, ,KHA TON DANG GLEGS BAM KLAG PA'I SNGON DU BYA BA'I CHO GA BZHUGS, #, ,KHA TON DANG GLEGS BAM KLAG PA'I SNGON DU BYA BA'I CHO GA ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DANG PO RE ZHIG BYANG CHUB SEMS DPA' CHOS KHA TON DU BYA BAR 'DOD PA DANG GLEGS BAM DU BYA BA KLOG PAR 'DOD PAS PHYOGS BCU'I 'JIG RTEN GYI KHAMS KYI SANGS RGYAS DANG BYANG CHUB SEMS DPA' THAMS CAD LA GSOL BA BTAB STE, YID KYIS KUN DU DMIGS LA, BYANG CHUB SEMS DPA' SEMS DPA' CHEN PO KUN DU BZANG PO'I SPYOD PA'I SMON LAM GYI CHO GAS, PHYAG 'TSAL BA LA SOGS PA YAN LAG BDUN GYI TSUL DU MCHOD PA RNAMS KYIS YANG DAG PAR MCHOD DO, ,DE'I RJES LA SEMS CAN THAMS CAD LA BYAMS PA'I SEMS NYE BAR GZHAG STE, YANG DAG PA'I LHAG PA'I BSAM PAS DE LTAR BSAMS PA'I RJES LA, TSIG LAN GSUM BRJOD PAR BYA BA NI, BCOM LDAN 'DAS KYIS GSUNGS PA'I CHOS KYI TSIG GCIG GI DON GANG YIN PA DE NI CHOS THAMS CAD KYI YANG YIN NA, 'ON KYANG BDAG NI RANG GI LAS KYI NYES PAS SHES RAB CHUNG ZHING BLO ZHEN TE, DE LTA YIN DU ZIN KYANG, GANG BCOM LDAN 'DAS KYI GSUNG RAB BZUNG NAS DES BDAG GI KHA TON BYAS TE, CHOS KYI SGRA DE SEMS CAN GANG GI RNA LAM DU GRAG PA DE; DE BZHIN GSHEGS PA'I SPOBS PA THEB PAR GYUR CIG ,BCOM LDAN 'DAS KYIS GSUNGS PA'I CHOS TSIG GCIG GI DON GANG YIN PA DE NI, CHOS THAMS CAD KYI YANG YIN NA, 'ON KYANG BDAG NI RANG GI LAS KYI NYES PAS SHES RAB CHUNG ZHING BLO ZHEN TE, DE LTAR YIN DU ZIN KYANG, GANG BDAG GIS
, ,GLEGS BAM DU BYAS PA'I CHOS KLAG PAR BYA STE, CHOS KYI SGRA DE SEMS CAN GANG RNAMS KYI RNA LAM DU GRAG PA DE DAG ,DE BZHIN GSHEGS PA'I SPOBS PA THOB PAR GYUR CIG ,CES LAN GSUM DU BRJOD PAR BYA'O, ,KHA TON DANG GLEGS BAM KLAG PA'I CHO GA ,SLOB DPON MKHAS PA CHEN PO DPAL MAR ME MDZAD YE SHES KYI ZHAL SNGA NAS MDZAD PA RDZOGS SO,, ,,