, ,RGYA GAR SKAD DU, BING SHA KA K'A RI KA, BOD SKAD DU, NYI SHU PA'I TSIG LE'UR BYAS PA, 'JAM DPAL GZHON NUR GYUR PA LA PHYAG 'TSAL LO, ,'DI DAG RNAM PAR RIG TZAM NYID, ,YOD PA MA YIN DON SNANG PHYIR, ,DPER NA RAB RIB CAN DAG GIS, ,SKRA ZLA LA SOGS MED MTHONG BZHIN, ,GAL TE RNAM RIG DON MIN NA, ,YUL DANG DUS LA NGES MED CING, ,SEMS KYANG NGES MED MA YIN LA, ,BYA BA BYED PA'ANG MI RIGS 'GYUR, ,YUL LA SOGS PA NGES 'GRUB STE, ,RMI 'DRA'O SEMS KYANG DES PA MED, ,YI DAGS BZHIN TE THAMS CAD KYIS, ,KLUNG LA RNAG LA SOGS MTHONG BZHIN, ,BYA BYED RMI LAM GNOD PA 'DRA, ,THAMS CAD SEMS CAN DMYAL BA BZHIN, ,DMYAL BA'I SRUNG MA SOGS MTHONG DANG, ,DE DAG GIS NI GNOD PHYIR RO, ,JI LTAR DUD 'GRO MTHO RIS SU, ,'BYUNG BA DE LTAR DMYAL BA MIN, YI DAGS MIN TE 'DI LTA BUR, ,DE YOD SDUG BSNGAL DES MI MYONG, ,GAL TE DE YI LAS KYIS DER, ,'BYUNG BA DAG NI 'BYUNG BA DANG, ,DE BZHIN 'GYUR BAR 'DOD NA GO, ,RNAM PAR SHES PAR CIS MI 'DOD, ,GZHAN NA LAS KYI BAG CHAGS LA, ,'BRAS BU DAG NI
GZHAN DU RTOG ,GANG NA BAG CHAGS YOD PA DER, ,CI YI PHYIR NA 'DOD MI BYA, ,GZUGS SOGS SKYE MCHED YOD PAR NI, ,DES 'DUL BA YI SKYE BO LA ,DGONGS PA'I DBANG GIS GSUNGS PA STE, ,RDZUS TE 'BYUNG BA'I SEMS CAN BZHIN, ,RANG GIS BON GANG LAS SU, ,RNAM RIG SNANG BA GANG 'BYUNG BA, ,DE DAG DE YI SKYE MCHED NI, ,RNAM PA GNYIS SU THUB PAS GSUNGS, ,DE LTAR GANG ZAG BDAG MED PAR, ,'JUG PAR 'GYUR RO GZHAN DU YANG, ,BSTAN PAS CHOS LA BDAG MED PAR, ,'JUG 'GYUR BRTAGS PA'I BDAG NYID KYIS, ,DE NI GCIG NA'ANG YUL MIN LA, , PHRA RAB RDUL DU DU MA'ANG MIN, ,DE DAG 'DUS PA'ANG MA YIN TE, ,'DI LTAR RDUL PHRAN MI 'GRUB PHYIR, ,DRUG GIS CIG CAR SBYAR BA NA, ,PHRA RAB RDUL CHA DRUG TU 'GYUR, ,DRUG PO DAG NI GO GCIG NA, ,GONG BU RDUL PHRAN TZAM DU 'GYUR, ,RDUL PHRAN SBYOR BA MED NA NI, ,DE 'DUS YOD PA DE GANG GIS, ,CHA SHAS YOD PA MA YIN PAS, DE SBYOR MI 'GRUB MA ZER CIG ,GANG LA PHYOGS CHA THA DAD YOD, ,DE NI GCIG TU MI RUNG NGO, ,GRIB DANG SGRIB PAR JI LTAR 'GYUR, ,GONG BU GZHAN MIN DE DE'I MIN, ,GCIG NI RIM GYIS 'GRO BA MED, ,ZIN DANG MA ZAN CIG CAR MED, ,RIS CHAD DU MAR GNAS PA DANG, ,MIG GIS MI SOD PHRA BA'ANG MED, ,MNGON SUM BLO NI RMI SOGS BZHIN, ,DE YANG GANG TSE DE YI TSE, ,KHYOD KYI DON DE MI SNANG NA, ,DE NI MNGON SUM JI LTAR 'DOD, ,DPER NA DER SNANG RNAM RIG BZHIN, ,BSHAD ZIN DE LAS DRAN PAR ZAD, ,RMI LAM MTHONG BA YUL MED PAR, ,MA SAD BAR DU RTOGS MA YIN, ,GCIG LA GCIG GI DBANG GIS NA, ,RNAM PAR RIG PA PHAN TSUN DES, ,SEMS NI GNYID KYIS NON PAS NA, ,DE PHYIR RMI DANG 'BRAS MI MTSUNGS, ,'CHI BA GZHAN GYI RNAM RIG GIS, ,BYE BRAG LAS TE DPER BYA NA, ,'DRE LA SOGS PA'I YID DBANG GIS, ,GZHAN GYI DRAN NYAMS 'GYUR SOGS BZHIN, ,DRANG SRONG KHROS PAS DAN TA KA'I, ,DGON PA JI LTAR STONGS PAR GYUR, ,YID NYES KHA NA THO CHER, ,DE MIS JI LTAR 'GRUB PAR 'GYUR, ,GZHAN SEMS RIG PAS SHES PA NI, ,DON BZHIN MA YIN JI
, ,LTAR DPER, ,RANG SEMS SHES PAS SANGS RGYAS KYI, ,SPYOD YUL JI BZHIN MA SHES PHYIR, ,RNAM RIG TZAM DU GRUB PA 'DI, ,BDAG GIS BDAG GI MTHU 'DRA BAR, ,BYAS KYI DE YI RNAM PA KUN, ,BSAM YAS SANGS RGYAS SPYOD YUL LO, ,NYI SHU PA'I TSIG LE'UR BYAS PA SLOB DPON DBYIG GNYEN GYIS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LEN DRA BO DHI DANG, D'A NA SH'I LA DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O, ,