, ,RGYA GAR SKAD DU, ,GU RU PA RA MA PU nYA SHRI NA MA STO TRA, BOD SKAD DU, BLA MA DAM PA BSOD NAMS DPAL ZHES BYA BA LA BSTOD PA, CHOS 'BYUNG RAB GZIGS SHIN TU YANGS PA'I SKU MNGA' BA, ,BSOD NAMS DPAL GYI ZHABS ZUNG DAG LA BRTEN PAR BGYI, ,MKHAS PA 'DI NI KUN DU BSKYOD BAR GYUR PA LA, ,SNGON CHAD MA MTHONG STONG NYID RTZE MOS NGO MTSAR MTHONG, ,SHIN TU RGYA CHEN ZAB PA 'DI NI CHEN PO'I TSUL, ,MCHOD RTEN BSKYOD PA LTA BU'I SKU LA LHAG PAR BRTEN, ,DPAL MCHOG BLA MA STON PA'I BSTAN PA LA, ,DUS DES GSAL BA 'OD GSAL CHEN PO'I TSUL; ,MTSUNGS MED SNYING RJE'I BCUD KYIS SEMS CAN BDE MDZAD PA, ,'DI NI NGO MTSAR BSOD NAMS DPAL GYI YE SHES SKU, ,DE NI KUN LA BYAMS PAS PHYAG KYANG RAB TU 'TSAL, ,BDE ZHING BDE BA'I SNANG LDAN SPROS PA MI MNGA' BA, ,BZOD BA'I GTER CHEN BSAM GTAN DGA' BA'I RO MCHOG DANG, , RNAM PA KUN DU RDZOGS SANGS BYANG CHUB LAM RNAMS MKHYEN, ,GTI MUG MUN LDONGS 'GROL RAB TU GSAL BAR MDZAD, ,DE NI BRTZE LDAN BSOD NAMS DPAL GYI YE SHES SKU, ,PO tA LA KAR SPYAN RAS GZIGS DBANG ZHABS PAD LA, ,BUNG BA ROL PA ZHES BYA'I STOBS LDAN SPYAN DAG GIS, ,LHO
, ,PHYOGS YUL DU LAM TSOL YANG DAG BSKYOD PA YIS, ,RIM BZHIN 'CHAG LA DUB PA MED PA'I BSOD NAMS DPAL, ,SANGS RGYAS MTHU YIS RGYA MTSO ZLA BAS GANG BA BZHIN, ,DPAL MCHOG BLA MA 'DI NI LAM MCHOG DED DPON MKHAS, ,YE SHES BDUD RTZI'I RLANGS KYI LAM GYIS DUB PA LA, ,NYER PHYIN LAM LA MKHAS RNAMS KUN GYIS BRTEN PAR BYA, ,DPAL MCHOG BLA MA 'DI NI STON PA'I BSTAN PA LA, ,DUS LA RAB GSAL 'OD GSAL CHEN PO'I TSUL, ,MTSUNGS MED BLA MA'I ZHABS LA RAB TU 'DUD, ,RGYA GAR LHO PHYOGS KYI YUL DPAL LDAN 'BRAS KYI PHUNG PO ZHES BYA BA'I MCHOD RTEN BZHUGS PA'I GNAS DER BLA MA MAN LUNGS PA'I SKU GSUNG THUGS KYI SPYOD PA RLABS PO CHE, BYANG CHUB SEMS DPA'I RNAM PAR THAR PA DANG CHA MTHUN PA LA MOS PA'I PAntI TA BI MA LA SHR'I ZHES BYA BA MKHAS SHING BTZUN PA DES TSIGS SU BCAD PA 'DIS BSTOD PA'O, , DPAL LDAN MAN LUNGS KYI GTZUG LAG KHANG CHEN POR PAntI TA GO TA MA BHA DRA DANG, LO TZ'A BA GRAGS PA BYANG CHUB GNYIS KYIS BSGYUR BA'O,,