SO SOR THAR PA'I MDO'I GZHUNG 'GREL (Pratimokṣa Sūtra Paddhati)

[DD] #, ,RGYA GAR SKAD DU, PRA TI MOKsh'A S'U TRA PA DVA TI, BOD SKAD DU, SO SOR THAR PA'I MDO'I GZHUNG 'GREL, BAM PO DANG PO, DKON MCHOG GSUM LA PHYAG 'TSAL LO, , [DD] SANGS RGYAS CHOS DANG DGE 'DUN LA, ,'KHOR GSUM DANG BAS PHYAG 'TSAL TE, ,NGES 'BYUNG TSUL KHRIMS SNYING PO'I MDO, ,GZHUNG 'GREL GZHUNG BZHIN BSHAD PAR BYA, ,'PHAGS PA GZHI THAMS CAD YOD PAR SMRA BA'I 'DUL BA'I SDE SNOD 'DI NI SANGS RGYAS BCOM LDAN 'DAS YONGS SU MYA NGAN LAS 'DAS PA'I 'OG TU, 'PHAGS PA 'OD SRUNGS CHEN PO LA SOGS PA DGRA BCOM PA LNGA BRGYA 'DUS NAS, TSANGS PAR SPYOD PA YUN RING DU GNAS PAR BYA BA'I PHYIR DANG, SKYE BO MANG PO LA PHAN GDAGS PA'I PHYIR, 'DUL BA 'DZIN PA'I MCHOG 'PHAGS PA NYE BA 'KHOR LA YANG DAG PAR BSDU BAR GSOL NAS, 'PHAGS PA NYE BA 'KHOR GYIS YANG DAG PAR BSDUS SO, ,GZHI THAMS CAD YOD PAR SMRA BA'I 'DUL BA'I SDE SNOD NI DUM BU BZHI STE, 'DUL BA

, ,RNAM PAR 'BYED PA DANG, 'DUL BA GZHI DANG, 'DUL BA GZHUNG BLA MA DANG, 'DUL BA PHRAN TSEGS SO, ,DE DAG GI GNAS PA'I SNYING DANG SNYING PO NI SO SOR THAR PA'I MDO 'DI YIN NO, ,DE DAG YANG DAG PAR BSDUS PA YANG MA 'ONGS PA'I SKYE BO LUNG DANG RTOGS PA'I BDAG NYID MED PA DAG YAN LAG LA SGRO 'DOGS PA DANG, SKUR BA 'DEBS PA'I MTHA' SPANG BAR BYA BA DANG, NYAN PA PO BRJOD PA NYUNG DUS DON GYI SPYI RTOGS PAR 'DOD PA DAG LA PHAN GDAGS PA'I PHYIR, SDOM RNAM PA GSUM DU BSDUS TE, SPYI SDOM DANG, SDOM DANG, BAR SDOM DU'O, ,DE LA SPYI SDOM NI SPYI'I DON TSIGS SU BCAD PAR BSDUS PA'O, ,SDOM MA NI DNGOS KYI DON TSIGS SU BCAD PAR BSDUS PA'O, BAR SDOM NI YAN LAG GI DON TSIGS SU BCAD PAR BSDUS PA'O, ,DE DAG KYANG LUNG GI SKABS DANG SBYAR TE, CI RIGS PAR GZUNG BAR BYA'O, ,DE LA SO SOR THAR PA'I MDO ZHES BYA BA NI, DON LA BSTAN BCOS KYI MING DU BTAGS PA STE, DE LA RNAM GRANGS GCIG TU NA DANG POR THAR PA ZHES BYA BAR STON TE, SO SOR ZHES BYA BA NI DANG PO STE, DANG PO SDOM PA YANG DAG PAR LEN PA'I TSE NA, GSUM LA SKYABS SU 'GRO BA'I TSIG BZLAS

NAS, SDOM PA YANG DAG PAR BLANG BA'I TSIG BRJOD PA GSUM PA'I THA MA LA, SDOM PA THOB PA NI, THOG MAR SDOM PA THOB PA'I GNAS SKABS YIN PAS DANG PO ZHES BYA'O, ,THAR PA ZHES BYA BA NI GROL BA STE, DE LTAR SDOM PA DANG PO THOB PA DE NYID KYI TSE NA SDOM PA MA YIN PA'I MTSAN NYID LAS GROL TE, SDOM PA'I MTSAN NYID KYIS BSDUS PA'I RNAM PAR RIG BYED MA YIN PA'I GZUGS THOB PA NI THAR PA ZHES BYA'O, ,DE LTAR DANG PO THAR PA'I DON DE LAS BSTAN BCOS 'DI BYUNG BA'AM, DON DER BSTAN BCOS 'DIR BSDUS PAS BSTAN BCOS 'DI'I MING YANG DANG POR THAR PA ZHES BYA BAR SBYAR RO, ,YANG RNAM GRANGS GZHAN DU NA SO SOR THAR PA ZHES BYA BA STON TO, SO SOR ZHES BYA BA NI RGYUD THA DAD PA'O, ,THAR PA ZHES BYA BA NI RNAM PAR GROL BA STE, GANG ZAG RGYUD THA DAD PA GANG ZHIG GIS SDOM PA YANG DAG PAR BLANGS TE, BSLAB PA'I GZHI RJES SU SGRUB PAR BYED PA DE NYID NGAN 'GRO DANG 'KHOR BA LAS RNAM PAR GROL BAR 'GYUR GYI, GZHAN GYIS SDOM PA YANG DAG PAR BLANGS TE, BSLAB PA'I GZHI RJES SU BSGRUBS PAS GZHAN RNAM PAR GROL BAR MI 'GYUR BAS SO SOR THAR PA ZHES BYA'O, ,DE LTAR SO SOR THAR PA'I DON DE LAS BSTAN BCOS 'DI BYUNG BA'AM, DON DE BSTAN BCOS 'DIR BSDUS PAS BSTAN BCOS 'DI'I MING YANG SO SOR THAR PA ZHES BYA'O, ,YANG RNAM GRANGS GZHAN DU NA THAR PA'I THABS ZHES BYA BAR STON TO, SO SOR ZHES BYA BA NI PHYIR ZHES BYA STE, ,THABS KYI DON TO, ,THAR PA ZHES BYA BA NI NGES PAR 'BYUNG BA STE, MYA NGAN LAS 'DAS PA'O, ,DES NA SO SOR THAR PA'I MDO 'DI NI NGES PAR 'BYUNG BA THOB PA'I THABS KYI PHYIR GSUNGS PA STE, LHAG PA'I TSUL KHRIMS LA BRTEN NAS LHAG PA'I SEMS SKYE LA, LHAG PA'I SEMS LA BRTEN NAS LHAG PA'I SHES RAB SKYE BA'I RIM GYIS NGES PAR 'BYUNG BA THOB BA'I THABS SU GYUR PA'I PHYIR, SO SOR THAR BA'I MDO 'DI NI NGES PAR 'BYUNG BA'I TSUL KHRIMS YIN PAS THAR PA'I THABS ZHES BYA'O, ,DE LTAR THAR PA'I THABS KYI DON DE LAS BSTAN BCOS 'DI BYUNG BA'AM, DON DE BSTAN BCOS 'DIR BSDUS PAS BSTAN BCOS 'DI'I MING YANG THAR PA'I

, ,THABS ZHES BYA BA'O, ,MDO ZHES BYA BA NI, DON TZAM ZHIG STON PAS MDO ZHES BYA STE, DE LTAR NA BSTAN BCOS 'DI NI DANG POR THAR PA'I MDO ZHES BYA BA DANG, SO SOR THAR PA'I MDO ZHES BYA BA DANG, THAR PA'I THABS KYI MDO ZHES BYA BA DAG TU STON TO, ,DE LA SO SOR THAR PA'I MDO 'DI'I BSDUS PA'I DON NI, MTSAN NYID RNAM PA LNGAS STON TE, MCHOD PA DANG, GLENG BSLANG BA DANG, YANG DAG PAR BRTZAMS PA DANG, GZHUNG RGYAS PA DANG, BSDU BA'I MTSAN NYID KYIS SO, ,DE LA MCHOD PA'I MTSAN NYID NI, SNYAN PA'I BA DAN 'JIG RTEN GSUM DU GRAGS, ,ZHES BYA BA LA SOGS PA'I TSIGS SU BCAD PA GNYIS KYIS BSTAN TO, ,GLENG BSLANG BA'I MTSAN NYID NI, SANGS RGYAS 'DUL BA GANG CHEN MTSO, ,ZHES BYA BA LA SOGS PA TSIGS SU BCAD PA BCU GCIG GIS BSTAN TO, ,YANG DAG PAR BRTZAM PA'I MTSAN NYID NI, BSKAL PA BYE BA RNAMS SU YANG, ,ZHES BYA BA LA SOGS PA TSIGS SU BCAD PA DRUG GIS BSTAN TO, ,GZHUNG RGYAS PA'I MTSAN NYID NI, TSE DANG LDAN PA DAG SO GA RNAMS KYI 'DAS PA DANG, LHAG MA RNAMS JI TZAM PA DE TZAM MO ZHES BYA BA NAS, DRAN PA DANG BAG YOD PAS RNAL 'BYOR DU BYA'O ZHES BYA BA'I BAR GYI GZHUNG THAMS CAD KYIS BSTAN PA'O, ,BSDU BA'I MTSAN NYID NI, BZOD PA DKA' THUB DAM PA BZOD PA NI, ,ZHES BYA BA LA SOGS PA'I GZHUNG LHAG MA THAMS CAD KYIS BSTAN TO, ,DE LA RE ZHIG MCHOD PA'I MTSAN NYID BSHAD PAR BYA STE, MCHOD PA'I MTSAN NYID CES BYA BA NI SO SOR THAR PA'I MDO YANG DAG PAR BRTZAM BA, GLENG BSLANG BA'I DANG POR, STON PA SANGS RGYAS BCOM LDAN 'DAS LA BSTOD PA DANG, PHYAG 'TSAL BA'I SGO NAS MCHOD PAR BYA BA'O, ,DE YANG DAM PA RNAMS NI, YANG DAG PAR BRTZAM PA THAMS CAD LA RANG GI STON PA LA BSTOD PA DANG; PHYAG 'TSAL BA'I SGO NAS MCHOD PA SNGAR BYED PAS DE'I PHYIR YANG DAG PAR SDUD PAR BYED PA SO SOR THAR PA'I MDO YANG DAG PAR SDUD PAR 'DOD PAS KYANG, 'GRO BA MTHA' DAG GI GTZO BO SANGS RGYAS BCOM LDAN 'DAS LA BSTOD PA DANG, PHYAG 'TSAL BA'I SGO NAS MCHOD PA BYA BA'I PHYIR,

DANG POR, SNYAN PA'I BA DAN 'JIG RTEN GSUM DU GRAGS, ,ZHES BYA BA LA SOGS PA TSIGS SU BCAD PA GNYIS SU GSUNGS SO, ,DE LA RE ZHIG DANG PO KHO NAR TSIGS SU BCAD PA GNYIS PO 'DI'I BRJOD PAR BYA BA DANG, DGOS PA DANG, 'BREL PA DANG, DGOS PA'I YANG DGOS PA BRJOD PAR BYA STE, GZHAN DU NA BRJOD PAR BYA BA LA SOGS PA DANG BRAL BA'I TSIGS SU BCAD PA GNYIS PO 'DI SO SOR THAR PA 'DON PA'I DANG POR SMOS PA DON DANG LDAN PA MA YIN PA KHO NAR 'GYUR RO, ,GANG GI PHYIR RTOG PA DANG LDAN PA DAG BRJOD PAR BYA BA LA SOGS PA DANG BRAL BA KHAS LEN PAR MI BYED PA DE'I PHYIR, NYAN PA'I SKYE BO SPRO BAR BYA BA'I DON DU BRJOD PAR BYA BA LA SOGS PA NGES PAR BRJOD PAR BYA'O, ,DE LA BRJOD PAR BYA BA NI TSIGS SU BCAD PA GNYIS PO 'DI LAS TSIGS SU BCAD PA PHYED DANG GNYIS KYIS BCOM LDAN 'DAS KYI YON TAN GZHAN GYI DON PHUN SUM TSOGS PA DANG, BDAG GI DON PHUN SUM MA TSOGS PA MCHOG BRJOD PA'O, ,DGOS PA NI DE BSTAN PA STE, DE LA YANG TSIGS SU BCAD PA PHYED DANG GNYIS KYIS SGRUB PAR BYED PAS TSIGS SU BCAD PA'I THABS 'DIS BRJOD PAR BYA BA THABS LAS BYUNG BA STON PA NI DGOS PA YIN NO, ,'BREL PA NI TSIGS SU BCAD PA PHYED DANG GNYIS PO'I THABS DANG, DGOS PA'I THABS LAS BYUNG BA'I MTSAN NYID GNYIS 'BREL PA'O, ,DGOS PA'I DGOS PA NI BSTOD PA 'DI BRTZAMS NA, BSTAN BCOS YONGS SU RDZOGS PAR BYA BA LA BGEGS DANG LOG 'DREN RNAM PAR LDOG PA 'AM, DAM PA RNAMS KYI CHO GA'I RJES SU 'JUG PA'O, ,TSIGS SU BCAD PA 'OG MA PHYED KYIS NI SO SOR THAR PA BRTZAM PAR DAM BCA' STON TE, DE YANG RTOG PA SNGON DU GTONG BA DAG GI 'JUG PA'I YAN LAG YIN NO, ,DE LA TSIGS SU BCAD PA PHYED DANG GNYIS PO 'DI'I BSDUS PA'I DON NI RNAM PA GNYIS TE, STON PA LA BSTOD PA'I SGO NAS MCHOD PA DANG, PHYAG 'TSAL BA'I SGO NAS MCHOD PA'O, ,DE LA BSTOD PA'I SGO NAS MCHOD PA YANG RNAM PA GNYIS TE, 'GRO BA'I GTZO BO SANGS RGYAS BCOM LDAN 'DAS KYI YON TAN GZHAN GYI DON PHUN SUM TSOGS PA DANG, BDAG GI DON PHUN SUM TSOGS PA'I SGO NAS SO,,

, ,DE LA GZHAN GYI DON PHUN SUM TSOGS PA NI, TSIGS SU BCAD PA DANG PO GCIG GIS BSTAN TO, ,DES KYANG 'GRO BA'I GTZO BO SANGS RGYAS BCOM LDAN 'DAS KYI YON TAN GZHAN GYI DON PHUN SUM TSOGS PA'I THABS SU GYUR PA'I PHUN SUM TSOGS PA RNAM PA LNGA BSTAN TE, RGYU PHUN SUM TSOGS PA DANG, PHAN 'DOGS PA PHUN SUM TSOGS PA DANG, SHES RAB PHUN SUM TSOGS PA DANG, THUGS RJE PHUN SUM TSOGS PA DANG, 'BRAS BU'I KHYAD PAR PHUN SUM TSOGS PA'O, ,DE LA, SNYAN PA'I BA DAN 'JIG RTEN GSUM DU GRAGS, ,ZHES BYA BAS NI RGYU PHUN SUM TSOGS PA BSTAN TO, ,DAM PA'I CHOS SGRA SENG GE'I SGRA BSGRAGS PA, ,ZHES BYA BAS NI PHAN 'DOGS PA PHUN SUM TSOGS PA BSTAN TO, ,THAMS CAD MKHYEN PA ZHES BYA BAS NI, ,SHES RAB PHUN SUM TSOGS PA BSTAN TO, ,DKON MCHOG MDZOD BRNYES PA ZHES BYA BAS NI THUGS RJE PHUN SUM TSOGS PA BSTAN TO, ,ZHABS LA TSANGS DBANG GTZUG GI NOR BUS GTUGS, ,ZHES BYA BAS NI 'BRAS BU'I KHYAD PAR PHUN SUM TSOGS PA BSTAN TO, ,BDAG GI DON PHUN SUM TSOGS PA NI TSIGS SU BCAD PA 'OG MA'I PHYED DANG POS BSTAN TO, ,DES KYANG 'GRO BA'I GTZO BO SANGS RGYAS BCOM LDAN 'DAS KYI YON TAN BDAG GI DON PHUN SUM TSOGS PA'I CHE BA NYID KYI KHYAD PAR PHUN SUM TSOGS PA RNAM PA GNYIS BSTAN TE, SPANGS PA PHUN SUM TSOGS PA DANG, YE SHES PHUN SUM TSOGS PA'O, ,DE LA, SDUG BSNGAL RGYA MTSO GTING MTHA' MED BRGAL BA, , ZHES BYA BAS NI SPANGS PA PHUN SUM TSOGS PA BSTAN TO, ,'GRO BA'I GTZO ZHES BYA BAS NI, YE SHES PHUN SUM TSOGS PA BSTAN TO, ,DE LTAR 'GRO BA'I GTZO BO SANGS RGYAS BCOM LDAN 'DAS KYI YON TAN GZHAN GYI DON PHUN SUM TSOGS PA DANG, BDAG GI DON PHUN SUM TSOGS PA SMOS PA DES NI STON PA LA BSTOD PA'I SGO NAS MCHOD PAR BSTAN TO, ,PHYAG 'TSAL BA'I SGO NAS MCHOD PA NI, LUS DANG NGAG DANG YID KYI SGO NAS PHYAG 'TSAL BA STE, DE NI SPYI BOS PHYAG 'TSAL TE, ,ZHES BYA BAS BSTAN TO, ,DE LTAR PHYAG 'TSAL TE CI ZHIG BYA ZHE NA, SO SOR THAR PA BRTZAM PAR DAM BCA'

BAR BYA STE, DE NI TSIGS SU BCAD PA 'OG MA'I PHYED KYIS BSTAN TO, ,DES KYANG GANG GIS BSTAN PA DANG, CI ZHIG BSTAN PA DANG, SU LA BSTAN PAS SO SOR THAR PA'I CHE BA NYID BRJOD NAS, GANG GIS CI ZHIG BSTAN PA DE NYID SU LA BSTAN PA'I TSOGS KYI DBUS SU DBYE BAR BYA'O ZHES BYA BA BSTAN TO, ,DE LA GANG GIS BSTAN ZHE NA, STON PA STE, DE NI THAMS CAD MKHYEN PA'I ZHES BYA BAS BSTAN TO, ,CI ZHIG BSTAN ZHE NA, SO SOR THAR PA STE, DE NI BSLAB GZHI DKON MCHOG SNOD, ,CES BYA BAS BSTAN TO, ,SU LA BSTAN ZHE NA, NYAN THOS KYI DGE 'DUN LA STE, DE NI 'PHAGS PA'I TSOGS ZHES BYA BAS BSTAN TO, ,GANG GIS CI ZHIG BSTAN PA DE NYID SU LA BSTAN PA'I TSOGS KYI DBUS SU DBYE BAR BYA BA NI, STON PAS SO SOR THAR PA BSTAN PA DE NYID NYAN THOS KYI DGE 'DUN GYI DBUS SU DBYE BAR BYA BA STE, DE NI DBUS SU DBYE BAR BYA, ,ZHES BYA BAS BSTAN TO, ,DE NI RE ZHIG SPYI'I DON YIN NO, ,DA NI YAN LAG GI DON BSHAD PAR BYA STE, DE LA 'GRO BA'I GTZO BO SANGS RGYAS BCOM LDAN 'DAS KYI YON TAN GZHAN GYI DON PHUN SUM TSOGS PA'I THABS SU GYUR PA, RGYU PHUN SUM TSOGS PA'I DBANG DU MDZAD NAS, SNYAN PA'I BA DAN 'JIG RTEN GSUM DU GRAGS,, ZHES BYA BA GSUNGS TE, SNYAN PA ZHES BYA BA NI DE BZHIN GSHEGS PAS BSKAL PA GRANGS MED PA NAS, BSOD NYAMS DANG YE SHES KYI TSOGS DPAG TU MED PA BSAGS PA'I RGYU PHUN SUM TSOGS PA'I 'BRAS BU SPANGS PA DANG, YE SHES BLA NA MED PAS BSDUS PA'I YON TAN DPAG TU MED PA'O, , BA DAN ZHES BYA BA NI SNYAN PA DE NYID BA DAN DANG 'DRA BAS BA DAN ZHES BYA STE, YON TAN MNGON PAR 'PHAGS PA KUN LA GSAL BA DANG, DE LA DMIGS NAS MNGON PAR MTHO BA DANG, NGES PAR LEGS PA'I LAM MI NOR BA'I PHYIR RO, ,'JIG RTEN GSUM ZHES BYA BA NI, 'JIG TSOGS KYI PHUNG PO 'JIG PA TZAM LA BRTEN PAS BSDUS PA'I KHAMS GSUM PO 'DOD PA DANG, GZUGS DANG, GZUGS MED PA DAG GO, ,GRAGS ZHES BYA BA NI, DE DAG TU SNYAN PA'I SGRAS KHYAB PA STE, BCOM LDAN 'DAS DANG PO MNGON PAR RDZOGS PAR SANGS RGYAS PA'I TSE, DANG POR SA BLA BA LA GRAGS SO, ,DE NAS BAR SDANG BA LA

, ,GRAGS SO, ,DE NAS RGYAL CHEN BZHI PA'I RIS LA GRAGS SO ZHES BYA BA NAS, 'OG MIN GYI BAR DU GRAGS SO ZHES BYA BA LA SOGS PA'I RIM GYIS SO, ,GZUGS MED PAR JI LTAR GRAGS SHE NA, GZUGS CAN GYI KHAMS NA GNAS PA'I TSE GRAGS PA'I BAG CHAGS RGYUD LA YOD PAS, RGYU LA 'BRAS BUS BTAGS TE GRAGS PAR BRJOD DO, ,DES NI SBYIN PA LA SOGS PA'I RGYU PHUN SUM TSOGS PA LAS BYUNG BA'I YON TAN GZHAN LA STON PAR MDZAD PA'I SGO NAS, GZHAN GYI DON PHUN SUM TSOGS PA'I THABS SU GYUR PA RGYU PHUN SUM TSOGS PA BSTAN TO, ,PHAN 'DOGS PA PHUN SUM TSOGS PA'I DBANG DU MDZAD NAS, DAM PA'I CHOS SGRA SENG GE'I SGRA BSGRAGS PA, ,ZHES BYA BA GSUNGS TE, DAM PA ZHES BYA BA NI, SANGS RGYAS BCOM LDAN 'DAS TE, NYON MONGS PA BAG CHAGS DANG BCAS PA MA LUS PA SPANGS PA'I PHYIR RO, ,CHOS SGRA ZHES BYA BA NI, DAM PA DES GSUNGS PA'I CHOS TE, 'PHAGS PA'I BDEN PA BZHI PO DAG DPAL GYI MGUR NAS GSUNGS PA'I SGRA'O, ,SENG GE'I SGRA ZHES BYA BA NI, DAM PA'I CHOS KYI SGRA DE NYID SENG GE'I SGRA DANG 'DRA BA'I PHYIR, SENG GE'I SGRA ZHES BYA BA STE, MU STEGS CAN GLANG PO CHE LTA BU SKRAG PAR BYED CING, RIGS KYI BU MI SENG GE'I PHRU GU LTA BU DAG SDUD PAR BYED PA'I PHYIR RO, ,BSGRAGS PA ZHES BYA BA NI BSTAN PA STE, BDEN PA BZHI LA LAN GSUM DU BZLAS TE, CHOS KYI 'KHOR LO RNAM PA BCU GNYIS SU BSKOR BA'I PHYIR RO, ,DES NI STON PA'I MDZAD PA PHUN SUM TSOGS PAS GZHAN LA CHOS STON PA'I SGO NAS GZHAN GYI DON PHUN SUM TSOGS PA'I THABS SU GYUR PA, PHAN 'DOGS PA PHUN SUM TSOGS PA BSTAN TO, ,SHES RAB PHUN SUM TSOGS PA'I DBANG DU MDZAD NAS, THAMS CAD MKHYEN PA ZHES BYA BA GSUNGS TE, THAMS CAD MKHYEN PA ZHES BYA BA NI BCOM LDAN 'DAS TE, DANG POR DNGOS PO'I NGO BO NYID MA LUS PA DANG, THUN MONG MA YIN PA DANG, TSAD MED PA DANG, PHYIN CI MA LOG PAR BSTAN PA'I PHYIR RO, ,DES NI THAMS CAD MKHYEN PA LUNG SHIN TU RNAM PAR DAG PA GTAN LA PHAB PA BSTAN PA'I SGO NAS, GZHAN GYI DON PHUN SUM TSOGS PA'I THABS SU GYUR PA,

SHES RAB PHUN SUM TSOGS PA BSTAN TO, ,THUGS RJE PHUN SUM TSOGS PA'I DBANG DU MDZAD NAS, DKON MCHOG MDZOD BRNYES PA ZHES BYA BA GSUNGS TE, DKON MCHOG CES BYA BA NI, BSHAD PA DANG SGRUB PA'I CHOS DKON MCHOG STE, RIN PO CHE DANG 'DRA BAR DKON PA DANG RIN CHE BA DANG, DGA' BAR BYED PA DANG PHAN 'DOGS PA DANG, MI MA YIN PA LA SOGS PA GNOD PAR BYED PA'I GNYEN POR GYUR PA YIN PA'I PHYIR RO, ,MDZOD CES BYA BA NI, RIN PO CHE'I MDZOD DANG 'DRA BAR CHOS DKON MCHOG, DE'I MDZOD 'PHAGS PA'I DGE 'DUN TE, LUNG DANG RTOGS PA'I SGO NAS DE'I SNOD DU GYUR PA YIN PA'I PHYIR RO, ,BRNYES PA ZHES BYA BA NI, SLOB MA NYID DU BRNYES PA STE, STON PA'I LAM GYI RJES SU ZHUGS PA'I PHYIR RO, ,DES NI 'KHOR YONGS SU SMIN PAR MDZAD PA'I SGO NAS, GZHAN GYI DON PHUN SUM TSOGS PA'I THABS SU GYUR PA, THUGS RJE PHUN SUM TSOGS PA BSTAN TO, ,'BRAS BU'I KHYAD PAR PHUN SUM TSOGS PA'I DBANG DU MDZAD NAS, ZHABS LA TSANGS DBANG GTZUG GI NOR BUS GTUGS, ,ZHES BYA BA GSUNGS TE, ZHABS LA ZHES BYA BA NI, DE BZHIN GSHEGS PA'I ZHABS 'KHOR LO'I MCHAN DANG LDAN PA LA'O, ,TSANGS DBANG ZHES BYA BA LA, TSANGS PA ZHES BYA BA NI, BSAM GTAN DANG PO'I BSAM GTAN KHYAD PAR CAN BSGRUBS TE, TSANGS PA'I RGYAL PO THOB PA STONG GI 'JIG RTEN LA DBANG SGYUR BA'I TSANGS PA CHEN PO'O, ,DBANG PO ZHES BYA BA NI, SUM CU RTZA GSUM PA'I LHA RNAMS KYI DBANG PO BRGYA BYIN TE, DE GNYIS SA BLA BA'I GTZO BO DANG, STONG GI KHAMS NA GTZO BOR GRAGS PA 'DIR SMOS PAR ZAD KYI, GZHAN YANG DE BZHIN DU GZUNG BAR BYA'O, ,GTZUG GI NOR BU ZHES BYA BA NI SPYI BOS TE, NOR BU GDAGS PA'I GNAS YIN PA'I PHYIR RO, ,GTUGS ZHES BYA BA NI, DES BTUD DE PHYAG BYAS PA'O, ,DES NI 'JIG RTEN NA 'BRAS BU THOB PA'I MCHOG DAG GIS SPYI BOS GTUGS PA'I SGO NAS, GZHAN GYI DON PHUN SUM TSOGS PA'I THABS SU GYUR PA, 'BRAS BU'I KHYAD PAR PHUN SUM TSOGS PA BSTAN TO, ,DE LTAR DE DAG GIS NI, 'GRO BA'I GTZO BO SANGS RGYAS

, ,BCOM LDAN 'DAS KYI YON TAN GZHAN GYI DON PHUN SUM TSOGS PA'I SGO NAS STON PA LA BSTOD PAS MCHOD PA BSTAN TO, ,DE'I 'OG TU 'GRO BA'I GTZO BO SANGS RGYAS BCOM LDAN 'DAS KYI YON TAN BDAG GI DON PHUN SUM TSOGS PA'I CHE BA NYID KYI KHYAD PAR SPANGS PA PHUN SUM TSOGS PA'I DBANG DU MDZAD NAS, SDUG BSNGAL RGYA MTSO GTING MTHA' MED BRGAL BA, ,ZHES BYA BA GSUNGS TE, SDUG BSNGAL ZHES BYA BA NI, SKYE BA DANG, RGA BA DANG, NA BA DANG, 'CHI BAS BSDUS PA NYE BAR LEN PA'I PHUNG PO LNGA PO DAG GO, ,RGYA MTSO ZHES BYA BA NI, SDUG BSNGAL DE NYID RGYA MTSO DANG 'DRA BAS RGYA MTSO ZHES BYA STE, SHIN TU RGYA CHE BA'I PHYIR RO, ,GTING MED PA ZHES BYA BA NI, GZHI GTING MED PA STE, 'DIS NI RGYA MTSO BZHIN DU SDUG BSNGAL MANG BA NYID BSTAN TO, ,MTHA' MED PA ZHES BYA BA NI PHA ROL GYI MTHA' MED PA STE, 'DIS NI RGYA MTSO BZHIN DU 'KHOR BA'I RGYUN MI 'CHAD PAR BSTAN TO, ,BRGAL BA ZHES BYA BA NI 'DAS PA STE, LAS DANG NYON MONGS PA SPANGS PAS SDUG BSNGAL ZAD PA'I PHYIR RO, ,DES NI LAS DANG NYON MONGS PA DANG, SKYE BA'I MTSAN NYID KYI KUN NAS NYON MONGS PA SPANGS PA'I SGO NAS, BDAG GI DON PHUN SUM TSOGS PA'I CHE BA NYID KYI KHYAD PAR SPANGS PA PHUN SUM TSOGS PA BSTAN TO, ,YE SHES PHUN SUM TSOGS PA'I DBANG DU MDZAD NAS, 'GRO BA'I GTZO ZHES BYA BA GSUNGS TE, 'GRO BA ZHES BYA BA NI, 'JIG RTEN DE RTAG TU 'KHOR BA'I PHYIR RO, ,GTZO BO ZHES BYA BA NI ZLA MED PA STE, MCHOG YIN PA'I PHYIR RO, , DE NI 'GRO BA'I GTZO BO SANGS RGYAS BCOM LDAN 'DAS TE, SHES BYA THAMS CAD LA CHAGS PA MED PA DANG, THOGS PA MED PA'I YE SHES BRNYES PAS 'GRO BA THAMS CAD KYI GTZO BOR GYUR PA'I PHYIR RO, ,'DIS NI DNGOS PO JI SNYED YOD PA NYID DANG, JI LTA BA BZHIN DU YOD PA NYID THUGS SU CHUD PAS, 'GRO BA'I GTZO BOR GYUR PA'I SGO NAS, BDAG GI DON PHUN SUM TSOGS PA'I CHE BA NYID KYI KHYAD PAR YE SHES PHUN SUM TSOGS PA BSTAN TO, ,DE LTAR DE DAG GIS NI, 'GRO BA'I GTZO BO SANGS RGYAS BCOM LDAN 'DAS KYI YON TAN BDAG GI DON PHUN SUM TSOGS PA'I SGO NAS STON PA LA BSTOD PAS

MCHOD PA BSTAN TO, ,DE'I 'OG TU PHYAG 'TSAL BA'I SGO NAS MCHOD PA BSTAN PA'I PHYIR, SPYI BOS PHYAG 'TSAL TE ZHES BYA BA GSUNGS TE, SPYI BO ZHES BYA BA NI, LUS KYIS PHYAG 'TSAL BA DNGOS SU BSTAN LA, PHYAG 'TSAL TE ZHES BYA BAS NI, LUS DANG, NGAG DANG, YID GSUM CHAR GYIS PHYAG 'TSAL BA YANG BSDU BAR BLTA'O, ,'DIS NI LUS DANG, NGAG DANG YID KYI SGO NAS PHYAG 'TSAL BA'I SGO NAS STON PA LA MCHOD PA BSTAN TO, ,DE LTAR PHYAG 'TSAL TE CI ZHIG BYA ZHE NA, SO SOR THAR PA BRTZAM PAR DAM BCA' BAR BYA BA BSTAN PA'I PHYIR, THAMS CAD MKHYEN PA BSLAB GZHI DKON MCHOG SNOD, ,'PHAGS PA'I TSOGS KYI DBUS SU DBYE BAR BYA, ,ZHES BYA BA GSUNGS TE, ,'DIS NI GANG GIS BSTAN PA DANG, CI ZHIG BSTAN PA DANG, SU LA BSTAN PAS SO SOR THAR PA'I CHE BA NYID BRJOD NAS, GANG GIS CI ZHIG BSTAN PA DE NYID, SU LA BSTAN PA'I TSOGS KYI DBUS SU DBYE BAR BYA'O ZHES BYA BA STON TO, ,DE LA GANG GIS BSTAN ZHE NA, STON PA STE, DE NI THAMS CAD MKHYEN PA ZHES BYA BAS BSTAN TE, TSIG GI DON NI SNGA MA BZHIN NO, ,CI ZHIG BSTAN ZHE NA, SO SOR THAR PA STE, DE NI BSLAB GZHI DKON MCHOG SNOD, ,CES BYA BAS BSTAN TE, BSLAB PA ZHES BYA BA NI, SROG GCOD PA SPONG BA LA SOGS PA'I MTSAN NYID DO, ,GZHI ZHES BYA BA NI TSIG STE, DE LA DON GNAS PA'I PHYIR RO, ,DKON MCHOG CES BYA BA NI, BSLAB PA'I GZHI DE NYID DE, CHEN PO RNAMS KYI RKYEN YIN PA'I PHYIR DANG, DKON PA'I PHYIR RIN PO CHE DANG 'DRA BAS DKON MCHOG GO, ,DE YANG GANG ZHE NA, RNAM PAR 'BYED PA DANG, GZHI DANG, PHRAN TSEGS DANG, GZHUNG BLA MA DAG GO, ,SNOD CES BYA BA NI, DE DAG GI SNOD DE, SO SOR THAR PA'I MDO NYID DO, ,DE NI STON PA THAMS CAD MKHYEN PAS GSUNGS PA NA, THAMS CAD MKHYEN PA'I BSLAB GZHI DKON MCHOG SNOD, ,CES BYA'O, ,SU LA BSTAN ZHE NA, NYAN THOS KYI DGE 'DUN LA STE, DE NI 'PHAGS PA'I TSOGS ZHES BYA BAS BSTAN TE, 'PHAGS PA ZHES BYA BA NI, SDIG PA MI DGE BA'I CHOS RNAMS LAS RING DU GYUR PA'O, ,TSOGS ZHES BYA BA NI BZHI YAN CHAD DO, ,GANG GIS CI ZHIG BSTAN PA DE

, ,NYID SU LA BSTAN PA'I TSOGS KYI DBUS SU DBYE BAR BYA BA NI, STON PAS SO SOR THAR PA BSTAN PA DE NYID NYAN THOS KYI DGE 'DUN GYI DBUS SU DBYE BAR BYA BA STE, DE'I DBUS SU DBYE BAR BYA ZHES BYA BAS BSTAN TE, DBUS SU ZHES BYA BA NI NANG DU'O, ,DBYE BAR BYA ZHES BYA BA NI GDON PAR BYA'O, ,'PHAGS PA'I TSOGS KYI DBUS SU DBYE ZHING GDON PAR BYA'O ZHES BYA BA'I THA TSIG GO, ,MCHOD PA'I MTSAN NYID BSHAD ZIN TO, ,SU DAG GI DBUS SU ZHE NA, 'PHAGS PA'I TSOGS KYI STE, DPER NA RIN PO CHE'I SNOD DBYE BA YANG RIN PO CHE RTOG SHES PA DAG GIS TSOGS KYI DBUS SU DBYE BA BZHIN DU THAMS CAD MKHYEN PA'I BSLAB GZHI DKON MCHOG SNOD 'DI YANG BSLAB PA RIN PO CHE LTA BU RTOG SHES PA'I 'PHAGS PA'I TSOGS KYI DBUS SU DBYE ZHING GDON PAR BYA BA'I THA TSIG GO, ,MCHOD PA'I MTSAN NYID BSHAD ZIN TO, ,DE'I 'OG TU GLENG BSLANG BA'I MTSAN NYID BSHAD PAR BYA STE, GLENG BSLANG BA'I MTSAN NYID CES BYA BA NI, SO SOR THAR PA'I MDO YANG DAG PAR BRTZAM PA GLENG BSLANG BA'O, ,DE YANG SO SOR THAR PA'I CHE BA NYID THOS NAS, TSOGS KYI LAM 'BRAS BU DANG BCAS PAR 'DOD PAS, SO SOR THAR PA BSGRUB PAR BYA'O ZHES GLENG BSLANG DGOS PAS DE'I PHYIR, SANGS RGYAS 'DUL BA GANG CHEN MTSO, ,ZHES BYA BA LA SOGS PA TSIGS SU BCAD PA BCU GCIG GSUNGS SO, ,DE LA 'DIR YANG TSIGS SU BCAD PA BCU GCIG PO DE DAG GI BRJOD PAR BYA BA DANG, DGOS PA DANG, 'BREL PA DANG, DGOS PA'I DGOS PA BRJOD PAR BYA BA STE, DE LA BRJOD PAR BYA BA NI SO SOR THAR PA'I CHE BA NYID DO, ,DGOS PA NI DE RTOGS PA'O, ,'BREL PA NI, RTOGS PA DE YANG GLENG BSLANG BA 'DIS BYED PAS, GLENG BSLANG BA'I TSIGS SU BCAD PA'I THABS 'DI DANG, DGOS PA THABS LAS BYUNG BA'I MTSAN NYID GNYIS 'BREL PA'O, , DGOS PA'I DGOS PA NI, SO SOR THAR PA'I CHE BA NYID THOS NAS, TSOGS KYI LAM 'BRAS BU DANG BCAS PAR 'DOD PAS, SO SOR THAR PA SGRUB PAR BYED PA'O, ,DE LA TSIGS SU BCAD PA BCU GCIG PO 'DI DAG GIS BSDUS PA'I DON NI RNAM PA GSUM STE, SO SOR THAR PA'I CHE BA NYID BRJOD PA DANG,

TSOGS KYI LAM 'BRAS BU DANG BCAS PAR BYA BA DANG, SO SOR THAR PA BSGRUB PAR BYA BA'O, ,DE LA SO SOR THAR PA'I CHE BA NYID BRJOD PA YANG RNAM PA GSUM STE, TSE 'DI'I 'BRAS BU DANG, TSE PHYI MA'I 'BRAS BU DANG, SO SOR THAR PA LA STON PA DANG 'DRA BAR BSTOD PA'O, ,DE LA, ,SANGS RGYAS 'DUL BA GANG CHEN MTSO, ,ZHES BYA BA LA SOGS PA TSIGS SU BCAD PA GSUM GYIS NI, TSE 'DI'I 'BRAS BU BSTAN TO, ,MTSO BAS ZAB PA'I 'KHOR BA LAS, ,ZHES PA LA SOGS PA TSIGS SU BCAD PA GNYIS KYIS NI TSE PHYI MA'I 'BRAS BU BSTAN TO, ,NGA NI MYA NGAN 'DAS GYUR NA, ,ZHES BYA BA LA SOGS PA TSIGS SU BCAD PA GCIG GIS NI SO SOR THAR PA LA STON PA DANG 'DRA BAR BSTOD PA BSTAN TO, ,TSOGS KYI LAM 'BRAS BU DANG BCAS PAR BYA BA YANG RNAM PA GSUM STE, TSOGS KYI LAM DKON PA DANG, TSOGS KYI LAM RNYED PA DANG, TSOGS KYI LAM RNYED NAS NAN TAN DU BYA BA'O, ,DE LA, SANGS RGYAS ZHES BYA BA'I SGRA 'DI YANG ZHES BYA BA LA SOGS PA TSIGS SU BCAD PA GNYIS KYIS NI, ,TSOGS KYI LAM DKON PA BSTAN TO, ,'JIG RTEN SANGS RGYAS 'BYUNG BA DANG, ,ZHES BYA BA LA SOGS PA TSIGS SU BCAD PA GCIG GIS NI TSOGS KYI LAM RNYED PA BSTAN TO, ,MKHAS PAS BDAG LA LEGS 'DOD CING, ,ZHES BYA BA LA SOGS PA'I TSIGS SU BCAD PA GCIG GIS NI, ,TSOGS KYI LAM RNYED PAS NAN TAN BYA BA BSTAN TO, ,SO SOR THAR PA BSGRUB PAR BYA BA NI RNAM PA BZHI STE, BDAG GI DBANG DU BYAS PA DANG, GZHAN GYI DBANG DU BYAS PA DANG, CHOS KYI DBANG DU BYAS PA DANG, BSGRUB PA'I MTSAN NYID DO, ,DE LA, DGE SLONG DBANG DUL KUN DBANG PO, ,ZHES BYA BA NI, BDAG GI DBANG DU BYA BA BSTAN TO, ,SANGS RGYAS MI 'GYUR RAB BYUNG BA, ,ZHES BYA BAS NI GZHAN GYI DBANG DU BYA BA BSTAN TO, ,NGES PAR THAR PA 'DOD RNAMS KYIS, ,ZHES BYA BAS NI CHOS KYI DBANG DU BYA BA BSTAN TO, ,SO SOR THAR PA RTAG TU SRUNGS, ,ZHES BYA BAS NI BSGRUB PA'I MTSAN NYID BSTAN TE, DE NI RE ZHIG SPYI'I DON YIN NO, ,DA NI YAN LAG GI DON BSHAD PAR BYA STE, DE LA TSE 'DI'I 'BRAS BU'I SGO NAS SO SOR THAR PA'I CHE BA NYID BRJOD PA'I DBANG DU MDZAD NAS, SANGS RGYAS

, ,'DUL BA GANG CHEN MTSO, ,GTING MTHA' MED PA THAMS CAD KYI, ,GNAS PA'I SNYING DANG SNYING PO NI, ,SO SOR THAR PA 'DI YIN NO, ,ZHES BYA BA LA SOGS PA'I TSIGS SU BCAD PA GSUM GSUNGS TE, SANGS RGYAS 'DUL BA ZHES BYA BA NI, SANGS RGYAS KYIS GSUNGS PA'I 'DUL BA'O, ,SANGS RGYAS ZHES BYA BA NI SANGS RGYAS BCOM LDAN 'DAS TE, DON THAMS CAD NGES PAR THUGS SU CHUD PA'I PHYIR RAM, NYON MONGS PA BAG CHAGS DANG BCAS PA'I GNYID THAMS CAD DANG BRAL BA'I PHYIR RO, ,'DUL BA ZHES BYA BA NI 'DUL BA'I SDE SNOD DE, 'DUL BA RNAM PAR 'BYED PA DANG, 'DUL BA GZHI DANG, 'DUL BA PHRAN TSEGS DANG, 'DUL BA GZHUNG BLA MA STE, SLOB MA RNAMS DNGOS PO THAMS CAD KYI MCHOG MYA NGAN LAS 'DAS PAR 'KHRID PAR BYED PA'I PHYIR RAM, RGYUD LA KUN DU SPYOD PA'I DRI MA DANG, RNAM PAR SMIN PA'I DRI MAS SKYON CHAGS PAR BYED PA'I NYES PA THAMS CAD RNAM PAR 'DUL BAR BYED PA'I PHYIR RO, ,GANG CHEN MTSO ZHES BYA BA NI RGYA MTSO STE, SANGS RGYAS KYIS GSUNGS PA'I 'DUL BA DE NYID RGYA MTSO DANG 'DRA BA'I PHYIR RO, ,JI LTAR 'DRA ZHE NA, GTING MTHA' MED PA ZHES BYA BA GSUNGS TE, RGYA MTSO LA GZHI'I GTING DPAG TU MED PA BZHIN DU, 'DUL BA LA YANG KUN NAS SLONG BA'I GTING DPAG TU MED PA'I PHYIR DANG, RGYA MTSO LA PHA ROL GYI MTHA' DPAG TU MED PA BZHIN DU, 'DUL BA LA YANG 'BRAS BU'I MTHA' DPAG TU MED PA'I PHYIR RO, ,'DUL BA DE DAG THAMS CAD KYI, ,GNAS PA'I SNYING DANG SNYING PO NI, SO SOR THAR PA 'DI YIN NO, ,ZHES BYA BAR SBYAR TE, GNAS PA'I ZHES BYA BA NI, LTUNG BA SDE LNGA DANG, GZHI BCU BDUN LA SOGS PA'I MTSAN NYID RNAM PAR GZHAG PA'O, ,DE'I SNYING ZHES BYA BA NI MTSAN NYID RNAM PAR GZHAG PA DE'I RGYUR GYUR PA STE, 'PHEN PA DANG, SA BON DANG, KUN NAS SLONG BA GANG YIN PA'O, ,SNYING PO ZHES BYA BA NI, BSTAN PA RNAM PAR MI G-YO BA STE, MTSAN NYID GZHAN DU MI 'GYUR BA'O, ,DES NI SANGS RGYAS KYIS GSUNGS PA'I 'DUL BA'I RGYA MTSO LTA BU GTING DANG MTHA' MED PA THAMS CAD KYI MTSAN NYID RNAM PAR GZHAG

PA'I SNYING DANG SNYING PO NI SO SOR THAR PA'I 'DI YIN NO ZHES BYA BA'I SGO NAS, SO SOR THAR PA'I CHE BA NYID BRJOD PA BSTAN TO, ,'DI NI DAM CHOS RGYAL PO YI, ,CHOS KUN GYI NI 'DREN PA MCHOG, ,'DI NI DGE SLONG TSONG TSOGS KYI, ,BSLAB ZONG TSONG KHANG CHEN PO YIN, ,ZHES BYA BA LA, 'DI NI ZHES BYA BA NI SO SOR THAR PA'O, ,DAM CHOS RGYAL PO ZHES BYA BA NI, SANGS RGYAS BCOM LDAN 'DAS TE, THUGS SU CHUD PA DANG STON PAR MDZAD PA'I PHYIR RO, ,DAM CHOS RGYAL PO DE'I CHOS KUN, ,ZHES BYA BA NI, MDO'I SDE LA SOGS PA BSTAN PA'I CHOS THAMS CAD DO, ,CHOS DE DAG GI 'DREN PA'I MCHOG CES BYA BA NI, RGYAL PO'I BLON PO RIN PO CHE DANG 'DRA'O ZHES BYA BA'I THA TSIG STE, 'DI LA BRTEN TE DE DAG 'BYUNG BA'I PHYIR RO, ,YANG DE NYID BYE BRAG TU BYA BA'I PHYIR, ,'DI NI ZHES BYA BA LA SOGS PA GSUNGS TE, 'DI NI ZHES BYA BA NI SO SOR THAR PA'O, ,DGE SLONG TSONG TSOGS ZHES BYA BA NI, DGE SLONG MYA NGAN LA 'DAS PA'I NOR BU RIN PO CHE 'DOD PA TSONG PA LTA BU'I TSOGS DON MTHUN PA DAG GO, ,DE DAG GI BSLAB ZONG ZHES BYA BA NI, ,MYA NGAN LAS 'DAS PA'I NOR BU RIN PO CHE SGRUB PA'I ZONG TSUL KHRIMS KYI NOR RO, ,DE'I TSONG KHANG ZHES BYA BA NI, BSLAB PA'I ZONG BCER BA'I GNAS TE, SO SOR THAR PA'I NANG DU BSLAB PA THAMS CAD 'DUS PA'I PHYIR RO, ,CHEN PO ZHES BYA BA NI, BSLAB PA RIN PO CHE'I GNAS YIN PA'I PHYIR DANG, CHEN PO RNAMS LA 'OS PA YIN PA'I PHYIR RO, ,DE DAG GIS NI CHOS KUN GYI 'DREN PA MCHOG YIN PA DANG, BSLAB PA'I ZONG GI TSONG KHANG CHEN PO YIN PA'I SGO NAS, SO SOR THAR PA'I CHE BA NYID BRJOD PA BSTAN TO, ,TSUL KHRIMS 'CHAL PAS ZIN RNAMS KYI, ,GDUG PA RNAM SEL SMAN 'DI YIN, ,'DI NI LANG TSO RNAM 'KHRUL PA'I, ,RKANG GNYIS GZHON NU'I LCAGS KYO YIN, ,ZHES BYA BA LA, TSUL KHRIMS 'CHAL BA ZHES BYA BA NI, BSLAB PA NYAMS PA LHAG MA DANG BCAS TE, BDAG DANG GZHAN LA GNOD PA NYID KYIS SBRUL CHEN PO DUG MYUR DU KHYAB PAR BYED PA DANG 'DRA BA'I PHYIR RO, ,DES ZIN PA ZHES BYA BA NI NYAMS PAR BYAS PA'O, ,DES ZIN PA'I GANG ZAG

, ,RNAMS KYI GDUG PA ZHES BYA BA NI LTUNG BA STE, SBRUL GYI DUG DANG 'DRA BA'I PHYIR RO, ,RNAM SEL ZHES BYA BA NI RNAM PAR GNON PA STE, KUN DU SPYOD PA SEL BA'I PHYIR RO, ,SMAN ZHES BYA BA NI, GNOD PA SEL BA STE, 'DIS SBYONG PAR STON PA'I PHYIR RO, ,DE YANG SO SOR THAR PA 'DI YIN TE, DES NI LTUNG BA RNAM PAR SEL BA'I RGYU NYID DU BSTAN TO, ,YANG DE NYID BYE BRAG TU BSTAN PA'I PHYIR, 'DI NI ZHES BYA BA LA SOGS PA GSUNGS SO, ,'DI NI ZHES BYA BA NI SO SOR THAR PA'O, ,LANG TSO ZHES BYA BA NI GZHON PA NYID DO, ,RNAM 'KHRUL PA'I ZHES BYA BA NI, BAG MED PA LA SOGS PAS RNAM PAR RMONGS PA'O, ,RKANG GNYIS ZHES BYA BA NI MI'O, ,GZHON NU ZHES BYA BA NI, BYA BA DANG BYA BA MA YIN PA MI SHES PA'O, ,LCAGS KYO ZHES BYA BA NI, GLANG PO CHE'I LCAGS KYO DANG 'DRA BA STE, BSNYIL BA DANG SPRO BA LA SOGS PA'I NYES DMIGS STON PAS KUN DU SKRAG PAR BYED PA YIN PA'I PHYIR RO, ,DES NI GDUL DKA' BA RNAMS YANG DAG PAR SNGOM PA'I RGYU NYID DU BSTAN TO, ,DE LTAR TSIGS SU BCAD PA GSUM PO DE DAG GIS NI, ,SO SOR THAR PA LAS RTZOM PA BYAS NA, TSE 'DI LA 'BRAS BU DE LTA BU 'THOB PAS TSE 'DI'I 'BRAS BU'I SGO NAS, SO SOR THAR PA'I CHE BA NYID BRJOD PA BSTAN TO, ,TSE PHYI MA'I 'BRAS BU'I SGO NAS SO SOR THAR PA'I CHE BA NYID BRJOD PA'I DBANG DU MDZAD NAS, MTSO BAS ZAB PA'I 'KHOR BA LAS, ,SGROL BA'I RGAL THABS 'DI YIN TE, ,'DI NI BZANG 'GROR 'GRO BA YI, ,NGES PA'I CHU LON ZAM PA YIN, ,ZHES BYA BA LA SOGS PA TSIGS SU BCAD PA GNYIS GSUNGS TE, MTSO BAS ZAB PA'I 'KHOR BA ZHES BYA BA NI, RGYA MTSO DUG CAN PAS KYANG CHOS ZAB CING GTING SLEB PAR DKA' BA'I 'KHOR BA 'GRO BA LNGA'I 'JIG RTEN NO, ,'KHOR BA DE LAS SGROL BA'I RGAL THABS ZHES BYA BA NI, RNAM PAR GROL BAR 'GYUR BA'I LAM TE, ZAM PA DANG, GRU DANG, GZINGS DANG, RKYAL PA LA SOGS PA LTA BU'O, ,DE YANG SO SOR THAR PA 'DI YIN TE, TSUL KHRIMS RNAM PAR DAG NA LAM SKYE BA'I PHYIR RO, ,DES NI 'KHOR BA LAS SGROL ZHING NGES PAR LEGS PA'I LAM 'THOB PA'I THABS YIN

PAR BSTAN TO, ,'DI NI ZHES BYA BA NI SO SOR THAR PA'O, ,BZANG 'GRO ZHES BYA BA NI BDE 'GRO MTHO RIS TE, LHA DANG MI'I 'GRO BA'O, ,DER 'GRO BA ZHES BYA BA NI, DER 'JUG CING 'THOB PA'O, ,NGES PA ZHES BYA BA NI BSTAN PA GCIG TU GYUR PA STE, GDON MI ZA BA'O, ,CHU LON ZAM PA ZHES BYA BA NI; CHU YANG 'GOG LA RGYUN SA'I ZAM PAR GYUR PA STE, NGAN SONG GI CHU BO YANG 'GOG LA, MTHO RIS SU 'GRO BA'I ZAM PA YANG YIN PA'I PHYIR RO, ,DE NI SO SOR THAR PA 'DI YIN TE, TSUL KHRIMS NI BDE 'GRO'I RGYU YIN PA'I PHYIR RO, ,DES NI NGAN 'GRO LAS SGROL ZHING MNGON PAR MTHO PA'I LAM THOB PA'I THABS YIN PAR BSTAN TO, ,'DI NI NYON MONGS PHAM BYED LA, ,RGYAL PO YI NI 'DREN PA MCHOG ,'DI NI THAR PA'I GRONG 'JUG PA'I, ,THEM SKAS GZHI DANG 'DRA BAR GNAS, ,ZHES BYA BA LA, ,'DI NI ZHES BYA BA NI SO SOR THAR PA'O, ,NYON MONGS ZHES BYA BA NI, 'DOD CHAGS DANG KHONG KHRO BA LA SOGS PA NYON MONGS PA DAG GO, ,PHAM BYED CES BYA BA NI SPONG BAR BYED PA'O, ,DE YANG GANG ZHE NA, LAM STE 'PHAGS PA'I LAM YAN LAG BRGYAD PA'O, ,RGYAL PO ZHES BYA BA NI, NYON MONGS PA PHAM PAR BYED PA'I LAM DE NYID RGYAL PO DANG 'DRA BAS RGYAL PO ZHES BYA STE, NYON MONGS PA'I DGRA PHAM PAR BYED PA'I PHYIR RO, ,'DREN PA MCHOG CES BYA BA NI, RGYAL PO'I SNYING TSOMS LTA BU STE, 'DIS 'PHAGS PA'I LAM 'DREN PAR BYED PA'I PHYIR RO, ,DES NI 'KHOR BA'I RGYU NYON MONGS PA SPONG ZHING, MYA NGAN LAS 'DAS PA'I RGYU 'PHAGS PA'I LAM 'DREN PA YIN PAR BSTAN TO, ,'DI NI ZHES BYA BA NI SO SOR THAR PA'O, ,THAR PA ZHES BYA BA NI MYA NGAN LAS 'DAS PA'O, ,GRONG ZHES BYA BA NI, THAR PA DE NYID GRONG KHYER DANG 'DRA BAS GRONG ZHES BYA STE, 'TSE BA THAMS CAD DANG BRAL BA'I PHYIR RO, ,'JUG PA ZHES BYA BA NI 'GRO BA'O, ,THE MA SKAS GZHI ZHES BYA BA NI, THEM SKAS KYI RTEN MA'O, ,SO SOR THAR PA 'DI NI DE DANG 'DRA BA GNAS PA YIN TE, LAM GYI GZHI NI TSUL KHRIMS YIN PA'I PHYIR RO, DES NI MYA NGAN LAS 'DAS PA'I 'BRAS BU 'THOB PA'I RGYU 'PHAGS PA'I LAM GYI GZHI NYID YIN PAR BSTAN TO, ,DE LTAR DE LTAR TSIGS SU BCAD PA GNYIS PO DE DAG GIS NI, ,SO

, ,SO THAR PA LA RTZOL BA BYAS NA, TSE PHYI MA LA 'BRAS BU 'THOB PAS, TSE PHYI MA'I 'BRAS BU'I SGO NAS, SO SOR THAR PA'I CHE BA NYID BRJOD PA BSTAN TO, ,SO SOR THAR PA LA STON PA DANG 'DRA BAR BSTOD PA'I SGO NAS, SO SOR THAR PA'I CHE BA NYID BRJOD PA'I DBANG DU MDZAD NAS, NGA NI MYA NGAN 'DAS GYUR NA, ,'DI NI KHYED KYI STON PA ZHES, ,RANG BYUNG NYID KYIS GUS BCAS PAS, ,NAN TAN DGE 'DUN TSOGS MDUN BSTOD, ,CES BYA BA TSIGS SU BCAD PA GCIG GSUNGS TE, NGA NI ZHES BYA BA NI BCOM LDAN 'DAS NYID DO, ,MYA NGAN 'DAS GYUR NA, ZHES BYA BA NI PHUNG PO'I LHAG MA MA LUS PA'I MYA NGAN LAS 'DAS PA'I DBYINGS SU'O, ,'DI NI ZHES BYA BA NI SO SOR THAR PA'O, ,KHYED KYI ZHES BYA BA NI, NYAN THOS KYI DGE SLONG RNAMS KYI'O, ,STON PA ZHES BYA BA NI STON PA DANG 'DRA'O ZHES SO, ,RANG BYUNG ZHES BYA BA NI BCOM LDAN 'DAS TE, GZHAN GYI LUNG MED PAR BLA NA MED PA'I MKHYEN PA BRNYES PA'I PHYIR RO, ,NYID KYIS ZHES BYA BA NI RANG GI ZHAL NYID KYIS SO, ,GUS BCAS PA ZHES BYA BA NI DGONGS PA GTAD DE'O, ,NAN TAN ZHES BYA BA NI LHUR BZHES NAS SO, ,DGE SLONG ZHES BYA BA NI GSOL BA DANG BZHI'I LAS KYIS BSNYEN PAR RDZOGS PA'I DGE SLONG NGO,, TSOGS ZHES BYA BA NI MANG PO 'DUS PA'O, ,MDUN ZHES BYA BA NI MNGON SUM DU'O, ,BSTOD CES BYA BA NI STON PA DANG 'DRA'O ZHES SO, ,DE NI STON PA BCOM LDAN 'DAS YONGS SU MYA NGAN LAS 'DA' BA'I TSE NA, DGE SLONG DAG DA PHYIN CHAD BDAG CAG LA STON PA MED PAR 'GYUR RO SNYAM DU DOGS PA BZLOG PA'I PHYIR, BCOM LDAN 'DAS KYIS 'DI SKAD CES, NGA YONGS SU MYA NGAN LAS 'DAS PAR GYUR PA NA, SO SOR THAR PA 'DI KHYAD LA STON PA BYED PAR 'GYUR RO ZHES BSTOD PA MDZAD PAS, SO SOR THAR PA LA STON PA DANG 'DRA BAR BSTOD PA'I SGO NAS, SO SOR THAR PA'I CHE BA NYE BAR BRJOD PA BSTAN TO, ,TSOGS KYI LAM DKON PAS, TSOGS KYI LAM 'BRAS BU DANG BCAS PAR BYA BA'I DBANG DU MDZAD NAS, SANGS RGYAS ZHES BYA'I SGRA 'DI YANG, ,'JIG RTEN DAG NA RAB TU DKON, ,MA NYID RNYED PA SHIN TU DKA', ,RAB TU BYUNG BA'ANG SHIN TU

DKON, ,ZHES BYA BA LA SOGS PA'I TSIGS SU BCAD PA GNYIS GSUNGS SO, ,TSOGS KYI LAM ZHES BYA BA NI, SBYOR BA'I LAM DANG, RNAM PAR DAG PA'I LAM 'THOB PA'I TSOGS DANG GZHIR GYUR PA'I LAM RNAM PA BCU GSUM STE, GZHAN GYI 'BYOR PA DANG, BDAG GI 'BYOR PA DANG, DGE BA'I CHOS LA 'DUN PA DANG, TSUL KHRIMS KYI SNGOM PA DANG, DBANG PO SDOM PA DANG, ZAS KYI TSOD RIG PA NYID DANG, NAM GYI CHA STOD DANG, NAM GYI CHA SMAD LA MI NYAL BAR SBYOR BA'I RJES SU BRTZON PA NYID DANG, SHES BZHIN DU SPYOD PA NYID DANG, DGE BA'I BSHES GNYEN DANG, DAM PA'I CHOS NYAN CING SEMS PA DANG, BAR CHAD MED PA DANG, GTONG BA SPEL BA DANG, DGE SBYONG GI RGYAN GANG YIN PA'O, ,DE LA, SANGS RGYAS ZHES BYA'I SGRA 'DI YANG, ,'JIG RTEN DAG NA RAB TU DKON, ,ZHES BYA BA NI GZHAN GYI 'BYOR PA DKON PA BSTAN TE, GZHAN GYI 'BYOR BA GANG ZHE NA, DE NI RNAM PA LNGA STE, SANGS RGYAS RNAMS 'BYUNG BA DANG, DAM PA'I CHOS STON PA DANG, CHOS BSTAN PA RNAMS GNAS PA DANG, CHOS BSTAN PA RNAMS KYI RJES SU 'JUG PA DANG, GZHAN GYI PHYIR RJES SU SNYING BRTZE BAR BYA'O, ,DES NI THA NA SANGS RGYAS ZHES BYA BA'I SGRA YANG 'JIG RTEN DAG NA RAB TU DKON NA, SANGS RGYAS RNAMS 'BYUNG BA LTA SMAS KYANG CI DGOS, SANGS RGYAS RNAMS 'BYUNG BA DKON NA, DAM PA'I CHOS STON PA LA SOGS PA LTA YANG SMOS CI DGOS ZHES BSTAN TO, ,MI NYID RNYED PA SHIN TU DKA', ,ZHES BYA BA NI BDAG GI 'BYOR BA DKON PAR BSTAN TE, BDAG GI 'BYOR PA GANG ZHE NA, DE YANG RNAM PA LNGA STE, MIR GYUR PA DANG, YUL DBUS SU SKYES PA DANG, DBANG PO TSANG BA DANG, GNAS LA DAD PA DANG, LAS KYI MTHA' MA LOG PA'O, ,DES NI MIR GYUR PA NYID KYANG RNYED PAR SHIN TU DKA' NA, YUL DBUS SU SKYES PA LA SOGS PA LTA SMOS KYANG CI DGOS ZHES BSTAN TO, , RAB TU BYUNG BA SHIN TU DKON, ,ZHES BYA BAS NI DGE BA'I CHOS LA 'DUN PA DKON PAR BSTAN TE, DGE BA'I CHOS LA 'DUN PA GANG ZHE NA, DE BZHIN GSHEGS PA 'AM DE'I NYAN THOS DAG LAS CHOS THOS SHING, DAD PA THOB NAS KHYIM NAS KHYIM MED PAR RAB TU BYUNG ZHING NAN TAN GYIS BSGRUB PAR

, ,BYA'O ZHES DE LTAR YANG DAG PAR SLOB PA GANG YIN PA'O, ,DES NI CHOS THOS SHING DAD PA THOB PA YANG SHIN TU DKON NA, RAB TU BYUNG ZHING NAN TAN GYIS SGRUB PAR BYED PA LTA SMOS KYANG CI DGOS ZHES BSTAN TO, ,DE BZHIN RAB TU BYUNG RNAMS KYI, ,TSUL KHRIMS PHUN SUM TSOGS RAB DKON, ,ZHES BYA BA NI TSUL KHRIMS KYI SDOM PA DANG, DBANG PO SNGOM PA DANG, ZAS KYI TSOD RIG PA NYID DANG, NAM GYI CHA STOD DANG CHA SMAD LA MI NYAL BAR SBYOR BA'I RJES SU BRTZON PA NYID DANG, SHES BZHIN DU SPYOD PA NYID DKON PAR BSTAN TO, ,TSUL KHRIMS KYI SDOM PA GANG ZHE NA, RNAM PA DRUG STE, RNAM PAR DBYE BA DANG, BSDU BA DANG, PHUN SUM TSOGS PA DANG, RNAM GRANGS DANG, RNAM PAR DAG PA DANG, PHAN YON NO, ,DE LA RNAM PAR DBYE BA NI RNAM PAR DRUG STE, TSUL KHRIMS DANG LDAN PAR GNAS PA DANG, SO SOR THAR PA'I SDOM PAS BSDAMS PA DANG, CHO GA PHUN SUM TSOGS PA DANG, SPYOD YUL PHUN SUM TSOGS PA DANG, KHA NA MA THO BA PHRA RAB TZAM DAG LA YANG 'JIGS PAR LTA BA DANG, BSLAB PA'I GZHI RNAMS YANG DAG PAR BLANGS TE SLOB PA'O, ,BSDU BA NI RNAM PA GSUM DU BSDU BA STE, TSUL KHRIMS YANG DAG PAR BLANGS PA DANG, NGES PAR 'BYIN PA'I TSUL KHRIMS DANG, TSUL KHRIMS BSGOM PA'O, ,PHUN SUM TSOGS PA NI RNAM PA BCUS PHUN SUM TSOGS PAR GYUR PA STE, DANG PO NYID NAS LEGS PAR BLANGS PA DANG, HA CANG ZHUM PA MA YIN PA DANG, HA CANG THAL CHES PA MA YIN PA DANG, BAG YOD PA DANG BRTZON 'GRUS KYIS YONGS SU ZIN PA DANG, YANG DAG PAR SMON PA DANG, CHO GA MA NYAMS PAS YONGS SU ZIN PA DANG, 'TSO BA MA NYAMS PAS YONGS SU ZIN PA DANG, MTHA' GNYIS SU MA LHUNG BA DANG, NGES PAR 'BYUNG BA DANG, YANG DAG PAR BLANGS PAS YONGS SU MA NYAMS PA'O, ,RNAM GRANGS NI RNAM PA DRUG STE, LA LAR TSUL KHRIMS RTZA BA'I DON DU GSUNGS PA DANG, LA LAR RGYAN DANG, LA LAR BYUG PA DANG, LA LAR SPOS DANG, LA LAR LEGS PAR SPYAD PA DANG, LA LAR SDOM PA'I SGRAR GSUNGS PA'O, ,RNAM PAR DAG

PA NI RNAM PA GSUM STE, TSUL KHRIMS KYI SDOM PA DE YONGS SU DAG PAR BYA BA'I PHYIR, LUS KYI LAS LA SO SOR RTOG PAR BYED PA DANG, DAG GI LAS LA SA SAR RTOG PAR BYED PA DANG, YID KYI LAS LA SO SOR RTOG PAR BYED PA'O, ,PHAN YON NI, TSUL KHRIMS KYI PHAN YON RNAM PA BCU STE, 'GYOD PA MED PA'I RIM GYIS MCHOG TU DGA' BA SNGON DU 'GRO BA'I CHOS THOB PAR 'GYUR PA DANG, 'GYOD PA MED PAR 'CHI BA'I DUS BYED PAR 'GYUR BA DANG, PHYOGS BCUR SNYAN PA'I SGRA GRAGS PAR 'GYUR BA DANG, BDE BAR GNYID KYIS LOG CING BDE BAR SAD PAR 'GYUR PA DANG, GNYID LOG PA NA LHA RNAMS BSRUNG BAR 'GYUR BA DANG, GZHAN LA SDIGS PA'I BAG TSA BA DANG, 'JIGS PA DANG, DBANG MED PAR MI 'GYUR BA DANG, DGRA BO RNAMS KYIS GLAGS SHIG RNYED NA YANG, TSUL KHRIMS RNAM PAR DAG PA'I DBANG GIS DE DAG BSRUNGS PA LA SOGS PAS PHAN 'DOGS PAR 'GYUR BA DANG, GNOD SBYIN DANG, MI MA YIN PA DANG, GDUG PA GNYUG MAR GNAS PA RNAMS KYIS GLAGS SHIG RNYED NA YANG, TSUL KHRIMS RNAM PAR DAG PA'I DBANG GIS DE DAG BSRUNG BA LA SOGS PAS PHAN 'DOGS PAR 'GYUR BA DANG, GZHAN LAS CHOS GOS LA SOGS PA DAG CHOS KYIS TSEGS CHUNG DUS THOB PAR 'GYUR BA DANG, GANG DU SKYE BAR 'DOD PA LA SOGS PA SMON LAM THAMS CAD YANG DAG PAR 'GYUR BA'O, ,DBANG PO SNGOM PA GANG ZHE NA, TSUL KHRIMS KYI SDOM PA DE NYID LA BRTEN NAS, DRAN PA KUN DU BSRUNG BA DANG, DRAN PA LA RTAG 'GRUS BYED PA DANG, DRAN PAS YID KUN DU BSRUNG BA DANG, GNAS SKABS MNYAM PA LA 'JOG PAR BYED CING, MIG DANG, RNA BA DANG, SNA DANG, LCE DANG, LUS DANG, YID KYIS GZUGS DANG, SGRA DANG, DRI DANG, RO DANG, REG BYA DANG, CHOS RNAMS RNAM PAR SHES PA NA YANG MTSAN MAR MI 'DZIN CING, MNGON RTAGS SU MI 'DZIN LA, GZHI GANG KHO NA LAS DE'I SEMS KYI RJES SU SDIG PA MI DGE BA'I CHOS RNAMS ZAG PAR 'GYUR PA'I PHYIR SGRUB PAR BYED CING, DBANG PO RNAMS KYANG SRUNG BAR BYED LA, DBANG PO RNAMS KYIS KYANG SDOM PA SGRUB PAR BYED PAS,

, ,DBANG PO RNAMS KYI SGO BSDAMS PA YIN NO, ,ZAS KYI TSOD RIG PA NYID GANG ZHE NA, DE LTAR DBANG PO BSDAMS PA DE SO SOR BRTAGS SHING ZAS ZA BAR BYED PA RNAM PAR RTOG PA'I PHYIR MA YIN, RGYAGS PA'I PHYIR MA YIN, SGEG PA'I PHYIR MA YIN, BRGYAN PA'I PHYIR MA YIN GYI, LUS 'DI GNAS PAR BYA BA DANG, 'TSO BAR BYA BA DANG, BKRES PA BSAL BAR BYA BA DANG, TSANGS PAR SPYOD PA LA PHAN PAR BYA BA DANG, TSOR BA RNYING RNAMS SPANG BAR BYA BA DANG, GSAR RNAMS MI SKYE BAR BYA BA'I PHYIR DANG, BDAG 'TSO ZHING STOBS DANG BDE BA DANG, KHA NA MA THO BA MED PA DANG, BDE BA LA REG PAR GNAS PAR YANG 'GYUR RO SNYAM DU SEMS SHING ZAS ZA BA YIN NO, ,NAM GYI CHA STOD DANG NAM GYI CHA SMAD LA MI NYAL BAR SBYOR BA'I RJES SU BRTZON PA NYID GANG ZHE NA, DE LTAR ZAS KYI TSOD RIG PA DE NYIN MO 'CHAG PA DANG, 'DUG PA DAG GIS SGRIB PAR 'GYUR BA'I CHOS RNAMS LAS SEMS YONGS SU SBYONG BAR BYED CING, MTSAN MO'I THUN DANG PO LA YANG 'CHAG PA DANG, 'DUG PA DAG GIS SGRIB PAR 'GYUR BA'I CHOS RNAMS LAS SEMS YONGS SU SBYONG BAR BYED LA, MTSAN MO'I GUNG THUN LA GTZUG LAG KHANG NAS PHYIR BYUNG STE, GTZUG LAG KHANG GI PHYI ROL DU RKANG PA BKRUS NAS, GTZUG LAG KHANG GI NANG DU ZHUGS TE, GLO G-YAS PA PHAB NAS RKANG PA'I STENG DU RKANG PA BZHAG STE, SNANG BA'I 'DU SHES DANG, DRAN PA DANG, SHES BZHIN DANG LDAN PA KHO NA'I 'DU SHES YID LA BYED BZHIN DU NYAL BAR BYED PA DANG, MTSAN MO'I THUN THA MA LA MYUR BA MYUR BA KHO NAR SAD PAR BYAS NAS 'CHAG PA DANG, 'DUG PA DAG GIS SGRIB PAR 'GYUR BA'I CHOS RNAMS LAS SEMS YONGS SU SBYONG BAR BYED PA YIN NO, ,SHES BZHIN DU SPYOD PA NYID GANG ZHE NA, DE LTAR MI NYAL BAR SBYOR BA'I RJES SU BRTZON PAR GYUR PA DE 'GRO BA DANG, LDOG PA LA SHES BZHIN DU SBYOR BAR BYED PA DANG, CUNG ZAD BLTAS PA DANG, RNAM PAR BLTAS PA DANG, BSKUM PA DANG, BRKYANG BA DANG, SNAM SBYAR DANG, CHOS GOS DANG, LHUNG BZED BCANG BA DANG, ZOS PA DANG, 'THUNGS PA

DANG; 'CHOS PA DANG, MYANGS PA DANG, SONG BA DANG, SDOD PA DANG, 'DUG PA DANG, NYAL BA DANG, MI NYAL BA DANG, SMRA BA DANG, MI SMRA BA DANG, GNYID KYIS SNYOM BA BSANG BA LA YANG, SHES BZHIN DU SPYOD PA YIN NO, ,DES NI TSUL KHRIMS KYI SDOM PA YANG RAB TU DKON NA, DBANG PO SDOM PA LA SOGS PA LTA SMOS KYANG CI DGOS ZHES BSTAN TO, ,TSUL KHRIMS YONGS SU DAG GYUR KYANG, ,GROGS BZANG SHIN TU RNYED PAR DKA', ,ZHES BYA BAS NI, DGE BA'I BSHES GNYEN DANG, DAM PA'I CHOS NYAN CING SEMS PA DANG, BAR CHAD MED PA DANG, GTONG BA SPEL BA DANG DGE SBYONG GI RGYAN DKON PAR BSTAN TO, ,DGE BA'I BSHES GNYEN GANG ZHE NA, RGYU RNAM PA BRGYAD KYIS NA RNAM PA THAMS CAD YONGS SU RDZOGS PA'I DGE BA'I BSHES GNYEN YIN PAR RIG PAR BYA STE, BRGYAD GANG ZHE NA, TSUL KHRIMS LA GNAS PA DANG, MANG DU THOS PA DANG, RTOGS PA DANG LDAN PA DANG, RJES SU SNYING BRTZE BA DANG LDAN PA DANG, YID YONGS SU MI SKYO BA DANG, BZOD PA DANG LDAN PA DANG, MI 'JIGS PA DANG LDAN PA DANG, TSIG GI BYA BA DANG LDAN PA YIN NO, ,DAM PA'I CHOS NYAN CING SEMS PA GANG ZHE NA, DAM PA SANGS RGYAS DANG, SANGS RGYAS KYI NYAN THOS RNAMS KYIS BSTAN PA'I CHOS GSUNG RAB TU GTOGS PA YAN LAG BCU GNYIS SDE SNOD GSUM GYIS BSDUS PA DAG 'DZIN CING, TSIG 'BRU DANG DON NYAN PA GCIG PU DBEN PAR SONG STE, BSAM GYIS MI KHYAB PA'I GNAS RNAMS SPANGS PAS JI SKAD THOS PA'I CHOS DE DAG NYID RANG DANG SPYI'I MTSAN NYID KYI SGO NAS BGRANG BA'I RNAM PAS CHOS RNAMS LA 'GRANG BA'I TSUL GYIS SEMS PAR BYED PA DANG, GZHAL BA'I RNAM PA'I RIGS PAS YON TAN DANG SKYON NYE BAR BRTAG PA'I TSUL GYIS SEMS PAR BYED PA YIN NO, ,BAR CHAD MED PA GANG ZHE NA, NANG LA BRTEN PA'I BAR CHAD DANG, PHYI ROL LA BRTEN PA'I BAR CHAD MED PA STE, DE LA NANG LA BRTEN PA'I BAR CHAD NI, SNGON BSOD NAMS MA BYAS PA'I PHYIR, 'TSO BA'I YO BYAD RKYEN DU BAB PA DAG DUS DUS SU RNYED PAR MI 'GYUR DANG, 'DOD CHAGS DANG, ZHE SDANG DANG, GTI MUG SHAS CHE ZHING YUN

, ,RING BA DANG, SNGON NAD MANG BAR 'GYUR BA'I LAS BYAS PAS NAD MANG BA DANG, TSE 'DI LA MI MTHUN PAR SPYAD PAS, DE'I LUS LA RLUNG DANG MKHRIS PA DANG, BAD KAN 'KHRUG CING GSUD PA LA SOGS PAR 'GYUR BA DANG, ZAS LAG DU BA DANG, DON MANG BA DANG, BYA BA MANG BA DANG, TSOGS 'DU BA MANG BA DANG, LAS LA DGA' BA DANG, SMRA BA LA DGA' BA DANG, GNYID LA DGA' BA DANG, BRE MO'I GTAM LA DGA' BA DANG, 'DU 'DZIN LA DGA' BA DANG, BDAG NYID RAB TU 'DZIN PA DANG, MI BRTAN PA DANG, BAG MED PA DANG, YUL NGAN PAR SKYES PA DANG, DE LTA BU DAG DANG MTHUN PA DAG GO, ,PHYI ROL LA BRTEN PA'I BAR CHAD NI, SKYES BU DAM PA MA YIN PA LA BRTEN CING DE LA RJES SU MTHUN PA'I GDAMS NGAG DANG, RJES SU BSTAN PA DUS SU MI 'THOB PA DANG, YUL NGAN PAR GNAS PAS NYIN MO MI SDUG PA MANG BA DANG; MTSAN MO SKYE BO MANG PO RTAG TU SGRA 'BYIN CING, CA CO MANG LA KLAG COR CHE BA DANG, RLUNG DANG NYI MA'I REG PA GRANG ZHING TSA BA DANG, MI DANG MI MA YIN PAS 'JIGS PA DANG, DE LTA BU DAG DANG MTHUN PA DAG GO, ,GZHAN YANG BAR CHAD RNAM PA GSUM STE, SBYOR BA'I BAR CHAD DANG, RAB TU DBEN PA'I BAR CHAD DANG, NANG DU YANG DAG 'JOG GI BAR CHAD DAG MED PA NI BAR CHAD MED PA YIN NO, ,GTONG BA SPEL BA GANG ZHE NA, SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG THOB PAR BYA BA'I KHA NA MA THO BA MED PA'I SBYIN PAR BYED PA STE, DE YANG SUS SBYIN PAR BYED, SU LA SBYIN PAR BYED, CI ZHIG SBYIN PAR BYED, CIS SBYIN PAR BYED, JI LTAR SBYIN PAR BYED, CI'I PHYIR SBYIN PAR BYED CING, GANG GIS DE'I SBYIN PA KHA NA MA THO BA MED PAR 'GYUR BA YIN ZHE NA, SBYIN PA PO DANG SBYIN BDAG GIS SBYIN PAR BYED DO, ,SU LA SBYIN PAR BYED CE NA, BZHI LA STE, SDUG BSNGAL BA DANG, PHAN 'DOGS PA DANG, SDUG PA DANG, KHYAD PAR CAN LA SBYIN PAR BYED DO, ,CI ZHIG SBYIN PAR BYED CE NA, SEMS CAN DU BGRANG BA DANG, SEMS CAN DU BGRANG BA MA YIN PA'I DNGOS PO SBYIN PAR BYED DO, ,CIS SBYIN

PAR BYED CE NA, SEMS MNGON PAR 'DU BYED PA YID KYI LAS CHAGS PA MED PA DANG LDAN PA'I SEMS PA GANG YIN PA DANG, SBYIN PAR BYA BA'I DNGOS PO YONGS SU GTONG BAR BYA BA'I PHYIR, RANG GI RGYUD DANG GZHAN GYI RGYUD LA DE KUN NAS BSLANG BA'I LUS DANG, NGAG GI LAS GANG YIN PA DES SBYIN PAR BYED DO, ,JI LTAR SBYIN PAR BYED CE NA, MA 'ONGS PA LA LTA BA DANG, 'BRAS BU MTHONG BA'I DANG DAD PAS SBYIN PAR BYED PA DANG DAD PA'I SEMS KYIS GUS PAR SBYIN PAR BYED PA DANG, BRNYAS PA MED PAR RANG GI LAG NAS SBYIN PAR BYED PA DANG, GZHAN LA MKHO BA'I DUS SU SBYIN PAR BYED PA DANG, CHOS DANG MTHUN PA DANG GZU LUMS MA YIN PAS LEGS PAR BSGRUBS TE, GZHAN LA MI GNOD PAR SBYIN PAR BYED PA DANG, GTZANG BA DANG, BZANG PO DANG, DAM PA DANG, RUNG BA SBYIN PAR BYED PA DANG, SER SNA'I DRI MA DANG, SOG 'JOG GI DRI MA BSAL TE, SBYIN PAR BYED PA DANG, SBYIN PA'I SNGA ROL DU YANG YID DGA' LA, SBYIN PA'I TSE NA YANG RAB TU DANG BA BYED CING BYIN NAS KYANG 'GYOD PA MED PAR 'GYUR BA DE LTAR SBYIN PAR BYED DO, ,CI'I PHYIR SBYIN PAR BYED CE NA, SDUG BSNGAL BA RNAMS LA SNYING RJE BA'I PHYIR DANG, PHAN 'DOGS PA RNAMS LA BYAS PA GZO BA'I PHYIR DANG, SDUG PA RNAMS LA BYAMS PA DANG GUS PA DANG GCUGS PA'I PHYIR DANG, KHYAD PAR RNAMS LA 'JIG RTEN DANG, 'JIG RTEN LAS 'DAS PA'I KHYAD PAR 'DOD PA'I PHYIR SBYIN PAR BYED DO, ,GANG GIS DE'I SBYIN PA KHA NA MA THO BA MED PAR 'GYUR BA YIN ZHE NA DE SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG THOB PAR BYA BA'I PHYIR, RNAM PA DE DAG GIS KHYIM PA'AM, RAB TU BYUNG BA DAG LA SBYIN PAR BYED NA, SBYIN PA DE NI KHA NA MA THO BA MED PAR 'GYUR BA YIN TE DE NI GTONG BA SPEL BA ZHES BYA BA'O, ,DGE SBYONG GI RGYAN GANG ZHE NA, MDOR BSDU NA RNAM PA BCU BDUN TE, DAD PA DANG LDAN PA DANG, G-YO MED PA DANG, NAD NYUNG BA DANG, BRTZON 'GRUS BRTZAMS PA'I RANG BZHIN CAN DANG, SHES RAB RNO BA DANG, 'DOD PA CHUNG BA DANG, CHOG SHES PA DANG, GSO SLA BA DANG, DGANG SLA BA DANG, SBYANGS

, ,PA'I YON TAN DANG LDAN PA DANG, MDZES PA DANG, DROD RIG PA DANG, SKYES BU DAM PA'I CHOS DANG LDAN PA DANG, MKHAS PA'I RTAGS DANG LDAN PA DANG, BZOD PA CHE BA DANG, DES PA DANG, GYA NOM PA YIN NO, ,DES NI DGE BA'I BSHES GNYEN YANG RNYED PAR SHIN TU DKA' NA, DAM CHOS NYAN CING SEMS PA LA SOGS PA LTA SMOS KYANG CI DGOS ZHES BSTAN TO, ,DE LTAR TSIGS SU BCAD PA GNYIS PO DE DAG GIS NI TSOGS KYI LAM DKON PAS DE 'BRAS BU DANG BCAS PAR BYA DGOS PA'I SGO NAS, TSOGS KYI LAM 'BRAS BU DANG BCAS PAR BYA BA BSTAN TO;; TSOGS KYI LAM RNYED PAS TSOGS KYI LAM 'BRAS BU DANG BCAS PAR BYA BA'I DBANG DU MDZAD NAS, 'JIG RTEN SANGS RGYAS 'BYUNG BA DANG, ,MI DANG RAB TU 'BYUNG BA DANG, ,TSUL KHRIMS PHUN SUM TSOGS PA DANG, ,GROGS BZANG RNYED DKA' RNYED GYUR NAS, ,ZHES BYA BA'I TSIGS SU BCAD PA GCIG GSUNGS TE, 'JIG RTEN SANGS RGYAS 'BYUNG BA DANG, ZHES BYA BA NI GZHAN GYI 'BYOR PA RNYED PA BSTAN TO, ,MI DANG ZHES BYA BAS NI BDAG GI 'BYOR PA RNYED PA BSTAN TO, ,RAB TU BYUNG BA DANG ZHES BYA BAS NI DGE BA'I CHOS LA 'DUN PA RNYED PA BSTAN TO, ,TSUL KHRIMS PHUN SUM TSOGS PA DANG, ,ZHES BYA BAS NI TSUL KHRIMS KYI SDOM PA DANG, DBANG PO SDOM PA DANG, ZAS GYI TSOD RIG PA NYID DANG, NAM GYI CHA STOD DANG, NAM GYI CHA SMAD LA MI NYAL BAR SBYOR BA'I RJES SU BRTZON PA NYID DANG, SHES BZHIN DU SPYOD PA NYID BSTAN TO, ,GROGS BZANG RNYED DKA' RNYED GYUR NAS, ,ZHES BYA BAS NI DGE BA'I BSHES GNYEN DANG, DAM PA'I CHOS NYAN CING SEMS PA DANG, BAR CHAD MED PA DANG, GTONG BA SPEL BA DANG, DGE SBYONG GI RGYAN RNYED PA BSTAN TO, ,DE LTAR TSIGS SU BCAD PA GCIG PO DES NI TSOGS KYI LAM RNYED PAS DE 'BRAS BU DANG BCAS PAR BYA DGOS PA'I SGO NAS, TSOGS KYI LAM 'BRAS BU DANG BCAS PAR BYA BA BSTAN TO, ,TSOGS KYI LAM RNYED PAS NAN TAN DU BYA BA'I SGO NAS, TSOGS KYI LAM 'BRAS BU DANG BCAS PAR BYA BA'I DBANG DU MDZAD NAS, ,MKHAS PA BDAG LA LEGS 'DOD CING, ,DE DAG 'BRAS

BCAS BYED 'DOD PAS, ,SDOM BRTZON RNAMS KYIS SO SOR THAR, ,MNYAN PA'I PHYIR NI 'BAD PAR BYA, ,ZHES BYA BA TSIGS SU BCAD PA GCIG GSUNGS TE, MKHAS PA ZHES BYA BA NI MKHAS PA'I RTAGS DANG LDAN PA STE, LUS KYIS LEGS PAR BYA BA BYED PA DANG, NGAG GIS LEGS PAR SMRA BA BRJOD PA DANG, YID KYIS LEGS PAR BSAM PA SEMS PA'O, ,BDAG LA LEGS 'DOD CING ZHES BYA BAS NI, BDAG NYID SHES PA ZHES BYA BA'I THA TSIG GO, ,DE DAG 'BRAS BCAS BYED 'DOD PAS, ,ZHES BYA BA NI, TSOGS KYI LAM DE DAG 'BRAS BU DANG BCAS PAR BYED 'DOD PA STE, SBYOR BA'I LAM DANG RNAM PAR DAG PA'I LAM THOB PAR 'DOD PA ZHES BYA BA'I THA TSIG GO, ,SDOM BRTZON RNAMS KYIS ZHES BYA BA NI, RAB TU BYUNG BA RNAMS KYIS SO, ,DE RNAMS KYIS SO SOR THAR PA MNYAN PA'I PHYIR NI 'BAD PAR BYA'O ZHES BYA BAR SBYAR TE, THOS PA DANG, GZUNG BA DANG, 'DZIN PA DANG, BSGRUB PA LA 'BAD PAR BYA'O ZHES BYA BA'I THA TSIG GO, ,DE LTAR TSIGS SU BCAD PA GCIG PO DES NI, TSOGS KYI LAM RNYED PAS NAN TAN BYA BA'I SGO NAS, TSOGS KYI LAM 'BRAS BU DANG BCAS PAR BYA BA BSTAN TO, ,BDAG GI DBANG DU BYAS NAS SO SOR THAR PA BSGRUB PA BSTAN PA'I PHYIR, DGE SLONG DBANG DU LA KUN DBANG PO, ,ZHES BYA BA GSUNGS TE, DBANG DU LA ZHES BYA BA NI, MIG LA SOGS PA DBANG PO LNGA PO DAG BSRUNG BA STE, MIG GIS GZUGS MTHONG NA MTSAN MAR MI 'DZIN, MNGON RTAGS SU MI 'DZIN CING RJES SU CHAGS PA DANG KHONG KHRO BAR MI 'GYUR BA LA SOGS PA'O, ,KUN DBANG PO ZHES BYA BA NI GNAS SKABS MNYAM PA LA 'JOG PA STE, DBANG PO DANG, DMIGS PA DANG, YUL DANG DUS DANG, GANG ZAG LA SOGS PA'I GNAS SKABS THAMS CAD LA DBANG PO DUL BAR BYED PA'O, ,DES NI BDAG NYID KYI BSAM BA SHIN TU RNAM PAR DAG PA'I PHYIR, DGE SLONG TSUL KHRIMS RNAMS LAS BSLAB PA NYAMS PAR BYED PA NA, BDAG NYID LA BRTEN TE, NGO TSA SHES PA SKYE BA'I SGO NAS BDAG GI DBANG DU BYAS TE, SO SOR THAR PA BSGRUB PAR BYA BA BSTAN TO, ,GZHAN GYI DBANG DU BYAS NAS SO SOR THAR PA BSGRUB PAR BSTAN PA'I PHYIR,

, ,SANGS RGYAS MI 'GYUR RAB BYUNG BA, ,ZHES BYA BA GSUNGS TE, SANGS RGYAS ZHES SMOS PA NI, SANGS RGYAS LAS SAM, SANGS RGYAS KYI PHYIR RAB TU BYUNG BA ZHES BYA BAR SBYAR RO, ,MI 'GYUR ZHES BYA BA NI NGES SHING 'KHRUL PA MED PA STE, BU LON GYIS 'JIGS PA'AM 'TSO BA MED PAS 'JIGS PA'AM, RGYAL POS 'JIGS PA LA SOGS PAS RAB TU BYUNG BA MA YIN GYI, TSUL KHRIMS DANG PO NYID NAS YANG DAG PAR BLANGS PA'I YON TAN DANG LDAN PA'O, ,RAB BYUNG BA ZHES BYA BA NI, PHA ROL LAS LEGS PAR YANG DAG PAR BLANGS TE MGO BREGS PA'O, ,DES NI PHA ROL LAS LEGS PAR YANG DAG PAR BLANGS PA'I PHYIR, DGE SLONG TSUL KHRIMS RNAMS LAS BSLAB PA NYAMS PAR BYED NA, PHA ROL LA BRTEN TE KHREL YOD PA SKYE BAR BYA BA'I SGO NAS GZHAN GYI DBANG DU BYAS TE, SO SOR THAR PA BSGRUB PAR BYA BA BSTAN TO, ,CHOS KYI DBANG DU BYAS NAS SO SOR THAR PA BSGRUB PA BSTAN PAR BYA BA'I PHYIR, ,NGES PAR THAR PA 'DOD RNAMS KYIS, ,ZHES BYA BA GSUNGS TE, NGES PAR THAR PA ZHES BYA BA NI MYA NGAN LAS 'DAS PA STE, SDUG BSNGAL GTAN SPANGS PA'I PHYIR RO, ,'DOD RNAMS KYIS ZHES BYA BA NI DON DU GNYER BA RNAMS KYIS SO, ,DES NI NYAMS PAR GYUR NA; PHYIS GSO BAR BYED PA'I PHYIR, DGE SLONG TSUL KHRIMS RNAMS LAS BSLAB PA NYAMS PA NA, 'GYOD PAR BYED PA'I SGO NAS CHOS KYI DBANG DU BYAS TE, SO SOR THAR PA BSGRUB PAR BYA BA BSTAN TO, ,BSGRUB PA'I MTSAN NYID KYIS SO SOR THAR PA BSTAN PA'I PHYIR, SO SOR THAR PA RTAG TU BSRUNGS, ,ZHES BYA BA GSUNGS TE, RTAG TU BSRUNGS ZHES BYA BA NI, THOG MA NYID NAS NYAMS PAR MI 'GYUR BAR GUS PA SKYED CIG CES BYA BA'I THA TSIG GO, ,DES NI NYAMS PAR MI 'GYUR BA'I PHYIR, GUS PA SKYES NAS DRAN PA NYE BAR GNAS PA'I PHYIR, DGE SLONG TSUL KHRIMS YANG DAG PAR BLANGS PA BSRUNG BA'I SGO NAS, BSRUNG BA'I MTSAN NYID KYI SO SOR THAR PA BSGRUB PA BSTAN TO, ,GLENG BSLANG BA'I MTSAN NYID BSHAD ZIN TO,, ,,DE'I 'OG TU YANG DAG PAR BRTZAM PA'I MTSAN NYID BSHAD PAR BYA STE, YANG DAG PAR BRTZAM PA'I MTSAN NYID CES BYA BA NI, SO

SOR THAR PA'I GZHUNG RGYAS PA YANG DAG PAR BRTZAM PA'O, ,DE YANG SO SOR THAR PA RNYED DKA' BA DANG, DKON MCHOG GSUM 'BYUNG BA BDE BA LA SOGS PA'I SGO NAS, YANG DAG PAR BRTZAM DGOS PAS DE'I PHYIR, BSKAL PA BYE BA RNAMS SU YANG, ,ZHES BYA BA LA SOGS PA TSIGS SU BCAD PA DRUG GSUNGS SO, ,'DIR YANG TSIGS SU BCAD PA DRUG PO, DE DAG GI BRJOD PAR BYA BA DANG, DGOS PA DANG, 'BREL PA DANG, DGOS PA'I DGOS PA BRJOD PAR BYA'O, ,DE LA BRJOD PAR BYA BA NI, SO SOR THAR PA LA GUS PAR BYA BA'O, ,DGOS PA NI GUS PAR BYED PA'O, , 'BREL BA NI, GUS PAR BYED PA DE YANG YANG DAG PA BRTZAM PA 'DIS BYED PAS, YANG DAG PAR BRTZAM PA'I TSIGS SU BCAD PA'I THABS 'DI DANG, DGOS PA THABS LAS BYUNG BA'I MTSAN NYID GNYIS 'BREL PA'O, ,DGOS PA'I DGOS PA NI, SO SOR THAR PA LA GUS PAR GYUR NAS, SO SOR THAR PA YANG DAG PAR BRTZAM PAR 'DOD PAS, SO SOR THAR PA'I GZHUNG RGYAS PA NYAN PA LA SOGS PA BYED PA'O, ,DE LA TSIGS SU BCAD PA DRUG PO 'DI DAG GI BSDUS PA'I DON NI RNAM PA BDUN TE, SO SOR THAR PA RNYED DKA' BA DANG, DKON MCHOG GSUM 'BYUNG BA BDE BA DANG, DGE BA'I BSHES GNYEN LA BRTEN PA BDE BA DANG, SDIG PA'I GROGS PO SPANG BA BDE BA DANG, DGE BA'I BSHES GNYEN GYI KHYAD PAR LA BRTEN PA BDE BA DANG, THOB PAR BYA BA DANG, DE BSGRUB PA BDE BA DANG, SGRUB PAR BYED PA SBYANGS PA'I YON TAN DANG LDAN PA BDE BA'O, ,DE LA, BSKAL PA BYE BA RNAMS SU YANG, ,ZHES BYA BA LA SOGS PA TSIGS SU BCAD PA GCIG GIS NI, SO SOR THAR PA RNYED DKA' BA BSTAN TO, ,SANGS RGYAS RNAMS NI 'BYUNG BA BDE, ,ZHES BYA BA LA SOGS PA TSIGS SU BCAD PA GCIG GIS NI DKON MCHOG GSUM 'BYUNG BA BDE BA BSTAN TO, ,'PHAGS PA RNAMS NI MTHONG BA BDE, ,DAM PA DAG DANG 'GROGS PA BDE, ,ZHES BYA BAS NI DGE BA'I BSHES GNYEN LA BRTEN PA BDE BA BSTAN TO, ,BYIS PA RNAMS NI MA MTHONG NA, ,RTAG TU BDE BA NYID DU 'GYUR, ,ZHES BYA BAS NI, SDIG PA'I GROGS PO SPANGS PA BDE BA BSTAN TO, ,TSUL KHRIMS LDAN PA MTHONG

, ,BA BDE, ,ZHES BYA BA LA SOGS PA TSIGS SU BCAD PA GCIG GIS NI, DGE BA'I BSHES GNYEN GYI KHYAD PAR LA BRTEN PA BDE BA BSTAN TO, ,'JUG NGOGS BDE BA'I CHU KLUNG BDE, ,ZHES BYA BA LA SOGS PA TSIGS SU BCAD PA GCIG GIS NI THOB PAR BYA BA DANG, DE BSGRUB PA BDE BA BSTAN TO, ,NGES PAR BYAS SHING DBANG PO THUL BA DAG ,CES BYA BA LA SOGS PA TSIGS SU BCAD PA GCIG GIS NI, SGRUB PAR BYED PA SBYANGS PA'I YON TAN DANG LDAN PA BDE BAR BSTAN TE, DA NI RE ZHIG SPYI'I DON YIN NO, ,DE NI YAN LAG GI DON BSHAD PAR BYA STE, DE LA SO SOR THAR PA RNYED DKA' BA'I SGO NAS, ,SO SOR THAR PA YANG DAG PAR BRTZAM PA'I DBANG DU MDZAD NAS, BSKAL PA BYE BA RNAMS SU YANG, ,SO SOR THAR PA THOS PA DANG, GZUNG DANG 'DZIN PA RNYED DKA' STE, ,SGRUB PA 'ANG SHIN TU RNYED PAR DKA', ,ZHES BYA BA TSIGS SU BCAD PA GCIG GSUNGS TE, BSKAL PA ZHES BYA BA NI DUS KYI BYE BRAG BSKAL PA CHEN PO STE, BSKAL PAR BYED PAS BSKAL PA'O, ,BYE BA ZHES BYA BA NI GRANGS KYI BYE BRAG STE, GNAS BRGYAD PA'O, ,RNAMS SU YANG ZHES BYA BA NI BYE BA PHRAG BGRANGS PA DAG GIS KYANG BRGYA LA RNYED PAR DKA' BAS MANG PO'I TSIG TU BSTAN TO, ,SO SOR THAR PA ZHES BYA BA NI LUNG DANG RTOGS PA'I BDAG NYID DO, ,THOS PA ZHES BYA BA NI, RNA BA'I RNAM PAR SHES PAS TSIG GI BDAG NYID THOS PA'O, ,GZUNG ZHES BYA BA NI, DE'I RJES LAS THOB PA YID KYI RNAM PAR SHES PAS TSIG GI BDAG NYID DANG DON GYI BDAG NYID YONGS SU DPYOD PA'O, ,'DZIN PA ZHES BYA BA NI TSIG DANG DON GYI BDAG NYID GZUNG BA DE MI BRJED PA'O, ,RNYED DKA' STE ZHES BYA BA NI DE GSUM CHAR YANG RNYED PAR DKA' STE, RGYA MTSO CHEN POR GNYA' SHING GI MIG TU RUS SBAL ZHAR BA'I MGRIN PA CHUD PA'I TSUL GYIS GZHAN GYI 'BYOR PA DANG, BDAG GI 'BYOR PA LA SOGS PA RNYED PAR DKA' BAS, BSKAL BA CHEN PO BYE BA PHRAG BGRANGS PA LAS 'DAS PAS KYANG DE DAG RNYED PAR DKA' BA'I PHYIR RO, ,BSGRUB PA ZHES BYA BA NI SO SOR THAR PA RTOGS PA'I DON, LUS DANG, NGAG DANG, YID DAG GIS YANG DAG PAR BSGRUB CING NAN TAN DU BYA BA'O, ,DE'ANG SNGA MA GSUM PAS KYANG SHIN TU RNYED PAR DKA' STE, YANG

DAG PAR BSGRUB PA NI MNGON PAR BRTZON BA LA RAG LAS PA'I PHYIR RO, ,DE LTA BAS NA SO SOR THAR PA BRJOD PAR BYAS, GUS PAR NYON CIG ,THOS NAS KYANG DRANG SRONG CHEN POS JI SKAD GSUNGS PA DE BZHIN DU RJES SU BSGRUB CING NAN TAN DU BYA'O ZHES BYA BA'I THA TSIG GO, ,DE LTAR TSIGS SU BCAD PA DES NI LUNG DANG RTOGS PA'I SGO NAS, SO SOR THAR PA RNYED PAR DKA' BAS SO SOR THAR PA YANG DAG PAR BRTZAM PAR BYA'O ZHES BSTAN TE, THOS PA DANG, GZUNG BA DANG, 'DZIN PA RNYED DKA' BA NI LUNG GI SGO NAS RNYED DKA' BA YIN LA, BSGRUB PA'ANG RNYED PAR SHIN TU DKA' BA NI, RTOGS PA'I SGO NAS RNYED DKA' BA YIN NO, ,DKON MCHOG GSUM 'BYUNG BA BDE BA'I SGO NAS, SO SOR THAR PA YANG DAG PAR BRTZAM PA'I DBANG DU MDZAD NAS, SANGS RGYAS RNAMS NI 'BYUNG BA BDE, ,CHOS BSTAN PA YANG BDE BA YIN, ,DGE 'DUN MTHUN PA BDE BA STE, ,MTHUN PA RNAMS KYI DKA' THUB BDE, ,ZHES BYA BA TSIGS SU BCAD PA GCIG GSUNGS TE, SANGS RGYAS RNAMS NI 'BYUNG BA BDE, ,ZHES BYA BA LA SANGS RGYAS 'BYUNG BA ZHES BYA BA NI, RDZOGS PAR BYANG CHUB PA'I TSE NA 'AM, PHYIS 'BYUNG BA'I TSUL GYIS BSDAMS PA'I TSE'O, ,DE BDE BA ZHES BYA BA NI, RNAM PAR GROL BA'I BDE BA 'THOB PA'I RGYU YIN PA'I PHYIR DANG, 'BRAS BU BDE BAR 'GYUR BA'I PHYIR TE, DPER NA ME BDE'O ZHES BYA BA DANG 'DRA BAR SANGS RGYAS RNAMS 'BYUNG BA BDE BA YIN NO, ,CHOS BSTAN PA YANG BDE BA YIN, ,ZHES BYA BA NI, MDO SDE LA SOGS PA GSUNGS RAB TU GTOGS PA YAN LAG BCU GNYIS PO DAG BSTAN PA YANG BDE BA'I RGYU YIN PA DANG, 'BRAS BU BDE BAR 'GYUR BAS BDE BA YIN NO, ,DGE 'DUN MTHUN PA BDE BA STE, ,ZHES BYA BA NI SKYES BU GANG ZAG BRGYAD KYIS BDAG NYID KYI DGE 'DUN TSUL KHRIMS DANG, LTA BA DANG, CHO GA DANG, 'TSO BA MTHUN PAS RO GCIG CING BYA BA GCIG TU GYUR PA YANG BDE BA'I RGYU YIN PA DANG, 'BRAS BU BDE BAR 'GYUR BAS BDE BA YIN NO, ,MTHUN PA RNAMS KYI DKA' THUB BDE, ,ZHES BYA BA NI, LHAG PA'I TSUL KHRIMS LA SOGS PA BSLAB PA GSUM PO DAG RJES SU BSGRUB PA'I DKA' THUB NYON MONGS PA DANG, NYES PAR SPYOD PA GDUNG

, ,BAR BYED PA YANG BDE BA'I RGYU YIN BA DANG, 'BRAS BU BDE BAR 'GYUR BAS BDE BA YIN NO, ,DE LTAR TSIGS SU BCAD PA DES NI, DKON MCHOG GSUM 'BYUNG BA DANG, DE DAG GI 'BRAS BU BDE BA NYID YIN PAS SO SOR THAR PA YANG DAG PAR BRTZAM PAR BYA'O ZHES BSTAN TO, ,DGE BA'I BSHES GNYEN LA BRTEN PA BDE BA'I SGO NAS, SO SOR THAR PA YANG DAG PAR BRTZAM BA'I DBANG DU MDZAD NAS, 'PHAGS PA RNAMS NI MTHONG BA BDE, ,DAM PA DAG DANG 'GROGS PA BDE, ,ZHES BYA BA GSUNGS TE, 'PHAGS PA RNAMS ZHES BYA BA NI, DGRA BCOM PA LA SOGS PA DAG STE, SDIG PA DAG LAS RING DU SONG BA'I PHYIR 'PHAGS PA ZHES BYA'O, ,MTHONG BA BDE ZHES BYA BA NI DE DGE BA'I BSHES GNYEN NYID DU MTHONG NA BDE BA'I RGYUR 'GYUR BA'O, ,DAM PA DAG DANG ZHES BYA BA NI, SO SO'I SKYE BO'I NANG NA SKYES BU DAM PA BYANG CHUB SEMS DPA' LA SOGS PA DAG STE, GZHAN LA PHAN 'DOGS SHING NGES PA'I PHYIR DAM PA ZHES BYA'O, ,'GROGS PA BDE ZHES BYA BA NI, LHAN CIG MTSUNGS PAR GNAS NA BDE BA'I RGYUR 'GYUR BA'O, ,DE LTAR TSIGS SU BCAD PA PHYED PO DES NI 'PHAGS PA MTHONG BA DANG, DAM PA DANG 'GROGS PA NI TSE 'DI DANG PHYI MA'I BDE BA PHUN SUM TSOGS PA'I SNGON DU 'GRO BA YIN BAS DGE BA'I BSHES GNYEN LA BRTEN PA BDE BA'I SGO NAS, SO SOR THAR PA YANG DAG PAR BRTZOM PAR BYA'O ZHES BSTAN TO, ,SDIG PA'I GROGS PO SPANGS PA BDE BA'I SGO NAS, SO SOR THAR PA YANG DAG PAR BRTZAM PA'I DBANG DU MDZAD NAS, BYIS PA DAG NI MA MTHONG NA, ,RTAG TU BDE BA NYID DU 'GYUR, ,ZHES BYA BA GSUNGS TE, BYIS PA RNAMS ZHES BYA BA NI, SHES RAB 'CHAL PA LOG PAR SGRUB PA RNAMS TE, BYIS PA'I RTAGS DANG LDAN PA'I PHYIR RO, ,MA MTHONG NA, RTAG TU BDE BA NYID DU 'GYUR, ,ZHES BYA BA NI, SDIG PA'I GROGS PO DANG MA 'GOGS NA RNAM PA THAMS CAD DU BDE BAR 'GYUR RO, ,DE LTAR TSIGS SU BCAD PA PHYED PO DES NI SDIG PA'I GROGS PO SPANGS PA BDE BA'I SGO NAS, SO SOR THAR PA YANG DAG PAR BRTZAM PAR BYA'O ZHES BSTAN TO, ,DGE BA'I BSHES GNYEN GYI KHYAD PAR LA BRTEN PA'I SGO NAS,

SO SOR THAR PA YANG DAG PAR BRTZAM PA'I DBANG DU MDZAD NAS, TSUL KHRIMS LDAN PA MTHONG BA BDE, ,MANG DU THOS PA MTHONG BA BDE, ,YANG SRID RNAM PAR GROL BA YI, ,DGRA BCOM PA DAG MTHONG BA BDE, ,ZHES BYA BA'I TSIGS SU BCAD PA GCIG GSUNGS TE, DGE BA'I BSHES GNYEN GYI KHYAD PAR NI RNAM PA GNYIS TE, NYE BAR BRTAGS PA DANG, DON DAM PA'O, ,NYE BAR BRTAGS PA LA YANG RNAM PA GNYIS TE, ZHI GNAS KYI YAN LAG LA GNAS PA DANG, LHAG MTHONG GI YAN LAG LA GNAS PA'O, ,DE LA ZHI GNAS KYI YAN LAG LA GNAS PA NI, TSUL KHRIMS LDAN PA ZHES BYA BAS BSTAN TE, TSUL KHRIMS LA GNAS NA SEMS MNYAM PAR 'JOG PA'I PHYIR RO, ,DE MTHONG BA BDE BA NI TSUL KHRIMS DANG LDAN PA NI, GZHAN LA GNOD PA'I BSAM BA LAS LOG PAS BDE BA'I RGYU YIN PA'I PHYIR RO, ,LHAG MTHONG GI YAN LAG LA GNAS PA NI, MANG DU THOS PA ZHES BYA BAS BSTAN TE, MANG DU THOS NA SHES RAB SKYE BA'I PHYIR RO, ,DE MTHONG BA BDE BA NI, THOS PA DANG LDAN PA NI THOS PA'I STOBS KYIS LTA BA DANG, 'GYOD PA DANG, THE TSOM SEL BAS BDE BA'I RGYU YIN PA'I PHYIR RO, ,DON DAM PA NI, YANG SRID RNAM PAR GROL BA YI, DGRA BCOM PA ZHES BYA BAS BSTAN TE, YANG SRID RNAM PAR GROL BA ZHES BYA BAS NI 'KHOR BAR YANG MI SKYE BA'I CHOS NYID KYIS RNAM PAR GROL BA BSTAN TO, ,DGRA BCOM PA ZHES BYA BAS NI, NYON MONGS PA'I DGRA RNAMS BCOM PA BSTAN TE, DGRA BCOM PA ZHES BYA BA'I SGRA MCHOD PAR 'OS PA LA SOGS PA'I DON GZHAN DU YANG 'DREN PAS, DGRA BCOM PA'I 'BRAS BU DANG LDAN PA NYID KYI BYE BRAG BSTAN PA'I PHYIR, YANG SRID RNAM PAR GROL BA ZHES BYA BA SMOS SO, ,DE MTHONG BA BDE BA NI DGRA BCOM PA 'THOB PA NI, DGE LEGS KYI BSAM PA MCHOG DANG LDAN PA YIN PAS BDE BA'I RGYU YIN PA'I PHYIR RO, ,DE LTAR TSIGS SU BCAD PA DES NI, DGE BA'I BSHES GNYEN GYI KHYAD PAR BSTAN NAS, BDE BA'I SGO NAS SO SOR THAR PA YANG DAG PAR BRTZAM PAR BYA'O ZHES BSTAN TO, ,THOB PAR BYA BA DANG, DE BSGRUB PA'I SGO NAS SO SOR THAR PA YANG DAG PAR BRTZAM PA'I DBANG DU MDZAD NAS,

, ,'JUG NGOGS BDE BA'I CHU KLUNG BDE, ,CHOS LA GOMS PA'I SKYE BO BDE, ,SHES RAB THOB PAR GYUR BA BDE, ,NGA'O NGA RGYAL ZAD PA BDE, ,ZHES BYA BA TSIGS SU BCAD PA GCIG GSUNGS TE, THOB PAR BYA BA NI RNAM PAR GROL BA'O, ,DE BSGRUB PA NI GANG ZAG RNAL 'BYOR PA'O, ,DE LA THOB PAR BYA BA BDE BA NI, 'JUG NGOGS BDE BA'I CHU KLUNG BDE, ,ZHES BYA BAS BSTAN TE, DPER NA CHU KLUNG 'JUG NGOGS KYI CHU KHA BDE BA CHU BLANGS SLA BA BZHIN DU, RNAM PAR GROL BA'I CHU KLUNG GI 'JUG NGOGS KYI LAM 'DOD PA'I BSOD NYAMS KYI MTHA' DANG, BDAG NYID NGAL BA'I MTHA' GNYIS RNAM PAR SPANGS PAS BDE BA YANG RNAM PAR GROL BA'I CHU BLANG SLA STE, DES NI THOB PAR BYA BA BDE BA'I SGO NAS SO SOR THAR PA YANG DAG PAR BRTZAM PAR BYA'O ZHES BSTAN TO, ,DE SGRUB PA BDE BA NI, CHOS LA GOMS PA'I SKYE BO BDE, ,ZHES BYA BA LA SOGS PA TSIG LHAG MA GSUM GYIS BSTAN TO, ,CHOS LA GOMS PA ZHES BYA BA NI, DGE BA'I CHOS LA GOMS PA STE, DES NI TSOGS KYI LAM DANG, SBYOR BA'I LAM SGRUB PAR BYED PA BSTAN TO, ,DE BDE BA NI RNAM PAR GROL BA'I BDE BA THOB PA'I RGYU YIN PA'I PHYIR RO, ,SHES RAB THOB PAR GYUR PA BDE, ,ZHES BYA BA NI ZAG PA MED PA'I SHES RAB THOB PAR GYUR PA STE, DES NI RNAM PAR DAG PA'I LAM SGRUB PAR BYED PA BSTAN TO, ,DE BDE BA NI MTHONG BA DANG BSGOM PA'I LAM GYI RNAM PAR GROL BA'I BDE BA NYID 'THOB PA'I PHYIR RO, ,NGA'O NGA RGYAL ZAD PA BDE, ,ZHES BYA BA NI KHAMS GSUM PA'I 'DOD CHAGS DANG BRAL BA STE, DES NI MI SLOB PA'I LAM SGRUB PAR BYED PA BSTAN TO, ,DE BDE BA NI, RNAM PAR GROL BA'I BDE BA NYID MNGON SUM DU BYA BA'I PHYIR RO, ,DE LTAR TSIGS SU BCAD PA DES NI THOB PAR BYA BA DANG, DE SGRUB PA BDE BA'I SGO NAS, SO SOR THAR PA YANG DAG PAR BRTZAM PAR BYA'O ZHES BSTAN TO, ,SGRUB PAR BYED PA SBYANGS PA'I YON TAN DANG LDAN PAR BYED PA'I SGO NAS, SO SOR THAR PA YANG DAG PAR BRTZAMS PAR BYA BA'I DBANG DU MDZAD NAS, NGES PAR BYAS SHING DBANG PO THUL BA DAG ,DGON BA ZHI BA RNAMS SU RGAS GYUR DANG, ,MANG DU THOS PA NAGS KYI NANG DAG TU, LANG TSO YOL

PA RNAMS KYI GNAS PA BDE, ,ZHES BYA BA TSIGS SU BCAD PA GSUNGS TE, SGRUB PAR BYED PA ZHES BYA BA NI, GANG ZAG RNAL 'BYOR BA STE, DE NI, NGES PAR BYAS SHING DBANG PO DUL BA DAG ,CES BYA BA DANG, MANG DU THOS PA ZHES PAS BSTAN TO, ,SBYANGS PA'I YON TAN DANG LDAN PA'I DGON PA DANG, SHING DRUNG PA LA SOGS PA BCU GNYIS TE, DE NI, DGON PA ZHI BA RNAMS SU RGAS GYUR DANG, ,ZHES BYA BA DANG, NAGS KYI NANG DAG TU LANG TSO YOL BA RNAMS ZHES BYA BAS BSTAN TO, ,DE LA NGES PAR BYAS SHING ZHES BYA BAS NI, SBYANGS PA'I YON TAN RNAM PAR DAG PA BSTAN TE, BSAM BA NGES PAR BLANGS SHING MNGON PAR BRTZON BAR BYAS PA'I PHYIR RO, , DBANG PO THUL BA DAG CES BYA BAS NI YONGS SU DAG PA BSTAN TE, DBANG PO SDOM PA DANG LDAN PA'I PHYIR RO, ,DE LTAR NGES PAR BYAS SHING DBANG PO THUL BA DAG DGON PA ZHI BA RNAMS SU RGAS PAR GYUR PA'I GNAS PA BDE BA'O ZHES BYA BAR SBYAR TE, DGON PA ZHI BA RNAMS SU ZHES BYA BAS NI SKYE BO MED PA NYID KYI GNAS PHUN SUM TSOGS PA BSTAN TO, ,RGAS GYUR ZHES BYA BA NI RAB TU DBEN PA DANG, SEMS RTZE GCIG PA NYID LA NGES PAR SBYONG BA'I RIM GYIS SO, ,MANG DU THOS PA ZHES BYA BAS NI SDE SNOD GSUM GYI BSTAN BCOS DAG THOS PA STE, DES NI DGON PA ZHI BA RNAMS SU RGAS PAR GYUR PA DE 'BRAS BU DANG BCAS PAR BSTAN TE, MANG DU THOS PA DGON PAR GNAS NAS 'BRAS BU DANG BCAS PAR 'GYUR GYI, GZHAN GYIS MI 'GYUR BA'I PHYIR RO, ,NAGS KYI NANG DAG TU ZHES BYA BAS NI GNAS MAL SHING DRUNG PA BSTAN TO, ,LANG TSO YOL BA RNAMS ZHES BYA BA NI, GZHON PA NYID ZAD PAR BYAS PA RNAMS SO, ,DE RNAMS KYI GNAS PA BDE ZHES BYA BA NI GSON PA BDE BA STE, TSE 'DI DANG PHYI MA LA BDE BA DANG, BDAG DANG GZHAN LA BDE BA DANG, TSANGS PA SPYOD PA'I MTHA' BDE BA'I RGYU YIN PA'I PHYIR RO, ,'DIR DGON PA DANG NAGS KYI NANG ZHES SMOS PA NI, MTSON BA TZAM STE, SBYANGS PA'I YON TAN BCU GNYIS PO THAMS CAD KYANG BSDU'O, ,DE LTAR TSIGS SU BCAD PA DES NI SGRUB PAR BYED PA GANG DAG GIS MNGON PAR BRTZON PAR BYAS NAS, DBANG PO DAG THUL BA NA DGON

, ,PA ZHI PA GRONG LAS THAG RING BA'I PHYOGS DAG TU RGAS PAR GYUR PA RNAMS DANG, GANG DAG MANG DU THOS PA NI NAGS KYI NANG DAG TU LANG TSO YOL ZHING, ZAD PAR BYAS LA DE RNAMS KYI GNAS PA ZHES BYA BA GSON PA NYID NI BDE BA'O ZHES SGRUB PAR BYED PA SBYANGS PA'I YON TAN DANG LDAN PA BDE BA'I SGO NAS, SO SOR THAR PA YANG DAG PAR BRTZAM PAR BYA'O ZHES BSTAN TE, ,YANG DAG PAR BRTZAM PA'I MTSAN NYID BSHAD ZIN TO,, ,,BAM PO GNYIS PA, ,DE'I 'OG TU GZHUNG RGYAS PA'I MTSAN NYID BSHAD PAR BYA STE, GZHUNG RGYAS PA'I MTSAN NYID CES BYA BA NI, SO SOR THAR PA'I GZHUNG RGYAS PA'I MTSAN NYID BSTAN PA'O, ,DE YANG DUS DANG POR BYA BA DANG, MDO GDON PA BSTAN DGOS PAS DE'I PHYIR, TSE DANG LDAN BA DAG SO GA RNAMS KYI 'DAS PA DANG, LHAG MA JI TZAM BA DE TZAM MO ZHES BYA BA NAS, DRAN PA DANG BAG YOD PAS RNAL 'BYOR DU BYA'O ZHES BYA BA'I BAR GYIS GZHUNG THAMS CAD GSUNGS SO, ,DE LA 'DIR YANG GZHUNG RGYAS PA DE DAG GI BRJOD PAR BYA BA DANG, DGOS PA DANG, 'BREL BA DANG, 'BREL BA DANG, DGOS PA'I DGOS PA BRJOD PAR BYA STE, DE LA BRJOD PAR BYA BA NI GZHUNG RGYAS PA'I MTSAN NYID DAG GO, ,DGOS PA NI DE DAG RTOGS PA'O, ,'BREL PA NI RTOGS PA DE YANG GZHUNG RGYAS PA 'DIS BYED PAS, GZHUNG RGYAS PA'I THABS 'DI DANG, DGOS PA THABS LAS BYUNG BA'I MTSAN NYID GNYIS 'BREL PA'O, ,DGOS PA'I DGOS PA NI, SO SOR THAR PA'I GZHUNG RGYAS PA'I MTSAN NYID YONGS SU SHES PAS, TSUL KHRIMS RNAM PAR DAG NA, 'PHAGS PA'I LAM BSGOMS PAS MYA NGAN LAS 'DAS PA 'THOB PA'O, ,DE LA GZHUNG RGYAS PA'I MTSAN NYID 'DI'I BSDUS PA'I DON NI, RNAM PA GNYIS TE, DUS DANG POR BYA BA DANG, MDO GDON PA'O, , DE LA DUS DANG POR BYA BA NI, MDO GDON PA'I SNGA ROL DU BYA BA STE CHO GA'O, ,DE LA BSDUS PA'I DON NI RNAM PA DRUG STE, SO SOR THAR PA MNYAN PA LA RNA MI GTOD PA'I NYES DMIGS DANG, MI 'DU BA DGAG PA DANG, MCHOD CING LUNG DBOG PA DANG, YANG DAG PAR BSGRUB TU GZHUG PA

DANG, DE'I PHAN YON DANG, YANG DAG PAR MI SGRUB PA'I NYES DMIGS BSTAN PA'O, ,MDO GDON PA NI GSOL BA BYA BA NAS SO SOR THAR PA'I MDO GDON PA RNAM PA LNGA PO DAG GDON PA STE LAS SO, ,DE'I BSDUS PA'I DON KYANG RNAM PA DRUG STE, GSOL BA DANG, GLENG GZHI GDON PA DANG, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIM GYIS GDON PA'I MTSAN NYID BSTAN PA'O, ,DE LA TSE DANG LDAN PA DAG SO GA RNAMS KYI 'DAS PA DANG LHAG MA JI TZAM PA DE TZAM MO ZHES BYA BA NAS, BAG YOD PAS 'THOB BO ZHES BYA BA'I BAR GYIS NI, SO SOR THAR PA MNYAN BA LA RNA MI GTOD PA'I NYES DMIGS BSTAN TO, ,BCOM LDAN 'DAS KYI NYAN THOS KYI DGE 'DUN NI DON NYUNG BA BYA BA NYUNG BA YIN PAS ZHES BYA BA NAS, DRIS NAS KYANG BRJOD PAR BYA'O ZHES BYA BA'I BAR GYIS NI MI 'DU BA DGAG PA BSTAN TO, ,SH'AKYA SENG GE DE LA NI, ,ZHES BYA BA LA SOGS PA TSIGS SU BCAD PA GCIG GIS MCHOD CING LUNG DBOG PA BSTAN TO, ,THOS NAS DRANG SRONG CHEN PO YIS, ,ZHES BYA BA LA SOGS PA TSIGS SU BCAD PA GNYIS KYIS NI YANG DAG PAR SGRUB TU GZHUG PA BSTAN TO, ,CHE BA GANG DAG NGAG TZAM GYIS, , ZHES BYA BA LA SOGS PA TSIGS SU BCAD PA GCIG GIS NI DE'I PHAN YON BSTAN TO, ,SU LA SRAB 'DI MED PA DANG, ,ZHES BYA BA LA SOGS PA TSIGS SU BCAD PA GCIG GIS NI, YANG DAG PAR MI SGRUB PA'I NYES DMIGS BSTAN TO, ,DGE 'DUN BTZUN PA RNAMS GSAN DU GSOL, ZHES BYA BA LA SOGS PA GSOL BA 'BA' ZHIG GI LAS KYI SA NI GSOL BA BSTAN TO, ,TSE DANG LDAN PA DANG ,BDAG CAG GSO SBYONG BYA STE ZHES BYA BA LA SOGS PA GZHUNG LHAG MA RNAMS KYIS NI GLENG GZHI GDON PA LA SOGS PA RIM PA BZHIN DU BSTAN TO, ,DE NI RE ZHIG SPYI'I DON YIN NO, ,DA NI YAN LAG GI DON BSHAD PAR BYA STE, SO SOR THAR PA MNYAN PA LA RNA MI GTOD PA'I NYES DMIGS BSTAN PA'I DBANG DU MDZAD NAS, TSE DANG LDAN PA DAG SO GA RNAMS KYI 'DAS PA DANG, LHAG MA JI TZAM PA DE TZAM MO ZHES BYA BA LA SOGS PA GSUNGS TE, TSE DANG LDAN PA DAG CES BYA BA NI RGAN

, ,PA DANG, GZHON PA DAG LA SNYAN PA'I TSIG GIS BOD PA'O, ,RNAMS KYI ZHES BYA BA NI, GSO SBYONG GDON PA'I DUS TSIGS MTSON PA STE, SO GA DANG, DBYAR DANG, STON DANG, DGUN DANG, DGUN SMAD DANG, DPYID KYI DUS TSIGS DRUG PO GANG DAG GI TSE, SO SOR THAR PA'I MDO GDON PA'I DUS TSIGS DE NYID KYI MING SMOS PA BYA BA YIN NO, ,DE LA DUS TSIGS DRUG PO RE RE LA BSDU BA ZLA BA GNYIS GNYIS YOD PAS MANG PO'I TSIG TU BYAS TE, SO GA'I DUS TSIGS NI DPYID ZLA THA CHUNGS NYA NAS, DBYAR ZLA RA BA NYA'I BAR DANG, DBYAR ZLA RA BA NYA NAS DBYAR ZLA 'BRING PO NYA'I BAR GYI ZLA BA GNYIS SO, ,DBYAR GYI DUS TSIGS NI DBYAR ZLA 'BRING PO NYA NAS DBYAR ZLA THA CHUNGS NYA'I BAR DANG, DBYAR ZLA CHUNGS NYA NAS STON ZLA RA BA NYA'I BAR GYI ZLA BA GNYIS SO, ,STON GYI DUS TSIGS NI STON ZLA RA BA NYA NAS, STON ZLA 'BRING PO NYA'I BAR DANG, STON ZLA 'BRING PO'I NYA NAS STON ZLA THA CHUNGS NYA'I BAR GYI ZLA BA GNYIS SO, ,DGUN GYI DUS TSIGS NI, STON ZLA THA CHUNGS NYA NAS, DGUN ZLA RA BA NYA'I BAR DANG, DGUN ZLA RA BA NYA NAS DGUN ZLA 'BRING PO NYA'I BAR GYI ZLA BA GNYIS SO, ,DGUN SMAD KYI DUS TSIGS NI, DGUN ZLA 'BRING PO NYA NAS, DGUN ZLA THA CHUNGS NYA'I BAR DANG, DGUN ZLA THA CHUNGS NYA NAS DPYID ZLA RA BA NYA'I BAR GYI ZLA BA GNYIS SO, ,DPYID KYI DUS TSIGS NI, DPYID ZLA RA BA NYA NAS DPYID ZLA 'BRING PO NYA'I BAR DANG, DPYID ZLA 'BRING PO NYA NAS DPYID ZLA THA CHUNGS NYA'I BAR GYI ZLA BA GNYIS SO, ,DE LA SO GA'I DUS TSIGS LA, SO SOR THAR PA 'DON NA NI SO GA RNAMS KYI ZHES BRJOD PAR BYA'O, ,DE BZHIN DU DBYAR DANG, STON DANG, DGUN DANG, DGUN SMAN DANG, DPYID KYI DUS TSIGS LA SO SOR THAR PA 'DON NA YANG, DBYAR RNAMS KYI ZHES BYA BA LA SOGS PA BRJOD PAR BYA'O, ,'DAS PA DANG LHAG MA JI TZAM PA DE TZAM MO ZHES BYA BA NI ZLA BA BRJOD PAR BYA'O ZHES BYA BAR SBYAR TE, 'DAS PA JI TZAM PA DE TZAM BRJOD PAR BYA BA DANG, LHAG MA JI TZAM PA DE TZAM BRJOD PAR BYA'O, ,DE LA SO GA'I DUS TSIGS LA NI, ,GSO SBYONG GDON PA'I DUS BZHI YOD DE, DPYID ZLA THA CHUNGS GNAM

STONG DANG, DBYAR ZLA BA NYA DANG, DBYAR ZLA RA BA GNAM STONG DANG, DBYAR ZLA 'BRING PO NYA'O, ,DE LA DPYID ZLA THA CHUNGS GNAM STONG LA 'DON NA NI, ,'DI SKAD CES, TSE DANG LDAN PA DAG SO GA RNAMS KYI ZLA BA PHYED NI 'DAS SO, ,ZLA BA PHYED DANG, GNYIS NI LUS SO ZHES BRJOD PAR BYA'O, ,DBYAR ZLA RA BA NYA LA 'DON NA NI, 'DI SKAD CES, TSE DANG LDAN PA DAG SO GA RNAMS KYI ZLA BA GCIG NI 'DAS SO, ,ZLA BA GCIG NI LUS SO ZHES BRJOD PAR BYA'O, ,DBYAR ZLA RA BA GNAM STONG LA GDON NA NI, 'DI SKAD CES, TSE DANG LDAN PA DAG SO GA RNAMS KYI ZLA BA PHYED DANG GNYIS NI 'DAS SO, ,ZLA BA PHYED NI LUS SO ZHES BRJOD PAR BYA'O, ,DBYAR ZLA 'BRING PO NYA LA 'DON NA NI, 'DI SKAD CES, TSE DANG LDAN PA DAG SO GA RNAMS KYI ZLA BA GNYIS 'DAS TE, LHAG MA MA LUS SO ZHES BRJOD PAR BYA'O, ,DE BZHIN DU DBYAR GYI DUS TSIGS LA YANG GSO SBYONG GDON PA'I DUS BZHI YOD DE, DBYAR ZLA 'BRING PO GNAM STONG DANG, DBYAR ZLA THA CHUNGS NYA DANG, DBYAR ZLA THA CHUNGS GNAM STONG DANG, STON ZLA RA BA NYA'O, ,DE LA DBYAR ZLA 'BRING PO GNAM STONG LA 'DON NA NI, ,'DI SKAD CES, TSE DANG LDAN PA DAG DBYAR RNAMS KYI ZLA BA PHYED NI 'DAS SO, ,ZLA BA PHYE DANG GNYIS NI LUS SO ZHES BRJOD PAR BYA'O, ,DBYAR ZLA THA CHUNGS NYA LA 'DON NA NI, 'DI SKAD CES, TSE DANG LDAN PA DAG DBYAR RNAMS KYI ZLA BA GCIG NI 'DAS SO, ,ZLA BA GCIG NI LUS SO ZHES BRJOD PAR BYA'O, ,DBYAR ZLA THA CHUNGS GNAM STONG LA 'DON NA NI, 'DI SKAD CES, TSE DANG LDAN BA DAG DBYAR RNAMS KYI ZLA BA PHYED DANG GNYIS 'DAS SO, ,ZLA BA PHYED NI LUS SO ZHES BRJOD PAR BYA'O, ,STON ZLA RA BA NYA LA 'DON NA NI, ,'DI SKAD CES, TSE DANG LDAN PA DAG DBYAR RNAMS KYI ZLA BA GNYIS NI 'DAS TE, LHAG MA MA LUS SO ZHES BRJOD PAR BYA'O, ,DE BZHIN DU STON GYI DUS TSIGS LA YANG GSO SBYONG 'DON PA'I DUS BZHI YOD DE, STON ZLA RA BA GNAM STONG DANG, STON ZLA 'BRING PO NYA DANG, STON ZLA 'BRING PO GNAM STONG DANG, STON ZLA THA CHUNGS NYA'O, ,DE LA STON ZLA BA GNAS STONG LA 'DON NA NI, 'DI SKAD CES, TSE DANG LDAN PA DAG STON RNAMS KYI ZLA BA PHYED NI 'DAS SO, ,ZLA BA PHYED DANG

, ,GNYIS NI LUS SO ZHES BRJOD PAR BYA'O, ,STON ZLA 'BRING PO NYA LA 'DON NA NI, 'DI SKAD CES TSE DANG LDAN PA DAG ,STON RNAMS KYI ZLA BA GCIG NI 'DAS SO, ,ZLA BA GCIG NI LUS SO ZHES BRJOD PAR BYA'O, ,STON ZLA 'BRING PO GNAM STONG LA 'DON NA NI, 'DI SKAD CES, TSE DANG LDAN PA DAG STON RNAMS KYI ZLA BA PHYED DANG GNYIS NI 'DAS SO, ,ZLA BA PHYED NI LUS SO ZHES BRJOD PAR BYA'O, ,STON ZLA THA CHUNGS NYA LA 'DON NA NI, 'DI SKAD CES, TSE DANG LDAN PA DAG ,STON RNAMS KYI ZLA BA GNYIS NI 'DAS TE, LHAG MA MA LUS SO ZHES BRJOD PAR BYA'O, ,DE BZHIN DU DGUN GYI DUS TSIGS LA YANG GSO SBYONG 'DON PA'I DUS TSIGS BZHI YOD DE, STON ZLA THA CHUNGS GNAM STONG DANG, DGUN ZLA RA BA NYA DANG, DGUN ZLA RA BA GNAM STONG DANG, DGUN ZLA 'BRING PO NYA'O, ,DE LA STON ZLA THA CHUNGS GNAM STONG LA 'DON NA NI, 'DI SKAD CES, TSE DANG LDAN PA DAG, DGUN RNAMS KYI ZLA PHYED NI 'DAS SO, ,ZLA BA PHYED DANG GNYIS NI LUS SO ZHES BRJOD PAR BYA'O, ,DGUN ZLA RA BA NYA LA 'DON NA NI, 'DI SKAD CES, TSE DANG LDAN PA DAG ,DGUN RNAMS KYI ZLA BA GCIG NI 'DAS SO, ,ZLA BA GCIG NI LUS SO ZHES BRJOD PAR BYA'O, ,DGUN ZLA RA BA GNAM STONG LA 'DON NA NI, 'DI SKAD CES, TSE DANG LDAN PA DAG DGUN RNAMS KYI ZLA BA PHYED DANG GNYIS NI 'DAS SO, ,ZLA BA PHYED NI LUS SO ZHES BRJOD PAR BYA'O, ,DGUN ZLA 'BRING PO NYA LA 'DON NA NI, 'DI SKAD CES, TSE DANG LDAN PA DAG DGUN RNAMS KYI ZLA BA GNYIS NI 'DAS TE, LHAG MA MA LUS SO ZHES BRJOD PAR BYA'O, ,DE BZHIN DU DGUN SMAD KYI DUS TSIGS LA YANG GSO SBYONG GDON PA'I DUS BZHI YOD DE, DGUN ZLA 'BRING PO GNAM STONG DANG, DGUN ZLA THA CHUNGS NYA DANG, DGUN ZLA THA CHUNGS GNAM STONG DANG, DPYID ZLA RA BA NYA'O, ,DE LA DGUN ZLA 'BRING PO GNAM STONG LA 'DON NA NI, 'DI SKAD CES, TSE DANG LDAN PA DAG DGUN SMAD RNAMS KYI ZLA BA PHYED NI 'DAS SO, ,ZLA BA PHYED DANG GNYIS NI LUS SO ZHES BRJOD PAR BYA'O, ,DGUN ZLA THA CHUNGS NYA LA 'DON NA NI, 'DI SKAD CES, TSE DANG LDAN PA DAG DGUN SMAD RNAMS KYI ZLA BA GCIG NI 'DAS SO,,

ZLA BA GCIG NI LUS SO ZHES BRJOD PAR BYA'O, ,DGUN ZLA THA CHUNGS GNAM STONG LA 'DON NA NI, 'DI SKAD CES, TSE DANG LDAN PA DAG DGUN SMAD RNAMS KYI ZLA BA PHYED DANG GNYIS NI 'DAS SO, ,ZLA BA PHYED NI LUS SO ZHES BRJOD PAR BYA'O, ,DPYID ZLA RA BA NYA LA 'DON NA NI, 'DI SKAD CES, TSE DANG LDAN PA DAG ,DGUN SMAD RNAMS KYI ZLA BA GNYIS NI 'DAS TE, LHAG MA MA LUS SO ZHES BRJOD PAR BYA'O, ,DE BZHIN DU DPYID KYI DUS TSIGS LA YANG, GSO SBYONG 'DON PA'I DUS BZHI YOD DO, DPYID ZLA RA BA GNAM STONG DANG, DPYID ZLA 'BRING PO NYA DANG, DPYID ZLA 'BRING PO GNAM STONG DANG, DPYID ZLA THA CHUNGS NYA'O, ,DE LA DPYID ZLA RA BA GNAM STONG LA 'DON NA NI, 'DI SKAD CES, TSE DANG LDAN PA DAG DPYID RNAMS KYI ZLA BA PHYED NI 'DAS SO, ,ZLA BA PHYED DANG GNYIS NI LUS SO ZHES BRJOD PAR BYA'O, ,DPYID ZLA 'BRING PO NYA LA 'DON NA NI, 'DI SKAD CES, TSE DANG LDAN PA DAG DPYID RNAMS KYI ZLA BA GCIG NI 'DAS SO, ,ZLA BA GCIG NI LUS SO ZHES BRJOD PAR BYA'O, ,DPYID ZLA 'BRING PO GNAM STONG LA 'DON NA NI, 'DI SKAD CES, TSE DANG LDAN PA DAG DPYID RNAMS KYI ZLA BA PHYED DANG GNYIS NI 'DAS SO, ,ZLA BA PHYED NI LUS SO ZHES BRJOD PAR BYA'O, ,DPYID ZLA THA CHUNGS NYA LA 'DON NA NI, 'DI SKAD CES, TSE DANG LDAN PA DAG DPYID RNAMS KYI ZLA BA GNYIS NI 'DAS TE LHAG MA MA LUS SO ZHES BRJOD PAR BYA'O, ,DE DAG NI GSO SBYONG BCU BZHI BA 'AM BCO LNGA PA DAG GI SKABS SU ZLA BA PHYED PHYED CING, SO SOR THAR PA'I MDO GDON PAR BRJOD PA'I SKABS YIN NO, ,BKRA SHIS KYI GSO SBYONG DANG, GNOD PA BYUNG BA'I DON DU GSO SBYONG LA SOGS PA NYA SHI'I DUS DANG MI SBYOR BA'I SKABS SU, SNGAR SMOS PA'I SNGA GAS DE DAG GI STENG DU ZLA BA DANG BO DANG, GNYIS PA'I YAR RAM, MAR GYI NGO'I TSES GRANGS KYANG 'DAS PA DANG, LHAG MA JI TZAM BA DE TZAM ZHES BRJOD PAR BYA STE, DPER NA TSE DANG LDAN PA DAG SO GA RNAMS KYI ZLA BA DANG PO'I MAR GYI NGO 'I TSES GCIG NI 'DAS SO, ,ZLA BA GCIG DANG ZHAG NYE SHU RTZA DGU NI LUS SO ZHES BRJOD PAR BYA BA LA SOGS PA LTA BU'O, ,DE DAG BRJOD PAR BYA BA NI, 'JIG RTEN PA'I THA SNYAD LA MKHAS PAR BYA BA DANG, TSE'I DUS 'DAS PA SEMS LA

, ,GZHAG PAR BYA BA DANG, 'KHOR BAR SKYO BAR BYA ZHING DGE BA LA BRTZON PAR BYA BA DANG, GSO SBYONG GI NYI MA YONGS SU SHES PAR BYA BA'I PHYIR RO, ,DE DAG BRTZI BA NI DGE 'DUN GYI GNAS BRTAN GYIS, ZLA BA NGO RE ZHING SMYIG MA'I THUNG MA BCVA LNGA SKUD PA LA BRGYUS PA NYIN RE RER GRANGS BGRANG ZHING, DGE SKOS KYIS GNAS BRTAN LA BRTAGS LA, DGE 'DUN LA NYI MA RE ZHING BRJOD PAR BYA'O, ,ZLA BA SHOL 'DOR BA NI, RGYAL PO'I RJES SU 'BRANG BAS DOR RO, ,RGYU SKAR NI SKAR MKHAN GYI RJES SU 'BRANG BAS SHES PAR BYA'O, ,TSE DANG LDAN PA DAG RGA BA DANG 'CHI BA MNGON PAR 'ONG ZHING, STON PA'I BSTAN PA YANG 'JIG PAR 'GYUR BAS, TSE DANG LDAN PA DAG GIS BAG YOD PAS RNAL 'BYOR DU BYA'O ZHES BYA BA 'DIS KYANG 'KHOR BAS SKYO BAR BYA ZHING, DGE BA LA BRTZON PAR BYA BA STE, DE LA 'DIR 'KHOR BAS SKYO BAR BYA ZHING, DGE BA LA BRTZON PAR BYA BA'I RGYUR CI'I PHYIR RGA BA DANG, 'CHI BA MNGON PAR 'ONG BA DANG, STON PA'I BSTAN PA YANG 'JIG PAR 'GYUR BA SMOS SHE NA, TSANGS PAR SPYOD PA'I RGYU'I GTZO BO YONGS SU NYAMS PAR BSTAN PA'I PHYIR TE, 'DI LTAR TSANGS PAR SPYOD PA NI RNAM PA GNYIS KYIS 'GRUB STE, ,LUS DANG GNAS KYIS SO, ,DE LA LUS KYIS NI LUS SBYOR BZOD PA DANG, RGYUN MA CHAD PAS TSANGS PAR SPYOD PA 'GRUB STE, DE YONGS SU NYAMS PAR BSTAN PA'I PHYIR, RGA BA DANG 'CHI BA MNGON PAR 'ONG ZHING ZHES BYA BA GSUNGS TE, LUS SBYOR MI BZOD PA DANG, RGYUN CHAD PAS TSANGS PAR SPYOD PA YONGS SU NYAMS PAR 'GYUR BAR GO RIMS BZHIN NO, ,SRID PA'I YAN LAG GZHAN DAG DANG, MYA NGAN LA SOGS PA NYES DMIGS DAG CI'I PHYIR MA SMOS PAR RGA SHI NYI TSE SMOS SHE NA, LANG TSO DANG GSON PAS TSANGS PAR SPYOD PA 'GRUB CING, RGA BA DANG 'CHI BAS DE YONGS SU NYAMS PAR 'GYUR BA'I PHYIR, RGYU'I GTZO BO SMOS PAS GZHAN YANG ZHAR LA RIG PAR BYA'O, ,GNAS KYIS JI LTAR ZHE NA, GNAS ZHES BYA BA NI TSANGS PAR SPYOD PA SKYE BA'I GNAS SU GYUR PA SANGS RGYAS KYI BSTAN PA STE, DE YONGS SU NYAMS PA BSTAN PA'I PHYIR,

STON PA'I BSTAN PA YANG 'JIG PAR 'GYUR BAS ZHES BYA BA GSUNGS TE, STON PA'I BSTAN PA ZHIG NA TSANGS PAR SPYOD PA SKYE BA'I GNAS MED PA'I PHYIR RO, ,STON PA ZHES BYA BA NI SANGS RGYAS BCOM LDAN 'DAS TE, PHYIN CI LOG PAR STON PA'I PHYIR RO, ,DE'I BSTAN PA ZHES BYA BA NI, , GSUNG RAB TU GTOGS PA YAN LAG BCU GNYIS TE, DES SLOB MA LA STON PAR BYED PA'I PHYIR RO, ,DE 'JIG PA ZHES BYA BA NI BSGRUB PA YONGS SU NYAMS PAS SO, ,GANG GI PHYIR DE LTA YIN PA DE'I PHYIR, TSE DANG LDAN PA DAG GIS BAG YOD PAS RNAL 'BYOR DU BYA'O ZHES BYA BA GSUNGS SO, ,BAG YOD PAS ZHES SMOS PA NI, RGYU'I DNGOS POS DGE BA'I CHOS THAMS CAD SDUD PAR BYED PA'I PHYIR RO, ,RNAL 'BYOR DU BYA'O ZHES BYA BA NI BDAG NYID KYIS BRTZON PAR BYA'O ZHES BYA BA'I THA TSIG GO, ,DE NYID BSTAN PA'I PHYIR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB DANG, GZHAN YANG GANG DAG DE LTA BU DANG MTHUN PA DGE BA'I CHOS BYANG CHUB KYI PHYOGS DANG MTHUN PA RNAMS KYANG BAG YOD PAS 'THOB BO ZHES BYA BA GSUNGS TE, DE BZHIN GSHEGS PA ZHES BYA BA NI, DON JI LTA BA BZHIN DU GNAS PA THUGS SU CHUD PA'O, ,DGRA BCOM PA ZHES BYA BA NI NYON MONGS PA'I DGRA RNAMS BCOM PA 'AM, MCHOD PAR 'OS PA'O, ,NYAN THOS DANG RANG SANGS RGYAS DAG LA YANG YOD PAS DE LAS KHYAD PAR DU BSTAN PA'I PHYIR, YANG DAG PAR RDZOGS PA'I SANGS RGYAS ZHES BYA BA GSUNGS TE, YE SHES PHYIN CI MA LOG PA YANG DAG PA SHES BYA MA LUS PA RDZOGS PAR THUGS SU CHUD CING SANGS RGYAS PA GANG LA YOD PA'O, ,DE RNAMS KYI BYANG CHUB CES BYA BA NI THUGS SU CHUD PA'O, ,GZHAN YANG ZHES BYA BA NI RNAM PA GZHAN DU BRTAG PA'O, ,GANG DAG CES BYA BA NI, DGE BA'I CHOS ZHES BYA BA DANG SBYOR RO, ,DE LTA BU DANG MTHUN PA ZHES BYA BA NI BYANG CHUB DANG MTHUN PA'I, ,DGE BA'I CHOS BYANG CHUB KYI PHYOGS DANG MTHUN PA RNAMS KYANG ZHES BYA BA NI ZAD PA DANG, MI SKYE BA SHES PA'I MTSAN NYID KYI BYANG CHUB SKYED PAR BYED PA'I CHOS DRAN PA NYE BAR GZHAG PA LA SOGS PA DAG STE, DE DAG BAG YOD PA 'THOB BO ZHES BYA BA'I THA TSIG GO,,

, ,DE LTAR SKABS DE DAG NYID NI, SO SOR THAR PA MNYAN PA LA RNA MI GTOD NA, TSE'I DUS 'DAS PA DAD RGA SHI MNGON PAR 'ONG BA DANG, STON PA'I BSTAN PA 'JIG PAR 'GYUR BA'I NYES DMIGS YOD PAS SO SOR THAR PA MNYEN PA LA RNA GTOD CING, BAG YOD PAS DGE BA'I CHOS LA BRTZON PAR BYA'O ZHES BYA BA'I SGO NAS SO SOR THAR PA MNYAN PA LA RNA MI GTOD PA'I NYES DMIGS BSTAN TO, ,MI 'DU BA DGAG PA'I DBANG DU MDZAD NAS, BCOM LDAN 'DAS KYI NYAN THOS KYI DGE 'DUN NI DON NYUNG BA BYA BA NYUNG BA YIN BAS, DGE 'DUN GYI THOG MAR BYA BA CI YOD CES BYA BA LA SOGS PA GSUNGS TE, BCOM LDAN 'DAS ZHES BYA BA NI BDUD BZHI BCOM PA DANG LEGS PA DRUG DANG LDAN PA'O, ,NYAN THOS ZHES BYA BA NI, 'BRAS BU JI LTAR 'THOB PA SGROGS PAR BYED PA'O, ,DGE 'DUN ZHES BYA BA NI DE DAG GI TSOGS TE MI PHYED PA NYID KYI PHYIR RO, ,DON NYUNG BA ZHES BYA BA NI YID KYIS SO, ,BYA BA NYUNG BA ZHES BYA BA NI, LUS DANG NGAG GNYIS KYIS SO, ,DGE 'DUN GYI THOG MAR BYA BA CI YOD CES BYA BA NI DGAG PA STE, GANG GI PHYIR BCOM LDAN 'DAS KYI NYAN THOS KYI DGE 'DUN DON NYUNG BA BYA BA NYUNG BA YIN BA DE'I PHYIR DE DGE 'DUN LA GSO SBYONG GI DUS SU 'DU ZHING 'DUN PA DANG, YONGS SU DAG PA BRJOD PAR BYA BA LAS GZHAN PA'I THOG MAR BYA BA CI YOD DE, CI YANG MED KYI THAMS CAD 'DUS SHIG CES BYA BA MED PAR DGAG PA'I SGO NAS MI 'DU BA DGAG PA BSTAN TO, ,YANG NA DGE 'DUN GYI THOG MAR BYA BA CI YOD CES BYA BA NI DRI BA STE, GANG GI PHYIR BCOM LDAN 'DAS KYI NYAN THOS KYI DGE 'DUN DON NYUNG BA BYA BA NYUNG BA YIN PAS, DE'I PHYIR DGE 'DUN LA GSO SBYONG GI DUS SU 'DU BA'I TSE, GANG BYAS NA MI MTHUN PA NYID KYI 'DU BAR MI 'GYUR PA'I THOG MAR BYA BA CI YOD CES BYA BA NI DRI BA'O, ,DE'I LAN GDAB PA'I TSIG TU TSE DANG LDAN PA DAG MA LHAGS PA RNAMS LA, 'DUN PA DANG YONGS SU DAG PA DRIS SHIG ,DRIS NAS KYANG BRJOD PAR BYA'O ZHES BYA BA GSUNGS TE, MA LHAGS PA RNAMS LA ZHES BYA BA NI, MTHUN PA'I GSO SBYONG RNAM PA LNGA PO BCU BZHI PA DANG, BCO LNGA PA DANG, BKRA SHIS KYI GSO SBYONG DANG, GNOD

PA BYUNG BA'I GSO SBYONG DANG, SDUM PA'I GSO SBYONG DAG LAS GANG BYED KYANG RUNG STE, DE'I DUS SU MTSAMS KYI NANG NA DGE SLONG GI DGE 'DUN GYI KHA SKONG BAR 'OS PA JI SNYED 'KHOD PA THAMS CAD GSO SBYONG GI GNAS SU 'DU BAR BYA BA YIN PA LAS DE DAG GI NANG NAS MI 'DU BAR GNANG BA, NA BA DANG, DBANG MED PA DANG, SROG GI BAR CHAD DANG, TSANGS PAR SPYOD PA'I BAR CHAD KYIS 'JIGS PA GANG DAG GSO SBYONG GI GNAS SU MA LHAGS PA RNAMS SO, ,MI 'DU BAR GNANG BA DE DAG LAS MA GTOGS PA GZHAN NI MTSAMS KYI KHONG NA 'DUG NA, GSO SBYONG GI GNAS SU MI 'DUR MI RUNG STE, MI 'DUN THAMS CAD DU RANG LA NYES BYAS DANG, DGE 'DUN GYI LAS MI 'CHAGS PAR 'GYUR RO, ,'DUN PA DANG YONGS SU DAG PA DRIS SHIG CES BYA BA LAS 'DUN PA DRI BA NI LAS LA MI MTHUN PA DAG MI BYA BA'I PHYIR TE, MI MTHUN PA NI RNAM PA GNYIS TE, 'DUS PAR RJES SU MA ZHUGS PA NYID DANG, PHYIR LDOG PAR BYED PA'O, ,DE LA 'DUS PAR BYED PA RJES SU MA ZHUGS PA NI, DGE SLONG LAS DE'I MTSAMS KYI KHONGS SU GTOGS PA TSOGS KYI KHA SKONG BAR 'OS PAR LUS SAM, 'DUN PAS DGE 'DUN 'DUS PA'I NANG DU RJES SU MA ZHUGS PA NYID KYIS MI MTHUN PA NYID YIN NO, ,PHYIR LDOG PAR BYED PA'O, ,DGE SLONG LAS DE'I MTSAMS GYI KHONGS SU GTOGS PA RANG BZHIN DU GNAS PA, SPYOD LAM LAS MA NYAMS PA DAG YANG DAG PAR BSDAMS PA, 'DUL BA'I BYA BA MNGON PAR SHES PA, ZHE 'GRAS PA MED PAS LAS GZHAN LA BYED PA CHOS DANG MI LDAN PA'I PHYIR ZLOG PAR BYED NA, MI MTHUN PA NYID YIN PA'O, ,DE BAS NA MI MTHUN PA DE GNYIS RAB TU GSAL BA'I PHYIR NI, MA LHAGS PA RNAMS LA 'DUN PA DRI BAR BYA'O, ,YONGS SU DAG PA DRI BA NI, MA LHAGS PA GANG DAG GIS 'DUN PA PHUL BA DE DAG SNOD DU 'GYUR BAR BYA BA'I PHYIR RO, ,DE LA CHO GA NI, DGE SKOS KYI GSO SBYONG GI TSE, TSUL SHI 'BRIM PAS DGE SLONG RNAMS BGRANG ZHING, MA LHAGS PA DNGOS SU YOD DAM, GLO BUR DU 'ONGS PA LA SOGS PA YOD PAR 'PHRIGS NA, GSO SBYONG DE NYID LA DGE 'DUN THAMS CAD LAS KYI GNAS SU TSOGS PAS DGE SLONG 'DUN PA DANG, YONGS SU DAG PA LEN PA DGE

, ,SLONG CHOS LNGA DANG LDAN BA GCIG GAM, GNYIS SAM, GSUM TSIG GIS BSKO BAR BYA ZHING DES BTZAL PA DANG, BOD PA DANG, MTHON POR 'DUG STE, PHYOGS SU BLTA BA LA SOGS PA DAG GIS BSAM PA THAG PA NAS MTSAMS KYI NANG BTZAL TE, MA LHAGS PA RNAMS LA, DENG DGE 'DUN GSO SBYONG MDZAD NA, TSE DANG LDAN PA DAG 'DUN PA 'BUL LAM, BAR CHAD KYI CHOS RNAMS YONGS SU DAG GAM ZHES DRI BAR BYA'O, ,MA LHAGS PA RNAMS KYIS DE LA 'DUN PA DANG, YONGS SU DAG PA DBUL BAR BYA'O, ,DGE SLONG 'DUN PA YANG YONGS SU DAG PA 'BUL BAR BYED PA'I KUN TU SPYAD PA'I CHOS 'DI LTA STE, DGE SLONG 'DUN PA DANG, YONGS SU DAG PA 'BUL BAR BYED PAS, MCHIL LHAM GNYIS PHUD NAS, BLA GOS PHRAG PA GCIG TU BYAS TE, RGAN PA LA PHYAG 'TSAL NAS, TZOG TZOG POR 'DUG STE, THAL MO SBYAR NAS 'DI SKAD CES BRJOD PAR BYA'O, ,TSE DANG LDAN PA DGONGS SU GSOL, DENG DGE 'DUN GYI GSO SBYONG BCO LNGA PA LAGS LA, BDAG DGE SLONG BRO 'TSAL BA, SDUG BSNGAL BA, BRO TSABS CHE BA, MING 'DI ZHES BGYI BA'I GSO SBYONG YANG BCO LNGA PA LAGS TE, BDAG DGE SLONG BRO 'TSAL BA, SDUG BSNGAL BA, BRO TSABS CHE BA, MING 'DI ZHES BGYI BA BAR CHAD KYI CHOS RNAMS YONGS SU DAG GO ZHES BDAG MCHI'O, ,DGE 'DUN CHOS BZHIN MDZAD PA LA 'DUN PA 'BUL LO, ,BDAG GIS GSO SBYONG YANG YONGS SU DAG GO, ,'DUN PA DANG YONGS SU DAG PAR YANG BRJOD DO, ,BRJOD PA YANG RIG PAR BGYID DO ZHES LAN GSUM BZLAS SHING, DE'I RDZAS LA LEN PA POS THABS YIN NO ZHES BRJOD PAR BYA, 'BUL BAS NI LEGS SO ZHES BRJOD PAR BYA'O, ,'DUN PA DANG YONGS SU DAG PA LNGA PHYER BLANGS SHING DBUL DU YANG RUNG STE, SNGAGS KYI BYE BRAG NI, 'DUN PA DANG YONGS SU DAG PA GANG 'BUL BA DE NYI TSE'I MING SMOS TE, LAN GSUM DU BZLAS PAR BYA'O, ,DGE SLONG 'DUN PA DANG, YONGS SU DAG PA 'BUL BAR BYED PAS, GAL TE BRJOD MI NUS NA, LUS SAM, NGAG GAM, LUS DANG NGAG

GI RNAM PAR RIG BYED KYIS 'DUN PA DANG, YONGS SU DAG PA 'BUL BAR BYED NA, 'DUN PA DANG YONGS SU DAG PA PHUL BAR BRJOD PAR BYA'O, ,LUS SAM NGAG GI RNAM PAR RIG BYED KYIS 'DUN PA DANG YONGS SU DAG PA 'BUL BAR BYED MI NUS NA, DGE 'DUN THAMS CAD DER DONG ZHING GSO SBYONG BYA BA'AM, YANG NA DGE SLONG DE DGE 'DUN GYI NANG DU BLANGS TE GSO SBYONG BYA'O, ,DGE SLONG 'DUN PA DANG YONGS SU DAG PA LEN PA'I KUN DU SPYAD BA'I CHOS NI 'DI LTAR BYA STE, DGE SLONG 'DUN PA DANG YONGS SU DAG PA LEN PAS 'DUN PA DANG YONGS SU DAG PA BLANGS NAS, BRGYUG BAR MI BYA, MGYOGS PAR MI BYA, MCHONG BAR MI BYA, PHYI ROL LA MCHONG BAR MI BYA, 'OBS LA MCHONG BAR MI BYA, BANG RIM LA MCHONG BAR MI BYA, STENG GI NAM MKHA' LA MCHONG BAR MI BYA, MTSAMS KYI PHYI ROL DU 'GRO BAR MI BYA, GOM PA GCIG GIS SKAS KYI RIM PA GNYIS LA THOD RGAL DU 'DZEG PAR MI BYA, GOM PA GCIG GIS THEM SKAS KYI THEM PA GNYIS LA THOD RGAL DU 'DZEG PAR MI BYA, CHU LKOG MA NUB TZAM LA 'BOG PAR MI BYA, GNYID LOG PAR MI BYA, SNYOMS PAR 'JUG PAR MI BYA BAR DGE 'DUN GYI NANG DU 'JUG PAR BYA'O, ,DRIS NAS KYANG BRJOD PAR BYA ZHES BYA BA NI DE LTAR 'DUN PA DANG YONGS SU DAG PA LEN PA DES DE BLANG STE, GSO SBYONG GI GNAS SU PHYIN NAS, DGE SLONG NGAM DGE 'DUN LA BRJOD PAR BYA'O, ,DE BRJOD PA'I CHO GA DANG SNGAGS NI, SO SOR THAR PA'I MDO 'DON PAS SENG GE'I KHRI LA MA 'DUG PA'I MDUN ROL DU DGE 'DUN THAMS CAD GSO SBYONG GI GNAS SU 'DUG PA NA, GANG GI TSE DGE 'DUN GYI GNAS BRTAN GYIS TSE DANG LDAN PA DAG MA LHAGS PA RNAMS KYI 'DUN PA DANG YONGS SU DAG PA BRJOD CIG ,BRJOD PAR YANG RIG PAR GYIS SHIG CES SMRAS PA'I TSE, DES DGE SLONG NGAM, YANG NA DGE 'DUN LA DE'I 'DUN PA DANG, YONGS SU DAG PA CIG CAR DBUL BAR BYA'O, ,DGE SLONG LA DBUL BA NI, DES DGE SLONG DRUNG NA 'DUG PA'I MDUN DU 'DUG STE, 'DI SKAD CES BRJOD PAR BYA'O, ,TSE DANG LDAN PA DAG DGONGS SU GSOL, DENG DGE 'DUN GYI GSO SBYONG BCO LNGA PA LAGS LA, GNAS GA GE MO

, ,ZHIG NA DGE SLONG BRO 'TSAL BA SDUG BSNGAL BA BRO TSABS CHE BA, MING 'DI ZHES BGYI BA'I GSO SBYONG YANG BCO LNGA PA LAGS TE, GNAS GA GE MO ZHIG NA DGE SLONG BRO 'TSAL BA SDUG BSNGAL BA BRO TSABS CHE BA, MING 'DI ZHES BGYI BA DE BAR CHAD KYI CHOS RNAMS YONGS SU DAG GO ZHES KHO NA NYID MCHI'O, ,DGE 'DUN CHOS BZHIN DU MDZAD PA LA 'DUN PA 'BUL LO, ,DE'I GSO SBYONG YANG YONGS SU DAG GO, ,'DUN PA DANG YONGS SU DAG PA YANG BRJOD DO, ,BRJOD PA YANG RIG PAR BGYID DO ZHES LAN GSUM DU BZLAS PAR BYA'O, ,DGE 'DUN LA 'BUL NA NI, DES DGE 'DUN GYI DBUS SU RGAN PA'I MTHAR 'GRENG STE, 'DUD PA DANG BCAS PAS 'DI SKAD CES BRJOD PAR BYA'O, ,DGE 'DUN BTZUN PA RNAMS DGONGS SU GSOL, DENG DGE 'DUN GYI GSO SBYONG BCO LNGA PA LAGS LA, GNAS GA GE MO ZHIG NA DGE SLONG BRO 'TSAL BA SDUG BSNGAL BA BRO TSABS CHE BA, MING 'DI ZHES BGYI BA'I GSO SBYONG YANG BCO LNGA PA LAGS TE, GNAS GA GE MO ZHIG NA DGE SLONG BRO 'TSAL BA SDUG BSNGAL BA BRO TSABS CHE BA, MING 'DI ZHES BGYI BA DE BAR CHAD KYI CHOS RNAMS YONGS SU DAG GO ZHES KHO NA NYID MCHI'O, ,DGE 'DUN CHOS BZHIN DU MDZAD PA LA 'DUN PA 'BUL LO, ,'DI'I GSO SBYONG YANG YONGS SU DAG GO, ,'DUN PA DANG YONGS SU DAG PA YANG BRJOD DO, ,BRJOD PAR YANG RIG PAR BGYID DO ZHES LAN CIG BRJOD PAR BYA'O, ,DGE 'DUN GYIS KYANG DE DANG DU BLANG BAR BYA STE, DES NA 'DUN PA PHUL BAS NI, DGE 'DUN GYI LAS MI MTHUN PAR MI 'GYUR LA, YONGS SU DAG PA PHUL BAS NI GANG ZAG MA LHAGS PA BDAG NYID SNOD DU 'GYUR RO, ,LEN PA DE DGE 'DUN GYI NANG DU MA PHYIN PAR SHI 'AM, KHYIM PAR BABS PA LA SOGS PAR GYUR NA, MA BLANGS PA NYID YIN PAS YANG BLANG BAR BYA'O, ,PHYIN NA MA BRJOD KYANG BLANGS PA NYID YIN PAS YANG BLANG MI DGOS SO, ,MI 'DU BA DGAG PA BSHAD ZIN TO, ,MCHOD CING LUNG 'BOGS PA'I DBANG DU MDZAD NAS, SH'AKYA SENG GE DE LA NI, ,SEN MO BCU YI THAL SBYAR TE, SO SOR THAR PA GDON PAR BYA, GDUL BA'I

PHYIR NI NGA LA NYON, ,ZHES BYA BA GSUNGS TE, SH'AKYA ZHES BYA BA NI GDUNG RGYUD DE, DES NI KHYIM PA'I PHYOGS KYI RIGS RNAM PAR DAG PA BSTAN TO, ,SENG GE ZHES BYA BA NI YON TAN TE, DES NI RAB TU BYUNG BA'I PHYOGS KYI MKHYEN PA RNAM PAR DAG PA BSTAN TE, MI BSNYENGS PA DAG GIS MU STEGS CAN GYI RI DAGS SKRAG PAR MDZAD PA'I PHYIR RO, ,SEN MO BCU ZHES BYA BAS NI SOR MO BCU MTSON PAR BYED DO, ,THAL SBYAR TE ZHES BYA BA NI, LAG MTHIL GNYIS KYI SOR MO BCU THAL MO SBYAR TE'O, ,DE DAG GIS MCHOD PA BSTAN TO, ,THAL MO SBYAR TE CI ZHIG BYA ZHE NA, SO SOR THAR PA GDON PAR BYA, ,ZHES BYA BA GSUNGS TE, SO SOR THAR PA'I MDO GDON PA RNAM PA LNGA PO GLENG GZHI GDON PA DANG, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIM GYIS GDON PA DAG GDON PAR BYA'O ZHES BYA BA'I THA TSIG GO, ,GDUL BA'I DON DU NGA LA NYON, ,ZHES BYA BA NI, SLOB MA RNAMS GDUL BA'I DON DU STE, YANG DAG PAR SDUD PAR BYED PA'AM, SO SOR THAR PA GDON PA NGA LA NYON CIG CES BYA BAR SBYAR RO, ,DE DAG GIS NI LUNG DBOG PA BSTAN TO, ,MCHOD CING LUNG DBOG PA BSHAD ZIN TO, ,YANG DAG PAR SGRUB TU GZHUG PA'I DBANG DU MDZAD NAS, THOS NAS DRANG SRONG CHEN PO YIS, ,JI SKAD GSUNGS BZHIN BSGRUB BYA ZHING, ,KHA NA MA THO PHRA RNAMS LA, ,BRTUN ZHING BYED PA NYID DU GYIS, ,ZHES BYA BA LA SOGS PA TSIGS SU BCAD PA GNYIS GSUNGS TE, THOS NAS ZHES BYA BA NI SO SOR THAR PA'I MDO GDON PA RNAM PA LNGA PO DE DAG GI LUNG PHOG PA THOS NAS SO, ,DRANG SRONG CHEN PO ZHES BYA BA NI, STON PA BCOM LDAN 'DAS TE, TSUL KHRIMS KYI NGANG CAN YIN PA'I PHYIR RO, ,JI SKAD GSUNGS PA BZHIN ZHES BYA BA NI, 'DUL BA DANG MI 'GAL BA DANG, 'JIG RTEN DANG MI 'GAL BAR BYA'O ZHES GSUNGS PA BZHIN DU'O, ,BSGRUB BYA ZHING ZHES BYA BA NI SBYOR BA DANG, DNGOS DANG, MJUG GI SGO NAS NAN TAN DU BYA BA'O, ,KHA NA MA THO BA ZHES BYA BA NI SDIG PA STE, DAM PA RNAMS KYIS SMAD PA'I PHYIR RO, ,PHRA RNAMS LA

, ,ZHES BYA BA NI, BCAS PA'I KHA NA MA THO BA DANG BCAS PAS, PHRA MO RNAMS LA'O, ,BRTUN ZHING BYED PA NYID DU GYIS, ,ZHES BYA BA NI SRUNG BA DAG LA SOGS PA DAG LA 'BAD PA DANG, LHUR BLANG BAR GYIS SHIG CES BYA BA'I THA TSIG STE, PHRA MO RNAMS LA YANG BRTUN ZHING BYED PA NYID DU BYA NA, RANG BZHIN GYIS KHA NA MA THO BA DANG BCAS PA CHEN PO RNAMS LTA SMOS KYANG CI DGOS ZHES GSUNGS PAR SHES PAR BYA'O, ,RTAG TU 'BAD PAS BDA' BA YI, ,SEMS RTA KHA BLAN DKA' BA LA, ,MTHUN PA'I GZER RNON BRGYA PA YI, ,SRAB NI SO SOR THAR 'DI YIN, ,ZHES BYA BA LA RTAG TU 'BAD PAS BDA' BA ZHES BYA BA NI, SEMS RTA DMU RGOD DANG 'DRA BA 'DI NI LAM BDE BA DANG 'DRA BA'I DGE BA'I PHYOGS LA GZHUG PA'I DUS NA, RTAG TU BRUNGS BZHIN DU 'THEN ZHING BRTZON 'GRUS KYI LCAG GIS BDA' ZHING BSKYOD DGOS PA'O, ,SEMS NYID RTA DMU RGOD DANG 'DRA'O, ,KHA BLAN DKA' BA ZHES BYA BA NI LAM GOL BA DANG 'DRA BA'I MI DGE BA'I PHYOGS LA 'JUG PA'I DUS NA, RLANG BZHIN DU 'PHYO ZHING CHU LON GYI 'GUG SRAB KYIS PHYIR KHA BLA NA ZHING DGUG DKA' BA'O, ,MTHUN PA ZHES BYA BA NI 'TSAM ZHING, RKYEN DU 'BAB PA STE, RTA DMU RGOD RTAG TU LCAG GI 'BAD PAS BDA' ZHING 'GUG SRAB KYI KHA LCAGS KYIS BLAN DKA' BA LA NI, GZER BU RNON PO BRGYA PA'I SRAB KYIS 'BRAB PA 'TSAM ZHING RKYEN DU 'BAB LA, SEMS DMU RGOD RTAG TU BRTZON 'GRUS KYI 'BAD PAS BDA' ZHING, TSUL KHRIMS KYI CHU LON GYIS KHA BLAN DKA' BA LA NI, BSLAB PA'I GZHI GZER BU GDUNG BA RNON PO BRGYA PA'I SO SOR THAR PA BCA' BA 'DI TZAM ZHIG RKYEN DU 'BAB PA'O, ,GZER RNON BRGYA PA ZHES BYA BA NI, 'GUG SRAB KYI KHA LCAGS GZER BU RNON PO MANG PO DANG LDAN PA DANG 'DRA BAR SO SOR THAR PA 'DI YANG BSLAB PA'I GZHI GDUNG BAR BYED PA MANG PO DANG LDAN PA STE, BRGYA PA ZHES BYA BA NI MANG PO MTSON PA'I TSIG YIN TE, GRANGS BRGYAR NGES PA NI MA YIN NO, ,SRAB NI SO SOR THAR 'DI YIN, ,ZHES BYA BA NI, SRAB DANG 'DRA BA YIN NO ZHES BYA BA'I THA TSIG GO, ,DE DAG GIS NI DRANG SRONG CHEN POS JI SKAD GSUNGS PA BZHIN BSGRUB PA DANG,

KHA NA MA THO BA PHRA MO RNAMS LA YANG BRTUN ZHING 'BAD PAR BYA BA DANG, SEMS KYI RTA DMU RGOD LA SO SOR THAR PA'I 'GUG SRAB KYIS 'BRAB DGOS PA'I SGO NAS, SO SOR THAR PA YANG DAG PAR SGRUB TU GZHUG PA BSTAN TO, ,YANG DAG PAR SGRUB TU GZHUG PA BSHAD ZIN TO,, ,, DE'I PHAN YON BSTAN PA'I DBANG DU MDZAD NAS, CHE BA GANG DAG NGAG TZAM GYIS, ,LDOG CING MTSAMS LAS MI 'DA' BA, ,DE DAG MI RTA BZANG PO STE, ,NYON MONGS G-YUL LAS NGES RGYAL 'GYUR, ,ZHES BYA BA GSUNGS TE, CHE BA ZHES BYA BA NI CHE BA'I BDAG NYID CAN TE, BSLAB PA 'DOD PA'I PHYIR RO, ,NGAG TZAM GYIS ZHES BYA BA NI, CHAD PA LA SOGS PA RNAM PAR BSAL BAS SO, ,LDOG CING ZHES BYA BA NI BYA BA MA YIN PA LAS SO, ,MTSAMS LAS ZHES BYA BA NI BSLAB PA LAS SO, ,MI 'DA' BA ZHES BYA BA NI MI 'BRAL BA'O, ,DE DAG MI RTA BZANG PO STE, ,ZHES BYA BA NI MI DE DAG NI RTA CANG SHES DANG 'DRA BA'O, ,NYON MONGS G-YUL LAS ZHES BYA BA NI NYON MONGS PA'I NGO BO NYID NI, BDAG DANG GZHAN LA GNOD PA NYID KYIS G-YUL DANG 'DRA STE DE LAS SO, ,DES RGYAL 'GYUR ZHES BYA BA NI NYON MONGS PA MTHAR BYED CING MYA NGAN LAS 'DAS PA'I 'BRAS BU 'THOB PAR 'GYUR BA'O, ,DE DAG GIS NI DE LTAR SO SOR THAR PA YANG DAG PAR BSGRUBS NAS, NYON MONGS PA'I G-YUL LAS NGES PAR RGYAL BAR 'GYUR BAR 'GYUR BA'I SGO NAS, YANG DAG PAR SGRUB PA DE'I PHAN YON BSTAN TE, DE'I PHAN YON BSHAD ZIN TO, , YANG DAG PAR MI SGRUB PA'I NYES DMIGS BSTAN PA'I DBANG DU MDZAD NAS, SU LA SRAB 'DI MED PA DANG, ,NAM DU 'ONG 'DOD PAR MI 'GYUR BA, ,DE DAG NYON MONGS G-YUL GYIS DKRUGS, ,'JOG BRAL RNAM PAR 'KHYAM PAR 'GYUR, ,ZHES BYA BA GSUNGS TE, SU LA SRA BA 'DI MED PA ZHES BYA BA NI, MU STEGS CAN DAG LA MED PA STE, YANG DAG PAR MA BLANGS PA'I PHYIR RO, ,NAM DU 'ONG 'DOD PAR MI 'GYUR BA, ,ZHES BYA BA NI, 'DOD PA LA LONGS SPYOD PA DAG LAN 'GA' 'DOD PAR MI 'GYUR BA STE, TSUL KHRIMS LA MNGON PAR MI PHYOGS PA'I

, ,PHYIR RO, ,DKRUGS ZHES BYA BA NI PHAM PAR BYAS PA'O, ,'JOG BRAL ZHES BYA BA NI LHAG PA'I TSUL KHRIMS KYI 'DUL BAS LHAG PA'I SEMS KYI ZHI BA LA 'JOG PAR BYED PAS, 'JOG PA NI 'DUL BA NYID DE DE DANG BRAL BA'O, ,RNAM PAR 'KHYAM PAR 'GYUR ZHES BYA BA NI, LAN MI NYUNG BAR NGAN SONG LA SOGS PA'I 'KHOR BA'I 'KHOR BAR 'GYUR BA'O, ,DE DAG GIS BSLAB PA MED PA DANG, MI 'DOD PA YANG DAG PAR MI SGRUB PA DAG DUL BA NYID DANG BRAL BAS ZHI BA MI 'THOB CING 'KHOR BAR 'KHOR BAR 'GYUR BA'I SGO NAS, YANG DAG PAR MI SGRUB PA'I NYES DMIGS BSTAN TO, ,YANG DAG PAR MI SGRUB PA'I NYES DMIGS BSHAD ZIN TO, ,DE DAG NI DUS DANG POR BYA BA STE CHO GA'O, ,DA NI MDO GDON PA'I LAS BSHAD PAR BYA STE, DE LA GSOL BA'I DBANG DU MDZAD NAS, DGE 'DUN BTZUN PA RNAMS GSAN DU GSOL, ,DENG DGE 'DUN GYI GSO SBYONG BCU BZHI PA'AM, BCO LNGA PA STE, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DENG DGE 'DUN GSO SBYONG MDZAD DE, SO SOR THAR PA'I MDO GDON PA GDON TO, ,'DI NI GSOL BA'O ZHES BYA BA GSUNGS TE, 'DI NI MDO GDON PA'I GSOL BA STON TE, GSOL BAR MA BRJOD NA MA BSKOS PAR BYED PA NYID YIN PAS MI MTHUN PA NYID DU 'GYUR BA'I PHYIR RO, ,'DIR SO SOR THAR PA'I MDO GDON PA LNGA PO DAG GDON PA'I MDUN ROL DU GSOL BA 'BA' ZHIG GI LAS 'DI BYA'O, ,'DON PAR BYED PAS SO SOR THAR PA'I MDO GDON PA'I GSOL BA NI 'DI LTAR BYA STE, MDO GDON PA SENG GE'I KHRI LA 'DUG NAS, SO SOR THAR PA'I MDO BSTOD RA DANG DUS DANG POR BYA BA'I TSIG DAG JE BTON NAS, DE'I 'OG TU GSOL BA 'BA' ZHIG GI LAS 'DI BYA'O, ,DGE 'DUN BTZUN PA RNAMS ZHES BYA BA NI MCHOD PA'I TSIG GIS 'BAD PA STE, BTZUN PA RNAMS KYI TSOGS ZHES BYA BA'I THA TSIG GO, ,GSAN DU GSOL ZHES BYA BA NI, GZHAN LA SEMS PA DAG NYAN PA DAG NYAN PA LA RNA GTOD CING GUS PAR GYIS SHIG CES BYA BA'I

DON TO, ,DENG DGE 'DUN GYI GSO SBYONG BCU BZHI PA'AM, BCO LNGA PA STE ZHES BYA BA LA, GSO SBYONG ZHES BYA BA NI BSLAB PA GSUM PO DAG GSO SBYONG BAR BYED PA STE, DE YANG RNAM PA GNYIS TE, MTHUN PA'I GSO SBYONG DANG, ZHI GNAS KYI GSO SBYONG NGO, ,DE LA MTHUN PA'I GSO SBYONG NI, LHAG PA'I TSUL KHRIMS KYI DBANG DU BYAS TE, GNAS DANG TSOGS DANG CHO GAS MTHUN PAR BYA'O, ,ZHI GNAS KYI GSO SBYONG NI LHAG PA'I SEMS DANG LHAG PA'I SHES RAB KYI DBANG DU BYAS TE, SPONG BA'I YAN LAG BSGOM PA'O, ,DE YANG LAS PHYI MA RNAMS NI MI BYA BA'I CHU LON GYIS BSDAMS PA YIN PAS DE NI MTHUN PA'I GSO SBYONG GIS SDOM PAR BYED DO, ,LAS SNGA MA RNAMS NI BSGOM PA'I RNAM PAS SBYANG BA YIN PAS, DE NI ZHI GNAS KYI GSO SBYONG GIS SBYONG BAR BYED DE, DES NI LHAG PA'I TSUL KHRIMS LA BRTEN TE, LHAG PA'I SEMS SKYE LA, LHAG PA'I SEMS LA BRTEN TE, LHAG PA'I SHES RAB SKYE BAS BSLAB PA GSUM PO DAG GSO ZHING SBYONG BA NI, MTHUN PA'I GSO SBYONG DANG, ZHI GNAS KYI GSO SBYONG YIN PAR SHES PAR BYA'O, ,SKABS 'DIR NI MTHUN PA'I GSO SBYONG GZUNG BAR BYA STE, MTHUN PA'I GSO SBYONG NI RNAM PA LNGA STE, BCU BZHI PA DANG, BCO LNGA PA DANG, BKRA SHIS KYI GSO SBYONG DANG, GNOD PA BYUNG BA'I GSO SBYONG DANG, SDUM PA'I GSO SBYONG NGO, ,DE DAG THAMS CAD LA YANG GSOL BA DANG, GLENG GZHI RNAM PAR GZHAG PA SNGAR BYAS TE, SO SOR THAR PA'I MDO GDON PA GDON DGOS SO, ,MTHUN PA'I GSO SBYONG RNAM PA LNGA PO DE DAG LAS 'DIR NI BCU BZHI PA DANG, BCO LNGA PA'I SKABS YIN PAR BSTAN PA'I PHYIR, BCU BZHI PA'AM BCO LNGA PA STE ZHES BYA BA GSUNGS TE, DE LA DUS TSIGS DRUG LA ZLA BA GNYIS GNYIS YOD PA DAG GI NYA SHI GNYIS GNYIS LA GSO SBYONG NYI SHU RTZA BZHI YOD PA DE DAG TSES GRANGS KYI YANG DAG PA LA LTOS NA NI THAMS CAD GSO SBYONG BCO LNGA PA YIN NO, ,'JIG RTEN PA'I THA SNYAD KYI DUS LA LTOS NA NI, GSO SBYONG BCU BZHI PA YIN TE, DUS TSIGS DRUG PO DAG GI ZLA BA PHYED PHYED

, ,LAS 'DAS PA'I GSO SBYONG DRUG PO DAG GO, ,'DI SKAD BSTAN TE, DBYAR ZLA GSUM DANG, DGUN ZLA GSUM GYI NI RA BA DANG, THA CHUNGS MAR GYI NGOS BCO LNGA MI THUB PAS RA BA DANG THA CHUNGS KYI GNAM STONG GSO SBYONG BCU BZHI PA YIN NO, ,STON ZLA GSUM DANG DPYID ZLA GSUM GYI NI 'BRING PO MAR GYI NGOS BCO LNGA MI THUB PAS 'BRING PO'I GNAM STONG GNYIS GSO SBYONG BCU BZHI PA YIN NO, ,LHAG MA BCO BRGYAD NI, GSO SBYONG BCO LNGA PA YIN NO, ,BKRA SHIS KYI GSO SBYONG DANG, GNOD PA BYUNG BA'I GSO SBYONG DANG, SDUM PA'I GSO SBYONG DAG BYED NA NI, DE'I TSE DENG DGE 'DUN GYI BKRA SHIS KYI GSO SBYONG STE ZHE'AM, DENG DGE 'DUN GYI GNOD PA BYUNG BA'I GSO SBYONG STE ZHE'AM, DENG DGE 'DUN GYI SDUM PA'I GSO SBYONG STE ZHES DMIGS KYIS SMOS PAR BYA STE, DE DAG NI GANG GI TSE BYA DGOS PA'I TSE BYA BAR ZAD KYI, DUS NGES PA NI MED DO,, BCU BZHI PA DANG, BCO LNGA PA NI DUS NGES PA YIN PAS, DE LAS SNGA PHYIR BYAR MI RUNG NGO, ,GAL TE DGE 'DUN GYIS DUS LA BAB CING BZOD NA ZHES BYA BA LA, DUS LA BAB CING ZHES BYA BA NI LAS BYA BA'I DUS LA BAB PA STE, 'DIR NI GSO SBYONG GI DUS DANG SBYAR RO, ,BZOD NA ZHES BYA BA NI LAS DE GZHAG PAR MI 'OS SHING BYA BAR BZOD PA STE, 'DIR YANG GSO SBYONG GI LAS DANG SBYAR RO, ,DGE 'DUN GYIS GNANG BAR MDZOD CIG DANG ZHES BYA BA NI, CANG MI SMRA BAS SO, ,DENG DGE 'DUN GSO SBYONG MDZAD DE ZHES BYA BA NI LAS DE GZHAG PAR MI 'OS PA YIN PAS BYA'O ZHES BYA BA'I THA TSIG GO, ,SO SOR THAR PA'I MDO GDON PA GDON TO ZHES BYA BA NI, SO SOR THAR PA'I MDO GDON PA RNAM PA LNGA PO GLENG GZHI GDON PA DANG, PHAM PAR 'GYUR BA GDON PA DANG DGE 'DUN LHAG MA GDON PA DANG, MA NGES PA GDON PA DANG, RIL GYIS GDON PA DAG GO, ,'DI NI GSOL BA'O ZHES BYA BA NI GO BAR BYA STE, LAS BRGYA RTZA GCIG NI LAS GSUM GYIS BSDU STE, GSOL BA'I LAS DANG, GSOL BA DANG, GNYIS KYI LAS DANG, GSOL BA DANG BZHI'I LAS SO, ,DE LA GSOL BA'I LAS NI NYI SHU RTZA BZHI'O, ,GSOL BA DANG

GNYIS KYI LAS NI BZHI BCU RTZA BDUN NO, ,GSOL BA DANG BZHI'I LAS NI SUM CU ZHES GSUNGS PA LAS, 'DI NI GSOL BA'I LAS NYI SHU RTZA BZHI PO DAG GI NANG NAS GCIG YIN NO, ,GSOL BA BSHAD ZIN TO, ,DA NI GLENG GZHI GDON PA BSHAD PAR BYA STE, DE LA GLENG GZHI RNAM PAR GZHAG PA'I DBANG DU MDZAD NAS, TSE DANG LDAN PA DAG BDAG CAG GSO SBYONG BYA STE ZHES BYA BA LA SOGS PA DAG GSUNGS SO, ,GLENG GZHI RNAM PAR GZHAG PA'I ZHES BYA BA NI DE LTAR SO SOR THAR PA'I MDO GDON PA'I GSOL BA BYAS NAS, SO SOR THAR PA'I MDO GDON PA RNAM PA 'DI LA 'KHOR YONGS SU DAG CING, SNOD DU RUNG BAR BYA BA'I PHYIR LTUNG BA YOD NA MTHOL DU GZHUG PA DANG, MED NA CANG MI SMRA BAR BYA BA DANG, CANG MI SMRA NA YONGS SU DAG PAR REG PAR BYA BA'I CHO GAS GLENG GZHI RNAM PAR GZHAG PA'O, ,GLENG GZHI RNAM PAR GZHAG PA 'DI'I BSDUS PA'I DON NI RNAM PA DRUG STE, GLENG GZHI RNAM PAR GZHAG PA'I LUNG DPOG PA DANG, GLENG GZHI RNAM PAR GZHAG PA'I THABS BSTAN PA DANG, MA DAG PA'I NYES DMIGS DANG, DAG PA'I PHAN YON DANG, GDON PA'I MJUG BSDU BA DANG, GLENG GZHI RNAM PAR GZHAG PA BSGRAG PAR BYA BA'O, ,TSE DANG LDAN PA DAG BDAG CAG GSO SBYONG BYA STE, SO SOR THAR PA'I MDO GDON GYI, KHYED CAG SU LA LTUNG BA YOD PA DES MA THOL CIG ,LTUNG BA MED NA CANG MA SMRA SHIG, CANG MI SMRA NA, BDAG GIS TSE DANG LDAN PA DAG YONGS SU DAG PAR RIG PAR BYA'O ZHES BYA BAS NI, GLENG GZHI RNAM PAR GZHAG PA'I LUNG DBOG PA BSTAN TO, ,JI LTAR SO SOR DRIS NAS DGE SLONG GIS LAN BTAB PA DE BZHIN DU, DGE SLONG GI 'KHOR 'DI LTA BUR YANG LAN GSUM GYI BAR DU BSGRAG PAR BYA BA YIN NO ZHES BYA BAS NI GLENG GZHI RNAM PAR GZHAG PA'I THABS BSTAN TO, ,YANG DGE SLONG GANG DGE SLONG GI 'KHOR 'DI LTA BUR LAN GSUM GYI BAR DU BSGRAG PA NA LTUNG BA YOD LA, DRAN BZHIN DU MI MTHOL NA, DE SHES BZHIN DU BRDZUN DU SMRA BA YIN NO, ,TSE DANG LDAN PA DAG SHES BZHIN DU BRDZUN DU SMRA BA NI, BCOM LDAN 'DAS KYIS BAR DU GCOD PA'I CHOS SU GSUNGS SO ZHES BYA BAS NI MA DAG PA'I NYES DMIGS

, ,BSTAN TO, ,DE BAS NA DGE SLONG LTUNG BA YOD PA RNAM PAR DAG PAR 'DOD PAS, LTUNG BA YOD LA DRAN ZHING MTHONG BA MTHOL BAR BYA'O, ,MTHOL NA BDE BA LA REG PAR GNAS PAR 'GYUR RO, ,MA MTHOL MA BSHAGS NA NI MI 'GYUR RO ZHES BYA BAS NI DAG PA'I PHAN YON BSTAN TO, ,TSE DANG LDAN PA DAG BDAG GIS SO SOR THAR PA'I MDO GDON PA'I GLENG GZHI BTON ZIN TO ZHES BYA BA NI 'DON PA'I MJUG BSDU BA BSTAN TO, ,DE LA BDAG GIS TSE DANG LDAN PA DAG LA CI 'DI LA KHYED YONGS SU DAG GAM ZHES DRI'O, ,CI 'DI LA KHYED YONGS SU DAG GAM ZHES LAN GNYIS LAN GSUM DU 'DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BAS NI, GLENG GZHI RNAM PAR GZHAG PA BSGRAG PAR BYA BA BSTAN TO, ,DE LA RE ZHIG GLENG GZHI RNAM PAR GZHAG PA'I LUNG DBOG PA'I YAN LAG GI DON BSHAD PAR BYA STE, TSE DANG LDAN PA DAG BDAG CAG GSO SBYONG BYA STE ZHES BYA BA NI DE'I GNAS DANG, TSOGS PA DANG, CHO GAS MTHUN PA'I GSO SBYONG BYA STE ZHES BYA BAR SBYAR RO, ,RNAM PA GANG GIS GSO SBYONG BYA ZHE NA, DE'I PHYIR SO SOR THAR PA'I MDO GDON PA GDON GYI ZHES BYA BA GSUNGS TE, SEMS DRANG POR BSGRUB PA DANG, 'GAL BA BZLOG PA LA SOGS PA RNAM PA GZHAN GYIS KYANG TSUL KHRIMS GSO BAR BYED PA YOD PAS, DE DAG GSAL BA'I PHYIR SO SOR THAR PA'I MDO GDON PA GDON GYI ZHES BYA BA GSUNGS TE, SO SOR THAR PA'I MDO GDON PA RNAM PA LNGA PO DAG GDON GYI ZHES BYA BAR SBYAR RO, ,SO SOR THAR PA GDON PA NI, DGE 'DUN GYI GNAS BRTAN GYI LAS YIN NO, ,DE MI NUS PA NYID YIN NA GNYIS PA'I LAS YIN NO, ,DES KYANG MI NUS PA NYID YIN NA GSUM PA'I LAS YIN NO, ,DES KYANG MA NUS PA NYID YIN NA THAMS CAD KYIS RES KYIS GDON PAR BYA'O, ,RES BAB PA'I TSE DES GDON MI NUS NA GZHAN LA BCOL BAR BYA'O, ,DES MA BTUB NA DGE 'DUN GYIS DE LA BCOL BAR BYA'O, ,GDON PA DAG GIS NI TSIG PHYED KYANG MA 'KHRUL BAR LEGS PAR THON PA NYID YIN NA GDON GYI GZHAN DU NA

MI 'CHAGS SO, ,'DON PA YIS RDUGS NA, LHAG MA GZHAN GYIS GDON PAR BYA'O, ,DUM BU 'DZIN PA YIN NA JI SNYED KYIS GZHUNG SRONG BA DE NYID KYIS PHAG TU BCAD DE GDON PAR BYA'O, ,GDON PAR BYED PAS SO SOR THAR PA'I MDO GDON PA RNAM LA LNGA PO GLENG GZHI GDON PA DANG, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIL GYIS GDON PA DAG LAS GLENG GZHI GDON PA NI, RDZOGS PA KHO NAR MI GDON DU MI RUNG NGO, ,GLENG GZHI BTON NAS LHAG MA RNAMS NI THOS PA BSGRAGS PAS SGRUB TU RUNG NGO, DE YANG GLENG GZHI BTON NAS PHAM PAR 'GYUR BA GDON PA BRTZAMS NAS, PHAM PAR 'GYUR BA'I SDE TSAN RDZOGS PAR GDON DGOS SO, ,PHAM PAR 'GYUR BA BTON NAS DGE 'DUN LHAG MA GDON PA BRTZAMS NAS, DGE 'DUN LHAG MA'I SDE TSAN YANG RDZOGS PAR GDON DGOS SO, ,DGE 'DUN LHAG MA BTON NAS MA NGES PA GDON PAR BRTZAMS NA, MA NGES PA'I SDE TSAN YANG RDZOGS PAR GDON DGOS TE, PHAM PAR 'GYUR BA DANG, DGE 'DUN LHAG MA DANG, MA NGES PA YAN CHAD KYI SDE TSAN NI GDON PA MGO BRTZAMS NA, GANG BRTZAMS PA'I SDE TSAN DE NYID RDZOGS PAR BYA DGOS SO, , SPANG PA'I LTUNG BYED MAN CHAD KYI SDE TSAN NI GDON PAR MGO BRTZAMS NA, LHAG MA SO SOR THAR PA'I GZHUNG THAMS CAD RDZOGS PAR GDON DGOS TE, RIL GYIS GDON PA ZHES BYA BA YANG DE NYID YIN NO, ,MGO BRTZAMS PA'I SDE TSAN RDZOGS PAR BYA DGOS PA DE DAG MA RDZOGS NA MI 'CHAGS SO, , 'JIGS PA DANG BCAS PA NYID DU 'DRON PA DON MTHUN DANG LHAN CIG TU 'GRO LA, 'DRON PA DON MTHUN PA DAG SNGON DU MI BTUB NA, 'GRO BZHIN DU GDON PAR BYA STE, 'DI'I LAS NI 'DUG PA NYID KYIS BYA'O ZHES GSUNGS PA'I DMIGS KYIS BSAL BA YIN NO, ,SGRA MI 'DOD NA MDOR BSDUS TE GDON TO, ,DE TZAM YANG MI 'DOD NA BYIN GYIS BRLAB PAR BYA'O, ,CHOS MA YIN BAS GDON PA MI 'CHAGS TE, GDON PAR BYA BA DANG, DE'I TSE TSAD DANG, DUS DANG, GNOD PAR BYED PA RNAMS DE KHO NA BZHIN DU NYE BAR MA BZUNG BA NI, 'DIR CHOS MA YIN PA'O, ,GDON PAR BYA BA DE KHO NA BZHIN NYE BAR

, ,MA BZUNG BA NI, ,SO SOR THAR PA'I MDO LAS GZHAN PA PHRAN TSEGS LA SOGS PA GDON PA'O, ,DE'I TSAD DE KHO NA BZHIN NYE BAR MA BZUNG BA NI, GLENG BZHI MI 'DON CING LHAG MA RNAMS KYANG THOS PA BSGRAGS PAS MI BYED PA'O, ,DE'I DUS DA KHO NA BZHIN NYE BAR MA BZUNG BA NI, GSO SBYONG GI DUS LAS GZHAN PA'I DUS SU GDON PA'O, ,'DON PAR BYED PA DE KHO NA BZHIN NYE BAR MA BZUNG BA NI, GANG ZAG BSNYEN PAR RDZOGS PA DANG, MTSAN DANG, LTA BA DANG TSUL KHRIMS MTHUN PA DAG LAS GZHAN BAS 'DON PA'O, ,DGE SLONG GCIG BU GNAS NA DES GTZUG LAG KHANG CHAG CHAG GDAB PAR BYA, PHYAG DAR BYA, BA LANG GI LCI BA SAR PA'I BYUG PAS BYUG PAR BYA, SENG GE'I KHRI BSHAM PAR BYA, STAN BSHAM PAR BYA, MAR ME GZUNGS PAR BYA'O, ,CHOS NYAN DU GZHUG PA DAG BYA'O, ,DE'I 'OG TU PHYOGS CHES MTHON POR 'DUG STE, PHYOGS BZHIR BLTA BAR BYA'O, ,DER DGE SLONG YONGS SU DAG PA LTA BA MTHUN PA DAG 'ONG NA, 'DI SKAD CES KYE TSE DANG LDAN PA DAG MYUR BA MYUR BAR SHOG SHIG, DENG DGE 'DUN GYI GSO SBYONG BCO LNGA PA YIN NO ZHES BYA BA BRJOD PAR BYA ZHING, DE DAG DANG LHAN CIG 'DUG STE GSO SBYONG BYA'O,, GAL TE GRUB NA DE LTA NA LEGS, CI STE MI 'GRUB NA DGE SLONG DES BYIN GYIS BRLAB PAR BYA'O, ,'DI LTAR BYA STE, DES RANG GI STAN LA 'JUG STE, 'DI LTAR SEMS BSKYED PAR BYA ZHING TSIG TU YANG BRJOD PAR BYA'O, ,DENG DGE 'DUN GYI GSO SBYONG BCO LNGA PA YIN LA, BDAG DGE SLONG MING 'DI ZHES BYA BA'I GSO SBYONG YANG BCO LNGA PA YIN TE, BDAG DGE SLONG MING 'DI ZHES BYA BAR CHAD KYI CHOS RNAMS YONGS SU DAG GO ZHES KYANG BDAG MCHI NA, BDAG YONGS SU DAG PAR LHA RNAMS KYIS GZUNG DU GSOL, BDAG DGE SLONG MING 'DI ZHES BYA BA TSUL KHRIMS KYI PHUNG PO YONGS SU RDZOGS PAR BYA BA'I PHYIR, DENG GSO SBYONG BYIN GYIS BRLAB BO, ,GANG GI TSE DGE 'DUN TSOGS PA RNYED PA DE'I TSE DGE 'DUN DANG LHAN CIG TU GSO SBYONG RGYA CHER NYAMS SU MYONG BAR BYA ZHING, SO SOR THAR PA'I MDO GDON PA GDON PAR BYA'O, ,DE BZHIN DU LAN GNYIS LAN GSUM

DU BZLAS, GANG NA DGE SLONG GNYIS 'KHOD PA DER NI RIM BZHIN DU BYA ZHING, DUS KYI BAR DU BSDAD DE MA GRUB NA, MDUN DU TZOG POR 'DUG STE, GCIG LA GCIG 'DI SKAD CES BRJOD PAR BYA'O, ,BTZUN PA'AM, TSE DANG LDAN PA DGONGS SU GSOL, DENG DGE 'DUN GYI GSO SBYONG BCO LNGA PA LAGS LA, BDAG DGE SLONG MING 'DI ZHES BGYI BA'I GSO SBYONG YANG BCO LNGA PA LAGS TE, BDAG DGE SLONG MING 'DI ZHES BGYI BA'I BAR CHAD KYI CHOS RNAMS YONGS SU DAG GO ZHES KYANG BDAG MCHIS, BDAG YONGS SU DAG PAR BTZUN PA'AM, TSE DANG LDAN PAS GZUNG DU GSOL, BDAG DGE SLONG MING 'DI ZHES BGYI BAS TSUL KHRIMS KYI PHUNG PO YONGS SU RDZOGS PAR BGYI BA'I SLAD DU, ,DENG GSO SBYONG BYIN GYIS BRLAB BO, ,GANG GI TSE DGE 'DUN TSOGS PA RNYED PA DE'I TSE DGE 'DUN DANG LHAN CIG TU GSO SBYONG RGYA CHER NYAMS SU MYONG BAR BGYI ZHING, SO SOR THAR PA'I MDO GDON PA GDON PAR BGYI'O, ,DE BZHIN DU LAN GNYIS LAN GSUM DU BZLAS, GANG NA DGE SLONG GSUM 'KHOD PA DER NI RIM PA BZHIN DU BYA ZHING, DUS KYI BAR DU BSDAD DE MA GRUB NA, RGAN RIMS BZHIN GRAL DU 'KHOD DE, RIM GYIS BYIN GYIS BRLAB PA'I SNGAGS SNGA MA NYID BRJOD PAR BYA'O, ,GANG NA DGE SLONG BZHI 'KHOD PA DER NI DE RNAMS KYIS GSOL BA BYAS TE, GSO SBYONG BYA ZHING DER NAD PA'I YONGS SU DAG PA NI BLANG BAR MI BYA'O, ,GANG NA DGE SLONG LNGA'AM LHAG PA 'KHOD PA DER NI DE RNAMS KYIS GSOL BAR BYAS TE, GSO SBYONG BYA ZHING DER NI NAD PA'I YONGS SU DAG PA YANG BLANG BAR BYA'O, ,KHYED CAG SU LA LHUNG BA YOD PA DES MTHOL CIG CES BYA BA NI BSHAGS PAR BYA BA YOD NA YANG, BSHAGS PAR BYA, BSDAM PAR BYA BA YOD NA YANG BSDAM PAR BYA, BYIN GYIS BRLAB PAR BYA BA YOD NA YANG BYIN GYIS BRLAB PAR BYA'O, , 'DI LA GLENG GZHI RNAM PAR GZHAG PA'I TSUL JI LTA BU ZHE NA, GSO SBYONG GNAS SU 'DU BA'I MDUN ROL KHO NAR GSO SBYONG SNGA MA 'DAS PA'I MTHA' TSUN CHAD KYI ZLA BA PHYED KYI LTUNG BA LA SO SOR BRTAG PAR BYA STE, LTUNG BA SHES PA BSHAGS PA'AM, BSDAM PA'AM, BYIN GYIS BRLABS

, ,PAS PHYIR BCOS TE, LAS KYI GNAS SU 'DUG PAR BYA'O, ,DE'I CHO GA DANG SNGAGS NI 'DI LTAR BYA STE, LTUNG BYED 'BA' ZHIG GAM, SO SOR BSHAGS PAR BYA BA'AM, BSHAGS PAR BYA BA'I NYES BYAS LAS GANG YANG RUNG BA ZHIG SHES NA, DE MCHIL LHAM GNYIS PHUD NAS, DGE SLONG BSNYEN PAR RDZOGS PA RANG BZHIN DU GNAS PA, LTA BA DANG, MTSAN MTHUN PA, MTSAMS KYI NANG NA 'DUG PA, LTUNG BA MING DANG RIGS LAS MI MTHUN PA GCIG GI MDUN DU TZOG PUR 'DUG STE, THAL MO SBYAR BA BTUD NAS, LTUNG BA'I SDE TSAN GYI MING DANG RIGS GANG BYUNG BA'I RIS SMOS TE, CIG CAR MTHOL BA DANG, BSHAGS PAR BYAR RUNG NGO, ,DE'I SNGAGS NI 'DI SKAD CES BRJOD PAR BYA'O, ,TSE DANG LDAN PA DGONGS SU GSOL, BDAG MING 'DI ZHES BGYI BA LA, LTUNG BA MING DANG RIGS 'DI LTA BU 'DI BYUNG STE, BDAG DGE SLONG MING 'DI ZHES BGYI BA, LTUNG BA DE DAG PA'I MTHA' TSUN CHAD NAS BZUNG STE, TSE DANG LDAN PA'I MDUN DU MTHOL LO, ,MI 'CHAB BO, ,'CHAGS SO, ,MTHOL ZHING BSHAGS NA BDAG BDE BA LA REG PAR GNAS PAR 'GYUR GYI, MA MTHOL MA BSHAGS NA MI 'GYUR RO, ,DE BZHIN DU LAN GNYIS LAN GSUM DU BZLAS, NYAN PAS LTUNG BA MTHONG NGAM ZHES SMRA ZHING, 'CHAGS PAS MTHONG NGO ZHES BRJOD PAR BYA'O, ,NYAN PAS PHYIN CHAD SDOM MAM ZHES SMRA ZHING 'CHAGS PAS SDOM MO ZHES BRJOD PAR BYA STE, DE BZHIN DU LAN GNYIS LAN GSUM DU BZLAS, DE'I RJES LA NYAN PAS THABS YIN NO ZHES BRJOD PAR BYA ZHENG, 'CHAGS PAS LEGS SO ZHES BRJOD PAR BYA'O, ,DE'I TSE DGE SLONG LTUNG BA LA DOGS PA DANG, YID GNYIS ZA BAR GYUR NA, DGE SLONG DES DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DAG LA DRIS TE LTUNG BA LA DOGS PA DANG, YID GNYIS BSAL NAS DGE SLONG GI MDUN DU CHOS BZHIN DU PHYIR BCOS SO, ,BSDAM PAR BYA BA'I NYES BYAS GANG YANG RUNG BA ZHIG SHES NA, RANG GI SEMS KYIS BSDAM PAR BYA'O, ,DGE 'DUN LHAG MA DANG, NYES PA SBOM PO DANG, SPONG BA'I LTUNG BYED KYI LTUNG BA GANG YANG RUNG BA ZHIG SHES NA

BYIN GYIS BRLAB PAR BYA'O, ,'DI LTAR BYA STE, DES SNGA MA BZHIN DU MCHIL LHAM GNYIS PHUD NAS, DGE SLONG BSNYEN PAR RDZOGS PA RANG BZHIN DU GNAS PA LTA BA DANG, MTSAN MTHUN PA, MTSAMS KYI NANG NA 'DUG PA, LTUNG BA MING DANG RIGS LAS MI MTHUN PA GCIG GI MDUN DU TZOG PUR 'DUG STE, THAL MO SBYAR BA BTUD NAS LTUNG BA'I SDE TSAN GYI MING DANG, GANG BYUNG BA'I RIGS SMOS TE 'DI SKAD CES BRJOD PAR BYA'O, ,TSE DANG LDAN PA DGONGS SU GSOL, BDAG DGE SLONG MING 'DI ZHES BGYI BA LA LTUNG BA MING DANG RIGS 'DI LTA BU 'DI BYUNG STE, BDAG DGE SLONG MING 'DI ZHES BGYI BAS, DENG LTUNG BA DE TSE DANG LDAN PA'I MDUN DU BYIN GYIS BRLAB TE GSO SBYONG BGYI'O, ,SANG NANG PAR LTUNG BA DE CHOS BZHIN DU SLAR BGYI'O, ,DE BZHIN DU LAN GNYIS LAN GSUM DU BZLAS, GSO SBYONG BCO LNGA PA DE NYID LA DGE SLONG GI DGE 'DUN GYI NANG DU LTUNG BA DRAN NA, DES LTUNG BA DE DGE SLONG DRUNG NA MO DE LA BYIN GYIS BRLAB PAR BYA'O, ,'DI LTAR BYA STE, DES DGE SLONG DRUNG NA 'DUG PA'I MDUN DU TZOG PUR 'DUG STE, THAL MO SBYAR BA BTUNG NAS 'DI SKAD CES BRJOD PAR BYA'O, ,TSE DANG LDAN PA DGONGS SU GSOL, DENG DGE 'DUN GYI GSO SBYONG BCO LNGA PA LAGS LA, BDAG DGE SLONG MING 'DI ZHES BGYI BA'I GSO SBYONG YANG BCO LNGA PA LAGS TE, BDAG DGE SLONG MING 'DI ZHES BGYI BA, DGE 'DUN GYI NANG DU LTUNG BA MING DANG RIGS 'DI LTA BU 'DI DRAN TE, BDAG DGE SLONG MING 'DI ZHAS BGYI BAS DENG LTUNG BA DE TSE DANG LDAN PA'I MDUN DU BYIN GYIS BRLABS TE GSO SBYONG BGYI'O, ,SANG NANG PAR LTUNG PA DE SLAR CHOS BZHIN DU BGYI'O ZHES LAN GSUM BZLAS PAR BYA'O, ,GSO SBYONG BCO LNGA PA DE NYID LA, DGE SLONG DGE 'DUN GYI NANG DU LTUNG BA LA YID GNYIS DANG BCAS PAR GYUR NA, DES LTUNG BA DE DGE SLONG DRUNG NA MO LA BYIN GYIS BRLAB PAR BYA'O, ,'DI LTAR BYA STE, DES DGE SLONG DRUNG NA 'DUG PA'I MDUN DU TZOG PUR 'DUG STE, THAL MO SBYAR BA BTUNG NAS 'DI SKAD CES BRJOD PAR BYA'O, ,TSE DANG LDAN PA DGONGS SU GSOL, DENG DGE 'DUN GYI GSO SBYONG BCO LNGA PA LAGS LA,

, ,BDAG DGE SLONG MING 'DI ZHES BGYI BA'I GSO SBYONG YANG BCO LNGA PA LAGS TE, BDAG DGE SLONG MING 'DI ZHES BGYI BA, DGE 'DUN GYI NANG DU LTUNG BA MING DANG RIGS 'DI LTA BU 'DI LA YID GNYIS SU GYUR NA, BDAG GIS DENG LTUNG BA DE TSE DANG LDAN PA'I MDUN DU BYIN GYIS BRLABS TE GSO SBYONG BGYI'O, ,SANG NANG PAR DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA DRIS TE, DOGS PA DANG YID GNYIS BSAL LA, LTUNG BA DE CHOS BZHIN DU SLAR BGYI'O ZHES LAN CIG BZLAS PAR BYA'O, ,GSO SBYONG BCO LNGA PA DE NYID LA DGE SLONG LAS BYED PAS, DGE 'DUN GYI NANG DU LTUNG BA DRAN NA, DES LTUNG BA DE RANG GI SEMS KYIS BYIN GYIS BRLAB PAR BYA'O, ,'DI LTAR BYAS TE, DES 'DUG BZHIN DU SEMS KYIS 'DI SKAD CES BRJOD PAR BYA'O, ,DENG DGE 'DUN GYI GSO SBYONG BCO LNGA PA YIN LA, BDAG DGE SLONG LAS BYED PA MING 'DI ZHES BGYI BA'I GSO SBYONG YANG BCO LNGA PA YIN TE, BDAG DGE SLONG LAS BYED PA MING 'DI ZHES BYA BA DGE 'DUN GYI NANG DU LTUNG BA MING DANG, RIGS 'DI LTA BU 'DI DRAN TE, BDAG DGE SLONG LAS BYED PA MING 'DI ZHES BYA BAS, DENG LTUNG BA DE RANG GI SEMS KYIS BYIN GYIS BRLABS TE GSO SBYONG BYA'O, ,SANG NANG PAR LTUNG BA DE CHOS BZHIN DU PHYIR BYA'O ZHES LANG CIG BRJOD PAR BYA'O, ,GSO SBYONG BCO LNGA PA DE NYI LA, DGE SLONG LAS BYED PAS DGE 'DUN GYI NANG DU LTUNG BA LA YID GNYIS DANG, BCAS PAR GYUR NA, DES LTUNG BA DE RANG GI SEMS KYIS BYIN GYIS BRLAB PAR BYA'O,, 'DI LTAR BYA STE, DES 'DUG BZHIN DU SEMS KYIS 'DI SKAD CES BRJOD PAR BYA'O, ,DENG DGE 'DUN GYI GSO SBYONG BCO LNGA PA YIN LA, BDAG DGE SLONG LAS BYED PA MING 'DI ZHES BGYI BA'I GSO SBYONG YANG BCO LNGA PA YIN TE, BDAG DGE SLONG LAS BYED PA MING 'DI ZHES BYA BA, DGE 'DUN GYI NANG DU LTUNG BA MING DANG RIGS 'DI LTA BU 'DI LA YID GNYIS SU GYUR NA, BDAG DGE SLONG LAS BYED PA MING 'DI ZHES BYA BAS, DENG LTUNG BA DE LA RANG GI SEMS KYIS BYIN GYIS BRLABS TE GSO SBYONG BYA'O, ,SANG NANG PAR DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS

LA DRIS TE DOGS PA DANG YID GNYIS BSAL LA, LTUNG BA DE CHOS BZHIN DU PHYIR BYA'O ZHES LAN CIG BRJOD PAR BYA'O, ,GSO SBYONG BCO LNGA PA DE NYID LA DGE 'DUN THAMS CAD LTUNG BA MTHUN PA DANG, BCAS PAR 'GYUR NA, DGE SLONG DE RNAMS KYIS GANG GI MDUN DU LTUNG BA DE CHOS BZHIN DU PHYIR BYA BA'I PHYIR DGE SLONG 'GA' ZHIG GNAS GZHAN DU SONG LA, DGE SLONG GI MDUN DU LTUNG BA DE CHOS BZHIN DU PHYIR BYED PA DE LTA BUR SPO BAR BYA'O, GAL TE GRUB NA DE LTA NA LEGS, CI STE MI 'GRUB NA, DGE SLONG DE RNAMS KYIS GSOL BA 'BA' ZHIG GI LAS KYIS BYIN GYIS BRLAB PAR BYA'O, 'DI LTAR BYA STE, GAL TE GSO SBYONG GI DUS SU DGE 'DUN THAMS CAD KYIS LTUNG BA MTHUN PA DANG BCAS PAR SHES PAR GYUR NA, DGE SLONG GCIG MTSAMS GZHAN GYI DGE SLONG GI DRUNG DU BTANG STE, DES DER LTUNG BA PHYIR BCOS TE, PHYIR 'ONGS NAS DE'I MDUN DU THAMS CAD KYI LTUNG BA SHES PA PHYIR BCOS TE GSO SBYONG BYA'O, GAL TE CHO GA DE MA GRUB NA, DGE SLONG GCIG GIS GSOL BA 'BA' ZHIG GI LAS KYIS BYIN GYIS BRLAB PAR BYA'O, 'DI LTAR BYAS TE 'DUG LA, 'DI SKAD CES BRJOD PAR BYA'O, DGE 'DUN BTZUN PA RNAMS GSAN DU GSOL, DENG DGE 'DUN GYI GSO SBYONG BCO LNGA PA LAGS, BDAG CAG DGE 'DUN THAMS CAD NI LTUNG BA DANG BCAS PAR GYUR NA, GANG GI MDUN DU BDAG CAG LTUNG BA DE CHOS BZHIN DU SLAR BGYI BA, BDAG CAG LA DGE SLONG GNAS GZHAN DU MCHIS LA, DGE LONG GI MDUN DU LTUNG BA DE CHOS BZHIN DU SLAR BGYID PAR SPRO BA SU YANG MA MCHIS NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS LTUNG BA DE BYIN GYIS BRLABS TE, GSO SBYONG MDZAD LA, SLAD KYIS DGE SLONG GI MDUN DU LTUNG BA DE CHOS BZHIN DU SLAR MDZAD DO,, 'DI NI GSOL BA'O, ,GSO SBYONG BCO LNGA PA DE NYID LA DGE 'DUN THAMS CAD LTUNG BA LA YID GNYIS DANG BCAS PAR GYUR NA, DE RNAMS KYIS GANG GI MDUN DU LTUNG BA DE CHOS BZHIN DU PHYIR BYA BA'I DGE SLONG 'GA' ZHIG GNAS GZHAN DU SONG LA, DGE SLONG MDO SDE DANG, 'DUL BA DANG, MA MO 'DZIN

, ,PA RNAMS LA DRIS TE, LTUNG BA YID GNYIS BSAL TE, CHOS BZHIN DU PHYIR BYED PA DE LTA BUR SPRO BAR BYA'O, ,GAL TE GRUB NA LEGS, CI STE MA GRUG NA, DGE SLONG DE RNAMS GSOL BA 'BA' ZHIG GI LAS KYIS BYIN GYIS BRLAB PAR BYA'O, ,'DI LTAR BYA STE, GAL TE GSO SBYONG GI DUS SU, DGE 'DUN THAMS CAD LTUNG BA LA YID GNYIS DANG BCAS PAR GYUR NA, DGE SLONG GCIG MTSAMS GZHAN GYI DGE SLONG MDO SDE DANG, 'DUL BA DANG, MA MO 'DZIN PA RNAMS KYI DRUNG DU BTANG STE, NGES DER LTUNG BA LA DOGS PA DANG, YID GNYIS BSAL TE, PHYIR 'ONGS NAS DE'I MDUN DU THAMS CAD KYIS LTUNG BA LA YID GNYIS DANG BCAS PAR GYUR BA BSAL TE, GSO SBYONG BYA'O, ,GAL TE CHO GA DE MA GRUB NA, DGE SLONG GCIG GIS GSOL BA 'BA' ZHIG GI LAS KYIS BYIN GYIS BRLAB PAR BYA'O, 'DI LTAR BYA STE, 'DUG LA 'DI SKAD CES BRJOD PAR BYA'O, ,DGE 'DUN BTZUN PA RNAMS GSAN DU GSOL, DENG DGE 'DUN GYI GSO SBYONG BCO LNGA PA LAGS LA, BDAG CAG DGE 'DUN THAMS CAD LTUNG BA LA DOGS PA DANG, YID GNYIS DANG BCAS PAR GYUR NA, GANG GI MDUN DU BDAG CAG LTUNG BA DE CHOS BZHIN DU SLAR BGYI BA, BDAG CAG LAS DGE SLONG GNAS GZHAN DU MCHIS LA, DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA DRIS TE, DOGS PA DANG YID GNYIS BSAL LA, LTUNG BA DE CHOS BZHIN TU SLAR BGYID PAR SPRO BA SU YANG MA MCHIS NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS DENG LTUNG BA DE BYIN GYIS BRLABS TE, GSO SBYONG MDZAD LA SLAD KYIS DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA DRIS TE, DOGS PA DANG, YID GNYIS BSAL LA, LTUNG BA DE CHOS BZHIN DU SLAR MDZAD DO, ,'DI NI GSOL PA'O, ,GSO SBYONG BCO LNGA PA DE NYID LA DGE 'DUN THAMS CAD LTUNG BA'I PHYIR RTZOD PAR GYUR NA, GSOL BA 'BA' ZHIG GI LAS KYIS BYIN GYIS BRLABS TE, GSO

SBYONG BYA'O, ,'DI LTAR BYA STE, GSO SBYONG BCO LNGA PA DE NYID LA, DGE SLONG GNYUG MAR GNAS PAR GCIG PU MA GTOGS PA, DGE 'DUN THAMS CAD LTUNG BA DANG BCAS PAR GYUR NA, DGE SLONG DE DGE SLONG GTAM 'DRE BA DANG, PHEBS PAR SMRA BA DANG, SMOS 'DRIN DANG, 'GROGS BSHES GANG YIN PA DE'I DRUNG DU SONG STE, CI NAS KYANG DGE SLONG GZHAN DAG KYANG LTUNG BA 'CHAGS PAR 'GYUR BA DE LTAR GLENG BA DANG DRAN PAR BYA'O, ,GAL TE GRUB NA DE LTA NA LEGS, CI STE MI 'GRUB CING DGE 'DUN THAMS CAD LTUNG BA'I PHYIR RTZOD PAR GYUR NA, DGE SLONG GCIG GIS GSOL BA 'BA' ZHIG GI LAS KYIS BYIN GYIS BRLAB PAR BYA'O, ,'DI LTAR BYA STE, 'DUG LA 'DI SKAD CES BRJOD PAR BYA'O, ,DGE 'DUN BTZUN PA RNAMS GSAN DU GSOL, DENG DGE 'DUN GYI GSO SBYONG BCO LNGA PA LAGS LA, BDAG CAG DGE 'DUN THAMS CAD NI LTUNG BA'I SLAD DU RTZOD PAR GYUR NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS DENG LTUNG BA'I SLAD DU RTZOD PA DE BYIN GYIS BRLABS LA GSO SBYONG MDZAD LA, SLAD KYIS DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA DRIS TE, RTZOD PA'I BAR BGYIS LA LTUNG BA DE CHOS BZHIN DU SLAR MDZAD DO, ,'DI NI GSOL BA'O, ,GSO SBYONG BCO LNGA PA DE NYID LA, DGE 'DUN THAMS CAD LTUNG BA LA NGES PA NYID MA YIN PAR GYUR NA, GSOL BA 'BA' ZHIG GI LAS KYIS BYIN GYIS BRLABS TE GSO SBYONG BYA'O, ,'DI LTAR BYA STE, GSO SBYONG BCO LNGA BA DE NYID LA, DGE SLONG GLO BUR DU 'ONGS PA GCIG PU MA GTOGS PA, DGE 'DUN THAMS CAD LTUNG BA DANG BCAS PAR GYUR NA, DGE SLONG DE DGE SLONG GTAM 'DRES PA DANG, PHEBS PAR SMRA BA DANG, SMOS 'DRIN DANG, 'GROGS PA SHES GANG YIN PA DE'I DRUNG DU SONG STE, CI NAS KYANG DGE SLONG GZHAN DAG KYANG LTUNG BA 'CHAGS PAR 'GYUR BA DE LTAR GLENG BA DANG DRAN PAR BYA'O, ,GAL TE GRUB NA DE LTA NA LEGS, CI STE MI 'GRUB CING, DGE 'DUN THAMS CAD LTUNG BA DE NI GANG YIN, LTUNG BA DE LAS JI LTAR NI LDANG BAR

, ,'GYUR ZHES NGES PA NYID MA YIN PAR GYUR NA, DGE SLONG GCIG GIS GSOL BA 'BA' ZHIG GI LAS KYIS BYIN GYIS BRLAB PAR BYA'O, ,'DI LTAR BYA STE, 'DUG LA 'DI SKAD CES BRJOD PAR BYA'O, ,DGE 'DUN BTZUN PA RNAMS GSAN DU GSOL, DANG DGE 'DUN GYI GSO SBYONG BCO LNGA PA LAGS LA, BDAG CAG DGE 'DUN THAMS CAD NI LTUNG BA LA NGES PA NYID MA LAGS PAR GYUR NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS DENG LTUNG BA DE NGES PA NYID MA LAGS PA DE BYIN GYIS BRLABS TE, GSO SBYONG MDZAD LA, SLAD KYI DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA DRIS TE, NGES PA MA LAGS PA BSAL LA, LTUNG BA DE CHOS BZHIN DU SLAR MDZAD DO, ,'DI NI GSOL BA'O, ,LTUNG BA MED NA CANG MA SMRA SHIG CES BYA BA NI, BSHAGS PAR BYA BA DANG, BSDAM PAR BYA BA DANG, BYIN GYIS BRLAB PAR BYA BA'I LTUNG BA MED NA DE DAG PHYIR BCOS PA'I PHYIR MA BYED CIG CES BYA BA'I THA TSIG GO, ,CANG MI SMRA NA BDAG GIS TSE DANG LDAN PA DAG YONGS SU DAG PAR RIG PAR BYA'O ZHES BYA BA NI, DE LTAR NA 'KHOR RNAM PAR DAG PA YIN PAS, BDAG GIS KHYED CAG GSO SBYONG GI SNOD DU GYUR PA YIN PAR RIG PAR BYA'O ZHES BYA BA'I THA TSIG GO, ,DE LTAR GLENG GZHI RNAM PAR GZHAG PA'I LUNG DPOG PA JI SKAD BSTAN PA DE LAS, TSE DANG LDAN PA DAG BDAG CAG GSO SBYONG BYA STE, SO SOR THAR PA'I MDO GDON PA GDON GYI, KHYED CAG SU LA LTUNG BA YOD PA DES MTHOL CIG CES BYA BA'I LUNG DPOG PA 'DI'I GLENG GZHI RNAM PAR GZHAG PA BSGRAG PAR BYA BA NI, 'OG NAS 'DI LA TSE DANG LDAN PA DAG CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O ZHES 'BYUNG BA YIN NO, ,LTUNG BA MED NA CANG MA SMRA SHIG CES BYA BA'I LUNG DPOG PA 'DI'I GLENG GZHI RNAM PAR GZHAG PA BSGRAG PAR BYA BA NI, 'OG NAS 'DI LA TSE DANG LDAN PA DAG YONGS SU DAG NA ZHES 'BYUNG BA YIN NO, ,CANG MI SMRA NA, BDAG GIS TSE DANG LDAN PA DAG YONGS SU DAG PAR RIG PAR

BYA'O ZHES BYA BA'I LUNG DBOG PA 'DI'I GLENG GZHI RNAM PAR GZHAG PA BSGRAG PAR BYA BA NI, 'OG NAS 'DI LTAR CANG MI SMRA BAS DE DE BZHIN DU 'DZIN TO ZHES 'BYUNG BA YIN PAR RIG PAR BYA'O, ,DE'I 'OG TU GLENG GZHI RNAM PAR GZHAG PA'I THABS BSTAN PA'I YAN LAG GI DON BSHAD PAR BYA STE, JI LTAR SO SOR DRIS NAS DGE SLONG GIS LAN BTAB PA ZHES BYA BA NI, GLENG GZHI RNAM PAR GZHAG PA'I THABS BSTAN PA'I DPE STE, DPER NA GSO SBYONG GI TSE DGE SLONG DAG GSO SBYONG GI GNAS SU 'DU BA'I MDUN ROL KHO NAR GSO SBYONG SNGA MA 'DAS PA'I MTHA' TSUN CHAD KYI ZLA BA PHYED KYI LTUNG BA SO SOR RTOG PAR BYED CING, LTUNG BA SHES SHING MTHONG NA DGE SLONG GCIG GI MDUN DU SKABS DBYE BAR GSOL TE, LTUNG BA MTHOL NAS DAG PA SBYIN PA'I DGE SLONG DES LTUNG BA MTHONG NGAM ZHES DRIS PA NA MTHONG NGO ZHES LAN GDAB PA DANG, PHYIN CAD SDOM MAM ZHES DRIS PA NA SDOM MO ZHES LAN BTAB PA LAN GSUM DRIS NAS, DGE SLONG GIS KYANG LAN GDAB PA'O, ,DE BZHIN DU DGE SLONG GI 'KHOR 'DI LTA BUR YANG LAN GSUM GYI BAR DU BSGRAG PAR BYA BA YIN NO ZHES BYA BA NI, GLENG GZHI RNAM PAR GZHAG PA'I THABS BSTAN PA'I DON NYID YIN TE, DGE SLONG GI 'KHOR 'DI LTA BUR YANG ZHES BYA BA NI, SO SOR THAR PA'I MDO GDON PA'I 'KHOR 'DIR LAN GSUM GYI BAR DU BSGRAG PAR BYA BA YIN NO ZHES BYA BA NI, 'OG NAS GLENG GZHI RNAM PAR GZHAG PA BSGRAG PAR BYA BA TSIG 'DI SKAD CES, DE LA BDAG GIS, TSE DANG LDAN PA DAG LA CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS, DE DE BZHIN DU 'DZIN TO ZHES 'BYUNG BA DE NYID SO SOR THAR PA'I GZHUNG LAS JI LTAR 'BYUNG BA KHO NA BZHIN GO RIMS DANG, TSIG MA 'KHRUL BAR LAN CIG GDON PAR BYA BA YIN TE, DE LAN CIG BTON PA NYID NA DRI'O ZHES BYA BA DANG, LAN GNYIS LAN GSUM DU DRI'O ZHES SMOS PA DE NYID KYIS LAN GSUM BSGRAGS PA YIN NO, ,TSIG DE SKABS 'DIR GONG DUS PAR TE, BSGRAG PAR BYA BA YANG MA YIN LA, SNGAR

, ,GLENG GZHI RNAM PAR GZHAG PA'I LUNG DBOG PA'I TSIG JI SKAD BSTAN PA, DE SKABS 'DIR LAN GSUM BSGRAG PAR BYA BA YANG MA YIN NO, ,DE'I 'OG TU MA DAG PA'I NYES DMIGS KYI YAN LAG GI DON BSHAD PAR BYA STE, YANG DGE SLONG GANG ZHES BYA BA NI, BYUNG BA'I DBANG GIS BCAS PA MA YIN GYI GANG YANG RUNG BA SPYIR BSTAN PA'O, ,DGE SLONG GI 'KHOR 'DI LTA BUR LAN GSUM GYI BAR DU BSGRAGS PA NA ZHES BYA BA NI, SO SOR THAR PA GDON PA'I NANG DU GLENG GZHI RNAM PAR GZHAG PA BSGRAG PAR BYA BA'I TSIG 'OG NAS 'BYUNG BA LAN CIG BTON PA NA STE, DE LAN CIG BTON PA NA DRI'O ZHES BYA BA DANG, LAN GNYIS LAN GSUM DU DRI'O ZHES SMOS PA NYID, LAN GNYIS LAN GSUM BSGRAGS PA YIN GYI, GLENG GZHI RNAM PAR GZHAG PA BSGRAG PAR BYA BA TSIG DE LAN GSUM BSGRAG PAR NI MI BYA'O, ,LTUNG BA DE LA ZHES BYA BAS NI SNGAR CHOS BZHIN DU PHYIR MA BCOS PA'O, ,DRAN BZHIN DU MI MTHOL NA ZHES BYA BA NI 'DIR 'DU SHES GTZO CHER BYED PA PO YIN PAS, MI DRAN PA LA LTUNG BA MED KYI DRAN BZHIN DU MI MTHOL NA LTUNG BAR 'GYUR RO, ,YID GNYIS NI 'DU SHES DANG 'DRA BAS YID GNYIS ZA BA BYIN GYIS MI RLOB NA YANG LTUNG BA 'DIR 'GYUR RO, ,DE SHES BZHIN DU BRDZUN SMRA BA YIN NO ZHES BYA BA NI BRDZUN LA RNAM PA LNGA STE, PHAM PAR 'GYUR BA DANG, DGE 'DUN LHAG MAR 'GYUR BA DANG, NYES PA SBOM POR 'GYUR BA DANG, LTUNG BYED DU 'GYUR BA DANG, NYES BYAS SU 'GYUR BA'O, ,DE LA PHAM PAR 'GYUR BA'I BRDZUN NI 'DU SHES BSGYUR TE MI CHOS BLA MAR SMRA BA'O, ,DGE 'DUN LHAG MAR 'GYUR BA'I BRDZUN NI 'DU SHES BSGYUR TE, GZHI MED PA DANG, BAG TZAM GYIS SKUR BA 'DEBS PA'O, ,NYES PA SBOM POR 'GYUR BA'I BRDZUN NI DGE 'DUN GYI DBYEN BYED PA'I TSE, DGE 'DUN 'DUS PA SHES BZHIN DU CHOS MA YIN PA CHOS SU STON PA DANG, CHOS CHOS MA YIN PAR STON PAS TE, BRDZUN DU SMRA BA'I PHAM PAR 'GYUR BA'I SKABS KYI NYES PA STON PA'O, ,LTUNG BYED DU 'GYUR BA'I BRDZUN NI SNGA MA GSUM DANG, NYES BYAS SU 'GYUR BA'I BRDZUN DANG BZHI LAS GZHAN PA'I BRDZUN DU SMRA BA DON SHES

PA'I YUL LA 'DU SHES GZHAN DU BSGYUR BA STE, BRDZUN DU SMRA BA NI 'DU SHES KYI DBANG GIS RNAM PAR GZHAG GI, ,DNGOS PO'I DBANG GIS NI MA YIN PA'I PHYIR RO, ,NYES BYAS SU 'GYUR BA'I BRDZUN NI SKABS 'DI NYID KYIS BSTAN TE, GSO SBYONG LA CI 'DI LA KHYED YONGS SU DAG GAM ZHES LAN GSUM GYI BAR DU DRIS PA LAS MA DAG PAR SHES BZHIN DU CANG MI SMRA BAS 'DA' BAR BYED NA, NYES BYAS SO ZHES GSUNGS PA'I PHYIR RO, ,DE YANG NYES BYAS YONGS SU RDZOGS PA YIN GYI YID KYIS NI MA YIN TE, KHA RNAM PAR 'GYUR BA LA SOGS PA'I RNAM PAR RIG BYED DE LA YOD PA'I PHYIR RO, ,DE LTAR SHES BZHIN DU BRDZUN SMRA BA DE NI MA DAG PA YIN NA, MA DAG PA'I NYES DMIGS GANG ZHE NA, DE'I PHYIR TSE DANG LDAN PA DAG SHES BZHIN DU BRDZUN DU SMRA BA NI, BCOM LDAN 'DAS KYIS BAR DU GCOD PA'I CHOS SU GSUNGS SO ZHES BYA BA GSUNGS TE, BRDZUN DU SMRA BA NI RANG BZHIN GYI KHA NA MA THO BA DANG BCAS PA YIN PAS BSNYEN PAR MA RDZOGS PA DANG, NYAMS PA DANG, MTSAMS MED PA BYAS PA DANG, SDIG PA'I LTA BA CAN DANG, SA GZHAN LA GNAS PA DANG, THA DAD PAR GNAS PA RNAMS KYIS SMRA NA YANG MNGON PAR MTHO BA DANG, NGES PAR LEGS PA'I BAR DU GCOD PA YIN LA, DGE SLONG RANG BZHIN DU GNAS PAS SMRA NA NI, RANG BZHIN GYI KHA NA MA THO BA DANG BCAS PA'I KHA NA MA THO BA GNYIS KA LHAG PAR SPYAD PA YIN PAS LHAG PAR YANG MNGON PAR MTHO BA DANG, NGES PAR LEGS PA'I BAR DU GCOD PAR GSUNGS SO, ,SKABS 'DIR NI CHO GA LAS 'DAS NA, LAS MI 'CHAGS SO ZHES GSUNGS TE, LAS NI GSOL BA DANG BRJOD PA DANG, SO SOR THAR PA GDON PA DANG, DGAG DBYE'I LAS TE, LAS BRGYA RTZA GCIG GIS BSDUS PA'O, ,CHO GA NI DGE 'DUN TSANG BA DANG, LAS BRJOD PA DANG, LAS BYED PA NYID KYI CHOS MA YIN PAS MI BYA BA DANG, MI MTHUN PA DAG MI BYA BA DANG, TSOGS KYIS MI BYA BA YIN PAS 'DIR SO SOR THAR PA GDON PA NI GSO SBYONG GI LAS YIN LA, DE CHOS MA YIN PAS MI BYA'O ZHES BYA BA NI 'KHRUL PA DANG BCAS PA DAG GIS LAS MI BYA BA LA SOGS PA YIN NO, ,

, ,'DIR LTUNG BA YOD PA NI 'KHRUL PA DANG BCAS PA YIN LA, DE DRAN BZHIN DU MI MTHOL BA, SHES BZHIN DU BRDZUN SMRA BA YANG RANG BZHIN LAS NYAMS PA YIN PAS DE MA BSHAGS SAM, BYIN GYIS MA BRLABS PA DAG GIS GSO SBYONG GI LAS BYAS NA, LAS DE MI 'CHAGS PA'I NYES DMIGS GZHAN YANG YOD DO, ,DE'I 'OG TU DAG PA'I PHAN YON GYI YAN LAG GI DON BSHAD PAR BYA STE, DE BAS NA DGE SLONG LTUNG BA BYUNG BA RNAM PAR DAG PAR 'DOD PA ZHES BYA BA NI, SHES BZHIN DU BRDZUN SMRA BA'I NYES PA TZAM YANG RNAM PAR DAG PAR 'DOD PAS SO, , LTUNG BA YOD PAS DRAN ZHING MTHONG BA MTHOL BAR BYA'O ZHES BYA BA NI, BSHAGS PA DANG, BSDAM PA DANG, BYIN GYIS BRLAB PA GANG BYA BAR 'OS PA DE BYA'O, ,DE LTAR MTHOL BA DE NI DAG PA YIN NA, DAG PA'I PHAN YON GANG YIN ZHE NA, DE'I PHYIR MTHOL NA BDE BA LA REG PAR GNAS PAR 'GYUR RO ZHES BYA BA GSUNGS TE, MTHOL NA TSUL KHRIMS KYI PHAN YON BCU 'THOB CING, MNGON PAR MTHO BA DANG, NGES PAR LEGS PA'I BDE BA LA REG PAR GNAS PAR 'GYUR BA'O, ,TSUL KHRIMS GYI PHAN YON BCU NI, 'GYOD PA MED PA'I RIM GYIS MCHOG TU DGA' BA SNGON DU 'GRO BA'I CHOS 'THOB PAR 'GYUR BA LA SOGS PA SNGAR BSTAN PA DAG GO, ,MNGON PAR MTHO BA NI MTHO RIS SO, ,NGES PAR LEGS PA NI MYA NGAN LAS 'DAS PA'O, ,SKABS 'DIR 'PHRAL DU CHO GA LAS MA 'DAS PAS, LAS 'CHAGS PA'I PHAN YON GZHAN YANG YOD DO, ,MA MTHOL MA BSHAGS NA NI MI 'GYUR RO ZHES BYA BAS NI RJES SU 'GRO BA SNGAR BSTAN PA DE NYID LDOG PA'I SGO NAS BSTAN TO, ,DE'I 'OG TU GDON PA'I MJUG BSDU BA'I YAN LAG GI DON BSHAD PAR BYA STE, TSE DANG LDAN PA DAG BDAG GIS SO SOR THAR PA'I MDO GDON PA'I GLENG GZHI BTON ZIN TO ZHES BYA BA LA, GLENG GZHI ZHES BYA BA NI, MDO GDON PA'I 'BYUNG BA'I RGYU'O, ,BTON ZIN TO ZHES BYA BA NI, DAM BCAS PA'I DON GYI MJUG BSDU BA'I PHYIR DANG NYAN PA PO RNAMS SPRO BAR BYA BA'I PHYIR SMOS SO, ,DE'I 'OG TU GLENG GZHI RNAM PAR GZHAG PA BSGRAG PAR BYA BA'I YAN LAG GI DON BSHAD PAR BYA STE,

DE LA ZHES BYA BA NI, GLENG GZHI ZHES BTON PA DE LA'O, ,CI ZHES BYA BA NI YONGS SU DRI BA'O, ,'DI LA ZHES BYA BA NI, GSO SBYONG LA'O, ,KHYED CES BYA BA NI KHYED CAG GO, ,YONGS SU DAG GAM ZHES BYA BA NI, LTUNG BA MA BYUNG NGAM ZHES BYA BA'O ZHES BYA BA NI DRI BA SPYI LA SNYAGS SO, ,DRI'O ZHES BYA BA NI DRI BA DANG PO'O, ,LAN GNYIS LAN GSUM DU DRI'O ZHES BYA BA NI, LAN GSUM KHO NA DRI DGOS PAS, LAN GNYIS LAN GSUM DU ZHES BYA BA SMOS TE, NYUNGS NA YANG LA LAS MI THOS LA, MANGS NA YANG DUS YOL BA LA SOGS PA'I NYES DMIGS YOD PAS DE'I PHYIR LAN GSUM NI RAN PAR DGONGS TE, BSHAGS PA DANG, BYIN GYIS BRLAB PA GNYIS KYIS LTUNG BA MA BCABS PA, SHA STAG TSOGS PA YIN NAM ZHES BYA BA'I THA TSIG GO, ,CANG MI SMRA BAS BRDA BYAS PAS GLENG GZHI RNAM PAR GZHAG PA BSGRAG PAR BYA BA'I MJUG BSDU BA BSTAN PA'I PHYIR, 'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BA GSUNGS TE, BSHAGS PAR BYA BA DANG, BYIN GYIS BRLAB PA GNYIS KYIS LTUNG BA MA BCABS PA SHA STAG TSOGS PA YIN NO ZHES BYA BA'I THA TSIG GO, ,GLENG GZHI GDON PA BSHAD ZIN TO,, ,,BAM PO GSUM PA, DA NI PHAM PAR 'GYUR BA GDON PA BSHAD PAR BYA STE, DE'I PHYIR SDOM LA, MI TSANGS SPYOD DANG RKU BA DANG, ,MI LA GSAD PAR MI BYA BA, ,BRDZUN DU SMRA DANG BCAS PA YI, ,CHOS BZHI 'DIR NI GSUNGS PA YIN, ,ZHES BYA BA GSUNGS SO, , SDOM LA ZHES BYA BA NI, YANG DAG PAR SDUD PAR BYED PAS 'DUL BA'I SDE SNOD YANG DAG PAR BSDU BA'I TSE, MA 'ONGS PA'I SKYE BO LUNG DANG RTOGS PA'I BDAG NYID MED PA DAG YAN LAG LA SGRO 'DOGS PA DANG, SKUR PA 'DEBS PA'I MTHA' SPANG BAR BYA BA DANG, NYAN PA POS BRJOD PA NYUNG DUS DON GYI SPYI RTOGS PAR 'DOD PA DAG LA PHAN GDAGS PA'I PHYIR, SDOM RNAM PA GSUM DU BSDUS TE, SPYI SDOM DANG, SDOM DANG, BAR SDOM DU'O, ,DE LA SPYI SDOM NI, SPYI'I DON TSIGS SU BCAD PAR BSDUS PA STE, DE DPER NA LTUNG BYED KYI SDE TSAN BSTAN PA'I SKABS

, ,SU; SDOM GYI TSIGS BCAD RIM GYIS 'BYUNG BA THAMS CAD KYI MGOR, SPYI SDOM LA ZHES BYA BA'I TSIGS SU BCAD PA GCIG GIS SDOM RNAMS KYI SPYI'I DON BSDUS PA LA SOGS PA LTA BU'O, ,SDOM NI DNGOS GYI DON TSIGS SU BCAD PAR BSDUS PA STE, DPER NA PHAM PAR 'GYUR BA'I CHOS BZHI PO DAG GI DNGOS KYI DON SDOM LA ZHES BYA BA'I TSIGS SU BCAD PAS BSDUS PA DANG, DGE 'DUN LHAG MA'I CHOS BCU GSUM PO DAG GI DNGOS KYI DON SDOM LA ZHES BYA BA'I TSIGS SU BCAD PAS BSDUS PA LA SOGS PA LTA BU'O, ,BAR SDOM NI, YAN LAG GI DON TSIGS SU BCAD PAR BSDUS PA STE, DPER NA SPANG BA'I LTUNG BYED SUM CU PO DAG GI DNGOS KYI DON SDOM GYI TSIGS SU BCAD PA GCIG BSDUS PA LAS, DE DAG SO SO'I LTUNG BA RNAM PAR GZHAG PA'I SKABS SKABS SU TSIG YAN LAG DU MA 'PHROS PA DAG GI DON PAR SDOM LA ZHES BYA BA'I TSIGS SU BCAD PAS BSDUS PA LA SOGS PA LTA BU'O, ,DE BAS NA, SKABS 'DIR SDOM LA, ZHES BYA BA SMOS PA NI, PHAM PAR 'GYUR BA'I CHOS BZHI'I DNGOS KYI DON BSDUS PA YIN NO, ,MI TSANGS SPYOD DANG RKU BA DANG, ,MI LA GSAD PAR MI BYA BA, ,BRDZUN DU SMRA DANG BCAS PA YI, ,CHOS BZHI 'DIR NI GSUNGS PA YIN, ,ZHES BYA BA LA, MI BYA BA ZHES BYA BA'I TSIG DBUS NA 'DUG PA 'DI LTAR GONG 'OG GNYIS KAR SBYAR TE, MI TSANGS PAR SPYAD PAR MI BYA BA DANG, RKU BAR MI BYA BA DANG, MI LA GSAD PAR MI BYA BA DANG, MI BYA BA DE BRDZUN DU SMRA BAR MI BYA BA DANG, CHOS BZHI PO DE DAG PHAM PAR 'GYUR BA GDON PA'I SKABS 'DIR BCOM LDAN 'DAS KYIS GSUNGS PA YIN NO ZHES BYA BAR SBYAR RO, ,TSE DANG LDAN PA DAG PHAM PAR 'GYUR BA'I CHOS BZHI PO 'DI DAG NI ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BAS NI PHAM PAR 'GYUR BA GDON PA 'DI'I LUNG DBOG PA BSTAN TO, ,PHAM PAR 'GYUR BA'I CHOS ZHES BYA BA NI GZHAN RGYAL BAR BYED DU 'JUG PA'I NYES PA NI PHAM PA'O, ,DE BYED PAR 'GYUR BA'I PHYIR PHAM PAR 'GYUR BA

STE LTUNG BA'O, ,DE NYID KHA NA MA THO BA'I MTSAN NYID 'DZIN PAS CHOS ZHES BYA'O, ,BZHI PO 'DI DAG NI ZHES BYA BA ZHI MI TSANGS PAR SPYOD PA'I PHAM PAR 'GYUR BA DANG, MA BYIN PAR LEN PA'I PHAM PAR 'GYUR BA DANG, GSOD PA'I PHAM PAR 'GYUR BA DANG, SMRA BA'I PHAM PAR 'GYUR BA'O,, ZLA BA PHYED PHYED CING SO SOR THAR PA'I MDOG DON PA LAS 'BYUNG NGO ZHES BYA BA NI, SDE SNOD GSUM LAS 'DUL BA'I SDE SNOD NI YI GER MI 'DRI BA YIN PAS THAMS CAD MNGON SUM DU MA GYUR PA'I PHYIR, GSO SBYONG GDON PAS PHAM PAR 'GYUR BA GDON PA 'DI GA LAS SHES SNYAM PA LA, ZLA BA PHYED PHYED CING GSO SBYONG GDON PA'I TSE, 'DUL BA 'DZIN PA'I KHA TON LAS 'BYUNG NGO ZHES BSTAN PA YIN NO, ,DE LTAR 'DUL BA'I SDE SNOD YANG DAG PAR BSDUS PA'I GZHUNG 'DI NI MA 'ONGS PA'I SKYE BO DBANG PO RTUL PO TSIG DANG DON GYI BDAG NYID 'DZIN MI NUS PA RNAMS LA PHAN GDAGS PA'I PHYIR, BCOM LDAN 'DAS KYIS YANG DAG PAR BSDU BAR GNANG BA YIN TE, DE BAS NA 'DUL BA'I SDE SNOD KYI LAS GSANG BA 'DI NI BSNYEN PAR MA RDZOGS PA RNAMS KYIS THOS PAR MI BYA'O, ,DE LA BCOM LDAN 'DAS MNGON PAR RDZOGS PAR SANGS RGYAS TE, NYAN THOS KYI 'KHOR BRNYES NAS LO BCU GNYIS KYI BAR DU NI BCOM LDAN 'DAS KYI NYAN THOS KYI DGE 'DUN LA SKYON MED CING CHU BUR MED DE, BCOM LDAN 'DAS KYI NYAN THOS DGE 'DUN RNAMS KYIS SO SOR THAR PA'I MDO GDON PA YANG MDOR BSDUS TE, 'DI SKAD CES, ,SDIG PA THAMS CAD MI BYA STE, ,DGE BA PHUN SUM TSOGS PAR BYA, ,RANG GI SEMS NI YONGS SU GDUL, ,'DI NI SANGS RGYAS BSTAN PA YIN, ,LUS KYI SDOM PA LEGS PA YIN, ,NGAG GI SDOM PA 'ANG LEGS PA YIN, ,YID KYI SDOM PA 'ANG LEGS PA STE, ,THAMS CAD DU NI SDOM PA LEGS, ,KUN TU BSDAMS PA'I DGE SLONG NI, , SDUG BSNGAL KUN LAS RAB TU 'GROL, ,NGAG RNAMS BSRUNG ZHING YID KYIS RAB BSDAMS TE, ,LUS KYIS MI DGE BA DAG MI BYED CING, ,LAS LA MA GSUM PO 'DI DAG RAB SBYANGS NA, ,DRANG SRONG GSUNGS PA'I LAM NI THOB PAR 'GYUR, ,ZHES BTON PAR GYUR PAS, 'DUL BA LA NYAN THOS RNAMS

, ,KYI BSLAB PA'I GZHI BCAS PA MED DO, ,LO BCU GSUM PA LA BAB PA NA, SANGS RGYAS BCOM LDAN 'DAS YUL SPONG BYED DAG NA, KA LAN DA KA'I GRONG NA BZHUGS PA'I TSE KA LAN DA KA'I BU BZANG BYIN BCOM LDAN 'DAS KYIS LEGS PAR GSUNGS PA'I CHOS 'DUL BA LA SKRA DANG KHA SPU BREGS TE, GOS DUR SMRIG DAG BGOS NAS, YANG DAG PA KHO NAR DAD PAS KHYIM NAS KHYIM MED PAR RAB TU BYUNG STE, DGON PA'I SPYIL BU NA 'DUG PA RANG GI MAS BSLUS NAS, DES SNGON GYI CHUNG MA DANG LHAN CIG MI TSANGS PAR SPYAD PA 'KHRIG PA'I CHOS BSTEN TE, ZAG PA'I GNAS LTA BU'I CHOS MANG PO RNAMS KYI DANG PO KA LAN DA KA'I BU BZANG BYIN GYIS MI TSANGS PAR SPYAD PA'I RKYEN GYIS BYAS PAR GYUR NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, 'DUL BA LA NYAN THOS RNAMS KYI BSLAB PA'I GZHI BCA' BA MDZAD NAS, DE PHYIN CHAD GLENG GZHI RE RE'I RGYU LAS BSLAB PA'I GZHI RE RE BCAS PA'I SGO NAS, LTUNG BA SDE LNGA RNAM PAR GZHAG PA MDZAD NAS, DA DE DAG JI LTAR BCAS PA BZHIN DU BSHAD PAR BYA'O, ,DE LA GDON PAR GTOGS PA BSLAB PA'I GZHI THAMS CAD KYI MTSAN NYID NI, GLENG GZHI DANG, BSLAB PA BCAS PA DANG, LTUNG BA RNAM PAR GZHAG PAS RGYAS PAR STON TE, DE LA GLENG GZHI NI, YUL DANG, GANG ZAG DANG, NYON MONGS PA DANG, NYES PA'I GZHI'I BYE BRAG GIS RNAM PA BZHI'O, ,BSLAB BA BCAS PA NI, 'JIG RTEN DANG 'GAL BA DANG, 'DUL BA DANG 'GAL BA BZLOG PA'I DBANG GIS RANG BZHIN GYI KHA NA MA THO BA DANG BCAS PA DANG, BCAS PA'I KHA NA MA THO BA DANG BCAS PA DGAG PA'I LTUNG BA SDE LNGA'O, ,LTUNG BA RNAM PAR GZHAG PA NI, BSAM PA DANG, SBYOR BA'I SGO NAS DNGOS GZHI DANG, SBYOR BA DANG, SBYOR BA'I SBYOR BA CI RIGS PAR RNAM PAR GZHAG PA'O, ,DE LA RE ZHIG ,MI TSANGS SPYOD DANG RKU BA DANG, ,MI LA GSAD PAR MI BYA BA, ,BRDZUN DU SMRA DANG BCAS PA YI, ,CHOS BZHI 'DIR NI GSUNGS PA YIN, ZHES GSUNGS

PA'I RIM GYIS PHAM PAR 'GYUR BA'I CHOS BZHI PO DAG GO RIMS BZHIN DU JE BSHAD PAR BYA'O, ,DE LA MI TSANGS PAR SPYOD PA'I PHAM PAR 'GYUR BA'I GLENG GZHI NI BCAS PA DANG, RJES SU BCAS PA'I DBANG GIS RNAM PA GNYIS TE, BCAS PA'I GLENG GZHI NI, SANGS RGYAS BCOM LDAN 'DAS YUL SPOD BYED DAG NA, KA LAN DA KA'I GRONG NA BZHUGS PA'I TSE, KA LAN DA KA'I BU BZANG BYIN BCOM LDAN 'DAS KYIS LEGS PAR GSUNGS PA'I CHOS 'DUL BA LA SKRA DANG KHA SPU BREGS TE, GOS DUR SMRIG DAG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG STE, DGON PA'I SPYIL BU NA 'DUG PA RANG GI MAS BSLUS NAS, DES SNGON GYI CHUNG MA DANG LHAN CIG MI TSANGS PAR SPYOD PA 'KHRIG PA'I CHOS BSTEN TE, SA BON GYI CHOS BZHAG PA'I SKABS DE DGE SLONG RNAMS KYIS, BCOM LDAN 'DAS LA GSOL NAS; BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE SLONG RNAMS DANG LHAN CIG BSLAB PA MTSUNGS PAR GYUR PAS, BSLAB PA MA PHUL BSLAB PA NYAMS PAR MA BYAS PAR MI TSANGS PAR SPYOD PA 'KHRIG PA'I CHOS BSTEN NA, DGE SLONG DE PHAM PAR 'GYUR BA YIN GYI GNAS PAR MI BYA'O ZHES BCA' BA MDZAD DE, YUL NI SPONG BYED, GANG ZAG NI BZANG BYIN, NYON MONGS PA NI 'DOD CHAGS, NYES PA NI MI TSANGS PAR SPYOD PA'O, ,RJES SU BCAS PA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA, 'OD MA'I TSAL BYA KA LAN DA KA'I GNAS NA BZHUGS PA'I TSE, DGE SLONG ZHIG DGON PA'I SPYIL BU NA 'DUG PAS, SPRA MO ZHIG ZAS KYIS BRNGOD BRNGOD NAS DE DANG LHAN CIG MI TSANGS PAR SPYOD PA'I 'KHRIG PA'I CHOS BSTEN NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI

, ,DGE 'DUN BSDU BA MDZAD DE, BSLAB PA BCAS PA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI'I 'DI LTAR GDON PAR BYA STE, YANG DGE SLONG GANG DGE SLONG RNAMS DANG LHAN CIG BSLAB PA MTSUNGS PAR GYUR PAS, BSLAB PA MA PHUL, BSLAB PA NYAMS PAR MA BYAS PAR MI TSANGS PAR SPYOD PA'I 'KHRIG PA'I CHOS BSTEN NA, THA NA DUD 'GRO'I SKYE GNAS SU SKYES PA DANG LHAN CIG KYANG RUNG STE, DGE SLONG DE PHAM PAR 'GYUR BA YIN GYI GNAS PAR MI BYA'O ZHES BCA' BA MDZAD DE, YUL NI RGYAL PO'I KHAB, GANG ZAG NI DGE SLONG DGON PA PA, ,NYON MONGS PA NI 'DOD CHAGS, ,NYES PA NI DUD 'GRO DANG MI TSANGS PAR SPYOD PA'O, ,DE LA BSLAB PA BCA' BA'I PHAN YON BCU NI 'DI LTA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR DANG, DGE 'DUN BDE BAR GNAS PAR BYA BA'I PHYIR DANG, GNONG MI BKUR PA'I GANG ZAG RNAMS TSAR GCAD PAR BYA BA'I PHYIR DANG, NGO TSA SHES PA RNAMS BDE BAR GNAS PAR BYA BA'I PHYIR DANG, MNGON PAR MA DAD PA RNAMS DAD PAR BYA BA'I PHYIR DANG, MNGON PAR DAD PA RNAMS PHYIR ZHING 'BYUNG BAR BYA BA'I PHYIR DANG, TSE 'DI'I ZAG PA RNAMS BSDAM PAR BYA BA'I PHYIR DANG, TSE RABS PHYI MA'I ZAG PA RNAMS BZLOG PAR BYA BA'I PHYIR DANG, NGA'I TSANGS PAR SPYOD PA SKYE BO MANG PO LA PHAN PAR GYUR PA, YANGS PAR GYUR PA, LHA DANG MI'I BAR DAG LA YANG DAG PAR RAB TU BSTAN PAR YUN RING DU GNAS PAR 'GYUR BA'O ZHES GSUNGS PA'O, ,DE LA DGE 'DUN BSDU BA'I PHYIR ZHES BYA BA NI, MDOR BSTAN PA'I TSIG YIN TE, RIGS BZHI PO RGYAL RIGS DANG, BRAM ZE DANG, RJE'U RIGS DANG, DMANGS RIGS DAG DAD PAS LEGS PA KHO NAR KHYIM NAS KHYIM MED PAR RAB TU BYUNG BA RNAMS BSDU BA LAS BRTZAMS PA YIN NO, ,DGE 'DUN LEGS PAR BYA BA'I PHYIR ZHES BYA BA NI, DE LTAR RAB TU BYUNG BA RNAMS LA 'DOD PA'I BSOD NYAMS KYI RJES SU BRTZON PA'I MTHA' RNAM PAR SPANG ZHING, GZHI

DANG BCAS, NGES PAR 'BYUNG BA DANG BCAS, PHA ROL GNON PA DANG BCAS, CHO 'PHRUL DANG BCAS PA'I CHOS BSTAN PA'I RJES SU 'JUG PAS DGE 'DUN LEGS PAR 'GYUR BAR RIG PAR BYA'O, ,DGE 'DUN BDE BAR GNAS PAR BYA BA'I PHYIR ZHES BYA BA NI, BDAG NYID NGAL BA'I RJES SU BRTZON PA'I MTHA' RNAM PAR SPANG BA'I PHYIR RO, ,DE NI RNAM PA LNGAS PA BDE BAR GNAS PAR 'GYUR TE, CHOS DANG MI MTHUN PA'I GANG ZAG RNAMS BSKRAD PA DANG, 'GYOD PA SKYES PA SEL BA DANG, YO BYAD RKYEN DU 'BAB PA DAG YOD PA DANG, NYON MONGS PA'I KUN NAS DKRIS PA RNAM PAR GNON PA DANG, NYON MONGS PA'I BAG LA NYAL SPONG PAS SO, ,DE LA CHOS DANG MI MTHUN PA'I GANG ZAG RNAM PAR BSKRAD PA NI, GNONG MI BKUR BA'I GANG ZAG RNAMS TSAR GCAD PA'I PHYIR ZHES BYA BAS BSTAN TE, TSUL KHRIMS 'CHAL BA RNAMS LA NAN TUR BYA BA'I PHYIR RO, ,'GYOD PA SKYES PA SEL BA NI, NGO TSA SHES PA RNAMS BDE BAR GNAS PAR BYA BA'I PHYIR ZHES BYA BAS BSTAN TE, TSUL KHRIMS DANG LDAN PA RNAMS 'GYOD PA MED PAR BYA BA'I PHYIR RO, ,YO BYAD RKYEN DU 'BAB PA DAG YOD PA NI, MNGON PAR MA DAD PA RNAMS DAD PAR BYA BA'I PHYIR DANG, MNGON PAR DAD PA RNAMS PHYIR ZHING 'BYUNG BAR BYA BA'I PHYIR ZHES BYA BA'I TSIG GNYIS KYIS BSTAN TE, MA ZHUGS PA RNAMS GZHUG BAR BYA BA'I PHYIR DANG, ZHUGS PA RNAMS YONGS SU SMIN PAR BYA BA'I PHYIR RO, ,NYON MONGS PA'I KUN NAS DKRIS PA RNAM PAR GNON PA NI, TSE 'DI'I ZAG PA RNAMS BSDAM PA'I PHYIR ZHES BYA BAS BSTAN TE, NYON MONGS PA'I KUN NAS DKRIS PA RNAM PAR GNON PA DANG RJES SU MTHUN PA'I PHYIR RO, ,NYON MONGS PA'I BAG LA NYAL SPONG PA NI, TSE RABS PHYI MA'I ZAG PA RNAMS BZLOG PA'I PHYIR ZHES BYA BAS BSTAN TE, SMON NAS TSANGS PAR SPYOD BA LA GNAS PA BTZAL BAR BYA BA'I PHYIR TE, NYON MONGS PA'I BAG LA NYAL SPONG BA DANG RJES SU MTHUN PA'I PHYIR RO, ,DE LTAR RNAM PA DE NGAG GIS DGE 'DUN BDE BAR GNAS PAR 'GYUR TE, DKA' THUB DRAG POS GDUNG BA RJES

, ,SU BSRUNG BA'I PHYIR DANG, PHAN TSUN GNOD PA RJES SU BSRUNG BA'I PHYIR DANG, SEMS LA 'GYOD PA RJES SU BSRUNG BA'I PHYIR DANG, YO BYAD KYIS PHONGS PA RJES SU BSRUNG BA'I PHYIR DANG, NYON MONGS PA'I KUN NAS DKRIS PA RJES SU BSRUNG BA'I PHYIR DANG, LOG PAR SMON PA RJES SU BSRUNG BA'I PHYIR TE GO RIMS BZHIN NO, ,NGA'I TSANGS PAR SPYOD PA SKYE BO MANG PO LA PHAN PA, YANGS PAR GYUR PA, LHA DANG MI'I BAR DAG LA YANG DAG PAR RAB TU BSTAN PA YUN RING DU GNAS PAR 'GYUR BA ZHES BYA BA NI, BSTAN PA RGYUN MI CHAD PAR 'GYUR BA STE, THOB PA RNAMS BDE BAR GNAS PAR 'GYUR BA DANG, MA THOB PA MA ZHUGS PA RNAMS BDE BAR 'JUG PAR 'GYUR BA'I PHYIR RO, ,DE LA NGA'I TSANGS PAR SPYOD PA ZHES BYA BA NI, BCOM LDAN 'DAS KYI CHOS 'DUL BA MYA NGAN LAS 'DAS PA'I PHYIR SPYOD PA'O, ,SKYE BO MANG PO LA PHAN PA ZHES BYA BA NI, RGYAL RIGS LA SOGS PA'I RIGS DANG RUS RNAMS LA PHAN PA'I PHYIR RO, ,YANGS PAR GYUR PA ZHES BYA BA NI SEMS CAN GYI RIGS DE DAG NYID GONG NAS GONG DU 'PHEL BAR 'GYUR BA LAS BRTZAMS SO, ,LHA DANG MI RNAMS KYI BAR LA ZHES BYA BA NI DE DAG NYID LA MTHU YOD PA'I PHYIR YIN GYI, BCOM LDAN 'DAS KYI THUGS RJE NYI TSE BAR GYUR PA NI MA YIN NO, ,YANG DAG PAR RAB TU BSTAN PA ZHES BYA BA NI, JI LTA BA BZHIN DU YOD PA DANG, JI SNYED YOD PA NYID KYIS SO, ,PHAN YON BCU PO DE DAG MDOR BSDU NA RNAM PA BZHI STE; DANG PO BSDU BA DANG, LEGS PAR BSDU BA DANG, BSDUS PA RNAMS BDE BAR GNAS PAR 'GYUR BA DANG, MA 'ONGS PA MA BSDUS PA RNAMS BDE BAR 'JUG PAR 'GYUR BA'I THABS YONGS SU BSTAN PA YIN TE, PHAN YON DANG PO DANG, GNYIS PA DANG, BAR MA BDUN DANG; THA MA DANG, GO RIMS BZHIN DU SBYAR RO, ,BSLAB PA BCA' BA'I PHAN YON BCU PO MDO DANG RGYAS PAR BSHAD PA DE NI, BSLAB PA'I GZHI 'DI DANG 'OG MA DANG BCAS PA'I GNAS SKABS THAMS CAD DU RE RE LA DE BZHIN DU RGYAS PAR SBYAR BAR SHES PAR BYA'O, ,DA NI BSLAB

PA BCAS PA'I YAN LAG GI DON BSHAD PAR BYA STE, DE LA YANG DGE SLONG GANG ZHES BYA BA LA, YANG ZHES BYA BA NI LAS DANG PO PA LA LTUNG BA MED PAR BSTAN PA STE, PHYIN CHAD GZHAN GYIS SPYAD NA LTUNG BAR 'GYUR BA'O, ,DE LTAR YANG LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO ZHES GSUNGS PA'I PHYIR RO, ,DGE SLONG ZHES BYA BA NI DGE SLONG RNAM PA BZHI PO MING GE DGE SLONG DANG, KHAS 'CHE BA'I DGE SLONG DANG, SLONG BA'I PHYIR DGE SLONG DANG, NYON MONGS PA BCOM PA'I PHYIR DGE SLONG DAG MA GTOGS PA GSOL BA DANG, BZHI'I LAS KYIS BSNYEN PAR RDZOGS PA'I DGE SLONG DAG GO, ,GANG ZHES BYA BA NI BZANG BYIN DANG, DGON PA LTA BU GZHAN GANG YANG RUNG BA'O, ,DGE SLONG RNAMS DANG LHAN CIG CES BYA BA NI, DE LAS GZHAN PA CHOS MTHUN PA TSANGS PA MTSUNGS PAR SPYOD PA RNAMS DANG NGO, ,BSLAB PA MTSUNGS PAR GYUR PA ZHES BYA BA NI, BYA BA DANG MI BYA BA 'DRA BA NYID KYIS TE, BSLAB PA GANG LA BSNYEN PAR RDZOGS NAS LO BRGYA LON PA'I DGE SLONG GIS BSLAB PAR BYA BA DE LA DENG BSNYEN PAR RDZOGS PAS KYANG BSLAB PAR BYA LA, DE BSNYEN PAR RDZOGS PAS BSLAB PA GANG LA BSLAB PAR BYA BA DE LA BSNYEN PAR RDZOGS NAS LO BRGYA LON PAS KYANG BSLAB PAR BYA'O ZHES DE LA TSUL KHRIMS NYID KYIS MNYAM PA DANG, BSLAB PA NYID KYIS MNYAM PA DANG, SO SOR THAR PA'I MDO GDON PA NYID KYIS MNYAM BDAG YIN PA'O, , BSRAB PA MA PHUL ZHES BYA BA NI, BSLAB PA MA PHUL BAS BSTEN NA LTUNG BAR 'GYUR GYI, BSLAB PA PHUL BA LA NI SDOM PA MED PAS DES BSTEN PA LA NI LTUNG BA RNAM PAR MI GZHAG GO, ,DE BAS NA DGE SLONG GIS BSLAB PA 'BUL BA'I CHO GA GZHUNG LAS JI SKAD 'BYUNG BA RNAMS GANG YANG RUNG BAS BSLAB PA PHUL NAS, DE'I 'OG TU MI TSANGS PAR SPYOD PA 'KHRIG PA'I CHOS BSTEN TE, YANG RAB TU 'BYUNG BA DANG, BSNYEN BAR RDZOGS PAR DGE SLONG GI DNGOS PO GSOL NA, DE'I SDOM PA'I ZHING NYID YIN PAS RAB TU DBYUNG BA DANG, BSNYEN PAR RDZOGS PAR BYA'O, ,GANG GIS BSLAB PA NYAMS PA MA PHUL

, ,BAR MI TSANGS PAR SPYOD PA 'KHRIG PA'I CHOS BSTEN NA, DE NI NYAMS PA YIN PAS CHOS 'DUL BA 'DI LAS BSNYIL BAR BYA ZHING, DGE SLONG RNAMS KYIS KYANG DE DANG LHAN CIG CHOS DANG ZANG ZING GI LONGS SPYOD KYIS GNAS PAR MI BYA LA, DE NI PHYIR CHOS 'DUL BA 'DI LA MI SKYE BA'I CHOS CAN YIN PAS YANG RAB TU 'BYUNG BA DANG, BSNYEN PAR RDZOGS PA DGE SLONG GI DNGOS PO GSOL NA YANG RAB TU BYUNG BA DANG BSNYEN PAR RDZOGS PAR MI BYA'O, ,BSLAB PA NYAMS PAR MA BYAS BAR ZHES BYA BA NI BSLAB PA NYAMS PAR MA BYAS PAS BSTEN NA LTUNG BAR 'GYUR GYI, BSLAB PA NYAMS PAR BYAS PA LA NI SDOM PA MED PAS, DES BSTEN PA LA YANG LTUNG BA RNAM PAR MI GZHAG GO, ,DE BAS NA DGE SLONG GIS BSLAB PA NYAMS PAR BYAS PA'I CHO GA GZHUNG LAS JI SKAD 'BYUNG BA'I RNAM PA GANG YANG RUNG BAS BSLAB PA NYAMS PAR BYAS NAS, DE'I 'OG TU MI TSANGS PAR SPYAD PA 'KHRIG PA'I CHOS BSTAN TE, YANG RAB TU 'BYUNG BA DANG, BSNYEN PAR RDZOGS PA DGE SLONG GI DNGOS PO GSOL NA, DE'I SDOM PA'I ZHING NYID YIN PA RAB TU DBYUNG BA DANG BSNYEN PAR RDZOGS PAR BYA'O,, GANG GIS BSLAB PA MA NYAMS PAS PHUL BA MA BYAS PAR, MI TSANGS PAR SPYOD PA 'KHRIG PA'I CHOS BSTEN NA, DE NI NYAMS PA YIN PAS CHOS 'DUL BA 'DI LAS BSNYIL BAR BYA ZHING, DGE SLONG RNAMS KYIS KYANG DE DANG LHAN CIG CHOS DANG ZANG ZING GI LONGS SPYOD KYIS GNAS PAR MI BYA LA, DE NI PHYIS CHOS 'DUL BA 'DI LA MI SKYE BA'I CHOS CAN YIN PAS, YANG RAB TU 'BYUNG BA DANG, BSNYEN PAR RDZOGS PA DGE SLONG GI DNGOS PO GSOL NA, YANG RAB TU 'BYUNG BA DANG, BSNYEN PAR RDZOGS PAR MI BYA'O, ,DE LTAR NA BSLAB PA PHUL BA DANG, BSLAB PA NYAMS PAR BYAS PA GNYI GA NI SDOM PA MED PA NYID DU 'DRA STE, BSLAB PA PHUL BAS NI BSLAB PA BTANG PA'I SGO NAS SDOM PA MED PAR BYAS LA, BSLAB PA NYAMS PAR BYAS PAS NI, BSLAB PA'I YUL MTHU MED PAR BYAS PA'I SGO NAS SDOM PAR BYAS PA YIN NO, ,DE LA

BSLAB PA PHUL BA BSLAB PA NYAMS PAR MA BYAS PA YANG YOD, BSLAB PA NYAMS PAR BYAS LA BSLAB PA MA PHUL BA YANG YOD, BSLAB PA NYAMS PAR YANG BYAS LA, BSLAB PA PHUL BA YANG YOD, BSLAB PA MA PHUL ZHING BSLAB PA NYAMS PAR MA BYAS PA YANG YOD DO, ,DE LA MU DANG PO NI, BSLAB PA 'BUL BA BSLAB PA NYAMS PAR BYA BA MED PAR BYED PA STE, RGYU MA BSTEN PA'I PHYIR YONGS SU RDZOGS PA MA YIN PAS, BSLAB PA PHUL LA, BSLAB PA NYAMS PAR MA BYAS PA ZHES MU DANG POR GZHAG PAR ZAD KYI, BSLAB PA PHUL NA, BSLAB PA NYAMS PAR MA BYAS SU ZIN GYIS KYANG, DE DGE SLONG GI DNGOS PO NYID MED DO, ,MU GNYIS PA BSLAB PA NYAMS PAR BYA BA DBUL BA MED PAR BYED PA STE, DE NI 'BRAS BU MA BSTAN PA'I PHYIR YONGS SU RDZOGS PA MA YIN PAS BSLAB PA NYAMS PAR BYAS LA, BSLAB PA MA PHUL PA ZHES MU GNYIS PAR GZHAG PAR MA ZAD KYI, BSLAB PA NYAMS PAR BYAS NA, BSLAB PA MA PHUL DU ZIN GYIS KYANG, DE YANG DGE SLONG GI DNGOS PO NYID MED DO, ,MU GSUM PA NI DGE SLONG GI DNGOS PO MED PA NYID GANG YIN PA DE'I RGYU YANG BSTAN LA, 'BRAS BU YANG BSTAN PA'I PHYIR YONGS SU RDZOGS PA YIN PAS, BSLAB PA NYAMS PAR YANG BYAS LA, BSLAB PA PHUL BA ZHES MU GSUM PA GZHAG STE, DE LA YANG DGE SLONG GI DNGOS PO NYID MED DO, ,MU BZHI PA'I DGE SLONG GI DNGOS PO NYID MED PAR 'GYUR BA'I RGYU DE NYID GANG YANG MA BYAS PAS, DE LA NI DGE SLONG GI DNGOS PO NYID YOD PA YIN PAS, BSLAB PA MA PHUL ZHING, BSLAB PA NYAMS PAR MA BYAS PA ZHES MU BZHI PAR RNAM PAR GZHAG GO, ,MU BZHI PO DE DAG LAS DANG PO GSUM LA NI DGE SLONG GI DNGOS PO NYID MED LA, MU BZHI PA LA NI DGE SLONG GI DNGOS PO NYID YOD PAS, DE'I PHYIR 'DIR BSLAB PA MA PHUL, BSLAB PA NYAMS PAR MA BYAS PAR ZHES BYA BA'I MU BZHI PA NYID SMOS SO, ,MI TSANGS PAR SPYOD PA ZHES BYA BA NI GNYIS KYIS GNYIS SPROD PA STE, TSANGS PA NI MYA NGAN LAS 'DAS PA YIN LA, DE'I DON DU BSOD NAMS BYED PA GANG YIN PA, DE DANG 'GAL BA THAMS CAD BSOD

, ,NAMS MA YIN BA STE, DE MI TSANGS PAR SPYOD PA ZHES BYA BA YIN NO, ,'KHRIG PA ZHES BYA BA NI MI TSANGS PAR SPYOD PA GANG YIN PA DE 'KHRIG PA YANG YIN TE, GNYIS KYIS GNYIS SPROS PA LAS MI TSANGS PAR SPYOD PA ZHES BYA BA'I CHOS DE 'BYUNG BA'I PHYIR RO, ,CHOS ZHES BYA BA NI CHOS MA YIN PA DE CHOS KYI SGRAR GSUNGS PA STE, RANG GI MTSAN NYID 'DZIN PA'I PHYIR RO, ,'DIR MI TSANGS PAR SPYOD PA'I BYE BRAG 'KHRIG PA'I SGRAS BSTAN PA 'DIS 'KHRIG PA BDUN PO DAG BKAR PA YIN NO, ,BSTEN NA ZHES BYA BA NI NYAMS SU MYONG BAR BYAS NA'O, ,THA NA DUD 'GRO'I SKYE GNAS SU SKYES PA DANG LHAN CIG KYANG RUNG STE ZHES BYA BA NI SPRA MO 'AM, GZHAN YANG DE LTA BU GANG YIN PA DANG LHAN CIG MI TSANGS PAR SPYOD PA 'KHRIG PA'I CHOS BSTEN KYANG RUNG STE'O, ,DUD 'GRO'I SKYE GNAS SU SKYES PA NI MI LA SOGS PA'I BUD MED DAG PAS THA CHAD DU 'GYUR BA'I PHYIR, THA NA ZHES GSUNGS TE, 'DIR GTZUG LAG LAS SPRA MO ZHES SMOS PA NI, MI MTSAN CAN DANG BSTEN PA LAS RJES SU BCAS PAR ZAD KYI, SGO GSUM YOD PA BCUG REG NYAMS SU MYONG BAR BYA BA'I YUL PHO 'AM MO 'AM, MA NING GANG YANG RUNG BA SPYIR GZUNG NGO, ,DGE SLONG ZHES BYA BA NI, ,GANG LA DGE SLONG GI DNGOS PO YOD PA'O, ,DGE SLONG GI DNGOS PO GANG ZHE NA, GSOL BA DANG BZHI'I LAS MI G-YO BA GZHAG PAR MI 'OS PAS BSNYEN PAR RDZOGS PA'I SDOM PA'O, ,DE ZHES BYA BA NI NYA BAR BSTEN PA DANG, KUN DU BSTAN PA'I TSIG BLA DAGS DE'O, ,PHAM PAR 'GYUR BA YIN GYI ZHES BYA BA NI, DE MTHAR GYUR PA DANG, LTUNG BA DANG, DMAN PA DANG MJUG NA 'DUG PA DANG, THA CHAD PA DANG, YID DANG MI MTHUN PA YIN PA'O, ,YANG GANG GIS LTUNG BA DE BYAS NA BYAS MA THAG TU, 'DI LTA STE, DPER NA SHING TA LA'I MGO BCAD NA, SNGON POR 'GYUR DU MI RUNG LA, 'PHEL ZHING RGYAS PA DANG YANGS PAR 'GYUR DU MI RUNG BA DE BZHIN DU, DGE SLONG GIS GNAS DE LTA BU BYAS NA, BYAS MA THAG TU DGE SLONG DU MI RUNG BAR 'GYUR, ,DGE SBYONG DU MI RUNG SH'AKYA'I SRAS SU MI RUNG, DGE SLONG GI DNGOS PO LAS NYAMS PAR 'GYUR TE, DE'I DGE SBYONG GU TSUL ZHIG PAR 'GYUR ZHING,

NYAMS PA BCOM PA LTUNG BA PHAM PAR 'GYUR BA STE, DE'I DGE SBYONG GI TSUL PHYIR BSLAD DU MED PAR 'GYUR BAS, DES NA PHAM PAR 'GYUR BA YIN GYI ZHES GSUNGS TE, LTUNG BAS NYAMS PA DANG, PHAM PAR BYAS ZHES BYA BA'I THA TSIG GO, ,GNAS PAR MI BYA'O ZHES BYA BA NI, DGE SLONG RNAMS KYIS DE DANG, GSO SBYONG DANG, DGAG DBYE DANG, GSOL BA DANG, GSOL BA DANG GNYIS DANG, GSOL BA DANG BZHI'I LAS LA GNAS PAR MI BYA BA DANG, DE GANG ZAG BCU GNYIS KYI LAS DAG TU BSKO BAR MI BYA BA STE, DES NA GNAS PAR MI BYA'O ZHES GSUNGS SO,, PHYOGS 'DIS BSLAB PA'I GZHI LHAG MA 'OG NAS 'BYUNG BA DAG GI TSIG GI DON BSHAD PA YANG CI RIGS PAR KHONG DU CHUD PAR BYA'O, ,DES NA BSLAB PA BYIN PA YANG PHAM PAR 'GYUR BA YIN MOD KYI, 'CHAB PA'I SEMS MED PA DANG, NAN TUR GYI LAS DRAG POS BSLAB PA SBYIN DU RUNG BAR SHES PAR BYA'O, ,KHA CIG NA RE, BSLAB PA BYIN PA LA NYES PA SBOM PO 'BYUNG NGO ZHES ZER BA DE NI RUNG STE, PHAM PAR 'GYUR BA'I MTSAN NYID JI SKAD BSTAN PA DANG LDAN PA'I PHYIR RO, ,'DIR LTUNG BA RNAM PA GZHAG PA'I MTSAN NYID GZHUNG LAS BYUNG BA DAG NI, YE GE MNGAS KYIS DOGS BAS MA BRIS SO, ,'DIR DNGOS GZHI'I LTUNG BA RNAM PAR GZHAG PA NI, BCUG REG NYAMS SU MYONG BAR BYAS PAS PHAM PAR 'GYUR RO, ,DE'I BYE BRAG NI, DGE SLONG GIS RANG GIS STEN PAR BYED PA ZAG BYED MA NYAMS PA BSTEN PAR BYA BA RANG GI DANG, GZHAN GYI DANG, MI'I DANG, 'GRO BA GZHAN DU GTOGS PA'I DANG, PHO'I DANG, MO'I DANG, MA NING GI DANG, RO'I ZAG BYED DAM, KHA'AM, BSHANG BA'I LAM CI RIGS PA MA NYAMS PAR BCUG PA DANG, RANG GIS BSTEN PAR BYA BA MA NYAMS PA DE DAG CIG RIGS PA'I STEN PAR BYED PA MA NYAMS PA BCUG PA'I REG PA NYAMS SU MYONG BAR BYAS NA PHAM PAR 'GYUR RO, ,'DI'I BYED PA PO NI, MI DANG, 'GRO BA GZHAN DANG, DUD 'GRO DANG, PHO DANG, MO DANG, MA NING DANG GSON PO DANG, SHI BA'I ZAG BYED DANG KHA DANG BSHANG BA'I LAM MA NYAMS PAR MI TSANGS PAR SPYOD PA, 'KHRIG PA'I CHOS BSTEN DU RUNG BA'O, ,'DI LA YAN

, ,LAG BZHIN DNGOS GZHI'I LTUNG BAR 'GYUR TE, BSTEN DU RUNG BA DANG, MA NYAMS PA DANG, DANG PO'I PHYOGS SU NOR BU 'DAS PA DANG, REG PA NYAMS SU MYONG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,MI TSANGS PAR SPYOD PA'I PHAM PAR 'GYUR BA STE DANG PO'O,, ,,MA BYIN PAR LEN PA'I PHAM PAR 'GYUR BA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS PA'I TSE, SNGON RDZA MKHAN DGE SLONG NOR CAN RGYAL PO'I KHAB NA, DGON PA'I SPYIL BU NA 'DUG PA'I SPYIL BU RGYAL PO'I KHAB KYI BA LANG RDZI LA SOGS PAS BCOM ZHING RNAM PAR DKRUGS TE, SHING THAMS CAD KYANG KHYER NAS, DES RDZA MA SO BTANG BA'I KHANG PA ME TOG BAN DU DZI BA KA LTAR DMAR BA ZHIG BRTZIGS PA, BCOM LDAN 'DAS KYIS MA GNANG NAS, DGE SLONG DAG GIS STON PA'I BKA' LUNG GIS BSHIG CING RNAM PAR DKRUGS PA DANG, DES LUS 'PHAGS MO'I BU, MA GA DH'A'I RGYAL PO MA SKYES DGRA'I SHING GANG DAG GRONG KHYER RGYAL PO'I KHAB RAL BA DANG, NYAMS PA BCOS PA'I PHYIR BREL BA'I DON DU GZHAG PA BYAS SHING, SBAS PA SHIN DUS BAS PA, BSRUNGS SHING SHIN DU BSRUNGS PA, SU LA YANG STER BAR SLA BA MA YIN PA DE DAG LAS, SHING KHA CIG MA BYIN PAR BLANGS PA'I SKABS DE DGE SLONG RNAMS KYIS BCOM LDAN 'DAS LA GSOL NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS, 'DUL BA LA BSLAB PA'I GZHI 'DI LTAR GDON BAR BYA STE, YANG DGE SLONG GANG GZHAN DAG GI GRONG NA 'DUG PA 'AM, DGON PA NA 'DUG PA MA BYIN BA BRKU BA'I GRANGS SU GTOGS PA BLANGS NA, CI TZAM MA BYIN BAR BLANGS PAS DE RGYAL PO'AM, BLON PO CHEN POS BZUNG NAS DE LA 'DI SKAD CES, KYE MI KHYOD NI RKUN MA'O, ,BYIS PA'O, ,BLUN PA'O, ,RKU BA'O ZHES ZER ZHING, GSOD DAM, 'CHING NGAM, SPYUGS KYANG RUNG STE, DGE

SLONG DE LTAR MA BYIN PAR LEN NA, DGE SLONG DE PHAM PAR 'GYUR BA YIN GYI GNAS PAR MI BYA'O ZHES BCA' BA MDZAD DE, YUL NI RGYAL PO'I KHAB, GANG ZAG NI NOR CAN, NYON MONGS PA NI 'DOD PA, NYES PA NI MA BYIN PAR LEN PA'O, ,DE LA YANG DGE SLONG GANG ZHES BYA BA NI SNGA MA BZHIN NO, ,GZHAN DAG GI ZHES BYA BA NI, SKYES PA DANG, BUD MED DANG, MA NING GI'O, ,DE YANG BDAG RNAM PAR GCAD PA'I PHYIR TE, BDAG GI LA SBOM POR GSUNGS PA'I PHYIR RO, ,GRONG NA 'DUG PA 'AM ZHES BYA BA NI, RA BA'I NANG NA 'DUG PA'O, ,DGON PA NA 'DUG PA'AM ZHES BYA BA NI, RA BA'I PHYI ROL NA 'DUG PA'O, ,MA BYIN PA ZHES BYA BA NI DE LA SKYES PA 'AM, BUD MED DAM, MA NING GIS KYANG MA BYIN PA'O, ,RKU BA'I GRANGS SU GTOGS PA ZHES BYA BA NI, MA BYIN PA GANG YIN PA DE RKU BA'I GRANGS SU GTOGS PA YANG YIN NO, ,BLANGS NA ZHES BYA BA NI, MTHU 'AM 'JAB BUS RANG GIR LEN NA'O, ,CI TZAM MA BYIN PAR BLANGS PAS ZHES BYA BA NI, YUL DANG DUS LA LTOS PAS MA SHA KA LNGA 'AM, MA SHA KA LNGA LAS LHAG PAS SO, ,DE ZHES BYA BA NI DGE SLONG DE'O, ,RGYAL PO 'AM ZHES BYA BA NI BUD MED RGYAL SRID LA DBANG BSKUR BAS DBANG BSKUR BAR GYUR NA, DE YANG RGYAL PO RGYAL RIGS SPYI BOR DBANG BSKUR BA YIN LA, RGYAL RIGS DANG, BRAM ZE DANG, RJE'U RIGS DANG, DMANGS RIGS RGYAL SRID LA DBANG BSKUR BAS DBANG BSKUR BAR GYUR NA, DE YANG RGYAL PO RGYAL RIGS SPYI BOR DBANG BSKUR BA YIN NO, ,BLON PO CHEN POS ZHES BYA BA NI, RGYAL PO LAS GZHAN PA'I BLON PO DANG, RTZIS MKHAN DANG, SNA CHEN PO LA GTOGS PA RGYAL SRID BYED PA, GSANG MA MTHUN PAS 'TSO BA GANG DAG RGYAL PO LA BRTEN NAS 'TSO BAR BYED PA DAG GIS SO, ,BZUNG NAS ZHES BYA BA NI DGE SLONG DE'O,, 'DI SKAD CES, KYE MI KHYOD NI ZHES BYA BA NI, BRNYAS PA'I TSIG GIS BOD PA STE, DE DAG DAD PA YOD LA DRAG SHUL CHEN, 'DI SKAD CES ZER RO ZHES BYA BAR SBYAR RO, ,RKUN MA'O ZHES BYA BA NI 'JAB BUS RKU BA STE, DE NI MDOR BSTAN PA'I TSIG YIN NO, ,BYIS PA'O ZHES BYA BA NI RANG GIS MI SHES

, ,PA'AM, TSE 'DI'I NYES DMIGS MA MTHONG BA'I PHYIR RO, ,BLUN PA'O ZHES BYA BA NI LUNG PHOG PA MI SHES PA 'AM, TSE PHYI MA'I NYES DMIGS MA MTHONG BA'I PHYIR RO, ,RKU BA'O ZHES BYA BA NI MTHUS RKU BA STE, RKU BA DE'I GNYER GZHI NI BYIS PA'O ZHES BYA BA DANG, BLUN PA'O ZHES GNYIS YIN TE, DE LTAR NA RKU BA'O ZHES BYA BA DANG, GLENG GZHI DANG BCAS PA DE NI RGYAS PAR BSHAD PA'I TSIG YIN NO ZHES ZER SHING ZHES BYA BAS NI BRJOD CING NGO, ,GSOD DAM ZHES BYA BA NI SROG DANG BRAL BAR BYED PA STE, DE DAG DAD PA MED LA DRAG SHUL CHEN 'DI LTAR BYED DO ZHES SBYAR RO, ,'CHING NGAM ZHES BYA BA NI, CHINGS MA GSUM PO LCAGS LAS BYAS PA, DANG SHIN LAS BYAS PA DANG, RTZVA LAS BYAS PA DAG GIS SO, ,SPYUGS KYANG RUNG STE ZHES BYA BA NI YUL MED PAR BYED KYANG RUNG STE'O, ,DGE SLONG ZHES BYA BA NI GANG LA DGE SLONG GI DNGOS PO YOD PA'O, ,DGE SLONG GI DNGOS PO GANG ZHE NA, GSOL BA DANG BZHI'I LAS MI G-YO BA GZHAG PAR MI 'OS PAS BSNYEN PAR RDZOGS PA'I SDOM PA'O, ,DE ZHES BYA BA NI NYA BAR BSTAN PA DANG, KUN DU BSTAN PA'I TSIG BLA DAGS DE'O, ,YANG ZHES BYA BA'I SGRA NI SNGA MA'I RJES SU BSNYAG BA'I PHYIR TE, SNGA MA 'BA' ZHIG PHAM PAR 'GYUR BAR MA ZAD KYI 'DI YANG PHAM PAR 'GYUR BA YIN NO ZHES BYA BA'I THA TSIG GO, ,PHAM PAR GYUR PA YIN GYI GNAS PAR MI BYA'O ZHES BYA BA NI SNGA MA BZHIN NO, ,'DIR YANG DGE SLONG GANG DGE SLONG RNAMS DANG LHAN CIG BSLAB PA MTSUNGS PAR GYUR PAS, BSLAB PA MA PHUL BA NYAMS PAR MA BYAS PAR ZHES BYA BA'I TSIG KYANG SNGA MA BZHIN DU SBYAR RO, ,'DIR DNGOS GZHI'I LTUNG BA RNAM PAR GZHAG PA NI, RKU'AM RKUR BCUG PA DAG GIS PHAM PAR 'GYUR RO, ,DE'I BYE BRAG NI, DGE SLONG GIS RKU SEMS KYIS MI GZHAN GYI RDZAS DER 'DU SHES PAS K'AR sh'A PA nA BZHI CHA GCIG YAN CHAD GNAS NAS SPOS NA PHAM PAR 'GYUR RO, 'DI'I BYED PA PO NI RKUS SEMS DANG, MI GZHAN GYI NOR LA DER 'DU SHES PAS, RIN THANG TSANG BA GNAS NAS SPOS PA'O, ,'DI LA YAN LAG DRUG GIS DNGOS GZHI'I LTUNG BAR 'GYUR TE, RKU SEMS DANG,

MA BYIN PA DANG, MI'I RGYUD KYIS YONGS SU BZUNG BA DANG, DER 'DU SHES PA DANG, RIN THANG TSANG BA DANG, GNAS NAS SPOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,MA BYIN PAR LEN PA'I PHAM PAR 'GYUR BA STE GNYIS PA'O,, ,,GSOD PA'I PHAM PAR 'GYUR BA'I GLENG GZHI NI, SANGS RGYAS BCOM LDAN 'DAS YUL SPONG BYED DAG NA, CHU KLUNG YUD 'ONG LDAN GYI 'GRAM SGRON SHING GI TSAL GSEB NA BZHUGS PA'I TSE, DE NAS BCOM LDAN 'DAS KYIS DGE SLONG GI DGE 'DUN LA, DGE SLONG DAG MI SDUG PA SGOMS SHIG ,MI SDUG PA BSTEN CING GOMS PAR BYAS, LAN MANG DU BYAS NA, 'BRAS BU CHEN PO DANG PHAN YON CHEN POR 'GYUR RO ZHES MI SDUG PA STON PAR MDZAD CING, MI SDUG PA BSGOM PA'I BSNGAGS PA BRJOD PAR YANG MDZAD PA NA, DGE SLONG DAG MI SDUG PA BSGOM PA SGOM PAR BYED PA'I TSE, RNAG GI LUS 'DIS SGYID LUG PA DANG, MUS BYUNG BA DANG, THE TSOM ZA BA DANG, SMOD PAR BYED PA NA, MTSON YANG 'BYIN PAR BYED, DUG KYANG ZA BAR BYED, THAG PA'I 'CHING BAS KYANG BCING BAR BYED, G-YANG SAR YANG MCHONG BAR BYED CING, 'DI LTAR DGE SLONG GIS KYANG DGE SLONG LA RTZOL BAR BYED PA'I SKABS TE, DGE SLONG RNAMS KYIS, BCOM LDAN 'DAS LA GSOL NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG MI 'AM, MIR CHAGS PA LA BSAM BZHIN DU, RANG GIS LAG DAR TE SROG BCAD DAM, DE LA MTSON BYIN NAM DE LA MTSON THOGS PA GNYER TAM, DE 'CHIR BCUG GAM, DE LA CHI BA'I BSNGAGS PA BRJOD KYANG RUNG STE, DE LA 'DI SKAD CES, KYE MI KHYOD 'TSO BA SDIG PA MI GTZANG BA NGAN PA 'DIS CIG ZHIG BYA, KYE MI KHYOD GSON BA BAS SHI BLA'O ZHES ZER ZHING, SEMS KYI 'DOD PA DANG, SEMS KYI KUN TU RTOG PA DAG GIS RNAM GRANGS DU MAS DE 'CHIR BCUG GAM, DE LA

, ,'CHI BA'I BSNGAGS PA BRJOD DE, DE YANG RTZOM PA DES DUS BYAS NA, DGE SLONG DE YANG PHAM PAR GYUR PA YIN GYI GNAS PAR MI BYA'O ZHES BSLAB PA BCA' BA MDZAD DE, YUL NI SPONG BYED, GANG ZAG NI DGE SLONG RAB TU MANG PO, NYON MONGS PA NI MI BZOD PA,, NYES PA NI GSOD PA'O, ,DE LA YANG DGE SLONG DAG ZHES BYA BA NI SNGA MA BZHIN NO, ,MI 'AM ZHES BYA BA NI, GANG GIS MA'I LTAR DBANG PO DRUG PO 'DI LTA STE, MIG DANG, RNA BA DANG, SNA DANG, LCE DANG, LUS DANG, YID KYI DBANG PO THOB PAR GYUR PA'O, ,MIR CHAGS PA LA ZHES BYA BA NI, GANG GIS MA'I LTOS DBANG PO GSUM PO 'DI LTA STE, LUS DANG, SROG DANG, YID KYI DBANG PO THOB PAR GYUR PA LA'O, ,BSAMS BZHIN DU ZHES BYA BA NI RNAM PAR BRTAGS NAS SO, ,RANG GIS DAR TE ZHES BYA BA NI, LAG PAS LAG DAR TE'O, ,SROG BCAD DAM ZHES BYA BA NI, SROG BCAD PAR GYUR NA'O, ,DE LA MTSON BYIN NAM ZHES BYA BA NI, RAL GRI 'AM, SPU GRI 'AM, CHU GRI LA SOGS PA PHUL BA'O, ,DE LA MTSON THOGS PA GNYER TAM ZHES BYA BA NI, SKYES PA 'AM, BUD MED DAM, MA NING NGO, ,DE 'CHUR BCUG GAM ZHES BYA BA NI, 'CHIR GZHUG PA RNAM PA GSUM STE, TSUL KHRIMS 'CHAL BA DANG, TSUL KHRIMS DANG LDAN PA DANG, NAD PA'O, ,DE DAG 'CHI BAR MI 'DOD PA LA, LHUNG BZED LA SOGS PA THOB TU RE BAS 'CHIR BCUG STE, SHI NA PHAM PAR 'GYUR RO, ,DE LA 'CHI BA'I BSNGAGS PA BRJOD KYANG RUNG STE ZHES BYA BA NI, 'CHI BAR MNGON PAR MI DGA' BA'I MDUN DU 'CHI BA'I BSNGAGS PA BRJOD PA'O, ,DE LA 'DI SKAD CES, KYE MI KHYOD CES BYA BA NI BOD PA'I TSIG BLA DAGS SO, ,'TSE BA ZHES BYA BA NI GSON PA'O, ,SDIG PA ZHES BYA BA NI, SDIG PA'I 'BRAS BU 'AM SDIG PA'I RGYU'O, ,MI GTZANG BA ZHES BYA BA NI, LUS KYI GZHI MI GTZANG BA STE, MI GTZANG BA DANG LHAN CIG SKYES PA'I PHYIR RO, ,NGAN PA ZHES BYA BA NI SMAD PA'O, ,'DIS CI ZHIG BYA ZHES BYA BA NI, 'TSO BA SDIG PA MI GTZANG BA NGAN PA 'DIS CI BYA THONG SHIG CES BYA BA'O, ,GSON PA BAS SHI BLA'O ZHES BYA BA NI, GSON PA SMAD CING

'CHI BA'I BSNGAGS PA BRJOD PA'O ZHES ZER ZHING ZHES BYA BA NI BRJOD CING NGO, ,RGYU GANG GIS SHE NA, DE'I PHYIR SEMS KYI 'DOD PA DANG, SEMS KYI KUN DU RTOG PA DAG GIS ZHES BYA BA GSUNGS TE, SEMS KYI 'DOD PA ZHES BYA BA NI, GSOD SEMS KYIS MI DE 'CHI BAR MNGON PAR 'DOD PA'O, ,SEMS KYI KUN DU RTOG PA DAG GIS ZHES BYA BA NI, DE'I LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LA SOGS PA 'TSO BA'I YO BYAD THOB TU RE BA'I RNAM PAR RTOG PA DAG GIS SO, ,RNAM GRANGS DU MAS ZHES BYA BA NI RNAM PA MANG POS SO,, DE 'CHIR BCUG GAM, DE LA 'CHI BA'I BSNGAGS PA BRJOD DE ZHES YANG SMOS PA NI, 'CHI BA LA MNGON PAR MI DGA' BA'I MDUN DU RNAM GRANGS DU MAS 'CHI BA'I BSNGAGS PA BRJOD DE BZLAS PA'I PHYIR BSNAN PA'O, ,DE YANG RTZOM PA DES DUS BYAS NA ZHES BYA BA NI, MI DE YANG SBYOR BA'I RTZOM PA YANG DE NYID KYIS SHI ZHING, GZHAN GYIS MA YIN NA'O, ,DGE SLONG YANG PHAM PAR 'GYUR BA YIN GYI GNAS PAR MI BYA'O ZHES BYA BA NI SNGA MA BZHIN NO, ,'DIR YANG DGE SLONG GANG DGE SLONG RNAMS DANG LAN CIG BSLAB PA MTSUNGS PAR GYUR PAS, BSLAB PA MA PHUL, BSLAB PA NYAMS PAR MA BYAS PAR ZHES BYA BA'I TSIG KYANG SNGA MA BZHIN DU SBYAR RO, ,'DIR LTUNG BA RNAM PAR GZHAG PA NI, GZHI DANG GSOD SEMS DANG, SBYOR BA DANG, MJUG GI RNAM PAR GZHAG STE, DE LA GZHI NI MI 'AM MIR CHAGS PA ZHES GSUNGS PAS BSTAN TO, ,GSOD SEMS NI BSAMS BZHIN DU ZHES GSUNGS PAS BSTAN TO, ,SBYOR BA NI RNAM PA GNYIS TE, LUS DANG, NGAG GI LAS SO, ,DE LA LUS KYI SBYOR BA NI, RANG GU LAG DAR TE SROG BCAD DAM, DE LA MTSON BYIN NAM, DE LA MTSON THOGS PA GNYER TAM ZHES GSUNGS PAS BSTAN TO, ,NGAG GI SBYOR BA NI DE 'CHIR BCUG GAM, DE LA 'CHI BA'I BSNGAGS PA BRJOD KYANG RUNG STE, DE LA 'DI SKAD CES, KYE MI KHYOD 'TSO BA SDIG PA MI GTZANG BA NGAN PA 'DIS CI ZHIG BYA, KYE MO KHYOD GSON PA BAS SHI BLA'O ZHES ZER ZHING SEMS KYI 'DOD PA DANG, SEMS KYI KUN DU RTOG PA NGAG GIS ZHES

, ,GSUNGS PAS BSTAN TO, ,MJUG NI RNAM GRANGS DU MAS DE 'CHIR BCUG GAM, DE LA 'CHI BA'I BSNGAGS PA BRJOD DE, DE YANG RTZOM PA DES DUS BYAS NA ZHES GSUNGS PAS BSTAN TO, ,'DIR DNGOS GZHI'I LTUNG BA RNAM PAR GZHAG PA NI, MI'I SROG BCAD NA PHAM PAR 'GYUR RO, ,DE'I BYE BRAG NI, GSOD SEMS KYIS MI'I 'GRO BAR GTOGS PA GZHAN LA DER 'DU SHES PAS RNAM PA GANG YANG RUNG BAS GSOD DAM GSOD DU BCUG STE, SHIN PHAM PAR 'GYUR RO, ,'DI'I BYED PA PO NI GSOD SEMS DANG, MI'I 'GRO BA GZHAN LA DER 'DU SHES PAS SROG GCOD PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, GSOD SEMS DANG, MI'I 'GRO BA PA DANG, GZHAN DANG, ,DER 'DU SHES PA DANG, SROG BCAD PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GSOD PA'I PHAM PAR 'GYUR BA STE GSUM PA'O,, ,,SMRA BA'I PHAM PAR 'GYUR BA'I GLENG GZHI NI, SANGS RGYAS BCOM LDAN 'DAS YANGS PA CAN NA, SPRE'U RDZING GI 'GRAM KHANG PA BRTZEGS PA'I KHANG BZANGS NA BZHUGS PA'I TSE, DE NA NYA PA LNGA BRGYA CHU KLUNG YID 'ONG LDAN LA BRTEN CING 'KHOD PA DAG ,BCOM LDAN 'DAS KYIS RAB TU BYUNG ZHING BSNYEN PAR RDZOGS PAR MDZAD NAS, BCOM LDAN 'DAS 'OD MA CAN GYI GRONG NA GRONG GI BYANG PHYOGS SHING SHA PA'I TSAL NA BZHUGS SO, ,DE'I TSE NA, MU GE'I NYAM NGA BA DGON PA SLONG MO PAS ZAS RNYED PAR DKA' ZHING, PHA MA DAG KYANG RANG GI BU DAG LA ZAS SBYIN PA DANG, BYA BAR SEMS PAR DKA' NA, SLONG MO PA DAG LTA SMOS KYANG CI DGOS PA BYUNG NGO, ,DE NAS BCOM LDAN 'DAS KYIS DGE SLONG RNAMS LA, DGE SLONG DAG DA LTA BU GE BYUNG GI KHYED CAG ,SMOS 'DRI NA JI LTA BA DANG, PHEBS PAR SMRA BA JI LTA BA DANG, 'GROGS BSHES JI LTA BAS YANGS PA CAN GYI NYEN KOR SPONG BYED GYI GRONG DU DBYAR GNAS PAR KHAS LONG SHIG ,NGA YANG 'OD MA CAN GYI GRONG 'DI NYID DU BSNYEN BKUR BA DGE SLONG KUN DGA' BO DANG, DBYAR GNAS PAR KHAS LEN TO ZHES BKA' STZAL NAS, NYA PA LAS RAB TU BYUNG

BA'I DGE SLONG LNGA BRGYA PO DAG NYA BA'I GRONG GI NYEN KOR DU LO MA DANG 'DAB MA'I SPYIL BU DAG BYAS TE, DBYAR GNAS PAR KHAS BLANGS SO, ,DE DAG THOS PA NYUNG BA DANG LDAN PA YIN PAS, NYE DU 'ONGS PA DAG LA CHOS STON MI NUS NAS, DE DAG GIS NYE DU DAG LA, NYE DU DAG KHYED CAG GANG DAG GI GRANG GI TSIGS NA, DGE SLONG GI DGE 'DUN 'DI LTAR DBYAR GNAS PAR KHAS BLANGS PAR GYUR PA, NYE DU DE DAG GIS NI RNYED PA LEGS PAR RNYED PA YIN TE, DGE SLONG NI 'DU SHES DANG, BSAM GTAN DANG, TSAD MED PA DANG, GZUGS MED PA'I SNYOMS PAR 'JUG PA DANG, DGE SBYONG GI 'BRAS BU THOB PA DANG, RNAM PAR THAR PA BRGYAD LA BSAM GTAN PA DANG, DE GNYI GA'I CHA LAS RNAM PAR GROL BA YIN NO ZHES GCIG LA MI'I CHOS BLA MA'I YON TAN YANG DAG PA MA YIN PA BSGRAGS PA'I SKABS DE, DGE SLONG RNAMS KYIS BCOM LDAN 'DAS LA GSOL NAS BCOM LDAN 'DAS KYIS BYUNG BA DANG GLENG GZHI 'DI DANG, SKABS 'DI LA, DGE SLONG GI DGE 'DUN BSDU BA MDZAD DO, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG MNGON PAR MI SHES SHING YONGS SU MI SHES LA, MI'I CHOS BLA MA MTHA' DANG, 'PHAGS PA DANG, BYE BRAG THOB PA DANG, SHES PA DANG, MTHONG BA DANG, REG PAR SPYOD PA MED LA MED BZHIN DU 'DI SHES SO, ,'DI MTHONG NGO ZHES KHAS 'CHES PA LAS, DE LTUNG BA BYUNG BA RNAM PAR DAG PA 'DOD NAS, DUS GZHAN ZHIG NA DRIS KYANG RUNG, MA DRIS KYANG RUNG, 'DI SKAD CES, TSE DANG LDAN PA DAG BDAG GIS NI MI SHES PAR SHES SO ZHES SMRAS, MA MTHONG BAR MTHONG NGO ZHES SMRAS TE, GSOG GSO BA BRDZUN DU SMRAS SO ZHE NA, MNGON PA'I NGA RGYAL MA GTOGS TE, DGE SLONG DE YANG PHAM PAR 'GYUR BA YIN GYI GNAS PAR MI BYA'O ZHES BCA' BA MDZAD DE, YUL NI YANGS PA CAN, GANG ZAG NI NYA BA LAS RAB TU BYUNG BA'I DGE SLONG LNGA BRGYA, NYON MONGS PA NI GRAGS PA 'DOD PA, NYES PA NI MI'I

, ,CHOS BLA MA YANG DAG PA MA YIN PA SMRAS PA'O, ,DE LA YANG DGE SLONG GANG ZHES BYA BA NI SNGA MA BZHIN NO, ,MNGON PAR MI SHES SHING ZHES BYA BA NI 'JIG RTEN PA'I LAM GYIS TE, BSAM GTAN DANG, GZUGS MED PA'I SA PA'I SHES PA ZAG PA DANG BCAS PAS GZUGS MNGON PAR MI SHES PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MNGON PAR MI SHES SHING NGO, ,YONGS SU MI SHES LA ZHES BYA BA NI 'JIG RTEN PA'I LAM 'DAS PA'I LAM GYIS TE, BSAM GTAN DANG, GZUGS MED PA'I SA PA'I SHES PA ZAG PA MED PAS, GZUGS YONGS SU MI SHES PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YONGS SU MI SHES PA'O, ,YANG NA BAR CHAD MED PA DANG, RNAM PAR 'GROL BA'I LAM MNGON PAR MI SHES PA DANG, YONGS SU MI SHES PAR GO RIMS BZHIN NO, ,YANG NA SHES BYA DE DAG JI LTAR GNAS PA DE LTAR RJES SU 'GRO BA'I SGO NAS MI SHES PA NI MNGON PAR MI SHES PA YIN LA, LDOG PA'I SGO NAS MI SHES PA NI YONGS SU MI SHES PA YIN NO, ,MI'I CHOS BLA MA ZHES BYA BA LA, MI'I CHOS ZHES BYA BA NI, MI RNAMS KYI CHOS MYA NGAN LAS 'DAS PA STE, DE RNAMS KYIS DE THOB KYI, ZA MA DANG, MA NING DANG, MTSAN GNYIS PA DAG GIS KYANG MI 'THOB NA, SEMS CAN DMYAL BA DANG, DUD 'GRO DANG, YI DAGS RNAMS KYIS LTA SMOS KYANG CI DGOS PA'I PHYIR RO, ,BLA MA ZHES BYA BA NI 'DOD PA'I KHAMS PAS GZUGS KYI KHAMS BLA MA YIN LA, GZUGS KYI KHAMS PAS GZUGS MED PA'I KHAMS BLA MA YIN PA'O, ,YANG NA MI'I CHOS ZHES BYA BA'I SGRIB PA LNGA PO 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM DAG GO, ,BLA MA ZHES BYA BA NI, DE DAG SPANGS PA GANG YIN PA'O, ,MI'I CHOS BLA MA DE NYID KYI BYE BRAG BSTAN PA'I PHYIR, MTHA' DANG 'PHAGS PA DANG, BYE BRAG THOB PA DANG, SHES PA DANG, MTHONG BA DANG REG PAR SPYOD PA ZHES BYA BA DAG GSUNGS SO, ,MTHA' ZHES BYA BA NI MYA NGAN LAS 'DAS PA STE, MTHAR THUG PA YIN PA'I PHYIR RO, ,

'PHAGS PA DANG BYE BRAG THOB PA ZHES BYA BA NI, ZAG PA MED PA THOB PA STE, 'PHAGS PA ZHES BYA BA NI SANGS RGYAS DANG, SANGS RGYAS KYI NYAN THOS RNAMS TE, SDIG PA DAG LAS RING DU GYUR PA'I PHYIR RO, ,BYE BRAG THOB PA ZHES BYA BA NI, DGE SBYONG GI 'BRAS BU BZHI PO DAG STE; RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID DO, ,SHES PA ZHES BYA BA NI SHES PA BZHI PO DAG STE, SDUG BSNGAL SHES PA DANG, KUN 'BYUNG SHES PA DANG, 'GOG PA SHES PA DANG, LAM SHES PA STE, RJES SU MI TSOL BA'I SHES RAB CHOS SHES PA'O, ,MTHONG BA ZHES BYA BA NI, MTHONG BA BZHI PO DAG STE, SDUG BSNGAL MTHONG BA DANG, KUN 'BYUNG MTHONG BA DANG, 'GOG PA MTHONG BA DANG, LAM MTHONG BA STE, RJES SU TSOL BA'I SHES RAB BZOD PA MTHONG BA'O, ,REG PAR SPYOD PA ZHES BYA BA NI, BSAM GTAN BZHI PO DAG LA BDE BAR GNAS TE, SNYOMS PAR 'JUG PA LAS YIN GYI SKYE BA LAS NI MA YIN NO, ,MED LA ZHES BYA BA NI, DE'I DNGOS PO MED PA STE, MNGON SUM DU MA GYUR PA 'AM, MI SRID PA'O, ,MED BZHIN DU ZHES BYA BA NI, BDAG NYID LA MED BZHIN DU STE, MA THOB PA'O, ,YANG NA MED LA ZHES BYA BA NI RANG GI MTSAN NYID KYIS MED PA YIN LA, MED BZHIN DU ZHES BYA BA NI SPYI'I MTSAN NYID KYIS MED BZHIN DU'O, ,'DI SHES SO ZHES BYA BA LA CI ZHIG SHES SO ZHE NA, SHES BYA'I DON NGO BO NYID DE SDUG BSNGAL DANG, KUN 'BYUNG DANG, 'GOG PA DANG, LAM SHES SO ZHES SO, ,'DI MTHONG NGO ZHES BYA BA LA, CI ZHIG MTHONG ZHE NA, LHA LA SOGS PA MTHONG ZHES ZER BA DANG, DE RNAMS KYI SGRA THOS SO ZHES ZER BA DANG, BDAG DE RNAMS BLTA BA'I PHYIR 'GRO'O ZHES ZER BA DANG, DE RNAMS BDAG LA BLTAR 'ONG NGO ZHES ZER BA DANG, BDAG DE RNAMS DANG LHAN CIG GTAM 'DRE BAR BYED, PHEBS PAR SMRA BAR BYED, SO SOR KUN DGA' BAR BYED, RTAG TU YANG LHAN CIG GNAS PAR BYED DO ZHES ZER BA DANG, DE RNAMS BDAG DANG LHAN CIG GTAM

, ,'DRE BAR BYED, PHEBS PAR SMRA BAR BYED, SO SOR KUN DU DGA' BAR BYED, RTAG TU YANG LHAN CIG GNAS PAR BYED DO ZHES ZER BA DANG, BDAG GIS 'DU SHES NYI SHU DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, DGE SBYONG GI 'BRAS BU BZHI DANG, MNGON PAR SHES PA DRUG DANG, RNAM PAR THAR PA BRGYAD LA BSAM GTAN PA DANG, GNYI GA'I CHA LAS RNAMS PAR GROL BA MA THOB BZHIN DU THOB BO ZHES ZER BA STE, DE DAG KYANG MNGON SUM DU GYUR PA NYID KYIS MTHONG BA DANG 'DRA BA'I PHYIR 'DIR MTHONG BA'I SGRAS BSDUS SO, ,KHAS 'CHES PA LAS ZHES BYA BA NI KHAS BLANGS PA'O, ,DE ZHES BYA BA NI DGE SLONG DE'O, ,LTUNG BA BYUNG BA ZHES BYA BA NI GZHI DE'I'O, ,RNAM PAR DAG PAR 'DOD NAS ZHES BYA BA NI, RNAM PAR LTA BAR 'DOD NAS SO, ,DUS GZHAN NA ZHES BYA BA NI SMRAS PA'I DUS LAS DUS GZHAN NA STE, 'DI DAG NI LTUNG BA 'BYUNG BA DANG, LTUNG BA LAS LDANG BA'I YAN LAG NI MA YIN NO, ,DRIS KYANG RUNG ZHES BYA BA NI, GZHAN DAG GIS GLENGS KYANG NGO, ,MA DRIS KYANG RUNG ZHES BYA BA NI, GZHAN DAG GIS MA GLENGS PAR DE DAG NYID 'GYOD PA DANG, CUNG ZAD 'GYOD PA DANG, RNAM PAR 'GYOD PA DANG, RAB TU 'GYOD PA SKYES KYANG RUNG NGO, ,'DI SKAD CES TSE DANG LDAN PA DAG ,BDAG GIS NI MI SHES PAR SHES SO ZHES SMRAS ZHES BYA BA NI YID KYI RNAM PAR SHES PAS SO, ,MA MTHONG BAR MTHONG NGO ZHES SMRAS TE ZHES BYA BA NI MIG GI RNAM PAR SHES PAS SO, ,GSOB GSOG BRDZUN DU SMRAS SO ZHES BYA BA DE DAG NI SMRAS PA'I RNAM GRANGS KYI TSIG YIN TE, GSOB CES BYA BA NI DON DES STONG BA STE, BSGRUB PA'I DON GYIS NGO BO NYID MED PA'I PHYIR RO, ,GSOG CES BYA BA NI DE'I SA BON GYIS STONG PA STE, GRIB MA TZAM DANG YANG BRAL BA 'AM, ZANG ZING SNYING PO MED PA CUNG ZAD 'DOD PA'I PHYIR RO, ,BRDZUN ZHES BYA BA NI DER 'DU SHES PA DANG BRAL BA STE, 'DU SHES PA BDEN PA BSGYUR BA'I PHYIR RO, ,ZER NA ZHES BYA BA NI BRJOD NA'O, ,MNGON PAR NGA RGYAL MA

GTOGS TE ZHES BYA BA NI, GNANG BA'I GLENG GZHI'I DBANG GIS MNGON PA'I NGA RGYAL BZHAG STE'O, ,MNGON PA'I NGA RGYAL ZHES BYA BA NI, DBEN PAR GNAS PA LA SOGS PAS NYON MONGS PA KUN DU MI 'BYUNG BA'I GRIB MA MTHONG BA LAS YON TAN MA THOB BZHIN DU THOB PAR NGES PAR 'DZIN PA'O, ,MA GTOGS TE ZHES BYA BA NI, MNGON PA'I NGA RGYAL CAN GYIS DON BRDZUN PA YANG DAG PA'I 'DU SHES KYIS BRJOD PA LA LTUNG BA MED PA'I PHYIR RO, ,DGE SLONG DE YANG PHAM PAR 'GYUR BA YIN GYI, GNAS PAR MI BYA'O ZHES BYA BA NI SNGA MA BZHIN NO, ,'DIR YANG, YANG DGE SLONG GANG DGE SLONG RNAMS DANG LHAN CIG BSLAB PA MTSUNGS PAR GYUR PAS, BSLAB PA MA PHUL, BSLAB PA NYAMS PAR MA BYAS PAR ZHES BYA BA DAG KYANG SNGA MA BZHIN DU SBYAR RO, ,'DIR DNGOS GZHI'I LTUNG BA RNAM PAR GZHAG PA NI 'DU SHES BSGYUR TE, BDAG NYID MI'I CHOS BLA MA DANG LDAN PA NYID DU SMRA NA PHAM PAR 'GYUR RO, ,DE'I BYE BRAG NI 'DU SHES BSGYUR TE, BDAG NYID MI'I CHOS BLA MA DANG LDAN PA NYID DU SMRAS TE, GZHAN GYIS DON GO NA PHAM PAR 'GYUR RO, ,'DI'I BYED PA PO NI 'DU SHES BSGYUR BA DANG, MI'I CHOS BLA MA BDAG NYID KYI PHYIR, RANG GI TSIG GIS SMRAS TE GZHAN GYIS DON GO BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, 'DU SHES BSGYUR BA DANG, MI'I CHOS BLA MA DANG, BDAG NYID KYI PHYIR DANG, RANG GI TSIG DANG, GZHAN GYIS GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,SMRA BA'I PHAM PAR 'GYUR BA STE BZHI BA'O,, ,,TSE DANG LDAN PA DAG BDAG GIS PHAM PAR 'GYUR BA'I CHOS BZHI PO DAG BTON ZIN TO ZHES BYA BA NI, GDON PA'I MJUG BSDUS PA YIN NO, , DGE SLONG GIS DE DAG LAS LTUNG BA GANG YANG RUNG BA ZHIG BYAS NA ZHES BYA BA NI, PHAM PAR 'GYUR BA BZHI PO DAG LAS SO, ,THOG MA JI LTA BAR PHYIS KYANG DE BZHIN ZHES BYA BA NI, DANG PO KHYIM PA'I GNAS SKABS NA SDOM PA MED PA JI LTA BAR, LTUNG BA BYUNG BA'I GNAS SKABS NA YANG

, ,DE BZHIN PA STE, 'DI NI SDOM PA NYAM CHUNG BA LA BYA'I SDOM PA GTAN MED PA NI MA YIN TE, 'PHAGS PA GZHI THAMS CAD YOD PAR SMRA BA'I 'DUL BA'I SDE SNOD KYI LUNG NYID LAS, BU LON NOR BZHIN KHA CHE DAG ,BYUNG BA LA NI GNYIS SU 'DOD, , CES GSUNGS PAS, SDOM PA NI SEMS BSKYED PA'I BYA BA YIN LA, BSLAB PA'I GZHI NI LUS DANG NGAG GIS BSLAB PA'I RNAM PAR RIG BYED GZUGS CAN YIN TE, DE YANG SEMS KYIS PHYIR BCOS NA, MTHA'I LTUNG BA LAS LDANG BA'I THABS KYANG YOD PA'I PHYIR RO,, PHAM PAR GYUR PA YIN TE ZHES BYA BA NI, LTUNG BA'I SDE TSAN GYI MING BSTAN PA YIN TE, TSIG GI DON NI SNGAR BSHAD ZIN TO, ,DGE SLONG RNAMS DANG DE DAG LHAN CIG GNAS PA DANG, LONGS SPYOD DU MI DBANG GI ,GNAS PAR MI BYA'O ZHES BYA BA NI MA DAG PA'I NYES DMIGS BSTAN PA STE, DE YANG BSLAB PA SBYIN PAS PHYIR BCOS PA RNAMS KYI DBANG DU MDZAD DE GSUNGS PA YIN GYI, BSLAB PA SBYIN PAS PHYIR BCOS PA'I BYA BA BYAS NA NI MA YIN NO, ,LHAN CIG GNAS PA ZHES BYA BA NI GNAS GCIG NA'O, ,LONGS SPYOD ZHES BYA BA NI CHOS DANG ZANG ZING GIS SO, ,MI DBANG GI ZHES BYA BA NI DE'I 'OS MA YIN PAS SO, ,GNAS PAR MI BYA ZHES BYA BA NI DGE SLONG RNAMS KYIS DE DANG LHAN CIG GSO SBYONG DANG, DGAG DBYE DANG, GSOL BA DANG GSOL BA DANG, GNYIS DANG, GSOL BA DANG BZHI'I LAS LA GNAS PAR MI BYA BA DANG, DE GANG ZAG BCU GNYIS SU BSKO BAR MI BYA BA'O, ,DE LA BDAG GIS TSE DANG LDAN PA DAG LA, CI 'DI KHYED YONGS SU DAG GAM ZHES DRI'O, ,CI 'DI LA KHYED YONGS SU DAG GAM ZHES LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BA PHAM PAR 'GYUR BA GDON PA RNAM PAR GZHAG PA BSGRAG PAR BYA BA YIN TE, DE LA ZHES BYA BA NI PHAM PAR 'GYUR BA'I CHOS BZHI PO BTON PA DE LA'O, ,LHAG MA NI SNGA MA BZHIN NO, ,PHAM PAR 'GYUR BA

GDON PA BSHAD ZIN TO,, ,,BAM PO BZHI PA, DA NI GDON PA GSUM PA STE, DGE 'DUN LHAG MA GDON PA'I DBANG DU MDZAD NAS, SDOM LA, KHU BA 'DZIN PA 'KHRIG TSIG BSNYEN BKUR SMYAN, ,KHANG PA KHANG CHEN DANG NI GZHI MED PA, ,BAG TZAM DGE 'DUN DBYEN DANG DE RJES PHYOGS, ,KHYIM SUN 'BYIN DANG BKA' BLO MI BDE BA'O, ,ZHES BYA BA GSUNGS SO, ,SDOM LA ZHES BYA BA'I DGOS PA DANG, TSIG GI DON NI SNGA MA BZHIN NO, ,DGE 'DUN LHAG MA NI BCU GSUM STE, KHU BA 'BYIN PA DANG, LUS KYIS REG PA DANG 'KHRIG PA DANG LDAN PA SMRA BA DANG, BSNYEN BKUR BSNGAGS PA DANG, SMYAN BYED PA DANG, KHANG PA DANG, GTZUG LAG KHANG DANG, GZHI MED PAR SKUR PA 'DEBS PA DANG, GZHAN GYI CHA MA YIN PA DANG MTHUN PA DANG, DGE 'DUN GYI DBYEN BYED PA DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA'O, ,TSE DANG LDAN PA DAG DGE 'DUN LHAG MA'I CHOS BCU GSUM PO 'DI DAG NI ZLA BA PHYED PHYED CING, SO SOR THAR PA'I MDO GDON PA LAS 'BYUNG NGO ZHES BYA BA NI, DGE 'DUN LHAG MA GDON PA 'DI'I LUNG DBOG PA BSTAN TO, ,DGE 'DUN LHAG MA'I CHOS ZHES BYA BA NI, LTUNG BA DE DGE 'DUN LA RAG LUS PA DANG, DGE 'DUN DANG 'BREL PA DANG, DGE 'DUN LA BRTEN PA YIN TE, LTUNG BA DE DGE 'DUN LAS RNAM PAR LTUNG BAR 'GYUR GYI GANG ZAG LAS NI MA YIN PA'O, , GZHAN YANG PHAM PAR 'GYUR BA'I CHOS BZHI PO DAG NI LHAG MA MED PA YIN GYI, 'DI LHAG MA DANG BCAS PA YIN PA STE, DES NA DGE 'DUN LHAG MA ZHES GSUNGS SO, ,DE NYID KHA NA MA THO BA'I MTSAN NYID 'DZIN PAS CHOS ZHES BYA'O, ,BCU GSUM PO 'DI DAG NI ZHES BYA BA NI, KHU BA 'BYIN PA LA SOGS PA GONG DU BSTAN PA DAG GO, ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI SNGA MA BZHIN NO, ,DE LA KHU BA 'BYIN PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON

, ,MED ZAS SBYIN GYI KUN DGA' RA BA NA BZHUGS PA'I TSE, TSE DANG LDAN PA 'CHAR KA LUS MA BSRUNGS, DBANG PO RNAMS MA BSDAMS, DRAN PA NYE BAR MA BZHAG PAR GRONG DANG GRONG RDAL DAG TU BSOD SNYOMS LA ZHUGS TE, PHYIR LOG NAS DE'I SEMS 'DOD PA LA 'DOD CHAGS KYIS KUN NAS DKRIS PAR GYUR NAS, DES RANG GI YAN LAG GI RNAM PA LAS SU RUNG BAR BYAS TE, LAG PA GNYIS KYIS BZUNG NAS RTZOM PAR BYED CING, KHU BA 'BYIN PAR BYED PA'I SKABS DE DGE SLONG RNAMS KYIS, BCOM LDAN 'DAS LA GSOL TO; BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, ,BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, BSAMS BZHIN DU KHU BA PHYUNG NA, RMI LAM GYI MA GTOGS TE DGE 'DUN LHAG MA'O ZHES BCA' BA MDZAD DE, YUL NI MNYAN YOD GANG ZAG NI 'CHAR KA ,NYON MONGS PA NI 'DOD CHAGS, NYES PA NI KHU BA 'BYIN PA'O, ,DE LA BSAMS BZHIN DU ZHES BYA BA NI, RNAM PAR BRTAG NAS SO, ,KHU BA ZHES BYA BA NI KHU BA RNAM PA LNGA STE, SNGON PO DANG, SER PO DANG, DMAR PO DANG, SKA BA DANG, SLA BA'O, ,PHYUNG NA ZHES BYA BA NI DE MA THAG TU PHYUNG BA STE, BDE BA DANG, RIG SNGAGS PA DANG, SA BON DANG, SMAN DANG, BRTAG PA'I PHYIR BYUNG NA'O, , RMI LAM GYI MA GTOGS TE ZHES BYA BA NI GNANG BA'I GLENG GZHI'I DBANG GI RMI LAM GYI GZHAG STE'O, ,DE NI THA SNYAD DU BYAR RUNG BA MA YIN PAS DE LA LTUNG BA RNAM PAR MI GZHAG GO, ,DGE 'DUN LHAG MA'O ZHES BYA BA NI LTUNG BA DE DGE 'DUN LA RAG LUS PA DANG, DGE 'DUN DANG 'BREL PA DANG, DGE 'DUN LA BRTEN PA YIN TE, LTUNG BA DE DGE 'DUN LAS RNAM PAR LDANG BAR 'GYUR GYI, GANG ZAG LAS NI MA YIN PA'O, ,GZHAN YANG PHAM PAR 'GYUR BA'I CHOS BZHI PO DAG NI LHAG MA MED PA YIN GYI, 'DI NI LHAG MA DANG BCAS PA STE, DES NA

DGE 'DUN LHAG MA'O ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, BSAMS BZHIN DU KHU BA PHYUNG NA DGE 'DUN LHAG MAR 'GYUR RO, ,DE'I BYE BRAG NI DER 'DUN PA DANG, RANG GI YAN LAG GI RNAM PA LA PHYI NANG GI REG PA SEMS CAN DU BGRANG BA DE'I RNAM PAR GNAS PAS BRTZAL TE, RANG GI KHU BA DANG PO PHYUNG NA DNGOS GZHIR 'GYUR RO, ,'DI'I BYED PA PO NI 'BYIN PA'I BSAM PA DANG, ,RANG GIS KHU BA PHYUNG BA'O, ,'DI LA YAN LAG BCUS DNGOS GZHI'I LTUNG BAR 'GYUR TE, PHYUNG BA DANG, DER 'DUN PA DANG, RANG GI KHU BA DANG, DANG PO DANG, REG PA DANG, PHYI ROL GYIS DANG, SEMS CAN DU BGRANG BA DANG, DE'I RNAM PAR GNAS PAS DANG, BRTZAL PA DANG, YAN LAG GI RNAM PA LA'O, ,DE DAG LAS YAN LAG MA TSANG NA CI RIGS PAR NA SMAD DO, ,KHU BA 'BYIN PA'I DGE 'DUN LHAG MA STE DANG PO'O,, ,,LUS KYIS REG PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS PA'I TSE, DRUG SDE DAG GI KUN DU SPYOD PA NI 'DIR BDAG CAG GIS BRAM ZE DANG KHYIM BDAG 'ONGS SHING LHAGS PA RNAMS GZHI LA YANG CHOS BSTAN PAR BYA, RGOL BA DAG KYANG TSAR GCAD PAR BYA, RANG GI GRAGS PA YANG BSTAN PAR BYA'O SNYAM PAS, DRUG SDE LAS GANG YANG RUNG BA CIG GIS RGYAL BYED KYI TSAL GYI SGO STONG PAR MI 'JOG PAS, TSE DANG LDAN PA 'CHAR KA NANG PAR SNGAR LANGS TE, SO SHING BOR NAS SNAM SBYAR DMAR SER GYON TE, RGYAL BYED KYI TSAL GYI SGO NA 'CHAG CING 'DUG GO, ,MNYAN YOD NA GNAS PA'I BRAM ZE DANG KHYIM BDAG RNAMS KYI CHUNG MA DAG GI KUN DU SPYOD PA NI SKYED MOS TSAL DU SONG STE, RGYAL BYED KYI TSAL DU 'JUG PA DANG, GTZUG LAG KHANG LTA BA DANG, BCOM LDAN 'DAS DANG, DGE SLONG GNAS BRTAN RNAMS KYIS ZHABS LA PHYAG 'TSAL DU 'GRO BA YIN PAS, BRAM ZE DANG KHYIM BDAG GI CHUNG MA RAB TU

, ,MANG PO DAG RGYAL BYED KYI TSAL DU 'ONGS PA RNAMS, TSE DANG LDAN PA 'CHAR KAS, BCOM LDAN 'DAS DANG, DGE SLONG GNAS BRTAN GNAS BRTAN RNAMS KYI GTZUG LAG KHANG DU RIM GYIS KHRID DE, YON TAN BRJOD CING PHYAG 'TSAL DU BCUG NAS; RANG GI GTZUG LAG KHANG DU 'ONGS PA NA, DES DE DAG LA CHOS BSTAN PAR BRTZAMS SO, ,JI LTA JI LTAR CHOS BSTAN PA DE LTA DE LTAR KUN DU CHAGS SO, ,JI LTA JI LTAR KUN DU CHAGS PA DE LTA DE LTAR DRAL TO, ,JI LTA JI LTAR DRAL BA DE LTA DE LTAR DE DAG GI YAN LAG DANG NYID LAG DAG LA NYUG PAR BRTZAMS SO, ,DE DAG LAS GANG BDAG GIR BYED PA DE DAG NI DE DANG LHAN CIG GZHOGS STEGS DANG, 'PHYAR G-YENG DANG, THO 'TSAMS PA DANG, KUN DU RTZE BA DANG, KUN DU CA CO 'DON PA DANG, LUS LA RDEG PAR BYED DO, ,GANG DAG BDAG GIR MI BYED PA DE DAG NI DE NAS PHYIR BYUNG STE 'CHAGS DANG, DGAR DANG, SGO KHANG DAG NA BDAG CAG GI YAN LAG DANG, NYID LAG KHYIM THAB KYIS KYANG MA BYUGS PA GANG DAG YIN PA DE DAG 'PHAGS PA 'CHAR KAS BYUGS SO, ,GAL TE BDAG CAG GI PHA MA DANG PHU NU MO DAG GIS THOS PAR GYUR NA, RGYAL BYED KYI TSAL GAL BA DER BLTAR YANG MI STER NA, 'GROR LTA SMOS KYANG CI DGOS ZHES SMOD PAR BYED, PHYAR KHA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DRAL CING GYUR PA'I SEMS KYIS BUD MED DANG LHAN CIG LUS REG PAR BYED DAM, LAG PA NAS GZUNG NGAM, DPUNG BA NAS GZUNG NGAM, LAN BU NAS GZUNG NGAM, YAN LAG DANG NYID LAG GANG YANG RUNG BA NOM PA DANG, NYUG PA BDAG GIR BYED NA DGE

'DUN LHAG MA'O ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS, NYES PA NI LUS KYIS REG PA'O, ,DE LA YANG DGE SLONG GANG ZHES BYA BA NI SNGA MA BZHIN NO, ,DRAL CING GYUR PA'I SEMS KYIS ZHES BYA BA LA, SEMS DRAL CING MA GYUR BA YANG YOD, ,GYUR CING MA DRAL BA YANG YOD, ,MA DRAL CING MA GYUR PA YANG YOD DO, ,DE LA RE ZHIG DRAL CING MA GYUR PA NI, SEMS CHAGS PA DANG, KUN DU CHAGS PA DANG, KUN NAS DKRIS PA GANG YIN PA'O, ,GYUR CING MA DRAL BA NI SEMS LTOS PA DANG LDAN ZHING, SEMS 'BREL PA GANG YIN PA'O, ,DRAL CING GYUR PA NI SEMS CHAGS PA DANG, KUN DU DKRIS SHING SEMS LTOS PA DANG LDAN PA DANG, SEMS 'BREL BA GANG YIN PA'O, ,MA DRAL CING MA GYUR PA NI, RNAM PA DE DAG MA GTOGS PA'O, ,DE LA DRAL ZHES BYA BA NI 'DOD CHAGS KYIS NGO TSA SHES PA'I CHOS DRAL BA STE, SEMS CHAGS PA DANG, KUN DU CHAGS PA DANG, KUN NAS DKRIS PA GANG YIN PA STE, DE DAG NI CHUNG NGU DANG 'BRING DANG CHEN PO'I GNAS SKABS SU SHES PAR BYA'O, ,GYUR ZHES BYA BA NI RNAM PAR GYUR PA STE, YUL DE DANG 'BREL PAR 'DOD PAR GYUR CING, YUL LA LTOS PA DANG LDAN PA DANG 'BREL PA GANG YIN PA'O, ,BUD MED DANG LHAN CIG CES BYA BA NI BUD MED DAM, GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA DANG NGO,, LUS REG PAR ZHES BYA BA NI LUS GZHOL BA'O, ,DE BYED DAM ZHES BYA BA NI BYED PAR GYUR TAM MO, ,LAG PA NAS GZUNG NGAM ZHES BYA BA NI, MKHRIG MA MAN CHAD KYI LAG PA NAS SO, ,DPUNG PA NAS GZUNG NGAM ZHES BYA BA NI MKHRIG MA YAN CHAD NAS SO, ,LAN BU NAS GZUNG NGAM ZHES BYA BA LA, LAN BU ZHES BYA BA NI SKRA NGAG DANG DE DANG 'BREL PA'I GOS SO, ,YAN LAG DANG NYING LAG GANG YANG RUNG BA LA ZHES BYA BA NI, LAG PA NAS GZUNG BA DANG DPUNG PA NAS GZUNG BA MA GTOGS PA DE LAS GZHAN PA'I YAN LAG GI RNAM PA GANG YIN PA STE, YAN LAG CES BYA

, ,BA NI LUS SO, ,NYING LAG CES BYA BA NI, RKANG LAG LA SOGS PA'O, ,NOM PA DANG NYUG PA BDAG GIR BYED NA ZHES BYA BA NI RO MYONG BAR BYED NA STE, NOM PA ZHES BYA BA NI CUNG ZHIG REG PA'O, ,NYUG PA ZHES BYA BA NI PHYOGS THAMS CAD KYIS REG PA'O, ,DGE 'DUN LHAG MA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, LUS KYIS REG PA BDAG GIR BYED NA DGE 'DUN LHAG MAR 'GYUR RO, ,DE'I BYE BRAG NI, BUD MED DAM, GZHON NU MA MI TSANGS PAR SPYOD PA 'KHRIG PA'I CHOS PA BSTEN NUS PA'I LUS DANG, SKRA DANG DE DANG 'BREL PA'I GOS LA REG PA'I ;BDE BA NYAMS SU MYONG BAR BYA BA'I 'DUN PAS KUN DU 'DOD CHAGS DANG LDAN PAS REG PA BDAG GIR BYED NA DNGOS GZHIR 'GYUR RO, ,'DI LA BYED PA PO LUS KYIS REG PA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PA DANG, MI'I 'GRO BAR GTOGS PA'I BUD MED DAM, GZHON NU MA MI TSANGS PAR SPYOD PA 'KHRIG PA BSTEN PAR BYA BA'I MTHU YOD PA NYID DO, ,'DI LA YAN LAG DRUG GIS DNGOS GZHI'I LTUNG BAR 'GYUR TE, REG PA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PA DANG, BUD MED NYID DANG, BSTEN NUS PA DANG, BAR DU MCHOD PA DANG, MA NYAMS PA DANG, REG PA BDAG GIR BYAS PA'O, ,DE DAG LAS YAN LAG MA CHAD NA CI RIGS PAR NA SMAD DO, ,LUS KYIS REG PA'I DGE 'DUN LHAG MA STE GNYIS PA'O,, ,,'KHRIG PA DANG LDAN PA SMRA BA'I DGE 'DUN LHAG MA'I GLENG GZHI NI, LUS KYIS REG PA'I DGE 'DUN LHAG MA'I GLENG GZHI DANG 'DRA'O, ,BYE BRAG TU 'CHAR KAS BRAM ZE DANG KHYIM BDAG GI CHUNG MA DE DAG LA CHOS BSTAN PAR BRTZAMS NAS, DE JI LTA JI LTAR DRAL BA DE LTA DE LTAR DE DAG LA GNAS NGAN LEN GYI TSIG SDIG PA CAN TSOGS PAR MI DBYUNG BA 'KHRIG PA DANG LDAN PAS, SKYES BUS NA CHUNG LA JI LTA BA BZHIN DU SMRA BAR BRTZAMS SO, ,DE DAG LAS GANG DAG BDAG GIR BYED PA DE DAG NI,

DE DANG LHAN CIG GZHOGS STEGS DANG, 'PHYAR G-YENG DANG, THO 'TSAMS PA DANG, KUN DU RTZE BA DANG, KUN DU CA CO 'DON PA DANG, LUS LA REG PA DAG BYED DO, ,GANG DAG BDAG GIR MI BYED PA DE DAG NI DE NAS PHYIR BYUNG STE, 'CHAGS DANG, DGAR DANG, SGO KHANG DAG NA BDAG CAG GIS DVA RNAMS DANG, RGYAN PO PA RNAMS DANG, NAL GYI BU RNAMS LAS KYANG TSIG GANG DAG SNGON MA THOS PA DE DAG 'PHAGS PA 'CHAR KA LAS THOS SO, ,GAL TE BDAG CAG GI PHA MA DANG PHU NU MO DAG GIS THOS PAR GYUR NA, RGYAL BYED KYI TSAL GAL BA DER BLTAR YANG MI STER NA, 'GROR LTA SMOS KYANG CI DGOS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DRAL CING GYUR PA'I SEMS KYIS, BUD MED LA GNAS NGAN LEN GYI TSIG SDIG PA CAN, TSOGS PAR MI DBYUNG BA 'KHRIG PA DANG LDAN PA DAG SKYES BUS NA CHUNG LA JI LTA BA BZHIN DU SMRAS NA DGE 'DUN LHAG MA'O ZHES BCA' BA MDZAD DE, YUL NI MNYAN YOD, GANG ZAG NI 'CHAR KA, ,NYON MONGS PA NI 'DOD CHAGS NYES PA NI 'KHRIG PA SMRAS PA'O, ,YANG DGE SLONG GANG ZHES BYA BA NI SNGA MA BZHIN NO, ,DRAL CING GYUR PA'I SEMS ZHES BYA BA YANG SNGA MA BZHIN NO, ,BUD MED LA ZHES BYA BA NI, BUD MED DAM GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA GANG YIN PA'O, ,GNAS NGAN LEN ZHES BYA BA NI, GNAS NGAN LEN GNYIS TE, PHAM PAR 'GYUR BA KUN NAS SLONG BA DANG, DGE 'DUN LHAG MA KUN NAS SLONG BA'O, ,CI'I PHYIR DE DAG GNAS NGAN LEN ZHES BYA ZHE NA, NGO BO NYID DE LAS DANG, KUN NAS SLONG BA LAS

, ,SO; NGO BO NYID LAS GNAS NGAN LEN ZHES BYA BA NI NYES PA DE LEN PA NI NYES PA SKYED PA STE, SKYON CHAGS PA'O, ,KUN NAS SLONG BA LAS GNAS NGAN LEN ZHES BYA BA NI, PHAM PAR 'GYUR BA KUN NAS SLONG BA MI'I CHOS BLA MA SMRA BA DANG, DGE 'DUN LHAG MA KUN NAS SLONG BA, 'KHRIG PA DANG LDAN PA SMRA BA STE, DON 'DIR NI DGE 'DUN LHAG MA KUN NAS SLONG BA YIN PAR DGONGS SO, ,TSIG CES BYA BA NI BRJOD PA'O, ,SDIG PA CAN ZHES BYA BA LA SDIG PA ZHES BYA BA NI KHA NA MA THO BA'O, ,CAN ZHES BYA BA NI SDIG PA'I CHOS DANG LDAN PA'O, , TSOGS PAR MI DBYUNG ZHES BYA BA NI, DBUS MA'I MTSAMS LAS 'DAS PA STE, TSUL DANG MI MTHUN PA'O, ,'KHRIG PA'I TSIG DANG LDAN PA DAG CES BYA BA NI MI TSANGS PAR SPYOD PA DANG LDAN PA STE, GNYIS KYIS GNYIS SPROD PA LAS BYUNG BA'I CHOS KYI MING DANG LDAN PA'I TSIG GO, ,SKYES BUS NA CHUNG LA JI LTA BA BZHIN DU ZHES BYA BA LA, SKYES BU ZHES BYA BA NI SKYES PA'O, ,NA CHUNG ZHES BYA BA NI BUD MED DO, ,SMRAS NA ZHES BYA BA NI BUD MED KYIS MA SMRAS PA LA SMRAS PA DANG, BUD MED KYIS SMRAS PA LA PHYIR SMRAS PA'O, ,DGE 'DUN LHAG MA'O ZHES BYA BA NI SNGA MA BZHIN NO, ,'DIR GNAS NGAN LEN NI SKYON DANG SPYI'I MTSAN NYID DANG, RANG GI MTSAN NYID DANG, DPE TSIG GIS BSTAN PAR BYA STE, DE LA SKYE NA NI GNAS NGAN LEN GYI TSIG SDIG PA CAN ZHES GSUNGS PAS BSTAN TO, ,SPYI'I MTSAN NYID NI TSOGS PAR MI DBYUNG BA ZHES GSUNGS PAS BSTAN TO, ,RANG GI MTSAN NYID NI 'KHRIG PA DANG LDAN PA DAG CES GSUNGS PAS BSTAN TO, ,DPE NI SKYES BUS NA CHUNG LA JI LTA BA BZHIN DU ZHES GSUNGS PAS BSTAN TO, ,DE LA 'DIR DNGOS GZHI'I LTUNG BA RNAM PAR GZHAG PA NI, 'KHRIG PA DANG LDAN PA'I TSIG SMRAS NA DGE 'DUN LHAG MAR 'GYUR RO, ,DE'I BYE BRAG NI BUD MED DAM GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA LA SMRA BA'I BDE BA NYAMS SU MYONG BAR BYA BA'I 'DUN PA KUN DU 'DOD

CHAGS PA DANG LDAN PAS MI TSANGS PAR SPYOD PA 'KHRIG PA DANG LDAN PA'I TSIG SMRAS NA DNGOS GZHIR 'GYUR RO, ,'DI'I BYED PA PO NI 'KHRIG PA DANG LDAN PA SMRA BA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PA DANG, MI'I 'GRO BA PAR GTOGS PA'I BUD MED DAM, GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, SMRA BA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PA DANG, BUD MED NYI DANG, LEGS PAR SMRAS PA NYID DANG, NYES PAR SMRAS PA'I CHOS RNAMS KYI DON KUN SHES PAR NUS PA DANG, DON GO BA DANG, 'KHRIG PA DANG LDAN PA'I TSIG SMRAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'KHRIG PA DANG LDAN PA SMRA BA'I DGE 'DUN LHAG MA STE GSUM PA'O,, ,,BSNYEN BKUR BSNGAGS PA'I DGE 'DUN LHAG MA'I GLENG GZHI YANG LUS KYIS REG PA'I DGE 'DUN LHAG MA'I GLENG GZHI DANG 'DRA'O, ,BYE BRAG TU NA 'CHAR KAS BRAM ZE DANG KHYIM BDAG GI CHUNG MA DE DAG LA CHOS BSTAN PAR BRTZAMS NAS, DE JI LTA JI LTAR DRAL BA DE LTA DE LTAR DE DAG GI MDUN DU BDAG NYID KYIS LUS KYI BSNYEN BKUR GYI PHYIR, 'DI LTA STE, NGA LTA BU'I DGE SLONG TSUL KHRIMS DANG LDAN PA DGE BA'I CHOS CAN TSANGS PAR SPYOD PA LA, 'DI LTAR 'KHRIG PA DANG LDAN PA'I CHOS 'DIS BSNYEN BKUR BYAS NA, SRU 'DI NI BSNYEN BKUR RNAMS KYI MCHOG YIN NO ZHES BSNGAGS PA BRJOD PAR BRTZAMS SO, ,DE DAG LAS GANG DAG BDAG GIR BYED PA DE DAG NI, DE DANG LHAN CIG GZHOGS STEGS DANG, 'PHYAR G-YENG DANG, THO 'TSAMS PA DANG, KUN DU RTZE BA DANG, KUN DU CA CO 'DON PA DANG, LUS LA RDEG PA DAG BYED DO, ,GANG DAG BDAG GIR MI BYED PA DE DAG NI, DES NA PHYIR BYUNG STE, 'CHAGS DANG, DAG RA DANG, SGO KHANG DAG NA, BDAG CAG GIS RANG GI KHYIM THAB DAG LAS KYANG, TSIG GANG DAG SNGON

, ,MA THOS PA DE DAG 'PHAGS PA 'CHAR KA LAS THOS SO, ,GAL TE BDAG CAG GI PHA MA DANG PHU NU MO DE DAG GIS THOS PAR GYUR NA, RGYAL BYED KYI TSAL GA LA BA DER BLTAR YANG MI STER NA, 'GROR LTA SMOS KYANG CI DGOS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS, BCOM LDAN 'DAS LA GSOL NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN PA BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DRAL CING GYUR PA'I SEMS KYIS, BUD MED KYI MDUN DU BDAG NYID KYIS LUS KYI BSNYEN BKUR BYA BA'I PHYIR, 'DI LTA STE, DA LTA BU'I DGE SLONG TSUL KHRIMS DANG LDAN PA, DGE BA'I CHOS DANG LDAN PA, TSANGS PAR SPYOD PA LA 'DI LTAR 'KHRIG PA DANG LDAN PA'I CHOS 'DIS BSNYEN BKUR BYAS NA, SRU 'DI NI BSNYEN BKUR RNAMS KYI MCHOG YIN NO ZHES BSNGAGS PA BRJOD NA, DGE 'DUN LHAG MA'O ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS, NYES PA NI BSNYEN BKUR BSNGAGS PA'O, ,DE LA YANG DGE SLONG GANG ZHES BYA BA NI SNGA MA BZHIN NO, ,DRAL CING GYUR PA'I SEMS KYIS ZHES BYA BA NI SNGA MA BZHIN NO, ,BUD MED KYI ZHES BYA BA NI BUD MED DAM GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA'O, ,MDUN DU ZHES BYA BA NI SNGA MA BZHIN DU'O, ,BDAG NYID KYIS LUS KYIS BSNYEN BKUR GYI PHYIR ZHES BYA BA NI, BDAG NYID KYIS BSNYEN BKUR GYI PHYIR RO, ,'DI LTA STE, NGA LTA BU ZHES BYA BA NI NYES BAR BSTAN PA DANG, KUN DU BSTAN PA'I TSIG BLA DAGS YIN NO, ,DGE SLONG ZHES BYA BA NI DGE SLONG GI DNGOS PO JI SKAD BSTAN PA DANG LDAN PA'O, ,TSUL KHRIMS DANG LDAN PA ZHES BYA BA NI, TSUL

KHRIMS KYI PHUNG PO JI SKAD BSTAN PA DANG LDAN PA'O, ,DGE BA'I CHOS DANG LDAN PA ZHES BYA BA NI, TING NGE 'DZIN GYI PHUNG PO JI SKAD BSTAN PA DANG LDAN PA'O, ,TSANGS PAR SPYOD PA LA ZHES BYA BA NI, SHES RAB KYI PHUNG PO JI SKAD BSTAN PA DANG LDAN PA'O, ,'DI LTAR 'KHRIG PA DANG LDAN PA'I ZHES BYA BA NI MI TSANGS PAR SPYOD PA DANG LDAN PA'O, ,CHOS 'DIS ZHES BYA BA NI, CHOS MA YIN PA CHOS KYI SGRAR BSTAN PA 'DIS YIN GYI GZHAN GYIS NI MA YIN NO, ,BSNYEN BKUR BYAS NA ZHES BYA BAS NI BKUR STI BYAS NA'O, ,SRU ZHES BYA BA NI, DGA' BA'I TSIG BLA DAGS KYIS BOD PA'O, ,'DI NI BSNYEN BKUR RNAMS KYI MCHOG YIN NO ZHES BYA BA LA, MCHOG YIN NO ZHES BYA BA NI, GTZO BO YIN NO, ,BSNGAGS PA BRJOD NA ZHES BYA BA NI BSTOD PA BYAS NA'O, ,DGE 'DUN LHAG MA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, BDAG NYID LA 'KHRIG PA'I BSNYEN BKUR BSNGAGS NA, DGE 'DUN LHAG MAR 'GYUR RO, ,DE'I BYE BRAG NI BUD MED DAM GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA LA BSNYEN BKUR BSNGAGS PA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PAS, DA LTA BU LA 'KHRIG PA DANG LDAN PA'I CHOS 'DIS BSNYEN BKUR BYAS NA, DE'I MCHOG YIN NO ZHES BSNGAGS NA DNGOS GZHIR 'GYUR RO, ,'DI'I BYED PA PO NI BSNYEN BKUR BSNGAGS PA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PA DANG, MI'I 'GRO BAR GTOGS PA'I BUD MED DAM, GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA'O, ,'DI LA YAN LAG DRUG GIS DNGOS GZHI'I LTUNG BAR 'GYUR TE, BSNYEN BKUR BSNGAGS PA'I BDE BA NYAMS SU MYONG BAR BYA BA'I 'DUN PA KUN DU 'DOD CHAGS DANG LDAN PA DANG, BUD MED NYID DANG, LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA

, ,DANG; DON GO BA DANG, BDAG GI PHYIR DANG, RGYA LA SOGS PA'I DON GYI BSNYEN BKUR BSNGAGS PA'O, ,DE LAS YAN LAG MA TSANG NA CI RIGS PAR NA SMAD DO, ,BSNYEN BKUR BSNGAGS PA'I DGE 'DUN LHAG MA STE BZHI PA'O,, ,,SMYAN BYED PA'I DGE 'DUN LHAG MI'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN MED ZAS SBYIN GYIS KUN DGA' RA BA NA BZHUGS PA'I TSE, DRUG SDE DAG BUD MED LA SKYES PA'I TSIG DANG, SKYES PA LA BUD MED KYI TSIG GIS CHUNG MA NYID DAM, MDZA' NA MO NYID DU SMYAN BYED NAS, MU STEGS CAN DAG SHES LDAN DAG ,SH'A KYA'I BU'I DGE SBYONG 'DI DAG NI, BUD MED LA SKYES PA'I TSIG DANG, SKYES PA LA BUD MED KYI TSIG GIS CHUNG MA NYID DAM, MDZA' NA MO NYID DU SMYAN BYED DE, ,BRAM ZE DANG KHYIM BDAG BSLAB PA'I GZHI YANG DAG PAR MA BLANGS PA GZHAN DAG KYANG SKYES PA LA BUD MED KYI TSIG DANG, BUD MED LA SKYES PA'I TSIG GIS CHUNG MA NYID DAM, MDZA' NA MO NYID DU SMYAN BYED NA, SH'A KYA'I BU'I DGE SBYONG RNAMS DANG, BRAM ZE DANG KHYIM BDAG BSLAB PA'I GZHI YANG DAG PAR MA BLANGS PA RNAMS LA NI BYE BRAG CI YOD, BSAM PA NI CI YOD, THA DAD DU BYA BA NI CI YOD DGE SBYONG MGO REG 'DI DAG LA SUS BSOD SNYOMS SBYIN PA DANG, BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL NAS, BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA, DGE SLONG DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG BUD MED LA SKYES PA'I TSIG DANG, SKYES PA LA BUD MED KYI TSIG GIS CHUNG MA NYID DAM, MDZA' NA MO NYID DU SMYAN BYED NA, THA NA THANG 'GA' PHRAD PA LA YANG RUNG STE, DGE 'DUN LHAG MA'O ZHES BCA' BA MDZAD DE,

YUL NI MNYAN YOD, GANG ZAG NI DRUG SDE, NYON MONGS PA NI 'DOD CHAGS NYES PA NI SMYAN BYED PA'O, ,DE LA YANG DGE SLONG GANG ZHES BYA BA NI SNGA MA BZHIN NO, ,BUD MED LA SKYES PA'I TSIG GIS DANG ZHES BYA BA NI, SKYES PA'I KUN DU SPYOD PA'I BSAM PA'I TSIG GANG YIN PA DE BUD MED LA BRJOD PA'O, ,SKYES PA LA BUD MED KYI TSIG GIS ZHES BYA BA NI, BUD MED KYI KUN DU SPYAD PA'I BSAM PA'I TSIG GANG YIN PA DE SKYES PA LA BRJOD PAS SO, ,CHUNG MA NYID DAM MDZA' NA MO NYID DU ZHES BYA BA NI CHUNG MA BDUN DANG, MDZA' NA MO BCU NYID DU'O, ,CHUNG MA BDUN GANG ZHE NA, CHU TSIGS KYIS BYIN PA DANG, RIN CHAS NYOS PA DANG, BTZON PHROGS SU THOB PA DANG, DANG SAM DU 'DUS PA DANG, GOS ZAS KYIS 'TSO BA DANG, KHA DUM PA DANG, THANG 'GA' 'PHRAD PA'O, ,MDZA' NA MO BCU GANG ZHE NA, MAS BSRUNGS PA DANG, PHAS BSRUNGS PA DANG, MING POS BSRUNGS PA DANG, NU MOS BSRUNGS PA DANG, SGYUG MOS BSRUNGS PA DANG, GYOS POS BSRUNGS PA DANG, NYE DUS BSRUNGS PA DANG, RIGS KYIS BSRUNGS PA DANG, RUS CHAGS KYIS BSRUNGS PA DANG, RNAM PAR 'KHRUG PA MED PA'O, ,SMYAN ZHES BYA BA NI, SPRAD PAR BYA BA LAS PHRIN NOD PA DANG, PHAR SKYEL BA DANG, PHYIR SKYEL BA'I RIM GYIS GNYIS PHRAD PAR BYED PA'O, ,PHRAD NA ZHES BYA BA NI, MTHAR GYUR PA BZUNG NA'O, ,THA NA ZHES BYA BA NI, MTHAR GYUR PA BZUNG NA'O, ,THANG 'GA' PHRAD PA LA YANG RUNG STE ZHES BYA BA NI, SMAD 'TSONG MA YOD PA LA RUNG STE, TSOGS CAN MA DANG, 'JUD MTHUN MA DANG, ,GZUGS 'TSONG MA LA YANG RUNG STE ZHES BYA BA'I THA TSIG GO, ,DGE 'DUN LHAG MA'O ZHES BYA BA NI SNGA MA BZHIN NO, ,'DIR SMYAN BYED PA'I LTUNG BA NI BDAG PO DANG, GZHI DANG, DUS NGES PA LAS RIG PAR BYA STE, DE LA BDAG PO NI BUD MED LA SKYES PA'I TSIG DANG, SKYES PA LA BUD MED KYI TSIG GIS ZHES GSUNGS PAS BSTAN TO, ,GZHI NI CHUNG MA NYID DANG MDZA' NA MO NYID DU SMYAN BYED NA ZHES GSUNGS PAS BSTAN TO,,

, ,DUS NI THA NA THANG 'GA' PHRAD PA LA YANG RUNG STE ZHES GSUNGS PAS BSTAN TO, ,DE LA 'DIR DNGOS GZHI'I LTUNG BA RNAM PAR GZHAG PA NI, SMYAN BYA BA'I THABS KYIS SKYES PA DANG BUD MED GZHAN DANG, GZHAN SNGA NA MI MTHUN PA MTHUN PAR BSGRUBS TE; DE GNYIS MI TSANGS PAR SPYOD PA'I DON LA PHRAD NA DGE 'DUN LHAG MAR 'GYUR RO, ,DE'I BYE BRAG NI SKYES PA DANG BUD MED SNGA NI MI MTHUN PA SPRAD PA'I DON MTHUN PAR BSGRUB PA'I PHYIR, SPRAD PAR BYA BA SKYES PA DANG BUD MED GANG YANG RUNG PA LAS PHRIN MNOS PA DANG, PHAR BSKYAL BA DANG, PHYIR BSKYAL BA DE GSUM RJES SU SGRUB CING, DE GNYIS MI TSANGS PAR SPYOD PA'I DNGOS PO PHRAD PAR GYUR NA, DGE 'DUN LHAG MA'I DNGOS GZHIR 'GYUR RO, ,'DI'I BYED PA PO NI MI'I 'GRO BAR GTOGS PA'I SKYES PA DANG BUD MED MI TSANGS PAR SPYOD PA 'KHRIG PA BSTEN NUS PA DANG, LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PA'O, ,'DI LA YAN LAG BDUN GYIS DNGOS GZHI'I LTUNG BAR 'GYUR TE, MI YIN PA DANG, GZHAN YIN PA DANG, MI MTHUN PA DANG, PHRIN MNOS PA DANG, PHRIN PHAR BSKYAL BA DANG, PHRIN PHYIR BSKYAL BA DANG, GNYIS KYIS GNYIS PHRAD PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SMYAN BYED PA'I DGE 'DUN LHAG MA STE LNGA PA'O,, ,,KHANG PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS PA'I TSE, DGE SLONG RNAMS LA KHANG PA 'DI LTA BUR MANG BA NYID DU GYUR TE, KHA CIG NI KHANG PA 'DI HA CANG RINGS SO ZHES BOR NAS GZHAN BYED DU 'JUD DO, ,KHA CIG NI KHANG PA 'DI HA CANG THUNG NGO, ,'DI HA CANG YANGS SO, ,'DI HA CANG DOG GO, ,'DI HA CANG RNYINGS SO, ,'DI HA CANG STOBS CHUNG NGO, ,'DI HA CANG BRTZIGS NYES SO ZHES DE BOR NAS GZHAN BYED DU 'JUD DO, ,DE DAG KHANG PA BYED PA DANG, BYED DU 'JUG PAS BYA BA DANG, BYED PA MANG BAR GYUR NAS, LUNG MNOD PA DANG, KLAG PA DANG, KHA TON DANG, RNAL 'BYOR DANG,

YID LA BYED PA GTONG ZHING, YANG DANG YANG DU RTZVA DANG SHING DANG, MI BLAS DANG, SHING RTA'I LAS SBYOR BAR BYED PAS, BRAM ZE DANG KHYIM BDAG RNAMS GYIS KHA 'PHYA BAR GYUR PA, TSE DANG LDAN PA 'OD SRUNGS CHEN POS THOS NAS, BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, 'DOD PA CHE BA DANG, CHOG MI SHES PA DANG, GSO DKA' BA DANG, DGANG DKA' BA RNAMS PAR SMAD CING, 'DOD PA CHUNG BA DANG, CHOG SHES PA DANG, GSO SLA BA DANG, DGANG SLA BA DANG, PHRI BA DANG, YOD BYAD BSNYUNGS PA DANG, SBYANGS PA'I YON TAN DANG, MDZES PA DANG, TSOD SHES PA NYID KYI BSNGAGS PA BRJOD NAS, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GIS BDAG GIS BSLANGS PA BDAG PO MED PA BDAG GI PHYIR KHANG PA RTZIG TU 'JUG NA DGE SLONG DES KHANG PA TSAD BZHIN DU RTZIG TU CHUG SHIG ,DE LA KHANG PA'I TSAD NI 'DI YIN TE, NANG GI SRID DU BDE BAR GSHEGS PA'I MTHO'I MTHO BCU GNYIS DANG, ZHENG DU MTHO BDUN NO, ,GZHI BLTA BA'I PHYIR DGE SLONG DES DGE SLONG BKRI BAR BYA'O, ,KHRID PA'I DGE SLONG DAG GIS KYANG, GZHI RUNG BA DANG, RTZOD PA MED PA DANG, BRTZAM DU RUNG BAR BLTA BAR BYA'O, ,GAL TE DGE SLONG GIS GZHI MI RUNG BA'AM, RTZOD PA DANG BCAS PA'AM, BRTZAM DU MI RUNG BAR BDAG GIS BSLANGS PA BDAG GI PHYIR DE KHANG PA RTZIG TU 'JUG GAM, GZHI BLTA BA'I PHYIR DGE SLONG DAG KYANG MI KHRID DAM, DGE SLONG KHRID PA DAG LA GZHI MI STON TAM, TSAD LAS 'DAS NA DGE 'DUN LHAG MA'O ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI 'DOD CHAGS CHE BA, NYES PA NI KHANG PA BRTZIG PA'O, ,DE LA DGE SLONG GIS ZHES BYA BA NI CHOS 'DI BAS SO, ,BDAG GIS BSLANGS PA ZHES BYA BA NI, 'DUN PA LAS BYUNG BA'I SLONG MOS, LA LA LAS NI SHING, LA LA LAS

, ,NI RTZVA, LA LA LAS NI MI BLAS, LA LA LAS NI SHING RTA'I LAS BLANGS PA'O, ,BDAG PO MED PA ZHES BYA BA NI, GANG BDAG PO SKYES PA 'AM, BUD MED DAM, MA NING MED PA'O, ,BDAG GI PHYIR ZHES BYA BA NI BDAG NYID LA BSNGOS TE'O, ,KHANG PA ZHES BYA BA NI, GANG DU SPYOD LAM BZHI PO 'CHAG PA DANG, 'GRENG BA DANG, 'DUG PA DANG, NYAL BA DAG SHONG BA'O, ,RTZIG TU 'JUG NA ZHES BYA BA NI, BDAG NYID KYIS SAM GZHAN GYIS SO, ,DGE SLONG DES KHANG PA TSAD BZHIN DU RTZIG TU CHUG SHIG ,DE LA KHANG PA'I TSAD NI 'DI YIN TE, NANG SRID DU BDE BAR GSHEGS PA'I MTHO'I MTHO BCU GNYIS, ZHENG DU MTHO BDUN NO ZHES BYA BA NI, SA NGAN PA LA BKA' STZAL PA'I TSAD NGES PAR BSTAN PA STE, DE LA BDE BAR GSHEGS PA ZHES BYA BA NI STON PA STE, DE'I MTHO GANG LA NI TSAD DANG LDAN PA'I KHRU PHYED DANG DO'O, , DE BAS NA BDE BAR GSHEGS PA'I MTHO BCU GNYIS, GANG DAG YIN PA DE DAG LA NI TSAD DANG LDAN PA'I KHRU'I KHRU BCO BRGYAD DE, NANG SRID DU TSAD DANG LDAN PA'I KHRU BCO BRGYAD DO, ,BDE BAR GSHEGS PA'I MTHO BDUN GANG YIN PA DE DAG LA NI TSAD DANG LDAN PA'I KHRU'I KHRU PHYED DANG BCU GCIG STE, NANG GI ZHENG DU KHRU PHYED DANG BCU GCIG GO, ,GZHI BLTA BA'I PHYIR DGE SLONG DES DGE SLONG DAG BKRI BAR BYA'O ZHES BYA BA LA, GZHI BLTA BA'I PHYIR ZHES BYA BA NI, SA GZHI RUNG BA DANG, RTZOD PA MED PA DANG, BRTZAM DU RUNG BA NYID BLTA BA'I PHYIR RO, ,DGE SLONG ZHES BYA BA NI DGE SLONG YIN PA DES SO, ,DGE SLONG DAG BKRI BAR BYA'O ZHES BYA BA NI, DES NA DGE SLONG GANG DAG YOD PA DAG YIN GYI, JI TZAM GYIS GZHI DE MIG GIS BLTA BAR 'GYUR BA'I DGE SLONG DE TZAM BKRI BAR BYA BA NI MA YIN NO, ,GAL TE GZHI MI RUNG BA DANG, RTZOD PA DANG BCAS PA DANG, BRTZAM DU MI RUNG BA YIN NA BSTAN PAR MI BYA'O, ,GAL TE GZHI DE DUNG BA DANG, RTZOD PA MED PA DANG, BRTZAM DU RUNG BA YIN NA, DGE SLONG DES GTZUG LAG KHANG DU DGE 'DUN LAS KHANG PA'I GZHI BSTAN PA GSO BA'I CHO GA DANG, SNGAGS LAN GSUM BZLAS PAS KHANG PA'I

GZHI BSTAN PA GSOL BA BYA'O, ,DE'I 'OG TU DGE SLONG DE DAG GIS KYANG DGE SLONG DE LA DAD PAS SAM, YID CHAS PAS 'GRO BAR MI BYA BAR 'DI LTAR DGE 'DUN THAMS CAD DER 'GRO BAR BYA BA 'AM, DGE 'DUN GYIS BSKOS PA'I DGE SLONG GTANG BAR BYA'O, ,DE DAG GIS GZHI DE MIG GIS BLTA BAR BYA'O, ,GAL TE GZHI DE MI RUNG BA DANG, RTZOD PA DANG BCAS PA DANG, BRTZAM DU MI RUNG BA YIN NA BSTAN PAR MI BYA'O, ,GAL TE GZHI DE RUNG BA DANG, RTZOD PA MED PA DANG, BRTZAM DU RUNG BA YIN NA, DGE 'DUN LA BSTAN PAR BYA'O, ,DE'I 'OG TU DGE 'DUN GYIS KYANG DGE SLONG GCIG GIS GSOL BA DANG GNYIS KYI LAS BYAS TE, DGE SLONG DE LA KHANG PA'I GZHI BSTAN PA SBYIN PAR BYA'O, ,KHRID PA'I DGE SLONG GIS KYANG ZHES BYA BA NI, DES DGE SLONG GANG DAG KHRID PA DAG GIS KYANG NGO, ,GZHI RUNG BA ZHES BYA BA NI, SBRUL GYI GNAS SAM, SDIG PA'I GNAS SAM, SRIL GYI GNAS SAM, GROG MA'I GNAS MED PA'O, ,RTZOD PA MED PA ZHES BYA BA NI, RGYAL PO'I GZHI 'AM, MCHOD RTEN GYI GZHI 'AM, KHYIM BDAG GI GZHI 'AM, MU STEGS CAN GYI GZHI 'AM, DGE SLONG MA'I DBYAR KHANG NGAM, SHING LJON PA GCAD PAR BYA BA MED PA'O, ,BRTZAM DU RUNG BAR ZHES BYA BA NI, DE'I NYE 'KHOR 'DOM GANG KHOR KHOR YUG NA, CHU KLUNG NGAM, KHRON PA 'AM, LAM MAM, NGAM GROG MED PAR RO, ,BLTA BAR BYA'O ZHES BYA BA NI SO SOR BRTAG PAR BYA BA'O, ,GAL TE DGE SLONG GIS GZHI MI RUNG BA 'AM, RTZOD PA DANG BCAS PA 'AM, BRTZAM DU MI RUNG BAR BDAG GIS BSLANGS PA BDAG PO MED PAR BDAG GI PHYIR KHANG PA RTZIG TU 'JUG GAM, GZHI BLTA BA'I PHYIR DGE SLONG DAG KYANG MA KHRID DAM, DGE SLONG KHRID PA DAG LA GZHI MI STON TAM, TSAD LAS 'DAS NA ZHES BYA BA NI, JI SKAD SMOS PA DE DAG LAS 'GAL ZHING, TSAD JI SKAD BSTAN PA DE LAS LHAG PAR RTZIG TU 'JUG NA'O, ,DGE 'DUN LHAG MA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SA GZHI DANG YO BYAD GZHAN LAS BTZAL BAS, GZHI MA

, ,DAG PA DANG, MA BSTAN PAR GCIG GI DON DU KHANG PA TSAD LAS LHAG PAR BYED DAM BYED DU BCUG STE ZIN NA MTHAR DGE 'DUN LHAG MAR 'GYUR RO, ,DE'I BYE BRAG NI DGE SLONG LTUNG BA 'BYIN PA POS, KHANG PA'I SA GZHI MI'I 'GRO BA SU YANG RUNG PA, THA NA CHOS 'DI PA RAB TU BYUNG BA LAS KYANG BTZAL BA DANG KHANG PA'I YO BYAD SHING DANG, RTZVA DANG, MI BLAS DANG, SHING RTA DANG, SO PHAG DANG, GLA RNGAN LA SOGS PA YANG GZHAN LAS BTZAL BAS, SA GZHI MA DAG PA MI RUNG BA DANG, RTZOD PA DANG BCAS PA DANG, BRTZAM DU MI RUNG BA DANG, DGE 'DUN LA MA BSTAN PAR BDAG NYID GCIG PU 'AM, DGE SLONG GZHAN CIG GAM, KHYIM PA CIG KYANG RUNG BA'I DON DU, KHANG PA'I RANG GI RGYA'I SRID DU TSAD DANG LDAN PA'I KHRU BCO BRGYAD, ZHENG DU TSAD DANG LDAN PA'I KHRU PHYED DANG BCU GCIG GI TSAD LAS LHAG PA BDAG NYID KYIS BYED DAM, GZHAN GYIS BDAG BYED DU BCUG GAM, BDAG GIS GZHAN BYED DU BCUG STE, ZIN NA MTHAR DGE 'DUN LHAG MA'I DNGOS GZHIR 'GYUR RO, ,'DI'I BYED PA PO NI SA GZHI DANG YO BYAD MA BRTAGS PA'I KHANG PA BRTZIG PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, SA GZHI DANG, YO BYAD GZHAN LAS BTZAL BA DANG, GZHI MA DAG CING MA BSTAN PA DANG, GCIG GI DON DANG, TSAD LAS LHAG PA DANG, ZIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,KHANG PA'I DGE 'DUN LHAG MA STE DRUG PA'O,, ,,GTZUG LAG KHANG GI DGE 'DUN LHAG MA'I GLENG GZHI NI, SANGS RGYAS BCOM LDAN 'DAS KOO SH'AMB'I NA GDANGS CAN GYI KUN DGA' RA BA NA BZHUGS PA'I STE, DRUG SDE DAG GZHAN GYIS BYED DU BCUG PA'I GTZUG LAG KHANG NA GNAS SHING, 'PHYAS 'DOGS PA DGE SLONG RNAMS KYIS SMAD PA DANG, TSE DANG LDAN PA 'DUN PA NGA RGYAL BSKYED NAS, DES KOO SH'AMB'I NA, BRAM ZE PHYUG PA NOR MANG BA, LONGS SPYOD CHE BA YONGS SU GZUNG BA YANGS SHING RGYA CHE BA, SER SNA CAN MIG PHRA BA, BYA ROG LA YANG GTOR MA MI STER BA, YO BYAD KUN 'DZIN PA ZHIG 'DUG PA DE, DAD PA BSKYED NAS,

RDZAS LAS BYUNG BA'I BSOD NAMS BYA BA'I GZHI BDUN PO DAG GI BSNGAGS PA BRJOD PA DANG, DES GTZUG LAG KHANG BRTZIG PAR KHAS BLANGS TE, K'ARsh'A PA nA DAG SBYAR BA DANG, TSE DANG LDAN PA 'DUN PAS KYANG, KO SA LA'I RGYAL PO GSAL RGYAL LAS SA GZHI BLANGS NAS, GAR DGA' BAR BRTZIG TU GNANG BA DANG, 'DUN PAS KOO SH'AM B'I DANG, GDANGS CAN GYI KUN DGA' RA BA'I BAR NA, GNAS KYI SHING LJON PA CIG YOD PA DE'I DRUNG NA, BRAM ZE'I 'KHOR SHING TU MANG PO DANG LDAN PA ZHIG ,BRAM ZE'I KHYE'U LNGA BRGYA BRAM ZE'I GSANG TSIG KLOG TU 'JUD PA DE'I TSE BRAM ZE'I KHYE'U LNGA BRGYA PO DE DAG DRUG SDE DAG ,BSOD SNYOMS LA 'JUG PA DANG 'BYUNG BA NA, YANG NAS YANG DU CO 'DRI BA LA SNYING NA BAS, DRUG SDE DAG GIS MTSAN MO BRAM ZE'I KHYE'U LNGA BRGYA PO DE DAG GI GNAS KYI SHING LJON PA DE RTZA BA NAS BCAD DE BOR NAS, RJES SHUL YANG MI MNGON PAR BYAS TE, DER GTZUG LAG KHANG BRTZIG PAR BRTZAMS PA DANG, DE DAG SH'AKYA'I BU'I DGE SBYONG GI TSUL NI TSIG GO, ,BRAM ZE'I TSUL NI TSIG STE, 'DI LTAR GNAS KYI SHING LJON PA YANG BCAD PAR GYUR TO ZHES 'PHYA BAR BYED KHA ZER BAR BYED DO, ,THOS PA GCIG NAS GCIG TU BRGYUD PAS, KOO SH'AMB'I NA GNAS PA'I SKYE BO'I TSOGS DANG, YUL THA DAD PA NA GNAS PA DER LHAGS PA DAG GIS KYANG THOS NAS, DE DAG KYANG LAM PO CHE DANG, LAM SRAD DANG, BZHI MDO DAG NA 'PHYA BAR BYED, PHYAR KA GTONG BAR BYED, KHA ZER BAR BYED CING, GANG DAG MA DAD PA DE DAG GIS NI BSOD SNYOMS LA ZHUGS PA DAG LA YANG BSOD SNYOMS SBYIN PAR MI BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA, DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GIS BDAG PO YOD PA DGE 'DUN GYI PHYIR GTZUG LAG KHANG CHEN PO RTZIG TU 'JUG NA, GZHI BLTA BA'I PHYIR

, ,DGE SLONG DES DAG SLONG DAG BKRI BAR BYA'O, KHRID PA'I DGE SLONG GIS KYANG GZHI RUNG BA DANG, RTZOD PA MED PA DANG, BRTZAM DU RUNG BA BLTA BAR BYA'O, ,GAL TE DGE SLONG GIS GZHI MI RUNG BA'AM, RTZOD PA DANG BCAS PA'AM, BRTZAM DU MI RUNG BAR BDAG PO YOD PA; DGE 'DUN GYI PHYIR GTZUG LAG KHANG CHEN PO RTZIG TU 'JUG GAM, GZHI BLTA BA'I PHYIR DGE SLONG DAG KYANG MI KHRID DAM, DGE SLONG KHRID PA DAG LAG ZHI MI STON NA DGE 'DUN LHAG MA'O ZHES BCA' BA MDZAD DE, YUL NI KOO SH'AMB'I GANG ZAG NI DRUG STE, NYON MONGS PA NI BRNYAS PA MI BZOD PA, NYES PA NI GTZUG LAG KHANG CHEN PO BRTZIG PA'O, ,DE LA DGE SLONG GIS ZHES BYA BA NI, DRUG SDE'AM GZHAN YANG CHOS 'DI PAS SO, ,BDAG PO YOD PA ZHES BYA BA NI, GANG LA BDAG PO SKYES PA 'AM, BUD MED DAM MA NING YOD PA'O, ,DGE 'DUN GYI PHYIR ZHES BYA BA NI DE BZHIN GSHEGS PA'I NYAN THOS KYI DGE 'DUN GYI PHYIR RO, ,GTZUG LAG KHANG ZHES BYA BA NI, GANG DU SPYOD LAM BZHI PO 'CHAG PA DANG, 'GRENG BA DANG, 'DUG PA DANG, NYAL BA DAG SHONG BA'O, ,CHEN PO ZHES BYA BA NI CHEN PO GNYIS PO SBYIN PAR BYA BA DANG, TSAD KYIS TE, DE LA 'DIR SBYIN PAR BYA BAS CHEN POR DGONGS PA YIN GYI TSAD KYIS NI MA YIN NO, ,RTZIG TU 'JUG NA ZHES BYA BA NI BDAG NYID KYIS SAM GZHAN GYIS SO, ,GZHI BLTA BA'I PHYIR DGE SLONG DES DGE SLONG DAG DKRI BAR BYA'O ZHES BYA BA LA, GZHI BLTA BA'I PHYIR ZHES BYA BA NI, SA GZHI RUNG BA DANG, RTZOD PA MED PA DANG, BRTZAM DU RUNG BA NYID BLTA BA'I PHYIR RO, ,DGE SLONG DES ZHES BYA BA NI, CHOS 'DI PAS SO, ,DGE SLONG DAG BKRI BAR BYA'O ZHES BYA BA NI, DE NA DGE SLONG GANG DAG YOD PA DAG YIN GYI, JI TZAM GYI GZHI DE MIG GIS BLTAS PAR GYUR PA'I DGE SLONG DE TZAM BKRI BAR BYA BA NI MA YIN NO, ,GAL TE GZHI DE MI RUNG BA DAG RTZOD PA DANG BCAS BA DANG, BRTZAM DU MI RUNG BA YIN NA BSTAN PAR MI BYA'O, ,GAL TE GZHI DE RUNG BA DANG, RTZOD PA MED PA DANG, BRTZAM DU RUNG BA YIN NA, DGE SLONG DES GTZUG LHAG KHANG DU DGE 'DUN LAS GTZUG LAG KHANG GI GZHI BSTAN PA GSOL BA'I CHOG DANG SNGAGS LAN GSUM BZLAS PAS,

GTZUG LAG KHANG GI GZHI BSTAN PA GSOL BAR BYA'O, ,DE'I 'OG TU DGE SLONG DAG GIS KYANG DGE SLONG DE LA DAD PAS YID CHES PAS 'GRO BAR MI BYA BAS, 'DI LTAR DGE 'DUN THAMS CAD DER 'GRO BAR BYA BA'AM, DGE 'DUN GYIS KYANG DGE SLONG BSKOS PA DGE SLONG DAG LA GTAD PAR BYA'O,, DE DAG GIS GZHI DE MIG GIS BLTA BAR BYA ZHING, GAL TE GZHI DE MI RUNG BA DANG, RTZOD PA DANG BCAS PA DANG, BRTZAM DU MI RUNG BA YIN NA BSTAN PAR MI BYA'O, ,DE'I 'OG TU DGE 'DUN GYIS KYANG DGE SLONG GCIG GIS GSOL BA DANG GNYIS KYI LAS BYAS TE, DGE SLONG DE LA GTZUG LAG KHANG GI GZHI BSTAN PA SBYIN PAR BYA'O, ,KHRID PA'I DGE SLONG DAG GIS KYANG ZHES BYA BA NI, DER DGE SLONG GANG DAG KHRID PA DAG GIS KYANG NGO, ,GZHI ZHES BYA BA NI GTZUG LAG KHANG GI DBANG DU BYAS PA'I GZHI GANG YIN PA'O, ,RUNG BA ZHES BYA BA NI SBRUL GYI GNAS SAM, SDIG PA'I GNAS SAM, SRIL GYI GNAS SAM, GROG MA'I GNAS MED PA'O, ,RTZOD PA MED PA ZHES BYA BA NI, RGYAL PO'I GZHI 'AM, MCHOD RTEN GYI GZHI 'AM, MU STEGS CAN GYI GZHI 'AM, DGE SLONG MA'I DBYAR KHANG NGAM, SHING LJON PA GCAD PAR BYA BA MED PA'O, ,BRTZAM DU RUNG BA ZHES BYA BA NI DE'I NYEN KOR 'DOM GANG KHOR KHOR YUG NA, CHU KLUNG NGAM, KHRON PA'AM, LAM MAM, NGAM GROG MED PAR RO, ,BLTA BAR BYA'O ZHES BYA BA NI SO SOR BRTAG PAR BYA'O, ,DGE SLONG GIS GZHI MI RUNG BA 'AM, RTZOD PA DANG BCAS PA'AM, BRTZAM DU MI RUNG BAR BDAG PO YOD PA DGE 'DUN GYI PHYIR, GTZUG LHAG KHANG CHEN PO RTZIG TU 'JUG GAM, GZHI BLTA BA'I PHYIR DGE SLONG DAG KYANG MI KHRID DAM, DGE SLONG KHRID PA RNAMS LA GZHI MI STON NA ZHES BYA BA NI JI SKAD SMOS PA DE DAG LAS 'DAS NA'O, ,DGE 'DUN LHAG MA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA LA SOGS PA GZHAN THAMS CAD NI KHANG PA'I SKABS DANG 'DRA'O, ,BYE BRAG TU NAS GZHI DANG YO BYAD GZHAN LAS BTZAL BA ZHES BYA BA NI, YAN LAG NGES PA MED DE, BTZAL KYANG RUNG MA BTZAL KYANG RUNG BA DANG, GCIG GI DON DU ZHES BYA BA TSOGS KYI

, ,DON DU ZHES BYA BAR BSGYUR TE, KHYIM PA YAN CHAD RAB TU BYUNG BA DANG, MA BYUNG BA YANG RUNG STE, GANG ZAG BZHI YAN CHAD KYI DON DANG TSAD DES PA MED DO, ,DES NA 'DIR 'GYUR TE, DGE SLONG GIS SA GZHI DANG YO BYAD GZHAN LAS BTZAL KYANG RUNG MA BTZAL KYANG RUNG BAS GZHI MA DAG PA DANG, MA BSTAN PAR TSOGS KYI DON DU, GTZUG LHAG KHANG TSAD SPYOD LAM BZHI SHONG BA YAN CHAD NGES PA MED PA BYED DAM, BYED DU BCUG STE, ZIN NA MTHAR DGE 'DUN LHAG MAR 'GYUR RO, ,'DI'I BYED PA PO NI, SA GZHI DANG YO BYAD MA BRTAGS PA'I GTZUG LHAG KHANG BRTZIG PA'O, ,'DI LA YAN LAG LNGA SA DNGOS GZHI'I LTUNG BAR 'GYUR TE, SA GZHI DANG YO BYAD GZHAN LAS BTZAL KYANG RUNG MA BTZAL KYANG RUNG BA DANG, GZHI MA DAG PA DANG, MA BSTAN PA DANG, TSOGS KYI DON DANG, ZIN PA'O, ,DE DAG LAS YAN LAG MA TSANG NA CI RIGS PAR NA SMAD DO, , GTZUG LHAG KHANG GI DGE 'DUN LHAG MA STE BDUN PA'O,, ,,GZHI MED PAR SKUR PA 'DEBS PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA, 'OD MA'I TSAL BYA KA LAN NGA KA'I GNAS NA BZHUGS PA'I TSE, GRONG KHYER SDIG BYUNG NA GYAD KYI SNA CHEN PO LA GTOGS PA RGYAL SDE ZHES BYA BA, PHYUG PA NOR MANG BA, LONGS SPYOD CHE BA, YONGS SU BZUNG BA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU LA NOR GYIS 'GRAN PA, GYAD RNAMS LA COD PA NA MED PA'I RGYAL SRID BYED DU 'JUG PA ZHIG 'DUG PA DE LA, BU GYAD BU NOR ZHES BYA BA SRID PA THA MA PA ZHIG YOD PA DE, RIG PA'I GNAS THAMS CAD KYI PHA ROL DU SON CING, SEMS CAN LA SNYING RJE SKYES NAS DGE BA GANG YIN PA ZHES TSOL BAS, NGES PAR 'BYUNG BA'I MNGON PAR DGA' BA BTZAL BAR BRTZAMS PA NA, MU STEGS CAN GYI STON PA DRUG PO DAG LA MTHAR GYIS CHOS KYI TSUL DANG, SLOB MA LA GDAMS PA DANG, TSANGS PAR SPYOD PA'I 'BRAS BU DANG, PHAN YON GANG YIN ZHES DRIS NA, DE DAG LAM GOL BAR ZHUGS PA 'AM, LAM NGAN PA LEGS PAR MI BSGRUB PA, LAM 'JIGS PA DANG BCAS PA JI LTA BA BZHIN DU MKHAS PA RNAMS KYIS SPANG BAR

BYA BA YIN PAR RIG NAS, SNOD STONG PA BZHIN DU BRDABS TE POR NAS, RANG GI GNAS SU SONG STE, STENG GI KHANG BZANGS KYI GZHIR GTOGS PA NA, 'DI SNYAM DU, MA LA 'JIG RTEN LHA DANG BCAS PA, BDUD DANG BCAS PA, TSANGS PA DANG BCAS PA DANG, DGE SBYONG DANG BRAM ZER BCAS PA'I SKYE DGU DANG, LHA DANG MIR BCAS PA'I NANG NA, GANG NA GANG GIS BDAG 'KHOR BA DGON PA 'DI NAS RAB TU THAR BAR BYED PA'I DGE SBYONG NGAM BRAM ZE SMAN DANG SNGAGS DANG, RIG SNGAGS TSIG GCIG GAM GNYIS SAM GSUM MAM, BZHI TZAM 'CHANG BA SU YOD SNYAM DU SEMS PA, BCOM LDAN 'DAS KYIS GZIGS NAS, TSE DANG LDAN PA RTA THUL GYIS THUL CIG CES BKA' STZAL BA DANG, TSE DANG LDAN PA RTA THUL BSOD SNYOMS LA ZHUGS PA'I SPYOD LAM GYIS BTUL TE, LEGS PAR GSUNGS PA'I CHOS 'DUL BA LA RAB TU BYUNG ZHING, BSNYEN PAR RDZOGS PAR BYAS PAS RIM GYIS DE DGRA BCOM PA NYID KYI 'BRAS BU MNGON DU BYAS SO, ,DE NAS TSE DANG LDAN PA GYAD BU NOR, RGYAL PO'I KHAB TU BCOM LDAN 'DAS KYI SPYAN SNGAR SONG BA DANG, BCOM LDAN 'DAS KYIS GYAD BU NOR TSUR SHOG 'ONGS PA LEGS SO ZHES BYA BA'I TSIG GIS KUN DU SPYAD NAS, DE DGE 'DUN GYI GNAS MAL 'BOGS PA DANG, ZAS LA BSKO BAR BSKOS SO, ,DE NAS TSE DANG LDAN PA GYAD BU NOR, DGE 'DUN GYI GNAS MAL 'BOGS PA DANG, ZAS LA BSKO BA BYED PA'I TSE, DGE SLONG MDZA' BO DANG SA LAS SKYES GNYIS, TSE DANG LDAN PA GYAD BU NOR DANG TSE RABS TSE RABS NAS KHON YOD PAS, DE GNYIS KYIS RANG GI SRING MO DGE SLONG MA MDZA' MO BSLUS TE, DE TSE DANG LDAN PA GYAD BU NOR DANG LHAN CIG MI TSANGS PAR SPYAD DE PHAM PAR GYUR TO ZHES SKUR PA 'DEBS SU BCUG NAS, DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYED KYIS DGE SLONG GYAD BU NOR NI DRAN PA DANG LDAN PAR ZUNG SHIG ,DGE SLONG MA MDZA' MO NI RANG GIS KHAS BLANGS PAS BSNYIL BAR BYA'O, ,DGE SLONG DAG GIS DE BZHIN BYAS PA'I SKABS DE BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI

, ,LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG KHROS SHING ZHE SDANG BAR GYUR NAS, CI NAS KYANG 'DI TSANGS PAR SPYOD PA DANG DBRAL LO SNYAM NAS, DGE SLONG DAG PA LTUNG BA MED PA LA GZHI MED PAR PHAM PAR 'GYUR BA'I CHOS KYIS SKUR BA LAS, DE DUS GZHAN ZHIG NA DRIS KYANG RUNG MA DRIS KYANG RUNG, RTZOD PA DE YANG GZHI MED PA YIN LA, DGE SLONG YANG ZHE SDANG LA GNAS BAS ZHE SDANG GIS SMRAS SO ZHE NA, DGE 'DUN LHAG MA'O ZHES BCA' BA MDZAD DE, YUL NI RGYAL PO'I KHAB, GANG ZAG NI MDZA' BO DANG SA LAS SKYES GNYIS, NYON MONGS PA NI MI BZOD PA, NYES PA NI GZHI MED PAR SKUR PA 'DEBS PA'O, ,DE LA YANG DGE SLONG GANG ZHES BYA BA NI, DGE SLONG MDZA' PO DANG SA LAS SKYES SAM, GZHAN YANG DE LTA BU GANG YIN PA'O, ,KHROS SHING ZHES BYA BA NI 'KHRUGS SHING STE, ZHE SDANG MA SPANGS PA'I PHYIR RO, ,ZHE SDANG BAR GYUR NAS ZHES BYA BA NI, YID MA DGA' BAR GYUR NA STE, ZHE SDANG GIS KUN NAS DKRIS PA'I 'KHRUG PA MA BSAL BA'I PHYIR RO;; 'DIR KHROS SHING ZHE SDANG BAR GYUR NAS ZHES BYA BA'I TSIG GNYIS NI, GLENG GZHI'I DBANG GIS GSUNGS PAR ZAD KYI, DE GNYIS 'DIR YAN LAG NI MA YIN NO, ,CI NAS KYANG 'DI TSANGS PAR SPYOD PA DANG DBRAL LO SNYAM NAS ZHES BYA BA NI, CI NAS KYANG 'DI DGE SBYONG GI TSUL DANG DBRAL LO SNYAM PA STE, CI NAS KYANG ZHES BYA BA'I SGRA NI SRID PA'O, ,'DI ZHES BYA BA'I SGRA NI NGES PA'O, ,TSANGS PAR SPYOD PA ZHES BYA BA LA TSANGS PA ZHES BYA BA NI, DKA' THUB STE TSUL KHRIMS SO, ,SPYOD PA ZHES BYA BA NI, DE'I DON DU 'KHRIG PA'I CHOS SPANGS PA RNAMS KYI SPYOD PA'O, ,DE DANG DBRAL LO SNYAM NAS ZHES BYA BA NI, DE LAS NYAMS PAR BYA BA'I BSAM PA STE, DE DANG DBRAL BAR 'DOD PA NYID KYIS LTUNG BA 'BYUNG GI ,GANG YANG RUNG BAS NI MA YIN TE, 'DIS DE SKAD BSTAN PA YIN NO, ,DGE SLONG DAG PA ZHES BYA BA NI GYAD BU NOR RAM, GZHAN YANG DE LTA BU GANG YIN PA'O, ,'DIR

DGE SLONG SMOS PAS DGE SLONG MA YANG GZUNG BAR BYA STE, 'DIR DGE SLONG YANG RUNG DGE SLONG MA YANG RUNG PHAM PAR GYUR PA BYUNG YANG RUNG MA BYUNG YANG RUNG BA'I YUL LA LTUNG BA 'DI RNAM PAR GZHAG PA'I PHYIR RO, ,DAG PA ZHES BYA BA NI, GANG GIS SKUR PAR GYUR PA'I NGO BO DE MED PA'I PHYIR DAG PA YIN TE, DE YANG BYUNG BA'I MTHA'I DBANG GIS SMOS PAR ZAD KYI, YAN LAG NI MA YIN TE, 'DIR MA DAG PA LA SKUR NA YANG LTUNG BAR 'GYUR TE, BRDZUN DU SMRA BA GTZO BO YIN PA'I PHYIR RO, ,LTUNG BA MED PA LA ZHES BYA BA NI, GZHI DE'I LTUNG BA MED PA LA STE, DE YANG BYUNG BA'I MTHA'I DBANG GIS SMOS PAR ZAD KYI, YAN LAG NI MA YIN TE, LTUNG BA YOD PA LA YANG RUNG MED PA LA YANG RUNG ZHES BYA BAR BSDU'O, ,GZHI MED PAR ZHES BYA BA NI, GZHI GSUM PO MTHONG BA'I GZHI DANG, THOS PA'I GZHI DANG, DOGS PA'I GZHI MED PAR TE, BRDZUN GYI TSIG GIS ZHES BYA BA'I THA TSIG GO, ,GZHI MED PAR PHAM PAR 'GYUR BA'I CHOS KYIS ZHES BYA BA NI, CHOS BZHI PO GANG YANG RUNG BA STE, DE NI CHOS MA YIN PA CHOS KI SGRAR GSUNGS PA YIN NO, ,DGE SLONG MA'I YUL LA YANG CHOS BRGYAD PO GANG YANG RUNG BAS ZHES BYA BAR SBYAR RO, ,SKUR PA LAS ZHES BYA BA NI, SKUR PA BTAB PA LA STE, DE NYID DANG MI'I 'GRO BA PA KHYIM PA'AM, RAB TU BYUNG BA SKYES PA DANG BUD MED DANG, MA NING LA SOGS PA GANG YANG RUNG BA LA, MNGON SUM MAM BRGYUD PA LA SOGS PA'I THABS GANG YANG RUNG BAS BRDA SPRAD CING GO BAR BYAS PA LAS LTUNG BA 'DI RNAM PAR GZHAG GO, ,DE DUS GZHAN ZHIG NA ZHES BYA BA NI DE DUS GZHAN NA'O, ,DRIS KYANG RUNG ZHES BYA BA NI GZHAN DAG GIS SO, ,MA DRIS KYANG RUNG ZHES BYA BA NI, DE RANG NYID 'GYOD PA DANG, CUNG ZAD 'GYOD PA DANG, RNAM PAR 'GYOD PA DANG, RAB TU 'GYOD PAR GYUR NAS SO, ,RUNG ZHES BYA BA'I SGRA GNYI GAR SMOS PA NI, GANG YANG RUNG BA BZUNG BA STE, YAN LAG NI MA YIN NO, ,RTZOD PA DE YANG ZHES BYA BA NI RTZOD PA BZHI PO 'THAB PA'I PHYIR RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA DANG, BYA BA'I PHYIR RTZOD PA DAG STE, 'DIR NI LTUNG BA'I PHYIR RTZOD PA BZUNG NGO, ,GZHI MED PA YIN LA ZHES BYA BA NI, GZHI GSUM PO DAG MED PA YIN

, ,NA'O, ,DGE SLONG YANG ZHE SDANG LA GNAS PAS ZHES BYA BA NI SKUR PA 'DEBS PAR 'DOD PAS SO, ,ZHE SDANG GIS SMRAS SO ZHE NA ZHES BYA BA NI SKUR PA BTAB PAR GYUR TO ZHES ZER NA STE, DE DAG KYANG BYUNG BA'I MTHA'I DBANG GIS SMOS PAR ZAD KYI YAN LAG NI MA YIN NO, ,DGE 'DUN LHAG MA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, NYAMS PAR 'DUN PAS MTHONG BA DANG, THOS PA DANG, DOGS PA'I GZHI MED PAR BRDZUN DU SMRA BAS DGE SLONG DANG, DGE SLONG MA MA NYAMS PA DANG, NYAMS PA LA PHAM PAR 'GYUR BA'I CHOS KYIS SKUR PA MI'I 'GRO BA PA GANG YANG RUNG BA LA, THABS GANG YANG RUNG BAS GO BAR BYAS NA, DGE 'DUN LHAG MAR 'GYUR RO, ,DE'I BYE BRAG NI LTUNG BA 'BYIN PAR BYED PAS PHA ROL PO NYAMS PAR BYA BA BSKYED PA'I BSAM PAS MTHONG BA DANG, THOS PA DANG DOGS PA DANG, GZHI GANG YANG RUNG BAR BRDZUN PA'I TSIG GIS, DGE SLONG YANG RUNG, DGE SLONG MA YANG RUNG, PHAM PAR 'GYUR BA BYUNG YANG RUNG, MA BYUNG YANG RUNG BA LA PHAM PAR 'GYUR BA'I CHOS BZHI 'AM BRGYAD GANG YANG RUNG BAS SKUR PA DE NYID DANG, MI'I 'GRO BA PA KHYIM PA 'AM, RAB TU BYUNG BA SKYES PA DANG, BUD MED DANG, MA NING LA SOGS PA GANG YANG RUNG BA LA MNGON SUM MAM, BRGYUD PA LA SOGS PA THABS GANG YANG RUNG BAS BRDA SPRAD CING GO BAR BYAS NA DNGOS GZHIR 'GYUR RO, ,'DI'I BYED PA PO NI NYAMS PAR 'DUN PAS GZHI MED PAR DGE SLONG LA PHAM PAR 'GYUR BA'I CHOS KYIS SKUR PA 'DEBS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, NYAMS PAR 'DUN PA DANG, GZHI MED PAR SKUR PA DANG, BSNYEN PAR RDZOGS PA DANG, PHAM PAR 'GYUR BA'I CHOS DANG, DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,GZHI MED PAR SKUR BA 'DEBS PA'I DGE 'DUN LHAG MA STE BRGYAD PA'O,, ,,GZHAN GYI CHA MA YIN PA DANG MTHUN PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS RGYAL PO'I KHAB 'ONG MA'I TSAL BYA KA LAN DA KA'I GNAS NA BZHUGS PA'I TSE, TSE DANG LDAN PA GYAD BU NOR RGYAL PO'I KHAB BYA RGOD PHUNG PO'I RI LA, RDZING BU RDO RTZIG

CAN ZHES BYA BA'I 'GRAM NA, NYIN MO GNAS PAR BYED DO, ,DE'I TSE DGE SLONG MA AUTPA LA'I MDOG, ,TSE DANG LDAN PA GYAD BU NOR LA PHYAG 'TSAL DU 'ONGS PA DANG, DGE SLONG MDZA' BO DANG SA LAS SKYES GNYIS KYANG PHYAG DAR KHROD KYI GOS SHIG 'KHRUR RDZING BU DE'I 'GRAM DU 'ONGS SO, ,DE'I TSE NA RI DVAGS KYI KHYU DAG CIG RDZING BU RDO RTZIG CAN DU LHAGS NAS CHU 'THUNGS NAS 'DONG BA'I TSE, RI DVAGS ZHIG RI DAGS MO ZHIG GI RGYAB TU RGAL TE, MI TSANGS BAR SPYOD PA 'KHRIG PA'I CHOS BSTEN PAR BRTZAMS PA DANG, MDZA' BO DANG SA LAS SKYES GNYIS KYIS SMRAS PA, GYAD BU NOR 'DI DGE SLONG MA AUTPALA'I MDOG LA MI TSANGS PAR SPYOD PA 'KHRIG PA'I CHOS BSTEN GYI, 'DONG LA, DGE 'DUN RNAMS LA BRJOD PAR BYA'O ZHES BAG TZAM GYI CHAGS BLANGS TE, SKUR PA BTAB PA'I SKABS TE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG KHROS SHING ZHE SDANG BAR GYUR NAS, CI NAS KYANG 'DI TSANGS PAR SPYOD PA DANG DBRAL LO SNYAM NAS, DGE SLONG DAG PA LTUNG BA MED PA LA GZHAN GYI CHA MA YIN PA DANG MTHUN PA PHAM PAR 'GYUR BA'I CHOS KYIS SKUR PA LAS DE DUS GZHAN ZHIG NA DRIS KYANG RUNG MA DRIS KYANG RUNG, RTZOD PA DE YANG GZHAN GYI CHA MA YIN PA DANG MTHUN PA YIN LA, RTZOD PA DE GZHAN GYI CHA MA YIN PA DANG MTHUN PAS, BAG TZAM LAS BSAMS BA TZAM GYIS CHOS 'GA' ZHIG BLANGS PAR GYUR LA, DGE SLONG DE YANG ZHE SDANG LA GNAS PAS ZHE SDANG GIS SMRAS SO ZHE NA, DGE 'DUN LHAG MA'O ZHES BCA' BA MDZAD DE, YUL NI RGYAL PO'I KHAB, GANG ZAG NI MDZA' BO DANG SA LAS SKYES GNYIS, NYON MONGS PA NI MI BZOD PA, NYES PA NI GZHAN GYI CHA MA YIN PA DANG MTHUN PAS SKUR PA 'DEBS PA'O, ,DE LA YANG DGE SLONG KHROS SHING ZHE SDANG BAR GYUR NAS, CI NAS KYANG 'DI TSANGS PAR SPYOD PA DANG DBRAL LO SNYAM NAS, DGE SLONG DAG PA LTUNG BA MED PA LA ZHES

, ,BYA BA NI SNGA MA BZHIN NO, ,GZHAN GYI CHA MA YIN PA DANG MTHUN PA ZHES BYA BA LA, GZHAN ZHES BYA BA NI MYA NGAN LAS 'DAS PA'O, ,DE'I CHA MA YIN PA DANG MTHUN PA NI PHAM PAR 'GYUR BA'I CHOS BZHI PO DAG GO, ,PHAM PAR 'GYUR BA'I ZHES BYA BA NI BZHI PO GANG YANG RUNG BA'O, , CHOS KYIS ZHES BYA BA NI, CHOS MA YIN PA CHOS KYI SGRAR GSUNGS PAS SO, ,DE DUS GZHAN ZHIG NA DRIS KYANG RUNG MA DRIS KYANG RUNG, RTZOD PA DE YANG GZHAN GYI CHA MA YIN PA DANG MTHUN PA YIN LA, RTZOD PA DE GZHAN GYI CHA MA YIN PA DANG MTHUN PAS ZHES BYA BA DAG KYANG SNGA MA BZHIN NO, ,BAG TZAM LAS BSAMS PA'I CHAS 'GA' ZHIG BLANGS PAR GYUR LA ZHES BYA BA LA, BAG TZAM LAS BSAMS PA TZAM GYIS ZHES BYA BA NI, RI DVAGS DANG RI DVAGS MO DANG, GZHAN YANG DE LTA BU GANG YIN PA'I 'O, ,CHOS ZHES BYA BA NI CHOS MA YIN PA DE CHOS KYI SGRAR GSUNGS PA'O, ,BLANGS PAR GYUR LA ZHES BYA BA NI GZUNG BAR GYUR LA'O, ,DGE SLONG YANG ZHE SDANG LA GNAS PAS ZHE SDANG GIS SMRAS SO ZHE NA, DGE 'DUN LHAG MA'O ZHES BYA BA DAG KYANG SNGA MA BZHIN NO, ,DE LA 'DI'I DNGOS GZHI'I LTUNG BA RNAM PAR GZHAG PA LA SOGS PA GZHAN THAMS CAD NI GZHI MED PAR SKUR PA 'DEBS PA'I SKABS DANG 'DRA'O, ,BYE BRAG TU NA SNGAR BRDZUN DU SMRA BAS ZHES SMOS PA DE'I BYE BRAG 'GA' ZHIG 'DIR BRJOD PAR BYA STE, 'DIR NI BRJOD PAR BYA BA GZHAN LA GNAS PA'I TSIG GIS BRDZUN DU SMRAS NA DNGOS GZHIR 'GYUR RO ZHES BYA BAR SBYAR RO, ,DE LA BRJOD PAR BYA BA GZHAN ZHES BYA BA 'DIS GANG ZAG 'DIS PHAM PAR 'GYUR BA LHAG PAR SPYOD PAR BYAS SO ZHES BYA BA'I BRJOD PAR BYA BA DON GSAL BA DE LA GZHAN PA'I BRJOD PAR BYA BA DON MI GSAL BA'O, ,DE LA GNAS PA'I TSIG CES BYA BA NI BRJOD PAR BYA BA DON MI GSAL BA DE LA GNAS PA'I TSIG STE, TSIG DES DGE SLONG DE NYAMS PA DANG MA NYAMS PA GANG YANG RUNG BA LA BRDZUN GYIS PHAM PAR 'GYUR BA'I SKUR PA 'DEBS PA, MI'I 'GRO BA PA GANG YANG RUNG BA LA THABS GANG YANG RUNG BAS GO BAR BYED NA DGE 'DUN LHAG MAR 'GYUR RO, ,DES NI 'DI LTAR 'GYUR TE, NYAMS PAR 'DUN PAS BRJOD PA GZHAN LA GNAS PA'I TSIG BRDZUN PAS, DGE SLONG DANG DGE SLONG MA

NYAMS PA DANG, NYAMS PA LA PHAM PAR 'GYUR PA'I CHOS KYIS SKUR PA MI'I 'GRO BA GANG YANG RUNG BA LA, THABS GANG YANG RUNG BAS GO BAR BYAS NA, DGE 'DUN LHAG MAR 'GYUR RO, ,'DI'I BYED PA PO NYAMS PAR 'DUN PAS BRJOD PAR BYA BA GZHAN LA GNAS PA'I TSIG BRDZUN PAS, DGE SLONG LA PHAM PA'I CHOS KYIS SKUR PA 'DEBS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, NYAMS PAR 'DUN PA DANG, BRJOD PAR BYA BA GZHAN LA GNAS PA'I TSIG BRDZUN PAS SKUR PA DANG, BSNYEN PAR RDZOGS PA DANG, PHAM PAR 'GYUR BA'I CHOS DANG, DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,GZHAN GYI CHA MA YIN PA DANG MTHUN PA'I DGE 'DUN LHAG MA STE DGU PA'O,, ,,DGE 'DUN GYI DBYEN BYED PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA, 'OD MA'I TSAL BYA KA LAN DA KA'I GNAS NA BZHUGS PA'I TSE, MU GE NYAM NGA BA DGON PA SLONG MO PAS BSOD SNYOMS RNYED DKA' BA BYUNG NGO, ,DE NA DGE SLONG GANG DAG RDZU 'PHRUL THOB PA DE DAG NI, SHING 'DZAM BU'I 'BRAS BU DANG, SKYU RU RA DANG, BIL BA DANG, KA PID TA'I 'BRAS BU DANG, SHING GZHAN GYI 'BRAS BU DANG, S'A LU'I 'BRU DANG, LHA YUL GYI BDUD RTZI DANG, YUL GANG DAG 'BYOR PA RGYAS PA, BDE BA LO LEGS PA, SKYE BO DANG MI MANG POS GANG BA DE DAG NAS, BCA' BA DANG BZA' BA GTZANG BA BSOD PA DAG BLANGS NAS, BDAG NYID YONGS SU LONGS SPYOD BAR BYED, DGE SLONG RNAMS LA YANG BGO BSHA' BYED DO, ,DE NAS DGE SLONG LHAS BYIN 'DI SNYAM DU SEMS TE, BDAG GIS KYANG GAL TE RDZU 'PHRUL THOB PAR 'GYUR NA, DE LTA DE LTA BU BYA ZHING, BCOM LDAN 'DAS KYI 'KHOR DBYE BAR BYA NA, DE'I PHYIR BDAG LA RDZU 'PHRUL GYI LAM STON PAR NUS PA SU YOD SNYAM MO, ,DE NAS LHAS BYIN BCOM LDAN 'DAS DANG, DGE SLONG GNAS BRTAN GNAS BRTAN RNAMS KYI GAN DU SONG STE, RDZU 'PHRUL GYI LAM BSTAN PAR GSOL BA DANG, LHAS BYIN LA SDIG PA CAN GYI 'DOD PA'I RNAM PA DE LTA BU BYUNG BAR THUGS SU CHUD NAS, GANG GIS KYANG MA BSTAN TO, ,DE NAS LHAS BYIN TSE DANG LDAN PA

, ,'OD SRUNGS STOBS BCU'I GAN DU SONG STE, RDZU 'PHRUL GYI LAM BSTAN PAR GSOL BA DANG, DES LHAS BYIN LA SDIG PA CAN GYI 'DOD PA'I RNAM PA DE LTA BU DE BYUNG BA LA RNAM PAR MA BLTAS PAR RDZU 'PHRUL GYI LAM BSTAN TO, ,DE NAS LHAS BYIN GYIS BSAM GTAN DANG PO LA BRTEN NAS, 'JIG RTEN PA'I LAM GYI RDZU 'PHRUL MNGON PAR BSGRUBS TE THOB NAS, DES GLANG PO MTHU DANG LDAN PA PHRU GU RIGS BTZUN PA ZHIG TU BDAG NYID BSGYUR NAS, RGYAL BU GZHON NU MA SKYES DGRA'I KHYIM DU ZHUGS SHING PHYIR BYUNG NAS, YANG SKYES PHRAN GZHON NU GSER GYI 'OG PAG CAN ZHIG TU BDAG NYID BSGYUR NAS, GZHON NU MA SKYES DGRA'I PANG PA NA 'GRE BAR BYED, LDOG PAR BYED CING, GZHON NU MA SKYES DGRA YANG DE LA 'KHYUD PAR BYED, KHA SBYOR BAR BYED, KUN DU 'KHYUD PAR BYED CING, DE'I KHAR MCHIL MA YANG LDUGS PAR BYED DO, ,GZHON NU MA SKYES DGRAS KYANG DE LHAS BYIN YIN PAR SHES NAS, KYE MA 'PHAGS PA LHAS BYIN NI, STON PA BAS KYANG CHES RDZU 'PHRUL CHE BA YIN NO SNYAM PA'I SDIG PA CAN GYI LTA BRGYA CHEN PO THOB PAR GYUR CING, DE LA DAD PAR GYUR NAS, DAD PA'I CHED DU BYA BA BYED PAR GYUR TE, NANG PAR DANG DGONGS KAR SHING RTA LNGA BRGYA TZAM GYI 'KHOR DANG LHAN CIG BYUNG ZHING DE LA BSNYEN BKUR BYED DO, ,DE LA ZAS G-YOS SU BYAS SHING SNOD DU BTZOS PA SNA LNGA BRGYA TZAM GYI TSOM BU TSOM BU DAG KYANG 'BUL BAR BYED DO, ,LHAS BYIN YANG DGE SLONG LNGA BRGYA TZAM DANG LHAN CIG ZAS KYI GRAL DU BKAD PAR BYED DO, ,DE NAS DGE SLONG RAB DU MANG PO DAG GIS DE THOS NAS BCOM LDAN 'DAS LA GSOL PA DANG, BCOM LDAN 'DAS KYIS KYANG SMAD PA MDZAD DO, ,DE NAS LHAS BYIN RNYED PA DANG BKUR STIS NON CING SEMS YONGS SU GTUGS PA LA, SDIG PA CAN GYI 'DOD PA'I RNAM PA 'DI LTA BU 'DI BYUNG STE, 'DI LTAR BCOM LDAN 'DAS NI, RGAN PA RGAS PA DGOG TU GYUR PAS 'KHOR BZHI PO LA 'DOMS PAS NGAL BAR 'GYUR PAS, KYE MA BCOM LDAN 'DAS KYIS DGE SLONG GI DGE 'DUN BDAG LA BTANG BAR GYUR NA, BDAG GIS KYANG DGE SLONG GI DGE 'DUN YONGS SU DRANG BAR BYA ZHING, BCOM LDAN 'DAS KYANG TSE 'DI LA BDE BAR GNAS PA LA SBYOR BA'I RJES SU

BRTZON PAS THUGS LAS CHUNG NGUR GNAS PAR 'GYUR SNYAM MO, ,DES SEMS DE LTA BU BSKYED MA THAG TU DE'I RDZU 'PHRUL YONGS SU NYAMS PAR GYUR CING, YONGS SU NYAMS KYANG BDAG YONGS SU NYAMS SO SNYAM DU MI SHES PAR GYUR TO, ,DE NAS TSANGS PA NOG CAN GYIS DE TSOR NAS, TSE DANG LDAN PA MOOD GAL GYI BU CHEN PO LA SBRAN PA DANG, TSE DANG LDAN PA MOOD GAL GYI BU CHEN POS, ,BCOM LDAN 'DAS LA GSOL TO, ,DE'I SKABS SU LHAS BYIN GYI GROGS DGE SLONG BZHI PO, ,KO KA LI KA DANG, KHAndA DRA BYA DANG, KA TI MOR KA TI shRYA DANG, RGYA MTSOS BYIN DANG, LHAN CIG BCOM LDAN 'DAS GA LA BA DER SONG STE, DGE 'DUN GYI DBYEN BYA BAR BRTZAMS NAS, BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYOD KYIS LHA SBYIN DANG, GZHAN YANG DE LTA BU GANG YIN PA LA DANG POR BZHAMS TE BSGO BAR BYA'O, ,DE'I 'OG TU GSOL BA DANG BZHI'I LAS KYIS BSGO BAR BYA'O, ,DGE SLONG RNAMS KYIS DE LTAR BSGO YANG DE GZHI DE NYID LA NAN TAN GYIS MCHOG TU BZUNG ZHING, MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED DO, ,DE'I GROGS BYED PA DGE SLONG BZHI PO DAG KYANG MI MTHUN PAR SMRA BA'I RJES SU PHYOGS PAR BYED NAS, BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYED KYIS DE DAG DANG GZHAN YANG DE LTA BU GANG DAG YIN PA DE DAG LA YANG DANG POR BZHAMS TE BSGO BAR BYA'O, ,DE'I 'OG TU GSOL BA DANG BZHI'I LAS KYIS BSGO BAR BYA'O, , DGE SLONG RNAMS KYIS DE DAG LA DE LTAR BSGO YANG, DE DAG GZHI DE NYID LA, NAN TAN GYIS MCHOG TU BZUNG ZHING MNGON PAR ZHEN NAS, 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG LHAS BYIN GYIS NI, NGA'I NYAN THOS KYI DGE 'DUN DBYE BA DANG, 'KHOR LO YANG 'BYED PAR NUS TE, 'DI LTAR DE'I GROGS BYED PA'I DGE SLONG MI MTHUN PAR SMRA BA NYID KYI RJES SU PHYOGS PA BZHI PA DAG YOD PA'I PHYIR RO, ,LHAS

, ,BYIN GYIS DE THOS NAS, RJES SU PHYOGS PA'I DGE SLONG BZHI PO DAG LA SBRAN TE, RGYA CHER DGE 'DUN MTHUN PA DBYE BA'I PHYIR BRTUL BAR BRTZAMS TE, DGE 'DUN GYI DBYEN NI RGYU GNYIS KYIS 'GYUR TE, CHOS LAS THA DAD PA'I DNGOS POR GSOL BAR DBYEN BYED PA DANG, DON DES TSUL SHING LEN DU 'JUG PAR DBYEN BYED PA'O, ,DE NAS LHAS SBYIN GYIS GSOL BA BYAS TE, TSUL SHING BRIMS NAS DE'I GROGS BYED PA'I DGE SLONG BZHI PO DAG GIS KYANG CHOS MA YIN PA'I TSUL SHING BLANGS TE, 'KHOR LO DBYE'O, ,CHOS NYID KYIS NA DE BZHIN GSHEGS PA'I 'KHOR LO BYE BA NI NYI MA DE NYID KYI SKYA RENGS MA SHAR BAR SLAR MTHUN PAR 'GYUR BA YIN GYI, SKYA RENGS 'CHAR BA LAS 'DA' BA NI MI SRID PAS, DES RGYA CHER DGE 'DUN MTHUN PA DBYE BA'I PHYIR BRTUL BA BRTZAMS PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, LHAS BYIN LA SMAD NAS RNAM GRANGS DU MAS SMAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI, 'DI LTAR GDON PAR BYA STE, YANG DGE SLONG GANG DGE 'DUN MTHUN PA DBYE BA'I PHYIR, RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS, RAB TU BZUNG STE 'DUG NAS, DGE SLONG DE LA DGE SLONG RNAMS KYIS 'DI SKAD CES, TSE DANG LDAN PA KHYOD DGE 'DUN MTHUN PA DBYE BA'I PHYIR RTUL BAR MA BYED CIG ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG ,TSE DANG LDAN PA DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD MCHOG GCIG 'DON PA GCIG CING, CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR 'GYUR GYIS, TSE DANG LDAN PA KHYOD DGE 'DUN 'BYED PAR BYED PA'I GZHI 'DI LTA BU 'DI THONG SHIG CES BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTONG BAR BYA BA'I PHYIR,

LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA, GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O ZHES BCA' BA MDZAD DE, YUL NI RGYAL PO'I KHAB, GANG ZAG NI LHAS BYIN, NYON MONGS PA NI RNYED PA DANG BKUR STI 'DOD PA, NYES PA NI DGE 'DUN GYI DBYEN BYED PA'O, ,DE LA YANG DGE SLONG GANG ZHES BYA BA NI LHA SBYIN NAM, GZHAN YANG DE LTA BU GANG YIN PA'O, ,DGE 'DUN ZHES BYA BA NI, DE BZHIN GSHEGS PA'I NYAN THOS KYI DGE 'DUN NO, ,MTHUN PA ZHES BYA BA NI, RTAGS DANG, LAS DANG, TSUL KHRIMS DANG, LTA BA DANG, SPYOD PA DANG, 'TSO BAS RO GCIG PA DANG, BYA BA GCIG PA STE, LAM GCIG TU ZHUGS PA'I PHYIR RO, ,DBYE BA'I PHYIR ZHES BYA BA NI, DBYEN BYA BA'I PHYIR TE, GNYIS SU BYA BA'I PHYIR RO, ,GZHAN YANG STON PA GZHAN DU TSOL BA DANG, LAM GZHAN DU TSOL BA STE, STON PA GZHAN DU TSOL BA NI, BCOM LDAN 'DAS LAS LHA SBYIN GYI PHYOGS SU STON PA TSOL BA'O, ,LAM GZHAN DU TSOL BA NI, 'PHAGS PA'I LAM BRGYAD LAS, LHA SBYIN GYI BRTUL ZHUGS KYI GNAS LNGA PO, SHA MI BZA' BA DANG, 'O MA MI BTUNG BA DANG, LAN TSVA MI ZA BA DANG, GOS DRAS PA MI GYON PA DANG, GRONG DU GNAS PAR BYA BA YANG DAG PAR LEN PA'O, ,BRTUL BAR BYED CING ZHES BYA BA NI RTZOL BAR BYED CING NGO, ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE, 'DUG NA ZHES BYA BA NI, KO KA LI KA DANG, KHAndA DRA BYA DANG, KO TI MOR KA TE shRYA DANG, RGYA MTSOS BYIN YANG DAG PAR BLANGS NAS RAB TU BZUNG STE 'DUG NA'O, ,DBYEN BYED PAR 'GYUR BA ZHES BYA BA NI, RGYU GNYIS KYIS DBYEN BYED DE, 'GROGS PA DANG, LONGS SPYOD KYIS SO, ,JI LTAR 'GROGS PAS SHE NA, KO KA LI KA LA SOGS PA DANG 'GROGS PAS SO, ,JI LTAR LONGS SPYOD PAS SHE NA, MI SKYES DGRA LAS ZAS G-YOS BYAS PA, SNOD LNGA BRGYAS DGE SLONG KHA 'DREN CING LONGS SPYOD PAS SO, ,RTZOD PA ZHES BYA BA NI 'KHRUG SLONG GI RGYU STE, 'DIR NI 'THAB PA'I PHYIR RTZOD PA GZUNG NGO, ,YANG DAG PAR BLANGS NAS ZHES BYA BA NI DE LA DMIGS NAS SO, ,RAB TU BZUNG STE 'DUG NA ZHES BYA BA NI, DAM DU

, ,BZUNG STE 'DUG NA'O, ,DGE SLONG DE LA ZHES BYA BA NI, LHA SBYIN NAM GZHAN YANG DE LTA BU GANG YIN PA LA'O, ,DGE SLONG RNAMS KYIS ZHES BYA BA NI, CHOS 'DI PA RNAMS KYIS SO, ,'DI SKAD CES ZHES BYA BA NI BZHAMS TE BSGO BAR BYA BA'O, ,TSE DANG LDAN PA KHYOD DGE 'DUN MTHUN PA DBYE BA'I PHYIR RTUL BAR MA BYED CES BYA BA NI, RTZOL BAR MA BYED CIG CES PA STE, CHOS LAS THA DAD PA'I DNGOS POR GSOL BAS, DBYEN BYED PA DANG, DON DES TSUL SHING LEN DU 'JUG PAS DBYEN BYED PA THONG SHIG CES BYA BA'I THA TSIG GO, ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG CES BYA BA NI, 'GROGS PA DANG, LONGS SPYOD PAS DBYEN BYED PAR 'GYUR BA'I RTZOD PA DE LA DMIGS NAS, DAM DU BZUNG STE MA 'DUG SHIG CES PA'O, ,TSE DANG LDAN PA DGE 'DUN MTHUN PAR GYIS SHIG CES BYA BA NI TSUL KHRIMS MTHUN PA DANG, LTA BA MTHUN PA DANG, 'TSO BA MTHUN PA DANG, SPYOD PA MTHUN PAR GYIS SHIG CES PA'O, ,DGE 'DUN MTHUN MI PHYED KUN DU DGA' MI RTZOD MCHOD GCIG 'DON PA GCIG CING ZHES BYA BA LA, MTHUN ZHES BYA BA NI BYA BA GCIG PA STE, LAM GCIG TU ZHUGS PA'I PHYIR RO, ,MI PHYED CES BYA BA NI 'DRES PA STE, CHOS DANG ZANG ZING GI LONGS SPYOD DANG, PHAN TSUN 'DUN PA 'BUL BAS BAR DU CHOD PA MED PA'O, ,KUN DU DGA' ZHES BYA BA NI, PHAN TSUN YON TAN BRJOD PA DANG, DGE BA'I PHYOGS LA 'PHEL BAS KUN DU DGA' BA'O, ,MI RTZOD PA ZHES BYA BA NI RTZOD PA MA BYUNG BA STE, PHAN TSUN LTA BA DANG, 'DOD PAS LOG PAR SMRAS PA SPANGS TE'O; ,MCHOG GCIG CES BYA BA NI, 'BRAS BU GCIG PA STE, MYA NGAN LAS 'DAS PA'I 'BRAS BU MCHOG GCIG DANG LDAN PA'I PHYIR RO, ,YANG NA DMIGS PA GCIG PA STE, MNYAM PAR GZHAG PA'I SEMS NI MNYAM PAR 'JOG LA, MNYAM PAR GZHAG PA NI SO SOR BSRUNG BA'I PHYIR RO, ,'DON PA GCIG CING ZHES BYA BA NI, GSO SBYONG MTHUN PA STE, PHAN TSUN BRJOD DU RUNG BA DE SO SOR THAR PA 'DON PA THA DAD PA MED PA'I PHYIR RO, ,CHU DANG 'O MA GCIG TU 'DRES PA LTA BUR GYUR LA ZHES BYA BA NI, GZHAN GYIS KHA DRANG DU MI RUNG BA DE MA MTHUN PA'I DPE STE, DGAG DBYE LA SOGS PA LAS MTHUN PA'I PHYIR RO, ,

STON PA'I BSTAN PA GSAL BAR BYED NA ZHES BYA BA LA, STON PA NI BCOM LDAN 'DAS SO, ,BSTAN PA NI SDE SNOD GSUM STE, 'DOD CHAGS DANG ZHE SDANG DANG GTI MUG 'DUL BAR BYED PA'O, ,GSAL BAR BYED NA ZHES BYA BA NI, LUNG NOD PA DANG, KLOG PA DANG, KHA TON BYED PA LA SOGS PAS RAB TU STON PAR BYED NA'O, ,BDE BA LA REG PAR GNAS PAR 'GYUR GYIS ZHES BYA BA NI, MYA NGAN LAS 'DAS PA THOB PAR 'GYUR BA STE, BDE BA NI TSE 'DI LA BDE BAR GNAS PA BSAM GTAN BZHI PO RNAMS SO, ,DE DAG LA REG PA NI 'PHAGS PA'I RIGS BZHI LA BRTEN PA'I RIM GYIS BSAM GTAN BZHI PO DAG LA BRTEN NAS, 'PHAGS PA'I BDEN PA BZHI MNGON PAR RTOGS SHING, DGE SBYONG GI 'BRAS BU BZHI PO LA REG PA'O, ,YANG NA LUS DANG MTHUN PA NI BDE BA YIN LA, BDE BA DANG MTHUN PA NI REG PA YIN NO, ,GNAS PAR 'GYUR GYIS ZHES BYA BA NI 'THOB PAR 'GYUR ZHES BYA BA'O, ,TSE DANG LDAN PA KHYOD DGE 'DUN 'BYED PAR BYED PA'I GZHI 'DI LTA BU 'DI THONG SHIG CES BSGO BAR BYA'O ZHES BYA BA NI, 'BYED PAR BYED PA'I RGYU YIN PA'I PHYIR 'BYED PA'I GZHI STE, DE THONG SHIG CES BSGO BAR BYA BA NI BZHAMS TE BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA NA'O, ,GAL TE GZHI DE GTONG NA ZHES BYA BA NI, GAL TE LTA BA DE YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG STE, RTZOM PA'I NYES BYAS GCIG BYUNG BAR ZAD KYI, NYES PA SBOM PO YANG MA BYUNG BA'I PHYIR RO, ,GAL TE MI GTONG NA ZHES BYA BA NI, GZHI DE YONGS SU MI GTONG NA STE, DE LTAR BZHAMS TE BSGO BA NI MI GTONG NA, RTZOM PA LA NYES BYAS GCIG DANG, BZHAMS TE BSGO BA MA BTANG BA'I MTHAR NYES PA SBOM PO GCIG KYANG 'BYUNG NGO, ,GZHI DE GTONG BAR BYA BA'I PHYIR LAN GYIS LAN GSUM DU YANG DAG PAR BSGO PAR BYA, YANG DAG PAR BSTAN PAR BYA'O ZHES BYA BA NI, GSOL BA DANG BZHI'I LAS KYIS BSGO BAR BYA STE, LAN GNYIS LAN GSUM DU ZHES BYA BA NI, GSOL BA GCIG DANG LAS BRJOD PA GSUM BYA BA'O, ,YANG DAG PAR BSGO BAR BYA BA NI KUN DU DRI BA'AM, DGE BA LA GZHUG PAR BYA BA'O, ,YANG DAG PAR BSTAN PAR BYA BA NI,

, ,DBYEN LAS BZLOG PAR BYA BA 'AM, MI DGE BA LAS BZLOG PAR BYA BA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS ZHES BYA BA NI, DE LTA NA BZANG BA STE, DGE 'DUN LHAG MA'I DNGOS GZHI'I LTUNG BA MA BYUNG BA'I PHYIR RO, ,SNGAR NI SBYOR BA BRTZAMS PA LA NYES BYAS GCIG GO, ,BZHAMS TE BSGO BA MA BTANG BA'I MTHAR YANG NYES PA SBOM PO GCIG GO, ,GSOL BA BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA DANG PO BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA GNYIS PA BYAS PA RDZOGS PA'I MTHAR YANG NYES PA SBOM PO GCIG GO, ,GAL TE MI GTONG NA DGE 'DUN LHAG MA'O ZHES BYA BA NI, LAS BRJOD PA GSUM DANG, MJUG SDUD PA RDZOGS PA'I MTHAR DGE 'DUN LHAG MA'I DNGOS GZHI GCIG 'BYUNG BA'O, , DGE 'DUN LHAG MA ZHES BYA BA NI SNGA MA BZHIN TE, DES NA DGE 'DUN LHAG MA'O ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE 'DUN GYI DBYEN BYED PA RTUL BAR BYED PA NYID MI GTONG NA, DGE 'DUN LHAG MAR 'GYUR RO, ,DE'I BYE BRAG NI STON PA BZHUGS PA'I TSE, DE BZHIN GSHEGS PA'I NYAN THOS KYI DGE 'DUN MTHUN PA'I TSOGS LAS, DGE 'DUN BZHI YAN CHAD LOGS SHIG TU BKAR TE, CHOS DANG ZANG ZING GI LONGS SPYOD THA DAD PAR BYED PA LA DGE 'DUN GYI BZHAMS TE BSGO BA DANG, GSOL BA DANG BZHI'I LAS KYIS BZLOG PA NI, LAS BRJOD PA GSUM PA MJUG SDUD PA DANG BCAS PA'I MTHAR MI GTONG NA, DGE 'DUN LHAG MA'I DNGOS GZHIR 'GYUR RO, ,'DI'I BYED PA PO NI, STON PA BZHUGS BZHIN DU DBYEN BYED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, STON PA BZHUGS PA DANG, DGE 'DUN DU LANGS PA DANG, DGE 'DUN GYI DBYEN LA RTUL BAR BYED PA NYID DANG, CHOS DANG MTHUN PAS BZLOG PA DANG, LAS BRJOD PA GSUM PA'I MTHAR MI GTONG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,DGE 'DUN GYI DBYEN BYED PA'I DGE 'DUN LHAG MA STE BCU PA'O,, ,,BAM PO LNGA PA,

DE'I RJES SU PHYOGS PA'I DGE 'DUN LHAG MA'I GLENG GZHI NI, DGE 'DUN GYI DBYEN BYED PA'I DGE 'DUN LHAG MA'I GLENG GZHI DANG GCIG GO, ,KHYAD PAR DU NA DE LTA BCOM LDAN 'DAS KYIS DGE 'DUN GYI DBYEN BYED PA'I GLENG GZHI DANG, BSLAB PA BCA' BA DANG, LTUNG BA RNAM PAR GZHAG PA'I MJUG THOGS SU, DE NAS BCOM LDAN 'DAS KYIS GDAN DE NYID LA BZHUGS BZHIN DU 'DUL BA LA NYAN THOS RNAMS KYIS BSLAB PA'I GZHI GNYIS PA BCA' BAR BZHED NAS, DGE SLONG RNAMS LA BKA' STZAL PA, DGE SLONG GI DGE 'DUN GYI BYA BA CUNG ZHIG YOD KYIS, RE ZHIG STAN LAS MA LDANG SHIG ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PAS, BCOM LDAN 'DAS KYIS KO KA LI KA DANG, KHAndA DRA BYA DANG, KA TI MO RA KA TI shYA DANG, RGYA MTSOS BYIN RNAMS LA, KHYED SHES BZHIN DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING, DBYEN BYED PAR 'GYUR PA'I RTZOD PA YANG DAG PAR BLANGS NAS, RAB TU BZUNG STE 'DUG PA DE'I GROGS BYED CING MI MTHUN PAR SMRA BA'I RJES SU PHYOGS PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES BYA BA LA SOGS PA RNAM GRANGS DU MAS SMAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG DE'I GROGS BYED PA'I DGE SLONG MI MTHUN PAR SMRA BA NYID KYI RJES SU PHYOGS PA GCIG GAM GNYIS SAM, MANG PO DAG YOD CING, GAL TE DE DAG DGE SLONG RNAMS LA 'DI SKAD CES, TSE DANG LDAN PA KHYED CAG DGE YANG RUNG SDIG KYANG RUNG, DGE SLONG 'DI LA CI YANG MA SMRA SHIG DE CI'I PHYIR ZHE NA, TSE DANG LDAN PA DAG ,DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I, MI SHES PAR MA

, ,YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES SMRA NA, DGE SLONG DE DAG LA DGE SLONG RNAMS KYIS, 'DI SKAD CES TSE DANG LDAN PA DAG, KHYED CAG DE SKAD CES TSE DANG LDAN PA KHYED CAG DGE YANG RUNG, SDIG KYANG RUNG, DGE SLONG 'DI LA CI YANG MA SMRA SHIG, DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA 'DUL BA SMRA BA, DGE SLONG 'DI NI CHOS DANG 'DUL BA YANG DAG PAR BLANGS NAS RAB TU BZUNG STE, RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I, MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA, BDAG CAG KYANG 'DOD CING BZOD DO ZHES MA ZER CIG, DE CI'I PHYIR ZHE NA, TSE DANG LDAN PA DAG, DGE SLONG 'DI NI CHOS SMRA BA MA YIN, 'DUL BA SMRA BA MA YIN GYI, TSE DANG LDAN PA DAG DGE SLONG 'DI NI CHOS MA YIN PA SMRA BA 'DUL BA MA YIN PA SMRA BA, DGE SLONG 'DI NI CHOS DANG 'DUL BA MA YIN PA YANG DAG PAR BLANGS NAS, RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI MI SHES BZHIN DU SMRA'I, SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA, TSE DANG LDAN PA DAG 'DOD CING BZOD PAR MA BYED CIG, TSE DANG LDAN PA DAG, KHYED DGE 'DUN 'BYED 'DOD PAR MA BYED PAR, TSE DANG LDAN PA DAG DGE 'DUN MTHUN PA NYID DU 'DOD PAR GYIS SHIG, TSE DANG LDAN PA DAG DGE 'DUN DANG MTHUN PAR GYIS SHIG, DGE 'DUN MTHUN MI PHYED, KUN DU DGA', MI RTZOD, MCHOG GCIG 'DON PA GCIG CING, CHU DANG 'O MA GCIG TU 'DRES PA LTAR GYUR LA, STON PA'I BSTAN PA GSAL BAR BYED NA, BDE BA LA REG PAR GNAS PAR 'GYUR GYIS TSE DANG LDAN PA DAG, ,DGE 'DUN 'BYED PA'I RJES SU PHYOGS SHING MI MTHUN PAR SMRA BA 'DI LTA BU 'DI THONG SHIG CES BSGO BAR BYA'O, ,DGE SLONG DE DAG LA DGE SLONG RNAMS KYIS DE SKAD CES BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA GZHI DE NYID GTONG BAR BYA BA'I PHYIR LAN GNYIS LAN GSUM DU YANG DAG PAR

BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, ,YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O ZHES BCA' BA MDZAD DE, YUL NI RGYAL PO'I KHAB, GANG ZAG NI KO KA LI KA DANG, KHAndA DRA BYA DANG, KA TI MO RA KA TI shYA DANG, RGYA MTSOS BYIN, NYON MONGS PA NI DBYEN BYED PAR 'DOD PA, NYES PA NI DE'I RJES SU PHYOGS PA'O, ,DE LA DGE SLONG DE'I ZHES BYA BA NI, LHAS BYIN GYI'O, ,GROGS BYED PA'I DGE SLONG ZHES BYA BA NI, KO KA LI KA DANG, KHAndA DRA BYA DANG, KA TI MO RA KA TI shYA DANG, RGYA MTSOS BYIN DAG GO, ,MI MTHUN PAR SMRA BA NYID KYI RJES SU PHYOGS PA ZHES BYA BA NI, LTA BA DE DAG DANG, 'DOD PA DE DAG DANG, BSAM PA DE DAG DANG LDAN PA'O, ,GCIG GAM GNYIS SAM MANG PO DAG YOD CING ZHES BYA BA NI GRANGS SU RUNG BA STE; GNYIS LAS LHAG PA NI MANG PO'O, ,GAL TE DE DAG CES BYA BA NI, RJES SU PHYOGS PA DE DAG GO, ,DGE SLONG RNAMS LA ZHES BYA BA NI, CHOS 'DI PA RNAMS LA'O, ,'DI SLAD CES ZHES BYA BA NI, RJES SU PHYOGS PA'I TSIG 'DI SKAD CES ZER NA'O, ,TSE DANG LDAN PA DAG KHYED CAG DGE YANG RUNG ZHES BYA BA NI, DGE BA LA SBYOR BAR YANG MA BYED CIG CES PA'O, ,SDIG KYANG RUNG ZHES BYA BA NI, SDIG PA LAS ZLOG PAR YANG MA BYED CIG CES PA'O, ,DGE SLONG 'DI LA ZHES BYA BA NI LHAS BYIN LA'O, ,CI YANG MA SMRA SHIG CES BYA BA NI, CUNG ZAD MA SMRA SHIG PA'O, ,DE CI'I PHYIR ZHE NA, TSE DANG LDAN PA DGE SLONG 'DI NI CHOS SMRA BA 'DUL BA SMRA BA'O ZHES BYA BA LA, CHOS SMRA BA ZHES BYA BA NI RIGS PA SMRA BA'O, ,'DUL BA SMRA BA ZHES BYA BA NI LUNG GI RJES SU 'BRANG BA'O, ,GZHAN YANG CHOS NI 'PHAGS PA'I LAM YAN LAG BRGYAD PA LAS, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,'DUL BA NI YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA'O, ,GZHAN YANG CHOS SMRA BA NI DON DANG LDAN PAR SMRA BA'O, ,'DUL BA NI 'JAM

, ,ZHING MDZA' BA LTAR RO, ,DE YANG RJES SU PHYOGS PA RNAMS KYIS BSNGAGS PAR ZAD KYI, LHAS BYIN NYID DE DANG LDAN PA NI MA YIN NO, ,DGE SLONG 'DI NI CHOS DANG 'DUL BA YANG DAG PAR RAB TU BLANGS NAS BZUNG STE, RJES SU THA SNYAD 'DOGS PAR BYED PA'O ZHES BYA BA NI, , CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR RJES SU THA SNYAD 'DOGS PAR BYED PA STE, YANG DAG PAR BLANGS NAS ZHES BYA BA NI DE LA DMIGS NAS SO, ,RAB TU BZUNG STE ZHES BYA BA NI, DAM DU BZUNG STE ZHES BYA BA'I THA TSIG GO, ,DGE SLONG 'DI NI SHES BZHIN DU SMRA'I, MI SHES PAR MA YIN PA'I PHYIR TE ZHES BYA BA NI, DON RTOGS PA YIN GYI DON MA RTOGS PA MA YIN PA'I PHYIR RO, ,DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES SMRA NA ZHES BYA BA NI, DGE SLONG LHA SBYIN 'DI GZHI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES ZER NA STE, 'DOD CING ZHES BYA BA NI, YID DANG MTHUN PA'I SGO NAS SO, ,BZOD PA ZHES BYA BA NI, RIGS PAS RTOGS PA'I SGO NAS TE, RE ZHIG DE DAG NI RJES SU PHYOGS PA'I TSIG YIN NO, ,DGE SLONG DE DAG LA ZHES BAB NI, KO KA LI KA DANG, KHAndA DRA BYA DANG, KA TI MA RA KA TI shYA DANG, RGYA MTSOS BYIN DAG LA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG, DGE SLONG 'DI LA CI YANG MA SMRA SHIG CES BYA BA LA SOGS PAR BZHAMS TE BSGO BAR BYA'O, ,DGE SLONG DE DAG LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA DE SKAD CES BSGO BA NA'O, ,GAL TE GZHI DE GTONG NA ZHES BYA BA NI, GAL TE LTA BA DE YONGS SU GTONG NA'O, ,DE LTA NA LEGS ZHES BYA BA NI, DE LTAR NA BZANG BA STE, RTZOM PA'I NYES BYAS GCIG BYUNG BAR ZAD KYI NYES PA SGOM PO YANG MA BYUNG BA'I PHYIR RO, ,GAL TE MI GTONG NA ZHES BYA BA NI GZHI DE YONGS SU MI GTONG NA STE, DE LTAR BZHAMS TE BSGO BA MI GTONG NA RTZOM PA LA NYES BYAS GCIG DANG, BZHAMS TE BSGO BA MA BTANG BA'I MTHAR NYES PA SBOM PO GCIG KYANG 'BYUNG

NGO; GZHI DE GTANG BAR BYA BA'I PHYIR LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI, GSOL BA DANG BZHI'I LAS KYIS BSGO BAR BYA BA'O, ,LAN GNYIS LAN GSUM DU ZHES BYA BA NI, GSOL BA GCIG DANG LAS BRJOD PA GSUM DU BYA BA'O, ,YANG DAG PAR BSGO, YANG DAG PAR BSTAN PA NI SNGA MA BZHIN NO, ,LAN GNYIS LAN GSUM DU YANG DAG PAR BSGO YANG DAG PAR BSTAN PA NA GZHI DE GTONG NA DE LTA NA LEGS ZHES BYA BA NI DE LTA NA BZANG BA STE, DGE 'DUN LHAG MA'I DNGOS GZHI'I LTUNG BA MA BYUNG BA'I PHYIR RO,, SNGAR NI SBYOR BA BRTZAMS PA LA NYES BYAS GCIG GO, ,BZHAMS TE BSGO BA MA BTANG BA'I MTHAR NYES PA SPOM PO GCIG GO, ,GSOL BA BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA DANG PO BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA GNYIS PA BYAS PA RDZOGS PA'I MTHAR YANG NYES PA SBOM PO GCIG GO, ,GAL TE MI GTONG NA DGE 'DUN LHAG MA'O ZHES BYA BA NI BRJOD PA GSUM PA DANG, MJUG SDUD PA RDZOGS PA'I MTHAR DGE 'DUN LHAG MA'I DNGOS GZHI GCIG 'BYUNG BA'O, ,DGE 'DUN LHAG MA ZHES BYA BA NI SNGA MA BZHIN TO, ,DES NA DGE 'DUN LHAG MA'O ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE 'DUN GYI DBYEN BYED PA DE'I GROGS NYID RJES SU SGRUB PAR BYED PA MI GTONG NA DGE 'DUN LHAG MAR 'GYUR RO, ,DE'I BYE BRAG NI STON PA BZHUGS PA'I TSE, GANG ZAG GANG DE BZHIN GSHEGS PA'I NYAN THOS KYI DGE 'DUN MTHUN PA'I TSOGS LAS DGE SLONG BZHI YAN CHAD LOGS SHIG TU BKAR TE, CHOS DANG ZANG ZING GIS LONGS SPYOD THA DAD PAR BYED PA DE'I RJES SU PHYOGS SHING GROGS NYID DU RJES SU SGRUB PAR BYED PA LA DGE 'DUN GYIS BZHAMS TE BSGO BA DANG, GSOL BA DANG BZHI'I LAS KYIS BZLOG PA NA, BRJOD PA GSUM PA'I MJUG SDUD PA DANG BCAS PA'I MTHAR MI GTONG NA DGE 'DUN LHAG MA'I DNGOS GZHIR 'GYUR RO, ,'DI'I BYED PA PO NI STON PA BZHUGS BZHIN DGE 'DUN GYI DBYEN BYED PA'I RJES SU PHYOGS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, STON PA BZHUGS PA DANG,

, ,DGE 'DUN DU LANGS PA DANG, DGE 'DUN GYI DBYEN BYED PA'I RJES SU PHYOGS PA DANG, CHOS DANG MTHUN PAS BZLOG PA DANG, LAS BRJOD PA GSUM PA'I MTHAR MI GTONG BA'O, ,DE DAG LAS YAN LAG MA TSANG NA CI RIGS PAR NA SNAD DO, ,DE'I RJES SU PHYOGS PA'I DGE 'DUN LHAG MA STE BCU GCIG PA'O,, ,,KHYIM SUN 'BYIN PA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS PA'I TSE, RE LDE RI LA DGE SLONG 'GRO MGYOGS DANG, NAB SO GNYI DANG, DGE SLONG DMAR SER CAN DAG KHYIM SUN 'BYIN PA SDIG PA'I CHOS KUN DU SPYOD PA DAG 'KHOD DE, DE DAG DGE SBYONG GI LAS MA YIN PA DAG BYED CING, BYED DU 'JUG PA'I SPYOD TSUL DANG, SPYOD PA DANG, LOG PAR SGRUB PA DES, RE LDE RI LA DGE SLONG MA 'ONGS PA DAG KYANG MI 'ONG LA, 'ONGS PA DAG KYANG MNGON PAR MI DGA' ZHING, RE LDE RI'I GNAS SPONG BAR BYED DO, ,RE LDE RI LA GNAS PA'I BRAM ZE DANG, KHYIM BDAG DAG KYANG YID MI DGA' ZHING ZHE BCIL BAR GYUR NAS, DGE SLONG GNYUG MAR GNAS PA DAG LA YANG BSOD SNYOMS 'BUL BA DANG, BYA BAR SEMS PA DKA' NA GLO BUR DU LHAGS PA RNAMS LA LTA SMOS KYANG CI DGOS PAR GYUR TO, ,JI TZAM DUS GZHAN ZHIG NA, TSE DANG LDAN PA KUN DGA' BO, YUL KA SHI KA DAG TU LJONGS RGYU ZHING 'GRO BA NI RE SDE RIR PHYIN NAS, SNGA DRO SHAM THABS BGOS, LHUNG BZED DANG CHOS GOS THOGS TE, RE LDE RI LA BSOD SNYOMS LA ZHUGS PA NA, JI LTAR LTUNG BZED BKRUS PA KHO NAS BSOD SNYOMS LA ZHUGS PA DE LTAR LHUNG BZED BKRUS PA KHO NAS THA NA SLONG MO GCIG SBYIN PA YANG MA THOB, PHYIR GTONG BA YANG MA THOB PAR PHYIR BYUNG NGO, ,DE NAS TSE DANG LDAN PA KUN DGA' BO 'DI SNYAM DU SEMS TE, SNGON NI RE LDE RE 'DI 'BYOR BA DANG, RGYAS PA DANG, BDE BA DANG, LO LEGS PA DANG, SKYE BO DANG, MI MANG POS GANG BAR GYUR LA, 'DI SLONG MO PAS KYANG BSOD SNYOMS RNYED SLA BAR GYUR NA, DA DE LTA MA YIN PA LAS NA 'DIR BCOM LDAN 'DAS KYI NYAN THOS BYIS PA, BLUN PA MI GSAL BA, MI MKHAS PA 'GA' ZHIG GIS NYON MONGS PA'I DBANG DU GYUR PAS, SPYOD YUL LAM

SPYOD YUL GYI SPYOD LAM MAM, RIGS KYI BUD MED DAM, RIGS KYI GZHON NU MA DAG LA KUN DU SMRAS BA 'AM, NOM PA'AM, NYUG PA BYAS PAR MA GYUR TAM SNYAM NAS, RE LDE RI PA'I BRAM ZE DANG, KHYIM BDAG RNAMS KYI DPONG SA'I GNAS NA, BRAM ZE DANG KHYIM BDAG LNGA BRGYA TZAM BYA BA ZHIG GI PHYIR 'DUS TE MTHUN PAR GYUR PA LA DRIS NA, DE RNAMS DBANG PO PHYIR BLAN TE 'KHOD DO, ,DE'I TSE NA DGE BSNYEN CHU RGYUN CAN 'KHOR DE NYID DU 'DUG CING MTHUN PAR GYUR PAS, TSE DANG LDAN PA KUN DGA' BO'I LAG PA GNYIS NAS BZUNG STE, MTHA' GCIG TU KHRID NAS, JI LTAR GYUR BA DE BRJOD DE; DON 'DI BCOM LDAN 'DAS LA RGYAS PAR GSOL CIG CES SMRAS NAS, TSE DANG LDAN PA KUN DGA' BO RANG GI SDUM PAR BSOD SNYOMS GSOL TE, TSE DANG LDAN PA KUN DGA' BOS KYANG DE LA CHOS BSTAN NAS, MNYAN YOD DU SONG STE, JI LTAR GYUR PA BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, KUN DGA' PO KHYED DGE SLONG GNAS BRTAN GNAS BRTAN RNAMS DANG, LHAN CIG RE LDE RI LA SOD LA, LAM GYI BAR DU 'DUG STE, DGE SLONG 'GRO MGYOGS DANG, NAB SO GNYIS BSKRAD PA'I GLENG BA PO DGE SLONG CHOS LNGA DANG LDAN PA SPRO BAR BYAS STE, GSOL BA DANG GNYIS KYI LAS KYIS BSGO BAR BYA ZHING, DES GLENGS LA, LTUNG BA MA MTHONG NGO ZHES ZER NA GSOL BA DANG, BZHI'I LAS KYIS DE GNYIS SKROD CIG ,TSE DANG LDAN PA KUN DGA' BOS BCOM LDAN 'DAS KYI BKA' MNYAN NAS, DE LTAR BYA BAR BRTZAMS PA DANG, RE LDE RI LA GNAS PA'I DGE SLONG DMAR SER CAN DAG GIS GCAM TSOR NAS, BDAG CAG KYANG DGE SLONG 'GRO MGYOGS DANG, NAB SO GNYIS KUN DU SPYOD PA MTHUN PAS BSKRAD PAR 'GYUR RO SNYAM NAS, SGO GCIG TU BYUNG STE, MNYAN YOD DU BROS NAS DGE 'DUN GYI NANG DU LTUNG BA BSHAGS TE TSUL BZHIN DU 'KHOD DO, ,DE NAS TSE DANG LDAN PA KUN DGA' BO DANG, DGE SLONG GNAS BRTAN GNAS BRTAN RNAMS KYIS DGE SLONG 'GRO MGYOGS DANG, NAB SO GNYIS LA BSKRAD PA'I LAS BYAS NAS, MNYAN YOD DU DONG BA DANG, 'GRO MGYOGS DANG, BAN SO GNYIS KYANG MTHAR GYIS MNYAN YOD DU PHYIN TE BLTAS NA, DGE SLONG DMAR SER CAN DAG MA BSKRAD PAR TSUL BZHIN DU 'KHOD PA

, ,MTHONG NAS, DE GNYIS TSE DANG LDAN PA KUN DGA' BO DANG, DGE SLONG GNAS BRTAN DAG GIS BDAG CAG BSKRAD PA'I LAS BYAS PA DE DAG LA, 'DI SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA ZHE SDANG GIS 'GRO BA GTI MUG GIS 'GRO BA 'JIGS PAS 'GRO BA YIN TE, 'DI LTAR LTUNG BA 'DRA BA KHO NA LAS, DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES ZER BA'I SKABS DE, DGE SLONG RNAMS KYIS BCOM LDAN 'DAS LA GSOL BA DANG BCOM LDAN 'DAS KYIS BKA' STZAL PA, DGE SLONG DAG KHYED KYIS, DGE SLONG 'GRO MGYOGS DANG, NAB SO GNYIS LA DE SKAD MA ZER CIG CES BZLOG PA'I PHYIR, DANG PO BZHAMS TE BSGO BAR BYA'O, ,'ON KYANG GZHI DE MI GTONG NA, DE'I 'OG TU GSO BA DANG, BZHI'I LAS KYIS BSGO BAR BYA'O, ,DGE SLONG RNAMS KYIS BCOM LDAN 'DAS KYI BKA' MNYAN NAS, DGE SLONG 'GRO MGYOGS DANG NAB SO GNYIS LA DANG POR BZHAMS TE BSGO ZHING, DE'I 'OG TU GSOL BA DANG BZHI'I LAS KYIS BSGO YANG, DE GNYIS GZHI DE NYID LA NAN GYIS MCHOG TU BZUNG ZHING, MNGON PAR ZHEN NAS, 'DI NYID BDEN GYI, GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, MKHYEN BZHIN DU RMED PAS 'GRO MGYOGS DANG, NAB SO GNYIS LA RNAM GRANGS DU MAS SMAD DE, BSLAB PA BCA' BA'I PHAN YON BCU YANG DAG PAR GZIGS PAS NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG RAB TU MANG PO DAG GRONG NGAM, GRONG RDAL ZHIG NA NYE BAR RTEN CING GNAS PAR GYUR LA, DE DAG KYANG KHYIM SUN 'BYIN PA SDIG PA'I CHOS KUN DU SPYOD PAR GYUR CING, DE DAG GIS KHYIM SUN PHYUNG BA MTHONG NGAM, THOS SAM, RAB TU SHES SAM, DE DAG SDIG PA KUN DU SPYOD PAR MTHONG NGAM, THOS SAM, RAB TU SHES NA, DGE SLONG DE DAG LA DGE SLONG RNAMS KYIS 'DI SKAD CES, TSE DANG LDAN PA DAG KHYIM SUN 'BYIN PA SDIG PA'I CHOS KUN DU SPYOD PA DAG YIN TE, KHYED KYIS

KHYIM DAG SUN PHYUNG BAR YANG MTHONG ZHING THOS LA RAB TU SHES KHYED SDIG PA KUN DU SPYOD PAR MTHONG ZHING THOS LA RAB TU SHES KYIS TSE DANG LDAN PA DAG KHYED CAG 'DI NA GNAS PAS CHOG GIS, GNAS 'DI NAS DENG SHIG CES BSGO BAR BYA'O, ,GAL TE DE DAG DGE SLONG RNAMS LA 'DI SKAD CES, TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES ZER NA, DGE SLONG DE DAG LA DGE SLONG RNAMS KYIS 'DI SKAD CES, TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS, DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES MA ZER CIG ,DE CI'I PHYIR ZHE NA, DGE SLONG DE DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA SDIG PA'I CHOS KUN DU SPYOD PA DAG YIN TE, KHYOD NYID KYIS KHYIM DAG SUN 'PHUNG BA YANG MTHONG ZHING THOS LA RAB TU SHES, KHYOD SDIG PA KUN DU SPYOD PA YANG MTHONG ZHING THOS LA RAB TU SHES PA'I PHYIR TE, TSE DANG LDAN PA DGA' 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA DANG, 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THO SHIG CES BSGO BAR BYA'O, ,DGE SLONG DE DAG LA DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA DE GZHI DE GTANG BAR BYA BA'I PHYIR, LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O ZHES BCA' BA MDZAD DE, YUL NI MNYAN YOD, GANG ZAG NI 'GRO MGYOGS DANG, NAB SO GNYIS, NYON MONGS PA NI RANG SKYOD PAR BYED PA'I DGE 'DUN LA LOG PA'I BSAM PAS 'DUN PAS

, ,'GRO'O ZHES BYA BA LA SOGS PAS BRDZUN DU SMRA BA, NYES PA NI KHYIM SUN 'BYIN PA'O, ,DE LA DGE SLONG ZHES BYA BA NI, 'GRO MGYOGS DANG NAB SO DAG GAM GZHAN YANG DE LTA BU GANG YIN PA'O, ,RAB TU MANG PO DAG CES BYA BA NI GRANGS DU YANG RUNG BA STE, GNYIS LAS LHAG PA'I RAB TU MANG PO DAG GO, ,GRONG NGAM GRONG RDAL ZHIG NA ZHES BYA BA NA, RE LDE RI 'AM GZHAN YANG DE LTA BU GANG YIN PA NA'O, ,NYE BAR RTEN CING NGAS PAR GYUR LA ZHES BYA BA NI CHOS DANG ZANG ZING GI LONGS SPYOD PA DAG GIS SO, ,DE DAG KYANG KHYIM SUN 'BYIN PA ZHES BYA BA LA, KHYIM ZHES BYA BA NI BRAM ZE 'AM KHYIM BDAG GI KHYIM DAG GO, ,SUN 'BYIN PA ZHES BYA BA NI DE DAG RGYU GNYIS KYIS KHYIM SUN 'BYIN PAR BYED DE, 'GROGS PA DANG, LONGS SPYOD PAS SO, ,JI LTAR 'GROGS PAS SHE NA, BUD MED DANG LHAN CIG 'DUG PAR BYED, SNOD GCIG TU ZA BAR BYED, PHOR BU GCIG TU MYOS PAR 'GYUR BA'I BTUNG BA SNA TSOGS DAG 'THUNG BAR BYED PA STE, DE LTAR 'GROGS PAS SO, ,JI LTAR LONGS SPYOD PAS SHE NA, ZAS KYIS DANG, SKOM GYIS DANG, GOS KYIS DANG, ME TOG GIS DANG, 'BRAS BU DANG, SO SHING GIS TE, DE LTAR LONGS SPYOD PAS SO, ,SDIG PA'I CHOS KUN DU SPYOD PAR GYUR CING ZHES BYA BA NI GNAS NGAN LEN KUN DU SPYOD PAR GYUR CING NGO, ,DE DAG GI KHYIM DAG CES BYA BA NI, BRAM ZE DANG KHYIM BDAG GI KHYIM DAG GO, ,SUN BYUNG BAR MTHONG NGAM ZHES BYA BA NI MIG GI RNAM PAR SHES PAS SO, ,THOS SAM ZHES BYA BA NI, RNA BA'I RNAM PAR SHES PAS SO, ,RAB TU SHES SAM ZHES BYA BA NI DE LAS GZHAN PA'I RNAM PAR SHES PA'I TSOGS DAG GIS SO, ,DE DAG SDIG PA KUN DU SPYOD PAR ZHES BYA BA NI, GNAS NGAN LEN KUN DU SPYOD PAR RO, ,MTHONG NGAM THOS SAM RAB TU SHES ZHES BYA BA NI SNGA MA BZHIN NO, ,DGE SLONG DE DAG LA ZHES BYA BA NI, 'GRO MGYOGS DANG, NAB SO GNYIS DANG, GZHAN YANG DE LTA BU GANG YIN PA DE DAG LA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,'DI SKAD CES TSE DANG LDAN PA DAG KHYIM SUN 'BYIN PA SDIG PA'I CHOS KUN DU SPYOD PA DAG YIN TE, KHYED KYIS KHYIM DAG SUN PHYUNG BAR YANG MTHONG ZHING THOS LA RAB TU

SHES; KHYED SDIG PA KUN DU SPYOD PAR YANG MTHONG ZHING THOS LA RAB TU SHES KYIS, TSE DANG LDAN PA DAG KHYED CAG 'DI NA GNAS PAS CHOG GIS, GNAS 'DI NAS DENGS SHIG CES BSGO BAR BYA'O ZHES BYA BA NI GLENGS NAS LTUNG BA MTHONG BA'I 'OG TU BSKRAD PA'I LAS BYA BA'O, ,GAL TE DE DAG DGE SLONG RNAMS LA 'DI SKAD CES, TSE DANG LDAN PA DAG 'DI NA, DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS, DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES ZER NA ZHES BYA BA NI, NYON MONGS PA'I DBANG GIS SKROD PAR BYED PA'I DGE 'DUN LA LOG PA'I BSAM PAS 'DUN PAS 'GRO'O ZHES BYA BA LA SOGS PAS BRDZUN DU SMRA BA DE SKAD ZER NA'O, ,DGE SLONG DE DAG LA ZHES BYA BA NI 'GRO MGYOGS DANG, NAB SO GNYIS DANG, GZHAN YANG DE LTA BU GANG YIN PA DE DAG LA'O, ,DGE SLONG RNAMS KYIS ZHES BYA BA NI CHOS 'DI BA RNAMS KYIS SO, ,'DI SKAD CES TSE DANG LDAN PA DAG KHYED 'DI SKAD CES, DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DGE YIN TE, 'DI LTAR LTUNG BA 'DRA BA KHO NA LAS, DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES MA ZER CIG CES BYA BA LA SOGS PA NI BZHAMS TE BSGO BAS BSGO BAR BYA BA'O, ,DGE SLONG DE DAG LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA NA'O, ,GAL TE GZHI DE GTONG NA ZHES BYA BA NI LTA BA DE YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA STE, RTZOM PA'I NYES BYAS GCIG BYUNG BAR ZAD KYI, NYES PA SBOM PO YANG MA BYUNG BA'I PHYIR RO, ,GAL TE MI GTONG NA ZHES BYA BA NI, YONGS SU MI GTONG NA STE, DE LTAR BZHAMS TE BSGO BA MI GTONG NA; RTZOM PA LA NYES BYAS GCIG DANG, BZHAMS TE BSGO BA MA BTANG BA'I MTHAR NYES PA SBOM PO GCIG KYANG 'BYUNG NGO, ,GZHI DE GTANG BAR BYA BA'I PHYIR, LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI, GSOL BA DANG GZHI'I LAS KYIS

, ,BSGO BAR BYA BA STE, LAN GNYIS LAN GSUM DU ZHES BYA BA NI, GSOL BA GCIG DANG, LAS BRJOD PA GSUM BYA BA'O, ,YANG DAG PAR BSGO BA DANG, YANG DAG PAR BSTAN PA NI SNGA MA BZHIN NO, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS ZHES BYA BA NI, DE LTA NA BZANG BA STE, DGE 'DUN LHAG MA'I DNGOS GZHI'I LTUNG BA MA BYUNG BA'I PHYIR RO, ,SNGAR NI SBYOR BA BRTZAMS PA LA NYES BYAS GCIG GO, ,BZHAMS TE BSGO BA MA BTANG BA'I MTHAR NYES PA SBOM PO GCIG GO, ,GSOL BA RDZOGS PA'I MTHAR YANG NYES PA SBOM PO GCIG GO, ,LAS BRJOD PA DANG PO BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA GNYIS PA BYAS PA RDZOGS PA'I MTHAR YANG NYES PA SBOM PO GCIG GO, ,GAL TE MI GTONG NA DGE 'DUN LHAG MA'O ZHES BYA BA NI LAS BRJOD PA GSUM PA DANG, MJUG SDUD PA RDZOGS PA'I MTHAR YANG DGE 'DUN LHAG MA'I DNGOS GZHI GCIG 'BYUNG BA'O, ,DGE 'DUN LHAG MA'O ZHES BYA BA NI SNGA MA BZHIN NO, ,DES NA DGE 'DUN LHAG MA'O ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, RANG SKROD PAR BYED PA'I DGE 'DUN LA LOG PA'I BSAMS PAS, DE DE LA DE LTAR ZHUGS PAS SO ZHES BRDZUN DU SMRA BA NYID MI GTONG NA DGE 'DUN LHAG MAR 'GYUR RO, ,DE'I BYE BRAG NI, KHYIM SUN PAR BYED PA'I DGE SLONG LA, GLENG BA POS MTHONG NGO ZHES ZER BA LA, BSKRAD PA'I LAS BYAS NAS, KHYIM SUN 'BYIN PAR BYED PA'I DGE SLONG RANG SKOD PAR BYED PA'I DGE 'DUN LA LOG PA'I BSAM PAS 'DUN PA DANG, ZHE SDANG DANG, GTI MUG DANG, 'JIGS PA'I DBANG GIS, DGE 'DUN DE DAG BSKRAD PA'I LAS GANG YIN PA DE LA 'DUN PAS 'GRO BA LA SOGS PAS, 'DI LTAR LTUNG BA 'DRA BA KHO NA LA, DGE SLONG KHA CIG NI SKROD BAR BYED KHA CIG NI SKROD PAR MI BYED PA DE LTAR ZHUGS SO ZHES BRDZUN DU SMRA BA NYID LA DGE 'DUN GYIS BZHAMS TE BSGO BA DANG, GSOL BA DANG BZHI'I LAS KYIS BZLOG PA NA, LAS BRJOD PA GSUM PA MJUG SDUD PA DANG BCAS PA'I MTHAR MI GTONG NA DGE 'DUN LHAG MA'I DNGOS GZHIR 'GYUR RO, ,'DI'I BYED PA PO NI,

KHYIM SUN 'BYIN PA DANG, BSKRAD PA'I LAS BYAS PA'O, ,'DI LA YAN LAG DRUG GIS DNGOS GZHI'I LTUNG BAR 'GYUR TE KHYIM SUN 'BYIN PA DANG, GLENG BA DANG, BSKRAD PA DANG, RANG SKROD PA'I DGE 'DUN LA LOG PA'I BSAM PAS, DE DE LA DE LTAR ZHUGS SO ZHES BRDZUN DU SMRA BA NYID DANG, CHOS DANG MTHUN PAS BZLOG PA DANG, LAS BRJOD PA GSUM PA'I MTHAR MI GTONG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,KHYIM SUN 'BYIN PA'I DGE 'DUN LHAG MA STE BCU GNYIS PA'O,, ,,BKA' BLO MI BDE BA'I DGE 'DUN LHAG MA'I GLENG GZHI NI, SANGS RGYAS BCOM LDAN 'DAS KOO SH'AMB'I 'I GDANGS CAN GYI KUN DGA' RA BA NA BZHUGS PA'I TSE, TSE DANG LDAN PA 'DUN PA LTUNG BA BYUNG BA TSOR BZHIN DU PHYIR MI BYED NAS, DE LA DGE SLONG DON 'DOD PA, PHAN PA 'DOD PA, BDE BA 'DOD PA, BDE BA LA REG PAR 'DOD PA, GRUB PA DANG BDE BA 'DOD PA RNAMS KYIS, TSE DANG LDAN PA 'DUN PA KHYOD LTUNG BA BYUNG BA DE, CHOS BZHIN DU PHYIR GYIS SHIG CES GLENG BAR BYED, DRAN PAR BYED PA NA, DES SMRAS PA, SU LA LTUNG BA BYUNG BA DE PHYIR BYED GRANG, SU 'GYOD PA DE LA LTUNG BA BYUNG GRANG, KHYED CAG NI RIGS SNA TSOGS DANG, RUS SNA TSOGS DANG, KHYIM SNA TSOGS NAS RAB TU BYUNG BA DAG YIN GYI, KHO BO'I 'PHAGS PA SANGS RGYAS BCOM LDAN 'DAS KYIS NI BYANG CHUB THUGS SU CHUD PA YIN TE, KHYED DANG KHO BO MI 'DRAS, KHO BO LA CI YANG MA ZER CIG CES ZER BA NA, DGE SLONG DON NYUNG DU DAG CI'I PHYIR, DGE SLONG DAG DGE SLONG RNAMS KYIS GDON PAR GTOGS PA BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, BDAG NYID BRJOD PAR BYA BA MA YIN PAR BYED CES 'PHYA BAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS, BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DGE SLONG 'DUN PA LA DE SKAD MA ZER CIG CES BZLOG PA'I PHYIR DANG POR BZHAMS TE BSGO BAR BYA'O, ,'ON KYANG GZHI DE MI GTONG NA DE'I 'OG TU GSOL

, ,BA DANG BZHI'I LAS KYIS BSGO BAR BYA'O, ,DGE SLONG RNAMS KYIS, BCOM LDAN 'DAS KYI BKA' MNYAN NAS, DGE SLONG 'DUN PA LA DANG POR BZHAMS TE BSGO ZHING, DE'I 'OG TU GSOL BA DANG BZHI'I LAS KYIS BSGO YANG, DE GZHI DE NYID LA NAN GYIS MCHOG TU BZUNG ZHING, MNGON PAR ZHEN NAS 'DI NYID BDEN GYIS GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE; MKHYEN BZHIN DU RMED PAS, 'DUN PA LA RMAS NAS, RNAM GRANGS DU MAR SMAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, 'DI NA DGE SLONG 'GA' ZHIG BKA' BLO MI BDE BA'I RANG BZHIN CAN DU GYUR LA, DE LA DGE SLONG RNAMS KYIS GDON PAR GTOGS PA BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, TSE DANG LDAN PA DAG KHYED CAG DGE YANG RUNG, SDIG KYANG RUNG, BDAG LA CI YANG MA SMRA SHIG ,BDAG KYANG DGE YANG RUNG SDIG KYANG RUNG, TSE DANG LDAN PA DAG LA CI YANG MI SMRA'O, ,TSE DANG LDAN PA DAG KHYED KYIS BDAG LA SMRAS PAS CHOG GIS, TSIG GI LAM THONG SHIG ,KHYED LA YANG BDAG GIS SMRAS PAS CI ZHIG BYA, ZHES BDAG NYID BRJOD PAR BYA BA MA YIN PAR BYED NA, DGE SLONG DE LA DGE SLONG RNAMS KYIS 'DI SKAD CES, TSE DANG LDAN PA KHYOD DGE SLONG RNAMS KYIS GDON PAR GTOGS PA BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, BDAG NYID BRJOD PAR BYA BA MA YIN PAR MA BYED PAR, TSE DANG LDAN PAS BDAG NYID BRJOD PAR BYA BA KHO NAR GYIS SHIG DGE SLONG RNAMS TSE DANG LDAN PA LA CHOS DANG MTHUN PA DANG, 'DUL BA DANG MTHUN PAR SMRA BA NA, TSE DANG DAN PA YANG DGE SLONG RNAMS LA CHOS DANG MTHUN PA DANG, 'DUL BA DAG MTHUN PAR SMROS SHIG ,

'DI LTA STE, GCIG LA GCIG BRJOD PAR BYA BA NYID DU BYED PA DANG, GCIG LA GCIG 'DOMS SHING RJES SU STON PA DANG, GCIG GIS GCIG LTUNG BA LA SLONG BA NYID DE, DE LTA BUS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I 'KHOR 'PHEL BAR 'GYUR GYIS, TSE DANG LDAN PA KHYOD BDAG NYID BRJOD PAR BYA BA MA YIN PAR BYED PA'I LAS KYI MTHA' 'DI LTA BU 'DI THONG SHIG CES BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTANG BAR BYA BA'I PHYIR, LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O ZHES BCA' BA MDZAD DE, YUL NI KOO SH'AMB'I, GANG ZAG NI 'DUN PA, NYON MONGS PA NI GLENG BAR MI 'DOD PA, NYES PAS NI BKA' BLO MI BDE BA'O, ,DE LA 'DI NA DGE SLONG 'GA' ZHIG CES BYA BA NI 'DUN PA'AM, GZHAN YANG DE LTA BU GANG YIN PA'O, ,BKA' BLO MI BDE BA'I RANG BZHIN DU GYUR LA ZHES BYA BA LA, BKA' BLO MI BDE BA ZHES BYA BA NI, TSIG GI LAM RJES SU MTHUN PA, RJES SU MNYAM PAR BYA BA, TSUL DANG MTHUN PA DRANG POR 'JUG PA, 'GRUS SKYONG GI YAN LAG GI TSOGS DAG KUN DU 'GOG PA DANG MI 'DZIN PA DANG, MI BYA BA DANG, MI BYED PA DANG, MI MTHUN PAR 'DZIN PA'O, ,DE LA ZHES BYA BA NI, 'DUN PA 'AM GZHAN YANG DE LTA BU GANG YIN PA LA'O, ,DGE SLONG RNAMS KYIS ZHES BYA BA NI, CHOS 'DI PA RNAMS KYIS SO, ,GDON PAR GTOGS PA BSLAB PA'I GZHI RNAMS ZHES BYA BA NI, SO SOR THAR PA'I MDO GDON PA RNAM PA BZHI PO DAG TU GTOGS PA STE, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIL GYIS GDON PAR GTOGS PA'I BSLAB PA'I GZHI PHAM PAR 'GYUR BA'I CHOS BZHI DANG, DGE 'DUN LHAG MAR 'GYUR PA'I CHOS BCU GSUM DANG, MA NGES PA'I CHOS GNYIS DANG, SBANG BA'I LTUNG BYED KYI CHOS SUM CU DANG, LTUNG BYED

, ,KYI CHOS DGU BCU DANG, SO SOR BSHAGS PAR BYA BA'I CHOS BZHI DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO DAG GO, ,BDE BAR GSHEGS PA'I MDOR GTOGS PA RNAMS KYIS ZHES BYA BA NI, SO SOR THAR PA'I MDO RIL GYIS GDON PAR GTOGS PA RNAMS KYI STE, BDE BAR GSHEGS PA ZHES BYA BA NI STON PA'O, ,MDO ZHES BYA BA NI DES NYE BAR SBYAR BA'I MDO 'AM, YANG NA MDO YANG DA PAR SBYOR BA'O, ,CHOS DANG MTHUN PA ZHES BYA BA NI CHOS KYI RJES SU 'GRO BA STE, MDO SDE DANG MA MO DANG MTHUN PA'O, ,'DUL BA DAN MTHUN PAR BYA BA NI 'DUL BA'I RJES SU 'GRO BA STE, 'DUL BA NYID DANG MTHUN PAR RO, ,SMRAS PA NA ZHES BYA BA NI BZLOG PA NA STE, CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR BSGO BA NA'O, ,TSE DANG LDAN PA DAG DGE YANG RUNG, SDIG KYANG RUNG, BDAG LA CI YANG MA SMRA SHIG CES BYA BA NI, DGE BA LA SBYOR BAR YANG MA BYED LA, SDIG PA LAS BZLOG PAR YANG MA BYED CIG CES BA'O, ,BDAG KYANG DGE YANG RUNG SDIG KYANG RUNG, TSE DANG LDAN PA DAG LA CI YANG MI SMRA'O ZHES BYA BA NI, DGE BA LA SBYOR BAR YANG MI BYED LA, SDIG PA LAS BZLOG PAR YANG MI BYED DO ZHES BA'O, ,TSE DANG LDAN PA DAG KHYED KYIS BDAG LA SMRAS PAS CHOG GIS TSIG GI LAM THONG SHIG ,KHYED LA YANG BDAG GIS SMRAS PAS CI ZHIG BYA ZHES BYA BA NI, RGYA CHER BDAG NYID BRJOD PAR BYA BA MA YIN PA NYID DU RJOD PAR BYED PA'O, ,BDAG NYID BRJOD PAR BYA BA MA YIN PA NYID DU BYED NA ZHES BYA BA NI, BDAG NYID GLENG PAR BYA BA MA YIN PA NYID DU 'JOG PAR BYED NA'O, ,DE DAG NI RE ZHIG LTUNG BA 'BYIN PA LA DGE SLONG RNAMS KYIS GLENG BA DANG, DRAN PA BYAS PA NA BKA' BLO MI BDE BA'I RANG BZHIN STON PA YIN NO, ,DE LA GLENG BA NI PHYOGS GCIG TU GYUR PA GLENG BA YIN NO, ,DRAN PAR BYA BA NI, YONGS SU RDZOGS PAR DRAN PA STE, DE'I RIM PA NI GLENG BAR BYA BA DE LA GLENG BA PO'I DGE SLONG BSKOS TE, DES KYANG DUS SU SKABS 'BYED DU BCUG NAS, DRAN PA DANG SHES BZHIN NYE BAR GZHAG STE, DBEN BA'I MTHAR GZHI DANG BCAS PAS GLENG ZHING, YUL DANG DUS LA SOS PAS KYANG DRAN PAR BYA'O, ,DE LTAR BYAS PA

NA SKABS 'BYED PAR MI BYED NA, DE LA BRJOD PA DANG CAS PA NYID DANG, MI GDAMS PA NYID DANG, GTAM 'DRE BAR MI BYA BA DAG, GSO SBYONG GZHAG PA DANG, DGAG DBYE GZHAG PA DAN, PHUR PA DANG BCAS PA NYID DAG KYANG BYA'O, ,DE DAG BYAS KYANG BKA' BLO MI BDE BA'I RANG BZHIN MI GTONG NA, DE LA DGE 'DUN GYIS BZHAMS TE BSGO BAR BYA'O, ,DE'I PHYIR DGE SLONG DE LA DGE SLONG RNAMS KYIS ZHES BYA BA LA SOGS PA GSUNGS TE, DGE SLONG DE LA ZHES BYA BA NI 'DUN PA'AM, GZHAN YANG DE LTA BU GANG YIN PA LA'O, ,DGE SLONG RNAMS KYIS ZHES BYA BA NI, CHOS 'DI PA RNAMS KYIS SO, ,'DI SKAD CES TSE DANG LDAN PA KHYOD, DGE SLONG RNAMS KYIS GDON PAR GTOGS PA BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG 'DUL BA DANG MTHUN PAR SMRAS PA NA, BDAG NYID BRJOD PAR BYA BA MA YIN PA MA BYED PAR, TSE DANG LDAN PAS BDAG NYID BRJOD PAR BYA BA KHO NAR GYIS SHIG ,DGE SLONG RNAMS TSE DANG LDAN PA LA CHOS DANG MTHUN PA DAN 'DUL BA DANG MTHUN PAR SMRA BA NA, TSE DANG LDAN PA YANG MTHUN PA DANG, 'DUL BA DANG MTHUN PAR SMROS SHIG CES BYA BA LA SOGS PA NI BZHAMS TE BSGO BAS BSGO BAR BYA BA'O, ,BRJOD PAR BYA BA NYID DU BYED PA'I PHAN YON GANG ZHE NA, 'DI LTA STE ZHES BYA BA LA SOGS PA GSUNGS SO, ,GCIG LA GCIG BRJOD PAR BYA BA ZHIG TU BYED NA ZHES BYA BA NI, GCIG LA GCIG GLENG BA NYID DU BYED PA'O, ,GCIG LA GCIG 'DOMS SHIN RJES SU STON PAR BYED PA ZHES BYA BA NI GCIG LA GCIG SLOB PA'O, ,GCIG GIS GCIG LTUNG BA LAS SLONG BA NYID CES BYA BA NI, GCIG GIS GCIG GI LTUNG BA SBYONG BA'O, ,DE LTA BUS BCOM LDAN 'DAS DE BZHIN GSHEGS PA GRA BCOM PA YANG DAG PAR RDZOGS PA'I SANGS RGYAS DE'I ZHES BYA BA NI STON BA DE'I 'O, ,'KHOR 'DI ZHES BYA BA NI DGE 'DUN NO, ,'PHEL BAR GYUR GYIS ZHES BYA BA NI SNGON CAD DO, ,TSE DANG LDAN PA KHYOD BDAG NYID BRJOD PAR BYA BA MA YIN PAR BYED PA'I LAS KYI MTHA' 'DI LA BU 'DI THONG ZHIG CES BSGO BAR BYA'O ZHES BYA BA NI BZHAMS TE BSGO BAS BSGO BAR BYA BA'O, ,BRJOD PAR BYA BA MA YIN PAR

, ,BYED BA'I LAS KYI MTHA' ZHES BYA BA NI BRJOD PAR BYA BA MA YIN PAR BYED PA'I BYA BA'O, ,DGE SLONG DE LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BAS BZLOG PA NA'O, ,GAL TE GZHI DE ZHES BYA BA NI DKA' BLO MI BDE BA NYID DO, ,GTONG NA ZHES BYA BA NI YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA STE, RTZOM PA'I NYES BYAS GCIG BYUNG BAR ZAD KYI, NYES PA SBOM PO YANG MA BYUNG BA'I PHYIR RO, ,GAL TE MI GTONG NA ZHES BYA BA NI YONGS SU MI GTONG NA STE, DE LTAR BZHAMS TE BSGO BA MI GTONG NA, RTZOM PA LA NYES BYAS GCIG DANG, BZHAMS TE BSGO BA MA BTANG BA'I MTHAR NYES PA SBOM PO GCIG KYANG 'BYUNG NGO, ,GZHI DE GTANG BAR BYA BA'I PHYIR LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG, BZHI'I LAS KYIS BSGO BA JI SKAD SNGAR BSTAN PA LTAR BSGO BAR BYA BA STE, LAN GNYIS LAN GSUM DU ZHES BYA BA NI, GSOL BA GCIG BYAS PA'I 'OG TU LAS BRJOD PA GSUM BYA BA'O, ,YANG DAG PAR BSGO BA DANG, YANG DAG PAR BSTAN PA NI SNGA MA BZHIN NO, ,LAM GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS ZHES BYA BA NI, DE LTAR NA BZANG BA STE, DGE 'DUN LHAG MA'I DNGOS GZHI'I LTUNG BA MA BYUNG BA'I PHYIR RO, ,SNGAR NI SBYOR BA BRTZAMS PA LA NYES BYAS GCIG GO, ,BZHAMS TE BSGO BA MA BTANG BA'I MTHAR NYES PA SBOM PO GCIG GO, ,GSOL BA BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA DANG PO BYAS PA RDZOGS PA'I MTHAR YANG NYES PA SBOM PO GCIG GO, ,LAS BRJOD PA GNYIS PA RDZOGS PAR BYAS PA'I MTHAR YANG NYES PA SBOM PO GCIG GO, ,GAL TE MI GTONG NA DGE 'DUN LHAG MA'O ZHES BYA BA NI, LAS BRJOD PA GSUM PA DANG, MJUG SDUD PA RDZOGS PA'I MTHAR DGE 'DUN LHAG MA'I DNGOS GZHI GCIG 'BYUNG BA'O, ,DGE 'DUN LHAG MA ZHES BYA BA NI SNGA MA BZHIN TE, DES NA DGE 'DUN LHAG MA'O ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GI LHAG PA'I

TSUL KHRIMS KYIS GLENG BA NYID NA, BDAG NYID KYIS DE LA DGE SLONG DAG GIS BRJOD PAR BYA BA MA YIN PA NYID DU BYED PA MI GTONG NA DGE 'DUN LHAG MAR 'GYUR RO, ,DE'I BYE BRAG NI BKA' BLO MI BDE BA'I DGE SLONG LA DGE SLONG RNAMS KYIS GLENG BA DANG, DRAN PAR BYAS PA NA BDAG NYID LA PHYOGS BCU NA GNAS PA, DE BZHIN GSHEGS PA'I DGE SLONG GU DGE 'DUN THAMS CAD KYIS LHAG PA'I TSUL KHRIMS SU GTOGS PA'I BSLAB PA'I GZHI THAMS CAD KYIS GLENG BAR MI BYA'O ZHES ZER BA LA, DGE 'DUN GYIS BZHAMS TE BSGO BA DANG, GSOL BA DANG BZHI'I LAS KYIS BZLOG PA NA, LAS BRJOD PA GSUM PA MJUG SDUD PA DANG BCAS PA'I MTHAR MI GTONG NA, DGE 'DUN LHAG MA'I DNGOS GZHIR 'GYUR RO, ,'DI'I BYED PA PO NI, BKA' BLO MI BDE BA DANG, GLENG BA LA SOGS PA'I LAS BYAS PA'O, ,'DI LA YAN LAG DRUG GIS DNGOS GZHI'I LTUNG BAR 'GYUR TE, BKA' BLO MI BDE BA DANG, GLENG BA DANG, DRAN PAR BYAS PA DANG, BDAG NYID BRJOD PAR BYA BA MA YIN PA NYID DU BYED PA DANG, CHOS DANG MTHUN PAS BZLOG PA DANG, LAS BRJOD PA GSUM PA'I MTHAR MI GTONG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,BKA' BLO MI BDE BA'I DGE 'DUN LHAG MA STE BCU GSUM PA'O,, ,,DA 'DI CHAD NI DGE 'DUN LHAG MA GDON PA'I MJUG BSDU BA DANG, DE DAG GI RNAM PAR GZHAG PA DANG, PHYIR BCOS PA DANG, RNAM PAR GZHAG PA BSGRAG PAR BYA BA RNAMS STON TO, ,DE LA DGE 'DUN LHAG MA GDON PA'I MJUG BSDU BA NI, TSE DANG LDAN PA DAG BDAG GIS DGE 'DUN LHAG MA'I CHOS BCU GSUM PO DAG BTON ZIN TO ZHES BYA BAS BSTAN TE, TSE DANG LDAN PA DAG CES BYA BA NI BOD PA'O, ,BDAG GIS ZHES BYA BA NI 'DON PAS SO, ,DGE 'DUN LHAG MA ZHES BYA BA NI SNGA MA BZHIN NO, ,CHOS ZHES BYA BA NI RANG GI MTSAN NYID 'DZIN BA'I PHYIR RO, ,BCU GSUM PO DAG CES BYA BA NI, GRANGS SNGAR SMOS PA RNAMS KYI BYUNGS GDAB PA'O, ,BTON ZIN TO ZHES BYA BA NI DAM BCAS PA'I DON GYI MJUG BSDU BA'I PHYIR DANG, NYAN PA PO RNAMS POR BAR BYA BA'I PHYIR RO, ,DE DAG GI RNAMS PAR GZHAG PA NI, DE DAG LAS DGU NI LTUNG BA DANG

, ,PO NYID KYIS SO, ,BZHI NI LAN GSUM GYIS SO ZHES BYA BA BSTAN TE, DE DAG LAS ZHES BYA BA NI DGE 'DUN LHAG MA'I CHOS BCU GSUM PO BTON PA DE DAG LAS SO, ,DGU NI ZHES BYA BA NI, KHU BA 'BYIN PA DANG, LUS KYIS REG PA DANG, 'KHRIG PA DANG LDAN PA SMRA BA DANG, BSNYEN BKUR BSNGAGS PA DANG, SMYAN BYED PA DANG, KHANG PA DANG, GTZUG LAG KHANG DANG, GZHI MED PAR SKUR PA 'DEBS PA DANG, GZHAN GYI CHA MA YIN PA DANG MTHUN PA RNAMS SO, ,LTUNG BA DANG PO DAG NYID KYIS SO ZHES BYA BA NI, DANG PO SBYOR BA RTZOM PA DANG, NYES PA SBOM PO DANG, DNGOS GZHI'I RIM GYIS DANG POS LTUNG BAR 'GYUR LA, 'BYUNG BA DANG BCAS PA STE, 'DI DAG LA DGE 'DUN GYIS DANG POR BZHAMS TE BSGO BA DANG GSOL BA DANG BZHI'I LAS KYIS BZLOG PA'I TSUL GYIS MI GTONG BAR RJES SU SGRUB PA LAS DNGOS GZHIR GZHAG PA YID PA'I PHYIR RO, ,BZHI NI ZHES BYA BA DGE 'DUN 'BYED PA DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA RNAMS SO, ,LAN GSUM GYI BAR GYIS SO ZHES BYA BA NI, LAS BRJOD PA LAN GSUM GYI BAR GYIS DNGOS GZHIR 'GYUR BA STE, DANG PO SBYOR BA RTZOM PA DANG, DGE 'DUN GYIS BZHAMS TE BSGO BA DANG, GSOL BA DANG BZHI'I LAS KYIS BZLOG PA'I TSUL GYIS MI GTONG BAR RJES SU SGRUB PA NA, GSOL BA BYAS PA'I 'OG TU LAS BRJOD PA LAN GSUM GYI BAR GYIS MI GTONG NA, LAS BRJOD PA GSUM PA RDZOGS PA'I MTHAR DNGOS GZHIR 'GYUR LA 'BYUNG BA DANG BCAS PA STE, 'DI DAG NI BSGO BA LAS GYUR PA'I DGE 'DUN LHAG MA ZHES BYA'O, ,'DI LA 'DIR DGE 'DUN GYI DBYEN BYED PA DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA ZHES BYA BA'I DGE 'DUN LHAG MA THA MA BZHI PO RNAMS KYI SPYI'I THUN MONG GI MTSAN NYID BSHAD PAR BYA STE, DE'I PHYIR BZLOG PA'I TSUL GYIS MI GTONG BAR RJES SU SGRUB PA'I RANG BZHIN NI RJES SU MTHUN NO ZHES BYA BA SMRAS TE, DGE 'DUN GYI DBYEN BYED PA DANG, DE'I RJES SU PHYOGS PA DANG, KHYIM SUN 'BYIN PA DANG, BKA' BLO MI BDE BA ZHES BYA BA DGE 'DUN LHAG MA BHI PO 'DI DAG LA, DANG PO RTZOM PA SBYOR BA NA SBYOR BA

ZHES BYA BA'I NYES BYAS GCIG 'BYUNG NGO, ,DE'I 'OG TU DAG LA DGE 'DUN GYIS BZHAMS TE BSGO BAS BZLOG PA'I CHO GA BYA'O, ,DE'I 'OG TU GSOL BA DANG BZHI'I LAS KYIS BSGO BAS BZLOG PA'I CHO GA DANG LAS BYA STE, DE LA RIM PA NI, DGE 'DUN LHAG MA BZHI PO 'DI DAG LA DANG PO RTZOM PA SBYOR BA NA, SBYOR BA'I SBYOR BA ZHES BYA BA'I NYES BYAS GCIG BYUNG BA DE LA, DGE 'DUN GYIS DANG POR BZHAMS TE BSGO BAR BYA BA DANG, DE'I 'OG TU GSOL BA BYA BA DANG, DE'I 'OG TU LAS BRJOD PA DANG POR BYA BA DANG, DE'I 'OG TU LAS BRJOD PA GNYIS PA BYA BA DANG, DE'I 'OG TU LAS BRJOD PA GSUM PA DAG GIS BZLOG PA'I TSUL GYIS BZLOG PA'I CHO GA DANG, LAS BYED PA NA BZHAMS TE BSGO BA DANG, GSOL BA DANG, LAS BRJOD PA DANG PO DANG, LAS BRJOD PA GNYIS PO DAG LA MI GTONG BAR RJES SU SGRUB PA'I RANG BZHIN NI, NYES PA SBOM PO RE RER 'GYUR BAR RJES SU MTHUN TE 'DRA'O, ,LAS BRJOD PA GSUM PA MJUG SDUD PA DANG BCAS PA RDZOGS NA NI DGE 'DUN LHAG MA'I DNGOS GZHUR 'GYUR, DE LTAR NA DANG POR SBYOR BA NA NYES BYAS SO, ,DE'I 'OG TU BZHAMS TE BSGO BA MI GTONG NA DE'I MTHAR NYES PA SBOM PO GCIG GO, ,DE'I 'OG TU GSOL BA DANG BZHI'I LAS BYED PA NA, GSOL BA BYAS PA MI GTONG NA, GSOL BA RDZOGS PA'I MTHAR YANG NYES PA SBOM PO GCIG GO, ,DE'I 'OG TU LAS BRJOD PA DANG POR BYAS PA NA MI GTONG NA, LAS BRJOD PA DANG PO RDZOGS PA'I MTHAR YANG NYES PA SBOM PO GCIG GO, ,DE'I 'OG TU LAS BRJOD PA GNYIS PA BYAS PA NA MI GTONG NA, LAS BRJOD PA GNYIS PA RDZOGS PA'I MTHAR YANG NYES PA SBOM PO GCIG GO, ,DE'I 'OG TU LAS BRJOD PA MJUG SDUD PA DANG BCAS PA RDZOGS PA'I MTHAR DGE 'DUN LHAG MA'I DNGOS GZHI GCIG TU 'GYUR RO, ,DE LTAR NA DGE 'DUN LHAG MA 'DI BZHI LA DANG PO RTZOM PAR SBYOR BA NA NYES BYAS BYED PA YIN, BZHAMS TE BSGO BA DANG, GSOL BA DANG, LAS BRJOD PA DANG PO DANG GNYIS PA NI NYES PA SBOM PO RE RER BYED PA YIN, LAS BRJOD PA GSUM PA MJUG SDUD PA DANG BCAS PA RDZOGS PA NI, DGE 'DUN LHAG MA'I DNGOS GZHI BYED PA YIN NO, ,DE DAG GI TSIG SKAD CIG PA RNAMS NI GCIG NYID DE, TSIG GANG LA SKAD CIG MA GCIG LA LTUNG BA 'BYUNG BAR

, ,'GYUR BA'I SKAD CIG MA DE'I KHONGS SU TSIG MTHA' DAG 'DUS SO, ,DES NA DE DAG GI TSIG SHIN TU RGYUN RING DU ZIN NA YANG TSIG GCIG TU ZAD DE, LTUNG BA YANG GCIG KHO NA 'BYUNG BA YIN GYI, CHA SHAS RE RE LA YANG MA YIN NO, ,MJUG SDUD PA NI THA DAD PA MA YIN TE, LAS BRJOD PA THA MA'I NANG DU 'DUS SO, ,PHYIR BCOS PA NI, DGE SLONG GIS DE DAG LA LTUNG BA GANG YANG RUNG BA ZHIG BYAS LA, JI SRID DU SHES BZHIN DU 'CHAB PAR BYED PA DE SRID DU, DES MI 'DOD BZHIN DU SPO BA BYA'O, ,DGE SLONG GIS MI 'DOD BZHIN DU SPO BA BYAS NAS, DE'I 'OG TU ZHAG DRUG GI BAR DU DGE 'DUN MGU BAR BYA BA SPYAD PAR BYA'O, ,DGE SLONG GIS MGU BAR BYA BA SPYAD BAS DBYUNG BAR BYA BA LA THOGS TE, CHOS DANG MTHUN PAR BYAS LA DGE SLONG GI DGE 'DUN GYI SEMS MGU BAR BYAS NA, GANG DGE SLONG NYI SHU'I TSOGS KYI DGE 'DUN YOD PA DER DGE SLONG DE DBYUNG BAR BYA'O, ,GAL TE DGE SLONG NYI SHUR GCIG GIS MA TSANG BA'I TSOGS KYI DGE 'DUN GYIS DGE SLONG DE 'BYIN PAR BYED NA, DGE SLONG DE YANG MA PHYIN LA DAG SLONG DE DAG KYANG SMAD PAR BYA BA YIN TE, DE LA DE NI CHO GA YIN NO ZHES BYA BAS BSTAN TE, 'DIS NI DGE 'DUN LHAG MA'I LTUNG BA PHYIR BCOS PA'I CHO GA DANG LAS SPYIR BSTAN TO, , DE LA DGE SLONG GIS ZHES BYA BA NI LTUNG BA 'BYIN PAR BYED PAS SO, ,DE DAG LAS LTUNG BA GANG YANG RUNG BA ZHIG BYAS LA ZHES BYA BA NI, DGE 'DUN LHAG MA'I CHOS BCU GSUM PO DE DAG LAS DNGOS GZHI'I LTUNG BA GANG YANG RUNG BZHI BYAS PA'O, ,JI SRID DU SHES BZHIN DU 'CHAB PAR BYED PA ZHES BYA BA NI; BDAG LA DGE 'DUN LHAG MA'I DNGOS GZHI'I LTUNG BA BYUNG BAR SHES BZHIN DU BCAB PA'I SEMS KYIS 'CHAB CING, GZHAN LA MTHOL BAR MI BYED PA'O, ,DE SRID DU DES MI 'DOD BZHIN DU SPO BAR BYA'O ZHES BYA BA NI JI SRID DU SHES BZHIN DU 'CHAB PAR BYED PA'I DUS DE SRID DU, DGE SLONG DES BDAG NYID MI 'DOD CING MA DAD BZHIN DU YANG SPO BA'I LAS BYA DGOS PA STA, SPO BA ZHES BYA BA NI DGE 'DUN LHAG MA'I LTUNG BA BCAB PA SBYANG BA'I CHAD PA'I LAS KYI MING STE, DGE SLONG RANG BZHIN DU GNAS PA YONGS SU DAG PA'I SA NAS, YONGS SU MA DAG PA'I SA GZHAN DU SPO BA'O, ,DGE SLONG GIS MI 'DOD

BZHIN DU SPO BA BYAS PAS 'OG TU ZHAG DRUG GI BAR DU DGE 'DUN MGU BAR BYA BA SPYAD PAR BYA'O ZHES BYA BA NI DE LTAR JI SRID DU, SHES BZHIN DU 'CHAB PAR BYED PA DE SRID DU DES MI 'DOD BZHIN DU SPO BA BYAS NAS DE'I 'OG TU DES BDAG NYID DGE 'DUN LHAG MA'I LTUNG BA LAS DBYUNG BA'I CHED DU MTSAMS GCIG GI DGE 'DUN LA MGU BAR BYA BA SPYAD PAR BYA STE, MGU BAR SPYAD PA ZHES BYA BA NI, BSNYEN BKUR DANG CHOS DANG ZANG ZING GI LONGS SPYOD KYIS, DGE 'DUN THAMS CAD THUGS MNYES PAR BYA BA'I BSNYEN BKUR GYI LAS KYI MING NGO, ,DGE SLONG GIS MGU BAR BYA BA SPYAD NAS DBYUNG BA LA THOGS TE ZHES BYA BA NI, DE LTAR DGE SLONG GIS ZHAG DRUG GI BAR DU DGE 'DUN MGU BAR BYA BA SPYAD NAS DE'I 'OG TU DGE 'DUN GYIS DE DGE 'DUN LHAG MA'I LTUNG BA LAS BYA BA 'BA' ZHIG LA THOGS SHING RAG LAS PA STE, DBYUNG BA ZHES BYA BA NI DGE 'DUN LHAG MA'I LTUNG BA LAS BSLANG BA'I LAS KYI MING NGO, ,CHOS DANG MTHUN PAR BYAS LA ZHES BYA BA NI DES BDAG NYID DGE 'DUN LHAG MA'I LTUNG BA LAS BSLAB PA'I LAS KYI MING NGO, ,CHOS DANG MTHUN PAR BYAS LA ZHES BYA BA NI DES BDAG NYID DGE 'DUN LHAG MA'I LTUNG BA LAS DBYUNG BA'I DON DU, GNAS MAL BSHAM PA BYAS NAS GAnd'I BRDUNGS TE, DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR BYA BA LA SOGS PA CHOS DANG MTHUN PA'I LAS BYAS PA'O, ,DGE SLONG GI DGE 'DUN GYIS SEMS MGU BAR BYAS NA ZHES BYA BA NI, DES DGE 'DUN THAMS CAD 'DUG CING MTHUN PAR GYUR PA LA, MCHIL LHAM GNYIS PHUD DE, BLA GOS PHRAG PA GCIG TU BYAS NAS RGAN PA'I MTHA' LOGS SU PHYAG 'TSAL NAS, TZOG PUR 'DUG NAS THAL MO SBYAR BA BTUD DE, BDAG NYID DGE 'DUN LHAG MA'I LTUNG BA LAS DBYUNG BA'I CHO GA GSOL BA'I SNGAGS LAN GSUM BRJOD PAS DGE SLONG GI DGE 'DUN GYI SEMS MGU BAR BYAS NA'O, ,GANG NA DGE SLONG NYI SHU'I TSOGS KYI DGE 'DUN YOD PA DER DGE SLONG DE DBYUNG BAR BYA'O ZHES BYA BA NI, DGE 'DUN GYIS MTSAMS GANG NA DGE SLONG NYI SHU YAN CHAD KYI TSOGS KYI DGE 'DUN YOD PA DER DGE SLONG DE DGE 'DUN LHAG MA'I LTUNG BA LAS DBYUNG BA'I

, ,CHO GA DANG LAS BYA'O, ,DBYUNG BA ZHES BYA BA NI DGE 'DUN GYIS DGE SLONG DGE 'DUN LHAG MA'I LTUNG BA LAS DBYUNG BA'I CHO GA DANG LAS KYI MING NGO, ,GAL TE DGE SLONG NYI SHUR GCIG GIS MA TSANG BA'I TSOGS KYI DGE 'DUN GYIS DGE SLONG DE 'BYIN PAR BYED NA, DGE SLONG DE YANG MA PHYIN LA DGE SLONG DE DAG KYANG SMAD PAR BYA BA YIN TE, DE LA DE NI CHO GA YIN NO ZHES BYA BA NI CHO GA LAS 'DAS NA LAS MI 'CHAG SO ZHES BYA BA NI GZHUNG BSTAN PA YIN TE, 'DIR DGE 'DUN LHAG MA LAS DBYUNG BA'I CHO GA NI, BCABS NA SPO BA BYED DU GZHUG PA DANG, ZHAG DRUG MGU BAR BYA BA SPYAD PA DANG, DGE 'DUN LA DBYUNG BAR BYA BA GSOL BA DANG, DGE SLONG NYI SHU MAN CHAD KYI TSOGS KYIS CHOS BZHIN DU BYA BA'O, ,LAS NI DGE 'DUN GYIS GSOL BA DANG BZHI'I LAS MI G-YO BA GZHAG PAR MI 'OS BAS DE DBYUNG BA'I LAS BYA BA'O, ,DE DAG NI RE ZHIG DGE 'DUN LA PHYIR BCOS PA PHYOGS TZAM BSTAN PA YIN NO, ,RNAM PAR GZHAG PA BSGRAG PAR BYA BA NI, DE LA BDAG GIS TSE DANG LDAN PA DAG LA, CI 'DI LA KHYED YONGS SU DGAG MA ZHES DRI'O, ,CI 'DI LA KHYED YONGS SU DAG GAM ZHES LAN GNYIS LAM GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BAS BSTAN TE, DE LA ZHES BYA BAS NI DGE 'DUN LHAG MA BTON PA DE LA'O, ,CI ZHES BYA BA NI YONGS SU DRI BA'O, ,'DI LA ZHES BYA BA NI GSO SBYONG LA'O, ,KHYED CES BYA PA NI KHYED CAG GO, ,YONGS SU DAG GAM ZHES BYA BA NI LTUNG BA MA BYUNG NGAM ZHES BYA BA'O, ,SHES ZHES BYA BA NI DRI BA SPYI LA SNYEGS SO, ,DRI'O ZHES BYA BA NI DRI BA DANG PO'O, ,LAN GNYIS LAM GSUM DU DRI'O ZHES BYA BA NI, LAN GSUM KHO NA DRI BAR BYA DGOS PAS, LAN GNYIS LAM GSUM DU ZHES BYA BA SMOS TE, NYUNGS NA YANG LA LAS MI THOS LA, MNGAS YANG DUS YOL BA LA SOGS PA'I NYES DMIGS YOD PAS, DE'I PHYIR LAN GSUM NI RAN PAR DGONGS TE, BSHAGS PA DANG BYIN GYIS BRLABS PA GNYIS KYIS LTUNG BA MA BCABS PA SHA STAG 'TSOGS PA YIN NAM ZHES BYA BA'I THA TSIG GO, ,CHANG MI SGA BAS BRDA BYAS PAS, DGE 'DUN LHAG MA RNAM PAR GZHAG PA BSGRAG PAR BYA BA'I

MJUG BSDU BA BSTAN PA'I PHYIR, 'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES GSUNGS TE, BSHAGS PA DANG BYIN GYIS BRLABS PA GNYIS KYIS LTUNG BA MA BCABS PA SHA STAG TSOGS PA YIN NO ZHES BYA BA'I THA TSIG GO, ,DGE 'DUN LHAG MA GDON PA BSHAD ZIN TO,, ,,DA NI GDON PA BZHI PA STE, MA NGES PA GDON PA BSHAD PAR BYA STE, 'DI PHYIR, SDOM LA, DBEN PA SKYABS YOD 'DUG PA'O, ,ZHES GSUNGS SO, ,SDOM LA ZHES BYA BA'I DOGS PA DANG, TSIG GI DON NI SNGA MA BZHIN NO, ,MA NGES PA NI RNAM PA GNYIS TE, PHAM PAR 'GYUR BA DANG, DGE 'DUN LHAG MA DANG, LTUNG BYED KYIS CHOS GSUM LAS GANG YIN PA MA NGES PA DANG, DGE 'DUN LHAG MA DANG LTUNG BYED KYO CHOS GNYIS LAS GANG YIN MA NGES PA'O, ,DE GNYIS KA YANG SDOM LA, DBEN PA SKYABS YOD 'DUG PA'O, , ZHES GSUNGS PA 'DI'I KHONGS SU 'DUS TE, DBEN PA SKYABS YOD PA NA 'DOD PA BYAR RUNG BAR STAN LA 'DUG PA LAS NI, MA NGES PA DANG POR 'GYUR LA, DBEN PA SKYABS YOD PA NA 'DOD PA BYAR MI RUNG BAR STAN LA 'DUG PA LAS MI MA NGES PA GNYIS PAR 'GYUR RO, ,'DI GNYIS NI GLENG GZHI'I DBANG GIS, DGE SLONG GIS MA NGES PA'I CHOS 'DI LTA BUR 'GYUR BA'I GNAS SU 'DUG PAR MI BYA'O ZHES BCA' BAR MDZAD PAR ZAD KYI, LTUNG BA RNAM PAR GZHAG PA LA NI YANG NA PHAM PAR 'GYUR, YANG NA DGE 'DUN LHAG MAR 'GYUR, YANG NA LTUNG BYED DU 'GYUR BAR CI RIGS PAR SBYAR TE, LTUNG BA STE LNGAR GZHAG PA LA NI MA GTOGS SO, ,TSE DANG LDAN PA DAG MA NGES PA'I CHOS GNYIS PO 'DI DAG NI ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI MA NGES PA GDON PA 'DI'I LUNG DBOG PA BSTAN TO, ,MA NGES PA'I CHOS ZHES BYA BA NI, GANG YIN GTOL MED PAS MA NGES PA'O, ,'DI NYID KHA NA MA THO BA'I MTSAN NYID 'DZIN PAS CHOS ZHES BYA'O, ,GNYIS PO 'DI DAG NI ZHES BYA BA NI PHAM PAR 'GYUR BA DANG, DGE 'DUN LHAG MA DANG, LTUNG BYED KYO CHOS GSUM LAS GANG YIN PA MA NGES PA DANG, DGE 'DUN LHAG MA DANG LTUNG BYED

, ,KYI CHOS GNYIS LAS GANG YIN PA MA NGES PA'O, ,ZLA BA PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI, ZLA BA PHYED PHYED CING GSO SBYONG 'DON PA'I TSE, 'DUL BA'I 'DZIN PA'I KHA TON LAS 'BYUNG NGO ZHES BSTAN PA YIN NO, ,DE LA MA NGES BA'I CHOS DANG PO'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SPYIN GYI KUN DGA' RA BA NA BZHUGS PA'I TSE, TSE DANG LDAN PA 'CHAR KA SNGA DRO SHAM THABS BGOS LHUNG BZED DANG, CHOS GOS THOGS TE MNYAN YOD DU BSOD SNYOMS LA ZHUGS NAS MTHAR GYIS RGYU BA NA, KHYIM BDAG GI CHUNG MA SBED MA'I KHYIM GA LA BA DER SONG NAS, KHYIM BDAG GI CHUNG MA SBED MAS, TSE DANG LDAN PA 'CHAR KA'I RKANG PA GNYIS LA MGO BOS PHYAG 'TSAL TE, PUS MO GNYIS LA PUS MO GNYIS GTAD DE, CHO MNYAN PA'I PHYIR 'DUG CING DES DE LA CHOS SNYAN PA SNYAN PA DAG BSTAN PAR BRTZAMS PA, RI DAGS 'DZIN GYI MAS SA GAS MTHONG NAS, BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, TSE DANG LDAN PA 'CHAR KA LA RMAS NAS RNAM GRANGS DU MAS SMAD DO, ,BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG BUD MED DANG LHAN CIG GCIG PU GCIG DANG, DBEN BA SKYABS YOD PA NA 'DOD PA BYAR RUNG BAR STAN LA 'DUG PAR BYED CING, DE LA GAL TE DGE BSNYEN MA YID CHES PA'I TSIG DANG LDAN PAS, CHOS GSUM PO PHAM PAR 'GYUR BA 'AM, DGE 'DUN LHAG MA 'AM, LTUNG BYED LAS CHOS GANG YANG RUNG BAS SMRAS PAR GYUR LA, DGE SLONG GIS 'DUG PAR KHAS BLANGS NA CHOS GSUM PO PHAM PAR 'GYUR BA'AM, DGE 'DUN LHAG MA 'AM, LTUNG BYED LAS CHOS GANG YANG RUNG BAS BYED DU GZHUG CING, DGE SLONG DE LA DGE BSNYEN MA YID CHES PA'I TSIG DANG LDAN PAS, CHOS GANG DANG GANG GIS SMRA BAR GYUR PA'I CHOS DE DANG DES DGE SLONG DE BYED DU GZHUG STE,

DE NI MA NGES PA'I CHOS SO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS, NYES PA NI MA NGES PA'O, ,DE LA YANG DGE SLONG GANG ZHES BYA BA NI, 'CHAR KA 'AM, GZHAN YANG DE LTA BU GANG YIN PA'O, ,BUD MED DANG ZHES BYA BA NI, BUD MED DANG GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA DANG NGO, ,LHAN CIG CES BYA BA NI DE DANG LHAN CIG GO, ,GCIG PU GCIG DANG ZHES BYA BA NI DE DANG NGO, ,DBEN PA ZHES BYA BA NI, GANG NA BUD MED DANG SKYES PA DANG MA NING GZHAN 'GA' YANG MED PA'O, ,SKYABS YOD PA NA ZHES BYA BA NI, LNGAS BSKYABS PA STE, RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MO BSKYABS PA NA'O, ,'DOD PA BYAR RUNG BAR ZHES BYA BA NI MI TSANGS PAR SPYOD PA BYAR RUNG BAR THAR NYE BAR RO, ,STAN LA ZHES BYA BA NI KHRI DANG KHRI'U LA SOGS PA LA'O, ,'DUG PAR BYED CING ZHES BYA BA NI 'DOM GANG GI NANG DU RKUB TZOS 'JOG PAR BYED CING NGO, ,DE LA GAL TE DGE BSNYEN MA YID CHES PA'I TSIG DANG LDAN PAS ZHES BYA BA LA, DE LA ZHES BYA BA NI 'CHAR KA LA'O, ,DGE BSNYEN MA ZHES BYA BA NI, RI DAGS 'DZIN GYI MAS GA'O, ,YID CHES PA ZHES BYA BA NI SANGS RGYAS LA MNGON PA DANG, CHOS DANG DGE 'DUN LA MNGON PAR DAD PA DANG, SANGS RGYAS LA SKYABS SU SONG, CHOS DANG DGE 'DUN LA SKYABS SU SONG BA DANG, SANGS RGYAS LA GCIG TU GYUR, CHOS DANG DGE 'DUN LA GCIG TU GYUR PA DANG, SANGS RGYAS LA NEM NUR MED CING THE TSOM MED, CHOS DANG DGE 'DUN LA NEM NUR MED CING THE TSOM MED PA DANG, SDUG BSNGAL DANG, KUN 'BYUNG BA DANG, 'GOG PA DANG, LAM LA NEM NUR MED CING THE TSOM MED PA DANG, BDEN PA MTHONG BA DANG, 'BRAS BU THOB PA DANG, MNGON PAR RTOGS PA DANG LDAN PA DANG, GANG GIS SROG GI PHYIR YANG SHES BZHIN DU BRDZUN TSIG SMRA BAR MI NUS PA'O, ,TSIG DANG LDAN PAS ZHES BYA BA NI, DE LTA BU'I TSIG GI BYA BA DANG LDAN PAS SO, ,CHOS GSUM PO ZHES BYA BA NI GRANGS BSTAN PA'O, ,PHAM PAR 'GYUR BA'AM, DGE 'DUN

, ,LHAG MA 'AM, LTUNG BYED LAS CHOS GANG YANG RUNG BAS ZHES BYA BA LA, PHAM PAR 'GYUR BA ZHES BYA BA NI BZHI PO DAG LAS GANG YANG RUNG BA'O, ,DGE 'DUN LHAG MA ZHES BYA BA NI BCU GSUM PO DAG LAS GANG YANG RUNG BA'O, ,LTUNG BYED CES BYA BA NI DGU BCU PO DAG LAS GANG YANG RUNG BA'O, ,SMRAS PAR GYUR LA ZHES BYA BA NI, BRTAL BAR GYUR LA'O, ,DGE SLONG GIS 'DUG PAR KHAS BLANGS NA ZHES BYA BA NI DRANG POR KHAS BLANGS NA'O, ,CHOS GSUM PO PHAM PAR 'GYUR BA'AM, DGE 'DUN LHAG MA 'AM, LTUNG BYED LAS CHOS GANG YANG RUNG BAS BYED DU GZHUG CING ZHES BYA BA NI DE DANG GANG KHAS BLANGS PA 'CHAGS SU GZHUG PA'O, ,DGE SLONG DE LA DGE BSNYEN MA YID CHES PA'I TSIG DANG LDAN PAS CHOS GANG DANG GANG GIS SMRAS PAR GYUR PA'I CHOS DE DANG DES DGE SLONG DE BYED DU GZHUG STE ZHES BYA BA NI 'DI LTAR DGE BSNYEN MA YID CHES PA'I TSIG DANG LDAN PA NI LTUNG BA LA MI MKHAS PA DANG, LTUNG BA'I GLENG GZHI LA MI MKHAS PA DANG, LTUNG BA KUN NAS SLONG BA LA MI MKHAS PA YIN PAS 'DI LTAR NGES DGE SLONG MI'I CHOS BLA MA SMRA BA'AM, BUD MED DANG LHAN CIG STAN GCIG LA LUS KYIS REG PAR BYED PA 'AM, SNOD GCIG TU ZA BAR BYED PA'AM, PHOR BU GCIG TU MYOS PAR 'GYUR BA'I BTUNG BA SNA TSOGS BTUNG BA'AM, SA RKO BA'AM, RTZVA SNGON PO GCOD PA'AM, DUS MA YIN PAR ZA BA'AM, GZHAN YANG RANG BZHIN DANG BCAS PA'I KHA NA MA THO BA DANG, BCAS PA'I LAS GANG BYED PAR MTHONG BA DE DAG LAS GANG KHAS BLANGS PA DE BYED DU GZHUG PA'O, ,BYED DU GZHUG STE ZHES BYA BA NI, 'CHAGS SU GZHUG PA'O, ,DE NI MA NGES PA'I CHOS SO ZHES BYA BA NI DE NI RNAM PAR MA BZHAG PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE BSNYEN MA YID CHES PA'I TSIG DANG LDAN PA'I TSIG GIS DGE SLONG LA 'GRO BA'AM, 'GRENG BA'AM, 'DUG PA'AM, NYAL BA'I SPYOD LAM RNAM BZHI GANG YANG RUNG BA'I SGO NAS, PHAM PAR 'GYUR BA'I CHOS KYIS SMRAS LA, DGE SLONG GIS KYANG KHAS BLANGS NA, PHAM PAR 'GYUR BA'I DNGOS GZHIR

'GYUR RO, ,DGE BSNYEN MA YID CHES PA'I TSIG DANG LDAN PA'I TSIG GIS DGE SLONG LA 'GRO BA'AM, 'GRENG BA'AM, 'DUG PA'AM, NYAL BA'I SPYOD LAM RNAM BZHI GANG YANG RUNG BA'I SGO NAS DGE 'DUN LHAG MA'I CHOS KYIS SMRAS LA, DGE SLONG GIS KYANG KHAS BLANGS NA DGE 'DUN LHAG MA'I DNGOS GZHIR 'GYUR RO, ,DGE BSNYEN MA YID CHES PA'I TSIG DANG LDAN PA'I TSIG GIS DGE SLONG LA 'GRO BA'AM, 'GRENG BA'AM, 'DUG PA'AM, NYAL BA'I SPYOD LAM RNAM BZHI GANG YANG RUNG BA'I SGO NAS, LTUNG BYED KYI CHOS KYIS SMRAS LA, DGE SLONG GIS KYANG KHAS BLANGS NA LTUNG BYED KYI DNGOS GZHIR 'GYUR RO, ,'DI'I BYED PA PO NI MI'I 'GRO BAR GTOGS PA'I BUD MED DAM, GZHON NU MA MI TSANGS PAR SPYOD PA 'KHRIG PA'I CHOS BSTEN DU RUNG BA DANG, LEGS PAR SMRAS PA DANG NYES PAR SMRAS PA'I CHOS RNAMS KYI DON KUN SHES PAR NUS PA DANG, GCIG PU DBEN PA NA SKYABS YOD PAR 'DOD PA BYAR RUNG BAR 'DUG PA'O, ,'DI LA YAN LAG LNGAS DNGOS GZHI DANG, SBYOR BA DANG, SBYOR BA'I SBYOR BA'I LTUNG BA CI RIGS PAR 'GYUR TE, DNGOS PO DANG, PHYOGS DANG, BSAM PA DANG, CHE BZHI DANG, KHAS BLANGS PA'O,, DE LA DNGOS PO NI DGE SLONG BUD MED DANG LHAN CIG CES BYA BA'O, ,PHYOGS NI GCIG PU GCIG DANG DBEN PA SKYABS YOD PA NA ZHES BYA BA'O, ,BSAM PA NI 'DOD PAR BYAR RUNG BAR STAN LA 'DUG CING ZHES BYA BA'O, ,CHE BZHI NI DGE BSNYEN MA YID CHES PA'I TSIG DANG LDAN PAS CHOS GSUM PO PHAM PAR 'GYUR BA'AM, DGE 'DUN LHAG MA'AM, LTUNG BYED LAS CHOS GANG YANG RUNG BAS SMRAS PAR GYUR LA ZHES BYA BA'O, ,KHAS BLANGS PA NI DGE SLONG GIS 'DUG PAR KHAS BLANGS NA ZHES BYA BA'O, ,DE DAG LAS YAN LAG MA TSANG NA CI RIGS PAR NA SMAD DO, ,MA NGES PA DANG PO'O,, ,,MA NGES PA GNYIS PA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS PA'I TSE, DGE SLONG SHI RI KA SNGA DRO SHAM THABS BGOS, LHUNG BZED DANG CHOS GOS THOGS TE, RGYAL PO'I KHAB TU BSOD

, ,SNYOMS LA ZHUGS NAS MTHAR GYIS RGYU BA NA, KHYIM BDAG GI CHUNG MA GSO SBYONG 'PHAGS KYI KHYIM GA LA BA DER SONG NAS, KHYIM BDAG GI CHUNG MA GSO SBYONG 'PHAGS KYIS DGE SLONG SHI RI KA'I RKANG PA GNYIS LA MGO BOS PHYAG 'TSAL TE, PUS MO GNYIS LA PUS MO GNYIS MA REG PAR CHOS MNYAN PA'I PHYIR 'DUG CING, DES DE LA CHOS SNYAN PA SNYAN PA DAG BSTAN PAR BRTZAMS PA, DGE BSNYEN MA LEGS SKYES KYIS THOS NAS, BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DE, DGE SLONG SHI RI KA LA RMAS NAS RNAM GRANGS DU MAS SMAD DE, BSLAB PA BCA' BA'I PHAN YON BCU YANG DAG PAR GZIGS PAS, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG BUD MED DANG LHAN CIG GCIG PU GCIG DANG, DBEN PA SKYABS YOD PA NA 'DOD PA BYANG MI RUNG BAR STAN LA 'DUG PAR BYED CING, GAL TE DE LA DGE BSNYEN MA YID CHES PA'I TSIG DANG LDAN PAS, CHOS GNYIS PO DGE 'DUN LHAG MA'AM, LTUNG BYED LAS CHOS GANG YANG RUNG BAS SMRAS PAR GYUR LA, DGE SLONG GIS 'DUG PAR KHAS BLANGS NAS, CHOS GNYIS PO DGE 'DUN LHAG MA'AM, LTUNG BYED LAS CHOS GANG YANG RUNG BAS BYED DU GZHUG CING, DGE SLONG DES DGE BSNYEN MA YID CHES PA'I TSIG DANG LDAN PAS, CHOS GANG DANG GANG GIS SMRAS PAR GYUR PA'I CHOS DE DANG DES DGE SLONG DE BYED DU GZHUG STE, DE YANG MA NGES PA'I CHOS SO ZHES BCA' BA MDZAD DE, YUL NI RGYAL PO'I KHAB, GANG ZAG NI DGE SLONG SHI RI KA ,NYON MONGS PA NI SHES BZHIN MA YIN PA, NYES PA NI MA NGES PA'O, ,DE LA YANG DGE SLONG GANG ZHES BYA BA NI, SHI RI KA'AM, GZHAN YANG DE LTA BU GANG YIN PA'O, ,BUD MED DANG ZHES BYA BA NI BUD MED DAM GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA DANG NGO, ,LHAN CIG CES BYA BA NI DE DANG LHAN CIG GO, ,GCIG PU GCIG DANG ZHES BYA BA NI DE DANG NGO, ,DBEN PA ZHES BYA BA NI GANG NA BUD MED DANG SKYES

PA DANG MA NING GZHAN 'GA' YANG MED PA'O, ,SKYABS YOD PA NA ZHES BYA BA NI, LNGAS BSKYABS PA STE, RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MOS BSKYABS PA NA'O, ,'DOD PA BYAR MI RUNG BAR ZHES BYA BA NI, MI TSANGS PAR SPYOD PA BYAR MI RUNG BAR THAG RING BAR RO, ,STAN LA ZHES BYA BA NI KHRI DANG KHRI'U LA SOGS PA LA'O, ,'DUG PAR BYED CING ZHES BYA BA NI 'DOM GANG GI NANG MA YIN PAR RKU BA TSOS 'JOG PAR BYED CING NGO, ,DE LA GAL TE DGE BSNYEN MA YID CHES PA'I TSIG DANG LDAN PA ZHES BYA BA LA, DE LA ZHES BYA BA NI SHI RI KA LA'O, ,DGE BSNYEN MA ZHES BYA BA NI LEGS SKYES SO, ,YID CHES PA ZHES BYA BA NI, SANGS RGYAS LA MNGON PAR DAD PA DANG, CHOS DANG DGE 'DUN LA MNGON PAR DAD PA DANG, SANGS RGYAS LA SKYABS SU SONG, CHOS DANG DGE 'DUN LA SKYABS SU SONG BA DANG, SANGS RGYAS LA GCIG TU GYUR, CHOS DANG DGE 'DUN LA GCIG TU GYUR PA DANG, SANGS RGYAS LA NEM NUR MED CING THE TSOM MED PA DANG, CHOS DANG DGE 'DUN LA NEM NUR MED CING THE TSOM MED PA DANG, SDUG BSNGAL DANG, KUN 'BYUNG DANG, 'GOG PA DANG, LAM LA NEM NUR MED CING THE TSOM MED PA DANG, BDEN BA MTHONG BA DANG, 'BRAS BU THOB PA DANG, MNGON PAR RTOGS PA DANG LDAN PA DANG, NGAG GIS RANG GI PHYIR YANG SHES BZHIN DU BRDZUN GYI TSIG SMRA BAR MI NUS PA'O, ,TSIG DANG LDAN PA ZHES BYA BA NI, DE LTA BU'I TSIG GI BYA BA DANG LDAN PAS SO, , CHOS GNYIS PO ZHES BYA BA NI GRANGS BSTAN PA'O, ,DGE 'DUN LHAG MA 'AM LTUNG BYED LAS CHOS GANG YANG RUNG BAS ZHES BYA BA LA, DGE 'DUN LHAG MA ZHES BYA BA NI CHOS BCU GSUM PO DAG LAS GANG YANG RUNG BA'O, ,LTUNG BYED CES BYA BA NI DGU BCU PO DAG LAS GANG YANG RUNG BA'O, , SMRAS PAR GYUR LA ZHES BYA BA NI BRTAL BAR GYUR PA LA'O, ,DGE SLONG GIS 'DUG PAR KHAS BLANGS NA ZHES BYA BA NI DRANG POR BLANGS NA'O, ,CHOS GNYIS PO DGE 'DUN LHAG MA'AM LTUNG BYED LAS CHOS GANG YANG RUNG BAS BYED DU GZHUG CING ZHES BYA BA NI DE DAG KHAS BLANGS PAS 'CHAGS SU

, ,GZHUG PA'O, ,DGE SLONG LA DGE BSNYEN MA YID CHES PA'I TSIG DANG LDAN PAS CHOS GANG DANG GANG GIS SMRAS PAR GYUR PA'I CHOS DE DANG DES DGE SLONG DE BYED DU GZHUG STE ZHES BYA BA NI, 'DI LTAR DGE BSNYEN MA YID CHES PA'I TSIG DANG LDAN PA NA LTUNG BA LA MI MKHAS PA DANG, LTUNG BA'I GLENG GZHI LA MI MKHAS PA DANG, LTUNG BA KUN NAS SLONG BA LA MI MKHAS PA YIN PAS 'DI LTAR DES, DGE SLONG MI'I CHOS BLA MA SMRA BA'AM, BUD MED KYI YUL DANG LHAN CIG STAN GCIG LA LUS KYIS REG PAR BYA BA'AM, SNOD GCIG TU ZA BAR BYED PA'AM, PHOR BU GCIG TU MYOS PAR 'GYUR BA'I BTUNG BA SNA TSOGS BTUNG BA'AM, SA RKO BA'AM, RTZVA SNGON PO GCOD PA'AM, DUS MA YIN PAR ZA BA'AM, GZHAN YANG RANG BZHIN DANG BCAS PA'I KHA NA MA THO BA DANG, BCAS PA'I LAS GANG BYED PAR MTHONG BA DE DAG LAS GANG KHAS BLANGS PA DE BYED DU GZHUG PA'O, ,BYED DU GZHUG STE ZHES BYA BA NI 'CHAGS SU GZHUG PA'O, ,DE YANG MA NGES PA'I CHOS SO ZHES BYA BA NI, DE YANG RNAM PAR MA BZHAG PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA DANG, DE'I BYE BRAG DANG, BYED PA PO DANG, YAN LAG GZHAN THAMS CAD NI MA NGES PA'I CHOS DANG PO'I SKABS SU BSTAN PA KHO NA BZHIN NO, ,KHYAD PAR DU NA 'DIR DGE SLONG NI SHI RI KA ,BUD MED NI KHYIM BDAG GI CHUNG MA GSO SBYONG 'PHAGS, DGE BSNYEN MA NI LEGS SKYES, BSAM PA NI 'DOD PA BYAR MI RUNG BAR STAN LA 'DUG PA, LTUNG BA NI PHAM PAR 'GYUR BA MA GTOGS PA DGE 'DUN LHAG MA DANG, LTUNG BYED KYI CHOS GNYIS GANG YIN MA NGES PA'O, ,MA NGES PA GNYIS PA'O,, ,,TSE DANG LDAN PA DAG BDAG GIS MA NGES PA'I CHOS GNYIS PO DAG BTON ZIN TO ZHES BYA BA NI, MA NGES PA BTON PA'I MJUG BSDU BA STE, MA NGES PA'I CHOS GNYIS PO DAG CES BYA BA NI SNGAR BSTAN PA GNYIS SO, ,BTON ZIN TO ZHES BYA BA NI, DAM BCA' BA'I MJUG BSDU BA'I PHYIR NYAN PA PO RNAMS SMRA BAR BYA BA'I PHYIR SMOS SO, ,YANG DE LA BDAG GIS TSE DANG LDAN PA DAG CI 'DI LA KHYED YONGS SU DAG GAM ZHES

DRI'O, ,CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BA NI, MA NGES PA RNAM PAR GZHAG PA BSGRAG PAR BYA BA YIN TE, DE LA ZHES BYA BA NI, MA NGES PA'I CHOS GNYIS PO BTON PA DE LA'O, ,LHAG MA NI SNGA MA BZHIN NO, ,MA NGES PA GDON PA BSHAD ZIN TO,, ,,SO SOR THAR PA'I MDO'I GZHUNG 'GREL, BAM PO DRUG PA, DA NI GDON PA LNGA PA STE, RIL GYIS GDON PA ZHES BYA BA BSHAD PAR BYA STE, DE NI SPANG PA'I LTUNG BYED DANG, LTUNG BYED 'BA' ZHIG DANG, SO SOR BSHAGS PAR BYA BA DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO RNAMS SDE TSAN GCIG TU BSDUS TE, SO SOR THAR PA'I MDO RIL GYIS GDON PA'O, ,DE LA DANG POR SPANG BA'I LTUNG BYED GDON PA BSHAD PAR BYA STE, DE'I PHYIR SDOM LA, 'CHAD DANG 'BRAL BA 'JOG PA DANG, ,'KHRUR 'JUG PA DANG LEN PA DANG, ,SLONG DANG STOD G-YOGS SMAD G-YOGS BCAS, ,RIN THANG SO SOR BSKUR BA'O, ,ZHES BYA BA LA SOGS PA BCU PHRAG GSUM GSUNGS SO, ,SDOM LA ZHES BYA BA'I DGOS PA DANG, TSIG GI DON NI SNGA MA BZHIN NO, ,BCU PA DANG PO 'DIS NI, SPANG BA'I LTUNG BYED KYI CHOS BCU BSTAN TE, 'CHANG BA DANG, 'BRAL BA DANG, 'JOG PA DANG, 'KHRUR 'JUG PA DANG, LEN PA DANG, SLONG BA DANG, SLONG BAR RIGS PA DANG, SPAGS PA SLONGS PA DANG, SO SO NAS SLONG BA DANG, BSKUR BA'O, ,BCU PA GNYIS PAS KYANG, SPANG BA'I LTUNG BYED KYI CHOS BCU STON LA, BCU PA GSUM PAS KYANG BCU STON TE, SPYIR SPANG BA'I LTUNG BYED KYI CHOS SUM BCU'O, ,TSE DANG LDAN PA DAG SPANG BA'I 'DU BYED KYI CHOS SUM CU PO 'DI DAG ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BAS NI, SPANG BA'I LTUNG BYED GDON PA'I LUS DBOG PA BSTAN TO, ,SPANG BA'I LTUNG BYED KYI CHOS ZHES BYA BA NI, DGE SLONG GI YO BYAD SPANG BAR 'GYUR NA DE SEMS KYIS SPANGS SHING, ZHAG GCIG YAN CHAD BDAG NYID DANG BRAL BAR BYAS NAS LTUNG BA

, ,BSHAGS PAR BYA DGOS PAS SPANG BA'I LTUNG BYED DO, ,DE NYID KHA NA MA THO BA'I MTSAN NYID 'DZIN PAS CHOS ZHES BYA'O, ,SUM BCU PO'I 'DI DAG NI ZHES BYA BA NI BCU PA DANG PO DANG, GNYIS PA DANG, GSUM PA LAS 'BYUNG BA DAG GO, ,ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI ZLA BA PHYED PHYED CING GSO SBYONG 'DON PA'I TSE 'DUL BA 'DZIN PA'I KHA TON LAS 'BYUNG NGO ZHES BSTAN PA YIN NO, ,'CHANG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAM YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG RNAMS CHOS GOS MNGAS CHES PA'I YAN LAG GIS LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GIS SEMS KYI ZHI GNAS GTONG BAR BYED NAS DGE SLONG DON NYUNG DU DAG SMOD PAR BYED, PHYAR KHA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG CHOS GOS ZIN PAS SRA BRKYANG PHYUNG NA ZHAG BCU'I BAR DU GOS LHAG PA RUNG BAR MA BYAS PA BCANG BAR BYA'O, , DE LAS 'DAS PAR 'CHANG NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI ZANG ZING LA 'DU BA, NYES PA NI BYA BA SHOR BA'O, ,DE LA DGE SLONG ZHES BYA BA NI CHOS 'DI PA'O, ,CHOS GOS ZIN ZHES BYA BA NI, DGE SLONG GIS CHOS GOS BKRU BA DANG, DRA BA DANG, DRUB PA DANG, KHA BSGYUR BAS SO, ,SRA BRKYANG PHYUNG NA ZHES BYA BA LA SRA BRKYANG ZHES BYA BA NI, DGE 'DUN DBYAR SNGA MA'AM, PHYI MAR GNAS PAR KHAS BLANGS NAS, DGAG DBYE BYAS PA'I 'OG TU, DGE SLONG THAMS CAD KYI DBYAR GYI RNYED PA DANG, PHAN YON GYI GTAN PA BCA' BA'I CHOS GOS GTAN PA LTA BU BYIN GYIS BRLABS PA'O, ,PHYUNG NA ZHES BYA BA LA SRA BRKYANG DBYUNG BA'I DUS NI RNAM PA GNYIS TE, DBYAR SNGA MAR GNAS PAR KHAS BLANGS PAS STON ZLA 'BRING PO NYA LA DGAG DBYE BYAS TE, TSES BCU DRUG LA SRA BRKYANG BTING NA NI DE DBYUNG

BA'I DUS DPYID ZLA RA BA NYA LA'O, ,DBYAR PHYI MAR GNAS PAR KHAS BLANGS PAS STON ZLA THA CHUNGS NYA LA DGAG DBYE BYAS TE, TSES BCU DRUG LA SRA BRKYANG BTING NA NI, DBYUNG BA'I DUS DPYID ZLA 'BRING PO NYA'O, ,ZHAG BCU'I BAR DU ZHES BYA BA NI MTSAN MO BCU'I MTHAR RO, ,GOS LHAG PA ZHES BYA BA NI BYIN GYIS BRLAB PAR BYA BA LAS LHAG PA'O, ,RUNG BAR MA BYAS PA ZHES BYA BA NI, BRTAG PAR MA BYAS PA'O, ,BCANG BAR BYA'O ZHES BYA BA NI BDAG GIR BYA BA'O, ,DE LAS 'DAS PAR 'CHANG NA ZHES BYA BA NI DE LAS THAL BAR 'CHANG BA'O, ,SPANG BA'I LTUNG BYED DO ZHES BYA BA NI, DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GOS RANG GI 'KHOR GSUM KHEBS PA'I MTHA'I TSAD DANG LDAN PA YOD LA BYIN GYIS MA BRLABS PAR ZHAG BCUR RJES SU ZHUGS PA NYID YIN NA, ZHAG BCU GCIG BA'I SKYA RENGS DANG PO SHAR NA 'CHANG BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RANG GI GOS DANG BYIN GYIS MA BRLABS PA'O, ,'DI LA YAN LAG BDUN GYIS DNGOS GZHI'I LTUNG BAR 'GYUR TE, RANG GI DANG, GOS DANG, 'KHOR GSUM KHEBS PA'I MTHA' TSAD DANG, YOD PA DANG, BYIN GYIS MA BRLABS PA DANG, ZHAG BCUR RJES SU ZHUGS PA DANG, ZHAG BCU GCIG PA'I SKYA RENGS SHAR BA'O, ,DE DAG LAS YAN LAG MA TSANG NA CI RIGS PAR NA SMAD DO, ,'CHANG BA'I SPANG BA STE DANG PO'O,, ,,'BRAL BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG RNAMS CHOS GOS MNGAS CHES PA'I RKYEN GYIS CHOS GOS KYI GTUR BU'I BAM PO GZHAN LA 'DOMS SHING, BDAG NYID CHOS GOS STOD G-YOGS SMAD G-YOGS DANG BCAS PAS LJONGS RGYUR 'DOD ZHING LUS MA SBAS PA DANG, SPED DU MA BCUG PAR GYUR LA, DGE SLONG GZHAN DAG KYANG DE'I SBA BRTUL DANG BYI DOR GYI LAS KYIS LUNG NOD PA DANG, KLAG PA DANG,

, ,KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED NAS, DGE SLONG DON NYUNG DU DAG SMOD PAR BYED, PHYAR KHA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, , BCOM LDAN 'DAS KYIS SNGA MA BZHIN DU DGE SLONG CHOS GOS ZIN PAS SRA BRKYANG PHYUNG NA, GAL TE NUB GCIG KYANG CHOS GOS GSUM LAS CHOS GOS GANG YANG RUNG BA DANG, MTSAMS KYI PHYI ROL DU 'BRAL BAR BYED NA DGE 'DUN GYIS GNANG BA MA GTOGS TE, SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI CHOS GOS STOD G-YOGS SMAD G-YOGS DANG BCAS PAS LJONGS RGYU BA, NYES PA NI RANG GI LUS MA SBAS PA DANG, GZHAN GYI BYA BA SHOR BA'O, ,DE LA DGE SLONG CHOS GOS ZIN PAS SRA BRKYANG PHYUNG NA ZHES BYA BA NI SNGA MA BZHIN NO, ,NUB GCIG KYANG ZHES BYA BA NI NUB GCIG GI MTHAR YANG NGO, ,CHOS GOS GSUM LAS CHOS GOS GANG YANG RUNG BA DANG ZHES BYA BA NI, SNAM SBYAR DANG, BLA GOS DANG, MTHANG GOS LAS GANG YANG RUNG BA DANG NGO, , MTSAMS KYI PHYI ROL DU 'BRAL BAR BYED NA ZHES BYA BA NI, GZHAN DU SKYA RENGS 'CHAR BAR BYED NA'O, ,DGE 'DUN GYIS GNANG BA MA GTOGS TE ZHES BYA BA NI DGE 'DUN GYIS GNANG BA BZHAG STE'O, ,SPANG BA'I LTUNG BYED DO ZHES BYA BA NI, DNGOS PO DE SPANGS NAS LTUNG BYED KYI LTUNG BA BSHAGS PAR BYA BA DES NA SPANG BA'I LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, GNANG BA MA THOB PAS CHOS GOS BYIN GYIS BRLABS PA DANG, GNAS NYEN KOR DANG BCAS PA NAS ZHAG GCIG BRAL NA, 'BRAL BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI BYIN GYIS BRLABS PA DANG, GNANG BA MA THOB PA'O, ,'DI LA YAN LAG LNGAS DNGOS GZHIR 'GYUR TE, GNANG BA MA THOB PA DANG, BYIN GYIS BRLABS PA DANG, GOS RUNG BA DANG, GNAS NYEN KOR DANG BCAS PA DANG, ZHAG GCIG

BRAL BA'O, ,DE DAG LAS YAN LAG MA TSANG NA CI RIGS PAR NA SMAD DO, ,'BRAL BA'I SPANG BA STE GNYIS PA'O,, ,,'JOG PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, , DE'I TSE DGE SLONG RNAMS GOS HA CANG MANG BA NYID KYI RKYEN GYIS GOS SNGON PO DANG, SER PO DANG, DMAR PO DANG, STUG PO DANG, SRAB MO DAG RNYED NA DES DE BYED DU MI 'JUG PAR GANG GI TSE 'DI DANG 'DRA BA RNYED PAR GYUR PA DE'I TSE CHOS GOS BYED DU GZHUG GO SNYAM DU RE BAS DE 'JOG PAR BYED NA, DGE SLONG DON NYUNG DU DAG SMOD PAR BYED, PHYAR KA GTONG BAR BYED KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, ,DGE SLONG CHOS GOS ZIN PAS SRA BRKYANG PHYUNG NAS DUS MA YIN PA'I GOS SHIG RNYED LA, 'DOD NA DGE SLONG DES GOS DE BLANG PAR BYA, BLANGS NAS GAL TE LANGS NA MYUR BA KHO NAS GOS SU BYAS TE BCANG BAR BYA'O, ,GAL TE MI LANGS LA KHA MA LANGS PA KHA SKONG BA'I GOS LA RE BA YOD NA DGE SLONG DES GOS DE ZLA BA GCIG GI MTHAR GZHAG PAR BYA'O, ,DE LAS 'DAS PAR 'JOG NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI ZANG ZING LA GDU BA, NYES PA NI GOS KYI KHA SOGS 'JOG PA'O, ,DE LA DGE SLONG CHOS GOS ZIN PAS SRA BRKYANG PHYUNG NA ZHES BYA BA NI SNGA MA BZHIN NO, ,DUS MA YIN PA'I GOS SHIG CES BYA BA LA, DGE SLONG GI GOS KYI DUS NI GANG YIN DUS MA YIN PA NI GANG YIN ZHE NA, SRA BRKYANG BTING BA'I GNAS NA NI, STON ZAL 'BRING PO NYA NAS DPYID ZLA RA BA NYA'I BAR GYI ZLA BA DE DAG NI GOS KYI DUS YIN LA, DE PHAN CHAD DU NI DUS MA YIN NO, ,SRA BRKYANG MA BTING BA'I GNAS NA NI THAMS CAD DUS MA YIN NO, ,RNYED LA ZHES BYA BA NI GZHAN LAS SO, ,'DOD NA ZHES BYA BA NI GAL TE DON DU GNYER NA'O, ,DGE SLONG DES GOS DE BLANG BAR BYA ZHES BYA BA NI BDAG GIR BYA BA'O, ,GAL TE LANGS NA ZHES BYA BA NI GAL TE CHOG NA'O, ,CHOS GOS SU BYAS TE BCANG BAR BYA'O ZHES BYA BA NI MI BRKYANG

, ,BA KHO NAR BYIN GYIS BRLAB TU RUNG BAR BYAS TE'O, ,GAL TE ZHES BYA BA NI GAL TE MI CHO GA NA'O, ,KHA MA LANGS PA KHA SKONG BA'I ZHES BYA BA NI SNAM SBYAR RAM, BLA GOS SAM, MTHANG GOS KHA MA LANGS PA KHA SKONG BA'I 'O, ,GOS LA RE BA YOD NA ZHES BYA BA NI DGE SLONG LA, MAS BDAG LA GOS SBYIN PA'I RE BA'AM, PHA 'AM, PHU NU 'AM, SRING MO 'AM, SLOB DPON NAM, MKHAN POS BDAG LA GOS SBYIN PA'I RE BA'AM, LO LNGA'I DUS STON GYI TSE 'AM, LO DRUG GI DUS STON GYI TSE'AM, GTZUG PHUD 'BREG PA'I DUS STON GYI TSE'AM, GNAS KHANG GI DUS STON GYI TSE'AM, DUS STON CHEN PO'I TSE RNYED DU RE BA YOD NA'O, ,DGE SLONG DES GOS DE ZLA BA GCIG GI MTHAR GZHAG PAR BYA'O ZHES BYA BA NI ZLA BA GCIG GI MTHA' TSUN CHAD DU'O, ,DE LAS 'DAS PAR 'JOG NA ZHES BYA BA NI, DE LAS THAL BAR RO, ,SPANG BA'I LTUNG BYED DO ZHES BYA BA NI, DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR BZHAG PA NI, DGE SLONG GOS KHA BSKANG BA LA RE BA YOD PA DANG, BYIN GYIS BRLAB PAR BYA BA'I CHOS GOS GSUM MED PA'I GOS CHUNG BA KHRU GANG YAN CHAD PA ZHAG SUM CU 'DAS PAR 'JOG NA, 'JOG PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, GOS KHA BSKANG BA LA RE BA YOD PA DANG, BYIN GYIS BRLAB PAR BYA BA'I CHOS GOS GSUM MED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, GOS KHA BSKANG BA LA RE BA YOD PA DANG, BYIN GYIS BRLAB PAR BYA BA'I CHOS GOS GSUM MED PA DANG, GOS DANG, TSAD KHRU GANG YAN CHAD PA DANG, ZHAG SUM CU 'DAS PA'O, DE DAG LAS YAN LAG MA TSANG NA CI RIGS PAR NA SMAD DO, ,'JOG PA'I SPANG BA STE GSUM PA'O,, ,,'KHRUR 'JUG PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA, TSE DANG LDAN PA 'CHAR KAS SNGON GYI CHUNG MA DGE SLONG MA SBED MA RANG GI GNAS SU 'ONGS PA LA, CHOS BSTAN PAR BRTZAMS

NAS, SNGON GYI BGAD PA DANG, DGA' BAR BYAS PA DANG, RTZES PA DANG, DGA' MGUR SPYAD PA DRAN TE, KUN DU CHAGS PAR GYUR NAS BRTZAL BAR BRTZAMS PA DANG, SBED MA BROS PA'I PHYI BZHIN BSNYAGS PA DE'I TSE DE LA BRLA'I REG PAS KHU BA BYUNG NAS, SHAM THABS MA RUNG BAR GYUR PA, SBED MAS BLANGS TE BKRU BAR BRTZAMS PA'I TSE SBED MA DE KUN TU CHAGS PAR GYUR NAS, KHU BA DE RANG GI MNGAL GYI SGOR BLUGS PA LAS, BU GZHON NU ZHES BYA BA CHAGS PAR GYUR PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS DGONGS PA, DGE SLONG RNAMS KYI NYES DMIGS GANG YIN PA DE NI DGE SLONG MA NYE DU MA YIN PA LA GOS RNYING PA 'KHRUR 'JUG PA LAS GYUR PA YIN NO SNYAM NAS SNGA MA BZHIN DU, YANG DGE SLONG GANG DGE SLONG MA NYE DU MA YIN PA LA GOS RNYING PA 'KHRUR 'JUD DAM, 'TSED DU 'JUG GAM 'CHAG TU 'JUD NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA, NYON MONGS PA NI 'DOD CHAGS, NYES PA NI DGE SLONG MA NYE DU MA YIN PA LA GOS RNYING PA 'KHRUR 'JUG PA'O, ,DE LA YANG DGE SLONG GANG ZHES BYA BA NI 'CHAR KA 'AM, GZHAN YANG DE LTA BU GANG YIN PA'O, ,DGE SLONG MA ZHES BYA BA NI CHOS 'DI BA'O, ,NYE DU MA YIN PA LA ZHES PA NI PHYI MO DANG MES PO DANG, PHRUGS LA BRTEN PA'I BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,GOS ZHES BYA BA NI BDUN PO BAL GOS DANG, SHA NA'I GOS DANG ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS DAG LAS GANG YANG RUNG BA'O, ,RNYING PA ZHES BYA BA NI DUS TSIGS GSUM PO DAG LAS DUS TSIGS GANG YANG RUNG BAR SPYAD PA GANG YIN PA'O, , 'KHRUR 'JUG GAM ZHES BYA BA NI, THA NA CHUR SNYUG PAR BYED DU 'JUG NA'O, ,'TSED DU 'JUG GAM ZHES BYA BA NI THA NA TSON DU SNYUG PAR BYED DU 'JUG NA'O, ,'CHAG TU 'JUG NA ZHES BYA BA NI THA NA THAL MOS BRDEBS PA BYED DU 'JUG NA'O, ,SPANG PA'I LTUNG BYED DO ZHES BYA BA NI SNGA MA BZHIN NO, ,

, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS BYIN GYIS BRLABS PA RANG GI RNYING PA 'KHRUR GZHUG PAR 'OS PA, CHOS GOS DANG, GDING BA DAG LAS 'GA' ZHIG DGE SLONG MA NYE DU MA YIN PA LA BSGO BAS, 'KHRUR BCUG GAM 'TSED DU BCUG GAM, 'CHAG TU BCUG PA DAG BYAS PA NYID NA 'KHRUR 'JUG PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, GOS DANG DGE SLONG MA NYE DU MA YIN PA'I YUL LA 'DU SHES GTZO CHER BYED PA PO NYID YIN NO, ,'DI LA YAN LAG BRGYAD KYIS DNGOS GZHI'I LTUNG BAR 'GYUR TE, BYIN GYIS BRLABS PA DANG, RANG GI DANG, RNYING PO DANG, 'KHRUR GZHUG PAR 'OS PA DANG, GOS DANG, DGE SLONG MA NYE DU MA YIN PA DANG, BSGO BA DANG, BYAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'KHRUR 'JUG PA'I SPANG BA STE BZHI PA'O,, ,, LEN PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE BCOM LDAN 'DAS KYIS, DGE SLONG MA RNAMS KYIS DGON PAR GNAS PA MA BKAG PA DE'I TSE NA DGE SLONG MA AUTPA LA'I MDOG 'KHOR LNGA BRGYA DANG, NAGS MUN PA CAN DU 'GOG PA LA SNYOMS PAR 'JUG PA LA, CHOM RKUN PA G-YON CAN LNGA BRGYA TZAM GYIS RAS YUG CHEN PO LA 'OS PA GCIG DANG, BSOD SNYOMS KYI PHUD GCIG PHUL BA DGE SLONG MA AUTPA LA'I MDOG GIS, RGYAL BYED KYI TSAL DU BSOD SNYOMS KYI PHUD NI DGE SLONG RNAMS LA PHUL, RAS YUG CHEN PO NI NYE DGA' LA PHUL NAS, BCOM LDAN 'DAS KYI SPYAN SNGAR SONG BAS AUTPA LA'I MDOG GI CHOS GOS NGAN CING, SNAM SBYAR KYANG RNYINGS PAR GYUR PA BCOM LDAN 'DAS KYIS GZIGS NAS, KUN DGA' BO LA JI LTAR GYUR PA RMAS PA DANG, KUN DGA' BOS GSOL BA, BTZUN PA SRING MO 'DI NI DAD PA DANG LDAN ZHING BZANG LA DGE BA'I BSAM PA CAN LAGS TE, 'DIS SANGS RGYAS SAM CHOS SAM, DGE 'DUN NAM, DGE SLONG YID DU 'THAD PA DAG LA MA PHUL BA'AM, YONGS SU MI GTONG

BA CI YANG MA MCHIS PAS 'DIS DENG RAS YUG CHEN PO RNYED NAS DE YANG NYE DGA' LA STZAL TE, DE NAS BCOM LDAN 'DAS KYIS, DGE SLONG MA AUTPA LA'I MDOG LA GTZUG LAG KHANG CHEN PO NAS, CHOS GOS LNGA STZAL BAR GTAD DE, DGE SLONG DAG DGE SLONG MA NYE DU MA YIN PA LAS GOS LHAG PA LEN PAR DGONGS NAS SNGA MA BZHIN DU, YANG DGE SLONG GANG DGE SLONG MA NYE DU MA YIN PA LAS GOS LEN NA BRJES PA MA GTOGS TE SPANG BA'I LTUNG BYED DO ZHES BYA BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHE NA, NYES PA NI DGE SLONG MA NYE DU MA YIN PA LAS GOS LEN PA'O, ,DE LA DGE SLONG GANG ZHES BYA BA NI NYE DGA' 'AM, GZHAN YANG DE LTA BU GANG YIN PA'O, ,DGE SLONG MA ZHES BYA BA NI CHOS 'DI PA'O, ,NYE DU MA YIN PA LAS ZHES BYA BA NI PHYI MO DANG MES PO DANG PHRUGS KYI BDUN PA TSUN CHAD NI NYE DU YIN LA DE PHAN CHAD NI NYE DU MA YIN NO, ,GOS ZHES BYA BA NI GOS BDUN PO BAL GOS DANG, SHA NA'I GOS DANG, GOS MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,LEN NA ZHES BYA BA NI BDAG GIR BYED NA'O, ,BRJES PA MA GTOGS TE ZHES BYA BA NI, BRJES PA BZHAG STE'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG MA NYE DU MA YIN PA LA DER 'DU SHES PAS GOS DAG GI RNAM PAR RIG BYED KYIS LEN NA LAG TU 'ONGS PA LAS, LTA BA'I NYEN 'KHOR DU GYUR PA NA LEN PA'I SPONG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, YANG DGE SLONG MA NYE DU MA YIN PA'I YUL LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MA NYE DU MA YIN PA DANG, GOS DANG RUNG BA DANG, NGAG GI RNAM PAR RIG BYED DANG, LEN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,LEN PA'I SPANG BAS TE LNGA PA'O,, ,,SLONG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA,

, ,RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DE LA, RANG GI CHUNG MAS RAS ZUNG BZANG PO CIG BYIN NAS, KHYIM BDAG DE DAD PA DANG LDAN ZHING DGE BA'I BSAM PA CAN YIN PAS, BCOM LDAN 'DAS KYI ZHABS LA PHYAG 'TSAL DU RGYAL BYED KYI TSAL DU SONG BA DANG, NYE DGAS CHOS BSTAN NAS, DANG NA DUS KYI PHYIR, NAN GYIS DE'I BLA GOS BLANGS NAS, DOR THUNG GYON TE PHYIR BSTAN NAS SMOD PAR BYED, PHYAR KA GTONG BAR BYED, KHA ZER BAR BYED PA KHYIM BDAG MGON MED ZAS SBYIN GYIS THOS NAS, BCOM LDAN 'DAS LA GSOL PA DANG, DE NAS BCOM LDAN 'DAS KYIS DGE SLONG DAG KHYIM BDAG GAM, KHYIM BDAG GI CHUNG MA NYE DU MA YIN PA LAS, GOS SLONG BA DGAG PAR DGONGS NAS SNGA MA BZHIN DU, YANG DGE SLONG GANG KHYIM BDAG GAM, KHYIM BDAG GI CHUNG MA NYE DU MA YIN PA'I GAN DU SONG STE, GOS SLONG NA DUS MA GTOGS TE, SPANG BA'I LTUNG BYED DO, ,DE LA DUS NI 'DI YIN TE, DGE SLONG GOS PHROGS SAM, GOS BRLAG GAM, GOS TSIG GAM, GOS RLUNG GIS KHYER RAM, GOS CHUS KHYER NA DE LA DE NI DUS YIN NO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHE NA, NYES PA NI KHYIM BDAG GAM, KHYIM BDAG GI CHUNG MA NYE DU MA YIN PA LAS GOS BLANG BA'O, ,DE LA YANG DGE SLONG GANG ZHES BYA BA NI NYE DGA' 'AM, GZHAN YANG DE LTA BU GANG YIN PA'O, ,KHYIM BDAG GAM ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PA'I ZHES BYA BA NI, PHYI MO DANG, MES PO DANG, PHRUGS KYI BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,GAN DU SONG STE ZHES BYA BA NI DRUNG DU SONG STE'O, , GOS ZHES BYA BA NI, BDUN PO BAL GOS DANG, SHA NA'I GOS DANG, ZAR MA'I GOS DANG, RAS BAL GYI GOS DANG, DU GU LA'I GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,SLONG NA ZHES BYA BA NI SLONG MO BYED NA'O, ,DUS MA GTOGS TE

ZHES BYA BA NI DUS GZHAG STE'O, ,SPONG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA'O, ,DE LA DUS NI 'DI YIN TE, DGE SLONG GOS PHROGS SAM ZHES BYA BA NI 'DI LTA STE, DGE SLONG GI GOS DAG CHOM RKUN PA DAG GAM G-YON CAN DAG GIS PHROGS PAR GYUR PA'O, ,GOS BRLAG GAM ZHES BYA BA NI 'DI LTA STE, DGE SLONG GI GOS DAG BRLAG PAR GYUR PA'AM, 'KHYAMS PAR GYUR PA'O, ,GOS TSIG GAM ZHES BYA BA NI 'DI LTA STE, DGE SLONG GI GOS DAG MES TSIG PAR GYUR PA'O, ,GOS RLUNG GIS KHYER RAM ZHES BYA BA NI 'DI LTA STE DGE SLONG GI GOS DAG RLUNG GIS KHYER BAR GYUR PA'O, ,GOS CHUS KHYER NA ZHES BYA BA NI 'DI LTA STE, DGE SLONG GI GOS DAG CHUS KHYER BAR GYUR NA'O, ,DE LA DE NI DUS YIN NO ZHES BYA BA NI BSLAB PA'I GZHI DE LA DE NI GNANG BA'I DUS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GOS PHROGS PA DANG, BRLAG PA DANG TSIG PA DANG, RLUNG GIS KHYER BA DANG, CHUS KHYER BAR MA GYUR BA SLONG BAR MI RIGS PAS MI'I 'GRO BAR GTOGS PA, KHYIM PAR GYUR PA SROG DANG LDAN PA NYE DU MA YIN PA LAS, GOS RUNG BA TSAD DANG LDAN PA LAS MI CHUNG BA, RIN THANG DANG KHA DOG DANG KHRU TSAD LAS RNAM PA GANG BSLANGS PA DE NYID THOB NA, SLONG BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NA MI'I 'GRO BAR GTOGS PA GYUR PA, SROG DANG LDAN PA NYE DU MA YIN PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GOS 'PHROGS PA DANG, BRLAG PA DANG, TSIG PA DANG, RLUNG GIS KHYER BA DANG, CHUS KHYER BAR MA GYUR PAR SLONG BAR MI RIGS PA DANG, SBYIN BDAG MI'I 'GRO BAR GTOGS PA KHYIM PAR GYUR PA SROG DANG LDAN PA NYE DU MA YIN PA DANG, GOS RUNG BA DANG TSAD DANG LDAN PA LAS MI CHUNG BA DANG, RIN THANG DANG KHA DOG DANG, KHRU TSAD LAS RNAM PA GANG BSLANGS PA DANG, DE NYID THOB PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SLONG

, ,BA'I SPANG BA STE DRUG PA'O,, ,,SLONG BAR RIG PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,NYE DGA' LA BLO SKYES PA, 'DI DAG THAMS CAD, KHYIM BDAG MGON MED ZAS SBYIN GYIS BSLAB PA'I GZHI DAG GIS BSDAMS, PHYIN CHAD GANG NAS KYANG BCA' BA'I RIN TZAM YANG BSLANG BAR MI NUS NA, 'DI LTAR BCOM LDAN 'DAS KYIS GRONG PHRENG BA CAN PA'I DGE SLONG BZHI BCU CHOM RKUN PA DAG GIS BCOM PA LA BRTEN NAS BSLAB PA'I GZHI BAG YANGS SU MDZAD PA YOD PAS BDAG GIS DE DAG SNGON DU BTANG STE, RNYED PA BSGRUB PAR BYA'O SNYAM NAS, DES GRONG PHRENG BA CAN PA'I DGE SLONG BZHI BCU PO DGE KHRID DE, DBUL PO DANG, PHYUG PO'I SRANG DANG, KO SA LA'I RGYAL PO GSAL RGYAL GYI PHO BRANG DANG, BTZUN MO RGYAL RIGS DBYAR TSUL MA DANG, BTZUN MO PHRENG LDAN MA DANG, KHYIM BDAG MGON MED ZAS SBYIN DANG, BTZUN MO 'KHOR GYI ZHAL TA BA DRANG SRONG BYIN DANG, RNYING PA GNYIS PA DANG, DGE BSNYEN RI DGAS 'DZIN GYI MA SA GA DANG, DGE BSNYEN MA KHYIM BDAG GI CHUNG MA LEGS SKYES KYI KHYIM DAG NAS GOS MANG PO BSLANGS TE, DRUG SDE 'KHOR DANG BCAS PA DAG GIS BSNAMS NAS, GRONG PHRENG BA CAN PA'I DGE SLONG BZHI BCU PO DAG LA, RNYANG RNYING NYUNG SHAS ZHIG BYIN TE BTANG PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS DGE SLONG GOS SLONG BAR RIGS PAS KYANG, STOD G-YOGS SMAD G-YOGS DANG BCAS PA'I MTHAR THUG PA LAS LHAG PA LEN PA DGAG PAR DGONGS NAS SNGA MA BZHIN DU, DGE SLONG GOS PHROGS SAM, GOS BRLAG GAM, GOS TSIG GAM, GOS RLUNG GIS KHYER RAM, GOS CHUS KHYER NA KHYIM BDAG GAM KHYIM BDAG GI CHUNG MA NYE DU MA YIN PA'I GAN DU SONG LA GOS BSLANG BAR BYA'O, ,GAL TE DE NA BRAM ZE'AM KHYIM BDAG DAD PA ZHIG GIS DUS KYIS GOS MANG PO STOBS

PAR 'DOD NA DGE SLONG DES DE LAS STOD G-YOGS SMAD G-YOGS DANG BCAS PA'I MTHAR THUG PAR BLANG BAR BYA'O, ,DE LAS LHAG PAR LEN NA SPANG BA'I LTUNG BYED DO ZHES BCA' BA MDZAD DO, ,YUL NI MNYAN YOD, GANG ZAG NI GRONG PHRENG BA CAN PA'I DGE SLONG BZHI BCU DANG DRUG SDE RNAMS, NYON MONGS PA NI MA BRTAGS PAR SPYOD PA DANG 'DOD ZHE NA, NYES PA NI LEN PA'I DROD MI SHES PA'O, ,DE LA DGE SLONG ZHES BYA BA NI CHOS 'DI PA'O, ,GOS PHROGS SAM ZHES BYA BA NI 'DI LTA STE, DGE SLONG GI GOS DAG CHOM RKUN PA DAG GAM, G-YON CAN DAG GIS PHROGS PAR GYUR PA'O, ,GOS BRLAG GAM ZHES BYA BA NI 'DI LTA STE, DGE SLONG GI GOS BRLAG PAR GYUR PA'AM 'KHYAMS PAR GYUR PA'O, ,GOS TSIG GAM ZHES BYA BA NI 'DI LTA STE, DGE SLONG GI GOS DAG MES TSIG PAR GYUR PA'O, ,GOS RLUNG GIS KHYER RAM ZHES BYA BA NI 'DI LTA STE, DGE SLONG GI GOS DAG RLUNG GIS KHYER BAR GYUR PA'O, ,GOS CHUS KHYER NA ZHES BYA BA NI 'DI LTA STE, DGE SLONG GI GOS DAG CHUS KHYER NA'O, ,KHYIM BDAG GAM ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI 'DI LTA STE, BUD MED DO, ,NYE DU MA YIN PA'I ZHES BYA BA NI, PHYI MO DANG MES PO DANG, PHRUGS KYI BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,GAN DU SONG LA ZHES BYA BA NI, DRUNG DU SONG LA'O, ,GSO ZHES BYA BA NI BDUN PO BAL GOS DANG, SHA NA'I GOS DANG ZAR MA'I GOS DANG, RAS BAL GYI GOS DANG, DU GU LA'I GOS DANG, KO TAM PA'I GOS DANG, NYE 'OG GI GOS LAS GANG YANG RUNG BA'O, BSLANG BAR BYA'O ZHES BYA BA NI SLONG MO BYA BA'O, ,GAL TE DE LA BRAM ZE'AM KHYIM BDAG DAD PA ZHIG GIS DUS KYIS GOS MANG PO STOBS LA ZHES BYA BA NI 'BUL BA'O, ,'DOD NA ZHES BYA BA NI DON DU GNYER NA'O, ,DGE SLONG DES DE LAS GOS STOD G-YOGS SMAD G-YOGS DANG BCAS PA'I MTHAR THUG PA BLANG BAR BYA'O ZHES BYA BA NI STOD G-YOGS SMAD G-YOGS DANG BCAS PA NI GNYIS TE, DGE SLONG GI STOD G-YOGS

, ,SMAD G-YOGS DANG BCAS PA DANG, KHYIM PA'I STOD G-YOGS SMAD G-YOGS DANG BCAS PA'O, ,DGE SLONG GI STOD G-YOGS SMAD G-YOGS DANG BCAS PA NI, SAR PA LAS SNAM SBYAR NYI RIM DANG, RAS YUG PHRAN KHRU LNGA PA DANG DO PA'O, ,KHYIM PA'I STOD G-YOGS SMAD G-YOGS DANG BCAS PA NI, RAS YUG CHEN KHRU BCU GNYIS DANG, RAS YUG PHRAN KHRU BDUN PA DANG DO PA'O, ,DE LAS LHAG PAR LEN NA ZHES BYA BA NI, DE LAS GONG MA'O, ,SPANG BA'I LTUNG BYED DO ZHES BYA BA NI DNGOS PO DE SPANG NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GOS PHROGS PA DANG, BRLAG PA DANG, TSIG PA DANG, RLUNG GIS KHYER BA DANG, CHUS KHYER BA SLONG BAR RIGS PAS MI'I 'GRO BAR GTOGS PA, KHYIM PAR GYUR PA, SROG DANG LDAN PA, NYE DU MA YIN PA LAS, STOD G-YOGS SMAD G-YOGS DANG BCAS PA, RUNG BA TSAD LAS MI CHUNG BA PHRUGS GCIG LAS LHAG PAR LEN NA, SLONG BAR RIGS PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO YANG MI'I 'GRO BAR GTOGS PA KHYIM PAR GYUR PA SROG DANG LDAN PA NYE DU MA YIN PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GOS PHROGS PA DANG, BRLAG PA DANG, TSIG PA DANG, RLUNG GIS KHYER BA DANG, CHUS KHYER BAR GYUR PA SLONG BAR RIGS PA DANG, SBYIN BDAG MI'I 'GRO BAR GTOGS PA KHYIM PAR GYUR PA, SROG DANG LDAN PA NYE DU MA YIN PA DANG, STOD G-YOGS SMAD G-YOGS DANG BCAS PA, RUNG BA TSAD DANG LDAN PA LAS MI CHUNG BA DANG, STOD G-YOGS SMAD G-YOGS DANG BCAS PA PHRUGS GCIG GI MTHAR THUG PA LAS LHAG PA DANG, LEN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SLONG PAR RIGS PA'I SPANG BA STE BDUN PA'O,, ,SPAGS PA SLONG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL

MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG GZA' BRAN GNYIS SHIG 'DOD PA LA LOG PAR SPYOD PAS, BU MO MNGAG GZHUG MA ZHIG YOD PA RTAG TU BRDEGS NAS, NYE DAGS DE TSOR NAS KHYIM BDAG GZHA' BRAN GNYIS CI NAS KYANG SKYABS SU 'GRO BA DANG, BSLAB PA'I GZHI DAG LA GNAS PAR GYUR PA DE LTA DE LTAR TSUL KHRIMS KYI BSNGAGS PA BRJOD CING, TSUL KHRIMS 'CHAL BA'I BSNGAGS PA MA YIN PA YANG BRJOD NAS, DES DE GNYIS SKYABS SU 'GRO BA DANG BSLAB PA'I GZHI DAG LA GNAS PAR BYAS SO, ,DE PHYIN CHAD DE GNYIS BU MO DE LA YANG MI RDEG CING NYE DGA' LA YANG RAS YUG CHEN PO GCIG DBUL PAR GLENGS PA BU MO DE THOS NAS NYE DGA' LA SBRAN PA DANG, NYE DGA' DER 'ONGS TE RAS YUG CHEN PA BDAS NAS PHUL PA DANG DES MA MGU STE, TSONG 'DUS NAS RAS YUG CHEN BZANG PO NYOS TE DBUL DU BCUG PA'I RIN DUS SU MA 'KHOR NAS, BU LON PAS KHYIM BDAG BZUNG STE, NYI MA LA BTAGS NAS SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SPAGS PA SLONG BA DGAG PAR DGONGS NAS SNGA MA BZHIN DU, DGE SLONG GI PHYIR KHYIM BDAG GAM KHYIM BDAG GI CHUNG MA NYE DU MA YIN PAS GOS KYI RIN DAG SPAGS NAS, BDAG GIS GOS RIN 'DI DAG GIS GOS 'DI DANG 'DI LTA BU ZHIG NYOS LA, DGE SLONG MING 'DI ZHES BYA BA 'ONGS DANG, DE LA GOS RUNG BA DUS SU BSKON NO SNYAM PA LAS, DE NA GAL TE DGE SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG STE, BZANG PO 'DOD PA'I PHYIR KHYIM BDAG GAM KHYIM BDAG GI CHUNG MA NYE DU MA YIN PA DE'I GAN DU SONG NAS 'DI SKAD CES TSE DANG LDAN PAS BDAG GI PHYIR GOS KYI RIN GANG DAG SPAGS PA'I GOS KYI RIN DE DAG GIS, TSE DANG LDAN PA GOS 'DI DANG 'DI LTA BU ZHIG NYOS LA, BDAG LA GOS RUNG BA DUS SU LEGS PAR BSKON CIG CES SMRAS TE, GOS GRUB NA SPANG BA'I LTUNG BYED DO ZHES

, ,BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHE NA, NYES PA NI SPAGS PA SLONG PA'O, ,DE LA DGE SLONG GI PHYIR ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'I PHYIR RO, ,KHYIM BDAG GAM ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PA ZHES BYA BA NI PHYI MO DANG MES PO DANG, PHRUGS KYI BDUN PA TSUN CHAD NI NYE DU YIN LA DE PHAN CHAD NI NYE DU MA YIN NO, ,GOS KYI RIN DAG CES BYA BA NI GSER RAM DNGUL LO, ,SPAGS NAS ZHES BYA BA NI STA GON BYAS NAS SO, ,BDAG GIS GOS KYI RIN 'DI DAG GIS ZHES BYA BA NI GSER RAM DNGUL LA SOGS PA GANG DAG SPAGS PA DAG GIS SO, ,GOS 'DI DANG 'DI LTA BU ZHIG CES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,NYOS LA ZHES BYA BA NI NYOS TE'O, ,DGE SLONG 'DI DANG 'DI ZHES BYA BA 'ONGS DANG ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,DE LA GOS RUNG BA DUS SU BSKON NO SNYAM PA LAS ZHES BYA BA NI LONGS SPYOD PAR BZOD PA'O, ,DE NA GAL TE DGE SLONG DE LA SNGAR MA BSTABS PAR ZHES BYA BA NI SNGAR MGRON DU MA BOS PAR RO, ,RNAM PAR RTOG PA 'GA' ZHIG BYUNG STE ZHES BYA BA NI BSNYEN BKUR BYED PA 'GA' ZHIG BYUNG STE'O, , BZANG PO 'DOD PA'I PHYIR ZHES BYA BA NI, RAB DANG MCHOG 'DOD PA'I PHYIR RO, ,KHYIM BDAG GAM KHYIM BDAG GI CHUNG MA NYE DU MA YIN PA DE'I GAN DU SONG NAS ZHES BYA BA NI DRUNG DU SONG NAS SO, ,'DI SKAD CES TSE DANG LDAN PAS BDAG GI PHYIR GOS KYI RIN GANG DAG SPAGS PA'I, GOS KYI RIN DE DAG GIS TSE DANG LDAN PA GOS 'DI DANG 'DI LTA BU ZHIG NYOS LA ZHES BYA BA NI GCIG NYOS TE'O, ,BDAG LA GOS RUNG BA DUS SU LEGS PAR BSKON CIG CES SMRAS TE ZHES BYA BA NI SPAGS PA SLOD PA'I TSIG DE SKAD CES SMRAS TE'O, ,GOS GRUB NA ZHES BYA BA NI GOS THOB NA'O, ,SPANG

PA'I LTUNG BYED DO ZHES BYA BA NI SNGA MA BZHIN NO, ,DE LA SPAGS PA SLONG BA'I SPONG BA 'DI NI, SNGAR SLONG BA'I SPANG PA BSHAD PA'I RAB TU DBYE BAR GYUR PA YIN PAS MTSAN NYID GZHAN THAMS CAD NI SNGAR SLONG BA SPANG BA'I SKABS SU BSTAN PA KHO NA BZHIN NO, ,BYE BRAG TU NA SBYIN BDAG GANG YANG RUNG BAS SPAGS KYANG RUNG MA SPAGS KYANG RUNG BA DGE SLONG GIS MI SHES PA SLONG BA NI SLONG BA'I SPANG BA SNGAR BSTAN PA'I YUL YIN LA, SBYIN BDAG SPUNGS CHUNG DUS SPYI LA SPAGS PA DGE SLONG LA MA PHUL BA DGE SLONG DES SHES PA SLONG BA NI SBAGS PA SLONG BA'I SPANG BA'I 'DI'I YUL YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GOS PHROGS PA DANG, BRLAG PA DANG TSIG PA DANG, RLUNG GIS KHYER BA DANG, CHUS KHYER BAR MA GYUR PA SLONG BAR MI RIGS PAS MI'I 'GRO BAR GTOGS PA KHYIM PAR GYUR PA SROG DANG LDAN PA NYE DU MA YIN PA LAS GOS RUNG BA TSAD DANG LDAN PA LAS MI CHUNG BA SPAGS PA MA PHUL BAR SHES PA RIN THANG DANG, KHA DOG DANG, KHRU TSAD LAS RNAM PA GANG BSLANGS PA DE NYID THOB NA, SPAGS PA SLONG BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO YANG MI'I 'GRO BAR GTOGS PA KHYIM PAR GYUR PA, SROG DANG LDAN PA NYE DU MA YIN PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GOS PHROGS PA DANG, BRLAG PA DANG, TSIG PA DANG, RLUNG GIS KHYER BA DANG, CHUS KHYER BAR MA GYUR PA SLONG BAR MI RIGS BA DANG, SBYIN BDAG MI'I 'GRO BAR GTOGS PA KHYIM PAR GYUR PA, SROG DANG LDAN PA NYE DU MA YIN PA DANG, GOS RUNG BA TSAD DANG LDAN PA LAS MI CHUNG BA SPAGS PA MA PHUL BAR SHES PA DANG, RIN THANG DANG KHA DOG DANG KHRU TSAD LAS SPAGS PA MA PHUL BAR SHES PAR PA RNAM PA GANG BSLANGS PA DANG, DE NYID THOB PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SPAGS PA SLONG BA'I SPANG BA STE BRGYAD PA'O,, ,,SO SO NAS SPAGS PA SLONG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL

, ,BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG GZA' BRAN GNYIS SHIG 'DOD PA LA LOG PAR SPYOD PA, BU MO MNGAG GZHUG MA ZHIG YOD PA RTAG TU BRDEGS NAS, NYE DAGS DE TSOR NAS KHYIM BDAG GZA' BRAN GNYIS CI NAS SKYANG SKYABS SU 'GRO BA DANG, BSLAB PA'I GZHI DAG LA GNAS PAR 'GYUR BA DE LTA DE LTAR TSUL KHRIMS KYI BSNGAGS PA BRJOD CING, TSUL KHRIMS 'CHAL BA'I BSNGAGS PA MA YIN PA YANG BRJOD NAS, DES DE GNYIS SKYABS SU 'GRO BA DANG, BSLAB PA'I GZHI DAG LA GNAS PAR BYAS SO, ,DE PHYIN CHAD DE GNYIS BU MO DE LA YANG MI RDEG CING, NYE DGA' LA YANG SO SO NAS RAS YUG CHEN RE RE DBUL BAR GLENGS PA BU MO DES THOS NAS, NYE DGA' LA SBRAN PA DANG, NYE DGA' DER 'ONGS TE, SO SO NAS RAS YUG CHEN RE RE DBUL BAR BYAS PA BDAS PA PHUL BA DANG, DES MA MGU STE TSONG 'DUS NAS SO SO NAS RAS YUG CHEN BZANG PO RE RE NYOS TE 'BUL DU BCUG PA'I RIN DUS SU MA 'KHOR NAS, BU LON PAS KHYIM BDAG DE BZUNG STE, NYI MA LA BTAGS NAS SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SO SO NAS SPAGS PA SLONG BA DGAG PAR DGONGS NAS SNGA MA BZHIN DU, DGE SLONG GI PHYIR KHYIM BDAG DANG KHYIM BDAG GI CHUNG MA NYE DU MA YIN PAS GOS KYI RIN SO SO BA DAG SPAGS NAS, BDAG CAG GNYIS KYIS GOS KYI RIN SO SO BA 'DI DAG GIS GOS 'DI DANG 'DI LTA BU SO SO BA DAG NYOS LA, DGE SLONG MING 'DI ZHES BYA BA 'ONGS DANG BDAG CAG GNYIS KYIS SO SO NAS, DE LA GOS RUNG BA DUS SU BSKON NO SNYAM PA LAS, DE NA GAL TE DGE SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG STE, BZANG PO 'DOD PA'I PHYIR KHYIM BDAG DANG, KHYIM BDAG GI CHUNG MA NYE DU MA YIN PA DE DAG GI GAN DU SONG NAS, 'DI SKAD CES TSE DANG LDAN PA DAG BDAG GI PHYIR

GOS KYI RIN SO SO BA GANG DAG SPAGS PA'I GOS KYI RIN SO SO BA DE DAG GIS, TSE DANG LDAN PA DAG GOS 'DI DANG 'DI LTA BU SO SO BA DAG NYOS LA GNYI GA 'DUS TE, BDAG LA GOS RUNG BA CIG DUS SU LEGS PAR BSKON CIG CES SMRAS TE, GOS GRUB NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHE NA, NYES PA NI SO SO NAS SPAGS PA SLONG BA'O, ,DE LA DGE SLONG GI PHYIR ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'I PHYIR RO, ,KHYIM BDAG DANG ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PAS ZHES BYA BA NI, PHYI MO DANG MES PO DANG, PHRUGS KYI BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,GOS KYI RIN ZHES BYA BA NI GSER RAM DNGUL LO, ,SO SO BDAG CES BYA BA NI THA DAD PA DAG GO, ,SPAGS NAS ZHES BYA BA NI STA GON BYAS NAS SO, ,BDAG CAG GNYIS KYIS GOS KYI RIN SO SO BA 'DI DAG GIS ZHES BYA BA NI GSER RAM DNGUL LA SOGS PA SO SO BA GANG DAG SPAGS PA DAG GIS SO, ,GOS 'DI DANG 'DI LTA BU ZHES BYA BA NI BDUN PA BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,SO SO BA DAG CES BYA BA NI THA DAD PA'O, ,NYOS LA ZHES BYA BA NI NYOS TE'O, ,DGE SLONG MING 'DI ZHES BGYI BA 'ONGS DANG ZHES BYA BA NI, SH'AKYA'I BU NYE DGA' 'AM GZHAN YANG DE LTA BU GANG YIN PA'O, ,BDAG CAG GNYIS KYIS SO SO NAS DE LA GOS RUNG BA DUS SU BSKON NO SNYAM PA LAS ZHES BYA BA NI LONGS SPYAD PAR BZOD PA'O, ,DE NA GAL TE DGE SLONG DE LA SNGAR MA BSTABS PAR ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,RNAM PAR RTOG PA 'GA' ZHIG BYUNG STE ZHES BYA BA NI BSNYEN BKUR BYED PA 'GA' ZHIG BYUNG STE'O, ,BZANG PO 'DOD PA'I PHYIR ZHES BYA BA NI RAB DANG MCHOG 'DOD PA'I PHYIR RO, ,KHYIM BDAG DANG KHYIM BDAG GI CHUNG MA NYE DU MA YIN PA DE DAG GI GAN DU SONG NAS ZHES BYA BA NI DRUNG DU

, ,SONG NAS SO, ,'DI SKAD CES TSE DANG LDAN BDAG GIS BDAG GIS PHYIR GOS KYI RIN SO SO BA GANG DAG SPAGS PA'I GOS KYI RIN SO SO BA DE DAG GIS TSE DANG LDAN PA DAG GOS 'DI DANG 'DI LTA BU SO SO BA DAG NYOS LA ZHES BYA BA NI, THA DAD PA DAG NYOS DE'O, ,GNYI GA 'DUS TE ZHES BYA BA NI GNYI GA TSOGS TE'O, ,BDAG LA GOS RUNG BA CIG DUS SU LEGS PAR BSKON CIG CES SMRAS TE ZHES BYA BA NI, SO SO NAS SPAGS PA SLONG BA'I TSIG DE SKAD CES SMRAS TE'O, ,GOS GRUB NA ZHES BYA BA NI GOS THOB NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA SO SO NAS SPAGS PA SLONG PA'I SPANG BA'I 'DI NI SNGAR SPAGS PA SLONG BA'I SPANG BA BSHAD PA'I RNAM PA YIN PAS, MTSAN NYID GZHAN THAMS CAD NI SNGAR SPAGS PA SLONG BA'I SKABS SU BSTAN PA KHO NA BZHIN NO, ,BYE BRAG TU NA SBYIN BAR BYED PA'I SPUNGS KYI BYE BRAG LAS LTUNG BA THA DAD PAR RNAM PAR GZHAG PAR BYA STE, SNGAR SPAGS PA SLONG BA'I SPANG BA NI SBYIN PAR BYED PA KHYIM BDAG DANG KHYIM BDAG GI CHUNG MA GNYI GAS SPYI LA GOS KYI RIN CIG SPAGS PA SBUNGS CHUNG NGU'I BYE BRAG LAS RNAM PAR GZHAG GO, ,'DIR SO SO NAS SPAGS PA SLONG BA'I SPANG BA NI SBYIN PAR BYED PA KHYIM BDAG DANG KHYIM BDAG GI CHUNG MA GNYI GAS SO SO NAS GOS KYI RIN SPAGS PA SPUNGS CHEN PO'I BYE BRAG LAS RNAM PAR GZHAG STE, DE LTAR NA SLONG BA'I SPANG BA DAG, SPAGS PA SLONG BA'I SPANG BA DANG, SO SO NAS SPAGS PA SLONG BA'I SPANG BA LA BYE BRAG 'DI YOD DE SBYIN BDAG GANG YANG RUNG BAS SPAGS KYANG RUNG, MA SPAGS KYANG RUNG BA DE DGE SLONG GIS MI SHES PA SLONG BA NI SLONG BA'I YUL YIN LA, SBYIN BDAG SPUNGS CHUNG NGUS SPYI LA SPAGS PA DGE SLONG LA MA PHUL BA DGE SLONG DES SHES PA SLONG BA NI SPAGS PA SLONG BA'I SPANG BA'I YUL YIN LA, SBYIN BDAG SBUNGS CHEN POS SO SO NAS SPAGS PA DGE SLONG LA MA PHUL BA DGE SLONG DES SHES PA SLONG BA NI SO SO NAS SPAGS PA SLANG BA'I SPANG BA'I YUL YIN NO, ,DE LA 'DIR NI DNGOS GZHI'I LTUNG BA RNAM PAR GZHAG PA NI, DGE SLONG GOS PHROGS PA DANG, BRLAG PA DANG, TSIG PA DANG, RLUNG GIS KHYER BA DANG, CHUS KHYER BAR MA GYUR PA SLONG

BAR MI RIGS PAS SBYIN PAR BYED PA SBUNGS CHE BA MI'I 'GRO BAR GTOGS PA, KHYIM PAR GYUR PA SROG DANG LDAN PA NYE DU MA YIN PA LAS, GOS RUNG BA TSAD DANG LDAN PA LAS MI CHUNG BA SO SO NAS SPAGS PA MA PHUL BAR SHES PA DAG RIN THANG DANG, KHA DOG DANG KHRU TSAD LAS RNAM PA GANG DAG BSLANGS PA DE DAG NYID THOB NA, SO SO NAS SPAGS PA SLONG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI SBYIN PAR BYED PA SBUNGS CHE BA MI'I 'GRO BAR GTOGS PA KHYIM PAR GYUR PA SROG DANG LDAN PA NYE DU MA YIN PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GOS PHROGS PA DANG, BRLAG PA DANG, TSIG PA DANG, RLUNG GIS KHYER BA DANG, CHUS KHYER BAR MA GYUR PA SLONG BAR MI RIGS PA DANG, SBYIN BDAG SBUNGS CHE BA MI'I 'GRO BAR GTOGS PA KHYIM PAR GYUR PA, SROG DANG LDAN PA NYE DU MA YIN PA DANG, GOS RUNG BA TSAD DANG LDAN PA LAS MI CHUNG BA, SO SO NAS SPAGS PA MA PHUL BAR SHES PA DANG, RIN THANG DANG, KHA DOG DANG, KHRU TSAD LAS SO SO NAS SPAGS PA MA PHUL BAR SHES PA RNAM PA GANG BSLANGS PA DANG, DE NYID THOB PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SO SO NAS SPAGS PA SLONG BA'I SPANG BA STE DGU BA'O,, ,,BSKUL BA'I SPANG BA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA, 'OD MA'I TSAL BYA KA LAN DKA'I GNAS NA BZHUGS SO, ,NYE DGA' LA BLO SKYES PA, 'DI DAG THAMS CAD MGON MED ZAS SBYIN GYIS BSLAB PA'I GZHI DAG GIS BSDAM PA BYAS PAS PHYIN CHAD RAS YUG PHRAN SGRE BO YANG SU LA YANG BSLANG BAR MI NUS KYIS, 'DI NA BDAG DANG LHAN CIG YI GE GRVA NA YIG 'BRU'I YI GE DAG SLOB SLOB PA BRAM ZE DBYAR TSUL YOD KYIS DE'I GAN DU SONG STE BLTAS NA, DE LAS CUNG ZAD THOB PO SNYAM NAS DE'I KHYIM DU SONG BA DANG, BRAM ZE DBYAR TSUL GYIS NYE DGA' DBYAR GNAS PA LA K'ARsh'A PA nA DRUG CU DBUL BAR KHAS BLANGS SO, ,DE'I TSE NA BCOM LDAN 'DAS DGE SLONG GI DGE 'DUN GYI 'KHOR DANG BCAS PA KO SA LA DAG TU LJONGS RGYUR GSHEGS PAR CHAS NAS NYE DGA' BRAM ZE DBYAR TSUL GYI GAN DU SONG BA DANG, BRAM ZE

, ,DBYAR TSUL GYIS NYE DGA' GANG DANG GANG DU GNAS PAR, K'ARsh'A PA nA DRUG CU BSKUR BAR BYAS NAS, NYE DGA' YANG BCOM LDAN 'DAS KOS LA DAG TU LJONGS RGYUR GSHEGS PA'I ZHAM 'BRING DU SONG STE, DE NAS BCOM LDAN 'DAS MNYAN YOD DU BYON NAS, MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA GZHUGS SO, ,DE'I TSE NA BRAM ZE DBYAR TSUL GYIS, MNYAN YOD PA'I TSONG PA RGYAL PO'I KHAB TU TSONG LA 'ONGS PA'I PHYIR, MNYAN YOD DU 'GRO BA ZHIG LA, K'ARsh'A PA nA DRUG CU BSKUR TE, NYE DGA' LA PHUL CIG CES BSGO'O, , DE NAS TSONG PA DES DE KHYER TE, MNYAN YOD DU NYE DGA' LA PHUL NAS, NYE DAGS DE SRANG NAS GTZUG LAG KHANG DU KHYER BA'I KHYE'U DAG BRNYAS TE, MTHAR GYIS SPOS 'TSONG GI KHYE'U DAD PA CAN ZHIG GI KHYIM DU GTAMS TE BZHAG GO, ,PHYI DE NANG PAR NYE DGA' DE LEN DU 'ONGS NAS TSONG PA RNAMS KYIS KYANG BDAG CAG LAS GANG NANG PAR SNGAR MI 'DU BAR NYI MA SHAR NA 'ONG BA DE K'ARsh'A PA nA DRUG CUS BCAD PA'I KHRIMS SU BYA BA BCAS TE, DE NAS NYE DAGS SPOS 'TSONG GI KHYE'U DE LA GTAMS PA'I K'ARsh'A PA nA DRUG CU BDAS TE, SPOS 'TSONG GI KHYE'U DE, NYE DGA' LA DE 'BUL BA'I TSE, NYE DAGS RGYA LTA BA LA SOGS PA'I THA SNYAD KYIS BRGYANGS PA NA NYI MA SHAR BAR GYUR NAS, SPOS 'TSONG GI KHYE'U DE TSOGS KYI NANG DU 'DU 'PHYIS PAS, K'ARsh'A PA nA DRUG CUS BCAD NAS DE SMOD PAR BYED, PHYAR KA GTONG BAR BYED KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO; DE NAS BCOM LDAN 'DAS KYIS NOR DAD DANG MI MDZES PA DGAG PAR DGONGS NAS SNGA MA BZHIN DU, DGE SLONG GI PHYIR RGYAL PO 'AM, BLON PO CHEN PO'AM, BRAM ZE'AM, KHYIM BDAG GAM, KHYIM BDAG GI CHUNG MA'AM, GRONG RDAL GYI MI'AM, YUL MI'AM, NOR CAN NAM, TSONG DPON NAM, DED DPON GYI PHO NYA'I LAG TU GOS KYI RIN DAG BSKUR BAR GYUR LA, DE NAS PHO NYA DE GOS KYI RIN DE DAG KHYER NAS DGE SLONG DE GA LA BA DER SONG STE PHYIN NAS, DGE SLONG DE LA 'DI SKAD CES 'PHAGS PA MKHYEN PAR MDZOD CIG, KHYOD LA RGYAL PO'AM, BLON PO CHEN PO'AM,

BRAM ZE'AM, KHYIM BDAG GAM, KHYIM BDAG GI CHUNG MA'AM, GRONG RDAL GYI MI'AM, YUL MI'AM, NOR CAN NAM, TSONG DPON NAM, DED DPON CHE GE MOS GOS KYI RIN 'DI DAG BSKUR GYIS, 'PHAGS PAS THUGS BRTZE BA'I SLAD DU 'DI DAG BZHES SHIG CES ZER NA, DGE SLONG DES PHO NYA DE LA 'DI SKAD CES TSE DANG LDAN PA PHO NYA DGE SLONG DAG NI GOS KYI RIN DAG LEN DU MI RUNG STE, BDAG CAG GOS RUNG BA DUS SU RNYED NA NI LEN TO ZHES BRJOD PAR BYA'O, ,GAL TE PHO NYA DE DGE SLONG DE LA 'DI SKAD CES, 'PHAGS PA RNAMS KYIS ZHAL TA BGYID PA 'PHAGS PA RNAMS KYIS ZHAL TA NYAMS SU LEN PA GANG LAGS PA 'GA' MCHIS SAM ZHES ZER NA, DGE SLONG GOS 'DOD PAS PHO NYA 'DI NI, DGE SLONG RNAMS KYI ZHAL TA BYED PA STE, 'DI NI DGE SLONG RNAMS KYI ZHAL TA NYAMS SU LEN BA'O ZHES KUN DGA' RA BA'AM, DGE BSNYEN ZHAL TA BYED PA BSTAN PAR BYA'O, ,DE NAS PHO NYA DES GOS KYI RIN DE DAG KHYER NAS ZHAL TA BYED PA GA LA BA DER 'GRO BAR BYA ZHING, PHYIN NAS ZHAL TA BYED PA DE LA 'DI SKAD CES, TSE DANG LDAN PA ZHAL TA BYED PA SHES PAR GYIS SHIG, KHYOD KYIS GOS KYI RIN 'DI DAG GIS GOS 'DI DANG 'DI LTA BU ZHIG NYOS LA, DGE SLONG MING 'DI ZHES BYA BA 'ONGS DANG, DE LA GOS RUNG BA DUS SU BSKON CIG CES BRJOD PAR BYA'O, ,DE NAS PHO NYA DE ZHAL TA BYED PA DE LA SHIN TU LEGS PAR YANG DAG PAR BSGO ZHING YANG DAG PAR BSTAN NAS, DGE SLONG GA LA BA DER 'GRO BAR BYA ZHING PHYIN NAS, DGE SLONG DE LA 'DI SKAD CES 'PHAGS PAS ZHAL TA BGYID PA BSTAN PA GANG LAGS PA DE LAS BDAG GIS YANG DAG PAR BSTAN LAGS KYIS, DE'I GAN DU BZHUD CIG DANG DES KHYED LA GOS RUNG BA DUS SU BSKON PAR 'GYUR RO ZHES BRJOD PAR BYA'O, ,DGE SLONG GOS 'DOD PAS ZHAL TA BYED PA'I GAN DU SONG LA, TSE DANG LDAN PA ZHAL TA BYED PA BDAG GOS 'DOD DO, ,TSE DANG LDAN PA ZHAL TA BYED PA BDAG GOS 'DOD DO ZHES LAN GNYIS LAN GSUM DU BSKUL BAR BYA DRAN PAR BYA'O, ,LAN GNYIS LAN GSUM DU BSKUL ZHING DRAN PAR BYAS PA NA GAL TE GOS DE GRUB NA DE LTA NA LEGS,

, ,GAL TE MA GRUB NA LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PAR BYA'O, ,LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PA NA, GAL TE GOS DE GRUB NA DE LTA NA LAGS, GAL TE MA GRUB NA DE'I 'OG TO GOS BSGRUB PA'I PHYIR BTZAL TE, GOS GRUB NA SPANG BA'I LTUNG BYED DO, ,GAL TE MA GRUB NA PHYOGS GANG NAS GOS KYI RIN DE DAG 'ONGS PA DER BDAG 'GRO BAR BYA'O, ,YANG NA YID BRTAN PA'I PHO NYA LAS TSE DANG LDAN PA DAG GIS DGE SLONG CHE GE MO'I PHYIR GOS KYI RIN GANG DAG BSKUR BA DE DAG NI DGE SLONG DE'I DON CIR YANG MA GRUB KYIS SHES PAR GYIS SHIG, TSE DANG LDAN PA DAG GI RANG GI NOR CHUD MA GSAN CIG CES SPRING BAR BYA STE, DE LA DE NI CHO GA YIN NO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI NOR DANG, NYES PA NI MI MDZES PA'O, ,DE LA DGE SLONG GI PHYIR ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'I PHYIR RO, ,RGYAL PO'AM ZHES BYA BA NI, 'DI LTA STE, BUD MED RGYAL SRID LA DBANG BSKUR BAS DBANG BSKUR BAR GYUR NA DE YANG RGYAL PO RGYAL RIGS SPYI BOR DBANG BSKUR BA YIN LA, RGYAL RIGS DANG, BRAM ZE DANG, RJE'U RIGS DANG, DMANGS RIGS RGYAL SRID LA DBANG BSKUR BAS DBANG BSKUR BAR GYUR NA, DE YANG RGYAL PO RGYAL RIGS SPYI BOR DBANG BSKUR BA YIN NO, ,BLON PO CHEN PO'AM ZHES BYA BA NI RGYAL PO LAS GZHAN PA BLON PO DANG, RTZIS MKHAN DANG, SNA CHEN PO LA GTOGS PA RGYAL SRID BYED PA GSANG TSIG MTHUN PAS 'TSO BA GANG DAG RGYAL PO LA BRTEN NAS 'TSO BAR BYED PA DAG GO, ,BRAM ZE'AM ZHES BYA BA NI, BRAM ZE'AM GTZANG SBRA CAN NO, ,KHYIM BDAG GAM ZHES BYA BA NI, KHYIM BDAG PHYUG PO'I, ,GRONG RDAL GYI MI'AM ZHES BYA BA NI GRONG KHYER MI'O, ,YUL MI 'AM ZHES BYA BA NI YUL GYI MI'O, ,NOR CAN NAM ZHES BYA BA NI BYE BAS BYUG PA'O, ,TSONG DPON NAM ZHES BYA BA NI, COD PA NI BCINGS PA'O, ,DED DPON GYIS ZHES BYA BA NI GANG GIS LAN GNYIS LAN GSUM 'DON PA DON MTHUN BDAS PAR GYUR BAS SO,,

PHO NYA'I LAG TU ZHES BYA BA NI SKYES PA DANG, BUD MED DANG, MA NING GI LAG TU 'O, ,GOS KYI RIN DAG CES BYA BA NI, GSER RAM DNGUL DAG BSKUR BAR GYUR LA ZHES BYA BA NI BSRING BAR GYUR PA LA'O, ,DE NAS PHO NYA DE GOS KYI RIN DE DAG KHYER NAS, DGE SLONG GA LA BA DER SONG STE PHYIN NAS, DGE SLONG DE LA 'DI SKAD CES 'PHAGS PA MKHYEN PAR MDZOD CIG, KHYOD LA RGYAL PO'AM, BLON PO CHEN PO 'AM, BRAM ZE'AM, KHYIM BDAG GAM, KHYIM BDAG GI CHUNG MA'AM, GRONG RDAL GYI MI'AM, YUL MI'AM, NOR CAN NAM, TSONG DPON NAM, DED DPON TSE GE MOS GOS KYI RIN 'DI DAG BSKUR GYIS, 'PHAGS PAS THUGS BRTZE BA'I SLAD DU 'DI DAG BZHES SHIG CES ZER NA ZHES BYA BA NI PHO NYA DGE SLONG DAG LA SBYIN BDAG GIS GOS KYI RIN BSKUR BA DAG PHUL NAS PHRIN DE SKAD CES SMRAS NA'O, ,DGE SLONG DES PHO NYA DE LA 'DI SKAD CHES TSE DANG LDAN PA PHO NYA DGE SLONG DAG GI NI GOS KYI RIN DAG LEN DU MI RUNG STE, BDAG CAG GOS RUNG BA DUS SU RNYED NA NI LEN TO ZHES BRJOD PAR BYA'O ZHES BYA BA NI, DGE SLONG DAG DNGOS PO MI RUNG BAR RUNG BAR MA BYAS PA DAG MI LEN PA DANG, GOS RUNG BA DUS SU RNYED PA LEN DU RUNG BA'I TSUL GO BAR BYAS TE GOS KYI RIN DAG NI GSER DANG DNGUL LA SOGS PA MI RUNG BA RUNG BAR MA BYAS PA DAG GO, ,GOS RUNG BA NI SPYAD BZOD BA DAG GO, ,DUS SU RNYED PA NI GOS BGED PA'I DUS SU, SLONG BAR RIGS PA'I DUS DANG, BSTABS PA'I DUS SU RNYED PA'O, ,LEN TO ZHES BYA BA NI BDAG GIR BYED DO ZHES BYA BA STE, DE SKAD CES BRJOD BAR BYA'O, ,GAL TE PHO NYA DE DGE SLONG DE LA 'DI SKAD CES 'PHAGS PA RNAMS KYI ZHAL TA BGYID PA, 'PHAGS PA RNAMS GYI ZHAL TE NYAMS SU LEN PA GANG LAGS PA 'GA' MCHIS SAM ZHES ZER NA ZHES BYA BA NI PHO NYA DAG SLONG RNAMS KYI RUNG BAR BYED PA SU YOD CES BRTAG PA STE, ZHAL TA BGYID PA ZHES BYA BA DAG LA ZHAL TA NYAMS SU LEN PA ZHES BYA BA NI BSNAN PA'I TSIG STE, GZHI GCIG TU BSDU'O, ,DGE SLONG GIS GOS 'DOD PAS PHO NYA 'DI NI DGE SLONG RNAMS KYI ZHAL TA BYED PA STE,

, ,'DI NI DGE SLONG RNAMS KYI ZHAL TA NYAMS SU LEN PA'O ZHES KUN DGA' RA BA PA'AM, DGE BSNYEN ZHAL TA BYED PA BSTAN PAR BYA'O ZHES BYA BA NI DGE SLONG GIS DGE SLONG RNAMS KYI RUNG BAR BYED PA BSTAN PA STE, DGE SLONG GOS 'DOD PA ZHES BYA BA NI, GAL TE GOS DON DU GNYER BAS SO, ,KUN DGA' RA BA PA ZHES BYA BA DANG, DGE BSNYEN ZHAL TA BYED PA ZHES BYA BA NI GZHI THA DAD DE, GNYI GA YANG ZHAL TA BYED PA DANG, ZHAL TA NYAMS SU LEN PA YIN PAR SBYAR RO, ,DE LA KUN DGA' RA BA PA ZHES BYA BA NI, RUNG BA BYED PA STE, LHA 'BANGS DANG RTZE RGOD LA SOGS PA'O, ,DGE BSNYEN ZHES BYA BA NI GSUM LA SKYABS SU SONG BA BSLAB PA'I GZHI LNGA BLANGS PA STE, DGE SLONG GI 'KHOR DU GTOGS PA'O, ,DE NAS PHO NYA DES GOS KYI RIN DE DAG KHYER NAS, ZHAL TA BYED PA DE GA LA BA DER 'GRO BAR BYA ZHING PHYIN NAS ZHAL TA BYED PA DE LA, 'DI SKAD CES TSE DANG LDAN PA ZHAL TA BYED PA SHES PAR GYIS SHIG ,KHYOD KYIS GOS KYI RIN 'DI DAG GIS GOS 'DI DANG 'DI LTA BU ZHIG NYOS LA, DGE SLONG MING 'DI ZHES BYA BA 'ONGS DANG DE LA GOS RUNG BA DUS SU BSKON CIG CES BRJOD PAR BYA'O ZHES BYA BA NI, PHO NYAS GOS KYI RI NA DAG ZHAL TA BYED PA LA GTAD CING, DE DAG GOS RUNG BAR SGYUR LA DGE SLONG DE LA DUS SU PHUL CIG CES GTAMS SHING RJES SU BSTAN PA'I TSIG YIN NO, ,DE NAS PHO NYA DES ZHAL TA BYED PA DE LA, SHIN TU LEGS PAR YANG DAG PAR BSGO ZHING YANG DAG PAR BSTAN NAS DGE SLONG DE GA LA BA DER 'GRO BAR BYA ZHING PHYIN NAS, DGE SLONG DE LA 'DI SKAD CES 'PHAGS PAS ZHAL TA BGYID BA BSTAN PA GANG LAGS PA DE LA BDAG GIS YANG DAG PAR BSTAN LAGS KYIS, DE'I GAN DU BZHUD CIG DANG, DES KHYOD LA GOS RUNG BA DUS SU BSKON PAR 'GYUR RO ZHES BRJOD PAR BYA'O ZHES BYA BA NI, YID GCUGS PA'I TSIG GIS SNGAR MNGON SUM GTUGS PA'I DON GYI PHYIR RJES SU GO BAR BYA BA'I TSIG YIN NO, ,DGE SLONG GOS 'DOD PAS ZHAL TA BYED PA'I GAN DU SONG LA, TSE DANG LDAN PA ZHAL TA BYED PA BDAG GOS 'DOD DO, ,TSE DANG

LDAN PA ZHAL TA BYED PA BDAG GOS 'DOD DO ZHES LAN GNYIS LAN GSUM DU BSKUL BAR BYA, DRAN PAR BYA'O ZHES BYA BA NI DGE SLONG GIS 'JIG RTEN DANG MI 'GAL BA DANG, 'DUL BA DANG MI 'GAL BAR BYA BA'I TSUL BSTAN PA STE, LAN CIG GIS GRUB NA GNYIS BYA MI DGOS, GNYIS PAS GRUB NA GSUM BYA MI DGOS, GNYIS PAS MA GRUB NA GSUM PA YANG BYA STE, RE ZHIG DE DAG NI DUS DANG POR BYA BA YIN NO, ,LAN GNYIS LAN GSUM DU BSKUL ZHING DRAN PAR BYAS PA NA, GAL TE GOS DE GRUB NA DE LTA NA LEGS ZHES BYA BA NI DE LTA NA BZANG BA STE, SBYIN BDAG DANG PHO NYA DANG ZHAL TA BYED PA LA YANG BTANG BA LAS BYUNG BA DANG, YONGS SU LONGS SPYAD PA LAS BYUNG BA'I BSOD NAMS BYA BA'I GZHI 'PHEL BAR 'GYUR LA, DGE SLONG LA YANG 'JIG RTEN DANG 'GAL BA DANG, 'DUL BA DANG 'GAL BA'I NYES PA MED PA'I PHYIR RO, ,GAL TE MA GRUB NA LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PAR BYA'O ZHES BYA BA NI DGE SLONG GIS 'JIG RTEN DANG MI 'GAL BA DANG, 'DUL BA DANG MI 'GAL BAR SPYAD PA'I CHO GA YIN NO, ,PHYOGS SU ZHES BYA BA NI PHYOGS BZHI PO DAG STE, PHYOGS BZHI PO DAG GANG ZHE NA, 'BOD GNAS DANG, KHYIM GNAS DANG, LAS KYI MTHA' DANG, LAS KYI GNAS DAG GO, ,DE LA 'BOD GNAS NI, RDZA MKHAN GYI GNAS DANG 'DREG MKHAN GYI GNAS SO, ,KHYIM GNAS NI KHYIM GYI GNAS SAM CHU'I GNAS SO, ,LAS KYI MTHA' NI BU RAM SHING GI LAS KYI MTHA' DANG, 'BRAS S'A LU'I LAS KYI MTHA' DANG, LAN TSVA'I LAS KYI MTHA' DAG GO, ,LAS KYI GNAS NI TSONG KHANG DANG, TSONG RDAL LO, ,CANG MI SMRA BAR BSDAD PAR BYA'O ZHES BYA BA NI BSKUL BA'I SGO DRUG PO DAG GIS TE, BSKUL BA'I SGO DRUG PO DAG GANG ZHE NA KHYOD 'ONGS SAM ZHES ZER BAL DE'I PHYIR RO ZER BA DANG, 'ONGS PA LEGS SO ZHES ZER BA LA DE'I PHYIR RO ZHES BYA BA DANG, STAN 'DI LA 'DUG SHIG CES ZER BA LA DE'I PHYIR RO ZHES BYA BA DANG, RKANG PA KHRUS SHIG CES ZER BA LA DE'I PHYIR RO ZHES ZER BA DANG, BCA' BA DANG BZA' BA ZO SHIG CES ZER BA LA DE'I

, ,PHYIR RO ZHES ZER BA DANG, BTUNG BA 'THUNG SHIG CES ZER BA LA DE'I PHYIR RO ZHES BYA BA'O, ,BSKUL BA'I SGO DRUG PO DAG HA CANG MYUR BA DANG, THOGS PA MED PAR BRJOD CING DE LA GZHAN GYI TSIG GI SKABS MED PAR BYED NA BSKUL BA'I SGO DRUG PO DAG YONGS SU MA RDZOGS PA YIN PAR RIG PAR BYA'O, ,BSKUL BA'I SGO DRUG PO DE DAG HA CANG MI MYUR BA DANG, THOGS PA DANG BCAS PAR BRJOD CING DE LA GZHAN GYI TSIG GI SKABS YOD PAR BYED NA, BSKUL BA'I SGO DRUG PO DAG YONGS SU RDZOGS PA YIN PAR RIG PAR BYA'O, , LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PA NA, GAL TE GOS DE GRUB NA DE LTA NA LEGS ZHES BYA BA NI, DGE SLONG LA 'DUL BA DANG 'GAL BA'I KHA NA MTHO BA'I DNGOS GZHI DANG, SBYOR BA DANG, SBYOR BA'I SBYOR BA'I LTUNG BA YANG MED LA, SBYIN BDAG DANG, PHO NYA DANG, ZHAL TA BDAG LA YANG BTANG BA LAS BYUNG BA DANG, YONGS SU LONGS SPYAD PA LA BYUNG BA'I BSOD NAMS BYA BA'I GZHI 'PHEL BAR 'GYUR BA'I PHYIR RO, ,GAL TE MA GRUB NA DE'I 'OG TU BSGRUB PA'I PHYIR BRTZAL TE GOS GRUB NA SPANG BA'I LTUNG BYED DO ZHES BYA BA NI LTUNG PA 'DI'I BYED PA PO YIN TE, DE'I 'OG TU ZHES BYA BA NI DE'I 'OG ROL DU'O, ,GOS BSGRUB PA'I PHYIR BRTZAL TE ZHES BYA BA NI 'JIG RTEN DANG 'GAL BA DANG, 'DUL BA DANG 'GAL BA'I 'DZEM PA SPANGS NAS SO, ,GOS GRUB NA ZHES BYA BA NI THOB NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DA NI DUS DANG POR BYA BA DANG, LTUNG BA MED PAR BYA BA'I CHO GA SDAR BSTAN PA DE DAG LA TSUL BZHIN DU GNAS PA'I DGE SLONG BSLAB PA'I GZHI 'DI'I LTUNG BA MA BYUNG BAS SBYIN BDAG DANG, PHO NYA DANG, DGE SLONG RANG NYID KYI 'DOD PA BZHIN MA GRUB PAR ZHAL TA BYED PAS, 'JIG RTEN 'DI DANG PHA ROL GYI DON LA MA GZEMS PAR SPYI MTHUN GYI RDZAS DANG, BSOD NAMS BAR DU BRNOGS PA LA DGE SLONG GIS CHOS BZHIN DU BSGRUB PA'I CHO GA BSTAN PAR BYA STE,

GAL TE MA GRUB NA, GANG NAS GOS KYI RIN DE DAG 'ONGS PA DER BDAG 'GRO BAR BYA'O ZHES BYA BA NI, DGE SLONG BDAG NYID SBYIN BDAG GI DRUNG DU BRDA SPRAD DU 'GRO BAR BYA'O, ,YANG NA YID BRTAN PA'I PHO NYA LAS TSE DANG LDAN PA DAG GIS, DGE SLONG CHE GE MO'I PHYIR GOS GYI RIN GANG DAG BSKUR BA DE DAG NI DGE SLONG DE'I DON CIR YANG MA GRUB KYIS SHES PAR GYIS SHIG ,TSE DANG LDAN PA DAG GIS RANG GIS NOR CHUD MA GSAN CIG CES SPRING BAR BYA STE ZHES BYA BA NI YANG NA LHAN CIG GNAS PA'AM, NYE GNAS LAS DE SKAD SPRING BAR BYA STE, DE LA DE NI CHO GA YIN NO ZHES BYA BA NI SKABS DE LA THABS DE LTAR BYA BA DE NI 'JIG RTEN DANG MI 'GAL BA DANG, 'DUL BA DANG MI 'GAL BA'I RJES SU MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAMS PAR GZHAG PA NI, DGE SLONG GIS SBYIN BDAG MI'I 'GRO BAR GTOGS PA KHYIM PAR GYUR PAS GOS KYI RIN GSER DNGUL LA SOGS PA RUNG BA MA YIN PA PHO NYA MI'I 'GRO BAR GTOGS PA KHYIM PAR GYUR PA LAS BSKUR BA SPANGS NAS, PHO NYAS DGE SLONG GI ZHAL TA BYED PA MI'I 'GRO BAR GTOGS PA KHYIM PAR GYUR PA DRIS SHING, DGE SLONG GIS BSTAN PA LA PHO NYAS BSGO ZHING SMRAS TE, DGE SLONG LA YANG BRJOD PA'I ZHAL TA BYED PA DE LA BSKUL PA LAN GSUM DANG BSDAD PA LAN GSUM LAS LHAG GAM SBYIN BDAG GI SEMS BSDU BAR RJES SU BSKUR PAR KHAS MA BLANGS PA LAS GOS BLANGS NA BSGRUB PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED BA PO NI SBYIN BDAG DANG, PHO NYA DANG, ZHAL TA BYED PA GSUM CHAR MI NYID DANG, KHYIM PA NYID YIN PA DANG, BSKUL BA DANG, BSDAD PA LHAG PA DANG, SBYIN BAR BYED PA'I SEMS BSDU BAR RJES SU BSGRUB PA KHAS MA BLANGS PA'O, ,'DI LA YAN LAG LDAS DNGOS GZHI'I LTUNG BAR 'GYUR TE, SBYIN BDAG DANG, PHO NYA DANG, ZHAL TA BYED PA GSUM CHAR MI NYID DANG, KHYIM PA NYID YIN PA DANG, GOS KYI RIN RUNG BA MA YIN PA SPANGS PA DANG, BSKUL BA DANG BSDAD PA LHAG PA DANG, SBYIN PAR BYED PA'I SEMS BSDU BAR RJES SU BSGRUB PAR KHAS MA BLANGS PA DANG, GOS BLANGS PA'O, ,DE DAG LAS YAN LAG MA TSANG NA CI REGS PAR NA

, ,SMAD DO, ,BSKUR BA'I SPANG BA STE BCU PA'O,, ,,SDOM LA, SRIN BAL 'BA' ZHIG CHA GNYIS DANG, DRUG DANG MTHO GANG LAM DANG NI, ,'KHRU BA DANG NI GSER DNGUL DANG, ,MNGON MTSAN CAN DANG NYO TSONG NGO, ,ZHES BYA BA NI BCU PA GNYIS PA YIN TE, SDOM LA ZHES BYA BA'I DGOS PA DANG TSIG GI DON NI SNGA MA BZHIN NO, ,BCU PA GNYIS PA 'DIS KYANG SPANG BA'I LTUNG BYED KYI CHOS BCU BSTAN TE, SRIN BAL DANG, BAL NAG PO 'BA' ZHIG DANG, CHA GNYIS BSRE BA DANG, LO DRUG TU BCANG BA DANG, MTHO GANG DANG, BAL THOGS PA DANG, BAL RMEL DU 'JUG PA DANG, GSER DNGUL LA REG PA DANG, MNGON MTSAN CAN GYI SPYOD PA DANG, NYO TSONG BYED PA'O, ,DE DAG KYANG STEN DANG, DE'I RGYU DANG, NYO TSONG BYED PA LA SHIN TU CHAGS PA'I NYON MONGS PA'I GZHI'I DBANG DU BYAS NAS GLENG GZHI LNGA DANG, GSUM DANG, GNYIS RIM BZHIN DU SPYAR BAR BYA'O, ,DE LA SRIN BAL GYI SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DAG SRIN BAL GYI STAN SAR PA BYED PA DANG, BYED DU 'JUG STE, SRIN BAL DKON ZHING RIN CHE BAS BYA BA MANG BA DANG BYED PA MANG BAR GYUR CING LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHIG GNAS KYANG GTONG BAR BYED, SRIN BAL 'DOD PA DANG, SRIN BAL GYI DON NYID DU 'ONGS BA DAG, BRAM ZE DANG KHYIM BDAG RNAMS LA YANG DAG YANG DU RIG PAR BYED NAS, GZHAN MU STEGS CAN DAG, ,SHES LDAN DAG, SH'A KYA'I BU'I DGE SBYONG 'DI DAG NI SROG GCOD BAR BYED PA DAG STE, SROG GCOD PA LA LAS MA LOG, MA SPANGS, SO SOR MA SPANGS PA STE, DES NA SRIN BAL GYI STAN SAR PA BYED PA DANG, BYED DU 'JUG STE, DE DAG SRIN BAL GYI STAN SAR PA BYED PA DANG, BYED DU 'JUG PAS SRIN BAL LAS 'BYUNG BA'I SRIN BU SROG CHAGS MANG PO'I CHOGS BSGRUB CING SROG GCOD PAR BYED DE, SU ZHIG DGE SBYONG MGO REG 'DI DAG LA BSOD SNYOMS SBYIN PA DANG, BYA BAR SEMS ZHES SMOD PAR BYED, PHYAR KA GTONG BAR BYED,

KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SRIN BAL GYI STAN SAR PA BYED NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI 'DOD ZHE NA, NYES PA NI SRIN BAL GYI STAN SAR PA BYED PA'O, ,DE LA YANG DGE SLONG GANG ZHES BYA BA NI CHOS 'DI PA'O, ,SRIN BAL GYI ZHES BYA BA NI, DAR GYI SRIN BU LAS BYUNG BA'I SRIN BAL GYI'O, ,STAN ZHES BYA BA NI STAN GNYIS TE, NANG TSANGS CAN DANG, BLINGS PA'O, ,DON 'DIR NI GNYIS KA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR BA DANG, RNYED PAS SAR PA'O, ,DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI, BDAG NYID KYIS BYED DAM GZHAN BYED DU 'JUG NA'O, SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SRIN BAL SAR PA'I CHUN PO DANG, 'DA' BA DANG, PHUNG PO LAS STAN NANG TSANGS CAN NAM, BLINGS PA RANG GIS BYAS SAM, GZHAN BYED DU BCUG PA DANG, DANG PO BKRAM PA NYID KYI TSE SRIN BAL GYI SPANG BA'I LTUNG BYED GYI DNGOS GZHIR 'GYUR RO, ,'DI'I BYED PA PO NI SRIN BAL SAR PA'I STAN NANG TSANGS CAN DANG, BLINGS PA TSAD DANG LDAN PA DANG, DE BAS LHAG PA BYED PA NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, SRIN BAL DANG, SAR PA DANG, STAN DANG, BYAS PA DANG, BYED PA MTHAR THUG PA'I DANG PO BKRAM PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,SRIN BAL GYI SPANG BA STE BCU GCIG PA'O,, ,,BAL NAG PO 'BA' ZHIG GI SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DAG BAL NAG PO 'BA' ZHIG GI STAN SAR PA BYED PA DANG, BYED DU 'JUG STE, BAL NAG PO 'BA' ZHIG NI DKON ZHING RIN CHE BAS BYA BA MANG BA DANG, BYED

, ,PA MANG BAR GYUR CING, LUNG MNOD PA DANG, KLAG PA DANG KHA TON DANG, RNAL 'BYOR DANG, YID LA BYA BA DANG, NANG GIS MES KYI ZHI GNAS KYANG GTONG BAR BYED, BAL NAG PO 'BA' ZHIG 'DOD PA DANG, BAL NAG PO 'BA' ZHIG GI DON DU 'ONGS PA DANG, BRAM ZE DANG KHYIM BDAG RNAMS LA YANG DANG YANG RU RIG PAR BYED NAS, DGE SLONG DON NYUNG DU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU YANG DGE SLONG GANG LUG BAL NAG PO 'BA' ZHIG GI STAN SAR PA BYED NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI 'DOD ZHEN, NYES PA NI LUG BAL NAG PO 'BA' ZHIG GI STAN SAR PA BYED PA'O, , DE LA YANG DGE SLONG GANG ZHES BYA BA NI CHOS 'DI PA'O, ,LUG BAL ZHES BYA BA NI LUG GI BAL LO, ,NAG PO 'BA' ZHIG GI ZHES BYA BA NI NAG PO BZHI STE, RANG BZHIN GYIS GNAG PA DANG, SNGO BAS GNAG PA DANG, 'DAM KHA DANG, KHAM PA'O, ,STAN ZHES BYA BA NI STAN GNYIS TE, NANG TSANGS CAN DANG, BLINGS PA'O, ,DON 'DIR NI BLINGS PA YIN PANG DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA'O, ,DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI, BDAG NYID KYIS BYED DAM, GZHAN BYED DU 'JUG NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA BAL NAG PO 'BA' ZHIG GI SPANG BA'I DANG, SNGAR SRIN BAL GYI SPANG BA'I RNAM PA BSTAN PA'I GNAS SKABS THAMS CAD 'DRA STE, KHYAD PAR DU NA SNGAR SRIN BAL ZHES BYA BA DE'I GNAS SU, ,'DIR BAL NAG PO 'BA' ZHIG CES BYA BA'I MING GZHAN BRJOD PAR BYA STE, DE'I PHYIR LUG BAL NAG PO 'BA' ZHIG CES BYA BA GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS LUG BAL NAG PO SAR PA 'BA' ZHIG GI CHUN PO DANG, 'DA' BA DANG, PHUNG PO LAS

STAN BLINGS PAR RANG GIS BYAS SAM, GZHAN BYED DU BCUG NA DANG PO BKRAM PA NYID KYI TSE NA, BAL NAG PO 'BA' ZHIG GI SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, LUG BAL NAG PO SAR PA 'BA' ZHIG GI STAN BLINGS PA TSAD DANG LDAN PA DANG, DE BAS LHAG PA BYED PA NYID DO, ,'DI LA YANG LAG LNGAS DNGOS GZHI'I LTUNG BAR 'GYUR TE, LUG BAL NAG PO 'BA' ZHIG DANG, SAR PA DANG, STAN DANG, BYAS PA DANG, BYED PA MTHAR THUG PA'I DNGOS PO BKRAM PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,BAL NAG PO 'BA' ZHIG GI SPANG BA STE BCU GNYIS PA'O,, ,,SO SOR THAR PA'I MDO'I GZHUNG 'GREL, ,BAM PO BDUN PA, ,CHA GNYIS BSRE BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG GIS LUG BAL NAG PO 'BA' ZHIG GIS STAN SAR PA MI BYA'O ZHES BKA' STZAL PAS, DE DAG BAL DKAR PO DANG 'KHOB BAL CUNG ZHIG BCUG NAS, LUG BAL NAG PO 'BA' ZHIG GIS STAN SAR PA BYED PA DANG, BYED DU 'JUD DE, DES DE DAG KYANG BYA BA MANG PO DANG, BYED PA MANG BAR GYUR CING, LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED, DE 'DOD PA DANG DE'I DON NYID DU 'ONGS BA DAG BRAM ZE DANG KHYIM BDAG RNAMS LA, YANG DANG YANG DU RIG PAR BYED NAS, DGE SLONG DON NYUNG DU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS STAN SAR PA BYED NA CHA GNYIS NI LUG BAL NAG PO 'BA' ZHIG LAS GZHUG PAR BYA, GSUM PA NI DKAR PO LAS, BZHI PA NI 'KHOB BAL LAS GZHUG PAR BYA'O, ,GAL TE DGE SLONG GIS CHA GNYIS LUG BAL NAG PO 'BA' ZHIG LAS MA BCUG GAM, GSUM BA DKAR PO LAS, BZHI PA

, ,'KHOB BAL LAS MA BCUG PAR STAN SAR PA BYED NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI 'DOD ZHEN, NYES PA NI BAL DKAR PO DANG 'KHOB BAL CUNG ZHIG BCUG NAS LUG BAL NAG PO 'BA' ZHIG GIS STAN SAR PA BYED PA'O, ,DE LA DGE SLONG GIS ZHES BYA BA NI CHOS 'DI PAS SO, ,STAN ZHES BYA BA NI STAN GNYIS TE, NANG TSANGS CAN DANG, BLINGS PA'O, ,DON 'DIR NI BLINGS PA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA'O, ,DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS BYED DAM GZHAN BYED DU 'JUG NA'O, ,CHA GNYIS NI LUG BAL NAG PO 'BA' ZHIG LAS GZHUG PAR BYA ZHES BYA BA LA CHA GNYIS ZHES BYA BA NI RANGS PA GCIG LA BZHI CHA BZHIR GSHAGS PA'I BZHI CHA GNYIS TE PHYED DO, ,LUG BAL ZHES BYA BA NI LUG GI BAL LO, ,NAG PO 'BA' ZHIG LAS ZHES BYA BA NI NAG PO BZHI STE, RANG BZHIN GYIS GNAG PA DANG, SDOM BAS GNAG PA DANG, 'DAM KHA DANG, KHAM PA STE DE LAS SO, ,GZHUG PAR BYA ZHES BYA BA NI BSRE BAR BYA BA'O, ,GSUM PA NI DKAR PO LAS ZHES BYA BA LA, GSUM PA ZHES BYA BA NI RANGS PA GCIG LA BZHI CHA BZHIR BSRES PA'I BZHI CHA BZHIR BSRES PA'I BZHI CHA GSUM PA STE, BZHI CHA GCIG GO, ,DKAR PO ZHES BYA BA NI GLO'I BAL DANG, RGYAB KYI BAL DANG, GNYA' BA'I BAL TE DE LAS SO, ,BZHI PA NI 'KHOB BAL LAS GZHUG PAR BYA'O ZHES BYA BA LA, BZHI PA ZHES BYA BA NI, RANGS PA GCIG LA BZHI CHA BZHIR BSRES PA'I BZHI CHA BZHI PA STE BZHI CHA GCIG GO, ,'KHOB BAL ZHES BYA BA NI, RKANG PA'I BAL DANG, MGO'I BAL DANG, LTO BA'I BAL TE DE LAS SO, ,GZHUG PAR BYA'O ZHES BYA BA NI BSRE BAR BYA BA'O, ,DE LTAR NA STAN RANGS PA GCIG GI RGYU'I PHYE NI LUG BAL NAG PO, BZHI CHA NI DKAR PO, BZHI CHA NI 'KHOB BAL LAS SPYIR BSRES TE BLING BAR BYA'I, STAN PHYED NAG PO, ,BZHI CHA DKAR PO,

BZHI CHA 'KHOB BAL GYI KHA DOG LAS KHRA BOR BYA BA NI MA YIN NO, ,GAL TE DGE SLONG GIS CHA GNYIS LUG BAL NAG PO 'BA' ZHIG LAS MA BCUG GAM, GSUM PA DKAR PO LAS BZHI BA 'KHOB BAL MA BCUG PAR ZHES BYA BA NI MA BSRES PAR RO, ,STAN SAR BA BYED NA ZHES BYA BA NI STAN BLINGS PA GSAR PAS SAR PA BDAG NYID KYIS BYED DAM GZHAN BYED DU 'JUD NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,CHA GNYIS BSRE BA'I SPANG BA 'DI DANG, SNGAR SRIN BAL GYI SPANG BA DANG, BLA NAG PO 'BA' ZHIG GI SPANG BA'I RNAM PA BSTAN PA'I GNAS SKABS NGANG 'DRA STE, KHYAD PAR DU NI SNGAR SRIN BAL ZHES BYA BA DANG, BAL NAG PO 'BA' ZHIG CES BYA BA DE'I GNAS SU 'DIR CHA GNYIS BSRES ZHES BYA BA'I MING GZHAN BRJOD PAR BYA STE, DE'I PHYIR LUG BAL NAG PO DE DAG PHYED PAS LHAG PA NYID NA'O ZHES BYA BA GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS STAN SAR PA BYED NA PHYED NI LUG BAL NAG PO, BZHI CHA GCIG NI DKAR PO, BZHI CHA GCIG NI 'KHOB BAL GZHUG PAR GSUNGS PA'I SRANG TSAD LAS LUG BAL NAG PO DAG PHYED LAS LHAG PA NYID LAS STAN BLINGS PA GSAR PAS SAR PA RANG GIS BYAS SAM, GZHAN BYED DU BCUG NA, DANG PO BKRAM PA NYID KYI TSE NA CHA GNYIS BSRE BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, YUL GANG NA LUG BAL NAG PO DKON ZHING RIN CHE BA LUG BAL NAG PO SAR PA PHYED PAS LHAG PA NYID KYIS STAN TSAD DANG LDAN PA DANG, DE LAS LHAG PA BYED PA NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, LUG BAL NAG PO DAG PHYED PAS LHAG PA NYID DANG, SAR PA DANG, STAN DANG, BYAS PA DANG, BYED PA MTHAR THUG PA'I DANG PO BKRAM PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,CHA GNYIS BSRE BA'I SPANG BA STE BCU GSUM PA'O,, ,,LO DRUG TU BCANG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I

, ,TSE NA DGE SLONG RNAMS LA STAN MANG BA NYID 'DI LTA BU 'DI BYUNG BAR GYUR TE, DE DAG STAN 'DI NI HA CANG RINGS SO, ,'DI NI HA CANG THUNGS SO, ,'DI NI HA CANG DOG GO, ,'DI NI HA CANG KYANG YANGS SO, ,'DI NI THAMS CAD KYI THAMS CAD DU BUG RDOL DANG, SHA ZAD PA DANG, BCOS PA DKA' BA NYID YIN NO ZHES DE BOR NAS GZHAN BYED DU 'JUG PAS DGE SLONG DE DAG STAN BYAS SHING 'DOR BA NA BYA BA MA MANG BA DANG BYED PA MANG BAR GYUR CING, LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED NAS, DGE SLONG DON NYUNG NGU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS STAN SAR PA BYED NA MI 'DOD BZHIN DU LO DRUG TU BCANG BAR BYA'O, ,GAL TE DGE SLONG GIS LO DRUG TSUN CHAD STAN RNYING PA DE SPANGS KYANG RUNG, MA SPANGS KYANG RUNG STAN SAR PA GZHAN BYED NA DGE 'DUN GYIS GNANG BA MA GTOGS TE, SPANG BA'I LTUNG BYED DO ZHES BCA' BA MDZAD DO, ,YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI 'DOD ZHE NA, NYES PA NI STAN LO DRUG MA LON PAR STAN SAR PA GZHAN BYED PA'O, ,DE LA DGE SLONG GIS ZHES BYA BA NI CHOS 'DI PAS SO, ,STAN ZHES BYA BA NI STAN GNYIS TE, NANG TSANGS CAN DANG BLINGS PA'O, ,DON 'DIR NI BLINGS PA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA'O, ,DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS BYED LA, GZHAN BYED DU 'JUD NA'O, ,MI 'DOD BZHIN DU ZHES BYA BA NI MA DAD BZHIN DU'O, ,LO DRUG TU BCANG BAR BYA'O ZHES BYA BA NI LO DRUG TSUN CHAD DU BCANG BAR BYA'O, ,GAL TE DGE SLONG GIS LO DRUG TSUN CHAD DU ZHES BYA BA NI DE TSUN CHAD DU'O, ,STAN RNYING PA DE ZHES BYA BA NI STAN GANG YOD PA DE'O, ,SPANGS KYANG RUNG MA SPANGS KYANG RUNG ZHES BYA BA NI YOD KYANG RUNG

MED KYANG RUNG STE'O, ,STAN SAR PA GZHAN BYED NA ZHES BYA BA NI GNYIS PA'O, ,DGE 'DUN GYIS GNANG BA MA GTOGS TE ZHES BYA BA NI DGE 'DUN GYIS GNANG BA BZHAG STE'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG LO DRUG TSUN CHAD DU STAN BYA BA'I PHYIR, DGE 'DUN LA GNANG BA MA THOB PAS STAN SNGA MA GZHAN YOD PA'AM RANG DGAR BTANG BAS, LO DRUG MA LON PAR STAN BLINGS BA'I PHYI MA GZHAN BYED NA ZIN PA'I MTHAR LO DRUG GI BCANG BA'I SPANG BA'I LTUNG BYED KYI DNGOS GZHIR 'GYUR RO, , 'DI'I BYED PA PO NI GNANG BA MA THOB PAS LO DRUG TSUN CHAD DU, STAN BLINGS PA TSAD DANG LDAN PA DE BAS LHAG PA BYED PA NYID DO, ,'DI LA YAN DRUG GIS DNGOS GZHI'I LTUNG BAR 'GYUR TE, GNANG BA MA THOB PA DANG LO DRUG MA LON PA DANG, SAR PA DANG, STAN DANG, BYAS PA DANG, BYED PA MTHAR THUG PA'I DANG PO BKRAM PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,LO DRUG BCANG BA'I SPANG BA STE BCU BZHI PA'O,, ,,MTHO GANG GI SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE BCOM LDAN 'DAS KYIS BLA NA MED PA'I MKHYEN PA THUGS SU CHUD PA DE'I TSE NA THAMS CAD DU YUL DBUS SU SANGS RGYAS 'JIG RTEN DU BYUNG ZHES GRAG GO ZHES SGRA GRAGS SO, ,BYANG PHYOGS PA'I TSONG PA DAG GIS KYANG YUL DBUS SU SANGS RGYAS 'JIG RTEN DU BYUNG STE GANG DAG DE LA MCHOD PA BYED PA DE DAG GIS MCHOD PA BYAS PA DE DAG NI SHIN TU 'BRAS BU CHE BA DANG, PHAN YON CHE BA DANG, GSAL BA CHE BA DANG, RGYA CHEN POR 'GYUR RO ZHES THOS SO, ,THOS NAS KYANG DE DAG 'DI SNYAM DU SEMS TE, BDAG CAG ZONG DAG THOGS TE MNYAN YOD DU 'DONG ZHING, DER BDAG CAG GIS KHE SPOGS KYANG BSGRUB PAR BYA, BCOM LDAN 'DAS LA YANG BSNYEN BKUR BYA'O SNYAM DU RIG NAS, TSONG PA LNGA BRGYA BYAR PHYOGS NAS MNYAN YOD DU LHAGS PA RNAMS KYIS, KHYIM BDAG MGON MED ZAS SBYIN DANG SKAD SBYAR TE, BCOM LDAN 'DAS DANG DGE SLONG GNAS

, ,BRTAN GNAS BRTAN RNAMS KYI ZHABS LA PHYAG 'TSAL NAS CHOS MA NYAN BA DANG, DE DAG GIS DGE SLONG GNAS BRTAN GNAS BRTAN RNAMS MTSAN MO SKYIL KRUNG GIS 'DA' BAR BYED PA DAG GIS GDING BA DBUS RDOL BA DAG MTHONG NAS, DGE SLONG RNAMS LA RAS YUG CHEN LNGA BRGYA PHUL LO, ,DGE SLONG RNAMS KYIS GDING BA RNYING PA DE DAG KHANG PA CHEN PO'I GTZUG LAG KHANG CHEN PO BLA GAB MED PA ZHIG TU RDUL GYI PHYE MA DAG DANG 'DRES PAR SA LA BKRAM STE GZHAG PA BCOM LDAN 'DAS KYIS GZIGS NAS 'DI SNYAM DU DGONGS TE, BRAM ZE DANG KHYIM BDAG DAD PA CAN DAG GIS, PAGS PA DANG, SHA DANG KHRAG DAG BTZIR CING SBYIN PA DAG SBYIN, BSOD NAMS DAG BYED PA GANG YIN PA DE LA, DGE SLONG DAG DROD MI SHES PA DANG, SO SOR MI RTOG PAR YONGS SU LONGS SPYOD BAR BYED DO SNYAM DU DGONGS NAS SNGA MA BZHIN DU, DGE SLONG GIS GDING BA SAR PA BYED NA SAR PA KHA DOG MI SDUG PAR BYA BA'I PHYIR, GDING BA RNYING PA BDE BAR GSHEGS PA'I MTHO GANG 'KHOR BAS GLAN PAR BYA'O, ,GAL TE DGE SLONG GIS SAR PA KHA DOG MI SDUG PAR BYA BA'I PHYIR GDING BA RNYING PA BDE BAR GSHEGS PA'I MTHO GANG 'KHOR BAS MA GLAN PAR GDING PA SAR PA SPYOD NA SPANG BA'I LTUNG BYED DO ZHES BCA' BA MDZAD DO, YUL NI MNYAN YOD, GANG ZAG NI DGE SLONG RAB TU MANG PO, NYON MONGS PA NI DROD MI SHES PA DANG, SO SOR MI RTOG PAR YONGS SU LONGS SPYOD PAR BYED PA, NYES PA NI GDING BA SAR PA LA RNYING PAS MA GLAN PAR RNYING PA BOR PA'O, ,DE LA DGE SLONG GIS ZHES BYA BA NI CHOS 'DI PAS SO, ,GDING BA ZHES BYA BA NI SO SOR GDING PA'O, ,SAR PA ZHES BYA BA NI SAR PA GNYIS TE, GSAR PAS SAR PA DANG RNYED PAS SAR PA'O, ,DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI, BDAG NYID KYIS BYED DAM GZHAN BYED DU 'JUD NA'O, ,SAR PA KHA DOG MI SDUG PAR BYA BA'I PHYIR ZHES BYA BA NI SAR BAR BYA BA'I PHYIR RO, ,GDING BA RNYING PA BDE BAR GSHEGS PA'I MTHO GANG 'KHOR BA GLAN PAR BYA'O ZHES BYA BA NI, GAL TE GDING

BA BDE BAR GSHEGS PA'I MTHO GANG 'KHOR BA GZHAN YOD NA'O, ,BDE BAR GSHEGS PA ZHES BYA BA NI STON PA'O, ,BDE BAR GSHEGS PA'I MTHO GANG LA NI TSAD DANG LDAN PA'I KHRU'I KHRU PHYED DANG DO YOD DO, ,'KHOR BA ZHES BYA BA NI KUN NAS MTHO RI YOD PAS SO, ,GLAN PAR BYA'O ZHES BYA BA NI SBYAR BAR BYA BA'O, ,GAL TE DGE SLONG GIS SAR PA KHA DOG MI SDUG PAR BYA BA'I PHYIR, GDING BA RNYING PA BDE BAR GSHEGS PA'I MTHO GANG 'KHOR BAS MA GLAN PAR ZHES BYA BA NI MA SBYAR RO, ,GDING BA SAR PA SPYOD NA ZHES BYA BA NI GDING BA'I DGOS PAR SPYOD NA'O, ,SPANG PA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS GDING PA RNYING PA LAS BDE BAR GSHEGS PA'I MTHO GANG GIS MA GLAN PA'I GDING BA SAR PA SPYOD NA SPYAD PAR BRTZAMS PA'I TSE NYID NA MTHO GANG GIS SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI GDING BA SAR PAS SAR PA BYAS PA DANG, GDING BA RNYING PA NYID MOD PA YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, GDING BA GSAR PAS SAR PA DANG, BYAS PA DANG, GDING BA RNYING PA YOD PA DANG, BDE BAR GSHEGS PA'I MTHO GANG GIS MA GLAN PA DANG, SPYOD PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,MTHO GANG GIS SPANG BA STE BCO LNGA PA'O,, ,,BAL THOGS PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG GIS SMRAS PA, KYE DGA' BO NYE DGA' LHUNG BZED NAG PO CAN 'DI DAG GI RKANG PA SPRE'U ZHAG GIS BSKUS TE, 'GRO NA YANG 'GRO BAR CHAS PA'I RNYED PA SGRUB PAR BYED, 'ONG NA YANG GLO BUR DU 'ONGS PA'I RNYED PA SGRUB BAR BYED CING SKYE BO MANG PO DGA' BA DANG, YID DU 'ONG BAR YANG 'GYUR RO, ,'U BU CAG NI KHRON PA'I RUS SBAL DANG 'DRA BAR GAR YANG MI 'DONG, GANG NAS KYANG MI 'ONG BAS RNYING PA THOB PA DANG, SKYE BO MANG PO DGA' BA DANG, YID DU 'ONG BAR GA LA 'GYUR GYI, 'U BU CAG KYANG 'GRON PA DON MTHUN

, ,PA DAG DANG 'GROGS TE, BAL YUL DU 'DONG NGO ZHES DE DAG LAS 'CHAR KA GZHI SRUNGS SU BZHAG STE, LNGA BAL YUL DU 'DONG NGO, ,BAL YUL NI RNGA MO'I RGYAB 'DRA BA YIN PAS DE DAG NYI MA GANG KHO NA LA BAL YUL DU PHYIN PA'I NYI MA DE LA MNGON PAR MI DGA' BAR GYUR NAS, DE DAG TSONG PA BAL YUL NAS YUL DBUS SU 'DONG PA DAG DANG 'GROGS TE, YUL DBUS SU PHYIR 'PHAGS SO, ,BAL YUL NA BAL DANG LDON GROS GNYIS MOD PAS, TSONG PA DE DAG GIS BAL GYIS SHING RTA BKANG STE CHAS PA'I LAM KAR SHING RTA'I SROG SHING CHAG NAS BCOS SHING, SGRA DBYUNG NGU CHOM RKUN PO DAG GIS 'JIGS NAS POR TE DONG BA NA, DRUG SDE MI LNGA LAS GCIG GIS LNGA CHAR GYI YO BYAD KHUR TE, BZHIS BAL KHUR PO CHE RE RE DRAGS KHUR NAS RI BRAGS SHIG NA MAR DONG BA NA, DE NA CHOM RKUN PA GCAD PA'I PHYIR YANG RGOD KYI MI MANG PO 'KHOD PA DAG GIS MTHONG NAS, GLANG PO CHE DANG BCAS PA'I DMAG GAM RNGA MO'AM, GLANG NGAM, KHUR THOGS PA DAG CIG YIN PAR MTHONG NAS, DE DAG THAMS CAD SKRAG STE NAGS KHROD DU BYER RO, ,DE NAS DE DAG LAM GOL BA NAS SHO GAM 'DRAL LA BSGUGS PA DAG THO 'TSAMS TE, RGYAL BYED KYI TSAL GYI SGE'U CHUNG NAS NANG DU ZHUGS TE, BAL GYI KHUR DE DAG BSHIG PA DANG RI RAB KYI RNAM PA 'DRA BA'I PHUNG PO CHEN PO 'DRA BAR RNAM PAR GNAS SHING, DE NYID KYIS NGO TSA BAR MI BYED PAR KHENGS PAR BYED PA LA, DGE SLONG DON NYUNG DU DAG SMOD PAR BYED PHYAR KA GTONG BAR BYED, KHA ZER BAR BYED PA'I SKABS TE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG RNAMS LAM DU ZHUGS PAS LUG BAL DAG RNYED LA, 'DOD NA DGE SLONG DES BLANG BAR BYA'O, ,BLANGS NAS KHYER BA MED NA DPAG TSAD GSUM GYI MTHA'I BAR DU BDAG NYID KYIS BSKUR BAR BYA'O, ,DE LAS 'DAS PAR KHYER NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI 'DOD ZHE NA DANG NGO TSA MED PA, NYES PA NI RGYANG GRAGS,

KYI MTHAR BAL KHUR BA'O, ,DE LA DGE SLONG ZHES BYA BA NI, DRUG SDE'AM, GZHAN YANG DE LTA BU GANG YIN PA'O, ,LAM DU ZHUGS PAS ZHES BYA BA NI, DGON PA'I LAM DU ZHUGS PAS SO, ,LUG BAL DAG CES BYA BA NI LUG GI BAL DAG GO, ,RNYED PA ZHES BYA BA NI GZHAN LAS SO; ,'DOD NA ZHES BYA BA NI GAL TE DON DU GNYER NA'O, ,DGE SLONG DES BLANG BAR BYA'O ZHES BYA BA NI MNOD PAR BYA BA'O, ,BLANGS PA KHYER BA MED NA ZHES BYA BA NI RUNG BAR BYED PA MED NA'O, ,DPAG TSAD GSUM GYI MTHA'I BAR DU ZHES BYA BA NI DPAG TSAD GSUM GYI MTHAR PHYIN PAR THUG PA'I BAR TSUN CHAD DU'O, ,BDAG NYID KYIS BSKUR BAR BYA'O ZHES BYA BA NI BDAG RANG GIS BSKUR BAR BYA BA'O, ,DE DAG LAS 'DAS PAR KHYER NA ZHES BYA BA NI DE LAS THAL BAR KHYER NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG LAM DU ZHUGS PAS LUG BAL DAG RNYED LA 'DOD CING BLANGS NAS KHYER BA MED NA, DPAG TSAD LAS RGYANG GRAGS GCIG GI MTHA' LAS 'DAS PAR KHYER NA, BAL THOGS PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI LUG BAL RUNG BA DANG, RGYANG GRAGS KYI MTHAR KHYER BA NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, LUG BAL DANG, RUNG BA DANG, ZHVA RGYU LA SOGS PA'I TSAD LAS LHAG PA DANG, RANG GIS KHYER BA DANG, RGYANG GRAGS KYI MTHAR PHYIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,BAL THOGS PA'I SPANG BA STE BCU DRUG PA'O,, ,,BAL RMEL DU 'JUG PA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL, MGON MED ZAS SBYIN GYI KUN DGA' RA BA NA BZHUGS SO, , DRUG SDE DAG GIS BAL DE DAG CHA DRUG TU BGOS NAS 'CHAR KAS RANG GI SKAL BA'I BAL DE DAG SKYE DGU'I BDAG MO CHEN MO, GOO TA MI LA RMEL DU BCOL NAS, DE SLOB MA GNYIS LEN DU BTANG STE, DBYAR KHANG DU BSHIG NAS PHUNG PO CHEN POR RNAM PAR GNAS PAR GYUR PA, SKYE DGU'I BDAG MO

, ,CHEN MO GOO TA MI'I 'KHOR DANG BCAS PAS, YUN RING MO ZHIG TU RMEL BAS, DE DAG GI LAG PA GNYIS 'DI LTA STE, DPER NA BCO BLAG MKHAN GYI LAG PA DMAR BA LTAR DMAR BA, SHIN TU DMAR BAR GYUR PA, BCOM LDAN 'DAS KYI SPYAN SNGAR BAB NAS, TSE DANG LDAN PA KUN DGA' BO DGE SLONG DAG, DGE SLONG MA NYE DU MA YIN PA LA LUG BAL DAG RMEL DU 'JUD DAM ZHES BKAS SMRAS NAS, SNGA MA BZHIN DU, DGE SLONG GANG DGE SLONG MA NYE DU MA YIN PA LA LUG BAL 'KHRUR 'JUG GAM, 'TSED DU 'JUD DAM, RMEL DU 'JUD NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI DGE SLONG GI TSUL MA YIN PA 'DOD PA, NYES PA NI DGE SLONG MA NYE DU MA YIN PA LA, LUG BAL DAG RMEL DU 'JUD PA'O, ,DE LA YANG DGE SLONG GANG ZHES BYA BA NI, 'CHAR KA'AM GZHAN YANG DE LTA BU GANG YIN PA'O; DGE SLONG MA ZHES BYA BA NI CHOS 'DI PA'O, ,NYE DU MA YIN PA LA ZHES BYA BA NI PHYI MA DANG MES PO DANG, PHRUGS LA BRTEN PA'I BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,LUG BAL ZHES BYA BA NI LUG GI BAL LO, ,'KHRUR 'JUD DAM ZHES BYA BA NI THA NA CHUR SNYUG BAR BYED DU 'JUD NA'O, ,RMEL DU 'JUD NA ZHES BYA BA NI, THA NA 'DA' BAR BYED DU 'JUD NA'O, ,'TSED DU 'JUD DAM ZHES BYA BA NI THA NA TSON DU SNYUG PAR BYED DU 'JUD NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,BAL RMEL DU 'JUD PA'I SPANG BA 'DI NI, SNGAR 'KHRUR 'JUG PA'I SPANG BA BRTAN PA DANG, MTSAN NYID THAMS CAD 'DRA STE, BYE BRAG TU SNGAR GOS RNYED PA ZHES SMOS PA'I GNAS SU 'DIR LUG GI BAL DAG GO, ,SNGAR 'CHAG PA ZHES SMOS PA'I GNAS SU 'DIR RMEL BA ZHES BRJOD PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS LUG BAL DAG DGE SLONG MA NYE DU MA YIN PA LA BSGO BAS 'KHRUR BCUG GAM, 'TSED DU BCUG GAM, RMEL DU BCUG PA DAG BYAS PA NYID NA BAL RMEL DU 'JUD PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI LUG BAL DANG DGE SLONG MA NYE DU MA YIN PA'I YUL LA 'DU SHES

GTZO CHER BYED PA PO YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, LUG BAL DANG, RUNG BA DANG, DGE SLONG MA NYE DU MA YIN PA DANG, BSGO BA DANG, BYAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,BAL RMEL DU 'JUG PA'I SPANG BA STE BCU BDUN PA'O,, ,,GSER DNGUL LA REG PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SPYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SBE DAG ,RANG GI LAG GIS GSER DANG DNGUL LEN PAR BYED, LEN DU 'JUG PAR BYED, PHUNG PO GCIG TU BYED, PHUNG PO GNYIS SU BYED, KHRI DANG KHRI'U DANG KHRI'U CHUNG DU DAG TU 'JOG PAR BYED NAS, GZHAN MU STEGS CAN DAG SHES LDAN DAG SH'AKYA'I BU'I DGE SBYONG DAG NI MA LOG MA SPANGS PA SO SOR MA SPANGS PA YIN TE, 'DI LTAR RANG GI LAG GIS GSER DANG DNGUL LEN PAR BYED, PHUNG PO GCIG TU BYED PHUNG PO GNYIS SU BYED, KHRI DANG KHRI'U DANG KHRI'U CHUNG DU DAG TU 'JOG PAR BYED DO, ,BRAM ZE DANG KHYIM BDAG KYANG RANG GI LAG GIS GSER DANG DNGUL LEN PAR BYED, LEN DU 'JUD PAR BYED, PHUNG PO GCIG TU BYED, PHUNG PO GNYIS SU BYED, KHRI DANG, KHRI'U DANG, KHRI'U CHUNG NGUR 'JOG PAR BYED NA, SHES LDAN DAG SH'AKYA'I BU DGE SBYONG RNAMS DANG, BRAM ZE DANG KHYIM BDAG RNAMS KYIS BYA BA 'DI LA BYE BRAG CI YOD, BSAM PA NI CI YOD, THA DAD BYA BA NI CI YOD, SU ZHIG DGE SBYONG MGO REG 'DI DAG LA BSOD SNYOMS SBYIN PA BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG GI LAG GIS GSER DANG DNGUL LEN TAM, LEN DU 'JUD NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI DGE SBYONG GI TSUL MA YIN PA BYED 'DOD PA, NYES PA NI RANG GI LAG GIS GSER DANG DNGUL LEN PA DANG

, ,LEN DU 'JUD PA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,RANG GI LAG GIS ZHES BYA BA NI RANG GI LAG PAS SO, ,GSER DNGUL ZHES BYA BA NI GSER DANG DBYIG GO, ,LEN TAM ZHES BYA BA NI BDAG NYID KYIS SO, , LEN DU 'JUD NA ZHES BYA BA NI GZHAN NO, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, ,DGE SLONG GIS RIN PO CHE NOR BU DANG, MU TIG DANG, BEE d'U RYA DANG, SHANG KA SHI LA DANG, BYI RU DANG, DNGUL DANG, GSER DANG, RDO'I SNYING PO DANG; SPUG DANG, DMAR PO DANG, G-YAS SU 'KHYIL PA LA SOGS PA RUNG BAR MA BYAS PA THOB PAR LCOGS PA NYID KYI PHYOGS NA 'DUG PA BDAG GIR BYAS PA DANG, RANG GI RIN PO CHE RUNG BAR MA BYAS PA LA RNAM PA GANG YANG RUNG BAS REG TU BCUG NA, GSER DNGUL LA REG PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA NI RIN PO CHE NOR BU LA SOGS PA RUNG BAR MA BYAS PA NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, RIN PO CHE DANG, THOB PAR LCOGS PA NYID KYI PHYOGS NA 'DUG PA DANG, BDAG GIR BYAS PA DANG, RUNG BAR MA BYAS PA DANG, REG GAM REG TU BCUG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GSER DANG DNGUL LA REG PA'I SPANG BA STE BCO BRGYA DPA'O,, ,,MNGON MTSAN CAN GYI SPYOD PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG MAN GON TSAM CAN GYI SPYOD PA RNAM PA SNA TSOGS BYED DO, ,KUN DU SBYOR BAR BYED, RAB TU SBYOR BAR BYED, BUN 'GYED PAR BYED, SKYED 'GYED PAR BYED, BYAS PA'I PHYIR BYAS PA DANG; BYAS PA'I PHYIR MA BYAS PA DANG, MA BYAS PA'I PHYIR BYAS PA DANG, MA BYAS PA'I PHYIR MA BYAS PA GTONG BAR BYED NAS, GZHAN MU STEGS CAN DAG SNGA MA BZHIN DU SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL

TO; DE NAS BCOM LDAN 'DAS KYIS SNGA MA BZHIN DU, YANG DGE SLONG GAR MNGON MTSAN CAN GYI SPYOD PA RNAM PA SNA TSOGS BYED NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI DGE SBYONG GI TSUL MA YIN PA BYED 'DOD PA, NYES PA NI MNGON MTSAN CAN GYI SPYOD PA RNAM PA SNA TSOGS BYED PA'O, ,DE LA YANG DGE SLONG GANG ZHES BYA BA NI DRUG SDE DAG GAM, GZHAN YANG DE LTA BU GANG YIN PA DAG GO, ,MNGON MTSAN CAN GYI SPYOD PA ZHES BYA BA NI, KHE SPOGS 'DOD PA NYID KYIS PA nA DANG RIN PO CHE LA SOGS PA MNGON MTSAN CAN GYI SPYOD PA'O, ,RNAM PA SNA TSOGS ZHES BYA BA NI RNAM PA DU MA'O, ,BYED NA ZHES BYA BA NI KUN DU SBYOR BAR BYED PA DANG, RAB TU SBYOR BAR BYED PA DANG, BUN 'GYED PAR BYED PA DANG, SKYED 'GYED PAR BYED PA DANG, BYAS PA'I PHYIR BYAS PA DANG, BYAS PA'I PHYIR MA BYAS PA DANG, MA BYAS PA'I PHYIR BYAS PA DANG, MA BYAS PA'I PHYIR MA BYAS PA GTONG PA LHAG PAR SPYOD PAR BYED NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA SPANG BA SNGA MA DANG, 'DI DANG 'OG MA GSUM GYIS YUL LA BYE BRAG NI 'DI YIN PAR RIG PAR BYA STE, SNGA MA NI RIN PO CHE LA SOGS PA LA REG PAS SO, ,'DI NI KHE SPOGS 'DOD PA NYID KYIS PA nA DANG RIN PO CHE LA SOGS PA SPYOD PA LAS SO, ,'OG MA NI GANG YANG RUNG BAS RNYED PA 'DOD CING NYO TSONG LA SOGS PAS SPYOD PA LAS SKYED PHYIN NA'O, ,DE LTAR BYE BRAG BSTAN NAS DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RNYED PA 'DOD PAS PHA ROL PO KHYIM PA NYID DANG, NYE DU MA YIN PA NYID LA PA nA DANG RIN PO CHES SPYOD PA LAS SKYED PHYIN NA, SKYED DE LAS MNGON MTSAN CAN GYI SPYOD PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RNYED PA 'DOD PA DANG, PHA ROL PO KHYIM PA NYID DANG, NYE DU MA YIN PA NYID DANG, PA nA DANG RIN PO CHES SPYOD PA DANG, SKYED PHYIN PA NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, RNYED PA 'DOD PA DANG PHA ROL PO KHYIM PA NYID DANG, NYE DU MA YIN PA NYID DANG, PA nA DANG RIN PO CHES SPYOD PA DANG, SKYED PHYIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,MNGON MTSAN

, ,CAN GYI SPYOD PA'I SPANG BA STE BCU DGU PA'O,, ,,NYO TSONG BYED SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG NYE TSONG RNAM PA SNA TSOGS BYED DE, LEN PAR BYED, GTONG BAR BYED, NYO BAR BYED, 'TSONG BAR BYED PAS GZHAN MU STEGS CAN DAG SNGA MA BZHIN DU SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG NYO TSONG RNAM PAS NA TSOGS BYED NA SPANG BA'I LTUNG BYED DO ZHES BCA' BA MDZAD DO, ,YUL NI MNYAN YOD, GANG ZAG NI DRUG SDE, NYON MONGS PA NI DGE SLONG GI TSUL MA YIN PA BYED 'DOD PA, NYES BA NI NYO TSONG RNAM PA SNA TSOGS BYED PA'O, ,DE LA YANG DGE SLONG GANG ZHES BYA BA NI, DRUG SDE DAG GAM GZHAN YANG DE LTA BU GANG YIN PA'O, ,NYO TSONG ZHES BYA BA NI GANG YANG RUNG BA RNYED PA 'DOD CING NYO TSONG BYED PA'O, ,RNAM PA SNA TSOGS ZHES BYA BA NI RNAM PA DU MA'O, ,BYED NA ZHES BYA BA NI LEN PAR BYED PA DANG, GTONG PAR BYED PA DANG, NYO BAR BYED PA DANG, 'TSONG BAR BYED PA DAG LHAG PAR SPYOD PAR BYED NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,NYO TSONG BYED PA'I SPANG BA 'DI NI SNGAR MNGON MTSAN CAN GYI SPYOD PA'I SPANG BA BSTAN PA'I BYE BRAG YIN TE, MTSAN NYID GZHAN THAMS CAD NI 'DRA'O, ,BYE BRAG TU NA SPANG BA SNGA MA GNYIS DANG, 'DI DANG GSUM GYI YUL LA KHYAD PAR NI 'DI YOD DE, GSER DNGUL LA REG PA'I SPANG BA NI, RIN PO CHE LA SOGS PA LA REG PA LAS SO, ,MNGON MTSAN CAN GYI SPYOD PA'I SPANG BA NI, KHE SPOGS 'DOD PA NYID KYIS PA nA DANG, RIN PO CHE LA SOGS PA LAS SO, ,NYO TSONG BYED PA'I SPANG BA NI, GANG YANG RUNG BAS RNYED PA 'DOD CING NYO TSONG LA SOGS PAS SPYOD PA LAS SKYED PHYIN NA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RNYED PA 'DOD PAS, PHA ROL PO KHYIM PA NYID DANG, NYE DU MA YIN PA NYID LA NYO TSONG

LA SOGS PAS SPYOD PA LAS SKYED PHYIN NA SKYED DE LAS NYO TSONG BYED PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RNYED PA 'DOD PA DANG, PHA ROL PO KHYIM PA NYID DANG, NYE DU MA YIN PA NYID DANG, NYO TSONG GIS SPYAD PA DANG, SKYED PHYIN PA NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR RO, ,RNYED PA 'DOD PA DANG, PHA ROL PO KHYIM PA NYID DANG, NYE DU MA YIN PA NYID DANG, NYO TSONG GIS SPYAD PA DANG, SKYED PHYIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,NYO TSONG BYED PA'I SPANG BA STE NYI SHU PA'O,, ,,SDOM LA, LHUNG BZED GNYIS DANG THA GA GNYIS, ,BYIN PHROGS STON ZLA THA CHUNGS DANG, ,DGON PA PA DANG RAS CHEN DANG, ,BSNGOS PA DANG NI GSOG 'JOG GO, ,ZHES BYA BA NI BCU PA GSUM PA YIN TE, SDOM LA ZHES BYA BA'I DGOS PA DANG, TSIG GI DON NI SNGA MA BZHIN NO, ,BCU PA GSUM PA 'DIS KYANG SPANG BA'I LTUNG BYED KYI CHOS BCU BSTAN TE, LHUNG BZED 'CHANG BA DANG, LHUNG BZED TSOL BA DANG, 'THAG TU 'JUG PA DANG, 'THAG PA SKYED PA DANG, 'PHROGS PA DANG, BRTAD PA LAS BYUNG BA DANG, ZHAG BDUN GYIS 'BRAL BA DANG, DBYAR GYI RAS CHEN DANG, BSNGOS PA LAS BSGYUR BA DANG, GSOG 'JOG GO, ,DE LA LHUNG BZED 'CHANG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG LHUNG BZED RNYED DO COG SOGS PAR BYED CING, BDAG NYID KYANG SPYOD PAR MI BYED DGE SLONG GZHAN DAG LA YANG SBYIN PAR MI BYED NAS, DGE SLONG DON NYUNG NGU DAG CI'I PHYIR DGE SLONG DAG LHUNG BZED RNYED DO COG STZOGS PAR BYED CING BDAG NYID KYANG SPYOD PAR MI BYED, DGE SLONG GZHAN DAG LA YANG SBYIN PAR MI BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS GYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS LTUNG BZED LHAG PA ZHAG BCU'I BAR DU BCANG BAR BYA'O, ,DE LAS 'DAS PAR 'CHANG

, ,NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI DGE SBYONG GI TSUL DANG MTHUN PA MA YIN PA BYED 'DOD PA, NYES PA NI LHUNG BZED LHAG PA ZHAG BCU LAS 'DAS PAR BCANGS PA'O, ,DE LA DGE SLONG GIS ZHES BYA BA NI CHOS 'DI PAS SO, ,LHUNG BZED LHAG PA ZHES BYA BA NI BYIN GYIS BRLAB PAR BYAS PA LAS LHAG PA'O, ,ZHAG BCU'I BAR DU ZHES BYA BA NI, NYIN MTSAN BCU'I MTHA'I BAR DU'O, ,BCANG BAR BYA'O ZHES BYA BA NI BDAG GIR BYA BA'O, ,DE LAS 'DAS PAR 'CHANG NA ZHES BYA BA NI DE LAS THAL BAR 'CHANG NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA LHUNG BZED 'CHANG BA SPANG BA 'DI'I MTSAN NYID NI, SNGAR GOS 'CHANG BA'I SPANG BA'I MTSAN NYID BSTAN PA DANG THAMS CAD 'DRA STE, BYE BRAG TU NA SNGAR GOS ZHES SMOS PA'I GNAS SU 'DIR LHUNG BZED ZHES BYA BA'I MING GZHUG PAR BYA BA DANG, SNGAR 'KHOR GSUM KHEBS PA'I MTSAN NYID DANG LDAN PA ZHES SMOS PA'I GNAS SU, 'DIR BYIN GYIS BRLAB TU RUNG BA CHUNG NGU DANG, 'BRING DANG, CHEN PO'I MTHA'I TSAD DANG LDAN PA ZHES BRJOD PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RANG GIS LHUNG BZED BYIN GYIS BRLAB TU RUNG BA, CHUNG NGU'AM, 'BRING NGAM, CHEN PO'I MTHA'I TSAD DANG LDAN PA YOD LA, BYIN GYIS MA BRLABS PAR ZHAG BCUR RJES SU ZHUGS PA NYID YIN PA, ZHAG BCU GCIG PA'I SKYA RENGS DANG PO SHAR NA, LHUNG BZED BCANG BA'I SPANG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NA, RANG GI LHUNG BZED BYIN GYIS MA BRLABS PA'O, ,'DI LA YAN LAG BDUN GYIS DNGOS GZHI'I LTUNG BAR 'GYUR TE, RANG GI DANG, LHUNG BZED DANG, BYIN GYIS BRLAB TU RUNG BA GSUM GYIS MTHA'I TSAD DANG, YOD PA DANG, BYIN GYIS MA BRLABS PA DANG, ZHAG BCUR RJES SU ZHUGS PA DANG, ZHAG BCU GCIG PA'I SKYA RENGS SHAR PA'O, ,DE DAG LAS YAN LAG MA TSANG NA CI RIGS PAR NA SMAD DO, ,LHUNG BZED BCANG BA'I SPANG BA STE NYI SHU GCIG PA'O,, ,,LHUNG BZED TSOL BA'I SPANG BA'I GLENG GZHI NI, SANGS RGYAS

BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA MNYAN YOD NA SPOS 'TSONG GI KHYE'U ZHIG 'DUG PA DES LHUNG BZED SHIN TU GSAL BA DBYIBS LEGS PA LONGS SPYAD PAR BZOD PA ZHIG RNYED NAS, DGE SLONG BSOD SNYOMS PA ZHIG LA PHYIN PA DANG, DES MA 'DOD PA NYE DAGS THOS NAS DES DE BSLANG BAR BRTZAMS PA DANG, SPOS 'TSONG GI KHYE'U DES RIN MED PAR MA BYIN NAS, NYE DAGS KHYIM BDAG GCIG RIN 'JAL DU BCUG STE, LHUNG BZED KHYER TE GTZUG LAG KHANG DU SONG NAS, DGE SLONG RNAMS LA NGOMS SPYOMS DANG, RLOM PAR BYED PA NA, DGE SLONG DON NYUNG NGU DAG CI'I PHYIR DGE SLONG DAG LHUNG BZED YOD CING BDOG BZHIN DU LHUNG BZED GZHAN TSOL BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG LHUNG BZED LHAN PA LNGA MED PA, SPYAD BZOD PA YOD BZHIN DU, BZANG PO 'DOD PA'I PHYIR, LHUNG BZED SAR PA GZHAN TSOL ZHING LHUNG BZED GRUB NA SPANG BA'I LTUNG BYED DO, ,DGE SLONG DES LHUNG BZED DE DGE SLONG GI 'KHOR LA DBUL BAR BYA'O, ,DGE SLONG GI 'KHOR DE'I LHUNG BZED THA MAR GYUR PA GANG YIN PA DE DGE SLONG DE LA, DGE SLONG KHYOD KYIS LHUNG BZED 'DI BYIN GYIS BRLAB PAR MI BYA, GTANG BAR MI BYA, GZHAN LA SBYIN PAR MI BYA BAR CHAG PA'I MTHAR THUG GI BAR DU KHAD KYIS DAL BU DAL BUS SPYAD PAR BYA'O ZHES SBYIN PAR BYA STE, DE LA DE NI CHO GA YIN NO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHE NA, NYES PA NI LHUNG BZED YOD CING BDOG BZHIN DU LHUNG BZED GZHAN TSOL BAR BYED PA'O, ,DE LA YANG DGE SLONG GANG ZHES BYA BA NI CHOS 'DI PA'O, ,LHUNG BZED LHAN PA LNGA MED PA ZHES BYA BA NI, LHUNG BZED LHAN PA LNGAR MA TSANG BA'O, ,SPYAD BZOD PA YOD BZHIN DU ZHES BYA BA NI YONGS SU LONGS SPYAD PAR BZOD PA YOD BZHIN NO, ,BZANG PO 'DOD PA'I PHYIR ZHES BYA BA NI MCHOG

, ,'DOD PA'I PHYIR RO, ,LHUNG BZED SAR PA ZHES BYA BA NI, SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI GNYI GA YIN PAR DGONGS SO, ,GZHAN ZHAS BYA BA NI GNYIS PA'O, ,TSOL ZHING ZHES BYA BA NI TSOL BAR BYED CING NGO, ,LHUNG BZED GRUB NA ZHAS BYA BA NI, LHUNG BZED THOB NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,'DI MAN CHAD NI LHUNG BZED 'BREL PA MED PA BRIM PA DANG, SPYAD PA LA SOGS PA'I CHO GA STON TO, ,DGE SLONG DES ZHES BYA BA NI DGE SLONG GANG YIN PA DES SO, ,LHUNG BZED DE ZHES BYA BA NI LHUNG BZED 'BREL BA MED PA DE'O, ,DGE SLONG GI 'KHOR LA DBUL BAR BYA'O ZHES BYA BA NI DE NA DGE SLONG GANG DAG 'KHOD PA LA'O, ,DGE SLONG GI 'KHOR DE'I LHUNG BZED THA MAR GYUR PA GANG YIN PA DE DGE SLONG KHYOD KYIS LHUNG BZED 'DI BYIN GYIS BRLAB PAR MI BYA, GTANG BAR MI BYA, GZHAN LA SBYIN PAR ME BYA BAR CHAG PA'I MTHAR THUG GI BAR DU KHAD KYIS DAL BU DAL BUS SPYAD PAR BYA'O ZHES SBYIN PAR BYA STE ZHES BYA BA LA DE'I RNAM PAR GZHAG PA NI, DGE SLONG GIS DGE 'DUN GYI LHUNG BZED 'BREL PA MED PA 'BRIM PA'I DGE SLONG CHOS LNGA DANG LDAN PA SPRO BAR BYA STE, GSOL BA DANG GNYIS KYI LAS KYIS BSGO ZHING, DES KYANG KUN DU SPYAD PA'I CHOS JI LTAR BCAS PA BZHIN DU DGE 'DUN LA ZHAG GCIG GI MDUN ROL NAS BSGO ZHING, DGE 'DUN TSOGS PA'I DUS SU BRIMS TE, DGE SLONG GI 'KHOR DE'I LHUNG BZED THA MAR GYUR PA GANG YIN PA DE, DGE SLONG DE LA DGE SLONG KHYOD KYIS LHUNG BZED 'DI BYIN GYIS BRLAB PAR MI BYA, GTANG BAR MI BYA, GZHAN LA SBYIN PAR MI BYA BAR CHAG PA'I MTHAR THUG GI BAR DU KHAD KYIS DAL BU DAL BUS SPYAD PAR BYA'O ZHES SBYIN PAR BYA'O, ,LHUNG BZED 'BREL PA MED PA 'CHANG BA'I DGE SLONG GIS KYANG DE SNOD BZANG POR GZHUG PAR BYA BA DANG, DES 'BRAS CHAN SKAM PO BLANG BA DANG, DE DKYIL 'KHOR GYI STENG DU GZHAG PA DANG, DE BYI DOR SNGAR BYA BA DANG, DE NGOS KHUNG BZANG POR GZHUG PA DANG, DE BSREG PA LA SOGS PA'I BYI DOR GCES PAR BYA BA DANG, DE SNOD BZANG POR GZHUG PA DANG, DE BDAG

GIS BSKUR BA DANG, PHRAG PA G-YAS PAS BSKUR BA DANG, DE JI SRID 'TSO'I BAR DU BCANG BA LA SOGS PA, GZHUNG LAS JI SKAD GSUNGS PA BZHIN DU BYA'O, ,DE LA DE NI CHO GA YIN NO ZHES BYA BA NI, DE LA DE'I RJES SU MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DE LA LHUNG BZED LHAN PA BZHI MAN CHAD NAS DE DAG RUNG ZHING YONGS SU SPYAD BZOD PA DE YOD BZHIN DU BZANG PO 'DOD PA'I PHYIR, LHUNG BZED SAR PA GZHAN KHYIM PA NYE DU MA YIN PA LAS, NGAG GI RNAM PAR RIG BYED KYIS SLONG STE YONGS SU BTZAL TE, GRUB NA LHUNG BZED TSOL BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, LHUNG BZED LHAN PA LNGA MED PA SPYAD BZOD PA YOD PA DANG, BZANG PO 'DOD PA'I PHYIR, LHUNG BZED SAR PA GZHAN TSOL BA'O, ,'DI'I YAN LAG LNGAS DNGOS GZHI'I LTUNG BAR 'GYUR TE; LHUNG BZED YOD PA NYID DANG, BZANG PO 'DOD PA DANG, KHYIM PA NYE DU MA YIN PA LAS TSOL BA DANG, NGAG GI RNAM PA RIG BYED KYIS BSLANGS PAS TSOL BA DANG, LHUNG BZED THOB PA'O, ,DE DAG LAS YAN LAG MA TSANG NA CI RIGS PAR NA SMAD DO, ,LHUNG BZED TSOL BA'I SPANG BA STE NYI SHU GNYIS PA'O,, ,,'THAG TU 'JUD PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,NYE DAGS BSAM PA DANG, 'DI DAG THAMS CAD KHYIM BDAG MGON MED ZAS SBYIN GYI BSLAB PA'I GZHI DAG GIS BSDAMS PAS PHYIN CHAD RAS YUG PHRAN TZAM PO GCIG GI RIN YANG GANG LAS KYANG BLANG BAR MI NUS KYI SONG STE BLTAS NAS, GAL TE LA LA LAS BSLANG BAR NUS SO SNYAM NAS, DE SNGA DRO SHAM THABS BGOS LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS NAS, YUGS SA MO LNGA BRGYA DOG BA 'KHAL ZHING 'DUG PA DAG LAS DOG PA SHAS SHAS KYIS BSLANGS NAS BU MO BDE GNAS MA ZHIG DANG LAG BRJES TE, DOG PA PHRA MO BLANGS NAS KO SA LA'I RGYAL PO GSAL RGYAL GYI YID BRTEN PA'I

, ,MI CHE BA ZHES BYA BA DANG BSDONGS TE, 'THAG PA'I SNA BO SPYI CHER NAN KHUGS KYIS 'THAG TU BCUG NAS, DE SMOD PAR BYED, PHYAG GTONG BAR BYAD, KHA ZER BA BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG RANG GIS BLANGS PA'I DOG PAS THA GA LA NYE DU MA YIN PA LA GOS 'THAR TU 'JUD NA, GOS GRUB NA SBANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHEN, NYES PA NI THA GA PA NYE DU MA YIN PA LA GOS 'THAG TU 'JUD PA'O, ,DE LA YANG DGE SLONG GANG ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,RANG GIS BSLANGS PA'I DOG PAS ZHES BYA BA NI, 'DUN BAS LA LA LAS SRANG GCIG ,LA LA LAS SRANG PHYED, LA LA LAS ZHO GNYIS, LA LA LAS ZHO GCIG BSLANGS PA'I DOG PAS SO, ,THA GA PA ZHES BYA BA NI THAGS MKHAN NO, ,NYE DU MA YIN PA LA ZHES BYA BA NI PHYI MO DANG, MES PO DANG, PHRUGS LA BRTEN PA'I BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,GOS 'THAG TU BCUG NA ZHES BYA BA NI, BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,GOS GRUB NA ZHES BYA BA NI GOS THOB NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DI'I DNGOS GZHI'I LTUNG BA RNAM PAR GZHAG PA NI, THA GA PA KHYIM PA NYE DU MA YIN PA LA RIN MED PAR NGAG GIS BSGO BAS SAM, PHO NYA LA SOGS PA GZHAN GYIS KYANG GOS 'THAG TU BCUG NA, 'THAG TU 'JUD PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI THAG PA KHYOM PA NYE DU MA YIN PA DANG, RIN MED PAR BSGO BAS SAM GZHAN GYIS KYANG 'THAG TU 'JUG PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, THA GA PA KHYIM PA NYE DU MA YIN PA DANG, RIN MED PA DANG, NGAG GU RNAM PAR RIG BYED DAM GZHAN GYIS BSGO BA DANG, GOS RUNG BA TSAD DANG LDAN PA 'THAG TU BCUG PA DANG, GOS GRUB PA'O, ,

DE DAG LAS YANG LAG MA TSANG NA CI RIGS PAR NA SMAD DO, ,'THAG TU BCUG PA'I SPANG BA STE NYI SHU GSUM PA'O,, ,,'THAG PA SKYED PA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO,, MNYAN YOD NA KHYIM BDAG BZA' BRAN GNYIS SHIG 'DOD PA LA LOG PAR SPYOD PAS, BU MO MNGAG GZHUG MA ZHIG YOD PA RTAG TU BRDEGS NAS, NYE DAGS DE TSOR NAS, KHYIM BDAG BZA' BRAN GNYIS JI NAS KYANG SKYABS SU 'GRO BA DANG, BSLAB PA'I GZHI DAG LA GNAS PAR 'GYUR BA DE LTA DE LTAR TSUL KHRIMS KYI BSNGAGS PA BRJOD CING, TSUL KHRIMS 'CHAL BA'I BSNGAGS PA MA YIN PA YANG BRJOD NAS, DES DE GNYIS SKYABS SU 'GRO BA DANG, BSLAB PA'I GZHI DAG LA GNAS PAR BYAS SO, ,DE PHYIN CHAD DE GNYIS BU MO DE LA YANG MI RDEG, NYE DGA' LA YANG DOG BA 'JAM PO DAG CIG THA GA PA, CHE GE MO ZHIG LA RAS LUG CHEN 'THAG TU BCUG STE, SKON PAR GLENGS PA, BU MO DES THOS NAS, NYE DGA' LA SBRAN PA DANG, NYE DGA' SNGA DRO BSOD SNYOMS LA RGYU BA NA, BTZUN MO BRENG LDAN MA'I KHYIM NAS, HVAGS KYI LA DU DAG THOB PA KHYER TE, THA GA PA DE'I GAN DU SONG NAS SMRAS PA, BZHIN BZANGS LA DU 'DI DAG ZOL, KHO BO'I RAS YUG CHEN 'DI ZHEN CHE BA DANG KHRUN RING BA DANG, THAR GYIS ZHAG PA DANG, THA GA RAS BZANG BAR LEGS PAR GYIS SHIG CES, 'THAG BSKYED DU BCUG NAS, KHYIM BDAG BZA' BRAN GNYIS KYI DOG PA YANG KHRUN PA SKYED, THAG PAS KYANG KHYIM BDAG BZA' BRAN GNYIS LAS GLA MA THOB NAS, NYE DGA' LA BDAS PA DANG, NYE DAGS THA GA PA DE NYI TSAN LA BTAGS TE BTANG NAS DE SMOD BAR BYED, PHYAR KA GTONG BAR BYED, KHA ZER BAR BYED PA'I SKABS TE, DGE SLONG RNAMS KYIS BCOM LDAN 'DAS LA GSOL TO, , DE NAS BCOM LDAN 'DAS KYIS SNGA MA BZHIN DU, DGE SLONG GI PHYIR KHYIM BDAG GAM, KHYIM BDAG GI CHUNG MA NYE DU MA YIN PAS THA GA PA NYE DU MA YIN PA LA GOS 'THAG TU BCUG PA LAS, DE NA GAL TE DGE SLONG DE LA SNGAR MA BSTABS PAR, RNAM PAR RTOG PA 'GA' ZHIG BYUNG NAS THA GA PA NYE DU

, ,MA YIN PA'I GAN DU SONG STE, 'DI SKAD CES CHE DANG LDAN PA THA GA PA SHES PAR GYIS SHIG, GOS 'DI KHO BO'I PHYIR 'THAG GIS, TSE DANG LDAN PA THA GA PA GOS 'DI ZHING CHE BA DANG, KHRUN RING BA DANG, THAR GYIS ZHAG PA DANG THAG RAN BZANG BAR LEGS PAR GYIS SHIG , TSE DANG LDAN PA THA GA PA 'DI LTAR KHO BOS GLA RNGAN 'DI LTA STE, BZA' BA 'AM, BCA' BA TZAM MAM, BZA' RGYU CUNG ZAD CIG SBYIN NO ZHES SMRAS NAS, DE LA GAL TE DGE SLONG DES GOS BSGRUB PA'I PHYIR GLA RNGAN 'DI LTA STE, BZA' BA'AM, BCA' BA TZAM MAM, BZA' RGYU CUNG ZAD CIG SBYIN ZHING GOS GRUB NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI 'DOD ZHE NA, NYES PA NI GOS 'THAG PA BSKYED PA'O, ,DE LA DGE SLONG GI PHYIR ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'I PHYIR RO, , KHYIM BDAG GAM ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,THA GA PA ZHES BYA BA NI THAGS MKHAN NO, ,NYE DU MA YIN PA LA ZHES BYA BA NI PHYI MO DANG, MES PO DANG, PHRUGS KYI BDUN PA TSAN CHAD NI NYE DU YIN LA, DE PHAN CHAD NI NYE DU MA YIN NO, ,GOS 'THAG TU BCUG PA LAS ZHES BYA BA NI, BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS DAG LAS GANG YANG RUNG BA'O, ,DE NA GAL TE DGE SLONG DE LA ZHES BYA BA NI SH'AKYA'I BU NYE DGA' LA'O; SNGAR MA BSTABS PAR ZHES BYA BA NI SNGAR MGRON DU MA BOS PAR RO, ,RNAM PAR RTOG PA 'GA' ZHIG BYUNG NAS ZHES BYA BA NI, BSNYEN BKUR BYED PA 'GA' ZHIG BYUNG NAS SO, ,THA GA PA NYE DU MA YIN PA'I GAN DU SONG STE ZHES BYA BA NI DRUNG DU SONG STE'O, ,'DI SKAD CES TSE DANG LDAN PA THA GA PA SHES PAR GYIS SHIG ,GOS 'DI KHO BO'I PHYIR 'THAG GIS ZHES BYA BA NI BDAG NYID NYE BAR STON PAR BYED PA'O, ,TSE DANG LDAN PA THA GA PA GOS 'DI ZHES BYA BA NI 'THAG TU BCUG PA'I PHYIR RO, ,ZHENG CHE BA ZHES BYA BA NI RGYA CHE BA'O, ,KHRUN RING BA ZHES BYA BA NI CHU RING BA'O, ,THAR GYIS ZHAG PA ZHES BYA

BA NI; 'JUR MDUD MED PA'O, ,THAGS RAN BZANG BA ZHES BYA BA NI, BYER ZUG SNYOMS PA DANG, SHAS BZANG BA DANG, SANG SENG MED PAR RO, ,LEGS PAR GYIS SHIG CES BYA BA NI LAG BYAD BZANG POR RO, ,TSE DANG LDAN PA THA GA PA 'DI LTAR KHO BOS GLA RNGAN 'DI LTA STE ZHES BYA BA NI 'OG MA LTA BU DAG SBYIN NO ZHES DAM BCAS PA'O, ,BZA' BA'AM ZHES BYA BA NI BZA' BA LNGA PO DAG GO, ,BCA' BA TZAM MAM ZHES BYA BA NI BCA' BA LNGA PO DAG GO, ,BZA' RGYU ZHES BYA BA NI BZA' BA'I RGYU'O, ,CUNG ZAD CIG SBYIN NO ZHES SMRAS NAS ZHES BYA BA NI, SH'AKYA'I BU NYE DAGS SO, ,GOS BSGRUB PA'I PHYIR ZHES BYA BA NI GOS THOB PAR BYA BA'I PHYIR RO, ,GLA RNGAN 'DI LTA STE, BZA' BA 'AM, BCA' BA TZAM MAM BZA' RGYU CUNG ZAD CIG SBYIN ZHING ZHES BYA BA NI, BTZUN MO PHRENG LDAN MA'I KHYIM NAS THOB PA'I HVAGS KYI LA DU LA SOGS PA LTA BU'O, ,GOS GRUB NA ZHES BYA BA NI GOS THOB NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, SBYIN BDAG DANG, THA GA PA KHYIM PA NYE DU MA YIN PAS DGE SLONG GI PHYIR GOS BTAGS PAR BSAM PA'I 'THAG PA BSKYED NAS, GAL TE SBYIN BDAG GI DOG PA LA SOGS PA ZAD PA DANG, THA GA PA LA GLA RNGAN MA SBYIN PAR GOS GRUB NA, 'THAG PA SKYED PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG DE'I PHYIR BTAGS PAR BYA BA BSAM PA LAS BYUNG BA NYID DANG, KHO LAG CHE BA NYID DAM, 'BRAS BZANG BA NYID LA THA GA PA NGES PAR SBYAR BA DANG, SBYIN PAR BYED PAS DE'I DON DU RJES SU MA GNANG BA LTA BU NI, BYED PA PO DAG YIN NO, ,'DI LA YAN LAG DRUG GIS DNGOS GZHI'I LTUNG BAR 'GYUR TE, SBYIN BDAG DANG THA GA PA KHYIM PA NYE DU MA YIN PA NYID DANG, DGE SLONG DE'I PHYIR GOS 'THAG TU BCUG PA DANG, DGE SLONG GIS 'THAG PA SKYED PA DANG, GAL TE SBYIN BDAG GI DOG PA LA SOGS PA ZAD PA DANG, THA GA PA LA GLA RNGAN MA BYIN PA DANG, GOS GRUB PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'THAG PA SKYED PA'I SPANG BA STE NYI SHU BZHI PA'O,, ,,'PHROG PA'I SPANG BA'I GLENG GZHI NI, SANGS RGYAS

, ,BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DGA' BO LA LHAN CIG GNAS PA DGE SLONG CHOS ZHES BYA BA, NGO TSA SHES PA 'GYOD PA DANG LDAN PA BSDAMS PA 'DOD PA ZHIG YOD PA DES JI SRID DU, DGA' BO GNAS NGAN LEN KUN DU SPYOD PAR MI SHES PA DE SRID DU DE DANG LHAN CIG GNAS SO, ,GANG GI TSE DES DE GNAS NGAN LEN KUN DU SPYOD PAR SHES PA DE'I TSE NA DE RANG BZHIN DU GNAS PA'I DGE SLONG RNAMS DANG LHAN CIG GNAS PAR BRTZAMS TE, BCOM LDAN 'DAS KYI BKA' LUNG GIS DUS GSUM DU RKANG PA LA PHYAG 'TSAL DU 'GRO BA 'BA' ZHIG BYED DO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL BA, KUN DGA' BO SONG LA, DGE SLONG RNAMS LA, DE BZHIN GSHEGS PA KO SA LA DAG TU LJONGS RGYUR BSHEGS KYIS, KHYED CAG LAS GANG DE BZHIN GSHEGS PA DANG THABS CIG KO SA LA DAG TU LJONGS RGYUR 'GRO BAR SPRO BA DES, CHOS GOS KYI LAS GYIS SHIG CES BSGO SHIG ,TSE DANG LDAN PA KUN DGA' BOS, DGE SLONG RNAMS LA DE SKAD CES BSGO BA DGA' BOS THOS NAS NYE DGA' LA SMRAS PA, GAL TE BDAG CAG 'DI NYID DU 'DUG NA NI, SGO 'PHAR BRGYA DAG 'DAS TE, JI NAS KYANG LTO DGANG BA BSGRUB PAR BYA DGOS SO, ,JI STE BCOM LDAN 'DAS KYI ZHAM 'BRING DU 'DONG NA NI, SANGS RGYAS GSHEGS PA LA PHAN YON BCO BRGYAD YOD PAR GSUNGS PA'I SROG CHAGS BRGYA STONG PHRAG DU MA DAG KYANG 'GRO BAR 'GYUR BAS, BDAG CAG GIS RE ZHIG CHU YANG RNYOG PA CAN DAG 'THUNG DGOS PAR 'GYUR LA, SHING LJON PA'I DRUNG DU YANG GO THOB PAR MI 'GYUR GYI, BDAG CAG DGE SLONG RAB TU SHES PA 'GA' ZHIG KHRID DE SNA LA DONG NA, RNYED PA 'GRUB BAR 'GYUR NA SU BKRI, NYE DAGS SMRAS PA, KHYOD KYI LHAN CIG GNAS PA DGE SLONG CHOS DE ZANG ZING GIS BRID DE KHRID CIG ,DE NAS DGA' BOS DGE SLONG CHOS RANG GI DRUNG DU, CHOS GOS SNAM SBYAR 'DRUB PAR ZHU BAR 'ONGS PA'I TSE SMRAS PA, KHYOD LA NGAS CHOS GOS SNAM SBYAR CIG SBYIN GYIS, KHYOD RANG GIS DRUB MI DGOS SO, ,DE NAS CHOS KYIS DGA' BOS BYIN PA'I

SNAM SBYAR GON TE, RANG GI RAS YUG CHEN DGE 'DUN LA PHUL NAS, SNAM SBYAR RNYING PA LNGA BSOD SNYOMS PA CIG LA BYIN NO, ,DE NAS DGA' BOS CHOS LA KHYOD RANG NGA'I PHYI BZHIN 'DONG NGO ZHES SMRAS PA DANG, CHOS MA BTUB NAS, DGA' BOS CHOS GOS SNAM SBYAR BYIN PA DE PHYIR PHROGS SO, ,DE NAS DGE SLONG CHOS GOS SNAM SBYAR MED PAR BCOM LDAN 'DAS KYI ZHAM 'BRING DU LJONGS RGYUR SONG BA BCOM LDAN 'DAS KYIS GZIGS NAS, TSE DAN LDAN PA KUN DGA' BO LA SMRAS SO, TSE DANG LDAN PA KUN DGA' BOS, DE'I LO RGYUS BCOM LDAN 'DAS LA RGYAS PAR GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG LA GOS BYIN NAS, DE'I 'OG TU KHROS 'KHRUGS RNGAM PAR GYUR TE, YI MA RANGS NAS 'PHROG GAM 'PHROG TU GZHUG CING, DE LA 'DI SKAD CES DGE SLONG KHYOD LA GOS MI SBYIN GYIS PHYIR BYIN CIG CES ZER NA, DGE SLONG DES LHAG MA YOD PA'I PHYIR SBYIN PAR BYA ZHING BTANG NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGA' BO, NYON MONGS PA NI MI BZOD PA, NYES PA NI BYIN PHROGS BYED PA'O, ,DE LA YANG DGE SLONG ZHES BYA BA NI, SH'AKYA 'I BU DGA' BO'AM, GZHAN YANG DE LTA BU GANG YIN PA'O, ,DGE SLONG LA ZHES BYA BA NI CHOS 'DI PA LA'O, ,GOS ZHES BYA BA NI, BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TA MA BA'I GOS DANG, NYI 'OG GI GOS LAS GANG YANG RUNG BA'O, ,BYIN NAS ZHES BYA BA NI PHYIR BYIN MI DGOS PAR RO, ,DE'I 'OG TU ZHES BYA BA NI DUS GZHAN NO, ,KHROS 'KHRUGS RNGAM PAR GYUR TE YI MA RANGS NAS ZHES BYA BA NI KHRO BA MA RANGS PAR RO, ,'PHROG GAM ZHES BYA BA NI BDAG NYID KYIS SO, ,'PHROG TU 'JUG CING ZHES BYA BA NI GZHAN NO, ,DE LA 'DI SKAD CES DGE SLONG KHYOD LA GOS MI SBYIN GYIS PHYIR BYIN CIG CES ZER NA ZHES BYA BA NI DBROG PA'I BSAM PAS TSIG DE SKAD ZER NA'O, ,DGE SLONG DES ZHES BYA BA NI, DGE SLONG GANG YIN PA DES SO, ,LHAG MA YOD PA ZHES BYA BA NI DE'I LHAG MA GANG YIN PA'O, ,PHYIR SBYIN PAR BYA ZHING ZHES BYA BA NI GTANG BAR BYA ZHING NGO, ,BTANG NA ZHES BYA BA NI LUS DANG

, ,BRAL BAR BYAS NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DBRAL BAR BYA BA DGE SLONG NYID LAS DBROG PAR BYA BA RANG GI NYID MA YIN PA'I GOS LA SOGS PA YOD BYAD GANG YANG RUNG BA DE'I 'AM DES BSKOS PA'I LUS DANG, NGAG BSDUS PA'AM, THA DAD PA DAG GIS DBROG PA'I DON DU ZHUGS SHING, LUS LAS THA DAD PA'I DNGOS POR GYUR PA MTHAR THUG PA NA DBROG PA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DBRAL BAR BYA BA DGE SLONG NYID DANG, DBROG PAR BYA BA RANG GI NYID MA YIN PA GOS LA SOGS PA DANG, DE'I'AM DES BSKOS PA'I LUS DANG NGAG BSDUS PA'AM, THA DAD PA DAG GIS DBROG PA'I DON DU ZHUGS PA LTA BU NI BYED PA PO DAG YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DBUL BAR BYA BA DGE SLONG NYID DANG, DBROG PAR BYA BA RANG GI NYID MA YIN PA GOS LA SOGS PA YO BYAD GANG YANG RUNG BA DANG, DE'I 'AM DES BSKOS PA'I LUS DANG NGAG BSDUS PA 'AM, THA DAD PA GANG YANG RUNG BA DANG, DBROG PA'I DON DU ZHUGS PA DANG, LUS LAS THA DAD PA'I DNGOS POR GYUR PA MTHAR THUG PA'O; DE DAG LAS YAN LAG MA TSANG NA CI RIGS PAR NA SMAD DO, ,'PHROG PA'I SPANG BA STE NYI SHU LNGA PA'O,, ,,BAM PO BRGYAD PA, BRTAD PA LAS BYUNG BA'I SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,RI BRAGS SHIG NA KHYIM BDAG DAD PA DANG LDAN ZHING BZANG LA DGE BA'I BSAM PA CAN ZHIG 'DUG PA DES, DGON PAR DGE 'DUN GYI GTZUG LAG KHANG RTA BABS MTHON PO DANG LDAN PA, SKAR KHUNG DANG, SKAR KHUNG DRA BA CAN DANG, LAN KAN GYIS BRGYAN PA, SNYING DANG MIG 'PHROG PAR BYED PA, MTHO RIS KYI THEM SKAS SU GYUR PA, KHRI DANG, KHRI'U DANG, YO BYAD PHUN SUM TSOGS PA ZHIG BYED DU BCUG STE, DE NA DGE SLONG DRUG CU GNAS PA DE DAG LA, KHYIM BDAG DES CHOS GOS DANG BSOD SNYOMS LA SOGS PAS MKHO BA STOBS PAR BYED DO, ,DE NAS DUS GZHAN ZHIG

NA KHYIM BDAG DE DUS KYI CHOS DANG LDAN PAR GYUR NAS, DE'I BUS YO BYAD MA SBYAR BAR GYUR NAS, DGE SLONG DRUG CU PO DAG NI GZHAN DU DONG NGO, ,RGAN ZHUGS GNYIS SHIG DE NA 'KHOD PA'I TSE, BYANG PHYOGS NAS TSONG BA DON MTHUN PA DAG DER LHAGS NAS DGE SLONG DRUG CU DBYAR ZLA BA GSUM GNAS PAR KHAS LEN PA'I BSOD SNYOMS DANG, BRGYAD STON DANG BCU BZHI STON DANG, NA BA'I RKYEN DANG, SMAN GYI YO BYAD DANG, RNYED PA DANG, CHOS GOS KYI ZONG DAG PHUL TE, DGE SLONG BZANG PO DAG BSOL DBYAR 'DIR GNAS PAR KHAS LONG SHIG DANG, BDAG CAG KYANG DBYAR GNAS 'DIR MCHIS TE, DGE SLONG BRGYA LA MKHO BA BSTAB BAR BGYI'O RGAN ZHUGS GNYIS LA SMRAS TE DONG NGO, ,DE NAS RGAN ZHUGS GCIG GIS RNYED PA SBAS TE, GCIG GIS MNYAN YOD NAS, DRUG SDE DAG SBRAN PA DANG, DRUG SDE DAG GIS RGAN ZHUGS GNYIS LAS LAS PHYUNG STE, DGE SLONG LTO 'DUN CAN ZHIG BSKOS NAS, NYI MA RE RE ZHING BCA' BA RNAM PA BCO BRGYAD DANG, TSOD MA SNUM BAG CAN MANG PO SNA TSOGS DANG, LEGS PAR SBYAR BA'I BTUNG BA SHA STAG BRIM PAS, DBYAR ZLA BA GSUM GYI BSOD SNYOMS THAMS CAD ZOS TE, GOS KYI RNYED PA YANG BGOS NAS, MNYAN YOD DU DONG NAS DBYAR PHYI MAR GNAS PAR KHAS BLANGS TE 'KHOD DO, ,DBYAR SNGA MA 'DAS PA DANG, BYANG PHYOGS PA'I TSONG BA DON MTHUN PA DAG DER LHAGS TE BLTAS NA DRUG SDE DAG GIS DE LTAR BYAS PA MTHONG NAS, DE DAG SH'AKYA'I BU'I DGE SBYONG RNAMS KYI DGE SBYONG GI TSUL NI TSIG GO, ,BRAM ZE'I TSUL NI TSIG STE, 'DI LTAR BDAG CAG GI DAD PA'I MYU GU SKYES MA THAG TU BCOM MO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS STON ZLA THA CHUNGS NYAR ZHAG BCUS MA TSANG BA TSUN CHAD DU BRTAD PA LAS BYUNG BA'I GOS SHIG RNYED LA, 'DOD NA DGE SLONG DES GOS DE BLANG BAR BYA'O, ,BLANGS NAS GOS SBYIN PA'I DUS KYI BAR DU BCANG BAR BYA'O, ,DE LAS 'DAS PAR 'CHANG NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI RNYED PA LA GDU BA, NYES PA NI

, ,DBYAR GYI NANG DU 'GOD PAR BYED PA'O, ,DE LA DGE SLONG GIS ZHES BYA BA NI CHOS 'DI PAS SO, ,STON ZLA THA CHUNGS NYAR ZHAG BCUS MA TSANG BA TSUN CHAD DU ZHES BYA BA NI, ZHAG BCU NA DGAG DBYE 'BYUNG BA TSUN CHAD DU'O, ,BRTAD PA LAS BYUNG BA'I GOS SHIG CES BYA BA NI BRTAD PA LAS BYUNG BA'I GOS LNGA PO DAG STE, LNGA GANG ZHE NA, NAD PA LA SBYIN BA DANG, NAD PA'I PHYIR SBYIN PA DANG, 'CHI BA LA SBYIN BA DANG, SHI BA'I PHYIR SBYIN BA DANG, 'GRO BAR CHAS PA LA SBYIN PA'O, ,DE DAG KYANG DPE TZAM DU ZAD DE, RGYAL PO DANG, CHOM RKUN DANG, RIGS RGYUD DANG, CHU LA SOGS PAS KHYER DU DOGS PA DANG, MCHOD GNAS BGO SKAL LA GTOGS PA 'CHIR DOGS PA LA SOGS PA DAG KYANG YONGS SU BSDU'O, ,RNYED LA ZHES BYA BA NI GZHAN GYIS SO, ,'DOD NA ZHES BYA BA NI DON DU GNYER NA'O, ,DGE SLONG DES ZHES BYA BA NI DGE SLONG GANG YIN PA DES SO, ,GOS DE ZHES BYA BA NI BDUN PO BAL GOS DANG, SHA NA'I GOS DANG; ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,BLANG BAR BYA'O ZHES BYA BA NI BDAG GIR BYA BA'O, ,BLANGS NAS GOS SBYIN PA'I DUS KYI BAR DU BCANG BAR BYA'O ZHES BYA BA NI SBA BAR BYA BA'O, ,DGE SLONG GI GOS SBYIN PA'I DUS NI GANG YIN, DUS MA YIN PA NI GANG YIN ZHE NA, SRA BRKYANG MA BTING BA'I GNAS NA NI, STON ZLA THA CHUNGS NYA TSUN CHAD NI GOS SBYIN PA'I DUS MA YIN LA LHAG MA NI DUS YIN NO, ,SRA BRKYANG BTING BA'I GNAS NA NI STON ZLA THA CHUNGS NYA PHAN CHAD NAS, DPYID ZLA 'BRING PO'I NYA TSUN CHAD NI DUS YIN LA, LHAG MA NI DUS MA YIN NO, ,DE LAS 'DAS PAR 'CHANG NA ZHES BYA BA NI, DE LA THAL BAR 'CHANG NA'O, ,SBANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR GZHI'I LTUNG BA RNAM PAR GZHAG PA NI, DGE SLONG GIS DBYAR GYI RNYED PA DBYAR GYI NANG LOGS SU BDAG GIR BYED DAM; DE BA GOS SAM, DE SBED PA MA BSKOS PA RNAMS KYIS DGAG DBYE'I NYIN MO'I PHYI DE NYIN PAR MA BGOS NA BRTAD BA LAS BYUNG BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DBYAR GYI RNYED PA DANG, DBYAR GYI NANG LOGS SU BDAG GIR BYED PA DANG, DBYAR GYI NANG

LOGS SU BGOS PA DANG, DE SBED PA MA BSKOS PA RNAMS KYIS DGAG DBYE'I NYIN MO DE'I PHYI DE NYIN PAR MA BGOS PA DAG NI BYED PA PO NYID YIN NO, ,'DI LA YAN LAG LNGAS DNGOS GZI'I LTUNG BAR 'GYUR TE, DBYAR GYI RNYED PA DANG, RUNG BA NYID DANG, BRTAD PA'I DBANG GIS MTHA'I ZHAG BCU LA RNYED PA MA GTOGS PA, DBYAR GYI NANG LOGS SU BDAG GIR BYED PA DANG, DE DBYAR GYI NANG LOGS SU BGOS PA DANG, DE SBED PA MA BSKOS PA RNAMS KYIS DGAG DBYE'I NYIN MO'I PHYIR NYIN PAR MA BGOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,BRTAD PA LAS BYUNG BA'I SPANG BA STE NYI SHU DRUG PA'O,, ,,ZHAG BDUN NA 'BRAL BA'I SBANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI CHAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NAS HA CANG THAG MI RING BA NA, RI BRAGS SHIG YOD PA DE NA KHYIM BDAG PHYUG PA NOR MANG BA, LONGS SPYOD CHE BA ZHIG 'DUG STE, DE YANG DAD PA DANG LDAN ZHING BZANG LA DGE BA'I BSAM PA CAN YIN PAS, DES DGE 'DUN LA BSNGOS TE, GTZUG LAG KHANG RTA BABS MTHON PO DANG LDAN PA, SKAR KHUNG DANG, SKAR KHUNG DRA BA CAN DANG, LAN KAN GYIS BRGYAN PA, SNYING DANG MIG 'PHROG PAR BYED PA, MTHO RIS KYI THEM SKAS SU GYUR PA, KHRI DANG, KHRI'U DANG, YO BYAD PHUN SUM TSOGS PA ZHIG BYED DU BCUG STE, DER DGE SLONG DRUG CUS DBYAR GNAS TE DONG NAS JI TZAM NA DUS GZHAN ZHIG NA DGE SLONG GZHAN DRUG CU LJONGS RGYU ZHING 'GRO BA NA, DER LHAGS NAS, KHYIM BDAG DES YO BYAD SNA TSOGS BSTABS TE, DER DBYAR GNAS PAR KHAS BLANGS SO, ,KHYIM BDAG DE DANG, RI BRAGS DE DANG, RI BRAGS DE'I NYEN 'KHOR NA YANG GTZUG LAG KHANG GZHAN MED PAS DE DAG SBYIN PA BYA BAR SEMS PA YANG YIN PA DE THAMS CAD GTZUG LAG KHANG DE NYID DU SBYIN ZHING BYED PAS, DER DBYAR GNAS PAR KHAS BLANGS PA'I DGE SLONG RNAMS LA RNYED PA MANG PO BYUNG NGO, ,STON ZLA THA CHUNGS GYI G-YON CAN DAG GIS DE THOS NAS DGE 'DUN TSES BCU BZHI LA MTSAN MO CHOS SGROGS PA'I TSE NANG DU BRTUL NAS, DGE SLONG DAG BCOM NAS GOS PHROGS TE DONG BA DANG, DGE SLONG DE DAG KYANG MTSAN MO SGREN MOR MNYAN YOD DU

, ,DONG NAS, DGE SLONG RNAMS KYIS DE DAG LAS CHOS GOS KYI BGO BSHA' BYAS PA'I SKABS DE, ,DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DE LTA BAS NA DGE SLONG DGON PA PAS CHOS GOS GSUM LA CHOS GOS GANG YANG RUNG BA KHYIM GZHAN DU GZHAG PAR BYA'O, ,DER NYAL BAR MI BYA'O, ,SKYA RENGS 'CHAR BAR MI BYA'O, ,GTZUG LAG KHANG NYID DU SKYA RENGS 'CHAR BAR BYA'O, ,DGE SLONG DGON PA PAS ZHAG DRUG GI MTHA' TSUN CHAD DU CHOS GOS DE DANG MTSAMS KYI PHYIR ROL TU 'BRAL BAR BYA'O ZHES RJES SU GNANG BA DANG, DGE SLONG DRUG SDE DAG BSAMS BZHIN DU, ZHAG BDUN 'BRAL BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG RAB TU MANG PO DAG GNAS MAL DGON PA DOGS PA DANG BCAS PAR GRAGS PA, 'JIGS PA DANG BCAS PAR GRAGS PA, 'JIGS PA THA DAD PAS 'JIGS SU RUNG BA DANG BCAS PAR GRAGS PA DAG TU DBYAR PHYI MAR GYUR LA, DGE SLONG DGON PA PAS 'DOD NA, CHOS GOS GSUM LAS CHOS GOS GANG YANG RUNG BA KHYIM GZHAN DU GZHAG PAR BYA'O, ,DGE SLONG DGON PA LA MTSAMS KYI PHYI ROL DU 'GRO DGOS PA DE LTA BU'I RKYEN CIG BYUNG NA, DGE SLONG DGON PA DES ZHAG DRUG GI MTHA' TSUN CHAD DU CHOS GOS DE DANG MTSAMS KYI PHYI ROL DU 'BRAL BAR BYA'O, ,DE LAS 'DAS PAR 'BRAL NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI RANG NYAMS BYED PA, NYES PA NI DGON PAR CHOS GOS KHYIM GZHAN DU GZHAG PA DANG, ZHAG BDUN DU 'BRAL BAR BYED PA'O, ,DE LA DGE SLONG ZHES BYA BA NI CHOS GOS 'DI PA'O, ,RAB TU MANG PO DAG CES BYA BA NI CHOS 'DI GNYIS YAN CHAD NI RAB TU MANG PO DAG YIN NO, , GNAS MAL ZHES BYA BA NI GTZUG LAG KHANG NGO, ,DGON PA ZHES BYA BA NI RDUL PHRA RAB DANG, RDUL PHRA MO DANG, CHU RDUL DANG, LCAGS RDUL DANG, RI BONG RDUL DANG, LUG RDUL DANG, GLANG RDUL DANG, NYI ZER GYI RDUL DANG, SRO MA DANG, SHIG DANG, NAS DANG, SOR DAN, KHRU RNAMS SNGA MA DRUG LA PHYI MA

GCIG TU BSGRES TE, KHRU PHYED DANG BZHI LA MI'I SRID DO, ,KHRU BZHI LA GZHU GANG NGO, ,GZHU LNGA BRGYA LA RGYANG GRAGS TE, DE PHAN CHAD DGON PA'O, ,DOGS PA DANG BCAS PAR GRAGS PA ZHES BYA BA NI CHOM RKUN PAS 'JIGS PAR GRAGS PA'O, ,'JIGS PA DANG BCAS PAR GRAGS PA ZHES BYA BA NI SENG GE DANG, STAG GIS 'JIGS PAR GRAGS PA'O, ,'JIGS PA THA DAD PAS 'JIGS SU RUNG BA DANG BCAS PAR GRAGS PA DAG TU ZHES BYA BA NI, SHA SBRANG DANG, SBRANG BU MCHU RINGS DANG, RLUNG DANG, NYI MA DANG, SDIG SBRUL GYIS 'JIGS PA THA DAD PAS 'JIGS SU RUNG BA DANG BCAS PAR GRAGS PA DAG TU'O, ,DBYAR PHYI MAR GYUR LA ZHES BYA BA'I NI DBYAR PHYI MAR GNAS PAR KHAS BLANGS PAR GYUR LA TE, DE NI GLENG GZHI'I DBANG GIS GSUNGS PAR ZAD KYI, LTUNG BA BSTAN PA NI YAN LAG MA YIN NO, ,DGE SLONG DGON PA PAS ZHES BYA BA NI DGE SLONG GANG YIN PA DES SO, ,'DOD NA ZHES BYA BA NI GAL TE DON DU GNYER NA'O, ,CHOS GOS GSUM LAS CHOS GOS GANG YANG RUNG BA ZHES BYA BA NI, SNAM SBYAR DANG, BLA GOS DANG, MTHANG GOS LAS GAN 'DOD PA'O, ,KHYIM GZHAN DU ZHES BYA BA NI GANG LAM PO CHE DANG, SRANG DANG, BZHI MDO DANG, SUM MDO DAG YOD PAR RO, ,GZHAG PAR BYA'O ZHES BYA BA NI GDAMS PAR BYA BA'O, ,DGE SLONG DGON PA PAS MTSAMS KYI PHYI ROL DU DGOS PA DE LTA BU'I RKYEN ZHIG BYUNG NA ZHES BYA BA DGE 'DUN GYI 'AM, MCHOD RTEN GYI'AM, GANG ZAG GI BYA BA'I PHYIR, MTSAMS KYI PHYI ROL DU 'GRO DGOS PA DE LTA BU'I RKYEN ZHIG BYUNG NA'O, ,DGE SLONG DGON PA PA DES ZHES BYA BA NI DGE SLONG GANG YIN PA DES SO, , ZHAG DRUG GI MTHA' TSUN CHAD DU ZHES BYA BA NI NYIN MTSAN DRUG GI MTHA' TSUN CHAD DU STE ZHAG BDUN PA'I SKYA RENGS MA SHAR TSUN CHAD DU'O, ,CHOS GOS DE DANG MTSAMS KYI PHYI RIL DU 'BRAL BAR BYA'O ZHES BYA BA NI CHOS GOS GZHAG PA GANG YIN PA DE DANG NGO, ,DE LAS 'DAS PAR BRAL NA ZHES BYA BA NI DE LAS LHAG PAR SKYA RENGS 'CHAR BAR BYED NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DGON PA PAS CHOS GOS GSUM LAS GANG YANG RUNG BA KHYIM GZHAN DU GZHAG PA LAS DON GYI DBANG GIS MTSAMS KYI PHYI ROL DU SONG BA ZHAG BDUN PA'I SKYA

, ,RENGS SHAR NA, ZHAG BDUN NA 'BRAL BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG DGON PA BA'I CHO GOS DANG, MTSAMS GZHAN DANG ZHAG BDUN PA'I SKYA RENGS SHAR BA'O, 'DI LA YAN LAG LNGA DNGOS GZHI'I LTUNG BAR 'GYUR TE, DGE SLONG DGON PA PA'I CHOS GOS GSUM LAS GANG YANG RUNG BA DANG, GRONG GZHAN DU GZHAG PA DANG, MTSAMS KYI PHYI ROL DU SONG BA DANG, BAR CHAD KYI DBANG MA GTOGS PA DANG, ZHAG BDUN PA'I SKYA RENGS SHAR BA'O, ,DE DAG LAS YAN LAG MA TSANG NA CI RIGS PAR NA SMAD DO, ,ZHAG BDUN NA 'BRAL BA'I SPANG BA STE NYI SHU BDUN BA'O,, ,,DBYAR GYI RAS CHEN GYI SPANG BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI DGA' RAB BA NA BZHUGS SO, ,BCOM LDAN 'DAS KYIS DGE SLONG GIS DBYAR GYI GOS RAS CHEN BCANG BAR BYA'O ZHES BKA' STZAL TO, ,DE NA DGE SLONG GANG DAG DBYAR GNAS PA SNGA MAR KHAS LEN PA DE DAG NI RANG GI DUS YIN NO ZHES TSOL BAR BYED CING, BDAG GIS CI'I PHYIR MI BCANG ZHES 'CHANG BAR BYED DO, ,DBYAR PHYI MAR GNAS PA KHAS LEN PA DE DAG KYANG RANG GI DUS YIN NO ZHES TSOL BAR BYED CING, BDAG GIS CI'I PHYIR MI BCANG ZHES 'CHANG BAR BYED DE, DE DAG HA CANG MYUR BAR TSOL BA DANG, HA CANG YUN RING DU BCANG BAR BYED PAS BYA BA MANG BA DANG BYED PA MANG BAR GYUR TE, LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED NAS, DGE SLONG DON NYUNG NGU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS SOG RNAMS KYI ZLA BA GCIG LUS NA, DBYAR GYI GOS RAS CHEN BTZAL BAR BYA'O; DBYAR ZAD NAS 'OG TU ZLA BA PHYED KYI BAR DU BCANG BAR BYA'O, ,GAL TE DGE SLONG GIS SO GA RNAMS KYI ZLA BA GCIG LUS PA'I SNGON ROL DU, DBYAR GYI GOS RAS CHEN TSOL BAR BYED DAM, DBYAR ZAD NAS 'OG TU ZLA BA PHYED LAS 'DAS PAR 'CHANG NA SPANG BA'I LTUNG BYED DO ZHES BCA' BA MDZAD DE, YUL NI

MNYAN YOD, GANG ZAG NI DGE SLONG RAB TU MANG PO, ,NYON MONGS PA NI 'DOD ZHE NA, NYES PA NI DBYAR GYI GOS RAS CHEN HA CANG SNGAR TSOL BA DANG, HA CANG YUN RING DU 'CHAR BAR BYED PA'O, ,DE LA GE SLONG GIS ZHES BYA BA NI CHOS 'DI PAS SO, ,SO GA RNAMS KYI ZLA BA GCIG LUS NA ZHES BYA BA NI ZLA BA GCIG NA DBYAR NYE BAR BSGRUB PA 'BYUNG BAR 'GYUR NA'O, ,DBYAR GYI GOS RAS CHEN ZHES BYA BA NI CHAS 'BAB PA'I GOS SO, ,BTZAL BAR BYA'O ZHES BYA BA NI GZHAN LAS SO, ,DBYAR ZAD NAS 'OG TU ZLA BA PHYED KYI BAR DU BCANG BAR BYA'O ZHES BYA BA NI DGAG DBYE BYAS NAS ZLA BA PHYED KYI BAR DU'O, ,GAL TE DGE SLONG GIS SO GA RNAMS KYI ZLA BA GCIG LUS PA'I SNGON ROL DU DBYAR GYI GOS RAS CHEN TSOL BAR BYED DAM ZHES BYA BA NI DE'I MDUN ROL DU'O, ,DBYAR ZAD NAS 'OG TU ZLA BA PHYED LAS 'DAS PAR 'CHANG NA ZHES BYA BA NI DE LAS 'DAS PAR RO, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG BDAG NYID DBYAR GNAS PA SNGA MA'AM PHYI MA GAN DU KHAS BLANGS PA'I DE'I MDUN ROL GYI ZLA BA GCIG PAS SNGA ROL DU, DBYAR GYI GOS RAS CHEN RUNG BA TSOL LAM, DGAG DBYE BYAS NAS ZLA BA PHYED LAS 'DAS PAR DBYAR GYI GOS RAS CHEN 'CHANG NA, DBYAR GYI RAS CHEN GYI SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DBYAR NAS PAR KHAS BLANGS PA'I ZLA BA GCIG GI SNGON ROL DU TSOL BA DANG, DGAG DBYE BYAS PA'I 'OG TU BZLA BA PHYED 'DAS PAR 'CHANG BA DANG, DBYAR GYI GOS RAS CHEN RUNG BA NYID DO, ,'DI LA TSO BA DAN 'CHANG BA'I DUS GNYI GA LA YAN LAG GSUM GYIS DNGOS GZHI'I LTUNG BAR 'GYUR TE, DBYAR GNAS PAR KHAS LEN PA'I ZLA BA GCIG GI SNGON ROL GYI DUS DANG, DE BTZAL BA GRUB BA DANG, DBYAR GI GOS RAS CHEN RUNG BA NYID DO, ,DGAG DBYE BYAS PA'I 'OG ROL GYI ZLA BA PHYED KYI DUS DANG, DE LA 'DAS PAR 'CHANG BA DANG, DBYAR GYI GOS RAS CHEN RUNG BA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,DBYAR GYI GOS RAS CHEN GYI SBANG BA STE NYI SHU BRGYAD PA'O,, ,,BSNGOS PA LAS BSGYUR PA'I SPANG BI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI

, ,TSAL MGON MED ZAS SBYIN GYI KUN DGA' RA BA NA BZHUGS SO, ,BSOD SNYOMS PA ZHIG GIS KHYIM BDAG CIG SKYABS SU 'GRO BA DANG, BSLAB PA'I GZHI DAG LA BZHAG STE, RDZAS LAS BYUNG BA'I BSOD NAMS BYA BA'I GZHI BDUN NGAG GI BSNGAGS PA BRJOD PA DANG, KHYIM BDAG DES SANGS RGYAS LA SOGS PA DGE SLONG GI DGE 'DUN GDUGS TSOD LA SPYAN DRANG ZHING RAS ZUNG CIG YON DBUL BAR BSNGOS TE, NYE DAGS THOS NAS DES RANG LA SGYUR DU BCUG STE, DE'I 'OG TU KHYIM BDAG DES SANGS RGYAS LA SOGS PA DGE SLONG GI DGE 'DUN RANG GI KHYIM DU CHOS STON GSOL NAS, RAS ZUNG DE RGAN PA'I MTHA' LOGS SU RJES SU YI RANG BAR MDZOD CIG CES, RJES SU YI RANG BAR BYED DU BCUG NAS, NYE DGA' LA BYIN NAS, DGE SLONG DON NYUNG DU DAG CI'I PHYIR DGE SLONG DAG DGE 'DUN LA BSNGOS PA'I RNYED PA SHES BZHIN DU GANG ZAG BDAG LA SGYUR DU 'JUG CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN LA BSNGOS PA'I RNYED PA SHES BZHIN DU GANG ZAG BDAG LA SGYUR DU 'JUD NA SPANG BA'I LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA' ,NYON MONGS PA NI BRNAB SEMS, NYES PA NI GZHAN GYIS GZHAN LA BSNGOS PA'I GOS GANG ZAG LA SGYUR DU 'JUD PA'O, ,DE LA YANG DGE SLONG GANG ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,DGE 'DUN LA ZHES BYA BA NI DE BZHIN GSHEGS PA'I NYAN THOS KYI DGE 'DUN LA'O, ,BSNGOS PA'I ZHES BYA BA NI GANG ZAG PA'I'O, ,RNYED PA ZHES BYA BA NI RNYED PA GNYIS TE, GOS KYI RNYED PA DANG, ZAS KYI RNYED PA STE, ,DON 'DIR NI GOS KYI RNYED PA YIN PAR DGONGS SO, ,SHES BZHIN DU ZHES BYA BA NI, BDAG NYID KYIS DE SHES PAR GYUR PA'AM, GZHAN DAG GIS BRJOD PAS SO, , GANG ZAG BDAG LA SGYUR DU 'JUD NA ZHAS BYA BA NI BDAG NYID LA DBUL DU 'JUD NA'O, ,SPANG BA'I LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS YON BDAG GZHAN GYIS GANG ZAG DGE SLONG GZHAN NAM, DGE 'DUN LA BSNGOS PA'I GOS RNYED PA SHIN

TU BDAG NYID LA BSGYUR TE THOB NA, BSNGOS PA LAS BSGYUR BA'I SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, GZHAN GYIS GZHAN LA BSNGOS PA'I GOS KYI RNYED PA DANG, SHES BZHIN DU BDAG NYID LA BSGYUR TE THOB PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, YON BDAG GZHAN GANG YANG RUNG BA DANG, GANG ZAG DGE SLONG GZHAN NAM, DGE 'DUN LA BSNGOS PA DANG, GOS KYI RNYED PA DANG, SHES BZHIN DU BDAG NYID LA BSGYUR BA DANG THOB PA'O, ,DE DAG LAS YAN LAG MA TSANG NA CI RIGS PAR NA SMAD DO, ,BSNGOS PA LAS BSGYUR BA'I SPANG BA STE NYI SHU DGU PA'O,, ,, GSOG 'JOG GI SPANG BA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA GZHUGS SO, ,DE'I TSE NA TSE DANG LDAN PA PI LIN DA'I BU'I LHAN CIG GNAS PA'I NYE GNAS DGE SLONG DAG SMAN GANG DAG DE NAS LAG NYAR BLANGS PA DANG, DE LAS BYIN LEN BYAS PA DANG, ZAS KYI PHYE DANG 'DRES PA DANG, PHAN TSUN 'DRES PA DAG GI RGYUD KYI MYAGS PA GANG DAG RNAM PAR DBYER MI MNGON, DE DAG DUS SU YANG ZA BAR BYED, DUS MA YIN PAR YANG ZA BAR BYED CING, DE DAG LA BZA' BAR RNAM PAR DBYE BAR YANG MI MTHONG NAS DGE SLONG DON NYUNG DU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, BCOM LDAN 'DAS KYIS DGE SLONG NA BA RNAMS LA, PHAN BA SO SOR BSTEN PAR BYA BA'I SMAN GANG DAG BKA' STZAL PA 'DI LTA STE, ZHUN MAR DANG, 'BRU MAR DANG; SBRANG RTZI DANG, BU RAM GYI DBU BA DA DAG LAS DGE SLONG NA BAS 'DOD NA, RANG GIS ZHAG BDUN PAR BYIN GYIS BRLABS TE, GSOG 'JOG GI YONGS SU LONGS SPYOD PAS YONGS SU LONGS SPYOD PAR BYA'O, ,DE LAS 'DAS PAR YONGS SU LONGS SPYOD PAR BYED NA SPANG BA'I LTUNG BYED DO ZHES BCA' BA MDZAD DE, YUL NI RGYAL PO'I KHAB, GANG ZAG NI TSE DANG LDAN PA PI LIN DA'I BU'I LHAN CIG GNAS PA DANG NYE GNAS DGE SLONG DAG, NYON MONGS PA NI LTO 'DUN CHE BA, NYES PA NI GSOG 'JOG BYED PA'O, ,DE LA BCOM LDAN 'DAS KYIS ZHES BYA BA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SO, ,DGE SLONG

, ,ZHES BYA BA NI CHOS 'DI PA'O, ,NA BA RNAMS LA ZHES BYA BA NI NAD PA RNAMS LA'O, ,PHAN PA ZHES BYA BA NI RJES SU MTHUN PA'O, ,SO SOR BSTEN PAR BYA BA'I PHYIR ZHES BYA BA NI RUNG BA'O, ,SMAN GANG DAG BKA' STZAL PA 'DI LTA STE ZHES BYA BA NI RAB TU BSTAN PA'O, ,ZHUN MAR ZHES BYA BA NI MAR BZHUS PA'O, ,'BRU MAR ZHES BYA BA NI 'BRU MAR NYID DO, ,SBRANG RTZI ZHES BYA BA NI SBRANG RTZI'O, ,BU RAM GYI DBU BA ZHES BYA BA NI BU RAM MO, ,DE DAG LAS ZHES BYA BA NI BKA' STZAL PA DE DAG LAS SO, ,DGE SLONG ZHES BYA BA NI DGE SLONG GANG YIN PA DE'O, ,NA BA ZHES BYA BA NI NAD PAS SO, ,'DOD NA ZHES BYA BA NI GAL TE DON DU GNYER NA'O, ,RANG GIS ZHES BYA BA NI BDAG NYID KYIS SO, ,ZHAG BDUN PAR BYIN GYIS BRLABS TE ZHES BYA BA NI NYIN MTSAN BDUN PAR RO, ,GSOG 'JOG GI YONGS SU LONGS SPYAD PAS YONGS SU LONGS SPYAD PAR BYA'O ZHES BYA BA NI RANG GIS BLANGS TE BZA' BAR BYA BA'O, ,DE LAS 'DAS PAR YONGS SU LONGS SPYOD PAR BYED NA ZHES BYA BA NI ZHAG BDUN PA LAS 'DAS PAR RO, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SMAN ZHAG BDUN PAR BYIN GYIS BRLABS PA BZA' BA'I PHYIR 'CHANG BA SKYA RENGS BRGYAD SHAR NA, GSOG 'JOG GI SPANG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI SMAN ZHAG BDUN PAR BYIN GYIS BRLABS PA BZA' BA'I PHYIR 'CHANG BA DANG, DE DAG SKYA RENGS BRGYAD SHAR TE GSOG 'JOG TU GYUR PA NYID DO, ,'DI LA YAN LAG BZHIS DNGOS GZHI'I LTUNG BAR 'GYUR TE, SMAN ZHAG BDUN PAR BYIN GYIS BRLAB PA NYID DANG, RANG NYID BZA' BA'I PHYIR DANG, 'CHANG BA DANG, SKYA RENGS BRGYAD PA SHAR TE GSOG 'JOG TU GYUR PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GSOG 'JOG GI SPANG BA STE SUM CU'O,, ,,TSE DANG LDAN PA DAG BDAG GIS SPANG BA'I LTUNG BYED KYI CHOS SUM CU PO DAG BTON ZIN TO ZHES BYA BA NI SPANG BA'I LTUNG BYED GDON PA'I MJUG BSDU BA STE, SPANG BA'I LTUNG BYED KYI CHOS SUM CU PO DAG CES BYA BA NI SNGAR BSTAN PA'I BCU PHUNG GSUM PO DAG GO, ,BDAG GIS BTON ZIN TO ZHES BYA BA NI DAM BCAS PA'I DON GYIS MJUG

BSDU BA'I PHYIR DANG, NYAN PA PO RNAMS SPRO BAR BYA BA'I PHYIR SMOS SO, ,DE LA BDAG GIS TSE DANG LDAN PA DAG LA CI 'DI LA KHYED YONGS SU DAG GAM ZHES DRI'O, ,CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BA NI SPANG BA'I LTUNG BYED RNAM PAR GZHAG PA BSGRAG PAR BYA BA YIN TE, DE LA ZHES BYA BA NI, SPANG BA'I LTUNG BYED KYI CHOS SUM CU PO DAG BTON PA DE LA'O, ,LHAG MA NI SNGA MA BZHIN NO, ,SDANG BA'I LTUNG BYED GDON PA BSHAD ZIN TO,, ,,DA NI LTUNG BYED 'BA' ZHIG TU 'GYUR BA GDON PA BSHAD PAR BYA STE, DE'I PHYIR SPYI SDOM LA, SHES BZHIN DANG NI SA BON DANG, ,MA BSKOS PA DANG YANG DANG YANG, ,CHU DANG KHYIM DANG BSAMS BZHIN DANG, ,'GRON MANG RKUN MA MCHOD STON NO, ,ZHES BYA BA LA SOGS PA GSUNGS SO, ,SPYI SDOM LA ZHES BYA BA NI, LTUNG BYED DGU BCU LA, BCU PA PHRAG DGU 'OG NAS 'BYUNG BA RNAMS KYI SPYI'I DON TSIGS SU BCAD PA GCIG GIS BSDUS PA YIN NO, ,DE LA SHES BZHIN DANG NI ZHES BYA BA NI 'OG NAS SDOM LA, BRDZUN SKYON DGE SLONG PHRA MA DANG, ,SKYO SNGOGS BYED DANG STON PA DANG, ,'DON DANG GNAS NGAN LEN DANG CHOS, ,BSHES DOR BYED DANG KHYAD DU GSOD, ,CES 'BYUNG BA'I SPYI SDOM YIN NO, ,SA BON DANG ZHES BYA BA NI, 'OG NAS SDOM LA, SA BON 'PHYA BA BSGO BA DANG, ,KHRI DANG GDING DANG SKROD PA DANG, ,PHYIS GNON 'BYUNG BA 'DEBS PA DANG, ,RIM PA GNYIS SU BRTZIG PA'O, ,ZHES 'BYUNG BA'I SPYI SDOM YIN NO, ,MA BSKOS PA DANG ZHES BYA BA NI, 'OG NAS SDOM LA, MA BSKOS NYI MA NUB PA DANG, ,ZAS DANG CHOS GOS GNYIS DAG DANG, ,DON MTHUN GRU DANG DBEN PA GNYIS, ,DGE SLONG MA YIS SBYOR BCUG PA'O, ,ZHES 'BYUNG BA'I SPYI SDOM YIN NO, ,YANG DANG YANG ZHES BYA BA NI, 'OG NAS SDOM LA, YANG DANG YANG NI 'DUG GNAS GCIG, ,PHYE DANG BCA' DANG STOBS PA DANG, ,'DUS DANG DUS MIN GSOG 'JOG DANG, ,KHA NAS MID DANG BSOD PA NYID, ,CES 'BYUNG BA'I SPYI'I SDOM YIN NO, ,CHU DANG ZHES BYA BA NI, 'OG NAS SDOM LA, SROG CHAGS BCAS DANG NYAL SAR 'DUG ,'GRENG DANG GCER BU DMAG DANG NI, GZHAG GNYIS BSHAMS DKRUG 'GRO BA DANG, ,BRDEG DANG GZAS DANG GNAS NGAN LEN, ,CES 'BYUNG BA'I SPYI SDOM YIN NO, ,KHYIM

, ,DANG ZHES BYA BA NI, 'OG NAS SDOM LA, BDE DANG ME DANG 'DUN PA DANG, BSNYEN PAR MA RDZOGS CHOS DANG SMRA, ,DGE TSUL KHA DOG BSGYUR BA DANG, ,RIN PO CHE DANG TSA BA'I DUS, ,ZHES 'BYUNG BA'I SPYI SDOM YIN NO, ,BSAMS BZHIN DANG ZHES BYA BA NI, 'OG NAS SDOM LA, DUD 'GRO 'GYOD PA SOR MO DANG, ,RTZE DANG LHAN CIG SDANGS BYED DANG, ,SBED DANG GDENG MED GZHI MED DANG, ,SKYES PA MED PAR LAM 'GRO BA'O, ,ZHES 'BYUNG BA'I SPYI SDOM YIN NO, ,'GRON MANG RKUN MA ZHES BYA BA NI 'OG NAS, SDOM LA, RKU DANG NYI SHU MA LON DANG, ,RKO DANG 'GRON DANG BSLAB PA DANG, ,'THAB DANG MI SMRA 'GRO BA DANG, ,MI GUS CHANG 'THUNG DUS MIN PA'O, ,ZHES 'BYUNG BA'I SPYI SDOM YIN NO, ,MCHOD STON NO ZHES BYA BA NI, ,'OG NAS SDOM LA, ZAS BCAS SKYA RENGS DAG DOD DANG, KHAB RAL DANG NI KHRI RKANG DANG, ,BDAL DANG GDING DANG G-YAN PA DANG, ,RAS CHEN BDE GSHEGS CHOS GOS SO, ,ZHES 'BYUNG BA'I SPYI SDOM YIN NO, ,DA NI SPYI SDOM GYIS BSDUS PA'I SDOM GYI BCU PA PHRAG DGU GO RIMS BZHIN DU BSHAD PAR BYA STE, DE'I PHYIR SDOM LA, BRDZUN SKYON DGE SLONG PHRA MA DANG, ,SKYO SNGOGS BYED DANG STON PA DANG, ,'DON DANG GNAS NGAN LEN DANG CHOS, ,BSHES NGOR BYED DANG KHYAD DU GSOD, ,CES BYA BA GSUNGS TE, SDOM LA ZHES BYA BA'I TSIG GI DON DANG DGOS PA NI SNGA MA BZHIN NO, ,BCU PA DANG PO'I SDOM 'DIS LTUNG BYED KYI CHOS BCU STON TE, BRDZUN DU SMRA BA DANG, SKYON NAS SMRA BA DANG, PHRA MA BYED PA DANG, SKYO SDOGS BYED PA DANG, STON PA DANG, 'DON PA DANG GNAS NGAN LEN BRJOD PA DANG, MI'I CHOS BLA MA BRJOD PA DANG, SKUR PA 'DEBS PA DANG, KHYAD DU GSONG PA'O, ,TSE DANG LDAN PA DAG LTUNG BYED KYI CHOS DGU BCU PO 'DI DAG NI ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI LTUNG BYED GDON PA 'DI'I LUNG DBOG PA BSTAN TO, ,LTUNG BYED KYI CHOS ZHES BYA BA NI SPANG PA'I LTUNG BYED DAG LTAR DNGOS PO DE SPANGS NAS LTUNG BYED KYI LTUNG BA BSHAGS PAR BYA BA LTA BU MA YIN TE, SPANG BAR BYA BA'I DNGOS PO MED PA'I PHYIR, DES NA LTUNG BYED 'BA' ZHIG CES BYA BA'I MING THOB PO, ,DE DAG NYID KHA NA MA THO BA'I MTSAN NYID 'DZIN PAS CHOS ZHES BYA BA'O, ,DGU BCU PO 'DI DAG NI ZHES BYA BA NI GRANGS DGU BCU CHAD PA'I

BCU PA PHRAG DGU 'OG NAS 'BYUNG BA DAG GO, ,ZLA BA PHYED PHYED CING SO SOR THAR PA'I MDO 'DON PA LAS 'BYUNG NGO ZHES BYA BA NI, ZLA BA PHYED PHYED CING GSO SPYOD 'DON PA'I TSE, 'DUL BA 'DZIN PA'I KHA TON LAS 'BYUNG NGO ZHES BSTAN PA YIN NO, ,DE LA BRDZUN DU SMRA BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA MNYAN YOD NA, SH'AKYA'I BU'I DGE SLONG LAG BRGYUD CES BYA BA CIG 'DUG PA DE SHIN TU SMRA BA DANG, GZHAN GYI SMRA BA'I RJES SU BRTZON PAR GNAS SO, ,LHO PHYOGS NAS BRAM ZE RIG BYED DANG, RIG BYED KYI YAN LAG PHA ROL DU SON PA DANG, YUL THA DAD PA NA GNAS PA'I BRAM ZE RNAMS KYI STON PAR GYUR PA ZHIG KYANG BRAM ZE'I KHYE'U MANG PO'I 'KHOR DANG LHAN CIG TU MNYAN YOD DU PHYIN TO, ,MNYAN YOD NA GNAS PA'I BRAM ZE 'KHOR SHIN TU MANG PO DANG LDAN PA ZHIG GIS DE DANG BRTZAD PAR BRTZAMS PA NI, RIG PA'I GNAS GANG DANG GANG LA GTAM DE 'DRE BAR BYED PA DE DANG DE LA LHO PHYOGS PA DES MNYAN YOD PA 'KHOR DANG BCAS PA DE DAG SPOBS PA MED PAR BYAS SO, ,DE'I TSE SH'AKYA'I BU DGE SLONG LAG BRGYUD DER 'ONGS PA DANG, LHO PHYOGS PA'I BRAM ZE DES SMRAS PA, KYE DGE SLONG KHYOD SLOB DPON GYI MTSAN YOD PAS KHYOD NI SMRA BA'I KHYU MCHOG CIG YIN PA 'DRA NA, BDAG LA YANG BLA MA LAS YI GE CUNG ZAD BLANGS PA CIG YOD DE, BDAG KHYOD DANG LHAN CIG CUNG ZAD GTAM RNAM PAR GTAN LA DBAB PA BYED PAR 'DOD DO, ,LAG BRGYUD KYIS SMRAS PA, BRAM ZE MA NYES TE KHO BO LA YANG GANG DU BDAG GIS RGOL BA'I BSTAN BCOS RNON PO BYA SNYAM PA'I BLO SKYES NAS KHYOD KYANG 'DIR 'ONGS KYIS, DE BZHIN DU BYA'O ZHES PHYI DE NYIN BAR SKYED MOS TSAL GA GE MO ZHIG TU 'GYED PAR DUS BTAB PO, ,DE'I NUB MO LAG BRGYUD KYIS BSAMS PA, GAL TE BDAG GIS RE ZHIG BRAM ZE TSAR BCAD NA NI, DE LTA NA YANG BDAG GIS SGO 'PHAR BRGYA DAG 'DAS TE, JI LTAR LTO DGANG BA BSGRUB PAR BYA DGOS SO, ,GAL TE BRAM ZES BDAG TSAR BCAD NA NI, DE LTA NA BDAG GI GRAGS PA'I PHRENG BA MED PAR 'GYUR RO SNYAM NAS DE'I PHYI DE NANG PAR RGOL BA'I SAR MA SONG NGO, ,DE LTA BU LAN GNYIS LAN GSUM TZAM DU 'DUS PA LAS KYANG, SH'AKYA'I BU LAG BRGYUD KYIS DE THO 'TSAMS PA'I PHYIR YUL

, ,PHYOGS DANG, BRDA DANG MTSAN MA BYAS NAS CHED DU BSAMS TE MI 'GRO NAS, GZHAN MU STEGS CAN DAG SHES LDAN DAG ,SH'AKYA'I BU'I DGE SBYONG 'DI DAG NI BRDZUN SMRA BA, BRDZUN SMRA BA LAS MA LOG ,MA SPANGS, SO SOR MA SPANGS PA DAG YIN TE, SNGA BTUS PA LAS YUL PHYOGS DANG, BRDA DANG, MTSAN MA BYAS NAS CHED DU BSAMS TE 'GRO BAR MI BYED DO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU SHES BZHIN DU BRDZUN SMRA NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI SH'AKYA'I BU DGE SLONG LAG BRGYUD, NYON MONGS PA NI GZHAN LA THO 'TSAMS PA, NYES PA NI SHES BZHIN DU BRDZUN SMRA BA'O, ,DE LA SHES BZHIN DU ZHES BYA BA NI, RNAM PAR DPYAD NAS SO, ,BRDZUN SMRA NA ZHES BYA BA LA, BRDZUN SMRA BA NI RNAM PA DGU YANG YOD, RNAM PA BRGYAD KYANG YOD, RNAM PA BDUN YANG YOD, RNAM PA DRUG KYANG YOD, RNAM PA LNGA YANG YOD, RNAM PA BZHI YANG YOD, RNAM PA GSUM YANG YOD, RNAM PA GNYIS KYANG YOD, DE LA BRDZUN DU SMRA BA RNAM PA DGU GANG ZHE NA, GZHI MED PAR PHAM PAR 'GYUR BA DANG, DGE 'DUN LHAG MA DANG, LTUNG BYED DANG, SO SOR BSHAGS PAR BYA BA DANG, NYES BYAS DANG, TSUL KHRIMS NYAMS PA DANG, LTA BA NYAMS PA DANG, CHO GA NYAMS PA DANG, 'TSO BA NYAMS PAS GLENG BA'O, ,RNAM PA BRGYAD GANG ZHE NA, GZHI MED PAR PHAM PAR 'GYUR BA DANG, DGE 'DUN LHAG MA DANG, LTUNG BYED DANG, SO SOR BSHAGS PAR BYA BA DANG, NYES BYAS DANG, MTHONG BA DANG, THOS PA DANG, DOGS PAS GLENG BA'O, ,RNAM PA BDUN GANG ZHE NA, GZHI MED PAR TSUL KHRIMS NYAMS PA DANG, LTA BA NYAMS PA DANG, CHO GA NYAMS PA DANG, 'TSO BA NYAMS PA DANG, MTHONG BA DANG, THOS PA DANG, DOGS PAS GLENG BA'O, ,RNAM PA DRUG GANG ZHE NA, DGE SLONG BRDZUN DU SMRA BAR 'DOD PA NA 'DI SNYAM DU BRDZUN SMRA BAR BYA'O SNYAM PA DANG, BRDZUN SMRA BA NA 'DI SNYAM DU BRDZUN SMRA'O SNYAM PA DANG, BRDZUN SMRAS PA NA 'DI SNYAM DU BRDZUN SMRAS SO SNYAM PA DANG, GZHI MED PAR MTHONG BA DANG, THOS PA DANG, DOGS PAS BRDZUN DU SMRA BA'O, ,RNAM PA LNGA GAR ZHE NA, GZHI

MED PAR PHAM PAR 'GYUR BA DANG, DGE 'DUN LHAG MA DANG, LTUNG BYED DANG, SO SOR BSHAGS PAR BYA BA DANG, NYES BYAS KYIS GLENG BA'O, ,RNAM PA BZHI GANG ZHE NA, GZHI MED PAR TSUL KHRIMS NYAMS PA DANG, LTA BA NYAMS PA DANG, CHO GA NYAMS PA DANG, 'TSO BA NYAMS PAS GLENG BA'O, ,RNAM PA GSUM GANG ZHE NA, GZHI MED PAR MTHONG BA DANG, THOS PA DANG, DOGS PAS GLENG BA'O, ,GZHAN YANG RNAM PA GSUM GANG ZHE NA, BRDZUN SMRA BAR 'DOD PA NA 'DI SNYAM DU BRDZUN SMRA BAR BYA'O SNYAM PA DANG, BRDZUN SMRA BA NA 'DI SNYAM DU BRDZUN SMRA'O SNYAM PA DANG, BRDZUN SMRAS PA NA 'DI SNYAM DU BRDZUN SMRAS SO SNYAM PA'O, ,RNAM PA GNYIS GANG ZHE NA, BRDZUN SMRAS PA NA 'DI SNYAM DU BRDZUN SMRA'O SNYAM PA DANG, BRDZUN SMRAS PA NA 'DI SNYAM DU BRDZUN SMRAS SO SNYAM PA'O, ,BRDZUN SMRA BA LA RNAM PA GCIG PU 'BA' ZHIG NI MED DO, ,BRDZUN SMRA BA NI PHAM PAR 'GYUR BA YANG YOD, DGE 'DUN LHAG MAR 'GYUR BA YANG YOD, NYES PA SBOM POR 'GYUR BA YANG YOD, LTUNG BYED DU 'GYUR BA YANG YOD, NYES BYAS SU 'GYUR BA YANG YOD DO, ,DE LA BRDZUN DU SMRA BA PHAM PAR 'GYUR BA GANG ZHE NA, 'DI LTA STE, DGE SLONG LA MED LA MED BZHIN DU MI'I CHOS BLA MA SMRA BA'O, ,DGE 'DUN LHAG MAR 'GYUR BA GANG ZHE NA, 'DI LTA STE, DGE SLONG KHROS SHING ZHE SDANG BAR GYUR NAS, JI NAS KYANG 'DI TSANGS PAR SPYOD PA DANG DBRAL LO SNYAM NAS, DGE SLONG DAG PA LTUNG BA MED PA LA GZHI MED PAR PHAM PAR 'GYUR BA'I CHOS KYIS SKUR BA 'DEBS PA'O, ,NYES PA SBOM POR 'GYUR BA GANG ZHE NA, 'DI LTA STE, DGE SLONG DGE 'DUN GYI NANG DU CHED DU BSAMS TE, CHOS MA YIN PA CHOS SU STON PA DANG, CHOS CHOS MA YIN PAR STON PA DANG, 'DUL BA MA YIN PA 'DUL BAR STON PA DANG, 'DUL BA 'DUL BA MA YIN PAR STON PA'O, ,NYES BYAS SU 'GYUR BA GANG ZHE NA, 'DI LTA STE, DGE SLONG ZLA BA PHYED PHYED CING SO SOR THAR PA'I MDO GDON PA 'DON PA DANG, CI 'DI LA KHYOD YONGS SU DAG GAM ZHES DRIS PA NA, YONGS SU MA DAG BZHIN DU CANG MI SMRA BAR SDOD PA'O, ,LTUNG BYED DU 'GYUR BA GANG ZHE NA, 'DI LTA STE, BRDZUN DU SMRA BA RNAM PA BZHI PO DE DAG MA GTOGS PAR BRDZUN DU SMRA PA GZHAN GANG DAG YIN PA DE DAG THAMS CAD NI LTUNG BYED DU 'GYUR BA YIN NO, ,LTUNG BYED DO ZHES BYA BA NI SEMS CAN DMYAL BA DANG, DUD 'GRO DANG, YI DAGS

, ,DANG; NGAN SONG DANG, NGAN 'GRO DANG, LOG PAR LTUNG BA DAG TU SREG PAR BYED, 'TSED PAR BYED, LTUNG BAR BYED PA'O, ,GZHAN YANG LTUNG BA DE MA BZHAGS SHING SO SOR MA BSHAGS NA DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, PHAM PAR 'GYUR BA DANG, DGE 'DUN LHAG MAR 'GYUR BA DANG, NYES PA SBOM POR 'GYUR BA DANG, NYES BYAS SU 'GYUR BA LAS GZHAN PA'I BRDZUN DU SMRA BA DON SHES PA'I YUL LA 'DU SHES GZHAN DU BSGYUR TE BRDZUN DU SMRA BA NI 'DI SNYAM DU BRDZUN SMRA'O SNYAM PA DANG; BRDZUN SMAS PA NA 'DI SNYAM DU BRDZUN SMRAS SO SNYAM NA, BRDZUN DU SMRA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DON SHES PA'I YUL LA 'DU SHES GZHAN DU BSGYUR BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, 'DU SHES BSGYUR BA NYID DANG, BDAG NYID KYIS SMRAS PA NYID DANG, NYAN PA PO MI'I 'GRO BAR GTOGS PA RANG BZHIN DU GNAS PA NYID DANG, LTUNG BYED DU 'GYUR BA'I BRDZUN NYID DANG, GZHAN GYI DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,BRDZUN DU SMRA BA'I LTUNG BYED DE DANG PO'O,, ,,SKYON NAS SMRA BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG DGE SLONG RNAMS LA 'DI LTA STE, ZHAR BA DAG THENG PO DAG ,SMAD 'CHAL DAG ,LAG SOR RDUM PO DAG ,SGUR PO DAG, MI'U THUNG DAG ,WA BA CAN DAG ,LKUGS PA DAG ,'ON PA DAG ,RTEN 'PHYE DAG ,GYOL PO DAG ,MCHU 'PHYANGS PA DAG ,MGO BO CHE DAG CES MI'I SKYON NAS SMRA BAS KUN DU SPYOD PAR BYED DE, DES DGE SLONG DAG SNGA GONG PA DANG, GZENGS DMAS PA DANG, ZHUM PAR GYUR NAS LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG ZHING SDUG BSNGAL TE YID MI BDE BA MANG BAR GNAS NAS, DGE SLONG DON NYUNG DU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS

BCOM LDAN 'DAS KYIS SNGA MA BZHIN DU MI'I SKYON NAS SMRA NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI NGAG YANG DAG PAR MA BSDAMS PA, NYES PA NI MI'I SKYON NAS SMRA BA'O, ,DE LA MI'I SKYON NAS SMRA NA ZHES BYA BA NI, MI'I SKYON NA SMRA BA'I BSAM PA DAG DANG, TSIG GI SGRA DANG, NGAG GI LAS DANG, NGAG GI RNAM PAR RIG BYED SMRA BA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG GI SKYON NYID BRJOD PAR 'DOD PAS, TSIG 'JAM POS KYANG RUNG, RTZUB POS KYANG RUNG STE, SKYON GYI RNAM PA RUNG BA MA YIN PA BSAM PA GANG YANG RUNG BAS SMRAS NA, MI DGA' BA NYID DU MA GYUR NA YANG, SKYON NAS SMRA BA'I LTUNG BYED KYI DNGOS GZHIR 'GYUR TE, 'DI'I BYED PA PO NI SKYON NYID BRJOD PAR 'DOD PA DANG, PHA ROL PO DGE SLONG NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, PHA ROL PO DGE SLONG NYID DANG, SKYON NYID BRJOD PAR 'DOD PA DANG RANG GI TSIG GANG YANG RUNG BA DANG, SKYON RUNG BA MA YIN PAR BSAM PA GAG YANG RUNG BAS SMRAS PA DANG, PHA ROL POS DON GO BA NYID DO, ,DE DAG LA YAN LAG MA TSANG NA CI RIGS PAR NA SMAD DO, ,SKYON NAS SMRA BA'I LTUNG BYED DE GNYIS BA'O,, ,,PHRA MA BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG DGE SLONG RNAMS LA PHRA MAS KUN DU SPYOD PAR BYED DE, DES DGE SLONG DAG SPA GONG BA DANG; GZENGS DMAS PA DANG, ZHUM PAR GYUR NAS LUNG MNOD PA DANG , KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED, 'DI LTAR DUS YUN RING PO NAS NYE BAR BSAMS PA CHOS DANG LDAN PA'I GCUGS PA'I RGYUN YANG GCOD PAR BYED NAS, DGE SLONG DON NYUNG DU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG LA PHRA MA BYED NA LTUNG BYED DO ZHES BCA' BA MDZAD DE, YUL NI MNYAN YOD,

, ,GANG ZAG NI DRUG SDE, NYON MONGS PA NI DBYEN GYI BSAM PA, NYES PA NI DGE SLONG LA PHRA MA BYED PA'O, ,DE LA DGE SLONG LA PHRA MA BYED NA ZHES BYA BA NI, DGE SLONG LA PHRA MA BYA BA'I BSAM PAS NGAG DANG, TSIG DANG, THA SNYAD DANG, SKAD BRJOD PA DANG, NGES PA'I TSIG DANG, TSIG GI LAM DANG TSIG GI SGRA DANG, NGAG GI LAS DANG, NGAG GI RNAM PAR RIG BYED SMRA NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG PHRA MA BYED 'DOD PA, DGE SLONG GZHAN LA DGE SLONG CHE GE MO ZHIG 'DI SKAD ZER RO ZHES PHRA MA'I TSIG GANG YANG RUNG BA SMRA NA, PHRA MA BYED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DBYE BA'I BSAM PA NYID DANG, DBYE BAR BYA BA GNYI GA DGE SLONG NYID YIN PA'O 'DI LA YAN LAG LNGAS DNGOS GZHI'I LTUNG BAR 'GYUR TE, DBYE BA'I BSAM PA NYID DANG, DBYE BAR BYA BA GNYIS GA DGE SLONG NYID DANG, RANG GI TSIG GANG YANG RUNG BA NYID DANG, NGOR SMRAS PA DANG, PHA ROL POS DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,PHRA MA BYED PA'I LTUNG BYED DE GSUM PA'O,, ,,SKYO SNGOGS BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DGE 'DUN MTHUN PAS CHOS BZHIN DU RTZOD PA SBYANGS PAR SHES BZHIN DU, RTZOD PA 'DI NI SHAD KYIS MA BYANG BA DANG, LEGS PAR SHAD KYIS MA BYANG BA YIN GYIS, YANG SHAD KYIS BYANG BAR BYA'O, ,RTZOD PA 'DI NI NGES PAR MA BRTAGS PA DANG, LEGS PAR NGES PAR MA BRTAGS PA YIN GYIS, YANG NGES PAR BRTAG PAR BYA'O, ,RTZOD PA 'DI NI NYE BAR MA ZHI BA DANG, LEGS PAR NYE BAR MA ZHI BA YIN GYIS, YANG NYE BAR ZHI BAR BYA'O ZHES YANG LAS KYIS SKYO SNGOGS BYED DE, DGE SLONG DAG YANG DANG YANG DU RTZOD PA NYE BAR ZHI BAR BYED PA NA, BYA BA MANG BA DANG, BYED PA MANG BAR GYUR NAS, LUNG MNOD PA DANG, KLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED NAS, DGE SLONG DON NYUNG DU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN

'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN MTHUN PAS CHOS BZHIN DU RTZOD PA SBYANGS PAR SHES BZHIN DU YANG LAS KYIS SKYO SNGOGS BYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI RTZOD PA LA DGA' BA; NYES PA NI SKYO SNGOGS BYED PA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,DGE 'DUN ZHES BYA BA NI DE BZHIN GSHEGS PA'I NYAN THOS KYI DGE 'DUN NO, ,MTHUN PAS ZHES BYA BA NI BLO MTHUN PAS SO, ,CHOS BZHIN DU ZHES BYA BA NI CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA BZHIN DU'O, ,RTZOD PA ZHES BYA BA NI, RTZOD PA BZHI PO 'GYOD PA'I PHYIR RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA DANG, BYA BA'I PHYIR RTZOD PA'O, ,SBYANGS PAR ZHES BYA BA NI NYE BAR ZHI BAR BYAS PA'O, ,SHES BZHIN DU ZHES BYA BA NI, RANG NYID KYIS YONGS SU RIG PA'AM, GZHAN DAG GIS BRJOD PAS SO, ,YANG LAS KYIS SKYO SNGOGS BYED NA ZHES BYA BA NI YANG BYED NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GNYUG MAR GNAS PA DANG, LAS BYED PA DANG, 'DUN PA 'BUL BA DAG GIS DGE SLONG GNYIS KYI RTZOD PA GANG YANG RUNG BA DE DGE 'DUN GYIS LEGS PAR ZHI BAR BYAS PAR SHES BZHIN DU, GANG LAS KYIS SKYO SNGOGS BYED NA LTUNG BYED KYI DNGOS GZHIR 'GYUR RO, ,'DI'I BYED PA PO NI DGE SLONG GNYIS KYI RTZOD PA NYID DGE 'DUN GYIS LEGS PAR ZHI BAR BYAS PA NYID LA, 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, RGOL BA DANG, PHYIR RGOL BA GNYIS KA DGE SLONG NYID YIN PA DANG, RTZOD PA BZHI PO GANG YANG RUNG BA DANG, DGE 'DUN GYIS LEGS PAR ZHI BAR BYAS PA DANG, LTUNG BA 'BYIN PA POS DE LTAR SHES PA DANG, YANG LAS KYIS SKYO SNGOGS BYED PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SKYO SNGOGS BYED PA'I LTUNG BYED DE BZHI PA'O,, ,,STON PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA

, ,BZHUGS SO, ,TSE DANG LDAN PA 'CHAR KA SHA MTSAN GYI RIG PA SHES TE, SNGA DRO SHAM THABS BGOS, LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS SHING, BRAM ZE DANG KHYIM BDAG DAG LA CHOS BSTAN NAS, MNA' MA LA DRIS PA, SRU MO KHYOD KYI SGYUG MO CI 'DRA, DES SMRAS PA, 'PHAGS PA RI BONG MO MDAS PHOG PA CI 'DRA BA DE 'DRA'O, ,'CHAR KAS SMRAS PA, SRU MO CI DE DE'I NYES PA YIN SNYAM MAM, DE LTAR DE LA GTUM PA'I MTSAN NU MA'I BAR DANG, MDOMS KYI BAR DANG, RKED PA'I BAR DAG NA SHA RMAN DANG, MDZER BU DANG SME BA DANG, SME BA DMAR PO DANG, SPRU 'KHYIL PA DAG YOD PAS DE NI DE'I NYES PA YIN NO, ,DE'I 'OG TU SGYUR MO'I GAN DU SONG STE DRIS PA, SRU MO KHYOD KYI MNA' MA CI 'DRA, DES SMRAS PA, 'PHAGS PA DE'I SKYON NI SE DAR GYIS BDAR 'TSAL TE, LE LO CAN SGRUB MI PHOD PA, GTUM PA GSHE BA SPYO BAR BGYID PA LAGS SO, , 'CHAR KAS SMRAS PA, SRU MO CI DE DE'I NYES PA YIN SNYAM MAM, 'DI LTAR DE LA GTUM PA'I MTSAN NU MA'I BAR DANG, MDOMS KYI BAR DANG, RKED PA'I BAR DAG NA, SHA RMAN DANG, 'DZER BU DANG, SME BA DANG, SME BA DMAR PO DANG, SPU 'KHYIL PA DAG YOD PAS, DE NI DE'I NYES PA YIN NO, ,DES BRAM ZE DANG KHYIM BDAG GZHAN DAG LA CHOS BSTAN NAS, SGYUG MO LA DRIS PA, SRU MO KHYOD KYI MNA' MA CI 'DRA, DES SMRAS PA, 'PHAGS PA BU MO'AM NU MO CI 'DRA BA DE 'DRA'O, ,'CHAR KAS SMRAS PA, SRU MO DE NI DE'I YON TAN MA YIN TE, 'DI LTAR DE LA NGES PA'I MTSAN NU MA'I BAR DANG, MDOMS KYI BAR DANG, RKED PA'I BAR DAG NA DPAL BE'U DANG, BUM PA GANG BA DANG, BKRA SHIS DANG, G-YUNG DRUNG DAG YOD PAS DE NI DE'I YON TAN YIN NO, ,DE'I 'OG TU MNA' MA'I GAN DU SONG STE DRIS PA, SRU MO KHYOD KYI SGYUG MO CI 'DRA, DES SMRAS PA, 'PHAGS PA MA'AM PHU MO CI 'DRA BA DE 'DRA'O, ,'CHAR KAS SMRAS PA, BU MO DE NI DE'I YON TAN MA YIN TE, 'DI LTAR DE LA NGES PA'I MTSAN NU MA'I BAR DANG, MDOMS KYI BAR DANG, RKED PA'I BAR DAG NA, DPAL BE'U DANG, BUM PA GANG BA DANG, BKRA SHIS DANG, G-YUNG DRUNG DAG YOD PAS DE NI DE'I YON TAN YIN NO, ,DE NAS DUS GZHAN ZHIG NA BUD MED DE DAG BSKU MA NYE DANG, DRIL PHYI DANG,

KHRUS BYED PA'I TSE GCIG LA GCIG GSANG BA'I GNAS KYI MTSAN MA RTOG PAR BYED PA NA, TSE DANG LDAN PA 'CHAR KAS JI SKAD BSTAN PA DE KHO NA LTA BU'I MTSAN MA BZANG PO DANG, NGAN PA DAG MTHONG ZHING GANG GI TSE DE DAG 'THAB PA'I TSE, GCIG LA GCIG SKUR PA YANG 'DEBS SHING 'DUM PA'I TSE PHEBS PAR YANG SMRA STE; TSE DANG LDAN PA 'CHAR KA LA SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS 'DI SNYAM DU DGONGS TE, GANG GI PHYIR NYES DMIGS CUNG ZAD CIG BYUNG BA DE DAG THAMS CAD NI, DGE SLONG BUD MED LA CHOS STON PA LAS GYUR PA YIN PAR DGONGS NAS, DGE SLONG GIS BUD MED LA CHOS BSTAN PAR MI BYA BA DANG, TSIG LNGAS CHOS BSTAN PAR BYA BA DANG, TSIG DRUG GIS CHOS BSTAN PAR BYA BA DANG, SKYES PA BZHAG STE CI TZAM 'DOD PAR CHOS BSTAN PAR BYA'O ZHES BKA' STZAL PA DANG, DRUG SDE DAG GIS KHYI DANG, SPRE'U DANG, BE'U DANG, PHYI GAN DU NYAL BA DANG, GOG PA DANG, KHYE'U DAG DRUNG DU BZHAG STE, JI TZAM 'DOD PAR BUD MED LA CHOS STON CING, DES RLOM PA DANG KHENGS PAR BYED NAS, DGE SLONG DON NYUNG NGU DAG SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BUD MED KYI YUL LA TSIG LNGA'AM, DRUG LAS LHAG PAR CHOS STON NA, RIG PA'I SKYES PA MA GTOGS TE LTUNG BYED DO ZHES BCA' PA MDZAD DE, YUL NI MNYAN YOD; GANG ZAG NI 'CHAR KA ,NYON MONGS PA NI SRED PA, NYES PA NI BUD MED LA RIG PA'I SKYES PA MED PAR TSIG LNGA'AM, DRUG LAS LHAG PAR CHOS STON PA'O, ,DE LA YANG DGE SLONG GANG ZHES BYA BA NI, DRUG SDE'AM GZHAN YANG DE LTA BU GANG YIN PA'O, ,BUD MED LA ZHES BYA BA NI BUD MED DAM GZHON NU MA LEGS PAR SMRAS PA DANG, NYES PAR SMRA PA'I CHOS RNAMS KYI DON KUN SHES BAR NUS PA LA'O, ,TSIG LNGA'AM DRUG LAS LHAG PAR ZHES BYA BA NI, TSIG LNGAS CHOS STON PA NA BSAMS BZHIN DU TSIG DRUG PA LA THAL BAR BYED PA DANG, TSIG DRUG GIS CHOS STON PA NA YANG BSAMS BZHIN DU TSIG BDUN PA LA

, ,THAL BAR BYED PA'O, ,CHOS ZHES BYA BA NI SANGS RGYAS KYIS GSUNGS PA'AM, SANGS RGYAS KYI NYAN THOS KYIS BSHAD PA'O, ,STON NA ZHES BYA BA NI 'CHAD NA'O, ,RIG PA'I SKYES PA MA GTOGS TE ZHES BYA BA NI, RIG PA'I SKYES PA BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR BZHAG PA NI, DGE SLONG GIS KHYIM PA MO BUD MED DAM, GZHON NU MA LEGS BAR SMRAS PA DANG, NYES PAR SMRA BA'I CHOS RNAMS KYI DON KUN SHES PAR NUS PA LA GNAS GCIG TU SANGS RGYAS SAM, SANGS RGYAS KYI NYAN THOS KYIS GSUNGS PA'I CHOS TSIG DRUG LAS LHAG PA SHES BZHIN DU RIG PA'I SKYES PA MED PAR STON NA, STON PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, BUD MED DAM, GZHON NU MA LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA LA, CHOS TSIGS DRUG LAS LHAG PAR STON PA LA 'DU SHES GTZO CHER BYED PA PO NYID YIN NO, ,'DI LA YAN LAG DRUG GIS DNGOS GZHI'I LTUNG BAR 'GYUR TE, BUD MED KHYIM PA MO LEGS PAR SMRAS PA DANG, NYES PAR SMRAS PA'I CHOS RNAMS KYI DON KUN SHES PAR NUS PA DANG, GNAS GCIG TU BSTAN PA DANG, SANGS RGYAS KYI CHOS DANG, TSIG DRUG LAS LHAG PA DANG, RIG PA'I SKYES PA MED PA DANG, SHES BZHIN DU STON PA'O, ,DE DAG LAS YAN LAG MA TSANG NA CI RIGS PAR NA SMAD DO, ,STON PA'I LTUNG BYED DE LNGA PA'O,, ,,'DON PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG GANG ZAG BSNYEN PAR MA RDZOGS PA DAG DANG TSIG GIS GDON PAR BYED DO, ,DES KUN DGA' RA BA'I MTHAR SGRA MTHON PO DANG, SGRA CHEN PO SKYE BO PHAL PO CHE'I TSOGS KYI SGRA LTA BU 'DI LTA STE, DPER NA BRAM ZE RNAMS BRAM ZE'I GSANG TSIG 'DON PA LTA BU DANG, RTZIS MKHAN RNAMS KYIS RTZIS KYI GNAS NA SMRA BA LTA BU GRAG PAR GYUR PA BCOM LDAN 'DAS KYIS GSAN TE, TSE DANG LDAN PA KUN DGA' BO LA RMAS NAS, KUN DGA' BOS JI LTAR GYUR PA RGYA CHER GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG ZAG BSNYEN

BAR MA RDZOGS PA DANG TSIG GIS CHOS 'DON NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MA ZHI BA, NYES PA NI GANG ZAG BSNYEN PAR MA RDZOGS PA DANG TSIG GIS CHOS 'DON PA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,GANG ZAG BSNYEN PAR MA RDZOGS PA DANG ZHES BYA BA LA, BSNYEN PAR RDZOGS PA NI GNYIS TE, DGE SLONG DANG, DGE SLONG MA'O, ,DE LAS GZHAN PA NI BSNYEN PAR MA RDZOGS PA'O, ,TSIG GIS ZHES BYA BA NI, TSIG MNYAM PA DANG, TSIG SNGA BA DANG, YI GE MNYAM PA DANG, YI GE SNGA BAS SO, ,JI LTAR TSIG MNYAM PAS SHE NA, SLOB DPON 'DI SKAD CES, SDIG PA THAMS CAD MI BYA STE, ,ZHES 'DON PA NA, NYE GNAS KYANG DUS GCIG TU, ,SDIG PA THAMS CAD MI BYA STE, ,ZHES 'DON PA STE, DE LTAR TSIG MNYAM PAS SO, ,JI LTAR TSIG SNGA MAS SHE NA, SLOB DPON GYIS RE ZHIB, ,SDIG PA THAMS CAD MI BYA STE, ,ZHES MA BTON PAR NYE GNAS, DGE BA PHUN SUM TSOGS PAR BYA, ,ZHES GDON PA STE, DE LTAR TSIG SNGA BAS SO, ,JI LTAR YI GE MNYAM PAS SHE NA, SLOB DPON AA ZHES GDON PA NA, NYE GNAS KYANG DUS GCIG TU AA ZHES 'DON PA STE, DE LTAR YI GE MNYAM PAS SO, ,JI LTAR YI GE SNGA BAS SHE NA, SLOB DPON GYIS RE ZHIG AA ZHES MA BTON PAR, NYE GNAS AA ZHES 'DON PA STE, DE LTAR YI GE SNGA BAS SO, ,CHOS ZHES BYA BA NI SANGS RGYAS KYIS GSUNGS PA'AM, SANGS RGYAS KYI NYAN THOS KYIS BSHAD PA'O, ,GDON NA ZHES BYA BA NI 'DZIN DU 'JUD NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GANG ZAG BSNYEN PAR MA RDZOGS PA DANG CIG CAR RAM, DE'I MJUG THOGS SU DE LUNG GI CHOS SAM YI GE KLAG PA'I PHYIR 'DON NA 'DON PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI GANG ZAG BSNYEN PAR MA RDZOGS PA DANG, LUNG GI CHOS DANG YI GE'O, ,'DI LA YAN LAG LNGAS DNGOS GZHI'I LTUNG BAR 'GYUR TE, GANG ZAG BSNYEN PAR MA RDZOGS PA DANG, LUNG GI CHOS SAM, YI GE DANG, CIG CAR RAM, DE'I MJUG THOGS DANG, KLAG PA'I CHED DANG, 'DON PA'O, ,DE DAG LAS YAN

, ,LAG MA TSANG NA CI RIGS PAR NA SMAD DO, ,'DON PA'I LTUNG BYED DE DRUG PA'O,, ,,GNAS NGAN LEN BRJOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO,, 'DOD CHAGS DANG BRAL BA MED PA, NYON MONGS PA RNAMS MA SPANGS PA'I PHYIR, DGE SLONG DAG DGE 'DUN LHAG MA'I LTUNG BA 'BYIN PAR BYED PA DANG, KHA CIG NI LAM GOL BAR RGAS PAS DE DAG GANG GI TSE DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LAS THOS PA, DE'I TSE NI DE DAG LTUNG BA CHOS BZHIN DU PHYIR BYED CING SPO BA DANG MGU BAR BYA BA SPYOD PA NA, DGE 'DUN LA CHU 'BRIM PA'I TSE BRAM ZE DANG, KHYIM BDAG DAD PA CAN DAG GIS SMRAS PA, GANG DAG RIN PO CHE RTOGS PA DAG KYANG DE LAS NYE BAR BRTAGS SHING RIN PO CHE DAG SDUD PAR BYED DO, ,DGE SLONG GNAS BRTAN GNAS BRTAN BSOD NAMS 'DOD PA 'DI DAG KYANG DGE 'DUN LA CHU 'BRIM ZHING BSOD NAMS SOGS PAR BYED DO, ,DRUG SDE CHEN PO 'DI DAG NI ZA ZHING 'KHOR PAR BYED DO ZHES ZER BA DRUG SDE DAG GIS THOS NAS, DE DAG GIS SMRAS PA, SHES LDAN DAG CI 'DI DAG CHOS BZANG PO'I CHOS KYI DGE 'DUN LA CU 'BRIM PAR BYED SNYAM MAM, 'DI LTAR 'DI DAG NI CHAD PA'I LAS BYED PA YIN NO, ,DE DAG GIS SMRAS PA, 'DI DAG GIS CI BYAS, DRUG SDE DAG GIS LAS BYA BA MA YIN PA BYAS TE, 'DI LTA 'DI LTAR BYAS SO ZHES SMRAS PA DANG DE DAG DGE SLONG GNAS BRTAN GNAS BRTAN GANG DAG YIN PA DE DAG GI GNAS SKABS KYANG RE ZHIG 'DI 'DRA NA, DGE SLONG BAR MA DANG, GSAR BU GANG DAG YIN PA DE DAG GI GNAS SKABS CI 'DRA BAR 'GYUR ZHES SMOD PAR BYED, PHYAR KA GTONG BAR BYED, KHA ZER BAR BYED DO, ,DGE SLONG SPO BA BYED PA DE DAG PHYI DRO DBU SKRA DANG SEN MO'I MCHOD RTEN DAG LA LCI BA 'JAM PO'I BYUG PAS NYUG PAR BYED PA DAG GI LHAN CIG GNAS PA DANG, NYE GNAS DAG LA YANG, DRUG SDE DAG GIS GNAS NGAN LEN BRJOD NAS, GANG GI TSE DE DAG LTUNG BA DE LAS LANGS PAR GYUR PA DE'I TSE NA, DE DAG GIS RANG GI DGE TSUL DAG LA LAS GYIS SHIG CES BSGO BA NI, DE TSUL DAG 'DI SKAD CES LAS 'DI NI KHYED

CAG GNAS NGAN LEN KUN DU SPYOD PA DAG GIS BYAS PA YIN GYIS, KHO BO CAG MI BYED DO ZHES ZER BA NA, DGE SLONG DON NYUNG NGU DAG CI'I PHYIR DGE SLONG DAG ,GANG ZAG BSNYEN PAR MA RDZOGS PA LA GNAS NGAN LEN GYI LTUNG BA RJOD PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU YANG DGE SLONG GANG ZAG BSNYEN PAR MA RDZOGS PA LA GNAS NGAN LEN GYI LTUNG BA BRJOD NA, DGE 'DUN GYIS GNANG BA MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI GZHAN GYIS BSNGAGS PA LA PHRAG DOG BYED PA, NYES PA NI GANG ZAG BSNYEN PAR MA RDZOGS PA LA DGE SLONG GIS GNAS NGAN LEN BRJOD PA'O, ,DE LA YANG DGE SLONG GANG ZHES BYA BA NI, DRUG SDE 'AM GZHAN YANG DE LTA BU GANG YIN PA'O, ,GANG ZAG BSNYEN PAR MA RDZOGS PA LA ZHES BYA BA LA, BSNYEN PAR RDZOGS PA NI GNYIS TE, DGE SLONG DANG DGE SLONG MA'O, ,DE LAS GZHAN PA NI BSNYEN PAR MA RDZOGS PA'O, ,GNAS NGAN LEN ZHES BYA BA LA, GNAS NGAN LEN GNYIS TE, PHAM PAR 'GYUR BA KUN NAS SLONG BA DANG, DGE 'DUN LHAG MA KUN NAS SLONG PA'O, , CI'I PHYIR DE DAG GNAS NGAN LEN ZHES BYA ZHE NA, NGO BO NYID LAS DANG KUN NAS SLONG BAS SO, ,LTUNG BA BRJOD NA ZHES BYA BA NI SMRA NA'O, ,DGE 'DUN GYIS GNANG BA MA GTOGS TE ZHES BYA BA NI DGE 'DUN GYIS GNANG BA BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE 'DUN GYI GNAS NGAN LEN BRJOD PAR MA BSKOS PAS NYAN PA PO SNYEN PAR MA RDZOGS PA LA PHAM PAR 'GYUR BA DANG, DGE 'DUN LHAG MA DAG SO SO YANG RUNG BSDUS PA YANG RUNG BA SMRAS NA, GNAS NGAN LEN BRJOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, NYAN PA PO BSNYEN PAR MA RDZOGS PA PHAM PAR 'GYUR BA DANG, DGE 'DUN LHAG MA'I LTUNG BA MI SHES PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG DGE 'DUN GYIS GNAS NGAN LEN BRJOD PAR MA BSKOS PA

, ,DANG; DES NYAN PA PO BSNYEN PAR MA RDZOGS PA GNAS NGAN LEN MI SHES PA NYID DU SHES PA DANG, NYAN PA PO MI'I 'GRO BA BSNYEN PAR MA RDZOGS PA NYID DANG, GNAS NGAN LEN PHAM PAR 'GYUR PA DANG, DGE 'DUN LHAG MA DAG SO SO 'AM BSDUS PA GANG YANG RUNG BA SMRAS PA DANG, PHA ROL POS DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,GNAS NGAN LEN BRJOD PA'I LTUNG BYED DE BDUN PA'O,, ,,MI'I CHOS BLA MA BRJOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS YANGS PA CAN SPRE'U RDZING GI 'GRAM KHANG PA BRTZEGS PA'I KHANG BZANGS NA BZHUGS SO, ,GANG GI TSE SANGS RGYAS BCOM LDAN 'DAS KYIS NYA PA LNGA BRGYA CHU KLUNG YID 'ONG LDAN LA BRTEN CING 'KHONG BA DAG GIS CHU SRIN NYA'I RIGS BZUNG BA'I GLENG GZHI LAS, DE DAG LEGS PAR GSUNGS PA'I CHOS 'DUL BA LA RAB TU PHYUNG ZHING BSNYEN PAR RDZOGS PAR MDZAD NAS DE DAG GIS DGRA BCOM PA NYID MNGON SUM DU BYAS TE, ,DE DAG MU GE BYUNG BA'I TSE, NYA BA'I GRONG GI NYE 'KHOR DU DBYAR GNAS PAR KHAS BLANGS PA DAG GIS MI'I CHOS BLA MA JI LTAR THOB PA NYE DU DAG LA BRJOD NAS, 'JIG RTEN NI YON TAN LA DGA' BA YIN PAS, NYE DU DAG GIS RE ZHIG RANG GI BU DAG LAS KYANG PHROGS TE, DE DAG LA BSOD SNYOMS LEGS PAR BSTABS PAR GYUR TO, ,GANG GI TSE DBYAR 'DAS NAS 'DUS PA CHEN PO'I TSE, DGE SLONG RNAMS BCOM LDAN 'DAS KYIS ZHABS LA PHYAG 'TSAL DU 'DONG BA'I TSE, TSE DANG LDAN PA KUN DGA' BOS DGE SLONG GANG DAG SBONG BYED KYI GONG DU DBYAR GNAS PAR KHAS BLANGS PA DE DAG NI BSOD SNYOMS KYIS BREL BAS RING PA DANG, NYAM CHUNG BA DANG, RKE BA DANG, SKAM PA DANG, LUS MA THOB PA DANG, PAGS PA DANG, SHA DANG KHRAG BRI BA MTHONG, DGE SLONG GANG DAG NYA BA'I GRONG GI NYEN KOR DUNG BYAR GNAS PAR KHAS BLANGS PA DE DAG NI BSOD SNYOMS KYIS BREL BA MED PAS TSO BA DANG, PAGS PA DANG, SHA DANG KHRAG RGYAS PA MTHONG NAS DE CI LAS GYUR PA'I RGYU DRIS PA DANG, DE DAG GIS KYANG RGYAS PAR SMRAS SO, ,TSE DANG LDAN PA KUN DGA' BOS DE DAG LA KHYED CAG GANG ZAG BSNYEN PAR MA RDZOGS PA LA, MI'I CHOS BLA MA BDEN PA BRJOD DU RUNG NGAM ZHES DRIS PA DANG, DE

DAG GIS SMRAS PA, RUNG YANG SRID MI RUNG YANG SRID DE, 'DI LTAR BDAG CAG GIS NI SMRAS SO ZHES ZER BA NA, DGE SLONG DON NYUNG DU DAG CI'I PHYIR DGE SLONG DAG GANG ZAG BSNYEN PAR MA RDZOGS PA LA MI'I CHOS BLA MA BDEN PA BRJOD CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU YANG DGE SLONG GANG GANG ZAG BSNYEN PAR MA RDZOGS PA LA MI'I CHOS BLA MA BDEN PA SMRAS NA LTUNG BYED DO ZHES BCA' BA MDZAD DE, YUL NI YANGS PA CAN, GANG ZAG NI NYA PA LAS RAB TU BYUNG BA'I DGE SLONG DGRA BCOM BA LNGA BRGYA, NYON MONGS PA NI BAG CHAGS MA BYANG BAS MA BRTAGS PA, NYES PA NI GANG ZAG BSNYEN PAR MA RDZOGS PA LA MI'I CHOS BLA MA BDEN PAR SMRAS PA'O, ,DE LA YANG DGE SLONG GANG ZHES BYA BA NI CHOS 'DI PA'O, ,GANG ZAG BSNYEN PAR MA RDZOGS PA ZHES BYA BA LA, BSNYEN PAR RDZOGS PA NI GNYIS TE, DGE SLONG DANG DGE SLONG MA'O, ,DE DAG LAS GZHAN PA NI BSNYEN PAR MA RDZOGS PA'O, ,MI'I CHOS ZHES BYA BA NI MI RNAMS KYIS CHOS MYA NGAN LAS 'DAS PA STE, DE NI MI RNAMS KYIS 'THOB KYI, ZA MA DANG, MA NING DANG, MTSAN GNYIS PA DAG GIS KYANG MI 'THOB KYI, SEMS CAN DMYAL BA DANG, DUD 'GRO DANG, YI DGAS RNAMS KYIS LTA SMOS KYANG CI DGOS PA'I PHYIR RO, ,BLA MA ZHES BYA BA NI, 'DOD PA'I KHAMS PAS GZUGS KYI KHAMS BLA MA YIN LA, GZUGS KYI KHAMS PAS GZUGS MED PA'I KHAMS BLA MA YIN PA'O, ,YANG NA MI'I CHOS ZHES BYA BA NI SGRIB PA LNGA PO DAG GO, , BLA MA ZHES BYA BA NI DE DAG SPANGS PA GANG YIN PA'O, ,BDEN PA ZHES BYA BA NI DE'I DNGOS PO BDEN PA KHO NA YIN PA'O, ,SMRA NA ZHES BYA BA NI BRJOD NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS 'DU SHES MA BSGYUR BAR BDAG NYID MI'I CHOS BLA MA DANG LDAN PA BDEN BA NYID GANG ZAG BDEN PA MA MTHONG BA BSNYEN PAR MA RDZOGS PA LA BRJOD NA MI'I CHOS BLA MA BRJOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI MI'I 'GRO BA'I GANG ZAG BDEN PA MA MTHONG BA BSNYEN PAR MA RDZOGS PA DANG, MI'I CHOS BLA MA BDEN PA NYID DO, ,'DI LA YAN

, ,LAG LNGAS DNGOS GZHI'I LTUNG BAR 'GYUR TE, MI'I CHOS BLA MA DANG, BDEN PA NYID DANG, NYAN PA PO MI'I 'GRO BA BDEN PA MA MTHONG BA BSNYEN PAR MA RDZOGS PA DANG, RANG GIS BRJOD PA DANG, PHA ROL POS DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, MI'I CHOS BLA MA BRJOD PA'I LTUNG BYED DE BRGYAD PA'O,, ,,SO SOR THAR PA'I MDO'I GZHUNG 'GREL, BAM PO DGU PA, SKUR PA 'DEBS PA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS SO, ,GANG GI TSE TSE DANG LDAN PA GYAD BU NOR GNAS MAL 'BOG PA DANG, ZAS LA BSKO BAR BSKOS PA DE'I TSE NA, DE DAD PA DANG LDAN ZHING BZANG LA DGE BA'I BSAM PA CAN YIN PAS, DGE 'DUN LA CHOS DANG LDAN PAS ZHAL TA BYED PA'I LAS LA BRTZON PA YIN LA, DES SANGS RGYAS SAM CHOS SAM DGE 'DUN NAM, YID DU 'THAD PA'I DGE SLONG RNAMS LA MA PHUL BA'AM, YONGS SU MA BTANG BA CI YANG MED DE, DES DE LTAR PHUL ZHING YONGS SU BTANG BAS CHOS GOS NGAN CING SNAM SBYAR YANG YONGS SU RNYINGS NAS, DGE SLONG RNAMS KYIS BCOM LDAN 'DAS LA GSOL TE, DE DAG LAS GSOL BA'I LAS KYIS RAS YUG CHEN BYIN PA DANG, DGE SLONG MDZA' BO DANG SA LAS SKYES GNYIS, TSE DANG LDAN PA GYAD BU NOR DANG TSE RABS TSE RABS NAS RJES SU 'BREL BA'I KHO NA YOD PAS DE GNYIS DGE SLONG RNAMS KYI MDUN NA, TSE DANG LDAN PA DAG 'DI LTAR DGE 'DUN GYI RNYED PA RNYED DO COG GCIG GIS GANG ZAG LA YONGS SU SNGO BAR BYED NA; DGE 'DUN GYIS RNYED PA GRUB PAR GA LA 'GYUR ZHES SMOD PAR BYED NAS DGE SLONG RNAMS KYIS DE GNYIS LA SMRAS PA, TSE DANG LDAN PA DAG KHYED DER MA 'DUS SAM, 'DUS SO, ,CI'I PHYIR SMOD PAR BYED, DE GNYIS KYIS SMRAS PA, CI KHO BO CAG GNYIS 'DUR YANG MA GNANG NGAM ZHES ZER NA, DGE SLONG DON NYUNG NGU DAG CI'I PHYIR, DGE SLONG DAG LA SNGAR LEGS PAR RUNG BAR BYAS NAS, DE'I 'OG TU 'DI SKAD CES TSE DANG LDAN PA DAG GIS 'DI LTAR BSHES NGOR BYAS TE, DGE 'DUN GYI RNYED PAR BSNGOS PA BDAG GI GANG ZAG LA BSNGOS SO ZHES ZER ZHING SMOD PAR BYED, PHYAR KA GTONG BAR BYED, KHA

ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SNGAR LEGS PAR RUNG BAR BYAS NAS, DE'I 'OG TU 'DI SKAD CES TSE DANG LDAN PA DAG GIS 'DI LTAR BSHES NGOR BYAS TE, DGE 'DUN GYI RNYED PAR BSNGOS TE, GANG ZAG LA BDAG GI BSNGOS SO ZHES ZER NA LTUNG BYED DO ZHES BCA' BA MDZAD DO, ,YUL NI RGYAL PO'I KHAB, GANG ZAG NI MDZA' BO DANG, SA LAS SKYES GNYIS, NYON MONGS PA NI MI BZOD PA, NYES PA NI SKUR BA 'DEBS PA'O, ,DE LA YANG DGE SLONG GANG ZHES BYA BA NI, MDZA' BO DANG SA LAS SKYES GNYIS SAM, GZHAN YANG DE LTA BU GANG YIN PA'O, ,LEGS PAR RUNG BAR BYAS NAS ZHES BYA BA NI SNGAR THA DAD PA PHUL NA'O, ,DE'I 'OG TU ZHES BYA BA NI, DUS GZHAN NA'O, ,'DI SKAD CES BYA BA NI 'DI SKAD CES ZER NA'O, ,TSE DANG LDAN PA DAG GIS 'DI LTAR BSHES DOR BYAS TE ZHES BYA BA LA, DGE SLONG GI BSHES PA GANG ZHE NA, MKHAN PO'I NI LHAN CIG GNAS PA'O, ,LHAN CIG GNAS PA'I NI MKHAN PO'O, ,SLOB DPON GYI NI NYE GNAS SO, ,NYE GNAS KYI NI SLOB DPON NO, ,MKHAN PO GCIG PA'I NI MKHAN PO GCIG PA'O, ,SLOB DPON GCIG PA'I NI SLOB DPON GCIG PA'O; ,MDZA' BO'I NI MDZA' BO'O, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,RNYED PA ZHES BYA BA LA RNYED PA NI GNYIS TE, GOS KYI RNYED PA DANG, ZAS KYI RNYED PA'O, ,DON 'DIR NI GOS KYI RNYED PA YIN PAR DGONGS PA'O, ,BSNGOS PA ZHES BYA BA NI DGE 'DUN GYI NANG DU GRUB PA'O, ,GANG ZAG LA BDAG GI BSNGOS SO ZHES ZER NA ZHES BYA BA NI BDAG GI DON DU'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, LTUNG BA 'BYIN PA PO BDAG NYID KYANG DGE 'DUN GYIS LAS DE'I NANG DU GTOGS PA'I DGE 'DUN GYI GOS KYI RNYED PA GANG ZAG GZHAN LA BYIN PA'I 'OG TU'O, ,'DI SKAD CES DGE SLONG 'DIS DGE SLONG GI DGE 'DUN GYI ZAS KYI RNYED PA MA YIN PA GOS KYI RNYED PA GANG ZAG LA LOG PAR BSNGOS SO ZHES, YANG DAG PA MA YIN PA'I DON NYID DE NYID DAM, GZHAN GYI MDUN DU MING NAS SMOS KYANG RUNG MA SMOS KYANG RUNG STE, SMRAS NA SKUR PA

, ,'DEBS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE 'DUN GYI GOS GYI RNYED PA DANG, GANG LA BSNGOS PA'I GANG ZAG MI'I 'GRO BAR GTOGS PA RAB TU BYUNG BA'AM, KHYIM PA YANG RUNG BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, SNGAR DAD PAS PHUL BA DANG, DGE 'DUN GYI GOS KYI RNYED PA DANG, GANG LA BSNGOS PA MI'I 'GRO BA GANG YANG RUNG BA DANG, BRDZUN SMRAS PA DANG PHA ROL POS THABS GANG YANG RUNG BAS DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,SKUR PA 'DEBS PA'I LTUNG BYED DE DGU PA'O,, ,,KHYAD DU GSOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS ZLA BA PHYED PHYED CING SO SOR THAR PA'I MDO GDON PA GDON PAR BYA'O ZHES BKA' STZAL NAS, DGE SLONG RNAMS ZLA BA PHYED PHYED CING SO SOR THAR PA'I MDO GDON PA GDON PA BYED NA, DRUG SDE DAG PHAM PAR 'GYUR BA BZHI PO DAG 'DON PA'I TSE NA CANG MI SMRA BAR 'KHOD DO, ,DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM CU DANG, LTUNG BYED KYI CHOS DGU BCU DANG, SO SOR BSHAGS PAR BYA BA'I CHOS BZHI DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO DAG 'DON PA'I TSE NA NI, 'DI SKAD CES TSE DANG LDAN PA DAG GANG LA GZHI NGES PA DANG, GANG ZAG NGES PAR RAB TU SHES PA YOD BZHIN DU, BDAG CAG GIS RMA SOS PA DAG CI'I PHYIR 'BRAL BAR BYED, GANG DAG GIS DGE SLONG RNAMS LA 'GYOD PA DANG, YID LA GCAGS PA DANG, GNOD PAR 'GYUR BA BSLAB PA'I GZHI PHRAN TSEGS RAB TU PHRA BA 'DI DAG GIS ZLA BA PHYED CING SO SOR THAR PA'I MDO GDON PA BTON PA BDAG GIS CI BYA ZHES ZER NAS DGE SLONG RNAMS KYIS SMRAS PA, TSE DANG LDAN PA DAG GI PHYIR KHO BO CAG ZLA BA PHYED PHYED CING, SO SOR THAR PA'I MDO GDON PA 'DON PA MA YIN GYI, 'DI LTAR KHO BO CAG NI STON PA'I BKA' LUNG GIS 'DON TO, ,GAL TE KHYED CAG SDUG BSNGAL BA DANG, YID MI BDE BA SKYE NA CI'I PHYIR LHAG PAR

SPYOD PAR CHES TSAR BCAD CING, DGE SLONG DON NYUNG DU DAG KYANG DRUG SDE LA SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG ZLA BA PHYED PHYED CING, SO SOR THAR PA'I MDO GDON PA 'DON PA NA, 'DI SKAD CES TSE DANG LDAN PA DAG GANG GIS DGE SLONG RNAMS 'GYOD PA DANG, YID LA GCAGS PA DANG, GNOD PAR 'GYUR BA BSLAB PA'I GZHI PHRAN TSEGS RAB TU PHRA BA 'DI DAG GIS ZLA BA PHYED PHYED CING SO SOR THAR PA'I MDO GDON PA BTON PA DAG GIS CI BYA ZHES ZER ZHING BSLAB PA KHYAD DU GSOD NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI BAG MED PA, NYES PA NI BSLAB PA KHYAD DU GSOD PA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,ZLA BA PHYED PHYED CING ZHES BYA BA NI, GSO SBYONG GI DUS KYI ZLA BA PHYED PHYED CING NGO, ,SO SOR THAR PA'I ZHES BYA BA NI PHAM PAR 'GYUR BA'I CHOS BZHI DANG, DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM CU DANG, LTUNG BYED KYI CHOS DGU BCU DANG, SO SOR BSHAGS PAR BYA BA'I CHOS BZHI DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO DAG GI'O, ,MDO ZHES BYA BA NI DES NYE BAR SBYAR BAS MDO'AM, YANG NA MDO YANG DAG PAR SBYOR BA'O, ,GDON PA 'DON PA NA ZHES BYA BA NI, SO SOR THAR PA'I MDO GDON PA LNGA PO DAG RAB TU BTON PA NA'O, ,'DI SKAD CES TSE DANG LDAN PA DAG ,GANG GIS DGE SLONG RNAMS 'GYOD PA DANG, YID LA GCAGS PA DANG, GNOD PAR 'GYUR BA BSLAB PA'I GZHI PHRAN TSEGS RAB TU PHRA BA DAG GIS ZLA BA PHYED PHYED CING SO SOR THAR PA'I MDO GDON PA BTON PA DAG GIS CI BYA ZHES ZER ZHING, BSLAB PA KHYAD DU GSOD NA ZHES BYA BA NI, KHYAD DU GSOD PA'I BSAM PAS NGAG DANG TSIG DANG, THA SNYAD DANG, SKAD DANG, BRJOD PA DANG, NGES PA'I TSIG DANG, TSIG GI LAM DANG, TSIG GI SGRA DANG, NGAG GI LAS DANG, NGAG GI RNAM PAR RIG BYED BRJOD NA'O, ,LTUNG BYED DO ZHES BYA BA NI SNGA MA BZHIN NO, ,DE LA

, ,'DIR DNGOS GZHI'I LTUNG BA RNAM PAR GZHAG PA NI, DGE SLONG GI SDE SNOD GSUM LAS, MDO SDE MA GTOGS PA 'DUL BA NYID DANG, CHOS MNGON PA LAS 'DUL BAR GTOGS PA GANG YANG RUNG BA LA BRNYAS THABS SU GYUR PA BRJOD NA KHYAD DU GSOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI SDE SNOD GSUM LAS 'DUL BAR GTOGS PA THAMS CAD DANG, KHYAD DU GSOD PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, KHYAD DU GSOD PA'I BSAM PA DANG, TSIG TU SMRA BA DANG, 'DUL BAR GTOGS PA NYID DANG, RANG GI TSIG DANG; GZHAN GYIS DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,KHYAD DU GSOD PA'I LTUNG BYED DE BCU PA'O,, ,,SDOM LA, SA BON 'PHYA BA BSGO BA DANG, ,KHRI DANG GDING BA SKROD PA DANG, ,PHYIS GNON 'BYUNG BA 'DEBS PA DANG, ,RIM PA GNYIS SU RTZIG PA'O, ,ZHES BYA BA NI, BCU PA GNYIS PA STE, SDOM LA ZHES BYA BA'I TSIG GI DON DANG, DGOS PA NI SNGA MA BZHIN NO, ,BCU PA GNYIS PA 'DIS KYANG LTUNG BYED KYI CHOS BCU BSTAN TE, SA BON DANG SKYE BA 'JIG PA DANG, 'PHYA BA DANG, BSGO BA RNAL GZON PA DANG, GNAS MAL DANG GDING BA DANG, SKROD PA DANG, PHYIS GNON PA DANG, RTZA BA 'BYUNG BA LA 'DUG PA DANG, SROG CHAGS DANG BCAS PA LA SPYOD PA DANG, GTZUG LAG KHANG GI LTUNG BYED DO, ,DE LA SA BON DANG SKYE BA 'JIG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DRUG SDE DAG ,RANG GI LAG GIS SHING LJON PA GCOD DU 'JUG PAR YANG BYED, RTZVA SNGON PO RNGAR 'JUG PAR YANG BYED, ME TOG DAG 'THOG CING 'THOG TU 'JUG PA YANG BYED NAS, GZHAN MU STEGS CAN DAG ,SHES LDAN DAG SH'AKYA'I BU'I DGE SBYONG 'DI DAG NI 'DI LTAR BYED DE, BRAM ZE DANG KHYIM BDAG 'DI DAG KYANG DE LTAR BYED PAS, SH'AKYA'I BU'I DGE SBYONG DANG, BRAM ZE DANG, KHYIM BDAG 'DI DAG LA BYE BRAG NI CI YOD, BSAM PA NI CI YOD, THA DAD DU BYA BA NI CI YOD, SU ZHIG DGE SBYONG MGO RE GA 'DI DAG LA BSOS SNYOMS SBYIN PA

DAG BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS PA GSOL TO, ,DE NAS BCOM LDAN 'DAS KYIS SNGA MA BZHIN DU, SA BON GYI TSOGS DANG, 'BYUNG PO'I GNAS 'JIG GAM 'JIG TU 'JUD NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI 'DOD ZHE NA, NYES PA NI SA BON GYI TSOGS DANG, 'BYUNG PO'I GNAS 'JIG PA'O, ,DE LA SA BON GYI TSOGS ZHES BYA BA NI SA BON LNGA STE, RTZA BA'I SA BON DANG, SDONG BU'I SA BON DANG, THO GU'I SA BON DANG; 'GAS PA'I SA BON DANG, SA BON GYI SA BON NYID NI LNGA PA'O, ,RTZA BA'I SA BON GANG ZHE NA, GLA SGANG DANG, SHU DAG DANG, YUNG BA DANG, SGE'U GSHER DANG, BONG NGA DKAR PO DANG, GZHAN YANG RTZA BA BTAB PA LAS RTZA BA NYID SKYE BA GANG YIN PA'O, ,SDONG BU'I SA BON GANG ZHE NA, SHING KAN TZA NA DANG, KA LI LA HA DANG, AA SHVA DA GA DANG, AU DUM B'A RA DANG, N+YA GRO DHA DANG, GZHAN YANG SDONG BU BTAB PA LAS SDONG BU NYID SKYE BA GANG YIN PA'O, ,THO GU'I SA BON GANG ZHE NA, BU RAM SHING DANG, 'DAM BU DANG, SMYIG MA DANG, RGYA MTSO NAS 'BYUNG BA DANG, GZHAN YANG THO GU BTAB PA LAS THO GU NYID SKYE BA NYID GANG YIN PA'O, ,'GAS PA'I SA BON GANG ZHE NA AARDZA KA DANG, SARDZA KA DANG, PHA NI NA RDZA KA DANG, BHU STRI NA DANG, 'DZAM BI RA DANG, GZHAN YANG 'GAS PA BTAB PA LAS 'GAS PA NYID SKYE BA GANG YIN PA'O, ,SA BON GYI SA BON GANG ZHE NA, S'A LU DANG, NAS DANG, GRO DANG, MON SRAN SDE'U DANG, MON SRAN GRE'U DANG, YUNGS KAR DANG, GZHAN YANG SA BON NYID BTAB PA LAS SA BON NYID SKYE BA GANG YIN PA'O, ,'BYUNG PO'I GNAS ZHES BYA BA LA, 'BYUNG PO ZHES BYA BA NI GROG SBUR DAG DANG, PHYE MA LEB DAG DANG, SBRANG BU DAG DANG, TIL DANG PHUB MA ZA BA DAG DANG, SBRUL DANG SDIG PA DAG DANG, SBRANG BU TREE MA BU KA DANG, TREE LA TA KA DAG GO, ,DE DAG GI GNAS ZHES BYA BA NI SHING LJON PA'O, ,DE DAG 'JIG GAM 'JIG TU 'JUD NA ZHES BYA BA NI, 'BYIN PA DANG, SNYOL PA DANG, GCOD PA DANG, 'BIGS PA DANG, 'TSEG PA

, ,DAG BDAG NYID KYIS BYED DAM, GZHAN BYED DU 'JUD NA'O, ,LTUNG BYED DO ZHES BYA BA NI SEMS CAN DMYAL BA DANG, DUD 'GRO DANG, YI DAGS DANG, NGAN SONG DANG, NGAN 'GRO DANG, LOG PAR LTUNG BA DAG TU SREG PAR BYED, 'TSED PAR BYED LTUNG BAR BYED PA'O, ,GZHAN YANG JI SRID DU LTUNG BA DE MA BSHAGS SHING, SO SOR MA BSHAGS NA DGE BA'I CHOS RNAMS LA SGRIB PAR BYED DE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SA BON GYI TSOGS DANG, 'BYUNG PO'I GNAS DANG, SA BON DANG KHYE'U KHA 'THON PA RUNG BAR MA BYAS PA MA NYAMS PA NYID DU SHES BZHIN DU, THA NA RTZVA RGYUN YAN CHAD THABS JI LTAR YANG RUNG BAS NYAMS PAR 'DUN PAR RANG NGAM, GZHAN GYIS KYANG NYAMS PAR BYAS, NYAMS PAR BYA BA'I SDONG BU DANG, 'BRU LA SOGS PA'I GRANGS JI SNYED PA DE SNYED KYI SA BON GYI TSOGS DANG, 'BYUNG PO'I GNAS 'JIG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SA BON DANG, KHYE'U KHA 'THON PA RUNG BAR MA BYAS PA DAG GIS MA NYAMS PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, SA BON DANG KHYE'U KHA 'THON BA RUNG BAR MA BYAS PA DANG, MA NYAMS PA NYID DANG, RANG DANG GZHAN GANG YANG RUNG BA DANG, THABS GANG YANG RUNG BA DANG, NYAMS PAR BYAS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,SA BON DANG SKYE BA 'JIG PA'I LTUNG BYED DE BCU GCIG PA'O,, ,,'PHYA BA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NA, 'OD MA'I TSAL BYA KA LAN DA KA'I GNAS NA BZHUGS SO, ,GANG GI TSE TSE DANG LDAN PA GYAD BU NOR, DGE 'DUN GYIS GNAS MAL 'BOGS PA DANG, ZAS LA BSKO BAR BSKOS PA'I TSE NA, DGE SLONG MDZA' BO DANG, SA LAS SKYES GNYIS TSE DANG LDAN PA GYAD BU NOR DANG, TSE RABS TSE RABS NAS RJES SU 'BREL PA'I KHO NA YOD PAS, DGE SLONG MDZA' BO DANG SA LAS SKYES GNYIS, TSE DANG LDAN PA NYE DGA' DANG LHAN CIG 'DU 'DZI'I GTAM GYIS 'KHOD PA NA, TSE DANG LDAN PA GYAD BU NOR PHYOGS DER 'ONGS PA DANG, DE GNYIS KYIS NYE DGA' LA

SMRAS PA, TSE DANG LDAN PA NYE DGA' GAL TE KHYOD KYANG, DGE 'DUN GYIS GNAS MAL 'BOGS PA DANG, ZAS LA BSKO BAR BSKOS PAR GYUR NA, KHO BO CAG LA 'DI LTA STE, DPER NA TSE DANG LDAN BA GYAD BU NOR RAM, KHA CIG BZHIN DU THO 'TSAMS PAR 'GYUR RO, ,NYE DAGS DE GNYIS LA SMRAS PA, TSE DANG LDAN PA DAG KHYED GNYIS DGE 'DUN MTHUN PAS DGE SLONG GANG GNAS MAL 'BOGS PA DANG, ZAS LA BSKO BAR BSKOS PAR SHES BZHIN DU DE LA NGOR 'PHYA BA DANG, GZHOGS 'PHYAS BYED DAM, DE GNYIS KYIS SMRAS PA, KHO BO CAG GNYIS 'DUR YANG MI DBANG NGAM, CI KHO BO CAG GNYIS KYIS 'GA' ZHIG GI MING NGAM, RUS NAS SMOS SAM ZHES ZER BA'I SKABS TE, DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYOD KYIS DGE SLONG MDZA' BO DANG, SA LAS SKYES GNYIS SAM, GZHAN YANG DE LTA BU GANG YIN PA DE GSOL BA 'BA' ZHIG GI LAS KYIS NGOR 'PHYA BA DANG, GZHOGS 'PHYAS BYED PA'I GRANGS SU CHUG SHIG ,DGE SLONG RNAMS KYIS DE GNYIS GSOL BA 'BA' ZHIG GI LAS KYIS NGOR 'PHYA BA DANG, GZHOGS 'PHYAS BYED PA'I GRANGS SU BCUG KYANG, DE GNYIS TSE DANG LDAN PA GYAD BU NOR LA, NGOR 'PHYA BA DANG GZHOGS 'PHYAS BYED NAS, DGE SLONG DON NYUNG NGU DAG CI'I PHYIR DGE SLONG DAG DGE 'DUN MTHUN PAS, DGE SLONG GANG GNAS MAL 'BOGS PA DANG, ZAS LA BSKO BAR BSKOS PAR SHES BZHIN DU, DE LA NGOR 'PHYA BA DANG, GZHOGS 'PHYAS BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, 'PHYA'AM GZHOGS 'PHYAS BYED NA LTUNG BYED DO ZHES BCA' BA MDZAD DE, YUL NI RGYAL PO'I KHAB, GANG ZAG NI MDZA' BO DANG SA LAS SKYES GNYIS, NYON MONGS PA NI MI BZOD PA, NYES PA NI DGE 'DUN GYI LAS BYED PA'I DGE SLONG LA 'PHYA BA DANG GZHOGS 'PHYAS BYED PA'O, ,DE LA 'PHYA'AM GZHOGS 'PHYAS BYED NA ZHES BYA BA NI, 'PHYA BA DANG GZHOGS 'PHYAS BYA BA'I BSAM PAS NGAG DANG TSIG DANG, THA SNYAD DANG, SKAD

, ,DANG BRJOD PA DANG, NGES PA'I TSIG DANG, TSIG GI LAM DANG, TSIG GI SGRA DANG, NGAG GI LAS DANG, NGAG GI RNAM PAR RIG BYED BRJOD NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PA GZHAG PA NI, DGE SLONG GANG DGE 'DUN GYIS GANG ZAG BCU GNYIS KYI LAS SU BSKOS PA LAS KYIS SBYOR BA BAG YANGS SU BYAS PA YANG RUNG, MA BSKOS PA LAS KYIS SBYOR BA BAG YANGS SU MA BYAS PA YANG RUNG BA LA, BDAG DANG 'BREL BA'I DON GYIS SKUR PAS NGOR 'PHYA YANG RUNG, GZHOGS 'PHYAS BYED KYANG RUNG BA DGE 'DUN GYIS DE'I GRANGS SU BCU GNAS YANG BYED NA, 'PHYA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG GANG ZAG BCU GNYIS KYIS LAS SU BSKOS PA LAS KYIS SBYOR BA BA G-YANGS SU BYED PA DANG, MA BSKOS PA LAS KYIS SBYOR BA BDAG YANGS SU MA BYAS PA DANG, SKUR PAS 'PHYA BA DANG, GZHOGS 'PHYAS BYED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG DGE 'DUN GYIS GANG ZAG BCU GNYIS KYI LAS SU BSKOS PA SBYOR BA BAG YANGS SU PA'AM MA BSKOS PA SBAR BA BAG YANGS SU MA BYAS BA DANG, SKUR PA NYID DANG, 'PHYA BA'AM, GZHOGS 'PHYAS SAM, GNYI GA BYED PA DANG, BDAG DANG 'BREL PA'I DON DANG, DGE 'DUN GYIS DE'I GRANGS SU BCUG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'PHYA BA'I LTUNG BYED DE BCU GNYIS PA'O,, ,,BSGO BA RNAL GZON PA'I LTUNG BYED KYI GLENG GZHI NI, SANGS RGYAS BCOM LDAN 'DAS KOO SH'AMB'I NA, GDANGS CAN GYI KUN DGA' RA BA NA BZHUGS SO, ,DE'I TSE NA TSE DANG LDAN PA 'DUN PA LTUNG BA BYUNG BA CHOS BZHIN DU PHYIR MI BYED NAS, DE LA DGE SLONG DON 'DOD PA, PHAN PA 'DOD PA, BDE BA 'DOD PA, BDE BA LA REG PAR 'DOD PA, GRUB PA DANG, BDE BA 'DOD PA RNAMS KYIS SMRAS PA, TSE DANG LDAN PA 'DUN PA LTUNG BA BYUNG BA CHOS BZHIN DU PHYIR GYIS SHIG ,DES SMRAS PA, SU LA LTUNG BA BYUNG BA DANG, SU 'GYOD PA'I PHYIR BYED PAR 'GYUR

RO, ,GAL TE TSE DANG LDAN PA KHYED CAG LA LTUNG BA BYUNG NA, KHO BO'I MDUN DU MA 'CHAGS PAR GZHAN GYI MDUN DU SHOGS SHIG ,TSE DANG LDAN PA KHYED CAG NI, 'DI LTA STE DPER NA, SHING LJON PA DAG GI LO MA SNA TSOGS RLUNG GIS BLAGS PA DAG GCIG TU LTUNG ZHING GCIG TU 'DUG PA BZHIN DU, RIGS SNA TSOGS DANG, RUS SNA TSOGS DANG, KHYIM SNA TSOGS NAS RAB TU BYUNG BA DAG YIN GYI, KHO BO'I 'PHAGS PAS NI BYANG CHUB THUGS SU CHUD PA YIN NO ZHES DE DGE SLONG RNAMS KYIS BSGO BA RNA LA GZON PA DANG, CANG MI SMRA BAS RNA LA GZON PAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DGE SLONG 'DUN PA DANG, GZHAN YANG DE LTA BU GANG YIN PA DE GSOL BA 'BA' ZHIG GI LAS KYIS BSGO BA RNA LA GZON PA DANG, CANG MI SMRA BAS RNAL GZON PA'I GRANGS SU CHUG SHIG ,DGE 'DUN GYIS DE GSOL BA 'BA' ZHIG GI LAS KYIS BSGO BA RNA LA GZON PA DANG, CANG MI SMRA BAS RNA LA GZON PA'I GRANGS SU BCUG KYANG, DE DGE SLONG RNAMS KYIS BSGO BA RNA LA GZON PA DANG, CANG MI SMRA BAS RNA LA GZON PAR BYED NAS, DGE SLONG DON NYUNG NGU DAG CI'I PHYIR DGE SLONG DAG ,DGE SLONG RNAMS KYIS BSGO BA RNA LA GZON PA DANG, CANG MI SMRA BAS RNA LA GZON PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, BSGO BA RNA LA GZON NA LTUNG BYED DO ZHES BCA' BA MDZAD DE, YUL NI KOO SH'AMB'I, GANG ZAG NI 'DUN PA, NYON MONGS PA NI LOG THABS SU BYED PA, NYES PA NI DGE SLONG GIS BSGO BA RNA LA GZON PA'O, ,DE LA BSGO BA RNA LA GZON NA ZHES BYA BA NI, BSGO BA RNA LA GZON PA'I BSAM PAS NGAG DANG, TSIG DANG, THA SNYAD DANG, SKAD DANG, BRJOD PA DANG, NGES PA'I TSIG DANG, TSIG GI LAM DANG, TSIG GI SGRA DANG, NGAG GI LAS DANG, NGAG GI RNAM PAR RIG BYED BRJOD NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM

, ,PAR GZHAG PA NI, DGE SLONG GIS GLENG BAR GTOGS PA'I BSGO BA TSIG GIS RNA LA GZON PAR 'DUN PAS GZHAN BRJOD PAS RNA LA GZON NA, BSGO BA RNA LA GZON PO'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG GIS GLENG BAR GTOGS PA'I BSGO BA TSIG GIS RNA LA GZON PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GI DANG, GLENG BAR GTOGS PA'I BSGO BA DANG, DE'I TSIG GIS RNA LA GZON PA DANG, DGE 'DUN GYIS DE'I GRANGS SU BCUG PA'O, ,DE DAG LAS YAN LAG MA TSANG NA CI RIGS PAR NA SMAD DO, , BSGO BA RNA LA GZON PA'I LTUNG BYED DE BCU GSUM PA'O,, ,,GNAS MAL GYI LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA KHYIM BDAG GCIG GIS SANGS RGYAS BCOM LDAN 'DAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS PA DANG, DGE SLONG GI DGE 'DUN NI BZHUGS SO, ,BCOM LDAN 'DAS NI RDZAS LAS BYUNG BA NA BZHUGS SHING BSOD SNYOMS MNGON PAR BSGRUBS SO, ,SANGS RGYAS BCOM LDAN 'DAS RNAMS NI RGYU LNGAS RDZAS LAS BYUNG BA NI BZHUGS SHING BSOD SNYOMS MNGON PAR SGRUB PAR MDZAD DE, LNGA GANG ZHE NA, NANG DU YANG DAG 'JOG LA BZHED PA DANG, LHA RNAMS LA CHOS STON PAR BZHED PA DANG, NAD PA LTA BAR BZHED PA DANG, GNAS MAL LA RTOG PAR BZHED PA DANG, 'DUL BA LA NYAN THOS RNAMS KYI BSLAB PA'I GZHI BCA' BAR BZHED PA'O, ,DON 'DIR NI BCOM LDAN 'DAS GNAS MAL LA RTOG PAR BZHED PA DANG, 'DUL BA LA NYAN THOS RNAMS KYI BSLAB PA'I GZHIR BCA' BAR BZHED PAS, RDZAS LAS BYUNG BA NA BZHUGS SHING BSOD SNYOMS MNGON PAR BSGRUB PAR MDZAD DO, ,DE NAS BCOM LDAN 'DAS KYIS DGE SLONG GI DGE 'DUN SONG NAS RING PO MA LON PAR THUGS SU CHUD NAS, LDE MIG BSNAMS TE KUN DGA' RA BA NAS KUN DGA' RA BAR, GTZUG LAG KHANG NAS GTZUG LAG KHANG DU, KHANG KHYIM NAS KHANG KHYIM DU, 'CHAG SA NAS 'CHAG SAR DANG, GOL BAR GSHEGS SHING MTHAR GYIS GSHEGS PA NA,

KHANG PA CHEN PO'I GTZUG LAG KHANG ZHIG GA LA BA DER GSHEGS SO, ,DE'I TSE NA KHANG PA CHEN PO'I GTZUG LAG KHANG DE NA GNAS MAL RAB TU MANG PO DAG ,BLA GAB MED PAR BZHAG CING DUS MA YIN PA'I SPRIN CHEN PO 'DUS PAR GZIGS NAS, AE MA ZHES GSUNG ZHING SMAD NAS 'DI SNYAM DU DGONGS TE BRAM ZE DANG KHYIM BDAG DAD PA CAN DAG GIS, PAGS PA DANG SHA DANG KHRAG BTZIR CING SBYIN PA DAG SBYIN, BSOD NAMS DAG BYED PA GANG YIN PA DE LA, DGE SLONG DAG DROD MI SHES PA DANG, SO SOR MI RTOG PAR YONGS SU LONGS SPYOD PAR BYED DO SNYAM DU DGONGS NAS RDZU 'PHRUL GYIS DUS MA YIN PA'I SPRIN CHEN PO DE PHYIR DGAG PA MDZAD DE, GNAS MAL RAB TU MANG PO DE DAG SKYABS YOD PAR BRUBS NAS, DBYAR GYI NA BZA' RAS CHEN BSNAMS TE, SKU BSIL BAR BZHED NAS, BAR RIM NA BZHUGS SHING SKU BSIL NAS DGE SLONG DAG SLAR 'KHOR NAS SNGA MA BZHIN DU YANG DGE SLONG GANG DGE 'DUN GYI KHRI'AM, BRI'U 'AM, STAN NANG TSANGS CAN NAM, LA BA 'AM, SNGAS SAM, GOR BU BLA GAB MED PAR BTING NGAM, 'DING DU BCUG NAS MA BSDUS SAM SDUD DU MA BCUG GAM, DGE SLONG 'KHOD PA LA MA BCOL BAR DE NAS SONG NA DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD; GANG ZAG NI DGE SLONG RAB TU MANG PO, NYON MONGS PA NI DROD MI SHES PA DANG, SO SOR MI RTOG PAR YONGS SU LONGS SPYOD PAR BYED PA, NYES PA NI GNAS MAL RAB TU MANG PO DAG BLA GAB MED PAR BZHAG PA'O, ,DE LA YANG DGE SLONG GANG ZHES BYA BA NI CHOS 'DI PA'O, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,KHRI'AM ZHES BYA BA YANG KHRI NYID DO, ,KHRI'U 'AM ZHES BYA BA NI KHRI'U NYID DO, ,STAN NANG TSANGS CAN NAM ZHES BYA BA NI SHING BAL CAN NO, ,LA BA'AM ZHES BYA BA NI LA BA NYID DO, ,SNGAS SAM ZHES BYA BA NI SNGAS SU GZHUG PA'O, ,GOR BU ZHES BYA BA NI GRU BZHI'O, BLA GAB ME DPAR ZHES BYA BA NI MA G-YOGS PAR RO, ,BTING NGAM ZHES BYA BA NI RANG GIS SO, ,'DING DU BCUG NAS ZHES BYA BA NI GZHAN NO, ,MA BSDUS SAM ZHES BYA BA NI RANG GIS SO, ,SDUD DU MA BCUG GAM ZHES BYA BA NI GZHAN NO, ,DGE SLONG 'KHOD PA LA ZHES BYA BA NI

, ,DE NA DGE SLONG GANG 'DUG PA LA'O, ,MA BCOL BAR ZHES BYA BA NI, BCOL BA NI RNAM PA LNGA STE, GTZUG LAG KHANG 'DI RE ZHES BYA BA DANG, GTZUG LAG KHANG LTOS SHIG CES BYA BA DANG, GNAS MAL 'DE RE ZHES BYA BA DANG, GNAS MAL SDUS SHIG CES BYA BA DANG, SGO LCAGS CHUG SHIG ZHES BYA BA NYID NI LNGA PA'O, ,GAL TE DGE SLONG MED NA DGE TSUL LA BCOL BAR BYA'O, ,GAL TE DGE TSUL MED NA KHYIM BDAG LA BCOL BAR BYA'O, ,GAL TE KHYIM BDAG MED NA PHYOGS BZHIR RNAM PAR BLTAS TE LDE MIG SBAS TE 'GRO BAR BYA'O, ,GAL TE LAM KAR DGE SLONG MTHONG NA KHO BOS PHYOGS CHE GE MO ZHIG TU LDE MIG SBAS KYIS LONG SHIG CES BRJOD PAR BYA'O, ,DE NAS SONG NA ZHES BYA BA NI NYEN KOR SPONGS NA'O, ,DE'I NYEN KOR NI 'DOM BZHI BCU RTZA DGU TSUN CHAD DE, DE YANG RTZIG PA LA SOGS PAS MA BSKOR BA LA NI RUNG NYID NAS SO, ,BSKOR BA LA NI SGO KHANG NAS SO, ,DE 'DRA BA'I RKYEN MA GTOGS TE ZHES BYA BA NI DE 'DRA BA'I RKYEN BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GI DGE 'DUN GYI GNAS MAL KHRI DANG KHRI'U DANG, STAN NANG TSANGS CAN DANG, LA BA DANG, SNGAS DANG, GOR BU LA SOGS PA GNAS KYI YAN LAG TU GTOGS PA GANG YANG RUNG BA RANG NGAM BSKOS PAS BLA GAB MED PAR BZHAG PA MA BSDUS SAM, SDUD DUM BCUG GAM, DGE SLONG 'KHOD PA LA MA BCOL BAR 'DOM BZHI BCU RTZA DGU'I MTHA' LAS 'DAS PAR SONG NA GNAS MAL PHAN PHUN DU MA GYUR KYANG RUNG, DE NYID GNYID LOG GAM, SNYOMS PAR ZHUGS TE, GNAS MAL PHAN PHUN DU GYUR NA NYEN KOR LAS MA 'DAS KYANG RUNG STE, GNAS MAL GYI LTUNG BYED KYI DNGOS GZHIR 'GYUR RO, ,'DI'I BYED PA PO NI DGE 'DUN GYI GNAS MAL NYID DANG, RANG NGAM BSKOS PAS BLA GAB MED PAR GZHAG PA BYAS PA LTA BU NI BYED PA PO DAG YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE 'DUN GYI GNAS MAL NYID DANG RANG NGAM BSKOS PAS BLA GAB MED PAR GZHAG PA DANG, MA BSDUS SAM SDUD DU MA BCUG GAM DGE SLONG 'KHOD PA LA MA BCOL BA DANG, NYEN KOR LAS 'DAS SAM, DE NYID DU GNYID LOG GAM,

SNYOMS PAR ZHUGS PA LA SOGS PA DANG, PHAN PHUN GSUM PO RLUNG GIS BZLOG GAM, CHAR PAS RIM PA GZHAN SLEBS SAM, SRIL LA SOGS PAS RIM PA BZHIN SLEBS PA, GANG BYUNG YANG RUNG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,GNAS MAL GYI LTUNG BYED DE BCU BZHI PA'O,, ,,GDING BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,LHO PHYOGS NAS DGE SLONG RGAN PA DANG GZHON PA GNYIS SHIG BCOM LDAN 'DAS KYI ZHABS LA PHYAG 'TSAL DU MNYAN YOD DU 'ONGS NAS, RGAN PA SHOS KYI GTZUG LAG KHANG NI GNAS MAL DANG BCAS PA ZHIG TU BSKOS, GZHON PA SHOS KYI GTZUG LAG KHANG NI GNAS MAL MED PA ZHIG TU BSKOS PA DANG, GZHON PA SHOS DE SGRUB PHOD PA ZHIG YIN PAS, DES RTZVA MANG PO DAG BLANGS NAS PUS MO NUB TZAM GYI GDING BA BSHAMS SO, ,RGAN PA DES BSAMS PA GZHON NU DE'I GTZUG LAG KHANG JI LTA BU ZHIG TU BSKOS PA JE BLTAS 'GRO'O SNYAM NAS DE DER SONG BA DANG, JI TZAM NA GDING BA BZANG PO BSHAMS PA MTHONG NAS, DES BSAMS PA, BDAG JI SRID DU GNAS MAL PHYIR GTOD PAR BYED PA DE SRID DU SANG 'GRO BA 'PHYIS PAR 'GYUR GYIS 'DI NYID DU 'DUG GO SNYAM NAS, DES GNAS MAL DANG BCAS PA'I GTZUG LAG KHANG DE DGE SLONG GNAS MAL 'BOGS PA LA PHYIR GTAD NAS, DE GNYI GA GTZUG LAG KHANG DER MTSAN GNAS NAS NANG PAR SNGAR LANGS TE DONG NGO, ,PHYOGS DE SA SNUM ZHING DNGAR BA YIN PAS RTZVA BTING BA DAG LA SRIL DAG CHAGS NAS, GTZUG LAG KHANG DE'I PHYI NANG BCAS PA THAMS CAD SRIL GYIS KHYAB PAR GYUR PA BCOM LDAN 'DAS KYIS GZIGS NAS, AE MA ZHES GSUNG ZHING SMAD NAS 'DI SNYAM DU DGONGS TE, BRAM ZE DANG KHYIM BDAG DAD PA CAN DAG GIS PAGS PA DANG SHA DANG KHRAG DAG BTZIR ZHING SBYIN PA DAG SBYIN, BSOD NAMS DAG BYED PA GANG YIN PA DE LA DGE SLONG DAG DROD MI SHES PA DANG, SO SOR MI RTOG PAR YONGS SU LONGS SPYOD DO SNYAM DU DGONGS NAS SNGA MA BZHIN DU, YANG DGE SLONG GANG DGE 'DUN GYI GTZUG LAG KHANG DU RTZVA'I GDING BA'AM, LO MA'I GDING BA BTING

, ,NGAM; 'DING DU BCUG NAS MA BSDUS SAM, SDUD DU MA BCUG GAM, DGE SLONG 'KHOD PA LA MA BCOL BAR DE NAS SONG NA DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI LHO PHYOGS PA'I DGE SLONG GNYIS, NYON MONGS PA NI DROD MI SHES PA DANG, SO SOR MI RTOG PAR YONGS SU LONGS SPYOD PAR BYED PA, NYES PA NI DGE 'DUN GYI GTZUG LAG KHANG DU GDING BA MANG PO DAG BTING NAS MA BSDUS PAR DE NAS SONG BA'O, ,DE LA YANG DGE SLONG GANG ZHES BYA BA NI CHOS 'DI PA'O, ,DGE 'DUN GYI ZHES BYA BA NI, DE BZHIN GSHEGS PA'I NYAN THOS KYI DGE 'DUN GYI'O, ,GTZUG LAG KHANG DU ZHES BYA BA NI, GANG DU SPYOD LAM BZHI PO 'GRO BA DANG, 'GRENG BA DANG, 'DUG PA DANG, NYAL BA DAG BYAR RUNG BA'O, ,RTZVA'I GDING BA'AM ZHES BYA BA NI RTZVA DAG GO, ,LO MA'I GDING BA ZHES BYA BA NI LO MA DAG GO, ,BTING NGAM ZHES BYA BA NI BDAG NYID KYIS SO, ,SDUD DU MA BCUG GAM ZHES BYA BA NI GZHAN NO, ,DGE SLONG 'KHOD PA LA ZHES BYA BA NI, DE NA DGE SLONG GANG YOD PA LA'O, ,MA BCOL BAR ZHES BYA BA NI MA GTAD PAR RO, ,DE NAS SONG NA ZHES BYA BA NI NYEN KOR SPANGS NAS SO, ,DE'I NYEN KOR 'DOM BZHI BCU RTZA DGU TSUN CHAD DE, DE YANG RTZIG PA LA SOGS PAS MA BSKOR BA LA NI DRUNG NYID NAS SO, ,BSKOR BA LA NI SGO KHANG NAS SO, ,DE 'DRA BA'I RKYEN MA GTOGS TE ZHES BYA BA NI, DE 'DRA BA'I RKYEN BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR BZHAG PA NI, DGE SLONG GIS DGE 'DUN GYI GTZUG LAG KHANG RDO BA DANG BYE MA'I GZHI NYID LA SOGS PA'I BDAG NYID MA YIN PAS SNUM ZHING DANG RAB SRIL LA SOGS PA'I SROG CHAGS SKYE BA DE LTA BU'I NYES DMIGS YOD PA NYID KYIS GZHIR RANG NGAM BSKOS PAS RTZVA'AM LO MA'I GDING BA BTING BA MA BSDUS SAM, SDUD DU MA BCUG GAM, DGE SLONG 'KHOD PA LA MA BCOL BAR 'DOM BZHI BCU RTZA DGU'I MTHA' LAS 'DAS PAR SONG NA GTZUG LAG KHANG DU NYES DMIGS SU MA GYUR KYANG RUNG, DE NYID DU GNYID LOG GAM, SNYOMS PAR ZHUGS

TE; GTZUG LAG KHANG DU NYES DMIGS SU GYUR NA, NYEN KOR LAS MA 'DAS KYANG RUNG STE, GDING BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE 'DUN GYI GTZUG LAG KHANG NYID DANG, RDO BA DANG BYE MA'I GZHI NYID LA SOGS PA'I BDAG NYID MA YIN PA DANG, SRIL LA SOGS PA SKYE BA DE LTA BU'I NYES DMIGS YOD PA NYID KYI GZHIR RANG NGAM BSKOS PAS RTZVA DANG LO MA LA SOGS PA'I GDING BA BYAS PA NYID LTA BU NI BYED PA PO DAG YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE 'DUN GYI GTZUG LAG KHANG NYID DANG, RANG NGAM BSKOS PAS DE LTA BU'I NYES DMIGS YOD PA NYID KYIS GZHIR BTING BA DANG, MA BSDUS SAM, SDUD DU MA GCUG GAM, DGE SLONG 'KHOD PA LA MA BCOL BA DANG NYE 'KHOR LAS 'DAS SAM, DE NYID DU GNYID LOG GAM, SNYOMS PAR ZHUGS PA DANG, NYES DMIGS SRIL LA SOGS PA GANG BYUNG YANG RUNG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,GDING BA'I LTUNG BYED DE BCO LNGA PA'O,, ,,SKROD PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL, MGON MED ZAS SBYIN GYI KUN DGA' RA BA NA BZHUGS SO; ,DE'I TSE NA TSE DANG LDAN PA 'CHAR KAS DGE SLONG GSAR BU GSAR BU DAG LA, TSE DANG LDAN PA DAG TSUR SHEG ,LJONGS RGYUR 'DONG DANG, DER BDAG CAG GIS RGOL BA DAG KYANG TSAR GCAD PAR BYA, RANG GI GRAGS PA YANG BSGRAG PAR BYA, RNYED PA YANG BSGRUB PAR BYA ZHING, KHYED CAG KYANG LTUNG BZED DANG, CHOS GOS DANG, DRA BA DANG, PHOR BU DANG, SKA RAGS DANG, LUNG DBOG PA DANG ,BKLAG PA DANG, KHA TON DANG, RNAL 'BYOR DANG, YID LA BYA BAS BREL BA MED PAR BYA'O ZHES SPRO BAR BYAS NAS, 'CHAR KAS DE DAG RANG LA GNAS 'CHAR BCUG STE RI BRAGS KYI GTZUG LAG KHANG DAG GI 'DAB TU PHYIN PA NA, GTZUG LAG KHANG DER DGE 'DUN GYI SA GNAS MAL GYI GAnd'I BRDUNGS NAS, 'CHAR KA'I NYE GNAS RNAMS NI NANG DU SONG STE, 'CHAR KA DANG RANG RANG GI GNAS MAL MNOS TE BSDAD NA 'CHAR KA PHYI ROL NA 'DU 'DZI'I GTAM LA YENGS PA NAM

, ,SROS KYI BAR DU MA 'ONGS NAS, DE DAG GIS 'CHAR KA'I GNAS MAL SDUG GU BSHAMS TE, GCIG LA GCIG ZHUS NAS NYAL BA DANG, CI TZAM MIG LAM CHOD PA'I DUS KYI TSE, 'CHAR KA 'ONGS NAS SGO BRDUNGS TE, NYE GNAS DE DAG PHYI ROL DU BSKRAD DO, ,DE DAG DE NA MTSAN THOG THAG BLA GAB MED PAR LHAGS PAS NYEN CING NA BAR GYUR NAS, NANG PAR SNGAR LANGS TE MNYAN YOD DU DONG NAS, BDAG CAG JI LTAR GYUR PA DGE SLONG RNAMS LA RGYAS PAR BRJOD PA DANG, DGE SLONG DON NYUNG NGU DAG CI'I PHYIR DGE SLONG DAG DGE 'DUN GYI GTZUG LAG KHANG NAS DGE SLONG SKROD PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG KHROS 'KHRUGS RNGAM PAR GYUR TE, YID MA RANGS NAS DGE 'DUN GYI GTZUG LAG KHANG NAS DGE SLONG SKROD DAM, SKROD DU 'JUG NA DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA, NYON MONGS PA NI GNOD SEMS, NYES PA NI DGE 'DUN GYI GTZUG LAG KHANG NAS DGE SLONG SKROD PA'O, ,DE LA YANG DGE SLONG GANG ZHES BYA BA NI 'CHAR KA'AM GZHAN YANG DE LTA BU GANG YIN PA'O, ,KHROS 'KHRUGS RNGAM PAR GYUR TE YID MA RANGS NAS ZHES BYA BA NI, KHRO ZHING KHRO BA'I ZIL GYIS NON NAS SO, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,GTZUG LAG KHANG NAS ZHES BYA BA NI, GANG DU SPYOD LAM BZHI PO 'GRO BA DANG, 'GRENG BA DANG, 'DUG PA DANG, NYAL BA DAG BYAR RUNG BA NAS SO, ,DGE SLONG ZHES BYA BA NI CHOS 'DI PA'O SKROD DAM ZHES BYA BA NI BDAG NYID KYIS SO, ,SKROD DU 'JUD NA ZHES BYA BA NI GZHAN NO, ,DE 'DRA BA'I RKYEN MA GTOGS TE ZHES BYA BA NI DE 'DRA BA'I RKYEN BZHAG STE'O; ;LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE 'DUN GYI GTZUG LAG KHANG NAS RANG NGAM, DGE SLONG GZHAN NAM, DGE SLONG MA'AM, BSNYEN PAR MA RDZOGS PAR DGE SLONG BSKRAD PAR BYA BA DE LA GNOD PA SROG GI BAR

CHAD LA SOGS PA SKYE BAR DGOS PA YOD DAM, SKYES PA NYE BAR ZHI BAR MI 'GYUR BAR DOGS PA YOD PA DANG, DGE 'DUN 'KHRUG PA SKYE BAR 'GYUR BAR DOGS PA YOD DAM, SKYES PA NYE BAR ZHI BAR MI 'GYUR BAR DOGS PA YONG PA'I GNYEN PO 'DOD PA MA YIN PA'I BSAM PA GANG YANG RUNG BAS SKROD NA,, SKROD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI BSKRAD PAR BYA BA DGE SLONG NYID DANG, GANG NAS BSKRAD PAR BYA BA DGE 'DUN GYI GTZUG LAG KHANG NYID DAG NI BYED PA PO NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, BSKRAD PAR BYA BA DGE SLONG NYID DANG, GANG NAS BSKRAD PAR BYA BA DGE 'DUN GYI GTZUG LAG KHANG NYID DANG, RANG NGAM DGE SLONG GZHAN NAM, DGE SLONG MA'AM, BSNYEN PAR RDZOGS PA GANG YANG RUNG BAS SKROD PA DANG, GAL TE DE LA GNOD PA DANG, DGE 'DUN 'KHRUG PA SKYE BA DANG, NYE BAR ZHI BA MI 'GYUR BA'I GNYEN PO 'DOD PA MA YIN PA'I BSAM PA GANG YANG RUNG BAS SKROD PA DANG, BSKRAD PA MTHAR THUG PA'O, ,DE DAG LAS YAN LAG LAG MTSANG NA CI RIGS PAR NA SMAD DO, ,SKROD PA'I LTUNG BYED DE BCU DRUG PA'O,, ,,PHYIS GNON GYI LTUNG BYED KYI GLENG BZHI NI, SANGS RGYAS BCOM LDAN 'DAS MNYAN YOD NA RGYAL DU RGYAL BYED KYI TSAL, MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA TSE DANG LDAN PA 'CHAR KAS, DGE SLONG GSAR BU GSAR BU DAG LA, TSE DANG LDAN PA DAG TSUR SHEG ,LJONGS RGYUR 'DONG DANG, DER BDAG CAG GIS RGOL BA DAG KYANG TSAR GCAD PAR BYA, RANG GI GRAGS PA YANG BSGRAG PAR BYA, RNYED PA YANG BSGRUB PAR BYA ZHING KHYED CAG KYANG LTUNG BZED DANG, CHOS GOS DANG, DRA BA DANG, PHOR BU DANG, SKA RAGS DANG, LUNG DBOG PA DANG, BKLAG PA DANG, KHA TON DANG, RNAL 'BYOR DANG, YID LA BYA BAS BREL BA MED PAR BYA'O ZHES SPRO BAR BYAS NAS 'CHAR KAS DE DGAR NGAL GNAS 'CHAR BCUG STE, RI BRAGS KYI GTZUG LAG KHANG ZHIG GI 'DAB TU PHYIN PA NA, GTZUG LAG KHANG DER DGE 'DUN GYIS GNAS MAL GYI GAnd'I BRDUNGS NAS 'CHAR KA'I NYE GNAS RNAMS NI DRUNG DU DONG STE, 'CHAR KA DANG RANG GI GNAS MAL MNOS TE BSDAD NA, 'CHAR KA PHYI ROL

, ,NA 'DU 'DZI'I GTAM LA YENGS PA NAM SROS KYI BAR DU MA 'ONGS NAS, DE DAG GIS 'CHAR KA'I GNAS MAL SDUG GU BSHAMS TE, GCIG LA GCIG ZHUS NAS NYAL BA DANG, JI TZAM MIG LAM CHAD PA'I DUS KYI TSE 'CHAR KA 'ONGS NAS SGO BRDUNGS TE NANG DU ZHUGS NA, DES DE DAG KHA CIG LA GRU MOS BSNUN, KHA CIG LA NI PUS MOS BSNUN NAS, SU LA GNOD PA DE 'GRO BAR 'GYUR BA DE NYID RKYEN DU BYAS TE, PHYIS GNON BYAS NAS NYE GNAS DE DAG PHYI ROL DU BYUNG NGO, ,DE DAG DE NA MTSAN THOG THAG BLA GAB MED PAR LHAGS PAS NYEN CING NA BAR GYUR NAS, NANG PAR SNGAR LANGS TE MNYAN YOD DU DONG NAS, BDAG CAG JI LTAR GYUR PA DGE SLONG RNAMS LA RGYAS PAR BRJOD PA DANG, DGE SLONG DON NYUNG DU DAG CI'I PHYIR, DGE SLONG DGE 'DUN GYI GTZUG LA KHANG NAS DGE SLONG DAG SNGA NA 'KHOD PA, SHES BZHIN DU PHYIS 'ONGS NAS SU LA GNOD PA DE 'GRO BAR 'GYUR BA, DE NYID RKYEN DU BYAS TE, PHYIS GNON BYED CING STAN LA NYAL BA DANG 'DUG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN GYI GTZUG LAG KHANG NA, DGE SLONG DAG SNGA NA 'KHOD PAR SHES BZHIN DU PHYIS 'ONGS NAS, SU LA GNOD PA DE 'GRO BAR 'GYUR BA DE NYID RKYEN DU BYAS TE, PHYIS GNON BYAS NAS STAN LA NYAL LAM 'DUG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI THO 'TSAMS PA ,NYES PA NI DGE SLONG LA PHYIS GNON BYED PA'O, ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,GTZUG LAG KHANG NA ZHES BYA BA NI, GANG DU SPYOD LAM BZHI PO 'GRO BA DANG, 'GRENG BA DANG, 'DUG PA DANG, NYAL BA DAG BYAR RUNG BA NA'O, ,DGE SLONG DAG CES BYA BA NI CHOS 'DI PA DAG GO, ,SNGA NA 'KHOD PA ZHES BYA BA NI SNGA NA GNAS PAR RO, ,SHES BZHIN DU ZHES BYA BA NI DE RANG GIS RIG PAR GYUR

PA'AM, GZHAN DAG GIS BSTAN PAS SO, ,PHYIS 'ONGS NAS ZHES BYA BA NI DE'I 'OG TU 'ONGS NAS SO, ,SU LA GNOD PA ZHES BYA BA NI SU BDE BA LA REG PAR MI 'GYUR BA'O, ,DE 'GRO BAR 'GYUR BA ZHES BYA BA NI, DE DE NAS GZHAN DU 'GRO BAR 'GYUR BA'O, ,DE NYID RKYEN DU BYAS TE ZHES BYA BA NI, GZHAN MA YIN PA'O, ,PHYIS GNON BYAS NAS ZHES BYA BA NI GNOD PAS ZIL GYIS MNAN NAS SO, ,STAN LA ZHES BYA BA NI GNAS MAL LO, ,NYAL LAM ZHES BYA BA NI LUS BSNYAL NA'O, ,'DUG NA ZHES BYA BA NI RKU BA TSOS BZHAG NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG NA BA DANG 'JIGS PA'I DBANG MA GTOGS PAR THO BTZAMS PA'I BSAM PAS DGE 'DUN GYI GTZUG LAG KHANG GI GNAS SU DGE SLONG GZHAN SNGAR ZHUGS PA NYID DU SHES BZHIN DU PHYIS 'ONGS NAS SU LA GNOD PA DE 'GRO BAR 'GYUR BA DE NYID RKYEN DU BYAS TE, PHYIS GNON BYAS NAS STAN LA NYAL LAM 'DUG NA PHYIS GNON GYI LTUNG BYED KYI DNGOS GZHIR 'GYUR RO, ,'DI'I BYED PA PO NI DGE SLONG NA BA DANG 'JIGS PA'I DBANG MA GTOGS PAR DGE 'DUN GYI GTZUG LAG KHANG GI GNAS SU DGE SLONG GZHAN SNGAR ZHUGS PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, GANG LA PHYIS GNON BYA BA DE NYID DANG, GANG LA PHYIS GNON BYA BA DGE SLONG NYID DANG, GANG DU PHYIS GNON BYA BA DGE 'DUN GYI GTZUG LAG KHANG NYID DANG, DER 'DU SHES PA DANG, THO 'TSAMS PA'I BSAM PA DANG, NA BA DANG 'JIGS PA'I DBANG MA GTOGS PAR PHYIS GNON BYED PA'O, ,DE DAG LAS YAN LAG MA TSANG NA CI RIGS PAR NA SMAD DO, ,PHYIS GNON GYI LTUNG BYED DE BCU BDUN PA'O,, ,,RTZA BA 'BYUNG BA LA 'JUG PA'I LTUNG BYED KYI GLENG GZHI NI, ,SANGS RGYAS BCOM LDAN 'DAS MNYAN YOD NA RGYAL BU RGYAL BYED KI TSAL MGON MED ZAS SBYIN GYI KUN DGA' RA BA BZHUGS SO, ,DE'I TSE NA TSE DANG LDAN PA NYE DAGS DGE SLONG GSAR BU GSAR BU DAG LA, TSE DANG LDAN PA DAG TSUR SHEG ,LJONGS RGYUR 'DONG DANG, DER BDAG CAG GIS RGOL BA DAG KYANG TSAR GCAD PAR BYA, RANG GI GRAGS PA YANG BSGRAG PAR BYA, RNYED PA YANG BSGRUB PA

, ,BYA ZHING; KHYED CAG KYANG LHUNG BZED DANG, CHOS GOS DANG, DRA BA DANG, PHOR BU DANG, SKA RAGS DANG, LUNG DBOG PA DANG, KHA TON DANG, BKLAG PA DANG, RNAL 'BYOR DANG, YID LA BYED PA DANG, NAD G-YOG GIS BREL BA MED PAR BYA'O ZHES SPRO BAR BYAS PA DANG, DE GANG GI TSE DGE SLONG RNAMS KYIS 'DI GNAS NGAN LEN KUN DU SPYOD PA YIN NO ZHES BYA BAR SHES PAR GYUR PA DE'I TSE NA, 'GA' YANG DE DANG LHAN CIG LJONGS RGYUR 'GRO BAR SPRO BA MED DO, ,BSOD SNYOMS PA ZHIG GIS SMRAS PA, BTZUN PA NYE DGA' KHO BO KHYOD DANG LHAN CIG LJONGS RGYUR 'GRO'O, ,DGE SLONG RNAMS KYIS BSOD SNYOMS PA DE LA SMRAS PA, BSOD SNYOMS PA DE NI GNAS NGAN LEN KUN DU SPYOD PA YIN PAS KHYOD LA THO 'TSAMS PAR 'GYUR RO, ,BSOD SNYOMS PAS SMRAS PA, KHO BO NI LO 'DAS PA YIN PAS KHO BO DE LA GNAS BCA' BA DANG, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA'I LAS RAG LUS PA CUNG ZAD KYANG MED PAS, DES KHO BO LA CI BYAR YOD, DES DGE SLONG DE DAG GI TSIG TSIG MA YIN PAR BYAS TE, DE DANG LHAN CIG LJONGS RGYUR SONG NGO, ,NYE DAGS GANG GI TSE PHYI ROL GYI MTSAMS 'DAS PA DE'I TSE NA SMRAS PA, BSOD SNYOMS PA GTUR BU 'DI RE ZHIG KHYER CIG, BTZUN PA NYE DAGS CI KHYOD KYIS SANGS RGYAS DANG CHOS DANG DGE 'DUN MA MTHONG NGAM, YO BYAD DON MED PA 'DIS CI BYA, NYE DAGS SMRAS PA, BSOD SNYOMS PA KHYED RE ZHIG MI KHYER BA NI YUS NA, CI KHYOD KHO BO BAS KYANG MKHAS PA YIN SNYAM MAM, CI NA KHYOD KHO BO LA DE SKAD ZER, BSOD SNYOMS PAS SMRAS PA, MKHAS PA MA YIN YANG RIGS PA TZAM SMRA'O, ,NYE DAGS BSAMS PA, BSOD SNYOMS PA 'DI MI DGA' BAR BYA'O SNYAM NAS, DE GNYIS MTHAR GYIS LJONGS RGYU ZHING 'GRO BA NA, RI BRAGS KYI GTZUG KHANG ZHIG GI 'DAB TU PHYIN PA NA, GTZUG LAG KHANG DER DGE 'DUN GYIS GNAS MAL GYI GAnd'I BRDUNGS NAS BSOD SNYOMS PA NI NANG DU SONG STE, NYE DGA' DANG RANG GI GNAS MAL MNOS TE BSDAD NA, NYE DGA' PHYI ROL NA 'DU 'DZI'I GTAM LA YENGS PA NAM SROS KYI BAR DU MA 'ONGS NAS, BSOD SNYOMS PA DES KHAR THOG TU NYE DGA'I MAL BSHAMS NAS RKANG PA'I CHU DANG, RKANG PA BSKU BA MTHA' GCIG TU BZHAG STE, BDAG NYID GTZUG LAG

KHANG GI PHYI ROL TU RKANG PA GNYIS BKRUS NAS, 'OG KHANG DU MAL BSHAMS PAR ZHUGS TE NYAL BA DANG, JI TZAM MIG LAM CHAD PA'I DUS KYI TSE, NYE DGA' 'ONGS NAS SGO BRDUNGS PA DANG, BSOD SNYOMS PAS SGO MA PHYE BAR STENG DU MAL BSHAMS PAR NYOL CIG CES SMRAS SO, ,NYE DGA' KHANG THOG TU 'DZEGS NAS RKANG PA GNYIS BKRUS TE GNAS KHANG DU ZHUGS NAS BSOD SNYOMS PA ZHES BOS PA DANG, BSOD SNYOMS PAS BTZUN PA NYE DGA' CI ZER ZHES BYAS SO, ,NYE DGA' SGRA LA MKHAS PAS DES BSOD SNYOMS PA'I 'PHRAL BA'I THAD KAR KHRI RKANG GTAD DE, CI NAS KYANG KHRI RKANG GIS KHANG THOG BRTOL NAS BSOD SNYOMS PA DE'I DPRAL BAR 'BAB PAR 'GYUR BA DE LTAR SHUGS DRAG POS MNAN PA DANG, DES BSOD SNYOMS PA DE'I 'PHRAL BAR PHOG PAS 'PHRAL BA ZHOM MO, ,BSOD SNYOMS PAS SMRAS PA, BTZUN PA NYE DGA' KHO BO GNAD DO KHO BO GNAD DO, ,NYE DAGS SMRAS PA, KYE BSOD SNYOMS PA CI ZER, BSOD SNYOMS PAS BSAMS PA, GAL TE SKAD PHYUNG NA 'DIS RGAN RIMS KYIS KHRI YANG PHROGS PAR 'GYUR RO SNYAM NAS, DE CANG MI SMRA BAR 'DUG 'DUG NAS NANG PAR SNGAR LANGS NAS MNYAN YOD DU SONG NAS, BDAG JI LTAR GYUR PA DGE SLONG RNAMS LA RGYAS PAR BRJOD PA DANG; DGE SLONG DON NYUNG DU DAG CI'I PHYIR DGE SLONG DGE 'DUN GYI GTZUG LAG KHANG GI STENG GI NAM MKHA' LA THOG BOR BAR KHRI'AM KHRI'U RTZA BA 'BYUNG BA LA SHES BZHIN DU LCID KYIS PHAB STE, 'DUG PA DANG NYAL BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN GYI GTZUG LAG KHANG GI STENG GI NAM MKHA' LA THOG BOR BAR KHRI'AM KHRI'U RTZA BA 'BYUNG BA LA SHES BZHIN DU LCID KYIS PHAB STE 'DUG GAM NYAL NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI THO 'TSAMS PA, NYES PA NI DGE 'DUN GYI GTZUG LAG KHANG GI YANG THOG TU RTZA BA 'BYUNG BA LA 'DUG PA'O, ,DE LA YANG DGE SLONG GANG ZHES BYA BA NI, SH'A KYA'I BU NYE DGA' 'AM GZHAN YANG DE LTA BU GANG

, ,YIN PA'O, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,GTZUG LAG KHANG GI ZHES BYA BA NI, GANG DU SPYOD LAM BZHI PO 'GRO BA DANG, 'GRENG BA DANG, 'DUG PA DANG, NYAL BA DAG BYAR RUNG BA'I 'O, ,STENG GI NAM MKHA' LA ZHES BYA BA NI, KHANG STENG GI NAM MKHA' LA'O, ,THOG BOR BAR ZHES BYA BA NI, RTZVA'I THOG GAM LO MA'I THOG BOR BA'O, ,KHRI'AM ZHES BYA BA NI KHRI NYID DO, ,KHRI'U 'AM ZHES BYA BA YANG KHRI'U NYID DO, ,RTZA BA 'BYUNG BA LA ZHES BYA BA NI RKANG PA 'BYUNG BA LA'O, ,SHES BZHIN DU ZHES BYA BA NI DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,LCID KYIS PHAB STE ZHES BYA BA NI MTHUS MNAN TE'O, ,'DUG GAM ZHES BYA BA NI RKUB TSOS 'JOG PAR BYED NA'O, ,NYAL NA ZHES BYA BA NI LUS BSNYAL NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE 'DUN GYI GTZUG LAG KHANG GI STENG GI THOG BYIN GYIS GZHOL BA NYID DAM, SPANG LEB NYID DAM, DE DANG 'DRA BAS G-YOGS PA NYID MA YIN PAR GNAN PAR 'OS PA KHRI LA SOGS PA'I RTZA BA PHUR BU LTAR DBYUNG BA DANG, GZHUG TU RUNG BA DANG; BKAN PA NYID DANG, RKANG RTEN BCUG PA NYID MA YIN PAR SHES BZHIN DU LCID KYIS PHAB STE GNON PAR BYED NA RTZA BA 'BYUNG BA LA 'DUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE 'DUN GYI GTZUG LAG KHANG GI STENG GI THOG NYID DANG, GNAN PAR 'OS PA KHRI LA SOGS PA'I RTZA BA 'BYUNG BA NYID GNON PA LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE 'DUN GYI GTZUG LAG KHANG GI STENG GI THOG BYIN GYIS GZHOL BA NYID DAM, SPANG LEB NYID DAM, DE DANG 'DRA BAS G-YOGS PA NYID MA YIN PA DANG, GNAN PAR 'OS PA KHRI LA SOGS PA'I RTZA BA 'BYUNG BA BKAN PA NYID DAM, RKANG RTEN BCUG PA NYID MA YIN PA DANG, DER 'DU SHES PA DANG, LJID KYIS PHAB PA DANG, GNON PA'O, ,DE DAG LAS YAN LAG MA TSANG NA CI RIGS PAR NA SMAD DO, ,RTZA BA 'BYUNG BA LA 'DUG PA'I LTUNG BYED DE

BCO BRGYAD PA'O,, ,,SROG CHAGS DANG BCAS PA'I CHU LA SPYOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS KOO SH'AMB'I NA GDANGS CAN GYI KUN DGA' RA BA NA BZHUGS SO, ,DE'I TSE NA TSE DANG LDAN PA 'DUN PA SHES BZHIN DU SROG CHAGS DANG BCAS PA'I CHUS RTZVA DANG LCI BA DANG, SA LA 'DEBS PAR BYED, 'DEBS SU 'JUG PAR BYED NAS, DGE SLONG RNAMS KYIS DE LA SMRAS PA, TSE DANG LDAN PA 'DUN PA KHYOD SHES BZHIN DU, SROG CHAGS DANG BCAS PA'I CHUS RTZVA DANG, LCI BA DANG, SA LA MA 'DEBS SHIG 'DEBS SU MA 'JUD CIG ,'DUN PAS SMRAS PA, KHO BO LA 'GA' ZHIG GIS BGRANGS TE GTAD DAM, CI SHAR GYI RGYA MTSO CHEN POR 'DONG NA CI NYES, LHO DANG, NUB DANG, BYANG GI RGYA MTSO CHEN POR 'DONG NA CI NYES, 'BAB CHU DANG MTSO DANG, LTENG KA DAG TU 'DUG NA CI NYES ZHES ZER NAS, DGE SLONG DON NYUNG DU DAG CI'I PHYIR DGE SLONG DAG SHES BZHIN DU SROG CHAGS DANG BCAS PA'I CHUS RTZVA DANG LCI BA DANG SA LA 'DEBS PA DANG, 'DEBS SU 'JUD PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SHES BZHIN DU SROG CHAGS DANG BCAS PA'I CHUS RTZVA'AM LCI BA'AM, SA LA 'DEBS SAM, 'DEBS SU 'JUG NA LTUNG BYED DO ZHES BCA' BA MDZAD DE, YUL NI KOO SH'AMB'I, GANG ZAG NI 'DUN PA, NYON MONGS PA NI BAG MED PA, NYES PA NI SHES BZHIN DU SROG CHAGS DANG BCAS PA'I CHU RANG SPYOD PA'I DON LAS GZHAN DU SPYOD PA'O, ,DE LA YANG DGE SLONG GANG ZHES BYA BA NI, 'DUN PA'AM GZHAN YANG DE LTA BU GANG YIN PA'O, ,SHES BZHIN DU ZHES BYA BA NI, DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,SROG CHAGS DANG BCAS PA ZHES BYA BA LA, SROG CHAGS DANG BCAS PA NI GNYIS TE, GANG DAG MIG GIS MTHONG BAR GYUR PA DANG, GANG DAG CHU TSAGS KYIS ZIN PAR GYUR PA'O, ,CHUS ZHES BYA BA NI CHU NYID KYIS SO, ,RTZVA'AM ZHES BYA BA NI RTZVA NYID DO, ,LCI BA'AM ZHES BYA BA NI LCI BA NYID DO, ,SA LA ZHES BYA BA YANG SA NYID LA'O, ,'DEBS SAM ZHES BYA BA NI RANG GIS

, ,SO; ,'DEBS SU 'JUD NA ZHES BYA BA NI GZHAN NO, ,LTUNG BYED DO ZHES BYA BA NI SNGA MA BZHIN NO, ,'DIR SROG CHAGS DANG BCAS PA LA SPYOD PA'I LTUNG BYED DANG, 'OG NAS SROG CHAGS DANG BCAS PA'I CHU LA SPYOD PA'I LTUNG BYED CES 'BYUNG BA DE GNYIS SPYI'I MTSAN NYID NI 'DRA'O, , BYE BRAG TU 'DI NI RANG SPYOD PA MA YIN PA'I DON NYID LA 'JUG PA DANG, 'JUG TU 'JUG PA DE GNYIS KYI YUL LA RNAM PAR GZHAG GO, ,'OG MA NI RANG SPYOD PA'I DON NYID LA 'JUG PA DANG, 'JUG TU 'JUD PA DE GNYIS KYI YUL LA RNAM PAR GZHAG GO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SHES BZHIN DU SROG CHAGS DANG BCAS PA'I CHUS RTZVA 'AM LCI BA 'AM, SA LA SOGS PA RANG SPYOD PA MA YIN PA'I YUL LA 'DEBS SAM, 'DEBS SU 'JUD NA DUD 'GRO'I SKYE GNAS SU SKYES PA'I SROG CHAGS RE RE SHI BA'I MTHAR SROG CHAGS DANG BCAS PA LA SPYOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RANG SPYOD PA MA YIN PA'I DON DU, SROG CHAGS DANG BCAS PA'I CHU LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, RANG SPYOD PA MA YIN PA'I DON GANG YANG RUNG BA DANG, DUD 'GRO'I SKYE GNAS SU GTOGS PA'I SROG CHAGS GANG YANG RUNG BA DANG BCAS PA DANG, DER 'DU SHES PA DANG, SPYOD PA DANG, SROG CHAGS JI SNYED SHI BA'O, ,DE DAG LAS YAN LAG MA TSANG NA CI RIGS PAR NA SMAD DO, ,SROG CHAGS DANG BCAS PA LA SPYOD PA'I LTUNG BYED DE BCU DGU PA'O,, ,, GTZUG LAG KHANG GI LTUNG BYED KYI GLENG GZHI NI, SANGS RGYAS BCOM LDAN 'DAS KOO SH'AMB'I NA GDANGS CAN GYI KUN DGA' RA BA NA BZHUGS SO, ,DE'I TSE NA TSE DANG LDAN PA DRUG SDE DAG GZHAN GYIS BYED DU BCUG PA'I GTZUG LAG KHANG NA GNAS SHING 'PHYAS 'DOGS PA DANG, DGE SLONG RNAMS KYIS SMAD PA DANG, TSE DANG LDAN PA 'DUN PA NGA RGYAL SKYES NAS, DES KOO SH'AMB'I NA BRAM ZE PHYUG PA, NOR MANG BA, LONGS SPYOD CHE BA, YONGS SU BZUNG BA YANGS SHING RGYA CHE BA, SER SNA CAN MIG PHRA BA, BYA ROG LA YANG GTOR MA MI STER BA, YO BYAD KUN 'DZIN PA ZHIG 'DUG PA DE DAD PA BSKYED NAS RDZAS LAS

BYUNG BA'I BSOD NAMS BYA BA'I GZHI BDUN PO DAG GI BSNGAGS PA BRJOD PA DANG, DES GTZUG LAG KHANG BRTZIG PAR KHAS BLANGS TE, K'ARA sh'A PA nA DAG SBYAR TE SMRAS PA, BTZUN PA BDAG LA K'ARA sh'A PA nA DAG NI MCHIS NA, BSOD NAMS KYI GROGS BGYID PA MA MCHIS SO, ,'DUN PAS SMRAS PA, KHO BOS KHYOD KYI BSOD NAMS KYI GROGS BYAS, 'DI LTAR KHYED KYIS KHO BO DGE 'DUN GYIS LAG GI GLAR BSKOR CHUG SHIG ,BRAM ZE DE GTZUG LAG KHANG DU SONG NAS DGE 'DUN LA GSOL BA DANG, DE NA DAG DGE 'DUN GYI NANG NA TSE DANG LDAN PA SH'A RI'I BU DGE 'DUN GYI GNAS BRTAN BYED PAS, 'DUN PA LA SMRAS PA, TSE DANG LDAN PA 'DUN PA GANG GI TSE KHO BOS RGYAL BYED KYI TSAL RTZIG TU BCUG PA DE'I TSE YANG KHO BO SUS KYANG LAG GI GLAR MA BSKOS SO, ,GANG GI TSE TSE DANG LDAN PA SKUL BYED CHEN POS GDANGS CAN GYI KUN DGA' RA BA RTZIG TU BCUG PA DE'I TSE NA YANG DE SUS KYANG LAG GI GLAR MA BSKOS SO, , KHYED KYANG GAL TE GTZUG LAG KHANG BYED DU 'JUG PAR 'DOD NA MA BSKOS PA NYID DU BYED DU CHUG SHIG ,TSE DANG LDAN PA 'DUN PAS BSAMS PA, LHUNG BZED NAG PO CAN DAG BDAG CAN MTHONG BAR YANG MI DGA' NA, LAG GI GLAR BSKOS TE DAD PAR GA LA 'GYUR SNYAM NAS, BRAM ZE DE'I GAN DU SONG STE, K'ARA sh'A PAn DAG BLANGS NAS SO PHAG MKHAN DANG, PHYVA MKHAN DANG, SHING MKHAN DANG, ZHAL ZHAL MKHAN DANG, RI MO MKHAN DANG, GLA MI'I GNAS SU SONG STE, K'ARA sh'A PA nA DAG BYIN NAS DE'I NYI MA GCIG KHO NAS GTZUG LAG KHANG CHEN PO SUM RTZEG SGO'I SBUBS KYI GNAS DANG, GTAN PA'I GNAS DANG; SKAR KHUNG DANG, CHU KHUNG GI GNAS DAG KYANG MA BZHAG PAR DE BZHIN KHO NAR SPYAD 'DRA BAR BRTZIGS TE, DE BRAM ZE'I GAN DU SONG NAS SMRAS PA, BRAM ZE KHYOD KYI GTZUG LAG KHANG ZIN GYIS TSUR SHOG ,DGE 'DUN LA PHUL CIG ,BRAM ZES SMRAS PA, 'PHAGS PA DENG BDAG GIS ZHAL ZAS STA GO NAM BGYIS KYIS, SANG BDAG GIS ZHAL ZAS STA GON BGYIS TE MCHI'O, ,BCOM LDAN 'DAS KYIS DGONGS PA, GTZUG LAG CHANG 'DI DENG NYID DU RDIB PAR GYUR TE, GAL TE YONGS SU MA SPYAD PA KHO NAR RDIB PAR GYUR NA BRAM ZE 'DI KHRAG TSA BA SKYUGS TE DUS BYED PAR 'GYUR BA GANG YIN PA DE LTA

, ,BU'I GNAS YOD PAR 'GYUR RO SNYAM DU DGONGS NAS, DE NAS BCOM LDAN 'DAS KYIS DGE SLONG SNYOMS PAR 'JUG PA'I GNAS PA THOB PA DAG MTSAN MO'I THUN DANG PO LA, GTZUG LAG KHANG DER BZHAG NAS, BCOM LDAN 'DAS NYID BRGYA BYIN DANG TSANGS PA LA SOGS PA LHA RNAMS KYI 'KHOR DANG BCAS PAS KYANG, MTSAN MO'I GUNG THUN LA DER CHOS BSTAN PA MDZAD NAS SLAR GSHEGS SO, ,MTSAN MO'I THUN THA MA LA SPRIN KHA DOG LNGA PA 'DUS NAS NGES GTZUG LAG KHANG DE, DPER NA SPYAD CHUS GANG BAR BZHIN DU, CHUS GANG BAR GYUR NAS RDIB PAR GYUR TO, ,DRUG SDE DAG GIS DE THOS NAS SKRAG STE BROS SO, ,BRAM ZE DES KYANG PHYI DE NYIN PAR BCA' BA DANG BCA' BA GTZANG ZHING BSOD PAS SHING RTA BKANG STE 'ONGS NAS RANG GI GTZUG LAG KHANG RDIB PA MTHONG NAS NGA RGYAL TE SA LA 'GYEL TO, ,DE NAS BCOM LDAN 'DAS KYIS TSE DANG LDAN PA KUN DGA' BO LAS, BRAM ZE LA BKA' STZAL TE, LHA DANG MI MANG PO DAG GIS DE BZHIN GSHEGS PA LA BSNGOS TE, GTZUG LAG KHANG DAG BYED DU BCUG PA DE DAG NI DE BZHIN GSHEGS PAS YONGS SU LONGS MA SPYAD KYI, KHYOD KYI GTZUG LAG KHANG GANG YIN PA 'DI NI MDANG MTSAN MO'I THUN DANG PO LA, DGE SLONG GNAS BRTAN GNAS BRTAN DAG GIS YONGS SU LONGS PHYOD CING MTSAN MO'I GUNG THUN LA YANG BCOM LDAN 'DAS BRGYA BYIN DANG TSANG PA DANG BCAS PA LHA RNAMS KYI 'KHOR DANG BCAS PAS YONGS SU LONGS SPYAD PAS KHYOD KYIS NI RNYED PA LEGS PAR RNYED DO ZHES BSGO'O, ,DE NAS BRAM ZE DE BTZUN PA KUN DGA' BO GAL TE DE LTA NA BDAG GDUGS RE RE ZHING GTZUG LAG KHANG 'DI LTA BU SHA STAG BGYID DU STZOL BAR YANG SPRO'O ZHES ZER BA DRUG SDE DAG GIS THOS NAS DER LHAGS PA DANG, BRAM ZE DES DE DAG LA RAS YUG CHEN SAR PA RE RE BSKON CING, YO BYAD THAMS CAD KYIS KYANG BSTABS PA DANG, DRUG SDE DAG KHO BO CAG GIS DE LTAR BRAM ZE DE'I NOR DE SNYED CHUD GSAN DU ZIN KYANG, 'ON KYANG DES KHO BO CAG LA RAS YUG CHEN SAR PA RE RE BSKON CING YO BYAD THAMS CAD KYIS KYANG BSTABS PAR GYUR PA DE LTAR KHO BO CAG GIS BRAM ZE DE MNGON PAR DAD PAR BYAS SO ZHES RLOM PAR BYED

NAS; DGE SLONG DON NYUNG DU DAG CI'I PHYIR, DGE SLONG DAG YAN LAG GANG GIS NGO TSA BAR BYA BA'I YAN LAG DE NYID KYIS RLOM PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DE DGE SLONG GIS GTZUG LAG KHANG CHEN PO RTZIG TU 'JUG NA SGO'I SBUBS DANG, GTAN PA DANG, SNANG BA'I GNAS JI TZAM PA'I 'DU SHES KYIS SA BRTAG PA NAS BZUNG STE, PHA GU'I RIM PA 'JIM PA DANG BCAS PA GNYIS SAM GSUM BRTZIG PAR BYA'O, ,DE LAS LHAG PAR BRTZIGS NA LTUNG BYED DO ZHES BCA' BA MDZAD DE, YUL NI KOO SH'AMB'I, GANG ZAG NI DRUG SDE, NYON MONGS PA NI LAS NGAN PA LA DGA' BA, NYES PA NI GTZUG LAG KHANG PHA GU'I RIM PA 'JIM PA DANG BCAS PA GNYIS SAM GSUM LAS LHAG PAR BRTZIGS PA'O, ,DE LA DGE SLONG GIS ZHES BYA BA NI DRUG SDE'AM GZHAN YANG DE LTA BU GANG YIN PA'O, ,GTZUG LAG KHANG ZHES BYA BA NI GANG DU SPYOD LAM BZHI PO 'GRO BA DANG, 'GRENG BA DANG, 'DUG PA DANG, NYAL BA DAG BYAR RUNG BA'O, ,CHEN PO ZHES BYA BA NI CHEN PO GNYIS TE, SBYIN PAR BYA BA LAS DANG, TSAD LAS TE, DON 'DIR NI GNYI GA YIN PAR DGONGS SO, ,RTZIG TU 'JUD NA ZHES BYA BA NI BDAG NYID KYIS SAM GZHAN NO, ,SGO'I SBUBS DANG GTAN PA ZHES BYA BA NI SGO'I SBUBS DANG GTAN PA GZHUG PAR BYA'O, ,SNANG BA'I GNAS JI TZAM PA'I 'DU SHES PAS ZHES BYA BA NI SKAR KHUNG DAG DANG, CHU KHUNG GI GNAS JI TZAM GTOD PAR BYA BA'I 'DU SHES KYIS SO, ,SA BRTAG PA NAS BZUNG STE PHA GU'I RIM PA 'JIM PA DANG BCAS PA GNYIS SAM GSUM ZHES BYA BA LA, PHA GU'I RIM PA ZHES BYA BA NI PHA GU RTZEG MA'O, ,'JIM PA DANG BCAS PA ZHES BYA BA NI SA 'JIM PA DANG BCAS PA'O, ,BRTZIG PAR BYA'O ZHES BYA BA NI GZHAG PAR BYA BA'O, ,DE LAS LHAG PAR BRTZIGS NA ZHES BYA BA NI DE LAS LHAG PAR 'JOG NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS GTZUG LAG KHANG SPYOD LAM BZHI SHONG BA YAN CHAD THAMS CAD RDO'AM, SO PHAG GAM, SHING

, ,LAS BYAS PA MA YIN PA CHAR CHU BSKYAB PA'I G-YOGS PA MA BYAS PA, DGE 'DUN GYI'AM, GANG ZAG GI'AM, KHYIM PA DBANG BA YANG RUNG BA YON BDAG GIS BYAS SAM ZIN NAS BLTA'O ZHES SMRAS PA CHU KHUNG DAG MA BTOD PA'AM, BRKOS TE RMANG GI RTZA BA MA BRTZIGS PA'AM, SGO CHA GONG MA MA BCUG PA YANG RUNG BA LA, RANG NGAM GZHAN GYIS NYI MA DE NYID LA PHA GU'I RIM PA 'JIM PA DANG BCAS PA GSUM LAS LHAG PAR RTZIG GAM, NYI MA GZHAN LA YANG PHA GU 'JIM PA MED PAR RIM PA GSUM LAS LHAG PAR BRTZIGS NA, GTZUG LAG KHANG GI LTUNG BYED KYI DNGOS GZHIR 'GYUR RO, ,'DI'I BYED PA PO NI GTZUG LAG KHANG SPYOD LAM BZHI SHONG BA YAN CHAD RDO'AM, SO PHAG GAM, SHING LAS BYAS PA MA YIN PA CHAR CHU BSKYAB PA'I G-YOGS PA MA BYAS PA, DGE 'DUN GYI 'AM, GANG ZAG GI'AM, KHYIM PA DBANG BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, GTZUG LAG KHANG SPYOD LAM BZHI SHONG BA YAN CHAD RDO 'AM SO PHAG GAM SHING LAS BYAS PA MA YIN PA CHAR CHU BSKYAB PA'I G-YOGS PA MA BYAS PA DGE 'DUN GYI'AM GANG ZAG GI'AM, KHYIM PA YANG RUNG BA DANG, YON BDAG GIS BYAS NAS BLTA'O ZHE'AM, ZIN NAS BLTA'O ZHES DGE SLONG RNAMS LA SMRAS PA DANG, CHU KHUNG DAG MA BTOD PA 'AM, BRKOS TE RMANG GI RTZA BA MA BTZUGS PA'AM, SGO CHA GONG MA MA BCUG PA YANG RUNG BA DANG, RANG NGAM GZHAN GANG YANG RUNG BAS RTZIG PA DANG, NYI MA DE NYID LA PHA GU'I RIM PA 'JIM PA DANG BCAS PA GSUM LAS LHAG PAR RTZIG GAM, NYI MA GZHAN LA YANG PHA GU 'JIM PA MED PAR RIM PA GSUM LAS LHAG PAR BRTZIGS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GTZUG LAG KHANG GI LTUNG BYED DE NYID SHU PA'O,, ,,SO SOR THAR PA'I MDO'I GZHUNG 'GREL, BAM PO BCU PA, SDOM LA, MA BSKOS NYI MA NUB PA DANG, ZAS DANG CHOS GOS GNYIS DAG DANG, DON MTHUN GRU DANG DBEN PA GNYIS, DGE SLONG MA YIS SBYOR BCUG PA'O, ,ZHES BYA BA NI BCU PA GSUM PA DAG YIN TE, SDOM LA ZHES BYA BA'I TSIG GI DON DANG, DGOS PA NI SNGA MA BZHIN NO, ,BCU PA GSUM PA 'DIS KYANG LTUNG BYED KYI CHOS BCU BSTAN TE, MA BSKOS PAR STON PA DANG, NYI MA NUB KYI BAR DU STON PA

DANG; ZAS CUNG ZAD TZAM GYI PHYIR STON PA DANG, GOS BYED PA DANG, DGE SLONG MA DANG LHAN CIG 'GRON LAM DU 'JUG PA DANG, DGE SLONG MA DANG LHAN CIG GRUR 'JUG PA DANG, GCIG PU 'DUG PA DANG, GCIG PU 'GRENG PA DANG, DGE SLONG MAS SBYOR DU BCUG PA ZA BA'I LTUNG BYED DO, ,DE LA MA BSKOS PAR STON PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG GNAS BRTAN GNAS BRTAN DAG GI RES KYIS DGE SLONG MA LA BSTAN PAR BYA'O ZHES BKA' STZAL NAS, DGE SLONG DRUG SDE DAG LA DGE SLONG MA LA STON PA'I RES BAB PA NA, DE DAG CI TZAM PA DE TZAM BSTAN NAS DE DAG DANG LHAN CIG THO 'TSAMS PAR BYED, KUN TU RTZE BAR BYED, KUN DU CA CO 'DON PAR BYED, GZHOGS STEGS DANG, 'PHYAR G-YENG DANG, LUS LA REG PA DAG BYED DO, ,DE NA GANG DAG BDAG GIR BYED PA, DE DAG NI DE DAG DANG LHAN CIG THO 'TSAMS PAR BYED, KUN DU RTZA BAR BYED, KUN DU CA CO 'DON PAR BYED, GZHOGS STEGS DANG, 'PHYAR G-YENG DANG, LUS LA RDEG PA DAG BYED DO, ,GANG DAG BDAG GRI MI BYED PA DE DAG NI 'CHAGS DANG, DGAR DANG SGO KHANG DAG NA GNAS NGAN LEN KUN DU SPYOD PA 'DI LTA BU DAG BDAG CAG LA STON PAR BYED DO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DGE SLONG DRUG SDE DAG DGE SLONG MA'I STON PAR BSKO BAR MI BYA'O, ,DE LTAR BCOM LDAN 'DAS KYIS DRUG SDE DGE SLONG MA'I STON PAR BSKO BAR MI BYA'O ZHES BKA' STZAL NAS, DE DAG GCIG GIS GCIG BSKOS PA DANG, MTSAMS KYI PHYI ROL TU DONG STE, GCIG GIS GCIG BSKOS PA DANG, MTSAMS KYI NANG DU DGE SLONG NAD PA RNAMS KYI 'DUN PA BLANGS TE, LHAG MA RNAMS DANG MI MTHUN PAR BYAS NAS, GCIG GIS GCIG BSKOS TE DGE SLONG MA LA STON PAR BYED PA NA, NYES DMIGS DE NYID DU GYUR PA'I SKABS DE, DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, MA BSKOS PA, MTSAMS KYI PHYI ROL TU BSKOS PA DANG, MTSAMS KYI PHYI ROL TU BSKOS PA DANG, MTSAMS

, ,KYI NANG DU DGE SLONG NAD PA RNAMS KYI 'DUN PA BLANGS TE, LHAG MA RNAMS DANG MI MTHUN PAR BYAS NAS, GCIG GIS GCIG BSKOS TE DGE SLONG MA LA BSTAN PAR MI BYA BAR, 'DI LTAR GSO SBYONG BCO LNGA PA DE NYID KYI TSE DGE 'DUN THAMS CAD 'DUG CING MTHUN PAR GYUR PA NA DGE SLONG CHOS LNGA DANG LDAN PA BSKOS TE, LNGA GANG ZHE NA, TSUL KHRIMS DANG LDAN PA DANG, MANG DU THOS PA DANG, GNAS BRTAN RGYAL TSAB LTA BU DANG, GRONG KHYER BA'I SKAD DANG LDAN PA DANG, DGE SLONG MA LA LUS KYIS REG PAS SUN MA PHYUNG BA DANG, GAL TE SUN PHYUNG NA YANG DES LTUNG BA DE CHOS BZHIN DU PHYIR BYAS PA 'AM, YANG NA DGE SLONG MA'I STON PA PHYI MA NI SRING MO DAG KHYED CAG DGE SLONG MA'I DGE 'DUN TSOGS SAM, YONGS SU DAG GAM, MTHUN NAM, KHA NA MA THO BA MED DAM, KHYED CAG LA DGE 'DUN GYIS MA BSKOS PA'I GANG ZAG 'GA' ZHIG STON PAR MI BYED DAM, KHYED CAG LA STON PA'I GANG ZAG 'GA' ZHIG DGE 'DUN LAS 'ONG NGO, ,KHYED CAG LA DGE SLONG 'GA' YANG STON PAR MI SPRO'O, ,KHYED CAG GI GDAMS NGAG DANG, RJES SU BSTAN PA NI DGE 'DUN LAS SO, ,SRING MO DAG GIS BAG YOD PAR SGRUBS SHIG CES BYA BA DE STON NUS PA STE, DE LTA BU SPRO BAR BYA ZHING GSOL BA DANG GNYIS KYIS BSKO BAR BYA'O, , BCOM LDAN 'DAS KYIS DE SKAD BKA' STZAL NAS, DRUG SDE DAG MA BSKOS PA KHO NAR DGE SLONG MA LA STON PAR BYED NAS, DGE SLONG DON NYUNG NGU DAG CI'I PHYIR DGE SLONG DAG MA BSKOS PA KHO NAR DGE SLONG MA LA STON PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN GYIS MA BSKOS PAR DGE SLONG MA LA STON NA, CHOS 'DI LTA BU DANG LDAN PA MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SRE; NYON MONGS PA NI GTOGS 'DOD, NYES PA NI MA BSKOS PAR DGE SLONG MA LA STON PA'O, ,DE LA YANG DGE SLONG GANG ZHES BYA BA NI, DRUG SDE'AM GZHAN YANG DE LTA BU GANG YIN PA'O, ,DGE 'DUN KYIS ZHES BYA BA NI, DE BZHIN GSHEGS PA'I NYAN THOS KYI DGE 'DUN GYIS SO, ,MA BSKOS PAR

ZHES BYA BA NI GSOL BA DANG GNYIS KYI LAS KYIS SO, ,DGE SLONG MA LA ZHES BYA BA NI CHOS 'DI PA LA'O, ,STON NA ZHES BYA BA NI, LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB BO, ,CHOS 'DI LTA BU DANG LDAN PA MA GTOGS TE ZHES BYA BA NI TSE DANG LDAN PA LAM PA'I CHOS 'DI LTA BU DANG LDAN PA BZHAG STE'O, ,LTUNG BYED DO ZHES BYA BA NI SEMS CAN DMYAL BA DANG, DUD 'GRO DANG, YI DAGS DANG NGAN SONG DANG, NGAN 'GRO DANG, LOG PAR LTUNG BA DAG TU SREG PAR BYED 'TSED PAR BYED, LTUNG BAR BYED PA'O, ,GZHAN YANG JI SRID DU LTUNG BA DE MA BSHAGS SHING SO SOR MA BSHAGS NA; DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DGE 'DUN GYIS GSO SBYONG BCO LNGA PA LA MTSAMS KYI NANG DU SPRO PAR BYA STE, GSOL BA DANG GNYIS KYI LAS KYIS MA BSKOS PA DANG, BSKOS PA CHOS LNGA DANG; STON PA PHYI MA'I YON TAN DE DAG LAS GCIG DANG YANG MI LDAN PA DANG, MA BSKOS PA YON TAN DE DAG DANG LDAN YANG RUNG BA, DGE SLONG MA LA STON NA MA BSKOS PAR STON PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI MA BSKOS PAR DGE SLONG MA LA STON PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, GSO SBYONG BCO LNGA PA DE NYID LA 'TSAMS KYI NANG DU DGE 'DUN GYIS SPRO BAR BYAS TE, GSOL BA DANG GNYIS KYI LAS KYIS MA BSKOS PA DANG, BSKOS PA CHOS LNGA DANG, STON PA PHYI MA'I YON TAN DE DAG LAS GCIG DANG YANG MI LDAN PA DANG, MA BSKOS PA YON TAN DE DAG DANG LDAN YANG RUNG, MI LDAN YANG RUNG BA DANG, DGE SLONG MA RANG BZHIN DU GNAS PA GCIG LA SOGS PA DANG, SDE SNOD GSUM GYI CHOS GANG YANG RUNG BA STON PA'O, ,DE DAG LAS YAN LAG MA TSANG NA CI RIGS PAR NA SMAD DO, ,MA BSKOS PAR STON PA'I LTUNG BYED DE NYI SHU GCIG PA'O,, ,,NYI MA NUB KYI BAR DU STON PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS TSE DANG LDAN PA DGA' BYED LA, DGA' BYED KHYOD KYIS DGE

, ,SLONG MA LA THOMS SHIG ,DGE SLONG MA LA RJES SU STON CIG ,DGE SLONG MA LA CHOS DANG LDAN PA'I GTAM GYIS SHIG CES BKA' STZAL NAS, DGE SLONG MA AUTPA LA'I MDOG 'KHOR LNGA BRGYA DANG, TSE DANG LDAN PA DGA' BYED GA LA BA DER SONG STE PHYIN NAS, TSE DANG LDAN PA DGA' BYED KYI RKANG PA GNYIS LA MGO BOS PHYAG 'TSAL TE MTHA' GCIG TU 'DUG GO, ,TSE DANG LDAN PA DGA' BYED KYIS BSAMS PA, BUD MED NI SHES RAB CHUNG BA YIN NO SNYAM NAS DES DE LA DON DANG TSIG DANG YI GE MDOR BSDUS PA 'DUS PA DAG GIS CHOS BSTAN TO, ,DE SHES RAB CAN YIN PAS GONG NAS GONG DU 'DRI BAR BYED NAS TSE DANG LDAN PA DGA' BYED KYIS LAN BTAB CING, DES DE LA CI TZAM NA NYI MA NUB PA'I DUS LA BAB PA DE TZAM GYI BAR DU CHOS BSTAN NAS, DE DAG GIS DE'I RKANG PA GNYIS LA MGO BOS PHYAG 'TSAL TE STAN LAS LANGS TE DONG BA DANG, JI TZAM NA MNYAN YOD KYI SGO DAG BCAD PAR GYUR NAS, DGE SLONG MA RNAMS KYIS SGO BA LA SGO PHYE SHIG CES BOS PA DANG, LDE MIG RGYAL PO'I PHO BRANG DU KHYER ZIN TO ZHES ZER RO, ,DE DAG GIS BSAMS PA, 'DI NYID DU 'KHOD DO SNYAM NAS, MNYAN YOD DANG HA CANG MI RING BA KUN DGA' RA BA ZHIG YOD PA DER DE DAG DONG NGO, ,BCOM LDAN 'DAS KYIS SHING LJON PA YANG RGAN RIMS KYIS BSKO BAR BYA'O ZHES BKA' STZAL PAS, DE DAG SHING LJON PA DAG RGAN RIMS KYIS BSKO BA NA, GCIG LA GCIG 'BOD PA'I SGRA MTHON PO DANG, SGRA CHEN PO 'BYUNG BA MNYAN YOD 'JOMS PAR 'DOD PA'I G-YON CAN LNGA BRGYA TZAM DE NA BSKUR PA DAG GIS THOS NAS, DE DAG GIS DGE SLONG MA RNAMS BTZUN MO'I 'KHOR YIN SNYAM NAS GZHOM BAR BRTZAMS PA DANG, AUTPA LA'I MDOG GIS RGYAL BU 'PHAGS SKYES PO'I DPUNG SPRUL TE RNGA BRDUNGS PA DANG DE DAG SKRAG STE BYER RO, ,DGE SLONG MA DAG NANG PAR SNGAR LANGS TE MNYAN YOD DU ZHUGS PA DANG, BRAM ZE DANG; KHYIM BDAG DAG GIS MTHONG NAS, SH'AKYA'I BU'I DGE SBYONG RNAMS KYIS CHOS 'DRE BA DANG, LHAG PAR 'DRE ZHING TSANGS PAR SPYAD PA SPYOD PAR BYED PA BZANG NGO ZHES THO 'TSAMS PAR BYED NAS, DGE SLONG DON NYUNG NGU DAG CI'I PHYIR DGE SLONG DAG NYI MA NUB PA'I DUS KYI BAR DU, DGE SLONG MA LA STON

PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GANG DGE 'DUN GYIS BSKOS KYANG NYI MA NUB PA'I DUS KYI BAR DU DGE SLONG MA LA STON NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI TSE DANG LDAN PA DGA' BYED, NYON MONGS BA NI BAG CHAGS MA BYANG BAS SO SOR MA BRTAGS PA, NYES PA NI NYI MA NUB KYI BAR DU DGE SLONG MA LA STON PA'O, ,DE LA DGE SLONG GANG ZHES BYA BA NI CHOS 'DI PA'O, ,DGE 'DUN GYIS ZHES BYA BA NI DE BZHIN GSHEGS PA'I NYAN THOS KYI DGE 'DUN GYIS SO, ,BSKOS KYANG ZHES BYA BA NI GSOL BA DANG GNYIS KYI LAS KYIS SO, ,NYI MA NUB PA'I DUS KYI BAR DU ZHES BYA BA NI NYI MA NUB PA'I DUS LA BAB PAR RO, ,DGE SLONG MA LA ZHES BYA BA NI CHOS 'DI PA LA'O, ,STON NA ZHES BYA BA NI LHAG PA'I TSUL KHRIMS DANG; LHAG PA'I SEMS DANG, LHAG PA'I SHES RAB BO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG MTSAN THOG THAG TU CHOS STON PA MA GTOGS PAS DGE SLONG GI GTZUG LAG KHANG SGO PHYE BA'I MDUN NA DGE SLONG MA'I DBYAR KHANG 'DUG PA LA SOGS PA MA YIN PAR NYI MA NUB PA NYID LA NUB PAR 'DU SHES BZHIN DU, DGE SLONG MA LA STON NA, NYI MA NUB PA'I BAR DU STON PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI NYI MA NUB PA NYID LA, 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MTSAN THOG THAG TU CHOS STON PA MA YIN PA DANG, DGE SLONG GI GTZUG LAG KHANG SGO PHYE BA'I MDUN NA, DGE SLONG MA'I DBYAR KHANG 'DUG PA LA SOGS PA MA YIN PA DANG, NYI MA NUB PA NYID DANG, DER 'DU SHES PA DANG, DGE SLONG MA LA STON PA'O, ,DE DAG LAS YAN LAG MA TSANG NA CI RIGS PAR NA SMAD DO, ,NYI MA NUB KYI BAR DU STON PA'I LTUNG BYED DE NYI SHU GNYIS PA'O,, ,,ZAS CUNG ZAD TZAM GYI PHYIR STON PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA

, ,BZHUGS SO, ,BCOM LDAN 'DAS KYIS TSE DANG LDAN PA DGA' BYED LA, DGA' BYED KHYOD KYIS DGE SLONG MA LA THOMS SHIG ,DGE SLONG MA LA RJES SU STON CIG ,DGE SLONG MA LA CHOS DANG LDAN PA'I GTAM GYIS SHIG ZHES BKA' STZAL NAS, DGE SLONG MA SKYE DGU'I BDAG MO CHEN MO GOO TA M'I 'KHOR LNGA BRGYA DANG, TSE DANG LDAN PA DGA' BYED GAL BA DER SONG STE PHYIN NAS, TSE DANG LDAN PA DGA' BYED KYI RKANG PA GNYIS LA MGO BOS PHYAG 'TSAL TE MTHA' GCIG TU 'DUG GO, ,TSE DANG LDAN PA DGA' BYED KYIS, DE LA DON DANG TSIG DANG YI GE ZAB PA ZAB PA DAG GIS CHOS BSTAN TO; ,BUD MED NI SHES RAB 'CHAL PA'I PHYIR BRDA MI PHRAD CING 'JIGS PA'I PHYIR 'DRI MI NUS SO, ,SKYE DGU'I BDAG MO CHEN MO GOO TA M'I BCOM LDAN 'DAS KYI SPYAN SNGAR SONG STE, DE SKAD CES GSOL BA DANG, BCOM LDAN 'DAS KYIS SBYIN PA NI MI 'JIGS PA'I RGYU YIN PAS, DGE SLONG MA RNAMS KYIS DGE SLONG RNAMS LA BCA' BA LNGA PO RTZA BA DANG, SDONG BU DANG, 'DAB MA DANG, ME TOG DANG, 'BRAS BU DAG DANG, BZA' BA LNGA PO 'BRAS CHAN DANG, ZAN DRON DANG, 'DE GU DANG, SHA DANG, SNUM KHUR DAG DANG, LHUNG BZED DANG, CHOS GOS DANG, DRA BA DANG, PHOR BU DANG, SHUR BU DANG, LCAG BOD DANG, SHUR BU PHRE'U DANG, RGYA CANG DAG GIS KUN DGA' BAR 'GYUR BA DAG BYA'O ZHES BKA' STZAL NAS, DGE SLONG MA DAG ,KHA CIG GIS NI'O THUG ,KHA CIG GIS NI ZHO THUG ,KHA CIG GIS NI HVAGS KYI LA THU KHYER TE, RGYAL BYED KYI TSAL DU TSE DANG LDAN PA DGA' BYED LA 'BUL DU 'ONGS PA DE, NYE DAGS MTHONG NAS SMRAS PA, NYE DAGS KYANG GAL TE 'DI LTA BU DAG RNYED PAR 'GYUR NA, RTAG PA KHO NAR DGE SLONG MA LA STON PAR 'GYUR RO, ,KHO BO TSE DANG LDAN PA DGA' BYED CHOS BZANG PO'I CHOS KYIS DGE SLONG MA LA STON SNYAM GYI, KHO BO TSE DANG LDAN PA DGA' BYED ZAS CUNG ZAD TZAM GYI PHYIR, DGE SLONG MA LA STON SNYAM MI SEMS SO ZHES ZER NAS, DGE SLONG DON NYUNG NGU DAG CI'I PHYIR DGE SLONG DAG DGE SLONG RNAMS LA 'DI SKAD CES, DGE SLONG DAG ZAS CUNG ZAD TZAM GYI PHYIR DGE SLONG MA RNAMS LA STON PAR BYED CES ZER ZHING SMOD PAR BYED, PHYAR KA GTONG BAR BYED,

KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU YANG DGE SLONG GANG DGE SLONG RNAMS LA 'DI SKAD CES DGE SLONG DAG ZAS CUNG ZAD TZAM GYI PHYIR DGE SLONG MA LA STON NO ZHES ZER NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI PHRAG DOG ,NYES PA NI PHYAR KA GTONG BA'O, ,DE LA YANG DGE SLONG GANG ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,DE LA DGE SLONG RNAMS LA ZHES BYA BA NI CHOS 'DI PA RNAMS LA'O,, 'DI SKAD CES ZHES BYA BA NI 'DI SKAD CES ZER NA'O, ,DGE SLONG DAG CES BYA BA NI CHOS 'DI PA DAG GO, ,ZAS CUNG ZAD TZAM GYI PHYIR ZHES BYA BA NI BCA' BA LNGA DANG, BZA' BA LNGA'I PHYIR RO, ,DGE SLONG MA LA ZHES BYA BA NI CHOS 'DI PA LA'O, ,STON TO ZHES ZER NA ZHES BYA BA NI LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB BO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG ZAS CUNG ZAD TZAM GYI PHYIR STON PA MA YIN PA LA DGE SLONG 'DI ZAS CUNG ZAD KYI PHYIR DGE SLONG MA LA STON TO ZHES DE NYID DAM GZHAN LA SMRA NA, ZAS CUNG ZAD TZAM GYI PHYIR STON PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG MA LA STON PA'I DGE SLONG ZAS CUNG ZAD TZAM GYI PHYIR STON PA MA YIN PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MA LA STON PA'I DGE SLONG ZAS CUNG ZAD TZAM GYI PHYIR STON PA MA YIN PA DANG, DE LA DGE SLONG 'DI ZAS CUNG ZAD TZAM GYI PHYIR STON PA MA YIN PAR 'DU SHES PA DANG, DE LA DGE SLONG 'DI ZAS CUNG ZAD TZAM GYI PHYIR, DGE SLONG MA LA STON TO ZHES PHYAR KA GTONG BA DANG, DE NYID DAM GZHAN LA SMRAS PA DANG, PHA ROL POS DON GO BA'O, ,DE DAG LAS YAN LAG MA TSANG NA CI RIGS PAR NA SMAD DO, ,ZAS CUNG ZAD TZAM GYI PHYIR STON PA'I LTUNG BYED DE NYI SHU GSUM PA'O,, ,,GOS SBYIN PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN

, ,YOD NA TSONG DPON ZHIG 'DUG PA DES RIGS MNYAM PA LAS CHUNG MA BLANGS NAS DE DANG LHAN CIG RTZER BAR BYED, DGA' BAR BYED, DGA' MGUR SPYOD PAR BYED DO, ,DE RGAS PA'I GNAS SKABS SU NYE DU ZAD PAR GYUR CING NOR ZAD PA DANG LONGS SPYOD ZAD PAR GYUR NAS, DES CHUNG MA LA SMRAS PA, BZANG MO KHO BOS DA NOR SGRUB PAR MI NUS GYIS, KHO BO RAB TU 'BYUNG DU 'GRO'O, ,CHUNG MAS SMRAS PA, RJE'I SRAS BDAG KYANG RAB TU 'BYUNG NGO, ,DES CHUNG MA DE SKYE DGU'I BDAG MO CHEN MO GOO TA M'I LA GSOL TE, RAB TU PHYUNG ZHING BSNYEN PAR RDZOGS PAR BYAS SO, ,RANG YANG RGYAL BYED KYI TSAL DU SONG STE, DGE SLONG GI DGE 'DUN LA GSOL NAS RAB TU BYUNG ZHING BSNYEN PAR RDZOGS PAR BYAS SO, ,MNYAN YOD NA DE GRAGS SHING BSOD NAMS CHE BAS THAMS CAD KYIS MNYAN YOD PA'I TSONG DPON RAB TU PHYUNG NGO ZHES THOS NAS, DE LA CHOS GOS DANG, BSOD SNYOMS DANG, GNAS MAL DANG, NA BA'I RKYEN DANG, SMAN GYI YO BYAD DAG DBUL BAS DES DE DAG GRUB BO, ,DE DUS GZHAN ZHIG NA SNAM SBYAR DMAR SER GYON TE, DGE SLONG MA DE'I DBYAR KHANG DU SONG BA DANG, DGE SLONG MA DES DE'I RKANG PA GNYIS LA MGO BOS PHYAG 'TSAL TE, MDUN DU 'DUG NAS DE'I SNAM SBYAR DE LA YANG DANG YANG DU RTOG NAS, DGE SLONG DES SMRAS PA, SRING MO SNAM SBYAR 'DI 'DOD DAM, DES SMRAS PA, LHA'I GNAS KYI LHAG MA BZHIN DU'O, ,BDAG GIS 'DI LA SNAM SBYAR 'DI SBYIN PAR BYA ZHING, BDAG GIS SNAM SBYAR GZHAN BTZEM PAR BYA'O SNYAM NAS DES DE LA SNAM SBYAR BYIN TE SONG NGO, ,DE NAS BCOM LDAN 'DAS DGE SLONG GI DGE 'DUN GYI 'KHOR DANG BCAS PA KO SA LA DAG TU LJONGS RGYUR GSHEGS PAS, DGE SLONG DE SNAM SBYAR MED PAR CHOS GOS STOD G-YOGS SMAD G-YOGS DANG BCAS PAS LJONGS RGYUR 'GRO BA GZIGS NAS, TSE DANG LDAN PA KUN DGA' BO LA RMAS PA DANG, TSE DANG LDAN PA KUN DGA' BOS DE JI LTAR GYUR PA RGYAS PAR GSOL TO, ,BCOM LDAN 'DAS KYIS BKA' STZAL PA, KUN DGA' BO DGE SLONG DAG DGE SLONG MA NYE DU MA YIN PA LA GOS DAG SBYIN NAM, BTZUN PA STZAL TO, ,BCOM LDAN 'DAS KYIS BKA' STZAL PA, KUN DGA' BO DGE SLONG MA NYE DU MA YIN PA NI 'DI SNYAM DU 'DI'I CHOS GOS GSUM TSANG NGAM, 'ON TE MA TSANG SNYAM DU MI SEMS PAR 'DI LTAR

THOB BO COG LEN PAR BYED KYI, NYE DU LA NI BYIN YANG LEN PAR MI BYED DO ZHES BKA' STZAL NAS SNGA MA BZHIN DU, YANG DGE SLONG GANG DGE SLONG MA NYE DU MA YIN PA LA GOS SBYIN NA LTUNG DO ZHES BCA' BA MDZAD DE, YUL NI MNYAN YOD, GANG ZAG NI MNYAN YOD PA'I TSONG DPON LAS RAB TU BYUNG BA, NYON MONGS PA NI SNGON GYI CHUNG MA LA SRED PA, NYES PA NI DGE SLONG MA NYE DU MA YIN PA LA GOS SBYIN PA'O, DE LA YANG DGE SLONG GANG ZHES BYA BA NI CHOS 'DI PA'O, ,DGE SLONG MA ZHES BYA BA YANG CHOS 'DI PA'O, ,NYE DU MA YIN PA LA ZHES BYA BA NI PHYI MO DANG MES PO DANG, PHRUGS LAS BRTEN PA'I BDUN PA TSUN CHAD NI NYE DU YIN LA, DE PHAN CHAD NI NYE DU MA YIN NO, ,GOS ZHES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS DAG LAS GANG YANG RUNG BA'O, SBYIN NA ZHES BYA BA NI BSAB MI DGOS PAR RO, , LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG MA'I DGE 'DUN LA GOS DBUL BA MA GTOGS PAR DGE SLONG MA NYE DU MA YIN PA, BOR RLAG BYUNG BA DANG, LEGS PAR SMRAS PA DANG, BSNYEN PAR RDZOGS PAR BYED PA DANG, BRJE BAR 'DOD PA MA YIN PA LA DENG 'DU SHES PAS GOS RUNG BA 'KHOR GSUM KHEBS PA'I TSAD DANG LDAN PA BYIN NA GOS SBYIN PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE SLONG MA NYE DU MA YIN PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG DRUG GIS DNGOS GZHI'I LTUNG BAR 'GYUR TE, DGE SLONG DGE SLONG MA'I DGE 'DUN LA GOS DBUL BA MA YIN PA DANG, DGE SLONG MA NYE DU MA YIN PA DANG, DE BOR RLAG BYUNG BA 'AM, LEGS PAR SMRA BA 'AM, BSNYEN PAR RDZOGS PAR BYED PA'AM, BRJE BAR 'DOD PA MA YIN PA DANG, DER 'DU SHES PA DANG, GOS RUNG BA 'KHOR GSUM KHEBS PA'I TSAD YAN CHAD DANG, BYIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GOS SBYIN PA'I LTUNG BYED DE NYI SHU BZHI PA'O,, ,,GOS BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA'

, ,RA BA NA BZHUGS SO, ,DGE SLONG MA SBED MA'I CHOS GOS LNGA NGAN CING SNAM SBYAR YANG RNYINGS NAS, DES RAS YUG CHEN ZHIG RNYED PA, TSE DANG LDAN PA 'CHAR KA LA SNAM SBYAR DU BTZEM DU BCOL NAS DRUG SDE DAG LOG STE RAS YUG CHEN DE BRGYANGS NAS DRAS SHING DRUBS TE, 'CHAR KAS SNAM SBYAR DE DANG TSON SNA LNGA'I SKUD PA KHYER TE 'CHAG TU SONG NAS, SNAM SBYAR DE LA TSON SNA LNGA'I SKUD PAS, BDAG NYID SBED MA'I MGUL NAS 'KHYUD DE 'DUG PA ZHIG SKUD RIS SU BTZEMS NAS BLTAB STE SBED MA LA SBYIN NAS, RE ZHIG JI TZAM DU TSON GYIS MA BCAL BA DE SRID DU MA DBYE SHIG ,LTUNG BA DANG BCAS PAR GYUR TA RE ZHES SMRAS SO, ,SBED MAS SNAM SBYAR DE DE BZHIN KHO NAR DBYAR KHANG DU 'PHAGS PA DANG, DGE SLONG MA GROGS MO DAG GIS, 'PHAGS PA 'CHAR KAS SNAM SBYAR JI LTAR BTZEMS PA BLTAS, 'ON CIG CES BYAS PA NA SBED MAS MA STER NAS, DE DAG GIS SNAM SBYAR HUR CES PHROGS NAS PHYE STE BLTAS PA DANG, DE LA TSON SNA LNGA'I SKUD PAS 'CHAR KA SBED MA'I MA GUL NAS 'KHYUD DE 'DUG PA SKUD RIS SU BTZEMS PA MTHONG NAS, DE DAG GIS RTA GAD KYIS BTAB STE, SMRAS PA, SBED MA KHYOD LA 'PHAG PA 'CHAR KAS YUN RING MO ZHIG GIS GZOD 'KHYUD DO, ,DE SKYE DGU'I BDAG MO CHEN MO GOO TA M'IS THOS NAS, NU MO DAG DRUG SDE GNAS NGAN LEN KUN TU SPYOD PA DAG GIS 'DRUMS PA LTUNG BAS, BCOM LDAN 'DAS KYI BSTAN PA 'JIG PAR BYED DO ZHES ZER BA'I SKABS DE, DGE SLONG MA RNAMS KYIS DGE SLONG RNAMS LA BRJOD NAS, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS 'CHAR KA LA, KHYED DGE SLONG MA NYE DU MA YIN PA'I GOS BYED PA BDEN NAM ZHES RMAS NAS SNGA MA BZHIN DU, YANG DGE SLONG GANG DGE SLONG MA NYE DU MA YIN PA'I GOS BYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS, NYES PA NI DGE SLONG MA NYE DU MA YIN PA'I GOS BYED PA'O, ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,DGE SLONG MA ZHES BYA BA NI CHOS 'DI PA'O, ,NYE DU MA YIN PA'I ZHES BYA BA NI PHYI MA DANG MES PO DANG, PHRUGS KYI BDUN PA TSUN CHAD

NI NYE DU YIN LA, DE PHAN CHAD NI NYE DU MA YIN NO, ,GOS ZHES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG PA'I DAG LAS GANG YANG RUNG BA DAG GO, ,BYED NA ZHES BYA BA NI 'TSEM NA'O, , LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG MA NYE DU MA YIN PA LA DER 'DU SHES PAS GOS RUNG BA 'KHOR GSUM KHEBS PA'I TSAD DANG LDAN PA BYED NA, GOS BYED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG MA NYE DU MA YIN PA NYID LA DER 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MA NYE DU MA YIN PA DANG, DER 'DU SHES PA DANG, GOS RUNG BA 'KHOR GSUM KHEBS PA'I TSAD YAN CHAD DANG LDAN PA DANG, BYED PA DANG, ZIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GOS BYED PA'I LTUNG BYED DE NYI SHU LNGA PA'O,, ,,DGE SLONG MA DANG LHAN CIG 'GRON LAM DU 'JUG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG GIS SMRAS PA, DGA' BO NYE DGA' LHUNG BZED NAG PO CAN 'DI DAG NI RKANG PA SPRE'U ZHAG GIS BSKUS TE, 'GRO NA YANG 'GRO BAR CHAS PA'I RNYED PA SGRUB PAR BYED, 'ONG NAS YANG GLO BAR DU 'ONGS PA'I RNYED PA SGRUB PAR BYED CING, SKYE BO MANG PO DGA' BA DANG YID DU 'ONGS BAR YANG 'GYUR RO, ,YU BU CAG NI KHRON PA'I RUS SBAL DANG 'DRA BAR GAR DANG MI 'DONG, GANG NAS KYANG MI 'ONG BAS RNYED PA THOB PA DANG, SKYE BO MANG PO DGA' BA DANG, YID DU 'ONG BAR GA LA 'GYUR GYIS YU BU CAG KYANG LJONGS RGYUR 'DONG NGO ZHES DE DAG DGE SLONG MA'I DBYAR KHANG DU DONG STE, DGE SLONG MA BCU GNYIS SDE DAG LAM BRGYAGS SBYOR DU BCUG NAS DE DAG KYANG KHRID CING, DGE SLONG BSOD SNYEMS PA ZHIG KYANG KHRID DE LJONGS RGYUR 'PHAGS SO, ,DE DAG GANG GI TSE MTSAMS KYI PHYI ROL TU SON PA DE'I TSE NA SMRAS PA, DGA' BO NYE DGA' BDAG CAG GUS YUN JI SRID DUG ZHAN GYI SPYOD LAM GYIS 'KHOD PAR BYAS

, ,TSUR SHEG ,BDAG CAG RANG RANG GI SPYOD LAM GYIS 'KHOD PAR BYA'O ZHES DANG POR DGA' BO 'DUG NAS DE'I 'OG TU DGA' MO 'DUG ,DE'I 'OG TU DGA' BO'I LHAN CIG GNAS PA 'DUG ,DE'I 'OG TU DGA' MO'I LHAN CIG GNAS PA 'DUG ,DE'I 'OG TU DGA' BO'I DGE TSUL 'DUG ,DE'I 'OG TU DGA' MO'I DGE TSUL 'DUG GO, ,DE BZHIN DU NYE DGA' DANG, GTZUG DGA' MO LA SOGS PA YANG SPEL MAR BKOD DE DONG NGO, ,DON MTHUN DE DANG BRAM ZE ZHIG LHAN CIG 'GRO BA DES DE DAG MTHONG NAS SMRAS PA, 'DI NI DGE SBYONG YIN, DE'I CHUNG MA NI 'DI YIN, DE'I BU NI 'DI YIN, DE'I MNA' MA NI 'DI YIN, DE'I TSA BO NI 'DI YIN, DE'I TSA BO'I CHUNG MA NI 'DI YIN PAR SHES PAR BYA'O, ,NYE DAGS THOS NAS SMRAS BA, BKREN PA KHYOD KYI GNYA' BA RDOG PAS MNAN NAS DE LTA YIN NO, ,BSOD SNYOMS PA DES BSAMS PA, BDAG SHI BA NI BLA'I, GNAS NGAN LEN KUN TU SPYOD PA 'DI DAG DANG LHAN CIG LJONGS RGYUR 'GRO BA NI MI RUNG NGO SNYAM NAS PHYIR LOG STE, RGYAL BYED KYI TSAL DU SONG NAS DES SKABS DE DAG DGE SLONG RNAMS LA RGYAS PAR BRJOD PA DANG, DGE SLONG DON NYUNG DU DAG CI'I PHYIR DGE SLONG DAG DGE SLONG MA'I DON MTHUN DANG LHAN CIG 'THAMS NAS 'GRON LAM DU 'JUG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG MA'I DON MTHUN DANG LHAN CIG 'THAMS NAS, 'GRON LAM DU 'JUG NA DUS MA GTOGS TE LTUNG BYED DO; ,DE LA DUS NI 'DI YIN TE, LAM DON MTHUN GYIS BGROD PAR BYA BA, DOGS PA DANG BCAS PAR GRAGS PA, 'JIGS PA DANG BCAS PAR GRAGS PA 'JIGS PA THA DAD PAS 'JIGS SU RUNG BA DANG BCAS PAR GRAGS PA ZHIG NA DE LA DE NI DUS YIN NO ZHES BCA' BA MDZAD DE, YUL NI MNYAN YOD, GANG ZAG NI DRUG STE, NYON MONGS PA NI 'DOD ZHE NA, NYES PA NI DGE SLONG MA'I DON MTHUN DANG LHAN CIG 'THAMS NAS 'GRON LAM DU 'JUG PA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,DGE SLONG MA'I DON MTHUN DANG LHAN CIG CES BYA BA NI CHOS 'DI

PA'O, ,'THAMS NAS ZHES BYA BA NI BRDA BYAS NAS SO, ,'GRON LAM DU ZHES BYA BA NI DGON PA'I LAM DU'O, ,'JUG NA ZHES BYA BA NI 'GRO NA'O, ,DUS MA GTOGS TE ZHES BYA BA NI DUS BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA DUS 'DI YIN TE, LAM DON MTHUN GYIS BGROD PAR BYA BA ZHES BYA BA NI DON MTHUN MED PAR BGROD MI NUS PA'O, ,DOGS PA DANG BCAS PAR GRAGS PA ZHES BYA BA NI, CHOM RKUN PA DANG G-YON CAN GYIS 'JIGS PAR GRAGS PA'O, ,'JIGS PA DANG BCAS PAR GRAGS PA ZHES BYA BA NI, SENG GE DANG STAG DANG GUNG GIS 'JIGS PAR GRAGS PA'O, ,'JIGS PA THA DAD PAS 'JIGS SU RUNG BA DANG BCAS PAR GRAGS PA ZHIG NA ZHES BYA BA NI SHA SBRANG DANG, SBRANG BU MCHU RINGS DANG, RLUNG DANG, NYI MA DANG, SDIG SBRUL GYIS 'JIGS PA THA DAD PAS 'JIGS SU RUNG BA DANG BCAS PAR GRAGS PA ZHIG NA'O, ,DE LA DE NI DUS YIN NO ZHES BYA BA NI, BSLAB PA BCAS PA DE LA DE NI GNANG BA'I DUS YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, 'JIGS PA DANG BCAS PA'I LAM NYID DU SNGAR 'THAMS PAR DGE SLONG MA DANG 'GRON THABS GCIG TU ZHUGS SHING THA MA MI DAD PAR 'GRO BA NYID MA GTOGS PAR DGE SLONG MA GCIG DANG YANG LAM LAS 'DA' ZHING, 'GRON RGYANG GRAGS RE RER DGE SLONG MA DANG LHAN CIG 'GRON LAM DU 'JUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, LAM 'JIGS PA MED PA DANG, DGE SLONG MA'I 'GRON PA DANG 'THAMS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, LAM 'JIGS PA MED PA NYID DANG, DGE SLONG MA GCIG YAN CHAD KYI 'GRON PA DANG, 'THAMS PA DANG, LAM DU ZHUGS PA DANG, RGYANG GRAGS GCIG GI MTHA' LAS 'DAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,DGE SLONG MA DANG LHAN CIG 'GRON LAM DU 'JUG PA'I LTUNG BYED DE NYI SHU DRUG PA'O,, ,,DGE SLONG MA DANG LHAN CIG GRUR 'JUG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG GIS SMRAS PA, DGA' BO NYE DGA' LHUNG BZED NAG PO CAN 'DI DAG NI, RKANG PA SPRE'U ZHAG GIS BSKUS TE 'GRON

, ,YANG 'GRO BAR CHAS PA'I RNYED PA SGRUB PAR BYED DE, 'ONG NA GLO BUR DU 'ONGS PA'I RNYED PA SGRUB PAR BYED CING, SKYE BO MANG PO DAG DGA' BA DANG YID DU 'ONG BAR YANG 'GYUR RO, ,YU BU CAG NI KHRON PA'I RUS SBAL DANG 'DRA PAR GAR YANG MI 'DONG, GANG NAS KYANG MI 'ONG BAS RNYED PA 'THOB PA DANG, SKYE BO MANG PO DGA' BA DANG, YID DU 'ONG BAR GA LA 'GYUR GYIS, YU BU CAG KYANG GRUR ZHUGS TE 'DONG NGO ZHES DE DAG DGE SLONG MA'I DBYAR KHANG DU DONG STE, DGE SLONG MA BCU GNYIS SDE DAG LAM BRGYAGS SBYOR DU BCUG NAS DE DAG KYANG KHRID CING, BSOD SNYOMS PA ZHIG KYANG KHRID DE GRUR 'JUG TU 'PHAGS SO, ,DE DAG GANG GI TSE MTSAMS KYI PHYI ROL DU GRUR ZHUGS PA DE'I TSE NA SMRAS PA, DGA' BO NYE DGA' BDAG CAG GIS YUN JI SRID DU GZHAN GYI SPYOD LAM GYIS 'KHOD PAR BYA, TSUR SHEG ,BDAG CAG RANG RANG GI SPYOD LAM GYIS 'KHOD PAR BYA'O ZHES DANG POR DGA' BO 'DUG NAS DE'I 'OG TU DGA' MO 'DUG ,DE'I 'OG TU DGA' BO'I LHAN CIG GNAS PA 'DUG ,DE'I 'OG TU DGA' MO'I LHAN CIG GNAS PA 'DUG ,DE'I 'OG TU DGA' BO'I DGE TSUL 'DUG ,DE'I 'OG TU DGA' MO'I DGE TSUL 'DUG GO, ,DE BZHIN DU NYE DGA' DANG, GTZUG DGA' MO LA SOGS PA YANG SPEL MAR BKOD DE DONG NGO, ,DON MTHUN DE DANG BRAM ZE ZHIG LHAN CIG 'GRO BA DES, DE DAG MTHONG NAS SMRAS PA, 'DI NI DGE SBYONG YIN, DE'I CHUNG MA NI 'DI YIN, DE'I BU NI 'DI YIN, DE'I MNA' MA NI 'DI YIN, DE'I TSA BO NI 'DI YIN, DE'I TSA BO'I CHUNG MA NI 'DI YIN PAR SHES SO, ,NYE DAGS THOS NAS SMRAS PA, BKREN PA KHYOD KYI GNYA' BA RDOG PAS MNAN NAS DE LTA YIN NO, ,BSOD SNYOMS PA DES PA BSAMS PA, BDAG SHI BA NI ZLA'I, GNAS NGAN LEN KUN DU SPYOD PA 'DI DAG DANG LHAN CIG LJONGS RGYUR 'GRO BA NI MI RUNG NGO SNYAM NAS DE PHYIR LOG STE, RGYAL BYED KYI TSAL DU SONG NAS, DES SKABS DE DGE SLONG RNAMS LA RGYAS PAR BRJOD PA DANG, DGE SLONG DON NYUNG DU DAG CI'I PHYIR DGE SLONG DAG ,DGE SLONG MA'I DON MTHUN DANG LHAN CIG 'THAMS NAS GRUR 'JUG PAR BYED CES SMOD PAR PHYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN

'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG MA'I DON MTHUN DANG LHAN CIG 'THAMS NAS GRU GCIG TU 'JUG CING, GYEN DU 'GRO'AM, THUR DU 'GRO NA, THAD KAR PHA ROL DU 'GRO BA MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI 'DOD ZHE NA, NYES PA NI DGE SLONG MA'I DON MTHUN DANG 'THAMS NAS DRUG GCIG TU 'JUG PA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,DGE SLONG MA'I DON MTHUN DANG LHAN CIG CES BYA BA NI CHOS 'DI PA'O, ,'THAMS NAS ZHES BYA BA NI BRDA BYAS NAS SO, ,GRU GCIG TU ZHES BYA BA NI, SHO GOM GCIG PA DANG, LA GCAN GCIG PA DANG, GRU BTZAS GCIG PAR RO, ,'JUG CING ZHES BYA BA NI ZHON CING NGO, ,GYEN DU 'GRO 'AM ZHES BYA BA NI RGYUN LAS BZLOG PHYOGS SU 'GRO BA'O, ,THUR DU 'GRO NA ZHES BYA BA NI RGYUN PHYOGS SU 'GRO NA'O, ,THAD KAR PHA ROL DU 'GRO BA MA GTOGS TE ZHES BYA BA NI, THAD KAR PHA ROL TU 'GRO BA BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, 'GRAM GNYIS 'JIGS PA DANG BCAS PA NYID MA GTOGS PAR 'THAMS NAS DGE SLONG MA GCIG DANG YANG CIG CAR GRU GCIG GIS LAM LAS 'DA' ZHING 'GRO NA THAD KAR PHA ROL TU 'GRO BA MA GTOGS TE, RGYANG GRAGS RE RER DGE SLONG MA DANG LHAN CIG GRUR 'JUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI 'GRAM GNYIS PA MED PA 'JIGS PA MED PA DANG, DGE SLONG MA'I 'GRON PA DANG 'THAMS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, 'GRAM GNYIS 'JIGS PA MED PA NYID DANG, DGE SLONG MA GCIG YAN CHAD KYI 'GRON PA DANG 'THAMS PA DANG, GRUR ZHUGS PA DANG, RGYANG GRAGS GCIG GI MTHA' LAS 'DAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,DGE SLONG MA DANG LHAN CIG GRUR 'JUG PA'I LTUNG BYED DE NYI SHU BDUN PA'O,, ,,GCIG PU 'DUG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN

, ,GYI KUN DGA' RA BA NA BZHUGS SO, ,DE NAS TSE DANG LDAN PA 'CHAR KA SNGA DRO SHAM THABS BGOS, LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS NAS MTHAR GYIS MNYAN YOD DU BSOD SNYOMS LA RGYU BA NA KHYIM BDAG GI CHUNG MA SBED MA'I KHYIM GA LA BDER SONG NGO, KHYIM BDAG GI CHUNG MA SBED MAS TSE DANG LDAN PA 'CHAR KA THAG RING PO KHO NA NAS MTHONG STE, MTHONG NAS KYANG TSE DANG LDAN PA 'CHAR KA'I PHYIR STAN SHOM PAR BYED CING 'DI SKAD CES KYANG SMRAS SO, BTZUN PA 'CHAR KA TSUR SPYON, BTZUN PA 'CHAR KA BYON PA LEGS SO, ,BTZUN PA 'CHAR KA GDAN BSHAMS PA 'DI LA BZHUGS SHIG ,TSE DANG LDAN PA 'CHAR KA NANG DU BLTAS TE 'DUG GO, ,KHYIM BDAG GI CHUNG MA SBED MA YANG, TSE DANG LDAN PA 'CHAR KA'I RKANG PA GNYIS LA PHYAG 'TSAL TE KHA PHYIR BLTAS TE 'DUG GO, ,'CHAR KAS DE LA JI TZAM PA DE LA TZAM GYI CHOS BSTAN NAS, SNGON BGAD PA DANG, RTZES PA DANG, DGA' BA BYAS PA DANG, DGA' MGUR SPYAD PA DAG DRAN PAR BYA BAR BRTZAMS TE, SBED MA KHYOD KYIS BDAG CAG GNYIS SKYED MOS CHAL DANG, 'DUN SA DANG, LHA'I GNAS GA GE MO ZHIG TU BCA' BA 'DI DANG 'DI LTA BU 'CHOS PA DANG, BZA' BA 'DI DANG 'DI LTA BU ZOS PA DANG, BTUNG BA 'DI DANG 'DI LTA BU 'THUNGS BA DANG, GNAS MAL 'DI DANG 'DI LTA BU BSHAMS PA DANG, 'BRU MAR GYI MAR ME 'DI DANG 'DI LTA BU BTZUGS SHING, DER BDAG CAG GNYIS KYIS 'DI DANG 'DI LTA BU BYAS PA DRAN NAM, SBED MAS SMRAS PA, DRAN NO, ,BSOD SNYOMS PA ZHIG DER 'ONGS PA DANG, SBED MAS MTHONG NAS BSAMS PA, GAL TE LANGS TE BSOD SNYOMS PHUL BAR GYUR NA, BTZUN PA 'CHAR KA'I GTAM SPANGS BAR 'GYUR RO SNYAM NAS, DES LAG PAS SONG SHIG CES BRDA BYAS SO, ,'CHAR KAS SMRAS PA, SBED MA KHYED KYI SNYING LAM NA KHO BOS KHYOD LA 'PHAGS PA'I BDEN PA BZHI'I GTAM BYAS SNYAM MAM CI, 'DI LTAR BO BOS LAG PAS BCAL BA BRGYA DAG GIS LONGS SPYOD DAG BSGRUBS NA KHYOD KYIS SBYIN PA DAG SBYIN ZHING, BSOD NAMS DAG BYED KYANG MI NUS SAM ZHES 'CHAR KAS SBED MA BSOD SNYOMS 'BUL DU BCUG NAS, GTZUG LAG KHANG DU SONG BA DANG, BSOD

SNYOMS PA DES DON GYIS 'CHAR KA LA DENG DON GYIS NA BDAG GIS KHYOD KYI BSOD SNYOMS ZOS SO ZHES SMRAS PA DANG, 'CHAR KAS SMRAS PA, BSOD SNYOMS PA SHES TE, DES DANG PO KHYOD THOS SNYAM MAM CI, DES KHYOD SONG SHIG CES LAG BRDA BYAS NAS, KHO BOS DE'I 'OG TU DE PHYIR 'BOD DU BCUG GO, ,BSOD SNYOMS PAS SMRAS PA, DE'I TSE NA BTZUN PA 'CHAR KA DE NYID NA 'DUG PAR GYUR TAM, 'DUG GO, ,BUD MED DANG LHAN CIG GCIG PU GCIG DANG, DBEN PA SKYABS YOD PA NA STAN LA 'DUG TU RUNG NGAM, RUNG YANG SRID MI RUNG YANG SRID DE KHO BO DE LTAR 'DUG GO ZHES ZER NAS, DGE SLONG DON NYUNG DU DAG CI'I PHYIR DGE SLONG DAG ,BUD MED DANG LHAN CIG GCIG PU GCIG DANG DBEN PA SKYABS YOD PA NA STAN LA 'DUG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BUD MED DANG LHAN CIG GCIG PU GCIG DANG DBEN PA SKYABS YOD PA NA STAN LA 'DUG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS, NYES PA NI BUD MED DANG LHAN CIG GCIG PU GCIG DANG, DBEN PA SKYABS YOD PA NA STAN LA 'DUG PA'O, ,DE LA YANG DGE SLONG GANG ZHES BYA BA NI, 'CHAR KA'AM GZHAN YANG DE LTA BU GANG YIN PA'O, ,BUD MED DANG ZHES BYA BA NI BUD MED DAM GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA DANG NGO, ,LHAN CIG CES BYA BA NI DE DANG LHAN CIG GO, ,GCIG PU GCIG DANG ZHES BYA BA NI DE DANG NGO, ,DBEN PA ZHES BYA BA NI GANG NA BUD MED DANG, SKYES PA DANG, MA NING GZHAN 'GA' YANG MED PA'O, ,SKYABS YOD PA NA ZHES BYA BA NI, LNGAS SKYABS YOD PA NA STE, RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MOS BSKYABS PA'O, ,STAN LA ZHES BYA BA NI GZHI LA'O, ,'DUG PA ZHES BYA BA NI 'DON GANG GI NANG DU RKUB TSOS 'JOG PAR BYED PA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI,

, ,DGE SLONG MA'I 'GRO BA PA'I BUD MED DAM, GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA GCIG DANG, SKYE BO RGYUN LUGS MED PA NYID KYIS PHYOGS DBEN PA NYID DANG, SKYABS DANG BCAS PA NYID DANG, BAR 'DOM GANG GI NANG DU GNYI GA RKUB TSOS 'JOG PAR BZHAG STE 'DUG NA, GCIG PU 'DUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, RKUB TSOS BZHAG STE 'DUG PA LA BUD MED GCIG BU NYID DANG, SKYE BO'I RGYUN LUGS MED PA NYID KYIS PHYOGS DBEN PA NYID DANG, SKYABS DANG BCAS PA NYID DANG, BAR 'DOM GANG NYID NI BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, MI'I 'GRO BA BA'I BUD MED DAM, GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA GCIG PU NYID DANG, SKYE BO'I RGYUN LUGS MED PA NYID KYIS PHYOGS DBEN PA NYID DANG, SKYABS DANG BCAS PA NYID DANG, BAR 'DOM GANG NYID DANG, GNYI GA RKUB TSOS BZHAG STE 'DUG PA'O, ,DE DAG LA YAN LAG MA TSANG NA CI RIGS PAR NA SMAD DO, ,GCIG PU 'DUG PA'I LTUNG BYED DE NYI SHU BRGYAD PA'O,, ,,GCIG PU 'GRENG BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE SBED MA RAB TU BYUNG NAS DE KHANG SKYONG BYED PA NA, DGE SLONG MA RNAMS SNGA DRO SHAM THABS BGOS NAS, LHUNG BZED DANG CHOS GOS THOGS TE, BSOD SNYOMS LA DONG BA NA, SBED MA GTZUG LAG KHANG NA PHYAG DAR BYED CING 'DUG GO, ,TSE DANG LDAN PA 'CHAR KA YANG SNGA DRO SHAM THABS BGOS, LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS NAS MNYAN YOD DU BSOD SNYOMS LA RGYU BA NA, DGE SLONG MA'I DBYAR KHANG GA LA BA DER SONG NGO, ,SBED MAS, TSE DANG LDAN PA 'CHAR KA THAG RING PO KHO NA NAS MTHONG STE, MTHONG NAS KYANG 'DI SKAD CES SMRAS SO, 'PHAGS PA 'CHAR KA BYON PA LEGS SO, ,BYON PA LEGS SO ZHES DES PHYAGS MA PHYOGS GCIG TU BZHAG NAS, TSE DANG LDAN PA 'CHAR KA'I RKANG PA GNYIS LA PHYAG 'TSAL TE MDUN DU 'GRENG NGO, ,'CHAR KAS

DE LA JI TZAM PA DE TZAM GYIS CHOS BSTAN NAS, SNGON BGAD PA DANG, RTZES PA DANG, DGA' BAR BYAS PA DANG, DGA' DGUR SPYAD PA DAG DRAN PAR BYA BAR BRTZAMS TE, SBED MA KHYOD KYIS BDAG CAG GNYIS KYIS SKYED MOS TSAL DANG, 'DUN SA DANG, LHA'I GNAS GA GE ME ZHIG TU, BCA' BA 'DI DANG; 'DI LTA BU 'CHOS PA DANG, BZA' BA 'DI DANG 'DI LTA BU ZOS PA DANG, BTUNG BA 'DI DANG 'DI LTA BU 'THUNGS PA DANG GNAS MAL 'DI DANG 'DI LTA BU BSHAMS PA DANG, 'BRU MAR GYI MAR ME 'DI DANG 'DI LTA BU BTZUGS SHING, DER BDAG CAG GNYIS KYIS 'DI DANG 'DI LTA BU BYAS PA DRAN NAM, SBED MAS SMRAS PA DRAN NO, ,DE NA DGE SLONG MA RGAN MO NAD MA ZHIG 'DUG NAS DES BSAMS PA, 'DI GNYIS CI'I PHYIR BAG MAR BLANGS PA YAN CHAD KYANG GCIG LA GCIG RJOD PAR BYED SNYAM MO, ,DE NAS 'CHAR KA SONG BA NA, SBED MAS GTZUG LAG KHANG PHYAG DAR BYA BAR BRTZAMS PA DANG; DGE SLONG MA DE DAG KYANG LHAGS NAS, DE DAG GIS SMRAS PA, SBED MA KHYOD KYIS CI BYAS NA, DBYAR KHANG 'DI DE KHO NA BZHIN DU PHYAG DAR DANG BCAS PAR 'DUG ,SBED MAS SMRAS PA, PHU NU MO DAG GANG TSUN CHAD NAS KHYED CAG BSOD SNYOMS LA DONG BA, DE TSUN CHAD NAS KHO MO MA 'DUG GO,, DGE SLONG MA RGAN MO NAD MA DES THOS NAS, DGE SLONG MA RNAMS LA JI LTAR GYUR PA BRJOD PA DANG, DGE SLONG MA DE DAG CI'I PHYIR, DGE SLONG DAG DGE SLONG MA DANG LHAN CIG GCIG PU GCIG DANG, DBEN PA SKYABS YOD PA NA 'GRENG BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG MA DANG, LHAN CIG GCIG PU GCIG DANG DBEN PA SKYABS YOD PAR 'GRENG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS, NYES PA NI DGE SLONG MA DANG LHAN CIG GCIG PU GCIG DANG, DBEN PA SKYABS YOD PA NA 'GRENG PA'O, ,DE LA YANG DGE SLONG GANG ZHES BYA BA NI, 'CHAR KA'AM GZHAN YANG DE LTA BU GANG YIN PA'O, ,DGE SLONG MA DANG ZHES BYA BA NI CHOS 'DI PA

, ,DANG NGO, ,LHAN CIG CES BYA BA NI DE DANG LHAN CIG GO, ,GCIG PU GCIG DANG ZHES BYA BA NI DE DANG NGO, ,DBEN PA ZHES BYA BA NI GANG NA SKYES PA DANG, BUD MED DANG, MA NING GZHAN 'GA' YANG MED PA'O, ,SKYABS YOD PA NA ZHES BYA BA NI LNGAS BSKYABS PA NA STE RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MOS BSKYABS PA NA'O, ,'GRENG NA ZHES BYA BA NI 'DOM GANG GI NANG DU 'GRENG NA'O, ,LTUNG BYED DO ZHES BYA BA NI SNGA MA BZHIN NO, ,GCIG PU 'DUG PA'I LTUNG BYED DE SNGAR BSTAN PA DANG, GCIG PU 'GRENG PA'I LTUNG BYED 'DI GNYIS KYI MTSAN NYID GZHAN THAMS CAD NI 'DRA'O, ,BYE BRAG TU NA SNGAR BUD MED CES SMOS PA'I GNAS SU, 'DIR DGE SLONG MA ZHES BRJOD PAR BYA BA DANG, SNGAR 'DUG PA ZHES SMOS PA'I GNAS SU 'DIR 'GRENG BA ZHES BRJOD PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DGE SLONG MA KHYIM SO BZUNG BA'AM, MA BZUNG BA MI TSANGS PAR SPYOD PA 'KHRIG PA'I CHOS BSTEN NUS PA GCIG DANG, SKYE BO'I RGYUN LUGS MED PA NYID KYIS PHYOGS DBEN PA NYID DANG, SKYABS DANG BCAS PA NYID DANG, BAR 'DOM GANG GI BAR DU GNYIS KA 'GRENG STE SDOD NA GCIG PU 'GRENG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI 'GRENG STE SDOD PA LA DGE SLONG MA GCIG PU NYID DANG, SKYE BO'I RGYUN LUGS MED PA NYID KYIS PHYOGS DBEN PA NYID DANG, SKYABS DANG BCAS PA NYID DANG, BAR 'DOM GANG NYID NI BYED PA PO DAG YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MA KHYIM SO BZUNG BA'AM MA BZUNG BA MI TSANGS PAR SPYOD PA 'KHRIG PA'I CHOS BSTEN NUS PA GCIG PU NYID DANG, SKYE BA'I RGYUN LUGS MED PA GNYIS KYIS PHYOGS DBEN PA NYID DANG, SKYABS DANG BCAS PA NYID DANG, BAR 'DOM GANG NYID DANG; GNYI GA 'GRENG STE SDOD PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GCIG PU 'GRENG BA'I LTUNG BYED DE NYI SHU DGU PA'O,, ,,DGE SLONG MAS SBYOR DU BCUG PA ZA BA'I LTUNG BZED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS

SBYIN GYI KUN DGA' RA BA NA BZHUGS SO, ,PHONGS PA DANG BCAS PA'I DUS BYUNG NAS, BRAM ZE DANG KHYIM BDAG DAD PA CAN DAG GIS, DGE SLONG NAS BRTAN GNAS BRTAN RNAMS KYI BSOD SNYOMS SBYAR TO, ,DRUG SDE DAG SNGA DRO SHAM THABS BGOS, LHUNG BZED DANG, CHOS GOS THOGS TE, MNYAN YOD NA BSOD SNYOMS LA ZHUGS NAS, DE DAG DGE SLONG MA BCU GNYIS SDE DAG GI GAN DU DONG BA DANG, DE DAG GIS SMRAS PA, 'PHAGS PA DAG BZHUGS LA ZHAL TSUS GSOL CIG ,SUS SBYIN PAR 'GYUR, BDAG CAG GIS GSOL TO, ,DRUG SDE DAG GIS SMRAS PA, SRING MO DAG DE TZAM GYIS KHO BO CHAG 'TSO BAR MI NUS KYI, DE LTAR BRAM ZE DANG KHYIM BDAG DAD PA CAN GANG DAG GIS DGE SLONG GNAS BRTAN GNAS BRTAN DAG GI BSOD SNYOMS SBYAR BA DE DAG GAL TE KHYOD KYIS KHO BO CAG GI PHYIR SBYOR DU BCUG PA DE LTA NA KHO BO CAG 'TSO BAR NUS SO, ,DE NAS DGE SLONG MA SBOM DGA' MOS SNGA DRO SHAM THABS BGOS, LHUNG BZED DANG, CHOS GOS THOGS TE, MNYAN YOD NA BSOD SNYOMS LA ZHUGS NAS, DE KHYIM GANG DU TSE DANG LDAN PA KUN SHES KOOndI N+YA DANG, DGE SLONG GNAS BRTAN GNAS BRTAN DAG GI BSOD SNYOMS SBYAR BA'I KHYIM DE DAG TU SONG STE, 'DI SKAD CES SMRAS SO, ,KHYED KYIS SU'I BSOD SNYOMS SBYAR, DE DAG GIS SMRAS PA, 'PHAGS PA KUN SHES KOOndI N+YA DANG, DGE SLONG GNAS BRTAN GNAS BRTAN DAG GI'O, ,SBOM DGA' MOS SMRAS PA, KHYOD KYIS SH'AKYA'I RIGS LAS RAB TU BYUNG BA SDE SNOD GSUM DANG LDAN PA CHOS SGROGS PA, RIGS PA DANG GROL BA'I SPOBS PA CAN GANG DAG YIN PA DE DAG GI BSOD SNYOMS SBYAR NA, DE LTAR NA KHYED LA BSOD NAMS CHE BAR 'GYUR RO, ,DE DAG GIS SMRAS PA, DE DAG GANG LAGS, SBOM DGA' MOS SMRAS PA, 'PHAGS PA DGA' BO DANG, NYE DGA' DANG, 'DUN PA DANG, 'CHAR KA DANG, 'GRO MGYOGS DANG, NAB SO DAG GO, ,DE DAG GIS SMRAS PA, DE LTAR BGYI'O ZHES DE DAG GIS, 'PHAGS PA KUN SHES KOOndI N+YA DANG, DGE SLONG GNAS BRTAN GNAS BRTAN DAG GI BSOD SNYOMS SBYAR BA GANG DAG GA YIN PA DE DAG DRUG SDE DAG GI PHYIR SBYOR DU BCUG GO, ,DRUG SDE DAG SNGA DRO SHAM THABS BGOS, LHUN BZED DANG CHOS GOS THOGS TE, MNYAN

, ,YOD DU BSOD SNYOMS LA DONG BA DANG, DE DAG LHUNG BZED KHAS BTAGS PA'I BSOD SNYOMS DAG GIS 'ONGS PA DGE SLONG RNAMS KYIS MTHONG NAS SMRAS PA, AE MA'O DRUG SDE DAG GIS LHUNG BZED KHAS BTAGS SO, ,DRUG SDE DAG GIS SMRAS PA, GANG DAG GIS BDAG CAG GI PHYIR BSOD SNYOMS DAG SBYOR DU BCUG PA'I SRING MO DAG NAD MED PAR GYUR CIG ,DGE SLONG RNAMS KYIS SMRAS PA, KHYED CAG SHES BZHIN DU DGE SLONG MAS SBYOR DU BCUG PA'I ZAS ZAR RUNG NGAM, DRUG SDE DAG GIS SMRAS PA, RUNG YANG SRID MI RUNG YANG SRID DE, CI KHO BO CAG LTOGS TE 'CHI BAR BYA'AM ZHES ZER NAS, DGE SLONG DON NYUNG DU DAG CI'I PHYIR DGE SLONG DAG DGE SLONG MAS SBYOR DU BCUG PA'I ZAS ZA BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SHES BZHIN DU DGE SLONG MAS SBYOR DU BCUG PA'I ZAS ZA NA, SNGAR KHYIM DU BOS PA MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI LTO 'DUN NYES PA NI DGE SLONG MAS SBYOR DU BCUG PA'I ZAS ZA BA'O, , DE LA YANG DGE SLONG GANG ZHES BYA BA NI, DRUG SDE'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI DE BDAG NYID KYIS RIG PA'AM GZHAN GYIS BRJOD PA'O, ,DGE SLONG MA ZHES BYA BA NI CHOS 'DI PAS SO, ,SBYOR DU BCUG PA'I ZHES BYA BA NI, SBYOR DU BCUG PA GNYIS TE, TSUL KHRIMS KYIS SBYOR DU BCUG PA DANG, THOS PAS SBYOR DU BCUG PA'O, ,ZAS ZHES BYA BA NI BCA' BA LNGA DANG, BZA' BA LNGA'O, ,ZA NA ZHES BYA BA NI MGUL DU MID PA'O, ,SNGAR KHYIM DU BOS PA MA GTOGS TE ZHES BYA BA NI SNGAR KHYIM DU MGRON DU BOS PA BZHAG STE'O, ,LTUNG BYED DO ZHES BYA BA NI SNGA MA BZHIN NO; ,DE LA 'DIR DNGOS GZHI'I LTUNG BA RNAM PAR GZHAG PA NI, SBYIN BDAG GIS DGE SLONG MGRON DU MA BOS PA LA, DGE SLONG MAS YON TAN YANG DAG PA MA YIN PA DAG GIS NGAG GI RNAM PAR RIG BYED KYIS ZAS SBYOR DU BCUG PA DANG, BOS PA LA YANG DGE SLONG MAS YON TAN YANG DAG PA MA YIN

PA DAG GIS NGAG GI RNAM PAR RIG BYED KYIS ZAS LHAG PA SBYOR DU BCUG PA DGE SLONG GIS DER 'DU SHES PAS ZOS NA, DGE SLONG MAS SBYOR DU BCUG PA ZA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE SLONG MAS SBYOR DU BCUG PA NYID LA 'DU SHES GTZO CHER BYED PA PO YIN NO,, 'DI LA DGE SLONG MGRON DU MA BOS PA DANG, BOS PA GNYI GA LA YAN LAG DRUG GIS DNGOS GZHI'I LTUNG BAR 'GYUR TE, MGRON DU MA BOS PA LA NI MGRON DU MA BOS PA NYID DANG, DGE SLONG MAS YANG DAG PA MA YIN PA'I YON TAN DANG, NGAG GI RNAM PAR RIG BYED DANG, ZAS DANG, DGE SLONG GIS DER 'DU SHES PA DANG, ZOS PA'O, ,MGRON DU BOS PA LA NI MGRON DU BOS PA NYID DANG, DGE SLONG MAS YANG DAG PA MA YIN PA'I YON TAN DANG, NGAG GI RNAM PAR RIG BYED DANG, ZAS LHAG PA SBYOR DU BCUG PA DANG, DGE SLONG GIS DER 'DU SHES PA DANG, ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,DGE SLONG MAS SBYOR DU BCUG PA'I LTUNG BYED DE SUM CU PA'O,, ,,SO SOR THAR PA'I MDO'I GZHUNG 'GREL, BAM PO BCU GCIG PA, SDOM LA, YANG YANG DANG NI 'DUG GNAS GCIG ,PHYE DANG BCA' DANG STOBS PA DANG, ,'DUS DANG DUS MIN GSOG 'JOG DANG, ,KHA NAS MID DANG BSOD PA NYID, ,CES BYA BA NI, BCU PA BZHI PA YIN TE, SDOM LA ZHES BYA BA'I TSIG GI DON DANG DGOS PA NI SNGA MA BZHIN NO, ,BCU PA BZHI PA 'DIS KYANG LTUNG BYED KYI CHOS BCU BSTAN TE, YANG YANG ZA BA DANG, 'DUG GNAS SU ZA BA DANG, LHUNG BZED DO GSUM TZAM LAS LHAG PAR LEN PA DANG, STAN GCIG PA'I ZAS DANG, SPANGS PA LA STOBS PA DANG, 'DUS SHING ZA BA DANG, DUS MA YIN PAR ZA BA DANG, SOG 'JOG DANG, BYIN LEN MA BYAS PAR ZA BA DANG, BSOD PA SLONG BA'I LTUNG BYED DO, ,DE LA YANG ZA BA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NAS, YANGS PA CAN GA LA BA DER LOGS SU LJONGS RGYU ZHING GSHEGS NAS, YANGS PA CAN NA SPRE'U RDZING GI 'GRAM KHANG PA BRTZAGS PA'I KHANG BZANGS NA BZHUGS SO, ,KHYIM BDAG DRAG SHUL CAN GYIS DE THOS NAS, BCOM

, ,LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS, BCOM LDAN 'DAS KYIS KHYIM BDAG DRAG SHUL CAN LA CHOS DANG LDAN PA'I BKA' MCHID KYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DO, ,RNAM GRANGS DU MAR CHOS DANG LDAN PA'I BKA' MCHID KYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS KHYIM BDAG DRAG SHUL CAN GYIS BCOM LDAN 'DAS DGE SLONG GI DGE 'DUN DANG BCAS PAS SANG BDAG GI SDUM PAR GDUGS TSOD GSOL BAR CI GNANG ZHES SPYAN DRANGS SO, ,PHYI DE NYIN PAR GDUGS TSOD LA BAB PA DANG, SPYAN 'DREN GYIS SPYAN DRANGS PA'I TSE DGE SLONG GI DGE 'DUN NI ZHUGS SO, ,BCOM LDAN 'DAS NI RDZAS LAS BYUNG BA NA BZHUGS SHING BSOD SNYOMS MNGON PAR BSGRUBS SO, ,DRUG SDE DAG GIS SMRAS PA, DGA' BO NYE DGA' SBYIN BDAG GI KHYIM DAG TU 'DONG NGO ZHES DE DAG GIS BSOD SNYOMS PA ZHIG KYANG KHRID NAS, CHES SNGAR YANGS PA CAN DU ZHUGS NAS, KHYIM BDAG GI KHYIM DAG TU DONG BA DANG, DE DAG GIS SMRAS PA, 'PHAGS PA DAG ZHAL TSUS GSOL CIG ,DRUG SDE DAG GIS SMRAS PA, KHO BO CAG MGRON DU BOS SO, ,SUS, KHYIM BDAG DRAG SHUL CAN GYIS SO, ,DE DAG GIS SMRAS PA, 'PHAGS PA DAG 'O NA AA MRA'I KHUR BA DAG GSOL CIG ,DE LTAR BYA'O ZHES DE DAG GIS AA MRA'I KHUR BA DAG ZOS SO, ,BSOD SNYOMS PA DE MI ZA NAS, DE DAG GIS SMRAS PA, 'PHAGS PA KHYOD KYANG AA MRA'I KHUR BA DAG GSOL CIG ,DES SMRAS PA KHO BO STAN GCIG PA YIN NO, ,DE DAG GIS SMRAS PA, 'O NA SNOMS TE BZHUD LA DE NYID DU GSOL CIG ,DES LHUNG BZED CHUNG NGU BKANG STE DER SONG NGO, ,DE NAS KHYIM BDAG DRAG SHUL CAN GYIS DGE SLONG GI DGE 'DUN BDE BAR 'KHOD PAR RIG NAS, BCA' BA DANG BZA' BA GTZANG ZHING BSOD PAS

RANG GI LAG NAS TSIM PAR BYED CING, BSOD SNYOMS PA DE'I MDUN DU 'DUG PA DANG, BSOD SNYOMS PA DES BSAMS PA, KHYIM BDAG 'DIS BDAG LA 'DI LTAR AA MRA'I KHUR BA DANG ZOS SO ZHES BYA BA DE LTAR RIG PAR GYUR GYIS, JI SRID DU 'DIS BDAG LA KLAN KA MA RNYED PA DE SRID DU BDAG GIS 'DI LA BRJOD PAR BYA'O SNYAM NAS SMRAS PA, KHYIM BDAG BDAG 'BA' ZHIG GIS AA MRA'I KHUR BA DAG ZOS PAR MA ZAD KYI, DRUG SDE 'DI DAG GIS KYANG AA MRA'I KHUR BA DAG ZOS SO, ,KHYIM BDAG GIS SMRAS PA, 'PHAGS PA CI'I PHYIR DE SKAD ZER ZHES SPYOS TE SMRAS PA, 'PHAGS PA CI KHO BO LA AA MRA'I KHUR PA DAG MED SNYAM MAM, DES ZHO SHAS 'TSO BA DAG AA MRA'I KHUR BA DAG GI SPROG MA DAG BYED DU BCUG GO, ,DE NAS DGE SLONG BCOM LDAN 'DAS KYI BSOD SNYOMS SGRUB PA DES, SKABS DE BCOM LDAN 'DAS LA RGYAS PAR GSOL PA DANG, BCOM LDAN 'DAS KYIS SNGA MA BZHIN DU, YANG YANG ZA NA DUS MA GTOGS TE LTUNG BYED DO, ,DE LA DUS NI 'DI YIN TE, NA BA DUS SO, ,LAS DUS SO, ,LAM DUS SO, ,GOS SBYIN PA'I TSE DUS TE, DE LA NI DUS YIN NO ZHES BCA' BA MDZAD DE, YUL NI SPONG BYED, GANG ZAG NI DRUG SDE, NYON MONGS PA NI ZAS LA GDU BA, NYES PA NI YANG YANG ZA BA'O, ,DE LA YANG YANG ZA NA ZHES BYA BA NI YANG YANG DU ZA NA'O, ,DUS MA GTOGS TE ZHES BYA BA NI DUS BZHAG STE'O, ,LTUNG BYED DO ZHES BYA BA NI, SEMS CAN DMYAL BA DANG, DUD 'GRO DANG, YI DAGS NGAN SONG DANG, NGAN 'GRO DANG, LOG PAR LTUNG BA DAG TU SRED PAR BYED, 'TSED PAR BYED LTUNG BAR BYED PA'O, ,GZHAN YANG LTUNG BA DE JI SRID DU MA BSHAGS SHING SO SOR MA BSHAGS NA DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA DUS NI 'DI YIN TE, NA BA DUS SO ZHES BYA BA NI 'DI LTA STE, DGE SLONG ZAS GCIG GIS 'TSO BAR MI NUS NA'O, ,LAS DUS SO ZHES BYA BA NI 'DI LTA STE, DGE SLONG GIS DGE 'DUN GYI'AM, MCHOD RTEN GYI LAS PHYAG DAR RE LDE TZAM BYAS SAM, DKYIL 'KHOR BA MAL TZAM BYAS NA'O, ,LAM DUS SO ZHES BYA BA NI 'DI LTA STE, DGE SLONG DPAG TSAD PHYED DU SONG NGAM, DE'I PHYED DU SONG

, ,STE PHYIR LOG NA'O, ,GOS SBYIN PA'I TSE DUS TE ZHES BYA BA NI RAS YUG PHRAN NAM, YUG CHEN THOB NA'O, ,DE LA DE NI DUS YIN NO ZHES BYA BA NI BSLAB PA'I GZHI BCA' BA MDZAD PA DE LA DE NI GNANG BA'I DUS YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG NA BA MA YIN PA DANG, LAS MA BYAS PA DANG, LAM DU MA SONG BAS NYI MA GCIG SBYIN BDAG THA DAD PAS CIG CAR YANG RUNG, PHYIS KYANG RUNG STE, GOS SAM GOS KYI RIN GYI RNYED PA MED PA'I ZAS BZA' BA RNAM LNGA'I MGRON DU BOS PA GNYIS PA RNYED PA ZOS NA, YANG YANG ZA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, MGRON DU BOS PA GNYIS KA YANG NYI MA GCIG PA DANG, SBYIN BDAG THA DAD PA DANG, ZAS ZA BA LTA BU'I DUS SU MA GTOGS PA'I RNYED PA NYID YIN PA DANG, DGE SLONG NA BA DANG, LAS BYAS PA DANG, LAM DU SONG BA MA YIN PA NYID DANG, MGRON DU BOS PA PHYI MA LA GOS SAM, GOS KYI RIN GYI RNYED PA MED PA NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG NA BA'AM, LAS BYAS PA'AM, LAM DU SONG BA MA YIN PA NYID DANG, MGRON DU BOS PA GNYIS KA YANG NYI MA GCIG LA SBYIN BDAG THA DAD PAR ZAS BZA' BA LNGA'I KHONGS SU GTOGS PA'I ZAS KYI RNYED PA NYID YIN PA DANG, SNGA MA ZOS PA DANG, MGRON DU BOS PA PHYI MA LA GOS SAM, GOS GYI RIN GYI RNYED PA MED PA NYID DANG DE ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,YANG YANG ZA BA'I LTUNG BYED DE SUM CU GCIG PA'O,, ,, 'DUG GNAS SU ZA BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,RI BRAGS SHIG NA KHYIM BDAG GCIG 'DUG PA DES, PHYOGS BZHI'I DGE SBYONG DANG, BRAM ZE RNAMS KYI DON DU 'DUG GNAS BYAD DU BCUG STE, DE 'DUG GNAS DE NA PHYOGS BZHI'I DGE SBYONG DANG, BRAM ZE GANG 'DUG PA DE LA BSOD SNYOMS KYI MKHO BA STOBS PAR BYED DO, ,GANG GI TSE BCOM LDAN 'DAS KYIS MNYAN YOD DU CHO 'PHRUL CHEN PO RNAM PAR BSTAN TE, GZHAN MU STEGS CAN DAG TSAR GCAD CING, LHA

DANG MI RNAMS KUN DU DGA' BAR MDZAD PA DANG, SKYE BO MDZANGS PA DAG GI SNYING RANGS PAR MDZAD PA DE'I TSE NA GZHAN MU STEGS CAN DAG MTHA' 'KHOB DAG NA RTEN CING GNAS SO, ,DUS GZHAN ZHIG NA GCER BU PA DRUG CU RI BRAGS DER LHAGS NAS, KHYIM BDAG DES DA DAG LA MKHO BA STOBS PAR BYED PA, DE'I TSE NA MNYAN YOD NAS TSONG PA DAD PA CAN ZHIG ZONG THOGS TE RI BRAGS DER 'ONGS PA DE YANG KHYIM BDAG DES DER BOS PA NA, TSONG PA DES 'DI DAG BCOM LDAN 'DAS KYI NYAN THOS DAG YIN GOR MA CHAG GIS SONG LA BLTA SNYAM NAS DER SONG BA DANG, JI TZAM NA GCER BU PA NGO TSA DANG KHREL BOR BA SHA STAG YIN PAR MTHONG NGO, ,KHYIM BDAG DES DE LA SMRAS PA GROGS PO SA BON BZANG ZHING, ZHING BZANG NGAM, DES SMRAS PA, GROGS PO SA BON NI BZANG NA, ZHING NI GCER BU PA, NGO TSA DANG KHREL POR BA SDIG PA'I LTA BA CAN DGON DU NGA TSVA SGO CAN, THA CHAD SDIG PA CAN GYIS GZHI SHA STAG YIN NO, ,KHYIM BDAG GIS SMRAS PA, GROGS PO ZHING BZANG PO GZHAN 'GA' YOD DAM, DES SMRAS PA YOD DE, BCOM LDAN 'DAS KYI NYAN THOS DAG GO, ,KHYIM BDAG GIS SMRAS PA, GAL TE DE DAG 'DIR BYON NA, BDAG GIS DE DAG LA BSOD SNYOMS KYI MKHO BA BSTABS PAR BGYI'O, ,TSONG PA DES ZONG BSGYUR TE, RIN BLANGS NAS MNYAN YOD DU SONG STE, NYE DGA' LA SBRAN PA DANG, DRUG SDE DAG RI BRAGS DER DONG NAS KHYIM BDAG DES DE LA MKHO BA BSTABS SO, ,GCER BU PA DE DAG GIS GCIG GZHI SRUNGS SU BZHAG NAS, GZHAN GSHED DU DONG PA'I TSE, DRUG SDE DAG GIS GZHI SRUNGS DE BSKRAD NAS, DE NA YUN RING MO ZHIG TU ZA ZHING 'DUG NAS, RE ZHIG NA KHYIM BDAG DE RI BRAGS GZHAN ZHIG TU BYA BA ZHIG LA SONG PA'I PHYIR NA DRUG SDE DAG GIS, DE'I CHUNG MA ZAS 'DRI MA PA LA LUS KYI SKYON BRJOD CING, 'PHYAS BTAGS NAS, KHYIM BDAG BZA' BRAN MA DAD PAR GYUR TE, 'TSO BA DANG GNAS MAL YANG KHAD KYIS PHRI BA NA, GCER BU BA'I GZHI SRUNGS BSKRAD PA DES KYANG, RANG GI DPUNG DRUG CU PO DAG SBRAN TE, DRUG SDE DAG DANG GDOL THABS KYI G-YUL SPRAD NAS DRUG SDE DAG GIS RANG RANG GI KHA MIG DANG KHRIMS KYI RTZA BA TZAM

, ,BSRUNGS TE, GCER BU PA DRUG CU PO DAG RGYA LCAG DAG DANG, KHU TSUR DAG DANG, RDOG PA DAG DANG, LCUG MA DAG GIS SHIN TU GTAL CING BRIMS NAS, DE DAG GIS GCER BU PA RDEG BZHIN DU 'DUG GNAS KYI NANG NAS PHA ROL TU 'DZEGS TE BYUNG PA DANG, BRAM ZE DANG KHYIM BDAG DAG GIS, DE DAG THOS NAS SMRAS PA, SHES LDAN DAG ,LTOS SHIG LTOS SHIG, DGE SBYONG G-YUL 'GYED PAS CHAR 'BAB PAR RO ZHES ZER RO, ,DRUG SDE DAG GIS SMRAS PA, DGA' BO NYE DGA' SPYOD YUL TSIG CING ME BDAG ZHI BAR MA GYUR GYIS TSUR SHEG MNYAN YOD DU 'DONG NGO ZHES DE DAG MNYAN YOD DU DONG BA NA, LHO PHYOGS NAS 'JIG RTEN RGYANG PAN PA'I RGOL BA 'CHAR KA ZHES BYA BA ZHIG MNYAN YOD DU 'ONGS PA TSE DANG LDAN PA SH'A RI'I BUS BTUL TE, LEGS PAR GSUNGS PA'I CHOS 'DUL BA LA RAB TU 'BYUNG ZHING BSNYEN PAR RDZOGS PAR BYAS NAS DGRA BCOM PA NYID KYI 'BRAS BU MNGON DU BYAS SHING DE LA BRTEN NAS SKYE BO PHAL PA'I TSOGS 'BUM PHRAG DU MA DAG GIS KYANG 'PHAGS PA'I 'BRAS BU THOB PAR GYUR PA'I TSE, DRUG SDE DAG MNYAN YOD DU LHAGS NAS DGE SLONG RNAMS KYIS DE DAG LA SMRAS PA, TSE DANG LDAN PA DAG 'ONGS PA LEGS SO, ,'ONGS PA LEGS SO KHYED CAG GA LAS 'ONGS, TSE DANG LDAN PA SH'A RI'I BUS, LHO PHYOGS NAS 'JIG RTEN RGYANG PAN PA'I RGOL BA BRAM ZE KUN DU RGYU 'CHAR KA ZHES BYA BA 'GYED 'DOD CING 'GYED PA'I YO BYAD KYI PHYIR 'ONGS PA TSAR BCAD DE, G-YUL LAS RNAM PAR RGYAL LO, ,DRUG SDE DAG GIS SMRAS PA, TSE DANG LDAN PA DAG 'DI LTAR TSE DANG LDAN PA SH'A RI'I BU TSOGS CAN GNYIS PA, CHOS KYI DMAG DPON CHOS KYI 'KHOR LO RJES SU BSKOR BAS RGOL BA GCIG TSAR BCAD PA 'DI'I NGO MTSAR CI CHE, GAL TE TSE DANG LDAN PA SH'A RI'I BUS TSAR BCAD PA MA GYUR NA YANG, BCOM LDAN 'DAS KLAD NAS BZHUGS PAS DE NGO MTSAR MI CHE'I, KHO BO CAG MI DRUG GIS GCER BU PA DRUG CU TSAR BCAD PA NGO MTSAR CHE'O, ,RIG PA'I GNAS GANG LA, DBYUG PA'I RIG PAS LUS LA CHOS BSHAD PAS SO, ,CI 'TSO'AM 'O NA TE 'CHI, DE'I TSE NA NI 'TSO NA DA TZAM 'TSO'AM, SHI GTOL MED DO ZHES ZER NAS DGE SLONG DON NYUNG NGU DAG CI'I

PHYIR; DGE SLONG DAG YAN LAG GIS NGO TSA BAR BYA BA'I YAN LAG DE NYID KYIS RLOM PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, 'DUG GNAS GCIG TU ZHAG LON PA'I DGE SLONG MIN BAS BSOD SNYOMS GCIG ZA BAR BYA'O, ,DE LAS LHAG PAR ZA NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI 'DOD CHEN DANG 'THAB KROL BYED PA, NYES PA NI 'DUG GNAS GCIG TU ZHAG LON PAS BSOD SNYOMS GCIG LAS LHAG PAR ZA BA'O, ,'DUG GNAS GCIG TU ZHAG LON PA'I ZHES BYA BA NI MU STEGS CAN GYI 'DUG GNAS SU ZHAG LON PA'O, ,DGE SLONG ZHES BYA BA NI CHOS 'DI PA'O, ,MI NA BAS ZHES BYA BA NI NA BA MA GTOGS PAS SO, ,BSOD SNYOMS GCIG BZA' BAR BYA'O ZHES BYA BA NI ZA NA LAN GCIG GO, ,DE LAS LHAG PAR ZA NA ZHES BYA BA NI, DE LAS LAN MANG DU ZA NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG MI NA BAS CHOS 'DI PA'I MA YIN PA BDAG PO KHYIM PA DANG BCAS PA MU STEGS CAN GYI 'DUG GNAS SU ZHAG GCIG LON PA LA SBYIN BDAG GIS MA BSTABS PAR NYI MA GNYIS PA'I BSOD SNYOM ZOS NA 'DUG GNAS SU ZA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG MI NA BA SBYIN BDAG GIS MA BSTABS PA LA, CHOS 'DU PA'I MA YIN PA MU STEGS CAN GYI 'DUG GNAS BDAG PO KHYIM PA DANG BCAS PA BYED PA PO NYID YIN NO, ,'DI LA YAN LAG DRUG GIS DNGOS GZHI'I LTUNG BAR 'GYUR TE, DGE SLONG MI NA BA DANG, SBYIN BDAG GIS MA BSTABS PA DANG, 'DUG GNAS CHOS 'DI PA'I MA YIN PA GZHAN MU STEGS CAN GYI YIN PA DANG, BDAG PO KHYIM PA DANG BCAS PA DANG; DGE SLONG DER ZAS ZOS NAS ZHAG GCIG LON PA NYI MA GNYIS PA'I BSOD SNYOMS ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'DUG GNAS SU ZA BA'I LTUNG BYED DU SUM CU GNYIS PA'O,, ,,LTUNG BZED DO GSUM TZAM LAS LHAG PAR LEN PA'I LTUNG BYED

, ,KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MNOD ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG GCIG 'DUG PA DES RIGS MNYAM PA LAS CHUNG MA BLANGS NAS DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE LA BU MO G-YAS ZHAR MA ZHIG BYUNG NAS, DE BSRINGS SHING BSKYED DE CHER MOR GYUR TO, ,BU MO DE'I NA ZLA GZHAN THAMS CAD BAG MAR BTANG NA, BU MO DE G-YAS ZHAR MA YIN PA'I PHYIR SLONG BA 'GA' YANG MA 'ONGS SO, ,MNYAN YOD NA KHYIM BDAG GZHAN ZHIG 'DUG PA DES RIGS MNYAM PA LAS CHUNG BLANGS NAS, DE'I CHUNG MA DE RANG GI LA DAG GIS DUS LA BAB PO, ,DES CHUNG MA GNYIS PA DAG, GSUM PA BDUN PA'I BAR DU BLANGS PA DANG, DE DAG KYANG DE BZHIN DU DUS LA BAB PO, ,KHYIM BDAG DE YAG SKUR PA BTAB PAR GYUR PA'I LAS DAG GIS CHUNG MA GSOD PA ZHES BYA BA'I MING DU GYUR TE, DE YANG GZHAN GYI BU MO DANG, YUGS SA MO YAN CHAD BONGS NAS SUS KYANG MA STER NA, DE RANG NYID SO NAM BYED CING 'DUG GO, ,DE'I CHUNG PO GROGS PO ZHIG GIS SMRAS PA, GAL TE DE LTA NA G-YAS ZHAR MA SLONGS SHIG CES ZER NAS; DES G-YAS ZHAR MA'I PHA MA G-YAS ZHAR MA BLANGS TE, BAG MAR BANG BA'I DUS BTAB PO, ,DE'I CHUNG PO GROGS PO DE YANG 'GYOD PA SKYES TE, BDAG GI GROGS PO LA G-YAS ZHAR MA SLONGS SHIG CES BSKUL BA DE NI MA LAGS PA ZHIG BYAS TE, DE MTSAN NGAN PA YIN PAS DES GROGS PO GSOD PAR GYUR NA MI RUNG GIS, DE BOR LA BDAG GI SRING MO YUGS SA MO ZHIG YOD PA SBYIN NO SNYAM NAS, DES DE LA DE SKAD CES SMRAS PA DANG, KHYIM BDAG DES SMRAS PA, GROGS PO DA DE BZHIN DOR BA'I MI NUS TE, 'ON KYANG 'DI LA THABS KYI RNAM PA ZHIG BYA'O, ,G-YAS ZHAR MA'I MA DES KYANG BAG RDZONGS STA GON BYA BAR BRTZAMS SO, ,DRUG SDE DAG GI SBYIN BDAG YIN PAS, DRUG SDE DAG SNGA DROG SHAM THABS BGOS, LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS NAS, MTHAR GYIS BSOD SNYOMS LA RGYU BA NA, KHYIM DER ZHUGS PA DANG, JI TZAM NA G-YAS

ZHAR MA BRDZANG BA DANG, GNYEN STON GYI KHUR BA DAG SREG PA MTHONG NAS, DE DAG GOS SMRAS PA, SRING MO DUS STON LA BAB DU NYE'AM CI, DES SMRAS PA, 'PHAGS PA DAG KHYOD KYI LCAM MO BAG MAR MCHI BA LA THUG NA DE'I BAG RDZONGS STA GON BGYID DO, ,DRUG SDE DAG GIS SMRAS PA, SRING MO KHO BO CAG GIS KHA ZAS DAG CUNG ZAD MI 'THOB BAM, 'PHAGS PA DAG KHYED CAG LA SU ZHIG GIS DBUL 'TSAL, 'DI NYID KHYOD KYI LAGS SO ZHES DE LAG PA BRKYANG STE, DE DAG GIS LHUNG BZED THAMS CAD KHUR BDAG GIS BKANG NAS DRUG SDE DAG GIS DE'I KHA ZAS THAMS CAD BSDUS TE SONG NGO DE NAS G-YAS ZHAR MA'I PHAS CHUNG MA GOS PA LA, BU BDAG CAG GIS KHA ZAS DAG STA GON BYA PA GYUR PA GANG YIN PA DE SBYIN GNAS DAG GIS BZHES KYIS, DE NYE DU DAG GI PHYIR KHA ZAS STA GON BYED KYI BAR DU SDOD CIG SMRAS PA DANG, CHUNG MA GSOD PA SMRAS PA, KHO BO MI SDOD DE GAL TE NYI MA DE NYID LA BAG MA RDZONG ZHUNG SBYIN NA NI BAG MAR BLANG NGO, ,GAL TE MI SBYIN NA KHO BO CHUNG MA GZHAN LEN GYIS, KHYOD KYI BU MO DOR BAR BYA'O ZHES ZER NAS, G-YAS ZHAR MA'I PHA MAS DUS SU MA BRDZONGS PA'I SKABS SU CHUNG MA GSOD PAS G-YAS ZHAR MA MI BLANG BAR BYAS PA NA G-YAS ZHAR MA'I PHAS, CHUNG MA GSOD PA BZUNG STE, RGYAL PO'I PHO BRANG DU 'O DOD BOS NAS SHAGS LA BKUG PA DANG, CHUNG MA GSOD PAS G-YAS ZHAR MA'I PHA PHAM BAR BYAS SO, ,G-YAS ZHAR MA'I MA DE BDAG GI BU MO MA LOM MO ZHES NGU ZHING 'DUG PA DANG, DE'I NGOS KYI KHYIM TSES DAG ,SH'AKYA'I BU'I DGE SBYONG RNAMS KYI DGE SBYONG GI TSU NI TSIG GO, ,BRAM ZE'I TSUL NI TSIG GO, ,BRAM ZE'I TSUL NI TSIG STE, 'DI LTAR BU MO BYI ZIN PA'I BAR CHAD BYED DO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NA BCOM LDAN 'DAS KYIS SNGA MA BZHIN DU, DGE SLONG RAB TU MANG PO DAG KHYIM RNAMS SU DONG BA LAS, GAL TE DE DAG LA BRAM ZE DANG, KHYIM BDAG DAD PA CAN DAG GIS PHYE DAG DANG KHUR BDAG DUS KYIS STOBS PAR GYUR LA, 'DOD NA DGE SLONG DE DAG GIS LHUNG BZED GANG BA GNYIS SAM GSUM BLANG BAR BYA'O, ,DE LAS LHAG

, ,PAR LEN NA LTUNG BYED DO, ,LHUNG BZED GANG BA GNYIS SAM GSUM BLANGS NAS PHYI ROL KUN DGA' RA BAR DONG LA, DGE SLONG 'KHOD PA RNAMS LA YANG BGO BSHA' BYA, BDAG CAG KYANG BCA' BAR BYA STE, DE LA DE NI CHO GA YIN NO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI LTO 'DUN, NYES PA NI SBYIN BDAG KHYIM PAS YONGS SU MA SPANGS PA CI BDER MA BYAS PA'I KHA ZAS BSTABS PA LA LHUNG BZED 'BRING TSAD GSUM LAS LHAG PAR LEN PA'O, ,DE LA DGE SLONG ZHES BYA BA NI DRUG SDE DAG GO, ,RAB TU MANG PO DAG CES BYA BA NI GNYIS LAS LHAG PA NI RAB TU MANG PO DAG GO, ,KHYIM RNAMS SU ZHES BYA BA NI BRAM ZE DANG KHYIM BDAG DAG GI KHYIM RNAMS SU'O, ,DONG BA LAS ZHES BYA BA NI SONG BA LAS SO, ,GAL TE DE DAG LAS ZHES BYA BA NI, DGE SLONG DE DAG LA'O, ,BRAM ZE DANG KHYIM BDAG DAD PA CAN DAG GIS ZHES BYA BA LA, DAD PA ZHES BYA BA NI SANGS RGYAS LA MNGON PAR DAD PA DANG, CHOS DANG DGE 'DUN LA MNGON PAR DAD PA DANG, SANGS RGYAS LA SKYABS SU SONG BA DANG, CHOS DANG DGE 'DUN LA SKYABS SU SONG BA DAG GO, ,PHYE DAG CES BYA BA NI, PHYE DANG 'DE GU DAG GO, ,KHUR BA DAG CES BYA BA NI BAG CHOS DAG GO, , DUS KYIS STOBS PAR GYUR LA ZHES BYA BA NI, YANG DANG YANG DU STOBS PAR GYUR LA'O, ,'DOD NA ZHES BYA BA NI GAL TE DON DU GNYER NA'O, ,DGE SLONG DE DAG GIS ZHES BYA BA NI DGE SLONG GANG YIN PA DAG GIS SO, ,LHUNG BZED GANG BA GNYIS SAM GSUM BLANG BAR BYA'O ZHES BYA BA LA, LHUNG BZED NI GSUM STE, CHEN PO DANG 'BRING DANG CHUNG DU'O, ,DE LA CHEN PO NI GANG DU 'BRAS THUG PO CHE DRUS PA SKAM MA GA DH'A'I BRE'U CHUNG DO BTZOS PA SRAN TSOD DANG BCAS, TSOD MA DANG BCAS PA BLUGS NA KHA'I CHA'I MTHA' KHO NA NAS MTHE BO'I LTO GANG GIS MI REG PA'O, ,'BRING NI BRE'U CHUNG PHYED DANG DO BTZOS PA DE LTA BU'O, ,CHUNG DU NI BRE'U CHUNG GANG BTZOS PA DE LTA BU'O, ,MA GA DH'A'I BRE'U CHUNG GANG LA NI 'BRAS THUG PO CHE DRUS PA SKAM MA GA DH'A PA'I SRANG BCU DRUG STE, MA GA DH'A'I SRANG GCIG LA BOD KYI SRANG GNYIS YOD DO, ,'BRAS THUG PO CHE DRUS PA SKAM MA GA DH'A'I BRE'U CHUNG GANG LA BOD KYI SRANG NI SUM CU RTZA GNYIS YOD DO, ,

PHUL TSAD DU BRTZIS NA NI BDUN PHUL DO DANG KHYOR GANG YOD DO, ,MA GA DH'A'I BRE'U CHUNG PHYED DANG DO LA NI BOD KYI BDUN PHUL PHYED DANG BZHI YOD DO, ,MA GA DH'A'I BRE'U CHUNG DO LA NI BOD KYI BDUN PHUL BZHI DANG KHYOR DO YOD DO, ,'BRAS DRUS PA SKOM NI CHAN DU BTZOS NA SUM 'GYUR DU BRTZI'O, ,DE LTAR NA LHUNG BZED CHEN PO NI 'BRAS THUG PO CHE DRUS PA SKAM BOD KYI BDUN PHUL BZHI DANG, KHYOR DO BTZOS PA'I CHAN BRE DO DE'I RKYEN GYI TSOD MA DANG BCAS PA BLUGS NA MTHEB SOR GCIG GIS MA GANG BA'O, ,LHUNG BZED 'BRING NI 'BRAS THUG PO CHE DRUS PA SKAM BOD KYI PHUL PHYED DANG BZHI, BTZOS PA'I CHAN BRE PHYED DANG DO; ,DE'I RKYEN GYI TSOD MA DANG BCAS PA BLUGS NA MTHEB SOR GCIG GIS MA GANG BA'O, ,LHUNG BZED CHUNG NGU NI, 'BRAS THUG PO CHE DRUS PA SKAM BOD KYI BDUN PHUL DO DANG, KHYOR GANG BTZOS PA'I CHAN BRE GANG DE'I RKYEN GYI TSOD MA DANG BCAS PA BLUGS NA MTHEB SOR GCIG GIS MA GANG BA'O, ,LHUNG BZED KYI KHA'I CHA'I MTHA'I ZHES BYA BA NI KHA'I ZUR GANG DU MCHUS RNGUB PA'O, ,MTHE PO'I LTO GANG ZHES BYA BA NI MTHEB SOR GCIG STE, MTHE BO'I TSIGS DANG PO ZUR YA GCIG NAS LTOS ROL DU BKRIS TE, ZUR YA GCIG LA THUG PA'O, ,'DIR LHUNG BZED GANG BA GNYIS SAM GSUM BLANG BAR BYA'O ZHES GNANG BA NI, GSUM MAN CHAD CI 'DOD PA BLANG BAR BYA BA'O, ,LTUNG BA RNAM PAR GZHAG PA LA NI, LHUNG BZED 'BRING PO'I TSAD DANG SBYAR TE, LHUNG BZED 'BRING PO'I TSAD KYI 'BRAS CHAN BRE PHYED DANG DO LA NI, 'BRAS THUG PO CHE DRUS PA SKAM, MA GA DH'A'I BRE'U CHUNG PHYED DANG DO YOD, LHUNG BZED 'BRING PO GSUM GYI TSAD KYI 'BRAS CHAN BRE PHYED DANG LNGA LA NI, 'BRAS THUG PO CHE DRUS PA SKAM, MA GA DH'A'I BRE'U CHUNG PHYED DANG LNGA YOD DE, DE MAN CHAD CI 'DOD PA BLANG BAR BYA'I, DE LAS LHAG PAR LEN NA LTUNG BYED DU 'GYUR TE, 'DIR GZHUNG NI DGE SLONG GIS JI TZAM DU BRE'U CHUNG PHYED DANG LNGA LAS LHAG PA'I BSOD SNYOMS LEN NA THAMS CAD DU LTUNG BYED DO ZHES GSUNGS PA YIN TE, DE NI 'BRAS SKAM PO'I TSAD LAS DGONGS TE GSUNGS PA YIN NO, ,DE LA CHAN DU BTZOS NA SUM GYUR DU BRTZI BAS, 'BRAS DRUS PA SKAM BRE'U CHUNG PHYED DANG LNGA LA 'BRAS CHEN BRE'U CHUNG PHYED DANG BCU BZHI YOD DO, ,SU LA BRTZI NA 'BRAS

, ,DRUS PA SKAM BRE'U CHUNG PHYED DANG LNGA LA BOD KYI BRE PHYED DANG DO YOD DO, ,DE'I CHAN NI SUM 'GYUR TE BRE PHYED DANG LNGA YOD DO, ,DE NI LHUNG BZED GNYIS SAM GSUM LA 'BRAS SKAM NI BRE PHYED DANG DO, ,'BRAS CHAN NI BRE PHYED DANG LNGA YOD DE, 'BRAS CHAN BRE PHYED DANG LNGA DE'I RKYEN GYI BYA NA DANG, TSOD MA DANG BCAS PA MAN CHAD BLUGS PAR BYA'I, DE LAS LHAG NA LTUNG BYED DU 'GYUR RO, ,PHYE DANG KHUR BA LA SOGS PA BZA' BA DANG, BCA' BA'I BSOD SNYOMS GZHAN DAG LA YANG BDAG DGAG PA'I TSAD NI, 'BRAS CHAN BRE PHYED DANG LNGA DE'I RKYEN GYI BYA NA DANG, TSOD MA DANG BCAS PA 'DIS CI RIGS PAR BSGRE ZHING BRTZI'O, ,DGE SLONG MA RNAMS KYI LHUNG BZED CHEN PO DGE SLONG RNAMS KYI LHUNG BZED CHUNG DU DANG TSAD GCIG STE, 'BRING DANG CHUNG DU YANG DE BZHIN DU NA SMAD DO, ,CHUNG TSAD NI 'GRANGS PA TZAM SHONG BA YIN NO, ,DE LA LHAG PAR LEN NA ZHES BYA BA NI LHUNG BZED 'BRING GSUM GYI TSAD 'BRAS CHAN BRE PHYED DANG LNGA, DE'I RKYEN GYI BYA NA DANG, TSOD MA DANG BCAS PA DE LAS LHAG PAR LEN NA'O, ,PHYE DANG KHUR BA LA SOGS PA BZA' BA DANG BCA' BA'I BSOD SNYOMS GZHAN DAG LAS YANG TSAD 'DI CI RIGS PAR BSGRE ZHING BRTZIS PA LAS LHAG PAR LEN NA'O, ,LTUNG BYED DO ZHES BYA BA NI SNGA MA BZHIN NO, ,LHUNG BZED GANG BA GNYIS SAM GSUM BLANGS NAS, PHYI ROL KUN DGA' RA BAR DONG LA, DGE SLONG BSOD SNYOMS PA RNAMS LA YANG BGO BSHA' BYA BA NI, BLANG BAR BYA BA 'BRAS THUG PO CHE DRUS PA SKAM, MA GA DH'A'I BRE'U CHUNG PHYED DANG LNGA BTZOS PA'I CHA NA, BOD KYI BRE PHYED DANG LNGA, DE'I RKYEN GYI BYA NA DANG, TSOD MA DANG BCAS PA TZAM STE, GAL TE BDAG NYID GROGS DANG BCAS PAS BZA' BA LAS LHAG CING MANG BA NYID YIN NA, KHYIM GYI PHYI ROL DU GTZUG LAG KHANG DU DONG LA, DE NA DGE SLONG GANG DAG 'KHOD PA RNAMS LA YANG SBYIN PAR BYA'O, ,BDAG CAG KYANG ZA BAR BYA STE ZHES BYA BYA BA NI BLANG BAR BYA BA LA GAL TE MANG BA NYID YIN NA, DGE SLONG DAG LA YANG BGO BSHA' BYA, BDAG CAG KYANG BCA' BAR BYA'O, ,GAL TE MANG BA NYID MA YIN NA, DGE SLONG DAG LA BGO BSHA' BYA BA GDON MI ZA BAR BYA BA MA YIN TE, BDAG CAG KYANG BZA' BAR BYA BA KHO NA YIN NO, ,DE LA DE NI

CHO GA YIN NO ZHES BYA BA NI BSLAB PA'I GZHI BCA' BA MDZAD PA DE LA DE NI NGES PA YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GCIG GAM, GNYIS SAM, RAB TU MANG PO DAG KYANG RUNG, BDAG KHYIM RNAMS SU DONG BA LA, SBYIN BDAG KHYIM PA STOBS PA'I BSOD SNYOMS YONGS SU MA SPANGS PA, JI BDER MA BYAS PA, LHUNG BZED 'BRING PO GSUM GYI TSAD, 'BRAS THUG PO CHE DRUS PA SKAM, MA GA DH'A'I BRE'U CHUNG PHYED DANG LNGA LA, BOD KYI BRE PHYED DANG DO YOD PA, BTZOS NA CHAN BRE PHYED DANG LNGA DE'I RKYEN GYI BYA NA DANG, TSOD MA DANG BCAS PA TZAM LAS LHAG PAR MNOS TE ZOS NA; LHUNG BZED DO GSUM TZAM LAS LHAG PAR LEN PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SBYIN BDAG KHYIM PA STOBS PA'I BSOD SNYOMS YONGS SU MA SPANGS PA, JI BDER MA BYAS PA, DGE SLONG GI LHUNG BZED 'BRING PO GSUM GYI TSAD LAS LHAG MA MNOS TE ZA BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, SBYIN BDAG MI'I 'GRO BAR GTOGS PA KHYIM PA SKYES PA'AM, BUD MED GANG YANG RUNG BA DANG, BSTABS PA'I BSOD SNYOMS YONGS SU MA SPANGS PA JI BDER MA BYAS PA NYID DANG, LHUNG BZED 'BRING PO GSUM GYI TSAD LAS LHAG PA NYID DO,, KHYIM NAS MNOS TE KHYER BA DANG, ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,LHUNG BZED DO GSUM TZAM LAS LHAG PAR LEN PA'I LTUNG BYED DE SUM CU GSUM PA'O,, ,,STAN GCIG PA'I ZAS KYI LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA NI STAN GCIG PA'I ZAS ZA STE, BSTAN GCIG PA'I ZAS ZA BA NA SNYING LAS CHUNG NGUR TSOR ZHING GNOD PA NYUNG BA DANG, NYAM NGA BA CHUNG BA DANG, BSKYOD BA YANG BA DANG, 'TSO BA DANG STOBS DANG LDAN PA DANG, BDE BA DANG KHA NA MA THO BA MED PA DANG, BDE BA LA REG PAR GNAS PAR TSOR RO, ,DGE SLONG DAG KHYED KYANG TSUR SHEG LA STAN GCIG PA'I ZAS ZO SHIG DANG, KHYED KYANG STAN GCIG PA'I ZAS ZA BA

, ,NA; SNYING LAS CHUNG NGUR TSOR ZHING GNOD PA NYUNG BA DANG, NYAM NGA BA CHUNG BA DANG, BSKYOD PA YANG BA DANG, 'TSO BA DANG STOBS DANG LDAN PA DANG, BDE BA DANG KHA NA MA THO BA MED PA DANG, BDE BA LA REG PAR GNAS PAR TSOR BAR 'GYUR RO, ,ZAS MA SPANGS PAS JI TZAM GYIS CHOG PA BZA' BAR BYA ZHING, ZAS BRTZAMS PAS SLOB DPON DANG, MKHAN PO DANG, BLA MA DANG, BLA MA LTA BU MTHONG NA YANG DANG BAR MI BYA'O, ,BCA' BA LNGA PO RTZA BA DANG, SDONG BU DANG, 'DAB MA DANG, ME TOG DANG, 'BRAS BU DAG GIS NI SPANGS PAR MI 'GYUR LA, BZA' BA LNGA PO 'BRAS CHAN DANG ZAN DRON DANG, SHA DANG, SNUM KHUR DANG, 'DE GU DAG GIS NI SPANGS PAR 'GYUR RO, ,RGYU LNGA PO ZAS YOD PA DANG, ZAS STOBS PA YOD PA DANG, ZAS BRTZAMS PA YOD PA DANG, ZAS SPANGS PA YOD PA DANG, SPYOD LAM LAS NYAMS PA DAG GIS NI SPANGS PA BRJOD PAR BYA LA; RGYU LNGA PO ZAS MED PA DANG, ZAS STOBS PA MED PA DANG, ZAS BRTZAMS PA MED PA, ZAS SPANGS PA MED PA DANG, SPYOD LAM LAS MA NYAMS PA DAG GIS NI, MA SPANGS PA BRJOD PAR BYA'O, ,GZHAN YANG TSIG LHAG MA MED PA LNGA PO THONG SHIG CES BYA BA DANG GZHAN LA BYIN CIG CES BYA BA DANG, SONG SHIG CES BYA BA DANG, ZOS ZIN TO ZHES BYA BA DANG, CHOG GO ZHES BYA BA DAG GIS NI SPANGS PAR BRJOD PAR BYA LA, TSIG LHAG MA DANG BCAS PA LNGA PO RE ZHIG THONG SHIG CES BYA BA DANG, RE ZHIG GZHAN LA SBYIN CIG CES BYA BA DANG, RE ZHIG SONG SHIG CES BYA BA DANG, RE ZHIG ZOS ZIN TO ZHES BYA BA DANG, RE ZHIG CHOG GO ZHES BYA BA DAG GIS NI MA SPANGS PAR BRJOD PAR BYA'O, ,BCOM LDAN 'DAS KYIS DGE SLONG GIS SPANGS PAS BZA' BAR MI BYA'O ZHES BKA' STZAL NAS, DRUG SDE DAG SPANGS PAS KYANG ZA BAR BYED, MA SPANGS PAS KYANG ZA BAR BYED NAS, DGE SLONG DON NYUNG DU DAG ,BCOM LDAN 'DAS KYIS DGE SLONG GIS SPANGS PAS ZA BAR MI BYA'O ZHES BKA' STZAL NA, CI'I PHYIR DGE SLONG SPANGS PAS KYANG BZA' BAR BYED, MA SPANGS PAS KYANG ZA BAR BYED CES SMOD PAR BYED, PHYAR KA GTONG BAR BYED, KHA ZER BA BYED PA'I SKABS DE, DGE SLONG RNAMS

KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG ZAS ZOS ZIN CING SPANGS PA LAS LHAG BOR MA BYAS PAR BCA' BA'AM, BZA' BA 'CHA' 'AM ZA NA LTUNG BYED DO ZHES BCA' BA MDZAD DO, ,YUL NI MNYAN YOD NA, GANG ZAG NI DRUG SDE, NYON MONGS PA NI BSLAB PA LA G-YEL BA DANG BKA' LA MA GUS PA, NYES PA NI ZAS SPANGS PA ZA BAR BYED PA'O, ,DE LA YANG DGE SLONG GANG ZHES BYA BA NI, DRUG SDE'AM, GZHAN YANG DE LTA BU GANG YIN PA'O, ,ZAS ZOS ZIN CING SPANGS PA'AM ZHES BYA BA NI YONGS SU RDZOGS SHING MTHAR THUG PAR BYAS PA LAS SO, ,LHAG POR MA BYAS PAR ZHES BYA BA NI LHAG MAR MA BYAS SHING MA BOR YONGS SU MA BTANG BAR RO, ,BCOM LDAN 'DAS KYIS LHAG POR BYAS TE BCA' BAR RJES SU GNANG NGO ZHES BKA' STZAL NAS, DGE SLONG RNAMS KYIS LHAG BOR JI LTAR BYA BA MI SHES NAS, BCOM LDAN 'DAS KYIS BKA' STZAL PA, DGE SLONG ZAS ZOS ZIN CING SPANGS TE YONGS SU RDZOGS SHING MTHAR THUG PAR BYAS PA GANG YANG RUNG BA ZHIG GIS BCA' BA'AM, BZA' BA RNYED CING ZA BAR 'DOD NA, DGE SLONG DER LAG PA GNYIS BSNYAL TE BYIN LEN BYAS LA DGE SLONG ZAS ZOS ZIN CING MA SPANGS LA, SPYOD LAM LAS MA NYAMS PA GANG YIN PA'AM, DGE SLONG ZAS ZOS ZIN CING SPANGS LA SPYOD LAM LAS MA NYAMS PA GANG YIN PA DE'I MDUN DU TZOG PUR 'DUG STE, 'DI SKAD CES BRJOD PAR BYA'O, ,TSE DANG LDAN PA DGONGS SU GSOL, BDAG DGE SLONG MING 'DI ZHES BGYI BA 'TSAL MA 'TSAL LAGS SHIG SPANGS TE, YONGS SU RDZOGS SHING MTHAR THUG PAR BGYIS PA'AM, BCA' BA DANG BCA' BA RNYED CING 'TSAL BAR 'TSAL NA, LHAG POR BGYIS TE BDAG LA STZAL DU GSOL, DES KHAM GNYIS SAM GSUM ZOS NAS 'DI SKAD CES KHYOD KYI GYUR GYIS BZHUD CIG CES BRJOD PAR BYA'O, ,DE LA YANG DGE SLONG ZAS ZOS ZIN CING MA SPANGS LA SPYOD LAM LAS MA NYAMS PA GANG YIN PA DES NI BDAG NYID KYIS KHAM GNYIS SAM GSUM ZOS NAS LHAG BOR BYA'O, ,DGE SLONG ZAS ZOS ZIN CING SPANGS LA SPYOD LAM LAS MA NYAMS PA GANG YIN PA DES NI BZA' BAR MI BYA BAR LAG PAR BYIN NAS LHAG POR

, ,BYA'O, ,RGYU LNGAS LHAG POR MA BYAS PAR BRJOD PAR BYA'O, ,LNGA GANG ZHE NA MTSAMS KYI PHYI ROL DU DANG, MI 'THOB PA'I PHYOGS SU DANG, RGYAB NAS DANG, GLO NAS DANG, SPYOD LAM LAS NYAMS PA BYED DU BCUG PA'O, ,RGYU LNGAS NI LHAG POR BYAS PAR BRJOD PAR BYA STE, LNGA GANG ZHE NA, SNGA MA LAS BZLOG PA DAG GO, ,GZHAN YANG RGYU LNGAS LHAG POR MA BYAS PAR BRJOD PAR BYA STE, LNGA GANG ZHE NA, MTSAMS KYI PHYI ROL DU DANG, MI 'THOB PA'I PHYOGS SU DANG, LHUNG BZED KYI GZHIR LDANG, THU BAR DANG, SPYOD LAM LAS NYAMS PAR BYED DU 'JUG PA'O, ,RGYU LNGAS NI LHAG POR BYAS PAR BRJOD PAR BYA STE, LNGA GANG ZHE NA, SNGA MA LAS BZLOG PA DAG GO, ,GCIG GIS LHAG POR BYAS PA MANG PO DAG GIS BCA' BAR BYA STE, 'DI LA 'GYOD PAR MI BYA'O, ,BCA' BA'AM BCA' BA ZHES BYA BA NI BCA' BA LNGA PO DANG, BCA' BA LNGA PO DAG GO, ,'CHA' 'AM ZAN ZHES BYA BA NI, MGUL DU MED NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG ZAS SPANGS PA NYID DANG LHAG BOR MA BYAS PA NYID KYIS DUS SU RUNG BA'I ZAS GANG YANG RUNG BA ZOS NA STAN GCIG PA'I ZAS KYI LTUNG BYED KYI DNGOS GZHIR 'GYUR RO, ,'DI'I BYED PA PO NI ZAS SPANGS PA NYID DANG, LHAG POR MA BYAS PA NYID DAG LA 'DU SHES GTZO CHER BYED PA PO NYID YIN NO, ,'DI LA YAN LAG LDAS DNGOS GZHI'I LTUNG BAR 'GYUR TE, ZAS SPANGS PA NYID DANG, LHAG POR MA BYAS PA NYID DANG, DER 'DU SHES PA DANG, DUS SU RUNG BA'I ZAS DANG, ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,STAN GCIG PA'I ZAS KYI LTUNG BYED DE SUM CU BZHI PA'O,, ,,SPANGS PA LA STOBS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG GCIG 'DUG PA DES RIGS MNYAM PA LAS CHUNG MA BLANGS NAS DE DE DANG LHAN CIG RTZE BAR BYED, DGA' BAR BYED, DGA' DGUR SPYOD PAR BYED DO, ,DE RGAS PA'I GNAS SKABS SU NYE DU ZAD PA DANG, NOR ZAD PA DANG,

LONGS SPYOD ZAD PAR GYUR NAS, NGES CHUNG MA LA SMRAS PA, BZANG MO KHO BOS RGAS PA'I GNAS SKABS SU NOR SGRUB MI NUS KYIS RAB TU 'BYUNG DU 'GRO'O, ,RJE'I SRAS DE BZHIN DU MDZOD CIG ,DE RGYAL BYED KYI TSAL DU SONG STE, DGE SLONG LA RAB TU 'BYUNG BAR GSOL BA DANG, DES DE MKHAN PO SPONG BA PA DGON PA NA BSAM GTAN BYED PA ZHIG YOD PA'I GNAS SU KHRID DE, DE LEGS PAR GSUNGS PA'I CHOS 'DUL BA LA RAB TU PHYUNG ZHING BSNYEN PAR RDZOGS PAR BYAS NAS DGE SLONG DE LA GTAD DE BTANG NGO, ,DGE SLONG DES RGAN ZHUGS DE KLOG PA DANG, SLOB TU 'JUG PA NA RGAN ZHUGS DE BRJOD NGAS PAS, YANG DANG YANG DU LTUNG BA 'BYIN NAS, DES DE MDUN DU COG PUR 'DUG DU BCUG STE, LTUNG BA 'CHAGS SU 'JUG PAR BYED DO, ,RGAN ZHUGS DES BSAMS PA, BDAG SLOB DPON 'DIS RTAG TU MDUN DU TZOG PUR 'DUG TU BCUG STE, LTUNG BA 'CHAGS SU 'JUG PAS, BDAG GIS KYANG 'DI MDUN DU TZOG PUR 'DUG DU BCUG LA, LTUNG BA 'CHAGS SU GZHUG PA'I THABS JI LTAR YOD SNYAM MO, ,KHYIM BDAG GCIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, SANGS RGYAS LA SOGS PA DGE SLONG GI DGE 'DUN GSHEGS TE, SANGS RGYAS BCOM LDAN 'DAS KYI GDUGS TSOD GSOL NAS, KHYIM BDAG DE LA CHOS BSTAN PAR BRTZAMS SO, ,DE DGE SLONG DES RGAN ZHUGS DE KHRID DE, SBYIN BDAG GI KHYIM DU SONG NGO, ,SBYIN BDAG GIS DE GNYIS LA ZAS BSTABS NAS, DE GNYIS KYIS KHO BO CAG ZAS BOS ZIN TO ZHES SPANGS PA DANG, SBYIN BDAG GIS SMRAS PA, SNOMS TE BZHUD LA LHAG POR MDZOD TE GSOL CIG ,GNYIS KYIS BYIN LEN BYAS TE DONG NAS RGYAL BYED KYI TSAL DU PHYIN PA DANG, DGE SLONG NI CHU 'TSAG ,RGAN ZHUGS NI LHAG BOR BYED DU BCUG PA NA RGAN ZHUGS KYIS RANG GI SKAL BA NI LHAG BOR BYAS LA, DGE SLONG DE'I SKAL PA DE NI LHAG POR MA BYAS PAR BYAS SO ZHES DE ZER BCUG NAS, DE'I 'OG TU KHYOD KYIS LHAG BOR MA BYAS PA'I BCA' BA DANG BCA' BA ZOS KYIS LTUNG BA DE SHOGS SHIG CES BYAS PA DANG, DGE SLONG DES SMRAS PA, RGAN ZHUGS KHO BOS LTUNG BA MI 'CHAGS

, ,KYIS; 'DI LTAR KHYOD NYID LTUNG BA DANG BCAS PAR 'GYUR BA GANG YIN PA DE LTA BU'I GNAS YOD PAR 'GYUR RO ZHES DES DGE SLONG RNAMS LA SKABS DE BRJOD PA NA, DGE SLONG DON NYUNG DU DAG CI'I PHYIR DGE SLONG DAG SHES BZHIN DU DGE SLONG ZAS ZOS ZIN CING, SPANGS PA LA SKABS TSOL ZHING JI NAS KYANG DGE SLONG 'DI NYES PA 'BYUNG BAR BYA'O SNYAM PA DE NYID RKYEN DU BYAS NAS, TSE DANG LDAN PA 'DI 'TSO ZHIG ,'DI ZO SHIG CES LHAG POR MA BYAS PA'I BCA' BA DANG BZA' BA DUS KYIS STOBS PAR BYED, CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SHES BZHIN DU DGE SLONG ZAS ZOS ZIN CING SPANGS PA LA SKABS TSOL ZHING CI NAS KYANG DGE SLONG 'DI NYES PA 'BYUNG BAR BYA'O SNYAM PA DE NYID RKYEN DU BYAS NAS; TSE DANG LDAN PA 'DI 'CHO SHIG ,'DI ZO SHIG CES LHAG POR MA BYAS PA'I BCA' BA DANG BZA' BA DUS KYIS STOBS PAR BYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RGAN ZHUGS, NYON MONGS PA NI NYES RTZOM, NYES PA NI SHES BZHIN DU DGE SLONG ZAS ZOS ZIN CING SPANGS PA LA LHAG POR MA BYAS PA'I BZA' BA DANG LTUNG BA DUS KYIS STOBS PA'O, ,DE LA YANG DGE SLONG GANG ZHES BYA BA NI CHOS 'DI PA'O, ,SHES BZHIN DU ZHES BYA BA NI DE RANG NYID KYIS RIG PA'AM, GZHAN DAG GIS BRJOD PAS SO, ,DGE SLONG ZHES BYA BA NI CHOS 'DI PA'O, ,ZAS ZOS ZIN CING SPANGS PA LA ZHES BYA BA NI YONGS SU RDZOGS SHING MTHAR THUG PAR BYAS PA LA'O, ,SKABS TSOL ZHING ZHES BYA BA NI KLAN KA TSOL ZHING NGO, ,CI NAS KYANG DGE SLONG 'DI NYES PA 'BYUNG BAR BYA'O SNYAM PA ZHES BYA BA NI JI NAS KYANG DGE SLONG 'DI LUNG BA DANG BCAS PAR BYAS PAR 'GYUR RO SNYAM PA'O DE NYID RKYEN DU BYAS NAS ZHES BYA BA NI GZHAN MA YIN PA'O, ,TSE DANG LDAN PA 'DI 'CHO ZHIG ,'DI ZO SHIG CES BYA BA NI BCA' BA DANG BZA' BA'O, ,LHAG POR MA BYAS PA ZHES BYA BA NI LHAG MAR MA BYAS SHING MA BOR YONGS SU MA BTANG BA'I'O, ,BCA' BA DANG BCA' BA ZHES BYA BA

NI BCA' BA LNGA PO DANG BZA' BA LNGA PO DAG GO, ,DUS KYIS STOBS NA ZHES BYA BA NI YANG YANG DU STOBS NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SHES BZHIN DU DGE SLONG ZAS ZOS ZIN CING SPANGS PA LA LHAG POR MA BYAS PA'I ZAS RUNG BA DUS KYIS STOBS NA, SPANGS PA LA STOBS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, ZAS SPANGS PA NYID DANG, LHAG POR MA BYAS PA NYID DAG LAS 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG ZAS SPANGS PA NYID DANG, LHAG POR MA BYAS PA NYID DANG, DER 'DU SHES PA DANG, DUS SU RUNG BA'I ZAS DANG BSTABS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SPANGS PA LA STOBS PA'I LTUNG BYED DE SUM CU LNGA PA'O,, ,,'DUS SHING ZA BA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DKA'I GNAS NA BZHUGS SO, ,DE'I TSE NA LHAS BYIN DGE SLONG RAB TU MANG PO DAG DANG, LHAN CIG KUN DGA' RA BA'I NANG DU 'DUS SHING ZAS ZA NAS, DGE SLONG DON NYUNG DU DAG CI'I PHYIR, DGE SLONG DAG KUN DGA' RA BA'I NANG NA 'DUS SHING ZA BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, 'DUS SHING ZA NA DUS MA GTOGS TE LTUNG BYED DO, ,DE LA DUS MI 'DI YIN TE, NA BA DUS SO, ,LAS DUS SO, ,LAM DUS SO, ,GRUR ZHUGS PA DUS SO, ,'DUS PA CHEN PO DUS SO, ,DGE SBYONG GI ZAS DUS TE, DE LA DE NI DUS YIN NO ZHES BCA' BA MDZAD DE, YUL NI RGYAL PO'I KHAB, GANG ZAG NI LHAS BYIN 'KHOR DANG BCAS PA, NYON MONGS PA NI MI MTHUN PA'I 'DOD PA, NYES PA NI 'DUS SHING ZA BA'O, ,DE LA 'DUS SHING ZHES BYA BA NI MI MTHUN PAR ZA NA'O, ,DUS MA GTOGS TE ZHES BYA BA NI DUS BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA DUS NI 'DI YIN TE, NA BA DUS SO ZHES BYA BA NI 'DI LTA STE, DGE SLONG NA BA

, ,ZAS GCIG GIS 'TSO BAR MI NUS PA'O, ,LAS DUS SO ZHES BYA BA NI 'DI LTA STE, DGE SLONG GI DGE 'DUN GYI'AM, MCHOD RTEN GYI LAS THA NA PHYAG DAR RE LDE TZAM MAM, DKYIL 'KHOR BA MAL TZAM BYAS PA'O, ,LAM DUS SO ZHES BYA BA NI 'DI LTA STE DGE SLONG DPAG TSAD PHYED DU SONG BA'AM, DE'I PHYED DU SONG STE PHYIR 'ONGS PA'O, ,GRUR ZHUGS PA DUS SO ZHES BYA BA NI 'DI LTA STE DGE SLONG GRUR ZHUGS PA DPAG TSAD PHYED DU SONG PA'AM DE'I PHYED DU SONG STE PHYIR 'ONGS PA'O, ,'DUS PA CHEN PO DUS SO ZHES BYA BA NI SPAGS PA'O, ,DGE SBYONG GI ZAS DUS TE ZHES BYA BA NI 'DI LAS PHYI ROL PA'I RAB TU BYUNG BA DAG 'KHOD PA DE YANG DGE SBYONG ZHES BYA BA'I GRANGS SU 'GRO'O, ,DE LA DE NI DUS YIN NO ZHES BYA BA NI, BSLAB PA'I GZHI BCA' BA MDZAD PA DE LA NI GNANG BA DANG MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PAR NI DGE SLONG NA BA MA YIN PA DANG, LAS MA BYAS PA DANG, LAM DU MA SONG BA DANG, GRUR MA ZHUGS PA SO SOR NGES PA'I ZAS KYI GNAS CAN DAG LAS GZHAN PA DGE 'DUN DU LONGS PA'I DGE SLONG CIG CAR DU ZA BAS MTSAMS KYI NANG DU DGE 'DUN GZHI'I 'DUG GNAS SU ZA BA LAS LOGS SHIG TU 'DUG STE, DUS STON CHEN PO MA YIN PA DANG, DGE SBYONG GI ZAS MA YIN PA GANG YANG RUNG BA CUNG ZAD KYIS GZHI'I 'DUG GNAS SU ZA'AM, 'DUS SHING ZA BA GANG YANG RUNG BA GCIG LAM BSRUL BAR DER 'DU SHES PAS DUS RUNG BA'I ZAS ZOS NA 'DUS SHING ZA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SO SOR NGES PA'I ZAS KYI GNAS CAN DAG LAS GZHAN PA'I DGE SLONG GI DGE 'DUN DU GYUR PA MTSAMS KYI NANG NAS GNAS PA DAG GIS ZAN LHAN CIG MA YIN PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG BCUS DNGOS GZHI'I LTUNG BAR 'GYUR TE, DGE SLONG NA BA'AM, LAS BYAS PA'AM, LAM DU MA SONG BA'AM, GRUR ZHUGS PA MA YIN PA NYID DANG, SO SOR NGES PA'I ZAS KYI GNAS CAN DAG LAS GZHAN PA NYID DANG, DGE 'DUN DU LONGS PA'I DGE SLONG CIG CAR ZA BA DANG, MTSAMS KYI NANG NYID DANG, DGE 'DUN GZHI'I 'DUG GNAS SU ZA BA LAS LOGS

SHIG TU 'DUS PA DANG, DUS STON CHEN PO MA YIN PA DANG, DGE SBYONG GI ZAS MA YIN PA DANG, ZAS GANG YANG RUNG BA CUNG ZAD KYIS GZHI'I 'DUG GNAS SU ZA BA'AM 'DUS SHING ZA BA GANG YANG RUNG BA GCIG LA MA BSRUL BA DANG, DER 'DUS PA DANG, DUS SU RUNG BA'I ZAS ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, 'DUS SHING ZA BA'I LTUNG BYED DE SUM CU DRUG PA'O,, ,,DUS MA YIN PAR ZA BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI BU CHEN POS NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS RAB TU PHYUNG ZHING BSNYEN PAR RDZOGS PAR BYAS PA DE'I TSE DE DAG SNGA DRO SHAM THABS BGOS LHUNG BZED DANG CHOS GOS THOGS TE, MNYAN YOD NA BSOD SNYOMS LA ZHUGS SO, ,BUD MED NI SRED PA SPYAD PA YIN PAS BUD MED KYIS DE DAG MTHONG NAS BRANG BRDUNGS TE SMRAS PA, 'DI DAG SKYES PA NA GANG DAG GIS 'DI DAG SKYES MA THAG GI LCE LAN TSVAS 'GENGS PAR MA NUS PA DANG, BRLA PHRAG TU KHRON PA BCUG STE 'BRANG BAR MA NUS PA DE DAG GIS CI THOB, BCU BDUN SDE DAG NYA MANG BAR GYUR NAS SMRAS PA, BDAG CAG GIS ZAN BCAD PAR GYUR PA NI BLA'I, TSIG NGAN PA RNAM PA 'DI LTA BU DAG THOS PAR GYUR PA NI MI RUNG NGO ZHES DE DAG DE NYID NAS PHYIR LOG STE, ZAN BCAD PAR BYAS NAS, DE DAG GIS JI SRID DU LUS LAS MDANGS MA YAL BA DE SRID DU DGE BA'I PHYOGS LA TRON BYAS NAS, GANG GI TSE LUS LAS MDANGS YAL BA DE'I TSE NA GLOS PHAB STE NYAL LO, ,GRONG KHYER BA SKYED MOS TSAL BA DGA' BA DAG ,BZA' BA DANG LTUNG BA KHYER TE, MNYAN YOD KYI PHYI ROL RGYAL BYED KYI TSAL DU DONG NAS 'CHA' BAR BYED, BZA' BAR BYED, 'THUNG BAR BYED PA NAS BCU BDUN SDE DAG GIS DE DAG MTHONG NAS LTO BA LA NYUG PAR BYED PA NA, DE DAG GIS SMRAS PA, 'PHAGS PA DAG GSOL BZHED DAM, 'DOD DO, ,DE DAG GIS BCU BDUN SDE DAG LA BCA' BA DANG LTUNG BA BYIN PA DANG, DE DAG GIS LONGS SPYAD NAS ZUNG BSDEBS TE 'CHAG CING KHA TON BYA BAR

, ,BRTZAMS PA DANG, NYE DAGS DE DAG KHA TON BYED PA MTHONG NAS SMRAS PA, KYE MA'O BCU BDUN SDE DAG GIS SHIN TU BRTZON 'GRUS BRTZAMS SO, ,BTZUN PA NYE DGA' BCOM LDAN 'DAS KYIS BDEN CHOS MNGON PAR BRJOD PAR BYED DO, ,SBYIN PA PO DANG, SBYIN BDAG GIS LEN PA PO LA ZAS SBYIN PA NA GNAS LNGA SBYIN PAR BYED DE, TSE SBYIN PA DANG, KHA DOG SBYIN PA DANG, STOBS SBYIN PA DANG, SPOBS PA SBYIN PA DANG, BRTZON 'GRUS SBYIN PA NI BDE BAR 'GYUR RO ZHES BKA' STZAL BA NI LEGS PAR GSUNGS PA YIN TE, ZOS NA STOBS DANG LDAN PAR 'GYUR GYI, MA ZOS NA MI 'GYUR RO, ,KHYOD KYIS ZOS SAM, ZOS SO, ,KHYED DUS MA YIN PAR ZAR RUNG NGAM, GAL TE DUS SU MA RNYED NA KHO BO CAG GIS LTOGS TE 'CHI BAR BYA'AM CI ZHES ZER NAS, DGE SLONG DON NYUNG DU DAG CI'I PHYIR DGE SLONG DAG DUS MA YIN PAR BCA' BA DANG, BZA' BA ZA BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DUS MA YIN PAR BCA' BA'AM, BZA' BA 'CHA' 'AM, ZA NA LTUNG BYED DO ZHES BCA' BA MDZAD DE; YUL NI MNYAN YOD, GANG ZAG NI BCU BDUN SDE, NYON MONGS PA NI SBYOR MI BZOD PA, NYES PA NI DUS MA YIN PAR ZA BA'O, ,DE LA YANG DGE SLONG GANG ZHES BYA BA NI BCU BDUN SDE'AM, GZHAN YANG DE LTA BU GANG YIN PA'O, ,DUS MA YIN PAR ZHES BYA BA NI, DUS MA YIN PA GNYIS TE; SKYA RENGS MA SHAR BA DANG, PHYED YOL BA'O, ,BCA' BA'AM BZA' BA ZHES BYA BA NI, BCA' BA LNGA PO DANG, BZA' BA LNGA PO DAG GO, ,'CHA' 'AM ZAN ZHES BYA BA NI MGUL DU MID NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG MI NABS 'DZAM BU'I GLING LA SOGS PA GNAS GANG NA BDAG NYID GNAS PA'I RANG GI NYI MA PHYED YOL PHAN CHAD NAS PHYI DE NYIN PAR GYI SKYA RENGS DANG PO MA SHAR BAR, SHES BZHIN DU BCA' BA DANG BZA' BA 'CHOS SAM, ZOS NA DUS MA YIN PAR ZA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI,

DUS MA YIN PA DE NYID LA 'DUS SHES GTZO CHER BYED PA PO NYID YIN NO, ,DE LA YAN LAG LNGAS DNGOS GZHI'I LTUNG BAR 'GYUR TE, DGE SLONG MIN PA DANG, DUS MA YIN PA NYID DANG, DER 'DU SHES PA DANG, DUS SU RUNG BA'I ZAS DANG, ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,DUS MA YIN PAR ZA BA'I LTUNG BYED DE SUM CU BDUN PA'O,, ,,GSOG 'JOG GI LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN PA NAG PO'I KUN DU SPYOD PA NI, GRONG NGAM GRONG RDAL GANG NA NYE BAR BSTEN CING GNAS PA NA, DE SNGA DRO SHAM THABS BGOS, LHUNG BZED DANG CHOS GOS THOGS TE, GRONG NGAM GROD RDAL DE NYID DU LUS SHIN DU BSRUNGS PA DANG, DBANG PO RNAMS KYI SHIN DU BSDAMS PA DANG, DRAN PA SHIN DU NYE BAR GZHAG PAS BSOD SNYOMS LA 'JUG CING, GAL TE 'BRAS CHAN GSHER BA RNYED NA NI, LHUNG BZED KYIS LEN PAR BYED, GAL TE 'BRAS CHAN SKAM PO RNYED NA NI, LHUNG BZED KYI SNOD KYIS LEN PAR BYED DE, DE GRONG NGAM GRONG RDAL DER BSOD SNYOMS BRGYUS NAS GTZUG LAG KHANG DU SONG STE, 'BRAS CHAN GSHER BA NI ZA BAR BYED, 'BRAS CHAN SKAM PO NI BSKAMS NAS, RDZA MA SO BTANG BA BKANG STE 'JOG PAR BYED CING, DE RLUNG NGAM, YUL NGAN 'BYUNG BA'AM, CHAR PA 'BA' BA'AM, LHAGS PA BYUNG BAR GYUR BA NA, 'BRAS CHAN SKAM PO CHU DRON POS SPANGS TE ZOS NAS BSAM GTAN DANG, RNAM PAR THAR PA DANG, TING NGE 'DZIN LA SNYOMS PAR 'JUG PA'I BDE BA DAG NYAMS SU MYONG BAR BYED DO, ,DE NAS BCOM LDAN 'DAS DGE SLONG GI TSOGS KYIS YONGS SU BSKOR CING, DGE SLONG GI DGE 'DUN GYIS MDUN DU BDAR TE, GTZUG LAG KHANG RGYU ZHING GSHEGS PA NA, TSE DANG LDAN PA NAG PO'I GTZUG LAG KHANG GAL BA DER GSHEGS SO, ,DE'I TSE NA TSE DANG LDAN PA NAG PO'I BCUG LAG KHANG NA 'BRAS CHAN SKAM PO RAB TU MANG PO DAG BTING ZHING 'DUG PA BCOM LDAN 'DAS KYIS GZIGS NAS, TSE DANG LDAN PA KUN DGA' BO LA SMRAS PA DANG, TSE DANG LDAN PA KUN DGA' BOS RGYAS PAR GSOL TO, ,BCOM LDAN 'DAS KYIS BKA'

, ,STZAL PA, KUN DGA' BO DGE SLONG DAG GSOG 'JOG BYAS BA ZA'AM, BTZUN PA 'TSAL LO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BCA' BA DANG BZA' BA GSOG 'JOG BYAS PA 'CHA' 'AM ZAN LTUNG BYED DO ZHES BCA' BA MDZAD DE, YUL NI MNYAN YOD; GANG ZAG NI TSE DANG LDAN PA NAG PO, ,NYON MONGS PA NI BCAG CHAGS MA BYANG BAS SO SOR MA BRTAGS PA, NYES PA NI ZAS GSOG 'JOG BYAS PA ZA BA'O, ,DE LA YANG DGE SLONG GANG ZHES BYA BA NI, TSE DANG LDAN PA NAG PO'AM, GZHAN YANG DE LTA BU GANG YIN PA'O, ,BCA' BA DANG BZA' BA ZHES BYA BA NI BCA' BA LNGA PO DANG, BZA' BA LNGA PO DAG GO, ,GSOG 'JOG BYAS PA ZHES BYA BA NI, GSOG 'JOG BYAS PA RNAM PA GNYIS TE, SNGA DRO BYIN LEN BYAS PA PHYI DRO'I BAR DU GSOG 'JOG BYAS PA DANG, PHYI DRO BYIN LEN BYAS PA THUN TSOD LAS YUL BAR GSOG 'JOG BYAS PA'O, ,'CHA' 'AM ZA NA ZHES BYA BA NI MGUL DU MID NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DUS SU RUNG BA'I ZAS BCA' BA LNGA PO DANG, BZA' BA LNGA PO DAG LAS GANG YANG RUNG BA BYIN LEN BYAS PA MA ZHIG PA BCA' BA'I PHYIR 'CHAD PA PHYED YOL LAS 'DAS PA GSOG 'JOG TU GYUR PA LA DER 'DU SHES PAS ZOS NA GSOG 'JOG GI LTUNG BYED KYI DNGOS GZHIR 'GYUR RO, ,'DI'I BYED PA PO NA DUS SU RUNG BA'I ZAS BCA' BA LNGA DANG BZA' BA LNGA PO DAG NYID GSOG 'JOG TU GYUR PA DE NYID LA 'DU SHES GTZO CHER BYED PA PO NYID YIN NO, ,'DI LA YAN LAG BZHIS DNGOS GZHI'I LTUNG BAR 'GYUR TE DUS SU RUNG BA'I ZAS BCA' BA 'AM BZA' BAR GTOGS PA DANG GSOG 'JOG TU GYUR PA DANG DER 'DU SHES PA DANG ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GSOG 'JOG GI LTUNG BYED DE SUM CU BRGYAD PA'O,, ,,SO SOR THAR PA'I MDO'I GZHUNG 'GREL, BAM PO BCU GNYIS PA, BYIN LEN MA BYAS PAR ZA BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN BA NAG PO CHEN PO NI THAMS CAD DUR KHROD PA DANG LDAN PA

YIN TE DE'I LHUNG BZED KYANG DUR KHROD PA YIN, CHOS GOS KYANG DUR KHROD PA YIN, BSOD SNYOMS KYANG DUR KHROD PA YIN, GNAS MAL YANG DUR KHROD PA YIN TE GANG GI TSE SKYE BO PHAL PO CHE LA MI NGAS BYUNG BA DE'I TSE NA TSE DANG LDAN PA NAG PO CHEN PO TSO BA DANG, PAGS PA DANG SHA DANG, KHRAG RGYAS PAR GYUR PA DANG, DE YANG DANG YANG DU GRONG DU BSOD SNYOMS LA 'JUG PAR MI BYED LA GANG GI TSE SKYE BO PHAL PO CHE LA MI NGAS MA BYUNG BA DE'I TSE NA TSA DANG LDAN PA NAG PO RID PA DANG, NYAM CHUNG BA DANG, RKE BA DANG, SKAM PA DANG, LUS MA THOB PAR GYUR CING, DE YANG DANG YANG DU BSOD SNYOMS LA 'JUG PAR BYED DO, ,SGO BAS DE MTSAN MAR BZUNG NAS 'PHAGS PA NAG PO CHEN PO 'DI MI SHA ZA'AM SNYAM ZHING THAMS CAD DU YANG 'PHAGS PA NAG PA CHEN PO MI SHA ZA'O ZHES SGRA GRAGS SO, ,MNYAN YOD NA BRAM ZE ZHIG 'DUG PA DES, RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE'I BU MO ZHIG BYUNG NAS BSRING ZHING BSKYED DE CHEN POR GYUR TO, ,DUS GZHAN ZHIG NA BRAM ZE DE DUS LA BAB NAS NYE DU RNAMS KYIS GOS SNGON PO DANG, SER PO DANG, DMAR PO DANG, DKAR PO DAG GIS KHYOGS SPYIL BRGYAN NAS DUR KHROD DU KHYER TE BSREGS SHING DONG NAS, DE'I CHUNG MA DANG BU MO GNYIS MTHA' GCIG TU DONG STE BSDAD PA DANG TSE DANG LDAN PA NAG PO CHEN PO DE'I GDONG DU LTA ZHING, SDOD PA MTHONG NAS BU MOS SMRAS PA, YUM 'PHAGS PA NAG PO CHEN PO 'DI BYA ROG MO ZHAR MA BZHIN DU NGES PAR RTOG CING SDONG DO ZHES, NGAG GI LAS RTZUB MO YANG SMRAS PAR GYUR TO, ,MNYAN YOD NA BRAM ZE'I KHYE'U DAG GIS, 'PHAGS PA NAG PO CHEN PO MI SHA ZA'O ZHES THOS NAS, DE DAG GIS DE BGAM PA'I PHYIR GCIG SHI BA'I CHA LUGS SU BYAS NAS, YUNG BA DANG 'BRU MAR GYIS BSKUS TE, KHYOGS SPYIL DU BZHAG NAS MNYAN YOD NAS PHYIR 'BYUNG BAR BRTZAMS PA DANG, TSE DANG LDAN PA NAG PO CHEN PO YANG MNYAN YOD DU BSOD SNYOMS LA ZHUGS TE, DES DE MTHONG NAS BSAMS PA, BDAG DGANG DKA' BA 'DI'I DON DU GRONG DU BSOD SNYOMS LA ZHUGS TE CI RUNG, PHYIR LOG LA ZAS LNGA PO 'DI DAG NYID BZA' BAR BYA'O SNYAM NAS DE

, ,PHYIR LOG GO, ,DE DAG GIS DE DUR KHROD DU BOR TE, MTHA' GCIG TU DONG NAS TSANG TSING DANG LHAB LHUB DAG GI NANG DU MGO DKRIS TE BSDAD DO, ,DER WA ZHIG GIS BGROD PAR BRTZAMS PA DANG, TSE DANG LDAN PA NAG PO CHEN POS BSAMS BA, WAS ZAS LNGA PO DAG ZOS SHING BDAG ZAN CHAD PAR GYUR NA MI RUNG NGO SNYAM DU RIG NAS, DES MYUR BA MYUR PAR 'GRO BAR BRTZAMS PA DANG, BRAM ZE'I KHYE'U DE SKRAG STE, KHO BO ZOS SO KHO BO ZOS SO ZHES NGU BAR BRTZAMS SO, ,BRAM ZE'I KHYE'U DE DAG DBYUG PA THOGS TE MYUR BA MYUR BAR DONG NAS DE DAG GIS SMRAS PA, 'PHAGS PA DRANG SRONG GI RGYAL MTSAN THOGS SHING, SDIG PA'I LAS RTZUB PO 'DI DAG DANG, 'DI LTA BU DAG LHAG PAR SPYOD DAM, DES SMRAS PA JI BYAS MI SHA ZA'O, ,BZHIN BZANGS DAG CI KHYED KYIS KHO BO MTSON THOGS TE, SHA GCOD CING ZA BA MTHONG NGAM, DE DAG GIS SMRAS PA, 'O NA CI'I SLAD DU MYUR BA MYUR BAR BYON, ,BZHIN BZANGS DAG ,KHO BO LA BLO SKYES PA, WA 'DIS ZAS LNGA PO 'DI DAG ZOS SHING BDAG GI ZA NA CHED PAR GYUR NA MI RUNG NGO SNYAM DU RIG NAS MYUR BA MYUR BAR 'ONGS SO, ,'PHAGS PA ZAS LNGA PO DAG GSOL LAM, MI SHA GSOL NI MA 'TSAL GYI 'DI LTAR THAMS CAD DU 'PHAGS PA NAG PO CHEN PO MI SA GSOL ZHES NI GRAGS PAR GYUR RO ZHES ZER BA'I SKABS DE DGE SLANG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS 'DI SNYAM DU DGONGS TE, NYES DMIGS GANG CUNG ZAD CIG BYUNG BA DE NI DGE SLONG DAG BYIN LEN BYED DU MA BCUG PAR ZA BAR GYUR PA YIN PAS, DE LTA BAS NA DGE SLONG RNAMS KYIS BYIN LEN BYED DU BCUG STE, ZA NA DE NYID DPANG POR 'GYUR RO SNYAM DU DGONGS NAS BKA' STZAL PA, DE LTA BAS NA DGE SLONG RNAMS KYIS BYIN LEN BYED DU BCUG STE BZA' BAR BYA'O, ,BYIN LEN NI RNAM PA LNGA STE, LNGA GANG ZHE NA, LUS KYIS LUS SU DANG, LUS DANG 'BREL BAS LUS SU DANG, LUS KYIS LUS DANG 'BREL BAR DANG, LUS DANG 'BREL PAS LUS DANG 'BREL PA DANG, GZHAG PA'I CHO GA DAG NI LNGA PA'O, ,RUNG BA NI RNAM PA LNGA STE, LNGA GANG ZHE NA, MES RUNG BA DANG, MTSON GYIS RUNG BA DANG, SEN MOS RUNG BA DANG, RNYIS

BAS RUNG BA DANG, NE TSOS RMA BYUNG BAS RUNG BA NYID NI LNGA PA'O, ,GZHAN YANG RUNG BA RNAM PA LNGA STE, LNGA GANG ZHE NA, PHYUNG BA DANG, GSHEGS PA DANG, BCAD PA DANG, PHUG PA DANG, SA BON GYI CHOS NYID MED PA NYID NI LNGA BA'O, ,LAG PA LA BKAN PAR BYIN LEN RNAM PA LNGA STE, LNGA GANG ZHE NA, MAN SHEL DANG, KHRI DANG, KHRI'U DANG, THU BA DANG, LHUNG BZED BZHI NYID LNGA PA'O, ,MES RUNG BAR BYA BA NI PHUNG POR BYAS TE, MES GNAS PA GNYIS SAM, GSUM DU REG PAR BYAS NAS THAMS CAD RUNG BAR 'GYUR RO, ,MTSON DANG SEN MOS NI RE RE NAS SO, ,KHYIM PA RNAMS MI SNYOMS PAR 'DRIM NAS, DGE SLONG RNAMS KYIS DE TSUL DAG 'DRIM DU GZHUG PAR BYA'O, ,DE DAG KYANG MI SNYOM NAS, DGE SLONG DAG GIS LAG PA BSNYAL TE, BYIN LEN BYAS NAS BRIM PAR BYA'O, ,'ON KYANG MA SNYOMS NA BRIM PAR BYA BA GCES PA DANG, BAR MA DANG, THA MA DAG SO SOR BYA'O,, 'DRIM PAR BYED PA'I SKAL BA NI, MKHAN PO DANG SLOB DPON NAM, DRUNG NA 'DUG PA DE DAG GIS MNOD PAR BYA'O, ,STAN NAS MA 'PHAGS PAS JI TZAM ZHUS PA DE TZAM DAG BYIN LEN BYED DU GZHUG GO, ,'DRIL BA DAG STAN LAS MA 'PHAGS PAS LEN NUS PA DAG NI BYIN LEN BYED DU GZHUG MI DGOS LA, MI NUS PA DAG NI YANG BYIN LEN BYED DU GZHUG PAR BYA'O, ,KHYIM PA DAG KYANG 'DRIM DU GZHUG PAR BYA ZHING, DGE SLONG GIS DANG POR GZUNG ZHING KHYIM PAS PHYIS GZUNG BAR BYA BO'O, ,DGE SLONG DAG LAS BLANGS PA GANG YIN PA DE DAG GI BYIN LEN NI DE NYID YIN NO, ,KHYIM PA DAG LAS BLANGS PA GANG YIN PA DE DAG NI, BYIN LEN BYED DU GZHUG GO, ,DANG POR DGE SLONG DAG GIS GTANG BAR BYA ZHING, PHYIS KHYIM PA DAG GIS GTANG BAR BYA STE, PHYIS DE NYIN PAR DGE 'DUN LA BRIM PAR BYA'O, ,BRAM ZE DANG KHYIM BDAG DAD PA CAN DGE 'DUN LA ZHUN MAR GYI BSUM PA LA SOGS PA DAG 'BUL NA BLANG PAR BYA ZHING, BLANGS NAS DGE 'DUN LA BRIM PAR BYA'O, ,DE DAG GIS CHOS GOS DAG SNUM PAR GYUR PA LTAN BAR DU RTZVA 'AM, LO MA DAG BCUG STE BRIM PAR BYA'O, ,DE DAG BZUNG STE 'GRENG BA NA NGAL BAR 'GYUR BA LTA NA GZHAG PAR BYA'O, ,GZHAG PA NA 'DRIL BA LTA NA 'OG GZHI LA GZHAG PAR BYA'O, ,SNOD PHUL BA DAG

, ,KYANG BLANGS SHING CHU'I RDZING BU ZAB MO'I NANG DU ZHAG BDUN NAM BRGYAD GZHUG PAR BYA ZHING, ,GANG NYA 'AM, RUS SBAL LAM, SBAL PA'AM, CHU SRIN BYIS PA GSOD PA'AM, NYA KHYI BA DAG GIS MA LUS PAR LDAGS PAR GYUR PA, DE'I TSE RUNG BA'I KHANG PAR BCUG STE SPYAD PAR BYA'O, ,RNAM PA LNGAS NI BYIN LEN BYED DU MA BCUG PAR BRJOD PAR BYA STE, LNGA GANG ZHE NA, MTSAMS KYI PHYI ROL NA 'DUG PAS DANG, MI 'THOB BA'I PHYOGS NAS DANG, GLO NAS DANG, RGYAB NAS DANG, LAG PA KHAS PHUB PAS BYIN LEN BYED DU 'JUG PA'O, ,RNAM PA LNGAS NI, BYIN LAN BYED DU BCUG PAR BRJOD PAR BYA'O, ,LNGA GANG ZHE NA, SNGA MA LAS BZLOG PA DAG GIS SO, ,BCOM LDAN 'DAS KYIS BYIN LEN BYED DU BCUG STE BZA' BAR BYA'O ZHES BKA' STZAL NAS, DRUG SDE DAG BYIN LEN BYED DU BCUG PA DANG, BYIN LEN BYED DU MA BCUG PA YANG ZA BAR BYED NAS, DGE SLONG DON NYUNG DU DAG BCOM LDAN 'DAS KYIS BYIN LEN BYED DU BCUG STE BZA' BAR BYA'O ZHES BKA' STZAL NA, CI'I PHYIR DGE SLONG DAG BYIN LEN BYED DU BCUG PA DANG, BYIN LEN BYED DU MA BCUG PA YANG ZA BAR BYED CES SMOD PAR BYED, PHYAR KA GTANG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG MA BYIN PAR KHA NAS MID PA'I ZAS ZA NA CHU DANG SO SHING MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI BKA' DANG BSLAB PA LA G-YEL BA, NYES PA NI BYIN LEN BYED DU MA BCUG PAR ZA BA'O, ,DE LA YANG DAG SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,MA BYIN PAR ZHES BYA BA NI DE LA SKYES PA'AM, BUD MED DAM, MA NING GANG GIS KYANG MA BYIN PA'O, ,KHA NAS MED PA'I ZAS ZHES BYA BA NI, BCA' BA LNGA PO DANG, BZA' BA LNGA PO DAG GO, ,ZA NA ZHES BYA BA NI MGUL DU MID NA'O, ,CHU DANG SO SHING MA GTOGS TE ZHES BYA BA NI CHU DANG SO SHING GZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS BYANG GI SGRA MI

SNYAN PA'I DUS DANG, CHU DANG SO SHING MA GTOGS PA'I BZA' BAR BYA BA BYIN LEN MA BSTABS PA NYID LA 'DU SHES PAS KHAR ZOS NA BYIN LEN MA BYAS PAR ZA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI BYANG GI SGRA MI SNYAN PA'I DUS DANG, CHU DANG SO SHING MA GTOGS PA'I BZA' BAR BYA BA BYIN LEN MA BSTABS PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG DRUG GIS DNGOS GZHI LTUNG BAR 'GYUR TE, BYANG GI SGRA MI SNYAN PA'I DUS MA GTOGS PA DANG, CHU DANG SO SHING MA GTOGS PA'I BZA' BAR BYA BA DANG, BYIN LEN GYI MTSAN NYID MNGON SUM DU MTSAMS KYI NANG DU 'THOB PA'I PHYOGS NA 'DUG PA'AM, LAG PA BKAN PAS LUS SAM DE DANG 'BREL PAR GYEN DU 'BREL BAR 'DUG NUS PA, BSNYEN PAR MA RDZOGS PA MI MA YIN PA LAS KYANG SBYIN PAR 'DOD PAS YAN LAG GIS SAM, DE DANG 'BREL BAS BYIN NANG MNOS PA'I BYIN LEN MA BSTABS PA NYID DANG, DER 'DU SHES PA DANG, KHAR BCUG PA DANG, ZOS PA'O, ,DE DAG LAS YANG LAG MA TSANG NA CI RIGS PAR NA SMAD DO, ,BYIN LEN MA BYAS PAR ZA BA'I LTUNG BYED DE SUM CU DGU PA'O,, ,,BSOD PA SLONG BA'I LTUNG BYED KYI GLENG GZHI NI, SANGS RGYAS BCOM LDAN 'DAS SH'AKYA RNAMS KYI NANG DU LJONGS RGYU ZHING GSHEGS PA NA, SER SKYA'I GNAS SU BYON NAS, SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,SH'AKYA MING CHEN GYIS DE THOS NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE, MTHA' GCIG TU 'DUG GO, ,MTHA' GCIG TU 'DUG NAS BCOM LDAN 'DAS KYIS SH'AKYA MING CHEN LA CHOS DANG LDAN PA'I BKA' MCHID KYIS YANG DAG PAR STON PAR MDZAD, YANG DAG PAR 'DZIN DU 'JUD PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DO, RNAM GRANGS DU MAR CHOS DANG LDAN PA'I BKA' MCHID KYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS SH'A KYA MING CHEN

, ,GYIS; BCOM LDAN 'DAS DGE SLONG GI DGE 'DUN DANG BCAS PA SANG BDAG GI SDUM PAR, GDUGS TSOD GSOL BAR CI GNANG ZHES SPYAN DRANGS NAS GSHEGS TE GDUGS TSOD GSOL NAS, SH'AKYA MING CHEN LA CHOS BSTAN NAS GDAN LAS BZHENGS TE GSHEGS SO,, DE'I NANG PAR DRUG SDE DAG SNGAR LANGS TE SBYIN BDAG GI KHYIM DU SONG BA DANG, DE DAG GIS SMRAS PA, 'PHAGS PA DAG 'DI NYID DU GDUGS TSOD GSOL CIG ,DRUG SDE DAG GIS SMRAS PA, KHO BO CAG MGRON DU BOS SO, ,SUS, SH'AKYA MING CHEN GYIS SO, ,'O NA SANG GDUGS TSOD GSOL CIG, DE LTAR BYA'O ZHES DRUG SDE DAG GIS SBYIN BDAG DE DAG PHYI DE NYIN PAR GYI ZAN DRUG CU SBYOR DU BCUG NAS, SH'AKYA MING CHEN GYI KHYIM DU DONG BA DANG, CI TZAM DE NA KHA ZAS STA GON BYAS PA YANG MED GNAS MAL BSHAMS PA YANG MED PAR MTHONG NAS, DRUG SDE DAG GIS, SH'AKYA MING CHEN GYI ZHO SHAS 'TSO BA DANG, LA SMRAS PA, SHES LDAN DAG ,KHYED KYIS SANGS RGYAS LA SOGS PA DGE SLONG GI DGE 'DUN SPYAN DRANGS NAS, SNYING LAS CHUNG DUR 'KHOD CING GDUGS TSOD KYANG STA GON MI BYED, GNAS MAL YANG SHOM PAR MI BYED NA, CI SANGS RGYAS LA SOGS PA DGE SLONG GI DAG 'DUN GYI GDUGS TSOD GCOD PAR BYED DAM, DE DAG GIS SMRAS PA, 'PHAGS PA DAG KHYED CAG MNAL BAR GYUR TAM CI, SANGS RGYAS LA SOGS PA DGE SLONG GI DGE 'DUN GDUGS TSOD GSOL TE GSHEGS LAGS SO, ,DRUG SDE DAG GIS SMRAS PA, CI KHO BO CAG GI ZAN GCAD PAR BYA'AM, DE DAG GIS SMRAS PA, 'PHAGS PA DAG BDAG CAG GIS, SH'AKYA MING CHEN LA SBRAN GYI BAR DU RE ZHIG YUD TZAM ZHIG GZHES SHI GCES DE DAG DONG STE, SH'AKYA MING CHEN LA SMRAS PA, 'PHAGS PA DRUG SDE DAG DA GZOD MCHIS TE 'TSAL MA SLONG NGO, ,SH'AKYA MING CHEN GYIS SMRAS PA, DENG LA LHAG ROL CUNG ZAD CIG YOD PA DE BYIN CIG ,DE DAG DONG STE SMRAS PA, 'PHAGS PA DAG BZHUGS LA GSOL CIG CES DE DAG GIS BRIM PAR BRTZAMS PA DANG, DRUG SDE DAG GIS SMRAS PA, SH'AKYA MING CHEN GYIS KHA SHIN DU CHEN POS, BCOM LDAN 'DAS KYIS SANG BDAG GI SDUM BAR DGE SLONG GI DGE 'DUN DANG THABS CIG TU

GDUGS TSOD GSOL BAR CI GNANG ZHES SPYAN DRANG NAS, GAL TE ZAN 'DI 'DRA BAS SANGS RGYAS LA SOGS PA DGE SLONG GI DGE 'DUN SPYAN DRANG DU RUNG NA NI, NYE DGAS KYANG NYI MA RE RE ZHING SANGS RGYAS LA SOGS PA DGE SLONG GI DGE 'DUN SPYAN 'DREN PAR 'GYUR RO, ,'DI LTAR BKREN BA 'DI LA CI BDOG GIS DENG LA KHYIM BDAG CHE GE MO'I KHYIM NAS 'O MA LONG SHIG CHE GE MO'I KHYIM NAS ZHO LONG SHIG ,CHE GE MO'I KHYIM NAS MAR LONG SHIG ,CHE GE MO'I KHYIM NAS NYA LONG SHIG ,CHE GE MO'I KHYIM NAS SHA LONG SHIG ,CHE GE MO'I KHYIM NAS SHA SKAM DAG LONG SHIG CES DE DAG GIS BDAG NYID KYI PHYIR, ZAS BSOD PA DE LTA BU DAG GZHAN GYI KHYIM DAG NAS BLANGS TE ZOS NAS GTZUG LAG KHANG DU DONG BA DANG, DGE SLONG RNAMS KYIS DE DAG LA SMRAS PA, TSE DANG LDAN PA DAG KHYED KYIS ZAN GAR ZOS, DE NYID DU'O, ,KHYED CAG DE NAM MTHONG NGO, ,KHO BO CAG PHYIS LHAGS SO, ,KHYED CAG GIS ZAN JI LTA BU ZOS, 'O MA DANG ZHO DANG MAR DANG, NYA DANG SHA DANG SHA SKAM DAG ZOS SO, ,DGE SLONG DAG GIS SMRAS PA, KHO BO CAG GIS ZAS DE LTA BU MA THOB BO, ,DRUG SDE DAG GIS SMRAS PA, BKREN PA DE LA ZAS DE LTA BU GA LA YOD, KHO BO CAG GIS KHYIM DU 'GRO BA'I KHYIM DAG NAS BLANGS TE DER ZOS SO, ,KHYED CAG BDAG NYID KYI PHYIR ZAS BSOD PA DE LTA BU DAG ,GZHAN GYI KHYIM DAG NAS BLANGS TE ZAR RUNG NGAM, RUNG YANG SRID, MI RUNG YANG SRID DE, KHO BO CAG GIS LTOGS TE 'CHI BAR BYA'AM ZHES ZER NAS, DGE SLONG DON NYUNG NGU DAG CI'I PHYIR DGE SLONG DAG BDAG NYID KYI PHYIR, ZAS BSOD PA DE LTA BU DAG GZHAN GYI KHYIM DAG NAS BLANGS TE 'CHA' BA DANG, ZA BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, BCOM LDAN 'DAS KYIS DGE SLONG RNAMS KYI ZAS BSOD PA GANG DAG GSUNGS PA 'DI LTA STE, 'O MA DANG ZHO DANG MAR DANG, NYA SHA DANG, SHA DANG, SHA SKAM DAG STE, YANG DGE SLONG GANG MI NA BAR BDAG NYID KYI PHYIR, ZAS BSOD PA DE LTA BU DAG GZHAN GYI KHYIM DAG NAS BLANGS TE

, ,'CHA' 'AM ZA NA LTUNG BYED DO ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI RANG NYAM DANG LTO 'DUN, NYES PA NI MI NA BAR BDAG NYID KYI PHYIR ZAS BSOD PA DAG GZHAN GYI KHYIM DAG NAS BLANGS TE ZA BA'O, ,DE LA BCOM LDAN 'DAS KYIS ZHES BYA BA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SO, ,DGE SLONG RNAMS KYI ZHES BYA BA NI, CHOS 'DI PA RNAMS KYI'O, ,ZAS BSOD PA GANG DAG GSUNGS PA ZHAS BYA BA NI RAB TU BSTAN PA'O, 'DI LTA STE, 'O MA DANG, ZHO DANG, MAR DANG, NYA SHA DANG, SHA DANG, SHA SKAM DAG STE ZHES BYA BA NI, ZAS BSOD PA DAG GO, ,DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,MI NA BAR ZHES BYA BA NI NA BA MA GTOGS PAR RO, ,BDAG NYID KYI PHYIR ZHES BYA BA NI BDAG NYID LA BSNGOS TE'O, ,ZAS BSOD PA DE LTA BU DAG CES BYA BA NI, 'O MA DANG, ZHO DANG, MAR DANG, NYA SHA DANG, SHA DANG, SHA SKAM DAG GO, ,GZHAN GYI KHYIM DAG NAS ZHES BYA BA NI BRAM ZE DANG KHYIM BDAG GI KHYIM DAG NAS SO, ,BSLANGS TE ZHES BYA BA NI SLONG MO BYAS PA'O, ,'CHA' 'AM ZA NA ZHES BYA BA NI MGUL DU MID NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG MI NA BA JI BDER BSTABS PA MA BYAS SAM SBYIN PAR BYED PA NYE DU MA YIN PA KHYIM PA NYID LAS ZAS BSOD PA'O MA'AM, ZHO'AM, MAR RAM, NYA SHA'AM, SHA'AM, SHA SKAM LTA BU RANG GIS BSLANGS TE ZOS PA DANG, NGAN PA'AM, BSOD PA'AM, THA MAL PA'AM, BZANG PO THOB PA NA ZAS BSOD PA SNGA MA DAG LTA BU RANG GIS BSLANGS TE ZOS NA, BSOD PA SLONG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG MI NA BA JI BDER BSTABS PA MA BYAS PA NYID DANG, SBYIN PAR BYED PA NYE DU MA YIN PA'I KHYIM PA NYID DANG, ZAS BSOD PA DAG NI BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MI NA BA NYID DANG, JI BDER BSTABS PA MA BYAS PA NYID DANG, ZAS BSOD PA NYID DANG, SBYIN PAR BYED PA NYE DU MA YIN PA KHYIM BDAG NYID

DANG; BSLANGS TE ZOS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,BSOD PA SLONG BA'I LTUNG BYED DE BZHI BCU PA'O,, ,,SDOM LA, SROG CHAGS BCAS DANG NYAL SAR 'DUG ,'GRENG DANG GCER BU DMAG DANG NI, ,ZHAG GNYIS BSHAMS DKRUGS 'GRO BA DANG, , RDEG DANG GZAS DANG GNAS NGAN LEN, ,ZHES BYA BA NI BCU PA LNGA PA YIN TE, SDOM LA ZHES BYA BA'I TSIG GI DON DANG, DGOS PA NI SNGA MA BZHIN NO, ,BCU PA LNGA PA 'DIS KYANG LTUNG BYED KYI CHOS BCU BSTAN TE, SROG CHAGS DANG BCAS PA'I CHU LA SPYOD PA DANG, NYAL PO BYED PAR SHOM PA'I KHYIM NA 'DUG PA DANG, NYAL BO BYED PAR SHOM PA'I KHYIM NA 'GRENG BA DANG, GCER BU LA SBYIN PA DANG, DMAG LA LTA BA DANG, DMAG GI NANG NA GNAS PA DANG, DPUNG GI YAN LAG NYAMS SU MYONG BA DANG, RDEG PA DANG, GZAS PA DANG, GNAS NGAN LEN 'CHAB PA'I LTUNG BYED DO, ,DE LA SROG CHAGS DANG BCAS PA'I CHU LA SPYOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS KOO SH'AMB'I NA GDANGS CAN GYI KUN DGA' RA BA NA BZHUGS SO, ,TSE DANG LDAN PA 'DUN PA SHES BZHIN DU SROG CHAGS DANG BCAS PA'I CHU LA SPYOD NAS, DE LA DGE SLONG RNAMS KYIS SMRAS PA, TSE DANG LDAN PA 'DUN PA KHYOD SHES BZHIN DU SROG CHAGS DANG BCAS PA'I CHU LA MA SPYOD CIG ,DES SMRAS PA, KHO BO LA 'GA' ZHIG GIS BSGRANGS TE GTAD DAM CI, SHAR GYI RGYA MTSO CHEN POR 'DONG NA CI NYES, LHO DANG, NUB DANG, BYANG GI RGYA MTSO CHEN POR 'DONG NA CI NYES, 'BAB CHU DANG, MTSO DANG, LTENG KA DAG TU 'JUG NA CI NYES ZHES ZER NAS, DGE SLONG DON NYUNG NGU DAG CI'I PHYIR DGE SLONG DAG SHES BZHIN DU, SROG CHAGS DANG BCAS PA'I CHU LA SPYOD CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO; ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SHES BZHIN DU SROG CHAGS DANG BCAS PA'I CHU LA SPYOD NA LTUNG BYED DO ZHES BCA' PA MDZAD DE, YUL NI KOO SH'AMB'I, GANG ZAG NI 'DUN PA, NYON MONGS PA NI BAG MED PA, NYES PA NI SHES BZHIN DU SROG CHAGS DANG,

, ,BCAS PA'I CHU LA SPYOD PA'O, ,DE LA YANG DGE SLONG GANG ZHES BYA BA NI 'DUN PA'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,SROG CHAGS DANG BCAS PA ZHES BYA BA NI, SROG CHAGS DANG BCAS PA RNAM PA GNYIS TE, GANG DAG MIG SNGAR SNANG BAR GYUR PA DANG, GANG DAG CHU TSAGS KYIS ZIN PAR 'GYUR BA'O, ,CHU LA SPYOD NA ZHES BYA BA NI, CHU'I SPYOD PA GNYIS SU STE, NANG GI DANG PHYI ROL GYI'O, ,NANG GIR SPYOD PA NI KHRUS BYED PA DANG, 'THUNG BA DANG, SO SHING 'DOR BA DANG; LAG PA DANG, RKANG BA DAG 'KHRU PA'O, ,PHYI ROL GYI SPYOD PA NI, LHUNG BZED BKRU BA DANG, LHUNG BZED CHUNG DU BKRU BA DANG, CHOS GOS DAG BKRU BA DANG, TSON GYI LAS BYED PA DANG, GTZUG LAG KHANG DU CHAG CHAG 'DEBS PA DANG, ZHAL ZHAL SKUD PA DANG, LCI BA SAR BA'I BYUG PAS NYUG PA'O; ,LTUNG BYED DO ZHES BYA BA NI, SEMS CAN DMYAL BA DANG, DUD 'GRO DANG, YI DAGS NGAN SONG DANG, NGAN 'GRO DANG, LOG PAR LTUNG BA DAG TU SREG PAR BYED, 'TSED PAR BYED, LTUNG BAR BYED PA'O, ,GZHAN YANG JI SRID DU LTUNG BA DE MA BSHAGS SHING SO SOR MA BSHAGS NA, DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,SNGAR SROG CHAGS DANG BCAS PA LA SPYOD PA'I LTUNG BYED BSTAN PA DANG, 'DIR SROG CHAGS DANG BCAS PA'I CHU LA SPYOD PA'I LTUNG BYED BSTAN PA DE GNYIS KYI SPYI'I MTSAN NYID NI 'DRA'O, ,BYE BRAG TU NI, SNGA MA NI RANG SPYOD PA MA YIN, GZHAN SPYOD PA'I DON NYID LA 'JUG PA DANG, 'JUG DU 'JUD PA DE GNYIS KYI YUL LA RNAM PAR GZHAG GO, ,'DI NI RANG SPYOD PA'I DON NYID LA 'JUG PA DANG, 'JUG TU 'JUD PA DE GNYIS KYI YUL LA RNAM PAR GZHAG GO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG RANG SPYOD PA'I DON DU LUS KYI NYE BAR SPYOD PA'I MTSAN NYID DANG, DE'I NGO BO NYID KHRUS DANG BTUNG BA DANG, SO SHING DOR BA DANG, LAG PA DANG RKANG PA BKRU BA DANG, LUS KYI YO BYAD BZA' BAR BYA BA DANG, LTUNG BZED DANG, CHOS GOS DANG, GNAS DANG, SO BKRU BA DANG, ME LA

SOGS PA DANG, YO BYAD DE DAG TU NYE BAR SBYAR BAS DANG, LCI BA DANG, TSON DANG, RTZVA DANG, SHING LA SOGS BA DANG, NYE BAR SBYAR BA DE DAG LAS CHU LA SOGS PA DGOS PA 'DI LTA STE, BYI DOR BYA BA DANG, BKRU BA DANG, KHA BSGYUR BA DANG, CHAG CHAG GDAB PA DANG, PHYAG DAR BYA BA DANG, ZHAL ZHAL BYA BA DANG, 'U SHA DANG, THANG DANG, THUG PA DAG TU BYA BA'I CHU DANG, ZHUN MAR DANG, 'BRU MAR DANG, SBRANG RTZI DANG, BU RAM GYI DBU BA DANG, 'O MA DANG, MAR DANG, TSVA DANG, 'BRU'I TSVA DANG, ZHO GA CHU DANG, RTZAB MO DANG, SHING THOG DANG, BCA' BAR BYA BA LA SOGS PA, DUD 'GRO'I SKYE GNAS SU SKYES PA'I SROG CHAGS BLTAR NUS PAS SNANG BA DAG GIS SROG CHAGS DANG BCAS PA DANG, CHU'I SROL DGAG PA DANG, BSAL BA DAG DANG, SHING DANG G-YENG BA DAG CHUR GZHUG PA DANG, DRANG BA DANG, BSHAL BA DAG DANG, GOS RIM PA GCIG PA LAS GZHAN PA SPU CAN LA SOGS PA BKRU BA DANG, GOS RIM PA GCIG PA DE YANG SROG CHAGS KYI KHAMS LHAG PAR MANG BA'I CHUR 'KHRU BA LTA BU'I SBYOR BA NGAG LA YANG SROG CHAGS DANG BCAS PA NYID DU 'DU SHES PAS RANG NYID 'JUG GAM, GZHAN 'JUG TU 'JUD NA, DUD 'GRO'I SKYE GNAS SU SKYES PA'I SROG CHAGS RE RE SHI BA'I MTHAR, SROG CHAGS DANG BCAS PA'I CHU LA SPYOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RANG SPYOD PA'I DON DU CHU LA SOGS PA SROG CHAGS DANG BCAS PA LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, RANG SPYOD PA'I DON GANG YANG RUNG BA DANG, DUD 'GRO'I SKYE GNAS SU GTOGS PA'I SROG CHAGS GANG YANG RUNG BA DANG BCAS PA'I CHU LA SOGS PA DANG, DER 'DU SHES PA DANG, RANG DANG GZHAN GYIS SPYAD PA DANG, SROG CHAGS JI SNYED SHI BA'O, ,DE DAG LAS YAN LAG MA TSANG NA CI RIGS PAR NA SMAD DO, ,SROG CHAGS DANG BCAS PA'I CHU LA SPYOD PA'I LTUNG BYED DE BZHI BCU GCIG PA'O,, ,,NYAL PO BYED PAR SHOM PA'I KHYIM NA 'DUG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN PA 'CHAR KA

, ,BSAM PA'I NOR BU'I RIG PA SHES TE, DE SNGA DRO SHAM THABS BGOS, LHUNG BZED DANG CHOS GOS THOGS TE, MNYAN YOD DU BSONG SNYOMS LA ZHUGS SO, ,MNYAN YOD NA SPOS 'TSONG GI KHYE'U CHUNG MA BLANGS NAS RING PO MA LON PA ZHIG 'DUG PA DES ZONG BKRAM PA NA, BDAG CHUNG MA DANG LHAN CIG DGA' MGUR SPYOD DU 'GRO'O SNYAM PA'I TSUL BZHIN MA YIN PA'I YID LA BYED PA SKYES NAS, DES ZONG PHYIR BSDU BAR BRTZAMS PA DANG, TSE DANG LDAN PA 'CHAR KAS DE'I BSAM PA SHES NAS, BDAG SONG LA 'DI RE BA MED PAR BYA'O SNYAM NAS, DE DANG POR DE'I KHYIM DU SONG STE STAN LA 'DUG NAS, BU MO DE LA CHOS STON PAR BRTZAMS SO, ,JI TZAM NA SPOS 'TSONG GI KHYE'U DE 'ONGS NAS, DES CHUNG MA LA SMRAS PA, 'PHAGS PA 'CHAR KA LA BSOD SNYOMS PHUL LA BZHUD DU GSOL CIG ,TSE DANG LDAN PA 'CHAR KAS SMRAS PA, BZHIN BZANGS KHO BOS BDAG NYID KYI DGE BA'I PHYOGS YONGS SU NYAMS PAR BYAS TE 'ONGS NAS CHOS STON PAR BYED NA, KHYOD CHOS NYAN MI 'DOD DAM, 'DUG LA CHOS NYON CIG CES DES DE NAN GYIS 'DUG DU BCUG STE, DES CI TZAM GYIS DE'I KUN NAS DKRIS PA DANG BRAL BA DE TZAM DU CHOS BSTAN PA DANG, DE SH'AKYA'I BU'I DGE SBYONG RNAMS KYI DGE SBYONG GI TSUL NI TSIG GO, ,BRAM ZE'I TSUL NI TSIG STE, 'DI LTAR RANG GI CHUNG MA LA YANG DBANG MED DO ZHES SMAD PAR BYED, PHYAR KA GTONG BAR BYED, KHA ZER BAR BYED NAS, DGE SLONG DON NYUNG DU DAG CI'I PHYIR DGE SLONG DAG SHES BZHIN DU NYAL PO BYED PAR SHOM PA'I KHYIM DU PHYIS GNON BYAS TE STAN LA 'DUG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU YANG DGE SLONG GANG SHES BZHIN DU NYAL PO BYED PAR SHOM PA'I KHYIM DU PHYIS GNON BYAS TE STAN LA 'DUG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS KYI KUN DU SBYOR BA, NYES PA NI SHES BZHIN DU NYAL PO BYED PAR SHOM PA'I KHYIM DU PHYIS GNON BYAS TE STAN LA 'DUG

PA'O; ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,NYAL PO BYED PAR SHOM PA'I ZHES BYA BA NI, BUD MED NI SKYES PA'I NYAL PO BYA BA YIN LA SKYES PA NI BUD MED LA NYAL PO BYED PA YIN NO, ,KHYIM DU ZHES BYA BA NI, BRAM ZE DANG KHYIM BDAG GI KHYIM DU'O, ,PHYIS GNON BYAS TE ZHES BYA BA NI PHYIS ZHUGS TE'O, ,STAN LA ZHES BYA BA NI GZHI LA'O, ,'DUG NA ZHES BYA BA NI 'DOM DANG GI NANG DU RKUB TSOGS BZHAS BZHAG NA'O, LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG 'JIGS PA'I DBANG DANG GNAS GZHAN LA SEMS GTOD PA MA YIN PAS, KHYIM PA'I SKYES PA DANG BUD MED GNAS GZHAN MTHONG BAS SPYOD YUL GYI MTHA' TSUN CHAD KYI GZA' THA DAD PA MA YIN PA NYID DANG, MI GZHAN MED PA NYID KYIS SPRAD DU RUNG BA NYID DANG, 'KHRIG PA SPYOD PA LA ZHUGS PA'AM, PHYOGS PAR SHES BZHIN DU MNGON SUM DU BRNAG PAS 'DUG NA NYAL PO BYED PA SHOM PA'I KHYIM NA 'DUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, KHYIM PA'I SKYES PA DANG, BUD MED DGE SLONG RANG GI GNAS LAS GZHAN NYID DANG, MI GZHAN MED PA NYID KYIS SPRAD DU RUNG BA NYID NA, 'KHRIG PA SPYOD PA LA ZHUGS PA'AM, PHYOGS LA 'DU SHES GTZE CHER BYED PA PO NYID YIN NO, ,'DI LA YAN LAG BDUN GYIS DNGOS GZHI'I LTUNG BAR 'GYUR TE, DGE SLONG 'JIGS PA'I DBANG DANG, GNAS GZHAN LA SEMS GTOD PA MA YIN PA NYID DANG, KHYIM PA SKYES PA DANG BUD MED NYID DANG, GNAS GZHAN MTHONG BA'I SPYOD YUL GYI MTHA' TSUN CHAD KYI GZA' THA DAD PA MA YIN PA NYID DANG, MI GZHAN MED PA NYID KYIS SPROD DU RUNG BA NYID DANG, 'KHRIG PA'I SPYOD PA LA ZHUGS PA'AM PHYOGS PA NYID DANG, DER 'DU SHES PA NYID DANG, MNGON SUM DU BA RANG PAS 'DUG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,NYAL PA BYED PAR SHOM PA'I KHYIM NA 'DUG PA'I LTUNG BYED DE BZHI BCU GNYIS PA'O,, ,,NYAL PO BYED PAR

, ,SHOM PA'I KHYIM NA 'GRENG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SPYON GYI KUN DGA' RA BA NA BZHUGS SO, ,TSE DANG LDAN PA 'CHAR KA BSAM PA'I NOR BU'I RIG PA SHES TE, DE SNGA DRO SHAM THABS BGOS LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS SO, ,MNYAN YOD NA SPOS 'TSONG GI KHYE'U CHUNG MA BLANGS NAS RING PO MA LON BA ZHIG 'DUG PA DES, ZONG BKRAM PA NA, BDAG CHUNG MA DANG LHAN CIG DGA' MGUR SPYOD DU 'GRO'O SNYAM PA'I TSUL BZHIN MA YIN PA YID LA BYED PA SKYES NAS, DES ZONG PHYIR BSDU BAR BRTZAMS PA DANG, TSE DANG LDAN PA 'CHAR KAS DE'I BSAM PA SHES NAS, BDAG SONG LA BLTA'O SNYAM NAS, DE DANG POR DE'I KHYIM DU SONG STE, SGO GLEGS KYI RGYAB NA MGO BSRING ZHING 'GRENG NGO, ,DE'I 'OG TU SPOS 'TSONG GYI KHYE'U DE 'ONGS NAS DES CHUNG MA KHRID DE GNAS KHANG DU ZHUGS PA DANG, BU MO DES, 'CHAR KA BDEN PA NA 'GRENG BA MTHONG NAS, DES KHYOD LA SMRAS PA, RJE'I SRAS 'PHAGS PA 'CHAR KA SGO GLEGS KYI RGYAB NA 'GRENG NGO, ,SPOS 'TSONG GI KHYE'US SMRAS PA, 'PHAGS PA 'CHAR KA GTZUG LAG KHANG NA BSAM GTAN DANG, RNAM PAR THAR PA DANG, TING NGE 'DZIN LA SNYOMS PAR 'JUG PA'I BDE BA DAG NYAMS SU MYONG ZHING 'GRENG NGO ZHES DES CHUNG MA LA DGA' MGUR SPYAD NAS, DE GANG GI TSE KUN NAS DKRIS PA DANG BRAL BAR GYUR PA DE'I TSE NA, DES 'CHAR KA MTHONG BA DANG DE SH'AKYA'I BU'I DGE SPYONG RNAMS KYI DGE SPYONG GI TSUL NI TSIG GO, ,BRAM ZE'I TSUL NI TSIG STE, 'DI LTAR RANG GI CHUNG MA LA YANG DBANG MED DO ZHES SMOD PAR BYED, PHYAG KA GTONG BAR BYED, KHA ZER BAR BYED NAS, DGE SLONG DON NYUNG DU DAG CI'I PHYIR, DGE SLONG DAG SHES BZHIN DU NYAL PO BYED PAR SHOM PA'I KHYIM DU, DBEN PA SKYABS YOD PAR 'GRENG BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG

SHES BZHIN DU NYAL PO BYED PAR SHOM PA'I KHYIM DU DBEN PA SKYABS YOD PA NA 'GRENG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI 'DOD CHAGS KYI KUN DU SPYOR BA, NYES PA NI SHES BZHIN DU NYAL PO BYED PAR SHOM PA'I KHYIM DU DBEN PA SKYABS YOD PAR 'GRENG BA'O, ,DE LA YANG DGE SLONG GAN ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI, DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,NYAL PO BYED PAR SHOM PA'I ZHES BYA BA NI, BUD MED NI SKYES PA'I NYAL PO BYA BA YIN LA, SKYES PA NI BUD MED LA NYAL PO BYED PA YIN NO, ,KHYIM DU ZHES BYA BA NI BRAM ZE DANG KHYIM BDAG GI KHYIM DU'O, ,DBEN PA ZHES BYA BA NI, GANG NA BUD MED DANG, SKYES PA DANG, MA NING GZHAN 'GA' YANG MED PA'O, ,SKYABS YOD PAR ZHES BYA BA NI LDAS BSKYABS PAR TE, RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MOS BSKYABS PAR RO, ,'GRENG NA ZHES BYA BA NI 'DOD MA GANG GI NANG DU 'GRENG NA'O, ,LTUNG BYED DO ZHES BYA BA NI SNGA MA BZHIN NO, ,SDAR NYAL PO BYED PAR SHOM PA'I KHYIM DU 'DUG PA'I LTUNG BYED BSTAN PA DANG, 'DIR NYAL PO BYED PAR SHOM PA'I KHYIM DU 'GRENG BA'I LTUNG BYED BSTAN PA DE GNYID KYI SPYI'I MTSAN NYID NI 'DRA'O, ,BYE BRAG TU NI, SNGA MA NI MNGON SUM DU BRNAG PAS 'DUG PA'I YUL LA RNAM PAR GZHAG GO, ,'DI NI BDEN PA SKYABS YOD PAR BRAG PAS 'GRENG BA'I YUL LA RNAM PAR GZHAG GO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG 'JIGS PA'I DBANG DANG, GNAS GZHAN LA SEMS GTOD PA MA YIN PAS KHYIM PA'I SKYES PA DANG, BUD MED GNAS GZHAN MTHONG BA'I SPYOD YUL GYI MTHA' TSUN CHAD KYI GZA' THA DAD PA MA YI PA NYID DANG, 'KHRIG PA SPYOD PA LA ZHUGS PA'AM, PHYOGS PAR SHES BZHIN DU DBEN PA SKYABS YOD PAR BRNAG PAS 'GRENG ZHING SPYOD PAR BYED PA TSOR BYA GNYIS DANG, LTUNG BA 'BYIN PA TSOR BYED

, ,GNYIS KYIS TSOR BA NA NYAL BO BYED PAR SHOM PA'I KHYIM NA 'GRENG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, KHYIM PA'I SKYES PA DANG, BUD MED DGE SLONG RANG GI GNAS LAS GZHAN PA NYID DANG, MI GZHAN MED PA NYID KYIS SPRAD DU RUNG BA NYID NI, 'KHRIG PA SPYOD PA LA ZHUGS PA'AM, PHYOGS PA LA 'DU SHES GTZO CHER BYED PA PO NYID YIN NO, ,'DI LA YAN LAG BRGYAD KYIS DNGOS BZHI'I LTUNG BAR 'GYUR TE, DGE SLONG 'JIGS PA'I DBANG DANG, GNAS GZHAN LA YANG SEMS GTOD PA MA YIN PA NYID DANG, KHYIM PA'I SKYES PA NYID DANG, BUD MED NYID DANG, GNAS GZHAN DANG, MTHONG BA'I SPYOD YUL GYI MTHA' TSUN CHAD KYI GZA' THA DAD PA NYID DANG, MI GZHAN MED PA NYID KYIS SPRAD DU RUNG BA NYID DANG, 'KHRIG PA SPYOD PA LA ZHUGS PA'AM PHYOGS PA NYID DANG, DER 'DU SHES PA NYID DANG, DBEN PA SKYABS YOD PAR BRNAG PAS 'GRENG PA NYID DANG, SPROD PAR BYED PA TSOR BYA GNYIS DANG, LTUNG BA 'BYIN PAS TSOR BA'O, ,DE DAG LAS YAN LAG MA TSANG NA CI RIGS PAR NA SMAD DO, ,NYAL PO BYED PAR SHOM PA'I KHYIM NA 'GRENG BA'I LTUNG BYED DE BZHI BCU GSUM PA'O,, ,,GCER BU PA LA SBYIN PA'I LTUNG BYED KYI GLENG GZHI NI, SANGS RGYAS BCOM LDAN 'DAS KO SA LA DAG TU LJONGS RGYU ZHING GSHEGS PA NA MNYAN YOD DU BYON TO, ,MNYAN YOD NA SKYOD MOS TSAL ZHIG NA, YUGS SA MO LNGA BRGYA TZAM DOG PA 'KHAL ZHING 'KHOD PA DE DAG GIS, SANGS RGYAS BCOM LDAN 'DAS SKYES BU CHEN PO'I MTSAN SUM CU RTZA GNYIS KYIS GZUGS CAN BRGYAN CING GSAL BA LA SOGS PA MTHONG NGO, ,MTHONG NAS KYANG 'DI LTA STE, DGE BA'I RTZA BA BSAGS PA'I RGYU LAS BYUNG BA'I SEMS KYIS DANG POR SANGS RGYAS MTHONG BA NA SEMS NYAMS BDE BA SKYED PAR BYED PA DE LTAR NI LO BCU GNYIS SU ZHI GNAS KYIS SEMS GOMS PAR BYAS PA DANG, DBUL POS GTER MTHONG BA DANG, BUD MED KYIS BU THOB PA DANG, RGYAL SRID LA MNGON PAR DGA' BA RGYAL SRID LA DBANG BSKUR BA YANG SEMS NYAMS BDE BA SKYED PAR MI BYED PAS, DE DAG BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA

MGO BOS PHYAG 'TSAL TE, MTHA' GCIG TU 'KHOD DO, ,MTHA' GCIG TU 'KHOD NAS, BCOM LDAN 'DAS KYIS DE DAG GI BSAM PA DANG, BAG LA NYAL DANG, KHAMS DANG RANG BZHIN THUGS SU CHUD NAS, JI NAS KYANG DE DAG GIS 'JIG TSOGS LA LTA BA'I RI'I RTZE MO NYI SHU MA THO BA YE SHES KYI RDO RJES BCOM STE, RGYUN DU ZHUGS PA'I 'BRAS BU MNGON SUM DU BYAS PAR 'GYUR BA DE LTAR CHOS BSTAN PA MDZAD PAS DE DAG GIS RGYUN DU ZHUGS PA'I 'BRAS BU THOB BO, ,DE DAG GIS BCOM LDAN 'DAS DGE SLONG GI DGE 'DUN DANG BCAS PA, SANG BDAG CAG GI GDUGS TSOD GSOL BAR CI GNANG ZHES SPYAN DRANGS NAS GNANG BA DANG, K'ARA sh'A PA nA DAG KHYER TE TSE DANG LDAN PA KUN DGA' BO'I GAN DU SONG NAS SMRAS PA, BTZUN PA KUN DGA' BO BDAG CAG LA SNOD SPYAD DANG, MI BLAS DANG GNAS MAL GYI 'BYOR PA MA MCHIS KYIS, KHYED KYIS KYANG K'ARAsh'A PA nA 'DI DAG GIS ZHAL ZAS STA GON BGYID DU STZOL CIG DANG, BDAG CAG MCHIS TE BRIM PAR BGYI'O, ,TSE DANG LDAN PA KUN DGA' BOS KHYIM BDAG MGON MED ZAS SBYIN LA, KHYIM BDAG KHYOD KYIS 'DI DAG DANG BDAG NYID KYI K'ARA sh'A PA nA GZHAN DAG BSRES TE, ZHAL ZAS BSOD PA STA GON GYIS LA 'DIR SKUR CIG CES SMRAS SO, ,DE LTAR BYAS NAS RGYAL BYED KYI TSAL DU BSKUR RO, ,TSE DANG LDAN PA KUN DGA' BOS, RIGS KYI BU MO DE DAG LA ZHAL ZAS STA GON BYAS KYIS TSUR SHEG LA, SANGS RGYAS LA SOGS PA DGE SLONG GI DGE 'DUN LA BRIMS SHIG CES SPRING BA DANG, DE DAG LHAGS TE SMRAS PA, BTZUN PA KUN DGA' BO KHYOD BDAG CAG GI DGE BA'I BSHES GNYEN LAGS KYIS, TSUR SPYON KHYOD KYIS KYANG BRIM DU GSOL, TSE DANG LDAN PA KUN DGA' BOS BRIM PAR BRTZAMS PA DANG, DER GCER BU MA RGAN GZHON GNYIS SHIG 'ONGS TE, DE GNYIS KYIS KHYIM BDAG MO DE DAG LA ZAN BSLANGS PA NA, DE DAG GIS SMRAS PA, ZAS 'DI NI RGYAL BU 'DI'I YIN NO, ,GCER BU MA DE GNYIS KYIS TSE DANG LDAN PA KUN DGA' BO LA BSLANGS PA DANG, TSE DANG LDAN PA KUN DGA' BOS MA BSAMS PAR BRIMS PA NA, RGAN MO LA NI KHUR BA GCIG BYIN, GZHON NU MA LA NI KHUR BA GNYIS SBYIN NAS, RGAN

, ,MOS SMRAS PA, GZHON NU MA RGYAL BU 'DIS KHYOD DON DU GNYER GYIS, STA GON GYIS SHIG CES ZER NAS, DGE SLONG DON NYUNG DU DAG CI'I PHYIR DGE SLONG DAG ,GCER BU PA DANG GCER BU MA KUN DU RGYU DANG, KUN DU RGYU MA LA RANG GI LAG NAS BCA' BA DANG, BZA' BA SBYIN PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG GCE BU PA'AM, GCER BU MA KUN DU RGYU'AM, KUN DU RGYU MO LA, RANG GI LAG NAS BCA' BA DANG BZA' BA SBYIN PAR BYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI TSE DANG LDAN PA KUN DGA' BO, ,NYON MONGS PA NI MA BRTAGS PAR SPYOD PA, NYES PA NI GCER BU MA LA RANG GI LAG NAS ZAN SBYIN PA'O, ,DE LA YANG DGE SLONG GANG ZHES BYA BA NI CHOS 'DI BA'O, ,GCER BU PA'AM GCER BU MA KUN DU RGYU'AM KUN DU RGYU MO LA ZHES BYA BA NI, RTAGS 'DI DANG RAB TU BYUNG BA 'DI MED PA LA'O, ,RANG GI LAG NAS ZHES BYA BA NI, LAG PAS LAG PAR RO, ,BCA' BA DANG BZA' BA ZHES BYA BA NI, BCA' BA LNGA PO DANG BZA' BA LNGA PO DAG GO, ,SBYIN NA ZHES BYA BA NI BSAM MI DGOS PAR RO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS GZHAN MU STEGS CAN GYI RAB TU BYUNG BA GCER BU PHO YANG RUNG, MO YANG RUNG BA, RTAGS 'DI DANG RAB TU BYUNG BA 'DI MED PA, NYE DU RAB TU BYUNG BA LA LTOS PA DANG, NAD PA DANG, SDIG PA CAN GYI LTA BA'I RNAM PA DANG, BRAL BA NYID MA GTOGS PA LA RANG GI LAG NAS BCA' BA DANG, BZA' BA ZAS DE LA RUNG BA DAG DE'I LUS SAM, LUS DANG 'BREL PAR SBYIN NA, GCER BU PA LA SBYIN PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, GZHAN MU STEGS CAN GYI RAB TU BYUNG BA DANG, RANG GIS SBYIN PA DANG, ZAS RUNG BA DAG GO, ,'DI LA YAN LAG LNGAS DNGOS GZHI'I LTUNG BAR 'GYUR TE, GZHAN MU STEGS CAN GYI RAB TU BYUNG BA GCER BU PHO YANG RUNG, MO YANG RUNG BA RTAGS 'DI DANG

RAB TU BYUNG BA 'DI MED PA, NYE DU RAB TU BYUNG BA LA LTOS PA DANG, NAD PA DANG, SDIG PA CAN GYI LTA BA'I RNAM PA DANG BRAL BA NYID MA GTOGS PA DANG, RANG GIS SBYIN PA DANG, ZAS DANG, GNYI GA LA RUNG BA NYID DANG, DE'I LUS SAM LUS DANG 'BREL BAR SBYIN PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GCER BU LA SBYIN PA'I LTUNG BYED DE BZHI BCU BZHI PA'O,, ,,DMAG LA LTA BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,KO SA LA'I RGYAL PO GSAL RGYAL GYIS RI BRAGS PA ZHIG LOG NAS, DER RU PA GCIG BTANG BA DANG, BCOM ZHING RAB TU BCOM STE PHYIR 'ONGS SO, ,RU PA GNYIS PA DANG GSUM PA BTANG BA DANG, DE YANG BCOM ZHING RAB TU BCOM STE PHYIR 'ONGS NAS, KO SA LA'I RGYAL PO GSAL RGYAL GYIS NGA'I YUL NA, MTSON GYIS 'TSO BA GANG DAG 'KHOD PA DE DAG THAMS CAD 'DONG BAR BYA'O ZHES DRIL BSGRAGS PA BYED DU BCUG STE, RGYAL PO'I DPUNG GI TSOGS YAN LAG BZHI PA DANG BCAS TE 'PHAGS PA DANG, DRUG SDE DAG GIS SMRAS PA, DGA' BO NYE DGA' GSUS PO CHE'I DPUNG GI TSOGS YAN LAG BZHI PA CI 'DRA BA BLTAS 'DONG NGO ZHES DE DAG LAM KAR DONG STE 'KHOD PA DANG, CI TZAM NA KO SA LA'I RGYAL PO GSAL RGYAL GYI DPUNG GI TSOGS YAN LAG BZHI PA DAG 'ONGS NAS, DRUG SDE DAG GIS DE DAG LA SMRAS PA, SHES LDAN DAG GAR 'DONG, 'PHAGS PA DAG KO SA LA'I RGYAL PO GSAL RGYAL GYIS RI BRAGS PA ZHIG LOG PA DE 'BEBS SU MCHI'O, ,DRUG SDE DAG GIS SMAS PA, BKREN PA DAG DPUNG GI TSOGS 'DI LTA BU DAG GIS, RI BRAGS PA PHEBS PAR 'GYUR RAM, KHYED KYI GLANG PO CHE 'DI DAG NI PHAG 'DRA LA, RI BRAGS PA'I GLANG PO CHE NI RI BO BRTZEGS PA 'DRA'O, , KHYED KYI RTA 'DI DAG NI BONG BU 'DRA LA, RI BRAGS PA'I RTA 'DI DAG NI GLANG PO CHE'I PHRU GU 'DRA'O, ,KHYED KYI SHING RTA 'DI DAG NI, SHING RTA ZHIG PA 'DRA LA, RI BRAGS PA'I SHING RTA DAG NI GZHAL MED KHANG 'DRA'O, ,KHYED KYI MI 'DI DAG NI RTZVA MI 'DRA LA, RI BRAGS PA'I MI DE DAG NI GNOD SBYIN

, ,GDUG PA CAN 'DRA BAS KHYED CAG PAR 'GRO BA YOD KYANG TSUR LDOG PA MED KYIS, PHYIR DENG LA PHA MA DAG LA TIL GYI CHU BYIN LA GZOD DENG SHIG ,DE DAG MTHA' GCIG TU DONG STE, SEMS KHONG DU CHUD CING 'KHOD DO, ,CI TZAM NA KO SA LA'I RGYAL PO GSAL RGYAL 'ONGS NAS DES SMRAS PA, KHYED CAG CI'I PHYIR MI 'DONG BAR MTHA' GCIG TU DONG STE, SEMS KHONG DU CHUD CING 'KHOD, DE DAG GIS SMRAS PA, LHA BDAG CAG RGYAL BAR GA LA 'GYUR, 'DI LTAR DGE SBYONG MGO REG RAS YUG CHEN GLEGS PA 'TSAL BA 'DI DAG NI MI MCHI DGU MCHI'O, ,GANG DAG 'PHAGS PA DRUG SDE DAG GO, ,SHES LDAN DAG DE DAG NI, DGE SBYONG PHRAL PO DAG YIN PAS, DE DAG GIS SMRAS PAS KHYED LA CI GNOD DENG SHIG ,KO SA LA'I RGYAL PO GSAL RGYAL GYIS BSAMS PA, 'DI DAG YANG DANG YANG DU BDAG LA THO 'TSAMS PAR 'GYUR RO SNYAM DU RIG NAS, BCOM LDAN 'DAS KYI SPYAN SNGAR MI ZHIG LA PHRIN GYIS BSNYUN GSOL TE, BTZUN PA 'PHAGS PA 'DI DAG DMAG CHAS THA LA LTAR MCHI NA, KYE MA BCOM LDAN 'DAS KYIS GANG DAG GIS 'PHAGS PA DAG DMAG CHAS PA LA LTAR MCHI BAR MI 'GYUR BAR DRAN PAR BGYI BA CUNG ZHIG BCA' BA MDZAD NA LEGS SO ZHES GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG DMAG CHAS PA LA LTAR 'GRON LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MA DUL BA, NYES PA NI DMAG CHAS PA LA LTAR 'GRO BA'O, ,DE LA YANG DGE SLONG GANG ZHES BYA BA NI DRUG SDE 'AM GZHAN YANG DE LTA BU GANG YIN PA'O, ,DMAG CES BYA BA LA, DMAG NI YAN LAG GCIG PA YANG YOD, YAN LAG GNYIS PA YANG YOD, YAN LAG GSUM PA YANG YOD, YAN LAG BZHI PA YANG YOD DO, ,DMAG YAN LAG GCIG PA GANG ZHE NA, GLANG PO CHE'I TSOGS SO, ,DMAG YAN LAG GNYIS PA GANG ZHE NA, GLANG PO CHE'I TSOGS DANG RTA'I TSOGS SO, ,DMAG YAN LAG GSUM PA GANG ZHE NA, GLANG PO CHE'I TSOGS DANG, RTA'I TSOGS DANG, SHIN RTA'I TSOGS SO, ,DMAG YAN LAG BZHI PA GANG ZHE NA, GLANG PO CHE'I TSOGS DANG, RTA'I

TSOGS DANG, SHING RTA'I TSOGS DANG, DPUNG BU CHUNG GI TSOGS SO, ,CHAS PA LA ZHES BYA BA NI G-YUL 'GYED PA LA MNGON PAR DGA' BA LA'O, ,LTAR 'GRO NA ZHES BYA BA NI LTAD MO LTAR 'GRO NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG RGYAL PO DANG, BTZUN MO DANG, GZHON NU DANG, ZHANG BLON DANG, KHROM GYI RU SNA DANG, GRONG RDAL GYI MI DANG, LJONGS KYI MIS BKUG PA DANG, BAR CHAD BYUNG BA'I DBANG NYID MA GTOGS PAS G-YUL LA MNGON PAR DGA' BA'I DMAG LA LTA BA'I DON NYID KYIS 'PHAGS PA'I NYEN KOR GYI MTHA' LAS 'DAS TE MTHONG NA, DMAG LA LTA BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI G-YUL LA MNGON PAR DGA' BA'I DMAG LA LTA BA'I DON NYID KYIS, 'PHAGS PA'I NYEN KOR GYI MTHA' LAS 'DAS TE MTHONG BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG RGYAL PO DANG, BTZUN MO DANG, GZHON NU DANG, ZHANG BLON DANG, KHROM GYI RU SNA DANG, GRONG RDAL GYI MI DANG, LJONGS KYI MIS BKUG PA DANG, BAR CHAD 'BYUNG BA'I DBANG NYID MA GTOGS PA DANG, G-YUL LAS MNGON PAR DGA' BA'I DMAG NYID DANG, LTA BA'I DON NYID DANG 'PHAGS PA'I NYEN KOR GYI MTHA' LAS 'DAS PA DANG MTHONG BA'O, ,'DI DAG LAS YAN LAG MA TSANG NA CI RIGS NA SMAD DO, ,DMAG LA LTA BA'I LTUNG BYED DE BZHI BCU LNGA PA'O,, ,,SO SOR THAR PA'I MDO'I GZHUNG 'GREL, BAM PO BCU GSUM PA, DMAG GI NANG NA GNAS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,RI BRAGS PA DE DE LTA NA YANG MA PHEBS NAS, RGYAL POS DE NYID DU PHRU MA BTAB STE 'DUG PA DANG, BLON PO RNAMS KYIS SMRAS PA, LHA KHYIM BDAG MGON MED ZAS SBYIN NI BSOD NAMS KYI RNAM PAR SMIN PA CAN DBANG CHE BAR GRAGS PA LAGS PAS, GAL TE DE MCHIS PAR GYUR NA DE'I MTHUS RI BRAGS PA 'DI PHEBS PAR 'GYUR BA GANG LAGS PA DE LTA BU GNAS MCHIS PAR 'GYUR GDA'O, ,RGYAL POS KHYIM BDAG MGON MED ZAS SBYIN LA KHYIM BDAG MTHONG

, ,BAR 'DOD DO ZHES YI GE SPRING BA DANG, KHYIM BDAG MGON MED ZAS SBYIN DER 'ONGS SO, ,DE LTA NA YANG RI BRAGS PA DE MA PHEBS NAS, KO SA LA'I RGYAL PO GSAL RGYAL GYIS, KHYIM BDAG MGON MED ZAS SBYIN LA SMRAS PA, KHYIM BDAG KHYE'U DAG MI DRAN NAM, LHA KHYE'U DAG MI DRAN TE, 'DI LTAR 'PHAGS PA DAG MTHONG BAR 'TSAL LO, ,KO SA LA'I RGYAL PO GSAL RGYAL GYIS, DGE 'DUN LA, 'PHAGS PA DAG MTHONG BAR 'TSAL LO ZHES YI GE SPRING BA DANG, DGE SKOS KYIS DGE 'DUN GYI DBUS SU YI GE BKLAGS TE, GANG DER 'GRO BAR SPRO BA DES TSUL SHING LONG SHIG CES, TSUL SHING BRIMS PA DANG, DGE SLONG GNAS BRTAN GNAS BRTAN DAG GIS SMRAS PA, KHO BO CAG NI RGAN PO SBYOR MI BZOD PA DAG YIN PAS DER 'GRO MI NUS SO, ,DGE SLONG GSAR BU GSAR BU DAG GIS SMRAS PA, DER CHOS BSTAN PAR BYA DGOS NA, BDAG CAG NI THOS PA NYUNG BA YIN PAS CHOS BSTAN PAR MI NUS NA, DER CHU BRIM PAR BYA'AM CI, BDAG CAG KYANG DER 'GRO MI NUS SO, ,DRUG SDE DAG GIS SMRAS PA, DGA' BO NYE DGA' JI SRID DU BCOM LDAN 'DAS BZHUGS SHING, BDAG CAG GSON PA DE SRID DU BSTAN PA GNAS LA, BCOM LDAN 'DAS YONGS SU MYA NGAN LAS 'DAS SHING, BDAG CAG DUS LA BAB PA NA, BSTAN PA NUB PAR BRJOD PAR BYA STE, JI SRID DU BDAG CAG GSON PA DE SRID DU BSTAN PA LA GCES PA BSKYED PAR BYAS, TSUL SHING BLANG NGO ZHES DE DAG GIS TSUL SHING BLANGS TE DER DONG NAS RGYAL PO LA CHOS BSTAN PAS, RGYAL PO MNGON PAR DAD PAR BYAS SO, ,BTZUN MO DANG, GZHON NU DAG DANG, ZHANG BLON DANG, KHROM GYI RU SNA DAG LA YANG CHOS BSTAN PAS SKYE BO PHAL PO CHE'I TSOGS MNGON PAR DAD PAR BYAS SO, ,KO SA LA'I RGYAL PO GSAL RGYAL GYI BLON PO RNAMS LA SMRAS PA, RI BRAGS PA BSKOR DU DONG RO ZHES DE DAG 'PHAGS PA DANG, DRUG SDE DAG GIS SMRAS PA, DGA' BO NYE DGA' BDAG CAG GIS YUN JI SRID DU GZHAN GYI SPYOD LAM GYIS GNAS PAR BYA'AM, ,GSUS PO CHE'I DMAG CI 'DRA BA LTAR 'DONG NGO ZHES DE DAG LA MA KAR DONG STE 'KHOD PA DANG, CI TZAM NI DPUNG GI TSOGS

YAN LAG BZHI PA 'ONGS NAS, DE DAG GIS SMRAS PA, 'PHAGS PA DAG SHUL PHYE SHIG ,CI BYA, DPUNG GI TSOGS YAN LAG BZHI PA MCHI'O, ,BKREN PA DAG 'DI 'DRA BA DAG GLANG PO CHE YIN NAM, PHAG 'DRA'O ZHES DE DAG GIS DE DAG GI MCHE BA DAG NAS BZUNG STE, MTHA' GCIG TU BONG RO, ,'DI 'DRA BA DAG RTA YIN NAM BONG BU 'DRA'O ZHES DE DAG GIS DE DAG GI MJUG MA DAG NAS BZUNG STE MTHA' GCIG TU POR RO, ,'DI 'DRA BA DAG SHING RTA YIN NAM, SHING RTA ZHIG PA DAG 'DRA'O ZHES DE DAG GIS DE DAG GI SROG SHING DAG NAS BZUNG STE MTHA' GCIG TU BOR RO, ,'DI 'DRA BA DAG MI YIN NAM RTZVA MI DAG 'DRA'O ZHES DE DAG GIS DE DAG GI GNYA' BDAG NAS BZUNG STE, MTHA' GCIG TU BOR NAS DE DAG SEMS KHONG DU CHUD NAS 'KHOD DO, ,JI TZAM NA KO SA LA'I RGYAL PO GSAL RGYAL 'ONGS NAS DES SMRAS PA, SHES LDAN DAG CI'I PHYIR KHYED CAG MI DONG BAR SEMS KHONG DU CHUD CING 'KHOD, LHA BDAG CAG RGYAL BAR GA LA 'GYUR, 'DI LTAR DGE SBYONG MGO REG RAS YUL CHEN GLEGS PA, 'TSAL BA 'DI DAG MI MCHI DGU MCHI'O, ,GANG DAG ,'PHAGS PA DRUG SDE DAG GO, ,SHES LDAN DAG ,DE DAG NI DGE SBYONG HRAL PO DAG YIN PAS DE DAG GIS SMRAS PAS KHYED LA CI GNOD DENG SHIG ,KO SA LA'I RGYAL PO GSAL RGYAL GYIS BSAMS PA, 'DI DAG YANG DANG YANG DU BDAG LA THO 'TSAMS PAR 'GYUR RO SNYAM DU RIG NAS, BCOM LDAN 'DAS KYI SPYAN SNGAR MI ZHIG LA PHRIN GYIS BSNYUN GSOL NAS, BTZUN PA 'PHAGS PA 'DI DAG DMAG CHAS PA LA LTAR MCHIS NAS, SHIN TU YUN RING POR DMAG GI NANG NA GNAS NA, KYE BCOM LDAN 'DAS KYIS THUGS BRTZE BA'I SLANG DU, GANG GIS 'PHAGS PA DAG DMAG CHAS PA LA LTAR MCHIS NAS, SHIN TU YUN RING POR DMAG GI NANG NA GNAS PAR MI 'GYUR BAR, BCOM LDAN 'DAS KYIS 'PHAGS PA RNAMS LA DRAN PAR BGYI BA CUNG ZHIG BCA' BA MDZAD NA LEGS SO ZHES GSOL LO, ,DE NAS BCOM LDAN 'DAS KYIS SNGA MA BZHIN DU, DGE SLONG LA DMAG CHAS PA LA LTAR 'GRO BA DE LTA BU'I RKYEN ZHIG BYUNG NA, DGE SLONG DES DMAG DE'I NANG DU ZHAG GNYIS TSUN CHAD GNAS PAR BYA'O, ,DE LAS LHAG PAR

, ,GNAS NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MA DUL BA, NYES PA NI SHIN TU YUN RING POR DMAG GI NANG NA GNAS PA'O, ,DE LA DGE SLONG GANG LA ZHES BYA BA NI DRUG SDE 'AM, GZHAN YANG DE LTA BU GANG YIN PA'O, ,DMAG CES BYA BA LA, DMAG NI YAN LAG GCIG PA YANG YOD, YAN LAG GNYIS PA YANG YOD, YAN LAG GSUM PA YANG YOD, YAN LAG BZHI PA YANG YOD DO, ,DMAG YAN LAG GCIG PA GANG ZHE NA, GLANG PO CHE'I TSOGS SO, ,DMAG YAN LAG GNYIS PA GANG ZHE NA, GLANG PO CHE'I TSOGS DANG, RTA'I TSOGS SO, ,DMAG YAN LAG GSUM PA GANG ZHE NA, GLANG PO CHE'I TSOGS DANG, RTA'I TSOGS SO, ,DMAG YAN LAG BZHI PA GANG ZHE NA, GLANG PO CHE'I TSOGS DANG, RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS SO, ,CHAS PA LA ZHES BYA BA LA NI G-YUL 'GYED PAR MNGON PAR DGA' BA LA'O, ,LTAR 'GRO BA ZHES BYA BA NI RGYU GANG GIS SO, ,DE LTA BU'I RKYEN ZHIG BYUNG NA ZHES BYA BA NI, RGYAL PO DANG, BTZUN MO DANG, GZHON NU DANG, ZHANG BLON DANG, KHROM GYI RU SNA DANG, GRONG RDAL GYI MI DANG, LJONGS KYI MIS BKUG NA'O, ,DGE SLONG DES ZHES BYA BA NI, DGE SLONG GANG YIN PA DES SO, ,DMAG DE'I NANG DU ZHES BYA BA NI DMAG CHAS PA DE'I NANG DU'O, ,ZHAG GNYIS TSUN CHAD GNAS PAR BYA'O ZHES BYA BA NI, ZHAG GNYIS KYI MTHA' TSUN CHAD GNAS PAR BYA BA'O, ,DE LAS LHAG PAR GNAS NA ZHES BYA BA NI, DE LAS 'DAS PAR GNAS NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG RGYAL PO DANG, BTZUN MO DANG, GZHON NU DANG, ZHANG BLON DANG, KHROM GYI RU SNA DANG, GRONG RDAL GYI MI DANG, LJONGS KYI MIS BKUG PA DANG, BAR CHAD KYI DBANG NYID BYUNG NA G-YUL LA MNGON PAR DGA' BA DMAG DE'I NANG DU NYIN MTSAN GNYIS LAS LHAG PAR NYIN MTSAN GSUM PA'I SKYA RENGS DANG PO SHAR BAR GNAS SAM, RGYAL PO LA SOGS PAS BKUG PA DANG, BAR CHAD KYI DBANG DE DAG MED

PAR LTA BA'I DON NYID KYIS G-YUL LA MNGON PAR DGA' BA'I DMAG DE'I NANG DU NYIN MTSAN GSUM PA'I SNGA MA NYIN MTSAN GCIG DANG, GNYIS KYI MTHAR GNAS NA YANG DMAG GI NANG NA GNAS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, RGYAL PO LA SOGS PAS BKUG PA DANG, BAR CHAD KYI DBANG DE DAG YOD NA G-YUL LA MNGON PAR DGA' BA'I DMAG GI NANG DU, SKYA RENGS GSUM PA SHAR BA DANG, DE DAG MED PAR ZHAG GCIG DANG GNYIS KYI SKYA RENGS SHAR BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG RGYAL PO LA SOGS PAS BKUG PA DANG, BAR CHAD KYI DBANG GIS DGOS PA YOD PA DANG, G-YUL LA MNGON PAR DGA' BA'I DMAG NYID DANG DER SKYA RENGS GSUM SHAR BA DANG, DGOS PA DE DAG MED BAR DER ZHAG GCIG GI SKYA RENGS SHAR BA DANG, DGOS PA DE DAG MED PAR DER ZHAG GNYIS PA'I SKYA RENGS SHAR BA'O, , DE DAG LAS YAN LAG MA TSANG NA CI RIGS PAR NA SMAD DO, ,DMAG GI NANG NA GNAS PA'I LTUNG BYED DE BZHI BCU DRUG PA'O,, ,,DPUNG GI YAN LAG NYAMS SU MYONG BAR BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL, MGON MED ZAS SBYIN GYI KUN DGA' RA BA NA BZHUGS SO, ,RI BRAGS PA DE DE LTA NA YANG MA PHEBS NAS, KO SA LA'I RGYAL PO GSAL RGYAL GYIS, KHYIM PA DAG MGON MED ZAS SBYIN LA SMRAS PA, KHYIM BDAG KHYE'U DAG MI DRAN NAM, LHA KHYE'U DAG NI MI DRAN TE, 'DI LTAR 'PHAGS PA DAG MTHONG BAR 'TSAL LO; ,KO SA LA'I RGYAL PO GSAL RGYAL GYIS, DGE 'DUN LA 'PHAGS PA DAG MTHONG BAR 'TSAL LO ZHES YI GE SPRING BA DANG, DGE SKOS KYIS DGE 'DUN GYI NANG DU YI GE BKLAGS TE, GANG DER 'GRO BAR SPRO BA DES TSUL SHING LONG SHIG CES TSUL BRIMS PA DANG, DGE SLONG GNAS BRTAN GNAS BRTAN DAG GIS SMRAS PA, KHO BO CAG NI RGAN PO SBYOR MI BZOD PA DAG YIN PAS DER 'GRO MI NUS SO, ,DGE SLONG GSAR BU GSAR BU DAG GIS SMRAS PA, DER CHOS BSTAN PAR BYA DGOS NA BDAG CAG NI THOS PA NYUNG BA YIN PAS CHOS STON PAR MI NUS NA, DER CHU BRIM PAR BYA'AM CI,

, ,BDAG CAG KYANG DER 'GRO MI NUS SO, ,DRUG SDE DAG GIS SMRAS PA, DGA' BO NYE DGA' JI SRID DU BCOM LDAN 'DAS BZHUGS SHING, BDAG CAG GSON PA DE SRID DU BSTAN PA GNAS LA, BCOM LDAN 'DAS YONGS SU MYA NGAN LAS 'DAS SHING, BDAG CAG DUS LA BAB NA BSTAN PA NUB PAR BRJOD PAR BYA STE, JI SRID DU BDAG CAG GSON PA DE SRID DU BSTAN PA LA GCES PA BRJOD PAR BYAS, TSUL SHING BLANG NGO ZHES DE DAG GIS TSUL SHING BLANGS TE, DER DONG NAS RGYAL PO LA CHOS BSTAN PAS RGYAL PO MNGON PAR DAD PAR BYAS SO, ,BTZUN MO DAG DANG, GZHON NU DAG DANG, ZHANG BLON DAG DANG, KHROM GYI RU SNA DAG LA YANG CHOS BSTAN PAS SKYE BO PHAL PO CHE'I TSOGS MNGON PAR DAD PAR BYAS SO, ,KO SA LA'I RGYAL PO GSAL RGYAL GYIS BLON PO RNAMS LA SMRAS PA, DED LA G-YUL SHOMS SHIG RI BRAGS PA BSKOR BAR BYA'O, ,DE DAG GIS G-YUL BSHAM PAR BRTZAMS PA DANG, DRUG SDE DAG GIS SMRAS PA, DGA' BO NYE DGA' BDAG CAG GIS YUN JI SRID DU GZHAN GYI SPYOD LAM GYIS GNAS PAR BYA, RANG GI SPYOD LAM GYIS GNAS PAR BYAS, GSUS PO CHE'I RGYAL MTSAN GYI MCHOG DANG, DPUNG GI MCHOG DANG G-YUL BKOD CING BSHAMS PA'I DMAG LA LTA BA NYAMS SU MYONG BAR BYAS 'DONG NGO ZHES DE DAG G-YUL SHOM PA'I NANG DU DONG STE DRIS PA, SHES LDAN DAG CI BYED, DE DAG GIS SMRAS PA, 'PHAGS PA DAG BKOD PA SHOM MO, ,DRUG SDE DAG GIS SMRAS PA, BKREN PA DAG GLANG PO CHE BCOS MA 'DI LTA BU DAG PHYOGS 'DIR 'JOG GAM, 'DI SOL CIG CES DE DAG GIS DE DAG GI MCHE BA DAG NAS BZUNG STE MTHA' GCIG TU BOR RO, ,RTA THENG PO 'DI LTA BU DAG PHYOGS 'DIR 'JOG GAM, 'DI SOL CIG CES DE DAG GIS MJUG MA DAG NAS BZUNG STE MTHA' GCIG TU BOR RO, ,SHING RTA ZHIG PA 'DI LTA BU DAG PHYOGS 'DIR 'JOG GAM, 'DI SOL CIG CES DE DAG GIS DE DAG GIS DE DAG GI SROG SHING DAG NAS BZUNG STE MTHA' GCIG TU BOR RO, ,MI ZHAR BA 'DI LTA BU DAG PHYOGS 'DIR 'JOG GAM, 'DI SOL CIG CES DE DAG GIS DE DAG GI GNYA' BA DAG NAS BZUNG STE, MTHA' GCIG TU BOR RO, ,DRUG SDE DAG GI MDUN LOGS SU RI BRAGS PA DANG, HA CANG THAG MI

RING BAR 'KHOD DE BLAG COR GYIS SGRA PHYUNG BA DANG, DE DAG GIS BSAMS PA, RI BRAGS PA DAG RDZONG NAS RLUGS TE PHYUNG NGO SNYAM DU RIG NAS, SKRAG CING SDANGS TE BROS PAR BRTZAMS PA DANG, DRUG SDE DAG MYUR BA MYUR BAR DONG STE, KHROM GYI RU SNA'I MDUN DU 'KHOD NAS SMRAS PA, SHES LDAN DAG CI'I PHYIR BROS, DE DAG GIS SMRAS PA, 'PHAGS PA DAG RI BRAGS PA DAG RDZONG NAS RLUGS TE PHYUNG NGO, ,DRUG SDE DAG GIS SMRAS PA, BKREN PA DAG DE NI KHO BO CAG GIS KU RE CUNG ZHIG BYAS PA YIN TE, GAL TE RI BRAGS PA DAG GIS KHYED CAG DE LTAR BRENG NGAS PAR SHES SHING RIG PAR GYUR NA, NANG PAR SNGA BA KHO NAR YANG KHYED CAG GNYIS KA GNYA' BA DAG NAS BTAGS TE RI BRAGS SU KHRID PAR 'GYUR GYIS, MA 'JIGS PAR PHYIR LOG SHIG ,DE DAG PHYOGS GCIG TU DONG STE, SEMS KHONG DU CHUD CING 'KHOD DO, ,JI TZAM NA KO SA LA'I RGYAL PO GSAL RGYAL 'ONGS NAS DES SMRAS PA, SHES LDAN DAG KHYED KYIS DA DUNG YANG G-YUL GYI BKOD PA MA BSHAMS SAM, DE DAG GIS SMRAS PA, LHA BDAG CAG RGYAL BAR GA LA 'GYUR 'DI LTA STE, DGE SBYONG RAS YUG CHEN GLEGS PA 'TSAL BA 'DI DAG MCHIS NAS BDAG CAG LA THO 'TSAMS SHING, MI MCHI DGU MCHI'O, ,GANG DAG ,'PHAGS PA DRUG SDE DAG GO, ,SHES LDAN DAG DE DAG NI DGE SBYONG HRAL PO DAG YIN PAS, DE DAG GIS SMRAS PAS KHYED LA CI GNOD, DENG LA G-YUL GYI BKOD PA SHOMS SHIG ,KO SA LA'I RGYAL PO GSAL RGYAL GYIS BSAMS PA, 'DI DAG YANG DANG YANG DU BDAG LA THO 'TSAMS PAR 'GYUR RO SNYAM DU RIG NAS, BCOM LDAN 'DAS KYI SPYAN SNGAR MI ZHIG LA PHRIN GYIS BSNYUN GSOL TE, BTZUN PA 'PHAGS PA 'DI DAG ,SHIN DU YUN RING POR DMAG GI NANG NA GNAS PA'I TSE YANG BSHAMS PA 'KHRUG TU MI MCHI ZHING, RGYAL MTSAN GYI MCHOG DANG, DPUNG GI MCHOG DANG, G-YUL BSHAMS PA'I DMAG LA LTA BA NYAMS SU MYONG BAR BGYID PAR MI 'GYUR BAR, BCOM LDAN 'DAS KYIS 'PHAGS PA RNAMS LA DRAN PAR BGYI BA CUNG ZHIG BCA' BA MDZAD NA LEGS SO ZHES GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG

, ,ZHAG GNYIS DMAG GI NANG NA GNAS PA'I TSE YANG GAL TE BSHAMS PA 'KHRUG TU 'GRO'AM, RGYAL MTSAN GYI MCHOG GAM, DPUNG GI MCHOG GAM, G-YUL BSHAMS PA'I DMAG LA LTA BA NYAMS SU MYONG BAR BYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MA DUL BA, NYES PA NI ZHAG GNYIS DMAG DE'I NANG NA GNAS PA'I TSE YANG DPUNG GI YAN LAG NYAMS SU MYONG BAR BYED PA'O, ,DE LA DAG SLONG GANG ZHES BYA BA NI DRUG SDE'AM GZHAN YANG DE LTA BU GANG YIN PA'O, ,ZHAG GNYIS ZHES BYA BA NI ZHAG GNYIS TSUN CHAD DO, ,DMAG CES BYA BA LA, DMAG NI YAN LAG GCIG PA YANG YOD, YAN LAG GNYIS PA YANG YOD, YAN LAG GSUM PA YANG YOD, DMAG YAN LAG BZHI PA YANG YOD DO, ,DMAG YAN LAG GCIG PA GANG ZHE NA, GLANG PO CHE'I TSOGS SO, ,DMAG YAN LAG GNYIS PA GANG ZHE NA, GLANG PO CHE'I TSOGS DANG, RTA'I TSOGS SO, ,DMAG YAN LAG GSUM PA GANG ZHE NA, GLANG PO CHE'I TSOGS DANG, RTA'I TSOGS DANG, SHING RTA'I TSOGS SO, ,DMAG YAN LAG BZHI PA GANG ZHE NA, GLANG PO CHE'I TSOGS DANG, RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS SO, ,DE'I NANG NA GNAS PA'I TSE YANG ZHES BYA BA NI 'DUG PA'I TSE YANG NGO, ,GAL TE BSHAMS PA 'KHRUG TU 'GRO'AM ZHES BYA BA NI G-YUL LA CHAS PA 'KHRUG TU 'GRO BA'O, ,RGYAL MTSAN GYI MCHOG CES BYA BA NI, RGYAL MTSAN RNAM PA BZHI STE, KHYU MCHOG GI RGYAL MTSAN DANG, CHU SRIN GYI RGYAL MTSAN DANG, SENG GE'I RGYAL MTSAN DANG, KLU'I RGYAL MTSAN NO, ,DPUNG GI MCHOG CES BYA BA NI, DPUNG GI TSOGS YAN LAG BZHI PA STE, GLANG PO CHE'I TSOGS DANG, RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS SO, ,G-YUL BSHAMS PA'I DMAG LA LTA BA NYAMS SU MYONG BAR BYED NA ZHES BYA BA LA, BSHAMS PA NI RNAM PA BZHI STE, 'BRU'I KHA LTA BU DANG, SHING RTA'I DBYIBS LTA BU DANG, ZLA GAM GYI RNAM PA LTA BU DANG, NAM MKHA' LDING GI 'DAB MA LTA BU'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR

DNGOS GZHI'I LTUNG BA RNAM PAR GZHAG PA NI, DGE SLONG BAR CHAD KYI DBANG GIS 'GRO BA MA YIN PAS DPUNG GI YAN LAG BSDUS PA'AM, SO SO BA STA GON BYAS PA RNAMS KYI DNGOS PO REG PA DANG, BSHAMS PA DKRUGS PA DANG, LTA BA'I PHYIR 'PHAGS SHING NYEN KOR GYI MTHA' LAS 'DAS TE, MTHONG BA LTA BU NYAMS SU MYONG NA, DPUNG GI YAN LAG NYAMS SU MYONG BAR BYED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG BAR CHAD KYI DBANG GIS 'GRO BA MA YIN PA LA DPUNG GI YAN LAG BSDUS PA'AM, SO SO BA STA GON BYAS PA RNAMS KYI DNGOS PO BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG BAR CHAD KYI DBANG GIS 'GRO BA MA YIN PA DANG, DPUNG GI YAN LAG BZHI PO RNAMS DANG, BSDUS PA'AM, SO SO BA GANG YANG RUNG BA DANG, STA GON BYAS PA RNAMS KYI DNGOS PO REG PA DANG, BSHAMS PA DKRUGS PA DANG, LTA BA'I PHYIR 'PHAGS SHING NYEN KOR GYI MTHA' LAS 'DAS TE MTHONG BA LTA BU GANG YANG RUNG BA DANG DE DAG NYAMS SU MYONG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,DPUNG GI YAN LAG NYAMS SU MYONG BAR BYED PA'I LTUNG BYED DE BZHI BCU BDUN PA'O,, ,,RDEG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI BU CHEN POS NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS DAG RAB TU PHYUNG ZHING BSNYEN PAR RDZOGS PAR BYAS PA DE'I TSE NA, DE DAG DRUG SDE DAG LA STEN PAR BYED, BSNYEN PAR BYED, BSNYEN BKUR BYED DO, ,DE NAS 'CHAR KAS SMRAS PA, BCU BDUN SDE DAG TSUR SHOG ,'DI DANG 'DI GYIS SHIG DE DAG GIS SMRAS PA, CI KHYOD KHO BO CAG GI SLOB DPON YIN NAM MKHAN PO YIN MI BYED DO, ,DES GLEN PA DAG KHYOD LAS CI ZHIG BYED CES DE DAG LAS GCIG BRDEGS PA DANG, DE DAG THAMS CAD KYIS BDAG CAG BRDEGS SO, ,BDAG CAG BRDEGS SO ZHES PHYI GAN DU BSGYEL TE DU BAR

, ,BRTZAMS SO, ,DGE SLONG RNAMS KYIS SMRAS PA, TSE DANG LDAN PA 'CHANG KA CI'I PHYIR GZHON NU RNAMS LA RDEG PAR BYED, 'CHAR KAS SMRAS PA, TSE DANG LDAN PA DAG KHO BOS GCIG BRDEGS PA DANG, THAMS CAD SA LA BSGYEL TE NGU'O, ,DGE SLONG RNAMS KYIS BCU BDUN SDE DAG LA SMAS PA, TSE DANG LDAN PA DAG KHYED CAG LAS GCIG BRDEGS NA, CI'I PHYIR THAMS CAD SA LA BSGYEL TE NGU, DE DAG GIS SMRAS PA, GAL TE MA DUS NA THAMS CAD LA RDEG PAR 'GYUR RO ZHES ZER NAS, DGE SLONG DON NYUNG DU DAG CI'I PHYIR DGE SLONG DAG KHROS 'KHRUGS RNGAM PAR GYUR TE, YID MA RANGS NAS, DGE SLONG LA RDEG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG KHROS 'KHRUGS RNGAM PAR GYUR TE, YID MA RANGS NAS, DGE SLONG LA BRDEGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI ZHE SDANG GI KUN DU SBYOR BA, NYES PA NI DGE SLONG LA RDEG PA'O, ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,KHROS 'KHRUGS RNGAM PAR GYUR TE YID MA RANGS NAS ZHES BYA BA NI, KHROS SHING KHRO BA'I ZIL GYIS NON NAS SO, ,DGE SLONG LA ZHES BYA BA NI CHOS 'DI PA LA'O, ,BRDEGS NA ZHES BYA BA NI RDEG PAR BYED PA'O, ,LTUNG BYED DO ZHES BYA BA NI SNGA MA BZHIN NO, , DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RNYOG PA CAN GYI SEMS NYID KYIS DGE SLONG PHA ROL LA LUS SAM DES 'PHANGS PA'AM, DE DANG 'BREL PA DAG GANG YANG RUNG BA THA NA RKANG PA'I MTHE BO'AM, YUNGS KAR RAM, RTZVA DAG GIS BRDEGS NA REG PA TZAM GYIS RDEG SPYAD RE RE LA RDEG PA'I LTUNG BYAD KYI DNGOS GZHIR 'GYUR RO, ,'DI'I BYED PA PO NI, PHA ROL PO BRDEG PAR BYA BA DGE SLONG NYID DANG, RDEG SPYAD GANG YANG RUNG BA JI SNYED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, RNYOG PA CAN GYI SEMS NYID DANG, PHA ROL PO BRDEG PAR

BYA BA DGE SLONG NYID DANG, RDEG PA LUS SAM DES 'PHANGS PA'AM, DE DANG 'BREL PA GANG YANG RUNG BA DANG, RDEG SPYAD THA NA RKANG PA'I MTHE BO'AM, YUNGS KAR RAM, RTZVA BAS CHUNG BA GANG YANG RUNG BA DANG, THA NA LUS LA REG PA'O, ,DE DAG LAS YAN LAG MTSANG NA CI RIGS PAR NA SMAD DO, ,RDEG PA'I LTUNG BYED DE BZHI BCU BRGYAD PA'O,, ,,GZAS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI BU CHEN POS, NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS DAG RAB TU BYUNG ZHING BSNYEN PAR RDZOGS PAR BYAS PA DE'I TSE NA, DE DAG DRUG SDE DAG LA STEN PAR BYED, BSNYEN PAR BYED, BSNYEN BKUR BYED DO, ,DE NAS 'CHAR KAS SMRAS PA, BCU BDUN SDE DAG TSUR SHOG ,'DI DANG 'DI GYIS SHIG DE DAG GIS SMRAS PA, CI KHYED KHO BO CAG GI SLOB DPON YIN NAM MKHAN PO YIN MI BYED DO, ,DES GLEN PA DAG KHYED CI ZHIG BYED CES DE DAG LAS GCIG LA RDEG PAR GZAS PA DANG, DE DAG THAMS CAD KYIS BDAG CAG LA RDEG PAR GZAS SO, ,BDAG CAG LA RDEG PAR GZAS SO ZHES PHYI GAN DU BSGYEL TE NGU BAR BRTZAMS SO, ,DGE SLONG RNAMS KYIS SMRAS PA, TSE DANG LDAN PA 'CHAR KA CI'I PHYIR GZHON NU DAG LA RDEG PAR GZAS, 'CHAR KAS SMRAS PA, TSE DANG LDAN PA KHO BOS GCIG LA RDEG PAR GZAS PA DANG, THAMS CAD SA LA 'GYEL TE DU'O, ,DGE SLONG RNAMS KYIS BCU BDUN SDE DAG LA SMRAS PA, KHYED CAG LAS GCIG LA RDEG PAR GZES PA NA, CI'I PHYIR THAMS CAD SA LA BSGYEL TE NGU, DE DAG GIS SMRAS PA, GAL TE MA DUS NA GANG LA CIS RDEG GTOL MED DO ZHES ZER NAS, DGE SLONG DON NYUNG NGU DAG CI'I PHYIR DGE SLONG DAG KHROS 'KHRUGS RNGAM PAR GYUR TE YID MA RANGS NAS, DGE SLONG LA RDEG PAR GZAS PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG KHROS 'KHRUGS RNGAM PAR GYUR TE,

, ,YID MA RANGS NAS, DGE SLONG LA RDEG PAR GZAS NA, THA NA THAL MOS KYANG RUNG STE, LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI ZHE SDANG GI KUN DU SBYOR BA, NYES PA NI DGE SLONG LA RDEG PAR GZAS PA'O, ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,KHROS 'KHRUGS RNGAM PAR GYUR TE YID MA RANGS NAS ZHES BYA BA NI, KHROS SHING KHRO BA'I ZIL GYIS NON NAS SO, ,DGE SLONG LA ZHES BYA BA NI CHOS 'DI PA LA'O, ,RDEG PAR GZAS NA ZHES BYA BA NI, BRDEG PAR BSHAMS NA'O; ,THA NA THAL MOS KYANG RUNG STE ZHES BYA BA NI, THA NA THAL LCAG KYANG GZAS KYANG RUNG STE'O, ,LTUNG BYED DO ZHES BYA BA NI SNGA MA BZHIN NO, ,SNGAR RDEG PA'I LTUNG BYED BSTAN PA DANG, 'DIR GZAS PA'I LTUNG BYED BSTAN PA DE GNYIS KYI SPYI'I MTSAN NYID NI 'DRA'O BYE BRAG TU NA, SNGA MA NI BRDEGS PA'I YUL LA RNAM PAR GZHAG GO, ,'DI NI RDEG PAR GZAS PA'I YUL LA RNAM PAR GZHAG GO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RNYOG PA CAN GYI SEMS NYID KYIS DGE SLONG PHA ROL LA LUS SAM, DES 'PHANGS PA'AM, DE DANG 'BREL BA DAG GANG YANG RUNG BA THA NA RKANG PA'I MTHE BO'AM, YUNGS KAR RAM, RTZVA DAG GIS RDEG PAR GZAS NA, GZAS PA TZAM GYIS RDZAS RE RE LA GZAS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI PHA ROL PO LA RDEG PAR GZAS PA DGE SLONG NYID DANG, GZO BA'I RDZAS GANG YANG RUNG BA JI SNYED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, RNYOG PA CAN GYI SEMS NYID DANG, PHA ROL PO RDEG PAR GZAS PA DGE SLONG NYID DANG, GZAS PA LUS SAM, DES 'PHANGS PA'AM, DE DANG 'BREL PA GANG YANG RUNG BA DANG, GZO BA'I RDZAS THA NA RKANG PA'I MTHE BO'AM, YUNGS KAR RAM, RTZVA BAS CHUNG BA GANG YANG RUNG BA DANG, THA NA GZAS PAR BRTZAMS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,GZAS PA'I LTUNG BYED DE BZHI BCU DGU PA'O,, ,,GNAS NGAN LEN 'CHAB PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON

MED ZAS SBYIN GYI KUN DGA' RA BA NA BZHUGS SO, ,DGA' BO LA LHAN CIG GNAS PA DGE SLONG CHOS ZHES BYA BA NGO TSA SHES PA 'GYOD PA DANG LDAN PA BSDAMS PA BSLAB PA 'DOD PA ZHIG YOD PA DES, JI SRID DU DE GNAS NGAN LEN KUN DU SPYOD PAR MI SHES PA DE SRID DU DE DANG LHAN CIG GNAS SO, ,GANG GI TSE DES DE GNAS NGAN LEN KUN DU SPYOD PAR SHES PA DE'I TSE NA DE RANG BZHIN DU GNAS PA'I DGE SLONG RNAMS DANG LHAN CIG GNAS PAR BRTZAMS TE, BCOM LDAN 'DAS KYI BKA' LUNG GIS DUS GSUM DU RKANG PA LA PHYAG 'TSAL DU 'GRO BA 'BA' ZHIG BYED DO, ,DE DAG DGA' BO'I GAN DU SONG STE, MKHAN PO GDUGS LA SPYOD DU MCHI'O ZHES ZHUS PA DANG, NYE DAGS THOS NAS SMRAS PA, BU CHOS KHO BO'I STAN YANG KHYER LA SONG SHIG ,DES DE'I STAN KHYER TE NYIN MO SPYOD DU SONG NAS, DES DE'I STAN DE SHING LJON PA ZHIG TI DRUNG DU BZHAG STE, DBEN PA'I PHYOGS SU 'DUG NAS YID LA BYED PA BSKYED PAR BRTZAMS SO, ,DE'I 'OG TU NYE DGA' 'ONGS NAS, CHOS KYIS SMRAS PA, SLOB DPON GDAN SHING LJON PA'I DRUNG DU BZHAG GIS, DER BZHUD LA BZHUGS SHIG ,NYE DGA' DER SONG NAS MGO G-YOGS TE 'DUG PA DANG, DES DER MOS PA MA RNYED NAS STAN LAS LANGS TE PHYOGS BZHIR RNAM PAR LTA BAR BRTZAMS PA DANG, JI TZAM NA BU MO ZHIG RGYAL BYED KYI TSAL GYI RIB MA 'DRA LA BA MTHONG NAS, NYE DGA' SONG STE SMRAS PA, BU MO KHYOD CI'I PHYIR RGYAL BYED KYI TSAL GYI RIB MA DRAL BAR BYED, BU MO DES 'DZUM PHYUNG BA DANG, NYE DAGS DE'I YAN LAG DANG NYING LAG DAG NAS MNAMS TE 'O BYAS NAS, DE CHOS KYI GAN DU SONG STE DRIS PA, BU CHOS KHYOD KYIS CUNG ZAD MTHONG NGAM, SLOB DPON GZHUG PA 'DZUD PA 'BA' ZHIG MA GTOGS PA GZHAN THAMS CAD MTHONG NGO, ,BU CHOS SU LA YANG MA ZER CIG ,SLOB DPON JI SRID DU RANG BZHIN DU GNAS PA'I DGE SLONG MA MTHONG BA DE SRID KYI BAR DU SU LA YANG MI MCHI'O, ,NYE DAGS SMRAS PA, KHO BOS KHYOD KYI MKHAN PO'I GNAS NGAN LEN GYI LTUNG BA 'CHAB PAR BYED NA, KHYOD KHO BO'I 'CHAB PAR MI BYED DAM, SLOB DPON KHYOD 'CHAB PAR MDZAD KYANG BDAG NI 'CHAB PAR MI BGYID DO ZHES ZER BA'I SKABS DE DGE SLONG RNAMS LA BRJOD PA DANG,

, ,DGE SLONG DON NYUNG DU DAG CI'I PHYIR, DGE SLONG GI GNAS NGAN LEN GYI LTUNG BA 'CHAB PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU YANG DGE SLONG GANG SHES BZHIN DU DGE SLONG GI GNAS NGAN LEN GYI LTUNG BA 'CHAB NA LTUNG BYED DO ZHES BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI NYES RTZOM, NYES PA NI SHES BZHIN DU DGE SLONG GI GNAS NGAN LEN 'CHAB PA'O, DE LA YANG DGE SLONG GANG ZHES BYA PA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI, DE RANG NYID KYIS RIG PAR GYUR PA'AM, GZHAN DAG GIS BRJOD PA'O, ,DGE SLONG GI ZHES BYA BA NI CHOS 'DI PA'O, ,GNAS NGAN LEN GYI LTUNG BA ZHES BYA BA NI GNAS NGAN LEN GNYIS TE, PHAM PAR 'GYUR BA KUN NAS SLONG BA DANG, DGE 'DUN LHAG MA KUN NAS SLONG BA'O, ,CI'I PHYIR DE DAG GNAS NGAN LEN CES BYA ZHE NA, NGO BO NYID LAS DANG, KUN NAS SLONG BA LAS SO, ,'CHAB NA ZHES BYA BA NI MKHYUD NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SHES BZHIN DU DGE SLONG GI PHAM PAR 'GYUR PA DANG, DGE 'DUN LHAG MA'I LTUNG BA 'CHAB NA BDE BA LA MI REG PA DANG, DGE SBYONG GI TSUL DANG, TSANGS BAR SPYOD PA'I BAR CHAD DANG, DGE 'DUN 'KHRUG TU DOGS PA'I DBANG NYI MA GTOGS PAR NYIN MTSAN GCIG GI SKYA RENGS DANG PO SHAR BA'I MTHAR GNAS NGAN LEN 'CHAB PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE SLONG GZHAN GYIS PHAM PAR 'GYUR BA DANG, DGE 'DUN LHAG MA'I LTUNG BA BYUNG BA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GZHAN GYIS PHAM PAR 'GYUR BA'AM, DGE 'DUN LHAG MA KUN NAS SLONG BA'I GNAS NGAN LEN 'BYUNG BA NYID DANG, DER 'DU SHES PA DANG, 'CHAB PA DANG BDAG LA GZHI DES BDE BA LA MI REG PA DANG, DGE SBYONG GI TSUL DANG,

TSANGS PAR SPYOD PA'I BAR CHAD DANG, DGE 'DUN 'KHRUG TU DOGS PA'I DBANG NYID MA GTOGS PA DANG, NYIN MTSAN GYI MTHA' THUG PA'O, ,DE DAG LAS YAN LAG MA TSAD DANG NA CI RIGS PAR NA SMAD DO, ,GNAS NGAN LEN 'CHAB PA'I LTUNG BYED DE LNGA BCU PA'O,, ,,SDOM LA, BDE DANG ME DANG 'DUN PA DANG, ,BSNYEN PAR MA RDZOGS CHOS DANG SMRA, ,DGE TSUL KHA DOG BSGYUR BA DANG, ,RIN PO CHE DANG TSA BA'I DUS, ,ZHES BYA BA NI BCU PA DRUG PA YIN TE, SDOM LA ZHES BYA BA'I TSIG GI DON DANG DGOS PA NI SNGA MA BZHIN NO, ,BCU PA DRUG PA 'DIS KYANG LTUNG BYED KYI CHOS BCU BSTAN TE, ZAN GCOD DU 'JUD PA DANG, ME LA REG PA DANG, 'DUN PA PHYIR BSGYUR BA DANG, BSNYEN PAR MA RDZOGS PA DANG LHAN CIG NYAL PA DANG, LTA BA'I RNAM PA MI GTONG PA DANG, SPANGS PA'I RJES SU PHYOGS PA DANG, BSNYIL BA SDUD PA DANG, KHA MA BSGYUR BA'I GOS GYON PA DANG, LONGS PA'I GZHIR GTOGS PA DANG, KHRUS BYED PA'I LTUNG BYED DO, ,DE LA ZAN GCOD DU 'JUD PA'I LTUNG BYED KYI GLEN GZHI NI, SANGS RGYAS BCOM LDAN 'DAS MNYAN YOD NA RGYAL BYED GYI TSAL MGON MED ZAS KYI SBYIN GYI KUN DGA' RA BA NA BZHUGS SO, ,DGA' BO'I LHAN CIG GNAS PA DGE SLONG CHES ZHES BYA BA NGO TSA SHES PA 'GYOD PA DANG LDAN PA BSDAMS PA DANG, BSLAB PA 'DOD PA ZHIG YOD PA DES JI SRID DU DE GNAS NGAN LEN KUN DU SPYOD PAR MI SHES PA DE SRID DU DE DANG LHAN CIG GNAS SO, ,GANG GI TSE DE GNAS NGAN LEN KUN DU SPYOD PAR SHES PA DE'I TSE NA DE RANG BZHIN DU GNAS PA'I DGE SLONG RNAMS DANG LHAN CIG GNAS PAR BRTZAMS TE, BCOM LDAN 'DAS KYI BKA' LUNG GIS DUS GSUM DU RKANG PA LA PHYAG 'TSAL DU 'GRO BA 'BA' ZHIG BYED DE, NYI DAGS DGA' BO LA SMRAS PA, SLOB DPON CHOS 'DIS KHO BO SANGS RGYAS LA SOGS PA DGE SLONG GI DGE 'DUN GYI MDUN DU THO BTZAMS PA LA LTOS, KHO BOS KYANG 'DI LA NGES PAR GNOD PA CUNG ZHIG BYA'O, ,DGA' BOS SMRAS PA, DGE SLONG CHOS 'DI NI NGO TSA SHES PA, 'GYOD PA DANG LDAN PA BSDAMS PA, BSLAB PA 'DOD PA YIN PAS, KHYOD KYIS 'DI LA GNOD PA CI ZHIG BYAR YOD, NGES PAR 'DI NI ZAN

, ,GCAD PAR BYA'O, ,DE NI NUS SO, ,KHYIM BDAG CIG GIS DGA' BO DANG NYE DGA' GNYIS ZAN LA MGRON DU BOS PA DANG, NYE DAGS BSAMS PA, DENG CHOS 'DI'I ZAN GCAD PAR BYA'O SNYAM NAS, CHOS DGA' BO'I GNANG DU BSOD SNYOMS LA 'GRO BAR ZHUR 'ONG BA'I TSE, DGA' BOS CHOS LA SMRAS PA, CHOS KHO BO CAG DENG KHYIM BDAG CIG GIS ZAN LA MGRON DU BOS KYIS TSUR SHOG LA DE NYID DU ZAN ZO SHIG ,DES SMRAS PA, LHUNG BZED DANG CHU TSAGS BLANGS TE MCHI'O, ,NYE DAGS SMRAS PA, DER LHUNG BZED DANG CHU TSAGS KYIS CI BYA, DER SNOD BKRUS PA DANG, CHU TSAGS DAG 'BOGS KYIS TSUR SHOG 'DONG NGO, ,DE DE GNYIS DANG LHAN CIG MNYAN YOD DU ZHUGS PA DANG, DE GNYIS SRANG DU DONG STE, TSONG KHANG DU 'KHOD NAS, NYE DAGS KHYIM BDAG DE'I KHYIM DU SONG STE, ZAS ZOS NAS PHYIR 'ONGS SO, ,DE'I 'OG TU DGA' BO YANG KHYIM BDAG DE'I KHYIM DU DONG STE ZAN ZA ZHING 'DUG GO, ,CHOS KYIS NYE DGA' LA SMRAS PA, SLOB DPON GDUGS TSOD BAB KYIS BZHUD DO, ,NYE DAGS SMRAS PA, DER THAMS CAD STA GON BYAS ZIN PAS DER SONG STE, BZA' BA LAS GZHAN PA'I BYA BA CI YANG MED KYIS, GDUGS TSOD KYI KHA KHO NAR 'DONG NGO, ,CHOS LANGS TE RKANG PA GNYIS KYIS GRIB TSOD GZHAL BAR BRTZAMS PA DANG, NYE DAGS SMRAS PA, GLEN PA KHYOD KHO BO CAG GI BSLAB PA LA CUNG ZAD YID MI CHES SAM, CI KHYOD KYI SNYING LAM NA KHO BO CAG DUS MA YIN PAR ZA BAR 'GYUR SNYAM MAM, KHO BO KHYOD DANG LHAN CIG SMRA BA'AM, 'DUG PA BDE BA MA YIN GYI, 'DI LTAR KHO BO GCIG PU KHO NA SMRA'AM 'DUG NA BDES KHYOD SONG SHIG ,CHOS KYIS BSAMS PA, GAL TE BDAG GIS LHUNG BZED DANG CHU TSAGS KHYER TE 'ONGS PAR GYUR NA, BDAG BSOD SNYOMS LA RGYU BAR 'GYUR BA ZHIG NA, DA NI CI BYAR YANG MED DO SNYAM NAS, DE GTZUG LAG KHANG DU SONG STE, JI SRID DU DE'I LUS LAS MDANGS MA YAL BA DE SRID DU DGE BA'I PHYOGS LA TRON BYAS NAS, GANG GI TSE DE'I LUS LAS MDANGS YAL BA DE'I TSE NA GLOS PHAB STE NYAL BA DANG, DGE SLONG RNAMS KYIS DE LA SMRAS PA, TSE DANG LDAN PA CHOS GAL TE ZAN GZHAN GYI

YIN ZHES TE LTO YANG GZHAN GYI YIN NAM CI NA, JI TZAM GYIS DGE BA'I PHYOGS LA TRON BYED KYANG MI NUS PA, DE TZAM GYI ZAN ZOS SO, ,SUS ZOS, KHYOD KYIS ZOS SAM, MA ZOS SO, ,CI'I PHYIR DES SKABS DE RGYAS PAR BRJOD PA DANG, DGE SLONG DON NYUNG DU DAG CI'I PHYIR DGE SLONG DAG CHED DU BSAMS TE, DGE SLONG GI ZAN GCOD DU 'JUG CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU DGE SLONG GANG KLAN KA TSOL ZHING CI NAS KYANG, DGE SLONG 'DI LA KLAN KA BTZAL BAR 'GYUR RO SNYAM PA DE NYID RKYEN DU BYAS TE, DGE SLONG LA 'DI SKAD CES TSE DANG LDAN PA TSUR SHOG ,KHYIM DAG DU 'DONG DANG, DER KHYOD LA BCA' BA DANG BZA' BA BSOD PA DAG JI TZAM 'DOD PA SBYIN DU GZHUG GO ZHES SMRAS NAS, DES DE LA SBYIN DU MA BCUG PAR DE'I 'OG TU 'DI SKAD CES TSE DANG LDAN PA KHO BO KHYOD DANG LHAN CIG SMRA 'AM 'DUG PA BDE BA MA YIN GYI, 'DI LTAR KHO BO GCIG PU KHO NA SMRA'AM 'DUG NA BDES KHYOD SONG SHING CES ZER NA, LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI ZHE GDUG ,NYES PA NI CHED DU BSAMS TE, DGE SLONG GI ZAN GCOD DU 'JUD PA'O, ,DE LA YANG DGE SLONG GANG ZHES BYA BA NI SH'AKYA'I BU NYE DGA'AM, GZHAN YANG DE LTA BU GANG YIN PA'O, ,KLAN KA TSOL ZHING CI NAS KYANG DGE SLONG 'DI LA KLAN KA BTZAL BAR 'GYUR RO, ,SNYAM PA ZHES BYA BA NI CI NAS KYANG DGE SLONG 'DI'I ZAN GCOD DU BCUG PAR 'GYUR RO SNYAM PA'O, ,DE NYID RKYEN DU BYAS TE ZHES BYA BA NI GZHAN MA YIN PA'O, ,DGE SLONG LA ZHES BYA BA NI CHOS 'DI PA LA'O, ,'DI SKAD CES BYA BA NI 'DI SKAD CES SMRAS NAS SO, ,TSE DANG LDAN PA TSUR SHOG ,KHYIM DAG DU 'DONG DANG ZHES BYA BA NI, BRAM ZE DANG KHYIM BDAG DAD PA CAN DAG GI KHYIM DAG TU'O, ,DER KHYOD LA BCA' BA DANG BZA' BA BSOD PA ZHES BYA BA NI BZA' BA LNGA PO DANG BCA' BA LNGA PO DAG GO, ,JI TZAM 'DOD PA SBYIN DU GZHUG GO ZHES SMRAS NAS ZHES BYA BA NI CI TZAM GYIS CHOG PA'O, ,DES DE LA SBYIN DU MA BCUG PAR, DE'I 'OG TU 'DI SKAD CES, TSE DANG LDAN PA KHO BO

, ,KHYOD DANG LHAN CIG SMRA'AM 'DUG PA BDE BA MA YIN GYI, 'DI LTAR KHO BO GCIG PU SMRA'AM 'DUG NA BDES KHYOD SONG SHIG CES ZER NA ZHES BYA BA NI DE SKAD ZER NA'O, ,LTUNG BYED DO ZHES BYA BA NI SEMS CAN DMYAL BA DANG, DUNG 'GRO DANG, YI DAGS NGAN SONG DANG, NGAN 'GRO DANG, LOG PAR LTUNG BA DAG TU SREG PAR BYED, 'TSOD PAR BYED, LTUNG BAR BYED PA'O, ,GZHAN YANG JI SRID DU LTUNG BA DE MA BSHAGS SHING SO SOR MA BSHAGS NA DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DAG GIS DGE SLONG PHA ROL PA'I NAD KYI GNYEN PO'I DON NYID MA GTOGS PAR CHED DU BSAMS TE, KHYIM PA SBYIN PA PO'I TSIG GIS BSGO BAS ZAN GCOD DU BCUG NAS, ZAN GCOD DU 'JUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, ZAN GCAD PAR BYA BA DGE SLONG NYID DAG SBYIN BDAG KHYIM BA DANG, ZAS NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, CHED DU BSAMS PA DANG, ZAN GCAD PAR BYA BA DGE SLONG NYID DANG, NAD KYI GNYEN PO'I DON NYID MA GTOGS PA DANG, SBYIN PA PO KHYIM BA DANG, TSIG GIS BSGO BA DANG ZAN GCOD DU 'JUG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,ZAN GCOD DU 'JUG PA'I LTUNG BYED DE LNGA BCU GCIG PA'O,, ,,ME LA REG PA'I LTUNG BYED KYI GLENG GZHI NI, SANGS RGYAS BCOM LDAN 'DAS MA GA DH'A DAG TU LJONGS RGYU ZHING GSHEGS PA NA RGYAL PO'I KHAB TU BYON NAS, RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS SO, ,DE'I TSE NA DRUG SDE DAG ,MES GZHAN LA GTONG BAS RTZE BAR BYED CING ZLA BA YANG BYED, NYI MA YANG BYED, MGAL ME'I 'KHOR LO YANG BYED NAS MU STEGS CAN DAG SHES LAN DAG ,SH'AKYA'I BU'I DGE SBYONG 'DI DAG MES GZHAN LA GTONG BAS RTZE BAR BYED, ZLA BA YANG BYED NYI MA YANG BYED, MGAL ME'I 'KHOR LO YANG BYED DE, BYIS PA KHYE'U DAG KYANG DE LTAR BYED NA, SHES LDAN DAG BYIS PA KHYE'U DAG DANG, SH'AKYA'I BU'I DGE SBYONG 'DI DAG LA BYE

BRAG NI CI YOD, BSAM PA NI CI YOD, THA DAD DU BYA BA NI CI YOD SU ZHIG DGE SBYONG MGO REG 'DI DAG LA BSOD SNYOMS SBYIN PA DANG BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG MI NA BAR BDAG NYID KYI PHYIR ME LA REG GAM REG TU 'JUD NA LTUNG BYED DO ZHES BCA' BA MDZAD DE, YUL NI RGYAL PO'I KHAB, GANG ZAG NI DRUG SDE, NYON MONGS PA NI 'GRAN GTOR LA DGA' PA, NYES PA NI MI NA BAR BDAG NYID KYI PHYIR ME LA REG PAR BYED PA'O, ,DE LA YANG DGE SLONG GANG ZHES BYA BA NI, DRUG SDE'AM GZHAN YANG DE LTA BU GANG YIN PA'O, ,MI NA BAR ZHES BYA BA NI NA BA BZHAG STE'O, ,BDAG NYID KYI PHYIR ZHES BYA BA NI BDAG NYID KYI CHED DU'O, ,ME LA REG GAM ZHES BYA BA NI BDAG NYID KYIS SO, ,REG TU 'JUD NA ZHES BYA BA NI GZHAN NO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS MES RTZE BA NYID KYIS GZHAN LA GTONG BAS ZLA BA DANG, NYI MA DANG, MGAL ME'I 'KHOR LO LA SOGS PA BYED PA DANG, STON PA DANG, CHOS DANG, DGE 'DUN DANG, TSANGS PA MTSUNGS PAR SPYOD PA RNAMS KYIS CHOS DANG LDAN PA'I BYA BA'I DON NYID DANG, LHUNG BZED DAM MTSON GYI LAS LA BRTAG PA LTA BUS DUS BYIN GYIS MA BRLABS PA'I DGE SLONG NA BA'I DBANG NYID DU GNAS PA MA YIN PAS, SBAR BA DANG, GSOD PA DANG, MES REG PA DANG, MA REG PA'I BUD SHING BSKUL BA DANG, ME DANG BCAS PA 'DREN PA DANG, BSKUL BA DANG, 'DAB MA SPUNG BA DANG, 'DRU BA DAG DANG, ME MA MUR DANG, ME LCER BUD SHING 'DZUD PA DANG, 'BYIN PA RANG NGAM BSGO BAS BYED NA ME LA REG PA'I LTUNG BYED KYI DNGOS GZHIR 'GYUR RO, , 'DI'I BYED PA PO NI ME MA MUR DANG, ME LCE MA GTOGS PA'I ME NYID DANG, MES RTZE BA NYID DANG, DUS BYIN GYIS MA BRLABS PA DANG, NA BA'I DBANG NYID DU GNAS PA MA YIN PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, ME NYID DANG, MES RTZE BA NYID DANG, DUS BYIN

, ,GYIS MA BRLABS PA DANG, NA BA'I DBANG NYID DU GNAS PA MA YIN PA DANG, RANG NGAM BSGO BAS REG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,ME LA REG PA'I LTUNG BYED DE LNGA BCU GNYIS PA'O,, ,,'DUN PA PHYIR BSGYUR BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA 'CHAR KAS NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS PA DANG, TSE DANG LDAN PA 'DUN PA NI KO SH'AMB'IR SONG STE YID DAL DU 'DUG PA DANG, 'GRO MGYOGS DANG NAB SO GNYIS NI DUS LA BAB PA DANG, DGA' BO DANG NYE DGA' GNYIS NI DGE 'DUN GYI NANG DU GNAS PA DE'I TSE NA BCU BDUN SDE DAG GDUG PA DANG PHA ROL GNON PAR GYUR CING MDO SDE 'DZIN PA DANG, 'DUL BA 'DZIN PA DANG, MA MO 'DZIN PA YANG YIN PAS, DE DAG GIS SMRAS PA, TSE DANG LDAN PA DAG BDAG CAG LA YUN RING PO NAS DRUG SDE DAG GIS THO BTZAMS TE, JI LTAR DGA' BO DANG NYE DGA' GNYIS KYIS THO BTZAMS PA LTAR YANG GZHAN DAG GIS THO MA BTZAMS LA, JI LTAR NYE DAGS THO BTZAMS PA LTAR YANG, DGA' BOS THO MA BTZAMS KYIS TSUR SHEG ,DE GNAS NAS DBYUNG BA'I LAS BYA'O, ,DE NA GCIG GIS SMRAS PA, PHU NU PO DAG DE'I PHU BA DGA' BO RTZOD PA LA MKHAS PAS BDAG CAG GIS NYE DGA' GNAS NAS DBYUNG BA'I LAS BYA BAR MI NUS SO, ,DE BREL BA BSKYED PAR BYA'O ZHES DE DAG DGA' BO'I GAN DU SONG STE SMRAS PA, GNAS BRTAN PHYAG 'TSAL LO, ,TSE DANG LDAN PA DAG AA ROG GYA, GNAS BRTAN GYI CHOS GOS DAG DRI MA CAN DU GYUR TO, ,BU DAG KHO BO RGAS PAR GYUR PAS, DGE SLONG LHAN CIG GNAS PA DAG GIS KYANG RGAS PA'I PHYIR BRNYAS TE, PHYIN CHAD CHOS GOS KYI LAS BYED DU MI BTUB BO, ,BDAG CAG GIS GNAS BRTAN GYI CHOS GOS DAG BKRU BAR BGYIS, CHOS GOS DAG TSUR STZOL CIG CES BCU BDUN SDE DAG GIS, DGA' BO LA RNYANG RNYING DAG BSKON TE, DE'I CHOS GOS THAMS CAD BLANGS NAS 'GYUR BYED KYIS BRTZAL TE GNAS MAL

BSHAMS NAS, GAnd'I BRDUNGS TE, DGA' BO'I GAN DU SONG STE SMRAS PA, GNAS BRTAN DGE 'DUN GYI BYA BA CUNG ZHIG MCHIS TE, GAnd'I BRDUNGS KYIS TSUR SPYON, DGA' BOS SMRAS PA, BU DAG KHO BO 'DI 'DRA BA'I GNAS SKABS KYIS, DGE 'DUN GYI NANG DU JI LTAR 'GRO BAR BYA, DGE 'DUN GYI BYA BA CHOS DANG LDAN PA LA 'DUN PA 'BUL LO, ,DE NAS DGE 'DUN THAMS CAD 'DUG CING MTHUN PAR GYUR PA NA, DGE SLONG GLENG BA PO RGAN PA'I MTHA' LOGS SU 'DUG STE, NYE DGA' LA SMRAS PA, BTZUN PA NYE DGA' KHYOD KYIS BCU BDUN SDE DAG GI LTO DRAL TE RGYU MA DAG GIS RGYAL BYED KYI TSAL BSKOR BAR BYA'O ZHES BYA BA DE LTA BU'I TSIG SMRAS PA GANG YIN PA DE DRAN NAM, TSE DANG LDAN PA RMA SOS PA DAG DRAL TE CI BYA, DE NI 'DAS PA'I DON YIN NO, ,DE DAG GIS SMRAS PA, BCOM LDAN 'DAS KYIS 'DAS PA'I DUS KHO NA LAS BRTZAMS TE, 'DUL BA LA NYAN THOS RNAMS KYI BSLAB PA'I GZHI BCA' BA MDZAD DO ZHES DE DAG GIS NYE DGA' LA GYA TSOM DU NAN GYIS GNAS NAS DBYUNG BA'I LAS BYAS SO, ,NYE DGA' GNAS NAS DBYUNG BA'I LAS BYAS NAS, PHU BO DGA' BO'I GAN DU SONG STE NGU BAR BRTZAMS PA DANG, DGA' BOS SMRAS PA, NYE DGA' CI'I PHYIR DU, NYE DAGS SMRAS PA, LHUNG BZED NAG PO CAN DAG GIS, KHO BO GNAS NAS DBYUNG BA'I LAS BYAS SO, ,DGA' BOS SMRAS PA, GANG DAG GIS KHO BO'I NU BO GNAS NAS DBYUNG BA'I LAS BYAS PA DE DAG GRONG DANG, GRONG KHYER DANG, LJONGS DANG, KHAMS GSUM NAS PHYUNG BAR GYUR CIG ,KHO BOS BDAG GI NU BO GNAS NAS DBYUNG BAR MA SHES KYIS, DGE SLONG 'DUN PA PHYIR BYIN CIG ,KHYED LA 'DUN PA MI SBYIN NO ZHES ZER NAS, DGE SLONG DON NYUNG DU DAG CI'I PHYIR, DGE SLONG DAG DGE 'DUN GYI BYA BA CHOS DANG LDAN PA LA DGE SLONG LA 'DUN PA PHUL NAS, DE'I 'OG TU KHROS 'KHRUGS NAS RNGAM PAR GYUR TE YID MA RANGS NAS SPONG BA'I CHOS SU BYED CING, 'DI SKAD CES DGE SLONG 'DUN PA PHYIR BYIN CIG ,KHYOD LA MI SBYIN NO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,

, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN GYI BYA BA CHOS DANG LDAN PA LA, DGE SLONG LA 'DUN PA PHUL NAS, ,DE'I 'OG TU KHROS 'KHRUGS RNGAM PAR GYUR TE YID MA RANGS NAS SPONG BA'I CHOS SU BYED CING, 'DI SKAD CES DGE SLONG 'DUN PA PHYIR BYIN CIG ,KHYOD LA MI SBYIN NO ZHES ZER NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGA' BO, ,NYON MONGS PA NI SPONG BA'I CHOS SU BYED PA, NYES PA NI 'DUN PA PHYIR BSGYUR PA'O, ,DE LA YANG DGE SLONG GANG ZHES BYA BA NI, SH'AKYA'I BU DGA' BO'AM, GZHAN YANG DE LTA BU GANG YIN PA'O, ,DGE 'DUN GYI ZHES BYA BA NI, DE BZHIN GSHEGS PA'I NYAN THOS KYI DGE 'DUN GYI'O, ,BYA BA CHOS DANG LDAN PA LA ZHES BYA BA NI LAS CHOS 'DI DANG LDAN PA LA'O, ,DGE SLONG LA ZHES BYA BA NI CHOS 'DI PA LA'O, ,'DUN PA PHUL NAS ZHES BYA BA NI 'DUN PA BYIN NAS SO, ,DE'I 'OG TU ZHES BYA BA NI DUS GZHAN NO, ,KHROS 'KHRUGS RNGAM PAR GYUR TE YID MA RANGS NAS ZHES BYA BA NI KHRO BA'I ZIL GYIS GNON NAS SO, ,SPONG BA'I CHOS SU BYED CING ZHES BYA BA NI BSNYON PA'I CHOS SU BYED CING NGO, ,'DI SKAD CES BYA BA NI 'DI SKAD CES ZER NA'O, , DGE SLONG LA 'DUN PA PHYIR BYIN CIG KHYOD LA MI SBYIN NO ZHES BYA BA NI 'DI SKAD CES ZER NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GI LAS BRGYA RTZA GCIG GI NANG NAS NAN TUR GYIS LAS LNGA DANG, GANG ZAG BCU GNYIS BSKO BA DANG, GRANGS SU GZHUG PA'I GZHI LA SOGS PA LTA BU DGE SLONG DI DON GYI CHED KYI LAS DGE 'DUN GYIS CHOS BZHIN DU BYAS PA LAS 'DUN PA PHUL BA PHYIR BSGYUR BA'I PHYIR DGE SLONG 'DUN PA PHYIR BYIN CIG ,KHYOD LA MI SBYIN NO ZHES SMRAS NA, 'DUN PA PHYIR BSGYUR BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG GI DON GYI CHED KYI LAS BYAS PA LA 'DUN PA PHUL BA'O, ,'DI LA YAN LAG LNGAS DNGOS ZHI'I LTUNG BAR 'GYUR TE, DGE SLONG GI DON GYI CHED DANG, LAS DANG, DE LA 'DUN PA PHUL BA DANG, DGE 'DUN GYI CHOS GZHIN DU BYAS PA DANG, DE'I

PHYIR BSGYUR BA'I PHYIR SMRAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'DUN PA PHYIR BSGYUR BA'I LTUNG BYED DE LNGA BCU GSUM PA'O,, ,,SO SOR THAR PA'I MDO'I GZHUNG 'GREL, BAM PO BCU BZHI PA, BSNYEN PAR MA RDZOGS PA DANG LHAN CIG NYAL BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG GIS, GANG ZAG BSNYEN PAR MA RDZOGS PA DANG, LHAN CIG NYAL BAR MI BYA ZHING, SNANG BA LA YANG NYAL BAR MI BYA'O ZHES BKA' STZAL NAS, NYE DGA' LA DGE TSUL TSER MA DANG, CHEN PO PA ZHES BYA BA GNYIS YOD DO, ,DE DE GNYIS DANG LHAN CIG NUB GNYIS LAS LHAG PAR GNAS GCIG TU NYAL BAR BYED NAS, DGE SLONG RNAMS KYIS DE LA SMRAS PA, TSE DANG LDAN PA NYE DGA', BCOM LDAN 'DAS KYIS, DGE SLONG GIS GANG ZAG BSNYEN PAR MA RDZOGS PA DANG LHAN CIG NUB GNYIS LAS LHAG PAR GNAS GCIG TU NYAL BAR MI BYA'O ZHES BKA' STZAL GYIS KHYOD GANG ZAG BSNYEN PAR MA RDZOGS PA DANG, LHAN CIG NUB GNYIS LAS LHAG PAR GNAS GCIG TU MA NYAL CIG ,NYE DAGS SMRAS PA, GANG LA NUB GNYIS RUNG BA DE LA NUB GSUM PA YANG RUNG STE, NUB GSUM PAS CHANG 'THUNGS SAM, KUN DONG ZOS SAM, CI NYES ZHES ZER NAS DGE SLONG DON NYUNG DU DAG BCOM LDAN 'DAS KYIS, DGE SLONG GIS GANG ZAG BSNYEN PAR MA RDZOGS PA DANG LHAN CIG NUB GNYIS LAS LHAG PAR GNAS GCIG TU NYAL BAR MI BYA'O ZHES BKA' STZAL NA, CI'I PHYIR DGE SLONG DAG CHED DU BSAMS TE, NUB GNYIS LAS LHAG PAR 'DA' BAR BYED, CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG ZAG BSNYEN PAR MA RDZOGS PA DANG LHAN CIG ,NUB GNYIS LAS LHAG PAR GNAS GCIG TU NYAL NA LTUNG BYED DO ZHES BCA' PA MDZAD DE, YUL NI MNYAN YOD, GANG ZAG NI NYE DGA', NYON MONGS

, ,PA NI 'DOD CHAGS KYI CHA LA BRTEN PA, NYES PA NI GANG ZAG BSNYEN PAR MA RDZOGS PA DANG, LHAN CIG NUB GNYIS LAS LHAG PAR GNAS GCIG TU NYAL BA'O, ,DE LA YANG DGE SLONG GANG ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'O,, GANG ZAG BSNYEN PAR MA RDZOGS PA DANG LHAN CIG CES BYA BA LA, BSNYEN PAR RDZOGS PA NI GNYIS TE, DGE SLONG DANG, DGE SLONG MA'O, ,DE LAS GZHAN PA NI BSNYEN PAR MA RDZOGS PA'O, ,NUB GNYIS LAS LHAG PAR ZHES BYA BA NI, NUB GNYIS LAS 'DAS PAR RO, ,GNAS GCIG TU NYAL NA ZHES BYA BA NI GNAS GZHI BO THAMS CAD BSKOR BA DANG, THAMS CAD G-YOGS SHING PHAL CHER BSKOR BA DANG, PHAL CHER G-YOGS SHING THAMS CAD BSKOR BA DANG, PHAL CHER G-YOGS SHING PHAL CHER BSKOR BA DAG TU NYAL BAS KYANG SKYA RENGS 'CHAR BAR BYED NA'O, ,DE LA GNAS THAMS CAD G-YOGS SHING THAMS CAD BSKOR BA NI GNAS KHANG DANG, 'KHOR GYI KHYAMS DANG, KHANG PA BRTZEGS PA DAG GO, ,THAMS CAD G-YOGS SHING PHAL CHER BSKOR BA NI, SGO BCU PA DANG, SGO BCU GNYIS PA DAG GO, ,PHAL CHER G-YOGS SHING THAMS CAD BSKOR BA NI; KHYAMS NGOS BZHI PA DAG GO, ,PHAL CHER G-YOGS SHING PHAL CHER BSKOR BA NI KHYAMS NGOS GSUM PA DANG, 'KHOR GYI KHYAMS DAG GO, ,LTUNG BYED DO ZHES BYA BA NI LNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG LAM GYIS DUB BAS RMYA BA DANG, DGE SLONG GIS BYAR MI RUNG BA SGRUB PAR BYED PA BSNYEN PAR MA RDZOGS PA DANG LHAN CIG PA'I NAD PA DANG, NAD G-YOG DANG, 'KHOR YOD PA'I DGE SLONG SDIG PA CAN RANG GI DGE TSUL LA 'TSE BA GNAS DER 'ONGS PA MA GTOGS PAS KHYIM PA'AM, RAB TU BYUNG BA'I GANG ZAG BSNYEN PAR MA RDZOGS PA MTSAN DANG LTA BA GANG YANG RUNG BA DANG LHAN CIG GNYI GA NYAL BA'I SPYOD LAM GYIS GNYID LOG PAS GNAS PHAL CHER G-YOGS PA DANG, BSKOR BA LA SOGS PA GCIG TU MTSAN MO GSUM PA'I SKYA RENGS 'CHAR BA'I MTHAR NYAL NA BSNYEN PAR MA RDZOGS PA DANG LHAN CIG NYAL BA'I LTUNG BYED KYI DNGOS GZHIR

'GYUR RO, ,'DI'I BYED PA PO NI KHYIM PA'AM, RAB TU BYUNG BA'I GANG ZAG BSNYEN PAR MA RDZOGS PA MTSAN DANG LTA BA GANG YANG RUNG BA DANG, GNAS GCIG PA NYID DO, ,'DI LA YANG LAG LNGAS DNGOS GZHI'I LTUNG BAR 'GYUR TE, DGE SLONG LAM GYIS DUB PAS RMYA BA LA SOGS PA MA YIN PA NYID DANG KHYIM PA'AM, RAB TU BYUNG BA'I GANG ZAG BSNYEN PAR MA RDZOGS PA MTSAN DANG LTA BA GANG YANG RUNG BA DANG, GNAS GCIG PA NYID DANG, GNYI GA LA NYAL BA'I SPYOD LAM GYIS GNYID LOG PA NYID DANG, MTSAN MO GSUM PA'I SKYA RENGS SHAR BA'O, ,DE DAG LAS YAN LAG MTSANG NA CI RIGS PAR NA SMAD DO, ,BSNYEN PAR MA RDZOGS PA DANG LHAN CIG NYAL BA'I LTUNG BYED DE LNGA BCU BZHI PA'O,, ,,LTA BA'I RNAM PA MI GTONG BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA, SNGON BOD RDZI DGE SLONG MCHI LTAS LA SDIG PA CAN GYI LTA PA'I RNAM PA 'DI LTA BU 'DI BYUNG STE, 'DI LTAR BCOM LDAN 'DAS KYIS BAR DU GCOD PA'I CHOS SU GSUNGS PA GANG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES ZER RO, ,DGE SLONG RAB TU MANG PO DAG GIS DE THOS NAS SKABS DE BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYOD KYIS SNGON BONG RDZI DGE SLONG 'CHI LTAS DANG, GZHAN YANG DE LTA BU GANG YIN PA LA GZHI DE GTONG DU GZHUG PA'I PHYIR, DANG POR BZHAMS TE BSGO BAR BYA'O, ,DE LTA NA YANG MI GTONG NA, GSOL BA DANG BZHI'I LAS KYIS BSGO BAR BYA'O, ,DGE SLONG DAG GIS DE BZHIN BYAS KYANG DE SDIG PA CAN GYI LTA BA'I RNAM PA DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI, GZHAN NI BRDZUN PA'O ZHES RJES SU THA SNYAD 'DOGS PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG 'DI SKAD CES, JI LTAR BCOM LDAN 'DAS KYIS BAR DU GCOD PA'I

, ,CHOS SU GSUNGS PA GANG DAG YIN PA DE DAG BSTEN KYANG BAR DU GCOD PAR MI 'GYUR RO, ,DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES ZER NA, DGE SLONG DE LA DGE SLONG RNAMS KYIS 'DI SKAD CES TSE DANG LDAN PA KHYOD, JI LTAR BCOM LDAN 'DAS KYIS BAR DU GCOD PA'I CHOS SU GSUNGS PA GANG DAG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES DE SKAD MA ZER CIG ,BCOM LDAN 'DAS LA SKUR PA MA 'DEBS SHIG ,BCOM LDAN 'DAS LA SKUR PAS LEGS PAR MI 'GYUR RO, ,BCOM LDAN 'DAS NI DE SKAD MI GSUNG NGO, ,TSE DANG LDAN PA BAR DU GCOD PA'I CHOS RNAMS NI, BAR DU GCOD PA NYID DO ZHES BCOM LDAN 'DAS KYIS RNAM GRANGS DU MAR GSUNGS TE, DE DAG BSTEN NA BAR DU GCOD PAR 'GYUR GYIS, TSE DANG LDAN PA KHYOD SDIG PA CAN GYI LTA BA'I RNAM PA 'DI LTA BU 'DI THONG SHIG CES BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTONG BAR BYA BA'I PHYIR, LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, ,YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI SNGON BONG RDZI DGE SLONG 'CHI LTAS, NYON MONGS PA NI LTA BA'I KUN DU SBYOR BA, NYES PA NI SDIG PA CAN GYI LTA BA'I RNAM PA MI GTONG BA'O, ,DE LA YANG DGE SLONG GANG ZHES BYA BA NI, 'CHI LTAS SAM, GZHAN YANG DE LTA BU GANG YIN PA'O, ,'DI SKAD CES ZHES BYA BA NI 'DI SKAD CES ZER NA'O, ,JI LTAR BCOM LDAN 'DAS KYIS BAR DU GCOD PA'I CHOS SU GSUNGS PA GANG DAG YIN PA ZHES BYA BA LA BAR DU GCOD PA'I CHOS ZHES BYA BA NI, PHAM PAR 'GYUR BA'I CHOS BZHI DANG, DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM CU DANG, LTUNG BYED KYI CHOS DGU BCU DANG, SO SOR

BSHAGS PAR BYA BA'I CHOS BZHI DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO GANG DAG BCOM LDAN 'DAS KYIS GSUNGS PA DAG GO, ,DE DAG BSTEN KYANG ZHES BYA BA NI DE LAS LHAG PAR SPYAD KYANG NGO, ,BAR DU GCOD PAR MI 'GYUR TE ZHES BYA BA NI DES DGE SBYONG GI TSUL GYIS BAR DU GCOD PAR MI 'GYUR TE ZHES ZER BA'O, ,DE LTA NA BCOM LDAN 'DAS KYIS ZHES BYA BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI'O, ,CHOS ZHES BYA BA NI SANGS RGYAS KYIS GSUNGS PA DANG, NYAN THOS KYIS BSHAD PA'O, ,BSTAN PA ZHES BYA BA NI RAB TU BSTAN PA'O, ,BDAG GIS SHES SO ZHES ZER NA ZHES BYA BA NI BDAG GIS KUN SHES SO ZHES ZER NA'O, ,DGE SLONG DE LA ZHES BYA BA NI 'CHI LTAS SAM, GZHAN YANG DE LTA BU GANG YIN PA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,'DI SKAD CES ZHES BYA BA NI, BZHAMS TE BSGO BA BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA NA'O, ,GAL TE GZHI DE GTONG NA ZHES BYA BA NI LTA BA'I RNAM PA DE YONGS SU GTONG NA'O, ,DE LTA NA LEGS ZHES BYA BA NI, DE LTA NA BZANG PA'O, ,GAL TE MI GTONG NA ZHES BYA BA NI YONGS SU MI GTONG NA'O, ,LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG BZHI'I LAS KYIS BSGO BAR BYA STE, YANG DAG PAR BSGO BA DANG, YANG DAG PAR BSTAN PA NI, SNGAR BSGO BA LAS 'GYUR BA'I DGE 'DUN LHAG MA BZHI'I SKABS SU BZHI BSTAN PA BZHIN NO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG JI LTAR BCOM LDAN 'DAS KYIS BAR DU GCOD PA'I CHOS SU GSUNGS PA GANG DAG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES BYA BA LA SOGS PA 'JUG PA LA, DGE 'DUN GYIS BZHAMS TE BSGO BA DANG, GSOL BA DANG BZHI'I LAS KYIS BZLOG PA NA, LAS BRJOD PA GSUM PA MJUG SDUD PA DANG BCAS PA'I MTHAR MI GTONG NA LTA BA'I RNAM PA MI GTONG

, ,BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SDIG PA CAN GYI LTA BA'I RNAM PA NYID DANG, DGE 'DUN GYIS BZHAMS PA DANG, GSOL PA DANG, BZHI'I LAS KYIS BZLOG PA NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, BAR DU GCOD PA'I CHOS NYID DANG, DE DAG BSTEN KYANG BAR DU GCOD PAR MI 'GYUR RO ZHES ZER BA DANG, DGE 'DUN GYIS BZHAMS PA DANG, GSOL BA DANG, BZHI'I LAS KYIS CHOS DANG MTHUN PAS BZLOG PA DANG, LAS BRJOD PA GSUM PA MJUG SDUD PA DANG BCAS PA RDZOGS PA DANG, DER MI GTONG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,LTA BA'I RNAM PA MI GTONG BA'I LTUNG BYED DE LNGA BCU LNGA PA'O,, ,,SPANGS PA'I RJES SU PHYOGS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,'CHI LTAS DE GNAS NAS DBYUNG BA'I LAS BYAS PA NA DU ZHING, NYE DGA'I GAN DU SONG BA DANG, NYE DAGS SMRAS PA, 'CHI LTAS KHYOD CI'I PHYIR DU, 'CHI LTAS KYIS SMRAS PA, LHUNG BZED NAG PO CAN DAG GIS BDAG GNAS NAS DBYUNG BA'I LAS BYAS SO, , NYE DAGS SMRAS PA, GANG DAG GIS 'CHI LTAS GNAS NAS DBYUNG BA'I LAS BYAS PA DE DAG GRONG DANG, GRONG KHYER DANG, LJONGS DANG, KHAMS GSUM NAS GNAS NAS DBYUNG BAR GYUR CIG ,'ON KYANG GNAS NAS DBYUNG BA'I LAS BYAS PA DAG LA, GRONG NGAM, GRONG RDAL DAG MED DAM CI SDOD LA BZOD PA GSOL CIG CES, NYE DGA' 'CHI LTAS DANG LHAN CIG GTAM 'DRE BAR BYED, PHEBS PAR SMRA BAR BYED, KUN DU GNAS PAR BYED, KUN DU LONGS SPYOD PAR BYED CING, DE DANG LHAN CIG GNAS GCIG TU NYAL BAR BYED NAS, DGE SLONG DON NYUNG DU DAG CI'I PHYIR DGE SLONG DAG SHES BZHIN DU DE SKAD ZAR BA'I GANG ZAG CHOS BZHIN MA BYAS PA, SDIG PA CAN GYI LTA BA'I RNAM PA DE MA SPANGS PA DANG GTAM 'DRE BAR BYED, PHEBS PAR SMRA BAR BYED, KUN DU GNAS PAR BYED, KUN DU LONGS SPYOD PAR BYED CING, DE DANG LHAN CIG GNAS GCIG TU NYAL BAR BYED CES SMOD PAR BYED, PHYAR

KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SHES BZHIN DU DE SKAD ZER BA'I GANG ZAG CHOS BZHIN DU MA BYAS PA SDIG PA CAN GYI LTA BA'I RNAM PA DE MA SPANGS PA DANG GTAM 'DRE BAR BYED, PHEBS PAR SMRA BAR BYED KUN DU GNAS PAR BYED, KUN DU LONGS SPYOD PAR BYED CING DE DANG LHAN CIG GNAS GCIG TU NYAL NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI SDIG PA 'DOD PA, NYES PA NI SPANGS PA'I RJES SU PHYOGS PA'O, ,DE LA YANG DGE SLONG GANG ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,DE SKAD ZER BA'I GANG ZAG CES BYA BA NI 'CHI LTAS SAM, GZHAN YANG DE LTA BU GANG YIN PA'O, ,CHOS BZHIN DU MA BYAS PA ZHES BYA BA NI CHOS DANG MTHUN PAR MA BYAS PA'O, ,SDIG PA CAN GYI LTA BA'I RNAM PA DE MA SPANGS PA ZHES BYA BA NI LTA BA'I RNAM PA GANG YIN PA DE'O, ,GTAM 'DRE BAR BYED CES BYA BA NI LUNG DBOG PA SBYIN PAR BYED PA'O, ,PHEBS PAR SMRA BAR BYED CES BYA BA NI, DMIGS KYIS 'DRI BA SBYIN PAR BYED PA'O, ,KUN DU GNAS PAR BYED CES BYA BA NI GNAS SBYIN PAR BYED PA'O, ,KUN DU LONGS SPYOD PAR BYED CING ZHES BYA BA NI, DE LA BSNYEN BKUR BDAG GIR BYED CING NGO, ,DE DANG LHAN CIG GNAS GCIG TU NYAL NA ZHES BYA BA NI GNAS BZHI PO THAMS CAD G-YOGS SHING THAMS CAD BSKOR BA DANG, THAMS CAD G-YOGS SHING PHAL CHER BSKOR BA DANG, PHAL CHER G-YOGS SHING THAMS CAD BSKOR BA DANG, PHAL CHER G-YOGS SHING PHAL CHER BSKOR BA DAG TU NYAL BAS SKYA RENGS 'CHAR BAR BYED NA'O, ,DE LA GNAS THAMS CAD G-YOGS SHING THAMS CAD BSKOR BA NI, GNAS KHANG DANG, 'KHOR GYI KHYAMS DANG, KHANG PA BRTZEGS PA DAG GO, ,THAMS CAD G-YOGS SHING PHAL CHER BSKOR BA NI, SGO BCU PA DANG SGO BCU GNYIS PA DAG GO, ,PHAL CHER G-YOGS SHING THAMS CAD BSKOR BA NI, KHYAMS NGOS BZHI PA DAG GO, ,PHAL

, ,CHER G-YOGS SHING PHAL CHER BSKOR BA DAG NI KHYAMS NGOS GSUM PA DAG DANG 'KHOR GYI KHYAMS DAG GO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG JI LTAR BCOM LDAN 'DAS KYIS BAR DU GCOD PA'I CHOS SU GSUNGS PA GANG DAG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES BYA BA LA SOGS PAR 'JUG PA'I TSIG DE SKAD SMRAS PAS, DGE 'DUN GYIS GNAS NAS DBYUNG BA DANG, SMAD PA'I LAS BYAS SHING SPANGS PA'I PHYIR BCOS PA NYID MA BYAS PA'I DGE SLONG LA NAD PA DANG, LTA BA DANG DBRAL BAR GTOGS PA'I DON GYI DBANG MA GTOGS PAR, SHES BZHIN DU LUNG DBOG PA DANG, DMIGS KYIS 'DRI BA DANG, GNAS 'CHA' BA DANG, RJES SU BSTAN PA DANG, GDAMS NGAG SBYIN PA DANG, LTA BA SMRA BA DANG, ZANG ZING GI LONGS SPYOD BYED PA DANG, BSNYEN BKUR BDAG GIR BYED PA DANG, GNAS GCIG TU GNYI GA NYAL BA'I SPYOD LAM GYIS GNYID LOG PAS SKYA RENGS 'CHAR BAR BYED PA DANG, THA NA 'DAG RDZAS TZAM YAN CHAD GZHAN GYIS SRUL NA YANG SPANGS PA'I RJES SU PHYOGS PA'I LTUNG BYED KYI DNGOS GZHIR 'GYUR RO; ,'DI'I BYED PA PO NI DE SKAD SMRAS PAS, SPANGS PA PHYIR BCOS PA NYID MA BYAS PA'I DGE SLONG LA 'DU SHES GTZO CHER BYED PA PO NYID YIN NO, ,THA NA 'DI LA YAN LAG LNGAS DNGOS GZHI'I LTUNG BAR 'GYUR TE, DGE 'DUN GYIS GNAS NAS DBYUNG BA'I LAS BYAS PA DANG, DE'I PHYIR BCOS PA NYID MA BYAS PA DANG, DER 'DU SHES PA DANG, NAD PA DANG LTA BA DANG DBRAL BAR GTOGS PA'I DON GYI DBANG MA GTOGS PA DANG, LUNG DBOG PA NAS GZHAN GYIS SRUL BA ZHES SMOD PA'I BAR GANG YANG RUNG BA BYAS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SPANGS BA'I RJES SU PHYOGS PA'I LTUNG BYED DE LNGA BCU DRUG PA'O,, ,,BSNYIL BA SDUD PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,NYE DGA' LA, DGE TSUL TSER MA DANG, CHEN PO PA ZHES BYA BA

GNYIS SHIG YOD DE, 'DOD CHAGS DANG BRAL BA MED PA NA, DGE SLONG RNAMS DE GNYIS DANG LHAN CIG GZHOGS STEGS BYED, 'PHYAR G-YENG BYED, THO 'TSAMS PAR BYED, KUN DU RTZE BAR BYED, CA CO 'DON PAR BYED, RGOD PA DANG DREGS PA DANG, LUS LA RDEG PAR BYED DO, ,PHYIS DE DAG GIS BSDAM PAR BYA BA'I LTUNG BA GANG DAG YIN PA DE DAG KYANG BSDAM PA BYAS, BSHAGS PAR BYA BA'I LTUNG BA GANG DAG YIN PA DE DAG KYANG BSHAGS PAR BYAS TE, SPRO BAR BYED, 'BAD PAR BYED, RTZOL BAR BYED PA DAG GIS NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS SHING; RDZU 'PHRUL YANG MNGON PAR BSGRUBS SO, ,DUS GZHAN ZHIG NA DGE TSUL TSER MA DANG, CHEN PO PA GNYIS ME TOG DAG THU ZHING 'KHOD PA NA, NAM MKHA' LAS DGE SLONG DAG CIG RDZU 'PHRUL GYIS 'DONG BA MTHONG NAS, DE GNYIS KYIS SMRAS PA, KHYED CAG SU DAG YIN, DE DAG GIS SMRAS PA; KHO BO CAG MING 'DI ZHES BYA BA DAG YIN NO, ,DE GNYIS KYIS SMRAS PA, KHYED CAG GIS KHO BO CAG GNYIS DANG LHAN CIG 'DI LTA BU DAG BYAS SO, ,DE DAG GIS SMRAS PA, DE LTA BU YIN MOD KYI, 'ON KYANG KHO BO CAG GIS BSDAM PAR BYA BA'I LTUNG BA GANG DAG YIN PA DE DAG KYANG BSDAM PA BYAS, BSHAGS PAR BYA BA'I LTUNG BA GANG DAG YIN PA DE DAG KYANG BSHAGS PAR BYAS TE, SPRO BAR BYED, 'BAD PAR BYED, RTZOL BAR BYED PA DAG GIS, NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SHING RDZU 'PHRUL YANG MNGON PAR BSGRUBS SO, ,DE NA DGE TSUL TSER MA DANG; CHEN PO PA GNYIS LA SDIG PA CAN GYI LTA BA'I RNAM PA 'DI LTA BU 'DI BYUNG STE, JI LTAR BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS PA GANG DAG YIN PA DE DAG BSTAN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES ZER RO, ,DGE SLONG RAB TU MANG PO DAG GIS DE THOS NAS, SKABS DE BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DGE SLONG DAG KHYOD KYIS DGE TSUL TSER MA DANG, CHEN PO PA DANG, GZHAN YANG DE LTA BU GANG YIN PA LA GZHI DE GTONG DU GZHUG PA'I

, ,PHYIR, DANG POR BZHAMS TE BSGO BAR BYA'O, ,DE LTA NA YANG MI GTONG NA GSOL BA DANG, BZHI'I LAS KYIS BSGO BAR BYA'O, ,DE LTA NA YANG MI GTONG NA GSOL BA DANG BZHI'I LAS KYIS BSNYIL BA'I LAS BYAS SO, ,DGE SLONG DAG GIS DE BZHIN BYAS KYANG DE SDIG PA CAN GYI LTA BA'I RNAM PA DE NYID LA NAN GYIS MCHOG TU BZUNG ZHING, MNGON PAR ZHEN NAS 'DI NYID BDEN GYI, GZHAN NI BRDZUN PA'O ZHES RJES SU THA SNYAD 'DOGS PAR BYED NAS, DGE SLONG RNAMS KYIS DE GNYIS BSNYIL BA'I LAS BYAS SO, ,DE GNYIS BSNYIL BA'I LAS BYAS PA NA DU ZHING, NYE DGA'I GAN DU SONG BA DANG, NYE DAGS SMRAS PA DANG, TSER MA DANG CHEN PO PA DANG KHYED GNYIS CI'I PHYIR DU, DE GNYIS KYIS SMRAS PA, LHUNG BZED NAG PO CAN DAG GIS BDAG CAG GNYIS BSNYIL BA'I LAS BYAS SO, ,NYE DAGS SMRAS PA, GANG DAG GIS KHYED GNYIS BSNYIL BA'I LAS BYAS PA DE DAG ,GRONG DANG, GRONG KHYER DANG, LJONGS DANG, KHAMS GSUM NAS BSNYIL BAR GYUR CIG ,'ON KYANG BSNYIL BA'I LAS BYAS PA DAG LA, GRONG DANG GRONG KHYER DAG MED DAM CI, SDOD LA BZOD PA GSOL CIG CES, DES DE GNYIS NYE BAR 'JOG PAR BYED, NYE BAR GTONG BAR BYED CING, DE GNYIS DANG LHAN CIG GNAS GCIG TU NYAL BAR BYED NAS, DGE SLONG DON NYUNG DU DAG CI'I PHYIR DGE SLONG DAG SHES BZHIN DU DE LTAR BSNYIL BA'I DGE TSUL DAG NYE BAR 'JOG PAR BYED, NYE BAR GTONG BAR BYED CING, DE DANG LHAN CIG GNAS GCIG TU NYAL BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE TSUL ZHIG KYANG DE SKAD CES JI LTAR BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS PA GANG DAG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES ZER NA, DGE TSUL DE LA, DGE SLONG RNAMS KYIS 'DI SKAD CES DGE TSUL KHYOD JI LTAR BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS PA

GANG DAG YIN PA DE DAG BSTEN KYANG BAR DU GCOD PAR MI 'GYUR TE, DE LTAR BCOM LDAN 'DAS KYIS CHOS BSTAN PA BDAG GIS SHES SO ZHES DE SKAD MA ZER CIG ,BCOM LDAN 'DAS LA SKUR PA MA 'DEBS SHIG ,BCOM LDAN 'DAS LA SKUR PAS LEGS PAR MI 'GYUR RO, ,BCOM LDAN 'DAS NI DE SKAD MI GSUNG NGO, ,TSE DANG LDAN PA DGE TSUL 'DOD PA BAR DU GCOD PA DAG NI BAR DU GCOD PA NYID DO ZHES BCOM LDAN 'DAS KYIS RNAM PA DU MAR GSUNGS TE, DE DAG BSTEN NA BAR DU GCOD PAR 'GYUR GYIS, DGE TSUL KHYOD SDIG PA CAN GYI LTA BA'I RNAM PA 'DI LTA BU 'DI THONG SHIG CES BSGO BAR BYA'O, ,DGE TSUL DE LA DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTONG BAR BYA BA'I PHYIR, LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, ,YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE TSUL DE LA, DGE SLONG RNAMS KYIS, DENG PHYIN CHAD DGE TSUL KHYOD, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LA STON PA'O ZHES MA ZER CIG ,TSANGS PA MTSUNGS PAR SPYOD PA MKHAS PA BLA MA'I GNAS LTA BU GANG YANG RUNG BA'I PHYI BZHIN DU YANG MA 'GRO SHIG ,DGE SLONG RNAMS DANG, DGE TSUL LHAN CIG NUB GNYIS TSUN CHAD GNAS GCIG TU NYAL DU DBANG BA GANG YIN PA DE YANG PHYIN CHAD KHYOD LA MED DE, MI GTI MUG CAN KHYOD BSNYIL GYIS GZHAN DU SONG SHIG CES BSGO BAR BYA'O, , YANG DGE SLONG GANG SHES BZHIN DU DE LTAR BSNYIL BA'I DGE TSUL NYE BAR 'JOG PAR BYED DAM, NYE BAR GTONG BAR BYED DAM, DE DANG LHAN CIG GNAS GCIG TU NYAL NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI SDIG PA 'DOD PA, NYES PA NI DGE TSUL BSNYIL BA SDUD PA'O, ,DE LA DGE TSUL ZHIG KYANG ZHES BYA BA NI TSER MA DANG, CHEN PO PA'AM, GZHAN YANG DE LTA BU GANG YIN PA'O, ,'DI SKAD CES BYA BA NI DE SKAD ZER NA'O, ,JI LTAR BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS PA GANG DAG YIN PA ZHES BYA BA LA, 'DOD PA

, ,DAG CES BYA BA NI 'DOD PA'I YON TAN LNGA PO DAG GO, ,DE DAG BSTEN KYANG ZHES BYA BA NI DE DAG LHAG PAR SPYAD KYANG NGO, ,BAR DU GCOD PAR MI 'GYUR TE ZHES BYA BA NI DES DGE SBYONG GI TSUL GYI BAR DU GCOD PAR MI 'GYUR TE ZHES ZER NA'O, ,DE LTAR BCOM LDAN 'DAS KYIS ZHES BYA BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI'O, ,CHOS ZHES BYA BA NI SANGS RGYAS KYIS GSUNGS PA'AM, NYAN THOS KYIS BSHAD PA'O, ,BSTAN PA ZHES BYA BA NI RAB TU BSTAN PA'O, ,BDAG GIS SHES SO ZHES ZER NA ZHES BYA BA NI BDAG GIS KUN SHES SO ZHES ZER NA'O, ,DGE TSUL DE LA ZHES BYA BA NI, TSER MA DANG CHEN PO PA'AM, GZHAN YANG DE LTA BU GANG YIN PA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYI'O, ,'DI SKAD CES BYA BA NI BZHAMS TE BSGO BAS BSGO BAR BYA'O, ,DGE TSUL DE LA DGE SLONG RNAMS KYIS DE SKAD BSGO BA NA ZHES BYA BA NI, BZHAMS TE BSGO BA NA GAL TE GZHI DE GTONG NA ZHES BYA BA NI LTA BA'I RNAM PA DE YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA'O, ,GAL TE MI GTONG NA ZHES BYA BA NI YONGS SU MI GTONG NA'O, ,LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG BZHI'I LAS KYIS BSGO BAR BYA STE, YANG DAG PAR BSGO BA DANG, YANG DAG PAR BSTAN PA NI SNGAR BSGO BA LAS 'GYUR BA'I DGE 'DUN LHAG MA BZHI'I SKABS SU BSTAN PA BZHIN NO, ,DGE TSUL DE LA ZHES BYA BA NI TSER MA DANG, CHEN PO BA'AM; GZHAN YANG DE LTA BU GANG YIN PA LA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,DENG PHYIN CHAD DGE TSUL KHYOD BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LA STON PA'O ZHES MA ZER CIG ,TSANGS PA MTSUNGS PAR SPYOD PA MKHAS PA BLA MA'I GNAS LTA BU GANG YANG RUNG BA'I PHYI BZHIN DU MA 'GRO SHIG ,DGE SLONG RNAMS DANG DGE TSUL LHAN CIG NUB GNYIS TSUN CHAD GNAS GCIG TU NYAL DU DBANG BA GANG YIN PA DE YANG DENG PHYIN CHAD KHYOD LA MED DE, MI GTI MUG CAN KHYOD BSNYIL GYIS GZHAN DU SONG SHIG ,CES BSGO BAR BYA'O ZHES

BYA BA NI GSOL BA DANG BZHI'I LAS KYIS BSNYIL BA BSGO BAR BYA'O, ,YANG DGE SLONG GANG ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,SHES BZHIN DU ZHES BYA BA NI DE RANG NYID KYIS RIG PAR GYUR PA'AM, GZHAN DAG GIS BRJOD PAS SO, ,DE LTAR BSNYIL BA'I DGE TSUL ZHES BYA BA NI TSER MA DANG, CHEN PO PA JI LTA BAR RO, ,NYE BAR 'JOG PAR BYED CES BYA BA NI GNAS SBYIN PAR BYED PA'O, ,NYE BAR GTONG BAR BYED CES BYA BA NI LHUNG BZED DANG, CHOS GOS DANG, DRA BA DANG, PHOR BU DANG, SKA RAGS DANG, LUNG DBOG PA DANG, KLOG PA DANG, KHA TON DANG; DMIGS KYIS 'DRI BA SBYIN PAS SO, ,DE DANG LHAN CIG GNAS GCIG TU NYAL NA ZHES BYA BA NI GNAS BZHI PO THAMS CAD G-YOGS SHING THAMS CAD BSKOR BA DANG, THAMS CAD G-YOGS SHING PHAL CHER BSKOR BA DANG, PHAL CHER G-YOGS SHING THAMS CAD BSKOR BA DANG, PHAL CHER G-YOGS SHING PHAL CHER BSKOR BA DAG TU NYAL BAS SKYA RENGS 'CHAR BAR BYED NA'O, ,DE LA GNAS THAMS CAD G-YOGS SHING THAMS CAD BSKOR BA NI GNAS KHANG DANG, 'KHOR GYI KHYAMS DANG, KHANG PA BRTZEGS PA DAG GO, ,THAMS CAD G-YOGS SHING PHAL CHER BSKOR BA DAG NI, SGO BCU PA DANG, SGO BCU GNYIS PA DAG GO, ,PHAL CHER G-YOGS SHING THAMS CAD BSKOR BA NI, KHYAMS NGOS BZHI PA DAG GO, ,PHAL CHER G-YOGS SHING PHAL CHER BSKOR BA NI KHYAMS NGOS GSUM PA DANG 'KHOR GYI KHYAMS DAG GO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE TSUL JI LTAR BCOM LDAN 'DAS KYIS 'DOD PA DAG NI BAR DU GCOD PA'O ZHES GSUNGS PA GANG DAG YIN PA DE DAG BSTEN KYANG BAR DU GCOD PAR MI 'GYUR TE, DE LTAR NA BCOM LDAN 'DAS KYIS CHOS BSTAN PA BDAG GIS SHES SO ZHES BYA BA LA SOGS PAR 'JUG PA'I TSIG DE SKAD SMRA BAS DGE 'DUN GYIS BSNYIL BA'I LAS BYAS SHING SPANGS PA PHYIR BCOS PA NYID MA BYAS PA'I DGE TSUL LA, NAD PA DANG LTA BA DANG BRAL BAR GTOGS PA'I DON GYI DBANG MA GTOGS PAR DGE SLONG GIS SHES BZHIN DU LUNG DBOG PA DANG, DMIGS KYIS 'DRI BA DANG, GNAS 'CHA' BA DANG, RJES SU

, ,BSTAN PA DANG, GDAMS NGAG SBYIN BA DANG, LTA BA SMRA BA DANG, ZANG ZING GI LONGS SPYOD BYED PA DANG, BSNYEN BKUR BDAG GIR BYED PA DANG, GNAS GCIG TU NYAL BA'I SPYOD LAM GYIS GNYID LOG PAS SKYA RENGS 'CHAR BAR BYED PA DANG, THA NA 'DAG RDZAS TZAM YAN CHAD GZHAN GYIS SRUL NA YANG, BSNYIL BA SDUD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DE SKAD SMRA BAS BSNYIL BA'I DGE TSUL PHYIR BCOS PA MA BYAS PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DE SKAD SMRA BA'I DGE TSUL DGE 'DUN GYIS BSNYIL BA'I LAS BYAS PA DANG, DE PHYIR BCOS PA NYID MA BYAS PA DANG, DGE SLONG DER 'DU SHES PA DANG, NAD PA DANG, LTA BA DANG BRAL BAR GTOGS PA'I DON GYI DBANG MA GTOGS PA DANG, DE LA LUNG DBOG PA NAS GZHAN GYIS SRUL BA ZHES SMOS BA'I BAR GANG YANG RUNG BAS BSDU PA BYAS PA'O, ,DE DAG YAN LAG MA TSANG NA CI RIGS PAR NA SMAD DO, ,BSNYIL BA SDUD PA'I LTUNG BYED DE LNGA BCU BDUN PA'O,, ,,KHA MA BSBYUR BA'I GOS GON PA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS SO, ,MA GA DH'A'I RGYAL PO BZO SBYANGS GZUGS CAN SNYING POS RGYAL PO'I RGYAL PO'I KHAB TU KLU'I RGYAL PO RI BO DANG, YID 'ONG GNYIS KYI RTEN 'DZUGS SU BCUG STE, DUS STON BYED PA'I TSE LHO PHYOGS NAS GAR MKHAN ZHIG DER 'ONGS PAS, DGE SLONG MA SBOM DGA' MOS GANG GI TSE, BCOM LDAN 'DAS BYANG CHUB SEMS DPA' DGA' LDAN GYI GNAS NA BZHUGS PA NAS BLA NA MED PA YANG DAG PAR RDZOGS PA'I BYANG CHUB JI LTAR MNGON PAR RDZOGS PAR SANGS RGYAS PA'I BAR DAG MNGON PAR 'BYUNG BA'I MDO LAS RGYA CHER JI SKAD GSUNGS PA BZHIN THAMS CAD RGYAS PAR MNYAN TE, GAR THABS SU SBYAR NAS, DE'I 'OG TU YANG DRUG SDE DAG ZAN ZOS ZIN CING SPANGS PAS BZA' BA DANG BCA' BA BSOD PA RNYED PA'I LHAG POR BYED PA MTHONG NAS, DE YANG SMYON THABS SU SBYAR NAS BLA RE BRES TE, RDZA RNGA CHEN PO BRDUNG BA DANG, SKYE BO PHAL PO CHE'I TSOGS DER LHAGS TE 'DUG CING MTHUN PAR GYUR PA'I TSE DES MNGON PAR 'BYUNG BA'I MDO LAS RGYA CHER JI

SKAD GSUNGS PA DANG 'DRA BAR DE LTAR BCOS PA THAMS CAD GAR THAMS SU RGYA CHER SBYAR TE GAR BYAS SHING, DE'I 'OG TU GAR MKHAN GCIG GIS 'CHAR KA'I CHA LUGS SU BYAS SHING, GAR MKHAN GZHAN GCIG GIS 'DUN PA'I CHA LUGS SU BYAS TE, KHAM PHOR THAL BAS BKANG NAS STENG DU BU RAM GYI DUM BU GNYIS SAM GSUM DU BZHAG STE, 'CHAR KA DANG 'DUN PA LHAG POR BYED PA LTAR BCOS PA THAMS CAD SMYON THABS SU RGYA CHER SBYAR TE BZHAD GAD BYAS PA DANG, SKYE BO PHAL PO CHE'I TSOGS DAD PA DANG LDAN PA DAG NI, DAD PA MNGON PAR 'PHEL BAR GYUR CING, MA DAD PA DAG DAD PAR GYUR NAS, GAR MKHAN DES KYANG RNYED PA MANG PO GRUB PAR GYUR TO, ,JI TZAM NA MTHAR GYIS DRUG SDE DAG GIS GAR MKHAN DES BDAG CAG LTAR BCOS ZHES GRAG GO ZHES THOS NAS DE DAG GIS SMRAS PA, BDAG CAG GAR MKHAN DE MI DGA' BAR BYAS, SRING MO DAG GI GAN DU GROS BYED DU 'DONG NGO ZHES DE DAG DGE SLONG MA BCU GNYIS SDE DAG GI GAN DU SONG NAS SMRAS PA, SRING MO DAG BDAG CAG GIS BCOM LDAN 'DAS BYANG CHUB SEMS DPA'I SPYOD PA LA 'JUG PA NI SGRA MI SNYAN ZHES BYA BA'I GAR THABS SU BYAS PA GANG YIN PA DE LAS CUNG ZAD CI DRAN PA 'GRO'O ZHES DE RNAMS DE DAG DANG LHAN CIG SKYED MOS TSAL DU DONG STE, 'GRO BAR BRTZAMS PA DANG, JI TZAM NA CUNG ZAD KYANG MA BRJED NAS, DE DAG GIS RGYAL PO'I PHO BRANG NAS RGYAN DANG CHA LUGS BLANGS TE, GAR MKHAN DE DANG HA CANG THAG MI RING BAR BLA RE BRES NAS, NYE DAGS MGO RAS KYIS DKRIS TE, RDZA RNGA CHEN PO BRDUNG BA DANG, GAR LA LTA BA DE'I NANG NAS, SKYE BO PHAL PO CHE'I TSOGS PHYIR BYUNG STE DER LHAGS SO, ,GAR MKHAN DE YANG DER SONG BA DANG, JI TZAM NA LHA'I GAR THABS LTA BUR MTHONG NAS, DES BSAMS PA, 'DI DAG LHA GAR BYED PA YIN NAM, 'ON TE KLU DAG GAM, 'ON TE GNOD SBYIN DAG GAM, DRI ZA DAG GAM, MI 'AM CI DAG GAM, LTO 'PHYE CHEN PO DAG GAR BYED PA YIN SNYAM DU RIG NAS YA MTSAN SKYES PAR GYUR TO, ,DRUG SDE DAG GIS KYANG GAR BYAS NAS CHA BYAD BRTUL TE 'DONG BA DANG, GAR MKHAN DES BSAMS PA, 'DI DAG SU ZHIG YIN SNYAM NAS, DE DAG GI PHYI BZHIN PHYI BZHIN 'BRANG ZHING SONG BA DANG, DE CI TZAM DE DAG 'OD MA'I TSAL DU

, ,ZHUGS NAS, GAR MKHAN DES SGOR BSDAD PA DANG, CI TZAM NA 'CHAR KA RNA BA BAB LAS BSKUS BZHIN DU SGOR BYUNG NAS, GAR MKHAN DES DE LA SMRAS PA, 'PHAGS PA GAR DE KHYED KYIS BGYIS SAM, 'CHAR KAS SMRAS PA, KHO BO CAG GIS KHYOD DE LTAR MI DGA' BAR BYA'O, BKREN PA KHYOD KHO BO CAG KHO NA'I SGYU RTZAL GYIS NYE BAR 'TSO LA, KHO BO CAG NYID LTAR 'CHOS PAS, KHYOD GANG DANG GANG DU GAR BYED PA DE DANG DER KHO BO CAG DONG LA, KHYOD LA THO BTZAMS PAR BYA STE, KHO BO CAG GIS RDZA RNGA CHEN PO DANG, CHA SPYAD GZHAN CI YANG BSKUR MI DGOS PAR 'ONG NGO, ,GAR MKHAN DES SMRAS PA, 'PHAGS PA DE NI BDAG CAG GI 'TSO BA LAGS KYIS BZOD PA MDZOD CIG ,'CHAR KAS SMRAS PA, GAL TE KHYOD KYIS RNYED PA DE DAG THAMS CAD KHO BO CAG LA BYIN NA BZOD PAR BYA'O, ,DE BSAMS PA, DE DAG YANG DANG YANG DU THO BTZAMS PAR 'GYUR GYIS SBYIN NO SNYAM NAS, DES RNYED PA THAMS CAD DE DAG LA SBYIN NAS SEMS KHONG DU CHUD CING 'DUG GO, ,JI TZAM NA DE'I CHUNG PO GROGS 'ONGS NAS, DES DE LA DRIS PA, GROGS PO KHYOD CI'I PHYIR SEMS KHONG DU CHUD CING 'DUG ,DES SMRAS PA, KHO BO CHAD PAS GCAD DO, ,SUS SH'AKYA'I BU DGE SBYONG DAG GIS SO, ,CI'I PHYIR, DES SKABS DE RGYAS PAR BRJOD PA DANG, DES SH'AKYA'I BU'I DGE SBYONG RNAMS KYI, DGE SBYONG GI TSUL NI TSIG GO BRAM ZE'I TSUL NI TSIG STE, 'DI LTAR GAR MKHAN DAG LA YANG CHAD PAS GCOD PAR BYED DO ZHES SMOD PAR BYED, PHYAR KA GTONG BAR BYED, KHA ZER BAR BYED NAS, DGE SLONG DON NYUNG DU DAG CI'I PHYIR DGE SLONG DAG MI MDZES PA DE LTA BU BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS 'DI SNYAM DU DGONGS TE, NYES DMIGS GANG CUNG ZAD CI BYUNG BA DE NI, DGE SLONG DAG KHYIM PA'I GOS GYON PA LAS GYUR PA YIN PAS DE'I PHYIR DGE SLONG GIS KHYIM PA'I GOS BSGO BAR MI BYA'O SNYAM DU DGONGS NAS SNGA MA BZHIN DU, DGE SLONG GIS GOS GSAR BA ZHIG RNYED NA, KHA BSGYUR BA GSUM PO SNGON PO'AM, DMAR PO'AM, DUR SMRIG LAS GANG YANG RUNG BAR KHA BSGYUR BA GSUM BYA'O, ,

GAL TE DGE SLONG GIS GOS GSAR PA KHA BSGYUR BA GSUM PO SNGON PO 'AM, DMAR PO'AM, NGUR SMRIG LAS GANG YANG RUNG BAR KHA MA BSGYUR BAR GYON NA LTUNG BYED DO ZHES BCA' BA MDZAD DE, YUL NI RGYAL PO'I KHAB, GANG ZAG NI DRUG SDE, NYON MONGS PA NI MI BZOD PA DANG RNYED PA 'DOD PA, NYES PA NI GOS KHA MA BSGYUR BAR GON PA'O, ,DE LA DGE SLONG GIS ZHES BYA BA NI DRUG SDE 'AM, GZHAN YANG DE LTA BU GANG YIN PA'O, ,GOS ZHES BYA BA NI, BDUN PO BAL GOS DANG, SHA NA'I GOS DANG, ZAR MA LI GOS DANG, DU GU LA'I GOS DANG, KO TAM PA'I GOS DANG, RAS BAL GYI GOS DANG, NYI 'OG GI GOS GANG YANG RUNG BA'O, ,SAR PA ZHIG CES BYA BA NI, SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI RNYED PAS SAR PA YIN PAR DGONGS SO, ,RNYED NA ZHES BYA BA NI GZHAN LAS SO, ,KHA BSGYUR BA GSUM PO SNGON PO'AM, DMAR PO'AM, NGUR SMRIG LAS GANG YANG RUNG BA ZHES BYA BA LA, SNGON PO ZHES BYA BA NI RAMS NYID DO, ,DMAR PO ZHES BYA BA NI BTZAG GO, ,NGUR SMRIG CES BYA BA NI SHING SHUN NO, ,KHA BSGYUR BAR BYA'O ZHES BYA BA NI, KHA DOG NGAN PAR BYA'O, ,GAL TE DGE SLONG GIS GOS SAR PA KHA BSGYUR BA GSUM PO SNGON PO'AM, DMAR PO'AM, NGUR SMRIG LAS GANG YANG RUNG BA KHA MA BSGYUR BAR SPYOD NA ZHES BYA BA NI GYON NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS GOS SAR PA 'AM, DUS TSIGS SU SPYAD PA RNYING PA YANG RUNG STE, GSAR DU RNYED PAS SAR PA ZHIG RNYED NA SDE PA GZHAN LAS 'ONGS PA DANG, KHYIM PA GZHAN LAS BRKUS PA'I GOS NGUR SMRIG RUNG BAR BYAS ZIN PA MA GTOGS PA RANG GI GOS DANG, THA NA LHUNG BZED KYI KHA G-YOGS DANG, LHUNG BZED KYI SNOD DANG, RKANG PA'I 'BOB PA DANG, SKA RAGS DANG, BSGO BA LA SOGS PA KHA DOG CHEN PO BRGYAD MA GTOGS PA SNGON PO'AM, DMAR PO'AM, NGUR SMRIG LAS GANG YANG RUNG BAR KHA MA BSGYUR BA LA YONGS SU LONGS SPYOD NA, KHA MA BSGYUR BA'I GOS GON PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RANG GI GOS THA NA LHUNG BZED KYI KHA G-YOGS LA SOGS PA RNYED PAS

, ,SAR PA NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, GSAR DU RNYED PA DANG, RANG GI DANG, GOS DANG, KHA DOG CHEN PO BRGYAD MA GTOGS PA SNGON PO 'AM, DMAR PO'AM, NGUR SMRIG LAS GANG YANG RUNG BAR KHA MA BSGYUR BA DANG, SPYOD PA'O, , DE DAG LAS YAN LAG MA TSANG NA CI RIGS PAR NA SMAD DO, ,KHA MA BSGYUR BA'I GOS GYON PA'I LTUNG BYED DE LNGA BCU BRGYAD PA'O,, ,,LONGS PA'I GZHIR GTOGS PA'I LTUNG BYED KYI GLENG GZHI NI, SANGS RGYAS BCOM LDAN 'DAS YANGS PA CAN NA, SBRE'U RDZING GI 'GRAM KHANG PA BRTZEGS PA'I KHANG BZANGS NA BZHUGS SO, ,DRUG SDE DAG SNGA DRO SHAM THABS BGOS, LHUNG BZED DANG CHOS GOS THOGS TE, YANGS PA CAN DU BSOD SNYOMS LA ZHUGS SO, ,LAM GYI BAR NA YANGS PA CAN GYI LO TZTSA B'I RNAMS KYI SKYED MOS TSAL DAG YOD NAS, DE DAG DE BLTAR ZHUGS PA DANG, JI TZAM NA DE NA YO BYAD RNAM PA SNA TSOGS DANG, KHRUS KYI CHAL DAG DANG, SO PHAG DAG DANG, BSKU BA DAG DANG, PHRUG SPYAD DAG DANG, SA GAR DAG DANG, SKYU RU RA DAG DANG, MGO BKRU BA DAG DANG, PI BANG DANG, 'OD MA DANG, MA HA TI DANG, BAL LA RI DANG, SU GHO SHA KA DAG BZHAG PA DAG MTHONG NAS, DE DAG GIS GLU BLANGS SHING BRO BRDUNG BAR BYA'O ZHES, DE DAG GIS GLU BLANGS SHING BRO BRDUNG BAR BRTZAMS SO, ,RGYAL PO ZAS GTZANG GI SKYED MOS TSAL DU SPYAD PA'I ROL MO'I SGRA GANG YIN PA DE NI, LUS 'PHAGS MA'I BU MA GA DH'A'I RGYAL PO MA SKYES DGRA'I G-YUL NGO LA SPYAD PA'I ROL MO'I SGRA YIN PAS, YANGS PA CAN GYI LI TZTSA B'I DAG GIS ROL MO'I SGRA DE THOS NAS DE DAG SDANGS TE, SMRAS PA, SHES LDAN DAG PHA GSOD PAS MA SBRAN PAR DMAG DRANGS TE 'ONGS SO ZHES DE DAG GO BGOS TE PHYIR 'BYUNG BAR BRTZAMS PA DANG, DRUG SDE DAG GIS SMRAS PA, SHES LDAN DAG DE NI KHO BO CAG GIS BZHAD GANG BYAS PA YIN NA, KHYED CAG DE LTAR BRED NGAS SAM, 'PHAGS PA DAG KHYED KYI ROL MO'I SGRA'I YO BYAD DE DAG SGRA PHYUNG NGAM, KHO BO CAG SGRA PHYUNG NGO, ,DE DAG GIS SMRAS PA, 'PHAGS PA DAG YANGS PA CAN GYI LI TZTSA B'I DAG SNGANGS PAS, KHYED LA GNOD PA BYED NA MI RUNG GIS SLAR LOG SHIG ,DE DAG PHYIR LOG PA DANG, DGE

SLONG RNAMS KYIS DE DAG LA SMRAS PA, TSE DANG LDAN PA DAG KHYED CAG JI STE PHYIR LOG, ,DRUG SDE DAG GIS SMRAS PA, TSE DANG LDAN PA DAG ,KHO BO CAG DE'U BSAD DO, SUS, YANGS PA CAN GYI LI TZTSA B'I DAG GIS SO, ,CI'I PHYIR, DE DAG GIS SKABS DE RGYAS PAR BRJOD PA DANG, DGE SLONG DON NYUNG DU DAG CI'I PHYIR; DGE SLONG DAG MI MDZES PA DE LTA BU BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG RIN PO CHE 'AM, RIN PO CHER SMOS PA RANG GI LAG GIS LEN TAM, LEN DU 'JUD NA, KUN DGA' RA BAR GTOGS PA NA 'DUG PA'AM, GNAS KHANG DU GTOGS PA NA 'DUG PA MA GTOGS TE LTUNG BYED DO, ,DGE SLONG GIS KUN DGA' RA BAR GTOGS PA'AM, GNAS KHANG DU GTOGS PA NA RIN PO CHE'AM, RIN PO CHER SMOS PA 'DUG PA LA, 'DI SU'I YIN PA DE LEN PAR 'GYUR GRANG SNYAM PA, DE LTA BU'I SEMS KYIS BLANG BAR BYA STE, DE LA DE NI CHO GA YIN NO ZHES BCA' BA MDZAD DE, YUL NI YANGS PA CAN, GANG ZAG NI DRUG SDE, NYON MONGS PA NI LONGS PA'I GZHIR GTOGS PA, NYES PA NI RIN PO CHE 'AM, RIN PO CHER SMOS PA RANG GI LAG GIS LEN PA'O, ,DE LA YANG DGE SLONG GANG ZHES BYA BA NI, DRUG SDE 'AM GZHAN YANG DE LTA BU GANG YIN PA'O, ,RIN PO CHE'AM ZHES BYA BA LA, RIN PO CHE ZHES BYA BA NI, NOR BU DANG, MU TIG DANG, BEE d'URYA DANG, SHANG KA SHI LA DANG, BYI RU DANG, GSER DANG, DNGUL DANG, RDO'I SNYING PO DANG; SPUG DANG, DMAR PO DANG, G-YAS SU 'KHYIL PA'O, ,RIN PO CHER SMOS PA ZHES BYA BA LA, RIN PO CHER SMOS PA ZHES BYA BA NI, G-YUL DOR SPYAD PA'I MTSON CHA THAMS CAD DANG, ROL MO SPYAD PA'I YO BYAD THAMS CAD DO, ,RANG GI LAG GIS ZHES BYA BA NI, LAG PAS LAG PAR RO, ,LEN TAM ZHES BYA BA NI BDAG NYID KYIS SO, ,LEN DU 'JUD NA ZHES BYA BA NI GZHAN NO, ,KUN DGA' RA BAR GTOGS PA NA 'DUG PA ZHES BYA BA NI KUN DGA' RA BA'I PHYI ROL NA'O, ,GNAS KHANG DU GTOGS PA NA 'DUG PA ZHES BYA BA NI KUN DGA' RA BA'I NANG NA'O, ,MA GTOGS TE ZHES BYA BA NI KUN DGA' RA BAR

, ,GTOGS PA NA 'DUG PA'AM, GNAS KHANG DU GTOGS PA NA 'DUG PA BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DGE SLONG GIS ZHES BYA BA NI CHOS 'DI PA'O, ,KUN DGA' RA BAR GTOGS PA'AM, GNAS KHANG DU GTOGS PA NA RIN PO CHE'AM, RIN PO CHER SMOS PA 'DUG PA'AM, 'DI SU'I YIN PA DE LEN PAR 'GYUR GRANG SNYAM PA DE LTA BU'I SEMS KYIS BLANG BAR BYA STE, DE LA DE NI CHO GA YIN NO ZHES BYA BA LA, DE LA DE NI CHO GA YIN NO ZHES BYA BA NI, BSLAB PA'I GZHI BCA' BA MDZAD PA, DE LA DE NI GNANG BA'I RJES SU MTHUN PA'I CHOS YIN PA'O,, DE LA 'DIR DNGOS GZHI'I LTUNG BA RNAM PAR BZHAG PA NI, DGE SLONG GIS RIN PO CHE RANG GI MA YIN PAR NOR BU DANG, MU TIG DANG, BEEd'URYA DANG, SHANG KA SHI LA DANG, BYI RU DANG, GSER DANG, DNGUL DANG, RDO'I SNYING PO DANG, SPUG DANG, DMAR PO DANG, G-YAS SU 'KHYIL PA LA SOGS PA BDAR BA DANG, PHUG PA NYID DANG, MGUL RGYAN DANG, GDU BU RGYAN CAN DANG, DPUNG RGYAN DANG, DO SHAL DANG, SE MO DO LA SOGS PA DE DAG NYID DU GNAS PA DANG, RIN PO CHER SMOS PA SU'I YANG RUNG BA, G-YUL NGOR SPYAD PA'I MTSON CHA GZHU RGYUD DANG BCAS PA NYID DANG, RAL GRI DANG, RAL GRI KHYOG PO DANG, RAL GRI SO GCIG PA DANG, MDUNG DANG, PHANG MDUNG DANG, LCAGS KYU LA SOGS PA DE NYID YIN PA DANG, MDA' DANG, LCAGS MDA' DANG, MDA' PHYED LCAGS LAS BYAS PA LA SOGS PA MDE'U DANG BCAS PA NYID DANG, ROL MOR SPYAD PA'I YO BYAD PI BANG DANG, 'OD MA DANG, BAL LA RI DANG, MA HA TI DANG, SU GHO SHA KA LA SOGS PA RGYUD DANG BCAS PA NYID DANG, DUNG DANG, RNGA PO CHE DANG, RNGA PA tA HA DANG, RDZA RNGA LA SOGS PA SGRA 'BYIN PA NYID DANG, SKU GZUGS SKU GDUNG DANG BCAS PA NYID GTZUG LAG KHANG DANG, DE'I NYEN KOR NA 'DUG PA MA YIN PA BDAG GIR BYA BA DANG MA 'BREL BAR RDZAS CHUD MI ZA BAR BYA BA'I SEMS MA GTOGS PAR REG GAM, REG TU BCUG NA, LONGS PA'I GZHIR GTOGS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RIN PO CHE DANG, RIN PO CHER SMOS PA DGOS PA'I RUNG BA NYID DU

GYUR PA DANG, BDAG GIR BYA BA DANG MA 'BREL BAR, RDZAS CHUD MI ZA BAR BYA BA'I SEMS MA GTOGS PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, RIN PO CHE RANG GI MA YIN PA'AM, RIN PO CHER SMOS PA'I GANG YANG RUNG BA NYID DANG, DE DAG DGOS PA'I PHYIR DUNG BA NYID DU GYUR PA NYID DANG, GTZUG LAG KHANG DANG DE'I NYEN KOR NA 'DUG PA MA YIN PA NYID DANG, BDAG GIR BYA BA DANG MA 'BREL PAR RDZAS CHUD MI ZA BAR BYA BA'I SEMS MA GTOGS PA NYID DANG, REG GAM, REG TU BCUG PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,LONGS PA'I GZHIR GTOGS PA'I LTUNG BYED DE LNGA BCU DGU PA'O,, ,,KHRUS BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS SO, ,RGYAL PO'I KHAB NA CHU DRON GSUM YOD PA GCIG NI, MA GA DH'A'I RGYAL PO BZO SBYONGS GZUGS CAN SNYING PO KHRUS BYED, GNYIS PAR NI BTZUN MO'I 'KHOR KHRUS BYED, GSUM PAR NI GRONG RDAL GYI MI DANG YUL MI DAG KHRUS BYED DO, ,MA GA DH'A'I RGYAL PO BZO SBYANGS GZUGS CAN SNYING POS BSAMS PA, BDAG GIS BCOM LDAN 'DAS NYAN THOS KYI DGE 'DUN DANG BCAS PA LA, RNAM PA DU MA'I SGO NAS YO BYAD THAMS CAD KYIS BSTABS NA, KHRUS KYIS MA BSTABS KYIS DES BSTABS PAR BYA'O SNYAM DU RIG NAS, BCOM LDAN 'DAS LA GSOL PA, BTZUN PA RGYAL PO'I KHAB 'DI NA CHAB DRON GSUM MCHIS PA GANG DU BDAG KHRUS BGYID PA DER 'PHAGS PA DAG KYANG KHRUS MDZOD CIG GANG DU MCHIS BRANG GI 'KHOR KHRUS BGYID PA DER YANG 'PHAGS MA DAG KHRUS MDZAD PAR GSOL, ,DRUG SDE DAG LA BLO SKYES PA, DGA' BO NYE DGA' MA GA DH'A'I RGYAL PO BZO SBYANGS GZUGS CAN SNYING PO DAD PA DANG LDAN PA NI YIN NA, DAD PA JI LTA BU DANG LDAN PA BLTAS KHRUS BYED DU 'DONG NGO ZHES DE DAG DER KHRUS BYED DU DONG NAS, DE DAG GIS SMRAS PA, DGA' BO NYE DGA' GAL TE BDAG CAG THAMS CAD CIG CAR KHRUS BYAS NA MYUR DU ZIN PAR 'GYUR GYIS, GNYIS KYIS BYA ZHING BZHIS GROGS BYA'O, ,DE'I 'OG TU YANG GNYIS KYIS KHRUS BYA ZHING BZHIS GROGS BYA'O, ,DE'I 'OG TU YANG GNYIS

, ,KYIS KHRUS BYA ZHING BZHIS GROGS BYA'O, ,DE LTAR BYA'O ZHES DE DAG LAS GNYIS KYIS KHRUS BYA BAR BRTZAMS TE, BZHIS GROGS BYED CING 'DUG GO, ,DE'I TSE MA GA DH'A'I PO BZO SBYANGS GZUGS CAN SNYING PO YANG DER KHRUS BYED DU 'PHAGS NAS DES MI GSANG LA GTOGS PA ZHIG DA LTAR SUS KHRUS BYED PA RTOG TU BTANG BA DANG, DES DRUG SDE DAG KHRUS BYED PAR MTHONG NAS RGYAL POS DER KHRI'U BTZUGS NAS BSDAD DO, ,JI TZAM NA YUN RING ZHIG LON NAS, YANG RTOG TU BTANG NA YANG DE BZHIN, YANG YUN RING ZHIG LON NAS RTOG TU BTANG NA YANG DE BZHIN NAS, RGYAL POS SMRAS PA, SHES LDAN DAG ,'O NI DAG YUN RING POR NGA LA THO 'TSAMS PAR BYED, DBANG BSKUR BA'I KHRUS KYIS KHRUS BYA'O, ,DE DAG GIS CHU BLANGS NAS, RGYAL POS DE NYID DU DBANG BSKUR BA'I KHRUS KYIS KHRUS BYAS NAS, BCOM LDAN 'DAS GA LA BA DER SONG NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE, CHOS MNYAN PA MA MNYAN PA KHO NAR BCOM LDAN 'DAS KYI SPYAN SNGA NAS DONG NGO, ,DE NAS BCOM LDAN 'DAS KYIS TSE DANG LDAN PA KUN DGA' PO LA SMRAS PA DANG, DES RGYAL PO GZUGS CAN SNYING PO LA DRUG SDE DAG GIS THO 'TSAMS PA DE RGYAS PAR GSOL TO, ,DE NAS BCOM LDAN 'DAS 'DI SNYAM DU DGONGS TE, NYES DMIGS GANG CUNG ZAD CIG BYUNG BA DE NI, DGE SBYONG DAG KHRUS BYED PA LAS GYUR PA YIN PAS DE'I PHYIR, DGE SLONG RNAMS KYIS KHRUS MI BYA BA DANG, ZLA BA PHYED PHYED CING KHRUS BYA BAR GNANG NGO ZHES SNGA MA BZHIN DU, BCOM LDAN 'DAS KYIS ZLA BA PHYED PHYED CING KHRUS BYA BAR GSUNGS PA DE LA 'DUMS PAR BYED NA, DUS MA GTOGS TE LTUNG BYED DO, ,DE LA DUS NI 'DI YIN TE, SO GA RNAMS KYI ZLA BA LHAG MA PHYED DANG GNYIS DANG, DBYAR RNAMS KYI DANG PO DANG ZLA BA PHYED DANG GSUM PO 'DI DAG NI TSA BA'I DUS SO, ,LHAG MA NI NA BA DUS SO, ,LAS DUS SO, ,LAM DUS SO, ,RLUNG DUS SO, ,CHAR DUS SO, ,RDZI CHAR DUS SO, ,DE LA DE NI DUS YIN NO ZHES BCA' BA MDZAD DE, YUL NI RGYAL PO'I KHAB, GANG ZAG NI DRUG SDE, NYON MONGS PA NI THO 'TSAMS PA, NYES PA NI RGYAL PO'I CHU KAR KHRUS BYED PA'O, ,DE LA BCOM LDAN 'DAS KYIS

ZHES BYA BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SO, ,ZLA BA PHYED PHYED CING KHRUS BYA BAR GSUNGS PA DANG ZHES BYA BA NI, ZLA BA PHYED PHYED CING NGO, ,DE BAS 'DUMS PAR BYED NA ZHES BYA BA NI, ZLA BA PHYED LAS 'DUMS PAR BYED NA'O, ,DUS MA GTOGS TE ZHES BYA BA NI DUS BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA DUS NI 'DI YIN TE, SO GA RNAMS KYI ZLA BA PHYED DANG GNYIS DANG, DBYAR RNAMS KYI DANG PO DANG ZLA BA PHYED DANG GSUM PO 'DI DAG NI TSA BA'I DUS SO ZHES BYA BA LA, SO GA RNAMS KYI ZLA BA LHAG MA PHYED DANG GNYIS ZHES BYA BA NI, ZLA BA PHYED DANG GNYIS NA DBYAR NYE BAR SGRUB PA 'BYUNG BAR 'GYUR BA STE, DBYAR ZLA RA BA TSES NAS DBYAR ZLA 'BRING PO NYA'I BAR GYI ZLA BA PHYED DANG GNYIS SO, ,DBYAR RNAMS KYI DANG PO ZHES BYA BA NI GNAS PAR KHAS BLANGS PA'I DANG PO ZLA BA GCIG STE, DBYAR RNAMS KYI 'BRING PO TSES BCU DRUG NAS DBYAR ZLA THA CHUNGS NYA'I BAR GYI ZLA BA GCIG GO, ,ZLA BA PHYED DANG GSUM PO 'DI DAG NI TSA BA'I DUS SO ZHES BYA BA NI DE LTAR DBYAR ZLA RA BA TSES NAS, DBYAR ZLA 'BRING PO NYA'I BAR GYI ZLA BA PHYED DANG GNYIS DANG, DBYAR ZLA 'BRING PO TSE BCU DRUG NAS DBYAR ZLA THA CHUNGS NYA'I BAR GYI ZLA BA GCIG PO DE RNAMS SPYIR BSDOMS PA LA ZLA BA PHYED DANG GSUM YOD PA DE DAG NI, TSA BA'I DUS YIN PAS DE DAG TU ZLA BA PHYED LAS 'DUMS PAR KHRUS BYED PA LA LTUNG BYED DO, ,LHAG MA RNAMS NI NA BA DUS SO ZHES BYA BA NI 'DI LTA STE, DGE SLONG NA BA KHRUS MA BYAS PAR 'TSO BAR MI NUS SO, ,LAS DUS SO ZHES BYA BA NI 'DI LTA STE, DGE SLONG GIS DGE 'DUN GYI'AM, MCHOD RTEN GYI LAS THAN PHYAG DAR RE LDE TZAM MAM, BYUG PA BA MAL TZAM BYAS NA'O, ,LAM DUS SO ZHES BYA BA NI 'DI LTA STE, DGE SLONG DPAG TSAD GCIG TU SONG NGAM, DPAG TSAD PHYED DU SONG STE PHYIR 'ONGS NA'O, ,RLUNG DUS SO ZHES BYA BA NI 'DI LTA STE, THA NA RLUNG GIS GOS KYI GRVA BSGUL BAR GYUR NA'O, ,CHAR DUS SO ZHES BYA BA NI, 'DI LTA STE, THA NA LUS LA CHAR GYI THIGS PA GNYIS SAM GSUM BAB PAR GYUR NA'O, ,RDZI CHAR DUS SO ZHES BYA BA NI 'DI LTA STE, THA NA RDZI CHAR GYIS GOS KYI MTHA' BSGUL BAR GYUR CING LUS LA CHAR PA'I THIGS PA GNYIS SAM GSUM BAB PAR GYUR NA'O, ,DE LA DE NI DUS YIN NO ZHES BYA BA NI

, ,BSLAB PA'I GZHI'I BCA' BA MDZAD PA DE LA DE NI GNANG BA'I RJES SU MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG NA BA MA YIN PA DANG, LAS MA BYAS PA DANG, LAM DU MA ZHUGS PA DANG, RLUNG GIS GOS KYI GRVA MA BSKUL BA DANG, CHAR THIGS PA GNYIS KYIS LUS NYID LA MA PHOG PA DANG, RDZI CHAR GYIS KYANG DE LTAR MA GYUR PA DANG, YUL AAS MA PA RAN TA NA GNAS PA MA GTOGS PAS DBYAR ZLA RA BA TSES NAS, DBYAR ZLA THA CHUNGS NYA'I BAR GYI ZLA BA PHYED DANG GSUM LAS GZHAN PA'I DUS SU NYI MA GA LAS KHRUS BYA ZHING NYI MA DE NYID NAS ZHAG BCO LNGA PA'I MDUN ROL NAS, DON GZHAN LA GZHOL BAS CHU NYAMS SU MYONG BA DANG, DE'I PHYIR MA BSAMS PAR RGAL BA DANG, BRGYAL BA LA GDAB PA DAG MA GTOGS PAR CHU MA YIN PAR 'BRU MAR DANG, MAR DANG, PHRUM KHU DANG, 'O MA LA SOGS PA MA YIN PAR CHU NYID KYIS DBANG BSKUR BAS SAM; 'JUG PAS KHRUS LTE BAR SON PAR BYED NA KHRUS BYED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, ZLA BA PHYED KYI NANG ROL NA, CHU NYID KYIS KHRUS BYED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, ZLA BA PHYED LA 'DUMS PA NYID DAG DANG, DUS MA GTOGS PA NYID DANG, CHU NYID DANG, KHRUS NYID DANG, MGO 'AM, RKANG NGAM G-YAS G-YON GANG NAS KYANG RUNG STE, LTE BAR SON PA'O, ,DE DAG LAS YAN LAG MA TSANG NA CI RIGS PAR NA SMAD DO, ,KHRUS BYED PA'I LTUNG BYED DE DRUG CU PA'O,, ,,SO SOR THAR PA'I MDO'I GZHUNG 'GREL BAM PO BCO LNGA PA, SDOM LA, DUD 'GRO 'GYOD PA SOR MO DANG, ,RTZE DANG LHAN CIG SDANGS BYED DANG, SBED DANG RDENG MED GZHI MED DANG, SKYES PA MED PAR LAM 'GRO BA'O, ,ZHES BYA BA NI BCU PA BDUN PA YIN TE, SDOM LA ZHES BYA BA'I TSIG GI DON DANG DGOS PA NI SNGA MA BZHIN NO, ,BCU PA BDUN PA 'DIS KYANG LTUNG BYED KYI CHOS BCU BSTAN TE, DUD 'GRO GSOD PA DANG, 'GYOD PA SKYED PA DANG, GA GA TSIL BYED PA DANG, CHU LA RTZE BA DANG, BUD MED DANG LHAN CIG NYAL BA DANG, SDANGS PAR BYED PA DANG, SBED PA DANG, BYIN NAS NYE BAR 'TSO BA DANG, SKUR PA 'DEBS PA DANG, BUD MED DANG,

LHAN CIG 'GRO BA'I LTUNG BYED DO, ,DE LA DUD 'GRO GSOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN PA 'CHAR KA SNGA DRO SHAM THABS BGOS LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS NAS, DES DER BSOD SNYOMS BRGYUS TE, 'PHONG GI 'PHONG SAR ZHUGS PA DANG, 'PHONG GI SLOB DPON NI MED, KHYE'U DAG 'KHOD NAS DRIS PA, KHYE'U DAG CI BYED, DE DAG GIS SMRAS PA, 'PHAGS PA 'PHONG SLOB BO, ,'CHAR KAS SMRAS PA, BU DAG LEGS TE, KHYED KYIS SGYU RTZAL MCHOG LAS BRGAL TO, ,BLTAS G-YON 'PHONG DANG, G-YAS 'PHONG DANG, MDA' LNGA PHANG BAR BYOS SHIG ,DE DAG GIS BYA BAR BRTZAMS PA DANG, DE LAG PA GNYIS 'DRIL BAR BYED BZHIN SGYUR BAR BYED DO, ,DE DAG GIS SMRAS PA, 'PHAGS PA DAG CI NONGS, 'CHAR KAS SMRAS PA, DA DUNG KHYED CAG GI SLOB DPON GYIS KYANG MI SHES NA, KHYED CAG GIS LTA SHES PAR 'GYUR RE SKAN, DE DAG GIS SMRAS PA, 'PHAGS PA 'DI LA MKHYEN PA CUNG ZAD MNGA' 'AM, 'CHAR KAS SMRAS PA, SA'I STENG NA KHO BOS MI SHES PA'I BZO'I GNAS DANG, LAS KYI GNAS GANG YOD, DE DAG GIS SMRAS PA, 'PHAGS PA G-YAR RNGA BRIM GYIS MDZAD DU GSOL, 'CHAR KAS SMRAS PA, GZHU 'ON CIG DE DAG GIS GZHU PHUL BA DANG, 'CHAR KAS SMRAS PA, GZHU 'DI NI RAS BAL GYI GZHU 'DRA BAS, GZHU GZHAN 'ON CIG ,DE DAG GIS GZHU GNYIS PA DANG GSUM PA PHUL BA DANG, 'CHAR KAS SMRAS PA, GZHU 'DI DAG KYANG RAS BAL GYI GZHU 'DRA BAS, KHYED KYI SLOB DPON GYI GZHU 'ON CIG ,DE DAG GIS SLOB DPON GYI GZHU PHUL BA DANG, 'CHAR KAS SMRAS PA, 'DI YANG TSOD YOD PA ZHIG GO ZHES DES GZHU DE RAS BAL GYI GZHU BZHIN DU BRDUNGS TE RGYUD SBRENGS BA DANG STENG GI NAM MKHA' LA BYA ROG GI TSOGS RGYU BAR BRTZAMS NAS, 'CHAR KAS SMRAS PA, JI LTAR JE BYA ROG 'DI'I RKUB TU BSNUN TE KHAR DBYUNG BAR BYA'AM, 'ON TE KHAR BSNUN LA RKUB TU DBYUNG BAR BYA, DE DAG GIS SMRAS PA, 'PHAGS PA RKUB TU BSNUN TE KHAR DBYUNG DU GSOL, 'CHAR KAS SHAR PHYOGS

, ,KYI STENG GI NAM MKHA' LA MDA' GCIG 'PHANGS SHING, LHO DANG NUB DANG BYANG PHYOGS KYI STENG GI NAM MKHA' LA YANG, MDA' RE RE 'PHANGS PA DANG, BYA ROG DES KHA GYEN DU PHYOGS TE 'GRO BAR BRTZAMS NAS, 'CHAR KAS DE'I PHYI BZHIN MDA' CIG 'PHANGS PAS RKUB TU BSNUN TE KHAR PHYUNG NAS, BYA ROG DE SA LA LHUNG BA DANG, DE DAG YA MTSAN SKYES NAS, SEMS KHONG DU CHUD CING 'KHOD DO, ,'CHAR KAS SMRAS PA, BU DAG BZO 'DI LTAR BSLAB PAR BYA'AM, YANG NA SLOB DPON GZHAN DAG BTZAL BAR BYA, 'BRAS BU MED PA'I SPUN PA 'PHYAR ZHING 'KHOD DE CI RUNG ZHES SMRAS TE SONG NGO, ,DE DAG SEMS KHONG DU CHUD CING 'KHOD PA DANG, JI TZAM NA DE DAG GI SLOB DPON 'ONGS NAS, DES SMRAS PA, KHYE'U DAG CI'I PHYIR SEMS KHONG DU CHUD CING 'KHOD, DE DAG GIS SKABS DE RGYAS PAR SMRAS PA DANG, DES BSAMS PA, DE YANG DANG YANG DU BDAG LA THO 'TSAMS PAR 'GYUR BAS, BDAG GIS DE MI DGA' BAR BYA'O SNYAM NAS, PHYI DE NYID BAR TSE DANG LDAN PA 'CHAR KA SNGA DRO SHAM THABS BGOS, LHUNG BZED DANG CHOS GOS THOGS TE, MNYAN YOD DU BSOD SNYOMS LA ZHUGS PA DANG, KHYE'U DE DAG BYA ROG GI RO DE SMYIG MA RING PO'I RTZE MO LA BTAGS TE BSKUR NAS, TSE DANG LDAN PA 'CHAR KA'I PHYI BZHIN RJES SU BTANG STE, MI'O COG LA 'DI SKAD CES, 'PHAGS PA 'CHAR KAS MDA' LNGA 'PHANG BA 'DI LTA BU BYAS PAS, BYA ROG 'DI'I RKUB TU BSNUN NAS KHAR PHYUNG BA LA LTOS ZHES SGROGS SU BCUG PA DANG, 'CHAR KAS DE DAG MTHONG NAS, DES SMRAS PA, KHYE'U DAG CI'I PHYIR KHO BO LA THO 'TSAMS PAR BYED, PHYIR LOG SHIG ,'ON KYANG DE DAG PHYIR MA LOG PAR DE SKAD SGROGS PAR BYED NAS, BRAM ZE DANG KHYIM BDAG DAG SHES LDAN DAG ,SH'AKYA'I BU'I DGE SLONG 'DI DAG SROG GCOD PAR BYED PA STE, SROG GCOD PA LAS MA LOG ,MA SPANGS, SO SOR MA SPANGS PA YIN NO, ,SHES LDAN DAG SH'AKYA'I BU'I DGE SBYONG SEMS CAN GANG DAG GI PAGS PA YANG DGOS PAR MI RUNG, SHA DANG, RGYUS PA DANG RUS PA YANG DGOS PAR MI RUNG BA 'DI LTA BU YANG GSOD PAR BYED PA LA LTOS, SU ZHIG DGE SBYONG MGO REG 'DI DAG LA

BSOD SNYOMS SBYIN PA DANG BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BAS SAM BZHIN DU DUD 'GRO'I SKYE GNAS SU GTOGS PA'I SROG CHAGS GSOD NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI NGAN SEMS, NYES PA NI DUD 'GRO GSOD PA'O, ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,BSAMS GZHIN DU ZHES BYA BA NI RNAM PAR BRTAGS NAS SO, ,DUD 'GRO'I SKYE GNAS SU GTOGS PA'I SROG CHAGS ZHES BYA BA NI BYA ROG GAM, GANG GZHAN YANG DE LTA BU GANG YIN PA'O, ,GSOD NA ZHES BYA BA NI DE'I SROG GCOD PAR BYED NA'O, ,LTUNG BYED DO ZHES BYA BA NI SEMS CAN DMYAL BA DANG, DUD 'GRO DANG, YI DAGS NGAN SONG DANG NGAN 'GRO DANG, LOG PAR LTUNG BA DAG TU SREG PAR BYED, 'TSOD PAR BYED LTUNG BAR BYED DO, ,GZHAN YANG JI SRID DU LTUNG BA DE MA BSHAGS SHING SO SOR MA BSHAGS NA DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS GSOD PA'I SEMS KYIS DUD 'GRO GANG YANG RUNG BA LA MTSON LA SOGS PA LUS DANG, DES 'PHANGS PA DANG, GNYI GA DANG LDAN PA GANG YANG RUNG BAS BSNUN TE, GZHI DES DE'I TSE 'AM GZHAN GYI TSE SHI BA SBYOR BA GCIG GIS GSAD PAR BYA BA JI SNYED PA RE RE LAS DUD 'GRO GSOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, GSOD SEMS DANG, DUD 'GRO'I SKYE GNAS SU GTOGS PA'I SROG CHAGS NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, GSOD SEMS DANG, DUD 'GRO'I 'GRO BA PA DANG, DER 'DU SHES PA DANG, BSNUN PA DANG, SHI BA'O, ,DE DAG LAS YAN LAG MA TSANG NA CI RIGS PAR NA SMAD DO, ,DUD 'GRO GSOD PA'I LTUNG BYED DE DRUG CU GCIG PA'O,, ,,'GYOD PA SKYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED

, ,KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI 'U CHEN POS, NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS DAG RAB TU PHYUNG ZHING, BSNYEN PAR RDZOGS PAR BYAS PA DE'I TSE NA, DE DAG DRUG SDE DAG LA STEN PAR BYED, BSNYEN PAR BYED, BSNYEN BKUR BYED DO, ,DE NAS TSE DANG LDAN PA 'CHAR KAS BCU BDUN SDE DAG LA SMRAS PA, BCU BDUN SDE DAG TSUR SHEG 'DI DANG 'DI GYIS SHIG ,DE DAG GIS SMRAS PA, KHYOD KHO BO CAG GI SLOB DPON YIN NAM, MKHAN PO YIN NAM CI MI BYED DO, , 'CHAR KAS SMRAS PA, GLEN PA DAG ,'O NA GZHAN CI ZHIG BYED CES DES DE DAG GNYA' BA DAG NAS BZUNG STE, PHYI ROL DU BSKRAD DO, ,DE DAG GIS SMRAS PA, TSE DANG LDAN PA DAG BDAG CAG DRUG SDE DAG GIS GANG CUNG ZAD BRNYAS PAR GYUR PA DE DAG THAMS CAD NI, BDAG CAG THOS PA NYUNG BA LAS GYUR PA YIN GYIS, DENG THOS PA 'DZIN DU 'DOD DANG, DES NA PHYIN CHAR DRUG SDE DAG LA CUNG ZAD KYANG DRI MI DGOS PAR 'GYUR RO ZHES DE DAG DGE SLONG ZHIG GI GAN DU SONG STE SMRAS BA, BTZUN PA BDAG CAG KLOG TU STZOL CIG ,DES DE DAG LA THABS YIN NO ZHES SMRAS NAS, DE DAG GIS DE'I GAN DU BKLAG PAR BRTZAMS SO, ,NYE DAGS SMRAS PA, BTZUN PA 'CHAR KA BCU BDUN SDE DAG DER BDAG CAG LA STEN PAR MI BYED BSNYEN PAR MI BYED BSNYEN BKUR MI BYED DO, ,'CHAR KAS SMRAS MA, KHO BOS DE DAG BSKRAD NAS DA LTAR THOS PA 'DZIN PAR BRTZAMS SO, ,BTZUN PA 'CHAR KA KHYOD KYIS BDAG CAG GI SPRUL NYAL BA LCAG GIS GZHUS SO, ,JI SRID DU GLEN PA DE DAG THOS PA NYUNG BA DE SRID DU DE DANG DE BDAG CAG LA STEN PAR BYED, BSNYEN PAR BYED, BSNYEN BKUR BYED KYI, GANG GI TSE DE DAG THOS PA MANG BOR GYUR CING, MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DANG, GDUG CING PHA ROL GNON PAR GYUR PA DE'I TSE DE DAG BDAG CAG LA GNOD PA BYA BAR SEMS PAR 'GYUR RO, ,'CHAR KAS SMRAS PA, KHO BOS DE DAG CI NAS KYANG THOS PA 'DZIN PAR MI 'GYUR PA DANG, THOS PA BZUNG BA LAS KYANG YONGS SU NYAMS PAR 'GYUR BA DE LTAR BYA'O ZHES DE DAG GI GAN DU SONG STE 'DI SKAD CES SMRAS

SO; ,KYE BCU BDUN SDE DAG SHIN DU BRTZON 'GRUS BRTZAMS SAM, DE DAG GIS SMRAS PA, BRTZAMS SO, ,BRTZON 'GRUS KYIS CI BYA, THOS PA BZUNG NGO, ,THOS PA BZUNG BAS CIR 'GYUR, MANG DU THOG PAR 'GYUR RO, ,MANG DU THOS PAS CIR 'GYUR, DBANG PO YONGS SU SMIN PAR 'GYUR RO, DBANG PO YONGS SU SMIN PAS CIR 'GYUR, DES PA LA 'JUG PA DANG, ZAG PA ZAD PAR 'GYUR RO, ,KHYED DES PA LA 'JUG PA DANG, ZAG PA ZAD PAR 'GYUR RE SKAN, BTZUN PA 'CHAR KA KHO BO CAG MTSAMS MED PA'I LAS DAG BYAS PA'AM, DGE BA'I RTZA BA CHAD PA YIN NAM CI, KHYED CAG MTSAMS MED PA'I LAS DAG BYAS BA YANG MA YIN, DGE BA'I RTZA BA CHAD PA YANG MA YIN MOD KYI, 'ON KYANG KHYED KYIS BCOM LDAN 'DAS KYIS YANG DGE SLONG GANG ZAG LO NYI SHUM LON PA, DGE SLONG GI DNGOS POR BSNYEN PAR RDZOGS PAR BYED NA, GANG ZAG DE YANG BSNYEN PAR RDZOGS PAR MI 'GYUR LA, DGE SLONG DE DAG KYANG SMAD PAR 'GYUR RO ZHES GSUNGS PA MA THOS SAM, KHYED CAG LO NYI SHU MA LON PAR BSNYEN PAR RDZOGS PAS, KHYED CAG NYID NGES PA LA 'JUG PA DANG, ZAG PA ZAD PAR 'GYUR RE SKAN, DE DAG GIS DE THOS NAS SEMS KHONG DU CHUD CING 'KHOD PA DANG, DE DAG GI SLOB DPON DE 'ONGS NAS, NGAS SMRAS PA, GZHON NU DAG CI'I PHYIR SEMS KHONG DU CHUD CING 'KHOD, DE DAG GIS SKABS DE RGYAS PAR BRJOD PA DANG, DES SMRAS PA, KHYED KYIS DE NI THOS NA BCOM LDAN 'DAS KYIS LAS DANG PO PA LA LTUNG BA MED DO ZHES GSUNGS PA DE MA THOS SAM, KHYED CAG LAS DANG PO PA YIN PAS BSNYEN PAR RDZOGS PAR 'GYUR GYI, TSUR SHOG LA LUNG NOS SHIG ,GZHAN YANG 'DI LTAR KHYED SUS 'GYOD PA SKYED, BTZUN PA 'CHAR KAS SO ZHES ZER NAS, DGE SLONG DON NYUNG DU DAG CI'I PHYIR DGE SLONG DAG BSAMS BZHIN DU DGE SLONG DAG 'GYOD PA SKYED PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BSAMS BZHIN DU CI NAS KYANG DGE SLONG 'DI YUD TZAM ZHIG KYANG BDE BA LA REG PAR MI BYA'O SNYAM PA DE

, ,NYID RKYEN DU BYAS TE, DGE SLONG LA 'GYOD PA SKYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI PHRAG DOG ,NYES PA NI DGE SLONG 'GYOD PA BSKYED PA'O, ,DE LA YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,BSAMS BZHIN DU ZHES BYA BA NI RNAM PAR BRTAGS NAS SO, ,JI NAS KYANG DGE SLONG 'DI YUD TZAM ZHIG KYANG BDE BA LA MI REG PAR BYA'O SNYAM PA ZHES BYA BA NI THA NA YUD TZAM ZHIG KYANG YID MI DGA' BAR BYA'O SNYAM PA'O, ,DE NYID RKYEN DU BYAS TE ZHES BYA BA NI GZHAN MA YIN PA'O, ,DGE SLONG LA ZHES BYA BA NI CHOS 'DI PA LA'O, ,'GYOD PA SKYED NA ZHES BYA BA NI SEMS LA CUNG ZAD 'GYOD PA DANG, RNAM PAR 'GYOD PA DANG, RAB TU 'GYOD PA SKYED NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG LA BDE BA LA MI REG PA SKYED PA'I SEMS KYIS, THA NA BZHAD GAD KYIS KHYOD BSNYEN PAR RDZOGS PA MA YIN ZHING, PHAM PAR 'GYUR BA BYUNG NGO ZHES BYA BA LA SOGS PA, DGE SLONG MA YIN PA'I DON GYIS 'GYOD PA SKYED NA 'GYOD PA MA SKYES NA YANG, 'GYOD PA SKYED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, PHA ROL PO DGE SLONG NYID DANG, DGE SLONG MA YIN PA'I DON GYIS 'GYOD PA SKYED PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, PHA ROL PO DGE SLONG NYID DANG, BDE BA LA MI REG PA SKYED PA'I SEMS NYID DANG, DGE SLONG MA YIN PA'I DON NYID KYIS DANG, THA NA BZHAD GAD YAN CHAD KYIS 'GYOD PA SKYED PA DANG, 'GYOD PA SKYED KYANG RUNG, MA SKYES KYANG RUNG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,'GYOD PA SKYED PA'I LTUNG BYED DE DRUG CU GNYIS PA'O,, ,,GA GA TSIL BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI BU CHEN POS, NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS DAG RAB TU PHYUNG ZHING BSNYEN PAR RDZOGS PAR BYAS PA DE'I TSE NA, BCU BDUN

SDE DAG LA GAL TE GCIG LA LAS SU BSKO BA BAB NA YANG, DE DAG THAMS CAD BSDONGS TE BYED DO, ,CI TZAM DUS GZHAN ZHIG NA GTZUG LAG KHANG DER MTSAN THOG THAG TU CHOS MNYAN PA BYUNG NAS, DER DE DAG THAMS CAD KYIS BSDONGS TE TRON BYAS SO, ,PHYI DE NYIN PAR DGE 'DUN GYI BSRO GANG DU CHOS MNYAN PA BYUG NAS DER YANG DE DAG THAMS CAD KYIS BSDONGS TE TRON BYAS SO, ,DE'I PHYI DE NYIN PAR BCU BDUN SDE LAS GCIG LA DGE SKOS BAB NAS, DE'I NYIN MO YANG THAMS CAD KYIS GTZUG LAG KHANG BRGYAN TE 'KHONG DO, ,DE NA DGE SKOS TRON BYED PA'I TSE, BCU BDUN SDE LAS GCIG LA BLO BYUNG BA, BDAG NI CHAD KYIS NYAL LO, ,MI BCU DRUG GIS CI'I PHYIR TRO NA MI NUS SNYAM MO, ,DE BZHIN DU RE RE LA YANG BLO DE LTA BU BYUNG NAS GZHAN BCU DRUG PO THAMS CAD SO SOR NYAL DU 'DONG NGO, ,DGE SKOS DE 'BA' ZHIG GCIG PUS MTSAN THOG THAG LAS BYAS TE, MTSAN MO NAM MA NANGS PAR MAR ME KONG BU DAG BSDUS, SGO DAG PHYE, GTZUG LAG KHANG CHAG CHAG BTAB, BYUG PAS BYUGS TE, DUS SHES PAR BYAS NAS, STAN BSHAMS SHING MCHOD RTEN GYI 'KHOR SAR BDUG SPOS BRIMS TE, GTZUG LAG KHANG DE'I STENG DU 'GRENG NAS GAnd'I BRDUNG PAR BRTZAMS SO, ,DE NAS BCU DRUG PO DE DAG GAnd'I'I SGRAS SAD NAS, RANG RANG GI GNAS KHANG DAG NAS LHUNG BZED THOGS TE BYUNG BA DANG, DE DAG GIS DGE SKOS DE GCIG PU PHAR RGYUG TSUR RGYUG CING 'DUG PA MTHONG NAS, DE DAG GIS PHAN TSUN SMRAS PA, TSE DANG LDAN PA DAG 'DI GCIG PU PHAR RGYUG TSUR RGYUG CING 'DUG PA, 'U BU CAG LAS SUS KYANG 'DI'I GROGS MA BYAS SAM, GCIG GIS SMRAS PA, KHO BO LA BLO BYUNG BA, BDAG NI CHAD KYIS NYAL LO, ,MI BCU DRUG GIS CI'I PHYIR TRON MI NUS SNYAM MO, ,DE BZHIN DU GZHAN YANG DE SKAD ZER, GZHAN DAG KYANG DE SKAD ZER TE, THAMS CAD KYIS DE SKAD SMRAS SO, DE NAS BCU DRUG PO DAG GIS SMRAS PA, TSE DANG LDAN PA DAG 'DI BDAG CAG GI 'PHRAL GYI BYA BA THAMS CAD LA THOG MAR 'GRO BA YIN NA, BDAG CAG GIS 'DI'I GROGS MA BYA PA NI, 'U BU CAG GIS MA LEGS PA BYAS TE, 'DI BDAG CAG LA GSHEG BAR 'GYUR GYIS, ZA NA ZOS MA THAG TU BZOD

, ,PA GSOL BAR BYA'O ZHES DE DAG GIS ZAN ZOS NAS, BZOD PA GSOL BAR BRTZAMS TE, GZHON PA RNAMS KYIS NI DE'I RKANG PA GNYIS LA GTUGS, RGAN PA RNAMS KYIS NI MGUL NAS 'KHYUD DE, TSE DANG LDAN PA BZOD PAR GSOL ZHES BYAS NAS, DES CANG MI SMRA BAR 'DUG GO, , DE DANG CHES BSHES PA CIG YOD PA DES, GA GA TSIL BYAS PA DANG, DES BGAD PAR BRTZAMS TE BZOD DO ZHES KYANG ZER RO, ,DE DAG GIS BSAMS PA, DE'I THABS LEGS PA YIN NO SNYAM NAS GZHAN GYIS GA GA TSIL BYAS SHING, DE BZHIN DU THAMS CAD KYI BAR GYIS GA GA TSIL BYAS PA DANG, DE RLUNG GYEN DU 'TSUBS TE DUS LA BAB PO, ,DE DAG BRTAD CING MYA NGAN BYA BAR BRTZAMS TE, SEMS KHONG DU CHUD CING 'KHOD DO, ,DGE SLONG RNAMS DANG 'CHAR KAS SMRAS PA, KHYED CAG CI'I PHYIR SEMS KHONG DU CHUD CING 'KHOD, DE DAG GIS SKABS DE RGYAS PAR BRJOD PA DANG, DGE SLONG DON NYUNG DU DAG CI'I PHYIR DGE SLONG DAG DGE SLONG LA SOR MOS GA GA TSIL BYED CES SMOS PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, ,SOR MOS GA GA TSIL BYED NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI BCU BCUN SDE, NYON MONGS PA NI GA GA TSIL BYED PA'O, ,DE LA SOR MOS GA GA TSIL BYED NA ZHES BYA BA NI, GA GA TSIL BYA BA'I BSAMS PAS LUS KYI LAS DANG, LUS KYI SPYOD PA DANG, LUS KYI G-YO BA GANG YIN PA BYED NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG LUS KYI DBANG PO MA NYAMS PAS, DGE SLONG LUS KYI DBANG PO MA NYAMS PA LA SKYI G-YA' BAR BYA BA'I SEMS KYIS SOR MO'AM, KHU TSUR RAM, GRU MO'AM, PHRAG PA'AM, MGO'AM, GLO 'AM, RGYAB BAM, RKED PA'AM, BRLA'AM, PUS MO 'AM, BYIN PA'AM, RKANG PA'I THE BONG LA SOGS PA, RANG GI LUS KYI YAN LAG GOS MA GTOGS PA GANG YANG RUNG BA DAG GIS GA GA TSIL BYED PAS PHA ROL PO'I GOS MA GTOGS PA LUS KYI YAN LAG GANG YANG RUNG BA LA REG NA, REG BYED GCIG GAM DU MA NYID LA,

SPYIR GA GA TSIL BYED PA'I LTUNG BYED KYI DNGOS GZHI GCIG TU 'GYUR RO, ,'DI'I BYED PA PO NI GNYI GA'I LUS KYI DBANG PO MA NYAMS PA NYID DANG, SKYI G-YA' BAR BYED PA'I SEMS NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, PHA ROL PO DGE SLONG NYID DANG, GNYI GA'I LUS KYI DBANG PO MA NYAMS PA NYID DANG, KUN DU CHAGS PA DANG ZHE SDANG MED PA'I SEMS SAM, DE GNYIS KYI SEMS MA YIN PA SKYI G-YA' BAR BYA BA'I SEMS NYID DANG, SOR MO LA SOGS PA LUS KYI YAN LAG GANG YANG RUNG BA NYID DANG, REG PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,GA GA TSIL BYED PA'I LTUNG BYED DE DRUG CU GSUM PA'O,, ,,CHU LA RTZE BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE BCU BDUN SDE DAG LAS, TSE DANG LDAN PA NYE BA 'KHOR GYIS NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS PA'I TSE NA, DES BSAMS PA, BDAG GIS TSANGS PA MTSUNGS PAR SPYOD PA 'DI DAG LA DGE BA'I RTZA BA CUNG ZAD YOD DAM SNYAM NA, DES YOD PAR MTHONG NGO, ,SU LA RAG LAS SNYAM NA, BDAG NYID LA RAG LAS PAR MTHONG NAS, DE BCU DRUG PO GZHAN DAG GDUL BA LTOS PAS, DE DAG GI PHYI BZHIN RJES SU 'BRANGS NA, DE DAG GIS SMRAS PA, TSE DANG LDAN PA DAG CHU KLUNG GNAS CAN GYI DNGOS SU CHU'I DON DU 'DONG ZHING, DER KHRUS KYANG BYA'O ZHES DE DAG CHU TSAGS DANG, CHU BUM THOGS TE, CHU KLUNG GNAS CAN GA LA BDER DONG NAS, DE DAG GIS SMRAS PA, TSE DANG LDAN PA DAG JI LTAR JE KHRUS BYA'AM, 'ON TE CHU BTZAG PAR BYA, DE DAG GIS SMRAS PA, JE CHU BTZAG PAR BYA STE DE'I 'OG TU KHRUS BYA'O ZHES DE DAG GIS CHU BTZAGS NAS, GOS DAG MTHA' GCIG TU PHUD DE KHRUS BYA BAR BRTZAMS NAS, CHUR ZHUGS TE DE DAG STENG DU 'BYUNG BAR BYED, 'OG TU NUB PAR YANG BYED, TSU ROL GYI 'GRAM NAS PHA ROL GYI 'GRAM DU 'GRO BAR YANG BYED, PHA ROL GYI 'GRAM NAS TSU ROL GYI 'GRAM DU 'ONG BAR YANG BYED, RGYUN PHYOGS SU 'GRO BAR YANG BYED, RGYUN LAS BZLOG PHYOGS SU 'GRO BAR YANG BYED, CHU LA

, ,RNGA BO CHE'I SGRA 'BYIN PAR YANG BYED, RDZA RNGA KHA GCIG PA'I SGRA 'BYIN PAR YANG BYED, CHU LA GSEG MA 'KHRAB PA DANG 'PHEN PAR YANG BYED, CHU LA KHOR YUG DANG RDO RJE LTA BU YANG BYED, CHU LA KHRON PA DANG, DBA' KLONG DANG CHU SRUBS 'DREN PAR YANG BYED CHU LA RGOD BAG DANG 'PHYAR G-YENG DANG LUS LA RDEG PA DAG KYANG BYED DO, ,TSE DANG LDAN PA NYE BA 'KHOR YANG SHES BZHIN DU KHRUS BYAS TE, CHU KLUNG GNAS CAN RGAL NAS CHOS GOS DAG BGOS TE SDOD DO, ,DE'I TSE NA KO SA LA'I RGYAL PO GSAL RGYAL STENG GI KHANG BZANGS KYI GZHIR GTOGS PA NA, BTZUN MO PHRENG LDAN MA DANG LHAN CIG 'DUG PAS, JI TZAM NA BCU BDUN SDE DAG CHU LA RTZA BAS RTZE BAR MTHONG NGO, ,MTHONG NAS KYANG DES BTZUN MO PHRENG LDAN MA LA SMRAS PA, PHRENG LDAN MA YON GNAS DAG GI MDZES PA LA LTOS SHIG ,PHRENG LDAN MAS SMRAS PA, LHA DE NI NGO MTSANG MI CHE STE, LANG TSO GSAR DU GYUR NAS, TSANGS PA MTSUNGS PAR SPYOD PA LAGS KYI, LHA BGRES PA'I GNAS SKABS SU GYUR KYANG, DA DUNG THUGS MA BYUNG BA NGO MTSAR CHE LAGS SO, ,RGYAL PO SKYENGS NAS CANG MI SMRA BAR 'DUG GO, ,TSE DANG LDAN PA NYE BA 'KHOR GYIS KO SA LA'I RGYAL PO GSAL RGYAL STENG GI KHANG BZANGS KYI GZHIR GTOGS PA NA MI DGA' BAR SEMS PA MTHONG NAS, DES DE DAG LA SMRAS PA, TSE DANG LDAN PA DAG KO SA LA'I RGYAL PO GSAL RGYAL MI DGA' BAR SEMS KYIS BYUNG SHIG DANG DE DGA' BAR BYA'O, ,DE NAS DE DAG BYUNG STE, GOS DAG GYON PA NA, TSE DANG LDAN PA NYE BA 'KHOR MOS PA LAS BYUNG BA'I TING NGE 'DZIN LA SNYOMS PAR ZHUGS NAS, 'DI LTAR DE DAG THAMS CAD CHU CHAGS DANG CHU BUM DANG BCAS TE, STENG GI NAM MKHA' LA NGANG PA'I RGYAL PO 'DAB MA BRKYANG BA LTAR 'PHAGS TE DONG NGO, ,DE DAG STENG GI NAM MKHA' LA DONG BA'I GRIB MA KO SA LA'I RGYAL PO GSAL RGYAL GYI STENG GI KHANG BZANGS KYI GZHIR BAB NAS, BTZUN MO PHRENG LDAN MAS DE DAG STENG GI NAM MKHA' LA NGANG PA'I RGYAL PO 'DAB MA BRKYANG BA LTAR 'PHAGS TE DONG BA MTHONG NAS, DES KO SA LA'I RGYAL PO GSAL RGYAL LA SMAS PA, LHA YON GNAS DAG GI MDZES PA LA GZIGS SHIG GZIGS SHIG ,RGYAL POS SMRAS PA, PHRENG LDAN MA

DGRA BCOM PA ZAG PA ZAD PA DAG CHU LA 'PHYAR G-YENG GIS RTZE BAR 'GYUR BA DE NI GNAS MA YIN SKABS MA YIN TE, DE NI GNAS MED DO, ,PHRENG LDAN MAS SMRAS PA, LHAS DE NI GSAN NA, BCOM LDAN 'DAS KYIS 'DI NA DGE SLONG 'DUG PA NA 'DOD CHAGS DANG BCAS, ZHE SDANG DANG BCAS, GTI MUG DANG BCAS PAR MTHONG LA, DE NYID LANGS PA NA 'DOD CHAGS DANG BRAL, ZHE SDANG DANG BRAL, GTI MUG DANG BRAL BAR YANG MTHONG STE, DGE SLONG DAG DE LTA BAS NA, SEMS NI GLOG 'DRA LA, TING NGE 'DZIN NI RDO RJE DANG 'DRA BAS, NYON MONGS PA RNAMS NI YE SHES KYIS 'JOMS SO ZHES GSUNGS PA DE MA GSAN TAM, RGYAL PO THOS PA NYUNG BAS DE CANG MI SMRA BAR 'DUG GO, ,PHRENG LDAN MAS KYANG BSAMS PA, DGRA BCOM PA ZAG PA ZAD PA DAG CHU LA 'PHYAR G-YENG GIS RTZE BA DE NI GNAS MA YIN SKABS MA YIN TE, DE NI GNAS MED DO SNYAM NAS, DE NAS BTZUN MO PHRENG LDAN MAS BCOM LDAN 'DAS KYI SPYAN SNGAR MI ZHIG LA PHRIN GYIS BSNYUN GSOL TE, BTZUN PA 'PHAGS PA 'DI DAG CHAB LA 'PHYAR G-YENG GIS RTZE BAR BGYID PAS, RGYAL PO'I GLO BA MI DGA' BAR SEMS NA, KYE MA BCOM LDAN 'DAS KYIS THUGS BRTZE BA'I SLAD DU, GANG GIS 'PHAGS PA DAG CHAB LA 'PHYAR G-YENG GIS RTZE BAR MI 'GYUR BAR DRAN PAR BGYI BA CUNG ZHIG BCA' BA MDZAD NA LEGS SO ZHES GSOL TO, ,DE NAS BCOM LDAN 'DAS KYIS SNGA MA BZHIN DU, CHU LA RTZE NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI BCU BDUN SDE, NYON MONGS PA NI MA DUL BA, NYES PA NI CHU LA RTZE BA'O, ,DE LA CHU LA RTZE NA ZHES BYA BA NI CHU LA RTZE BA'I BSAM PAS LUS KYI LAS DANG, LUS KYI SPYOD PA DANG, LUS KYI G-YO BA GANG YIN PA BYED NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SIM PAR 'DOD PAS RGAL BA LA SOGS PA DANG, RKYAL SLOB PAS THAD KA'AM, LTAG 'OG TU RTZOL BA DANG, GRANG BAR 'DOD PAS TSAB THAD KA'AM, LTAG 'OG TU RTZOL BA DANG, GRANG BAR 'DOD PAS TSA MYONG BAR BYA BA'I 'DUN PAS, CHU MA YIN PA MA GTOGS PA CHU'I YUL LA RTZE BA

, ,RJES SU SGRUB PA DBANG BSKUR BAS NUS PA LA SOGS PA MA GTOGS PAR, CHU'I NANG DU LTE BA MAN CHAD NUB PAR ZHUGS SHING 'OG TU NUB PA DANG, 'BYUNG BA DANG, NGOGS GZHAN DU BRGAL BA DANG, RGYUN PHYOGS DANG, RGYUN LAS BZLOG PHYOGS SU RTZOL BA DANG, CHU LA RNGA BO CHE DANG; RDZA RNGA KHA GCIG PA'I SGRA 'BYIN PA DANG, GSEG MA 'KHRAB PA DANG, 'PHEN PA DANG, KHOR YUG DANG, RDO RJE DANG, KHRON PA DANG, DBA' KLONG DANG, CHU SRUBS 'DREN PA DAG BYED DAM, BYED DU BCUG NA CHU LA RTZE BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGOD PAS DGA' BA NYAMS SU MYONG BAR BYA BA'I 'DUN PA DANG, CHU'I YUL LA RTZE BA RJES SU SGRUB PA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGOD PAS DGA' BA NYAMS SU MYONG BAR BYA BA'I 'DUN PA NYID DANG, CHU'I YUL NYID DANG, LTE BA NUB PA NYID DANG, RTZE BA RJES SU SGRUB PA NYID DANG, BYED DAM, BYED DU BCUG PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,CHU LA RTZE BA'I LTUNG BYED DE DRUG CU BZHI PA'O,, ,,BUD MED DANG LHAN CIG NYAL BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE, TSE DANG LDAN PA MA 'GAGS PAS NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS SHING, ,DES RNAM PAR GROL BA'I BDE BA NYAMS SU MYONG BA'I TSE DE 'DI SNYAM DU SEMS TE, BCOM LDAN 'DAS DE NI BDAG LA PHAN PA MDZAD PA, LEGS PA MDZAD PA YIN TE, 'DI LTAR BCOM LDAN 'DAS DE NI BDAG GI SDUG BSNGAL GYI CHOS MANG PO SEL BAR MDZAD PA, BDE BA'I CHOS MANG PO SGRUB PA, SDIG PA MI DGE BA'I CHOS MANG PO SEL BAR MDZAD PA, DGE BA'I CHOS MANG PO SGRUB PAR MDZAD PA YIN NA, BDAG GIS DE LA CI ZHIG BYAS NA, LAN BYAS PA DANG, NYE BAR BYAS PA DANG, RAB TU BYAS PAR 'GYUR SNYAM NAS, YANG DE 'DI SNYAM DU SEMS TE, SANGS RGYAS BCOM 'DAS DKA' BA MDZAD PA BRGYA STONG DU MA DAG GIS BSKAL PA GRANGS MED PA GSUM GYIS PHA ROL TU

PHYIN PA DRUG YONGS SU RDZOGS PAR MDZAD NAS, BLA NA MED PA'I MKHYEN PA THUGS SU CHUD PA GANG YIN PA DE DAG THAMS CAD NI SEMS CAN GYI DON GYI PHYIR YIN PAS BDAG GIS KYANG GDUL BA'I BYA BA CUNG ZHIG BYA'O SNYAM NAS BCOM LDAN 'DAS LA ZHUS NAS LJONGS RGYUR SONG NGO, ,RI BRAGS SHIG NA KHYIM BDAG CIG 'DUG PA DE LA BU GNYIS DANG, BU MO GCIG YOD NAS, DES BU DE GNYIS KYI KHYIM PHUB CING, BU MO DE YANG BAG MAR BTANG NGO, ,DUS GZHAN ZHIG NA KHYIM BDAG DE YANG DUS LA BAB, DE'I BU MO'I YANG KHYO SHI BAR GYUR NAS, MING PO GNYIS NI KHYIM NA GNAS PA'I TSE, SKYES PA GZHAN DAG DANG LHAN CIG DGA' MGUR SPYOD PA LAS KHYE'U SPYI BRTOL CAN ZHES BYA BA GCIG BYUNG NAS, DE'I MA YANG SPYI BRTOL CAN GYI MA ZHES BYA BA'I MING DU GYUR TO, ,TSE DANG LDAN PA MA 'GAGS PA LJONGS RGYU ZHING 'GRO BA NA, RI BRAGS DER PHYIN NAS, DGRA BCOM PA RNAMS CHOS NYID KYIS MA BSAMS PAR SHES PA DANG MTHONG BA MI 'JUG PAS DE DER SONG NAS, BSTI GNAS BRNYAS NAS DER 'DUG PA DANG, DES DER RKANG PA BKRU BA'I CHU DANG, RKANG BA BSKU BA DANG, DUS MA YIN PA'I ZAS BSTABS PA DAG NI DES MA BLANGS SO, ,DES DE'I MAL BSHAMS PA DANG, TSE DANG LDAN PA MA 'GAGS PA MAL DER SKYIL MO KRUNG BCAS NAS LUS DRANG POR BSRANG STE DRAN PA PHYOGS PAR BZHAG NAS 'DUG GO, ,DE DE'I GAN DU MTSAN MO'I THUN DANG PO NAM PHYED NA 'ONGS TE, BUD MAD KYI G-YO DAG NYE BAR BSTAN PAR BRTZAMS PA DANG, TSE DANG LDAN PA MA 'GAGS PA DBANG PO DAG 'BEBS PAR BYED DO, ,DES 'KHYUD PAR BRTZAMS PA DANG, TSE DANG LDAN PA MA 'GAGS PA DANG PA'I RGYAL PO 'DAB MA BRKYANG BA LTAR STENG GI NAM MKHA' LA MNGON PAR 'PHAGS NAS, 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG BYA BAR BRTZAMS NAS, BUD MED DE LA RJES SU SNYING BRTZE BA'I PHYIR STENG GI NAM MKHA' LAS SHOD DU BABS TE, DE'I BSAM PA DANG, BAG LA NYAL DANG, KHAMS DANG, RANG BZHIN KHONG DU CHUD NAS GANG THOS NAS, BUD MED DES STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM STE, RGYUN TU

, ,ZHUGS PA'I 'BRAS BU MNGON SUM DU BYAS PA DE LTA BUR 'PHAGS PA'I BDEN PA BZHI YANG DAG PAR SO SOR RIG PAR BYED PA'I CHOS BSTAN PA BYAS PAS DES BDEN PA MTHONG NAS PHYI DE NYIN BAR, 'PHAGS PA MA 'GAGS PA SGO BCAD DE GDUGS TSOD GSOL NAS CHOS BSTAN PA'I TSE DE'I MING PO GNYIS, MI ZHIG DANG LHAN CIG 'THAB MO BYUNG BA NA, MI DE NA RE KHYED GNYIS DANG SMRA'AM, KHYED GNYIS KYI SRING MO YA MTSAN CAN SNA TSOGS DANG LDAN PA'I MCHOD SBYIN BYED PAS SH'AKYA'I BU DGE SBYONG YANG MA BTANG STE, SH'AKYA'I BU'I DGE SBYONG YANG KHAR RTZANG ZHUGS NA DA DUNG YANG MA BYUNG NGO ZHES ZER RO, ,DE GNYIS KYIS BSAMS PA, BDAG CAG NYIS GANG CUNG ZAD MIS BRNYAS PAR GYUR PA DE THAMS CAD NI 'DI'I LE LAN YIN GYIS, DE GSAD DU 'DONG NGO SNYAM NAS, RAL GRI SHUBS NAS PHYUNG STE, DE'I KHYIM GA LA BDE LOGS SU PHYOGS TE BRGYUGS PA DANG; SROG CHAGS BRGYA STONG PHRAG DU MA DAG KYANG, KHA CIG NI LTAD MO SKYES PA NA, KHA CIG NI SNGON GYI DGE BA'I RTZA BA DAG GIS BSKUL BA NA, DE GNYIS KYI PHYI BZHIN PHYI BZHIN RJES SU 'BRANG NGO, ,DE NAS TSE DANG LDAN PA MA 'GAGS PAS SMRAS PA, SRING MO KHO BO PHYIR BYUNG GIS, KHYOD KYIS SGO CHOD CIG ,DE PHYIR BYUNG BA DANG DES SGO BCAD DO, ,DE NAS TSE DANG LDAN PA MA 'GAGS PAS NGANG PA'I RGYAL PO 'DAB MA BRKYANG BA LTAR STENG GI NAM MKHA' LA 'PHAGS NAS, CHO 'PHRUL DAG BYA BAR BRTZAMS NAS SHOD DU BABS TE, CHOS BSTAN PAS SROG CHAGS NYI KHRIS RGYUN DU ZHUGS PA'I 'BRAS BU THOB PAR BYAS SO, ,RI BRAGS DE DANG HA CANG MI RING BA NA SKYED MOS TSAL ZHIG YOD PA DER MTSAN MO GNAS PAR KHAS BLANGS PA'I TSE, CHOM RKUN PA LNGA BRGYA TZAM DER LHAGS PA DAG LA YANG CHOS BSTAN PAS, RGYUN DU ZHUGS PA'I 'BRAS BU THOB PAR BYAS PA YIN NO, ,RI BRAGS PA DE DAG PA CHOS BSTAN PAS SROG CHAGS KHRI NYIS STONG GIS KYANG 'PHAGS PA'I 'BRAS BU THOB PAR BYAS SO, ,DE NAS TSE DANG LDAN PA MA 'GAGS PAS CHOM RKUN PA LAS BDEN PA MTHONG BA'I RIGS KYI BU LNGA BRGYA PO DE DAG BCOM LDAN 'DAS LA GDUL BA'I SKYES SU KHRID DE, BCOM LDAN 'DAS GA LA BA DER SONG NAS,

BCOM LDAN 'DAS KYIS KYANG DE DAG DGE SLONG TSUR SHOG CES BYA BAS RAB TU PHYUNG ZHING BSNYEN PAR RDZOGS PAR MDZAD NAS, DE DAG GIS DGRA BCOM PA NYID MNGON SUM DU BYAS SO, ,DGE SLONG RNAMS KYIS TSE DANG LDAN PA MA 'GAGS PA LA DRIS PA, TSE DANG LDAN PA MA 'GAGS PA JI LTAR BDE BAR BRGYUS SAM, TSE DANG LDAN PA DAG CUNG ZAD NI BDE BAR BRGYUS CUNG ZAD NI SDUG BSNGAL BAR YANG BRGYUS SO, ,JI LTAR 'DI LTAR RE ZHIG GDUL BA'I BYA BA BYAS PA GANG YIN PA DE NI BDE BAR BRGYUS PA YIN NO, ,HAD POR DE'U GSAD PA GNAG YIN PA DE NI SDUG BSNGAL BAR YANG BRGYUS PA YIN NO, ,CI'I PHYIR DES SKABS DE RGYAS PAR BRJOD PA DANG, DGE SLONG RNAMS KYIS SMRAS PA, TSE DANG LDAN PA MA 'GAGS PA KHYOD BUD MED DANG LHAN CIG GNAS GCIG TU NYAL DU RUNG NGAM GANG GI PHYIR MI RUNG BA DE NYID KYI PHYIR NYES DMIGS BYUNG BAR GYUR TO ZHES ZER NA, DGE SLONG DON NYUNG DU DAG CI'I PHYIR, DGE SLONG GANG DAG BUD MED DANG LHAN CIG GNAS GCIG TU NYAL ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BUD MED DANG LHAN CIG GNAS GCIG TU NYAL NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI TSE DANG LDAN PA MA 'GAGS PA, NYON MONGS PA NI BAG CHAGS MA BYANG BSAM BSAMS PAR SHES PA DANG MTHONG BA MI 'JUG PA, NYES PA NI BUD MED DANG LHAN CIG GNAS GCIG TU NYAL BA'O,, DE LA YANG DGE SLONG GANG ZHES BYA BA NI CHOS 'DI PA'O, ,BUD MED DANG ZHES BYA BA NI, BUD MED DANG GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA DANG NGO, ,LHAN CIG CES BYA BA NI DE DANG DE'O, ,GNAS GCIG TU ZHES BYA BA NI GNAS BZHI PO THAMS CAD G-YOGS SHING THAMS CAD BSKOR BA DANG, THAMS CAD G-YOGS SHING PHAL CHER BSKOR BA DANG, PHAL CHER G-YOGS SHING THAMS CAD BSKOR BA DANG, PHAL CHER G-YOGS SHING PHRAL CHER BSKOR BA DAG TU'O, ,DE LA GNAS THAS CAD G-YOGS SHING THAMS CAD BSKOR BA NI GNAS KHANG DANG, 'KHOR GYI KHAMS

, ,DANG KHANG BA BRTZEGS PA DAG GO, ,THAMS CAD G-YOGS SHING PHAL CHER BSKOR BA NI, SGO BCU PA DAG DANG SGO BCU GNYIS PA DAG GO, ,PHAL CHER G-YOGS SHING THAMS CAD BSKOR BA NI KHYAMS NGOS BZHI PA DAG GO, ,PHAL CHER G-YOGS SING PHAL CHER BSKOR BA NI KHYAMS NGOS GSUM PA DANG 'KHOR GYI KHAMS DAG GO, ,NYAL NA ZHES BYA BA NI MTSAN MO GLOS PA BA STE NYAL NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAMS PAR GZHAG PA NI, DGE SLONG MI'I 'GRO BA BUD MED DAM, GZHON NU MA MI TSANGS PAR SPYOS PA KHRIG PA'I CHOS BSTEN NUS PA DANG LHAN CIG GNAS GCIG TU MTSAN MO NYAL NAS SKYA RENGS 'CHAR BA'I MTHAR BUD MED DANG LHAN CIG NYAL BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, MI'I 'GRO BA BA'I BUD MED DAM GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA NYID DE DO; ,'DI LA YAN LAG LDAS DNGOS GZHI'I LTUNG BYED DU 'GYUR TE, MI'I 'GRO BA PA'I BUD MED DAM GZHON NU MA MI TSANGS PAR SPYAD PA 'KHRIG PA'I CHOS BSTEN NUS PA NYID DANG, LHAN CIG GNAS GCIG PA NYID DANG, MTSAN MO NYID DANG, GNYID LOG PA NYID DANG, SKYA RENGS 'CHAR BA NYID DO; ,DE DAG LAS YAN LAG MA TSANG NA CI RIGS PAR NA SMAD DO, ,BUD MED DANG LHAN CIG NYAL BA'I LTUNG BYED DE DRUG CU LNGA PA'O,, ,,SDANGS PAR BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI BU CHEN POS NYE BA 'KHOR LA SOGS PA SKYES PHRAN GZHON NU BCU BDUN SDE'I TSOGS DAG RAB TU PHYUNG ZHING BSNYEN PAR RDZOGS PAR BYAS PA DE'I TSE DE DAG DRUG SDE DAG LA STEN PAR BYED BSNYEN PAR BYED, BSNYEN BKUR BYED DO, ,DE NAS 'CHAR KAS DE DAG LA SMRAS PA, BCU BDUN SDE DAG TSUR SHEG ,'DI DANG 'DI GYIS SHIG ,DE DAG GIS SMRAS PA, KHYED KHO BO CAG GI SLOB DPON NAM, MKHAN PO YIN NAM CI, MI BYED DO, ,'CHAR KAS SMRAS PA, GLAN PA DAG 'O NA GZHAN CI BYED CES DES DE DAG GNYA' BA NAS BZUNG STE BSKRAD DO, ,DE DAG GIS

SMRAS PA, TSE DANG LDAN PA DAG BDAG CAG DRUG SDE DAG GIS GANG CUNG ZAD BRNYAS PAR GYUR PA DE DAG THAMS CAD NI BDAG CAG THOS PA NYUNG BA LAS GYUR PA YIN GYIS BDAG CAG THOS PA 'DZIN PAR 'DONG DANG, DES NA PHYIN CHANG DRUG SDE DAG LA GANG CUNG ZAD KYANG DRI BAR MI BYA'O ZHES DE DAG DGE SLONG ZHIG GI GAN DU DONG STE SMRAS PA, BTZUN PA BDAG CAG KLOG TU STZOL CIG ,DES DE DAG LA THABS YIN NO ZHES SMRAS NAS, DE DAG GIS DE LAS BKLAG PAR BRTZAMS SO, ,NYE DAGS SMRAS PA, BTZUN PA 'CHAR KA BCU BDUN SDE DAG DE BAR BDAG CAG LA STEN PAR MI BYED, BSNYEN PAR MI BYED, BSNYEN BKUR MI BYED DO, ,'CHAR KAS SMRAS PA, DE DAG KHO BOS BSKRAD NAS THOS PA 'DZIN PAR BRTZAMS SO, ,BTZUN PA 'CHAR KA KHYOD KYIS BDAG CAG GI SPRUL NYAL BA LCAG GIS GZHUS SO, ,JI SRID DU GLEN PA DE DAG THOS PA NYUNG BAR GYUR PA DE SRID DU DE DAG BDAG CAG LA STEN PAR BYED, BSNYEN PAR BYED, BSNYEN BKUR BYED KYI, GANG GI TSE DE DAG MANG DU THOS PAR GYUR CING MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DANG, GDUG CING PHA ROL GNON PAR GYUR PA DE'I TSE NA DE DAG BDAG CAG LA GNOD PA BYA BAR SEMS PAR 'GYUR RO, ,'CHAR KAS SMRAS PA; KHO BOS CI NAS DE DAG GIS MA RTOGS PA YANG DOGS PAR MI 'GYUR ZHING, RTOGS PA LAS KYANG YONGS SU NYAMS PAR 'GYUR PA DE LTAR BYA'O, ,BCU BDUN SDE DAG ME KHANG DU MAR ME BTZUGS TE KHA TON BYA BAR BTZAMS PA DANG, JI TZAM NA TSE DANG LDAN PA 'CHAR KA LA BA ZHIG SPU PHYIR BSTAN TE GYON NAS ME KHANG DU ZHUGS TE MAR ME BSAD NAS 'BYUNG PO'O 'BYUNG PO'O ZHES SMRAS PA DANG, DE DAG SDANGS SHING SKRAG NAS ME KHANG NAS PHYIR BYUNG STE, MTHA' GCIG TU 'KHOD DO, ,DE DAG SLOB DPON GYIS MTHONG NAS SMRAS PA, GZHON NU DAG CI'I PHYIR KHA TON MI BYED PAR KHA ROG STE 'KHOD, DE DAG GIS SMRAS PA, SLOB DPON BDAG CAG MI MA LAGS PAS GTZES SO, ,DES BSAMS PA, RGYAL BYED KYI TSAL GNOD SBYIN GOS SNGON PO GON PA LNGA BRGYAS RTAG TU MI GTONG BAS 'DI NA MI MA YIN PA YOD RE SKAN, LHUNG BZED NAG PO CAN GNAS NGAN LEN KUN DU SPYOD PA 'GA' ZHIG GIS 'DI

, ,DAG BSDIGS SO SNYAM NAS, DES SMRAS PA, GZHON NU DAG MI MA YIN PA DE 'DZIN PAR 'DOD DAM, 'TSAL LO, ,DES SMRAS PA, GZHON NU DAG ME KHANG GI GRVA BZHIR MAR ME BTZUGS TE RDZA MAS KHO BA LA, DBUS SU MAR DE BCUGS TE KHA TON GYIS SHIG DANG, GAL TE DER 'ONGS PA DANG, DBUS KYI MAR ME BSAD NAS 'BYUNG PO 'BYUNG PO ZHES ZER BA NA SGO CHOD LA, ME KHANG GRVA BZHIR MAR ME PHYE LA ZUNG SHIG ,DE DAG GIS DE LTAR BYAS PA DANG, JI TZAM NA TSE DANG LDAN PA 'CHAR KA, ,LA BA ZHIG SPU PHYIR BSTAN TE GYON NAS ME KHANG DU ZHUGS TE, DBUS KYI MAR ME BSAD NAS 'BYUNG PO'O 'BYUNG PO'O ZHES SMRAS PA DANG, DE DAG GIS SGO BCAD NAS ME KHANG GI GRVA BZHI'I MAR ME PHYE STE BZUNG NAS BRDEG PAR BRTZAMS PA DANG, DES SMRAS PA, 'CHAR KA'O 'CHAR KA'O, ,DE DAG GIS SMRAS PA, KHYED KYI SNYING LAM NA 'CHAR KA KHO BO CAG GI GROGS YIN PAS DE YIN NO ZHES BYAS NA BTANG BAR 'GYUR SNYAM MAM, SHI DROD KYIS MA BZUNG GI BAR DU MI BTANG NGO, ,DE DAG GIS YANG SMRAS PA, TSE DANG LDAN PA DAG MI MA YIN PA NI SHIN DU CHEN PO ZHIG BSAD PAS KYANG NYES PA SBOM POR 'GYUR BAR ZAD PAS BDAG CAG GIS LTUNG BA MTHOL CING BSHAGS PAR BYAS, TE POR BRDEG GO ZHES DE DAG GIS DE TE POR TAL TAL TE BTANG NAS, 'CHAR KA 'PHYES 'KHRUD DE RANG GI GNAS SU PHYIN NAS, DE PHYI DE NYIN BAR LUS DAG 'BRU MAR GYIS BSKU MNYE BYAS NAS KHRI LA NYAL ZHING 'DUG PA DANG, DGE SLONG RNAMS KYIS DE LA SMRAS PA, TSE DANG LDAN PA 'CHAR KA CI NYES, 'CHAR KAS SMRAS PA, TSE DANG LDAN PA DAG KU RE CUNG ZHIG BYAS NA NYES DMIGS 'DI LTA BU BYUNG BAR GYUR RO, ,CI BYAS, DES SKABS DE RGYAS PAR BRJOD PA DANG, DGE SLONG RNAMS KYIS DE LA SMRAS PA, KHYOD DGE SLONG LA SDANGS PAR BYED DU RUNG NGAM, GANG GI PHYIR MI RUNG BA DE NYID KYI PHYIR NYES DMIGS 'DI LTA BU DAG BYUNG BAR GYUR TO ZHES ZER NAS, DGE SLONG DON NYUNG DU DAG CI'I PHYIR DGE SLONG DAG ,DGE SLONG LA SDANGS PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG

DGE SLONG GANG DGE SLONG LA SDANGS PAR BYED DAM, SDANGS PAR BYED DU 'JUD NA THA NA BZHAD GAD BYA BAR BSAMS KYANG RUNG STE, LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI PHRAG DOG, ,NYES PA NI DGE SLONG LA SDANGS PAR BYED PA'O, ,DE LA YANG DGE SLONG GANG ZHES BYA BA NI, 'CHAR KA'AM, GZHAN YANG DE LTA BU GANG YIN PA'O, ,DE DGE SLONG LA ZHES BYA BA NI CHOS 'DI PA LA'O, ,SDANGS PAR BYED DAM ZHES BYA BA NI BDAG NYID KYIS SO, ,SDANGS PAR BYED DU 'JUD NA ZHES BYA BA NI GZHAN NO, ,THA NA BZHAD GAD BYA BAR BSAMS KYANG RUNG STE ZHES BYA BA NI THA NA KU RE BYA BAR BSAMS PAS KYANG RUNG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS BZHAD GAD BYA BAR BSAMS KYANG RUNG, KHRO BA SNGON DU BTANG BAS KYANG RUNG STE SDANGS PAR 'DOD PAS 'JIGS PA'I RGYU NYE BAR SGRUB PA SNGON DU BTANG BA 'JIGS PAR BYED PA YID DU MI 'ONG BA, 'DI LTA STE DPER NA, YI DAGS SAM, SHA ZA'AM, GRUL BUM MAM, LUS SRUL PO GZUGS LA BA NAG PO'AM, SOL BA'AM, KA BA TSIG PA LTA BU SGRA SENG GE'AM, STAG GAM, STAG GAM, GUNG NGAM, GZHIG GAM, MTSA' 'AM, WA'I SKAD LTA BU, DRI BSHANG BA'AM, GCI BA'AM, RA'AM, RA'I ZE BA'I DRI LTA BU, REG PA SREG GAM, RE LDE'AM, PHYAR BA'I REG PA LTA BU DAG NYID 'DI NA YOD DO ZHES, DGE SLONG LA BDAG NYID KYIS GO BAR BYED DAM, GZHAN GYIS KYANG GO BAR BYED DU BCUG NA 'JIGS PA SKYES KYANG RUNG, MA SKYES KYANG RUNG, SKYO BAR BYA BA'I CHED NYID MA GTOGS TE, SDANGS PAR BYED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SDANGS PAR 'DOD PA DANG, YID DU MI 'ONG BA NYID DO, ,'DI LA YAN LAG DRUG GIS DNGOS GZHI'I LTUNG BAR 'GYUR TE, BZHAD GANG BYA BAR BSAMS PA'AM, KHRO BA SNGON DU BTANG BA'I BSAM PA GANG YANG RUNG BA NYID DANG, SDANGS PAR 'DOD PA NYID DANG, 'JIGS PA'I RGYU YID DU MI 'ONG BA GANG YANG RUNG BA NYID DANG, PHA ROL PO SDANGS PAR BYA BA DGE SLONG NYID DANG, BDAG NYID DAM GZHAN GANG YANG RUNG BAS GO BAR BYED PA NYID

, ,DANG; PHA ROL PO 'JIGS PA SKYES KYANG RUNG, MA SKYES KYANG RUNG BA'O, ,DE DAG LAS YAN LAG MA TSANG NA CI RIGS PAR NA SMAD DO, ,SDANGS BAR BYED PA'I LTUNG BYED DE DRUG CU DRUG PA'O,, ,,SBED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA MOOD GAL GYI BU CHEN POS, NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS DAG RAB TU PHYUNG ZHING BSNYEN PAR RDZOGS PAR BYAS PA DE'I TSE NA, DE DAG DRUG SDE DAG LA STEN PAR BYED, BSNYEN PAR BYED, BSNYEN BKUR BYED DO, ,KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, SANGS RGYAS LA SOGS PA DGE SLONG GI DGE 'DUN NI GSHEGS SO, ,DRUG SDE DAG DANG, BCU BDUN SDE DAG PHYI BZHIN 'BRANG ZHING DONG NGO, ,DE NA LAM NA RDZING BU CHUS GANG BA ZHIG 'DUG NAS DRUG SDE DAG GIS, BCU BDUN SDE DAG LA SMRAS PA, BCU BDUN SDE DAG KYE MA, KHYED CAG DANG KHO BO CAG LHAN CIG 'GRAN PA YIN NA, TSUR SHEG YU BU CAG CHU'I NANG DU GANG YUN RING DU 'DUG PHOD PA LTA'O, ,DE DAG GIS SMRAS PA, DE LTAR BYA'O ZHES DE DAG THAMS CAD CHUR ZHUGS PA DANG, NYE DGA' CHU NANG NAS BYUNG STE, BCU BDUN SDE DAG GI GOS DAG SA 'BUS PA ZHIG GI 'OG TU SBAS PA DANG, DRUG SDE DAG MYUR BA MYUR BAR RDZING BU'I NANG NAS BYUNG STE, GOS DAG GYON NAS DONG NGO, BCU BDUN SDE DAG CHU'I STENG DU BYUNG BA DANG, DRUG SDE DAG MI SNANG NAS, DE DAG GIS BDAG CAG PHAM PAR BYAS NA MI RUNG NGO ZHES DE DAG YANG CHU'I 'OG TU ZHUGS SO, ,DE DAG LAS YANG DAG YANG DU CHU'I STENG DU BYUNG STE BLTAS NA, DRUG SDE DAG MI SNANG NAS, DE DAG DA DUNG CHU'I 'OG NA 'DUG GO SNYAM NAS, DE DAG GIS SMRAS PA, TSE DANG LDAN PA DAG DRUG SDE DAG GIS GOS SBAS TE 'DONG NGO ZHES BGROS PA DANG, JI TZAM NA GOS DAG MI SNANG NAS, DE DAG GIS SMRAS PA, TSE DANG LDAN PA DAG DE DAG GIS BDAG CAG THO BTZAMS SO ZHES DE DAG RDZING BU NAS BYUNG STE, MTHA' GCIG TU

'KHOD DO, ,DE'I TSE TSE DANG LDAN PA SH'A RI'I BU DANG, MOOD GAL GYI BU CHEN PO GNYIS 'KHOR LNGA BRGYA DANG KO SA LA DAG TU LJONGS RGYU ZHING 'DONG BA NA, PHYOGS DER 'ONGS NAS, TSE DANG LDAN PA MOOD GAL GYI BU CHEN POS DE DAG GI GOS DAG PHYUNG STE DE DAG LA BYIN NO, ,DE NAS DE DAG DGE SLONG DAG GI NANG DU DONG NAS, GOS BSHUGS TE SMRAS PA, TSE DANG LDAN PA DAG GAL TE KHO BO CAG LA MKHAN POS MA DGONGS SU ZIN NA, KHO BO CAG GI ZAN BCAD PA BYAS PAR 'GYUR RO, ,CI'I PHYIR DE DAG GIS DE RGYAS PAR BRJOD PA DANG DGE SLONG DON NYUNG DU DAG CI'I PHYIR, DGE SLONG DAG DGE SLONG GI GOS DAG SBED PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG NGAM, DGE SLONG MA'AM, DGE TSUL LAM, DGE TSUL MA'I LHUNG BZED DAM, GOS SAM, DRA BA'AM, PHOR BU'AM, SKA RAGS SAM, DGE SLONG GI 'TSO BA'I YO BYAD GANG YANG RUNG BA SBED DAM, SBED DU 'JUD NA, DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI THO BTZAMS PA, NYES PA NI RAB TU BYUNG BA'I YO BYAD SBED PA'O, ,DE LA YANG DGE SLONG GANG ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,DGE SLONG NGAM, DGE SLONG MA'AM, DGE TSUL LAM, DGE TSUL MA'I ZHES BYA BA NI DGE SLONG 'DI PA'I'O, ,LHUNG BZED CES BYA BA NI LHUNG BZED NYID DO, ,GOS ZHES BYA BA NI BDUN PO DAG LAS GANG YANG RUNG BA'O, ,DRA BA ZHES BYA BA NI LHUNG BZED KYI SNOD DO, ,PHOR BU ZHES BYA BA NI KHAM PHOR RO, ,SKA RAGS ZHES BYA BA NI SHUR BU DANG, LCAG POD DANG, RGYA CANG DANG, SHUR BU PHRE'U'O, ,DGE SLONG GI 'TSO BA'I YO BYAD GANG YANG RUNG BA ZHES BYA BA NI DE DAG LAS GZHAN GANG YANG RUNG BA'O, ,SBED DAM ZHES BYA BA NI BDAG NYID KYIS SO, ,SBED DU 'JUD NA ZHES BYA BA NI GZHAN NO, ,DE 'DRA BA'I RKYEN MA GTOGS TE ZHES BYA BA NI PHAN PAR 'DOD PAS SBED PA DE 'DRA BA'I RKYEN BZHAG STE'O, ,LTUNG BYED DO ZHES BYA

, ,BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RAB TU BYUNG BA 'DI BA DBANG BA'I LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LA SOGS PA DGE SLONG GI 'TSO BA'I YO BYAD GANG YANG RUNG BA SBED DAM; SBED DU BCUG NA, PHAN PAR 'DOD PAS SBED PA MA GTOGS TE, SBED PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI THO BTZAMS PA'I BSAM PA DANG, RAB TU BYUNG BA 'DI PA GANG YANG RUNG BA'I YO BYAD GANG YANG RUNG BA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, THO 'TSAMS PA'I BSAM PA DANG, RAB TU BYUNG BA 'DI PA DANG, YO BYAD DANG, SBED DAM, SBED DU 'JUG PA DANG, PHAN BAR 'DOD PA MA GTOGS PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SBED PA'I LTUNG BYED DE DRUG CU BDUN PA'O,, ,,BYIN NAS NYE BAR 'TSO BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA 'CHAR KAS NI NYON MONGS PA THAMS CAD SNGANGS PAS, DGRA BCOM PA NYID MNGON SUM DU BYAS, TSE DANG LDAN PA 'DUN PA NI KOO SH'AMB'IR SONG STE SNYING LA CHUNG NGUR 'DUG ,'GRO MGYOGS DANG NAB SO GNYIS NI DUS LA BAB, DGA' BO DANG NYE DGA' GNYIS NI DGE 'DUN GYI NANG NA 'KHOD PA DE'I TSE NA, TSE DANG LDAN PA NYE DGA' RGAS PAR GYUR NAS, DE LA LHAN CIG GNAS PA DANG, NYE GNAS 'GA' YANG MI NYAN PAS DE'I TSE GOS DAG DRI MA CAN DU GYUR KYANG DES 'KHRU BA DANG, KHA BSGYUR BAR MI NUS NAS, DE LA BLO BYUNG BA THABS CIG BYA'O SNYAM NAS, DES CHOS GOS DE DAG LHAN CIG GNAS PA DANG, NYE GNAS DAG LA BU DAG ,KHO BO RGAS PAS 'DI DAG KHYOD KYI YIN NO ZHES, LA LA LA SNAM SBYAR BYIN, LA LA LA BLA GOS BYIN, LA LA LA MTHANG GOS BYIN, DE DAG GIS RANG GI SRED PAS, CHOS GOS DE DAG LAGS PAR BKRUS SHING LEGS PAR KHA BSGYUR BAR BYAS SO, ,DE NAS BCOM LDAN 'DAS KYIS TSE DANG LDAN PA KUN DGA'

BO LA BKA' STZAL PA, KUN DGA' BO SONG LA DGE SLONG RNAMS LA DGE SLONG DAG DE BZHIN GSHEGS PA KO SA LA DAG TU LJONGS RGYUR GSHEGS KYIS, KHYOD CAG DANG GANG DE BZHIN GSHEGS PA DANG THABS CIG KO SA LA DAG TU LJONGS RGYUR 'GRO BAR SPRO BA DES, CHOS GOS KYI LAS DAG GYIS SHIG CES BSGO SHIG ,TSE DANG LDAN PA KUN DGA' BOS DE SKAD BSGO BA NA, DGE SLONG DE DAG GIS CHOS GOS DE DAG NYE DGA' LA GTAMS TE DONG NGO, ,NYE DAGS DE DAG SPYAD NAS, PHYIR GTUR BUR BCUG GO, ,JI TZAM NA DGE SLONG DE DAG PHYIR 'ONGS NAS KHYIM BDAG CIG GIS SANGS RGYAS LA SOGS PA DGE SLONG GI DGE 'DUN GLO BUR DU GSHEGS PA'I GSHEGS STON LA SPYAN DRANGS PA'I TSE, DE DAG GIS CHOS GOS DE DAG BLANGS PA DANG, NYE DAGS SPYAD PAR MTHONG NAS BZHAG STE, CHOS GOS RNYING PA DAG GIS ZHUGS SO, ,DGE SLONG RNAMS KYIS DE DAG LA SMRAS PA, TSE DANG LDAN PA DAG KHYED CAG GIS CHOS GOS DAG CIG GTAMS TE BZHAG STE, CI'I PHYIR LAM GYI CHOS GOS DAG CIG GYON TE 'ONGS, DE DAG GIS SMRAS PA, GTAMS TE BZHAG GO, ,'O NA CI'I PHYIR DE DAG MI GYON, DE DAG GIS SKABS DE RGYAS PAR BRJOD PA DANG, DGE SLONG DON NYUNG DU DAG CI'I PHYIR, DGE SLONG DAG DGE SLONG LA CHOS GOS BYIN NAS, DE'I 'OG TU RDENG MED PAR SPYOD PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG, DGE SLONG LA GOS BYIN NAS, DE'I 'OG TU RDENG MED PAR SPYOD NA LTUNG BYED DO ZHES BCA' BA MDZAD DE, YUN NI MNYAN YOD, GANG ZAG NI NYE DGA', NYON MONGS PA NI THUG THOB, NYES PA NA DGE SLONG LA GOS BYIN PA RDENG DROD MED PAR SPYOD PA'O, ,DE LA YANG DGE SLONG GANG ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,DGE SLONG LA ZHES BYA BA NI CHOS 'DI PA LA'O, ,GOS ZHES BYA BA NI, SNAM SBYAR DANG, BLA GOS DANG, MTHANG GOS GSUM LAS GANG YANG RUNG BA'O, ,BYIN NAS ZHES BYA BA NI BLANG BA MED PAR BYIN NAS SO, ,DE'I 'OG TU ZHES BYA BA NI DUS GZHAN DU'O,,

, ,RDENG MED PAR ZHES BYA BA NI MI BLANG BAR RO, ,SPYOD NA ZHES BYA BA NI GYON NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG LA GOS SNAM SBYAR DANG, BLA GOS DANG, MTHONG GOS GANG YANG RUNG BA GTAN BYIN NAS, DE'I 'OG TU DES GNANG PA'I RDENG MAD PAR GZHI DES DE DGA' BAR MI 'GYUR BAR SPYOD NA, BYIN NAS NYE BAR 'TSE BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG GI GOS DAG RDENG MED PAR SPYOD NA'O, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG GI DANG, DGE SLONG GI YO BYAD GZHAN MA GTOGS PA'I GOS NYID DANG, RANG GIS PHAR BYIN PA DANG, PHA ROL PO'I RDENG MED PAR RANG GI BLOS NYE BAR 'TSO BA DANG, GZHI DES DE DGA' BAR MI 'GYUR BAR SPYOD PA'O, ,DE DAG LAS YAN LAG MA TSANG NA CI RIGS PAR NA SMAD DO, ,BYIN NAS NYE BAR 'TSO BA'I LTUNG BYED DE DRUG CU BRGYAD PA'O,, ,,SO SOR THAR PA'I MDO'I GZHUNG 'GREL, BAM PO BCU DRUG PA, SKUR PA 'DEBS PA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB 'OD MA'I TSAL BYA KA LAN DA KA'I GNAS NA BZHUGS SO; ,DE'I TSE TSE DANG LDAN PA GYAD BU NOR RGYAL PO'I KHAB BYA RGOD PHUNG PO'I RI LA RDZING BU RDO RTZIG CAN ZHES BYA BA'I 'GRAM NA 'DUG GO, ,DGE SLONG MA AUTPALA'I MDOG ,BCOM LDAN 'DAS DANG DGE SLONG GNAS BRTAN RNAMS KYI ZHABS LA PHYAG 'CHAL NAS, TSE DANG LDAN PA GYAD BU NOR GA LA BA DER SONG STE PHYIN NAS, TSE DANG LDAN PA GYAD BU NOR GYI RKANG PA GNYIS LA MGO BOS PHYAG 'TSAL TE CHOS MNYAN PA'I PHYIR MDUN DU 'DUG GO, ,DE'I TSE NA DGE SLONG MDZA' BO DANG SA LAS SKYES GNYIS, PHYAG DAR KHROD CIG RNYED CING DE GNYIS TSE DANG LDAN PA GYAD BU NOR DANG TSE RABS TSE RABS NAS RJES SU 'BREL PA'I KHON YOD PAS, RTAG TU KLAN KA TSOL BA LA BRTZON PA YIN PAS, DE GNYIS PHYAG DAR KHROD KYI GOS KHYER TE RDZING BU RDO RTZIG CAN DU 'KHRUR BCUG NAS NYI MA LA BTING STE 'KHOD DO, ,DE'I TSE NA, TSE DANG LDAN PA GYAD BU NOR GYI GOS KYI GRVA RLUNG GIS BSKYOD NAS, DGE

SLONG MA AUTPA LA'I MDOG GI MGO LA REG GO, ,DE MDZA' BOS MTHONG NAS SA LAS SKYES LA SMRAS PA, SA LAS SKYES GYAD BU NOR 'DI LA DGE SLONG MA AUTPA LA'I MDOG DANG LHAN CIG LUS KYIS REG PA'I DGE 'DUN LHAG MA BYUNG GIS 'DONG LA DGE SLONG RNAMS LA BRJOD PAR BYA'O ZHES DE GNYIS DONG STE, DGE SLONG RNAMS LA DE SKAD SMRAS SO, ,DGE SLONG RNAMS KYIS SMRAS PA, TSE DANG LDAN PA KHYED CAG GNYIS LHA DANG MI RNAMS GCIG TU YONGS SU BTANG ZHING, SEMS CAN DMYAL BA DANG, YI DAGS DANG, DUD 'GRO RNAMS SU GCIG TU GNAS SAM, CI NA DGE SLONG DGRA BCOM PA RNAM PAR THAR PA BRGYAD LA BSAM GTAN PA, MI'I CHOS BLA MA'I RDZU 'PHRUL GYI CHO 'PHRUL RNAM PAR STON PA DE LA, KHYED GNYIS GZHI MED PA'I DGE 'DUN LHAG MA'I CHOS KYIS SKUR PA 'DEBS PAR BYED CES ZER BA DE'I SKABS DE, DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DE GNYIS LA CI ZHIG MTHONG, JI LTAR MTHONG, GANG DU MTHONG, KHYED GNYIS CI'I PHYIR DER SON PAS DE MTHONG ZHES LEGS PAR RAB TU GLENGS SHING RTOGS SHIG ,DGE SLONG RAB TU MANG PO DAG GIS LEGS PA RAB TU GLENGS SHING BRTAGS PA NA, DE GNYIS KYIS SMRAS PA, TSE DANG LDAN PA DAG ,TSE DANG LDAN PA GYAD BU NOR LA, DGE SLONG MA AUTPA LA'I MDOG DANG LHAN CIG LUS KYIS REG PA'I DGE 'DUN LHAG MA MA BYUNG STE, 'DI LTAR BDAG CAG GNYIS KYIS CHE DANG LDAN PA GYAD BU NOR LA 'DUN PAS SMRAS, ZHE SDANG DANG, GTI MUG DANG, 'JIGS PAS SMRAS SO ZHES ZER NAS DGE SLONG DON NYUNG DU DAG CI'I PHYIR DGE SLONG DAG ,DGE SLONG DAG PA LTUNG BA MED PA LA GZHI MED PAR DGE 'DUN LHAG MA'I CHOS KYIS SKUR BA 'DEBS PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG KHROS SHING ZHE SDANG BAR GYUR NAS, DGE SLONG DAG PA LTUNG BA MED PA LA GZHI MED PAR DGE 'DUN LHAG MA'I CHOS KYIS SKUR NA LTUNG

, ,BYED DO ZHES BCA' BA MDZAD DE, YUL NI RGYAL PO'I KHAB, GANG ZAG NI MDZA' BO DANG SA LAS SKYES GNYIS, NYON MONGS PA NI KHON DU 'DZIN PA, NYES PA NI GZHI MED PAR DGE SLONG LA DGE 'DUN LHAG MA'I CHOS KYIS SKUR PA 'DEBS PA'O, ,DE LA DGE SLONG GANG ZHES BYA BA NI MDZA' BO DANG SA LAS SKYES SAM, GZHAN YANG DE LTA BU GANG YIN PA'O, ,KHROS SHING ZHES BYA BA NI 'KHRUGS SHING NGO, ,ZHE SDANG BAR GYUR NAS ZHES BYA BA NI YID MI DGA' BAR GYUR NAS DE 'KHRUGS PA MI GSAL BAR RO, ,DGE SLONG DAG PA ZHES BYA BA NI TSE DANG LDAN PA GYAD BU NOR RAM, GZHAN YANG DE LTA BU GANG YIN PA'O, ,LTUNG BA MED PA LA ZHES BYA BA NI GZHI DE'I LTUNG BA MED PAR RO, ,GZHI MED PAR ZHES BYA BA NI GZHI GSUM PO MTHONG BA'I GZHI DANG, THOS PA'I GZHI DANG, DOGS PA'I GZHI MED PAR RO, ,DGE 'DUN LHAG MA'I CHOS KYIS ZHES BYA BA NI, BCU GSUM PO GANG YANG RUNG BA STE, DE NI CHOS MA YIN PA LA CHOS KYI SGRAR GSUNGS PA YIN NO, ,SKUR NA ZHES BYA BA NI SKUR PA 'DEBS NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS SKUR PA 'DEBS PAR 'DOD PAS, DGE SLONG LA 'DU SHES BSGYUR TE, DGE 'DUN LHAG MAS SKUR PA GSAL BA'AM, BAG TZAM GYIS KYANG BRJOD NA SKUR PA 'DEBS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SKUR PA 'DEBS PAR 'DOD PA DANG, DGE 'DUN LHAG MA'I CHOS SO, ,'DI LA YAN LAG LNGAS DNGOS GZHI'I LTUNG BAR 'GYUR TE, SKUR PA 'DEBS PAR 'DOD PA DANG, PHA ROL PO DGE SLONG NYID DANG, 'DU SHES BSGYUR BA DANG, DGE 'DUN LHAG MA'I CHOS DANG, GSAL BA'AM, BAG TZAM GYIS KYANG BRJOD PA'O, ,DE DAG LAS LAN LAG MA TSAN NA CI RIGS PAR NA SMAD DO, ,SKUR PA 'DEBS PA'I LTUNG BYED DE DRUG CU DGU PA'O,, ,,BUD MED DANG LHAN CIG 'GRO BA'I LTUNG BYED KYI GLING GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,RGYAL PO'I KHAB NA THA GA PA SPYI CER ZHES BYA BA ZHIG 'DUG PA DES,

MNYAN YOD PA'I THA GA PA ZHIG GI BU MO BAG MAR BLANGS NAS, DES BU MO DE LA YANG DANG YANG DU KHU TSUR DANG, THAL LCAG DAG GIS RDEG PAR BYED NAS, DUS GZHAN ZHIG NA THA GA PA SPYI CER TSONG KHANG DU CHANG 'THUNGS TE, RA RO NAS RANG GI KHYIM GA LA BA DER SONG STE PHYIN NAS, DES BU MO DE SHIN BRDEGS TE GNYID DU SONG BA DANG, DES THA GA PA DE GNYID LOG PAR RIG NAS SGO DANG PO PHYE BA KHO NA NAS BYUNG STE BROS SO, ,DGE SLONG ZHIG RGYAL PO'I KHAB TU DBYAR GNAS PAR KHAS BLANGS NAS, MNYAN YOD DU BCOM LDAN 'DAS KYI ZHABS LA PHYAG 'TSAL DU 'PHAGS PA DE YANG SGO DANG PO PHYE BA KHO NA NAS BYUNG STE, SONG BA DANG, BU MO DES, DGE SLONG DE MTHONG NAS, 'PHAGS PA GAR BZHUD, DES SMRAS PA, SRING MO MNYAN YOD DU 'GRO'O, ,BDAG KYANG MNYAN YOD DU MCHI YIS 'PHAGS PA DANG LHAN CIG 'GROGS TE MCHI'O, ,DE LTAR GYIS SHIG ,SRING MO DE DGE SLONG DE DANG LHAN CIG 'GROGS TE 'GRO BAR BRTZAMS SO, ,JI TZAM NA THAG PA SPYI CER RA RO BA SANGS TE SAD PA NA, BU MO DE MI SNANG NAS DES SONG STE, SGO BA LA DRIS PA DANG, KYE NANG RJE SGO 'DI NAS BU MO ZHIG PHYIR BYUNG NGAM, SGO BAS SMRAS PA, SGO DANG PO PHYE BA KHO NA NAS BYUNG STE SONG NGO, ,THAG PA DE RA BA LA 'DZEGS TE PHYI BZHIN BLTAS PA DANG, JI TZAM NA THAG RING PO KHO NA NAS SONG BA MTHONG NAS, DE MYUR BA MYUR BAR BABS TE BSNYAGS PA DANG, CI TZAM NA DGE SLONG ZHIG DANG LHAN CIG 'GRO BAR MTHONG NAS, DES BSAMS PA, BDAG NI GCIG PU YIN LA, 'DI GNYIS NI GNYIS YIN BAS, GAL TE DE BZUNG NA 'DI GNYIS LOG STE, BDAG BRDEG PAR 'GYUR BA GANG YIN PA DE LTA BU'I GNAS YOD PAR 'GYUR GYIS, RA MDA' BZLOG GO SNYAM NAS, RI BRAGS SHIG NA THA GA PA LNGA BRGYA TZAM 'KHOD PA DAG GI GAN DU SONG STE SMRAS PA, SHES LDAN DAG KHO BO'I CHUNG MA SH'AKYA'I BU'I DGE SLONG GIS PHROGS KYIS DE LA GROGS GYIS SHIG CES RA MDA' BZLOG TU BCUG GO, ,THA GA PA DAG NI YONGS SU MI RTOG PA YIN PAS DE DAG GIS THAGS ZANGS LNGA BRGYA TZAM THOGS TE, RI BRAGS NAS PHYIR BYUNG NAS, DE DAG GIS DGE SLONG DE SHIN TU BRDEGS TE, LHUNG BZED KYANG BCAG ,PHOR

, ,BU DANG KHAR BA DAG KYANG BCAG ,CHOS GOS DAG KYANG DRAL NAS SHI'O SNYAM DU BSAMS NAS BOR RO, ,BU MOS DGE SLONG DE LA SMRAS PA, 'PHAGS PA DAG KHYED CAG GIS RGYAL PO LAS GZHON NU'I YONGS SU SPANG BA THOB PA LAGS KYIS, RGYAL PO'I GAM DU BZHUD DE GSUNGS LA, 'DI DAG GIS LAG PA DANG RKANG PA DAG GCOD DU STZOL CIG ,DE DAG SKRAG NAS, DGE SLONG DE LA BZOD PA GSOL BA DANG, DGE SLONG GI SNYING NI MAR DANG 'DRA BAS BZOD PAR BYAS SO, ,BU MO DES SMRAS PA, GAL TE 'PHAGS PAS BZOD KYANG BDAG GIS MI BZOD DO; ,DE DAG GIS BU MO DE LA YANG BZOD PAR GSOL BA DANG, BU MO DES SMRAS PA, KHYED CAG LA NI BZOD NA, THA GA PA SPYI CER 'DI LA MI BZOD DE, BDAG GIS 'DI'I LAG PA DANG RKANG PA DAG GCAD PAR BYA'O, ,DE DAG GIS SMRAS PA, 'DI LA YANG BZOD PAR GYIS SHIG ,BU MO DES SMRAS PA, GAL TE PHYIN CHAD BDAG LA MI RDEG NA DE LTA NA BZOD PAR BYA'O, ,THA GA PA DES SMRAS PA, PHYIN CHAD MI RDEG GO, ,BU MO DES SMRAS PA, GAL TE DE LTAR NA BZOD PAR BYA'O, ,DGE SLONG DE MTHAR GYIS MNYAN YOD DU PHYIN NAS, DGE SLONG RNAMS KYIS DE LA SMRAS PA, TSE DANG LDAN PA 'ONGS PA LEGS SO, ,'ONGS PA LEGS SO, ,JI LTAR BDE BAR BRGYUS SAM, TSE DANG LDAN PA DAG JI LTAR BDE BAR BRGYUS, KHO BO THA GA PA DAG GIS HAD POR SROG DANG DE'I PHRAL LO, ,DES SKABS DE RGYAS PAR BRJOD PA DANG, DGE SLONG RNAMS KYIS SMRAS PA, KHYED SKYES PA MED PAR BUD MED DANG LHAN CIG 'GRON LAM DU 'GROR RUNG NGAM, GANG GI PHYIR MI RUNG BA DE NYID KYI PHYIR NYES DMIGS 'DI LTA BU BYUNG NGO, ,DGE SLONG DON NYUNG NGU DAG CI'I PHYIR, DGE SLONG DAG SKYES PA MED PAR BUD MED DANG LHAN CIG TU 'GRON LAM DU 'GRO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG SKYES PA MED PAR BUD MED DANG LHAN CIG 'GRON LAM DU 'GRO NA, THA NA GRONG BAR DU YANG RUNG STE, LTUNG BYED DO ZHES BCA' BA MDZAD

DE; YUL NI MNYAN YOD, GANG ZAG NI DGE SLONG CHOS 'DI PA, NYON MONGS PA NI SHES BZHIN MA YIN PA, NYES PA NI SKYES PA MED PAR BUD MED DANG LHAN CIG 'GRON LAM DU 'GRO BA'O, ,DE LA YANG DGE SLONG GANG ZHES BYA BA NI CHOS 'DI PA'AM, GZHAN YANG DE LTA BU GANG YIN PA'O, ,SKYES PA MED PAR ZHES BYA BA NI DE DANG DE'O, ,BUD MED DANG LHAN CIG CES BYA BA NI, BUD MED DAM GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA DANG NGO, ,'GRON LAM DU 'GRON ZHES BYA BA NI, DGON PA'I LAM DU 'GRO NA'O, ,THA NA GRONG BAR DU YANG RUNG STE ZHES BYA BA NI, THA NA RGYANG GRAGS KYI BAR DU YANG RUNG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG SKYES PA GZHAN MED PAR MI'I 'GRO BA PA'I BUD MED DAM GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA RANG GI BSEL BYED PA DANG LAM DU 'JUG PA DANG, MI NUS PA 'KHRIG PA MA GTOGS PA DANG, LHAN CIG 'DOD PAS LAM DU 'GRO NA, RGYANG GRAGS RE RE'I MTHAR BUD MED DANG LHAN CIG 'GRO BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, MI'I 'GRO BA PA'I BUD MED DAM GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA NYID DANG, LAM RGYANG GRAGS KYI MTHA' NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, MI'I 'GRO BA PA'I BUD MED DAM, GZHON NU MA MI TSANGS PAR SPYOD PA 'KHRIG PA'I CHOS BSTEN NUS PA NYID DANG, RANG DKAR 'DOD PAS LAM DU 'GRO BA NYID DANG, BSEL BYED PA'AM, LAM DU 'JUG PA'AM, MI NUS PA KHRID PA MA GTOGS PA NYID DAM, RIG PA'I SKYES PA MA GTOGS PA NYID DANG, LAM RGYANG GRAGS KYI MTHA' LAS 'DAS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,BUD MED DANG LHAN CIG 'GRO BA'I LTUNG BYED DE BDUN CU PA'O,, ,,SDOM LA, RKU DANG NYI SHU MA LON DANG, ,RKO DANG MGRON DANG BSLAB PA DANG, ,'THAB DANG MI SMRA 'GRO BA DANG, ,MI GUS CHANG 'THUNG DUS MIN PA'O, ,ZHES BYA BA NI, BCU PA BRGYAD PA YIN TE, SDOM LA ZHES BYA BA'I TSIG GI DON DANG, DGOS PA NI SNGA MA BZHIN NO, ,BCU PA BRGYA

, ,PA 'DIS KYANG LTUNG BYED KYI CHOS BCU BSTAN TE, RKUN MA DANG LHAN CIG 'GRO BA DANG, LO NYI SHU MA LON PAR BSNYEN PAR RDZOGS PAR BYED PA DANG, SA RKO BA DANG, MGRON DU GNYER BA LAS RING DU 'DUG PA DANG, BSLAB PA LA NYE BAR 'JOG PA SPONG PA DANG, NYAN RNA LAS GYUR PA DANG; MI SMRA BAR 'GRO BA DANG, MA GUS PA'I TSUL DANG, MYOS PAR 'GYUR BA 'THUNG BA DANG, DUS MA YIN PAR 'GRO BA'I LTUNG BYED DO, ,DE LA RKUN MA DANG LHAN CIG 'GRO BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DGE SLONG ZHIG RGYAL PO'I KHAB 'OD MA'I TSAL KA LAN DA KA'I GNAS SU GNAS PAR KHAS BLANGS SO, ,DE NAS DGE SLONG DE DBYAR GYI ZLA BA GSUM PO DAG 'DAS NAS, CHOS GOS BYAS PA DANG LDAN, CHOS GOS ZIN PA DANG LDAN ZHING LHUNG BZED DANG CHOS GOS THOGS TE, BCOM LDAN 'DAS KYI ZHABS LA MGO BOS PHYAG 'TSAL DU 'PHAGS NAS MNYAN YONG DU 'GRO BA'I DON MTHUN PA BTZAL BA DANG, DES TSONG PA SHO GAM 'DRAL BA DAG MTHONG NAS, DES SMRAS PA, SHES LDAN DAG GAR 'DONG, 'PHAGS PA MNYAN YOD DU MCHI'O, ,SHES LDAN DAG, KHO BO YANG KHYED DANG LHAN CIG MNYAN YOD DU 'GRO'O ZHES DE DAG DANG LHAN CIG 'PHAGS SO, ,JI TZAM NA RI BRAGS SHIG TU SHO GAM GYI GNAS SU PHYIN PA DANG, TSONG PA SHO GAM 'DRAL BA DE DAG SHO GAM GCOD PA DE DAG GIS 'JIGS PAS LAM GOL BA NAS 'GRO BAR BRTZAMS PA DANG, DGE SLONG DE YANG MDUN DU SONG NGO; ,DE DAG SHO GAM GCOD PA DAG GIS MTHONG NAS, DE DAG GIS SMRAS PA, KVA YE TSONG BA SHO GAM 'DRAL BA DAG GAR 'DONG, DE DAG GIS DGE SLONG DE MDUN DU 'GRO BA MTHONG NAS, DE DAG GIS SMRAS PA, SHES LDAN DAG TSONG BA SHO GAM 'DRAL PA 'DI DAG GIS MA NYES KYI, SH'AKYA'I BU'I DGE SLONG MDUN DU 'GRO BA'I 'DIS NYES KYIS 'DI GSAD PAR BYA'O ZHES DE DAG GIS DGE SLONG DE SHIN TU BRDEGS TE LHUNG BZED KYANG BCAG ,PHOR BU DANG KHAR BA DAG KYANG BCAG ,CHOS GOS DAG KYANG DRAL TE SHI'O SNYAM NAS BOR RO, ,TSONG PA SHO GAM 'DRAL BA DE DAG GIS DGE SLONG DE LA SMRAS PA, 'PHAGS PA

KHYED KYIS RGYAL PO LAS GZHON NU'I YONGS SU SPANG BA THOB PA LAGS KYI, RGYAL PO'I GAN DU BZHUD DE GSUNGS LA, SHO GAM PA 'DI DAG GI LAG PA DANG, RKANG PA DAG GCOD DU STZOL CIG ,DE DAG SKRAG NAS, DGE SLONG DE LA BZOD PAR GSOL PA DANG, DGE SLONG GI SNYING NI MAR DANG 'DRA BAS DES BZOD PAR BYAS SO, ,SHO GAM 'DRAL BA DAG GIS SMRAS PA, GAL TE 'PHAGS PAS BZOD KYANG BDAG CAG GIS MI BZOD DO, ,DE DAG GIS SHO GAM 'DRAL BA DE DAG LA YANG BZOD PAR GSOL BA DANG, SHO GAM 'DRAL BA DE DAG GIS SMRAS PA, GAL TE KHYED SHO GAM JI SNYED PA DAG GIS KHO BO CAG TSONG PA JI SNYED PA DAG SHO GAM 'JAL DU MI 'JUG NA KHO BO CAG GIS KYANG BZOD PAR BYA'O, ,SHO GAM PA DE DAG GIS TSONG PA DE DAG LA GNANG NGO, ,DGE SLONG DE MTHAR GYIS MNYAN YOD DU PHYIN NAS, DGE SLONG RNAMS KYIS DE LA SMRAS PA, TSE DANG LDAN PA 'ONGS PA LEGS SO, ,'ONGS PA LEGS SO, ,JI LTAR BDE BAR BRGYUS SAM, TSE DANG LDAN PA DAG JI LTAR BDE BAR BRGYUS, KHO BO SHO GAM PA DAG GIS HAD POR SROG DANG DE'U PHRAL LO, ,CI'I PHYIR DES SKABS DE RGYAS PAR BRJOD PA DANG, DGE SLONG RNAMS KYIS SMRAS PA, KHYOD DON MTHUN RKUN MA DANG LHAN CIG 'GRON LAM DU 'GROR RUNG NGAM, GANG GI PHYIR MI RUNG BA DE NYID KYI PHYIR NYES DMIGS 'DI LTA BU DAG BYUNG BAR GYUR TO ZHES ZER NAS, DGE SLONG DON NYUNG NGU DAG CI'I PHYIR DGE SLONG DAG ,DON MTHUN RKUN MA DANG LHAN CIG 'GRON LAM DU 'GRO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG DON MTHUN RKUN MA DANG LHAN CIG 'GRON LAM DU 'GRO NA, GRONG BAR DU YANG RUNG STE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG CHOS 'DI PA ZHIG, NYON MONGS PA NI SHES BZHIN MA YIN PA, NYES PA NI DON MTHUN RKUN MA DANG LHAN CIG 'GRON LAM DU 'GRO BA'O, ,DE LA YANG DGE SLONG GANG ZHES BYA BA NI CHOS 'DI PA'AM, GZHAN YANG DE LTA BU GANG YIN PA'O, ,DON MTHUN RKUN MA DANG LHAN

, ,CIG CES BYA BA LA, RKUN MA ZHES BYA BA NI, CHOM RKUN PA GRONG 'JOMS PAR BYED PA DAG DANG, TSONG PA SHO GAM 'DRAL BA DAG GO, ,'GRON LAM DU 'GRO NA ZHES BYA BA NI DGON PA'I LAM DU 'GRO NA'O, ,THA NA GRONG BAR DU YANG DU RUNG STE ZHES BYA BA NI, THA NA RGYANG GRAGS KYI BAR DU YANG RUNG STE'O, ,LTUNG BYED DO ZHES BYA BA NI SEMS CAN DMYAL BA DANG, DUD 'GRO DANG, YI DAGS NGAN SONG DANG, LOG PAR LTUNG BA DAG TU SREG PAR BYED, 'TSOD PAR BYED, LTUNG BAR BYED DO, ,GZHAN YANG JI SRID DU LTUNG BA DE MA BSHAGS SHING SO SOR MA BSHAGS NA, DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAMS PAR GZHAG PA NI, DGE SLONG GRONG 'JOMS PA'I CHOM RKUN PA DAG GAM, SHO GAM 'DRAL BA'I TSONG PA RANG GI BSEL BYED PA DANG, LAM DU 'JUD PA DANG, MI NUS PA KHRID PA MA GTOGS PA DANG LHAN CIG 'DOD PAS LAM DU 'GRO NA, RGYANG GRAGS RE RE'I MTHAR RKUN MA DAG DANG, LHAN CIG 'GRO BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, MI'I 'GRO BA PA GRONG 'JOMS PA'I CHOM RKUN PA DAG GAM, SHO GAM 'DRAL BA'I TSONG PA DAG DANG, LAM RGYANG GRAGS KYI MTHA' NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, MI'I 'GRO BA DANG, GRONG 'JOMS PAR BYED PA'I CHOM RKUN PA DAG GAM, SHO GAM 'DRAL BA'I TSONG PA DAG DANG, RANG DGAR 'DOD PAS LAM DU 'GRO BA NYID DANG, BSEL BYED PA'AM, LAM DU 'JUG PA'AM, MI NUS PA KHRID PA MA GTOGS PA NYID DANG, ZOL PA DAG DANG, RKU THABS SU RAB TU BYUNG BA DAG MA GTOGS PA NYID DANG, LAM RGYANG GRAGS KYI MTHA' LAS 'DAS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,RKUN MA DANG LHAN CIG 'GRO BA'I LTUNG BYED DE BDUN CU GCIG PA'O,, ,,LO NYI SHU MA LON PAR BSNYEN PAR RDZOGS PAR BYED PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG

GI TSE TSE DANG LDAN PA MOOD GAL GYI BU CHEN POS NYE BA 'KHOR LA SOGS PA SAR PA SKYES PHRAN GZHON NU BCU BDUN SDE'I TSOGS DAG RAB TU PHYUNG ZHING, BSNYEN PAR RDZOGS PAR BYAS PA DE'I TSE NA, DE DAG MTSAN MO'I THO RANGS KYI DUS KYI TSE BKRES PA'I NYAM CHUNG BAS YONGS SU GZIR NAS DU'O,, BCOM LDAN 'DAS KYIS DE DAG GSAN NAS, TSE DANG LDAN PA KUN DGA' BO LA SMRAS PA DANG, TSE DANG LDAN PA KUN DGA' BOS SKABS DE RGYAS PAR GSOL TO, ,BCOM LDAN 'DAS KYIS BKA' STZAL PA, KUN DGA' BO DGE SLONG DAG GANG ZAG LO NYI SHU MA LON PA, DGE SLONG GI DNGOS PO BSNYEN PAR RDZOGS PAR BYED DAM, BTZUN PA BGYID DO, ,KUN DGA' BO GANG ZAG LO NYI SHU MA LON PAS NI GRANG BA DANG, TSA BA DANG, BKRES PA DANG, SKOM PA DANG, RLUNG DANG, NYI MA DANG, SHA SBRANG DANG, SBRANG BU MCHU RINGS DANG, SDIG SBRUL DAG GIS REG PA DANG, GZHAN LAS TSIG GI LAM NGAN PA SMRAS PA DANG, NGAN PA 'ONGS PA DAG DANG, LUS KYI TSOR BA SDUG BSNGAL MI BZAD PA RTZUB PA DANG, TSA BA YID DU MI 'ONG BA SROG 'PHROG PAR BYED PA BYUNG NGO COG DAG MI BZOD CING ZAG PA DAG LA JI MI SNYAM PAR BYA BA YANG MI BZOD CING DANG DU LEN MI NUS PA'I RANG BZHIN CAN NO, ,GANG ZAG LO NYI SHU LON PA NI DE LAS BZLOG PA YIN NO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG GANG ZAG LO NYI SHU MA LON PA, DGE SLONG GI DNGOS POR BSNYEN PAR RDZOGS PAR BYED NA LTUNG BYED DO, ,GANG ZAG DE YANG BSNYEN PAR RDZOGS PAR MI 'GYUR LA, DGE SLONG DE DAG KYANG SMAD PAR 'GYUR TE, DE LA DE NI CHO GA YIN NO ZHES BCA' BA MDZAD DE, YUL NI MNYAN YOD, GANG ZAG NI TSE DANG LDAN PA MOOD GAL GYI PU CHEN PO, ,NYON MONGS PA NI BAG CHAGS MA BYANG BAS SO SOR MA BRTAGS PA, NYES PA NI GANG ZAG LO NYI SHU MA LON PA DGE SLONG GI DNGOS POR BSNYEN PAR RDZOGS PA'O, ,DE LA YANG DGE SLONG GANG ZHES BYA BA NI CHOS 'DI PA'AM, GZHAN YANG DE LTA BU GANG YIN PA'O, ,GANG ZAG CES BYA BA NI DGE SLONG DU BYA BA GANG YIN PA'O, ,LO NYI SHU MA LON PA ZHES BYA BA NI LO NYI SHU MA LON PA'O, ,DGE SLONG GI DNGOS POR BSNYEN PAR RDZOGS PAR

, ,BYED NA ZHES BYA BA NI GSOL BA DANG BZHI'I LAS KYIS SO, ,LTUNG BYED DO ZHES BYA BA NI SNGA MA BZHIN NO, ,GANG ZAG DE YANG BSNYEN PAR RDZOGS PAR MI 'GYUR LA ZHES BYA BA NI GANG ZAG GANG YIN PA DE'O, ,DGE SLONG DE DAG KYANG SMAD PAR 'GYUR TE ZHES BYA BA NI DE NA DGE SLONG GANG 'KHOD PA DE DAG GO, ,DE LA DE NI CHO GA YIN NO ZHES BYA BA NI BSLAB PA'I GZHI BCA' BA MDZAD PA DE LA, DE NI NGES PA'I RJES SU MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS GANG ZAG DGE SLONG GI DNGOS POR BSNYEN PAR RDZOGS PAR BYAN LO NYI SHU NYID KYANG MA LON LA, DGE SLONG GIS DE LTAR SHES BZHIN DU, MKHAN PO NYID KYIS BSNYEN PAR RDZOGS PAR BYED NA LO NYI SHU MA LON PAR BSNYEN PAR RDZOGS PAR BYED PA'I LTUNG BYED GYI DNGOS GZHIR 'GYUR RO, ,'DI'I BYED PA PO NI, BSNYEN PAR BYA BA LO NYI SHU MA LON PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG BZHIS DNGOS GZHI'I LTUNG BAR 'GYUR TE, BSNYEN PAR RDZOGS PAR BYA BA DE'I DUS NA, LO NYI SHU MA LON PA NYID DANG, DER 'DU SHES PA DANG, MKHAN PO NYID BYED PA DANG, DGE SLONG GI DNGOS POR BSNYEN PAR RDZOGS PAR BYED PA'O, , DE DAG LAS YAN LAG MA TSANG NA CI RIGS PAR NA SMAD DO, ,LO NYI SHU MA LON PAR BSNYEN PAR RDZOGS PAR BYED PA'I LTUNG BYED DE BDUN CU GNYIS PA'O,, ,,SA RKO BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DRUG SDE DAG RANG GI LAG GIS SA RKO BAR BYED, RKOR 'JUD PAR BYED, RNANG SGAL SPYUR BAR BYED, SPYUR DU 'JUD PAR BYED, YUR BA 'DREN PAR BYED, 'DREN DU 'JUD PAR BYED NAS, GZHAN MU STEGS CAN DAG SHES LDAN DAG ,SH'AKYA'I BU'I DGE SBYONG 'DI DAG NI RANG GI LAG GIS SA RKO BAR BYED, RKOR 'JUD PAR BYED, RNANG SGAL SPYUR BAR BYED SPYUR DU 'JUD PAR BYED, YUR BA 'DREN PAR BYED, 'DREN DU 'JUD PAR BYED DE, BRAM ZE DANG KHYIM BDAG DAG KYANG DE LTAR BYED NA, SHES LDAN DAG SH'AKYA'I BU'I DGE SBYONG 'DI DGE DANG, BRAM

ZE DANG KHYIM BDAG DGAL BYE BRAG NI CI YOD, BSAM PA NI CI YOD, THA DAD DU BYA BA NI CI YOD, SU ZHIG DGE SBYONG MGO REG 'DI DAG LA BSOD SNYOMS SBYIN PA DANG, BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG RANG GI LAG GIS SA RKO'AM, RKOR 'JUD NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI DGE SBYONG GI TSUL MA YIN PA, NYES PA NI SA RKO BA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG YIN PA'O, ,RANG GI LAG GIS ZHES BYA BA NI, LAG NAS LAG PAS SO, ,SA ZHES BYA BA NI SA GNYIS TE, RANG BZHIN CAN DANG, RANG BZHIN CAN MA YIN PA'O, ,RANG BZHIN CAN ZHES BYA BA NI, CHAR CHU ZHOD NA ZLA BA GSUM GYIS SA 'THAS PAR 'GYUR BA'O, ,CHAR CHU MA ZHOD NA ZLA BA DRUG GIS SA 'THAS PAR 'GYUR BA'O, ,RANG BZHIN CAN MA YIN PA NI DE LAS GZHAN PA'O, ,SA RKO 'AM ZHES BYA BA NI BDAG NYID KYIS SO, ,RKOR 'JUD NA ZHES BYA BA NI GZHAN NO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG LAG GI BLAS RGYU SKAR GYI SBYOR BAS RUNG BAR BYED PA MED NA THUR MA SOR BZHI TZAM 'DZUGS PA MA GTOGS PAR SA TSIG PA DANG, NYAMS PA DANG, SA ZHAG DANG, RDO THAL RGYU DANG, BYE MA LA SOGS PA MA GTOGS PA SA'I RANG BZHIN CAN 'THAS PA NYID DANG, RTZIG PA NYID DANG, KHANG THOG DANG, 'DUS PA DAG LA SA'I SHAS CHE BA LA SOGS PA DAG LA DE LTAR 'DU SHES PAS, GZHIG PA'I BLOS RKO'AM, RKOR BCUG NA, LAN RE BTAB PA'I SBYOR BA RE RE LAS RKO BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SA'I SA RANG BZHIN CAN 'THAS PA NYID LA SOGS PA LA, 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG LAG GI BLAS RGYU SKAR GYI SBYOR BAS RUNG BAR BYED PA MED NA, THUR MA SOR BZHI TZAM 'DZUGS PA MA GTOGS

, ,PA NYID DANG, SA'I RANG BZHIN CAN 'THAS PA NYID DANG, DER 'DU SHES PA NYID DANG, GZHIG PA'I BLO NYID DANG, RKO'AM, RKOR BCUG PA'O, ,DE DAG LAS YAN LAG MA TSANG NA CI RIGS PAR NA SMAD DO, ,SA RKO BA'I LTUNG BYED DE BDUN CU GSUM PA'O,, ,, MGRON DU GNYER BA LAS RING DU 'DUG PA'I LTUNG BYED KYI GLENG GZHI NI, SANGS RGYAS BCOM LDAN 'DAS SH'AKYA RNAMS KYI NANG NA LJONGS RGYU ZHENG GZHEGS PA NA, SER SKYA'I GNAS SU BYON NAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,SH'AKYA MING CHEN GYIS DE THOS NAS BSAMS PA; BDAG GIS BCOM LDAN 'DAS DGE SLONG GI DGE 'DUN DANG BCAS PA, LAN MANG DU GDUGS CHOD LA KHYIM GZHAN DU SPYAN DRANGS TE, BSHOS GSOL LA, LAN 'GA' YANG YO BYAD THAMS CAD KYIS SPYAN MA DRANGS KYIS, BDAG GIS BCOM LDAN 'DAS DGE SLONG GI DGE 'DUN DANG BCAS PA ZLA BA BZHIR YO BYAD THAMS CAD KYIS SPYAN DRANG NGO SNYAM MO, ,DE NAS SH'AKYA MING CHEN BCOM LDAN 'DAS GAL BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS, BCOM LDAN 'DAS SH'AKYA MING CHEN LA CHOS DANG LDAN PA'I BKA' MCHID KYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DO, ,RNAM GRANGS DU MAR CHOS DANG LDAN PA'I BKA' MCHID KYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS SH'AKYA MING CHEN STAN LAS LANGS TE, BCOM LDAN 'DAS GAL DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG BCAS PA DGUNG ZLA BZHIR BDAG GI NA BZA' DANG, BSOD SNYOMS DANG, GNAS MAL DANG, BSNYUNG BA'I RKYEN DANG, SMAN GYI YO BYAD DAG BZHES PAR CI GNANG, BCOM LDAN 'DAS KYIS SH'AKYA MING CHEN

LA CANG MI GSUNG BAS GNANG NGO, ,DE NAS SH'AKYA MING CHEN GYIS BCOM LDAN 'DAS KYIS CANG MI GSUNG BAS GNANG BAR RIG NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS KYI SPYAN SNGA NAS SONG NAS DES BSNYUNG BAR RUNG BA'I KHANG PA RTZIG TU BCUG CING BSNYUNG BA'I SMAN YANG 'JOG TU BCUG ,BDE BA'I SMAN DUS SU RUNG BA DANG, THUN TSOD DU RUNG BA DANG, ZHAG BDUN PA DANG, 'TSO BA'I BAR DU BCANG BA DANG, RTZA BA'I SMAN DANG, SDONG BU'I SMAN DANG, LO MA'I SMAN DANG, ME TOG GI SMAN DANG, 'BRAS BU'I SMAN DAG KYANG 'JOG TU BCUG ,ZHUN MAR BSKOL DU BCUG PA DANG, MA BSKOL BA DAG KYANG 'JOG TU BCUG ,'BRU MAR BSKOL BA DANG MA BSKOL BA DAG KYANG 'JOG TU BCUG ,BDAG DANG, MA HE DANG, RA BZHON DAG KYANG 'JOG TU BCUG ,YO BYAD THAMS CAD KYANG 'JOG TU BCUG ,SMAN DANG SNYUN G-YOG DAG KYANG 'JOG TU BCUG STE, DGE SLONG DAG LA YANG YO BYAD THAMS CAD KYIS BSTABS SO, ,DRUG SDE DAG GIS SMRAS PA, DGA' BO NYE DGA' BCA' BA DANG BZA' BA 'DI LTA BU RNYED KYIS THABS SHIG BYA'O ZHES DE DAG GIS SMAN PA LA DRIS PA, BZHIN BZANGS DAG KHO BO CAG LA NAD CI YOD PA JE LTOS SHIG ,SMAN PAS BSAMS PA, 'DI DAG NI DGE SBYONG HRAL PO DAG YIN PAS BZA' 'DOD KYIS 'DI DAG DANG MTHUN PAR SMRA BAR BYA'O SNYAM NAS, DES DE DAG LA SMRAS PA, 'PHAGS PA DAG KHYED CAG NI SHUL GYIS 'DU BA PA DAG LAGS PAS JE SKUR SNUM BAG GSOL LA, DE'I 'OG TU BSKA BA GSOL CIG ,DE DAG GIS SMRAS PA, DGA' BO NYE DGA' 'DI NI SMAN PA CHEN PO DANG, NAD KYI GZHI DANG, THABS LA MKHAS PA RGYAL PO LA MKHO BO YIN TE, GAL TE BDAG CAG THAMS CAD KYIS DUS GCIG TU DE LTAR BYA BAR BRTZAMS NA, MYUR DU ZIN PAR 'GYUR GYIS, JE DANG POR GNYIS KYIS SNUM BAG BSTEN CING, BZHIS NAD G-YOG BYA'O, ,DE'I 'OG TU YANG GNYIS KYIS SNUM BAG BSTEN CING, BZHIS NAD G-YOG BYA'O, ,DE'I 'OG TU YANG GNYIS KYIS SNUM BAG BSTEN CING BZHIS NAD G-YOG BYA'O, ,DE LTAR BYA'O ZHES DE DAG LAS GNYIS KYIS SNUM BAG BSTEN PAR BRTZAMS SHING, BZHIS NAD G-YOG BYED PA NA,

, ,JI TZAM NA ZLA BA GCIG 'DAS SO, ,DE'I 'OG TU GZHAN GNYIS KYIS SNUM BAG BSTEN PAR BRTZAMS SHING BZHIS NAD G-YOG BYED PA NI ZLA BA GNYIS 'DAS SO, ,DE'I 'OG TU YANG GZHAN GNYIS KYIS SNUM BAG BSTEN PAR BRTZAMS SHING BZHIS NAD G-YOG BYED PA NA ZLA BA GSUM 'DAS SO, ,ZLA BA BZHI PA LA THAMS CAD 'DUS TE, BZA' BAR BRTZAMS NAS ZLA BA BZHI 'DAS PA DANG, SH'AKYA MING CHEN GYIS BCOM LDAN 'DAS GSHEGS STON LA SPYAN DRANGS PA DANG, NYE DGAS PHYAG TSANG LA PHRIN SPRING STE, BZHIN BZANGS DENG KHO BO LA KHU SHA DANG, KHU BA DANG, SHA TSOD DAG GYIS SHIG CES SPRING NGO, ,PHYAG TSANG GIS SMRAS PA, 'PHAGS PA DAG DGUNG ZLA BZHI 'DAS TE SH'AKYA MING CHEN GYIS BCOM LDAN 'DAS GSHEGS STON LA SPYAN DRANGS NA, KHYED KYI BYA BA DA DUNG YANG MA RDZOGS SAM, NYE DAGS SMRAS PA, BKREN SH'AKYA MING CHEN KHA SHIN DU CHEN POS SANGS RGYAS LA SOGS PA DGE SLONG GI DGE 'DUN ZLA BA BZHIR YO BYAD THAMS CAD KYIS SPYAN 'DREN NA, GAL TE SPYAN DRANG PA 'DI LTA BUS SANGS RGYAS LA SOGS PA DGE SLONG GI DGE 'DUN SPYAN DRANG DU RUNG NA NI, NYE DAGS KYANG SANGS RGYAS LA SOGS PA DGE SLONG GI DGE 'DUN JI SRID 'TSO'I BAR DU SPYAN 'DREN PAR SPRO'O, ,DES SMRAS PA KHYED CAG ZLA BA BZHIR SHA DANG KHU BA SHA DANG KHU BA SHA STAG ZOS PAR GYUR KYANG, 'ON KYANG KHYED CAG SMOD PAR BYED NA, GNAS BRTAN GNAS BRTAN GANG DAG GIS ZLA BA BZHIR AA RU RA 'BRUM BU GCIG KYANG MA GSOL BA DE DAG NI SHIN DU DKA' BA BYED PA YIN NO ZHES ZER NAS; DGE SLONG DON NYUNG NGU DAG CI'I PHYIR DGE SLONG DAG HA CANG SLONG BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA, DGE SLONG GIS HA CANG SLONG BAR MI BYA'O, ,HA CANG SLONG NA 'GAL TSABS CAN DU 'GYUR RO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS ZLA BA BZHIR MGRON DU BSO PA BDAG GIR BYA'O, , DE LAS LHAG PAR BDAG GIR BYED NA DE NI LTUNG BYED DO, ,SO SOR MGRON DU BOS PA

DANG; YANG DANG YANG MGRON DU BOS PA DANG, DUS KYIS MGRON DU BOS PA DANG, RTAG DU MGRON DU BOS PA NI MA GTAGS TE, DE LA DE NI DUS YIN NO ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI LTO 'DUN, NYES PA NI MGRON DU BOS PA'I ZAS LA HA CANG SLONG BA'O, ,DE LA DGE SLONG GIS ZHES BYA BA NI CHOS 'DI PAS SO, ,ZLA BA BZHIR ZHES BYA BA NI ZLA BA BZHI TSUN CHAD DU'O, ,MGRON DU BOS PA BZHES BYA BA NI BSTABS PA'O, ,BDAG GIR BYA'O ZHES BYA BA NI KHAS BLANGS PAR BYA'O, ,DE LAS LHAG PAR BDAG GIR BYED NA ZHES BYA BA NI DE LAS 'DAS PAR RO, ,LTUNG BYED DO ZHES BYA BA NI SNGA MA BZHIN NO, ,SO SOR MGRON DU BOS PA ZHES BYA BA NI 'DI LTA STE, DGE SLONG SO SO SO SOR THA DAD PAS MGRON DU BOS PA'O, ,YANG DANG YANG DU MGRON DU BOS PA ZHES BYA BA NI 'DI LTA STE, DGE SLONG YANG DANG YANG DU MGRON DU BOS PA'O, ,DUS KYIS MGRON DU BOS PA ZHES BYA BA NI 'DI LTA STE, DGE SLONG NAN GYIS MGRON DU BOS PA'O, ,RTAG TU MGRON DU BOS PA ZHES BYA BA NI 'DI LTA STE, DGE SLONG GTAN DU MGRON DU BOS PA'O, ,MA GTOGS TE ZHES BYA BA NI BZHAG STE'O, ,DE LA DE NI DUS YIN NO ZHES BYA BA NI BSLAB PA'I GZHI BCA' BA MDZAD PA DE LA DE NI GNANG BA'I RJES SU MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG MIN PAS SBYIN BDAG NYE DU MA YIN PAS SO SOR MGRON DU BOS PA DANG, YANG DANG YANG DU MGRON DU BOS PA'O, ,DUS KYIS MGRON DU BOS PA DANG, RTAG TU MGRON DU BOS PA MA GTOGS PAS, DUS KYI TSIGS RNAM PAR GZHAG PA MED PAR MGRON DU GNYER BA DANG LDAN PA'I SBYIN BDAG LAS PHYIS RNAM PA GZHAN NAM YANG DANG YANG DU'AM, DUS KYIS MGRON DU GNYER BA MA BYAS PAR ZLA BA BZHI PA YONGS SU RDZOGS PA'I 'OG TU, SNGAR BSHAMS PA'I ZAS BZANG NGAN GANG YANG RUNG BLANGS TE ZOS NA, MGRON DU GNYER BA LAS RING DU 'DUG PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG MIN PA DANG, SBYIN BDAG NYE DU MA YIN PA DANG, HA CANG SLONG BA DANG, DUS MA GTOGS PA'O, ,'DI LA YAN LAG LNGAS

, ,DNGOS GZHI'I LTUNG BAR 'GYUR TE, DGE SLONG MIN BA NYID DANG, SBYIN BDAG NYE DU MA YIN PA NYID DANG, DUS MA GTOGS PA NYID DANG, SNGAR MGRON DU BOS PA LAS BSLANGS PA NYID DANG, ZOS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,MGRON DU GNYER BA LAS RING DU 'DUG PA'I LTUNG BYED DE BDUN CU BZHI PA'O,, ,,BSLAB PA LA NYE BAR 'JOG PA SPONG BA'I LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA BZHUGS SO, ,GANG GI TSE BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI THUN MONG BCA' BAR MDZAD PA DE'I TSE NA, GNYI GA'I DGE 'DUN SDUD PAR MDZAD PAS 'DI YANG BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI THUN MONG BCA' BA MDZAD PA YIN NA, 'DI LA GNYI GA'I DGE 'DUN BSDU BAR MDZAD PAS DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SONG LA DGE SLONG RNAMS LA, DGE SLONG ZHIG DGE SLONG MA RNAMS GYI NANG DU THONG LA, 'DI SKAD CES SRING MO DAG ,BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI THUN MONG 'DI LTAR BCA' BA MDZAD DE, DGE SLONG GIS ZLA BA BZHIR MGRON DU BOS PA BDAG GIR BYA'O, ,DE DAG LAS LHAG PAR BDAG GIR BYED NA LTUNG BYED DO, ,SO SOR MGRON DU BOS PA DANG, YANG DANG YANG DU MGRON DU BOS PA DANG, DUS KYIS MGRON DU BOS PA DANG, RTAG TU MGRON DU BOS PA NI MA GTOGS TE, DE LA DE NI DUS YIN NO ZHES BCA' BA MDZAD KYI, KHYED KYIS BSLAB PA 'DI LA BSLAB PAR BYA'O ZHES BSGO SHIG CES GYIS SHIG ,TSE DANG LDAN PA KUN DGA' BOS BTZUN PA BKA' BZHIN DU 'TSAL ZHES BCOM LDAN 'DAS KYI BKA' MNYAN NAS, TSE DANG LDAN PA LAM PA GA LA BA DER SONG STE PHYIN NAS, TSE DANG LDAN PA LA MA PA LA DE SKAD CES BSGO'O, ,TSE DANG LDAN PA LAM PAS BTZUN PA BKA' BZHIN 'TSAL LO ZHES TSE DANG LDAN PA KUN DGA' BO'I TSIG MNYAN NAS, DGE SLONG MA'I DBYAR KHANG GA LA BA DER SONG BA DANG, JI TZAM NA DRUG SDE DAG GIS DE MTHONG NAS, DE DAG GIS

DRIS PA, TSE DANG LDAN PA LAM PA KHYOD GAR 'GRO, ,TSE DANG LDAN PA LAM PAS BSAMS PA, 'DI DAG GIS KYANG MA THOS PA 'DRAS 'DI DAG LA YANG BRJOD PAR BYA'O SNYAM NAS, DES DE DAG LA YANG DE SKAD BSGO BA DANG, DE DAG GIS SMRAS PA, BDAG CAG DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA 'DRI'I BAR DU, BYIS PA, RMONGS PA, MI GSAL BA, MI MKHAS PA KHYOD KYI TSIG GIS BSLAB PA 'DI LA MI SLOB BO ZHES DE DAG GIS BYIS PA DANG, RMONGS PA DANG, MI GSAL BA DANG, MI MKHAS PA ZHES BYA BA DAG GIS KHUR BSLANG NGO, ,TSE DANG LDAN PA LAM PA DE NAS SONG STE 'GRO BA NA, DGE SLONG MA BCU GNYIS SDE DAG GIS MTHONG NAS DE DAG GIS DE LA SMRAS PA, BTZUN PA LAM PA GAR BZHUD, DES DE DAG LA SRING MO DAG SHES PAR GYIS SHIG ,BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI THUN MONG 'DI LTAR BCA' BA MDZAD DE ZHES BSLAB BA'I GZHI RGYAS PAR BRJOD DE, KHYED KYIS BSLAB PA 'DI LA BSLAB PAR BYA'O ZHES BSGO BA DANG, DE DAG GIS SMRAS PA, BDAG CAG DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA 'DRI BA'I BAR DU, BYIS PA, RMONGS PA, MI GSAL BA, MI MKHAS PA KHYED KYI TSIG GIS BSLAB PA 'DI LA MI SLOB BO ZHES BYIS PA DANG, RMONGS PA DANG, MI GSAL BA DANG, MI MKHAS PA ZHES BYA BA DAG GIS KHUR BSLANG STE DONG NGO, ,TSE DANG LDAN PA LAM PAS BSAMS PA, BDAG LA GNAS NGAN LEN KUN DU SPYOD PA 'DI DAG LA BRJOD PAS CI BYA, DA NI SONG LA SKYE DGU'I BDAG MO CHEN MO GOO TA M'I MA GTOGS PA GZHAN 'GAL LA YANG BRJOD PAR MI BYA'O SNYAM NAS, DE SKYE DGU'I BDAG MO CHEN MO GOO TA M'I GA LA BDER SONG STE PHYIN NAS, SKYE DGU'I BDAG MO CHEN MO GOO TA M'I LA 'DI SKAD CES SMRAS SO, ,GOO TA M'I SHES PAR GYIS SHIG ,BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI THUN MONG 'DI LTAR BCA' BA MDZAD DE ZHES BSLAB PA'I GZHI DE RGYAS PAR BRJOD DO, ,KHYED KYIS BSLAB PA 'DI LA BSLAB PAR BYA'O ZHES BSGO PA DANG, SKYE DGU'I BDAG MO CHEN MO GOO TA M'IS SMRAS PA, BTZUN PA LAM PA, BCOM LDAN

, ,'DAS KYIS 'DUL BA LA NYAN THOS RNAMS KYI BSLAB PA'I GZHI DE LTAR BCA' BA MDZAD PA GANG LAGS PA DE, BDAG MGO DANG, NGAG DANG, YID KYIS KYANG NOD DO, ,TSE DANG LDAN PA LAM PAS BSGO STE PHYIR 'ONGS PA DANG, TSE DANG LDAN PA KUN DGA' BOS DE MTHONG NAS, DES DRIS PA, TSE DANG LDAN PA LAM PA KHYED KYIS DGE SLONG MA RNAMS LA BSGO'AM, DES SMRAS PA, BSGO STE, 'DI LTAR BYIS PA DANG, RMONGS PA DANG, MI GSAL BA DANG, MI MKHAS PA ZHES BYA BA BDAG GIS KHUR BSLANG NGO, ,SUS, DRUG SDE DAG GIS SO, ,CI'I PHYIR, DES SKABS DE RGYAS PAR BRJOD PA DANG, DGE SLONG DON NYUNG DU DAG CI'I PHYIR DGE SLONG DAG DGE SLONG RNAMS KYIS TSE DANG LDAN PA DAG KHYED KYIS BSLAB PA 'DI LA BSLAB PAR BYA'O ZHES BSGO BA NA, DE DAG LA 'DI SKAD CES, BDAG CAG DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA 'DRI BA'I BAR DU, BYIS PA, RMONGS PA, MI GSAL BA, MI MKHAS PA KHYED KYI TSIG GIS BSLAB PA 'DI LA MI SLOB BO ZHES ZER ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG RNAMS KYIS, TSE DANG LDAN PA KHYOD KYIS BSLAB PA 'DI LA BSLAB PAR BYA'O ZHES BSGO BA NA, DE DAG LA 'DI SKAD CES, BDAG DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA 'DRI BA'I BAR DU, BYIS PA, RMONGS PA, MI GSAL BA, KHYED KYI TSIG GIS BSLAB PA 'DI LA MI SLOB PO ZHES ZER NA LTUNG BYED DO, ,DGE SLONG KUN SHES PA 'DOD PAS KYANG BSLAB PA DE LA BSLAB PAR BYA'O, ,DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA YANG DRI BAR BYA STE, DE LA DE NI CHO GA YIN NO ZHES BCA' BA MDZAD DE, YUL NI RGYAL PO'I KHAB, GANG ZAG NI DRUG SDE, NYON MONGS PA NI BKA' DANG BSLAB PA LA MA GUS PA, NYES PA NI BSLAB PA LA NYE BAR 'JOG PA SPONG BA'O, ,DE LA YANG DGE SLONG GANG ZHES BYA BA NI DRUG SDE'AM, GZHAN YANG DE LTA BU GANG

YIN PA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,TSE DANG LDAN PA KHYED KYIS BSLAB PA 'DI LA BSLAB PAR BYA'O ZHES BSGO BA NA ZHES BYA BA NI BSLAB PA GANG YIN PA DE LA'O, ,DE DAG ZHES BYA BA NI, DGE SLONG DE DAG LA'O, ,'DI SKAD CES BYA BA NI 'DI SKAD ZER NA'O, DGE SLONG MDO SDE 'DZIN PA ZHES BYA BA NI MDO SDE MTHA' DAG 'DZIN PA GANG YIN PA RNAMS SO, ,'DUL BA 'DZIN PA ZHES BYA BA NI 'DUL BA MTHA' DAG 'DZIN PA GANG YIN PA RNAMS SO, ,MA MO 'DZIN PA RNAMS LA 'DRI BA'I BAR DU ZHES BYA BA NI, MA MO MTHA' DAG 'DZIN PA GANG YIN PA RNAMS SO,, BYIS PA ZHES BYA BA LA, BYIS PA ZHES BYA BA NI, NYES PAR BSAM PA SEMS PA DANG, NYES PAR SMRA BA BRJOD PA DANG, NYES PAR BYA BA'I LAS BYED PA'O, ,RMONGS PA ZHES BYA BA LA RMONGS PA ZHES BYA BA NI MDO SDE 'DZIN PA MA YIN PA DANG, 'DUL BA 'DZIN PA MA YIN PA DANG, MA MO 'DZIN PA MA YIN PA'O, ,MI GSAL BA ZHES BYA BA NI, MDO SDE MI GSAL BA DANG, 'DUL BA MI GSAL BA DANG, MA MO MI GSAL BA'O, ,MI MKHAS PA ZHES BYA BA NI, MDO SDE LA MI MKHAS PA DANG, 'DUL BA LA MI MKHAS PA DANG, MA MO LA MI MKHAS PA'O, ,KHYED KYI TSIG GIS BSLAB PA 'DI LA MI SLOB BO ZHES BYA BA NI DE SKAD CES ZER NA'O, ,LTUNG BYED DO ZHES BYA BA NI SNGA MA BZHIN NO, ,DGE SLONG KUN SHES PAR 'DOD PAS KYANG BSLAB PA DE LA BSLAB PAR BYA'O, ,DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA YANG DRI BAR BYA STE, DE LA DE NI CHO GA YIN NO ZHES BYA BA NI BSLAB PA'I GZHI BCA' BA MDZAD PA DE LA DE NI RJES SU MTHUN PA'I CHOS YIN PA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG LTUNG BA 'BYIN PA POS RANG NYID BSLAB PA LA NYE BAR 'JOG PA'I SDE SNOD GSUM LAS, MDO SDE DANG, 'DUL BA DANG; MA MO LAS 'DUL BA'I CHAR GTOGS PA'I BSLAB PA MNGON PAR SHES PA NYID KYI SMRA BA PO BYIS PA DANG, RMONGS PA DANG, MI GSAL BA DANG, MI MKHAS PA MA YIN PAS KHYED KYIS 'DUL BAR GTOGS PA'I BSLAB PA 'DI LA BSLAB PAR BYA'O ZHES BRJOD PA NA 'AM BSGO BA NA, BDAG

, ,DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA 'DRI BA'I BAR DU MI SLOB BO ZHES RGYU'I DNGOS PO DES GO BAR BYED PA'I DGE SLONG 'DUL BA DANG LDAN PA'I BSLAB PA'I YUL LA MNGON PAR SHES PA NYID DANG LDAN PA DE LA BYIS PA, RMONGS PA, MI GSAL BA, MI MKHAS PA, KHYED KYI TSIG GIS BSLAB PA 'DI LA MI SLOB PO ZHES MI SHES PA NYID SGROGS PAR BYED PA'I TSIG DE SKAD BRJOD NA, BSLAB PA LA NYE BAR 'JOG PA SPONG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, BSLAB PA LA NYE BAR 'JOG PA SMRA BA PO'I DGE SLONG 'DUL BA DANG LDAN PA'I BSLAB PA'I YUL LA MNGON PAR SHES PA, BYIS PA DANG, RMONGS PA DANG, MI GSAL BA DANG, MI MKHAS PA MA YIN PA NYID LA, 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, BSLAB PA LA NYE BAR 'JOG PA'I DGE SLONG SMRA BA PO 'DUL BA DANG LDAN PA'I BSLAB PA'I YUL, MNGON PAR SHES PA BYIS PA DANG, RMONGS PA DANG, MI GSAL BA DANG, MI MKHAS PA MA YIN PA NYID DANG, LTUNG BA 'BYIN PA POS DE LTAR RAB TU 'DU SHES PA NYID DANG, 'DUL BA DANG LDAN PA'I BSLAB PA'I GZHI 'DI LA BSLAB PAR BYA'O ZHES BRJOD DAM BSGO BA NYID DANG, MI SLOB PA'I RGYU'I DNGOS PO, ,DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA 'DRI BA'I BAR DU ZHES ZER BA NYID DANG, GO BAR BYED PA LA BYIS PA, RMONGS PA, MI GSAL BA, MI MKHAS PA KHYOD KYI TSIG GIS BSLAB PA 'DI LA MI SLOB BO ZHES MI SHES PA NYID SGROGS PAR BYED PA'I TSIG BRJOD PA'O, ,DE DAG LAS YAN LAG MTSANG NA CI RIGS PAR NA SMAD DO, ,BSLAB PA LA NYE BAR 'JOG PA SPONG BA'I LTUNG BYED DE BDUN CU LNGA PA'O,, ,,SO SOR THAR PA'I MDO'I GZHUNG 'GREL, BAM PO BCU BDUN PA, NYAN RNA LAS GYUR BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA 'CHAR KAS NI NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS, TSE DANG

LDAN PA 'DUN PA NI KOO SH'AMB'IR SONG STE SNYING LAS CHUR NGUR 'DUG ,'GRO MGYOGS DANG NAB SO GNYIS NI DUS LA BAB, DGA' BO DANG NYE DGA' GNYIS NI DGE 'DUN GYI NANG NA 'DUG PA DE'I TSE, BCU BDUN SDE'I TSOGS DAG GDUG CING PHA ROL GNON PA DANG, MDO SDE 'DZIN PA DANG, 'DUL BA'I 'DZIN PA DANG, MA MO 'DZIN PAR GYUR NAS, DE DAG GIS SMRAS PA, TSE DANG LDAN PA DAG BDAG CAG YUN RING PO NAS DRUG SDE DAG GIS THO BTZAMS TE, JI LTAR DGA' BO DANG NYE DGA' GNYIS KYIS THO BTZAMS PA LTAR YANG GZHAN GYIS THO MA BTZAMS LA, JI LTAR NYE DAGS THO BTZAMS PA LTAR YANG DGA' BOS MA BTZAMS KYIS, DE GNAS NAS DBYUNG BA'I LAS BYA'O, ,DE DAG GIS SMRAS PA, 'DI'I PHU BO DGA' BO RTZOD PA LA MKHAS PA YIN GYIS, TSUR SHEG JE GROS BYA'O ZHES DE DAG DPONG SA'I KHANG PAR ZHUGS TE, SGO BCAD NAS GROS BYA BAR BRTZAMS PA DANG, NYE DAGS SKAR KHUNG NAS MNYAN CING, DES DE DAG BSDIGS TE, KYE MA BCU BDUN SDE DAG CI'I PHYIR GROS BYED KHO BO'I TSANGS PA MTSUNGS PAR SPYOD PA LA LA NI YONGS SU MYA NGAN LAS 'DAS, LA LA NI SNYING LAS CHUNG NGU KHO NAR 'DUG, ,KHA CIG NI DUS LA BAB, DA 'DI GNAS NAS DBYUNG BA'I LAS BYA'O SNYAM DU SEMS SAM CI, KHYED KYIS DA KHO BO CAG ZIL GYIS MNAN TE 'KHOD SNYAM MAM, KHO BO CAG GIS KYANG KHYED LA MTSAMS CHEN PO GCAD PAR BYA'O, ,KHYED KYIS, GLANG PO'I THAG PA NYI MA DANG, ,RLUNG GIS YONGS SU BSKAMS GYUR CING, ,GLANG PO'I GNYA' NAS LHUNG GYUR KYANG, ,LUG NI LNGA BRGYAS DRANG BAR BYA, ,ZHES BYA BA MA THOS SAM ZHES BSDIGS PA DANG, DE DAG GIS BSAMS PA, 'DIS BDAG CAG GROS BYED PA 'PHRIGS KYIS GZHAN DU 'DONG NGO ZHES DE DAG ME KHANG DU ZHUGS TE GROS BYA BAR BRTZAMS PA DANG, NYE DGA' YANG DER 'JAB CING 'ONGS TE NYAN CING NGES DER YANG DE BZHIN DU BSDIGS SO, ,DE DAG STING KHANG DANG, BAR KHANG DANG, GNAS KHANG DANG, KHYAMS DANG, SGO KHANG DANG, BANG RIM DANG, 'CHAG SA DANG, SBAN SPUN DAG GI NANG DGON PA DANG, TSANG TSING DAG GI NANG DANG, LAM NA 'DONG ZHING GROS BYA BAR BRTZAMS PA DANG, NYE DGA'

, ,YANG PHYI BZHIN SONG STE, NYAN CING DE DAG KYANG DE BZHIN DU BSDIGS NAS, DE DAG GIS SMRAS PA, TSE DANG LDAN PA DAG BDAG CAG GIS 'DI GNAS NAS DBYUNG BA'I LAS BYA BAR MI NUS KYIS 'DI LA BZOD PA GSOL BAR BYA'O ZHES DE DAG GIS DE LA SMRAS PA, BTZUN PA NYE DGA' BDAG CAG LA BZOD PAR MDZOD CIG ,NYE DAGS SMRAS PA, BZOD PAR BYA'O, ,DE DAG GIS DE LA DRIS PA, KHYED KYIS KHO BO CAG GROS BYED PA JI LTAR SHES, NYE DAGS SKABS DE RGYAS PAR BRJOD PA DANG, DE DAG GIS SMRAS PA, KHYOD NYAN RNAR 'DUG TU RUNG NGAM, NYE DAGS SMRAS PA, GAL TE KHO BO KHYED CAG GROS BYED PA'I TSE, NYAN RNAS 'DUG PAR MA GYUR DU ZIN NA, KHYED CAG GIS KHO BO GNAS NAS DBYUNG BA'I LAS BYED PAR 'GYUR GYIS ZHES ZER NAS, DGE SLONG DON NYUNG NGU DAG CI'I PHYIR, DGE SLONG DAG DGE SLONG RNAMS 'THAB PAR GYUR, MA TSANG 'BRU BAR GYUR, MI MTHUN PAR GYUR; RTZOD PAR GYUR CING 'KHOD PA LA, DGE SLONG 'DI DAG JI SKAD ZER BA DE BDAG GIS MNYAN TE, DE LTA DE LTAR RJES SU THA SNYAD GDAGS PAR BYA'O SNYAM PA DE NYID RKYEN DU BYAS TE, CANG MI SMRA BAR NYAN RNAS 'DUG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG RNAMS 'THAB PAR GYUR, MTSANG 'BRU BAR GYUR, MI MTHUN PAR GYUR, RTZOD PAR GYUR CING 'KHOD PA LA, DGE SLONG 'DI DAG JI SKAD ZER BA DE BDAG GIS MNYAN TE, DE LTA DE LTAR RJES SU THA SNYAD GDAGS PAR BYA'O SNYAM PA DE NYID RKYEN DU BYAS TE, CANG MI SMRA BAR NYAN RNAS 'DUG NA LTUNG BYED DO ZHES BCA' BA MDZAD DE, YUL MI MNYAN YOD, GANG ZAG NI NYE DGA', NYON MONGS PA NI SHA GLA NA PA'I BSAM PA, NYES PA NI RTZOD PA SKROD PA'I GROS LA NYAN RNA BYED PA'O, ,DE LA YANG DGE SLONG GANG ZHES BYA BA NI, SH'AKYA'I BU DGA' 'AM, GZHAN YANG DE LTA BU GANG YIN PA'O, ,DGE SLONG RNAMS ZHES BYA BA NI CHOS 'DI PA RNAMS SO, ,'THAB PAR GYUR MTSANG 'BRU BAR GYUR, MI MTHUN PAR GYUR, RTZOD PAR GYUR

CING 'KHOD PA LA ZHES BYA BA NI, PHYOGS DANG GZHAN GYI PHYOGS SU RNAM PAR GNAS PA LA'O, ,DGE SLONG 'DI DAG JI SKAD ZER BA DE BDAG GIS MNYAN TE, DE LTA DE LTAR RJES SU THA SNYAD GDAGS PAR BYA'O SNYAM PA ZHES BYA BA NI, DE LTA BU'I BSAM PAS GNYEN POS DE LTA DE LTAR PHA ROL MNAN PAR BYA'O SNYAM PA'O; ,DE NYID RKYEN DU BYAS TE ZHES BYA BA NI GZHAN MA YIN PA'I, ,CANG MI SMRA BAR NYAN RNAS 'DUG NA ZHES BYA BA NI CANG MI SMRA BAR RNA GTAD PAS 'DUG NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE SLONG DAG RTZOD PAR GYUR PA, DGE SLONG DAG GROS BYED PA NA NYE BAR ZHI BA 'DOD PA MA GTOGS PAR 'KHRUG LONG BYA BA LA GZHOL BAS, MNYAN PA'I PHYIR RNA GTOD CING SGRA'I DON GO BA DANG, LAM NOR TAM ZHI BAR 'DOD PA MA GTOGS PA DON GZHAN GYI DBANG NYID KYIS SON CING SHES PA'I 'OG TU RKANG PA DANG, SE GOL DANG, LUD PA'I SGRA DAG GIS GO BAR MI BYED MNYAN RNA LAS GYUR PA'I LTUNG BYED KYI DNGOS GZHIR 'GYUR RO, ,DI'I BYED PA PO NI, DGE SLONG DAG RTZOD PA'I GROS DANG, 'KHRUG LONG BYA BA LA GZHOL BA'I BSAM PA'O, 'DI LA YAN LAG LNGAS DNGOS GZHI'I LTUNG BAR 'GYUR TE, PHYOGS GNYI GA DGE SLONG NYID YIN PA DANG, RTZOD PA GANG YANG RUNG BA'I GROS BYED PA NYID DANG, 'KHRUG LONG BYA BA LA GZHOL BA NYID DANG, NYAN RNAS 'DUG PA NYID DANG, SGRA DANG BCAS PA'I DON GO BA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,NYAN RNA LAS GYUR BA'I LTUNG BYED DE BDUN CU DRUG PA'O,, ,,MI SMRA BAR 'GRO BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA 'CHAR KAS NI NYON MONGS PA THAMS CAD SPANGS PAS DGRA BCOM PA MNGON DU BYAS, TSE DANG LDAN PA 'DUN PA NI KOO SH'MB'IR SONG STE NYING LAS CHUNG NGUR 'DUG ,'GRO MGYOGS DANG NAB SO GNYIS NI DUS LA BAB, DGA' BO DANG NYE DGA' GNYIS NI DGE 'DUN GYI NANG 'DUG PA DE'I TSE, BCU BDUN SDE DAG GDUG CING PHA ROL GNON PA DANG, MDO SDE 'DZIN PA DANG, 'DUL

, ,BA 'DZIN PA DANG, MA MO 'DZIN PAR GYUR NAS, DE DAG GIS SMRAS PA, TSE DANG LDAN PA BDAG CAG YUN RING PO NAS, DRUG SDE DAG GIS THO BTZAMS TE, JI LTAR DGA' BO DANG NYE DGA' GNYIS KYIS THO BTZAMS PA LTAR YANG GZHAN GYIS MA BTZAMS LA, JI LTAR NYE DGAS THO BTZAMS PA LTAR YANG DGA' BOS MA BTZAMS KYIS, DE GNAS NAS 'BYUNG BA'I LAS BYA'O ,DE NAS KHA CIG GIS SMRAS PA, 'DI'I PHU BO RTZOD PA LA MKHAS PA YIN PAS, BDAG CAG GIS 'DI GNAS NAS DBYUNG BA'I LAS BYA BAR MI NUS SO, ,KHA CIG GIS SMRAS PA, GCIG SMRA BA NA GNYIS KYIS MNYAN PAR MI BYA BAR TSOGS SMRA NA, TSOGS NI RGYAL PO DANG 'DRA BAS, GAL TE CUNG ZAD SMRA BAR GYUR NA, DE'I TSE GNAS NAS DBYUNG BA'I LAS BYA'O ZHES DE DAG GIS GNAS MAL BSHAMS NAS, GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA, GLENG BA PO RGAN PA'I MTHA' LOGS SU 'DUG STE SMRAS PA, BTZUN PA NYE DGA' KHYOD KYIS BCU BDUN SDE'I TSOGS DAG GI LTO DRAL TE, RGYU MA DAG GIS RGYAL BYED KYI TSAL BSKOR BAR BYA'O ZHES BYA BA DE LTA BU'I TSIG SMRAS PA GANG YIN PA DE DRAN NAM, NYE DGAS SMRAS PA, TSE DANG LDAN PA DAG DE NI DON 'DAS PA YIN NA, RMA SOS PA GLENGS TE CI BYA, DE DAG GIS SMRAS PA, BCOM LDAN 'DAS NI 'DAS PA'I DON KHO NA LA BRTEN TE 'DUL BA LA NYAN THOS RNAMS KYIS BSLAB PA'I GZHI 'CHA' BAR MDZAD DO, ,DGA' BOS PHYIR BZLOG PAR BRTZAMS PA DANG, DE DAG GIS SMRAS PA, GANG GCIG PHYIR ZLOG PAR BYED PA DE YANG GNAS NAS DBYUNG BA'I LAS BYA'O, ,DGA' BOS BSAMS PA, 'DI DAG GI BYED STANGS LAS NA, BDAG LA YANG GNAS NAS 'BYIN PA'I LAS BYED PAR GYUR NA MA LEGS PAR 'GYUR RO SNYAM NAS, DE DGUN GYI DUS LA BAB PAS, LA BA ZHIG GYON TE 'ONGS PAS, DES LA BDE RTZIG DRUNG DU SLANG STE BZHAG NAS CANG MI SMRA BAR LANGS TE SONG NGO, ,DE DAG GIS SMRAS PA, TSE DANG LDAN PA DAG 'DOD PA SMROS SHIG CES DE DAG GIS GYA TSOM DU NYE DGA' GNAS NAS DBYUNG BA'I LAS BYAS SO, ,DE GNAS NAS DBYUNG BA'I

LAS BYAS PA NA NGU ZHING PHU BO'I GAN DU SONG BA DANG, DGA' BOS SMRAS PA, NYE DGA' CI'I PHYIR DU, LHUNG BZED NAG PO CAN DAG GIS BDAG GNAS NAS DBYUNG BA'I LAS BYAS SO, ,DGA' BOS SMRAS PA, GANG DAG GIS KHO BO'I NU BO GNAS NAS DBYUNG BA'I LAS BYAS PA DE DAG ,GRONG DANG, GRONG KHYER DANG; KHAMS GSUM NAS GNAS NAS DBYUNG BAR GYUR CIG ,'ON KYANG GNAS NAS DBYUNG BA'I LAS BYAS PA DAG ,GRONG DANG, GRONG KHYER MED DAM CI, SDOD LA PHYIS BZOD PAR GSOL CIG ,'DI LTAR DE DAG GIS MI MTHUN PA KHO NAR LAS BYAS SO, ,SU ZHIG DER MA 'ONGS, DGA' BOS SMRAS PA, KHO BO'O, ,BDAG GIS DE NA RGAN PA'I MTHA' LOGS NA SLOB DPON GYI SGRA THOS SO, ,DGA' BOS BDAG NYID JI LTAR CANG MI SMRA BAR STAN LAS LANGS TE SONG BA'I SKABS DE RGYAS PAR BRJOD PA DANG, DGE SLONG DON NYUNG NGU DAG CI'I PHYIR, DGE SLONG DAG DGE 'DUN GYI CHOS DANG LDAN PA'I GTAM RNAM PAR GTAN LA 'BEBS PA 'BYUNG BA NA, CANG MI SMRA BAR STAN LAS LANGS TE 'GRO BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE 'DUN GYI CHOS DANG LDAN PA'I GTAM RNAM PAR GTAN LA 'BEBS PA BYUNG BA NA, CANG MI SMRA BAR STAN LAS LANGS TE 'GRO ZHING DGE SLONG 'DUG PA LA MI SMRA NA, DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGA' BO, ,NYON MONGS PA NI LAS MI MTHUN PAR 'DOD PA, NYES PA NI, DGE 'DUN GYI CHOS DANG LDAN PA'I GTAM RNAM PAR GTAN LA 'BEBS PA BYUNG BA NA, CANG MI SMRA BAR STAN LAS LANGS TE 'GRO BA'O, ,DE LA YANG DGE SLONG GANG ZHES BYA BA NI, SH'AKYA'I BU DGA' BO'AM, GZHAN YANG DE LTA BU GANG YIN PA'O, ,DGE 'DUN GYI ZHES BYA BA NI, DE BZHIN GSHEGS PA'I NYAN THOS KYI DGE 'DUN GYI'O, ,CHOS DANG LDAN PA'I GTAM RNAM PAR GTAN LA 'BEBS PA BYUNG BA NA ZHES BYA BA NI GSOL BA DANG, GSOL BA DANG GNYIS DANG, GSOL BA DANG BZHI'I LAS BYUNG BA NA'O, ,CANG MI SMRA BAR STAN LAS LANGS

, ,TE 'GRO ZHING ZHES BYA BA NI THOS PA'I NYE 'KHOR LAS 'DAS TE 'GRO ZHING NGO, ,DGE SLONG 'DUG PA LA MI SMRA NA ZHES BYA BA NI DE NI DGE SLONG GANG 'DUG PA LA'O, ,DE 'DRA BA'I RKYEN MA GTOGS TE ZHES BYA BA NI GLENG GZHI LAS DGE SLONG 'DUG PA LA SMRA BAR BYED PA DE SRID DU DE'I LHUNG BZED DANG CHOS GOS TSIG PAR GYUR PA DE 'DRA BA'I RKYEN BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GSOL BA DANG, GSOL BA DANG GNYIS DANG, GSOL BA DANG BZHI'I LAS KYIS BDAG NYID GSO SPYONG DANG, DGAG DBYE LA SOGS PA LAS BRGYA RTZA GCIG CHOS DANG LDAN PA NYID DU BYED PA LA, DGE 'DUN GYI NANG DU 'DUS PA BRTAD PA'I BYA BA MA BYUNG BA, DGE SLONG GCIG LA MA SMRAS PAR 'GRO NA, THOS PA'I NYE 'KHOR LAS 'DAS NA MI SMRA BAR 'GRO BA'I LTUNG BYED KYI DNGOS GZHIR 'GYUR RO, , 'DI'I BYED PA PO NI, DGE 'DUN GYI GSOL BA LA SOGS PA'I LAS CHOS DANG LDAN PA NYID DANG, DGE SLONG 'KHOD PA LA MA SMRAS PA NYID DANG, BRTAD PA'I BYA BA MA BYUNG BA'O, ,'DI LA YAN LAG DRUG GIS DNGOS GZHI'I LTUNG BAR 'GYUR TE, DGE 'DUN GYI GSOL BA LA SOGS PA'I LAS CHOS DANG LDAN PA NYID DANG, BDAG NYID LUS KYIS DER 'DUS PA NYID DANG, DGE SLONG 'KHOD PA LA MA SMRAS PA NYID DANG, BRTAD PA'I BYA BA MA BYUNG BA NYID DANG, ,THOS PA'I NYE 'KHOR LAS 'DA' BAR 'DOD PA NYID DANG, THOS PA'I NYE 'KHOR LAS 'DAS PA NYID DO, ,DE DAG LAS YAN LAG MA TSANGS NA CI RIGS PAR NA SMAD DO, ,MI SMRA BAR 'GRO BA'I LTUNG BYED DE BDUN CU BDUN PA'O,, ,,MA GUS PA'I TSUL GYI LTUNG BYED KYI GLENG GZHI NI, SANGS RGYAS BCOM LDAN 'DAS RGYAL PO'I KHAB 'OD MA'I TSAL KA LAN DA KA'I GNAS NA BZHUGS SO, ,DE'I TSE GLANG CHEN SNYING PO'I BU DGE SLONG NAG PO GLANG CHEN LHAS ZHES BYA BA, DGE SLONG RAB TU MANG PO DAG 'DI LTA STE 'DI NI CHOS SO, ,'DI NI 'DUL BA'O, ,'DI NI STON PA'I BSTAN PA'O ZHES RTZOD PA NYE BAR ZHI BAR BYA BA 'GA' ZHIG GI PHYIR, DNGOS SA'I KHANG PAR 'DUG CING MTHUN PAR GYUR PA NA, GCIG PUS DGE 'DUN ZLOG PAR BYED, GCIG PUS

DGE 'DUN MI MTHUN PAR BYED CING RTZOD PA BZUNG STE RTZOD CING 'DUG LA, GTAM GYI MJUG SDOD PAR MI BYED, GUS PAR MI BYED, RJE SAR MI BYED CING PHYIR SMRA PAR BYA'O SNYAM DU SEMS NAS, DGE SLONG DON NYUNG DU DAG CI'I PHYIR DGE SLONG RAB TU MANG PO DAG 'DI LTA STE, 'DI NI CHOS SO, ,'DI NI 'DUL BA'O,, 'DI NI STON PA'I BSTAN PA'O ZHES RTZOD PA NYE BAR ZHI BAR BYA BA 'GA' ZHIG GI PHYIR DNGOS SA'I KHANG PAR 'DUG CING MTHUN PAR GYUR PA NA, GCIG PUS DGE 'DUN ZLOG PAR BYED, GCIG PUS DGE 'DUN MI MTHUN PAR BYED CING, RTZOD PA BZUNG STE, RTZOD CING 'DUG LA, GTAM GYIS MJUG SDOD PAR MI BYED; GUS PAR MI BYED, RJE SAR MI BYED CING PHYIR SMRA BAR BYA'O SNYAM DU SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE, DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU GUS PAR MI BYED NA LTUNG BYED DO ZHES BCA' BA MDZAD DE, YUL NI RGYAL PO'I KHAB, GANG ZAG NI DGE SLONG NAG PO GLANG CHEN LHAS, NYON MONGS PA NI NGA RGYAL GYI KUN DU SBYOR BA, NYES PA NI DGE 'DUN DANG GANG ZAG LA MA GUS PA'O, ,DE LA GUS PAR MI BYED NA ZHES BYA BA NI GNYIS LA GUS PAR MI BYED NA STE, DGE 'DUN DANG GANG ZAG LA'O, ,DE LA DGE 'DUN NI DE BZHIN GSHEGS PA'I NYAN THOS KYI DGE 'DUN DANG, DGE 'DUN GYI THA SNYAD PA'O, ,GANG ZAG NI MKHAN PO DANG, SLOB DPON DAG GO, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG SANGS RGYAS KYI BKA' DANG, DGE 'DUN GYI THA SNYAD PA'I TSIG LAS 'GAL BAR BYED PA DANG, DGE SLONG GI DGE 'DUN GYIS DUG PA DANG, 'GRO BA DANG, GNAS MAL LEN PA DANG, GTZUG LAG KHANG LEN PA DANG, SMRA BA LA SOGS PA CHOS DANG LDAN PA NYID KYIS BSGO BA'I DON LAM GUS PAR CHOS DANG LDAN PAR SHAD KYIS SBYANG BA MED PAR DE LAS BZLOG STE GAL BAR BYED PA DANG, GZHAN DAG CHOS DANG LDAN PA GTAM RNAM PAR GTAN LA 'BEBS PA'I BAR DU, GLO BUR DU GTAM ZER NA, MA GUS PA'I TSUL GYIS LTUNG BYED KYI DNGOS GZHIR 'GYUR RO, ,'DI'I BYED PA PO NI, SANGS RGYAS KYI BKA'

, ,DANG; DGE 'DUN GYI THA SNYAD PA'I TSIG DANG, DGE SLONG GI DGE 'DUN GYIS CHOS DANG LDAN PA NYID DU BSGO BA'I DON DANG, GZHAN DAG CHOS DANG LDAN PA'I GTAM RNAM PAR GTAN LA 'BEBS PA NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, SANGS RGYAS KYI BKA' 'AM, DGE 'DUN GYI THA SNYAD PA'I TSIG GAM, DGE SLONG GI DGE 'DUN GYIS BSGO BA'I DON GYI GTAM DAG LAS GANG YANG RUNG BA NYID DANG, CHOS DANG LDAN PA NYID DANG, MA GUS PAS CHOS DANG LDAN PAR SHAD KYIS SBYANG BA MED PA NYID DANG, LOG THABS KYI BSAM PA NYID DANG, 'GAL BAR BYED PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,MA GUS PA'I TSUL GYI LTUNG BYED DE BDUN CU BRGYAD PA'O,, ,,MYOS PAR 'GYUR BA 'THUNG BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,YUL NGAN SPONG GI PHU ZHES BYA BA NA CHU SRIN BYIS PA GSOD KYI RIL KHYIM BDAG RTOGS LDAN ZHES BYA BA, PHYUG PA, NOR MANG BA, LONGS SPYOD CHE BA, YONGS SU GZUNG BA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR LA 'GRAN PA ZHIG 'DUG PA DES, RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED, DGA' MA GUR SPYOD PAR BYED DO, ,DE LA BU MO GZUGS BZANG BA, BLTA NA SDUG PA, MDZES PA ZHIG BTZAS NAS DE BSRINGS SHING BSKYED DE CHEN POR GYUR NAS KHYIM BDAG MGON MED ZAS SBYIN GYIS DPAL GYI 'BYOR PAS BU'I CHUNG MAR BLANGS SO, ,KHYIM BDAG RTOGS LDAN DE YANG RTZE BAR BYED, DGA' BAR BYED, DGA' MGUR SPYOD PAR BYED PA'I CHUNG MA LA SEMS CAN SRID PA THAM PA ZHIG ZHUGS NAS, DE BTZAS PA LAS KHYE'U ZHIG BYUNG NAS, DE'I MING LEGS 'ONGS ZHES BYA BAR BTAGS SO, ,KHYE'U LEGS 'ONGS DE KHAD KYIS MNYAN YOD DU BCOM LDAN 'DAS KYI SPYAN SNGAR SONG NAS, BCOM LDAN 'DAS KYIS LEGS PAR GSUNGS PA'I CHOS 'DUL BA LA RAB TU PHYUNG ZHING BSNYEN PAR RDZOGS PAR MDZAD NAS, DE LA GDAMS NGAG STZAL TE DES GCIG

PU DBEN PA BAG YOD PA, BRTUN PA DANG LDAN PA, BDAG NYID GTANG BAR GNAS PA NA DGRA BCOM PA MNGON SUM DU BYAS SO, ,DE NAS BCOM LDAN 'DAS DGE SLONG GI DGE 'DUN GYI 'KHOR DANG BCAS PA, YUL NGAN SPONG GI PHU DAG TU LJONGS RGYU ZHING GSHEGS PA NA, CHU SRIN BYIS PA GSOD KYI RING BYON NAS, CHU SRIN BYIS PA GSOD KYI RI LA 'JIGS RUNG GI TSAL RI DAGS KYI GNAS NA BZHUGS PA'I TSE, TSE DANG LDAN PA LEGS 'ONGS KYIS, KLU AA MRA'I CHU NGOGS PA ZHES BYA BA 'DUG PA YUN RING PO NAS CHU SRIN BYIS PA GSOD KYI RI LA GNAS PA'I SKYE BO KHO NA MED PA RNAMS LA KHON DU 'DZIN PA, MI 'GRAN PA RNAMS LA 'GRAN TSOL BA, MI 'KHU BA RNAMS LA 'KHU BAR BYED CING, LO THOG SKYES SO COG MA RUNG BAR BYED PA DE BTUL NAS, BCOM LDAN 'DAS DGE SLONG GI DGE 'DUN GYI 'KHOR DANG BCAS PA SLAR KO SA LA DAG TU LJONGS RGYU ZHING GSHEGS PA NA, MTHAR GYIS MNYAN YOD DU BYON NAS, MNYAN YOD NA RGYAL BYED KYI TSAL, MGON MED ZAS SBYIN GYIS KUN DGA' RA BA NA BZHUGS SO, ,DE'I TSE BCOM LDAN 'DAS DGE SLONG GI DGE 'DUN GYI 'KHOR DANG BCAS PA GZHAN NI KHYIM BDAG MGON MED ZAS SBYIN GYIS GDUGS TSOD LA SPYAN DRANGS NAS DER GSHEGS SO,, TSE DANG LDAN PA LEGS 'ONGS NI CHU SRIN BYIS PA GSOD KYI RI LA KHYIM BDAG RTOGS LDAN GYI CHUNG PO GROGS BRAM ZE SBRUL KHAS BSDIGS PA ZHIG 'DUG PA DE, KLU AA MRA'I CHU NGOGS PA'I 'JIGS PAS BROS TE, MNYAN YOD DU SONG BA KOS LA'I RGYAL PO GSAL RGYAL PO GSAL RGYAL GYIS GLANG PO CHE'I BSGO BA'I BLAR BSKOS PA DES, TSE DANG LDAN PA LEGS 'ONGS KYIS KLU DE BTUL BA THOS, DGA' BA'I DBANG DU BYAS PA'I ZAN LA DE'I KHYIM GZHAN DU BOS SO, ,DE NAS BRAM ZE DES TSE DANG LDAN PA LEGS 'ONGS BDE BAR 'DUG PAR RIG NAS, RANG GI LAG NAS KHA ZAS BSOD PAS TSIM PAR BYAS SO, ,BRAM ZE DES BSAMS PA, BTZUN PA LEGS 'ONGS KYIS KHA ZAS BSOD PA ZOS PAS 'JU BAR MI NUS SO SNYAM DU SHES NAS, TSE DANG LDAN PA LEGS 'ONGS LA 'DI SKAD CES SMRAS SO, ,BTZUN PA LEGS 'ONGS RTZAD NAN GSOL LAM, DES SMRAS PA 'THUNG NGO, ,BRAM ZES GLANG PO CHE'I CHANG GI NANG DU

, ,MDZUB MO BTZUGS TE SKOM GYI NANG DU KROG KROG DKRUGS NAS, TSE DANG LDAN PA LEGS 'ONGS LA PHUL LO, ,DRA BCOM PA DAG NI MA BSAMS PAR SHES PA DANG MTHONG BA MI 'JUG PAS TSE DANG LDAN PA LEGS 'ONGS KYIS DE 'THUNGS TE, YON BSHAD PA BYAS NAS STAN LAS LNGAS NAS SONG NGO, ,DE MNYAN YOD KYI SRANG RE LDES G-YOGS PA LAS THAL NAS, NYI MA'I 'OD ZER DAG GIS LUS LA PHOG PA DANG, RA RO NAS CHANG GIS MYOS PA'I SHUGS KYIS SA LA 'GYEL LO, ,SANGS RGYAS BCOM LDAN 'DAS RNAMS NI BSNYEL BA MI MNGA' BA'I CHOS NYID MNGA' BA YIN PAS; BCOM LDAN 'DAS KYIS DER LO MA MA YIN PA'I SBYIL BU ZHIG SPRUL PA MDZAD DE BKAB BO, ,DE NAS BCOM LDAN 'DAS DGE SLONG GI DGE 'DUN GYI 'KHOR DANG BCAS PA, KHYIM BDAG MGON MED ZAS SBYIN GYI KHYIM DAG TU GDUGS TSOD GSOL NAS, YON BSHAD PA MDZAD DE, GDAN LAS BZHENGS NAS GSHEGS TE PHYOGS DER BYON TE, DE NAS BCOM LDAN 'DAS KYI RDZU 'PHRUL MNGON PAR 'DU MDZAD PA DE BRTUL NAS, DGE SLONG RNAMS LA BKA' STZAL PA, DGE SLONG DAG 'DI NI GANG GIS KLU AA MRA'I CHU NGOGS PA BTUL BA'I DGE SLONG LEGS 'ONGS ZHES BYA BA YIN NA, DGE SLONG DAG 'DI JI SNYAM DU SEMS, DGE SLONG LEGS 'ONGS 'DIS DA LTAR SBRUL PHRUG KYANG THUL BAR NUS SAM, BTZUN PA RDO MI THOGS SO, ,DGE SLONG DAG DE LTAR NA NYES DMIGS 'DI DANG GZHAN DAG KYANG MYOS PAR 'GYUR BA 'THUNGS PA LAS 'BYUNG BAS, DGE SLONG NGA LA STON PA'O ZHES SMRA BA DE DAG GIS MYOS PAR 'GYUR BA THA NA RTZVA'I RTZE MOS BTUNG BAR MI BYA ZHING, BLUD PAR YANG MI BYA'O, ,DE NAS BCOM LDAN 'DAS KYIS TSE DANG LDAN PA LEGS 'ONGS SAD PAR MDZAD NAS BKA' STZAL PA, LEGS 'ONGS CI'I PHYIR 'DI LTAR GYUR, BCOM LDAN 'DAS MA BSAMS SO, ,BDE BAR GSHEGS PA MA BSAMS SO, ,DE NAS BCOM LDAN 'DAS GTZUG LAG KHANG DU GSHEGS TE BYON NAS, DGE SLONG GI DGE 'DUN GYI GUNG LA GDAN BSHAMS PA NYID LA BZHUGS NAS SNGA MA BZHIN DU, 'BRU'I CHANG DANG, BCOS PA'I CHANG MYOS PAR

'GYUR BA 'THUNGS NA LTUNG BYED DO ZHES BCA' BA MDZAD DE YUL NI MNYAN YOD, GANG ZAG NI TSE DANG LDAN PA LEGS 'ONGS, NYON MONGS PA NI BAG CHAGS MA BYANG BSAM BSAMS PA, NYES PA NI MYOS PAR 'GYUR BA 'THUNG BA'O, ,DE LA 'BRU'I CHANG ZHES BYA BA NI CHAN GYI BTUNG BA DANG, BABS KYI BTUNG BA'O, ,BCOS PA'I CHANG ZHES BYA BA NI, RTZA BA'I BTUNG BA DANG, SDONG BU'I BTUNG BA DANG, 'DAB MA'I BTUNG BA DANG, ME TOG GI BTUNG BA DANG, 'BRAS BU'I BA TUNG BA'O, ,DE DAG GNYI GA BSRES PA'I 'BRU'I CHAD DANG, BCOS PA'I CHANG ZHES BYA BA'O, ,MYOS PAR 'GYUR PA ZHES BYA BA NI 'THUNGS NA MYOS PAR 'GYUR BA'O, ,'THUNGS NA ZHES BYA BA NI MGUL DU MID NA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI DGE SLONG 'BRU'I CHANG DANG, BCOS PA'I CHANG MYOS PAR 'GYUR BA MA BSKOL BA DANG, 'BRU'I CHANG GI SPANG MA DANG, BCOS PA'I CHANG GI TSIGS MA MYOS PAR 'GYUR BA MGUL DU MID NA MYOS PAR 'GYUR BA 'THUNG BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI MYOS PAR 'GYUR BA 'THUNG BA NYID DO, ,'DI LA YAN LAG BZHIS DNGOS GZHI'I LTUNG BAR 'GYUR TE, MYOS PAR 'GYUR BA NYID DANG, DE NYAMS PAR MA BYAS PA NYID DANG, 'THUNG BA NYID DANG, MYOS PAR 'GYUR BA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,MYOS PAR 'GYUR BA 'THUNG BA'I LTUNG BYED DE BDUN CU DGU PA'O,, ,,DUS MA YIN PAR 'GRO BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YONG NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE TSE DANG LDAN PA 'CHAR KAS BRAM ZE'I BU MO ZHIG ,RGYAL BYED KYI TSAL DU GTZUG LAG KHANG BLTAR 'ONGS PA LA, KU RE BYAS PA'I GZHI LA BRTEN NAS, DA PHYIN CHAD BDAG 'KHOR BAR 'KHOR BA NA, NYON MONGS PA DE LTA BU DAG KUN DU SPYOD PAR MI 'GYUR BAR DE LTAR BYA'O SNYAM NAS, TSE DANG LDAN PA SH'A RI'I BU'I GAN DU SONG STE, CHOS BSTAN PAR GSOL PA DANG, DES DE LA 'DI DANG 'DI LTAR YID LA

, ,GYIS LA, BAG YOD PAR SGRUBS SHIG CES GDAMS NGAG BYIN NO, ,DE NAS TSE DANG LDAN PA 'CHAR KA ,GCIG PU DBEN PA BAG YOD PAR BRTUN PA DANG LDAN PA, BDAG NYID GTANG BAR GNAS PA NA, RIGS KYI BU DAG GANG GI PHYIR, SKRA DANG KHA SPU BREGS TE GOS NGUR SMRIG DAG BGOS NAS, YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG BAR BYED PA, TSANGS PAR SPYOD PA'I MTHA' BLA NA MED PA DE, TSE DE NYID LA RANG GI MNGON PAR SHES PAS MNGON SUM DU BYAS TE BA BSBRUBS NAS BDAG GI SKYE BA ZAD DO, TSANGS PAR SPYOD PA SPYAD DO, , BYA BA BYAS SO, ,SRID PA 'DI LAS GZHAN MI SHES SO ZHES GO BAR BYED CING, DGRA BCOM PA KHAMS GSUM PA LAS 'DOD CHAGS DANG BRAL BA, BONG BA DANG GSER DU MNYAM PA, NAM MKHA' DANG LAG MTHIL DU MTSUNGS PA'I SEMS DANG LDAN PA, TZAN DAN ZHAG LON PAR BZHAG PA LTA BU, RIG PAS SGO NGA'I SBUBS DRAL BAR GYUR CING RIG PA DANG, MNGON PAR SHES PA DANG, SO SO YANG DAG PAR RIG PA THOB PA, SRID PA DANG 'DOD PA'I RNYED PA DANG, BKUR STI LA RGYAB KYIS PHYOGS PA, DBANG PO DANG, NYE DBANG DANG BCAS PA'I LHA RNAMS KYIS MCHOD PAR BYA BA DANG, RJED PAR BYA BA DANG, MNGON DU SMRA BAR GYUR TO, ,DE NAS TSE DANG LDAN PA 'CHAR KA DGRA BCOM PA NYID THOB CING, RNAM PAR GROL BA'I DGA' BA DANG, BDE BA NYAMS SU MYONG BA NA 'DI SNYAM DU SEMS TE, BCOM LDAN 'DAS NI BDAG LA PHAN PAR MDZAD PA, LEGS PAR MDZAD PA STE, 'DI LTAR BCOM LDAN 'DAS DE NI BDAG GI SDUG BSNGAL GYI CHOS MANG PO DAG SEL BAR MDZAD PA, DGE BA'I CHOS MANG PO DAG SGRUB PAR MDZAD PA, SDIG PA MI DGE BA'I CHOS RNAM PA DU MA DAG SEL BAR MDZAD PA, DGE BA'I CHOS RNAM PA DU MA DAG SGRUB PAR MDZAD PA YIN NA, BDAG GIS CI ZHIG BYAS NA DES BDAG GIS BCOM LDAN 'DAS LA LAN BYAS PA DANG, NYE BAR BYAS PA DANG, RAB TU BYAS PAR 'GYUR SNYAM NAS, DES YANG BSAMS PA, SANGS RGYAS BCOM LDAN 'DAS RNAMS DKA' BA MDZAD PA BRGYA STONG DU MA DAG GIS BSKAL BA GRANGS MED PA GSUM GYIS PHA ROL TU BYIN PA DRUG YONGS SU RDZOGS PAR MDZAD NAS BLA NA MED

PA'I MKHYEN BA THUGS SU CHUD PA GANG YIN PA DE DAG THAMS CAD NI, SEMS CAN LA PHAN PA'I PHYIR YIN PAS, BDAG GIS KYANG SEMS CAN LA PHAN PAR BYA'O SNYAM MO, ,DES BSAMS PA, BCOM LDAN 'DAS KYIS KHYIM PA DAD PAR BYED PA RNAMS KYI MCHOG TU BSTAN PA 'GA' YOD SNYAM NA, DES CI TZAM NA MED PAR MTHONG NGO, ,SU LA LTOS SNYAM NA, BDAG NYID LA LTOS PAR MTHONG NAS LEGS KYIS, BDAG GIS STON PA'I THUGS LA DGONGS PA YONGS SU RDZOGS PAR BYA'O SNYAM NAS, DE MTHAR GYIS GDUL BA'I DON LA MNYAN YOD DU ZHUGS NAS BRAM ZE'I KHYIM DANG PO BCU PA NAS LNGA BRGYA LHAG TZAM GNYIS KA NAS BTUL CING BZHAG GO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA'I NYAN THOS KYI DGE SLONG GIS KHYIM PA DAD PAR BYED PA RNAMS KYI MCHOG NI 'DI LTA STE, DGE SLONG 'CHAR KA NAG PO 'DI YIN NO, ,DE NAS YANG TSE DANG LDAN PA 'CHAR KAS, MNYAN YOD NA BRAM ZE GSANG SNGAGS DAG GIS MI MA YIN PA DBANG DU BYAS NAS SHING RTA 'DREN DU 'JUG PA ZHIG DANG, GYAD STOBS RLOM PA ZHIG KYANG BTUL TE, DE GNYIS DGRA BCOM PA NYID THOB PAR BYAS NAS, KHYIM BDAG GI CHUNG MA GTUM MO'I MNA'AM, CHOM RKUN MA'I DMAG DPON LUS BRTEN PA MKHRANG PA DAM PA ZHIG DANG, 'DOD PA LA LOG PAR G-YEM PA ZHIG LA, TSE DANG LDAN PA 'CHAR KAS BUD MED DE 'DOD CHAGS SPYAD PA ZHIG YIN PAR SHES NAS, DES DE LA 'DOD CHAGS KYI BSNGAGS PA MA YIN PA BRJOD DO, ,DES BSAMS PA, 'PHAGS PA 'CHAR KA NI, GZHAN GYI SEMS LA MKHAS PA YIN PAS DES BDAG 'PHRIGS KYIS, GAL TE DE MA BSAD NA, DES BDAG GI KHYIM THAB LA BYAS SHING, DES BDAG LA GNOD PA BYED PAR 'GYUR DU 'ONG GIS, BDAG GIS BSAD DO SNYAM NAS, DES CHOM RKUN PA'I DMAG DPON DE LA DE BSOD CIG CES PA DANG CHOM RKUN PA'I DMAG DPON GYIS SMRAS PA, KHO BO DE MI GSOD DO, ,DE NI KO SA LA'I RGYAL PO GSAL RGYAL GYI CHUNG BO GROGS, BTZUN MO PHRENG LDAN MA'I SLOB DPON YIN PAS, KHO BO DE GSAD PAR GYUR NA, KHO BO RGYAL POS RGYA SKYEGS KYI KHANG PAR BCUG STE BSREGS PAS 'CHI BAR BYA DGOS PA GANG

, ,YIN PA DE LTA BU'I GNAS YOD PAR 'GYUR RO, ,DES SMRAS PA, GAL TE KHYOD DE GSOD NA DE LTA NA LEGS, GAL TE MI GSOD NA KHYOD PHYIN CHAD KHO MO'I KHYIM DU 'JUG PAR MI BYA'O, ,'DOD PA STEN PA DAG NI SDIG PA'I CHOS MI BYA BA CI YANG MED PAS, CHOM RKUN PA'I DMAG DPON DES SMRAS PA, GAL TE DE GZHAN GYI SEMS SHES PA LA MKHAS PA YIN NA, KHO BOS JI LTAR GSAD PAR BYA, DES SMRAS PA, THABS KYI RNAM PA ZHIG BYA'O ZHES DE DUS MA YIN PA'I TSE, TSE DANG LDAN PA 'CHAR KA'I GNAS SU MNGAG PA BTANG STE, BTZUN PA 'CHAR KA BDAG BRO 'TSAL BAR GYUR NA, KHYOD KYIS BDAG GZIGS PAR CI GNANG ZHES SPRING NGO, ,DGRA BCOM PA DAG NI MA BSAMS PAR SHES PA DANG MTHONG BA MI 'JUG PAS, TSE DANG LDAN PA 'CHAR KA YANG DUS MA YIN PAR ZHUGS TE, DE LA CHOS BSTAN PA BYAS NAS, DE PHYIR DBYUNG BAR BRTZAMS PA DANG, DES SMRAS PA, 'PHAGS PA BDAG KHYOD MTHONG NA GLO BA DGA', YUD TZAM ZHIG BZHUGS SU GSOL ZHES DES TSE DANG LDAN PA 'CHAR KA JI SRID KYIS SHIN TU NAM SROS PAR GYUR PA DE SRID DU BZUNG NAS, CHOM RKUN PA'I DMAG DPON YANG, RAL GRI SHUBS NAS PHYUNG STE SGO NA SDOD DO, ,DE NAS TSE DANG LDAN PA 'CHAR KA PHYIR BYUNG BA DANG, CHOM RKUN PA'I DMAG DPON SNYING RJE MED PA'I SEMS DANG LDAN PA, 'JIG RTEN PHA ROL BA TANG BA DES, TSE DANG LDAN PA 'CHAR KA'I MGO DRUNGS NAS BCAD DE SA LA BSGYEL LO, ,SNYING RJE MED PA'I SEMS DANG LDAN PA, 'JIG RTEN PHA ROL BTANG BA DE GNYIS KYIS, TSE DANG LDAN PA 'CHAR KA'I LUS DE PHYAG DAR GYI PHUNG PO ZHIG TU SBAS TE BZHAG GO, ,DE'I NYIN MO GSO SBYONG GI ZHAL TA BA RGAN PA'I MTHA' LOGS SU 'DUG STE, SMRAS PA 'GA' ZHIG GIS TSE DANG LDAN PA 'CHAR KA'I 'DUN PA BLANGS SAM, BTZUN PA 'CHAR KA MED DO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYIM PA DAD PAR BYED PA RNAMS KYI MCHOG DE NI BSAD KYIS, CHOS GOS DAG LONG SHIG DANG, DE'I LUS LA MCHOD PA BYA'O, ,BCOM LDAN 'DAS 'PHAGS PA DANG, JI TZAM NA MNYAN YOD KYI SGO BCAD NAS, BCOM

LDAN 'DAS KYIS GSER GYI KHA DOG LTA BU'I 'OD BTANG BA MDZAD PA DANG, DES MNYAN YOD THAMS CAD GSER BCO MA'I KHA DOG LTA BU'I 'OD KYIS SNANG BAR GYUR TO, ,KO SA LA'I RGYAL PO GSAL RGYAL GYIS DE MTHONG NAS, CI LAS GYUR SNYAM NA, BCOM LDAN 'DAS GSHEGS PAR BZHED GOR MA CHAG SNYAM NAS, DE BTZUN MO'I 'KHOR DANG BCAS PAS MNYAN YOD KYI LDE MIG KHYER NAS SGO PHYE BA DANG, BCOM LDAN 'DAS MNYAN YOD DU GSHEGS SO, ,SANGS RGYAS BCOM LDAN 'DAS RNAMS NI BSNYEN PAR DKA' BA DANG, BZOD PAR DKA' BA YIN PAS, DES SANGS RGYAS BCOM LDAN 'DAS LA ZHU BAR MA NUS SO, ,BCOM LDAN 'DAS DGE SLONG GI DGE 'DUN DANG BCAS PA MDUN DU GSHEGS NAS, KO SA LA'I RGYAL PO GSAL RGYAL BTZUN MO 'KHOR DANG BCAS PA, SLAD BZHIN DU RJES SU 'BRANG ZHING SONG BA DANG, JI TZAM NA PHYAG DAR GYI PHUNG PO DE'I PHYOGS DER BYON TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYIM PA DAD PAR BYED PA RNAMS KYI MCHOG DE 'DIR SBAS KYIS PHYUNG SHIG ,DE PHYUNG BA DANG, DE NA GANG DAG TSE DANG LDAN PA 'CHAR KA LA BRTEN NAS 'PHAGS PA'I BDEN PA DAG MTHONG BA DE DAG GIS GSOL PA, 'DI BDAG GCAG GI DGE BA'I BSHES GNYEN LAGS NA, BCOM LDAN 'DAS KYIS BDAG CAG 'DI'I LUS LA MCHOD PA BGYI BAR CI GNANG, BCOM LDAN 'DAS KYI SA MA GNANG NGO, ,KO SA LA'I RGYAL PO GSAL RGYAL GYIS GSOL PA, 'DI BDAG GI CHUNG PO GROGS LAGS NA, BCOM LDAN 'DAS KYIS BDAG 'DI'I LUS LA MCHOD PA BGYI BAR CI GNANG, BCOM LDAN 'DAS KYIS MA GNANG NGO, ,BTZUN MO PHRENG LDAN MAS GSOL PA, 'DI BDAG GI SLOB DPON LAGS NA, BCOM LDAN 'DAS KYIS BDAG 'DI'I LUS LA MCHOD PA BGYI BAR CI GNANG, BCOM LDAN 'DAS KYIS GNANG NGO, ,DE NAS BTZUN MO PHRENG LDAN MAS, TSE DANG LDAN PA 'CHAR KA'I LUS DES DKAR GYIS DRIL PHYI BYED DU BCUG NAS, SPOS CHUS 'KHRUR BCUG STE, RAS KHA DOG SNA TSOGS DAG GIS KHYOGS SPYIL BCAS NAS DER BCUG STE BZHAG GO, ,DE NAS BCOM LDAN 'DAS MNYAN YOD KYI DGE 'DUN DANG BCA'

, ,PA MDUN DU GSHEGS NAS, RGYAL PO BTZUN MO'I 'KHOR DANG BCAS PA DE'I PHYIR BZHIN DU RJES SU 'BRANG ZHING SONG STE, SA PHYOGS GO SKABS YANGS PA ZHIG TU BZHAG NAS, BTZUN MO PHRENG LDAN MAS SPOS KYI SHING THAMS CAD KYI PHUNG POR BCER TE BSREG PA NAS ME'I PHUNG PO DE'O MAS ZHI BAR BYAS TE, RUS PA DE DAG GSER GYI BUM PAR BCUG NAS LAM PO CHE'I BZHI MDOR LUS KYI MCHOD RTEN RTZIG DU BCUG STE, GDUGS DANG, RGYAL MTSAN DANG, BA DAN DAG BSGRENG ZHING, DRI DANG, PHRENG BA RGYU DANG, BDUG SPOS DANG, PHYE MA DANG, SIL SNYAN DAG GIS MCHOD PA BYAS TE; RKANG PA GNYIS LA PHYAG 'TSAL NAS, BCOM LDAN 'DAS KYIS YON BSHAD PA MDZAD DE GSHEGS SO, ,DE NAS BCOM LDAN 'DAS GTZUG LAG KHANG DU BYON NAS, DGE SLONG GI DGE 'DUN GYI GUNG LA GAD NA BSHAMS PA NYID LA BZHUGS NAS, DGE SLONG RNAMS LA BKA' STZAL PA, DGE SLONG DAG NYES DMIGS 'DI DANG GZHAN DAG KYANG DGE SLONG DAG DUS MA YIN PAR GRONG DU 'JUG PA LAS GYUR PAS, DGE SLONG GIS DUS MA YIN PAR GRONG DU 'JUG PAR MI BYA'O, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DUS MA YIN PAR GRONG DU 'JUG CING, DGE SLONG 'DUG PA LA MI SMRA NA, DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI TSE DANG LDAN PA 'CHAR KA ,NYON MONGS PA NI BAG CHAGS MA BYANG BAS MA BSAMS PA, NYES PA NI DUS MA YIN PAR GRONG DU 'JUG PA'O, ,DE LA YANG DGE SLONG GANG ZHES BYA BA NI CHOS 'DI PA'AM, GZHAN YANG DE LTA BU GANG YIN PA'O, ,DUS MA YIN PAR ZHES BYA BA NI, DUS MA YIN PA GNYIS TE, SKYA RENGS MA SHAR BA DANG, PHYED YOL BAR RO, ,GRONG DU ZHES BYA BA NI GANG NAS SRANG DANG BZHI MDO DANG, SUM MDO DAG YOD PAR RO, ,'JUG CING ZHES BYA BA NI 'GRO ZHING NGO, ,DGE SLONG 'DUG PA LA MI SMRA NA ZHES BYA BA NI DE NA DGE SLONG GANG 'DUG PA LA'O, ,DE 'DRA BA'I RKYEN MA GTOGS TE ZHES BYA BA NI GLENG GZHI LAS, DGE SLONG 'DUG PA LA SMRA BAR BYA BA DE SRID DU DE'I LHUNG BZED DANG, CHOS GOS TSIG PAR GYUR PA DE 'DRA BA'I RKYEN

BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI DGE SLONG BRTAD PA'I BYA BA MA BYUNG BA DANG, RDZU 'PHRUL GYIS 'GRO BA MA GTOGS PAS, DGE SLONG NGAM, DE MED NA DGE SLONG MA'AM, DE MED NA DGE TSUL LAM, DE MED NA DGE TSUL MA 'KHOD PA LA MA SMRAS PAR RANG GI PHYED YOL NAS SKYA RENGS MA SHAR BA'I BAR GYI DUS MA YIN PAR KHYIM PA'I GRONG GZHAN DU ZHUGS NA, DUS MA YIN PAR 'GRO BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DUS MA YIN PA NYID LA, DGE SLONG 'KHOD PA LA MA SMRAS PA DANG, BRTAD PA'I BYA BA MA BYUNG BA DANG, RDZU 'PHRUL GYIS 'GRO BA MA GTOGS PA'I 'DU SHES GTZO CHER BYED PA PO NYID YIN NO, ,'DI LA YAN LAG BDUN GYIS DNGOS GZHI'I LTUNG BAR 'GYUR TE, DUS MA YIN PA NYID DANG, DER 'DU SHES PA NYID DANG, DGE SLONG 'KHOD PA LA MA SMRAS PA NYID DANG, BRTAD PA'I BYA BA MA BYUNG BA NYID DANG, RDZU 'PHRUL GYIS 'GRO BA MA GTOGS PA NYID DANG, KHYIM PA'I GRONG NYID DANG, DER ZHUGS PA NYID DO, ,DE DAG LAS YAN LAG MTSANG NA CI RIGS PAR NA SMAD DO, ,DUS MA YIN PAR 'GRO BA'I LTUNG BYED DE BRGYAD CU PA'O,, ,,SDOM LA, ZAS BCAS SKYA RENGS DAG DOD DANG, ,KHAB RAL DANG NI KHRI RKANG DANG, ,BDAL DANG GDING BA G-YAN BA DANG, ,RAS CHEN BDE GSHEGS CHOS GOS SO, ,ZHES BYA BA NI, BCU PA DGU PA YIN TE, SDOM LA ZHES BYA BA'I TSIG GI DON DANG DGOS PA NI SNGA MA BZHIN NO, ,BCU PA DGU PA 'DIS KYANG LTUNG BYED KYI CHOS BCU BSTAN TE, GRONG DU RGYU BA DANG, RGYAL PO'I PHO BRANG DU NUB MO 'GRO BA DANG, BSLAB PA'I GZHI'I DNGOS PO KHYAD DU GSOD PA DANG, KHAB RAL 'CHOS PA DANG, KHRI RKANG 'CHOS PA DANG, SHING BAL GYIS GOS PAR BYAS PA DANG, GDING BA LAS GYUR PA DANG, G-YAN PA DGAB PA LAS GYUR PA DANG, DBYAR GYI RAS CHEN LAS GYUR PA DANG, BDE BAR GSHEGS PA'I CHOS GOS KYI TSAD LAS GYUR PA'I LTUNG BYED DO, ,DE LA GRONG DU RGYU BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA

, ,NA BZHUGS SO, ,MNYAN YOD NA KHYIM BDAG CIG 'DUG PA, DE'I KHYIM DU NYE DGA' DUS DANG DUS SU 'GRO ZHING, DES SKYABS SU 'GRO BA DANG, BSLAB PA'I GZHI DAG LA BZHAG GO, ,DUS GZHAN ZHIG NA DES DE LA RDZAS LAS BYUNG BA'I BSOD RNAMS BYA BA'I GZHI 'DUN PO DAG GI BSNGAGS PA RGYA CHER BRJOD PA DANG, DES SANGS RGYAS LA SOGS PA DGE SLONG GI DGE 'DUN GDUGS TSOD GSOL BAR BRTZAMS NAS, DES SMRAS PA, 'PHAGS PA KHYOD KYIS BDAG GI MING GIS SANGS RGYAS LA SOGS PA DGE SLONG GI DGE 'DUN SANG BDAG GI SDUM PAR GDUGS TSOD LA SPYAN DRANG BA'I RIGS SO, ,DES DANG DU BLANGS NAS DE BZHIN DU SPYAN DRANGS SO, ,CHOS NYID KYIS NA GANG GI NGOR DGE SLONG GI DGE 'DUN SPYAN DRANGS PA DE DUS SNGAR 'GRO BA YIN PAS, TSE DANG LDAN PA NYE DGA' DUS SNGAR DER SONG NAS, DES KHYIM BDAG DE LA SMRAS PA, KHYIM BDAG KHO BO SBYIN BDAG GI KHYIM DAG LTA BA'I BAR DU, KHYED RE ZHIG ZAS STA GON GYIS SHIG ,KHO BO MA 'ONGS PA'I BAR DU YANG KHYED KYIS RE ZHIG BRIM PAR MI BYA'O ZHES SMRAS TE SONG NGO, ,DE NAS BCOM LDAN 'DAS DGE SLONG GI DGE 'DUN DANG BCAS PA YANG, DES MA BSKUL BAR, SNGAR KHYIM BDAG DE'I KHYIM GAL BA DER GSHEGS TE SGO DRUNG NA GZHES SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA KHYIM BDAG DE LA CI BDER GYIS SHIG CES BSGO BA DANG, KHYIM BDAG DES SMRAS PA, 'PHAGS PA BDAG GIS KHYED CAG GI CI BDER CI LEGS MA 'TSAL GYIS, 'DI LTAR KHYED CAG KHO NA'I SLAD DU GDAN DAG BSHAMS KYIS BZHUGS SU GSOL, TSE DANG LDAN PA KUN DGA' BOS BCOM LDAN 'DAS LA DE SKAD CES GSOL PA DANG, BCOM LDAN 'DAS KYIS BKA' STZAL PA, GAL TE DE SKAD ZER NA KHYED CAG KHO NA'I PHYIR STAN DAG BSHAMS PAS CI BDER BYAS PAR BRJOD PAR BYA STE, 'DUG PAR BYA ZHING 'DI LA 'GYOD PAR MI BYA'O, ,SANGS RGYAS LA SOGS PA DGE SLONG GI DGE 'DUN BZHUGS PA DANG, JI TZAM NA GDUGS TSOD LA BAB TU NYE NA, BCOM LDAN 'DAS KYIS TSE DANG LDAN PA KUN DGA' BO LA KHYIM BDAG DE LA GDUGS TSOD LA BAB DU

NYES; ZHAL ZAS BRIMS SHIG ,ZAS 'DIS KHYOD LA CI BYA ZHES BYA BA BSGO BA DANG, KHYIM BDAG GIS SMRAS PA, 'PHAGS PA NYE DGA' MCHI BA'I BAR DU YUD TZAM ZHIG GZHES SU GSOL, TSE DANG LDAN PA KUN DGA' BOS, BCOM LDAN 'DAS LA DE SKAD CES GSOL PA DANG, BCOM LDAN 'DAS KYIS YUD TZAM ZHIG GZHES NAS, YANG TSE DANG LDAN PA KUN DGA' BOS, KHYIM BDAG DE LA GDUGS TSOD LA BAB KYIS ZHAL ZAS BRIMS SHIG ,ZAS RUL PAR GYUR PA 'DIS KHYOD LA CI BYA ZHES BSGO BA DANG, KHYIM BDAG GIS SMRAS PA, 'PHAGS PA NYE DGA'AM MCHI BAR DU YUD TZAM ZHIG GZHES SU GSOL, TSE DANG LDAN PA KUN DGA' BOS, BCOM LDAN 'DAS LA DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA KHYIM BDAG DE LA NYE DGA' 'ONGS PAR MA GYUR NA ZAN SBYIN PAR MI BYED DAM ZHES SMRAS PA DANG, KHYIM BDAG DES SMRAS PA, 'PHAGS PA MI GSOL LO, ,TSE DANG LDAN PA KUN DGA' BOS BCOM LDAN 'DAS LA DE SKAD CES GSOL PA DANG, DE NAS BCOM LDAN 'DAS KYIS DE'I TSE TSIGS SU BCAD PA BKA' STZAL PA, GZHAN DBANG THAMS CAD SDUG BSNGAL TE, ,BDAG DBANG THAMS CAD BDE BA YIN, ,THUN MONG DAG GIS GNOD BYED DO, ,'BREL PA SHIN DU 'DA' BAR BKA', ,CI TZAM NA GDUGS TSOD KYI MTHA' LA BAB PA NA, NYE DGA' 'ONGS NAS DES SMRAS PA, ,KHYIM BDAG MI 'BRIM PAR CI GDONG, ,DES SMRAS PA, 'PHAGS PA KHYOD KYI ZHAL NAS, KHO BO MA 'ONGS KYI BAR DU RE ZHIG BRIM PAR MI BYA'O ZHES BYUNG LA DE SKAD CES MI GSUNG NGAM, NYE DGA' SHAGS MED NAS CANG MI SMRA BAR 'DUG GO, ,DE NAS KHYIM BDAG DES BRIM PAR BRTZAMS PA DANG, JI TZAM NA GDUGS TSOD YOL NAS, DGE SLONG KHA CIG GIS NI ZAS THOB NAS ZAN GCAD PA BYAS, KHA CIG GIS NI ZAN MA THOB PA KHO NAR ZAN GCAD PA BYAS NAS, BCOM LDAN 'DAS KYIS YON BSHAD PA MDZAD DE GSHEGS SO, ,NYE DGA' NGO TSA BAR GYUR PA'I SNYING GIS DE NYID DU 'DUG GO, ,DE'I NYIN MO GSO SBYONG GI ZHAL TA BA RGAN PA'I MTHA' LOGS SU 'DUG STE, DGE SLONG RNAMS LA YANG DAG PAR BSGO ZHING SMRAS PA, BTZUN PA NYE

, ,DGA' MA MCHIS SAM, 'GA' ZHIG GIS DE'I 'DUN PA BLANGS SAM, DGE SLONG RNAMS KYIS SMRAS PA, DE MA 'ONGS TE SUS KYANG DE'I 'DUN PA YANG MA BLANGS SO, ,DGE SLONG GZHAN DAG GIS SMRAS PA, TSE DANG LDAN PA NYE DGA' BDAG CAG SNGA DRO ZANG ZING GI CHED LA THO BTZAMS LA; DA NI CHOS KYI CHED LA THO BTZAMS PAR BYED DO ZHES ZER NAS, DGE SLONG DON NYUNG DU NGAG CI'I PHYIR DGE SLONG DAG ZAS DANG BCAS PA'I KHYIM DU MGRON DU BOS NAS SNGA DRO DANG PHYI DRO KHYIM DAG TU RGYU BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG ZAS DANG BCAS PA'I KHYIM DU MGRON DU BOS NAS, SNGA DRO DANG PHYI DRO DAG KHYIM DAG TU RGYU ZHING KHYIM PA 'DUG PA LA MI BSGO NA, DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI RANG NYAMS KYIS KUN DU SPYOD PA, NYES PA NI ZAS DANG BCAS PA'I KHYIM DU MGRON DU BOS NAS, SNGA DRO DANG PHYI DRO DAG KHYIM DAG TU RGYU ZHING, DGE 'DUN GYI ZANG ZING GI BAR CHAD BYAS PA DANG, PHYI GRO KHYIM DAG TU RGYU BAS DGE 'DUN GYI CHOS KYI BAR CHAD BYAS PA'O, ,DE LA YANG DGE SLONG GANG ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,ZAS DANG BCAS PA'I ZHES BYA BA NI, MGRON DU BOS PA DANG BCAS PA'O, ,KHYIM DU ZHES BYA BA NI BRAM ZE DANG KHYIM BDAG GI KHYIM DU'O, ,MGRON DU BOS NAS ZHES BYA BA NI BSOD SNYOMS KYI PHYIR RO, ,SNGA DRO ZHES BYA BA NI SNGA DRO NYID DE KHYIM GNYIS LAS LHAG PAR RGYU NA'O, ,PHYI DRO ZHES BYA BA NI PHYI DRO NYID DE KHYIM GSUM LAS LHAG PAR RGYU NA'O, ,KHYIM DAG TU ZHES BYA BA NI BRAM ZE DANG KHYIM BDAG GI KHYIM DAG TU'O, ,RGYU ZHING ZHES BYA BA NI 'GRO ZHING NGO, ,KHYIM PA LA MI BSGO NA ZHES BYA BA NI, DE NA KHYIM PA GANG 'DUG PA LA'O, ,DE 'DRA BA'I RKYEN MA GTOGS TE ZHES BYA BA NI GLENG GZHI LAS KHYIM PA 'DUG PA LA BSGO BAR MI BYED PA DE SRID DU, DE'I LHUNG BZED DANG CHOS GOS TSIG PAR GYUR PA DE 'DRA BA'I RKYEN BZHAG

STE'O, ,LTUNG BYED DO ZHES BYA BA NI SEMS CAN DMYAL BA DANG, DUD 'GRO DANG, YI DAGS NGAN SONG DANG, NGAN 'GRO LOG PAR LTUNG BA DAG TU SRED PAR BYED, 'TSOD PAR BYED, LTUNG BAR BYED PA'O, ,GZHAN YANG JI SRID DU LTUNG BA DE MA BSHAGS SHING SO SOR MA BSHAGS NA, DGE BA'I CHOS RNAMS LA SGRIB PAR BYED PA STE, DES NA LTUNG BYED DO ZHES GSUNGS SO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DE'I TSIG GIS DGE 'DUN ZAS DANG BCAS PA NI KHYIM DU SPYAN DRANGS PA NA, SBYIN BDAG LA KHO BO MA 'ONGS PA'I DBANG GIS BRIM PA YOL BAR MA BYA SHIG CES MA BSGO BA DANG, BRTAD PA'I DBANG MA GTOGS PAR KHYIM GSUM PA LA SOGS PAR RGYU BA DANG, GUNG TSIGS LAS YOL BA'I DUS MA YIN PAR DGE SLONG 'KHOD PA LA SMRAS SU ZIN KYANG BRTAD PA'I BYA BA MA BYUNG BAR KHYIM BZHI LA SOGS PAR 'GRO NA KHYIM GSUM PA DANG, BZHI PA DANG LNGA PA LA SOGS PA DANG, KHYIM BZHI PA DANG, LNGA PA DANG, DRUG PA LA SOGS PAR RE RER PHYIN PA NA, GRONG RGYU BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, SNGA DRO LA NI KHYIM GSUM PA LA SOGS PA NYID DANG, KHYIM PA 'KHOD PA LA MA BSGO BA DANG, BRTAD PA'I BYA BA MA BYUNG BA NYID DO, ,'DI LA YAN LAG NI SNGA DRO LA NI LNGAS DNGOS GZHI'I LTUNG BAR 'GYUR TE, SNGA DRO NYID DANG, DE'I TSIG GIS DGE 'DUN SPYAN DRANGS PA NYID DANG, SBYIN BDAG LA KHO BO MA 'ONGS PA'I DBANG GIS BRIM PA YOL BAR MA BYAS SHIG CES MA BSGO BA NYID DANG, BRTAD PA'I BYA BA MA BYUNG BA NYID DANG, KHYIM GSUM PA LA SOGS PAR SON PA NYID DO, ,PHYI DRO LA NI YAN LAG GSUM GYIS DNGOS GZHI'I LTUNG BAR 'GYUR TE, PHYIR DRO NYID DANG, BRTAD PA'I BYA BA MA BYUNG BA NYID DANG, KHYIM BZHI PA LA SOGS PAR SON PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,GRONG DU RGYU BA'I LTUNG BYED DE BRGYAD CU GCIG PA'O,, ,,SO SOR THAR PA'I MDO'I GZHUNG 'GREL, BAM PO BCO BRGYAD PA, RGYAL PO'I PHO BRANG DU NUB MO 'GRO BA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL

, ,MGON MED ZAS SBYIN GYI KUN DGA' RA BA NA BZHUGS SO, ,DE NAS BCOM LDAN 'DAS KYIS TSE DANG LDAN PA MOD GAL GYI BU CHEN PO LA BKA' STZAL PA, KLU'I RGYAL PO DGA' BO DANG NYE DGA' GNYIS BTUL NAS, KO SA LA'I RGYAL PO GSAL RGYAL GYIS DE LA BRTEN NAS BCOM LDAN 'DAS DGE SLONG GI DGE 'DUN DANG BCAS PA RGYAL PO'I PHO BRANG DU ZHAG BDUN GYI BAR DU GDUGS TSOD GSOL TE, DE'I TSE NA MNYAN YOD NA KHYIM BDAG NGAN PA BZANG BYIN DANG, KHYIM BDAG SDUMS BYED DANG, KHYIM BDAG TSUL KHRIMS TSONG DPON DANG, RGYAL BU NAG PO RNAMS KYIS BCOM LDAN 'DAS LA CHOS MNGON PA DANG, 'DUL BA MNGON PA'I ZHU BA ZHUS NAS, BCOM LDAN 'DAS KYIS DE DAG LA GONG NAS GONG DU BKA' LAN STZAL PA DANG, KO SA LA'I RGYAL PO GSAL RGYAL YANG DE DAG GI GDONG DU LTA ZHING 'DUG STE, DES YUD TZAM ZHIG CHOS DANG LDAN PA'I GTAM MNYAN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE STAN LAS LANGS TE SONG NGO, ,DE BTZUN MO'I 'KHOR GYI NANG DU ZHUGS NAS BTZUN MO PHRENG LDAN MA LA SMRAS PA, PHRENG LDAN MA DENG KHYIM BDAG NGAN PA BZANG BYIN DANG, KHYIM BDAG SDUMS BYED DANG, KHYIM BDAG TSUL KHRIMS TSONG DPON DANG, RGYAL BU NAG PO RNAMS KYIS BCOM LDAN 'DAS LA CHOS MNGON PA DANG, 'DUL BA MNGON PA'I ZHU BA ZHUS NAS, BCOM LDAN 'DAS KYIS KYANG DE DAG LA GONG NAS GONG DU BKA' LAN STZAL PA DANG, NGA YANG DE DAG GI GDONG DU LTA ZHING KHA ROG PAR 'DUG 'DUG NAS LANGS TE SONG NGO, ,PHRENG LDAN MAS SMRAS PA, LHA KHYOD KYIS KYANG CI'I SLAD DU BCOM LDAN 'DAS LA MA ZHUS, PHRENG LDAN MA NGA NI THOS PA NYUNG BA YIN LA, DE DAG NI THOS PA MANG BA YIN PA SANGS CI ZHIG ZHUR YOD, LHA KHYOD KYANG CI'I SLAD DU SANGS RGYAS KYI BKA' KLOG PAR MI MDZAD, PHRENG LDAN MA NGA RGYAL PO'I BYA BA DANG, RGYAL PO'I BYED PA DAG LA RTAG TU BRAL BAS JI LTAR KLOG, ,GAL TE KHYOD 'GA' ZHIG LAS SANGS RGYAS KYI BKA' KLOG NA, NGAS MTSAN MO KHYOD LAS BKLAG PAR BYA'O, ,LHA DE LTAR BGYI'O, ,RGYAL POS BTZUN MO RGYAL RIGS DBYAR TSUL MA'I SLOB DPON DU NI, TSE DANG LDAN PA SH'A RI'I BU GNYER, BTZUN MO PHRENG LDAN MA'I

SLOB DPON DU NI, TSE DANG LDAN PA 'CHAR KA GNYER TE, DE GNYIS KYIS DE DAG KLOG TU 'JUG PA NA, TSE DANG LDAN PA SH'A RI'I BU NI DUS SHES PA DANG, DUS RIG PA YIN PAS, DE DUS SU SONG NAS, RGYAL RIGS DBYAR TSUL MA KLOG TU 'JUG GI DUS MA YIN PAR MI 'GRO'O, ,TSE DANG LDAN PA 'CHAR KA NI DUS MI SHES PA DANG, DUS MA YIN PAS DUS SU YANG SONG STE PHRENG LDAN MA KLOG TU 'JUG LA, DUS MA YIN PAR YANG 'GRO'O, ,JI TZAM NA DUS GZHAN ZHIG NA KO SA LA'I RGYAL PO GSAL RGYAL RI BRAGS GZHAN ZHIG TU BYA BA CUNG ZHIG BYUNG NAS, DE'I MTSAN MO NYID DU LANGS TE DER 'PHAGS PA DANG, TSE DANG LDAN PA 'CHAR KA GLANG PO CHE'I SGRA DANG, RTA'I SGRA DANG, DUNG GI SGRA DAG GIS SAD NAS, DES BSAMS PA, BTZUN MO PHRENG LDAN MA LA BZLAS PA SBYIN DU 'GRO'O SNYAM NAS, RGYAL PO'I PHO BRANG GI SGOR SONG STE, NANG DU ZHUGS PA NA, BTZUN MO PHRENG LDAN MA GNYID LOG CING 'DUG STE, DES SE GOL GYI SGRAS DE BSLANG BA DANG, DES DE'I RKANG PA LA PHYAG 'TSAL TE, BTZUN MO'I 'KHOR LA 'OS PA'I GOS DAG BRJES NAS GOS STUG PO DAG GYON TE 'DUG PA DANG, TSE DANG LDAN PA 'CHAR KA SA DE LA BZLAS PA BYIN NAS, KHUNG GZHAN YANG PHOG PA DANG, BTZUN MO PHRENG LDAN MAS; BZA' BA DANG, BCA' BA GTZANG ZHING BSOD PAS LHUNG BZED BKANG STE PHUL LO, ,TSE DANG LDAN PA 'CHAR KAS DE BLANGS TE PHYIR BYUNG BA DANG, TSE DANG LDAN PA SH'A RI'I BU NANG DU 'JUG PA DANG PHRAD NAS, DES SMRAS PA, DON NYUNG NGU KHYOD KYIS BRTZON 'GRUS 'DI LTA BUS ZAG PA ZAD PAR BYAS SAM, CIN KHYOD DA GZOD 'ONG, KHO BOS NI BZLAS PA BYIN NAS, LUNG GZHAN YANG PHOG STE, KHO BO BCA' BA DANG, BZA' BA GTZANG ZHING BSOD PAS LHUNG BZED BKANG PA 'DI YANG THOB BO, ,TSE DANG LDAN PA SH'ARI'I BUS SMRAS PA, DE'I PHYIR KHYOD DRUG SDE YIN NO ZHES ZER NAS, DGE SLONG DON NYUNG NGU DAG CI'I PHYIR, DGE SLONG DAG NAM MA LANGS SKYA RENGS MA SHAR RIN PO CHE DAG GAM, RIN PO CHER SMOS PA DAG MA BSDUS PAR, RGYAL PO RGYAL RIGS SPYI BOR DBANG BSKUR BA'I SGO GTAN NAM, SGO GTAN GYI NYE 'KHOR LAS 'DA' BAR BYED CES SMOD PAR BYED, PHYAR KA GTONG BAR BYED, KHA ZER BAR

, ,BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG NAM MA NANGS, SKYA RENGS MA SHAR, RIN PO CHE DAG GAM, RIN PO CHER SMOS PA DAG MA BSDUS PAR RGYAL PO RGYAL RIGS SPYI BOR DBANG BSKUR BA'I SGO GTAN NAM, SGO GTAN GYI NYE 'KHOR LAS 'DA' NA DE 'DRA BA'I RKYEN MA GTOGS TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI 'CHAR KA ,NYON MONGS PA NI DUS MA SHES PA, NYES PA NI RGYAL PO'I PHO BRANG DU NUB MO 'GRO BA'O, ,YANG DGE SLONG GANG ZHES BYA BA NI 'CHAR KA'AM, GZHAN YANG DE LTA BU GANG YIN PA'O, ,NAM MA NANGS ZHES BYA BA NI NAM NAGS PAR MA GYUR PA'O, ,SKYA RENGS MA SHAR ZHES BYA BA LA, SKYA RENGS NI GSUM STE, SKYA RENGS DANG PO DANG, SKYA RENGS BAR MA DANG, SKYA RENGS THA MA'O, ,DE LA SKYA RENGS DANG PO NI SNGON POR SNANG BA'O, ,SKYA RENGS PAR MA NI SER POR SNANG BA'O, ,SKYA RENGS THA MA NI DMAR POR SNANG BA STE, 'DIR SKYA RENGS THA MA YIN PAR DGONGS SO, ,MA SHAR ZHES BYA BA NI MA BYUNG BA'O, ,RIN PO CHE DAG CES BYA BA LA, RIN PO CHE DAG CES BYA BA NI, NOR BU DAG DANG, MU TIG DAG DANG, BEE d'URYA DAG DANG, SHANG KA SHI LA DAG DANG, BYI RU DAG DANG, GSER DAG DANG, DNGUL DAG DANG, RDO'I SNYING PO DAG DANG, SPUG DAG DANG, DMAR PO DAG DANG, G-YAS SU 'KHYIL PA DAG GO, ,RIN PO CHER SMOS PA DAG CES BYA BA NI, G-YUL NGOR SPYAD PA'I MTSON CHA THAMS CAD DANG, ROL MOR SPYAD PA'I CHA SPYAD THAMS CAD DO, ,MA BSDUS PAR ZHES BYA BA NI MA BRTUL BAR RO, ,RGYAL PO RGYAL RIGS SPYI BO NAS DBANG BSKUR BA ZHES BYA BA NI 'DI LTA STE, BUD MED RGYAL RIGS LA DBANG BSKUR BAS DBANG BSKUR BAR GYUR NA, DE YANG RGYAL PO RGYAL RIGS SPYI BOR DBANG BSKUR BA YIN LA, RGYAL RIGS DANG, BRAM ZE'I RIGS DANG, RJE'U'I RIGS DANG, DMANGS RIGS RGYAL SRID LA DBANG BSKUR BAS DBANG BSKUR BAR GYUR NA, DE YANG RGYAL PO RGYAL RIGS SPYI BOR DBANG BSKUR BA YIN LA, SGO GTAN NAM ZHES BYA BA NI SGO GTAN NI RNAM PA GSUM STE, GRONG KHYER GYI SGO GTAN DANG, RGYAL PO'I PHO BRANG GI SGO GTAN DANG, BTZUN MO'I 'KHOR GYI SGO GTAN DANG, SGO GTAN GYI NYE

'KHOR LAS ZHES BYA BA NI DE'I DRUNG LAS SO, ,'DA' NA ZHES BYA BA NI 'GRO NA'O, ,DE 'DRA BA'I RKYEN MA GTOGS TE ZHES BYA BA NI, GLENG GZHI LAS BTZUN MOD PA LA LDAN 'DUL PA'I DBANG DU BYAS NAS, TSE DANG LDAN PA SH'A RI'I BUS BSAMS PA, 'DI LTAR BCOM LDAN 'DAS KYIS MA GNANG MOD KYI 'DI NYID RKYEN DU MDZAD NAS GNANG BAR 'GYUR BA GANG YIN PA DE LTA BU'I GNAS YOD PAR 'GYUR RO SNYAM NAS, DE 'DUL BA LA LTOS PAS DE NYID DU 'DUG GO ZHES BYA BA DE 'DRA BA'I RKYEN DU BZHAG STE'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG RGYAL PO DANG BTZUN MO DANG, GZHON NU DANG, ZHANG BLON DANG, BAR CHAD DANG GDUL BA'I DBANG MA GTOGS PAR BTZUN MO'I 'KHOR 'DUG PA'I GNAS SAM, RGYAL PO'I PHO BRANG GI GNAS DANG, BDAG NYID 'GRO BAR 'BREL BA'I GNAS SKABS DER SKYA RENGS THA MA MA SHAR CING NAM MA NANGS PAR SHES BZHIN DU, BTZUN MO DE'I SGO BCAD PA LA NI PHYI ROL GYI NYE 'KHOR 'OBS LA SOGS PA'I NANG ROL GYI NGOS LAS 'DAS PA DANG, SGO MA BCAD PA LA SGO 'PHAR NAS NANG ROL DU SGO GTAN GYI SRID KYI NYES 'GYUR LAS 'DAS NA SBYOR BA THA DAD PAS MTSAN MO RE RE LA MTSAN MO'I SKYA RENGS 'CHAR BA'I MTHA' LA BSDAD MI DGOS PAR NAM SON PA'I MOD NYID LA, RGYAL PO'I PHO BRANG DU NUB MO 'GRO BA'I LTUNG BYED KYI DNGOS GZHIR 'GYUR RO, ,'DI'I BYED PA PO NI DGE SLONG RGYAL PO DANG, BTZUN MO DANG, GZHON NU DANG, ZHANG BLON DANG, BAR CHAD DANG, 'DUL BA'I DBANG GIS 'GRO BA MA GTOGS PA DANG, BTZUN MO'I 'KHOR 'DUG PA'I GNAS SAM, RGYAL PO'I PHO BRANG NA 'DUG PA'I GNAS DANG, BDAG NYID 'GRO BAR 'BREL PA NYID KYI GNAS SKABS DES NAM MA NANGS PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG RGYAL PO DANG, BTZUN MO DANG, GZHON NU DANG, ZHANG BLON DANG, BAR CHAD DANG, 'DUL BA'I DBANG GIS 'GRO BA MA GTOGS PA NYID DANG, BTZUN MO'I 'KHOR 'DUG PA'I GNAS SAM, RGYAL PO'I PHO BRANG GI GNAS GANG YANG RUNG BAR BDAG NYID 'BREL PAR 'GRO BA NYID DANG, DE'I GNAS SKABS NA SKYA RENGS THA MA MA SHAR CING NAM MA NANGS

, ,PA NYID DANG, DER 'DU SHES PA NYID DANG, DE'I SGO BCAD PA'AM, MA BCAD PA'I GTAN PA'I NYE 'KHOR GYI PHYIR LTA BA'AM, NANG DU LTA BA GANG YANG RUNG BA LAS 'DAS PA NYID DO, ,DE DAG LAS YAN LAG MTSANG NA CI RIGS PAR NA SMAD DO, ,RGYAL PO'I PHO BRANG DU 'GRO BA'I LTUNG BYED DE BRGYAD CU GNYIS PA'O,, ,,BSLAB PA'I GZHI'I DNGOS PO LA KHYAD DU GSOD PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS ZLA BA PHYED PHYED CING SO SOR THAR PA'I MDO GDON PA GDON PAR BYA'O ZHES BKA' STZAL NAS, ,DGE SLONG RNAMS ZLA BA PHYED PHYED CING SO SOR THAR PA'I MDO DON PA GDON PA'I TSE, DRUG SDE DAG GUS PAR BYAS TE CHOS NYAN PAR MI BYED, BLA MAR BYAS TE MI BYED, RU SHING LTAR BYAS TE MI BYED, YID LA BYED DE MI BYED, SEMS RTZE GCIG TU MI BYED, RNA BLAGS TE MI BYED, SEMS THAMS CAD KYIS BSAMS TE CHOS NYAN PAR MI BYED CING, DGE SLONG RNAMS LA YANG 'DI SKAD CES TSE DANG LDAN PA DAG 'DI LTAR CHOS 'DI YANG MDO'I NANG DU GTOGS, MDO'I NANG DU 'DUS PAR DA GDOD BDAG GIS SHES SO ZHES ZER NAS, DGE SLONG RNAMS KYIS DE LA SMRAS PA, TSE DANG LDAN PA DAG SO SOR THAR PA'I MDO GDON PA GDON PA'I TSE, GUS PAR DA DOD THOS SAM CI NA GANG GI PHYIR DE SKAD ZER, DE DAG GIS SMRAS PA, TSE DANG LDAN PA DAG CI KHO BO CAG LA LAS DE TZAM 'BA' ZHIG TU ZAD DAM, 'DOD PA'I RNAM PAR RTOG PA LA YANG RNAM PAR BRTAG DGOS SO, ,GNOD SEMS KYI RNAM PAR RTOG PA DANG, RNAM PAR 'TSE BA'I RNAM PAR RTOG PA LA YANG RNAM PAR BRTAG DGOS SO ZHES ZER NAS, DGE SLONG DON NYUNG DU DAG CI'I PHYIR DGE SLONG DAG ZLA'I PHYED PHYED CING SO SOR THAR PA'I MDO GDON PA GDON PA'I TSE, GUS PAR BYAS TE CHOS NYAN PAR MI BYED, BLA MAR BYAS TE MI BYED, RU SHING LTAR BYAS TE MI BYED, YID LA BYAS TE MI BYED, SEMS RTZE GCIG TU BYAS TE MI BYED, RNA BLAGS TE MI BYED, SEMS THAMS CAD KYIS BSAMS TE CHOS NYAN PAR MI BYED CING, DGE SLONG

RNAMS LA YANG 'DI SKAD CES TSE DANG LDAN PA DAG 'DI LTAR CHOS 'DI YANG MDO'I NANG DU GTOGS, MDO'I NANG DU 'DUS PAR BDAG CAG GIS DA GDOD SHES SO ZHES ZER ZHES SMOD PAR BYED, PHYAR KA GTANG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG ZLA BA PHYED PHYED CING SO SOR THAR PA'I MDO GDON PA 'DON PA'I TSE, 'DI SKAD CES TSE DANG LDAN PA DAG 'DI LTAR CHOS 'DI YANG MDO'I NANG DU GTOGS, MDO'I NANG DU 'DUS PAR BDAG GIS DA GDOD SHES SO ZHES ZER RO DE LA GAL TE DGE SLONG RNAMS KYIS KYANG TSE DANG LDAN PA 'DI, GSO SBYONG GI LAS GNYIS SAM GSUM GYI TSE 'DUG PAR SHES SHING, LAN MANG DU LHA CI SMOS NA, TSE DANG LDAN PA DE MI SHES PAS MI 'GROL BAS DE LTUNG BA GANG BYUNG BA DE CHOS BZHIN DU BYED DU GZHUG GI STENG DU, KHYOD ZLA BA PHYED PHYED CING SO SOR THAR PA'I MDO GDON PA 'DON PA'I TSE, GUS PAR BYAS TE CHOS NYAN PAR MI BYED, BLA MA LTAR BYAS TE MI BYED, RU SHING LTAR BYA TE MI BYED, YID LA BYAS TE MI BYED, SEMS RTZE GCIG TU BYA TE MI BYED, RNA BLAGS TE MI BYED, SEMS THAMS CAD KYIS BSAMS TE CHOS NYAN PAR MI BYED PAS, TSE DANG LDAN PA KHYED KYIS MA RNYED DE, RNYED PA MA YIN ZHING NYES PA RNYED DE, LEGS PA RNYED PA MA YIN NO ZHES 'GYOD PAR BYA'O, ,TSE DANG LDAN PA DE LA 'GYOD PAR BYA BA NI DE YIN TE LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG STE, NYON MONGS PA NI SGYU THABS KYI BSAM PA, NYES PA NI BSLAB PA'I GZHI'I DNGOS PO KHYAD DU GSOD PA'O, ,DE LA YANG DGE SLONG GANG ZHES BYA BA NI DRUG SDE'AM GZHAN YANG DE LTA BU GANG YIN PA'O, ,ZLA BA PHYED PHYED CING ZHES BYA BA NI ZLA BA PHYED PHYED CING NGO, ,SO SOR THAR PA'I MDO ZHES BYA BA LA, SO SOR THAR PA ZHES BYA BA NI PHAM PAR 'GYUR BA'I CHOS BZHI DANG, DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM CU DANG, LTUNG BYED KYI CHOS DGU BCU DANG, SO SOR BSHAGS PAR BYA BA'I CHOS BZHI DANG BSLAB PA'I CHOS MANG PO DANG, RTZOD PA

, ,ZHI BAR BYA BA'I CHOS BDUN PO DAG GO, ,MDO GDON PA ZHES BYA BA LA, MDO GDON PA ZHES BYA BA NI YANG DAG PAR SBYOR BA'O, ,'DON PA'I TSE ZHES BYA BA NI RAB TU MANG PO STON PA'I TSE'O, ,'DI SKAD CES BYA BA NI 'DI SKAD CES ZER NA'O, ,TSE DANG LDAN PA DAG 'DI LTAR CHOS 'DI YANG MDO'I NANG DU GTOGS MDO'I NANG DU 'DUS PAR BDAG GIS DA GDOD SHES SO ZHES ZER LA ZHES BYA BA NI, BCOM LDAN 'DAS KYIS GSUNGS PA'I CHOS 'DI YANG NGO, ,DE LA GAL TE DGE SLONG RNAMS KYIS KYANG ZHES BYA BA NI, DE NA DGE SLONG GANG DAG 'KHONG PA RNAMS KYIS KYANG NGO, ,TSE DANG LDAN PA 'DI ZHES BYA BA NI DGE SLONG GANG YIN PA 'DI'O, ,SNGON GSO SBYONG GI LAS GNYIS SAM GSUM GYI TSE 'DUG PA SHES SHING ZHES BYA BA NI 'DI SO SOR THAR PA'I MDO LAN GNYIS SAM GSUM THOS PAR SHES SHING NGO, ,LAN MANG DU LTA CI SMOS NA ZHES BYA BA NI LAN MANG DU 'DUG PAR SHES PA LTA CI SMOS NA'O, ,TSE DANG LDAN PA DE MI SHES PAS MI 'GROL BAS ZHES BYA BA NI, DE DES LTUNG BA LAS MI 'GROL BAS DE LTUNG BA DANG BCAS PA NYID YIN PA'O, ,DE LTUNG BA GANG BYUNG BA ZHES BYA BA NI LTUNG BYED DO, ,DE CHOS BZHIN DU BYED DU GZHUG CES BYA BA NI 'CHAGS SU GZHUG PA'O,, STENG DU KHYOD ZLA BA PHYED PHYED CING SO SOR THAR PA'I MDO GDON PA'I TSE, GUS PAR BYAS TE CHOS NYAN PAR MI BYED, BLA MAR BYAS TE MI BYED, RU SHING LTAR BYAS TE MI BYED, YID LA BYAS TE MI BYED, SEMS RTZE GCIG TU MI BYED, RNA BLAGS TE MI BYED, SEMS THAMS CAD KYIS BSAMS TE CHOS NYAN PAR MI BYED PAS, TSE DANG LDAN PA KHYOD KYIS MA RNYED DE, RNYED PA MA YIN ZHING NYES PA RNYED DE, LEGS PA RNYED PA MA YIN NO ZHES 'GYOD PAR BYA'O ZHES BYA BA NI 'GYOD DU GZHUG PAR BYA'O, ,TSE DANG LDAN PA DE LA 'GYOD PAR BYA BA NI DE YIN TE ZHES BYA BA NI DE LTAR 'GYOD PAR BYA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG DGE 'DUN ZLA BA PHYED PHYED CING GSO SOR THAR PA'I MDO GDON PA'I TSE, SNGAR YANG DE LAN GNYIS SU MYONG ZHING, YID RMONGS PA MA YI PAS BZHAD GAD TZAM GYIS KYANG SO SOR THAR PA'I

MDO GDON PA 'DI LA, BSLAB PA'I GZHI'I CHOS 'DI'I YOD PAR BDAG GIS GZOD SHES SO ZHES BYA BA LA, DNGOS SU SMRA'AM BRGYUD PA DE SKAD ZER NA, MDO SDE DANG LDAN PA MA GTOGS TE, DE LA BSLAB PA'I GZHI'I DNGOS PO LA KHYAD DU GSOD PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE SLONG SNGAR YANG GSO SBYONG LAN GNYIS NYAMS SU MYONG ZHING, YID RMONGS PA MA YIN PA DANG, MDO SDE DANG LDAN PA MA GTOGS PA'I BSLAB PA'I GZHI'I DNGOS PO NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG SLAR GSO SBYONG LA NA GNYIS NYAMS SU MYONG BA NYID DANG; ,YID RMONGS PA MA YIN PA NYID DANG, GSO SBYONG 'DON PA'I DUS NYID DANG, 'DUL BAR GTOGS PA'I BSLAB PA'I GZHI'I DNGOS PO NYID DANG, DNGOS SU'AM, BRGYUD PAS KHYAD DU GSOD PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,BSLAB PA'I GZHI'I DNGOS PO LA KHYAD DU GSOD PA'I LTUNG BYED DE BRGYAD CU GSUM PA'O,, ,,KHAB RAL 'CHOS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA GCER BU PA'I NYAN THOS CHOS ZHES BYA BA, BA SO MKHAN ZHIG 'DUG PA DE GCER BU PA DAG LA SHIN DU MNGON PAR DAD DO, ,DE DUS GZHAN ZHIG NA DGE SLONG BSOD SNYOMS PA ZHIG GIS CHOS BSTAN PAS BTUL NAS, DES KYANG DE LA SKYABS SU 'GRO BA DANG, BSLAB PA'I GZHI DAG BLANGS SO, ,YANG BSOD SNYOMS PA DES DE LA RDZAS LAS BYUNG BA'I BSOD NAMS BYA BA'I GZHI BDUN GYI BSNGAGS PA RGYA CHER BRJOD PA DANG, DE MNGON PAR DAD PAR GYUR NAS SMRAS PA, 'PHAGS PA BDAG GIS KYANG RDZAS LAS BYUNG BA'I BSOD NAMS BYA BA'I GZHI CUNG ZHIG YANG DAG PAR BLANGS TE 'JUG PAR BGYIS YIS, BDAG GIS DGE SLONG GI DGE 'DUN LA RANG GI BZOS BSNYEN BKUR BGYI'O, ,BSOD SNYOMS PA DE GTZUG LAG KHANG DU SONG STE DGE SLONG RNAMS LA SMRAS PA, TSE DANG LDAN PA BDAG GIS GCER BU PA'I NYAN THOS CHOS ZHES BYA BA SO MKHAN DE SKYABS SU 'GRO BA DANG, BSLAB PA'I GZHI DAG LA BZHAG NAS, DE DGE SLONG DGE 'DUN LA RANG

, ,GI BZOS BSNYEN BKUR BYED KYIS, SU CI 'DOD PA DES BYED DU CHUG SHIG ,JI TZAM NA DGE SLONG ZHIG LA KHAB RAL MED NA, DE'I GAN DU SONG NAS SMRAS PA, BZHIN BZANGS KHO BO LA KHAL RAL MED KYIS DE GYIS SHIG ,'PHAGS PA JI LTA BU ZHIG BGYI, GANG BZANG PA'O, ,'PHAGS PA BA SA LAS BGYIS PA BZANG NGO, ,BZHIN BZANGS, BA SO LAS BYAS PA GYIS SHIG ,DES DE'I KHAB RAL BA SO LAS BYAS TE BYIN NO, ,DGE SLONG DES DGE SLONG RNAMS LA BSTAN PA DANG, DGE SLONG GZHAN GYIS KYANG DE LTA BU BYED DU BCUG CING, GZHAN GYIS KYANG BYED DU BCUG ,GZHAN GYIS KYANG DE LTA BU BYED DU BCUG PAS DE'I BA SO ZAD PAR GYUR TO, ,DGE SLONG GZHAN ZHIG KYANG 'ONGS TE SMRAS PA, BZHIN BZANGS KHO BO'I KHAB RAL GYIS SHIG ,'PHAGS PA JI LTA BU ZHIG BGYI, GANG BZANG PA'O, ,'PHAGS PA BA SO LAS BGYIS PA BZANG NA BA SO DE NI BAS SO, ,GAL TE BZHED NA RUS PA LAS BGYIS PA BGYI'O, ,BZHIN BZANGS MA NYES KYIS GYIS SHIG ,DES DE'I KHAB RAL RUS PA LAS BYAS TE BYIN NO, ,DGE SLONG DES DGE SLONG RNAMS LA BSTAN PA DANG, DGE SLONG GZHAN GYIS KYANG DE LTA BU BYED DU BCUG CING, GZHAN GYIS KYANG BYED DU BCUG , GZHAN GYIS KYANG BYED DU BCUG PAS DE'I RUS PA YANG ZAD PAR GYUR TO, ,DGE SLONG ZHAN ZHIG KYANG 'ONGS TE SMRAS PA, BZHIN BZANGS KHO BO'I KHAB RAL GYIS SHIG ,'PHAGS PA JI LTA BU ZHIG BGYI, GANG BZANG PA'O, ,'PHAGS PA BA SO LAS BGYIS PA BZANG NA DE NI BAS SO, ,BZHIN BZANGS GAL TE DE LTA NA RUS PA LAS BGYIS PA GYIS SHIG ,'PHAGS PA RUS PA YANG BAS SO, ,GAL TE BZHED NA RVA LA BGYIS PA BGYI'O, ,BZHIN BZANGS MA NYES KYIS GYIS SHIG ,DES DE'I KHAB RAL RVA LAS BYAS TE BYIN NO, ,DGE SLONG DES DGE SLONG RNAMS LA BSTAN PA DANG, DGE SLONG GZHAN GYIS KYANG DE LTA BU BYED DU BCUG CING, GZHAN GYIS KYANG DE LTA BU BYED DU BCUG, ,GZHAN GYIS KYANG DE LTA BU BYED DU BCUG PAS DE'I RVA YANG ZAD PAR GYUR TO, ,DE RANG GI ZAN DANG RANG GI YO BYAD DAG GIS DGE SLONG RNAMS KYI LAS BYED PA NA DBUL BAR GYUR TO, ,GCER BU PA DAG CHOS 'DI GANG GI TSE KHO

BO CAG LA MNGON PAR DAD PAR GYUR PA DE'I TSE NA, 'DI THAMS CAD PHUN SUM TSOGS PAR GYUR NA, 'DI DE LTAR SH'AKYA'I BU'I DGE SLONG RNAMS LA MNGON PAR DAD PA ZAN YANG SLONG BAR BYED DO ZHES 'PHYA BA LA ZHUGS PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BA SO'AM, RUS PA 'AM, RVA'I KHAB RAL BYED DU 'JUG NA LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI CHOS 'DI PA'I DGE SLONG RAB TU MANG PO, ,NYON MONGS PA NI 'DOD ZHEN, NYES PA NI KHAB RAL 'CHOS PA'O, ,DE LA YANG DGE SLONG GANG ZHES BYA BA NI CHOS 'DI PA'O, ,BA SO'AM ZHES BYA BA NI BA SO NYID DO, ,RUS PA'AM ZHES BYA BA NI RUS PA NYID DO, ,RVA'I ZHES BYA BA NI RVA NYI KYI'O, ,KHAB RAL ZHES BYA BA NI KHAB RAL GNYIS TE, SBU GU CAN DANG CHANG PA LTA BU'O, ,DON 'DIR NI GNYI GA YIN PAR DGONGS SO, ,BYED DU 'JUG NA ZHES BYA BA NI RANG GIS SAM GZHAN NO, ,BCAG NAS LTUNG BYED DO ZHES BYA BA NI DNGOS PO DE BAG NAS LTUNG BYED KYI LTUNG BA BSHAGS PAR BYA BA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS RIN PO CHE MA GTOGS PA BA SO'AM, RUS PA'AM, RVA'AM, LCAGS LA SOGS PA'I KHAB RAL BYED DAM, BYED DU BCUG NA KHAB RAL 'CHOS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, 'DOD ZHEN GYI BSAM PA DANG, RIN PO CHE MA GTOGS PA'I KHAB RAL NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, 'DOD ZHEN GYI BSAM PA NYID DANG, RIN PO CHE DANG, GNANG BA NYID MA GTOGS PA DANG, BA SO'AM RUS PA 'AM, RVA'AM LCAGS LA SOGS PA'I KHAB RAL NYID DANG, BYAS ZIN PA RNYED PA DANG, BYAS ZIN PA LA SPYOD PA MA GTOGS PA NYID DANG, RANG GIS BYED DAM GZHAN BYED DU BCUG PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,KHAB RAL 'CHOS PA'I LTUNG BYED DE BRGYAD CU BZHI PA'O,, ,,KHRI RKANG 'CHOS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL

, ,MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG GANG ZHIG LJONGS RGYU ZHING 'GRO BA NA MNYAN YOD DU PHYIN NAS LAM GYIS DUB PA'I NGAL BSOS TE SGO KHANG DU KHRI DMA' BA'I KHYIM ZHIG RNYED PA'I MDUN DU RKANG PA GNYIS BKRUS NAS SKYIL MO KRUNG BCAS TE 'DUG PA GNYID KYIS YUR BA'I TSE, LUS 'KHYOG CING KHRI'I SGRA TZEG TZEG ZER BA NA, 'OG NAS SBRUL DUG MYUR DU KHYAB PAR BYED PA ZHIG BYUNG BAS 'PHRAL BAR BZUNG STE DUS LA BAB NAS, SUM CU RTZA GSUM PA'I LHA'I DRANG SRONG RNAMS KYIS NANG DU SKYES TE, BCOM LDAN 'DAS KYIS SPYAN SNGAR 'ONGS NAS RGYUN TU ZHUGS PA'I 'BRAS BU THOB PA'I GZHI LAS, BCOM LDAN 'DAS KYI DGONGS PA, NYES DMIGS GANG CUNG ZAD CIG BYUNG BA DE THAMS CAD DGE SLONG DAG KHRI DMA' BA LA MAL 'CHA' ZHUNG DE'I MDUN DU RKANG PA GNYIS 'KHRU BA LAS GYUR PA YIN NO SNYAM DU DGONGS NAS BKA' STZAL PA, DE LTA BAS NA DGE SLONG GIS KHRI DMA' BA LA MAL BCA' BAR MI BYA ZHING, KHRI'I MDUN DU RKANG PA GNYIS BKRU BAR MI BYA'O ZHES BKA' STZAL NAS, DGE SLONG MCHIL LHAM MI BDOG PA LA GNOD PAR GYUR NAS, BCOM LDAN 'DAS KYIS BKA' STZAL PA, GANG DAG LA MCHIL LHAM MI BDOG PA DE DAG GIS MGO LOGS DANG, RKANG PA LOGS SU RKANG PA GNYIS BKRU BAR BYA STE, 'DI LA 'GYOD PAR MI BYA'O, ,DRUG SDE DAG GIS DGE SLONG KHRI DMA' BA LA NYAL BA SBRUL DUG MYUR DU KHYAB PAR BYED PAS ZIN TE DUS LA BAB NAS, BCOM LDAN 'DAS KYIS DGE SLONG GIS KHRI DMA' BA LA MAL BCA' BAR MI BYA'O ZHES BKAG PA THOS NA, DE DAG GIS KHRI RKANG PA KHRU BCU GNYIS PA BCAS TE YA GAD MTHON PO BTZUGS PA DANG, DGE SLONG RNAMS KYIS DE DAG LA SMRAS PA, TSE DANG LDAN PA DAG CI KHYED BYAR BYED DAM, DE DAG GIS SMRAS PA, SU ZHIG BYAR BYED, KHYED KYIS DGE SLONG KHRI DMA' BA LA NYAL BA SBRUL DUG MYUR DU KHYAB PAR BYED PAS ZIN TE DUS LA BAB PA MA MTHONG NGAM CI, KHYED DRUG SDE DAG KYANG SBRUL DUG MYUR DU KHYAB PAR BYED PAS BZUNG STE, DUS LA BAB CING KHO BO CAG SHI BA'I YO BYAD DAG 'GED PAR 'DOD DAM ZHES ZER NAS, DGE SLONG DON NYUNG NGU DAG ,CI'I PHYIR DGE SLONG DAG DGE 'DUN RNAMS KYIS BZLOG PA NA, DE DANG DE SKAD ZER ZHES SMOD PAR BYED,

PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NA BCOM LDAN 'DAS KYIS SNGA MA BZHIN DU, YANG DGE SLONG GIS DGE 'DUN GYI KHRI'AM BYED DU 'JUG NA, RTZA BA BU GAR GZHUG PA MA GTOGS PAR BDE BAR GSHEGS PA'I SOR BRGYAD KYI TSAD DU BYED DU GZHUG PAR BYA'O, ,DE LAS LHAG PAR BYED DU 'JUG NA BCAD NAS LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI LHAG TSOL BA, NYES PA NI KHRI RKANG MTHON PO BYED NA'O, ,DE LA DGE SLONG GIS ZHES BYA BA NI CHOS 'DI PA'O, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,KHRI'AM ZHES BYA BA NI KHRI NYID DO, ,KHRI'U ZHES BYA BA NI KHRI'U NYID DO, ,BYED DU 'JUG NA ZHES BYA BA NI BDAG NYID KYIS SAM GZHAN NO, ,RTZA BA BU GAR GZHUG PA MA GTOGS PAR ZHES BYA BA NI, GLENG GZHI LAS TSE DANG LDAN PA 'CHAR KA'I LUS TSAD LAS SHIN TU 'DAS PA YIN PAS DE'I PUS MO GNYIS KO SKO LA REG NAS, BCOM LDAN 'DAS KYIS BKA' STZAL PA, DE LTA BAS NA RTZA BA BU GAR GZHUG PA MA GTOGS SO ZHES GSUNGS PA DE LTA BU BZHAG STE'O, ,BDE BAR GSHEGS PA'I SOR BRGYAD GYI TSAD DU BYED DU GZHUG PAR BYA'O ZHES BYA BA LA, BDE BAR GSHEGS PA ZHES BYA BA NI STON PA'O, ,DE'I SOR BRGYAD GANG DAG YIN PA DE DAG LA NI TSAD DANG LDAN PA'I KHRU GANG NGO, ,DE LAS LHAG PAR BYED DU 'JUG NA ZHES BYA BA NI DE LAS GONG MA'O, ,BCAD NA LTUNG BYED DO ZHES BYA BA NI DNGOS PO DE BCAD NAS LTUNG BYED KYI LTUNG BA BSHAGS PAR BYA BA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE 'DUN GYI KHRI'AM KHRI'I RKANG PA BZHIN PA LA SOGS PA GANG YANG RUNG BA'I RKANG PA BU GAR GZHUG PA'I SA PHYOGS MA GTOGS PAR TSAD DANG LDAN PA'I KHRU GANG LAS LHAG PAR BYED DAM BYED DU 'JUG NA, KHRI RKANG 'CHOS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE 'DUN GYI KHRI'AM MA KHRI'U RKANG PA'I TSAD NYID DANG, LHAG TSOL BA'I BSAM PA NYID DO, ,'DI LA YAN LAG BZHIS DNGOS GZHI'I LTUNG BAR 'GYUR TE, DGE 'DUN GYI KHRI'AM KHRI'U GANG YANG RUNG

, ,BA DAG GI RKANG PA NYID DANG, DE DAG GI TSAD BU GAR GZHUG PA'I SA PHYOGS MA GTOGS PA KHRU GANG LAS LHAG PA NYID DANG, RANG GI BYED DAM GZHAN BYED DU 'JUG PA NYID DO, ,DE DAG LAS YAN LAG MTSANG NA CI RIGS PAR NA SMAD DO, ,KHRI RKANG PA'I LTUNG BYED DE BRGYAD CU LNGA PA'O,, ,, SHING BA LA GYIS GOS PAR BYAS PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYA BYED KYI TSAL MGON MED ZAS SBYIN GYI KUN DGA' RA BA NA BZHUGS, ,NYE DGA' GSAR BU YIN PA DE'I KHRI THOB BO COG RGAN PAS PHROGS SHING GNAS MAL BSKO BA'I DUS LA YANG BAB NAS DES BSAMS PA, GANG GIS BDAG GI KHRI MI PHROGS PA DE LTA BU'I THABS CI YOD SNYAM PA DANG, DES BYA BA 'GA' ZHIG GI PHYIR, SHING BAL DAG KYANG BLANGS NAS, DE LA BLO SKYES PA SHING BAL BDAL TE BZHAG GO SNYAM NAS, DES KHRI'U'I STENG DU SHING BAL BDAL TE GZHAG GO, ,JI TZAM NA DGE SLONG CHES RGAN PA ZHIG 'ONGS NAS, DES SMRAS PA, TSE DANG LDAN PA 'DI SU'I, NYE DAGS SMRAS PA, KHO BO'I SHING BAL LO, ,DE NA DGE SLONG ZHIG 'DUG PA DES SMRAS PA, NYE DGA' JI SKAD ZER BA DE BZHIN DE, SHING BAL NI NYE DGA'I YIN NO, ,'DI LTAR KHRI NI DGE 'DUN GYI YIN NO, ,DES SMRAS PA, NYE DGA' KHROS NAS DES SHING BAL KHYER TE, KHRI DE'I STENG DU SHING BAL CUNG ZAD BDAL TE BZHAG GO, ,DGE SLONG DES SO SOR MA BRTAGS PA NYID DU, DER NYAL NAS MTSAN MO NAM NANGS TE LANGS PA DANG, GOS THAMS CAD SHING BAL GYIS SKYA BOR GYUR NAS, DGE SLONG RNAMS KYIS DE LA SMRAS PA, CI KHYOD G-YUL GYI GZHIR NYAL LAM, DES JI LTAR GYUR PA BRJOD PA DANG, DGE SLONG DON NYUNG DU DAG CI'I PHYIR DGE SLONG DAG DGE 'DUN GYI KHRI'AM, KHRI'UR SHING BAL BDAL TE 'JOG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, ,YANG DGE SLONG GANG DGE 'DUN GYI KHRI'AM, KHRI'U LA SHING PAL BDAL LAM, BDAL DU 'JUG NA BSDUS NAS LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS

PA NI ZHE DKU BA, NYES PA NI DGE 'DUN GYI GNAS MAL LA SHING BAL BDAL BA'O, ,DE LA YANG DGE SLONG GANG ZHES BYA BA NI SH'A KYA'I BU NYE DGA' 'AM, GZHAN YANG DE LTA BU GANG YIN PA'O, ,DGE 'DUN GYI ZHES BYA BA NI, DE BZHIN GSHEGS PA'I NYAN THOS KYI DGE 'DUN NO, ,KHRI'AM ZHES BYA BA NI KHRI NYID DO; ,KHRI'I ZHES BYA BA YANG KHRI'U NYID LA'O, ,SHING BAL ZHES BYA BA NI LNGA PO SHAL MA LI'I DANG, AA RKA'I DANG, KA SHI'I DANG, SPRA BA'I DANG, AE RA KA'I SHING BAL DAG LAS GANG YANG RUNG BA'O, ,BDAL LAM ZHES BYA BA NI BDAG NYID KYIS SO, ,BDAL DU 'JUG NA ZHES BYA BA NI GZHAN NO, ,BSDUS NAS LTUNG BYED DO ZHES BYA BA NI DNGOS PO DE BSDUS NAS LTUNG BYED KYI LTUNG BA BSHAGS PAR BYA BA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DGE 'DUN GYI KHRI'AM KHRI'U DAG LA GOS DANG LUS MA RUNG BAR 'GYUR BA'I SHING BAL SHAL MA LI 'AM, AARKA'I 'AM, KA SHI'I 'AM, SPRA BA'I AE RA KA'I DAG LAS GANG YANG RUNG BA RANG NGAM BSKOS PAS BDAL NA, SHING BAL GYIS GOS PAR BYAS PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, DGE 'DUN GYI KHRI'AM KHRI'U LA SOGS PA GNAS MAL GANG YANG RUNG BA NYID DANG, LUS DANG GOS LAM RUNG BAR 'GYUR BA'I SHING BAL GANG YANG RUNG BA NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE 'DUN GYI GNAS MAL RUNG BA GANG YANG RUNG BA NYID DANG, SHING BAL GANG YANG RUNG BA NYID DANG, LUS DANG GOS MA RUNG BAR 'GYUR BA NYID DANG, ZHE DKU BA'I BSAM PA NYID DANG, RANG NGAM BSKOS PAS BDAL BA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,SHING BAL GYIS GOS PAR BYAS PA'I LTUNG BYED DE BRGYAD CU DRUG PA'O,, ,,GDING BA LAS GYUR PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG GIS GDING BA BYED DU 'JUG GO ZHES BKA' STZAL NAS, DGE SLONG DAG TSAD LAS HA CANG LHAG PA BYED DU 'JUG NAS, DGE SLONG DON NYUNG DU DAG BCOM LDAN 'DAS

, ,KYIS DGE SLONG GIS GDING BA BYED DU GZHUG GO ZHES BKA' STZAL BA NA, CI'I PHYIR DGE SLONG DAG TSAD LAS HA CANG LHAG PAR BYED DU 'JUG CES SMOD PAR BYED, PHYAG KA GTONG BYAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU DGE SLONG GIS GDING BA BYED DU 'JUG NA TSAD BZHIN BYED DU CHUG SHIG ,DE LA GDING BA'I TSAD NI 'DI YIN TE, SRID DU BDE BAR GSHEGS PA'I MTHO'I MTHO DO ZHENG DU MTHO PHYED DANG DO'O, ,SRID DU MTHO GANG GIS SRINGS SHIG ,DE LAS LHAG PAR BYED DU 'JUG NA BCAD NAS LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO DAG ,NYON MONGS PA NI TSAD MI SHES PA, NYES PA NI GDING BA TSAD LAS HA CANG LHAG PA BYED DU 'JUG PA'O, ,DE LA DGE SLONG GIS ZHES BYA BA NI CHOS 'DI BAS SO, ,GDING BA ZHES BYA BA NI STENG RIM DU GDING BA'O, ,BYED DU 'JUG PA ZHES BYA BA NI BDAG NYID KYIS SAM GZHAN NO, ,TSAD BZHIN DU BYED DU CHUG SHIG CES BYA BA NI GDING BA'I TSAD GANG YIN PA DE BZHIN DU'O, ,DE LA GDING BA'I TSAD NI 'DI YIN TE, SRID DU BDE BAR GSHEGS PA'I MTHO'I MTHO DO, ,ZHENG DU MTHO PHYED DANG DO ZHES BYA BA LA, SRID DU ZHES BYA BA NI CHUR RO, ,BDE BAR GSHEGS PA ZHES BYA BA NI STON PA'O, ,DE'I MTHO'I MTHO DO GANG YIN PA DE LA NI TSAD DANG LDAN PA'I KHRU GSUM MO, ,ZHENG DU ZHES BYA BA NI RGYAR RO, ,MTHO PHYED DANG NGO ZHES BYA BA LA, BDE BAR GSHEGS PA'I MTHO BYED DANG NGO GANG YIN PA DE LA NI TSAD DANG LDAN PA'I KHRU DO DANG SOR DRUG GO, ,SRID DU MTHO GANG GIS SRINGS SHIG CES BYA BA NI GLENG GZHI LAS, TSE DANG LDAN PA 'CHAR KA'I LUS TSAD LAS HA CANG LHAG PAS DE'I GDING BA DES MI CHOG NAS, DE GNAS MAL BSRUNG BA'I PHYIR RKANG BA'I MTHA' LOGS SU LO MA'I CHUN PO DAG BZHAG PA BCOM LDAN 'DAS KYIS GZIGS NAS TSE DANG LDAN PA KUN DGA' BO LA BKA' STZAL PA, KUN DGA' BO DE LTA BAS NA SRID DU MTHO GANG GIS SRINGS SHIG CES GSUNGS PAS MI CHOG NA SRID DU BDE BAR GSHEGS PA'I MTHO GANG GIS BSRING STE, BDE BAR GSHEGS PA'I MTHO GANG GANG

YIN PA DE LA NI TSAD DANG LDAN PA'I KHRU PHYED DANG NGO STE, DES NA GDING BA'I SRID KYI TSAD NI TSAD DANG LDAN PA'I KHRU PHYE DANG LNGA PA'O, ,DE LA LHAG PAR BYED DU 'JUG NA ZHES BYA BA NI DE LAS GONG MA'O, ,BCAD NAS LTUNG BYED DO ZHES BYA BA NI DNGOS PO BCAD NAS LTUNG BYED KYI LTUNG BA BSHAGS PAR BYA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DI 'DIR DNGOS GZHI'I LTUNG BA RNAM PAR GZHAG PA NI, DGE SLONG GI GDING BA SRID DU KHRU GSUM ZHENG DU KHRU DO DANG SOR DUG PA, DES MI CHOG NA SRID DU KHRU PHYED DANG DOS BSKYAD DE, KHRU PHYE DANG LNGA PA BYA'O ZHES GSUNGS PA LAS, CHU ZHENG GANG YANG RUNG BA TSAD LAS LHAG BAR BYED DAM, BYED DU BCUG NAS GDING BA LAS GYUR PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI RANG GDING BA'I TSAD DO, ,'DI LA YAN LAG BZHIS DNGOS GZHI'I LTUNG BAR 'GYUR TE, RANG GDING BA NYID DANG, TSAD LAS LHAG PA NYID DANG, RGYU RUNG BA NYID DANG, RANG NGAM BSKOS PAS BYAS PA NYID DO, ,DE DAG LAS YAN LAG MA TSANG BA NI CI RIGS PAR NA SMAD DO, ,GDING BA LAS GYUR PA'I LTUNG BYED DE BRGYAD CU BDUN PA'O,, ,,G-YAN PA GDAB PA LAS GYUR PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG GIS G-YAN PA DGAB PA BYED DU GZHUG GO ZHES BKA' STZAL NAS, DGE SLONG DAG TSAD LAS KHA CANG LHAG PA BYED DU 'JUG NAS, DGE SLONG DON NYUNG NGU DAG BCOM LDAN 'DAS KYIS DGE SLONG GIS G-YAN PA DGAB PA BYED DU GZHUG GO ZHES BKA' STZAL NAS, DGE SLONG DAG TSAD PAS HA CANG LHAG PA BYED DU 'JUG CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE SLONG GIS G-YAN PA DGAB PA BYED DU 'JUG NA TSAD BZHIN DU BYED DU CHUG SHIG ,DE LA G-YAN PA DGAB PA'I TSAD NI 'DI YIN TE, SRID DU BDE BAR GSHEGS PA'I MTHO'I MTHO BZHI, ZHENG DU MTHO DO'O, ,DE LA LHAG PAR BYED DU 'JUG NA BCAD NAS LTUNG BYED DO ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO

, ,DAG ,NYON MONGS PA NI TSAD MI SHES PA, NYES PA NI G-YAN PA DGAB PA TSAD LAS LHAG PAR BYED DU 'JUG PA'O, ,DE LA DGE SLONG GIS ZHES BYA BA NI CHOS 'DI PAS SO, ,G-YAN PA DGAB PA ZHES BYA BA NI NA BA'I GOS SO, ,BYED DU 'JUG NA ZHES BYA BA NI BDAG NYID KYIS SAM GZHAN NO,, TSAD BZHIN DU BYED DU CHUG SHIG CES BYA BA NI G-YAN PA DGAB PA'I TSAD GANG YIN PA DE BZHIN DU'O, ,DE LA G-YAN PA DGAB PA'I TSAD NI 'DI YIN TE, SRID DU BDE BAR GSHEGS PA'I MTHO'I MTHO BZHI, ZHENG DU MTHO DO ZHES BYA BA LA, SRID DU ZHES BYA BA NI CHUR RO, ,BDE BAR GSHEGS PA ZHES BYA BA NI STON PA'O, ,DE'I MTHO'I MTHO BZHI GANG YIN PA DE LA NI TSAD DANG LDAN PA'I KHRU DRUG GO, ,ZHENG DU ZHES BYA BA NI RGYAR RO, ,MTHO DO ZHES BYA BA LA BDE BAR GSHEGS PA'I MTHO GO GANG YIN PA DE LA NI TSAD DANG LDAN PA'I KHRU GSUM MO, ,DE LAS LHAG PAR BYED DU 'JUG NA ZHES BYA BA NI DE LAS GONG MA'O, ,BCAD NAS LTUNG BYED DO ZHES BYA BA NI DNGOS PO DE BCAD NAS LTUNG BYED KYI LTUNG BA BSHAGS PAR BYA'O, ,LTUNG BYED DO ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS G-YAN PA DGAB PA'I TSAD SRID DU KHRU DRUG ZHENG DU KHRU GSUM PA LAS LHAG PA BYED DAM BYED DU 'JUG NA G-YAN PA DGAB PA LAS GYUR PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI, RANG GI G-YAN PA DGAB PA NYID DANG, TSAD LAS LHAG PA NYID DO, ,'DI LA YAN LAG BZHIS DNGOS GZHI'I LTUNG BAR 'GYUR TE, RANG GI G-YAN PA DGAB PA NYID DANG, RGYU RUNG BA NYID DANG, TSAD LAS LHAG PA NYID DANG, RANG NGAM BSKOS PAS BYAS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,G-YAN PA DGAB PA LAS GYUR PA'I LTUNG BYED DE BRGYAD CU BRGYAD PA'O,, ,,DBYAR GYI RAS CHEN LAS GYUR PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DBYAR GYI GOS RAS CHEN BYED DU GZHUG GO ZHES BKA' STZAL NAS, DGE SLONG DAG HA CANG TSAD LAS LHAG PAR BYED DU 'JUG NAS, DGE SLONG DON NYUNG NGU DAG BCOM LDAN 'DAS KYIS, DGE SLONG GIS DBYAR GYI GOS RAS

CHEN BYED DU GZHUG GO ZHES BKA' STZAL NAS CI'I PHYIR DGE SLONG DAG HA CANG RAS CHEN TSAD LAS LHAG PAR BYED DU 'JUG GO ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN NO, ,DGE SLONG GIS DBYAR GYI GOS RAS CHEN BYED DU 'JUG NA TSAD BZHIN DU BYED DU CHUG SHIG ,DE LA DBYAR GYI GOS RAS CHEN GYI TSAD NI 'DI YIN TE, SRID DU BDE BAR GSHEGS PA'I MTHO'I MTHO DRUG ZHENG DU MTHO PHYED DANG GSUM, DE LAS LHAG PAR BYED DU 'JUG NA BCAD NAS LTUNG BYED DO ZHES BCA' BA MDZAD DO, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI TSAD MI SHES PA, NYES PA NI DBYAR GYI GOS RAS CHEN TSAD LAS LHAG PAR BYED DU 'JUG PA'O, ,DE LA DGE SLONG ZHES BYA BA NI CHOS 'DI PAS SO, ,DBYAR GYI GOS RAS CHEN ZHES BYA BA NI CHAR PA SKYOB PA'I GOS SO, , BYED DU 'JUG NA ZHES BYA BA NI BDAG NYID KYIS SAM GZHAN NO, ,TSAD BZHIN DU BYED DU CHUG SHIG CES BYA BA NI DBYAR GYI GOS RAS CHEN GYI TSAD GANG YIN PA DE BZHIN DU'O, ,DE LA DBYAR GYI GOS RAS CHEN GYI TSAD NI 'DI YIN TE, SRID DU BDE BAR GSHEGS PA'I MTHO'I MTHO DRUG ZHENG DU MTHO PHYED DANG GSUM ZHES BYA BA LA, SRID DU ZHES BYA BA NI CHUR RO, ,BDE BAR GSHEGS PA ZHES BYA BA NI STON PA'O, ,DE'I MTHO'I MTHO DRUG GANG YIN PA DE LA NI TSAD DANG LDAN PA'I KHRU DGU'O ZHENG DU ZHES BYA BA NI RGYAR RO, ,MTHO PHYED DANG GSUM MO ZHES BYA BA LA, BDE BAR GSHEGS PA'I MTHO PHYED DAN GSUM GANG YIN PA DE LA NI TSAD DANG LDAN PA'I GRU GSUM DANG SOR BCO BRGYAD DO, ,DE LAS LHAG PAR BYED DU 'JUG NA ZHES BYA BA NI DE LAS GONG MA'O, ,BCAD NAS LTUNG BYED DO ZHES BYA BA NI DNGOS PO DE BCAD NAS LTUNG BYED KYI LTUNG BA BSHAGS PAR BYA'O, ,LTUNG BYED DO ZHES BYA BA NI SNGA MA BZHIN NO; ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG GIS DBYAR GYI GOS RAS CHEN GYI TSAD SRID DU KHRU DGU ZHENG DU KHRU GSUM DANG SOR BCO BRGYAD LAS LHAG PAR BYED DAM BYED DU 'JUG NA DBYAR GYI GOS RAS CHEN LAS GYUR PA'I LTUNG BYED KYI DNGOS GZHIR 'GYUR RO, ,'DI'I

, ,BYED PA PO NI RANG GI DBYAR GYI GOS RAS CHEN NYID DANG, TSAD LAS 'DAS PA NYID DANG, 'DI LAS YAN LAG BZHIS DNGOS GZHI'I LTUNG BAR 'GYUR TE, RANG GI DBYAR GYI GOS RAS CHEN NYID DANG, RGYU RUNG BA NYID DANG, TSAD LAS LHAG PA NYID DANG, RANG NGAM BSKOS PAS BYAS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,DBYAR GYI GOS RAS CHEN LAS GYUR PA'I LTUNG BYED DE BRGYANG CU DGU PA'O,, ,,BDE BAR GSHEGS PA'I CHOS GOS KYI TSAD LAS GYUR PA'I LTUNG BYED KYI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN PA NYE DGA' BA BZO MKHAN GYI GAN DU SONG STE, YUD TZAM ZHIG GTAM 'DRI BAS 'DUG NAS SMRAS PA, BZHIN BZANG BDE BAR GSHEGS PA'I CHOS GOS KYI TSAD KYI CHOS GOS 'TSEM NUS SAM, DES SMRAS PA, 'PHAGS PA KHYED LA BDE BAR GSHEGS PA'I CHOS GOS KYI TSAD KYI CHOS GOS KYIS CI BYA, DES SMRAS PA, BKREN PA KHYOD LA 'DIR CI GOD, GAL TE GLA 'DOD NA TSEMS SHIG ,DES BSAMS PA 'DI ZER BA MA NYES KYI BDAG LA 'DIR JI GONG BDAG LA BLA DGOS KYIS BTZEM MO SNYAM DU RIG NAS SMRAS PA, 'PHAGS PA BTZEM MO, , DES DE LA RAS DANG GLA BYIN NAS DES DE BTZEMS SO, ,NYE DAGS DE LAS CUNG ZHIG GYON TE, LHAG MA PHRAG PAS KHYER TE 'PHAGS PA DANG, DGE SLONG ZHIG GIS MTHONG NAS SMRAS PA, GNAS BRTAN GTUR BU GZIGS SHIG DANG NGAL SOR GZHUG GO, ,NYE DAGS SMRAS PA, TSE DANG LDAN PA 'DI GTUR BU MA YIN NO, ,'O NA CI LAGS, BDE BAR GSHEGS PA'I CHOS GOS SO, ,GNAS BRTAN KHYOD BDE BAR GSHEGS PA'I CHOS GOS GYON TU RUNG NGAM, DGRA BO DAG GI GNYA' BA RDOG PAS MNAN NAS RUNG NGO, ,GNAS BRTAN LA YANG DAG DGRA BO DAG YOD DAM, JE DANG BOR KHYOD KHO BO'I DGRA BO YIN TE, DES NA KHO BO BDE BAR GSHEGS PA'I CHOS GOS GYON PA MI BZOD DO ZHES ZER NAS, DGE SLONG DON NYUNG NGU DAG CI'I PHYIR, DGE SLONG DAG BDE BAR GSHEGS PA'I CHOS GOS KYI TSAD KYI CHOS GOS CHANG BAR BYED CES SMOD PAR BYED, PHYAR KA GTANG BAR BYED, KHA ZER BAR BYED PA'I SKABS DE DGE SLONG RNAMS KYIS

BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG BDE BAR GSHEGS PA'I CHOS GOS KYI TSAD KYI CHOS GOS BYED DU 'JUG GAM BDE BAR GSHEGS PA'I CHOS GOS LAS LHAG PAR BYED DU 'JUG NA LTUNG BYED DO, ,DE LA BDE BAR GSHEGS PA'I CHOS GOS KYI TSAD NI 'DI YIN TE, SRID DU BDE BAR GSHEGS PA'I MTHO'I MTHO BCU ZHENG DU MTHO DRUG STE DE LA 'DI NI BDE BAR GSHEGS PA'I CHOS GOS KYI TSAD DO ZHES BCA' BA MDZAD DO, ,YUL NI MNYAN YOD, GANG ZAG NI NYE DGA', NYON MONGS PA NI BLA MA LTAR 'CHOS PA, NYES PA NI BDE BAR GSHEGS PA'I CHOS GOS KYI TSAD DAM DE BAS NA LHAG PA'I CHOS GOS BYED DU 'JUG PA'O, ,YANG DGE SLONG GANG ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,BDE BAR GSHEGS PA ZHES BYA BA NI STON PA'O, ,DE'I CHOS GOS KYI TSAD KYIS ZHES BYA BA NI BDE BAR GSHEGS PA'I CHOS GOS KYI CHAD GANG YIN PA DE'I 'O, ,CHOS GOS ZHES BYA BA NI BDUN PO, ,BAL GOS DANG, SHA NA'I GOS DANG, ZAR MA'I GOS DANG, KO TAM PA'I GOS DANG, DU GU LA'I GOS DANG, RAS BAL GYI GOS DANG, NYI 'OG GI GOS DAG LAS GANG YANG RUNG BA'O, ,BYED DU 'JUG GAM ZHES BYA BA NI BDAG NYID KYIS SAM GZHAN NO, ,BDE BAR GSHEGS PA'I CHOS GOS LAS LHAG PAR BYED DU 'JUG NA LTUNG BYED DO ZHES BYA BA NI, GLENG GZHI LAS BCOM LDAN 'DAS KYIS YANG DGE SLONG GANG BDE BAR GSHEGS PA'I CHOS GOS KYIS CHOS GOS BYED DU 'JUG NA LTUNG BYED DO ZHES 'DUL BA LAS NYAN THOS RNAMS KYI BSLAB PA'I GZHI DE LTAR BCA' BA MDZAD PA DANG, TSE DANG LDAN PA NYE DAGS LHAG PAR BYED DU BCUG NAS, BCOM LDAN 'DAS KYIS BKA' STZAL PA, DGE SLONG DAG DE LTA BAS NA SNGA MA NI BCAS PA YIN LA, 'DI NI RJES SU BCAS PA YIN TE, BDE BAR GSHEGS PA'I CHOS GOS LAS LHAG PAR BYED DU 'JUG NA LTUNG BYED DO ZHES GSUNGS PAS DE'I GONG MA'O, ,LTUNG BYED DO ZHES BYA BA NI SNGA MA BZHIN NO, ,DE LA BDE BAR GSHEGS PA'I CHOS GOS KYI TSAD NI 'DI YIN TE, SRID DU BDE BAR GSHEGS PA'I MTHO BCU ZHENG DU MTHO DRUG STE, DE LA 'DI NI BDE BAR GSHEGS PA'I CHOS GOS KYI

, ,TSAD DO ZHES BYA BA LA, BDE BAR GSHEGS PA'I MTHO'I MTHO BCU GANG YIN PA DE LA NI TSAD DANG LDAN PA'I KHRU'I KHRU BCO LNGA'O, ,BDE BAR GSHEGS PA'I MTHO DRUG GANG YIN PA DE NI TSAD DANG LDAN PA'I KHRU'I KHRU DGU'O, ,DE LA 'DIR DNGOS GZHI'I LTUNG BA RNAM PAR GZHAG PA NI, BDE BAR GSHEGS PA'I SKU'I TSAD TZAM GYI LUS MED PAS, BDE BAR GSHEGS PA'I CHOS GOS KYI TSAD SRID DU STON PA RANG GI NI KHRU LNGA, TSAD DANG LDAN PA'I NI KHRU BCO LNGA, ZHENG DU STON PA RANG GI NI KHRU GSUM, TSAD DANG LDAN PA'I NI KHRU DGU BA NYID DAM, DE LAS LHAG PA BYED DAM BYED DU 'JUG NA, BDE BAR GSHEGS PA'I CHOS GOS KYI TSAD LAS GYUR PA'I LTUNG BYED KYI DNGOS GZHIR 'GYUR RO, ,'DI'I BYED PA PO NI BDE BAR GSHEGS PA'I SKU'I TSAD TZAM GYI LUS MED PA NYID DANG, BDE BAR GSHEGS PA'I CHOS GOS KYI TSAD DAM, DE LAS LHAG PA'I CHOS GOS NYID DO, ,'DI LA YAN LAG BZHIS DNGOS GZHI'I LTUNG BAR 'GYUR TE, BDE BAR GSHEGS PA'I SKU TSAD TZAM GYI LUS MED PA NYID DANG, BDE BAR GSHEGS PA'I CHOS GOS KYI TSAD DAM, DE LAS LHAG PA'I CHOS GOS NYID DANG, RGYU RUNG BA NYID DANG, RANG NGAM BSKOS PAS BYAS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,BDE BAR GSHEGS PA'I CHOS GOS KYI TSAD LAS GYUR PA'I LTUNG BYED DE DGU BCU PA'O,, ,,TSE DANG LDAN PA DAG LTUNG BYED KYI CHOS DGU BCU PO DAG BTON ZIN TO ZHES BYA BA NI, LTUNG BYED 'BA' ZHIG TU GYUR PA RNAMS GDON PA'I MJUG BSDU BA STE, LTUNG BYED KYI CHOS DGU BCU PO DAG CES BYA BA NI, SNGAR BSTAN PA'I BCU PHUNG DGU PO DAG GO, ,BTON ZIN TO ZHES BYA BA NI, DAM BCAS PA'I DON GYIS MJUG BSDU BA'I PHYIR DANG, NYAN PA PO RNAMS SPRO BAR BYED PA'I PHYIR SMOS SO, ,DE LA BDAG GIS TSE DANG LDAN PA DAG LA CI 'DI LA KHYED YONGS SU DAG GAM ZHES DRI'O, ,JI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BA NI LTUNG BYED RNAM PAR GZHAG PA BSGRAGS PA YIN TE, DE LA ZHES BYA BA NI LTUNG BYED DGU BCU PO STON PA DE LA'O, ,LHAG MA NI SNGA MA BZHIN NO, ,LTUNG BYED DAG GDON PA BSHAD ZIN TO,, ,,

, ,SO SOR THAR PA'I MDO'I GZHUNG 'GREL BAM PO BCU DGU PA, DA NI SO SOR BSHAGS PA GDON PA BSHAD PAR BYA STE, DE'I PHYIR, SDOM LA, GRONG DANG KHYIM GZHAN NYID DANG YANG, , [DD] BSLAB PA RNAMS DANG DGON PA NI, ,SANGS RGYAS PHAN PA GSUNGS PA YIS, ,SO SOR BSHAGS PAR BYA BAR GSUNGS, ,ZHES BYA BA GSUNGS TE, SDOM LA ZHES BYA BA NI, TSIG GI DON DANG DGOS PA NI SNGA MA BZHIN NO, ,SO SOR BSHAGS PAR BYA BA'I CHOS NI BZHI STE, DGE SLONG MA LAS ZAS LEN PA'I SO SOR BSHAGS PAR BYA BA DANG, GRAL RIMS SU MA PHEBS PAR 'DRIM DU 'JUG PA MA BZLOG PAR ZA BA'I SO SOR BSHAGS PAR BYA BA DANG, BSLAB PA DRAL TE KHYIM DU 'JUG PA'I SO SOR BSHAGS PAR BYA BA DANG, NAGS BRTAG PA LAS GYUR PA'I SO SOR BSHAGS PAR BYA BA STE, SDOM GYI TSIGS SU BCAD PA DANG GO RIMS BZHIN DU SBYAR RO, ,TSE DANG LDAN PA DAG SO SOR BSHAGS PAR BYA BA'I CHOS BZHI PO 'DI DAG NI ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI SO SOR BSHAGS PAR BYA BA

, ,GDON PA'I LUNG DBOG PA BSTEN TO, ,SO SOR BSHAGS PA'I CHOS ZHES BYA BA NI, SMRE SNGAGS 'DON PA'I RNAM PAS MTHOL BAR BYA BA'O, ,DE NYID KHA NA MA THO BA'I MTSAN NYID 'DZIN PAS CHOS ZHES BYA'O, ,BZHI PO 'DI DAG NI ZHES BYA BA NI 'OG NAS 'BYUNG BA'I BZHI PO 'DI DAG GO, ,ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI ZLA BA PHYED PHYED CING GSO SBYONG 'DON PA'I TSE 'DUL BA 'DZIN PA'I KHA TON LAS 'BYUNG NGO ZHES BSTAN PA YIN NO; ,DE LAS DGE SLONG MA LAS ZAS LEN PA'I BAR SO SOR BSHAGS PAR BYA BA'I GLENG GZHI NI, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA BZHUGS SO, ,YUL RDO 'JOG NA KHYIM BDAG PHYUG PA NOR MANG BA LONGS SPYOD CHE BA, YONGS SU GZUNG BA YANGS SHING RGYA CHE BA RNAM THOS KYI BU'I NOR DANG LDAN PA RNAM THOS KYI BU'I NOR LA NOR GYIS 'GRAN PA ZHIG 'DUG PA DES RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE'I CHUNG MA LA DUS GZHAN ZHIG NA SEMS CAN ZHUGS PAR GYUR NAS, DE ZLA BA BRGYAD DAM DGU 'DAS TE BTZAS PA LAS BU MO GZUGS BZANG BA, LTA NA SDUG PA MDZES PA, MIG AUTPALA 'DRA

BA; AUTPA LA'I DRI DANG LDAN PA, AUTPA LA'I ZE'U 'BRU'I MDOG 'DRA BA ZHIG BYUNG NGO, ,DE'I NYE DU DAG 'DUS SHING LHAGS NAS ZHAG BDUN GSUM NYI SHU RTZA GCIG TU BTZAS PA'I BTZAS STON RGYA CHER BYAS NAS, BU MO 'DI'I MING CIR GDAGS ZHES DE'I MING 'DOGS PAR BYED DO, ,DE'I NYE DU DAG GIS SMRAS PA, GANG GI PHYIR BU MO 'DI MIG AUTPALA 'DRA BA, AUTPA LA'I DRI DANG LDAN PA, AUTPA LA'I ZE'U 'BRU'I MDOG 'DRA BA DE'I PHYIR, BU MO 'DI'I MING YANG AUTPA LA'I MDOG CES BYA BAR GDAGS SO ZHES DE'I MING AUTPA LA'I MDOG CES BYA BAR BTAGS SO, ,DE BSRINGS SHING BSKYED NAS CHEN MOR GYUR TE, KHYIM SO BZUNG BA'I TSE RIM GYIS DUS GZHAN ZHIG NA, TSE DANG LDAN PA MOOD GAL GYI BU CHEN POS BTUL NAS RGYUN DU ZHUGS PA'I 'BRAS BU THOB PAR BYAS NAS, BCOM LDAN 'DAS LA PHUL BA DANG, BCOM LDAN 'DAS KYIS SKYE DGU'I BDAG MO GOO TA M'I LA GTAD DE, DES DE RAB TU PHYUNG ZHING BSNYEN PAR RDZOGS PAR BYAS TE, GDAMS NGAG BYIN NAS DE GCIG PU DBEN PA SKYABS YOD PAR BRTUN PA DANG LDAN PAS BDAG NYID BTANG BAR GNAS PA NA DGRA BCOM PA NYID MNGON SUM DU BYAS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA'I NYAN THOS RNAMS RDZU 'PHRUL CHE BA, MTHU CHE BA RNAMS KYI NANG NA 'DI LTA STE, DGE SLONG MA AUTPA LA'I MDOG 'DI MCHOG YIN NO, ,AUTPA LA'I BDAG GI KUN DU SPYOD PA NI BSOD SNYOMS BRGYUS NAS, BSOD SNYOMS KYI PHUD DANG POR DGE 'DUN LA DBUL ZHING PHYIS GZHAN DU BRGYUS TE BDAG NYID ZA BAR BYED DO, ,JI TZAM DU DUS GZHAN ZHIG NA BSOD SNYOMS LA ZHUGS NAS BSOD SNYOMS KYI PHUD DGE 'DUN LA PHUL NAS DE'I 'OG TU BDAG NYID KYI DON DU BRGYUS PA DANG, DGE SLONG GLO BUR DU 'ONGS PA ZHIG BSOD SNYOMS LA ZHUGS PA DANG, DE SPYOD YUL LA MI MKHAS PAS CI YANG MA RNYED PA DE AUTPA LA'I MDOG GIS MTHONG NAS SMRAS PA, 'PHAGS PA CI YANG MA RNYED DAM, 'PHAGS MA CI YANG MA RNYED DO, ,DES BDAG NYID KYI BSOD SNYOMS BSOD SNYOMS PA DE LA PHUL NAS DE'I ZAN BCAD PAR GYUR TO, ,NYE DAGS DE MTHONG NAS, DES BSAMS PA, SRING MO 'DI NI DGE 'DUN LA MNGON PAR

, ,DAD PA 'BA' ZHIG TU MA ZAD KYI, GANG ZAG LA YANG MNGON PAR DAD PA 'DRA NA, 'DI BGOM PAR BYA'O SNYAM NAS, DE'I PHYI DE NYIN BAR AUTPA LA'I MDOG BSOD SNYOMS LA ZHUGS NAS, DES BSOD SNYOMS GYI PHUD DE DGE 'DUN LA PHUL NAS, BDAG NYID KYI DON DU RNYED PA SGRUB PA DANG, NYE DGA' YANG 'ONGS NAS SMRAS PA, 'PHAGS MA RNYED PA CUNG ZAD YOD DAM, DES SMRAS PA, 'PHAGS PA MCHIS NA GSOL BZHED DAM, LHA'I GNAS KYI LHAG MA JI LTA BA BZHIN NO, ,'PHAGS PA GAL TE DE LTA NA LHUNG BZED BZED DU GSOL, DES LHUNG BZED BZED PA DANG, DES BSOD SNYOMS DE DE'I LHUNG BZED DU PHUL LO, ,AUTPA LA'I MDOG NYI MA GNYIS SU ZAN CHAD PAS NYAM CHUNG BA'I SBYOR BAS BRGYAL TE SA LA 'GYEL BA DANG, MA DAD PA DAG GIS GLAGS RNYED NAS, SHES LDAN DAG AUTPA LA'I MDOG 'DI 'DOD CHAGS DANG BRAL LO ZHES GRAG NA, SH'AKYA GZHON NU GZUGS BZANG BA 'DI MTHONG NAS 'DOD CHAGS KYIS BRGYAL TE SA LA 'GYEL BAR GYUR PA DE JI LTA ZHES SMOD PA LA ZHUGS PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, YANG DGE SLONG GANG DGE SLONG MA NYE DU MA YIN PA LAM PO CHE NA 'DUG PA BSOD SNYOMS KYI PHYIR GRONG DU 'GRO BA LAS BCA' BA DANG BZA' BA RANG GI LAG GIS BLANGS TE 'AM ZA NA, DGE SLONG DES PHYI ROL DU KUN DGA' RA BAR SONG STE, DGE SLONG RNAMS LA TSE DANG LDAN PA DAG BDAG LA SMAD PA'I GNAS MI RIGS PA SO SOR BSHAGS PAR BYA BA BYUNG GIS, CHOS DE SO SOR 'CHAGS SO ZHES SO SOR BSHAGS PAR BYA STE; CHOS 'DI NI SO SOR BSHAGS PAR BYA'O ZHES BCA' BA MDZAD DE, YUL NI RGYAL PO'I KHAB, GANG ZAG NI NYE DGA', NYON MONGS BA NI BGAM GZHUG GIS THO 'TSAMS PA, NYES PA NI DGE SLONG MA NYE DU MA YIN PA LAM PO CHE NA 'DUG PA BSOD SNYOMS KYI PHYIR GRONG DU 'GRO BA LAS BCA' BA DANG BZA' BA RANG GI LAG GIS BLANGS NAS ZA BA'O, ,DE LA YANG DGE SLONG GANG ZHES BYA BA NI SH'AKYA'I BU NYE DGA' 'AM GZHAN YANG DE LTA BU GANG YIN PA'O, ,DGE SLONG MA ZHES BYA BA NI CHOS 'DI PA'O, ,NYE DU MA YIN PA ZHES BYA BA NI, PHYI MO DANG, MES PO DANG, PHRUGS LA BRTEN PA'I BDUN PA

TSUN CHAD NI NYE DU YIN LA, DE PHAN CHAD NI NYE DU MA YIN NO, ,LAM PO CHE NA 'DUG PA ZHES BYA BA NI SRANG DU SONG BA'O, ,BSOD SNYOMS KYI PHYIR GRONG DU 'GRO BA ZHES BYA BA LA, GRONG ZHES BYA BA NI, GANG NA LAM PO CHE DANG SRANG DANG, BZHI MDO DANG SUM MDO DAG YOD PA'O, ,LAS ZHES BYA BA NI GAN NAS SO, ,BCA' BA DANG BZA' BA ZHES BYA BA NI BCA' BA LNGA DANG, BZA' BA LNGA'O, ,RANG GI LAG GIS ZHES BYA BA NI LAG GIS LAG TU'O, ,BLANGS TE ZHES BYA BA NI BYIN NAS STOBS SU BCUG PA'O, ,'CHA' BA 'AM ZA NA ZHES BYA BA NI MGUL DU MID NA'O, ,DGE SLONG DES ZHES BYA BA NI DGE SLONG GANG YIN PA DES SO, , PHYI ROL KUN DGA' RA BAR SONG STE ZHES BYA BA NI GRONG GI PHYI ROL DU GTZUG LAG KHANG DU SONG STE'O, ,DGE SLONG RNAMS LA ZHES BYA BA NI DE NA DGE SLONG GANG DAG 'KHOD PA LA'O, ,TSE DANG LDAN PA DAG BDAG LA SMAD PA'I GNAS ZHES BYA BA NI SMAD PAR BYA BA'O, ,MI RIGS PA ZHES BYA BA NI TSUL DANG MI MTHUN PA'O; ,SO SOR BSHAGS PAR BYA BA ZHES BYA BA NI, SMRE SNGAGS 'DON PA'I RNAM PAS MTHOL BAR BYA BA'O, ,BYUNG GIS ZHES BYA BA NI LTUNG BA BYUNG BAS SO, ,CHOS DE ZHES BYA BA NI CHOS MA YIN PA LA CHOS KYI SGRAR GSUNGS PA DE'O, ,SO SOR 'CHAGS SO ZHES BYA BA NI MTHOL LO ZHES SO, ,SO SOR BSHAGS PAR BYA STE ZHES BYA BA NI MTHOL BAR BYA STE'O, ,CHOS 'DI NI SO SOR BSHAGS PAR BYA'O ZHES BYA BA NI CHOS 'DI NI MTHOL BAR BYA BA STE, DES NA SO SOR BSHAGS PAR BYA BA'O ZHES GSUNGS SO, ,SO SOR BSHAGS PAR BYA BA'I RNAM PAR GZHAG PA NI GTZUG LAG KHANG DE NA DGE SLONG JI SNYED 'KHOD PA LA YANG RUNG, JI TZAM MIG SNGAR SNANG BA DANG, THOS PA'I NYE 'KHOR NA 'DUG PA DAG LA YANG RUNG STE, DE DAG LA TSE DANG LDAN PA DAG BDAG LA SMAD PA'I GNAS MI RIGS PA SO SOR BSHAGS PAR BYA BA DGE SLONG MA LAS ZAS LEN PA 'AM, GZHAN YANG CHE GE MO ZHIG BYUNG GIS, CHOS DE SO SOR 'CHAGS SO ZHES SMRE SNGAGS 'DON PA'I RNAM PAS LAN CIG DE SKAD CES MTHOL BAR BYA ZHING DE'I 'OG TU BSHAGS PA NI DGE SLONG GI MDUN DU LTUNG BYED BSHAGS PA BZHIN DU BSHAGS PAR BYA STE, 'DI NI LTUNG BYED PAS KHA NA MA THO BA SPANG BAR BSHAD DO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG BDAG NYID LAM

, ,PO CHE NA 'DUG PAS, DGE SLONG MA NYE DU MA YIN PA LA DER 'DU SHES PAS, DGE SLONG MA DE RANG GI LAG GIS MI 'DRI MA PA'I RNAM PAS BSGRUBS SHING PHUL BA'I BCA' BA 'AM, BZA' BA DGE SLONG DES RANG GI LAG GIS BLANGS TE, GNAS GANG YANG RUNG BAR ZOS NA DGE SLONG MA LAS ZAS LEN PA'I SO SOR BSHAGS PAR BYA BA'I DNGOS GZHIR 'GYUR RO, ,'DI'I BYED PA PO NI DGE SLONG MA NYE DU MA YIN PA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, DGE SLONG MA NYE DU MA YIN PA NYID DANG, DER 'DU SHIS PA NYID DANG, GNYI GA LAM PO CHE GRONG NA 'DU PA NYID DANG, ZAS NYID DANG, RANG GI LAG GIS BLANGS TE ZOS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,DGE SLONG MA LA ZAS LEN PA'I SO SOR BSHAGS PAR BYA BA STE DANG PO'O,, ,,GRAL RIMS SU MA PHEBS PAR 'DRIM DU 'JUG PA MA BZLOG PAR ZA BA'I SO SOR BSHAGS PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN KUN DGA' RA BA NA BZHUGS SO, ,DE'I TSE NA MU GE NYAM NGA BA, DGON PA SLONG MO PAS ZAS RNYED PAR DKA' ZHING PHA MA DAG KYANG RANG GI BU DAG LA KHA ZAS SPYIN PA DANG BYA BAR SEMS PA DKA' NA SLONG MO BA DAG LA LTA SMOS KYANG CI DGOS PA BYUNG NGO, ,DRUG SDE DAG SNGA DRO SHAM THABS BGOS, LHUNG BZED DANG CHOS GOS THOGS TE MNYAN YOD DU BSOD SNYOMS LA ZHUGS PA DANG, LA LA NAS THOB LA LA NAS MA THOB NAS DE DAG BKRES PAS NYE NA NAS, BCU GNYIS SDE DAG GI GAN DU DONG BA DANG, DE DAG GIS SMRAS PA, 'PHAGS PA DAG 'TSO 'AM, SRING MO DAG 'DI NI JI LTAR 'TSO, KHO BO CAG BKRES PAS NYEN TO, ,'PHAGS PA DAG GAL TE DE LTAR NA SA NGA SPYON CIG DANG ZHAL TSUS GSOL LO, ,SRING MO DAG SANG KHYED KYIS SBYIN NA, GNANGS SUS SBYIN; 'PHAGS PA DAG BDAG CAG NYID KYIS GSOL LO, ,SRING MO DAG DE LTAR 'TSO BAR MI NUS KYIS, 'DI LTAR SANGS RGYAS LA SOGS PA DGE SLONG GI DGE 'DUN GANG DU SPYAN DRANGS PA DER KHYED CAG GIS ZHAL TA GYIS LA, KHO BO CAG LA YANG DANG YANG DU BYIN CIG DANG, DE LTAR NA KHO BO CAG

'TSO BAR 'GYUR RO, ,SBOM DGA' MOS SMRAS PA, GAL TE RUNG NAM NONGS KYIS DE BZHIN BGYI'O, ,JI TZAM NA KHYIM BDAG GCIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS PA DANG, DGE SLONG GI DGE 'DUN NI BZHUGS SO, ,BCOM LDAN 'DAS NI 'DUL BA LA NYAN THOS RNAMS KYI BSLAB PA'I GZHI 'CHA' BAR BZHED PAS, RDZAS LAS BYUNG BA NA BZHUGS SHING, BSOD SNYOMS MNGON PAR BSGRUBS PA KHYIM BDAG DE NANG MI DANG BCAS PAS, DGE SLONG GI DGE 'DUN LA BRIM PAR BRTZAMS PA DANG, SBOM DGA' MOS RGAN PA'I MTHA' LOG SU 'DUG NAS SMRAS PA, KHYIM BDAG 'DI NI 'PHAGS PA DGA' PO STE, SH'AKYA RAB TU BYUNG BA STE, SDE SNOD GSUM DANG LDAN PA CHOS SGROGS PA, ,RIGS PA DANG GROL BA'I SPOBS PA CAN YIN GYI, 'DI LA YANG GSOL CIG 'DI NI 'PHAGS PA NYE DGA'O, ,'DI NI 'PHAGS PA 'GRO MGYOGS SO, ,'DI NI NAB SO'O, ,'DI NI 'DUN PA STE 'DI DAG KYANG SH'AKYA RAB TU BYUNG BA STE, SDE SNOD GSUM DANG LDAN PA, CHOS SGROGS PA, RIGS PA DANG GROL BA'I SPOBS PA CAN YIN GYI 'DI DAG LA YANG GSOL CIG ,'DI 'PHAGS PA 'CHAR KA STE, BRAM ZE MDUN NA 'DON GYI BU RAB TU BYUNG BA, SDE SNOD GSUM DANG LDAN PA, CHOS SGROGS PA, RIGS PA DANG GROL BA'I SPOBS PA CAN YIN GYI 'DI LA YANG DANG YANG GSOL CIG KHYIM BDAG DES DE BZHIN DU DE DAG LA YANG DANG YANG BYIN NO, ,DE BZHIN DU SBOM DGA' MOS 'DRIM MKHAN DAG LA YANG SMRAS NAS, DE DAG GIS KYANG DE BZHIN DU DE DAG LA YANG DANG YANG BYIN NO, ,DE NA DGE SLONG KHA CIG LA NI 'BRAS CHAN CHAD KHA CIG LA NI TSOD MA CHAD, KHA CIG LA NI BCA' BA CHAD, KHA CIG LA NI ZAS CUNG ZAD THOB NAS ZAN CHAD PAR GYUR, KHA CIG GIS NI ZAN MA THOB PAR ZAN CHAD PAR GYUR TO, ,DE NA DGE SLONG GI DAG 'CHING BA MTHA' DAG YOD PA DE DAG GIS KHYIM BDAG DE MTHO BTZAMS PA, KHYIM BDAG GAL TE KHYOD LA 'BYOR BA MED NA CI'I PHYIR, SANGS RGYAS LA SOGS PA DGE SLONG GI DGE 'DUN SPYAN 'DREN PAR BYED, DES SMRAS PA 'PHAGS PA DAG BDAG GIS ZHAL ZAS MANG PO STA GON BGYIS NA, SBOM DGA' MO BGRES PA'I MTHA' LOGS SU MCHIS PAS BGRES PA'I MTHA' LOGS 'BA' ZHIG TU YANG DANG YANG DU

, ,STOBS SU RTZOL BAS, DE LA BDAG GIS JI LTAR BGYI ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DE DGE SLONG RAB TU MANG PO KHYIM RNAMS SU MGRON DU BOS NAS ZAN ZA BA'I TSE NA GAL TE DGE SLONG MA ZHIG 'DI LA BCA' BA BYIN CIG ,'DI LA NI 'BRAS CAN BYIN CIG ,'DI LA NI SRAN TSOD BYIN CIG ,'DI LA NI YANG BYIN CIG CES BSGO ZHIG 'DUG NA DGE SLONG MA DE LA DGE SLONG DE RNAMS KYIS 'DI SKAD CES SRING MO KHYOD DGE SLONG RNAMS ZAN ZA BA'I BAR DU RE ZHIG SDOD CIG CES BSGO BAR BYA'O, ,GAL TE GCIG GIS KYANG DGE SLONG MA DE LA DE YANG SMRA BA SPOBS NA DGE SLONG DE DAG THAMS CAD KYI PHYI ROL KUN DGA' BAR SONG STE, DGE SLONG RNAMS LA, TSE DANG LDAN PA DAG BDAG CAG LA SMAD PA'I GNAS MI RIGS PA'I SO SOR BSHAGS PAR BYA BA BYUNG GI CHOS DE SO SOR 'CHAGS SO ZHES SO SOR BSHAGS PAR BYA STE, CHOS 'DI YANG SO SOR BSHAGS PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DGE SLONG RAB TU MANG PO, ,NYON MONGS PA NI NGO ZLOG MI PHOD PA, NYES PA NI GRAL RIMS SU MA PHEBS PAR 'DRI MA DU 'JUG PA'I DGE SLONG MA MA BZLOG PAR ZA BA'O, ,DE LA DGE SLONG RAB TU MANG PO ZHES BYA BA NI; DGE SLONG GNYIS LAS LHAG PA NI RAB TU MANG PO'O, ,KHYIM RNAMS SU ZHES BYA BA NI BRAM ZE DANG KHYIM BDAG GI KHYIM RNAMS SU'O, ,MGRON DU POS NAS ZHES BYA BA NI ZAN GYI PHYIR RO, ,ZAN ZA BA'I TSE ZHES BYA BA NI BCA' BA LNGA DANG BZA' BA LNGA PO DAG GO, ,DE DAG GAL TE DGE SLONG MA ZHIG CES BYA BA NI SBOM DGA' MO 'AM, GZHAN YANG DE LTA BU GANG YIN PA'I, ,DGE SLONG MA DE LA ZHES BYA BA NI SBOM DGA' MO 'AM, GZHAN YANG DE LTA BU GANG YIN PA LA'O, ,DGE SLONG DE RNAMS KYIS ZHES BYA BA NI DE NA DGE SLONG GANG DAG 'KHOD PA RNAMS KYIS SO, ,'DI SKAD CES ZHES BYA BA NI 'DI SKAD CES BSGO BAR BYA BA'O, , SRING MO KHYOD DGE SLONG RNAMS ZAN ZA BA'I BAR DU RE ZHIG SDOD CIG CES BYA BA BSGO BAR BYA'O ZHES BYA BA NI SRING MO KHYOD DGE SLONG RNAMS ZAN ZA BA'I BAR DU RE ZHIG YUD TZAM ZHIG KHA ROL PAR SDOD CES BRJOD PAR BYA'O, ,GAL TE DGE SLONG GCIG GIS KYANG DGE SLONG MA DE LA DE SKAD SMRA BA MA SPOBS NA DGE

SLONG ZHES BYA BA NI GAL TE DGE SLONG GCIG GIS KYANG DGE SLONG MA DE LA MA SMRAS NA'O, ,DGE SLONG DE DAG THAMS CAD KYIS ZHES BYA BA NI DE NA DAG SLONG GANG DAG 'KHOD PA DE DAG THAMS CAD KYIS SO, ,PHYI ROL KUN DGA' RA BAR DONG STE, DGE SLONG RNAMS LA TSE DANG LDAN PA DAG BDAG CAG LA SMAD PA'I GNAS MI RIGS PA SO SOR BSHAGS PAR BYA BA BYUNG GIS CHOS DE SO SOR BSHAGS ZHES SO SOR BSHAGS PAR BYA STE, CHOS 'DI YANG SO SOR BSHAGS PAR BYA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, KHYIM MA DGON PA DANG, GTZUG LAG KHANG LA SOGS PAR SBYIN BDAG KHYIM GYI MI THAMS CAD 'DUS PA 'AM, BSKOS PA LA SOGS PA ZAN SBYAR BAR DGE SLONG GSUM LA SOGS PA MGRON DU BOS TE ZAN ZA BA'I TSE, DE NA DGE SLONG MA DE'I TSIG GIS SAM DE'I NYE DUS MGRON DU BOS PA MA YIN PA BYUG RIS STON PA DANG, MA BYIN PA LA SBYIN DU 'JUG PA MA GTOGS PA ZHIG DGE SLONG LTUNG BA 'BYIN PA PO DE 'AM, DGE SLONG GZHAN LA 'DI LA BCA' BA 'AM, BTUNG BA DANG, SRAN TSOD DAM, BZA' BA 'AM YANG BYIN CIG CES BYA BA LA SOGS PAS SKO SHAM BYED PA LA ZHUGS PA DE LA, DGE SLONG GANG YANG RUNG BA ZAN GCIG PA NYID YIN LA LHAN CIG ZA BA 'AM, LHAN CIG MI ZA BAS KYANG RUNG BAS, SRING MO KHYOD DGE SLONG RNAMS ZAN ZOS KYI BAR DU RE ZHIG SDOD CIG CES MA BSGO BAR, DGE SLONG GSUM LA SOGS PAR MGRON DU BOS PAS ZOS NA BSGO BA'I TSIG DE NYE BAR GDAGS SU MI RUNG BA TZAM DU THAG RING BA MA GTOGS PA NYID DANG, BSGO BA NYID DU 'DU SHES MED NA, GRAL RIMS SU MA PHEBS PA 'DRIM DU 'JUG PA MA BZLOG PAR ZA BA'I BAR SO SOR BSHAGS PAR BYA BA'I DNGOS GZHIR 'GYUR RO, ,'DI'I BYED PA PO NI DGE SLONG LTUNG BA 'BYIN PA PO DE 'AM, DGE SLONG GZHAN 'DI LA BCA' BA 'AM, BTUNG BA 'AM, SRAN TSOD DAM, BZA' BA 'AM, YANG BYIN CIG CES BYA BA LA SOGS PAS; SKO SHAM BYED PA LA ZHUGS PA'I DGE SLONG MA DE'I TSIG GIS SAM, DE'I NYE DUS MGRON DU BOS PA MA YIN PA BYUG RIS STON PA DANG, MA BYIN PA LA SBYIN DU 'JUG PA MA GTOGS PA DANG, BSGO BA'I TSIG NYE BAR GDAGS SU MI RUNG BAR THAG RING BA MA GTOGS PA DE NA 'DUG PA NI BYED PA PO YIN NO, ,

, ,'DI LA YAN LAG LNGAS DNGOS GZHI'I LTUNG BAR 'GYUR TE, GANG ZHE NA, KHYIM DGON PA DANG, GTZUG LAG KHANG LA SOGS PAR SBYIN BDAG KHYIM GYI MI THAMS CAD 'DUS PA'AM DES BSKOS PA LA SOGS PAS ZAN SBYAR BA NYID DANG, DGE SLONG GSUM YAN CHAD MGRON DU BOS PA NYID DANG, DGE SLONG MA DE'I TSIG GIS SAM DE'I NYE DUS MGRON DU BOS PA MA YIN PA BYUG RIS STON PA DANG, MA BYIN PA LA SBYIN DU 'JUG PA MA GTOGS PA NYID DANG, BSGO BA NYID TSIG NYE BAR GDAGS SU MI RUNG BAR THAG RING BA MA YIN PA SKO SHAM BYED PA LA ZHUGS PA NYID DANG, DGE SLONG ZAN GCIG PA RNAMS KYIS MA BSGO BAR 'DU SHES PAS ZOS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,GRAL RIMS SU MA PHEBS PAR 'DRIM DU 'JUG PA MA BZLOG PAR ZA BA'I SO SOR BSHAGS PAR BYA BA STE GNYIS PA'O,, ,,BSLAB PA DRAL TE KHYIM DU 'JUG PA'I SO SOR BSHAGS PAR BYA BA'I GLENG GZHI NI, SANGS RGYAS BCOM LDAN 'DAS YANGS PA CAN NA SPRE'U RDZING GI 'GRAM KHANG PA BRTZEGS PA'I KHANG BZANGS NA BZHUGS SO, ,GANG GI TSE DMAG DPON SENG GES BCOM LDAN 'DAS KYI SPYAN SNGA NAS BDEN PA DAG MTHONG BA DE'I TSE DES CHA GCIG BZUNG NAS, 'DI LTAR KHYU MCHOG RLABS PO CHE'I TSIG SMRAS SHING 'KHOR GYI NANG DU SENG GE'I SGRA YANG DAG PAR BSGRAGS TE, DE PHYIN CHAD GCER BU MA DAG DANG, GCER BU MA DAG DANG, GCER BU PA'I NYAN THOS DAG DANG, GCER BU MA'I NYAN THOS MA DAG GI SGO NI BCAD DO, ,BCOM LDAN 'DAS KYI NYAN THOS KYI DGE SLONG DAG DANG, DGE SLONG MA DAG DANG, DGE BSNYEN DAG DANG, DGE BSNYEN MA DAG GI SGO NI PHYE'O ZHES BSGRAGS SHING ZHING LAS KYI MTHA' DAG KHA NA MA THO BA DANG BCAS PA YIN NO ZHES YONGS SU GTANG NGO, ,DE DAD PA DANG LDAN ZHING BZANG LA, DGE BA'I LAS SEMS PA CAN YIN TE, DES SANGS RGYAS SAM, CHOS SAM, DGE 'DUN NAM, YID DU 'ONG BA'I DGE SLONG RNAMS LA MA PHUL BA 'AM, YONGS SU MA BTANG BA CI YANG MED DE, DES DE LTAR PHUL ZHING YONGS SU BTANG BAS, LONGS SPYOD RABS SHING YONGS SU ZAD DE, YONGS SU MTHAR THUG PAR GYUR TO, ,DE SKABS SU TSE DANG LDAN PA SH'A RE'I BU DANG, MOOD GAL GYI BU CHEN PO GNYIS LJONGS RGYU ZHING

'DONG PA NA, YANGS PA CAN DU PHYIN PA NA, DMAG DPON SENG GES DE GNYIS KHYIM GZHAN DU ZAN LA MGRON DU BOS NAS, DE DE GNYIS KYI ZAN SBYAR BA'I PHYIR BDAG NYID SRONG DU SONG BA DANG, GCER BU BA DAG GIS MTHONG NAS, DE DAG SHES LDAN DAG GANG GI TSE DMAG DPON SENG GE BDAG CAG LA MNGON PAR DAD PA DE'I TSE NA 'DI NI THAMS CAD PHUN SUM TSOGS PAR GYUR NA, DA LTAR SH'AKYA'I BU DGE SBYONG DAG LA MNGON PAR DAD PA 'DI LA BCAR YANG MED BCAR YANG MED DE, BDAG NYID KHYIM GYI LAS BYED DO ZHES SMOD PA LA ZHUGS PA'I SKABS DE, DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DMAG DPON SENG GE DANG, GZHAN YANG DE LTA BU GANG YIN PA GSOL BA 'BA' ZHIG GI LAS KYIS BSLAB PA'I SDOM PA SBYIN ZHING DER DGE SLONG GI KHYIM DU 'GRO BAR MI BYA, STAN LA LONGS SPYOD PAR MI BYA, BSOD SNYOMS BZA' BAR MI BYA, CHOS BSTAN PAR MI BYA'O, ,DGE SLONG RNAMS KYIS DE LA BSLAB PA'I SDOM PA BYIN NAS, TSE DANG LDAN PA SH'A RI'I BU DANG, MOOD GAL GYI BU GNYIS SNGAR MGRON DU BOS PA, BCOM LDAN 'DAS KYIS GNANG STE, DMAG DPON SENG GE'I KHYIM DU 'PHAGS PA DRUG SDE DAG GIS DE GNYIS MTHONG NAS, DE DAG GIS SMRAS PA, KHYED GNYIS GAR BZHUD, DMAG DPON SENG GE'I KHYIM DU'O, ,DE LA DGE 'DUN GYIS BSLAB PA'I SDOM PA MA BYIN NAM, GANG DAG BYIN PA DE LA BYIN GYI, KHO BO CAG GNYIS SNGAR MGRON DU BOS SO, ,DRUG SDE DAG GIS SMRAS PA, GAL TE DE LTA NA KHO BO CAG GANG GI TSE DMAG DPON SENG GES BCOM LDAN 'DAS KYI SPYAN SNGA NAS BDEN PA DAG MTHONG BA DE'I TSE NA, CHES SNGAR MGRON DU BOS SO, ,DE GNYIS CANG MI SMRA BAR 'DOD PA DANG, DE DAG KYANG DE GNYIS KYI PHYI BZHIN PHYI BZHIN DU RJES SU 'BRANG BA NA, DMAG DPON SENG GES DGE SLONG RAB TU MANG PO DAG 'ONGS PA MTHONG NAS MCHOG TU 'GAG BA BSKYED DE, KHYIM MI LA DGOS PA GANG YIN PA DE DAG DGE SLONG RNAMS LA BRIMS SO, ,DE DAG GIS ZOS TE DONG BA DANG, DE'I BU DAG GIS ZAS ZA BAR BRTZAMS PA DANG, DES SMRAS PA, BU DAG KHYIM MI LA DGOS PA GANG DAG YIN PA DE DAG KYANG, DGE SLONG RNAMS LA BRIM GYIS, GZHAN BSGRUB KYI BAR DU RE ZHIG SDOD CIG ,DE

, ,DAG GI DU BAR BRTZAMS PA THOS NAS, DGE SLONG DON NYUNG DU DAG CI'I PHYIR DGE SLONG DAG SLOB PA DAG GI KHYIM GANG YIN PA DGE 'DUN GYI BSLAB PA'I SDOM PAS BSDOMS PA DAG TU SNGAR MGRON DU MA BOS PAR DONG STE RANG GI LAG GIS BCA' BA DANG BZA' BA BLANGS NAS 'CHA' BAR BYED, ZA BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU SLOB PA DAG GI KHYIM GANG DAG DGE 'DUN GYI BSLAB PA'I SDOM PAS BSDOMS PAR GYUR LA, YANG DGE SLONG SLOB PA DAG GI KHYIM GANG DAG DGE 'DUN GYI BSLAB PA'I SDOM PAS BSDOMS PA DE LTA BU DAG TU SNGAR MGRON DU MA BOS PAR SONG STE, RANG GI LAG GIS BCA' BA DANG BZA' BA BLANGS NAS 'CHA' BA 'AM ZAN, DGE SLONG DES PHYI ROL KUN DGA' RA BAR SONG STE, DGE SLONG RNAMS LA TSE DANG LDAN PA DAG BDAG LA SMAD PA'I GNAS MI RIGS PA SO SOR BSHAGS PAR BYA BA BYUNG GIS CHOS DE SO SOR 'CHAGS SO ZHES SO SOR BSHAGS PAR BYA STE, CHOS 'DI YANG SO SOR BSHAGS PAR BYA BA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MGRON TSOL BA, NYES PA NA BSLAB PA DRAL TE KHYIM GZHAN DU 'JUG PA'O, ,DE LA SLOB PA DAG GIS ZHES BYA BA LA SLOB PA DAG CES BYA BA NI RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DAG GO, ,KHYIM GANG DAG CES BYA BA NI BRAM ZE DANG KHYIM BDAG GI KHYIM DAG GO, ,DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,BSLAB PA'I SDOM PAS BSDAMS PAR GYUR PA ZHES BYA BA NI GSOL BA'I LAS KYIS SO, ,YANG DGE SLONG GANG ZHES BYA BA NI DRUG SDE 'AM, GZHAN YANG DE LTA BU GANG YIN PA'O, ,SLOB PA DAG GI KHYIM GANG DAG DGE 'DUN GYI BSLAB PA'I SDOM PAS BSDAMS PA DE LTA BU DAG TU ZHES BYA BA NI JI SKAD BSTAN PA DE LTA BU DAG TU'O, ,SNGAR MGRON DU MA BOS PAR ZHES BYA BA NI, GLENG GZHI LAS TSE DANG LDAN PA SH'A RI'I BU DANG, MOOD GAL GYI BU CHEN PO GNYIS DMAG DPON SENG GES SNGAR MGRON DU BOS PA BCOM LDAN 'DAS KYIS GNANG NGO ZHES GSUNGS PA LTAR SNGAR MA BSTABS PAR

RO; ,SONG STE ZHES BYA BA NI SONG NAS SO, ,RANG GI LAG GIS ZHES BYA BA NI LAG PAS LAG BAR RO, ,BCA' BA DANG BZA' BA ZHES BYA BA NI BCA' BA LNGA DANG BZA' BA LNGA'O, ,BLANGS ZHES BYA BA NI BYIN LEN STOBS SU BCUG NAS SO, ,'CHA' BA 'AM ZA NA ZHES BYA BA NI MGUL DU MID NA'O, ,DGE SLONG DES ZHES BYA BA NI DGE SLONG GANG YIN PA DES SO, ,PHYI ROL KUN DGA' RA BAR SONG STE, DGE SLONG RNAMS LA TSE DANG LDAN PA DAG BDAG LA SMAD PA'I GNAS MI RIGS PAR SO SOR BSHAGS PAR BYA BA BYUNG GIS CHOS DE SO SOR 'CHAGS SO ZHES SO SOR BSHAGS PAR BYA STE, CHOS 'DI YANG SO SOR BSHAGS PAR BYA'O ZHES BYA BA NI SNGA MA BZHIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DGE SLONG SBYIN BDAG DAD PA CAN LONGS SPYOD 'GRIBS PA GANG LA DGE 'DUN GYI BSLAB PA'I SDOM PA SBYIN PA'I MDUN ROL DU MGRON DU MA BOS PAS BSLAB PA'I SDOM PA BYIN PA'I KHYIM NAS, GA GON DANG, LA PHUG DANG; LDAM LDUM DANG, MOD PA DAG MA GTOGS PA'I BCA' BA DANG BZA' BA DAG BLANGS SHING ZOS NA, BSLAB PA DRAL TE KHYIM DU 'JUG PA'I SO SOR BSHAGS PAR BYA BA'I DNGOS GZHIR 'GYUR RO, ,'DI'I BYED PA PO NI SNGAR MGRON DU MA BOS PA DANG, DGE 'DUN GYI BSLAB PA'I SDOM PA BYIN PA'I KHYIM NYID DO, ,'DI LA YAN LAG LNGAS DNGOS GZHI'I LTUNG BAR 'GYUR TE, KHYIM PA'I KHYIM NYID DANG, SNGAR MGRON DU MA BOS PA NYID DANG, DGE 'DUN GYI BSLAB PA'I SDOM PA BYIN PA NYID DANG, DE'I KHYIM NAS GA GON DANG LA PHUG DANG, LDAM LDUM MOD PA DAG MA GTOGS PA'I BZA' BA DANG BCA' BDAG RANG GI LAG GIS BLANGS PA NYID DANG, ZOS PA NYID DO, ,DE DAG LAS YAN LAG MA TSANG NA CI RIGS PAR NA SMAD DO, ,BSLAB PA DRAL TE KHYIM DU 'JUG PA'I SO SOR BSHAGS PAR BYA BA STE GSUM PA'O,, ,,NAGS BRTAG PA LAS GYUR PA'I SO SOR BSHAGS PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS KYI GNAS SU DBYAR GNAS PAR ZHAL GYIS BZHES SO, ,BCOM LDAN 'DAS KYIS DGE SLONG RNAMS KYIS ZHAG BDUN NAM BRGYAD NA DGAG DBYE 'BYUNG BAR 'GYUR BA NA SPYOD YUL GYI GRONG DAG TU ZHAG 'DI RNYED NA DGAG DBYE 'BYUNG BAR 'GYUR RO ZHES BRJOD PAR BYA'O

, ,ZHES BKA' STZAL NAS DGE SLONG RNAMS KYIS SONG STE BRJOD DO, ,DE NAS SER SKYA'I GNAS NA GNAS PA'I SH'AKYA DAG DE NYID KYI DGAG DBYE BCO LNGA PA LA BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO; ,MTHA' GCIG TU 'KHOD NAS BCOM LDAN 'DAS SER SKYA'I GNAS NA GNAS PA'I SH'AKYA RNAMS LA CHOS DANG LDAN PA'I BKA' MCHID KYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DO, , RNAM GRANGS DU MAR CHOS DANG LDAN PA'I BKA' MCHID KYIS YANG DAG PAR 'DZIN DU BCUG ,YANG DAG PAR GZENGS STOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS SER SKYA'I GNAS NA GNAS PA'I SH'AKYA RNAMS KYIS BCOM LDAN 'DAS KYIS BKA' STZAL PA LA MNGON PAR DGA' BA DANG; RJES SU YI RANG BAR BYAS NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG BCAS PAS SANG 'DI NYID DU BDAG CAG GI GDUGS TSOD GSOL BAR CI GNANG, SANG DGE SLONG 'GAS KYANG BSOD SNYOMS LA 'JUG PAR MI BGYI STE, BDAG CAG BSOD SNYOMS 'TSAL TE, MCHI ZHING BCOM LDAN 'DAS NYAN THOS KYI DGE 'DUN DANG BCAS PA LA RANG GI SUG PA NAS TSIM PAR BGYI ZHING STOBS PAR BGYID DO, ,BCOM LDAN 'DAS KYIS SER SKYA'I GNAS NA GNAS PA'I SH'AKYA RNAMS LA CANG MI GSUNG BAS GNANG NGO, ,DE NAS DE DAG SER SKYA'I GNAS SU SONG STE, DE NYID KYI MTSAN MO BCA' BA DANG BZA' BA GTZANG ZHING BSOD PA DAG STA GON BYAS NAS, NANG PAR SNGAR LANGS TE BCA' BA DANG BZA' BA DAG GIS SHING RTA DAG BKANG NAS SH'AKYA'I BU MO RNAMS LA SMRAS PA, KHYED CAG JE SHING RTA DAG ZHON LA DENG SHIG DANG KHO BO CAG PHYI BZHIN 'ONG NGO, ,DE DAG RGYAN THAMS CAD KYIS BRGYAN TE SHING RTA DAG LA ZHON NAS 'PHAGS SO, ,SER SKYA'I GNAS KYI NYEN KOR THIBS PO YIN PAS DE DAG LAM KHAR CHOM RKUN PA DAG GIS MTHONG NAS DES SMRAS PA, SHES LDAN DAG SH'AKYA'I BU MO RGYAN THAMS CAD KYIS BRGYAN PA 'DI DAG 'DONG GI TSUR SHEG GZHOM MO, ,CHOM RKUN PA'I DMAG DPON GYIS

SMRAS PA, SHES LDAN DAG 'DONG DU ZAD MOD, ,KHYED CAG LA 'DI DAG GZHOM PAS CI BYA, SH'AKYA GDUG PA PHA ROL GNON PA DAG GNOD PAR BYED PAR 'GYUR GYI THONG SHIG ,DE DAG GIS SMRAS PA DMAG DPON ZLA'I RGYAB SUS MTHONG GZHOM MO ZHES DE DAG GI TSIG TSIG MA YIN PA BYAS TE, DE DAG BCOM NAS GOS DANG RGYAN THAMS CAD PHROGS TE DONG NGO, ,SH'AKYA'I BU MO DE DAG KYANG 'JIGS SHING SKRAG NAS SGREN MOR TSANG TSING NAGS MA DAG GI NANG DU YIB STE 'KHOD DO, ,SHING RTA DED PA DAG KYANG SKRAG NAS BYER RO, ,GLANG DAG KYANG CHU THAG BCAD NAS CI DGAR YAN CING 'KHOD DO, ,SHING RTA DAG KYANG SHING RTA'I MDA' DANG BRAL TE 'DUG GO, ,DRUG SDE DAG GIS PHAN TSUN GROS BYA BAR BRTZAMS PA, DGA' BO NYE DGA' SH'AKYA BAG MED PA DAG YUN RING DU THOGS PAS BDAG CAG GI ZAN GCAD PAR BYA BA 'AM CI, BSOD SNYOMS LA 'DONG NGO, ,DE LTAR BYA'O ZHES DE DAG LHUNG BZED DANG CHOS GOS THOGS TE 'PHAGS PA DANG, JI TZAM NA LAM KHA NA SHING RTA BCA' BA DANG BZA' BAS GANG BA SHING RTA MDA' DANG BRAL BA DAG 'DUG PA DANG, GLANG DAG CHU THAG BCAD DE CI DGAR YAN PA DAG 'KHOD PA MTHONG NAS, DE DAG GIS PHAN TSUN RNAM PAR BLTAS NAS BOD PAR BRTZAMS PA, SHES LDAN DAG 'DI NA SU 'KHOD, DE DAG GIS SGRA PHUNG BA DANG, DRUG SDE DAG GIS SMRAS PA, KHYED CAG SU YIN, 'PHAGS PA DAG BDAG CAG SH'AKYA'I BU MO DAG GO, ,TSUR SHEG KHO BO CAG LA BRIMS SHIG ,'PHAGS PA BDAG CAG CHOM RKUN PA DAG GIS BCOM STE SGREN MOR MCHIS SO, ,KHO BO CAG GDUGS TSOD YOL GYIS TSUR SHEG ,KHYED CAG GI YAN LAG DANG NYING LAG KHO BO CAG GIS SNGON MA MTHONG BA GANG YOD TSUR SHEG DE DAG LO MA DAG GIS G-YOGS TE BYUNG NAS BRIM PAR BRTZAMS PA DANG, DRUG SDE DAG GIS SMRAS PA, DGA' BO NYE DGA' LTOS SHIG LTOS SHIG ,SH'AKYA'I BU MO 'DI DAG GI MIG CI 'DRA, SNA CI 'DRA, MCHU CI 'DRA, NU MA CI 'DRA; LAG PA CI 'DRA, RKED PA CI 'DRA, RKANG PA CI 'DRA, LTOS SHIG ,DE DAG DE LTAR GTZES PA NA, NGO TSA NAS NAGS TSANG TSING DANG, NAGS MA DE DAG NYID KYI NANG DU YIB STE 'KHOD DO, ,DRUG SDE DAG GIS SH'AKYA RNAMS LA SH'AKYA'I BU MO RNAMS BCOM MO ZHES SMRAS PA DANG, DE NAS SH'AKYA DAG

, ,MDA' GZHU LAG NA THOGS SHING, MTSON GZAS PA DAG GIS LAM KHAR DONG STE, LAM 'GAGS NAS DE DAG GIS CHOM RKUN PA DE DAG BZUNG NGO, ,DE NA KHA CIG GIS SMRAS PA, 'DI DAG LA BTANG SNYOMS BYAR CI YOD, BSAD DO, ,KHA CIG GIS SMRAS PA, RE ZHIG DER KHRID LA SH'AKYA'I BU MO RNAMS LA DRIS TE BYA'O, ,DE DAG GIS DE DAG KHRID NAS SH'AKYA'I BU MO RNAMS KYI GAN DU DONG STE DRIS PA, SH'AKYA'I BU MO RNAMS KYIS SMRAS PA, CHOM RKUN PA'I DMAG DPON 'DI NI NYES PA MED PAR GNOD PA MI BYED PA YIN TE, 'DIS DE DAG BZLOG NA DE DAG MA BTUB PAS 'DI NI THONG SHIG ,DE DAG GIS DE BTANG NGO, ,DE SROG DE'U CHAD PA LAS PHYIR THOB NAS DES DE DAG GI RKANG PA LA GTUGS TE SMRAS PA, SHES LDAN DAG KHYED CAG DAD PA SKYES TE SANGS RGYAS LA SOGS PA DGE SLONG GI DGE 'DUN GDUGS TSOD GSOL DU 'GRO BA YIN NA, 'DI DAG BSAD PAS KHYED LA CI BYA, NYES PA BYAS PA 'DI DAG KYANG BTANG BAR GSOL, DE DAG GIS DE DAG LA BCOM PA'I RDZAS DAG PHYIR BSKUR TE BTANG NGO, ,DE NAS SH'AKYA DE DAG GIS SH'AKYA'I BU MO DE DAG GOS BSKON CING RGYAN THOGS SU BCUG NAS SHING RTA DAG KYANG CHU THAG BTAGS TE SHING RTA LA ZHON NAS BCOM LDAN 'DAS KYI SPYAN SNGAR DONG NGO, ,BCOM LDAN 'DAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS PA DANG, SH'AKYA DANG SH'AKYA'I BU MO RNAMS KYIS SANGS RGYAS LA SOGS PA DGE SLONG GI DGE 'DUN LA BRIM PAR BRTZAMS SO, ,SH'AKYA'I BU MO RNAMS KYIS DRUG SDE RNAMS LA ZAS MI SBYIN NAS SH'AKYA RNAMS KYIS SMRAS PA, CI'I PHYIR 'PHAGS PA DAG LA ZHAL ZAS MI GSOL; DE DAG GIS SMRAS PA, 'DI DAG GIS ZOS ZIN TE, GANG DU GSOL, DE NYID DU'O, ,SUS BRIMS KHO MO CAG GIS SO, ,KHYED CAG SGREN MO DAG GIS JI LTAR BRIMS, DE'I PHYIR DE DAG GIS KHO BO CAG THO BTZAMS TE, JI LTAR KHO MO CAG LO MA DAG GIS G-YOGS TE TSANG TSING DANG NAGS MA DAG GI NANG NAS BYUNG STE BRIM PAR BRTZAMS PA DANG, THO BTZAMS TE, 'DI LTAR BRJOD PAR BYA BA MANG DU YOD DO, ,DE NI 'JAL GYIS GNAS NGAN LEN KUN DU SPYOD PA YIN GYIS 'DI DAG LA ZAS MI SBYIN NO, ,DE DAG CANG MI SMRA BAR 'KHOD DO, ,DE NAS DE DAG GIS DGE SLONG GI DGE 'DUN LA BRIMS NAS SMRAS

PA; 'PHAGS PA DAG KYE MA KHYED KYI LAM 'DI 'JIGS PA DANG BCAS PA YIN NO ZHES BKA' STZAL NAS, BDAG CAG BAG BGYID CING 'CHI BA ZHIG NA ZHES ZER BA'I SKABS DE DAG SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG DE LTA BAS NA KHYED KYIS DGE SLONG NAGS NYUL BA CHOS LNGA DANG LDAN PA SPRO BAR BYA STE, GSOL BA DANG GNYIS KYI LAS KYIS BSKO BAR BYA'O, ,DES DPAG TSAD PHYED KHO RA KHOR YUG TU BRTAG PAR BYA'O, ,'JIGS PA DANG BCAS PA NYID YIN NA DUD BRDA GTUL BAR BYA'O, ,BA DAN SNGON PO BSGRENG BAR BYA'O, ,'DAB MA'I CHANG BU DAG LAM KHAR GZHAG PAR BYA'O, ,GAL TE NAGS 'JIGS PA MED PAR GYUR NA BA DAN DKAR PO DAG BSGRENG BAR BYA'O, ,DE GAL TE 'DOD PA NYID YIN NA DE LA KHYE'U SUS DANG GROS KYANG SBYIN PAR BYA'O, ,DGE SLONG DON NYUNG DU DAG CI'I PHYIR DGE SLONG DAG NAGS SNGAR MA BYUL BAR KUN DGA' RA BA'I PHYI ROL DU BCA' BA DANG BZA' BA BLANGS TE, 'CHA' ZHING ZA ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS SNGA MA BZHIN DU, DGE 'DUN GYI GNAS MAL DGON PA GANG DAG DOGS PA DANG BCAS PAR GRAGS PA; 'JIGS PA DANG BCAS PAR GRAGS PA 'JIGS PA THA DAD PAR 'JIGS SU RUNG BA DANG BCAS PAR GRAGS PAR GYUR PA LA YANG DGE SLONG GANG DGE 'DUN GYI GNAS MAL DGON PA GANG DAG DOGS PA DANG BCAS PAR GRAGS PA, 'JIGS PA DANG BCAS PAR GRAGS PA 'JIGS PA THA DAD PAS 'JIGS SU RUNG BA DANG BCAS PAR GRAGS PA, DE LTA BU DAG TU SNGAR MA BYUL BAR KUN DGA' RA BA'I PHYI ROL DU BCA' BA DANG BCA' BA BLANGS TE 'CHA' 'AM ZA NA DGE SLONG DES PHYI ROL KUN DGA' RA BAR SONG STE, DGE SLONG RNAMS LA TSE DANG LDAN PA DAG BDAG LA SMAD PA'I GNAS MI RIGS PA SO SOR BSHAGS PAR BYA BA BYUNG GIS, CHOS DE SO SOR 'CHAGS SO ZHES SO SOR BSHAGS PAR BYA STE, CHOS 'DI YANG SO SOR BSHAGS PAR BYA'O ZHES BCA' BA MDZAD DO, ,YUL NI SER SKYA'I GNAS, GANG ZAG NI DRUG SDE, NYON MONGS PA NI BDAG NYID 'GYENGS SHING DGE 'DUN GYI DON YAL BAR DOR BA, NYES PA

, ,NI NAGS MA BYUL BAR KUN DGA' BA'I PHYI ROL DU BCA' BA DANG BZA' BA BLANGS TE ZA BA'O, ,DE LA DGE 'DUN GYI ZHES BYA BA NI DE BZHIN GSHEGS PA'I NYAN THOS KYI DGE 'DUN GYI'O, ,GNAS MAL DGON PA GANG DAG CES BYA BA LA, DGON PA ZHES BYA BA NI DUL PHRA RAB DRUG LA RDUL PHRA MO GCIG GO, ,RDUL PHRA MO DRUG LA CHU RDUL GCIG GO, ,CHU RDUL DRUG LA LCAGS RDUL GCIG GO, ,LCAGS RDUL DRUG LA RI BONG GI RDUL GCIG GO, ,RI BONG RDUL DRUG LA LUG RDUL GCIG GO, ,LUG RDUL DRUG LA GLANG RDUL GCIG GO, ,GLANG RDUL DRUG LA NYI ZER GYI RDUL GCIG GO, ,NYI ZER GYI RDUL DRUG LA SRO MA GCIG GO, ,SRO MA DRUG LA SHIG GCIG GO, ,SHIG DRUG LA NAS GCIG GO, ,NAS DRUG LA SOR GCIG GO, ,SOR BZHI DRUG LA KHRU GANG NGO, ,KHRU PHYED DANG BZHI LA MI'I SRID DO, ,KHRU BZHI LA GZHU'O, ,GZHU LNGA BRGYA LA RGYANG GRAGS GCIG STE, GRONG NAS RGYANG GRAGS GCIG NI DGON PA STE, DE NA GTZUG LAG KHANG GANG YOD PA DE NI GNAS MAL DGON PA YIN NO, ,DOGS PA DANG BCAS PAR GRAGS PA ZHES BYA BA NI CHOM RKUN PA DANG, G-YON CAN GYIS 'JIGS PAR GRAGS PA'O, ,'JIGS PA DANG BCAS PAR GRAGS PA ZHES BYA BA NI, SENG GE DANG, STAG DANG, GUNG GIS 'JIGS PAR GRAGS PA'O, ,'JIGS PA THA DAD PAS 'JIGS SU RUNG BA DANG BCAS PAR GRAGS PAR 'GYUR LA ZHES BYA BA NI SHA SBRANG DANG, SBRANG BU MCHU RINGS DANG, RLUNG DANG NYI MA DANG, SDIG SBRUL GYI 'JIGS PA THA DAD PAS 'JIGS SU RUNG BA DANG BCAS PAR GRAGS PAR 'GYUR BA'O, ,YANG DGE SLONG GANG ZHES BYA BA NI DRUG SDE 'AM GZHAN YANG DE LTA BU GANG YIN PA'O, ,DGE 'DUN GYI GNAS DGON PA GANG DAG DOGS PA DANG BCAS PAR GRAGS PA, 'JIGS PA DANG BCAS PAR GRAGS PA, 'JIGS PA THA DAD PAS 'JIGS SU RUNG BA DANG BCAS PAR GRAGS PA DE LTA ZHES BYA BA NI JI SKAD BSTAN PA LTA BU DAG GO, ,SNGAR MA BYUL BAR ZHES BYA BA NI NAGS BYUL BAS SNGAR MA BYUL BAR RO, ,KUN DGA' RA BA'I PHYI ROL DU ZHES BYA BA NI GTZUG LAG KHANG GI PHYI ROL DU'O, ,BCA' BA DANG BZA' BA ZHES BYA BA NI BCA' BA LNGA DANG BCA' BA LNGA'O, ,BLANGS TE ZHES BYA BA NI BYIN LEN STOBS SU BCUG STE'O, ,'CHA' BA 'AM ZA NA ZHES BYA BA NI MGUL

DU MID NA'O, ,DGE SLONG DES PHYI ROL DU KUN DGA' RA BAR SONG STE, DGE SLONG RNAMS LA TSE DANG LDAN PA DAG BDAG LA SMAD PA'I GNAS MI RIGS PA SO SOR BSHAGS PAR BYA BA BYUNG GIS CHOS DE SO SOR 'CHAGS SO ZHES SO SOR BSHAGS BAR BYA BA STE, CHOS 'DI YANG SO SOR BSHAGS PAR BYA BA'O ZHES BYA BA NI SNGA MA BZHIN NO, ,DE LA 'DI'I DNGOS GZHI'I LTUNG BA RNAM PAR GZHAG PA NI DGE SLONG GIS NAGS SAM DGON PA RGYANG GRAGS KYI MTHA' 'JIGS PA DANG BCAS PA MA BYUL BA NYID LA DER 'DU SHES PAS KUN DGA' RA BA'I PHYI ROL GYI DGON PAR BCA' BA DANG BCA' BA BLANGS TE ZOS NA, NAGS BRTAGS PA LAS GYUR PA'I SO SOR BSHAGS PAR BYA BA'I DNGOS GZHIR 'GYUR RO, ,'DI'I BYED PA PO NI NAGS SAM DGON PA 'JIGS PA DANG BCAS PA BYUL BA NYID LA 'DU SHES GTZO CHER BYED PA PO NYID YIN NO, ,'DI LA YAN LAG LNGAS DNGOS GZHI'I LTUNG BAR 'GYUR TE, GRONG GI PHYI ROL NAS RGYANG GRAGS GCIG PHAN CHAD KYI MTHA' NYID DANG, NAGS SAM DGON PA 'JIGS PA DANG BCAS PAR GYUR PA NYID DANG, MA BYUL BA NYID DANG DER 'DU SHES PA NYID DANG, KUN DGA' RA BA'I PHYI ROL GYI DGON PAR BZA' BA DANG BCA' BA RANG NGAM, SPRING YIG DANG BSNGAGS PA LA SOGS PA GANG YANG RUNG BAS BLANGS TE ZOS PA NYID DO, , DE DAG LAS YAN LAG MA TSANG NA NI CI RIGS PAR NA SMAD DO, ,NAGS BRTAG PA LAS GYUR PA'I SO SOR BSHAGS PAR BYA BA STE BZHI PA'O,, ,,TSE DANG LDAN PA DAG BDAG GIS SO SOR BSHAGS PAR BYA BA'I CHOS BZHI PO DAG BTON PA ZIN TO ZHES BYA BA NI SO SOR BSHAGS PAR BYA BA DAG GDON PA'I MJUG BSDU BA DANG, SO SOR BSHAGS PAR BYA BA'I CHOS BZHI PO DAG CES BYA BA NI SNGAR BSTAN PA BZHI PO DAG GO, ,BTON ZIN TO ZHES BYA BA NI DAM BCA' BA'I DON GYI MJUG BSDU BA'I PHYIR DANG, NYAN PA PO RNAMS SPRO BAR BYA BA'I PHYIR SMOS SO, ,DE LA BDAG GIS TSE DANG LDAN PA DAG LA CI 'DI LA KHYED YONGS SU DAG GAM ZHES DRI'O, ,CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS, DE DE BZHIN DU 'DZIN TO ZHES BYA BA NI SO SOR BSHAGS PAR BYA BA RNAM PAR GZHAG PA BSGRAGS PAR BYA BA YIN TE, DE LA

, ,ZHES BYA BA NI SO SOR BSHAGS PAR BYA BA'I CHOS BZHI PO STON PA DE LA'O, ,LHAG MA NI SNGA MA BZHIN NO, ,SO SOR BSHAGS PAR BYA BA GDON PA BSHAD ZIN TO,, ,,SO SOR THAR PA'I MDO'I GZHUNG 'GREL, BAM PO NYI SHU PA, DA NI BSLAB PA'I CHOS MANG PO RNAMS GDON PA BSHAD PAR BYA STE, DE'I PHYIR, SDOM LA, SHAM THABS LA NI RNAM BDUN DANG, ,STOD G-YOGS LA YANG RNAM GSUM DANG, ,SHIN TU BSDAMS LA SOGS PA LNGA, ,MGO G-YOGS LA SOGS PA RNAM LA LNGA, ,MCHOD LA SOGS PA RNAM PA LNGA, ,LUS LA SOGS PA RNAM PA LNGA, ,'DUG PAR BYA BA DGU DAG DANG; ,BYIN LEN BYA BA BRGYAD RNAMS SO, ,ZHES BYA BA LA SOGS PA GSUNGS SO, ,SDOM LA ZHES BYA BA'I THA TSIG GI DON DANG DGOS PA NI SNGA MA BZHIN NO, ,SHAM THABS LA NI RNAM BDUN DANG, ,ZHES BYA BA LA SOGS PA SDOM GYI TSIGS SU BCAD PA GONG MA GNYIS LA BSLAB PA'I CHOS BZHI BCU RTZA BDUN YOD PA RNAMS NI GO RIMS BZHIN DU 'OG NAS GZHUNG NYID LAS STON TO, ,TSE DANG LDAN PA DAG BSLAB PA'I CHOS MANG PO 'DI DAG NI ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI, BSLAB PA'I CHOS MANG PO GDON PA'I LUNG 'BOGS PA YIN TE, BSLAB PA'I CHOS ZHES BYA BA NI 'DUL BA DANG MI 'GAL BA DANG, 'JIG RTEN DANG MI 'GAL BAR NGES PAR 'BYUNG BA'I TSUL KHRIMS KYI RJES SU MTHUN PAR BSLAB PA'I CHOS TE, DE DAG NYID RANG GI MTSAN NYID 'DZIN PA'I PHYIR CHOS ZHES BYA'O, ,MANG PO 'DI DAG NI ZHES BYA BA NI BSLAB PA'I CHOS BRGYA RTZA BCU GNYIS 'OG NAS 'BYUNG BA DAG STE; 'DI DAG LAS 'DAS NA DNGOS GZHI LA NI BSHAGS PAR BYA BA'I NYES BYAS SU 'GYUR LA, SBYOR BA LA NI BSDAM PAR BYA BA'I NYES BYAS SU 'GYUR, SBYOR BA'I SBYOR BA LA NI DE BAS KYANG NA SMAD DE BSDAM PAR BYA BA'I NYES BYAS PHRA MOR 'GYUR RO, ,ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI ZLA BA PHYED PHYED CING GSO SBYONG 'DON PA'I TSE 'DUL BA 'DZIN PA'I KHA TON LAS 'BYUNG NGO ZHES BYA BA STON TE, SDOM LA, SHAM THABS LA NI RNAM BDUN DANG, ,ZHES BYA BA GSUNGS PA'I BSLAB PA BSDU BA'I MDO NI SHAM THABS ZLUM POR BGO BAR BSLAB PAR BYA, SHAM THABS HA CANG

RTZENGS PA MA YIN PA DANG, HA CANG 'JOL BA MA YIN PA DANG, GLANG PO CHE'I SNA LTAR MA YIN PA DANG, TA LA'I LO MA LTAR MA YIN PA DANG, 'BRU'I PHUR MA LTAR MA YIN PA DANG, SBRUL MGO'I GDENGS KA LTAR MA YIN PAR BGO BAR BSLAB PAR BYA'O ZHES BYA BA DAG YIN NO, ,DE LA SHAM THABS ZLUM POR BGO BAR BSLAB PAR BYA BA'I GLENG GZHI NI SANGS RGYAS BCOM LDAN 'DAS B'A R'A nA S'I NA DRANG SRONG SMRA BA RI DAGS KYI NAGS NA BZHUGS SO, ,GANG GI TSE BCOM LDAN 'DAS KYIS LNGA PO DAG SKYON MED PA LA 'JUG PAS DGE SLONG NYID LA BKOD PA DE'I TSE NA DE DAG SNGON GOMS PA'I SBYOR BAS SHAM THABS KHYIM PA BZHIN DU GON PAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMRAS PA, 'PHAGS PA DAG JI LTAR KHYED SHAM THABS GSOL BA NOR CAN DAG DANG, TSONG DPON DAG DANG, DED DBON DAG 'TSAL BAR BGYID DO ZHES ZER BA'I SKABS DE DGE SLONG RNAMS KYI BCOM LDAN 'DAS LA GSOL BA DANG, BCOM LDAN 'DAS KYIS DGONGS PA DANG, KHYIM BDAG ZER BA BDEN GYIS NGAS SNGON GYI YANG DAG PAR RDZOGS PA'I SANGS RGYAS RNAMS KYI NYAN THOS DAG SHAM THABS JI LTAR GYON PAR GYUR PA BSAM MO SNYAM DU DGONGS PA DANG, LHA RNAMS KYIS BCOM LDAN 'DAS LA GSOL PA, BTZUN PA 'DI LTA STE, GNAS GTZANG MA'I RIS KYI LHA RNAMS KYIS JI LTA BA BZHIN NO, ,BCOM LDAN 'DAS NYID LA YANG 'DI LTA STE, GNAS GTZANG MA'I RIS KYI LHA RNAMS LTA BUR MKHYEN PA DANG GZIGS PA BYUNG NGO, ,DE NAS BCOM LDAN 'DAS KYIS DGE SLONG RNAMS LA BKA' STZAL NAS, DE LTA BAS NA NGA'I NYAN THOS RNAMS KYIS 'DUL BA LA BSLAB PA 'DI LTAR GDON PAR BYA STE, SHAM THABS ZLUM POR BGO BAR BSLAB PAR BYA'O ZHES BCA' BA MDZAD DE, YUL NI B'A R'A nA S'I, GANG ZAG NI LNGA PO DAG ,NYON MONGS PA NI BAG CHAGS MA BYANG BAS SNGON GOMS PA'I SBYOR BA, NYES PA NI SHAM THABS KHYIM PA BZHIN DU GYON PA'O, ,'DIR DNGOS GZHI'I LTUNG BA BSTAN PA LA DGAG PA'I TSUL GYIS 'DI DANG 'DI LTAR MI BYA'O ZHES DGAG PA'I SGO NAS BSTAN NAM, SGRUB PA'I TSUL GYIS 'DI DANG 'DI LTAR BYA'O ZHES SGRUB PA'I SGO NAS BSTAN CE NA, SGRUB PA'I SGO NAS BSTAN TE, SHAM THABS CI NAS ZLUM POR 'DUG PAR 'GYUR BA DE LTAR BGO BAR BSLAB PAR BYA'O ZHES

, ,BYA BA LA SOGS PA LTA BUR BSGRUB PA'I TSUL GYIS BSTAN TO, ,DE LA SHAM THABS ZLUM PO ZHES BYA BA NI MTHA'I KHA MNYAM PAR 'DUG PA STE, SHAM THABS NI CI NAS KYANG ZLUM POR 'DUG PAR 'GYUR BA DE LTAR BGO BAR BSLAB PAR BYA'O, ,SHAM THABS ZLUM POR BGO BAR BSLAB PAR BYA BA 'DI NI MDOR BSTAN PA YIN LA, 'OG NAS SHAM THABS HA CANG RTZENGS PA MA YIN PAR BGO BAR BSLAB PAR BYA BA LA SOGS PA DRUG 'BYUNG BA DAG NI 'DI'I SPROS PA YIN GYI, RNAM PA GZHAN BSTAN PA NI MA YIN NO, ,DE LA 'DIR DNGOS GZHI'I LTUNG BA RNAMS PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI NI BYED PA PO NI SHAM THABS SU RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE DNGOS GZHI'I BSGRUB PA NYID DO, ,SBYOR BA DANG, SBYOR BA'I SGRUB PA NYID DAG LA CI RIGS PAR NA SMAD DO, ,BSLAB PA 'OG MA THAMS CAD LA YANG DNGOS GZHI DANG BYED PA PO DANG, YAN LAG DANG SBYOR BA DANG, SBYOR BA'I SBYOR BA 'DI BZHIN CI RIGS PAR SBYAR RO, ,BSLAB PA DANG PO'O,, ,,SHAM THABS HA CANG RTZENGS PA MA YIN PAR BGO BAR BSLAB PAR BYA BA'I GLENG GZHI NI; SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,BCOM LDAN 'DAS KYIS SHAM THABS ZLUM POR BGO BAR BSLAB PAR BYA'O ZHES BKA' STZAL NAS DGE SLONG LNGA PO DAG GIS SHAM THABS ZLUM POR BGO BAR BRTZAMS SO, ,DE BZHIN DU NYER LNGA DAG DANG; MNGON PAR MTHO BA LNGA BCU DANG, BZAD SDE'I TSOGS DRUG CU DANG, GZHAN YANG BCOM LDAN 'DAS KYIS BRGYUD PAS DGE SLONG DAG GIS RAB TU BYUNG BA GANG DAG YIN PA DE DAG GIS KYANG SHAM THABS ZLUM POR BGO BAR BRTZAMS SO, ,GANG GI TSE DRUG SDE DAG RAB TU BYUNG BA DE'I TSE NA, DE DAG GIS SHAM THABS HA CANG RTZENGS PA BGO BAR BRTZAMS PA DANG, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DVA DAG DANG RGYAN PO PA DANG, NAL GYI BU DAG SHAM THABS 'DI LTAR 'TSAL BAS 'DI NI TSUL DANG MTHUN PA MA LAGS KYIS, SHAM

THABS HA CANG RTZANGS PAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA DAG LA ZHUGS PA THOS NAS SKABS DE DAG SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA DANG, KHYIM PA DAG ZER BA BDEN NO SNYAM NAS SNGA MA BZHIN DU, SHAM THABS HA CANG RTZENGS PA MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG STE, NYON MONGS PA NI TSUL DANG MTHUN PA MA YIN PA, NYES PA NI SHAM THABS HA CANG RTZENGS PAR GYON PA'O, ,DE LA SHAM THABS HA CANG RTZENGS PA ZHES BYA BA PUS MO GNYIS LAS GONG DU THAL BA NYID DE, DE LTA BU MA YIN PAR SHAM THABS ZLUM POR BGO BAR BSLAB PAR BYA'O, ,DE LA DNGOS GZHI'I LTUNG BA RNAM PAR GZHAG PA NI; DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SHAM THABS RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA GNYIS PA'O,, ,,SHAM THABS HA CANG 'JOL BA MA YIN PAR BGO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,BCOM LDAN 'DAS KYIS SHAM THABS HA CANG RTZENGS PA MA YIN PAR BGO BAR BSLAB PAR BYA'O ZHES BKA' STZAL NAS, DRUG SDE DAG GIS HA CANG 'JOL BAR BGO BAR BRTZAMS PA DANG, BRAM ZE DANG KHYIM BDAG DANG PA CAN DAG GIS MTHONG NAS SMOD PAR BYED DO, 'PHAGS PA DAG TA GA KA'I YUL NA GNAS PA'I BUD MED DAG DANG, RIGS KYI MNA' MA DAG SHAM THABS 'DI LTAR 'TSAL BAS 'DI'I TSUL DANG MTHUN PA MA LAGS KYI, SHAM THABS HA CANG 'JOL BAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR

, ,KHYED CAG NYID MI SHES PA DANG BRAL BA DANG BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM BDAG ZER BA BDEN NO SNYAM NAS SNGA MA BZHIN DU, SHAM THABS HA CANG 'JOL BA MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SHAM THABS HA CANG 'JOL BAR GYON PA'O, ,DE LA HA CANG 'JOL BA ZHES BYA BA NI LONG BU'I TSIGS LA REG PA NYID DO, ,DE LTA BU MA YIN PAR SHAM THABS ZLUM POR BGO BAR BSLAB PAR BYA'O, ,DE LA DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SHAM THABS SU RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE DNGOS GZHI'I BSGRUB PA NYID DO, ,SBYOR BA DANG SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO,, ,,BSLAB PA GSUM PA'O,, ,,SHAM THABS GLANG PO CHE'I SNA LTAR MA YIN PAR BGO BAR BSLAB PAR BYA BA'I GLENG GZHI NI SANGS RGYAS BCOM LDAN 'DAS SER SKYA'I GNAS N+YA GRO DHA'I KUN DGA' RA BA NA BZHUGS SO, ,DRUG SDE DAG SHAM THABS GYON PA NA MDUN DU 'PHYANG BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, CHAD GSAR RO BA DAG DANG, 'BYUNG PO DANG SHA ZAS BRLABS PA DAG SHAM THABS 'DI LTAR 'TSAL BAS, 'DI NI TSUL DANG MTHUN PA LA LAGS KYIS SHAM THABS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS; JE DANG PO KHYED CAG NYID MI SHES PA DANG BRAL BA DANG, BSLABS PAR 'GYUR BA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM DU SNGA MA

BZHIN DU, SHAM THABS GLANG PO CHE'I SNA LTAR MA YIN PAR BGO BAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SHAM THABS GLANG PO CHE'I SNA LTAR GYON PA'O, ,DE LA GLANG PO CHE'I SNA LTAR ZHES BYA BA NI GLANG PO CHE'I SNA LTAR NAR BA STE, 'DIR KHA TSAR DANG PHUN TSAR GYI MTHA' MA BCAD PA'I GRVA DAG LA GLANG PO CHE'I SNA LTAR NAR BA DAG YOD PAS, DE LTA BU MA YIN PAR SHAM THABS ZLUM POR BGO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SHAM THABS RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI PA'O,, ,,SHAM THABS TA LA'I LO MA LTAR BLTAB PA MA YIN PAR BGO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG SHAM THABS GYON PA NA GLO DAG LTEBS PAR BYED NAS, BRAM ZE DANG KHYIM BDAG DANG PA CAN DAG GIS MTHONG NAS SMOD PAR BYED DE, 'PHAGS PA DAG GAR MKHAN DAG TSOGS KYI NANG NA SHAM THABS 'DI LTAR 'TSAL BAS 'DI NI TSUL DANG MTHUN PA MA LAGS KYIS, SHAM THABS 'DI LTAR MA GSOL CIG ,DE DAG GIS SMRAS PA; SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA KHYIM PA DAG ZER PA BDEN NO SNYAM NAS SNGA MA BZHIN DU SHAM THABS TE LA'I LO MA LTAR BLTAB MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG LDAN MTHUN PA MA YIN PA, NYES PA

, ,NI SHAM THABS TA LA'I LO MA LTAR BLTA BA STE GYON PA'O, ,DE LTA TA LA'I LO MA LTAR BLTAB PA ZHES BYA BA NI GONG DU LTEBS PA STE, SHAM THABS KYI STENG GI KHA LOGS LTE BA'I GONG ROL DU TA LA 'I LO MA LTAR LTE BAS SHING 'DUG PA DE LTA BU MA YIN PAR SHAM THABS ZLUM POR BGO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, ,DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SHAM THABS SU RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA PA'O,, ,,SHAM THABS 'BRU'I PHUR MA LTAR MA YIN PAR BGO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DRU'I KUN DGA' RA BA NA BZHUGS SO, ,DRUG SDE DAG SHAM THABS GYON PA NA GLOR BLTAB STE PHUR MA LTAR 'JOG PAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG NOR CAN DAG DANG, TSONG DPON DAG DANG, BUD MED DAG SHAM THABS 'DI LTAR 'TSAL BAS 'DI NI TSUL DANG MTHUN PA MA LAGS KYIS, SHAM THABS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA NI DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM BDAG ZER BA BDEN NO SNYAM NAS, SNGA MA BZHIN DU, SHAM THABS 'BRU'I PHUR MA LTAR MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SHAM THABS 'BRU'I PHUR MA LTAR 'DUG PAR GYON PA'O, ,DE LA 'BRU'I PHUR MA LTAR ZHES BYA BA NI GLO NAS PHYI ROL GYI RIM

BA'I GRVA PHUR MA LTAR 'DUG PA STE, DE LTA BU MA YIN PAR SHAM THABS SU ZLUM POR BGO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR BA'O, ,'DI'I BYED PA PO NI SHAM THABS RUNG BA NYID DANG, TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR SMAD DO ZHES BYA BA YANG SNGA MA BZHIN NO, ,BSLAB PA DRUG PA'O,, ,,SHAM THABS SBRUL MA GO'I GDENGS KA LTAR MA YIN PAR BGO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS N+YA GRO DHA'I KUN DGA' RA BA NA BZHUGS SO, ,DRUG SDE DAG THAM THABS GYON PA LTE BA'I 'OG TU SBRUL MGO'I GDENGS KA LTAR BYED NAS, BRAM ZE DANG KHYIM BDAG DAD PA CAN DAG SMOD PAR BYED DE, 'PHAGS PA DAG RGYAN PO DAG SHAM THABS 'DI LTAR 'TSAL BAS 'DI NI TSUL DANG MTHUN PA MA LAGS KYIS, SHAM THABS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA KHYIM PA DAG ZER BA BDEN NO SNYAM NAS SNGA MA BZHIN NO, ,SHAM THABS SBRUL MGO'I GDENGS KA LTAR MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SHAM THABS SBRUL MGO'I GDENGS KA LTAR PHYIR PHYUNG BA GYON PA'O, ,DE LA SBRUL MGO'I GDENGS KA LTAR ZHES BYA BA NI SHAM THABS KYI NANG DANG 'BREL PA'I KHA LOGS MDUN GYI LTE BA'I 'OG TU SBRUL MGO'I GDENGS KA LTAR PHYIR BYUNG BA STE, DE LTA BU MA YIN PA SHA MA THABS ZLUM POR BGO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES KYI DNGOS GZHIR

, ,'GYUR RO, ,'DI'I BYED PA PO NI SHAM THABS SU RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BDUN PA'O,, ,,SDOM LA, ,STOD G-YOGS LA YANG RNAM GSUM DANG, ,ZHES GSUNGS PA'I BSLAB PA BSDU BA'I DON NI, CHOS GOS ZLUM POR BGO BAR BSLAB PAR BYA BA CHOS GOS HA CANG RTZENGS PA MA YIN PA DANG, HA CANG 'JOL BA YANG MA YIN PAR BGO BAR BSLAB PAR BYA'O ZHES BYA BA DAG YIN NO, , DE LA CHOS GOS ZLUM POR BGO BAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,BCOM LDAN 'DAS KYIS DGE SLONG GIS SHAM THABS ZLUM POR BGO BAR BSLAB PAR BYA'O, ,SHAM THABS HA CANG RTZENGS PAR BYA BA MA YIN PA DANG, HA CANG 'JOL BAR BYA BA MA YIN PA DANG, GLANG PO CHE'I SNA LTAR MA YIN PA DANG, TA LA'I LO MA LTAR MA YIN PA DANG, 'BRU'I PHUR MA LTAR MA YIN PA DANG, SBRUL MGO'I GDENGS KA LTAR MA YIN PAR BGO BAR BSLAB BAR BYA'O ZHES BKA' STZAL NAS, DGE SLONG DAG CHOS GOS GYON PA NA, JI LTAR BGO BA MI SHES NAS, BCOM LDAN 'DAS KYIS BKA' STZAL PA, DE LTA BAS NA DGE SLONG RNAMS KYIS CHOS GOS ZLUM POR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DGE SLONG RAB TU MANG PO DAG ,NYON MONGS PA NI BSLAB BA LA MA BSLABS PA NYES BA NI CHOS GOS JI LTAR BGO BAR BYA BA MI SHES PA'O, ,DE LA CHOS GOS ZLUM POR ZHES BYA BA LA, CHOS GOS ZHES BYA BA NI BLA GOS DANG SNAM SBYAR RO, ,SHAM THABS BYIN GYIS MA BRLABS PA LA SOGS PA DAG LA YANG RNAM PA 'DI DAG RIG PAR BYA'O, ,ZLUM PO ZHES BYA BA NI MTHA'I KHA MNYAM PAR 'DUG PA STE; CHOS GOS CI NAS KYANG ZLUM POR 'DUG PAR 'GYUR BA DE LTAR BGO BAR BSLAB PAR BYA'O, ,CHOS GOS ZLUM POR BGO BAR BSLAB PAR BYA BA 'DI NI MDOR BSTAN PA YIN LA, 'OG NAS CHOS GOS HA CANG RTZENGS PA MA YIN PA DANG, HA CANG 'JOL BA MA YIN PAR BGO BAR BSLAB PAR BYA BA GNYIS

'BYUNG BA DAG NI 'DI'I SPROS PA YIN GYI, RNAM PA GZHAN PA BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI CHOS GOS RUNG BA DANG, TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SGRUB PA NYID DAG LA NI CI RIGS PAR SMAD DO, ,BSLAB PA BRGYAD PA'O,, ,,CHOS GOS HA CANG RTZENGS PA MA YIN PAR BGO BAR BSLAB PAR BYA BA'I GLENG BZHI NI SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,BCOM LDAN 'DAS KYIS CHOS GOS ZLUM POR BGO BAR BSLAB PAR BYA'O ZHES BKA' STZAL NAS, DRUG SDE DAG CHOS GOS HA CANG RTZENGS PAR GYON PAR BYED NAS, BRAM ZE DANG KHYIM BDAG DAD PA CAN GYIS MTHONG NAS SMOD PAR BYED DE, 'PHAGS PA DVA DAG DANG, RGYAN PO PA DAG DANG, NAL GYI BU DAG STOD G-YOGS 'DI LTAR 'TSAL BAS 'DI NI TSUL DANG MTHUN PA MA LAGS KYIS, CHOS GOS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DE, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG KYANG RGYA CHER SMOD PA LA ZHUGS PA THOS NAS, SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA KHYIM BDAG ZER BA BDEN NO SNYAM NAS SNGA MA BZHIN DU, CHOS GOS HA CANG RTZENGS PA MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA DANG, NYES PA NI CHOS GOS HA CANG RTZENGS PAR GYON PA'O, ,DE LA CHOS GOS HA CANG RTZENGS PA ZHES BYA BA NI PUS MO GNYIS LAS GONG DU THAL BA NYID DE, DE LTA BU MA YIN PAR CHOS GOS ZLUM POR BGO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS

, ,GZHIR 'GYUR RO, ,'DI'I BYED PA PO NI CHOS GOS RUNG BA DANG TSAD DANG LDAN PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DGU PA'O; ,,CHOS GOS HA CANG 'JOL BA MA YIN PAR BGO BAR BSLAB PA'I GLENG GZHI NI SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RAB NA BZHUGS SO, ,BCOM LDAN 'DAS KYIS CHOS GOS HA CANG 'JOL BA MA YIN PAR BGO BAR BSLAB PAR BYA'O ZHES BKA' BSTZAL NAS, DRUG SDE DAG HA CANG 'JOL BAR GYON PAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG TAG KA'I YUL NA GNAS PA'I MI DAG DANG RIGS KYI MNA' MA DAG STOD G-YOGS 'DI LTAR 'TSAL BAS 'DI NI TSUL DANG MTHUN PA MA LAGS KYIS, CHOS GOS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, CHOS GOS HA CANG 'JOL BA MA YIN PAR BGO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI CHOS GOS HA CANG 'JOL BAR GYON PA'O, ,DE LA HA CANG 'JOL BAR ZHES BYA BA NI LONG BU'I TSIGS LA REG PA NYID DE, DE LTA BU MA YIN PAR CHOS GOS ZLUM POR BGO BAR BSLAB PAR BYA BA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI CHOS GOS RUNG BA DANG TSAD DANG LDAN PA NYID DO, ,'DI LA YAN LAG NI GCAG STE, DNGOS GZHI'I BSGRUB PA NYID DO, ,

SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCU BA'O,, ,,SDOM LA, SHIN TU BSDAMS LA SOGS PA LNGA, ,ZHES GSUNGS PA'I BSLAB PA BSDU BA'I MDO NI SHIN TU BSDAMS PA DANG, LEGS PAR BGOS PA DANG, SGRA BSKYUNGS PA DANG, MIG G-YENG BAR MI BYA BA DANG, GNYA' SHING GANG TZAM DU BLTA ZHING KHYIM GZHAN DU 'GRO BAR BSLAB PAR BYA'O ZHES BYA BA DAG YIN NI, ,DE LA SHIN TU BSDAMS SHING KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG LAG PA DANG RKANG PA DAG RKYONG BAR BYED CING KHYIM GZHAN DU 'DONG NAS BRAM ZE DANG, KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, CHANG GIS RA RO BA DAG DANG, 'BYUNG PO DANG, SHA ZAS BRLAMS PA DAG LAG PA DANG RKANG PA 'DI LTAR RKYONG BAR BGYID CING MCHI BAS 'DI NI TSUL DANG MTHUN PA MA LAGS KYIS, 'DI LTAR MA BZHUD CIG DE DAG GIS SMRAS PA SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, SHIN TU BSDAMS SHING KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SHIN TU MA BSDAMS PAR KHYIM GZHAN DU 'GRO BA'O, ,DE LA SHIN TU BSDAMS PA ZHES BYA BA NI RNAM PAR RAB TU BRTAG PA LA SBYAR BAR BYA STE, LAG PA DANG RKANG PA RKYONG BA LA SOGS PA MI BYA BAR MNYAM PAR BZHAG PA'I RNAM PAS KHYIM GZHAN DU 'GRO BAR BSLAB PAR BYA'O ZHES BYA BA'I THA TSIG GO, ,SHIN TU BSDAMS SHING KHYIM GZHAN DU 'GRO BAR BSLAB PAR BYA BA 'DI NI MDOR BSTAN PA YIN LA, 'OG NAS

, ,LEGS PAR BGOS SHING KHYIM GZHAN DU 'GRO BAR BSLAB PAR BYA BA LA SOGS PA BCU DGU 'BYUNG BA DAG NI 'DI'I SPROS PA YIN GYI RNAM PA GZHAN BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SHIN TU MA BSDAMS PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO DO; ,BSLAB PA BCU GCIG PA'O,, ,,LEGS PAR BGOS SHING KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RAB NA BZHUGS SO, ,DRUG SDE DAG CHOS GOS BSDUS SHING PHRAG PA LA GZAR TE KHYIM GZHAN DU 'GRO BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG 'GYED PAR MCHIS PA DAG STOD G-YOGS 'DI LTAR 'TSAL BA 'DI NI TSUL DANG MTHUN PA MA LAGS KYIS, CHOS GOS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR 'GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA KHYIM PA DAG ZER BA BDEN NO SNYAM NAS YANG SNGA MA BZHIN DU LEGS PAR BGOS SHING KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG LDAN PA MA YIN PA, NYES PA NI LEGS PAR BGOS PAR KHYIM GZHAN DU 'GRO BA'O, ,DE LA LEGS PAR BGOS ZHES BYA BA NI SHAM THABS DANG, STOD G-YOGS DAG GIS G-YOGS PAR BYA BA'I LUS LA MNYAM PAR G-YOGS SHING ZHES BYA BA'I THA TSIG STE, DE LTA BU'I SHIN TU BSDAMS SHING KHYIM GZHAN DU YONGS SU 'GRO BAR BSLAB PAR BYA'O, ,

DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE DAG MA BYAS NA, BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LEGS PAR MA BGOS PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCU GNYIS PA'O,, ,,SGRA BSKYUNG ZHING KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG BYUNG RGYAL DU SMRA BAS SGRA 'BYIN CING KHYIM GZHAN DU 'DONG NAS, BRAM ZE DANG KHYIM BDAG DAD PA CAN DAG GIS THES NAS SMOD PAR BYED DE, 'PHAGS PA DAG BYIS PA KHYE'U DAG DANG, CHANG GIS RA RO BA DAG DANG, 'BYUNG PO DANG, SHA ZAS BRLAMS PA DAG 'DI LTAR BYUNG RGYAL DU SMRA BAS SGRA 'BYIN CING MCHI BAS 'DI NI TSUL DANG MTHUN PA MA LAGS KYIS, 'DI LTAR SGRA 'BYIN CING MA BZHUD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA KHYIM PA DAG ZER BA BDEN NO SNYAM NAS SNGA MA BZHIN DU, SGRA BSKYUNG ZHING KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SGRA MA BSKYUNGS PAR KHYIM GZHAN DU 'GRO BA'O, ,DE LA SGRA BSKYUNG ZHES BYA BA NI CA CO BSKYUNG BA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA BA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SGRA MA BSKYUNGS PA DANG, KHYIM GZHAN NYID DO, ,

, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCU GSUM PA'O,, ,,MIG G-YENG BAR MI BYA ZHING KHYIM GZHAN DU 'GRO BAR BSLAB BAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG MIG G-YENGS SHING KHYIM GZHAN DU 'DONG BA NA DE DAG GLANG PO CHE 'KHRUL PA DANG LHAN CIG 'DONG BA DANG, RTA 'KHRUL PA DANG, SHING RTA 'KHRUL PA DANG, RKANG THANG 'KHRUL PA DANG; 'DOM ZHING DE DAG GIS RDOS SHING PHUL BA NA MI GTZANG BA DANG, RDZAB KYI KHUNG DANG, PHYAG DAR GYI KHROD DU BSGYEL NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG SKAR MA LA RTOG PA DANG, MIG BCUMS PA DAG BZHIN CI'I PHYIR GZIGS PA LA GZIGS NA CI NONGS, 'DI NI TSUL DANG MTHUN BA MA LAGS KYIS, 'DI LTAR G-YENGS SHING MA BZHUD CING, DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, MIG G-YENG BAR MI BYA ZHING KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI MIG YENGS SHING KHYIM GZHAN DU 'GRO BA'O, ,DE LA MIG G-YENG BAR MI BYA ZHES BYA BA NI MIG 'KHRUL PA MED PA STE, DE LTAR SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA, BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MIG G-YENGS PA DANG KHYIM GZHAN NYID DO, ,'DI LA YAN LAG NI GCIG

STE; DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I BSGRUB PA NYID DAG LA NI CI RIGS PAR NI SMAD DO ZHES BYA BA YANG SNGA MA BZHIN NO, ,BSLAB PA BCU BZHI PA'O,, ,,GNYA' SHING GANG TZAM DU BLTA ZHING KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG MIG RGYANG RING POR BLTA ZHING KHYIM GZHAN DU LTA BA NA DE DAG SPYOD LAM NYAMS SHING LAM SHOR BA LA SOGS PAR GYUR NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG SKAR MA LA RTOG PA DANG, BYA RA BA DAG GIS 'DI LTAR BLTA BAR BGYID PAS 'DI NI TSUL DANG MTHUN PA MA LAGS KYIS 'DI LTAR GZIGS SHING MA BZHUD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, GNYA' SHING GANG TZAM DU BLTA BAR BYA ZHING KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI GNYA' SHING GANG TZAM DU MI LTA BAR KHYIM GZHAN DU 'GRO BA'O, ,DE LA GNYA' SHING GANG TZAM DU BLTA BAR BYA BA NI, GANG LA GNYA' SHING GANG TZAM DU BLTA BA'I NGANG TSUL CAN YOD PA DE NI GNYA' SHING GANG TZAM DU LTA BA STE, DE LTAR SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAMS PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI GNYA' SHING GANG TZAM DU MI LTA BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SGRUB PA NYID DAG LA NI CI RIGS PAR NA

, ,SMAD DO ZHES BYA BA YANG SNGA MA BZHIN NO, ,BSLAB PA BCO LNGA PA'O,, ,,SDOM LA, MGO G-YOGS LA SOGS RNAM PA LNGA, ,ZHES GSUNGS PA'I BSLAB PA BSDU BA'I MDO NI MGO MI G-YOGS PA DANG, MI BRDZE BA DANG, MI GZAR BA DANG, GNYA' GONG DU MI BSNOL BA DANG, LHAG PAR MI BSNOL BAR KHYIM GZHAN DU 'GRO BAR BSLAB PAR BYA'O ZHES BYA BA DAG YIN NO, ,DE LA MGO MI G-YOGS PAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, DRUG SDE DAG MGO G-YOGS SHING KHYIM GZHAN DU 'DONG BAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG RIGS KYI MNA' MA DAG DANG, MIG NA BA DAG DANG, SBRANG RTZI'I SBRANG BUS 'JIGS PA DAG 'DI LTAR BGYID PAS, 'DI NI TSUL DANG MTHUN PA MA LAGS KYIS, 'DI LTAR MGO MA G-YOGS SHIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SUMS NAS SNGA MA BZHIN DU, MGO MI G-YOGS PAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI MGO G-YOGS SHING KHYIM GZHAN DU 'GRO BA'O, ,DE LA MGO MI G-YOGS PA ZHES BYA BA NI RAS LA SOGS PAS MGO G-YOGS PA DE'I RNAM PA DE LTA BUS MGO MI G-YOGS PA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MGO G-YOGS PA DANG, KHYIM GZHAN NYID DO, ,'DI LA

YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCU DRUG PA'O,, ,,MI BRDZE BAR KHYIM GZHAN DU 'GRO BAR BSLAB PAR BYA BA'I GLENG GZHI NI SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG SHAM THABS BRDZES TE KHYIM GZHAN DU 'GRO BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BSHANG BA DANG GCI BA BGYID PA'I MI DAG 'DI LTAR BGYID PAS, 'DI NI TSUL DANG MTHUN PA MA LAGS KYIS, 'DI LTAR MA BRDZE SHIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA DANG, KHYIM PA DAG ZER BA BDEN NO SNYAM NAS SNGA MA BZHIN DU MI BRDZE BAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SHAM THABS BRDZES TE KHYIM GZHAN DU 'GRO BA'O, ,DE LA MI BRDZE BA ZHES BYA BA NI CI TZAM GYI MDOMS KYI PHYOGS SNANG BAR 'GYUR BA DE TZAM GYI SHAM THABS MI BRDZE BA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SHAM THABS BRDZES PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NA CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCU BDUN PA'O,, ,,MI GZAR BAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM

, ,LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG CHOS GOS PHRAG PA LA GZAR TE KHYIM GZHAN DU 'DOD BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DVA DAG DANG; RGYAN PA PO DAG DANG, NAL GYI BU DAG 'DI LTAR BGYID PAS 'DI NI TSUL DANG MTHUN PA MA LAGS KYIS, 'DI LTAR MA MDZAD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, MI GZAR BAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI CHOS GOS PHRAG PA LA GZAR TE, KHYIM GZHAN DU 'GRO BA'O, ,DE LA MI GZAR BA ZHES BYA BA NI CHOS GOS PHRAG PA'I PHYOGS GCIG TU GZAR TE BZHAG PA NYID KYIS GZAR BA DE LTAR MI GZAR BA STE, DGE SLONG DAG LA NI PHRAG PA G-YON PAR GZAR BAR GRAGS PA NYID YIN LA, YUL NI DZA LA TA DAG NA NI, DOS GNYIS KAR GZAR BAR GRAGS PA DE LTA BU MA YIN PAR SHIN TU BSDAMS SHING KHYIM GZHAN DU 'GRO BAR BSLAB PAR BYA'O; ,DE LA 'DIR DNGOS GZHI'I BSGRUB PA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI CHOS GOS PHRAG PA LA GZAR BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCO BRGYAD PA'O,, ,,GNYA' GONG DU MI BSNOL BAR KHYIM GZHAN DU 'GRO BAR BSLAB PAR BYA BA'I GLENG

GZHI NI; SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG LAG PA GNYA' GONG DU BSNOL TE, KHYIM GZHAN DU 'DONG BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DVA DAG DANG, RGYAN PO PA DAG DANG, NAL GYI BU DAG 'DI LTAR BYED PAS 'DI TSUL DANG MTHUN PA MA LAGS KYIS, 'DI LTAR GNYA' GONG DU MA BSNOL CIG DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS, SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, GNYA' GONG DU MI BSNOL BAR KHYIM GZHAN DU 'GRO BAR BSLAB PAR BYA'O ZHES BCA' PA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LAG PA GNYA' GONG DU BSNOL TE KHYIM GZHAN DU 'GRO BA'O, ,DE LA GNYA' GONG DU MI BSNOL BA ZHES BYA BA NI LAG PA G-YAS PA MDUN DU BTANG STE, DPUNG PA'AM, PHRAG PA'AM, GNYA' BA'I PHYOGS SU BZHAG LA, G-YON PA YANG G-YAS PA BZHIN DU BYAS PA DE NI GNYA' GONG DU BSNOL BA STE, DE LTAR MI BSNOL BAR SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA GNYA' GONG DU BSNOL BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BCU DGU PA'O,, ,,LTAG PAR MI BSNOL BAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS

, ,SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG LAG PA LTAG PAR BSNOL TE, KHYIM GZHAN DU 'DONG BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, ,'PHAGS PA DAG G-YOG DAG 'DI LTAR BGYID PAS 'DI NI TSUL DANG MTHUN PA YANG MA LAGS KYIS, 'DI LTAR LTAG PAR MA BSNOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG BSLABS PAR GYUR BA'O,, DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, LTAG PAR MI BSNOL BAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LAG PA LTAG PAR BSNOL TE KHYIM GZHAN DU 'GRO BA'O, ,DE LA LTAG PAR MI BSNOL BA ZHES BYA BA NI LAG PA CUNG ZAD DAM POR BRKYANG STE LTAG PA 'AM, DPUNG MGOR LAG PA GNYIS PHAN TSUN NAS SPRANG CING BSNOL BA NI LTAG PAR BSNOL BA ZHES BYA STE DE LTAR LTAG PA'I PHYOGS SU LAG PA PHAN TSUN NAS SPRAD PA DE, SOR MO BSNOL BA DANG DE LTAR LTAG PAR MI BSNOL BAR SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA LTAG PAR BSNOL BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU PA'O,, ,,SO SOR THAR PA'I MDO'I GZHUNG 'GREL BAM PO NYI SHU GCIG PA, SDOM LA, MCHONG LA SOGS PA RNAM

LNGA DANG, ,ZHES GSUNGS PA'I BSLAB PA BSDU BA'I MDO NI MI MCHONG BA DANG, MI BRKYANG BA DANG, TZOG PUS MA YIN PA DANG, BRANG BAS MA YIN PA DANG, DKUR MI BRTEN PAR KHYIM GZHAN DU 'GRO BAR BSLAB PAR BYA'O ZHES BYA BA DAG YIN NO, ,DE LA MI MCHONG BAR GZHAN GYI KHYIM DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG RIB MA LA MCHONG ZHING KHYIM GZHAN DU 'DOD BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG 'JIGS PAS SKRAG CING 'BROS PA DAG 'DI LTAR BGYID PAS 'DI NI TSUL DANG MTHUN PA MA LAGS KYIS, 'DI LTAR MA MCHONG SHIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG PHRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN NO, ,MI MCHONG BAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI MCHONG ZHING KHYIM GZHAN DU 'GRO BA'O, ,DE LA MI MCHONG BA ZHES BYA BA NI MCHONG ZHING 'GRO BAR MI BYA BA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHER 'GYUR RO, ,'DI'I BYED PA PO NI MCHONG BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU

, ,GCIG PA'O,, ,,MI BRKYANG BAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA NYA GRO DHA'I KUN DGA' RA BA NA BZHUGS SO, ,DRUG SDE DAG GOM PA HA CANG CHEN PO DAG GIS KHYIM GZHAN DU 'DOD NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG CHANG GIS RA RO BA DAG DANG, 'BYUNG PO DANG SHA ZAS BRLAMS PA DAG 'DI LTAR BGYID PAS 'DI NI TSUL DANG MTHUN PA MA LAGS KYIS 'DI LTAR MA BZHUD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA; KHYIM PA DAG ZER BA BDEN NO SNYAM NAS SNGA MA BZHIN DU MI BRKYANG BAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI SGYID PA BRKYANG ZHING KHYIM GZHAN DU 'GRO BA'O; ,DE LA MI BRKYANG BA ZHES BYA BA NI SGYID PA RKYONG SKUM BYED CING 'GRO BAR MI BYA BA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI SGYID PA BRKYANG BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU GNYIS PA'O,, ,,TZOG PUS MA YIN PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG TZOG PUS KHYIM GZHAN DU 'DONG NAS, BRAM ZE DANG KHYIM BDAG

DAD PA CAN DAG GIS MTHONG NAS SMOD PAR BYED DE, 'PHAGS PA DAG 'GROS NYAMS PA DAG DANG, RKANG BAM CAN DAG DANG, BYIS PA KHYE'U DAG 'GROS 'DI LTAR BGYID PAS 'DI NI TSUL DANG MTHUN PA MA LAGS GYIS, 'DI LTAR MA MDZAD CIG DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, TZOG PUS MA YIN PAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG STE, NYON MONGS PA NI TSUL DANG MTHUN PA MA YIN PA, ,NYES PA NI TZOG PUS KHYIM GZHAN DU 'GRO BA'O, ,DE LA TZOG PUS MA 'GRO BAR MI BYA BA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PO PO NI TZOG PUS 'GRO BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU GSUM PA'O,, ,,BRANG BAS MA YIN PAR KHYIM GZHAN NYID DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG RKANG BA'I BRANG BA DAG GIS KHYIM GZHAN DU 'DONG PAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U SMYIG MA BZHIN DU RTZE BAR BYED PA DAG DANG, RKANG MTHIL RMAS PA DAG 'DI LTAR RTZE BAR BGYID PAS 'DI NI TSUL DANG MTHUN PA MA LAGS KYIS, 'DI LTAR MA BZHUD CIG ,DE DAG

, ,GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU BRANG BAS MA YIN PAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI RKANG PA'I BRANG BAS KHYIM GZHAN DU 'GRO BA'O, ,DE LA BRANG BAS 'GRO BA MA YIN PA ZHES BYA BA NI RKANG PA'I RTING PA BTEG STE, SOR MO'I BRANG BAS LA PHAB STE 'GRO BAR MI BYA BA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI RKANG BA'I BRANG BAS 'GRO BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU BZHI PA'O,, ,,DKUR MI BRTEN PAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG LAG PA GNYIS DKUR BRTEN TE, KHYIM GZHAN DU 'DONG BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DO, ,'PHAGS PA DAG NOR CAN DAG DANG, TSONG DPON DAG DANG, DED DPON DAG 'DI LTAR BGYID PAS 'DI NI TSUL DANG MTHUN PA MA LAGS GYIS, 'DI LTAR MA BZHUD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,

DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN MTHONG NAS SMOD PAR BYED DO, ,'PHAGS PA DAG NOR CAN DAG DANG, BZHIN DU, DKUR MI BRTEN PAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LAG PA GNYIS DKUR BRTEN TE KHYIM GZHAN DU 'GRO BA'O, ,DE LA BKUR MI BRTEN PA ZHES BYA BA NI LAG PA GNYIS TE, RKED PA'I PHYOGS SU BRTAN TE, GRU MO'I PHYOGS SMYUNG SMYUNG POR BYAS SHING 'GRO BAR ME BYA BA STE, DE LTA BUS SHIN TU BSDAMS PAS KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA GNYIS DKUR BRTEN PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I BSGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU LNGA PA'O,, ,,SDOM LA, LUS LA SOGS PA RNAM PA LNGA, ,ZHES GSUNGS PA'I BSLAB PA BSDUS PA'I MDO NI LUS MI BSGYUR BA DANG, LAG PA MI KYOG PA DANG, MGO MI BSGYUR BA DANG, PHRAG PA MI SPRAD PA DANG, LAG PA MI SBREL BAR KHYIM GZHAN DU 'GRO BAR BSLAB PAR BYA'O ZHES BYA BA DAG YIN NO, ,DE LA LUS MI BSGYUR BAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG LUS BSGYUR ZHING KHYIM GZHAN DU 'GRO BAR BYED DE, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG GZUGS 'TSOD DANG GLANG PO CHE DAG DANG, BA LANG MO DAG 'DI LTAR MCHI BAS, 'DI NI TSUL DANG MTHUN PA MA LAGS KYIS, 'DI LTAR MA BZHUD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG

, ,POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, LUS MI BSGYUR BAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LUS BSGYUR ZHING GZHAN DU 'GRO BA'O, ,DE LA LUS MI BSGYUR BA ZHES BYA BA NI GONG DU 'GRO BA DER LUS BSGYUR ZHING 'GRO BA NI LUS BSGYUR ZHING 'GRO BA ZHES BYA BA STE, DE NI BYA BA'I BYE BRAG YIN PAS DE'I PHYIR LUS BSGYUR BA ZHES BYA BA'I BYA BA DE MI BYA BAR DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LUS MI BSGYUR BA NAS, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR PA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU DRUG PA'O,, ,,LAG PA MI KYOG PAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG LAG PA KYOG CING KHYIM DU 'DONG BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DVA DAG DANG, RGYAN PO PA DAG DANG, NAL GYI BU DAG 'DI LTAR MCHI BAS 'DI NI TSUL DANG MTHUN PA MA LAGS KYIS 'DI LTAR MA BZHUD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR BA'O, ,DE DAG RGYA CHER SMOD PA LA ZHUGS PA THOS NAS

SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, LAG PA MI KYOG PAR KHYIM GZHAN DU 'GRO BAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LAG PA KYOG CING KHYIM GZHAN DU 'GRO BA'O, ,DE LA LAG PA MI KYOG PA ZHES BYA BA YANG BYA BA'I BYE BRAG YIN TE, LAG PA KYOG CING 'GRO BAR MI BYA BA DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA KYOG PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU BDUN PA'O,, ,,MGO MI BSGYUR BAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG MGO BSGYUR ZHING KHYIM GZHAN DU 'DONG BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG GLANG PO CHE DAG DANG, SROG CHAGS RTZANGS PA DAG 'DI LTAR MCHI BAS 'DI NI TSUL DANG MTHUN PA MA LAGS KYIS 'DI LTAR MA BZHUD CIG ,DE DAG GIS SMRAS PA, SHES LDAN 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, MGO MI BSGYUR BAR KHYIM GZHAN DU 'GRO BAR BSLAB PAR BYA'O ZHES BCA'

, ,BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI MGO BSGYUR ZHING KHYIM GZHAN DU 'GRO BA'O, ,DE LA MGO MI BSGYUR BA ZHES BYA BA YANG BYA BA'I BYE BRAG YIN TE, MGO BSGYUR ZHING 'GRO BAR MI BYA BA DE LTA BU'I SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MGO BSGYUR BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU BRGYAD PA'O,, ,,PHRAG PA MI SPRAD PAR KHYIM GZHAN DU 'GRO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG PHRAG PA SPROD CING KHYIM GZHAN DU 'DONG BA NA, JI TZAM NA MI ZHIG SPOS DANG ME TOG GIS BRGYAN TE, 'JIG RTEN LA BU TZAM DU SEMS SHING 'GRO NAS DRUG SDE DAG GIS SMRAS PA, DGA' BO DANG NYE DGA' 'DI BKRAN PA 'DI 'JIG RTEN LA BU TZAM DU SEMS SHING 'GRO NA JI 'DI'I SNYING LAM NA DRUG SDE DAG GIS SNGON LAN 'GA' YANG DRI DANG ME TOG THOGS PA MA MYONG BA 'DRAS, TSUR SHOG 'DI NI MI DGA' BAR BYA'O, ,DE LTAR BYA'O ZHES DE NA DE DAG GCIG DANG GCIG PHRAG PA SPRAD CING, GZHAN DANG GZHAN YANG PHRAG PA SPRAD CING DE PHUL BA DANG SA LA 'GYEL NAS, DES SMRAS PA, BDAG GIS KHYED CAG LA NONGS PA CI BGYIS, BKREN PA KHYOD KYI SNYING LAM NA DRUG SDE DAG GIS SNGON LAN 'GA' YANG SPOS DANG ME TOG THOGS MA MYONG SNYAM PAS KHYED DE LTAR MI DGA' BAR BYA'O, ,DES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA KHYIM BDAG DE GNAS SU SMOD PAR BYED DO SNYAM NAS SNGA MA BZHIN DU, PHRAG PA MI SPRAD PAR KHYIM GZHAN DU 'GRO BA LA BSLAB PAR BYA'O ZHES BCA' BA

, ,MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI PHRAG PA SPROD CING KHYIM GZHAN DU 'GRO BA'O, ,DE LA PHRAG PA MI SPROD PA ZHES BYA BA NI GZHAN DAG DANG PHRAG PA GNYIS MI SPROD PA STE, DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI PHRAG PA SPROD PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA NYI SHU DGU PA'O,, ,,LAG PA MI SPREL BAR KHYIM GZHAN DU 'GRO BAR BSLAB PAR BYA BA'I GLENG GZHI NI; SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG GIS LAG PA SPREL CING KHYIM GZHAN DU 'DONG NAS CI TZAM DU MI ZHIG SPOS DANG ME TOG GIS BRGYAN TE, 'JIG RTEN LA BU TZAM DU SEMS SHING 'GRO NAS DRUG SDE DAG GIS SMRAS PA, DGA' BO NYE DGA' BKREN PA 'DI 'JIG RTEN LA BU TZAM DU SEMS SHING 'GRO NA, JI 'DI'I SNYING LAM NA, DRUG SDE DAG GIS SNGON LAN 'GA' YANG DRI DANG MA TOG THOGS MA MYONG SNYAM PA 'DRAS, TSUR SHEG 'DI MI DGA' BAR BYED PA, DE LTA BYA'O ZHES DE NA DE DAG GCIG DANG GCIG LAG PA SBREL CING GZHAN DANG GZHAN YANG LAG PA SPRAL TE, DE PHUL BA DANG SA LA 'GYEL NAS DE SMRAS PA, BDAG GIS KHYED CAG LA NONGS PA CI BGYIS, BKREN BA KHYOD KYI SNYING LAM NA DRUG SDE DAG GIS SNGON LAN 'GA' YANG SPOS DANG ME TOG THOGS MA MYONG SNYAM PAS KHYOD DE LTAR MI DGA' BAR BYA'O, ,DES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM BDAG DE GNAS SU SMOD PAR BYED DO SNYAM NAS SNGA MA BZHIN DU LAG PA MI SBREL PAR KHYIM GZHAN DU 'GRO BAR BSLAB PAR

, ,BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LAG PA SBREL TE KHYIM GZHAN DU 'GRO BA'O, ,DE LA LAG PA MI SBREL BAR ZHES BYA BA NI GZHAN DAG DANG LAG PA SBREL TE 'GRO BAR MI BYA BA STE; DE LTA BUS SHIN TU BSDAMS SHING KHYIM GZHAN DU 'GRO BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA SBREL BA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,SHIN TU BSDAMS SHING KHYIM GZHAN DU 'GRO BAR BSLAB PAR BYA'O ZHES BYA BA MAN CHAD, 'DI YAN CHAD THAMS CAD NI SHIN TU BSDAMS SHING KHYIM GZHAN DU 'GRO BAR BSLAB PAR BYA BA DE'I SPROS PA YIN PAR SBYAR RO, ,DE DAG GI GLENG GZHI NI SER SKYA'I GNAS ZHES SMOS PA NI GZHUNG GZHAN LAS SER SKYA'I GNAS SU YAB DANG SRAS MJAL NAS SH'AKYA RNAMS RAB TU BYUNG BA'I TSE, DRUG SDE DAG GSAR DU RAB TU BYUNG BA LAS BCAS SO ZHES GSUNGS PA LAS SHES PAR BYA'O, ,BSLAB PA SUM CU PA'O,, ,,SDOM LA, 'DUG PAR BYA BA DGU DAG DANG, ,ZHES GSUNGS PA'I BSLAB PA BSDU BA'I MDO NI MA BSGO BAR KHYIM GZHAN DU STAN LA MI 'DUG PAR BSLAB PAR BYA, STAN LA MA BRTAGS PA DANG; LUS THAMS CAD KYI LJID KYIS MI DBAB PA DANG, RKANG PA MI BSNOL BA DANG, BAR LA MI BSNOL BA DANG, LONG BU'I STENG DU LONG BU MI GZHAG PA DANG, RKANG PA MI DGUG PA DANG, RKANG PA MI GDANG BA DANG, MDOMS MI SNANG BAR KHYIM GZHAN DU STAN LA 'DUG PAR BSLAB PAR BYA'O ZHES BYA BA DE DAG YIN NO; ,DE LA MA BSGO BAR KHYIM GZHAN DU STAN LA MI 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA BRAM ZE GTZANG STAN 'DOD PA ZHIG 'DUG PA DES SGO

KHANG DU MAL BSHAMS NAS DE NAS BU MO ZHIG BSIL YAB THOGS TE SBRANG BU SKYOB CING 'DUG GO, ,TSE DANG LDAN PA NYE DGA' DE'I KHYIM DU BSOD SNYOMS LA ZHUGS NAS DES SMRAS PA, BU MO BRAM ZE'I GAN DU SONG LA NYE DGA' SGO NA SDOD DO ZHES GYIS SHIG ,'PHAGS PA DAG 'DI NA SBRANG MA SKYOB CING MCHIS PAS MI MCHI'O, ,DES SMRAS PA, GAL TE DE LTA NA KHO BOS RE ZHIG BSRUNG GIS KHYOD SONG LA SMROS SHIG ,DE SONG BA DANG NYE DAGS RKANG PA DANG BCAS PAR 'DZEGS TE MAL DE'I STENG DU 'DUG GO, ,RAM ZE DE PHYIR BYUNG BA DANG NYE DGA' RKANG PA DANG BCAS PAR MAL GYI STENG DU 'DZEGS TE 'DUG PAR MTHONG NGO, ,MTHONG NAS KYANG SMRAS PA, 'JIG RTEN GYI GTZANG SBRA NI THA DAD PA YIN NA, CI'I PHYIR KHYOD 'DIR RKANG PA DANG BCAS PAR 'DZEGS TE 'DUG ,DES SMRAS PA, BRAM ZE DGE SLONG GIS MAL LONGS SPYOD PA GANG YIN PA NI KHYOD KYI KHYIM BDUN PA TSUN CHAD LA PHAN BTAGS PA YIN NO, ,DES SMOD PAR BYED PHYAR KA GTONG BAR BYED KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, BRAM ZE DE GNAS SU SMOD PAR BYED DO SNYAM NAS SNGA MA BZHIN DU, MA BSGO BAR KHYIM GZHAN DU STAN LA MI 'DUG PAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI THUG THUB, NYES PA NI MA BSGO BAR KHYIM GZHAN DU STAN LA 'DUG PA'O, ,DE LA MA BSGO BAR KHYIM GZHAN DU STAN LA MI 'DUG PAR BSLAB PAR BYA ZHES BYA BA NI KHYIM GZHAN DER KHYIM BDAG GIS MA BSGO BAR DGE SLONG STAN LA MI 'DUG PAR BSLAB PAR BYA'O, ,MA BSGO BAR KHYIM GZHAN DU STAN LA MI 'DUG PAR BSLAB PAR BYA'O ZHES BYA BA 'DI NI MDOR BSTAN PA YIN LA, 'OG NAS STAN LA MA BRTAGS PAR KHYIM GZHAN DU STAN LA 'DUG PAR MI BYA BAR BSLAB PAR BYA BA LA SOGS PA BRGYAD 'BYUNG BA DAG NI 'DI'I SPROS PA YIN TE, RNAM PA GZHAN BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYE SA BYAS KYI DNGOS GZHIR 'GYUR RO, ,'DI'I BYED PA PO NI MA BSGO BA DANG 'DUG PA NYID DO, ,

, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU GCIG PA'O,, ,,STAN LA MA BRTAGS PAR KHYIM GZHAN DU STAN LA 'DUG PAR MI BYA BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYIS TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE TSE DANG LDAN PA 'CHAR KAS GTUM MO BTUL PA DE'I TSE DE'I DRANG SRONG GI STAN BSHAMS NAS, TSE DANG LDAN PA 'CHAR KAS LONGS SPYAD CING SPYAD CING 'GRO'O, ,CI TZAM DUS GZHAN ZHIG NA DES GTUM MO LA SMRAS PA, SRING MO KHYOD BLTAS KYIS LJONGS RGYUR 'GRO'O, ,DES SMRAS PA, 'PHAGS PA MYUR DU SLAR SBYOR CIG ,BDAG SKYO BA SKYED PA MA MDZAD CIG ,DES SMRAS PA, SRING MO MNYES KYIS DE BZHIN DU BYAS SO, ,DE DE BLTAS TE RGYAL BYED KYI TSAL DU SONG BA DANG, BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SONG LA DGE SLONG RNAMS LA BCOM LDAN 'DAS NYI MA BDUN LA LJONGS RGYUR GSHEGS KYIS, KHYED CAG LAS GANG BCOM LDAN 'DAS DANG THABS CIG LJONGS RGYUR 'GRO BAR SPRO BA DES CHOS GOS KYI LAS GYIS SHIG CES BSGO SHIG ,TSE DANG LDAN PA KUN DGA' BOS DGE SLONG RNAMS LA DE SKAD CES BSGO BA NA TSE DANG LDAN PA 'CHAR KAS BSAMS PA, SANGS RGYAS LJONGS RGYUR GSHEGS PA LA PHAN YON BCO BRGYAD YOD KYIS BCOM LDAN 'DAS NYID DANG THABS CIG 'GRO'O, ,SNYAM NAS DE MA 'PHAGS SO, ,DE'I TSE NA GTUM MO'I KHYIM NA KHYE'U BTZAS NAS RING PO MA LON PA ZHIG YOD NAS DES BU MO LA SMRAS PA, BU MO KHYE'U 'DI DRANG SRONG GI GDAN LA BSNYOL CIG DANG YUN RING DU 'TSO ZHING TSE RING DU SONG BAR 'GYUR RO, ,DES DE GOS DKAR PO BSKON TE BSNYAL BA DANG, TSE DANG LDAN PA 'CHAR KA MNYAN YOD DU BSOD SNYOMS LA ZHUGS NAS DES BSAMS PA, JI GTUM MO'I KHYIM DU STAN LA LONGS SPYOD DU 'GRO ZHING PHYIS BSOD SNYOMS BRGYUS TE 'GRO'O SNYAM NAS DE DER SONG NGO, ,DGRA BCOM PA DAG NI MA BSAMS PAR SHES PA DANG,

MTHONG BA MI 'JUG PAS DE STAN DE STA DE NYID LA GYA TSOM DU 'DUG PA DANG, NANG MI BRTAD PA DANG BCAS PAR 'PHAGS PA KHYE'U KHYE'U BYAS PA DANG, DE MYUR BA MYUR BAR LANGS NAS JI TZAM NA DE DAG GIS DE DUS LA BAB PAR MTHONG NAS DE DAG DU BAR BRTZAMS PA DANG, DES SMRAS PA, SRING MO DAG 'DI LA CI 'DU BYED THAMS CAD KYI CHOS NYID 'DI LTA BU YIN NO, ,'ON KYANG KHO BO LA BRTEN TE, BCOM LDAN 'DAS 'DUL BA LA NYAN THOS RNAMS KYI BSLAB PA'I GZHI 'CHA' BAR 'GYUR BAS 'DI LA KHO BOS 'DUD PAR BYA BA YIN NO, ,'KHOR BA NA SEMS CAN RNAMS NYE DU LA BYAMS PA NI THOG MA MED PA'I DUS NAS GOMS PA YIN PAS DE DAG DE BZHIN DU DU ZHING MI SDOD PA THOS NAS, DGE SLONG RNAMS KYIS SKABS DE BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DE BAS NA NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, STAN LA MA BRTAGS PAR KHYIM GZHAN DU STAN LA 'DUG PAR MI BYA BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI TSE DANG LDAN PA 'CHAR KA ,NYON MONGS PA NI BAG CHAGS MA BYANG PAS MA BSAMS PAR SHES PA DANG MTHONG BA MI 'JUG PA DANG, NYES PA NI STAN LA MA BRTAGS PAR KHYIM GZHAN DU STAN LA 'DUG PA'O, ,DE LA STAN LA MA BRTAGS PA ZHES BYA BA NI KHYIM GZHAN DER STAN LA MA BRTAGS PA STE, DE LTAR KHYIM GZHAN DU STAN LA 'DUG PAR MI BYA BAR BSLAB PAR BYA'O ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYAS PA'I NYES BYAS KYI DNGOS GZHIR 'GYUR RO, ,'DI'I BYED PA PO NI MA BRTAGS PA DANG, 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU RTZA GNYIS PA'O,, ,,LUS THAMS CAD KYI LJID KYIS MI DBAB PAR KHYIM GZHAN DU STAN LA 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA

, ,BA NA BZHUGS SO, ,GANG GI TSE BCOM LDAN 'DAS MNGON PAR BYUNG NAS LO BCU GNYIS LON ZHING MNGON PAR RDZOGS PAR SANGS RGYAS NAS LO DRUG LON NAS SER SKYA'I GNAS SU BYON PA DE'I TSE NA NYI MA GCIG NA YAB KYI THAD DU GDUGS TSOD GSOL, NYI MA GNYIS PA LA NI RANG GI BTZUN MO'I 'KHOR DU GDUGS TSOD GSOL BA NA TSE DANG LDAN PA 'CHAR KAS BTZUN MO GRAGS 'DZIN BSHOS 'DRI MA PA LA RKANG PAS RKANG PA LA PHUL BA DANG, DE STOBS DANG LDAN PAS MA 'GYEL NAS, DES BTZUN MOS 'TSO MA LA SMRAS PA, SA 'TSO MA 'PHAGS PA 'CHAR KAS BDAG SANGS RGYAS LA SOGS PA DGE SLONG GI DGE 'DUN GYI SPYAN SNGAR MTHO BTZAMS SO, ,JI BYAS, DES JI LTAR GYUR PA BRJOD PA DANG, DES SMRAS PA, CI NAS KYANG DA PHYIN CHAD DE LTAR BYED PAR MI 'GYUR BA DE LTAR MI DGA' BAR BYA'O, ,JI TZAM NYI MA GZHAN ZHIG LA BTZUN MO GRAGS 'DZIN GYIS KHRI'U MA BRGYUS PA ZHIG RAS KYIS G-YOGS NAS BU MO MNGAG GZHUG MA TSE DANG LDAN PA 'CHAR KA BRAM ZE'I MING GIS 'BOD DU BTANG BA DANG, DES BSAM PA DER GOR MA CHAG PAR SBYIN PA BYED KYIS 'GRO'O SNYAM NAS DE MYUR BA MYUR BAR SONG NAS SMRAS PA, JE SLONG MO PA DAG LA CI ZHIG SBYIN PAR BYA BA DE BLTA'O, ,GRAGS 'DZIN GYIS SMRAS PA, 'PHAGS PA ZHI'I KHAM PHOR 'DI DANG PHYE'I KHAM PHOR DE 'GRENG STE LONGS LA KHRI'U 'DI LA BZHUGS SHIG, ,JI KHRI'U 'DI YANG KHO BO LA SBYIN NAM, 'PHAGS PA KHRI'U NI MI GSOL LO, ,DES BSAMS PA, GAL TE KHRI'U MI STER NA KHRI'U 'DI BCAG PAR BYA'O SNYAM NAS DES ZHO'I KHAM PHOR DANG PHYE'I KHAM PHOR DE GNYIS 'GRENG STE BLANGS NAS KHRI'U DE NYID LA LUS THAMS CAD KYI LJID KYIS PHAB STE 'DUG PAR BRTZAMS PA DANG, KHRI'U ZHIG STE 'GYEL NAS ZHO'I KHAM PHOR DANG PHYE'I KHAM PHOR DE MGOR BO BA DANG, DE DAG GIS RTA GAD KYIS BTAB STE, LAG PA DANG RKANG PA DAG NAS BZUNG NAS BYANG CHUB SEMS DPA' ROL PA'I RDZING DU 'PHANGS SO, ,DE LANGS TE GOS DAG 'TSIR BA DGE SLONG RNAMS KYIS MTHANG NAS SMRAS PA, TSO DANG LDAN PA 'CHAR KA 'DI CI NYES, DES SMRAS PA, KHO BOS KU RE CUNG ZHIG BYAS NA NYES DMIGS 'DI LTA BU 'DI BYUNG NGO, ,DE DAG SMOD

PAR BYED, PHYAR KA GTONG BAR BYED, KHA ZER BAR BYED PA'I SKABS DE THOS NAS, SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, DE DAG GNAS SU SMAD DO SNYAM NAS SNGA MA BZHIN DU LUD THAMS CAD KYI LJID KYIS MI DBAB PAR KHYIM GZHAN DU STAN LA 'DUG PAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI TSE DANG LDAN PA 'CHAR KA ,NYON MONGS PA NI MTHO BTZAMS PA, NYES PA NI LUS THAMS CAD KYI LJID KYIS PHAB STE KHYIM GZHAN DU STAN LA 'DUG PA'O, ,DES LUS THAMS CAD KYI LJID KYIS MI DBAB PA ZHES BYA BA NI KHYIM GZHAN DER STAN LA GYA TSOM DU LUS THAMS CAD KYIS PHAB STE, TRIGS ZHES 'DUG PAR MI BYA STE, DE LTAR KHYIM GZHAN LA 'DUG PAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LUS THAMS CAD KYI LJID KYIS 'BEBS PA DANG 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU GSUM PA'O,, ,,RKANG PA MI BSNOL BAR KHYIM GZHAN DU STAN LA 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG KHYIM GZHAN DU RKANG PA BSNOL TE 'DUG PAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DU DAG DANG, RGYAN PO PA DAG DANG, NAL GYI BU DAG 'DI LTAR MCHIS PAS 'DI NI TSUL DANG MTHUN PA MA LAGS KYIS 'DI LTAR MA BZHUGS SHING ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS

, ,KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, RKANG PA MI BSNOL BAR KHYIM GZHAN DU STAN LA 'DUG PAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI RKANG PA BSNOL TE KHYIM GZHAN DU STAN LA 'DUG PA'O, ,DE LA RKANG PA MI BSNOL BA ZHES BYA BA NI RKANG PA'I STENG DU RKANG PA BZHAG STE 'DUG PAR MI BYA BA STE, DE LTAR KHYIM GZHAN DU STAN LA 'DUG PAR BSLAB PAR BYA BA'O, DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI RKANG PA BSNOL BA DANG 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU BZHI PA'O,, ,,BRLA MI BSNOL BAR KHYIM GZHAN DU 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG BRLA BSNOL TE KHYIM GZHAN DU 'DUG PAR BYED PA NA BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DVA DAG DANG, RGYAN PO DAG DANG, NAL GYI BU DAG 'DI LTAR MCHIS PAS 'DI NI TSUL DANG THUN PA MA LAGS KYIS 'DI LTAR MA BZHUGS SHIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS, SNGA MA BZHIN DU BRAL MI BSNOL BAR KHYIM GZHAN DU STAN LA 'DUG PAR BSLAB PAR BYA'O ZHES BCA' BA MDZAD DE, YUL NI SER SKYA'I

GNAS; GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI BRLA BSNOL TE KHYIM GZHAN DU STAN LA 'DUG PA'O, ,DE LA BRLA MI BSNOL BA ZHES BYA BA NI BRLA'I STENG DU BRLA BZHAG STE 'DUG PAR MI BYA BA STE, DE LTAR KHYIM GZHAN DU STAN LA 'DUG PAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI BRLA BSNOL BA DANG 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, , SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU LNGA PA'O,, ,,LONG BU'I STENG DU LONG BU MI BZHAG PAR KHYIM GZHAN DU STAN LA 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG LONG BU'I STENG DU LONG BU BZHAG STE, KHYIM GZHAN DU 'DUG PAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG DVA DAG DANG, RGYAN PO PA DAG DANG, NAL GYI BU DAG 'DI LTAR MCHIS PAS 'DI NI TSUL DANG THUN PA MA LAGS KYIS, 'DI LTAR MA BZHUGS SHIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, LONG BU'I STENG DU LONG BU MI BZHAG PAR KHYIM GZHAN DU STAN LA 'DUG PAR BSLAB PAR BYA BA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI LONG BU'I STENG DU LONG BU BZHAG STE KHYIM GZHAN DU STAN LA 'DUG PA'O, ,DE LA LONG BU MI GZHAG PAR ZHES BYA BA NI LONG BU'I STENG DU LONG BU

, ,GZHAG STE 'DUG PAR MI BYA BA STE, DE LTAR KHYIM GZHAN DU STAN LA 'DUG PAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, , 'DI'I BYED PA PO NI LONG BU'I STENG DU LONG BU GZHAG PA DANG 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU DRUG PA'O,, ,, RKANG PA MI DGUG PAR KHYIM GZHAN DU STAN LA 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG RKANG PA DGUG STE KHYIM GZHAN DU 'DUG PAR BYED NAS, DGE BSNYEN MA DAG LHAGS TE, PHYAG 'TSAL NAS DE DAG AA ROG GYA MI ZER NAS, DE DAG GIS SMRAS PA, 'PHAGS PA DAG CI'I SLAD DU AA ROG GYA MI GSUNG, DE DAG GIS SMRAS PA, KHYED CAG GIS KHO BO CAG GI RKANG PA LA PHYAG MA BYAS SO, ,DE DAG DE DAG GI RKANG PA LA PHYAG 'TSAL BA NA RKUB TSOS 'JAL BAR BYED CING, DGA' BO NYE DGA' 'DI DAG GI RKUB TSOS CHE KHYAD LA LTOS ZHES SMRAS PA DANG, DE DAG NGO TSA NAS CANG MI SMRA BAR 'KHOD PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU RKANG PA MI DGUG PAR KHYIM GZHAN DU STAN LA 'DUG PAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI MTHO BTZAMS PA, NYES PA NI RKANG PA DGUG STE KHYIM GZHAN DU STAN LA 'DUG PA'O, ,DE LA RKANG PA MI DGUG PAR ZHES BYA BA NI RKANG PA GNYIS 'GAB KUNG DU BZHAG STE 'DUG PAR MI BYA BA STE, DE LTAR KHYIM GZHAN DU STAN LA 'DUG PAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA'I NYES BYAS KYI DNGOS GZHIR 'GYUR RO, 'DI'I BYED PA PO NI RKANG PA BKUG PA DANG 'DUG PA NYID DO, ,'DI LA YAN LAG NI GCIG STE,

DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU BDUN PA'O,, ,,RKANG PA MI GDANG BAR KHYIM GZHAN DU 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG RKANG PA GDANGS TE KHYIM GZHAN DU 'DUG PAR BYED NAS, DGE BSNYEN MA DAG LHAGS TE PHYAG 'TSAL BAR BYED PA NA DE DAG AA ROG GYA LHAG MA DANG BCAS PAR ZER NAS DE DAG GIS SMRAS PA, 'PHAGS PA DAG CI'I SLAD DU AA ROG GYA LHAG MA DANG BCAS PA GSUNG, DE DAG GIS SMRAS PA, KHYED CAG GIS KHO BO CAG GI RKANG PA LA PHYAG MA BYAS SO, ,DE DAG DE DAG GI RKANG PA LA PHYAG 'TSAL BA NA RKUB TSOS 'JAL BAR BYED CING, DGA' BO NYE DAG GI RKUB TSOS CHE KHYAD LA LTOS ZHES SMRAS PA DANG, DE DAG NGO TSA NAS CANG MI SMRA BAR 'KHOD PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, RKANG PA MI GDANG BAR KHYIM GZHAN DU STAN LA 'DUG PAR BSLAB PAR BYA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI MTHO BTZAMS PA, NYES PA NI RKANG PA GDANGS TE KHYIM GZHAN DU STAN LA 'DUG PA'O, ,DE LA RKANG PA MI GDANG BA ZHES BYA BA NI BRLA GNYIS GSHIBS TE BYIN PA DANG, RKANG PA GNYIS PAR DAG SO SOR PHYE STE 'DUG PAR MI BYA BA STE, DE LTAR KHYIM GZHAN DU STAN LA 'DUG PAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI RKANG PA GDANGS PA DANG 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO; ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA SUM CU BRGYAD PA'O,, ,,MDOMS MI SNANG BAR KHYIM GZHAN DU STAN LA 'DUG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I

, ,GNAS NA N+YA GRO DHA'I KUN DGA' RA BA NA BZHUGS SO, ,DRUG SDE DAG MDOMS SNANG BAR STAN LA 'KHOD CING SGREN MOR SNANG NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, CHANG GIS RA RO BA DAG DANG, 'BYUNG PO DANG SHA ZAS BRLABS PA DAG 'DI LTAR MCHIS PAS, 'DI NI TSUL DANG MTHUN PA MA LAGS KYIS, 'DI LTAR MA BZHUGS SHIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG; BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU, MDOMS MI SNANG BAR KHYIM GZHAN DU STAN LA 'DUG PAR BSLAB PAR BYA BA'O ZHES BCA' BA MDZAD DE, YUL NI SER SKYA'I GNAS, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI MDOMS SNANG BAR KHYIM GZHAN DU STAN LA 'DUG PA'O, ,DE LA MDOMS MI SNANG BAR ZHES BYA BA NI BRAL GNYIS SAM, BYIN PA GNYIS SAM, RKANG PA GNYIS SAM, YANG NA THAMS CAD KYANG RUNG BA THAD KAR GDANGS TE 'DUG PAR MI BYA BA STE, DE LTAR KHYIM GZHAN DU STAN LA 'DUG PAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS DNGOS GZHIR 'GYUR RO, ,'DI'I BYED PA PO NI MDOMS SNANG BA DANG 'DUG PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,MA BSGO BAR KHYIM GZHAN DU STAN LA MI 'DUG PAR BSLAB PAR BYA BA MAN CHAD 'DI YAN CHAD THAMS CAD NI KHYIM GZHAN DU STAN LA 'DUG PAR BSLAB PAR BYA BA'I SPROS PA YIN PAR SBYAR RO, ,BSLAB PA SUM CU DGU PA'O,, ,,SO SOR THAR PA'I MDO'I GZHUNG 'GREL BA MA PO NYI SHU GNYIS PA, SDOM LA, BYIN LEN BYA BA BRGYAD

RNAMS SO, ,ZHES GSUNGS PA'I BSLAB PA BSDU BA'I MDO NI LEGS PAR ZAS BLANG BAR BSLAB PAR BYA, MU DANG KHA DA CHANG DU MA YIN PA DANG, TSOD MA DANG MNYAM PAR MA YIN PA DANG, MTHAR CHAGS SU DANG, LHUNG BZED LA LTA BA DANG BCA' BA DANG BZA' BA MA 'ONGS PAR LHUNG BZED MI BZED BA DANG, YANG 'DOD PA'I PHYIR 'BRAS CHAN GYIS TSOD MA MI DGAB PA DANG, TSOD MAS 'BRAS CHAN MI DGAB PA DANG, BZA' BA DANG BCA' BA'I STENG DU LHUNG BZED MI GZUNG BAR BSLAB PAR BYA'O ZHES BYA BA DAG YIN NO, ,DE LA LEGS PAR ZAS BLANG BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS CHU SRIN BYIN PA GSOD KYI RI LA 'JIGS SU RUNG GI TSAL RI DAGS KYI NAGS NA BZHUGS SO, ,RGYAL BU RTOGS LDAN GYI KHANG BZANG PADMA CAN TSON BRGYA RTZA GCIG GIS BRIS PA DER DGE SLONG GI DGE 'DUN SPYAN DRANGS TE BSHOS GSOL BA NA RGYAL BU RTOGS LDAN NI DAD PA DANG LDAN PA YIN LA, 'KHOR NI MA DAD PAS 'DRI MA MKHAN RNAMS KYIS LA DU DAG GIS DGE SLONG RNAMS KYI LHUNG BZED DAG GCOG PAR BYED NAS DRUG SDE DAG GIS GROS BYAS PA 'DI DAG MI DGA' BAR BYA'O ZHES DE DAG 'BRAS CHAN DANG TSOD MA 'DRIM PA NA, DRUG SDE DAG GIS LHUNG BZED PHYIR BYED PA DANG DE GA SA LA BO NAS, DE DAG GIS SMRAS PA, 'PHAGS PA DAG RGYAL BU RTOGS LDAN GYI KHANG BZANGS PADMA CAN TSON BRGYA RTZA GCIG GIS BRIS PA'I SA GZHI KHYED KYIS MA RUNG BAR BYAS SO, ,DE DAG GIS SMRAS PA, BKREN PA DAG KHYED CAG SA GZHI MA RUNG BA NA MI DGA' BAR BYED NA, DGE SLONG GANG DAG GI LHUNG BZED DAG CHAG PA DE DAG JI LTAR BYED CES ZER BA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, LEGS PAR ZAS BLANG BAR BSLAB PAR BYA'O ZHES BCA' BA MDZAD DE, YUL NI CHU SRIN BYIS PA GSOD KYI RI, GANG ZAG NI DRUG SDE, NYON MONGS PA NI NGA RGYAL, NYES PA NI ZAS LEGS PAR MI LEN PA'O, ,DE LA LEGS PAR ZAS BLANGS PAR ZHES BYA BA NI GRONG 'BA' ZHIG TU MA ZAD KYI GZHAN DU YANG RUNG BA STE, LEGS PAR ZAS KYI BYIN LEN BLANG BAR BSLAB PAR BYA'O, ,LEGS PAR ZAS BLANG PAR BSLAB PAR BYA ZHES BYA BA 'DI NI MDOR BSTAN PA YIN LA, 'OG NAS MU

, ,DANG KHAD CHUD DU MA YIN PAR ZAS BLANG PAR BSLAB PAR BYA BA LA SOGS PA BDUN 'BYUNG BA DAG NI 'DI'I SPROS PA YIN TE, RNAM PA GZHAN BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYIS DNGOS GZHIR 'GYUR RO, ,'DI'I BYED PA PO NI LEGS PAR MI LEN PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO; ,BSLAB PA BZHI BCU PA'O,, ,,MU DANG KHA DA CHAD DU MA YIN PAR ZAS BLANG BAR BYA BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS CHU SRIN BYIS PA GSOD KYI RI LA, 'JIGS SU RING GI TSAL RI DAGS KYI NAGS NA BZHUGS SO, ,DRUG SDE RGYAL BU RTOGS LDAN GYI KHYIM DU BSOD SNYOMS LA ZHUGS NAS, DE DAG DANG POR 'BRAS CHAN JI TZAM GYIS LHUNG BZED GANG BA DE TZAM LEN PAR BYED PA NA BSOD SNYOMS 'BUL BA DAG GIS SMRAS PA, 'PHAGS PA DAG SKYU RUM GANG DU STZAL, DE DAG GIS SMRAS PA, 'DI NYID DU LHUG CIG ,DE DAG GIS DER BLUGS PA DANG, DE STENG DU LUD DE SA LA BON NAS DE DAG GIS SMRAS PA, 'PHAGS PA DAG RGYAL BU RTOGS LDAN GYI KHANG BZANGS PADMA TSON BRGYA RTZA GCIG GIS BRIS PA'I SA GZHI KHYOD KYIS MA RUNG BAR BYAS SO, ,DE DAG GIS SMRAS PA, BKREN PA DAG RE ZHIG RGYAL BU RTOGS LDAN GYIS 'DI LA LHAG PAR MA CHAGS PAR BYAS NAS, GANG DU SKYE BAR 'GYUR BA NI MI SHES KYI, KHYED CAG NI 'DI LA LHAG PAR CHAGS PAR BYAS NAS, YI DAGS LBA BA CAN RNAMS KYI NANG DU SKYE BAR 'GYUR RO ZHES BYA BA'I SKABS DE DGE SLONG RNAMS KYI BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, MU DANG KHA DA CHAD DU MA YIN PAR ZAS BLANGS BAR BYA'O ZHES BCA' BA MDZAD DO, ,YUL NI CHU SRIN BYIS PA GSOD KYI RI, GANG ZAG NI DRUG SDE, NYON MONGS PA NI BYE BRAG MI SHES PA, NYES PA NI MU DANG KHA DA CHAD DU ZAS LEN PA'O, ,DE LA MU DANG KHA DA CHAD DU MA YIN PA ZHES BYA BA LA MU ZHES BYA BA'I

SGRA NI LHUNG BZED KYI KHA LOGS KYI MU LA BYA STE, CI NAS KYANG MU DANG KHA DA CHAD DU GANG BAR 'GYUR BA DE LTAR MA YIN PAR ZAS BLANG BAR BYA STE, DE LTAR LEGS PAR ZAS BLANG BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PAR DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MU DANG KHA DA CHAD DU LEN PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU GCIG PA'O,, ,,TSOD MA MNYAM PA MA YIN PAR KHA ZAS BLANGS BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS CHU SRIN BYIS PA GSOD KYI RI LA, 'JIGS SU RUNG GI TSAL RI DAGS KYI NAGS NA BZHUGS SO, ,DRUG SDE DAG RGYAL BU RTOGS LDAN GYI KHYIM DU SNYOMS LA ZHUGS NAS, DE DAG DANG POR TSOD MA JI TZAM GYIS LHUNG BZED GANG BA DE TZAM GYIS LEN PAR BYED PA NA BSOD SNYOMS 'BUL BA DAG GIS SMRAS PA, 'PHAGS PA DAG 'BRAS CHAN GANG DU STZAL, DE DAG GIS SMRAS PA, 'DI NYID DU LHUG SHIG ,DE DAG GIS DER BLUGS PA DANG, STENG DU LUD DE BO NAS DE DAG GIS SMRAS PA, 'PHAGS PA DAG RGYAL BU RTOGS LDAN GYI KHANG BZANGS PADMA CAN TSON BRGYA RTZA GCIG GIS BRIS PA'I SA GZHI'I KHYED KYIS MA RUNG BAR BYAS SO, ,DE DAG GIS SMRAS PA, BKREN PA DAG RE ZHIG RGYAL BU RTOGS LDAN GYIS 'DI LA LHAG PAR CHAGS PAR BYED CING BYAS NAS, GANG DU SKYE BAR 'GYUR BA NI MA SHES KYI, KHYED CAG NI 'DI LAS LHAG PAR CHAGS PAR BYAS NAS, YI DAGS LBA BA CAN RNAMS KYI NANG DU SKYE BAR 'GYUR BA'O ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU TSOD MA DANG MNYAM PA MA YIN PAS ZAS BLANG BAR BSLAB PAR BYA'O ZHES BCA' BA MDZAD DE, YUL NI CHU SRIN BYIS PA GSOD KYI RI, GANG ZAG NI DRUG SDE, NYON MONGS PA NI BYE BRAG MI SHES PA, NYES PA NI TSOD PA DANG MNYAM PAR ZAS LEN PA'O, ,DE LA TSOD MA DANG

, ,MNYAM PA MA YIN PA ZHES BYA BA NI BZA' BA GANG LA TSOD MA DANG MNYAM PA DE LTAR TSOD MA DANG MNYAM PA MA YIN PA STE, GANG GI PHYIR BZA' BAR BYA BA'I ZAS G-YOS SU BYAS ZIN PA THAMS CAD BSOD SNYOMS NYID DU BSTAN PA YIN PA DE'I PHYIR RANG LA TSOD MA 'AM BYA NA JI TZAM GYIS ZAS BRDEGS PA 'AM, 'BRUS LEGS PAR DGOS PA'I TSAD LAS MA LHAG PA, DE LTAR LEGS PAR ZAS BLANGS BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI TSOD MA DANG MNYAM PAR LEN PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU GNYIS PA'O; ,,MTHAR CHAGS SU ZAS BLANGS BAR BSLAB PAR BYA BA'I GLENG BZHI NI, SANGS RGYAS BCOM LDAN 'DAS CHU SRIN BYIS PA GSOD KYI RI LA, 'JIGS SU RUNG GI TSAL RI DAGS KYI NAGS NA BZHUGS SO, ,DRUG SDE DAG ZAN ZA BA DANG, TSOD MA MI LEN PAR PHYIS THAG RING DU SONG BA DANG 'BOD PAR BYED NAS, 'DIR MA MKHAN DAG BREL BAR GYUR PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, MTHAR CHAGS SU ZAS BLANG BAR BSLAB PAR BYA'O ZHES BCA' BA MDZAD DE, YUL NI CHU SRIN BYIS PA GSOD KYI RI GANG ZAG NI DRUG SDE, NYON MONGS PA NI PHRAL GYI BYA BA MI SHES PA, NYES PA NI MTHAR CHAGS MA YIN PAR ZAS LEN PA'O, ,DE LA MTHAR CHAGS SU ZHES BYA BA NI RGAN RIMS KYANG RUNG, RGAN GZHON 'CHOL BAR BKAD KYANG RUNG STE, STAN LA 'DUG PA'I RIM PA BZHIN DU MTHAR CHAGS SU ZAS BLANG BAR BYA STE; DE LTAR LEGS PAR ZAS BLANG BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MTHAR CHAGS PA MA YIN PAR LEN PA DANG

ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU GSUM PA'O,, ,,LHUNG BZED LA BLTA ZHING ZAS BLANG BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS BYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, DES ZHAL ZAS BSOD PA STA GON BYAS NAS DES DANG POR ZAN BRIM PAR BRTZAMS PA DANG, DGE SLONG RNAMS KYIS YANG DANG YANG DU BLANG BAR BRTZAMS PA DANG, DES SMRAS PA, 'PHAGS PA DAG BDAG GIS ZHAL ZAS BSOD PA DAG STA GON BGYIS KYI 'DI MANG DU MA BZHES SHIG ,DRUG SDE DANG, GIS SMRAS PA, DGA' BO NYE DGA' KHYIM BDAG BKREN PA 'DI RNAM PA 'DIS ZAN YANG 'GOG PAR BYED KYIS MANG DU BLANG NGO ZHES DE DAG GIS MANG DU BLANGS SO, ,JI TZAM NA RGAN PA'I MTHA' LOGS SU BCA' BA BSOD PA DAG 'DRI MA DRUG SDE DAG GIS MTHONG NAS, DE DAG GI 'OG NA DGE SLONG RGAN ZHUGS ZHIG 'DUG PA DE RGAN PA'I MTHA' LOGS SU RNAM PAR LTA BA'I TSE DRUG SDE DAG GIS DE'I LHUNG BZED ZAN GYI CHANG BUS BKANG NGO, ,KHYIM BDAG CES BCA' BA BSOD PA BRIM PA NA GAN ZHUGS DE LA BCA' BA BYIN PA NA, DE LHUNG BZED KYI GZHIR LHUNG NAS, DES KHYIM BDAG GI GDONG DU LTA BAR BRTZAMS PA DANG, DES SMRAS PA, 'PHAGS PA CI'I SLAD DU KHYOD KYIS ZAN MANG PO DAG BLANGS KHYIM BDAG BDAG GIS MA BLANGS SO, ,'O NA 'DI DAG GA LAS MCHIS, MA SHES SO DRUG SDE DAG GIS SMRAS PA, DES KHYIM BDAG RGYAL PO NGA LAS NU LA NYI MA BDUN DU DBYIG GI CHAR 'BAB CES GRAGS PAS, RGAN ZHUGS 'DI LA YANG DE DANG 'DRA BAR ZAN GYI CHANG BU'I CHAR 'BAB BO, ,DE CANG MI SMRA BAR 'DUG PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, LHUNG BZED LA BLTA ZHING ZAS BLANG BAR BSLAB PAR BYA'O ZHES BCA' LA MDZAD DE,

, ,YUL NI MNYAN YOD, GANG ZAG NI DGE SLONG RGAN ZHUGS, NYON MONGS PA NI YENGS PA, NYES PA NI LHUNG BZED LA MI LTA BAR ZAS LAN PA'O, ,DE LA LHUNG BZED LA LTA BA ZHES BYA BA NI SNOD SHES PA DANG BLANG BA STE, GANG ZAG LHUNG BZED LA LTA BA'I 'DU SHES YOD PA'I DGE SLONG DE NI LHUNG BZED LA BLTA BA'O, ,'DIR LHUNG BZED LA BA LTA BA ZHES BYA BA DE NI YID KYIS LTA BA LA BYA'I, MIG GI DBANG POS BLTA BA NI SNGAR GNYA' SHING GANG TZAM DU LTA BA'I SKABS NYID KYIS BSDUS ZIN TO, DE LTAR BLTA ZHING LEGS PAR ZAS BLANG BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LHUNG ZED LA MI LTA BAR LEN PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, , SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU BZHI PA'O,, ,,BCA' BA DANG BZA' BA MA 'ONGS PAR LHUNG BZED MI BZED PAR BSLAB PAR BYA BA'I GLENG GZHI NI, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG BSOD SNYOMS LA ZHUGS PA NA JI SRID BSOD SNYOMS MI SBYIN PA DE SRID DU LHUNG BZED BZED DE SDOD NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG CI'I SLAD DU BCA' BA DANG BZA' BA MA MCHIS PAR LTUNG BZED BZED DE GZHES PAR MDZAD, 'DI NI TSUL DANG MTHUN PA MA LAGS KYIS 'DI LTAR MA MDZAD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS DGONGS PA, KHYIM DAG ZER BA BDEN NO SNYAM NAS SNGA MA BZHIN DU BCA' BA DANG BZA' BA MA 'ONGS PAR

LHUNG BZED MI BZED PAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI BCA' BA DANG BZA' BA MA 'ONGS PAR LHUNG BZED BZED PA'O, ,DE LA BCA' BA DANG BZA' BA MA 'ONGS PAR LHUNG BZED MI BZED BA ZHES BYA BA NI JI SRID DU BZA' BA DANG BCA' BA MNGON SUM DU MA 'ONGS PA DE SRID DU LHUNG BZED MI BZED PA STE, DE LTAR LEGS PAR ZAS BLANG BAR BSLAB PAR BYA'O, ,'DI LA DNGOS GZHI'I LHUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI BCA' BA DANG BZA' BA MA 'ONGS PAR LTUNG BZED BZED PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU LNGA PA'O,, ,,YANG 'DOD PA'I PHYIR 'BRAS CAN GYIS TSOD MA MI DGAB, TSOD MAS 'BRAS CHAN MI DGAB PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS KHYIM BDAG DE LA ZHES BYA BA YANG SNGA MA BZHIN NO, ,BSLAB PA BZHI BCU LNGA 'BRAS CHAN GYIS TSOD MA BKAB PA DANG, KHYIM BDAG DES 'BRAS CHAN MTHONG NAS SMRAS PA, 'PHAGS PA DAG SKYU RUM MA MCHIS SAM CI, DE DAG GIS SMRAS PA, KHYIM BDAG 'DI LTAR LTOS SHIG ,DES TSOD MA GZHAN YANG BYIN NO, ,YANG MNYAN YOD NA KHYIM BDAG CIG GIS, SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, KHYIM BDAG DE LA TSOD MA NI MANG, 'BRAS CHAN NI NYUNG NAS DRUG SDE DAG GIS TSOD MAS 'BRAS CHAN BKAB PA DANG, KHYIM BDAG DES TSOD MA MTHONG NAS SMRAS PA, 'PHAGS PA DAG 'BRAS CHAN MA MCHIS SAM CI, DE DAG GIS SMRAS PA,

, ,KHYIM BDAG 'DIR LTOS SHIG ,DES 'BRAS CHAN GZHAN YANG BYIN NO, ,DGE SLONG RNAMS GTZUG LAG KHANG DU DONG STE SMRAS PA, TSE DANG LDAN PA DAG KHYIM BDAG SNGA MA DES 'BRAS CHAN BZANG PO BYAS NAS 'DI LTAR TSOD MA NYUNG NGO, ,KHYIM BDAG PHYI MA DES, TSOD MA BZA' PO BYAS NAS 'DI LTAR 'BRAS CHAN NYUNG NGO, ,DRUG SDE DAG GIS SMRAS PA, KHO BO CAG GIS NI SNGA MAR YANG TSOD MA MANG DU THOB LA PHYI MAR YANG 'BRAS CHAN MANG DU THOB PO, ,JI LTAR DE DAG GIS JI LTAR GYUR PA BRJOD PA DANG DGE SLONG RNAMS KYIS SMRAS PA, KHYED CAG DE LTAR RUNG NGAM, RUNG YANG SRID MI RUNG YANG SRID DE KHO BO CAG GIS DE LTAR BYAS SO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU YANG 'DOD PA'I PHYIR 'BRAS CHAN GYIS TSOD MA MI DGAB, TSOD MAS 'BRAS CHAN MI DGAB PAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI YEB RNGAM, NYES PA NI YANG 'DOD PA'I PHYIR 'BRAS CHEN GYIS TSOD MA 'GEBS BA DANG, BCOM LDAN 'DAS KYIS SNGA MA BZHIN DU YANG 'DOD PA'I PHYIR 'BRAS CHAN GYIS TSOD MA 'GEBS BA DANG, TSOD MAS 'BRAS CHAN 'GEBS PA'O, ,DE LA YANG 'DOD PA'I PHYIR 'BRAS CHAN GYIS TSOD MA MI DGAB, TSOD MAS 'BRAS CHAN MI DGAB CES BYA BA NI YANG THOB PAR BYA'O SNYAM PA'I BSAM PAS 'BRAS CHAN GYIS TSOD MA MI DGAB, TSOD MAS 'BRAS CHAN MI DGAB PA STE, DE LTAR LEGS PAR ZAS BLANG BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI YANG 'DOD PA'I BSAM PA DANG, GCIG GIS GCIG 'GEBS PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU DRUG PA'O,, ,,BCA' BA DANG BZA' BA'I STENG DU LHUNG BZED MI GZUNG BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DGE SLONG

DAG BCA' BA DANG BZA' BA'I STENG DU LHUNG BZED 'DZIN PAR BYE NAS BRAM ZA DANG KHYAM BDAG DANG PA CAN DAG GIS MTHONG NAS SMOD PAR BYED DE, 'PHAGS PA DAG GTZANG SPRA NI THA DAD PA LAGS NI CI'I SLAD DU BCA' BA DANG BZA' BA'I STENG DU LHUNG BZED 'DZIN PAR MDZAD, 'DI NI TSUL DANG MTHUN PA MA LAGS KYIS 'DI LTAR MA MDZAD CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS, SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA KHYIM PA DAG ZER BA BDEN NO SNYAM NAS SNGA MA BZHIN DU, BCA' BA DANG BZA' BA'I STENG DU LHUNG BZED MI GZUNG BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI BZA' BA DANG BCA' BA'I STENG DU LHUNG BZED 'DZIN PA'O, ,DE LA BCA' BA DANG BZA' BA'I STENG DU BZED MI GZUNG BAR BSLAB PAR BYA'O ZHES BYA BA NI BCA' BA DANG BZA' BA'I STENG DU LHUNG BZED GZUNG BAR MI BYA BA STE, DE LTAR LEGS PAR ZAS BLANG BAR BSLAB PAR BYA'O, ,DE LA 'DIR DNGOS GZHI'I LHUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NAS BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI BCA' BA DANG BZA' BA'I STENG DU LHUNG BZED 'DZIN PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,LEGS PAR ZAS BLANG PAR BSLAB PAR BYA ZHES BYA BA MAN CHAD 'DI YAN CHAD THAMS CAD NI GRANG DANG GTZUG LAG KHANG LA SOGS PA'I GNAS SKABS THAMS CAD DU LEGS PAR ZAS BLANG BAR BSLAB PAR BYA BA'I SPYOD PA YIN PAR SBYAR RO, ,BSLAB PA BZHI BCU BDUN PA'O,, ,,SDOM LA, ZAS LA LEGS PAR BYA BA DRUG ,TZUG TZUG LA SOGS RNAM PA LNGA, ,'BRU

, ,NAS THA DAD BYED PA LNGA, ,LAG PA LDAG LA SOGS PA LNGA, ,ZHES GSUNGS PA LA, SNGO MA LA ZHES BYA BA'I TSIG GI DON DANG, DGOS PA NI SNGA MA BZHIN NO, ,SDOM GYI TSIGS SU BCAD PA 'DIS BSLAB PA NYI SHU RTZA GCIG BSTAN PA DAG KYANG 'OG NAS GZHUNG NYID LAS GO RIMS BZHIN DU STON TO, ,SDOM LA, ZAS LA LEGS PAR BYA BA DRUG ,CES GSUNGS PA'I BSLAB PA BSDU BA'I MDO NI, LEGS PAR ZAS BZA' BAR BSLAB PAR BYA, KHAM HA CANG CHUNG BA MA YIN PA DANG, KHAM HA CANG CHEN POR MA YIN PA DANG, KHAM RAN PA DANG, KHAM MA GZAS PAR KHA MI GDANG BA DANG, KHA KHAM GYIS BKANG STE MI SMRA BAR BSLAB PAR BYA BA'O ZHES BYA BA DAG YIN NO, ,DE LA LEGS PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG RNAM PAR 'GYUR BA DAG GIS ZAS ZA BAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, GZUGS 'TSONG MA DAG 'DI LTAR 'TSAL BAR BGYID PAS 'DI NI TSUL DANG MTHUN BA MA LAGS KYIS 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU LEGS PAR ZAS ZA BAR BSLAB PAR BYA BA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI RNAM PAR 'GYUR BA DAG GIS LEGS PAR ZAS ZA BAR MI BYED PA'O, ,DE LA LEGS PAR ZAS BZA' BAR BSLAB PAR BYA ZHES BYA BA NI GRANG 'BA' ZHIG TU MA ZAD KYI GZHAN DU YANG RUNG BA STE, KHAM HA CANG CHUNG BA LA SOGS PA RNAM PAR 'GYUR BA DAG MI BYA BAR LEGS PAR

BZA' BAR BSLAB PAR BYA'O, ,LEGS PAR ZAS BZA' BAR BSLAB PAR BYA ZHES BYA BA 'DI NI MDOR BSTAN PA YIN LA, 'OG NAS KHAM HA CANG CHUNG BA MA YIN PAR ZAS BZA' BAR BYA BA LA SOGS PA NYI SHU 'BYUNG BA DAG NI 'DI'I SPROS PA YIN TE, RNAM PA GZHAN BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LEGS PAR MI BZA' BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO; ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU BRGYAD PA'O,, ,,KHAM HA CANG CHUNG BA MA YIN PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS BZA' BA NA KHAM HA CANG CHUNG NGUR ZA BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, RIGS KYI MNA' MA DAG DANG, GZUGS 'TSO MA DAG DANG 'DI LTAR 'TSAL BAS 'DI NI TSUL DANG MTHUN PA MA LAGS KYIS, DE LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYI SA BCOM LDAN 'DAS LA GSOL PA DANG, BCOM LDAN 'DAS KYI SA DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU KHAM HA CANG CHUNG BA MA YIN PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYEN MONGS PA NI TSUL DANG MTHUN PA MA YIN PA, NYES PA NI KHAM HA CANG CHUNG NGUR ZAS ZA BA'O, ,DE LA KHAM HA CANG CHUNG NGU MA YIN PA ZHES BYA BA LA, KHA ZHES BYA BA NI KHANG

, ,KHAM TSAD DU GZHUG CING MID PAR BYA BA NI KHAM ZHES BYA'O, ,DE LA HA CANG CHUNG BA MA YIN PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHAM HA CANG CHUNG BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR PA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI BCU DGU PA'O,, ,,KHAM HA CANG CHEN PO MA YIN PAR ZAS BZA' BAR BSLAB PAR BYA BA'I GLENG GZHI NI SANGS RGYAS BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA NA BZHUGS SO, ,DRUG SDE DAG KHYIM GZHAN DU ZAN ZA BA NA, KHAM HA CANG CHEN POR ZAS ZA BAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG MU TO BDAG 'DI LTAR 'TSAL BAS 'DI NI TSUL DANG MTHUN PA MA LAGS KYIS, 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU KHAM HA CANG CHEN PO MA YIN PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI KHAM HA CANG CHEN POR ZA BA'O, ,DE LA KHAM HA CANG CHEN POR MA YIN PA ZHES BYA BA NI KHAM HA CANG CHEN PO YANG MA YIN PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA

BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHAM HA CANG CHE BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU PA'O,, ,,KHAM RAN PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS ZA BA NA KHAM RAN PA MA YIN PAR ZA NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DANG MU TO BA DAG 'DI LTAR 'TSAL BAS 'DI NI TSUL DANG MTHUN PA MA LAGS KYIS 'DI LTAR MA GSOL CIG ,DA DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLAB PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU KHAM RAN PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI KHAM RAN PA MA YIN PAR ZA BA'O, ,DE LA KHAM RAN PA ZHES BYA BA NI RANG DANG MTHUN PA DANG, 'JIG RTEN DANG MTHUN PA'I KHAM RAN PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, , 'DI'I BYED PA PO NI KHAM RAN PAR MA YIN PA DANG, ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU GCIG PA'O,, ,,

, ,KHAM MA GZAS PAR KHA MI GDANG BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RAB NA BZHUGS SO, ,MNYAN YOD NA KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS PA DANG, JI TZAM NA DRUG SDE DAG GI 'OG NA DGE SLONG RGAN ZHUS ZHIG 'DUG PA DE KHA GDANGS TE RGAN PA'I MTHA' LOGS SU LTA BAR BYED PA DANG, NYE DAGS DE'I KHAR BONG BA BCUG STE, JE DANG POR 'DI ZO SHIG CES SMRAS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, KHAM MA GZAS PAR KHA MI GDANG BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI RGAN ZHUGS, NYON MONGS PA NI RNGAM CHE BA, NYES PA NI KHAM MA GZAS PAR KHA GDANGS PA'O, ,DE LA KHAM MA GZAS PAR KHA MI GDANG BA ZHES BYA BA NI JI SRID DU KHAM KHA'I SGOR NYE BAR MA 'ONGS PA DE SRID DU KHA'I SGO GDANG BAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHAM MA GZAS PAR KHA GDANGS PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU GNYIS PA'O,, ,,KHA KHAM GYIS BKANG STE MI SMRA BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RAB NA BZHUGS SO, , DRUG SDE DAG KHA KHAM GYIS BKANG STE SMRA BAR BYED PA NA, SKAD NYAMS PAR GYUR PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU, KHA KHAM GYIS BKANG STE MI SMRA BAR BSLAB PAR BYA'O ZHES BCA' BA MDZAD DE, YUL NI MNYAN YOD

GANG ZAG NI DRUG SDE, NYON MONGS PA NI BRKAM PA, NYES PA NI KHA KHAM GYIS BKANG STE SMRA BA'O, ,DE LA KHA KHAM GYIS BKANG STE MI SMRA BA ZHES BYA BA NI KHAM GYIS BRDZANGS PA NI KHA KHAM GYIS BKANG BA STE, KHA DES TSIG MI SMRA BAR BYA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHA KHAM GYIS BKANG BA DANG SMRA BA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO; ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU GSUM PA'O,, ,,SDOM LA, TZUG TZUG LA SOGS RNAM PA LNGA, ,ZHES BYA BA GSUNGS PA'I BSLAB PA BSDU BA'I MDO NI TZUG TZUG MI BYA BA DANG, BLCAG BLCAG MI BYA BA DANG, HU HU MI BYA BA DANG, PHU PHU MI BYA BA DANG, LCE PHYUNG STE ZAS MI BZA' BAR BSLAB PAR BYA BA'O ZHES BYA BA DAG YIN NO, ,DE LA TZUG TZUG MI BYA BAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG GIS SANGS RGYAS LA SOGS PA DGE SLONG GI DGE 'DU NA KHYIM GZHAN DU GDUGS TSOD LA SPYAN DRANGS NAS DES TSOD MA TE POR MNGAR BA DAG STA GON BYAS PA DANG, DRUG SDE DAG GIS KHAS SGRA PHYUNG STE SMRAS PA DGA' BO NYE DGA' CHOD MA TE POR SKYUR RO, ,KHYIM BDAG DES THOS NAS DE SKYENGS NAS CANG MI SMRA BAR 'JUG PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU TZUG TZUG MI BYA BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MTHING SLAD KYI BSAM PA, NYES PA NI ZAS MYONG BA NA KHA'I SGRA TZUG TZUG ZER BA'O, ,DE LA TZUG TZUG MI BYA BA ZHES BYA BA NI TZUG TZUG ZER ZHING ZA BAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS

, ,GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PI NI KHA'I RNAM PAR 'GYUR BA'I SGRA TZUG TZUG ZER BA DANG KHA ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, , SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU BZHI PA'O,, ,,BLCAG BLCAG NI BYA BAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON, MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG GI SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, DES TSOD MA TE POR SKUR BA DAG STE GON BYAS PA DANG, DRUG SDE DAG DAG GI KHAS SGRA PHYUNG STE SMRAS PA, DGA' BO NYE DGA' TSOD MA TE POR MNGAR RO, ,KHYIM BDAG DES THOS NAS DE SKYENGS TE CANG MI SMRA BAR 'DUG PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU BLCAG BLCAG MI BYA BAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MTHING SLAD KYI BSAM PA, NYES BA NI ZAS MYONG BA NA KHA'I SGRA BLCAG BLCAG ZER BA'O, ,DE LA BLCAG BLCAG MI BYA BAR ZHES BYA BA NI, BLCAG BLCAG ZER ZHING ZA BAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHA'I RNAM PAR 'GYUR BA'I SGRA BLCAG BLCAG ZER BA DANG ZAS NYID DO, , 'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB BA LNGA BCU LNGA PA'O,, ,,HU HU MI BYA BAR ZAS BZA' BAR BSLAB PAR BYA BA'I GLENG GZHI NI, SANGS RGYAS

BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG GIS SANGS RGYAS BCOM LDAN 'DAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, KHYIM BDAG DE LA SNOD SPYAD MED PAS DES 'BRAS CHAN BTZOS TE SGROM DU BLUGS PA DANG, DE TSA NAS DRUG SDE DAG GIS KHAS SGRA PHYUNG STE SMRAS PA, DGA' BO NYE DGA' 'BRAS CHAN TE POR 'DI GRANG GIS KHA'I HU'I DBUGS KYIS BSRES TE BZA' BA'O, ,KHYIM BDAG DES THOS NAS, DE SKYENGS TE CANG MI SMRA BAR 'DUG PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, HU HU MI BYA BAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MTHING SLAD KYI BSAM PA, NYES PA NI ZAS MYONG BA NA KHA'I SGRA HU HU ZER BA'O, ,DE LA HU HU MI BYA BA ZHES BYA BA NI HU HU ZER ZHING ZA BAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHA'I RNAM PAR 'GYUR BA'I SGRA HU HU ZER BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU DRUG PA'O,, ,,PHU PU MI BYA BAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAM YOD NA KHYIM BDAG CIG GIS SANGS RGYAS BCOM LDAN 'DAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS DES 'BRAS CHAN BTZOS TE RE LDER BDAL BA DANG, DE GRANG BAR GYUR PA NAS DRUG SDE DAG GIS KHAS SGRA PHYUNG STE SMRAS PA, DGA' BO NYE DGA' 'BRAS CHEN TE POR TSA BAS, KHA'I DBUGS KYIS BSGRANGS TE BZA' 'O, ,KHYIM BDAG DES THOS NAS SKYENGS TE CANG MI SMRA BAR

, ,'DUG PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU PHU PHU MI BYA BAR ZAS BZA' BAR BSLAB PAR BYA BA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MTHING SLAD KYI BSAM PA, NYES PA NI ZAS MYONG BA NA KHA'I SGRA PHU PHU ZER BA'O, ,DE LA PHU PHU MI BYA BAR ZHES BYA BA NI PHU PHU ZER ZHING ZA BAR MI BYA BA STE, DE LTAR LEGS PAR ZAS BZA' BAR BSLAB PAR BYA BA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHA'I RNAM PAR 'GYUR BA'I SGRA PHU PHU ZER BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I BSGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU BDUN PA'O,, ,,LCE PHYUNG STE ZAS MI BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG GIS KHYIM GZHAN DU ZAN ZA BA NA LCE PHYUNG STE LTA ZHING MCHU GNYIS LAS LDAG PAR BYED NAS DGE SLONG RNAMS KYIS DE DAG LA SMRAS PA, TSE DANG LDAN PA DAG CI'I SLAD DU LCE PHYUNG STE BLTA DE DAG GI SMRAS PA, TSE DANG LDAN PA DAG MA BCAS PAR MED NA MI RUNG BAS DE BLTA'O, ,DE DAG SMOD PAR BYED PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU LCE PHYUNG STE ZAS MI BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MI DGOS PA BYED PA, NYES PA NI LCE PHYUNG STE ZAS ZA BA'O, ,DE LA LCE PHYUNG STE ZAS MI BZA' BAR BSLAB PAR BYA'O ZHES BYA BA NI ZAS BZA' BA NA LCE PHYUNG STE ZA BAR MI BYA BAR BSLAB PAR BYA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS

PAR BYA'I NYES BYAS KYI DNGOS GZHIR 'GYUR RO, ,'DI'I BYED PA PO NI LCE PHYUNG STE ZA BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU BRGYAD PA'O,, ,,SO SOR THAR PA'I MDO'I GZHUNG 'GREL, BAM PO NYI SHU GSUM PA, SDOM LA, 'BRU NAS THA DANG BYED PA LNGA, ,ZHES GSUNGS PA'I BSLAB PA BSDU BA'I MDO NI, 'BRU'I NAS THA DAD DU MI BYA BA DANG, 'PHYAS MI GDAGS PA DANG, MKHUR BA MI SPO BA DANG, RKAN MI GTOGS PA DANG, KHAM 'PHROR MI GCAD PAR ZAS BZA' BAR BSLAB PAR BYA'O ZHES BYA BA DAG YIN NO, ,DE LA 'BRU NAS THA DAD DU MI BYA BAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS BZA' BA NA 'BRAS CHAN 'BRU RE RE NAS THU ZHING ZA NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, DRVA DAG DANG, RGYAN PO PA DAG DANG, NAL GYI BU DAG 'DI LTAR 'TSAL BAS 'DI NI TSUL DANG MTHUN PA MA LAGS KYIS, DE LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM BDAG ZER BA BDEN NO SNYAM NAS SNGA MA BZHIN DU 'BRU NAS THA DANG DU MI BYA BAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI 'BRAS 'BRU RE NAS THU ZHING ZA BA'O, ,DE LA 'BRU NAS THA DAD DU MI BYA BAR ZHES BYA BA LA, 'BRU ZHES BYA BA NI 'BRAS CHAN LA SOGS PA'I 'BRU STE, DE GANG LA 'BRU DE LTA BU YOD PA DE DAG RE RE NAS THU ZHING ZA BAR MI BYA BA STE, DE LTAR LEGS PAR ZAS

, ,BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI 'BRU NAS THA DAD PAR BYED PA DANG ZAS NYID DO, , 'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA LNGA BCU DGU PA'O,, ,,'PHYAS MI GDAGS PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAN ZA BA DANG, DGA' BO NYE DGA' TSOD MA 'DI DAG HA CANG KHA'O, ,HA CANG SKYUR RO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU 'PHYAS MI GDAGS PAR ZAS BZA' BAR BSLAB PAR BYA'O ZHES BCA' BA MDZAD DE, ,YUL NI MNYAN YOD, GANG ZAG NI DRUG SDE, NYON MONGS PA NI GZHAN GYI YID MI BSRUNG PA, NYES PA NI ZAS LA 'PHYAS 'DOGS PA'O, ,DE LA 'PHYAS MI GDAGS PA ZHES BYA BA NI ZAS LA 'PHYA SMOD PAR BYED PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI 'PHYAS 'DOGS PA DANG, ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, BSLAB PA DRUG CU PA'O,, ,,MKHUR BA MI SPO BAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS BZA' BA NA MKHUR BA NAS MKHUR BAR KHAM SPO ZHING ZA

BAR BYED NAS, BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG MU TO BA DAG 'DI LTAR 'TSAL BAS 'DI NI TSUL DANG MTHUN PA MA LAGS KYIS, 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID LA MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU MKHUR BA MI SPO BAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI MKHUR PA NAS MKHUR BAR KHAM SPO ZHING ZA BAR BYED PA'O, , DE LA MKHUR BAR MI SPO BA ZHES BYA BA NI MKHUR BA GNYIS GAL BZHIN BU BKANG STE, G-YAS G-YON SPO BAR MI BYA BA'I THA TSIG GO, ,DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MKHUR BA SPO BA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO; ,BSLAB PA DRUG CU GCIG PA'O,, ,SKAN MI GTOGS PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAN BZA' BAN RKAN SGRA GTOGS PAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DANG, MU TO BA DAG 'DI LTAR 'TSAL BAS, 'DI NI TSUL DANG MTHUN PA MA LAGS KYIS 'DI LTAR MA GSOL CIG ,DE DAG GIS SMRAS PA, BZHIN

, ,BZANG DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU RKAN MI GTOGS PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI ZAS BZA' BA NA RKAN SGRA GTOGS PAR BYED PA'O, ,DE LA SKAN SGRA MI GTOGS PAR ZHES BYA BA NI LCES RKAN GTOGS SHING ZAS BZA' BAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI RKAN GTOGS PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DRUG CU GNYIS PA'O,, ,,KHAM 'PHROR MI GCAD PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS ZA BA NA, KHAM PHYED BLANGS TE KHAR 'JUG CING PHYED LHUNG BZED DU LTUNG BAR BYED NAS BRAM ZE DANG KHYIM BDAG DAD PA CAN DAG GIS MTHONG NAS SMOD PAR BYED DE, 'PHAGS PA DAG BYIS PA KHYE'U DAG DANG, GZUGS 'TSO MA DAG 'DI LTAR 'TSAL BAS 'DI NI TSUL DANG MTHUN PA MA LAGS KYIS, 'DI LTAR MA GSOL CIG ,DE DAG GIS SMRAS PA, SHES LDAN DAG 'DI LA DGOS PA YOD DO, ,'PHAGS PA DAG DGOS PA GANG LAGS, JE DANG POR KHYED CAG NYID MI SHES PA DANG BRAL BA DANG, BSLABS PAR GYUR PA'O, ,DE DAG RGYA CHER SMOD PA LA ZHUGS PA THOS NAS SKABS DE DGE SLONG RNAMS KYIS BCOM LDAN 'DAS

LA GSOL PA DANG, BCOM LDAN 'DAS KYIS DGONGS PA, KHYIM PA DAG ZER BA BDEN NO SNYAM NAS SNGA MA BZHIN DU KHAM 'PHROR MI GCAD PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI TSUL DANG MTHUN PA MA YIN PA, NYES PA NI KHAM 'PHROR GCOD CING ZA BA'O, ,DE LA KHAM 'PHROR MI GCAD PAR ZAS BZA' BAR BYA'O ZHES BYA BA NI, KHAM 'PHROR GCAD CING ZAN BZA' BAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI KHAM 'PHROR GCOD PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DRUG CU GSUM PA'O,, ,,SDOM LA, LAG PA BLDAG LA SOGS PA LNGA, ,ZHES GSUNGS PA BSDU BA'I MDO NI LAG PA MI BLDAG PA DANG, LTUNG BZED MI BYOG PA DANG, LAG PA MI SBRUG PA DANG, LTUNG BZED MI BSKYAMS PA DANG, MCHOD RTEN 'DRA BA BCOM STE ZAS MI BZA' BAR BSLAB PAR BYA'O ZHES BYA BA DAG YIN NO, ,DE LA LAG PA MI BLDAG PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA BZHUGS SO, ,DRUG SDE DAG KHYIM GZHAN DU ZAN BZA' BA NA LAG PA LDAG PAR BYED NAS, DGE SLONG RNAMS KYIS SMRAS PA, TSE DANG LDAN PA DAG CI'I PHYIR MI MDZES PA 'DI LTA BU BYED, DE DAG GIS SMRAS PA, TSE DANG LDAN PA DAG SNYING PO GANG YIN PA 'DI LA CHAGS SO, ,DE DAG SMOD PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU LAG PA MI BLDAG PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MI MDZES PA, NYES PA NI

, ,ZAN BZA' BA NA LAG PA BLDAG PA'O, ,DE LA LAG PA MI BLDAG PA ZHES BYA BA LA SOGS PA NI GANG LA LHAG PA YOD PA DE LA MI BLDAG PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA BLDAG PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DRUG CU BZHI PA'O,, ,,LHUNG BZED MI BYOG PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS BZA' BA NA LHUNG BZED DAG 'BYOG PAR BYED NAS, DGE SLONG RNAMS KYIS SMRAS PA, TSE DANG LDAN PA DAG CI'I PHYIR MI MDZES PA 'DI LTA BU BYED, DE DAG GIS SMRAS PA, TSE DANG LDAN PA DAG SNYING PO GANG YIN PA DE 'DI LA CHAGS SO, ,DE DAG SMOD PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU, LHUNG BZED MI BYOG PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI MI MDZES PA, NYES PA NI LTUNG BZED BYOG PAR,, DE LA LTUNG BZED MI BYOG PA ZHES BYA BA NI LTUNG BZED GANG LA BYOG PAR BYA BA YOD PA DE SOR MOS MI BYOG PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LHUNG BZED 'BYOR PA DANG, ZAS NYID DO, ,'DI LA YAL LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO,,

BSLAB PA DRUG CU LNGA PA'O,, ,,LAG PA MI SBRUG PAR ZAS BZA' BAR BSLAB PAR BYA BA'I GLENG GZHI NI SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAS BZA' BA NA, LAG PA SPRUG PAR BYED PAS DGE SLONG RNAMS LA LAG PA'I CHU PHOG NAS DE DAG SMOD PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU LAG PA MI SPRUG PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI BAG MED PA, DE LA NYES PA NI ZAS BZA' BA NA LAG PA SPRUG PA'O, ,DE LA LAG PA MI SPRUG PA ZHES BYA BA NI LAG PA LA ZAS CHAGS PA SPRUG PAR MI BYA BA DANG, YANG NA LAG PA LA ZAS CHAGS PA LCE'I STENG DU SBRUG PAR MI BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA SPRUG PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DRUG CU DRUG PA'O,, ,,LHUNG BZED MI BSKYAMS PAR ZAS BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAN BZA' BA NA DE DAG GI 'OG NA DGE SLONG SNAM SBYAR DMAR SER CAN ZHIG 'DUG NAS DRUG SDE DAG GIS SMRAS PA, DGA' BO NYE DGA' BKREN PA 'DI'I SNYING LAM NA YU BU CAG GIS SNGON LAN 'GA' YANG SNAM SBYAR 'DI LTA BU GYON MA MYONG SNYAM GYIS, 'DI MI DGA' BAR BYA'O ZHES DE DAG GI LHUNG BZED BSKYAMS PA DANG, DGE SLONG DE'I SNAM SBYAR LHUNG BZED KYI CHUS MA RUNG BAR GYUR NAS DE SMOD PA LA ZHUGS PA'I SKABS DE DGE SLONG RNAMS KYIS BCOM LDAN 'DAS LA GSOL PA

, ,DANG; BCOM LDAN 'DAS KYIS SNGA MA BZHIN DU LHUNG BZED MI BSKYAMS PAR ZAS BZA' BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI PHRAG DOG ,NYES PA NI ZAN ZA BA NA LTUNG BZED BSKYAMS PA'O, ,DE LA LTUNG BZED MI BSKYAMS PA ZHES BYA BA NI LTUNG BZED KYI NANG DU ZAS LA SOGS PA BLUGS TE BSKYAM PAR MI BYA BA DANG, YANG NA LTUNG BZED KYI NANG DU ZAS BLUGS TE, LCI YANG CI YOD PA LAG SRANG LA MI GDAB PA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LHUNG BZED BSKYAM PA DANG ZAS NYID DO, DE LA YAL LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DRUG CU BDUN PA'O,, ,,MCHOD RTEN 'DRA BA BCOM PA STE ZAS MI BZA' BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DE GCER BU PA DAG LA MNGON PAR DAD DO, ,DE DUS GZHAN ZHIG NA BCOM LDAN 'DAS LA MNGON PAR DAD PAR GYUR NAS, DES DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS NAS, DES PHYE DAG BRIMS PA DANG, DRUG SDE DAG GIS DE DAG SBRUS TE, MCHOD RTEN 'DRA BA RNAM PAR GZHAG GO, , LA PHUG GI PHYE TSAL DAG BRIMS PA NA, DE YANG DE NYID LA BTZUGS TE, SROG SHING 'DRA BA'I RNAM PAR GZHAG GO, ,KHUR BA DAG BRIMS PA DANG, DE YANG LA PHUG DE NYID KYI STENG DU GDUGS 'DRA BAR GZHAG GO, ,DE NAS SMRAS PA, DGA' BO NYE DGA' MCHOD RTEN 'DI NI NGAN 'GRO RDZOGS PAR BYED PA RDZOGS BYED KYI MCHOG RTEN YIN NO ZHES ZER RO, ,YANG BCOM STE ZA ZHING SMRAS PA, DGA' BO NYE DGA' NGAN 'GRO RDZOGS PAR BYED PA RDZOGS BYED KYI MCHOD RTEN RDIB PO ZHES ZER BA KHYIM BDAG DES THOS NAS DES SMRAS PA, 'PHAGS PA DAG BDAG NI SDIG PA CAN GYI LTA BA'I RNAM PA DE DAG BRAL BA LAGS NA,

KHYED CAG DA DUNG DU ZHE SDANG DANG MA BRAL LO, ,DE DAG CANG MI SMRA BAR 'KHOD PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU MCHOD RTEN 'DRA BA BCOM STE ZAS MI BZA' PAR BSLAB PAR BYA BA'O ZHES BCA' BA MDZAD DE, YUL NI MNYAN YOD, GAD ZAG NI DRUG SDE, NYON MONGS PA NI ZHE SDANG DANG MA BRAL BA, NYES PA NI ZAS LA MCHOD RTEN 'DRA BAR RNAM PAR GZHAG PA BCOM STE ZA BA'O, ,DE LA MCHOD RTEN 'DRA BAR BCOM STE ZAS MI BZA' BAR BSLAB PAR BYA'O ZHES BYA BA NI ZAN LA MCHOD RTEN GYI DBYIBS 'DRA BA BYAS TE GZHOM ZHING BZA' BAR MI BYA BAR BSLAB PAR BYA BA STE, DE LTAR LEGS PAR ZAS BZA' BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI MCHOD RTEN 'DRA BAR RNAM PAR GZHAG PA BCOM PA DANG ZAS NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,LEGS PAR ZAS BZA' BAR BSLAB PAR BYA ZHES BYA BA MAN CHAD 'DI YAN CHAD THAMS CAD NI GRONG DANG GTZUG LAG KHANG LA SOGS PA GNAS SKABS THAMS CAD DU LEGS PAR ZAS BZA' BAR BSLAB PAR BYA BA DE'I SBROS PA YIN PAR SBYAR RO, ,BSLAB PAR DRUG CU BRGYAD PA'O,, ,,SDOM LA, 'PHYA LA SOGS PA RNAM PA BZHI, ,LTUNG BZED LA YANG RNAM PA BCU, ,'GRENG PAR BYED LA SOGS PA LNGA, ,MGO G-YOGS LA SOGS RNAM PA LNGA, ,DO KER CAN LA SOGS PA LNGA, ,GLANG CHEN LA SOGS ZHON PA LNGA, ,LAG NA 'KHAR BA LA SOGS DRUG ,NA BA RNAM PA BZHI RNAMS SO, ,ZHES GSUNGS PA LA, SDOM LA, ZHES BYA BA'I TSIG GIS DON DANG DGOS PA NI SNGA MA BZHIN NO,, SDOM GYI TSIGS SU BCAD PA 'DI DAG GIS BSLAB PA BZHI BCU RTZA BZHI BSTAN PA DAG KYANG 'OG NAS GZHUNG NYID LAS GO RIMS BZHIN DU STON TO, ,SDOM LA, 'PHYA LA SOGS PA RNAM PA BZHI, ,ZHES GSUNGS PA'I BSLAB PA BSDU BA'I MDO NI, DRUNG NA 'DUG PA'I DGE SLONG GI LHUNG BZED LA PHYAS GDAGS

, ,PAR BYA BA'I PHYIR MI BLTA BAR BSLAB PAR BYA, LAG PA ZAS DANG 'BAGS PAS CHU SNOD LA MI GZUNG BAR BYA, DRUNG NA 'DUG PA'I DGE SLONG LA ZAS DANG 'BAGS PA'I CHUS MI GTOR BAR BSLAB PAR BYA, KHYIM PA 'DUG PA LA MA DRIS PAR CHU ZAS DANG 'BAGS PA KHYIM GZHAN DU MI DBO BAR BSLAB PAR BYA'O ZHES BYA BA DAG YIN NO, ,DE LA DRUNG NA 'DUG PA'I DGE SLONG GI LHUNG BZED LA 'PHYAS GDAGS PA'I PHYIR MI BLTA BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, , DRUG SDE DAG KHYIM GZHAN DU ZAN ZA BA NA DE DAG GI DRUNG NA 'DUG PA'I DGE SLONG MANG DU ZAN ZA BA DANG 'PHYAS 'DOGS SHING DGA' BO NYE DGA' RGAN ZHUGS, 'DI MANG PO 'DI SNYED ZA BA LA LTOS ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU, DRUNG NA 'DUG PA'I DGE SLONG GI LHUNG BZED LA 'PHYAS GDAGS PA'I PHYIR MI BLTA BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI 'PHYA SMOD KYI NYES RTZOM, NYES PA NI DGE SLONG GI LHUNG BZED LA 'PHYAS GDAGS PA'I PHYIR LTA BA'O, , DE LA DRUNG NA 'DUG PA'I DGE SLONG GI LHUNG BZED LA 'PHYAS GDAGS PA'I PHYIR MI BLTA BA ZHES BYA BA NI GANG LA 'PHYAS GDAGS PA'I PHYIR MI BLTA BA STE DE LTAR 'PHYA ZHING SMOD KYI NYES RTZOM MI BYA BAR BSLAB PAR BYA'O, ,DRUNG NA 'DUG PA ZHES BYA BA NI MTSON PA TZAM DU ZAD DE, THAR RING POR 'DUG PA YANG 'DIR BSDUS PAR RIG PAR BYA'O, ,BSLAB PA 'DI DANG 'OG MA GSUM NI NYES RTZOM MI BYA BAR BSLAB PAR BYA BA STE, 'DI NI MDOR BSTAN PA YIN LA 'OG MA GSUM NI DE'I SBROS PA YIN TE, RNAM PA GZHAN DU BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI DGE SLONG GI LHUNG BZED LA 'PHYAS 'DOGS PA DANG, LTA BA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I

SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA DRUG CU DGU PA'O,, ,,LAG PA ZAS DANG 'BAGS PAS CHU SNOD LA MI GZUNG BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAN ZA BA NA LAG PA ZAS DANG 'BAGS PAS CHU SNOD LA 'DZIN PAR BYED NAS, MA DAD PA DAG SH'AKYA'I BU'I DGE SBYONG DAG NI LAG PA ZAS DANG 'BAGS PAS CHU SNOD LA 'DZIN PAS, GTZANG SBRA MED PA YIN NO ZHES CO 'DRI BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU, LAG PA ZAS DANG 'BAGS PAS CHU SNOD LA MI GZUNG BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI GTANG SBRA MED PA'I NYES RTZOM, NYES PA NI LAG PA ZAS DANG CHU 'BAGS PAS SNOD LA 'DZIN PA'O, ,DE LA LAG PA ZAS DANG 'BAGS PAS CHU SNOD LA MI GZUNG BA ZHES BYA BA NI LAG PA DANG ZAS 'BAGS PAS BYA MA BUM LA SOGS PA'I CHU SNOD LA MI BZUNG BA STE, DE LTAR GTZANG SBRA MED PA'I NYES TZAM MI BYA BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I NGAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LAG PA ZAS DANG, 'BAGS PA DANG, CHU SNOD LA 'DZIN PA NYID DO, ,'DI LA YAN LAG NI GCIG STE; DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BDUN CU BA'O,, ,,DRUNG NA 'DUG PA'I DGE SLONG LA ZAS DANG 'BAGS PA'I CHUS MI GTOR BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG KHYIM GZHAN DU ZAN ZA BA NA DE DAG GI 'OG NA DGE SLONG SNAM SBYAR DMAR SER CAN ZHIG 'DUG NAS DRUG SDE DAG GIS SMRAS PA, DGA' DBO NYE DGA' BKREN PA 'DI'I SNYING

, ,LAM NA; YU BU CAG GIS SNGON LAN 'GA' YANG SNAM SBYAR 'DI LTA BU GYON MA MYONG SNYAM GYIS, 'DI MI DGA' BAR BYA'O ZHES DE DAG GIS ZAS 'BAGS PA'I CHU GTOR BA DANG, DE SMOD PA LA ZHUGS PA'I SKABS TE, DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU, DRUNG NA 'DUG PA'I DGE SLONG LA ZAS DANG 'BAGS PA'I CHUS MI GTOR BAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI GNOD PAR BYED PA'I NYES RTZOM, NYES PA NI DGE SLONG LA ZAS DANG 'BAGS PA'I CHUS 'THOR BA'O, ,DE LA DRUNG NA 'DUG PA'I DGE SLONG LA ZAS DANG 'BAGS PA'I CHUS MI GTOR BA ZHES BYA BA NI DGE SLONG LA ZAS DANG 'BAGS PA'I CHUS GTOR BAR MI BYA BA STE, DE LTAR GNOD PAR BYED PA'I NYES RTZOM MI BYA BAR BSLAB PAR BYA BA'O, ,'DIR YANG DRUNG NA 'DUG PA ZHES BYA BA NI MTSON BA TZAM DU ZAD DO, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI ZAS DANG 'BAGS PA'I CHU DANG, DGE SLONG LA 'THOR BA NYID DO, , 'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BDUN CU GCIG PA'O,, ,,KHYIM PA 'DUG PA LA MA DRIS PA CHU ZAS DANG 'BAGS PA KHYIM GZHAN DU MI DBO BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS CHU SRIN BYIS PA GSOD KYI RI LA, 'JIGS SU RUNG GI GNAS SU DGE SLONG GI DGE 'DUN SPYAN DRANGS TE BSHOS GSOL BA NA, RGYAL BU RTOGS LDAN GYI KHANG BZANGS PADMA CAN TSON BRGYA RTZA GCIG GIS BRIS PA DER DRUG SDE DAG GIS LHUNG BZED KYI CHU DE NYID DU 'PHO BA DANG, 'DRIM MKHAN DAG 'PHAGS PA DAG RGYAL BU RTOGS LDAN GYI KHANG BZANGS PADMA CAN TSON BRGYA RTZA GCIG GIS BRIS PA'I SA GZHI KHYED KYIS MA RUNG BAR BYAS SO ZHES SMOD PAR BYED PA DANG, DRUG SDE DAG GIS SMRAS PA RGYAL BU RTOGS LDAN GYIS RE ZHIG 'DI LA CHAGS PAR

BYAS NAS, GANG DU SKYE BAR 'GYUR BA NI MA SHES KYI KHYED CAG NI 'DI LA LHAG PAR CHAGS PAR BYAS NAS YI DAGS LA BA CAN GYI NANG DU SKYE BAR 'GYUR RO, ,DE DAG SMOD PA LA ZHUGS PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, KHYIM PA 'DUG PA LA MA DRIS PAR CHU ZAS DANG 'BAGS PA KHYIM GZHAN DU MI DBO BAR BSLAB PAR BYA'O ZHES BCA' BA MDZAD DE, YUL NI CHU SRIN BYIS PA GSOD KYI RI, GANG ZAG NI DRUG SDE, NYON MONGS PA NI SA GZHI MA RUNG BAR BYED PA'I NYES RTZOM, NYES PA NI CHU ZAS DANG 'BAGS PA KHYIM GZHAN DU 'PHO BA'O, ,DE LA KHYIM PA 'DUG PA LA MA DRIS PAR CHU ZAS DANG 'BAGS PA KHYIM GZHAN DU MI DBO BA ZHES BYA BA NI, KHYIM BDAG LA MA DRIS PAR CHU ZAS DANG 'BAGS PA KHYIM DU DBO BAR MI BYA BA STE, DE LTAR SA GZHI MA RUNG BAR 'GYUR BA'I NYES RTZOM MI BYA BA BSLAB PAR BYA'O, ,DEL 'DIR DNGOS GZHI'I LTUNG PA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI CHU ZAS DANG 'BAGS PA DANG, KHYIM GZHAN NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BZHI PO DAG NI NYES BYAS RTZOM MI BYA BAR BSLAB PA MDOR BSTAN PA, DE'I SPROS PA YIN PAR SBYAR RO, ,BSLAB PA BDUN CU GNYIS PA'O,, ,,SDOM LA, LHUNG BZED LA YANG RNAM PA BCU; ,ZHES GSUNGS PA'I BSLAB PA, BSDU BA'I MDO NI LHUNG BZED KYI NANG DU ZAS KYI LHAG MA BLUGS TE MI DOR BAR BSLAB PAR BYA'O, ,'OG GZHI MED PA'I SA PHYOGS SU LHUNG BZED MI GZHAG PAR BSLAB PAR BYA, GAD KA MA YIN PA DANG, G-YANG SA MA YIN PA DANG, DKAN GZAR PO MA YIN PAR LHUNG BZED GZHAG PAR BSLAB PAR BYA'O, ,'GRENG STE LHUNG BZED MI BKRU BAR BSLAB PAR BYA, GAD KA MA YIN PA DANG, G-YANG SA MA YIN PA DANG, DKAN GZAR PO MA YIN PAR LHUNG BZED BKRU BAR BSLAB PAR BYA'O, ,'BAB CHU DRAG PO'I RGYUN LAS BZLOG STE LHUNG BZED KYIS CHU MI BCU

, ,PAR BSLAB PAR BYA'O ZHES BYA BA DAG YIN NO, ,DE LA LHUNG BZED KYI NANG DU ZAS KYI LHAG MA BLUGS TE MI DOR BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA BRAM ZE ZHIG 'DUG PA DE'I BU NA BAR GYUR NAS, DE SMAN PA'I GAN DU SONG STE, SMRAS PA, BZHIN BZANGS KHO BO'I BU NA BAS SMAN STON CIG ,SMAN PA DE DAD PA CAN ZHIG YIN PAS, DES SMRAS PA, BRAM ZE 'PHAGS PA RNAMS KYI LHUNG BZED CHUS KHRUS SHIG ,DE RGYAL BYED KYI TSAL MGON MED ZAS SBYIN GYI TSAL DU SONG STE NYE DGA' LA SMRAS PA, 'KHRU BAS BDAG GI BU BRO 'TSAL TE, DE LA 'PHAGS PA DAG GI LHUNG BZED KYI CHAB CIG 'TSAL NA STZAL BAR GSOL, DES SMRAS PA, BRAM ZE DE NYID DU RE ZHIG SDOD CIG DANG, LHUNG BZED KYI CHU KHYER TE 'ONG NGO, ,DES GTZUG LAG KHANG DU SONG STE LHUNG BZED PHYE NYUNG SHAS CIG DANG, 'BRAS CHAN NYUNG SHAS CIG DANG KHUR BA NYUNG SHAS CIG DANG, SHA NYUNG SHAS CIG DANG, RUS PA NYUNG SHAS CIG BLUGS TE CHU BLUGS NAS PHYIR BYUNG STE SMRAS PA, BRAM ZE LONG SHIG ,BRAM ZE DES MTHONG NAS SMRAS PA, 'PHAGS PA KHYED KYI LHUNG BZED KYI CHAB 'DI LTA BU'AM, BRAM ZE 'DI LTA BU'O, ,'PHAGS PA BDAG GI BU GUM PA NI LEGS KYIS, 'DI LTA BU MI GTZANG BAS BKRU BA NI MI RUNG NGO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS SNGA MA BZHIN DU, LHUNG BZED KYI NANG DU ZAS KYI LHAG MA BLUGS TE, MI DOR BAR BSLAB PAR BYA'O, ,'DI LTAR GANG LHUNG BZED KYI CHU SLONG BA DE LA LHUNG BZED LAN GSUM BKRUS TE, GTZUG LAG GI TSIGS SU BCAD PA DAG GI BZLAS BRJOD BYAS PA'I CHU SBYIN PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE; NYON MONGS PA NI BRNYAS THABS NYES PA NI LHUNG BZED KYI NANG DU ZAS KYI LHAG MA BLUGS PA'O, ,DE LA LHUNG BZED KYI NANG DU ZAS KYI LHAG MA BLUGS TE MI DOR BA ZHES BYA BA NI SHING THOG LA SOGS PA PHYED PHYED ZOS PA NGAN PAR GYUR PA LHUNG BZED KYIS MI DOR BAR BSLAB PAR BYA'O, ,'DI NI LHUNG BZED MIG

BZHIN DU YONGS SU BSKYANG BAR BYA'O ZHES GSUNGS PA'I BSLAB PA BSDU BA'I MDOR BSTAN PA YIN LA, 'OG NAS 'OG GZHI MED PA'I SA PHYOGS SU LHUNG BZED MI GZHAG PAR BYA BA LA SOGS PA DGU BYUNG BA DAG NI 'DI'I SPROS PA YIN GYI RNAM PA GZHAN BSTAN PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LHUNG BZED DANG ZAS KYI LHAG MA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BDUN CU GSUM PA'O,, ,,SO SOR THAR PA'I MDO'I GZHUNG 'GREL, BAM PO BZHI PA, 'OG GZHI MED PA'I SA PHYOGS SU LHUNG BZED MI GZHAG PAR BSLAB PAR BYA BA DANG, GAD KA MA YIN PA DANG, G-YANG SA MA YIN PA DANG, DKAN GZAR PO MA YIN PAR LHUNG BZED GZHAG PAR BSLAB PAR BYA BA DANG, 'GRENG STE LHUNG BZED MI BKRU BAR BSLAB PAR BYA BA DANG, GAD KA MA YIN PA DANG, G-YANG SA MA YIN PA DANG, DKAN GZAR PO MA YIN PAR LHUNG BZED BKRU BAR BSLAB PAR BYA BA DANG, 'BAB CHU DRAG PO'I RGYUN LAS BZLOG STE LHUNG BZED KYIS CHU MI BCU BAR BSLAB PAR BYA BA DGU'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DGE SLONG DAG 'OG GZHI MED PA'I SA PHYOGS SU LHUNG BZED 'JOG PAR BYED NAS, DE BTZAS ZOS PA DANG, GAD KA DANG G-YANG SA DANG, DKAN GZAR POR LHUNG BZED 'JOG PAR BYED NAS, DE 'DRIL TE CHAG PA DANG, 'GRENG STE LHUNG BZED 'KHRU NAS DE SHOR TE CHAG PA DANG, GAD KA DANG, G-YANG SA DANG, DKAN GZAR POR LHUNG BZED 'KHRU BAR BYED NAS, DE SHOR TE 'DRIL NAS CHAG PA DANG, 'BAB CHU DRAG PO'I RGYUN LAS BZLOG STE LHUNG BZED KYIS CHU 'CHU BAR BYED NAS, DE SHOR TE CHUS KHYER BA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS SNGA MA BZHIN DU, 'OG GZHI MED PA'I SA PHYOGS SU LHUNG BZED

, ,MI GZHAG PAR BSLAB PAR BYA'O, ,GAD KA MA YIN PA DANG, G-YANG SA MA YIN PA DANG, DKAN GZAR PO MA YIN PAR LHUNG BZED GZHAG PAR BSLAB PAR BYA, 'GRENG STE LHUNG BZED MI BKRU BAR BSLAB PAR BYA, GAD KA MA YIN PA DANG, G-YANG SA MA YIN PA DANG, DKAN GZAR PO MA YIN PAR LHUNG BZED BKRU BAR BSLAB PAR BYA, 'BAB CHU DRAG PO'I RGYUN LAS BZLOG STE LHUNG BZED KYIS CHU MI BCU BAR BSLAB PAR BYA ZHES BCA' BA MDZAD DE, YUL NI MNYAN YOD, GANG ZAG NI DGE SLONG CHOS 'DI PA DAG ,NYON MONGS PA NI SHES BZHIN MA YIN PA, NYES PA NI 'OG GZHI MED PA'I SA PHYOGS DANG, GAD KA DANG, G-YANG SA DANG, DKAN GZAR POR LHUNG BZED 'JOG PA DANG, 'GRENG BZHIN DU DANG, GAD KA DANG, G-YANG SA DANG, DKAN GZAR POR LHUNG BZED 'KHRU BA DANG, 'BAB CHU DRAG PO'I RGYUN LAS BZLOG STE LHUNG BZED KYIS CHU 'CHU BA'O, ,DE LA 'OG GZHI MED PA'I SA PHYOGS SU LHUNG BZED MI GZHAG PA ZHES BYA BA NI LO MA LA SOGS PA DAG GIS MA G-YOGS PA, 'OG GZHI MED PA'I SA PHYOGS SU LHUNG BZED MI GZHAG PA'O, ,GAD KA MA YIN PA ZHES BYA BA NI DOS CHAD PA'I NGAM GROG GI KHA MA YIN PA'O, ,G-YANG SA MA YIN PA ZHES BYA BA NI BYIN GYIS GZHOL BA'I G-YANG SA YIN PA'O, ,DKAN GZAR PO MA YIN PA ZHES BYA BA NI BANG RIM BZHI PA MA YIN PA'O, ,'GRENG STE ZHES BYA BA NI 'GRENG BZHIN DU'O, ,'BAB CHU DRAG PO'I RGYUN LAS BZLOG STE LHUNG BZED KYIS CHU MI BCU BA ZHES BYA BA NI LHUNG BZED DES 'BAB CHU DRAG PO'I RGYUN LAS BZLOG STE CHU MI BCU BA STE, DE LTAR LHUNG BZED KYIS NYES PA DE DAG MI BYA BAR LTUNG BZED MIG BZHIN DU YONGS SU BSKYANG BA DANG BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI LTUNG BZED 'OG GZHI MED PA'I SA PHYOGS DANG, GAD KA DANG, G-YANG SA DANG, DKAN GZAR PO DANG, 'GRENG PA DANG, 'BAB CHU DRAG PO'I RGYUN LAS BZLOG PA NYID DO, ,'DI LA YAN LAG NI RE RE STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS

PAR NA SMAD DO ZHES BYA BA YANG SNGA MA BZHIN NO, ,LTUNG BZED KYI NANG DU ZAS KYI LHAG MA BLUGS TE MI DOR PAR BSLAB PAR BYA ZHES BYA BA MAN CHAD, 'DI YAN CHAD THAMS CAD NI LHUNG BZED MIG BZHIN DU YONGS SU BSKYANG BAR BYA'O ZHES GSUNGS PA'I BSLAB PA MDOR BSTAN PA DANG, DE'I SPROS PA DAG YIN PAR SBYAR RO, ,BSLAB PA SNGAR BDUN CU GSUM GYI STENG DU 'DI DGUS BSNAN TE BRGYAD CU GNYIS PA'O,, ,,SDOM LA, 'GRENG PAR BYED LA SOGS PA LNGA, ,ZHES GSUNGS PA'I BSLAB PA BSDU PA'I MDO NI, MI NA BAR 'DUG PA LA 'GRENG STE CHOS MI BSHAD PAR BSLAB PAR BYA, MI NA BAR NYAL BA LA 'DUG STE CHOS MI BSHAD PAR BSLAB PAR BYA, MI NA BAR STAN MTHON PO LA 'DUG PA LA STAN DMA' BA LA 'DUG PAS CHOS MI BSHAD PAR BSLAB PA BYA, MI NA BAR MDUN DU 'GRO BA LA PHYI NAS 'GRO ZHING CHOS MI BSHAD PAR BSLAB PAR BYA, MI NA BAR LAM NAS 'GRO BA LA LAM GYI 'GRAM NAS 'GRO ZHING CHOS MI BSHAD PAR BSLAB PAR BYA'O ZHES BYA BA DAG YIN NO, ,SDOM LA, MGO G-YOGS LA SOGS RNAM PA LNGA, ,ZHES GSUNGS PA'I BSLAB PA BSDU PA'I MDO NI, MI NA BAR MGO G-YOGS PA DANG, BRDZES PA DANG, GZAR BA DANG, GNYA' GONG DU BSNOL BA DANG, LTAG PAR BSNOL BA LA CHOS MI BSHAD PAR BSLAB PAR BYA'O ZHES BYA BA DAG YIN NO, ,SDOM LA, DO KER CAN LA SOGS PA LNGA, ,ZHES GSUNGS PA'I BSLAB PA BSDU PA'I MDO NI, MI NA BAR SKRA DO KER CAN DANG, ZHVA GYON PA DANG, MGO COD PA NA CAN DANG, MGO PHRENG BA CAN DANG, MGO DKRIS PA LA CHOS MI BSHAD PAR BSLAB PAR BYA BA'O ZHES BYA BA DAG YIN NO, ,SDOM LA, GLANG CHEN LA SOGS ZHON PA LNGA, ,ZHES GSUNGS PA'I BSLAB PA BSDU PA'I MDO NI, MI NA BAR GLANG PO CHE ZHON PA DANG, RTA ZHON PA DANG, KHYOGS NA 'DUG PA DANG, BZHON PA'I STENG DU 'DUG PA DANG, MCHIL LHAM GYON PA LA CHOS MI BSHAD PAR BSLAB PAR BYA'O ZHES BYA BA DAG YIN NO, ,SDOM LA, LAG NA 'KHAR BA LA SOGS DRUG ,CES GSUNGS PA'I BSLAB PA BSDU PA'I MDO NI, MI NA BAR LAG PA NA 'KHAR BA THOGS PA DANG, LAG NA GDUGS THOGS PA DANG, LAG NA MTSON CHA THOGS PA DANG, LAG

, ,NA RAL GRI THOGS PA DANG, LAG NA DGRA CHA THOGS PA DANG, GO CHA GYON PA LA CHOS MI BSHAD PAR BSLAB PAR BYA'O ZHES BYA BA DAG YIN NO, ,DE LA BSLAB PA NYI SHU DRUG PO DE DAG GI GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG NYAN PA PO MI NA BAR 'DUG PA LA BDAG NYID 'GRENG STE CHOS 'CHAD PA DANG, NYAN PA PO MI NA BAR NYAL BA LA BDAG NYID 'DUG STE CHOS 'CHAD PA DANG, NYAN PA PO MI NA BAR BSTAN MTHON PO LA 'DUG PA LA BDAG NYID STAN DMA' BA LA 'DUG STE CHOS 'CHAD PA DANG, NYAN PA PO MI NA BAR MDUN DU 'GRO BA LA BDAG NYID PHYI NAS 'GRO ZHING CHOS 'CHAD PA DANG, NYAN PA PO MI NA BAR LAM NAS 'GRO BA LA BDAG NYID LAM GYI 'GRAM NAS 'GRO ZHING CHOS 'CHAD PA DANG, NYAN PA PO MI NA BAR MGO G-YOGS PA DANG, BRDZES PA DANG, GZAR BA DANG, GNYA' GONG DU BSNOL BA DANG, LTAG PAR BSNOL BA LA CHOS 'CHAD PA DANG, NYAN PA PO MI NA BAR SKRA DO KER CAN DANG, ZHVA GYON PA DANG, MGO COD PAN CAN DANG, MGO PHRENG BA CAN DANG, MGO DKRIS PA LA SOGS PA LA CHOS 'CHAD PA DANG, NYAN PA PO MI NA BAR GLANG PO CHE ZHON PA DANG, RTA ZHON PA DANG, KHYOGS NA 'DUG PA DANG, BZHON PA'I STENG DU 'DUG PA DANG, MCHIL LHA MA GYON PA LA CHOS 'CHAD PA DANG, NYAN PA PO MI NA BAR LAG NA 'KHAR BA THOGS PA DANG, LAG NA GDUGS THOGS PA DANG, LAG NA MTSON THOGS PA DANG, LAG NA RAL GRI THOGS PA DANG, LAG NA DGRA CHA THOGS PA DANG, GO CHA GYON PA LA CHOS 'CHAD PAR BYED NAS BRAM ZE DANG KHYIM BDAG DANG PA CAN DANG, ,'PHAGS PA DAG BCOM LDAN 'DAS BSKAL PA GRANGS MED PA GSUM GYIS DKA' BA SPYAD PA BRGYA STONG PHRAG DU MA DAG GIS PHA ROL TU PHYIN PA DRUG YONGS SU RDZOGS PAR MDZAD NAS, BLA NA MED PA'I YE SHES BRNYES NAS, KHYED CAG NYAN PA PO MI NA PAR RJES MED PA DANG, GUS PA MED PAR 'DUG PA LA SOGS PA LA BDAG NYID 'GRO BA LA SOGS PAS CHOS 'CHAD PAR BYED DAM ZHES SMOD PAR BYED NAS, DE DAG CANG MI SMRA BAR 'KHOD PA'I SKABS DE DGE SLONG RNAMS KYIS BCOM LDAN 'DAS LA GSOL BA DANG, BCOM LDAN 'DAS KYIS BKA' STZAL PA, DE LTA BAS

NA NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, MI NA BAR 'DUG PA LA 'GRENG STE CHOS MI BSHAD PAR BSLAB PAR BYA, MI NA BAR NYAL BA LA 'DUG STE CHOS MI BSHAD PAR BSLAB PAR BYA, MI NA BAR STAN MTHON PO LA 'DUG PA LA STAN DMA' BA LA 'DUG STE CHOS MI BSHAD PAR BSLAB PAR BYA, MI NA BAR MDUN DU 'GRO BA LA PHYI NAS 'GRO ZHING CHOS MI BSHAD PAR BSLAB PAR BYA, MI NA BAR LAM NAS 'GRO BA LA LAM GYI 'GRAM NAS 'GRO ZHING CHOS MI BSHAD PAR BSLAB PAR BYA, MI NA BAR MGO G-YOGS PA DANG, BRDZES PA DANG, GZAR BA DANG, GNYA' GONG DU BSNOL BA DANG, LTAG PAR BSNOL BA LA CHOS MI BSHAD PAR BSLAB PAR BYA'O, ,MI NA BAR SKRA DO KER CAN DANG, ZHVA GYON PA DANG, MGO COD PA NA CAN DANG, MGO PHRENG BA CAN DANG, MGO DKRIS PA LA CHOS MI BSHAD PAR BSLAB PAR BYA'O, ,MI NA BAR GLANG PO CHE LA ZHON PA DANG, RTA ZHON PA DANG, KHYOGS PA LA 'DUG PA DANG, BZHON PA'I STENG NA 'DUG PA DANG, MCHIL LHAM GYON PA LA CHOS MI BSHAD PAR BSLAB PAR BYA'O, ,MI NA BAR LAG NA 'KHAR BA THOGS PA DANG, LAG NA GDUGS THOGS PA DANG, LAG NA MTSON THOGS PA DANG, LAG NA RAL GRI THOGS PA DANG; LAG NA DGRA CHA THOGS PA DANG, GO CHA GYON PA LA CHOS MI BSHAD PAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI DRUG SDE, NYON MONGS PA NI BSTAN BCOS DANG 'JIG RTEN MI SHES PA, NYES PA NI NYAN PA PO MI NA BAR 'DUG PA LA BDAG NYID 'GRENG STE CHOS 'CHAD PA LA SOGS PA BSLAB PA NYI SHU DRUG LA 'DI NYID LA DE LTAR MA BYAS PA'I NYES PA RNAMS SO SOR CI RIGS PAR SBYAR BA'O, ,DE LA MIN BAR 'DUG PA LA 'GRENG STE CHOS MI BSHAD PAR BSLAB PAR BYA'O ZHES BYA BA NI NYAN PA PO MI NA BAR 'DUG PA LA DGE SLONG 'GRENG STE CHOS MI BSHAD PAR BSLAB PAR BYA'O, ,MI NA BAR 'DUG PA LA DGE SLONG 'GRENG STE CHOS MI BSHAD PAR BSLAB PAR BYA BA 'DI MAN CHAD BSLAB PA NYI SHU RTZA DRUG NI DGE SLONG GI BSTAN BCOS SHES PA DANG, 'JIG RTEN SHES PA'I SGO NAS SANGS RGYAS BCOM LDAN 'DAS KYIS BSKAL PA GRANGS MED PA GSUM GYIS DKA' BA SPYAD PA BRGYA STONG

, ,PHRAG DU MA DAG GIS PHA ROL TU PHYIN PA DRUG YONGS SU RDZOGS PAR MDZAD NAS BLA NA MED PA'I MKHYEN PA BRNYES TE, DE KHO NA NYID THUGS SU CHUD PA'I DPAL GYI MGUR NAS GSUNGS PA'I CHOS LA GUS PAR BYA BA'I BSLAB PA MDOR BSTAN PA DANG, DE'I SPROS PA YIN TE, RNAM PA GZHAN BSTAN PA NI MA YIN NO, ,MI NA BAR NYAL BA LA 'DUG STE CHOS MI BSHAD PAR BSLAB PAR BYA ZHES BYA BA NI NYAN PA PO MI NA BAR NYAL BA LA DGE SLONG 'DUG STE CHOS MI BSHAD PAR BSLAB PAR BYA'O, ,MI NA BAR STAN MTHON PO LA 'DUG PA LA STAN DMA' BA LA 'DUG STE CHOS MI BSHAD PAR BSLAB PAR BYA ZHES BYA BA NI NYAN PA PO MI NA BAR STAN MTHON PO LA 'DUG PA LA, DGE SLONG STAN DMA' BA LA 'DUG STE CHOS MI BSHAD PAR BSLAB PAR BYA'O, ,'DIR STAN ZHES BYA BA NI 'DUG PA'I SA PHYOGS KYANG GZUNG BAR RIGS PAR BYA'O, ,STAN NGAN PA DANG BZANG PO YANG DE YIN TE, GANG GI TSE STAN TSAD MNYAM PA DE'I TSE, NGAN PA NI DMA' BA NYID YIN LA BZANG PO NI MTHON PO NYID YIN PAR SHES PAR BYA'O, ,'DIR GZHUNG NI SGUR MCHOG GIS DE DAG STAN BZANG PO LA MCHIS TE CHOS NYAN LA, BDAG NI STAN NGAN PA LA MCHIS TE CHOS STON TO ZHES GSOL BA DANG, BCOM LDAN 'DAS KYIS BKA' STZAL PA, DE LTAR CHOS BSTAN PAR MI BYA BA'O ZHES GSUNGS PA YIN NO, ,MI NA BAR MDUN DU 'GRO BA LA PHYI NAS 'GRO ZHING CHOS MI BSHAD PAR BSLAB PAR BYA ZHES BYA BA NI NYAN PA PO MI NA BAR MDUN DU 'GRO BA LA, DGE SLONG PHYI NAS 'GRO ZHING CHOS MI BSHAD PAR BSLAB PAR BYA'O, ,MI NA BAR LAM NAS 'GRO BA LA LAM GYI 'GRAM NAS 'GRO ZHING CHOS MI BSHAD PAR BSLAB PAR BYA'O ZHES BYA BA NI NYAN PA PO MI NA BAR LAM NAS 'GRO BA LA, DGE SLONG LAM GYI 'GRAM NAS 'GRO ZHING CHOS MI BSHAD PAR BSLAB PAR BYA'O, ,MI NA BAR MGO G-YOGS PA DANG, BRDZES PA DANG, GZAR BA DANG, GNYA' GONG DU BSNOL BA DANG, LHAG PAR BSNOL BA LA CHOS MI BSHAD PAR BSLAB PAR BYA'O ZHES BYA BA NI NYAN PA PO MI NA BAR MGO G-YOGS PA DANG, BRDZES PA DANG, GZAR BA DANG, GNYA' GONG DU BSNOL BA DANG LHAG PAR BSNOL BA LA DGE SLONG GIS CHOS MI BSHAD PAR BSLAB PAR BYA BA'O, ,'DI LTA

BU'I MTSAN NYID NI SNGAR, MGO G-YOGS LA SOGS RNAM PA LNGA, ,ZHES BYA BA SNGA MA'I RIM GYIS BSHAD ZIN TO, ,MI NA BAR SKRA DO KER CAN DANG, ZHVA GYON PA DANG, MGO BO COD PA NA CAN DANG, MGO PHRENG PA CAN DANG, MGO DKRIS PA LA CHOS MI BSHAD PAR BSLAB PAR BYA'O ZHES BYA BA NI NYAN PA PO MI NA BAR MGO DO KER CAN DANG, ZHVA GYON PA DANG, MGO COD PA NA CAN DANG, MGO PHRENG BA CAN DANG, MGO THOD BCINGS PA LA DGE SLONG GIS CHOS MI BSHAD PAR BSLAB PAR BYA'O, ,MI NA BAR GLANG PO CHE ZHON PA DANG, RTA ZHON PA DANG, KHYOGS NA 'DUG PA DANG, BZHON PA'I STENG NA 'DUG PA DANG; MCHIL LHAM GYON PA LA CHOS MI BSHAD PAR BSLAB PAR BYA'O ZHES BYA BA NI, NYAN PA PO MI NA BAR GLANG PO CHE ZHON PA DANG, RTA ZHON PA DANG, KHYOGS NA 'DUG PA DANG, BZHON PA'I STENG NA 'DUG PA DANG, MCHIL LHAM GYON PA LA DGE SLONG GIS CHOS MI BSHAD PAR BSLAB PAR BYA'O, ,MI NA BAR LAG NA 'KHAR BA THOGS PA DANG, LAG NA GDUGS THOGS PA DANG, LAG NA MTSON THOGS PA DANG, LAG NA RAL GRI THOGS PA DANG, LAG NA DGRA CHA THOGS PA DANG, GO CHA GYON PA LA CHOS MI BSHAD PAR BSLAB PAR BYA'O ZHES BYA BA NI NYAN PA PO MIN BAR LAG NA 'KHAR BA THOGS PA DANG; LAG NA GDUGS THOGS PA DANG, LAG NA MTSON THOGS PA DANG, LAN NA RAL GRI THOGS PA DANG, LAG NA DGRA CHA THOGS PA DANG, GO CHA GYON PA LA DGE SLONG GIS CHOS MI BSHAD PAR BSLAB PAR BYA'O, ,DE LA 'DIR DE DAG GI DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI NYAN PO DANG, DGE SLONG DANG CHOS NYID DO, ,'DI LA YAN LAG NI RE RE STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,MI NA BAR 'DUG PA LA 'GRENG STE CHOS MI BSHAD PAR BSLAB PAR BYA BA MAN CHAD, 'DI YAN CHAD THAMS CAD NI CHOS LA GUS PAS BSLAB PAR BYA BA MDOR BSTAN PA DANG, 'DI'I SPROS PA DAG YIN PAR SBYAR RO, ,BSLAB PA SNGAR BRGYAD CU RTZA GNYIS

, ,KYI STENG DU 'DIR NYI SHU RTZA DRUG GIS BSNAN TE BRGYA RTZA BRGYAD PA'O,, ,,SDOM LA, NA BA RNAM BA BZHI RNAMS SO, ,ZHES GSUNGS PA'I BSLAB PA BSDU BA'I MDO NI, MI NA BAR 'GRENG STE BSHANG GCI MI BYA BAR BSLAB PAR BYA'O, ,MI NA BAR CHU'I NANG DU BSHANG GCI DANG MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA, MI NA BAR RTZVA SNGON PO YOD PA'I PHYOGS SU BSHANG GCI DANG, MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA GNOD PA BYUNG BA MA GTOGS PAR SHING LA MI GANG TZAM LAS MTHO BAR MI 'DZEG PAR BSLAB PAR BYA BA'O ZHES BYA BA DAG YIN NO, ,DE LA MI NA BAR 'GRENG STE BSHANG GCI MI BYA BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN PA NYE DGA' 'GRENG BZHIN DU BSHANG GCI BYED NAS BRAM ZE DANG KHYIM BDAG DANG PA CAN DAG GIS MTHONG NAS SMOD PAR BYED DE, 'PHAGS PA DAG STON PA'I NYAN THOS NI NGO TSA DANG LDAN PA LAGS NA, NYAN THOS NGO TSA BA DANG KHREL MED PA 'DI 'GRENG BZHIN DU BSHANG GCI BGYID PA GA LA GDA' ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA NGA'I NYAN THOS RNAMS KYIS 'DUL BA BSLAB PA'I GZHI 'DI LTAR GDON PAR BYA STE, MI NA BAR 'GRENG STE BSHANG GCI MI BYA BAR BSLAB PAR BYA ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI NGO TSA DANG KHREL MED PA, NYES PA NI MI NA BAR 'GRENG STE BSHANG GCI BYED PA'O, ,DE LA MI NA BAR 'GRENG STE BSHANG GCI MI BYA BAR BSLAB PAR BYA ZHES BYA BA NI DGE SLONG MI NA BAR 'GRENG STE BSHANG BA DANG GCI BA MI BYA BAR BSLAB PAR BYA'O, ,BSLAB PA 'DI DANG 'OG NAS CHU DANG RTZVA SNGON PO'I PHYOGS SU BSHANG GCI LA SOGS PA MI DOR BAR BSLAB PAR BYA BA NI, DGE SLONG GI SMAN DANG KHA ZAS KYI RGYU MTHUN PA DAG 'JIG RTEN DANG MI 'GAL BA DANG, 'DUL BA DANG MI 'GAL BAR BAG YANGS SU BSGRUB PA'I TSUL MDOR BSTAN PA DANG, SPROS PA DANG BCAS PA YIN TE, RNAM PA GZHAN BSTAN

PA NI MA YIN NO, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA, BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA NI DGE SLONG MI NA BA DANG, 'GRENG STE BSHANG GCI BYED PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BRGYA RTZA DGU PA'O,, ,,MI NA BAR CHU'I NANG DU BSHANG GCI DANG, MCHIL MA DANG, SNABS DANG, SKYUGS BDAG RLUGS PA MI DOR BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,TSE DANG LDAN PA NYE DGA' BTZO BLAG MKHAN GYI GAN DU SONG STE SMRAS PA, BZHIN BZANGS GOS 'DI KHRUS TE BYIN CIG ,DES SMRAS PA; 'PHAGS PA KHYOD KYIS SNGON NI BDAG CAG BSRUNG BAR BYAS PAR GYUR NA, DENG SANG MI BYED PAS CI'I PHYIR KHYED CAG GI GOS BKRUS TE SBYIN, DES SDOD CIG CES BYAS TE SONG NAS DES BSAMS PA, BKREN PA DE MI DGA' BAR BYA'O SNYAM NAS, DES BKRU SMAN ZOS TE MI GTZANG BAS GYO MO BKANG NAS; BTZO BLAG MKHAN DE'I BKRU BSHAL SAR BLUGS SO, ,DE NAS BTZO BLAG MKHAN DE NANG PAR SNGAR LANGS TE GOS BKRU BAR BRTZAMS PA DANG, JI TZAM NAS MI GTZANG BA'I DRI BRO NAS, DES LAG PA 'GRAM PA LA GTAD DE SEMS KHONG DU CHUD CING 'DUG BA DANG, NYE DAGS CHED DU BSAMS TE, PHYOGS DER SONG NAS SMRAS PA, BZHIN BZANGS KHYOD CI'I PHYIR SEMS KHONG DU CHUD CING 'DUG ,DES SMRAS PA, 'PHAGS PA BKRU BSHAL SA 'DIR GCIG GIS MI GTZANG BA BLUGS TE LAS BGYIR MA MCHIS PAS DA JI LTAR 'TSO BA SBYAR BAR BGYI MA 'TSAL TO, ,BKREN PA KHYOD 'DI LTAR MI DGA' BAR BYA'O; ,DE SMOD PA LA ZHUGS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, MI NA BAR CHU'I NANG DU BSHANG GCI MI BYA BAR

, ,BSLAB PAR BYA'O, ,THAMS CAD CHUS GANG STE GO SKABS MED PA NI MA GTOGS SO, ,BSHANG GCI JI LTA BA BZHIN DU CHU'I NANG DU MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA BA YANG DE BZHIN NO ZHES BCA' BA MDZAD DE, YUL NI MNYAN YOD, GANG ZAG NI NYE DGA', NYON MONGS PA NI MI BZOD PA, NYES PA NI CHU'I NANG DU BSHANG GCI LA SOGS PA 'DOR BA'O, ,DE LA MI NA BAR CHU'I NANG DU BSHANG GCI DANG, MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA'O ZHES BYA BA NI, DGE SLONG MI NA BAR CHU'I NANG DU BSHANG GCI LA SOGS PA MI BYA BA DANG, BYAS ZIN PA YANG MI DOR BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI DGE SLONG MI NA BA DANG, CHU'I NANG DU BSHANG GCI LA SOGS PA BYED PA DANG, BYAS PA 'DOR BA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BRGYAD RTZA BCU BA'O,, ,,MI NA BAR RTZVA SNGON PO YOD PA'I SA PHYOGS SU BSHANG GCI DANG MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS SER SKYA'I GNAS NA N+YA GRO DHA'I KUN DGA' RA BA NA BZHUGS SO, ,TSE DANG LDAN PA NYE DGA' LDUM PA'I GAN DU SONG STE SMRAS PA, BZHIN BZANG LDUM CUNG ZHIG BYIN CIG ,DES SMRAS PA, 'PHAGS PA KHYOD KYIS SNGON NI BDAG CAG BSRUNG BA BYAS PAR GYUR NA, DENG SANG MI BYED PAS CI'I PHYIR KHYOD LA LDUM SBYIN, DES SDOD CIG BYAS TE SONG NAS DES BSAMS PA, BKREN PA DE MI DGA' BAR BYA'O SNYAM NAS, DES BKRU SMAN ZOS TE, MI GTZANG BAS GYO MO BKANG NAS PHYAGS MA THOGS TE, LDUM ZHING GI STENG DU THAMS CAD DU MI GTZANG BAS GTOR NAS, LDUM THAMS CAD MA RUNG BAR BYAS SO, ,MI GTZANG BA'I DRI YIS DER WA DAG 'DUS NAS, DE DAG GIS KYANG LDUM THAMS CAD MA

RUNG BAR BYAS SO, ,DE NAS SDUM PA DE LDUM BTZONG BA'I PHYIR, NANG PAR SNGAR LANGS TE LDUM RAR SONG BA DANG, JI TZAM NA LDUM THAMS CAD MI GTZANG BAS GTOR ZHING, LDUM WAS KYANG ZOS TE, ZONG DU MI RUNG BAR MTHONG STE, DE LAG PA 'GRAM PA LA GTAD DE, SEMS KHONG DU CHUD DE 'DUG PA DANG; NYE DAGS DE'I CHED DU BSAMS TE PHYOGS DER SONG NAS SMRAS PA, BZHIN BZANGS KHYOD CI'I PHYIR SEMS KHONG DU CHUD CING 'DUG ,DES SMRAS PA, 'PHAGS PA DAG LDUM ZHING 'DIR GCIG GIS MI GTZANG BA GTOR ZHING WAS KYANG ZOS TE, ZONG DU MA RUNG BAS DA JI LTAR 'TSO BA SBYAR BAR BGYI MA 'TSAL TO, ,NYE DAGS SMRAS PA, BKREN PA KHYOD DE LTAR MI DGA' BAR BYA'O, ,DE SMOD PA LA ZHUGS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, MI NA BAR RTZVA SNGON PO YOD PA'I SA PHYOGS SU BSHANG GCI MI BYA BAR BSLAB PAR BYA'O, ,THAMS CAD SDOS GANG STE, GO SKABS MED PA MA GTOGS SO, ,BSHANG GCI JI LTA BA BZHIN DU, RTZVA SNGON PO YOD PA'I SA PHYOGS SU MCHIL MA DANG, SNABS DANG, SKYUGS PA DANG, RLUGS PA MI DOR BAR BSLAB PAR BYA BA YANG DE BZHIN NO ZHES BCA' BA MDZAD DE, YUL NI SER SKYA'I GNAS, GANG ZAG NI NYE DGA', NYON MONGS PA NI MI BZOD PA, NYES PA NI MI NA BAR RTZVA SNGON PO YOD PA'I SA PHYOGS SU BSHANG GCI LA SOGS PA 'DOR BA'O, ,DE LA MI NA BAR RTZVA SNGON PO YOD PA'I SA PHYOGS SU BSHANG GCI DANG MCHIL MA DANG, SNABS DANG, SKYUGS PA DANG, RLUGS PA MI DOR PAR BSLAB PAR BYA BA NI DGE SLONG MI NA BAR RTZVA SNGON PO YOD PA'I SA PHYOGS SU BSHANG GCI LA SOGS PA MI BYA BA DANG, BYAS PA MI DOR BAR BSLAB PAR BYA'O, ,DE LA 'DIR DNGOS GZHI'I LTUNG BA RNAM PAR GZHAG PA NI, DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI DGE SLONG MI NA BA DANG, RTZVA SNGON PO YOD PA'I SA PHYOGS SU BSHANG GCI LA SOGS PA 'DOR BA NYID DO, ,'DI LA YAN LAG NI GCIG STE, DNGOS

, ,GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BRGYA RTZA BCU GCIG PA'O,, ,,GNOD PA BYUNG BA MA GTOGS PAR SHING LA MI GANG TZAM LAS MTHOR MI 'DZEG PAR BSLAB PAR BYA BA'I GLENG GZHI NI, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS PA NA, TSE DANG LDAN PA NYE DGA' LA DGE SKOS KYI BSOD SNYOMS NOD PA'I RES BAB PA NAS, DES BSAMS PA, GANG GIS DGE BSKOS 'DI ZAN GCAD PAR BYA BA DE LTA BU'I THABS CI YOD SNYAM NAS DE 'DI SNYAM DU SEMS TE, GAL TE 'GA' ZHIG BDAG MNYAN YOD NAS RGYAL BYED KYI TSAL THAG JI SRID CIG YOD CES 'DRI NA, BDAG GIS DE LA JI SKAD BRJOD PAR BYAS RNAM PA THAMS CAD DU GOM PA DAG GIS SA GZHI GZHAL BAR BYA'O SNYAM NAS, DE GOM PA DAG GIS SA GZHI 'JAL ZHING DAL BUS 'ONG BA DANG, DGE SKOS KYIS BSAMS PA, DE YUN RING DU THOGS PAS BDAG ZAN CHAD NA MI RUNG GIS BLTA'O SNYAM NAS, DE SHING LJON PA ZHIG LA 'DZEGS TE BLTA BAR BRTZAMS PA DANG, JI TZAM NA TSE DANG LDAN PA NYE DGA' DAL BUS 'ONG BA MTHONG NAS DES BSAMS PA, 'DI JI LTAR 'ONG BA'I STANGS LAS NI 'DIS BDAG ZAN GCOD PAR BYED DO SNYAM DU RIG NAS, DE LJON SHING DE LAS BABS TE 'DUG GO, ,TSE DANG LDAN PA NYE DGA' YANG 'ONG BA DANG, JI TZAM NA GDUGS TSOD YOL NAS DGE SKOS KYIS SMRAS PA, TSE DANG LDAN PA KHYOD 'GROS DE LTA BUR 'ONG BA LAS NA, DON GYIS NA KHYOD KYIS CHED DU BSAMS TE KHO BO ZAN BCAD DU BCUG GO, ,DES SMRAS PA, KHYOD KYIS KHO BO JI LTAR MTHONG KHO BOS SHING LJON PA LA 'DZEGS TE BLTAS SO, ,KHYOD SHING LJON PA LA 'DZEG TU RUNG NGAM, RUNG YANG SRID MI RUNG YANG SRID DE KHO BOS NI 'DZEGS SO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA DGE SLONG GIS SHING LA MI

'DZEG PAR BSLAB PAR BYA'O, ,BCOM LDAN 'DAS KYIS DGE SLONG GIS SHING LA MI 'DZEG PAR BSLAB PAR BYA'O ZHES BKA' STZAL PA DANG, DGE SLONG DAG TSON GYI LAS BYED PAR 'DOD PAS GZAR THAG GANG DU GDAGS PAR MI SHES NAS, BCOM LDAN 'DAS KYIS BKA' STZAL PA, SHING LA MI GANG TZAM DU 'DZEG PAR BYA STE, DE LTA BAS NA DGE SLONG GIS SHING LA MI GANG TZAM LAS MTHOR MI 'DZEG PAR BSLAB PAR BYA'O, ,BCOM LDAN 'DAS KYIS DGE SLONG GIS SHING LA MI GANG TZAM LAS MTHOR MI 'DZEG PAR BSLAB PAR BYA'O ZHES BKA' STZAL NAS, DGE SLONG ZHIG DON MTHUN PA DANG, LHAN CIG LJONGS RGYUR 'PHAGS PA DANG, DON MTHUN PA DGON PA'I LAM DU MTSAN MO BTAB PA NA DE LTAR STAG GI 'JIGS PA BYUNG NAS, DON MTHUN PA DAG NI SHING LJON PA LA MTHOR 'DZEGS TE 'KHOD DO, ,DGE SLONG DE SHING LJON PA LA MI GANG TZAM DU 'DZEGS TE 'DUG PA DANG, JI TZAM NA STAG 'ONGS NAS DON MTHUN RNAMS KYIS SMRAS PA, 'PHAGS PA STAG MCHIS KYIS MYUR DU MTHOR 'DZEGS SHIG ,DES BSAMS PA, BCOM LDAN 'DAS KYIS SHING LA MI GANG TZAM LAS MTHOR 'DZEG PAR MA GNANG BAS, JI LTAR MTHOR 'DZEG SNYAM NAS, DE NYID DU 'DUG NAS, STAG GIS MCHONGS PA BYAS PAS BSAD PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, GNOD PA BYUNG BA MA GTOGS PAR SHING LA MI GANG TZAM LAS MTHOR MI 'DZEG PAR BSLAB PAR BYA'O ZHES BCA' BA MDZAD DE, YUL NI MNYAN YOD, GANG ZAG NI CHOS 'DI PA, NYON MONGS PA NI DUS DANG BYA BA MI SHES PA, NYES PA NI GNOD PA BYUNG BA MA GTOGS PAR SHING LA MI GANG TZAM LAS MTHOR MI 'DZEGS PA'O, ,DE LA GNOD PA BYUNG BA MA GTOGS PAR SHING LA MI GANG TZAM LAS MTHOR MI 'DZEG PAR BSLAB PAR BYA'O ZHES BYA BA NI, DGE SLONG GNOD PA BYUNG BA MA GTOGS PAR SHING LA MI GANG TZAM LAS MTHOR MI 'DZEG PAR BSLAB PAR BYA'O, ,'DI'I RGYU NI MI MDZES PAR SNANG BA DANG, SNAD PA LA SOGS PA'I NYES DMIGS SPONG BA'I SGO NAS 'JIG RTEN DANG MI 'GAL BA DANG, 'DUL BA DANG MI 'GAL BAR NGES PAR 'BYUNG BA'I TSUL KHRIMS KYI RJES SU MTHUN PAR BSLAB PAR BYA BA NYID DO, ,

, ,DE LA 'DIR DNGOS GZHI'I LTUNG BA RNAM PAR GZHAG PA NI DNGOS GZHI'I GNAS SKABS SU BSLAB PA DE LTAR MA BYAS NA BSHAGS PAR BYA BA'I NYES BYAS KYI DNGOS GZHIR 'GYUR RO, ,'DI'I BYED PA PO NI DGE SLONG GNOD PA BYUNG BA MA GTOGS PA DANG SHING LA MI GANG TZAM LAS MTHOR 'DZEGS PA NYID DO, ,'DI LA YAN LAG NI GCIG STE, DNGOS GZHI'I BSGRUB PA NYID DO, ,SBYOR BA DANG SBYOR BA'I SBYOR BA'I SGRUB PA NYID DAG LA NI CI RIGS PAR NA SMAD DO ZHES BYA BA YANG SNGA MA BZHIN NO, ,BSLAB PA BRGYA RTZA BCU GNYIS PA'O,, ,,BSLAB PA RNAMS KYI YUL RAB TU DBYE BA NI MDOR BSDU NA RNAM PA DGU STE, GOS BGO BA DANG, SPYOD YUL DU 'GRO BA DANG, DER STAN LA 'DUG PA DANG, ZAS BLANG BA DANG, ZAN BZA' BA DANG, LHUNG BZED KYI SPYOD PA DANG, CHOS BSTAN PA DANG, SGRUB PA'I TSUL DANG RGYU BA'O, ,DE DAG NI SHAM THABS ZLUM POR BGO BAR BSLAB PAR ZHES BYA BA NAS, GNOD PA BYUNG BA MA GTOGS PAR SHING LA MI GANG TZAM LAS MTHOR MI 'DZEG PAR BSLAB PAR BYA'O ZHES BYA BA'I BAR DANG GO RIMS BZHIN DU SBYAR RO, ,TSE DANG LDAN PA DAG BDAG GIS BSGRUB PA'I CHOS MANG PO RNAMS BTON ZIN TO ZHES BYA BA NI BSLAB PAR BYA BA'I CHOS MANG PO RNAMS GDON PA'I MJUG BSDU BA STE, BSLAB PA'I CHOS MANG PO RNAMS ZHES BYA BA NI, SNGAR BSTAN PA BSLAB PA'I CHOS KYI DNGOS GZHI BRGYA RTZA BCU GNYIS PA DAG GO, ,BTON ZIN TO ZHES BYA BA NI DAM BCA' BA'I DON GYI MJUG BSDU BA'I PHYIR DANG, NYAN PA PO RNAMS SPRO BAR BYA BA'I PHYIR SMOS SO, ,DE LA BDAG GIS TSE DANG LDAN PA DAG LA CI 'DI LA KHYED YONGS SU DAG GAM ZHES DRI'O, ,CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NAS 'DI LTAR CAD MI SMRA BAS DE DE BZHIN DU 'DZIN TO ZHES BYA BA NI BSLAB PA'I CHOS MANG PO RNAMS RNAM PAR GZHAG PA RNAMS BSGRAG PAR BYA BA YIN TE, DE LA ZHES BYA BA NI BSLAB PA'I CHOS MANG PO BTON PA DE LA'O, ,LHAG MA NI SNGA MA BZHIN NO, ,BSLAB PA'I CHOS MANG PO RNAMS GDON PA BSHAD ZIN TO,, ,,SO SOR THAR PA'I MDO'I GZHUNG 'GREL, BAM PO NYI SHU LNGA PA, DA NI RTZOD PA ZHI BAR BYA BA GDON PAR BYA STE, DE'I

PHYIR SDOM LA, MNGON SUM DRAN PA MA SMYOS PA, ,DE BZHIN GANG MANG NGO BO NYID, ,RTZVA RNAMS BKRAM PA LTA BU DANG, ,KHAS BLANG BAR YANG BYA BA'O, ,ZHES BYA BA GSUNGS TE, SDOM LA ZHES BYA BA'I TSIG GI DON DANG DGOS PA NI SNGA MA BZHIN NO, ,RTZOD BA ZHI BAR BYA BA'I CHOS NI BDUN TE, MNGON SUM GYIS 'DUL BA DANG, DRAN PAS 'DUL BA DANG, MA SMYOS PAS 'DUL BA DANG, TSUL SHING MANG PO SBYIN PA DANG, DE'I NGO BO NYID TSOL DU GZHUG PA DANG, RTZVA BKRAM PA LTA BU DANG, KHAS BLANG BAR BYA BA STE, SDOM GYI TSIGS SU BCAD PA DAG GO RIMS BZHIN DU SBYAR RO, ,TSE DANG LDAN PA DAG RTZOD PA ZHI BAR BYA BA'I CHOS BDUN PO 'DI DAG NI ZLA BA PHYED PHYED CING SO SOR THAR PA'I MDO GDON PA LAS 'BYUNG NGO ZHES BYA BA NI RTZOD PA ZHI BAR BYA BA GDON PA'I LUNG DPOG PA BSTAN TO, ,RTZOD PA ZHI BAR BYA BA'I CHOS ZHES BYA BA NI 'KHRUG LONG GI RTZOD PA BZHI PO DAG RGYUD GCIG TU BYA BA DE NYID KHA NA MA THO BA'I MTSAN NYID 'DZIN PAS CHOS ZHES BYA'O,, BDUN PO 'DI DAG NI ZHES BYA BA NI 'OG NAS 'BYUNG BA BDUN PO DAG GO, ,ZLA BA PHYED PHYED CING SO SOR THAR PA'I MDO 'DON PA LAS BYUNG NGO ZHES BYA BA'I ZLA BA PHYED PHYED CING GSO SBYONG 'DON PA'I TSE, 'DUL PA 'DZIN PA'I KHA TON LAS 'BYUNG NGO ZHES BSTAN PA YIN NO, ,MNGON SUM GYIS 'DUL BAR 'OS PA LA MNGON SUM GYIS 'DUL BA SBYIN NO, ,DRAN PAS 'DUL BAR 'OS PA LA DRAN PAS 'DUL BA SBYIN NO, ,MA SMYOS PAS 'DUL BAR 'OS PA LA MA SMYOS PAS 'DUL BA SBYIN NO, ,GANG TSUL SHING MANG PO SBYIN PAR 'OS PA LA TSUL SHING MANG PO SBYIN NO, ,DE'I NGO BO NYID TSOL DU GZHUG PAR 'OS PA LA DE'I NGO BO NYID TSOL PA SBYIN NO; ,RTZVA BKRAM PAR 'OS PA LA RTZVA BKRAM PA LTA BU SBYIN NO, ,GANG KHAS BLANG BAR 'OS PA LA KHAS BLANG BAR BYA'O ZHES BYA BA NI 'KHRUG LONG GI RGYU BZHI LAS BYUNG BA'I 'KHRUG LONG GI RTZOD PA ZHI BAR BYA BA'I CHOS BDUN GYIS RGYUD GCIG TU BYA BA DANG, DAG PA SBYIN PA DANG, PHYIR BCOS PA DANG, NGES PAR 'DZIN PA LA SBYOR BA NYID SBYIN PA DANG, LAS LA MTHUN PA SBYIN DU GZHUG PAS CI RIGS PAR ZHI BAR BYA BA BSTAN TO, ,DE LA 'KHRUG LONG GI RGYU BZHI GANG ZHE NA, DNGOS PO'I DE BZHIN NYID LA LOG PAR SGRUB PA DANG, GDAMS NGAG LA SOGS PA 'JOG PAS GZHAN SPONG BA DANG, LTUNG BA DANG

, ,BCAS PA NYID DANG, LAS LA MTHUN PA MI SBYIN PA'O, ,'KHRUG LONG GI RTZOD PA BZHI GANG ZHE NA, 'GYED PA'I PHYIR RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA DANG, BYA BA'I PHYIR RTZOD PA'O, ,RTZOD PA ZHI BAR BYA BA'I CHOS BDUN GANG ZHE NA, MNGON SUM GYIS 'DUL BA DANG, DRAN PAS 'DUL BA DANG, MA SMYOS PAS 'DUL BA DANG, TSUL SHING MANG PO SBYIN PA DANG, DE'I NGO BO NYID TSOL DU GZHUG PA DANG, RTZVA BKRAM PA LTA BU DANG, KHAS BLANG BAR BYA'O, ,DE LA 'KHRUG LONG GI RGYU DANG PO DNGOS PO'I DE BZHIN NYID LA LOG PAR SGRUB PA LAS 'BYUNG BA'I 'KHRUG LONG 'GYED PA'I PHYIR RTZOD PA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA'O, ,'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SPONG BA LAS BYUNG BA'I 'KHRUG LONG MI GDAMS PA'I PHYIR RTZOD PA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BA NYID DANG, DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR BYA'O, ,'KHRUG LONG GI RGYU GSUM PA LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA NI KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PA DANG, DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS ZHI BAR BYA'O, ,'KHRUG LONG GI RGYU BZHI PA LAS LA MTHUN PA MI SBYIN PA LAS BYUNG BA'I 'KHRUG LONG BYA BA'I PHYIR RTZOD PA NA, RTZOD PA ZHI BAR BYA BA'I CHOS BDUN PO THAMS CAD KYIS SNGA MA BZHIN DU CI RIGS PAR RGYUD GCIG TU BYA BA DANG, DAG PA SBYIN PA DANG, PHYIR BCOS PA DANG, NGES PAR 'DZIN PA LAS SBYAR BA NYID SBYIN PA'I RIM GYIS LAS LA MTHUN PA SBYIN DU GZHUG PAS ZHI BAR BYA'O, ,DE LTAR NA MNGON SUM GYIS 'DUL BAR 'OS PA DANG, TSUL SHING MANG PO SBYIN PAR 'OS PA NI, 'KHRUG LONG GI RGYU DANG PO'I DE BZHIN NYID LAS LOG PAR SGRUB PA LAS BYUNG BA'I 'KHRUG LONG 'GYED PA'I PHYIR RTZOD PA YIN TE, DE LA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA'O, ,YANG MNGON SUM GYIS 'DUL BAR 'OS PA DANG, TSUL

SHING MANG PO SBYIN PAR 'OS PA NI, 'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SPONG BA LAS BYUNG BA'I 'KHRUG LONG MI GDAMS PA'I PHYIR RTZOD PA RGYU DANG BCAS PA NYID KYANG YIN TE, DE YANG MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA'O, , DRAN PAS 'DUL BAR 'OS PA DANG, MA SMYOS PAR 'DUL BAR 'OS PA YANG 'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SPONG BA LAS BYUNG BA'I 'KHRUG LONG MI GDAMS PA'I PHYIR RTZOD PA RGYU MED PA NYID YIN TE, DE LA NI DRAN PAS 'DUL BA DANG, MA SMYOS PAS 'DUL BA SBYIN PAS DAG PA SBYIN PAS ZHI BAR BYA'O, ,KHAS BLANG BAR 'OS PA DANG, MNGON SUM GYIS 'DUL BAR 'OS PA DANG, RTZVA BKRAM PA LTA BUR 'OS PA NI, 'KHRUG LONG GI RGYU GSUM PA LTUNG BA DANG BCAS PA RNAM PAR SHES PA NA RANG GI NGO BO NYID LAS LTUNG BA DANG BCAS PA NYID LA BYUNG BA'I 'KHRUG LONG GI LTUNG BA'I PHYIR RTZOD PA YIN TE, DE LA NI KHAS BLANG BAR BYA BA DANG, MNGON SUM GYIS 'DUL BA DANG, RTZA BKRAM PA LTA BU SBYIN PAS PHYIR BCOS PAS ZHI BAR BYA'O, ,DE'I NGO BO NYID TSOL DU GZHUG PAR 'OS PA NI, 'KHRUG LONG GI RGYU GSUM PA LTUNG BA DANG BCAS PA RNAM PAR MI SHES PA NA, RANG GI NGO BO NYID LAS LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA YIN TE, DE LA NI DE'I NGO BO NYID BTZAL BA SBYIN PAS NGES PAR 'DZIN PA LA SBYAR BA NYID SBYIN PAS ZHI BAR BYA'O, ,MNGON SUM LA SOGS PA RTZOD PA ZHI BAR BYA BA'I CHOS BDUN PO THAMS CAD KYIS 'DUL BAR 'OS PA NI 'KHRUG LONG GI RGYU BZHI PA LAS LA MTHUN PA MI SBYIN PA LAS BYUNG BA'I 'KHRUG LONG BYA BA'I RTZOD PA YIN TE, DE LA NI MNGON SUM GYIS 'DUL BA LA SOGS PA RTZOD PA ZHI BAR BYA BA'I CHOS BDUN PO THAMS CAD KYIS SNGA MA BZHIN DU CI RIGS PAR RGYU GCIG TU BYA BA DANG, DAG PA SBYIN PA DANG, PHYIR BCOS PA DANG, NGES PAR 'DZIN PA LA SBYAR BA NYID SBYIN PA'I RIM GYIS LAS LA MTHUN PA SBYIN DU GZHUG PAS ZHI BAR BYA BA STE, 'DIR GZHUNG NI ZHU BA LAS, ZHI BA THAMS CAD NI BYA BA'I PHYIR RTZOD PAR 'JUG GO ZHES GSUNGS PA YIN NO, ,RTZOD PA BYUNG BAR GYUR PA RNAMS RTZOD PA ZHI BAR BYA BA'I CHOS BDUN PO DAG GIS CHOS DANG, 'DUL

, ,BA DANG, STON PA'I BSTAN PA BZHIN DU DUL BAR BYA, ZHI BAR BYA, RNAM PAR ZHI BAR BYA'O ZHES BYA BA NI RTZOD PA'I GZHIR SPYIR BSTAN PA YIN TE, RTZOD PA BYUNG BAR GYUR PA RNAMS ZHES BYA BA NI 'KHRUG LONG GI RGYU BZHI LAS BYUNG BA'I 'KHRUG LONG GI RTZOD PA BZHI PO RNAMS SO, ,RTZOD PA ZHI BAR BYA BA'I CHOS BDUN PO 'DI DAG GIS ZHES BYA BA NI MNGON SUM GYIS 'DUL BA LA SOGS PA BDUN PO DAG GIS SO, ,CHOS DANG 'DUL BA DANG, STON PA'I BSTAN PA BZHIN DU ZHES BYA BA NI SHES BYA RNAM PAR GZHAG PA'I CHOS DANG, TSUL KHRIMS RNAM PAR GZHAG PA'I 'DUL BA DANG, CHEN PO BSTAN PA DANG NAG PO BSTAN PA STON PA'I BSTAN PA BZHIN DU'O, ,DUL BAR BYA, ZHI BAR BYA, RNAM PAR ZHI BAR BYA'O ZHES BYA BA NI CHUNG DU DANG, 'BRING DANG CHEN PO'I GNAS SKABS SAM, SBYOR BA DANG DNGOS DANG, MJUG GI GNAS SKABS SAM, CHOS DANG 'DUL BA DANG, STON PA'I BSTAN PA'I GNAS SKABS KYI GO RIMS BZHIN DU SHES PAR BYA'O, ,TSE DANG LDAN PA DAG BDAG GIS RTZOD PA ZHI BAR BYA BA'I CHOS BDUN PO DAG BTON ZIN TO ZHES BYA BA NI RTZOD PA ZHI BAR BYA BA GDON PA'I MJUG BSDU BA STE, RTZOD PA ZHI BAR BYA BA'I CHOS BDUN PO DAG CES BYA BA NI SNGAR BSTAN PA BDUN PO DAG GO, ,BTON ZIN TO ZHES BYA BA NI DAM BCA' BA'I DON GYI MJUG BSDU BA'I PHYIR DANG, NYAN PA PO SPRO BAR BYA BA'I PHYIR SMOS SO, ,DE LA BDAG GIS TSE DANG LDAN PA DAG LA CI 'DI LA KHYED YONGS SU DAG GAM ZHES LAN GNYIS LAN GSUM DU DRI'O, ,'DI LA TSE DANG LDAN PA DAG YONGS SU DAG NA 'DI LTAR CANG MI SMRA BAS DE DE BZHIN DU 'DZIN TO ZHES BYA BA NI RTZOD PA ZHI BAR BYA BA RNAM PAR GZHAG PA BSGRAG PAR BYA BA YIN TE, DE LA ZHES BYA BA NI RTZOD PA ZHI BAR BYA BA'I CHOS BDUN PO BTON PA DE LA'O, ,LHAG MA NI SNGA MA BZHIN NO, ,DE LTAR RTZOD PA ZHI BAR BYA BA'I CHOS BDUN PO RNAM PAR 'BYED PA DANG, SO SOR THAR PA'I MDOR GTOGS PA'I GZHUNG 'GREL PA NYI TSE MDOR BSTAN NAS, DA NI RTZOD PA'I GZHI ZHU BA DANG BCAS PA'I SKABS BRJOD PAR BYA STE, RTZOD BA ZHI BAR BYA BA'I CHOS BDUN ZHES GSUNGS PA LA, RTZOD PA ZHES BYA BA NI 'KHRUG LONG STE, DGRA BOS MI MTHUN PAR SMRAS PA'I TSIG GI PHYIR SEMS GZHOL BA YIN GYI KHRO BA NI MA YIN NO, ,GAL TE DGRA BOS MI MTHUN PAR SMRAS PA'I TSIG GI PHYIR

SEMS GZHOL BA 'KHRUG LONG YIN PA LA DE NYID RTZOD PA YIN NA, 'O NA JI LTAR GTZUG LAG KHANG LAS DE LA BRTEN TE 'THAB PA DANG, MTSANG 'DRU BA DANG, RTZOD PA'I 'GYED PA BYUNG BA GANG YIN PA DE 'GYED PA'I PHYIR RTZOD PA ZHES BYA BA'O ZHES GSUNGS SHE NA, 'DI LTAR 'THAB PA LA SOGS PA NI DGRA POS MI MTHUN PAR SMRAS PA'I TSIG GI PHYIR SEMS GZHOL BA'I PHYIR 'KHRUG LONG 'DI'I 'KHOR YIN TE, DE DANG 'BREL PA LAS 'BYUNG BA'I PHYIR DE DAG KYANG 'DIR BSDUS PAR SHES PAR BYA'O, ,DE LA RTZOD PA NI RNAM PA BZHI STE, 'GYED PA'I PHYIR RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA DANG, BYA BA'I PHYIR RTZOD PA STE, 'GYED PA'I RGYU LAS RTZOD PA NI 'GYED PA'I PHYIR RTZOD PA'O, ,MI GDAMS PA'I RGYU LAS RTZOD PA NI MI GDAMS PA'I PHYIR RTZOD PA'O, ,LTUNG BA'I RGYU LAS RTZOD PA NI LTUNG BA'I PHYIR RTZOD PA'O, ,BYA BA'I RGYU LAS RTZOD PA NI BYA BA'I PHYIR RTZOD PA'O ZHES GSUNGS PA LAS, RTZOD PA BZHI PO GANG DAG YIN PA DE DAG GI RANG GI NGO BO NGES PAR BZUNG BA'I PHYIR, 'KHRUG LONG GI RGYU BZHI LAS, 'KHRUG LONG GI RTZOD PA BZHI GO RIMS BZHIN DU 'BYUNG STE ZHES BYA BA GSUNGS SO, ,'KHRUG LONG GI RGYU BZHI GANG ZHE NA, DNGOS PO'I DE BZHIN NYID LA LOG PAR SGRUB PA DANG, GDAMS NGAG LA SOGS PA 'JOG PAS GZHAN SPONG BA DANG, LTUNG BA DANG BCAS PA NYID DANG, LAS LA MTHUN PA MI SBYIN PA'O, ,DE LA DNGOS PO'I DE BZHIN NYID LA LOG PAR SGRUB PA JI LTA BU ZHE NA, DNGOS PO ZHES BYA BA NI CHOS RNAM PAR GZHAG PA DANG, TSUL KHRIMS RNAM PAR GZHAG PA'I DNGOS PO CHOS 'DUL BA DANG, STON PA'I BSTAN PA DANG, LTUNG BA SDE LDAR GTOGS PA DAG GO, ,DE BZHIN NYID CES BYA BA NI CHOS RNAM PAR GZHAG PA JI LTA BU DANG, TSUL KHRIMS RNAM PAR GZHAG PA JI LTA BA NYID DE, CHOS DANG CHOS MA YIN PA DANG, 'DUL BA DANG, 'DUL BA MA YIN PA DANG, STON PA'I BSTAN PA DANG, STON PA'I BSTAN PA MA YIN PA DANG, LTUNG BA DANG, LTUNG BA MA YIN PA LA SOGS PA DNGOS PO 'DI'I RANG BZHIN NYID DE RANG GI NGO BO NYID CES BYA BA'I THA TSIG GO, ,DE LA LOG PAR SGRUB PA ZHES BYA BA NI MA NGES PA NYID DE, CHOS RNAM PAR GZHAG PA YIN NO ZHE 'AM, MA YIN NO ZHES BYA BA DANG, TSUL KHRIMS RNAM PAR

, ,GZHAG PA YIN NO ZHE 'AM, MA YIN NO ZHES BYA BA LA SOGS PA GNYIS SU 'DREN PA'O, ,DE LTAR DNGOS PO'I DE BZHIN NYID LA LOG PAR SGRUB PA DES DNGOS PO'I RNAM PA LA DPYOD PA DAG KYANG BSDUS TE, DNGOS PO'I RNAM PA ZHES BYA BA NI BYA BA DANG BYA BA MA YIN PA NYID DANG, BLANG BA DANG DOR BA NYID DANG; SBYIN PAR BYA BA DANG, SBYIN PAR MI BYA BA NYID DANG, LAS SU BSKO BA DANG, LAS SU MI BSKO BA NYID CES BYA BA LA SOGS PA LTA BU'O, ,DE LA DPYOD PA ZHES BYA BA NI CI'I PHYIR KHYOD KYI BYA BA 'DI MA BYAS LA, BYA BA MA YIN PA 'DI NI BYAS SHE 'AM, BLANG BA NI POR LA DOR BA 'DI NI BLANGS SHE 'AM, SBYIN PAR BYA BA NI MA BYIN LA, SBYIN PAR MI BYA BA 'DI NI BYIN ZHE 'AM, LAS SU BSKO BA 'DI NI MA BSKOS LA, LAS SU MI BSKO BA NI BSKOS SO ZHES BYA BA LA SOGS PA LTA BUR DPYOD PA'O, ,DE LTAR DNGOS PO'I DE BZHIN NYID LA LOG PAR SGRUB PA DANG, DNGOS PO'I RNAM PA LA DPYOD PA DE NI 'KHRUG LONG GI RGYU DANG PO YIN NO, ,DE LAS 'KHRUG LONG GI RGYU DANG PO 'GYED PA'I PHYIR RTZOD PA 'BYUNG STE, 'GYED PA'I PHYIR RTZOD PA ZHES BYA BA NI DNGOS PO'I DE BZHIN NYID LA LOG PAR SGRUB PA DANG, DNGOS PO'I RNAM PA LA DPYOD PA DE LA BRTEN TE, DGRA BOS MI MTHUN PAR SMRAS PA'I TSIG GI PHYIR SEMS GZHOL BA'I 'KHRUG LONG 'THAB PA DANG, MTSANG 'DRU BA DANG, RTZOD PA DANG, 'GYED PA LA SOGS PA'I 'KHOR DANG BCAS PA 'GYED PA'I RGYU LAS RTZOD PA MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA BA GANG BYUNG BA STE, DE NI 'GYED BA'I PHYIR RTZOD PA ZHES BYA'O, ,DE LTAR NA 'KHRUG LONG GI RGYU DANG PO DNGOS PO'I DE BZHIN NYID LA LOG PAR SGRUB PA LA 'KHRUG LONG DANG PO 'GYED PA'I PHYIR RTZOD PA 'BYUNG BAR SHES PAR BYA'O, ,GDAMS NGAG LA SOGS PA 'JOG PAS GZHAN SPONG BA JI LTA BU ZHE NA, GDAMS NGAG LA SOGS PA ZHES BYA BA NI, DGE SLONG LTUNG BA 'BYIN PA LA DGE 'DUN GYIS GANG ZAG GLENG BA PO CHOS GSUM MAM LNGA DANG LDAN PA GSOL BA DANG, GNYIS KYI LAS KYIS BSKOS TE, DES DA LA SKABS 'BYED DU BCUG NAS, DUS SU DBEN PA'I MTHAR DRAN PA DANG, SHES BZHIN NYE BAR GZHAG STE, MTHONG BA 'AM, THOS PA 'AM, DOGS PA'I GZHI DANG BCAS PAS GLENG BAR BYA'O, ,DE LTAR GZHI

DANG BCAS PAS GLENGS BA NA MI DRAN NA, YUL DANG, DUS DANG GZHI GANG LAS LTUNG BA BYUNG BA GLENG PA POS JI LTAR MTHONG BA 'AM, THOS PA 'AM, DOGS PA'I SGO NAS DRAN PAR BYA'O, ,DE LTAR GLENG ZHING DRAN PAR BYAS PA NA DES LTUNG BA MTHONG NA SKABS PHYE STE, GLENG BA POS GZHI GANG GI GLENG BA'I LTUNG BA RGYU DANG BCAS PA NYID YIN NA, RGYUD GCIG TU BYA BAS PHYIR BCOS PAR BYA BA'O, ,RGYU MED PA NYID YIN NA DAG PA SBYIN BAS RANG BZHIN DU GNAS PAR BYA'O, ,DE LTAR BYAS PA DE LA DGE 'DUN GYIS GDAMS NGAG DANG, RJES SU BSTAN PA DANG, GTAM 'DRE BA DANG, PHEBS PAR SMRA BA DANG, SO SOR KUN DGA' BAR BYA BA DANG, RTAG TU LHAN CIG GNAS PAR BYA BA DANG, GSO SBYONG DANG, DGAG DBYE LA SOGS PA LHAN CIG BYA BA STE, GDAMS NGAG LA SOGS PA ZHES BYA BA'O, ,'JOG PAS ZHES BYA BA NI DGE SLONG LTUNG BA 'BYIN PA LA, DGE 'DUN GYIS GANG ZAG GLENG BA PO DE LTA BU DE LTAR BSKOS TE, DES DE LTAR GLENGS SHING DRAN PAR BYAS PA NA, SKABS 'BYED PAR MI BYED NA, DE LA BRJOD PA DANG BCAS PA NYID BYA STE, TSE DANG LDAN PA KHYOD LA BRJOD PA DANG BCAS PA NYID BYAS KYIS, GNAS 'DI NAS MA ZHUS PAR 'GRO BAR MI BYA'O, ,KHO BO LA TSE DANG LDAN PA LA BRJOD PAR BYA BA'I PHYIR BSNGAGS PA YOD DO ZHES BRJOD PA DANG BCAS PA NYID DU BYA'O, ,DES SKABS 'BYED PAR MI BYED NA MI GDAMS PA NYID DU BYA STE, DE LA GDAMS NGAG DANG RJES SU BSTAN PAS PHAN GDAGS PAR MI BYA'O, ,DES KYANG SKABS MI 'BYED NA DE LA GTAM 'DRE BA LA SOGS PA YANG BZLOG PAR BYA STE, DE LA GTAM 'DRE BA DANG, PHEB PAR SMRA BA DANG, SO SOR KUN DGA' BAR BYA BA DANG, RTAG TU LHAN CIG GNAS PAR BYA BA'I THA SNYAD KYI TSIG SBYIN PAR YANG MI BYA'O, ,DE LTA NA YANG SKABS 'BYED PAR MI BYED NA DE LA GSO SBYONG GZHAG PAR BYA BA STE, GSO SBYONG GI DUS SU DE LA GSOL BA DANG BZHI'I LAS KYIS DE'I GSO SBYONG GZHAG PAR BYA'O, ,GSO SBYONG GZHAG PA ZHES BYA BA NI GANG ZAG 'DI 'DUG PA DANG LHAN CIG DGE 'DUN GYI GSO SBYONG MI BYA'O ZHES BYA BA YIN PAR RIG PAR BYA'O, ,DE LTA NA YANG SKABS 'BYED PAR MI BYED NA, DE LA DGAG DBYE GZHAG PAR BYA STE, DGAG DBYE'I DUS SU GSOL BA DANG BZHI'I LAS KYIS DE'I DGAG DBYE BZHAG PAR BYA'O, ,DGAG DBYE GZHAG PA ZHES BYA BA NI GANG ZAG 'DUG PA DANG LHAN

, ,CIG DGE 'DUN GYIS DGAG DBYE MI BYA'O ZHES BYA BA YIN PAR RIG PAR BYA'O, ,SKABS PHYE BA NYID NA MNYEN PA NYID MA YIN NA PHUR BA DANG BCAS PAR BYA STE, GNAS 'DI 'AM GZHAN DU 'AM, GZHI 'DI 'AM GANG YANG RUNG BA LA CI 'DOD PA SMRA BAR BYA'O ZHES BYA BA DANG DE LA LTUNG BA BKAL ZHING NYES PA BSTAN TE BTANG BAS, RTA DMU RGOD PHUR BA LA BTAGS PA BZHIN DU PHUR PA DANG BCAS PA BYA STE, DE DAG NI GDAMS NGAG LA SOGS PA 'JOG PAS ZHES BYA BA YIN NO, ,DES GZHAN SPONG BA ZHES BYA BA NI GDAMS NGAG LA SOGS PA 'JOG PA'I RIM PA DES GANG ZAG LTUNG BA 'BYIN PA PO GZHAN TE, DGE 'DUN RANG BZHIN DU GNAS PA LAS LOGS SHIG TU SPONG BAR BYED PA'O, ,DE GZHAN SPONG BA DE NI RGYU DANG BCAS PA YOD PA, RGYU MED PA YOD DE, RGYU DANG BCAS PA NI YUL DANG DUS DANG, GZHI GANG LAS LTUNG BA BYUNG BA'I RGYU YOD PA NYID KYIS SPONG BA'O, ,RGYU MED PA NI GLENG BA'I KHA NA MA THO BA MED PA LA GZHI MED PAS GLENG BA DANG, GZHAN RJES SU BSGRUB PA'I DBANG GIS GLENG BA DANG, PHYIR BCOS PA LA MI LTOS PAR GLENG BA DANG, SMYON PAS BYAS PAS GLENG BA DAG GIS SPONG BA'O, ,DE LTAR GDAMS NGAG LA SOGS PA 'JOG PAS GZHAN SPONG BA DE NI 'KHRUG LONG GI RGYU GNYIS PA YIN NO, ,DE LAS 'KHRUG LONG GI RGYU GNYIS PA MI GDAMS PA'I PHYIR RTZOD PA 'BYUNG STE MI GDAMS PA'I PHYIR RTZOD PA ZHES BYA BA NI, GDAMS NGAG LA SOGS PA 'JOG PAS GZHAN SPONG BA RGYU DANG BCAS PA DANG, RGYU MED PA DE LA BRTEN TE DGRA BOS MI MTHUN PAR SMRAS PA'I TSIG GI PHYIR SEMS GZHOL BA'I 'KHRUG LONG GZHAN SPONG BA RGYU DANG BCAS PA LA DGE SLONG LTUNG BA DANG BCAS PA LA DGE 'DUN GYIS GANG ZAG GLENG BA PO BSKO BA DANG, DES DE LA SKABS 'BYED DU GZHUG PA DANG, DUS SU DBEN PA'I MTHAR DRAN PA DANG SHES BZHIN GYIS RGYU DANG BCAS PAS GLENG BA DANG, YUL DANG DUS DANG, GZHI GANG LAS LTUNG BA BYUNG BA'I SGO NAS DRAN PAR BYA BA DANG, SKABS MI 'BYED NA BRJOD PA DANG BCAS PA NYID DANG, MI GDAMS PA NYID DANG, GTAM 'DRE BA LA SOGS PA BRJOD PA DANG, GSO SBYONG GZHAG PA DANG, DGAG DBYE GZHAG PA DANG, PHUR BA DANG BCAS PA NYID LA SOGS PA 'KHOR DANG BCAS PA NYID DANG, MI GDAMS PA'I RGYU LAS RTZOD PA MNGON SUM GYIS 'DUL BA DANG,

TSUL SHING MANG PO SBYIN PAS RGYUD GCIG TU BYAS PAS ZHI BAR BYA BA DANG, GZHAN SPONG BA DANG RGYU MED PA LAS, DGE SLONG LTUNG BA MED PA GZHI MED PAS GLENG BA DANG, GZHAN RJES SU BSGRUB PA'I DBANG GIS GLENG BA DANG, PHYIR BCOS PA LA MI LTOS PAS GLENG BA DANG, SMYON PAS BYAS BAS GLENG BA LA SOGS PA'I 'KHOR DANG BCAS PA DANG, MI GDAMS PA'I RGYUD LAS RTZOD PA DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR BYA BA GANG BYUNG BA STE, DE NI MI GDAMS PA'I PHYIR RTZOD PA ZHES BYA'O, ,DE LTAR NA 'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SPONG BA LAS 'KHRUG LONG GNYIS PA MI GDAMS PA'I PHYIR RTZOD PA BYUNG BAR SHES PAR BYA'O, ,LTUNG BA DANG BCAS PA NYID JI LTA BU ZHE NA, LTUNG BA ZHES BYA BA NI LTUNG BA SDE LNGA LAS LHAG MA DANG BCAS PA GANG YANG RUNG BA'O, ,LTUNG BA DANG BCAS PA NYID NI RNAM PA GNYIS TE, RNAM PAR SHES PA NI RANG GI NGO BO NYID NYES PAS LTUNG BA DANG BCAS PA NYID DANG, RNAM PAR MI SHES PA NI RANG GI NGO BO NYES BYAS LTUNG BA DANG BCAS PA NYID DO, ,DE LA RNAM PAR SHES PA NI RANG GI NGO BO NYES PAS LTUNG BA DANG BCAS PA NYID CES BYA BA NI, GANG ZAG NI LTUNG BA DANG BCAS PA LA GLENG BA POS GLENG NAS DNGOS PO DANG PHYOGS DANG, BSAMS PA DANG, CHE BZHI DANG, KHAS BLANGS PA LA SOGS PA'I SGO NAS LTUNG BA RNAM PAR SHES PA NI LTUNG BA SDE LNGA GANG YANG RUNG BA DAG GIS DNGOS GZHI 'AM, SBYOR BA'AM SBYOR BA'I SBYOR BA ZHES BYA BA'I RANG GI NGO BO'I NYES PA LTUNG BA DANG BCAS PA NYID DO, ,RNAM PAR MI SHES PA NA RANG GI NGO BO'I NYES PAS LTUNG BA DANG BCAS PA NYID CES BYA BA NI GANG ZAG LTUNG BA DANG BCAS PA LA GLENG BA POS GLENG NAS LTUNG BA DRAN PA DGE 'DUN LA KHAS BLANGS NAS DE'I 'OG TU BRJED PAS DNGOS PO DANG, PHYOGS DANG, BSAM PA DANG, CHE BZHI DANG, KHAS BLANGS PA LA SOGS PA'I SGO NAS LTUNG BA RNAM PAR MI SHES PA NI, LTUNG BA SDE LNGA GANG YANG RUNG BA DAG GI DNGOS GZHI 'AM, SBYOR BA'AM, SBYOR BA'I SBYOR BA ZHES BYA BA'I RANG GI NGO BO'I NYES PA LTUNG BA DANG BCAS PA NYID DO, ,DE LTAR LTUNG BA DANG BCAS PA NYID DE NI 'KHRUG LONG GI RGYU GSUM PA YIN NO, ,DE LA 'KHRUG LONG GSUM PA LTUNG BA'I PHYIR RTZOD PA 'BYUNG STE, LTUNG BA'I

, ,PHYIR RTZOD PA ZHES BYA BA NI LTUNG BA DANG BCAS PA RNAM PAR SHES PA NI RANG GI NGO BO'I NYES PAS LTUNG BA DANG BCAS PA NYID DANG, RNAM PAR SHES PA NA RANG GI NGO BO'I NYES PAS LTUNG BA DANG BCAS PA NYID LA BRTEN TE, DGRA BOS MI MTHUN PAR SMRAS PA'I TSIG GI PHYIR SEMS GZHOL BA'I 'KHRUG LONG RNAM PAR SHES PA NA RANG GI NGO BO'I NYES PAS LTUNG BA DANG BCAS PA NYID LAS PHYIR 'PHROS PA MED PA'I NYES PA'I 'KHRUG LONG DANG, PHYIR 'PHROD PA DANG BCAS PA RNAM PA GNYIS PO NYI TSE BA'I 'KHRUG LONG DANG, DGE 'DUN MTHA' DAG DANG 'BREL PA'I 'KHRUG LONG LA SOGS PA'I 'KHOR DANG BCAS PA LTUNG BA'I RGYU LAS RTZOD PA KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PAS ZHI BAR BYA BA DANG, RNAM PAR MI SHES PA NA RANG GI NGO BO'I NYES PAS LTUNG BA DANG BCAS PA NYID LA SOGS PA DE'I NGO BO NYID TSOL BA DANG MTHUN PA SBYIN ZHING, SA GZHAN GNAS PA'I SPYOD PA SPYAD PAR BYA BA LA SOGS PA'I 'KHOR DANG BCAS PA LTUNG BA'I RGYUD LAS RTZOD PA DE'I NGO BO NYID TSOL DU GZHUG PAS NGES PAR 'DZIN PA LA SBYONG BA NYID SBYIN PAS ZHI BAR BYA BA GANG BYUNG BA STE, DE NI LTUNG BA'I PHYIR RTZOD PA ZHES BYA'O, ,DE LTAR NA 'KHRUG LONG GI RGYU GSUM PA LTUNG BA DANG BCAS PAS LTUNG BA NYID LAS 'KHRUG LONG GSUM PA LTUNG BA'I PHYIR RTZOD PA 'BYUNG BAR SHES PAR BYA'O, ,LAS LA MTHUN PA MI SBYIN PA JI LTA BU ZHE NA, LAS LA ZHES BYA BA NI GSOL BA LA SOGS PA'I LAS BRGYA RTZA GCIG PO GSO SBYONG DANG DGAG DBYE LA SOGS PA'I BDAG NYID KYI LAS DAG GO, ,DE LA MTHUN PA MI SBYIN PA NI RNAM PA GNYIS TE, 'DUS PAR RJES SU MA ZHUGS PA NYID DANG, PHYIR ZLOG PAR BYED PA NYID DO, ,DE LA 'DUS PAR RJES SU MA ZHUGS PA NYID NI DGE SLONG LAS DE'I MTSAMS KYI KHONGS SU GTOGS PA TSOGS KYI KHA SKONG BAR 'OS PA, LUS SAM 'DUN PAS DGE 'DUN 'DUS PA'I NANG DU RJES SU MA ZHUGS PA NYID KYIS MTHUN PA MI SBYIN PA'O, ,PHYIR BZLOG PAR BYA BA NYID NI DGE SLONG LAS DE'I MTSAMS KYI KHONGS SU GTOGS PA RANG BZHIN DU GNAS PA SPYOD LAM LAS MA NYAMS PA, NGAG YANG DAG PAR BSDAMS PA 'DUL BA'I BYA BA MNGON PAR SHES PA, ZHE 'GRAS PA MED PAS LAS GZHAN LA BYED PA CHOS DANG MI LDAN PA'I PHYIR BZLOG PA NYID

KYIS MTHUN PA MI SBYIN PA'O, ,DE LTAR GSOL BA LA SOGS PA'I LAS LA 'DUS PAR RJES SU MA ZHUGS PA NYID DANG PHYIR ZLOG PAR BYED PA NYID KYIS MTHUN PA MI SBYIN PA DE NI 'KHRUG LONG GI RGYU BZHI PA YIN NO, ,DE LA 'KHRUG LONG BZHI PA BYA BA'I PHYIR RTZOD PA 'BYUNG STE, BYA BA'I PHYIR RTZOD PA ZHES BYA BA NI GSOL BA LA SOGS PA'I LAS LA 'DUS PAR RJES SU MA ZHUGS PA NYID PHYIR ZLOG PAR BYED PA NYID KYIS MI MTHUN PA'I SBYIN PA DE LA BRTEN TE DGRA BOS MI MTHUN PAR SMRAS PA'I TSIG GI PHYIR, SEMS GZHOL BA'I 'KHRUG LONG 'THAB PA DANG, MTSANG 'DRU BA DANG, RTZOD PA 'GYED PA LA SOGS PA'I 'KHOR DANG BCAS PA BYA BA'I RGYU LAS RTZOD PA MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA BA GANG BYUNG BA DE DANG, GZHAN SPONG BA RGYU DANG BCAS PA LAS DGE SLONG LTUNG BA DANG BCAS PA LA DGE 'DUN GYIS GANG ZAG GLENG BA PO BSKO BA DANG, DES DE LA SKABS 'BYED DU GZHUG PA DANG, DUS DBEN PA'I MTHAR DRAN PA DANG SHES BZHIN GYIS GZHI DANG BCAS PAS GLENG PA DANG, YUL DANG DUS DANG GZHI GANG LAS LTUNG BA BYUNG BA'I SGO NAS DRAN PAR BYA BA DANG, SKABS MI 'BYED NA BRJOD PA DANG BCAS PA NYID DANG, MI GDAMS PA NYID DANG, GTAM 'DRE BA LA SOGS PA BZLOG PA DANG, GSO SBYONG GZHAG PA DANG, DGAG DBYE GZHAG PA DANG, PUR PA DANG BCAS PA NYID LA SOGS PA'I 'KHOR DANG BCAS PAR BYA BA'I RGYU LAS RTZOD PA MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA BA DANG ZHI BAR GZHAN SPONG BA RGYU MED PA LA DGE SLONG LTUNG BA MED PA LA GZHI MED PAS GLENG BA DANG, GZHAN RJES SU BSGRUB PA'I DBANG GIS GLENG BA DANG, PHYIR BCOS PA LA MI LTOS PAR GLENG BA DANG, SMYON PAS BYAS PAS GLENG BA LA SOGS PA'I 'KHOR DANG BCAS PA BYA BA'I RGYUD LAS RTZOD PA DRAN PAR 'DUL BA DANG, MA SMYOS PAS 'DUL BAS DAG PA SBYIN PAS ZHI BAR BYA BA GANG BYUNG BA DE DANG, LTUNG BA DANG BCAS PA RNAM PAR SHES PA NA RANG GI NGO BO'I NYES PAS LTUNG BA DANG BCAS PA NYID LAS PHYIR 'PHROS PA MED PA'I 'KHRUG LONG DANG, PHYIR 'PHROS PA DANG BCAS PA RNAM PA GNYIS PO NYI TSE BA'I 'KHRUG

, ,LONG DANG, DGE 'DUN MTHA' DAG DAG 'BREL PA'I 'KHRUG LONG LA SOGS PA 'KHOR DANG BCAS PA BYA BA'I RGYU LAS RTZOD PA KHAS BLANG PAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PAS ZHI BAR BYA BA GANG BYUNG BA DE DANG, RNAM PAR SHES PA NA RANG GI NGO BO'I NYES PAS LTUNG BA DANG BCAS PA NYID LAS, DE'I NGO BO NYID TSOL BA DANG, MTHUN PA SBYIN ZHING SA GZHAN NA GNAS PA'I SPYOD PA SPYAD PAR BYA BA LA SOGS PA'I 'KHOR DANG BCAS PA BYA BA'I RGYU LAS RTZOD PA, DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS ZHI BAR BYA BA GANG BYUNG BA STE, DE DAG NI BYA BA'I PHYIR RTZOD PA ZHES BYA'O, ,DE LTAR NA LAS LA MTHUN PA MI SBYIN PA LAS BYUNG BA'I 'KHRUG LONG BYA BA'I RTZOD PA 'DI NI 'GYED PA'I PHYIR RTZOD PA DANG, MI GDAMS PA'I PHYIR RTZOD PA DANG, LTUNG BA'I PHYIR RTZOD PA THAMS CAD NI YUL LA YANG RGYU DE DAG NYID KYI SGO BZHI NAS 'BYUNG BA ZHI BAR BYA BA'I CHOS BDUN PO THAMS CAD GONG DU BSTAN PA BZHIN CI RIGS PAR RGYUD GCIG TU BYA BA DANG, DAG PA SBYIN PA DANG, PHYIR BCOS PA DANG, NGES PAR 'DZIN PA LA SBYAR BA NYID SBYIN PA'I RIM GYIS LAS LA MTHUN PA SBYIN DU GZHUG PAS ZHI BAR BYA BA YIN TE, 'DIR GZHUNG NI ZHU BA LAS ZHI BA THAMS CAD NI BYA BA'I PHYIR RTZOD PAR 'JUG GO ZHES GSUNGS PA YIN NO; ,DE LTAR NA 'KHRUG LONG GI RGYU BZHI PA PA LAS LA MTHUN PA MI SBYIN PA LAS 'KHRUG LONG BZHI BAR BYA BA'I PHYIR RTZOD PA 'BYUNG BAR SHES PAR BYA'O, ,DE LTAR 'KHRUG LONG GI RGYU BZHI PA LAS BYUNG BA'I 'KHRUG LONG GI RTZOD PA BZHI PO DE DAG ZHI BAR BYA BA'I CHOS NI BDUN TE, MNGON SUM GYIS 'DUL BA DANG, DRAN PAS 'DUL BA DANG, MA SMYOS PAS 'DUL BA DANG, TSUL SHING MANG PO SBYIN PA DANG, DE'I NGO BO NYID TSOL DU GZHUG PA DANG, RTZVA BKRAM PA LTA BU DANG, KHAS BLANG BAR BYA'O, ,DE LA MNGON SUM GYIS 'DUL BA ZHES BYA BA NI GZU BO'I MDUN DU GLENG BAR BYA BA DANG, GLENG BA PO DANG, DE DAG GI RJES SU 'BRANG BA RNAMS KYI RGOL BA DANG, LAN GYI TSIG GAM MNGON SUM DU BYUNG BA GANG YIN PA DE 'DUL BAR 'OS PA MNGON SUM GYIS 'DUL BA SBYIN ZHING RGYUD GCIG TU BYA BAS RTZOD PA DE NI ZHI BAR GYUR PA'O, ,

DRAN PAS 'DUL BA ZHES BYA BA NI DGE SLONG DRAN PA DANG LDAN PA GANG LA GLENG BA'I KHA NA MA THO BA MED PA LA, DGE 'DUN GYIS GSOL BA DANG, BZHI'I LAS KYIS DRAN PAS 'DUL BA SBYIN ZHING DE BYIN NA DGE SLONG DE LA DGE SLONG GZHAN DAG GIS DRAN PA DANG LDAN PA NYID DU 'DZIN GYI LTUNG BA DANG BCAS PAR MI 'DZIN TE; DES 'DUL BAR 'OS PA LA DRAN PAS 'DUL BAR SBYIN ZHING DAG PA SBYIN PAS RTZOD PA DE ZHI BAR 'GYUR BA'O, ,MA SMYOS PAS 'DUL BA ZHES BYA BA NI DGE SLONG BA GANG LA GLENG BA'I KHA NA MA THO BA MED PA DE LA DGE 'DUN GYIS GSOL PA DANG BZHI'I LAS KYIS MA SMYOS PA'I 'DUL BA SBYIN ZHING; DE BYIN NAS DGE SLONG DE LA DGE SLONG GZHAN DAG GIS RANG BZHIN DU GNAS PA NYID DU, 'DI NI LTUNG BA DANG BCAS PAR MI 'DZIN TE, DES 'DUL BAR 'OS PA LA MA SMYOS PAR 'DUL BA SBYIN ZHING DAG PA SBYIN PAS RTZOD PA DE ZHI BAR 'GYUR BA'O, ,TSUL SHING MANG PO SBYIN PA ZHES BYA BA NI CHOS RNAM PAR GTAN LA DBAB PA LA SRID KYI, TSUL KHRIMS RNAM PAR GTAN LA DBAB PA NI MI SRID DE, CHOS DANG, 'DUL BA DANG, STON PA'I BSTAN PA'I CHOS RNAM PAR GTAN LA DBAB PA'I DNGOS PO'I DE BZHIN NYID LA LOG PAR SGRUB PA LAS BYUNG BA'I 'KHRUG LONG 'GYED PA'I PHYIR RTZOD PA MNGON SUM DU 'DUL BAS RGYUD GCIG TU BYA BAS ZHI BAR BYA BAR MA NUS PA NYID YIN ZHING RGOL BA DANG, PHYIR RGOL BA DAG GI RTZOD PA DE GCES PAR BZUNG BA NYID DANG, RAB TU DAM PA NYID DANG, MI BZAD PA NYID DANG, BSDAM PAR BYA BA MA YIN PA'I DON NYID YIN NA, DE LA DGE 'DUN BZHI POS TSUL SHING 'DRIM PA'I DGE SLONG BSKOS TE CHOS DANG CHOS MA YIN PA'I TSUL SHING MANG PO BRIM ZHING RGYU GANG MANG BA'I PHYOGS LA SKYO SDOGS MI BYA BAR DES 'DUL BAR 'OS PA LA TSUL SHING MANG PO SBYIN ZHING RGYUD GCIG TU BYAS RTZOD PA DE ZHI BAR 'GYUR BA'O, ,DE'I NGO BO NYID TSOL DU GZHUG PA ZHES BYA BA NI GANG ZAG LTUNG BA DANG BCAS PA LA GLENG BA POS GLENG NAS LTUNG BA DRAN PA DGE 'DUN LA KHAS BLANGS NA DE'I 'OG TU BRJED DE RNAM PAR MI SHES PA NA RANG GI NGO BO'I NYES PAS LTUNG BA DANG BCAS #PA DE LA, DGE 'DUN GYIS GSOL BA DANG BZHI'I LAS KYIS DE'I NGO BO NYID TSOL BA DANG MTHUN PA SBYIN ZHING

, ,SA GZHAN NA GNAS PA'I SPYOD PA DES, 'DUL BA DE'I NGO BO NYID TSOL DU GZHUG PAR 'OS PA LA DE'I NGO BO NYID TSOL DU GZHUG PA SBYIN ZHING NGES PAR 'DZIN PA LA SBYAR BA NYID YIN PAS RTZOD PA DE ZHI BAR 'GYUR BA'O, ,RTZVA BKRAM PA LTA BU ZHES BYA BA NI LTUNG BA'I PHYIR RTZOD PA'I 'KHRUG LONG DGE 'DUN MTHA' DAG DANG 'BREL PA GANG LA YANG DGE SLONG GI TSOGS GCIG KYANG MA LUS PAR DGE SLONG MTHA' DAG PHYOGS DANG GZHAN GYI PHYOGS SU RNAM PAR GNAS PAS 'KHRUG LONG DU GYUR NA, DE LA DGE 'DUN GYIS PHYOGS GNYI GA NAS DPER NA RTZVA BKRAM PA STE, MGO SPRAD PA LTA BUR SEMS BTUD DE, GZHI 'DI LAS KHYED LA LTUNG BA BYUNG BA GANG YIN PA DANG, KHO BO CAG LAS LTUNG BA BYUNG BA GANG YIN PA DE DAG TSE DANG LDAN PA DAG GI MDUN DU BSHAGS PA DANG, MI 'CHAB PAR KHO BO CAG SPRO'O ZHES BYA BA DANG, LTUNG BA'I MING DANG RIGS SMOS PAS GZHAN LA LTUNG BA'I NGO BO NYID SHES PA SNANG BAR BYA BA LA SOGS PAS BLO GCIG TU BYA BAR 'OS PA LA RTZVA BKRAM PA LTA BU SBYIN ZHING PHYIR BCOS PAS RTZOD PA DE ZHI BAR 'GYUR BA'O, ,KHAS BLANG PAR BYA BA ZHES BYA BA NI LTUNG BA'I PHYIR RTZOD PA DE ZHI BAR 'KHRUG LONG PHYIR 'PHROS PA MED PA GANG LA DGE SLONG PHYOGS DANG GZHAN GYI PHYOGS SU RNAM PAR GNAS PA DANG BRAL BA GLENG BAR BYA BA DANG, GLENG PA PO 'BA' ZHIG KHO NA LA 'KHRUG LONG YOD KYI GZHAN GANG LA YANG 'KHRUG LONG MED PAR GYUR NA, DE LA GLENG BA POS JI SKAD GLENGS PA DE GLENG BAR BYA BAS KHAS BLANG BAR 'OS PA LA KHAS BLANG BAR BYA ZHING PHYIR BCOS PAS RTZOD PA DE ZHI BAR 'GYUR BA'O, ,DE NI 'KHRUG LONG GI RGYU BZHI LAS BYUNG BA'O, ,'KHRUG LONG GI RTZOD PA BZHI PO DE DAG RTZOD PA ZHI BAR BYA BA'I CHOS BDUN PO DE LAS GANG DANG GANG DUS ZHI BAR BYA BA BSHAD PAR BYA STE DE LA 'KHRUG LONG GI RGYU DANG PO DNGOS PO'I DE BZHIN NYID LA LOG PAR SGRUB PA LAS BYUNG BA'I 'KHRUG LONG 'GYED PA'I PHYIR RTZOD PA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA'O, ,'KHRUG LONG GI RGYU GNYIS PA GDAMS NGAG LA SOGS PA RGYU 'JOG PAS GZHAN SPONG BA LAS BYUNG BA'I 'KHRUG LONG MI GDAMS PA'I PHYIR RTZOD PA NI MNGON

SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BA DE NYID DANG, DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR BYA BA'O, ,'KHRUG LONG GI RGYU GSUM PA LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA NI KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PA DANG, DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS ZHI BAR BYA'O, ,'KHRUG LONG GI RGYU BZHI PA LAS LA MTHUN PA MI SBYIN PA LAS BYUNG BA'I 'KHRUG LONG BYA BA'I PHYIR RTZOD PA NI RTZOD PA ZHI BAR BYA BA'I CHOS BDUN PO THAMS CAD KYIS SNGA MA BZHIN DU CI RIGS PAR RGYUD GCIG TU BYA BA DANG, DAG PA SBYIN PA DANG, PHYIR BCOS PA DANG, NGES PAR 'DZIN PA LA SBYAR BA NYID SBYIN PA'I RIM GYIS, LAS LA MTHUN PA SBYIN DU GZHUG PAS ZHI BAR BYA'O, ,DE LA DANG POR 'GYED PA'I PHYIR RTZOD PA NYE BAR ZHI BAR BYA BA BSHAD PAR BYA STE, 'KHRUG LONG GI RGYU DANG PO DNGOS PO'I DE BZHIN NYID LA LOG PAR BSGRUB PA LAS BYUNG BA'I 'KHRUG LONG 'GYED PA'I PHYIR RTZOD PA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR BYA'O ZHES GSUNGS PA LA, 'KHRUG LONG GI RGYU DANG PO DNGOS PO'I DE BZHIN NYID LA LOG PAR BSGRUBS PA LAS BYUNG BA'I 'KHRUG LONG 'GYED PA'I PHYIR RTZOD PA NI CHOS RNAM PAR GTAN LA DBAB PA DANG, TSUL KHRIMS RNAM PAR GTAN LA DBAB PA'I DNGOS PO'I DE BZHIN NYID LA LOG PAR BSGRUBS PA LAS BYUNG BA YANG YOD, CHOS RNAM PAR GTAN LA DBAB PA'I NYE TSE'I DNGOS PO'I DE BZHIN NYID LA LOG PAR BSGRUBS PA LAS BYUNG BA YANG YOD DE, SNGA MA NI MNGON SUM GYIS 'DUL BAS RGYUD GCIG TU BYA BAS ZHI BAR 'GYUR LA, PHYI MA NI TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR RO, ,DE LA CHOS RNAM PAR GTAN LA DBAB PA'I DNGOS PO'I DE BZHIN NYID LA LOG PAR BSGRUBS PA LAS BYUNG BA'I 'KHRUG LONG 'GYED PA'I PHYIR RTZOD PA MNGON SUM GYIS 'DUL BAS, RGYUD GCIG TU BYA BAS ZHI BAR 'GYUR BA NI, 'GYED PA'I PHYIR GNYIS RANG GIS MI NUS NA TSOGS PAR DBYUNG BA DAG GIS LEGS PAR BSGRUB PAS ZHI BAR BYA'O,,

, ,CHOS RNAM PAR GTAN LA DBAB PA NYI TSE'I DNGOS PO'I DE BZHIN NYID LA LOG PAR BSGRUBS PA LAS BYUNG BA'I 'KHRUG LONG 'GYED PA'I PHYIR RTZOD PA TSUL SHING MANG PO SBYIN PAS RGYUD GCIG TU BYA BAS ZHI BAR MA GYUR PA NI CHES MANG BA'I BLOS LEGS PAR GZHAG PA ZHES BYA BA'I LEGS PAR BSGRUB PA'I RNAM PA GZHAN GYIS ZHI BAR BYA BA'O, ,DE LA RE ZHIG CHOS RNAM PAR GTAN LA DBAB PA DANG, TSUL KHRIMS RNAM PAR GTAN LA DBAB PA'I DNGOS PO'I DE BZHIN NYID LA LOG PAR BSGRUBS PA LAS BYUNG BA'I 'KHRUG LONG 'GYED PA'I PHYIR RTZOD PA MNGON SUM GYIS 'DUL BAS RGYUD GCIG TU BYA BAS ZHI BAR BYA BA'I GO RIMS RNAM PAR GZHAG PA NI 'DI YIN TE, DGE 'DUN GYIS GNAS DER GZU BO DAG GTAN DU BSKO BA DANG, GZU BO DE DAG GIS DON LEGS PAR BSGRUB PA DANG, DE DAG GIS NYE BAR MA ZHI NA DGE 'DUN LA DBUL BA DANG, DGE 'DUN DES RTZOD PA DE NYE BAR ZHI BAR BYED MA NUS NA GSAL BA DAG BSKO BA DANG, SDE TSEN DES MA NUS NA RANG GIS GSAL BA'I YANG GSAL BA DAG BSKO BA DANG, DE DAG GIS MA NUS SHING GZHAN MI BYED NA GANG LAS BLANGS PA DE LA DBUL BA DANG, PHYIR 'ONGS NAS DGE 'DUN BZHI POS RTZOD PA SBED PA BSKO BA DANG, DE NAS GNAS BRTAN DANG BCAS, SO SOR THAR PA DANG BCAS PA'I DGE 'DUN LA SNGAR BYUNG BA BRJOD DE, DUS ZLA BA GSUM DU DBUL BA DANG, DES MA NUS NA DE PHYIR DBUL BA DANG, PHYIR PHUL NA MDO SDE DANG 'DUL BA DANG, MA MO 'DZIN PA DAG LA SNGAR BYUNG BA BRJOD DE, DUS ZLA BA DRUG DU DBUL BA DANG, DE DAG GIS MA NUS NA GNAS BRTAN MTHU DANG LDAN PA LA SNGAR BYUNG BA BRJOD DE, DUS THUG PA MED PAR DBUL BA'I RIM GYIS 'DUL BAS RGYUD GCIG TU BYA BAS 'GYED PA'I PHYIR RTZOD PA ZHI BAR BYA'O, ,DGE 'DUN GYIS GNAS DER GZU BO DAG RTAG TU BSKO BA'I GO RIMS RNAM PAR GZHAG PA NI 'DI LTAR BYA STE, GLENG PAR BYA BA DANG, GLENG BA PO'I GANG ZAG 'GYED PA GNYIS RANG GI RTZOD PA DE NYE BAR ZHI BAR BYED MI NUS PA NA, DGE 'DUN GYIS GNAS DER DGE SLONG GZU BO TSOGS PAR DBYUNG BA PHYOGS GNYI GA 'DRA BA 'THAB MO MI SKYED PA NGO TSA SHES SHING BSLAB PA 'DOD PA, 'DUL BA LA SHIN TU RNAM PAR NGES PA, RTZOD

PA BYUNG BA DPYOD PA LA MKHAS PA, RNAM PAR ZHEN PA BRTAN ZHING NYES RTZOM MED PAR 'JUG PA SNYOMS PAR BRDA SPROD PA, BRDA SPROD PAR BYED PA, MKHAS PA CHOS NYI SHU RTZA GNYIS DANG LDAN PA GCIG YAN CHAD DANG POR SPRO BAR BYA STE, GSOL BA DANG GNYIS KYI LAS KYIS BSKO ZHING DGE 'DUN GYI GNAS DER GZU BO DE DAG GTAN DU DGE 'DUN GYI RTZOD PA BYUNG NGO COG RNAM PAR ZHI BAR BYA BA'I PHYIR BSKO BAR BYA'I RTZOD PA GCIG GI PHYIR 'PHRAL LA BSKO BAR BYA BA NI MA YIN NO, ,CHOS NYI SHU RTZA GNYIS GANG ZHE NA, MA MO LAS DGE SLONG CHOS NYI SHU RTZA GNYIS DANG LDAN PA BSKO BAR BYA STE, NYI SHU RTZA GNYIS GANG ZHE NA; CI TSE DANG LDAN PA DE TSUL KHRIMS DANG LDAN ZHING DANG PO NAS PHUN SUM TSOGS PA DANG, NGO TSA SHES SHING 'GYOD PA DANG LDAN PA LA BSDAMS PA DANG, BSLAB PAR 'DOD PA LA BSDAMS PA DANG, 'DUL BA SHIN TU RNAM PAR NGES SHING THOS PA 'DZIN LA THOS PA BSAGS PA DANG, LUNG NOD PA DANG RTZOD PA LA MKHAS PA DANG, RTZOD PA KUN NAS SLONG BA LA MKHAS PA DANG, RTZOD PA'I BYE BRAG LA MKHAS PA DANG, RTZOD PA 'GOG PA LA MKHAS PA DANG, RTZOD PA 'GAGS NAS PHYIR MI 'BYUNG BA LA MKHAS PA DANG, BSTAN BCOS LA MKHAS PA DANG, GZHI LHAG PAR SPYOD PA LA MKHAS SHING NYES RTZOM MED PAR SMRA BA DANG, NYES RTZAM BYED DU MI 'JUG PA DANG, LUS DANG NGAG GIS MI 'JUG PA DANG, SMRA BAR BYED CING SMRAS PA BRDA PHRAD PAR BYED PA DANG, GO BAR BYED CING GO BAS BRDA SPROD PAR BYED PA DANG, RNAM PAR RIG PAR BYED CING RNAM PAR RIG PAS BRDA PHRAD PAR BYED PA DANG, NGES PAR RTOGS PAR BYED CING NGES PAR RTOGS PAS BRDA PHRAD PAR BYED PA DANG, 'DUN PAS 'GRO BA MA YIN PA DANG, ZHE SDANG GIS 'GRO BA MA YIN PA DANG, GTI MUG GIS 'GRO BA MA YIN PA DANG, 'JIGS PAS 'GRO BA MA YIN PA STE, GZU BO CHOS NYI SHU RTZA GNYIS DANG LDAN PA NI CHOS KYI LONGS SPYOD DAM, ZANG ZING GI LONGS SPYOD KYIS PHYOGS GNYI GA LA MI BRTEN PA YIN NO ZHES GSUNGS PA YIN NO, ,DGE 'DUN GYIS DE DANG POR SPRO BAR BYA ZHING, GSOL BA DANG GNYIS KYI LAS KYIS BSKO BA'I CHO GA DANG LAS NI 'DI LTAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I

, ,TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA, JE DANG POR SPRO BAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,'DI'I SNGAGS NI 'DI YIN TE, MING 'DI ZHES BGYI BA KHYAD DGE 'DUN LA RTZOD PA BYUNG BA RNAMS MNGON SUM GYIS 'DUL BAS RNAM PAR ZHI BAR BYED PAR SPRO 'AM, SPRO'O, ,DGE 'DUN BTZUN PA RNAMS GSAN DU GSOL, GZU BO MING 'DI ZHES BGYI BA 'DI DGE 'DUN LA RTZOD PA BYUNG BA RNAMS MNGON SUM GYIS 'DUL BAS RNAM PAR ZHI BAR BGYID PAR SPRO NA, GAL TE DGE 'DUN GYI DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS MING 'DI ZHES BGYI BA 'DI RTZOD PA ZHI BAR BGYI BAR BSKO BAR BGYI STE, GZU BO MING 'DI ZHES BGYI BA 'DI DGE 'DUN LA RTZOD PA BYUNG BA RNAMS, MNGON SUM GYIS 'DUL BAS RTZOD PA RNAM PAR ZHI BAR BGYID DO,, 'DI NI GSOL BA'O, ,DGE 'DUN BTZUN PA RNAMS GSAN DU GSOL, GZU BO MING 'DI ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID PAR SPRO STE, DE'I SLAD DU DGE 'DUN GYIS GZU BO MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKO NA, TSE DANG LDAN PA GANG DAG GZU BO MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKO BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS, DGE 'DUN GYIS GZU BO MING 'DI ZHES BGYI BA 'DI RTZOD PA RNAM PAR ZHI BAR BGYID PAR, BSKOS LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE'I 'OG TU GZU BO DE DAG GIS DON DE LEGS PAR BSGRUB PA'I GO RIMS RNAM PAR BZHAG PA NI 'DI LTAR BYA STE, 'GYED PA GNYIS CHOS RNAM PAR GTAN LA DBAB PA DANG, TSUL KHRIMS RNAM PAR GTAN LA DBAB PA'I DNGOS PO'I DE BZHIN NYID LA LOG PAR SGRUB PA DANG, DNGOS PO'I RNAM PAR DPYOD PA LAS BYUNG BA'I 'KHRUG LONG 'GYED PA'I PHYIR RTZOD PA DE LA, GZU BO DE DAG GIS CHEN PO BSTAN PA DANG, NAG PO BSTAN PA DANG MDO SDE'I TSUL GYIS GANG MDO SDE LA 'JUG PA DANG 'DUL BA LA SNANG BA DANG, CHOS NYID

DANG MI 'GAL BA DE NI CHEN PO BSTAN PA DANG MTHUN PAS YANG DAG PA'I DE BZHIN NYID YIN NO, ,GANG MDO SDE LA MI 'JUG PA DANG, 'DUL BA LA MI SNANG BA DANG, CHOS NYID DANG 'GAL BA LA DE NI NAG PO BSTAN PA DANG MTHUN PAS LOG PA'I DE BZHIN NYID YIN NO ZHES CHOS RNAM PAR GTAN LA DBAB PA RNAM PAR NGES PAR BYA BA DANG, BSLAB PA BCAS PA DANG, LTUNG BA RNAM PAR GZHAG PA BSTAN PA 'DUL BA'I TSUL GYI YUL DANG, GANG ZAG DANG NYON MONGS PA DANG, NYES PA'I GZHI'I BYE BRAG GIS BSLAB PA BCAS PA DANG, RJES SU BCAS PA DANG, BCAS PA LAS GNANG BA DANG, GNANG BA LAS BKAG PA DANG, RANG BZHIN GYI KHA NA MA THO BA DANG BCAS PA BKAG PA DANG, GNANG BA'I LTUNG BA SDE LNGA BSAM PA DANG SBYOR BA'I SGO NAS RNAM PAR GZHAG PA'I DNGOS GZHI DANG, SBYOR BA DANG SBYOR BA'I SBYOR BA'I LTUNG BA DANG BCAS PA'I 'JIG RTEN DANG MI 'GAL BA DANG, 'DUL BA DANG MI 'GAL BAR BSGRUB PA LA TSUL KHRIMS NYAMS PA DANG, LTA BA NYAMS PA DANG, CHO GA NYAMS PA DANG, 'TSO BA NYAMS PA DANG, LTUNG BA DANG LTUNG BA MED PA DANG, BSLAB PAR BYA BAS PHYIR BCOS PA GANG YIN ZHE NA, TSUL KHRIMS RNAM PAR GTAN LA DBAB PA DANG, RNAM PAR NGES PAR BYA BA DANG, GZU BOS MDUN DU GLENG BAR BYA BA DANG, GLENG BA PO DANG, DE DAG GI RJES SU 'BRANG BA RNAMS KYI RGOL BA DANG, LAN GYI TSIG DAG MNGON SUM DU BYUNG BA GANG YIN PA DES 'DUL BAR 'OS PA LA MNGON SUM GYIS 'DUL BA SBYIN ZHING, RGYUD GCIG TU BYA BAS 'GYED PA'I PHYIR RTZOD PA'I DON DE LEGS PAR BSGRUB CING MTHA' GCIG TU NGES PAR BYA BAS NGES PAR ZHI BAR BYA'O, ,RGYUD GCIG TU BYA BA ZHES BYA BA NI NGES PAR RTOGS PAR BYA BA STE, CHOS DANG TSUL KHRIMS KYI DNGOS PO GANG LA NGES PAR RTOGS PA GCIG YOD PA'I DNGOS PO'I RGYUD GANG YIN PA DE MTHA' GCIG TU NGES PAR BYA BA NI RGYUD GCIG TU BYA BA ZHES BYA'O, ,'DI LTAR DNGOS PO'I DE BZHIN NYID LA LOG PAR SGRUB PA NI THE TSOM ZHES BYA'O, ,THE TSOM NI NGES PAR BSKYED PAS LDOG PAS, DES NA MNGON SUM GYIS 'DUL BAR 'OS PA LA, MNGON SUM GYIS 'DUL BA SBYIN PAS RGYUD GCIG TU BYAS NA CHOS DANG TSUL KHRIMS KYI DNGOS PO'I DE BZHIN NYID LA LOG PAR SGRUB PA LAS BYUNG BA'I 'KHRUG LONG 'GYED PA'I PHYIR RTZOD PA

, ,DE ZHI BAR 'GYUR RO, ,DE'I 'OG TU DE DAG GIS NYE BAR MA ZHI NA DGE 'DUN LA DBUL BA'I GO RIMS BZHIN DU RNAM PAR GZHAG PA NI 'DI LTAR BYA STE, GZU BO DE DAG GIS RTZOD PA DE NYE BAR MA ZHI NA MTSAMS DE'I DGE 'DUN NYID LA BDAG CAG GIS RTZOD PA DE MNGON SUM GYIS 'DUL BA SBYIN ZHING RGYUD GCIG TU BYA BAS NYE BAR ZHI BA MA NUS KYIS, DGE 'DUN GYIS CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DANG, LTUNG BA RNAM PAR GZHAG PA JI LTA BAS GLENG BAR BYA BA DANG, GLENG BA PO DANG, DE DAG GI RJES SU 'BRANG BA RNAMS KYIS RGOL PA DANG, LAN GYI TSIG DAG MNGON DU BYA BA GANG YIN PA DES 'DUL BAR 'OS PA LA MNGON SUM GYIS 'DUL BA SBYIN ZHING RGYUD GCIG TU BYA BAS RTZOD PA DE ZHI BAR MDZOD CIG CES DBUL BAR BYA'O, ,DE'I 'OG TU DGE 'DUN DES RTZOD PA NYE BAR ZHI BAR BYED MA NUS NA, GSOL BA DAG BSKO BA'I GO RIMS RNAM PAR GZHAG PA NI 'DI LTAR BYA STE, DGE 'DUN GYIS DE'I RTZOD PA DE NYE BAR ZHI BAR BYED MA NUS NA, DGE SLONG GZU BO SNGA MA DAG PAS GSAL BA'I DGE SLONG GI DGE 'DUN GYI TSAD LAS MI NYUNG BA DAG DANG POR SPRO BAR BYA STE, GSOL BA DANG GNYIS KYI LAS KYIS BSKO ZHING, DE DAG GI RTZOD PA DE NYE BAR ZHI BAR BYA'O; ,DGE 'DUN GYIS DE DAG DANG POR SPRO BAR BYA ZHING GSOL BA DANG GNYIS KYI LAS KYIS BSKO BA'I CHO GA DANG, LAS NI 'DI LTAR BYA STE GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS, DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA, JE DANG POR SPRO BAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, MING 'DI ZHES BYA BA KHYOD DGE 'DUN LA RTZOD PA BYUNG BA RNAM PAR ZHI BAR BYED PA SPRO'AM, SPRO'O, ,DGE 'DUN BTZUN PA RNAMS GSAN DU GSOL, DGE SLONG GSAL BA MING 'DI ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID PAR SPRO NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS MING 'DI ZHES BGYI BA 'DI GSAL BAR BSKO BAR BGYI STE, GSAL BA MING 'DI

ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID DO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, GSAL BA MING 'DI ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID PAR SPRO STE, DE'I SLAD DU DGE 'DUN GYIS MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKO NA, TSE DANG LDAN PA GANG DAG GSAL BA MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKO BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS, DGE 'DUN GYI GSAL BA MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKOS LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,ZHES GSUNGS PA YIN NO, ,DE'I 'OG TU SDE TSAN DES MA NUS NA RANG GI GSAL BA'I YANG GSAL BA DAG BSKO BA'I GO RIMS RNAM PAR GZHAG PA NI 'DI LTAR BYA STE, GZU BO'I SDE TSAN GANG YANG RUNG BA DES RTZOD PA DE NYE BAR ZHI BAR MA NUS NA, GZU BO RNAMS SAM, DGE 'DUN RANG GIS DGE SLONG GSAL BA SNGA MA BZHIN DAG PAS KYANG CHES GSAL BA'I DGE SLONG GSAL BA'I YANG GSAL BA DAG DANG POR SPRO BAR BYA STE, GSOL BA DANG GNYIS KYI LAS KYIS BSKO ZHING DE DAG GIS RTZOD PA DE NYE BAR ZHI BAR BYA'O, ,GZU BO RNAMS RANG GIS SAM, DGE 'DUN GYIS DE DAG DANG POR SPO BAR BYA STE, GSOL BA DANG GNYIS KYI LAS KYIS BSKO BA'I CHO GA DANG, LAS NI 'DI LTAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSKO NA, DGE 'DUN THAMS CAD 'DUG CING MTHUN PAR GYUR PA NA, JE DANG POR SPRO BAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, MING 'DI ZHES BYA BA KHYOD DGE 'DUN LA RTZOD PA BYUNG BA RNAM PAR ZHI BAR BYED PA KHYOD SPRO'AM, SPRO'O, ,DGE 'DUN BTZUN PA RNAMS GSAN DU GSOL, DGE SLONG GSAL BA'I YANG GSAL BA MING 'DI ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID PAR SPRO NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS MING 'DI ZHES BGYI BA 'DI GSAL BA'I YANG GSAL BAR

, ,BSKO BAR BGYI STE, GSAL BA'I YANG GSAL BA MING 'DI ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID DO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, ,GSAL BA'I YANG GSAL BA MING 'DI ZHES BGYI BA 'DI DGE 'DUN LA RTZOD PA BYUNG BA RNAM PAR ZHI BAR BGYID PAR SPRO STE, DE'I SLAD DU DGE 'DUN GYIS MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKO NA, TSE DANG LDAN PA GANG DAG GSAL BA'I YANG GSAL BA MING 'DI ZHES BGYI BA 'DI RTZOD PA RNAM PAR ZHI BAR BGYID PAR BSKO BAR BZOD PA DE DEG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS, DGE 'DUN GYIS GSAL BA'I YANG GSAL BA MING 'DI ZHES BGYI BA 'DI RTZOD PA RNAM PAR ZHI PAR BGYID PAR BSKOS LAGS TE, 'DI LTAR CANG MI GSUNG BAS DE DA BZHIN DU 'DZIN TO ZHES GSUNGS PA YIN NO, ,DE'I 'OG TU DE DAG GIS MA NUS SHING GZHAN MI BYED NA GANG LAS BLANGS PA DE LA DBUL BA'I GO RIMS BZHIN RNAM PAR GZHAG PA NI 'DI LTAR BYA STE, GSAL BA DANG GSAL BA'I YANG GSAL BA GANG DAG YIN PA DE DAG GIS RTZOD PA DE NYE BAR ZHI BAR BYED MA NUS SHING RANG GI SDE TSAN LAS, SDE TSAN GZHAN BSKO BAR YANG MI BYED NA, DE'I TSE DANG PO RTZOD PA DE GANG LAS BLANGS PA DE NYID LAS PHYIR DBUL BAR BYA STE, GSAL BA'I YANG GSAL BA DAG GIS NI GZU BO DAG GAM DGE 'DUN LA DBUL LO, ,GZU BO DAG GIS NI RGOL BA DANG PHYIR RGOL BA DAG LA DBUL LO, ,DE DAG GIS NI DGE 'DUN LA DBUL TE, BDAG CAG LA KHYED KYIS GTAD PA NI RTZOD PA 'DI BDAG CAG GIS MNGON SUM GYIS 'DUL BA SBYIN ZHING RGYUD GCIG TU BYA BAS ZHI BAR BYED MA NUS KYIS, KHYED NYID LA PHYIR DBUL LO ZHES PHYIR KHUNGS KHUNGS SU PHUL NAS, DGE 'DUN BZHI POS NYAMS SU BLANG BAR BYA STE, DE'I 'OG TU PHYIR 'ONGS NAS, DGE 'DUN BZHI POS RTZOD PA DE SBED PA BSKO BA'I GO RIMS RNAM PAR GZHAG PA NI 'DI LTAR BYA STE, GSAL BA'I YANG GSAL BA DAG LAS RTZOD PA DE PHYIR 'ONGS NA, DGE 'DUN BZHI POS RTZOD PA ZHI BAR MA NUS PA DE MTSAMS GZHAN GYI DGE 'DUN LA ZHI BAR BYA BAR BCOL BA'I PHYIR RTZOD PA MTSAMS GZHAN DU SBED PA'I DGE SLONG DANG POR SPRO BAR BYA STE, GSOL BA DANG GNYIS KYI LAS KYIS

BSKO BAR BYA'O, ,DGE 'DUN BZHI POS DGE SLONG RTZOD PA SBED PA DANG POR SPRO BAR BYA BA STE, GSOL BA DANG GNYIS KYI LAS KYIS BSKO BA'I CHO GA DANG LAS NI 'DI LTAR BYA STE, GNAS MAL BSHAM PA BYAS NAS, GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA, JE DANG POR SPRO BAR BYA STE, DE'I 'OG TU DGE SLONG GCIG GIS GSOL BA BYA STE LAS BYA'O, ,DE'I SNGAGS NI 'DI YIN TE, MING 'DI ZHES BYA BA KHYOD DGE 'DUN GYI RTZOD PA SBED PAR SPRO 'AM, SPRO'O, ,'DUL BA DANG MA MO 'DZIN PA DAG LA SNGAR BYUNG BA BRJOD DE, DUS ZLA BA DRUG TU DBUL BA'I GO RIMS RNAM PAR GZHAG PA NI 'DI LTAR BYA STE, MTSAMS GZHAN GYI DGE 'DUN GNAS BRTAN DANG BCAS, SO SOR THAR PA DANG BCAS PAS RTZOD PA DE RNAM PAR ZHI BAR BYED MA NUS TE, RTZOD PA SBED PA'I DGE SLONG DE NYID LA PHUL BA NA, RTZOD PA SBED PA'I DGE SLONG DES, MTSAMS SNGA MA'I DGE 'DUN BZHI PO'I DGE SLONG MDO SDE DANG, 'DUL BA DANG, MA MO 'DZIN PA DAG LA RTZOD PA DE SNGAR JI LTAR BYUNG BA'I LO RGYUS BRJOD DE, DUS ZLA BA DRUG CHUN CHAD KYIS KHYOD KYIS RTZOD PA 'DI RNAM PAR ZHI BAR MDZAD DU GSOL ZHES SNGAGS KYI TSIG LHAN CIG BRJOD PAS DBUL BAR BYA'O, ,DE'I SNGAGS NI 'DI YIN TE, TSE DANG LDAN PA MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DAG GSAN DU GSOL, RTZOD PA 'DI NI GNAS CHE GE MO ZHES BGYI BAR, GANG ZAG CHE GE MO DANG, MING CHE GE MO ZHES BGYI BA LAS GZHI 'DI'I SLANG DU BYUNG NAS YUN 'DI SRID CIG LAGS TE, RTZOD PA 'DI GZU BO RNAMS LA PHUL NA GZU BO RNAMS KYIS KYANG RNAM PAR ZHI BAR BGYID RNGO MA THOGS TE, DE DAG GIS DGE 'DUN LA PHUL NAS, DGE 'DUN GYIS KYANG RNAM PAR ZHI BAR BGYID RNGO MA THOGS TE, DGE 'DUN GYIS DGE SLONG GSAL BA DAG BSKOS NA, DGE SLONG GSAL BA RNAMS KYIS KYANG RNAM PAR ZHI BAR BGYID RNGO MA THOGS TE, DE DAG GIS DGE SLONG GSAL BA'I YANG GSAL BA DAG BSKOS NA, DGE SLONG GSAL BA'I YANG GSAL BA DAG GIS KYANG RNAM PAR ZHI BAR BGYID RNGO MA THOGS TE, DE DAG GIS GSAL BA RNAMS LA PHUL BA LAS GSAL BA RNAMS KYIS DGE 'DUN LA PHUL NAS, DGE 'DUN GYIS BDAG DGE SLONG MING 'DI ZHES BGYI BA RTZOD PA SBED

, ,PAR BSKOS TE, BDAG RTZOD PA SBED PA DGE SLONG MING 'DI ZHES BGYI BAS RTZOD PA 'DI GNAS BRTAN DANG BCAS SO SOR THAR PA DANG BCAS PA'I DGE 'DUN LA ZLA BA GSUM GYI MTHA' TSUN CHAD DU PHUL NA, GNAS BRTAN DANG BCAS, SO SOR THAR PA DANG BCAS PA'I DGE 'DUN GYIS KYANG RNAM PAR ZHI BAR BGYID RNGO MA THOGS TE, DES KYANG BDAG RTZOD PA SBED PA MING 'DI ZHES BGYI BA LA STZAL NAS, BDAG RTZOD PA SBED PA MING 'DI ZHES BGYI BAS RTZOD PA 'DI MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS LA DBUL LO, ,MDO SDE 'DZIN PA DANG, 'DUL BA 'DZIN PA DANG, MA MO 'DZIN PA RNAMS KYIS RTZOD PA NI ZLA BA DRUG GI MTHA' TSUN CHAD KYI RNAM PAR ZHI BAR MDZAD DU GSOL ZHAS GSUNGS PA YIN NO, ,DE'I 'OG TU DE DAG GIS MA NUS NA GNAS BRTAN MTHU DANG LDAN PA LA SNGAR BYUNG BA BRJOD DO, ,DUS THUG PA MED PAR DBUL BA'I GO RIMS RNAM PAR GZHAG PA NI 'DI LTAR BYA STE, DGE SLONG MDO SDE DANG, 'DUL BA DANG, MA MO 'DZIN PA 'DI DAG GIS RTZOD PA DE RNAM PAR ZHI BAR BYED MA NUS NA DE DAG GIS GNAS BRTAN GRAGS PA BAS KYANG CHES GRAGS PA, DE'I GTZO BO BAS KYANG CHES GTZO BO GANG YIN PA DE LA RTZOD PA DE SNGAR JI LTAR BYUNG BA'I LO RGYUS BRJOD DE, DUS NI GNAS DE LAS GZHAN NA MED PA'I PHYIR THUG PA MED PA LA BRTEN TE, SNGAGS KYI TSIG LAN CIG BRJOD PAS DBUL BAR BYA'O, ,DE'I SNGAGS NI 'DI YIN TE, GNAS BRTAN GSAN DU GSOL, RTZOD PA 'DI GNAS CHE GE MO ZHES BGYI BAR, GANG ZAG CHE GE MO ZHES BGYI BA DANG, MING CHE GE MO ZHES BGYI BA LAS GZHI 'DI'I SLAD DU BYUNG NAS YUN JI SRID CIG LAGS TE, RTZOD PA 'DI GZU BO RNAMS LA PHUL NA, GZU BO RNAMS KYIS KYANG RNAM PAR ZHI BAR BGYID RNGO MA THOGS TE, DE DAG GIS DGE 'DUN LA PHUL NAS DGE 'DUN GYIS KYANG RNAM PAR ZHI BAR BGYID PAR RNGO MA THOGS TE, DGE 'DUN GYIS DGE SLONG GSAL BA DAG BSKOS NA DGE SLONG GSAL BA RNAMS KYIS KYANG RNAM PAR ZHI BAR BGYID RNGO MA THOGS TE, DE DAG GIS DGE SLONG GSAL BA'I YANG GSAL BA DAG BSKOS NAS, DGE SLONG GSAL BA'I YANG GSAL BA DE DAG GIS KYANG RNAM PAR ZHI BAR BGYID RNGO MA THOGS TE, DGE 'DUN GYIS DGE 'DUN BTZUN PA RNAMS GSAN DU GSOL, DGE SLONG MING 'DI ZHES BGYI BA 'DI, DGE 'DUN GYI

RTZOD PA SBED PAR SPRO NA, GAL TE DGE 'DUN GYI DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS MING 'DI ZHES BGYI BA 'DI RTZOD PA SBED PAR BSKO BAR BGYID DE, RTZOD PA SBED PA MING 'DI ZHES BYA BA 'DI DGE 'DUN LA RTZOD PA SBED DO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, DGE SLONG MING 'DI ZHES BGYI BA 'DI DGE 'DUN GYI RTZOD PA SBED PAR SPRO STE, DE'I SLAD DU DGE 'DUN GYIS MING 'DI ZHES BGYI BA 'DI RTZOD PA SBED PAR BSKO NA, TSE DANG LDAN PA GANG DAG MING 'DI ZHES BGYI BA 'DI RTZOD PA SBED PAR BSKO BAR BZOD PA DE DAG NI CANG MA GSUNG SHIG, GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS, DGE 'DUN GYIS MING 'DI ZHES BGYI BA 'DI RTZOD PA SBED PAR BSKOS LAGS TE, 'DI LTAR CANG MI GSUNGS BAS DE DE BZHIN DU 'DZIN TO ZHES GSUNGS PA YIN NO, ,DE'I 'OG TU DES GNAS BRTAN DANG BCAS, SO SOR THAR PA DANG BCAS PA'I DGE 'DUN LA SNGAR BYUNG BA BRJOD DE, DUS ZLA BA GSUM DU DBUL BA'I GO RIMS RNAM PAR GZHAG PA NI 'DI LTAR BYA STE, RTZOD PA SBED PA DES RTZOD PA'I GZHI KHYER TE, MTSAMS GZHAN GYI DGE 'DUN GNAS BRTAN DANG BCAS, SO SOR THAR PA DANG BCAS PA'I GNAS SU SONG STE, RTZOD PA DE SNGAR JI LTAR BYUNG BA'I LO RGYUS BRJOD DE, DUS ZLA BA GSUM TSUN CHAD KYIS KHYED KYIS RTZOD PA 'DI RNAM PAR ZHI BAR MDZAD DU GSOL ZHES DBUL BAR BYA'O, ,RTZOD PA SBED PA DES RTZOD PA DE DER DBUL BA'I CHO GA NI 'DI YIN TE, DES DER GNAS MAL BSHAM PA BYAS NAS GAnd'I BRDUNGS TE, DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA DES MCHIL LHAM GNYIS PHUD DE, RGAN PA'I MTHA' LOGS SU PHYAG 'TSAL NAS, TZOG TZOG POR 'DUG STE THAL MO SBYAR BA NAS SNGAGS KYI TSIG LAN CIG BRJOD PAS DBUL BAR BYA'O, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, RTZOD PA 'DI GNAS CHE GE MO ZHES BGYI BA DANG, GANG ZAG CHE GE MO ZHES BGYI BA DANG, MING CHE GE MO ZHES BGYI BA LAS GZHI 'DI'I SLAD DU BYUNG NAS YUN 'DI SRID CIG LAGS TE, RTZOD PA 'DI GZU BO RNAMS LA PHUL NAS, GZU BO RNAMS KYIS KYANG RNAM PAR ZHI

, ,BAR BGYID RNGO MA THOGS TE, DE DAG GIS PHUL NAS, DGE 'DUN GYIS KYANG RNAM PAR ZHI BAR RNGO MA THOGS TE, DGE 'DUN GYIS DGE SLONG GSAL BDAG BSKOS NA, DGE SLONG GSAL BA RNAMS KYIS KYANG RNAM PAR ZHI BAR BGYID RNGO MA THOGS TE, DE DAG GIS KYANG DGE SLONG GSAL BA'I YANG GSAL BA DAG BSKOS NA DGE SLONG GSAL BA'I YANG GSAL BA DE DAG GIS KYANG RNAM PAR ZHI BAR BGYID RNGO MA THOGS TE, DE DAG GIS GSAL BA RNAMS LA PHUL BA LAS GSAL BA RNAMS KYIS DGE 'DUN LA PHUL NAS DGE 'DUN GYIS BDAG DGE SLONG MING 'DI ZHES BGYI BA RTZOD PA SBED PAR BSKOS TE, BDAG RTZOD PA SBED PAR DGE SLONG MING 'DI ZHES BGYI BAS; RTZOD PA 'DI GNAS BRTAN DANG BCAS, SO SOR THAR BA DANG BCAS PA'I DGE 'DUN LA DBUL LO, ,DGE 'DUN BTZUN PA RNAMS KYIS RTZOD PA 'DI ZLA BA GSUM GYI MTHA' TSUN CHAD KYIS RNAM PAR ZHI BAR MDZAD DU GSOL ZHES GSUNGS PA YIN NO, ,DE'I 'OG TU DES MA NUS NA, DE LA PHYIR DBUL BA'I GO RIMS RNAM PAR GZHAG PA NI 'DI LTAR BYA STE, MTSAMS GZHAN GYI DGE 'DUN GNAS BRTAN DANG BCAS PA DES RTZOD PA DE RNAM PAR ZHI BAR MA NUS NA, RTZOD PA SBED PA'I DGE SLONG DE LA PHYIR DBUL BAR BYA STE, DGE 'DUN BZHI POS RTZOD PA BDAG CAG LA SPOS PA 'DI BDAG CAG GIS MNGON SUM GYIS 'DUL BA SBYIN ZHING RGYUD GCIG TU BYA BAS ZHI BAR MA NUS KYIS KHYED NYID LA PHYIR DBUL LO ZHES BYA BA'I TSIG GIS DBUL BAR BYA'O,, ,,SO SOR THAR PA'I MDO'I GZHUNG 'GREL, BAM PO NYI SHU DRUG PA, DE'I 'OG TU PHYIR PHUL BA NA, DES MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DANG; DGE SLONG GSAL BA RNAMS LA PHUL BA LAS, GSAL BA RNAMS KYIS DGE 'DUN LA PHUL NAS, DGE 'DUN GYIS BDAG DGE SLONG MING 'DI ZHES BGYI BA RTZOD PA SBED PAR BSKOS TE, BDAG RTZOD PA SBED PAR DGE SLONG MING 'DI ZHES BGYI BAS RTZOD PA 'DI GNAS BRTAN DANG BCAS PA, SO SOR THAR PA DANG BCAS PA'I DGE 'DUN LA ZLA BA GSUM GYI MTHA' TSUN CHAD DU PHUL NA, DES KYANG RNAM PAR ZHI BAR BGYID RNGO MA THOGS TE, DES BDAG RTZOD PA SBED PA MING 'DI ZHES BGYI BAL STZAL NAS, BDAG RTZOD PA SBED PA MING 'DI ZHES BGYI BAS RTZOD PA 'DI MDO SDE 'DZIN PA DANG, 'DUL BA 'DZIN PA DANG, MA MO 'DZIN PA

BA RNAMS LA ZLA BA DRUG GI MTHA' TSUN CHAD DU PHUL NAS, DE DAG GIS KYANG RNAM PAR ZHI BAR BGYID RNGO MA THOGS NAS, DE DAG GIS KYANG BDAG RTZOD PA SBED PA MING 'DI ZHES BGYI BA LA STZAL TE, BDAG RTZOD PA SBED PA MING 'DI ZHES BGYI BAS RTZOD PA 'DI GNAS BRTAN LA DBUL LO, ,GNAS BRTAN GYIS RTZOD PA 'DI THUG PA MA MCHIS PA TSUN CHAD KYI RNAM PAR ZHI BAR MDZAD DU GSOL ZHES GSUNGS PA YIN NO, ,GNAS BRTAN DES GDUL BAR BYA BA DE NYID LA JI LTAR BSGRUB PAR BYA ZHE NA, DES DE GNYIS LA JI LTAR BDAG GIR BYA BA THA NA 'DAG RDZAS DANG SO SHING YAN CHAD CUNG ZAD KYANG SPANG BAR BYA'O, ,LHAN CIG 'GRENG BA DANG, 'DUG BA DANG, LHAN CIG 'CHAGS SAR 'CHAG PA DANG, GTAM 'DRE BA DANG, PHEBS PAR SMRA BA YANG SPANG BAR BYA'O, ,RJES SU 'BRANG NA DE DAG LA 'DI SKAD CES TSE DANG LDAN PA KHYED CAG LEGS PAR GSUNGS PA'I CHOS 'DUL BA LA RAB TU BYUNG NA 'THAB PAR GYUR, MTSANG 'DRU BAR GYUR RTZOD PAR GYUR, 'GYED PAR GYUR CING GNAS PA NI MA RNYED DE, RNYED PA NI MA YIN NO, ,NYES PA NI RNYED KYIS LEGS PAR RNYED PA MA YIN GYIS, TSE DANG LDAN PA DAG MA 'THAB CIG ,MTSANG MA 'DRU ZHIG ,MA RTZOD CIG ,MA 'GYED CIG ,'GYED PA GNYI GA RGYAL BA MED DO, ,RGYUG PA GNYI GA MGYOGS PA MED DO, ,GCIG RGYAL GCIG PHAM DU 'GYUR RO ZHES BRJOD PAR BYA'O, ,DE TZAM GYIS NA CHOS RNAM PAR GTAN LA DBAB PA DANG, TSUL KHRIMS RNAM PAR GTAN LA DBAB PA'I DNGOS PO'I DE BZHIN NYID LA LOG PAR SGRUB PA LAS BYUNG PA'I 'KHRUG LONG 'GYED PA'I PHYIR RTZOD PA MNGON SUM GYIS 'DUL BAS RGUD GCIG TU BYA BAS ZHI BAR 'GYUR BA 'GYED PA GNYIS RANG GIS MI NUS NA TSOGS PAR DBYUNG BA DAG GIS LEGS PAR BSGRUB PAS ZHI BAR BYA BA DE ZHI BAR 'GYUR RO, ,RE ZHIG DE LTAR NA 'GYED PA'I PHYIR RTZOD PA MNGON SUM GYIS 'DUL BAS RGYUD GCIG TU BYA BAS YIN NO, ,DA NI CHOS RNAM PAR GTAN LA DBAB PA NYI TSE'I DNGOS PO'I DE BZHIN NYID LA LOG BAR SGRUB PA LAS BYUNG BA'I 'KHRUG LONG 'GYED PA'I PHYIR RTZOD PA TSUL SHING MANG PO SBYIN PAS RGYUD GCIG TU BYA BA ZHI BAR 'GYUR BA CHES MANG BA'I BLOS LEGS PAR GZHAG PA ZHES BYA BA LEGS PAR BSGRUB PA'I RNAM PA GZHAN GYIS ZHI BAR BYA BA BSHAD PAR BYA STE, 'DI NI CHOS RNAM PAR GTAN LA DBAB PA

, ,LA SRID KYI, TSUL KHRIMS RNAM PAR GTAN LA DBAB PA LA MI SRID DE, DE'I SKABS KYI SHES PA NI 'GYED PA GNYIS DANG 'BREL PA YIN PA'I PHYIR RO, ,DE'I RNAM PAR GZHAG PA NI 'GYED PA GNYIS RANG GIS MI NUS NA TSOGS PAR DBYUNG BA DAG GIS LEGS PAR BSGRUB PAS ZHI BAR MA NUS PA'I NYID YIN ZHING RGOL BA DANG, PHYIR RGOL BA DAG GIS RTZOD PA DE GCES PAR GZUNG BA NYID DANG, RAB TU DAM PA NYID DANG, MI ZAD PA NYID DANG, BSDAM PAR BYA BA NYID MA YIN PA'I DON DANG, GNAS BRTAN MTHU DANG LDAN PA LA SNGAR BYUNG BAS BRJOD DE, DUS THUG PA MED PAR DBUL BA'I MTHAR THUG PA DAG YONGS SU NYON MONGS PAR GYUR PA NYID YIN NA, DE DAG DGE 'DUN BZHI POS TSUL SHING 'DRIM PA'I DGE SLONG BSKOS TE, CHOS DANG CHOS MA YIN PA'I TSUL SHING MANG PO BRIM ZHING GANG MANG BA'I PHYOGS SU SKYO SDOGS MI BYA BA ZHES 'DUL BAR SO PA LA TSUL SHING MANG PO SBYIN PAS RGYUD GCIG TU BYA BAS RTZOD PA DE ZHI BAR BYA BA GANG YIN NO, , DE'I GO RIMS RNAM PAR GZHAG PA NI 'DI YIN TE, DGE 'DUN GYIS TSUL SHING MANG PO 'DRIM PA BSKO BA DANG, TSUL SHING 'DRIM PA'I KUN DU SPYAD PA'I CHOS BSTAN PA DANG, DE LA CHOS MANG BA'I BLOS LEGS PAR GZHAG PA ZHES BYA BA LEGS PAR BSGRUB PA'I RNAM PA GZHAN GYIS RGYUD GCIG TU BYA BAS ZHI BAR BYA BA'O, ,DE LA DGE SLONG TSUL SHING MANG PO 'DRIM PA BSKO BA'I GO RIMS RNAM PAR GZHAG PA NI 'DI LTAR BYA STE, DGE 'DUN BZHI PO RGOL BA DANG, PHYIR RGOL BA'I PHYOGS SU RNAM PAR GNAS PA DANG GNYIS KAS PHYIR BLO MTHUN PAR BYAS TE, TSUL SHING 'DRIM PA'I DGE SLONG CHOS DANG LDAN PA GCIG DANG POR SPRO BAR BYA STE, GSOL BA DANG GNYIS KYI LAS KYIS BSKO BAR BYA'O, ,DGE 'DUN GYIS DANG POR DE SPRO BAR BYA ZHING GSOL BA DANG GNYIS KYI LAS KYIS BSKO BA'I CHO GA DANG LAS NI 'DI LTAR BYA STE, GNAS MAL BSHAM PA BYAS NAS, GAnd'I BRDUNGS TE, DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA, JE DANG POR SBRO BAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, MING 'DI ZHES BYA BA KHYOD DGE 'DUN LA TSUL SHING 'DRIM PAR SPRO 'AM, SPRO'O, ,DGE 'DUN BTZUN PA RNAMS GSAN DU

GSOL; DGE SLONG MING 'DI ZHES BGYI BA 'DI DGE 'DUN LA TSUL SHING 'DRIM PAR SPRO NA, GAL TE DGE 'DUN GYI DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG MING 'DI ZHES BGYI BA 'DI TSUL SHING 'DRIM PAR BSKO BAR BGYI STE, DGE SLONG TSUL SHING 'DRIM PA MING 'DI ZHES BGYI BA TSUL SHING 'DRIM MO, ,'DI NI GSOL PA'O, ,DGE 'DUN BTZUN PA RNAMS GSAN DU GSOL, DGE SLONG MING 'DI ZHES BGYI BA 'DI DGE 'DUN LA TSUL SHING 'DRIM PAR SPRO STE, DE'I SLAD DU DGE 'DUN GYIS MING 'DI ZHES BGYI BA 'DI TSUL SHING 'DRIM PA BSKON, TSE DANG LDAN PA GANG DAG MING 'DI ZHES BGYI BA 'DI TSUL SHING 'DRIM PAR BSKO BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS DGE 'DUN GYIS DGE SLONG MING 'DI ZHES BGYI BA 'DI TSUL SHING 'DRIM PAR BSKOS LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE'I 'OG TU TSUL SHING 'DRIM PA'I KUN DU SPYOD PA'I CHOS BSTAN PA'I GOO RIMS RNAM PAR GZHAG PA NI 'DI LTAR BYA STE, DGE SLONG TSUL SHING 'DRIM PA DES CHOS DANG CHOS MA YIN PA'I PHYOGS KYI TSUL SHING RNAM PA GNYIS NYE BAR GZHAN PAR BYA STE, CHOS KYI TSUL SHING DAG NI YA YO MED PA DANG; KHYAR KHYOR MED PA DANG, CHAS CHUS MED PA DANG, KHA DOG BZANG PA DANG, DRI ZHIM PA DANG, REG PA 'JAM PA NYID DU BYA'O, ,CHOS MA YIN PA'I TSUL SHING DE DAG NI DE LAS BZLOG PAR BYA'O, ,DES DGE 'DUN LA DENG TSUL SHING 'DRAM PAR 'GYUR GYIS THAMS CAD KYIS 'DU BAR BYA'O ZHES GSOL LO, ,GAL TE DE LTAR 'DU BA SBYIN PAS TSOGS PA NA CHOS MA YIN PA'I TSUL SHING LHAG PAR 'GYUR BAR SEMS NA BRIM PAR MI BYA'O, ,'DRIM PA'I TSE NA LAG PA G-YAS PAS CHOS KYI TSUL SHING DAG BZUNG ZHING G-YON PAS CHOS MA YIN PA'I TSUL SHING DAG BZUNG NGO, ,CHOS MA YIN PA'I TSUL SHING DAG G-YOGS TE, CHOS KYI TSUL SHING DAG SNANG BAR BYAS NAS, DGE 'DUN LA 'DI SKAD CES GNAS BRTAN 'DI DAG NI CHOS KYI TSUL SHING YA YO MED PA, KHYAR KHYOR MED PA, CHAS CHUS MED PA, KHA DOG BZANG BA, DRI ZHIM PA, REG PA 'JAM PA DAG YIN GYI LANG SHIG CES BRJOD PAR BYA'O, ,GAL TE LAN PA DAG CHOS MA YIN PA'I TSUL SHING TSOL NA TSIG

, ,GNYIS KYI BAR DU MI DBUL LO, ,G-YOGS SAM PHYE BA GANG GI CHOS KYI TSUL SHING MANG BAR GYUR PA DE LTAR BRIM PAR BYA'O, ,CHOS KYI TSUL SHING BLANGS PA DAG GIS SLOB MA LA SOGS PA GANG CHOS MA YIN PA'I TSUL SHING LEN PAR RTZOL BA LTAR NA, DE DAG LA 'DI SKAD CES TSE DANG LDAN PA KHYOD KYI MKHAN PO DANG, SLOB DPON DANG MKHAN PO GCIG PA DANG, SLOB DPON GCIG PA DANG, GTAM 'DRE BA DANG, PHEBS PAR SMRA BA DANG, SMOS 'DRIN PA DANG, 'GROGS BSHES DAG GIS CHOS KYI TSUL SHING BLANGS KYIS, KHYOD KYIS KYANG CHOS KYI TSUL SHING LONG SHIG, ,KHYOD DE DAG DANG LHAN CIG RTZOD PAR GYUR NA MA LEGS SO ZHES RNA DRUNG DU GSHUB PO, ,DE'I 'OG TU TSUL SHING LEN PA'I KUN DU SPYOD PA'I CHOS BSTAN PA'I GO RIMS RNAM PAR GZHAG PA NI 'DI LTAR BYA STE, DGE SLONG TSUL SHING LEN PA DAG GIS CHOS MA YIN PA'I TSUL SHING BLANG BAR MI BYA'O, ,LEN NA 'DUL BA DANG 'GAL BA'I NYES BYAS KYI LTUNG BA BSHAGS PAR BYA'O, ,DGE SLONG MDO SDE 'DZIN PA DANG, 'DUL BA 'DZIN PA DANG, MA MO 'DZIN PA DAG BLANG BAR MA DRIS PAR TSUL SHING BLANG BAR MI BYA'O, ,DBYEN DU 'GYUR BA'I BZOD PAS AE MA'O, ,DBYE BAR GYUR NA CI MA RUNG SNYAM PA'I MNGON PAR 'DOD PAS TSUL SHING BLANG BAR MI BYA'O, ,CHOS MA YIN PAS AE MA'O CHOS MA YIN PAR BYUNG BAR GYUR NA CI MA RUNG SNYAM PAS TSUL SHING BLANG BAR MI BYA'O, ,'DI LTAR AE MA'O BYE BAR GYUR NA CI MA RUNG SNYAM PA DANG, AE MA'O CHOS MA YIN PA BYUNG BAR GYUR NA CI MA RUNG SNYAM PA MED DU ZIN KYANG BYE BA'I DON 'DI LTA BU DANG, 'DI NA DGE SLONG DAG DBYEN LA MNGON PAR ZHEN PAR BYED PA DE LTA BU DAG YOD PAS, STON PA NYID KYANG 'GA' ZHIG 'BYUNG BAR 'GYUR RO SNYAM PA SHES NA DE LTAR YANG TSUL SHING BLANG BAR MI BYA'O, ,DE'I 'OG TU DE LA CHES MANG PO'I BLOS LEGS PAR ZHES BYA BA LEGS PAR BSGRUB PA'I RNAM PA GZHAN GYIS RGYUD GCIG TU BYA BAS ZHI BAR BYA BA'I GO RIMS RNAM PAR GZHAG PA NI 'DI LTAR BYA STE, DGE 'DUN RGOL BA DANG, PHYIR RGOL BA'I PHYOGS SU RNAM PAR GNAS PA GNYIS KAS BLO MTHUN PAR BYA STE, CHOS DANG CHOS MA YIN PA'I TSUL SHING BRIM PAR DRI MA ZIN PA'I 'OG TU BGRANGS TE MNYAM PA NYID YIN NA, NYAN THOS CHEN PO BTZUN PA KUN SHES KOO nAdI N+YA LA

BSDO STE, CHOS KYI TSUL SHING GCIG BLANG BAR BYA ZHING CHOS SMRA BA RGYAL BAR BYA'O, ,DE LTAR RTZOD PA DE CHOS KYI NYE BAR ZHI BAR GYUR PA YIN NO, ,CHOS MA YIN PA'I TSUL SHING LHAG NA NI RTZOD PA DES CHOS MA YIN PAS NYE BAR ZHI BAR GYUR PA YIN NO, ,CHOS MA YIN PAS ZHI BA LA SKYO SDOGS MI BYA'O, ,CHOS KYIS ZHI BA LA SKYO SDOGS BYED NA LTUNG BYED DU 'GYUR RO, ,CHOS MA YIN PAS ZHI BA LA SKYO SDOGS BYED NA NYES BYAS SU 'GYUR RO, ,'DIR RTZOD PA DE NYE BAR ZHI BAR BYA BA GTZO CHE BA'I CHOS DANG CHOS MA YIN PA NI CHOS RNAM PAR GTAN LA DBAB PA'I SKABS GZHAN YANG YOD PAS DE LA DAM DU GZUNG BAR MI BYA'O, ,DE TZAM GYIS NA CHOS RNAM PAR GTAN DBAB PA NYI TSE'I DNGOS PO'I DE BZHIN NYID LA LOG PAR BSGRUBS PA LAS BYUNG BA'I 'KHRUG LONG 'GYED PA'I PHYIR RTZOD PA TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR BA CHES MANG PO'I BLOS LEGS PAR GZHAG PA ZHES BYA BA LEGS PAR BSGRUB PA'I RNAM PA GZHAN GYIS ZHI BAR BYA BA DE ZHI BAR 'GYUR RO; ,RGYUD GCIG TU BYA BAS ZHES BYA BA NI NGES PAR RTOGS PAR BYA BA STE, 'DIR NI CHOS NYI TSE'I DNGOS PO GANG LA NGES PAR RTOGS PA GCIG YOD PA'I DNGOS PO'I RGYUD GANG YIN PA DE MTHA' GCIG TU NGES PAR BYA BA NI RGYUD GCIG TU BYA BA ZHES BYA'O, ,'DI LTAR DNGOS PO'I DE BZHIN NYID LA LOG PAR SGRUB PA NI THE TSOM ZHES BYA BA STE, THE TSOM NI NGES PA BSKYED PAS LDOG PAS DES NI TSUL SHING MANG PO SBYIN PAR 'OS PA LA, TSUL SHING MANG PO SBYIN PAS RGYUD GCIG TU BYA BAS NA CHOS KYI DNGOS PO'I DE BZHIN NYID LA LOG PAR BSGRUBS PA LAS BYUNG BA DE'I 'KHRUG LONG 'GYOD PA'I PHYIR RTZOD PA DE ZHI BAR 'GYUR RO, ,DE LTAR NA 'GYED PA'I PHYIR RTZOD PA TSUL SHING MANG PO SBYIN PAS RGYUD GCIG TU BYA BAS ZHI BA YIN NO, ,'GYED PA'I PHYIR RTZOD PA ZHI BAR BYA BA BSHAD ZIN TO,, ,,DA NI MI GDAMS PA'I PHYIR RTZOD PA ZHI BAR BYA BA BSHAD PAR BYA STE, 'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SPONG BA LAS BYUNG BA'I 'KHRUG LONG MI GDAMS PA'I PHYIR RTZOD PA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BA DE NYID DANG, DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR BYA'O ZHES GSUNGS PA LA, 'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SBONG BA LAS BYUNG BA'I

, ,'KHRUG LONG MI GDAMS PA'I PHYIR RTZOD PA NI GDAMS NGAG LA SOGS PA 'JOG PAS GZHAN SPONG BA RGYU DANG BCAS PA NYID LAS BYUNG BA YANG YOD, RGYU MED PA LAS BYUNG BA YANG YOD, DE LA RGYU DANG BCAS PA NI YUL DANG DUS DANG GZHI GANG LAS BYUNG BA'I RGYU YOD PA NYID KYIS SPONG BA'O, ,RGYU MED PA NI GLENG BA'I KHA NA MA THO BA MED PA LA GZHI MED PAS GLENG BA LA SOGS PAS SPONG BA'O, ,DE LA RGYU DANG BCAS PA NYID LAS BYUNG BA NI MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR LA, RGYU MED LAS BYUNG BA NI DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR 'GYUR RO, ,DE LA RE ZHIG GDAMS NGAG LA SOGS PA 'JOG PAS GZHAN SPONG BA RGYU DANG BCAS PA NYID LAS BYUNG BA'I 'KHRUG LONG MI GDAMS PA'I PHYIR RTZOD PA MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR BA RJE BSHAD PAR BYA STE; DE LA 'DIR YANG MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR BA'I TSUL GZHAN NI SNGA MA BZHIN NO, ,KHYAD PAR NI SNGAR 'KHRUG LONG GI RGYU DANG PO CHOS RNAM PAR GTAN LA DBAB PA DANG, TSUL KHRIMS RNAM PAR GTAN LA DBAB PA'I DNGOS PO'I DE BZHIN NYID LA LOG PAR BSGRUBS PA LAS BYUNG BA'I 'KHRUG LONG 'GYOD PA'I PHYIR RTZOD PA NI MNGON SUM GYIS 'DUL BAS RGYUD GCIG TU BYA BAS ZHI BAR BSTAN LA, CHOS RNAM PAR GTAN LA DBAB PA NYI TSE'I DNGOS PO'I DE BZHIN NYID LAS LOG PAR BSGRUB PA LAS BYUNG BA'I 'KHRUG LONG 'GYED PA'I PHYIR RTZOD PA NI TSUL SHING MANG PO SBYIN PAS RGYUD GCIG TU BYA BAS ZHI BAR BSTAN TO, ,'DIR NI 'KHRUG LONG GI RGYU GNYIS PA GDAMS NGAG LA SOGS PA 'JOG PAS GZHAN SPONG BA RGYU DANG BCAS PA CHOS DANG TSUL KHRIMS GNYI GAS GDAMS NGAG LA SOGS PA 'JOG PAS GZHAN SPONG BA RGYU DANG BCAS PA NYID LAS BYUNG BA'I 'KHRUG LONG MI GDAMS PA'I PHYIR RTZOD PA NI MNGON SUM GYIS 'DUL BAS RGYUD GCIG GU BYA BAS ZHI BAR 'GYUR BA CHOS NYI TSE'I GDAMS NGAG LA SOGS PA 'JOG PAS GZHAN SPONG BA RGYU DANG BCAS PA NYID LAS BYUNG BA'I 'KHRUG LONG MI GDAMS PA'I PHYIR RTZOD PA NI TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR RO ZHES BYA BAR SBYAR RO, ,DE

LA RE ZHIG GDAMS NGAG LA SOGS PA 'JOG PAS GZHAN SPONG BA RGYU DANG BCAS PA NYID LAS BYUNG BA'I 'KHRUG LONG MI GDAMS PA'I PHYIR RTZOD PA MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BA YIN NO, ,DA NI GDAMS NGAG LA SOGS PA 'JOG PAS GZHAN SPONG BA RGYU MED PA NYID LAS BYUNG BA'I 'KHRUG LONG MI GDAMS PA'I PHYIR RTZOD PA DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR 'GYUR BA BSHAD PAR BYA STE, DE NI GAL TE DGE SLONG DE LA LTUNG BA GANG GIS GLENG BAR BYA BA'I LTUNG BA DE'I KHA NA MA THO BA MED PAR GYUR NA DE'I PHYIR DE LA DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR BYA'O, ,DE LA GDAMS NGAG LA SOGS PA 'JOG PAS GZHAN SPONG BA RGYU MED PA NYID NI RNAM PA BZHI STE, GZHI MED PAS GLENG BA DANG, GZHAN RJES SU BSGRUB PA'I DBANG GIS GLENG BA DANG, PHYIR BCOS PA LA MI LTOS PAS GLENG BA DANG, SMYON PAS BYAS PAS GLENG BA'O; ,DE LA GZHI MED PAS GLENG BA NI GANG ZAG DAG PA LTUNG BA MED PA NYID LA MTHONG BA DANG THOS PA DANG DOGS PA'I GZHI MED PAS GLENG BA'O, ,GZHAN RJES SU BSGRUB PA'I DBANG GIS GLENG BA NI DES LTUNG BA GZHAN RJES SU BSGRUBS LA GZHAN GYIS GLENG BAR BYED PAS TE, LTUNG BYED RJES SU BSGRUB PA'I DBANG GIS DE LA DGE 'DUN LHAG MA LA SOGS PAS GLENG BA LTA BU'O, ,PHYI BCOS PA LA MI LTOS PAR GLENG BA NI 'DI LA LTUNG BA BYUNG BAR GYUR TO ZHES BYA BA DE DES CHOS BZHIN DU PHYIR BCOS PA NYID LA MI LTOS PAR YANG GLENG BA'O, ,SMYON PAS BYAS PAS GLENG BA NI SMYON PA'I GNAS SKABS SU DES RUNG BA MA YIN PA KUN DU SPYAD PA DES MA SMYOS PA'I DUS SU GLENG BAR BYED PA'O, ,DANG PO GSUM LA NI DRAN PAS 'DUL BAS DAG PA SBYIN PAS ZHI BAR BYA'O, ,THA MA LA NI MA SMYOS PAS 'DUL BAS DAG PA SBYIN PAS ZHI BAR BYA'O, ,DE LA DRAN PAS 'DUL BA SBYIN PA'I GO RIMS RNAM PAR GZHAG PA NI 'DI YIN TE, DE LA RANG GIS DGE 'DUN LA GSOL BA DANG; DGE 'DUN GYIS GSOL BA DANG BZHI'I LAS KYIS SBYIN PAR BYA'O, ,DE NAS DGE SLONG GZHAN DAG GIS DRAN PA DANG LDAN PA NYID DU 'DZIN GYI LTUNG BA DANG BCAS PAR MI 'DZIN TE, DES 'DUL BAR 'OS PA LA DRAN PAS 'DUL BA SBYIN ZHING DAG PA SBYIN PAS RTZOD PA DE ZHI BAR 'GYUR RO, ,DE RANG GIS DGE 'DUN LA

, ,GSOL BA'I GO RIMS RNAM PAR GZHAG PA NI 'DI LTAR BYA STE, DE RANG GIS GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA LA MCHIL LHAM GNYIS PHUNG NAS RGAN PA'I MTHA' LOGS SU TZOG BUR 'DUG STE, THAL MO SBYAR BA BTUD NAS RANG GI DRAN PAS 'DUL BA GSOL BA'I SNGAGS LAN GSUM BZLAS PAS GSOL LO, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, BDAG DGE SLONG GYAD BU NOR LA DGE SLONG MA MDZA' MOS YANG DAG PA MA LAGS PA GSOB GSOG BRDZUN GYIS SKUR TE, BDAG LA DGE SLONG DAG GIS GZHI DE GLENG BAS BDAG DGE SLONG GYAD BU NOR, DGE 'DUN LAS DRAN PAS 'DUL BA GSOL NA, THUGS BRTZE BA CAN DGE 'DUN BTZUN PA RNAMS KYIS, THUGS BRTZE BA'I SLANG DU BDAG DGE SLONG GYAD BU NOR LA DRAN PAS 'DUL BA STZAL DU GSOL, LAN GSUM DU BZLAS ZHES GSUNG BA PA YIN NA, ,DE'I 'OG TU DGE 'DUN GYIS GSOL BA DANG BZHI'I LAS KYIS SBYIN PAR BYA BA'I GO RIMS RNAM PAR GZHAG PA NI 'DI LTAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL; DGE SLONG GYAD BU NOR 'DI LA DGE SLONG MA MDZA' MOS YANG DAG PA MA LAGS PA GSOB, GSOG BRDZUN GYIS SKUR TE, 'DI LA DGE SLONG GCIG GIS GZHI DES GLENGS PAS, DGE SLONG GYAD BU NOR 'DI DGE 'DUN LA DRAN PAS 'DUL BA GSOL NA, GAL TE DGE 'DUN GYIS DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG GYAD BU NOR 'DI LA DRAN PAS 'DUL BA STZAL TO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, ,DGE SLONG GYAD BU NOR 'DI LA DGE SLONG MA MDZA' MOS YANG DAG PA MA LAGS PA GSOL, GSOG BRDZUN GYIS SKUR TE, 'DI LA DGE SLONG DAG GIS GZHI DES GLENGS BAS DGE SLONG GYAD BU NOR 'DI DGE 'DUN LA DRAN PAS 'DUL BA GSOL TE, DE'I SLAD DU DGE 'DUN GYIS DGE SLONG GYAD BU NOR 'DI LA DRAN PAS 'DUL BA STZAL NA, TSE DANG LDAN PA GANG DAG DGE SLONG GYAD BU NOR 'DI LA DRAN PAS 'DUL BA STZAL BAR BZOD PA DE DAG NI CANG MA GSUNG SHIG ,GANG

DAG MI BZOD PA DE DAG NI GSUNGS SHIG ,'DI NI BRJOD PA DANG PO STE, DE BZHIN DU LAN GNYIS LAN GSUM DU BZLAS, DGE 'DUN GYIS BZOD CING GNANG NAS DGE SLONG GYAD BU NOR 'DI LA DRAN PAS 'DUL BA STZAL LAGS TE, CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE LTAR GDAMS DAG LA SOGS PA 'JOG PAS GZHAN SPONG BA RGYU MED PA DANG, GZHI MED PAR GLENG BA DANG, GZHAN RJES SU BSGRUB PA'I DBANG GIS GLENG BA DANG, PHYIR BCOS PA LA MI LTOS PAR GLENG BA NYID LA BYUNG BA'I 'KHRUG LONG MI GDAMS PA'I PHYIR RTZOD PA DRAN PAS 'DUL BAS DAG PA SBYIN PAS ZHI BA YIN NO, ,DE LA MA SMYOS PAS 'DUL BA SBYIN PA'I GO RIMS RNAM PAR GZHAG PA NI 'DI YIN TE, DE RANG GIS DGE 'DUN LA GSOL BA DANG, DGE 'DUN GYIS GSOL PA DANG, BZHI'I LAS KYIS SBYIN PAR BYA'O, ,DE BYIN NA DGE SLONG DE LA DGE SLONG DE DAG GIS RANG BZHIN DU GNAS PAR 'DZIN GYIS LTUNG BA DANG BCAS PAR MI 'DZIN TO; ,DES 'DUL BAR 'OS PA LA MA SMYOS PAS 'DUL BA SBYIN ZHING DAG PA SBYIN PAS RTZOD PA DE ZHI BAR 'GYUR RO, ,DE RANG GIS DGE 'DUN LA GSOL BA'I GO RIMS RNAM PAR GZHAG PA NI 'DI LTAR BYA STE, DE RANG GIS GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA NA, MCHIL LHAM GNYIS PHUD NAS RGAN PA'I MTHA' LOGS SU TZOG PUR 'DUG STE, THAL MO SBYAR BA BTUD NAS RANG GIS MA SMYOS PAS 'DUL BA'I GO RIMS KYI SNGAGS LA NA GSUM BZLAS PAS GSOL LO, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, BDAG DGE SLONG BYE MA SKYES SMYOS PA, SEMS 'KHRUGS PA SDUG BSNGAL GYI TSOR BAS GZIR BA, DGE SLONG GI TSUL MA LAGS PA, RJES SU MTHUN PA MA LAGS PA, RUNG BA MA LAGS PA, TSUL DANG MTHUN PA MA LAGS PA, MANG DU SPYOD CING SMRAS TE STZAL NA, MIG GYUR; KHA CHU ZAGS, BZHIN BSGYUR, SA LA 'GRES LDOG ,GNYID KYIS MA LOG KYANG GNYID KYIS LOG PA LTAR BCOS, MA SMYOS KYANG SMYOS PA LTAR BCOS, SMRA BAR BSAMS KYANG SMRAS TE BDAG GI DRAN PA RNYED NA, BDAG LA DGE SLONG RNAMS KYIS GZHI DES GLENG BAS, BDAG DGE SLONG BYE MA SKYES DGE

, ,'DUN LAS MA SMYOS PAS 'DUL BA GSOL NA, THUGS BRTZE BA CAN DGE 'DUN BTZUN PA RNAMS KYIS THUGS BRTZE BA'I SLAD DU BDAG DGE SLONG BYE MA SKYES LA MA SMYOS PAS 'DUL BA STZAL DU GSOL, LAN GSUM DU BZLAS ZHES GSUNGS PA YIN NO, ,DE'I 'OG TU DGE 'DUN GYIS GSOL BA DANG, BZHI'I LAS SBYIN PAR BYA BA'I GO RIMS RNAM PAR GZHAG PA NI 'DI LTAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, DGE SLONG BYE MA SKYES SMYOS PA, SEMS 'KHRUGS PA, SDUG BSNGAL GYI TSOR BAS GZER BA 'DI DGE SLONG GI TSUL MA LAGS PA, RJES SU MTHUN PA MA LAGS PA, RUNG BA MA LAGS PA, TSUL DANG MTHUN PA MA LAGS PA, MANG DU SPYAD CING SMRAS TE, STZAL NAS MIG GYUR, KHA CHU ZAGS, BZHIN BSGYUR, ,SA LA 'GRES LDOG ,GNYID KYIS MA LOG KYANG GNYID KYIS LOG PA LTAR BCOS, MA SMYOS KYANG SMYOS PA LTAR BCOS, SMRA BAR MA BSAMS KYANG SMRAS TE, 'DIS DRAN PA RNYED NA, 'DI LA DGE SLONG RNAMS GZHI DES GLENGS PAS, DGE SLONG BYE MA SKYES 'DI DGE 'DUN LAS MA SMYOS PAS 'DUL BA GSOL NA, GAL TE DGE 'DUN GYI DUS LA BAB CING BZOD NA, DGE 'DUN GYIS GNANG BAR MDZOD CIG DANG; DGE 'DUN GYIS DGE SLONG BYE MA SKYES LA MA SMYOS PAS 'DUL BA STZAL TO, ,'DI NI GSOL BA'O, ,DGE 'DUN BTZUN PA RNAMS GSAN DU GSO, ,DGE SLONG BYE MA SKYES SMYOS PA, SEMS 'KHRUGS PA, SDUG BSNGAL GYI TSOR BAS GZIR BA 'DIS, DGE SLONG GI TSUL MA LAGS PA, RJES SU MTHUN BA MA LAGS PA, RUNG BA MA LAGS PA, TSUL DANG MTHUN PA MA LAGS PA, MANG DU SPYAD CING SMRAS PA STE STZAL NAS, MIG GYUR, KHA CHU ZAGS, BZHIN BSGYUR, SA LA 'GRES LDOG ,GNYID KYIS MA LOG KYANG GNYID KYIS LOG PA LTAR BCOS, MA SMYOS KYANG SMYOS PA LTAR BCOS, SMRA BAR MA BSAMS KYANG SMRAS TE, 'DIS DRAN PA RNYED NA, 'DI LA DGE SLONG RNAMS KYIS, GZHI DES GLENGS BAS DGE SLONG BYE MA SKYES 'DI DGE 'DUN LAS MA SMYOS PAS 'DUL BA GSOL TE, DE'I SLAD DU DGE 'DUN GYIS, DGE SLONG BYE MA SKYES LA MA SMYOS PAS 'DUL BA STZAL NA, TSE DANG LDAN PA

GANG DAG DGE SLONG BYE MA SKYES LA MA SMYOS PAS 'DUL BA STZAL DU BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,'DI NI LAS BRJOD PA DANG PO STE, DE BZHIN DU LAN GNYIS LAN GSUM DU BZLAS DGE 'DUN GYIS BZOD CING GNANG NAS, DGE 'DUN GYIS DGE SLONG BYE MA SKYES LA MA SMYOS PAS 'DUL BA STZAL LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE LTAR GDAMS NGAG LA SOGS PA 'JOG PAS GZHAN SPONG BA RGYU MED PA SMYON PAS BYAS PAS GLENG BA NYID LAS BYUNG BA'I 'KHRUG LONG MI GDAMS PA'I PHYIR RTZOD PA MA SMYOS PAS 'DUL BAS DAG PA SBYIN PAS ZHI BA YIN NO, ,MI GDAMS PA'I PHYIR RTZOD PA ZHI BAR BYA BA BSHAD ZIN TO,, ,,DA NI LTUNG BA'I PHYIR RTZOD PA ZHI BAR BYA BA BSHAD PAR BYA STE, 'KHRUG LONG GI RGYU GSUM PA LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA NI KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PA DANG, DE'I NGO BO NYID TSOL DU GZHUG PAS NGES PAR 'DZIN PA LA SBYAR BAR BYA BA NYID SBYIN PAR BYA'O ZHES GSUNGS PA LA, 'KHRUG LONG GI RGYU GSUM PA LTUNG BA DANG BCAS PA NYID LAS BYUNG BA'I 'KHRUG LONG LTUNG BA PHYIR RTZOD PA LA KHAS BLANG BAR BYA BA NYID NI RNAM PA GNYIS TE, RNAM PAR SHES PA NI RANG GI NGO BO'I NYES PAS LTUNG BA DANG BCAS PA NYID DANG, RNAM PAR MI SHES PA RANG GI NGO BO'I NYES PAS LTUNG BA DANG BCAS PA NYID DO, ,DE LA RNAM PAR SHES PA NI RANG GI NGO BO'I NYES PAS LTUNG BA DANG BCAS PA NYID CES BYA BA NI GANG ZAG LTUNG BA DANG BCAS PA GLENG BA GLENGS NAS DNGOS PO DANG, PHYOGS DANG BSAM PA DANG, CHE BZHI DANG, KHAS BLANGS PA LA SOGS PA'I SGO NAS LTUNG BA RNAM PAR SHES PA NI LTUNG BA SDE LNGA GANG YANG RUNG BA DAG GI DNGOS GZHI 'AM, SBYOR BA'AM SBYOR BA'I SBYOR BA ZHES BYA BA NI RANG GI NGO BO'I NYES PAS LTUNG BA DANG BCAS PA NYID DO, ,RNAM PAR MI SHES PA NA RANG GI NGO BO'I NYES PAS LTUNG BA DANG BCAS PA NYID CES BYA BA NI GANG ZAG LTUNG BA DANG BCAS PA GLENG BA POS GLENGS NAS, LTUNG BA DRAN PA DGE 'DUN LA KHAS BLANGS NAS, DE'I 'OG TU BRJOD PAS DNGOS PO DANG, PHYOGS DAG, BSAM PA DANG, CHE

, ,BZHI DANG, KHAS BLANGS PA LA SOGS PA'I SGO NAS LTUNG BA RNAM PAR MI SHES PA NA, LTUNG BA STE LNGA GANG YANG RUNG BA DAG GI DNGOS GZHI 'AM SBYOR BA 'AM, SBYOR BA'I SBYOR BA ZHES BYA BA'I RANG GI NGO BO'I NYES PA LTUNG BA DANG BCAS PA NYID DO, ,DE LA LTUNG BA DANG BCAS PA RNAM PAR SHES PA NA, RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA NI KHAS BLANGS BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PAS ZHI BAR 'GYUR LA, RNAM PAR MI SHES PA NA RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA NI, DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS ZHI BAR 'GYUR RO, ,DE LA RE ZHIG LTUNG BA DANG BCAS PA RNAM PAR SHES PA NA, RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA KHAS BLANG BAR BYA BA DANG; MNGON SUM GYIS DUL BA DANG, RTZVA BKRAM PA LTA BUS PHYIR BCOS PAS ZHI BAR 'GYUR BA JE BSHAD PAR BYA STE, DE NI LTUNG BA DANG BCAS PA RNAM PAR SHES PA NA RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG RNAM PA GSUM STE, PHYIR 'PHROS PA MED PA'I 'KHRUG LONG DANG, PHYIR 'PHROS PA DANG BCAS PA RNAM PA GNYIS PO NYI TSE BA'I 'KHRUG LONG DANG, DGE 'DUN MTHA' DAG DANG 'BREL BA'I 'KHRUG LONG NGO, ,DE LA PHYIR 'PHROS PA MED PA'I 'KHRUG LONG NI PHYOGS DANG GZHAN GYI PHYOGS SU RNAM PAR GNAS PA DANG BRAL BA STE, GANG LA GLENG BAR BYA BA DANG, GLENG BA PO GNYIS 'BA' ZHIG KHO NA LA 'KHRUG LONG YOD KYI, GZHAN GANG LA YANG 'KHRUG LONG MED PA'O, ,PHYIR 'PHROS PA DANG BCAS PA GNYIS PO NYI TSE BA'I 'KHRUG LONG NI GANG LA GLENG BAR BYA BA DANG, GLENG BA PO 'BA' ZHIG GNYIS KHO NAR MA ZAD KYI, DGE 'DUN GYI KHONGS SU GTOGS PA KHA CIG LA YANG 'KHRUG LONG BYUNG BA'O, , DGE 'DU MTHA' DAG DANG 'BREL PA'I 'KHRUG LONG NI GANG LA DGE SLONG GI TSOGS GCIG KYANG MA LUS PAR DGE SLONG MTHA' DAG PHYOGS DANG GZHAN GYI PHYOGS SU RNAM PAR GNAS PAS 'KHRUG LONG DU GYUR PA'O, ,DE DAG LAS PHYIR 'PHROS PA MED PA'I 'KHRUG LONG ZHES BYA BA NI KHAS BLANG BAR BYA BAS PHYIR

BCOS PAS ZHI BAR 'GYUR TE, DE NI KHAS BLANGS PA TZAM GYI DBANG GIS PHYIR BCOS PAR BYA BA YIN PA'I PHYIR RO, ,DE YANG 'DI LTAR DE LA GLENG BA POS TSE DANG LDAN PA KHYOD LA LTUNG BA BYUNG GIS CHOS BZHIN DU PHYIR GYIS SHIG CES TSUL DE LTAR GLENGS PA LA GLENG BAR BYA BAS KYANG KHAS BLANG BA 'BA' ZHIG GI PHYIR BCOS PAR BYAS NA 'KHRUG LONG DE PHYIR BCOS PA GZHAN LA LTOS MI DGOS PAR ZHI BAR 'GYUR BAS, DE'I PHYIR 'PHROS PA MED PA'I 'KHRUG LONG NI KHAS BLANG BAR BYA BAS PHYIR BCOS PAS ZHI BAR 'GYUR RO, ,PHYIR 'PHROS BA DANG BCAS PA RNAM PA GNYIS PO NYI TSE BA'I 'KHRUG LONG ZHES BYA BA NI MNGON SUM GYIS 'DUL BAS PHYIR BCOS PAS ZHI BAR 'GYUR TE, DE NI MNGON SUM DU BYA BAS PHYIR BCOS PAR BYA BA YIN PA'I PHYIR RO, ,DE YANG 'DI LTAR DE LA GZU BO'I MNGON DU GLENG BAR BYA BA DANG, GLENG BA PO DANG, DE DAG GIS RJES SU 'BRANG BA RNAMS KYIS RGOL BA DANG, LAN GYI TSIG DAG MNGON SUM DU BYUNG BA GANG YIN PA DES 'DUL BAR 'OS PA LA MNGON SUM GYIS 'DUL BA SBYIN PAS PHYIR BCOS PAS RTZOD PA DE ZHI BAR GYUR BAS, DE'I PHYIR PHYIR 'PHROS PA DANG BCAS PA RNAM PA GNYIS PO NYI TSE BA'I 'KHRUG LONG NI, MNGON SUM GYIS 'DUL BAS PHYIR BCOS PAS ZHI BAR 'GYUR RO, ,SKABS 'DI NI MNGON SUM GYIS 'DUL BA TSUL KHRIMS KYI DNGOS PO NYI TSE'I LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA GZU BO'I MNGON DU GLENG BAR BYA BA DANG, GLENG BA PO DANG, DE DAG GI RJES SU 'BRANG BA RNAMS KYIS RGOL BA DANG, LAN GYI TSIG DAG MNGON SUM DU BYUNG BA GANG YIN PA DES 'DUL BAR 'OS PA LA MNGON SUM GYIS SBYIN PAS PHYIR BCOS PAS RTZOD PA DE ZHI BAR 'GYUR BA YIN PAR SHES PAR BYA'O, ,DGE 'DUN MTHA' DAG DANG 'BREL BA'I 'KHRUG LONG ZHES BYA BA NI RTZVA BKRAM PA LTA BUS PHYIR BCOS PAS ZHI BAR 'GYUR TE, DE NI DGE 'DUN MTHA' DAG GIS RTZVA BKRAM PA LTA BUS PHYIR BCOS PAR BYA BA YIN PA'I PHYIR RO, ,DE YANG 'DI LTAR DE LA DGE 'DUN GYIS PHYOGS GNYI GA NAS DPER NA RTZVA BKRAM STE MGO SPRAD PA LTA BUR SEMS BTUD DE GZHI DE LAS KHYED LA LTUNG BA BYUNG BA GANG YIN PA DANG, KHO BO CAG LA LTUNG BA BYUNG BA GANG YIN PA DE DAG TSE DANG LDAN PA DAG GI MDUN DU BSHAGS PA DANG, MI BCAB PAR

, ,KHO BO CAG SPRO'O ZHES BYA BA DANG, LTUNG BA'I MING DANG RIGS SMOS PAS GZHAN LA LTUNG BA'I NGO BO NYID SHES PA SNANG BAR BYA BA LA SOGS PAS, BLO GCIG TU BYA BAR 'OS PA LA RTZVA BKRAM PA LTA BU SBYIN PAS PHYIR BCOS PAS RTZOD PA DE ZHI BAR 'GYUR BAS, DE'I PHYIR DGE 'DUN MTHA' DAG DANG 'BREL PA'I 'KHRUG LONG NI RTZVA BKRAM PA LTA BUS PHYIR BCOS PAS ZHI BAR 'GYUR RO, ,'DI'I RNAM PAR GZHAG PA NI 'DI LTAR BYA STE, DGE SLONG MTHA' DAG PHYOGS DANG, GZHAN GYI PHYOGS SU RNAM PAR GNAS PAS 'KHRUG LONG DU GYUR PA'I DGE 'DUN GYIS PHYOGS GNYI GA NAS DPER NA RTZVA BKRAM STE MGO SPRAD PA LTA BU SEMS BTUD DE GZHI DE LAS KHYED LA LTUNG BA BYUNG BA GANG YIN PA DANG, KHO BO CAG LA LTUNG BA BYUNG BA GANG YIN PA DE DAG TSE DAG LDAN PA DAG GI MDUN DU BSHAGS PA DANG, MI BCAB PAR BDAG CAG SPRO'O ZHES BYA BA DANG, LTUNG BA'I MING DANG RIGS SMOS PAS GZHAN LA LTUNG BA'I NGO BO NYID SHES PA SNANG BAR BYA BA LA SOGS PA SA BLO GCIG TU BYA BAR 'OS PA LA RTZVA BKRAM PA LTA BU SBYIN PAS PHYIR BCOS PA'I SNGAGS PHAN TSUN GNYI GA NAS LAN GSUM GSUM BRJOD PAS PHYIR BRJOD PAR BYA'O, ,DE'I SNGAGS NI 'DI YIN TE, TSE DANG LDAN PA DAG BDAG CAG LEGS PAR GSUNGS PA'I CHOS 'DUL BA LAS RAB TU BYUNG NAS 'THAB PAR GYUR, MTSANG 'DRU BAR GYUR, RTZOD PAR GYUR, 'GYED PAR GYUR CING GNAS PA STE, PHYOGS DANG GZHAN GYI PHYOGS SU RNAM PAR GNAS PA NI BDAG CAG GIS MA RNYED DE RNYED PA MA YIN NO, ,NYES PA RNYED KYIS LEGS PA RNYED PA MA YIN NO, ,KHA NA MA THO BA SBOM PO DANG, KHYIM NA GNAS PA LA BRTEN PA MA GTOGS PAR GZHI 'DI LAS KHYED LA LTUNG BA BYUNG BA GANG YIN PA DANG, BDAG CAG LA LTUNG BA BYUNG BA GANG YIN PA DE DAG TSE DANG LDAN PA DAG GI MDUN DU MTHOL BA DANG, 'CHAGS PA DANG, MI 'CHAB PAR BDAG CAG SPRO'O, ,TSE DANG LDAN PA DAG BDAG CAG LEGS PAR GSUNGS PA'I CHOS 'DUL BA LA RAB TU BYUNG NAS 'THAB PAR GYUR, MTSANG 'DRU BAR GYUR, RTZOD PAR GYUR, 'GYED PAR GYUR CING GNAS TE, PHYOGS DANG GZHAN GYI PHYOGS SU RNAM PAR GNAS PA NI BDAG CAG GIS MA RNYED DE, RNYED PA MA YIN NO, ,NYES PA RNYED KYIS LEGS PA RNYED PA MA YIN NO, ,KHA NA MA THO BA SBOM PO DANG, KHYIM NA

GNAS PA LA BRTEN PA MA GTOGS PAR GZHI 'DI LAS KHYED LA LTUNG BA BYUNG BA GANG YIN PA DANG, BDAG CAG LA LTUNG BA BYUNG BA GANG YIN PA DE DAG TSE DANG LDAN PA DAG GI MDUN DU BDAG MTHOL LO, ,'CHAGS SO, ,MI 'CHAB BO, ,MTHOL ZHING BSHAGS NA BDAG BDE BA LA REG PAR GNAS PAR 'GYUR RO, ,MA MTHOL MA BSHAGS NA NI MI 'GYUR RO, ,LAN GSUM DU BZLAS, LTUNG BA MTHONG NGAM, MTHONG NGO, ,PHYIN CHAD SDOM MAM, SNGOM MO, ,LAN GSUM DU BZLAS ZHES GSUNGS PA YIN NO, ,'DI LA PHYOGS GCIG GIS DE LTAR BYAS NA, PHYOGS GZHAN GYIS KYANG DE DAG LA DE LTAR BYA'O, ,'DI LA GANG ZAG MANG PO DAG GI DON DU NYES PA SBOM PO DANG, DGE 'DUN LHAG MA DANG, DGE 'DUN LHAG PAR GTOGS PA'I NYES PA SBOM PO LCI BA DGE 'DUN LA BSHAGS PAR BYA BA DE DAG MA GTOGS PA'I LTUNG BA DGE 'DUN MA YIN PA GANG ZAG LA BSHAGS PAR BYA BA DAG NI GANG ZAG GCIG GIS GANG ZAG GCIG LA RTZVA BKRAM PA LTA BUS PHYIR BCOS SU YANG RUNG NGO, ,'DIR GANG ZAG MANG PO DAG GI DON DU LTUNG BA DU MA DAG CIG CAR PHYIR BCOS SU YANG RUNG NGO, ,LTUNG BA BYUNG BA LA BDAG LA LTUNG BA BYUNG NGO ZHES KHAS MI LEN PA DANG, LTUNG BA MA BYUNG BA LA BDAG LA LTUNG BA BYUNG NGO ZHES KHAS LEN PAR BYED PA NI CHOS MA YIN PAR BYED PA YIN PAS MI 'CHAGS SO, ,DE LTAR NA LTUNG BA DANG BCAS PA RNAM PAR SHES PA NA RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG RNAM PA GSUM PO, PHYIR 'PHROS PA MED PA'I 'KHRUG LONG DANG, PHYIR 'PHROS PA DANG BCAS PA RNAM PA NYI TSE BA'I 'KHRUG LONG DANG, DGE 'DUN MTHA' DAG DANG BREL BA'I 'KHRUG LONG ZHES BYA BA DAG KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PA ZHI BA YIN NO,, ,,SO SOR THAR PA'I MDO'I GZHUNG 'GREL, BAM PO NYI SHU BDUN PA STE THA MA'O, ,DA NI LTUNG BA BCAS PA RNAM PAR MI SHES PA NA RANG GI NGO BO'I NYES PAS, LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA; DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS ZHI BAR 'GYUR BA BSHAD PAR BYA STE, DE'I GO RIMS RNAM PAR GZHAG PA NI 'DI YIN TE, GLENG BA PO'I SPU BDAMS PA DANG, GLENG BA POS BSKO BA DANG, GLENG BA POS GLENG BA DANG, CHE BZHI DRI BA DANG, KHAS BLANGS BA DANG, KHAS BLANGS

, ,PA BRJOD PA LA DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PA'O, ,DE GLENG BA PO'I SPU BDAMS PA'I GO RIMS RNAM PAR GZHAG PA NI 'DI LTAR BYA STE, GLENG BAR BYA BA DANG, GLENG BA PO'I BYA BA 'DI LA GLENG BAR BYA BA JI SNYED KHO NA'I GLENG BA PO DAG GIS BYA BA NI MA NGES PA'I; ,GLENG BA PO TSUL KHRIMS 'CHAL BA DANG, LOG PAR STON PA NI MTHUN PAR MI BYA'O, ,GLENG BA PO TSUL KHRIMS 'CHAL BA DANG, LOG PAR STON PA MA YIN PA STE SNOD DAG TSIG GI SGO NAS 'DZIN LA, DON GYI SGO NAS MI SHES PAS GLENG BAR BYED PA LA NI DGE 'DUN BZLOG PAR BLON GDAB PAR BYA'O, ,GLENG BA POS LUS DANG NGAG GIS BSNGAMS PA NYID DANG, SDE SNOD DAG SHES PA NYID DANG, DGE 'DUN GYI NANG DU BSAMS BZHIN DU CHOS DANG 'DUL BA LOG PA DANG, DE LA BZLOG PA DAG MI STON PA NYID CES BYA BA'I YON TAN GSUM DANG LDAN PA LA GUS PAR BYA'O, ,GLENG BA PO YON TAN GSUM DANG LDAN PA NYID YIN YANG SEMS KYI SPYOD PA NI G-YO BA NYID YIN PAS SNGAR SDIG PA LAS MA ZHUGS SU ZIN KYANG PHYIS 'JUG PAR 'GYUR SRID PAS DE'I SEMS KYI SPYOD PA BGAM PA'I PHYIR DUS DANG YUL DANG SPYOD LAM DANG RJES SU BSGRUB PA GNAS SU MI GZHAG PAS BRGAL ZHING BRTAG PAR BYA'O, ,DE DAG LAS GZHAN DU 'PHO BA DANG, RNYOG PA CAN DU GYUR PA NA GLENG BA NI 'CHAGS SO, ,DE'I 'OG TU GLENG BA PO BSKO BA'I GO RIMS RNAM PAR GZHAG PA NI 'DI LTAR BYA STE, GLENG BA PO YON TAN GSUM DANG LDAN PA DE LTA BU DANG POR SPRO BAR BYA STE, GSOL BA DANG GNYIS KYI LAS KYIS BSKO BAR BYA'O, ,DGE 'DUN GYIS GLENG BA PO DANG POR SPRO BAR BYA ZHING GSOL BA DANG GNYIS KYI LAS KYIS BSKO BA'I CHO GA DANG LAS NI 'DI LTAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA NA, JE DANG POR SPRO BAR BYA STE, DE'I 'OG TU GSOL BA BYAS TE LAS BYA'O, ,DE'I SNGAGS NI 'DI YIN TE, MING 'DI ZHES BYA BA KHYOD RE LDE'I RI LA DGE SLONG 'GRO MGYOGS DANG NAB SOL DGE SBYONG GI CHOS MA YIN PA RNAM PA MANG POS GLENG BAR SPRO 'AM, SPRO'O, ,DGE 'DUN BTZUN PA RNAMS GSAN DU GSOL, ,DGE SLONG GLENG BA PO MING 'DI ZHES BYA BA 'DI RE LDE'I RIL MCHIS TE, DGE SLONG 'GRO MGYOGS DANG, NAB SO

LA DGE SBYONG GI CHOS MA LAGS PA RNAM PA MANG POS GLENG BAR SPRO NA GAL TE DGE 'DUN GYI DUS LA BAB CING BZOD NA, DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG NAB SOL GLENG BAR BSKO'O, ,'DI NI GSOL BA'O, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, DGE SLONG GLENG PA PO MING 'DI ZHES BGYI BA RE LDE'I RI LA MCHIS NAS, DGE SLONG 'GRO MGYOGS DANG NAB SO LA DGE SBYONG GYI CHOS MA LAGS PA RNAM PA MANG POS GLENG BAR SPRO STE, DE'I SLAD DU DGE 'DUN GYIS DGE SLONG BA PO MING 'DI ZHES BGYI BA DGE SLONG 'GRO MGYOGS DANG, NAB SO LA GLENG BAR BSKO NA, TSE DANG LDAN PA GANG DAG DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG, NAB SO LA GLENG BAR BSKO BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,DGE 'DUN GYIS BZOD CING GNANG NAS, DGE 'DUN GYIS DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG NAB SO LA GLENG BAR BSKOS LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE'I 'OG TU DGE SLONG GLENG BA POS GLENG BA'I GO RIMS RNAM PAR GZHAG PA NI 'DI LTAR BYA STE, 'DI LTAR LHAN CIG GI DNGOS POS KYANG GLENG BA NYID DU RUNG STE, GANG ZAG GIS GANG ZAG LA GLENG BAR BYED PA DANG, GANG ZAG GIS GANG ZAG GNYIS LA DANG, GANG ZAG GIS GANG ZAG MANG PO LA DANG, GANG ZAG GIS DGE 'DUN LA DANG, GANG ZAG GNYIS KYIS GANG ZAG LA DANG, GANG ZAG GNYIS KYIS GANG ZAG GNYIS LA DANG, GANG ZAG GNYIS KYIS GANG ZAG MANG PO LA DANG, GANG ZAG GNYIS KYIS DGE 'DUN LA DANG, GANG ZAG MANG POS GANG ZAG LA DANG, GANG ZAG MANG POS GANG ZAG GNYIS LA DANG, GANG ZAG MANG POS GANG ZAG MANG PO MA DANG, GANG ZAG MANG POS DGE 'DUN LA DANG, DGE 'DUN GYIS GANG ZAG LA DANG, DGE 'DUN GYIS GANG ZAG GNYIS LA DANG, DGE 'DUN GYIS GANG ZAG MANG PO LA DANG, DGE 'DUN GYIS DGE 'DUN LA GLENG BAR BYED NA, GLENG BAR BYA BA DANG, GLENG BAR BYED PA'I SKABS LHAN CIG GIS DNGOS POS DE LTAR GLENG BA NYID DU RUNG NGO, ,GLENG BA POS DE BZHIN DU LHAN CIG GI DNGOS POS RUN

, ,NGO; ,DES DE LA SKABS 'BYED DU BCUG STE DUS DBEN PA'I MTHAR DRAN PA DANG SHES BZHIN NYE BAR GZHAG STE MTHONG BA 'AM, THOS PA 'AM, DOGS PA'I GZHI DANG BCAS BAS GLENG BAR BYA'O, ,DE LTAR GZHI DANG BCAS PAS GLENGS PA NA MA DRAN NA YUL DANG, DUS DANG, GZHI GANG NAS LTUNG BA BYUNG BA GLENG BA POS JI LTAR MTHONG BA 'AM, THOS PA 'AM, DOGS PA'I SGO NAS DRAN PAR BYA'O, ,DE LTAR GLENGS SHING DRAN PAR BYAS PA NA SKABS 'BYED PAR MI BYED NA, DE LA BRJOD PA DANG BCAS PA NYID DANG, MI GDAMS PA NYID DANG, GTAM 'DRE BA LA SOGS PA BZLOG PA DANG, GOS SBYONG GZHAG PA DANG, DGAG DBYE GZHAG PA DANG, PHUR PA DANG BCAS PA NYID DAG BYA'O, ,DE NAS SKABS PHYE ZHING GNYEN PA NYID DU GYUR TE, GLENG BAS KHAS BLANGS NA MTHAR THUG PA NYID YIN TE, KHAS BLANGS NA RTZOD PA NYE BAR ZHI BA YIN PA'I PHYIR RO, ,DE'I 'OG TU CHE BZHI DRI BA'I GO RIMS RNAM PAR GZHAG PA NI 'DI LTAR BYA STE, DE LTAR GLENG BA POS GLENGS PA NA GLENG BAR BYA BA DES SKABS PHYE YANG DUS DANG, YUL DANG, SPYOD LAM DANG, RJES SU BSGRUB PA DAG KHAS MI LEN NA, DE'I TSE CHE BZHI DRI BAR BYA STE, CHE BZHI NI SMRA BA PO BDEN PA MTHONG BA NYID DANG, YON TAN LAS CHES MCHOG TU GYUR PA KHYIM PA YANG RUNG BA GZHAN TSAD MAR BYA'O, ,GZHAN DANG BCAS PA NYID YIN NA TSIG BSTUN PAR BYA'O, ,THE TSOM DU GYUR PA NI SHES PA MA YIN TE MI BRTZAN NO, ,CHE BZHI BDEN PA MTHONG BA DANG, YON TAN LAS CHES MCHOG TU GYUR PA LAS NGES PAR GYUR NA RANG GIS KHAS BLANGS PA DANG 'DRA'O, ,DE'I 'OG TU KHAS BLANGS PA'I GO RIMS RNAM PAR GZHAG PA NI 'DI LTAR BYA STE; DE LTAR GLENG BA POS GLANGS SHING CHE BZHI DRIS PA LA SOGS PA'I SGRUB PA LA LTOS KYANG RUNG MA LTOS KYANG RUNG STE, DGE SLONG GIS LTUNG BA DANG BCAS PAR MI BYA BAS RGYU YOD PA DANG, LTUNG BA DANG BCAS PA DRAN NA DGE 'DUN LAS KHAS BLANG BAR BYA ZHING LTUNG BA SHES PA DE CHOS BZHIN DU PHYIR BYAS NA LTUNG BA DANG BCAS PA NYID LAS BYUNG BA'I RTZOD PA DE NYE BAR ZHI BAR 'GYUR RO, ,DE'I 'OG TU KHAS BLANGS PA BRJOD PA LA DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PA'I GO RIMS RNAM PAR GZHAG PA NI 'DI LTAR BYA STE, GANG ZAG LTUNG BA DANG BCAS PA LA GLENG BA POS GLENGS NA LTUNG BA DRAN PA

DGE 'DUN LA KHAS BLANGS NAS, DE'I 'OG TU BRJED PAS KHYAD DU GSOD PAR BYED NA, DE'I RNAM PAR MI SHES NA RANG GI NGO BO'I NYES PA LTUNG BA DANG BCAS PA NYID YIN PAS, DE LA NI DGE 'DUN GYIS DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAR BYA STE, DES NI RANG GI NGO BO NYID BTZAL NAS BTZAL BAR NUS PAS DE LA NGES PAR 'DZIN PA LA SBYAR BA NYID SBYIN NA LTUNG BA DANG BCAS PA LAS BYUNG BA'I RTZOD PA DE NYE BAR ZHI BAR 'GYUR RO, ,DE'I NGO BO NYID TSOL DU GZHUG PA ZHES BYA BA NI GANG ZAG LTUNG BA DANG BCAS PA LA GLENG BA POS GLENGS NAS, LTUNG PA DRAN PA DGE 'DUN LA KHAS BLANGS NAS, DE'I 'OG TU BRJED DE RNAM PAR MI SHES PA NA RANG GI NGO BO'I NYES BAS LTUNG BA DANG BCAS PA NYID LA DGE 'DUN GYIS GSOL PA DANG BZHI'I LAS KYIS DE'I NGO BO NYID TSOL BA DANG MTHUN PA SBYIN ZHING SA GZHAN NA GNAS PA'I SPYOD PA SBYAR BA DES LTUNG BA DE'I NGO BO NYID TSOL DU GZHUG PAR 'OS PA LA, DE'I NGO BO NYID TSOL DU GZHUG PA SBYIN ZHING NGES PAR 'DZIN PA LA SBYOR BA NYID SBYIN PAS RTZOD PA DE ZHI BAR 'GYUR BA'O, ,DE'I NGO BO NYID TSOL DU GZHUG PA SBYIN PA 'DI NI BSLAB PA BYIN PA DANG, SPO BA DANG MGU BAR BYA BA SBYIN PA LA SOGS PAS GZHAN GNAS PA'I TSUL DANG 'DRA BA YIN PAR BLTA BAR BYA STE, 'DI BLANGS PAS DE'I NGO BO NYID TSOL BAR BYED LA, LTUNG BA'I NGO BO NYID YONGS SU SHES NA DGE 'DUN GYIS DE LA BZOD PAR BYA ZHING DE'I 'OG TU RANG BZHIN DU GNAS PA NYID DU 'GYUR RO, ,KHA CIG GIS NAN TUR GYI TSUL DU BSTAN PA NI MDO SDE LAS, DE RANG GIS DGE 'DUN LA GSOL BAR BYA'O ZHES GSUNGS PA DANG 'GAL BA'I PHYIR MI RUNG NGO, ,DE LA DE'I NGO BO NYID TSOL DU GZHUG PA SBYIN PA'I GO RIMS RNAM PAR GZHAG PA NI 'DI YIN TE, DE RANG GIS DGE 'DUN LA GSOL BA DANG, DGE 'DUN GYIS DE LA GSOL BA DANG BZHI'I LAS KYIS DE'I NGO BO NYID TSOL DU GZHUG PA SBYIN PA DANG, DES JI SRID DU KHAS MA BLANGS KYI BAR DU SA GZHAN NA GNAS PA'I SPYOD PA SPYAD PAR BYA BA DANG, DES LTUNG BA MTHONG NAS BZOD PAR GSOL BA NA RANG BZHIN DU GNAS PA 'THOB PAR 'GYUR RO, ,DE LA RANG GIS DGE 'DUN LA GSOL BA'I GO RIMS RNAM PAR GZHAG PA NI 'DI LTAR BYA STE, DE RANG GIS GNAS MAL BSHAM PA BYAS NAS GAnd'I BRDUNGS TE DRIS PA'I TSIG

, ,GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA LA, MCHIL LHAM GNYIS PHUD NAS RGAN PA'I MTHA' LOGS SU TZOG PUR 'DUG STE, THAL MO SBYAR BA BTUD NAS, RANG GIS DE'I NGO BO NYID CHOL DU GZHUG PA GSOL BA'I SNGAGS LAN GSUM BZLAS PAS GSOL LO, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, BDAG DGE SLONG 'CHAR KA DGE BSNYEN MA YID CHES PA'I TSIG DANG LDAN PA'I TSIG GIS 'GRO BA DANG, 'GRENG BA DANG, 'DUG BA DANG, NYAL BA MCHID KYIS 'TSAL BA LAS BSKYUD DE MA DRAN PAS BDAG LA DGE SLONG DAG GIS GZHI DES GLENGS PAS, BDAG DGE SLONG 'CHAR KA DGE 'DUN LAS DE'I NGO BO NYID TSOL DU GZHUG PA GSOL NA, THUGS BRTZE BA CAN DGE 'DUN BTZUN PA RNAMS KYIS THUGS BRTZE BA'I SLAD DU BDAG DGE SLONG 'CHAR KA LA DE'I NGO BO NYID TSOL DU GZHUG PA STZAL DU GSOL, LAN GSUM DU BZLAS, DE'I SNGAGS NI 'DI YIN TE, DE RANG GIS GSOL BA'I CHO GA DANG SNGAGS 'DI DENG SANG 'DUL BA'I GZHUNG LAS NI MI SNANG BAS, DE'I PHYIR KHA CIG GIS NI NAN TUR GYI TSUL DU BSTAN TE, 'DI BRIS PA NI MDO SDE LAS BTUS PA YIN NO, ,DE'I 'OG TU DE LA DGE 'DUN GYIS GSOL BA DANG BZHI'I LAS KYIS DE'I NGO BO NYID TSOL DU GZHUG PA SBYIN PA'I GO RIMS RNAM PAR GZHAG PA NI 'DI LTAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, TSE DANG LDAN PA 'CHAR KA 'DI DGE BSNYEN MA YID CHES PA'I TSIG DANG LDAN PA'I TSIG GIS 'GRO BAR YANG MCHID KYIS MI 'TSAL 'GRENG BAR YANG MI 'TSAL, 'DUG PAR YANG MI 'TSAL, NYAL PAR YANG MI 'TSAL NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID TSOL DU GZHUG PA STZAL TO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, TSE DANG LDAN PA 'CHAR KA 'DI DGE BSNYEN MA YID CHES PA'I TSIG DANG LDAN PA'I TSIG GIS 'GRO BA YANG MCHID KYIS MI 'TSAL, 'GRENG BA YANG MI

'TSAL; 'DUG PA YANG MI 'TSAL, NYAL BA YANG MI 'TSAL TE, DE'I SLAD DU DGE 'DUN GYIS TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID TSOL DU GZHUG PA STZOL NA, TSE DANG LDAN PA GANG DAG TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID TSOL DU GZHUG PA STZAL BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,'DI NI LAS BRJOD PA DANG PO STE, DE BZHIN DU LAN GSUM DU BZLAS, DGE 'DUN GYIS BZOD CING GNANG NAS, DGE 'DUN GYIS TSE DANG LDAN PA 'CHAR KA LA DGE BSNYEN MA YID CHES PA'I TSIG GIS DE'I NGO BO NYID TSOL DU GZHUG PA STZAL LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE'I 'OG TU DES JI SRID DU KHAS MA BLANGS PA'I BAR DU SA GZHAN NA GNAS PA'I SPYOD PA SPYAD PAR BYA BA'I GO RIMS RNAM PAR GZHAG PA NI 'DI LTAR BYA STE, JI LTAR BSLAB PA BYIN PAS DGRA BCOM PA NYID THOB KYI BAR DU KUN DU SPYOD PA'I CHOS JI LTAR BCAS PA DE DAG THAMS CAD 'DI'I KUN DU SPYOD PA'I CHOS KYANG YIN TE, DES DGE SLONG RANG BZHIN DU GNAS PA LA MNGON PAR SMRA BA DANG, PHYAG DANG, MNGON DU LDANG BA DANG, THAL MO SBYAR BA DANG, GUS PA'I LAS DAG BDAG GIR MI BYA'O, ,DGE SLONG RANG BZHIN DU GNAS PA DANG LHAN CIG GOM PA BSRI BA NYID LAS GZHAN PAS BCAG PAR MI BYA'O, ,STAN CHES DMA' BA NYID LAS GZHAN LA 'DUG PAR MI BYA'O, ,PHYI BZHIN 'BRANG BA'I DGE SBYONG GI BDAG NYID LAS GZHAN PAS KHYIM GZHAN DU 'GRO BAR MI BYA'O, ,G-YOGS MA GCIG PAR MAL BSHAM PAR BYA'O, ,RAB TU BYUNG BA DANG, BSNYEN PAR RDZOGS PA DANG, GNAS SBYIN PA DANG, DGE TSUL NYE BAR GZHAG PAR MI BYA'O, ,GSOL BA DANG, LAS BRJOD PA DAG BYA BA KHAS MI BLANG NGO, ,LAS BYED PA DANG, DGE SLONG MA'I STON PA DANG, DGE 'DUN GYIS YID BRTAN PAR BSKO BAR KHAS MI BLANG NGO, ,DE DAG TU BSKOS PAS KYANG MI BYA'O, ,DGE SLONG MA LA STON PAS SNGAR BSKOS PAS KYANG BSTAN PAR MI BYA'O, ,'DON PA GZHAN MED NA YANG GSO SBYONG LA SO SOR THAR BA GDON PAR MI BYA'O, ,DGE SLONG DGE 'DUN LAS BKAR BA

, ,LA TSUL KHRIMS DANG LTA BA DANG, CHO GA DANG 'TSO BA NYAMS PAS GLENG BAR MI BYA'O, ,BRJOD PA DANG BCAS PA NYID DANG, PHUR PA DANG BCAS PA NYID DAG MI BYA'O, ,GDAMS NGAG DANG GSO SPYOD DANG DGAG DBYE DANG, GSOL BA DANG BRJOD PA DAG GZHAG PAR MI BYA'O, ,RANG BZHIN DU GNAS PA DANG, MGO MNYAM DU RTEN PAR MI BYA'O, ,DE'I NGO BO NYID TSOL DU GZHUG PAR BYIN PA DE'I GANG YIN PA'I NYES PA DE SPONG NGO, ,NYES PA GZHAN YANG SPANG NGO, ,TSANGS PA MTSUNGS PAR SPYOD PA RNAMS LA NYES PA DANG MTHUN PA NYID MI BYA'O, ,KUN DU SPYAD PA'I CHOS JI LTAR BCAS PA DAG NYAMS SU MA BLANGS NA BRTUL ZHUGS SNYING PO MED PAR 'GYUR RO SNYAM DU YID LA BYA'O, ,NANG PAR SNGAR LANGS TE GTZUG LAG KHANG SGO DBYE BA DANG, MAR ME'I KONG BU BSAL BAR BYA'O, ,GTZUG LAG KHANG DU CHAG CHAG DANG, PHYAG DAR DANG, LCI BA 'JAM PO'I BYUG PAS BSKU PA DAG BYA'O, ,DGE 'DUN GYI BSHANG BA DANG GCI BA'I SKYABS DAG SBYANG NGO, ,DE LTAR SA PHYAG DAR DANG DUS DANG MTHUN PA'I CHU DAG GZHAG PAR BYA'O, ,GTZUG LAG KHANG GI WA KHA DAG BSAL LO, ,DGE 'DUN GYI GDAN BSHAM PAR BYA'O, ,MCHOD PA'I DUS SHES PAR BYAS TE, BDUG SPOS DANG DE'I BOG POR DAG NYE BAR GZHAG PAR BYA'O, ,GAL TE NUS PA NYID YIN NA STON PA'I YON TAN BSGRAG GO, ,GAL TE MI NUS NA SMRA BA PO LA BCOL LO, ,DGE 'DUN LA BSHOS KYIS SPYI BUNGS BSHAMS NAS GAnd'I BRDUNGS TE, GAL TE DGE SLONG RNAMS LA TSA NA BSIL YAB BYA'O, ,DE'I 'DUG PA LA SOGS PA NI BSNYEN PAR RDZOGS PA THAMS CAD KYI MTHA' NYID DU'O, , ZAS KYI BYA BA BYAS NAS GDAN CHA DBEN PAR BRTUL LO, ,LHUNG BZED KYI GZHI DOR RO, ,DUS SHES PAR BYAS TE MCHOD RTEN DAG GI PHYAG DAR BYA'O, ,LCI BA 'JAM PO'I BYUG PAS BSKU'O, ,DGE 'DUN 'DU BA'I DUS SU YANG LDAN BSHAM PA NAS, STON PA'I YON TAN YANG DAG PAR BSGRAGS PA'I BAR DAG BYA'O,, GAL TE NUS PA NYID YIN NA TSES GRANGS KYI NYI MA DAG BRJOD PAR BYA'O, ,GAL TE MI NUS NA DGE SLONG GZHAN LA BCOL LO, ,DGONGS KAR DUS DANG MTHUN PA'I CHUS DGE SLONG RNAMS KYI RKANG PA BKRU'O, ,DGE SLONG DAG RKANG PA BKRU BA MI 'DOD NA SNUM DBUL LO, ,DE'I GTZUG LAG KHANG THA MAR 'OS

NYID YIN NO, ,THAMS CAD DU RNYED PA DBANG BA NYID YIN NO, ,DGE BA'I PHYOGS LA MI G-YEL BAR BYA'O, ,DE'I NGO BO NYID TSOL DU GZHUG PA BYIN PAS DGE SLONG RANG BZHIN DU GNAS PA NYID MA YIN PA DANG, DGE 'DUN DU MA LANGS PA DANG, GNAS DE NAS DGE SLONG YONGS SU SPYAD PA KUN DU SPYOD PA DAG LA KUN DU SPYOD PA MI 'CHAGS SO,, DGE SLONG MANG PO NYID YONGS SU SPANG BAR MI BYA'O, ,GNAS BRTAN DANG BCAS PA SO SOR THAR BA DANG BCAS PA NYID DU SBYANG BAR 'BAD PAR BYA'O, ,MTSAMS GZHAN DU ZHAG LON PA LA NI NYES PA MED DO, ,DGE 'DUN GYIS BKAD PA'I GRANGS LA MA GTOGS SO, ,DE'I KUN DU SPYAD PA DGE 'DUN LA SPYAD PAR BYA'O; ,DE'I NGO BO NYID TSOL DU GZHUG PA BYIN PA BZHI YAN CHAD MTSAMS GCIG GI DGE 'DUN LA SPYOD YUL DU MI GNANG NGO, ,LAS BRGYA RTZA GCIG NI DGE 'DUN DANG MTHUN PAR BYA'O, ,BSLAB PA LAS 'DAS PA'I LTUNG BA THAMS CAD NI DGE SLONG RANG BZHIN DU GNAS PA DANG 'DRA'O, ,DE LA 'DUN PA DBUL DU MI RUNG NGO, ,DE'I 'DUN PA BLANG DU MI RUNG NGO, ,DE LA DGE SLONG DANG, DGE SLONG MA DANG, DGE SLOB MA DANG, DGE TSUL DANG, DGE TSUL MAS GTUGS TE PHYAG MI BYA'O, ,DE'I NGO BO NYID TSOL DU GZHUG PA BYIN PA DE NI NAM BZOD PA GSOL BA NA RANG BZHIN DU GNAS PA THOB PAR 'GYUR RO, ,BZOD PA MA GSOL NA JI SRID 'TSO'I BAR DU DE'I NGO BO NYID TSOL DU GZHUG PA SBYIN PA SPYAD PA'I CHO GA JI SKAD BSTAN PA DE DAG LA DE BZHIN DU BSLAB PAR BYA'O, DE TZAM GYIS NA DE'I NGO BO NYID TSOL BA DANG MTHUN PA BYIN PA DES LTUNG BA MTHONG ZHING KHAS LEN PA NYID DU 'GYUR RO, ,DE'I 'OG TU DES LTUNG BA MTHONG NAS BZOD BA GSOL NA RANG BZHIN DU GNAS PA 'THOB PAR GYUR PA'I GO RIMS RNAM PAR GZHAG PA NI 'DI LTAR BYA STE, DES LTUNG BA MTHONG NAS RANG GIS DGE 'DUN LA BZOD PA MDZAD PAR GSOL BA DANG, DGE 'DUN GYIS DE LA GSOL BA DANG, BZHI'I LAS KYIS BZOD PA MDZAD PA'O, ,DES LTUNG BA MTHONG NAS RANG GIS DGE 'DUN LA BZOD PA MDZAD PAR GSOL BA'I GO RIMS RNAM PAR GZHAG PA NI 'DI LTAR BYA STE, DE RANG GIS GNAS MAL BSHAM PA BYAS NAS, GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA LA MCHIL LHAM GNYIS

, ,PHUD DE, BLA GOS PHRAG PA GCIG TU BYAS NAS RGAN RIMS LA PHYAG 'TSAL TE, RGAN PA'I MTHA' LOGS SU COG BUR 'DUG NAS THAL MO SBYAR BA BTUD DE, SNGAGS LAN GSUM BZLAS PAS GSOL BAR BYA'O, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, BDAG DGE SLONG 'CHAR KA DE'I NGO BO NYID TSOL DU STZAL PA, SKRA ''GRENG BAR GYUR, SKRA 'PHYAR BAR GYUR CING DGE 'DUN LA SPU SNYOL BAR BGYID, 'BYUNG BAR BSKYOD, MTSUNGS PAR NYE BAR STON LA MTSAMS KYI NANG DU MCHIS TE, BZOD PA GSOL ZHING GZHI GANG NAS SMAD BAB PA'I PHRIN LAS MDZAD BA'I GZHI DE LAS SLAR LDOG NA, THUGS BRTZE BA CAN DGE 'DUN BTZUN PA RNAMS KYIS THUGS BRTZE BA'I SLAD DU DGE SLONG 'CHAR KA DE'I NGO BO NYID TSOL DU STZAL BA LA BZOD PA MDZAD DU GSOL, LAN GSUM BZLAS ZHES GSUNGS PA YIN NO, ,DE'I 'OG TU DGE 'DUN GYIS DE LA GSOL BA DAN BZHI'I LAS KYIS BSGO NAS BZOD PA MDZAD PA RNAM PAR GZHAG PA NI 'DI LTAR BYA STE, DE'I 'OG TU DGE SLONG GCIG GIS GSOL BA BYAS TE LAS BYA'O, ,DE'I SNGAGS NI 'DI YIN TE, DGE 'DUN BTZUN PA RNAMS GSAN DU GSOL, DGE SLONG 'CHAR KA NGO BO NYID TSOL DU STZAL BA 'DI SPU 'GRENG BAR GYUR, SPU 'PHYAR BAR GYUR CING DGE 'DUN LA SPU SNYOL BAR BGYID, 'BYUNG BAR BSKYOD, MTSUNGS PAR NYE BAR STON LA MTSAMS KYI NANG DU MCHIS TE, BZOD PA GSOL ZHING GZHI GANG LAS SMA DBAB PA'I PHRIN LAS MDZAD PA'I GZHI DE LAS SLAR LDOG PAR GSOL NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS TSE DANG LDAN PA 'CHAR KA'I NGO BO NYID TSOL DU STZAL BA LA BZOD PA MDZAD DO, ,'DI NI GSOL BA'O, ,DGE 'DUN BTZUN PA RNAMS GSAN DU GSOL, ,DGE SLONG 'CHAR KA DE'I NGO BO NYID TSOL DU STZAL BA 'DI SKRA 'GRENG BAR GYUR, SKRA 'PHYAR BAR GYUR CING DGE 'DUN LA SPU SNYOL BAR BGYID, 'BYUNG BAR BSKYOD, MTSUNGS PAR NYE BAR STON, MTSAMS KYI NANG DU MCHIS TE, BZOD PA GSOL ZHING GZHI GANG LA SMA DBAB PA'I PHRIN LAS MDZAD PA'I GZHI DE LAS SLAR LDOG STE, DE'I SLAD DU DGE 'DUN GYIS DGE SLONG 'CHAR KA DE'I NGO BO NYID TSOL DU STZAL BA LA

BZOD PA MDZAD NA, TSE DANG LDAN PA GANG DAG DGE SLONG 'CHAR KA DE'I NGO BO NYID TSOL DU STZAL BA LA BZOD PA MDZAD PAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNGS SHIG ,'DI NI LAS BRJOD PA DANG PO STE, DE BZHIN DU LAN GNYIS LAN GSUM DU BZLAS, DGE 'DUN GYIS BZOD CING GNANG NAS, DGE 'DUN GYIS DGE SLONG 'CHAR KA DE'I NGO BO NYID TSOL DU STZAL BA LA BZOD PAR MDZAD LAGS TE, 'DI LTAR CANG MI GSUNG BAS DE DE BZHIN DU 'DZIN TO ZHES GSUNGS PA YIN NO, ,DE LTAR DES LTUNG BA MTHONG NAS, BZOD PA GSOL TE RANG BZHIN DU GNAS PA THOB NA LTUNG BA DE CHOS BZHIN DU PHYIR BCOS PAR BYA STE, DE TZAM GYIS NA LTUNG BA DANG BCAS PA RNAM PAR MI SHES PA NA RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA DE NYID ZHI BAR 'GYUR RO, ,DE LTAR NA LTUNG BA DANG BCAS PA RNAM PAR MI SHES PA NA, RANG GI NGO BO'I NYES PAS LTUNG BA DANG BCAS PA NYID LAS BYUNG BA'I 'KHRUG LONG LTUNG BA'I PHYIR RTZOD PA DE'I NGO BO NYID TSOL DU GZHUG PAS, NGES PAR 'DZIN PA LA SBYAR BA NYID SBYIN PAS ZHI BA YIN NO, ,LTUNG BA'I PHYIR RTZOD PA ZHI BAR BYA BA BSHAD ZIN TO,, ,,DA NI BYA BA'I PHYIR RTZOD PA ZHI BAR BYA BA BSHAD PAR BYA STE, 'KHRUG LONG GI RGYU BZHI PA LAS LA MTHUN PA MIS BYIN PA LAS BYUNG BA'I 'KHRUG LANG BYA BA'I PHYIR RTZOD PA ZHI BAR BYA BA'I CHOS BDUN PO THAMS CAD KYIS SNGA MA BZHIN DU CI REGS PAR RGYUD GCIG TU BYA BA DANG, DAG PA SBYIN PA DANG, PHYIR BCOS PA DANG, NGES PAR 'DZIN PA SBYAR BA NYID SBYIN PA'I RIM GYIS LAS LA MTHUN PA SBYIN DU GZHUG PAS ZHI BAR BYA'O ZHES GSUNGS PA LA, 'KHRUG LONG GI RGYU BZHI PA LAS LA MTHUN PA MI SBYIN PA LAS BYUNG BA'I 'KHRUG LONG BYA BA'I PHYIR RTZOD PA NI RTZOD PA ZHI BAR BYA BA'I CHOS BDUN PO THAMS CAD KYIS CI RIGS ZHI BAR BYA BA YIN TE, DE'I PHYIR ZHI BA THAMS CAD NI BYA BA'I PHYIR RTZOD PAR 'JUG GO ZHES GSUNGS SO, ,RNAM PA GANG GIS RTZOD PA ZHI BAR BYA BA THAMS CAD BYA BA'I PHYIR RTZOD PAR 'JUG CE NA, RGYU'I SGO NAS TE RGYU GANG DANG GANG GIS RTZOD PA ZHI BAR BYA BA BDUN DAG 'JUG PAR 'GYUR BA'I RGYU DE DANG DE NI BYA BA'I PHYIR RTZOD PA LA YOD DE, ,JI LTAR DNGOS PO'I DE BZHIN NYID LA LOG PAR SGRUB PA'I RGYU LAS 'GYED PA'I PHYIR RTZOD

, ,PA 'BYUNG ZHING, DE MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS ZHI BAR 'GYUR BA DE BZHIN DU DNGOS PO'I DE BZHIN NYID LA LOG PAR SGRUB PA'I RGYUS LAS LA MTHUN PA MI SBYIN PA LAS BYA BA'I PHYIR RTZOD PA YANG 'BYUNG ZHING DE YANG MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BA LAS LA MTHUN PA SBYIN DU GZHUG PAS ZHI BAR 'GYUR TE, DE LTAR NA RGYU GANG GIS 'GYED PA'I PHYIR RTZOD PA KUN NAS SLONG ZHING, CHOS GANG DAG GIS THABS JI LTAR BYA BAS DE ZHI BAR 'GYUR BA'I RGYU DE NYID KYIS BYA BA'I PHYIR RTZOD PA YANG KUN NAS SLONG ZHING CHOS DE DAG THABS DE NYID LAS LA MTHUN PA SBYIN DU GZHUG PAS DE ZHI BAR 'GYUR BAS RGYU GANG GIS 'GYED PA'I PHYIR RTZOD PA ZHI BAR BYA BA 'JUG PAR 'GYUR BA'I RGYU DE NI BYA BA'I PHYIR RTZOD PA LA YANG 'JUG GO ,JI LTAR GDAMS NGAG LA SOGS PA 'JOG PAS GZHAN SPONG BA'I RGYU LAS MI GDAMS PA'I PHYIR RTZOD PA 'BYUNG ZHING, DE MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BA DANG, DRAN PAS 'DUL BA DANG, MA SMYOS PAS 'DUL BAS DAG PA SBYIN PAS ZHI BAR 'GYUR BA DE BZHIN DU GDAMS NGAG LA SOGS PA 'JOG PAS GZHAN SPONG BA'I RGYU LAS LA MTHUN PA MI SBYIN PA LAS BYA BA'I PHYIR RTZOD PA YANG 'BYUNG ZHING, DE YANG MNGON SUM GYIS 'DUL BA DANG, TSUL SHING MANG PO SBYIN PAS RGYUD GCIG TU BYA BAS LAS LA MTHUN PA SBYIN DU GZHUG PA DANG, DRAN PAS 'DUL BA DANG, MA SMYOS PAS 'DUL BAS DAG PA SBYIN PAS LAS LA MTHUN PA SBYIN DU GZHUG PAS ZHI BAR 'GYUR TE, DE LTAR NA RGYU GANG GIS MI GDAMS PA'I PHYIR RTZOD PA KUN NAS SLONG ZHING CHOS GANG DAG GIS THABS JI LTAR BYA BAS DE ZHI BAR 'GYUR BA'I RGYU DE NYID KYIS BYA BA'I PHYIR RTZOD PA YANG KUN NAS SLONG ZHING, CHOS DE DAG DANG THABS DE NYID KYIS LAS LA MTHUN PA SBYIN DU GZHUG PA DE ZHI BAR 'GYUR BAS RGYU GANG GIS MI GDAMS PA'I PHYIR RTZOD PA ZHI BAR BYA BA 'JUG PAR 'GYUR BA'I RGYU DE NI BYA BA'I PHYIR RTZOD PA LA YANG 'JUG GO, ,JI LTAR LTUNG BA DANG BCAS PA NYID KYI RGYU LAS LTUNG BA'I PHYIR RTZOD PA 'BYUNG ZHING, DE KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PA DANG, LAS LA

MTHUN PA SBYIN DU GZHUG PA DANG, DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS ZHI BAR 'GYUR BA DE BZHIN DU LTUNG BA DANG BCAS PA NYID KYI RGYU LAS LA MTHUN PA MI SBYIN PA LAS BYA BA'I PHYIR RTZOD PA YANG 'BYUNG ZHING DE YANG KHAS BLANG BAR BYA BA DANG, MNGON SUM GYIS 'DUL BA DANG, RTZVA BKRAM PA LTA BUS PHYIR BCOS PAS LAS LA MTHUN PA SBYIN DU GZHUG PA DANG, DE'I NGO BO NYID TSOL DU GZHUG PAS NGES PAR 'DZIN PA LA SBYAR BA NYID SBYIN PAS LAS LA MTHUN PA SBYIN DU GZHUG PAS ZHI BAR 'GYUR TE, DE LTAR NA RGYU GANG GIS LTUNG BA'I PHYIR RTZOD PA KUN NAS SLONG ZHING CHOS GANG DAG GIS THABS JI LTAR BYA BAS DE ZHI BAR 'GYUR BA'I RGYU DE NYID KYI BYA BA'I PHYIR RTZOD PA KUN NAS SLONG ZHING CHOS DE DAG DANG THABS DE NYID KYIS LAS LA MTHUN PA SBYIN DU GZHUG PAS DE ZHI BAR 'GYUR BA'AM, RGYU GANG GIS LTUNG BA'I PHYIR RTZOD PA ZHI BAR BYA BA 'JUG PAR 'GYUR BA'I RGYU DE NI BYA BA'I PHYIR RTZOD PA LA YANG 'JUG STE; DE'I PHYIR ZHI BA THAMS CAD NI BYA BA'I PHYIR RTZOD PA 'JUG GO ZHES GSUNGS SO, ,'DIR GZHUNG NI BTZUN PA BCOM LDAN 'DAS KYIS RTZOD PA BZHI PO GANG GSUNGS PA DANG, RTZOD PA ZHI BAR BGYI BA BDUN PO GANG DAG GSUNGS PA DE DAG LA BTZUN PA DGE SLONG GIS RTZOD PA BZHI PO DAG RTZOD PA ZHI BAR BGYI BA BDUN PO GANG YANG RUNG BAS NYE BAR ZHI BAR BGYI BA DANG, NYE BAR ZHI BAR RUNG NGAM, NYE BA 'KHOR BYA BA'I PHYIR RTZOD PA MA GTOGS PA MI RUNG NGO ZHES GANG GSUNGS PA YIN NO, ,BYA BA'I PHYIR RTZOD PA ZHI BAR BYA BA BSHAD ZIN TO,, ,,DA NI RTZOD PA GZHI'I ZHU BA SPYIR BSTAN PA'I SKABS CUNG ZHIG BRJOD BAR BYA STE, KHA SKONG BAR 'OS PA MA YIN PA NI DGE 'DUN GYIS THA SNYAD LA TSOGS PAR DBYUNG BA NYID MA YIN NO, ,BSNYEN PAR MA RDZOGS PA GZHAN GYI RTZOD PA DAG NI BSNYEN PAR MA RDZOGS PA DANG BCAS PA RNAMS KYI DBANG DU BYA STE DE DAG GIS DE ZHI BAR BYA'O, ,BUD MED RNAMS KYI RTZOD PA NI SKYES PAS ZHI BAR BYA'O; ,GLENG BA PO DANG, GLENG BAR BYA BA GNYI GA 'AM, GANG YANG RUNG BA SHI 'AM NYAMS SAM, GZHAN DU SONG NGAM, NAD KYI RNAM PA YUN RING POS BTAB NA RTZOD PA NYE BAR ZHI BA GNYI GA YIN NO, ,RTZOD PA ZHI BAR BYA BA GDON PA BSHAD ZIN TO,, ,,SNGAR SO SOR THAR PA'I MDO 'DI'I BSDUS PA'I

, ,DON NI MTSAN NYID RNAM PA LNGAS STON TE, MCHOD PA DANG, GLENG BSLANG BA DANG, YANG DAG PAR BRTZAMS PA DANG, GZHUNG RGYAS PA DANG, BSDUS PA'I MTSAN NYID KYIS SO ZHES SMOS PA LA, MCHOD PA DANG, GLENG BSLANG BA DANG, YANG DAG PAR BRTZAMS PA'I MTSAN NYID NI SNGAR GNAS SKABS JI LTA BA BZHIN DU BSHAD ZIN TO, ,GZHUNG RGYAS PA'I MTSAN NYID KYIS BSDUS PA'I DON NI RNAM PA GNYIS TE, DANG POR BYA BA DANG, MDO GDON PA'O, ,DE LA DUS DANG POR BYA BA NI MDO GDON PA'I SNGON ROL DU BYA BA STE CHO GA'O, ,MDO GDON PA NI GSOL BA BYAS NAS SO SOR THAR BA'I MDO'I GDON PA RNAM PA LNGA PO DAG GDON PA STI LAS SO, ,DE LA DUS DANG POR BYA BA BSDUS PA'I DON NI RNAM PA DRUG STE, SO SOR THAR PA MNYAN PA LA RNA BA MI GTOD PA'I NYES DMIGS DANG, MI 'DU BA DGAG PA DANG, MCHOD CING LUNG DBOG PA DANG, YANG DAG PAR SGRUB TU GZHUG PA DANG, DE'I PHAN YON DANG; YANG DAG PAR MI BSGRUB PA'I NYES DMIGS BSTAN PA'O, ,MDO GDON PA'I BSDUS PA'I DON YANG RNAM PA DRUG STE, GSOL BA DANG, GLENG GZHI GDON PA DANG, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIL GYIS GDON PA'I MTSAN NYID BSTAN PA'O ZHES SMOS PA LAS, DUS DANG POR BYA BA'I BSDUS PA'I DON NI RNAM PA DRUG DANG, MDO GDON PA'I BSDUS PA'I DON RNAM PA DRUG LAS GSOL BA GDON PA YAN CHAD KYANG SNGAR GNAS SKABS JI LTA BA BZHIN DU BSHAD ZIN TO, ,GLENG GZHI GDON PA LA SOGS PA SO SOR THAR PA'I MDO GDON PA LA RNAM PA LNGA PO DAG KYANG SNGAR GNAS SKABS JI LTA BA BZHIN DU GO RIMS BSTAN NAS, DA 'DIR DE DAG GI MJUG BSDU BA BSTAN PA'I PHYIR TSE DANG LDAN PA DAG BDAG GIS SO SOR THAR PA'I MDO GDON PA'I GLENG GZHI NI BTON ZIN TO, ,PHAM PAR 'GYUR BA LA CHOS BZHI DANG, DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM CU DANG, LTUNG BYED KYI CHOS DGU BCU DANG, SO SOR BSHAGS PAR BYA BA'I CHOS BZHI DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO BTON ZIN TO ZHES BYA BA GSUNGS SO, ,SO SOR

THAR PA'I MDO GDON PA RNAM PA LNGA'I GLENG GZHI GDON PA DANG, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIL GYIS GDON PA STE, GLENG GZHI DANG, PHAM PAR 'GYUR BA DANG, DGE 'DUN LHAG MA DANG, MA NGES PA YAN CHAD BZHI DANG, SPANG BA'I LTUNG BYED MAN CHAD RIL GCIG TU BSDUS PA DANG GO RIMS BZHIN NO, ,SO SOR THAR PA'I MDO GDON PA RNAM PA LNGA PO DE DAG LA DGE SLONG RNAMS KYIS SBYOR BA DANG, DNGOS GZHI DANG, MJUG GI SGO NAS 'JIG RTEN DANG MI 'GAL BA DANG, 'DUL BA DANG MI 'GAL BAR MNGON PAR MTHO BA'I LAM DANG, NGES PAR LEGS PA'I LAM LA NAN TAN BYA ZHING NGES PAR 'BYUNG BA'I TSUL KHRIMS KYI RGYU DANG 'BRAS BU LA NYE BAR SBYAR BA BSTAN PA'I PHYIR, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I MDOR GTOGS SHING MDOR BSDUS PA NI 'DI DAG GO, ,GANG GZHAN NAS 'BYUNG BA CHOS KYI RJES SU MTHUN PA'I CHOS DE LA YANG KHYED RNAMS 'DUM PA DANG, MTHUN PA DANG, DGA' BA DANG, MI RTZOD PAS SEMS KUN DU BSRUNG BA DANG, DRAN PA DANG BAG YOD PAS RNAL 'BYOR DU BYA'O ZHES BYA BA GSUNGS SO, ,DE LA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I ZHES BYA BA NI STON PA'I CHE BA NYID BSTAN TE, BCOM LDAN 'DAS ZHES BYA BA NI BDUD BZHI BCOM PA DANG, LEGS PA DRUG DANG LDAN PA'I PHYIR RO, ,DE BZHIN GSHEGS PA ZHES BYA BA NI YANG DAG PA JI LTA BA BZHIN DU RTOGS PA DANG GSUNGS PA'I PHYIR RO, ,DGRA BCOM PA ZHES BYA BA NI NYON MONGS PA'I DGRA RNAMS BCOM PA DANG, MCHOD PAR 'OS PA'I PHYIR RO, ,YANG DAG PAR RDZOGS PA'I SANGS RGYAS ZHES BYA BA NI SHES BYA BA THAMS CAD JI SNYED YOD PA NYID DANG, JI LTA BA BZHIN DU YOD PA NYID YANG DAG PA'I YE SHES KYIS MA LUS PA DANG, PHYIN CI MA LOG PAR THUGS SU CHUD PAS GNYID SANGS PA DANG PADMA RGYAS PA BZHIN DU GYUR PA'I PHYIR RO, ,DE'I ZHES BYA BA NI SO SOR THAR PA'I MDO 'DI STON PA DE'I YIN NO ZHES BYA BAR SBYAR TE, DES NI SANGS RGYAS 'DUL BA'I GTZO, ,ZHES BYA BA DANG, SANGS RGYAS 'DUL BA GANG CHEN MTSO, ,ZHES

, ,GSUNGS PA'I DON MCHOD CING STON PA DANG, BSTAN PA'I CHE BA NYID KYANG BSTAN TO, ,MDOR GTOGS SHING MDOR BSDUS PA NI 'DI DAG GO ZHES BYA BAS NI BSTAN PA'I CHE BA NYID BSTAN TE, MDOR GTOGS SHING ZHES BYA BA NI 'DUL BA'I SNE SDOD SPYI'I MDOR GTOGS PA'O, ,MDOR BSDUS BA NI ZHES BYA BA NI SO SOR THAR PA'I MDOR BSDUS PA'O, ,'DI DAG GO ZHES BYA BA NI SO SOR THAR PA'I MDOR BSDUS PA LTUNG BA'I SDE LNGA PO DE DAG STE, LTUNG BA SDE LNGA NI PHAM PAR 'GYUR BA DANG, DGE 'DUN LHAG MA DANG, LTUNG BYED DANG SO SOR BSHAGS PAR BYA BA DANG, BSLAB PA'I CHOS MANG PO DAG GO, ,GANG GZHAN NAS 'BYUNG BA ZHES BYA BA NI SDE SNOD GSUM GYI GZHUNG GZHAN NAS 'BYUNG BA GANG YIN PA'O, ,CHOS KYI RJES SU MTHUN PA'I CHOS DE LA YANG ZHES BYA BA NI MYA NGAN LAS 'DAS PA'I CHOS KYI RJES SU MTHUN PA'I CHOS MYA NGAN LAS 'DAS PA'I CHOS 'THOB PA'I THABS SU 'GYUR BA NGES PAR 'BYUNG BA'I TSUL KHRIMS DANG, SEMS DANG, SHES RAB DE YANG NGO, ,KHYED RNAMS ZHES BYA BA NI DGE SLONG RNAMS SO, ,'DUM PA DANG ZHES BYA BA NI SBYOR BA'I SGO NAS SO, ,MTHUN PA DANG ZHES BYA BA NI DNGOS KYI SGO NAS SO, ,DGA' BA DANG ZHES BYA BA NI MJUG GI SGO NAS SO, ,MI RTZOD PA DANG SEMS KUN DU BSRUNG BA DANG ZHES BYA BA NI 'JIG RTEN DANG MI 'GAL BAR MNGON PAR MTHO BA'I LAM LA NAN TAN BYA ZHING NGES PAR 'BYUNG BA'I TSUL KHRIMS KYI RGYU LA NYE BAR SBYAR BA BSTAN TO, ,DRAN PA DANG BAG YOD PAS RNAL 'BYOR DU BYA'O ZHES BYA BAS NI 'DUL BA DANG MI 'GAL BAR LEGS PA'I LAM LA NAN TAN BYA ZHING NGES PAR 'BYUNG BA'I TSUL KHRIMS KYI 'BRAS BU NYE BAR SBYAR BAR BSTAN TO, ,GZHUNG RGYAS PA'I MTSAN NYID BSHAD ZIN TO,, ,,DE'I 'OG TU BSDUS PA'I MTSAN NYID BSHAD PAR BYA STE, BSDUS PA'I MTSAN NYID CES BYA BA NI SO SOR THAR PA'I MDO MDOR BSDUS TE GDON PA'I SGO NAS DE BZHIN GSHEGS PA RIGS BDUN GYIS 'DUL MDOR BSDUS TE BSTAN PA'O, ,DE LA BCOM LDAN 'DAS DE BZHIN GSHEGS PA RNAM PAR GZIGS KYI SLOB MA RNAMS NI NYES PA CHUNG BAR 'GYUR TE, CHOS LA DGA' BA'I GNAS DANG, DAM PA MA YIN PA'I CHOS LA ZHUGS PA'I MU STEGS CAN RNAMS LA 'TSE BA LA MNGON PAR DGA' BA TZAM ZHIG YOD PAS DE DAG

DAG GI NYES PA DE YONGS SU SPONG BA'I PHYIR BCOM LDAN 'DAS DES SO SOR THAR PA'I MDO 'DI LTAR MDOR BSDUS TE, ZLA BA PHYED PHYED CING BTON PAR GYUR TE, BZOD PA DKA' THUB DAM PA BZOD PA YI, ,MYA NGAN 'DAS PA MCHOG CES SANGS RGYAS GSUNGS, ,RAB TU BYUNG BA GZHAN LA GNOD PA DANG, ,GZHAN LA 'TSE BA DGE SBYONG MA YIN NO, ,ZHES BYA BA'O, ,DE LA BZOD PA ZHES BYA BA NI BZOD PAR BYED PA STE, GZHAN GYI NYES PA DANG DU LEN PA DANG, GZHAN LA ZHE SDANG BYA BA MED PA'O, ,DE NYID DKA' THUB DAM PA YIN TE SEMS KYI ZHE SDANG SBYONG BAR BYED PA'I PHYIR DANG, SNYING RJE BSKYED PA'I PHYIR RO, ,BZOD PA'I MYA NGAN LAS 'DAS ZHES BYA BA LA, BZOD PA ZHES BYA BA NI BZOD PAR BYED PA STE, SDUG BSNGAL GYI BDEN PA'I YUL GYI RNAM PA MI RTAG PA DANG, SDUG BSNGAL BA DANG STONG PA DANG, BDAG MED PA DAG BZOD PA'I SHES RAB SDUG BSNGAL DPAG TU MED PA LA CHOS SHES PA'I BZOD PA'O, ,DE SNGON DU BTANG BA 'AM, DES NYE BAR BSTAN PA'I MYA NGAN LAS 'DAS PA NI BZOD PA'I MYA NGAN LAS 'DAS PA STE, ZAG PA MED PA'I LAM GYIS THOB PA'I MYA NGAN LAS 'DAS PA'O, ,DE LA MYA NGAN LAS 'DAS PA MCHOG CES GSUNGS ZHES BYA BA NI BZOD PA'I MYA NGAN LAS 'DAS PA DE DNGOS PO THAMS CAD KYI MCHOG YIN NO ZHES SANGS RGYAS BCOM LDAN 'DAS RNAMS KYIS BSNGAGS PA STE, 'JIG RTEN PA'I LAM GYIS THOB PA'I MYA NGAN LAS 'DAS PA NI GTAN DU BA MA YIN LA, ZAG PA MED PA'I LAM GYIS THOB PA'I MYA NGAN LAS 'DAS PA NI GTAN DU BA YIN TE, ZHI BA'I NGO BO NYID YIN PA'I PHYIR RO, ,JI LTAR NA BZOD PA DKA' THUB DAM PA YIN ZHE NA, DE'I PHYIR, RAB TU BYUNG BA GZHAN LA GNOD PA DANG, ,GZHAN LA 'TSE BA DGE SBYONG MA YIN NO, ,ZHES BYA BA GSUNGS TE, GZHAN LA GNOD PAR ZHES BYA BA NI YID KYIS GNOD PA BYED PA'O, ,GZHAN LA 'TSE BA ZHES BYA BA NI LUS DANG, DAG GNYIS KYIS 'TSE BA'O, ,DGE SLONG ZHES BYA BA NI ZHI BA'I BDAG NYID DO, ,'DI SKAD BSTAN TE, DE'I PHYIR GZHAN LA GNOD PA DANG, GZHAN LA 'TSE BA DANG RAB TU BYUNG BA'I DGE SBYONG RDZOGS PA MA YIN PA DE'I PHYIR BZOD PA NI DKA' THUB DAM PA YIN PA DE NI 'BRAS BU BZOD PAS THOB PA'I MYA NGAN LAS 'DAS PA'I YANG MCHOG YIN PAS DE'I PHYIR RAB TU BYUNG BAS BZOD PA BSTAN PAR BYA'O ZHES BSTAN

, ,TO; ,BCOM LDAN 'DAS DE BZHIN GSHEGS PA GTZUG TOR CAN GYI SLOB MA RNAMS KYANG NYES PA CHUNG BAR 'GYUR TE, GZHAN GYI NYES PA SGROGS PA MANG BA TZAM ZHIG YOD PAS DE DAG GI NYES PA DE YONGS SU SPONG BA'I PHYIR SANGS RGYAS BCOM LDAN 'DAS DES SO SOR THAR PA'I MDO'I GZHUNG 'GREL 'DI LTAR MDOR BSDUS TE ZLA BA PHYED PHYED CING BTON PAR GYUR TE, MIG LDAN 'GRO BA YOD PA YIS, ,NYAM NGA PA DAG JI BZHIN DU, ,MKHAS PA 'TSO BA'I 'JIG RTEN 'DIR, ,SDIG PA DAG NI YONGS SU SPONG, ,SKUR PA MI GDAB GNOD MI BYA, ,SO SOR THAR PA 'ANG BSDAM PAR BYA,, ZAS 'DI TSOD KYANG RIG PAR BYA, ,RAB MTHA'I GNAS SU GNAS PAR NI, ,LHAG MA'I SEMS LA YANG DAG SBYOR, ,'DI NI SANGS RGYAS BSTAN PA YIN, ,ZHES BYA BA'O, ,DE LA MIG LDAN 'GRO BA YOD PA YIS, ,NYAM NGA BA DAG JI BZHIN DU, ,ZHES BYA BA NI JI LTAR MIG DANG LDAN PA LONG BA MA YIN PA 'GRO BA YOD PA 'GRO SHES PAS NGAM GROG DANG TSER MA DANG SDIG SBRUL LA SOGS PA NYAM NGA BA SDUG BSNGAL GYI RGYUR GYUR PA'I GNAS MI MNYAM PA DAG YONGS SU SPONG BAR BYED PA DE BZHIN DU, MKHAS PA 'TSO BA'I 'JIG RTEN 'DIR, ,SDIG PA DAG NI YONGS SU SPONG, ,ZHES BYA BA GSUNGS TE, MKHAS PA BLO DANG LDAN PA, RTOG PA DANG, SEL NUS PA YANG 'TSO BA'I 'JIG RTEN 'KHOR BA 'DI NA SDIG PA GANG DAG YIN PA DE DAG YONGS SU SPONG BAR BYED PA'O, ,JI LTAR SDIG PA DE DAG YONGS SU SPANG BAR BYA ZHE NA, DE'I PHYIR, SKUR BA MI GDAB GNOD MI BYA, ,ZHES BYA BA LA SOGS PA GSUNGS TE, SKUR PA MI GDAB CES BYA BA NI GZHAN LA YANG DAG PA DANG, YANG DAG PA MA YIN PA YANG RUNG BAS SKUR PA MI GDAB PA'O, ,GNOD MI BYA BA ZHES BYA BA NI GZHAN LA RDEG PA DANG, TSIG RTZUB PO LA SOGS PAS GNOD PA MI BYA BA'O, ,SO SOR THAR PA 'ANG BSDAM PAR BYA, ,ZHES BYA BA LA, SO SOR THAR PA ZHES BYA BA NI SROG GCOD PA DANG, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, PHRA MA DANG, TSIG 'KHYAL PA DANG, NGAG RTZUB PO DAG SPONG BA'I SDOM PA DGE SLONG LA SOGS PA'I RIS BDUN PO DAG GO, ,DE BSDAM PAR BYA BA NI YONGS

SU GZUNG BAR BYA BA STE, DES NI BZLOG PA'I MTSAN NYID DANG, SPYAD PA'I MTSAN NYID RNAM PA GNYIS KYI TSUL KHRIMS KYIS LHAG PA'I TSUL KHRIMS BSTAN PAR SHES PAR BYA'O, ,ZAS 'DI TSOD KYANG RIG PAR BYA, ,ZHES BYA BA NI 'DI LTAR DGE SLONG RNAMS KYIS ZAS SU RUNG BA 'DI LA ZAS KYI TSOD KYANG SHES PAR BYA BA STE, JI TZAM GYIS LUS LCI BA DANG RMYA BAR MI 'GYUR BA DE TZAM GYI TSOD YONGS SU SHES PAR BYA'O, ,RAB MTHA'I GNAS SU GNAS PAR ZHES BYA BA NI RAB KYI MTHAR GYUR PA'I GNAS DBEN PAR GNAS PAR BYA BA STE, 'DIS NI LUS DANG YUL LEGS PAR MTHUN PA DAG GI LAS BSGOM PA'I TSOGS BSTAN PAR SHES PAR BYA BA'O, ,LHAG PA'I SEMS LA YANG DAG SBYOR, ,ZHES BYA BA LA, LHAG PA'I SEMS ZHES BYA BA NI SEMS YONGS SU SBYONG BAR BYED PA STE, GANG GIS 'DOD CHAGS KYI SGRIB PA DANG, GTI MUG GI SGRIB PA LA SEMS RNAM PAR BYANG BA STE, DE YANG ZAG PA DANG BCAS PA DANG, ZAG PA MED PA'I BSAM GTAN NO, ,DE LA YANG DAG PAR SBYOR BA NI YANG DAG PAR RNAL 'BYOR DU BYA BA STE, 'DIS NI LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA BSTAN PAR SHES PAR BYA'O, ,'DI NI SANGS RGYAS BSTAN PA YIN, ,ZHES BYA BA NI DE BZHIN GSHEGS PA'I MDOR BSTAN PA 'DI NI TSOGS DANG BCAS PA'I LAM BSTAN PA YIN TE DE NYID SANGS RGYAS KYI BSTAN PA YIN NO ZHES BYA BA'I THA TSIG GO, ,BCOM LDAN 'DAS DE BZHIN GSHEGS PA THAMS CAD SKYOB KYI SLOB MA RNAMS KYANG NYES PA CHUNG BAR GYUR TE, 'DI LTAR KHYIM PA'I SKYE BO DANG 'GROGS PAR DGA' BA TZAM ZHIG YOD PAS DE DAG GI NYES PA DE YONGS SU SPONG BA'I PHYIR BCOM LDAN 'DAS DES SO SOR THAR PA'I MDO 'DI LTAR MDOR BSDUS TE, ZLA BA PHYED PHYED CING BTON PAR GYUR TE, JI LTAR BUNG BA ME TOG LAS, ,KHA DOG DRI LA MI GNOD PAR, ,KHU BA GZHIBS NAS 'PHUR BA LTAR, ,DE BZHIN THUB PA GRONG DU RGYU; ,ZHES BYA BA'O, ,DE LA JI LTAR SROG CHAGS BUNG BA ME TOG LAS KHA DOG DANG DRI LA MI GNOD PAR KHU BA GZHIBS TE 'PHUR BA DE BZHIN DU, THUB PA RAB TU BYUNG BA BSOD SNYOMS KYI PHYIR GRONG DU RGYU BAS KYANG, GRONG NAS KHA DOG DANG DRI LTA BU SEMS DANG TSUL KHRIMS LA MI GNOD PA KHU BA LTA BU ZAS

, ,BLANGS TE 'GRO BAR BYA'O ZHES BYA BA'I THA TSIG GO, ,BCOM LDAN 'DAS DE BZHIN GSHEGS PA 'KHOR BA 'JIG GI SLOB MA RNAMS KYANG NYES PA CHUNG BAR GYUR TE, GZHAN GYI SKYON DANG YON TAN LA RTOGS PA TZAM ZHIG YOD PAS DE DAG GI SKYON DE YONGS SU SPANG BA'I PHYIR BCOM LDAN 'DAS KYIS SO SOR THAR PA'I MDO 'DI LTAR MDOR BSDUS TE ZLA BA PHYED PHYED CING BTON PAR GYUR TE, BDAG GI RIGS DANG MI RIGS LA, ,BRTAG PAR BYA STE GZHAN RNAMS KYI, ,MI MTHUN PA DANG GZHAN DAG GI ,BYAS DANG MA BYAS RNAMS LA MIN, ,ZHES BYA BA'O, ,DE LA, BDAG GI RIGS DANG MI RIGS LA, BRTAG PAR BYA STE ZHES BYA BA NI BDAG NYID KYI RIGS PA DANG, MI RIGS PA LA SO SOR BRTAG PAR BYA BA'O, ,GZHAN RNAMS KYI MI MTHUN PA ZHES BYA BA NI GZHAN RNAMS KYI MI RIGS PA'O, ,GZHAN DAG GI ,BYAS DANG MA BYAS RNAMS LA MIN, ,ZHES BYA BA NI GZHAN DAG GI RDZOGS PA DANG, MA RDZOGS PA RNAMS LA BRTAG PAR MI BYA'O, ,DE SKAD BSTAN TE GZHAN DAG GI YON TAN DANG SKYON LA RTOG PA LA RJES SU CHAGS PA DANG, KHONG KHRO BA 'BYUNG BAS DE'I PHYIR GZHAN LA RTOG PA SPANGS TE, BDAG NYID LA BRTAG CING BDAG NYID LA LEGS PAR 'DOD PAR BYAS NA PHYIS GZHAN DAG LA BRTAG PA'I SKABS YOD PAR 'GYUR RO ZHES BSTAN TO, ,BCOM LDAN 'DAS DE BZHIN GSHEGS PA GSER THUB KYI SLOS MA RNAMS KYANG NYES PA CHUNG BAR GYUR TE, SRED PA DANG BCAS PAS BSAM GTAN SKYED PAR BYED PA TZAM ZHIG YOD PAS DE DAG GI NYES PA DE YONGS SU SPANG BA'I PHYIR BCOM LDAN 'DAS DES SO SOR THAR PA'I MDO 'DI LTAR MDOR BSDUS TE, ZLA BA PHYED PHYED CING BTON PAR GYUR TE, LHAG BA'I SEMS LA BAG BYA STE, ,THUB PA'I THUB BZHI RNAMS LA BSLAB, ,NYER ZHI RTAG TU DRAN LDAN PA'I, ,SKYOB PA MYA NGAN MED PA YIN, ,ZHES BYA BA'O, ,DE LA LHAG PA'I SEMS ZHES BYA BA NI BSAM GTAN BZHI PO DAG GO, ,BAG BYA BA STE ZHES BYA BA NI, SRED PA DANG NGA RGYAL DANG, LTA BA'I MCHOG TU 'DZIN PA SPANG ZHING BAG GYIS SHIG CES BYA BA'O, ,SPANG BA BSTAN NAS BLANG BA BSTAN PA'I PHYIR THUB BZHI RNAMS LA BSLAB CES BYA BA GSUNGS TE, THUB PA ZHES BYA BA NI MKHYEN PA DANG

LDAN PA STE, YANG DANG YANG DU MDZAD PA'I PHYIR THUB PA NI SANGS RGYAS BCOM LDAN 'DAS SO, ,THUB PA DE'I THUB BZHI NI 'PHAGS PA'I BDEN PA BZHI PO STE, GANG DAG GIS THUB PA BSKYED PA'O, ,DE RNAMS LA BSLAB PA NI MCHOG TU BSLAB CING NAN TAN GYIS SHIG CES BYA BA'I THA TSIG GO, ,DE LA BSLAB NA CIR 'GYUR ZHE NA, 'BRAS BU BSTAN PA'I PHYIR, NYER ZHI RTAG TU DRAN LDAN PA'O, ,ZHES BYA BA GSUNGS TE, NYE BAR ZHI BA DANG, RTAG TU DRAN PA DANG LDAN PA GNYIS KYIS SKYOB PA NYID DU BSTAN PAR SHES PAR BYA'O, ,DE LA NYE BAR ZHI BA ZHES BYA BA NI MNYAM PAR GZHAG PA STE, LUS DANG NGAG GNYIS BSDAMS BA'O,, RTAG TU DRAN LDAN PA ZHES BYA BA NI RTAG TU DRAN PA NYE BAR GZHAG PA'O, ,SKYOB PA ZHES BYA BA NI RANG GI SEMS RJES SU BSRUNG BA'O, ,MYA NGAN MED PA YIN ZHES BYA BA 'DIS NI BZANG BA BSTAN TE, MYA NGAN LAS 'DAS PAS SHES BAR BYA'O, ,BCOM LDAN 'DAS DE BZHIN GSHEGS PA 'OD SRUNGS KYI SLOB MA RNAMS KYANG NYES PA CHUNG BAR GYUR TE, SBYIN PA LA GUS PA DANG, DGRA MANG BAR BLTA BA TZAM ZHIG YOD PAS DE DAG GI NYES PA DE YONGS SU SPONG BA'I PHYIR BCOM LDAN 'DAS DES MTHAR THUG PA'I CHOS BSTAN PAS SO SOR THAR PA'I MDO 'DI LTAR MDOR BSDUS TE, ZLA BA PHYED PHYED CING BTON PAR GYUR TE, SBYIN PAS BSOD NAMS RAB TU 'PHEL, ,LEGS BSDAMS DGRA SOGS MI 'GYUR RO, ,DGE DANG LDAN PAS SDIG PA SPONG, ,NYON MONGS ZAD PAS MYA NGAN 'DAS, ,ZHES BYA BA'O, ,DE LA SBYIN PAS ZHES BYA BA NI SBYIN PAR BYED PA'I MI STE, DES NI LONGS SPYOD KYI 'BRAS BU CAN GYI BSOD NAMS KYIS LAS RAB TU 'PHEL BAR 'GYUR RO, ,TSUL KHRIMS LEGS PAR BSDAMS BAS NI DGRA SOGS PAR MI 'GYUR TE, TSUL KHRIMS KYIS DGRA'I RGYU GSOD PA DANG, RKU BA DANG, BUD MED LA CHAGS PA LA SOGS PA MI SKYED PA'I PHYIR RO, ,DGE DANG LDAN PAS ZHES BYA BA NI BSAM GTAN BZHI THOB PA STE, DES NI 'DOD PA NA SPYOD PA'I SDIG PA KHONG KHRO BA DANG, PHRAG DOG DANG, KHRO BA LA SOGS PA RNAM PAR SMIN PA MI 'DOD PAR GYUR PA DAG YONGS SU SPONG BAR 'GYUR RO, ,'PHAGS PA'I LAM GYIS NYON MONGS PA THAMS CAD YONGS SU ZAD PAS NI PHUNG PO LHAG MA DANG BCAS PA DANG, LHAG MA MED PA'I MYA NGAN

, ,LAS 'DAS PA 'THOB PAR 'GYUR RO, ,DE LTA BAS NA SBYIN PA NI 'KHOR BA'I 'BRAS BU CAN YIN PAS DE'I PHYIR MI BYA ZHING, DGRA MANG PO NI SDOM BRTZON DANG MI MTHUN PA YIN PAS DE MI BYA'O ZHES BYA BA'I THA TSIG GO, ,BCOM LDAN 'DAS DE BZHIN GSHEGS PA SH'AKYA THUB PA'I BSTAN PA LA CHU BUR MA BYUNG BA'I TSE NA, DE'I SLOB MA RNAMS KYANG NYES PA CHUNG BAR GYUR PAS, BCOM LDAN 'DAS KYIS DE DAG LA SO SOR THAR PA'I MDO 'DI LTAR MDOR BSDUS TE, TSIGS SU BCAD PA GSUM GYIS BTON PAR GYUR TE, SDIG PA THAMS CAD MI BYA STE, ,DGE BA PHUN SUM TSOGS PAR BYA, ,RANG GI SEMS NI YONGS SU GDUL, ,'DI NI SANGS RGYAS BSTAN PA YIN, ,LUS KYI SDOM PA LEGS PA STE, ,NGAG GI SDOM PA 'ANG LEGS PA YIN, ,YID KYI SDOM PA 'ANG LEGS PA STE, ,THAMS CAD DU NI SDOM PA LEGS, ,KUN DU BSDAMS PA'I DGE SLONG NI, ,SDUG BSNGAL KUN LAS RAB TU GROL, ,NGAG RNAMS BSRUNG ZHING YID KYIS RAB BSDAMS TE, ,LUS KYIS MI DGE BA DAG MI BYED CING, ,LAS LAM GSUM PO 'DI DAG RAB SBYANGS TE, ,DRANG SRONG GSUNGS PA'I LAM NI THOB PAR 'GYUR, ,ZHES BYA BA'O, ,SDIG PA THAMS CAD MI BYA STE, ,ZHES BYA BA 'DIS NI LHAG PA'I TSUL KHRIMS KYI BSLAB PA BSTAN TO, ,DGE BA PHUN SUM TSOGS PAR BYA, ,ZHES BYA BA 'DIS NI LHAG PA'I SHES RAB KYI BSLAB PA BSTAN TO, ,NYON MONGS PA THAMS CAD SPANGS PA NI DON DAM PA'I DGE BA YIN PA'I PHYIR RO, ,RANG GI SEMS NI YONGS SU GDUL, ,ZHES BYA BA 'DIS NI LHAG BA'I SEMS KYI BSLAB PA BSTAN TO, ,LUS KYI SDOM PA LEGS PA STE, ,ZHES BYA BA 'DIS NI SDOM PA RNAM PA BZHIS NI TSUL KHRIMS PHUN SUM TSOGS PA BSTAN TO, ,SDUG BSNGAL KUN LAS RAB TU GROL, ,ZHES BYA BA 'DIS NI TSUL KHRIMS KYI SKYES BU'I RTZAL GYI 'BRAS BU THAG RING BA BSTAN TO, ,JI LTAR NA TSUL KHRIMS KYIS SDUG BSNGAL KUN LAS RAB TU GROL BAR 'GYUR ZHE NA, DE'I PHYIR, NGAG RNAMS BSRUNG ZHING YID KYIS RAB BSDAMS TE, ,ZHES BYA BA LA SOGS PA GSUNGS TE, GANG GI PHYIR TSUL KHRIMS PHUN SUM TSOGS PAS NGAN SONG SBYONG ZHING, 'PHAGS PA'I LAM THOB PA DES SDUG BSNGAL THAMS CAD

LAS 'GROL BA DE'I PHYIR, TSUL KHRIMS KYI SKYES BU'I RTZAL GYI 'BRAS BU THAG RING BA YIN NO, ,DE LTAR MDOR BSDUS PA DANG, RGYAS PAR BSTAN PA DE DAG GIS SANGS RGYAS BDUN GYI SO SOR THAR PA GDON PA BSTAN NAS, DA NI MJUG BSDU BA'I SGO NAS NAN TAN BYA BA BSTAN PA'I PHYIR, SANGS RGYAS RNAM GZIGS GTZUG TOR THAMS CAD SKYOB, ,'KHOR BA 'JIG DANG GSER THUB 'DOD SRUNGS DANG, ,SH'AKYA THUB PA GOO TAM LHA YI LHA, ,MI 'DUL KHA LO SGYUR BA BLA NA MED, ,'JIG RTEN MGON PO SKYOB BA MCHOG ,SANGS RGYAS DPA' BO BDUN PO DAG ,GRAGS LDAN RNAMS KYIS SO SOR THAR, ,'DI NI RAB TU RGYAS PAR STON; ,'DI LA SANGS RGYAS RNAMS DANG GANG, ,SANGS RGYAS NYAN THOS RNAMS KYANG GUS, ,'DI LA GUS DANG BCAS GYUR PAS, ,'DUS MA BYAS PA THOB PAR GYIS, ,ZHES BYA BA TSIGS SU BCAD PA GSUM PA YANG DAG PAR SDUD PAR BYED PA SMRAS SO, ,DE LA SANGS RGYAS RNAM GZIGS GTZUG TOR THAMS CAD SKYOB, ,'KHOR BA 'JIG DANG GSER THUB 'OD SRUNGS DANG, ,SH'AKYA THUB PA GOO TAM LHA YI LHA, ,ZHES BYA BA NI SANGS RGYAS BDUN GYI MTSAN TE GO RIMS BZHIN NO, ,GOO TAM LHA YI LHA, MI 'DUL KHA LO SGYUR BA BLA NA MED, ,CES BYA BA DAG NI BCOM LDAN 'DAS SH'AKYA THUB PA'I GDUNG GI YON TAN TAN TE, GOO TAM ZHES BYA BA NI GDUNG STE, DRANG SRONG GOO TA MA'I RGYUD YIN PA'I PHYIR RO, ,LHA YI LHA ZHES BYA BA NI CHOS NYID KYIS GRAGS PA'I SGO NAS NI SNYIGS MA LNGA SHAS CHE BA'I DUS NA SEMS CAN LA PHAN PA RDZOGS PA'I PHYIR RO, ,'JIG RTEN LA GRAGS PA'I SGO NAS NI LHA RNAMS KYIS KYANG ZHABS LA BTUD DE PHYAG BYAS PA'I PHYIR RO, ,MI 'DUL KHO LO SGYUR PA BLA NA MED, ,CES BYA BA NI 'JAM PA DANG RTZUB PA GNYIS KA'I RANG BZHIN GYI 'DUL BA RNAM PA GSUM GYIS 'DUL BA SKYES BU DE LTA BU DAG PHYIN CI MA LOG PAR 'DUL BAR MDZAD PA'I PHYIR RO, ,'JIG RTEN MGON PO ZHES BYA BA NI KHAMS GSUM PA'I MGON PO STE, PHAN PA DBAG TU MED PA MDZAD PAS YONGS SU SKYOB PAR MDZAD PA'I PHYIR RO, ,SKYOB PA ZHES BYA BA NI MNGA' DBANG GI CHOS THAMS CAD LA DBANG PHYUG BRNYES PA'I PHYIR RAM, GDUL BA'I SKYE BO DUS LAS MI YOL PAS YONGS SU SKYOB PAR MDZAD PA'I PHYIR RO, ,MCHOG CES BYA BA NI GTZO BO STE, ,BLA NA MED PA'I MKHYEN PA

, ,DANG LDAN PA'I PHYIR RAM, RJES SU MTHUN PA'I PHAN PA MDZAD PA YONGS SU MKHYEN PA'I PHYIR RO, ,SANGS RGYAS DPA' BO ZHES BYA BA NI YE SHES LA SOGS PA DAG GIS 'GRO BA THAMS CAD PAS DPA' BA'I SANGS RGYAS ZHES BYA BA'I THA TSIG GO, ,GRAGS LDAN ZHES BYA BA NI SNYAN PA DANG LDAN PA STE, ,'JIG RTEN GSUM LAS SHIN TU 'DAS PA'I SNYAN PA'I TSOGS DANG LDAN PA ZHES BYA BA'I THA TSIG GO, ,RAB TU RGYAS PAR BTON ZHES BYA BA NI DUS DANG POR BYA BA DANG, GSOL BA BYAS NAS GDON PA LNGA BO DAG BTON PA'O, ,'DI LA SANGS RGYAS RNAMS DANG GANG, ,SANGS RGYAS NYAN THOS RNAMS KYANG GUS, ,ZHES BYA BA NI SANGS RGYAS BCOM LDAN 'DAS RNAMS KYIS CHOS 'DUL BA GTZO BOR MDZAD PA DANG, SANGS RGYAS KYI NYAN THOS RNAMS KYANG 'BUL BA LA GUS PA'I PHYIR RO, ,'DI LA GUS DANG BCAS GYUR PAS, ,'DUS MA BYAS PA THOB PAR GYIS, ,ZHES BYA BA NI SO SOR THAR PA 'DI LA GUS PA DANG BCAS PAS MYA NGAN LAS 'DAS PA 'DUS MA BYAS PA THOB PAR GYIS SHIG CES BYA BA'I THA TSIG GO, ,JI LTAR 'DI LA GUS PA DANG BCAS PAS 'DUS MA BYAS PA THOB PAR BYA ZHE NA, DE'I PHYIR, BRTZAM PAR BYA ZHING 'BYUNG BAR BYA, ,SANGS RGYAS BSTAN LA 'JUG PAR BYA, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR BYA, ,GANG ZHIG RAB TU BAG YOD PAR, ,CHOS 'DUL 'DI LA SPYOD 'GYUR BA, ,SKYE BA'I 'KHOR BA RAB SPANGS NAS, ,SDUG BSNGAL THA MAR BYED PAR 'GYUR, ,ZHES BYA BA GSUNGS TE, BRTZAM PAR BYA ZHING ZHES BYA BA NI BRTZON PAR GYIS SHIG PA'O; ,'BYUNG BAR BYA ZHES BYA BA NI 'KHOR BA LAS NGES PAR 'BYUNG BA'I PHYIR DGON PA LA SOGS PA DBEN PAR SONG SHIG CES BYA BA'I THA TSIG GO, ,SANGS RGYAS BSTAN LA ZHES BYA BA NI BDEN PA BZHI BSTAN PA LA'O, ,'JUG PAR BYA ZHES BYA BA NI MGO DANG GOS LA ME 'BAR BA LTAR MNGON PAR BRTZON PAR GYIS SHIG PA'O, ,'DAM BU'I KHYIM LA GLANG CHEN BZHI NA, ,ZHES BYA BA NI, 'CHI BDAG SDE NI GZHOM PAR BYA, ZHES BYA BA 'DI'I DPE YIN TE, 'DAM BU'I KHYIM GLANG PO CHES GZHOM PA BZHIN DU'O, ,'CHI BDAG CES BYA BA NI 'CHI BA'O, ,SDE ZHES BYA BA NI SRED PA LA SOGS PA 'KHOR TO, ,GZHOM PAR BYA

ZHES BYA BA NI GZHIG PAR GYIS SHIG CES BYA BA'O, ,PHAN YON BSTAN PA'I PHYIR RO, ,GANG ZHIG RAB TU BAG YOD PAR, ,CHOS 'DUL 'DI LA SPYOD 'GYUR BA, ,SKYE BA'I 'KHOR BA RAB SPANGS NAS, ,SDUG BSNGAL THA MAR BYED PAR 'GYUR, ,ZHES BYA BA GSUNGS TE, RAB TU BAG YOD PAR ZHES BYA BA NI RAB TU BAG MED PA SPANGS PAS SO, ,CHOS ZHES BYA BA NI 'PHAGS PA'I LAM YAN LAG BRGYAD PA'O, ,'DUL BA ZHES BYA BA NI YANG DAG PA'I SGRUB PA'I MTSAN NYID DO, ,SPYOD 'GYUR BA ZHES BYA BA NI RJES SU SGRUB PAR 'GYUR BA'O, ,SKYE BA'I 'KHOR BA ZHES BYA BA NI SKYE BA 'KHOR BA'I GTZO BO YIN PAS 'KHOR BA STE, 'KHOR BA'I SDUG BSNGAL GYI RTZA BA NI SKYE BA YIN PA'I PHYIR RO, ,DE LTAR YANG, SKYE 'DI DON MED GANG PHYIR SKYE BA YOD NA RGA SHI DANG, ,NA DANG SDUG BSNGAL BSAD DANG BCING LA SOGS PA'I DGRA DAG YOD, ,GAL TE 'JIGS MANG SKYE BA MED LA DON MED DE MI 'BYUNG, ,SHING SKYES MED NA NAGS ME RLUNG GIS SGYEL BAR MI 'GYUR BZHIN, ,ZHES GSUNGS PA'I PHYIR RO, ,YANG NA SKYE BA'I 'KHOR BA ZHES BYA BA NI SKYE BDAG TU 'KHOR BA'I PHYIR RO, ,RAB SPANGS NAS ZHES BYA BA NI GTAN DU SPANGS NAS SO, ,SDUG BSNGAL ZHES BYA BA NI SKYE BA LA SOGS PA'O, ,THA MAR BYED PAR 'GYUR ZHES BYA BA NI RGYUN GCOD PAR BYED PAR 'GYUR RO ZHES BYA BA'I THA TSIG GO, ,SO SOR THAR PA'I MDO GDON PA'I MJUG BSDU BA'I PHYIR YANG DAG PAR SDUD PAR BYED PAS PHAN TSUN TSUL KHRIMS SRUNG BA DANG, BSTAN PA 'PHEL BAR BYA BA'I PHYIR, ,SO SOR THAR PA 'DI BTON PAS, DGE 'DUN GYIS NI GSO SBYONG BYAS, ,ZHES BYA BA SMRAS TE, DE LA, PHAN TSUN TSUL KHRIMS SRUNG BA DANG, ,ZHES BYA BA NI GCIG GIS GCIG LA 'DOMS SHING RJES SU STON PA DANG, GCIG GIS GCIG LTUNG BA LAS SLONG BA'O, ,BSTAN PA 'PHEL BAR BYA BA'I PHYIR, ,ZHES BYA BA NI PHAN TSUN TSUL KHRIMS SRUNG BA NYID DE, DE LTA BUS BCOM LDAN 'DAS DE BZHIN GSHEGS PA DE'I 'KHOR 'DI 'PHEL BAR 'GYUR BA'I RIM GYIS STON PA'I BSTAN PA 'PHEL ZHING YUN RING DU GNAS PAR BYA BA'I PHYIR RO, ,SO SOR THAR PA 'DI BTON PAS, ,ZHES BYA BA NI SEMS DRANG POR BSGRUB PA DANG 'GAL BA

, ,BZLOG PA LA SOGS PA'I RNAM PA GZHAN GYIS KYANG GSO SBYONG BYA BA'I GNAS SKABS 'DIR NI SO SOR THAR PA'I MDO GDON PA RNAM PA LNGA PO GLENG GZHI GDON PA DANG, PHAM PAR 'GYUR BA GDON PA DANG, DGE 'DUN LHAG MA GDON PA DANG, MA NGES PA GDON PA DANG, RIL GYIS GDON PA DAG GIS GSO SBYONG BYA DGOS PAS SO SOR THAR PA'I 'DI BTON PAS ZHES BYA BA GSUNGS SO, ,DGE 'DUN GYIS NI GSO SBYONG BYAS, ,ZHES BYA BA NI ZHI GNAS KYI GSO SBYONG DANG MTHUN PA'I GSO SBYONG LAS 'DIR NI MTHUN PA'I GSO SBYONG DANG SBYAR RO, ,MTHUN PA'I GSO SBYONG RNAM PA LNGA PO BCU BZHI BA DANG BCO LNGA PA DANG, BKRA SHIS KYI GSO SBYONG DANG, GNOD PA BYUNG BA'I GSO SBYONG DANG, BSDUM PA'I GSO SBYONG DAG LA 'DIR CI RIGS PAR SBYAR TE, GTZO CHER BCU BZHI PA'AM, BCO LNGA PA DANG SBYAR RO, ,DE'I 'OG TU MJUG BSDU BA'I SGO NAS, NAN TAN DU BYA BA BSTAN PA'I PHYIR, GANG GI PHYIR NI 'DI STON DANG, , GANG PHYIR GSO SBYONG BYAS GYUR PA, ,TSUL KHRIMS DE NI BSRUNG BYA STE, G-YAG RNGA'I RTZE MO JI BZHIN NO, ,ZHES GSUNGS TE, DE LA, GANG GI PHYIR NI 'DI BTON DANG, GANG PHYIR GSO SBYONG BYAS GYUR PA, ,ZHES BYA BA NI PHAN TSUN TSUL KHRIMS BSRUNG BA DANG, BSTAN PA 'PHEL BAR BYA BA'I PHYIR, , ZHES GONG DU SMOS PA DE'I PHYIR RO, ,TSUL KHRIMS DE NI BSRUNG BYA STE, ,ZHES BYA BA NI SO SOR THAR PA'I SDOM PAS BSDUS PA'I TSUL KHRIMS RNAM PA DRUG PO RNAM PAR DBYE BA DANG, BSDU BA DANG, PHUN SUM TSOGS PA DANG RNAM GRANGS DANG, RNAM PAR DAG PA DANG, YON TAN DE DAG SBYOR BA DANG, DNGOS DANG, MJUG GI SGO NAS BAG YOD PAS BSRUNG BAR GYIS SHIG CES BYA BA'I THA TSIG GO, ,G-YAG RNGA'I RTZE MO JI BZHIN NO, ,ZHES BYA BA NI BAG YOD PAS BSRUNG BAR BYA BA'I DPE YIN TE, JI LTAR BSIL RUM GANGS KHROD NA GNAS PA'I G-YAG RNGA MA BAG YOD PAS BSRUNG RNGA MA WA MJUG LTAR MI RKYONG BAR RTZE MO LDANG DU GZAR TE 'GRO BA DE BZHIN DU, TSUL KHRIMS 'DI YANG BAG YOD PAS BSRUNG BAR GYIS SHIG CES BYA BA'I THA TSIG GO, ,DA NI YANG DAG PAR SDUD PAR BYED PAS 'DUL BA'I SDE SNOD YANG DAG PAR BSDUS PA MTHAR PHYIN NAS DGE BA'I RTZA BA BSNGO BA'I PHYIR, SO SOR THAR PA BTON PA YI, ,BSOD NAMS

GRUB PA GANG YOD PA, ,DES NI 'JIG RTEN MA LUS PA, ,THUB DBANG GO 'PHANG THOB PAR SHOG, ,CES GSUNGS TE, THUB PA NI NYAN THOS DANG RANG SANGS RGYAS SO, ,DE'I DBANG PO NI DE BZHIN GSHEGS PA'O, ,SO SOR THAR PA 'DI BTON PA'I, ,BSOD NAMS GRUB PA GANG YOD PA, ,DES NI 'JIG RTEN MA LUS PA, , THAMS CAD THUB PA'I DBANG PO SANGS RGYAS BCOM LDAN 'DAS KYI GO 'PHANG THOB PAR SHOG CIG CES BYA BA'I THA TSIG STE, THAMS CAD KYIS DE LTAR SANGS RGYAS SU BSNGO BAR BYA'O, ,BSDU BA'I MTSAN NYID BSHAD ZIN TO,, ,,DE LTAR YANG DAG PAR SDUD PAR BYED PAS SO SOR THAR PA'I MDO YANG DAG PAR BSDU BA 'DI YANG RGYUD CHAGS GSUM PA'I TSUL DU BRTZAMS PA YIN TE, DANG POR SNYAN PA'I BA DAN 'JIG RTEN GSUM DU GRAGS, ,DAM PA'I CHOS SGRA SENG GE'I SGRA BSGRAGS PA, ,THAMS CAD MKHYEN PA DKON MCHOG MDZOD BRNYES PA, ,ZHABS LA TSANGS DBANG GTZUG GI NOR BUS GTUGS,, SDUG BSNGAL RGYA MTSO GTING MTHA' MED RGAL BA, ,'GRO BA'I GTZO LA SPYI BOS PHYAG 'TSAL TE, ,ZHES SMOS PAS NI PHYAG 'TSAL BA'I RGYUD BSTAN TO, ,DE'I 'OG TU, THAMS CAD MKHYEN PA'I BSLAB GZHI DKON MCHOG SNOD, ,'PHAGS PA'I TSOGS KYI DBUS SU DBYE PAR BYA, ,ZHES BYA BA NAS, TSUL KHRIMS DE NI BSRUNG BYA STE, ,G-YAG RNGA'I RTZE MO JI BZHIN NO, ,ZHES GSUNGS PA'I BAR GYIS NI MDO GDON PA'I RGYUD BSTAN TO, ,SO SOR THAR PA BTON PA YI, ,BSOD NAMS GRUB PA GANG YOD PA, ,DES NI 'JIG RTEN MA LUS PA, ,THUB DBANG GO 'PHANG THOB PAR SHOG, ,CES GSUNGS PAS NI BSNGO BA'I RGYUD BSTAN TO, ,SO SOR THAR PA'I MDO'I GZHUNG 'GREL 'DUL BA'I GZHUNG NYID LAS 'BYUNG BA NYID TSE'I SKABS BSGYUR PA RDZOGS SO,, ,,DBANG PHYUG DAM PA'I MNGA' BDAG RGYAL PO CHEN PO DPAL LHA BTZAN PO'I BKA' LUNG GIS, 'PHAGS PA GZHI THAMS CAD YOD PAR SMRA BA'I 'DUL BA 'DZIN PA KHA CHE BYE BRAG TU SMRA BA'I SLOB DPON SARBA DZNY'A DE WA DANG, ZHU CHEN GYI LO TZ'A BA BANDE KLU'I RGYAL MTSAN GYIS BSGYUR CING ZHU CHEN BGYIS TE GTAN LA PHAB PA,, ,,'DI LA SHOL KA NI DGU STONG YOD, BAM PO NI NYI SHU RTZA BDUN DU BYAS SO,, ,,