, ,DKON MCHOG GSUM GYI BKRA SHIS KYI TSIGS SU BCAD PA BZHUGS SO,, ,, #, ,DKON MCHOG GSUM LA PHYAG 'TSAL LO, ,BKRA SHIS GANG ZHIG RGYAL BA RNAMS KYI CHOS KYI SKU, ,GCIG NYID DANG NI DU MA NYID KYANG RNAM SPANGS PA'I, ,MA GOS GZUGS MED RDUL DANG BRAL BA GANG YIN PA'I, ,BKRA SHIS DE YIS KHYED LA RTAG TU BDE LEGS SHOG, ,BKRA
SHIS GANG ZHIG SANGS RGYAS SRAS KYIS YONGS BSKOR ZHING, ,LONGS SPYOD RDZOGS SKU DAM CHOS KYI NI GSUNG DANG BCAS, ,MTSAN DANG DPE BYAD BZANG POS YONGS SU BRGYAN GYUR PA, ,BKRA SHIS DE YIS KHYED LA RTAG TU BDE LEGS SHOG ,BKRA SHIS GANG ZHIG NAGS KYI ME NI MCHED PA LTAR, , 'JUG DANG 'BAR DANG YONGS SU MYA NGAN 'DAS PA YIS, ,SPRUL PA'I SKU MCHOG GZHAN GYI DON NI MDZAD PA PO, ,BKRA SHIS DE YIS KHYED LA RTAG TU BDE LEGS SHOG, ,BKRA SHIS GANG ZHIG SEMS CAN KUN LA PHAN BYED PA'I, ,SANGS RGYAS RNAM DAG BLO LDAN NYIS PA'I TSOGS DANG BRAL, ,SHES RAB YAN LAG 'DUS PAS MDZES PA BDE BA'I BDAG ,BKRA SHIS DE YIS KHYED RNAMS LA NI DBANG MCHOG BSKUR BA'O, ,BKRA SHIS GANG ZHIG LHA DANG LHA MIN MIS MCHOD PA, ,DE YI BSTAN PA'I DAM CHOS BLA NA MED PA NI, ,BDAG MED 'JIG RTEN GSUM LA RAB TU GRAGS PA YI, ,BKRA SHIS DE YIS KHYED RNAMS LA NI DBANG MCHOG BSKUR, ,BKRA SHIS GANG ZHIG RAB MCHOG DAM CHOS RTAG TU 'DZIN, ,BZANG PO'I SAR ZHUGS SANGS RGYAS SRAS PO TSOGS KYI MCHOG ,RNAM PA KUN DU SEMS CAN DON MDZAD BKRA SHIS BZANG, ,BKRA SHIS DE YIS KHYED RNAMS LA NI DBANG MCHOG BSKUR; ,ZHES BYA BA NI SLOB DPON SNANG BYED ZLA BAS MDZAD PA SANGS RGYAS SKU GSUM CHOS DANG DGE 'DUN DANG BCAS PA'I BKRA SHIS TSIGS SU BCAD PA'O,,