, ,RGYA GAR SKAD DU, N'A GA BA LIm BI BHI: BOD SKAD DU, KLU GTOR GYI CHO GA ,RJE BTZUN MA 'PHAGS MA SGROL MA LA PHYAG 'TSAL LO, ,RANG NYID LHA YI NGA RGYAL GYIS, ,BYAMS DANG SNYING RJE BYANG CHUB SEMS, ,YANG DANG YANG DU BSGOMS BYAS LA, ,MDUN DU PAm LAS PADMA NI; ,KHA DOG DMAR PO 'DAB BRGYAD STENG, ,PHU: BRGYAD LAS NI KLU BRGYAD BSKYED, ,DE NAS SNYING GA'I 'OD ZER DANG, ,AOm PHE PHU ZHES PAS KLU CHEN BRGYAD, ,'KHOR DANG BCAS PA BKUG LA BSTIM, ,DKAR GSUM MNGAR GSUM BDUD RTZIR BCAS, ,DAM TSIG YE SHES KLU RNAMS MCHOD, , DE NAS GTOR MA BYIN BRLABS TE, ,SNOD NI HI LAS RIN PO CHE, ,SHIN TU MDZES SHING BLTA NA SDUG ,YANGS LA RGYA NI CHE BAR BSAM, ,RIN CHEN SNOD MCHOG DE NANG DU, ,DKAR GSUM MNGAR GSUM BDUD RTZIR BCAS, ,SNOD NI SHIN TU GANG BAR BSAM, ,DE YI STENG DU YI GE GSUM; ,KHA DOG DRI DANG RO SBYANGS NAS, ,BDUD RTZI'I RO MCHOG BRGYA DANG LDAN, ,G-YAS PA MCHOG SBYIN PHYAG RGYA LA, ,HA HO HRI PAm DAG LAS NI, ,DPAG BSAM SHING NI BSAM BYAS LA, ,LO MA YAL GA THAMS CAD LA, ,RIN CHEN BUM PA BDUD RTZIS BKANG, ,DPAG TU MED PA BSAMS NAS NI, ,BHR'Um LAS BDUD RTZI'I CHAR BAB PAS, ,GTOR MAS YONGS SU GANG BAR BSAM, ,AOm A'A:ZHES LAN GSUM BRJOD, ,MGRON RNAMS THAMS CAD LCE LAS NI, ,H'Um LAS RDO RJE'I SBU GUS RNGUB, ,AOm AA NANTA BA LIm AI NGAm KHA KHA KH'A HI KH'A HI, AOm TAKshA
, ,KA; AOm KU LI KA ,AOm P'A SU KI ,AOm SHAm KHA P'A LA, AOm MAH'A PADMA, AOm BA RU nA, AOm NANDA N'A GAR'A DZ'A YA, AOm PHEm KLU'I RGYAL PO SOGS MA MED, ,BA LIm AI DAm KHA KHA KH'A HI KH'A HI, MTHA' YAS DANG NI 'JOG PO DANG, ,STOBS KYI RGYU DANG RIGS LDAN DANG, ,NOR RGYAS DANG NI DUNG SKYONG DANG, ,PADMA DANG NI CHU LHA DANG, ,DGA' BO DANG NI NYE DGA' BO, ,RGYA MTSO DANG NI RGYA MTSO CHE, ,DPAL GYI 'OD DANG 'OD PO CHE, ,GZUGS CHEN SPRUL BZANGS STOBS PO CHE, ,KLU CHEN BRGYAD PO 'KHOR DANG BCAS, ,'DIR GSHEGS MCHOD SBYIN GTOR MA BZHES, ,MDZES PA'I DKAR GSUM GTOR MA 'DI, ,MNGAR GSUM 'O MA'I RGYA MTSOR BCAS, ,RIN CHEN PHRENG BA'I THEM SKAS CAN, ,KLU YI GNOD PA SKYOB BYED PA, ,MTHUN PA'I RDZAS SU 'DI GYUR CIG ,MCHOD SBYIN GTOR MA 'DI SNOMS LA, ,BDAG CAG 'KHOR DANG BCAS RNAMS LA, ,KLU LAS GYUR PA'I NAD RNAMS NI, ,MTHONG BA'I DUG DANG KHA ZAS DUG ,BSAMS PA'I DUG LA SOGS PA KUN, ,DE DAG THAMS CAD ZHI GYUR CIG ,BDAG PAS GCES PA'I RDZAS KHYER LA, ,BDAG LA GNOD PA MA BYED PAR, ,RTAG TU BYAMS PA'I SEMS DANG NI, ,PHA MA LTA BU'I SEMS KYIS LTOS; ,GZHAN YANG LAS LAS SKYES PA YI, ,BKA' DANG DAM LAS MA THOGS PA'I, ,GDUG PA CAN GYI KLU TSOGS KUN, ,BKA' YI PHA 'BAB 'DI SNOMS LA, ,SO SO RANG RANG GNAS SU DENGS, ,DE'I RJES LA GTOR MA GTANG, BDEN PA BDAR, CHOS BSHAD BYA'O, , KLU'I GTOR CHEN SGROL MA'I ZHABS KYI RDUL LA REG PA'I MKHAS PA CHEN PO DPAL MAR ME MDZAD YE SHES KYIS MDZAD PA RDZOGS SO,, ,,LO TZ'A BA RIN CHEN BZANG POS BSGYUR PA'O,,