, ,RGYA GAR SKAD DU, A'ARYA T'A R'A STO TRA, BOD SKAD DU, 'PHAGS MA SGROL MA LA BSTOD PA, BCOM LDAN 'DAS NGAG GI DBANG PO LA PHYAG 'TSAL LO, ,DAD PA'I LTENG KA RAB TU RGYAS PA LA, ,'DUN PA PADMA'I RTZA BA RAB TU BRTAN, ,RTZOL BA DRAG PO PADMA'I GDAN LA BZHUGS, ,RJE BTZUN SGROL MA KHYOD LA PHYAG 'TSAL LO, ,'GRO BA NYON MONGS TSAD PAS GDUNGS PA LA, ,THUGS RJES BSIL MDZAD ZLA BA'I GDAN LA BZHUGS, ,'GRO BA NYAM THAG SGROL BA'I LHA MO STE, ,RJE BTZUN SGROL MA KHYOD LA PHYAG 'TSAL LO, ,TSOGS GNYIS SHING RTA'I 'KHOR LO LTA BU YIS, ,SGRIB GNYIS BCOM NAS SA BCUR RAB GNAS TE, ,LHA MO'I TSUL DU 'KHOR BA MA STONGS BZHUGS, ,RJE BTZUN SGROL MA KHYOD LA PHYAG 'TSAL LO, ,NYON MONGS MI G-YO RI LTAR BRTAN PA'I SKU, , YON TAN RAB RDZOGS SHA LUS SHIN TU RGYAS, ,BYAMS PAS THUGS G-YOS NU 'BUR RGYAS PA CAN, ,RJE BTZUN SGROL MA KHYOD LA PHYAG 'TSAL LO, ,'KHOR BAS MGOS SKU MDOG 'GYING BAG CAN, ,SGEG PA'I CHA LUGS RIN CHEN RGYAN CHA CAN, ,DBU SKRA SNGO LJANG RIGS LNGA'I
COD PAN CAN, ,RJE BTZUN SGROL MA KHYOD LA PHYAG 'TSAL LO, ,ZAG MED BDE RGYAS ZHAL RAS 'DZUM BAG CAN, ,RNAM SNANG LAS BYUNG PHRIN LAS THUGS RJE CAN, ,BDUD 'JOMS MDA' GZHU THABS DANG SHES RAB CAN, ,RJE BTZUN SGROL MA KHYOD LA PHYAG 'TSAL LO, ,'JIGS PA SKYOB MDZAD PHYAG G-YAS SKYABS SBYIN TSUL, ,'GRO BA'I YID 'PHROG NA TSOD BCU DRUG TSUL, ,LAS KYI RIGS TSOGS AUTPAL SNGON PO'I TSUL, ,RJE BTZUN SGROL MA KHYOD LA PHYAG 'TSAL LO, ,SKYE RGAS NA 'CHI'I CHU BO BZHI PO LAS, ,SGROL BA'I GNYEN PO MKHAS PA KHYOD LAGS TE, ,BYAMS PA'I GRU 'DZIN SNYING RJE'I SKYA BA CAN, ,RJE BTZUN SGROL MA KHYOD LA PHYAG 'TSAL LO, ,DE LTAR TSIGS SU BCAD PA BRGYAD KYIS NI, ,LHA MO NYID LA DAD PAS BSTOD PA LAS, ,DES NI 'GRO BA SEMS CAN THAMS CAD KYIS, ,MYUR DU SANGS RGYAS GO 'PHANG THOB PAR SHOG ,RJE BTZUN MA SGROL MA LA BSTOD PA, SLOB DPON MA TI TZA TRIS MDZAD PA RDZOGS SO,,