, ,RGYA GAR SKAD DU, MAndAL BI DHI:, BOD SKAD DU, MAndAL GYI CHO GA ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, , DKYIL 'KHOR BYUG PA SNGON DU 'GRO BA YIS, ,SKYE BA GZHAN DU 'BYOR PA MI ZAD LA, ,DA LTAR BZHED PA NYID KYI PHYAG GNAS LTAR, ,SLU BA MED PA BDAG GIS BRJOD PAR BGYI, ,AOm BADZRA RE KHE A'A: H'Um, GTZANG SPYOD BA YI LCI BA NI, ,CHU DANG 'O MA ZHO DANG MAR, ,THAMS CAD DE LAS BYUNG BA DAG , SNOD GTZANG BSKOL TE CHU RNAMS DBO, ,TSIGS MA DOR TE DBUS KYI CHAS, ,DBYIBS CI DGA' BA'I MAndAL NI, ,SA BDAG KHRU GANG YAN CHAD PAR, ,GSANG SNGAGS DON LA GZHOL BAR BYUGS, ,DE NAS DE NI GUS PA YIS, ,RGYAL BA SRAS SU BCAS LA DBUL, ,MJUG TU THUB PAS
, ,GSUNGS PA YI, ,TSIGS BCAD 'DI DAG BRJOD PAR BYA, ,BA YI LCI BA CHUR BCAS SBYIN PA STE, ,LEGS PAR NYUG PAR BYED PA TSUL KHRIMS SO, ,SRIN DANG GROG SBUR BSAL BA BZOD PA YIN, ,BYA BA LA NI NYER ZHUGS BRTZON 'GRUS TE, ,DE LA SKAD CIG SEMS NI GCIG BYED PA, ,BSAM GTAN SHES RAB RI MO GSAL BA'O, ,THUB PA'I MAndAL BYAS PA YIS, ,PHA ROL PHYIN PA 'DI DRUG THOB, ,GSER GYI MDOG 'GYUR 'DI DAG STE, ,NAD RNAMS KUN DANG BRAL BAR 'GYUR, ,ZLA BA LTAR MDZES GSAL BA YIS, ,LHA DANG MI NI DAM PAR SKYE, , NOR DANG GSER NI 'BYOR PA YIS, ,RGYAL PO'I RIGS SU SKYE BAR 'GYUR, ,BDE BAR GSHEGS PA'I PHO BRANG MCHOG ,MAndAL GANG ZHIG BYED PA DANG, ,SDIG PA THAMS CAD MI BYED CING, ,DGE BA PHUN SUM TSOGS PA DANG, ,RANG GI SEMS NI YONGS 'DUL BA, ,'DI DAG SANGS RGYAS RNAMS KYIS BSNGAGS, ,ZHES SO, ,DE NAS DGE BA DE NYID RGYU MTSAN DU BYAS LA, DKON MCHOG GSUM LA BDAG PHYAG 'TSAL, ,DKON MCHOG GSUM LA SKYABS SU MCHI, ,BDAG NI KHYED LA RNAM KUN 'BUL, ,SDIG PA THAMS CAD BSHAGS PAR BGYI, ,'GRO BA'I DGE LA RJES YI RANG, ,DAM CHOS 'KHOR LO MCHOG BSKOR DANG, ,YONGS SU MYA NGAN 'DAS SPANG ZHING, ,BDAG NI KHYED LA GSOL BA 'DEBS, ,'DI SOGS DGE BA'I LAS RNAMS NI, ,BYANG CHUB BLA NA MED PAR BSNGO, ,'GRO BA'I SDUG BSNGAL KHUR CHEN 'BOR BA'I PHYIR, ,BDAG GIS SEMS NI BYANG CHUB PHYIR BSKYED DE, ,MA RGAL BSGRAL DANG MA GROL DGROL BA DANG, ,DBUGS MA PHYUNG BA BDAG GIS DBUGS DBYUNG STE, ,MYA NGAN MA 'DAS BDAG GIS MYA NGAN 'DAS, ,DE LTAR BYANG CHUB KYI SEMS RAB TU BRTAN PAR BSKYED LA JI LTAR 'DOD PA'I BYA BA DGE BA LA 'JUG PAR BYA'O,, MAndAL DBUL BA'I CHO GA SLOB DPON CHEN PO BYANG CHUB SEMS DPA' DGRA LAS RGYAL GSANG BA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO AA DU LO PA DANG, LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA,, ,,