The Sutra of Mahakashyapa (Mahākāṣyapa Sūtra)

,,RGYA GAR SKAD DU, MAH'A K'A SHYA PA S'U TRA, BOD SKAD DU, 'OD SRUNG CHEN PO'I MDO, 'PHAGS PA DKON MCHOG GSUM LA GUS PAS PHYAG 'TSAL LO, ,'DI SKAD BDAG GIS THOS PA'I DUS GCIG NA, RGYAL PO'I KHAB 'OD MA'I TSAL KA LANDA KA'I GNAS NA BZHUGS SO, ,DE'I TSE DE'I DUS NA TSE DANG LDAN PA 'OD SRUNG CHEN PO PI BYA LA'I PHUG NA BZHUGS TE, NAD DAM POS GZIR ZHING SDUG BSNGAL BAR GYUR TO, ,DE NAS BCOM LDAN 'DAS SROD LA'I DUS SU SO SOR THAMS CAD RTOG CING BZHUGS SO, ,TSE DANG LDAN PA 'OD SRUNG CHEN PO GA LA BA DER GSHEGS SHING NYE BAR GSHEGS TE GDAN BSHAMS PA LA BZHUGS TE, BZHUGS NAS YANG BCOM LDAN 'DAS KYIS TSE DANG LDAN PA 'OD SRUNG CHEN PO LA 'DI SKAD CES BKA' STZAL TO, ,'OD SRUNG, KHYOD JI LTAR BZA' BA 'DOD DAM, JI LTAR SDUG BSNGAL MYONG, JI

, ,LTAR ZHI BAR 'GYUR, ZHI BAR BYED PA'I THABS KYIS MI ZHI BA MA YIN NO, ,DE NAS TSE DANG LDAN PA 'OD SRUNG CHEN POS GSOL PA, BTZUN PA, BDAG NI BZA' BA DANG, BTUNG BA LA MI SRED PAR GYUR, BDAG NAD DAM POS GZIR BAR GYUR TE, ZHI BA'AM, MI ZHI BAR 'GYUR, ZHI BAR BYED PA'I THABS MDZAD DU GSOL, BYANG CHUB KYI YAN LAG BDUN PO 'DI NGAS LEGS PAR BSHAD PAR BYA'O, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,BDUN PO GANG ZHE NA, DRAN PA YANG DAG BYANG CHUB KYI YAN LAG 'DI, 'OD SRUNG, NGAS YANG DAG PA'I BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,YANG 'OD SRUNG, NGAS CHOS RNAM PAR 'BYED PA YANG DAG PA'I BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,YANG 'OD SRUNG, NGAS BRTZON 'GRUS YANG DAG BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,YANG 'OD SRUNG, NGAS DGA'

BA YANG DAG BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,YANG 'OD SRUNG; NGAS SHIN TU SBYANGS PA YANG DAG BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,YANG 'OD SRUNG, NGAS TING NGE 'DZIN YANG DAG BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG; MYA NGAN LAS 'DAS PAR GYUR TO, ,YANG 'OD SRUNG, NGAS BTANG SNYOMS YANG DAG BYANG CHUB KYI YAN LAG TU BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,'OD SRUNG, 'DI NI BYANG CHUB KYI YAN LAG BDUN TE NGAS BSHAD DO, ,DE MANG DU BSGOMS PAR BYAS PA NA, MNGON PAR SHES PA DANG, BYANG CHUB PA DANG, MYA NGAN LAS 'DAS PAR GYUR TO, ,BCOM LDAN 'DAS DE BZHIN GSHEGS PAS GSUNGS PA'I BYANG CHUB KYI YAN LAG LA BSLAB PAR BYA'O, , BCOM LDAN 'DAS KYI DE SKAD CES BKA' STZAL PA DANG, TSE DANG LDAN PA 'OD SRUNG CHEN PO BCOM LDAN 'DAS KYIS GSUNGS PA LA MNGON PAR BSTOD DO, ,DE MA THAG TU NAD ZHI BAR

, ,GYUR NAS, TSE DANG LDAN PA 'OD SRUNG CHEN PO LANGS SO, ,TSE DANG LDAN PA 'OD SRUNG CHEN PO'I NANG ZHI BAR GYUR TO, ,GNAS BRTAN 'OD SRUNG CHEN PO'I MDO RDZOGS SO;; ;;PAndI TA CHEN PO A'A NANTA SHR'I'I ZHAL SNGA NAS, MANG DU THOS PA'I LO TZTSA BA SH'AKYA'I DGE SLONG NYI MA RGYAL MTSAN DPAL BZANG POS SKAD GNYIS SMRA BA RNAMS KYI GDAN SA; GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O, ,SA'I STENG DU NYI MA DANG, ZLA BA LTAR GYUR CIG,