, ,RGYA GAR SKAD DU, A'ARYA T'A RA DE W'I BHA BA NA BI DHISTA RA, BOD SKAD DU, 'PHAGS MA LHA MO SGROL MA BSGOM PA'I CHO GA RGYAS PA, LHA MO SGROL MA LA PHYAG 'TSAL LO, ,DON MED BDAG LA GNOD PA SRID PA'I BYA BA RNAMS SPANGS TE, ,RANG BZHIN BRTAN PAS RNAM PAR DBEN PA'I SA PHYOGS SONG NAS NI, ,GNAS DER BDAG GI BSAM GTAN KHANG PA SHIN TU YID 'THAD PA, ,SHAR DU SGO BTOD YANG NA NUB TU BKRA SHIS SGO LDAN PA, ,LEGS BRTZIGS DE YANG DUM BU BZHI PAS MDZES PAR BYAS PA STE, ,SHIN TU MNYAM ZHING LOGS DANG STENG 'OG THAMS CAD LEGS BYUGS SHING, ,RAB 'JAM GZUGS BRNYAN 'CHAR BA LTA BUR 'TSER BA'I RDZAS RNAMS BYUGS, ,RDO RJES DRI ZHIM LDAN PA'I TSON RNAMS LJANG GUS KHYAB PAR BYUGS, ,'DI NI STENG LOGS SA GZHI'I BYI DOR RGYUD RNAMS LAS BSNGAGS PA'O, ,'OG GI PHYOGS NI RAB TU 'THAS
PAR BRDUNGS PA KHO NA LA, ,SA LA MA LHUNG PA YI LCI BA DRI BZANGS RNAMS DANG NI, ,BSRES PA YANG YANG BYUGS PAS GZUGS BRNYAN 'CHAR BA LTA BUR 'GYUR, ,DE LA DRI ZHIM ME TOG RNAMS KYIS KUN DU GTOR NAS NI, ,JI LTAR 'BYOR PA'I BLA RE LA SOGS RGYAN RNAMS BRI BAR BYA, ,DE 'DRA'I DBUS SAM SHAR GYI RTZIG NGOS CHA LA SRAD BU YIS, ,BRIS SKU YID 'ONG MTHONG BAS DGA' BAR 'GYUR BA SBYAR BAR BYA, ,DE MDUN ME TOG LA SOGS MCHOD PA 'BYOR TSAD DGOD PAR BYA'O, ,DE BZHIN DE DBUS STAN BZANG RAB TU 'JAM ZHING BDE BA NI, ,BRIS SKU LA BLTAS LEGS PAR BTING PAS YID DANG MTHUN PAR BZHAG ,DE YI SGO GLEGS RAB TU SBYAR BAS RLUNG DANG SROG CHAGS NI, ,SHIN TU PHRA BA'ANG 'JUG PAR MI NUS 'DI 'DRAR RAB 'GRIG BYA, ,DE LA LOGS KYI SKAR KHUNG SGO DANG BCAS PA BTOD PA STE, ,CHE BA MIN ZHING STENG NAS GDOD DANG DMA' BA RAB TU SMAD, ,'DI NI BSAM GTAN KHANG PA MCHOD RTEN LTA BUR 'GRO RNAMS KYIS, ,MCHOD PAR BYA BA LHA MO'I BZHUGS GNAS LHA TSOGS 'DU BA'I SA'O, ,DE BZHIN DE LA SGO BLTAS PA YI KHANG PA GNYIS PA NI, ,SRID DU KHRU RNAMS BCU BDUN ZHENG DU DE'I PHYED YOD PA ZHIG ,SNGAGS PA'I 'CHAG SA SNGON DU KHO NAR BRTAG CING BYI DOR SNGA MA BZHIN, ,DER NI 'JU SA'I THAG GU CHANG PAR GZUNG BA 'TSAM PA LA, ,REG NA BDE BA'I SPU GU RNAMS DANG LDAN PAR GDAGS PAR BYA, ,'OG TU 'BYOR PAS STAN NAM RTZA RNAMS SNYOMS PAR DGRAM PAR BYA, ,'DI NI KHANG PA DUM BU GNYIS PA 'CHAG SA BKRA SHIS PA'O, ,DE GNYIS DBUS SU SGO BTOD KHANG PA PHYOGS SNYOMS YID 'ONG BA, ,SNGA MA LTA BUR BYI DOR BYAS SHING DON DANG LDAN PA YI, ,KHRUS KYI KHANG PA SGO DANG BCAS PA DUM BU GSUM PA'O, ,DER YANG DE LA SGO BLTAS PA YI KHANG PA DUM BU NI, ,BZHI PA BRTZIGS TE DER YANG BKRA SHIS SGO MCHOG GDOD PAR BYA, ,KHANG PA DER NI BDAG GI YO BYAD RNAMS DANG MTSON CHA'I TSOGS, ,MI ZAD PA DANG SNGAGS G-YOG BLO GROS LDAN PA MKHAS PAS GZHAG ,ZAS KYI BYA BA RNAMS NI KHANG PA DER YANG NI, ,BYI DOR LDAN PAR BRTAG CING RTAG TU NYI ZLA LDAN PAR BCANG, ,DE
, ,LTAR DUM BU BZHI PA'I KHANG PA KUN NAS GRU BZHI PAR, ,BSGRUBS NAS RIM PA MANG POR BRTZEGS PAS SHIN TU MTHO BA LA, ,RDO LEB LHAG PAR SNANG BA YIS DANG PHYIR MTHO SOGS KYIS, ,RGYAL PO CHOM RKUN LA SOGS 'TSE BA PHYIR PHYOGS 'GYUR BAR BYA, ,SKYE BO RNAMS DANG BRTEN PAS SDUG BSNGAL KHO NA 'BYUNG 'GYUR GYI, ,BDE BA 'BYUNG BAR THUB BAS MA GSUNGS DE PHYIR MKHAS MCHOG GIS, ,SNGAGS G-YOG DANG NI SGRUB PA'I GROGS MCHOG GNYIS LAS MA GTOGS PA, ,SKYE BO 'GA' YANG 'JUG DANG PHRAD DANG SBYIN PA 'DU 'DZI SPANGS, ,SNYING RJES MTSON CHA'I TSOGS RNAMS LEGS PAR BSHAMS SHING GZHAG PAR BYA, ,DE BZHIN SGO NI SHIN TU GTAN BCAD RGYA DANG BCAS PAR GZHAG ,'DI NI GNAS KYI RAB TU DBYE BA'O,, ,,GNAS DER SNGAGS PAS MCHOD PA'I DON PHYIR ME TOG DAG DANG NI, ,SPOS DANG TIL MAR DRI ZHIM RNAMS DANG DE BZHIN ROL MO YI, ,NYER SPYOD RNAMS DANG 'BRANG PHRENG YID DU 'ONG BA'I RNGA YAB DANG, ,ME LONG SEN MO'I BZO DANG SPU GRI THA MAL DRI DANG NI, ,MCHOD DANG GTOR MA'I DON DU SHA DANG NYA SHA DANG 'BRU RNAMS DANG, ,BZA' BA RNAMS DANG SMAN RNAMS THAMS CAD LEGS PAR GZHAG PAR BYA, ,MDOR NA GNAS DER GZHAN GYI NGOR BLTA MI 'GYUR LONGS SPYOD RNAMS, ,MTHUN PAR GZHAG BYA 'ON KYANG CHANG GI SBYOR BA RING DU SPANG, ,'BYUNG PO'I GDON DANG SNGAGS GRUB 'DOD PAS GZHAN NAS BLANG BAR BYA, ,DNGOS GRUB DON DU BKUG PA MA YIN BUD MED RNAMS DANG NI, ,DKYIL 'KHOR MA MTHONG MI RNAMS MTHU YIS RGYANG GRANGS NYID NAS BZLOG ,SNGAGS G-YOG DANG NI SGRUB PA'I GROGS MCHOG DKYIL 'KHOR CHE MCHOG TU, ,DBANG BSKUR THOB CING SNYING RJE CHE DANG LDAN PA BRTZON 'GRUS CAN, ,SHES RAB DANG LDAN DPA' ZHING 'JIGS BRAL KHRO MED NGA RGYAL BRAL, ,BLO BRTAN DAD PAR GNAS SHING BDAG LA DGA' 'DZIN GUS PAR BCAS, ,BSGOM DANG DGE LA BRTZON PA 'DI 'DRA GNYIS NI RTAG PAR GZHAG ,'DI NI RDZAS DANG G-YOG GI RAB TU DBYE BA'O,, ,,BLO LDAN GYIS NI SNGAR BSHAD STAN LA RDO RJE SKYIL KRUNG
GIS, ,LEGS PAR GNAS TE BDAG LA MYUR DU BSKUL BA'I BSAM PA BSKYED, ,BDAG NI SHIN TU RING NAS RANG GIS RNAM PAR BSLUS PA STE, ,SNGON CHAD DON MED SPANGS NAS TING 'DZIN BSGRUBS NA 'DI 'DRA BA'I, ,SRID MTSOR 'KHYAMS PAR MI 'GYUR BDE MTHA' GCIG PU NYID GANG YIN, ,'GRO BA'I SKYABS SU BDAG 'GYUR 'DI LA 'KHRUL PA YOD MA YIN, ,DA NI BDAG GIS RANG LA BSLUS PA SPANGS TE BRTZON PA YIS, ,DAM PA'I GNAS 'DIR NGES PAR LHA MO'I MCHOG GYUR SGROL MA GANG, ,PHONGS PA LA BYAMS MA 'DRA DE NYID NGES PAR MTHONG BAR BYA, , BDAG NI BSTOD PAS DGA' BAR MI BYA SMOD PA GZHAN MANG GNAS, ,SMAD PAS MI DGA' MI BYAR BSTOD PA'ANG GZHAN MANG GNAS PA'I PHYIR, ,DE BZHIN 'JIG RTEN CHOS BRGYAD MA LUS BDAG GIS MNAN PAR BYA, ,LUS KYIS JI LTAR BZOD PAS SKAD CIG TZAM YANG DMAN PA YI, , BYA BA RNAMS LA GNAS PAR MI BYA JI SRID BDAG GIS NI, ,LHA MO MTHONG GYUR DE SRID MNYAM DANG BSAM DANG 'DUS PAR 'GRO, ,DE BZHIN TSONG DANG DMAG DANG LAS KYI MTHA' RNAMS SPANG BAR BYA, ,YANG DAG GDAMS NGAG BDAG GIS LHA MO MCHOG LAS BLANG BAR BYA, ,GZHAN GYIS NYER BSTAN MUN PA'I 'DAB 'DRAS BDAG LA CI ZHIG DGOS, ,JI SRID LHA MO MTHONG BAR MA GYUR DE SRID GNAS 'DI NAS, ,'GRO BAR MI BYA DE PHYIR 'DI LA LHA RNAMS MKHYEN PAR MDZOD, ,DE NAS SNGAGS G-YOG DANG NI SGRUB PA'I GROGS MCHOG BLO CAN GNYIS, ,SNGAGS PAS BOS TE 'DI 'DRA'I BSGO BA GSAL BAR BRJOD PAR BYA, ,BDAG GI 'DOD PA YONGS SU MA RDZOGS PAR DU GNAS 'DI LAS, ,'GRO BAR MI BYA LHA RNAMS DBANG BTZUGS KHYOD KYIS 'DI SHES BYOS, ,DE SRID BDAG GI YID DANG MTHUN PA'I BYA BA KHYED KYIS BYOS, ,DNGOS GRUB CHA LAS KHYED LA 'GED 'GYUR 'DI LA THE TSOM MED, ,DE NYID KYIS NI THAL MO SBYAR BAS LEGS PAR SMRAS PA GZUNG, ,LHA RNAMS DPANG DU GNAS PAS BDAG CAG KHYOD KYIS 'DOD BZHIN BGYID, ,DNGOS GRUB CHA LA BDAG CAG DRAN PAR MDZOD LA SPANG MI BYA, ,DE SKAD BRJOD DE JI LTAR 'DOD
, ,PAS RANG GI BYA BA BRTZAM, ,'DI NI SGRUB PA PO DANG G-YOG DANG GROGS DANG DAM BCA' BA'I RAB TU DBYE BA'O,, ,,DE NAS SNGAGS PAS STAN BDE NYID LA 'DUG BZHIN RAB RGYAS PA'I, ,GTOR MA MDUN DU BZHAG STE DE BZHIN MCHOD PA RNAMS KYANG NGO, ,DE NAS RANG SNYING PAm BSKYED PADMA'I DBUS SU ZLA 'DRA BA'I, ,YI GE AOm LAS BYUNG BA'I ZLA BA RNAM BSAM DE STENG DU, ,GSAL BYA'I BCU DRUG PA NYID DBYANGS KYI YI GE GNYIS PAS BRGYAN, ,ZLA BA'I DUM BU'I STENG NA NAM MKHAS MNAN CING MDOG LJANG GU, ,STONG PHRAG DU MA'I SNANG BA LDAN BSAM DE LAS BYUNG BA'I 'OD, ,MTSON CHA'I DBYIBS CAN 'PHROS PAS BLA MA DANG NI RGYAL SRAS BCAS, ,SGROL MA BKUG STE MDUN BZHUGS DE DAG MCHOD PA GNYIS KYIS MCHOD, ,YAN LAG BDUN LDAN BYA BA BSGRUBS NAS SLAR YANG GSHEGS PAR BYA, ,DE MTHAR CHOS KUN STONG ZHING BDAG MED LTA BAS GSANG SNGAGS NI, ,THEG CHEN MNGON PAR RTOGS BYED LAN GSUM PAR DU BZLA BAR BYA, ,SLAR YANG MKHAS PAS SA BON MCHOG BSAM DE LAS BYUNG BA'I 'OD, ,SGROL MAR GYUR PAS 'GRO RNAMS DAG BYAS SLAR 'DUS ZHUGS PA YI, ,YI GE YONGS GYUR AUTPAL LJANG GU SNYING PO SA BON LDAN, ,SKAD CIG NYID GYUR SA BON LAS BYUNG LHA MO MA LUS BSDUS, ,RANG GI GNAS SU THIM GYUR DE LAS LEGS BYUNG LHA MO NI, ,ZHAL GCIG PHYAG GNYIS SKU MDOG LJANG GU SPYAN YANGS RGYAN KUN 'DZIN, ,PHYAG G-YAS MCHOG SBYIN G-YON PAS YU BA DANG BCAS AUTPAL 'DZIN, ,BCU DRUG LO LON RAB SGEG GZI LDAN PADMA ZLA BA'I GDAN, ,CUNG ZAD 'DZUM BCAS SGRUB PA PO LA MNGON DGYES THUGS RJE CAN, ,MA LUS BUD MED RGYAN DANG CHA LUGS 'DZIN PA 'DI 'DRA BSAM, ,SLAR YANG SA BON LAS BYUNG YE SHES LHA MO SPYAN DRANGS TE, , 'CHAD 'GYUR PHYAG RGYA'I STENG GNAS ZLA BA'I SA BON LAS BYUNG BA'I, ,MCHOD PAS LEGS MCHOD MAN NGAG JI BZHIN RANG LA BSTIM PAR BYA, ,SKU GSUNG THUGS LA GNAS PA'I LHA RNAMS LEGS PAR BYIN GYIS BRLABS, ,DE BZHIN BLO LDAN BU YIS GUS PAS DBANG BSKUR DON
GNYER BYA, ,RTZOD PA MI MNGA' BA'AM DAM TSIG RDO RJE SPYI BOR BYUNG, ,DE LTAR CHO GAS LEGS BSGRUBS RANG NYID PADMA ZLA BA LA, ,RNAM BZHUGS LHA MO'I THUGS KAR SEN ZLUM MNYAM PA'I ZLA BA NI, ,RJES MTHUN PADMA LA GNAS LHA NYID MTHE BONG TSON DANG MTSUNGS, ,ZLA STENG BCU YI YI GES YONGS BSKOR DBUS NA SNGAR BSHAD NYID, ,LJANG GU'I 'OD ZER DANG BCAS MGO RNAMS GYEN PHYOGS GSAL BSAMS TE, ,DBUS MA DANG NI BCU PA'I BDAG NYID 'OD ZER DANG BCAS BYUNG, ,SNYING GA NAS SONG PHYI ROL LHA MO NYID GYUR 'GRO RNAMS KYI, ,SDUG BSNGAL ZHI BYAS MTHUN GYUR SGO DE NYID NAS SLAR BSDU BYA, ,'DI NI SPRO BSDU'I TING 'DZIN NYON MONGS G-YUL LAS RGYAL BYED PA'O, ,DE 'DRA TING NGE 'DZIN MANG DU BYAS PAS SNGAGS PA'I YID SKYON, ,SNYING ZLA'I RNAM 'PHRUL LA DMIGS GZHAN SEMS RAB TU SPANGS NAS NI, ,DANG POR RNAM PAR SNANG MDZAD DE RJES GSAL BYA'I BCU DRUG PA, ,'OG TU DBYANGS YIG GNYIS PAS LEGS BSTEN PA STE DE RJES SU, ,NYI MA'I BU LA STENG DU AE YIS MTSAN CING GNAS PA'O, ,DE NAS GSAL BYA'I BCU DRUG PA NYID AU YIS BCINGS PA LA, ,PHYED CHA'I TA YIS MTHA' MA BSTEN PA'O DE RJES SNGAR BZHIN LAS, ,SLAR YANG BCU DRUG PA NI AUS BCINGS ME BU AE DANG LDAN, ,SLAR YANG AUshMA'I GSUM PA MTHAR GNAS PA YI GNYIS PAR LDAN, ,DE NYID DBYANGS YIG GNYIS PAS BRGYAN BYAS RJES SU AUshMA YI, ,BZHI PA NGA RO GNYIS PAS SPRAS BYAS 'DI 'DRA'I GSANG SNGAGS NI, ,SHIN TU GSAL MIN DE BZHAN MI GSAL MA YIN SGRA CHE DANG, ,SHIN TU CHUNG MIN SEMS GZHAN RNAM PAR G-YENGS BA SPANGS PA YIS, ,BRGYA RTZA BRGYAD LAS LHAG PA'AM DE BZHIN NOR BUR BZUNG STE BZLAS, ,GANG TSE DE YI YID NI BZLAS PAS SKYON SA BON LAS BYUNG BA'I, ,'OD ZER TSOGS KYIS 'GRO RNAMS BKUG STE MAN NGAG JI LTA BAR, ,SNGAGS 'DIS 'BYUNG PO RNAMS LA GTOR MA SBYIN BYA PHYAG RGYA NI, ,LAG GNYIS THAL SBYAR MDZUB MO DAG GIS GUNG MO 'KHYUD BYAS TE, ,MTHE BONG GNYIS KYIS SNYING POR BYAS PA 'DI YI
, ,GSANG SNGAGS MCHOG ,BZLAS DANG GTOR MA SBYIN DANG BSTIM SOGS PHAL CHER SBYAR BAR BYA, ,AOm AA K'A RO MU KHAm SARBBA DHARMA n'Am A'ADYA NUTPANNA TV'AT AOm A'A:H'Um PHAt SV'AH'A, GTOR MA PHUL NAS YI GE BRGYA PA LAN GSUM BRJOD NAS NI, ,BZOD PAR GSEL ZHING YONGS BSNGO MNGON 'DOD DNGOS GRUB GSOL BTAB NAS, ,DE NYID GSUM MTHAR MU:YIS BSKUL BAS LHA RNAMS BZHUD PAR BYA, ,DE NAS YE SHES SEMS DPA' MDUN DU RAB GSAL LEGS MCHOD NAS, ,YI GE BRGYA PA RANG GI PHYAG RGYA 'DZIN PAS LEGS BZLAS TE, ,BZOD MDZOD BDAG BLO 'KHRUL PAS TING 'DZIN MCHOG LAS NYAMS PA DANG, ,MCHOD DANG GTOR MA DMAN ZHING SNGAGS DANG PHYAG RGYA 'KHRUGS PA DANG, ,BRTZON PA DMAN ZHING SEMS NI DAM PA MA LAGS GANG SKYES PA, ,THAMS CAD KHYED KYIS BZOD MDZOD GRUB PAR BYIN GYIS BRLAB TU GSOL, ,DE BZHIN KHYOD 'DRAR BDAG GYUR 'GRO RNAMS SRID MTSO LAS SGROL SHOG ,MYUR DU KHYOD KYIS BDAG LA BYAMS PA'I ZHAL BZANG BSTAN DU GSOL, ,BDAG LA MYUR DU THUGS MCHOG RAB TU BRTZE BAR MDZAD PA'I RIGS, ,THUGS RJE'I LHA MO KHYOD KYIS BDAG LA MYUR DU DBANG BSKUR DANG,, DAM PA'I GDAMS NGAG BSTAN PAS YANG DAG LAM BSTAN RIGS PA NYID, ,DE RJES MCHOD DANG BSTOD PA'I DAM PA RAB TU GUS PAS GDON, ,DE NAS RANG SNGAGS SV'A H'A'I GNAS SU MU:SBYAR BA YIS GSHEGS, ,BDAG NYID LHA MO'I NGA RGYAL LDAN PAS CI BDER GNAS PAR BYA; ,'DI 'DRA THUN MTSAMS BZHIR NI RAB MNYAM GZHAG PA'I SNGAGS PA YIS, ,NYIN GCIG BZHIN DU 'BAD PAS BSAMS NA DE YIS NGES PAR NI, ,ZLA DRUG DE BZHIN LO GCIG NYID DANG GSUM GYI NANG DU NI, ,LHA MO MTHONG 'GYUR 'DI LA THE TSOM MI BYA GZHAN DU NA, ,CHO GA NYAMS PAS BSKAL PA SKAR MA MNYAM PAR MTHONG MI 'GYUR, ,'DI NI SGRUB PA'I THABS KYI RNAM PAR DBYE BA'O,, ,,SHIN TU KHRO BAR 'DOD CING 'DOD CHAGS CHE DANG LHAG PAR NI, ,GNYID 'BYUNG BA DANG DE BZHIN RAB TU MI DGA' NGU BAR 'DOD, ,BSAM GTAN KHANG PA SPANGS
TE GZHAN DU 'GRO BAR 'DOD PA DANG, ,BSAM GTAN GNAS SU MI BZAD SGRA 'BYUNG DE BZHIN SGO DAG LAS, ,'JIGS PA'I SGRA 'BYUNG CHO NGES 'DEBS PA'I SGRA DAG THOS PA DANG, ,NANG NA GNAS PA'I MING NAS PHYI PHYIR 'BOD PA DANG NI DGOD, ,SKYUGS PA DANG NI GLU LEN SGRA DANG SO GOL RDEB CING MKHUN, ,SHIN TU MI BZAD DRI MI ZHIM PA'I NGAD LDANG SKYE BUNG ZHES, ,'JIGS DANG GZUGS MI SDUG PA MTHONG DANG BRDEG DANG 'PHUL BAR BYED, ,RTAG TU RMI LAM SDUG BSNGAL MTHONG DANG 'DRE YIS GNON PA DANG, ,SHIN TU DGA' ZHING MKHA' LA 'PHUR SNYAM BYED DANG RGYU MED DGOD, ,GLO BUR DU NI GZHAN GYI SEMS SHES 'DRE SMRA RNA BAS THOS, ,'JIGS PAR BYED PA'I 'OD ZER KHANG PAR RAB TU 'BYUNG BA DANG, ,DMAN PA'I MAN NGAG STON PA'I RANG LHA'I GZUGS NI MTHONG BA DANG, ,MNGON DU STENG NAS SHIN TU GNON CING MTHONG BAR BYED PA STE, ,MDOR NA GANG GIS BZLAS DANG BSAM GTAN DAG GI BAR CHAD BYED, ,DE BZHIN BLO NI SNGA LAS NYAMS PAR BYED PA DE NI BGEGS, ,YIN PHYIR BLA MA'I MAN NGAG KHO NAS BZLOG PAR BYA BA STE, ,BLA MA'I MAN NGAG MED PAR SGRUB LA BRTZON PA DE NI 'DIR, ,SROG DANG DNGOS GRUB GNYIS KA GDON CHEN RNAMS KYIS 'PHROG PAR 'GYUR, ,BLA MA'I MAN NGAG CAN LA BGEGS RNAMS 'BYUNG PAR MI 'GYUR ZHING, ,'BYUNG YANG BLO CAN DE NI BZLOG PAR BYA BA TSOGS DANG BRAL, ,'DI NI BGEGS KYI MTSAN MA DANG DE RAB TU BZLOG PA'I RAB TU DBYE BA'O,, ,, SHIN TU DRI ZHIM NGAD LDANG YID NI DGE LA MNGON DGA' DANG, ,LUS NI RAB YANG GNYID NI MI 'BYUNG KHAMS RNAMS SNYOMS PA DANG, ,SHIN TU SGRA SNYAN PA DANG ROL MO'I SGRA RNAMS GRAG PA DANG, ,ME TOG CHAR 'BAB TIL MAR BRAL BAR MAR ME 'BAR BA DANG, ,RMI LAM NA NI 'PHAGS RNAMS MTHONG DANG DGE SLONG BRAM ZE MTHONG, ,RTAG TU DGE BA'I RMI LAM MTHONG DANG CHAGS DANG KHRO DANG BRAL, ,YID NI DGA' BAR BYED PA'I 'OD CHEN KHANG PAR 'BYUNG BA STE, ,MDOR NA YID NI GANG GIS SNGA LAS DGA' GYUR BZLAS PA DANG, ,SGOM PA DAG LA BAR DU MI GCOD
, ,'DIR NI MTSAN MA BZANG, ,'DIR NI BZLAS DANG BSGOM PA JI TZAM GSAL BA DE NYID MCHOG ,'DI NI MTSAN MA BZANG PO'I RAB TU DBYE BA'O,, ,,SMAN MCHOG BZA' BA MA LEGS NGES PAR DUG TU 'GYUR BA LTAR, ,DNGOS GRUB LEN MI MKHAS PA RNAMS KYI DNGOS GRUB PHYIR PHYOGS PA'AM, ,YANG NA SROG GI BAR CHAD DAG TU'ANG 'GYUR BAS DE YI PHYIR, ,MKHAS PAS DNGOS GRUB BLANG BA 'KHRUL PA MED PAR SHES PAR BYA, ,RGYA MTSOR RIN CHEN LEN PA RNAMS LA 'TSE BA RNAM MANG 'BYUNG, ,DE BZHIN DNGOS GRUB RIN CHEN LEN PA RNAMS LA 'PHROG PA MANG; ,'DI NI GDON CHEN DNGOS GRUB 'PHROG BRTZON RAB TU MANG BA STE, ,DNGOS GRUB RNAMS NI SGRUB PA POS KYANG BSRUNG BAR RAB TU DKA', ,DE BAS BLO LDAN 'JIGS PA MA LUS RING DU SPANGS PA YIS, ,MI BZANG MTSAN MA NGAN PA THAMS CAD RAB TU GZHIG PAR BYA, ,'JIGS PAR MI BYA KHROD DANG CHAGS PA RNAM PAR SPANG PAR BYA, ,MTSAN BZANGS RNAMS KYANG SGYU MA 'DRA BAR BLTA BYA RI RAB BZHIN, ,MTSAN MA'I RLUNG GIS NGES PAR MI G-YO MNYAM PAR GZHAG PAR BYA, ,DE TSE DE LA LHA MOS YANG DAG ZHAL STON 'GYUR BA STE, ,THUN MONG MA YIN BDE BA 'BYUNG 'GYUR GUS PAS MCHOD CING BSTOD, ,'DOD PA'I DNGOS GRUB GSOL GDAB YANG DAG GDAMS NGAG DON DU 'GYUR, ,JI SRID GSUNG BA MI MNGA' 'BAD PAS RAB TU BSGRUB PAR BYA, ,GANG TSE GSUNG PA MNGA' BA DE TSE GZHAN LA LTOS DANG BRAL, ,DE NI LHA MO'I SRAS YIN BSAM GYIS MI KHYAB DBANG DANG LDAN, ,RGYAL BA'I SRAS PO SGRIB PA KUN DANG BRAL BA DPAL LDAN YIN, ,DE YIS DNGOS GRUB DANG NI MTSAN MA GNYIS KA JI SRID DU, ,GNANG BAR MA GYUR DE SRID GZHAN LA ZUR TZAM SMRA MI BYA, ,SKAD CIG DE NYID LA NI DNGOS GRUB RING 'GYUR DRAN PAR BYA, ,GRUB PAR GYUR NAS SNGAGS G-YOG DANG NI SGRUB PA'I GROGS MCHOG LA, ,DNGOS GRUB CHA LA SER SNA BRAL BAS SBYIN BAS PHAN GDAGS BYA, ,PHA MA DANG NI BLA MA LA YANG DNGOS GRUB RDZAS DAG LAS, ,CHOS MCHOG SKAL BA BGO BAR RGYUD RNAMS LAS NI RNAM PAR BSHAD, ,MDOR NA DNGOS GRUB DAG NI JI LTAR BGO BA BLO LDAN GYIS, ,RGYUD
RNAMS NYID LAS JI LTAR BSHAD PA'I RJES 'BRANGS SHES PAR BYA, ,'DI NI DNGOS GRUB BLANG BA DANG BGO BA'I RAB TU DBYE BA'O,, ,,GANG DAG DKYIL 'KHOR MCHOG TU DBANG BSKUR MA THOB SKYE BO DANG, ,SDOM DANG DAM TSIG MI SRUNG BLA MA'I BKA' LAS 'DAS PA DANG, ,BLA MA LA NI MI GUS YID KYIS BLA MA LA NI 'PHYA, ,DE BZHIN SNGON DU BLA MA DAG LA GUS SHING LKOG NA SMOD, ,BLO NI THE TSOM DRA BAS KHYAB CING BRTZON 'GRUS ZHAN PA DANG, ,BLO GROS MI BRTAN NYIN GCIG BZHIN DU LHA RNAMS GZHAN 'DZIN DANG, ,SDANG ZHING BUD MED BSNYEN BKUR BDAG GIR BYED DANG DE BZHIN DU, ,BYANG CHUB MCHOG TU SEMS BSKYED MA BYAS GNYID LA DGA' BA DANG, ,SHIN TU BLUN ZHING CHAGS DANG SDANG BA DREGS LDAN DE BZHIN DU, ,SDUG BSNGAL DAG LA BZOD PA BSKYED PAR MI NUS SEMS STOBS CHUNG, ,CUNG ZAD SMOD TSIG THOS NA RAB TU MI DGA' DE BZHIN DU, , CUNG ZAD BSTOD PAS RAB DGA' RNYED PA LA NI BRKAM PA DANG, ,CUNG ZAD SNGAGS KYI MTHU SNYEMS RMI LAM TZAM GYIS DREGS PA DANG, ,GLEGS BAM 'DZIN CING MAN NGAG YOD CES MI RNAMS LA SMRA DANG, ,PHRAG DOG DRI MAS SBAGS SHING MAN NGAG MED LA SER SNAS BCINGS, ,STONG NYID STON PA'I CHOS LA SDANG ZHING DNGOS POR 'DZIN LA DAM, ,NYAN THOS SPYOD PA LA NI MNGON ZHEN SNGAGS TSUL SUN PAR BYED, ,BDAG GI PHYOGS LA MNGON ZHEN GZHAN PHYOGS NGAG LA RNAM PAR SDANG, ,RTA LA SOGS PA ZHON ZHING LCAG GIS GZHU DANG GLO RDEBS BYED, ,CHANG 'THUNG BA DANG 'JIG RTEN GTAM LA DGA' ZHING ZAS LA BRKAM, ,'DUS PAR 'GRO DANG DMAG DANG 'THAB MO'I BYA BA RNAMS LA DGA', ,RGYAL PO'I PHO BRANG 'KHOR DU KHA 'DZIN PHRA MAS 'TSE BAR BYED, ,RANG GIS DPYAD PAS SNGAGS TSUL ZAB MO RNAMS LA SDEB SBYOR BYED, ,BLA MA'I LUNG THOB MED PAR SNGAGS RNAMS 'CHAD PAR KUN DU RTZOM, ,BSNYEN BKUR DMAN ZHING BLA MA RNAMS LA MYUR DU MAN NGAG 'DOD, ,'DI 'DRA'I MI YIS GANGG'A'I BYE MA MNYAM PAR RAB BSGRUBS KYANG, ,DNGOS GRUB MI 'BYUNG DE DAG PHUNG PO RNAM PAR NYAMS PAR 'GYUR, ,'DI NI SGRUB PA PO'I SKYON GYI RAB TU DBYE BA'O,, ,,
, ,GANG GIS SNGAR BSHAD SKYON SPANGS DE NI DNGOS GRUB SNOD YIN TE, ,DE LA BLA MAS MAN NGAG MA LUS SBYIN PAS PHAN GDAGS BYA, ,DES NI DNGOS GRUB MA LUS MYUR DU 'GRUB PAR 'GYUR BA'O, ,DE NI BLO LDAN RGYAL BA'I MYU GU RIG 'DZIN RNAMS KYI GROGS, ,'KHOR BAR GNAS KYANG PADMA BZHIN DU DRI MAS NYAMS MI 'GYUR, ,'DI NI DNGOS GRUB SNOD KYI RAB TU DBYE BA'O,, ,,GANG TSE SGROL MA'I RNAL 'BYOR PA NI NA BAR GYUR PA NA, ,PHYI NANG 'CHI BA'I MTSAN MA DANG NI LEGS PAR BRTAG PAR BYA, ,'CHI BA'I MTSAN MA BYUNG GYUR SGROL MA 'BYUNG BA LAS GSUNGS PA'I, ,PHYI NANG SLU BAS 'CHI BDAG BSRUNG PHYIR RAB TU BRTZON PAR BYA, ,'CHI BA'I MTSAN MA SNANG MIN DE TSE SMAN MCHOG DAG PA NI, ,RTZA BA'I GSANG SNGAGS NAD ZHI BA DANG SPEL BA BTAB NAS NI, ,BZA' DANG LUS BYUG BYA ZHING LHA MO SKU MDOG RNAM DKAR BAS, ,BDUD RTZIS YONGS BKANG RIN CHEN BUM PAS SPYI BOR DBANG BSKUR BAS, ,SHIN TU BDE BAS LUS KHYAB NANG RNAMS RAB TU ZHI BAR BSAM, ,SMAN PA'I DPYAD RNAMS SPANG PAR MI BYA 'ON KYANG SNGAGS MCHOG DANG, ,DBANG BSKUR BA NI NAD RNAMS RAB TU ZHI BAR BYED PA'I MCHOG ,'DI NI 'CHI BA'I DUS LAS SLU BA DANG NAD GSO BA'I RNAM PAR DBYE BA'O,, ,,DE NAS SBYIN SREG CHO GAS ZHI DANG RGYAS DANG DBANG DANG NI, ,GSANG DANG DGUG PAR 'DOD DANG RTZA BA'I RGYUD LA GSUNGS PA YI, ,CHO GAS SBYIN SREG RAB TU BRTZAM BYA 'DI NI RTOGS PAR SLA, ,CHAR BCAD PA DANG DBAB DANG DE BZHIN 'TSE BA THAMS CAD NI, ,ZHI BAR BYA BA RTZA BA'I RGYUD LAS GSUNGS PA SNGAGS PAS DPYAD, ,'DI NI LAS THAMS CAD RAB TU DBYE BA'I RNAM PAR DBYE BA'O,, ,,DE LTAR SGROL MA LA GUS RNAL 'BYOR PA'I, ,BSGOM PA'I CHO GA RNAM PAR RGYAS BSHAD PAS, ,'GRO RNAMS SRID MTSO LAS BRGAL SGROL MA YI, ,GO 'PHANG LA NI MYUR DU GNAS PAR SHOG ,'PHAGS MA LHA MO SGROL MA BSGOM PA'I CHO GA RGYAS PA SLOB DPON CHEN PO MAR ME MDZAD BZANG PO'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO CHEN PO DUL BA'I LHA DANG, BOD KYI LO TZ'A BA DGE SLONG
CHOS KYI SHES RAB KYIS BSGYUR CING ZHUS TE GTAN LA PHAB PA'O,,