,,RGYA GAR SKAD DU, NANDO PA NANDA N'A GA R'A DZA DA MA NA S'U TRA, BOD SKAD DU, KLU'I RGYAL PO
, ,DGA' BO NYER DGA' 'DUL BA'I MDO, 'PHAGS PA DKON MCHOG GSUM LA GUS PAS PHYAG 'TSAL LO, ,'DI SKAD BDAG GIS THOS PA'I DUS GCIG NA; BCOM LDAN 'DAS MNYAN YOD NA RGYAL BYED TSAL MGON MED ZAS SBYIN GYI KUN DGA' RA BA NA BZHUGS SO, ,KHYIM BDAG MGON MED ZAS SBYIN DUS GCIG NA, BCOM LDAN 'DAS KYIS CHOS BSTAN PA THOS NAS, BTZUN PA DGE SLONG LNGA BRGYA DANG BCAS PA SANG NANG PAR BDAG GI KHYIM DU GDUGS TSOD LA 'BYON PAR ZHU ZHES MGRON DU GNYER TO, , BCOM LDAN 'DAS KYIS DE LA GNANG NAS, DE'I NYIN MO'I LHAG MA DANG, MTSAN MO'I MTHA' 'DAS NAS THO RANGS KYI DUS SU STONG PHRAG BCU'I 'JIG RTEN GYI KHAMS LA THUGS KYIS RNAM PAR DGONGS SO, ,DE NAS KLU'I RGYAL PO DGA' BO NYER DGA' ZHES BYA BA YE SHES KYI SGO NAS MNGON DU BYAS SO, ,DE LA NGES PAR LEGS PA'I SA BON YOD DAM ZHES BRTAGS PA NA, 'DI NI LOG PAR LTA BA CAN DKON MCHOG GSUM LA DAD PA MED PAR GZIGS SO, ,GZIGS NAS GANG ZHIG 'DI NI LOG BAR LTA BA LAS RNAM PAR GROL BAR BYA BA'I PHYIR, 'DUL BAR BYED PA GNAS BRTAN CHEN PO MOO DGAL GZIGS SO, ,DE NAS MTSAN MO THO RANGS KYI DUS SU SKU'I BYI DOR MDZAD NAS, TSE DANG LDAN PA KUN DGA' BO BOS
TE BKA' STZAL PA, KUN DGA' BO, DGE SLONG LNGA BRGYA DANG BCAS PA'I BCOM LDAN 'DAS LHA'I 'JIG RTEN DU GSHEGS SO ZHES STON CIG, DES BTZUN PA BKA' BZHIN 'TSAL? LO ZHES GSOL NAS DGE SLONG RNAMS LA DON DE SMRAS SO, ,DE'I NYI MA LA DGA' BO NYER DAGS NYER BSDOGS BYAS SO, ,DE LHA'I RIN PO CHE'I STENG DU SKYIL KRUNG GIS GNAS TE, LHA'I GDUGS DKAR PO BZUNG NGO, ,KLU DANG, KLU MO GAR BYED CING KLU'I 'KHOR G-YOG DU MAS BSKOR TE LHA'I SNOD NYE BAR BZHAG NAS BZA' BA DANG, BTUNG BA RNAM PA SNA TSOGS PA LA RTOG PAR BYED DO, , DE NAS BCOM LDAN 'DAS KYIS KLU'I RGYAL PO JI LTA BAR GZIGS SO, ,DE LTAR BYAS PA GZIGS NAS DE'I MGO BO'I STENG GI BLA BRES KYI STENG NYID NAS, BCOM LDAN 'DAS DGE SLONG LNGA BRGYA DANG BCAS PAS GSHEGS TE, SUM CU RTZA GSUM GYI LHA'I BAR MNGON SUM DU GYUR TO, ,DE'I TSE DE'I DUS NA KLU'I RGYAL PO DGA' BO NYER DGA' DE LTA BU'I GZUGS KYIS SDIG PA'I LTA BAR LHUNG BA LTA BA NGAN PA'I SEMS SKYES SO, ,DGE SBYONG MGO REG 'DI NGA'I STENG NAS SUM CU RTZA GSUM GYI LHA'I 'JIG RTEN GYI GNAS SU GSHEGS PAR 'GYUR RO, ,'DI NI DE LTA NAS NGA'I MGO BO LA RKANG PA'I RDUL MGO BO'I STENG DU LHUNG BAR BYED PAS 'GRO DU MI STER RO SNYAM STE, LANGS NAS RI RAB KYI RTZA BAR SONG NGO, ,RANG GI GZUGS BOR TE RI BO MCHOG
, ,RAB STENG 'OG THAMS CAD RANG GI LUS KYIS LAN BDUN BKRIS NAS, STENG DU GDENGS KA BYAS TE, SUM CU RTZA GSUM PA RNAMS KYIS MI MTHONG BAR BYA BA'I PHYIR RO, ,DE NAS TSE DANG LDAN PA YUL 'KHOR SKYONG GIS BCOM LDAN 'DAS LA 'DI SKAD CES GSOL TO, ,BTZUN PA, SNGAR BZHIN GNAS 'DI'I PHYOGS SU 'DUG NA RI'I MCHOG RAB MTHONG NGO, ,RI BO MCHOG RAB 'KHOR DANG BCAS PA MTHONG NGO, ,SUM CU RTZA GSUM MTHONG NGO, ,RNAM PAR RGYAL BA'I KHANG BZANG MTHONG NGO, ,RNAM PAR RGYAL BA'I KHANG BZANG GI STENG GI RGYAL MTSAN MTHONG NGO, ,BTZUN PA, CI'I RGYU CI'I RKYEN LAGS, DA NI RI BO MCHOG RAB MI MTHONG BAR 'GYUR, BCOM LDAN 'DAS KYIS BKA' STZAL PA, YUL 'KHOR SKYONG, 'DI NI KLU'I RGYAL PO DGA' BO NYER DGA' ZHES BYA BA KHYED RNAMS LA KHROS PAR GYUR TE, RI BO MCHOG RAB LAN BDUN DU LUS KYI DKRIS NAS STENG DU GDENGS KAS BSGRIBS SO, ,MUN PA MUN NAG TU BYAS NAS GNAS SO, ,GSOL PA, BTZUN PA, BDAG GIS 'DUL BAR BGYI'AM, BCOM LDAN 'DAS KYIS GNANG BA MA BYIN NO, ,DE NAS TSE DANG LDAN PA BZANG LDAN DANG, TSE DANG LDAN PA SGRA GCAN 'DZIN TE, GRO RIM BZHIN DU DGE SLONG THAMS CAD KYIS ZHUS SO, ,BCOM LDAN 'DAS KYIS RJES SU GNANG BA MA BYIN NO, ,THAMS
CAD KYIS RJES SU GNAS BRTAN CHEN PO MOO DGAL GYI BUS BTZUN PA BDAG GIS GDUL BAR BGYI'AM, ZHES ZHUS PA DANG, MOO DGAL GYI BU, THUL CIG, CES BCOM LDAN 'DAS KYIS GNANG BA BYIN NO, ,GNAS BRTAN RANG GI LUS BOR LA KLU'I RGYAL PO'I LUS CHEN POR SPRUL TE, DGA' BO NYER DGA'I LUS KYI STENG DU LAN BCU BZHI LUS KYIS DKRI BA DANG, DE'I GDENGS KA'I STENG DU RANG GI GDENGS KA BYA'O, ,RI BO MCHOG RAB DANG BCAS PA THAMS CAD NON CIG ,CES BKA' STZAL PA DANG, GNAS BRTAN MOO DGAL GYI BUS DE BZHIN DU BYAS SO, ,DE NAS KLU'I RGYAL PO DGA' BO NYER DAGS KHA RLANGS KYI DU BA BTANG NGO, ,GNAS BRTAN GYIS KYANG KHYED KYI LUS LA KHA RLANGS KYI DU BA YOD LA NGED LA MED PA YIN NAM ZHES KHA RLANGS BTANG NGO, , KLU'I RGYAL PO DGA' BO NYER DGA'I DU BAS GNAS BRTAN LA GNOD PAR MA GYUR RO, ,GNAS BRTAN GYI KHA RLANGS KYI DU BAS KLU'I RGYAL PO LA GNOD PAR GYUR TO, ,KLU'I RGYAL PO RAB TU 'BAR, GNAS BRTAN GYIS KHYED KYI LUS LA 'BAR BA YOD PA BZHIN NGED LA MED DAM ZHES 'BAR BAR BYAS SO, ,KLU'I RGYAL PO'I ME 'OD KYIS GNAS BRTAN LA GNOD PAR MA GYUR TO, ,GNAS BRTAN GYI ME 'OD KYIS KLU'I RGYAL PO LA GNOD PAR GYUR TO, ,KLU'I RGYAL POS BSAMS PA, 'DI NI BDAG GI LUS RI BO MCHOG RAB DAR BCAS PA NGES PAR MNAN NAS DU BA DANG, ME 'BAR BAR
, ,BYED DO SNYAM NAS, KHYED GANG YIN ZHES DRIS SO, ,BDAG MOO DGAL ZHES BYA BA'O, ,BTZUN PA RANG GI GZUGS KYIS GNAS PAR GYIS SHIG ,GNAS BRTAN GYIS KLU'I LUS DOR NAS, DE'I RNA BA G-YAS PA'I BU GA NAS ZHUGS TE, RNA BA G-YON PA'I BU GA NAS 'THON NO, ,YANG RNA BA G-YON PA'I BU GA NAS ZHUGS NAS, RNAB G-YAS PA'I BU GA NAS 'THON NO, ,DE BZHIN DU SNA G-YAS PA'I BU GA NAS ZHUGS NAS, SNA G-YON PA'I BU GA NAS 'THON TE, YANG SNA G-YON PA'I BU GA NAS ZHUGS NAS, SNA G-YAS PA'I BU GA NAS 'THON NO; ;DE NAS KLU'I RGYAL PO'I KHA GDANGS SO, ,GNAS BRTAN KHAR ZHUGS NAS, GSUS PA'I NANG DU MDUN RGYAB TU YANG DANG, YANG DU RGYUS SO, ,BCOM LDAN 'DAS KYIS MOO DGAL RDZU 'PHRUL CHER YID LA GYIS SHIG, KLU RDZU 'PHRUL CHEN PO DANG LDAN PA YIN NO ZHES BKA' STZAL TO, ,GNAS BRTAN GYIS, BTZUN PA, BDAG GIS RDZU 'PHRUL GYI RKANG PA BZHI BSGOM PA DANG; MANG DU BYAS PA DANG, BRTZON PAR BYAS PA DANG, GZHIR BYAS PA DANG, RJES SU BSGRUBS PA DANG, 'DRIS PAR BYAS PAS LEGS PAR BRTZAMS SO, ,BTZUN PA, DGA' BO NYER DGA' LTA ZHOG, DGA' BO NYER DGA' DANG MTSUNGS PAR BRGYA'I TSOGS DANG, STONG GI TSOGS DANG, 'BUM GYI TSOGS KYANG BDAG GIS GDUL BAR NUS SO ZHES GSOL TO, ,
KLU'I RGYAL POS BSAMS PA, NANG NA RGYU BA BDAG GIS MA MTHONG NGO, ,PHYIR 'BYUNG BA'I TSE MCHE BA GNYIS KYI BAR DU BZA' 'O SNYAM NAS, BTZUN PA, PHYIR SHOG ,NGA'I LTO BA'I NANG DU YANG DANG, YANG DU RGYU BA DANG, SNGOD PAS CI BYA ZHES PAS GNAS BRTAN PHYIR BYON NAS GNAS SO, ,KLU'I RGYAL POS MTHONG NAS, 'DI YIN NAM, ZHES SMRAS TE, SNA'I RLUNG PHYIR BTANG NGO, ,GNAS BRTAN BSAM GTAN BZHI PO MNYAM PAR THOB PAS BA SPU'I BU GA GCIG TU YANG SNA'I RLUNG GIS BSKYOD PAR MA NUS SO, ,DE LAS GZHAN PA'I DGE SLONG RNAMS KYIS DANG PO RNAMS KYIS CHO 'PHRUL THAMS CAD BYED PAR NUS KYI, GNAS 'DI RNAMS LA RAB TU ZHUGS NAS, BSAM GTAN BZHI PO MYUR DU BSGRUB PAR MI NUS SO, ,DE'I PHYIR BCOM LDAN 'DAS KYIS KLU'I RGYAL PO 'DUL BA DE RNAMS LA GNANG BA MA YIN NO, ,KLU'I RGYAL PO BDAG GIS DGE SLONG 'DI'I BA SPU'I BU GA TZAM YANG SNA'I RLUNG GIS BSKYOD PAR MA NUS PAS RDZU 'PHRUL CHEN POR BSAMS SO; ;GNAS BRTAN GYIS DGE SLONG GI GZUGS DOR NAS, 'DAB BZANG BYA KHYUNG GI GZUGS SU MNGON PAR SPRUL TO, ,'DAB BZANG GI LUS DE MTHONG NAS KLU'I RGYAL PO BROS PAR GYUR TO; ;'DAB BZANG GI RJES SU 'BREL PAR KLU'I RGYAL POS RANG GI GZUGS DOR NAS BRAM ZE'I KHYE'U YI GZUGS SU SPRUL TO, ,BTZUN PA, KHYED LA SKYABS SU 'GRO'O ZHES RJED PAR BYED CING
, ,GNAS BRTAN GYI ZHABS LA PHYAG BTZAL TO, ,GNAS BRTAN GYIS STON PA'I THAD DU SHOG CIG, 'GRO BA YIN NO ZHES KLU'I RGYAL PO BTUL NAS DUG MED PAR BYAS TE, BCOM LDAN 'DAS KYI DRUNG DU PHYIN NO, ,KLU'I RGYAL POS BCOM LDAN 'DAS LA PHYAG BYAS TE, BTZUN PA, KHYED LA SKYABS SU 'GRO'O ZHES GSOL TO, ,BCOM LDAN 'DAS KYIS LEGS SO ZHES BKA' STZAL NAS, DGE SLONG 'KHOR DANG BCAS PA MGON MED ZAS SBYIN GYI GNAS SU GSHEGS SO, ,MGON MED ZAS SBYIN GYIS, BTZUN PA YUN RING POR MI 'BYON PA CI ZHES GSOL PA DANG, BCOM LDAN 'DAS KYIS, MOO DGAL GYI BU DANG, DGA' BO NYER DGA' GNYIS G-YUL BKYE'O ZHES BKA' STZAL TO, ,BTZUN PA, SU ZHIG PHAM; SU ZHIG RGYAL BAR GYUR ZHES GSOL PAS, KHYIM BDAG, MOO DGAL GYI BU RGYAL BAR GYUR, DGA' BO NYER DGA' PHAM PAR GYUR TO, ,ZHES BKA' STZAL TO, ,MGON MED ZAS SBYIN GYIS BTZUN PA BCOM LDAN 'DAS LA ZHAG BDUN DU RIM PA BZHIN DU GDUGS TSOD GSOL BAR ZHUS, GNAS BRTAN LA BKUR STI DANG, BSTI BTANG BGYID PAR ZHUS SO; ;SANGS RGYAS LA SOGS PA'I DGE SLONG LNGA BRGYA PO RNAMS LA BKUR STI DANG, BSTI BTANG ZHAG BDUN DU BGYID PAR 'TSAL LO, ,BCOM LDAN 'DAS KYIS DE SKAD CES BKA' STZAL
PA DANG, DGE SLONG DE RNAMS BCOM LDAN 'DAS KYIS GSUNGS PA LA MNGON PAR BSTOD DO, ,KLU'I RGYAL PO DGA' BO NYER DGA' 'DUL BA'I MDO RDZOGS SO,, ,,PAndI TA CHEN PO AA NANTA SHR'I'I ZHAL SNGA NAS, MANG DU THOS PA'I LO TZTSA BA SH'AKYA'I DGE SLONG NYI MA RGYAL MTSAN DPAL BZANG POS SKAD GNYIS SMRA BA RNAMS KYIS GDAN SA, GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O,, SA'I STENG DU NYI MA DANG, ZLA BA LTAR GYUR CIG,