, ,RGYA GAR SKAD DU, A'ARYA T'A R'A STO TRA, BOD SKAD DU, 'PHAGS MA SGROL MA LA BSTOD PA, RJE BTZUN MA 'PHAGS MA SGROL MA LA PHYAG 'TSAL LO, ,LHA DANG LHA MIN COD PAN GYIS, ,ZHABS KYI PADMO LA BTUD DE, ,PHONGS PA KUN LAS SGROL MDZAD CING, ,SGROL MA LA NI PHYAG 'TSAL LO, ,RAB 'BAR DRA BAS KHYAB PA YI, ,MNAR MED ME YIS GDUNGS PA LA, ,THUGS RJES BDUD RTZI'I CHAR 'BEBS MA, ,SGROL MA LA YANG PHYAG 'TSAL LO, ,'GRO DRUG GNAS SU YUN RING DU, ,YANG DANG YANG DU 'KHOR BA YIS, ,DUB PA DAG LA BDE CHEN GYI, ,BDE BA MCHOG GI NGAL SO MDZAD, ,GZHAN DON MDZAD PA'I LHA MO KHYOD, ,DRAN PA TZAM GYIS PHONGS SEL MA, ,THUGS RJE BRTZE LDAN KHYOD KYIS NI, ,SRID PA'I 'CHING BA LAS GROL MDZOD, ,DUS RNAMS RTAG TU SEMS CAN LA, ,BU BZHIN SNYOMS PA'I LHA MO KHYOD, ,'GRO BA'I LO TOG THAMS CAD LA, ,CHAR RGYUN 'BEBS LA PHYAG 'TSAL LO, , NYI MA ZLA BA JI BZHIN DU, ,'GRO BA SEMS CAN THAMS CAD KYI, ,MUN PA'I GDUNG BA SEL MDZAD MA, ,LHA MO MCHOG LA PHYAG 'TSAL LO, ,PADMA ZLA BA AUTPA LA, ,DE BZHIN DRI MED GDAN STENGS SU, ,SKU MDOG SNGO LJANG 'GYING BAG CAN, ,AUTPAL BSNAMS LA PHYAG 'TSAL LO,, BSKAL PA GRANGS MED GSUM DU TSOGS BSAGS SHING, ,BAR DU GCOD PA'I SGRIB PA KUN SPANGS NAS, ,BSDU DNGOS BZHI YIS 'GRO RNAMS SDUD MDZAD MA, ,THUGS RJE DANG LDAN MA LA PHYAG 'TSAL LO, ,SKU YI SKYON SPANGS MTSAN DANG DPE BYAD LDAN, ,GSUNG GI SKYON SPANGS KA LA BING KA'I DBYANGS, ,THUGS KYI SKYON SPANGS SHES BYA MTHA' DAG MKHYEN, ,BKRA SHIS DPAL 'BAR MA LA PHYAG 'TSAL LO, ,JI LTAR NOR BU CHU 'DANG LTAR, ,LHA MO KHYOD KYIS RTAG PAR NI, ,'GRO BA'I SEMS RNYOG SEL MDZAD CING, ,'GRO DON BRTZON LA PHYAG 'TSAL LO, ,GANG
GIS KHYOD KYI MTSAN BZUNG CING, ,BSTOD DANG BSGRUB PA BYAS PA RNAMS, ,RTAG TU 'BRAS BU YOD PAR MDZAD, ,MI BSNYEL KHYOD LA PHYAG 'TSAL LO, ,RJE BTZUN MA SGROL MA LA BSTOD PA D'I PAm K'A RA SHR'I DZNY'A NAS MDZAD PA RDZOGS SO,, ,,RGYA GAR GYI MKHAN PO DE NYID DANG, BOD KYI LO TZ'A BA TSUL KHRIMS RGYAL BAS BSGYUR BA'O,,