PA LAS BYED NA DE GNYIS KYI RIM PA'I TSAD KYI MTHA' NI TSIG RKYANG NGO, ,'DIR GZHUNG NI GAL TE DGE SLONG DES BCAG PA DANG KHA BSGYUR BA DANG RTZOM PAR NUS NA DGE SLONG DES GOS DE LAS SNAM SBYAR DANG GDING BA NI NYIS RIM DU BYA'O, ,BLA GOS DANG MTHANG GOS NI TSIG RKYANG DU BYA'O ZHES GSUNGS PA YIN NO, ,DUS TSIGS SU SPYAD PA LAS NI NYIS 'GYUR DU'O ZHES BYA BA NI MDO SNGA MA DAG LAS NYIS RIM DANG TSIG RKYANG ZHES SMOS PA DE DAG LA LTOS TE, GAL TE GOS TSIGS GCIG TU SPYAD PA LAS DE DAG BYED NA NYIS 'GYUR DU BYA'O, ,SNAM SBYAR DANG GDING BA GNYIS NI BZHI RIM DU BYA'O, ,BLA GOS DANG MTHANG GOS GNYIS NI NYIS RIM DU BYA'O ZHES BYA BA'I DON TO, ,DUS TSIGS SU SPYAD PA'I GOS NI BGO ZAS CHUNG BA NYID DE ZHES BYA BA 'DI GRUB PA'O, ,GANG ZHIG DUS TSIGS GSUM PO DAG LAS DUS TSIGS GANG YANG RUNG BA'I DUS TSIGS SU SPYAD PA GANG YIN PA'O ZHES DUS ZAD PA'I NGO BO BRJOD PA'O, ,'DIR ZLA BA BZHI PO NI DUS SU RIG PAR BYA'O, ,PHYAG DAR KHROD LAS BYAS PA DAG LA NI NGES PA MED DO ZHES BYA BA NI RIM PA RNAMS SHIN TU MANG BA NYID LA YANG NGES PA MED DO ZHES BYA BA'I DON TO, ,'DIR GZHUNG NI PHYAG DAR KHROD LA NI JI TZAM 'DOD PAR BYA'O ZHES GSUNGS PA YIN NO, ,RNYING PA NYID DANG DENGS PA NYID NI CI DGOS PA LHAG PAR SBYAR RO ZHES BYA BA NI PHYAG DAR KHROD MA YIN PA DAG LHAG PAR SBYAR BAR BYA'O, ,RNYING PA NYID CES BYA BA NI RANG ZAD PA NYID DO, ,DENGS PA NYID CES BYA BA NI SGO

145a

, ,SKYES KYI BSHUNG BA LA SOGS PAS BSRABS PAR GYUR PA'O, ,CI DGOS PA ZHES BYA BA NI CI TZAM DGOS PA STE JI TZAM SPYAD PAR BYA DGOS PA ZHES BYA BA'I DON TO, ,LHAG PAR ZHES BYA BA NI RIM PA'I MTHA' SNGAR BSTAN PA LAS SO, ,SBYAR RO ZHES BYA BA NI LHAN PA DAG GO, ,MDO 'DI NI MA MO LAS GSUNGS PA BSDUS PA YIN NO, ,LHAG PAR SBYAR BA NYID DU MI BYA'O ZHES BYA BA LA SBYAR BA NI NYES BYAS SO ZHES BYA BA 'DI LA 'DI BSTAN PA'O, ,SPANG BAR 'GYUR BA NYID KYANG YIN NO ZHES BYA BA NI LHAG PAR SBYAR BA'I RIM PA DE ZHAG BCU 'DAS NA SPANG BA'I LTUNG BYED DU RIG PAR BYA'O, ,RIG PA CAN BYI DOR BYAS NAS 'DI NYID DU SBYAR BAR BYA'O SNYAM PA'I SEMS MA BSKYED PAR DBOG PAR MI BYA'O ZHES BYA BA LA MI RUNG BAR GYUR PA NI 'DIR DBOG PAR BYA'O, ,CHOS GOS 'DI NYID DU SBYAR BAR BYA'O SNYAM PA'I SEMS MA BSKYED PAR DBOG PAR MI BYA'O, ,'DI LTA BU'I SEMS LA MI GNAS PA NI SEMS MA BSKYED PAR ZHES BYA BA'I DON TO, ,GANG YANG RUNG BAS PHOG PA MA SBYAR BA'I SNGA ROL DU SPANG BAR 'GYUR BA NYID DO ZHES BYA BA LA, GANG YANG RUNG BAS ZHES BYA BA NI JI LTAR YANG RUNG BA ZHES BYA BA DE LTA BU 'AM GZHAN PA'I SEMS KYIS PHOG PA DE'I GZUGS NYID DU GYUR PA LA DE NYID DO, ,YANG DAG PAR SBYAR BA NYID LA BSGRUB PA NYID DU 'GYUR TE ZHES BYA BA 'DI SHES PA RIM PA RNAM PAR GZHAG PA'I RJES SU 'BREL PAS BRJOD PA YIN NO, ,SNAM SBYAR GYI SNAM PHRAN DAG NI DGU YAN CHAD NAS NYI SHU RTZA LNGA MAN CHAD DE ZUNG MA GTOGS SO ZHES BYA BA NI, 'DIR MNYAM PA NI ZUNG NYID KYI NYE BAR MTSON PA STE, BCU DANG BCU GNYIS DANG BCU BZHI DANG, BCU DRUG DANG BCO BRGYAD DANG, NYI SHU DANG NYI SHU GNYIS DANG NYI SHU BZHI RNAMS MA GTOGS PAR ZHES BYA BA 'DI'I DON TO, ,CI'I PHYIR DE LHAG PA'I DUM BU RNAMS KYIS SNAM SBYAR ZHES BYA BA 'DIR RGYU BRJOD PA YIN NO, ,DE YAN CHAD NI TSEM BU'O ZHES BYA BA NI GANG GI PHYIR TSEM BU NYID DER GYUR PA DE BAS NA MA YIN NO ZHES BYA BA'I DON TO, ,DANG PO GSUM PA LA NI DE DAG GI GLEGS BU PHYED DANG GSUM PA NYID DO ZHES BYA BA NI SNAM SBYAR GSUM PA DANG PO LA STE, SNAM PHRAN DGU PA DANG BCU GCIG PAR DANG BCU GSUM PA'I DUM BU 'DI RNAMS LA GLEGS BU PHYED DANG GSUM PA NYID DO, ,GLEGS BU PHYED DANG GSUM

145b

PA RNAMS NI DUM BU 'DI LA NGO BO STE, DE BAS GLEGS BU PHYED DANG GSUM PA NI DE'I DNGOS PO'O, ,'DIR SNAM PHRAN RNAMS NI DUM BU NYID DU RIG PAR BYA'I GLEGS BU DANG PHYED PA RNAMS LA NI MI BYA'O, ,GNYIS PA LA NI GLEGS BU PHYED DANG BZHI PO NYID DO ZHES BYA BA NI SNAM SBYAR GSUM PA GNYIS PA LA STE, SNAM PHRAN BCO LNGA PA DANG BCU BDUN PA DANG BCU DGU PA'I SNAM SBYAR RNAMS LA'O, ,SNAM PHRAN DE RNAMS KYI GLEGS BU PHYED DANG BZHI PA NYID DO, ,GSUM PA LA NI GLEGS BU PHYED DANG LNGA PA NYID DO ZHES BYA BA SNAM PHRAN NYI SHU RTZA GCIG PA DANG NYI SHU RTZA GSUM PA DANG NYI SHU RTZA LNGA PA'I SNAM SBYAR RNAMS LA'O, ,BLA GOS NI SNAM PHRAN BDUN DANG GLEGS BU PHYED DANG GSUM PA'O, ,MTHANG GOS NI SNAM PHRAN LNGA PA DANG GLEGS BU PHYED DANG GNYIS PA'O, ,DE GNYIS NI CHOS GOS BYIN GYIS BRLAB PA'I SNGAGS LAS SHES PAR BYA'O, ,BYIN GYIS BRLAB TU RUNG BA CHEN PO DAG NI RANG GI KHRU GSUM DANG LNGA DAG GO ZHES BYA BA NI ZHENG DU KHRU GSUM CHUR KHRU LNGA NI GANG RNAMS KYI TSAD DO ZHES BYA BA'I DON TO, ,PHYOGS GCIG LA YANG TSAD LAS LHAG PAR BYED NA SPANG BAR 'GYUR BA NYID DO, ,DE BAS NA LTUNG BA LAS LHAG PA'I DON NYID KYIS 'DI LTAR BRJOD PA LA SKYES PA NYID KYIS DE BZHIN DU RIM PA DU MA BYA'O SNYAM PA'I BSAM PAS MTSAMS SBYAR BA LA JI SRID DU RIM PA RIGS PA NYID BYED PA MNGON PAR 'DOD PA DE TZAM GYI RIM PA NYID KYIS ZHUGS LA TSAD GANG YIN PA DE NI DE LAS LHAG PAR BYED NA YANG SPANG BAR 'GYUR BA NYID DU SHES PAR BYA'O, ,RIM PA DU MA BYA'O SNYAM PA'I BSAM PA MED DE RIM PA GCIG PA'O SNYAM PA LAS GANG ZHIG TSAD 'DI PAS LHAG PAR BYED DAM, DRAS TE BYA'O SNYAM PA'I BSAM PA YOD PAS GZHAG PAR BYA BA LA 'DI NI TSAD DO, ,DE LAS LHAG PA MED PA MA BCAD PA'I NGO BO NYID KYIS TSAD 'DI GANG YIN PA DE LAS LHAG PAR BYED NA SPANG BAR 'GYUR BAR RIG PAR BYA'O, ,NGOS JI TZAM PA DE TZAM GYI BSAM PAS 'JUG PA DE TZAM LA DE'I DON NYID KYIS NYES PAR GYUR PA NYID MED DO, ,GANG GI PHYIR MNGON PAR BRTEN PA DANG RIG PA LAS MA 'DAS PA'I DON LA LHAG PAR GYUR PA NYID MA YIN PA'O, ,GZHAN THAMS CAD LA LHAG PA'I DON NYID THAMS CAD LA SOGS PA LA GNAS PAS NA CHOS GOS THAMS CAD KYI TSAD LA MNGON PAR GNAS PA NYID DO, ,DE BAS

146a

, ,NA CHE BA DANG BAR MA NYID BYED PA'I LHAG PAR GYUR PA LA ZHENG NGAM CHUR NYES PA MI BSKYED PA'O, ,ZHENG NGAM CHU DAG LAS GANG YANG RUNG BAR LHAG NA BCAD DE LNGA PO 'PHAGS PA NYID KYIS MNGON PAR 'DOD PA'O, ,RIGS PA LAS MA 'DAS PA'I GOS KYI PHYOGS GCIG NYID KYI MNGON PAR BRTEN PA NYID NI MA YIN NO, ,CHUNG DU DAG NI GNYIS KA DAG LAS KHRU PHYED PHYED PHRI BA'O ZHES BYA BA'I KHRU GSUM MAM LNGA LAS GNYIS KA LAS KYANG KHRU PHYED PHYED DOR NAS CHUNG BA CHOS GOS GSUM PO LA YANG NGO ZHES BYA BA'I DON TO, ,'BRING RNAMS KYI TSAD NI BAR MA'O ZHES BYA BA NI KHRU GSUM DANG LNGA DANG PHYED DANG GSUM DANG PHYED DANG LNGA GANG YIN PA DE'I BAR MA NI 'BRING PO STE DE NI 'BRING PO RNAMS KYI TSAD DO, ,MTHANG GOS NI DO DANG LNGA YANG YIN, DO DANG BZHI YANG YIN NO 'KHOR GSUM KHEBS PA YAN CHAD KYANG NGO ZHES BYA BA NI DO DANG BZHI MAN CHAD NAS BRTZAMS TE JI SRID 'KHOR GSUM KHEBS PA NYID YAN CHAD KYI BAR RO, ,KHRU'I DON NI LUS KYI CHA BDUN LAS GNYIS SO ZHES BYA BA NI LUS KYI KHRU'I SGRA'I DON DU RIG PAR BYA'O, ,LUS DANG GRU MO NAS GUNG MO'I RTZE MO'I BAR YOD PA DE'I TSAD NI MA YIN NO ZHES BYA BA'I DON TO, ,GANG DU LUS LA KHRU'I TSAD THUNG BA 'AM RING BA NYID DE DANG 'BREL PA NYID NI CHO GA 'DI'O, ,MI YOG NA RAL GA DPUNG CHAD BYA'O ZHES BYA BA NI 'DI LTAR YANG GANG GIS LUS MI KHE BAS NA RAL GA DPUNG CHAD BYA STE KHEBS PAR BSGRUB PAR BYA'O, ,'DI NI GTZO BO'I THABS TE DE BAS NA 'DI'I 'DI BRJOD PAR BYA'O, ,ZLA BAS SPANG BA RNAM PAR 'BYED PA'O,, ,,DE BAS DMAN PA NI CHUNG BA DANG 'DRA STE NYES BYAS SU 'GYUR BA NYID DO ZHES BYA BA NI MNYAM PA KUN LAS 'OG TU GOS GANG ZHIG DUM BUR GYUR PA 'AM DUM BUR MA GYUR PA CHUNG BA 'JOG PA ZLA BA DANG 'DRA BAR DE LA NYES BYAS SU GYUR PA NYID DO, ,RE BA YOD PA LA BYIN GYIS RLOB PAR BYED PA MED PA NYID LA ZLA BA GCIG 'DAS NA SHIN TU DMAN PA 'CHANG BA LA NYES BYAS SO, ,RE BA MED PA LA BYIN GYIS BRLAB PAR BYA BA YOD LA ZHAG BCU 'DA' BAR BYED NA ZHES BYA BA'I DON DU'O, ,'KHOR GYI PHYED G-YOGS PA GANG ZHIG DMAN PA DER CHO GA 'DI ZHUGS PA'O, ,'DI LAS 'OG MA GANG YIN PA DE LA CHO GA BRJOD PAR BYA STE, 'KHOR GYI PHYED MI KHEBS PA NI RE BA MED PA NYID DO ZHES BYA BA NI 'DIR LTE BA'I

146b

RI MO LA SOGS PA NAS PUS MO'I LHA NGA'I MTHAR THUG PA GANG YIN PA DE NI KAN THA 'KHOR RO, ,'DI'I ZHENG LAS GANG GIS PHYED MI KHEBS PA DE LA RE BA MED PA NYID DO, ,CHA GCIG PAS ZHAG BCU'I PHYOGS NYID DO, ,ZHAG BCU LAS 'DAS PAR BYED NA NYES BYAS SU 'GYUR RO ZHES BYA BA'I DON TO, ,'DIR RE BA SHIN TU CHE BA YANG DAG PAR GNAS PA MA YIN TE, DAL GYIS 'GRO BAS YUL GZHAN DU PHYIN PA DANG 'DRA BA ZHES BYA BA 'DIS SHES PA'O, ,RUNG BA MA YIN PA YANG NGO ZHES BYA BA NI RE BA MED PA NYID CES BYA BAR SBYAR BAR BYA'O, ,'DIR GZHUNG NI GOS JI LTA BU CIG GZHAG PAR BGYI, RUNG BA GANG YIN PA'O; ,RUNG BA JI LTA BU LAGS, BCOM LDAN 'DAS KYIS MA BKAG PA GANG YIN PA'O ZHES GSUNGS PA YIN NO, ,GDONG PHYIS DANG CHU TSAGS DANG, STAN 'JAM PO DANG DRE'U RDOG LA SOGS PA'I YO BYAD KYI GOS BYIN GYIS MA BRLABS PA DAG GO ZHES BYA BA NI GDONG PHYIS LA SOGS PA NYID DU BYIN GYIS MA BRLABS PA DE DAG KYANG KHA BSKANG BA LA RE BA MED PA NYID YIN TE, GZHAN RTZE GCIG PA RNAMS LA RE BA YOD PA NYID LA YANG DAG PAR GNAS PA'I PHYIR GLAGS MI RNYED PA ZHAG BCU NYID LA 'DI BRJOD PA STE YANG DAG PAR 'GYUR BA NYID KYANG 'DIR MED NA MI 'BYUNG BA'I PHYIR GRAGS PAR RIG PAR BYA'O, ,'DIR GZHUNG NI YI GE KHA CIG LAS YO BYAD KYI GOS BYIN GYIS MA BRLABS PA ZHAG BCU LAS 'DAS PA SPANG BAR 'GYUR BA NYID NI GDONG PHYIS DANG CHU TSAGS DANG STAN 'JAM DANG DRE'U RDOG LA SOGS PA'I YO BYAD BYIN GYIS RLOB PAR BYED NA LTUNG BA MED DO ZHES BYA BA'I DON TO, ,ZLA BAS SPANG BA ZHU BA'O,, ,, SBRUM MA DBEN PAR GZHAG GO ZHES BYA BA LA, SBRUM MA ZHES BYA BA NI MNGAL NA BU YOD PA STE RAB TU BYUNG BA, SBRUM MA MNGAL NA BU YOD PA STE DBEN PA'I PHYOGS SU GZHAG PAR BYA ZHES BYA BA'I DON TO, ,DE DGE SLONG MA RNAMS KYIS YAL BAR MI DOR RO ZHES BYA BA NI GANG ZHIG 'DI DBEN PA'I SA PHYOGS NA SBRUM MA'I GNAS BCAS PA DER 'DI BSGRUB NA DGE SLONG MA GZHAN RNAMS KYIS YAL BAR MI DOR RO ZHES BYA BA'I DON TO, ,DE LA ZAN SBYIN PAR BYA'O ZHES BYA BA NI SBRUM MA LA DGE SLONG MA RNAMS KYIS SO, ,PHA MA DAG NAS BDUN PA TSUN CHAD LAS GANG YANG RUNG BA SNGA MA GCIG LAS SKYES PA YANG NYE DU YIN NO

147a

, ,ZHES BYA BA LA PHA MA DAG CES BYA BA NI PHA DANG MA NI PHA MA DAG GO, ,'DIR MA'I RGYUD PHA'I YAN LAG DANG BCAS PA LA MA'I SGRA'O, ,PHA'I SGRA YANG MA'I YAN LAG DANG BCAS PA PHA'I RGYUD LA PHRUGS BDUN DU GYUR PA'I PHA MA DAG GIS JI SRID DU GANG YANG RUNG BA GCIG GIS KYANG PHA MA DE DAG LA GNYIS KA DAG NYID KYIS NI MA YIN TE, GCIG SNGA MA LAS SKYES PA NYID DANG MA GCIG LAS SKYES PA NYID DANG PHA GCIG LAS SKYES PA NYID GANG LA YOD PA DE NI GNYEN ZHES BYA BA 'DI DAG GI DON TO, ,'KHRUR 'JUG PA'I SPANG BA'I BYED PA PO NYID GANG YIN ZHE NA, DE'I PHYIR 'DU SHES GTZO CHER BYED PA PO NYID YIN NO ZHES BYA BA SMOS TE, DON MED NA YANG 'DU SHES NI GTZO CHER BYED PA PO NYID YIN TE 'DU SHES NI GTZO CHER RIG PAR BYA'O, ,GANG DU 'DI'I 'OG TU NYE BAR GNAS PA NYID RTOGS PAR BYA'O, ,DE NI 'DU SHES GTZO BOR BYA BA LA, DE NI ZHES BYA BA NI MING CAN TE 'DU SHES GTZO BOR BYED PA PO NYID YIN NO, ,SHES GTZO BOR BYA BA NI MING STE 'DU SHES GTZO BOR BYED PA PO NYID YIN PA DE'I MING NGO, ,DE LTAR NA TSIG GI DON 'DU 'BYUNG STE 'DI MAN CHAD KYI MDO GANG DANG GANG LA SHES GTZO BO ZHES BYA BA'I MING SMOS PA DE DANG DER MING DE'I RANG GI MING CAN 'DU SHES GTZO BOR BYED PA PO NYID YIN NO ZHES BYA BA STON PAR SHES PAR BYA'O, ,DON GANG LA 'DU SHES GTZO CHER BYED PA PO NYID YIN ZHE NA, DE'I PHYIR DGE SLONG MA NYID DANG DE NYE DU MA YIN PA NYID DAG LA'O ZHES BYA BA SMOS TE, DGE SLONG MA NYID DANG DGE SLONG MA DE NYE DU MA YIN PA DAG LA 'DU SHES GTZO CHER BYED PA NYID YIN NO ZHES BYA BA'I DON TO, ,'OG MA LA YANG NGO ZHES BYA BA NI GANG ZHIG 'DI'I RJES LA BSLAB PA'I GZHI'I PHYIR GZUNG BA DANG 'BREL PA DE LA YANG DGE SLONG MA NYID DANG DE NYE DU MA YIN PA DAG LA 'DU SHES GTZO CHER BYED PA PO NYID YIN NO ZHES BYA BA 'DRA BAR BSTAN PA'O, ,CI ZHIG BYAS NA 'KHRUR 'JUG PA'I SPANG BAR 'GYUR ZHE NA, DE'I PHYIR BYIN GYIS BRLABS PA RANG GI RNYING PA 'KHRUR 'JUG PAR 'OS PA CHOS GOS DANG GDING BA DAG LAS 'GA' ZHIG BSGO BAS 'KHRUR 'JUG GAM 'TSED DU 'JUG GAM 'CHAG TU 'JUG PA DAG NA'O ZHES BYA BA SMOS TE BYIN GYIS BRLABS PA RANG GI RNYING LA 'KHRUR 'JUG PAR 'OS PA CHOS GOS DANG GDING BA DAG LAS 'GA'

147b

ZHIG BSGO BAS 'KHRUR 'JUG PA LA SOGS PA ZHES BYA BA'I DON TO, ,'DIR RNYING PA NYID NI LONGS SPYAD PA NYID DO, ,JI SRID DU YANG DUS TZAM LA SOGS PA'I TSAD DE SRID DU 'DI NI YONGS SU RDZOGS PA'I GZUGS KYI 'DU BYED MA YIN TE, GANG ZHIG MA 'ONGS PA NA 'DU BYED CES BYA BA 'KHRUR 'JUG PAR 'OS PA NYID LA 'DIR YAN LAG NYID DE, DE LTA BUR GYUR PA'I 'KHRUR 'JUG PA LA SOGS PA'I PHYOGS NYID DO, ,'KHRUR 'JUG PAR 'OS PA MA YIN PA RNYING PA 'DI 'KHRU BA LA SOGS PA NYES BYAS SU RIG PAR BYA'O, ,GDING BA'I TSIG NI LUS THAMS CAD LA YANG DAG PAR REG PAS LONGS SPYOD PA NYID GANG YIN PA DE NI 'DIR SHES PAR BYA ZHES PA 'DI STAN TZAM DU RNAM PAR GNAS PA YIN NO, ,LUS KYI BSNYEN BKUR BYED PA'I RNAM PA NYID NI 'DIR NYES PA MTHONG BA YIN TE, DE BAS NA GZHAN GYIS YONGS SU LONGS SPYOD PA NYID LA NA SMAD PA ZHES BYA BA RTOGS PAR BYA'O, ,NGAG KYANG ZHES BYA BA'I CHO GA 'DI LA 'JUG PA'I DON DU BSGO BA ZHES BYA BA'I TSIG GO, ,'DIR GZHUNG NI BTZUN PA DGE SLONG CHOS GOS RUNG BAS GRONG DU ZHUGS SHING DE'I CHOS GOS DE YANG LUS LAS MA PHUD PAR DENGS PAR BGYI PA'I SLAD DU 'BYUNG BAR 'GYUR BA MCHIS SAM, NYE BA 'KHOR YOD DE, 'DI LTA STE KHYIM GYI NANG DU ZHUGS PA'I CHOS GOS MI GTZANG BA LA SOGS PAS GOS PAR GYUR PA DE DGE SLONG MA NYE DU MA YIN PA LA 'KHRUR 'JUG NA SPANG BA'I LTUNG BYED DU 'GYUR RO ZHES GSUNGS PA YIN NO ZHES BYA BA'I TSIG GIS 'DU BYAS PA TZAM GYIS 'DI LA 'DI DGOS PA'O, ,LONGS SPYOD PA 'DU BYED DU BCUG PA ZHES BYA BA 'DI TZAM GYIS ZHES BYA STE DE BAS NA 'KHRUR 'OS PA'I TSIG GO, ,PHYOGS LA BYAS PA YANG LAS BYAS PA NYID DO ZHES BYA BA LA PHYOGS LA YANG NGO ZHES BYA BA NI RDZAS PHYOGS GCIG TU SONG BA NYID DAM RGYUN DUM BUR GYUR PA NYID KYIS PHYOGS SHES PAR BYA'O, ,'DIR GZHUNG NI 'DIR BTZUN PA 'DI LTAR YOD PAR GYUR PA ZHIG NA DGE SLONG CHOS GOS RUNG BAR GRONG DU ZHUGS SHING DE'I CHOS GOS DE YANG LUS LAS MA PHUD PAR DE SPANG BAR BGYI BA'I SLAD DU DBYUNG BAR 'GYUR BAR MCHIS SAM, NYE BA 'KHOR YOD DE, JI LTAR YANG DGE SLONG KHYIM GYI NANG DU ZHUGS PA LAS CHOS GOS BSHANG BA 'AM GCI BA 'AM 'DAM GYIS SAM LUD PAS SAM MI GTZANG BA GZHAN DANG GZHAN

148a

, ,GYIS GOS PAR GYUR TE, DE MA GNANG BA'I DGE SLONG MA LA 'KHRUR 'JUG NA SPANG BA'I LTUNG BYED DU 'GYUR RO ZHES GSUNGS PA YIN NO, ,'DI NI RDZAS PHYOGS GCIG TU SONG BA ZHES BYA BA'O, ,PHYOGS GCIG LAS LHAG PA 'DI NI LUS LAS MA PHUD PA'I TSIG GIS RGYUN DUM BUR GYUR PA NYID CES BYA BA NYID KYIS SHES PAR BYA'O, ,'DIR 'KHRUR 'JUG PAR BYA ZHES BYA BA NI THA NA CHUR SNYUG PAR BYED DAM, TSON DU SNYUG PAR BYED DAM 'TSED DU 'JUG PAR BYED DAM THA NA THAL MOS RDEB PAR BYED NA YANG NGO ZHES GSUNGS PA LTA BU'O, ,BYAS PA NYID NA BYED DU BCUG PA NYID YIN NO ZHES BYA BA NI GANG GI TSE DE LAS DE NGES PAR SBYOR BA BYAS PAR 'GYUR BA DE'I TSE BYED DU BCUG PA NYID 'GRUB PAR 'GYUR TE NYES BYAS KYI SBYOR BA TZAM LA MA YIN NO, ,'BRAS BU'I MTHA' MAN CHAD GCIG PA NYID DO ZHES BYA BA NI 'BRAS BU'I MTHAR THUG PA NI JI SRID DU LAS KYIS GCIG PA NYID DO, ,TSIGS SU GYUR PA NYID LA 'BRAS BU RNAMS GCIG PA NYID DO ZHES BYA BA NI TSIGS SU GYUR PA SNGA MA DANG PHYI MA'I CHA NYID KYIS YID LA 'BREL PAR GYUR PA DU MA'I 'BRAS BU RNAMS GANG YIN PA NI 'DU LTA STE, RUNG BA NYID KYIS THOB PA'I MTHAR THUG PA 'DU BYED PA'I DGONGS PAS RTZOM PA LA 'KHRUR 'JUG PA DANG 'TSED DU 'JUG PA DANG 'CHAG TU 'JUG PAR BYED PA NYID DAG GIS GCIG PA NYID DO, ,DE RNAMS LA DE'I DBYE BA DANG BSGO BA DANG LAS KYI DBYE BAS GCIG PA NYID DO, ,DE LA THA MA'I TSIGS KYI THA MA'I BAR DU 'KHRUR 'JUG PA LA SOGS PA'I LAS GSUM PO RJES SU BSGRUB PA LA GANG ZHIG LTUNG BA RE RER GSUNGS PA DE BAS MDO 'DI DANG SNGA MA'O, , 'DU SHES GTZO BO NYID LA DE NI JI LTA BA NYID LA NI DNGOS GZHI'O, ,DON JI LTA BA MA YIN PA NYID LA NI DNGOS GZHI DANG NYE BA'O ZHES BYA BA NI GANG DU 'DU SHES GTZO CHE BA NYID DE LA CHO GA NI 'DI RIG PAR BYA'O, ,'DU SHES PA NI DON JI LTA BA NYID LA NI DNGOS GZHI'I LTUNG BA'O, ,DON JI LTA BA NYID MA YIN PA LA NI GANG ZHIG DE DANG NYE BA'O ZHES BYA BA NI BAR MED PA'I TSIGS SU GYUR PA'O, ,YID GNYIS NI 'DU SHES DANG 'DRA'O ZHES BYA BA NI YID GNYIS NI 'DU SHES DANG 'DRA BA NYID DO, ,YID GNYIS ZA BA LA YANG DON DE LA LTUNG BA DE NYID DU 'GYUR RO, ,GANG ZHIG DE LA 'DU SHES SHING ZHES BYA BA'O, ,DGE 'DUN GYI

148b

KHRIMS SU BCA' BA BSRUNG BAR BYA'O, ,GLO BUR DU 'ONGS PAS KYANG DE LAS MI 'GAL BA NYID DU BYA'O ZHES BYA BA LA, DE LAS ZHES BYA BA NI KHRIMS SU BCA' BA RJES SU BSRUNG BA LAS SO, ,GLO BUR DU 'ONGS PAS KYANG DE LA RJES SU BSRUNG BAR BYA BA NYID CES BYA BA'I DON TO, ,YOD DAM MED PA NYID DANG JI LTA BU YONGS SU SHES PAR BYA BA'I PHYIR DES DE DRI BAR BYA'O ZHES BYA BA NI TSOGS 'DI NA DGE 'DUN GYI KHRIMS SU BYA BA 'GA' ZHIG YOD DAM 'ON TE MED YOD NA JI LTA BU ZHIG CES BYA BA DE YONGS SU SHES PAR BYA BA'I PHYIR GLO BUR DU 'ONGS PA DES DE DRI BAR BYA'O, ,DUS GANG GI TSE ZHE NA, DE'I PHYIR HA CANG YUN RING BA'O ZHES BYA BA SMOS TE HA CANG YUN RING DU GNAS PA BAS SNGA ROL DU ZHES BYA BA'I DON TO, ,'JUG PA DANG 'JUG PA'I GNAS BTZAL BA PA DANG RDZAS GZHAG PA DANG RE ZHIG BSDAD PA DE RNAMS THAMS CAD LAS JE DANG POR BYA'O ZHES BYA BA'I DON 'DI LAS 'DA' BAR BYA BA LAS SNGA ROL DU RIG PAR BYA'O, ,SANGS RGYAS KYIS GSUNGS PA DGE 'DUN LAS G-YO BA MED DO ZHES BYA BA NI TSE DANG LDAN PA RNAMS BCOM LDAN 'DAS KYIS 'DI SKAD CES GANG GI TSE TSE DANG LDAN PA NYE SDES DGE 'DUN GYI KHRIMS SU BYA BA DRAL KYANG LTUNG BA MI 'BYUNG BA STE, BCOM LDAN 'DAS KYIS BAG YANGS SU MDZAD DU ZIN KYANG SHIN TU SBYANGS PA'I DBANG GIS LTUNG BA MI 'BYUNG BA NYID DU GSUNGS PA DE'I 'DI BSDU BA'O, ,LHUNG BZED DANG CHOS GOS DANG DRA BA DANG POR BU DANG SKA RAGS DAG LHAG PA 'BUL BA NA DGE 'DUN GYI NYE BAR GZHAG PA'I DON DU BLANG BAR BYA'O, ,DE LTAR NYE BAR GZHAG PA NI DE DAG MED PA RNAMS KYIS CI DGAR BSKUR RO ZHES BYA BA NI LHUNG BZED LA SOGS PA MED PA RNAMS KYIS GAR LA YONGS SU LONGS SPYOD PAR 'OS PA NYID DGE 'DUN DE RNAMS KYIS BYA BA SHUGS KYIS RTOGS PAR BYA'O, ,'KHRUR 'JUG PA'I SPANG BA RNAM PAR 'BYED PA'O, ,BSHANG BA DANG GCI BA DANG LJAN LJIN DANG 'DAM RDZAB LA SOGS PAS MA RUNG BAR GYUR PA 'KHRUR 'JUG PA LA NA SMAD PA MED DO ZHES BYA BA NI JI LTAR 'DIR 'KHRUR 'JUG PAR 'OS PA NYID YAN LAG DRI MA CAN NYID KYIS NI MA YIN NO ZHES BYA BA 'DI LA GSAL BA NYID DU BYA BA'I DON DU 'DI YIN NO, ,DRE'U RNGOG DANG KHYIM PA'I GOS DANG SNGAS NANG TSANGS CAN DANG RUNG BAR BYAS PA DANG SPANGS PA DANG

149a

, ,DGE 'DUN GYI RNAMS LA NYES BYAS SO ZHES BYA BA NI 'DI RNAMS NYE DU MA YIN PA'I DGE SLONG MA LA 'KHRUR 'JUG PA LA SOGS PA LA NYES BYAS SO, ,DRE'U RDOG KHYIM PA MA YIN PA'I G-YOG NYID KYIS 'DI'O, ,KHYIM GYI G-YOG PO NYID NI DGE SLONG GI G-YOG NYID KYI PHYIR DE'I RDZAS RNAMS LA RUNG BA NYID DO ZHES BYA BA 'DI'I 'DI SPROS PA'O, ,'DIR NYE BAR LONGS MA SPYAD PA NI MA CHAGS PA'O, ,KHYIM GYI G-YOG DANG SNGAS RTEN MGO BO TZAM GYIS LONGS SPYOD PAR SKYES PA NYID KYI PHYIR DANG LUS THAMS CAD LA YANG DAG PAR RIG PAS LONGS SPYOD CING RNAM PAR MI RTOG PA LA RANG NYID LA MI BRTEN PA'I PHYIR RO, ,'BUL BA LA RANG NYID 'PHO BA NYID KYI PHYIR DANG DGE 'DUN GYI RANG NYID MED PA'I PHYIR RO, ,'KHRUR 'JUG PA'I SPANG BA ZHU BA'I SKABS SO,, ,,DGE SLONG MAS GOS RIN PO CHE BRJE BA'I PHYIR BLANG BAR BYA'O ZHES BYA BA NI BRJE BA'I PHYIR YIN GYI YONGS SU LONGS SPYOD PA'I PHYIR NI MA YIN NO, ,DGE SLONG MA DANG LHAN CIG BRJE BAR BYA'O ZHES BYA BA NI GOS KYI PHYIR 'DIR KHYAD PAR MED PA'I PHYIR THAMS CAD KYI DBANG DU BYAS NAS MDO BYAS PA'O, ,RDZAS JI LTA BU BRJE BAR BYA ZHE NA, DE'I PHYIR MNYAM PAS SO, ,YANG NA DE DAG 'GAL BA NYID KYIS SO ZHES BYA BA SMOS TE, DGE SLONG MA DANG LHAN CIG DE BRJE BAR BYED PA'I DGE SLONG MA DE DGA' BAR 'GYUR BAS RIN THANG GIS GZUNG BA LA NI BRJE BA'I RNAM PA NYID DO, ,GANG DU SNGA BA LEN PA'I SPANG BA'I LTUNG BYED DU 'GYUR ZHE NA, DE'I PHYIS LEN NA'O ZHES BYA BA SMOS TE NYE DU MA YIN PA'I DGE SLONG MA LA DER 'DU SHES PA 'AM YID GNYIS ZA BA ZHES SNGAR BYAS SO, , JI LTAR LEN ZHE NA, DE'I PHYIR RNAM PAR RIG BYED KYIS SO ZHES BYA BA SMOS TE, CANG MI SMRA BA DANG DU LEN PAS KYANG MA YIN LA TSIG LAS GZHAN PA'I RNAM PAR RIG BYED KYIS KYANG MA YIN NO, ,CI ZHIG GI PHYIR LEN NA ZHE NA, DE'I PHYIR DGE 'DUN LA GOS 'BUL BA DANG, LEGS PAR SMRA BA LA LTUNG BA MED DO ZHES BYA BA SMOS TE RAB TU SBYIN PA LA'O, ,BSNYEN PAR RDZOGS PAR BYED PA DAG DANG BOR RLAG BYUNG BA DAG LA'O ZHES BYA BA NI DGE SLONG MA LAS LEN PA LA LTUNG BA MED DO, ,DAD RDZAS BRJOD DE MDUN DU BZHAG NAS MI LTOS PAR SONG BA LA'O ZHES BYA BA NI 'BUL BAR BYED PA'I DGE SLONG MA LAS PHYIR

149b

SPONG BAR BYED PA NYID LA DGE SLONG GIS THOB NA DAD RDZAS BRJOD DE BDAG NYID DAD PA CAN DU GRAGS PAR SHES TE, RDZAS DE MDUN DU BZHAG NAS MI LTOS PAR SONG BA NI DE'I TSE BLANGS NA LTUNG BA MED DO, ,LEN PA'I SPANG BA RNAM PAR 'BYED PA'O,, ,,LAG TU 'ONGS PA NYID NI THOB PA NYID DO, ,BLTA BA'I NYEN KOR DU GYUR PA NI DE'I DANG PO'O ZHES BYA BA LA, DE'I ZHES BYA BA NI LAG TU 'ONGS PA NYID LA'O, ,'DIR GZHUNG NI GOS KYI GZHI'I ZHU BA LAS, JI TZAM GYIS NA GOS THOB PA LAGS, GANG TSUN CHAD DE'I LAG TU 'ONGS PAR GYUR PA 'AM BLTA BA'I NYEN KOR DU GYUR PA NA'O ZHES GSUNGS PA YIN NO, ,NYE BAR MA GYUR PA NOD PA NYID NI SBYOR BA NYID DO ZHES BYA BA LA, 'DIR GZHUNG NI YI GE KHA CIG LAS GRONG CHE GE MO ZHIG NA GOS MCHIS KYIS DE TSE DANG LDAN PA LAS GSOL LO ZHES ZER BA NOD NA NYES BYAS SU 'GYUR RO ZHES GSUNGS PA YIN NO, ,'DIR NYE BAR MA GYUR PA NOD PA NYID KYI PHYIR GZHAN NI SMAD PA'I RGYU MTHONG BA MA YIN TE ZHES BYA BA 'DIR 'DI SHES PA'O, ,'DIR DANG DU LEN PA YANG NOD PA LA SHES PAR BYA STE GO BAR BYA BA NYID NI MA YIN NO, ,DE LTAR GZHUNG NI 'DI YIN TE SNGAR BZHAG PAR GYUR NAS SMRAS PA RJES SU GNANG BAR BGYI YIS 'PHAGS PAS LONGS SPYAD DU GSOL, BDAG LA BSOD NAMS SU 'GYUR RO ZHES ZER NA LTUNG BA MED DO ZHES GSUNGS PA'O, ,YANG NA PHYIR STZAL MI 'TSAL BAR 'BUL GYIS LONGS SPYOD DU GSOL ZHE 'AM, GOS CHA MI MTHUN PA DANG BRJE'O ZHES ZER BA BLANGS PAR GYUR PA LAS PHYIS TSE DANG LDAN PA RIN STZAL MI 'TSAL LO ZHES ZER BA LA LTUNG BA MED DO ZHES GSUNGS PA GANG YIN PA DE MDO 'DIS BSDUS PA YIN NO, ,RGYA CHE BA DANG THA SNYAD KYI DBANG MA YIN PA NYID NI GOS SBYIN PA LA SOGS PA LA GTZO BO YIN NO ZHES BYA BA NI JI TZAM DU RANG GI LUS KYIS 'JUG PA NYE BAR BKAG PAR GYUR PA NYID KYIS MA YIN PA DE TZAM DU 'DIR RGYA CHE BA LA MNGON PAR BRTEN PAR RIG PAR BYA'O, ,'DIR GNYIS PO 'DI THAMS CAD GTZO BOR RIG PAR BYA BA STE, THA DAD PA NI MA YIN NO, ,BOR RLAG BYUNG BA RNYED PA LA 'DI TZAM DU GZUNG BA ZHES BYA BAR RIG PAR BYA'O, ,RE ZHIG GI SEMS KYIS NI LTUNG BA MED DO ZHES BYA BA NI, NYE BAR G-YOGS PA 'AM BGOS PA'AM DUS RE ZHIG PA STER BA LA GANG ZHIG YID GZUGS PAS LEN PA LA

150a

, ,LTUNG BA MED DO ZHES GSUNGS PA GANG YIN PA DE MDO 'DIS BSDUS PA YIN NO, ,RIN SBYIN PA BRJED PA LA'O ZHES BYA BA NI, TSE DANG LDAN PA SLAR NOR MA SBYIN CES ZER NA LTUNG BA MED DO ZHES BYA BA 'DI'I RJES LA DER 'DI GSUNGS SO, ,DE BZHIN DU GANG ZHIG MI DRAN PA DE'I 'DI BSDUS PA'O; ,LEN PA'I SPANG BA ZHU BA'O, ,LEN PA'I SPANG BA'O,, ,,SLONG BA'I SPANG BA 'DI LA LTUNG BA BYED PA PO GANG ZHE NA, DE'I PHYIR MI'I 'GRO BA PAR GTOGS PA KHYIM PAR GYUR PA SROG DANG LDAN PA NYE DU MA YIN PA NI LTUNG BA'I BYED PA PO YIN NO, ,'OG MA GSUM PA LA YANG NGO ZHES BYA BA NI 'DAS MA THAG PA'I BSLAB PA'I GZHI 'OG MA GSUM LA YANG DE NYID LTUNG BA'I BYED PA PO YIN PA'O, ,'DIR DGE SLONG JI LTA BU LA DE LTUNG BA'I BYED PA PO YIN ZHE NA, DE'I PHYIR GOS PHROG PA DANG, BRLAG PA DANG, TSIG PA DANG, RLUNG GIS KHYER PA DANG, CHUS KHYER PAR MA GYUR PA LA'O ZHES BYA BA SMOS TE, GANG DU JI ZHIG LHAG PAR SPYAD NA LTUNG BA JI LTA BUR 'GYUR ZHE NA, ,DE'I PHYIR BLANGS NA NYES BYAS KYI'O, ,THOB NA DNGOS GZHI'O ZHES BYA BA SMOS TE, BYED PA PO MA RNYED PA LA DE LAS BLANGS NA DNGOS GZHI'I SPANG BA'I LTUNG BYED DO ZHES BYA BA'I DON TO, ,CI ZHIG THOB NA ZHE NA, DE'I PHYIR CHOS GOS SO ZHES BYA BA SMOS SO; ,TSAD JI TZAM ZHIG CE NA, DE'I PHYIR MI CHUNG BA'O ZHES BYA BA SMOS TE, CHOS GOS GSUM GANG YANG RUNG BA LAS TSAD DANG LDAN PA'O, ,JI LTA BU ZHIG CE NA, DE'I PHYIR RIN THANG DANG, KHA DOG DANG KHRU TSAD LAS RNAM PA GANG BLANGS PA'O ZHES BYA BA SMOS TE, SNGON PO DANG, SER PO DANG, DMAR PO DANG, MTHUG PO DANG, LE BRGAN RNAMS NI, 'DIR KHA DOG GI RJES SU 'GRO BA STE, DE BAS NA 'DIR KHA DOG BYED PA CAN LA KHA DOG GI SGRA'O, ,GZHAN LA NI LTUNG BA MED DO ZHES BYA BA NI RIN THANG GZHAN NAM KHA DOG GZHAN NAM, KHRU TSAD GZHAN THOB PA NI LTUNG BA MED DO, ,'DIR GZHUNG KHA CIG LAS NI, DGE SLONG GIS CHOS GOS SNGON PO SLONG PAR BYED CING SNGON PO NYID THOB NAS DE LA SLONG BAR BYED NA NYES BYAS SO, ,THOB PA NA SPANG BA'I LTUNG BYED DO, ,'OG MA LA NI LTUNG BA MED DO ZHES GSUNGS PA YIN NO, RIN THANG GI GZHUNG NI DGE SLONG MA'I RNAM PAR 'BYED PA LAS, DGE SLONG MAS CHOS

150b

GOS K'AR sh'A PA nA LNGA RI BA DE NYID SLONG BAR BYED NA NYES BYAS SO, THOB PA NA SPANG BA'I LTUNG BYED DO, ,'OG MA LA NI LTUNG BA MED DO ZHES GSUNGS PA YIN NO, ,TSAD NI GZHUNG YANG DGE SLONG GI CHOS GOS KHRU LNGA PA SLONG BAR BYED CING DES GOS KHRU LNGA PA NYID THOB NA SLONG BA LA NYES BYAS SO, ,THOB PA NA SPANG BA'I LTUNG BYED DO, ,'OG MA LA LTUNG BA MED DO ZHES GSUNGS PA YIN NO, ,'DIR 'OG MA LA LTUNG BA MED DO ZHES BYA BA'I TSIG NI THA DAD PAR 'GYUR BA NYID LA YIN PAR RIG PAR BYA'I, 'OG MA KHRU LNGA PA SLONG BA LA KHRU BCU PA THOB PA LA CHOS GOS DE NYID LA KHRU LNGA PA RNAMS LA LTUNG BA MED DO, ,LNGA PO RNAMS LA NI SPANG BA ZHES BYA BA'O, ,SLONG BA LA RNAM PAR SPYAD PA NI THAMS CAD SPANG BA'O, ,RAS MA DANG KHA TSAR DAG SLONG NA'O ZHES BYA BA NI LTUNG BA MED DO ZHES BYA BAR SBYAR RO, ,KHA TSAR DAG SLONG BA LA LTUNG BA MED DO, ,KHA TSAR BSLANGS PA LAS RAS MA THOB PA LA YANG LTUNG BA MED DO, ,RAS MA BSLANGS NAS RAS YUG CHEN DANG, RAS YUG PHRAN DAG THOB BO SNYAM NAS BSLANGS SHING THOB PA NA YANG LTUNG BA MED PAR RIG PAR BYA'O, ,GANG ZHIG SBYOR BA LA LTUNG BA MED PAR BRJOD PA DE DAG GIS BSDUS PA YIN NO, ,RNYED PA LA NI GANG ZHIG LTUNG BA MED PA'I TSIG SHIN TU MANG BA LA YANG 'DI LTA BU LA 'DIR NYES PA MED PAR BRJOD PAS DE LA GRUB PA NYID DO, ,RGYU DANG SPUN LA NI NA SMAD PA NYID DO ZHES BYA BA NI CHOS GO TSAD DANG LDAN PA LONGS SPYOD PAR GYUR PA LA SOGS PA'I RGYU DANG SPUN DAG LAN SMAD PA NYID DO, ,CHOS GOS MI CHOG PA NYID ZHES BYA BA'I DON TO, ,NYES BYAS TZAM LA NI 'DI BYED PA PO DE, 'DIS NI ZHU BA LAS NYE DU MA YIN PA LAS CHOS GOS MI CHOG PA NYID SLONG NA NYES BYAS KYI LTUNG BAR 'GYUR RO, ,RGYU SLONG NA YANG NYES BYAS SO, ,SPUN SLONG NA YANG NYES BYAS SO ZHES GSUNGS PA DE DAG BSDUS PA YIN NO, ,DE'I RANG BZHIN NI DE RDANG 'DRA'O ZHES BYA BA NI, RGYU DANG SPUN GYI SKUD PA DANG 'DRA'O, ,'DIS NI THA GA BA'I ZHU BA LAS, BTZUN PA RE ZHIG DGE SLONG RAS BA LA SLONG BAR BGYID NA LTUNG BA CIR 'GYUR, NYES BYAS SO ZHES GSUNGS PA DE BSDUS PA YIN NO, ,SLONG BA'I SPANG BA STE DRUG PA'O,, ,,BYIN GYIS BRLAB PAR BYA BA THAMS CAD MED NA SLONG BAR RIG PA NYID DO ZHES BYA BA LA, THAMS CAD CES BYA BA NI BYIN

151a

, ,GYIS BRLAB PAR BYA BA CHOS GOS GSUM LAS GZHAN PA LA YANG YO BYAD DANG CHOS GOS BCU GSUM PO RNAMS LA NI RJES SU GNANG BA'O, ,MED PAR GYUR NA YO BYAD THAMS CAD BLANG BAR RIG PA NYID DO, ,CHOS GOS GSUM PO 'BA' ZHIG TU MA ZAD DO ZHES BYA BA'I DON TO, , 'DIR GZHUNG NI, YI GE KHA CIG LAS NI DBYAR GYI RAS CHEN MI SMOS PAR KHRUS RAS ZHES 'BYUNG STE, NYE DU MA YIN PA'I DRUNG NAS SLONG BAR BYED NA LTUNG BA MED CES BYA'O, ,DE NI LTUNG BA'I BYED PA PO NYID DO ZHES BYA BA LA DE NI ZHES BYA BA NI SLONG BAR RIGS PA LA'O, ,SPYI TZAM LA 'DI NYE BAR GNAS PA STE RDZAS LA YANG MA YIN NO, ,'DIR GANG ZAG NI SLONG BAR RIGS PAR BRJOD PAR RIG PAR BYA'O, ,NYE DU MA YIN PA LAS CHOS GOS SLONG BA RIGS PA ZHES BYA BA BYAS NAS SO, ,SLAR YANG DE GANG ZHE NA CHOS GOS PHROGS PA LA SOGS PA'O, ,GANG LAS 'DIR NYES BYAS BRJOD PA NYID KYIS SLONG BAR MI RIGS PA SLONG BA'I RNYED PA LA SNGA MA'I LTUNG BA'O, ,'DI NI SLONG BAR RIGS PA SLONG BAR BYED PA'I DBANG GIS BYAS PA'O, ,DE GANG LAS 'BYUNG ZHE NA, SO SOR THAR PA'I MDO LAS CHOS GOS CHUS KHYER NA NYE DU MA YIN PA'I KHYIM BDAG GAM KHYIM BDAG GI CHUNG MA'I DRUNG DU SONG STE CHOS GOS BLANG BAR BYA'O, ,DE LA GAL TE BRAM ZE DANG KHYIM BDAG DAD PA CAN DAG GIS CHOS GOS RAB TU MANG PO DAG DUS KYIS STOBS PAR GYUR PA NA DGE SLONG DES 'DOD NA CHOS GOS DE LAS STOD G-YOGS DANG SMAD G-YOGS SU BCAS PA MAN CHAD BLANG BAR BYA'O, ,DE LAS LHAG PAR LEN NA SPANG BA'I LTUNG BYED DO ZHES SLONG PAR RIGS PAS BLANGS TE THOB PA NA LTUNG BYED DO ZHES RNAM PAR GZHAG PA'I PHYIR RO, ,GANG ZHIG YANG RNAM PAR 'BYED PA LAS DGE SLONG GIS KHYIM GYI NANG DU 'OG MA 'OG MA LA SLONG BAR BYED CING, DE BLANGS PA NA NYES BYAS SU 'GYUR TE SPANG BA'I LTUNG BYED DO ZHES BRJOD DO, ,DE LA SBYOR BA THOB PA'I PHYIR SNGAR GYI BSLAB PA'I GZHI BRJOD PA DNGOS GZHI THOB PA'I PHYIR GNYIS KA DANG 'BREL PA 'DIR BSLANG BAR BYA BA DANG, SLONG BAR BYED PA'I DBANG NYID KYIS DE RNYED PA 'DZIN PA MA YIN TE, GZHAN YANG BSLANG BAR BYA BA DANG BSLAB PA'I DBANG GIS KYANG BSLAB PA'I GZHI 'DI DANG 'BREL PA'O, ,

151b

GZHAN DU NA DNGOS GZHI LONGS MA SPYAD PA NYID THOB PA'I PHYIR BSLANG BAR BYA BA MA YIN PA'I DBANG GIS GSUNGS PA GANG YIN PA DE NI SNGAR GYI BSLAB PA'I GZHI DANG 'BREL PA BSLANG BAR BYA BA DANG, SLONG BAR BYED PA GANG YIN PA DE NI 'DIR BSLAB PA'I GZHI LAS 'BREL PA'O, ,ZUNG BSLANG BAR BYA BA NYID CES BYA BA 'CHAD PAR 'GYUR BA DE'I RANG BZHIN BSTAN PAR BYA STE, KHYIM PA'I STOD G-YOGS CHE TSAD NI RAS YUG CHEN KHRU BCU GNYIS PA'O, ,SMAD G-YOGS NI RAS YUG PHRAN BDUN PA DANG DO PA'O ZHES BYA BA NI 'DIR DGE SLONG GI STOD G-YOGS CHE TSAD KYI RKYEN MNGON PAR 'DOD PA ZHES BYA BA RNAM PAR GNAS PA YIN NO; ,DE BAS NA DNGOS PO GSUM NI 'DIR CHE TSAD CES BYA BAR RTOGS PAR BYA'O, ,DGE SLONG GI CHE TSAD NI, SNAM SBYAR DANG SHAM THABS KYI RIM PA JI SKAD BSTAN PA'O ZHES BYA BA NI, 'DIR CHE TSAD CES BYA BAR SBYAR RO, ,ZUNG BSLANG BAR BYA BA NYID DO ZHES BYA BA NI STOD G-YOGS DANG SMAD G-YOGS KYI ZUNG 'DI LA KHYIM PA DAG DANG, DGE SLONG GI ZUNG 'DI DAG LAS GANG BSLANG BAR BYA BA NYID YIN CE NA, DE'I PHYIR GANG YANG RUNG BA'O ZHES BYA BA NI, KHYIM PA'I STOD G-YOGS SMAD G-YOGS DANG BCAS PA 'AM, DGE SLONG GI STONG G-YOGS SMAD G-YOGS DANG BCAS PA'O ZHES BYA BA'I DON TO, , SHUGS KYIS RTOGS PA DANG DNGOS SU BRJOD PAR BYA STE, TSAD DE LAS LHAG PA NI BSLANG BAR BYA BA NYID MA YIN NO ZHES BYA BA NI THA DAD PAR GYUR KYANG RUNG THA DAD PAR GYUR PA MA YIN PA YANG RUNG STE, TSAD LAS LHAG PAR BSLANG BAR BYA BA MA YIN NO, ,DE'I SNGA MA NYID LA BSLAB PA'I GZHI LAS LTUNG BA'O, , 'DIR ZUNG BSHAD PA'I TSAD GTZO BO BRJOD PAR 'DOD PA MA YIN PA GCIG DANG 'BREL PA NYID DER BYAS PAR 'GYUR RO, ,'DIS THA DAD DU GYUR PA LA CHUNG BA RNYED PA LA RDZOGS PAR BYA BA LA BLANGS PA NYID DO, ,DE NI KHYIM PA'I STONG G-YOGS DANG SMAD G-YOGS LAS 'DA' BAR BRJOD PAR BYA STE, TSAD DE LAS LHAG PAR NI BSLANG BAR BYA BA NYID MA YIN NO, ,SNGA MA LAS NA KHA BA SKANG BA YANG NGO ZHES BYA BA NI BSLANG BAR BYA BA NYID MA YIN PA'I RJES SNYEGS PA'I PHYIR YANG NGO ZHES BYA BA'I SGRA SMOS SO, ,SNGA MA ZHES BYA BA NI KHYIM PA'I STOD G-YOGS DANG SMAD G-YOGS MA CHO GA PA RNYED PA LA DE'I KHA BSKANG BA BSLANG

152a

, ,BAR MI BYA BA'I DON TO, ,KHYIM PA'I CHE TSAD NI KHRU BCU GNYIS PA'O ZHES BYA BA NI MCHOG TU GYUR PA LA KHYIM PA'I STOD G-YOGS DANG SMAD G-YOGS KYI TSAD DU GSUNGS SO, ,DE BAS NA 'DI LAS CHUNG BA THAMS CAD NYID DU KHYIM PA'I STOD G-YOGS SMAD G-YOGS LA MED PA MA YIN NO, , SLAR GANG ZHIG 'DI'I MTHAR THUG PA'I RIGS PA YIN TE, RAS YUG CHEN KHRU BCU GNYIS PA DANG, RAS YUG PHRAN BDUN PA DANG, DO PA MAN CHAD NAS RAS YUG CHEN KHRU PHYED DANG GSUM PA DANG, JI SRID DU PHYED PA DANG LNGA PA'I BAR DANG RAS YUG PHRAN 'KHOR GSUM KHEBS PA'I TSAD KYI BAR NI CHUNG BA'I MTHA' YIN PAR RIG PAR BYA'O, ,GANG GI PHYIR 'DI'I DON GRUB PA NYID LA MA BLANGS PA NYID NI RGYU NYID 'DIR MTHAR THUG PA'I DON MTHAR THUG PA'I KHYIM PA'I STONG G-YOGS DANG SMAD G-YOGS THOB PA LA KHRU BCU GNYIS PA LA SOGS PA KHA SKONG BAR BYED PA LA 'DI BSLANG BAR MI BYA BA NYID BSTAN PA'O, , MTHAR THUG PAR GYUR PA LAS KYANG MA CHOG PA RNYED PA LA BLANGS PA NYID KHO NA ZHES BYA BAR RIG PAR BYA'O, ,CHOS GOS MA DRAS PAR 'CHANG BAR 'DOD PA LAS LHAG MA GANG ZHIG KHYIM PA'I STOD G-YOGS DANG SMAD G-YOGS 'DOD PA 'DI LA MA CHOG PA NYID KYIS RDZOGS PA NYID KYANG MA YIN ZHES BYA BA MA TSANG BA 'DI LA BSLANG BAR BYA BA NYID MA YIN NO, ,LHAG PA SBYIN PAR BYA BA NYID MA YIN NO ZHES BYA BA NI JI TZAM GYIS YANG MCHOG TU GYUR PA'I DGE SLONG GI STOD G-YOGS DANG SMAD G-YOGS YONGS SU RDZOGS PA DE TZAM LA YIN GYI, 'DI LAS 'OG TU MA YIN NO, ,PHYI MA THOB NA LHAG MA SBYIN PAR BYA BA NYID DO ZHES BYA BA NI, GAL TE DGE SLONG GIS STOD G-YOGS DANG SMAD G-YOGS DANG BCAS PA SLONG BAR BYED PA NI TSAD LAS CHES LHAG PA ZHIG THOB NA DE NI SBYIN BDAG DE NYID LA SBYIN PAR BYA BA STE YONGS SU RDZOGS PA'I DON LAS 'DI LHAG PA NYID KYI PHYIR RO, ,YONGS SU LONGS SPYOD PA'I DON DU NGO BO GANG ZHIG CHIG RKYANG LA SOGS PA 'DOD PA DES 'DIR RNAM PAR GZHAG PAR RIG PAR BYA'O, ,BOR RLAG BYUNG BA NYID LA NYE DU MA YIN PA'I DGE SLONG MA LAS CHOS GOS LEN PA LA RJES SU GNANG BA GANG YIN PA DE'I STOD G-YOGS DANG SMAD G-YOGS MED PA DER GTZO BO NYID DO, ,'DI TZAM NI GZUNG BAR

152b

BYA BA NYID DO, ,YONGS SU MA RDZOGS PA 'DI MED PA LA RDZOGS PA TZAM LA ZHES BYA BA 'DI LAS RTOGS PAR BYA'O, ,GANG GI PHYIR 'DI LA LTUNG BA MED DO ZHES BYA BA SNGAR BRJOD PA DE YANG 'DI LAS STOD G-YOGS DANG SMAD G-YOGS TZAM NYID LA ZHES BYA BA SHES PAR BYA'O, ,GANG GI PHYIR SLONG BA LA ZHUGS PA NYID NI 'DIR PHYI MA SO SOR 'DZIN PA SPONG BAR BYED PA'I RGYU YIN TE, DE BAS NA SLONG BA LA MA ZHUGS PA NYID LA CHOS GOS MED PA NYID DANG CHOS GOS YONGS SU RDZOGS PA NYID THOB PA LA SHIN TU MANG BA YIN NA YANG 'DI LA 'DZIN PA SKYONG MED PA ZHES BYA BAR RTOGS PAR BYA'O, ,CI STE BLANGS PA GZHAN RNAMS LA DE SNGON DU 'GRO BA CAN GYIS DON BSGRUB PA RNAMS LA GTOGS PA GANG YIN PA DE TZAM GYI CHOS GOS LA SKYON YOD PA MA YIN TE, CHOS GOS MA YIN PA LA DGOS PA MED PA'AM, LHAG PA 'CHANG BA'I DGOS PA CAN YOD PA ZHES BYA'O, ,SLONG BAR RIGS PA YIN NO SNYAM DU RTOGS PA 'DIS SLONG BA LA ZHUGS NA BYA BA GANG LA LTUNG BAR 'GYUR ZHE NA, DE'I PHYIR BSLANG BAR BYA BA MA YIN PA BSLANGS NA NYES BYAS SO, ,THOB NA DNGOS GZHI'O ZHES BYA BA NI GANG ZHIG DGE SLONG LA GOS DANG KHA ZAS LA SOGS PA RUNG BA MA YIN PA DE SLONG PA LAS NYES BYAS SO, ,BSLANGS NAS RNYED NA DNGOS GZHI'O, ,MA RNYED NA NYES BYAS SO, ,DON GYIS SNGA MAR GTOGS TE 'DI NI NYES BYAS SO, ,GAL TE DNGOS GZHI'I LAS SLONG BA 'DI NI 'DI'I BSLANG BAR BYA BA LAS SNGAR RNYED PA'O, ,BSLANG BAR BYA BA MA YIN BA SLONG BAR BYED PA SBYIN PAR BYA BA MI SBYIN NA YANG NGO ZHES BYA BA LA DNGOS GZHI'O ZHES BYA BA'I RJES SNYEGS PA'I PHYIR YANG NGO ZHES BYA BA'I SGRA SMOS SO, ,BSLANG BAR BYA BA MA YIN PA BSLANGS PAS MA THOB PA LA 'DIR LHAG PAR SBYIN PAR BYA BA NYID DO ZHES BYA BA SMOS PAS THOB PA NYID LA GZHAN LA LTUNG BA 'GRUB BA LA YANG MI RIGS PA'I PHYIR SBYIN PAR BYA BA NYID DE, DE BAS NA 'DI NYID 'DIR MA SBYIN NA DNGOS GZHI'I ZHES BYA BAR RTOGS PAR BYA'O, ,SLONG BAR RIGS PA'I SPANG BA'O,, ,,SPAGS PA SLONG BA'I SPANG BA NI SLONG BA'I RAB TU DBYE BAR GYUR PA YIN PAS SPAGS PA SLONG PA'I SPANG BA DE NYID 'DIR CHO GA THOB PA'I BSAM PA TZAM GYI BYE BRAG DE LA DE'I CHO GA THOB PA LA 'DI LA BRJOD PAR BSGRUB PAR 'GYUR TE,

153a

, ,DE'I CHO GA YONGS SU THOB PA BSGRUB PA'I DON DU BYE BRAG 'DI MTSUNGS PA NYID BRJOD PAR BYA STE, DE'I PHYIR SPAGS PA MA PHUL BA SHES PA NI MA SPAGS PA DANG 'DRA'O ZHES BYA BA SMOS TE, 'DIR YUL GYI KHYAD PAR NI BYE BRAG GO ZHES BYA BA 'DI TZAM GYI MTSUNGS PA NYID BRJOD PAS MA PHUL BA YOD PAR GYUR PA LA, GANG ZHIG 'DI LA CHOS GOS STER BAR 'GYUR BA ZHES BYA BAR SPAGS PA JI LTAR YANG MA SHES PA DE NI MA SPAGS PA DANG 'DRA BA STE, BSLANGS PA'I PHYIR ZHES BYA BA'I DON TO, ,DE NYID GZHAN YIN NO ZHES BYA BA NI GZHAN GYIS MA SHES PA SPAGS PA NI MA SPAGS PA NYID DO, ,'DI NI SLONG PA'I SPANG BA'I GZHI NYID KYI KHONGS SU GTOGS PAR RIG PAR BYA'O, ,DE'I BSLAB PA'I GZHIR GYUR PA 'DI LA 'JUG PA LA SKYED PA ZHES BYA BA'I DON TO, ,RANG NYID 'DI LA DON GYIS 'JUG PA ZHES BYA BA DGONGS PA'I DBANG GIS 'DIR 'JUG PA'I RNAM PA NYID DE; DE BAS NA MI BSKYED PA NYID DO, ,'DI MI SHES PA NYID LA ZHES BYA BA 'DI SHES PA'O, ,GANG LA MI SHES PA NYID LA SLONG BA LA 'JUG PA SHES PA NYID LA YANG LEN PA LA DE DNGOS GZHI 'DI YIN NAM, 'ON TE DE DANG 'BREL BA'I NYES BYAS ZHES BYA BA 'DI LAS RTOGS PAR BYA'O, ,SPAGS PA SLONG BA'I SPANG BA'O,, ,,SBYIN PA PO 'DI DAG LAS SBUNGS CHE BA YANG NGO ZHES BYA BA NI 'DIR RAB TU GTONG BA NYID DANG TSAM TSOM MED PA NYID LA DON GYIS 'JUG PA 'DI ZHES BYA BA BYE BRAG 'DIS SO SOR SPAGS PA DAG LA SLONG PA DANG DE SNGON DU 'GRO BA CAN GYI SLONG BA LA 'JUG PA 'DI GZHAN YIN TE SNGA MA NI MA YIN NO ZHES BYA BA'I BLO'O, ,GANG GI PHYIR 'DIR 'JUG PA YANG NYES PA MED PA'I BLOS SNGAR BSLAB PA'I GZHI YOD PA LA YOD PAR GYUR PA'I BSLAB PA'I GZHI GZHAN YOD PAR 'GYUR BA DE LA BTAGS PA'O, ,'DI NI LTUNG BA DANG LDAN PA MA YIN TE, SNGAR NYID DU MI 'JUG PA BYA BA SRID PA YIN NO, ,DE LA 'DI LA YANG DE'I CHO GA YONGS SU THOB PAS NYE BAR BRJOD PA MI SLU BAR BYED CING, DE'I CHO GA YONGS SU THOB PA LA BSGRUB PA'I DON DU YUL 'DI LA MTSUNGS PA NYID DU BYE BRAG LA BRJOD PAR BYA STE, SBYIN PAR BYED PA SPUNGS CHE BA YANG NGO ZHES BYA BA NI SPAGS PA MA PHUL BA ZHES BYA BA

153b

NI MA SPAGS PA DANG 'DRA'O ZHES BYA BAR SBYAR BAR BYA'O, ,SBYOR BA GCIG PA'I PHYIR THOB NA GCIG NYID DO ZHES BYA BA NI, SBYOR BA GCIG PA'I PHYIR THOB NA RDZAS THA DAD PA CAN LA YANG RNYED PA LA GCIG PA NYID DO ZHES BYA BA'I DON TO, ,LEN PA LA SOGS PA LA DU MA NYID LA YANG YONGS SU RDZOGS PA'I GOS SBYIN BA DGE SLONG MA LA LHUNG BZED DANG DBYAR GYI RAS CHEN THOB PA LA YANG SBYOR BA GCIG PA NYID YIN NA LTUNG BA GCIG CES BYA BA DE 'DI'I BYED PA'O, ,SO SO NAS SPAGS PA SLONG BA'I SPANG BA'O,, ,,CI ZHIG BYAS NA BSKUR BA'I SPANG BAR 'GYUR ZHE NA, DE'I PHYIR BSKUR BAR RUNG BA MA YIN PA CHOS GOS KYI RIN SPANGS NAS YONGS SU DRI BA SNGON DU BTANG ZHING BSTAN TE BSGO ZHING SMRAS PA BYUNG BA'I MTHA' RJES SU BRJOD PA SNGAR BYAS PA'I ZHAL TA BYED PA LA BSKUR BAR GYUR NA'O ZHES BYA BA SMOS TE, SPANGS NAS ZHES BYA BA NI TSE DANG LDAN PA PHO NYA DGE SLONG RNAMS GOS KYI RIN DAG LAN DU MI RUNG STE ZHES BYA BA LA SOGS PAS YONGS SU DRI BA SNGON DU BTANG ZHING ZHES BYA BA'O, ,'PHAGS PA RNAMS LA ZHAL TA BYED PA 'GA' ZHIG YOD DAM ZHES BYA BA LA SOGS PA 'DI SNGON DU BTANG ZHING ZHES BYA BA SMRAS PA NI BSTAN TE ZHAL TA BYED PA ZHES BYA BA NI DGE SLONG SPONG BAR BYED PA POS SHES PAR BYA BA GNAS SKABS KYIS SHES PAR BYA'O, ,BSTAN TE ZHES BYA BA NI KHYOD KYI RIN BYED PA 'DI RNAMS KYIS ZHES BYA BA LA SOGS PAS BSKUL BAR GYUR NA ZHES BYA BA 'DI LA LTOS PA 'DI SNGON DU SMOS PAR RIG PAR BYA'O, ,SUS BSTAN PA ZHE NA, DE'I PHYIR BSGO ZHES SMRAS PA ZHES BYA BA SMOS SO, ,BSGO ZHING JI SKAD SMRAS SHE NA, DE'I PHYIR BYUNG BA'I MTHA' RJES SU BRJOD PA SNGAR BYAS PA ZHES BYA BA SMOS TE, GANG ZHIG 'DI 'PHAGS PAS ZHAL TA BGYID PA BSTAN PA GANG LAGS PA DE ZHES BYA BA LA SOGS PAS SO, ,BSKUL BAR GYUR NA'O ZHES BYA BA NI, DGE SLONG GI ZHAL TA BYED PA'O, ,TSE DANG LDAN PA ZHAL TA BYED PA BDAG GOS 'DOD DO ZHES BYA BA LA SOGS PAS SO, ,'GRO BAR MA NUS PA NYID NI BSKUL BA 'DI MA YIN NO ZHES BYA BA NI DAL BA MA YIN PA RJOD PAR BYED PA LA GANG DU GZHAN GYI TSIG LA SKABS MED PAR 'GYUR BA ZHES BYA BA MYUR BAR BRJOD PA NI 'DIR RGYU BSTAN PA YIN NO, ,BTANG BAR SMRAS PA'AM GNYID LOG PA'AM, ,

154a

, ,RA RO BA DANG 'BREL PA NYID DAM, 'ON PA NYID DAM NAD KYIS BTAB PA 'AM, GZHAN GYI DBANG DU GYUR PA LA SOGS PA'I RKYEN GYIS MI 'BYUNG BAR 'GYUR TE, DE BAS NA 'DIR 'GRO BA MA NUS PA NYID KYI DPE YIN TE, DE'I PHYIR MYUR BAR BRJOD PA LA SOGS PA 'DI RNAMS KYIS MI NUS PA NYID LA YANG DAG PAR 'GRO BAS BSKUL BA NI ZHES BYA BA'I DON TO, ,GANG 'GRO BA ZHES BYA BA BYE BRAG MA SMOS PA THAMS CAD LA 'DI'I DON GYIS DNGOS PO DANG 'BREL BA'I TSIG LA YANG BSKUL BAR GYUR PA'I DON LA YANG MTSAN MA 'DI LA YANG GANG DU MED PA NYE BAR 'GRO BA'I LAN STER BA LA DE'I DON DU GNAS BRTAG PAR RIG PAR BYA'O, ,DE 'DIR 'DI LTAR GZHAN LA YANG BSKUL BAR BYAS PA NYID DE LAS 'DIR GANG ZHIG GRANGS GSUM GYI RJES SU GNANG BA DE'I KHA BSKANG BA NYID CES BYA BA 'DI'I BYED PA BSKUL BA'I SGO DRUG PO GANG DAG GSUNGS PA DE DAG KYANG DUS LA 'JUG PA ZHES BYA BA DER CHOS KYI GTAM GYI SGO'I TSIG DE LA'O, ,DUS ZHES BYA BA NI DE'I SGO THOB PA LA RGYAS PA TZAM BSTAN PA STE, 'DI NI DPE YIN NO, ,TSE DANG LDAN PA DAG NI GOS DE DON DU GNYER BA STE, BDAG NI CUNG ZAD CIG SMRA YIS, ,TSE DANG LDAN PA KHYOD NYON CIG ,SONG SHIG NI GOS DE DON DU, ,GNYER BAS BDAG LA GOS BYIN CIG , ZHES BYA BA LA SOGS PA YANG GTAM GZHAN DU GYUR PA 'BREL PA CAN GYI GTAM GYI SGO NYID KYI PHYIR RO, ,'DI LTA STE, MNGON PAR SMRA BA DANG, LEGS PAR SBYOR BA DANG, ZAS SKOM DAG GI DBANG DU BYAS NAS RE RE LA YANG GNYIS GNYIS TE DRUG TU 'GYUR RO, ,DE LA MNGON PAR SMRA BA NI, KHYOD 'ONGS SAM ZHES ZER BA LA DE'I PHYIR RO ZHES ZER BA DANG, LEGS PAR 'ONGS SAM ZHES ZER BA LA DE'I PHYIR RO ZHES ZER BA'O, ,LEGS PAR SBYOR BA NI STAN 'DI LA 'DUG CES ZER BA LA DE'I PHYIR RO ZHES ZER BA DANG, RKANG PA KHRUS GYIS SHIG CES ZER BA LA DE'I PHYIR RO ZHES ZER BA'O, ,ZAS SKOM GYI DBANG DU BYAS PA NI ZAN ZO ZHIG ZER BA LA DE'I PHYIR RO ZHES ZER BA DANG, SKOM 'THUNGS SHIG ZER BA LA DE'I PHYIR RO ZHES ZER BA'O, ,SO SO'I DNGOS POS BYAS PA'I DE RNAMS LA DE'I DON DU 'GRO BA LA RNAM PA GANG GIS KYANG NYE BAR BKOD PA LA DE'I PHYIR RO ZHES BYA BA BSTAN PAR RIG PAR BYA'O, ,GANG GI PHYIR MI RIGS PA'I

154b

NGO BO 'DI NI GZHAN DU 'GYUR RO, ,MA GRUB NA LAN GNYIS SU YANG NGO ZHES BYA BA NI BSKUL BA DANG PO DES MA GRUB NA LAN GNYIS SU YANG BSKUL BAR BYA'O, ,LAN GSUM DU YANG NGO ZHES BYA BA NI LAN GNYIS SU BSKUL BA DES KYANG MA GRUB NA LAN GSUM DU YANG BSKUL BAR BYA'O, ,DE'I 'OG TU LAN GSUM GYI BAR DU PHYOGS SU BSDAD PAR BYA'O ZHES BYA BA LA DE'I ZHES BYA BA NI LAN GSUM BSKUL BAS GOS KYI RNYED PA MA GRUB NA PHYOGS SU GANG DU 'DI DON GYIS THOB PAR BYA BA DE GNAS DER LAN GSUM GYI BAR DU BSDAD PAR BYAS, LAN BZHI 'AM LNGA 'AM DRUG GI BAR DU BYA STE, DE'I 'OG TU CANG MI SMRA BAS PHYOGS SU BSDAD PAR BYA ZHES GSUNGS SO, ,'DIR GZHUNG NI BSKUL BA DANG 'BREL PA'I GCIG LA SOGS PA'I GRANGS DANG LHAN CIG TU 'DI NI GRANGS YIN GYI RANG DANG 'BREL PAS NI MA YIN TE MA GSUNGS PA NYID KYI PHYIR RO, ,'DIR 'DI LA LAN GCIG GAM LAN GNYIS SAM GSUM MA MA BZHI 'AM LNGA 'AM LAN DRUG GI BAR DU BYA STE 'DI LTAR BRJOD NA DE'I RIGS SO, ,BSTAN PA NI BZHI STE, KUN NAS ZHUGS PA DANG, NGES PAR ZHUGS PA DANG, LAS KYI MTHA' DANG, LAS KYI KHANG PA ZHES BYA BA DER GSUNGS SO, ,GZHAN DU NA YANG KUN NAS 'JUG PA DANG, NGES PAR 'JUG PA DANG, KUN NAS SPYOD PA DANG, TSONG PA ZHES BYA BA SHIN TU GRAGS PA DANG, GANG NA KUN NAS SDOD PA RNAMS KYIS DPE 'DI RTOGS PAR BYA'O, ,'DIR YANG SNGA MA BAS NI YO BYANG CHUNG BA'I TSONG PA RNAMS KYI DBANG DU BYAS NAS SO, ,GNYIS PA NI TSONG PA TZAM LA'O, ,MA GRUB NA SBYIN PAR BYED PA LA BSGRAG PAR BYA'O, ,DE LTAR SPANGS PAR GYUR ZIN PA NI, 'BUL BAR BYED NA SPANGS PAR SMRA STE, SBYIN PAR BYED PA'I SEMS BSDU BAR RJES SU BSGRUB PA KHAS LEN PA LAS BLANG BAR BYA'O ZHES BYA BA LA 'BUL BAR BYED NA ZHES BYA BA NI ZHAL TA BYED PAS SO, ,SPANGS PA SMRA TE ZHES BYA BA NI, SBYIN BDAG LA SLAR SBYIN PA NYID 'DI LA ZHES BYA BA 'DIS BSDUS PA'O, ,GZHAN BSKUL BA LA GNAS KYI KHAS BLANGS PA LA'O, ,BSKUL BA LA YANG GZHAN SGO GSUM LAS GNAS DANG PHYOGS LA SGO GSUM LAS GZHAN DU KHAS MI LEN PA LA YANG KHAS BLANGS PA NYID LA SBYIN PAR BYED PA NI, SEMS BSDU BAR RJES SU BSGRUB PA ZHES BYA BA'I DON

155a

, ,TO; ,'DIR 'JUG PA NI GTZO BO STE RIM PAS NI MA YIN NO, ,DE BAS NA SNGAR GNAS PA DANG, PHYIS BA SKUL BA ZHES BYA BA DBANG DU BYA BA 'DI DAG LA 'DREN MAR BYAS PA NYID DO, ,BSKUL BAS SHES PAR GYUR PA NYID LHAG PA'I GNAS LA MCHOG PA NYID KYI PHYIR 'DI LA BSKUL BAS SHES PAR BYA BA RIG PAR BYA'O, ,CI SLAR 'DIS DNGOS GZHI'I RJES SU BSGRUB PA 'DI LA 'DI BRJOD PA LA SNGAR GYI CHAR GYUR PA YOD PA LA GANG DU BYED BZHIN PA'I SPANG BA 'DIS SHE NA, DE'I PHYIR KHAS LEN PA LAS ZHES BYA BA SMOS TE, SBYIN PAR BYED PA'I SEMS BZUNG BA LA RJES SU BSGRUB PA NI DE GANG GIS KHAS BLANGS PA BRJOD PA 'DI LAS SUN 'BYIN PA LA SOGS PA RJES SU BSGRUB PAS SO, ,RJES SU BSGRUB PA GANG LA BZUNG BA LAS SNGON GYI CHAR GYUR PA YOD PA LAS BSKUL BA'I SPANG BA'I DE'I PHYIR BLANGS NA'O ZHES BYA BA SMOS TE, JI LTA BU NYID LA SBYIN PA PO DANG, ,PHO NYA DANG, ZHAL TA BYED PAS SHE NA, DE'I PHYIR GSUM CHAR MI NYID DANG, KHYIM PA NYID YON NO ZHES BYA BA SMOS SO, ,'DIR GZHUNG NI MI MA YIN PAS SBYIN PAR BYED CING MI MA YIN PAS PHO NYA BYED LA MI MA YIN PAS RUNG BAR BYED NA NYES BYAS KYI LTUNG BAR 'GYUR RO, ,MI MA YIN PAS SBYIN PAR BYED CING MI'O PHO NYA DANG, MI MA YIN PAS RUNG BAR BYED NA YANG NYES BYAS SU 'GYUR RO, ,MI MA YIN PAS SBYIN PAR BYED CING, MI'I PHO NYA DANG MI MA YIN PAS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING MI MA YIN PA'I PHO NYA DANG, MI MA YIN PAS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING MI'I PHO NYA DANG MIS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING, MI MA YIN PA'I PHO NYA DANG MIS RUNG BAR BYED NA YANG NYES BYAS SU 'GYUR RO, ,MI MA YIN PAS RUNG BAR BYED CING MI'I PHO NYA DANG MIS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING MI'I PHO NYA DANG; MIS RUNG BAR BYED NA YANG SPANG BA'I LTUNG BYED DU 'GYUR RO, ,MI MA YIN PAS GSUM GCIG DANG, ,GNYIS PA GSUM DU BYAS PA DANG, MI YI GNYIS PA GSUM DAG DANG, ,GSUM GCIG DE DAG MU BRGYAD DO, ,MA SMRAS NA NYES BYAS SO ZHES BYA BA NI GAL TE PHO NYES BYUNG BA'I MTHA' RJES SU BRJOD PA

155b

SNGAR BYAS PA MA SMRAS PAR ZHAL TA BYED PA LA SKUL BAR BYED NA DE LAS NYES BYAS SU 'GYUR RO, ,MA SPANGS PA LA'O ZHES BYA BA NI RUNG BA MA YIN PA CHOS GOS KYI RIN LA SOGS PA BDAG CAG NI GOS KYI RIN DAG BLANG DU MI RUNG STE ZHES BYA BA LA SOGS PA'I TSIG GIS MA SPANGS PA LA ZHAL TA BYED PAS BSKUL BA BYAS PA DANG, PHYOGS SU BSDAD PAS GOS SBYIN PAR BYED PA MA SPANGS PAR LEN NA NYES BYAS SO, ,MA RIS PAR STON NA YANG NGO ZHES BYA BA NI, GAL TE PHO NYAS MA DRIS PA NYID ZHAL TA BYED PA LA STON NA DE LA YANG NYES BYAS SO, ,RE BA RE BA MED PA NYID NA MA SBRAN NA YANG NGO ZHES BYA BA NI RE BA MED PA NYID NA SBYIN PAR BYED PA LA MA SBRAN NA YANG NYES BYAS SU 'GYUR BA'O, ,'DI NI 'DI RNAMS MED PAR DNGOS GZHIR GYUR PA'I SPYOD PA 'BRING POR GYUR PA NYID KYI PHYIR 'DI RNAMS LA ZHES BYA BAR 'DI'I DON DU NI MA YIN NO, ,GZHAN YANG BSGRUB PA 'DI NYID NI MI MTHUN PA ZHES BYA BAS NA 'DI RNAMS MED KYANG GOS 'DZIN PA LA NYES PA MED CES RIG PAR BYA'O, ,MA BSLANGS PA NYID KYIS 'DI RNAMS LA SHIN TU BSLANGS PA NYID NI 'DIR MTSAN MA YIN TE, 'DI LA YANG GO BAR BYA BAR 'OS PA'I BSLAB PA'I GZHI LA SOGS PA BZHIN DU BSLANGS BA'I BSLAB PA'I GZHI DANG 'DRA BAR LHAG MAR GYUR PA NYID NI BSLAB PA'I GZHI STE, DE'I 'OG TU CHOS GOS BSGRUB PA'I PHYIR 'BAD PAR BYA'O, ,GOS BSGRUB NA SPANG BA'I LTUNG BYED CES GSUNGS PA'I PHYIR RO, ,BSKUR BA'I SPANG BA RNAMS SO,, ,,STAN GTZANG BAR BYA'O ZHES BYA BA LA, STAN NI RNAM PA GNYIS TE, NANG TSANGS CAN DANG, BLINGS PA'O, ,SPYIR STAN ZHES BYA BA 'DIS GNYIS KA YANG BZUNG BA NYID YIN NO, ,NANG TSANGS CAN ZHES BYA BA NI TSIG GIS 'DIR PHYI SHUN GYI RDZAS KYANG RJES SU GNANG BAR BSGRUB PAR RIG PAR BYA'O, ,'DIR 'DUG PA'I RNAM GANGS NI 'DIR BRJOD PA YIN ZHES BYA BA KHA CIG GIS RNAM PA 'DI MI BDEN PAR 'DUG PA LA DNGOS PO MA YIN PA NYID KYI PHYIR RO, ,'DI DAG LA YANG THA DAD PA NYID KYI PHYIR DON LA RIM PA GCIG PA DANG, RIM PA GNYIS PA RNAM PAR GZHAG PAS GOS GNYIS PA NYID 'DUG PA LA GO BAR GYUR PA NI CHAS 'DUG PA BLANGS NAS ZHES BYA BA'I TSIG GIS MI MTHUN PA CHAS BLANGS TE, STAN NANG TSANGS CAN DANG ZHES BYA BA LA STAN NI GRANG BA'I GNYEN PO

156a

, ,YIN NO, ,'DI LTAR 'BROG PHYOGS DAG TU GRANG BA'I GNYEN PO NI 'DING BA'I DGOS PA STE, 'DI RGYU MTSAN DU RJES SU GNANG BA'I PHYIR RO, ,GANG GI PHYIR DGON PA LA GNAS PA RNAMS LA GRANG BAS GNOD PAR GYUR PA RNAMS KYI DBANG DU MDZAD NAS 'DI RJES SU GNANG BA YIN LA GDING BA NI MAL STAN LA G-YOGS PA'I PHYIR DANG, KUN DU BSRUNG BA'I PHYIR GDING BA'I DGOS PA STE, DE LTAR NA 'DI'I GDING BA ZHES BYA BA RNAM PAR 'BYED PA'O, ,GDING BA'I TSAD NI GANG ZHIG STAN LA DE NYID RIG PAR BYA STE YUL 'DRA BA NYID KYI PHYIR RO, ,GANG ZHIG SRIN BAL GYI SPANG BA ZHE NA, DE'I PHYIR SRIN BAL GYI LAS BYAS SAM BYED DU BCUG NA'O ZHES BYA BA SMOS TE, BYAS PA 'AM BYED DU BCUG PA LA SRIN BAL GYI GDING BA ZHES BYA BA'I DON TO, ,THAMS CAD PA 'AM SO SO BA BYAS PA 'AM BYED DU BCUG PA DAG LA NYES PA DANG LDAN PA NYID DO, ,GANG ZHIG GNAS PA LA MTHAR THUG PAS 'KHOR GSUM G-YOGS PA NYID DO, ,DE NYID 'DI SPANG BAR BYED PA NYID LA RTOGS PAR BYA'O, ,'DI TZAM NYID KYIS 'DIR YANG MTHAR THUG PAR GYUR PA'I DON LA BKRAM PA LA SOGS PA STE, GANG ZHIG MTHAR THUG PA'I GOS RNYING PAR GYUR PA RNAMS LA BRKUS NA LONGS SPYOD PA RNAMS NI BAL LAS BYAS PA RNAMS LA SPANG BAR BYED PA NYID DU RNAM PAR GNAS PA ZHES BYA BAR RIG PAR BYA'O, ,'DI RNAMS LA THAMS CAD PHYI MA DAG LA NYES BYAS NYID DE CHUNG BA LA YANG 'DIR 'JUG PAS RJES SU MTHUN PA NYID KYANG BYI DOR LA SOGS PA'I DON DE LA DE TZAM DU'O, ,STAN LA NI BKRAM PA NYID BYED PA MTHAR THUG PA'I DANG PO NYID YIN NO ZHES BYA BA LAS GDING BA NYID THAMS CAD KYI DANG PO'O, ,'DI TZAM BYAS PA LA DNGOS GZHI BSKYED PA'O, ,GZHAN LA YANG RTZOM PA GCIG PAR GYUR PA NYID KYI PHYIR 'DI LAS THA MI DAD PA NYID CES BYA BA'I DON TO, ,'DIR GZHUNG NI ZHU BA'I YI GE KHA CIG LAS, JI TZAM GYIS NA LTUNG BA RDZOGS PAR 'GYUR, GANG TSUN CHAD BKRAM PAR GYUR NA'O ZHES GSUNGS PA YIN NO, ,BYAS ZIN PA RNYED PA DANG, YONGS SU LONGS SPYOD PA DANG, MNGON PAR 'DU BYED PA LA NI LTUNG BA MED DO ZHES BYA BA NI BYAS ZIN PA RNYED PA DANG, GZHAN GYIS BYAS ZIN PA LONGS SPYOD PA DANG RNYING BA'I BYI DOR MNGON PAR 'DU

156b

BYED PA DAG LA NI LTUNG BA MED DE, 'DIR RJES SU SGRUB PA LA NYES PA DANG LDAN PA NYID DE, BDAG GIR BYED PA DANG YONGS SU SPYOD PA LA NI MA YIN NO, ,LDOG PAR GYUR PA GZHAN LA YANG MA YIN NO ZHES BYA BA 'DI BSTAN PA'I PHYIR LTUNG BA MED PA'I BSTAN PA 'DI'O, ,SRIN BAL GYI SPANG BA RNAM PAR 'BYED PA'O,, ,, NYUNG DU DANG BSRES PA NYID NI NA SMAD PA NYID DO ZHES BYA BA NI, BAL DKAR PO 'AM, SHA NA'I RAS LA SOGS PA NA SMAD PA'I RDZAS RNAMS DANG 'DRES PA'I RAS BAL GYI GDING BA BYED DU BCUG PA LA NA SMAD PA NYID DE, KHA NA MTHO BA YONGS SU MA RDZOGS PA NYID DE NYES BYAS SU 'GYUR RO ZHES BYA BA'I DON TO, ,RDZAS KYI TSAD DE LA MA SKYES PA NYID DE GANG GI PHYIR DNGOS GZHI LDANG BA ZHES BYA BA'I DON NI GDING BA THAMS CAD KYI DBANG DU BYED PA 'DI KHYAD PAR YONGS SU MA BZUNG BAS RTOGS PAR BYA'O, ,RDZAS NYAMS PA NYID LA YANG NGO ZHES BYA BA LA YANG NGO ZHES BYA BA LA YANG NGO ZHES BYA BA'I SGRAS NI NA SMAD PA NYID DO ZHES BYA BA'I RJES SU SNYEG PAR BYED DO, ,'DIR GZHUNG NI, RE ZHIG BTZUN PA DGE SLONG NYAMS PA'I RAS BAL GYI GDING BA BYED DU BCUG NA CIR 'GYUR, NYES BYAS ZHES GSUNGS PA YIN NO, ,'DRA BA NYID KYI PHYIR THAMS CAD DU BAL GYIS BYAS PA LA SOGS PAS ZHES BYA BA'O, ,SRIN BAL GYI SPANG BA ZHU BA'O,, ,,BAL NAG PO 'BA' ZHIG GI SPAR BA'I CHO GA 'DI NYID DO ZHES BYA BA KHAS BLANGS NAS SRIN BAL ZHES BYA BA DE'I GNAS SU BAL NAG PO 'BA' ZHIG PA'I MING GZHAN BRJOD PAR BYA STE, DE'I PHYIR LUG GI BAL NAG PO 'BA' ZHIG DAG GO ZHES BYA BA SMOS SO, ,BYAS PA BYED DU BCUG PA DAG GI GDING BA ZHES BYA BA DANG SBYAR BAR BYA'O,, ,,CI ZHIG GIS PA LA NAG POR GYUR PA YIN NO, ,RANG BZHIN GYIS SAM KHA SGYUR BAS SAM GNYIS KAS SAM ZHE NA, DE'I PHYIR RANG BZHIN GYIS SO ZHES BYA BA SMOS SO, ,GZHAN GYIS NI MA YIN ZHES BYA BA'I DON TO, ,SNGON PO DANG 'DAM KHA DANG KHAM PA DAG KYANG DE NYID DO ZHES BYA BA NI SNGON PO LA SOGS PA RNAMS KYI BAR DU DE NYID BAL NAG PO 'BA' ZHIG DANG 'DRA BAR RIG PAR BYA'O ZHES BYA BA'I DON TO, ,BAL NAG PO 'BA' ZHIG GI SPANG BA'O,, ,,DMAN PA DANG BAL NAG PO'I RDZAS BSRES PA DE LAS STAN BYED NA NYES BYAS SU THAL BAR 'GYUR BA BSAL BA'I PHYIR CHA GNYIS BSRE BA'I SPANG BA BCA'

157a

, ,BA MDZAD DO, ,'DIR YANG SNGAR BSTAN PA'I CHO GA KHAS BLANGS NAS TSAD KYI BYE BRAG 'BA' ZHIG TZAM BRJOD PAR BYA STE, DE DAG PHYED PAS LHAG PA NYID NA'O ZHES BYA BA NI LUG GI BAL NAG PO DE DAG PHYED KYI TSAD LAS LHAG PA NYID NA ZHES BYA BA'I DON TO, ,GANG GI TSE DKAR PO DANG, 'KHOB BAL DAG NI LHAG PAR GYUR LA LUG GI BAL NAG PO DAG NI NYUNG BA 'AM MNYAM PAR GYUR NA NI DE'I TSE LTUNG BA MED DO, ,PHYED DKAR PO DANG 'KHOB BAL DAG LAS CHA MNYAM PA NYID DU'O ZHES BYA BA LA, PHYED LA ZHES BYA BA 'DI RNAMS KYI PHYED LA 'DIR CHA MNYAM PA NYID DE, DKAR PO DANG 'KHOB BAL DAG GI DKAR PO RNAMS LA 'DIR SHIN TU RGYA CHE BA NYID DE, DE RNAMS LA MI 'PHEL BA'I DON DU TSIG 'DI YIN GYI 'KHOB BAL DAG LA NI MA YIN NO, ,GANG GI PHYIR 'DI RNAMS KYI 'PHEL BA NI NYES PA MED PA STE, 'DIR DKAR PO RNAMS 'PHEL BA DANG BCAS PA 'DI LA DUS KYI 'PHEL BA NYID SPANG BAR BYA BA NYID DAM GCIG PA NYID LA YANG 'DI LA ZHES BYA BAR RIG PAR BYA'O, ,SRIN BAL LAS BYAS PA LA YANG RDZAS GZHAN GYIS BSGRUB PAR BYA BA'I NA SMAD PA 'DI TZAM LA SPANG BA NYID DO, ,NA SMAD PA'I STAN LA NYES BYAS ZHES BYA BA 'DI'I RJES SU 'BRANGS PAS RTOGS PAR BYA'O, ,SHIN TU RNYED PAR DKA' BA NYID KYI PHYIR DANG, 'DI NI 'DI BAS SHIN TU RIN THANG CHE BA NYID KYI PHYIR RO, ,CI'I PHYIR SLAR 'DI LA GSUNGS TE, CHUNG BA LA YANG 'DI LAS GDING BA SBYIN PAR BYA BA MA YIN PA NYID KYI PHYIR CHUNG BA LA YANG 'DI LAS GDING BA LA YANG GLENG GZHI LAS 'DI NYID KYI PHYIR GANG DU RAS BAL RNAMS NI RNYED PAR DKA' BA DANG, RIN THANG CHE BA NYID DE BAL NAG PO 'DI RNAMS DANG DKAR BA DE CI ZHIG RTOGS PAR BYA BA ZHE NA, RAS BAL LA NI LTUNG BA MED PA'O, ,BAL GYIS BYAS PA LA NI LTUNG BAS DE YANG RAS BAL LAS BYAS PA LA NI LTUNG BA MED PA'O, ,BAL NAG PO 'BA' ZHIG LA LTUNG BA MED DE, DKAR PO LA NI LTUNG BA YOD DO ZHES BYA BA GO BZLOG NAS BRJOD DE 'DIR RDZAS KYI SNYING PO NYID KYI GTZO BO CAN RNYED PAR DKA' BA DANG, RIN THANG CHE BA NYID KYI TSIG RNAM PAR GNAS PA YIN GYI RGYA CHE BA LA RTOGS PAR BYA BA ZHES BYA BA 'DI LA 'DIR KHAS ZAS GYA NOM PAR BSGO BAR BYED PA LTAR DON RNAM PAR GZHAG PAS SO, ,LUG GI BAL DKAR PO NI GANG YIN 'KHOB BAL NI GANG YIN ZHE NA DE'I PHYIR GLO

157b

DANG RGYAB DANG GNYA' BAR SKYES PA NI SNGA MA'O ZHES BYA BA NI GLO DANG GNYIS LDAN GYIS BSDU BA GCIG PA'I DNGOS PO'O, ,SNGA MA ZHES BYA BA NI DKAR BA'O, ,MGO DANG, RKANG PA DANG, LTO BA NAS SKYES PA NI PHYI MA'O ZHES BYA BA NI 'KHOB BAL ZHES BYA BA'I DON TO, ,CHA GNYIS BSRE BA'I SPANG BA'O, ,MA DAG PA NI GSOL BAR MI BYA'O, ,RANG DAG RTOG TU 'DOD PAR BYA'O, ,YANG NA DGE SLONG BSKOS PA DAG GO ZHES BYA BA BSHAD ZIN TO ZHES BYA BA DE LA SO SOR BRTAGS NAS GANG ZHIG GDING BA'I BYA BA DE BRJOD PAR BYA STE, CHU DANG ZHENG GNYIS KAR LHAG PA NYID YIN NA GCAD PAR BYA'O, ,JI SKAD BSHAD PA'I TSAD LAS GAL TE RING BA DANG ZHENG GDING BA LAS LHAG PAR GYUR NA DE DAG NI GA CAD PAR BYA'O ZHES BYA BA'I DON TO, ,THUNG BA NYID DANG DOG PA NYID DAG NI BSKYED PAR BYA'O ZHES BYA BA NI, CI STE THUNG BA DANG DOG PAR GYUR NA DE NAS BSKYED PAR BYA'O, ,RAL NA BTZEM PAR BYA'O ZHES BYA BA NI BRTEN PA LA SOGS PA'O, ,PHUG RDOL DU GYUR TAM SHA ZAD PA DAG NI SBYAR PAR BYA'O ZHES BYA BA NI, BUG RDOL DU GYUR PA'AM SHA ZAD PA NI MTHUG PA'I NGO BO'I PHYIR BAL RNAMS SBYIN PA NI SBYAR BAR BYA'O, ,BCOS DKA' BA NYID YIN NA SBYIN NO ZHES BYA BA NI GNANG BA ZHES BYA BA DON GYIS SMOS PA STE, 'DI RNAMS LA THABS THAMS CAD KYIS SBYIN PAR BYA BA SO SOR 'DUS BYAS PA'I PHYIR NUS PA MA YIN PA DE'I TSE STAN GZHAN BYA BA'I PHYIR GNANG PA SBYIN PAR BYA'O ZHES BYA BA'I DON TO, ,'DI LTAR LAG GI BLA'I PHYIR GSUNGS PA NI GLENG GZHI'I DBANG GI PHYIR 'DI RNAM PAR GNAS PA YIN GYI GZHAN LA YANG GRANG BAS RNAM PAR 'TSE BAR 'GYUR BA LA NYE BAR SBYAR DU RUNG BA'I PHYIR SPYIR MDOR BRIS SO, ,CI ZHIG BYAS NA LO DRUG TU BCANG BA'I SPANG BAS 'GYUR ZHE NA, DE'I PHYIR GNANG BA MA THOB PA GZHAN YOD PA 'AM RANG DGAR BTANG BAS LO DRUG MA LON PAR STAN BYAS PA NYID NA'O ZHES BYA BA SMOS TE, BYAS ZIN PA NYID LA GNANG BA MA THOB PA LA GDING BA LO DRUG MA LON PAR DANG POR BYAS ZIN PA NYID NAS BRTZAMS TE, GANG LA YONGS SU RDZOGS PA DER GDING BA GZHAN YOD PA LA RANG DGAR BTANG NAS ZHES BYA BA'I DON TO, ,BRTZAMS PA NYID NI RTZOM PA ZIN PA DANG 'DRA'O ZHES BYA BA RTZOM PA GZHAN LA ZIN PA DANG 'DRA BAR JI LTAR NYID DU MTHAR THUG PA YON PA LA BYA BA GZHAN LA NYES BYAS SU 'GYUR TE, DE BZHIN DU RTZOM NA'O ZHES BYA BA'I

158a

, ,DON TO, ,DER YOD PA NYID LA YOD PA NYID YIN TE, GANG ZHIG DUS MNYAM PA LA DE BAS NA DUS MNYAM DU 'DIS BRTZAMS PA LA NYES BYAS MA BYAS PA NYID MA YIN TE, LHAN CIG GAM PHYIS NYES BYAS NYID DO, ,SBYOR BA BYAS PA RTZOM PA SNGAR GYI MTHAR THUG PA LA YANG LTUNG BA MED PAR SHES PAR BYA'O, ,MED PA NYID DON GYIS BYAS PA BSGRUB PA NYID KYIS NYES BYAS BYAS PA MA YIN PA'I SBYOR BA MTHAR THUG PA LA NI 'DIR LTUNG BA'O, ,DE LA GANG ZHIG GIS PHYIS BRTZAMS PA LA MTHAR 'GRO BA MA YIN PA NYID GANG LA YANG PHYIS MTHAR GYUR PA DER 'DI YOD PAR BRJOD PAR RNAM PAR GNAS PA'O, ,MTHAR THUG NA SBYAR BA'I LTUNG BAR MI 'GYUR BA NYID MA YIN NO ZHES BYA BA NI BRTZAMS PA GZHAN LA GANG ZHIG GNYIS PA RTZOM PAR BYED PA LA GAL TE 'DIR SNGAR YONGS SU RDZOGS PAR GYUR NA DE LA DNGOS GZHI'I LTUNG BA 'DOD PA MA YIN TE, DE LA GANG GI SNGAR ZIN PAR BYED NA DER SBYOR BA LA YANG LTUNG BA MA YIN PAS GNAS PAR BYA ZHES BYA BAS GANG ZHIG 'DOD PA DE'I PHYIR MDO 'DI'O, ,'DI NI 'THAD PA YANG DAG PAR BSTAN PA YIN TE, MTHAR 'GRO BA LA NI SBYOR BA LA LTUNG BA MED PAR BYAS PA NYID NI MA YIN TE, LTUNG BA MED PAR BYAS PA NYID DU GYUR PA LA YANG YONGS SU BSGYUR BA SKYES PA MA YIN NO; ,DE BAS NA 'DIR SBYOR BA LA LTUNG BA MA YIN PAR BYAS PA NYID DU RTOGS PAR BYA BA MA YIN TE ZHES BYA BA NI 'DI'I DAG GI DON TO, ,RAB TU BYUNG BA GZHAN GYI NI THA DAD PA NYID DO ZHES BYA BA NI, SNGON DANG PHYIS RAB TU BYUNG BA DANG RAB TU DBYUNG BA DAG LA RGYUN GCIG PA NYID MA YIN PA ZHES BYA BA 'DI SHES PAR GYUR PA'I DON LA 'DI RJES SU BRJOD PA'O, ,RAB TU BYUNG BA GZHAN BYAS PA MI RTZOM BA'AM RNYED PA MA YIN PA GDING BA LA GZHAN RAB TU MA BYUNG BA LA DUS 'OG MA YONGS SU RDZOGS PA LA BYA BA NYID MED PA 'DI BSTAN PA'I DON DU GCIG BRTZAMS PA LA GZHAN MTHAR THUG PA LA DNGOS GZHI MED PA LA JI LTAR YANG KHYIM PA'I GNAS SKABS BZHIN TE, MI RTZOM PA 'AM THOB PAR BYA BA NYID MED PA DE BZHIN DU 'DIR YANG ZHES BYA BA RNAM PAR GNAS PA YIN NO, ,'DIR GZHUNG NI ZHUB KHA CIG LAS DGE SLONG 'GA' ZHIG YOD DE, LO DRUG GI MDUN ROL DU DES GDING BA BYED DU BCUG NA LTUNG BA MED PAR YANG 'GYUR LA LO

158b

DRUG GI MDUN ROL DU BABS SHING DES SLAR YANG BSNYEN PAR RDZOGS NAS STAN GZHAN BYED DU BCUG NA LTUNG BA MED PA YIN NO, ,BRTZAMS TE 'BABS PA YANG DE BZHIN NO ZHES GSUNGS PA YIN NO, ,LO DRUG TU BCANG BA'I SPANG BA'O,, ,,CI ZHIG BYAS NA MTHO GANG GIS SPANG BAR 'GYUR ZHE NA, DE'I PHYIR GDING PA RNYING PA LAS, BDE BAR GSHEGS PA'I MTHO GANG GIS MA GLAN PA'I GDING BA SAR PA SPYOD NA'O ZHES BYA BA NI, GDING BA SAR PA GANG LA GDING BA RNYING PA LAS BDE BAR GSHEGS PA'I MTHO GANG GIS MA GLAN PA DE NI GDING BA LAS BDE BAR GSHEGS PA'I MTHO GANG GIS MA GLAN PA STE, YONGS SU LONGS MA SPYAD PA'I SAR PA ZHES BYA BA NI SAR PA RNYED KYANG RNYED PA BYAS PA LA YANG SBYIN PA NYID MTHONG BA RDZAS RNYING PA LA YANG 'DIR SBYIN PAR BYA BA NYID DO, ,'DIR BYAS PA NYID KYI SAR PA NYID DU BRJOD DE RDZAS LA NI MA YIN ZHES BYA BAR RIG PAR BYA'O, ,CI MNYAM PA NYID LA YANG GDING BA LAS KHRU GANG MA GLAN PAR SAR PA LONGS SPYOD PA LA LTUNG BA 'DI YIN NAM ZHE NA, DE'I PHYIR GAL TE DE YOD NA'O ZHES BYA BA SMOS SO, ,CI GAL TE RIL GYIS MI BDOG NA YANG, DE'I PHYIR LTUNG BA 'DIR 'GYUR RAM ZHE NA, DE'I PHYIR DE TZAM NA YANG NGO ZHES BYA BA SMOS TE, GAL TE BDE BAR GSHEGS PA'I MTHO GANG TZAM ZHIG YOD NA YANG NGO ZHES BYA BA'I DON TO, ,CI GAL TE SRA BA DE TZAM ZHIG YOD NA 'AM ZHES, DE'I PHYIR BCOS PAR NUS NA YANG NGO, ,MTHUD CING SBYAR DU RUNG BAS KYANG NGO ZHES BYA BA NI BCOS PAR RUNG BA YANG GAL TE DE TZAM DU GYUR NA MTHUD PAS SAM, DAM DUM DU SBYAR DU RUNG NA DES KYANG GZUNG BAR BYA'O ZHES BYA BA'I DON TO, ,DE LTAR YANG MED PA NYID LA LTUNG BA MED CES BYA BA 'DIR SKYES PAR RIG PAR BYA'O, ,MTHO GANG GI SPANG BA'O,, ,,CI ZHIG BYAS NA BAL THOGS PA'I SPANG BAR 'GYUR ZHE NA, DE'I PHYIR KHYER BA MED NA DPAG TSAD GSUM LAS LHAG PAR LUG GI BAL KHYER NA'O, ,YOD NA YANG NGO ZHES BYA BA SMOS TE, KHYER BA MED NA DPAG TSAD GSUM LAS 'DAS PAR KHUR BA YOD PA LA KHUR BA NYID DU BRTZAMS NAS ZHES BYA BA'I DON TO, ,'GRO BA NI GNYIS SU GSUNGS TE, LTUNG BA DANG BCAS PA DANG, LTUNG BA MED PA'O, ,DE LA LTUNG BA DANG BCAS PA NI BAL THOGS PA DANG, DGE SLONG MA

159a

, ,DANG LHAN CIG LAM DU 'GRO BA DANG, DGE SLONG MA DANG, LHAN CIG GRUR 'JUG PA DANG, SKYES PA MED PAR LAM DU 'GRO BA DANG RKUN MA DANG LHAN CIG LAM DU 'GRO BA'O, ,DE LA LTUNG BA MED PA NI YANG YANG ZA BA DANG, 'DUS SHING ZA BA DANG, KHRUS BYED PA'O, ,DE LA LTUNG BA MED PA NI DPAG TSAD PHYED DO ZHES 'OG NAS 'BYUNG NGO, ,DE'I TSAD LTUNG BA LA BSTAN PA'I PHYIR, LAM DU 'GRO BA NI RGYANG GRAGS KYI BDAG PO NYID DO ZHES BYA BA SMOS TE, DMAG LA LTA BA'I PHYIR 'GRO BAR BYA BA LA SOGS PA LAS RNAM PAR BCAD PA'I PHYIR 'DIR LAM GYI TSIG GO, ,GANG ZHIG CHU'I LAM NAS 'GRO BA NI 'DI YIN TE GRUS GANG YIN PA'O, ,DE BAS NA 'DI DANG 'GRO BA'I DON DU LAM BZUNG BAS 'PHANGS PA NYID MA YIN NO, ,DE LTAR NA GRU'I LAM GYIS SONG BA DANG, CHU'I LAM GYIS SONG BA ZHES BYA BA NI GRAGS PA'O, ,DE BAS NA RKUN MA DANG LHAN CIG GAM SKYES PA MED PAR BUD MED DANG LHAN CIG GRU GCIG GI NANG DU 'GRO BAR MI BYA BA NYID DO ZHES BYA BAR RTOGS PAR BYA'O, ,'DI NI SHIN TU YANG SKYON DANG LDAN PA LAM DU 'GRO BA LAS SHIN TU GSANG BA NYID KYI PHYIR RO, ,GLENG GZHI LAS MI 'BYUNG BAS 'DIR THA DAD PA'I TSIG NI GRUB PA MA YIN ZHES BYA BA RNAM PAR GNAS PA YIN NO, ,KHRUS LA NI CHO GA 'DI MI RIGS PAS MA GRUB PA'I PHYIR GRUR 'GRO BA LA KHRUS LA 'ONGS PA NYID LA YANG YANG ZA BA LA 'DIR LHAG POR MED PAR DE'I DBANG GIS KYANG NYAM CHUNG BA DANG SHIN TU GRAGS PA DAG LA TSOGS SU ZA BA LA 'DIR YOD PA YIN NO, ,RGYU MTSAN NI SBYIN PA PO GCIG MA GRUB PA'O, ,BAL THOGS PA'I BSLAB PA'I GZHI GZHAN YOD PAS LHAG POR GYI GLAGS MED PA'O, ,MTSAN NYID BRJOD PA NYID KYI PHYIR MDO 'DI LA THAMS CAD DU DBANG BYAS PA NYID DO, ,'DI'I DMIGS KYIS BSAL BA NI DPAG TSAD PHYED KYI LAM ZHES BYA BA NI RGYANG GRAGS KYI THA MAR YONGS SU RDZOGS PA NYID 'GRO BA'I MTSAN NYID LA 'DI TZAM RDZOGS PA LA LHAG POR RAM, DE 'DIR DE DANG LHAN CIG SKYES PA'I RNAM PAR RIG PA LA DNGOS GZHI RGYANG GRAGS RE RE GZHAN DANG GZHAN ZHES BYA BA 'DI'I BYED PA'O, ,PHYED DU NA SBYOR BA'O ZHES BYA BA NI RGYANG GRAGS KYI PHYED KYI BDAG PO NYID DU SONG NA SBYOR BAR 'GYUR TE, DE TZAM DU SON NA SBYOR BA YONGS SU RDZOGS PA NYID

159b

YIN NO ZHES BYA BA'I DON TO, ,'DI NAS BRTZAMS TE, SBYOR BA YONGS SU RDZOGS PA'I MTSAN NYID DU GYUR PA NYID DO, ,MDUN DU NI NA SMAD PA MED PA NYID DANG NA SMAD PA'I DMUN NAS NYES BYAS MED PA 'DI NAS BRTZAMS TE RDZOGS PA NYID LA 'DI BYED PA'O, ,'DIR GZHUNG NI RGYANG GRAGS PHYED DU SON POR KYUR NA NYES BYAS KYI LTUNG BAR 'GYUR RO, ,RGYANG GRAGS SU SON NA SPANG BA'I LTUNG BYED DO ZHES GSUNGS PA YIN NO, ,RDZU 'PHRUL GZHAN BAS NAM MKHA' LA 'GRO NA NYES BYAS SO ZHES BYA BA NI, RDZU 'PHRUL DANG BCAS PAS NAM MKHA' NAS 'GRO NA LTUNG BA MED DO, ,RNAM PA GZHAN GYIS NAM MKHA' NAS 'GRO NA NYES BYAS SO ZHES BYA BA'I DON TO, ,SPRUL PAS KYANG NGO ZHES BYA BA LAS KYANG NGO ZHES BYA BA'I SGRA NI, NYES BYAS SO ZHES BYA BA'I RJES SNYEGS PA'I PHYIR RO, ,'DI YANG RDZU 'PHRUL DANG BCAS PAR 'GRO BA ZHES BYA BA DE'I PHYIR LTUNG BA MED PA'I SKABS YOD PA LA RTZOM PA 'DI'O,, ,,'DI YANG MI RIGS PA MA YIN TE, ,DE'I LUS KYI RNAM PAR RIG BYED YANG DAG PAR LDANG BAR BYED PA MNGON PAR BRTZON PA SPRUL PA LA YOD PA'I PHYIR BRGYUD NAS 'BYUNG BA'I YOD PAS MTSAN NYID PA NI MA YIN NO, ,'DIR GZHUNG NI ZHU BA LAS, BTZUN PA RE ZHIG DGE SLONG GIS NAM MKHA' LAS BAL 'TSAL NA LTUNG BA CIR 'GYUR, RDZU 'PHRUL GYIS KHYER NA NI LTUNG BA MED DO, ,RNAM PA GZHAN GYIS KHYER NA NI NYES BYAS SO, ,BTZUN PA RE ZHIG DGE SLONG GIS SBRUL PAS RUNG BAR BA GYIS PA 'TSAL NA LTUNG BA CIR 'GYUR, NYES BYAS 'GYUR ZHES GSUNGS PA YIN NO, ZHVA DANG LHAM SGRO GU CAN DANG STOD KOR NANG TSANGS CAN DANG, RGYA CANG DANG LCAG PO DANG SHUR BU PHRE'U LA SOGS PA'I DON DU DE TZAM DAG LA NI NYES PA MED DO ZHES BYA BA NI ZHVA LA SOGS PA'I TSAD LDANG BA'I BAL RNAMS LA ZHVA LA SOGS PA'I TSAD DU KHYER BA LA NI LTUNG BA MED DO ZHES BYA BA'I DON TO, ,RGYANG GRAGS KYI TSAD BRJOD PAR BYA STE, RDUL PHRA RAB DANG, RDUL PHRA MO DANG, CHU DANG, LCAGS DANG, RI BONG DANG, LUG DANG, GLANG DANG, NYI ZER GYI RDUL DANG, SRO MA DANG, SHIG DANG, NAS DANG, SOR RNAMS NI SNGA MA DRUG LA PHYI MA'O, ,SOR BZHI DRUG LA KHRU GANG NGO, ,KHRU PHYED DANG BZHI LA NI MI'I SRID DO, ,KHRU BZHI LA GZHU GANG NGO, ,DE LNGA BRGYA LA RGYANG GRAGS SO ZHES BYA BA NI NAS 'BRU DRUG GLOS GZHIBS

160a

, ,PA LA SOR GCIG TU RIG PAR BYA STE, 'DIR GZHUNG NI NAS DRUG LA SOR MO'I TSIGS GCIG GO ZHES GSUNGS PA YIN NO, ,SOR MO GANG YIN PA'I TSIGS KYI TSIGS LA ZHES BYA BA NI 'DI BSTAN PA'I DON DU 'DIR TSIGS KYI TSIGS RIG PAR BYA'O, ,'JIGS PA DANG BCAS PA NYID DU NAGS KHROD DGON PA BSTEN PA LA DGE SLONG MAS DGON PAR GNAS PAR MI BYA BA GSUNGS PAS MNGON PAR BSTEN PAR BYA BA'I DGON PA'I NGO BO BRJOD PAR BYA STE, DE'I PHYIR DGON PA'I DANG PO DE'I MTHO'I BYA BA ZHES BYA BA SMOS TE, RGYANG GRAGS KYI MTHAR ZHES BYA BA'I DON TO, ,LUS KYIS KHUR MI BSKUR RO ZHES BYA BA LA LUS KYI KHUR ZHES BYA BA PHRAG GDANG GI KHUR LA BYA STE, PHRAG GDANG GIS KHUR BSKUR BAR MI BYA'O, ,GLO DANG RGYAB DANG RKED PA DANG, MGO BO DAG GIS MI BSKUR RO ZHES BYA BAR RO, KHUR BSKUR BA THAMS CAD LA NI 'DI RNAMS NYID BKAG PA'O, ,'DIR THUN MONG MA YIN PA NYID DU DOGS PAR MI BYA'O ZHES BYA BA NI LUS KYIS MI BSKUR ZHES BYA BA LA SOGS PA NI DGE SLONG MA RNAMS KYIS THUN MONGS YIN PA NYID DU DOGS PAR MI BYA STE, DGE SLONG MA RNAMS KYIS KYANG 'DI MI BYA ZHES BYA BA'I DON TO, ,KHUR PHYED LAS LHAG PA BSKUR BAR MI BYA'O ZHES BYA BA LA 'DIR GZHUNG NI MI KHUR GANG YIN DE DGE SLONG GNYIS KYIS BSKUR BAR BYA'O ZHES GSUNGS PA YIN NO, ,BAL THOGS PA'I SPANG BA'O,, ,,'KHRUR 'JUG PA'I SPANG BA LA TSOG GANG YIN PA DE NYID LAS BAL RMEL DU 'JUG PA'I SPANG BAL BRTEN NAS BYE BRAG BRJOD PAR BYA STE, CHOS GOS RNYING PA'I GNAS SU LUG GI BAL DAG GO, ,'CHAG PAR RMEL BA'O ZHES BYA BA NI GNAS SU ZHES BYA BA NI GNAS SU ZHES BYA BA NYID DU 'KHRUR 'JUG PA'I SPANG BA'I SKABS SU 'KHRUR 'JUG PA 'AM 'TSED DU 'JUG NA'O ZHES BYA BA SMOS PA DE 'DIR NI 'KHRUR 'JUG GAM 'TSED DU 'JUG GAM RMEL DU BCUG NA'O ZHES BRJOD PAR BYA'O, ,GANG GI PHYIR DE NYID 'DIR RDZOGS PA NI LTUNG BA'I BYED PA PO'I GZHUNG NGO, ,BAL RMEL DU 'JUG PA'I SPANG BA'O,, ,,CI ZHIG BYAS NA GSER DNGUL LA REG PA'I SPANG BAR 'GYUR ZHE NA, DE'I PHYIR RIN PO CHE BDAG GIR BYAS NA'O ZHES BYA BA SMOS TE, 'DIR GZHUNG NI ZHU BA KHA CIG LAS RKANG PA'I DRUNG NA MO'I RO MYA NGAM

160b

THOB PA'I GNAS SAM SA LE SBRAM GYI RDZAS 'DUG PA BDAG GIR BYED NA SPANG BA'I LTUNG BYED DU 'GYUR RO ZHES GSUNGS PA YIN NO, ,LCOGS PA NYID NA DE RDZOGS SO ZHES BYA BA NI LCOGS PA NYID DU BDAG GIR BYA BAR NUS PA NYID LA THOB PA LAG TU 'ONG BAR RUNG BA NYID LA LAG TU GYUR PA MA YIN PA NYID LA STON PA NA BDAG GIR BYA BA DE YONGS SU RDZOGS PA YIN NO, ,DE BAS PA ZAD NA NI PHYED NYID DO ZHES BYA BA NI, LCOGS PA NYID KYI GNAS SKABS PAS GAL TE RDZAS DE 'DI BLANGS PA LA DNGOS GZHI STE, GAL TE MA YIN LCOGS PA NYID KYI GNAS SKABS NA THOB PA NA DNGOS GZHI STE, LEN PA PO'I SBYOR BA LA NI KHA NA MA THOB ZHES BYA BA'I DON TO, ,'DIR GZHUNG NI GANG ZHIG 'DI THOB PA'I GNAS LA SA LE SBRAM GYI RDZAS 'JUG PA BDAG GIR BYED NA MA THOB PA'I SPANG BA 'DI ZHES BYA BA'I DON TO, ,CI LTAR BDAG GIR BYED PA ZHES BYA BA GCIG TU RJES SU SGRUB NA SPANG BA 'DIR 'GYUR RAM ZHE NA, DE'I PHYIR RANG GI RUNG BA MA BYAS PA YANG NGO ZHES BYA BA SMOS TE, RANG GI ZHES BYA BA NI GZHAN GYI DAG LA LTUNG BA RNAM PAR GZHAG PAS SPANG BA'I LTUNG BA 'DI LA ZHING NYID KYI PHYIR MA BYAS PA DANG 'DRA BA LA 'DZIN PA GANG ZHIG GSUNGS PA 'DI NI 'DIR LUNG NGO, ,GANG GIS BYIN PA LAN TAM LEN DU 'JUG PA MED NA 'DZIN PA SKYE BAR MI 'GYUR RO, ,'DIR BDAG TU BYAS PA NI DE DANG RJES SU MTHUN PA STE, DE DANG RJES SU MTHUN PA NI 'DZIN PA BRJOD KYIS NGES PAR BYED PA NI MA YIN NO ZHE NA, 'DI NI 'THAD PA MA YIN TE, BDAG TU BYA BA DANG DOR BAR BYA BA NYID KYI PHYIR RO, ,RUNG BA RNAMS LA NI BDAG TU BYA BA DANG DOR BAR BYA BA'I PHYIR RO, ,GANG GI PHYIR BAR DU CHAD PAR GYUR PA 'DI RNAMS LA BDAG TU BYED PA STE, GANG ZHIG DE'I LOGS SU BYED PAR 'GYUR BA NYID DO, ,DE BAS NA 'DIR BDAG GIR BYA BA RJES SU GNANG BA YOD PA MA YIN NO, ,GANG ZHIG 'DIR BLANG BAR BYA ZHING BLANGS NAS KYANG SBYIN BDAG DE NYID LA YID BRTAN TE BCANG BAR BYA BAR RJES SU NGAS GNANG NGO ZHES GSUNGS PA DE NI RUNG BA DANG PO YIN NO, ,JI LTAR 'DIR BDAG GIR BYED PA MI BSKYED PA'O, ,RUNG BAR BYA STE GZUNG BAR BYA'O ZHES BYA BA 'DI'I DON NI 'DI YIN NO, ,'DUD PA'I DON GYIS MNGON PAR 'BREL PAR GYUR PA ZHES BYA BA STE, DE PAS NA 'DUD PA NYID KHAS LEN PA NI 'DIR LEN PAR SHES PAR

161a

, ,BYA'O; ,BDAG TU MA BYAS PA NYID KYIS 'DUD PAR BYAS NAS ZHES BYA BA'I DON TO, ,BDAG PO NYID KYIS LHAG POR MOS PA DANG POR GZUNG NAS LEN PA LA BYA BA NYID NAM YANG MA BYAS PA DANG 'DRA BA LA LEN PA YOD PA MA YIN NO, ,'JUG PA GANG LA RANG GIR MA BYAS PA DANG 'DRA BA'I RIN PO CHE MA YIN ZHE NA, DE'I PHYIR REG GAM REG TU BCUG NA'O ZHES BYA BA SMOS SO, ,JI LTAR REG PAS SHE NA, DE'I PHYIR GANG YANG RUNG BAS SO ZHES BYA BA SMOS TE, PHYOGS GCIG PAR REG NA YANG LONGS SHIG KHYER CIG CES BYA BA LTA BU DMIGS KYIS MA SMRAS PAR YANG RE ZHIG CES BYA BA DNGOS SU TSIG GIS KYANG MA SMRAS SHING, NYE BAR GNAS PA LA YANG GNAS GZHAN NA GNAS PA DE LA ZHES BYA BA BSTAN PAS NYE BAR GNAS PA NYID LA 'DI ZHES BYA BA'O, ,SNYAD GDAGS SU RUNG BA'I ZANGS MA LA NI NYES BYAS SO ZHES BYA BA NI 'DI LA DMAN PA'I RIN PO CHE NYID YOD PA'I PHYIR RO, ,GZHAN LA NI LTUNG BA MED DO ZHES BYA BA NI SNYAD GDAGS SU RUNG BA'I ZANGS MA 'DI LA NI RDZAS LAS RIN PO CHE NYID MA YIN PA ZHES BYA BA'I DON TO, ,ZHA NYE DANG KHRO CHU DANG RO NYE DANG LCAGS DAG LA YANG NGO ZHES BYA BA NI 'DI RNAMS KYANG RIN PO CHE NYID MA YIN ZHES BYA BA'I DON TO, ,DGE TSUL GNYIS KYIS KYANG NGO ZHES BYA BA NI, DGE TSUL DANG DGE TSUL MA GNYIS KYIS RIN PO CHE LA REG GAM REG TU BCUG NA LTUNG BA MED DO, ,GANG GI RUNG BA MA BYAS PA YANG NGO ZHES SMRAS NA RUNG BA GANG LA BYAS NA RUNG BA MA YIN PA'I RUNG BA DE CI 'DRA BA ZHIG CE NA, DE'I PHYIR SBYIN BDAG BDAG PO NYID DU SMOS SU GZHUG PA DANG, ZHAL TA BYED PA BDAG PO NYID DU KHAS LEN DU GZHUG PA DANG, BYIN GYIS BRLAB PA ZHES BYA BA NI RUNG BA DAG YIN NO ZHES BYA BA SMOS TE, 'DIR RUNG BA GSUM GYI GZHUNG NI DGE SLONG DAG DE LTA BAS NA RJES SU SHES PAR BYA STE, CHOS GOS KYI RIN DAG RNYED PA NA BLANG BAR BYA ZHING BLANGS NAS KYANG SBYIN BDAG DE NYID LA YID BRTAN TE BCANG BAR BYA'O, , DE BZHIN DU SBYIN BDAG KYANG SPRO BAR BYA'O, ,BYIN GYIS BRLAB PA YANG BRAM ZE'I BU MOS ZHUS PA'I GZHUNG LAS GANG ZHIG BDAG DGE SLONG MING 'DI ZHES BGYI BAR DNGOS PO RUNG BA MA LAGS PA 'DIS DNGOS PO RUNG BAR BSGRUB PAR BGYI ZHING DE NI BDAG GIR BGYI'O ZHES GSUNGS PA YIN NO, ,LAN JI LTA BAR

161b

'DI RNAMS LA GTZO BO NYID DU RIG PAR BYA'O, ,GANG GI PHYIR SBYIN BDAG GI SHIN TU GSAL BA BDAG PO NYID DU LHAG PAR MOS PAS ZHAL TA BYED PA'I BDAG PO NYID DU KHAS LEN PA LA GZHAN GYI BLO DANG GZHAN GYI RNAM PAR RIG BYED DANG BDAG GIR BYED PA NYID LA SHIN TU GSAL BA NYID DO, ,GANG ZHIG 'DIR ZHAL TA BYED PA LA BDAG PO NYID DU KHYOD KYIS KHAS LEN ZHING 'DI LTAR SPRO PAR BYED PA 'DI 'DIR BDAG PO NYID DU KHAS LEN PAR RIG PAR BYA'O, ,YANG CI'I PHYIR BDAG TU BYA BA MA YIN PA LA GO BAR BYED PA DANG, BYIN GYIS BRLABS PA YONGS SU SKYONG BA NYID KYIS BDAG GI 'DI GTZUG LAG KHANG LA SOGS PA DANG 'DRA BAR BSRUNG BA DANG BYIN GYIS BRLAB PAR BGYI'O, ,'DIR BDAG GI BLO NI 'DI YIN TE BDAG TU BYA BAS NI MA YIN GYI, BDAG LA BDAG TU BYA BA'I DBANG GIS BSGRUB PA YANG MA YIN TE, 'DI SKAD CES TSE DANG LDAN PA DGONGS SU GSOL ZHES BYA BA'I NGO BO LAS GANG ZHIG BDAG DGE SLONG MING 'DI ZHES BGYI BAS DNGOS PO RUNG BA MA LAGS PA 'DI RNYED DE ZHES BYA BA'I TSIG 'DI DE JI LTAR BDAG TU BYA BA RUNG BA NYID KHAS LEN PA NI 'DIR BSGRUB PA STE, BDAG TU BYA BA 'ONGS PA'I DON DANG SBYAR BA NI MA YIN NO, ,CHOS DANG LDAN PA'I DON MI BDOG PA'I RKYEN LAS GZHAN PA LA MI 'CHAGS SO ZHES BYA BA LA, CHOS LAS MI 'DA' BA'I CHOS DANG LDAN PA STE, RANG GI DON DU CHOS GOS DANG SMAN LA SOGS PA YO BYAD DAG GO, ,DE NI CHOS DANG LDAN PA YANG YIN LA DON YANG YIN PAS CHOS DANG LDAN PA'I DON TE, CHOS GOS DANG SMAN LA SOGS PA'I DON TO, ,DE'I RKYEN ZHES BYA BA NI RDZAS GANG YIN PA STE, RDZAS JI TZAM GYIS CHOS DANG LDAN PA'I DON TE, SGRUB PAR 'GYUR BA'O, ,DE MI BDOG PAR GYUR PA LA RUNG BA 'DI RNAMS GRAGS PA'O, ,CHOS DANG LDAN PA'I DON MI BDOG PA DE'I RKYEN LAS GZHAN DU GRAGS PA MA YIN NO, ,GAL TE BDOG PA NYID RE ZHIG RKYEN RDZAS SU GYUR NA CHOS DANG LDAN PA'I DON MED PAR YANG LHAG PAR GNAS NA RUNG BA 'DI RNAMS KYANG SKYE BAR MI 'GYUR ZHES BYA BA'I DON TO, ,DER BYAS PA NYID YANG RUNG BA 'DI RNAMS CHOS 'DI MA YIN PA LA LTUNG BA NYID KYI PHYIR DE BYED PA DANG, DE LA REG PA DANG REG PAR BYED PA DAG LA SPANG BA'I LTUNG BYED SKYED PA KHO NA YIN NO ZHES BYA BA'I DON TO, ,'DIR LUNG NI CHOS

162a

, ,GOS SEMS PAR BYED CING THOB PAR GYUR PA RNAMS SBYIN PA PO'I LAG TU YID BRTAN PAS BCANG BAR BYA ZHES BYA BA CHOS GOS LA SEMS PAR BYED PA'I TSIG CES GSUNGS PA YIN NO, ,CHOS GOS KYI DON DU SEMS PAR BYED PA'I TSIG NI DPER SHES PAR BYA'O, ,DE LTAR YANG LAM DU MDZA' BO'I DON DU YANG GZUNG BAR BYA ZHES BYA BA SMOS TE, CHU DANG ME'I DON DU CHU SHEL DANG ME SHEL DAG BCANG BAR BYA BAR GSUNGS SO, ,SBYOR BA DANG YANG MI MTHUN PA NYID KYI PHYIR RAB TU BYUNG BA RNAMS KYI LUS 'TSO BAR BYA BA'I DON DU BSOD SNYOMS TZAM LA YANG 'DI RNAMS KYIS LHAG PAR 'CHANG BA LA RUNG BA RNAMS LA MI 'JUG PAS RNAM PAR RTOG PA TZAM MAM TSIG SBYOR BA TZAM 'DIR SPONG BA LA GTZO BO YIN PAS GZHAN NYID DU THOB PAS SANGS RGYAS DANG CHOS DANG DGE 'DUN RNAMS LA BYA BA BYED PAR 'GYUR RO, ,RNAM PAR NYAMS PAR GYUR PA TSANGS PAR SPYOD PA DANG BCAS PA RNAMS LA YO BYAD BCU GSUM RNAMS LAS CIG SHOS MA TSANG BAS RJES SU GZUNG BAR BGYI'O, ,PHONGS PA RAB TU DBYUNG BA DANG BSNYEN PAR RDZOGS PA'I RTOGS PA DANG LDAN PA RNAMS LA LHUNG BZED DANG CHOS GOS BSGRUB PAR BGYI ZHES BYA BA'I DON GANG YIN PA DE LA NI CHOS DANG MI LDAN PA NYID MA YIN NO, ,BDAG PO RING BA NYID YIN NA YANG NYAMS PA MED DO ZHES BYA BA NI BDAG PO SBYIN BDAG GAM ZHAL TA BYED PA RING BA NYID YIN TE, YUL THAG RING PO NYID DU SONG ZHING YUL GYIS BSKAL PA NYID YIN YANG RUNG BA DAG LA NYAMS PA MED DO, ,BDAG NYID KYI DON DU BZA' BA BYED DU GZHUG TU RUNG NGO, ,DE BYAD PA LA DBUL BA'I PHYIR K'AR sh'A PA nA BLANG BA LA YANG NGO ZHES BYA BA NI PHRAN TSEGS RNAMS LAS 'DI LA SOGS PA'I LAM DU BZA' BA DANG RIN PO CHE LA SOGS PA RNAMS 'DI SPANG BA'I JI SRID DU SA'I RANG BZHIN ZHES BYA BA 'DI MTHAR DE BYED PA ZHES BYA BA NI BZA' BA BYED PA LA DBUL BA'I PHYIR K'AR sh'A PA nA BLANG BA YIN ZHES BYA BA'I DON TO, ,'DI'I CHOS DANG MI LDAN PA'I DON MA YIN ZHES BYA BAR SHES PAR BYA'O ZHES BYA BA 'DI LA 'DI BSTAN PA STE, RUNG BA MED PAS LEN PA RJES SU GNANG BA MA YIN ZHES BYA BA'O, ,'DI NI RUNG BA GZHAN BRJOD PA STE, DE BZHIN DU RJES SU GNANG BA GZHAN RNAMS LA YANG RIG PAR BYA'O, ,LAM RGYAGS NI RIN PO

162b

CHE MAN CHAD LAS SO ZHES BYA BA NI RIN PO CHE MAN CHAD NAS LAM DU BZA' BA LEN PA RUNG BA YIN ZHES BYA BA'I DON TO, ,'DIR GZHUNG NI DGE SLONG DAG GIS LAM RGYAGS JI LTA BU MI SHES NAS, BCOM LDAN 'DAS KYIS BKA' STZAL PA, BZA' BA LNGA DANG BCA' BA SMOS PA LNGA DANG, RIN PO CHE LNGA DANG, RIN PO CHER SMOS PA LNGA'O, ,DE LA BZA' BA LNGA GANG ZHE NA, 'BRAS CHAN DANG, ZAN DRON DANG SHA DANG NYA SHA DANG SNUM KHUR RO, ,BCA' BAR SMOS PA LNGA GANG ZHE NA, JI TZE DANG KHRE RGOD DANG RGYA SRAN DANG BRA RGOD DANG KHRE'O, ,RIN PO CHE LNGA GANG ZHE NA, GSER DANG, DNGUL DANG, BEE d'URYA DANG, SHEL DANG, MU TIG GO, ,RIN PO CHE LNGAR SMOS PA GANG ZHE NA, ZHA NYE DANG RO NYE DANG ZANGS DANG, KHRO CHU DANG, LCAGS SO ZHES GSUNGS PA YIN NO, ,ME'I DON DU DGE SLONG GIS ME SHAL NYE BAR GZHAG PAR BYA'O ZHES BYA BA LA 'DI NI CHOS DANG MI LDAN PA'I DON MA YIN TE ZHES BYA BA 'DI BSTAN PA'O, ,DE MA SBAS PAR GZHAG PAR MI BYA'O ZHES BYA BA NI GTOR BA'I SKYON BSAL BA'I DON DU SBA BA'O, ,MA SBYIN PAR LEN PA LA BSTAN PAR MI BYA'O, ,DE'I 'BRAS BU PHYUNG NAS DE LA SBYIN PAR BYA'O ZHES BYA BA NI ME SHEL DE'I 'BRAS BU ME ZHES BYA BA PHYUNG NAS RKUN PO DE LA ME SBYIN PAR BYA'O, ,CHU'I DON DU CHU SHEL YANG NGO ZHES BYA BA LA, YANG NGO ZHES BYA BA'I SGRA NI NYE BAR GZHAG PAR BYA'O ZHES BYA BA'I RJES SNYEGS PA'I PHYIR RO, ,BSRUNG BA'I CHO GA NI 'DRA'O ZHES BYA BA NI ME SHEL DE 'DI MA SBAS PAR GZHAG PAR MI BYA ZHES BYA BA LA SOGS PA'O, ,YO BYAD RJES SU GNANG BAR RIN PO CHE BDAG GIR BYA BA'I SHAN BSRE BAR MI BYA BA NYID DO ZHES BYA BA NI GANG ZHIG RGYA LA SOGS PA'I 'TSOG CHAS NI YO BYAD DE DE NI RJES SU GNANG BA YIN NO, ,DE'I RJES SU GNANG BA'I KHONGS SU RIN PO CHE BDAG GIR BYA BA'I SHAN BSRE BA GZHUG PAR MI BYA BA NYID DO, ,DE BAS NA RIN PO CHE'I RANG BZHIN LA YANG 'DIR RJES SU GNANG BA NYID DO, ,GNOD PAR BYED PA SPANG BA'I CHO GA LA ZHES BYA BA 'DOD PA LA, DON NI 'DI YIN TE, RGYA LA SOGS PA RJES SU GNANG BA GANG YIN PA DE LA RIN PO CHE'I RANG BZHIN GYI RGYA LA SOGS PA LA BDAG TU BYED PA GANG YIN PA DE'I MTHA' BYAS PA NYID NI MA YIN TE RJES SU MA GNANG BA NYID DO, ,DE LA RIN PO CHE'I RANG BZHIN BDAG TU BYA BA

163a

, ,ZHES BYA BA'I DON TO, ,DE LTAR YANG PHRAN TSEGS RNAMS LA 'DIR RGYA LA SOGS PA LA RIN PO CHE'I RANG BZHIN BKAG PA'I GZHUNG NGO, ,GLENG GZHI RNAMS LAS KYANG GSUNGS TE, JI SKAD DU BCOM LDAN 'DAS KYIS DUD PA'I SMAN GCE'U BCANG BAR BYA'O ZHES GSUNGS PA DANG, ZHUS PA JI LTA BU BCANG BAR BGYI, BKA' STZAL PA, NYE BA 'KHOR RIN PO CHE LAS BYAS PA MA GTOGS SO, ,SNAR BLUGS PA'I SPYAD DANG 'PHUL BA'I BTUNG PHOR DANG KHAB DANG KHAB RAL DANG MIG SMAN GYI GAB TZE DANG, SMAN PHOR DANG RKANG RTEN DANG KHRI'U DANG SMAN GYI NAL ZE BCANG BAR BYA'O, ,LCAGS KYI GAR BU LA LU GU RGYUD GDAGS PAR BYA'O ZHES GSUNGS PA THAMS CAD LA YANG JI LTA BU ZHIG BCANG BAR BGYI, NYE BA 'KHOR RIN PO CHE'I RANG BZHIN LAS BYAS PA MA GTOGS SO ZHES BKA' STZAL PA DE LTA BU'I TSIG YOD DO, ,RA GAN DANG ZANGS DANG 'KHAR BA DANG SHING GI LHUNG BZED DANG BDAG GIR MI BYA'O ZHES BYA BA NI; LHUNG BZED CES BYA BA'I SGRAR RA GAN LA SOGS PA SO SO DANG SBYAR RO, ,DE DAG BDAG GIR BYAS PA'AM GZHAN YANG RUNG STE, GAL TE YONGS SU SPYAD DGOS PAR GYUR NA SMAN PHOR GYIS YONGS SU SPYAD PAS SO ZHES BYA BA LA, DE DAG CES BYA BA NI RA GAN LA SOGS PA'I LHUNG BZED LA'O, ,'BRU MAR GYI SNOD KYI RNAM PA NYID KYIS SHIN TU 'DI MTHUN PA NYID MA YIN TE ZHES BYA BA 'DI 'CHANG BA DANG, MNGON PAR RJES SU YI RANG BA'O, ,GZHAN YANG RUNG STE ZHES BYA BA NI BDAG GIR MA BYAS PAR GAN LA SOGS PA'I LHUNG BZED 'DI LA YANG YONGS SU SPYAD DGOS PA SMAN DANG SMAN PHOR GYI RIGS PA NYID KYIS DE ZHES BYA BA'I DON TO, ,SMAN ZHES BYA BA NI LHUNG BZED YONGS SU SPYAD DGOS PA BSAL BA'I GTZO BO 'DI SMAN DANG SMAN PHOR GYIS YONGS SU SPYAD DGOS PA'I TSIG GO, ,GSUNGS PA'I SMAN DANG 'BREL PA NYID KYI 'BRAS BU NGES PAR SPYOD PA LA NI MA YIN ZHES TE, GZHAN DU NA YANG MA YIN ZHES BYA BAR RIG PAR BYA'O, ,'DIR GZHUNG NI NYE BAR MA BZHAG PA DE RNAMS NI NYE BAR GZHAG PAR MI BYA'O ZHES GSUNGS PA'O, ,GZHAG PAR BYAS PA NI SMAN PHOR YONGS SU LONGS SPYOD PAR BYA'O ZHES GSUNGS PA YIN NO, ,BYIN GYIS BRLAB TU RUNG BA NI GNYIS TE, LCAGS LAS BYAS PA DANG SA LAS BYAS PA'O

163b

ZHES BYA BA NI LHUNG BZED CES BYA BAR SBYAR RO, ,LHUNG BZED 'BA' ZHIG PA 'DIR BSTAN PA'I RIN PO CHE'I NGO BO BRJOD PAR BYA STE, NOR BU DANG MU TIG DANG BEE d'URYA DANG MAN SHEL DKAR PO DANG BYI RU DANG DNGUL DANG GSER DANG, RDO'I SNYING PO DANG SPUG DANG DMAR PO DANG G-YAS SU 'KHYIL BA LA SOGS PA NI RIN PO CHE'I ZHES BYA BA LA SOGS PA LA NOR BU ZHES BYA BA LA SOGS PAS SHEL DAG 'PHANGS SO, ,SOGS PA ZHES SMOS PA NI SANGS RGYAS KYI SKU GDUNG LA SOGS PA DAG BSDU BA'O, ,CHU SHEL DANG ME SHEL DAG LA YANG 'DIR NOR BU'I TSIG GIS GZUNG BA NYID DO, ,NOR BUR GYUR PA'I KHAB LEN GANG YIN PA DE YANG 'DIS 'PHANGS PA NYID DO, ,RDO BAR GYUR PA LA NI MA YIN TE, DER RIN PO CHE NYID MED PA'I PHYIR RO, ,'DIR NOR BU LA SOGS PA BRJOD PA'I RIN PO CHE LA DPE NYID DU RIG PAR BYA STE GZHAN DU RIN PO CHE'I SNYING PO LA SOGS PA'I DNGOS PO NYID LA 'DRA BA NYID KYI PHYIR RO, ,DNGUL ZHES BYA BA NI DNGUL SKYA'O; ,GSER ZHES BYA BA NI SA LE SBRAM MO, ,MDO LAS 'DI GNYIS SMOS PA GANG YIN PA DE NI DPE YIN TE, NOR BU DANG MU TIG DANG BEE d'URYA DANG DUNG DANG MAN SHEL DKAR PO DANG BYI RU DANG DNGUL DANG SA LE SBRAM DANG RDO'I SNYING PO DANG SPUG DANG DMAR PO DANG G-YAS SU 'KHYIL PA LA SOGS PA LA REG PAR BYED NA SPANG BA'I LTUNG BA ZHES BYA BA TSIG TU BRJOD PAR BYA BA'I PHYIR RNAM PAR 'BYED PA LAS 'DIR DBYIG GAM GSER RAM SA LE SBRAM DU GYUR PA 'DI GNYIS KA YANG SNYAD GDAGS SU RUNG BA ZHES BYA BA'I DON TO, ,'DI'I DON 'DI RDZAS GCIG PU NYID DE RIN PO CHE NYID DU SNYAD GDAGS SU RUNG BA DANG BCAS PA RDZAS NYID DANG BCAS CHA GCIG PU NYID LA 'DIS BSTAN PA NYID DO, ,DE LTAR NA YANG ZANGS MA'I SNYAD GDAGS SU RUNG PA LA NI NYES BYAS SU RNAM PAR GZHAG PA'O, ,DE BAS NA 'DI NI DPE YIN TE RIN PO CHE'I RANG BZHIN MA YIN PA GZHAN LA YANG SNYAD GDAGS SU RUNG BA LA NI NYES BYAS ZHES RTOGS PAR BYA'O, ,GANG ZHIG DE MNGON PAR RTEN PA SNYAD GDAGS SU RUNG BA'I MNGON MTSAN CAN LA 'DIR NGO BO STE, SKYES PA LA SOGS PA NI MA YIN TE, 'DI LTA BU'I MTSAN NYID CAN KHYAD PAR MED PA'I PHYIR GNYIS PO 'DI DAG LA SNYAD GDAGS SU RUNG BA NYO TSONG GI BYA BA NYID NI 'DIR MNGON MTSAN CAN LA GTZO BO STE, DE LTAR NA YANG

164a

, ,SNYAD GDAGS SU RUNG BA'I ZANGS LA REG NA ZHES BYA BA LA, SNYAD GDAGS SU RUNG BA'I TSIG STE MNGON MTSAN CAN LA NI MA YIN NO, ,DE BAS NA MNGON MTSAN CAN MA YIN PA LA YANG PA nA NYID KYIS SNYAD GDAGS SU RUNG BA'I RIN PO CHER GYUR PA MA YIN PA LA GTZO BO NYID DU 'DIR NYES BYAS SU BYA BA NYID RTOGS PAR BYA'O, ,DPER NA 'GRON BU RNAMS LA STE, 'DI RNAMS LA NI SPANG BAR BYA BA NYID MA YIN PAR SHES PAR BYA STE, RIN PO CHE NYID LA RDZAS LAS MED PA'I PHYIR RO, ,RIN PO CHE'I RANG BZHIN SNYAD GDAGS SU MI RUNG BA'I MNGON MTSAN CAN GYI RIN PO CHE DE LA SNYAD GDAGS SU MI RUNG BA NYID LA NYES BYAS SU RIG PAR BYA'O, ,THA SNYAD RDZOGS PA LA YANG PA nA NYID DU MNGON MTSAN CAN NYID KYI GTZO BO STE, 'DIR RIN PO CHE'I SNYING PO'I BLO LA NI MA YIN NO, ,GZHAN YANG YID CHES PA LA BDE BAR GNAS PA NYID SPOBS PA YANG DAG PAR GNAS PA'I SRED PA DANG RGYAGS PA DANG NGA RGYAL RNAMS LA DNGOS PO NYID MA YIN STE, BDAG TU BYA BA LA REG PAR BYED PA DAG LA SPANG BA RNAM PAR GZHAG PA LA RGYU YIN NO, ,THA SNYAD LHAN CIG SPYOD PA DANG NYO TSONG LHAN CIG SPYOD PA 'DI BYED PA ZHES BYA BA'I LAN RNAM PAR GZHAG PA'O, ,'DIR THA DAD PA LA BZUNG BA STE, 'DI 'DIR MTHAR THUG PA ZHES BYA BA 'DI NI MDOR BSDUS PA'I DON TO, ,RIN PO CHE LA YANG KHAS LEN PA NYID THAMS CAD DU BYA BA BSGRUB PA LA SGRIB BYED DU GYUR PA GZHI BYED PA LHAG MA LA YANG THOB PAR BYED PA PO RUNG BA LA SOGS PA THAMS CAD LA 'DI RNAMS PAR GZHAG PAS SO, ,SNYAD GDAGS SU MI RUNG BA LA NI NA SMAD PA NYID DO ZHES BYA BA NI SNYAD GDAGS SU MI RUNG BA NI NYO TSONG BYAR MI RUNG BA STE, DE LA REG PA LA NYES BYAS ZHES BYA BA'I DON TO, ,'OG MA DAG LA YANG NGO ZHES BYA BA NI THA SNYAD RDZOGS PA'I BSLAB PA'I GZHI LA YANG NA SMAD PA NYID 'DI SNYAD GDAGS SU MI RUNG BA LA ZHES BYA BA'I DON TO, ,SNYAD GDAGS SU MI RUNG BA ZHES BYA BA DE JI LTA BU ZHIG YIN PAR RIG PAR BYA ZHE NA, DE'I PHYIR DE NI GAS PA DANG CHAG PA DANG DUM BU DANG TSIG PA DANG SNGON MA SPYAD PA DANG MA BYAS PA DANG MTSAN DANG MI LDAN PA DANG BCOS PA'O ZHES BYA BA SMOS TE, DE NI ZHES BYA BA NI SNYAD GDAGS SU MI RUNG BA'O, ,GAS PA NYID DANG CHAG PA NYID DANG ZHES BYA BA NI SER GA BYUNG BA STE, 'BYAR KYANG RUNG MA

164b

'BYAR KYANG RUNG BA DANG BU GA BYUNG BA'O, ,TSIG PA ZHES BYA BA NI RIN PO CHE DE ME DANG PHRAD NAS RIN PO CHE MA YIN PA NYID DU GYUR TE, NYO TSONG BYAR MI RUNG BAR GYUR PA YIN PAR SHES PAR BYA'O, ,PA nA NI MNGON MTSAN LHAG PA YOD PA NYID DU NYAMS PA YIN GYI THAMS CAD KYI THAMS CAD DU THAL BAR GYUR PA NI MA YIN TE, DE LEN PA LA NYES PA MED PA'I PHYIR RO, ,SNGON MA SPYAD PA RGYAN DANG 'GRON BU LA SOGS PA'I RNAM PAR DBYIBS SU NYE BAR MNGON MTSAN CAN NO, ,PA nA NYID LA 'DI SBYAR BAR BYA'O, ,RIN PO CHE NYID LA NI MA YIN NO, ,YANG NA TSIG PA ZHES BYA BA NI BDAR BA STE, DANG POR DRI MA CAN BSREGS PAS KYANG NGO, ,MTSAN DANG MI LDAN PA ZHES BYA BA NI MTSAN NYID DANG BRAL BA'O, ,MA BYAS PA ZHES BYA BA NI GANG LA MTSAN NYID KHO NA MA BYAS PA'O, ,BCOS PA ZHES BYA BA NI GANG ZHIG SA DANG RTZVA DANG RDO LA SOGS PA RNAMS LA NOR BU DAD DANG TZE DANG MNGON MTSAN CAN DANG RGYAN DANG 'GRON BU LA SOGS PA'I RNAM PAR DBYIBS SU NYE BAR BKOD PA'O, ,KHA MA BSGYUR BA NI DE LTA BU'I TSON GYIS MA BCOS PA'O, ,'DIR GZHUNG NI RNAM PAR 'BYED PA LAS, DGE SLONG GIS GSER GYI PHRENG BA LA REG NA SPANG BA'I LTUNG BYED DO, ,DGE SLONG GIS SOG MA'I PHRENG BA LA REG NA NYES BYAS SO ZHES BYA BA LA SOGS PA GSUNGS PA YIN NO, ,GSER DANG DNGUL LA REG PA'I SPANG BA'I LTUNG BYED DO,, ,,RNYED PA 'DOD PA LA LTUNG BA 'BYUNG NGO ZHES BYA BA NI KHE SPOGS 'DOD PA NYID KYIS 'DUN PA BRJOD PA DE'I PHYIR 'DIR NI SKYED PHYIN NA RNYED PA YIN GYI THOB PA TZAM NI MA YIN NO ZHES BYA BAR SHES PAR BYA'O, ,BDAG NYID KYI DON NYID DU GTZO BO DE LA ZHES BYA BA 'DI LAS RANG GI DON NYID LA DNGOS GZHI STE, SBYOR BA LA NI NYES BYAS SO, ,GZHAN GYI DON NYID LA NI NYES BYAS DANG 'DI'I SBYOR BA LA NI NA SMAD PA NYID DE ZHES BYA BA RTOGS PAR BYA'O, ,LTUNG BA 'BYUNG NGO ZHES BYA BA NI DNGOS GZHI 'BA' ZHIG NI MA YIN TE SBYOR BAR GYUR PA YANG NGO, ,PHA ROL PO KHYIM PA NYID DANG NYE DU MA YIN PA NYID YIN NA DNGOS GZHI'O ZHES BYA BA NI PHA ROL PO GANG DANG LHAN CIG TU 'DIR THA SNYAD DU BYED PA DE GAL TE KHYIM PA NYID DANG NYE DU MA YIN PA NYID YIN NA DE NAS 'DIR DNGOS GZHI'I LTUNG BAR 'GYUR ZHES BYA BA'I DON TO, ,'DIR GZUNG NI ZHU BA LAS NYE DU RNAMS DANG LHAN CIG SPYOD NA NYES BYAS SO ZHES

165a

, ,BYA BA NI NYES BYAS SU GSUNGS PA GANG YIN PA'O, ,DE BAS NA 'DIR NYE DU'I TSIG 'DI YIN NO, ,GZHAN NYE DU MA YIN PA NYID CES BYA BA NI 'DIR 'GAL ZLA'I KHYAD PAR YOD PA LA 'DIR DNGOS GZHI GANG DU ZHEN, DE'I PHYIR SKYED PHYIN NA'O ZHES BYA BA SMOS TE, GANG GI TSE SKYED PHYIN NA DE'I TSE DNGOS GZHI'I LTUNG BAR 'GYUR RO, ,SKYED MED NA NI SBYOR BA TZAM DU ZAD DO ZHES BYA BA LA NOR 'PHEL BAR GYUR PA'I NOR LA 'DIR SPANG BA NI SBYIN PA PO NYID LA YANG DAG PAR GNAS PA DGOS PAR BYA'O, ,RTZA BA DANG BCAS PA LA LTUNG BAR RIG PAR BYA'O, ,SKYED PHYIN PA'I NOR BSGRUB PA LA SBYIN PA PO NYID LA ZHEN PAS RNAM PAR GZHAG CING DE LAS SKYED DU GYUR PA MNGON PAR ZHEN PA SBYIN PA PO LA BYAS PA NYID DO, ,'OG MA LA YANG NGO ZHES BYA BA NI NYO TSONG GIS KYANG RNYED PAR 'DOD PA NYID LA LTUNG BA STE, NYE DUR MA GYUR PA NYID DANG KHYIM PA'I BDAG NYID CAN NYID LA SKYED PHYIN PA NYID DU SGRUB NA GZHAN LA DNGOS GZHI'O, , 'DIR CI'I PHYIR SKYED BSGRUB PA LA DNGOS GZHI YIN ZHE NA, DE'I PHYIR PA nA 'AM RIN PO CHES SPYOD PA LAS SO ZHES BYA BA SMOS TE, 'DIR REG GAM REG DU 'JUG PAR BYED PA DAG LA SO SOR BSGRUB PA SNGON DU 'GRO BAS SPANG BA'I LTUNG BYED DU RIG PAR BYA'O, ,NYO BA LA YANG RNYED PA GRUB NA DNGOS GZHI STE, NYO BA MA YIN PA LA YANG RNYED PA MA GRUB PA LA NYES BYAS SO, ,NYO BA MA YIN PA LA SNGON DU 'GRO BA'I RNYED PA LA YANG DNGOS GZHI'I BYAS PA NYID CES BYA BA 'DIR RNAM PAR GZHAG PA 'DI RIG PAR BYA'O, ,SBYOR BA LAS NI GCIG PO NYID DO ZHES BYA BA NI SKYED GRUB PA BAS MDUN ROL DU JI SRID DU 'DIR THAMS CAD LA BSGRUB PA DE LA GCIG PA NYID DE THA DAD PA NI 'GA' YANG MA YIN NO, ,MTHA' NAS PHYOGS YONGS SU BTZAL BA LA YANG 'DI LTA BUR GYUR PA GZHAN THAMS CAD LA DER SBYOR BA'I LTUNG BA GCIG NYID CES BYA BA'I DON TO, ,DE LTAR YANG 'DIR GZHUNG NI JI SRID DU RNYED PA SGRUB PAR MI BYED KYI BAR DU NI NYES BYAS SO, ,RNYED PA GRUB NA NI SPANG BA'I LTUNG BYED DU 'GYUR RO ZHES GSUNGS PA YIN NO, ,KUN DGA' RA BA 'AM DGE BSNYEN DAG YOD NA BSGO BAS DKON MCHOG GI DON DU BSKYED PAR BYA'O ZHES BYA BA NI GAL TE KUN DGA' RA BA 'AM DGE BSNYEN DAG YOD PAR GYUR NA DE GNYIS 'DIR BSKO BAS DKON MCHOG GI DON DU SBYOR

165b

BA BYED PA LA NGES PAR SBYAR BAR BYA'I RANG NYID KYIS NI 'JUG PAR BYA BA MA YIN NO, ,'DIR GZHUNG NI MA MO LAS 'DI LTA STE YANGS PA CAN GYI TSONG PA RNAMS KYIS BCOM LDAN 'DAS KYI MCHOD RTEN YANG BYED DU BCUG GTZANG KHANG BYUR BU YANG BYED DU BCUG NAS, DGE SLONG RNAMS LA MCHOD RTEN DANG GTZANG KHANG BYUR BU GANG ZHIG RAL DU MI 'GYUR BA'I YO BYAD RJES SU GTOD PA NA DGE SLONG DAG 'GYOD CING LEN PAR MI BYED NAS SKABS DE DGE SLONG GIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, KUN DGA' RA BA 'AM DGE BSNYEN DAG GIS MCHOD RTEN ZHIG RAL DU MI 'GYUR BA'I YO BYAD BLANG BAR BYA ZHING BLANGS NAS KYANG BSKYED PAR BYA STE, DE LA RNYED PA JI TZAM BYUNG BA DES MCHOD RTEN LA MCHOD PA BYA BAR NGAS RJES SU GNANG NGO ZHES GSUNGS SO, ,GTA' NYIS RIR BLANG BAR BYA'O ZHES BYA BA NI CHUD MI GZAN PAR BYA BA'I PHYIR 'DI SPANG BA MI SKYED PA'I YAN LAG CES BYA BA SHUGS KYIS RTOGS PAR BYA'O, ,JI LTAR 'DI BLANGS NAS SBYAR BAR BYA ZHE NA, DE'I PHYIR DBANG PO DANG LO DANG ZLA BA DANG NYI MA DANG DGE 'DUN GYI GNAS BRTAN DANG DGE SKOS DANG LEN PA PO DANG RDZAS DANG SKYED RNAMS DBANG RGYAR BRIS NAS SO, ,RGYUS SHES PAS DE GZHAN LA KHONG DU CHUD PAR BYA'O ZHES BYA BA SMOS TE, DGE SLONG GANG LA 'JUG PA 'DI DES 'DI TZAM ZHIG 'DI LAS SPYAD PA DANG DES 'DI TZAM DUS DE LA SBYIN PAR BYA BA ZHES BYA BA'I RGYUS SHES PAR GYUR PA DES GZHAN GYI STENG DU 'DI'I LO RGYUS SHES PA'I DGE SLONG GANG ZHIG GIS DE LA RIM PA THOB NA KHONGS SU CHUD PAR BYA BA NI BRJOD PAR BYA ZHES BYA BA'I DON TO, ,'DIR GZHUNG NI DGE SLONG GNYUG MAR GNAS PA RNAMS KYIS DGE SLONG GLO BUR DU LHAGS PA RNAMS LA GANG ZAG CHE GE MO ZHIG LAS ZLA BA RE RE ZHING 'DI TZAM ZHIG MNOD DO ZHES BRJOD PAR BYA'O ZHES GSUNGS PA YIN NO, ,MNGON MTSAN CAN GYI SPYOD PA'I SPANG BA'O,, ,,SNGAR BSTAN MA THAG PA'I BSLAB PA'I GZHIR SKYED PHYIN NA DNGOS GZHI'O ZHES SMAS NA SPYOD PA GANG GIS YIN PA MA BSTAN PAS DE'I PHYIR GZHAN GYIS SO ZHES BYA BA SMOS TE, SPYOD PA ZHES BYA BAR SBYAR RO, ,PA nA DANG RIN PO CHE DAG GIS SNGAR BSTAN PA DE BAS NA DE DAG LAS GZHAN PA GZHAL BAR BYA BA LA SOGS PAS SPYOD PA LAS SKYED PHYIN NA LTUNG BA 'DIR

166a

, ,'GYUR RO ZHES BYA BA'I DON TO, ,RNYED PA GANG LA MNGON SUM MAM BRGYUD PAS SKYED PA NYID DANG PA nA DGOS PA LAS SKYES PA NYID DER SNGA MA'I LTUNG BA'O, ,GANG DU JI LTAR PA nA MI DOGS PA NYID DE LA 'DI ZHES BYA BA 'DIR RNAM PAR GZHAG PAR RIG PAR BYA'O, ,GANG DU PA nA GZHAN DANG LDAN PA LA DGOS PA DER JI LTAR BSGRUB PAR BYA ZHE NA, SNGAR GYI LTUNG BA ZHES BYA BA PA nAS NYOS PA THAMS CAD DE LA PA nA DGOS PAS YANG DAG PAR REG PA 'DIR SKYE BAR 'GYUR RO, ,DGE 'DUN GYI BA SHOS KYI PHYIR DGE 'DUN GYI 'BRAS RIN GYIS NYO BA LA SBYIN PAR BYA'O ZHES BYA BA NI 'DOD PA MED PAR NYES BYAS KYI SPYOD PA LHAN CIG SPYOD PA LA DGA' STON MA YIN PA LA THOB PA'O, ,DE BAS NA MI 'JUG PAR GYUR PA RNAMS KYI SLAD DU TSIG 'DI'O, ,CHOS DANG MI LDAN PA'I DON LA THAMS CAD KYIS RANG GI DON NAM GZHAN GYI DON DU 'DOD PA MED PAR SPYOD PA LHAN CIG SPYOD PA MI BYED PA'O, ,CHOS DANG LDAN PA RJES SU GNANG BA NYID 'DI LAS GZHAN LA ZHES BYA BA 'DIR GNAS PAR BYA'O, ,KHYIM PA NYOR GZHUG GO, ,MED NA LAN GSUM GYI BAR DU TSIG BRJOD PAR BYA'O ZHES BYA BA 'DI LA CHO GA 'DIS NYO BA 'AM, 'TSONG BA 'DI 'DIR BYA ZHES BYA BA RTOGS PAR BYA'O, ,GAL TE DE NYID KYI NA 'THEB DANG BCAS PAR RO ZHES BYA BA NI GANG ZHIG DGE 'DUN DBANG BA'I 'BRAS KYI SO BA GANG YIN PA LAS, GAL TE DE NYID KYI DGE 'DUN GYI BSHOS KYI PHYIR NYO BAR BYED NA DE NAS DES DE LA 'THEB DANG BCAS PAR BSKYED DE SBYIN PAR BYA'I RIN THANG MNYAM TE SBYIN PAR MI BYA'O ZHES BYA BA'I DON TO, ,ZAD NA DGE 'DUN GYIS NYO BAR BYA'O ZHES BYA BA NI 'BRAS SO MA ZAD NA SKABS NYID KYI PHYIR NYO BAR BYA'O, ,SAR PA YANG NGO ZHES BYA BA NI DGE 'DUN GYIS NYO BAR BYA'O, ,GAL TE SROG CHAGS MED NA RNYING PA BTZONG BAR BYA'O, ,RIN THANG MI GDAB PO ZHES BYA BA NI 'DI'I RIN THANG 'DI'O ZHES NYO BAR MI 'DOD PA 'AM NYO BAR 'DOD PA RANG NYID KYIS MI BYA BA'I DON TO, , PA nA LA SOGS PA DANG 'BREL PA'I SPYOD PA 'DI LA SOGS PA SNGAR DANG 'BREL PAR RIG PAR BYA'O, ,GZHAN NI 'DI DANG 'BREL PA'O, ,KHYIM PA'I NYO TSONG DAG TU LAG GZHUG PAR MI BYA'O ZHES BYA BA NI PA nA LA SOGS PA SPYOD PAS KHYIM PA MA YIN PA RNAMS KYI NYO BA LA SOGS PA RNAMS LA YANG LAG GZHUG

166b

PAR MI BYA ZHES BYA BA'I DON TO, ,'O NA RIN THANG YOD PA LA DGE SLONG GIS CHOS GOS LA SOGS PA DAG JI LTAR NYO BAR BYA ZHE NA, DE'I PHYIR KHYIM PA NYOR GZHUG GO ZHES BYA BA SMOS SO, ,KHYIM PA MED NA DE'I TSE SUS NYO BAR BYA ZHE NA, DE'I PHYIR MED NA LAN GSUM GYI BAR DU TSIG BRJOD PAR BYA'O ZHES BYA BA SMOS TE; GAL TE KHYIM PA MED NA DE'I RIN THANG NGES PAR GCAD PAR BYA ZHING DE NAS LAN GSUM GYI BAR DU DRI BA'I TSIG BRJOD PAR BYA STE, RIN 'DI TZAM GYIS BYIN CIG CES LAN GSUM GYI BAR DU BRJOD PAR BYA'O ZHES BYA BA'I DON TO, ,ZONG LA RTZEG PA NI GZHAN GYI DON DU YANG MI BYA STE, DKON MCHOG GSUM NI MA GTOGS SO ZHES BYA BA LA, ZONG ZHES BYA BA NI KA KA NI DANG BA RA TA KA LA SOGS PA'O, ,RTZEG PA ZHES BYA BA NI NYO BA'I TSE NA CUNG ZAD CUNG ZAD BSKYED PA DANG, 'TSONG BAR BYED PA'I DUS NA CUNG ZAD 'BRID PA STE, DE NI GZHAN GYI DON DU YANG MI BYA NA RANG GI DON DU LTA SMOS KYANG CI DGOS, 'DI NI 'GA' ZHIG TU DKON MCHOG GSUM SPANGS NAS BSKYED PAR BYA ZHES BYA BA'O, ,DKON MCHOG GSUM GYI DON DU NI, DE BYED PA LA KHA NA MA THO BA MED PA ZHES BYA BA'I DON TO, ,GTA' GZHUG PAR MI BYA'O ZHES BYA BA NI, GTA' MA NYID NI GTA' MA STE, GAL TE DE KHO NA NYID MA YIN NA, BDAG GIS 'DI SBYIN PAR BYA STE, 'DI GTA' ZHES BYA BA RDZAS SBYIN PA NI 'DI'I BYED PA'O, ,'DIR GZHUNG NI DRUG SDE RNAMS YAL ZUG 'KHRA ZHING LHUNG BZED LA SOGS GTAR 'JUD NAS BCOM LDAN 'DAS KYIS BKA' STZAL PA, DGE SLONG GI YAL ZUG 'KHRA ZHING GTA' GZHUG PAR MI BYA'O, ,GAL TE DGE SLONG YAL ZUG 'KHRA ZHING GTA' 'JUG NA 'GAL TSABS CAN DU 'GYUR RO ZHES GSUNGS PA YIN NO, ,DGE 'DUN GYI RDZAS DE SPOGS PA LA DGE 'DUN GYI LAS BYED PA LA GTAD DO ZHES BYA BA LA RDZAS DE ZHES BYA BA NI DGE 'DUN GYI RDZAS SO, ,SPOGS PA LA ZHES BYA BA NI NYO BA LA SOGS PA'I SPYOD PAS DGE 'DUN LA RNYED PA BSGRUB BYA ZHES BYA BA LA SOGS PA GANG YIN PA DE LA DBYIG GTAD PAR BYA'O, ,CI RANG GI DE GTAD PAR BYA 'AM ZHE NA MA YIN TE, DE'I PHYIR DGE 'DUN GYI LAS BYED PA LA GTAD DO ZHES BYA BA SMOS TE, DAM GZHAG PA LA SOGS PA LA DE GTAD PA RJES SU BSGRUB PAR BYA ZHES BYA BA'I DON TO, ,'DI

167a

, ,BRJOD PAR BYA STE, RGAN RABS RGAN RABS LA MA ZHUS PAR DGE 'DUN GYI DON DU BRTZON PAR MI BYA'O, ,DE'I TSIG YI GER BRI BA'I DAM GZHAG LA NAN TAN BYA'O ZHES BYA BA NI DUS GA GE MO ZHIG GI TSE 'DI TZAM ZHIG GTAD DO ZHES BYA BA LA SOGS PA, GANG DU YI GER BRI BA'I DAM GZHAG GTAD PA 'DI LA BRJOD PAR BYA'O, ,DE BZHIN DU RDZAS DER RIN THANG 'DI TZAM GYIS NYOS NAS 'DI TZAM ZHIG TU BTZONGS TE ZHES BYA BA LA SOGS PAS GTAD NAS DUS PHYIS RJES SU BSGRUB PAR BYA ZHES BYA BA'I DON TE, NYO TSONG BYED PA'I SPANG BA'O,, ,,BYIN GYIS MA BRLABS PA'I CHOS GOS 'CHANG BA'I CHO GA GANG YIN PA YOD NA'O ZHES BYA BA DANG, ZHAG BCUR RJES SU ZHUGS PA NYID DO ZHES BYA BA DANG, GZHAN GYI NYI MA'I DANG PO LA'O ZHES BYA BA LA SOGS PA DE NYID LHUNG BZED LA YOD NA'O ZHES BYA BA DANG, RANG NYID CES BYA BA LA SOGS PA'I GZHUNG NI RANG NYID LA LTOS NAS GOS YOD PA'O, , ZHES BYA BA SMOS PA'I GNAS SU 'DIR LHUNG BZED KYI'O ZHES BYA BA GZHUG PAR BYA STE, DE'I PHYIR LHUNG BZED KYI'O ZHES BYA BA SMOS TE, BYIN GYIS MA BRLABS PA'I'O ZHES BYA BAR SBYAR RO, ,YUL DANG YUL CAN GYI 'BREL PA LA DRUG PA STE, LHUNG BZED DANG 'BREL PA'I PHYIR 'DIR LHUNG BZED LA RANG NYED CES BYA BA BRJOD DO, ,DE'I PHYIR GOS LA ZHES BYA BA 'DI DANG 'DI'I THA DAD PA'I DON SHES PAR MI BYA'O, ,'KHOR GSUM KHEBS PA'I MTHAR THUG PA'I TSAD CES BYA BA 'DI LA 'DI MI SRID PA'I PHYIR BZLOG PA'O, ,DE LTAR NA 'DIR MDO 'DI 'BYUNG BA STE YOD NA'O ZHES BYA BA DANG RANG GI NYID DO ZHES BYA BA DANG, ZHAG BCUR RJES SU ZHUGS PA DE NYID DO ZHES BYA BA DANG, GZHAN GYI NYI MA'I DANG PO LA LHUNG BZED BYIN GYIS MA BRLABS PA DANG, BYIN GYIS BRLABS PA YOD NA'O ZHES BYA BA 'DIR BYIN GYIS MA BRLABS PA DE'I SHAN TSUN CHAD NAS GZHAN DU ZHES BYA BA'I TSIG GIS 'DI RNAMS NI SNGAR GOS 'CHANG BA'I SPANG BA'I SKABS SU BSHAD ZIN TO, ,RAB TU BYUNG BA LA LTOS PA'I DON NYID DU NGES PAR BYAS PA NI SPANGS PA NYID YIN NO ZHES BYA BA NI, GANG ZHIG RAB TU BYUNG BA LA LTOS PA'I DON NYID DU LHUNG BZED BSDOS SHING NGES PAR BYAS PA GANG YIN PA DE NI SPANG BA NYID YIN PAS DE'I PHYIR 'CHANG YANG SPANG BAR

167b

MI 'GYUR RO ZHES BYA BA'I DON TO, ,SKYA BA DANG DKAR BA DANG, CHE BA RNAMS NI RUNG BA NYID MA YIN NO ZHES BYA BA NI RUNG BA NYID MA YIN PA'I PHYIR 'DI RNAMS LA BYIN GYIS BRLAB PAR BYA BA MA YIN PAS DE BAS NA NA SMAD PA LA LTUNG BA BSTAN PA'O, ,MA TSOS PA YANG CHUNG NGU NYID YIN NO ZHES BYA BA LA, RUNG BA NYID MA YIN NO ZHES BYA BA'I RJES SNYEGS PA'I PHYIR YANG ZHES BYA BA'I SGRA SMOS SO, ,MA TSOS PA ZHES BYA BA NI LHUNG BZED KYI DON DU SHIN TU YANG MI RUNG BA NYID DO, ,DE'I PHYIR NA NAG POR GYUR KYANG, 'DI NI MI RUNG BA NYID DO, ,'DIR SKYA BO'I GZHUNG NI ZHU BA LAS, LHUNG BZED MA TSOS PA 'CHANG NA NYES BYAS SO, ,LHUNG BZED DKAR PO 'CHANG NA NYES BYAS SO ZHES GSUNGS PA YIN NO, ,'DIR SKYA BO DANG, CHEN PO DAG LA LTUNG BA MED DO, ,LHUNG BZED CHUNG NGU YOD DAM, LHUNG BZED CHEN PO YOD DAM, LHUNG BZED SKYA BO YOD PAR GYUR NA ZHES GSUNGS PA YIN NO, ,SMAN PHOR DU YONGS SU SPYAD PA'I BSAM PAS 'CHAD NA DE LA LTUNG BA MED PAR GSUNGS PA YIN GYI, LHUNG BZED KYI DON DU NI 'DI RNAMS LA 'CHANG BAR BYA BA NYID MA YIN NO, ,'DI LA MI 'OS PA BYIN GYIS BRLABS PA LA KHA ZAS LA YONGS SU LONGS SPYAD PA'I DON NYID DU 'CHANG BA LA NYES BYAS TE, GZHAN LA NI LTUNG BA MED DO ZHES BYA BA'I RNAM PAR GZHAG PAR RIG PAR BYA'O, ,LHUNG BZED CHUNG NGU GCIG LA NI NYES PA MED DO ZHES BYA BA NI LHUNG BZED CHUNG NGU GCIG LHAG PAR 'CHANG BA LA NI NYES PA MED DO, ,GANG ZHIG LHUNG BZED CHUNG DUS LJONGS RGYUR 'GRO BAR BYA'O ZHES GSUNGS PA'I PHYIR DE NI 'DI'I CHEN PO NYID 'CHANG BA LA BSTAN PA'O, ,LHUNG BZED 'CHANG BA'I SPANG BA'O,, ,, HA CANG CHAGS PAR MA BYA'O ZHES BYA BA NI 'DIR GZHUNG NI GNAS MAL GYI GZHIR RO, ,YO BYAD CES BYA BA MDO DANG PO GNYIS TE GOS KYI GZHIR RO, ,YO BYAD LA HA CANG LHAG PAR CHAGS PAR MI BYA'O ZHES BYA BA NI MI BYA'O ZHES BYA BAR SBYAR RO, ,RANG GI ZHES BYA BAR SBYAR BAR GYUR PA NYID KYIS SHES PAR BYA'O, ,YO BYAD NI CHOS GOS LA SOGS PA'O, ,GANG LA ZHEN PA DE BCANG BAR MI BYA'O ZHES BYA BA LA ZHEN PA ZHES BYA BA NI, LHAG PAR CHAGS PA'O, ,GANG DU ZHES BYA BAR LHUNG BZED LA SOGS PA LAS BYUNG BA DE BCANG BAR MI BYA ZHES BYA BA'I DON TO, ,LHUNG BZED KYANG MED NA BSLANG BAR BYA'O ZHES BYA

168a

, ,PA NI LHUNG BZED YOD PAS SLONG PA'I NYES PA GANG YIN PA DE MI 'BYUNG ZHES BYA BA BYAS TE, CHOS GOS BLANG BAR RJES SU GNANG BA GANG YIN PA DE LA LTOS PA NI, 'DIR YANG NI SGRA'O, ,MED PA GANG ZHIG LHUNG BZED YONGS SU TSOL BA'I SO SOR YANG DAG PAR LDAN PA KHA NA MA THO BAR 'GYUR ZHE NA, DE'I PHYIR DE YOD PA NYID NA'O ZHES BYA BA SMOS TE, LHUNG BZED DE ZHES BYA BA'I DON TO, ,GZHAN LA NI LTUNG BA MED CES BYA BA, LTUNG BA'I YUL NYID KYI PHYIR 'DI'I CHO GA BSGRUB PA'O, ,JI LTA BU ZHIG YOD PA NYID NA ZHE NA DE'I PHYIR, LHAN PA BZHI MAN CHAD NAS DE DAG RUNG ZHING, YONGS SU SPYAD BZOD PA'O ZHES BYA BA SMOS TE, LHAN PA BZHI MAN CHAD NAS NUS PA NYID KYIS LHAN PA 'DI TZAM RNAMS KYIS DE NAS BRTZAMS TE, 'DI LTA BU JI SRID LHUNG BZED YONGS SU LONGS SPYAD PAR NUS PA DE'I ZHES BYA BA'I DON TO, ,CUNG ZAD SKYON MED PA YANG SHIN TU SNYI BA NYID KYI PHYIR DANG, 'JAM PA'I SA GZHI RANG BZHIN NYID KYI PHYIR YONGS SU LONGS SPYAD PAR BZOD PAR 'GYUR BA DE BZLOG PA'I DON DU YONGS SU SPYAD PAR BZOD BA'O ZHES BYA BA'I BYE BRAG GO, ,DE YOD PA NYID NA JI ZHIG LHAG PAR SPYAD NA KHA NA MA THO PA CI 'DRA BA 'GYUR ZHE NA, DE'I PHYIR KHYIM PA NYE DU MA YIN PA LAS BSLANGS PAS YONGS SU BTZAL NA'O ZHES BYA BA SMOS TE, KHYIM PA NYE DU MA YIN PA LAS BSLANGS TE YONGS SU BTZAL NA ZHES BYA BA'I DON TO, ,DE GNYIS NI 'OG MA GNYIS LA YANG NGO ZHES BYA BA NI 'DI'I 'OG MA BSLAB PA'I GZHI GNYIS PO GANG DAG YIN PA DE DAG LA YANG NYE DU MA YIN PA DANG, KHYIM PA NYID CES BYA BA 'DI GNYIS RIG PAR BYA'O ZHES BYA BA'I DON TO, ,THA GA PA DANG, SBYIN PA DANG, GZHAN DAG LA'O ZHES BYA BA NI THA GA PA DANG, SBYIN PA DANG, GZHAN DANG DE RNAMS SO, ,DE DAG NYE DU MA YIN PA DANG, KHYIM PA MA YIN PA RNAMS LA ZHES BYA BA'I DON TO, ,GZHAN GYIS BRJOD PA'I DON LA GZHAN ZHES BYA BA'I SGRAS DE BZUNG BAR RIG PAR BYA'O, ,NYE DU MA YIN PA LTAR NYE DU LAS NI SKYED DANG LHUNG BZED GNYIS MA GTOGS PA LA NYES PA MED DO ZHES BYA BA LA, NYES PA MED DO ZHES BYA BA NI SKYON MED PA'O, ,NYE DU MA YIN PA LTAR ZHES BYA BA NI 'DI NI RGYU MTSAN GYI BDUN PA STE, NYE DU MA YIN

168b

PA'I RGYU MTSAN CAN GYI NYES PA BSOD PA SLONG BA LA SOGS PA GANG YIN PA NYES PA DE LA NYE DU'I RGYU MTSAN NYID KYIS YANG DAG PAR BRTEN BA LA MED PA'O, ,'PHEL BA DOR NAS 'PHEL BA BRTEN PA NYID LA NI 'DI LTA STE, MNGON MTSAN CAN GYI SPYOD PA DANG NYO TSONG GI SPYOD PA DAG GIS RNYED PA GRUB PA DANG LHUNG BZED LA YANG 'DI DAG LA NA SMAD PA NYID CES BYA BA'I DON TO, ,GANG ZHIG NYE DUS BOS PA LA LTUNG BA MED PA'I TSIG GO, ,'DIR GZHUNG NI 'DI YIN TE GCER BU PA LA SBYIN NA NYE DU YIN NA LTUNG BA MED DO ZHES GSUNGS PA GANG YIN PA DANG, ZHU BA LAS KYANG NYE DU LAS ZAS BSOD PA BSLANGS TE RANG ZA BA DANG GCER BU PA LA SBYIN ZHING SDIG PA CAN GYI LTA BA'I RNAM PA DANG BRAL BAR 'DOD PAS SBYIN PAR BYED NA LTUNG BA MED DO, ,NYE DU YIN NA YANG DE BZHIN NO ZHES GSUNGS PA YIN NO, ,ZHAR LAS BYUNG BA BSTAN NAS GANG ZHIG GANG GSUNGS PA, KHYIM PA NYE DU MA YIN PA LAS BSLANGS PAS YONGS SU BTZAL NA'O ZHES GANG SMRAS PA'I LTUNG BA DE'I SKABS SU GTOGS PA BSTAN PA'I PHYIR 'DIR 'DI BRJOD PAR BYA STE, NYES BYAS SO ZHES BYA BA NI 'TSOL BA TZAM LAS NYES BYAS SU 'GYUR ZHES BYA BA'I DON TO, ,DE LAS GRU PA NA DNGOS GZHI'O ZHES BYA BA LA, DE LAS ZHES BYA BA NI KHYIM PA LAS BLANGS PA BTZAL NA THOB PA LA DNGOS GZHI'I KHAN MA THO BAR 'GYUR RO ZHES BYA BA'I DON TO, ,MED PA NYID LA YOD PA'I BLO CAN LA NI NA SMAD PA MED DO ZHES BYA BA NI BDAG LA LHUNG BZED GZHAN YOD DO SNYAM PA'I BLO GANG YIN PA 'DI YOD CING DE'I TSE GAL TE 'TSOL BAR BYED NA RNYED PAR 'GYUR BA DANG YOD PAR 'GYUR BA'I LHUNG BZED DAG GI NANG NAS GZHAN DAG LA MED PA NYID LA NI MED PA STE, DBYE BA LA SOGS PAS 'GYUR NA DE LA LHUNG BA LA NA SMAD PA NYID DE DNGOS GZHI'I LHUNG BA NYID NI MED DO, ZHES BYA BA'I DON TO, ,'DIR GZHUNG NI DGE SLONG 'GA' ZHIG YOD DE LHUNG BZED MCHIS BZHIN DU LHUNG BZED GZHAN LA BSLANGS PAR GYUR LA LTUNG BAR MI 'GYUR BA 'GA' ZHIG MCHIS SAM, BKA' STZAL PA YOD DE, GAL TE BSLANGS PA DAG SNGA PHYI MED PAR LHUNG BZED CHAG PAR GYUR NA LHUNG BA MED DO ZHES GSUNGS PA YIN NO, ,'DIR SPANG BA MED PA LA DGONGS NAS LTUNG BA MED DO ZHES GSUNGS PA YIN PAS SBYOR BA MED PA'I

169a

, ,DGONGS PA CAN NI MA YIN NO, ,'DIR NA SMAD PA'I TSIG GIS DNGOS GZHI'I NYES BYAS SO, ,SBYOR BA LA NI 'DI MA CHOG PA ZHES BYA BA 'DI BSTAN PA'O, ,RANG GI YO BYAD DAG GIS SO, ,DE DAG YOD PA NYID NA YANG NGO ZHES BYA BA NI YO BYAD RNAMS LA NA SMAD PA NYID CES BYA BAR SBYAR RO, ,'DIR GNYIS KA'I YO BYAD RNAMS KYIS LHUNG BZED GZHAN TSOL BAR BYED NA NYES BYAS TE, YOD CING BDOG PA NYID NA LHUNG BZED TSOL BAR BYED NA NYES BYAS ZHES BYA BA'O, ,'DIR YANG DNGOS GZHI'I SLAD DU LTUNG BA MED PAR BSTAN TE SBYOR BA LA NI MA YIN NO, ,RJES SU GNANG BA'I SLONG BA GZHAN LA YANG RANG GI RIN THANG YOD NA 'JUG PA LA NYES BYAS SO ZHES BYA BA 'DI LA RTOGS PAR BYA'O, ,BZANG PO 'DOD PAS BRJE NA YANG NGO ZHES BYA BA NI, LHUNG BZED BZANG PO 'DOD PA LA NI BZANG PO 'DOD PA STE, TSOL BAR BYED PA SNGON DU 'GRO BA CAN GYI BZANG PO DE'I 'DUN PAS BRJE BAR BYED NA LTUNG BA NA SMAD PAR SHES PAR BYA'O, ,BRJE BAS LEN NA LTUNG BA MED DO ZHES BYA BA GANG ZHIG GSUNGS PA NI BZANG BA 'DOD PA MED PAR BRJE BA'I DBANG DU BYAS TE DE RIG PAR BYA'O, ,KHYIM PA NYE DU MA YIN PA LAS BSLANGS TE THOB NA DNGOS GZHI'O, ,MA BSLANGS PAR BTZAL NA SPANGS NAS BRJE BA NYE DU MA YIN PA'I KHYIM PA 'AM GZHAN LA SPANGS TE THOB PAR GYUR PA LA BZANG PO 'DOD PAS KYANG BRJE BA THAMS CAD DU SBYOR BA LA NI NYES BYAS SO, ,BTZAL BA MED PAR BRJE BAS BZANG PO 'DOD PA NYID MED PAR GRUB NA NI LTUNG BA MED DO ZHES BYA BA 'DI 'DIR GNAS PAR RIG PAR BYA'O, ,ZHAG BCU LAS 'DA' BAR BYED PA LA SPANG BA'I LTUNG BYED GZHAN DU SHES PAR BYA'O, ,'DI NI DGE 'DUN LA SPANG NGO ZHES BYA BA NI LHUNG BZED LHAG PA 'DI NI JI LTAR SPANG BA GZHAN GANG ZAG LA NI MA YIN NO, ,CI LHUNG BZED THAMS CAD DGE 'DUN LA SPANG BAR BYA BA YIN NO ZHE NA, MA YIN TE DE'I PHYIR DU MA NYID YIN NA MCHOG TU 'DOD PA GCIG GO ZHES BYA BA SMOS TE, LHUNG BZED LHAG MA DU MA NYID DU YIN NA MCHOG TU 'DOD PA GCIG DGE 'DUN LA SPANG BAR BYA'O, ,'O NA LHAG MA GZHAN SPANG BAR BYA BA 'AM MA YIN ZHE NA, DE'I PHYIR GZHAN NI THAMS CAD KYI THAMS CAD DU SPANG BAR BYA BA NYID YIN NO ZHES BYA BA SMOS TE, GANG DU YIN ZHE NA, DE'I PHYIR RAB TU BYUNG BA 'DI LA'O ZHES BYA BA SMOS SO, ,ZHU BA LAS LHUNG BZED LHAG

169b

MA RNAMS NI DGE SLONG RNAMS LA BGO BAR BYA'O ZHES GSUNGS PA YIN NO, ,DGE SLONG ZHES SMOS PA NI MTSON PA TZAM DU ZAD DE CHOS 'DI LA RAB TU BYUNG BA THAMS CAD KYANG SPYIR BSDU BA'O, ,DE LA THA CHAD SBYIN PAR BYA'O ZHES BYA BA NI SPANGS PA DE NYID LA NI MA YIN NO, ,GZHAN DU NA YANG LHUNG BZED THA CHAD GANG YIN PA DE 'DI LA SBYIN PAR BYA'O, ,'ON TE DE NYID DGE 'DUN DE LA THA CHAD 'BYUNG BAR 'GYUR NA DE NYID LA SBYIN PAR BYA BA NYID DO, ,BRIM PAS BSNYIGS PAR BYA'O ZHES BYA BA NI THA CHAD DE DGE 'DUN DE LAS SO, ,BYED PA PO JI LTA BUS BRIM PAS DGE 'DUN LAS THA CHAD DE BSNYIGS PAR BYA ZHE NA DE'I PHYIR BSKOS PAS SO, , DES SANG DE BYED PAR 'GYUR BA NA TSOGS KYI DUS SU DGE 'DUN LA GZHAL BAR BYA'O ZHES BYA BA SMOS TE, DE ZHES BYA BA NI BRIM PA LA BYA'O, ,DE ZHES BYA BA NI BSKOS PAS SO, ,JI SKAD GZHAL BAR BYA ZHE NA, DE'I PHYIR TSE DANG LDAN PA DAG BDAG SANG LHUNG BZED 'BREL PA MED PA 'DRIM PAR 'GYUR GYIS KHYER CAG RANG RANG GI LHUNG BZED DAG THOGS LA DGE 'DUN GYI NANG DU GSHEGS PAR MDZOD CIG CES SO ZHES BYA BA SMOS TE, LHUNG BZED 'BREL PA MED PA ZHES BYA BA NI LHUNG BZED 'DI AU NA DHA DE 'BREL PA MED PA DANG BYIN GYIS BRLAB PAR BYA BA MA YIN PA DANG, 'CHAG PAR BYA BA MA YIN PA DANG, 'BANGS BZHIN DU SPANG BA DANG BCAS BZHES BYA BA 'DI NI 'DI'I MING NGO, ,'KHOD PA'I DON DU NAN TAN BYA'O ZHES BYA BA NI BSKOS PA NYID KYIS GNYIS KA DAG GI SNGA ROL DU ZHES BYA BA'I MDO 'DI LAS JI SRID DU BSKOS PA LA ZHES BYA BA DBANG DU BYA BA NYID LEN PA DANG MA BLANGS PA ZHES BYA BA 'DI DAG LA SHUGS KYIS LEN PA PO'I BYED PA PO NYID DU RTOGS PAR BYA'O, ,BSNGAGS PA BRTZAM ZHING DBUL BAR BYA'O ZHES BYA BA NI, DES LHUNG BZED KYI DBANG DU BYA BA STE, RNAM PA JI LTA BU'I BSNGAGS PA BRTZAM ZHING DBUL BAR BYA ZHE NA DE'I PHYIR GNAS BRTAN LHUNG BZED 'DI NI SHIN TU GSAL BA DBYIBS LEGS PA LONGS SPYAD BZOD PA LAGS KYI GAL TE BZHED NA SNOMS SHIG CES SO ZHES BYA BA SMOS TE, CI 'DI LTA BU NYID THAMS CAD LA BRJOD PAR BYA 'AM ZHE NA DE'I PHYIR YON TAN JI LTA BA BZHIN DU'O ZHES BYA BA SMOS TE, 'DI NI DPE YIN NO, ,GANG LA YON TAN GANG DANG GANG YOD PA DE DANG DE DAG LA BRJOD PAR BYA ZHES BYA BA'I DON TO, ,'DOD NA BLANG BAR

170a

, ,BYA'O ZHES BYA BA NI 'DOD PA YOD NA GZUNG BAR BYA'O, ,MED NA NI MA YIN ZHES BYA BA'I DON TO, ,BAR DU CHOD PAS BLANGS PA BLANG BAR MI BYA'O ZHES BYA BA NI 'DIR GCIG GIS BAR DU CHOD PA NYID NI BRTEN PA'O, ,GANG GI PHYIR GSUM PAS BLANGS PA NA DU MAS BAR DU CHOD PA NYID LA NI SHIN TU YANG BLANG BAR MI BYA BA NYID DU BYA'O ZHES BYA BA 'DI BRJOD DO, ,SLONG BA YOD NA TSIG GNYIS PA LA NI MI SBYIN ZHING GSUM PA LA NI MA YIN NO ZHES BYA BA NI TSIG GSUM PA LA NI MI RIGS PA MA YIN NO, ,'BREL PA MED PAR SHIN TU 'DA' BAR BYED NA ZHES BYA BA 'DI TZAM NI 'DIR RGYU MTHONG BA YIN TE, DE BAS NA GSUM PA'I TSIG LA CI NAS KYANG SBYIN PAR BYA BA NYID DO, ,LTUNG BA BYUNG BA LA SPANG BAR MI BYA BA NYID DANG BYIN GYIS BRLAB PAR MI BYA BA NYID DAG GO BAR BYA'O ZHES BYA BA NI BYIN GYIS BRLAB PAR YANG MI BYA BA NYID DANG, SPANG BAR MI BYA BA NYID CES BYA BA 'DI LTAR BSKOS PAS LTUNG BAR 'GYUR BA LA GO BAR BYA'O ZHES BYA BA'I DON TO, ,NYE BAR SPYOD PA LA MA CHAG GI BAR DU DAL BU NGAL BUS SPYOD CIG CES SO ZHES BYA BA NI LTUNG BA LA GO BAR BYA ZHES PA NYID DU RIM GYIS DAL BU DAL BUS YONGS SU LONGS SPYAD PAR BYA STE, JI SRID DU NAM CHAG PA'I MTHAR THUG GI BAR DU BZUNG NAS ZHES BYA BA 'DIS 'DI BSDUS PA'O, ,'DIR 'CHANG BA'I NYES PA SKYES PA MED DO ZHES BYA BA'I CHO GA 'DI NYID KYI PHYIR RTOGS PAR BYA'O, ,DE GNYIS KAS KUN DU SPYAD PAR BYA'O ZHES BYA BA LA GNYIS KAS ZHES BYA BA NI LHUNG BZED DAG GIS SO, ,DES ZHES BYA BA NI LTUNG BA BYUNG BAS DE KUN DU SPYAD PAR BYA'O, ,'DI'I CHAD PA'I LAS NI 'DI LTA STE, LHUNG BZED GZHAN LA DAD PAS GCOD PA'I DON DU'O, ,DE LA YO BYAD CHES BZANG PO NGES PAR SBYAR BAR BYA'I ZHES BYA BA NI GANG 'DI THA CHAD 'DI LTA BU BYUNG NAS 'DI LA SBYIN PA DE LA LHUNG BZED KYI SNOD DANG KHA G-YOGS LA SOGS PA YO BYAD CHES BZANG PO NGES PAR SBYAR BAR BYA BA'O, ,SPYOD PA NI CHES YANG BA'O ZHES BYA BA NI BSOD SNYOMS BLANG BA LA SOGS PA LA NGES PAR SBYAR BAR BYA'O, ,ZAS KYI BYA BA NYID LA NI MI BYA BA KHO NA'O ZHES BYA BA NI ZAS BZA' BA'I BYA BA BSGRUB PA NYID LA NI 'DI NGES PAR SBYAR BAR MI BYA BA KHO NA'O, ,LHUNG BZED TSOL BA'I SPANG BA'O,, ,,GANG DU 'THAG TU 'JUG PA'I SPANG BAR 'GYUR ZHE NA,

170b

DE'I PHYIR RIN THANG MED PAR BSGO BAS SAM GZHAN GYIS KYANG 'THAG TU BCUG NA'O ZHES BYA BA SMOS TE, KHYIM PA NYE DU MA YIN PA ZHES BYA BA SNGAR BSTAN PA'I RIN THANG MED PAR NGAG GIS BSGO BAS 'THAG TU BCUG NA DNGOS GZHI'I LTUNG BAR 'GYUR RO, ,RANG GIS BSGO BA GCIG PUR MA ZAD KYI 'ON KYANG PHO NYA LA SOGS PA GZHAN GYIS KYANG 'THAG TU BCUG NA DNGOS GZHI'I LTUNG BA KHO NA'O, ,PHAN TSUN BRGYUD NAS BYED DU BCUG NA NA SMAD PA'I TSIG LA DMIGS KYIS BSAL BA'O, ,'DI GLENG GZHI LAS 'DI SHES PA YIN TE, BLANGS PA'I SKUD PA NYID 'DI LA MA CHOG PAR SPONG BA STE, DGE SLONG GIS NYE DU LA SKUD PA BLANGS NAS THA GA PA NYE DU MA YIN PA LA 'THAG TU BCUG NAS SLONG BA PO DE LA NI LTUNG BA MED LA THA GA PA NYE DU MA YIN PA LA 'THAG TU BCUG PA NI SPANG BA'I LTUNG BYED DU 'GYUR RO ZHES GSUNGS PA YIN NO, ,GZHAN NYID DANG BCAS PA LA NI DE LA BYAS PA NYID MA YIN NO ZHES BYA BA NI GZHAN DANG LHAN CIG TU GANG GIS GANG BYED PA DE NI DES MA BYAS PAR GYUR PA MA YIN NO ZHES BYA BA'I DON TO, ,NYE DU DANG NYE DU MA YIN PA GNYIS KA LAS 'THAG TU BCUG NA YANG NYE DU'I PHYIR LTUNG BA MED KYI NYE DU MA YIN PA'I DBANG GIS SPANG BA'I LTUNG BYED DU 'GYUR RO, ,BDAG NYID DANG NYE DU MA YIN PAR BCAS PAS BDAG NYID LA DGOS PA NYID BYA BA'I PHYIR DGE SLONG BZO BYED PA LA NYES BYAS ZHES BYA BA GSUNGS PA GANG YIN PA DE 'DIS BSDUS PA YIN NO, ,RIN BYIN PA DANG MA BYIN PA GNYIS KA LA 'THAG TU BCUG NA YANG CHO GA 'DI RNAM PAR GZHAG PA'O, ,'DI YANG 'DIS BYE BRAG YONGS SU MA BZUNG BA'I PHYIR BSDUS PA'O, ,'THAG TU BCUG PA'I SPANG BA'O,, ,, 'THAG PA SKYED PA DANG 'PHEL BAR 'GYUR BA'I SPANG BA'I YAN LAG GANG DAG BYED PA POR GYUR PA DE DAG GANG ZHE NA, DE'I PHYIR BTAGS PAR BYA BA BSAMS PA LAS BYUNG BA NYID DO ZHES TE, BSAM PA DGOS PA 'DI LA YOD PAS NA SEMS PA'O, ,DE'I DNGOS PO SEMS PA LAS BYUNG BA'O, ,DE'I ZHES BYA BA 'DIS NI LTUNG BA BZUNG BA'O, ,KHO LAG CHE BA NYID DANG 'BRAS BZANG BA NYID LA THA GA PA NGES PAR SBYAR BAR BYA'O ZHES BYA BA NI RING BA NI 'DI TZAM ZHENG CHE BA NI 'DI TZAM ZHES BYA BA KHO LAG CHE BA NYID LA 'DI NGES PAR SBYAR BAR BYAS PA'O, ,GOS GZHAN 'DOD PA MA YIN PA LA SBYIN PA POS DON GYIS BSGRUB PA'O, ,GANG

171a

, ,ZHIG KHO LAG CHE BA NYID LA TSE DANG LDAN PA THA GA PA NYID LA GOS 'DI ZHENG CHE BA DANG KHRUN RING BA DANG THAR GYIS ZHAG PA DANG THAG RAN BZANG BA LEGS PAR GYIS SHIG CES GSUNGS PA YIN NO, ,THAG RAN BZANG BA DANG BYER ZUG SNYOMS PA DANG SHAS BZANG BA DANG SANG SENG MED PA ZHES BYA BA RNAM PAR BSHAD PAR SBYAR RO,, ,,'DIR DON LHAG PAR BSGRUB PA NI SKYON YIN TE, 'DIR DON LHAG PAR 'GYUR RO ZHES BYA BA GTZO BO NYID DU SHES PA'O, ,GAL TE SBYIN BDAG GI ZAD NA'O ZHES BYA BA NI GAL TE DE 'DI LTAR THA GA PA LAS NGES PAR SBYAR BA 'THOB PA NA SBYIN BDAG GI SKUD PA LA SOGS PA ZAD PAR GYUR NA GZHAN LA BLANGS PAS GRUB PA NI 'DIR SKYON YIN TE DE BAS NA ZAD PA MED PA LA 'DI MED PA'O, ,'DIR 'THAG PA BSKYED PAS NI RIN SKYE LA RIN SKYES PA NI SBYIN BDAG GI ZAD PAR 'GYUR BAR RIG PAR BYA'O, ,RNGAN PA MA BYIN PA YANG NGO ZHES BYA BA NI DE LTAR YANG TSE DANG LDAN PA THA GA PA 'DI LTAR KHO BOS GLA RNGAN CUNG ZAD NYID BSGRUB PAR BYA'O ZHES BYA BA RANG GIS KYANG 'DIR 'BRAS BZANG PA'I DON DU 'DIR RIN SBYIN PA LA 'DIR MI SDOD PA SRID PA'O, ,MI SDOD CING NYO BA MED PAR YANG BLANGS PAS KHO LAG CHE BA NYID DAM 'BRAS BZANG BA NYID DU MI 'GYUR TE, NYE BAR BSGRUB PA 'DI YANG 'TSONG BA MED PAR BLANGS PA LA SKYE BAR 'GYUR RO, ,BLANGS PAS GZHAN LA BSGRUBS PAS TE 'DI'I DON DU MDO 'DI SMRAS SO, ,'DOD PA'I TSONG BA MED PA 'DIR RKU BA LA YANG BSKYED PAR RIG PAR BYA'O, ,SBYIN PAR BYED PAS DE'I DON DU RJES SU MA GNANG BA LTA BU NI BYED PA PO DAG YIN NO ZHES BYA BA NI, 'DI RJES SU MA GNANG BA KHO LAG CHE BA NYID DANG 'BRAS BZANG BA NYID LA 'DI'I DON ZHES BYA BA DE'I RJES SU MA GNANG BA LTUNG BA'I BYED PA PO 'AM GOS DE'I DNGOS PO NI DE NYID DO, ,SUS RJES SU MA GNANG BA ZHES BYA BA SMOS PA LA SBYIN PAR BYED PA POS ZHES BYA BA'I TSIG GO, ,KHAS BLANGS PA LEN PAR MI BYED CING RIN THANG LA 'JUG PAR MI BYED NA SBYIN BDAG MA YIN PA YANG 'DIR SBYIN PA POR 'GYUR RO, ,DE BAS NA DE LA 'DIS MA BZUNG BA NYID DO, ,BLANGS PAR GYUR PAS RJES SU GNANG BA GANG YIN PA DE LA BLANGS PA BSGRUB PA LAS LHAG PA MA YIN NO, ,DE LA YANG 'DIR SKYON NYID CES BYA BA 'DIR BRJOD PA LA GO BAR GYUR PA'O, ,DE BAS NA

171b

BLANGS PA MED PAR RANG DAD PAS MGRON DU GNYER BA MA YIN NA RJES SU GNANG BA GANG YIN PA DE 'DIR BZUNG BA ZHES BYA BAR RTOGS PA'O, ,'DIR GZHUNG NI 'DI LTAR BCOL BA'I MDUN ROL DU SNGAR RJES SU MA GNANG NA ZHES GSUNGS PA'O, ,YAN LAG 'DI RNAMS NI LTUNG BA'I BYED PA PO YIN NO, ,'DI RNAMS NI GANG DU STE JI LTA BU 'THAG PA'I BSLAB PA'I GZHI KHA NAM THO BA'I BYED PA PO RNAMS SHE NA, GRUB PA NA DNGOS GZHI'O ZHES BYA BA SMOS TE, GOS GRUB PA'I GNAS SKABS NA DNGOS GZHI'I LTUNG BA'O ZHES BYA BA'I DON TO, ,MDUN ROL DU DE'I PHYIR BSAMS PA LAS BYUNG BA RJES SU BSGRUB PA THA DAD PA NI NYES BYAS KYI'O ZHES BYA BA NI GOS GRUB PA'I MDUN ROL DU'O, ,PHYIR ZHES BYA BA NI GCIG DANG GCIG TU 'DI DANG 'BREL PA'I BSEMS PA LAS BYUNG BA RJES SU BSGRUB PA LA NYES BYAS KYI BYED PA PO RNAMS TE, DE'I BSGRUB PA LA BRTEN NAS JI SRID DU RTZOM PA GCIG TU GYUR PA'I RJES SU BSGRUB PA DE SRID DU 'DIR GCIG RJES SU BSGRUB PA NYID KYIS MNGON PAR BRTEN PA ZHES BYA BA SHUGS KYIS SHES PAR BYA'O, ,'DIR GZHUNG NI DGE SLONG CHOS GOS KYI DON DU JI TZAM DU CUNG ZAD LAG PA DAG 'KHRU BAR BYED PA DANG, LHUNG BZED 'KHRU BAR BYED PA DANG 'GRO BA DANG 'ONG BA DANG BSOD SNYOMS THOB NAS THA GA PA LA SBYIN PAR BYED NA THAMS CAD DU NYES BYAS SU 'GYUR RO, ,GOS GRUB NA NI SPANG BA'I LTUNG BYED DU 'GYUR RO ZHES GSUNGS PA YIN NO, ,'DIR YANG DANG YANG DU 'DOD PA CAN JI TZAM CUNG ZAD CES BYA BA DANG, THAMS CAD CES BYA BA'I TSIG NI RNAM PAR GNAS PA YIN TE, ,LAG PA 'KHRU BA LA SOGS PA BSGRUB PAR 'DOD PA NI MA YIN NO, ,'DI RNAMS LA RTZOM PA GCIG NYID DU GYUR PA'I PHYIR ZHES BYA BA DE LTAR GSUNGS SO, ,MA BSGO BAS NYE BAR 'GRO BA NI DE NYID DO ZHES BYA BA LA, DE NYID DO ZHES BYA BA NI NYES BYAS SO, ,BDAG GI DON BSGRUB PA MA BSGO BAR DGA' BA TZAM GYIS NYE BAR 'GRO BA GANG YIN PA DE NI 'DIR BZUNG BA STE, GZHAN LA SNGAR BSTAN PA LAS LHAG PA MED PA'I PHYIR RO, ,'DIR GZHUNG NI ZHU BA LAS, DGE SLONG GI PHYIR KHYIM PAS GOS 'THAG TU BCUG NAS DGE SLONG DE YANG NYE BAR 'GRON THA DAD PAR MI BYED KYANG NYES BYAS SU 'GYUR RO ZHES GSUNGS PA YIN NO, ,'THAG TU 'JUG PA DANG 'THAG PA

172a

, ,BSKYED PA'I SPANG BA'O,, ,,'PHROG PA'I SPANG BA LA YAN LAG GANG DAG BYED PA PO GANG YIN ZHE NA, DE'I PHYIR DBRAL BAR BYA BA DGE SLONG NYID DO ZHES BYA BA SMOS TE, GANG LAS GOS PHROG PAR BYED PA DE DGE SLONG NYID YIN NA'O, ,DBROG PAR BYA BA RANG GI NYID MA YIN NO ZHES BYA BA NI 'DI RANG GIS BYIN PA LA 'DIR GAL TE 'DI BA ZUNG NA DBROG PA'I NYES PAR 'GYUR RO, ,BDE BLAG TU GZHAN GYIS BYIN PA LA NYES PA 'DI LA GZHAN GYIS DBYUNG BAR BYA BA NYID GSUNGS PA KHO NA STE, DON LA NI MA YIN TE SBYIN BDAG GI CHIG GI SPANG BA BRJOD PA'I PHYIR RO, ,DE'I RANG GIS BYIN PA ZHES BYA BA 'DIR GZUNG BAR BYA BA MA YIN NO, ,RKU BA'I SEMS MED PA LA RANG GIS BYIN PA GZHAN GYIS DBROG PA LA KHA NA MA THO BA 'DIR 'GYUR RO, ,YOD PA LA NI MA SBYIN PAR LEN PAR 'GYUR RO, ,'DIR TSE DANG LDAN PA KUN DGA' BO LA RANG GI BLOS ZHUGS PAR GYUR TE, KHYOD LA BDAG GIS MI SBYIN ZHES BYA BAR GSUNGS PA'I PHYIR RO, ,DE GOS NYID YIN NA'O ZHES BYA BA NI GLENG GZHI LAS DBROG PAR BYA BA THAMS CAD LA DGE SLONG GI YO BYAD LA DNGOS GZHI'I LTUNG BA BYED PA NYID DU GSUNGS TE, SHIN TU LCI BA YANG 'DIR 'JUG PA SPANGS PA NYID TZAM NI 'DIR LHAG PA STE LTUNG BA LA BYE BRAG CUNG ZAD KYANG MED DO, , 'DIR NI SLAR SBYIN PAR BYA BA NYID SPANG BA NYID DE 'DI YANG LTUNG BA MED PA LA YANG DNGOS PO LA GZHAN NYID KYI PHYIR 'DIR BYAD PA'I RIGS PA NYID DE DE BAS NA DPE 'DI NI GLENG GZHI'I DBANG GIS BZUNG BA'O, ,DGE SBYONG GI YO BYAD THAMS CAD LA YANG BYED PA PO NYED CES BYA BA RTOGS PAR BYA'O, ,DE'I 'AM DES BSKOS PA'I LUS SAM NGAG BSDUS PA 'AM THA DAD PA DAG GIS DBROG PA'I DON DU ZHUGS PA LTA BU NI BYED PA PO YIN ZHAS BYA BA LA, BSDUS PA 'AM THA DAD PA ZHES BYA BA NI 'DI DAG LA SO SOR LTUNG BA MED DE 'DIR GNYIS PO 'DI DAG NYID LA YOD PA NYID CES BYA BA 'DI'I 'DI BSTAN PA'O, ,DE'I ZHES BYA BA NI LTUNG BA 'BYIN PAR BYED PA'I 'O, ,'DIR GZHAN BYED DU 'JUG PA 'AM BYAS PA LAS BYE BRAG CES BYA BA 'DI BRJOD PA'O, ,'DIR KHA NA MA THO BA JI LTA BU GANG GI PHYIR BYED PA PA DAG YIN ZHE NA, DE'I PHYIR LUS LAS THA DAD PA'I DNGOS POR GYUR PA MTHAR THUG PA NA MTHA'I'O, ,SBYOR BA LA NI NYES BYAS KYI'O ZHES

172b

BYA BA SMOS TE, 'DIR DBRAL BAR BYA BA BSTAN PA GANG YIN PA DE'I LUS GANG YIN PA DE LAS THA DAD PA'I MTHAR THUG PA LA DNGOS GZHI'O, ,SBYOR BA LA NI NYES BYAS ZHES BYA BA'I DON TO, ,DE'I PHYIR SBYIN PAR BYA BA NYID DO ZHES BYA BA LA, DE NI ZHES BYA BA NI DBROG PA DE'O, ,'DIR NI 'JU BAR 'OS PA NYID MA YIN TE ZHES BYA BA NI GNYIS KA BSTAN PA'O, ,'DIR GZHUNG NI LHAG MA YOD PA THAMS CAD SLAR BYIN CES GSUNGS PA YIN NO, ,'DI LA RANG GI DON NYID YAN LAG MA YIN NO ZHES BYA BA NI 'DIR DGE SLONG LA BRAL BA TZAM NI GTZO BO STE BDAG TU BYA BA NI MA YIN NO, ,RANG GI DON DANG GZHAN GYI DON DU ZHES BYA BA KHYAD PAR LA MI BSTEN PA'I DBROG PA'O, ,DE BAS NA GZHAN NGES PAR SBYOR BAS BRAL BA LA 'DIR DNGOS GZHI'I KHA NAM THO BA NYID CES BYA BA GSUNGS PA YIN NO, ,RDZOGS PAR MA BSNYEN PA LA NI SKROD PA DANG 'DRA'O ZHES BYA BA NI 'DIR SKABS MA YIN ZHES BYA BAS 'DIR ZHES BYA BA'I SGRA 'DI LA; 'DI ZHES BYA BA YONGS SU GYUR PA LA 'BREL PA'O, ,'DI SKROD PA NI DPER NA GTZUG LAG KHANG NAS SKROD PA LA DGE SLONG MA LA SOGS PA RNAMS LA SKROD PAR BYED PA NYID DANG BSKRAD PAR BYA BA NYID LA NYES BYAS SU GSUNGS SO, ,KHYIM PA RNAMS KYANG SKROD PAR BYED PA NI BSOD NAMS MA YIN PA MANG DU 'PHEL BAR 'GYUR BA DE BZHIN DU 'DI YANG 'DI RNAMS LA KHA NA MA THO BA ZHES BYA BA'I DON TO, ,DE LTAR YANG 'DIR DGE SLONG MA LA SOGS PA RNAMS LA DBROG PA NYID LA GZHUNG NI DGE SLONG MA DANG DGE TSUL DANG DGE TSUL MAS NI NYES BYAS KYI LTUNG BAR 'GYUR RO, ,KHYIM PA DANG KHYIM PA MOS NI BSOD NAMS MA YIN PA MANG DU 'PHEL BAR 'GYUR RO ZHES GSUNGS PA YIN NO, ,'PHROG PA NI RNAM PA GSUM STE, RANG GI NYID SEL BAR GYUR PA DANG GZHAN NI RNAM PA GNYIS TE, BLO GROS NGAN PAS BYAS PA DANG, RIGS DON GYI DBANG DU BYAS PA'O, ,DE LA BLO GROS NGAN PA NI BLO GROS 'DE NI LEGS PA MA YIN TE, MCHOG MA YIN PA DANG LHAG PA'I CHOS SU GYUR PA NI MA YIN NO, ,DE LTAR GANG ZHIG GRANGS SU 'GRO BA DES SO, ,'DE LTA STE YI CHAD PAR GYUR CIG ,GNOD PAR GYUR CIG ,MTHU BRTAN PAR GYUR CIG ,STOBS NYE BAR GNAS PAR GYUR CIG CES 'DIS 'DI BYA STE SBYIN PAR BYA'O

173a

, ,ZHES BYA BA LTA BU STE, DE LA CI THAMS CAD RNAM PA GSUM PO 'DIR RTOGS PAR BYA BA 'AM 'ON TE THAMS CAD MA YIN, GANG DU 'DIR CI ZHIG RTOGS PAR BYA ZHE NA, DE'I PHYIR 'DI NYID BRJOD PAR BYA BA STE, DE'I PHYIR RANG GI NYID SEL BAR GYUR PA'I 'PHROG PA 'DIR BSDUS PA YIN NO ZHES BYA BA SMOS TE, 'DIR ZHES BYA BA BSLAB PA'I GZHI LA'O, ,DBRAL BAR BYA BA'I CHOS GOS KYI THA MA LAS DE BSAL BAR GYUR PA 'DIR 'PHROG PA BZUNG BA GANG YIN PA DE'I DON DU 'JUG PA LA 'DIR SBYOR BA LA NYES BYAS SU BRJOD DO, ,MTHAR NI DNGOS GZHI'O ZHES BYA BA'I DON TO, ,'DIR GZHUNG NI DGE SLONG GOS 'O NA CIG KHYOD LA MI SBYIN NO ZHES GSUNGS PA YIN NO, ,BLO GROS NGAN PAS BYAS PA NI RJES SU 'PHROD PA YIN NO ZHES BYA BA NI YI CHAD PAR GYUR CIG CES BYA BA BLO GROS NGAN PAS 'PHROGS PA GANG YIN PA BYED PAR GYUR PA NI RJES SU 'PHROD PA NYID YIN NO, ,RJES SU 'PHROD PA NYID KYI PHYIR 'DIR NYES BYAS RTOGS PAR BYA ZHES BYA BA'I DON TO, ,GNOD PA DANG MI PHAN PAR BYED PA LA 'JUG PA'I GEGS BYA BA'I PHYIR NI LTUNG BA MED DO ZHES BYA BA NI GNOD PA BYED PA'I PHYIR 'JUG PA LAS TE, MI PHAN PAR BYED PA'I PHYIR RAM GEGS BYA BA'I PHYIR 'PHROG PA LA LTUNG BA MED DO, ,'DIR GZHUNG NI DON GZHAN DANG 'DUL BA'I YO BYAD KYI PHYIR NI LTUNG BA MED PA'I TSIG CES BYA BA'O, ,GNYIS PO 'DI LAS GZHAN DU LTUNG BA 'BYUNG BAR 'GYUR RO, ,'PHROG PA'I SPANG BA'O,, ,,DGON PA PA'I CHOS GOS GCIG LA NI 'JIGS PA DANG BCAS PA NYID YIN NA GRONG YANG RANG GI GNAS DANG 'DRA'O ZHES BYA BA NI DGON PA NI 'DIR GNAS TE ZHES BYA BA NI DGON PA PA ZHES BYA BA'I TSIG GIS RTOGS PA'O, ,'DIR LOR MA TSANG BA NYID NI 'DI'I BYE BRAG TU BYUNG BA YIN NO, ,RNAM PAR 'BYED PA LAS KYANG 'DI'I DON GSUNGS TE, LO PHYI MA LA NYE BAR 'BREL PAR 'GYUR TE, DE NI 'DIR RTEN PA MA YIN NO, ,GANG GI PHYIR 'DI LA LTUNG BA BSTAN PA'I GNAS SKABS SU YANG DAG PAR BRTEN PA YOD PA MA YIN NO, ,'O NA CI'I PHYIR DE BZUNG ZHE NA, GLENG GZHI'I DBANG GIS SKABS MA YIN PAR GYUR PA'I DON RNAMS LA YANG BZUNG BA RNAMS YOD PAR 'GYUR TE, 'DI LTA STE DPER NA RANG GIS BLANGS PA'I SKUD PA'I ZHES BYA BA DANG GCIG TU GOS ZHES BYA BA GANG GI PHYIR DER 'BRAL PA'I NYES PA

173b

BSKYED PA'O, ,CHOS GOS GCIG LA NI ZHES BYA BA GANG GI PHYIR DER 'BRAL BA'I NYES PA BSKYED PA'O, ,GRONG ZHES BA NI GANG ZHIG DGON PA DE'I SPYOD YUL DU GYUR PA'I ZHES BYA BA SHUGS KYIS RTOGS PA'O, ,'DIR GZHUNG NI DE BAS NA CHOS GOS GSUM LAS GANG YANG RUNG STE, CHOS GOS KHYIM GYI NANG DU GZHAG PAR BYA'O ZHES GSUNGS PA YIN NO, ,DON GYI DBANG GIS GRONG GZHAN DU 'DUG PA DE LAS ZHAG DRUG TSUN CHAD DU DBRAL BAR BYA'O ZHES BYA BA LA 'DIR DBRAL PAR BYA BA NI 'DUG PA'I GNAS DANG, GRONG DE'I PHYI ROL GYI NYEN KOR DU SKYA RENGS SHAR BA'O, ,DE LAS ZHES BYA BA NI CHOS GOS GCIG LAS SO, , DES ZHES BYA BA NI DGON PA PA STE, GANG ZHIG 'DI'I GRONG DU BRJOD PA 'DI LA DE RNAM PA GZHAN GYIS GRONG KHYER GZHAN DU 'DUG PA ZHES BYA BA'I THA TSIG GO, ,SKYABS DANG BCAS PA NYID DANG DBEN PA'I GNAS YONGS SU BZUNG BA'I DON DU'O, ,DON GYI DBANG GIS ZHES BYA BA NI, CHOS DANG LDAN PA'I DGOS PA'I DBANG GIS SO, ,ZHAG DRUG TSUN CHAD CES BYA BA NI NYIN MTSAN DRUG PA TSUN CHAD DU'O, ,LHAG PA LA NI BAG YANGS MED DO ZHES BYA BA NI ZHAG DRUG PA LAS LHAG PA 'DIR BRAL BA'I CHO GA LA 'JUG PA ZHES BYA BA'I DON TO, ,BAG YANGS KYI DBANG GIS DUS THAMS CAD DU 'DIR NYES PA DANG BRAL BA NYID DU NGES PA LA 'DI GSUNGS SO, ,DE'I PHYIR 'DI LA BSLAB PA'I GZHI KHONGS SU BSDU BA NYID KYIS BGRANG BA'O, ,'DI LA NI DE'I PHYOGS GCIG TU GYUR BA NYID DO, ,BAR CHAD KYI DBANG GIS MA 'ONGS PA LA NYES PA MED DO ZHES BYA BA NI, BAR CHAD KYI DBANG GIS MA 'ONGS PA LA LHAG PAR YANG BAG YANGS DANG BRAL BA'I CHO GA LAS ZHES BYA BA'I DON TO, ,'DIR BTZUN PA DGE SLONG DGON PA BAS GRONG GZHAN DU CHOS GOS BZHAG STE BGYI BA 'GA' ZHIG GI SLAD DU MTSAMS KYI SLAD ROL DU MCHI ZHING DE NYID DU SLAR BZLOG PAR BGYI'O SNYAM PA LAS GAL TE DE LA BAR CHAD 'GA' ZHIG BYUNG NAS SLAR MCHI BAR RNGO MA THOGS NA CHOS GOS DE DANG 'BRAL ZHES BGYI BA LAGS SAM, NYE BA 'KHOR MI BYA'O ZHES GSUNGS PA YIN NO, ,KHA CIG 'DI LTAR RNAM PAR RTOG STE DGE SLONG DAG GIS ZHAG DRUG PHYI ROL DU 'GRO BAR BYA'O SNYAM DU BRNAG PA SNGON DU BYAS TE PHYI ROL DU 'GRO ZHING ZHAG LAS 'DAS PA LA NI 'BRAL BA'I NYES PA MED PA YIN GYI, GAL

174a

, ,TE DE LTAR BRNAG PA MA BYAS PAR NYIN GCIG GAM MTSAN GCIG 'GRO BAR BRNAGS TE SONG BA LAS ZHAG DRUG 'DAS PA DE LA NI NYES PA KHO NAR 'GYUR SNYAM DU RTOG PA DAG YONG PAS DE BSAL BA'I PHYIR 'DIR ZHAG DRUG TU 'GRO BA HA CANG THAL PA NYID LA NI BRNAG PA YAN LAG MA YIN NO ZHES BYA BA SMOS TE; 'DIR ZHAG DRUG TU 'GRO BA'I DUS DE LA BRNAG PA BYAS NAS ZHAG DRUG 'BRAL BAR GYUR PA LA NYES PA MED CES BYA BA NI 'DIR RNAM PAR GZHAG PA YOD PA MA YIN TE, JI LTAR YANG RUNG BAR 'GRO BA LA NYES PA MED CES BYA BA'I DON TO, ,ZHAG DRUG NA 'BRAL BA'I SPANG BA'O,, ,,BDAG NYID GNAS PAR KHAS BLANGS PAS KHAS BLANGS PA'I NYIN MO'I ZLA BA SNGA MA'I DANG PO TSUN CAD NAS DBYAR GYI RAS CHEN PA BTZAL BAR BYA'O ZHES BYA BA NI GANG 'DI'I LTUNG BA KHAS BLANGS PA'I NYIN MO NI KHAS BLANGS PA'I ZHAG GANG ZHIG 'DIS NYE BAR 'KHOR BA'I PHYIR SNGA MA'AM PHYI MA 'AM MNGON PAR 'DOD PA'I NYI MA'O, ,DE'I SNGA MAR GYUR PA'I ZLA BA GANG YIN PA DE'I DANG PO GANG ZHIG DE DANG POR BYAS NAS ZHES BYA BA'I DON TO, ,DBYAR GNAS PA'I ZLA BA PHYED KYI MTHAR DE GZUNG BAR BYA'O, ,RANG GI SNGA MA 'AM PHYI MA KHAS BLANGS PA'I DBANG GIS 'DI'I DBYAR GNAS PA'I GANG ZHIG RNAM PAR GNAS PA DE RNAMS LAS LHAG PAR GYUR PA'I ZLA BA PHYED GANG YIN PA DE'I THA MA'I DUS KYI BAR 'DZIN PAR ZHES BYA BA'I DON TO, ,GRUB PA'I SKAD CIG MA TSUN CHAD NAS DON GYIS GO BA'O, ,SKYA RENGS SHAR BA NI NYIN MO LA SOGS PA'I PAR RO, ,DE BAS NA TSES BCU DRUG LA SKYA RENGS SHAR BA LA 'DRI LTUNG BYED DO, ,DBYAR GYI RAS CHEN RNAMS 'DIR BZUNG BA STE, LO DUS RNAMS LA NI MA YIN NO ZHES BYA BA NI RANG GI SGRAS RTOGS PAR BYA'O, ,'DIR MDO NI ZLA BA PHYED KYIS LHAG PAR DBYAR GNAS PA RNAMS KYIS BYA STE BCANG BAR BYA ZHES BYA BA'O, ,'DI'I RNAM PAR 'BYED PA NI ZLA BA PHYED DGOS PA ZHES BYA BA DBYAR GNAS BYAS TE ZLA BA PHYED KYI LHAG MA NI LHAG PAR GYUR PA 'CHANG BA'I DUS NA BCANG BAR BYA ZHES BYA BA'I MDO'I TSIG 'DI LA DON 'DI'O, ,YI GE KHA CIG LAS 'DI SHIN TU BSAL BAR BRJOD PA YIN TE, BTZUN PA RE ZHIG DGE SLONG GIS DBYAR GYI GOS RAS CHEN RUNG BA MA YIN PA 'CHANG BAR BYED DE, LHAG MA ZLA BA PHYED DANG LNGA LAS LHAG NA CI LTUNG BAR 'GYUR RAM NYES BYAS

174b

SU 'GYUR RO ZHES BYA BA'I DON TO, ,DON MA YIN PA LA YANG 'DI LTAR DUS SU 'CHANG BA SKYED PAR 'GYUR BA 'DI NI MI RIGS PA MA YIN TE, GANG GI PHYIR 'DI MYUR BA ZHES BYA BA NYID DU 'JUG PAR RIGS PA MA YIN NO, ,GANG ZHIG CHO GA 'DI LAS 'DA' BAR BYED PA LA KHA NA MA THO BA DE BSTAN PAR BYA STE, DE'I PHYIR SNGON DANG PHYI MA GNYIS LAS DE MA YIN PA'I DUS NI BYED PA PO NYID DO ZHES BYA BA SMOS TE, BTZAL BA'I DUS DANG BCAS PA JI LTAR BSTAN PA LAS SNGA MA DANG PHYI MA'I DUS DE DAG GI DUS LTUNG BA'I BYED PA PO NYID CES BYA BA'I DON TO, ,GANG DU PHYI MA LA BYED PA PO NYID GANG DU SNGA MA LA YIN ZHE NA, DE'I PHYIR GZHAN DU 'CHANG BA LA'O ZHES BYA BA SMOS TE, RIGS PA LAS MA 'DAS PA'I 'CHANG BA'I DUS LAS GZHAN PA'I DUS TE, DE 'CHANG BA YOD PA LA DNGOS GZHI'I KHA NA MA THO BA'I BYED PA PO NYID YIN NO, ,SNGAR BTZAL BA LA NI NYES BYAS KYI'O ZHES BYA BA NI BTZAL BA'I DUS SNGAR BSTAN PA BAS GANG ZHIG GZHAN NI DUS TE; DE BTZAL NA BTZAL BA TZAM LA NYES BYAS 'DI LA BYED PA PO NYID MA YIN NO, ,DA NI DNGOS GZHI LA DU YIN ZHE NA, DE'I PHYIR GRUB NA MTHA'I'O ZHES BYA BA SMOS TE, GANG GI TSE BTZAL BAR GYUR PA LA DE GRUB PAR GYUR NA DE'I TSE DNGOS GZHI ZHES BYA BA'I DON TO, ,RNYANG RNYING LA NI NA SMAD PA MED DO ZHES BYA BA NI 'DIR GZHUNG NI ZHU BA LAS, DBYAR GYI GOS RAS CHEN RNYANG RNYING DU GYUR PA ZHIG ZLA BA PHYED DANG LNGA LAS LHAG PAR 'CHAD NA NYES BYAS SO, ,DE BZHIN DU DBYAR GYI GOS RAS CHEN BUG RDOL DU GYUR PA ZHIG HA CAD MA TSOGS TE, TSOL BAR BYED NA YANG NYES BYAS SO ZHES BYA SO ZHES GSUNGS PA YIN NO, ,DE'I RJES SU 'GRO BA NI KHAS BLANGS PA JI LTA BA BZHIN NO ZHES BYA BA NI RJES SU 'GRO BA KHAS BLANGS PA NI RJES SU 'GRO BA DANG 'BREL PA LA GANG CUNG ZAD DE THAMS CAD NI KHAS BLANGS PA JI LTA BUR RIG PAR BYA'O, ,GAL TE SNGAR KHAS LEN NA DE'I DBANG GIS DE NAS DE'I PHYI MA'O, ,'DI LTA STE MTHA'I ZHAG BCU LA BRTAD PA LAS BYUNG BA'I GOS BLANGS SO SNYAM PA'I ZHAG BCU PA LA PHYI MA NYID NYES PA MA YIN PA'I 'BYUNG GNAS NYID DU GYUR PA DBYAR GYI GOS RAS CHEN GYIS DBYAR GNAS PAR BYA BA'I TSAD LA LTOS NAS DGAG DBYE DANG SRA BRKYANG 'DING PA'O, ,DBYAR GYI RAS CHEN GYI SPANG BA'O,, ,,BRTAD PA LAS BYUNG BA'I SPANG BA LA DON

175a

, ,GANG ZHIG BYED PA PO NYID YIN ZHE NA, DE'I PHYIR DBYAR GYI RNYED PA NI BYED PA PO NYID YIN NO ZHES BYA BA SMOS TE, DBYAR GNAS PA'I PHYIR RNYED PA GANG YIN PA LA STE, GZHAN DBYAR GYI RNYED PA LA NI MA YIN ZHES BYA BA'I DON TO, ,'DI'I BYED PA PO NYID GANG DU YIN ZHE NA, DE'I PHYIR DBYAR GYI NANG LOGS SU BDAG GIR BYED NA'O ZHES BYA BA SMOS TE DBYAR GNAS PAR BYA BA'I NANG ROL DU BDAG GIR BYED NA'O ZHES BYA BA'I DON TE, ,DE LA DMIGS KYIS BSAL BAR BYA BAR 'DOD NAS BRTAD PA'I DBANG GIS MTHA' ZHAG BCU LA RNYED PA NI MA GTOGS SO ZHES BYA BA SMOS TE, MTHA'I ZHAG BCU LA BRTAD PA TZAM NYE BAR BRTAGS PAS BYAS PA LA NYES PA MED DO ZHES BYA BA'I DON TO, ,BRTAD PA LAS BYUNG BA'I GOS LNGA PO NAD PA LA SBYIN PA DANG, NAD PA'I PHYIR SBYIN PA DANG, 'CHI BA LA SBYIN PA DANG, 'CHI BA'I PHYIR SBYIN PA DANG, 'GRO BAR CHAS PA LA SBYIN PA ZHES BYA BA BRTAG PA LAS BYUNG BA LNGA PO RNAMS LA 'DIR BZUNG NGO ZHES GSUNGS PA GANG YIN PA DE NI DPE TZAM DU RNAM PAR GNAS PA'O, ,RGYAL PO DANG CHOM RKUN DANG RIGS RGYUD DANG CHU LA SOGS PAS KHYER DU DOGS PA DANG, YONGS SU ZAD PA KHAS BLANGS PA LTA BU SKYES PA'I ZHAG LA SOGS PA'I SKBABS SU BLANG BAR BYED PA PO'I KHONGS SU BSDUS PA MCHOD GNAS BGO SKAL LA GTOGS PA'I 'CHIR DOGS PA LA SOGS PA DAG KYANG 'DI RNAM PAR GZHAG PA STE, DE BAS NA BRTAD PA TZAM NYE BAR BRTAGS PA'O, ,DE BGOS NA YANG NGO ZHES BYA BA NI BRTAD PA'I DBANG GIS KYANG RNYED PAR 'GYUR BA LAD BYAR GYI NANG LOGS SU BOG NA YANG BYED PA PO NYID YIN PA DANG; DBYAR GYI RNYED PA GZHAN GCIG PU LA MA YIN ZHES BYA BA'I DON TO, ,'DIR GZHUNG NI BLANG BAR BYA ZHING BLANGS NAS KYANG GOS 'GYED PA'I DUS LA MA BAB KYI BAR DU CHONGS SHIG CES BYA BA GSUNGS PA'I PHYIR RO, ,'DIR BGO BAR MI BYA BA'I TSIG NI MNGON PAR 'DOD PA STE, RNAM PAR BGOS PAS MA YIN ZHES BYA BA RTOGS PA'O, ,BRTAD PA LAS BYUNG BA'I DBYAR GYI RNYED PA LA DBYAR GYI NANG LOGS SU BGO BAR MI BYA BA'I RNAM PA LA YANG BDAG TU SPANG BA'O, ,BRTAD PA LAS BYUNG BA'I BGO BA LA YANG BGO BA NYID DO ZHES BYA BA 'DIR RNAM PAR GZHAG PA'O, ,GTZUG LAG KHANG GANG DAG NA CHOS GOS KYI ZONG NGES

175b

PAR GYUR PA YOD PA DE LA BSGRUB PA GANG YIN ZHE NA, BZUNG BA NYID NA DE BDAG TU BYA BA NYID DE MDUN DU BYA BA NI MA YIN NO ZHES BYA BA'O, ,MA BGOS NA YANG NGO ZHES BYA BA NI DE ZHES BYA BA'I RJES SU SBYAR RO, ,BRTAD PA'I DBANG GIS GZHAN DBYAR GYI BZUNG BA LA MA BGOS PA BYED PA PO NYID CES BYA BA'I DON TO, , DNGOS GZHI BDAG GIR BYED PA DANG, 'GOD PA DANG MI 'GOD PA RNAMS LA BYED PA PO NYID 'DIR BRJOD PAR RIG PAR BYA'O, ,'DIR GZHUNG NI DGE SLONG GIS DBYAR GYI NAN TSUN CHAD DU DBYAR GYI RNYED LA 'GOD PAR BYED DAM GOS 'GYED PAR BYED PA'I DUS LAS 'DAS PA'I BAR DU 'CHANG BAR BYED NA THAMS CAD DU SPANG BA'I LTUNG BYED DU 'GYUR RO ZHES BYA BA GSUNGS PA YIN NO, ,MA BGOS NA YANG BRTAD PA LAS BYUNG BA LAS GZHAN LA DBYAR GYI NANG ROL DAG TU MA BYAS PA LA MDO'I GZHUNG YANG RIG PAR BYA'O, ,LTUNG BA MED PA RGYAS PAR BSHAD PA YANG BRTAD PA'I DBANG GIS ZHAG BCU'I MTHAR RNYED PAR GYUR PA LAS 'DI LTAR BLANG BAR BYA BA NYID CES BYA BA BRJOD PA'I PHYIR SKYE BAR 'GYUR RO, ,GZHAN DU NA 'OG NAS RNYED PAR GYUR PA LAS ZHES BYA BA'O, ,SBYIN BDAG GI TSIG GIS DBANG MED NA'O ZHES BYA BA NI GAL TE SBYIN BDAG 'DI SKAD CES RE ZHIG KHYED CAG GIS MA BGO ZHIG ,BDAG MCHIS NAS RANG GI LAG NAS 'BUL LO ZHES ZER NA, DE'I DBANG GIS MA BGOS NA YANG MED CES BYA BA'I DON TO, ,DUS GANG GI TSE MA BGOS NA ZHE NA, DE'I PHYIR DGAG DBYE'I NYIN MO'I PHYI DE NYIN PAR DE SBED PAR MA BSKOS PA RNAMS LA'O ZHES BYA BA SMOS TE, DGAG DBYE'I NYIN MO ZHES BYA BA NI DE MA THAG PA'I TSES BCU DRUG STE, ZLA BA GSUM GYI RJES LA CHOS GOS SRED PAR BYED PA MA BSKOS PA'O, ,'DI RNAMS KYIS MA BSKOS PA LA GAL TE DE DANG 'BREL PA'I KHA NA MA THO BA GANG RNAMS KYIS 'DOD PA MA YIN PA ZHES BYA BA'I DON TO, ,JI SRID DU GOS 'GYED PA'I DUS LAS 'DAS PA'I BAR DU BCANG BAR BYA BA SMOS TE, DE LAS LHAG PAR 'CHANG BAR BYED NA ZHAS BYA BA NI 'DIR MDO SDE 'GYED PA'I DUS LAS THOB PA'I BAR DU ZHES BYA BA'I DON TO, ,'GOD PA'I DUS THOB PA NI ZLA BA GSUM LAS 'DAS PAR BYED PA'O, ,ZLA BA GSUM LAS GZHAN PA'I DUS NI 'GOD PA'I DUS SO, ,DE LTAR YANG DE'I RNAM PAR 'BYED PA LAS DGE

176a

, ,SLONG GIS GOS 'GED PA'I DUS DANG SKABS MA YIN PA GANG ZHE NA, SRA BRKYANG MA BTING BA'I GNAS NA NI STON ZLA THA CHUNGS KYI NYA TSUN CHAD DO, ,SRA BRKYANG BTING BA'I GNAS NA NI STON ZLA THA CHUNGS NYA PHYIN CHAD NAS DPYID ZLA 'BRING PO'I NYA'I BAR TE, DE NI DGE SLONG GI GOS 'GYED PA'I DUS MA YIN NO, ,LHAG MA'I DUS ZHES BYA BA NI KHAS BLANGS PA PHYI MA SHOS NGES PAR BYAS NA NI STON ZLA CHUNGS NYA TSUN CHAD DO ZHES GSUNGS SO, ,KHAS BLANGS PA SNGA MA LA NI STON ZLA 'BRING PO'I NYA TSUN CHAD DUS MA YIN NO, ,DE NI MI BSKO BAR MI BYA'O ZHES BYA BA NI BRTAD PA LAS BYUNG BA'I DUS SU GTANG BAR BYA BA NYID LA GOS SBED PA MA YIN PA 'DI BSAM PAR MI BYA'O, ,ZHU BA LAS BSLAB PA'I GZHI 'DI LA RIM PA NI 'DI YIN NO, ,RNAM PAR 'BYED PA LAS NI 'PHROG PA'I BSLAB PA'I GZHI LAS NI DE MA THAG PA'O, ,DE LAS 'CHANG BA LA 'CHANG BA'I RJES SU 'BREL PA'I RIGS TE ZHES BYA BA'I RIM PA 'DI LTAR BSTAN PA'O, ,BRTAD PA LAS BYUNG BA'I SPANG BA'O,, ,,CI ZHIG BYAS NA BSNGOS PA LAS BSGYUR BA'I SPANG BAR 'GYUR ZHE NA, DE'I PHYIR GZHAN GYIS GANG ZAG GZHAN RNAM DGE 'DUN LA BSNGOS PA'I GOS SHES BZHIN DU BDAG NYID LA BSGYUR TE THOB NA'O ZHES BYA BA SMOS TE, DGE 'DUN GYI RNYED PA ZHES BYA BA 'DI LA MDO LTUNG BA RGYUS PAR BSHAD PA LA, GANG ZAG GI YANG BDAG NYID LA BSNGOS PAS THOB PA LA DNGOS GZHIR GSUNGS SO, ,DGE SLONG GIS GANG ZAG GCIG LA BSNGOS PA'I RNYED PA GANG ZAG BDAG NYID LA SGYUR BAR BYED PA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO ZHES BYA'O, ,DE LA DPE NI 'DI YIN TE, SKYE BA'I DBANG GIS BRTEN PA ZHES BYA BA 'DIR RNAM PAR BZHAG PA'O ZHES BYA BA NI GANG ZAG GI TSIG GO, ,GANG ZAG BDAG NYID LA GANG ZAG YIN ZHES BYA BA STE, DE BAS NA BYE BRAG 'BYED PA NI GANG ZAG GZHAN NAM ZHES BYA BA STE, GANG ZHIG 'DI LTUNG BA 'BYIN PAR BYED PA LAS GANG ZAG GZHAN LA BSNGOS PA LA STE DE NYID LA NI MA YIN NO, ,RANG GIS BSNGOS PA LA BDAG NYID LA BSNGOS PA NI 'GED PA MA YIN NO, ,DE LA YANG NYES BYAS SU 'BYUNG BAR 'GYUR TE, DE BAS NA GZHAN GYIS ZHES BYA BA'I KHYAD PAR TE, GZHAN GYIS BSNGOS PA STE BDAG

176b

NYID KYIS NI MA YIN NO, ,BSNGOS PA GANG LA YIN ZHE NA, DE'I PHYIR GOS ZHES BYA BA SMOS TE, DE LTAR YANG RNAM PAR 'BYED PA LAS, RANG GI DON DU 'DI LA GOS KYI RNYED PA MNGON PAR 'DOD NA ZHES GSUNGS PA YIN NO, ,BLANGS PAR GYUR PA SU ZHIG DANG LHAN DU MI SHES BZHIN DU BSNGOS BAR 'GYUR TE, DOR BYAS PA'I DBANG GIS SAM, 'JAM PAR BYAS PA'I DBANG GIS SAM, SU ZHIG DE LA RJES SU 'DOD CING 'DUG PA ZHES BYA BA 'AM, GANG YANG RUNG BDER 'GED PAR GYUR CIG CES BYA BA 'AM, GZHAN DU BSNGOS PA LA MI SBYIN PA'O, ,'DIR NI BSGYUR BA NYID MED PA YANG MA YIN TE, GANG GI PHYIR SA BON MI SHES PA'I PHYOGS LA RMO BA LA SOGS PA LAS MI BYED CING SKYED PAR BYED PAR MI 'GYUR RAM, DE BAS NA SHES BZHIN DU ZHES BYA BA'I KHYAD PAR RO, ,'DIR MDO NI GANG SLAR SHES BZHIN ZHES BYA BA LTA BU'O, ,'DI'I RNAM PAR 'BYED PA NI RANG NYID KYIS 'DI LA RIG PAR 'GYUR RO, ,GZHAN RNAMS KYIS GO BAR BYAS PA ZHES BYA BA'O, ,DE LTAR NA, GZHAN LA GZHAN GYIS GOS BSNGOS PA ZHES BYA BA SHES BZHIN DU BDAG NYID LA BSGYUR BA YIN PA DE LA GANG ZHIG THOB PA GANG YIN PA DE LA SPANG PA'I LTUNG BA ZHES BYA BA'I DON TO, ,GAL TE THOB PA LA DNGOS GZHI YIN NA BSGYUR BA LA KHA NA MA THO BA CIR 'GYUR ZHE NA, DE'I PHYIR BSGYUR BA LA NI NYES BYAS SO ZHES BYA BA SMOS TE, 'DIR GOS NI DPE YIN TE, KHA ZAS LA SOGS PA GZHAN PA LA RNAM PAR GNAS PA YIN NO, ,DE BAS NA GZHAN DU YANG RNYED PA LA SPANG BA 'DI YOD PA'O, ,'DI NI RNYED PAR GYUR PA MA YIN NO ZHES BYA BA ZAS 'DI LA KHAS LEN PAR BYED PA'O, , RNYED PA GZHAN LA NI RANG NYID LA BSGYUR BA ZHES BYA BA 'DI KHA NA MA THO BA STE, BTUNG BA LA NI MA YIN ZHES BYA BA'O, ,DE BAS NA 'DIR NYE DU MA YIN PA NYID NI SKABS MA YIN NO, ,'DI LTAR ZHU BA LAS JI SKAD DU BCOM LDAN 'DAS KYIS NYE DU MA LAGS PA LAS GOS LEN NA SPANG BA'I LTUNG BYED DU 'GYUR RO ZHES GSUNGS NA, DAG SPONG MA LAS GOS LEN PAR BYED NA DE LA YANG SPANG BA'I LTUNG BYED DU 'GYUR BA MCHIS SAM, YOD DE DES GAL TE DGE 'DUN GYI PHYIR NYE BAR GZHAG PA YIN LA, DGE SLONG GIS BDAG NYID LA SBYOR BAR BYED NA'O ZHES GSUNGS PA YIN NO, ,JI LTAR 'DIR NYE DU MA YIN PA NYID YAN LAG MA YIN PA BZHIN DU TSIG

177a

, ,NYID KYANG DE DANG 'DRA'O, ,GAL TE 'BRAL BAR BYA BA DGE SLONG YIN NA ZHES BYA BA MTHONG BA YIN NO, ,'DIR GZHAN LA YANG NGO ZHES BYA BA LA, GZHAN LA ZHES BYA BA NI BSNGOS PA LA'O, ,GANG ZAG GZHAN LA 'DI BSNGOS PA GZHAN LA SGYUR BAR BYED NA YANG NYES BYAS ZHES BYA BA'I DON TO, ,DE'I 'BRAS BU LA YANG NGO ZHES BYA BA NI THOB PA LA ZHES BYA BA'I DON TO, ,BDAG NYID LAS GZHAN PA LA SGYUR BAR BYED NA DNGOS GZHI LA YANG NYES BYAS YIN LA, SBYOR BA GCIG PU LA NI MA YIN ZHES BYA BA'I DON TO, ,GZHAN YANG NGO ZHES BYA BA NI ZAS LAS GZHAN PA'I RNYED PA SGYUR BAR BYED NA KHA NA MA THO BA BSHAD ZIN TO, ,'DIR ZAS NI LHAG MAR BYAS PA STE, BSGYUR BA DANG BSGRUB PA LA 'DI NI NYES BYAS SU BRJOD PA'O, ,'DIR GZHUNG NI 'DI YIN TE, MU TO BA GCIG LA BSNGOS PA'I ZAS MU TO BA GZHAN LA SGYUR BAR BYED NA NYES BYAS SU BRJOD PA GANG YIN PA BZA' BAR BYA BA LA YANG DE'O ZHES BYA BA MTHONG BA YIN NO, ,DBRAL BA DANG SBYAR BA GNYIS KA SEMS CAN DU BGRANG BA MA YIN PA LA YANG NGO ZHES BYA BA NI GNAS KHANG LA SOGS PA SEMS CAN DU BGRANG BA NYID MA YIN PA GNAS KHANG LA SOGS PA GANG LA RNYED PA 'DI BSNGOS PA 'DI NI 'DIR DBRAL BAR BYA BAR BRJOD DO, ,GANG DU SNGO BAR BYED PA DE NI SBYOR BA'O, ,'DIR YANG BSNGO BA DANG GRUB PA LA NYES BYAS ZHES BYA BA 'DIR NGAG GI DON TO, ,PHYOGS GCIG PA NYID LA YANG NGO ZHES BYA BA NI THEM SKAS KYI RIM PA LA SOGS PA GCIG LA LUS LA SOGS PA NYID KYIS PHYOGS GCIG PA NYID KYI PHYIR DBRAL BAR BYA BA DANG, SBYAR BA GNYIS KA GZHAN LA BSNGOS PA 'DI NI SBYAR BAR BYA BA MA YIN PA DE BAS NA DNGOS GZHI'I NYES PA MED PAR SHES PAR BYA BA ZHES BYA BA'I DON TO, ,'DIR YANG BSNGOS PA DANG, GRUB PA LA NYES BYAS ZHES BYA BA'I DON TO, ,LHAG MA ZA BA DUD 'GRO LA SOGS PA BTZAL TE MA RNYED PA LA NI LTUNG BA MED DO ZHES BYA BA NI, LHAG MA ZA BA DUD 'GRO LA SOGS PA GANG LA BSNGOS PA DE GAL TE BTZAL TE MA RNYED NA, DE LAS GZHAN PA LA BSGYUR BA NA YANG LTUNG BA MED DO, ,BDE BAR GSHEGS PA'I SKU GZUGS GZHAN LA NI G-YAR POR SBYIN DU RUNG NGO ZHES BYA BA NI, RGYAN LA SOGS PA GANG ZHIG GZHAN NI BCOM LDAN 'DAS KYIS SKU GZUGS DANG 'BREL PA GAL TE DE LAS GZHAN PA'I

177b

BCOM LDAN 'DAS KYI SKU GZUGS LA G-YAR PO SBYIN PAR GYUR NA DE LA NYES PA MED DO, ,BSNGOS PA MI SBYIN NA NYES BYAS SO ZHES BYA BA NI, CHE GE MO ZHIG LA SBYIN NO ZHES BYA BA SMOS TE, GAL TE DE LA SBYIN PAR MI BYED NA DE'I PHYIR 'DI LA NYES BYAS SU 'GYUR RO ZHES BYA BA'I DON TO, ,MTSAMS KYI PHYI ROL DU SONG STE DGE 'DUN GYI BYIN GYIS RLOB PAR BYED NA'O ZHES BYA BA NI, DGE 'DUN GYI RNYED PAR BSNGOS PA MTSAMS KYI PHYI ROL DU SONG STE, BYIN GYIS RLOB PAR BYED NA NYES BYAS SU 'GYUR RO, ,MA TSOGS PA DAG GIS 'GOD NA'O ZHES BYA BA NI NYES BYAS SO ZHES BYA BAR SBYAR RO, ,BYIN GYIS MA BRLABS NA YANG NGO ZHES BYA BA NI, SHI BA'I YO BYAD LA SOGS PA 'GOD NA YANG NYES BYAS SO, ,KUN DBANG BA'I RNYED PA DGE 'DUN LAS GCIG GAM, GNYIS SAM GSUM GYIS LEN NA'O ZHES BYA BA NI, NYES BYAS SO ZHES BYA BA 'DI LA THAMS CAD DU SBYAR BAR BYA'O, ,KUN DBANG BA'I RNYED PA ZHES BYA BA NI RNYED PA DGE 'DUN LAS THOB PAR GYUR PA'O, ,GCIG GAM GNYIS SAM GSUM LA MI STER BA LA NYES BYAS SO, ,GAL TE DE RNYED PA DE RNAMS LA YOD PAR GYUR NA CI'I PHYIR NYES BYAS SU 'GYUR ZHE NA, DE'I PHYIR DE LA GZHAN DAG GIS SHAS NYID MA BRAL LO ZHES BYA BA SMOS TE, GANG DAG GIS RNYED PA BLANGS PA DE LAS GZHAN PA'I RNYED PA DE LA 'DIR SHES PAR BYA'O, ,'DIR NI RGYU BSTAN PA STE RKU SEMS MED PA LA 'DI RNAM PAR GZHAG PA YIN GYI, RKU SEMS YOD NA LTUNG BCIR 'GYUR ZHE NA, DE'I PHYIR RKU SEMS KYIS NI BRKUS PA NYID YIN NO ZHES BYA BA SMOS TE, 'DIR GZHUNG NI BRAM ZE'I BU MOS ZHUS PA LAS, BYIN GYIS BRLAB PA GSUNGS PA'I 'OG TU JI STE 'DI LTAR MI BYED NA DGE SLONG DE GCIG PUS GOS DE BDAG TU BYED NA NYES BYAS SU 'GYUR RO, ,DGE SLONG DAG KYANG SKAL PA MNYAM PA STE, DGE 'DUN LA BSNGOS PA'I RNYED PA GCIG GIS MTSAMS KYI PHYI ROL DU SONG STE BDAG GIR BYED NA NYES BYAS SU 'GYUR RO, ,'ON TE DE RNAMS RKU SEMS KYIS BRKU ZHING BDAG GIR BYED NA NI 'GAL TSABS CAN DU 'GYUR RO, ,GNYIS DANG RAB TU MANG PO RNAMS KYANG DE BZHIN NO ZHES GSUNGS PA YIN TE, GANG ZHIG DE 'DIR 'ON TE DE RNAMS RKU SEMS KYIS ZHES BYA BA NI TSIG NI DE LA RKU BA NYID DU SHES PA'O, ,YONGS SU RDZOGS PA DANG YONGS SU MA RDZOGS PA'I

178a

, ,SPROS PA SPANG BA'I DON DU 'DIR 'GAL TSABS CAN DU 'GYUR RO ZHES BYA BA'I TSIG YIN GYI PHAM PA MI SKYED PA NI MA YIN NO, ,GANG ZHIG 'DIR RAB TU MANG PO ZHES BYA BA'I TSIG DE LA DGE 'DUN DU GYUR PA NYID LA CHO GA 'DI DANG LDAN PA STE, DGE 'DUN DU MA GYUR PA LA NI MA YIN NO, ,DER GANG ZAG GI BYED PA GYUR PA NYID MED PA'I PHYIR RO ZHES BYA BA'I DGONGS PA NYID MANG PO'I TSIG LAS SHES PA'O, ,GYA TSOM DU GTZUG LAG KHANG DOR BAR MI BYA'O ZHES BYA BA NI PHRAN TSEGS DAG LAS 'DI ZHES BYA BA LA SOGS PA JI SRID DU DOR BA LAS 'GYED PA ZHES BYA BA 'DI LAS SO, ,RJES SU CHAGS PA DANG BCAS PA DER SRUNG MAR BZHAG GO ZHES BYA BA NI GTZUG LAG KHANG DE LA CHAGS PA DANG BCAS PA GANG YIN PA DE NI SRUNG MA'I PHYIR GZHAG PAR BYA'O, ,DE LA 'OS PA RNAMS KYIS GTZUG LAG KHANG GTAD PAR BYA ZHES BYA BA'I DON TO, ,RJES SU CHAGS PA DANG BCAS PA'I PHYIR DKAR PO THOB KYANG 'DI YONGS SU DOR BAR MI BYED CAS BYA BA NI DGOS PA'O, ,MA LHAG NA LO BCU 'DA' BAR BYA'O ZHES BYA BA NI DE LTAR GTZUG LHAG KHANG BSRUNG BA LA DGE 'DUN MA LHAGS SHING GANG GIS BSRUNG BA DER LO BCU 'DA' BAR BYA'O, ,JI LTAR 'DA' BAR BYA ZHE NA, DE'I PHYIR LNGA NI BSOD SNYOMS KYIS SO, ,DER DUS SU SBYIN BDAG MA BYUNG NA LO GZHAN LNGA NI NYE 'KHOR GYI GTZUG LAG KHANG DANG LHAN CIG TU'O ZHES BYA BA SMOS TE, DER DUS SU ZHES BYA BA NI LO LNGA 'DAS PA RNAMS LA SBYIN BDAG MA BYUNG NA LO GZHAN LNGA PO RNAMS NI NYE 'KHOR GYI GTZUG LAG KHANG DANG LHAN CIG 'DA' BAR BYA'O, ,'DIR GZHUNG NI KHA CIG LAS LNGA NI BSOD SNYOMS KYIS SO, ,LNGA NI NYE 'KHOR GYI GTZUG LAG KHANG LA BRTEN PA STE, DE LTAR NA LO BCUR BYA'O ZHES GSUNGS PA YIN NO, ,'DI NYID 'DI LTAR SMRAS PA LA BYA BA DANG BCAS PA'I LO BCU'I TSIG BYAS SO ZHES BYA BA SHES PA YIN NO, ,GSO SBYONG THA DAD PA DANG RNYED PA THUN MONG PA'I LAS BYA'O ZHES BYA BA LA, THA DAD PAR ZHES BYA BA NI SO SOR RO, ,NYE 'KHOR GYI GTZUG LAG KHANG DANG LHAN CIG TU GTZUG LAG KHANG DER GSO SBYONG THA DAD PAR RNYED PA GCIG PA'I LAS KYIS BYA'O ZHES BYA BA'I DON TO, ,'GRO BA NA DNGOS PO RNAMS NYE 'KHOR GYI GTZUG LAG KHANG RNAMS SU GDAMS PAR BYA'O ZHES BYA BA NI GTZUG LAG KHANG GTAD

178b

PA NA GANG GI TSE 'PHONGS PA LA SOGS PA'I DBANG GIS GTZUG LAG KHANG NAS 'GRO BAR 'DOD PA MAL STAN DANG SNOD LA SOGS PA'I DNGOS PO RNAMS NYE 'KHOR GYI GTZUG LAG KHANG RNAMS SU GDAMS PAR BYA ZHES BYA BA'I DON TO, ,GNYUG MAR GNAS NA SBYIN PAR BYA'O ZHES BYA BA NI GTAMS PA'I DNGOS PO LA GANG DU GTAMS PA DER GNYUG MAR GNAS PA'I DGE SLONG RNAMS KYIS SBYIN PAR BYA'O, ,GNAS GZHAN GYI RDZAS GNAS GZHAN DU MI SBYIN NO ZHES BYA BA NI JI LTAR NGES PA'I RNYED PA LA RNAM PAR GZHAG PA ZHES BYA BA'I MDO'I PHYOGS KYI RJES SU BRJOD PA'O, ,'DI LA SBYIN PAR BYA BA NYID CES BYA BA'I CHO GA 'DI'I YUL BSTAN PA'I DON DU BRJOD DO, ,SIL BU RNAMS LA DE LA SOGS PA'I STOBS KYIS MI SBYIN PA ZHES BYA'O, ,'DI YANG SPANG BA NI GNAS MAL GYI LTUNG BYED LAS, MI STER NA DE DAG GI SBYIN PAR BYA BA YIN NO ZHES BYA BA LA, DE DAG GI ZHES BYA BA NI GANG RNAMS KYI RDZAS DE RNAMS GZHAN LA SBYIN PAR DE RNAMS LA STER BA MED PAR GYUR PA LA SBYIN PAR BYA BA NYID DO, ,KHYIM BDAG DE NYID YIN YANG NGES PA LA GZHIG PA MED DO ZHES BYA BA NI GAL TE DE DANG KHYIM BDAG DE NYID GNAS GZHAN DU SBYIN BDAG DU GYUR NA GANG GI DNGOS PO DE GNAS GZHAN LA DNGOS POR GYUR NA DE LTAR NA YANG GANG ZHIG GANG LA NGES PA DE NI DE NYID DO ZHES BYA BA'I DON TO, ,MI STER NA MTHUS GZUNG BAR BYA'O ZHES BYA BA NI MI SNANG NA YOD PA'AM MED PA'I RDZAS BYIN PA LA SBYIN PAR BYA BA NYID CES BYA BA'O, ,CHOG GZHAN PA LA BSGRUB PA GANG YIN PA DE BRJOD PA'I DON DU MDO 'DI BSTAN PA'O, ,'DIR MTHUS BZUNG BA LA NYES PA MED DO ZHES BYA BA YANG 'DI BSTAN PA YANG RIG PAR BYA'O, ,G-YAR PO NYID DU NI SBYIN PAR BYA'O ZHES BYA BA NI GNAS GZHAN GYI RDZAS NI GNAS GZHAN DU'O, ,MCHOD RTEN GZHAN LA BSNGOS PA'I RNYED PA MA GRUB PA LA NI NYES PA MED DO BYANG CHUB CHEN PO DANG, CHOS KYI 'KHOR LO DANG, CHO 'PHRUL CHEN PO DANG, LHA LAS BABS PA RNAMS KYIS DE DAG LAS GZHAN NI MA GTOGS SO ZHES BYA BA LA, MA GRUB PA LA ZHES BYA BA NI DE THOB PA LA'O, ,RNYED PA DE ZHES BYA BA NI MCHOD RTEN GYI RNYED PA LA'O, ,'DIR MCHOD RTEN NYID KYI TSIG NI SANGS RGYAS KYI BYE BRAG TZAM LA YIN TE, 'DIR GZUGS SKU LA NI MA BRJOD PA MA YIN PAR

179a

, ,SHES PAR BYA'O, ,HA CANG THAL BA LA DMIGS KYIS BSAL BAR BRJOD PA NI BYANG CHUB CHEN PO ZHES BYA BA LA SOGS PA STE, GNAS 'DI'I MCHOD RTEN 'DI RNAMS NI RNYED PA LA MI 'GRUB PA MED KYANG BZHI PO 'DI RNAMS LAS GZHAN PA'I MCHOD RTEN LA SGYUR BAR BYED PA NI SKYON DANG BRAL BA MA YIN NO, ,'DI RNAMS LAS GZHAN LA MA GRUB PAR GYUR KYANG NYES PA DANG BRAL BA NYID CES BYA'O, ,RNYED PA GANG ZHIG BYANG CHUB CHEN PO DANG BLTAM PA DANG CHOS KYI 'KHOR LO 'AM YONGS SU MYA NGAN LAS 'DAS PA LA NGES PAR 'BYUNG BA DE DRAN PAR BYA NUS LA, MCHOD RTEN BZHI PO DAG LA PHUL BA NI 'DI DAG DGE BA'O, ,GAL TE MI NUS NA MCHOD RTEN GCIG KHO NA LA DBUL BAR BYA'O, ,KHA CIG LAS GZHAN LA NI MA YIN NO ZHES 'BYUNG STE, GANG ZHIG 'DIR BLTAM PA DANG YONGS SU MYA NGAN LAS 'DAS PA DAG BZUNG BA YIN GYI CHO 'PHRUL CHEN PO DANG LHA LAS BABS PA DAG NI MA YIN TE, DE NI YI GE CHAD PAR RIG PAR BYA STE, NGES PA RNAMS LA CHO GA 'DI DANG LDAN PA'I PHYIR DANG, BLTAM PA DANG YONGS SU MYA NGAN LAS 'DAS PA'I GNAS GZHAN LA NI MA NGES PA NYID KYI PHYIR RO, ,BSNGOS PA LAS BSGYUR BA'I SPANG BA'O,, ,,ZHAG BDUN PAR BYIN GYIS BRLABS PA'I NYI MA 'DAS SO COG DGE SLONG LA BRJOD PAR BYA'O ZHES BYA BA NI DENG PHYIN CHAD DU NYI MA DANG PO 'DAS TE DENG NYI MA GNYIS PA LAGS SO ZHES BYA BA LA SOGS PA'O, ,GANG DU GSOG 'JOG GI SPANG BAR 'GYUR ZHE NA, DE'I PHYIR BZA' BA'I PHYIR 'CHAD NA'O ZHES BYA BA SMOS TE, GSOG 'JOG NYID KYI RGYU MTSAN LA BRTAGS PA'I PHYIR YONGS SU SPYOD PA LA LTUNG BYED 'DI RNAM PAR GZHAG PAR BYAS PA'O, ,GANG GI PHYIR SPANG BA YONGS SU SPYAD PA LA DON MED PA GLAGS MED PA NYID DO, ,'O NA DE'I 'OG TU YONGS SU LONGS SPYAD PAR BYA BA SPANG BA'I LTUNG BYED CES BYA BA 'DIR MDO LAS GSUNGS SO ZHE NA, BDEN MOD KYI 'ON KYANG 'DI'I 'CHANG BA LA NYE BAR MTSON PA DON GYIS RNAM PAR GNAS PA YIN NO, ,DE BZHIN DU LTUNG BA RGYAS PAR BSHAD PA NI 'DIR 'CHANG BA LA LTUNG BA BRJOD PA'I PHYIR DGE SLONG LA TSES GCIG LA SMAN ZHIG BYUNG LA TSES GNYIS PA LA YANG SMAN PHYI MA ZHIG BYUNG NA DGE SLONG DES NYI MA BDUN PO DE NYID KYI NANG DU SNGA MA SHOS BYIN GYIS BRLAB PAR BYA ZHING PHYI MA

179b

SHOS GTANG BAR BYA BA'AM GZHAN LA SBYIN PAR BYA'O, ,YANG NA PHYI MA SHOS BYIN GYIS BRLAB PAR BYA ZHING SNGA MA SHOS GTANG BAR BYA BA'AM GZHAN LA SBYIN PAR BYA'O, ,BYIN GYIS MI RLOB PAR BYAD DAM GTONG BAR MI BYED DAM GZHAN LA SBYIN PAR MI BYED NA NYI MA BRGYAD PA'I SKYA RENGS SHAR BA NA SPANG BA'I LTUNG BYED DO ZHES GSUNGS PA'I PHYIR RO, ,JI SRID 'CHANG ZHE NA, DE'I PHYIR DE'O ZHES BYA BA SMOS TE, ZHAG BDUN PAR BYIN GYIS BRLAB PAR BYAS PA DE ZHES BYA BA'I DON TO, ,BYIN GYIS MA BRLABS PA NI ZHAG BDUN LAS 'DAS PAR 'CHANG BAR BYA BA NYID MA YIN TE, GANG GI PHYIR RUNG BA LA 'CHANG BAR BKAG PA STE, 'THAD PA'I NGO BOR NI MA YIN TE, DBYIG DANG GSER LA YANG DON LA BRTEN NAS RJES SU GNANG BA NYID KYI PHYIR RO, ,NAM GYI TSE SPANG BAR 'GYUR ZHE NA, DE'I PHYIR SKYA RENGS BRGYAD PA SHAR NA'O ZHES BYA BA SMOS TE, 'DIR TSAD NI BLANGS PA NYID NA 'BYUNG BA ZHES BYA BA RNAM PAR GNAS PA YIN NO, ,NYE BAR LONGS SPYAD PAR BYA BA MA YIN PA LA NYE BAR LONGS SPYOD PA'I DON DU 'CHANG BA ZHES BYA BA 'DI NI KHA NA MA THO BA'O, ,BYIN LEN MA BYAS PA DANG RUNG BA MA YIN PA DANG BRTAG PA GZHAN DANG RDZAS GZHAN DANG 'DRES PA NYID KYIS ZHES BYA BA LA SOGS PA GZHAN YANG MI RUNG BA NYID DU GYUR PA LA NYE BAR LONGS SPYAD PAR BYA BA NYID MA YIN NO, ,DE BZHIN DU DUS SU RUNG BA DANG THUN TSOD DU RUNG BA DANG 'TSO BA'I BAR DU 'CHANG BA RNAMS LA SKYON GYIS RUNG BA MA YIN PA NYID DU 'GYUR BA'AM, ZHAG BDUN PA LAS 'GA' YANG MED DO, ,GANG GI PHYIR 'DIR DE RNAMS LONGS SPYAD PAR BYA BA MA YIN PA RNAMS LA LONGS SPYAD PA'I DON DU 'CHAD PAS NYES PA 'DI MED PAR 'GYUR BA 'AM NA SMAD PA MED PA NYID DO, ,DE LTA BAS NA 'DIR SPOS PA NI DPE TZAM DU ZAD PAR RIG PAR BYA'O ZHES BYA BA 'DI RNAM PAR GZHAG PA 'DI RTOGS PAR BYA'O, ,GANG ZHE NA, DE'I PHYIR BZA' BAR BYA BA RUNG BA MA YIN PA NYIN MTSAN 'DAS PA NI 'DIR ZOS PA DANG 'DRA BAR RNAM PAR GZHAG GO ZHES BYA BA SMOS TE, BZA' BAR BYA BA ZOS PA LTAR ZHES BYA BA 'DIR RNAM PAR GZHAG PA'O, ,RUNG BA MA YIN PA NYIN MCHAN 'DA' BAR BYED NA LTUNG BA ZHES BYA BA SMOS TE, SKYA RENGS BRGYAD PA SHAR NA'O ZHES BYA BA NI 'DIR DON TO, ,'DIR NYIN ZHAG LA NYIN MTSAN ZHES BYA BA BRJOD PA YIN NO,,

180a

, ,NYIN MTSAN 'DA' BAR BYED PA NI NANG DU ZHAG LON PA DANG NANG DU BTZOS PA LA SOGS PA RUNG BA'I BZA' BA JI LTA BU THOS PA LA KHA NA MA THO BA DE LTA BU 'DIR 'CHANG BA LA RIGS PA YIN GYI LHAG PA NI MA YIN NO, ,GANG GI PHYIR MI RIGS PAR GYUR PA ZA BAR BYED PA LA NANG DU ZHAG LON PA DANG NANG DU BTZOS PA LA SOGS PA RNAMS LA NYES BYAS TE 'CHANG BA LA NI SPANG BA'O ZHES GSUNGS SO, ,DE BAS NA 'DIR ZOS PA LTAR ZHES BYA BA BSTEN PA'O, ,DE DON GANG GI PHYIR BRTAGS PA DE'I PHYIR NI LTUNG BA MED DO ZHES BYA BA NI BZA' BA'I DON LAS GZHAN GANG ZHIG LA ZHAG BDUN PA BRTAG PA DON DE'I PHYIR 'CHANG BA LA LTUNG BA MED DO, ,DON MA BCAD PAR 'CHANG BA BZA' BA'I DON NYID LA KHONG SU GTOGS PA NYID NI MA YIN NO, ,DE BAS NA DER NYES PA MED PA 'AM NA SMAD PA MED PA'O, ,BAG MED PA DANG DRAN PA BRJED PAS 'CHANG BA NI 'CHANG BA MA YIN PA'O, ,DE BAS NA 'DIR YANG YID KYIS MA BSDUS PA NYID LA RUNG BA MA YIN PA'I DON LAS 'DI'I SGO NAS 'DA' BAR BYED PA NI MA YIN NO, ,RUNG BA MA YIN PA'I DON LAS BSDUS TE, DNGOS PO LA MA BRTEN PAR RUNG BA MA YIN PA'I DON LA 'DI TZAM NYID DU DON MED PAR NYES BYAS SU RNAM PAR GNAS PA YIN NO ZHES BYA BAR RIG PAR BYA'O, , SNAR BLUGS PA DANG BSKU MA NYE BYAS PA DAG NI GSOG 'JOG BYAS KYANG RUNG NGO ZHES BYA BA NI ZHAG BDUN PA'I DBANG DU BYED PA NA MTSUNGS PA NYID KYI PHYIR 'DI RTOGS PA'O, ,ZHAG BDUN PA'I SPANG BA'O, ,SPANG BA RNAMS RDZOGS SO,, ,,DGE 'DUN 'DUS PA LA SHES BZHIN DU CHOS MA YIN PA CHOS SU DANG, CHOS CHOS MA YIN PAR BSTAN PA NI NYES PA SBOM PO'O ZHES BYA BA LA, SHES BZHIN DU ZHES BYA BA NI CHOS DANG CHOS MA YIN PA NYID DO, ,DGE 'DUN 'DUS PA LA ZHES BYA BA NI DGE 'DUN DBYE BA'I PHYIR 'GRO BA LA DE'I SBOM PO'I LTUNG BA BSKYED PA'O, ,DE BAS NA GZHAN DU NI 'DI MED PA'O, , GSO SBYONG LA CI 'DI LA KHYED YONGS SU DAG GAM ZHES LAN GSUM GYI BAR DU DRIS PA LAS MA DAG PAR SHES BZHIN DU CANG MI SMRA BAS 'DA' BAR BYED NA NYES BYAS SO ZHES BYA BA NI 'DIR TSIG LA NI YAN LAG NYID KYI PHYIR NA 'DIR NI NA SMAD PA NYID DO, ,CANG MI SMRA BAS 'DA' BAR BYED PA 'DI NI DPE YIN TE, TSIG LAS

180b

GZHAN PA THAMS CAD LA 'DIS GO BAR BYED PA LA 'PHANGS PAR RIG PAR BYA'O, ,GANG DU BRDZUN DU SMRA BA'I LTUNG BYED CE NA, DE'I PHYIR DE GNYIS DANG PHAM PAR 'GYUR BA DANG DGE 'DUN LHAG MAR GYUR PA GNYIS LAS GZHAN PA'I BRDZUN DU SMRA BA'O ZHES BYA BA SMOS TE, 'DU SHES RNAM PAR BZHAG NAS ZHES BYA BA NI 'DIR PHAM PAR RGYAS PAR BSHAD PA'I RJES SU 'BRANGS NAS RTOGS PAR BYA'O, ,DE GNYIS DANG ZHES BYA BA NI BSTAN MA THAG PA'I NYES PA SBOM POR 'GYUR BA DANG, NYES BYAS SU 'GYUR BA'I BRDZUN DU SMRA BA GNYIS SO, ,BRDZUN DU SMRA BA RNAM PA BZHI PO DE DAG LAS GZHAN PA'I LTUNG BA 'DIR 'GYUR RO ZHES BYA BA'I DON TO, ,SMRA BAR 'DOD PA NYID LA 'DU SHES RNYED PA LA BRDZUN DU SMRA BA ZHES BYA BA 'DI THE TSOM MED PAR SMRA BAR GYUR PA NYID LA 'DU SHES THOB PA LA BRDZUN DU SMRA BA YOD PAR MI 'GYUR RO ZHES BYA BA GANG ZHIG LA DOGS PAR GYUR NA, DE BZLOG PA'I DON DU BRJOD PAR BYA STE, SMRA BA'I TSE NYING NA YANG 'DU SHES BYUNG NA DE KUN NAS SLONG PA YIN NO ZHES BYA BA LA, 'DU SHES BYUNG NA ZHES BYA BA NI GZHAN DU SMRA BAR GYUR PA LA ZHES BYA BA'I DON GYIS SHES PAR BYA'O, ,DE ZHES BYA BA NI BRDZUN DU SMRA BA'O, ,YANG ZHES BYA BA'I SGRA NI SMRA BAR 'DOD PA NYID LA YANG NGO, ,'DIR GZHUNG NI BRDZUN DU SMRA BA RNAM PA GNYIS PO GANG ZHE NA, SHES BZHIN DU BRDZUN GYI TSIG SMRA BA NI 'DI SNYAM DU BRDZUN GYI TSIG SMRA'O SNYAM PA DANG, SMRAS PA'I 'OG TU 'DI SNYAM DU BDAG GIS BRDZUN GYI TSIG SMRAS SO SNYAM PA STE, DE BAS NA 'DIR BRDZUN DU SMRA BA GCIG PU NYID LA RNAM PA GNYIS YIN TE, RNAM PA GNYIS 'DI LA YOD PA'I PHYIR RNAM PA GNYIS DANG LDAN PA NYID KYIS BRJOD PA'O, ,GCIG PU GCIG GIS NI MA YIN NO, ,DE BAS NA RNAM PA GNYIS DANG LDAN PA'I BRDZUN DU SMRA BA NYID BSTAN TE, DE LTAR YANG RNAM PA GCIG PA 'BA' ZHIG GIS BRDZUN DU SMRA BA NI YOD PA MA YIN TE ZHES BYA BA GSUNGS SO, ,NGES PAR SMRA BAR GYUR PA NYID KYI 'DU SHES CAN GYI SMRA BA NYID LA YANG 'DI BSGRUB PA ZHES BYA BA 'DI'I TSIG STE, SMRA BA NYID KYI 'DU SHES LA NI MA YIN NO, ,'DU SHES LA SMRA BAR GYUR PA NYID LA YANG MA GRUB PA ZHES BYA'O, ,'DU SHES SNGA MA LA NI PHYI MA GNAS PA'I NGO BO STE, PHYI MA LA NI SNGA MAS MA YIN NO ZHES BYA BA'O, ,MNA' DOR BAR MI BYA'O ZHES

181a

, ,BYA BA NI PHREN TSEGS RNAMS LAS BTUS PA YIN TE, THAMS CAD BDAG LA BDEN PA LA 'JUG PA MA YIN TE ZHES BYA BA 'DI LA 'DI BSTAN PA STE, GANG ZHIG MNA' MED PA'O, ,DE BAS NA BRDZUN DU SMRA BA'I PHYOGS NYID KYI PHYIR 'DI LA 'DIR SPONG BA'O, ,DE LTAR YANG DGE SLONG RNAMS NI BDEN PAR SMRA BAR 'DOD PA YIN TE, RAB TU BYUNG BA NYID LA ZHES BYA BAR BRJOD NAS DE BAS NA DGE SLONG GIS MNA' DOR BAR MI BYA BA'I TSIG 'DI'O, ,BRDZUN DU SMRA BA'I LTUNG BYED DO,, ,,RUNG BA MA YIN PAR BSAM PAS GANG YANG RUNG BA'I SKYON NAS SMRA BAR 'DOD NAS SKYON NAS SMRA BA'I LTUNG BYED CES BYA BA 'CHAD PAR 'GYUR RO, ,DE LA CI ZHIG BSNYEN PAR MA RDZOGS PA LA YANG RUNG BA MA YIN PAR BSAM PA BRJOD PA YANG 'DI YIN NAM ZHEN, DE'I PHYIR DGE SLONG GI'O ZHES BYA BA SMOS TE, 'DIR DGE SLONG NI YUL DU RTOGS PAR BYA STE, DGE SLONG GI YUL BRJOD PA ZHES BYA BA'I DON TO, ,'OG MA LA YANG NGO ZHES BYA BA NI PHRA MA BYED PA'I LTUNG BYED LA YUL DGE SLONG NYID DU RTOGS PAR BYA ZHES BYA BA'I DON TO, ,SMRAS NA ZHES BYA BA NI BSLAB PA'I GZHI GNYIS KA YANG DGE SLONG GI YUL KHO NA LA RIG PAR BYA STE, DGE SLONG LA BRJOD PA LA ZHES BYA BA'O, ,GZHAN LA NI 'DI DAG BRJOD PA 'AM SMRAS PA GCIG PU LA GTOGS PA'I PHYOGS NYID KYI PHYIR NYES BYAS SU RIG PAR BYA'O, ,DAG PA'I SEMS KYIS KYANG RUNG BA MA YIN PAR BSAM PA BRJOD PA BYUNG BA YIN NO, ,DE'I KHYAD PAR DU BYAS PA STE, SKYON NYID BRJOD PAR 'DOD PAS SO ZHES BYA BA'O, ,TSIG JI LTA BUS SHE NA, DE'I PHYIR 'JAM PAS KYANG RUNG RTZUB BAS KYANG RUNG NGO ZHES BYA BA SMOS TE, SKYON LAS SMRA BA DANG BCAS PA'I TSIG RTZUB MO SMRAS NA DNGOS GZHIR 'GYUR GYI GZHAN LA NI NYES BYAS ZHES BYA BA'O, ,DE LTAR NA TSIG RTZUB PO SMRAS PA YANG BSLAB PA'I GZHI 'DI DAG NYID LA KHONGS SU BSDU BA NYID CES BYA BA 'DIS YANG DAG PAR RIG PAR BYA'O, ,RUNG BA MA YIN PAR BSAM PA GANG YANG RUNG BA SMRA NA'O ZHES BYA BA NI, KHYOD NI MDZE CAN NO ZHES BYA BA LA SOGS PAS SGRA LA YANG KHRO BA PO NYID CES BYA BA NYE BA'I NYON MONGS PA LA SOGS PA SMAD PAR BSAM PA GANG YANG RUNG BA BRJOD PA LA SKYON NAS SMRA BA'I LTUNG BYED DU 'GYUR RO ZHES BYA BA'I DON TO, ,MI DGA' BA NYID DU MA

181b

GYUR NA YANG NGO ZHES BYA BA LA, MI DGA' BA NYID CES BYA BA NI, KHROS PA DANG 'KHRUGS PA DANG YI CHAD PA DANG SKENGS PA DANG YUL YUL BOR GYUR PA ZHES BYA BA RNAMS DANG DON GCIG GO, ,DE LTAR 'DIR GZHUNG NI DGE SLONG SPA BKONG BA NYID DU GYUR KYANG RUNG ZHES GSUNGS PA YIN NO, ,GZHAN RGYAL RIGS NYID DANG BRAM ZE NYID LA SOGS PA NI NYES BYAS SO ZHES BYA BA LA GZHAN ZHES BYA BA NI, RUNG BA MA YIN PAR BSAM PA LAS GZHAN PA STE, RGYAL RIGS NYID DANG BRAM ZE NYID LA SOGS PA LA RUNG BA MA YIN PA'I BSAM PAS SMRA NA NYES BYAS SO, ,SKYON NAS SMRA BA'O,, ,,GANG DU PHRA MA BYED PA'I LTUNG BYED DU 'GYUR ZHE NA, DE'I PHYIR PHRA MA BYED 'DOD PAS CHE GE MO ZHIG ZER RO ZHES SMRA NA'O ZHES BYA BA SMOS TE, 'DIR SKYON NYID KYANG YAN LAG MA YIN LA RUNG BA MA YIN PA BSAMS PA NYID KYANG BRAM ZE LA SOGS PAS SO, ,BYE BRAG TU SMRA BA'I SGRA LA THA DAD PAR BYAS PA NYID KYI PHYIR DE BAS NA MI BRTEN PA'O, ,SPYIR YANG CHE GE MO ZHIG ZER RO ZHES BYA BA BRJOD PA 'DI LA LTUNG BA CIR 'GYUR ZHE NA, DE'I PHYIR GAL TE MING NAS SO ZHES BYA BA SMOS TE, CHE GE MO ZHIG ZER RO ZHES BYA BA GAL TE DE'I MING GIS SMOS PAR BYED NA GAL TE MING GIS CHE GE MO DE LA BRJOD PAR BYED NA ZHES BYA BA'I DON TO, , DE YANG DGE SLONG NYID YIN NA'O ZHES BYA BA NI GANG GI MING DES GAL TE BRJOD NA ZHES BYA BA SMOS PAR BYAD NA GAL TE DE LA DGE SLONG NYID YIN NA'O ZHES BYA BA'I DON TO, ,DGE SLONG NYID MA YIN PA LA GCIG GAM GNYIS PO DAG LA NYES BYAS SO ZHES BYA BA'I RJES SU 'BRANGS NAS RTOGS PAR BYA'O, ,GZHAN DU NI NYES BYAS SO ZHES BYA BA NI GO BAR BYED PA MA YIN PAS RNAM GCOD LA RIGS LA SOGS PA DANG LDAN PAS BRJOD PA LA NYES BYAS SO, ,PHRA MA BYED PA'I LTUNG BYED DO,, ,,SHES GTZO BO ZHES BYA BA NI 'DU SHES LA BYED PA PO NYID GTZO CHER ZHES BYA BA'I DON TO, ,'DU SHES GANG LAS SHE NA, DE'I PHYIR DGE SLONG GNYIS KYI RTZOD PA NYID DGE 'DUN GYIS LEGS PAR ZHI BAR BYAS PA NYID LA'O ZHES BYA BA SMOS TE, RTZOD PA LA DGE 'DUN GYI YANG DAG PAR DGE 'DUN GYIS SO, ,DGE 'DUN LA YANG RTZOD PA NYID LA 'DU SHES LA BYED PA PO NYID CES BYA BA'I DON TO, ,RTZOD PA'I GZHI LA RTZOD PA'I GZHIR 'DU SHES PA ZHES BYA BA

182a

, ,RTZOD PA'I GZHI LA 'DU SHES GANG ZHIG RNYED PA DE 'DIS BSDUS PA YIN NO, ,RGOL BA DANG PHYIR RGOL BA GNYIS KA LA DGE SLONG NYID YIN NA SKYO SNGOGS BYED PA'I DNGOS GZHI'O, ,GCIG GAM GNYIS KA DAG GAM GZHAN NYID LA ZHES BYA BAR RIG PAR BYA'O, ,'DIR GZHUNG NI ZHU BA LAS BTZUN PA DGE SLONG GIS DGE SLONG MA DANG RTZOD PA LA SKYO SNGOGS BGYID NA LTUNG BA CIR 'GYUR NYES BYAS SU'O, ,DE BZHIN DU DGE SLONG MA DANG DGE TSUL DANG DGE TSUL MA DANG DGE BSNYEN DANG DGE BSNYEN MA LA YANG RTZOD PA'I GZHI DGE SLONG GIS SKYO SNGOGS BYED NA NYES BYAS SO, ,DE BZHIN DU DGE SLONG DANG DGE TSUL DANG DGE SLOB MA DANG DGE TSUL MA LA ZHES BYA BA LA SOGS PA GSUNGS PA YIN NO, ,SKYO SNGOGS SO ZHES BYA BA NI YANG DAG PA MA YIN PAR BYAS PA NYID DU 'BYUNG BA ZHES BYA BA'I DON TO, ,YANG LAS SU BYAS PA YANG BYA BA NYID KYIS SHES PA 'DIR GANG ZHIG SMOS PA DE 'DIR NGES PA CAN GYI CHOS LA RJES SU BRJOD PA'O, ,YANG DAG PAR BYA BA 'BYUNG BA LA SKYO SNGOGS BYED PA NYID KYI PHYIR RO, ,DE BAS NA 'DIR BSDU BA'O, ,GANG ZAG JI LTA BU DANG KHA NA MA THO BA JI LTA BU LA 'DIR 'DU SHES KYI BYED PA PO NYID YIN ZHE NA, DE'I PHYIR GNYUG MAR GNAS PA DANG LAS BYED PA DANG 'DUN PA 'BUL BA RNAMS KHO NA DNGOS GZHI'O ZHES BYA BA SMOS TO, ,DES 'DI RNAMS LA YANG DAG PAR BZHAG PA NYID LA NGES PA ZHES BYA BA 'DI LAS MDUN DU GANG ZHIG 'DU SHES PAR GYUR PA NYID KYI SKYO SNGOGS BYED PA DE 'DI RNAMS LA DNGOS GZHI'O, ,DNGOS GZHI'I GNAS LA YANG GZHAN LA NYES BYAS ZHES BYA BA'I DON TO, ,SHES GTZO BO ZHES BYA BA 'DI LA SPROS PA 'DI RIG PAR BYA'O, ,LTA BA SMRA BA DANG GLO BUR DU 'ONGS PA DAG LA NI NYES BYAS KHO NA'O ZHES BYA BA NI GLO BUR DU 'ONGS PA NYID YIN PAS RGYUS MI SHES PA'I PHYIR RTZOD PA'I GZHI DANG BCAS PA LA 'DI THOG MA DANG BAR DANG THA MAR MNGON PAR MI SHES PA'I LTA BA SMAS PA NYID NI SKYO SNGOGS BYED PA 'DI DAG GI LTA BA SMRA BAR BYED PA DAG NI 'DI MI 'DOD CES BYA BA NGES PA 'DI DAG LA YANG DAG PAR BZHAG PA NYID LA NGES PA MED CES BYA BA DE'I PHYIR GANG ZHIG RGYUS MI SHES PAR 'GYUR RO, ,SKYO SNGOGS BYED PA DE BAS NA 'DI NI NYES BYAS SO, ,RTZOD PA GZHAN NYID LA RTZOD PA GZHAN DU SHES PA NI DE DANG 'DRA BA NYID

182b

YIN NO ZHES BYA BA NI RTZOD PA GZHAN NYID KYIS 'DU SHES PA LA RTZOD PA DE DANG LDAN PA NYID DO, ,RTZOD PA GZHAN NYID NI NGAG GIS 'DI'I 'DU SHES PA NI DER GYUR PA NYID CES BYA BA'I DON TO, ,NA SMAD PA'I NGO BO LA 'DI BSTAN PA'O, ,'DIR RTZOD PA NYID TSAD MAR YIN GYI DE'I BYE BRAG NI MA YIN NO ZHES BYA BA 'DIR RNAM PAR GZHAG PA 'DI YIN NO, ,LTUNG BA'I PHYIR RTZOD PA NYID DU 'DU SHES PA LA NI NA SMAD PA MED DO, ,DE BZHIN DU GZHAN LAS TA DE'I PHYIR 'DI BYED PA'O, ,LAS KYI 'BRAS BU LA GNAS PA LA DE MA YIN PA NYID KYIS KUN DU SPYOD PA LA NI PHYED NYID DO ZHES BYA BA NI LAS KYI 'BRAS BU LA GNAS PA LA NI SHES PA LA SOGS PA'I LAS KYI 'BRAS BU THOB PA LA LAS KYI 'BRAS BU LA GNAS PA DER GNAS PA NYID KYI KUN DU SPYOD PA LA NI PHYED NYID DO, ,YONGS SU RDZOGS PA'I KUN DU SPYOD PA NYID LA NI NYES BYAS SU 'GYUR ZHES BYA BA'I DON TO, ,'DIR GZHUNG NI ZHU BA LAS BTZUN PA DGE SLONG GIS BSLAB PA BYIN PA LA 'DI SKAD CES KHYOD BSLAB PA PO MA YIN NO ZHES BGYIS NA LTUNG BA CIR 'GYUR NYES BYAS SU 'GYUR RO ZHES GSUNGS PA YIN NO, ,SKYO SNGOGS BYED PA'O,, ,,'DI LA BYED PA PO NYID NI BUD MED DO, ,KHYIM PA MO LA STON PA LA'O, ,SKYES PA MED PAR RO, ,REG PA'O ZHES BYA BA SNGAR BSTAN PA DE LA NYE BAR MI GNAS PA NYID LA REG PA'I SKYES PA LA BSTAN PA'I LTUNG BYED GANG LA BYED PA PO NYID BUD MED YIN ZHE NA, DE'I PHYIR STON PA LA'O ZHES BYA BA NI SMOS SO, ,CI ZHIG STON PA LA ZHE NA, DE'I PHYIR CHOS SO ZHES BYA BA SMOS TE, GRONG 'DI'I LAM 'DI MA YIN ZHES BYA BA LA SOGS PA LAS YANG DAG PA'I BSAM PAS CHOS KYI RJES SU 'GRO BAR BYA'O, ,'DIR BRDZUN PA'I DNGOS PO LA NI SGO YIN TE GANG ZHIG BUD MED LA RANG DBANG MED PAR 'TSE BA'O, ,'DI'I PHYIR RANG DGAR SMRA BA'I RNAM PAS DPE YIN TE ZHES BYA BA 'DI LA 'DIR BSLAB PA'I GZHI DANG 'BREL PA'I CHO GA DRUG PA ZHES BYA BA LA SOGS PA YONGS SU BZUNG BA'O, ,MKHAS PAS GONG NAS GONG DU ZHES BYA BA LA SOGS PA YANG 'DRI BA STE JI TZAM LAS SHE NA, DE'I PHYIR TSIG DRUG PA LAS LHAG PAR RO ZHES BYA BA SMOS SO, ,GANG ZAG JI LTA BUS SHE NA, DE'I PHYIR LHAG PA NYID DU SHES PA LA'O ZHES BYA BA SMOS TE, DON YOD PA'I DER 'DU SHES PA LA DNGOS GZHI BSTAN

183a

, ,PA'O; ,DER MED PA LA LTUNG BA NYES BYAS ZHES BYA BA'O, ,DE BAS NA 'DU SHES 'DI LA GTZO CHER BYED PA PO NYID DO ZHES BYA BA 'DI LAS SHES PA PO NYID DO, ,'DIR YID GNYIS ZA NA NI YID GNYIS NI 'DU SHES DANG 'DRA'O ZHES BYA BAS LTUNG BA RNAM PAR GZHAG PAR RIG PAR BYA'O, ,TSIG SNGA MA LA NI RTZOM PA LNGA PA LAS SO ZHES BYA BA NI TSIG LNGA PA'I CHOS RTZOM PA LA TSIG LNGA LAS LHAG PAR STON PA NA GZHAN THAMS CAD LA DRUG PA LAS ZHES BYA BA'I DON TO, ,DON LNGA PA YONGS SU RDZOGS PA LA 'DIR MANG PO NYID DO, ,THAMS CAD DU DRUG PA LA ZHES BYA BA'I 'DI RNAM PAR GZHAG PA'O, ,YONGS SU RDZOGS PA DANG YONGS SU MA RDZOGS PA DON GCIG PA CHAD PA LA BRTEN PA'I TSIG NI 'DIR TSIG GO, ,GNAS SKABS KYI DON BSTAN PA LA BRJOD PAR 'DOD PA LA GZUGS MI RTAG GO ZHES BYA BA 'DI LA TSIG NYID DO, ,GZUGS TZAM GYI DON RJES SU BSHAD PA SMRA BAR 'DOD PA LA PHUNG PO NI LNGA STE, GZUGS DANG TSOR BA DANG ZHES BYA BA LA SOGS PA STE, GZUGS ZHES BYA BA 'DI NYID LA TSIG GO, ,'DIR MDOR BSTAN PA LA NI RGYAS PAR BSHAD PA TSAD MA YIN PA'I PHYIR THA MI DAD PAR RIG PAR BYA STE, DPER NA PHUNG PO LNGA ZHES BYA BA LTA BU'O, ,MKHAS PAS GONG NAS GONG DU DRIS PA GTAN LA DBAB PA BYAS PA DANG, SLOB GNYER BSOD PA DANG, KHA TON ZHU PA DANG, DMIGS KYIS DRI BA DANG, DUS KHRIMS DBOG PA DANG YON BSHAD PA DAG NI MA YIN NO ZHES BYA BA NI MKHAS PAS GONG NAS GONG DU DRIS PA GTAN LA DBAB PA BYAS PA DANG, SLOB GNYER BSOD PA DANG, KHA TON ZHU BA DANG, DMIGS KYIS DRI BA DANG, DUS KHRIMS DBOG PA DANG, YON BSHAD PA LA BRTEN PA LA YANG BYED PA PO NYID NI MA YIN TE, DE LA LTUNG BA MED DO, ,'DIR RANG DANG NYE BA'I GZHIR GYUR PA ZHES BYA BA'I DON TO, ,'DIR KHA TON ZHU BA SMOS PAS KLOG PA YANG BSDUS PA YIN NO, ,BTZUN MO PHRENG LDAN MA DANG DBYAR TSUL MA GNYIS KYIS KLOG PA'I PHYIR CI BKLAGS LAGS SAM ZHES BYA BA DANG LHOGS SHIG CES BYA BA'I TSIG GIS SO, ,DUS KHRIMS DBOG PA DANG YON BSHAD PA GNYIS KYI GZHUNG NI ZHU BA'I GZHUNG KHA CIG LAS YON BSHAD PA LA LTUNG BA MED DO, ,BSNYEN GNAS YAN LAG BRGYAD DANG LDAN PA DBOG PA LA LTUNG BA MED DO

183b

ZHES GSUNGS PA YIN NO, ,GNAS GZHAN DU NI SNGA MA MA BYAS PA NYID DO ZHES BYA BA LA, GNAS GZHAN DU ZHES BYA BA NI KHANG BZANGS LA SOGS PAR STON PA LA SNGA MA GNAS KHANG LA SOGS PAR BYAS PA DANG LHAN CIG MA BYAS PA NYID DE, DE LA LTUNG BA RNAM PAR GZHAG PAR MI BYA'O ZHES BYA BA'I DON TO, ,STON PA'O,, ,, GANG DU 'DON PA'I LTUNG BYED DU 'GYUR ZHE NA, DE'I PHYIR BSNYEN PAR MA RDZOGS PA DANG CIG CAR RAM MJUG THOGS SU STON BYED DU GYUR PA'I CHOS DANG YI GE YANG 'DON NA'O ZHES BYA BA SMOS TE, 'DIR GZHUNG NI LUNG LAS GSAL BAR GYUR PA 'AM STON BYED DU GYUR PA NYID KYIS MNGON PAR 'DON PA'O, ,BSNYEN PAR MA RDZOGS PA DANG CIG CAR RAM BSNYEN PAR MA RDZOGS PA LAS GNAS KYI RGYU DU GYUR PA'I 'DON PA LA ZHES BYA BA'I DON TO, ,GNAS MA YIN PA LA YANG STON BYED DU 'GYUR TE, DE 'DI LTA STE DPER NA 'PHONG GI RIG BYED DE DE GSAL BA'I DON DU CHOS ZHES BYA BA'I TSIG SMOS PA YIN NO, ,STON BYED DU GYUR PA LAS BYUNG BA LA MNYAM PAR SBYOR BA GZHAN LAS YI GE MA YIN PAR BYAS PA'I CHOS DANG LDAN PA DON LA CHOS SU 'GYUR TE, DE BSAL BA'I STON BYED DU GYUR PA ZHES BYA BA'I TSIG GO, ,DE LTAR GNYIS KA YANG CHOS 'JIG PA'O, ,GANG CUNG ZAD BLO LA NYE BAR SON PA ZHES BYA BA 'DI LA BTAGS PA'O, , STON BYED DU GYUR PA LA YANG 'DI YONGS SU GRUB PA'I SKYON DU GYUR PA STE GZHAN LA NI MA YIN NO, ,STON BYED DU GYUR PA'I DON LA YANG STON BYED DU GYUR PA GNAS YIN TE DER GYUR PA'O, ,DE LA GNAS NI YANG DAG PA'I GNAS TE, DE'I RGYU NI BRJOD PAR 'DOD PA'I DON STON PA'I PHYIR RAB TU RGYAS PA'I NGO BOS TSIG DANG NGAG GI RGYUN GYIS GNAS PA'O, ,DE LTA BUR GYUR PA'I DON 'DON PA LA LTUNG BYED DO, ,CHOS LA ZHES BYA BA NI MING DANG TSIG GI BDAG NYID SANGS RGYAS KYIS GSUNGS PA 'AM DE'I NYAN THOS KYIS BSHAD PA'O, ,YI GE YANG ZHES BYA BA NI YIG 'BRU TZAM YANG NGO, ,'DIR DE LAS GZHAN PA'I 'DON PA LA RTZOM PA GCIG PUR 'GYUR BA NYID KYI PHYIR LTUNG BA GCIG PU NYID DO, ,DE LTAR YANG TSIG CIG CAR BRJOD NA LTUNG BYED DO, ,TSIG SO SOR BRJOD NA LTUNG BYED DO, ,CIG CAR YI GE BRJOD NA LTUNG BYED DO, ,MJUG THOGS SU YI GE BRJOD NA LTUNG BYED DO ZHES BYA BA LAN CIG BRTZAM PAR BYAS NAS TSIG CIG

184a

, ,CAR DANG, LHAG PA'I TSIG DANG CIG CAR YI GE DANG, YI GE LHAG PAR RJOD PAR BYED NA LTUNG BYED CES BYA BA'O, ,DE LTAR BSDUS NAS LTUNG BYED LA GCIG PA NYID GSUNGS SO, ,HA CANG THAL BA LA DMIGS KYIS BSAL BA'I PHYIR MI 'DOD BZHIN DU GRUB PA NI MA GTOGS SO ZHES BYA BA SMOS TE, DE LTAR YANG GZHUNG NI LDAB LDIB CAN DANG SMRA MYUR BA LA LTUNG BA MED DO ZHES BYA BA 'DIS 'DI BSDUS PA YIN NO, ,RJES SU NYAN DU GZHUG PAR BYA BA 'DON PA YANG NGO ZHES BYA BA NI MA GTOGS SO ZHES BYA BAR SBYAR RO, ,RJES SU NYAN DU GZHUG PAR BYA BA NI GANG ZHIG CIG CAR RAM THOG MAR BRJOD PAR BYA BA MA YIN PA ZHES BYA BA DE KHREL DANG BCAS PA NYID DO, ,DE LTAR NGES PAR SBYOR BA LA DOGS PA DANG BCAS PAR CIG CAR RAM 'DAS PAR BYAS NAS 'DON PA LA YANG DAG PAR GNAS PA STE RGYUD PA DE LTA BUS NI MA YIN NO, ,KHA TON ZHU BA DANG SLOB GNYER BSOD PA DANG, DMIGS KYIS 'DRI BA YANG NGO ZHES BYA BA YANG MA GTOGS SO ZHES BYA BAR SBYAR RO, ,THOG MAR BZUNG TE RANG DGAR 'DON PA LA RGYUD PA 'DI YANG DAG PAR GNAS PA'O, ,DE LA KHA TON ZHU BA ZHES BYA BA NI SNGAR STON PA MI BRJED PAR BYA BA'I PHYIR SBYOR BA'O, ,SLOB GNYER BSOD PA ZHES BYA BA NI SNGAR BSTAN PA LA BZUNG BA YONGS SU RDZOGS PAR ZLOS SHING 'CHAD PAR 'GYUR RO, ,DMIGS KYIS 'DRI BA ZHES BYA BA NI PHYOGS 'GA' ZHIG DRAN PAR BYA BA'I PHYIR RAM THE TSOM BCAD PA'I PHYIR KUN NAS 'DZIN PAR BYED PA'O, ,'DON PA'I LTUNG BYED DO,, ,,DGE SLONG DANG DGE SLONG MA SDIG CAN DAG KHYIM DU SO SOR GO BAR BYED PA BSKO BAR BYA'O, ,KHYIM RNAMS SU SO SOR GO BAR BYED PAS TSE DANG LDAN PA DAG NYON CIG KHYIM RNAMS SU KHYIMS SUN 'BYIN PAR BYED PA DANG, GNAS RNAMS SU GNAS SUN 'BYIN PAR BYED PA DAG YOD DE, 'DI LTA STE DPER NA 'BRAS S'A LU'I ZHING PHUN SUM TSOGS PA LA SER BA'I 'KHOR LO MI BZANG PA BAB NA 'DI LTAR 'BRAS S'A LU DE NYID SHIN TE MA DANG CHUD ZA BA DANG TSUL MA YIN PAS MA RUNG BAR 'GYUR BA DANG BU RAM SHING GI ZHING PHUN SUM TSOGS PA LA NAD KYI RIGS DMAR PO ZHES BYA BA BYUNG NA 'DI LTAR BU RAM SHING DE NYID SHIN TE MA DANG CHUD ZA BA DANG TSUL MA YIN PAS MA RUNG BAR GYUR PA LTA

184b

BU DAG YOD KYI TSE DANG LDAN PA DAG KHYED CAG DGE SLONG 'DI DANG DGE SLONG MA 'DIS BSTAN PA'I TSOD MA 'DZIN CIG, 'DI LTAR DGE SLONG 'DI DANG DGE SLONG MA 'DI NI YOS TSIG PA BZHIN DU CHOS 'DUL BA 'DI LA SKYER MI RUNG BA'I CHOS CAN YIN GYI BCOM LDAN 'DAS DANG DGE SLONG GNAS BRTAN RNAMS LA LTOS SHIG CES SMRA BAR BYA'O, ,MI SPRO NA GSOL BAR BYA'O ZHES BYA BA NI KHYIM DU SO SOR GO BAR BYED PA DANG KHYIM RNAMS SU SO SOR GO BAR BYED PA MI SPRO NA THAMS CAD KYIS DGE SLONG DANG DGE SLONG MA 'DI GNYIS SDIG CAN YIN NO ZHES KHYIM DU SO SOR GO BAR BYED PA ZHES BYA BA DE'I DON DU GSOL BAR BYA'O, ,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,'DU SHES GANG LA ZHE NA, DE'I PHYIR NYAN PA PO MI SHES PA NYID DANG BSNYEN PAR MA RDZOGS PA NYID DAG DANG LDAN PA LA'O ZHES BYA BA SMOS TE, NYAN PA PO BSNYEN PAR MA RDZOGS PA NYID LA PHAM PA DANG DGE 'DUN LHAG MA'I LTUNG BA GANG YIN PA DE 'DI LAS SHES PA YIN TE, DE LA YANG NYAN PA POS MI SHES PA NYID LA ZHES BYA BA'I DON TO, ,CI ZHIG RJES SU BSGRUBS NA GNAS NGAN LEN BRJOD PA'I LTUNG BYED DU 'GYUR ZHE NA, DE'I PHYIR SMRAS NA'O ZHES BYA BA SMOS SO, ,BRJOD PAR BYA BA CI ZHIG SMRAS PAS SHE NA, DE'I PHYIR PHAM PAR 'GYUR BA DANG DGE 'DUN LHAG MA DAG SO SOR YANG RUNG BSDUS PA YANG RUNG NGO ZHES BYA BA SMOS SO, ,DON DU MA NYID LA TSIG THA DAD PA MED DO ZHES BYA BA NI DE'I PHYIR BSDUS PA DE NYID LA LTUNG BA GCIG NYID YIN TE TSIG GCIG YIN PA'I PHYIR RO, ,'DI LTA STE DPER NA 'DIS SROG CHAGS LNGA BSAD DO ZHES BYA BA LA DON LNGA PO 'DI RNAMS LA GNAS GCIG TU CIG CAR BRDZUN DU SMRA BAS BRDZUN DU SMRA BA'O, ,'DI DAG LAS GZHAN PA'I KHA NA MA THO BA BRJOD PA NI 'DI'I RJES SU 'BRANG BAS NYES BYAS YIN PAR RIG PAR BYA'O, ,BRJOD PAR BYED PA JI LTA BU LA ZHE NA, DE'I PHYIR BSKO BA MA BYAS PA LA'O ZHES BYA BA SMOS TE, BRJOD PA'I PHYIR GANG LA BSKO BA MA BYAS PA DE LA'O, ,CI GNAS SKABS THAMS CAD LA'AM ZHE NA, DE'I PHYIR DGE 'DUN LA MA GSOL BA LA'O ZHES BYA BA SMOS TE, DGE 'DUN LA BRJOD NAS DE'I PHYIR GSOL BA LA NI BRJOD NAS DE'I PHYIR GSOL BA LA NI BRJOD KYANG LTUNG BA MED DO, ,BDEN PAR SMRAS PA LA 'DI ZHES BYA BAR RIG PAR BYA STE, BRDZUN DU SMRA NA NI LTUNG BA

185a

, ,GZHAN RNAM PAR GZHAG PA'I PHYIR RO, ,GNAS NGAN LEN PA BRJOD PA'O, ,SMRA BA'I PHAM PAR 'GYUR BA LA CHO GA GANG YIN PA DE NYID MI CHOS BLA MA BRJOD PA'I LTUNG BYED DO, ,DE'I PHYIR DE'I CHO GA YOD PA KHAS BLANGS NAS BYE BRAG SMOS PA NI BDEN PA NYID NA'O ZHES BYA BA SMOS TE, 'DU SHES RNAM PAR MA BZHAG NAS YOD PA 'AM MED PA'I BLA MA'I BDAG NYID KYIS MI'I CHOS KYI RIGS PA NYID BRJOD NA ZHES BYA BA'I DON TO, ,GANG ZAG CI 'DRA BA LA BRJOD NA ZHE NA, DE'I PHYIR BDEN PA MA MTHONG BA BSNYEN PAR MA RDZOGS PA LA'O ZHES BYA BA SMOS TE, 'DIR GZHUNG NI ZHU BA KHA CIG LAS BDEN PA MTHONG BA LTA BA PHUN SUM TSOGS PA LA BRJOD NA NI LTUNG BA MED DO ZHES GSUNGS PA YIN NO, ,'PHYA BA YONGS SU BSAL BA'I DON DU 'DI BTAGS PA'O, ,LTA BA PHUN SUM TSOGS PA LAS GLAGS YOD PA MA YIN NO, ,DE BAS NA RIGS PA'I NGO BO NYID KYI RNAM PAR DES NAS BDEN PA MTHONG BA'I TSIG BYAS SO, ,KHYIM PA'I MDUN DU RDZU 'PHRUL RNAM PAR BSTAN PAR MI BYA'O ZHES BYA BA NI 'DUL BA'I DON NYID LA LTUNG BA MED DO ZHES BYA BA NI PHRAN TSEGS DAG LAS RTOGS PAR BYA'O, ,DGE SLONG MAS STON PA'I SPYAN SNGAR MI BYA'O ZHES BYA BA NI SPYAN SNGAR RDZU 'PHRUL RNAM PAR BSTAN PAR MI BYA'O ZHES BYA BAR SBYAR RO, ,RNAM PA 'DI GNYIS NI PHRAN TSEGS LAS 'BYUNG NGO, ,MI'I CHOS BLA MA BRJOD PA'O, ,GAL TE BSTAN PA NYID DU DGOS NA GSOL BA SNGAR BTANG BA'I DON BYA'O ZHES BYA BA NI GSOL BA BYAS NAS SBYIN PAR BYA'O, ,'DIS NI MI G-YO BAR 'GYUR RO ZHES GSUNGS PA DE BSDUS PA YIN NO, ,GANG LA SKUR PA 'DEBS PA'I LTUNG BYED DU 'GYUR ZHE NA, DE'I PHYIR DAD PA PHUL BA LA'O ZHES BYA BA SMOS TE, 'DIR GZHUNG NI YANG DAG PAR RUNG BAR BYAS NAS ZHES GSUNGS PA YIN NO, ,LEGS PAR RUNG BAR BYAS NAS ZHES BYA BA KHA CIG GIS BYAS PA STE, DE NI NYAMS PAR YANG DAG PAR RIG PAR BYA'O, ,MI SRID PA NYID KYI PHYIR BSKYED PAS BYAS PA'I GROGS DANG SA DAG GIS 'PHAGS PA'I RDZAS KYI PHYIR LEGS PAR RUNG BA NYID LA SKYE BA NYID YAN LAG NYID DU SONG NAS GNAS PAR BYED CES BYA BA'O, ,'DIR 'DI TZAM GYI DON NYID KYI PHYIR RO, ,RNAM PAR 'BYED PA LAS YANG DAG PAR RUNG BAR BYA STE ZHES BYA BA'I 'DOD PA BYIN NAS SO, ,CI ZHIG BYAS NA SKUR PA 'DEBS PA'I LTUNG

185b

BYED DU 'GYUR ZHE NA, DE'I PHYIR DGE SLONG GIS DGE 'DUN GYI ZAS KYI RNYED PA MA YIN PA DGE SLONG GIS GANG ZAG LA LOG PAR BSNGOS PA YANG DAG PA MA YIN PA'I DON NYID GZHAN LA YANG MING MA SMOS PAR BRJOD NA YANG NGO ZHES BYA BA SMOS TE, YANG DAG PA MA YIN PA'I DON NYID YOD PA LA ZAS KYI RNYED PA MA YIN PA LAS GZHAN DGE SLONG GI DGE 'DUN GYI RNYED PA LA DGE SLONG GIS GANG ZAG LA LOG PAR BSNGOS PA NYID KYIS BRJOD PA LA GZHAN LA YANG MING MA SMOS PA ZHES BYA BA'I DON TO, ,GANG ZAG LA ZHES BYA BA NI 'DIR DGE SLONG NGAM KHYIM PA GZHAN YANG GANG ZAG GI SGRAS BZUNG BA SHES PAR BYA'O, ,BDAG NYID GCIG PU MA YIN NO, ,'DIR GZHAN BRJOD PA TSAD MA GNYIS KYIS MA RNYED PA BDAG NYID MA YIN PA DANG DGE SLONG LA SNGO BAR BYED CES BYA BA BRDZUN DU SMRA BAS GZHAN LA BRJOD PA NYID KYI PHYIR RO, ,BZUNG NAS MI SBYIN PA DAG LA YANG MNGON PAR BRJOD PA 'DI NI SHIN TU SDIG CHE BAR SHES PAR BYA'O, ,'DIR KHA CIG NI BDAG NYID LA GANG ZAG GIS BSNGO BAR BYA ZHES BYA BA'I MDO BYED PA YIN NO, ,'DI'I RNAM PAR 'BYED PA NI BDAG NYID LA GANG ZAG GIS BSNGO BAR BYA ZHES BYA BA BDAG NYID KYI PHYIR ZHES BYA BA SMOS SO ZHES BYA BA DE NI MI RIGS TE JI LTAR BSHES NGOR ZHES BYA BA 'DI DANG 'GAL BA'I PHYIR RO, , ZHU BA LAS KYANG BCOM LDAN 'DAS KYIS YANG DGE SLONG GANG 'DI SKAD CES, TSE DANG LDAN PA BDAG GIS 'DI LTAR BSHES NGOR BYAS TE DGE 'DUN GYI RNYED PA BSNGOS PA GANG ZAG LA SNGO BAR BYED DO ZHES ZER NA ZHES GSUNGS TE, DGE 'DUN GYI RNYED PAR BSNGOS BA DAG GIS SHES PA YIN NO, ,JI LTAR BSHES DOR BYAS PA'I DGE SLONG RNAMS KYIS SNGO BAR BYED CES GSUNGS SO, ,YI GE GZHAN LAS SHES PA 'DIR RTAGS NI BSNGO BAR BYA ZHES GSUNGS PA'O, ,RING DU MA 'BREL BA NYID DGE SLONG GI DGE 'DUN LAS ZAS KYI RNYED PA MA YIN PA ZHES BYA BA'O, ,ZAS KYI YIN PAR GYUR PA'I DGE 'DUN GYIS RNYED PA LA DGE SLONG RNAMS KYI YANG DGE 'DUN GANG YIN PA STE, GZHAN RNAMS NI MA YIN NO, ,'DIR ZAS KYI RJES SU 'BRANGS PAS 'DI LA NYES BYAS SU RTOGS PAR BYA'O, ,RNYED PA ZHES BYA BA LA RNYED PA NI RNAM PA GNYIS TE, GOS KYI RNYED PA DANG ZANG ZING GI RNYED PA'O, ,DON 'DI LA NI GOS KYI RNYED PA MNGON

186a

, ,PAR 'DOD PA ZHES BYA BA 'DI 'DIR ZAS MA YIN PA'I TSIG GI GZHUNG STE, 'DIR GZHUNG NI LOG PAR BSNGOS PA NYID KYIS ZHES BYA BA STE, CHOS KYIS JI LTAR BSHES DOR MA BYIN ZHES BYA BA'O, ,GZHAN YANG 'DIR GNYIS KA 'DOD PA LA SOGS PA LOG PA'I RNAM PA YOD DE, DE DMIGS KYIS BSAL BA LA NYES PA MED PA'AM, NA SMAD PA NYID NI RIGS PA MA YIN NO ZHES BYA BA BYE BRAG MED PAR GSUNGS SO, ,CI ZHIG GIS DMIGS KYIS BSAL BA YIN ZHE NA, DE'I PHYIR DGE SLONG GIS ZHES BYA BA SMOS TE, SHIN TU 'DIR SNGO BAR BYED CES BYA BA MDO LAS MANG PO TSIG GIS RE RE BZHIN DU YANG BRJOD PA LA 'DIR LTUNG BA YIN TE, CIG CAR MANG PO RNAMS BRJOD PA LA JI TZAM DU SKUR PA GDAB PAR BYA BA'I LTUNG BA RNAMS DE TZAM YIN NO ZHES BYA BA 'DIR GCIG PA'I TSIG GIS 'DIR BSTAN PAR RIG PAR BYA'O, ,GZHAN LA YANG ZHES BYA BA NI SKUR PA GDAB PAR BYA BA THOB PA 'BA' ZHIG TU MA ZAD KYI NYAN PA PO GZHAN LA YANG GO BAR BYED NA 'DIR DNGOS GZHI STE, 'ON KYANG GANG YANG RUNG BA'I MI'I 'GRO BAR GTOGS PA LA ZHES BYA BA'I DON TO, ,'DI LA STER BAR 'DOD NA BRDZUN DU SMA BA LA DNGOS GZHI'O, ,MI STER PAR 'DOD NA NYES BYAS SO, ,GNYIS KA'I BRDZUN DU MI SMA BA LA LTUNG BA MED DO, ,LOG PA NYID DU SHES BZHIN DE MA YIN PA LA STER BA LA NI NYES BYAS SO ZHES BYA BA 'DIR RNAM PAR GZHAG PA 'DI RIG PAR BYA'O, ,MING MA SMOS PAR ZHES BYA BA NI MING MA YIN PAR BZUNG BA NYID LA YANG 'DIR DNGOS GZHI KHO NA ZHES BYA BA'I DON TO, ,BRJOD NA YANG NGO ZHES BYA BA NI YONGS SU BSNGO BA NYID KYIS SO, ,YANG DAG PA MA YIN PA'I DON NYID CES BYA BA 'DI NI DNGOS GZHI'O, ,SKUR PA 'DEBS PA'I LTUNG BYED DO,, ,,KHYAD DU GSOD PA'I LTUNG BYED SMRA BAR 'DOD NAS 'DUL BA DANG LDAN PA NYID DO ZHES BYA BA SMOS TE, 'DUL BA DANG YANG DAG PAR LDAN PA'I SO SOR THAR PA'AM, DE RNAM PAR 'BYED PA LA SOGS PAR GTOGS PA LA'O, ,PHRAN TSOGS DANG SIL BU DANG GLENG GZHI RNAMS SAM GZHI RNAMS LA 'DUL PA'I MA MO 'AM, 'DUL BA'I DKA' 'GREL LAM 'DUL BA DRUG PA 'AM GCIG LAS 'PHROS PA 'AM 'DUL BA MA MO LA YANG DAG PAR GNAS PA BRJOD PA GANG YIN PA LA BRNYAS THABS

186b

SU GYUR PA NA KHYAD DU GSOD PA'I LTUNG BYED CES BYA BA'I DON TO, ,'DIR BRNYAS THABS KYI BYE BRAG LAS LTUNG BA'I BYE BRAG TU SHES PAR BYA'I 'DON PA'I BYE BRAG LAS NI MA YIN TE, GCIG TU 'DON PA LA DAG RNAMS THAMS CAD LA LTUNG BA GCIG NYID DE GZHAN LA NI GZHAN ZHES BYA BA CHA SHAS DANG RGYUD DANG SNGAGS DANG SO SOR THAR PA'I MDO 'DON PA LAS PHAM PA'I CHOS BZHI 'DON PAR GYUR PA RNAMS LA BRJOD PAR BYA ZHES BYA BA LA SOGS PA'I TSIG GIS 'DIR SO SOR THAR BA'I MDO LAS GSUNGS PA NI 'DUL BA LHAG MA RNAMS KYI DPE TZAM DU ZAD DE, JI SRID DU DGE SLONG GIS 'DUL BA DANG LDAN PA GANG JI TZAM BRJOD PA LA BRNYAS THABS BYED NA THAMS CAD DU LTUNG BYED DU 'GYUR RO ZHES BYA BA RNAM PAR 'BYED PA LAS GSUNGS PA'I PHYIR RO, ,MDO SDE LAS NI NYES BYAS ZHES BYA BA NI 'DUL BA DANG LDAN PA LAS GZHAN PA'I MDO SDE MNGON PA DANG 'DUL BA'I MDO DAG GI RNAM PAR 'BYED PA NYID KYI PHYIR 'DI LAS LHAG PA MED PA ZHES BYA BA 'DIR RJES SU 'GRO BA'O, ,KHYAD DU GSOD PA'O,, ,,LAG GI BLAS MCHOD RTEN DANG DGE 'DUN GYI DON DU SHING LJON PAR BCAD PAR BYA'O ZHES BYA BA STE, JI LTAR ZHE NA, DE'I PHYIR DE'I MDUN ROL DU NYI MA BDUN NAM BRGYAD DAG NAS DE'I DRUNG DU DKYIL 'KHOR DANG DRI DANG ME TOG DANG MAR ME DANG GTOR MA SBYIN PA DANG RGYUN CHAGS GSUM GDON PA DANG SBYIN PA BSHAD PA DAG BYAS NAS, LHA GANG DAG SHING LJON PA 'DI LA GNAS PA DE DAG GNAS GZHAN TSOL CIG ,SHING LJON PA 'DIS MCHOD RTEN NAM DGE 'DUN GYI BYA BA BYED PAR 'GYUR RO ZHES BRJOD NAS SMRA BA POS SHES PAR GYIS SHIG CES SO ZHES BYA BA SMOS TE, DE'I MDUN ROL DU ZHES BYA BA NI GCOD PA'I MDUN ROL DU SBYIN PA BSHAD PAR BYAS NAS ZHES BYA BA NI THAMS CAD DE NA GNAS PA'I LHA LA BRTEN PAR BYAS NAS ZHES BYA BA DON GYIS SHES PAR BYA'O, ,MCHOD RTEN NAM ZHES BYA BA NI MCHOD RTEN GYI DON NYID LA MCHOD RTEN PA ZHES BYA BA BRJOD PAR BYA'O, , DGE 'DUN GYI ZHES BYA BA NI DGE 'DUN GYI DON NYID LA ZHES BYA BA NI BRJOD PAR BYA'O, ,GAL TE ME 'BYUNG BA'AM KHRAG 'DZAG PA 'AM YAL GA 'GUL BA'AM LO MA LHAGS PA LA SOGS PA RNAM PAR 'GYUR BA STON NA, DES ZHING LA SBYIN PA DANG SER SNA DAG GI BSNGAGS PA DAD BSNGAGS PA MA YIN PA BRJOD PAR BYA'O

187a

, ,ZHES BYA BA LA, ZHING DANG LHAN CIG TU SBYIN PA NI NGES ZHING LA SBYIN PA'O, ,ZHING NI SANGS RGYAS DANG DGE 'DUN GYI BDAG NYID LA BSNGAGS PA BRJOD PAR BYA'O, ,SBYIN PA LA YANG SER SNA'I BSNGAGS PA MA YIN PA ZHES BYA BA'I DON TO, ,MI GTONG NA GCAD PAR MI BYA'O ZHES BYA BA NA DE LTAR BYAS KYANG ME 'BYUNG BA LA SOGS PA'I RNAM PAR 'GYUR BAS MI GTONG NA GCAD PAR MI BYA'O, ,SHES GTZO BO'O ZHES BYA BA NI 'DU SHES GTZO CHER BYED PA PO NYID DO, ,MA NYAMS PA NYID LA'O ZHES BYA BA STE, GANG DU YIN ZHE NA, DE'I PHYIR SA BON DANG KHYE'U KHA 'THON PA RUNG BA DAG GI'O ZHES BYA BA SMOS TE, SA BON RUNG BAR MA BYAS PA DANG, KHYE'U KHA 'THON PA LA ZHES BYA BA'I DON TO, ,'DIR RTZVA LA SOGS PA SKYE BA KHYE'U KHA 'THON PA ZHES BYA BAR BRJOD DO, ,RUNG BAR MA BYAS PA ZHES SMOS PAS NI RUNG BAR BYAS PA NYID YOD KYANG SA BON NYID LA LTUNG BA MED CES BYA BAR RIG PAR BYA'O, ,'DIR CI ZHIG RJES SU BSGRUB NA DE LA 'DU SHES GTZO CHER BYED PA BO NYID YIN ZHE NA, DE'I PHYIR THA NA RTZA RGYUN YAN CHAD NYAMS PAR BYAS NA'O ZHES BYA BA SMOS TE, YAN CHAD KYI SGRAS NI MNGON PAR KHYAB PAR BYAS PA'I DON LA'O, ,THA NA RTZA RGYUN GYI YAN CHAD KYI SA BON 'DI DAG LA KHYE'U KHA 'THON PA STE, GANG YANG RUNG BA DAG LA NI MA YIN NO ZHES BYA BA'I DON TO, ,'DIR GZHUNG NI SHING LJON PA'I RTZA RGYUN 'BYIN PAR BYED NA NYES BYAS SU 'GYUR RO ZHES GSUNGS PA YIN NO, ,JI LTAR NYAMS PA DANG GCOD PA DANG RUNG BA LA SOGS PA NYID KYIS CIR 'GYUR ZHE NA, DE'I PHYIR JI LTAR YANG RUNG NGO ZHES BYA BA SMOS TE, DE NYID BSTAN PA'I PHYIR SPRUL PAS KYANG NGO ZHES BYA BA SMOS SO, ,'DIR GZHUNG NI BTZUN PA DGE SLONG GIS SHING TOG RNAMS SPRUG CING GLOG PAR BGYID NA LTUNG BA CIR 'GYUR, GAL TE SHING TOG SMIN PA DAG YIN NA NI NYES BYAS SO, ,JI STE MA SMIN PA DAG YIN NA NI LTUNG BYED DO ZHES GSUNGS PA YIN NO, ,RTZA BA DANG 'DAM RDZAB DANG SA RDUL LA SOGS PA DAG GIS MNAN PAS KYANG NGO ZHES BYA BA LA, 'DIR GZHUNG NI BTZUN PA DGE SLONG GIS RAN NAM 'DAM RDZAB BAM SA RDUL GYIS SHING LJON PA NYAMS PAR GYUR CIG ,RNAM PAR NYAMS PAR GYUR CIG CES GNON PAR BGYID CING RTZVA SNGON PO SA RDUL LAM PHYE MA'AM GZHAN GANG YANG RUNG BAS

187b

'GEBS PAR BGYID NA LTUNG BA CIR 'GYUR, NYES BYAS SO ZHES GSUNGS PA YIN NO, ,'DIR SBYOR BA TZAM LA DGONGS NAS SHING LA SOGS PA MNAN PA LA SOGS PA LA NYES BYAS KYI TSIG GO, ,'DIR 'DAM RDZAB KYI TSIG GIS BZUNG BA'O, ,KHU TSAN LA SOGS PAS KYANG NGO ZHES BYA BA LA, KHU TSUN ZHES BYA BA NI 'U SHA ZHES BYA BA LA SOGS PA KHU BA TSAB GTOR BA'O, ,SOGS PA ZHES BYA BA'I SGRAS NI 'CHAG PA DANG YAL GA LA SOGS PA 'DREN PA DANG DKYIL 'KHOR DANG SKYANG NUL LA SOGS PA DAG KYANG BSDU'O, ,'DIR GZHUNG NI DGE SLONG GIS SNGO'I PHYOGS SU 'U SHA TSA BA 'THOR ZHING SNYING PO 'THOR BAR BYED NA ZHES BYA BA LA SOGS PA GSUNGS PA YIN NO, ,RLUNG DANG NYI MA LA 'JOG PAS KYANG NGO ZHES BYA BA LA 'DIR GZHUNG NI DGE SLONG MA'I RNAM PAR 'BYED PA LAS DGE SLONG MAS SA BON GYI RIGS LNGA PO 'DI DAG NYAMS PAR GYUR CES RLUNG DANG NYI MA LA 'JOG PAR BYED NA GAL TE SA BON RNAM PAR NYAMS PA NI LTUNG BYED DO, , JI STE RNAM PAR MA NYAMS NA NI NYES BYAS SO ZHES GSUNGS PA YIN NO, ,SA GZHI SKAM POR YANG NGO ZHES BYA BA LA 'DIR GZHUNG NI DGE SLONG GIS SA BON GYI RIGS LNGA PO DAG NYAMS PAR GYUR CIG CES SA GZHI SKAM POR 'JOG PAR BYED NA GAL TE SA BON NYAMS NA NI LNGAR 'GYUR RO, ,GAL TE RNAM PAR MA NYAMS NA NI NYES BYAS LNGAR 'GYUR ZHES GSUNGS PA YIN NO, ,BSAM PA JI LTA BUS SHE NA, DE'I PHYIR DER 'DUN PAS SO ZHES BYA BA SMOS TE, NYAMS PAR 'DUN PAS SO, ,CI RANG KHO NAS SAM ZHE NA, DE'I PHYIR RANG NGAM GZHAN GYIS KYANG RUNG NGO ZHES BYA BA SMOS SO, ,'DIR GNAS SKABS GANG LA KHA NA MA THO BA JI LTA BU DAG NYAMS PA LA BYED PA PO NYID YIN ZHE NA, DE'I PHYIR NYAMS PAR 'GYUR ZHE NA DNGOS GZHI DAG GO ZHES BYA BA SMOS TE, NYAMS PAR GYUR PA NI DNGOS GZHI'I LTUNG BA DAG KYANG 'BYUNG NGO ZHES BYA BA'I DON TO, ,SBYOR BA GCIG GI DBANG GIS SA BON MANG PO DAG NYAMS PAR BYED NA CI GCIG GAM MANG PO LA YIN ZHE NA, DA'I PHYIR NYAMS PAR BYA BA'I GRANGS DAG GI'O ZHES BYA BA SMOS TE, NYAMS PAR BYA BA 'DI RNAMS LA GRANGS YOD PAS ZHES BYA BA 'DIR BSDU'O, ,JI LTAR NYAMS PAR BYA BA DAG GI GRANGS KYIS LTUNG BA RNAM PAR GZHAG PAR BSTAN CING, SDONG PO DANG YAL GA DANG 'DAB MA LAS GRANGS RNAM PAR GZHAG PAR

188a

, ,BYA 'AM ZHE NA, DE'I PHYIR SDONG BU LAS SO ZHES BYA BA SMOS TE, SDONG BU RTZA BA LAS SHING LJON PA GCOD PAR BYED NA YANG YAL GA PHRA MO DANG 'DAB MA DU MA NYID YOD DU ZIN KYANG LTUNG BA GCIG KHO NAR 'GYUR TE, DE BZHIN DU YAL GA DAG RANG GI SDONG BU LAS BCAD PA LA YAL GA PHRA MO DANG 'DAB MA MANG PO NYID YOD PA DANG, YAL GA PHRA MO DAG RANG GI SDONG PO LAS BCAD PA LA 'DAB MA MANG PO NYID YOD PA DANG, 'DAB MA DAG RANG GI SDONG BU LAS BCAD PA LAS 'DAB MA BDUN PA LTAR 'DAB MA MANG BO NYID YOD PA DANG, AE RAN TA'I 'DAB MA LTAR YAL GA MANG PO NYID YOD DU ZIN KYANG DE LTA MOD KYI LTUNG BYED GCIG KHO NAR 'GYUR RO, ,SDONG BU ZHES BYA BA NI 'DIR 'OG MA'I CHA'I DPE YIN TE, DE LTA BAS NA 'DAB MA'I YAL GA BCAD PA DANG, LCUG MA'I MGO LCOGS BCAD NA YANG 'DIR DNGOS GZHI STON PA NYID DO, ,SDONG BU'I NGOS NAS 'DAB MA LA CUNG ZAD BRTZEGS PA DANG, 'DAB MA'I RIM PA NAS CUNG ZAD BRTZEGS PA NI SBYOR BA'I NYES BYAS TE, DNGOS GZHI'I NI MA YIN ZHES BYA BAR RIG PAR BYA'O, ,'DIR GZHUNG NI DGE SLONG GIS SHING LJON PA GCIG SBYOR BA GCIG GIS BCAD NA NYES BYAS GCIG DANG LTUNG BYED GCIG ,DGE SLONG GIS SHING LJON PA GCIG SBYOR BA GNYIS KYIS GCOD NA NYES BYAS GNYIS DANG LTUNG BYED GCIG GO ZHES BYA BA LA SOGS PA GSUNGS PA YIN NO, ,SKYE BA'I PHYIR MDO RNAM PAR BSHAD NAS MDO DE NYID LAS SA BON GYI PHYIR 'DI LTAR SHES PAR BYA STE, JI LTAR ZHE NA GANG ZHIG NYAMS PAR BYA BA'I GRANGS DAG GI'O ZHES SMOS PAS GZHAN SA BON DU GYUR PA GANG PHYOGS GCIG PA DE BAS NA MA YIN ZHES SMOS PA NI SDONG BU LAS ZHES BYA BA SMOS SO, ,SDONG BU THAMS CAD LA GCIG PA NYID MNGON PAR BRTEN PAS 'DIR GZUGS THAMS CAD SDONG BU NYID KYIS BRJOD PAR RIG PAR BYA STE, RTZA BA DANG 'BRAS BU DAG LA NI 'DI MED PA MA YIN NO, ,DE BAS NA 'DI DAG LA 'DIS MA BSDUS PA NYID NI MA YIN NO, ,GZUGS THA DAD PA RNAMS LA SBUBS DANG YAL GA DAG LA 'DI GNAS PA'O, ,GANG ZHIG THO GU DANG RTZE MO DAG LA'O, ,DE LAS BYUNG BA'I 'BRAS BU RNAMS LA GCIG PA NYID DU MNGON PAR BRTEN PA LA BYAS PA NYID DE PHYOGS GCIG TU GYUR PA'I SA BON NYAMS PAS SA

188b

BON NYAMS PA MA YIN NO, ,DE BAS NA SA BON GYI PHYOGS GCIG NYAMS PA LA YANG DNGOS GZHI STE, THAMS CAD NYAMS PA NYID NI MA YIN NO, ,SBYOR BA LA NI NYES BYAS DAG TU'O ZHES BYA BA NI SLAR CI ZHIG NYAMS PAR BYA BA'I GRANGS KYIS 'DI RNAMS KYIS THA DAD PA YIN NAM MA YIN ZHE NA, DE'I PHYIR 'DI LA BSNUN PA RE RE LAS DE THA DAD PA YIN GYI DNGOS PO LAS NI MA YIN NO ZHES BYA BA SMOS TE, 'DI LA ZHES BYA BA NI SBYOR BA LA'O, ,DE ZHES BYA BA NI BSNUN PA LA'O, ,BSNUN PA RE RE LA DE THA DAD PA STE, DNGOS PO THA DAD PA LAS NI MA YIN NO, ,BSNUN PA JI SNYED PA DE KHO NA NYID KYI SBYOR BA DAG TU 'GYUR RO ZHES BYA BA'I DON TO, , BTON NA BSKYED PAR BYA BA NYID YIN DU ZIN KYANG MTHA' NYID DE ZHES BYA BA NI SHING LJON PA LA SOGS PA RANG GI GNAS NAS BTON PA GANG YIN PA DE LA MTHA' NYID DE SKYED RUNG BA'I CHOS NYID YOD DU ZIN KYANG NYAMS PA LAS SKYE BA NYID DE, DE'I TSE NYAMS PA LAS ZHES BYA BA'I DON TO, ,SKYER MI RUNG BA NYID YOD KYANG SNGAR GYI RNAM PA NYID KYIS SO SOR BRJOD PA LA 'DI NYE BAR MA SON PAR GYUR PA DANG RO NYID DU GYUR PA'I BYE BRAG YOD DE ZHES BYA BA SHES BZHIN PA'O, ,SKYER RUNG BA NYID LA NI RNYED PA NYID YOD DU ZIN KYANG RO NYID DU GYUR BA'I BYE BRAG MED DO ZHES BYA BA YIN LA NGES PAR THIM PA YIN NO, ,DE BAS NA 'DIR MDO 'DI BYAS PA'O, ,NYA LCIBS DANG NYA TSANG DAG CHU NAS BTON BA NI DE NYID DO ZHES BYA BA NI, NYA LCIBS DANG NYA TSANG DAG CHU NAS BTON PA NI DE NYID DO, ,CHU NAS 'DI DAG LA BTON PA DANG RJES SU BZUNG PA DE LA DE'I TSE NA GCOD PA ZHES BYA BA'O, ,DE'I TSE NA 'DI DAG LA RO NYID KHAS BLANGS PA'O, ,GANG ZHIG SLAR BCUG PA DAG LA DE LTA NYID DU RJES SU 'JUG PAS DE YANG SA BON NYING LA RJES SU 'JUG PA NYID KYIS NYA LCIBS DANG NYA TSANG DAG LA GANG ZHIGS DANG MA 'BREL PAS CHU'I STENG DU SKYES PA DE LA 'DI BSHAD PA'O, ,TSI GU MA BCOM BAR RIL MID BYED BA NI PHYED NYID DO ZHES BYA BA NI TSI GU MA BCOM PA ZHES BYA BA NI SO RNAMS KYIS DUM BUR MA BYAS PA LA GANG ZHIG RIL MID BYED PA NI ZA BAR BYED PA LA PHYED CES BYA BA'I TSIG SMOS PAS NI NYES BYAS YIN PAR GO BAR BYED DO, ,PHYED KYI TSIG GIS THAMS CAD DU LTUNG BA GCOD PAR GYUR PA'I NYES BYAS STON PAR BYED PA'O, ,'DIR GZHUNG NI BTZUN PA DGE SLONG GIS RGYA SHUG GI TSE GU MA BCOM PAR RIL MID BGYID NA LTUNG BA CIR 'GYUR NYES BYAS SO ZHES

189a

, ,GSUNGS PA YIN NO, ,'DI NI TSI GUM BCOM PA LTAR NYAMS PAR BYED PA DANG RIL MID BYED PA ZHES BYA BA 'DI LA DON BYAS PA NYID BTAB PA DAG LTAR LTOR BCUG PA LA 'DIR BLOS YIN GYI NYAMS PA'I DON DU GZHAG PA NI MA YIN NO ZHES BYA BA'I DON TO, ,LTO BA DANG 'BREL PAR NYAMS PA LA 'DIR LTUNG BA RNAM PAR GZHAG PAR MI BYA BA STE, GANG LA 'DIR NYAMS PA'I BLOS 'BYUNG BAR GYUR PA DE LA DNGOS GZHI'I LTUNG BA BYUNG BA KHO NA YIN NO ZHES BYA BAR RIG PAR BYA'O, ,GAL TE 'DI BCAD PAR GYUR NA LEGS SO ZHES SMRAS NA BTON PA'I 'O ZHES BYA BA LA, BTON PA'I 'O ZHES BYA BA NI BTON PA'I PHYED CES BYA BAR SBYAR RO, ,LEGS SO ZHES BYA BA'I BRJOD PA 'DI NI BTON PA'I PHYED LA 'DI LTAR BRJOD CING GCOD PAR BYED NA DNGOS GZHI'I MTHA' CAN GYI NYES BYAS ZHES BYA BA'I DON TO, ,'DIR GZHUNG NI ZHU BA LAS, ,BTZUN PA DGE SLONG GIS 'DI SKAD CES 'DIS SHING LJON PA 'DI GCAD PAR GYUR NA LEGS SO STES SO ZHES MCHI ZHING DES 'GUMS PAR BGYID NA LTUNG BA CIR 'GYUR NYES BYAS SO ZHES GSUNGS PA YIN NO, ,RDZU 'PHRUL GYIS NA MA BYAS PA NYID DO ZHES BYA BA NI 'DI NI RNAM PAR ROL PA TZAM YIN TE BYAS BA'I NGO BO 'JUG PA 'DI MA YIN ZHES BYA BA 'DIS SHES PA'O, ,'DIR GZHUNG NI ZHU BA LAS BTZUN PA RE ZHIG DGE SLONG GIS RDZU 'PHRUL GYIS SHING LJON PA 'GUMS PAR BGYID NA LTUNG BA CIR 'GYUR, NYE BA 'KHOR LTUNG BA MED DO ZHES GSUNGS PA YIN NO, ,SA BON LA SA BON GZHAN NYID DU 'DU SHES PA LA 'DI DE DANG 'DRA BA NYID DO ZHES BYA BA NI RTZA BA'I SA BON LA SOGS PA LA SDONG BU'I SA BON NYID DU 'DU SHES PA NI DE DANG 'DRA BA NYID DE PHYED NYID NI MA YIN NO, ,'DIR SKYON NI MTSUNGS TE SROG GCOD PA LTAR NA SMAD PA NI MA YIN ZHES BYA BA'I DON TO, ,SKYE BA LA YANG CHO GA 'DI RNAM PAR GNAS PA YIN TE, DE YANG 'DIR SA BON NYID KYIS BRJOD PAR RTOGS PAR BYA'O, ,'DIR NI RTZA BA LA SOGS PA'I SA BON NYID YOD PA YIN TE, DE BAS NA SA BON SKYE BA DAG LA YANG PHAN TSUN NYID DU PHYIN CI LOG STE, 'DI NI DNGOS GZHI'I KHA NA MA THO BA STE MA SMAD PA NI MA YIN ZHES BYA BA'I DON TO, ,SHUN PA DANG PHYIR DANG 'DAB MA SKYA BO DANG, ME TOG KHA BYE BA DANG 'BRAS BU SMIN PA RNAMS NI PHYED SHI BA NYID DU RJES SU THA SNYAD

189b

GDAGS SO ZHES BYA BA NI SHUN PA DANG PHRI DANG 'DAB MA SKYA BO DANG ME TOG KHA BYE BA DANG, 'BRAS BU SMIN PA DANG ZHES BYA BAS BSDU BA'O, ,DE RNAMS NI PHYED SHI BA NYID CES BYA BA 'DI LTUNG BA NA SMAD PA NYID DE NYES BYAS ZHES BYA BA'I DON TO, ,'DIR RAB TU GRAGS PA LA BLO LTUNG BA NI RJES SU THA SNYAD GDAGS PA'O,, 'DI RNAMS LA PHYED SHI BA NYID NI RAB TU GRAGS PA KHO NA NYID DE 'DIR STON BYED KYI RGYU BTZAL BAR BYA BA NI MA YIN TE ZHES BYA BA 'DI LAS 'DI YANG DAG PAR BSTAN PA'O, ,DE DAG GI RTZA BAR GYUR PA RANG BZHIN LAS MA PHYE BA NI MA YIN NO ZHES BYA BA NI GANG ZHIG RANG BZHIN LAS PHYE BA BRAL BA DE NI 'OG NAS SHUN PA LA SOGS PA RNAMS LA RTZA BAR GYUR PA DE NI PHYED SHI BA NYID DU RJES SU THA SNYAD GDAGS PA MA YIN TE, DE BAS NA PHYOGS LAS 'DI RNAMS SEL BAR BYED PA LA DNGOS GZHI KHO NAR 'GYUR RO ZHES BYA BA'I DON TO, ,'DIR SHUN PA'I GZHUNG NI SHUN PA 'CHU BAR BYED CING SNYING PO DANG 'BREL BA 'CHU BAR BYED NA LTUNG BYED DU 'GYUR RO, ,SNYING PO DANG MA 'BREL PA 'CHU BAR BYED NA NI NYES BYAS SU 'GYUR ZHES GSUNGS PA YIN TE, PHRI DANG 'DAB MA SKYA BO DANG ME TOG KHA PHYE BA DANG, 'BRAS BU SMIN PA RNAMS LA YANG 'DI NYID RNAM PAR GZHAG GO ZHES BYA BA THAMS CAD LAS GSUNGS SO, ,'DAB MA DANG 'BRAS BU DAG LA 'JUG PAS 'CHU BA NI DE DAG NYID DANG LHAN CIG CHOS MTSUNGS PA YIN TE SMIN PA RNAMS KYI NI SMIN PA NYID YIN LA MA SMIN PA RNAMS KYI NI MA SMIN PA NYID YIN TE, DE DAG NYID KYI PHYOGS GCIG GYUR PA NYID YIN PAR RIG PAR BYA'O, ,GANG ZHIG ME TOG 'CHU BA'I NGO BO NI ME TOG LA 'JUG PA DE LA ME TOG NYID DE 'JUG PAR GYUR PA NYID NI MA YIN NO, ,DE BAS NA 'OG NAS GANG ZHIG 'DI DAG LA DE NI 'DI RNAMS LA 'DIR 'JUG PA 'DI BRJOD PAR RIG PAR BYA'O, ,'DIR GZHUNG NI ZHU PA LAS CIG CAR 'BYUNG STE 'CHU BA GCOD NA NYES BYAS SO, ,PHA BONG GI DREG PA 'CHU NA NYES BYAS SO ZHES GSUNGS PA YIN NO, ,'DIR 'CHU BA ZHES BYA BA'I SGRAS NI AUTPA LA LA SOGS PA KHA BYE BA'I 'CHU BA DANG, 'DAB MA'I 'CHU BA BSDUS PA RIG PAR BYA'O, ,'DIR PHA BONG GI DREG PA ZHES BYA BA NI RDO'I DREG PA YIN PAR RIG PAR BYA'I SRU SRU NI MA YIN NO, ,SA BON GYI KHAMS BTAB PA RTZA BA MA SKYES PA NI PHYED SKYED PA NYID DU'O ZHES BYA BA NI SA

190a

, ,BON GYI KHAMS BTAB PA LA DA DUNG RTZA BA MA SKYES PA NYID DU RJES SU THA SNYAD GDAGS TE, DE LA NI 'DIR NYES BYAS SO ZHES BYA BA'I DON TO, ,SA 'BUS PA DANG SHA MO DANG SHA BA LA SNOD DANG GOS LA SOGS PA'I RLAM RNAMS NI PHYED SKYES PA NYID DU'O ZHES BYA BA NI RJES SU THA SNYAD GDAGS SO ZHES BYA BAR SBYAR RO, ,SNOD DANG GOS LA SOGS PA RNAMS KYI RLAM GYI SGRA DANG 'BREL PA YIN GYI, SNGA MA RNAMS KYIS KYANG MA YIN NO, ,'U SHA'I KHU TSAN LA SOGS PA DBO BA DANG 'CHAG PA DANG YAL GA LA SOGS PA 'DREN PA DANG, DKYIL 'KHOR DANG SKYANG NUL DAG LA DE DAG GI BSAM PA NYID LA NI LTUNG BA MED DO ZHES BYA BA NI DBO BAL SOGS PA'I BSAM PA NYID LA ZHES BYA BA'I DON TO, ,MA NYAMS PA'I 'DUN PAS LTUNG BA MED PA NYID DE NA SMAD PA NI MA YIN ZHES BYA BA 'DI BSTAN PA'I DON DU MDO 'DI YIN NO, ,RTEN NYID KYIS YIN TE DE BAS NA 'DIR LTOS PAS BSREG PAR BYA BA DANG 'THAG PAR BYA BA NYID KYIS NI MA YIN NO ZHES BYA BA 'DIR LTUNG BA MED PAR SHES PA'O, ,PHONGS PA'I TSE RTZVA KU SHA LA SOGS PAS BCINGS PA DES MI THAR NA BCAD NA YANG NGO ZHES BYA BA LA, YANG GI SGRAS NI LTUNG BA MED DO ZHES BYA BA 'DI'I RJES SNYEGS PA'I DON DU'O, ,RTZVA KU SHA LA SOGS PAS ZHES BYA BA NI 'DIR GZHUNG NI SIL BU DAG LAS GLENG GZHI'I DBANG GIS RTZVA KU SHA RNAMS NYID LA 'DI GSUNGS TE, SEMS CAN GYI GRANGS LAS GZHAN THAMS CAD LA GCOD PAR BYED PA LA RNAM PAR GZHAG PA BYA BA NI SOGS PA'I TSIG GO, ,PHONGS PA'I TSE NA ZHES BYA BA NI KUN NAS NYON MONGS PA'I GNAS SKABS THOB PA YOD PA LA'O, ,'DIR GANG GIS GCOD NA RJES SU BSGRUB PAR GYUR PA LA LTUNG BA MED DO ZHES NA, DE'I PHYIR BCINGS PA ZHES BYA BA SMOS SO, ,GANG GIS BCINGS PA ZHE NA, DES ZHES BYA BA SMOS TE, GANG LA GCOD PA 'DI BSHAD PA RDZAS GANG NYID KYIS BCINGS PA RDZAS DE NYID BRJOD PA LA LTUNG BA 'DI MED PA YIN GYI GNAS SKABS THAMS CAD DU NI MA YIN TE, 'ON KYANG MI THAR NA BDAG GAM GZHAN LA 'GRO BA PO MED PAS SO, ,DU MA NYID YIN NA DE LAS GCIG GIS SO ZHES BYA BA NI GANG GI PHYIR MI THAR NA CHO GA 'DI YIN PA DE BAS NA DU MA NYID DU BCINGS PA LA DE GCIG GIS GCAD PAR BYA'I GZHAN GYIS NI MA YIN NO, ,SA BON GYI CHOS MED

190b

BA NI NYES PA BYED PA MA YIN NO ZHES BYA BA NI MA SBAS PA NYID KYI PHYIR 'DI LA LTUNG BAR BYAS PA NYID NI GANG GIS SAMS PA DE'I DON DU SA BON GYI CHOS MED PA NYID 'DI RUNG BA LNGA PO RNAMS GSUNGS PA GANG YIN PA DE'I BSDU BA'O, ,BYIN LEN MA BYAS PA'I KHA ZAS KYI LTUNG BA DANG 'BREL PA LAS 'DI DANG PO'I RUNG BA ZHES BYA BA DON 'DIR PHRAN TSEGS RNAMS LAS SA BON MED PA NYID 'BREL PA LAS ZHES BYA BA LA SOGS PA BLANGS PA ZHES BYA BA'I MTHAR THUG PAR GRANGS SO, ,SMAN GYI GZHI LAS YANG DAG PA NYID DU GRANGS PA ZHES BYA BA LA SOGS PA SRID PA LDANG BA ZHES BYA BA'I MTHAR THUG PAR GRANGS PA DANG, SMAN GYI GZHI ZHU BA LAS BYAS PA NYID CES BYA BA LA SOGS PA BZA' BAR BYA ZHES BYA BA'I MTHAR THUG PAR GRANGS PA DANG, PHRAN TSEGS LA SOGS PA LAS THA MI DAD PA MA YIN PA ZHES BYA BAR GRANGS SO, ,MES REG PA DANG MTSON DANG SEN MO DANG NE TZO DAG GIS RMA PHYUNG BA DANG RNYINGS PA DANG PHYUNG BA DANG BKRUM PA DANG BKAS PA DANG BCAS PA LTA BU DAG NI RUNG BA'O ZHES BYA BA NI GZHAN RNAMS KYIS RMA PHYUNG BA NI RMA PHYUNG BA MA YIN PA MA YIN TE, DE BAS NA MTSON LA SOGS PAS BRGYAB PA NI 'DIR DPER RTOGS PAR BYA'O, ,DE LAS GZHAN PA RMA BYUNG BA MA YIN PA NI SHING TOG LA SOGS PA LA SEN MO DANG NE TZOS RMA PHYUNG PA STE, GRAGS PA NYID KYI PHYIR DANG BRTZAL BAR BYA BA MA YIN PA NYID KYI PHYIR DANG GRAGS PAR BYA DKA' BA NYID MA YIN PA'I PHYIR MA BYAS PA JI LTA BA BZHIN DU 'DI RNAMS LA DPE NYID KYIS BSTAN PA'O, ,PHYUNG BA ZHES BYA BA NI PHYUNG BA STE, 'DIR DE NI BRTAGS PA GZHAN GYIS RUNG BAR BYA BA LA LTOS MI DGES TE, PHYUNG BA NYID KHO NA 'DIR RUNG BAR BYAS PAS NYID CES BYA BA 'DIR RTOGS PAR BYA'O, ,'DI BKRUM PAR BYED PA NI BKRUM PA'I TSIG GIS BZUNG NGO, ,BKAS PA STE ZHES BYA BA NI GAS PAR GYUR PA STE, RANG GAS PA NYID GANG YIN PA DE NI RUNG BA NYID MA YIN TE, RNAM PAR MI 'GYUR BAR GYUR PA NYID GYI PHYIR RO, ,BCAD PA ZHES BYA BA NI BRNGAS PA STE, GNAS LAS BSAL BA'I DON DU GCOD PA GANG YIN PA 'DI NI DE'I DON TO, ,BZA' BA'I DON DU 'THAD PA BYAS PA NYID LA RMA BYUNG BA NI 'DI YIN TE, DE NI SNGAR BZUNG BA STE, DE LTA BUR GYUR PA MA YIN PA ZHES BYA BAR GANG GIS BSAM PA DE'I DON DU TSIG 'DI'O, ,RUNG BAR BYAD PA NA SA BON MA

191a

, ,YIN PA NYID DU GYUR GYI BAR DU LTOS PAR BYA BA MI DGOS PA NYID DO ZHES BYA BA NI RUNG BAR BYED PA NA JI SRID DU SA BON MA YIN PA NYID DU GYUR GYI BAR DE SRID DU 'DI LA LTOS PA 'DI MI BYA ZHES BYA BA'I DON TO, ,DE REG PA'I ME ZHES BYA BA LA SOGS PAS BSAL BA'I DON NYID SHES PA YIN TE DE BAS NA MDO 'DI BYAS SO, ,'DI LA RLANGS PA NI ME MA YIN NO ZHES BYA BA LA, 'DI LA ZHES BYA BA NI RUNG BA LA'O, ,RLANGS PA NI ME KHO NA NYID DE RLANGS PAS KYANG MES REG PA LA RUNG BA NYID SKYES PA ZHES BYA BA DE'I 'DI BYED PA'O, ,'DIR MDO DE GNYIS KYI GZHUNG NI DGE SLONG DAG SA BON GYI RIGS MA TSOS PA ZHES BYA BA YOD PAS DE'I PHYIR RLANGS PAS BRLAN PA DE BZA' BAR RJES SU GNANG GIS 'DI LA 'GYOD PAR MI BYA'O ZHES GSUNGS PA YIN NO, ,'BRAS BU DAG MES RUNG BAR BYA BA LA SPYI'I TSO MAS NI GTZO CHER BYA BA LA 'DIR GZHUNG NI DGE SLONG DAG RGUN 'BRUM MES SPYIR RE RE NAS RUNG BAR BYED PAS ZHES BYA BA LA SOGS PA GSUNGS PA YIN NO, ,'DIR SPYI'I NGO BO GTZO BOR BYED PA'I YANG DAG PA NYID KYI GRANGS DANG LDAN PA STE SPYI LA RUNG BA NYID YIN PAR SNANG NGO ZHES BYA BA'I DON TO, ,PHYOGS GCIG NAS NI PHYI'I RUNG BAR MI 'BYUNG NGO ZHES BYA BA NI RUNG BA DAG BYAS PA ZHES BYA BA RUNG BA 'DI LA'O, ,DE BAS NA SPYI LA NGOS THAMS CAD LA MES REG PAR RIGS PA ZHES BYA BA'I DON TO, ,PHYOGS GNYIS SAM GSUM RNAMS SU REG PAR BYA'O ZHES GSUNGS PA DE BSDUS PA YIN NO, ,DGE SLONG GIS RUNG BA DAG BYAS PA NYID NI BYAS PA YIN NO ZHES BYA BA LA, 'DIR GZHUNG NI BTZUN PA RE ZHIG DE DAG GIS ZHUGS KYIS SA MA SEN MOS SAM MTSON GYIS SA BON GYI RIGS LNGA PO DAG RUNG BAR BGYID NA RUNG BAR PA GYIS PA ZHES BGYI 'AM, NYE BA 'KHOR RUNG BAR BYAS PA ZHES BYA STE, NYE BA 'KHOR MES RUNG BAR BYAS PA MA GTOGS PA LHAG MA RNAMS NI BZAR RUNG STE BZA' BAR BYA BA DAG YIN NO, ,GANG RUNG BAR BYED NA SA BON GYI TSOGS 'JOMS PA'I LTUNG BYED DU 'GYUR RO ZHES GSUNGS PA YIN NO, ,NYAMS PAR GYUR PA'I RUNG BA'I DBANG DU BYAS NAS GANG RUNG BAR BYED NA ZHES BYA BA'I TSIG RIG PAR BYA'O, ,GANG 'DIR NYE BA 'KHOR MES RUNG BAR BYAS PA MA GTOGS PA ZHES GSUNGS PA DES NI MER RUNG BAR BYA BA MA GSUNGS PA YIN TE, 'TSED

191b

PA MA YIN NO ZHES BYA BA MDO 'DIS RIG PAR BYA'O, ,DGE SLONG GIS BTZOS PA'I DBANG DU BYAS PA 'DIR BZA' BAR BYA BA NYID LA RGYU RNAM PAR GNAS PA YIN TE, GZHAN NI MA YIN NO ZHES BYA BA DON 'DI MDOR BYAS PA'O, ,SA RUNG BA MA YIN PAR YANG NGO ZHES BYA BA NI RUNG BA RNAMS KYIS BYAS PA NYID NI BYAS PA NYID DO, ,ZHAG BDUN PA DANG 'TSO BA'I BAR BCANG BA CHU GRANG MOS MA GTOR BAR BZA' BAR MI BYA'O ZHES BYA BA NI, DER RUNG BAR BYA BA DANG 'BREL PA YIN PAS 'DE'I TSIG BYAS PA'O, ,RUNG BA LA NI 'DIR MA GTOR BA NYID JI LTAR ME LA SOGS PAS DE BZHIN DU 'DI LA YANG GANG GI TSE DE'I NYES BYAS NYID LA RUNG BA NYID DE BZA' BA'I DUS NYID LA NI MA YIN NO ZHES BYA BAR RTOGS PAR BYA'O, ,'DIR GZHUNG NI BTZUN PA GANG ZHIG LTUNG BA BRGYAD PO 'DI RNAMS TZO TZA'I 'BRAS BU LAS BYUNG BA DANG CHU SHING GI 'BRAS BU LAS BYUNG BA DANG GO LAS BYUNG BA DANG RTZUB 'GYUR LAS BYUNG BA DANG, RGUN DANG AU DU MA B'A RA LAS BYUNG BA DANG N+YA GRO DHA LAS BYUNG BA DANG KHYAB GNAS LAS BYUNG BA GANG DAG LAGS PA DE RNAMS RTZA BA'I KHU BA 'AM SDONG BU'I KHU BA 'AM 'DAB MA'I KHU BA 'AM ME TOG GI KHU BA DANG BSRES SHING 'TSAL ZHING SBYAR NA RUNG NGAM, GAL TE SKYUR BA DANG, MYOS PAR MI 'GYUR BA DANG, MI BSKA BA DAG YIN NA BTUNG DU RUNG NGO, ,DE LAS LHAG PAR CHUS BTAB PA DAG NI ZHAG BDUN PA 'AM 'TSO BA'I BAR DU BCANG BA DAG YIN NO ZHES GSUNGS PA'I TSIG GIS SO, ,THUN TSOD DU RUNG BA YANG DE MA THAG PA'I MI BYA'O ZHES BYA BA LA, DES ZHES BYA BA NI CHU GRANG MOS SO, ,'DI LA GZHAN GYI DUS MA YIN PA LAS MA BYAS PA LA BYAS PA NYID DO, ,MAR BSRUB BA'I TSE DANG 'BRI MAR 'TSER BA'I TSE NA YANG CHU GRANG MOS GDAB DGOS MOD GYI, 'ON KYANG MAR DANG MAR NAG PO DAG GIS RUNG BAR BYAS PA NYID DO, ,KUN SLONG LA 'DI DGOS PAS 'DI DAG GRUB PA LA RUNG BA 'DI LA BYAS PA NYID KYI PHYIR BU RAM YANG MES BSKOL BA NA CHU GRANG MOS GDAB PAR BYA BA YIN MOD KYI, DE'I TSE NA CHUS BTAB PA DES RUNG BAR BYAS PA NYID DU MI CHUD DO, ,ZHAG BDUN PA LA MES RUNG BAR BYA BA MI SRID DE 'DIR GZHUNG NI DE LA NYAMS SU MA GRUB PA DANG, MNGON SUM MA YIN PAR THOS PAR 'PHYA YANG RUNG ZHES BYA BA 'DI'I RJES SU SNYEGS

192a

, ,PA'I PHYIR RO, ,'DIR GZHUNG NI TSE DANG LDAN PA NYE DGA' DANG LHAN CIG TU 'DU 'DZI'I GTAM GYI PHYIR 'KHOD PA NA TSE DANG LDAN PA GYAD BU NOR PHYOGS DER SONG NGO ZHES GSUNGS PA YIN NO, ,GZHOGS 'PHYAS ZHES BYA BA NI GANG GI DON DU 'PHYA BA DE'I MING NAS 'BYIN PA NI MA YIN ZHES BYA BA'I DON TO, ,LTUNG BA JI LTA BU DANG KHA NA MA THO BA JI LTA BU LA 'DIR 'DI RNAMS LA BYED PA PO NYID YIN ZHE NA BGRANGS PA LA NI DNGOS GZHI'O ZHES BYA BA SMOS TE, MNGON SUM DU 'PHYA BA DANG GZHOGS 'PHYAS BYED PA 'PHANGS PA NYID KYIS GAL TE 'DI BGRANG BAR GYUR CIG 'PHYA BA DANG GZHOGS 'PHYAS BYED NA DE NAS GANG ZAG 'DI LA DNGOS GZHI'I BYED PA PO NYID DO, ,MA BGRANGS PA LA GZHAN DU NYES BYAS KYI'O ZHES BYA BA'I DON TO, ,CUNG ZAD TZAM YANG DANG DU LEN PAR MI NUS PA LA NI BRJOD PAR MI BYA'O ZHES BYA BA NI CUNG ZAD TZAM YANG DANG DU LEN PAR MI NUS PA'I GANG ZAG LA BSKUL BA DRAN PA BYA BA LA SOGS PAS CUNG ZAD TZAM YANG BRJOD PAR MI BYA'O, ,GZHAN LA 'PHYA BA DANG GZHOGS 'PHYAS BYED PA'I RNAM PAS GANG ZHIG BRJOD PA DE 'DIR BSDUS PA YIN NO, ,ZHE SDANG BAR GYUR PA DE RANG GIS LAS SU BSKO BAR MI BYA'O ZHES BYA BA NI CUNG ZAD TZAM YANG DANG DU LEN PAR MI NUS PA'I GANG ZAG GANG YIN PA DE ZHE SDANG PAR GYUR CING MI DGA' BAR GYUR NA DE DGE 'DUN GYIS LAS SU BSKO BAR MI BYA STE BRGYUD PAS NI BSKO BAR BYA'O, ,'PHYA BA'O, ,GLENG BAR GTOGS BA'I BSGO BA TSIG GIS RNA LA GZON PA DANG, CANG MI SMRA BAS RNA LA GZON PA DANG, GANG ZAG BSTAN PA RNAMS LA NGOR 'PHYA BA DANG, ZUR GYIS GZHOGS 'PHYAS BYED PA GSOL BAR MI BGRANG BAR MI BYA'O ZHES PA NI GLENG BAR GTOGS PA'I BSGO PA'I TSIG GIS RNA LA GZON PA DANG, CANG MI SMRA BAS RNA LA GZON PA DANG, GANG ZAG BSTAN PA RNAMS LA NGOR 'PHYA BA DANG ZUR GYIS GZHOGS 'PHYAS BYED PA DANG ZHES BYA BA'I BSDU BA'O, ,ZAS LA BSKO BA LA SOGS PA'I GANG ZAG RNAMS BSHAD ZIN TO, ,DA LTAR BYUNG BA LA 'DI NI NGES PAR BYED PA STE, BGRANG BAR BYA BA NI NGED KYIS KHYOD KYI SPYOD PA DAM PA MA YIN PA 'DI 'DRA BAR SHES TE, KHYOD GANG ZAG SPYOD PA DAM PA MA YIN PA DANG LDAN PA DE LTA BU DAG GI NANG DU BCUG GO ZHES KHREL MED PA RNAM PA DE LTA BU NYID KYI GRANGS SU DE DAG

192b

BGRANG BA'O, ,DE BAS NA DE DAG BGRANG BA LA BTANG SNYOMS BYA BA NYID NI MA YIN NO, ,GLENG BAR GTOGS PA NI TSIG TU GYUR PA GO BAR BYED PA'O, ,GLENG BAR GTOGS PA'I BSGO BA GLENG BA POS BYA BA'I DRI BA ZHES BYA BA'I DON TO, ,RNA LA GZON PA NI RNAM PA GNYIS DAG GIS TE, TSIG GIS LEN 'DEBS PA LA SOGS PAS GANG ZHIG BZLOG PA DANG CANG MI SMRA BA'I NGO BOS SO, ,DE LA GLENG BAR GTOGS PA'I GANG ZHIG GLENG BA DANG 'BREL BA'I BSGO BA RNA LA GZON PAR BYED PA DE NI 'DIR RNA LA GZON PA POR RIG PAR BYA'O, ,GANG ZHIG CANG MI SMRA BA'I TSUL GYIS RNA LA GZON PAR BYED PA DE NI CANG MI SMRA BA'I TSUL GYIS RNA LA GZON PA'O, ,GANG ZAG BCU GNYIS GSUNGS PA DE RNAMS LA GANG ZHIG MNGON SUM DU 'PHYA BAR BYED PA DE NI GANG ZAG BRJOD PA LA MNGON SUM DU 'PHYA BAR BYED PA'O, ,'DIR MNGON SUM GYI SGRAS NI MING NAS 'BYIN PA'O, ,GANG ZAG 'DI RNAMS NYID NI ZUR GYIS GZHOGS 'PHYAS BYED PAS GANG GIS SKUL BAR BYED PAS DE NI ZUR GYIS GZHOGS 'PHYAS BYED PAS SO, ,GANG ZHIG GO BAR BYED PA NI 'DIR 'PHYA BA'O, ,MING NAS MI 'BYIN PA NYID KYIS 'PHANGS PA'O, ,'DI RNAMS NI GSOL BA'I LAS KYIS BGRANG BAR BYA'O, ,BSGO BA RNA LA GZON PA NYID DANG, CANG MI SMRA BAS RNA LA GZON PA NYID DANG MNGON SUM DU 'PHYA BAR BYED PA DANG, ZUR GYIS GZHOGS 'PHYAS BYED PA 'PHANGS PA NYID KYIS GRANGS JI LTA BA BZHIN DU'O, ,CI ZHIG BYAS NA BSGO BA RNAL GZON PA'I LTUNG BYED DU 'GYUR ZHE NA, DE'I PHYIR DGE SLONG GIS BSGO BA RNA LA GZON NA'O ZHES BYA BA SMOS SO, ,BSAM PA JI LTA BUS SHE NA, 'DUN PAS SO ZHES BYA BA SMOS SO, ,RNA LA GZON PAR 'DUN PA STE GZHAN DU NA LTUNG BA MED CES BYA BA 'DIR RNAM PAR GZHAG PA'O, ,JI LTAR ZHE NA DE'I PHYIR GZHAN BRJOD PAS SO ZHES BYA BA SMOS TE, BSGO BA MA YIN PA DANG 'DRA BA'I DON GYI TSIG GIS ZHES BYA BA'I DON TO, ,KHYAD PAR YONGS SU MA BZUNG BA'I PHYIR 'DIR THAMS CAD DU DGE SLONG GIS BSGO BA THAMS CAD DU RNA LA GZON PA LA THA NA 'GRO BA YONGS SU 'DRI BA'I BDAG NYID CAN LA DNGOS GZHI ZHES BYA BA RTOGS PAR BYA'O, ,DE LTAR YANG GZHUNG NI 'DI RNAM PAR 'BYED PA LAS DGE SLONG GIS JI TZAM DU GZHAN 'DRI BA LA LAN 'DEBS NA THAMS CAD DU LTUNG BYED DU 'GYUR RO ZHES GSUNGS

193a

, ,PA YIN NO, ,GZHAN 'DRI BA LA NGON GZHAN BRJOD PA NI GZHAN BRJOD PA'O, ,RTOG PA YOD PA LA DON GZHAN GYIS NI DNGOS TE, DE LTAR YANG GZHUNG NI ZHU BA LAS, DBUS PA'I TSIG GIS MTHA' 'KHOB PA LA 'AM, MTHA' 'KHOB PA'I TSIG GIS DBUS PA LA MTHA' GZHAN DANG GZHAN BRJOD NA NYES BYAS SO ZHES GSUNGS PA YIN NO, ,CANG MI SMRA NA NYES BYAS SO ZHES BYA BA NI CANG MI SMRA BAS DGE SLONG GIS BSGOS PA RNA LA GZON LA NYES BYAS SO, ,MI DRAN NO ZHE NA YANG NGO ZHES BYA BA NI BRJOD PA 'DI NYID DE DANG 'BREL PA NYID YIN TE, GZHAN DON LA NI MA YIN TE DE BAS 'DI NA SMAD PA'O, ,'DIR GZHUNG NI ZHU BA KHA CIG LAS MI DRAN NO ZHES ZER NA NYES BYAS SO ZHES GSUNGS PA YIN NO, ,GAL TE BRJOD PAR BYA BA SDUG BSNGAL BAR GYUR PA YIN NA MED DO ZHES BYA BA NI SDUG BSNGAL BAR GYUR PA'I RGYU YIN NA GZHAN BRJOD KYANG LTUNG BA MED DO ZHES BYA BA'I DON TO, ,GANG GI PHYIR DE 'DI LTAR YIN NA, DE'I PHYIR GSAD PAR BYA BA MTHONG NGAM ZHES 'DRI BA LA RE ZHIG ME 'DI SHIG SKOM 'THUNGS SHIG NGAL SOS SHIG ,NAM MKHA' MTHONG NGO SEN MO MTHONG NGO, ,DON DAM PAR NA SEMS CAN NAM GSAD PAR BYA BA MA MTHONG NGO ZHES BYA BA SMRAS NA LTUNG BA MED DO ZHES BYA BA'O, ,GANG DU CHE BZHI NYID BYA DGOS PAR 'GYUR BA'I GNAS DER BSTEN PAR MI BYA'O ZHES BYA BA NI GLENG GZHI DAG LAS CHO GA GNYIS PA 'DI DE LTA BU'I 'DRI BA'I PHYOGS KYI PHYOGS KYI PHYIR 'DIR YANG DAG PAR ZHUGS PA'O, ,GNOD PA'I SGO MA BCAD PAS CHE BZHI'I DBYE BAR MI BYA'O ZHES BYA BA NI CHANG BA LA SOGS PA GNOD PAR SGO MA BCAD PA GANG GIS ZHES BYA BA 'DIR BSDU BA'O, ,GSAD PA DANG BCING BA LA SOGS PA DAG GIS GZHAN LA GNOD BA DAG GI SGO NI SGO STE, SGO GANG GIS GNOD PA DE'I BCAD PA NI BCAD PA MA BYAS PAR CHE BZHI'I DBYE BAR MI BYA ZHES BYA BA'I DON TO, ,BSGO BA RNA LA GZON PA'I LTUNG BYED DO,, ,,KHRI DANG KHRI'U DANG STAN NANG TSANGS CAN DANG LA BA DANG SNGAS DANG GOR BU ZHES BYA BA NI GNAS MA LA LO ZHES BYA BA LA, STAN NANG TSANGS CAN ZHES BYA BA NI RAS BAL CAN NO, ,LA BA ZHES BYA BA NI BAL LAS BYAS PA'I GOS SPU DANG BCAS PA'O, ,GOR BU ZHES BYA BA NI STAN ZLUM LA SOGS PA'O, ,'DI NI MTSON PA TZAM DU ZAD DE DRE'U RNGOG DANG DBYAM PO DANG BE'U RAS LA SOGS PA YANG 'DIS DRANGS

193b

PA'O, ,'DOM BZHI BCU RTZA DGU TSUN CHANG NI DE'I NYEN KOR RO ZHES BYA BA NI, GNAS MAL 'DUG PA'I PHYOGS NAS BRTZAMS TE, 'DOM BZHI BCU RTZA DGU TSUN CHAD NA GNAS MAL DE'I NYEN KOR YIN NO, ,BSKOR BA LA NI SGO KHANG NAS SO ZHES BYA BA NI GTZUG LAG KHANG DANG KHANG KHYIM RTZIG PA LA SOGS BAS BSKOR BA LA NI SGO KHANG NAS BRTZAMS NAS 'DOM BZHI BCU RTZA DGU TSUN CHAD DE'I NYEN KOR YIN NO, ,'DIR GZHUNG NI MA MO LAS, DGE SLONG GIS PHYI ROL DU BLA GAB MED PAR GNAS MAL BSHAMS NAS SGO KHANG GI PHYI ROL NAS 'DOM BZHI BCU RTZA DGU PHAN CHAD DU 'GRO BAR MI BYA'O, ,GAL TE 'GRO NA 'GAL TSABS CAN DU 'GYUR RO ZHES GSUNGS PA YIN NO, ,DE LAS 'DA' BA'I PHYIR BRJED PAS KYANG 'GRO BA DANG NANG DU GNYID LOG PA DANG SNYOMS PAR ZHUGS PA LA SOGS PAS KLOG TU GYUR PA YIN NO ZHES BYA BA NI GNAS MAL DE LAS 'DA' BA'I DON DU BRJED PAS KYANG RUNG MA BRJED PAS BLO SNGON DU BTANG BAS KYANG GNAS 'DI LAS 'GRO BA GANG DAG YIN PA'O, ,'DIR GZHUNG NI GAL TE DE LAS LAM KHAR DRAN ZHING ZHES BYA BA LAS LTUNG BA DE YANG CHOS BZHIN DU PHYIR BYA'O ZHES BYA BA'I BAR DU GSUNGS PA DANG, YI GE KHA CIG LAS GANG ZHIG THOG MA DANG THA MAR GNYID LOG PA DANG SNYOMS PAR ZHUGS PA LA SOGS PAS LKOG TU GYUR PA GNYID LOG GAM SNYOMS PAR ZHUGS NA ZHES GSUNGS PA YIN NO, ,SPYIR YANG 'DIR GZHUNG YOD DE BLA GAB MED PAR NYE BAR GZHAG CING NYE BAR 'JOG TU BCUG NAS MA BSDUS SHING BSDUS PA MA BYAS PAR GTZUG LAG KHANG DU 'JUG CING PHAN PHUN DU GYUR NA LTUNG BYED DO ZHES BYA BA'I BAR DU GSUNGS PA YIN NO, ,DER YANG GNYID LOG PA LA SOGS PA NI MTSON PA TZAM YIN TE ZHES BYA BA SHES SHING SOGS PA'I SGRA 'DI MDZAD DO, ,'DIR SNYOMS PAR ZHUGS PA'I TSIG GIS DGE BA'I PHYOGS LA MNGON PAR BRTZON PA LA GNAS PA 'AM, 'DIR DE'I DON DU GNAS PAS NGES PAR 'BYUNG BA ZHES BYA BA BSTAN PAR RIG PAR BYA'O, ,KHA NA MA THO BA 'DI'I RGYUR GYUR PA LKOG TU GYUR PA NI RNAM PA GNYIS SO, ,LKOG TU GYUR PA NI CI'I DUS CAN TE, KHA NA MA THO BA GANG LA RGYU CI YIN ZHE NA, DE'I PHYIR PHAN PHUN GYI MDUN ROL DU NI SBYOR BA'O ZHES BYA BA SMOS TE, GNAS MAL DE

194a

, ,PHAN PHUN DU GYUR PA'I MDUN ROL DU NI SBYOR BA'O, ,PHAN PHUN DU GYUR PA DANG 'DAS PA NI MTHA'O ZHES BYA BA LKOG TU GYUR PA DANG 'GRO BA PHAN PHUN DU GYUR PA YOD PA LA GNAS MAL GYI MTHA'I MTHA' NI DNGOS GZHI ZHES BYA BA'I DON TO, ,GZHUNG NI RNAM PAR 'BYED PA'I YI GE KHA CIG LAS DGE 'DUN GYI GTZUG LAG KHANG NAS 'GRO BA LA YANG PHAN PHUN DU GYUR CING KHRI 'AM KHRI'U 'AM STAN NANG TSANGS CAN NAM LA BA'AM, SNGAS BLA GAB MED PAR NYE BAR BZHAG CING NYE BAR 'JOG TU BCUG NAS MA BSDUS SHING BSDU BA MA BYAS PAR MTSAMS GYI PHYI ROL DU 'GRO BAR BYED NA PHAN PHUN DU MA GYUR NA NI NYES BYAS SU 'GYUR RO, ,PHAN PHUN DU GYUR NA NI LTUNG BYED CES GSUNGS SO, ,GZHAN DU YANG MTSON PA NYID KYI PHYIR GNYID LOG PA DANG SNYOMS PAR 'JUG PA DAG LA 'DI THOB PA'O, ,GANG GI PHYIR DE LTAR LKOG TU GYUR PA LAS 'BYUNG BAR BYA BA MA YIN NO, ,PHAN PHUN DU GYUR NA YANG DNGOS GZHI LA RGYU CUNG ZAD KYANG YOD PA MA YIN TE, GANG GI PHYIR 'DIR GRANGS PA NYID NI 'DI LA MI 'GYUR RO, ,DE BAS NA 'DIR 'GRO BA LA MNGON PAR 'BREL PA DANG MTSAMS LAS 'DAS NA PHUN PHUN DU GYUR PA YOD PAS KYANG MTHA' KHO NA'O, ,BSDU BA BYAS SAM BYED DU BCUG PA LA NI DE DAG MI 'BYUNG NGO, ,GANG GIS GNAS MAL BSDU BAR BYAS SAM BYED DU BCUG PA DE LA 'DI DAG SBYOR BA MTHA' DAG NI 'DI DAG MA YIN NO, ,BCOL BA'I DGE SLONG YOD PA LA YANG MI 'BYUNG NGO ZHES BYA BA NI DES BLA GAB MED PAR BZHAG PA'AM 'JOG PAR BYED PA'I GNAS MAL DE LA GTAM RJES SU BSGRUB PA DAG GIS DGE SLONG LA BCOL BAR SBYOR BA MTHA' DE DAG 'BRAS BU DANG BCAS PA'I 'DI BCOL BA LA KHAS BLANGS BA'I BSGRUB PA LA BZUNG BA ZHES BYA BA SHUGS KYIS RTOGS PAR BYA'O, ,NYAM NGA BA LA DANG PHRAD PA LA YANG MI 'BYUNG ZHES BYA BA NI SBYOR BA DANG MTHA' DE DAG MI 'BYUNG NGO, ,SPYOD PA NI BYED PA DANG 'DRA'O ZHES BYA BA NI, GZHAN GYIS BTING BA LA GDING BAR BYED PA DANG, BZUNG BA LA 'DIR LONGS SPYOD PA BZUNG BAR SHES PAR BYA BA'I DON TO, ,GNYIS KA CIG CAR LONGS SPYOD PA LAS NI PHYIS LANGS PAS BYA BA DANG LDAN PA YIN NO ZHES BYA BA NI GNAS MAL BSDU BA LA'O, ,GAL TE MNYAM DU NA GZHON

194b

PAS SO ZHES BYA BA NI GAL TE GNYIS KA MNYAM DU LANGS PAR GYUR NA GZHON PA SHOS KYIS GNAS MAL BSDU BAR BYA, MNYAM PA NYID YIN NA NI GNYIS KAS SO ZHES BYA BA NI, LO GRANGS MNYAM PA NYID YIN NA GNYIS KAS BYA BA DANG LDAN PA NYID YIN NO, ,BCOL BA LA YANG MI 'BYUNG NGO ZHES BYA BA BRJOD PA LA BCOL BA'I GNAS DANG NGO BO BRJOD PAR BYA STE NGO TSA BA MED PA DANG NAD DANG BCAS PA DANG RGAS PA DANG NA BA DANG BSNYEN PAR MA RDZOGS PA RNAMS LA 'DI BCOL BAR BYA BA MA YIN PA NYID DO ZHES BYA BA SMOS TE, 'DI ZHES BYA BA GNAS MAL GYI GRONG DU ZHUGS PA LA'O, ,GTZUG LAG KHANG 'DE RE ZHES SAM LTOS SHIG CE 'AM, GNAS MAL 'DI RE ZHE 'AM SDUS SHIG CI 'AM, SGO LCAGS CHU GCIG CES BYA BA LTA BU NI BCOL BA DAG YIN NO ZHES BYA BA LA CES BYA BA'I SGRA NI RNAM PAR 'BYED PA'I DON TE, 'DI LTA BU'I RNAM PAR 'BYED PA CAN BCOL BA DAG CES BYA BA 'DI'I DON TO, ,GANG YANG RUNG BA'I DBYE BAS RTOGS PAR BYAS BA'I BCOL BA NYID CES BYA BA YANG DAG PAR BSTAN PA'I DON DU 'DIR RNAM PA LNGA BZUNG NGO, ,PHAN PHUN DU GYUR PA LAS MDUN ROL DU ZHES BYA BA BRJOD PA'I PHAN PHUN DU GYUR PA LA NGO BO BRJOD PAR BYA STE, PHAN PHUN NI RNAM PA GSUM STE, RLUNG GIS BZLOG PA DANG, CHAR PAS RIM PA GZHAN SLEBS PA DANG, SRIL LA SOGS PAS KYANG NGO ZHES BYA BA SMOS TE, KYANG GI SGRAS NI RIM PA GZHAN SLEBS PA ZHES BYA BA DRANG BA'I DON DU'O, ,SBYOR BA DANG MTHA' GNYIS KYI NGO BO BSTAN NAS 'DIR KHA NA MA THO BA JI LTA BU DANG, GANG GIS BYED PA PO NYID YIN ZHE NA DE'I PHYIR DE LA DGE 'DUN GYI MAL CHA DANG STAN NYID RANG NGAM BSKOS PAS BLA GAB MED PAR BZHAG PAR BYAS PA LTA BU NI BYED PA PO DAG YIN NO ZHES BYA BA SMOS TE, RANG NGAM ZHES BYA BA NI, RANG GIS BYAS PA NYID DAM BSKOS PAS SO, ,GANG LA YIN ZHE NA, DE'I PHYIR BZHAG PA ZHES BYA BA SMOS TE, DE LA ZHES BYA BA DANG SBYAR BAS GNAS LA BZHAG PA DE LA ZHES BYA BA SHES PA YIN NO, ,BYED PA PO DAG CES BYA BA NI, GNAS MAL NYED CES BYA BA LA SOGS PA'I YAN LAG RNAMS NI KHA NA MA THO BA LA'O, ,GNAS SKABS GANG LA JI LTA BU'I KHA NA MA THO BA LA BYED PA PO RNAMS YIN ZHE NA, DE'I PHYIR MTHAR THUG NA DNGOS GZHI'O, ,SBYOR BA LA NI

195a

, ,NYES BYAS KYI'O, ,RE ZHIG GI DUS SU GZHAN 'DUG PA'I BAR DU YANG DE'I'O ZHES BYA BA SMOS TE, DE'O ZHES BYA BA NI NYES BYAS SO, ,'DIR MTHAR THUG NA STE SBYOR BA NI MA YIN NO, ,RE ZHIG GI DUS SU GZHAN PA'I DUS YUN CUNG ZAD CIG GO, ,'DUG PA'I ZHES BYA BA NI GNAS DER 'DUG PA'I STE MTHAR THUG PA YANG NYES BYAS 'DI YIN ZHES BYA BA'I DON TO, ,'DIR GZHUNG NI ZHU BA'I YI GE KHA CIG LAS 'CHAG PA'I GNAS MAL MNOS PA LA DGE SLONG RNAMS KYIS DUS CUNG ZAD CIG BLANGS NA DGE 'DUN GYIS BTING BA DE YANG MI SDUD DAM SDUD DU MI 'JUG NA NYES BYAS SO ZHES GSUNGS PA YIN NO, ,GANG ZAG GI YANG NGO ZHES BYA BA YANG 'DIR NYES BYAS SO, ,'DIR GZHUNG NI ZHU BA DAG LAS GANG ZAG GI GNAS MAL YIN LA, DE DGE SLONG GIS GDING DU BCUG NAS DGE SLONG 'DUG PA LA MA BCOL BAR DE NAS 'GRO NA NYES BYAS SO ZHES GSUNGS PA YIN NO, ,'OG MA BZHI LA YANG NGO ZHES BYA BA NI GDING BA DANG SKROD PA DANG PHYIS GNON PA DANG RTZA BA 'BYUNG BA LA 'DUG PA ZHES BYA BA DAG LA YANG GANG ZAG GI GNAS SU NI NYES BYAS SO, ,'DIR GZHUNG NI ZHU BA LAS GANG ZAG GI GTZUG LAG KHANG DU 'DIR NA NYES BYAS SO, ,GANG ZAG GNAS MAL NAS SKROD NA NYES BYAS SO, ,GANG ZAG GI GTZUG LAG KHANG GI YIN LA DER DGE SLONG GIS PHYIS GNON BYAS TE GNAS MAL BCAS NA NYES BYAS SO, ,GANG ZAG GI GTZUG LAG KHANG GI STENG GI NAM MKHA' LA YANG THOG BYAS PAR LJID KYIS PHAB STE 'DUG GAN NYAL NA NYES BYAS SO ZHES GSUNGS PA YIN NO, ,REG PAR BYA BA NYID MA YIN PA NYID LA NI MI 'GYUR RO ZHES BYA BA NI GSER LA SOGS PA'I RANG BZHIN NYID REG PAR BYA BA MA YIN PA NYID NI NYES BYAS SU YANG MI 'GYUR ZHES BYA BA'I DON TO, ,'DIR GZHUNG NI ZHUB LAS DGE SLONG 'GA' ZHIG GIS KHRI'AM KHRI'U 'AM BLA GAB MA MCHIS PAR BZHAG STE, MA BSDUS SAM SDUD DU MA BCUG PAR DE NAS GZHAN DU MCHI NA LTUNG BA MI 'BYUNG BA 'GA' MCHIS SAM, BKA' STZAL PA YOD DE RIN PO CHE LAS BYAS PA YIN NO ZHES GSUNGS PA YIN NO, ,'DIR REG PAR BYA BA MA YIN PA NYID RIN PO CHE BZUNG BA LA GTZO BO STE, DE BAS NA 'DIR GZHAN DU NYE BAR BTAGS PA SHES PAR BYA BA MA YIN NO, ,BSDU BAR BYA BA BTING STE

195b

BSOD SNYOMS LA ZHUGS PA NA, GAL TE RLUNG DANG CHAR PA 'ONG NA GTZUG LAG KHANG NA 'KHOD PA RNAMS KYIS BSDU BAR BYA'O ZHES BYA BA NI GUS PAR BYA STE ZHUGS PA PHYIR 'ONG BAR BYA'O, ,BSDU BAR BYA BA BTING STE GNAS MAL DANG BSOD SNYOMS LA ZHUGS PA DANG RLUNG DANG CHAR 'BAB PA MTHONG NA GUS PAR BYA STE MYUR DU PHYIR 'ONG BAR BYA'O ZHES BYA BA'I DON TO, ,DE'I DON LA NYES PA MED PA DANG NA SMAD PA MA YIN NA ZHES BYA BA NI BSOD SNYOMS KYI DON NYID DU ZHUGS PA DE LA GNAS MAL DANG 'BREL PA'I YONGS SU RDZOGS PA NYID NI KHA NA MA THO BA ZHES BYA BA'I DON TO, ,NA SMAD PA ZHES BYA BA LA, 'DIR GZHUNG NI BSDU BAR BYA BA BTING STE BSOD SNYOMS LA ZHUGS PAR MI BYA'O, ,'JUG NA 'GAL TSABS CAN DU 'GYUR RO ZHES GSUNGS PA YIN NO, ,GANG GI PHYIR 'GAL TSABS CAN BCAS PA'I TSIG NI JI LTAR BRJOD PA'I SKYON YOD PA STON PAR BYED PA STE, 'DI NA SMAD PA'I RGYU YANG YOD PA MA YIN TE GANG GI PHYIR NA SMAD PAR 'GYUR, GAL TE BRJOD PAS LAM RING DU 'DAS SAM PHYI NAS DRAN PA RNYED NA PHYIN CHAD DE LTAR MI BYA'O ZHES SEMS BSKYED PAR BYA ZHING TSIG TU BRJOD PAR YANG BYA'O ZHES BYA BA NI, GAL TE LAM RING POR MA PHYIN PAR SLAR DRAN PA RNYED NA NI PHYIR LOG PAR BYA'O ZHES BYA BA 'DIR RNAM PAR GNAS PA YIN NO, ,GAL TE DGE SLONG LAM NAS TSUR 'ONG BA ZHIG DANG PHRAD PAR GYUR NA BSDU BA'I PHYIR DE LA BCOL BAR BYA'O, ,KHAS BLANGS PAS SON PA NYID NA BYA BA NYID DO ZHES BYA BA NI GNAS MAL GYI GNAS SU SON PA NYID LA 'DIR NI GNAS MAL YANG DAG PAR BSGRUB PA LA SLAR BSDU BAR BYA ZHES BYA BA GANG ZHIG GIS KHAS BLANGS PA DE DE'I BYED PA PO NYID DO, ,DE'I ZHES BYA BA 'DI NI SHUGS KYIS RNYED PAR BYA BA STE, DE BAS NA MDOR MA BYAS SO, ,'DIR 'DI'I GZHUNG NI GAL TE DGE SLONG DES KYANG DGE SLONG DE LA KHAS BLANGS NAS GNAS MAL DE BSDU BAR MI BYED NA LTUNG BYED DU 'GYUR RO ZHES GSUNGS SO, ,TSUR 'ONG BA ZHIG LA 'DI SKAD SMRAS TE, GZHAN DU YANG 'DI'I RJES SU 'BRENGS PAS 'DI SHES PA STE, RIG PA LA YANG BYED PA PO LA GNAS PA LA NI LTUNG BA MED DE, 'DI NI KHAS BLANGS PA ZHES BYA BA GSUNGS PA YIN NO, ,GNAS NAS 'PHAGS PAR 'GYUR BA NA NYAM PA DANG PHRAD PAR MI 'GYUR BA LTA NA GNAS MAL BSDU BAR BYA'O ZHES BYA BA NI

196a

, ,BLA GAB MED PA 'AM G-YOGS PA LA YANG ZHES BYA BA BYE BRAG YONGS SU 'DZIN PAR RTOGS PA'O, ,'DIR GZHUNG NI PHRAN TSEGS DAG LAS DGE SLONG GIS GNAS MAL BSDUS NAS 'GRO BAR BYA'O, ,MI SDUD NA 'GAL TSABS CAN DU 'GYUR RO ZHES GSUNGS PA YIN NO, ,NYAM NGA BA DANG PHRAD PAR MI 'GYUR BA LTA NA ZHES SMOS PA NI GNAS MAL SDUD PAR BYED PA NA MCHIS PA'I DBANG GIS GAL TE NA SROG GI BAR CHAD LA SOGS PAS 'BYUNG BAR DOGS PA DANG NYAM NGA BA LA GNAS PA ZHES BYA BA 'DI'I DON DU'O, ,GAL TE DRI MA CAN DU GYUR NA SPRUG PAR BYA'O ZHES BYA BA LA, 'DIR GZHUNG NI MA MO LAS DGE SLONG 'GRO BAR CHAS PA ZHES BYA BA NAS GNAS MAL DRI MA CAN DU GYUR PA NA SPRUG PAR BYA'O ZHES BYA BA'I BAR DU GSUNGS PA YIN NO, ,DE DBUL BAR BYA'O ZHES BYA BA NI NYAM NGA BA DANG PHRAD PAR GYUR PA'I GNAS MAL LO, ,YANG NA BCOL BAR BYA'O ZHES BYA BA NI NYAM MI NGA BAR PHRAD PAR MI 'GYUR BAR LTA NA ZHES BYA BA NI RJES SU SBYAR RO, ,GANG LA ZHE NA, DE'I PHYIR DGE SLONG LA'O, ,MED NA DGE TSUL LA'O ZHES BYA BA SMOS TE, DGE SLONG MED NA DGE TSUL LA DE BCOL BAR BYA'O, ,DE YANG MED NA KHYIM BDAG LA'O ZHES BYA BA NI DGE TSUL DE YANG MED NA KHYIM BDAG LA DE BCOL BAR BYA'O, ,THAMS CAD MED NA PHYOGS BZHIR RNAM PAR BLTAS TE LDE MIG SBAS NAS 'GRO BAR BYA'O ZHES BYA BA NI BCOL BAR BYA BA THAMS CAD MED NA'O, ,GAL TE LAM KHAR DGE SLONG MTHONG NA PHYOGS DE DE LA BRJOD PAR BYA'O ZHES BYA BA NI GANG DU LDE MIG SBAS PA'O, ,GAL TE 'ONG BA NI KHYIM GZHAN DU MGRON DU BOS SHING SGO BCAD PAR GYUR NA RTZIG DRUNG NGAM SHING LJON PA'I DRUNG DU STAN BZHAG STE 'JUG PAR BYA'O ZHES BYA BA NI GAL TE SGO LA ZHES BYA BA 'DI LA BCAD PAR GYUR NA ZHES BYA BA 'DI DANG 'BREL TO, ,'DIR RTZIG DRUNG NGAM SHING LJON PA'I DRUNG DU ZHES SMOS PA NI NYI TSAN BSKYAB PA'I DPE TZAM DU ZAD DO, , DE LTAR YANG 'DIR GZHUNG NI ZHU BA'I YI GE KHA CIG LAS RTZIG DRUNG NGAM SHING LJON PA'I DRUNG NGAM NYI MAS CHUD ZOS PAR MI 'GYUR NA GZHAG PAR BYA'O ZHES GSUNGS PA YIN NO, ,DER STAN DAG G-YAR POR SBYIN NO ZHES BYA BA LA DER ZHES BYA BA NI KHYIM GYI NANG DU'O, ,RANG GIS BSKUR BAR MI BYA'O ZHES BYA BA NI

196b

KHYIM GYI NANG NAS DGE SLONG GI GNAS MAL LO, ,DE NI KHYIM PA DANG DGE TSUL DAG GI'O ZHES BYA BA NI STAN BSKUR BA ZHES BYA BA'I DON TO, ,MED NA BSKYAL BA'I PHYIR KHYIM PA LA BCOL TE 'DONG BAR BYA'O ZHES BYA BA LA MED NA ZHES BYA BA NI KHYIM PA DANG DGE TSUL DAG GO, ,'DIR GZHUNG NI DGE SLONG ZAN ZOS NAS STAN RANG GI MCHAN KHUNG GIS BLANGS TE 'GRO BA NA BRAM ZE DANG KHYIM BDAG DAG CI 'PHAGS PA DAG ROL MO LTAR 'DONG NGAM ZHES CO 'DRI BAR BYED NAS, BCOM LDAN 'DAS KYIS BKA' STZAL PA, RANG GIS STAN BSKUR BAR MI BYA BAR KHYIM PA DANG DGE TSUL DAG GIS BSKUR BAR BYA'O, ,GAL TE KHYIM PA DANG DGE TSUL DAG MED PAR GYUR NA KHYIM BDAG DE NYID LA BCOL TE 'DONG BAR BYA'O ZHES GSUNGS PA YIN NO, ,BDAG CAG GIS BSKYAL LO ZHES ZER NA BZHAG STE 'DONG BAR BYA'O, ,DE DAG GIS MA BSKYAL NA GNAS PAR BYED PA DAG GIS BLANG BAR BYA'O ZHES BYA BA LA DE RNAMS KYIS ZHES BYA BA NI KHYIM PA RNAMS KYIS SO, , DE LTAR KHAS MA BLANGS NAS MA BSKYAL NA GNAS PAR BYED PA RNAMS KYIS BLANG BAR BYA'O, ,MED NA RANG GIS SO ZHES BYA BA NI, GNAS PAR BYED PA DAG KYANG MED NA RANG GIS BLANG BAR BYA'O, ,THAMS CAD KYIS NA GAnd'I BRDUNG BAR BYA'O ZHES BYA BA NI, GAL TE DGE SLONG THAMS CAD KYIS BLANG BAR BYA DGOS PA ZHIG YOD NA THAMS CAD 'DUS TE GAnd'I BRDUNGS TE BLANG BAR BYA'O, ,YON BDAG GIS GTZUG LAG KHANG DU RANG GI DON DU STAN DAG G-YAR POR BYED NA SBYIN PAR BYA'O ZHES BYA BA NI GANG RNAMS KYIS SPYAN 'DREN LA SBYIN PA DE RNAMS GAL TE GTZUG LAG KHANG DU RANG GI DON DU GDAN CHA DAG G-YAR POR BYED NA DE RNAMS LA G-YAR BO SBYIN PAR BYA'O ZHES BYA BA'I DON TO, ,DE DAG BSRUNG BA'I PHYIR DGE SLONG YANG GZHAG PAR BYA'O ZHES BYA BA NI GDAN RNAMS LA'O, ,DES PHYOGS GCIG TU BSDAD PAR BYA'O ZHES BYA BA NI BZHAG PA'I DGE SLONG GIS SO, ,RANG GI LAS BYA'O ZHES BYA BA NI BSAM GTAN DANG KHA TON BYED PA'O, ,SEMS GTAD PA LA YANG NGO ZHES BYA BA NI GDAN RNAMS LA SEMS GTAD BAR BYED CING GNAS PAR BYA'O, ,DONG NAS BRTUL BAR BYA'O ZHES BYA BA NI SPYAN 'DREN PAR BYED PA RNAMS DONG NAS GDAN CHA DE RNAMS BRTUL BAR BYA'O, ,MA RUNG BA DAG BYI DOR BYA'O ZHES BYA BA NI GANG GIS MA RUNG BA BYAS PA'I BYI DOR GANG GIS BYA

197a

, ,ZHE NA, DE'I PHYIR CHANG GIS NA CHU DAG GIS SO ZHES BYA BA SMOS TE, CHANG GI SNYIGS MAS MA RUNG BAR BYAS PA RNAMS NI CHU 'BA' ZHIG GIS BKRU ZHING BYI DOR BYA'O, ,SNUM GYIS NA CHAL GYIS SO ZHES BYA BA NI SNUM GYIS MA RUNG BAR GYUR PA RNAMS NI 'DAG PA'I CHAL GYIS BYI DOR BYA'O, , MI GTZANG BAS NA SA'AM LCI SKAM MAM LCI BAS SO ZHES BYA BA NI, GDAN CHA RNAMS MI GTZANG BAS MA RUNG BAR GYUR NAS SA'AM LCI SKAM MAM LCI BA RNAMS KYIS BYI DOR BYA BA'O, ,'DIR GZHUNG NI GZHAN DU SA TZAM LA 'DIR BZUNG BA ZHES GSUNGS TE, DE NI MTSON PA TZAM DU RNAM PAR GNAS PA YIN NO, ,DE DANG 'DI 'GAL BAR SHES PAR MI BYA'O, ,THAGS MA MA DAG NA GCAD PAR BYA'O ZHES BYA BA LA, 'DIR GZHUNG NI GAL TE RE ZHIG SBYANG BAR NUS NA DE LTA NA LEGS, GAL TE MI NUS NA 'BRENG PA BCAD DE DOR BAR BYA ZHING 'BRENG BU GSAR PA RNAMS KYIS KYANG SLAR GSO BAR BYA'O ZHES GSUNGS PA YIN NO, ,KHYIM PA 'DUG 'DUG PA'I STAN MA BSDUS PA MTHONG NA BSDU BAR BYA BA NYID DO ZHES BYA BA NI DGE SLONG GANG DAG GIS DE DAG MTHONG BA NYID KYIS DE DAG BSDU BAR BYA'O, ,GAL TE RGAS PA DANG NA BA YIN NA DGE SKOS KYIS SO ZHES BYA BA NI GAL TE MTHONG BA PO RGAS PA'AM NA BA YIN NA DGE SKOS KYIS BSDU BAR BYA BA NYID YIN NO, ,DES SBRAN PAR BYA BA NYID YIN NO ZHES BYA BA NI RGAN PO'AM NAD PA MTHONG BA PO DES SBRAN PAR BYA BA NYID YIN NO, ,GANG LA SBRAN PAR BYA SNYAM DU DOGS PA LA 'DIR BSKOS PA LA ZHES BYA BA DON GYIS DANG DBANG DU BYAS PA SHES PAR BYA'O, ,THAMS CAD KYI NAD PA BLTA BAR BYA'O ZHES BYA BA NI DE'I KHANG BU'I GNAS SU NYE BAR 'GRO BA NA GSAR BU'AM RGAN PO 'GA' ZHIG GIS NI MA YIN ZHES BYA BA'I DON TO, ,CI 'GRENG STE BLTA BAR BYA BA 'AM ZHE NA MA YIN TE DE'I PHYIR 'DUG STE'O, ,DER STAN THOGS TE 'GRO BAR MI BYA'O ZHES BYA BA SMOS TE, DER ZHES BYA BA NI NANG PA LTA BA LA'O, ,NAD PA'I NAD G-YOG GIS DER STAN DAG BSHAM PAR BYA'O, ,MKHAN PO'AM SLOB DPON DGE BA'I PHYOGS LA 'GRO NA GAL TE GZHAN GYIS DGE BA'I PHYOGS MI 'PHEL NA PHYI BZHIN 'GRO BAR BYA'O ZHES BYA BA NI GAL TE MA YIN NA GZHAN DU ZHES BYA BA'O, ,DE'I PHYI BZHIN 'GRO BA MA GTOGS PAR KLOG PA'AM GDAMS NGAG GAM RJES SU BSTAN PA BRTZAMS PA LAS

197b

SO SOR NYE BAR 'DUG PAR GYUR PA LA 'DIR SLOB DPON NAM MKHAN PO SMOS PA'O, ,GAL TE MA YIN NA GZHAN DU ZHES BYA BA 'DI LAS RTOGS PAR BYA'O, ,DE BAS GNAS KYI SLOB DPON DANG KLOG PA'I SLOB DPON DAG LAS GZHAN PA'I SLOB DPON 'DIR SMOS PA ZHES BYA BAR SHES PAR BYA'O, ,DE'I PHYIR RANG GI STAN BSKUR BAR BYA'O ZHES BYA BA LA, DE'I PHYIR ZHES BYA BA NI MKHAN PO'AM SLOB DPON GYI PHYIR RO, ,'GRO BA MA ZHUS PAR MI BSKUR RO ZHES BYA BA NI, BDAG NYID KYANG PHYI BZHIN 'GRO BAR 'GYUR BA 'DI LTAR MA ZHUS PAR BSKUR BAR MI BYA'O ZHES BYA BA'I DON TO, ,DE RANG NYID KYIS BSKUR RO ZHES BYA BA NI DE ZHES BYA BA NI RANG NYID KYIS BSKUR BAR BSTAN NO, ,BLA GAB MED PAR CHOS NYAN PA NA RLUNG DANG CHAR BYUNG BA NA BSDU BAR BYA'O, ,RGAN PO RNAMS KYIS NI RANG GIS MI NUS NA GZHON NU RNAMS DANG LHAN CIG BRJE BAR BYA'O ZHES BYA BA NI GZHON NU RNAMS KYI GNAS MAL GANG YIN PA DE NI YANG BA'I PHYIR RGAN PO RNAMS KYIS BSKUR BAR BYA'O, ,RGAN PO RNAMS KYI NI LCI BA NYID KYI PHYIR GZHON NU RNAMS KYIS BSKUR BAR BYA'O ZHES BYA BA'I DON TO, ,MTHUN PA DANG MTHUN PAR GZHAG PAR BYA'O ZHES BYA BA NI GANG GIS GANG MTHUN PA DANG MTHUN PA DE NYID DANG LHAN CIG TU DE GZHAG PAR BYA'I MI MTHUN PA DANG NI MA YIN ZHES BYA BA'I DON TO, ,GTZUG LAG KHANG GZHAN DU GDAN CHA DANG RDZAS BRNYAN BSKUR BAR BYA'O ZHES BYA BA LA DANG GI SGRA NI BRNYAN BSKUR BAR BYA'O ZHES BYA BAR SBYAR BA'I DON DU'O, ,'DIR RDZAS NI MCHOD PA'I DBANG DU BYAS TE BLTA BAR BYA'O, ,CI ZHIG NGES PA NYID DU BSKUR BAR BYA'AM ZHE NA MA YIN TE; DE'I PHYIR GAL TE CHAR 'BAB PA DANG 'BAB DU DOGS PA MED NA'O, ,GAL TE LAM KHAR RLUNG DANG CHAR BYUNG NA SHING LJON PA'AM RTZIG DRUNG DU BCER BAR BYA'O ZHES SMOS TE, RTZIG PA'I ZHES BYA BA NI DRUNG DU'O, ,RDZAS NGAN PA GCIG GIS G-YOGS PAR BYA'O, ,GTZUG LAG KHANG DU PHYIN NAS RDZAS RNAMS NI BSKAM PAR BYA'O ZHES BYA BA LA 'DIR GZHUNG NI KHYIM BDAG GCIG LA GTZUG LAG KHANG GNYIS YOD DE, DGON PA PA DANG GRONG MTHA' PA STE, DGE SLONG DGON PA PA RNAMS KYIS GRONG MTHA' PA'I GTZUG LAG KHANG NAS GOS DAG DANG GNAS MAL G-YAR BA DANG, DGE SLONG GRONG MTHA' PA DAG

198a

, ,GIS MA STER NAS, BCOM LDAN 'DAS KYIS BKA' STZAL PA BRNYAN PAR BYA'O, ,KHA DOG SNA TSOGS PA'I GOS RNAMS NI CHAR BAB NA NYAMS PAR 'GYUR RO, ,BCOM LDAN 'DAS KYIS BKA' STZAL PA, GAL TE CHAR PA 'BAB PA'AM 'BAB TU DOGS NA BRNYAN PAR MI BYA'O, , GAL TE LAM KAR CHAR 'BAB NA SHING LJON PA'I DRUNG DU GNAS PAR BYA'O, ,GTZUG LAG KHANG DU SONG NAS GOS RNAMS BSKAM PAR BYA'O ZHES GSUNGS PA YIN NO, ,ME SHOR RAM CHU BYUNG NA DGE 'DUN GYI YANG GDON PAR BYA'O ZHES BYA BA NI GNAS MAL GYI PHYIR 'DI BRJOD PA STE, SKYED PA'I DBANG GIS 'DI YANG DAG PAR BSTEN PA'O, ,GZHAN LA YANG CHO GA 'DIS SBYAR BA STE DE BAS NA KHYAD PAR MED PAR NYE BAR BRTAGS PA'O, ,RANG GI LHUNG BZED DANG CHOS GOS THON ZIN NA'O ZHES BYA BA NI JE DANG POR RANG GI LHUNG BZED DANG CHOS GOS GDON PAR BYA ZHING DE'I 'OG TU DGE 'DUN GYI YANG GDON PAR BYA'O ZHES BYA BA'I DON TO, ,GANG ZAG NI PHONGS PAR 'GYUR GYI DGE 'DUN NI MA YIN ZHES BYA BA BYAS NAS SO, ,BTON ZIN PA BSRUNG BA'I PHYIR DGE SLONG CHEN PO MI NUS PA GZHAG PAR BYA'O ZHES BYA BA NI STOBS CHUNG BA NYID KYI PHYIR LAS GZHAN LA MI SBYAR ZHES PAR DGONGS SO, ,MI BZOD PA NYID DU 'JUG PAR MI BYA'O ZHES BYA BA NI, ME DANG CHU DAG MI BZOD PA NYID LA GDON PA'I CHED DU 'JUG PAR MI BYA'O, ,GNAS MAL GYI LTUNG BYED DO,, ,,KHYIM GZHAN DU GDING BAR BYAS PA KHYIM BDAG LA DRIS PA DE DOR BAR BYA'O ZHES BYA BA LA BYAS PA ZHES BYA BA NI RANG GIS SAM BSKOS PAS SO, ,DGON PAR YANG NA SLONG BAR BYA'O ZHES BYA BA NI, YANG NA DOR BAR BYA ZHES BYA BA LA YANG NA ZHES BYA BA'I SGRAS NI RNAM PAR RTOG PA'I DON TO, ,DE NI MGO'AM MJUG BZLOG PAR BYAS PA NYID DO ZHES BYA BA LA, DE ZHES BYA BA NI SLONG BAR BYAS PA LA'O, ,'DIR GZHUNG NI DE RNAMS SLONG BAR BYED NA NYES DMIGS DE NYID DU 'GYUR RO; ,BCOM LDAN 'DAS KYIS BKA' STZAL PA, MGO'AM MJUG BZLOG PA SLONG BAR BYAS TE, 'GRO BAR BYA'O ZHES GSUNGS PA YIN NO, ,GOS DAG BSKAM PA'I PHYIR RTZVA GDING BA YANG DOR BAR BYA BA NYID DO, ,SLONG PA LA DOR BA KHAS LEN NA SBYIN NO ZHES BYA BA LA, SBYIN PA ZHES BYA BA NI GNANG BA'I

198b

RTZVA RNAMS SO, ,'CHAGS DAG TU RKANG MTHIL GNYIS LA RTZUB NA RTZVA DAG GDING BAR BYA'O, ,DE DAG KYANG DOR BAR BYA BA NYID DO ZHES BYA BA NI GNANG BA'I RTZVA RNAMS SO, ,GTONG NA DOR BAR BYA BA MA YIN PA NYID DU MA GYUR PA DOR BAR BYA'O ZHES BYA BA LA, GTONG NA ZHES BYA BA NI 'CHAG PA GTONG BA'I DUS LA DOR BAR BYA BA DOR BA'O, ,CI GNAS SKABS THAMS CAD DU YIN NAM ZHE NA MA YIN TE, DE'I PHYIR DOR BAR BYA BA MA YIN PA NYID DU MA GYUR PA LA ZHES BYA BA SMOS TE, GYUR PA LA NI GYUR PA NYID KHO NA BYAS PA NYID DOR BA ZHES BYA BA DON GYIS THOB BO, ,GZHAN GYI TSE NI DUS SU SO SOR BRTAG PA DANG BSGYUR LOG BYA'O ZHES BYA BA LA, GZHAN GYI TSE ZHES BYA BA NI GTONG BA'I DUS LAS SO, ,SA SNUM PA DANG MNGAR BA NI NYIN RE BZHIN NO ZHES BYA BA NI SRIL LA SOGS PA LAS BYUNG BA'I NYES PA SPANG BA'I PHYIR NYI MA RE RER BSGYUR BZLOG BYA BA'O, ,YUL GANG NAS SA SNUM PA DANG MNGAR BA NI SRIL RNAMS LA SDUG BSNGAL 'BYUNG BAS TE; DE'I PHYIR NA SNUM PA'I TSIG GO, ,DE LTAR YANG YUL 'DI NI SNUM PA DANG 'JAM PA'I SA DANG LDAN PA ZHES BYA BAS NI SNUM PA BRJOD PA'O, ,GZHAN DU ZLA BA PHYED PHYED CING NGO ZHES BYA BA NI SA SNUM PA DANG MNGAR BA LAS GZHAN PA'I YUL DU NI ZLA BA PHYED PHYED CING LAN RE BSGYUR BZLOG BYA'O, ,'DIR GZHUNG NI GAL TE SA PHYOGS SNUM PA DANG MNGAR BA YIN NA BTING BA NYIN RE ZHING BSGYUR BZLOG BYA'O, ,GAL TE SA PHYOGS SNUM PA DANG MNGAR BA MA YIN NA NI ZLA BA PHYED CING BSGYUR BZLOG BYA'O ZHES GSUNGS PA YIN NO, ,'CHAGS DAG TU RTZVA'I CHUN PO DAG THAG PAS BCINGS TE SHING LA GZHAG PAR BYA'O, , LCI BA GYO MOR GZHAG PAR BYA'O, ,GNAS NAS 'PHAGS PAR 'GYUR BA NA ZHES BYA BA YAN CHAD SNGAR THAL BA'O ZHES BYA BA NI, SNGAR MDO LAS GNAS NAS 'PHAGS PAR 'GYUR BA NA SNGAR GYI BSLAB PA'I GZHI DE DANG 'BREL PA GANG YIN PA DE 'DIR RTOGS PAR BYA'O, ,'DIR GZHUNG NI DGE SLONG 'KHOD PA LA YANG MA BCOL NA GZHAN LA DE 'DRA BA'I RKYEN MA GTOGS TE LTUNG BYED DO ZHES GSUNGS PA'I LTUNG BA BSTAN PA'I GZHUNG RGYA CHER 'BYUNG BA DE DAG GNAS MAL LTUNG BA'I LAM ZHES GSUNGS PA YIN NO, ,DE BZHIN DU 'DIR KHA CIG NI 'DIR GZHAN DE 'DRA BA'I RKYEN LAS ZHES BYA BA 'DI NYAM NGA BA DANG PHRAD PAR MI 'GYUR BA LTA NA ZHES BYA BA

199a

, ,NI MA YIN PA DGAG PA STE 'BREL PA MANG PO NYID DU BYA BA MI 'JUG PA YIN NO, ,DE'I PHYIR 'DI MED PAR RTOGS PAR BYA STE, BSLAB PA'I GZHI 'DI DAG LA RNAM PA GCIG TU GYUR PA NYID KYI PHYIR RO, ,DE BAS NA MA BRJOD PA'I DON LA YANG 'DIR SNGA MA'I RJES SU 'BRANG BAS THOB PA'O, ,GZHAN DAG NA CHER PAS PHAN PHUN DU GYUR PAS 'DIR MI 'JUD DO ZHES ZER NA DE YANG MI RIGS TE, 'DIR 'DIS KYANG SA GZHI CHUD ZOS PA'I PHYIR RO, ,REG PAR BYA BA MA YIN PA NYID LA NI MI 'GYUR RO ZHES BYA BA 'DI LA 'DIR DON MI SNANG BAS LOG PA'O, ,GNAS MAL 'DI SDUS SHIG CES BYA BA 'DIR 'DI LA GNAS MAL GYI GNAS SU GDING BA GTOGS PAR DON GYIS GRUB BO, ,DE BAS NA DE'I 'OG TU THAMS CAD LA DMIGS KYIS BSAL BA'O, ,CIG CAR SPYOD PA NI 'DRA BA NYID DO ZHES BYA BA THAMS CAD LA KHYAB PA DANG LDAN PA YIN GYIS LANGS PA LA NI MA YIN ZHES BYA BA'I DON TO, ,DGE 'DUN GYI MA YIN PAR NI GNAS PA'I BDAG PO RNAMS LA YANG DRI BAR BYA BA NYID YIN NO ZHES BYA BA NI YANG GI SGRAS NI DGE SLONG LA YANG ZHES BYA BA DGE 'DUN GYI GNAS MA YIN PAR GNANG BA'I GDING BA LA GNAS DE'I BDAG PO RNAMS LA DRI BAR BYA ZHING DOR BAR BYA BA NYID YIN NO, ,RNAMS LA ZHES MANG PO'I TSIG TU BSTAN PA NI 'DIR BU DANG CHUNG MA LA SOGS PA DAG KYANG DE'I DNGOS PO LA BDAG POR GYUR PA LA KHONGS SU BSDU BA'I DON TO, ,GCIG GI TSIG GIS KHYIM BDAG GCIG KHO NA LA BZUNG BAR SHES PAR 'GYUR RO, ,'DIR YAN LAG GANG RNAMS LA LTUNG BA'I BYED PA PO NYID YIN ZHE NA, DE'I PHYIR DGE 'DUN GYI GTZUG LAG KHANG NYID DANG RDO BA DANG BYE MA'I GZHI NYID LA SOGS PA'I BDAG NYID MA YIN PA NYID DANG DE LTA BU'I NYES DMIGS YOD PA NYID KYIS GZHIR RANG DANG BSKOS PAS GDING BA BYA BA NYID LTA BU NI BYED PA PO NYID YIN NO ZHES BYA BA SMOS TE, RDO BA DANG ZHES BYA BA NI RUNG BA NYID LA 'DI BSTAN PA STE, DE LTA BU'I BDAG NYID RUNG BA NYID CES BYA BA'O, ,SOGS PA'I SGRAS NI RDO BA LA SOGS PAS MA YIN PAR 'GYUR BA BZUNG NGO, ,RDO BA DANG BYE MA LA SOGS PA SA GANG LA YOD PA MA YIN PA DE NI RDO BA DANG BYE MA'I GZHI'O, ,DE'I DNGOS PO DANG RDO BA DANG BYE MA'I GZHI NYID DE RNAMS KYI BDAG NYID DO, ,DE LTA BU'I NYES DMIGS YOD PA NYID KYIS RUNG BA NYID CES BYA BA NI SRIL LA

199b

SOGS PA'I NYE BAR 'TSE BA RUNG BA NYID DO, ,RANG DANG BSKOS PAS GDING BA BYAS PA NYID LTA BU NI BYED PA PO DAG YIN NO ZHES BYA BA NI, SNGAR THAL BA'O ZHES BYA BA 'DI LAS DNGOS GZHI'I MTHA' ZHES BYA BA LA SOGS PA 'DIR RTOGS PAR BYA'O, ,GDING BA'I LTUNG BYED DO,, ,,SKROD PA'I LTUNG BYED LA BYED PA PO NYID GANG YIN ZHE NA DE'I PHYIR DGE SLONG NYID DANG DGE 'DUN GYI GTZUG LAG KHANG NYID DAG NI BYED PA PO NYID DO ZHES BYA BA SMOS SO, ,CI BSAM PA THAMS CAD KYIS DE NYID BYED PA PO YIN NAM ZHE NA DE'I PHYIR, GAL TE DE LA GNOD PA DANG DGE 'DUN 'KHRUG PA SKYE BA NYE BAR ZHI BAR MI 'GYUR BA'I GNYEN POR 'DOD PA MA YIN NA'O ZHES BYA BA SMOS TE, DGE SLONG NYID GANG LA BYED PA PO NYID DU BRJOD PA DE LA SROG GTONG BA LA SOGS PAS GNOD PA NI DE LA GNOD PA'O, ,DE LA GNOD PA DANG DGE 'DUN 'KHRUG PA DAG LA SKYE BA DANG SKROD PA GNYIS LA NYE BAR ZHI BAR MI 'GYUR BAR DOGS PA YOD PA LAS BSAM PA GZHAN LA 'DI DAG LAS BYED PA PO NYID CES BYA BA'I DON TO, ,DE GNYIS GANG LA BYED PA PO NYID YIN ZHE NA, DE'I PHYIR SKROD PA LA'O ZHES BYA BA SMOS SO, ,SUS SHE NA, DE'I PHYIR GZHAN GYIS KYANG NGO ZHES BYA BA SMOS TE, RANG NYID GCIG PU NI MA YIN NO, ,GZHAN GYIS RJES SU 'JUG PAS KYANG NGO ZHES BYA BA NI, GZHAN DAG BSKOS NAS SKROD PAR BYED NA LTUNG BA MED PA'AM NA SMAD PA MA YIN ZHES BYA BA'I DON TO, ,'DIR GZHUNG NI DGE SLONG GIS SKROD PAR BYED NA GNYI GA LA LTUNG BYED DO ZHES GSUNGS PA YIN NO, ,DGE SLOB MA DANG DGE TSUL DANG DGE TSUL MA RNAMS KYIS NI NYES BYAS KYI'O ZHES BYA BA NI 'DI RNAMS SKROD PAR BYED PA RNAMS LA NYES BYAS KYI BYED PA PO NYID YIN NO, ,'DIR GZHUNG NI RNAM PAR 'BYED PA LAS DGE SLONG GIS DGE SLOB MA DANG DGE TSUL DANG DGE TSUL MAS DGE SLONG SKROD PAR BYED NA LTUNG BYED DO, ,DGE SLOB MA DANG DGE TSUL DANG DGE TSUL MA LA NYES BYAS SU 'GYUR RO ZHES GSUNGS SO, ,DGE DAG KYANG NGO ZHES BYA BA NI DGE SLOB MA LA SOGS PA BSKRAD PAR BYA BA RNAMS LA SKROD NA'O, ,'DIR GZHUNG PHRAN TSEGS RNAMS LAS DER DGE TSUL DE'I RNAM PAS CIG SHOS DAG LA 'DI BSDU BAR BYA'O ZHES GSUNGS PA YIN NO, ,BZHAD GAD KYIS KYANG NGO ZHES BYA BA NI SKROD NA

200a

, ,NYES BYAS KYI BYED PA PO NYID YIN NO, ,KHYIM PA RNAMS LA NI BSOD NAMS MA YIN PA MANG PO ZHES BYA BA NI SKROD PAR BYED PA KHYIM PA RNAMS YIN NA DE RNAMS LA NI BSOD NAMS MA YIN PA MANG POR BYED PA PO NYID YIN NO, ,'DIR GZHUNG NI DGE SLONG GIS KHYIM PA DANG KHYIM PA MOS DGE SLONG SKROD DU BCUG NA LTUNG BYED DO, ,KHYIM PA DANG KHYIM PA MO LA NI BSOD NAMS MA YIN PA MANG DU BSKYED PAR 'GYUR RO ZHES GSUNGS PA YIN NO, ,SKROD PA'I LTUNG BYED DO,, ,,SHES GTZO BO ZHES BYA BA NI 'DU SHES GTZO CHER BYED PA PO NYID DO ZHES BYA BA NI MING CAN DU SBYOR BA BYED DO ZHES BYA BA'I DON TO, ,GANG LA 'DU SHES GTZO CHER BYED PA PO NYID YIN ZHE NA, DE'I PHYIR DGE 'DUN GYI GTZUG LAG KHANG GI GNAS SU DGE SLONG ZHUGS PA NYID LA'O ZHES BYA BA SMOS TE, DGE 'DUN GYI GTZUG LAG KHANG GANG YIN RUNG BA DANG 'BREL PA'I GNAS RTEN PA NYID DU DGOS PA LA SA'I PHYOGS GZHAN LA GTZUG LAG KHANG GI GNAS NYID DU BRJOD PA'O, ,'DI LTA BU LA SNGAR KHAS BLANGS PA'I DGE SLONG GIS ZHUGS PA NYID LA GANG DE LA LTUNG BA 'BYIN PAR BYED PA'I 'DU SHES GNAS 'DI NA DGE SLONG 'DIS GNAS 'DIR LHAG PAR GNAS SO SNYAM DU 'DU SHES 'DI YOD PA LA GNAS DE LA NI LTUNG BA'I BYED PA PO NYID YIN NO, ,DE LTAR DGE SLONG GANG ZHIG SLAR SHES SHING DGE 'DUN GYI GTZUG LAG KHANG NA DGE SLONG DAG SNGA NA 'KHOD PAR SHES BZHIN DU PHYIS 'ONGS NAS PHYIS GNON BYED NA ZHES BYA BA LA SOGS PA'I MDO GSUNGS PA YIN NO, ,DE LA GANG DU BYED PA PO NYID YIN ZHE NA DE'I PHYIR NA BA DANG 'JIGS PA'I DBANG MA GTOGS PAR PHYIS GNON BYED PA LA'O ZHES BYA BA SMOS TE, PHYIS GNON BYED PA LA'O ZHES BYA BA NI GZHAN LA MI 'DOD PAS ZHES BYA BA'I DON TO, ,MA GTOGS PAR ZHES BYA BA NI NA BA DANG DE'I DBANG NYID KYIS ZHES BYA BA'I DON TO, ,'DIR GZHUNG NI GANG GI TSE NA BA'AM 'JIGS PAR GYUR NA LTUNG BA MED DO ZHES GSUNGS PA YIN NO, ,DE NI DPE STE MTHO BTZAMS PAR 'DUN PAS DGE SLONG LA MTHO BTZAMS PAS KYANG NGO ZHES BYA BA LA, 'DIR GZHUNG NI BAR SNGOM LA, NGAN DANG BSOD DANG DRANG NGO DANG, ,CHOL ZANGS DANG NI BKRU SMAN DANG, ,RNAL 'BYOR MTHUN DANG KHA TON DANG, ,

200b

'JIGS DANG BCAS DANG 'JIGS MED DO, ,ZHES BYA BAS DGE SLONG GIS DGE SLONG LA JI TZAM CUNG ZAD THO 'TSAMS PAR BYED NA THAMS CAD LTUNG BYED DU 'GYUR RO ZHES BYA BA DGE 'DUN GYI GTZUG LAG KHANG DANG 'BREL PA'I GNAS KYI SGO LA RJES SU MTHUN PA'I SA PHYOGS SU YANG DAG PAR ZHUGS PA'AM PHONGS PA BSGRUB PAS RNAM PAR 'TSE BA SKYED PA'AM 'GAGS PAS GANG ZHIG THO 'TSAMS PAR BYED NA DE 'DIR MNGON PAR 'DOD PA ZHES BYA BA MDOR BYAS PA NI BSLAB PA'I GZHI RJES SU 'BRANGS PAS RTOGS PA BYA'O, ,BSGO BA RNA LA GZON PA DANG SKROD PAR BYED PA DANG, DES TSIG DANG DGAG DBYE DANG 'DEBS PAR BYED PA DANG, SPYOD PA DANG, BSDIGS PA DANG, YO BYAD 'JOG PA DANG, BSLAB PA'I GZHI RNAMS LA GZHAN DU BSLAB PA'I GZHI LAS LTUNG BA THA MI DAD PA NYID DU 'GYUR RO, ,'DIR YANG DGE 'DUN GYI GTZUG LAG KHANG LA GNAS PA RTEN PA DON MED PA NYID DU THAL BA'I PHYIR MA SMOS PA'I CHO GA GZHAN LA RNAM PAR 'TSE BA LA NI NYES BYAS SU RTOGS PAR BYA'O, ,PHYIS GNON GYI LTUNG BYED DO,, ,,DGE 'DUN GYI GTZUG LAG KHANG GI STENG GI THOG NYID NI BYED PA PO ZHES BYA BA NI, DGE 'DUN GYI GTZUG LAG KHANG GI STENG GI THOG NYID NI LTUNG BA'I BYED PA PO NYID YIN NO, ,CI RNAM PA THAMS CAD LA DE BYED PA PO YIN NO ZHE NA MA YIN TE, GAL TE BYIN GYIS GZHOL BA NYID DAM SPANG LEB NYID DAM, DE DANG 'DRA BAS G-YOGS PA NYID MA YIN NA'O ZHES BYA BA SMOS TE, DE DANG 'DRA BA ZHES BYA BA 'DIS NI SPANG LEB KYI RNAM PA BZUNG BA YIN NO, ,DE LTAR YANG 'DIR GZHUNG NI BYIN GYIS GZHOL BA YIN NA LTUNG BA MED DO ZHES GSUNGS PA YIN NO, ,GAL TE RKANG PA 'BYUNG BA'I GLAGS MED PA ZHES BYA BA 'DI 'DIR BSDUS PA'I DON DU RIG PAR BYA'O, ,CI 'DI NYID GCIG TU BYED PA PO YIN NAM ZHE NA MA YIN TE, 'DI'I PHYIR GNON PAR 'OS PA'I RTZA BA PHUR BU LTA BU NYID KYANG NGO ZHES BYA BA SMOS TE, KHRI DANG KHRI'U SMOS PA 'DIR BYAS TE KHRI'U DOR CIG CES BYA BA 'DIR MTSON PA TZAM DU RNAM PAR GNAS PA YIN NO, ,YOD PA NYID KYI PHYIR 'DI LTA BUR GYUR PA GZHAN LA YANG 'DI LTA STE, KHRI'U RKANG PA DANG 'DAS PA DANG BCAS PA 'DRA BA LA NYES DMIGS 'DRA BA NYID KYIS DER NGES PAR GNAS PA LA SOGS PA STE, DE'I PHYIR GNON PAR

201a

, ,'OS PA ZHES BYA BA'I TSIG BYAS SO, ,CI GNAS SKABS THAMS CAD DU 'DI LA BYED PA PO NYID YIN NAM ZHE NA MA YIN TE, DE'I PHYIR BKAN PA NYID DANG RKANG RTEN BCUG PA NYID NI MA GTOGS SO ZHES BYA BA SMOS TE, GANG LAS THOG NYID DANG RTZA BA PHUR BU LTA BU NYID DE GNYIS BYED PA PO YIN ZHE NA, DE'I PHYIR GNON PA LA'O ZHES BYA BA SMOS TE, MNAN PAR 'OS PA ZHES BYA BA DBANG DU BYED PA LAS SHES PAR BYED DO, ,MNGON PAR 'DUG PAR BYA BA'AM, MNGON PAR 'DUG PA ZHES BYA BA 'DIR 'DUG PA TZAM NI GTZO BOR RNAM PAR GNAS PA YIN ZHES BYA BA 'DI LTAR NYE BAR BRTAG PAR BYA'O, , CI ZHIG CI YANG RUNG BA NYID KYIS DE GNYIS LA BYED PA PO NYID YIN NAM ZHE NA, DE'I PHYIR SHES GTZO BO ZHES BYA BA SMOS TE, 'DU SHES GTZO CHER BYED PA PO NYID DO ZHES BYA BA'I RNAM PAS SO ZHES BYA BA'I DON TO, ,'DIR GZHUNG NI DGE SLONG GANG SHES BZHIN DU ZHES BYA BA SMOS PA YIN NO, ,RNAM PAR 'BYED PA LAS KYANG 'DIR RANG NYID KYIS RIG PAR GYUR PA'AM GZHAN DAG GIS BRJOD PAS SO ZHES GSUNGS SO, ,DGE SLONG GNON PAR BYAS PA'I GLENG GZHI DANG SBYIN PA GCAD PA'I PHYIR 'DI RNAMS BRTAGS PA'O, ,RTZA BA 'BYUNG BA LA 'DUG PA'I LTUNG BYED DO,, ,,YANG GANG ZHIG BSLAB PA'I GZHI 'DI LA YANG DGE SLONG GANG SHES BZHIN DU SROG CHAGS DANG BCAS PA'I CHUS RTZVA 'AM ZHES BYA BA DANG, GANG ZHIG YANG SLAR SHES BZHIN DU SROG CHAGS DANG BCAS PA'I CHU LA SPYOD NA ZHES BYA BA GCIG PO NYID GNYIS SU 'GYUR TE, YUL GYI BYE BRAG GIS NI DE GNYIS LTUNG BA THA DAD PA NYID YIN PAS GANG ZHIG DER CHO GA DE NYID CES BYA BA MNGON PAR BRTEN NAS YUL GANG LA 'DI DANG DE ZHES BYA BA DE BSTAN PA'I PHYIR, RANG SPYOD PA'I DON NYID DE LAS GZHAN PA'O ZHES BYA BA SMOS TE, RANG SPYOD PA NYID GZHAG PAR BYA BA GZHAN LA SHES GTZO BO ZHES BYA BA DE LA NI SROG CHAGS DANG BCAS PA LA SPYOD PA ZHES BYA BA'I LHAG MA DE NYID LAS RTOGS PAR BYA'O, ,SROG CHAGS DANG BCAS PA LA SPYOD PA'I LTUNG BYED DO,, ,,SGO CHA GZHUG PAR BYA'O ZHES BYA BA NI SGO CHA ZHES BYA BA NI SGO SKYES LA SOGS PA SGO DANG 'BREL PA'I YO BYAD DO, ,'DI LTAR YA PHUBS LAS GZHAN SGO SKYES BZUNG BA YIN NO ZHES BYA BA'I TSIG GIS RTOGS PAR

201b

BYA'O; ,SGO GLEGS DAG KYANG NGO ZHES BYA BA NA 'DIR SGO GLEGS ZHES BYA BA SGO LEB LA BYA STE, DE YANG SGO GLEGS ZHES SMOS PA'I TSIG GIS SO, ,SKAR KHUNG DAG KYANG GDOD PAR BYA'O ZHES BYA BA NI 'JUG PAR BYA'O, ,LTUNG BA 'DI LA BYED PA PO NYID GANG YIN ZHE NA, DE'I PHYIR GTZUG LAG KHANG NI BYED PA PO NYID DO ZHES BYA BA SMOS SO, ,'DI LA TSAD JI TZAM LA BYED PA PO NYID YIN ZHE NA, DE'I PHYIR SPYOD LAM BZHI SHONG BA'O ZHES BYA BA SMOS TE, GANG DU SPYOD LAM RNAM BZHI BYAR RUNG ZHING SHONG BA'O ZHES BYA BA'I DON TO, ,CI GTZUG LAG KHANG TSAD DE TZAM DANG LDAN PA THAMS CAD BYED PA PO YIN NAM ZHE NA, DE'I PHYIR GAL TE THAMS CAD RDO'AM SO PHAG GAM SHING LAS BYAS PA MA YIN NA'O ZHES BYA BAR SBYAR TE, THAMS CAD KYIS ZHES BYA BA NI THAMS CAD KYIS THAMS CAD DU GTZUG LAG KHANG LA YANG DA LTAR KHYIM LA DBANG BA ZHES BYA BA BYE BRAG MA SMOS PA'I PHYIR RTOGS PA'O, ,'DIR BYE BRAG GZHAN YANG BRJOD PAR BYA STE, CHAR CHU BSKYAB PA'I G-YOGS MA YANG NGO ZHES BYA BA NI GAL TE THAMS CAD NYI MA RE RE ZHING BYA BA BYAS PA ZHES BYA BA DON GYIS RTOGS PAR BYA'O, ,'DIR GZHUNG NI ZHU BA LAS BTZUN PA DGE SLONG DAG YOD DE, RTZIG PA RIM PA GNYIS SAM GSUM LAS LHAG PAR RTZIG CING DE LA LTUNG BYED DU YANG MI 'GYUR BA MCHIS SAM, YOD DE RTZVA DAG GIS G-YOGS PAR BYED NA LTUNG BA MED DO, ,SPANG LEB DAG GIS G-YOGS PAR BYED NA LTUNG BA MED DO, ,SHING LEB DAG GIS G-YOGS PAR BYED NA LTUNG BA MED DO ZHES GSUNGS PA YIN NO, ,RTZA BA'I LTUNG BA 'BYIN PAR BYED NA THAMS CAD LA 'DI BYED PA PO NYID YIN NAM ZHE NA, MA YIN TE DE'I PHYIR YON BDAG GIS BYAS SAM ZIN NAM BLTA'O ZHES MA SMRAS PA LA'O ZHES BYA BA SMOS SO, ,SMRAS PA LA NI NYES PA MED PA NYID YIN NO, ,GANG LA DE BYED PA PO NYID YIN ZHE NA, DE'I PHYIR PHA GU RIM PA GSUM LAS LHAG PA LA'O ZHES BYA BA SMRAS SO, ,CI BDAG NYID KHO NAS SAM ZHE NA, DE'I PHYIR GZHAN GYIS KYANG NGO ZHES BYA BA SMOS TE, 'DIR GZHUNG NI BYED DU BCUG NA YANG ZHES GSUNGS PA YIN NO, ,GANG GI TSE BRTZIGS SHE NA, DE'I PHYIR NYI MA DE LA'O ZHES BYA BA SMOS TE, NYI MA GANG LA RIM PA GSUM BRTZIGS PA'I NYI MA DE NYID LA GAL

202a

, ,TE LHAG PAR BRTZIGS NA'O ZHES BYA BA'I DON TO, ,RIM PA GANG DANG GANG LA NYI MA GZHAN LA BRTZIGS PA NYID DE LA NI 'DIR GRANGS SHES PAR BYA BA MA YIN NO, ,GZHAN LA YANG 'JIM PA MED PA LAS SO ZHES BYA BA NI NYI MA GZHAN LA YANG PHA GU 'JIM PA MED PA GSUM LAS LHAG PAR BRTZIG PA BYAS NA ZHES BYA BA'I DON TO, ,BAR DU CHOD PA PHA GU 'JIM PA MED PA LA 'DIR BGRANG BAR BYA BA NYID CES BYA BA DON GYIS RTOGS PA'O, ,CHU KHUNG DAG MA BTOD PA YANG RUNG NGO ZHES BYA BA NI NYI MA GZHAN LA YANG PHA GU RIM PA GSUM LAS LHAG PAR BRTZIG PAR BYAS NAS GZHAN LA YANG ZHES BYA BAR SBYAR BAR BYA'O, ,GANG ZHIG RTEN GYIS RIGS PA LAS MA 'DAS PA'I CHU KHUNG BTOD PA'I GNAS YAN CHAD NAS 'DIR RIM PA GSUM BGRANG BAR BYA BA NYID CES BYA BA DON GYIS RNAM PAR GZHAG PA'O, ,BRKOS TE RTZA BA MA BTZUGS PA NYID KYANG NGO ZHES BYA BA NI NYI MA GZHAN LA YANG PHA GU'I RIM PA GSUM LAS LHAG PAR BRTZIG PAR BYA BA LA GZHAN GYIS KYANG THOG MA NAS BRTZAMS TE, 'DIR BGRANG BAR BYA BA NYID NI RIM PA RE RER BYED DU BCUG NA YANG DNGOS GZHIR RIG PAR BYA'O, ,GANG LA MI SBYIN PA NYID YIN ZHE NA, DE'I PHYIR BRKOS TE RTZA BA MA BTZUGS PA NYID KYANG NGO ZHES BYA BA STE, BRKOS TE RMANG GI RTZA BA 'DZUGS PAR BYA'O ZHES BYA BA'I DON TO, ,SGO CHA GONG MA MA BCUG PA LAS YANG RUNG NGO ZHES BYA BA NI, RIM PA GSUM LAS LHAG PAR ZHES BYA BA DANG RJES SU 'BREL TO, ,JI SRID DU SGO CHA GONG MA 'GEBS PAR 'DOD PAS PHA GU'I RTEN BTZUGS PA DE 'DIR GCIG GAM DU MA SMOS PA ZHES BYA BA DON GYIS SHES PAR BYA'O, ,PHYOGS DE NAS BRTZAMS TE BGRANG BA NYID CES BYA BA YANG NGO, ,RTZIG PA GZHAN GSUM LA 'DIR RIM PA MA YIN PA SBYOR BA LA NYES BYAS KYI SBYOR BA THAMS CAD LA NYES BYAS THAMS CAD DU ZHES BYA BA DE THOS PA'O, ,DE YANG NYI MA DANG PO NAS ZHES BYA BA BSTAN PA'I MTSAN MA LAS SNGA MA NYID KYIS GSUM LA BRTEN NAS DGAG PAR BYA'O, ,DANG PO'I MDUN ROL LA NI NYES PA MED DO ZHES BYA BA NI 'DIR YANG LTUNG BA'I RGYUR GYUR PA LAS DANG PO GSUM LAS RIM PA LHAG PAR RTZIG PA LA DE LA LTUNG BA MED CES BYA BA'I DON TO, ,GTZUG LAG KHANG GI

202b

LTUNG BYED DO,, ,,PHAM PAR GYUR PA MA BYUNG BA MDO SDE DANG 'DUL BA DANG MA MO 'DZIN PA LO NYI SHU LAS MI NYUNG BA GRONG KHYER PA'I SKAD SMRA BA DGE SLONG MA LA LUS NYE BAR GZHOL BA NYID KYI PHYIR BCOS PA BYAS PA DGE SLONG MA'I STON PAR BSKO'O ZHES BYA BA NI GSO SBYONG BCO LNGA PA LA MTSAMS KYI NANG DU'O, ,PHAM PAR 'GYUR BA MA BYUNG BA ZHES BYA BA NI PHAM PAR 'GYUR BA'I LTUNG BA MA BYUNG BA'O, ,LO NYI SHU LAS MI NYUNG BA ZHES BYA BA NI GANG ZHIG TSIG 'DIS NI RGYAL TSAB LTA BU ZHES BYA BA MNGA' BDAG NYID DANG BDAG PO DANG LDAN PA NYID DE'I DON TO, ,GNAS BRTAN NYID KYI BDAG PO NYID GANG YIN PA DE NI 'DIR MNGON PAR 'DOD PA ZHES BYA BA GNAS BRTAN GYI RNAM GRANGS NYID KYIS BRJOD PAR RTOGS PA'O, ,GRONG KHYER BA'I SKAD SMRA BA ZHES BYA BA NI SGRA MKHAS PA STE RIGS PA DANG GROL BAR SMRA BA ZHES BYA BA'I DON TO, ,RANG BZHIN NYID KYIS GZHAN GANG ZHIG SPANG BA RNAMS LA BDAG GIS BRTZAMS PA GANG ZHIG SPONG BA RNAMS LA KHYOD KYI LAS TE, 'DI SKAD CES GANG ZHIG SPANG BAR BYA BA NYID BDAG GIS SMRAS PA ZHES BYA BA LA SOGS PA RNAMS KYIS MI NUS PA LA MTHO BTZAMS PA ZHES BYA BA DE LA BRTEN PA'O, ,DGE SLONG MA LA LUS NYE BAR GZHOL BA NYID KYI PHYIR BCOS PA BYAS PA ZHES BYA BA LA, 'DIR GZHI NI 'DIS DGE SLONG MA LUS NYE BAR 'DRES PAS SKYON CAN DU 'GYUR BA NI MA YIN NO, ,'DIS DGE SLONG MA'I LUS LA LUS NYE BAR GZHOL BAR NI MI 'GYUR BA'AM, 'DIS DE SKYON CAN DU BYAS PA LA LTUNG BA PHYIR BCOS PA BYAS PA ZHES GSUNGS PA YIN NO, ,YON TAN DE LTA BU DANG LDAN PA DE LA BSGRUB PA'O, ,GANG GI TSE NA MTHUN PA YIN ZHE NA, DE'I PHYIR GSO SBYONG BCO LNGA PA LA'O ZHES BYA BA SMOS TE, DE NI MTHUN PA'I GSO SBYONG LA SOGS PA BSAL BA'I PHYIR RO, ,'DIS GSO SBYONG BCU BZHI PA NI MA BSAL BA STE, BCO LNGA PA NYID GZHAN ZHES BYA BA'I TSES BCO LNGA'I YIN PA'I PHYIR RO, ,PHYOGS GANG DU BSKO BAR BYA ZHE NA, DE'I PHYIR MTSAMS KYI NANG DU'O ZHES BYA BA SMOS TE, GAL TE MDO SDE LA SOGS PA 'DZIN PA MED NA JI LTA BU LAS BSKO BAR BYA ZHE NA, DE'I PHYIR MDO SDE LA SOGS PA 'DZIN PA MED NA SO SOR THAR PA THON PA'O ZHES BYA BA SMOS TE, DGE SLONG MA'I STON PAR BSKO BAR BYA'O, ,DE YANG MED NA PHAM PAR 'GYUR BA'AM

203a

, ,LCI BA'I CHOS RNAMS STON PAR NUS PA'O ZHES BYA BA NI, SO SOR THAR BA THON PA DE YANG MED NA DGE SLONG MA'I PHAM PAR 'GYUR BA BRGYAD DAM LCI BA'I CHOS RNAMS STON NUS PA'I NGANG TSUL CAN DE BSKO BAR BYA'O, ,PHYI MA NI SRING MO DAG CI KHYED CAG DGE SLONG MA'I DGE 'DUN TSOGS SAM YONGS SU DAG GAM, MTHUN NAM KHA NA MA THO BA MED DAM, KHYED CAG LA DGE 'DUN GYIS MA BSKOS BA'I GANG ZAG 'GA' ZHIG STON PA MI BYED DAM, KHYED CAG LA STON PA'I GANG ZAG 'GA' ZHIG DGE 'DUN LAS 'ONG NGO, ,KHYED CAG LA DGE SLONG 'GA' YANG STON PAR MI SPRO'O, ,KHYED CAG GIS GDAMS NGAG DANG RJES SU STON PA NI DGE 'DUN LAS SO, ,SRING MO DAG GIS BAG YOD PAR SGRUBS SHIG CES BYA BA DE STON NUS PA'O ZHES BYA BA NI 'DI LA YANG DAG PAR BSAL BAR BYED PA DGE SLONG MA'I STON PA PHYI MA NI DE LTA BU LAS BSKO BAR BYA'O ZHES SBYAR BAR BYA'O, ,CHOS BLA MA'I MTHU DANG LDAN PA NI MA GTOGS SO ZHES BYA BA NI MA BSKOS KYANG 'DI DANG RJES SU MTHUN PA'I GDAMS NGAG STON PA LA NYES PA MED CES BYA BA'O, ,BSKOS PA DE DAG LAS GCIG DANG YANG MI LDAN PA DANG MA BSKOS PA DGE SLONG MA LA STON NA'O ZHES BYA BA LA, GCIG DANG YANG MI LDAN PA ZHES BYA BA'I CHO GA 'DA' BAR BYED PA LAS MA GRAGS PA MED DO ZHES BYA BA BSKOS PA NYID KHO NA LA 'DI'I LAS BYAS PA NYID DU SEMS PAR DE'I PHYIR TSIG 'DI SMOS SO, ,DE BAS NA JI LTAR NYE BAR BRJOD PA'I YAN LAG GCIG MED KYANG BSKOS PA DANG MA BSKOS PA YOD KYANG YAN LAG 'DI RNAMS LA YANG MA BSKOS PAR GDAMS NGAG STON PA'I LTUNG BYED DO,, ,,SNGAR BSKOS PA NI MA BSKOS PA NYID MA YIN NO ZHES BYA BA NI GANG LA GSO SBYONG GI TSIG MED PA DE NYID LA 'DIR BSKOS PA DE 'ANG MA BSKOS PAR SHES PAR MI BYA'O, ,'DI LTAR BSKOS PA NYID YIN PAS LAN CIG BSKOS PAR JI SRID 'TSO'I BAR DU NYES PA MED CES BYA BA DE LA 'DI BSTAN PAR BYA'O, ,'DIR GZHUNG NI BTZUN PAR ZHIG LAN CIG DGE SLONG MA'I STON PAR BSKOS PA GANG LAGS PA DE CI DUS GZHAN GYI TSE YANG BSKO BAR BGYI'AM 'ON TE MA BSKOS PAR YANG BSTAN PAR BGYI, NYE BA 'KHOR DER BSKOS PA DE NYID KYIS BSKOS PA YIN NO ZHES GSUNGS SO, ,'DIR GZHUNG NI ZHU BA KHA CIG LAS KYANG LAN CIG

203b

BSKOS PA JI SRID 'TSO'I BAR DU BSTAN PAR BYA'I YANG BSKO BAR MI BYA'O ZHES GSUNGS PA YIN NO, ,CHOS BSHAD PAR GSOL BA LA YANG RNAM PA 'DI NYID YIN PAR GSUNGS PA YIN NO, ,'DIR GZHUNG NI DGE SLONG MAS MA GSOL BAR CHOS SMRA BA LA LTUNG BAR YANG MI 'GYUR BA 'GA' MCHIS SAM YOD DE SNGAR GSOL ZIN PA'O ZHES BYA BA NI, DUS SU MAR LAM LA BSKUL BAR BYAS PA DE'I PHYIR 'DI GSUNGS PAR RNAM PAR GNAS PA YIN ZHES BYA BAR RIG PAR BYA'O, ,DGE 'DUN DU MA LANGS SHING 'OS PA LA GSOL NA NYES PA MED DO ZHES BYA BA NI, GNAS GANG NA THAMS CAD DU DGE 'DUN DU MA LANGS PA DE NI 'OS PA PHAM PAR MA BYUNG BA LA SOGS PA PHYI MA'I MTHAR MA BSKOS PAR DE LA DGE SLONG MA RNAMS KYIS GSOL BA NYID NA DGE SLONG MA RNAMS LA STON PA NA NYES PA MED DO ZHES BYA BA'I DON TO, ,DE DAG LA YANG NGO ZHES BYA BA NI DGE SLONG GANG LA DGE SLONG MA RNAMS KYIS GSOL BA 'DEBS PAR BYED PA DE DAG STON PA LA YANG LTUNG BA MED DO, ,GSOL BA 'DEBS PA DE DAG 'OS SU RUNG BA MA YIN NA MI BYA'O ZHES BYA BA 'DI'I RJES SU 'BRANGS NAS BYA BAR SHES PAR BYA ZHES BYA BA'I DON TO, ,'DIR GZHUNG NI ZHU BA LAS GDAN DGE SLONG GCIG GAM GANG NA GNYIS SAM GANG NA GSUM GNAS PA LA GAL TE STON PA'I 'OS YIN NA NYE BAR SONG LA GSOL BAR BYA'O ZHES GSUNGS PA YIN TE, STON PA'I 'OS SU RUNG BA YIN NA ZHES BYA BA'I DON TO, ,MA BSKOS PAR STON PA'I LTUNG BYED DO,, ,,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,DE'I PHYIR NYI MA NUB PA NYID LA'O ZHES BYA BA SMOS SO, ,CI ZHIG RJES SU BSGRUB NA 'DI'I BYED PA PO NYID YIN ZHE NA; DE'I PHYIR MTSAN THOG THAG TU CHOS STON PA MA GTOGS PAR DGE SLONG MA LA STON NA'O ZHES BYA BA SMOS TE, MTSAN THOG THAG TU NYAN PA LAS GZHAN DU DGE SLONG MA LA STON NA ZHES BYA BA'I DON TO, ,CI GNAS THAMS CAD DU'AM ZHE NA, DE'I TSE GAL TE SGO PHYE ZHING DE LTA BU'I GTZUG LAG KHANG GI MDUN NA DBYAR KHANG 'DUG PA NI MA YIN PAR RO ZHES BYA BA SMOS TE, DE'I TSE ZHES BYA BA NI STON PA'I DUS KYI TSE'O, ,DE LTA BU'I ZHES BYA BA NI STON PA'I DUS LA'O, ,SGO PHYE ZHING ZHES BYA BA NI RANG GI GNAS THOB PA LAS 'DIR PHONGS PA MED PA ZHES BYA BA NI NYES PA MED PA'O, ,DE BAS NA 'DI MTSON PA

204a

, ,TZAM YIN TE, GZHAN DU NA YANG GANG DU DGE SLONG MA RNAMS LA PHONGS PA MED PA DE LA YANG LTUNG BA MED DO, ,DE LTAR YANG 'DIR GZHUNG NI ZHU BA KHA CIG LAS DGE SLONG 'GA' ZHIG YOD DE GDUGS BAS PA'I DUS KYI TSE'I BAR DU DGE SLONG MA LA STON PAR BGYID NA LTUNG BAR YANG MI 'GYUR BA 'GA' MCHIS SAM, BKA' STZAL PA YOD DE DBYAR KHANG DU STON NA JI SRID DU DGE SLONG MA RNAMS KYI GRONG 'DAB KYI GTZUG LAG KHANG NGAM KHANG KHYIM DAG TU STON NA LTUNG BA MED DO, ,GRONG GI PHYI ROL DU STON PA NI MA GTOGS SO ZHES GSUNGS PA YIN NO, ,NYI MA NUB NUB KYI BAR DU STON PA'I LTUNG BYED DO,, ,,DGE SLONG MAS CHOS 'DRI BA LA MI 'JIGS PAR BYA BA'I PHYIR DGE SLONG LA ZAS DBUL BAR BYA'O ZHES BYA BA NI DGE SLONG MAS CHOS DRI BA LA MI 'JIGS PAR BYA BA'I PHYIR DGE SLONG LA ZANG ZING DBUL BAR BYA'O, ,RGYA CANG DANG SHUR BU DANG LCAG POD DANG SHUB BU BRE'U YANG NGO ZHES BYA BA NI DBUL BAR BYA'O ZHES BYA BAR SBYAR RO, ,DGE SLONG GIS DE DAG BLANG BAR BYA'O ZHES BYA BA LA DE DAG CES BYA BA LA SOGS PA GOS 'DZIN PA DGAG PA DANG 'BREL PA'I DON LA DMIGS KYIS BSAL BA LDE MIG KYOG PO LA SOGS PA BZUNG NGO, ,CI ZHIG RJES SU BSGRUB NA ZAS CUNG ZAD TZAM GYI PHYIR STON PA'I LTUNG BYED DU 'GYUR ZHE NA, DE'I PHYIR DGE SLONG DE LTAR GYUR PA MA YIN PA LA ZAS CUNG ZAD TZAM GYI PHYIR DGE SLONG MA LA STON TO ZHES SMRAS NA'O ZHES BYA BA SMOS TE, DE LTA BUR GYUR PA MA YIN PA LA ZHES BYA BA NI ZAS CUNG ZAD TZAM GYI PHYIR STON PAR BYED PA PO MA YIN PA LA'O, ,'DIR BDEN PA NYID DU RNAM PAR GZHAG PAR RIGS PA YIN TE, 'DU SHES TZAM LAS NI MA YIN NO, ,BRDZUN DU SMRA BA BKAG PA NYID KYI PHYIR DGAG PAR BYA BA MA YIN PA NYID THAL BA'I PHYIR RO, ,'DIR GZHUNG NI ZAS CUNG ZAD TZAM GYI PHYIR DGE SLONG MA LA STON PA BDEN NA LTUNG BA MED DO ZHES GSUNGS PA YIN NO, ,ZAS CUNG ZAD TZAM GYI PHYIR STON PA'I LTUNG BYED DO,, ,,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,GANG LA 'DU SHES GTZO CHER BYED PA PO NYID YIN ZHE NA, DE'I PHYIR DGE SLONG MA NYE DU MA YIN PA NYID LA 'O ZHES BYA BA SMOS SO, ,CI ZHIG RJES SU BSGRUB PA LA 'DU SHES GTZO CHER BYED PA PO NYID YIN ZHE NA, DE'I PHYIR

204b

GOS BYED NA'O ZHES BYA BA SMOS TE, 'DIR MTHAR THUG NA DNGOS GZHI STE, MDUN ROL DU NI SBYOR BA ZHES BYA BAR RIG PAR BYA'O, ,GOS 'TSEM PA'I LTUNG BYED DO,, ,,SHES GTZO BO ZHES BYA BA DANG, DGE SLONG MA NYE DU MA YIN PA NYID LA'O ZHES BYA BA 'DIR KHAS BLANGS NAS RJES SU BSGRUB PA 'DI'I BYED PA PO NYID CES BYA BA 'DI LA BRJOD PAR BYA STE, DE'I PHYIR GOS BYIN NA'O ZHES BYA BA NI GOS BYIN NA'O ZHES BYA BAR SBYAR RO, ,JI LTA BU ZHIG BYIN ZHE NA, DE'I PHYIR GOS 'BUL BA MA YIN PA'O ZHES BYA BA SMOS TE, DGE 'DUN LA GOS 'BUL BA MA GTOGS PAR SBYIN PAR BYED NA ZHES BYA BA'I DON TO, ,CI 'DI LTA BUR GYUR PA THAMS CAD LA SBYIN NA LTUNG BYED DU 'GYUR RAM ZHE NA, DE'I PHYIR GAL TE BOR RLAG BYUNG BA DANG, LEGS PAR SMRAS PA DANG BSNYEN PAR RDZOGS PAR BYED PA DANG, BRJE BA'I PHYIR MA YIN PA LA'O ZHES BYA BA SMOS TE, DON 'DI RNAMS LA SBYIN PA GANG YIN PA DE LA NI NYES PA MED CES BYA BA'I DON TO, ,GOS SBYIN PA'I LTUNG BYED DO,, ,,LAM BRGYAGS BSKUR BAR BYA'O, ,RTZE RGOD DANG RTZE RGOD MO DANG DGE TSUL DANG, DGE TSUL MA DAG GIS SO, ,DGE SLONG DANG DGE SLONG MA RNAMS GCIG GI LAM BRGYAGS GCIG GIS BSKUR DU RUNG NGO, ,GCIG GIS GCIG GI BYIN LEN YANG NGO ZHES BYA BA NI DGE SLONG DANG DGE SLONG MA RNAMS LA GCIG GI BYIN LEN YANG GCIG GIS BYAR RUNG STE, RIGS PA LAS MI 'DA' BAR ZHES BYA BA'I DON TO, ,'DIR GZHUNG NI DGE SLONG MA RNAMS LA ZHES BYA BA GSUNGS PA YIN NO, ,TSANGS PA MTSUNGS PAR SPYOD PA NA BA LAM DU DOR BAR MI BYA'O, , DE BSKUR BAR BYA'O ZHES BYA BA NI NAD PA DE'O, ,DGE SLONG MA LA YANG DE BZHIN NO ZHES BYA BA NI DGE SLONG MA RNAMS KYIS KYANG LAM DU DOR BAR MI BYA BA DANG, DE BSKUR BAR BYA ZHES BYA BA'I DON TO, ,'DI NI MI NUS PA NYID KYI PHYIR DGE SLONG MA RNAMS KYI MING 'DI MI BYA ZHES BYA BA DOGS PA BSAL BA'I DON DU'O, ,DE LA PHAN TSUN DU GROGS BYA'O ZHES BYA BA NI DGE SLONG DANG DGE SLONG MA RNAMS KYIS SO, ,DE LA ZHES BYA BA NI NAD PA BSKUR BA LA'O, ,JI LTAR BYA ZHE NA, DE'I PHYIR MGO LOGS NAS GZUNG BAS SO ZHES BYA BA SMOS TE, MGO BO'I MTHA' MA PHYOGS GZHAN NAS GZUNG BAR BYA ZHES BYA BA'I DON TO, ,GRONG DU PHYIN PA NYID

205a

, ,SONG NA YANG NYES PA MED DO ZHES BYA BA STE, CI DUS THAMS CAD DU 'GRO BA LA NYES PA MED DAM ZHE NA, DE'I PHYIR NAD PA'I SMAN DANG ZAN LEGS PAR SBYAR TE RANG BZHIN MTHUN PA'I NAD G-YOG GCIG DANG BZHAG NAS SO ZHES BYA BA SMOS TE, MTHUN PA'I ZHES BYA BA NI MTSAN 'DRA BA NYID KYIS TE SKYES PA LA SKYES PA DANG BUD MED LA BUD MED GZHAG PAR BYA ZHES BYA BA'I DON TO, ,GANG LA LHAN CIG 'GRO BA'I LTUNG BYED DU 'GYUR ZHE NA, DE'I PHYIR 'JIGS PA DANG BCAS PA'I LAM NYID DU 'GRON THABS CIG TU ZHUGS SHING THA MI DAD PAR 'GRO BA NYID MA GTOGS PAR DGE SLONG MA GCIG DANG YANG LAM NAS 'DA' ZHING 'GRO NA'O ZHES SMOS TE, 'JIGS PA DANG BCAS PA'I LAM NYID DU GANG ZHIG 'GRON THABS CIG TU BDAG PO DANG BCAS PA'I GCIG PA'I DNGOS PO ME DPAR 'GRO BA DE LAS GZHAN PA LA'O, ,DGE SLONG MA GCIG LA YANG 'GRO BA GCIG NYID YOD PA LA LAM LAS 'DA' BAR BYED PA LA ZHES BYA BA'I DON TO, ,'DIR DGE SLONG GI 'GRON THABS KYI TSIG NI RIGS TZAM MTSON PAR GNAS PA YIN NO, ,DE'I PHYIR DGE SLONG MA GCIG LA YANG ZHES BYA BA SMOS SO, ,LAM DU 'JIGS PA DANG BCAS PA NYID LA YANG BCAD NAS 'GRO BA RIGS PA DANG LDAN PA NYID DO, ,DE BAS NA 'GRON THABS CIG TU 'DOR ZHING 'GROGS PA TZAM LA NYES PA MED PA NYID DU BSTAN NO, ,'JIGS PA DANG BCAS PA NYID YIN NA GROGS MED PAR CIG CAR NYID DU 'GRO BA ZHES BYA BA 'DI RNAM PAR GNAS PA YIN NO, ,'DIR JI SRID DU 'DAS NA ZHE NA DE'I PHYIR RGYANG GRAGS RE RE'O, ,DE'I PHYIR RE RER NYES BYAS SO ZHES BYA BA NI RGYANG GRAGS RE RER DNGOS GZHI STE, RGYANG GRAGS PHYED PHYED DU NI NYES BYAS SO, ,BSAL BA NYID KYI DON DU 'DI LAM DU 'GRO BA LA RGYANG GRAGS KYI BDAG NYID DE SBYOR BA'I PHYED CES BYA BAR GRUB BO, ,DGE SLONG MA DANG LAM DU LHAN CIG 'GRO BA'I LTUNG BYED DO,, ,,CI ZHIG GRUR 'JUG PA'I LTUNG BYED DU 'GYUR ZHE NA; DE'I PHYIR 'GRAM GNYIS 'JIGS PA DANG BCAS PA NYID MA GTOGS PAR 'THAMS NAS CIG CAR GRU GCIG GI LAM LAS 'DAS SHING 'GRO NA'O ZHES BYA BA SMOS TE, THAD KAR PHA ROL DU 'GRO BA MA GTOGS SO, ,LAM LAS 'DAS SHING RGYANG GRAGS RE RE DANG RGYANG GRAGS PHYED DU NYES BYAS SU ZHES BYA BAR SBYAR RO, ,

205b

DGE SLONG MA GCIG GIS KYANG ZHES BYA BA LA SOGS PA 'DI LA DON GYIS GSUM PAR 'GYUR BA DANG LHAN CIG TU 'DI DON GYIS THOB PA'O, ,'GRAM GNYIS 'JIGS PA DANG BCAS PA NYID LAS GANG ZHIG 'DA' ZHING 'GRO NA'O, ,'THAMS NAS DE MA GTOGS PAR DGE SLONG MA DANG LHAN CIG TU DE'I PHYIR ZHUGS PA NA YO BA DANG GTIB CHAD PA DANG RBA KLONG DANG LAS BZUR BA DANG RU SKYA DANG GDOS PA CHAG PA DANG RU SKYA 'DZIN PA'I DBANG GIS 'JUG PA GZHAN DU SONG BA LA NI NYES PA MED DO ZHES BYA BA SMOS TE, YO BA LA SOGS PA LAS BZUNG BA'I DBANG GIS RU SKYA DANG GDOS PA'I DBANG NGAM, RU SKYA 'DZIN PA'I DBANG GIS THAD KAR PHA ROL DU 'GRO BA'I DON DU ZHUGS PA YOD PA LAS 'JUG PA GZHAN DU SONG BA LA NYES PA ME DOD, ,DGE SLONG MA DANG LHAN CIG GRUR 'JUG PA'I LTUNG BYED DO,, ,,GCIG PU 'DUG PA'I LTUNG BYED LA YAN LAG GANG DAG BYED PA PO DAG YIN ZHE NA, DE'I PHYIR BUD MED GCIG PU NYID DANG SKYE BA'I RGYUN LUGS MED PA NYID KYIS PHYOGS DBEN PA NYID DANG SKYABS DANG BCAS PA NYID DANG BAR 'DAM GANG NYID NI BYED PA PO DAG YIN NO ZHES BYA BA SMOS TE, BUD MED GCIG PU NYID NI BUD MED GCIG PU NYID DO, ,'DIR DBEN PA NA 'DUG STE BYED PA PO NI BUD MED NYID DO ZHES BYA BA KHYAD PAR NYID KYIS DE 'DIR BRTEN PA STE BUD MED NYID NI MA YIN ZHES BYA BA'O, ,THA DAD PA NYID KYIS JI LTAR DBEN PA NYID YIN ZHE NA, DE'I PHYIR SKYE BO'I RGYUN LUGS MED PA NYID KYIS ZHES BYA BA SMOS TE, SKYE BO MANG PO'I RGYUN LUGS BYED PA NYID 'DI LA YOD PA NA ZHES BYA BA'I BSDU BA'O, ,SKYABS DANG BCAS PA NYID CES BYA BA NI, RTZIG PAS BSGRIBS PA'AM SAB MOS BSGRIBS PA 'AM YOL BAS BSGRIBS PA ZHES BYA BA 'DIR GSUNGS SO, ,DE YANG MTSON PA TZAM GYIS DE MTHONG BA'I YUL BCAD PAS RNAM PAR GNAS PA YIN NO, ,DE LTAR YANG DGE SLONG MA'I RNAM PAR 'BYED PA LAS MUN NAG MTHUG PO DAG KYANG BSDU'O ZHES BYA BA SKYABS TZAM LA YANG DAG PAR BRTEN PA DANG BAR 'DOM GANG NYID CES BYA BA'O, ,BUD MED DANG LHAN CIG TU GNAS PA 'DI'I GANG DU 'DI RNAMS BYED PA PO NYID YIN ZHE NA, DE'I PHYIR 'DUG PA LA'O ZHES BYA BA SMOS SO, ,DE'I NGO BO JI LTA BU ZHE NA DE'I PHYIR DE NI RKUB CHOS TZAM BZHAG PA'O ZHES BYA BA SMOS TE,

206a

, ,DE'I ZHES BYA BA NI 'DUG PA'O, ,GCIG PU 'DUG PA'I LTUNG BYED DO,, ,,DE MA THAG PAR BSTAN PA 'DI THAMS CAD KHAS BLANGS NAS BYE BRAG 'GA' ZHIG BRJOD PAR BYA STE, DE'I PHYIR DGE SLONG MA DANG NGO ZHES BYA BA SMOS TE, BUD MED KYI GNAS SU 'DI'O, ,'DI BYE BRAG BSTAN PA YIN TE, 'DIR DGE SLONG MA GCIG PU NYID BYED PA PO YIN GYI, BUD MED TZAM PO GCIG PU NYID NI MA YIN ZHES GSUNGS PA YIN NO, ,SLAR 'DIR CI'I PHYIR BUD MED TZAM BRTEN PA YIN TE, BSOD NAMS KYI DON DU 'GRENG BA LA SOGS PA LA 'DI DAG LA SBYAR BA'I PHYIR KHYIM PA MO DANG LHAN CIG TU GNAS PA 'DI LA BZUR PA ZHES BYA BA MTHONG BA YIN NO, ,GANG LA DE DAG BYED PA PO DAG CES BYA BA 'DIR 'DUG PA'I GNAS LAS THOB PA 'JUG PA BRJOD PAR BYA STE, 'GRENG BA LA'O ZHES BYA BA SMOS SO, ,GCIG PU 'GRENG PA'I LTUNG BYED DO,, ,,SHES GTZO BO'O ZHES BYA BA NI 'DU SHES GTZO CHER BYED PA PO NYID DO, ,GTZO CHER SHES SHING ZHES BYA BA 'DI NI DE'I RNAM PAR 'BYED PA LAS KYANG GAL TE DGE SLONG GIS DE SHES LA ZOS TE, GAL TE DGE SLONG MA SBYOR DU BCUG PA LA DGE SLONG MAS SBYOR DU BCUG PAR SHES NA ZHES BYA BA 'DI LTAR GZHUNG YOD PA YIN TE, GZHAN DU SHES PA'I BSLAB PA'I GZHI LA RJES SU 'BRANGS NAS 'DIR RNAM PAR SHES PA YIN NO, ,GANG DU 'DU SHES PA YIN ZHE NA, DE'I PHYIR DGE SLONG MAS SBYOR DU BCUG PA NYID LA'O ZHES BYA BA SMOS TE, 'DIR SBYOR DU BCUG PA NI BSKOS PA STE, BSKOS PA NI RNAM PAR RIG BYED DO, ,DE YANG TSIG GIS TE SPRING YIG LA SOGS PA RNAMS KYIS MA YIN PAS SO, ,SBYOR DU BCUG PA ZA BA LA ZHU BA LAS NYES BYAS SU GSUNGS PA'I PHYIR SPRING YIG LA SOGS PA RNAMS DANG LAG RTZIS DANG MNGAGS PA DAG BRGYUD PA DANG GZHAN LA ZUR GYIS BSOD SNYOMS SBYOR DU BCUG PA ZOS NA NYES BYAS SO ZHES GSUNGS PA YIN NO, ,JI LTAR SBYOR DU BCUG PA NYID LA YIN ZHE NA, DE'I PHYIR YANG DAG PA MA YIN PA'I YON TAN RNAMS KYIS SO ZHES BYA BA SMOS TE, 'DIR GZHUNG NI RGYUN DU ZHUGS PA DANG LHAN CIG PHYIR 'ONG BA DANG PHYIR MI 'ONG BA DANG DGRA BCOM PA DAG YIN PA BDEN NA LTUNG BA MED DO, ,MDO SDE 'DZIN PA DANG 'DUL BA 'DZIN PA DANG MA

206b

MO 'DZIN PA DAG YIN PA BDEN NA LTUNG BA MED DO ZHES GSUNGS PA YIN NO, ,GANG LA SBYOR DU BCUG PA NYID LA YIN ZHE NA, DE'I PHYIR MGRON DU MA BOS PA LA'O, ,BOS PA LA YANG LHAG NA'O ZHES BYA BA SMOS TE, MGRON DU BOS PA LA YANG LHAG PAR SBYOR DU BCUG PA NYID LA DER LTUNG BA JI LTAR 'GYUR ZHE NA, JI LTAR YANG 'DIR GZHUNG NI DGE SLONG RAB TU MANG PO DAG KHYIM GZHAN DU MGRON DU BOS PAS GYUR PA NA, DER DGE SLONG MA 'ONGS TE DRIS PA KHYED CAG GIS DGE SLONG GANG DAG MGRON DU BOS MING CHE GE MO DANG CHE GE MO DAG GO, ,ZAN JI LTA BU SBYIN SUM 'PHEL GYI ZAN DAG GO, ,MI RUNG STE GANG GI PHYIR DGE SLONG DE DAG NI RGYUN DU ZHUGS PA YIN PAS ZHES BYA BA LA SOGS PA 'DIR GANG ZHIG LTUNG BA RGYAS PAR BSHAD PA LA SOGS PA MDZAD PA STE DE BAS NA 'DI GSUNGS PA YIN NO, ,MGRON DU BOS SU ZIN KYANG GANG ZHIG SBYIN BDAG GIS MA BSAMS PA SBYIN DU BCUG PA GANG YIN PA DE YANG BZA' BAR BYA BA MA YIN TE; GANG GI PHYIR BOS PA NYID LA YANG MA BSAMS PA SBYIN DU 'JUG PA LA KHYAD PAR 'GA' YANG YOD PA MA YIN NO, ,CI ZHIG SBYOR DU BCUG PA NYID LA YIN ZHE NA, DE'I PHYIR BZA' BA LA'O ZHES BYA BA SMOS TE, YON TAN JI LTA BU DAG GIS SHE NA, DE'I PHYIR BSGRUB PA PHUN SUM TSOGS PAS SO, , DE THOS PAS KYANG RUNG NGO ZHES BYA BA SMOS TE, BSGRUB PA PHUN SUM TSOGS PA'I THABS SU GYUR PA'I THOS PA GANG DE'I RIGS LAS SKYES PA'I YON TAN RNAMS LAS TE, BRO GAR DANG GLU GLING LA MKHAS PA LA SOGS PAS GZHAN DAG GIS NI MA YIN NO ZHES BYA BA'I DON TO, ,'DI RNAMS KYI RJES SU 'BRANGS NAS NYES BYAS SU RIG PAR BYA'O, ,BSGRUB PA PHUN SUM TSOGS PA NI RGYUN DU ZHUGS PA LA SOGS PA'O, ,DE'I THOS PA NI DE THOS PA DANG RJES SU MTHUN PA'O, ,BSOD SNYOMS SBYOR DU BCUG PA NI RNAM PA GNYIS TE, TSUL KHRIMS KYIS SBYOR DU BCUG PA DANG THOS PAS SBYOR DU BCUG PA'O, ,GANG DER TSUL KHRIMS KYIS SMOS PA DE LA NI BSGRUB PA'I TSIG 'DI DANG 'GAL BAR SHES PAR BYA BA MA YIN TE, 'DIR DAM PA RNAMS KYIS SPYOD PA THAMS CAD LA TSUL KHRIMS NYID DU GSUNGS PA YIN TE, DE BAS NA RGYUN DU ZHUGS PA LA SOGS PA RNAMS LA GO RIMS KYIS SHES PA'O, ,RJES SU BSGRUB PA 'DI BYED PA PO

207a

, ,NYID YIN ZHE NA ZHES BYA BA SMOS TE, ZOS PA'I NGO BO NYID BSTAN PA'I PHYIR DE NI MID NA DE'O ZHES BYA BA SMOS TE, ZOS PA DE NI MID NA DNGOS GZHIR GYUR PA'I ZOS PA'O, ,GANG ZHIG 'DUN NAS ZHES BYA BA 'DIR DON MA YIN NO, ,GZHAN GYI DON DU NA NA SMAD PAR BYA BA NYID DO ZHES BYA BA NI GZHAN GYI DON DU DGE SLONG MAS SBYOR DU BCUG PA GZHAN GYIS ZA BA LA NYES BYAS ZHES BYA BA'I DON TO, ,'DIR GZHUNG NI ZHU BA LAS GZHAN GYI DON DU SBYOR DU BCUG PAR SHES BZHIN DU ZOS NA NYES BYAS SO, ,MI SHES PA LA NI LTUNG BA MED DO ZHES GSUNGS PA YIN NO, ,RANG GI CHOS MED PA LA JI LTA BU'I RNAM PAR NYE BAR 'TSE BA LTA BU NI GZHAN GYI CHOS LA MA YIN TE, GANG GI PHYIR YANG BA NI 'DI YIN TE DE BAS NA 'DI SHES PA'O, ,BSOD SNYOMS LA ZHUGS PA NA BYIN CIG CES ZER BA YANG NGO ZHES BYA BA NI BYIN CIG CES BYA BA 'DI LTAR NA SMAD PA NYID BYAS PA NYID DO, ,CI'I DON DU BYIN CIG CES BRJOD PA YIN ZHE NA, DE'I PHYIR BSOD SNYOMS LA ZHES BYA BA SMOS SO, ,GNAS SKABS GANG LA LTUNG BA YIN ZHE NA, DE'I PHYIR ZHUGS PA NA ZHES BYA BA SMOS TE, BSOD SNYOMS LA ZHES BYA BA SBYAR RO, ,KHYIM GYI NANG DU ZHES BYA BA SHUGS KYIS RTOGS PAR BYA'O, ,KHYIM GYI NANG DU BSOD SNYOMS KYI PHYIR ZHUGS PA LA LTUNG BAR 'GYUR ZHES BYA BA'I DON BSDUS PA DANG, BYIN CIG CES BYA BA YANG BRJOD PA LA NA SMAD PA NYID CES BYA BA'I DON TO, ,'DIR DANG PO BSHAGS PAR BYA BA'I GZHUNG NI ZHU BA LAS BCUN PA RE ZHIG DGE SLONG BSOD SNYOMS LA ZHUGS PA NA, DE NA DGE SLONG MA ZHIG KHYIM BDAG LA 'DI SKAD CES DGE SLONG 'DI LA BSOD SNYOMS BYIN CIG CES MCHI ZHING DGE SLONG DES KYANG DE BLANGS TE 'TSAL NA LTUNG BA CIR 'GYUR, NYES BYAS SU 'GYUR RO ZHES GSUNGS PA YIN NO, ,SBYOR DU BCUG PA LA RIGS 'DRI BA 'DI NI TSIG YIN TE, DE'I PHYIR 'DI DANG 'BREL BA NYID LA KHA NA MA THO BA 'DI LA DE DANG 'BREL PA NYID CES BYA BA 'DIR GRAGS PA YIN NO, ,DGE SLONG MAS SBYOR DU BCUG PA'I LTUNG BYED DO,, ,,KHYIM GZHAN DU YANG ZAN LA BOS PA DANG DU BLANG BAR BYA'O ZHES BYA BA LA, YANG ZHES BYA BA'I SGRAS NI GTZUG LAG KHANG 'BA' ZHIG TU MA ZAD KYI KHYIM GZHAN DU YANG NGO ZHES BYA BA 'DI BSTAN PA'I DON DU'O, ,GNAS MAL GYI

207b

LTUNG BYED LAS 'DI LA SOGS PA SKOM GYI PHYIR ZHES BYA BA'I BAR DU 'DI DRANGS PA'O, ,DUS SHES PAR BYA STE 'JUG PAR BYA'I SNGA TSOMS SU MI BYA'O ZHES BYA BA NI 'DIR KHYIM GZHAN DU GANG DU BOS PA 'DI DANG DU BLANGS PAR GYUR NA ZHES BYA BA DE MA THAG PA LAS RTOGS PA'O, ,JI LTAR YIN ZHE NA, DE'I PHYIR GAnd'I BRDUNGS TE RANG GI 'KHOR LA BLTA BAR BYA'O ZHES BYA BA SMOS TE, KHYIM GZHAN DU MGRON DU BOS PA LA'O, ,GLO BUR DU 'ONGS PA LA NI GNAS BRTAN GYIS SO ZHES BYA BA NI 'KHOR DE LA GNAS BRTAN GANG YIN PA DES BLTA BAR BYA'O ZHES BYA BA'I DON GYIS RTOGS PA'O, ,'DIR DGE 'DUN GYIS GNAS PA BRTAN LA GNAS BRTAN DU BRJOD PA ZHES BYA BA'O, ,DE BAS NA 'DIR GZHUNG NI YID CHES PA'I 'KHOR GYI NANG DU SPYOD PA'I DGE SLONG GI 'KHOR LA BLTAS TE 'GRO BAR BYA'O, ,GANG ZHIG DGE SLONG GLO BUR DU 'ONGS PA DE LA NI DGE 'DUN GYI GNAS BRTAN GYIS BLTA BAR BYA'O ZHES GSUNGS PA YIN NO, ,GYA TSOM DU ZAN GCAD PAR MI BYA'O, ,SKOM GYI PHYIR GSOL BA DAG 'DEBS NA BSDAD PAR BYA'O ZHES BYA BA STE, YANG YANG ZA BA'I LTUNG BYED LA BYED PA PO GANG YIN ZHE NA, DE'I PHYIR CIG CAR YANG RUNG PHYIS KYANG RUNG STE GOS KYI RNYED PA MED PA'I MGRON DU BOS PA RNYED PA'O ZHES BYA BA SMOS TE, GOS KYI RNYED PA MED PA'I MGRON DU BOS PA GNYIS PA RNYED PA NI BYED PA PO YIN TE, CIG CAR RAM DUS GANG LA MGRON DU BOS PA GCIG LA RNYED PA DE NYID LA YANG RNYED PA GZHAN GYI PHYI NAS SO ZHES BYA BA'I DON TO, ,CIG CAR DANG DU LEN PAR BYED PA LA GNYIS KA LA YANG GAL TE GOS MED PA NYID YIN NA GANG LA PHYIS BZA' BA MTHONG BA DE LAS CHOS NYID KYIS NYES BYAS BSKYED PA'O, ,GAL TE GCIG LA GOS MED PA ZHES BYA BA RIG PAR BYA'O, ,'DIR GOS DANG BCAS PA DANG GOS MED PA DANG GOS DANG BCAS SHING GOS KYI RIN DANG YANG BCAS PA YANG, GOS MED CING GOS KYI RIN YANG MED PA RNAM PA BZHIS LTUNG BA BSTAN PAR MDZAD DO, ,DE LA GOS DANG BCAS PA ZHES BYA BA NI GOS DANG BCAS PA GZHAN NAS 'DIR GOS LA BOS PA'O, ,GOS MED PA ZHES BYA BA NI GOS DANG BCAS PA GZHAN NAS 'DIR GOS MED PA LA BOS PA'O, ,GOS DANG BCAS SHING GOS KYI RIN DANG YANG BCAS PA DANG, GOS MED CING GOS KYI RIN YANG MED PA GNYIS KA

208a

, ,BRTZAMS PA YIN TE, DE NI 'DIR MI 'DUS PAR SHES PAR MI BYA'O, ,GOS GCIG PA YIN MOD DU MA 'AM GANG YANG RUNG BA GOS DANG BCAS PA NYID KYI 'DIR DGOS PA'O, ,DE BAS NA DE LA 'DI BSTAN PA'O, ,KHA CIG NI GOS DANG BCAS SHING GOS KYI RIN DANG YANG BCAS PA ZHES BYA BA DANG, GOS MED CING RIN YANG MED PA ZHES BYA BA LA RNAM PA GNYIS PO 'DI DAG LA GOS KYI RIN ZHES BYA BA NI GOS DANG LDAN PA ZHES BYA BA SMRAS PA YIN TE, 'DIS KYANG GOS DANG BCAS PA NYID RIG PAR BYA'O, ,DE BAS NA DE LA 'DI BSTAN PA STE, DE YANG 'DIR BSDUS PAR SHES PAR BYA BA MA YIN NO, ,GOS BRTAG PA NYID KYIS DE'I RIN THANG BZUNG BA STE, ZAS TZAM LA BRTEN NAS SLAR MGRON DU BOS PA LA 'DOD PA TSOL BAR MNGON PA YIN GYI, RNYED PA GZHAN LA BRTEN NAS 'JUG PA LA 'DI SKYE BAR MI 'GYUR RO ZHES BYA BA 'DI RNAM PAR GZHAG PA'O, ,CI ZHIG LA MGRON DU BOS PA LA YIN ZHE NA, DE'I PHYIR BZA' BAR BYA'O ZHES BYA BA SMOS SO, ,JI LTAR LA YIN NA DE'I PHYIR LNGA'I KHONGS SU GTOGS PA LA'O ZHES BYA BA SMOS TE, 'BRAS CHAN DANG ZAN DRON DANG LDE DGU DANG SHA DANG SNUM KHUR ZHES BYA BA LNGA PO GANG YANG RUNG BA LA ZHES BYA BA'I DON TO, ,MGRON DU BOS PA SNGA MA LAS GNYIS PA'I RNYED PA BYED PA PO YIN ZHE NA, DE'I PHYIR GAL TE GZHAN YANG DE NYID YIN NA'O ZHES BYA BA SMOS TE, GAL TE BZA' BAR BYA BA DE NYID KYI KHONGS SU GTOGS PA LNGA POS DANG POR MGRON DU BOS PA RNYED PA DE LA NI BYED PA PO NYID YIN LA GAL TE DE NYID MA YIN NA LTUNG BA MED DO ZHES BYA BA'I DON TO, ,'DIR GZHUNG NI ZHU BA LAS BTZUN PA RE ZHIG DGE SLONG SNGAR BZA' BA MA LAGS PA LA G-YAR DRANGS NA, DE SLAD KYIS BZA' BA LA G-YAR DRANGS TE DES DE 'TSAL NA LTUNG BA CIR 'GYUR NYE BA 'KHOR LTUNG BA MED DO, ,BTZUN PA RE ZHIG DGE SLONG BZA' BA LNGA PO RNAMS MA GTOGS PA DE LAS GZHAN PA'I BZA' BA DAG LA SNGAR G-YAR DRANGS NAS DE SLAD KYIS BZA' BA LNGA PO RNAMS LA G-YAR DRANGS TE NGES DE 'TSAL NA LTUNG BA CIR 'GYUR, NYE BA 'KHOR LTUNG BA MED DO ZHES GSUNGS PA YIN NO, ,CI THAMS CAD LA LTUNG BA 'DI BYED PA PO YIN NAM ZHE NA, DE'I PHYIR NA BA MA YIN PA DANG LAS MA BYAS PA DANG, LAM DU MA SONG BA'O ZHES BYA BA SMOS TE, NA BA LA SOGS PAR GNAS PA'I DUS

208b

DANG LDAN PA RNAMS LA LTUNG BA MED DO, ,GNAS PA MA YIN PA'I DUS THAMS CAD LA NI NYE BYAS SO ZHES GSUNGS PA MI GNAS PA'I DUS LA NYES BYAS ZHES BYA STE, DE BAS NA NYES BYAS SO GTOGS PAR BYA'O, ,RNYED PA GANG LA GANG GI BYED PA PO YIN ZHE NA, DE BLANGS NA NYES BYAS KYI'O, ,ZOS NA DNGOS GZHI'O ZHES BYA BA SMOS TE, DANG DU BLANGS YID KYI YIN PA'I PHYIR DE NI BSDAM PAR BYA BA'I NYES BYAS SU GSUNGS PAR RIG PAR BYA'O, ,'DIR KHAR ZA BA'I MDUN ROL DU 'GRO BA LA SOGS PA RJES SU BSGRUB PA BSTAN PAR BYA BA RTOGS PAR BYA'O, ,'DIR GOS KYI MTHAR GYUR PA NI KHRU GANG GI KHYON NO ZHES BYA BA NI 'DI LAS CHUNG BA'I CHOS GOS DANG LDAN PA LA BOS PA NI GOS MED PA NYID NI 'DIR DNGOS GZHI KHO NA STE, DE BAS 'DI LA 'DI BYED PA YIN TE, JI TZAM DU SPANG BA'I BYED PA PO DE NYID DE TZAM LA GZHAN DU YANG YAN LAG NYID DE BAS NA DE LA 'DI BSTAN PA YIN NO, ,DE'I PHYIR GOS SBYIN PAR BYA BA DANG GOS BYA BA LA SOGS PA LA YANG 'DI TZAM LA MTHAR THUG PAR 'GYUR BA NYID DU RTOGS PAR BYA'O, ,CHUNG BA NYID SBYIN PA DANG BYED PA LA NYES BYAS SU RNAM PAR GNAS PA YIN TE, 'DIR NI DNGOS GZHI KHO NA'O ZHES BYA BAR RIG PAR BYA'O, ,LAM NI DPAG TSAD PHYED DO ZHES BYA BA NI 'DIR LAS 'DI NI MTHAR THUG PAR GYUR PA NYID DO, , GZHAN LA YANG NGO ZHES BYA BA NI YANG YANG ZA BA LAS GZHAN PA'I BSLAB PA'I GZHI DAG LA 'DUS SHING ZA BA LA SOGS PA'I DON DU 'DI YIN NO, ,'DIR RAM GYUR 'GRO BA LA YANG NGO ZHES BYA BA LA, 'DIR ZHES BYA BA NI LAM LA STE, THANG GI LAM NYID KYI YUL LA 'DI'I MTHAR THUG PAR GYUR PA'I LAM GYI TSAD MA YIN NO, ,'ON KYANG GYUR 'GRO BA LA YANG ZHES BYA BA'I DON TO, ,LAS KYI NGO BO CI ZHIG YIN ZHE NA, DE'I PHYIR LAS NI PHYAG DAR RE LDE TZAM MAM, DKYIL 'KHOR BA MAL TZAM YIN NO ZHES BYA BA SMOS TE, 'DI NI LAS KYI MTHAR GYUR PA'I TSAD CES BYA BA'I DON TO, ,GZHAN LA YANG NGO ZHES BYA BA 'DI SBYAR BAR BYA'O; ,DE YANG DGE 'DUN NYID DAM MCHOD RTEN NYID NA'O ZHES BYA BA NI, LAS 'DI'I RAB TU DBYE BA 'DI DAG RIG PAR BYA'O, ,DE LTA BUR GYUR PA'I YAN LAG 'DI BRJOD PA SHES PAR BYA ZHES BYA BA'I DON TO, ,NA BA NYID KYI TSAD NI MI NUS PA'O ZHES BYA BA NI GZHAN LA YANG NGO ZHES BYA BA 'DIR YANG SBYAR BAR BYA'O,,

209a

, ,BSHAMS PA NI MGRON DU BOS PA NYID MA YIN NO ZHES BYA BA NI, GANG ZHIG GTAN DU BA'AM BAR MA LAS BYUNG BA BSHAMS PAR GYUR PA DE NI BOS PAR RTOGS PAR BYA BA MA YIN NO, ,'DIR GZHUNG NI ZHU BA KHA CIG LAS, MNGON PAR LHAG PA ZOS NA LTUNG BA MED DO, ,MNGON PAR LHAG PA ZHES BYA BA NI DGE SLONG LA BSHAMS PA'I BSOD NAMS KYI PHUNG PO LA BRJOD PA YIN TE, DE ZOS PA NA LTUNG BA MED CES BYA BA'O, ,DGE SLONG GI PHYIR BSHAMS PA NI DGE SLONG LA BSHAMS PA'O, ,KUN DU LTA BA YANG NGO ZHES BYA BA NI YANG MGRON DU BOS PA NYID MA YIN PA 'JIG RTEN GYI THA SNYAD KYI DBANG NGAM BSHES PA'I DBANG GIS 'BOD PA NYID NI KUN DU LTA BA'O, ,'DIR GZHUNG NI ZHU BA LAS SPYAN GZIGS SAM GSOL LA GCUGS TSOD TZAM GZHAN DU GSOL CIG CES ZER BA LA LTUNG BA MED DO, ,'DI NYID DU DGE SLONG GSOL ZHING GZHAN 'TSOL BAR BYED NA LTUNG BA MED DO, ,'DI NYID DU DGE SLONG BSOD SNYOMS TZAM PO 'TSOL ZHING LHAG MA GZHAN NAS TSOL BAR BYED NA LTUNG BA MED DO ZHES GSUNGS PA YIN NO, ,YANG YANG ZA BA LA NI NYES PA MED PA'I TSIG 'DI YIN GYI THAMS CAD DU NI MA YIN NO, ,DGAG DBYE NYID YOD PAR GYUR PA LA STANG CIG LA ZA BA LAS 'DA' BAR BYED PA'I LTUNG BA LAS LDANG BA YOD PA YIN NO, ,MGRON DU BOS PA GZHAN YOD NA ZAN BLANG BA LA SPANG BA BSRUNG ZHING 'JUG PAR BYA'O, ,THO 'TSAMS PAS BYAS PA NI MA YIN PA NYID DO ZHES BYA BA NI MGRON DU BOS PA ZHES BYA BAR SBYAR RO, ,'DIR GZHUNG NI ZHU BA LAS BTZUN PA RE ZHIG DGE SLONG SNGAR THO 'TSAMS PA'I RTOG PA CAN GYIS G-YAR DRANGS PAR GYUR NAS SLAD KYI THA MAL PA'I GNAS SKABS SU G-YAR DRANGS PA GZHAN RNYED CING DE 'TSAL NA LTUNG BA CIR 'GYUR, NYE BA 'KHOR LTUNG BA MED DO ZHES GSUNGS PA YIN NO, ,THOB 'TSAMS PA'I RTOG PA ZHES BYA BA NI THO 'TSAMS PA'I RTOG PA STE GZHAN LA ZHES BYA BA 'DI NYAMS PA'O, ,MI RUNG BA ZHES BYA BA NI BYAS PA LA MED PA NYID DO, ,DE BAS NA BOS PA YANG NGO ZHES BYA BA NI BZA' BAR BYA BA MI RUNG BA NYID KYI PHYIR SKYES PAR RIG PAR BYA'O, ,DE'I PHYIR MA YIN PAR DGE 'DUN YANG NGO ZHES BYA BA NI DE LA BRTEN NAS DGE 'DUN SPYAN DRANGS PA DE'I MED PA NYID NA DE'I PHYIR RNAM PAR GCAD PAR BYA BA LA MNGON PAR BRTEN PA NYID KYI

209b

PHYIR GZHAN LA NI MED PA NYID DO, ,'DIR KHUNGS NI GANG GI PHYIR 'PHAGS PA LEGS 'ONGS KYI PHYIR TE, GANG DE LA BRTEN NA CHU SRIN BYIS PA GSOD KYI RI PA RNAMS KYIS DGE 'DUN SPYAN 'DREN PA LA BRAM ZE SPYAN DRANGS PAR GYUR PAS BRAM ZE RNAMS 'ONGS NAS BYIS PA GSOD PA'I RI PA'I BRAM ZE DANG KHYIM BDAG RNAMS KYIS SANGS RGYAS LA SOGS PA DGE SLONG GI DGE 'DUN ZHAG BDUN BSHOS LA SPYAN DRANGS PAS DE'I TSE BAS DANG DU MA BLANGS SO ZHES GSUNGS PA YIN TE, DE'I PHYIR MDO 'DI BYAS SO, ,DGAG DBYE SO SOR RJES SU GNANG BA DANG SBYAR BAR BYA'O, ,GZHAN DU LNGA PO 'JOG PA YANG NGO ZHES BYA BA NI MGRON DU BOS PA MA YIN PA NYID DO, ,SIL BU DAG LAS DANG PO LNGA PO ZHES BYA BA 'DI BRJOD PA YIN TE, DE BAS NA GZHUNG NI YI GE GZHAN LAS DGE SLONG BCA' BA DANG BZA' BA'I ZAN GNYIS DANG MGRON DU BOS PAS GCIG DGE SLONG LA RNAM PAR RTOG PAR BYED NA LTUNG BA MED DO, ,DGE SLONG MA LA RNAM PAR RTOG PAR BYED NA LTUNG BA MED DO, ,DE BZHIN DU DGE SLOB MA DANG DGE TSUL MA LA RNAM PAR RTOG PAR BYED NA YANG LTUNG BA MED DO, ,DE BZHIN DU SDE PA LNGA PO THAMS CAD LA RNAM PAR RTOG PAR BYED NA YANG LTUNG BA MED DO ZHES GSUNGS PA YIN NO, ,SIL BU DAG LAS KYANG DGE SLONG DANG DGE SLONG MA DANG DGE SLOB MA DANG DGE TSUL DANG DGE TSUL MA RNAMS LAS 'DIR LNGA NYID KYI TSIG GIS GSUNGS SO, ,'PHAGS PA 'DI BYED PAR MI RIGS SO ZHE NA 'DIR BRJOD PAR BYA STE, DE NI CHOS DANG LDAN PA NYID DO ZHES BYA BA NI CI ZHAN LA BOS PAS GZUNG BAR 'DOD PA NYID MED PA LA 'DI RIGS PA NYID YIN NAM 'ON TE YOD PA LA YANG YIN ZHE NA, DE'I PHYIR GZHAN BLANG PA LA YANG NGO ZHES BYA BA SMOS TE, MGRON DU BOS PA GZHAN BLANG BA YOD PA LA 'JOG PA LA CHOS DANG LDAN PA NYID DO ZHES BYA BA'I DON TO, ,MU GE BYUNG NA MGRON DU BOS PA JI SNYED BYUNG BA DAG BDAG GIR BYA'O ZHES BYA BA NI SNGA MA SNGA MA BZHAG KYANG JI SNYED BYUNG BA DE SNYED RNAMS LA'O, ,ZOS NAS YANG NGO ZHES BYA BA NI MGRON DU BOS PA JI SNYED BYUNG BA'I SPYAN DRANGS PA RNAMS LA'O, ,SBYIN DU YANG RUNG NGO ZHES BYA BA NI LNGA PO LNGA PO ZHES SNGAR BSTAN PA'I RJES SU 'BRENGS TE SHES PAR BYA'O, ,SBYIN PA PO MNGON PAR MI DGA' BAR 'GYUR BA LTA NA KHAM GNYIS SAM GSUM ZOS PA'I 'OG TU KHYIM BDAG DGE

210a

, ,SLONG 'DI BSOD SNYOMS KYIS PHONGS PA YIN GYI RJES SU YI RANG BAR GYIS SHIG DANG 'DI LA SBYIN PAR BYA'O ZHES MNGON PAR DGA' BAR BYAS NAS SO ZHES BYA BA NI SBYIN PA PHO DE LNGA PO DAG LA SBYIN PA'O, ,YANG YANG ZA BA'I LTUNG BYED DO,, ,,'DUG GNAS SU ZA BA'I LTUNG BYED LA BYED PA PO GANG YIN ZHE NA, DE'I PHYIR CHOS 'DI PA'I MA YIN PA BDAG PO KHYIM PA DANG BCAS PA YA MTSAN CAN THAMS CAD MA YIN PA'I 'DUG GNAS SO ZHES BYA BA SMOS TE, CHOS 'DI LA ZHES BYA BA NI SANGS RGYAS KYI CHOS 'DUL BAR BYA BA GANG YIN PA DE NI CHOS 'DI PA'O, ,DE LAS GZHAN PA NI CHOS 'DI PA MA YIN PA'O, ,BDAG PO KHYIM PA DANG BCAS PA ZHES BYA BA NI, BDAG PO KHYIM PA DANG LHAN CIG 'JUG PA GANG YIN PA DE NI BDAG PO KHYIM PA DANG BCAS PA'I 'DUG GNAS SO, ,RANG BZHIN CAN YANG BDAG TU BYAS NAS SBYIN PA'AM BYED DU 'JUG PA LA 'DIR NYES PA RNAM PAR GZHAG PA'O, ,DE BAS NA KHYIM PAS BYED DU 'JUG PA ZHES BYA BA'I TSIG GO, ,YA MTSAN CAN THAMS CAD MA YIN PA ZHES BYA BA NI YA MTSAN CAN THAMS CAD LA 'DIR CHOS 'DI PA NYID KYANG YOD PAS NYES PA BYED PA PO NYID MA YIN NO, ,'DUG GNAS SO ZHES BYA BA NI 'DI LAS 'DIR BYED PA PO RNAMS ZHES BYA BA 'DI LAS YONGS SU GYUR PA LA SO SOR NYE BAR GNAS PA'O, ,LTUNG BA 'BYIN PAR BYED PA JI LTA BU LA DE BYED PA PO NYID YIN ZHE NA, DE'I PHYIR MI NA BA LA'O ZHES SBYIN BDAG GIS MA BSTABS PA LA'O ZHES BYA BA SMOS TE, 'DI NI YID KYI BYA BA STE DE LA YONGS SU LONGS SPYOD PA MA YIN PA RNAMS LA MA BSTABS PA GANG YIN PA 'DI DER YA MTSAN CAN THAMS CAD DANG 'DRA BAR 'DIR NYES MI SKYED PA'O, ,PHYIR MI 'BYUNG BA LA CHO GA 'DI DANG LDAN PA STE, PHYIR 'BYUNG BA LA NI SBYIN BDAG PHYUG PO MED PAS BSTABS PA NYID LA YANG DNGOS GZHI KHO NA STE GZHAN LA BRTEN PA NI 'DIR SKYON YIN TE, DE YONGS SU GSAL BA'I DON DU BSLAB PA'I GZHI 'DI YIN NO, ,'DIR GANG DU GANG LA BYED PA PO NYID YIN ZHE NA, DE'I PHYIR ZOS NA ZOS PA LA DNGOS GZHI'O, ,GNAS NA ZHAG LON PA LA NYES BYAS KYI'O ZHES BYA BA SMOS TE, DE'I BSOD SNYOMS GCIG ZA ZHING GNYIS PA ZA BA LA DNGOS GZHI'I BYED PA PO NYID DO, ,ZHAG GCIG LON PA'I NYI MA GNYIS

210b

PA LA NYES BYAS KYI BYED PA PO NYID CES BYA BA'I DON TO, ,NYI MA DANG PO LA NI GNAS PA DANG ZOS PA LA LTUNG BA MED DO, ,'DIR GZHUNG NI DER GNAS PA NA NYES BYAS SU 'GYUR LA, DER ZA BA LA LTUNG BYED DU 'GYUR ZHES BYA BA LA SOGS PA GSUNGS PA YIN TE, NYI MA GNYIS PA LA GNAS PA DANG ZA BA'I DBANG DU MDZAD NAS TSIG 'DI GSUNGS SO, ,'DUG GNAS GCIG TU ZHAG LON PA'I DGE SLONG MI NA BAS BSOD SNYOMS GCIG BZA' BAR BYA'O, ,DE'I PHYIR DANG PO 'DI DAG LA RJES SU GNANG BA NYID YIN PAS DE BAS NA 'DIR NYE BAR BTAGS PA'O, ,BDAG PO MED PA YANG NGO ZHES BYA BA NI CHOS 'DI PA'I MA YIN PA YA MTSAN CAN THAMS CAD MA YIN PA'I 'DUG GNAS DE BDAG PO MED PA YIN NA YANG NYES BYAS BYED PA PO YIN NO, ,'DI LA RAB TU BYUNG BA 'DI PA NI MU STEGS CAN DANG 'DRA BA NYID DO ZHES BYA BA NI 'DIR 'DI LA MU STEGS CAN DANG 'DRA BA NYID DU BLTA BAR BYA'O, ,JI LTAR MU STEGS CAN RAB TU BYUNG BA'I BDAG PO YIN PA'I 'DUG GNAS DE NYES BYAS KYI BYED PA PO YIN PA DE BZHIN DU RAB TU BYUNG BA 'DI PA BDAG PO YIN LA CHOS 'DI PA YA MTSAN CAN THAMS CAD MA YIN PA'I 'DUG GNAS KYANG NYES BYAS KYI BYED PA PO YIN TE, 'DIR NI LTUNG BA MED CES BYA BA'I DON TO, ,'DIR GZHUNG NI DGE SLONG RAB TU BYUNG BAS 'DUG GNAS BGYID DU STZAL BA DER DGE SLONG GIS GDUGS GCIG LAS LHAG PAR 'TSAL NA LTUNG BA CIR 'GYUR NYES BYAS SO ZHES GSUNGS PA YIN NO, ,NYE DUS KYANG NGO ZHES BYA BA MU STEGS CAN DANG 'DRA BA NYID DO ZHES BYA BAR SBYAR RO, ,'DIR GZHUNG NI BDAG PO NYID DE DUS BGYID DU STZAL BA LAGS NA LTUNG BA CIR 'GYUR, NYES BYAS KYI BYED PA POR 'GYUR RO, ,KHA CIG NI 'DI DAG LA LTUNG BA MED CES ZER TO DE NI MI RIGS SO, ,GANG YANG RUNG BA GCIG RAB TU BYUNG BA LA BRTEN PA'I DON 'DZIN PA MI RIGS PA'I PHYIR RO, ,'DUG GNAS GCIG TU ZA BA'I LTUNG BYED DO,, ,BSOD SNYOMS NI BYED PA PO YIN ZHES BYA BA GSUNGS NA, DE LA SU DANG 'BREL PA'I BSOD SNYOMS 'DI BYED PA PO YIN ZHE NA, DE'I PHYIR STOBS PA'I 'O ZHES BYA BA SMOS TE, MA GTOGS PA NYID BZUNG BAS MA BYIN PAR LEN PA NYID BSKYED PA'O, ,JI LTAR STOBS PA'I ZHE NA, DE'I PHYIR YONGS SU SPAGS PAR RO ZHES

211a

, ,BYA BA SMOS TE, RGYA CHE BA TZAM RAB TU BSTAN PA LA SPAGS PA GANG YIN PA DE NI SBYIN PA 'JUG PAS MA YIN NO, ,DER NYES PA 'DI BSKYED PA STE, GAL TE YONGS SU SPYOD PA 'DI YIN NA 'DI TZAM SBYIN PAR BYA ZHES BYA BA SPAGS PA GANG YIN PA DE LA NI RGYA CHE BA TZAM DU BSTAN PAS SPAGS PA MA YIN PA STE, DE BAS NA 'DIR NYES PA MED DO, ,CI MA SPAGS PA THAMS CAD LA STOBS PA BYED PA PO YIN NAM ZHE NA, DE'I PHYIR CI BDER MA BYAS PAR RO ZHES BYA BA SMOS TE, SBYIN PA LA 'JUG PAS STOBS PA DE YIN TE, GANG ZHIG CI BDER MA BYAS PAR RO ZHES BYA BA 'DI LA NYES PA MED DO, ,CI 'DI THAMS CAD LA YIN NAM ZHE NA, DE'I PHYIR KHYIM PA'I 'O ZHES BYA BA SMOS TE, TSAD JI TZAM PA LA DE DANG 'BREL PA'I BSOD SNYOMS BYED PA PO YIN ZHE NA, DE'I PHYIR BRE'U CHUNG DAG GI TSAD NI 'BRAS THUG PO CHE MA GADH'A'I BRE'U CHUNG GI PHYED DANG LNGA BTZOS PA TSOD MA MA GTOGS PA LAS LHAG PA'I BSOD SNYOMS TE, GROGS KYI SKAL BA DANG BCAS PA YIN NO ZHES BYA BA SMOS TE, BRE'U CHUNG PHYED DANG LNGA BTZOS PA LAS LHAG PA'I BSOD SNYOMS NI BYED PA PO YIN NO, ,BRE'U CHUNG DAG GI TSAD NI JI TZAM ZHE NA, DE'I PHYIR BTZOS PA ZHES BYA BA SMOS TE, 'BRAS BTZOS PA MA GA DH'A'I BRE'U CHUNG GI TSAD BRE GANG RNAMS LA YOD PA DE RNAMS LA'O, ,TSOD MA MA GTOGS ZHES BYA BA NI, 'DIR TSOD MA BRTZI BAR MI BYA ZHES BYA BA'I DON TO, ,'DUS NAS LEN PA LA GROGS DANG LHAN CIG TU LEN PA GANG YIN PA DE NI DE'I BRTZI BAR BYA 'AM 'ON TE MA YIN ZHE NA, DE'I PHYIR GROGS KYI SKAL BA DANG YANG BCAS PA YIN NO ZHES BYA BA SMOS TE, 'DIR GZHUNG NI 'DOD NA DGE SLONG DE DAG GI LHUNG BZED GANG BA GNYIS SAM GSUM BLANG BAR BYA'O ZHES THAMS CAD BYED PA PO NYID KYIS GNYIS SAM GSUM GYI TSIG CES GSUNGS PA YIN NO, ,GANG DU 'DI'I 'OG TU 'DI DANG 'BREL PA'I BSOD SNYOMS BYED PA PO YIN ZHE NA, DE'I PHYIR ZOS PA LA'O ZHES BYA BA SMOS SO, ,CI ZOS SO COG THAMS CAD LA'AM ZHE NA, DE'I PHYIR MNOS PA'O ZHES BYA BA SMOS TE, RNYED PA BZHAG PAS ZHES BYA BA'I DON TO, ,'DIR GZHUNG NI ZHU BA LAS DE NYID DU 'DUG CING DON JI SRID DU ZOS KYANG LTUNG BA MED DO ZHES GSUNGS PA YIN NO, ,DE LA NI NYES BYAS KYI'O ZHES BYA BA NI BYED PA PO STE 'DIR NI MA NOS PA

211b

LA'O; ,'DIR NYES BYAS KYI BYED PA PO YIN NO, ,GZHAN GYIS MNOS PA YANG NGO ZHES BYA BA NI, GZHAN NOD DU BCUG LA ZOS NA YANG NYES BYAS KYI BYED PA PO YIN NO, ,'DIR GZHUNG NI ZHU BA LAS, LDE GU DAG DANG SNUM KHUR DAG BSTABS PA DE LAS 'OG TU LHUNG BZED GNYIS SAM GSUM LAS LHAG PAR GZHAN NOD DU BCUG NA NYES BYAS SO ZHES GSUNGS PA YIN NO, ,GZHAN LA NI LTUNG BA MED DO ZHES BYA BA LA, 'DIR GZHUNG NI 'DI YIN TE, DE NYID DU 'DUG STE MA BSTABS PAR ZOS KYANG LTUNG BA MED CES GSUNGS PA YIN NO, ,'DIR MDO 'DI NI NYES BYAS SU DOGS PA BSAL BA'I PHYIR BYAS SO, ,LAS SU MA BYAS PA LA YANG NGO ZHES BYA BA NI 'BRAS LA SOGS PA RNGO BTAGS MA BYAS PA MNOS TE ZA BA LA LTUNG BA MED PA STE, NYES PA MED PA LA DGONGS PA YIN GYI 'BRU TZAM PA LEN PA'I NYES PA GZHAN NI YOD DO, ,DE BAS NA 'DI LA YANG 'DIR 'DI LAS MED PAR RTOGS PAR MI BYA'O, ,BLANG BAR BYA BA GAL TE MANG BA NYID YIN NA DGE SLONG DAG LA BGO BSHA' BYA'O ZHES BYA BA NI, 'DIR BLANG BAR 'OS PA BRE'U CHUNG PHYED DANG LNGA'I MTHAR THUG PA DE DANG RJES SU MTHUN PA'I TSOD MA DANG LHAN CIG TU GANG YIN PA DE LAS GAL TE LHAG PA YIN PAR BLANG BAR BYA'O, ,'DIR MANG PO LA YANG DAG PAR BSTEN PA LA GZHUNG NI DGE SLONG DAG LA BGO BSHA' BYA STE, LHUNG BZED GANG BA GNYIS SAM GSUM BLANGS NAS ZHES BYA BA'I TSIG GIS RIG PAR BYA'O, ,LHUNG BZED DO GSUM TZAM LAS LHAG PAR LEN PA'I LTUNG BYED DO,, ,,JI TZAM GYIS CHOG PA BZA' BAR BYA'O, ,ZAS BRTZAMS PAS LDANG BAR MI BYA'O ZHES BYA BA LA, ZAS LA BRTZAMS PA'I NGO BO GSUNGS PA NI, THA NA LAN TSVA YAN CHAD BZA' BAR BYA BA GANG YANG RUNG BA CUNG ZAD CIG BLANGS NA RNAM PA DE NYID YIN NO ZHES BYA STE, CUNG ZAD CIG CES BYA BA NI NYUNG DU YANG NA ZHES BYA BA'I DON TO, ,GANG YANG RUNG BA ZHES BYA BA 'DIS NI 'DI STON PAR BYED DE, LAN TSVA YAN CHAD CES BYA BA STE JI SRID LAN TSVA ZHES BYA BA'I DON TE, BLANGS NAS ZHES BYA BA NI LEN PA LA'O, ,RNAM PA DE NYID YIN NO ZHES BYA BA NI ZAS LA MA BSKOS PA DE NYID DO, ,SHES GTZO BO SPANGS PA NYID DANG LHAG BOR MA BYAS PA NYID DAG LA'O ZHES BYA BA 'CHAD PAR 'GYUR TE, DE LAS SPANGS PA GANG YIN PA DANG, SPANGS PA

212a

, ,NYID BYED PA BRJOD PAR BYA BA YIN NO, ,DE BAS NA SPANGS PA NI BTANG BA'O ZHES BYA BA STE, GANG GI PHYIR DE'I TSE NA ZAS LA SOGS PA YONGS SU BKANG BA ZHES BYA BA'O, ,'DI GANG LAS SHES PA YIN ZHE NA, DE'I PHYIR 'DUG PA'O ZHES BYA BA SMOS SO, ,JI LTA BU ZHIG CE NA, DE'I PHYIR RTZA BA LA SOGS PA BCA' BAR BYA BA LA SOGS PA'I ZAS BRTZAMS PA'O ZHES BYA BA SMOS TE, SPANGS PA'I RTZA BA LA SOGS PA DANG BCA' BAR BYA BA LA SOGS PA'I ZAS GANG GIS ZHES BYA BA'I DON TO, ,CI CUNG ZAD KYANG MA BYAS PAR SPANGS NA'ANG ZHE NA, DE'I PHYIR RTZA BA DANG SDONG BU DANG 'DAB MA DANG ME TOG DANG 'BRAS BU BCA' BAR BYA BA DANG THUG PA LAS GZHAN PA BZA' BAR BYA BA RUNG BA DANG MI RUNG BA MA 'DRES PA'I BYIN LEN STOBS PA 'THAB PA'I PHYOGS NA 'GRENG BA SPANG BAR BYAS NAS SO ZHES BYA BA SMOS TE, GZHAN PA ZHES BYA BA LA, 'DIR GZHUNG NI ZHU BA LAS BTZUN PA RE ZHIG DGE SLONG BZA' BA LNGA PO DAG MA GTOGS PA DE LAS GZHAN PA'I DNGOS PO DAG SPANGS PAR GYUR NAS DES SLAD KYI BZA' BA LNGA PO DAG 'TSAL BAR GYUR NA LTUNG BA MED DO ZHES GSUNGS PA YIN NO, ,THUG PA LAS ZHES BYA BA NI GZHAN NO, ,MI RUNG BA MA 'DRES PA ZHES BYA BA NI, GANG ZHIG DER RUNG BA DES 'DI LA RUNG BA NYID SHES PAR MI BYA STE ZHES BYA BA'I DON DU 'DI YIN NO, ,STOBS PA 'THOB PHYOGS NAS 'GRENG BA ZHES BYA BA NI GZHAN LAS BYIN LEN MI 'THOB PA DANG BYIN LEN LAS BZLOG PA GANG YIN PA DE LA 'DIR YAN LAG NYID KYI PHYIR 'DI SHES PA YIN TE, 'THOB PA'I PHYOGS NAS 'GRENG BA 'DI LTA BU'I KHA ZAS LA BYIN LEN BYED CING BZLOG PAR BYA STE, KHA ZAS SPANGS PA DANG 'DUG PA CHOG SHES PA'I GNAS LA SPANGS PA GANG YIN PA DE NI SPANGS PA YIN ZHES BYA BA NI 'DIR BSDUS PA'I DON TO, ,GSOL CIG CES BYA BA YANG DE YIN NO ZHES BYA BA LA ZHES BYA BA NI DE LA SBYIN PAR GYUR PA GANG YIN PA DE TZAM 'DIS RNAM PAR MA SPYAD PA LA BRTEN PAR GYUR PA DE BAS NA GZHAN DE LAS BZLOG PA NYID DO, ,SONG SHIG CES BYA BA YANG NGO, ,'TSAL LAGS SO ZHES BYA BAS KYANG NGO ZHES BYA BA LAS BZLOG PA NI KYANG NGO ZHES BYA BA'I SGRA NI SNGAR YANG NGO ZHES BYA BA'I RJES BSNYAGS PA'I PHYIR RO, ,RE ZHIG CES BYA BA'I SGRA NYE BAR SBYAR NA NI MA YIN NO ZHES BYA BA NI 'DI GSUM

212b

RE ZHIG SGRA LA NYE BAR MTSAMS SBYAR BA LA BZLOG PAR MI 'GYUR ZHES BYA BA'I DON TO, ,CHOG GO ZHES BYA BA YANG NGO ZHES BYA BA NI DE LA YANG RE ZHIG CES BYA BA'I SGRA NYE BAR SBYAR NA SPANGS PA MA YIN NA SLAR GZHAN DAG LA LTA SMOS KYANG CI DGOS ZHES BYA BA'I DON TO, ,THUG PA LAS KYANG ZHES BYA BA GANG ZHIG BRJOD PA DE LA SLAR BRJOD PAR 'DOD NAS KHA GZAR GYEN DU 'GRENG DU MI BTUB PA NYID KYI THUG PA DAG NI THUG PA NYID DO ZHES BYA BA SMOS TE, KHA GZAR GYEN DU GNAS PA GANG YIN PA DE GAL TE THUG PA LA GYEN DU 'GRENG DU MI BTUB NA DE LTAR NA 'DI LA NI THUG PA NYID DO, ,SOR MO LNGA MI MNGON PA NI SKYO MA'O ZHES BYA BA NI THUG PA NYID LEN DU BCUG PA LA ZHES BYA BA 'DI DANG 'GREL PA BRJOD PAR BYA'O, ,THO 'TSAMS PA NI BYIN LEN STOBS PA MA YIN NO ZHES BYA BA 'DI NI THO 'TSAMS PAR SHES BA NYID LA 'DI LTAR BYIN LEN DU 'JUG PA MA YIN NO, ,'DI NI BYIN LEN BYED DU 'JUG PA'I KUN DU SPYOD PA LA RJES SU MTHUN PA ZHES BYA BA SHUGS KYIS RTOGS PAR BYA'O, ,'DIR GZHUNG NI ZHU BA LAS, BTZUN PA RE ZHIG DGE SLONG SNGAR THO 'TSAMS PAR RTOGS PA CAN GYIS BYIN LEN BSTABS PAR GYUR LA, DES SLAD KYI THA MAL PA'I GNAS SKABS SU BYIN LAN BSTABS PA DE 'TSAL NA LTUNG BA CIR 'GYUR, NYE BA 'KHOR LTUNG BA MED DO ZHES GSUNGS PA YIN NO, , THO 'TSAMS PA'I RTOG PA CAN ZHES BYA BA NI 'DI LA THO 'TSAM MO SNYAM PA'I RTOG PA GANG LA YOD PAR GYUR PA ZHES BYA BA 'DI DON RIG PAR BYA'O, ,SPANG BA BSTAN ZIN TO,, ,,DA NI LHAG BOR BYA BA BSTAN PAR BYA STE, MTSAMS KYI PHYI ROL DANG MI 'THOB PA'I PHYOGS DANG MDUN MA YIN PA NA 'DUG PA LAS LHAG BOR BYA BA MI 'BYUNG NGO ZHES BYA BA NI MTSAMS KYI PHYI ROL NA GNAS PA DANG, MI 'THOB PA'I PHYOGS NA GNAS PA DANG, MDUN MA YIN PA NA 'DUG PA LAS ZHES BYA BA'I BSDU BA'O, ,GNYIS DANG LDAN PA LA GCIG PA'I DNGOS PO 'DI RNAMS LAS LHAG BOR BYA BA MI 'BYUNG STE, MTSAMS GZHAN NA GNAS PA NA GANG ZHIG LA YANG YAN LAG NYID DO, ,DE BAS NA PHYI ROL GYI MTSAMS LA GNAS PA DOR BA'O, ,LHAG BOR ZHES BYA BA NI MTHAR THUG PAR GYUR PA'I BOR BA NI DOR BA STE LHAG BOR RO, ,DE LTAR YANG 'DIR GZHUNG NI RNAM PAR 'BYED PA LAS, LHAG MAR MA BYAS SHING MA POR YONGS SU MA BTANG

213a

, ,BA NI LHAG BOR MA BYAS PA ZHES GSUNGS PA YIN NO, ,BYA BA LAG TU MA BLANGS PA LA YANG MI 'BYUNG NGO ZHES BYA BA NI LHAG BOR BYA BA'I DNGOS PO GANG YIN PA DE LAG TU MA BLANGS PA LA YANG LHAG BOR MI 'BYUNG ZHES BYA BA'I DON TO, ,'DIR GZHUNG NI DGE SLONG DES LAG PA GNYIS BSNYAL TE BYIN LEN BYAS PA LAS ZHES GANG GSUNGS PA YIN NO, ,NAM MKHA' LA YANG MI 'BYUNG NGO ZHES BYA BA DE NI MTSAMS KYI PHYI ROL ZHES BYA BA 'DI'I KHONGS SU GTOGS PA NYID DU RIG PAR BYA'O, ,RUNG BA MA YIN PA DANG DE DANG 'DRE BA LA NI MI BYA BA NYID DO ZHES BYA BA NI RUNG BA LA MI RUNG BA 'DRES PAS LHAG BOR BYI DNGOS PO DOR BA NYID KYIS MI BYA BA NYID DO, ,GANG GI LHAG BOR DU BYA BA DANG GANG GI 'DIR BYED PA PO NYID YIN ZHE NA, DE'I PHYIR GNAS MA BTANG BAS BYA BA NYID DO ZHES BYA BA SMOS TE, 'DIR ZA BA'I GNAS NI GNAS SHES PAR DON GYIS SHES PAR BYA'O, ,CI CHOG PAR MA BYAS PA LA YIN NAM ZHE NA, DE'I PHYIR MI ZA BAR BRTAG PAR BYAS KYANG NGO ZHES BYA BA SMOS TE, CI MA GSOL BAS KYANG BYA'AM ZHE NA, DE'I PHYIR GSOL BAR BYA BA NYID YIN NO ZHES BYA BA SMOS SO, ,'DI'I BYA BA CI YIN ZHE NA, DE'I PHYIR KHYOD KYIR GYUR GYI BZHUD CIG CES BYA BA'I TSIG GIS BYA'O, ,KHA CIG NI CI BDER GSOL CIG CES KYANG BYA'O ZHES BYA BA SMOS TE, 'DOD PA GZHAN LA 'DI BSTAN PA'O, ,GZHAN DAG GI TSIG 'DI 'DIR BYA BA NYID KYIS SHES KYANG ZER TE, 'DIR DON GTZO CHE BA YIN GYI TSIG NI MA YIN NO, ,DE BAS NA 'DI GNYIS KA 'DI'I BYA BA YIN NO, ,GZHAN YANG 'DI LTA BU'I RIGS CAN KYI TSIG CES BYA BA RTOGS PAR BYA'O, ,CI TSIG TZAM KHO NAS LHAG POR BYA BA ZAD DAM ZHE NA, DE'I PHYIR KHAM GNYIS SAM GSUM ZOS NAS SO ZHES BYA BA SMOS TE, GANG ZHIG GI YANG MA ZOS PA LA KUN DU RTOG PAR BYA BA'I LHAG BOR 'DU BYED PA DES KYANG KHAM GNYIS SAM GSUM ZOS NAS BYA BA ZHES SMOS PA NI BYA BA BTANG BAS NI BZA' BAR MI BYA'O ZHES BYA BA STE, MA ZOS PA LA KUN DU RTOG PA BYED BZHIN PA LA YANG GANG ZAG BRJOD PA GANG YIN PA DE LA DES NI BZA' BAR MI BYA BAR KHYOD KYIR GYUR GYI BZHUD CIG CES BYA BA'I TSIG TZAM NYID DU BYA BA 'DIS BSTAN PAR SHES PAR BYA'O, ,LHAG BOR BYAS PA GZHAN GYIS BZA' BAR

213b

BYA'O ZHES BYA BA NI DGE SLONG GCIG LA RUNG BA GANG YIN PA DE GZHAN LA YANG RUNG NGO ZHES BYA BA DE LA 'DI BSTAN PA'O, ,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,GANG LA 'DU SHES GTZO CHER BYED PA PO NYID YIN ZHE NA, DE'I PHYIR SPANGS PA NYID DANG LHAG BOR MA BYAS PA NYID DAG LA'O ZHES BYA BA SMOS TE, LHAG BOR MA BYAS PA NYID GANG YIN PA DE LA DE NI LHAG BOR NYID DU MA BYAS PA'O, ,ZOS NAS SPANGS PA NYID LA YANG LHAG BOR DU BYA BA MA BYAS PA ZHES BYA BA'I DON TO, ,CI ZHIG RJES SU BSGRUB NA BYED PA PO NYID YIN ZHE NA, DE'I PHYIR ZOS NA'O ZHES BYA BA SMOS SO, ,CI ZHIG ZOS NA ZHE NA, DE'I PHYIR ZAS TZAM MO ZHES BYA BA SMOS TE, BCA' BAR BYA BA TZAM YANG ZHES BYA BA'I DON TO, ,'DI STAN GCIG PA'I ZAS DANG POR BYAS PAS DE'I PHYIR DE DAG THAMS CAD NI RNAM PAR NGES PA MA YIN PAR RIG PAR BYA'O, ,SBYANGS PA'I YON TAN YANG DAG PAR BLANGS PA SPANGS PA NYID YIN YANG RUNG SPANGS PA NYID MA YIN YANG RUNG STE, LHAG BOR BYAS KYANG RUNG LHAG BOR MA BYAS KYANG RUNG BCA' BAR BYA BA DANG BZA' BAR BYA BA DAG ZOS BZHIN PAS BZA' BAR MI BYA ZHES BYA BA 'DI'I BYE BRAG RTOGS PAR BYA'O, ,STAN GCIG PA'I ZAS KYI LTUNG BYED DO,, ,,'DI YANG SHES GTZO'O, ,SPANGS PA NYID DANG LHAG BOR MA BYAS PA NYID DAG LA'O ZHES SNGAR BSTAN PA'I YAN LAG DE DAG KHAS BLANGS NAS BSGRUB PA GANG YIN LA 'DU SHES PA 'DI'I BYED PA PO NYID YIN ZHES BYA BA 'DI LA 'DI SKAD CES BRJOD PAR BYA STE, STOBS NA'O ZHES BYA BA SMOS TE, ZAS TZAM ZOS PA LA ZHES BYA BA'I DON TO, ,GANG LA STOBS NA ZHE NA DE'I PHYIR DGE SLONG LA'O ZHES BYA BA SMOS TE, THAMS CAD DU RUNG BA MA YIN PA'I PHYIR STOBS PA LA NYES PA ZHES BYA BA 'DI'I RJES SU 'BRANGS NAS RIG PAR BYA'O, ,SPANGS PA LA STOBS PA'I LTUNG BYED DO,, ,,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,GANG LA 'DU SHES GTZO CHER BYED PA PO NYID YIN ZHE NA, DE'I PHYIR SO SOR NGES PA'I ZAS KYI GNAS CAN DAG LAS GZHAN PA'I DGE SLONG DGE 'DUN DU GYUR PA MTSAMS KYI NANG NA GNAS PA DAG ZAN LHAN CIG MA YIN PA NYID LA'O ZHES BYA BA SMOS TE, GNAS KHANG NA ZAS THA DAD PA NYID DU NGES PA DE NI SO SOR NGES PA'I ZAS SO, ,

214a

, ,DGE SLONG GANG DAG LA GNAS DE DAG NI SO SOR NGES PA'I ZAS KYI GNAS CAN DAG GO, ,DE RNAMS LAS GZHAN DGE SLONG MTSAMS KYI NANG NA GNAS PA'I BZHI LA SOGS PA DGE 'DUN DU GYUR PA'I DGE SLONG RNAMS DANG LHAN CIG MA YIN PA NYID KYIS ZHES BYA BA'I DON TO, ,'DIR GZHUNG NI TSOGS SHING ZA BA BZUNG BA NI DGE 'DUN DU GYUR PA RNAMS KYIS ZHES BYA BA RIG PAR BYA'O, ,'DIR RNAM PAR 'BYED PA LAS LA G-YENG BA ZHES BYA BA STE, TSOGS SHING ZA BA NI TSOGS NAS ZA BA'O, ,G-YENG BA NYID CES PA NI DGE 'DUN GNYIS 'BYED PA'O ZHES BYA BA 'DI'I DON RNAM PAR GNAS PA YIN NO, ,CI GCIG PU ZHIG ZAN LHAN CIG MA YIN PA NYID LA YIN NAM ZHE NA, DE'I PHYIR LHAN CIG PA'I 'O ZHES BYA BA SMOS TE, RNAM PA GANG DANG LHAN CIG PA'I ZHE NA, DE'I PHYIR CIG CAR ZA BA DANG NGO ZHES BYA BA SMOS SO, ,SU DANG LHAN CIG PA'I ZHE NA, DE'I PHYIR GSUM PO LA SOGS PA DANG NGO ZHES BYA BA SMOS TE, GSUM PA 'AM BZHI LA SOGS PA'I TSOGS DANG NGO, ,'DIR GZHUNG NI BZHI PO DAG LAS GCIG GIS ZHAL TA BYED CING GSUM ZA BA LA NI LTUNG BA MED DO ZHES GSUNGS PA YIN NO, ,GANG GI GSUM PO LA SOGS PA DANG ZHE NA, DE'I PHYIR DGE SLONG RNAMS KYI'O ZHES BYA BA SMOS TE, 'DIR GZHUNG NI LTUNG BA BSTAN PA LA GSUM BSNYEN PAR RDZOGS PA YIN LA GCIG BSNYAN PAR MA RDZOGS PA YIN NA LTUNG BA MED DO ZHES GSUNGS PA YIN NO, ,CI THAMS CAD DU LHAN CIG PA 'DI TZAM LA YANG YIN NAM ZHE NA, DE'I PHYIR DGE SLONG RNAM PA JI LTA BUS GOS MED PA'I ZAS GNYIS PA RNYED PA BYED PA PO NYID YIN PA BZHIN NO ZHES BYA BA SMOS TE, DGE SLONG RNAM PA JI LTA BU GOS MED PA'I ZAS GNYIS YANG YANG ZA BA'I BYED PA PO NYID YIN PA DE BZHIN DU, 'DIR YANG MI NA BA DANG LAS MA BYAS PA DANG LAM DU MA ZHUGS PA DANG, GRUR MA ZHUGS PA DE LA YANG ZHES BYA BA'I DON TO, ,LAM DPAG TSAD DAM DPAG TSAD PHYED DU SONG BA'AM SLAR 'ONG BAR 'GYUR ZHES BYA BA 'DI LA KHA CIG 'GRO BA DANG SLAR 'ONG BAR 'GYUR ZHES BYA BA'I GZHUNG BYED PA YIN TE, GZHAN DAG NI DPAG TSAD DU 'GRO BAR 'GYUR BA'AM DPAG TSAD DU 'GRO BA'AM, DPAG TSAD PHYED DU 'GRO BAR 'GYUR BA'AM SLAR 'ONGS PA ZHES BYA BAR RNAM PAR RTOG PA YIN NO, ,'DI GNYIS KA

214b

YANG BDEN PA MA YIN TE, BTZUN PA RE ZHIG DGE SLONG GI DPAG CHAD PHYED LAS 'DAS PAR BGYIS NAS 'DUS PA DANG LHAN CIG 'TSAL NA LTUNG BA CIR 'GYUR NYE BA 'KHOR LTUNG BA MED DO ZHES ZHU BA LAS GSUNGS PA YIN NO, ,CI ZAN LHAN CIG MA YIN PA NYID THAMS CAD LA'AM ZHE NA, DE'I PHYIR DUS STON CHEN PO LAS GZHAN PA LA'O ZHES BYA BA SMOS TE, 'DIR DUS STON CHEN PO ZHES BYA BA'I GZHUNG NI ZAN SPANGS PA ZHES GSUNGS PA YIN NO, ,KUN DU SPYOD PA GANG LA 'DI LA BYED PA PO NYID CES BYA BA 'DI LA ZOS NA'O ZHES 'OG NAS 'BYUNG NA CI DUS LA MA BAB PA'I BZA' BAR BYA BA THAMS CAD LA ZOS NA ZHES BYA BA 'DI LA BRJOD PAR BYA STE; DE'I PHYIR RTAGS 'DI MED PA'I RAB TU BYUNG BA'I ZAS LAS GZHAN PA'I 'O ZHES BYA BA SMOS TE, RAB TU BYUNG BA GANG LA RTAGS 'DI MED PA ZHES BYA BA NI PHYI ROL PA'I RAB TU BYUNG BA'O, ,DE'I ZAS LAS GZHAN PA ZHES BYA BA NI BZA' BAR BYA BA GANG YIN PA DE ZOS PA LA ZHES BYA BA'I DON TO, ,DER 'ONG BAR BYA BA NYID DU GNAS PA MTSAMS KYI NANG NA 'KHOD PA DAG GI 'ONG PA NYID MA DRIS PAR ZA NA 'DA' BA'I PHYED YIN NO ZHES BYA BA LA, GNAS PA ZHES BYA BA NI RNAM PAR GNAS PA STE, GNAS GANG LA RTZA BA'I GNAS YONGS SU RTZI BA LA SOGS PA LA KHA CIG NI ZA BAR BYED PA DE, DER KHA ZAS KYI DON DU 'ONGS PA NYID GANG RNAMS LA GNAS GZHAN DU RTZA BA'I GNAS YONGS SU BRTZI BA LA SOGS PA LA MTSAMS THA MI DAD PAR GNAS PA RNAMS LA DE RNAMS NI DE GNAS PA DANG DER 'ONGS PA NYID RNAMS SO, ,DE RNAMS LA 'ONGS PA NYID MA DRIS PAR ZA NA 'DA' BA'I PHYED YIN TE NYES BYAS SO ZHES BYA BA'I DON TO, ,GNAS PA LA MA YIN PAR DER 'ONG BA NYID MA DRIS PAR ZA NA LTUNG BYED KHO NA STE, DE BAS NA MA BYAS PA NYID KYI DMIGS KYIS BSAL PAR DE RTOGS PAR BYA'O, ,'DIR GZHUNG NI GZHI'I 'DUG GNAS KYI NYE 'KHOR NA KHANG KHYIM DAG YOD PA GZHI'I 'DUG GNAS SU DGE SLONG DAG ZAN ZAN DE DAG GI KHANG KHYIM GYI 'DUG GNAS NAS DGE SLONG DAG 'ONGS SAM ZHES DRI BAR BYA'O, ,MA DRIS PAR ZA NA GZHI'I 'DUG GNAS PA DAG LA NI NYES BYAS SU 'GYUR LA, KHANG KHYIM GYI 'DUG GNAS PA DAG LA NI LTUNG BYED DU 'GYUR RO, ,DGE SLONG DAG KHANG KHYIM GYI 'DUG GNAS SU ZAN ZA NA, DE DAG GIS GZHI'I 'DUG GNAS

215a

, ,NAS DGE 'DUN DAG 'ONGS SAM ZHES DRI BAR BYA'O, ,MA DRIS PAR ZOS NA KHANG KHYIM GYI 'DUG GNAS PA DAG LA NI NYES BYAS SU 'GYUR LA, GZHI'I 'DUG GNAS PA DAG LA NI LTUNG BYED DO ZHES GSUNGS PA YIN NO, ,DOGS PAR GYUR PA MA DPYAD PAR ZHES BYA BA'I DON 'DI LA 'DIR MTSON PA DANG MA DRIS PAR RNAM PAR GNAS PA YIN NO, ,DOGS PAR BYA BA MA BZUNG BA NYID KYI PHYIR DRI BAR BYA BA MA YIN TE, DE BAS NA NGES PA RNAMS LA NI NYI MA GCIG GI DON LA YANG DGE 'DUN GYI SKABS NA SMAD PA NYID DO, ,GZHAN DU NI KHA NA MA THO BA YONGS SU RDZOGS PAR 'GYUR RO, ,DE BAS NA DE LA 'DI NI BYED PA PO YIN NO, ,DE LTAR NA GNAS PA GCIG YIN LA, DE NYID NA DGE SLONG GANG DAG SO SO NA ZAN ZA ZHING DE DAG GIS KYANG 'DUS SHING ZA BAR MNGON SUM DU SHES SAM DOGS PA DAG YOD NA DGE 'DUN GYI LHAG MA THAMS CAD LA KHONGS SU GTOGS PA'I NYES BYAS BSKYED PA ZHES BYA BAR RIG PAR BYA'O, ,GANG YANG RUNG BA CUNG ZAD CIG BRIMS NA YANG ZAN GCIG PA NYID YIN NO ZHES BYA BA NI ZAN BZA' BAR BYA BA GANG YANG RUNG BA CUNG ZAD CIG DGE 'DUN GYIS LOGS SHIG NA ZA BA'AM, ZAN LOGS SHIG NA ZA BA BAS DGE 'DUN LA BRIMS KYANG RUNG STE LTUNG BA MED CES BYA BA'I DON TO, ,'GRO BAR CHAS PA DANG GLO BUR DU 'ONGS PA DANG NAD PA DANG NAD G-YOG DANG DGE SKOS LAS GZHAN PA THAMS CAD KYIS MA ZOS PAR G-YOS MAL DANG SPYI BUNGS LAS MNOS TE BZA' BAR MI BYA'O ZHES BYA BA NI SMAN GYI GZHI DANG PHRAN TSEGS DAG LAS KYANG MGRON DU BOS PA NA THAMS CAD KYIS MA ZOS PA BZA' BAR MI BYA BA NYID DE, DE BAS NA DER YANG CHO GA 'DI RIG PAR BYA'O, ,'DIR NI DGE 'DUN GYI DON DU ZHES BYA BA GSUNGS PA MA YIN TE, GNYIS GANG LA YANG MA YIN NO, ,GSUM BOS PA LA YANG GCIG PA NYID DE BOS PA LA NI KHA ZAS GYA NOM PA LA RIGS PA'I NGO BO NYID DO, ,DE BAS NA 'DIR CHO GA 'DI MED PA MA YIN NO, ,GTZUG LAG KHANG NA DGE SLONG GCIG PU ZHIG GNAS PA NA YANG DES KYANG BKAD SA LAS GZHAN DU ZAN BZA' BAR MI BYA STE, ZOS NA 'DAS PAR 'GYUR RO, ,DES NA BSLAB PA'I GZHI 'DI'O, ,GCIG PU ZHIG MGRON DU BOS PAR 'GYUR BA DES KYANG SBYIN BDAG GIS BSKOS PA'I DBANG BA MA GTOGS PAR GANG ZHIG MA ZOS PAR ZAN DE NI

215b

'DI LAS 'DA' BAR RJES SU BYED PA ZHES BYA BAR RIG PAR BYA'O, ,MA ZOS PA NYID LA ZHES BYA BA NI TSANGS PA MTSUNGS PAR SPYOD PA DGE SLONG MA LA SOGS PA GCIG TU 'DUS NAS KHA ZAS MI MTHUN PA 'DI 'JUG PA DE NI BCOM LDAN 'DAS KYIS KYANG DON DU RJES SU GNANG STE, DGE SLONG 'GA' 'ONG YANG SRID PAS DE'I CHED DU GRAL GYI DANG POR STAN GCIG GZHAG STE, KHA ZAS KYI MDUN DU DGE SLONG MA RNAMS BKOD PAR BYA'O ZHES GSUNGS PA YIN NO, ,DE BAS NA MTSAN MTHUN PA'I TSANGS PAR SPYOD PA DANG MTSUNGS PA LA DON 'DI MI 'PHANGS PAR SHES PAR BYA'O, ,'DUS SHING ZA BA'I LTUNG BYED DO,, ,,RANG GI PHYED YOL NAS SKYA RENGS 'CHAR BA'I BAR DUS MA YIN NO ZHES BYA BA LA, RANG GI ZHES BYA BA NI PHYED YOL BA DANG SKYA RENGS SHAR GYIS KYANG 'DI LA 'BREL PA'O, ,RANG GI PHYED YOL BA'I MTHAR THUG PA LA RANG GI SKYA RENGS 'BYUNG BA LA YANG BAR DU ZHES BYA BA NI PHYED YOL MAN CHAD NAS SKYA RENGS 'CHAR BA'I BAR GANG YIN BA DE NI 'DIR MNGON PAR 'DOD PAR RIG PAR BYA'O, ,'DIR GZHUNG NI 'DZAM BU'I GLING LA SOGS PA GNAS GANG NA SO SOR GNAS PA DE LA RANG GI ZHES BYA BAR 'GYUR RO, ,DGE SLONG GIS DUS MA LAGS PAR BCA' BAR BGYI BA DANG BZA' BAR BGYI BA 'TSAL BA LTUNG BAR MI 'GYUR BA MCHIS SAM, YOD DE 'DZAM BU'I GLING PA'I DUS KYIS GLING GSUM PA DAG TU ZOS NA LTUNG BAR MI 'GYUR BA'O ZHES YA BA LA SOGS PA GSUNGS PA YIN NO, ,DE NYID LA SHES GTZO BO ZHES BYA BA NI DUS MA YIN PA DE NYID LA 'DU SHES GTZO CHER BYED PA PO YIN NO, ,CI KUN DU SPYOD NA ZHE NA DE'I PHYIR BCA' BAR BYA BA DANG BZA' BAR BYA BA ZOS NA'O ZHES BYA BA SMOS SO, ,DUS MA YIN PAR ZA BA'I LTUNG BYED DO,, ,,GSOG 'JOG GI NGO BO BSTAN PAR BYA STE, DE'I PHYIR SNGA DRO'I ZAS BYIN LEN BYAS PA PHYI DRO'I ZAS SU DANG DE THUN TSOD LAS 'DAS PA LTA BU NI SOG 'JOG BYAS PA YIN NO ZHES BYA BA NI PHYI DRO'I ZAS SU DANG SNGA DRO'I ZAS BYIN LEN BYAS PA PHYI DRO ZOS PA LA SOGS PA SOG 'JOG DANG BYIN LEN BYAS PA PHYI DRO'I ZAS SU DANG, DE THUN TSOD LAS 'DAS PA LTA BU NI SOG 'JOG BYAS PA NYID YIN NO, ,DE NYID LA SHES GTZO BO ZHES BYA BA NI SOG 'JOG BYAS PA DE NYID LA'O, ,SHES GTZO BO ZHES BYA BA NI BCA' BAR BYA BA DANG BZA' BAR BYA BA YANG ZHES BYA BA

216a

, ,DANG SBYAR RO, ,LAG NYAR BLANGS PA MED PAR MI BYA'O ZHES BYA BA NI 'DI NI GLENG GZHI DAG LAS YIN TE, BZA' BAR MI BYA'O ZHES GSUNGS PA YIN NO, ,MTSAMS KYI NANG DU BTZOS PA DANG ZHAG LON PA YANG MI BYA'O ZHES BYA BA LA 'DIR GZHUNG NI SMAN GYI GZHI LAS 'DI DANG PO STE, GNYIS PA NI LDANG BA NYED KYI PHYIR ZHES BYA BA GSUNGS PA YIN NO, ,MTSAMS KYI NANG DU ZHES BYA BA NI MTSAMS KYI NANG ROL DU'O, ,'DIR GZHUNG NI NANG DU BTZOS PA GANG ZHE NA, GANG ZHIG KUN DGA' RA BA'I NANG DU BLO MTHUN PAR MA BSKOS SHING RUNG BA MA YIN PA'I SA GZHIR BTZOS PA GANG YIN PA DE'O, ,BTZOS PA DANG BZHAG PA ZHES BYA BA JI TZAM YIN ZHE NA, GANG ZHIG KUN DGA' RA BA'I NANG DU BLO MTHUN PAR MA BSKOS SHING RUNG BA MA YIN PA'I SA GZHIR BTZOS PA DANG ZHAG LON PA GANG YIN PA'O ZHES GSUNGS PA YIN TE, DGE SLONG BSNYEN PAR RDZOGS PAS BZA' BAR MI BYA'O ZHES BYA BA MA MO LAS 'DIR KUN DGA' RA BA'I NANG DU DON GYIS TSOGS BSTAN PA MTSAMS KYI NANG DU ZHES BYA BA GSUNGS PA YIN NO, ,GNAS KYI GZHI LAS KYANG 'DIR KUN DGA' RA BA'I SGRA NI GRAGS PA STE, DES NA DGE SLONG GIS KUN DGA' RA BA'I PHYI ROL DU SONG NAS BSHAGS PAR BYA'O ZHES GSUNGS PA YIN NO, ,KUN DGA' RA BA'I PHYI ROL DU BCA' BAR BYA BA DANG BZA' BAR BYA BA BLANGS TE, KUN DGA' RA BA'I NANG DU BZA' BAR BYA'O, ,BCOM LDAN 'DAS KYIS KUN DGA' RA BA'I NANG DU STENG GI SGRA DANG SGRA CHEN PO GSAN PAR GYUR NAS DE BAS NA DGE 'DUN GYI KUN DGA' RA BA ZHES BYA BA GNAS KYI GZHI LA 'DI GSUNGS PA'O, ,GSOG 'JOG BYED PA YONGS SU BSAL BA 'DI NI LAN TE, GANG ZHIG 'DI MTSAMS KYI NANG DU BTZOS PA DANG ZHAG LON BA NYID NI DOR BA'O, ,GNAS KYI GZHI LAS KYANG GSOG 'JOG 'BYUNG BA STE GZHAN DU NI MA YIN NO, ,DGE SLONG GIS BCOS PA LA YANG GSOG 'JOG BYED PA DANG GZI BRJID MED PA'I PHYIR BOR BA NYID DO, ,DE BAS NA 'DIR YANG DGE SLONG GIS BTZOS PA LA DGE SLONG NYID KYIS BZA' BAR BYA BA NYID DANG DGE SLONG MAS BTZOS PA LA DGE SLONG MA KHO NAS ZA BA NYID DO ZHES BYA BA 'DI'I RNAM PAR 'BYED PA'O, ,GANG ZHIG SBYIN BDAG GIS RUNG BA MA YIN PA'I GZHIR BTZOS PA'AM ZHAG TU LON PA 'BUL BAR BYED PA DE

216b

LA NI LTUNG BA'I NYES PA MED DO, ,'BUL PA NI RANG 'ONGS NAS BRTAG PAR BYA ZHES BYA BA YANG NGES PA YOD DE BDAG TU BYA BA'I DON YOD PA'I PHYIR RO ZHES BYA BA YANG 'DI LAS RTOGS PAR BYA'O, ,DGE SLONG GIS GRONG DAG TU DGE SLONG GI DON DU DGOS PA'I GNAS LA SOGS PA GANG DAG BYED CING, DE DAG GI NANG DU GANG ZHIG DGE SLONG RNAMS KYIS GNAS PA DE LA DGE SLONG RNAMS KYIS GNAS NYID DU RIG PAR BYA'O, ,DER GNAS PA BTANG BA NI DGE SLONG GI GNAS KYI GZHI NYID DANG BRAL BA NYID KHO NA YIN NO, ,'DI LA NGES PAR BYAS PA DE NI GNAS NYID DANG BRAL BA KHO NA YIN NO, ,DE BAS NA 'DIR GNAS PAR MI BYA ZHES BYA BA NGES PAR BYAS PA GANG ZHIG MI 'JUG PAR GNAS GZHAN GYI DBANG GIS GTZUG LAG KHANG DU ZHUGS PA LA DE DANG BRAL BA NYID 'BYUNG BAR 'GYUR RO, ,GZHI MA YIN PA'I SA PHYOGS LA YANG LHAG PAR GNAS PAR GYUR PA LA GNAS KYI GZHI NYID DO, ,DE BAS NA BDE BA'I DON DU 'DA' BAR GYUR PA RNAMS LA GTZUG LAG KHANG STONG PAR GNAS PA LA GNAS NYID LAS SKYES PA NYID DO, ,MTSAMS GSUM PO NYID LA GNAS KYI GZHI DE GTOGS PAR BYA'O, ,DER YANG RANG BZHIN CAN YIN GYI BCOS PA MA YIN NO, ,SLAR 'DIR RTZIG PA LA SOGS PA'I MTHA' NAS BRTZAMS TE NANG GANG YIN ZHE NA, DE'I PHYIR 'DIR RJEN PAR BTZOS PA GANG YIN PA NI DE'O ZHES BYA BA NI NANG DU BTZOS PA DANG DGE SLONG GIS BTZOS PA DAG LAS BYIN LEN BYAS NAS YANG BTZO BAR BYA BA NYID YIN NO ZHES GSUNGS PA'I PHYIR RO, ,MI SNYI BA RNAMS KYI NI SUM CHA BANGS PA NYID KYI MDUN ROL DU DE NYID YIN NO ZHES BYA BA LA DE NYID CES BYA BA NI RJEN PA NYID DO, ,DE SNYI BA RNAMS KYI ZHES BYA BA NI 'DIR SKAM PO'I LO MA DANG SHA DAG LA ZHUGS PAR RIG PAR BYA'O, ,RDZAS SNYI BA NYID NI PHYE MAR BYAS PA NYID NA YANG SNYI BA NYID DANG BRAL BA NYID MA YIN NO, ,DE BAS NA 'DIR RTZVA SKOR KA LA SOGS PA RNAMS LA 'DIR ZHUGS PAR RIG PAR BYA'O, ,SNYI BA RNAMS KYI NI KHA DOG GYUR PA'O ZHES ZHES BYA BA NI RDZAS SNYI BA RNAMS KYI KHA DOG GYUR PA'I MDUN ROL DU DE NYID YIN TE RJEN PA NYID YIN NO, ,KHU BA RNAMS KYI NI LAN GNYIS KHOL BAR GYUR PA NYID KYI'O ZHES BYA BA NI MDUN ROL DU DE NYID CES BYA BA DANG SBYAR RO, ,MES RUNG BAR BYAS PA NI MA BTZOS PA MA YIN NO ZHES BYA BA NI, GANG GI PHYIR DE LTAR YIN PA

217a

, ,DE BAS NA MTSAMS KYI NANG DU MES RUNG BA MI BYA'O ZHES BYA BA'I DON TO, ,'DUG PA'I GRUB PA NYID SKYE BA LA RAG LAS PA LA NI MA LON PA NYID MA YIN NO ZHES BYA BA NI 'DUG PA GANG GI GRUB PA NYID SKYE BA LA RAG LAS PA 'DUG PA'I GRUB PA NYID DO, ,DER SKYE BA LA GANG ZHIG 'DI MI 'BREL BA'AM SKYE BA'I RGYUN DANG 'BREL BA'I JI LTAR SKYE BA NYID LA SKYE BA'I RGYUN DANG BRAL BA LA GANG ZHIG DER GNAS PA DE ZHES BYA BA'I DON TO, ,DE NYID NI 'DI LTAR GYUR PA NYID DO, ,GANG ZHIG 'DUG PA LA MA LON PA NYID MA YIN NO ZHES BYA BA NI NANG DU ZHAG MA LON PA NYID DU MI 'GYUR ZHES BYA BA DE LA 'DI BSTAN PA'O, ,SKYE PA'I RGYUN RUNG BA MA YIN PA'I SA NAS BYUNG BA LA RUNG BA'I SA NAS BYUNG BA GANG YIN PA DER BSGRUB PA GANG YIN PA'O, ,NANG DU ZHAG MA LON PA NYID CES BYA BA NI SA BON NANG DU ZHAG LON PA PHYI ROL DU BTAB PA LAS SKYES PA GANG YIN PA DE LA YANG CHO GA 'DI YIN NAM ZHE NA, MA YIN ZHES BSTAN PA NI DE DANG 'PHEL BA NYID DAM, DE'I GNAS SKABS GZHAN NYID KYIS GANG DU YID CHES PA DE LA NI CHO GA 'DI YIN NO, ,SKYE BA GZHAN NYID DANG DE DANG 'PHEL BA NYID DANG DE'I GNAS SKABS GZHAN NYID KYI CHO GA 'DI YIN NO, ,DE LA JI LTAR LUNG LA SOGS PA'I NANG DU BZHAG PA ZHING LA GTOR BA LA BZA' BAR MI BYA BA MA YIN PA NI BYED PA PO NYID MA YIN PA DE BZHIN DU 'DI LA ZHAG LON PA'I BA LA 'O MA BYUNG BA GANG YIN PA DE YANG BZA' BAR BYA BA MA YIN PA KHO NA STE, 'O MA DE MTSAMS KYI NANG NAS BYUNG BA YIN PA'I PHYIR RO, ,SNOD PHYOGS NA 'DUG PA DES KYANG SA DER BTZOS PA NYID YIN NO ZHES BYA BA NI, SNOD RUNG BA MA YIN PA'I PHYOGS NA 'DUG PA NI DPER NA SAR GZHAG PA'AM RGYUD NAS SO, ,DPER NA SOL BA RNAMS LA BZHAG PA'AM RTZVA LA SOGS PA GANG YANG RUNG BA LA DE'I SA GZHI LA BTZOS PA NYID DANG MA BTZOS PA NYID CES BYA BA'I DON TO, ,'TSOD PAR BYED PA PO DE NA 'DUG PA NYID KYIS NI MI 'GYUR RO ZHES BYA BA NI, GANG ZHIG SA DE LA BRTEN PA NYID KYIS SA DE'I BTZOS PA NYID MA YIN NO; ,ME NI SNOD MA YIN PA NYID MA YIN NO ZHES BYA BA LA, ME ZHES BYA BA NI SOL BA RNAMS LA YIN GYI 'OD 'PHRO BA RNAMS LA MA YIN TE, NAM MKHA' DANG 'DRA BA NYID YIN PA'I PHYIR RO, ,DE LAS PHYUNG BA DANG BYUNG BA DAG NI DE NYID MA YIN NO ZHES BYA BA NI ME DE LAS SAM BONG BA LA SOGS PA SU ZHIG GIS

217b

PHYUNG BA DANG RANG GIS SAM RLUNG LA SOGS PA'I DBANG GIS 'BYUNG BA LA DE NYID MA YIN TE, GANG LAS PHYUNG BA DANG BYUNG BA DAG LAS DER GYUR PA NYID DAM SA DE LA BRTEN PA NYID DO, ,NYEN KOR NI GNAS NYID YIN NO ZHES BYA BA LA, GNAS ZHES BYA BA NI NGES GNAS PAR BYA BA YIN PAS NA GNAS ZHES BYA BA BRJOD DO; ,STENG DU RGYU BA GANG YIN PA GNAS KYI DE KHO NA NYID LA DER MI ZHUGS PA ZHES BYA BA'I DON TO, ,LAM JI SRID TSUN CHAD 'DI'I DE NYID YIN ZHE NA, DE'I PHYIR 'DOM GANG NGO ZHES BYA BA SMOS TE, PHYI ROL GYI RTZIG PA LA SOGS PA'I NGOS NAS BRTZAMS TE DE DANG 'DRA BA NYID KYI NGO BO NYID DU RTOGS PAR BYA'O, , STENG DU NAM MKHA' LA SLEB PA MAN CHAD DO ZHES BYA BA NI GNAS KYI STENG GI NAM MKHA' NI NAM MKHA' STE, RGYU BA DAG GIS SLEB PAR NUS PA DE LA NI GNAS NYID DE STENG DU LAG PAS SLEB PA NI YAN LAG MA YIN NO, ,DE BAS NA MGO POS SLEBS PAR GYUR PA NI 'DIR MTHAR THUG PA NYID DE, DE 'DIR MA G-YOGS PA DANG MA BKAB PA'I DBANG DU BYAS NAS BSTAN PA'O, ,BKAB PA'I DBANG DU BYAS NAS BSTAN PA NI KUN NAS MA BKAB PA NI MA G-YOGS PA'O, ,NANG YANG NGO ZHES BYA BA NI NANG GI NAM MKHA' GANG YIN PA DE YANG GNAS NYID YIN ZHES BYA BA'I DON TO, ,DE 'DI TZAM DU RUNG BA LA RUNG BA NYID DANG MI RUNG BA LA MI RUNG BA NYID KYIS GNAS KYI GZHI LA ZHUGS PA ZHES BYA BA 'DI'I BYED PA'O, ,STENG GI YA THOG GZHAN YANG DE NYID YIN NO ZHES BYA BA NI, STENG GI YA THOG KHA KHYER GZHAN YANG 'OG KHANG DE KHO NA NYID YIN ZHES BYA BA'I DON TO, ,NAM MKHA'I DKYIL NI STENG GI YA THOG THAMS CAD LA MNGON SUM DU 'JUG PA'I PHYIR RO; ,DE'I SGO 'OG MA RNAMS LA NI MA YIN ZHES BYA BAR RIG PAR BYA'O, ,MA 'BREL PA'I NGO BO STENG DU BSGRUB PA DANG 'TSED PA LA SOGS PA'I 'OG KHANG GI GNAS ZHES BYA BA STENG 'OG TU BSGRUB PA DANG 'TSED PA LA SOGS PA'I 'OG KHANG GI GNAS ZHES BYA BA STE DE BAS NA 'DI SHES PA'O, ,DE'I PHYIR RTEN LAS RNAM PAR BCAD NAS PHYI MA LA RUNG BA NYID KYIS BLO MTHUN PAR MA GRAGS PA ZHES BYA BAR RTOGS PAR BYA'O, ,'DIR GZHUNG NI SIL BU DAG LAS, BTZUN PA GANG 'OG KHANG GI RUNG BA'I KHANG PA LAGS PA DE'I YANG THOG KYANG RUNG BA'I KHANG PA LAGS SAM, NYE BA 'KHOR YANG THOG KYANG YIN TE, NGOS DAG DE

218a

, ,BZHIN NO ZHES GSUNGS PA YIN NO, ,GZHAN GNAS PA NYID NI GZHAN GYI GNAS NYID MA YIN NO ZHES BYA BA NI GNAS 'DI LA YANG GNAS SHES PAR BYA BAR BRJOD DO, ,GZHAN PAR GYUR PA NYID NI GZHAN GYI GNAS NYID MA YIN NO, ,DPER NA KHYIM PAS BZUNG BA 'AM GNAS PAR GYUR NA 'DI LTAR DGE SLONG DAG DE NYID NA GNAS SU ZIN KYANG DE DGE SLONG GI GNAS NYID MA YIN PA LTA BU'O, ,'DIR GZHUNG NI ZHU BA LAS, BTZUN PA DE NYID NA DGE SLONG DANG BCAS SHING DE NYID NA KHYIM PA DANG BCAS NA DER DGUNG DU LAGS PA DANG DER BSGRAL BAR 'TSAL BAR BGYI 'AM MI BGYI, NYE BA 'KHOR BZA' BAR BYA'O ZHES GSUNGS PA YIN NO, ,GNAS STONG PAR BYAS PA ZHIG TU GAL TE DGE SLONG RE ZHIG GNAS PAR GYUR NA DE YANG DGE SLONG GNAS SU RUNG BA NYID YIN NO, ,KHYIM PA'I RDZAS MA BTON NA NI STONG PAR BYA BA NYID MA YIN NO, ,DGE TSUL RNAMS KYI GANG ZAG GI GNAS DANG, DGE TSUL 'TSOGS SA SPYIR DBANG BA'I GNAS DE NI DGE SLONG GI GNAS NYID MA YIN NO, ,DGE SLONG GI GNAS SAM DGE SLONG GI DGE 'DUN GYI GNAS NA DGE TSUL TZAM GNAS SU ZIN KYANG DE LTA MOD KYI, DGE SLONG GI GNAS NYID YIN TE, DGE TSUL RNAMS NI DGE SLONG GI 'KHOR YIN PA'I PHYIR RO, ,LAG NYAR BLANGS PA DANG NANG DU BTZOS PA DANG, DGE SLONG GIS BTZOS PA DE DAG DUS KYI PHYIR DGAG PAR MDZAD PAR 'TSO BA'I BAR DU BCANG BA DAG NI MA BSDUS PA NYID YIN NO ZHES BYA BA LA, DE DAG DGAG PA MDZAD PA ZHES BYA BA NI LAG NYAR BLANGS PA LA SOGS PA DE DAG BZA' BAR MI BYA'O ZHES DGAG PA MDZAD PA LA'O, ,DUS KYI PHYIR ZHES BYA BA NI GUNG TSIGS TSUN CHAD KYI SNGA DRO DANG DE PHYIN CHAD THUN TSOD KYI DUS DE NYID LA GANG DU LAG NYAR BLANGS PA LA SOGS PA BYAS NA DUS DE NYID DU BZA' BAR BYA BA DE NYID YIN GYI DE PHAN CHAD DU NI MA YIN ZHES BYA BA'I DON TO, ,GZHUNG KHA CIG LAS BTZUN PA LTUNG BAR BYA BA'I SMAN RANG GIS BLANGS NA BYIN LEN BYA BA 'DI GSUNGS TE LAG NYAR BLANGS PA DANG NANG DU BTZOS PA DANG DGE SLONG GIS BTZOS PA DE RNAMS RNYED PAR GYUR NA BZA' BAR BYA'AM, NYE BA 'KHOR BZA' BAR BYA STE DUS KYI PHYIR ZHES GSUNGS PA YIN NO, ,GZHUNG GZHAN LAS KYANG SA GZHI RUNG BA LA 'TSO BA'I BAR DU BCAD PA'I SMAN RNYED NA BZA' BAR MI BYA 'AM, BKA'

218b

STZAL BA BZA' BAR MI BYA'O ZHES GSUNGS PA YIN NO, ,GNYIS PO 'DI DAG MNYAM PAR SBYAR NAS 'DI SKAD CES GSUNGS SO, ,GZHUNG SNGA MA LAS NANG DU ZHAG LON PA'I TSIG BYAS PA DE LA GZHUNG PHYI MA DANG 'GAL BA'I PHYIR NYAMS PA NYID DU SHES PA YIN TE, GANG GI PHYIR 'DIR NANG DU ZHAG LON PA BZA' BAR BYA BA NYID BKAG PA YIN NO, ,SNGA MA LA YANG DUS KYI PHYIR ZHES BYA BA 'DI DANG SBYAR BAS KYANG NYAMS PA NYID DU SHES PAR BYA'O, ,GANG GI PHYIR SNGA DRO NAS BRTZAMS TE NYI MA YOL BA'I MTHAR THUG PA DE DANG DE'I 'OG TU DUS GZHAN THUN MTSAMS KYI MTHAR THUG PA'I DUS 'DI DAG LA GANG DU LAG NYAR BLANGS PA LA SOGS PA 'DI BYAS PA'I DUS DE NYID DU BZA' BAR BYA BA YIN GYI, DE TSUN CHAD DU NI MA YIN ZHES BYA BA NI DUS KYI PHYIR ZHES BYA BA'I DON TO, ,NYIN MTSAN GYI CHA THA MA LA YANG GNAS PA NYID NI ZHAG LON PA NYID CES BYA BAR BRJOD DO, ,GAL TE DE LTAR YIN NA GZHUNG PHYI MA YONGS SU SPANGS PAS DUS KYI PHYIR ZHES BYA BA 'DI DANG MI LDAN PA YONGS SU SPANGS NAS ZHAG LON PA NYID SPANGS TSIG LHAG MA MDZAD DO ZHES 'DIR MNYAM PAR SBYAR BA'O, ,'DIR GZHUNG SNGA MA BZUNG BA LAS NANG DU BTZOS PA RNAMS LA DE DAG DGAG PA MA BSDUS PA NYID YIN NO, ,DUS KYI PHYIR ZHES BYA BA 'DI BSTAN TO, ,PHYI MA NI 'TSO BA'I BAR DU BCANG BA ZHES BYA BA 'DI DANG RJEN PAR SPANGS PA YANG MDZAD PA YIN TE DE'I DON NI 'DI YIN NO, ,LAG NYAR BLANGS PA LA SOGS PA RNAMS BZA' BAR BYA'I, DUS GZHAN DU NI MA YIN NO ZHES BYA BA DUS KYI PHYIR BZA' BA DGAG PAR BYAS PA GANG YIN PA DE BKAG PAS 'TSO BA'I BAR DU BCANG BA DAG BSDUS PA YIN NO, ,DE RNAMS JI SKAD BSTAN PA'I CHO GAS LAG TU BLANGS PA JI SRID 'TSO'I BAR DU BZA' BAR BYA'O ZHES BYA BA'I DON TO, ,LHAG PAR GNAS PA RNAMS LA NI TSUL 'DI YIN NO, ,LHAG PAR MI GNAS PA RNAMS LA NI DUS KYI PHYIR BSDUS PA NYID YIN NO, ,'BAGS PA NI ZAS KYI PHYED NYID DO ZHES BYA BA LA, LHUNG BZED LA SOGS PA ZAS LA SOGS PAS 'BAGS PA GANG YIN PA DE NI ZAS PHYED NYID YIN GYI ZAS RDZOGS PA NYID NI MA YIN TE, NA SMAD PAR BYAS PA NYID CES BYA BA'I DON TO, ,'DI NI BZA' BAR GYUR PA NYID LA THA SNYAD DU GDAGS PA MA YIN PA 'DIS SHES PAR BYA'O, ,'DIR GZHUNG NI DGE SLONG GIS LHUNG BZED DANG LHUNG BZED CHUNG NGU DANG KHA

219a

, ,GZAR DANG TSVA KHUG DANG LHUNG BZED KYI SNOD DANG GOS DANG ME SHEL DANG, KHRI DANG KHRI'U DANG KHAR PA DANG BUM PA DANG RIL BA DANG LDE MIG DANG LDE MIG KYOG PO DANG GSOG 'JOG BYAS PAS 'BAGS PA ZA NA THAMS CAD NYES BYAS SU 'GYUR RO ZHES GSUNGS PA YIN NO, ,'DIR ZAS KYI PHYIR 'BAGS PA STE ZOS NA'O ZHES BYA BA'I TSIG STE RANG LONGS SPYOD PA'I PHYIR NI MA YIN NO, ,'DI RNAMS NI MTHA' MED PAR BYAS PA NYID KYI PHYIR RO, ,GSOG 'JOG GI MTSAN NYID LA DE DANG 'DRES PA'I KHA ZAS ZA BA NI 'DIR DE YONGS SU LONGS SPYOD PAR MNGON PAR 'DOD PA ZHES BYA BAR RNAM PAR GZHAG PA'O, , KHA DRI MA CAN GYIS BZA' BA DANG BTUNG BA DAG KYANG NGO ZHES BYA BA KHA'I NANG MA DAG PAS BZA' BA DANG BTUNG BA DAG ZOS SAM 'THUNGS NA DE DANG REG PAS KHA DRI MA CAN DU GYUR PAS ZAN GYI PHYIR NYID DE GZHAN DU 'JUG PAR BYED NA LTUNG BA MED CES BYA BA'I DON TO, ,'DIR GZHUNG NI DGE SLONG GIS KHA MA BKRUS PAR SKOM 'THUNGS NA NYES BYAS SO ZHES GSUNGS PA YIN NO, ,JI TZAM GYIS NI KHA DAG PA YIN ZHE NA, DE'I PHYI ROL NI LCI BA'AM SA KUN NAS DRUNG DE CHUS BSHAL NA DAG PA YIN NO ZHES BYA BA SMOS TE, MCHU GNYIS NI DAG PA 'DIS RNAM PAR GNAS PA YIN NO, ,SIL BU RNAMS LAS 'DI LA SOGS PA YANG DAG PAR RIG PAR BYA'O ZHES BYA BA'I MTHAR THUG PA GSUNGS PA YIN NO, ,NANG NI CHU MA KHUR BA DO'AM GSUM GYIS BSHAL NA'O ZHES BYA BA NI KHA'I NANG GI DAG PA 'DI YIN NO, ,LHUNG BZED NI BSAM PA THAG PAS LAN GNYIS SAM LAN GSUM BKRU BSHAL BYAS NA SGRA MI SNYAN YANG DAG PA YIN NO ZHES BYA BA LA; LHUNG BZED NI BSAM PA THAG PAS GUS PAR BYA STE LAN GNYIS LAN GSUM DU BSGYUR LOG BYA ZHING THO RANGS KYI CHU LA SOGS PAS BKRU BSHAL BYAS NA SGRA MI SNYAN CING SGRA SANG SANG PO MA BYUNG DU ZIN KYANG DAG PA NYID YIN NO ZHES BYA BA'I DON TO, ,RTZI LANGS PA LA NI NYES PA MED DO ZHES BYA BA NI LHUNG BZED LA ZHES BYA BA'I SGRA 'JUG PA YIN TE, LHUNG BZED DAG PAR BYAS PA LA NGA LANGS PA NI RTZI LANGS PA STE, DE LA NI NYES PA MED CES BYA BA'I DON TO, ,'BAGS PA MED PAR REG PA LA YANG NGO ZHES BYA BA NI GANG ZHIG LHUNG BZED BZA' BAR BYA BA LA REG KYANG 'BAGS PA MED NA DE LA YANG NYES PA MED CES BYA BA'I DON TO, ,

219b

LCI SKAM MAM LCI BA'AM SA GANG YANG RUNG BA LAN GSUM BKRUS PA LA SNUM PA NYID KYANG NGO ZHES BYA BA NI NYES PA MED DO ZHES BYA BAR SBYAR RO, ,'DIR GZHUNG NI ZHU BA LAS BTZUN PA DGE SLONG GIS LHUNG BZED LCI SKAM MAM LCI BA'AM SAS LAN GSUM 'KHRU BAR BGYID CING DE YANG SNUM ZHING SNUM BAG CHAGS PAR GYUR NA YONGS SU LONGS SPYAD PAR BGYI 'AM, NYE BA 'KHOR DE BZHIN NO ZHES GSUNGS PA YIN TE, CI'I PHYIR ZHE NA, DE NI THA SNYAD DU BYA BA'I RIN MI CHOG PA'I PHYIR RO, ,'DIR LCI SKAM LA SOGS PA GSUM PO 'DI DPE TZAM DU ZAD KYI GZHAN DAG KYANG RUNG BAR RIG PAR BYA'O, ,LANGS PA BSAL BAR BYA BA NYID DO ZHES BYA BA DE LHUNG BZED DAG PAR BYAS PA LA SNUM BAG GAM TSON RTZI'I BAG SKO LA SOGS PA DAG PHRAD PAS LANGS PAR GYUR NA BSAL BAR BYA BA NYID YIN NO, ,'DIR GZHUNG NI DGE SLONG ZHIG LA LHUNG BZED 'PHREN CHEN ZHIG YOD NAS, DES DER KHU BA BYIN LEN BYAS PA NA SNUM BAG 'THON CING STENG DU ZHAG NYA MIG CHAGS SHING 'DUG NAS DGE SLONG DE 'GYOD PA SKYES PA DANG, BCOM LDAN 'DAS KYIS BKA' STZAL PA, STENG GI SNUM BSAL TE BTUNG BAR BYA'O ZHES GSUNGS PA YIN NO, ,'BAGS PA'I PHYOGS NYI TSE BKRU BAR BYA BA NYID DO ZHES BYA BA LA, DE NYI TSE ZHES BYA BA NI LHUNG BZED KYI PHYOGS GANG DU 'BAGS PAR GYUR PA'I PHYOGS DE'O, ,'DIR GZHUNG NI DGE SLONG GIS LHUNG BZED 'PHREN CAN ZHIG DES 'KHRU BAR BYED PA NA 'PHREN RER 'BRAS CHAN GYI DUM BU SONG BA ZHIG MTHONG NAS DE 'GYOD PA SKYES PA DANG, BCOM LDAN 'DAS KYIS BKA' STZAL PA, SHING BUS BRUD DE CHUS LAN GNYIS SAM GSUM BSHAL NAS YONGS SU SPYAD PAR BYA STE, 'DI LA 'GYOD PAR MI BYA'O ZHES GSUNGS PA YIN NO, ,BUM PA LA SOGS PA SNUM CAN DAG SNUM MED PAR BYA BA'I PHYIR CHU'I RDZING BU ZAB MO'I NANG DU GZHUG GO, ,NYA'AM RUS SBAL LAM SBAL PA'AM CHU SRIN BYIS PA GSOD DAM NYA KHYI BA DAG GIS MA LUS PAR LDOGS KYI BAR DU GZHAG GO, ,BSREGS PAS KYANG SNUM MED PA NYID DU 'GYUR RO ZHES BYA BA NI DE LTAR MA LUS PAR LDOGS PA DANG BSREG PA DAG GIS SNUM MED PAR 'GYUR BA'I BUM PA LA SOGS PA DAG JI LTAR DAG CING GTZANG BA NYID DU BYA ZHE NA, DE'I PHYIR SNUM MED PAR GYUR PA NI BKRUS PAS SO ZHES

220a

, ,BYA BA SMOS TE, DAG PA NYID YIN NO ZHES BYA BA DE DANG 'DI 'BREL TE, GANG GIS BKRU ZHE NA, DE'I PHYIR LCI SKAM MAM LCI BAS DAG PA NYID DO ZHES BYA BA SMOS TE, THO RANGS KYI CHU'AM LCI BAS DAG PA STE SNUM MED PAR GYUR PA NI DAG PA NYID DO, ,LAN TSVA LA SOGS PA TSVA CHU DANG 'GYUR BYED KYI CHU DANG RNYOG CHUR GYUR PA NI PHYED NYID DO ZHES BYA BA NI LAN TSVA DANG 'GYUR BYED DANG, RNYOG PA DAG LAS TSVA CHUR GYUR PA DANG 'GYUR BYED KYI TSUR GYUR PA DANG RNYOG PA RNYOG CHUR GYUR PA 'THUNG BA NI PHYED NYID DE NYES BYAS SO ZHES BYA BA'I DON TO, ,DE NI THAMS CAD LA DUS MA YIN PAR RUNG BA NYID DO ZHES BYA BA NI LAN TSVA LA SOGS PAR GYUR PA DE NI RUNG BA NYID DE NAD PA MA YIN PA THAMS CAD KYIS KYANG NGO, ,LAN TSVA DANG 'GYUR BYED RANG GI BYA BA MI BYED PA DAG LA NI MED PA NYID DO ZHES BYA BA NI 'DIR PHYED NYID KYANG MED PA NYID DE, DE LA NI LTUNG BA MED PA KHO NA STE, NYES BYAS KYI LTUNG BA YANG MED DO ZHES BYA BA'I DON TO, ,'DIR THAMS CAD LA LAN TSVA DANG 'GYUR BYED CES SMOS PA NI LHAN CIG SKYES PA YIN PAR RIG PAR BYA'I NYE BAR SGRUB PA NI MA YIN NO, ,NYE BAR BSGRUBS PA DE LA 'BYUNG KHUNG GI DBANG GIS 'BYUNG KHUNG DAG LA MA YIN NO ZHES BYA BA 'DI NI CHO GA'O, ,GZHAN LA THA SNYAD BTAGS PAR 'GYUR BA MA YIN PA LA YANG NYES PA YONGS SU RDZOGS PA LA BYED PA PO NYID DO, ,GANG LA GNAS PA LA YANG DANG BA 'BYUNG BAR 'GYUR BA'I DUS KYIS BAR DU CHUS DAG PA DE'I TSE NI LHAN CIG SKYES PA MA YIN YANG LHAN CIG SKYES PA NYID DANG 'DRA BAR RIG PAR BYA'O, ,'DIR PHYED NYID KYI GZHUNG NI ZHU BA LAS, BTZUN PA RE ZHIG DGE SLONG GIS CHAB DBON TSA CAN DU BGYIS BA GSOG 'JOG BGYIS TE 'TSAL NA LTUNG BA CIR 'GYUR, NYES BYAS SO, ,BTZUN PA RE ZHIG DGE SLONG GIS CHAB DBON TSA CAN DU BGYIS NAS BYIN LEN MA BGYIS PA 'TSAL NA LTUNG BA CIR 'GYUR NYES BYAS SO, ,'DIR NI SNGA ROL DU YANG DBON TSA CAN DU BGYIS PA ZHES BYA BA'I TSIG NI GANG GIS SHES BYED YIN SNYAM DU SHES PAR BYA BA MA YIN TE, LHAN CIG SKYES PA LA YANG SBYOR BA 'DI YOD PA'I PHYIR RO, ,GANG GI PHYIR RANG BZHIN GYIS KYANG DBON TSA CAN GYI CHU NI DBON TSA ZHES BYA BAR SMRA BA YIN TE, NYAMS PA 'DI LA YANG DBON TSA CAN DU BYAS PA ZHES BYA BA RANG BZHIN YIN NO, ,'DIR YANG GZHUNG NI BTZUN PA RE ZHIG

220b

DGE SLONG GIS CHAB 'GYUR BYED CAN DU BYAS PA BYIN LEN MA BYAS PAR 'TSAL NA LTUNG BA CIR 'GYUR, NYES BYAS SO ZHES GSUNGS PA YIN NO, ,'GYUR BYED CAN DU BGYIS PA'I TSIG KYANG DBON TSA CAN DU BYAS PA'I SPYOD PAS BSAL ZIN TO, ,RNYOG PA CAN GYI GZHUNG YANG BTZUN PA RE ZHIG DGE SLONG GIS CHAB RNYOG PA CAN BYIN LEN MA BYAS PAR 'TSAL NA LTUNG BAR CIR 'GYUR, NYES BYAS SO ZHES GSUNGS PA YIN NO, ,THA MA LA NI GZUGS BRNYAN BYUNG NA'O ZHES BYA BA NI LAN TSVA CAN DANG 'GYUR BYED DAG GI THA MA NI RNYOG MA CAN GYI CHUR GYUR PA NYID KYIS BZHIN GYI GZUGS BRNYAN 'BYUNG BA YOD PA LA MED PA NYID DO, ,KA TA KA'I 'BRAS BUS CHU SHIN TU DANG BAR 'GYUR RO, ,'GYUR BYED KYIS KYANG NGO ZHES BYA BA NI DANG BAR 'GYUR BA'O, ,ZAN GYIS KYANG NGO ZHES BYA BA NI RDZAS GZHAN 'DIS DANG BAR 'GYUR BA'O, ,DE MI 'JIG PAR BYA BA'I PHYIR SNUM GYIS BSKU'O ZHES BYA BA NI GZHUG PAR BYA BA'I ZAN DES CHU SHIN TU DANG BAR 'GYUR RO, ,DE LTAR MA ZHUGS PA LA 'BYUNG KHUNG DU BTAB PA NYID NI MA YIN NO, ,DE BAS NA 'DI LA THA SNYAD DU GYUR PA NYID LA NYE BAR LONGS SPYOD PA NI SHES PAR BYA BA MA YIN NO, ,'BYUNG KHUNG DAG TU BTAB PA MI MNGON PA NI YOD PA'I GRANGS NYID MA YIN NO ZHES BYA BA NI DGE SLONG MANG PO 'DUS DPAG KHRON PA DAG TU LHUNG BZED DAG 'KHRU BAR BYED PA NA, KUN DGA' RA BA PA DANG DGE BSNYEN DAG GIS DE DAG TU MAR SAR DANG 'BRU MAR DANG ZHO DANG SBRANG RTZI'I BUM PA DAG 'KHRU BAR BYED PAS STENG DU SNUM GYI NYA MIG CHIL CHIL PO DAG CHAGS PAR GYUR NAS, DGE SLONG DAG 'GYOD PA SKYES NAS MI 'THUNG PA'I SKABS DE DGE SLONG DAG GIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DGE SLONG DAG DE DAG GIS 'BAGS PA DES ZAS KYI BYA BA BYAR MI RUNG GI BSAL LA BTUNG BAR BYA STE, 'DI LA 'GYOD PAR MI BYA'O ZHES PA DE BSDUS PA YIN NO, ,PHYOGS GCIG TU 'DRES PAR GYUR NA DE NYID NYI TSE BSAL BA NYID YIN NO ZHES BYA BA NI GANG 'DI 'DRES PAR GYUR PA'I PHYOGS DE NYID LA'O, ,KHVA'I MCHUS REG PA LA NI THAN SKOR YANG NGO ZHES BYA BA NI GANG REG PA'I PHYOGS DE NYID DANG DE'I THAN SKOR YANG BSAL BAR BYA BA NYID YIN NO, ,'O NA MDO SNGA MA SHOS KYI DGONGS PA MED DAM ZHE NA MA YIN TE, 'DIR THAMS CAD MI RUNG

221a

, ,BAR 'GYUR BAR SHES PAR BYA BA MA YIN TE, DE BAS NA DE LA 'DI BSTAN GYI LHAG MA LA NI MA YIN TE BTZOG PA NYID SPANG BA'I PHYIR BZA' BAR BYA BA MA YIN PA NYID DU SHES PAR BYA STE, DE BAS NA DON 'DI BRJOD PA'O, ,DE DANG 'BREL PA'I RGYUN GYIS REG PA NI DE LA REG PA NYID MA YIN NO ZHES BYA BA NI GANG DANG 'BREL PA'I RGYUN LA REG PA DE 'O MA LA SOGS PA DE LA DER REG PA NYID MA YIN NO, ,NOR PA DANG BRJED PAS KYANG MA YIN NO ZHES BYA BA NI REG PA LA REG PA NYID DO, ,DE GNYIS KYIS SPOS PA GZHAG PA'I PHYIR YANG MA YIN NO ZHES BYA BA NI NOR BA DANG BRJED PA DE NYID KYIS SPOS PA PHYIR GZHAG PAR BYA BA'I DON DU REG PA YANG REG PA NYID MA YIN NO, ,GNAS KYI THAG SHIN TU NYE BAR BSKUR RO ZHES BYA BA NI GNAS GANG DU BAR SKABS KYI THAG SHIN TU NYE BA YOD PA DER SPONG BA LA NYE BAR BSKUR BAR BYA'O, ,GNAS KYI THAG SHIN DU RING BAR KHYER NA DE LA RJES SU GNANG BA NYID KYI PHYIR REG PA NYID SHES PAR 'GYUR RO ZHES BYA BA SHES PAR BYA'O, ,G-YEL BAS LAG NYAR BLANGS PA NYID DANG BYIN LEN BLANGS PA NYID NI MA YIN NO ZHES BYA BA LA, G-YEL BAS ZHES BYA BA NI SANGS RGYAS KYI 'DUL BA LA MA MOS PA'AM DE NYID LA THE TSOM DU BYED CING 'DZIN LA LAG TU LEN PA DAG 'BYUNG BA MA YIN NO, ,'DIR GZHUNG NI NGO TSA MED PA DANG G-YEL BAS ZHES BYA BA 'DI GSUNGS STE, GANG ZHIG G-YEL BAS 'BYUNG ZHING RGYAL MTSAN DE 'DZIN PA DE NI 'DIR NGO TSA MED PA NYID DU MNGON PAR 'DOD PA RNAM PAR GNAS PA YIN GYI PHAM PA BYUNG BA NI MA YIN NO, ,DE BAS NA DE LA 'DIR BZUNG BAR MA MDZAD DO, ,BYIN LEN STOBS PAR 'OS PA DANG 'BREL PA MA BRAL BA'I BLANG BA YANG MA YIN NO ZHES BYA BA NI BZA' PAR BYA BA GANG LA BYIN LEN DE STOBS PAR 'OS PA'I GANG ZAG DANG 'BREL PA GANG YIN PA DE DANG JI SRID DU MA BRAL BA DE'I BLANG BA YANG LAG NYAR BLANGS PA NYID KYANG MA YIN LA BYIN LEN BYAS PA NYID KYANG MA YIN NO, ,DES GZUNG BA'I THAG PA LA DANG 'BREL PA NYID NI 'BREL PA NYID YIN NO ZHES BYA BA LA, DES ZHES BYA BA NI BYIN LEN STOBS PAR 'OS PAS SO, ,GZUNG BA'I ZHES BYA BA NI, GANG ZHIG DE THAG PA LA SOGS PA DE DANG ZAS SU 'BREL PA NYID YIN NA BYIN LEN STOBS PAR 'OS PA'I ZAS DANG 'BREL PA NYID YIN NO, ,SDOM PAS MNYAM PA LTA BA THA MI DAD PA DAG

221b

GIS GSOG 'JOG BYAS PA DANG, BYIN LEN BYAS PA DANG LAG NYAR BLANGS PA DAG NI GCIG PA NYID YIN NO ZHES BYA BA NI, LTA BA THA DAD PA'I PHYIR 'DIR GZHUNG NI ZHU BA LAS, BTZUN PA RJES SU KHAS MA BLANGS PAS BYIN LEN BGYIS PA 'TSAL BAR BGYI 'AM NYE BA 'KHOR MI BYA'O, ,BTZUN PA RJES SU KHAS BLANGS PAS BYIN LEN BGYIS PA 'TSAL BAR BGYI 'AM, NYE BA 'KHOR MI BYA'O ZHES BYA BA 'DI NI LTA BA THA MI DAD PA DAG GIS ZHES BYA BA 'DIS BSDUS PA YIN NO, ,MCHOG DANG MCHOG MA YIN PAR RO ZHES BYA BA LA, MCHOG DANG ZHES BYA BA NI SDOM PA MCHOG DANG LDAN PA DES GZHAN LA SDOM PA GCIG PA NYID DE GZHAN DMAN PA GANG YIN PA DE NI DES GZHAN MCHOG NYID LA NI MA YIN NO, ,DGE SLONG MA'I GSOG 'JOG BYAS PA NI DGE SLOB MA DANG BSLAB PA BYIN PA MOS KYANG GSOG 'JOG BYAS PA NYID LA DE GNYIS KYIS GSOG 'JOG BYAS PA NI DGE SLONG MAS GSOG 'JOG BYAS PA MA YIN NO ZHES BYA BA DE 'DIR BSDUS PA YIN NO, , SKYES PA DANG BUD MED DAG NI PHAN TSUN KHYIM PA DANG 'DRA'O ZHES BYA BA NI, DPER NA KHYIM PAS LAG NYAR BLANGS PA DANG BYIN LEN BYAS PA DANG GSOG 'JOG BYAS PA DGE SLONG LA SOGS PA'I LAG NYAR BLANGS PA DANG BYIN LEN BYAS PA DANG, GSOG 'JOG BYAS PA NYID MA YIN PA DE BZHIN DU DGE SLONG DANG DGE SLONG MA DANG BSLAB PA BYIN PAS KYANG DGE SLONG DANG DGE SLONG MA DANG BSLAB PA BYIN PA MO DANG DGE SLONG MA RNAMS KYI MA YIN NO ZHES BYA BA'I DON TO, ,DGE TSUL DAG GI REG PA NAS SBED PA'I BAR LA NYES PAR MI 'GYUR BA NI DE BZHIN NO ZHES BYA BA LA, REG PA NAS SBED PA'I BAR LA ZHES BYA BA NI DE LA REG PA NAS SBED PA'I BDAG NYID KYI REG PA'I BAR LA'O, ,NYES PAR MI 'GYUR BA NI DE BZHIN NO ZHES BYA BA NI, GANG GIS LAG NYAR BLANGS PA LA SOGS PA'I NYES PAR MI 'GYUR BA DE BZHIN DU DGE TSUL DBANG BA GANG YIN PA DE DGE SLONG GIS SBED PAR BYED DU ZIN KYANG DES DGE SLONG DE NYID DANG DGE SLONG GZHAN GANG LA RUNG BA MA YIN PA NYID DU MI 'GYUR LA, DGE TSUL MA DBANG BA GANG YIN PA DE DGE SLONG MAS SBED PAR BYED DU ZIN KYANG DES DGE SLONG MA DE NYID DANG DGE SLONG MA GZHAN DAG LA RUNG BA MA YIN PA NYID DU MI 'GYUR RO ZHES BYA BA'I DON TO, ,'DI DGE TSUL GYI YIN PAS NA DGE TSUL GYI'O, ,LTOS PA DANG BCAS PAS BYIN PA NI

222a

, ,BTANG BA NYID MA YIN NO ZHES BYA BA NI GANG ZHIG LAG NYAR BLANGS PA LA SOGS PA LA LTOS PA DANG BCAS PAS GZHAN LA STER NA DES DE ZA BA LA LAG NYAR BLANGS PA NYID DANG GSOG 'JOG GI PHYED NYID DE NYES BYAS SO ZHES BYA BA'I DON TO, ,LTOS PA MED PAR BTANG BA LA LTOS PA DANG BCAS PA NYID NI PHYED NYID DO ZHES BYA BA NI GSOG 'JOG DANG LAG NYAR BLANGS PA LA SOGS PA LA LTOS PA MED PAR BTANG BA LA LTOS PA DANG BCAS PA YOD NA BYIN LEN BYA BA DANG BZA' BA LA PHYED NYID DE NYES BYAS SO ZHES BYA BA'I DON TO, ,DE'I PHYIR DE BLANG BAR MI BYA'O ZHES BYA BA NI GANG GI PHYIR LTOS PA MED PAR GTANG PA DE NI LTOS PA DANG BCAS PA NYID KYI PHYED NYID YIN PA DE BAS NA 'DI BLANG BAR MI BYA STE, BZA' BA'I DON DU ZHES BYA BA'I DON TO, ,GANG GI PHYIR BLANGS PA LA NGES PAR LTOS PA DANG BCAS PA NYID SKYE BA YIN NO, ,SHES BZHIN DU MI BLANG NGO ZHES BYA BA NI LTOS PA MED PAR GTAD PA DE SHES BZHIN DU PHYIR BLANGS NA RTOGS PA DANG BCAS PA NYID DU 'GYUR LA, MI SHES PA LA NI MA YIN NO, ,DE BAS NA SHES BZHIN DU BLANG BAR MI BYA'O, ,MI SHES PAS BLANGS PA LA NI NYES PA MED DO, ,'DIR GZHUNG NI ZHU BA LAS BTZUN PA RE ZHIG DGE SLONG GIS KUN DGA' RA BA 'AM DGE TSUL LA ZAS BRTZAL BA DE GNYIS KYI DE NYID LA SLAR BRTZAL NA 'TSAL BAR BGYI 'AM, GAL TE MNGON PAR MA BSAMS NA BZA' BAR BYA'O, ,BLANG BAR BGYI'AM NYE BA 'KHOR MI BYA'O ZHES GSUNGS PA YIN NO, ,MNGON PAR MA BSAMS NA ZHES BYA BA NI 'THOB BO SNYAM DU YID KYIS MA BSAMS NA'O, ,GLENG GZHI DAG LAS KYANG LTOS PA DANG BCAS PAS ZOS NA'O ZHES BYA BA LA SOGS PA GSUNGS PA YIN NO, ,SHAS MNOD PA DANG DE 'GUGS PA'I PHYIR REG PA NI RKYEN DE LTA BU DAG YOD NA RUNG BA MA YIN PA NYID DU MI 'GYUR RO ZHES BYA BA LA, SHAS MNOD PA ZHES BYA BA NI SKAL PA SLONG BA'O, ,BKUG PAR 'GYUR BA NI 'DI GTZUG LAG KHANG DU KHYER BA BYED PA NYID CES BYA BA SKAL BA LEN PA GSUNGS PA GANG YIN PA DE LA REG PA LA MI RUNG BA NYID NI MA YIN NO, ,CI DUS THAMS CAD DU 'AM ZHE NA, MA YIN ZHES BYA BA BSTAN PA NI DE'I PHYIR RKYEN DE LTA BU DAG YOD NA ZHES BYA BA SMOS TE, BSNYEN PAR MA RDZOGS PA DAG MED PA'AM NAD PA NYID LA GRU DANG SHING RTA GNAS PA LA SBYAR BA 'DI DAG LA GZHAN

222b

MED PA LA GROGS BYED PA PO DANG GROGS BYED PA LA ZHUGS PA GZHAN MED PA ZHES BYA BA LA SOGS PA RNAMS SO, ,SHING RTA LA NI KHA LO BA'I STAN MA GTOGS PA NYID DO ZHES BYA BA NI 'DI DAG THAMS CAD KYANG RKYEN DE LTA BU DAG YOD PA NA ZHES BYA BA'I RJES SU SBYAR BAR RIG PAR BYA'O, ,RKYEN DE LTA BU RNAMS NI SHING RTA BSKUL BAR BYA'O ZHES BYA BA LA SOGS PA 'DIR GSUNGS SO, ,MI BYA BAR BRJOD PA TZAM DU ZAD PA 'DI RNAM PAR GNAS PA YIN NO, ,BZA' BAR BYA BA NANG DU BCUG PA'I SHING RTA NI REG PAR BYA BA NYID MA YIN TE, MI REG TU MI RUNG BA'I RKYEN DE LTA BU DAG YOD NA DE'I TSE YANG KHA LO BA'I STAN GCIG PO STE GTOGS PA'I SHING RTA LA REG PAR BYA'O, ,'DIR SHING RTA LA REG PA LA MI RUNG BA NYID NI MA YIN TE, SHING RTA DANG 'BREL PA'I ZAS SU BYA BA LA 'DI BSTAN PA'O, ,GANG BA LA YANG NGO ZHES BYA BA NI 'BRAS LA SOGS PAS KHA LO BA'I STAN GYIS SHING RTA NYID SPANGS PA NYID DO, ,NAD PA ZHON PA LA YANG NGO ZHES BYA BA NA ZAS KYIS STONG PA'I SHING RTA DAG YANG KHA LO BA'I STAN SPANGS PA NYID KHO NA'O, ,GRU LA NI RU SKYA'O ZHES BYA BA NI DE DANG 'BREL PA'I BZA' BAR BYA BA BCUG PA'I GRU DANG DE DAG 'BREL PAS GANG BA'I GRU DANG GRUR 'JUG PA LA RU SKYA SPANGS PA NYID DO, ,NA BA MED KYANG 'DIR 'JUG PA RIGS PA ZHES GSUNGS PA DE BAS NA NA BA'I SGRAS NI 'DI LAS BZLOG PAS SHES PA'O, ,DE 'DZIN PA'I STAN YANG NGO ZHES BYA BA NI RU SKYA 'DZIN PA'I DON CAN GYI STAN LAS DE 'BREL PA'I KHA ZAS SU BYAS PA LA REG PA DANG GANG BA DANG GRUR 'JUG PA NA SPANG BAR BYA BA NYID DO, ,DGE 'DUN GYI SMAN DAG LDUD PA NI BSKYAM PA DANG DBYUNG BA DANG GZAR BU'I LAS DANG DBOG PA DAG LA YANG NGO ZHES BYA BA NI DGE 'DUN GYI ZA BA LA SOGS PA SMAN DAG DANG GANG ZAG GI YANG RUNG STE, DE DAG LDUD PA NA BSKYAM PA LA SOGS PA'I PHYIR REG PA LA YANG MI RUNG BA NYID DU MI 'GYUR RO, ,CI DANG PO NYID DU 'DI DAG RNAM PA 'DI LA BU NYID LA REG PAR BYA BA NYID YIN NAM ZHE NA, DE'I PHYIR DANG POR SHING DBRI BA DANG ME GSAD PA DANG GOS KYI THU BA LA SOGS PAS RLUNG G-YAB PAS 'BAD PAR BYA'O ZHES BYA BA SMOS TE, DANG PO KHO NAR LUD PA ZHI BAR BYA BA'I PHYIR 'DI LTAR 'BAD PAR BYA'O, ,DE LTAR GNYEN POR BYA BA MA GRUB PA LA BSKYAM PA LA SOGS PA BYA ZHES BYA BA'I DON TO, ,GNYEN PO BYED

223a

, ,PA'I NUS PA MED NA MA REG PAR BSKYAM PA LA SOGS PA LA NYES PA MED CES BYA BA 'DIR DE LA RTZE GCIG PA NYID DU RNAM PAR GNAS PA YIN NO, ,DE BAS NA 'DI LTAR SHES PAR GYUR PA LA GNYEN POR BYA BA MA YIN PA NYID DE DANG POR BSKYAM PA LA SOGS PA NYES PA MED CES BYA BA RTOGS PAR BYA'O, ,CHU KLUNG RGAL BA'I PHYIR RAM KHUR TSA BA SNYEG PA'I PHYIR LAG NYAR BLANGS PA'I LAM BRGYAGS RUNG STE, CHO GA MA 'BYOR TAM LAM BRGYAGS GZHAN MED NA'O ZHES BYA BA NI, RUNG STE ZHES BYA BA NI BZAR RUNG NGO ZHES BYA BA'I DON TO, ,CHO GA MA 'BYOR TAM ZHES BYA BA NI GANG GIS REG PA LA BLANGS PA NYID MA YIN NA DES NI CHU KLUNG RGAL BA DANG SNYEG PA 'DI DAG LA BYA BA NYID DO, ,DES GNAS PA LA RANG GI YAN LAG GAM DE DANG 'BREL PA GZHAN GYIS SHES PAR BYA BA 'DI LA BYA BA NYID DO, ,GZHAN MED NA'O ZHES BYA BA NI GAL TE GZHAN KHUR TSA BA MED PAR GYUR NA DE LA CHO GA MA GRUB PA'I DBANG GIS 'DIR DON DU BSKUR BA LA RUNG BA NYID CES BYA BA'I DON TO, ,KHUR TSA BA MED NA SBYIN BDAG SPRO BAR BYA'O ZHES BYA BA NI LAM BRGYAGS DE KHYER BA'I KHUR TSA BA GZHAN MED NA DE SBYIN BDAG GIS DE LA BSKUR BAR SPRO BA BSKYED PAR BYA ZHES BYA BA'I DON TO, ,KHYER BA MED NA RANG GIS SO ZHES BYA BA NI SBYIN BDAG LA BCOL BA YANG MA GRUB NA, DE'I TSE RANG GIS LAM BRGYAGS BSKUR BAR BYA'O, ,DE NYID LAS SBYIN PAR BRJE ZHING BLANG BA BSGRUB PAR BYA'O ZHES BYA BA NI GZHAN KHYER DU GZHUG PA MA GRUB CING RANG GIS KHYER BAR GYUR NA, RANG GIS KHYER BA DE NYID LAS GZHAN LA SBYIN BAS LAM BRGYAGS BRJE ZHING BLANG BA BSGRUB PAR BYA'O ZHES BYA BA'I DON TO, ,'DI NI GZHAN LA BSGRUB PA LA MI BYA'O, ,DE YANG MA GRUB NA DE BZA' BAR BYA BA NYID DO ZHES BYA BA NI DE YANG DE NYID KYI PHYIR SBYIN PAS BRJE ZHING BLANG BA MA GRUB NA RANG GIS KHYER BA DE YANG BZA' BAR BYA BA NYID YIN NO ZHES BYA BA'I DON TO, ,BYIN LEN STOBS PA MED NA BYIN LEN MA BYAS PA DE 'AM GZHAN YANG NGO ZHES BYA BA NI RANG GIS KHUR BA DE 'AM GZHAN BYIN LEN BYAS PA MED PAR GYUR NA BYIN LEN MA BYAS PA YANG BZA' BAR BYA BA NYID YIN NO ZHES BYA BA'I DON TO, ,SLAR RANG GIS KHYER BA DANG BYIN LEN MA BYAS PA DE GNYIS GANG GIS BZA' BAR BYA BA NYID YIN ZHE NA, DE'I PHYIR ZAN BCAD PAR BYAS PA'I 'O

223b

ZHES BYA BA SMOS TE, GANG LA JI TZAM BZA' BAR BYA BA NYID YIN ZHE NA, DE'I PHYIR NYI MA DANG PO LA SPAR GANG NGO, ,GNYIS PA LA NI DO'O, ,GSUM PA LA NI CI TZAM GYIS CHOG PA'O, ,SHING THOG RUNG BAR MA BYAS PA DANG BYIN LEN MA BYAS PA DANG, LAG NYAR BLANGS PA DAG KYANG DUS MA YIN PAR YANG BZA' BAR BYA BA NYID YIN NO ZHES BYA BA SMOS TE, DE DAG THAMS CAD KYANG GZHAN MA GRUB NA ZHES BYA BA'I DBANG DU BYAS PA NYID YIN NO, ,DE DAG SU'I BZA' BAR BYA BA NYID YIN ZHE NA, DE'I PHYIR ZAN MED NA'O ZHES BYA BA SMOS TE, ZAN MED PAR GYUR PA LA ZHES BYA BA'I DON TO, ,CI GNAS SKABS THAMS CAD DU 'AM ZHE NA, DE'I PHYIR SHIN TU BKRES PA NYID NA'O ZHES BYA BA SMOS TE, BKRES PA SROG LA BAB PA LA THUG NA ZHES BYA BA'I DON TO, ,RTZA BA DAG KYANG NGO ZHES BYA BA YANG DUS MA YIN PAR BZA' BAR BYA BA NYID YIN NO ZHES BYA BA LA SOGS PA GSUNGS SO, ,RANG GIS KYANG BTOGS PA NYID DANG DBYUNG PA NYID DANG BSGRUB PAR BYA BA NYID KYANG NGO ZHES BYA BA NI ZAS MED PA SHIN TU BKRES PA NYID NA 'BRAS BU RNAMS DANG RTZA BA RNAMS LA'O, ,'DIR GRANGS JI LTA BA BZHIN DU SHES PAR MI BYA STE, RTZA BA RNAMS LA YANG BTOGS PA NYID YOD PA'I PHYIR RO, ,DPER NA CHU 'GRAM DU SKYES PA NGOS LTUNG BA RNAMS LTA BU'O, ,'BRAS BU RNAMS LA YANG BTON PA NYID YOD PA'I PHYIR RO, ,DPER NA PA NA SA LA SOGS PA RNAMS LTA BU'O, ,BYIN LEN MA BSTABS PA DANG RUNG BAR MA BYAS PA DANG DUS MA YIN PAR BZA' BA LA SOGS PA RUNG BAR BYA BA DAG LA THAMS CAD DU RTZOM 'DOD PA LA SOGS PA NA BYANG GI SGRA MI SNYAN NA GRAGS PA'I YID LA BYED PA BYA'O ZHES BYA BA NI RANG GIS BYED PAR 'DRA BA LA RNAM PAR DAG PAR GYUR PA'I SDE 'DI SKAS KYI GDANG BU LTA BUR GYUR PA STE, BYE BRAG THOB PA'I PHYIR DE DANG 'DRA BA'O, ,JI LTAR MNGON BAR 'DU BYED PAS KYANG YID LAS NGES PAR 'BYUNG BA ZHES BYA BA NI RTZOM 'DOD PA NA'O, ,DE BAS NA 'DIR THAMS CAD DU BYUNG GI SGRA MI SNYAN NA GRAGS PA'I PHYIR RTZOM 'DOD PA LA SOGS PA'O, ,THAMS CAD DU ZHES BYA BA NI RTZA BA DANG 'BRAS BU LA BRTEN BA 'DI NYID LA MA YIN NO, ,'DIR SOGS PA'I SGRAS NI LEN PA DANG NYE BAR LEN PA'I DON DU RIG PAR BYA'O, ,LAG PA BSNYAL BA DANG 'DAB MA DAG YOD NA SKYOGS KYIS SKOM MI BTUNG NGO

224a

, ,ZHES BYA BA NI CHU NYUNG ZAD NYID DANG LAM 'GRON SHOR BA LA SOGS PAS LAG PA BSNYAL BA MED PA'O, ,MED NA MA BSGRIBS PAR MI BYA'O ZHES BYA BA NI, LAG PA BSNYAL BA DANG 'DAB MA DAG MED NA SKYOGS KYIS SKOM BTUNG BA MA BSGRIBS PAR BTUNG BAR MI BYA'O, ,DE CHU DANG BCAS PA NYID YIN NA KHA MA BCAD PA NYID DU MI GZHAG GO ZHES BYA BA DE LA DE ZHES BYA BA NI SKYOGS SO, ,DE'I KHA GAB NI RNAM PA GSUM STE, SHING LAS BYAS PA DANG RDO LAS BYAS PA DANG SA LAS BYAS PA'O ZHES BYA BA LA, DE'I ZHES BYA BA NI SKYOGS LA'O, ,SKYOGS GZHI SHING LAS BYAS PA'AM RDO LAS BYAS PA BCANG BAR BYA'O ZHES BYA BA LA, GANG DU GNAS PA'I DON DU SKYOGS 'DI GZHAG PAR BYA BA DE NI SKYOGS KYI GZHI'O, ,'DAB MA DAG SNOD NYID DU SPYOD PA NI BYIN LEN MA BYAS PA NYID LA NYES PA MED DO, ,'DI LA BRNGAS PA DANG MA BRNGAS PA DAG NI KHYAD PAR MED DO ZHES BYA BA LA, 'DI LA ZHES BYA BA SHING LJON PA LA SOGS PA MA BRNGAS PA DAG LA YANG SKYES PA LAS 'DI RNAMS DANG 'BREL PAS 'DIR NYES PA MED PA NI BYIN LEN MA BYAS PA NYID CES BYA BA'I DON TO, ,GZHAN MED NA MA BRNGAS PA DAG SPYAD DO ZHES BYA BA LA, GZHAN ZHES BYA BA NI 'DAB MA BRNGAS PA'AM DE'I DON BYED NUS PA GZHAN LA'O, ,SHING LJON PA LA SOGS PA DAG DANG 'BREL PA'I SKOM LA SOGS PA 'THUNG BAR BYED PA BZHAD GANG DU 'GYUR BAS MI BYA'O ZHES BYA BA 'DI LA BSTAN PA'O, ,GSOG 'JOG GI LTUNG BYED DO,, ,,GZHAN DANG BYIN LEN STOBS PA MED NA SBYIN BDAG GIS BSAM PA THAG PA NAS BTANG BA RANG GIS BLANGS TE BZA' BAR BYA'O ZHES BYA BA NI BYIN LEN MA BSTABS PAR BZA' BA THAMS CAD LA BYANG GI SGRA MI SNYAN PA'I DUS SU BYIN GYIS BRLAB PAR BYA'O ZHES BYA BA THAMS CAD DU SHES PAR BYA'O, ,BYIN LEN BYAS ZIN PA'I ZAS GZHAN MED DAM BYIN LEN STOBS PA PO GZHAN MED NA ZHES BYA BA'I DON TO, ,GANG YANG RUNG BA CIG YOD NA NYES PA KHO NAR 'GYUR RO, ,'DIR GZHAN MED PA'I GZHUNG NI DGE SLONG GCIG GIS BSOD SNYOMS BLANGS TE, GTZUG LAG KHANG DU BZHAG NAS PHYI ROL DU BYUNG BA DANG, KHYIM BDAG GCIG GIS KYANG BSOD SNYOMS GCIG KHYER TE 'ONGS NAS DE NYID KYI STENG DU BSOD SNYOMS GZHAN GZHAG PA MTHONG NAS DE 'GYOD PA SKYES TE MI ZA BA'I SKABS DE DGE SLONG DAG GIS BCOM LDAN

224b

'DAS LA GSOL PA DANG, JI SRID DU BCOM LDAN 'DAS KYIS BKA' STZAL PA, GAL TE BYIN LEN STOBS PA YOD NA NI BYIN LEN BYAS TE BZA' BAR BYA'O, ,CI STE MED NA NI PHYIS BYIN PA GANG YIN PA DE BSAL TE SNGA MA SHOS BZA' BAR BYA STE, 'DI LA 'GYOD PAR MI BYA'O ZHES GSUNGS PA YIN NO, ,BYIN LEN BSTABS PA MED PA'I GZHUNG NI DE NYID LAS TSONG BA RAB TU MANG PO DAG GIS SANGS RGYAS LA SOGS PA DGE SLONG GI DGE 'DUN BSHOS LA SPYAN DRANGS TE, DE DAG GIS ZAS DAG SPYI BUNGS BCER BA DANG, TSONG KHANG DAG TU ME SHOR NAS DE DAG ME GSOD PA'I PHYIR, DONG PA DANG GDUGS TSOD DAG KYANG BAB PAR GYUR NAS DGE SLONG DAG GIS JI LTAR BSGRUB PAR BYA BA MI SHES PA DANG, BCOM LDAN 'DAS KYIS BKA' STZAL PA, DE DAG GIS BSAM PA DAG PAS BTANG BA YIN PAS BYANG GI SGRA MI SNYAN PA'I DUS SU BYIN GYIS BRLAB CING BZA' BAR BYA STE, 'DI LA 'GYOD PAR MI BYA'O ZHES GSUNGS PA YIN NO, ,SHES GTZO BO BYIN LEN MA BYAS PA NYID LA'O ZHES 'OG NAS 'BYUNG NA DE BYIN LEN GANG YIN ZHE NA, DE'I PHYIR DE BRJOD PAR BYA STE, MNGON SUM DU MTSAMS KYI NANG DU 'THOB PA'I PHYOGS NA GNAS PAS LAG PA BKAN PAS LUS SAM DE DANG 'BREL PAR GYEN DU 'DEGS NUS PA BSNYEN PAR RDZOGS PA MI MA YIN LAS KYANG SBYIN PAR 'DOD PAS YAN LAG GIS SAM DE DANG 'BREL PAS BYIN PA MA NOS PA NI BYIN LEN NO ZHES BYA BA SMOS TE, MNGON SUM DU ZHES BYA BA NI MNGON SUM DU PHYOGS PA STE, GLO'AM RGYAB NAS BLANGS PA NI BYIN LEN MA YIN NO, ,MTSAMS KYI NANG DU ZHES BYA BA LA 'DI NI SPROS PA STE, MTSAMS GZHAN NA GNAS PA GANG LA YAN LAG NYID MA YIN ZHES GSUNGS SO, ,GYEN DU 'DEGS NUS PA LAS ZHES BYA BA NI GANG ZHIG SBYIN PAR NUS PA DE LAS SO, ,MI MA YIN PA LAS KYANG ZHES BYA BA LA, 'DIR GZHUNG NI DGE SLONG DGON PA BA RNAMS LA DGON PA NA GNAS PA'I GLANG PO CHE CANG SHES DANG RTA CANG SHES DANG SPRE'U CANG SHES DAG GIS SHING THOG DAG 'BUL BA DGE SLONG DAG MI LEN PA DANG, BCOM LDAN 'DAS KYIS BKA' STZAL PA, GANG LA GYEN DU 'DEGS PA YOD PA DE LA BYIN LEN YANG YOD PAS BZA' BAR BYA STE, 'DI LA 'GYOD PAR MI BYA'O ZHES GSUNGS PA YIN NO, ,SBYIN PAR 'DOD PAS ZHES BYA BA

225a

, ,LA 'DIR GZHUNG NI DBANG MED PA LA SOGS PAS SBYIN PAR BYED PA NI MA YIN NO ZHES GSUNGS PA YIN NO, ,YUL GYIS MI SMAD PAR BYA BA NYID YIN NA DKYIL 'KHOR GYI STENG DU ZHOG CIG CES BSTAN NA YANG NGO ZHES BYA BA NI DE LTAR NYE BAR BSTAN PA'I DKYIL 'KHOR LA YANG BTANG BA LA SO SOR 'DOD PA NI BYIN LEN MNOS PA YIN GYI LUS SAM DE DANG 'BREL PAR MNOS PA 'BA' ZHIG TU NI MA ZAD DO, ,LHUNG BZED DANG DE'I GZHI DAG NI GCIG PA NYID DO ZHES BYA BA NI 'DI DAG LAS GCIG TU BYED DU BCUG BA DAG LA GZHAN DU LTUNG BA MI 'DOD PA LAS SKYES PAR SHES PAR MI BYA ZHES BYA BA DE LA 'DI BSTAN PA'O, ,SPRE'U RNAMS KYI SPYOD YUL NI YAL GA YIN PAS DE NAS DE'I PHYIR MI 'THOB PA'I SA NYID MA YIN NO ZHES BYA BA NI YAL GA DE NAS SPRE'U RNAMS BYIN LEN BSTABS PA DE'I PHYIR MI 'THOB PA'I SA NYID NI MA YIN NO, ,SHING THOG DAG MAN SHEL DANG KHRI DANG KHRI'U DANG THU BA DANG LHUNG BZED DAG GIS BYIN LEN MNOD DU MI RUNG BA NYID MA YIN NO ZHES BYA BA LA, BYIN LEN MNOD DU ZHES BYA BA NI BYIN LEN GYI BDAG NYID CAN NI BYIN LEN GRUB BAR 'GYUR BA'I SNOD DU RUNG BAR GYUR PA LA'O, ,DE DAG GNAS PA DAG GIS CANG MI SMRA BAS SO SOR BRTAG PAR BYA BA LA, DE RNAMS ZHES BYA BA NI SHING THOG RNAMS LA'O, ,SNYOMS PAR 'DRIM PAR BYED PA MOS PAR BYA'O ZHES BYA BA NI SNYOMS PAR 'DRIM PA 'DI LA YOD PAS NA, SNYOMS PAR 'DRIM PA ZHES BYA BAS BSDUS PA'O, ,'DIR GZHUNG NI 'DRIM PA'I PHYIR KHYIM PA RNAMS SHING THOG DAG MI SNYOMS PAR 'DRIM PAR BYED NAS, BCOM LDAN 'DAS KYIS BKA' STZAL PA, DGE TSUL DAG BRIM DU GZHUG PAR BYA'O, ,DGE TSUL DAG KYANG MI SNYOMS PAR 'DRIM PAR BYED NAS, BCOM LDAN 'DAS KYIS BKA' STZAL PA, DGE SLONG DAG GIS LAG PA DAG BSNYAL TE BYIN LEN BYAS NAS BRIM PAR BYA'O ZHES GSUNGS PA YIN NO, ,DGE SLONG BYIN LEN BYAS PAS BRIM PA NYID NI RUNG BA NYID YIN NO ZHES ZAS BYIN LEN BYAS PA BRIM PA NYID NI RUNG BA YIN TE, TSUL DANG MI MTHUN PA NYID NI MA YIN NO ZHES BYA BA'I DON TO, ,MAR DANG 'BRU MAR DANG SPRANG RTZI DANG BU RAM GYI DBU BA'I BUM PA DAG 'DRIM NA RTZVA DANG LO MA DAG LA SOGS PA DAG GIS GOS DAG BSKYAB PAR BYA'O, ,BRIM PAR BYA BA GCES PA DANG

225b

BAR MA DANG THA MA DAG SO SOR BYA'O ZHES BYA BA NI BRIM PAR BYA BA'I ZAS 'DI RNAMS NI SO SOR BRIM PAR BYA STE MI BSRE BAR BRIM PAR BYA'O ZHES BYA BA'I DON TO, ,AA MRA ZHIM PO DAG LOGS SHIG TU BSAL TE BRIM PAR BYA'O ZHES BYA BA LA MDO SNGA MA 'DI SNYOMS PAR BSAL BA'I DON DU'O, ,'DI RNAMS NI RGAN PA NYID MA YIN TE, DE BAS NA SPROS PA 'DI NI RGAN PA DANG GZHON PA DANG BAR MA DAG LA SHES PAR MI BYA'O, ,'DRIM PAR BYED PA YI NI MKHAN PO'AM SLOB DPON GYIS MNOD PAR BYA'O, ,MI 'THOB PA 'THOB NA DRUNG DU 'DUG PAS SO ZHES BYA BA GAL TE MKHAN PO'AM SLOB DPON GYIS 'DRIM PAR BYED PAS MI THOB PA THOB PA MI RIGS BA NI GNAS GZHAN MA YIN PAS 'DI LA BYIN LEN DU BYA BA'O, ,'DIR GZHUNG NI BCOM LDAN 'DAS KYIS BKA' STZAL PA, 'DRIM PAR BYED PA'I SKAL PA NI MKHAN PO DANG SLOB DPON DAG GIS MNOD PAR BYA'O, ,DE DAG GIS BZANG PO DAG THOB NAS BCOM LDAN 'DAS KYIS BKA' STZAL PA, DE DAG GI DRUNG DU 'DUG PA DAG GIS MNOD PAR BYA'O ZHES GSUNGS PA YIN NO, ,DU MA NYID YIN NA STAN LAS MA 'PHAGS PAS JI TZAM LEN NUS PA'O ZHES BYA BA NI, GANG GI DON DU DE MA THAG PA'I GNAS LA GZUNG BAR BYA BA NYID NI DE DAG DU MA LA STAN LAS MA 'PHAGS PAR JI TZAM LEN NUS PA DE TZAM MNOD PAR BYA ZHING DE MA THAG PA'I GNAS DANG LDAN PAS GZUNG BAR BYA'O, ,'DRIL BA LA NI RANG GNAS LAS MA 'PHAGS PAS LEN NUS PA NYID YIN NA, BYIN LEN MA ZHIG GO ZHES BYA BA NI GANG ZHIG BYIN LEN BYAS PA'I ZAS 'DRIL CING GNAS NAS GDU DU SONG BA GANG YIN PA DE NI STAN LAS MA 'PHAGS PAS LEN NUS PA NYID YIN NA BYIN LEN MA ZHIG PA YIN LA GZHAN DU NA ZHIG PA KHO NA YIN NO, ,SPRANG BU DANG GROG SBUR LA SOGS PA DAG GIS REG PA YANG NGO ZHES BYA BA NI BYIN LEN MA ZHIG BA'O, ,SOGS PA'I SGRAS NI BYI'U PHRUG BYUNG MA THAG PA'I TSAD PAS KYANG CHUNG BA'I SKYE BA PHRA MO DAG BSDU'O, ,DGE SLONG GIS MA BTANG BA LA GZHAN GYIS KYANG NGO ZHES BYA BA NI DGE SLONG GIS 'DZIN PA MA BTANG BA LA SPRANG BU DANG GROG SBUR LA SOGS PA GZHAN GYIS REG PAS KYANG BYIN LEN MA ZHIG PA'O, ,'DIR GZHUNG NI BCOM LDAN 'DAS KYIS BKA' STZAL PA, DE NYID KYIS BYIN LEN BYA ZHING DE LA BGO BSHA' BYA STE BZA' BAR BYA'O ZHES GSUNGS PA

226a

, ,YIN NO, ,BYI BAS NI GZHIG PAR BYED DO ZHES BYA BA NI, BYI BAS REG PAS NI BYIN LEN ZHIG PAR BYED DO, ,'DIR GZHUNG NI DE LTAR DER SBRANG BU DANG GROG SBUR DANG BYI BA'I BAR DAG LHUNG NAS BCOM LDAN 'DAS KYIS BKA' STZAL PA, BYI MNGAS LA SOGS PA'I BYI BDAG GIS REG PA NI BYIN LEN BYA STE BZA' BAR BYA'O ZHES GSUNGS PA YIN NO, ,BYIN LEN BYAS PA'I BYIN LEN STOBS PA NI MI RIGS PA MA YIN NO ZHES BYA BA NI REG PAR MA GYUR TAM 'ON TE BYIN LEN BYAS PA MA YIN SNYAM PA'I THE TSOM BSAL BA'I PHYIR RO, ,BYIN LEN BYAS PA LA SLAR BYIN LEN BYED PA NI RIGS PA DANG MI LDAN PA MA YIN NO, ,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,GANG LA 'DU SHES GTZO CHER BYED PA PO NYID YIN ZHE NA, DE'I PHYIR BYIN LEN MA BSTAN PA NYID LA'O, ,CHU DANG SO SHING MA GTOGS PA BZA' BAR BYA BA'O 'O ZHES BYA BA SMOS TE, CHU DANG SO SHING MA GTOGS PA'I BZA' BAR BYA BA LA'O ZHES BYA BA'I DON TO, , 'DIR CHU DANG SO SHING ZHES BYA BA SMOS PA NI DPE TZAM DU ZAS DE KHA SBYANG BA'I THO RANGS KYI CHU DANG BA'I LCI SKAM DANG LCI BA DAG KYANG 'DIS BSDUS PAR RIG PAR BYA'O, ,DE YANG KHA SBYANG BA'I ZAS KYI PHYIR SO SHING LA 'DI NI NYES PA MED PA NYID YIN GYI MGUL DU MED PA'I PHYIR NI MA YIN NO, ,DER BYIN LEN MA BYAS PA NYID MGUL DU MID PA LA NI LTUNG BYED KHO NAR 'GYUR RO, ,MGUL NAS KHA'I CHA THA DAD PAR GYUR PAS BZA' BA GANG YIN PA'I DE LA NI NYES BYAS SU 'GYUR RO ZHES BYA BA YANG DE'I PHYIR SHES PAR BYA'O, ,GZUGS DANG MI LDAN PA LA YANG BLOS BZA' BAR 'GYUR BA YIN TE, DE LTAR YANG REG PA DANG YID KYIS KUN DU SEMS PA BZA' BA NYID KYIS MNGON PAR BRJOD PA'O, ,BZA' BA YANG GANG ZHIG BLO 'DI RNAMS NYE BAR 'TSO BAR BYED PA DE ZHES BYA BA NUS PAR BYA'O, ,DE BAS NA KHYAD PAR BSTAN PAR BYA BA'I PHYIR KHAR RO ZHES BYA BA SMOS SO, ,JI ZHIG RJES SU BSGRUB NA 'DI'I BYED PA PO NYID YIN ZHE NA, DE'I PHYIR ZOS NA'O ZHES BYA BA SMOS SO, , CI YUL THAMS CAD DU'AM ZHE NA, DE'I PHYIR BYANG GI SGRA MI SNYAN MA GTOGS PAR RO ZHES BYA BA SMOS TE, 'DIR ZHU BA LAS BYANG GI SGRA MI SNYAN GYI GLING NA ZAS MA BYIN PAR KHA'I SGO NAS ZA BAR BYED DE, GAL TE BYANG GI SGRA MI SNYAN PA'I DUS SU BYIN GYIS BRLABS NA NI LTUNG BA MED DO, ,JI STE BYIN GYIS MI RLOB NA NI NYES BYAS

226b

SO ZHES GSUNGS PA YIN NO ZHES BYA BA DE 'DIS BSDUS PA YIN NO, ,NAD PAS BSNYEN PAR RDZOGS PA MED NA BSNYEN PAR MA RDZOGS PA LA ZAN MNOD PAR BYA'O ZHES BYA BA NI NAD PA'I KHAR ZAN MNOD PA LA 'DI YIN GYI RJES SU GNANG BA'I DNGOS PO LA NI DE BSNYEN PAR RDZOGS PA LA GNANG BA MA YIN PAS BTANG BA MA YIN PA NYID KYI PHYIR 'DI MI BYA BA NYID DO, ,BSNYEN PAR MA RDZOGS PAS BZA' BAR BYA'O ZHES BYA BA NI, NAD PA KHO NA STE GTONG BAR BYED PA NYID KYI PHYIR 'DI MI BYA BA SHES PAR MI BYA ZHES BYA BA'I DON TO, ,'DIR GZHUNG NI BSNYEN PAR MA RDZOGS PA DANG LHAN CIG NYAL BA'I LTUNG BYED KYI CHO GA GNYIS BO DAG GO, ,BYIN LEN MA BYAS PAR ZA BA'I LTUNG BYED DO,, ,,'O MA DANG ZHO DANG MAR DANG NYA SHA DANG SHA SKAM LTA BU NI KHA ZAS BSOD PA YIN NO ZHES BYA BA NI RNAM PA DE LTA BU DAG CES BYA BA'I DON TO, ,DE NI BYED PA PO'O ZHES BYA BA LA 'DI NI ZAS BSOD PA STE, DE NI LTUNG BA 'DI'I BYED PA PO YIN NO, ,SBYIN PAR BYED PA NYE DUM YIN PA KHYIM PA NYID KYANG NGO ZHES BYA BA LA, NYE DUR MA GYUR PA'I KHYIM PA NI NYE DU MA YIN PA'I KHYIM PA STE DE'I DNGOS PO NI DE NYID DO, ,'DIR SBYIN PA PO'I BYED PA PO GZHAN GROGS SU GYUR PA NI ZAS BSOD PA 'DI LA'O, ,NYE DU MA YIN PA ZHES SMOS PA LA, GZHUNG NI ZHU BA LAS BTZUN PA DGE SLONG GIS BRO MA 'CHAL BAR BDAG NYID KYIS SLAD DU KHYIM DAG NAS ZAS BSOD PA BLANGS TA 'CHA' 'AM 'CHA' BA LA LTUNG BAR YANG MI 'GYUR BA MCHIS SAM YOD DE NYE DU LAS BLANGS TE ZA NA LTUNG BA MED DO ZHES BSTAN PA YIN NO, ,RAB TU BYUNG BA GANG LA NYES BYAS BYED PA NYID MA YIN PA NYID LTUNG BA'I RTAGS 'DI YIN ZHES BYA BA 'DIR KHYIM PA'I TSIG GIS 'DI 'BYUNG BAR RIG PAR BYA'O, ,GANG GI TSE DE GNYIS LTUNG BA 'DI LA BYED PA PO NYID YIN ZHE NA, DE'I PHYIR RANG GIS BLANGS TE ZOS NA'O ZHES BYA BA SMOS TE, RANG GIS BLANGS TE ZOS NA'O, ,MI NA BAS BLANGS PA DANG SLONG DU BCUG PA NYID DE LA NYES BYAS KYI'O ZHES BYA BA NI MI NA BAS RANG GIS BLANGS PA TZAM LA YANG DE GNYIS NYES BYAS KHO NA'I BYED PA PO YIN LA MI NA BAR GZHAN SLONG DU BCUG PA NYID YIN NA SLONG DU BCUG TE ZOS PA DE LA NI DE GNYIS NYES BYAS KYI BYED PA PO YIN NO, ,MI NA BAR SLONG DU BCUG PA LA NI NYES BYAS PHRA MOR 'GYUR RO, ,CI MIN BAR THAMS CAD LA DE GNYIS KHA NA MA THO BA 'DI'I

227a

, ,BYED PA PO YIN NAM ZHE NA, DE'I PHYIR CI BDER BSTABS PA MA BYAS PA LA'O ZHES BYA BA SMOS TE, GANG LA SLONG BAR BYED PA DES MA BYAS PA DES NI CI BDER BSTABS PA MA BYAS PA LA ZHES BYA BA'I DON TO, ,'DIR GZHUNG NI DGE SLONG BSONG SNYOMS LA RGYU ZHING KHYIM DAG TU 'GRO BA NA BUD MED KYI YUL ZAS THOGS TE PHYIR BYUNG BA'I TSE DGE SLONG CANG MI SMRA BAR SDOD PA NA BUD MED KYI YUL NA RE 'PHAGS PA CI BZHED CES 'DRI NA BSTABS PAR BRJOD PAR BYA STE, CI 'DOD PA DE BLANG BAR BYA BA LA LTUNG BA MED DO, ,SBYIN BDAG GIS CI BDER BYAS PA LA LTUNG BA MED DO ZHES GSUNGS PA YIN NO, ,DE'I PHYIR NGAN PA'AM BSOD PA'AM THA MAL PA'AM BZANG PO THOB PA NI GAL TE BLANGS NA YANG NGO ZHES BYA BA NI GANG GI PHYIR CI BDER BSTABS PA MA BYAS PA LA 'DI NI BYED PA PO YIN TE, CI BDER BSTABS PAR BYED PA CIG NI 'DIR NGES PAR 'BYUNG BA STE, NYE BAR BSDUS PA LA BYED PA PO MA YIN NO, ,DE LAS RNYED PAR GYUR PA LA YANG GAL TE 'DI DANG 'BREL PA'I BLANGS PA MED NA DE LTAR YANG 'DI BLANGS TE ZOS NA DNGOS GZHI'I BYED PA PO YIN NO, ,NGAN PA 'DI LA PHYED NYID DO ZHES BYA BA NI GANG ZHIG BLANGS TE ZA BA 'DI LA BYED PA PO NYID BSTAN PA DER NGAN PA 'DI LA NI PHYED NYID DE NYES BYAS SO, ,RANG GIS BLANGS TE ZA BA 'DI LA NI NYES BYAS PHRA MOR 'GYUR TE SLONG DU BCUG PA'I SBYOR BA LA YANG ZHES BYA BA'I DON TO, ,'DIR GZHUR NI DGE SLONG GIS 'O MA THOB PA NA ZHO SLONG PAR BYED NA, DE SLONG BA LA NI NYES BYAS LAM 'THUNGS NA NI LTUNG BA MED DO, ,DGE SLONG GIS BSOD PA THOB PA NA NGAN PA SLONG BAR BYED NA DE SLONG BA LA YANG NYES BYAS LA ZOS PAR GYUR NA NYES BYAS SO ZHES GSUNGS PA YIN NO, ,NGAN PA THOB PAR GYUR PA NYID LA NI THAMS CAD NYES BYAS KYI BYED PA PO NYID YIN NO ZHES BYA BA 'DIS NI PHYED TSIG GIS 'DI LA BYAS PAR RIG PAR BYA'O, ,ZAS KHYER TE PHYIS BYUNG BAS CANG MI SMA BA'AM PHYIR SPONG BA LA 'ON CI SLONG ZHES DRIS PA NA CI BDE BAR BSTABS PA NYID YIN NO ZHES BYA BA NI DRIS PA 'DI LA CI BDE BAR BSTABS PA NYID YIN NO, ,DE BAS NA 'DIR BYIS PA LAS GANG 'DOD PA DE BLANG BAR BYA'O, ,BSOD PA SLONG BA'I LTUNG BYED DO,, ,,RANG SBYONG BA'I DON NYID LA 'JUG PA DANG SPYOD DU 'JUG PA DAG LA'O ZHES BYA BA NI 'DI DAG LA GZHAN NYE BAR SPYOD

227b

PA'I DON NYID LA STE, DPER NA DGE 'DUN GYI GTZUG LAG KHANG DU LHUNG BZED DANG CHOS GOS LA SOGS PA'I LAS LA DON MA YIN PA NYID LA YANG NGO, ,'DI LTA STE DPER NA DON MED PAR CHU LA SOGS PA LA SPYOD PA DANG, RTZVA LA SOGS PA SBENGS PA DANG SHING LA SOGS PA 'THU BA LA SOGS PA LA SNGAR BSTAN PA'I LTUNG BYED NI BYED PA PO NYID DO, ,GANG LA RANG 'JUG PA DANG GZHAN 'JUG DU 'DZUD PAR BYED NA RANG SPYAD PA'I DON NYID LA YANG SMRAS PA NI DE LA SHES GTZO BO ZHES BYA BA STE, DE LA 'DU SHES GTZO CHER BYED PA NYID DO, ,GANG LA 'DU SHES GTZO CHER BYED PA PO 'DI YIN ZHE NA, DE'I PHYIR SROG CHAGS DANG BCAS PA NYID PA'O ZHES BYA BA SMOS SO, ,GANG GI SROG CHAGS DANG BCAS PA NYID LA ZHE NA DE'I PHYIR CHU DANG MAR DANG SBRANG RTZI DANG BU RAM GYI DBU BA DANG 'O MA DANG ZHO DANG MAR SAR PA DANG TSVA DANG 'BRU'I TSA DANG ZHO GA CHU DANG, RTZA BA MO DANG SHING TOG DANG BCA' BAR BYA BA LA SOGS PA NYE BAR SBYAR BAR BYA'O ZHES BYA BA SMOS TE, SROG CHAGS DANG BCAS PA'I CHU LA ZHES BYA BA LA, CHU'I TSIG NI SO SOR THAR PAR DPER MTSON PA TZAM DU ZAD KYI 'DI NI SKYE BA'I DBANG GIS GNAS YIN TE, CHU 'DI LA SHIN TU MANG DU 'JUG PA 'DI LA LTUNG BA'I PHYIR RO, ,NYE BAR SBYAR BA DE DAG SROG CHAGS JI LTA BU DANG BCAS PA NYID YIN ZHE NA, DE'I PHYIR SNANG BA DAG GIS SO ZHES BYA BA SMOS SO, ,'DIR GANG GI TSE 'DI'I BYED PA PO NYID YIN ZHE NA, DE'I PHYIR SHI NA'O ZHES BYA BA SMOS TE, 'DIR SROG CHAGS DU MA SHI NA YANG KHA NA MA THO BA GCIG GI BYED PA PO NYID YIN NAM ZHE NA, DE'I PHYIR SROG CHAGS RE RE'I 'O ZHES BYA BA SMOS TE, SROG CHAGS JI SNYED SBYOR BA DE'I DBANG GIS SROG BCAD DE DUS BYAS NA DE NYID KHO NA'I LTUNG BYED DU 'GYUR RO ZHES BYA BA'I DON TO, ,SLAR SPYOD PA GANG YIN ZHE NA, DE'I PHYIR SPYOD PA NA LUS KYI NYE BAR SPYOD PA'O ZHES BYA BA SMOS TE, DE NI SPYAD PA MTSAN NYID KYI SGO NAS BSTAN NAS, DA NI NGO BO'I SGO NAS BSTAN PA'I PHYIR, 'DI LTA STE KHRUS DANG BTUNG BA DANG SO SHING DOR BA DANG LAG PA DANG RKANG PA BKRU BA'O ZHES BYA BA SMOS TE, LUS KYI YO BYAD DAG TU NYE BAR SPYOD PA GANG YIN PA DE LUS KYIS NYE BAR SBYONG BA KHO NA YIN PAR SHES PAR BYA'O ZHES BYA BA'I PHYIR YO BYAD DAG TU NYE BAR SPYAD PA GANG YIN PA DE NI LUS KYIR YIN NO ZHES BYA BA SMOS TE,

228a

, ,GANG GI YAN LAG TU GANG BYED PA DE NYID LA DE BYAS PAR 'GYUR ZHES BYA BA'I DON TO, ,SLAR LUS KYI YO BYAD DE DAG GANG DAG YIN ZHE NA, DE'I PHYIR BZA' BAR BYA BA DANG LHUNG BZED DANG CHOS GOS DANG GNAS DANG SO BKRU BA DANG ME LA SOGS PA NI LUS KYI YO BYAD YIN NO ZHES BYA BA SMOS SO, ,'O NA LUS KYI YO BYAD RNAMS SU NYE BAR SBYAR BA GANG YIN PAR BLTA BAR BYA ZHE NA, DE'I PHYIR DE DAG TU NI SA DANG LCI BA DANG TSON DANG RTZVA DANG SHING LA SOGS PA'O ZHES BYA BA SMOS SO, ,LUS KYI YO BYAD DE DAG TU NYE BAR SBYAR BA DE DAG LA CHU LA SOGS PA DGOS PA GANG YIN ZHE NA, DE'I PHYIR DE DAG TU DGOS PA NI 'DI LTA STE BYI DOR BYA BA DANG KHA BSGYUR BA DANG CHAG CHAG GDAB PA DANG, PHYAG DAR BYA BA DANG ZHAL ZHAL BYA BA DANG 'U SHA DANG THANG DANG THUG PA RNAMS BTUNG BA'O ZHES BYA BA SMOS TE, SBYOR BA 'DI RNAMS ZHES BYA BA 'OG NAS 'BYUNG BA 'DI RNAMS LA THAMS CAD DU SO SOR MNGON PAR SBYAR BAR BYA'O, ,CHU SROL BKAG PA DANG BSAL BA DAG KYANG NGO, ,SHING DANG G-YENG BA DAG GZHUG PA DANG DRA BA DANG BSHAL PA DAG KYANG NGO ZHES BYA BA NI BYA'O ZHES BYA BAR SBYAR RO, ,'DIR SHING DANG G-YER BA ZHES BYA BA NI DPE TZAM DU RIG PAR BYA'O, ,RIM PA GCIG PA LAS GZHAN PA SBU CAN LA SOGS PA BKRU BA YANG NGO ZHES BYA BA LA, RIM PA GCIG PA LAS GZHAN PA ZHES BYA BA CHIG RKYANG LAS SO, ,GZHAN PA ZHES BYA BA LA, 'DI NI NGO BO LAS STON PAR BYED PA SBU CAN LA SOGS PAS ZHES BYA BAS SO, ,DE YANG SROG CHAGS KYI KHAMS LHAG PAR MANG BA'I CHU LTA BU YANG SBYOR BA DAG YIN NO ZHES BYA BA LA, DE YANG ZHES BYA BA NI GOS RIM PA GCIG PA DE YANG NGO, ,CHU ZHES BYA BA NI BKRU BA YANG NGO ZHES BYA BAR SBYAR RO, ,DE LTA BU YANG ZHES BYA BA NI RNAM PA DE LTA BU YANG ZHES BYA BA'I DON TO, ,'DIR GZHUNG NI DGE SLONG GIS SROG CHAGS DANG BCAS PA'I CHUS CHAGS CHAG 'DEBS SAM PHYAG DANG BYED PA DANG 'U SHA DANG THANG DANG THUG PA DAG BYED NA SROG CHAGS JI SNYED 'CHI BA DANG DE SNYED KYI LTUNG BYED DU 'GYUR LA, MA 'CHI NA NI NYES BYAS SO, ,DGE SLONG GIS SROG CHAGS DANG BCAS PA'I CHU'I YUR BA 'GOG GAM SEL BAR BYED NA SROG CHAGS JI SNYED 'CHI BA DE SNYED KYI LTUNG BYED DU 'GYUR LA MI 'CHI NA NI NYES BYAS SO, ,DGE SLONG GIS SROG CHAGS DANG BCAS PA'I

228b

CHUR SHING 'DZUD DAM 'DREN NAM, CHU'I NANG NAS SKAM SAR BSHAL LA G-YER BAS G-YENG BAR BYED DAM 'DREN NAM CHU'I NANG NAS SKAM SAR BSHAL BAR BYED NA SNGA MA BZHIN NO, ,GOS SPU CAN DANG LHAN PA CAN DAG SHING GIS BRDUNG BA DANG 'KHRU BAR BYED NA SROG CHAGS JI SNYED 'CHI PA DE NYID KYI LTUNG BYED DU 'GYUR LA MA 'CHI NA NI NYES BYAS SO, ,BCOM LDAN 'DAS KYIS BKA' STZAL BA, GOS SPU CAN DANG LHAN PA CAN DAG SHING GIS BRDUNGS PA DANG BKRU BAR MI BYA STE 'KHRU NA 'GA' TSABS CAN DU 'GYUR RO, ,'ON KYANG RIM PA GCIG PA NI BKRU BAR BYA'O, ,DGE SLONG DAG GIS BKRU BA GTAN BTANG BA DANG, BCOM LDAN 'DAS KYIS BKA' STZAL PA, GANG NA SROG CHAGS KYI KHAMS MANG LA CHU'I KHAMS NYUNG BA DER BKRU BAR MI BYA'I GANG NA CHU'I KHAMS MANG LA SROG CHAGS KYI KHAMS NYUNG BA DER BKRU BAR BYA'O ZHES GSUNGS PA YIN NO, ,'DI NI NYE BAR LONGS MI SPYAD PA MA YIN NO, ,DE BAS NA 'DIR 'GAL TSABS CAN DU 'GYUR RO ZHES GSUNGS PA NI LTUNG BYED DU 'GYUR RO ZHES BYA BAR DGONGS PAR RIG PAR BYA'O, ,SROG CHAGS DANG BCAS PA'I CHU LA LONGS SPYOD PA'I RNAM PAR 'BYED PA'O,, ,,DPYANG TSAGS BCAB PAR BYA'O ZHES BYA BA LA, DPYAD TSAGS ZHES BYA BA 'DI YANG CI ZHIG YIN ZHE NA, DA'I PHYIR BZED SNOD KYI STENG GI NAM MKHA' LA GZHAG PAR BYA ZHING DGANG BA DANG BTZAG PAR BYA BA'I CHU BZED PAR BYED PA TSAGS GDAGS PAR BYA BA'I LCAGS DAG BTAB PA'I SHING BU GSUM DANG LDAN PA NI DE ZHES BYA'O ZHES BYA BA SMOS TE, CHU ZED PAR BYED PA'I TSAGS GDAGS PAR BYA BA'I 'OG TU BUM PA LA SOGS PA'I SNOD GZHAG PAR BYA BA GANG YIN PA'I BZED SNOD KYI STENG GI NAM MKHA' LA GZHAG PAR BYA ZHING DGANG BA DANG CHU BZED PAR BYED PA'I TSAGS GDAGS PAR BYA STE, DE DBYUNG BAR BYA BA'I DON DU GONG DU LCAGS GZER DAG BTAB PA DE ZHES BYA BA'I DON TO, ,'DIR GZHUNG NI DPYANG TSAGS BYA ZHING DE'I YA THOG TU LCAGS GZER DAG GDAB PAR BYA'O, ,DE LA CHU TSAGS GDAGS PAR BYA ZHING DE'I 'OG TU BUM PA GZHAG PAR BYA'O, ,CHU SNOD KYI BUM PA DAG DGANG BAR BYA'O ZHES GSUNGS PA YIN NO, ,GANG ZHIG 'DIR CHU SNOD KYI BUM PA DGANG BAR BYA'O ZHES GSUNGS PA'I DON NI CHU

229a

, ,SNOD KYI CHUS BUM PA GANG BAR BYA ZHES GSUNGS PAS ZED SNOD DANG 'DI LA SOGS PA BYED PAS ZHES BYA BA DON GYIS RIG PAR BYA'O, ,CHU GNAS PAR BYA BA'I PHYIR CHU TSAGS SU GCAL GZHUG PAR BYA'O ZHES BYA BA NI CHU GNAS PAR BYA BA'I PHYIR CHU TSAGS DE'I NANG DU GCAL GZHUG PAR BYA'O, , GCAL CI ZHIG GZHUG PAR BYA ZHE NA, DE'I PHYIR PHYE MA'AM LCI BA'O ZHES BYA BA SMOS SO, ,YANG NA TSAGS RTEN SNOD DO ZHES BYA BA NI CHU GNAS PAR BYA BA'I PHYIR CHU TSAGS LA YANG NA TSAGS RTEN SNOD GZHUG GO, ,DE CI 'DRA BA CIG CE NA DE'I PHYIR SA DANG ZANGS MA LAS BYAS PA GANG YANG RUNG BA'O ZHES BYA BA SMOS TE, SA LAS BYAS PA YANG RUNG ZANGS MA LAS BYAS PA YANG RUNG ZHES BYA BA'I DON TO, ,DE NI SHING BU GSUM GYI THOG MA LA GDAGS SO ZHES BYA BA STE JI LTAR ZHE NA, DE'I PHYIR BU GUR LUNG BYAS TE'O ZHES BYA BA SMOS TE, 'DIR BU GA PHUG NAS DON BSGRUB PA LA LTOS NAS BU GA DU MA YANG BYA'O ZHES BYA BA 'DIS KHAS BLANGS PAR RIG PAR BYA'O, ,PHYI ROL GYI NGOS SU TSAGS RTEN SNOD GZHAG PAR BYA'O ZHES BYA BA NI BCING BA GANG DANG GANG MED PAS 'DI LA GNAS PA MED NA DE 'DI LA BYA'O, ,DE YANG SKYES PA LA DGONGS NAS SMOS PA YIN NO, ,DE LTAR DE CI ZHIG GIS GDAGS SHE NA, DE'I PHYIR SNGA MA NI THA GUS SO, ,PHYI MA NI LCAGS THAG 'JAM POS SO ZHES BYA BA SMOS TE, SNGA MA SA LAS BYAS PA NI THA GUS GDAGS SO, ,PHYI MA ZANGS KYIS BYAS PA NI LCAGS THAG 'JAM POS GDAGS SO ZHES BYA BA'I DON TO, ,DE BCANG BAR BYA'O ZHES BYA BA LA DE ZHES BYA BA NI BCANG BAR BYA BA'I SNOD DO, ,'DIR DE YAN LAG NYID LCAGS THAG DANG THA GU BSTAN NO, ,DE BAS NA 'DI DAG LA YANG 'DIR 'CHANG BA BSTAN PAR RIG PAR BYA'O, ,CHU MI 'DZAG NA SHING LEB KYIS CHU CHAGS LA DAL BUS GDAB PAR BYA'O, ,BUM TSAGS GCE'U CAN NI TSEGS CHUNG DU ZHES BYA BA NI DPYANG TSAGS YOD KYANG TSEGS CHUNG ZHING SLA BA YIN PAS DE LA 'DOD PA BSKYED PAR BYA'O ZHES BYA BA'I DON TO, ,BUM TSAGS GCE'U CAN NI DE NAS DGA' BAR BYA BAR RIG PAR ZHES BYA BAS BSTAN ZIN TO, ,BCANG BA NI RIGS SAM MI RIGS ZHES BYA BAS MA BSTAN TO, ,DE BRJOD PAR BYA STE, DE'I PHYIR DE BCANG BAR BYA'O ZHES BYA BA SMOS SO, ,DE CI LAS BYAS PA ZHE NA,

229b

DE'I PHYIR SA 'AM ZANGS LAS BYAS PA'O ZHES BYA BA SMOS SO, ,DE'I DBYIBS CI 'DRA ZHE NA, DE'I PHYIR DE NI BUM BA'I DBYIBS DANG NANG PADMA'I SPU GU LTA BU DANG LDAN PAS 'OG SBUBS CAN YIN NO ZHES BYA BA SMOS TE, 'DI RNAMS KYI 'OG TU RTZA'I SBUBS YOD PAS NA 'OG SBUBS CAN NO, ,NANG PADMA'I SPU GU LTA BU DANG LDAN PA ZHES BYA STE, PADMA'I SNYING PO'I NANG NA GNAS PA'I SPU GU DAG LTA BU NANG GI SPU GU 'OG SBUBS CAN GANG LA YOD PA DE NI 'OG SBUBS CAN PADMA LTA BU NANG GI BU GA LTA BU'O, ,PADMA'I LTE BA MED BAR PADMA LTA BU NYID 'GRUB PA MA YIN TE, DE BAS NA 'DI LA TSIG 'DIS KUN NAS THOB PAR RIG PAR BYA'O, , 'DIR GZHUNG NI BUM PA'I DBYIBS LTA BUR BYA ZHING DE'I NANG DU PADMA'I RNAM PA LTA BU'I BU GA DAG GDOD PAR BYA'O, ,DE DAG BSDU BA'I PHYIR DE DAG GI STENG DU BU GU CHEN BO GCIG GDOD PAR BYA'O, ,DE DAG NYID BSDU BA'I PHYIR 'OG SBUBS CAN DU BYA'O ZHES GSUNGS PA YIN NO, ,'DIR BUM PA'I BU GA CHEN PO GCIG GDOD PAR BYA'O ZHES RNAM PAR GNAS BA YIN NO, ,DE YANG 'DIR DON GYIS THOB BA STE DE BAS NA 'DIR MA BSTAN TO, ,DE DAG TU RAS MA DGAB PA NYID DO ZHES BYA BA LA DE DAG TU ZHES BYA BA NI NANG GI BU GA RNAMS LA'O, ,'DIR GZHUNG NI DE DAG GI STENG DU RAS G-YOGS TE CHU BTZAG PAR BYA'O ZHES GSUNGS PA YIN GYI BUM PA'I BU GA LA NI MA YIN NO, ,CHU TSAGS NYE BAR GZHAG PAR BYA'O ZHES BYA BA NI BDAG GI BA 'DI SHIN TU BYAS PA NGES PAR BYA BA'I DON TO, ,CHU TSAGS GRU GSUM MAM RIL BA ZHABS TSAGS CAN NAM GSAL TSAGS KYANG NGO ZHES BYA BA NI BUM TSAGS GCE'U CAN NI TSU TSAGS NYID MED PA MA YIN TE, DE BAS NA 'DIS 'DI LA MA BZUNG BA NYID DU SHES PAR MI BYA'O, ,'CHANG BA NYE BAR DGOS BAR BYA BA LA GSAL TSAGS KYI TSIG GIS BZUNG BA NYID DU RIG PAR BYA'O, ,'AM ZHES BYA BA'I SGRA NI 'DIR GCIG GI RNAM PA 'DI NYE BAR GZHAG PA LA 'DI NYES PA LA 'DI NYES PA YIN GYI DU MA LA NI MA YIN NO ZHES BSTAN PA'I PHYIR BYA MA BUM DANG RIL BA DAG GIS CHU RUNG BAR BCUS PA NYID DANG YOD PA NYID KYANG DE DANG LDAN PA NYID DO ZHES BYA BA SMOS TE, BYA MA BUM ZHES BYA BA NI LAM JI SRID DU CHU RUNG BA BCUS BA YOD PA DE SRID DU CHU TSAGS DANG LDAN PA NYID YIN NO ZHES BYA BA SHUGS KYIS RTOGS PAR BYA'O, ,YOD PA NYID

230a

, ,KYANG ZHES BYA BA NI, DE NAS LAM GYI PHYIR DE BZUNG BA LA BSGRUB PAR 'GYUR BA'I BYA BA BUM NYID LA NYE BAR BRTZIS PA 'DI NYID DO, ,DE DANG LDAN PA NYID DO ZHES BYA BA LA, NYID DO ZHES BYA BA NI CHU TSAGS NYID DO, ,DE MED PAR LJONGS RGYU ZHING 'GRO BAR MI BYA'O, ,NANG DANG BCAS PA DANG LHAN CIG TU MI BYA'O, ,GAL TE RKYEN DE LTA BU YOD NA BZOD PA GSOL TE'O, ,BYA BA BYED PA NA YOD PA NYID NI YOD PA NYID YIN NO, ,GZHAN GYIS 'DI LTAR DER BYIN NO ZHES KHAS BLANGS PA NYID DE DANG LDAN PA NYID YIN NO ZHES BYA BA LA DER ZHES BYA BA NI BYA BA BYED PA'I DUS LA'O, ,CHU BCAGS PA'I DUS DER GZHAN GYIS KHAS BLANGS PA LA DE DANG LDAN PA NYID NI CHU TSAGS DANG LDAN BA NYID DO, ,GANG GI PHYIR BYA BA BYED PA LA YOD PA NYID GANG YIN PA DE NI 'DIR YOD PA NYID CES BYA BA'I DON TO, ,LJONGS RGYU BA'I TSE 'BRAL BA NA SBYIN PAR KHAS MA BLANGS NA DE LA BRTEN PAR MI BYA'O ZHES BYA BA NI, GANG GI TSE 'BRAL BA YOD PAR GYUR NA DE'I TSE CHU TSAGS SBYIN NO ZHES DE LTAR CHU TSAGS DANG LDAN PAS CHU TSAGS SBYIN PAR KHAS BLANGS NA LJONGS RGYU BA'I TSE 'DI SBYIN PAR KHAS BLANGS PA DE DANG LDAN PA NYID GANG YIN PA DE NI CHU TSAGS DANG LDAN PA NYID DE, DE LA BRTEN PAR MI BYA STE 'BRAL BA'I TSE SBYIN PAR KHAS BLANGS PA NI SNGA MA'I KHAS BLANGS PA NI PHYIS 'BRAL PA'I TSE NA MED PA'I PHYOGS DANG MTHUN PA NYID YIN PA'I PHYIR RO, ,PHONGS PAR MI 'GYUR PA'I NYE 'KHOR DU 'GRO BA NI RGYU BA MA YIN NO, ,DE'I PHYIR RGYANG GRAGS LNGA NYID YIN NO ZHES BYA BA LA, PHONGS PAR MI 'GYUR BA NI NYE 'KHOR DE NYID DO, ,'DIR DE DAG GI GZHUNG NI GZHUNG KHA CIG LAS BTZUN PA CHAB TSAGS MA MCHIS PAR GRONG GZHAN NAS GTZUG LAG KHANG GZHAN DU MCHIR RUNG NGAM, RUNG STE GAL TE DER SONG YANG PHONGS PAR MI 'GYUR NA'O ZHES BYA BA DANG, GZHUNG CIG SHOS KYIS NI CHAB TSAGS MA TSAGS MA MCHIS PAR SHUL DU ZHUGS TE MCHIR RUNG NGAM RUNG STE RGYANG LANG TSUN CHAD DO, ,DE DES DER SON PA NA PHONGS PAR MA GYUR NA ZHES BYA BA GSUNGS PA YIN NO, ,MDO 'DI NI GZHUNG PHYI MA SHOS BSDU BA YIN NO, ,GANG ZHIG 'DIR GAL TE DER ZHES BYA BA LA SOGS PA'I TSIG GIS BSDUS PA YIN NO, ,GNAS SU BZHAG STE SONG BA DE DANG LDAN PA NYID MA YIN PA DE NI RANG DGAR BYED PA MA YIN PA MA YIN

230b

NO ZHES BYA BA NI GAL TE BDAG DAR SONG NA DE DANG LDAN PA NYID CES BYA BA DE LTAR NGES PA MED NA DE'I TSE CHU TSAGS MED PAR DES DER 'GRO BAR MI BYA'O, ,DE BAS NA DE LA 'DI NI BYED PA PO'O, ,'DOD PAS BYAS PA NYID DE LA CHU TSAGS NYID MED PAR ZHES BYA BA'I DON TO, ,GCIG GIS DGE 'DUN MAN CHAD DU MA DE DANG LDAN PA NYID MA YIN PAR MI 'GYUR RO ZHES BYA BA NI DGE 'DUN MAN CHAD DU MDAG LA GCIG GIS CHU TSAGS DANG LDAN PA NYID MA YIN PAR MI 'GYUR ZHES BYA BA'I DON TO, ,RGYUN MGYOGS PA LA PHONGS PAR MI 'GYUR BA NYID MA YIN NO ZHES BYA BA NI DE LAS GZHAN PA'I RGYANG GRAGS LNGA LA DE DANG LDAN PA NYID MA YIN NO ZHES BYA BA 'DI SHES PAR BYA'O, ,'DI LA YANG CHO GA 'DI ZHES BYA BA'I DON TO, ,'DIR GZHUNG NI BTZUN BA CHU KLUNG 'BAB BA LA CHAB TSAGS MA MCHIS PAR MCHIR RUNG NGAM, NYE BA 'KHOR RUNG STE RGYANG GRAGS LNGA TSUN CHAD DU'O ZHES GSUNGS PA YIN NO, ,DE LA RGYUN PHYOGS SU RJES SU 'BRAL BAR 'GRO PA NI RGYANG GRAGS KYI BAR DU 'JUG TU RUNG NGO ZHES PA LA, CHU RTOG PA LAS BRTZAMS TE RJES SU 'GRO BAR BYED PA NA, RGYANG GRAGS 'DI LA RGYUN PHYOGS SU CHU BO LA CHU RTOG PA DE NYID KYIS 'JUG PA'O, ,DE'I 'OG TU SLAR CHU RTOG PAS ZHES BYA BA'I DON TO, ,CHO GA DE'I DMIGS KYIS BSAL BA BYAS PA YIN TE, GAL TE CHU GZHAN DANG 'DRES BAR GYUR NA DE MAN CHAD DU'O ZHES BYA BA SMOS TE, DE ZHES BYA BA NI CHU'I RGYUN MGYOGS PA DE RGYANG GRAGS GCIG GI MTHAR YANG NGO, ,GAL TE CHU GZHAN DANG 'DRES PA DE LAS SNGA ROL DU CHU RTOG PA DE NYID KYI 'JUG PA'O, ,CHU 'DRES PA MAN CHAD LA NI DES YANG BRTAG CING 'JUG PAR BYA'O ZHES BYA BA'I DON TO, ,BRTAGS PA NAS 'DOM GANG 'KHOR YUG NI DE NYID YIN NO ZHES BYA BA NI CHU BRTAG PA'I GNAS NAS 'DOM GANG 'KHOR YUG TSUN CHAD NI BRTAGS PA NYID YIN NO, 'DIR GZHUNG NI BTZUN PA CHAB KA'I NYE 'KHOR GANG LAGS, NYE BA 'KHOR 'DOM GANG NGO ZHES GSUNGS PA YIN NO, ,NYE 'KHOR ZHES BYA BA NI CHAB KA'I DBE TZAM NYID YIN NO ZHES BYE BRAG MED PAR GSUNGS SO, ,MIG GIS DAG PA NYID KYIS CHU NI DAG PA YIN NO ZHES BYA BA STE, MIG GANG GIS SHE NA, DE'I PHYIR THA MAL PAS SO ZHES BYA BA SMOS TE, 'DIR GZHUNG NI TSE DANG LDAN PA MA 'GAGS

231a

, ,PAS LHA'I MIG GIS CHU BRTAGS PA NA DE'I TSE SRID PA BAR MA PA'I SROG CHAGS DAG GIS THAMS CAD KHYAB PAR MA THONG NAS, BCOM LDAN 'DAS KYIS BKA' STZAL BA, LHA'I MIG NI THA SNYAD DU GDAGS SU MI RUNG STE, DE BAS NA LHA'I MIG GIS CHU BRTAG PAR MI BYA BAR 'DI LTAR CHU RUNG BA LNGA BSHAD PAR BYA'O ZHES GSUNGS PA YIN NO, ,MI G-YO BA NYID DANG RNYOG PA MED PA NYID LA BRTAG PAR BYA'O ZHES BYA BA NI BRTAG PAR BYA BA'I CHU ZHES BYA BA SHUGS KYIS RTOGS PAR BYA'O, ,BUM PA GANG BA NYID LA'O ZHES BYA BA NI BRTAG PAR BYA ZHES BYA BA 'JUG PA YIN NO, ,DE LA BYA SA 'DAS PAR BGRANG BA'I YUN RING PO NYID DU MI BYA'O ZHES BYA BA NI DE BYA BA LAS 'DAS PA YIN NO ZHES BYA BA YUN RING BA NYID KYIS GRANGS SU GRAGS PA 'DIR NI YUN RING PO NYID DU BRTAG PAR MI BYA'O, ,GANG GI PHYIR JI TZAM GYIS SEMS DAG PAR GYUR PA DE TZAM DU BRTAG PAR BYA'O, ,'OG TU MA GRUB PA LA SEMS DAG PAR 'GYUR BAS GDON MI ZA BAR SHIN TU RING POR BYAS PA NYID KYI PHYIR SHIN TU RING POR BRTAG PAR BYA BA MA YIN NO, ,'ON KYANG JI TZAM GYIS BA LANG DRUG DANG LDAN PA'I SHING RTA RMIG PA'I SHAR BAS BKANG BA G-YANGS KYIS 'KHOR BAR GYUR BA DE SRID DU BRTAG PAR BYA'O ZHES GSUNGS PA YIN NO, ,YANG DE SRID DU SEMS DAG PAR GYUR PA ZHES GSUNGS PA YIN NO, ,DE LA SEMS DAG PAR GYUR PA ZHES BYA BA DE LA SEMS DAG PAR GYUR CES BYA BA NI MIG GIS DAG PA NYID CES BYA BA DE YIN PAS, DE'I PHYIR ZHES BYA BA 'DI LAS LHAG PAR GYUR PA MA YIN NO, ,BA LANG DRUG GIS ZHES BYA BA NI DE NYID 'DIR TSAD MA YIN TE, DUS 'DI TZAM GYIS DE LA PHAL CHER BSGRUB PAR 'GYUR ZHES BYA BA'O, ,HA CANG YUN RING DU BRTAG PAR MI BYA BAR ZHES BYA BA 'DIS 'DI BSDUS PA YIN NO, ,'DIR RTZE GCIG PA NI RNAM PAR GNAS PA YIN NO, ,RTZE MO 'JAM POS SROG CHAGS DAG BSTAN LA'O, ,DE DAG 'CHI BAR 'GYUR BA'I LAM DU MI 'DOR RO ZHES BYA BA NI CHU'I SROG CHAGS DE DAG DOR BA'I LAM GYI THAG JI SRID KYIS 'CHI BAR 'GYUR BA'I LAM GYI THAG DE SRID DU DOR BAR MI BYA'O, ,GZHAN YANG MI DOR RO ZHES BYA BA NI CHU'I SROG CHAGS DAG LAS GZHAN LA SHIG DANG RTZVA SHIG LA SOGS PA DAG KYANG 'CHI BAR 'GYUR

231b

BA'I LAM GYI THAG DE SRID DU MI DOR RO, ,GAL TE MAR ME'I NANG DU SROG CHAGS LTUNG NA DE BYED PAS DE G-YOGS PAR BYA'O ZHES BYA BA NI MAR MED DE BYED PAS ZHES BYA BA'I DON TO, ,DE'I NGO BO NYID JI LTA BU ZHE NA, DE'I PHYIR SMYIG TSAL GYI GZEB DAR DKAR RAM LHANG TSER SRAB MOS G-YOGS PA STE DE ZHES BYA BA NI 'OD KHANG ZHES BYA'O, ,MIG BRGYA PA YANG RUNG NGO ZHES BYA BAR SBYAR RO, ,'DIR GZHUNG NI 'OD KHANG GI GZEB DAR DKAR GYIS G-YOGS PAR BYA'O, ,DE MI RNYED NA LHANG TSER SRAB MOS G-YOGS PAR BYA'O, ,DE YANG MA RNYED NAS BCOM LDAN 'DAS KYIS BKA' STZAL PA, MIG BRGYA PA BYA'O ZHES GSUNGS PA YIN NO, , MIG BRGYA PA JI LTA BU YIN ZHE NA, DE'I PHYIR DANG PO NAS BYAS PA'AM BUM PA LA SOGS PA'I SNOD BU GCAN NO ZHES BYA BA SMOS TE, DANG PO NYID DU SKYED PAR BYED PA'I BYAS PA 'DI LA YOD PAS NA DANG PO NYID DU BYAS PA'O, ,SA LAS BYAS PA'I SNOD BUM PA'I DBYIBS 'DRA BA GYO MOG GI RNAM PA LTA BU'I SNOD KYI TSOGS BYA STE SO BTANG ZHES BYA BA'I DON TO, ,'DIR BRGYA'I TSIG NI MANG NGO NYID DU BSTAN PA TZAM DU RNAM PAR GNAS PA ZHES BYA BAR RIG PAR BYA'O, ,SKRA'I RNYIS SBRUL GZUNG BAR MI BYA BA NI 'O NA 'DI JI LTAR BSAL BAR BYA ZHE NA, DE'I PHYIR SE GOL GYI SGRA PHYUNG STE, BZHIN BZANGS MIG LAM NAM 'DUG SHIG CES BRJOD PAR BYA'O ZHES BYA BA SMOS SO, ,DE SKAD BRJOD KYANG MIG LAM NA 'DUG NA DE'I TSE JI LTAR BYA ZHE NA, DE'I PHYIR MI 'DUG NA DBYUG GU SKAM KHAS DAL BU DAL BUS RDZA MA'AM BUM PAR BCUG STE KHA BCAD NAS BU GA BTOD DE BSAL BAR BYA'O ZHES BYA BA SMOS TE, KHA ZHES BYA BA NI BUM PA'AM RDZA MA DE'O, ,MA GRUB NA LCAG POD DAM SHUR BU PHRE'U 'AM THE GUR SAMS DKRIS PAS ZHAGS MIG GIS MGUL PAR BCINGS TE DOR BAR BYA'O, ,DE DAG NI GZHUG PA YANG NGO ZHES BYA BA NI, LCAG POD LA SOGS PA 'DI RNAMS DOR BA 'BA' ZHIG LA BYA BAR MA ZAD KYI BUM PA LA SOGS PA LA GZHUG PA LA YANG BYA'O, ,TSANG TSING GI NANG DU DOR BAR MI BYA'O ZHES BYA BA 'DI NI SKYE BA BSAL BA'I DON DU'O, ,KHUNG DU ZHUGS KYI BAR DU BSDAD PAR BYA'O ZHES BYA BA NI, 'DIR BAR DU ZHES BYA BA'I SGRA NI BZHAG PA STE, JI SRID KHUNG DU ZHUGS KYI BAR DU ZHES BYA BA'I DON TO, ,'OL BA LA SOGS PA RNAMS KYIS 'DI LA SROG GCOD

232a

, ,PAR MA GYUR CIG CES BYA BA NI 'DIR DON TO, ,DE BAS NA BLA GAB MED PAR NI 'DI RNAMS LA NI BYED PA PO STE, NAGS LA NI MA YIN ZHES BYA BA DON GYIS RTOGS PAR BYA'O, ,SHIG RNAMS NI RAS MAR GZHUG PAR BYA'O, ,DE NI GSEB DAG TU'O ZHES BYA BA NI RAS MA DE NI KA BA LA SOGS PA'I GSEB DAG TU GZHUG PAR BYA'O, ,'DIR GZHUNG NI RAS MA'I NANG DU DKRIS TE KA BA'I GSEB BAM RTZIG PA'I GSEB DAG TU GZHUG PAR BYA'O ZHES GSUNGS PA YIN NO, ,RTZA SHIG RNAMS NI BSING MAR RO, ,YANG NA PHYOGS BSIL BAR RO ZHES BYA BA NI GANG DU GNAS PA BSGRUB PA DE ZHES BYA BA DON GYIS SHES PA'O; ,SNGA MA GZHUG PAR BYA BA'I PHYIR BSAL SNOD BCANG BAR BYA'O ZHES BYA BA NI GANG ZHIG 'DI LA CHU'I SROG CHAGS RNAMS KYI SKABS SNGAR MDZAD PA DE RNAMS GZHUG PA'I DON DU DE LTA BU BCANG BAR BYA'O, ,BUM PA GANG BZHIN DU GZHUG CING SHIN TU STONG PAR DBYUNG DU RUNG BA ZHES BYA BA NI BSAL BA'I SNOD BRJOD PA NYID KYIS GRUB PA'I PHYIR BRJOD PAR BYA BA MA YIN TE, GANG GI PHYIR GANG ZHIG GANG BAR 'JUG PA DE NI GANG BA KHO NA LDANG BA MA YIN GYI DE BAS BSAL SNOD DU 'GYUR RO, ,YANG NA CHU TSAGS DE NYID KYIS GZHUG PAR BYA'O ZHES BYA BA NI GANG GIS SROG CHAGS DE DAG BTZAGS PAR GYUR PA'I CHU TSAGS DE NYID KYIS 'DI RNAMS LA BU GA RNAMS KYI LTUNG BA MA GRUB PA'O, ,'DIR DON NI 'DI YIN TE, DE BAS NA GZHAN BSAGS PAR BYED PAS 'DI MI BYA ZHING SHES PAR BYA BA MA YIN NO, ,CHU TSAGS LA SROG CHAGS CHAGS PA BSAL BA'I THABS NI BSHAL BA YIN NO, ,DRI MA NI BKRU BA YIN NO ZHES BYA BA NI DRI MA CHAGS PA BSAL BA'I THABS SO, ,RUL PA NYID DU MI 'GYUR BA NI SKAM PA'O ZHES BYA BA YANG, THABS SHES RAB RNAM PAR SBYAR RO, ,RUL PA'I DNGOS PO NI RUL PA NYID DO, ,DE GNYI GA LA YANG DAM DU BTZIR NA PHAN PA NYID DO ZHES BYA BA NI DRI MA BSAL BA DANG RUL PA NYID DU MI 'GYUR BAR BYA BA LA'O, ,DGE 'DUN DANG GANG ZAG DANG CHU TSAGS DANG CHU TSAD MA RNYED PA'I SHES PAS 'JUG PA LA KHA NA MA THO BA MED DO ZHES BYA BA NI 'DIR TSAD MA RNYED PA'I SGRA LA SO SOR SHES PAS ZHES BYA BA NI 'DI DANG SBYAR BAR BYA'O, ,DE LTAR NA DGE 'DUN TSAD MA RNYED PA'I SHES PAS 'JUG PA DANG, GANG ZAG CHU TSAD MA RNYED PA'I SHES PAS

232b

'JUG PA DANG CHU TSAGS TSAD MA RNYED PA'I SHES PAS 'JUG PA DANG CHU TSAD MA RNYED PA'I SHES PAS 'JUG PA ZHES BYA BAR SBYAR RO, ,DE LA DGE 'DUN TSAD MA RNYED PA'I ZHES BYA BA NI DGE 'DUN 'DI LA MA DAG PA NYID MED PA DANG CHU THA SNYAD BYED PA MED DO ZHES BYA BA MA LUS PAR SHES PA'O, ,GANG ZAG 'DI NI DAG PA MA YIN PA DANG, CHU DES THA SNYAD DU BYED PA ZHES BYA BA GANG ZAG CHU TSAGS 'DI DANG BUM TSAGS GCE'U CAN NAM DE DAG THAMS CAD KYIS CHU DAG PA MA YIN NO ZHES BYA BA NI CHU TSAGS KYI'O, ,CHU 'DI LA PHYOGS 'DI 'AM THAMS CAD DU NAM YANG SROG CHAGS DANG BCAS PA NYID YOD PA MA YIN NO, ,DE BAS NA CHU TSAGS LA TSAD MA RNYED PA NYID DO, ,THA SNYAD KYI DUS SU CHEGS PA NYID GANG YIN PA DE LA 'DIR YAN LAG NYID DU RIG PAR BYA'O, ,KHYIM PA LA YANG GANG ZAG GI TSIG GIS BZUNG BA NYID LA SBYAR BAR GYUR PA NYID DO, ,'DIR GZHUNG NI CHU RUNG BA NYID DU RNAMS PA LNGA STE, DGE 'DUN GYIS RUNG BA DANG GANG ZAG GIS RUNG BA DANG CHU TSAGS KYIS RUNG BA DANG, KHRON PAS RUNG BA DANG, NYIN ZHAG GCIG TU RUNG BA'O ZHES GSUNGS PA YIN NO, ,DE LA RUNG BA DANG PO BZHIN NI MDO 'DIS BSDUS PA YIN TE GO RIMS BZHIN NO, ,LNGA PA NYIN ZHAG GCIG TU RUNG BA'I BTUNG BA BSTAN PA'I PHYIR, BCUS PA DANG KHRON PA DAG NI NYI MA 'CHAR KA TSUN CHAD BRTAGS PA DE NYID RJES SU 'JUG GO ZHES BYA BA LA, 'DIR KHRON PA ZHES BYA BA NI CHU DONG YIN PAR REG PAR BYA'O, ,RKANG KHRUS SNOD STONG PAR MTHONG NA DGANG BAR BYA'O, ,CHU DANG GZHAN GYI SNOD KYANG NYE BAR GZHAG PAR BYA'O ZHES BYA BA NI RDZA MA DANG BUM PA DANG, CHU'I SNOD LA SOGS PA RNAMS SO, , DGE 'DUN GYIS DER GTOGS PA NI SNOD SPYAD 'THUB PA'I LAS YIN NO ZHES BYA BA LA, DER RTOGS PA ZHES BYA BA NI CHU'I SNOD LA SOGS PA DANG 'BREL PA'O, ,'DIR GZHUNG NI GNAS MAL GYI GZHI LAS YON BDAG GTZUG LAG KHANG DU LHAGS TE, DE DAG RDZA MKHAN GYIS BYAS PA'I SNOD DAG RED PA DANG, BCOM LDAN 'DAS KYIS BSKUR CIG CES BKA' STZAL TO, ,DE DAG SUS KYANG MA BSDUS PAS DE DAG CHUD ZOS PA DANG, BCOM LDAN 'DAS KYIS BKA' STZAL PA, DGE SLONG SNOD SPYAD 'BRUB PA BSKO BAR BYA ZHING DES KYANG 'ONG BA DAG LA SBYIN PAR BYA'O ZHES GSUNGS PA YIN NO, ,'DIR SBYIN PA DANG BLANG

233a

, ,BA DAG KYANG MA 'DUS PA MA YIN NO ZHES BYA BA LA 'DIR ZHES BYA BA BZUNG BA LA'O, ,SBYIN PA DANG BLANG BA ZHES BYA BA NI 'DI YANG SNOD SPYAD 'BRUB PAS BYA BA YIN NO ZHES BYA BA'I DON TO, ,GNAS MAL GYI GZHI LAS GANG ZHIG 'DI DE RNAMS MA BSDUS PA ZHES BYA BA LA SOGS PA'I SBYIN PA DANG BLANG BA NGAG KYANG SNOD SPYAD 'BRUB PAS BYA BA BSTAN PA 'DI LA NI 'DI BSDUS PA NYID BSTAN PA'O, ,KHYIM PA RNYING PA BRNYAN PA NYID LA DE YOD PA NYID LA NI SBYIN PAR BYA'O ZHES BYA BA NI RNYING PA DE YOD PA NYID YIN NA G-YAR POR SBYIN PAR BYA'O, ,DES GTZUG LAG KHANG DU YON BDAG RNAMS LA SBYIN PAR BYA BA NYID KYANG MA BSTAN PA MA YIN NO ZHES BYA BA NI DES YON BDAG LA SBYIN PAR BYA'O ZHES BYA BA NI SOGS PA'I TSIG DES GTZUG LAG KHANG DU YON BDAG RNAMS 'ONGS TE BRNYAN PA DAG LA G-YAR BA SBYIN PAR BYA BA NYID KYANG MA BSTAN PA MA YIN PA DE NI SNGAR GZHUNG LAS, YON BDAG GTZUG LAG LANG DU LHAGS TE ZHES BYA BA LA SOGS PA GSUNGS PA DE NYID 'DIS BSDUS PA BSTAN PA YIN NO, ,DGE SLONG LA NI SAR PA PHYIS BLANG BA MED PA NYID DU'O ZHES BYA BA NI SNOD SPYAD SAR PA DGE SLONG LA THAMS CAD KYI THAMS CAD DU SBYIN PA'O, ,DE YANG DE YOD PA GNYIS LA SBYIN PA 'DI CHA GCIG GIS BRTAGS PA'O, ,'DIR GZHUNG NI DGE SLONG RNAMS LA NI SAR PA DAG SBYIN PAR BYA'O, ,KHYIM PA RNAMS LA NI RNYING PA DAG BRNYAN PAR BYA'O ZHES GSUNGS PA YIN NO, ,SNOD SPYAD KYI CHED DU MDZOD KHANG BSKO BAR BYA'O, ,SA DANG ZANGS MA'I SNOD SPYAD DAG SO SOR GZHAG PAR BYA'O ZHES BYA BA NI 'DIR THA DAD PA NYID DU GDON MI ZA BAR BSGRUB PAR BYA'I GNAS THA DAD PAR NI MA YIN ZHES BYA BA'I DGONGS PA'O, ,'DIR GZHUNG NI GNAS BRTAN GNYIS PA SBYIN PAR BYA STE, GANG DU ZANGS LAS BYAS PA'I SNOD SPYAD DAG GZHAG PA ZHES BYA BA 'DI GSUNGS SO, ,DE NI 'DIR DE DANG RTZE GCIG PA NYID DU RNAM PAR GNAS PA YIN NO, ,CHU NYE BAR GZHAG PAR BYA'O, ,GAR BAB BAB TU MI GZHAG GO, ,DE'I CHED DU CHU KHANG BYA'O, ,GTZUG LAG KHANG GI LHO NUB KYI MTSAMS SU'O ZHES BYA BA LA LHO NUB KYI MTSAMS SU ZHES BYA BA NI SGO NI SHAR PHYOGS SU NGES PAR BYA STE ZHES GSUNGS PA YIN NO, ,SGO PHYOGS GZHAN DU LTA BA LA NI, LHO DANG NUB KYI PHYOGS

233b

MTSAMS KHO NAR CHA DANG 'BREL PA'I MTSAMS KYI RTZA BA LA BYED PA KHANG PA'I MTSAMS SPANG NANG DU BYA'O ZHES GSUNGS PA YIN NO, ,'DIR PHYOGS 'DI'I NANG DU YIN GYI GAR BAB BAB TU MA YIN ZHES BYA BA'I DON TO, ,SKAR KHUNG GDOD PA DANG SO PHAG GI GCAL DGRAM PA DANG, CHU KHUNG GDOD PA DANG SGO GDOD PA DANG SGO GLEGS DANG YANG MIG GZHUG PAR BYA'O, ,CHU TSAGS GZHAG PA'I PHYIR GDANG BU BYA'O ZHES BYA BA LA, 'DIR GZHUNG NI SBYIN PA STE DER GDANG BU BCING BAR BYA'O, ,GANG DU CHU TSAGS RUNG BA DAG GZHAG PAR BYA'O ZHES GSUNGS PA YIN NO, ,SHING GI KHRI'U DAG LA GZHAG GO ZHES BYA BA NI CHU SNOD LA ZHES BYA BA LA SKABS KYIS RTOGS PA'O, ,YANG NA SO PHAG GI STEGS BU'I STENG DU BYA'O ZHES BYA BA NI DE TZAM NYID KYIS MA YIN TE 'ON KYANG GZHI DAG LA'O ZHES BYA BAS TE, MA MO LAS RGYU BAR BYA ZHES BYA BA'I MTHAR THUG PA'O, ,CHU SNOD NI KHRUS CHU'I CHED KYI BAR YAN CHAD GTZANG SBRA BYA BA NI GZHAN GYIS SLOB DPON LA SOGS PA DANG 'BREL PA'I YONGS SU 'DZIN PA'I CHO GA 'DI RTOGS PA'I DON DU GZHAN GYI DON GYI TSIG NYE BAR BLANG BA'O, ,DE NI 'DIR DRI MA MED PAR BYA BA BSGRUB PA BSTAN PA DE NI GTZANG BAR BYA BA NYID BSTAN PA'I PHYIR GTZANG BAR RO ZHES BYA BA SMOS TE, YONGS SU LONGS SPYOD PAR BYED PA LA GTZANG BA NYID DU BYED PA DANG, SBYOR SHES PAR BYA BA MA YIN TE SHIN TU YOD PA NYID KYI PHYIR RO, ,DE'I GNAS 'JOG PA YONGS SU DAG PAS GTZANG BAR BYED PAS GTZANG BA NYID LA'O, ,BTUNG BAR BYA BA'I CHU YANG NGO ZHES BYA BA NI BTUNG BAR BYA BA'I CHU YANG GTZANG SBRA DANG GTZANG BAR BYA'O, ,YONGS SU LONGS SPYOD PAR BYA BA'I CHU LA DE DANG RJES SU MTHUN PA'I GTZANG SBRA BSGRUB PA 'DI NI RJES SU 'BRANGS PAS SHES PAR BYA'O, ,DE LAG PA DANG GOS RUNG BA MA YIN PA DAG GIS BRIM PAR MI BYA'O ZHES BYA BA LA DE ZHES BYA BA NI BTUNG BAR BYA BA'I CHU'O, ,LAG PA DANG GOS RUNG BA MA YIN PA ZHES BYA BA NAS KUN NAS REG PAS NYE BAR 'BAGS PAR GYUR PA DAG GIS SO, ,CHU SNOD RNAMS KYI NANG DUS DUS SU SBYAR BAR BYA'O ZHES BYA BA LA, NANG ZHES BYA BA NI KHYAD PAR YANG DAG PAR BSTAN PA'O, ,PHYI ROL DU NI GTZANG SBRA ZHES BYA BA 'DI NYID KYIS BYAS PA'O, ,ZAB MO RNAMS KYI NI PU SHEL TZI'I KHRUD SHING NGAM 'DAB MA'I CHANG BU'AM RAS MA SHING BU'I RTZE MO LA BTAGS

234a

, ,PAS SO ZHES BYA BA LA PU SHEL TZI ZHES BYA BA 'DI LA GANG DU RNAM PAR 'BYED PA RNAMS KYI KHRUD SHING ZHES BYA BAR SMOS PA DE BAS NA 'DIR YONGS SU GYUR PA 'DI LA 'BREL PA SHES PAR BYA BA MA YIN NO, ,DE LA ZAS KYI 'BREL ZER MI BSRUNG BA NYID DU MI BYA'O ZHES BYA BA LA, DE ZHES BYA BA NI PU SHEL TZI'I SHING LA SOGS PA'O, ,GANG ZHIG ZANG ZING CAN DU 'GYUR BA NI ZANG ZING DANG BCAS PA NYID DU 'GYUR BA DE LA NI MI BSRUNG BA NYID DU MI BYA'O, ,MI RUNG BA NYID YOD PA LA 'DI NI RUNG BAR BYED PA YIN TE, 'DI NI GTZANG BAR BYA'O ZHES BYA BA DE LA 'DI BSTAN PA'O, ,BSKAM PAR YANG NGO ZHES BYA BA NI CHU SNOD BKRU BSHAL BYAS PA RNAMS LA'O, ,DE'I TSE 'BREL PAR MI 'GYUR BAR BYA BA'I PHYIR CIG CAR NYID DU MI BYA'O ZHES BYA BA NI BKRU BSHAL BYA BA DANG BSKAM PA'I DUS DE LA BREL PAR MA GYUR CIG CES BYA BA 'DI'I DON CIG CAR NYID DU 'DI BKRU BA DANG BSKAM PAR MI BYA'O, ,SNOD RNAMS KUN LA DUS GCIG TU MA YIN NO, ,CHU DANG 'BREL PA'I LAS NI GNAS PAS BYA BA YIN NO ZHES BYA BA NI 'DI RNAMS LA BRTZAM PA DANG GZHAN LA BRJOD PA'O, ,'DIR GZHUNG NI BCOM LDAN 'DAS KYIS CHU BLANG BAR BYA'O ZHES GSUNGS PA DANG, DGE SLONG GIS SUS BLANG BAR BYA MI SHES NAS, BCOM LDAN 'DAS KYIS BKA' STZAL PA, GNAS PA DAG GIS BYA'O ZHES GSUNGS PA YIN NO, ,CHU KHANG GI 'KHOR DU GTOGS PA DANG CHU TSAGS KYI BYA BA YANG 'DI RNAMS NYID LA RIGS PA YIN GYI GZHAN DU NA YANG ZHES BYA BA 'DI BSTAN PA YIN NO, ,SROG CHAGS DANG BCAS PA'I CHU DANG 'BREL PA PHRAN TSEGS LA SOGS PA'I SKABS SO,, ,,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,GANG LA 'DU SHES GTZO CHER BYED PA PO YIN ZHE NA, DE'I PHYIR ZHUGS PA'AM PHYOGS PA LA'O ZHES BYA BA SMOS SO, ,CI ZHIG LA ZHUGS PA'AM PHYOGS PA LA ZHE NA DE'I SPYOD PA LA'O ZHES BYA BA SMOS TE, GNYIS KYIS GNYIS SPYOD PA LA ZHES BYA BA'I DON TO, ,GANG GI SPYOD PA LA ZHE NA DE'I PHYIR SKYES PA DANG BUD MED KYI'O ZHES BYA BA SMOS SO, ,CI GNAS SKABS 'DI THAMS CAD LA YIN NAM ZHE NA, DE'I PHYIR KHYIM PA NYID DO ZHES BYA BA SMOS TE, GAL TE SKYES PA DANG BUD MED GNYIS KHYIM PA NYID YIN NA'O ZHES BYA BA'I

234b

DON TO, ,YANG DAG PAR SBYOR BA GCIG LA YANG KHYIM PA NYID MA YIN PA LA MCHOG PA'I KHA NA MA THO BA BSKYED PA ZHES BYA BA'I DON TO, ,CI DE GNYIS GNAS GANG NA 'DUG KYANG RUNG NGAM ZHE NA, DE'I PHYIR GNAS GZHAN NYID NA'O ZHES BYA BA SMOS TE, LTUNG BA LAS GZHAN GANG YIN PA DE'I GNAS GANG ZHIG DE DANG 'BREL PA NYID LA ZHES BYA BA'I DON TO, ,GNOD PAR GYUR PA LAS GZHAN MA YIN GYI RANG GI GNAS NYID DU NI NYES PA 'DI MI BSKYED CES BYA BA 'DI SHES PAR BYA'O, ,GANG ZHIG DGE SLONG GIS KHYIM PA LA G-YAR POR BYIN CING DE LA YANG KHA NA MA THO BA 'DIR 'GYUR RO, ,GANG ZHIG KHYIM PAS DGE SLONG DE LA NI LTUNG BA MED PAR RIG PAR BYA'O, ,DE BZHIN DU DGON PA LA YANG GAL TE DGE SLONG SNGA NA GNAS PA YIN NA NI DE LA LTUNG BA MED DO, ,GZHAN LA NI LTUNG BAR 'GYUR RO ZHES BYA BA GANG ZHIG GZHAN RAB TU BYUNG BA 'DI LA GTZUG LAG KHANG GCIG GAM GZHAN NA GNAS PA DE LA NI GNAS GZHAN NYID YIN PAR RIG PAR BYA BA MA YIN NO, ,DE LA YANG RUNG BA NYID YOD PA LA LTUNG BA 'BYUNG BAR 'GYUR TE, DE LA YANG GZHAN GYI DNGOS PO LA RJES SU 'BREL PA ZHES GSUNGS PA YIN NO, ,CI GNAS GZHAN TZAM 'BA' ZHIG LA 'DI RNAM PAR GZHAG GAM ZHE NA, DE'I PHYIR GNAS GZHAN MED PA NYID KYIS SPUD DU RUNG BA NYID, YIN NA'O ZHES BYA BA SMOS TE, GANG NYE BAR GNAS PA LA SPUD DU RUNG BA NYID YIN NA DE NI 'DIR GZHAN MA YIN ZHES BYA BA SHUGS KYIS RTOGS PA'O, ,GNYIS SPUD PA LAS BYUNG BA'I 'JUG PA'I LA GEGS SU GYUR PA GZHAN MED PAS RUNG BA NYID LA GNYIS KYIS GNYIS SPUD PA'I BDAG NYID CAN SBYOR BA LA ZHES BYA BA NI, 'DIR DON GYIS GZHAN YOD PA LA NI LTUNG BA MED DO, ,CI ZHIG RJES SU SGRUB NA DE BYED PA PO NYID YIN ZHE NA, DE'I PHYIR MNGON SUM DU BRNAGS PAS 'DUG NA'O ZHES BYA BA SMOS TE, PHYIS GNON BYAS TE STOBS KYIS GLO BUR DU BRNAGS PAS ZHES BYA BA 'DIS DE BSDUS PA YIN TE, DE NI 'DIR BSDUS PA'I DON TO, ,NYAL PO BYED PAR SHOM PA'I KHYIM NA 'DUG PA'I LTUNG BYED DO,, ,,SHES GTZO BO ZHES BYA BA LA SOGS PA NAS YANG DAG PAR SBYOR BA ZHES BYA BA'I MTHAR LTOS NAS SO, ,CI ZHIG RJES SU SGRUB NA 'DIR BYED PA PO NYID YIN ZHE NA DE LA BRJOD PAR BYA STE, DE'I PHYIR DBEN PAR BRNAGS

235a

, ,PAS 'GRENG NA'O ZHES BYA BA SMOS TE, SHIN TU LCI BA'I 'JUG PA LA LTUNG BA MED PA NI RIGS PA MA YIN PA'AM, NA SMAD PA DE BAS NA MTHAR THUG PA'I RTZE GCIG PA NYID NI 'DIR GNAS KYI TSIG DANG SNGA MA NI 'DUG PA'I TSIG GO, ,STAN LA GNAS SHING 'DUG PA'I NYES PA 'DI NI GZHAN TE 'DUG PA LA YANG SNGA MA'O ZHES RIG PAR BYA'O, ,MNGON SUM DU BA RNAGS PA'I GNAS LA NYES BYAS LA RNAM PAR GNAS PA NYID DU RIG PAR BYA BA YIN NO, ,CI GNAS THAMS CAD NA 'GRENG BA'I DGE SLONG LA 'AM ZHE NA, DE'I PHYIR SKYABS YOD PAR RO ZHES BYA BA SMOS TE, RTZIG PA'AM RIB MA'AM YOL BA'AM MUN NAG LA SOGS PA'I BDAG NYID CAN GEGS SU GYUR PA'I MIG GI YUL GANG YIN PA DE BSGRIBS PA STE, DE BAS NA MUN NAG GANG LA GNAS PA LA SNANG DU RUNG BA NYID MA YIN PA DE NI BSGRIBS PAR SHES PAR BYA BA YIN NO, ,CI DGOS PA GANG YANG RUNG BA GNAS PA YIN NAM ZHE NA, DE'I PHYIR GAL TE 'JIGS PA'I DBANG GIS MA YIN NO ZHES BYA BA SMOS SO, ,'DIR GZHUNG NI GAL TE 'JIGS PAR GYUR NA LTUNG BA MED DO ZHES GSUNGS PA YIN NO, ,MNGON SUM DU BRNAGS PAS 'DUG PA LA YANG 'JIGS PA'I DBANG GIS LTUNG BA MED CES BYA BA 'DI'I RJES SU 'BRANGS NAS RTOGS PAR BYA'O, ,'JIGS PAS GNAS PAS KYANG MTHO BTZAMS PA'I SEMS LA MNGON DU PHYOGS PAR GYUR PA 'DIR SHIN TU TSAR BCAD PA LA RTZE GCIG PAR GNANG BAR BYA'O, ,CI GNAS DER 'GRENG PA THAMS CAD DNGOS GZHI'I BYED PA PO NYID YIN NAM ZHE NA, DE'I PHYIR TSOR BYA DANG TSOR BYED NYID KYIS MA TSOR NA NYES BYAS KYI'O ZHES BYA BA SMOS TE, DE DANG 'DRA BA'I RDZAS BYUNG BA NYID LA SOGS PA GANG DU SGRIB PA SGRA BZUNG BA LA YANG SGRIB PA RNAM PA THAMS CAD DU RIG PAR BYA BA NYID LA GNAS PA GANG LA TSOR BA BYED PA PO NYID LA YANG DAG PAR SBYOR BA MED PA'I GNAS SKABS DE LA NYES BYAS KYI BYED PA PO ZHES BYA BA'I DON TO, ,GNAS GZHAN LA SEMS GTOD PA YANG NGO ZHES BYA BA NI YANG DAG PAR SBYOR BA PO NYID GNAS NAS GNAS GZHAN DU SEMS GTOD PA STER BA LA MTHONG BA 'AM THOS PAS DANG DA LTAR BYUNG BAR GYUR PA'I MNGON DUM DU BRNABS PA DANG DBEN PAR BRNAGS PA LA NYES BYAS KYI BYED PA PO NYID DO, ,BSLAB PA'I GZHI 'DI GNYIS KYANG 'DI NAS BRTZAMS NAS LHAG MAR

235b

GYUR PA'I GZHUNG ZHES BYA BA SHUGS KYIS RTOGS PAR BYA'O, ,'O NA NI CI TZAM LA 'DI DAG GIS GNAS PA GCIG PA NYID CES BYA BA 'DI LA BRJOD PAR BYA STE, 'DI LA MTHONG BA'I SPYOD YUL GYI MTHA' TSUN CHAD NI GNAS KYI MTHA' YIN NO ZHES BYA BA NI, 'DI DAG GI MIG GI SPYOD YUL GYI MTHA' TSUN CHAD NI GNAS KYI MTHA' YIN NO ZHES BYA BA'I DON TO, ,MDZOD LA 'DI LTAR SO SOR GNAS PA NYID THOB PA BSKYED PAR BYA STE, MDZOD NI KHONGS SU GTOGS PA NYID YIN NO ZHES BYA BA NI KHYIM GCIG PAR GYUR PA NYID LA KHYAMS KYI BDAG NYID CAN GYI KHANG KHYIM DANG LHAN CIG CES BYA BA 'DIS SHES PA YIN TE, GCIG TU NYE BAR SPYOD PA'I KHANG PA RNAMS LA GZHAN SGO BSKYAB PA LA LTA BA LTUNG BAR 'GYUR BA YIN TE, DE LA GNAS NAS GZHAN NYID BSTAN PA'I DON DU BRJOD PAR BYA STE, KHYIM GZHAN NI THA DAD PA NYID DO ZHES BYA BA NI NYAL PO BYED PAR SHOM PA YANG ZHES BYA BA 'DIS GAL TE GZA' GCIG PA NYID KYI BDAG NYID CAN GYI GNAS BRJOD PA NYID PHYIR GNYEN 'DUN THA DAD PA NYID LA TSIG 'DI SHES PAR BYA'O, ,NYAL PO BYED PAR SHOM PA'I KHYIM NA 'GRENG BA'I LHUNG BYED DO,, ,,PHO YANG RUNG MO YANG RUNG BA LA'O ZHES BYA BA NI RTAGS 'DI DANG RAB TU BYUNG BA'I 'DI MED PA'I GCER BU'O ZHES 'BYUNG BA DANG SBYAR RO, ,'DI LA 'DI'I RNAM PAR BRJOD PA STE, DE LTAR GYUR PA'I GCER BU'I GANG ZAG LA YANG BYED PA PO NYID DO, ,DE LTAR BUR GYUR PA LA YANG NGO ZHES BYA BA CI BUD MED DU GYUR PA'AM SKYES PAR GYUR PA GCER BU LA THAMS CAD YANG MA YIN NAM ZHE NA, DE'I PHYIR NYE DU DANG RAB TU BYUNG BA LA YANG LTOS PA DANG NAD PA MA GTOGS SO ZHES BYA BA SMOS SO, ,'DIR GZHUNG NI DGE SLONG 'GA' ZHIG GCER BU PA LA RANG GI SUG PA NAS BZA' BA DANG BCA' BA STZAL LA LTUNG BAR YANG MI 'GYUR BA 'GA' ZHIG MCHIS SAM, YOD DE NYE DU LA BYIN PA DANG, RAB TU BYUNG BA LA LTOS PA DANG NAD PA LA BYIN PA LA LTUNG BA MED DO ZHES GSUNGS PA YIN NO, ,DE JI LTA BUR GYUR PA ZHIG YIN ZHE NA, DE'I PHYIR RTAGS 'DI DANG RAB TU BYUNG BA 'DI MED PA'I GCER BU'O ZHES BYA BA SMOS TE, GANG LA RTAGS 'DI MED PA'I RTAGS TZAM GYI RAB TU BYUNG BA GANG YIN PA DE STE RAB TU BYUNG BA MA YIN PA DANG RTAGS 'DI LA RAB TU BYUNG BA LA NYAMS PA NYID DU 'GYUR BA YIN TE, DANG PO 'DI

236a

, ,PA'I RAB TU BYUNG BA NI GCER BU PA NYID DO, ,DE BAS NA GCER BU PA ZHES BYA BA 'DI LAS 'DI PA'I RAB TU BYUNG BA MA YIN PAR DGAG PA GRUB PA NYID DO, ,CI ZHIG LTA BUR GYUR PA'I GCER BU PA LA YIN NAM ZHE NA, DE'I PHYIR LUS SAM LUS DANG 'BREL PAR RO ZHES BYA BA SMOS TE, 'DIR CI ZHIG CES BYA BA 'DI LA RANG GIS BYIN NA ZHES BYA BA GSUNGS NA DE LA GANG BYIN NA ZHE NA, DE'I PHYIR BCA' BAR BYA BA DANG BZA' BAR BYA BA DAG GI ZHES BYA BA SMOS SO, ,CI RNAM PA GANG YANG RUNG BA ZHIG GAM ZHE NA, DE'I PHYIR RUNG BA DAG GO ZHES BYA BA SMOS SO, ,DE DAG SU LA RUNG BA ZHE NA, DE'I PHYIR RANG DANG DE LA'O ZHES BYA BA SMOS TE, RANG ZHES BYA BA NI LTUNG BA'I TSIG GO, ,DE LA ZHES BYA BA NI YANG DAG PAR BYIN PAR BYA BA GCER BU PA LA'O, ,'DIR GZHUNG NI ZHU BA LAS, BTZUN PA RE ZHIG DGE SLONG GIS GCER BU PA'AM GCER BU MA LA BCA' BAR BGYI BA DANG BZA' BAR BGYIR RUNG BA MA LAGS PAR STZOL NA LTUNG BA CIR 'GYUR, NYES BYAS SO, ,GAL TE DE LA RUNG BA MA LAGS PA DE 'DRA BA'I BCA' BAR BGYI BA DANG, BZA' BAR BGYI BA STZAL NA LTUNG BA CIR 'GYUR NYES BYAS SO ZHES GSUNGS PA YIN NO, ,GANG ZHIG DE LA MA YIN ZHES BYA BA 'OG MA'I DRI BA LAS GSUNGS NA SNGA ROL DU DGE SLONG LA MI RUNG BA GANG YIN PA DE BZUNG BA ZHES BYA BA DES PA'O, ,CI DON GANG YANG RUNG BA'I PHYIR SBYIN NAM ZHE NA, DE'I PHYIR SDIG PA CAN GYI LTA BA'I RNAM PA DANG BRAL PA NYID KYI PHYIR MA GTOGS SO ZHES BYA BA SMOS TE, 'DIR GZHUNG NI SDIG PA CAN GYI LTA BA'I RNAM PA DANG DBRAL BAR 'DOD PA NI LTUNG BA MED DO ZHES GSUNGS PA YIN NO, ,CI ZHIG RJES SU BSGRUB NA GCER BU PA LA SBYIN PA'I LTUNG BYED DU 'GYUR ZHE NA, DE'I PHYIR RANG GIS BYIN NA'O ZHES BYA BA SMOS SO, ,MI RUNG BA DAG NI NYES BYAS SO ZHES BYA BA NI RANG DANG DE LA MI RUNG BA'I BCA' BA DANG BZA' BA DAG SBYIN PA LA NI NYES BYAS TE, 'DI DAG SBYIN DU 'JUG NA SHIN TU NA SMAD PA NYID DE 'DI NI MTSON PA TZAM YIN NO, ,'DIR GZHAN LA YANG DNGOS GZHI MA YIN PAR BYAS PA SBYIN PA THAMS CAD DU SBYIN PAR BYAS LA GOS LA SOGS PA LA NYES BYAS SU RTOGS PAR BYA'O, ,SBYIN DU 'JUG NA YANG NGO, ,RANG GIS ZHAL TA BYAS NA'O ZHES BYA BA NI RANG GIS LUS SAM DE 'BREL PA

236b

LA MI RUNG BA'I BCA' BA DANG BZA' BA DAG LA NYES BYAS SO, ,DE LA GCER BU PA LA YONGS SU 'TSOL BAR BYED NA NYES BYAS SO, ,MNGON GSUM DU SBYIN PA LA 'DI DANG 'BREL PA MA YIN NO, ,RANG GIS GZHAL TA BYAS NA SBYIN DU 'JUG PA LA DE DANG 'BREL PA NYID LA GUS PA NYID DU 'GYUR BA YIN NO, ,DE BAS NA RANG GIS ZHAL TA BYAS NAS SBYIN DU 'JUG PA'I DBANG DU BYAS NAS NYES BYAS 'DI BRJOD PAR RIG PAR BYA'O, ,BGO BSHA' BYED NA YANG NGO ZHES BYA BA NI BGO BSHA' BYED NA YANG NGO ZHES BYA BA NI BGO BSHA' BYED PA'I NGO BOS BCA' BA DANG BZA' BA DAG LA LUS SAM DE DANG 'BREL PA LAS GZHAN DU NYES BYAS SO, ,GANG ZHIG SLONG BA 'BRAS BU DANG BCAS PA'I NGO BO GZHAN DU 'JOG PA GDOL PA BZHIN DU DE SBYIN PAS NA DE LA NYES PA MED DO, ,BGO BSHA' BYA BA'I TSUL GYIS 'DIR YONGS SU TSOL BAR BYED PAR 'GYUR BA NYID YOD PA YIN NO, ,DE BAS NA 'DIR NYES PA MED PA NYID MED DO, ,'DIR GZHUNG NI ZHU BA LAS GCIG TU BGO BSHA' BYA STE ZA NA NYES BYAS SO, ,GZHAN GYIS RANG GI DON DU BGO BSHA' BYED DU 'JUG PA LA NYES BYAS LAS SHIN TU NA SMAD PA NYID CES GSUNGS PA YIN NO, ,MI RUNG BA'I BZA' BAR BYA BA DANG BCA' BAR BYA BA DAG LA MDO SNGA MA DAG GIS SHES PAR BYA'O, ,GCER BU PA LA SBYIN PA'I LTUNG BYED DO,, ,,GANG DU DMAG LA LTA BA'I LTUNG BYED DU 'GYUR ZHE NA, DE'I PHYIR G-YUL LA RNAM PAR DGA' BA'I DMAG LA LTA BA'I DON NYID KYIS SO ZHES BYA BA SMOS TE, ZHUGS PA LA ZHES BYA BA DANG 'BREL LO, ,BSOD SNYOMS LA SOGS PA'I DON DU BYUNG BAS DMAG LA LTA BAR BYED NA YANG LTUNG BYED DO, ,CI RGYU MTSAN GANG YANG RUNG BAS BLTA'O COG LA'AM ZHE NA, DE'I PHYIR RGYAL PO DANG BTZUN MO DANG GZHON NU DANG ZHANG BLON DANG KHROM GYI RU SNA DANG, GRONG RDAL GYI MI DANG LJONGS KYI MIS BKUG PA DANG BAR CHAD BYUNG BA'I DBANG NYID MA GTOGS SO ZHES BYA BA SMOS STE, 'DI RNAMS KYIS KYANG BRJOD DE BAR DU GCOD PA'I RGYU MTSAN LA NYE BAR LTUNG BA DOR NAS ZHES BYA BA'I DON TO, ,STOBS KYIS BZUNG NAS KHYER BA NI BAR DU GCOD PA NYE BAR LTUNG BA LA KHONGS SU BSDUS PAR RIG PAR BYA'O, ,NYE BAR 'TSE BA DANG DGE 'DUN NAM GANG ZAG GAM MCHOD RTEN LA SOGS PA LA PAR DU GCOD PA NYID NI SHES PAR BYA BA MA YIN NO, ,RJES SU BSGRUB PA GANG LA LTUNG BA 'DI YIN ZHE NA, DE'I

237a

, ,PHYIR 'PHAGS PA'I NYEN KOR GYI MTHA' LAS 'DAS TE MTHONG NA'O ZHES BYA BA SMOS TE, GNAS GANG NA 'PHAGS PA'I GNAS DE'I NYE 'KHOR GANG YIN PA DE'I MTHA' GANG YIN PA DE LAS 'DAS TE MTHONG BA CHOS GOS KYI NYEN KOR GANG YIN PA DE NI 'DIR NYEN KOR DU RIGS PA YIN NO, ,GRONG DANG 'BREL PA DOR NAS 'DIR THOGS PA DANG BCAS PA'I KHYIM BZHIN DU MA BSGRIBS PA LA NYES PA MED PA LTAR, DGE SLONG GLANG PO CHE'I TSOGS LTA BA'I PHYIR 'GRO NA JI SRID DU MIG GIS MA MTHONG GI BAR DU NI NYES BYAS SO, ,MIG GIS MTHONG BAR GYUR NA NI LTUNG BYED DO, ,DE BZHIN DU RTA'I TSOGS DANG SHING RTA'I TSOGS DANG RKANG THANG GI TSOGS DANG ZHES BYA BA LA SOGS PA LTUNG BA BSTAN PA LA MTHONG BA TZAM LA DNGOS GZHIR GSUNGS SO, ,DE'I SNGA ROL DU NYEN KOR GYI MTHA' MA LAS MA 'DAS PAR DE'I DON DU 'JUG PA LA DE'I BZHIN BSGYUR BA TZAM GYIS MTHONG BA LA NI NYES BYAS SU GTOGS PAR BYA'O, ,DMAG LA LTA BA'I LTUNG BYED DO,, ,,GANG DU DMAG GI NANG DU GNAS PA'I LTUNG BYED DU 'GYUR ZHE NA, DE'I PHYIR DE DAG MED PAR DER NYIN MTSAN GNYIS LAS LHAG PAR 'DUG NA'O ZHES BYA BA SMOS TE, DE DAG MED PAR ZHES BYA BA NI RGYAL PO LA SOGS PAS BKUG PA DANG BAR CHAD NYE BAR BYUNG BA'I DBANG NYID DO, ,DER ZHES BYA BA NI G-YUL LA MNGON PAR DGA' BA'I DMAG LA'O, ,NYIN MTSAN GNYIS LAS ZHES BYA BA NI NYIN MO DANG MTSAN MO DAG LA'O, ,DE LAS GANG DU LHAG PAR 'DUG NA'O ZHES BYA BA 'DI NI NYIN MTSAN DAG GO, ,NYIN MTSAN GYI MTHAR YANG 'DUL BA'I THA SNYAD DO, ,DE BAS NA 'DI LA YANG DNGOS GZHI'I RNAM PAR GZHAG PA'O, ,'DIR YANG GANG ZHIG RNAM PAR GNAS PA LA SKAD CIG MA'I RJES SU MTHUN PA NYID MA YIN NO, ,DE'I PHYIR 'DIR SBYOR BA THOB PA 'DUN NAS RNAM PAR GNAS PA YIN GYI LTUNG BA MED PA NI MA YIN NO, ,KHA NA MA THO BA DANG BCAS PA'I RJES SU SGRUB PA LA DUS NAM GYI TSE BYAS PA KHA NA MA THO BA MED PA MA YIN NO, ,NYIN MTSAN GZHAN PO 'DI LA NI NYIN MTSAN GZHAN LA ZHUGS PA YANG MA YIN TE, DE BAS NA NYIN MTSAN SO SOR 'DIR KHA NA MA THO BAR RIG PAR BYA'O, ,DGOS PA MED NA SNGA MA LA YANG NGO ZHES BYA BA NI RIGS PA'I TSUL GYIS DGOS PA MED NA SNGA MA YANG NYIN ZHAG GSUM PAR 'DUG PA

237b

LAS GNAS PA GANG YIN PA DE LA YANG ZHES BYA BA'I DON TO, ,MTHAR NI DNGOS GZHI STE SNGA ROL DU NI NYES BYAS ZHES BYA BA 'DI LA 'DIR SNGA MA BZHIN DU RTOGS PAR BYA'O, ,'DIR GZHUNG NI DGE SLONG LA DE 'DRA BA'I RKYEN YOD PAR GYUR NA RTZOM PA'I DMAG LA LTA BA'I PHYIR NYE BAR 'GRO BAR BYA'O ZHES GSUNGS PA YIN NO, ,LEGS PA'I NGO BO 'DOD PA'I DON MED PA NA DMAG GI NANG DU SO SOR NYAMS SU MYONG BAR BYA BA MA YIN NO ZHES BYA BA GSUNGS PA DE'I TSIG GI BRJOD PA'O, ,DMAG GI NANG NA GNAS PA'I LTUNG BYED DO,, ,,DPUNG GI YAN LAG RNAMS NI BYED PA PO NYID DO ZHES BYA BA NI G-YUL LA MNGON PAR DGA' BA'I DMAG GI DPUNG GI YAN LAG GLANG PO CHE DANG RTA DANG SHING RTA DANG RKANG THANG DANG RGYAL MTSAN LA SOGS PA RNAMS KYI DMAG LA ZHES BYA BAR SBYAR RO, ,'DIR MTSON PA'I NI BRTZAMS PA'I G-YUL NGO RNAMS KYI YAN LAG TU RNAM PAR GNAS PA YIN ZHES BYA BA THAMS CAD KHONGS SU BSDU BA'O, ,CI DE THAMS CAD LA 'DI RNAMS BYED PA PO YIN NAM ZHE NA, DE'I PHYIR BAR CHAD KYI DBANG GIS 'GRO BA MA YIN PA LA'O ZHES BYA BA SMOS TE, SPANGS NAS ZHES BYA BA BRJOD PA DAG LA LTUNG BA MED DO, ,RGYU DAG LAS GCIG NI 'DIR RGYU NYID DE BAR CHAD KYI DBANG GIS LTUNG BA NYID DE, RGYAL PO LA SOGS PA LAS SMOS PA LAS NI MA YIN NO ZHES BYA BA'I DON TO, ,'DIR GZHUNG NI BAR CHAD BRGYAD PO DAG LAS BAR CHAD GANG YANG RUNG BA NYE BAR GNAS PAR GYUR NA NYES PA MED DO ZHES GSUNGS PA'I PHYIR RO, ,DE YANG DE TZAM DU ZAD KYI GNOD PA THAMS CAD NYE BAR ZHI BAR BYA BA'I DON DU 'GRO BA LA YANG 'DIR NYES PA MED PA LA SBYOR BA ZHES BYA BA NI BAR CHAD TZAM LA YANG DAG PAR BRTEN PA'O, ,BSDUS PA DANG SO SO DAG GO ZHES BYA BA NI G-YUL GYI YAN LAG RNAMS LA BYED PA PO NYID YIN NO ZHES BYA BAR SBYAR RO, ,DPUNG GI TSOGS SAM DMAG GI TSOGS YANG DAG PAR BSTAN PA ZHES BYA BA 'DI LA THAMS CAD DU BZUNG NAS BSDUS PA'O, ,'DIR DPUNG GI TSOGS NI DPUNG GI TSOGS LA RIG PAR BYA STE, TSOGS DANG 'BREL PA NYID KYIS RNAM PA BZHI PO RNAMS KYI TSIG GO, ,TSOGS RNAMS NI BZHI STE, 'BRU'I KHA LTA BU DANG, SHING RTA'I DBYIBS LTA BU DANG, ZLA KHAM GYI RNAM PA LTA BU DANG, NAM MKHA'I LDING GI 'DAB MA LTA BU'O, ,BSHAMS PA LA YANG RNAM PA BZHI STE, ZLA BA'I

238a

, ,RNAM PA LTA BU DANG, SHING RTA'I DBYIBS LTA BU DANG, G-YUL NGO RNAM PA LTA BU DANG, NAM MKHA' LDING GI 'DAB MA LTA BU'O, ,ZLA BA'I RNAM PA LTA BU ZHES BYA BA NI MDUN DU YANG RU DNGAR RGYAB TU YANG RU DNGAR GLOR YANG RU DNGAR LA DBUS NA RGYAL PO 'DUG PA'O, ,SHING RTA'I DBYIBS LTA BU ZHES BYA BA NI MDUN DU YANG RU DNGAR GLOR YANG RU DNGAR LA RGYAB NA RGYAL PO 'DUG PA'O, ,G-YUL NGO'I RNAM PA LTA BU ZHES BYA BA NI MDUN DU YANG RU DNGAR RGYAB DU YANG RU DNGAR LA DBUS NA RGYAL PO 'DUG PA'O, ,NAM MKHA' LDING GI 'DAB MA ZHES BYA BA NI GLOR YANG RU DNGAR LA MDUN NA RGYAL PO 'DUG PA'O, ,TSOGS DANG DMAG TSOGS KYI SGRA DAG LA RNAM GRANGS NYID KYI PHYIR DON GCIG PA NYID DU SHES PAR BYA'O, ,DE LTA BAS NA 'DI LTA STE, DMAG GI TSOGS SO SO NYAMS SU MYONG BAR BYA ZHES BYA BA 'DI'I BSHAD PA NI, TSOGS LA LTA BA SO SOR NYAMS SU MYONG BAR BYA ZHES GSUNGS PA YIN NO, , RNAM PA CI 'DRA BA 'DI RNAMS LA KHA NA MA THO BA GANG LA BYED PA PO NYID YIN ZHE NA, DE'I PHYIR STA GON BYAS PA RNAMS KYI'O, ,DNGOS LA DNGOS GZHI'O, ,SBYOR BA LA NI NYES BYAS KYI'O ZHES BYA BA SMOS TE, LTA GON MA BYAS PA DE LA NI GNYIS KA LA YANG NYES BYAS KHO NA'I BYED PA PO NYID YIN NO, ,GLANG PO CHE LA SOGS PA RNAMS LA GO BSKON PA NYID NI STA GON BYAS PA NYID DU RIG PAR BYA'O, ,SHING RTA BSHAMS PA DANG RGYAL MTSAN BSGRENG BA DANG, GZHU BDUNGS PA DANG, MDA' MDE'U CAN BDAR BA DANG RAL GRI PHYUNG BA NYID LA SOGS PA YIN PAR RIG PAR BYA'O, ,GNYI GA LA YANG ZHES BYA BA NI DNGOS GZHI DANG SBYOR BA LA'O, ,CI 'DIR DNGOS GZHI LA ZHES BYA BA BDUN LTUNG BA'I MTSAN MA NYID KYIS DNGOS GZHI BRJOD PA YIN NAM ZHE NA, DE'I PHYIR REG PA DANG BSHAMS PA DKRUG PA DANG LTA BA'I PHYIR 'PHAGS SHING NYE 'KHOR GYI MTHA' LAS 'DAS TE MTHONG BA LTA BU NI DNGOS GZHI DAG YIN NO ZHES BYA BA SMOS TE, RIN PO CHE SMOS PA ZHES BYA BAS MTSON CHA LA REG PA'I LTUNG BA GANG YIN PA DE NI 'CHAD PAR 'GYUR TE, DE LAS YUL GZHAN YIN PA DE ZHES BYA BA 'DI LAS RTOGS PAR BYA'O, ,'DIR BSHAMS PA NI GNAS NAS 'PHO BAR RNAM PAR GNAS PA YIN NO, ,DKRUGS PAS ZHES BYA BA NI LTA BA'I DON DU DKRUGS NAS NYE 'KHOR GYI MTHA' LAS 'DAS PA GANG YIN

238b

PA DER LTA BA'I PHYIR ZHES BYA BA'I DON TO, ,DGE SLONG GIS GLANG PO CHE GO BSKON PA BSHAM PAR BYED CES BYA BA NI KHA CIG GIS GLANG PO CHE DANG RTA DANG SHING RTA DANG RKANG THANG RNAMS LA BSHAM PA THOB PAR BRJOD PA YIN NO, ,GZHAN DU YANG GLANG PO CHE'I TSOGS LA LTA BA'I PHYIR NYE BAR 'GRO BAR BYED NA ZHES BYA BA LA SOGS PA GSUNGS PA YIN NO, ,DGE SLONG GIS GLANG PO CHE GO BSKON PA LA REG NA ZHES BYA BA GSUNGS PA YIN NO, ,LTA BA DANG REG PA DAG LA GNYI GA LA YANG SBYOR BA ZHES BYA BA 'DI GNYIS BSDUS PA'O, ,MA CHAS PA NYID LA NI NA SMAD PA NYID DO ZHES BYA BA'I G-YUL LA MNGON PAR DGA' BA NYID MA YIN PA LA'O, ,DE BAS NA 'DIR DMAG LA ZHES BYA BA RTOGS PA YIN NO, ,BSLAB PA'I GZHI GSUM PO DAG LAS G-YUL NGO'I PHYIR MA CHAS PA NYID LA NI DMAG GI DNGOS GZHI'I GNAS SU NI NYES BYAS LA, NYES BYAS KYI GNAS SU NI NYES BYAS PHRA MOR 'GYUR RO ZHES BYA BA DE LA 'DI BYED PA'O, ,RGYAL PO 'AM CHOM RKUN PA'I GRONG DU RKYEN DE LTA BU MA GTOGS PAR 'DIR ZHUGS PAR BYA BA NYID DU RIG PAR BYA'O, ,MI RUNG BA DANG RJES SU MI MTHUN PA'I RGYAL PO'I NANG DU NYE BAR 'GRO BA'O, ,SPYOD YUL NI RNAM PA LNGA STE, 'BROG DANG JI SRID DU RGYAL PO'I NYE 'KHOR ZHES BYA BA 'DI YANG 'DIR LUNG DU RIG PAR BYA'O, ,GLANG PO CHE DANG RTA DANG BYA GAG DANG BYA LA BA KA DANG, BYA BAR TA KA DANG, SKYES PA DANG BUD MED 'THAB PA LA SOGS PA BYA BA DANG, BYED DU GZHUG PA DANG BLTA BAR MI BYA'O ZHES BYA BA NI 'DIR GZHUNG NI PHRAN TSEGS DAG LAS LHAG MA DBANG DU BYED PA NI 'DI YIN TE, DE BAS NA G-YUL NGO'I YAN LAG TU GYUR PA GLANG PO CHA LA SOGS PA RNAMS NI 'DIR MI GZUNG NGO, ,DPUNG GI YAN LAG NYAMS SU MYONG BA'I LTU BA BYED DO,, ,,CI ZHIG BYAS NA RDEG PA'I LTUNG BYED DU 'GYUR ZHE NA, DE'I PHYIR RNYOG PA CAN GYI SEMS NYID KYIS DGE SLONG PHA ROL LA LUS SAM DES 'PHANGS PA'AM DE DANG 'BREL PA DAG GIS YANG RUNG BA THA NA RKANG PA'I MTHE BO'AM, YUNGS KAR RAM RTZVA DAG GIS BRDEGS NA'O ZHES BYA BA SMOS TE, RNYOG PA CAN GYI SEMS KYIS DGE SLONG PHA ROL LA ZHES BYA BA NI PHYI MA GSUM PO RNAMS LA'O, ,REG NA'O ZHES BYA BA NI, BRDEGS NA'O ZHES BYA BA RJES SU BSGRUB PA BSHAD PA'O, ,REG NA'O ZHES BYA BA NI MTHAR THUG PA'I

239a

, ,TSIG GO, ,RJES SU BSGRUB PA 'DI LA 'DI BSGRUB PA LA ZHES BYA BA'I DON TO, ,'DIR MNGON PAR ZHEN PA DANG KHROS PA DANG DRAG POR GYUR PA DANG YID MI BDE BA ZHES BYA BA GSUNGS PA YIN NO, ,NYE BA'I NYON MONGS PA GZHAN GYIS KYANG SBYIN PA LA KHA NA MA THO BA NYAMS PAS 'DIR BSKYED PAR RNAM PAR GNAS PA YIN NO, ,DE BAS NA RNYOG PA'I DNGOS PO LA BRTEN PA'O, ,GANG GIS BRDEGS PA LA YIN ZHE NA, DE'I PHYIR LUS SAM DES 'PHANGS PA'AM DE DANG 'BREL PA DAG GIS SO, ,LUS SAM DES 'PHANGS PA'AM DE DANG 'BREL PA DAG GIS SO ZHES BYA BA'I DON TO, ,'DIR 'GA' ZHIG TU NI SHIN TU YANG MA CHAD PA LA NA SMAD PAR SHES PAR BYA BA MA YIN ZHES BYA BA 'DI BSTAN PA'I DON DU GSUNGS PA NI GANG YANG RUNG BA ZHES BYA BA LA SOGS PA THA NA RKANG PA'I MTHE BO LA SOGS PA GRANGS JI LTA BA BZHIN DU'O, ,LUS LA SOGS PA RNAMS KYI MTHAR THUG PA LA YANG DAG PAR RIG PAR BYA'O, ,GANG LA BRDEGS PAR YIN ZHE NA, DE'I PHYIR DGE SLONG LA'O ZHES BYA BA SMOS TE, LTUNG BA 'BYIN PA PO YANG DGE SLONG YIN TE, DER BDAG NYID LA YANG BRDEGS PA LA ZHES BYA BA THOB PA'O, ,DE'I PHYIR GSUNGS PA NI PHA ROL LA ZHES BYA BA SMOS PA YIN NO, ,'OG MA GSUM PA LA YANG ZHES BYA BA NI DE MA THAG PA'I GSUM LA BZA' BA DANG, GNAS NGAN LEN 'CHAB PA DANG ZAN GCOD DU 'JUG PA ZHES BYA BA BSLAB PA'I GZHI RNAMS LAS DGE SLONG PHA ROL PO LA YANG 'DI BLTA BAR BYA'O, ,CI BRDEG PA YOD PA LA GZHAN DE'I 'BRAS BUR GYUR PA SGRUB PA LA YIN NAM 'ON TE BRDEGS PA KHO NA LA YIN ZHE NA, DE'I PHYIR REG NA'O ZHES BYA BA SMOS TE, BRDEG PA'I BDAG NYID CAN GYI RJES SU BSGRUB PA YOD PA LA REG PA BSGRUB PA LA ZHES BYA BA'I DON TO, ,CI LTUNG BYED GCIG TU 'GYUR RAM ZHE NA, DE'I PHYIR BRDEG SPYAD RE RE LA'O ZHES BYA BA SMOS TE, SOR MO LA SOGS PA'I BRDEG SPYANG JI SNYED KYIS REG PAR GYUR PA DE SNYED KYI LTUNG BYED DU 'GYUR RO ZHES BYA BA'I DON TO, ,MA PHOG NA NYES BYAS SO ZHES BYA BA NI SOR MO LA SOGS PA BRDEG SPYAD DAG GIS MA PHOG NA NYES BYAS SO, ,BRDEG PAR BYA BA GZHAN YIN LA, GZHAN LA BRDEG PAR MI BYA'O ZHES BYA BA NI SEMS BRDEG PAR BYA BA NYID LA RANG GI LUS LA BRDEG PA 'DI BKAG PA'O, ,'DIR

239b

GZHUNG NI DE LTA BAS NA DGE SLONG GIS BRDEG PAR BYA BA GZHAN YIN LA, GZHAN LA BRDEG PAR MI BYA'O ZHES GSUNGS PA LA BU YIN NO, ,KA BA LA BRDEG PAR MI BYA'O, ,RTZIG PA DANG, SA DANG SHING LJON PA DANG GZHAN LA YANG NGO ZHES BYA BA NI PHRAN TSEGS RNAMS LA 'BRAS BU LA SOGS PA DE DBAB PA'I DON DU 'DIR BRDEG PA STER BA LA SOGS PA 'BYUNG PO'I TSOGS 'JIG PA'I CHO GA LA DE KHONGS SU 'DUS PA ZHES BYA BA GZHAN 'GOG PA NI 'DI'I YUL LO, ,BUD SHING GI DON DU SHING LJON PA DANG, MAndAL GYI DON DU SA BRDUNG BA LA SOGS PA 'DI LTA BU LA YANG, CI 'DIS BKAG PA NYID YIN NAM ZHE NA, MA YIN TE ZHES BSTAN PA NI BRDEG PA STER BA'I SBOM PO LA 'JUG PA LA 'DI BKAG PA YIN GYI GZHAN LA NI MA YIN NO, ,DE LTAR YANG TSE DANG LDAN PAS RI SHING GSHEGS PA 'JUG PA 'BYUNG BAR 'GYUR RO, ,BRDEG PA'I LTUNG BYED DO,, ,,GANG DU GZAS PA'I LTUNG BYED CES BYA BA 'DI LA RNYOG PA CAN GYI SEMS NYID CES BYA BA LA SOGS PA NAS GZAS PA NA'O ZHES BYA BA LA SOGS PA'I MTHA' MA LA LTOS NAS BRJOD PAR BYA STE, DE'I PHYIR BRDEG PAR GZAS PA NA'O ZHES BYA BA SMOS TE, CI 'DIR GCIG NYID DU 'GYUR RAM ZHE NA, DE'I PHYIR RDZAS RE RE LA'O ZHES BYA BA SMOS TE, SOR MO LA SOGS PA'I RDZAS JI SNYED GZAS PA DE SNYED KYI LTUNG BYED DU 'GYUR RO ZHES BYA BA'I DON TO, ,GZAS PA'I LTUNG BYED DO,, ,,CI ZHIG BYAS NA GNAS NGAN LEN 'CHAB PA'I LTUNG BYED DU 'GYUR ZHE NA, DE'I PHYIR PHAM PAR GYUR PA DANG DGE 'DUN LHAG MA DAG BCAB BA ZHES BYA BA SMOS TE, GNAS NGAN LEN CES BYA BA 'CHAD PAR 'GYUR BA DANG DE DANG 'DI LA 'BREL PA'O, ,CI BCAB PA RNAM PA THAMS CAD LA GNAS NGAN LEN DU 'GYUR RAM ZHE NA, DE'I PHYIR BDE BA LA MI REG PA DANG DGE SBYONG GI TSUL DANG TSANGS PAR SPYOD PA'I BAR CHAD DANG, DGE 'DUN 'KHRUG TU DOGS PA'I DBANG NYID MA GTOGS PAR 'CHAB NA'O ZHES BYA BA SMOS TE, DBANG NYID CES BYA BA'I SGRA NI BDE BA LA MI REG PA LA SOGS PA THAMS CAD DANG SBYAR BAR BYA'O, ,BAR CHAD CES BYA BA'I SGRA NI DGE SBYONG GI TSUL DANG, TSANGS PAR SPYOD PA GNYIS DANG SBYAR BAR BYA'O, ,BDE BA LA MI REG PA'I DBANG NYID DANG, DGE SBYONG GI TSUL GYI BAR CHAD KYI DBANG NYID DANG, TSANGS PAR SPYOD

240a

, ,PA'I BAD CHAD KYI DBANG NYID DANG, DGE 'DUN 'KHRUG TU DOGS PA'I DBANG NYID MA GTOGS PAR GZHAN PHAM BAR 'GYUR BA DANG DGE 'DUN LHAG MA DAG 'CHAB NA ZHES BYA BA'I DON TO, ,DE LA 'DIR DGE SBYONG GI BAR CHAD LA SOGS PA NI DPE TZAM DU RIG PAR BYA'O, ,GANG ZAG GI GZHI 'KHOR DANG BCAS PAS 'CHAB PA'I CHO GA SHES PAR BYA'O, ,DUS GANG GI TSE BCABS SHE NA, DE'I PHYIR NYIN MTSAN GYI MTHAR RO ZHES BYA BA SMOS TE, GANG GI RJES LA SKYE RENGS 'CHAR KA TSUN CHAD CES BYA BA'I DON TO, ,SNGA ROL DU NI NYES BYAS SO ZHES BYA BA NI NYIN MTSAN GYI MTHA'I SNGA ROL DU 'CHAB PA LA NI NYES BYAS SO, , LTUNG BA GZHAN YANG NGO ZHES BYA BA CHUNG BA LA DON 'THOB PA LA PHAM PAR GYUR PA DANG, DGE 'DUN GYI LHAG MA DAG LAS GZHAN PA'I LTUNG BYED BCABS NA NI NYIN MTSAN GYI MTHAR YANG NYES BYAS LA SNGA ROL DU YANG NYES BYAS SO, ,GNAS NGAN LEN 'CHAB PA'I LTUNG BYED DO,, ,,CI ZHIG BYAS NA ZAN GCOD DU 'JUG PA'I LTUNG BYED DU 'GYUR ZHE NA, DE'I PHYIR NAD KYI GNYEN PO'I DON NYID MA GTOGS PAR CHED DU BSAMS TE KHYIM PA SBYIN PA PO ZAN GCOD DU BCUG NA'O ZHES BYA BA SMOS TE, ZAN GANG GI SBYIN PA PO KHYIM PA GANG YIN PA DE NI SBYIN PA PO KHYIM PA'I ZAN TE, DE GCOD PA NI DGE SLONG GI CHED DU BSAMS TE ZAN GANG GIS GCOD DU BCUG NA ZHES BYA BA'I DON TO, ,CI RNAM PA THAMS CAD DU BCUG PA LA YIN NAM ZHE NA, DE'I PHYIR NAD KYI GNYEN PO'I DON NYID MA GTOGS PA ZHES BYA BAR SBYAR RO, ,GCOD DU BCUG PA NI DER RANG GI TSIG GIS ZHES BYA BA 'JUG GO, ,DE LTA BAS NA SPRING YIG DANG LAG YIG DANG LAG RTZIS DANG; MNGAGS PA DANG BRGYUD PA DANG ZUR GYIS GCOD DU BCUG NA NYES BYAS SO, ,'DIR GZHUNG NI ZHU BA KHA CIG LAS GSUNG DE 'DIS BSDUS PAR RIG PAR BYA'O, ,SBYIN BDAG KHYIM PA DAG ZAN GCOD PAR BYED DU BCUG PA 'DIR GZHUNG NI ZHU BA KHA CIG LAS MU STEGS CAN GYI KHYIM BDAG TU BYED DU BCUG NA NYES BYAS SO ZHES GSUNGS PA YIN NO, ,ZAN GCOD DU 'JUG PA'I LTUNG BYED DO,, ,,SENG GE LA REG PAR MI BYA'O ZHES BYA BA NI ME DANG 'DRA BAR BSNYEN PAR DKA' ZHING BZOD PAR DKA' BA NYID YIN PA'I PHYIR REG PAR BYA BA MA YIN TE, RIN PO CHE'AM DE DANG MNYAM PA NYID KYI PHYIR NI MA YIN NO, ,DE

240b

BAS NA DER 'JUG PA'O, ,RIN PO CHE 'AM DE DANG 'DI MNYAM PAS DE REG PA BKAG PA LA DUS BYIN GYIS BRLAB PA'I RNAM PA BSTAN PA'I PHYIR, DE LA DUS BYIN GYIS BRLABS PA'I NGO BO GSUNGS PA NI STON PA DANG CHOS DANG DGE 'DUN DANG TSANGS PAR SPYOD PA RNAMS KYIS CHOS DANG LDAN PA'I BYA BA'I DON NYID DANG LHUNG BZED DANG TSON GYI LAS LA BRTAG PA NI DUS BYIN GYIS BRLABS PA YIN NO ZHES BYA BA SMOS TE, DE RNAMS KYIS CHOS DANG LDAN PA'I BYA BA GANG YIN PA DE'I DON NYID LA REG PA LA LHUNG BZED DANG TSON GYI LAS LA BRTAGS PA NI DUS BYIN GYIS BRLABS PA'O, ,'DIR GZHUNG NI DUS BYIN GYIS BRLAB PAR BYA'O ZHES GSUNGS PA DANG, DE DAG GIS GANG GI DON DU BYIN GYIS BRLAB PA MI SHES NAS, BCOM LDAN 'DAS KYIS BKA' STZAL PA, STON PA'I BYA BA DANG CHOS DANG DGE 'DUN DANG, SLOB DPON DANG MKHAN PO DANG, TSANGS PA MTSUNGS PAR SPYOD PA'I BYA BAS MNGON PAR BRTEN PA NI BYIN GYIS BRLAB PA DANG, MNGON PAR 'DU BYED PA SEMS KYIS 'DIR RNAM PAR GNAS PA YIN NO, ,CHOS DANG LDAN PA'I BYA BA'I DON GYI DBANG NYID KYIS NI 'DIR 'JUG PAR RIGS PA YIN TE, DE'I PHYIR CHOS DANG LDAN PA'I DON NYID KYI TSIG GO, ,SLOB DPON DANG MKHAN PO DAG LA NI MA YIN TE TSANGS PA MTSUNGS PAR SPYOD PA DAG LA YANG MA YIN NO; ,DE BAS NA 'DIR DE DAG GI ZHES BYA BA'I TSIG GO, ,'DIR LHUNG BZED DANG TSON GYI LAS ZHES SMOS PAS NI, RANG GI LHUNG BZED DANG CHOS GOS KYI LAS BSTAN TO, ,LHUNG BZED KYI LAS BYA'O ZHE 'AM, TSON GYI LAS BYA'O ZHES YID KYIS BRTAG PA GANG YIN PA DE NI DUS BYIN GYIS BRLAB PA YIN NO, ,YUN RING DU BYIN GYIS BRLAB PAR BYA'O ZHES BYA BA NI DUS ZHES BYA BAR SBYAR RO, ,'DIR GZHUNG NI DGE SLONG DAG LHUNG BZED KYI LAS DANG TSON GYI LAS DAG BYED PA NA YANG DANG YANG BRJED NGAS PAS ME LA REG NAS DE DAG 'GYOD PA SKYES PA DANG, BCOM LDAN 'DAS KYIS BKA' STZAL PA, DUS YUN RING DU BYIN GYIS BRLAB PAR BYA'O ZHES BYA BA DE 'DIS BSDUS PA YIN NO, ,CI ZHIG BYAS NA ME'I THA SNYAD KYI LTUNG BYED DU 'GYUR ZHE NA, DE'I PHYIR RTZE BA NYID NA'O ZHES BYA BA SMOS SO, ,DE RNAM PA GANG GIS YIN ZHE NA, RTZE BA'I NGO BO BSTAN PA'I PHYIR GZHAN LA GTONG BAS ZLA BA DANG NYI MA DANG MGAL ME'I 'KHOR LO LA SOGS PA BYED PAS SO ZHES BYA BA

241a

, ,SMOS SO, ,CI ZHIG RTZE BA LA ZHE NA, DE'I PHYIR ME'I ZHES BYA BA SMOS SO, ,CI RTZE BA 'BA' ZHIG LA LTUNG BA 'DIR 'GYUR RAM ZHE NA, DE'I PHYIR DUS BYIN GYIS MA BRLABS PA'I DGE SLONG NA BA'I DBANG NYID DU GNAS PA MA YIN PAS REG NA'O ZHES BYA BA SMOS TE, ME LA ZHES BYA BAR SBYAR RO, , JI LTAR REG NA ZHE NA DE'I PHYIR RANG NGAM BSGO BAS SO ZHES BYA BA SMOS TE, CI RTZE BAS REG PA 'BA' ZHIG LA LTUNG BA 'DIR 'GYUR RAM ZHE NA DE'I PHYIR, SBAR BA DANG GSOD PA DANG REG PA DANG MA REG PA'I BUD SHING BSKUL BA DANG BCAS PA 'DREN PA DANG MA DAG MA SPUNG BA DANG 'BRU BA DAG LA'O ZHES BYA BA SMOS SO, ,DUS BYIN GYIS MA BRLABS PA'AM NA BA'I DBANG NYID DU GNAS PA MA YIN PA'I RANG NGAM BSGO BAS ZHES BYA BAR SBYAR RO, ,ME SBAR TAM GSOD DAM MES REG PA'I BUD SHING BSKUL TAM, MES MA REG PA'I BUD SHING BSKUL TAM, ME DANG BCAS PA'I BUD SHING 'DREN TAM BSKUL TAM, MA DAG MA SGRUNGS SAM 'BRU BAR BYED PA 'DI RNAMS LA ZHES BYA BA'I DON TO, ,'DIR GZHUNG NI DGE SLONG ME SBAR BAR BYED NA DES DUS BYIN GYIS BRLAB PAR BYA'O, ,BYIN GYI MA BRLABS PAR SBAR BAR BYED NA LTUNG BYED DO ZHES GSUNGS PA YIN NO, ,SBAR TAM GSOD PA DAG LA NI 'DI YIN TE, BUD SHING MES REG PA BSKUL TAM, MAS MA REG PA'I BUD SHING BSKUL TAM, ME DANG BCAS SHING 'BREL PA'I BUD SHING PHYIR DRANGS SAM, MDAG MA DAG SPUNGS SAM DE BZHIN DU MGAL BAR SKUL BAR BYED DAM, MGAL BA 'DREN PAR BYED DAM, SHING 'DZUD PAR BYED NA THAMS CAD LTUNG BYED DO ZHES GSUNGS PA YIN NO, ,MES MA REG PA'I BUD SHING BSKUL TAM ZHES BYA BA GZHAN KLOG PA 'DI BUD SHING BSKUL BAR GYUR NA LTUNG BYED DU 'GYUR RO ZHES SMOS PA DANG, 'DIR RANG GIS BSKUL BA LA NI LTUNG BA MED DO ZHES BYA BA DANG, 'DIR GZHAN LA BSGO BA ZHES BYA BA MDO'I TSIG LAS RTOGS PAR BYA'O, ,ME MA MUR NI PHYED SHI BA NYID DO ZHES BYA BA NYES BYAS BYED PA PO NYID YIN NO ZHES BYA BA'I DON TO, ,'DIR GZHUNG NI ME MA MUR LA REG NA NYES BYAS SO ZHES GSUNGS PA YIN NO, ,ME LCE DAG KYANG NGO ZHES BYA BA LA, YANG GI SGRAS NI PHYED SHI BA NYID CES BYA BA'I RJES SNYEGS PA'I PHYIR SMOS SO, ,'DIR GZHUNG NI ME MA MUR LA REG NA NYES BYAS SO ZHES GSUNGS PA YIN NO, ,'DIR

241b

GANG ZHIG ME MA MUR DANG ME LCE RNAMS LA DER BUD SHING 'DZUD PA DANG 'BYIN PA NI ME GZHAN GYI NYES PA KHO NA YIN GYI DER CI ZHIG 'DIR BYAS PAS NYES BYAS SU RTOGS PAR BYA ZHES BYA BA 'DIR STON PA NI DER BUD SHING 'JUG PA DANG 'BYIN PA NI ME GZHAN GYI NYES PA YIN NO ZHES BYA BA SMOS TE, ME GZHAN DU 'DZUD PA NI 'DI YIN TE, ME MA MUR DANG ME LCE'I 'JUG PA NI MA YIN NO, ,DE LTA BAS NA DE'I DBANG GIS 'DIR LTUNG BA 'BYUNG BA MA YIN NO, ,ME GZHAN GYI DBANG KHO NAR LTUNG BAR 'GYUR ZHES BYA BA'I DON TO, ,'DIR 'DZUD PA LA NI LTUNG BYED DU SHES PAR BYA'O, ,SKRA DANG KHA SPU DANG SEN MO DANG MCHIL MA DANG SNABS DANG SKYUGS PA DANG RLUGS PA DANG, MON SRAN SNGE'U DANG, MON SRAN GRE'U DANG TIL DANG 'BRU MAR DANG SBRANG RTZI DANG MAR DAG NI BUD SHING GI PHYED NYID DO ZHES BYA BA SMOS TE, BUD SHING GI PHYED DU GYUR PA 'DI RNAMS LA NI NYES BYAS TE, 'DI RNAMS LA NI 'JOG PA DANG 'DON PA DAG LA ZHES BYA BA'I DON TO, ,KLOG PA KHA CIG LAS DGE SLONG GIS ME'I NANG DU SKRA DANG SPU DANG RUS PA DANG SEN MO DAG 'JUG NA NYES BYAS SO ZHES GSUNGS PA YIN NO, ,GZHAN DU NA YANG ME'I NANG DU MCHIL MA DANG SNABS DANG SKYUGS PA DANG RLUGS PA DAG 'DZUD NA NYES BYAS SO ZHES GSUNGS PA DANG, ZHU BA LAS KYANG BTZUN PA RE ZHIG DGE SLONG GIS TIL MAR DANG MON SRAN SDE'U DANG, MON SRAN GRE'U ZHUGS SU GSOL NA LTUNG BA CIR 'GYUR, NYES BYAS SO, ,KLOG PA KHA CIG LAS BTZUN PA RE ZHIG DGE SLONG GIS MAR DANG 'BRU DANG SPRANG RTZI ZHUGS SU STZOL NA LTUNG BA CIR 'GYUR, NYES BYAS SO ZHES BYA BA'I DON TO, ,DE BZHIN DU RUS PA DANG MCHIL MA BSREGS NA NYES BYAS SO ZHES GSUNGS PA YIN TE, DE DAG NI BSDUS NAS SMRAS SO, ,DE DAG KYANG DPE TZAM DU ZAD DE RTZVA DANG SHING DANG RAS PA LA DANG BAL DU GYUR PA YANG DE DANG 'DRA BAR BCAS PA'I CHOS CAN NO, ,GZHAN GYI BYA BA GZHAN LA BYIN GYIS RLOB PA NI PHYED BYIN GYIS BRLABS PA YIN NO ZHES BYA BA LA, 'DI NI DON JI LTA BAR BYIN GYIS BRLAB PAR BYA BA MA YIN TE, DE LTA BAS NA 'DI NI NA SMAD PA YIN NO, ,'DIR GZHUNG LA LA DAG LAS NI 'DI SKAD CES DGE SLONG GIS MKHAN PO'I BYA BA LA ME LA REG CING SLOB DPON LA BYIN GYIS RLOB PAR BYED NA NYES BYAS SO, ,CHOS KYI BYA BAS DGE 'DUN LA BYIN GYIS RLOB PAR BYED NA NYES BYAS SO, ,THAMS CAD PHYIN CI LOG TU

242a

, ,BYIN GYIS RLOB PAR BYED NA NYES BYAS SO ZHES GSUNGS PA YIN NO, ,ME LA REG PA'I LTUNG BYED DO,, ,,CI ZHIG BYAS NA DAD PA PHYIR BSGYUR BA'I LTUNG BYED DU 'GYUR ZHE NA, DE'I PHYIR DGE SLONG GI DON GYI CHED KYI LAS BYAS PA LA DAD PA PHUL BA'I PHYIR BSGYUR BA'I PHYIR SMRAS NA'O ZHES BYA BA SMOS STE; DGE SLONG DANG 'BREL PA'I DON GYIS DGOS PA GANG YIN PA DE NI DGE SLONG GI DON TO, ,DON DE'I PHYIR LAS BYAS PA GANG YIN PA DE NI DGE SLONG GI DON CHED DO, ,DON GYI CHED DE LA GSOL BA DANG BRJOD PA DANG DGAG DBYE DANG BSGO BA'I BDAG NYID KYIS LAS BYAS PA GANG YIN PA DE DON GYI CHED KYI LAS SO, , LAS DE BYAS PA LA ZHES BYA BA NI BYAS ZIN PA LA'O, ,LAS BYAS PA DE LA DAD PA PHUL BA PHYIR BSGYUR BA'I PHYIR SMRAS PA NI DGE SLONG DAD PA SLAR BYIN CIG, KHYOD LA MI SBYIN NO ZHES DE SKAD ZER ZHING PHYIR 'PHROG PA STE, DE BAS NA DAD PA PHYIR BSGYUR BA'I LTUNG BYED DU 'GYUR RO ZHES BYA BA'I DON TO, ,TSOGS PA 'DI 'JIG PA DGE 'DUN 'BYED PA ZHES BYA BA'I KHA NA MA THO BA'O, ,DAD PA PHYIR BSGYUR BA'I LTUNG BYED DO,, ,,ZLA BA DANG NYI MA MA GTOGS PA'I SNANG BA DANG BCAS PA'I GNAS KYI PHYOGS SU NYAL BAR MI BYA'O ZHES BYA BA NI, ZLA BA DANG NYI MA DAG MA GTOGS PA'I SNANG BA ZLA BA DANG NYI MA DAG LAS GZHAN PA'I SNANG BA KHYIM GYI PHYOGS GANG NA YOD PA DER RO, ,KHYIM DE NI DER GANG ZHIG SLAR BKAB PA DANG YONGS SU BSKOR BA KHYIM GYI THA MAR ZHES BYA BA 'DI 'JUG PAS KHYIM 'DI'I NGO BO RIG PAR BYA'O, ,'DI PHYOGS KYI TSIG NI PHYOGS GANG NA SNANG BA MED PA DER NYAL BA LA NI NYES PA MED DO ZHES BYA BAR STON TO, ,PHYOGS DE LAS GZHAN DU NI LTUNG BA MED CES BYA BA'I DON 'DI BSGRUB PA'I DON DU'O, ,'O NA 'DI LTAR SNANG BA DANG BCAS PA NYID LA PHYOGS GCIG TU SNANG BA DANG BRAL BA'I PHYOGS LA SNANG DU RUNG BA NYID YOD DO ZHE NA, BDEN MOD KYI 'ON KYANG 'DI NI LONGS SPYOD CAN GYI YO LANG SPANG BA'I PHYIR YIN GYI, LTA BA'I PHYIR BKAG PA NI MA YIN NO; ,'DIR GLENG GZHI NI GTZO BO MA YIN TE, ZLA BA DANG NYI MA DAG LAS SPANG BA MA YIN PA NYID BRJOD PA'I PHYIR RO, ,NYAL BAR MI BYA'O ZHES BYA BA NI GNYID LOG PA LAS 'DA' BAR BYA STE, DE NYAL NA MTSAN MO'I MTHAR NI DNGOS GZHIR 'GYUR BA'I NYES BYAS SO, ,MDUN ROL DU NI SBYOR BAR 'GYUR BA'I

242b

ZHES BYA BA 'DI 'DIR RTOGS PAR BYA'O, ,CI RNAM PA THAMS CAD NYID KYIS DE LTA YIN NAM ZHE NA, DE'I PHYIR NAD PA DANG, NAD G-YOG GI DBANG NYID MA GTOGS SO ZHES BYA BA SMOS TE, NAD PA'I DBANG NYID DANG NAD G-YOG GI DBANG NYID KYIS DER NYAL BA NI MA GTOGS SO, ,'DI LA KHA CIG NI LTUNG BYED CE'O ZHES BYA BA NI 'DIR SNANG BA DANG BCAS PA'I KHYIM GYI PHYOGS SU NYAL BA 'DI LA 'DUL BA 'DZIN PA KHA CIG NI LTUNG BYED DU 'DOD DO, ,DE NI MI RIGS TE BSNYEN PAR MA RDZOGS PA DANG LHAN CIG TU NYAL NA ZHES SMOS BA YIN TE, DE BAS NA DGE SLONG GIS SNANG BA DANG BCAS PA'I GNAS SU BSNYEN PAR MA RDZOGS PA DANG LHAN CIG NYAL BAR MI BYA'O, ,NYAL NA LTUNG BYED DO, ,'DIR GZHUNG NI KLOG PA KHA CIG LAS BSNYEN PAR MA RDZOGS PA DANG LHAN CIG NYAL BA 'DI LA DE'I 'OG TU LTUNG BYED BCA' BAR MDZAD DE, 'DIR SNANG BA DANG BCAS PAR 'JUG PA 'DI LA BSNYEN PAR MA RDZOGS PA DANG LHAN CIG NYAL BA BSDUS PA NI MA YIN TE, RIGS THA DAD PA NYID KYI PHYIR RO, ,'DIR LTUNG BYED RNAMS MI RIGS PAS 'DI DANG 'BREL PA'I LTUNG BYED DU RNAM PAR GZHAG PAR 'GYUR BA MA YIN NO, ,NYAL BA MA YIN PA NI BYED NYID DO ZHES BYA BA NI 'DI DAG THAMS CAD BSLAB PA'I GZHI RNAMS LA DANG POR NYAL BA DANG, BSLAB PA'I GZHI RNAMS LA NYAL BA MA YIN PA LAS GZHAN PA'I SPYOD LAM LA NI PHYED NYID NI NA SMAD PA BYED PA NYID DO, ,NYAL BA MA YIN PA LA SHIN TU MA CHOG PA NYID DE SNANG BA DANG GNYID 'DA' BAR BYED PA DANG MTSAN MO'I MTHA' NI NYES BYAS SO, ,BSNYEN PAR MA RDZOGS PA DANG BCAS PA'I DGE SLONG LA NI NYES BYAS SO, , BSNYEN PAR MA RDZOGS PA LA SOGS PA DANG LHAN CIG TU NYAL BA LA LTUNG BYED DU MI 'GYUR TE, NYAL BA BRTAG PAR BYA'O ZHES BYA BA LA NYAL BA'I TSEG 'DI NI 'DIR GZHUNG NGO, ,GANG GI PHYIR 'DUG PA LA NI NYAL BA'I TSIG 'JUG PA YIN TE, RMI LAM DU GNYIS PO YANG 'DIR YAN LAG DANG YAN LAG CAN DU GYUR PA MNGON PAR 'DOD PA STE, DE LTAR YANG BUD MED DANG LHAN CIG TU NYAL BA LA NI DBUGS PHYUNG BA DGE SLONG YID BRTAN PA MI 'JOG PAR GLOS 'BEBS SAM, GNYID LOG PAR BYED NA ZHES BYA BA'I YAN LAG GNYIS GSUNGS SO, ,NYIN MO THA DAD PA NYID KYANG NGO ZHES BYA BA NI DE YANG PHYED NYID DE ZHES BYA BA'I RJES

243a

, ,SNYEG PA'I PHYIR KYANG NGO ZHES BYA BA'I SGRA SMOS SO, ,NYIN MO'I 'JUG PA LA DE'I RIGS DANG MI LDAN PA MA YIN PA ZHES BYA BA 'DIR NYES PA DANG LDAN PA NYID SHES PA'O, ,SNANG BA LA YANG 'DIR NI NYI MA'I SNANG BA ZHES BYA BA'I TSIG GIS SO, ,GANG GI PHYIR MTSAN MO NYI MA'I SNANG BA MED PAS SO; ,DE BAS NA 'DIS NYIN MO YANG SNANG BA DANG BCAS PAR NYAL BAS LTUNG BA BSTAN PAR 'GYUR RO, ,'JUG PA 'DI GANG DE DANG 'DRA BA NYID NI BSNYEN PAR MA RDZOGS PA DANG LHAN CIG TU NYAL BA DANG BUD MED DANG LHAN CIG TU NYAL BA'O, ,DE LTA BAS NA 'DIR YANG NYIN MO YANG LTUNG BA BSKYED PAR SHES PA YIN NO, , PHAL CHER G-YOGS PA DANG BSKOR BA NI GNAS KYI MTHA' YIN NO ZHES BYA BA NI GANG ZHIG SLAR G-YOGS PA DANG GANG ZHIG SLAR BSKOR BA 'DI NI GNAS KYI MTHA' YIN NO, ,DE YANG THAMS CAD PAS DMAN PA'I GNAS DANG 'DI'I PHYOGS GCIG MA G-YOGS PA GANG YIN PA DE YANG GNAS NYID DO, ,CUNG ZAD G-YOGS SHING THAMS CAD DU BSKOR BA LA G-YOGS PA LA YANG MA YIN NO ZHES BYA BA 'DIS BYAS PAR RIG PAR BYA'O, ,GNAS NI RNAM PA BZHI STE THAMS CAD G-YOGS SHING THAMS CAD BSKOR BA DANG, PHAL CHER G-YOGS SHING THAMS CAD BSKOR BA DANG, GANG ZHIG THAMS CAD G-YOGS SHING PHAL CHER BSKOR BA NI BSGO BCU PA'AM SGO BCU GNYIS PA DANG, PHAL CHER G-YOGS SHING THAMS CAD BSKOR BA KHYAMS NGOS BZHI PA DANG, GANG ZHIG PHAL CHER G-YOGS SHING PHAL CHER BSKOR BA KHYAMS NGOS GSUM PA'AM 'KHOR GYI KHYAMS LTA BU'O ZHES GSUNGS PA YIN NO, ,GANG GIS NGOS BZHI LA YANG BSKOR BA DANG 'BREL PA'I NGOS YOD PA DBUS NA MED PA DE NI KHYAMS NGOS BZHI PA'O, ,GANG GIS NGOS GSUM DANG DBUS SU NGOS GCIG GIS G-YOGS PA LA BSKOR BA MED PA DE NI KHYAMS NGOS GSUM PA'O, ,DA LTA BAS NA RNAM PA BZHI PO 'DI BSDU BA'I PHYIR MTHAR THUG NA ZHES SMOS SO, ,DE'I SGO'I NGOS DANG 'BREL PA'I NYE 'KHOR GYI GNAS SU GYUR PA NI DE'I KHONGS SU GTOGS PA NYID YIN NO ZHES BYA BA LA, SGO YOD PA DE'I GNAS SU GYUR PA NI 'BREL PA STE, DE'I NYE 'KHOR GANG YIN PA DE LA DE'I GNAS SU GYUR PA NYID NI GCIG TU GYUR PA NYID DO, ,GNAS DES KUN NAS YONGS SU BSKOR BA'I KHYAMS RIM PA GSUM PA LA NGOS

243b

G-YOGS PA GANG YIN PA DE LTA BUR GYUR PA NI NYE 'KHOR RO, ,DE LA 'DI DANG LHAN CIG GCIG PA NYID NI GCIG PAR GYUR PA NYID DU SHES PAR BYA BA YANG MA YIN NO, ,'DIR TSIG NI NYE 'KHOR DOR LA BYA'O ZHES GSUNGS PA YIN NO, ,'DIR DE'I DON RNAMS PAR GNAS PA YIN TE, GTZUG LAG KHANG GI KHYAMS KYI PHYIR 'DI GSUNGS PA YIN TE, GNAS MA YIN PAR GYUR PA LA NI GNAS NYID RIGS PA MA YIN GYI, NYE 'KHOR DANG BCAS PA NYID LHAN CIG TU GNAS PA NYID 'GYUR BA YIN TE, DE LTA BAS NA 'DIR 'DI RNAM PAR GZHAG PA'O, ,NYE 'KHOR DU BCAS PA MA YIN PA NYID LA NYE BAR BRTEN PA NYID LA YANG 'DI DANG GZHAN YOD PA YIN TE, GNAS THA DAD PA NYID KYI PHYIR RO, ,KHYER GZHAN BAR DU MA CHOD PA SGO DE DANG 'BREL PA YANG ZHES BYA BA NI KHYER GZHAN NI GANG ZHIG GNAS SU GYUR PA 'BREL PA BAR DU MA CHOD PA KHYER TE DE LA KHYER GZHAN DANG MA 'DRES PA DE LA YANG GAL TE YOD NA DE DANG 'BREL PA'I SGO GZHAN DU ZIN KYANG DE DANG 'BREL PA NYID NI GCIG PAR 'GYUR BA NYID DE, KHYER GZHAN DANG LHAN CIG TU ZHES BYA BA'I DON TO, ,NYE 'KHOR GYI RNAM PA NYID KYIS 'DI LA DE DANG 'BREL PA NYID SHES PA YIN TE KHYER GZHAN LA NI MA YIN NO, ,KHYER GZHAN GYIS BAR DU CHOD PA NI, GANG ZHIG 'DI LA BAR DU CHOD PA NYID DE LA NYE 'KHOR GYI RNAM PA NYID DO, ,DE BAS NA 'DI LA DE DANG 'BREL PA NYID NI MA YIN NO, ,NYE 'KHOR DANG BCAS PA NAS GNAS KHANG TZAM GYI PHA ROL NA THA DAD PAR GYUR CING GNAS PA MA YIN NO ZHES BYA BA LA, NYE 'KHOR DANG BCAS PA'I GNAS LA TSAD GANG YIN PA DE TZAM GYI BAR NAS GZHAN THA DAD PAR GYUR PA GCIG GAM DU MA'I GANG ZAG GIS LHAG PAR GNAS PA LA DE DANG 'BREL PA NYID NI MA YIN LA GNAS NGES PA MA YIN ZHES BYA BA'I DON TO, ,G-YOGS PA GCIG CHA CAN BKAB PA 'DI YIN TE ZHES BYA BA 'DIR HA CANG THAL BAS GNAS GCIG NYID DU RTOGS PA YIN NO, ,'DIR KHUNGS NI 'GRON PA LAS PHYI ROL DU 'BYUNG BAR MI BYA BAR 'DI 'DI LTAR 'GRON PA DANG KHO BO GNYIS SU GCAD DO ZHES GSUNGS PA YIN NO, ,GANG GI PHYIR 'DI NI MNGON PAR SKYOB PA'I DBANG DU BYAS PA MA YIN TE, 'DI LA NYES PA MED PA'I PHYIR RO, ,THA DAD PAR GYUR PA BSNYEN PAR MA RDZOGS PA LHAG PAR GNAS PA NYID NI 'DIR GTZO BO MA YIN TE, DU MA NYID KYANG MA YIN NO, ,DE LTA BAS NA GCIG LA YANG

244a

, ,'DIR 'PHAGS PAR BYAS PA YIN NO, ,SHING LJON PA'I DRUNG DANG RTZIG PA'I BAR DANG TSANG TSING GI DRUNG DAG NI PHYED NYID DO ZHES BYA BA NI GNAS KYI PHYED NYID DE NYES BYAS SO ZHES BYA BA'I DON TO, ,'DIR GZHUNG NI ZHU BA LAS BTZUN PA RE ZHIG DGE SLONG SHING LJON PA'I DRUNG DU BSNYEN PAR MA RDZOGS PA DANG LHAN CIG MCHIS SHING NYAL BAR BGYID NA LTUNG BA CIR 'GYUR NYES BYAS SO, ,DE BZHIN DU RTZIG PA'I BAR DANG DE BZHIN DU SHING DRUNG DAG TU ZHES BYA BA NI DPE TZAM DU RIG PAR BYA'O, ,MA BSKOR BA DANG MA BKAB PA DANG BSKOR BA'I SNA MA PHRAD PA DANG GCIG GAM GNYIS SAM BSKOR BA'I SNA MA PHRAD PA DANG, BYA SKYIBS DANG SHING LJON PA LA SOGS PA DAG KYANG RNAM PA 'DI BZHIN DU SHES PAR BYA'O, ,GANG GI PHAL CHER SKOR BA MED PA DE NI 'DIR BAR DU BRJOD PAR RIG PAR BYA'O, ,THIBS PO DANG BCAS PA DAG BUD MED DANG LHAN CIG NYAL BA YANG NGO ZHES BYA BA NI THIBS PO ZHES BYA BA RTZVA 'AM NAGS SAM 'OD MA'AM TSER MA LA SOGS PA DANG BCAS PA DAG GI NANG DU BUD MED DANG LHAN CIG NYAL YANG NYES BYAS NYID DE SHING GI RTZA BA GCIG PUR MA YIN ZHES BYA BA'I DON TO, ,KUN NAS YONGS SU BSKOR BA LA YANG MA G-YOGS PA DANG GSANG BAR GYUR PA GZHAN DAG KYANG 'DIR 'PHANGS PAR RIG PAR BYA'I, ,NYE 'KHOR DANG BCAS PA GNAS PA TZAM LAS GZHAN THA DAD PAR GYUR PA LHAG PAR GNAS PA LA NI MA YIN NO ZHES GSUNGS PA YIN NO, ,DE BUD MED DANG LHAN CIG NYAL BA LA DMIGS KYIS BSAL BA'I BYE BRAG GANG ZHIG BSTAN PA'I PHYIR 'DI LA NI BYA GAG 'PHUR NAS BAB PA'I LAM GYIS BAR DU CHOD PAR GYUR PA NYID YIN NO ZHES BYA BA SMOS TE, BYA GAG 'PHUR NAS BAB PA'I BAR GYI LAM GANG YIN PA DE LA, 'DIR BUD MED DANG LHAN CIG BAR DU CHOD PAR GYUR PA NYID DO, ,NYE 'KHOR DANG BCAS NAS GNAS KHANG TZAM GYI PHA ROL NA NI MA YIN TE, DE TZAM GYI BAR CHAD KYIS BAR DU CHOD PA MED PA DANG BAR DU CHOD PA LA BAR DU MI RGYU BA'I DBANG GIS GNAS GCIG PA NYID DU BRTEN PA YIN NO, ,THA DAD PAR GYUR BA NYID DU LHAG PAR GNAS PA THA DAD PAR GNAS PA NYID CES BYA BA 'DI LA 'DI NI BYED PA PO'O, ,NANG DU GCIG TU RGYU ZHING BAR NA GNAS GZHAN MED PA MA YIN PA NYID LA NI G-YOGS PA THAMS CAD GCIG PA NYID YIN NO ZHES BYA BA NI BAR NA GNAS GZHAN MED PA

244b

G-YOGS PA GANG YIN PA DE NI BAR NA GNAS GZHAN MED PA NYID DO, ,GNAS MED PAR GYUR PA'I BAR DANG BRAL BA ZHES BYA BA'I DON TO, ,'DI'I GANG SLAR G-YOGS SHING YONGS SU BSKOR BA'I MTHAR THUG PA NYE 'KHOR DU GYUR PA MA YIN PA'I GNAS GZHAN THAMS CAD LA GNAS THA DAD PA NYID MA YIN NO, ,RGYU BA'I GO SKABS GANG 'DI LA GNAS PA NYID DU BYED PA'I NYE 'KHOR DANG LDAN PA LA PHAL CHER LA G-YOGS PA NYID KYIS GNAS GZHAN MA YIN PA NYE BAR MED PA NYID DO, ,GNAS MA YIN PAR GYUR PA'I BAR GYI DE LA NANG DU RGYU BA 'DI YOD PA YIN TE, 'BYUNG BA NYID KYIS NI GO SKABS DE 'DIR 'JUG PA NYID NI MA YIN NO, ,DE DANG LHAN CIG TU GNAS PA NYID DE DANG LHAN CIG TU GANG GI PHYIR DE BRJOD PA THAMS CAD LA GNAS MA YIN PAR GYUR PA NYID LA RGYU BA'I LAM PA LA'O, ,GAL TE MA YIN NA 'DI LA G-YOGS PA NYID LA NI LTUNG BA MED DO, ,GAL TE G-YOGS PA NYID YIN NA NYES BYAS SU RIG PAR BYA'O, ,KHYAMS NGOS BZHI DANG GSUM PA DAG LA NOR DAG LA BAR CHOD DANG BCAS PA NYID KYIS NYES BYAS SU RIG PAR BYA'O, ,RANG GI CHAR GTOGS PA'I SGO BCAD PA LA NI NYE 'KHOR YANG THA DAD PA NYID DO ZHES BYA BA NI LTUNG BA 'BYIN PA PO'I CHAR GTOGS PA'I SGO GANG YIN PA BCAD PAS BCAD PA NYID KYI SGO DANG NYE 'KHOR LA YANG 'DIR BUD MED DANG LHAN CIG TU NYA BA LA THA DAD PA NYID DO, ,KHANG BZANGS KYI PHYOGS KYI GZHAN LA GNAS KHANG GZHAN SGO KHANG DANG BAR RIM PA RNAMS LA GONG RIM NYID DU SMOS DGOS SO, ,LTUNG BA 'BYIN PAR BYED PA DGE SLONG GIS BSRUNGS PA NYID NI DE DANG 'DRA'O ZHES BYA BA NI LTUNG BA 'BYIN PAR BYED PA DGE SLONG GIS BSRUNGS PA NYID DANG, BUD MED KYI TSIGS KYANG BDAG POS BSRUNGS BA NYID DO, ,'DIR BUD MED DANG LHAN CIG TU NYAL BA GANG YIN PA DE RANG GI CHAR GTOGS PA'I SGO BCAD PAS BCAD PA ZHES BSTAN PA GANG YIN PA DE NI DE DANG 'DRA BAR BLTA BAR BYA'O, ,'DI YANG NYE BAR SPYOD PA LA SOGS PA RNAMS LA THA DAD BA NYID CES BYA BA'I DON TO, ,'DIR GZHUNG NI DGE SLONG BAR RIM KHA NA RTAG TU NYAL BAR BYED CING BUD MED SGO KHANG NA NYAL NA, DGE SLONG DES PHYI SGO GCAD PAR BYA BA'AM DGE SLONG SRUNG MA GZHAG PAR BYA'O, ,PHYI SGO GCOD PAR MI BYED DAM DGE SLONG SRUNG MA 'JOG PAR MI BYED PAR GSOL PHAB STE GNYID LOG PAR BYED

245a

, ,NA JI SRID DU SKYA RE NGAS MA SHAR GYI BAR DU NI NYES BYAS SO, ,SKYA RENGS SHAR NAS NI LTUNG BYED DO, ,BDAG POS BSRUNGS PAR GYUR NA LTUNG BA MED DO ZHES BYA BA 'DI YANG SUNGS PA YIN NO, ,GNAS THA DAD PA NYID LA NI BDAG POS BSRUNGS PA NYID LA LTUNG BA MED PA YIN NO, ,GNAS GCIG PA NYID LA NI BDAG POS BSRUNGS PA NYID LA YANG SPYOD PA LAS BYUNG BA'I CHA DAD, LHAN CIG TU BUD MED LA SOGS PA DANG 'DUG PA'I GEGS BYED PA'I BUD MED DANG 'BREL PA'I SRUNG MA NYID LA YANG LTUNG BA MED PA YIN PAS DE'I PHYIR 'DIR BDAG POS BSRUNGS PA NYID NI DE BZHIN DU 'DIR LTUNG BAS GO BAR BYED PA'I BLO LA SKABS MED DO, ,DE BAS NA 'DIR YANG GNAS THA DAD PA NYID LA BDAG POS BSRUNGS PA NYID LA LTUNG BA MED DO, ,'DIR BDAG POS ZHES SMOS PA NI DPE TZAM DU ZAD DO, ,RIM KHANG GZHAN LA NI SKAS STENG DU BTUL BA NYID DO ZHES BYA BA NI, RIM KHANG GI KHYER GZHAN LA NI SKAS STENG DU BRTUL BA NYID KYANG NGO, , RANG GI CHAR GTOGS PA'I SGO BCAD PAS BCAD PA DANG 'DRA BAR LTUNG BA 'BYIN PA PO DGE SLONG GIS BSRUNGS PA NYID GCIG PUR MA ZAD DE, TSOGS LA BSRUNGS PA NYID KYANG ZHES BYA BA'I DON TO, ,GZHAN GNAS MA YIN PA NYID PA NYID LA NI NA SMAD DO ZHES BYA BA NI NYE 'KHOR LA SOGS PA LAS GZHAN DU GYUR PA GANG YIN PA 'DIR ZHUGS PA NYID KYIS 'DIR BRTZAMS PA NI GNAS MED PA NYID LA 'DIR NA SMAD PA STE, KHA NA MA THO BA MED PA NI MA YIN NO, ,'DIR GNAS SU GYUR PA NYID LA NI NYES BYAS YONGS SU RDZOGS PA NYID DO, ,GZHAN LA NYES BYAS PAR 'GYUR BA YIN NO, ,CI ZHIG BYAS NA BSNYEN PAR MA RDZOGS PA DANG LHAN CIG NYAL BA'I LTUNG BYED DU 'GYUR ZHE NA, DE'I PHYIR BSNYEN PAR MA RDZOGS PA DANG LHAN CIG TU MTSAN MO GSUM PA LA NYAL NA'O ZHES BYA BA SMOS TE, 'GAL ZLA GNYID MA LOG PA LA DE DANG LHAN CIG TU NYAL BA BSGRUB PA NYID MA YIN NO, ,DE BAS NA DE DANG LHAN CIG GNYID LOG PA LA NI GNYID KYI KHA NA MA THOB NYID DU BSGRUB PA'I PHYIR RO, ,GCIG LA NI NYES BYAS SO, ,SPYOD LAM NI GZHAN GYI 'DIR LTUNG BYED DU RTOGS PAR BYA'O, ,GNYID MA LOG PA LA GCIG TU BSGRUB PA NYID KYIS 'DI LTA BUR GYUR PA GANG LA GZHAN DANG 'DRA BA LHAN CIG NYAL BA LA NI LTUNG BA MED DO, ,KHA CIG NI GZHAN DU YANG DGE SLONG GNYID LOG PA NYID LA LTUNG BA

245b

MED DO ZHES 'DOD PA DE NI MI RIGS TE, 'DUG PA LA NI SKYON MED PA'I PHYIR DANG NYAMS PA MED PA'I PHYIR TE, DE BAS NA 'DUG PA LA BSGRUB PAS SO, ,MTSAN MO'I DUS LA LTUNG BYED DU 'GYUR ZHE NA, DE'I PHYIR MTHAR RO ZHES BYA BA SMOS TE, SKAD CIG GANG GI MJUG THOGS SU SKYE RENGS 'CHAR BA DER RO ZHES BYA BA'I DON TO; ,'DIR GZHUNG NI GNAS BZHI PO DAG TU SKYA RENGS 'CHAR BAR BYED CING, SKYA RENGS NA LTUNG BYED DU 'GYUR BA KHO NAR GSUNGS PA YIN NO, ,GANG ZHIG JI LTAR MTHAR RO ZHES BRJOD CE NA, NYES PA MED DE, DE'I PHYIR SGO NAS 'DI BSTAN PAR NUS PA'I PHYIR RO, ,MDUN ROL DU NI NYES BYAS SO ZHES BYA BA NI MTHA' MA LAS MDUN ROL DU GSUM DU GTOGS PA'I GNYID LOG PA LA NI NYES BYAS SO, ,NYIN MO THA DAD NYID KYANG NGO, ,DE BAS NA GZHAN DU GZHAG GZHAN LA NYES BYAS BSKYED PA ZHES BYA BAR RIG PAR BYA'O, ,LAM GYIS DU BA PAR MYA BA LA NI NYES PA MED DO ZHES BYA BA NI MDUN ROL DU NI GNYID LOG PA LA NYES PA MED PA NYID LA 'DIR BSGRUB PA'O, ,GAL TE BSNYEN PAR MA RDZOGS PA MED PA'I GNAS RNYED PA MED NA MTHAR NI NYES PA KHO NAR 'GYUR ZHES SHUGS KYIS RTOGS PAR BYA'O, ,MTHAR YANG DE BZHIN NO ZHES BYA BA NI DE LTAR YANG DES MDUN ROL DU GNYID LOG PA TZAM BYAS SU ZIN KYANG DES DUB BA LA MTHAR YANG GNYID LOG PA LA NYES PA MED DO, ,DGE SLONG GIS BYAR MI RUNG BA YOD NA DE SGRUB PAR BYED PA DANG LHAN CIG PA'I NAD G-YOG LA YANG ZHES BYA BA NI, DGE SLONG GIS BYAR MI RUNG BA BYIN PA LA SOGS PA GANG YIN PA DE SGRUB PAR BYED PA'I PHYIR GANG ZHIG DER 'DZIN PAR BYED PAR GYUR PA DE YANG LHAN CIG TU NYAL BA LA MDUN ROL DANG MTHAR YANG NYES PA MED DO, ,DER NAD PA DANG NAD G-YOG LA NYES PA MED PA KHO NA YIN GYI GZHAN LA NI MA YIN NO, ,DGE TSUL DANG YANG NGO ZHES BYA BA NI DGE TSUL DANG LHAN CIG NYAL BA LA MDUN ROL DU MTHAR YANG NYES PA MED DO, ,GANG LA ZHE NA, DE'I PHYIR DE DANG LDAN PA LA'O ZHES BYA BA SMOS TA, DGE TSUL DANG LDAN PA LA'O, ,GNAS SKABS GANG GI TSE ZHE NA, DE'I PHYIR DGE SLONG SDIG CAN NYE BAR GYUR PA NYID NA'O ZHES BYA BA SMOS SO, ,CI DE DANG LDAN PA THAMS CAD LA'AM ZHE NA, DE'I PHYIR DE SPYUG PA LA 'BAD PA BYAS SAM BYED PA LA'O ZHES BYA BA SMOS TE, GANG GIS DGE

246a

, ,SLONG SDIG CAN DE SPYUG PA'I PHYIR 'BAD PA SDAR BYAS PA'AM BYED CING DE LAS TE, GZHAN LA NI MA YIN NO ZHES BYA BA'I DON TO, ,BRTZON 'GRUS JI SNYED PA BYED PA'I PHYIR NUS PA NYID DE SNYED PA'I 'BAD PA LA DER BRTZON PA'O, ,DES MNGON PAR 'DU BYAS PA'I SEMS KYIS 'JIGS PA DAG LAS BRTZAMS TE, LUS SAM NGAG GIS LDOG PA NYID LA 'DIR 'BAD PA MA BYAS PA NYID NI MA YIN NO, ,CI DUS GANG YANG RUNG BA LA NYES PA MED PA YIN NAM ZHE NA, DE'I PHYIR GNAS PAR KHAS BLANGS NA DUS PHYI MA DANG SNGA MA'I GNYIS PA DAG LA BAB PA NA'O ZHES BYA BA SMOS TE, PHYI MAR KHAS BLANGS PA'I DUS SU GYUR PA SNGA MA'I GNYIS PO DAG NI DBYAR ZLA THA CHUNGS NYA NAS STON ZLA RA BA'I NYA'I BAR DU KHAS BLANGS PA SNGA MA DANG PHYI MA LA GNAS PAR GYUR PA LA ZHES BYA BA'I DON TO, ,DES LHAG PAR GNAS PAR MI BYA BA NYID DO ZHES BYA BA LA, DES ZHES BYA BA NI DBYAR GNAS PAR KHAS BLANGS PA LA ZLA BA GNYIS LAS LHAG PAR GNAS PAR MI BYA BA NYID YIN NO, ,PHYI MAR KHAS BLANGS PA LA DA LTAR BYUNG BA'I PHYIR 'DI'O, ,GNAS PAR KHAS BLANGS PA SNGA MA SHOS MI BYA BA NYID DO ZHES BYA BA NI DES ZHES BYA BAR SBYAR BAR BYA'O, ,SNGA MA MI BSRUNG BAR BYA BA NYID DO ZHES BYA BA NI ZLA BA GNYIS PO DAG GI SNGA ROL DU KHAS BLANGS PA SNGA MA SHOS MI BSRUNG BAR BYA BA NYID DO, ,DE DGE TSUL NYE BAR MA BZHAG PA GZHAG PAR MI BYA'O ZHES BYA BA LA, DES ZHES BYA BA NI DGE SLONG SDIG CAN GNAS PAR GYUR PA'I GNAS LA GNAS PAR GYUR PA'O, ,LAM DU DGE TSUL GNYID BRO BAS RMYA BAR GYUR NA MDUN DU BTANG STE 'GRO BAR BYA'O, ,GAL TE BRU BA TSA BAR GYUR NA, DE LA NANG BAR GYI DUS SU KHA ZAS SBYIN PAR BYA'O ZHES BYA BA NI DE LA KHA ZAS NANG PAR KHYE'U SUS KYI DUS SU SBYIN PAR BYA'O, ,GAL TE DRO KAR YANG NA DE'I TSE YANG NGO ZHES BYA BA NI, GAL TE DRO KAR YANG BKRES PAR GYUR NA, DE'I TSE YANG DE LA DRO ZAN SBYIN PAR BYA'O, ,BSNYEN PAR MA RDZOGS PA DANG LHAN CIG NYAL BA'I LTUNG BYED DO,, ,,BZLOG PA'I NGO BO ZHES BYA BA LA SOGS PA DE'I THA MAR ZHES BYA BA'I MTHAR JI LTAR RIGS PAR BKA' BSGO BA NYE BAR BRTZAMS PA'I BSLAB PA'I GZHIR GTOGS PA SPYI'I CHO GA LA NYE BAR GNAS PA LA LTOS NA GANG LA LTA BAR GYUR PA MI 'DOR BA'I LTUNG BYED CES BYA BA 'DI'I BYE BRAG BRJOD

246b

PA YIN TE, DE'I PHYIR JI LTAR BCOM LDAN 'DAS KYIS BAR DU GCOD PA'I CHOS SU GSUNGS PA GANG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES BYA BA LA SOGS PAR 'JUG PA'I TSIG MI GTONG BA LA'O ZHES BYA BA SMOS TE, JI LTAR BCOM LDAN 'DAS KYIS ZHES BYA BA LA SOGS PA GANG ZHIG GSUNGS PA 'JUG PA'I TSIG NYID MI GTONG BA ZHES BYA BA'I DON TO, ,BAR DU GCOD PA'I CHOS RNAMS NI KUN NAS NYON MONGS PA'I CHOS SU RIG PAR BYA'O, ,'DIR SOGS PA'I SGRA NI LTA BA DANG 'BREL PA GZHAN RNAMS LA YANG NYE BAR BSDUS PA'I DON TO, ,LTA BA DANG 'BREL PA THAMS CAD LA CHO GA 'DI 'JUG PA STE, DE RNAMS THAMS CAD LOG PA'I LAM DU RTOGS PAR 'GYUR BA NYID KYI PHYIR RO, ,DE LA GSOL BAS SMAD PA NYID BYA ZHING DE'I 'OG TU'O ZHES BYA BA LA, DE LA ZHES BYA BA NI LAS KYI MTHA' MI GTONG BA LA LTUNG BYED DE, 'GYUR BA NI SMAD PA NYID 'DI GSOL PA'I LAS KYI 'OG TU BYA'O, ,DE LA SMAD PA NYID DU BYAS PAS MI GTONG BAR 'GYUR NA DE'I 'OG TU PHANGS PAR BYED PAR RIG PAR BYA'O, ,'DI NI SKROD PAS SMAD PA NYID LA RNAM PAR GZHAG PA SMAD PA NYID DU BYED PA SPANGS PA NYID DU RIG PAR BYA'O, ,LTA BAR GYUR PA MI GTONG BA'I LTUNG BYED DO,, ,,SPANGS PA'I RJES SU PHYOGS PA'I LTUNG BYED LA BYED PA PO GANG YIN ZHE NA, DE'I PHYIR SHES GTZO BO ZHES BYA BA SMOS TE, 'DU SHES GTZO CHER BYED PA PO NYID DO ZHES BYA'O, ,GANG LA 'DU SHES GTZO CHER BYED PA PO YIN ZHE NA, DE'I PHYIR DE SKAD SMRAS PA SPANGS PA'I PHYIR BCOS PA NYID MA BYAS PA'I DGE SLONG LA'O ZHES BYA BA SMOS TE, GANG ZHIG 'DI LTAR BDAG JI SRID DU BAR DU GCOD PA'I PHYIR MI NUS PA ZHES BYA BA LA SOGS PA SMOS PA 'DIR DE NYID SMRAS PA'O, ,DE SKAD SMRA BA NYID PHYIR BCOS PA NYID MA BYAS PA ZHES BYA BA NI, RJES SU PHYIR BCOS PA NYID MA BYAS PA MI GTONG BA NYID CES BYA BA STE, SPANGS PA NYID KYIS BZOD PA GSOL BA NYID MA BYAS PA'O ZHES BYA BA RNAM PAR 'BYED PA LAS SO, ,DE BZHIN DU LTA BA MA BTANG BA'I LTUNG BA MA BSHAGS PA YANG KHA NA MA THO BA 'DI 'BYUNG BA'I RGYU MA YIN TE, 'ON KYANG BLANGS PA NYID DO, ,MA BTANG BA DANG MA BSHAGS PA 'DI DAG SMOS PA NI MA BLANGS PA NI KHA NA MA THO BA 'DI MI SKYED PA'O, ,MED PA DAG LA BLANGS PA NYID LA SPANG BAR BYA BA

247a

, ,NYID SKYE BA 'BYUNG BA YIN NO, ,DE LTAR YANG BTANG BA'I MA BSHAGS PA NYID LA KHA NA MA THO BA 'DI MI BSKYED PA YIN NO, ,DE LTA BAS NA 'DIR MA BTANG BA NYID NI MA BYAS PA NYID DO, ,LTA BA BRTEN PA MI GTONG BA NYID DANG LTUNG BYED LA NI MA BYAS PA NYID DO, ,DGE SLONG LA'O ZHES BYA BA NI BSNYEN PAR MA RDZOGS PA LA GANG DU YIN ZHE NA, 'DIR RAB TU BYUNG BA NYID RNAM PAR GCAD PA'I DON DU KHYIM PA 'AM PHYI ROL PA'I RAB TU BYUNG BA LA NI MA YIN NO, ,SMON LAM DANG LAS 'DI DAG LA YUL MA YIN PA NYID KYI PHYIR RNAM PAR GCOD PA 'DI YANG 'DIR RNAM PA GZHAN LA NI MI 'DOD PA NYID KYI PHYIR RNAM PA GZHAN RJES SU RNAM PAR GZHAG PA'I PHYIR RO, ,KUN DU SPYOD PA GANG LA DE BYED PA PO YIN ZHE NA, DE'I PHYIR LUNG 'BOGS PA DANG DMIGS KYIS DRI BA DANG, GNAS DANG RJES SU STON PA DANG GDAMS NGAG SBYIN PA'O ZHES BYA BA SMOS TE, 'DIR SO SOR SBYIN PA'I SGRA LAS MNGON PAR SBYOR BAR BYA'O, ,LTA BA SMRA NA'O ZHES BYA BA LA, 'DIR GZHUNG NI ZHU BA KHA CIG LAS DGE SLONG GIS SPANGS PA'I DRUNG DU LTA BA SMRA NA LONGS SPYOD LAS BYUNG BA'I LTUNG BYED DU 'GYUR RO ZHES GSUNGS PA YIN NO, ,ZANG ZING GI LONGS SPYOD BYED NA'O ZHES BYA BA NI LHUNG BZED DANG CHOS GOS ZHES BYA BA LA SOGS PA'I GZHI PHYI MA'I TSIG GO, ,'DI LA GCIG PA NYID KYI PHYIR 'DUG PA NYID DAG LA 'DIR THOB PA LA BSDUS PA 'DI YIN NO, ,BSNYEN BSKUR BDAG GIR BYED NA'O, ,GNAS SU LHAN CIG NYAL NA YANG NGO ZHES BYA BA STE, DUS NAM GYI TSE LHAN CIG TU NYAL ZHE NA, DE'I PHYIR MTHAR RO ZHES BYA BA SMOS SO, ,GANG GI MTHAR ZHE NA DE'I PHYIR MTSAN MO'I 'O ZHES BYA BA SMOS TE, GNAS SKABS 'DI LA 'DUG PA 'DI'I YONGS SU RDZOGS PAR 'GYUR BA NYID DO, ,GZHAN GYIS SBRUL NA YANG ZHES BYA BA NI 'DI CHOS RNAM PAR GTAN LA DBAB PA LAS RTOGS PA YIN TE, 'DI DANG LHAN CIG TU NYE BAR GNAS PA'I BYED PA PO YO BYAD NYE PAR BSDU BA'O, ,DE DAG 'DRA BA'I CHU DANG SO SHING LA SOGS PA DE DANG LHAN CIG TU 'DU 'DZI BYED NA PHYIN CI LOG TU RIG PAR BYA'O, ,PHEBS PAR SMRA BA DANG SMOS 'DRIN DAG LA DER GTOGS PA'I GTZO BO NYID DU BYED PA NI 'DU 'DZIR GYUR PA NYID DO, ,GZHAN DAG LA NI NYES BYAS SU RTOGS PAR RIG PAR BYA'O, ,CI RNAM PA THAMS CAD DU GZHAN GYIS SPRUL PA LA YIN NAM ZHE NA, DE'I PHYIR NAD DANG LTA BA DANG BRAL

247b

BAR 'DOD PA'I DON GYIS NI MA GTOGS SO ZHES SMOS TE, NAD PAR GTOGS PA DE'I DON DANG LTA BA DANG BRAL BAR GTOGS PA'I DON GYIS SPRUL BA GANG YIN PA DE NI MA GTOGS SO ZHES BYA BA'I DON TO, ,TSUL KHRIMS 'CHAL PA LA CI ZHIG BSGRUB PAR BYA ZHE NA, DE'I PHYIR BLANG BA'I RNAM PAR GZHAG PA LAS 'DA' BAR BYA BA ZHES BYA BA DE LA KHA NA MA THO BA RNAM PAR GZHAG GO, ,DE BAS NA DE LA TSUL KHRIMS 'CHAL BA'I PHYIR 'DIR 'JUG PA THOB PA YIN NO, ,DE LTAR YANG SHIN TU TSUL KHRIMS 'CHAL BA MKHAN PO DANG SLOB DPON DAG LA NYE BAR GNAS PAR BYA BA NYID DU GSUNGS SO, ,TSUL KHRIMS 'CHAL BA'I LCI BA NYID YONGS SU SPONG BA'I DON DU SO SOR BSKOR BAR BYA'O, ,SPANGS PA'I RJES SU PHYOGS PA'I LTUNG BYED DO,, ,,DE DAG LA GZHAM PA DANG LAS KYIS MI BSGO BAR MI BYA'O ZHES BYA BA 'DIS GANG ZHIG LTA BA DANG 'BREL PA RNAMS LA CHO GA 'DI BYA BA NYID DU BSTAN PA DE NI DGE TSUL YOD PAR GYUR PA NYID KYI PHYIR 'DI LA GAL TE DGE SLONG GI KHONGS SU SDUD NA, DE LA LAS KYI MTHA' LA MI GTONG NA DE'I TSE JI LTAR BYA ZHE NA, DE'I PHYIR LTOS NAS BRJOD PAR BYA STE, TSIG DE NYID LA ZHUGS PA MI GTONG NA, DGE TSUL BSNYIL BAR BYA'O ZHES BYA BA SMOS TE, TSIG DE NYID ZHUGS PA DE LTAR BDAG GIS JI SRID PAR DU GCOD PA'I PHYIR NUS PA MA YIN ZHES BYA BA LA SOGS PA'I TSIG GANG LA YOD PA DE NI TSIG DE NYID LA ZHUGS PA'O, ,DE'I DNGOS PO MI GTONG NA DGE TSUL DE BSNYIL BAR BYA'O, ,'DIR 'DOD PA ZHES BYA BA NI DPE TZAM YIN PAR RIG PAR BYA'O, ,DE BAS NA LTA BA THAMS CAD YOD PAR BYED PA'I TSIG BSDUS PA YIN NO, ,'DI MA YIN ZHES BYA BA NI ZHUGS PA'O, ,BSTAN PA LA GANG ZHIG TSUL 'DIR LEGS PAR ZHUGS PA LA YANG LEGS PAR GNAS PA DE'I CHOS DANG LDAN PA DAG GIS SMAD PAR BYA BA STOBS DANG LDAN PA LA GANG DU YANG MI 'JUG PA DE LAS 'DIR SMOD PAR BYA BA RNAM PAR GZHAG PAR BYA BA MA YIN NO, ,DGE 'DUN LA THA DAD PAR BYED PA NI GSAL BA'O, ,DGE 'DUN KUN NAS LTUNG BA LAS 'BYUNG BA'O, ,'DI LA KUN NAS LTUNG BA NYID KYIS DGE 'DUN LA KHONGS SU SDUD PA YOD PA MA YIN TE, 'DUG PA'I DBUS SU GNAS PA LA NI 'KHOR GYI DBUS KYI DNGOS PO NYID LA YOD PA MA YIN TE, DE BAS NA BSNYIL BAR BYA'O ZHES BYA BA 'DI LA SPANG BAR BYA BA'I LAS LA BRTAGS PA YIN NO, ,GZHAG PAR BYA'O

248a

, ,ZHES BYA BA NI RTOGS PAR BYA BA GSAL BA NYID MA YIN NO, ,SO SO'I DNGOS PO LA NGES PAR LDAN PA NYID KYANG MA YIN NO, ,'DI'I LAS BYED PA LA RTOGS PA BSGRUB PA MA YIN NO, ,DE BAS NA 'DIR RTOGS PA BSGRUB PA LA DE'I CHO GA BRJOD PAR BYA STE, KHYOD LA DANG POR GSOL BA DANG BZHI'I LAS SO; ,DE'I 'OG TU BSNYIL BA RTZOM MO ZHES BYA BA DANG, GSOL BA BYAS SO, ,LAS BRJOD PA DANG PO DANG GNYIS PA YANG BYAS ZIN GYI SDIG PA CAN GYI LTA BAR GYUR PA 'DI LTA BU 'DI THONG SHIG CES MTHAR DGE SLONG GIS DE LA BSGRAGS PAR BYA'O ZHES BYA BA SMOS TE, DANG POR ZHIS BYA BA NI GSOL BA LA'O, ,DE'I 'OG TU ZHES BYA BA NI BSNYIL BA'I LAS LA'O, ,BSNYIL BA'O ZHES BYA BA NI LAS LA ZHES BYA BAR SBYAR RO, ,RTZOM PA ZHES BYA BA NI RTZOM PA STE 'DI NI DANG PO'I CHA'O, ,RTZOM PA DE YANG GANG ZHE NA, DE'I PHYIR GSOL BA BYAS ZIN GYI SDIG PA CAN GYI LTA BAR GYUR PA 'DI LTA BU 'DI THONG SHIG CES BYA BA SMOS TE, 'DI NI GCIG STE GZHAN BSHAD PA NI LAS BRJOD PA DANG PO YANG BYAS ZIN GYI SDIG PA CAN GYI LTA BAR GYUR PA 'DI LTA BU 'DI ZHES BYA BAS SO, ,DE'I 'OG TU LAS BRJOD PA GNYIS PA YANG BYAS ZIN GYI SDIG PA CAN GYI LTA BAR GYUR PA 'DI LTA BU 'DI THONG SHIG CES BYA BAS SO, ,RE RE'I MTHAR ZHES BYA BA NI GSOL BA DANG LAS BRJOD PA DANG PO DAG SO SOR RE RE'I MTHA' NAS BRTZAMS TE MTHAR MI 'GRO BAR LDOG PA NI RIGS PA MA YIN NO ZHES BYA BA NI 'DOD PA DGAG PA'I DON DU BRJOD PAR BYA'O, ,BTANG NA PHYI MA MI BYA'O ZHES BYA BA SMOS TE, SNGA MA NYID KYIS SO SOR LDOG PA YOD PA LA PHYI MA MI BYA'O, ,BRDA'I BYED PA YANG CHO GA 'DIS RTOGS PAR BYA'O, , THAMS CAD DU 'BREL PA BYED PA LA SOGS PA'I DON GYI LAS LA MI BSGO BA DANG SMAD PAR BYA BA DANG SPANG BA DANG BSNYIL BA RNAMS NYID LA SNGAR BSHAD PA'I CHO GA'I DNGOS PO LA LTOS NAS CHO GA RIG PAR BYA'O, ,BSNYIL BA SDUD PA'I LTUNG BA BYED PA PO NYID NI GANG YIN CI ZHIG SPYAD NA ZHES BYA BA 'DI LA SNGAR BSHAD PA LA MNGON PAR BRTEN NAS DE SKAD SMRAB PA 'BYUNG BA LA SLAR BYAS PAS DGE SLONG LA ZHES BYA BA 'DI'I GNAS SU GANG DU 'DU SHES BYA BA LA SMOS PA NI DGE TSUL BSNYIL BA NYID DU GYUR PA'I GNAS SKABS LA STE, BSNYEL PAR MA RDZOGS PA LA 'DI LTA BU NYID YIN NA ZHES BYA BA'I DON TO, ,NYES BYAS 'DI YOD LA DOR BA RNAM PAR GZHAG PA'O, ,BSNYIL

248b

BA SDUD PA'I LTUNG BYED DO,, ,,CI ZHIG BYAS NA KHA MA BSGYUR BA'I GOS GYON PA'I LTUNG BYED DU 'GYUR ZHE NA, DE'I PHYIR SNGON PO'AM DMAR PO'AM DUR SMRIG GIS KHA MA BSGYUR BA RANG GI GOS THA NA LHUNG BZED KYI KHA G-YOGS DANG, SNOD DANG RKANG PA'I 'BOB DANG SKE RAGS DAG GI BGO BA LA SOGS PA YONGS SU LONGS SPYOD NA'O ZHES BYA BA SMOS TE, TSON CHEN PO BRGYAD PO RNAMS SPANGS NAS GZHAN GANG YANG RUNG BA 'GA' ZHIG LAS GOS KHA BSGYUR BAR BYA'O ZHES BYA BA PHRAN TSEGS DAG LAS SMOS SO, ,'DIR YANG 'DAG PA ZHES BYA BA LAS GANG ZHIG 'DI LA DMAR POS ZHES BYA BA RNAM PAR 'BYED PA KLOG PA KHA CIG LAS 'DIR YANG 'DON PA YIN TE, TSON CHEN PO RNAM PA BRGYAD KYIS KHA SGYUR BAR BYED LA LI KHRI DANG, MTHING SHUN DANG RGYA SKYEGS DANG, MTSAL DANG, GUR GUM DANG, BTZOD DANG, RMA SHING DANG, LE BRGAN RTZIS KHA SGYUR BAR BYED NAS BCOM LDAN 'DAS KYIS BKA' STZAL PA, KHA DOG CHEN PO BRGYAD MA GTOGS PA GZHAN GANG YANG RUNG BA 'GA' ZHIG GIS GOS KHA BSGYUR BAR BYA ZHES GSUNGS PA YIN NO, ,DE BAS NA 'DIR SNGON PO LA SOGS PA NI DPE TZAM DU RTOGS PAR BYA BA'O, ,DE LA SNGON POS ZHES BYA BA NI SKYE BA PHUN SUM TSOGS PA'I TSON LA DPER RIG PAR BYA'O, ,DMAR POS ZHES BYA BA NI SA LAS 'BYUNG BA'I KHAMS LA'O, ,RMA SHING ZHES BYA BA NI SKYE BA PHUN SUM TSOGS PA'I ME TOG DANG 'BRAS BU LA SOGS PA'I TSON LAS BSKYED PA'O, ,KHA MA BSGYUR BA ZHES BYA BA NI TSON GYIS SO, ,DE BAS NA GANG YANG RUNG BAS KHA MA BSGYUR BA'I RANG GI GOS LA ZHES BYA BA NI GZHAN GYI GOS NYE BAR LONGS SPYOD PA LA NA SMAD PA NYID DE KHA NA MA THO BA STOBS DANG LDAN PA NYID KYI PHYIR, BDAG TU BYAS PA DANG DKRIS PAR MNGON PAR BRTEN PA NYID SHIN TU STOBS DANG LDAN PA NYID KYI PHYIR RO, ,DE LTAR YANG SO SOR KHYIM PA'I GOS BGO BA BKAG PA'I TSUL GYIS TE GZHAN DU NI MA YIN NO, ,DE LTA BU'I LTUNG BYED LA 'BYUNG BA SRID PA MA YIN NO, ,GOS SAR PA SO SOR RNYED PAS ZHES BYA BA LA, GANG ZHIG SO SOR RNYED PA'I TSIG BYAS ZHES BYA BA 'DI'I RJES LA YANG RANG GI TSIG SMOS PA DE LAS SO, ,SAR PA ZHES BYA BA LA SAR PA NI RNAM PA GNYIS TE, SAR PA LAS KYANG SAR PA DANG SOR SOR RNYED PA LAS KYANG SAR BA STE, DON 'DI LA NI SOR SOR RNYED PA LAS SAR PA MNGON PAR 'DOD PA ZHES BYA BA 'DIR GZHUNG DU

249a

, ,RNAM PAR GNAS PA YIN NO, ,RNYING PA LA YANG KHA MA BSGYUR BA LA BGO BAR BYA BA NYID KYI PHYIR RO, ,YANG GANG ZHIG KLOG PA LAS 'BYUNG BA YIN TE, DON 'DI LA NI SAR PA LAS SAR PA MNGON PAR 'DOD PA ZHES BYA BA 'DI LAS NYAMS PA NYID DO, ,DE LTA BAS NA SO SOR RNYED PA LAS GANG ZHIG THOG MA NYID GANG YIN PA DES CHOS GOS DANG PO SO SOR RNYED PAS 'DI ZHES BYA BA 'DI'I DON TO, ,'DIR THAMS CAD DKRIS PA DANG, DUS 'BYUNG BA DANG PHYE MA LA SOGS PA LA NYES PAR BGO PAR BYA BA'I GOS BGO BAR BYED PAR NUS PA NYID NI MA YIN ZHES BYA BA 'DI BSTAN PA'I DON DU SMOS PA NI THA NA LHUNG BZED KYI KHA G-YOGS DANG ZHES BYA BA LA SOGS PA'O, ,'DIR LHUNG BZED KYI KHA G-YOGS KYIS BSOD SNYOMS NYE BAR G-YOGS BA BRJOD PA MTHONG BA YIN GYI, GZHAN DU NI RJES SU GNANG BA MA YIN PA NYID KYI PHYIR 'DIR ZHU BA'I GZHUNG KHA CIG LAS LHUNG BZED KYI DRA BA LA SOGS PA RKANG PA BKRU PA'I SNOD DU SBYAR DU RUNG NGAM ZHE NA, RUNG ZHES GSUNGS PA NI CHU TSAGS 'DIR RIGS PAR GYUR PA NYID KYI PHYIR BSDUS PA YIN TE, RGYU BA 'DI CHU GZUNG BA LA KHA BSGYUR BA DANG BCAS PA NYID DO, ,GZUNG BA DANG LDAN PA NYID DANG 'DI LA BYIN LEN BYA BA NYID DANG, NYE BAR GNAS PA NYID DANG DUS MA YIN PA NYID LA GZUNG BAR BYA BA DANG NYE BAR GNAS PA NYID YOD KYANG LONGS SPYAD PAR BYA BA NYID MA YIN NO, ,DON 'DI NI PHAL CHER NYAMS PA MA YIN NO, ,DE LTA BAS NA YO BYAD DANG CHOS GOS SBYIN PA 'DI DANG 'DI LA KHA MA BSGYUR BA NYID DU RNAM PAR GZHAG PA YIN NO, ,BGO BA LA SOGS PA ZHES BYA BA NI BSOD SNYOMS SO SOR G-YOGS PA YANG STE, BGO BA DANG G-YOGS PA DANG NYID LA NI MA YIN ZHES BYA BA'I DON TO; ,'DIR TSAD DANG LDAN PA NYID KYANG MA YIN ZHES BYA BA 'DI 'JUG PA'O, ,SKE RAGS DAG LA YANG GAL TE NYES PA YOD NA TSAD DANG MI LDAN PA'I GOS LA SOGS PA LA YANG 'BYUNG BA'I PHYIR 'OS PA MA YIN ZHES GSUNGS SO, ,SDE PA GZHAN GYIS NI RUNG BAR BYA MI DGOS PA NYID YIN NO ZHES BYA BA NI, DGE SLONG DANG DGE SLONG MA DANG DGE TSUL DANG DGE SLOB MA DANG DGE TSUL MA'I SDE BA'I 'KHOR RNAMS NI DE NI 'DIR SDE PA ZHES BYA BA'I SGRAR 'GYUR RO, ,DE LAS SDE PA GZHAN GANG YANG RUNG BA'I GOS RANG SPYOD PA LA NI YANG GZOD RUNG BAR BYA MI DGOS PA YIN NO ZHES BYA BA'I DON TO, ,KHYIM PAS BRKUS PA YANG MA YIN NO ZHES BYA BA NI GZOD

249b

RUNG BAR BYA MI DGOS PA NYID CES BYA BAR SBYAR RO, ,'DIR MDO DE GNYIS KYI GZHUNG NI ZHU BA KHA CIG LAS DGE SLONG GI GOS RUNG BAR BYAS PA GANG YIN PA DE NI DGE SLONG MA RNAMS LA YANG RUNG BAR BYAS PA NYID YIN LA, DE BZHIN DU SDE PA LDA PO THAMS CAD LA YANG RUNG BAR BYAS PA NYID YIN NO, ,DGE SLONG GIS RGYAL PO'AM PHYIR RGOL BA GZHAN DAG GOS BRKUS PAR GYUR PA ZHIG GAL TE SLAD KYIS THOB PAR GYUR NA YANG RUNG BAR BGYI 'TSAL LAM NYE BA 'KHOR MI DGOS TE, SNGA MA NYID DU RUNG BA YIN PA'I PHYIR RO ZHES GSUNGS PA YIN NO, ,KHA DOG CHEN POR KHA BSGYUR BA'I GOS BRTEN PAR MI BYA'O ZHES BYA BA LA, 'DI'I GZHUNG NI BSHAD ZIN TO, ,'DIR BRGYAD KYI TSIG NI DPE TZAM DU RNAM PAR GNAS PA YIN NO, ,DE BAS NA 'DIR NYE BAR MA BSDUS SO, ,KHYIM PA'I GOS KYANG MI BYA'O ZHES BYA BA NI, BGO BA BRTEN PAR MI BYA'O ZHES BYA BAR SBYAR RO, ,'DIR PHRAN TSEGS DAG LAS DANG PO'I GZHUNG NGO, ,GTZUG LAG KHANG GI NANG DU DUR SMRIG GIS G-YOGS TE BRTEN PAR BYA'O ZHES BYA BA NI 'DIR GNAS KHANG GTZUG LAG KHANG NAS PHYIR MI 'BYUNG BAR BGO BAR BYA'O ZHES GSUNGS PA YIN GYI GNAS KHANG LA NI MA YIN NO, ,GZHAN MA YIN PA LA YANG GTZUG LAG KHANG NYID MA YIN NO, ,DE BAS NA 'DI LA SOR SOR BZUNG BA MA BYAS SO, ,KHYIM PA'I GOS JI LTA BU LA GTZUG LAG KHANG GI NANG DU BGO BA BRTEN PAR BYA BA YIN NAM ZHE NA, DE'I PHYIR DUR SMRIG GIS G-YOGS TE BRTEN PAR BYA'O ZHES BYA BA SMOS TE, MAL CHA'I STENG DU BRTEN PA LA NYES PA MED DO ZHES BYA BA NI DE'I PHYIR GZHAN DU NI BTAGS PA'O, ,LAM DU GOS BRNYAS PA NI THUNG MONG NYID YIN NO ZHES BYA BA NI BRNYAS PA GCIG GIS THOB PA YANG 'DI NI THUN MONG PA NYID DU BSTAN PA'O, ,SU DANG THUN MONG BA NYID YIN ZHE NA, DE'I PHYIR GROGS DAG DANG YANG NGO ZHES BYA BA SMOS TE, JI LTA BU NGAG DANG ZHE NA, DE'I PHYIR DGE SLONG DANG DGE TSUL DAG DANG NGO, ,GCIG PU NYID YIN NA RGAN RABS NAS BRTZAMS TE JI SRID SLEBS PA'I STENG DU G-YOGS SO ZHES BYA BA NI GOS BRNYAS PA NI ZHES BYA BA DANG SBYAR RO, ,DMIGS KYIS MA BSNGOS NA GZHAN LAS GYON TE BTZAG PAR MI BYA'O ZHES BYA BA NI, GOS THUN MONG BA BGOS NAS ZHES BYA BA MI BRJOD PA DAM PA RNAMS KYIS RJES SU GNANG BA LA DE LA YANG KHONGS SU BSDU BA SGRUB PA'I DON DU GANG ZHIG THUN MONG NYID DU SBYIN PA STE, DE DANG

250a

, ,'DI ZHES BYA BA BYE BRAG TU NI MA YIN TE, DE NI DMIGS KYIS MA BSNGOS PA'I, ,BSOD NAMS 'DOD PAS MGRON DU BOS NA KHA TSAR MA BCAD PA MAN CHAD SAR PA LA MI RTAG PAS NYEN PAR GYUR PA'I YID LA BYED PAS STENG DU BRDZI BAR BYA'O ZHES BYA BA LA, DUS NAM GYI TSE NA BRDZI BAR BYA ZHE NA, DE'I PHYIR MGRON DU BOS NAS ZHES BYA BA SMOS TE, THO 'TSAMS PAR BYED PA'I BSAM PAS NI MA YIN TE, 'ON KYANG BSOD NAMS 'DOD PAS SO, ,CI ZHIG BRDZI BAR BYA ZHE NA, DE'I PHYIR SAR PA LA ZHES BYA BA SMOS TE, GOS ZHES BYA BA DANG SBYAR RO, ,KHA TSAR MA BCAD PA ZHES BYA BA NI 'DIR JI SRID KYI SGRA DANG 'BREL PA STE, JI SRID DU KHA CHAR MA BCAD PA MAN CHAD CES BYA BA'I DON TO, ,CI GANG YANG RUNG BAS YIN NAM ZHE NA, DE'I PHYIR MI RTAG PAS NYEN PAR GYUR PA'I YID LA BYED PAS SO ZHES BYA BA SMOS SO, ,KHA MA BSGYUR BA'I GOS GYON PA'I LTUNG BYED DO,, ,,GANG DU ZHIG BYAS NA LONGS PA BZHIR GTOGS PA'I LTUNG BYED DU 'GYUR ZHE NA; DE'I PHYIR BA NI PO CHE RANG GI MA YIN PA DANG, DER SMOS PA LA REG GAM REG TU BCUG NA BYED PA PO YIN NO ZHES BYA BA SMOS TE, GANG DU ZHES BYA BA'I DRI BA 'DI LA REG GAM REG TU BCUG NA ZHES BYA BA'I TSIG GIS SO, ,CI ZHIG BYAS NA ZHES BYA BA'I DRI PHA 'DI LA RIN PO CHE RANG GI MA YIN PA DANG, DER SMOS PA ZHES BYA BA'I TSIG GIS SO, ,DER ZHES BYA BA'I SGRAS NI DER SMOS PA LA RIN PO CHER BZUNG STE RIN PO CHE DANG MNYAM PA DE ZHES BYA BA'I DON TO, ,DER RANG LA RANG BZHIN GYIS DNGOS PO NYID KYI PHYIR RANG GI RIN PO CHE'I RANG BZHIN GYI CHO GA RNAM PAR GZHAG PA ZHES BYA BA'I CHO GA 'DIR RANG BZUNG BA NYID KYI PHYIR 'DIR DAG PA'I LTUNG BYED LA RANG MA YIN PA'I TSIG TU BYAS SO, ,DER SMOS PA LA ZHES BYA BA 'DI LA RANG MA YIN PA ZHES BYA BA RTOGS PAR BYA STE, 'DIR GNYIS KA YANG BYED PA POR RIG PAR BYA'O, ,RANG GI DANG RANG GI MA YIN PA SHIN TU STOBS DANG LDAN PA NI SHIN TU RGYAGS PA'I GNAS SO, ,GANG GI PHYIR RANG GI SHIN TU RGYAGS PA'I GNAS LA BDAG TU BYA BA'I RIN PO CHER SMOS PA LA NYES BYAS SU GTOGS PAR RIG PAR BYA'O, ,RIN PO CHER SMOS PA ZHES BYA BA DE CI ZHIG YIN ZHE NA, DE'I PHYIR DE NI G-YUL DU SPYAD PA'I MTSON CHA DANG ROL MOR SPYAD PA'I LAG CHA'O ZHES BYA BA SMOS TE, G-YUL DU DGOS SHING DE 'BREL BA'I MTSON CHA NI G-YUL DU SPYAD PA'I MTSON CHA'O, ,

250b

DE BZHIN DU ROL MOR SPYAD PA YANG NGO, ,DE GNYIS JI LTA BU ZHIG GANG GI BYED PA PO YIN ZHE NA, DE'I PHYIR DGOS PA'I PHYIR RUNG BAR GYUR PA NI DNGOS GZHI'O, ,GYUR PA MA YIN PA NI NYES BYAS KYI'O, ,GTZUG LAG KHANG DANG NYE 'KHOR NA 'DUG PA LA BDAG GIR BYA BA DANG MA 'BREL PAR RDZAS CHUD MI ZA BAR BYA BA'I SEMS KYIS NI MA GTOGS SO ZHES BYA BA SMOS SO, ,DE GNYIS GNAS GANG LA YANG RUNG BA NA 'DUG PA BYED PA PO YIN NAM ZHE NA MA YIN TE, DE'I PHYIR GTZUG LAG KHANG DANG DE'I NYE 'KHOR NA 'DUG PA NI MA GTOGS TE ZHES BYA BA'I TSIG GIS SO, ,CI SEMS GANG YANG RUNG BAS 'DI MA GTOGS PAR SEMS GANG YANG RUNG BA DE LA 'DI BYED PA PO YIN ZHE NA, DE'I PHYIR BDAG GIR BYA BA DANG MA 'BREL PAR RDZAS CHUD MI ZA BAR BYA BA'I SEMS GANG LA YOD PA DE'I PHYIR 'DI'O, ,GTZUG LAG KHANG DANG DE'I NYE 'KHOR NA 'DUG PA NI MA GTOGS TE ZHES BYA BA 'DI'I DON TO, ,DE BSKYANG BA'I PHYIR REG PA DANG REG TU BCUG PA LA NI NYES PA MED DO ZHES BYA BA DE TZAM BSHAD DO, ,DE LA 'DI LTAR YONGS SU BSKYANG BAR BYA ZHES BYA BA MA BSTAN PAS DE RJOD PAR BYED PA NI, DE YAL BAR MI DOR ZHES BYA BA NI GTZUG LAG KHANG NA 'DUG PA'AM, GTZUG LAG KHANG GI NYE 'KHOR NA 'DUG PA ZHES BYA BA DANG SBYAR RO, ,RIN PO CHE 'AM RIN PO CHER SMOS PA DE YAL BAR MI DOR TE; DE BSRUNG BA'I PHYIR 'DOD PA DE THOB PAR MI BYA ZHES BYA BA'I DON TO, ,BDAG PO LAS 'KHYAMS PAR GYUR NA ZHES BYA BA SHUGS KYIS RTOGS PA'O, ,BSRUNG BA'I DON DU 'DOD PA THOB PAR BYA BA JI LTAR DE YANG BAR MI 'DOR BAR BYA ZHE NA, DE'I PHYIR ZHAG BDUN NAM BRGYAD DU BSDU SKYOGS BYA'O ZHES BYA BA SMOS TE, 'GRO BA'I LAM G-YOGS SU 'AM LO MA'I TSOGS DAG GIS G-YOGS PAR BYA'O, ,BDAG PO RTAGS THAMS CAD LA MA BAB PAR KHO BO'I YIN NO ZHE ZER BA LA SBYIN PAR MI BYA'O ZHES BYA BA SMOS TE, RDZAS DE'I RTAGS GANG YIN PA DE'I THOG TU PHEBS PAR GYUR PA'I DON GYIS MA PHABS PAR MUN SPRUL TZAM DU KHO PO'I YIN NO ZHES ZER BA DE LA GYA TSOM DU SBYIN PAR MI BYA'O, ,'ONGS PAR MA GYUR NA DE'I 'OG TU DGE 'DUN GYI MDZOD DU GZHUG PAR BYA'O ZHES BYA BA LA, DE'I ZHES BYA BA NI BDAG PO'I 'O, ,DE'I 'OG TU ZHES BYA BA NI ZHAG BDUN NAM BRGYAD RNAMS LAS SO, ,'DIR DUS YUN JI SRID DU GZHUG CING BCANG BAR ZHE NA, DE'I PHYIR ZLA BA

251a

, ,DRUG GI MTHA' TSUN CHAD DU BCANG BAR BYA'O ZHES BYA BA SMOS SO, ,DUS DE LA YANG BDAG PO MA 'ONGS NA DE'I 'OG TU GNAG ZHIG BYA BA DE SMOS PA NI, DE'I PHYIR 'OG TU MA 'ONGS NA SANGS RGYAS SAM DGE 'DUN GYI RIS GANG NAS RNYED PA DER SPYAD DU RUNG NGO ZHES BYA BA SMOS TE, SA RIS GANG NAS ZHES BYA BA NI SANGS RGYAS SAM DGE 'DUN GYIS RIS KYI YUL GANG GI NANG NAS SO, ,DES ZHES BYA BA NI SANGS RGYAS SAM DGE 'DUN GYIS SO, ,DGOS PA'I PHYIR RUNG BA NYID LA DNGOS PO DE'I TSIG TU BRJOD PA MA YIN PA STE, MI RUNG BA NYID LA 'DI'I BYA BA GANG YIN PA DE BRJOD PAR BYA STE, DE RUNG BA NYID MA YIN NA DES RUNG BA BRTAN PA NYO BAR BYA'O, ,GAL TE DE'I TSE BDAG PO 'ONGS PAR GYUR NA RJES SU GNANG BA GSOL TE, MI STER NA SBYIN PAR BYA'O ZHES BYA BA SMOS TE, GAL TE DE'I TSE ZHES BYA BA NI NYOS PA NYID DANG MA NYOS PAR SPYOD PA'I GNAS SKABS SU YANG DGOS PAR GYUR PA NYID NA'O, ,MI STER NA ZHES BYA BA NI RJES SU GNANG BA'O, ,SBYIN PAR BYA'O ZHES BYA BA NI RDZAS DE'O, ,GAL TE SKYED SLONG NA KHO BO CAG GIS YONGS SU BSKYANGS PA GANG YIN PA DE NYID DRIN CHE BAR MI SEMS SAM ZHES BRJOD PAR BYA'O ZHES BYA BA LA, SKYED SLONG NA ZHES BYA BA NI DGOD PA'I RGYU MTSAN GYI RNYED PA'O, ,SNGAR RUNG BA NYID DU GYUR PA ZHES GANG SMOS PA DE LA GAN LA DGOD PAR BYA BA NYID YIN ZHE NA; DE'I PHYIR BRJOD PAR BYA STE, NOR BU LA SOGS PA NI BDAR BA DANG, PHUG PA NYID YIN NO ZHES BYA BA SMOS TE, SOGS PA ZHES BYA BA'I SGRAS NI MU TIG DANG BEE d'URYA LA SOGS PA DAG BSDUS PA'I DON DU'O, ,'DIR GZHUNG KHA CIG LAS NI DGE SLONG GIS NOR BU LEN NA NI NYES BYAS SU 'GYUR LA, BDAR BA LEN PAR BYED NA LTUNG BYED DO, ,NOR BU JI LTA BA BZHIN DU MI TIG DANG BEE d'URYA DANG DUNG DANG MAN SHEL DANG BYI RU DANG DNGUL DANG SA LE SBRAM DANG SBUG DANG RDO'I SNYING PO DANG, DMAR PO DANG G-YAS SU 'KHYIL PA'I BAR DU YANG RUNG NGAM ZHES PA'O, ,GZHAN LAS KYANG DGE SLONG GIS NOR BU LEN NAM PHUG BA LEN NA NYES BYAS SU 'GYUR LA, PHUG BA LEN PAR BYED NA NI LTUNG BYED DO, ,NOR BU JI LTA BA BZHIN DU MU TIG DANG BEE d'URYA DANG JI SRID G-YAS SU 'KHYIL BA'I BAR DU YANG DE BZHIN NO ZHES GSUNGS PA YIN NO, ,DE GNYIS KA LA YANG JI LTAR RIGS PAR SBYAR BA ZHES BYA BAS GNYIS KA BSDUS PA YIN NO, ,MGUL RGYAN DANG GDU BU RGYAN CAN DANG DPUNG RGYAN DANG DO SHAL DANG

251b

SE MO DOR GNAS PA NYID DU YANG NGO ZHES BYA BA NI SA LE SBRAM DANG DNGUL LAS BYAS PA NYID GANG ZHIG 'DIR DE LA 'DI LTA BUR 'DUG PA'I NGO BO MA YIN PA LA 'DI DAG LA DNGOS GZHI'I BYED PA NYID MA YIN NO ZHES BYA BA 'DI BSTAN PA'I DON DU BZUNG BA'O, ,PI WANG DANG GLING BU DANG BA LA RI DANG MA H'A TI DANG SU GHO shA KA RNAMS NI RGYUD DANG BCAS PA NYID NA'O ZHES BYA BA NI RUNG BAR GYUR PA NYID NA'O ZHES BYA BA STE 'DIR THAMS CAD DU SBYAR BAR BYA'O, ,'DIR GZHUNG NI DGE SLONG GIS PO WANG LEN NA RGYUD DANG CAS PA LEN NA LTUNG BYED DU 'GYUR LA RGYUD MED PA LEN NA LTUNG BA NYES PA CAN DU 'GYUR RO, ,PI WANG JI LTA BA BZHIN DU GLING BU DANG BAL RI DANG MA H'A TI DANG SU GHO shA KA YANG DE BZHIN NO ZHES GSUNGS PA YIN NO, ,DUNG DANG RNGA PO CHE DANG RNGA PA tA HA DANG RDZA RNGA RNAMS NI SGRA 'BYIN NA'O ZHES BYA BA NI RUNG BAR GYUR PA YIN NO, ,GZHAN NI RGYUD DANG BCAS PA NYID NA'O ZHES BYA BA NI RUNG BAR GYUR PA NYID YIN NO ZHES BYA BAR 'JUG GO, ,RAL GRI DANG RAL GRI KHYOG PO DANG RAL GRI SO GCIG PA DANG MA DUNG DANG 'PHANG MDUNG DANG LCAGS KYU RNAMS NI DE NYID YIN NA'O ZHES BYA BA NI RAL GRI LA SOGS PA RNAMS KYI DE DAG NYID YIN NA RAL GRI LA SOGS PA RUNG PA NYID LA RUNG BA NYID CES BYA BA'I DON TO, ,MDA' DANG LCAGS MDA' DANG MDA' PHYED LCAGS LAS BYAS PA RNAMS NI MDE'U DANG BCAS PA NYID YIN NA'O ZHES BYA BA NI RUNG BA NYID YIN NO ZHES BYA BAR SBYAR RO, ,SKU GZUGS NI SKU GDUNG DAG BCAS PA NYID YIN NA'O ZHES BYA BA NI GANG GIS 'DI 'DRA BA DE NI MTSON PAR BYED PA RNAMS SO, ,'DIR SO SOR NYE BAR GNAS PA ZHES BYA BA'I DON TO, SKU GDUNG DANG BCAS PA NYID YIN NO YONGS SU RDZOGS PA NYID DE LA SO SOR NYE BAR GZHAN PA NYID DO, ,NYE BAR DGOS PA NYID LA 'DI'I NGO BO NYID LTAR SKU GDUNG DANG BCAS PA'I SKU GZUGS BSTAN PA'O, ,RIN PO CHE'I RNAG BZHIN NYID LA SKU GDUNG DANG BCAS PA NYID NI KHA NA MA THO BA YONGS SU RDZOGS PA'O, ,SKU GDUNGS DANG BCAS PA MA YIN NA NYES BYAS SO, ,RIN PO CHE'I RNAG BZHIN MA YIN PA NYID LA SKU GDUNG DANG BCAS PA NYID NA NI NYES BYAS SO, ,SKU GDUNG MED PA NYID LA NI LTUNG BA MED DO, ,'DIR LCI BA YONGS SU SPANG BA'I DON DU DRAN PA NYE BAR GZHAG PA ZHES BYA BA 'DIR RNAMS PAR GZHAG PAR RIG PAR BYA'O, ,MCHOD RTEN RIN PO CHE LAS BYAS PA LA NI DGOS PA NYID MED PA NI MA YIN TE, DE BAS NA

252a

, ,'DIR YANG RIN PO CHE'I RNAG BZHI DANG SKU GDUNG DANG BCAS PA NYID DAG LA LTUNG BYED DO, ,GANG YANG RUNG BA GCIG MA TSANG NA NI NYES BYAS SO ZHES BYA BA RTOGS PAR BYA'O, ,NYAN THOS DANG RANG SANGS RGYAS KYI SKU GZUGS DANG SKU GDUNG DANG BCAS PA NYID LA NI DE DAG GI SKU GDUNG DANG BCAS PA YANG RUNG, SANGS RGYAS KYI SKU GDUNG DANG BCAS PA YANG RUNG STE, NYES BYAS SU 'GYUR BA NYID DU RTOGS PAR BYA'O, ,SRED MED KYI BU LA SOGS PA'I GZUGS RIN PO CHE LAS BYAS PA NYID MA YIN PA SKU GDUNG DANG BCAS PA NYID NI DE DAG GI RUS PA DANG BCAS PA YANG RUNG SANGS RGYAS KYI SKU GDUNG DANG BCAS PA YANG RUNG STE NYES PA MED DO, ,RIN PO CHE LAS BYAS PA NYID YIN NA NI RDZAS TZAM GYI DBANG LAS NYES BYAS SU 'GYUR RO, ,DE LA STON PA'I 'DU SHES NYE BAR GZHAG NA NYES PA MED DO ZHES BYA BA NI SKU GZUGS DE DAG LA STON PA'I 'DU SHES NYE BAR BZHAG STE, REG GAM REG TU BCUG PA NI NYES PA MED DO ZHES BYA BA'I DON TO, ,NOR BU MCHING BU DANG SOGS MA'I PHRENG BA DANG MCHU SGRENG DANG RDZA RNGA KHA CIG PA DANG GZHU DANG MDA' LTAR BCOS PA RNAMS NI PHYED NYID DO ZHES BYA BA LA, MDA' LTAR BCOS PA ZHES BYA BA NI LTOS LA SOGS PA DANG SBYAR BAS MDA' RNAM PA NYID DU NYE BAR GYUR PA STE, SHING BU LA SOGS PA DAG LAS LTONG TZAM BTOD CING 'OL BYI TZAM MDA' 'DRA BA BYAS PA YIN PAR RIG PAR BYA'O, ,'DIR MCHING BU LA SOGS PA'I TSIG NI DPE TZAM DU ZAD DE, SA LAS BYAS PA'I NOR DU BDAG KYANG PHYED NYID DE NYES BYAS SU RIG PAR BYA'O, ,GSER GYI STEGS BU NI MI RUNG BA NYID DO ZHES BYA BA LA, RNAM PA 'DI LTA BU NYID NI MKHO BA'I YO BYAD DU GYUR PA NYID MA YIN TE, GANG ZHIG 'DI LA STEGS BU LA SOGS PA NYE BAR MKHO PA'O, ,MI RUNG BA NYID LA GRUB PAS THAMS CAD DU GYUR PA'I YONGS SU GRUB PA'I DON LA'O, ,'DIR GZHUNG NI ZHU BA KHA CIG LAS DGE SLONG GSER GYI STEGS BU LA 'DUG NA NYES BYAS SO ZHES GSUNGS PA YIN NO, ,'JIGS PAR GYUR NA RANG GI LA MI GNOD NA DGE 'DUN GYI DANG MCHOD RTEN GYI DBYIG DANG GSER SBAS SAM KHYER TE 'GRO BAR BYA'O ZHES BYA BA NI GZHUNG KHA CIG LAS 'DIR SBAS NAS KHYER TE 'GRO BAR BYA'O ZHES 'BYUNG NGO, ,GZHAN DU NI DGE SLONG GIS 'DUN GYI MI ZAD PA'I GTER KHYER TE, KHYIM PA DANG DGE TSUL DAG LA BYIN PA DANG DE DAG GIS KHYER STE BROS

252b

NAS, BCOM LDAN 'DAS KYIS BKA' STZAL PA, KHYIM PA YID CHES PA MA YIN PA LA KHYIM PA'AM, DGE TSUL LA DGE 'DUN GYI MI ZAD PA'I GTER RNAMS LAG TU SBYIN PAR MI BYA'O, ,GAL TE YID CHES PAR GYUR NA NI SBYIN PAR BYA'O, ,'ON TE YID CHES PAR MA GYUR NA DGE SLONG RANG GIS KHYER TE 'GRO BAR BYA ZHING GANG GI TSE GTZUG LAG KHANG DE NYID NA GNAS PA YIN NA DE'I TSE DE NYID DU SBYIN PAR BYA'O, ,'ON TE GTZUG LAG KHANG PA ZHIG NA GNAS PA MA YIN NA GTZUG LAG KHANG DE NYID DU GZHAG PAR BYA'O ZHES GSUNGS PA YIN NO, ,DER GNYIS KA LTAR YANG JI LTAR NYE BAR DGOS PAR GYUR PA RTOGS PA PHYIR 'THAD PA YIN NO, ,DE BAS NA DE GNYIS KA YANG 'DIS BSDUS PA YIN NO, ,RANG GI LA MI GNOD NA ZHES BYA BA NI GAL TE DGE 'DUN NAM MCHOD RTEN GYI SBA PAR BYA BA LA BDAG NYID KYI DON LA MI SBA PAR KHYER BA DANG MA KHYER BAR GNOD PAR GYUR NA NI DE LTA BU MI BYA'O ZHES BYA BA'I DON TO, ,RANG GI LA ZHES BYA BA NI CHOS DANG LDAN PA DE'I'O, ,GANG ZHIG MED PAR LUS GNAS PA'AM CHOS SGRUB PA LA GNOD PAR 'GYUR BA RMONGS PA'I YO BYAD LA NI MA YIN NO ZHES BYA BA SHUGS KYIS SHES PAR BYA'O, ,DGE 'DUN GYIS ZHES BYA BA LA, 'DIR GZHUNG NI DER DGE SLONG RNAMS KYIS DGE 'DUN GYI MI ZAD PA'I GTER RNAMS KHYER BA DANG, DE DAG GI LHUNG BZED DANG CHOS GOS DANG 'KHYAMS NAS SKABS DE DGE SLONG DAG GIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DE LTAR MI BYA STE GANG ZAG NI PHONGS PAR 'GYUR GYI DGE 'DUN NI MI 'GYUR BAS DE'I PHYIR DGE SLONG GIS DANG POR RANG GI LHUNG BZED DANG CHOS GOS BSKUR BAR BYA ZHING GAL TE BSRUNG BAR NUS NA PHYIS DGE 'DUN GYI LA YANG 'BAD PAR BYA'O, ,MCHOD RTEN GYI LA YANG ZHES BYA BA NI DE YANG GANG DU SBAS NAS 'GRO BA KLOG PA LAS DER GSUNGS PA RING BA NYID KYI PHYIR 'DIR MA BRTAGS SO, ,BYED PAR GYUR PA GANG GIS SBAS NAS SAM KHYER TE 'GRO ZHE NA, DE'I PHYIR DAD PA CAN GYIS TE 'DI PA'I RAB TU BYUNG BA MA YIN PA LA 'DI BZUNG BA ZHES BYA BA 'OG NAS SHES PAR BYA'O, ,DGE TSUL GYIS SO ZHES BYA BA NI SDOM PA NYID LA DAD PAS DE'I GNAS LAS MTHA' YAS PAR BYAS PA NYID 'DIS NI DAD PA CAN ZHES BYA BAR RIG PAR BYA'O, ,MED NA RANG GIS SO ZHES BYA BA NI, DE GNYIS GCIG KYANG MED NA RANG GIS SBAS SAM

253a

, ,KHYER TE 'GRO BAR BYA'O, ,DER BSKO BAR BYA BA NI, SBA BA DANG BSKUR BAR BYA STE 'DZIN PAR SBYOR BA'O, ,DER BSKO BA YANG 'DI DANG SHIN TU ZHAN PA NYID KYI PHYIR 'GRO BA NYID DU RIG PAR BYA'O, ,BRAL NA SBYIN NO ZHES BYA BA NI 'DIR BRAL NA SBAS PA'AM KHYER BA DE NYID DU SBYIN PA'O, ,BRU BA YANG DE DANG 'DRA'O ZHES BYA BA NI JI LTAR SBAS TE KHYER NAS BA DE BZHIN DU DAD PA CAN NAM, DGE TSUL GYIS BRU BA'O, ,JI SRID DU DE GNYIS MED NA RANG GIS SO, ,MI MA YIN PA'I GNAS NA GNAS TE DE DAG GI BSOD NAMS KYIS BYUNG BA RIN PO CHE'I RANG BZHIN GYIS GZHI DANG THEM SKAS LA SOGS PA LA NI NYES PA MED DO ZHES BYA BA NI DE DANG 'DRA BA'I 'JIG RTEN SGRUB PAR BYED PA'I BSOD NAMS NI 'DIR RIG PAR BYA STE GZHAN RNAMS LA NI MA YIN NO, ,ZAN GYI PHYIR SNOD GZHAN MED NA RIN PO CHE LA SOGS PA YANG NGO ZHES BYA BA LA, YANG NGO ZHES BYA BA'I SGRA NI SKYON MED PA'I ZHES BYA BA LA SOGS PA 'DI MED PA LA GZHAN MED NA ZHES BYA PA'I GNAS NA GAL TE DE DAG GI BSOD NAMS KYIS BYUNG BA'I DE RNAMS KYI, RIN PO CHE'I RANG BZHIN LA NI NYES PA MED DO ZHES BYA BA'I RJES BSNYEG PA'I PHYIR RO, ,'DUG PA'I PHYIR GNAS MAL YANG NGO ZHES BYA BA LA, YANG NGO ZHES BYA BA'I SGRA NI SKYON MED PA'I ZHES BYA BA LA SOGS PA 'DI MED PA LA GZHAN MED NA ZHES BYA BA LA SOGS PA'I RJES BSNYEG PA'I PHYIR RO, ,'DIR GZHUNG NI KO LPAGS KYI GZHI LAS, DGE SLONG DAG LHA DANG KLU'I GNAS DAG TU 'GRO BA NA DER RIN PO CHE'I RANG BZHIN GYI GDAN RNAMS RNYED PAR GYUR TE, DE RNAMS LA 'DUG PAR MI BYED CING, BCOM LDAN 'DAS KYIS BKA' STZAL PA, DE DAG NI SEMS CAN DE RNAMS KYI BSOD NAMS LAS BYUNG BA YIN PAS DE RNAMS LA 'DUG DPAR BYA'O ZHES GSUNGS PA YIN NO, ,GAL TE YANG GZHAN LA MED PA ZHES BYA BA 'DIR MI 'DOD NA DE LTAR YANG 'DI NI RIGS PAR GYUR PA STE, DE BAS NA BRTEN PA'O, ,BZHON PAS 'GRO BAR BYA'O, CHOS DANG LDAN PA'I CHOS NYID KYI DBANG NYID KYIS SO; ,DE LA YANG CHA SGEG PA DANG LDAN PA NYID KYIS MI BYA'O, ,RGAS PA DANG NA BA DAG LAS GZHAN PAS MI BYA BA NI KO LPAGS KYI PHRAN TSEGS RNAMS LAS 'DI SKAD CES GSUNGS TE, CHOS NYAN DU GZHUG PA'I PHYIR RIN PO CHE LAS BYAS PA'I SENG GE'I KHRI LA MI RTAG PAS NYES PAR GYUR PA'I YID LA BYED PAS 'DUG PAR BYA'O

253b

ZHES BYA BA LA, CHOS BSGRAG PA'I DON DU ZHES BYA BA NI 'DIR 'DUG CING NYAN PA PO RNAMS LA CHOS BSGRAGS PAR BYA'O ZHES BYA BA'I DON LA BRTEN NAS GNAS MAL GYI BSLAB PA'I GZHI LA SOGS PA GSUNGS SO, ,DE LA SOGS PA'I RDZAS KYANG ZHES BYA BA'I MTHA' CAN 'DIR DRANGS PA'O, ,'DIR GZHUNG NI DE NAS KHYIM BDAG MGON MED ZAS SBYIN GYIS THOS NAS RIN PO CHE SNA BZHI LAS BYAS PA'I SENG GE'I KHRI BSHAMS PA DANG DGE SLONG DE DAG DE LA MI 'KHOD NAS, BCOM LDAN 'DAS KYIS BKA' STZAL PA, 'DU BYED THAMS CAD MI RTAG GO SNYAM DU BSAMS NAS DE LA 'DUG NAS CHOS BSHAD PAR BYA'O ZHES GSUNGS PA YIN NO, ,KHYIM DU DE BSHAMS PA DANG GSER DANG DNGUL GYIS SPRAS PA DRIL BU G-YER KHA GSHIBS PA'I GOS DAG LA KHYIM PA'I YIN NO SNYAM DU SHES PAR BYAS NAS KYANG NGO ZHES BYA BA LA, KYANG NGO ZHES BYA BA'I SGRA NI MI RTAG PAS NYEN PAR GYUR PA YID LA BYED PAS 'DUG PAR BYA'O ZHES BYA BA'I RJES SNYEG PA'I PHYIR RO SNYAM DU SHES PAR BYAS NAS ZHES BYA BA NI KHYIM PA'I YIN NO SNYAM DU SHES PAR BYAS NAS SO, ,'DIR GZHUNG NI BRAM ZE DANG KHYIM BDAG DAD PA CAN RNAMS KYIS KHYIM GYI NANG DU GSER GYIS SPRAS PA GSER GYI DRIL BU G-YER KHAS GSHIBS PA'I GOS DAG BSHAMS PA DANG, DGE SLONG DAG DE LA MI 'KHOD NAS, BCOM LDAN 'DAS KYIS BKA' STZAL PA, 'DU BYED THAMS CAD MI RTAG GO SNYAM DU BSAMS TE, SBYIN PA PO RNAMS KYIS SBYIN PAR BYA BA'I CHOS RNAMS LA YONGS SU LONGS SPYOD PAR BYA'O ZHES GSUNGS PA YIN NO, ,DE LA NOR BUS SPRAS PA GSER DANG DNGUL GYIS BRGYAN PA DAG LA YANG NGO ZHES BYA BA LA, DE LA ZHES BYA BA NI SENG GE'I KHRI DE LA'O, ,DE LTA BU'I GOS DAG LA 'DUG PA 'DI NI DE'U RE MI RTAG PAS NYEN PAR GYUR PA YIN NO SNYAM PA'I YID LA BYED PAS 'DUG PAR BYA'O, ,'DI LTAR SENG GE'I KHRI'I CHO GA LA GRUB PA MED DE DNGOS SU YANG BYE BRAG 'DI LA KHYAD PAR GYI GZHUNG YOD PA MA YIN TE, 'DI BSTAN PA'I PHYIR MDO 'DI BYAS SO, ,DE DAG GRUB PAR BYA'O 'DO ZHES BYA BA NI SENG GE'I KHRI LA GOS RNAM PA DE LTA BU BSHAMS PA DE DAG GO, ,KHYIM PA DANG DGE TSUL MED NA SANGS RGYAS KYI SKU GZUGS LA STON PA'I 'DU SHES NYE BAR GZHAG PA RNAMS KYIS CHOS DANG LDAN PA'I DON GYI DBANG NYID KYIS REG PA LA MI RUNG BA MED DO

254a

, ,ZHES BYA BA NI 'DIR RIN PO CHE YANG SANGS RGYAS KYI SKU GZUGS BRJOD PAR 'DOD PA'O, ,DE'I RDZAS LA YANG NGO ZHES BYA BA NI SANGS RGYAS KYI SKU GZUGS DE'I RDZAS DANG RGYAN LA SOGS PA LA YANG NGO, ,RGYAN GDAGS PA BRTEN PAR MI BYA'O ZHES BYA BA LA 'DIR GZHUNG NI DE LTA BAS NA DGE SLONG GIS RGYAN DANG RKANG RGYAN GDAGS PAR MI BYA'O, ,'DOGS NA 'GAL TSABS CAN DU 'GYUR RO, ,DE BZHIN DU TSON SNA LNGA'I SNGAGS SKUD GDAGS PAR MI BYA'O, ,'DOGS NA 'GAL TSABS CAN DU 'GYUR RO ZHES BYA BA'I BAR DU GSUNGS PA YIN NO, ,RGYAN 'DOGS PA 'DI LA RGYAN DE THAMS CAD NI DPE TZAM YIN GYI 'DI THAMS CAD BCANG BAR BYA BA MA YIN NO ZHES BYA BA 'DI STON PAR BYED PA'O, ,'DI NI RANG BZHIN GYI KHA NA MA THO BA DANG BCAS PA MA YIN TE, DE BAS NA DE BSRUNG BA'I DON DU SRUNG SKUD 'DI TSON LNGA'I RANG BZHIN CAN NI MI BYA BAR SHES PAR BYA BA MA YIN NO, ,PHRAN TSEGS DAG LAS DE LA SOGS PA 'DIR RUNG BA ZHES BYA BA'I PHYIR MTHAR 'DI DRANGS PA'O, ,MA MO LAS KYANG NYAN THOS KYIS KYANG DOR NA ZHES GSUNGS PA YIN NO, ,RGYAN BCANG BAR BYA'O ZHES BYA BA LA, RGYAN RNAM PA JI LTA BU ZHIG CE NA, DE YI PHYIR GDAGS SU MI RUNG BA'O ZHES BYA BA SMOS TE, GDAGS PAR MI 'OS PA DANG MI RUNG BA'O ZHES BYA BA'I DON TO, ,RANG BZHIN GANG LAS BYAS SHE NA, DE'I PHYIR RO NYE'AM ZANGS MA'AM RA GAN NAM KHAR BA'AM RGYA SKYEGS KYI TSIGS MA'AM, SHING NGAM RDO 'AM SA 'AM BA SO 'AM RVA DAG RNAMS LAS BYAS PA'O ZHES BYA BA SMOS TE, 'DI'I GZHUNG NI GZHUNG KHA CIG LAS DGE SLONG GIS GSER DANG DNGUL DANG BEE d'URYA DAD SHEL GYI RANG BZHIN LAS BYAS PA'I RGYA RNAMS BCANG BAR MI BYA'O, ,SOR GDUB KYI RGYAN YANG BCANG BAR MI BYA'O, ,'ON KYANG 'DIR RGYAN NI RNAM PA LNGA STE, RA GAN LAS BYAS PA DANG ZANGS MA LAS BYAS PA DANG, KHAR BA LAS BYAS PA DANG BA SO LAS BYAS PA DANG RVA LAS BYAS BA'O ZHES GSUNGS TE, GZHAN DU NI DGE SLONG GIS JI SRID GSER LAS BYAS PA'I BAR DU BCANG BAR BYA'O, ,'ON KYANG RGYAN RNAM PA BRGYAD PO RO NYE DANG ZANGS DANG RA GAN DANG KHAR BA DANG RGYA SKYEGS KYI TSIGS MA DANG SHING DANG RDO DANG SA LAS BYAS PA BCANG BAR BYA'O ZHES GSUNGS PA YIN NO, ,DE LA RIN PO CHE

254b

LAS GZHAN PA'I RDZAS KYI DPE YIN NO ZHES BYA BA NI BSDUS NAS BYAS PA YIN NO, ,RTAGS NI DGE 'DUN GYI LA NI DBUS SU 'KHOR LO, ,NGOS GNYIS SU RI DAGS, 'OG TU GTZUG LAG KHANG GI BDAG PO'I MING BRI'O, ,GANG ZAG GI LA NI RUS PA'I KENG RUS SAM MGO'I THOD PA'O, ,SO MANGS KYIS SKRA BSHAD PAR MI BYA'O ZHES BYA BA NI LONGS PA'I DNGOS PO YIN PA'I PHYIR RNAM PA 'DI 'JUG PA DNGOS PO'I RNAM PAR YANG 'DIR DNGOS PO ZHES BYA BA 'DI ZHUGS PA'O, ,DE NI DPE'O ZHES BYA BA NI SO MANGS ZHES BYA BA 'DI NI GZHAN SGRUB PAR BYED PA'I DPE YIN TE, GZHAN GYIS KYANG MGO'I SKRA BSHAD PAS MGO BSHAD PAR MI BYA ZHES BYA BA'I DON TO, ,ME LONG GIS BZHIN BLTA BAR MI BYA'O, ,CHU YAN CHAD KYIS SO ZHES BYA BA NI THA NA CHU YAN CHAD KYIS KYANG STE, CHU YAN CHAD NAS TIL MAR DANG MAR LA SOGS PA'I RDZAS GZHAN GYI BAR MAN CHAD KYIS KYANG BLTA BAR MI BYA ZHES BYA BA'I DON TO, ,CHU BRTAG PA'I CHED NYID DANG RMA DAD GNYER MA DANG SKRA DKAR BLTA BA DANG SNGA PHYI'I MTSAN MA BZUNG BA LA NI LTUNG BA MED DO ZHES BYA BA NI CHOS DANG LDAN PA'I DON GYI RGYU MTSAN NYID GTZO BO 'DI YIN TE, 'DIR MIG GI DRI MA LA SOGS PA LA YANG DON YOD PAR DGONGS PAS GNANG DU RUNG BA 'PHANGS PA'O, ,'PHRAL RIS GSUM BSTEN PAR MI BYA'O ZHES BYA BA LA, 'DIR GZHUNG NI PHYOGS DE LA 'DI NI DPER TZA MA YIN TE, DE LTAR RIGS CAN GYI CHA NI RANG GIS BYAS PA'AM GZHAN GYIS BYAS PA RNAM PAR 'BYED PA BYA BA MA YIN TE, DE BAS NA DGE SLONG GIS 'PHRAL RIS GSUM BSTEN PAR MI BYA'O ZHES GSUNGS PA YIN NO, ,GI WANG GIS BSKU BA BSTEN PAR MI BYA'O, ,DRI DAG GIS KYANG MI BYA'O ZHES BYA BA YANG BSKU BAR MI BYA'O ZHES BYA BAR SBYAR RO, ,GSO BA'I CHED DU NI GI WANG GIS BSKU BA BSTAN PAR BYA'O, ,GANG ZHIG DRIS PAS RJES SU GNANG BA DE LA GSO BA'I CHED NYID MA GTOGS PAR GZHAN NI KHONGS SU BSDUS PAR RIG PAR BYA'O, ,BSOD NAMS 'DOD PAS RKANG PA GNYIS LA LUS BSKU BA'I DRIS SKUD PA BSTEN PAR BYA'O, ,DE'I MDUN DU DOR BAR MI BYA'O ZHES BYA BA LA, DE'I ZHES BYA BA NI SBYIN BDAG BSOD NAMS 'DOD PA DE LA CHO GA GANG YANG 'DI SKUD PA DANG 'BREL PA YOD PA MA YIN TE, DE NYID BRJOD PAR BYA

255a

, ,TE; DE DAG BSKUS PA DGE 'DUN GYI NANG DU 'DU BAR MI BYA'O ZHES BYA BA LA, DE DAG CES BYA BA NI DRI DAG GIS SO, ,BSKUS PA ZHES BYA BA NI BYUGS PA'O, ,KHYIM BDAG LA CHOS BSTAN PAR MI BYA'O, ,KHYIM DAG TU 'GRO BAR MI BYA'O, ,MJUG TU KHRUS BYA'O, ,DE DAG BLANG BAR BYA'O ZHES BYA BA LA, DE DAG CES BYA BA NI DRI DE DAG GO, ,PHENG BA RGYU DAG KYANG NGO ZHES BYA BA YANG BLANG BAR BYA'O, ,MCHOD RTEN LA DBUL BAR BYA'O ZHES BYA BA NI, DRI DANG PHRENG BA RGYU BLANGS PA DE DAG GO, ,SU'I MCHOD RTEN LA YIN ZHE NA, DE'I PHYIR NYAN THOS KYI LA YANG NGO ZHES BYA BA SMOS TE, SANGS RGYAS KYI 'BA' ZHIG LA DBUL BAR MA ZAD KYI ZHES BYA BA'I DON TO, ,SBYIN PAR BYED PA MNGON PAR MA DAD NA MGO LOGS SAM RKANG PA LOGS SU 'O ZHES BYA BA NI MCHOD RTEN LA DBUL BA SBYIN PAR BYED PA MNGON PAR MA DAD NA RANG GI MGO LOGS KYI SNGAS SAM RKANG PA LOGS KYI RTEN MAR GZHAG PAR BYA'O, ,JI LTAR ZHE NA DE'I PHYIR SGO'I BYANG TANG MA YIN PAR RO ZHES BYA BA SMOS SO, 'DIR GZHI GANG LA DBUL BA YIN ZHE NA, DE'I PHYIR RTZIG PA ZHES BYA BA SMOS TE PHRENG BA'O, ,DE LA DMIGS KYIS BSAL BAR GYUR PA'I CHO GA GZHAN BRJOD PAR BYA STE, DER KHAB BAM TSER MA BTZUGS PA LA PHRENG BA BRGYUS PA DAG DPYANG BAR BYA'O ZHES BYA BA DER ZHES BYA BA NI RTZIG PA'I NGOS BSTAN PA LA STE PHYED BRKOS PA LA 'JUG PA LA ZHES BYA BA'I DON TO, ,TSER MA BTZUGS PA LA ZHES BYA BA NI PHYED BTZUGS PA LA'O, ,MIG LA PHAN PA'I DRI ZHIM PO DUS DUS SU BSNAM PAR BYA'O ZHES BYA BA NI CHO GA 'DI NI GNYIS KA DANG 'BREL PAR RIG PAR BYA'O, ,BRAM ZE SRAD BU THOGS PA BSTEN PAR MI BYA'O, ,SNGAGS SKUD KYANG NGO ZHES BYA BA NI SNGAGS SKUD THOGS PA BSTEN PAR MID BYA'O ZHES SBYAR BAR BYA'O, ,BYAS PA NYID LA NI GSO BA'I PHYIR RJES SU GNANG BA LA BRTAN NAS GNAS KYI BYE BRAG BSTAN PA NI GSO BA'I PHYIR NI DPUNG BA G-YON PAR RO ZHES BYA BA SMOS SO, ,SNGAGS SKUD THOGS PA YANG BSTEN PAR BYA'O ZHES BYA BAR SBYAR RO, ,GAR BAB BAB TU NI MI DOR ZHES BYA BA NI SOS PAR GYUR NAS SNGAGS SKUD DE'O, ,GAL TE LHAG MA DANG BCAS PAR GYUR NA CHOS GOS KYI THA MA'AM, SKA RAGS LA GDAGS SO ZHES BYA BA LA, GAL TE LHAG

255b

MA DANG BCAS PAR GYUR NA ZHES BYA BA NI GNANG NGO, ,GAL TE MA GYUR NA KA BA'AM, RTZIG PA'I GSEB TU GZHUG CES BYA BA LA, GAL TE MA GYUR NA ZHES BYA BA NI LHAG MA DANG BCAS PAR RO, ,RTZIG PA'I GSEB TU ZHES BYA BA NI DE'I NANG DU'O, ,GAR DANG GLU DANG ROL MO KUN DU SPYAD PAR MI BYA'O, ,BSLAB PAR MI BYA'O; ,BZLAS PAR MI BYA'O, ,LTA BA'I PHYIR 'GRO BAR MI BYA'O, ,DGE SLONG MA KUN DU GAR BYED DU MI GZHUG GO ZHES BYA BA NI GAR NAS BRTZAMS TE DGE SLONG MAS MI BYA'O, ,DGE SLONG MA GAR BYED DU MI GZHUG GO ZHES BYA BA YAN CHAD KYI SGRA 'JUG PA'O, ,STON PA'I YON TAN YANG DAG PAR BSGRAG PA DANG, RGYUN CHAGS GSUM PA GDON PA LA DBYANGS KYI NGA RO BYA'O ZHES BYA BA NI STON PA'I YON TAN BSGRAG PA DANG, RGYUN CHAGS GSUM PA GDON PA LAS GZHAN PA'I DBYANGS KYI NGA RO BSGYUR BA LA, GLU RGYANG GI KHONGS SU GTOGS PAR RIG PAR BYA'O, ,DE DAG DBEN PA'I PHYOGS SU BSLAB PAR BYA'O ZHES BYA BA LA, DE DAG CES BYA BA NI DBYANGS KYI NGA RO DE DAG DBEN PA'O, ,THO 'TSAMS PA DANG KUN DU RTZE BA DANG, KUN DU CA CO 'DON PA DANG, RGOD PA DANG, DREGS PA DANG, LUS BRDEG PA DAG MI BYA'O, ,RGOD PA'I BSAM PAS LUS DANG NGAG GI RNAM PAR 'GYUR BA MI BYA'O ZHES BYA BA NI 'DIR GZHUNG NI KO LPAGS KYI GZHI LAS BCOM LDAN 'DAS KYIS GSUNGS PA, DGE SLONG GIS MCHIL LHAM GZUNG BAR MI BYA'O, ,LAG 'GROS MKHAN RAB TU BYUNG BA ZHIG RKANG KHRUS SAR DE'I CHU SNOD GZHAG TE RKANG PA GNYIS BKRUS NAS KHA CHUS BKANG STE, RMA BYA'I 'GROS KYIS 'DUG PA DANG DRUG SDE DAG GIS MTHONG NAS DE RNAMS KYIS SMRAS PA, TSE DANG LDAN PA LA ROL MO MED PAR DGE SLONG GAR BYED DE, DE DAG GI KHAS GLU BLANGS PAS ROL MO'I GLU BRTZAMS PA'I SKABS DE DGE SLONG DAG GIS GSOL PA NA, TSE DANG LDAN PA DAG CI'I PHYIR DGOD PAR GYUR CES SMRAS PA LDANG, DE RNAMS KYIS SMRAS PA 'DI LA BGAD DU CI ZHIG YOD, KHYED RNAMS KYIS MTHONG NGAM DGE SLONG ROL MO MED KYANG GAR BYED PA ZHES BYA BA'I SKABS 'DI NAS, JI SRID DU SANGS RGYAS BCOM LDAN 'DAS KYIS DGE SLONG DE LA DRI BA MDZAD DE DGE SLONG BSAM PA GANG GIS 'DI LTAR BYAS, BTZUN PA GNAS MAL BSKYAB PA'I DON CUNG ZAD DANG DGOD

256a

, ,PA'I BSAM PA CUNG ZAD KYIS SO, ,BCOM LDAN 'DAS KYIS BKA' STZAL PA, GNAS MAL BSKYAB PA'I CHED GANG YIN PA DE LA NI LTUNG BA MED DO, ,DGOD PA'I BSAM PAS BYAS PA LA NI NYES BYAS SO, ,DRUG SDE DAG LA SMRAS PA, BSAM PA GANG GIS KHYED KYIS DE LTAR BYAS, BTZUN PA BSDAD PA'I BSAM PA CUNG ZAD DAG DANG, DGOD PA'I BSAM PA CUNG ZAD KYIS BGYIS SO, ,BCOM LDAN 'DAS KYIS BKA' STZAL PA, BSDAD PA'I BSAM PA DAG GANG YIN PA DE LA NI LTUNG BA MED DO, ,GANG ZHIG DGOD PA'I BSAM PAS BYAS PA DE LA NYES BYAS SO ZHES GSUNGS PA YIN NO, ,GANG ZHIG 'DIR RTZOM PA GCIG PAR GYUR PA NYID LA YANG RIGS MI MTHUN PAS BAR DU CHOD PA DAG LA LTUNG BA DANG LTUNG BA MED PA GCIG TU BSTAN PA'I PHYIR 'DRES PA NI CHAR SDOM MO ZHES BYA BA SMOS TE, CHA SHAS KYIS 'DRES PA NYID LA RIGS MI MTHUN PA'I CHA RNAMS KYIS 'DIR RIGS MI MTHUN PAR BAR DU GCOD PA NYID KYI DBANG GIS THA DAD PA THAMS CAD RIGS MTHUN PA'I CHA RNAMS CHA GCIG PA NYID KYIS MNGON PAR 'DOD PA NYID DO, ,CHA GCIG PA NYID LA DE NYID LA 'JUG PA GCIG PA NYID DO, ,'DIR RIGS GZHAN NYID KYIS THA DAD PA'I DNGOS PO'O, ,'DIR RTZOM PA GCIG PAR GYUR PA NYID KYI PHYIR, BAR DU GCOD PA NYID MED PA LA YANG GCIG NYID DU RNAM PAR GZHAG PA'O, ,BAR CHAD 'GA' ZHIG NI DMAN PA STE, GANG ZHIG MED PAS DE BAS NA NGES PAR GNAS PA DANG LTA BA DANG SPRUGS PA LA SOGS PA RNAMS KYIS SO, ,SNOD BRGYUD PAS ZAS KYI BYA BA MI BYA'O ZHES BYA BA NI, JI LTAR CHANG 'THUNG BA DAG PHAN TSUN SKOM SNOD BRGYUD PAS CHANG 'THUNG BAR BYED PA DE LTAR MI BYA'O, ,ME TOG RNA RGYAN BRGYU BAR MI BYA'O ZHES BYA BA NI, BZO RJES SU BSGRUB PAR MI BYA'O ZHES BYA BA'I SPROS PA YIN PAR RIG PAR BYA'O, ,GDAGS PAR MI BYA'O ZHES BYA BA NI ME TOG RNA RGYAN ZHES BYA BAR SBYAR RO, ,'DI NI MTSON PA TZAM YIN TE, 'DIS PHRENG BA BRGYU ZHENG 'DOGS PA THAMS CAD LA DGAG PAR BYAS PA RTOGS PAR BYA'O, ,NGO SO LAS BYUNG BAR SBYIN PAR MI BYA'O, ,MI RINGS PAR RGYUG PAR MI BYA'O, ,MYUR BA DANG MCHONGS PAR MI BYA'O, ,BRLA DANG LAG PA NYA LTAR BSKOR BAR MI BYA'O, ,CHUR GSEG MA DAG GDAB PAR MI BYA'O, ,CHUR RDZA RNGA KHA CIG

256b

PA DANG RNGA BO CHE LTAR BRDUNG PAR MI BYA'O, ,RDZA BA LA PHYIL MO NYUG PAR MI BYA'O, ,GLANG PO CHE'I SKAD DANG, RTA'I SKAD DANG, KHYU MCHOG GI SKAD DANG, KHU BYUG GI SKAD MI DBYUNG NGO, ,KHAS DUNG DANG SIL KHROL DANG RNGA BO CHE'I SKAD MI BYA'O ZHES BYA BAR SBYAR RO, ,LONGS PA'I GZHIR GTOGS PA'I LTUNG BYED DO,, ,, CI ZHIG BYAS NA KHRUS BYAS PA'I LTUNG BYED DU 'GYUR ZHES BYA BA 'DI LA MDUN ROL GYI GNAS LA ZHES 'CHAD PAR 'GYUR TE, GANG GIS MDUN ROL NAS ZHES BYA BA'I DRI BA 'DI LA KHRUS KYI ZHAG BCO LNGA PO LAS BYA BA 'CHAD PAR 'GYUR RO, ,GANG LAS SHE NA, DUS GZHAN DU GANG ZHAG BCO LNGA PA LAS KHRUS KYI ZHAG GCIG BYA BA 'DI LA BRJOD PAR BYA STE, SO GA RNAMS KYI ZLA BA LHAG MA PHYED DANG GNYIS NGANG DBYAR RNAMS KYI DAD PO LAS SO ZHES BYA BA NI LHAG MA CI TZAM PAS ZHES BYA BA'I DRI BA 'DI LA ZLA BA LHAG MA PHYED DANG GNYIS DANG, GANG GI ZLA BA PHYED DANG GNYIS LHAG PA'I LHAG MA ZHES BYA BA'I DRI BA 'DI LA SO GA RNAMS KYI ZHES BYA BA SMOS SO, ,CI SO GA'I ZLA BA PHYED DANG GNYIS LAS LHAG PA LHAG MA'I DUS GZHAN LA YANG YIN NAM ZHE NA, DE'I PHYIR DBYAR RNAMS KYI DANG PO LAS SO ZHES BYA BA SMOS TE, SO GA RNAMS KYI ZLA BA LHAG MA PHYED DANG GNYIS DANG, DBYAR RNAMS KYI DANG PO'I ZLA BA LAS DUS GZHAN LA ZHES BYA BA'I DON TO, ,ZLA BA PHYED NGANG GSUM PO DE DAG LA TSA BA'I GNYEN PO'I PHYIR 'DI RJES SU GNANG NGO, ,DE BAS NA 'DIR KHAS BLANGS PAR RNAM PAR GZHAG PAR SHES PAR BYA BA MA YIN NO, ,CI GNAS SKABS THAMS CAD DU DGE SLONG LA DE LTA BU'I DUS KYI THA MAR KHRUS BYED PA LA LTUNG BYED DU 'GYUR RAM ZHE NA, DE'I PHYIR GOS MED PA'I ZAS GNYIS PA RNYED PA'I RNAM PA GANG YIN PA LA'O ZHES BYA BA SMOS TE, GOS MED PA'I ZAS GNYIS PA RNYED PA LA RNAM PA GANG YIN PA'I DGE SLONG LA LHAG PAR GNAS TE ZA BA LA KHA NA MA THO BA DE LTA BU ZHES BYA BA'I DON TE, ,NAD PA MA YIN PA DANG LAS MA BYAS PA DANG LAM DU MA ZHUGS PA ZHES BYA BA DE LA 'DI BSTAN PA'O, ,CI GNAS SKABS GZHAN THAMS CAD LA YANG BAB PA LA YANG 'DIR 'GYUR RAM ZHE NA, DE'I PHYIR RLUNG GIS MA BSKYOD PA LA'O ZHES BYA BA SMOS TE, ,'DIR TSAD JI TZAM GYIS NA BSKYOD PA YIN PAR RIG PAR BYA ZHE NA, DE'I PHYIR GOS KYI GRVA 'GUL BA NI DE'I MTHA' YIN

257a

, ,NO ZHES BYA BA SMOS TE, 'DIR BTING BA NI RGYU MTSAN NYID DO, ,DE TZAM GYIS BSGUL BA LA STE 'DING BA NI MA YIN NO, ,GANG JI SRID CES BYA BA 'DI LA BZUNG BA NI DE'I MTHA'O ZHES BYA BA NI BSKYED PA'I MTHA'O, ,BZHI PO 'DI RNAMS LAS GZHAN PA'I GNAS SKABS THAMS CAD LA CI YONG PAR GYUR PA YIN NAM ZHE NA, CHAR GYIS MA PHOG PA LA'O ZHES BYA BA SMOS TE, 'DIR GANG YANG RUNG BA'I CHUS PHOG PA GANG YIN PA DE NI 'DIR CHAR GYIS PHOG PA YIN NO, ,DE LTAR YANG CHU KLUNG RGAL BA LA SOGS PA LA DUS DE NYID DU LHAG PAR GNAS TE KHRUS BYA'I ZHES SMOS PA YIN NO, ,CHAR GYIS PHOG PA 'DI'I MTHA' GANG YIN ZHE NA, DE'I PHYIR DE'I THIGS PA GNYIS KYIS PHOG PA'O ZHES BYA PA SMOS SO, ,CI GOS LA YANG YIN NAM ZHE NA, DE'I PHYIR LUS LA'O ZHES BYA BA SMOS TE, THA NA CHU'I THIGS PA GNYIS SAM GSUM GYIS LUS LA PHOG PAR GYUR NA ZHES GSUNGS PA YIN NO, ,'DIR BSGRUB PA'I TSUL GYIS NI 'DI SKAD BSTAN PA YIN TE, DE BAS NA 'DI MA BZUNG NGO, ,'DIR RLUNG NGANG CHAR GYIS PHOG PA'I GZHAN GYI 'DU SHES 'BYUNG BA YIN TE, 'DIR RLUNG NI RGYU MTSAN CAN GYI SGRIB PA NI, RGYU MTSAN NYID MA YIN TE CHAR GYIS 'DI LA SO SOR BYAS PA NYID KYI PHYIR RO, ,CHAR MI BAB NA SKAMS PA BZHIN DU GNYEN PO GOS NYID KYI PHYIR ZHES BYA BA 'DOD PAR GYUR PA'I PHYIR 'DI SMOS SO, ,PHYIR 'DOD PA 'DI BYE BRAG MED PAR 'BYUNG BA YIN TE, GO SKABS MED PAR BYAS PA 'DI ZHES BYA BA MA BZUNG BA'O, ,GZHAN GYI DUS SU KHRUS KYI NYIN MO MA YIN PA ZHAG BCO LNGA'I MDUN ROL DU KHRUS BYED NA'O ZHES BYA BA NI GANG ZHIG DUS 'DI SMOS PA DE LAS GZHAN PA'I DUS LA GANG ZHIG BCO LNGA PA KHRUS MA YIN PA'I ZHAG SMOS PA DE'I MDUN ROL DU KHRUS BYED PA LA LTUNG BYED CES BYA BA'I DON TO, ,KHRUS JI LTAR BYA ZHE NA, DE'I PHYIR DBANG BSKUR BAS SAM 'JUG PAS SO ZHES BYA BA SMOS TE, CHUS LUS KYI CHAD TZAM DU BYAS NA KHRUS YIN ZHE NA, DE'I PHYIR LTE BAR SON NA'O ZHES BYA BA SMOS TE, DE YANG DBANG BSKUR BAS SPYI BO NAS BRTZAMS TE RKANG MTHIL GYI BAR DU PHYOGS GZHAN NAS RTZOM PA YOD PA LA, GAL TE LTE BA'I LTAG YAN CHAD 'KHRU ZHING 'OG TU MA SON PA DANG CHUS 'KHRU ZHING LTAG TU MA SON PA YANG MA CHOG PA NYID DO, ,

257b

GAL TE DE GNYIS KA YANG DUS GCIG TU KHRUS RTZOM PA NA GAL TE MNYAM DU 'JUG PAR GYUR NA KHA NA MA THO BA YONGS SU RDZOGS PA GCIG GI PHYED DU 'GYUR RO, ,GAL TE MA YIN NA MA CHOG PA NYID DO, ,DE BAS NA GONG MA 'AM 'OG GI CHA DAG LA THAMS CAD DU GYUR PA NYID CES BYA BA 'DI LA LTE BAR ZHES SMOS PA NI GTZO BO YIN TE, DE LTA BAS NA MI SRID PA NYID LA YANG LTE BA'I PHYOGS GTAMS TE RDZOGS PA LA RDZOGS PA NYID DO, ,'DIR LTE BAR MA PHYIN PA'I MDUN ROL DU CI ZHIG RTOGS PAR BYA ZHE NA, DE'I PHYIR MDUN ROL DU NI NYES BYAS SO ZHES BYA BA SMOS TE, CHU LA REG PA'I MDUN ROL DU SBYOR BAR BYED PA NI, DE SBYOR BA'I NYES BYAS SU RNAM PAR GNAS PA YIN NO, ,THAMS CAD LA DUS DAG YOD KYANG BYIN GYIS MA BRLABS NA ZHES BYA BA NI DUS DAG LA THAMS CAD DU BYAS PA GANG YIN PA BSLAB PA'I GZHI GZHAN DANG 'BREL PA DE LA DUS DAG YOD DU ZIN KYANG BYIN GYIS MA BRLABS SHING MNGON SUM DU MA BYAS NA NYES BYAS SO, ,'DIR GZHUNG NI ZHU BA LAS, NYES BYAS LAS LDANG BA NI 'DI YIN TE, GANG ZHIG RGYUR BA DUS KYI GNAS SKABS SAM GZHAN DE NI DUS SO, ,ZHAG BCO LNGA NA KHRUS KYI NYIN MO LA KHRUS BYA BA GANG YIN PA DE NI GRAGS PA YIN PAS NA 'DIR DUS MED PA'O, ,'DI NI DUS BYIN GYIS BRLAB PAR BYA BA LA YUL MA YIN ZHES BYA BAR RIG PAR BYA'O, ,DON GZHAN LA GZHOL BAR CHU NYAMS SU MYONG BA NI KHRUS MA YIN NO, ,DE'I PHYIR MA BSAMS PAR BRGAL BA DANG BRGYAL BA LA GDAB PA DAG NI LTUNG BA MED DO ZHES BYA BA NI KHRUS LA RTZE GCIG PA NYID KYI CHU NYAMS SU MYONG BA GANG YIN PA DE NI KHRUS GZHAN LA NI MA YIN ZHES BYA BA'I DON TO, ,'DIR GZHUNG NI DGE SLONG DAG CHU KLUNG RGAL BAR BYED DO ZHES GSUNGS PA DANG, 'DIR GZHUNG GZHAN LAS KYANG RKYAL BA LA CHUS DBANG BSKUR BA DANG, ZAM PA LAS LTUNG BA CHU KLUNG LAS RGAL BAR BYED PA DANG, CHUS GANG BA LA MCHOD PAR BYED PA LA YANG LTUNG BA MED DO, , DE BZHIN DU MDUN ROL DU 'GRO ZHING RGYA MTSO LA GZINGS NAS 'GRO BA RNAMS LA BSHAD BA DANG GCI BA BYED PA YANG LTUNG BA MED DO ZHES GSUNGS PA YIN NO, ,DE DANG DE'I NGO BO GZHAN GYI RKYEN RNAMS LA CHU NYAMS SU MYONG BA LA NYES PA MED PA NYID DU BSTAN PA'O, ,JI SRID DU KHRUS ZHES BYA BA LA SOGS PA RNAMS

258a

, ,KYIS RIG PAR BYA'O, ,AA MRA PA RAN TA'I YUL DAG LA 'DI NI 'DI MED PAR SHES PAR BYA'O ZHES BYA BA LA, 'DI ZHES BYA BA NI KHRUS NGES PA'O, ,'DIR GZUNG NI GO LPAGS KYI GZHI DAG LA AA MRA BA RAN TA'I YUL DAG TU NI SKYE BO'I TSIGS RNAMS LA RTAG TU KHRUS BYA BA RJES SU GNANG NGO ZHES GSUNGS PA YIN NO, ,'DIR YUL DE NYID DUS SU RIG PAR BYA'O, ,DE'I PHYIR DE NYID NYE BAR BZHAG STE, DUS MA YIN PAR YANG KHRUS LA 'JUG PAR BYA'O, ,CHO GA BTZAN PO YOD NA BAG YANGS BYA BA LA BRTEN PAR MI BYA'O ZHES BYA BA NI BAG YANGS SU GYUR PA'I RTOGS PA NI BAG YANGS SU GYUR PA'O, ,CHO GA BTZAN PO GZHAN YOD NA BAG YANGS SU BYA BA LA BRTEN PAR MI BYA'O, ,'DIR GZHUNG NI BTZUN PA BCOM LDAN 'DAS KYIS BRAM ZE'I BU MO LA JI SKAD DU YUL MTHA' 'KHOB DAG TU 'DUL BA 'DZIN PA DANG LNGA'I TSOGS KYIS BSNYEN PAR RDZOGS PAR BYA'O ZHES GSUNGS PA DE LA, BTZUN PA GAL TE BCU'I TSOGS MCHIS BZHIN DU 'DUL BA 'DZIN PA DANG LNGA'I TSOGS KYIS BSNYEN PAR RDZOGS PAR BGYI NA BSNYEN PAR RDZOGS ZHES BGYI'AM, NYE BA 'KHOR BSNYEN PAR RDZOGS ZHES BYA STE, BSNYEN PAR RDZOGS PAR BYED PA DAG LA 'GAL TSABS CAN DU 'GYUR RO ZHES GSUNGS PAS RNAM PAR GNAS PA YIN NO, ,TSIG 'DI NI CHO GA BTZAN PO YOD NA ZHES BYA BA'I TSIG GIS TE, RNAM PAR GZHAG PAR BYAS PAR GYUR PA NI MA YIN NO, ,DE LTA BAS NA DE LTA BU'I RIGS CAN LA DBANG DU BYED PA NYID NI 'DIR RO, ,KHRUS BYED PA'I LTUNG BYED DO,, ,,CI ZHIG BYAS NA DUD 'GRO GSOD PA'I LTUNG BYED DU 'GYUR ZHE NA, DE'I PHYIR GSOD PA'I SEMS KYIS DUD 'GRO LA BSNUN NA'O ZHES BYA BA SMOS TE, 'DIR GANG GI TSE BYAS PA LA GANG BSKYED PA YIN ZHE NA, DE'I PHYIR GZHI DES DE'I TSE'AM GZHAN GYI TSE SHINA'O ZHES BYA BA SMOS TE, GZHI DES ZHES BYA BA NI GSOD PA'I SEMS KYIS BSNUN PA'I GZHI DES SO, ,DE'I TSE'AM ZHES BYA BA NI DUS DE NYID KYI TSE'O, ,GZHAN GYI TSE ZHES BYA BA NI BSNUN PA'I DUS KYI 'OG DUS GZHAN GYI TSE SHI NA'O ZHES BYA BA'I DON TO, ,GZHAN GYI TSE ZHES BYA BA 'DI NI GZHI DES ZHES BYA BA BYE BRAG TU BSTAN PA'O, ,DE'I TSE'AM ZHES BYA BA 'DI LA YANG RNAM PAR DPYAD PAR BYA BA MED PAS GANG ZHIG 'DIR ZHU BA LAS SBYOR BA GCIG GIS BYAS NA YANG GSOD PAR BYA BA JI SNYED PA RE RE LA LTUNG BYED RE RER 'GYUR RO, ,SEMS

258b

CAN RE RE DE DANG 'BREL PA ZHES BYA BA 'DIS DE BSDUS PAR RIG PAR BYA'O, ,LUS DE DANG 'BREL PA NI THA MI DANG NGO ZHES BYA BA LA SOGS PA THAMS CAD 'DIR GSOD PA'I PHAM PAR 'GYUR BA LA RIG PAR BYA'O, ,SEMS CAN GYI GZUGS SEMS CAN MA YIN PA LA NI NYES BYAS BYED PA NYID DO ZHES BYA BA NI 'DIR GZHUNG NI ZHU BA KHA CIG LAS SHING LAS BYAS PA 'AM SA LAS BYAS PA'I GZUGS LA BSNUN NA NYES BYAS SO ZHES GSUNGS PA YIN TE, 'DI NI RIG PAR MA GYUR PAR SHES PAR MI BYA'O, ,SEMS CAN GYI 'DU SHES DANG 'BREL PA'I 'DU SHES LA 'DIR DNGOS PO LAS YOD PAR GYUR PA NYID KYIS DUD 'GRO'I RNAM PAR NYID LA NI 'DIR GTOGS BA'I KHA NA MA THO BAR RIG PAR BYA'O, ,GZHAN GYI RNAM PA NYID LA NI MI GSOD PA DANG 'BREL PA'O, ,DUD 'GRO GSOD PA'I LTUNG BYED DO,, ,,CI ZHIG RJES SU SGRUB NA 'GYOD PA BSKYED PA'I LTUNG BYED DU 'GYUR ZHE NA, DE'I PHYIR KHYOD BSNYEN PAR RDZOGS PA MA YIN ZHING PHAM PAR 'GYUR BA BYUNG NGO ZHES BYA BA LA SOGS PA DGE SLONG MA YIN PA'I DON GYIS 'GYOD PA BSKYED NA'O ZHES BYA BA SMOS TE ZHES BYA BA LA SOGS PA DGE SLONG MA YIN PA NYID DU JI SRID BSNYEN PAR RDZOGS PA'I DNGOS PO NYAMS PA NYID DU GSAL BAR BYED CING DGE SLONG MA YIN PA NYID DU GSAL BAR BYED PA DE RNAM PAR RIG PA'I RDZAS DE THAMS CAD KYIS TSE DANG LDAN PA KHYOD LA DGE SLONG GI TSUL GA LA YOD DE BRAM ZE NYID KYANG GA LA YOD, TSE DANG LDAN PA NI BRAM ZE RAB TU BYUNG BA YIN NO ZHES BYA BA LA SOGS PAS KYANG ZHES BYA BA'I DON TO, ,'DIR DGOS PA NI RIGS DMIGS KYIS BSAL BA LA RNAM PAR GZHAG PAR RIG PAR BYA'O, ,MI'I SKYON NAS SMRA BA'I BSAM PAS GO BAR MI BYED CING DE KHA NA MA THO BA NYAMS PA'I BSAM PA NYID NI GNYIS KA'I BSAM PA NYID LA GNYIS KA ZHES BYA BA'O, ,SU LA 'GYOD PA BSKYED CE NA, DE'I PHYIR DGE SLONG LA'O ZHES BYA BA SMOS SO, ,CI BSAM PA GANG YANG RUNG BAS SAM ZHE NA, DE'I PHYIR BDE BA LA MI RIG PA BSKYED PA'I SEMS KYIS SO ZHES BYA BA SMOS TE, ,'DIR BDE BA LA MI REG PA ZHES BYA BA NI DGE SLONG LA YID LA GCAGS PA BSKYED PA GANG YIN PA DE YIN PAR RIG PA BYA'O, ,BZHAD GAD KYIS KYANG 'GYOD PA BSKYED PA'I BSAM PAS ZHES SMOS TE, 'DIR NA SMAD PAR YOD PAR 'GYUR RAM ZHES BYA BA'I DGOS BA SRID PAS GNAS SKABS PA DE BZLOG PA'I PHYIR BRJOD

259a

, ,PAR BYA STE, BZHAD GAD KYIS KYANG ZHES BYA BA SMOS TE, CI 'GYOD PA SKYES PA KHO NA 'AM ZHE NA, MA YIN TE, DE'I PHYIR 'GYOD PA MA SKYES NA YANG NGO, ,GZHAN GYIS NI NYES BYAS SO ZHES BYA BA SMOS TE, DGE SLONG MA YIN PA NYID KYI PHYIR GZHAN GYI 'GYOD PA BSKYED PA LA NYES BYAS SO, ,'GYOD PA BSKYED PA'I LTUNG BYED DO,, ,,CI ZHIG BYAS NA GA GA TSIL BYED PA'I LTUNG BYED DU 'GYUR ZHE NA, DE'I PHYIR DGE SLONG LA SOR MO 'AM KHU TSUR RAM GRE MO 'AM PHRAG PA 'AM MGO 'AM RKED PA 'AM BRLA 'AM PUS MO 'AM BYIN PA 'AM RKANG BA'AM, MTHE BO LA SOGS PA DAG GIS GA GA TSIL BYED PAS REG NA'O ZHES BYA BA SMOS TE, REG PA'I BYE BRAG NYAMS SU MYONG BA DANG, NYAMS SU MYONG DU BCUG PA DAG LA NI KHA NA MA THO BA 'DIR 'GYUR RO, ,DE LTAR NA YANG RANG GI 'AM GZHAN GYI LUS KYI DBANG PO NYAMS PA NYID LA REG NA NI NYES BYAS KYI TSIG GO, ,DE LTA BAS NA SOGS PA ZHES BYA BA'I SGRAS NI RANG GI LUS KYI YAN LAG GZHAN DAG KYANG 'PHANGS PA YIN GYI, GOS LA SOGS PA NI MA YIN NO, ,LUS MA YIN PAS LUS MA YIN PA LA REG PA DANG SKRA DANG SEN MO DANG SO RNAMS LA NI LUS KYI DBANG PO NYAMS PA NYID KYI TSUL GYI RJES SU 'BRANGS PAS NYES BYAS SU RTOGS PAR BYA'O, ,GA GA TSIL BYED PA 'DI NI MTSON PA TZAM YIN TE, 'BREL PA BYED PA'I RNAM PA LA'O, ,BZOD PA DANG KUN NAS BZOD PA DANG REG PA LA YANG KUN DU CHAGS PA MED PA'I SEMS KYIS GAL TE DE DANG 'BREL PAR BYED PA'I DE LA YANG 'DIS 'PHANGS PA'O, ,BAG 'KHUMS PAR MI BYED PA'I RNAM PAS KUN DU CHAGS PA MED PA'I SEMS KYIS REG PA LA LTUNG BA MED PAR RIG PAR BYA'O, ,CI BSAM PA GANG YANG RUNG BAS REG NA 'AM ZHE NA, DE'I PHYIR SKYI G-YA' BAR BYA BA'I SEMS KYIS SO ZHES BYA BA SMOS TE, 'DIR SKYI G-YA' ZHES BYA BA NI BAG 'KHUMS PAR RIG PAR BYA'O, ,'DIR KUN DU 'DOD CHAGS PA DANG LDAN PA'I SEMS KYIS REG PA LA NI DGE 'DUN LHAG MAR GTOGS PA'I KHA NA MA THO BA'I CHO GA DMIGS KYIS BSAL BA'O, ,SKYI G-YA' BA DANG LHAN CIG 'BREL PA LA GSOD PA DANG RDEG PAR BYED PA'I LTUNG BYED DO, ,'DI LAS GZHAN PA'I SEMS LA SKYI G-YA' BAR BYA BA'I SEMS KYI SGRAS RNAM PAR GZHAG PA'O, ,DE'I PHYIR RMA DANG SBRANG BU DANG 'BRUM BU DANG

259b

SME BA DANG SPU'I TSUMS BSTAN PA LA NI LTUNG BA MED DO ZHES BYA BA NI, GANG GI PHYIR SKYI G-YA' BA'I SEMS KYIS REG PA LA KHA NA MA THO BA 'DIR 'GYUR BA DE'I PHYIR 'DI DAG LA NI LTUNG BA MED DO ZHES BYA BA'I DON TO, ,REG BYED GCIG GAM DU MA NYID LA'O ZHES BYA BA NI, ,'DIR RDEG PAR BYED PA BZHIN DU GSOD PAR BYED PA RE RE LA LTUNG BA MED DO, ,'ON KYANG GSOD BYED DU MA NYID LA YANG LTUNG BA GCIG KHO NA BSKYED PA ZHES BYA BA'I DON TO, ,LONGS SPYOD DU GYUR PA'I RNAM PAR GYUR PA CAN GYI 'JUG PA LA KHA NA MA THO BA 'DIR 'GYUR TE, LONGS SPYOD LA YANG GSOD PAR BYED PA RE RE LA THA DAD PAR DBYE BA NI MED DE GNOD PA JI LTA BAR ZHES BYA BA 'DIS SHES PA'O, ,'DIR GZHUNG NI DGE SLONG GIS SOR MO GCIG GIS GA GA TSIL BYED NA LTUNG BYED DO, ,DE BZHIN DU GNYIS SAM GSUM MAM BZHI 'AM LNGA RNAMS KYIS KYANG LTUNG BYED DO ZHES GSUNGS PA YIN NO, ,GZHAN DU YANG SOR MO GCIG GIS GA GA TSIL BYED NA LTUNG BYED NYID DU 'GYUR RO, ,GNYIS SAM GSUM MAM BZHI 'AM LNGA DAG GIS GA GA TSIL BYED NA LTUNG BA LNGA'I LTUNG BAR 'GYUR RO ZHES BYA BA 'DIR GZHUNG MTHONG BA YIN NO, ,BRDEG PA'I BSLAB PA'I GZHI'I RJES SU 'BRANGS NAS DE'I RNAM PAR RTOG PAR BYAS SO SNYAM DU BDAG CAG SEMS SO, ,GA GA TSIL BYED PA'I LTUNG BYED DO,, ,, CI ZHIG BYAS NA CHU LA RTZE BA'I LTUNG BYED DU 'GYUR ZHE NA, DE'I PHYIR CHU'I YUL LA RTZE BA RJES SU BSGRUB NA'O ZHES BYA BA SMOS TE, 'DIR GANG DU KHA NA MA THO BA JI LTA BU 'DI YIN ZHE NA, DE'I PHYIR ZHUGS SHING NUB PA DANG 'BYUNG BA DANG NGOGS GZHAN DU RGAL BA DANG RGYUN PHYOGS DANG RGYUN LAS BZLOG PHYOGS SU RTZOL BA DANG CHU LA RNGA BO CHE DANG, RDZA RNGA KHA GCIG PA'I SGRA 'BYIN PA DANG GSEG MA 'KHRAB PA DANG 'PHEN PA DANG 'KHOR YUG DANG RDO RJE DANG KHRO NA PA DANG RBA KLONG DANG CHU SRUBS 'DREN PAR BYED NA DNGOS GZHI'O ZHES BYA BA SMOS TE, RNGA BO CHE LA SOGS PA NAS CHU SRUBS 'DREN PA'I MTHAR SO SOR CHU'I SGRA DANG 'BREL BA'O, ,RGYUN PHYOGS KYI SGRAS KYANG 'BYIN PA DANG SO SOR 'BREL PA'O, ,BEM TOL GYIS RDEG NA NYES BYAS SO, ,BUM PA DANG PHRU BA DANG RIL BA DANG KHAM PHOR DANG, BU RAM GYI KHU 'DZAG PA DANG SRAN TSOD DANG 'U SHA DANG THANG TSA BA NYID YOD PA LA YANG NGO ZHES BYA BA NI 'JUG TU RUNG BA'I GNAS DER ZHUGS TE NUB PA LA SOGS

260a

, ,PA RJES SU BSGRUB PA LA NI LTUNG BYED DU 'GYUR LA, BEM TOL GYIS RDEG PA NI RIL BA LA SOGS PA 'JUG PA'I YUL GANG LA GANG DU 'JUG TU RUNG BA DER CHU'I YUL GYI LAS RJES SU BSGRUB PA LA NYES BYAS TE BEM TOL GYIS RDEG PA LA NI NYES BYAS SO, ,'U SHA LA SOGS PA TSA BA NYID LA LTUNG BA MED DO ZHES BYA BAR SHES PAR BYA BA MA YIN ZHES BYA PAR SHES PAR BYA BA'I DON TO, ,MA ZHUGS PA DANG ZHUGS PA'I YUL BEM TOL GYIS RDEG PA ZHES BYA BA 'DI LA NYES BYAS SU GTOGS PAR BYA'O, ,LTE BA TZAM LA ZHUGS PA'I BLO NI DE LTA NA YANG KHRUS BYED PA LA 'DI NI MTHAR GSUNGS SO, ,DE LTA BAS NA DE DAG LA SOGS PA LA 'JUG PA NYID KYIS YANG DAG PAR BRTEN PA NYID YIN GYI DBANG BSKUR BA LA CHU DANG 'BREL PA NYID NI MA YIN NO, ,DE BAS NA 'DI'I DBANG GIS DNGOS GZHI'I BYED PA NYI NI MA YIN NO, ,CHOL ZANGS LA SOGS PAR MI NUB PA NI MI NUB PA'O, ,'DIR CHU LA RTZE BA'I BLO YOD PAS YIN TE, DE BAS NA 'DI'I DBANG GIS DNGOS GZHI MA YIN PA NI MA YIN NO, ,GANG YANG RUNG BA NYID KYIS LTE BA NUB PA TZAM DU CHU LA ZHUGS PA NYID NI CHU LA RTZE BA'I BLO YONGS SU RDZOGS PA STE, DE BAS NA 'DUG PA LTE BA TZAM DU SON PA LA DNGOS GZHI'I BYED PA NYID NI MA YIN NO, ,CHU MA YIN PA LA RTZE BA LA YANG NGO ZHES BYA BA LA, YANG NGO ZHES BYA BA'I SGRAS NI NYES BYAS SO ZHES BYA BA'I RJES BSNYEG BA'I PHYIR TE, CHU LAS GZHAN PA LA YANG RTZE BA'O, ,RTZE BAR GYUR BA'I 'DZAG PA NI RTZE BAR BYED PA'O, ,LUS KYI RTZED MOR GYUR PA GANG YIN PA DE NI DE'I GAR GYI BDAG NYID YIN ZHES BYA BA NYID DU DGAG PA NYID KYI PHYIR 'DIR ZHUGS PA MA YIN NO, ,GAR GYI BDAG NYID MA YIN PA'I GZHAN THAMS CAD NI BONG BA LA SOGS PA 'PHEN PA DANG, LUS KYI RTZED MOR GYUR PA G-YO BA'I RTZED MO GZHAN THAMS CAD LA YONGS SU BZUNG BA 'DIR RIG PAR BYA'O, ,'DIR GZHUNG NI ZHU BA LAS, ,BTZUN PA RE ZHIG DGE SLONG CHAB MA LAGS PA DNGOS PO LDEG MA LA RTZE BAR BGYID NA LTUNG BA CIR 'GYUR NYES BYAS SO ZHES GSUNGS PA YIN NO, ,DE LTA BU LA BYED DU BCUG PA NI DE DANG 'DRA'O ZHES BYA BA NI GANG DU 'DIR CHAR PAR GYUR PA LA CHU LAS GZHAN PA'I RDZAS LA KHA NA MA THO BAR SMOS PA DE LTA BUR GYUR PA'I CHU DANG, DE LAS GZHAN PA'I RDZAS DAG

260b

LA 'DZAG TU 'JUG PA'I RGYU DE DANG 'DRA BAR RANG GIS BYAS PA LTAR BLTA BAR BYA'O, ,RENGS PA'I LTUNG BYED DU 'GYUR BAR BYED DU BCUG PA LA YANG LTUNG BYED DO, ,NYES BYAS SU GYUR PA LA NI NYES BYAS ZHES BYA BA'I DON TO, ,BSNYEN PAR RDZOGS PAS BYED DU BCUG NA BYED DU BCUG PA DANG BYED PA PO GNYIS KA LA KHA NA MA THO BA DANG 'DRA BAR 'GYUR RO ZHES BYA BA'I DON TO, ,DE BAS NA SKYES PAR RIG PHAR BYA'O, ,'DIR GZHUNG NI ZHU BA LAS, RENGS PA'I BSAMS PA LA JI LTA BA BZHIN DU RENGS SU BCUG PA'I BSAM PA LA YANG DE BZHIN NO, ,RTZE BA'I BSAM PA LA JI LTA BA BZHIN DU RTZER 'JUG PA'I BSAM PA LA YANG DE BZHIN NO, ,DGA' BA'I BSAM PA LA JI LTA BA BZHIN DU DGAR 'JUG PA'I BSAM PA LA YANG DE BZHIN NO ZHES BYA BA GSUNGS PA YIN NO, ,JI BSAM PA GANG YANG RUNG BAS DE LAS GZHAN PA'I YUL LAS SKYES PA'I BYA BA RNAMS RJES SU BSGRUB PA LA KHA NA MA THO BA 'DI RNAMS YIN NAM ZHE NA, DE'I PHYIR DGOD PAS DGA' BA NYAMS SU MYONG BAR BYA BA'I 'DUN PAS SO ZHES BYA BA SMOS TE, JI SRID DU DGA' BA'I NGO BO MED PAR 'DUN PA 'DI MI 'GRUB PAS DE SRID DU 'DIR 'DI NI MTHAR RO, ,'DIR GZHUNG NI ZHU BA KHA CIG LAS DGE SLONG GIS BUM PA'I SBYOR BAS CHUS 'THOR NA THAMS CAD DU LTUNG BYED DU 'GYUR RO ZHES GSUNGS PA YIN NO, ,DE'I PHYIR SIM PAR 'DOD PAS RGAL BA LA SOGS PA LA NI LTUNG BA MED DO ZHES BYA BA NI NUB PA DANG MA NUB PA DAG LA SOGS PA'I SGRAS 'PHANGS PA'O, ,RGYAL SLOB PA THAD KA'AM LTAG 'OG TU RTZOL BA LA YANG NGO ZHES BYA BA LA, LTAG 'OG TU ZHES BYA BA NI SRID DU'O, ,THAD KAR NI LTUNG BA MED DO, ,GRANG BAR 'DOD PAS TSA BA DAG LA RI MO 'DOD PA LA YANG NGO ZHES BYA BA NI GRANG ZHING NGAD LAS PAR 'DOD PAS NI NYI MA LA SOGS TSA BAR GYUR PA'I CHU DAG LA RI MO 'DOD PAR BYED PA LTUNG BA MED DO, ,CHU LA RTZE BA'I LTUNG BYED DO,, ,,CI ZHIG BYAS NAS 'JUG PA GANG BUD MED DANG LHAN CIG NYAL BA'I LTUNG BYED DU 'GYUR ZHE NA, DE'I PHYIR BAD MED DANG LHAN CIG GNAS GCIG TU GNYID LOG NA'O ZHES BYA BA SMOS TE, LHAN CIG CES BYA BA NI GNYIS KA DAG KYANG LHAN CIG GNYID LOG PA LAS 'DA' BAR BYED NA ZHES BYA BA'I DON TO, ,DUS GANG GI TSE GNYID LOG PA NA ZHE NA, DE'I

261a

, ,PHYIR MTSAN MO'O ZHES SMOS SO, ,CI MTSAN MO THAMS CAD KYI SKAD CIG GANG YANG RUNG BA LA'AM ZHE NA, DE'I PHYIR MTHAR RO ZHES BYA BA SMOS SO, ,CI MTSAN MO'I MTHA'I MDUN ROL DU LTUNG BA MED DAM ZHE NA, DE'I MDUN ROL DU NI NYES BYAS SO ZHES BYA BA SMOS TE, GANG ZHIG 'DIR STOBS DANG MI LDAN PA'I MA NING LA SOGS PA DANG, DUD 'GRO LA SOGS PA RNAMS LA SO SOR STOBS DANG LDAN PA NYID LA YANG NYED LA YANG NYES BYAS YIN NA NI SPYI PO TSOD GANG YANG RUNG BA DANG LDAN PA'I MTHU MED PA LA SOGS PA DER SHES PAR BYA 'AM ZHE NA, DE'I PHYIR BYA GAG GI TSAD NI DE BYED PA NYID KYI MTHA'O ZHES BYA BA SMOS TE, GZHAN YANG DE BYED PA NYID NI NYES BYAS BYED PA MTHA'O ZHES BYA BA MTHA' YIN NO ZHES BYA BA'I DON TO, ,BUD MED DANG LHAN CIG NYAL BA'I LTUNG BYED DO,, ,,GANG LA SPANGS PAR BYED PA'I KHA NA MA THO BAR 'GYUR ZHE NA, DE'I PHYIR BZHAD GAD BYA BA'I BSAM PAS KYANG RUNG STE, DANG BAR 'DOD PAS 'JIGS PA'I RGYU NYE BAR BSGRUB PAR SNGON DU BTANG BA 'JIGS PAR BYED PA CHE GE MO ZHIG CES DGE SLONG LA GZHAN GYIS KYANG GO BAR BYED NA 'JIGS PA MA SKYES KYANG NGO ZHES BYA BA SMOS TE, SHES PAR GYUR PA'I 'JUG PA BYED PA 'DI NI 'JUG PA 'DI SHES PA YIN TE, 'DI LA 'JIGS PA BSKYED PA 'DI LAS 'BYUNG BA YOD PA MA YIN NO ZHES BYA BA'I BLO YOD PA LA 'JIGS PA'I 'DUN PA LA GO SKABS YOD PA MA YIN NO, ,DE BAS NA 'JIGS PAR 'DUN PAS ZHES BYA BA NI BYE BRAG GO, ,'JIGS PA'I RGYU MTSAN YID DU 'ONG BA MA YIN PA'I NGO BO LA SOGS PA LA NYE BAR BSGRUB PA SNGON DU 'GRO BAS GO BAR BYED NA 'JIGS PA'I KHA NA MA THO BA'O, ,'DIR GZHUNG NI YID DU MI 'ONG BA'I GZUGS RNAMS NYE BAR SGRUB PAR BYED PA DE NAG PO DANG KHA DOG NAG POR STON PA DE NAG POR SNANG BA'O, ,'DI LTA STE DPER NA YI DGAS DANG SHA ZA DANG GRUM BUM DANG LUS SRUL PO'I GZUGS CAN DE LTA BU DE RNAMS KYIS NI RUNG BA DANG, DE RNAMS KYIS NI GSOD PAR GYUR PA DANG, DE RNAMS KYIS NI SROG GCOD PAR 'GYUR TE, DE LTA BUR GYUR PA'I RNAM GRANGS GZHAN YANG SHES PAR BYA'O, ,'DIR YANG DE LTA BU'I GZUGS CAN ZHES BYA BA LA SOGS PA'O, ,LHAG MA 'JIGS PA'I RGYU NYE BAR BSGRUB PAR BYA'O, ,SNGON DU 'GRO BA

261b

ZHES BYA BA 'DI LA GO BAR BYED PA NA RNAM PA GNYIS TE, DON DANG GO BAR BYA BA LA'O, ,DE LA DON GO BAR BYED PA GANG LA ZHES BYA BA 'DI LA 'JIGS PAR BYED PA ZHES SMOS PA YIN NO, ,JI LTAR 'JIGS PAR GO BAR BYED PA GO BAR BYED CE NA, DE'I PHYIR CHE GE MO ZHES BYA BA SMOS SO, ,GANG LA GO BAR BYED CES BYA BA'I DRI BA 'DI LA DGE SLONG LA ZHES BYA BA SMOS SO, ,CI BDAG NYID KYIS DE LTA BU GO BAR BYED PA LA 'JIGS PA'I KHA NA MA THO BA ZHES BYA BA 'DI LA GZHAN GYIS KYANG ZHES BYA BA SMOS SO, ,CI MA SKYES PA LA YANG GO BAR BYA ZHES BYA BA'I 'JIGS PA LA KHA NA MA THO BA 'DI YIN ZHE NA, DE'I PHYIR 'JIGS PA MA SKYES KYANG NGO ZHES BYA BA SMOS SO, ,'JIGS PA'I RGYU CI 'DRA BA ZHIG NYE BAR BSGRUB PA LA KHA NA MA THO BA CI 'DRA BAR 'GYUR ZHE NA, DE'I PHYIR YID DU MI 'ONG BA LA NI DNGOS GZHI'O ZHES BYA BA SMOS SO, ,'DIR YID DU MI 'ONG BA DPES BSTAN PA'I PHYIR, 'DI LTA STE DPER NA YI DGAS DANG SHA ZA DANG GRUM BUM DANG LUS SRUL PO'I GZUGS LA BA NAG PO DANG SOL BA DANG KA BA TSIG PA LTA BU DANG, SENG GE DANG STAG DANG GUNG DANG, MTSA' DANG GZIG DANG WA'I SKAD LTA BU BSHANG BA DANG GCI BA DANG RVA DANG DE'I ZE BA'I DRI LTA BU SEG DANG RE PHYAR BA'I REG PA LTA BU BDAG NYID SGROGS PA'O ZHES BYA BA SMOS TE, 'DIR THAMS CAN DU SGRA DANG DRI DANG REG BYA RNAMS LA YI DGAS DANG, SHA ZA DANG GRUM BUM DANG LUS SRUL PO YOD DO ZHES SGROGS SHING GO BAR BYED PA 'DI LA 'DIR SO SOR RJES SU SBYAR BAR RIG PAR BYA'O, ,SENG GE LA SOGS PA'I SGRA LA SOGS PA RNAMS LA YI DGAS LA SOGS PAR GRAGS PAS GO BAR BYED NA DNGOS GZHI STA GZHAN RNAMS LA NI MA YIN ZHES BYA BA'I DON TO, ,YID DU 'ONG BA LA NI NYES BYAS SO ZHES BYA BA NI YID DU 'ONG BA'I RGYU NYE BAR BSGRUB PA SGROGS NA NYES BYAS SO, ,GANG GI PHYIR 'DI LA 'JIGS PA'I RGYU YONGS SU RDZOGS PA MA YIN TE, GANG GI PHYIR 'DI LA SHIN TU YID 'BYUNG BAR BYED PA NYID MA YIN ZHES GSUNGS PA YIN NO, ,'DIR YID DU 'ONG BA DPE BSTAN PA'I PHYIR, 'DI LTA STE DPER NA LHA DANG KLU DANG DRI ZA DANG GNOD SBYIN DANG MI'AM CI DANG LTO 'PHYE CHEN PO GZUGS NOR CAN DANG TSONG DPON DANG DED DPON LA SOGS PA LTA BU, PI WANG LA SOGS PA'I SGRA LTA BU'O ZHES BYA BA LA, 'DIR SOGS PA'I SGRAS NI GLING BU DANG

262a

, ,PA LA RI DANG MA HVA TI DANG SU GO shA LTA BU RNAMS KYANG BSDU'O, ,AA KA RU DANG TZAN DAN DANG GUR GUM DANG, TA MA LA'I LO MA'I DRI LTA BU DANG, DAR DANG RAS YUG CHEN DANG BE'U SAS DANG DAR LA DANG DU KU LA'I RAS DANG, KO TAM BA'I RAS KYI REG PA LTA BU RNAMS NYID SGROGS PA'O ZHES BYA BA NI JI SRID LHA LA SOGS PA 'DI NA YOD DO ZHES SGROGS SHING ZHES BYA BA 'DI LA 'DIR THAMS CAD DU SBYAR BAR RIG PAR BYA'O, ,'DIR LHA LA SOGS PA SMOS PA NI MTSON PA TZAM YIN TE SHIN TU CHE BA'I YI DGAS LA SOGS PA RNAMS KYANG 'DIR BSDUS PA'O, ,CI 'DIR 'DUG PA THAMS CAD LA KHAN MA THO BA 'DI YIN NAM ZHE NA, DE'I PHYIR SKYO BAR BYA BA'I CHED NYID NI MA GTOGS SO ZHES BYA BA SMOS TE, 'JUG PA 'DI LA RNAM PA 'DI LTA BU DAG MA GTOGS PAR ZHES BYA BA'I DON TO, ,GANG GI PHYIR 'JUG PA 'DI LAS 'JUG PA GZHAN NI KHA NA MA THO BA DE BAS NA DE'I PHYIR SKYO BAR BYA BA'I CHED DU SEMS CAN DMYAL BA DANG DUD 'GRO DANG, YI DGAS KYI GTAM LA SOGS PA NI LTUNG BA MED DO ZHES BYA BA SMOS SO, ,SNGAS PAR BYED PA'I LTUNG BYED DO,, ,,CI ZHIG BYAS NA SPED PA'I LTUNG BYED DU 'GYUR ZHE NA, DE'I PHYIR RAB TU BYUNG BA 'DI PA DBANG BA'I LHUNG BZED DANG, CHOS GOS DANG DRA BA DANG PHOR BU DANG SKE RAGS LA SOGS PA DGE SLONG GI 'TSO BA'I YO BYAD SPED DU BCUG NA'O ZHES BYA BA SMOS TE, SANGS RGYAS KYIS GSUNGS PA'I RAB TU BYUNG BA 'DI PA DBANG BA'I LHUNG BZED LA SOGS PA DE DAG DGE SLONG GI 'TSO BA'I YO BYAD TSAD DANG LDAN PA RUNG BA RANG GIS SBED DU 'JUG NA ZHES BYA BA'I DON TO, ,RAB TU BYUNG BA 'DI PA ZHES BYA BA SMOS PA NI DE SLONG DANG DGE SLONG MA DANG DGE SLOB MA DANG DGE TSUL DANG DGE TSUL MA DANG ZHES BYA BA THAMS CAD NI RAB TU BYUNG BA 'DI BA'I GANG ZAG RNAMS NYE BAR BSDU BA'I DON DU'O, ,CI DUS GANG YANG RUNG BA LA MA BYAS PA 'DI DAG LA YIN NAM ZHE NA, DE'I PHYIR PHAN PAR 'DOD PAS NI MA GROGS SO ZHES BYA BA SMOS TE, 'DIS LTUNG BA MED PA KHO NA YIN NO, ,SBED PA'I LTUNG BYED DO,, ,,GANG LA BYIN PAS NYE BAR 'TSO BA'I LTUNG BYED DU 'GYUR ZHE NA, DE'I PHYIR DGE SLONG LA GOS BLANGS PA MED PAR BYIN PA NGES GNANG BA MED PAR SPYOD NA'O ZHES BYA BA SMOS TE, THAMS CAD KHYAD

262b

THAMS CAD DU BYIN PA'I DGE SLONG GIS GOS GANG LA SBYIN PA DE RJES SU GNANG BA MED PAR YONGS SU LONGS SPYOD PA LA ZHES BYA BA'I DON TO, ,RANG GI BLOS NYE BAR 'TSO BA LA KHAN MA THO BA 'DIR 'GYUR RO, ,GZHAN GYI BLOS NI SBOM PO STE 'DIR MA BYIN PAR LEN PA NYE BAR 'BREL PA'O, ,DE BAS NA MA BYIN PA LA KHA NA MA THO BA 'DI BSKYED PA'O, ,'DI RANG GI BLO LA NYES PA MED PA KHO NA YIN NO, ,GZHAN GYI LA DI NI BDAG GI YIN NO SNYAM DU 'KHRUL PAR 'GYUR BA'I GO BA GRUB PA'O, ,RANG GI BLO 'KHRUL PAR GYUR PAS 'DI DANG GZHAN LA YANG NYE BAR SBYOR BA LA NYES PA MED DO, ,GOS DANG YO BYAD LHAG MA RNAMS LA YANG THOG MA NYID DU 'DIR KHA NA MA THO BA 'DI RAM PAR GNAS PA YIN NO, ,LHUNG BZED LA NI YONGS SU RDZOGS PA STE, LHUNG BZED CHUNG BA LA NI NA SMAD PAR RIG PAR BYA'O, ,'DIR GZHUNG NI ZHU BA KHA CIG LAS, BTZUN PA RE ZHIG DGE SLONG LA LHUNG BZED DANG CHOS GOS SBYIN PAR BYA STE, DE'I 'OG TU SLAR 'PHROG PAR BYED CING LONGS SPYOD PAR BYED NA LTUNG BA CIR 'GYUR, ,LTUNG BYED DO, ,BTZUN PA RE ZHIG DGE SLONG GIS LHUNG BZED DAM CHOS GOS DGE SLONG GZHAN DANG GZHAN LA 'TSO BA'I YO BYAD DU BYIN NAS 'PHROG PAR BYED NA LTUNG BA CIR 'GYUR, NYES BYAS SO ZHES GSUNGS PA YIN NO, ,'DIR SNGA MA LA LHUNG BZED DANG CHOS GOS LAS GZHAN MA BZUNG BA'O, ,'DI LA NI NYES PA MED PAS MA BZUNG BA ZHES GSUNGS BA ZHES GSUNGS PA YIN NO, ,PHYI MA NI BZUNG BAS 'DI LA NI NYES BYAS SU 'GYUR BA ZHES BYA BA NI SHES BYED DO, ,PHYI MA LA LHUNG BZED DAM CHOS GOS ZHES BYA BA 'DI LHUNG BZED DAM CHOGS GOS LAS GZHAN PA ZHES BYA BA NYAMS PA'O, ,DE'I RJES SU GNANG BA MED PA ZHES BYA BA NI GANG LA BYIN PA DE'I RJES SU GNANG BA SO SOR BZUNG NAS ZHES BYA BA NI BSDU BA'O, ,CI BSAM PA GANG YANG RUNG BAS SPYOD PA LA 'AM ZHE NA, DE'I PHYIR GAL TE GZHI DES DE DAG DGA' BAR MI 'GYUR NA'O ZHES BYA BA SMOS TE, DE ZHES BYA BA NI GANG LA BYIN PA DES YID CHES PAS LONGS SPYOD PA LA LTUNG BA MED CES BYA'O, ,BYIN PAS NYE BAR 'TSO BA'I LTUNG BYED DO,, ,,CI ZHIG BYAS NA SKUR PA 'DEBS BA'I LTUNG BYED DU 'GYUR ZHE NA, DE'I PHYIR SKUR PA 'DEBS PAR 'DOD PAS DGE SLONG LA 'DU SHES BSGYUR TE, DGE 'DUN LHAG MAS

263a

, ,SKUR PA RJOD NA'O ZHES BYA BA SMOS TE, DGE 'DUN LTAG MA'I LTUNG BAS SKUR PA 'DEBS PAS SKUR PA 'DEBS PA GANG YIN PA DE'I 'DUN PAS SHES PAR RIG PAR BYA'O, ,CI DNGOS SU SKUR PA 'DEBS PA KHO NA LA YIN NAM ZHE NA, DE'I PHYIR BAG TZAM GYIS KYANG NGO ZHES BYA BA SMOS TE, 'DIR GZHUNG NI ZHU BA LAS, BTZUN PA RE ZHIG DGE SLONG GIS BSLAB PA STZAL BA TZAM GYIS DGE 'DUN LHAG MAS SKUR PA 'DEBS PAR BYED NA LTUNG BA CIR 'GYUR, LTUNG BYED DO ZHES GSUNGS PA YIN NO, ,SKUR PA 'DEBS PA'I LTUNG BYED DO,, ,,SNGAR LAM DU 'GRO BA LA BUD MED BYED PA PO NYID DO, ,GANG ZHES SMOS PA DE CI GZHAN GANG YANG RUNG BA LA DE BYED PA PO YIN NAM ZHE NA, DE'I PHYIR 'DOD PAS LAM DU 'GRO NA'O ZHES BYA BA SMOS TE, RANG DGAR LAM DU 'GRO NA STE, GZHAN DBANG GIS NI MA YIN NO ZHES GSUNGS PA YIN NO, ,LAM JI SRID DU 'GRO BA LA YIN ZHE NA, DE'I PHYIR RGYANG GRAGS RE RER RO ZHES BYA BA SMOS TE, LTUNG BYED NYID LA 'DIR BYED PA PO NYID NI 'DI YIN NO ZHES BYA BA BYE BRAG MA BYAS PA NYID KYI PHYIR RTOGS PA'O, ,DE'I PHYIR RE RE NYID NI NYES BYAS SO ZHES BYA BA NI RGYANG GRAGS KYI PHYED RE RER NI BUD MED KYI NYES BYAS KYI BYED PA PO NYID YIN NO, ,RGYANG GRAGS RE RER RIG PA'I SKYES PA MED PAR BUD MED DANG LHAN CIG TU RANG DGAR LAM DU 'GRO BA LA SPROS PA NI SHES PAR BYA'O, ,CI BUD MED KYI GNAS SKABS THAMS CAD DGE SLONG GI GNAS SKABS RNAMS LA BYED PA PO NYID YIN NAM ZHE NA, DE'I PHYIR BSEL BYED PA NI MA GTOGS SO ZHES BYA BA SMOS TE, DGE SLONG DE NYID CES BYA BA 'DI LA 'DIR NYE BAR GNAS PA NYID KYI PHYIR RTOGS PAR BYA'O, ,DE LTAR YANG SHUGS KYIS TE, GANG GI DBANG GIS NYES PA 'DI MA BSKYED PA ZHES BYA BA RIGS PA NYID DU DE 'GYUR RO, ,DES LAM NOR PA LA LAM DU 'JUG PAR BYED PA YANG NGO ZHES BYA BA LA, DE ZHES BYA BA NI DGE SLONG NGO, ,MI NUS PA KHRID PA YANG NGO ZHES BYA BA NI KHRID PAR MI NUS PA ZHES BYA BA LTUNG BA'I MI MTHUN PA'I PHYOGS DOR NAS ZHES BYA BA 'DI LTAR 'DI BSEL BYED PAS RTZOM PA'I DON DU 'DI'O, ,BUD MED DANG LHAN CIG LAM DU 'GRO BA'I LTUNG BYED DO,, ,,GANG LA RKU NA MA DANG LHAN CIG 'GRO BA'I

263b

LTUNG BYED DU 'GYUR ZHE NA, DE'I PHYIR GRONG 'JOMS PAR BYED PA'I CHOM RKUN DAG GAM SHO GAM 'DRAL BA'I TSONG PA DAG DANG LHAN CIG 'GRO BA LA'O ZHES BYA BA SMOS TE, 'DOD PAS LAM DU 'GRO NA'O ZHES BYA BA THAMS CAD LA 'DI SBYAR BAR BYA'O, ,'DOD PAR BYED CING 'JUG PA ZHES BYA BA 'DI LA YONGS SU GYUR PAR RIG PAR BYA'O, ,ZOL PA DAG DANG RKU THABS SU RAB TU BYUNG BA DAG DE DANG LHAN CIG 'GRO BA LA NI NYES BYAS SO ZHES BYA BA NI, 'DIR YANG 'DOD PAS LAM DU 'GRO NA'O ZHES BYA BA LA SOGS PA SNGAR BSTAN PA THAMS CAD SBYAR BAR BYA'O, ,'DIR RGYANG GRAGS RE RER NI NYES BYAS ZHES BYA BA THOB PA'I GNAS LA NYES BYAS ZHES SMOS PA 'DI YIN TE, DE'I DON DU SO SOR NYES BYAS SO, ,RKUN MA DANG LHAN CIG LAM DU 'GRO BA'I LTUNG BYED DO,, ,,CI NYI SHU MA LON PAR BSNYEN PAR RDZOGS PAR BYED PA'I LTUNG BYED LA BYED PA PO NYID GANG YIN ZHE NA, DE'I PHYIR SHES GTZO BO ZHES BYA BA SMOS TE, 'DU SHES GTZO CHER BYED PA PO NYID CES BYA BA'I DON TO, ,BSNYEN PAR RDZOGS PAR BYA BA LA LO NYI SHU MA LON PA NYID LA'O ZHES BYA BA NI 'JUG PA GANG LA BYED PA PO NYID CES BYA BA 'DI LA BSNYEN PAR RDZOGS PAR ZHES 'OG NAS STON TO, ,YAN LAG GANG GIS BSNYEN PAR RDZOGS SHE NA, DE'I PHYIR SMOS PA NI MKHAN PO NYID KYIS SO ZHES BYA BA STE, 'O NA 'DIR BSNYEN PAR RDZOGS PAR BYED PA THAMS CAD DBANG DU BYED PA LTUNG BA'I BSHAD PA DANG DGE 'DUN NO, ,DE BAS NA 'GAL TSABS DANG BCAS PAR 'GYUR RO ZHE NA, 'ON KYANG BDEN MOD KYI NYES BYAS GCIG TU BYAS TE LTUNG BYED DO, ,DE BAS NA NYES BYAS 'GYOD PA DANG BCAS PA ZHES BYA BA 'DI LA LTUNG BYED KYI BSHAD PA MI BZUNG BA KHO NA MKHAN PO LA LTUNG BYED DU 'GYUR TE, LHAG MA LA NI NYES BYAS ZHES BYA BAR RAB TU 'BYED PA LAS MNGON PAR 'DOD PA'O, ,DE'I PHYIR 'DIR 'DI DAG GIS NYES PA STE, DGE SLONG GIS SBOM PO'I PHYIR BSNYEN PAR RDZOGS PAR BYAS NA'O ZHES BYA BA NI LTUNG BYED CES SBYAR RO, ,GANG ZAG DE LA BSNYEM PAR MA RDZOGS LA DGE SLONG DE RNAMS KYANG GZUNG BAR BYA'O ZHES BYA BA'I MDO LAS MKHAN PO NYID KYIS BSNYEN PAR RDZOGS PA'I DBANG DU MDZAD NAS 'DI BCA' BA MDZAD DO, ,'DI NI GLENG GZHI LAS SHES PA YIN TE MKHAN PO 'PHAGS PA MOOD GAL GYI BU

264a

, ,CHEN POS LO BCO BRGYAD LON PA RNAMS LA BSNYEN PAR RDZOGS PA'I DBANG DU MDZAD NAS 'DI BRTAGS PA'O, ,DES DE LA LON PA NYID MI DRI BAR MI BYA'O ZHES BYA BA LA DES ZHES BYA BA NI MKHAN PO'O, ,DE LA ZHES BYA BA NI BSNYEN PAR RDZOGS PAR BYA BA LA'O, ,RDZOGS PA ZHES BYA BA NI LO NYI SHU LON PA NYID MI DRI BAR MI BYA STE DRI BA KHO NAR BYA'O, ,GZHAN GYIS KYANG MI BYA'O ZHES BYA BA LA MKHAN PO LAS GZHAN BSNYEN PAR RDZOGS PAR BYED PA PO DAG GIS KYANG BSNYEN PAR RDZOGS PAR BYED PA DE LA MI DRI BAR MI BYA'O, ,NGES PAR MI SHES PAR DE BSNYEN PAR RDZOGS PAR MI BYA'O ZHES BYA BA LA, DE ZHES BYA BA NI BSNYEN PAR RDZOGS PA'O, ,MI SHES PAR DE BSNYEN PAR RDZOGS PAR BYA BA MA YIN NO, ,GANG ZHIG 'DI RNAMS LA SMAD PAR BYA BA ZHES BYA BA NI, DGE SLONG LHAG MA RNAMS LA NYES BYAS STON PAR BYED PA STE, 'DI NI DE'I BSDU BA YIN NO, ,RNAM PA THAMS CAD DU LO NYI SHU LON PA LA NI BSNYEN PAR RDZOGS PA 'CHAGS SO ZHES BYA BA NI, YONGS SU MA RDZOGS PA'I 'DU SHES CAN LA BSNYEN PAR RDZOGS PAR BYED PA PO RNAMS LA BLO MI MTHUN PAR BYED PA NYID LA YANG MA DRIS SAM MA BRJOD PA DAG LA YANG SHES PAR BYA BA RNAM PA THAMS CAD DU LO NYI SHU LON PA LA BSNYEN PAR RDZOGS PA 'CHAGS TE GZHAN NI MA YIN NO, ,'DU SHES SAM YID GNYIS ZA BA LA SOGS PA RNAMS LA NI 'DIR NUS PA MA YIN NO, ,CIG SHOS LA NI LON PAR 'DU SHES PA NYID NA'O ZHES BYA BA NI, CIG SHOS NYI SHU MA LON PA LA LO NYI SHU LON PA NYID DU SHES NA BSNYEN PAR RDZOGS PA 'CHAGS SO, ,MI SHES PA DANG MI DRAN PA DANG YID GNYIS ZA BA DAG LA YANG NGO ZHES BYA BA NI, CIG SHOS LA BSNYEN PAR RDZOGS PA 'CHAGS SO ZHES BYA BAR SBYAR RO, ,MI SHES PA ZHES BYA BA NI LO GRANGS MI SHES PAS SO, ,MI SHES PA DANG MI DRAN PA DANG YID GNYIS ZA BA RNAMS NI MI SHES PA DANG MI DRAN PA DANG YID GNYIS ZA BA DANG, LO NYI SHU MA LON PA LA LO NYI SHU LON BA NYID DU 'DU SHES PA NYID YIN NO, ,GAL TE MI SHES PA LA SOGS PAR GYUR NA DE LTAR YANG GRAGS PA ZHES BYA BA'I DON TO, ,'DIR BYED PA PO RNAMS LHA 'DU SHES YONGS SU MA RDZOGS PA NYID YIN YANG GRAGS PA'O, ,JI LTAR NYI SHU MA LON PA ZHING NYID YIN YANG ZHE NA, 'DIR RNAM PA GNYIS KYIS ZHING

264b

NYID DU RNAM PAR GZHAG STE DNGOS PO DANG YID KYIS SO, ,YANG DAG PAR LEN PAR BYED PA'I YID KYI DBANG GIS ZHING NYID YIN TE TE 'ON TE, GANG ZHIG LO NYI SHU MA LON PA LA LO NYI SHU LON PAR 'DU SHES PAR GYUR NA LO NYI SHU MA LON BA LA BSNYEN PAR RDZOGS PAR BYA BA MA YIN NO, ,CHO GA 'DI MI SHES NA MKHAN POS MA DRIS PA 'AM DGE 'DUN GYIS KYANG MA DRIS PAR GYUR NA DUS DE LA GTOGS PA NI MA GRAGS PA ZHES GSUNGS PA YIN NO, ,'ON 'DI LA TSAR BCAD PA'I BLOS YANG DAG PAR GNAS PA MA YIN NO ZHE NA, 'ON KYANG BDEN MOD KYI TSOR BCAD PA'I BLO YIS NI MA GRAGS PA YAN LAG MA YIN TE, 'ON KYANG ZHING NYID DO, ,DE LA SKYE BA YANG YOD PAR 'GYUR TE, YONGS SU RDZOGS PA'I 'DU SHES NYID YOD PA LA YANG ZHING NYID DO, ,'O NA RKU THABS SU GNAS PA BSGRUBS PA GANG YIN ZHE NA, 'DI NI BSNYEN PAR RDZOGS PA NYID LA BSKYED PA YIN NAM MA YIN ZHE NA, DE'I PHYIR BSNYEN PAR RDZOGS PAR KHAS BLANGS SHING MA GRAGS PAR GTOGS PA LA SKYED PA YIN TE, ,RKYEN GYI DBANG NYID MA YIN PA LA MA YIN ZHES BYA BA THAMS CAD NYID DU CHO GA MA BYAS PA LA RTOGS PA NYID KYIS 'DI BSKYED PAR RIG PAR BYA'O, ,GANG GI PHYIR GZHAN DU NA BDAG NI DGE SLONG NGO SNYAM DU DGE 'DUN GYI NANG DU GTOGS PA RKU THABS SU GNAS PA MED PA'I PHYIR RO, ,SHES NA NI DE ZHIG GO ZHES BYA BA NI LO NYI SHU MA LON PA BSNYEN PAR RDZOGS PA LA LO NYI SHU MA LON PAR SHES NA DE LA SNGAR SDOM PA 'CHAGS PA DE ZHIG GO, ,CI CHO GA DE LA GCIG TU ZAD DAM ZHE NA, DE'I PHYIR GAL TE SKYES PA NA MA LON PA YIN NO ZHES BYA BA SMOS TE, DES ZHES BYA BA NI SHES PA'O, , SKYES PA NA MA LON PA'I 'O ZHES BYA BA NI SHES NA NI YOD PA NYID NYAMS PA'O, ,YONGS SU RDZOGS PA THOB PA LA NI NYAMS PA NYID DO, ,CI DANG PO MNGAL GYI SGO NAS BTZAS PA DE NAS BRTZAMS TE ZLA BA LHAG PA MED PAR SO SOR BGRANG BA LA BSNYEN PAR RDZOGS PA THOB PA MA YIN NAM ZHE NA, DE'I PHYIR MNGAL NA GNAS PA DANG SHOL GYI ZLA BA DAG DANG YANG BCAS TE'O ZHES BYA BA SMOS TE, BSNYEN PAR RDZOGS PA NYID LA DE GNYIS KA BRTEN PAR BYA BA MA YIN NO, ,LTUNG BA DE DANG BRTEN PAS BSNYEN PAR RDZOGS PAR MA GRAGS PAS SHES PAR BYA BA RIG PAR BYA'O, ,MNGAL NA GNAS PA'I ZLA BA DAG DANG SHOL GYI ZLA BA LHAG PA DANG

265a

, ,BCAS TE, DE'O LO NYI SHU NYID BRTZI BAR BYA'O, ,LO MA LON PAR BSNYEN PAR RDZOGS PA'I LTUNG BYED DO,, ,GANG LAS SA RKO BA'I KHA NA MA THO BAR 'GYUR ZHE NA, DE'I PHYIR RKO 'AM RKOR BCUG PA LA'O ZHES BYA BA SMOS TE, RKO BA NI RANG GIS SO, ,RKOR BCUG PA NI GZHAN LA'O, ,GANG ZHIG DE TZAM ZHIG GIS THA DAD PAR BYA BA GANG YIN PA LA 'BRAS BU NYID KYIS RNAM PAR GZHAG PA'O, ,DE'I PHYIR 'DI NI LAN RE BTAB PA LA BYA BA THA DAD PAR RIG PAR BYA'O, ,'BYIN PA LA NI SO SOR 'GUGS PA'O, ,'BAD PA GZHAN RAB TU BSGRUBS PAS 'GUGS PA THA DAD PA'O, ,GANG ZHIG RKO 'AM RKOR BCUG PA LA ZHE NA, DE'I PHYIR SA'I SA'O ZHES BYA BA SMOS TE, SA'I RANG BZHIN GYIS SA YIN GYI BYE MA DANG RDO THAL RGYU DANG RDO LA SOGS PA'I RANG BZHIN GYIS NI MA YIN NO ZHES BYA BA'I DON TO, ,CI 'DI DAG THAMS CAD DU MA YIN NAM ZHE NA, DE'I PHYIR LAG GI BLAS RGYU SKAR GYI SBYOR BAS RUNG BAR BYED PA MED NA THUR MA SOR BZHI TZAM BTZUGS PA MA GTOGS SO ZHES BYA BA SMOS SO, ,SA'I SA JI LTA BU ZHIG LA KHA NA MA THO BA JI LTA BUR 'GYUR ZHE NA, DE'I PHYIR GAL TE RANG BZHIN CAN DE YIN NA DNGOS GZHI'O ZHES BYA BA SMOS TE, 'BREL BAR GYUR PA'I GNAS SKABS RIGS MA YIN PA LA NYES BYAS 'DI ZHES BYA BA SHUGS KYIS RTOGS PAR BYA'O, ,MA 'BREL PAR GYUR PA'I GNAS SKABS LA NI LTUNG BA MED PA YOD PA'I PHYIR RO, ,RANG BZHIN CAN ZHES BYA BA NI JI LTA BU ZHIG YIN RANG BZHIN CAN MA YIN PA ZHES BYA BA NI JI LTA BU ZHIG YIN ZHE NA, ,DE'I PHYIR SNGA MA SHOS NI ZLA BA GSUM LON PA'I 'THAS PA'O ZHES BYA BA SMOS TE, 'THAS PA ZHES BYA BA NI 'BREL PA NYAMS PA RNAMS LA DANG PO NYID YAN LAG RNAMS LA 'BREL PA KHAS LEN PAR 'DOD PA DE LTA BUR GYUR PA 'DOD PA RNAMS LA ZHES BYA BA SHUGS KYIS RTOGS PAR BYA'O, ,GANG GI PHYIR MA 'BREL PAR GYUR PA NYID LA 'BREL PA NYID NYAMS PAS KYANG CUNG ZAD KYANG NYAMS PAR GYUR PA MA YIN NO, ,CI STE GANG NAS BRTZAMS NAS 'BREL PAR GYUR PA NYID RTOGS PAR BYA'O, GANG NAS BRTZAMS TE SAR PA NYID DGOD PA DANG LHAN CIG TU SO SOR SMRA BA SNGON GYI RANG BZHIN CAN LA JI TZAM DU DE'I RNAM PA'I DUS LA DE TZAM SO SOR GNAS PA 'DI RTOGS PAR BYA'AM ZHE NA, DE'I PHYIR GAL TE CHAR CHU ZHOD NA'O ZHES BYA BA SMOS SO,,

265b

DUS GZHAN GYI TSE ZLA BA DU LON NA RANG BZHIN CAN DU 'GYUR ZHE NA, DE'I PHYIR GZHAN GYI TSE NA DRUG GO, ,RTZIG PA LA NI SA NYID MA YIN PAR SHES PAR MI BYA'O ZHES BYA BA NI, 'DIS NI KHANG THOG KYANG SA NYID YIN PAR RIG PAR BYA'O, ,SA PHUNG YANG 'BREL PA LA 'DIR SA GZHAN GYIS NI MA YIN NO, ,'THAS PAR GYUR NA NI SA'I GONG BU NYID DU GYUR PA'I PHYIR RO, ,SA PHUNG GAL TE STENG GI CHA NI 'THAS PA 'OG GI CHA'I YAN LAG MA 'THAS PAR GYUR NA DE NI SA NYID MA YIN PAR SHES PAR BYA'O, ,SNGA MA 'THAS PAR GYUR NA NI MTSUNGS PA RNAMS LA MTSAN NYID RNAMS LA RAB TU BYUNG BA NYID DO, ,'DUS PA DAG LA NI SHAS CHE BAS MTSAN NYID DAG RAB TU 'BYED PA NYID YIN NO ZHES BYA BA LA, MTSAN NYID DAG LA ZHES BYA BA NI RDZAS KYI RANG GI MTSAN NYID RIGS MI MTHUN PA'I RDZAS YOD PAR GYUR KYANG RDZAS KYI MTSAN NYID GANG GI CHA SHAS CHE BA NYID NI DE RNAMS KYIS TSOGS PA 'DI GZHAG PA YIN TE BSTEN PA YIN NO ZHES BYA BA'I DON TO, ,GANG GI PHYIR SAL SOGS PA 'DUS BA DAG LA RDZAS KYI RANG GI MTSAN NYID RNAMS NI MANG BA NYID KYIS RNAM PAR GZHAG PA'O, ,DE'I PHYIR NYUNG DU GZHAN YOD PA'I RDZAS NYID LA NI PHAL CHE BA NYID DO ZHES BYA BA NI TSIG PA RNAMS LA THAMS CAD NYID DO, ,DE'I PHYIR 'DIR RKO BA DANG RKOR BCUG PA DAG LA DNGOS GZHI KHO NA STE ZHES BYA BA NI MA YIN ZHES BYA BA'I DON TO, ,TSIG PA NYID NI NYAMS PA NYID YIN NO ZHES BYA BA LA, SA NYID TSIG PA NYID NI NYAMS PA NYID YIN PAR RIG PAR BYA'O ZHES BYA BA'I DON TO, ,SMIN PA NYID NI SA NYID MA YIN ZHES BYA BA 'DIS BYAS PAR BYA'O, ,NYAMS PA NYID LA NI PHYED NYID DO ZHES BYA BA NI PHYED NYID DE NYES BYAS BYED PA YIN NO ZHES BYA BA'I DON TO, ,'DIR GZHUNG NI ZHU BA LAS SA TSIG PA RKO NA NYES BYAS SO, ,RKOR 'JUG NA NYES BYA SO, ,RNAM PAR NYAMS PA YANG DE BZHIN NO ZHES GSUNGS PA YIN NO, ,SA ZHAG DANG DOGS DANG RTZIG PA DANG DE'I SKYANG NUL GRUGS PA DAG KYANG NGO ZHES BYA BA NI PHYED NYID DO ZHES SBYAR RO, ,DUS GANG GI TSE SKYANG NUL ZHES BYA BA'I SGRA BRJOD PA'O, ,RDO THAL RGYU DANG BYE MA LA SOGS PA SHAS CHE BA YANG NGO ZHES BYA BA YANG PHYED NYID DO ZHES BYA BAR SBYAR RO, ,BDUD RTZI'I SBYIN PAS RDZAS LHAG MA DAG LA SOGS PA ZHES BYA BA'I SGRAS BSNYEGS SO, ,BYA BA DAG KYANG NGO

266a

, ,ZHES BYA BA YANG PHYED NYID DO, ,DE YANG GANG ZHE NA, DE'I PHYIR PHUR PA 'BYIN PA DANG RI MO 'DREN PA DANG SA'I PHYE MA 'DREN PA'I LCI BA 'GOGS PA DANG 'DAM BSKYOD PA DANG, DE DANG 'BREL PA'I PHRU BA LA SOGS PA 'DEGS PA DANG 'JIGS PA'I BDAG NYID KYI TSA SGO DAG KYANG NGO ZHES BYA BA SMOS TE, PHUR PA BTAB PA NI LTUNG BYED DU 'GYUR LA ZHES BYA BA 'DI LA BZUNG BAS 'DIR BSTAN PAR RIG PAR BYA'O, ,SA'I PHYE MA 'DREN PA'I LCI BA 'GOGS PA DE NI SA'I PHYE MA 'DREN PA LA NYES BYAS ZHES BYA BA'I DON TO, ,DE DANG 'BREL PA'I ZHES BYA BA NI 'DAM RDZAB DANG 'BREL PA BSTAN PA'O, , CI BSAM PA GANG YANG RUNG BAS 'DIR DE DAG SPYAD NA DE'I MTHAR THUG KHA NA MA THO BA RDZOGS PA'AM CHUNG BAR 'GYUR ZHE NA, DE'I PHYIR 'DIR GZHIG PA'I BLO DANG LDAN NA DE'O ZHES BYA BA SMOS TE, 'DU SHES GTZO CHER BYED PA PO YIN NO, ,SA LA ZHES BYA BA 'DI LA YANG DE 'DIR 'JUG PA BSTAN PAR RIG PAR BYA'O, ,GANG GI PHYIR SBA BA'I BLOS PHUR BU DBYUNG BA LA SOGS PA'I BYA BA RNAMS LA 'DI NI KHA NA MA THO BA'O, ,DE'I PHYIR BGRANG BA DANG SHOD DGOD PA LA SOGS PA'I BSAM PA LA NI LTUNG BA MED DO ZHES BYA BA NI, ,GANG LA RNAM PAR SBED PA 'DI LTA BU'I 'DI LTA STE PUR BU DBYUNG BA'I GLAGS MED PA DER CHO GA 'DI LA ZHES BYA BA RIG PAR BYA'O, ,SA RKO BA'I LTUNG BYED DO,, ,,HA CANG BSLANG BAR MI BYA'O, ,MGRON DU BOS PA'I KHYIM DU GDUGS TSOD BSKUL PA DE MED NA 'GROR RUNG NGO ZHES BYA BA LA, RUNG ZHES BYA BA NI 'DIR SLONG BA'I RNAM PA NYID KYI PHYIR MI RUNG BAR SHES PAR BYA BA MA YIN TE, BYA BAR GYUR PA DUS LAS YOL BAR KHAS BLANGS PA BCAG PA MA YIN ZHES BYA BA'I DON TO, ,GANG DU BDAG GIS GDUGS BSKUL BAR MI NUS KYI RANG GIS DUS SHES NAS SHOG SHIG CES GSUNGS PA YIN NO, ,DUS LAS YOL DU BYED NA BRIMS SHIG CES BSGO BA YANG NGO ZHES BYA BA NI ZHU BA'I DON BYAS PA NYID GYI PHYIR RIG PAR BYA'O, ,DE MED NA ZHES BYA BA NI DUS LAS YOL DU DOGS PA DE MED NA'O, ,GDUGS TSOD MA BSKUL BA ZHES BYA BA LA, 'DIR GDUGS TSOD BSKUL BA'I KHYIM DU STE, DER 'GROR RUNG BA NI DUS LAS YOL DU BYED PA YOD SRID PA'I PHYIR RO, ,DUS LAS YOL DU BYED NA BRIMS SHIG CES

266b

BSGO BA YANG NGO ZHES BYA BA NI MGRON DU BOS PA'I KHYIM DU SON PA NA GDUGS TSOD YOL DU BYED NA, GDUGS TSOD BRIMS SHIG CES BSKUL DU RUNG BA NYID YIN PA'O, ,TSIG 'BRU DE NYID MA YIN PA LA GUS PAR MI BYA'O ZHES BYA BA NI, TSIG GANG RNAMS LA SNGAGS NYID KYIS BSDU BA MDZAD PA DE RNAMS LA DE NYID KYI PHYIR BSDU BA SNGAGS KYIS DES PA'I SKABS LA BRJOD PAS 'DI NI ME 'JUG PAR RTOGS PAR BYA'O, ,DON DE GO BAR BYA BA'I PHYIR, BCOM LDAN 'DAS KYIS TSIG 'BRU GANG DU GSUNGS PA DE NYID MA GTOGS PA DE LAS GZHAN LA GUS PAR MI BYA STE, TSIG 'DU DE NYID KYIS DON DE NYID BRJOD PAR BYA BA MA YIN TE, YONGS SU RDZOGS PA DE'I 'DOD PAS ZHES BYA BA'I DON TO, ,'DIR GZHUNG NI STAN DAG CI BA DER GYIS SHIG ,TSE DANG LDAN PA KHYED KYI CI BDE BA ZHES BYA BA NI BDAG GIS MI SHES KYI 'DI LTAR STAN DAG NI KHYED KHO NA'I PHYIR BSHAMS SO ZHES ZER BA DANG, BCOM LDAN 'DAS KYIS BKA' STZAL PA, GAL TE DE SKAD ZER NA CI BDER BRJOD PAR BYA'O ZHES GSUNGS PA YIN NO, DE LTA BUR GYUR PA THAMS CAD LA 'DI RNAM PAR GZHAG PA DE'I PHYIR THAMS CAD DU ZHES BYA BA SHES PA'O, ,SO SOR MGRON DU BOS PA BDAG GIR BYA'O ZHES BYA BA LA, 'DI MI RUNG BAR SHES PAR MI BYA ZHES BYA BA'I DON TO, ,DGE 'DUN NA MGRON DU BOS PA NI DE'I KHONGS SU GTOGS PAS MGRON DU BOS PA NYID DO, ,SPYAN DRANGS PA YOD NA KHAS BLANG BAR MI BYA STE, DE LTA BAS NA MGRON DU BOS PA MA YIN PA NYID LA DGE 'DUN GYIS SO SOR MGRON DU BOS PA BDAG GIR BYA'O, ,TSUL 'DI LTA BU BYA BAR 'DOD PA LA 'BREL PA'I DON DU GSUNGS PA NI, DGE 'DUN DANG BCAS TE MGRON DU BOS PA YANG NGO ZHES BYA BA SMOS TE, DGE 'DUN SPYAN DRANGS PA YOD NA GANG ZAG GIS KYANG MNGON PAR MI BRTEN PA NI KHYAD PAR RO, ,JI LTAR GTZUG LAG KHANG GI KHA ZAS NI GANG ZAG MGRON DU BOS PA MA YIN PA DE BZHIN DU 'DIS ZHES BYA BA'I CHO GA 'DI'O, ,DUS THAMS CAD DU YANG ZHES BYA BA NI DGE 'DUN NAM GANG ZAG JI SRID 'TSO'I BAR DU MGRON DU BOS NA YANG BDAG GIR BYA'O ZHES BYA BA'I DON TO, ,CI ZHIG BYAS NAS MGRON DU GNYER BA LAS RING DU 'DUG PA'AM LTUNG BYED DU 'GYUR ZHE NA, DE'I PHYIR TSIG RNAM PAR GZHAG PA

267a

, ,MED PAR MGRON DU GNYER BA DANG LDAN PA LA, PHYIS GZHAN NAM YANG DANG YANG DU 'AM DUS KYI MGRON DU GNYER BAR MA BYAS PA ZLA BA BZHI PA YONGS SU RDZOGS PA'I 'OG TU BSHAMS PA ZOS NA'O ZHES BYA BA SMOS TE, GANG ZHIG DUS 'DI TZAM DU RTAG PA NYID DU NGES PA RNAM PAR GZHAG NAS KHYAD PAR DU DGE 'DUN GYI SGO NAS MGRON DU GNYER BAR BYED PA RAB TU SPYAR BA'I MGRON DU GNYER BAR BYAS PA'AM, NYE BAR SPYAN DRANGS PAR GYUR PA 'DI LTA BUR GYUR BA'I MGRON DU BOS PA'I 'OG TU DGE 'DUN LA GZHAN DU BYAS PA NYID LA GANG ZAG LA BYAS PAS DGE 'DUN LA BYAS PA NYID DO, ,YANG DANG YANG DU'AM SHIN TU DON NYID KYIS MGRON DU BOS PA BYAS PA NI ZLA BA BZHI'I MTHAR THUG PA'I 'OG TU BSHAMS PA RNAM PAR GZHAG PA BYAS PA NI MGRON DU GNYER BAR BYAS PA KHA ZAS SU BYAS PA ZA BAR BYED PA LA ZHES BYA BA'I DON TO, ,MGRON DU GNYER BA LAS LHAG PAR GNAS PA'I KHA NA MA THO BA 'DI DANG MGRON DU MA BOS PA'I DON DU KHA ZAS BSOD PA'I KHA NA MA THO BA'I CHO GA 'DI GNYIS KYI BYE BRAG RTOGS PAR BYA'O, ,RTAG TU MGRON DU BOS PA LAS GZHAN DU ZHES BYA BA 'DI LA NGES PAR RNAM PAR GZHAG PA MED PAR ZHES BYA BA BSDU BA'O, ,DNGOS SU NI ZLA BA BZHI'I 'OG TU RNYED PA LA NYES PA MED DO ZHES BYA BA DE LA 'DI BSTAN PA'I DON DU'O, ,GZHAN DAG GIS SO SOR MGRON DU GNYER BA ZHES BYA BA DE LA GZHAN DU ZHES BYA BA DE'I 'DI BSDU BA'O, ,'DIR KHA ZAS BSOD PA LA MNGON PAR BRTEN PA YOD PA MA YIN NO, ,DE BAS NA KHA ZAS THA MAL PA LA YANG 'DIR YONGS SU RDZOGS PA LA KHA NA MA THO BA BYED PA NYID DO, ,'DIR GZHUNG NI BSDU BA BSTAN PA LAS DGE SLONG ZLA BA BZHI'I BAR DU MGRON DU BOS PA LAS CUNG ZAD LHAG PAR RO MYONG BAR BYED NA SO SOR MGRON DU BOS PA DANG, RTAG TU MGRON DU BOS PA MA GTOGS PAR THAMS CAD DU LTUNG BYED DU 'GYUR RO ZHES GSUNGS PA YIN NO, ,RNAM PAR RIG BYED LA NI NYES BYAS SO ZHES BYA BA 'DI NI SBYOR BA LA NYES BYAS SO ZHES BYA BA DE'I SPROS PA YIN TE, 'DIR RNAM PAR RIG BYED CES BYA BA 'DI NI ZLA BA BZHI LAS LHAG PAR BSHAMS PA'I ZAN GYI PHYIR NYE BAR 'GRO BA YANG YIN PAR RIG PAR BYA'O, ,NAD PA LA NI LTUNG BA MED DO ZHES BYA BA NI NAD PA'I PHYIR BLANGS PA DANG ZA BA NI

267b

NYES PA MED DO, ,'DIR GZHUNG NI ZHU BA DAG LAS MI NA BAR BLANGS TE ZA NA BLANGS PA LA NI NYES BYAS LA, ZOS PA LA NI LTUNG BYED DO ZHES GSUNGS PA DE NYID MDO 'DIR BSDUS PA YIN NO, ,NYE DU LAS KYANG NGO ZHES BYA BA NI SBYIN BDAG NYE DU LAS BLANGS TE ZOS PA LA YANG LTUNG BA MED DO, ,'DIR GZHUNG NI ZHU BA LAS KHYIM BDAG DE DE'I PHU NU 'AM, BU TSA'AM BU SRING YIN NA DE DAG LAS RO MYONG BAR BYA'O ZHES GSUNGS PA YIN NO, ,RNAM PAR 'KHYAMS PA LAS SNGA MA NI THA DAD PA NYID DO ZHES BYA BA NI RNAM PAR 'KHYAMS PA ZHES BYA BA KHYIM PAR BABS PA LAS SNGA MA ZHES BYA BA DE DGE SLONG NYID NI THA DAD PA NYID YIN PA'O, ,'DIR GZHUNG NI ZHU BA LAS TSE DANG LDAN PA LA GANG DGOS PA DE KHYER CIG CES DGE SLONG LA BSTABS PAR GYUR PA LAS DGE SLONG DE RNAM PAR 'KHYAMS PAR GYUR CING DE DANG BSNYEN PAR RDZOGS PAR BGYID NA, DGE SLONG DES CHO GA SNGA MA DE NYID KYIS RO MYANG BAR BGYI 'AM, GAL TE YANG STOBS PAR BYED NA NI RO MYANG BAR BYA BA'O, ,STOBS PAR MI BYED NA NI RO MYANG BAR MI BYA'O ZHES GSUNGS PA YIN NO, ,DE NI MA BSTABS PA'I NYES PA BYED PA NYID YIN NO ZHES BYA BA NI RNAM PAR 'KHYAMS PA'I 'OG TU MGRON DU BOS PA LA BSOD PA SLONG BA'I KHA NA MA THO BA BYED PA YIN NO ZHES BYA BA'I DON TO, ,MDUN ROL DU YANG GANG GIS MA BSTABS PA'O ZHES BYA BA NI, ZLA BA BZHI'I 'OG 'BA' ZHIG TU MA ZAD KYI ZLA BA BZHI MA TSANG BA'I MDUN ROL DU YANG ZHES BYA BA'I DON TO, ,BZA' BAR BYA BA'I DNGOS PO GANG GIS MGRON DU BOS PA DE SLONG NGAM ZAN MA BSTABS PA'I NYES PA BYED PA NYID YIN PA'O, ,MGRON DU GNYER BA LAS RING DU 'DUG PA'I LTUNG BYED DO,, ,,BSLAB PA LA NYE BAR 'JOG PA SPONG BA'I LTUNG BYED LA BYED PA PO GANG YIN ZHE NA, DE'I PHYIR SHES GTZO BO ZHES BYA BA SMOS TE, 'DU SHES GTZO CHER BYED PA PO NYID DO ZHES BYA BA'I DON TO, ,GANG LA 'DU SHES GTZO CHER BYED PA PO YIN ZHE NA, DE'I PHYIR MNGON PAR SHES PA NYID LA'O ZHES BYA BA SMOS SO, ,MNGON PAR SHES PA NYID GANG LA ZHE NA, DE'I PHYIR SMRA BA PO LA'O ZHES BYA BA SMOS SO, ,DES GANG LA MNGON PAR SHES PA NYID YIN ZHE NA, DE'I PHYIR BSLAB PA LA'O ZHES BYA BA SMOS TE, 'DIR GZHUNG NI YANG DAG

268a

, ,PA KHO NAR BYIS PA GLEN PA MI GSAL BA MI MKHAS PA DAG YIN NA LTUNG BA MED DO ZHES GSUNGS PA YIN NO, ,'DIR CHO GA 'DI RNAM PAR GNAS PA YIN TE, MNGON DU BYAS PA LA DRANG SRONG GIS YE SHES KYIS 'DUL BA MNGON PAR SHES PA NYID LA YID CHES PA LAS NYE BAR THOS PA LA 'DIR 'DU SHES DAG PA STE, GZHAN DU NI MA YIN NO, ,DE'I PHYIR DE RNAMS LA GCIG TU KHA NA MA THO BA MI SKYED PA STE, GZHAN 'GA' ZHIG LA NI MA YIN NO ZHES BYA BAR RIG PAR BYA'O, ,GAL TE BYED PA PO NYID YIN ZHE NA, DE'I PHYIR, DGE SLONG GIS KHYED KYIS 'DI LA BSLAB PAR BYA'O ZHES BRJOD PA NA 'AM BSGO BA NI MI SLOB PA ZHES RGYU'I DNGOS PO DES GO BAR BYED PA LA MI SHES PA NYID SGROGS PAR BYED PA'I TSIG BRJOD NA'O ZHES BYA BA SMOS TE, BRJOD PA NA'AM ZHES BYA BA NI BSLAB PA LA ZHES BYA BA 'DIS SKABS KYIS SO SOR GNAS PA'I 'BREL PA CAN DU RIG PAR BYA'O, ,'DI LA ZHES BYA BA NI 'DUL BA LAS GSUNGS PA LAS TE, MDO SDE LAS GSUNGS PA NI NYES BYAS KYI'O ZHES 'BYUNG BA'I PHYIR RO, ,BSGO BA NA ZHES BYA BA NI BRJOD PA LA'O, ,'DI LA KHYOD KYIS BSLAB PAR BYA'O ZHES MOS PAR BYAS NA'O, ,'DIR GZHUNG NI ZHU BA KHA CIG LAS, 'DUL BA DANG NYE BAR GYUR PA'I MDO SDE RNAMS BZHAG NAS 'DI SKAD CES SMRA BAR BYED DE, BDAG GIS 'DI LA BSLAB PAR MI BYA'O ZHES ZER NA NYES BYAS SU 'GYUR RO, ,DE BAS NA 'DI BRJOD PA YIN NO, ,GANG GIS 'DI LTAR BRJOD PA ZHE NA, DGE SLONG ZHES SMOS PAS SO, ,RNAM PA GANG GIS MI SHES PA SRID PA NYID KYIS PHYIR ZHE NA, DE'I PHYIR MI SLOB BO ZHES RGYU'I DNGOS PO DES GO BAR BYED PA ZHES BYA BA SMOS TE, BDAG GIS BSLAB PA 'DI LA MI SLOB BO ZHES DE SKAD ZER BA STE, GANG GI PHYIR KHYOD MI SHES PA NYID SGROGS PAR BYED PA YIN ZHE NA, DE'I PHYIR GO BAR BYED PA LA ZHES SMOS TE, GANG GI PHYIR KHYOD MI SHES PA DE'I PHYIR KHO BO MI SLOB PO ZHES GO BAR BYED PA LA MI SHES PA NYID SGROGS PAR BYED PA'I TSIG GANG YIN PA DE BRJOD NA KHA NA MA THO BA 'DIR 'GYUR RO ZHES BYA BA'I DON TO, ,MDO SDE LAS GSUNGS PA LA NI NYES BYAS KYI'O ZHES BYA BA YANG MNGON PAR SHES PA NYID LA ZHES BYA BA 'DI'I MTHAR BSLAB PAR BYA'O ZHES BYA BA LA

268b

SOGS PA BRJOD PAR GYUR PA LA JI SRID DU TSIG BRJOD PA LA NYES BYAS KYI BYED PA PO NYID CES BYA BA'I DON TO, ,'DIR GZHUNG NI ZHU BA KHA CIG LAS, 'DUL BA DANG LDAN PA DAG MA GTOGS PA MDO SDE DAG LAS 'DI SKAD CES KHO BO 'DI LA MI SLOB PO ZHES ZER NA NYES BYAS SO, ,GZHAN MDO SDE NYID BZHAG PA 'DI LAS MNGON PAR BRTEN PA SHES PA YIN NO, ,BSLAB PA LA NYE BAR 'JOG PA SPANG BA'I LTUNG BYED DO,, ,,CI ZHIG BYAS NA 'JUG PA GANG LA NYAN RNA LAS GYUR PA'I LTUNG BYED DU 'GYUR ZHE NA, DE'I PHYIR DGE SLONG DAG RTZOD PAR GYUR PA DGE SLONG DAG DANG GROS BYED PA NA NYAN PA'I PHYIR RNA GTOD NA STE NYE BAR ZHI BAR 'DOD PAS NI MA GTOGS SO ZHES BYA BA SMOS TE, YUL GYI DON GCIG LA BRTEN PA'I RGOL BA DANG PHYIR RGOL BA DAG MANG PO ZHIG YOD MOD KYI, 'ON KYANG RIGS GNYIS YIN PA'I PHYIR DGE SLONG DAG CES GNYIS KYI TSIG TU BYAS SO, ,RGOL BA DANG PHYIR RGOL BA'I DGE SLONG GANG YIN PA DE DAG LA DGE SLONG RNAMS KYIS SDUM PA GANG YIN PA DE LA RNA GTOD PA'I DON DU RTZE GCIG TU BYED PA'O, ,CI RNA GTOD PA THAMS CAD LA YIN NAM ZHE NA, DE'I PHYIR NYE BAR ZHI BAR 'DOD PAS NI MA GTOGS SO ZHES BYA BA SMOS TE, RNA GTOD CING NYAN PA DOR NAS ZHES BYA BA'I DON TO, ,'DIR GANG LA KHA NA MA THO BA JI LTA BUR 'GYUR ZHE NA, DE'I PHYIR SGRA THOS PA LA NI NYES BYAS SO, ,DON LA NI DNGOS GZHI'O ZHES BYA BA NI SGRA'I DON GO NAS DON SO SOR RIG PA'O, ,DE BAS NA 'DIR SBYOR BA THOB PA NI SGRA SO SOR RIG PA DANG 'BREL PA STE, DNGOS GZHI'I LTUNG BA NA SMAD PA NI MA YIN NO, ,CI DON GANG YANG RUNG BA KHO NAS DNGOS GZHIR 'GYUR RAM ZHE NA, DE'I PHYIR 'KHRUG LONG BYA BA LA, GZHOL BAS SO ZHES BYA BA SMOS TE, DON GZHAN GYI DBANG NYID DU SON CING SHES PA'I 'OG TU RKANG PA DANG SE GOL DANG LUD PA'I SGRA DAG GIS GO BAR MI BYED NA NGES PAR LTUNG BA 'BYIN PA NYID DU 'GYUR TE, GAL TE NOR BA DANG ZHI BAR 'DOD PA NI MA GTOGS SO ZHES BYA BA SMOS TE, NYE BAR THOS PA LAS DON GZHAN MNGON DU BYAS TE NYE BAR 'BREL PAR BYA'O, ,DUS GANG GI TSE NA SHES PAR 'GYUR BA CUNG ZAD 'DIR BSDAD PAR BYA STE, DA LTAR SHES PA'I 'OG TU RKANG PA'I TING SGRA LA SOGS PAS BSDAD PAR BYA'O, ,

269a

, ,GAL TE MA YIN NA GANG LAS NGES PAR LTUNG BAR BYED PA LA LTUNG BAR 'GYUR BA NI LTUNG BA NI LTUNG BA BSKYED PA'O, ,GAL TE NOR PAR GYUR TAM ZHI BAR 'DOD PAS NI MA GTOGS TE, NYE BAR MI GNAS PAR GYUR PA'I TSE GCIG PA'I SBYIN PAR MI 'GYUR BZHI BA LA DON DU GNYER BA'AM ZHES BYA BA'I DON TO; ,'THAB GCUGS MI BYA'O ZHES BYA BA NI RTEN DU GYUR PA LA CHO GA SNGA MA RNAM PAR GZHAG PA'I PHYIR GZHAN ZHES BYA BA'I RKYEN TO, ,MI STOBS PA NYID KYIS THOB PA LA TSIG 'DI'O, ,MNYAN PAR MI BYA'O ZHES BYA BA NI 'THAB MO'O, ,DE BYED PA LA NYE BAR BSKOR TE 'DUG PAR MI BYA'O, ,NYE BAR ZHI BAR BYA BA'I PHYIR MI 'BAD PAR MI BYA'O ZHES BYA BA NI RTZOD PA LA'O, ,NYAN RNA LAS GYUR PA'I LTUNG BYED DO,, ,,GANG LA MI SMRA BAR 'GRO BA'I LTUNG BYED DU 'GYUR ZHE NA, DE'I PHYIR GSOL BA LA SOGS PA'I LAS LA 'DUS PA DGE SLONG LA MA SMRAS PAR 'GRO NA'O ZHES BYA BA SMOS TE, GSOL PA LA SOGS PA'I LAS LA ZHES BYA BA NI GSOL BA 'BA' ZHIG DANG GSOL BA DANG GNYIS DANG, GSOL BA DANG BZHI'I LAS LA YANG DGAG DBYE'I BDAG NYID CAN GYI LAS LA'O, ,RAB TU BYUNG BA LA LTOS PA ZHU BA LA SOGS PA LA NI MA YIN NO, ,'DUS PA ZHES BYA BA NI ZHUGS PA LA'O, ,DGE 'DUN 'DUS PA LA MA DRIS PAR RO, ,DGE SLONG LA MA DRIS PAR 'GRO NA'O ZHES BYA BA LA, DGE SLONG LA MA SMRAS PAR ZHES BYA BA NI LTA BA YANG DAG PAR BSGRUB PA'I DON DU MA YIN NO, ,'ON KYANG TSOGS PA BSGRUB PA'I DON DU 'DUN PA 'BUL BA LTAR RTOGS PAR BYA'O, ,THAG JI SRID DU SONG NA 'GRO PA'I CHA DE KHA NA MA THO BA CIR 'GYUR ZHE NA, DE'I PHYIR THOS PA'I NYE 'KHOR LAS 'DAS NA DNGOS GZHI'O, ,MDUN ROL DU NI NYES BYAS SO, ,DON MED PA DANG MI RIGS PAS 'GRO BA'O ZHES BYA BA SMOS TE, DGOS PA MED PA DANG MI RIGS PA'I TSUL GYIS DGOS PAR 'GRO NA YANG NYES BYAS SU 'GYUR RO, ,GSOL BA BYAS PA NYID LA'O ZHES BYA BA NI, 'DIR GZHUNG NI LAS KYI GZHI ZHU BA LAS, BTZUN PA RE ZHIG LAS BRJOD PAR BGYID PA NA, DGE SLONG STAN LAS LANGS TE MCHI ZHING DGE SLONG MCHIS PA DAG LA YANG MI SMRA BAR MCHI NA LTUNG BA CIR 'GYUR, NYE BA 'KHOR NYES BYAS

269b

SO ZHES GSUNGS PA YIN NO, ,CHOS DANG LDAN PA NYID MA YIN PA'I LAS LA YANG NGO ZHES BYA BA NI CHOS DANG LDAN PA NYID MA YIN PA 'DI RNAMS LA DNGOS GZHI'I GNAS SU NYES BYAS SO, ,'DIR GZHUNG NI ZHU BA KHA CIG LAS, CHOS DANG LDAN PA NYID MA YIN PA'I LAS BYED PA NA 'GRO NA NYES BYAS SO ZHES GSUNGS PA YIN NO, ,THOS PA'I YUL LAS MI 'DA' BAR 'DOD PA NI LTUNG BA MED DO ZHES BYA BA 'DI NI SNGAR MDUN ROL DU NI NYES BYAS SO ZHES BYA BA SMOS PA DE'I DMIGS KYIS BSAL BA YIN NO, ,'DIR GZHUNG NI ZHU BA LAS, GSOL BA BRTZAMS PA NAS BSHANG BA'I SA 'AM GCI BA'I SAR 'GRO BA 'AM 'ONG YANG RUNG STE, DGE SLONG 'KHOD PA DAG LA MI SMRA YANG THOS PA'I NYE 'KHOR YONGS SU MI GTONG BA GANG YIN PA LA NI LTUNG BA MED DO, ,'DIR SNGA MA LA YANG THOS PA'I NYE 'KHOR MI GTONG BA LA LTUNG BA MED PAR RNAM PAR GNAS PA YIN NO, ,GTONG NA NI NGES PAR NYAMS PAR 'GYUR RO, ,MI SMRA BAR 'GRO BA'I LTUNG BYED DO,, ,,GANG LA MA GUS PA'I TSUL GYIS LTUNG BYED DU 'GYUR ZHE NA, DE'I PHYIR 'DUG PA DANG 'GRO BA DANG GNAS MAL DANG GTZUG LAG KHANG LEN PA DANG SMRA BA LA SOGS PA LA BSGO BA'I DON LA MA GUS PAS CHOS DANG LDAN PAR SHAD KYIS SBYANG BA MED PAR DE LAS BZLOG STE, 'GAL BAR BYED PA'O ZHES BYA BA NI DE LAS BZLOG STE MI 'DUG PA DANG MI 'GRO BA DANG GNAS MAL MI LEN PA DANG GTZUG LAG KHANG MI LEN PA DANG MI SMRA BA'O, ,SOGS PA'I SGRAS NI LHAG MA 'DI LAS CHOS DANG LDAN PA'I DON LA NYE BAR BSDUS PA'I DON TO, ,MI 'GYUR BA'I YID KYIS KYANG MI MTHUN PAR GYUR PA YIN TE SHAD KYIS KYANG NGO, ,'DI LTA STE DPER NA GUS PA RAB TU BYED CING MI MTHUN PA STE, KHA NA MA THO BA LA 'JIGS PAR MTHONG BA NI MA YIN NO, ,CHOS DANG MI LDAN PA'I GSOL BA 'BA' ZHIG TU NI MA ZAD DE, CHOS DANG LDAN PA'I GSOL BA BTAB PAS KYANG 'DI NI GUS PA MED PA MA YIN TE, DE BAS NA MI GUS PAR SHES PAR MI BYA'O, ,DE BAS NA GUS PA MED PA ZHES BYA BA NI BYE BRAG GO, ,GUS PA YOD PA LAS YANG DUS GCIG GI TSE CHOS DANG LDAN PA'I GSOL BA BTAB PA YOD PA MA YIN TE, 'DIR CHOS KYI GSOL BA BTAB PA MED PAR YANG STER BA YIN NO, ,DGONGS

270a

, ,PA NI 'DI YIN TE, GANG GI PHYIR GNYIS KA LA 'KHRUL PA YOD PA LA KHA NA MA THO BA YONGS SU RDZOGS PA STE, CIG SHOS MED PA LA NI MA YIN TE, DE BAS NA GNYIS KA'I TSIG BZUNG BA'O, ,GANG DU GSOL BA MA BTAB PA LA MA GUS BA YOD PA NI MA YIN NO, ,GUS PA MA YIN PA LA NI GSOL BA MI SBYIN PAR DER NI NYES BYAS SO ZHES BYA BA 'DIS RIG PAR BYA'O, ,GANG GIS NYE BAR 'ONGS PA'I DON LA 'GAL BAR BYED PA LA LTUNG BA CI LTA BUR 'GYUR ZHE NA, DE'I PHYIR DGE SLONG GIS DGE 'DUN LA NI DNGOS GZHI'O, ,MKHAN PO DANG SLOB DPON DAG GI LA NI NYES BYAS SO, ,CHOS DANG LDAN PA NYID MA YIN PA'I BSGO BA LAS KYANG NGO ZHES BYA BA SMOS TE, DGE SLONG GI DGE 'DUN GYIS BSGO BA'I DON CHOS DANG LDAN PA MA YIN PA'I BSGO BA LAS 'GAL BAR BYED PA LA YANG NYES BYAS SO ZHES BYA BA'I DON TO, ,'DIR GZHUNG NI ZHU BA LAS, BTZUN PA DGE SLONG GIS DGE SLONG GNAS BRTAN RNAMS CHOS DANG LDAN PA'I BKA' MCHID RNAM PAR GTAN LA 'BEBS PA NA, GLO BUR DU BKA' MCHID MCHI LA LTUNG BAR YANG MI 'GYUR BA MCHIS SAM, YOD DE 'DI LTA STE DGE SLONG GNAS BRTAN DAG CHOS MA YIN PAR SMRA LA, GSAR BU DAG NI CHOS SMRA BAS GLO BUR DU GTAM ZER NA NYES BYAS SU GYUR PA'O ZHES GSUNGS PA YIN NO, ,GTAM ZER BA NI DE NYID DO ZHES BYA BA NI GZHAN DAG LA CHOS DANG LDAN PA'I GTAM RNAM PAR GTAN LA 'BEBS PA'I BAR DU GLO BUR DU GTAM ZER BA NI DE'I DE NYID NI BSGO BA LAS 'GAL BAR BYED PA NYID YIN TE, LTUNG BYED DO ZHES BYA BA'I DON TO, ,GLENG GZHI LAS 'DI RNAM PAR SHES PA YIN TE, GLANG CHEN LHAS KYI BDAG PO'I BU NAG PO GTAM GYI MJUG TU SDOD PAR MI BYED GUS PAR BYED CING PHYIR SMRA BAR BYA'O SNYAM DU SEMS SO ZHES BYA BA'I BAR DU GSUNGS PA DANG, 'DIR ZHU BA'I GZHUNG LAS KYANG GSAR BU CHOS MA YIN PA DAG GNAS BRTAN CHOS SMRA BA RNAMS LA GLO BUR DU GTAM ZER BA NI LTUNG BYED DO ZHES GSUNGS PA YIN NO, ,DGE 'DUN GYI THA SNYAD PA NI DE'I KHA YIN NO ZHES BYA BA NI DGE 'DUN GYI THA SNYAD PA NI DGE 'DUN GYI KHA YIN TE, DE BAS NA DGE 'DUN NYID KYIS BSGO BA GANG YIN PA DE NI DGE 'DUN GYI BSGO BA YIN TE, DGE 'DUN

270b

GYI THA SNYAD PA ZHES BYA BA'I DON TO, ,SANGS RGYAS NI DGE 'DUN DANG 'DRA'O ZHES BYA BA SANGS RGYAS LA MA GUS PA LAS KHA NA MA THO BA YONGS SU RDZOGS PAR 'GYUR BA ZHES BYA BA'I DON TO, ,'DIR GZHUNG NI SH'A RE'I BU LNGA PO RNAMS KYI TSIG NI MI BSKYED PA ZHES BYA BA STE, DE BAS NA MDO 'DI RNAM PAR GNAS PA YIN NO, ,GANG GI PHYIR DGE 'DUN LA MA GUS PA DANG SANGS RGYAS LA MA GUS PA NI SHIN TU SDIG CHE BA YIN TE, GANG GI TSE TSE DANG LDAN PA MA GHA DANG, BHA DHA LA YANG LTUNG BA MA BYUNG BA STE, DE DAG LA MI GUS PA NYID MA SKYES PA'I PHYIR RO, ,CHOS DANG LDAN PA'I GSOL BA YANG SBYIN PA'I PHYIR ZHES GSUNGS PA YIN NO, ,BSLAB PA RNAMS LA MA GUS PA'I PHYIR 'GAL BAR BYED PA'O, ,GAL TE SANGS RGYAS LA GUS PA MED NA MI RIGS PAR 'GYUR BA 'DIS CI ZHIG BYA, DE'I TSIG GIS BYA BA ZHES BYA BA LA SOGS PA'I LTUNG BYED DO, ,GAL TE BSLAB PA TZAM LA CUNG ZAD TZAM DANG, NGAN DON TZAM 'DIS CI ZHIG CES BYA BA LA SOGS PAS BSLAB PA LA MA GUS PA BSKYED PA NI NYES BYAS SO, ,LHAG MA LNGA PO RNAMS ZHES BYA BA 'DI LAS BSDU BA BYA STE, RGYAL PO DANG DGRA BCOM PA DANG DGE 'DUN GYI GNAS BRTAN RNAMS KYI TSIG RNAM PAR DKRUGS PAR MI BYA'O ZHES BYA BA SMOS SO, ,MA GUS PA'I TSUL GYI LTUNG BYED DO,, ,,CI ZHIG BYAS NA MYOS PAR 'GYUR BA 'THUNG BA'I LTUNG BYED DU 'GYUR ZHE NA, DE'I PHYIR MYOS PAR 'GYUR BA 'THUNG NA'O ZHES BYA BA SMOS TE, BTUNG BA'I TSIG GIS 'THUNG NA'O ZHES BYA BA SMOS PAS 'THUNG BAR BYED PA RTOGS PAR BYA'O, ,DE BSKOL NA NI DE NYID LAS NYAMS PA YIN NO ZHES BYA BA NI MYOS PAR 'GYUR BA DE BSKOL NA NI MYOS PAR 'GYUR PA DE NYID LAS NYAMS PA YIN NO ZHES BYA BA'I DON TE BSKOL BA 'THUNGS PA LA NI LTUNG BA MED DO ZHES BYA BA 'DIS BSDUS PA YIN NO, ,SBANG MA DANG TSIGS MA ZA BA LA NI DE'I 'JUG PA YOD DO ZHES BYA BA NI MYOS PAR 'GYUR BA'I LTUNG BA DE'I 'JUG PA YOD DO ZHES BYA BA'I DON TO, ,'DIR GZHUNG NI SPANG MA ZA NA LTUNG BYED DO, ,TSIGS MA ZA NA LTUNG BYED DO ZHES GSUNGS PA YIN NO ZHES BYA BA 'DIS BSDUS PA YIN NO, ,PHABS KYI CHAD BU NI PHYED NYID DO ZHES BYA BA NI MYOS PAR 'GYUR BA'I PHYED NYID DE NYES BYAS NYID YIN NO ZHES BYA BA'I DON TO, ,

271a

, ,RTZA BA DANG SDONG BU DANG 'DAB MA DANG ME TOG DANG 'BRAS BU MYOS PAR 'GYUR BA RNAMS KYANG NGO, ,MYOS PAR 'GYUR BA'I DRI DANG RO BRO BA'I THUG PA MYOS PAR MI BYED PA RNAMS KYANG NGO ZHES BYA BA NI PHYED NYID DO ZHES BYA BA 'JUG GO, ,MDOG TZAM MYOS PAR 'GYUR BA DANG 'DRA BA LA NI NYES BA MED DO ZHES BYA BA NI 'DIR GZHUNG LAS MDOG 'BA' ZHIG MYOS PAR 'GYUR BA DANG 'DRA BA 'THUNG BA LA NI LTUNG BA MED DO ZHES GSUNGS PA YIN NO, ,MKHUR BAR BSREL BA DANG LUS SKUD PA LA NI SBYOR BA DANG 'DRA'O ZHES BYA BA NI ZA BAR MI 'DOD PA LA GANG ZHIG YAN LAG GI RGYAN 'CHANG BA MED PA NI DER SBYOR BA NYID LA SNYAM PA'I BLO BZLOG PA'I DON DU 'DIR 'DI GSUNGS PA'O, ,SMAN PA'I LUNG GIS 'DI DAG BYED PA LA LTUNG BA MED PA'I TSIG GANG YIN PA DES DON 'DI BSTAN PA NYID DE DE BAS NA MDO 'DI YIN TE, BA SPU'I BU GA RNAMS LA BZA' BA ZHUGS PA LUS SKUD PA BSGRUB PA ZHES BYA BA NI 'DIR SKYON NO, ,NAD PA LA NI LTUNG BA MED DO ZHES BYA BA NI, NAD PA'I MKHUR BAR BSREL BA DANG LUS BSKU BA DAG BYED PA LA NI ZHES BYA BA DE MA THAG PAS RTOGS PAR BYA'O, ,MYOS PAR 'GYUR BA LA NI BCAS PA'I KHA NA MA THO BA GNANG BA 'JUG PA MA YIN ZHES BYA BA 'DI DE'I PHYIR RTZOM PA'O, ,MYOS PAR 'GYUR BA 'THUNG BA'I LTUNG BYED DO,, ,,DUS MA YIN PAR 'GRO BA'I LTUNG BYED LA BYED PA PO NYID GANG ZHE NA, DE'I PHYIR SHES GTZO BO ZHES BYA BA SMOS TE, 'DU SHES GTZO CHER BYED PA PO NYID DO, ,GANG LA 'DU SHES GTZO CHER BYED PA PO NYID YIN ZHE NA, DE'I PHYIR DUS MA YIN PA NYID LA'O ZHES BYA BA SMOS TO, RANG GI PHYED YOL NAS SKYA RENGS MA SHAR GYI BAR DU NI MA YIN NO ZHES BYA BA BSTAN PA DE NI DUS MA YIN PA'I MTSAN NYID DO, ,DGE SLONG KHYAD PAR CAN JI LTA BU ZHIG LA DE BYED PA PO YIN ZHE NA, DE'I PHYIR DGE SLONG 'KHOD PA LA MA SMRAS PA LA'O ZHES BYA BA SMOS TE, GANG GIS DGE SLONG 'KHOD CING YOD PA LA MA SMRAS PA DE NI 'DIR BSDUS PA YIN NO, ,CI ZHIG BYAS NA DGE SLONG DE LA 'DU SHES GTZO CHER BYED PA PO NYID YIN ZHE NA, DE'I PHYIR GRONG DU ZHUGS NA'O ZHES BYA BA SMOS TE, KHYIM GCIG PA'I GNAS KYANG GRONG NYID YIN PAR GSUNGS PAS DE'I PHYIR KHANG PA GCIG TZAM YOD PA'I GNAS KYANG GRONG

271b

NYID YIN NO ZHES BYA BA DE LA BSDUS PA NYID DO, ,GRONG PA'I CHOS DANG LDAN PA LHAG PAR SPYOD PA'I GNAS DAG LA GRONG GI SGRA 'JUG PAR 'GYUR BAS DE'I PHYIR MA SMRAS BAR PHYI ROL PA'I RAB TU BYUNG BA'I GNAS SU 'JUG PA LA NI KHA NA MA THO BA MED PAR RIG PAR BYA'O, ,BSKOR BA DANG BCAS PA'I GRONG LA NI SGO GTAN GYI BAR DU 'JUG NA DE SRID DU ZHUGS PA YONGS SU RDZOGS PAR RIG PAR BYA'O, ,MA BSKOR BA LA NI BSKOR BA'I MTHA'I BSKOR BAS DES BYAS NAS RNAM PAR GZHAG PAR RIG PAR BYA'O, ,CI ZHUGS PA THAMS CAD LA'AM ZHE NA, DE'I PHYIR GAL TE GTAD PA'I BYA BA MA BYUNG NA'O ZHES BYA BA SMOS TE, DE'I DBANG GIS 'JUG PA GANG YIN PA DE LA NI LTUNG BA MED DO, ,GZHAN DU RGYU BA LA NI NYES BYAS SO ZHES BYA BA DES NI PHYOGS GANG DU 'GRO BA'I PHYIR SMRAS PA'I PHYOGS DE LAS GZHAN PA DE'I YAN LAG TU GYUR PA'I PHYOGS GANG YIN PA DER RGYU BA LA NI NYES BYAS SO, ,GRONG YONGS SU CHAD PAR BYED CING CUNG ZAD PHYOGS 'GA' ZHIG TU BYED DAM, RIGS 'GA' ZHIG LA SMRA BAR BYED NA NYES BYAS LA 'JUG PA YIN NO, ,GRONG GCIG GO KHYIM GZHAN DU 'GRO NA NYES BYAS KYI TSIG 'DI'O, ,GRONG GZHAN DU RGYU BA LA NI LTUNG BYED KHO NA'O, ,'DIR GZHUNG NI ZHU BA LAS DANG POR GAR NA NYE 'KHOR GCIG YIN PA'I NYE 'KHOR SHES PA LAS 'DAS TE, DER 'GRO NA NYES BYAS SO ZHES GSUNGS PA YIN NO, ,'DIR NYE 'KHOR GCIG NYID CES BYA BA NI GRONG GCIG NYID BSTAN PAR RIG PAR BYA'O, ,GANG ZHIG NYE 'KHOR ZHES SMOS PA 'DIS KHYIM GYI NYE 'KHOR LA SHES PAR BYA BA 'DIS SMRAS NA BYED PA PO NYID DO, ,'DI LA DGE SLONG MED NA DGE SLONG MA YANG DE DANG 'DRA'O ZHES BYA BA NI BSLAB PA'I GZHI 'DI LA SMRA BAR BYA BA'I PHYIR DGE SLONG MED NA DGE SLONG BZHIN DU DGE SLONG MA'O, ,GANG ZHIG DGE SLONG DU MA GYUR PA DANG, DGE SLONG MAR YANG MA GYUR LA DE LA NI SMRA BAR BYA ZHES BYA BA'I DON TO, ,DE YANG MED NA DGE TSUL LA'O ZHES BYA BA NI DGE SLONG MA MED NA DGE TSUL LA DGE SLONG DANG 'DRA BAR RIG PAR BYA ZHES BYA BA'I DON TO, ,DE YANG MED NA DGE SLOB MA'O ZHES BYA BA NI, DGE TSUL DE YANG MED NA DGE SLOB MA DGE SLONG DANG 'DRA BA'O, ,DE YANG MED NA DGE TSUL MA'O ZHES BYA BA NI, DGE

272a

, ,SLOB MA DE YANG MED NA DGE TSUL MA YOD NA DE LA SMRA BAR BYA'O ZHES BYA BA'I DON TO, ,'DIR GZHUNG NI DGE SLONG GIS DGE SLONG LA SMRA BAR BYA ZHING DGE SLONG MA DANG DGE TSUL DANG, DGE SLOB MA DANG DGE TSUL MA LA YANG SMRA BAR BYA STE, 'KHOR LO BZHIN DU SBYAR BAR BYA'O ZHES GSUNGS PA YIN NO, ,BRDA MI PHRAD PA NI MED PA NYID DO ZHES BYA BA NI GLEN PA DANG LKUGS PA DANG KLA KLO LA SOGS PA DAG DES BRDA MI PHRAD PA YIN NA SMRA BAR BYA BA MED PA YIN NO, ,YOD PAR GYUR KYANG BRDA MI PHRAD PA LA MA SMRAS PAR ZHUGS PA LA LTUNG BA MED DO, ,'DIR GZHUNG NI THA MAL PAR SMRAS PA MI THOS PA DANG, THA MAL PA SMRA MI SHES PA GANG DAG YIN PA DE DANG LHAN CIG 'DUG PAS NI DE DAG LA MA SMRAS PAR 'JUG PA LA LTUNG BA MED DO ZHES GSUNGS PA YIN NO, ,MTSAMS GZHAN NA GNAS PA DANG GZHAN GYI PHYOGS DANG MTHUN PA DAG KYANG NGO ZHES BYA BA YANG MED PA NYID CES BYA BAR SBYAR RO, ,THA DAD PA NYID PHYOGS GZHAN LA LTUNG BA GZHAN GYI PHYOGS SU GYUR PAR RIG PAR BYA'O, ,'DIR GZHUNG NI MTSAMS GZHAN GYI SA LA GNAS PAS NAM MKHA' LA GNAS PA LA SMRAS PAR 'JUG PA LA LTUNG BA MED DO ZHES BYA BA LA SOGS PA GSUNGS PA YIN NO,, 'DIR GZHUNG NI CIG SHOS LA YANG SNA TSOGS PA DANG, 'GROGS PA RNAMS DANG LHAN CIG TU 'DUG PAS DE DAG LA MA SMRAS PAR 'JUG PA LA LTUNG BA MED CES BYA BA LA SOGS PA GSUNGS PA YIN NO, ,DE BZHIN DU MI MA YIN PA RAB TU BYUNG ZHING BSNYEN PAR RDZOGS PA DANG LHAN CIG 'DUG PAS DE LA MA SMRAS PAR 'JUG PA LA LTUNG BA MED DO, ,SNGON LTUNG BA BYUNG BA DANG DANG PO 'KHRUGS PA DANG, RKU THABS SU GNAS PA DANG, DGE SLONG MA SUN PHYUNG BA DANG, MTHA'I LTUNG BA BYUNG BA DANG, LHAN CIG 'DUG PAS DE DAG LA MA SMRAS PAR 'JUG PA LA LTUNG BA MED DO, ,DE BAS GZHAN PA'I DGE SBYONG DANG BRAM ZE DANG LHAN CIG 'DUG PAS DE RNAMS LA MA DRIS BAR 'JUG PA LA LTUNG BA MED DO ZHES GSUNGS PA YIN TE, BSNYEN PAR RDZOGS PA DANG BCAS PA'I DBUS SU GNAS PA'I DGE SLONG DANG DGE SLONG MA DAG CES BYA BA 'DIS BSDUS PAR RIG PAR BYA'O, ,RDZU 'PHRUL

272b

GYIS NI LTUNG BA MED DO ZHES BYA BA LA, NI ZHES BYA BA'I SGRA NI GRONG DU 'JUG PA LA BYE BRAG GI DON TE, 'DIR 'DI NI MED PAR NI GO BA MA YIN NO, ,GZHUNG GI SDEB SBYOR BSGRUB PA'I DON 'DI SBYAR BA YIN NO, ,'DIR GZHUNG NI RDZU 'PHRUL GYIS NAM MKHA' LA 'JUG NA MA SMRAS KYANG LTUNG BA MED DO ZHES GSUNGS PA YIN NO, ,DUS MA YIN PAR 'GRO BA'I LTUNG BYED DO,, ,,GANG LA GRONG RGYU BA'I LTUNG BYED DU 'GYUR ZHE NA, DE'I PHYIR DUS MA YIN PAR KHYIM PA'I GZHI LA SOGS PAR 'GRO BA LA'O ZHES BYA BA SMOS TE, DGE SLONG 'KHOD PAR MA SMRAS PAR ZHES BYA BA 'DIS DMIGS KYIS BSAL BAR GYUR BA'I CHO GA 'DI YIN NO, ,DGE SLONG 'KHOD PA LA SMRAS KYANG KHYIM GZHI LA SOGS PAR DUS MA YIN PAR 'GRO PA GANG YIN PA DE LA ZHES BYA BA'I DON TO, ,CI 'DIR DE 'BA' ZHIG LA'AM ZHE NA, DE'I PHYIR DE'I TSIG GIS DGE 'DUN SPYAN DRANGS PA NA SBYIN BDAG KHO BO MA 'ONGS PA'I DBANG GIS BRIM PA YOL BAR MA BYAS SHIG CES MA BSGO BAR GSUNGS PA LA SOGS PAR RGYU BA LA YANG NGO ZHES BYA BA SMOS TE, DE'I TSIG GIS DGE 'DUN SPYAN DRANGS PA NA 'DI SKAD CES KHO BO MA 'ONGS PA'I DBANG GIS ZHES BYA BA BRIM PA YOL BAR MA BYAS SHIG CES BSGO BA'O, ,ZAS DE SBYIN PA PO NI SBYIN BDAG STE; DES GNANG BA MA BYIN PAR KHYIM GSUM PA LA SOGS PAR 'GRO BA SMOS PA GANG YIN PA DE LA YANG KHA NA MA THO BA 'DIR 'GYUR RO ZHES BYA BA'I DON TO, ,DGE SBYONG GI TSUL DANG SROG LA SOGS PA'I BAR CHAD KYI DBANG GIS DE DAG LA 'DA' BAR BYED PA LA LTUNG BA MED DO ZHES BYA BA SHUGS KYIS RTOGS PAR BYA'O, ,NYI MA DE NYID DANG GSO SBYONG BYED PA'I DUS DE SRID DU CHOS 'DI'I DBANG DU BYAS PA LA THO 'TSAMS PAR BYED NA ZHES BYA BA GLENG GZHI LAS PHYI NAS KHA ZAS BGOS PA LA SO SOR NYID DU GNANG BA STE, KHA ZAS SNA MA'I CHO GA'I LHAG MA NYID NI MA YIN NO, ,'DIR THA DAD PA RTZOM PA NI MI MTHUN PA STE; BDEN PA NYID KYI PHYIR PHYIS DER 'GRO BA NA LTUNG BYED DU RNAM PAR GNAS PA YIN NO, ,DE BAS NA BZHI PA LA SOGS PA DANG GSUM PA LA SOGS PA ZHES SMOS PA YIN TE, BZHI PA DANG GSUM PA NI MA YIN NO ZHES GSUNGS PA YIN NO, ,ZAN GCAD PAR BYA BA'I BSAM PAS GANG ZAG RE RE LA

273a

, ,'DIR LTUNG BYED GZHAN YOD PAR RIG PAR BYA'O, ,GRONG DU 'GRO BA'I LTUNG BYED DO,, ,,SHES GTZO BO ZHES BYA BA NI 'DU SHES GTZO CHER BYED PA PO NYID DO, ,GANG LA 'DU SHES PA YIN ZHE NA, DE'I PHYIR NAM MA LANGS PA NYID LA'O ZHES BYA BA SMOS TE, NYIN MO'I DANG PO NI SKYA RENGS SHAR BA YIN PAR GSUNGS LA DE'I MDUN ROL NI MTSAN MO'I MTHA' YIN PAR RNAM PAR GZHAG NA CI 'DIR YANG DE BZHIN DU RNAM PAR GZHAG GAM ZHE NA, MA YIN TE, DE'I PHYIR 'DIR NI SKYA RENGS THA MA MA SHAR BA NYID DE YIN NO ZHES BYA BA SMOS TE, DMAR ZHING SKYA BA NI THA MA'I SKYA RENGS YIN LA DE MA SHAR BA NYID NI 'DIR NAM MA LANGS PA NYID YIN LA, SHAR BA NYID NI NAM LANGS PA NYID YIN NO ZHES BYA BA'I DON TO, ,MI 'PHROGS PA'I RIN PO CHE RNAMS SAM RIN PO CHER SMOS PA RNAMS LA GANG ZHIG 'DIR CHOS TZAM DU BRJOD PA DE NI 'OD MED PA NYID KYI GNAS SKABS SU PHAL CHER 'GA' ZHIG 'DIR DMIGS KYIS BSAL BA BSKYED PA'O, ,GANG ZHIG 'DI SPONG BAR RIGS PA ZHES BYA BA BSTAN PA'I DON DU 'DI BSTAN PA YIN NO, ,MI 'PHROGS PA NYID 'DI LA LTUNG BA BSKYED PA'I YAN LAG NYID MA YIN TE, DE BAS NA 'DIS BSDUS PA YIN NO, ,GNAS SKABS GANG LA DE BYED PA PO NYID YIN ZHE NA, DE'I PHYIR BTZUN MO'I 'KHOR 'DUG PA'I GNAS DANG 'BREL PA NYID LA'O ZHES BYA BA SMOS TE, BTZUN MO'I 'KHOR 'DUG PA'I GNAS DANG 'BREL PA NYID LA ZHES BYA BA'I DON TO, ,RANG 'JUG PA'I DBANG NYID KYI PHYIR LTUNG BA 'BYIN PAR BYED PA'I DUS SU 'BREL PA NYID LA 'DIR MA SMROS PA'I PHYIR LTUNG BA 'BYIN PA PO ZHES BYA BAR RTOGS PAR BYA'O, ,LUS KYIS ZHES BYA BA SHUGS KYIS 'BREL PA'O, ,GANG GI PHYIR 'DIR DMIGS PAR BYED PA PO NYID KYIS SEMS TZAM GYI 'BREL PAR 'GYUR TE, DE LA YANG RE ZHIG SEMS LA NYON MONGS PA CAN MA YIN PA NYID LA LTUNG BA MI 'THAD PA NYID DO, ,NYON MONGS PA CAN NYID LA YANG BSDAM PAR BYA BA NYID RNAM PAR GNAS PA YIN NO, ,DE LTA BAS NA SEMS KYIS NI MA YIN NO, 'ON KYANG LUS KYIS KYANG LTUNG BA 'BYIN PA PO ZHES BYA BA'I DON TO, ,MTSAN MO DUS GZHAN GYI TSE NA NI MA YIN NO ZHES BYA BA

273b

'DI 'DIR SHES GTZO BO NAM MA LANGS PA NYID LA'O ZHES BYA BA 'DIS GRUB PA'O, ,CI NUB MO GANG LA BREL PA NYID DU 'GRO BA'I SKABS BYED PA NYID LA YANG YIN NAM ZHE NA, DE'I PHYIR DE TSE SKABS MA YIN PA LA YANG NGO ZHES BYA BA SMOS TE, DE'I NUB MO DE DANG 'BREL PA NYID KYI SKABS MA YIN PA STE, 'BREL PA NYID 'DI LA ZHES BYA BA DE'I TSE SKABS MA YIN PA'O, ,'DIR GZHUNG NI GANG GIS TSE 'PHAGS PA SH'A RI'I BUS 'JUG PAR BYED PA'I GZHAN YANG BCOM LDAN 'DAS KYIS RJES SU MA GNANG MOD KYI GNAS DE NI YOD DO, ,GANG ZHIG YID CHES PA 'DI NYID KYI DBANG DU BYAS NA RJES SU YANG SUN 'BYIN PA NYID DU GRAGS PA DE BAS NA MDO 'DI BYAS, MTSAN MO DU MAR 'BREL PA NYID LA THAMS CAD LA 'DU SHES GCIG KHO NA BYED PA PO YIN NAM ZHE NA, DE'I PHYIR MTSAN MO RE RE LA'O ZHES BYA BA SMOS TE, NYIN MTSAN GYI DANG PO MA YIN PA LA THA MA MA YIN PA MED PA NYID DO ZHES SMOS PA DES NI NYIN MTSAN GYI CHO GA 'DI BSTAN PA YIN GYI MTSAN MO 'BA' ZHIG GI MTSAN NYID BSTAN PA NI MA YIN PAS DE'I PHYIR 'DI LAS 'JUG PA SHES PAR BYA BA MA YIN NO, ,MTSAN MO'I CHA GANG YANG RUNG BA NYID LA NI LTUNG BYED DO, ,'OD DMAR PO CHAGS PA GANG YIN PA DE 'DAS PAR GYUR PA NI MTSAN MO'I DANG PO YIN TE, GAL TE NAM 'DAS PA NYID BSTAN PA'I RJES SU 'BRANGS PA LAS KHONG DU CHUD PAR BYA'O, ,RTZOM PA GCIG PAR GYUR PA NYID KYI PHYIR MTSAN GCIG LA BAR MA CHAD PA'I GNAS SKABS LA LTUNG BA GCIG PA NYID DO, ,BAR DU CHAD PA LA NI LTUNG BYED GZHAN YIN TE, RTZOM PA GZHAN DU GYUR PA NYID KYI PHYIR RO, , GANG NAS BRTZAMS TE SGOR ZHUGS PA DANG BTZUN MO'I 'KHOR GYI NANG DU GNAS PA RTOGS PAR BYA ZHE NA, DE'I PHYIR DE'I SGRO'I GTAN PA'I NYEN KOR GNYIS NI DE'I DANG PO YIN NO ZHES BYA BA SMOS TE, BTZUN MO'I 'KHOR GYI GNAS DE'I SGO GTAN PA GANG YIN PA DE'I NYEN KOR GYI MDUN DU LTUNG BA DANG PHYIS LTUNG BA DAG LA SRID PAR GYUR PA'I PHYOGS DES JI SRID DU DE'I NANG GI NGOS KYI BTZUN MO'I 'KHOR GYI GNAS DE'I DANG PO YIN PAR RIG PAR BYA'O ZHES BYA BA'I DON TO, ,GAL TE SGO MA BCAD NA NI NYE 'KHOR GYI MTHA' 'DIR DANG PO RNAM PAR GNAS PA YIN NO, ,SGO BCAD NA NI DE'I TSE SGO GTAN GYI

274a

, ,MTHA'O, ,RGYAL PO'I PHO BRANG DANG GRONG KHYER DAG KHER DAG KYANG DE DANG 'DRA'O ZHES BYA BA NI JI LTAR BTZUN MO'I 'KHOR DU 'DUG PA'I GNAS KYI DANG PO'I SGO GTAN PA'I NYEN KOR GYI MTHA' GNYIS NI DANG PO YIN NO, ,DE BZHIN DU RGYAL PO'I PHO BRANG DANG GRONG KHYER DAG GI DANG PO YANG SGO'I GTAN PA'I NYE KOR GYI MTHA' GNYIS YIN NO ZHES BYA BA'I DON TO, ,'OBS KYIS BSKOR BA NYID LA NI SGO'I DBUS KYI RI MO LA NI SGO'I DOGS KYI DBUS NYID DU NGES PA 'DI NI CHO GA DANG POR KHONG DU CHUD PAR BYA'O, ,ZHAR LA BYUNG BA BSHAD ZIN TO,, ,,GANG DU 'DI BYED PA PO NYID CES BYA BA 'DI LA 'JUG PA GZHAN LTUNG BYED GZHAN BYED PA'I TSUL GZHAN BRJOD PAR BYA STE, RGYAL PO'I PHO BRANG GI GNAS LA YANG NGO ZHES BYA BA SMOS TE, 'BREL PA NYID LA'O ZHES BYA BAR SBYAR RO, ,'DIR GZHUNG NI DGE SLONG NAM LANGS PA LAS NAM MA LANGS PAR 'DU SHES BZHIN DU RGYAL PO'I PHO BRANG GI SGO'I GTAN PA LAS 'DAS PAR BYED NA LTUNG BYED DO ZHES GSUNGS PA YIN NO, ,GRONG KHYER NGANG GI NYES BYAS SO ZHES BYA BA NI GRONG KHYER GYI GNAS DANG 'BREL PA NYID LAS NI SBYOR BA LAS BYUNG BA'I NYES BYAS SU 'GYUR BA'O, ,SNGA MA'I LTUNG BYED CES BYA BA'I 'DI LA NYES BYAS KYI TSIG DANG SKABS KYIS RTOGS PA'O, ,CI GANG YANG RUNG BA LA 'DI DANG 'BREL PA NYID LA NYES BYAS NI YIN NAM ZHE NA, DE'I PHYIR GAL TE DE'I DON NYID YIN NA'O ZHES BYA BA SMOS TE, GANG ZHIG 'DI 'BREL PA GNYIS BRTZAMS NA GAL TE GCIG LA YANG 'DI'I DON DU 'BREL PA NYID NI 'DI ZHES BYA BA'I DON TO, ,'DI LA CIG SHOS KYI KHA NA MA THO BA DE YANG NGO, ,'DI LA KHA NA MA THO BA GNYIS DE YANG NGO ZHES BYA BA NI, GANG DU DUS MA YIN PAR 'DUG PA'I KHA NA MA THO BA MED PA SKYA RENGS DANG PO SHAR BA'I MDUN ROL DU MA SMRAS PAR 'JUG PA 'DI LA DE'I DGONGS PA CAN GYI TSIG STE DE YANG 'DIR LTUNG BYED DU RIG PAR BYA'O, , DE'I PHYIR DE LA BSTAN PA'O, ,CI GANG YANG RUNG BA'I 'BREL PA SNGA MA DAG LA GRONG KHYER DANG 'BREL PA DANG DE'I DON NYID DU KHA NA MA THO BA DE YANG YOD DAM ZHE NA, DE'I PHYIR GAL TE RGYAL PO DANG, BTZUN MO DANG, GZHON NU DANG ZHANG BLON DANG BAR CHAD DANG, GDUL BA'I DBANG GIS MA YIN PA

274b

LA'O ZHES BYA BA SMOS TE, 'DIR GDUL BA'I DBANG GIS 'GRO BA'I LUNG NI 'PHAGS PA SH'A RI'I PU'I BYUNG BA'I MTHA' LAS RJES SU GNANG BA YIN TE, BYE BRAG TU NI LTUNG BA MED DO, ,'DIR LUNG NI RGYAL POS BOS PA DANG, BTZUN MO DANG, GZHON NU DANG ZHANG BLON DANG BAR CHAD BRGYAD PO DAG LAS GANG YANG RUNG BA NYE BAR GNAS PAR GYUR NA NYES PA MED DO ZHES GSUNGS SO, ,MA BZLUGS PAR RGYAL PO'I PHO BRANG DU 'JUG PAR MI BYA'O, ,'O NA 'DIR GZHUNG NI MA ZHUS PAR RGYAL PO'I PHO BRANG DU 'JUG PAR MI BYA BAR DGE 'DUN GYI DBYEN GYI GZHI LAS GSUNGS SO, ,KHYOD KYIS KYANG GYA TSOM DU RGYAL PO'I PHO BRANG DU 'JUG PAR MI BYA BAR SGOR BSDAD NAS SH'A KYA'I DGE SLONG 'ONGS SO ZHES BRJOD PAR BYA ZHING, GAL TE SPYON CIG ZER NA 'JUG PAR BYA'O ZHES GSUNGS PA YIN NO, ,RGYAL PO'I PHO BRANG DU NUB MO 'GRO BA'I LTUNG BYED DO,, ,,GANG LA BSLAB PA BSTAN PA LA LOG PAR BSGRUB PA NI RNAM PA GSUM GNANG STE, KHYAD DU GSOD PA DANG SPONG PA DANG BSLAB PA'I GZHI DNGOS PO LA KHYAD DU GSOD PA'O, ,DE GNYIS GANG YANG SNGAGS KYI GZHI THOB PA LAS BRTAGS PA TE, DE NI MDUN NAS RNAM PAR GZHAG PA YIN TE, DE BAS NA DON DE NYID DU RNAM PAR GZHAG PA'O, ,DNGOS PO LA KHYAD DU GSOD PA GANG YIN PA DE NI, 'DIR YANG DAG PAR ZHUGS TE, DE BAS NA 'DI NYID DU RNAM PAR 'BYED PAR BYA STE, GANG LA 'DI'I LTUNG BYED DU 'GYUR ZHE NA, DE'I PHYIR SO SOR THAR PA'I MDO GDON PA 'DON PA'I TSE, DE LA LAN GNYIS NYAMS SU MYONG ZHING YID RMONGS PA MA YIN PAS, 'DI LA CHOS 'DI YOD PAR GZOD SHES SO ZHES ZER BA DE LA'O ZHES BYA BA SMOS TE, LAN GNYIS NYAMS SU MYONG ZHING ZHES BYA BA NI SO SOR THAR PA'I MDO GDON PA 'DOD PA GANG GIS LAN GNYIS NYAMS SU MYONG BA DE YIS SO, ,NYAMS SU MYONG BA MED PA NYID LA GNYIS PO 'DIS MA GROL BA LA NYES BYAS SU RIG PAR BYA'O, ,GAL TE DGE SLONG DAG GIS DENG SHES PAR 'GYUR NA, TSE DANG LDAN PA 'DI NI SNGAR GNAS PA LAN GNYIS LAN GSUM DU GSO SBYONG GI LAS SLAR BRJOD PA GANG YIN PA DE'I SA 'DI NI BSDU BA YIN NO, ,YID

275a

, ,RMONGS PA MA YIN PAS ZHES BYA BA NI LTUNG BA MA YIN PA'I NGO BO LA RGAN PO KHO NA LA MI SHES PAR 'BYUNG BA YIN TE, YID RMONGS PA MA YIN PAS ZHES BYA BA'I TSIG GIS SO, ,RIGS PA LAS SPYOD PA 'DI DGE BA YIN TE, DON GANG LA YID RMONGS PA MA YIN PAS SO, , DE BAS NA LTUNG BA RNAM PAR GZHAG PA 'DI NI RIGS PA MA YIN NO ZHES ZER RO, ,KHA NA MA THO BA 'DI LA THAMS CAD MA GUS PAR GYUR PA'I SEMS DER GAL TE SANGS RGYAS LA YANG 'DIR 'DI MA GRUB PAS MA GUS PA'I LTUNG BYED KYANG RIG PAR BYA'O, ,GAL TE MA YIN NA MA GUS PA'I NYES BYAS KYANG MA YIN NO, ,BRDZUN DU SMRA BA YIN NA NI BRDZUN DU SMRA BA'I LTUNG BYED GZHAN DU YANG 'GYUR RO, ,MTSAN GZHAN GYIS 'DON PA'I TSE, THUN MONG BA LA NI NYES BYAS SO ZHES BYA BA LA, MTSAN GZHAN 'DON PA'I TSE ZHES BYA BA NI, DGE SLONG LA LTUNG BYED DO ZHES BYA BA DGE SLONG MA RNAMS KYIS GSO SBYONG 'DON PA'I TSE BSLAB PA MTHUN MONG PA'I PHYIR DA LTAR BDAG GIS SHES SO ZHES BYA BA LA SOGS PA LA NYES BYAS SO, ,LTUNG BA MA YIN PA BSTAN PA LAS 'DIR GZHUNG NI ZHU BA KHA CIG LAS BTZUN PA DGE SLONG MA RNAMS KYIS SO SOR THAR PA'I MDO 'DON PA NA 'DI SKAD CES 'DI LTAR CHOS 'DI YANG MDO'I NANG DU 'DUS PAR BDAG GIS DA GZOD SHES SO ZHES MCHI NA LTUNG BA CIR 'GYUR, GAL TE BSLAB PA THUN MONG MA YIN PA LA BSAMS TE SMRAS NA LTUNG BA MED DO, ,GANG GI TSE BSLAB PA THUN MONG PA LAS BSAMS TE SMRAS NA NYES BYAS SO, ,DE BZHIN DU DGE SLONG MA LA YANG SBYAR BAR BYA'O ZHES GSUNGS PA YIN NO, ,MDO SDE DANG LDAN PA SMRAS NA YANG NGO ZHES BYA BA NI, MDO SDE DANG LDAN PA'I BSLAB PA'I GZHI SMRA BA NA DE SKAD ZER BA DE LA NYES BYAS SO, ,GZHUNG KHA CIG LAS 'DIR GZHUNG NI 'DUL BA DANG LDAN PA'I MDO MA GTOGS PA LA 'DI SKAD CES 'DI LTAR CHOS 'DI YANG MDO'I NANG DU GTOGS MDO'I NANG DU 'DUS PA DANG, ZLA BA PHYED PHYED CING BTON BAR BDAG GIS DA GZOD SHES SO ZHES ZER NA NYES BYAS SO ZHES GSUNGS PA YIN NO, ,THUN MONG MA YIN PA LA NI LTUNG BA MED DO ZHES BYA BA NI, MTSAN GZHAN BSTAN PA 'DI NI BSLAB PA'I GZHI THUN MONG MA YIN PA 'DON PA'I TSE LTUNG BA MED

275b

PA'O, ,SO SOR THAR PA'I MDO 'DON PA'I TSE MA GUS PAR NYAN PA NYE BAR BSGRUB PA 'GYOD DU GZHUG GO ZHES BYA BA NI, BDAG GIS DA GZOD SHES SO ZHES BYA BA LA SOGS PA TZAM LA YANG SNAR 'DUG PA NA 'DOD PA LA MA GUS PAR NYAN PA LA NYE BAR SBYAR BA'I RIG PA BYA'O, ,DNGOS SU NI MA YIN TE, GANG ZHIG 'DI BSTAN PA CI KHO BO CAG LAS 'DI NYID GCIG PU YIN NAM, KHO BO CAG GIS KYANG 'DOD PA'I RNAM PA RTOG PA LA YANG RNAM PAR RTOG DGOS SO, ,GNOD SEMS KYI RNAM PAR RTOG PA DANG, RNAM PAR 'TSE BA'I RNAM PAR RTOG PA LA YANG RNAM PAR RTOG DGOS SO ZHES BYA BA LA SOGS PA STE; DE YANG MA GUS PAR NYAN PA LA NYE BAR SBYAR BAR RIG PAR BYA'O, ,'GYOD DU GZHUG GO ZHES BYA BA NI 'DI NI LAM DAM PA'O ZHES BYA BA'I BSLAB PA LA NYES BAR SKYE BAR 'GYUR RO, ,'DIR MANG PO'I TSIG NI DU MA NYE BAR GNAS PA BRJOD PA LA NYAN PA PO RNAMS THAMS CAD KYIS 'DIR 'JUG PAR BYA'O ZHES BYA BA 'DI BSTAN PA'I DON DU'O, ,'DIR 'GYOD DU GZHUG PA NI TSE DANG LDAN PA KHYOD MA RNYED PA'O ZHES BYA BA LA SOGS PA GSUNGS PA YIN NO, ,NYES BYAS DANG MA GUS PAR GSO SBYONG LA SOGS PA THOS PA ZHES BYA BA'I CHO GA 'DI LAS RTOGS PAR RIG PAR BYA'O, ,BSLAB PA'I GZHI'I DNGOS PO LA KHYAD DU GSONG PA'I LTUNG BYED DO,, ,,GANG LA KHAB RAL 'CHOS PA'I LTUNG BYED DU 'GYUR ZHE NA, DE'I PHYIR BA SO DANG RUS PA DANG RVA'I KHAB RAL BYED DAM BYED DU BCUG PA LA ZHES BYA BA SMOS TE, BA SO 'AM RUS PA'AM RVA'I KHAB RAL BYED DAM BYED DU BCUG PA LA KHA NA MA THO BA 'DIR 'GYUR RO ZHES BYA BA'I DON TO, ,'DI MAN CHAD SHING BAL GYIS GOS PAR BYAS PA MA GTOGS PA'I LTUNG BYED RNAMS LA BYED DU 'JUG PA 'BA' ZHIG GSUNGS MOD KYI, RANG BYED PA LA CHES LCI BAS ZHES BYA BA DE YANG 'DI RNAMS KYI KHONGS SU BSDUS SO, ,SHIN TU YANG BA BRJOD PA NA LCI BA MA BRJOD KYANG GRUB PA NYID CES BYA BA 'DI DE TZAM ZHIG SMOS SO, ,KHAB RAL DANG KHRI'I RKANG PA 'CHOS PA LAS KYANG DGE SLONG GIS BCAG PA NA'O, ,BA SO LA SOGS PA YANG RIN CHE BA'I PHYIR BKAG PA'O, ,DE LTA BAS NA GANG LA CHES RIN CHE BA'I PHYIR DE YANG 'DIR BKAG PAR RIG

276a

, ,PAR BYA STE, THA NA MTSON CHA LA SOGS PA YANG NGO, ,DE LA YANG DE 'DI BAS PA NYID DO, ,RIN PO CHE LAS BYAS PA NI RUNG BA MA YIN PA'I PHYIR NYES BYAS BYED PA NYID YIN NO, ,DE LTAR YANG 'DIR GZHUNG NI ZHU BA LAS, BTZUN PA RE ZHIG DGE SLONG GIS RIN PO CHE LAS BGYIS PA'I KHAB RAL BGYID DU STZOL NA LTUNG BA CIR 'GYUR, NYES BYAS SO ZHES GSUNGS PA YIN NO, ,BYAS ZIN PA RNYED PA DANG BYAS ZIN PA SPYOD PA DAG NI LTUNG BA MED DO ZHES BYA BA NI, RAS LA SOGS PA RNYED PA DE LAS BYAS PA DANG BYED DU BCUG PA LA LTUNG BA MED PA DANG NA SMAD PA YANG MED DE, BYAS PA 'DI NYID LAS BKAG PA'I PHYIR RO, ,'DIR GZHUNG NI ZHU BA LAS, BYAS PA RNYED PA DANG BYAS PA LA SPYOD PA LA LTUNG BA MED DO ZHES GSUNGS PA YIN NO, ,BCAG PA NYID MA DRIS PAR 'CHAGS PA BLANG BAR MI BYA'O ZHES BYA BA NI, ,GANG GI MDUN DU LTUNG BA 'CHAGS PA DES KHAB RAL DE KHYOD KYIS BCAG GAM ZHES DRI BAR BYA STE, DE SKAD MA DRIS PAR LTUNG BA 'CHAGS PA BLANG BAR MI BYA'O, ,GAL TE MA BCAGS NA MA BSHAGS PA NYID YIN NO ZHES BYA BA NI GANG ZHIG MA BCAGS PAR LTUNG BA 'CHAGS PAR BYED NA DE'I LTUNG BA DE MA BSHAGS PA NYID YIN NO, ,'OG MA LNGA PO DAG LA YANG DE NGAG DANG BCAS PA DANG LDAN PA NYID YIN NO ZHES BYA BA NI BSLAB PA'I GZHI 'DI'I 'OG MA BDE BAR GSHEGS PA'I CHOS GOS KYI TSAD LAS GYUR PA'I GONG MA RNAMS DE MA THAG PAR RTOGS PAR BYA'O, ,DE DAG CES BYA BA NI MA DRIS PAR ZHES BYA BA LA SOGS PA'O, ,BCAD PA DANG LDAN PA NYID DU RTOGS PAR BYA STE, BCAD PA NYID MA DRIS PAR 'CHAGS PAR BLANG BAR MI BYA'O, ,GAL TE MA BCAD PA NA CHAGS PA BLANG BAR MI BYA'O ZHES BYA BAR SBYAR RO, ,'DIR GZHUNG NI RNAM PAR 'BYED PA LAS, GANG GI MDUN DU 'CHAGS PAR BYED PA DES KHYED KYIS DNGOS PO DE BCAD DAM ZHES DRI BAR BYA'O, , MA DRIS PAR BSHAGS NA LTUNG BA DE DAG BSHAGS PA MA YIN LA, DGE SLONG DE LA YANG NYES BYAS SU 'GYUR RO ZHES GSUNGS PA YIN NO, ,BDE BAR GSHEGS PA'I CHOS GOS KYI TSAD LAS GYUR PA'I LTUNG BYED LA BCAD NAS LTUNG BYED DU NI MA GSUNGS SO, ,'DIR RNAM PAR 'BYED PA LAS BCAD NAS

276b

ZHES BYA BA 'DI LA DON BSTAN PAR GYUR PA MA YIN TE, DE'I PHYIR BDE BAR GSHEGS PA'I CHOS GOS KYI TSAD LAS GYUR PA LAS GZHAN DAG LA BCAD PA DANG LDAN PA YIN NO, ,CI BCAGS PA DANG BCAD PA NYID CES BYA BA 'DI LA RANG BZHIN GYI DON 'DI NYID KYIS DE LTAR NYID DU GNAS SPYIR BTANG BAR BYAS NAS, DMIGS KYIS BSAL BA BSTAN PA'I PHYIR, DE'I PHYIR BCAD PA DANG LDAN PA YIN NO ZHES BYA BA SMOS SO, ,CI LNGA PO DAG LA YANG BCAD PA DANG LDAN PA YIN NAM ZHE NA, DE'I PHYIR GNYIS PA LA NI BSDUS PA DANG NGO ZHES BYA BA SMOS TE, SHING BAL GYIS GOS PAR BYAS PA ZHES BYA BA BSLAB PA'I GZHI LA ZHES BYA BA'I DON TO, ,KHAB RAL 'CHOS PA'I LTUNG BYED DO,, ,,RKANG PA DMA' BA DANG LDAN PA'I KHRI LA NYAL BAR MI BYA BA'O ZHES BYA BA NI, GANG ZHIG 'BYUNG BAR 'GYUR BA'I MGO BO LA NYES PAR 'GYUR BA DE LTA BU'I SA DANG GANG LA 'KHYIL BA MA BCAGS PAR SBRUL GYIS SOS BTAB PA BSGRUB PA MI 'BYUNG BA DE LTA BU'I SA LA ZHES BYA BA GLENG GZHI LAS RTOGS PAR BYA'O, ,MAL DANG 'BREL PA'I KHRI'I NYE 'KHOR GYI PHYOGS SU RKANG PA BKRU BAR MI BYA'O ZHES BYA BA NI NYAL BA'I GNAS DANG 'BREL PA'I KHRI'I NYEN KOR DANG 'BREL PA'I PHYOGS SU RKANG PA BKRU BAR MI BYA'O, ,KHYIM PA'I GNAS MAL GYI GNAS GZHAN DANG 'BREL PA NYED LA 'DI DANG MI MTHUN PA STE, DE BAS NA DE LAS YANG NYES PA 'DI'O, ,KHYIM PA'I GNAS MAL NYID LA 'DI NI SHIN TU NA SMAD PAR RIG PAR BYA'O, ,CI THAMS CAD KYIS BKRU BAR MI BYA 'AM ZHE NA, DE'I PHYIR LHAM YOD PAS SO ZHES BYA BA SMOS SO, ,CI 'DIR PHYOGS THAMS CAD DU GZHAN LA BKRU BAR BYA BA NYID YIN NAM ZHE NA, DE'I PHYIR GZHAN GYIS NI MGO LOGS DANG RKANG LOGS MA GTOGS PAR RO ZHES BYA BA SMOS TE, BKRU BAR MI BYA'O ZHES BYA BAR SBYAR RO, ,'DIR GZHUNG NI BCOM LDAN 'DIS KYIS BKA' STZAL PA GANG DAG LA MCHIL LHAM MI BDOG PA DE DAG GIS MGO LOGS SAM RKANG LOGS SU BKRU BAR BYA'O ZHES GSUNGS PA YIN NO, ,RIGS PA YANG DE LTAR KHO NA STE, 'DI NI MI MTHUN PA ZHES BYA BA 'DIS SBANG BA'O, ,SBRUL LA SOGS PA GNAS PA'I DON DU NI MA YIN NO, ,'DIR 'JUG PA

277a

, ,TZAM NI GLENG GZHI LAS GTZO BO STE, NYES DMIGS NI MA YIN NO, ,'DI NI MI BYA BA KHO NA YIN NO ZHES BYA BA 'DI LA 'JUG PA BRTEN PA MA GSUNGS SO, ,NYES DMIGS BYED PA NYID KYIS LTUNG BA DANG, KHRUS LA SOGS PA LA YANG DAG PAR BYA BA NYID DU THAL BA'I PHYIR RO, ,MGO LOGS SAM RKANG LOGS SU 'DI LA SHIN TU YANG MI MTHUN PA NYID MA YIN NO, ,MAL STAN MTHON PO DANG, MAL STAN CHEN PO LA 'DUG PA 'AM NYAL BAR MI BYA'O ZHES BYA BA LA, MAL STAN CHEN PO NI GSER LA SOGS PA RIN PO CHE DANG DNGUL GYI RANG BZHIN NYID DO, ,'DOD BSLAB PA'I GZHI GANG ZHIG LAS TSAD LAS LHAG PA NYID KYI RKANG PA RNAMS BSGRUB PAR MI BYA'O ZHES GSUNGS TE, 'DI NI MTHON PO'I NGO BO NYID DO, ,DE BAS NA MAL STAN MTHON PO ZHES BYA BA NI, RTZA BA BU GAR GZHUG PA MA GTOGS PAR GNANG BAR 'GYUR RO ZHES BYA BA 'DI LA KHRU GANG LAS LHAG PA'O, ,DE LTAR YANG GZHAN DU RTZA BA'I BU GAR ZHES SMOS PAS SO, ,KHRI DANG KHRI'U'I LTUNG BYED KYI ZHU BA LAS SOR BRGYAD KYI TSAD LAS LHAG PAR GNAS MAL DE YOD PA YIN TE, DE DGE SLONG GIS GDON PAR MA BYAS PAR BYED NA NYES BYAS SO, ,MI RUNG BA NYID KYI PHYIR NA SMAD PA 'DI RNAM PAR GNAS PA YIN NO, ,SOR BRGYAD KYIS LHAG PA NYID NI MI RUNG BA NYID DO, ,'DIR MAL STAN ZHES SMOS PAS STAN YANG 'PHANGS PAR RIG PAR BYA STE, 'DUG PA BKAG PAR GTOGS PA'O, ,KHYIM GZHAN DU GZHAN MED NA SNGA MA SHOS BYA'O ZHES BYA BA NI GZHAN DU MI MTHO BA DANG MI CHE BA MED NA KHYIM GYI NANG DU BYA'O, ,MAL STAN MTHON PO DANG, MAL STAN CHEN PO SNGA MA SHOS BYA STE, KUN DGA' BO DE DAG THAMS CAD DU 'BYOR PAR 'GYUR RO ZHES BYA BA DE 'DIS BSDUS PA YIN NO, ,RKANG RTEN DANG BCAS PA LA MAL BCA' BAR BYA'O ZHES BYA BA NI, PHYOGS GCIG MTHO BA NYID KYIS NI MAL STAN MTHON PO MA YIN PAR RIG PAR BYA'O, ,DE BAS NA RKANG RTEN DANG PO'I CHO GA 'DI STON PAR BYED PA MTHON PO BKAG PA LA DMIGS KYIS BSAL BA YIN TE, DE BSDU BAR BYA ZHING BKAG PA 'DIR RTOGS PAR BYA'O, ,RKANG RTEN DANG BCAS PA LA NYOL

277b

CIG CES BYA BA CI'I PHYIR MA GSUNGS, NYAL BA'I DON CAN MA YIN PA'I SGRA LA YANG KHONGS SU GTOGS PAR BSDU BA'I DON DU, PHRAN TSEGS RNAMS LAS 'DI GSUNGS SO, ,KHRI RTZEG MA'I STENG DU 'DUG PAR MI BYA'O ZHES BYA BA LA, 'DI NI SMAN GYI GZHI LAS BSHAD PA YIN TE, THUN MONG BA'I MTHON PO NYID KYIS DE 'DIR KHYAD PAR DU 'PHAGS PA'O, ,KHRI RTZEG MA ZHES BYA BA NI KHRI'I STENG DU KHRI BZHAG PA'O, ,GANG LA KHRI'I RKANG PA 'CHOS PA'I LTUNG BYED DU 'GYUR ZHE NA, DE'I PHYIR TSAD LAS LHAG PAR BYED DAM BYED DU 'JUG PA LA'O ZHES BYA BA SMOS TE, BSLAB PA'I GZHI GZHAN RNAMS LA DON 'DI YONGS SU THOB PA YIN TE, GNYIS PA'I 'OG MA GSUM PO DAG LA YANG NGO ZHES BYA BA GANG ZHIG 'DIR BSLAB PA'I GZHI 'DI'I 'OG MA GNYIS PA SHING BAL GYIS GOS PAR BYA BA DGAG PA ZHES BYA BA'I BSLABS PA'I GZHI'O, ,DE'I 'OG MA GSUM PO DE DAG CES BYA BA NI GDING BA LAS GYUR PA DANG, G-YAN PA DGAB PA LAS GYUR PA DANG DBYAR GYI RAS CHEN LAS GYUR PA ZHES BYA BA RNAMS TE BSLAB PA'I GZHI DE GSUM LA YANG TSAD LAS LHAG PAR BYED DAM BYED DU 'JUG PA LAS LTUNG BYED DO ZHES BYA BA 'DI BLTA BAR BYA'O ZHES BYA BA'I DON TO, ,GANG GI TSAD LAS LHAG PAR BYED DAM BYED DU 'JUG PA LA ZHE NA, RKANG PA DAG GI'O ZHES BYA BA 'OG NAS 'BYUNG NGO, ,GANG GI RKANG PA DAG CE NA, DE'I PHYIR KHRI MA KHRI'U DAG GI'O ZHES BYA BA SMOS SO, ,CI THAMS CAD KYIS SAM ZHE NA, DE'I PHYIR DGE 'DUN GYI'O ZHES BYA BA SMOS TE, KHA NA MA THO BA 'DI LA DE BSGRUB PAR GYUR PA'I MTHAR THUG PA STE, GANG ZHIG DGE 'DUN MA LOG PA'I LAM LA BRTAG PA ZHES BYA BA 'DI SHES PA'O, ,'OG MA LA YANG NGO ZHES BYA BA NI BSLAB PA'I GZHI 'DI 'OG MA SHING BAL GYIS GOS PAR BYAS PA ZHES BYA BA BSLAB PA'I GZHI LA YANG KHRI 'AM KHRI'U DAG LA'O, ,DGE 'DUN GYI'O ZHES BYA BAR RIG PAR BYA'O, ,DGE 'DUN GYI DON DU 'DI LA LOG PAR RTOGS PA LA BSGAB PAR GYUR PA NYID CES BYA BA 'DI LA YANG DGE 'DUN DAG GI ZHES BYA BAS SHES PA'O, ,GANG GI CHAD LAS LHAG PAR BYED DAM BYED DU 'JUG PA LA NI KHRI'I RKANG PA 'CHOS PA'I LTUNG BYED DU 'GYUR ZHE NA, DE'I PHYIR RKANG

278a

, ,PA DAG GI'O ZHES BYA BA SMOS TE, JI SNYED PA RNAMS KYIS KHRI MA KHRI'U DE'I GNAS SKABS BSGRUB PA NI, DPER NA DPUNG GI TSOGS YAN LAG BZHI LTA BU 'AM BZHI YIS GNYIS SAM GSUM GYIS 'GRUB PA 'DI DPER NA SHING GI KHRI'U GCIG LTA BU STE, DE SNYED CES BYA BA NI SHUGS KYIS KHONGS SU CHUD PAR BYA'O, ,GZHAN GYIS NI DE DAG NGES PAR SBYAR BA GCIG GAM DU MAR BYAS PA LA LHAG MA SGRUB PAR BYED CING NYES BYAS SO ZHES BYA BA'O, ,KHANG PA 'AM GTZUG LAG KHANG DANG GDING BA RNAMS LAS BRTZAMS PA MTHAR BYAS PA LA NA SMAD PA'I TSIG GIS RIG PAR BYA'O, ,CI SLAR RKANG PA DE DAG GI TSAD GANG YIN PA GANG GIS BYED DAM BYED DU BCUG PA LA LTUNG BYED YIN ZHE NA, DE'I PHYIR DE DAG GI CHAD NI BU GAR GZHUG PA'I PHYOGS MA GTOGS PAR KHRU GANG NGO ZHES BYA BA SMOS TE, BU GAR GZHUG PA ZHES BYA BA'I PHYOGS DAG MA GTOGS PAR LHAG MA 'DI RNAMS KYI TSAD KHRU GANG ZHES BYA BA'I DON TO, ,GAL TE GANG YOD NA 'DI LA GANG YOD PAR GYUR NA 'DI GAL TE GANG LAS GTOGS PA'I PHYOGS LAS BRTZAMS TE, CHA PHYED LA BU GAR GZHUG PA ZHES BYA BA'I DON TO, ,KHRU CI LTA BU ZHE NA, DE'I PHYIR BDE BAR GSHEGS PA'I SUM CHAS SO ZHES BYA BA SMOS TE, BDE BAR GSHEGS PA'I KHRU'I SUM CHAR GYUR PAS KYANG NGO, ,BSLAB BA'I GZHI RNAMS LA BDE BAR GSHEGS BA'I KHRU CHA GSUM DU GYUR PA'I KHRU TSAD KYI RNAM PAR GZHAG PA DE BAS NA 'DI LTAR 'DI LA DE RNAMS LA 'BREL PA RNAM PAR GZHAG PAS RTOGS PA'O, ,'OG MA DAG LA YANG NGO ZHES BYA BA NI BSLAB PA'I GZHI 'OG MA SHING BAL GYIS GOS PAR BYA BA DANG BDE BAR GSHEGS PA'I CHOS GOS KYI TSAD LAS GYUR PA ZHES BYA BA'I BSLAB PA'I GZHI LA TSAD MNGON PAR BSTAN PAS BAR MA GSUM LA 'DI'I SKABS YIN NO ZHES BYA BA RNAM PAR GZHAG PA'O, ,RANG GI LUS KYI TSAD DANG RJES SU MTHUN PAR GDING BA LAS GYUR PA DANG, G-YAN PA DGAB PA LAS GYUR PA DANG, DBYAR GYI RAS CHE NA LAS GYUR PA RNAMS LA TSAD KYI CHOS GOS BZHIN DU RNAM PAR GZHAG PAR RIGS PA MA YIN NO, ,DE'I PHYIR BAR MA DANG RJES SU MTHUN PAR BDE BAR GSHEGS PA'I TSAD KYI RJES SU 'GRO BAS GANG ZAG GI DBANG DU BYAS TE, BDE BAR GSHEGS PA'I TSAD LA SOGS PAR BRTEN PA NI RTOGS PAR BYA'O, ,KHRI'I RKANG PA 'CHOS PA'I LTUNG BYED DO,, ,,