, ,RGYA GAR SKAD DU, MAm GA LA AAshtA KA; BOD SKAD DU, BKRA SHIS BRGYAD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'JAM PA'I DPAL DANG 'JIG RTEN MGON PO RGYAL BA MCHOG GI COD PAN DANG NI DZAMBHA LA, ,RDOR SEMS BYAMS PA PHYAG NA RDO RJE LAG NA AUTPAL BZANG SKYONG DANG NI SGRA GCAN 'DZIN, ,SANGS RGYAS RNAM PAR SNANG MDZAD LA SOGS SA GSUM PHYAG RGYAS NYES PA MA LUS ZAD GYUR PA, ,DGYES PA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,RDO RJE H'Um MDZAD PHYUGS BDAG 'DUL BYED RDO RJE DRIL BU PADMA'I LAG PA CAN DANG
, ,NI; ,HA L'A HA L'A SER PO DAG DANG DGRA YI TSOGS 'JOMS dAKKI'I RGYAL PO BDAG NYID CHE, ,MI BSKYOD PA DANG SPOS KYI GLANG PO RIN CHEN TOG DANG RAB 'JIGS MI G-YOG SHIN RJE'I DGRA, ,DGYES PA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,YON TAN TSOGS MNGA' BYANG CHUB SEMS KYIS SEMS BRGYAN DGE 'DUN 'JIG RTEN GSUM GYIS PHYAG BYAS DANG, ,DGA' BA RAB GRUB SANGS RGYAS RTZOD PA'I DRI MA LAS RGYAL HE RU KA DANG DBYIG SNGON CAN, ,SANGS RGYAS S'A LA'I DBANG PO RGYAL PO RGYAL BA'I YON RIGS SEMS CAN KUN LA RJES BRTZE BA, ,DGYES PA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,SHES RAB SKUL BYED SGROL MA DAG DANG YE SHES TSOGS NI BSAGS PAR GYUR PA'I KHRO GNYER CAN, ,BDUD KYI BDUD GYUR 'OD ZER CAN MA ZHAL GSUM MDOG SER 'JIGS PA MTHA' DAG RAB 'JOMS MA, ,RMA BYA CHEN MO M'A MA K'I DANG DGRA YI TSOGS 'JOMS GOS DKAR MO DANG SANGS RGYAS SPYAN, ,DGYES MA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,GANDHA RI DANG LAG NA LTOS 'GRO ZHAGS PA LCAGS KYU RAL GRI 'DZIN BYED DUG SEL MA, ,RDO RJE LAG PA MA DANG PHAG MO DGRA STA RAL GRI 'DZIN BYED CHOS KYI DBANG PHYUG MA, ,BDE MCHOG LAS BYUNG YE SHES DPA' BO DPUNG RGYAN PHYAG DRUG RGYAL MTSAN RAB TU 'CHANG BYED PA, ,DGYES PA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,RGYAL BA MCHOD BYED PI WANG PHRENG MA GLU MA DANG NI RI KHROD BDUG SPOS RDO RJE MA, ,RO LANGS MAR ME DRI YI RDO RJE RAB TU BZHAD GDONG BDE 'GRO DAG DANG MI PHAM MA, ,SANGS RGYAS BYANG CHUB DPAL MO DANG NI RGYAL BA MTHA' DAG MNYES PAR BYED PA'I DBYANGS CAN MA; ,DGYES MA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,RGYAL BA MCHOG GIS CHOS 'KHOR BSKOR GYUR YANGS PA CAN DANG BYA RGOD PHUNG PO'I RI BO DANG, ,LUM BI NI DANG MNYAN YOD DANG NI SA YI STENG GNAS KO KA MED DANG BYANG
CHUB SHING, ,DPAL GYI BE'U DANG AA SHAD 'DAB MA ZHOL 'BRAS ME TOG DPAL 'BRAS DUNG DANG 'KHOR LO CAN, ,DGYES PA RNAMS KYI DRI MED YID DE DON KUN GRUB PA'I BKRA SHIS KHYOD LA STZAL DU GSOL, ,GDUGS DANG D'UR BA PADMA DANG NI RGYAL MTSAN DAG DANG NYA DANG BI WANG SIL SNYAN 'DZIN, ,PHEG PA DAG DANG RAB GANG BUM PA THUB PA GSUNG MCHOG RDO RJE DRIL BU'I SGRA DANG NI, ,SANGS RGYAS CHO 'PHRUL 'JO SGEG BZHAD 'GROS RNAM PAR ROL PA LHA DANG MI YIS PHYAG BYAS PA, ,DGYES PA RNAMS KYIS DRI MED YID BDE DON KUN GRUB PA'I BKRA SHIS KHYOD LA STZAL DU GSOL, ,RJE BTZUN 'PHAGS MA SGROL MAS GSUNGS PA'I BKRA SHIS BRGYAD PA RDZOGS SO,, ,,RGYA GAR GYI MKHAN PO BI NA YA SHR'I MI TRA DANG, LO TZ'A BA LDAN MA TSUL KHRIMS SENG GES BSGYUR BA'O,,