,,RGYA GAR SKAD DU, PRANYTZA SHIKshYU NU SA SA S'U TRA, BOD SKAD DU, BSLAB PA LNGA'I PHAN YON GYI MDO, 'PHAGS PA DKON MCHOG GSUM LA GUS PAS PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS ?? DANG; CHU SRIN BYIS PA GSOD KYI RI DANG, SMAN GYI NAGS RI DVAGS RGYU BA'I GNAS NA BZHUGS SO, ,DE NAS BCOM LDAN 'DAS SNGA DRO'I DUS SU CHOS GOS GYON LHUNG BZOD? THOGS TE, PHA NA KU LA'I KHYIM BDAG GANG NA YOD PA'I GNAS DER GSHEGS SHING NYE BAR GSHEGS TE, GDAN BSHAMS PA LA BZHUGS SO, ,DE NAS YANG PHA NA KU LA? 'KHYIM BDAG DANG, MA NA KU LA'I KHYIM BDAG MOS, BCOM LDAN 'DAS GAL BA DE? MONG? ZHING NYE BAR MONG? NAS, BCOM LDAN 'DAS LA PHYAG BYAS TE, PHYOGS GCIG TU 'KHOD DO, ,PHYOGS GCIG TU 'KHOD NAS PA NA KU LA'I KHYIM BDAG DES BCOM LDAN 'DAS? 'DI SKAD CES GSOL? TO, ,GANG GI TSE BTZUN PA BCOM LDAN 'DAS, MAN KU LA'I KHYIM BDAG MO BDAG PHYE'U YI DUS SU BU MO
, ,GZHON NU MA BLANGS TE, MA NA KU LA'I KHYIM BDAG MO LAS LOG PAR G-YEM PA'I SEMS MA SKYES SO, ,LUS KYI SKYON GANG YANG MA BYUNG BA LAS BTZUN BA BCOM LDAN 'DAS MTHONG BA'I CHOS 'DI LA PHAN TSUN DU MTHONG NGO, ,SKYE BA GZHAN DU PHAN TSUN DU MTHONG BAR BDAG 'DOD DO, ,MA NA KU LA'I KHYIM BDAG MOS, BCOM LDAN 'DAS LA 'DI SKAD CES GSOL TO, ,GANG GI TSE BTZUN PA BCOM LDAN 'DAS PHA NA KU LA'I KHYIM BDAG GZHON NU'I DUS SU BDAG GZHON NU MA BLANGS SO, ,PHA NA KU LA'I KHYIM BDAG LAS 'DOD PA LOG PAR G-YEM PA'I SEMS MA SKYES SO, ,LUS KYI SKYON MA BYUNG BA GANG LAS BTZUN BA BCOM LDAN 'DAS MTHONG BA'I CHOS 'DI LA PHAN TSUN DU MTHONG NGO, , SKYE BA GZHAN DU PHAN TSUN DU MTHONG BAR BDAG 'DOD DO, ,DE NAS BCOM LDAN 'DAS KYIS BKA' STZAL PA, KHYIM BDAG DANG, KHYIM BDAG MO GNYIS PO LA 'DOD PA YOD PAR GYUR PAS, MTHONG BA'I CHOS 'DI LA PHAN TSUN DU MTHONG BAR GYUR TO, ,SKYE BA GZHAN DU MTHONG BAR 'GYUR RO, ,GNYIS PO DAG DAD PA MNYAM PA DANG, TSUL KHRIMS MNYAM PA DANG; GTONG BA MNYAM PA DANG, SHES RAB MA LUS PA RNAMS KYIS MTHONG BA'I CHOS 'DI LA PHAN TSUN DU MTHONG BAR GYUR TO, ,SKYE BA GZHAN DU MTHONG BAR 'GYUR RO, ,YANG
TSIGS SU BCAD PA 'DI BKA' STZAL TE, GNYIS KA DAD DANG CHOS TSIG DANG, ,MNYAM DANG CHOS KYI 'TSO BA DANG, ,PHAN TSUN DU NI DGA' BA'I TSIG ,DE LTAR SKYES PA BUD MED GCIG ,NOR MANG DANG NI LDAN PA DANG, ,GNAS NI BZANG POR SKYE BAR 'GYUR, ,DGRA NI DE LA DGA' BA DANG, ,GNYIS KA MNYAM BA'I TSUL KHRIMS KYIS, ,'DI LTAR CHOS NI SBYAD PA DANG, ,GNYIS KA TSUL KHRIMS LDAN PA DANG, ,'DOD CING 'DOD LA YI RANG BAS, ,LHA YI GNAS SU DGA' BAR 'GYUR, ,DE'I PHYIR BSLAB PA RNAM PA LNGA PO BSRUNG BAR BYA'O, ,'DI LTA STE, SROG GCOD PA SPONG BA DANG; MA BYIN PAR LEN PA SPONG BA DANG, 'DOD PAS LOG PAR G-YEM PA SPONG BA DANG, BRDZUN DU SMRA BA SPONG BA DANG, MYOS PAR 'GYUR BA'I CHANG GI BTUNG BA SPONG BA'O, ,BSLAB PA LNGA BA 'DI NI BSRUNG BAR BYA'O, ,DE NAS YANG DGE SLONG RNAMS KYIS TSUL KHRIMS LNGA'I PHAN YON ZHUS PA, GZHAN YANG, BTZUN PA BCOM LDAN 'DAS, SROG GCOD PA SPANGS PA'I RNAM PAR SMIN PA JI LTAR SHES PAR BGYI, MA BYIN PAR LEN PA SPANGS PA'I RNAM PAR SMIN PA JI LTAR SHES PAR BGYI, 'DOD PAS LEG PAR G-YEM PA SPANGS PA'I RNAM PAR SMIN PA JI LTAR SHES PAR BGYI, BRDZUN DU SMRA BA SPANGS PA'I RNAM PAR SMIN PA JI LTAR SHES PAR BGYI, MYOS PAR 'GYUR BA'I CHANG GI BTUNG BA SPANGS PA'I RNAM PAR SMIN PA JI LTAR SHES PAR BGYI, DE NAS BCOM LDAN
, ,'DAS KYIS DE RNAMS KYIS DRIS BDE BSTAN CING RTOGS PAR BYA BA'I PHYIR BKA' STZAL PA, DGE SLONG DAG, SROG GCOD PA NI SPRUL DUG CAN DANG 'DRA BAR BLTA BAR BYA'O, ,SDIG PA DU MA DANG LDAN PA DANG, YI DVAGS KYI SKYE GNAS SU SKYE BA DANG, DUD 'GRO'I SKYE GNAS SU SKYE BA DANG, DMYAL BA'I SKYE GNAS SU SKYE BAR 'GYUR TE, DE'I LUS ZHIG NAS SHI BA'I PHA ROL TU DMYAL BA YANG SO SOS SU SKYE'O, ,DE NI DMYAL BA YANG SOS SU DMYAL BA'I SRUNG MAS YANG DAG PAR BSREG PA DANG, MTSON SNA TSOGS PA GZUNG NAS DUM BUR GCOD CING LUS LA BUG PA 'BUGS PAR BYED DO, ,RNAM PA LNGA YIS BCING NGO ZHES PAS LAS BYED CING BYED LA, DMYAL BA'I SEMS CAN DE YANG DANG, YANG DU SHI NAS YANG DANG, YANG DU 'TSO BAS NA YANG SOS SU SKYE'O, ,DE RNAMS DE LA YANG SOS KYI SDUG BSNGAL DAG PO, RTZUB PA, TSA BA 'JOMS SHING 'JOMS LA GANG ZHIG LA THAMS CAD LCI ZHING SROG BCAD PA'I RNAM PAR SMIN PA DE'O, ,DE MIR SKYES KYANG TSE THUNG BAR 'GYUR RO, ,DBANG PO YONGS SU MA TSANG BAR 'GYUR, GZUGS NGAN PA DANG, SHES RAB 'CHAL PA DANG, RTAG TU SKRAG PA DANG; RTAG TU KHRO BA DANG, NAD DANG BCAS PA DANG, MYA NGAN DANG BCAS PA DANG, DGA' BA DANG 'BRAL BA DANG, THAMS CAD DANG 'BREL? BA DANG, RTAG TU YUN RING DU 'BRAL BAR
'GYUR RO, ,DE'I PHYIR BCOM LDAN 'DAS KYIS BKA' STZAL PA, SKYE BA LNGA BRGYAR YI DVAGS DANG, ,NYA SBRUL RI DVAGS 'UG PA DANG, ,MA HE KHYI DANG WA RNAMS NI, ,SROG BCAD PA YI NYES PA'O, , 'DI NI SROG BCAD PA'I RNAM PAR SMIN PA'O, ,SROG GCOD PA NI SPANGS PA YIS, ,SKYES PA 'AM NI BUD MED LUS, ,THOB PAR 'GYUR TE PHAN YON NI, ,YON TAN NYI SHU MI DMAN PAR, ,YAN LAG NYING LAG PHUN SUM TSOGS, ,LUS NI SHED DANG LDAN PA DANG, ,RIGS BZANG POR NI MYUR DU SKYE, ,YAN LAG GTZANG ZHING 'JAM PA DANG, ,TSE RING BA DANG BDE BA DANG, ,DPA' ZHING STOBS DANG LDAN PA DANG, ,TSIG NI MCHOG TU BZANG BA DANG, ,LHA DANG BCAS PA DGA' BA DANG, ,'JIG RTEN PA YIS NGAN MI BYED, ,'PHAGS PAS TSIG NGAN MI BRJOD DANG, ,BYAD STEMS NGAN BAS MI 'CHI ZHING, ,MTHA' YAS PA YI 'KHOR DANG LDAN, ,KHA DOG GZUGS DANG YANG DAG LDAN, ,NAD DANG MYA NGAN NYUNG BA DANG, ,KHYIM GYI GNAS NI MI SPONG DANG, ,GZHAN GYIS MI DGAR MI 'GYUR RO, ,SROG GCOD PA NI SPANGS PA YIS, ,SKYES PA 'AM NI BUD MED KYIS, ,PHAN YON 'DI NI MYONG BAR 'GYUR, ,LHA RNAMS DANG NI MI RNAMS SU'O, ,DE LUS ZHIG CING SHI NAS BDE 'GRO MTHO RIS LHA'I 'JIG RTEN DU NYE BAR SKYE'O, ,MA BYIN PAR LEN PA NI MA BYIN PA'I PHA ROL KYI RDZAS RNAM PAR SHES PA DANG BCAS PA DANG, RNAM PAR SHES PA MED PA GANG RUNG,
, ,KHANG PA PHUG NAS RKU BA LA SOGS PA'O, ,PHA ROL BSLUS NAS LON PA DANG, RANG 'TSO BA'I PHYIR DE RNAMS DE LTA BU'I RIM PAS MA BYIN PAR LEN PA DE'I LUS ZHIG NAS SHI BA'I PHA ROL TU NGU 'BOD DU SKYE BAR 'GYUR RO, ,NGU 'BOD CES PA'I MING NI NGU 'BOD GNYIS TE, 'BAR BA'I NGU 'BOD DANG, DU BA'I NGU 'BOD DO, ,'BAR BA'I NGU? 'BOD NI TSE BSKAL PA GCIG TU GNAS SO, ,BAR BAR DU ME 'BAR BAS YONGS SU GANG BA'O, ,DU BA'I NGU? 'BOD NI DU BA 'TSUB CING DE GNYIS LA ME 'BAR BAS NGU 'BOD DU SEMS CAN DMYAL BA RNAMS 'TSED DO, ,BU GA DGU NAS ME 'BYUNG ZHING LUS BSREG GO ,'DI NI DU BA'I NGU 'BOD DO, ,DU BA'I NGU 'BOD NI SEMS CAN DMYAL BA RNAMS SU 'TSED DO, ,BU GA DGU NAS DU BA 'TSUB CING 'BYUNG NGO, ,JI LTAR ZAN 'TSED PA LTAR LUS 'TSED DO, ,SEMS CAN GNYIS KA MYA NGAN GYI SGRA CHEN PO SGROGS SO, ,DE DAG NI DER SDUG BSNGAL DRAG CING RTZUB PA DANG; TSA BA MYONG BAR 'GYUR RO, ,MA BYIN PAR LEN PA NI, DGE SLONG DAG, SBRUL DUG CAN 'DRA BAR BLTA BAR BYA'O, ,DMYAL BAR 'JUG PA DANG, YI DVAGS KYI YUL DU 'JUG PA DANG, DUD 'GRO'I SKYE GNAS SU SKYE BAR 'GYUR RO, ,GANG ZHIG MA BYIN PAR LEN PA'I RNAM PAR SMIN PA NI SHIN TU CHEN PO'O, ,MIR SKYES KYANG LONGS SPYOD RNAMS NYAMS
PAR 'GYUR BA DANG, MA BYIN PAR BLANGS PA'I SEMS CAN GYI LAG TU DNGOS PO CUNG ZAD KYANG 'CHAGS PAR MI 'GYUR RO, ,BZA' BA DANG, BTUNG BA DANG, GOS DANG, STAN LA SOGS PA RNYED DKA' BAR 'GYUR BA DANG, RGYUN MI 'CHAD PAR ZUG RNGU CAN DANG, GZHAN SDANG BA DANG, 'TSE BAR 'GYUR RO, ,GANG DANG, GANG RNYED PA DE DANG, DE NI NYAMS PAR 'GYUR RO, ,GZHAN GYIS LONGS SPYOD PAR 'GYUR RO, ,GANG 'DOD PA'I LONGS SPYOD NI RNYED DKA' BAR 'GYUR RO, ,DNGOS PO YOD PA RNAMS 'PHEL BAR MI 'GYUR RO, ,BDE BA DANG 'BRAL BAR 'GYUR RO, ,DE'I PHYIR BCOM LDAN 'DAS KYIS GSUNGS PA, 'DIR NI DBUL DANG BKREN PA DANG, ,GZUGS NGAN NYE BAR 'TSE BA DANG, ,RIGS NGAN DU NI SKYE BA NI, ,MA BYIN LEN PA'I NYES PA'O, ,MA BYIN PAR LEN PA'I RNAM PAR SMIN PA'O, ,MA BYIN LEN PA SPANGS PA YIS, ,SKYES PA 'AM NI BUD MED NI, ,THOB PAR 'GYUR TE PHAN YON NI, ,YON TAN NYI SHU MI DMAN PAR, ,RTAG TU 'BRU NI MANG BA DANG, ,MTHA' YAS LONGS SPYOD PHUN SUM TSOGS, ,SNGAR MED PA NI RAB TU 'PHEL, ,'DOD PA RNAMS NI BRTAN PA DANG, ,GZUGS SGRA RO DANG DRI DANG NI, ,REG BYA RNAMS NI YID DU 'ONG, ,DOM DU GNYER BA THAMS CAD LA, ,BSAM PA THAMS CAD MYUR DU 'GRUB, ,DE LA RGYAL PO CHOM KUN? DANG, ,MI MDZA' BA YIS MI 'PHROGS DANG, ,ME 'AM YANG NI CHU DANG NI, ,DE
, ,RNAMS KYIS NI 'TSE MI 'GYUR, ,'DI 'DRA BA YI LONGS SPYOD LDAN, ,GANG ZHIG STER DANG ZA BA LA, ,MED CES PA NI 'BYUNG MI 'GYUR, ,RTAG TU BDE BAR GNAS PA DANG, ,MA BYIN LEN PA SPANGS PA YIS, ,SKYES PA 'AM NI BUD MED LA, ,THOB PAR 'GYUR TE PHAN YON NO, ,LHA RNAMS DANG NI MI RNAMS SU, ,DE LUS ZHIG CING SHI NAS BDE 'GRO MTHO RIS DANG, LHA'I 'JIG RTEN DU NYE BAR SKYE'O, ,'DOD PA RNAMS LA LOG PAR G-YEM PAS NI 'TSO BA'I 'JIG RTEN 'DIR 'DOD PAR BYED PA NI, DE'I LUS ZHIG NAS SHI BA'I PHA ROL TU NGU 'BOD CHEN POR SKYE ZHING LTUNG BAR 'GYUR RO, ,DE NAS PHYI RU CHU BO RAB MED KYI NGOGS GNYIS SU SH'AL MA LI'I NAGS DPAG TSAD BRGYAD CU GYEN DU MNYAM ZHING MTHO BA, TSER MA SOR BCU DRUG PA YAL GA RNAMS THUR LA 'PHYANG BA, LUS PO RGYANG GRAGS BCU GNYIS DANG LDAN ZHING LUS LA ME GYEN DU 'BAR BA, DPAG TSAD DRUG CUR GYEN DU 'GRO ZHING DE LA RTAG TU SNA TSOGS PA'I MTSON GYIS PHAN TSUN DU GSOD CING, DE NI SH'AL MA LI'I SHING GI NAGS LA SHON NO, ,LO STONG PHRAG MANG POR SHING GI TSER MA LA 'DZEG GO ,GZHAN YANG DMYAL BA'I SRUNG MA RNAMS KYIS MTSON BLANGS NAS RGYAB PAS DU ZHING MGO THUR LA BSTAN NAS LHUNG NGO, ,LHUNG BA'I DUS SU LCAGS BSREGS KYIS GZHIR GSAL SHING
BTZUGS PA RNAMS LA LHUNG NGO, ,DE RNAMS BSHANG LAM NAS 'THON PAS, DE RNAMS KYIS SDUG BSNGAL MYONG BAR 'GYUR RO, ,RGYUN TU NGU ZHING DPAG TSAD DRUG CU PA'I LCAGS KYI BUM PA NA BSKAL PA GCIG TU SDOD DO, ,ME MDAG GIS YONGS SU GANG BAR DMYAL BA'I SRUNG MA RNAMS KYIS KHAR LUGS SO, ,DE'I PHYIR BCOM LDAN 'DAS KYIS BKA' STZAL PA, RI NAG RTZEGS PA MNYAM ZHING MTHO, ,SHING NI TSER MAR BCAS PA DANG, ,LCAGS KYI TSER MA RNON PO YIS, ,'JIG RTEN MI LA BDE BA MED, ,SHING GI RTZE MOR GNAS PA YI, ,DUS KYI CHUNG MAS CI ZHIG BYA; ;DE'I PHYIR BCOM LDAN 'DAS KYIS BKA' STZAL PA, DGE SLONG DAG, 'DOD PA RNAMS LA LOG PAR G-YEM PA NI, SBRUL DUG CAN DANG 'DRA BAR BLTA BAR BYA'O, ,DMYAL BAR 'JUG PA DANG, YI DVAGS KYI YUL DU 'JUG PA DANG, DUD 'GRO'I SKYE GNAS SU SKYE BAR 'GYUR RO, ,GANG ZHIG 'DOD PA RNAMS LA LOG PAR G-YEM PA'I RNAM PAR SMIN PA NI SHIN TU CHEN PO'O, ,DE MIR SKYES KYANG, SDUG BSNGAL CHEN PO MYONG BAR 'GYUR RO, ,DE'I PHYIR BCOM LDAN 'DAS KYIS BKA' STZAL PA, SKYE BA LNGA BRGYAR BUD MED 'GYUR, ,DE BZHIN DU NI MA NING 'GYUR, , SKYUG BRO'I MDZE CAN YANG YANG 'GYUR, ,LOG PAR G-YEM PA'I NYES PA'O, ,SKYE BA DU MAR NYE BAR 'TSE? BA DANG, DGRA MANG BAR 'GYUR BA DANG, MI MDZA' BA DANG RTAG TU LHAN CIG TU
, ,GNAS PAR 'GYUR BA DANG, NYAL BA DANG LDANG BA'I TSE SDUG BSNGAL DANG BCAS PA DANG, DUS RTAG TU KHRO BA DANG, MIS GNOD PAR BYED PA DANG, RTAG TU LUS SGUR BAR 'GYUR BA DANG, 'ON PA DANG, SKYE BA NAS SKYE BAR DMUS LONG LA SOGS PAR SKYE BAR 'GYUR RO, ,RNAM PAR 'GYUR BAR NGES PA DANG, RTAG TU SEMS MI DGA' BAR 'GYUR BA DANG, PHAN TSUN DU 'THAB PA LA DGA' BA DANG, DGA' BA'I SEMS DANG 'BRAL BAR 'GYUR RO, ,DE LUS ZHIG NAS SHI BA'I PHA ROL TU NGU 'BOD CHEN PO'I DMYAL BAR LTUNG ZHING SKYE BAR 'GYUR RO; ;DER YANG DE LA SDUG BSNGAL DRAG PO DANG, RTZUB PA DANG, TSA BA NYAMS SU MYONG BAR 'GYUR RO, ,'DOD PAS LOG PAR G-YEM PA'I RNAM PAR SMIN PA'O, ,LOG PAR G-YEM PA SPANGS PA YI, ,SKYES PA'AM NI BUD MED KYIS, ,THOB PAR 'GYUR TE PHAN YON NO, ,YON TAN NYI SHU MI DMAN PA, ,DE LA DGRA NI MED PA DANG, ,'JIG RTEN THAMS CAD DGA' BA DANG, ,BZA' DANG BTUNG BA RNYED PAR SLA, ,GOS DANG STAN DANG GNAS RNAMS DANG, ,BDE BAR NYAL DANG BDE BAR 'DUG ,DE NI BDE BAR LDANG BA DANG, ,NGAN SONG 'JIGS LAS RNAM PAR GROL, ,MYA NGAN MED DANG 'JIGS PA'ANG MED, ,NAD RNAMS THAMS CAD DE LA MED, ,MA NING BUD MED DU MI SKYE, ,CUNG ZAD GANG NI DON GNYER 'DOD, ,
DE YI 'DOD PA GRUB PAR 'GYUR, ,PHAN TSUN DU NI MDZA' BA DANG, ,GZHAN NI MI DGA' DE LA MED, ,DBANG PO KUN NI TSANG BA DANG, ,DGE BA'I MTSAN NYID YANG DAG LDAN, ,MI BZOD CHUNG DANG DOGS PA MED, ,SKYES PA BUD MED DOGS MED DO, ,LOG PAR G-YEM PA SPANGS PA YI, ,SKYES PA'AM NI BUD MED KYIS, ,PHAN YON 'DI NI MYONG BAR 'GYUR, ,LHA'AM YANG NA MI RNAMS KYIS, ,DE'I LUS ZHIG NAS SHI BA'I PHA ROL TU MTHO RIS DANG, LHA'I 'JIG RTEN DU BDE 'GROR SKYE BAR 'GYUR RO, ,GANG ZHIG SKYES PA 'DOD PA YIS, ,SKYE BA YANG DANG YANG DU NI; ;BUD MED GZHAN LA 'GRO MI BYA, ,SEMS KYI DRI MA BKRU BA'O, ,BUD MED GANG ZHIG GIS GYOS SGYUG LA NYE BAR MI BSNYEN PA DANG, RANG GI KHYO LA NYE BAR MI BSNYEN PA DANG, RANG GI KHYO LA MI BRTZI BA DANG, RANG GI KHYO'I BU BO LA MI 'DUD PA DANG, RANG GI KHYO'I SRING MO RNAMS LA GNOD PAR BYED PA DANG, GZHAN YANG, LAG PA DANG, RKANG PA DANG, RGYAB LA LAS SU BYA BA MI BYED PA DANG, BZA' BA DANG, BTUNG BA GANG 'DOD PA MI STER BA DANG, DE RNAMS LA NGO TSA DANG, KHREL DU MI BYED PA DANG, RANG GI KHYO BO LA KLOG PAR BYED PA DANG, SKUR PA BTAB NA DMYAL BAR SKYE BAR 'GYUR RO, ,LCAGS BSREGS KYI SA GZHI'I STENG DU NYAL BA DANG, 'BAR BA'I LCAGS KYU KHA RU BCUG NAS MCHIL BAS NYA LA BYA BA BZHIN DU LCE'I RTZE MO
, ,PHYI ROL TU PHYUNG STE, THAG PAS BCINGS NAS PHYI ROL TU 'DON TO, ,DE LTAR PHYI ROL TU BTON PA LA, LCE'I RTZE MO LA MTSON CHAS BRGYAB PA'I GNAS SU MCHU RANG LA SKYES PA'I SRIN 'BU CHEN POS ZA'O, ,DE LTAR ZOS BAS CUNG ZAD KYANG SMRA BAR MI NUS SO, ,DE LTAR DE NI DE LA LO STONG PHRAG DU MAR 'TSED PAR 'GYUR RO, ,BTZOS NAS YANG DMYAL BA CHEN POR LHUNG BAR 'GYUR RO, ,DE'I PHYIR BCOM LDAN 'DAS KYIS BKA' STZAL PA, GANG ZHIG BUD MED SKYES PA 'DOD, ,SKYE BA SKYE BAR YANG DANG YANG, ,LHA DANG LHA MO JI BZHIN DU, ,RANG GI KHYO NI SPANG MI BYA, ,BRDZUN DU SMRAS PAS SLAR YANG THIG NAG TU SKYE BAR 'GYUR RO, ,DER YANG DMYAL BA'I SRUNG MA RNAMS KYIS SGRA CHEN PO'I TSIG SGROGS SHING; MTSON CHA 'BAR BA SNA TSOGS PA BLANGS NAS LCAGS BSREGS KYI SA GZHI LA DMYAL BA'I SEMS CAN GCIG GIS GCIG 'GRUD PA DANG, 'BAR BA'I THIG NAG POS 'DEBS PA DANG, 'BAR BA'I MTSON CHA BZUNG NAS YANG DAG PAR BSGYUR BA DANG, ZHIB MAS 'TSAG PA BZHIN DU, STE'U DANG, DGRA STAS GZHOGS PA DANG, DE RNAMS KYIS SGRA CHEN PO SGROGS TE DU ZHING GNAS SO, ,RANG GI KHRAG 'THUNG ZHING NANG DU DER GNAS PA DE THIG NAG STE, BRDZUN DU SMRAS PAS SKYE'O, ,DER SDUG BSNGAL DRAG PA DANG, RTZUB PA DANG,
TSA BA'I TSOR BA MYONG BAR 'GYUR RO, ,DGE SLONG DAG, BRDZUN DU SMRA BA NI SBRUL DUG CAN DANG 'DRA BAR YID LA BYA'O, ,DES SDUG BSNGAL MANG PO BYED DO, ,DMYAL BAR 'JUG PA DANG, YI DVAGS KYI YUL DU 'JUG PA DANG, DUD 'GRO'I SKYE GNAS SU SKYE BAR 'GYUR RO, ,GANG ZHIG BRDZUN DU SMRA BA NI, ,RNAM PAR SMIN PA CHEN PO'O, ,DE MIR SKYES KYANG SNYING RJE MED PA DANG, SKAD BYA ROG GI DANG 'DRA BA DANG, LCE MI BDE BA DANG, SO LA SRIN 'BYUNG BA DANG, KHA DRI MI ZHIM PA DANG, SO MI SNYOMS PA DANG, TSIG RTZUB PA DANG, GRE BA 'DZER BA DANG, MCHU MI BDE BA DANG, PHRAG DOG DANG BCAS PA DANG, RTAG TU SRED PA DANG LDAN PA DANG, DE LUS ZHIG NAS SHI BA'I PHA ROL TU THIG NAG TU SKYE BAR 'GYUR RO, ,DE'I PHYIR BCOM LDAN 'DAS KYIS BKA' STZAL PA, KHA NAS RNAG GI DRI LDANG ZHING, ,DPAG TSAD GCIG TU DRI NGAN 'GRO ,CHOS NI SHES PAR YANG MI 'GYUR, ,BRDZUN DU SMRAS PA'I NYES PA'O, ,BRDZUN DU SMRAS PA'I RNAM PAR SMIN PA'O, ,BRDZUN DU SMRA BA SPANGS PA YIS, ,SKYES PA'AM NI BUD MED NI, ,THOB PAR 'GYUR TE PHAN YON NI, ,SUM CU RTZA GSUM MI NYUNG BA, ,MIG DANG RNA BA SNA DANG NI, ,LCE DANG LUS DANG DE BZHIN YID, ,DE LA RNAM PAR DAG PAR 'GYUR, ,PADMA'I ZE 'BRU LTAR MTSUNGS SO, ,MIG DANG SO NI MNYAM PA DANG, ,LUS NI MI RING MI THUNG LA, ,HA CANG SBOM DANG PHRA BA
, ,MIN; ;'DI LTAR LEGS PAR BSHAD PA'I TSIG ,JI LTAR AUTPA LA YI DRI, ,RTAG TU KUN NANG KHA YI DRI, ,G-YOG RNAMS THAMS CAD BSNYEN BKUR 'GYUR, , MCHOD PAR 'OS PAR TSIG GIS SO, ,CHOS RNAMS KUN LA MKHAS PA DANG, ,DON DANG TSIG 'BRU RNAM PAR MKHAS, ,SEMS KYI RTOG PA LA ZHU MA MED, ,RTAG TU KHYAD PAR 'PHAGS PA'I TSIG, BRDZUN DU SMRA BA SPANGS PA YI, ,SKYES PA'AM NI BUD MED KYIS, ,PHAN YON 'DI NI MYONG BAR 'GYUR, ,LHA DANG MI RU SKYES PA NA, ,DE'I LUS ZHIG NAS SHI BA'I PHA ROL TU BDE 'GRO LHA'I 'JIG RTEN DANG, MTHO RIS SU SKYE'O, ,BRDZUN DU SMRA BA ZHES BYA BA NI, KHA NA MA THO BA DANG BCAS PA'O, ,'DOD PA'I DON RNAMS LA RIGS KYI BUS MI BYA BA NYID DO, ,BDEN PA DANG, LEGS PA'I BCUD RNAMS DE LTA BU NI BLANG BAR BYA'O, ,BRDZUN DU SMRA BA ZHES BYA BA DON MED PAR BYED PA'O, ,'JIG RTEN SLU BAR BYED DO, ,SKYE BA GZHAN DU MAR MNAR MED PA'I DMYAL BAR SKYE BAR 'GYUR RO, ,DE'I PHYIR 'TSO BA'I SLAD DU BRDZUN DU SMRA BAR MI BYA'O, ,THAMS CAD MKHYEN PA SANGS RGYAS, BYANG CHUB SEMS DPA' SGRIB PA DANG BCAS PA'I DUS NA'ANG PHRA MA NI, YUNG NGA'I KHA DOG LTAR YUN RING POR MI GNAS SO, ,PHUB MA'I PHUNG PO'I STENG DU PHUR PA BTZUGS NA YUN RING DU MI GNAS PA BZHIN NO, ,RTA'I RGYAB TU
SHING THOG RIL BU BZHAG NA YUN RING DU MI GNAS PA BZHIN DU SMRAS PA'I TSIG LA RAL GRIS SKE 'BREG PA'I TSE TSIG GNYIS MI SMRA BA BZHIN NO, ,BDEN PA YUN RING POR SMRAS BAS DGE SBYONG DANG, BRAM ZES PHA ROL TU SGROL BAR BYED DO, ,CHANG 'THUNGS PA NI TSA BA'I DMYAL BAR LTUNG ZHING SKYE BAR 'GYUR RO, ,DER LHUNG BA'I SEMS CAN NI LO STONG PHRAG MANG POR 'TSED PAR 'GYUR RO; ;DE NAS PHYIR PHYUNG NAS CHU BO RAB MED KYI NGOGS SU SKYUR BAR BYED DO, ,GANG DU'ANG 'GRO SA MED PAR YANG DANG, YANG DU RKYAL BAR BYED DO, ,DER DMYAL BA SRUNG MA RNAMS KYIS MCHIL PAS NYA 'DON PA LTAR LCAGS BSREGS KYI SA GZHI LA RDEBS PAR BYED DO, ,'DI LTAR SGROGS TE, KYE, SKYES BU KHYOD CI 'DOD, JO BO, SKOM MO, ,DMYAL BA'I SRUNG MA DES LCAGS 'BAR BA'I LCAGS KYUS KHA PHYE STE LCAGS BZHU BA'I KHU BA LDUGS PAR BYED DO, ,DE LA DE'I MCHU SREG GO ,MGRIN PA YANG SREG GO ,BRANG SREG GO ,RGYU MA SREG GO, SNYING YANG SREG GO , BSHANG LAM NA MAR 'THON PAR BYED DO, ,DE RNAMS KYIS SDUG BSNGAL MYONG BAR BYED CING, DUL 'DRE BAR BYED DO, ,DE'I DUS SU YANG 'CHI BAR NI MI 'GYUR TE , JI SRID KYI BAR DU SDIG PA'I LAS KYI 'BRAS BU MYONG BAR BYED DO, ,DE SRID DU DE RNAMS KYIS RNAM PAR SMIN PA'I TSOR BA MYONG BAR BYED DO, ,DE'I PHYIR BCOM LDAN 'DAS KYIS
, ,BKA' STZAL PA, TSA ZHING RTZUB PA'I CHU BO NI, ,RAB MED SHIN TU BGROD PAR DKA', ,LCAGS KYI PADMA'I 'DAB MA RNAMS, ,'DAB MA RNO BA'I STENG DU 'GRE , CHU BO RAB MED GZHI MED PAR, ,CHOS MIN JI LTAR SPYOD PAR 'GYUR, ,GANG ZHIG CHAD 'THUNG BA DE NI SDIG PA CHUNG BA MA YIN NO, ,DE MIR GYUR KYANG RTAG TU BRJED NGAS PA DANG, LUG LTAR LKUGS PA DANG, SHES RAB 'CHAL PA DANG, RIG PA MI SHES PA DANG, RTAG TU GNYID DU 'GRO BA DANG, BLO GOS DMAN PA DANG, GTI MUG CHE BA DANG, 'JIGS PA DANG, SKRAG PAR 'GYUR BA DANG, DOGS PAR 'GYUR BA DANG, PHRA MA CAN DANG, TSIG MI BRTAN PA DANG, SER SNA CAN DANG, PHRAG DOG CAN DANG, NGES PAR MI 'BYUNG BA DANG, NGO TSA MED PA DANG, KHREL MED PA DANG, SHES RAB CHUNG BA DANG, DGE BA'I CHOS RNAMS MI REG PA STE, SKYE BA LNGA BRGYAR GNOD SBYIN STE, ,SKYE BA LNGA BRGYAR KHYI DANG NI, , MTHA' YAS SMYON PAR SKYE BAR 'GYUR, ,CHANG 'THUNGS PA YI NYES PA'O, ,MYOS PAR 'GYUR BA'I CHANG GI BTUNG BA'I RNAM PAR SMIN PA'O, ,CHANG 'THUNGS BA NI SPANGS PA YIS, ,SKYES PA'AM NI BUD MED NI, ,THOB SKYE DE YI PHAN YON NI, ,SUM CU RTZA DRUG MI DMAN PAR, ,'DAS DANG MA 'ONGS PA YI DUS, ,DA LTAR BYUNG BA CUNG
ZAD DU, ,MYUR DU SHES PAR 'GYUR BA DANG, ,RTAG TU DRAN PA GNAS PA DANG, ,DE NI SMYO BAR MI 'GYUR ZHING, ,KHYAD PAR 'PHAGS PA'I SHES RAB DANG, ,MI RMONGS PA DANG BAG YOD DANG, ,TSIG NI SHIN TU GSAL BA DANG, ,NGO TSA SHES SHING TSIG NI GSAL, ,DE NI LOG PAR SMRA MI 'GYUR, ,PHRA MA DANG NI TSIG RTZUB MED, ,DON MED PA LA MI BSTOD CING; ;NYIN DANG MTSAN DU DE BZHIN BYA, ,BYAS PA SHES SHING BYAS PA TSOR, ,'DOD MED GTONG DANG TSUL KHRIMS LDAN, ,KHRO BA MED CING TSIG NI DRANG, ,'JIGS PA MED CING RNAM PAR MKHAS, ,NGO TSA KHREL YOD PHUN SUM TSOGS, ,'JIGS PA DANG NI DOGS PA MED, ,YID GZHUNGS THOS PA 'DZIN PA DANG, ,DON YOD SKYE BO MANG NANG MKHAS, , CHANG GI BTUNG BA SPANGS PA YIS, ,SKYES PA 'AM NI BUD MED KYIS, ,PHAN YON 'DI RNAMS MYONG BAR 'GYUR, ,LHA RNAMS DANG NI MI RNAMS SU, ,DE'I LUS ZHIG NAS SHI BA'I PHA ROL TU BDE 'GRO MTHO RIS LHA'I 'JIG RTEN DANG, MTHO RIS SU SKYE'O, ,TSUL KHRIMS 'DI RNAMS BSRUNG BAR BYA'O, ,'DI GANG ZAG GANG SU DAG SKYES PA'AM, BUD MED KYIS TSUL KHRIMS BSRUNG BAR MI BYED PA DANG, BSGOM PAR MI BYED NA DE'I LUS ZHIG NAS SHI BA'I PHA ROL TU NGAN SONG NGAN 'GRO LOG PAR LTUNG BAR SKYE BAR 'GYUR RO, ,GANG SU DAG ,
, ,TSUL KHRIMS SRUNG BAR BYED PA DANG, SGOM PAR BYED PA RNAMS NI, DE'I LUS ZHIG NAS SHI BA'I PHA ROL TU BDE 'GRO MTHO RIS DANG, LHA'I 'JIG RTEN DU SKYE BAR 'GYUR RO, ,BCOM LDAN 'DAS KYIS DE SKAD CES BKA' STZAL PA DANG, DGE SLONG DE RNAMS BCOM LDAN 'DAS KYIS GSUNGS PA LA MNGON PAR BSTOD DO, ,TSUL KHRIMS LNGA'I PHAN YON BSTAN PA'I MDO RDZOGS SO,, ,,PAndI TA CHEN PO AA NANDA SHR'I'I ZHAL SNGA NAS, MANG DU THOS PA'I LO TZTSA BA SH'AKYA'I DGE SLONG NYI MA RGYAL MTSAN DPAL BZANG POS, SKAD GNYIS SMRA BA RNAMS KYI GDAN SA, GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O, ,SA'I STENG DU NYI MA ZLA BA LTAR GYUR CIG,