366 · GMLW-002847

DPAL SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE BA'I MCHOG CES BYA BA'I RGYUD PHYI MA (Śrī Sarva Buddha Saṃyoga Ḍākinī Jāla Śaṃvara Nāma Uttarotantra)

נושאי-מדףSubjects:
RGYUDSecret Teachings (Tantra)
נושאיםTopics:the BuddhaEmpowermentPledgesthe Secret WorldEnlightenment
נמצא בfound inSecret Teachings (Tantra)
מספר טוהוקוTohoku numberToh 366 · Tantra (all)
מהדורהrecensionDerge
כותרת בסנסקריטSanskrit titleSHR'I SARBA BUDDHA SA MA YO GA d'A KI N'I DZA LA SAm WA RA N'A MA AUTTA RA TANTRA
כניעה לhomage toDPAL RDO RJE SEMS DPA'
פוליוfolios246a–307a
צורהformverse
מצב תרגוםtranslationno English of the text
כיסוי המילון לכותרתdictionary coverage of the title64%
ז'אנרgenreRoot Texta continuation tantra in verse
פירוש עלa commentary onthe Union of All Buddhasthe title says PHYI MA, the continuation
ישותdeityWarrior of Diamond (Vajrasattva)the homage is to the glorious Vajrasattva, who is also named as the speaker
אנשים ומקומותpeople and places namedno translator colophon
רמת קושיlevelneeds a teacher
תלות קדםread firstinitiation into the highest class of tantraa continuation tantra of the Union cycle
הכותרת אומתה מול הטקסטtitle verified against the textyesSanskrit and Tibetan title lines both match

הקבציםThe files

KL00366_DPAL SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE BA'I MCHOG CES BYA BA'I RGYUD PHYI MA (Śrī Sarva Buddha Saṃyoga Ḍākinī Jāla Śaṃvara Nāma Uttarotantra).txt/12. RGYUD_Secret Teachings (Tantra)/VOL 1 (KA)

הטקסטThe text

טיבטיתTibetanKL00366_DPAL SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE BA'I MCHOG CES BYA BA'I RGYUD PHYI MA (Śrī Sarva Buddha Saṃyoga Ḍākinī Jāla Śaṃvara Nāma Uttarotantra).txt153,830 תוויםcharacters
246a

RGYA GAR SKAD DU, SHR'I SARBA BUDDHA SA MA YO GA d'A KI N'I DZA LA SAm WA RA N'A MA AUTTA RA TANTRA, BOD SKAD DU, DPAL SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE BA'I MCHOG CES BYA BA'I RGYUD PHYI MA, DPAL RDO RJE SEMS DPA' LA PHYAG 'TSAL LO, ,SEMS DPA' SANGS RGYAS KUN GYI DNGOS, ,RDO RJE SEMS DPA' BDE BA'I MCHOG , GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,'DI NI RANG BYUNG BCOM LDAN 'DAS, ,GCIG PU RAB TU CHE BA'I LHA, ,SANGS RGYAS THAMS CAD MNYAM SBYOR

246b

BA; ;MKHA' 'GRO SGYU MA BDE BA'I MCHOG ,CHAGS MED CHAGS DANG BRAL BA MIN, ,DBU MAR YANG NI MI DMIGS SO, ,BUD MED KUN GYI SGYU MA'I RGYU, ,'DI NI GNYIS MED THEG PA'I MCHOG ,SGYU MA DAG NI THAMS CAD PAS, ,BUD MED SGYU MA KHYAD PAR CHE, ,NGO BO NYID KYI MTHU DAG GIS, ,RANG BZHIN GYIS NI DE 'GRUB PA'O, ,'JIG RTEN GSUM 'DIR BUD MED 'DIS, ,GUS BAR BYED PA DAG TU 'GYUR; ;RNYED DANG BDE DANG DGA' KUN GYIS, ,NGAN PAR SPYOD PA'ANG 'GRUB PAR 'GYUR, ,RANG GI NGO BO YONGS BSGYUR NA, ,BUD MED KUN GYI SGYU MAS 'GRUB, ,NGO MTSAR SGYU MA'I PHYAG RGYA 'DI, ,MKHA' 'GRO MA ZHES BRDAR BSTAN TO, ,d'A NI NAM MKHA' 'GRO BA ZHES, ,KHAMS LAS MNGON DU BRTAGS PA STE, ,NAM MKHA' KUN TU SPYOD 'GRUB PA, ,MKHA' 'GRO MA ZHES RAB TU GRAGS, ,THAMS CAD MA LUS PHYAG RGYA YIS, ,THAMS CAD MA LUS BDE MCHOG GIS, ,SANGS RGYAS THAMS CAD MNYAM SBYOR BA, ,MKHA' 'GRO MA ZHES RAB TU GRAGS, ,DE NI NAM MKHA' 'GRO BA ZHES, ,SANGS RGYAS KHAMS LAS RNAM PAR BRTAGS, ,KUN TU 'GRO BAR GRUB PA NI, ,SANGS RGYAS KUN BDAG MKHA' 'GRO MA'O, ,SHAm ZHES BYA BA BDE BAR BSHAD, ,SANGS RGYAS KUN GYI BDE CHEN YIN, ,SGYU MA THAMS CAD RAB SBYOR BA, ,MCHOG TU BDE BAS BDE BA'I MCHOG ,KUN TU KUN NAS THAMS CAD NI, ,BDAG NYID RTAG TU RNAM PA KUN, ,SANGS RGYAS LA SOGS BRTAN G-YO KUN, ,KUN GYI DNGOS

247a

, ,POR BDAG GYUR TO, ,SEMS DANG SEMS PA'I TING 'DZIN DANG, ,BYANG CHUB SPYOD PA SNA TSOGS NYID, ,DE BZHIN BDUD DANG BDUD LAS RGYAL, ,DE NI BYANG CHUB SANGS RGYAS YIN; ;RDO RJE RDO RJE 'DZIN NYID DANG, ,DE BZHIN PADMO PADMO 'CHANG, ,NOR BU NOR BU 'DZIN NYID DANG, ,DE DAG GI YANG RIGS YIN NO, ,DE NYID 'DOD CHAGS 'DOD CHAGS BRAL, ,'DOD PA DANG NI GREL BA'ANG YIN, ,DUS GSUM SRID GSUM MCHOG GSUM DANG, ,'JIG RTEN GSUM DANG KHAMS GSUM DANG, ,RNAM PA SNA TSOGS THA DAD PA'I, ,GNAS PA THAMS CAD DE NYID DO, ,'GRO BA DAG NI MA LUS KUN, ,THAMS CAD DU NI 'DI 'GYUR RO, ,DE LA SOGS PA MTHA' YAS MCHOG ,CHOS DBYANGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,DNGOS PO THAMS CAD DE YIN TE, ,NAM MKHA' KUN GYI SKABS NA DPAL, ,RDO RJE SEMS DPA' DE BZHIN GSHEGS, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG GO ,BSKAL PA BYE BA GRANGS MED PAR, ,SANGS RGYAS THAMS CAD MA THOB PA, ,PHYAG RGYA'I CHO GA GANG DAG GIS, ,TSE 'DI NYID KYIS THOB 'GYUR BA, ,DE NI BDAG GIS BRTAG PAR BYA, , SANGS RGYAS KUN BDAG BDE BA'I MCHOG ,BDAG NYID SHIN TU BSGRUBS PA LAS, ,SANGS RGYAS KUN BDAG BDE MCHOG GO ,RNAL 'BYOR YANG DAG MA YIN SEMS, ,LHA LA DMIGS PAR

247b

[?] DAG ,RNAL 'BYOR GZUGS BRTAN RANG BZHIN TE, ,LCAGS MA LA SOGS RNAL 'BYOR SKYE, ,YANG DAG MCHOG SEMS RNAL 'BYOR LA, ,LHA LA DMIGS PAR BYED PA DAG ,RANG GI DAM TSIG BDAG SBYOR BA; ;MI 'GYUR DAM PA 'GRUB PAR 'GYUR, ,GZUGS BRNYAN LUGS LA SOGS PA LA, ,RNAL 'BYOR SKYE BAR MI 'GYUR GYI, ,BYANG CHUB SEMS LA RAB BRTZON NA, ,DE LAS RNAL 'BYOR LHAR 'GYUR RO, ,BYANG CHUB SEMS NI RDO RJE STE, ,SANGS RGYAS KUN GYI BDAG NYID YIN, ,DE BAS THAMS CAD BDAG SBYOR BAS, ,SANGS RGYAS THAMS CAD THOB PAR 'GYUR, ,BDAG NYID SANGS RGYAS THAMS CAD DANG, ,DPA' BO THAMS CAD BDAG YIN NO, ,DE BAS BDAG NYID LHAR SBYOR BAS, ,BDAG NYID RAB TU BSGRUB PAR BYA, ,DE YIS SANGS RGYAS THAMS CAD DANG, ,DPA' BO RNAMS KYANG THAMS CAD DANG, ,RDO RJE 'DZIN PA THAMS CAD DU, ,TSE 'DI NYID LA 'GRUB PAR 'GYUR, ,ZHES BCOM LDAN 'DAS DPAL RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO SGYU MA BDE BA'I MCHOG LAS, DE KHO NA NYID SNANG BA DAM PA'I YUL LA 'JUG PA YE SHES KYI PHYAG RGYA'I RTOG PA STE DANG PA'O,, ,,'DI NI RNAL 'BYOR BCOM LDAN 'DAS,, RDO RJE SEMS DPA' DE BZHIN GSHEGS, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE PA'I MCHOG ,RDO RJE SEMS DPA'I BDAG SBYOR BAS, ,DBAB PA THAMS CAD RAB TU 'GRUB,,

248a

, ,SANGS RGYAS THAMS CAD MNYAM SBYOR BA, ,RNAL 'BYOR DBANG PHYUG BDE BA CHE, ,DE BAS BDE BA NYID KYI NI, ,SANGS RGYAS BDE BA KUN 'THOB BO, ,SANGS RGYAS THAMS CAD MNYAM SBYOR BA, ,RNAL 'BYOR DBANG PHYUG BDE CHEN PO, ,'DI LA KHRUS DANG SDOM MI DGOS, ,DKA' THUB DKA' BA SPYAD MI DGOS, ,DKA' THUB SDOM PA MED PA DANG, ,BDE BA DANG NI DKA' BAS 'GRUB; ;DE BAS JI LTAR 'DOD SPYOD CING, ,KUN ZA DE BZHIN THAMS CAD SPYOD, ,SPYAD PA JI LTAR 'DOD PAR BYED, ,G-YO BA DAG KYANG CI DGAR BYED, ,LANGS PA DANG NI 'DUG PA'AM, ,'CHAG GAM JI LTAR GNAS KYANG RUNG, ,DGOD DAM RAB TU SMRA YANG RUNG, ,GANG NA JI LTAR SPYOD KYANG RUNG, ,DKYIL 'KHOR DU YANG MA ZHUGS PA, ,SGRIB PA KUN DANG LDAN PA'ANG RUNG, ,RANG GI LHAR NI BDAG SBYOR NA, ,BSOD NAMS CHUNG YANG 'GRUB PAR 'GYUR, ,DE NYID RNAL 'BYOR 'DI YIS NI, ,THAMS CAD SGRUB PAR BYED PA NA, ,NGAS ZOS NGAN SPYOD THAMS CAD KYIS, ,NYES PA DAG TU YONG MI 'GYUR, ,BSKAL PA BYE BAR MI 'THOB PA, ,SANGS RGYAS DAM PA THAMS CAD DE, ,PHYAG RGYA'I CHO GA DAG GIS NI, ,BSGRUBS NA KUN TU 'THOB 'GYUR BA, ,BDAG NYID GRUB PAR BYED PA'I MCHOG ,'DI NI BDAG GI SA BRTAG PAR BYA, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,RDO RJE SEMS DPAR BDAG SBYOR BA, ,CHA LUGS JI BZHIN

248b

BSGYUR BA YIS, ,THAMS CAD SNA TSOGS PHYAG RGYA'I BDAG ,BSOD NAMS CHUNG YANG 'GRUB PAR 'GYUR, ,RGYA 'DI SGRUB PA TZAM GYIS NI, ,SANGS RGYAS THAMS CAD BYIN GYIS RLOB, ,SHIN TU BYIN GYIS BRLABS NA NI, ,SANGS RGYAS THAMS CAD 'DU BAR 'GYUR, ,SANGS RGYAS KUN DANG MNYAM SBYOR BAS, ,SANGS RGYAS KUN DANG MNYAM PAR 'GYUR, ,SANGS RGYAS KUN DANG MNYAM PA'I PHYIR, , SANGS RGYAS THAMS CAD 'GRUB PAR 'GYUR, ,GANG GIS LDAN PA 'DI MTHONG ZHING, ,RNAM PA KUN TU MCHOD BYED NA, ,DE YIS SANGS RGYAS THAMS CAD KYANG, ,MTHONG ZHING MCHOD PA BYAS PAR 'GYUR; ;'DI DANG SANGS RGYAS THAMS CAD LA, ,MTHONG BA DANG NI REG PA YIS, ,DKYIL 'KHOR DAG TU MA ZHUGS PA'ANG, ,BDEN PA DAG KYANG MTHONG BAR 'GYUR, ,MTHONG BA DANG NI REG PA DANG,, THOS PA DANG NI DRAN PA YIS, ,SDIG PA KUN LAS RNAM GROL ZHING, ,SANGS RGYAS DNGOS GRUB THAMS CAD 'GRUB, ,'DI DANG SANGS RGYAS THAMS CAD LA, ,RNAL 'BYOR THAMS CAD MNYAM SBYOR BAS; ;BUD MED DAG KYANG RNAM GROL ZHING, ,SANGS RGYAS BYANG CHUB REG PAR 'GYUR, ,KUN TU KUN NAS THAMS CAD NI, ,BDAG NYID RNAM PA THAMS CAD DU, ,SANGS RGYAS THAMS CAD DNGOS GRUB PAR; ;DE YIS BDAG NYID MTHONG BAR 'GYUR, ,'DI NI BDAG NYID KUN GNAS PAS, ,MCHOD PA'I SPRIN CHEN THAMS CAD KYIS, ,BKOD PA RAB 'BYAMS TSOGS DAG GIS, ,DE BZHIN GSHEGS PA

249a

, ,MCHOD PA MDZAD, ,THAMS CAD BDAG NYID SBYOR MCHOD DPAL, ,RDO RJE SEMS DPA' MCHOG GYUR PA, ,SANGS RGYAS KUN GYI RANG BZHIN TE, ,BDE BA'I MCHOG NI THOB PAR 'GYUR; ;RNAL 'BYOR KUN LA NYER SBYOR BAS, ,DPAL NI BZHIR 'GYUR GRUB PAR 'GYUR, ,RNAL 'BYOR KUN NI BCOM LDAN 'DAS, ,RDO RJE SEMS DPA' DE BZHIN GSHEGS, ,DE YI NYE BAR SBYOR BA NI, ,KHAMS GSUM MA LUS THAMS CAD DO, ,RNAL 'BYOR KUN GYI LONGS SPYOD KYIS, ,JI LTAR BDE BAR STEN BYED CING, ,RANG GI LHA YI RNAL 'BYOR GYIS, ,BDAG NYID RAB TU MCHOD PAR BYA; ;RJES SU SBYOR BAS MCHOD BYED CING, ,RNAL 'BYOR KUN GYI BDE BA DAG ,BDAG NYID KUN TU MYANG BYED NA, ,SHIN TU SBYOR BAS 'GRUB PAR 'GYUR, ,SANGS RGYAS KUN GYI BDAG NYID KYI,, RAS YAN BDE BA 'DIS, ,RDO RJE SEMS DPA'I DPAL TSE DANG, ,LANG TSO NAD MED BDE MCHOG 'GRUB, ,KUN TU KUN NAS THAMS CAD DU, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,RTAG TU DE NI 'GRUB PAR 'GYUR, ,ZHES BCOM LDAN 'DAS DPAL RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE BA'I MCHOG LAS, DPAL RDO RJE SEMS DPAR KUN TU SBYOR BA'I RTOG PA STE GNYIS PA'O,, ,,'DI NI RNAL 'BYOR BCOM LDAN 'DAS, ,RDO RJE SEMS DPA'

249b

DE BZHIN GSHEGS, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA BDE BA'I MCHOG ,RDO RJE SEMS DPA'I RNAL 'BYOR PA, ,DPAL LDAN RANG GI DAM TSIG BDE, ,SANGS RGYAS THAMS CAD MNYAM SBYOR BA'I, ,RNAL 'BYOR DBANG PHYUG BDE BA CHE, ,RDO RJE SEMS DPAR SBYOR BA YI, ,MTHU NYID KYIS NI THAMS CAD DU, ,PHYAG RGYA BDE BA CHEN PO KUN, ,SO SO RJES SU RANG 'GRUB 'GYUR, ,RDO RJE SEMS DPAR SBYOR BA YI, ,MTHU NYID KYIS NI THAMS CAD DU, ,RNAL 'BYOR BDE BA MYOS PA KUN, ,SO SO RJES SU RANG 'GRUB 'GYUR, ,RDO RJE SEMS DPAR SBYOR BA YI, ,MTHU NYID KYIS NI THAMS CAD DU,, BDE BAS MYOS PA'I DNGOS GRUB KUN, ,SO SO RJES SU RANG 'GRUB 'GYUR, ,RDO RJE SEMS DPAR SBYOR BA YI, ,MTHU NYID KYIS NI THAMS CAD DU, ,BDE BAS MYOS PA'I DBANG PHYUG KUN, ,SO SO RJES SU RANG 'GRUB 'GYUR, ,RDO RJE SEMS DPAR SBYOR BA YI, ,MTHU NYID KYIS NI THAMS CAD DU, ,NAM MKHA'I DBYINGS KYI MTHA' YAS PA'I, ,BUD MED MCHOG RNAMS SKYE BAR 'GYUR, ,DE YI DAM TSIG DE BYUNG BA; ;SDUG PA'I DAM TSIG BDAG RJES 'BRANG, ,SHIN TU SBYOR DANG SBYOR CHEN PO, ,THAMS CAD BDAG NYID DAM TSIG MCHOG ,GCIG BZHIN DU NI GCIG SPYOD PA, ,LHAN CIG SPYOD PAS RJES SPYOD SDUG ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA MCHOG TU 'BAR, ,THAMS CAD DGA' BA MA LUS PA'I, ,PHYAG RGYA THAMS CAD BDE BA CHE, ,RTAG PA DAM PA LHA MO YIS, ,RGYAL

250a

, ,MOS MCHOD PA THAMS CAD MCHOG ,RDO RJE SEMS DPAR SBYOR BA DANG, ,THAMS CAD LHA MO 'DUS PAS NI, ,MA LUS SKAL PA BZANG PO KUN, ,BDE BA SO SO RJES SU 'GRUB; ;PHYAG RGYA 'DI YIS BTAB PA LAS, ,RDO RJE SEMS DPA' CHE BA'I LHA, ,NAM MKHA'I DBYINGS KYI MTHA' KLAS PA'I, ,LHA MO BDE BA CHEN MO KUN, ,THAMS CAD RNAL 'BYOR BDE BAS MYOS,, SDIG MED STOBS KYIS NGO THON DU, ,PHAN TSUN DU NI RAB DGA' BAS, ,SKYES BU'I TSUL GYIS DGA' BAR BYED, ,DBANG PO KUN NAS BYUNG BA YI, ,MCHOD PA'I SPRIN CHEN THAMS CAD KYI, ,BKOD PA RAB 'BYAMS TSOGS RNAMS KYIS, ,THAMS CAD BDAG NYID MCHOD PAR BYED, ,RNAL 'BYOR BDE BA THAMS CAD KYI, ,DBANG BSKUR BDE CHEN LAS BYUNG BA, ,RIN CHEN TSOGS RNAMS THAMS CAD KYIS, ,RAB TU RMONGS PAS DBANG BSKUR 'GYUR, ,LHA MO KUN GYI LONGS SPYOD LA, ,CI BDE BAR NI BSTEN BYA BA, ,BDAG NI CHE BA'I LHAR SBYOR BAS, ,BDAG LA BDAG GIS RAB TU MCHOD; ;RNAL 'BYOR THAMS CAD BDE BA YIS, ,RJES SU SBYOR BA MCHOD BYED CING, ,RTAG TU MYANG BAR BYED PA NA, ,SHIN TU SBYOR BAS RAB 'GRUB 'GYUR, ,SANGS RGYAS THAMS CAD BDAG NYID KYI, ,RA SA YA NA BDE BA DES, ,RDO RJE SEMS DPA'I DPAL TSE DANG, ,LANG TSO NAD MED BDE MCHOG 'GRUB, ,SANGS RGYAS KUN GYI SKU CHEN DANG, ,SANGS RGYAS KUN GYI GSUNG SNYAN PA, ,SANGS

250b

RGYAS KUN GYI THUGS CHEN PO, ,SANGS RGYAS KUN GYI MCHOD PA CHE, ,SANGS RGYAS KUN GYI RGYAL CHEN PO, ,RDO RJE 'DZIN PA KUN GYI BDAG ,'JIG RTEN DBANG PHYUG KUN GYI GTZO, ,RIN CHEN DBANG PHYUG KUN GYI BDAG ,DE DAG DANG NI DGA' SPYOD NA, ,'DOD PA BZHIN DU 'GRO 'ONG LDING, ,LHA MO THAMS CAD GRUB CHEN PO, ,'KHOR LOS BSGYUR BA RAB TU 'GRUB, ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHAS KLAS PAR, ,DNGOS GRUB KUN GYI BDE MYOS PA, ,DE LAS RGYA CHEN MCHOG GZHAN MED, ,SANGS RGYAS THAMS CAD MNYAM SBYOR BA, ,RNAL 'BYOR DBANG PHYUG BDE CHEN DES,, 'DI LA TSE 'DI NYID KYIS NI, ,RNAM PA KUN TU MI 'GRUB PA'I, ,DNGOS GRUB KUN GYIS BDE MYOS PA, ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,DBANG PHYUG KUN GYI BDE MYOS PA, ,DAM PA RGYA CHEN GANG YANG MED, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG DES, ,'DI LA TSE 'DI NYID KYIS NI, ,RNAM PA KUN TU MI 'GRUB MED, ,CES BCOM LDAN 'DAS DPAL RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO SGYU MA BDE BA'I MCHOG LAS, LHA MO THAMS CAD DANG MNYAM PAR SBYOR BA SKAL PA MCHOG BZANG PO DPAL RDO RJE DAM TSIG GI RTOG PA STE GSUM PA'O,, ,,'DI NI RNAL 'BYOR BCOM LDAN 'DAS, ,RDO RJE SEMS DPA'

251a

, ,DE BZHIN GSHEGS, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,LHA MO KUN DANG MNYAM SBYOR BA, ,SKAL BA BZANG MCHOG 'DOD PA STE,, YANG DAG SBYOR BA'I BDE MYONG BA, ,'DOD CHAGS THER ZUG BRTAN PA'O, ,SANGS RGYAS KUN GYI GZUGS CHE DANG, ,DBYANGS DANG DRI DANG RO DAG DANG, ,SANGS RGYAS KUN GYI REG BDE MCHOG ,RANG GI SBYONG PAR DE SPYOD DO, ,SANGS RGYAS PHA ROL PHYIN GRUB PA, ,GZUNGS DANG SA RNAMS DE BZHIN DU, ,DGA' BAR SPYOD NA LHA DANG MI'I, ,SKAL BZANG BUD MED CI ZHIG SMOS, ,LHA YI DNGOS GRUB DGA' BA DANG,, SANGS RGYAS BYANG CHUB BDE CHEN PO, ,SKAL PA BZANG PO BDE MYONG BAS, ,SO SO RJES SU RANG 'GRUB 'GYUR, ,DNGOS GRUB THAMS CAD LAS BYUNG BA, ,DE BZHIN GSHEGS PA KUN GYI DPAL, ,SKAL PA BZANG PO LONGS SPYOD KUN, ,RANG GI SPYAD PAR DE SPYOD DO, ,RDO RJE CAN GYI GRUB MCHOG DANG, ,'JIG RTEN DANG PO MCHOG GI DPAL, ,SANGS RGYAS DGA' BAS BDE DAM PA, ,'PHROG NAS NYE BAR SPYOD PAR BYED, ,KHAMS GSUM DAG NA MA LUS PA'I, ,SANGS RGYAS RGYAL SRID CHEN PO KUN, ,RTZAL GYI STOBS KYIS NGO THON DU, ,'PHROG NAS NYE BAR SPYOD PAR BYED, ,SANGS RGYAS KUN GYI GRUB CHEN PO, , MCHOG GI DBANG PHYUG DAM PA DAG ,KUN NAS 'PHROG NAS DE SPYOD NA, ,LONGS SPYOD GZHAN LTA CI ZHIG SMOS, ,MTHU CHEN LAS NI BKRA SHIS BRTAN, ,'PHROG LAS GRUB DANG DRAN LAS DGA',,

251b

'O THON STOBS KYIS 'PHROG NAS KYANG, ,DE NI DAD LA SBYIN PAR BYED, ,MA LUS 'JIG RTEN GSUM RGYAL SRID, ,'JIG RTEN DBANG PHYUG KUN DANG BCAS, ,NGO THON STOBS KYIS 'PHROG NAS KYANG, ,DE NI DAD LA SBYIN PAR BYED, ,TSANGS PA 'JUG SEL DBANG CHEN GYI, ,MCHOG GI DBANG PHYUG DAM PA DAG ,KUN NAS 'PHROG STE MYUR SBYIN NA, ,LONGS SPYOD GZHAN LTA CI ZHIG SMOS, ,DE YIS MI SBYIN CI YANG MED, ,SANGS RGYAS DON DU BYA BA KUN, ,MI BYA BA NI GANG YANG MED, ,SBYIN PA DANG NI BYED PA'ANG YIN, ,SANGS RGYAS BYANG CHUB SEMS DPA' YANG, ,'PHROG NAS KYANG NI SBYIN BYED NA, ,LAS MCHOG DAG NI RAB 'BYAMS DANG, ,DNGOS GRUB GZHAN LTA CI ZHIG SMOS, ,DNGOS GRUB MCHOG NI GDON MI ZA, ,SDE RNAMS THAMS CAD RAB 'JOMS PA, ,SANGS RGYAS KUN GYI GRUB CHEN PO, ,'KHOR LOS BSGYUR BA RAB GRUB PA, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG GIS, ,SANGS RGYAS KUN GYI RDZU 'PHRUL CHE, ,RNAM PAR 'PHRUL PA RAB TU 'JUG ,LA LAR BYANG CHUB SEMS CHEN PO, ,LA LAR SPYOD PA MTHUN PAR 'GRO, ,LA LAR DGA' LDAN LHA DAG LAS, ,DAM PA SHIN TU 'PHO BA'O, ,LA LAR SKYE BA RNAM PAR DAG ,LA LAR NGES PAR 'BYUNG BAR GSAL, , LA LAR BYANG CHUB CHEN POR GSHEGS, ,LA LAR BDUD LAS RAB TU RGYAL, ,LA LAR BYANG CHUB MNGON 'TSANG RGYA, ,LA LAR CHOS KYI 'KHOR LO BSKOR, ,LA LAR PHA ROL MU STEGS RNAMS, ,CHOS

252a

, ,DANG MTHUN PAR TSAR GCOD DO, ,LA LAR 'JIG RTEN GSUM RGYAL BA, ,GRUB PA KUN GYI DBANG PHYUG NYID, ,LA LAR RTOG PA THAMS CAD MCHOG ,GRUB PA'I DBANG PHYUG BLA NA MED, ,DE LA SOGS PA MTHA' YAS MCHOG ,SANGS RGYAS KUN BDAG BDE MCHOG GIS, ,'DUL BA'I THABS SU NGES PA'I GAR, ,RNAM PAR SPRUL PA DGYES SHING ROL, ,DNGOS GRUB CHEN PO KUN GYI MCHOG ,BRTAN PA DBANG PHYUG CHEN PO'I BDAG ,GZUGS DANG TSE DANG KHA DOG STOBS, ,DPAL LDAN RDO RJE SEMS DPA' BZHIN, ,'GRO BA DAG GIS BSNYEN BYA ZHING, ,DE BZHIN GSHEGS PA KUN GYIS MCHOD, ,LHA MO KUN GYI DPAL LDAN MCHOG ,RDO RJE SEMS DPAR RAB TU 'GRUB, ,SEMS CAN KHAMS NI DU MA DAG ,MA LUS PAR NI PHYAG RGYAS 'DEBS, ,LHA DANG BYANG CHUB DKA' BA RNAMS, ,BRTAN PAR SEMS CAN DAG LA SMIN, ,SANGS RGYAS KUN BDAG BDE MCHOG GIS, ,SEMS CAN KUN GYI DON BYED CING, ,MA LUS LUS PA MED PA YI, ,BSKAL PA KUN TU SRID PAR GNAS, ,ZHES BCOM LDAN 'DAS RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO SGYU MA BDE BA'I MCHOG LAS, SNA TSOGS THAMS CAD KYI SKAL PA BZANG PO MCHOG GI DNGOS GRUB CES BYA STE, DPAL DAM TSIG GI RTOG PA STE BZHI PA'O,, ,,'DI NI RNAL 'BYOR BCOM LDAN 'DAS, ,RDO RJE SEMS

252b

DPA' DE BZHIN GSHEGS, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,YANG DAG GRUB PA GCIG PU NYID, ,JI LTAR 'DOD PA BZHIN DU SBYAR, ,RTOG PA'I CHO GA THAMS CAD LA, ,GRUB PA DAM PA MCHOG GI MCHOG ,SNA TSOGS LAS KYI SBYOR BA YIS, ,CHO GA SNA TSOGS 'DOD PA YI, ,SEMS CAN RNAMS NI 'DUL BA DANG, ,BDE BA THAMS CAD 'GRUB PA'I PHYIR; ;BCOM LDAN RNAL 'BYOR DE NYID NI, ,SANGS RGYAS THAMS CAD RNAM 'PHRUL PAS, ,SEMS CAN KUN DON RNAM SPRUL NA, ,MYUR DU SHIN TU 'GRUB PAR 'GYUR, ,NYIN RE'AM YANG NA ZLA RE 'AM; ;YANG NA DE BZHIN LO RE NI, ,JI BZHIN BYIN GYIS BRLABS NAS KYANG, ,SANGS RGYAS BDE MCHOG GAR BYA'O, ,KHAMS KYI NGO BO THAMS CAD DANG, ,DE BZHIN SROG DANG RTZA LAS 'BYUNG, ,RANG GI LHA YI CHA LUGS SU, ,SGRUB PA'I PHYAG RGYAR RAB TU BYA, ,DKYIL 'KHOR GANG DANG GANG BSTEN PA, ,SNA TSOGS PHYAG RGYA'I MCHOD PA YIS, ,SLOB MA'I TSOGS KUN DE DANG DER, ,MCHOD PA BYAS NAS DES SGRUB BO, ,DE LAS GZHAN YANG RTOG KUN GYIS, ,SANGS RGYAS THAMS CAD RNAM SPRUL PA, ,CI RIGS PAR NI SPRUL BYAS PA'I, ,GTAM DAG RAB TU BSHAD PAR BYA, ,SEMS DPA' SANGS RGYAS KUN GYI DNGOS, ,RDO RJE SEMS DPA' BDE BA'I MCHOG ,GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,'DI NI RNAL 'BYOR BCOM LDAN 'DAS, ,

253a

, ,RTAG PA DAM PA BRTAN PA STE, ,RTAG TU DA LTAR 'BYUNG BA BZHIN, ,NGO BO NYID NI 'DA' BAR DKA', ,CHO GA SNA TSOGS 'DOD RNAMS LA, ,LAS KYI SBYOR BA SNA TSOGS KYIS; ;SANGS RGYAS RDO RJE 'DZIN LA SOGS, ,'DUL BA'I PHYIR NI BYAS PA YIN, ,SANGS RGYAS LA SOGS BRTAN G-YO KUN, ,KUN GYI DNGOS POR 'DI 'GYUR RO, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,SGYU MA'I SBYOR BA 'DI YIS NI, ,RNAM PA SNA TSOGS KUN GYI MCHOG ,SEMS CAN KUN GYI DON MCHOG RNAMS, ,SANGS RGYAS LA SOGS 'DUL BAS 'GRUB, ,DPAL RDO RJE SEMS DPAS DBUGS PHYUNG BA'O, ,'DAS PA'I DUS NA SNGON BYUNG BA, ,BDAG NYID CHEN PO RTAG PA YI, ,DE BZHIN GSHEGS PA'I GSUNG RAB LA; ;'GRO BA'I TSUL NI SNGON BYUNG BA, ,DE TSE SEMS CAN THAMS CAD NI, ,SHIN TU STONG PA NYID LA BRTZON, ,'GOG PA'I CHOS NYID LA SBYOR BAS, ,'GAGS SHING YONGS SU MYA NGAN 'DAS; ;RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, ,GROL BA THAMS CAD RNAM SBYANG PHYIR, ,SANGS RGYAS SPRUL PA KUN TU BSKYED, ,STONG PA MA YIN MI STONG MIN, ,DBU MAR YANG NI MI DMIGS TE, ,SHES RAB PHA ROL PHYIN SBYOR BA, ,THABS KYI SNYING RJE BDAG NYID RNAMS, ,DE BAS DE NI SNYING RJE'I THABS, ,SHES RAB PHA ROL PHYIN

253b

PAR GSAL, ,RTOG PA MED PA'I CHOS RNAMS LA, ,SEMS CAN DON DU YONGS BRTAGS PA, ,RNAM PAR MI RTOG LA MOS PAS, ,THAMS CAD RTOG PAS BRTAG PAR BYA, ,BRAG TZA YI NI SGRA 'DRA BA, ,TSE KYI TSIG TU DE 'GYUR TE, ,DE LAS THEG PA CHEN PO YI, ,YANG DAG YON TAN RGYAS PA'I GLUS, ,DUS GSUM PA YI DAM TSIG GSUM, ,DE BZHIN GSHEGS PA THAMS CAD BSTOD, ,MNYAM MED MI G-YO MNYAM MED MCHOG GI CHOS NYID CAN, ,THUGS RJE'I BDAG NYID 'GRO BA'I SDUG BSNGAL SEL BAR MDZAD, ,YON TAN MTHA' YAS DNGOS GRUB THAMS CAD SBYIN MDZAD PA, ,DRI MED MI G-YO MNYAM MED DAM PA'I MCHOG CHOS CAN, ,YON TAN SHIN TU PHRA BA'I CHA LA'ANG TSAD MED DE, ,DPE NI NAM MKHA' DANG YANG BSKRUN DU YOD PA'ANG MIN, ,DNGOS GRUB MTHA' YAS MNYAM MED DPE DANG BRAL BA RNAMS, ,SEMS CAN KHAMS LA DNGOS GRUB MCHOG RNAMS NGES PAR STZOL, ,RTAG TU DRI MA MED PA'I THUGS RJE SHUGS LAS BYUNG, ,SMON LAM GRUB PA 'GAG PA MED PA'I CHOS NYID CAN, ,'GRO BA'I DON GRUB RAB TU BRTZON PA MTHA' YAS PA, ,THUGS RJE CHEN PO'I BDAG NYID RTAG TU RNAM PAR SNANG, ,TSAD MED TSAD DANG BRAL BAS SHIN TU RDZOGS PA YI, ,BDE BAR GSHEGS PA'I GO 'PHANG DAM PA BRNYES GYUR KYANG,, KHAMS GSUM KUN LA RTAG TU DNGOS GRUB MCHOG STZOL MDZAD, ,THUGS RJE SPYOD PA MI G-YO 'GAG PAR YOD MI 'GYUR, ,AE MA'O SHIN TU BZANG PO'I CHOS NYID MCHOG DANG LDAN, ,MCHOG SBYIN

254a

, ,RNAMS KYI NANG NA GO 'PHANG DAM PA BRNYES, ,KHAMS GSUM KUN LA RTAG TU DNGOS GRUB MCHOG STZOL MDZAD, ,MGON PO DUS GSUM SGRIB PA MED PAR RAB MKHYEN PA, , DAM TSIG MCHOG GSUM DNGOS GRUB DAM PA BDAG LA STZOL, ,'DI NI SANGS RGYAS THAMS CAD KYI, ,YANG DAG YON TAN RGYA CHEN TE, ,LAN GCIG TZAM NI BRJOD PAS KYANG, ,SANGS RGYAS THAMS CAD GRUB PAR 'GYUR, ,SANGS RGYAS KUN BDAG NYID SBYOR BAS, ,BSTOD PA'I RGYAL PO 'DI NYID KYIS, ,DUS GSUM PA YI RGYAL BA KUN, ,DAM TSIG GSUM GYIS 'GRUB PAR 'GYUR, ,SKU NI BLTA BAS MI NGOMS PA, ,THAMS CAD BDAG NYID BSTAN NAS KYANG, ,LEGS SO ZHES NAS DNGOS GRUB NI, ,MCHOG RNAMS KUN NI RAB SMIN MDZAD, ,THAMS CAD BDAG NYID 'GRUB DGA' DANG, ,BSAM PA THAMS CAD YONGS SU RDZOGS, ,SANGS RGYAS 'GRUB PA MCHOG KUN DANG, ,RNAL 'BYOR DAM PA'ANG SBYIN PAR MDZAD, ,DE NAS DE YIS SGRUB PA DANG, ,SHIN TU BRTAG PA'I DNGOS GRUB DAG ,GANG GIS SRID PA 'DI NYID LA, ,DNGOS GRUB SHIN TU RTAG THOB PA SHAD, ,RDO RJE SE GOL GTOGS PA YIS, ,SANGS RGYAS THAMS CAD BSDU BAR BYA, ,THAL MO LEGS PAR SBYAR BA YIS, ,THAL MO LAN GSUM RNAM PAR BRDAB, ,DBANG PO GANG DAG GANG LAM GYUR, ,DE DANG DE YI NGO BOR BYA, ,SHIN TU MNYAM GZHAG SBYOR BA YIS, ,SANGS RGYAS KUN DANG MNYAM SBYOR ZHING, ,JI LTAR MOS PA'I

254b

CHAGS PA DANG, ,shA dA BA LA SOGS PA YI, ,CI NAS YONGS SU MA SKYO BAR, ,RTAG TU TSAD MED BZLAS PAR BYA, ,KUN TU KUN NA MA THAMS CAD NI, ,BDAG NYID RTAG TU RNAM PA KUN, ,SANGS RGYAS KUN TU DNGOS GRUB PA, ,RAB TU MTHONG ZHING MCHOG GRUB PA'O, ,'DI YIS SANGS RGYAS THAMS CAD DANG, ,DE BZHIN DPA' BO THAMS CAD DANG, ,RDO RJE 'DZIN PA THAMS CAD DU, ,TSE 'DI NYID KYIS 'GRUB PAR 'GYUR, ,SANGS RGYAS KUN GYI YON TAN BSNGAGS PA RGYA CHE BA, ,BSTOD PA'I RGYAL PO MCHOG NI LAN GCIG GLUR BLANGS PAS, ,KUN TU 'GRO BA'I RNAL 'BYOR DAM PA RTAG PA'I MCHOG ,DNGOS GRUB MI ZAD BDE BA'I MCHOG NYID THOB PAR 'GYUR, ,BSTOD PA'I RGYAL PO 'DI YIS NI, ,THAMS CAD BDAG NYID DBANG PHYUG MCHOG ,SNA TSOGS KUN GYIS RNAM 'DUL BA, ,DE BZHIN GSHEGS PA KUN GRUB STE, ,DE BAS DAM TSIG GSUM LA SOGS, ,RTOG PA BLA MED THAMS CAD KYIS, ,NAM MKHA'I DBYINGS KYI MTHA' KLAS PA'I, ,SEMS CAN KHAMS NI RNAM PAR DKROL, ,DPAL RNAM PAR SNANG MDZAD KYIS DBUGS PHYUNG BA'O, ,'DAS PA'I DUS NA SNGON BYUNG BA, ,BDAG NYID CHEN PO RTAG PA YI, ,DE BZHIN GSHEGS PA'I GSUNG RAB LA, ,'GRO BA'I TSUL DU SNGON BYUNG BA, ,DE TSES SEMS CAN THAMS CAD NI; ;SHIN TU KHRO GTUM GDUG PAR GYUR, ,SHIN TU GDUG PAR KHRO BA YIS, ,'O DOD 'BOD PAR LHUNG BAR 'GYUR, ,DE NAS 'PHOS NAS SEMS CAN DE, ,BAG CHAGS KYIS NI MTSAMS

255a

, ,SBYOR BAS, ,SHIN TU GDUG PA CHEN POR GYUR, ,BLO NI BDUD KYIS BYIN BRLABS NAS, ,RIMS DANG DUG DANG DBYIG DUG NAD, ,PHRA MEN MA DANG GNOD BYED GDON, ,BDUD DANG RNAM PAR LOG 'DREN NYID, ,SHIN TU GDUG PA CHEN POR GYUR, ,GNAS GSUM PO NI 'JIGS BYED CING, ,SGRUB PA PO RNAMS LA YANG ZA, ,LHA LA SOGS PA'ANG 'PHO BAR BYED, ,BSTAN PA DAG KYANG 'JIG PAR BYED, ,DE NAS DBANG POR BCAS PA'I LHA, ,TSANGS PA'I DRUNG DU NYE BAR DONG, ,TSANGS PA'ANG LHA DANG DBANG POR BCAS, ,'JUG SEL LA YANG SKYABS SU DONG, ,TSANGS DANG 'JUG SEL LHA RNAMS KYANG, ,LHA CHEN DRUNG DU NYE BAR DONG, ,TSANGS PA 'JUG SEL DBANG CHEN DANG, ,RDO RJE CAN LA SKYABS SU DONG, ,DE NAS BCOM LDAN RDO RJE CAN, ,RDO RJE SEMS DPA'I SBYOR BA YIS; ;RDO RJE SE GOL PHYAG RGYAS NI, ,SANGS RGYAS THAMS CAD BSDU BAR MDZAD, ,RDO RJE SEMS DPA'I SBYOR BA YIS, ,DPUNG PA GNYIS NI RDO RJER BCINGS, ,RDO RJE SE GOL BRDABS PA YIS, , SANGS RGYAS THAMS CAD BSDU MDZAD NA, ,DE YI BKA' TZAM GYIS SKRAG NAS, ,'KHOR DANG 'KHOR LO'I TSOGS BCINGS PA, ,SANGS RGYAS THAMS CAD GSHEGS 'GYUR NA, ,GZHAN LTA SMOS KYANG CI ZHIG DGOS, ,RDO RJE SE GOL GTOG PA YIS, ,'JIG RTEN KHAMS NI MA LUS PAS, ,SANGS RGYAS RDO RJE 'DZIN BCAS PA, ,KUN GYIS TIL 'BRU BZHIN DU RGYAS, ,SHIN TU

255b

GDUG PAR GTUM PO LA, ,ZHI BAS PHAN PAR MI 'GYUR TE, ,SHES RAB THABS KYI NGO BO YI, ,KHRO BOR DE BZHIN GSHEGS KUN MDZAD, ,KHRO BO'I TSUL CAN KHROS PAS KYANG, ,'JIG RTEN GSUM DAG SREG BYED NA, ,SANGS RGYAS THAMS CAD KHROS PA YIS, ,KHAMS GSUM MA LUS SMOS CI DGOS, ,DE NAS SNA YI RTZE MO LA, ,YID NI BRTAN PAR YANG DAG GZUNG, ,SNA YI DBUGS RING DRO BA LAS; ;RGYAL BAS PHYAG RGYA'I SBYOR BA BYUNG, ,BCOM LDAN DE NYID RNAL 'BYOR PA, ,RDO RJE KHRO BOR GYUR NAS BYUNG, ,DPAL CHEN RDO RJE HE RU KA, ,'BAR BAS THAL BAS RAB TU 'JIG ,SEMS DPA' SNGON POR 'BAR BA'I NGANG, ,'OD KYI DKYIL 'KHOR DMAR POR 'BAR, ,'JIG PA CHEN PO'I DUS LTAR DRAG ,DUR KHROD KYI NI ME DANG 'DRA, ,'BAR BA CHEN PO SGRA 'BAR BA, ,THOD PA MANG PO'I DBU RGYAN CAN, ,'JIG PA CHEN PO DUS LTAR DRAG ,DUR KHROD BZHIN DU RAB TU 'JIG ,KHRO LA SOGS PA'I TSUL LDAN PA, ,ZHAL RNAMS SNA TSOGS 'GYUR BA DANG, ,SMIN MA KHRO GNYER BCAS PAR 'GYUR; ;'BAR BA'I LTA BAS GAR BYAS PAS, ,GU LANG DBANG CHEN NYE DBANG BCAS, ,NYI ZLA GSHIN RJE TSANGS PAR BCAS, ,GNAS GSUM DAG NI 'BAR BYAS NAS, ,THAL BA BZHIN DU RAB TU BA SHIG ,RDO RJE RDO RJE KHA t'Am GA ,DRIL BU'I SGRA NI GSIL BA YIS, ,THAMS CAD PHAB NAS SLAR YANG NI, ,THAL BAR GYUR PA'ANG 'TSO BAR BYED, ,DE YI 'BAR BA NYI MA LAS, ,BYUNG BA'I GRIB MA MI

256a

, ,BZAD PA, ,BSKYED NAS MA LUS BDUD LA SOGS, ,GDUG PA RNAMS KYI KHRAG ZA NUS, ,RGYAL PO DE NI DE DAG DANG, ,LHAN CIG DUR KHROD RNAM PAR ROL, ,THAMS CAD RDO RJE MNYAM SBYOR BA, ,MKHA' 'GRO DKYIL 'KHOR 'BAR BA YIS, ,SHIN TU GDUG CING KHRO DRAG PA'I, ,SEMS CAN KHAMS NI RNAM SBYANGS NAS, ,DAG PA'I SANGS RGYAS ZHING RNAMS SU, , SANGS RGYAS BYANG CHUB DAG LA BKOD, ,RDO RJE 'DOD KHRO LA SOGS KYI, ,RTOG PA BLA MED THAMS CAD KYIS, ,NAM MKHA'I DBYINGS KYI MTHA' KLAS PA'I, ,SEMS CAN KHAMS NI RNAM PAR SBYANGS; ;DPAL HE RU KA SA DBUGS PHYUNG BA'O, ,'DAS PA'I DUS NA SNGON BYUNG BA, ,BDAG NYID CHEN PO RTAG PA YI, ,DE BZHIN GSHEGS PA'I GSUNG RAB LA, ,'GRO BA'I TSUL NI SNGON BYUNG PA; ;DE TSE SEMS CAN THAMS CAD NI, ,LOG PAR LTA LA GNAS PAR 'GYUR, ,SHIN TU LTA BA NGAN PA YIS, ,'O DOD 'BOD PA CHEN POR LHUNG, ,RNAL 'BYOR DE NYID BCOM LDAN 'DAS, ,BYANG CHUB SEMS NI RNAM SBYANG PHYIR, ,PADMO CHAGS PAR SBYOR BA YIS, ,RDO RJE CHOS SU GNAS PAR GYUR, ,JI LTAR PADMO DMAR PO 'DI, ,TSON GYI NYES PAS MI GOS PA, ,DE BZHIN BAG CHAGS KHAMS GSUM GYI, ,NYES PA SNA TSOGS RNAM PAR DAG ,'DIS NI KUN TU GZIGS PAS NA, ,RGYAL BA DBANG PHYUG NYID DU 'GYUR, ,DPAL LDAN SPYAN RAS GZIGS KYI DBANG, ,RDO RJE

256b

SEMS DPA' DE BZHIN GSHEGS, ,'DOD CHAGS THAMS CAD DAG PAS NA, ,MCHOG SBYIN DAM PA BCOM LDAN 'DAS, ,'DUL BA'I THABS NI SNA TSOGS KYIS, ,SNA TSOGS PA NI 'DUL BAR SPRO, , KUN TU SPYAN RAS GZIGS DBANG RGYAL, ,PADMO GAR GYI DBANG PHYUG GYUR, ,PADMO'I RGYAL PO MNYAM SBYOR BA, ,MKHA' 'GRO SGYU MA BDE MCHOG DES, ,PADMO GAR DBANG LA SOGS KYI, ,RTOG PA BLA MED THAMS CAD KYIS, ,NAM MKHA'I DBYINGS KYI MTHA' KLAS PA'I, ,SEMS CAN KHAMS NI RNAM PAR SBYANGS, ,DPAL PADMO GAR GYI DBANG PHYUG GIS DBUGS PHYUNG BA'O, ,'DAS PA'I DUS NA SNGON BYUNG BA; ;BDAG NYID CHEN PO RTAG PA YI, ,DE BZHIN GSHEGS PA'I GSUNG RAB LA, ,'GRO BA'I TSUL NI SNGON BYUNG BA, ,DE TSE SEMS CAN THAMS CAD NI, ,SHIN TU GDUG CING BRKAM PAR GYUR, , SHIN TU 'JUNGS PAR GYUR PA YIS, ,YI DVAGS RNAMS DANG DMYAL BAR LTUNG, ,DE NAS 'PHOS NAS SLAR YANG NI, ,SHIN TU DBUL POR SKYES PAR GYUR, ,BKRES DANG SKOM PA'I SKYON RNAMS KYIS,, DE DAG PHAN TSUN GSOD PAR BYED, ,SHIN TU GDUG PA SBYANG BA'I PHYIR, ,RNAL 'BYOR DE NI BCOM LDAN 'DAS, ,DAM PA'I DON GYI NOR CHEN PO, ,RDO RJE NYI MA BYUNG BAR GYUR, ,NAM MKHA'I SNYING POS THAMS CAD PHYOGS, ,KUN GYI RE BA YONGS RDZOGS MDZAD, ,BUD MED LA SOGS RIN CHEN MCHOG ,MKHA' LAS RIN CHEN THAMS CAD 'BEBS, ,SHIN TU GDUG CING KHRO BA LA, ,ZHI BAS

257a

, ,PHAN PAR MI 'GYUR TE, ,SHES RAB THABS KYI NYI MA NI, ,RAB TU GDUNG BA KUN BSGRUBS PAS, ,BYA BA DANG NI BZLOG PA DANG, ,BROG PAS KYANG NI KHYAD PAR DU, ,RGYAL BAR BYAS NAS GNAS GSUM GYI, ,NOR GYI TSOGS KUN SDUD PAR BYED, ,'JIG RTEN GSUM RGYAL LA SOGS KYI, ,RTOG PA BLA MED THAMS CAD KYIS, ,NAM MKHA'I DBYINGS KYI MTHA' KLAS PA'I; ;SEMS CAN KHAMS NI RAB TU DKROL, ,DPAL RDO RJE NYI MAS DBUGS PHYUNG BA'O, ,'DAS PA'I DUS NA SNGON BYUNG BA, ,BDAG NYID CHEN PO RTAG PA YI, ,DE BZHIN GSHEGS PA'I GSUNG RAB LA; ;'GRO BA'I TSUL NI SNGON BYUNG BA, ,DE TSE SEMS CAN THAMS CAD NI, ,BRTZON 'GRUS SHIN TU CHUNG BAR GYUR, ,SHIN TU BRTZON 'GRUS CHUNG BA YIS, ,MNAR MED PA YI DMYAL BAR LTUNG, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, ,DRAG SHUL SBYOR BA'I TSUL DAG TU, ,RTA MCHOG DPAL NI BYUNG BAR GYUR, ,THAMS CAD DAG PAR MOS PA YIS, ,SDIG MED STOBS KYIS NGO THON DU, ,PHA ROL GNON PA'I RTZAL DAG GIS, ,SHIN TU GDUG CING KHRO GTUM PA'I, ,SEMS CAN RNAM PA MANG PO'I KHAMS, ,'JIG RTEN THAMS CAD RAB TU 'JIG ,BYI BA RKUN PO CHOM PO YIS, ,THAMS CAD RNAM PAR SBYONG BAR BYED, ,KHRID PA DANG NI SGYU DAG DANG, ,NGO THON STOBS KYIS DE BZHIN DU, ,DGRA CHA LNGA YIS BRGAL NAS NI, ,

257b

DE TSE 'KHRIG 'JIG RTEN GSUM LAS RGYAL, ,SKYE 'GRO GNAS PA 'GRO BA RNAMS, ,MTHA' DAG BRTUL NAS 'GRUB PAR 'GYUR, ,'DUL BA'I THABS RNAMS SNA TSOGS KYIS, ,RANG GI RGYAL SRID RTAG TU SKYONG, ,G-YEM PA RNAMS LA G-YEM PAR GYUR, ,KHRO BA RNAMS LA KHRO BA'I MCHOG ,ZHI BA RNAMS LA ZHI BA'I MCHOG ,DRAG SHUL CAN LA DRAG POS GNON, ,SDIG MED STOBS KYIS NGO THON DU,, DBANG PHYUG DAM PA RAB MNAN NAS, ,LHA MO BHI MO 'PHROG NAS NI, ,DE TSE LONGS SPYOD RANG GIR SPYOD, ,SDIG MED STOBS KYIS NGO THON DU, ,MTHU BO CHE YANG RAB MNAN NAS, ,RUG MI NI YANG 'PHROG NAS NI; ;DE TSE LONGS SPYOD RANG GIR SPYOD, ,SDIG MED STOBS KYIS NGO THON DU, ,SKYE RGU'I BDAG PO RAB MNAN NAS, ,LHA MO RAB TU ZHI BA 'PHROG ,DE TSE LONGS SPYOD RANG GIS SPYOD, ,SDIG MED STOBS KYIS NGO THON DU, ,'DOD PA'I LHA NI RAB MNAN NAS, ,DGA' SDUG MI YI DBANG PHYUG MA, ,'PHROG NAS DE TSE NYE BAR SPYOD, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA; ;NAM MKHA'I DBYINGS KYI MTHA' KLAS PAR, ,RDO RJE LAS MCHOG RNAM GNON PA, ,NAM MKHA' KUN GYI SKABS NA DPAL, ,RDO RJE SEMS DPA' RAB TU GNAS, ,THABS DANG RTZAL GYIS GRUB PA YIS; ;DRAG SHUL SBYOR BAS BSGRUBS NA NI, ,KHAMS GSUM RGYAL SRID MA LUS PAR, ,RDO RJE 'DZIN PA DES THOB NAS, ,BYANG CHUB SEMS DPA' MTHA' YAS MCHOG ,DRAG SHUL SBYOR BAS GRUB

258a

, ,PAR BYED, ,THAMS CAD DAG PAR MOS PA YIS, ,SDIG MED STOBS KYIS NGO THON DU, ,RTZAL GYIS PHA ROL GNON PA YIS, ,SANGS RGYAS BYANG CHUB RAB TU 'GREL, ,LHA YI DNGOS GRUB DKA' BA DANG, ,SANGS RGYAS BYANG CHUB BDE CHEN PO, ,GO 'PHANG MCHOG GI RTAG PA DAG, RANG GI RNAL 'BYOR GYIS THOB NAS, ,SEMS CAN KHAMS NI DU MA DAG ,MA LUS PAR NI RGYAS 'DEBS SHING, ,'CHI MED BYANG CHUB DKA' BA DAG, SEMS CAN RNAMS LA BRTAN PAR SBYIN, ,RTA MCHOG RNAM PAR SPRUL PA YIS, ,MA LUS LUS PA MED PA YIS, ,BSKAL PA KUN TU SRID PAR GNAS, ,SEMS CAN KUN GYI DON KYANG BYED, ,DE LTAR RTA MCHOG DPAL LA SOGS, ,RTOG PA BLA MED THAMS CAD KYIS, ,NAM MKHA'I DBYINGS KYI MTHA' KLAS PA'I, ,SEMS CAN KHAMS RNAMS RAB TU BSGRUBS, ,DPAL RTA MCHOG GIS DBUGS PHYUNG BA'O, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,RANG BYUNG RNAMS KYI GTAM GYI RTAGS, ,NAM MKHA' KUN GYI SKABS NA DPAL, ,RDO RJE SEMS DPA' RAB TU GNAS, ,GRUB PA'I DBANG PHYUG RAB GRUB PAS, ,THAMS CAD BDAG NYID 'JUG PAR BYED, ,CES BCOM LDAN 'DAS RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO SGYU MA BDE BA'I MCHOG LAS GTAM GYI PHYAG RGYA ZHES PA'I RTOG PA STE LNGA PA'O,, ,,DE

258b

NAS GZHAN YANG THAMS CAD DU, ,RNAM PA SNA TSOGS MCHOG 'BYUNG BA'I, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA'I BDE MCHOG BSHAD, ,DPAL LDAN SANGS RGYAS KUN, , DNGOS; ;RDO RJE SEMS DPA' BDE 'BYUNG BA, ,GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,SANGS RGYAS KUN GYI DAM TSIG DPAL, ,RDO RJE SEMS DPA' SNANG BA BDE; ;DE BZHIN GSHEGS PA'I LHA RDZAS MCHOG ,RIN CHEN RGYAN LA SOGS PAS SPRAS, ,DRIL BU RGYAL MTSAN MCHOG LDAN PA'I, ,BLA RE DAM PA BRES PA NA, ,RDO RJE GLU DANG MCHOD LA SOGS, ,GLU DANG SIL SNYAN RNAM PAR 'PHRUL, ,ME TOG BDUG PA'I SBYOR BA DANG, ,MAR ME DRI DANG SOGS LDAN PA, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG BSGRUB, ,YANG NA BDAG GI GNAS DAG GAM, ,SKYED MOS TSAL LA SOGS PA BSGRUB, ,DER NI DANG POR GDAN BSHAMS TE, ,'JAM ZHING REG NA BDE 'GYUR BA, ,SNA TSOGS PADMAR RAS KYIS G-YOGS, ,DE NI THAMS CAD DAG PA'I GDAN, ,SANGS RGYAS THAMS CAD MNYAM SBYOR BA, ,SBYOR BA'I DBANG PHYUG RNAM 'PHRUL PAS, ,RDO RJE SEMS DPA' DPAL GYI LHA, ,DE NI RNAM PAR 'PHRUL PA MDZAD, , STAN DE DAG NI THAMS CAD LA, ,JI LTAR GNAS PA BZHIN DU DGOD, ,GRU BZHI PA LA SGO BZHI PA, ,RTA BABS BZHI YIS MDZES PAR BYAS, ,RDO RJE RIN CHEN PADMA SOGS, ,SGO SRUNG DANG NI LDAN PAR

259a

, ,BYAS; ;RANG GI LHA DANG 'DRA BA YI, ,BUD MED DAG NI LEGS BSGRUBS PA, ,SKEL BZANG RANG GI PHYAG RGYAS MTSAN, ,TSOGS KYI DKYIL 'KHOR BRTAG PAR BYA, ,MI YI TSAL NI GRUB PA LA, ,DMAR CHEN PO ZHES PA BAR BSHAD, ,NGO BO NYID KYI MTHU DAG DANG, ,RANG BZHIN GYIS NI DE GRUB PA'O, ,RDO RJE'I CHU DANG RDO RJER BCAS, ,MTSAL CHEN PO DAG SGRUB PA NI, ,MTHU YIS RAB TU GRUB PA STE, ,PADMO'I SNOD KYI NANG DU BZHAG ,CHAGS PA CHEN PO BCOM LDAN 'DAS, ,RDO RJE SEMS DPA' DE BZHING SHEGS, ,SANGS RGYAS KUN GYI RDO RJE'I THUGS, ,DAM TSIG 'DI NI 'DA' BAR DKA', ,DE YI MTSAL DANG KHU BA DANG, ,MTSAN CHEN PO NI SGRUB PA DAG ,CHAGS PA CHEN PO LAS BYUNG BAS, ,DMAR CHEN PO ZHES BYA BAR BSHAD, ,DMAR CHEN DANG NI GA BUR BCAS, TZANDAN DMAR POR SBYAR BA DAG ,TSOGS KYI DBUS SU BZHAG PA NI, ,RA SA YA NA KUN SLONG BA, ,RANG GI LHA YI SBYOR LDAN PAS, ,SRIN LAG DANG NI MTHE BO'I RTZES, ,ZHI BA'I BTUNG BA BZHIN MYANGS NAS, ,RTAG PA YIN DNGOS GRUB THOB, ,SANGS RGYAS KUN GYI BDAG NYID KYI, ,RA SA YA NA BDE BA 'DIS, ,RDO RJE SEMS DPA'I TSE DANG GZHAN, ,NAD MED PA DANG BDE MCHOG 'GRUB, , SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG GIS, ,'DUS PA DER MI ZHUGS PA DAG ,'DOD PA BZHIN DU 'GRO 'ONG LDING, ,KUN TU KUN NAS THAMS CAD NI,,

259b

BDAG; NYID RTAG TU RNAM PA KUN, ,SANGS RGYAS LA SOGS BRTAN G-YO KUN, ,KUN GYI DNGOS POR DE 'GYUR RO, ,'DIS NI SRUNG BA BYAS PAS DPAL, ,RDO RJE SEMS DPA' BZHIN DU 'GYUR, ,RNAL 'BYOR MKHA' 'GRO BDE MCHOG GIS, ,SANGS RGYAS THAMS CAD BDAG NYID 'GRUB, ,DE NAS KHRUS BYAS DRI ZHIM LUS, ,CI 'BYOR BA YI GOS DANG RGYAN, ,SNA TSOGS GOS BZANG BGOS DANG NI; ;ME TOG PHRENG LDAN KHA DRI ZHIM, ,SNA TSOGS KUN GYI SKAL BZANG POS, ,SLONG PAS DPAL GYIS DAL GYIS SU, ,GOS GDAB PA YI SBYOR BA YIS, ,BDAG GI 'BYUNG BA BSKUL BAR BYA, ,RDZOGS PA'I SANGS RGYAS NYI ZLA RNAMS, ,SHAR BA DAG NI MTHONG BA YIS, ,SDIG PA KUN LAS GROL 'GYUR ZHING, ,BSOD NAMS THAMS CAD 'GRUB PAR 'GYUR, ,NGES PA'I LAM DANG KUN LDAN PA,, RNAM PAR 'DAS PAS RNAM PAR BRGYAN, ,BRTAN ZHING GRUB PA SLONG BYED PA, ,KUN NAS SLONG BA'I BDE BA NI, ,STONG PA SHIN TU RNAL 'BYOR YOD MED MTHUS, ,NAM MKHA' NYID DU DAM TSIG NYE BAR GNAS, ,BDE GSHEGS BDE BAR GSHEGS PAS BZHENGS SU GSOL, ,RDO RJE SEMS DPA' SKAL BZANG DPAL KHYOD BDAG ,'DI DAG NYID KYI GLUR BLANGS NA, ,SHIN TU MYA NGAN YONGS 'DAS PA'I, SHI BA'ANG SLAR NI SLONG 'GYUR NA, ,YANG SRID PA LTA CI ZHIG SMOS, ,LAM BZHI DANG NI MNYAM LDAN PA, ,RNAM PAR 'DAS PAS MDZES PAR BYAS, ,SNA TSOGS 'BRANG BA RAB

260a

, ,TU 'GRUB, ,'JIG RTEN GSUM NI RAB BSGRUB PA, ,'JIG RTEN GSUM GYIS PHYAG BYAS PA, ,'JIG RTEN GSUM GYI STON PA'O, ,'JIG RTEN GSUM LA SKYID SBYIN PA, ,'JIG RTEN GSUM PO BDAG LA BSGRUB, ,RDO RJE SEMS DPA' DPAL SBYOR BA, ,LHA MO KUN DANG 'GROGS PA YIS, ,SNA TSOGS KUN GYI SKAL BZANG PO, ,AA RA LI NI KUN 'GRUB 'GYUR, ,NAM MKHA'I DBYINGS KYI MTHA' KLAS PA'I, ,LHA MO KUN DANG BDE MYOS PA, ,RDO RJE SEMS DPA' YANG DAG RDZOGS, ,NYI MA ZLA BA GSAL BAR 'CHAR, ,RDO RJE SEMS DPA' YANG DAG SBYOR, ,MKHA' 'GRO SGYU MA BDE MCHOG 'BYUNG, ,LAN GCIG DMIGS PA TZAM GYIS KYANG, ,BDE BA'I DNGOS GRUB KUN 'BYUNG BA, ,BRTAN CING GRUB PA SLONG BYED PA, ,SNA TSOGS 'BRANG BAS DE BZHIN DU, ,GANDHARBHA PA DANG shA dA BA'I, ,GLU DBYANGS SNA TSOGS GLUS BSGRUB PO, ,DE NAS DE NYID DAM PA YIS, ,THAR PA THAMS CAD RMONGS PA YIS, ,RDO RJE SEMS DPA'I BDAG NYID LA; ;GLU 'DI YIS NI BSKUL BAR BYA, ,RJES SU CHAGS PA'I RNAM MANG DGA' BA'I PADMO RNAM DAG PA'I, ,MCHOD PAS GSAL BAR RJES SU MCHOD BYAS NAS, ,MCHOG TU RTAG PA'I RNAL 'BYOR BDE BAS BDE BA GRUB PAR MDZOD, ,KYE MA'O MCHOG TU BDE BA'I DAM TSIG NGO BO NYID, ,MCHOG TU BDE BA SHIN TU RNAL 'BYOR SKAL BZANG MCHOG DGYES PA, ,RANG GI DAM TSIG SKYON MED,

260b

DAG LA ROL CIG ROL CIG TO, ,KYE MA MCHOG TU GSANG BA'I BDAG PO RANG GI DAM TSIG YIN PA'I PHYIR, ,RAB TU GSANG BA'I LHA MO MCHOG RNAMS SO, ,'GRO BA'I RGYUD NI RNAM PA SNA TSOGS 'DUL BA GSAL BAR MKHYEN, ,DAM TSIG THAMS CAD DNGOS PO BRTAN G-YO KUN GYI NGO BOR GYUR, ,RGYAL BA KUN GYI BDAG NYID RNAL 'BYOR BDE BA MKHA' 'GRO SGYU MA HO, ,KYE MA DAM PA RTAG PA'I DNGOS GRUB CHEN PO RAB TU SGRUB PA STON, ,DZA: H'Um BAm HO AE MA'O BDE MCHOG BDE BAR DRONGS, ,RNAM PAR SPRUL H'Um SNANG BAR MDZOD, ,AA LA LA HO, ,DE BZHIN GSHEGS PA THAMS CAD KYI, ,MKHA' 'GRO SGYU MA SNA TSOGS KYIS, ,SLOB MA DAG NI GZHUG TU GSOL, ,GLU YI RGYAL PO 'DI DAG NI, ,RDO RJE SEMS DPA' DPAL LA GNAS, ,KUN GYI SGYU MA BDE BA'I MCHOG ,MA LUS LUS PA MED PAR 'GRUB, ,GLU 'DI DAG NI LEN PA NA, ,DKYIL 'KHOR SNA TSOGS THAMS CAD DU, ,SANGS RGYAS THAMS CAD RNAM 'PHRUL PA, ,MA LUS LUS PA MED PAR SNANG, ,RNAM PA MANG PO'I 'DOD CHAGS RGYUD KYI SEMS CAN MA LUS LUS PA MED PAR 'DUL MKHAS PA, ,DE BZHIN GSHEGS PA KUN GYI SGYU MA BDE MCHOG SGYU MAS THAMS CAD RAB SPRUL RNAM PAR SPRUL, ,TE NA TE TE H'Um, RNAM MANG RAB TU DGA' BA'I RGYUD KYIS SEMS CAN MA LUS LUS PA MED PAR 'DUL MKHAS PA, ,DE BZHIN GSHEGS PA KUN GYI SGYU MA BDE MCHOG SGYU MAS THAMS CAD RAB SPRUL RNAM PAR SPRUL, ,H'Um H'Um H'Um, RNAM PA MANG PO KHRO

261a

, ,PA'I RGYUD KYIS SEMS CAN MA LUS LUS PA MED PAR 'DUL MKHAS PA, ,DE BZHIN GSHEGS PAS KUN GYI SGYU MA BDE MCHOG SGYU MAS THAMS CAD RAB SPRUL RNAM PAR SPRUL, ,RU LU RU LU H'Um BHYO H'Um, RNAM PA MANG PO SROG GI RGYUD KYI SEMS CAN MA LUS LUS PA MED PAR 'DUL MKHAS PA, ,DE BZHIN GSHEGS PA KUN GYI SGYU MA BDE MCHOG SGYU MAS THAMS CAD RAB SPRUL RNAM PAR SPRUL, ,H'Um SHI shYA PI shA H'Um, DE LA SOGS TE MTHA' YAS MCHOG ,CHOS DBYINGS MNYAM DANG MI MNYAM PA'I, ,NAM MKHA'I DBYINGS KYI MTHA' KLAS PA'I, , RAB BYUNG RNAMS KYI GLU YI RGYA, ,NAM MKHA' KUN GYI SKABS NA DPAL, ,RDO RJE SEMS DPA' LA NI GNAS, ,GRUB PA'I DBANG PHYUG RAB GRUB PAS, ,THAMS CAD BDAG NYID GRUB PAR 'GYUR, , GLU 'DI DAG NI BLANGS PA DANG, ,LHA MO KUN GYIS RAB BSKUL NAS, ,MKHA' 'GRO SGYU MA BDE MCHOG GIS, ,SANGS RGYAS KUN GYI BDAG NYID 'GRUB, ,DBANG PO KUN LAS BYUNG BA YI, ,MCHOD PA SPRIN CHEN RNAM BKOD PA, ,RAB 'BYAMS TSOGS RNAMS THAMS CAD KYIS, ,KUN GYI BDAG NYID MCHOD PAR BYED, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG GIS, ,DNGOS PO KUN GYI BDAG NYID LUS, ,MA LUS LUS PA MED PAR 'GRUB, ,STON PA'I PHYAG RGYA PHAB PA YIS, ,BUD MED DAG KYANG BSGRUBS NAS NI, ,RDO RJER BCAS PA'I

261b

MTSAN MA 'DZIN, ,RNAL 'BYOR MAR GYI RAB TU 'GYUR, ,DE DAG RANG GI LHA RNAMS DANG, ,'DRA BAR BYIN GYIS BRLABS BSGRUBS NAS, ,SNGON MED ROL MO'I SIL SNYAN DANG, ,RNAM PAR 'PHRUL PAS 'GRUB PAR 'GYUR, ,LHA YI GZUGS DANG SGRA DANG DRI, ,RO DANG REG PA'I BDE MYOS PAS, ,BDAG NYID RANG GI LHAR MTHONG ZHING, ,MCHOD PA DAG KYANG BYED PAR 'GYUR, ,LHA YI MCHOD PA MNYAM SBYOR BA, ,SKAL BZANG MCHOG GI 'DOD CHAGS CAN, ,RNAM PA KUN TU SKAL BZANG PO'I, ,BDE BA YANG DAG GRUB PAR BYED, ,SANGS RGYAS SGYU MAS BYIN BRLABS PAS, ,RDO RJE SEMS DPA' MNYAM SBYOR BA'I, ,DNGOS GRUB KUN GYI BDE BA RNAMS, ,DKYIL 'KHOR MTHONG DKA' MYONG BAR 'GYUR, ,RDO RJE SEMS DPAR MNYAM SBYOR BA'I, ,MTHU NYID KYIS NI THAMS CAD DU, ,SNA TSOGS KUN GYI SKAL BZANG PO, ,RANG GI BDE BA NYID KYIS 'GRUB, ,SANGS RGYAS KUN GYI GZUGS CHEN DANG, ,DBYANGS DANG DRI DANG RO BDE BAS, ,RDO RJE SEMS DPA'I BDAG NYID DU, ,DE YIS RAB MTHONG MCHOD PAR BYED; ;MCHOD PA THAMS CAD MNYAM SBYOR BA, ,SKAL BZANG MCHOG GI 'DOD CHAGS CAN, ,SANGS RGYAS THAMS CAD NYID KYI NI, ,DNGOS GRUB MA LUS LUS MED 'GRUB, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA BDE MCHOG GIS, ,SANGS RGYAS KUN GYI BDAG NYID GAR, ,RNAM PAR ROL PA MCHOG TU SNANG, ,DE NAS YANG DAG RAB GSANG BAS, ,BUD MED DAG NI BZHI

262a

, ,RNAMS DANG, ,GAR GYI PHYAG RGYA MCHOD PA YIS, ,MCHOD PA THAMS CAD DBUL BAR BYA, ,RAB TU DGA' BA'I LHA LA PHYAG 'TSAL LO, ,DE BZHIN GSHEGS PA'I DAM PAR GRUB PAR MDZOD, ,AOm H'Um, DAM TSIG DAM PA GRUB PAR MDZAD DU GSOL, ,AOm H'Um, MCHOD PA CHEN PO THAMS CAD DAG PAR MDZOD, ,AOm H'Um, MCHOD PA CHEN PO THAMS CAD GRUB PAR MDZOD, , GLU YI PHYAG RGYA 'DI NI DPAL, ,RDO RJE SEMS DPA' LA GNAS TE, ,MCHOD PA MA LUS LUS MED PA'I, ,RAB 'BYAMS LAS LA'ANG SBYAR DU RUNG, ,GANG DAG GRUB PAR MA GYUR DANG, ,MCHOD PA DAG NI MI 'BYOR BA, ,PHYAG RGYA 'DI YIS MCHOD BYAS NAS, ,MCHOD PA THAMS CAD MYUR DU 'GRUB, ,MCHOD PA'I SBYOR BA 'DI DAG DANG, ,LHA MO BZHI PO DAG GIS NI, ,ME TOG LA SOGS MCHOD BYAS NAS, ,SLOB MA THAMS CAD GZUNG BAR BYA, ,DNGOS GRUB 'DOD PAS CI 'DOD PAR, ,SNYIM PA'I GAR NI KUN BSKYONG NAS, ,DE DAG GDONG NI MDZES PA YI, ,RAS KYIS G-YOGS TE GZUNG BAR BYA, ,DNGOS GRUB JI LTAR 'THOB 'DOD PAR, ,SLOB MA ME TOG 'THOR DU GZHUG ,LHA MO GANG LA LHUNG BA NI, ,LHA DE DE LA 'GRUB PAR 'GYUR, ,DE NAS GDONG NI DKROL NAS KYANG, ,YON GYI MCHOG NI BLANG BAR BYA, ,SANGS RGYAS RIN CHEN DBANG BSKUR BAS, ,JI LTA BAR NI DBANG BSKUR RO, ,DMAR CHEN PO DANG GA BUR BCAS, ,TZANDAN DMAR MO SBYAR BA RNAMS, ,

262b

TSOGS KYI DBUS SU BZHAG PA LA, ,G-YON PA MTSAN 'DZIN RDO RJE BCAS, ,RANG GI LHA YI RNAL 'BYOR LDAN, ,SRIN LAG DANG NI MTHE BONG RTZES, ,ZHI BA'I BTUNG BA BZHIN MYANGS NA, ,RTAG PA'I DNGOS GRUB THOB PAR 'GYUR, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA'I TSOGS KYIS KYANG, ,RGYAS MI THEBS SHING MI RMYANGS TE, ,DE LA GNOD PAR MI 'GYUR RO, ,DE NAS MNA' NI BGEGS BYAS NAS, ,SANGS RGYAS THAMS CAD MTHUN PA YIS, ,MCHOG TU RTAG PA'I BKA' STZAL PA, ,DAM TSIG SDOM PA SBYIN PAR BYA, ,SANGS RGYAS THAMS CAD MNYAM SBYOR BA'I, , SDOM PA NYAMS PAR KHYOD BYED PA, ,JI SNYED SANGS RGYAS THAMS CAD DANG, ,BYANG CHUB SEMS DPA' RDO RJE 'DZIN, ,LHA DAG DANG NI MI RNAMS DANG, ,DE BZHIN RNAL 'BYOR GRUB PA PO, ,DE DAG LA NI SNYING RINGS NAS, ,SNYING NAS KHRAG CHEN 'THUNGS PA BZHIN, ,SEMS CAN KHAMS NI MA LUS DON, ,SRID PA SHIN TU DAG BYA'I PHYIR, ,MI 'GOG CHOS NYID SBYOR BA YIS, ,RTAG PA NYID DU BSGRUB PAR BYA; ;BDAG GI NGO BO YONGS SPANGS SHING, ,DKA' THUB KYIS NI GZIR MI BYA, ,CI BDE BAR NI BDE BAR SPYOD, ,'DI NI PHYI DUS SANGS RGYAS YIN, ,RNAL 'BYOR LONGS SPYOD THAMS CAD LA, , CIS KYANG MI 'JIGS DGA' BAR GYIS, ,SDIG PA MED KYI KHYED MA 'JIGS, ,DAM TSIG 'DA' BAR DKA' BA'O, ,GRUB PA GCIG PU GCIG LA SPYOD, ,LHAN CIG SPYOD DANG RJES SPYOD SDUG ,

263a

, ,SANGS RGYAS BYANG CHUB BLA MED YIN, ,YANG DAG NYID KYIS RTAG TU BSTEN, ,RDO RJE SEMS DPA' DE BZHIN GSHEGS, ,DE SKAD BKA' STZAL DPAL LDAN GYIS, ,YANG DAG RDZOGS PA'I SANGS RGYAS DANG, ,RDO RJE CAN GYIS BKA' STZAL TO, ,RNAL 'BYOR BCAS DANG GSANG BCAS PA'I, ,BDAG GI YE SHES RGYA BSGRUBS NAS, ,JI LTA'I TSUL BZHIN GAR BYED PAR, ,SLOB MA RNAMS LA BDE BAR SBYIN, ,SLOB MA DAM PAS DE PHYIN CHAD, ,PHYAG RGYA'I YE SHES RJES BZUNG NAS, ,RNAM PAR SNANG MDZAD MCHOG BZHIN DU, ,SANGS RGYAS KUN GYI BDAG NYID GRUB, ,DE NAS RO DANG ZAS DANG GNAS, ,GLU DANG SIL SNYAN LA SOGS PA, ,DE DAG MGON PO RNAMS LA DBUL, ,RDO RJE BLA MA CHEN PO DANG, ,BDAG DANG GZHAN LA 'DOD RGUS MCHOD, ,'DOD DON 'BRAS BU PHUN TSOGS 'GRUB, ,DE NAS BDAG NYID RAB BSGRUBS NAS, ,KUN GYI SLOB DPON RAB GNAS PA, ,JI LTA'I TSUL BZHIN 'JUG PA YIS, ,BDEN PA'I CHOS NI BRJOD PAR BYA, ,RDO RJE SEMS DPA' DPAL GYI TSUL, ,RTOG PA THAMS CAD RAB BSGRUBS SHING, ,RTOG PA KUN RAB SBYOR BA YIS, ,NGO BO NYID PHYIR CHEN PO'I MCHOG ,SNA TSOGS LAS KYI SBYOR BA DANG, ,'DUL BA'I BDAG NYID SNA TSOGS PAS, ,SEMS CAN RNAMS NI 'DUL BA'I PHYIR, ,DE LAS GZHAN PA'I TSUL DU BSTAN, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS,,

263b

THAR PA THAMS CAD RNAM SBYANG PHYIR, ,GROL BA'I MKHA' 'GRO BYUNG BAR GYUR, ,RANG GI LHA DANG 'DRA BA YIS, ,RANG GI BYIN RLABS SGRUB PA'I RGYAS, ,PHYAG RGYA JI BZHIN RJES MTHUN PA'I, ,SANGS RGYAS SPRUL PA BSGRUB PAR BYA, ,GZHAN YANG RNAL 'BYOR BCOM LDAN 'DAS, ,DAM TSIG LA SDANG RNAM SBYANG PHYIR, ,THAMS CAD RNAL 'BYOR DBANG PHYUG MCHOG ,RDO RJE MKHA' 'GRO BYUNG BAR 'GYUR; ;GZHAN YANG SHIN TU RNAL 'BYOR PA, ,MA LUS PADMO RNAM SBYANG PHYIR, ,SKAL BZANG DAM PA MI 'GYUR BA, ,PADMO SGYU MA 'BYUNG BAR 'GYUR, ,GZHAN YANG RNAL 'BYOR BCOM LDAN 'DAS, , NOR GYI MCHOG GIS RNAM SBYANG PHYIR, ,NAM MKHA' KUN GYI BDAG PO CHE, ,RDO RJE NYI MA DPAL 'BYUNG 'GYUR, ,RNAL 'BYOR DE NYID BCOM LDAN 'DAS, ,DRAG SHUL SBYOR BA SBYANG BA'I PHYIR, ,RTA MGRIN PHA ROL RAB GNON PA, ,RTA MCHOG RAB TU 'BYUNG BAR 'GYUR, ,RANG GI LHA DANG 'DRA BA YIS, ,RANG GI BYIN RLABS BSGRUB PA'I PHYIR, ,GZUGS BRNYAN NGO BOR SBYOR BA YIS, ,PHYAG RGYA'I SBYOR BAS GAR BYA'O, ,DAM TSIG RNAM PA SNA TSOGS KYIS, ,DE LTAR RNAM PAR SPYOD NA NI, ,SANGS RGYAS THAMS CAD MNYAM SBYAR BA, ,MKHA' 'GRO SGYU MA BDE MCHOG 'GRUB, ,KUN TU KUN NAS THAMS CAD NI, ,SANGS RGYAS 'PHRUL PA THAMS CAD KYIS, ,BDAG NYID RTAG TU RNAM PA KUN, ,SANGS RGYAS LA SOGS BRTAN G-YO KUN, ,KUN GYI DNGOS POR DE 'GYUR RO, ,KUN TU SANGS

264a

, ,RGYAS THAMS CAD KYI, ,SANGS RGYAS SPRUL PA THAMS CAD KYIS, ,BDAG NYID RNAM PAR 'PHRUL PA STON, ,LHA MO KUN DANG 'DUS PA YIS, ,SANGS RGYAS ZHING NI MA LUS PA, , SANGS RGYAS SPRUL PA GRUB PAR BYED, ,SANGS RGYAS SPRUL PA SGYU MA YIS, ,SANGS RGYAS RNAMS KYI MDZAD PA STON, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA GAR BYED PAS, KHAMS GSUM DAG NI MA LUS PAR, ,DNGOS PO KUN TU DE 'GYUR RO, ,PADMO SGYU MA RNAM 'PHRUL PAS, ,SANGS RGYAS RDO RJE 'DZIN LA SOGS, ,SNA TSOGS GZUGS BYED RIM PA YIS, ,'GRO BA THAMS CAD MGU BAR BYED, ,KHAMS GSUM PA YI RGYAL SRID CHE, ,'JAL DUM G-YUL 'BYED GRUB PA DAG ,RGYAL SRID SGYU MA RNAM 'PHRUL PAS, ,BYA BA THAMS CAD STON PAR BYED, ,KHAMS GSUM PA YI RGYAL SRID CHE, ,BDAG RTUL PHOD PAS MNAN NAS NI, ,'GRO BA THAMS CAD RAB 'JOMS PAR, ,RTA YI GAR GYIS STON PAR BYED, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,SNA TSOGS KUN GYI BDE MCHOG GIS, ,NAM MKHA' KUN GYI SKABS NA DPAL, ,RDO RJE SEMS DPA' DE BZHIN GSHEGS, ,DPAL DGYES ROL PA RNAM 'PHRUL PA, ,SNA TSOGS KYIS NI RNAM PAR ROL, ,RNAM PA SNA TSOGS SKAL BZANG PO, ,RNAM PA SNA TSOGS BDE MCHOG GIS, ,'DUL BA RNAM PA SNA TSOGS KYIS, ,SEMS CAN KHAMS

264b

NI RAB TU BSGRUB, ,DE LA SOGS PA MTHA' YAS MCHOG, ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,SANGS RGYAS THAMS CAD 'BYUNG BA'I MCHOG ,NAM MKHA' KUN GYI SKABS NA DPAL, ,RDO RJE SEMS DPA' LA GNAS TE, ,GRUB PA'I DBANG PHYUG RAB BSGRUBS PAS, ,THAMS CAD BDAG NYID GRUB PAR BYED, ,CES BCOM LDAN 'DAS DPAL RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO BA BDE BA'I MCHOG LAS, SANGS RGYAS THAMS CAD MNYAM PAR SBYOR BA MKHA' 'GRO MA SGYU MA'I DKYIL 'KHOR GYI RTOG PA STE DRUG PA'O,, ,,DE NAS GZHAN YANG BSHAD BYA BA, ,RDO RJE SEMS DPA' DPAL GYI LHA, ,RNAM PA SNA TSOGS KUN GYI MCHOG ,'KHOR LO THAMS CAD RNAM SPRUL PA'O, ,GSANG BA MCHOG GI DGYES PA NA, ,THAMS CAD BDAG NYID RJES SU SGRUB, ,DBEN PA YI NI GNAS DAG GAM, ,RANG GI SKYED MOS TSAL SOGS PAR, ,KUN TU SNA TSOGS SKAL BZANG PO, ,KUN TU SNA TSOGS BDE MCHOG GIS, ,KUN TU SNA TSOGS DGOS PA RNAMS, ,CI BDE BAR NI BSGRUB PAR BYA, ,RTEN DANG DGON PA GTZUG LAG KHANG, ,RI YI RTZE RNAMS THAMS CAD DU, ,RNAM PA DU MA SNA TSOGS PA'I, ,SANGS RGYAS DGONGS PA BSGRUB PAR BYA, ,DUR KHROD DANG NI LHA RTEN DANG, ,MA MO'I GNAS LA SOGS 'DUG NA, ,RDO RJE 'DZIN PA'I DGOS PA DAG ,RNAM PA DU MAR 'GRUB PAR 'GYUR, ,PADMO'I SKYED MOS TSAL

265a

, ,DGA' DANG, ,CHU BO DAG GI MDO DAG TU, ,PADMO 'DZIN PA'I DGOS PA RNAMS, ,YANG DAG PAR NI 'GRUB PAR 'GYUR, ,RGYAL PO'I PHO BRANG DGA' BA DANG, ,RGYAL PO'I SKYED MOS TSAL DAG TU, ,RNAM PA SNA TSOGS DU MA YI, ,RGYAL PO'I DGOS PA BSGRUB PAR BYA, ,MKHAR NI RNAM PA SNA TSOGS DANG, ,DE BZHIN CHU BO'I 'GRAM DAG GAM, ,RGYAL KHAMS GZHAN LAS GRUB PA RU, ,RDO RJE RTA NI BSGRUB PAR BYA, ,CHA LUGS RNAM PA SNA TSOGS DANG, ,SGRUB PA RNAM PA SNA TSOGS KYIS, ,RDO RJE SEMS DPA'I DGOS PA LA, ,DKYIL 'KHOR LA SOGS RAB TU BSGRUB, , SANGS RGYAS RNAMS KYI PADMO DMAR, ,PHYAG NA RDO RJE SNA TSOGS LA, ,'JIG RTEN DBANG GI KHA DOG DKAR, ,RDO RJE NYI MA DPAL GYI SER, ,KHA DOG KUN DANG CI 'BYOR BA, ,BLA BRE RGYAL MTSAN RGYAN GYIS RNAMS, ,THAMS CAD RAB TU SGRUB PA DANG LA, ,RTA MCHOG RDO RJE CAN GYI'O, ,GNAS DANG 'KHOR RNAMS CI 'DRA DANG, ,BKOD DANG 'GRO BA CI 'DRA DANG, ,'KHOR RNAMS BKOD PA CI 'DRA BAR, ,DE 'DRA'I 'KHOR LO MCHOG GIS MDZAD, ,RDO RJE SEMS DPA'I LHA RNAMS KYI, ,'KHOR LO MNGON SUM MTHONG BA LAS, ,BSOD NAMS BRTAGS PA CI 'DRA BA, ,PHYIS BRIS PA YANG DE BZHIN NO, , DKYIL 'KHOR THIG BTAB SHES RAB CAN, ,PHYOGS KUN MNYAM PA NYID SGRUB CING, ,SHAR NUB BYANG GI PHYOGS DAG TU, ,THIG BZHI BTAB PAS DKYIL 'KHOR BRGYAD, ,DKYIL 'KHOR YANG DAG

265b

CI 'DRA BAR, ,RAB TU BRTAG PAR SU ZHIG NUS, ,RANG GI LHA YI RANG BZHIN GYIS, ,DKYIL 'KHOR BRTAG PA 'GRUB PAR 'GYUR, ,BDAG NYID RANG GI LHAR SBYOR BAS, ,DNGOS GRUB THAMS CAD BSGRUB PAR BYA, ,CHO GA LHAG GAM MA TSANG NA'ANG, ,NYES PA MED DE 'GRUB PAR 'GYUR, ,KUN TU SNA TSOGS SKAL BZANG PO, ,KUN TU SNA TSOGS 'KHOR LO CAN, ,KUN TU SNA TSOGS 'GRUB PA'I PHYIR, ,DKYIL 'KHOR KUN TU SNA TSOGS PA'O, ,DKYIL 'KHOR ZLUM PO SANGS RGYAS KYI, ,RDO RJE CAN GYI ZLA GAM BZHIN, ,PADMO'I DBANG GI PADMO'I DBYIBS, ,RIN CHEN MCHOG GI RIN CHEN DBYIBS, ,JI LTAR 'DOD PA CI 'BYOR BA, ,JI LTA'I DUS DANG CI BDE BAR, ,DKYIL 'KHOR KUN TU GNAS PAR DPAL, ,RTA MCHOG PHYAG RGYA RDO RJE'O, ,DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DAG , GSANG BA YANG DAG MI SHES PAS, ,BSGRUBS KYANG CI YANG MI 'GRUB BO, ,SROG CHAGS GSAD PAR MI BYA ZHING, ,DKON MCHOG GSUM NI YONG MI SPANG, ,BYANG CHUB SEMS NI MI GTANG STE, , SLOB DPON SKAL BZANG YONG MI GTANG, ,KUN TU SNA TSOGS SKAL BZANG POR, ,BDAG RANG BSGRUBS PAS SKAL BA BZANG, ,BDAG MED CHOS NYID DANG LDAN PA, ,DAM TSIG LA SDANG SKAL BA NGAN, , SRID PA SHIN TU BSGRUBS PAS NA, ,SKAL BZANG SANGS RGYAS BCOM LDAN 'DAS, ,SKAL NGAN NYAN THOS 'JIG RTEN NA, ,SHIN TU YONGS SU MYA NGAN 'DAS, ,RTOG PA THAMS CAD BSGRUBS PA'I

266a

, ,PHYIR, ,SKAL BZANG PHYAG NA RDO RJE DPAL, ,STONG PA NYID LA RAB SBYOR BAS, ,RANG RGYAL RNAMS NI SKAL BA NGAN, ,'DOD CHAGS THAMS CAD RNAM DAG PAS, ,SKAL BZANG SPYAN RAS GZIGS KYI DBANG, ,LOG PAR LTA DANG LDAN PAS NA, ,SKAL NGAN 'JIG RTEN MU STEGS NA, ,DAM PA'I NOR MCHOG SDUD PA'I PHYIR, ,SKAL BZANG RDO RJE NYI MA DPAL, ,BDAG GI BU YANG MA CHAGS PAS, ,SKAL NGAN DKA' THUB SPYOD PA KUN, ,RGYAL SRID MCHOG RNAMS KUN BSDUS PAS, ,RTA MCHOG DPAL NI SKAL PA BZANG, ,BDAG MED YONGS SU 'DZIN MED PAS, ,THUB PA THAMS CAD SKAL BA NGAN, ,BDE BA THAMS CAD BDAG SGRUB PHYIR, ,KUN GYI SLOB DPON SKAL BA BZANG, ,LTA NGAN DAM TSIG LA LDANG BA'I, ,SLOB MA THAMS CAD SKAL BA NGAN, ,GSANG BA'I DON NI YANG DAG NYID, ,'DI NI GSAL BAR SHES PA YIS, ,SANGS RGYAS KUN GYI BKA' BZHIN DU, ,SANGS RGYAS KUN TU 'GRUB PAR 'GYUR, ,KUN GYI SLOB DPON LA GNAS PAS, ,'KHOR LOR 'JUG PAR BYED PA NA, ,DKYIL 'KHOR 'DOD PA'I SLOB MA LA, ,GSANG BA YANG DAG MTHA' YAS MCHOG ,THOG MA NYID DU GSANG BRJOD PAS, ,KYE KHYOD CI LA DGA' ZHES DRI, ,SKAL BA BZANG LA BDAG DGA' ZHES,, 'JUG PA POS KYANG SMRA BAR BYA, ,GSANG BA'I YAN LAG 'DI SHES NA, ,JI LTAR 'DOD PAR RAB TU GZHUG ,GSANG BA YANG DAG MI SHES TE, ,G-YAS PA YIS NI GZHUG PAR BYA, ,DE LTAR DKYIL

266b

'KHOR DU ZHUGS NAS, ,DE BZHIN SHIN TU YON 'BUL TE, ,GSANG BA'I CHO GA NYID SHES PAS, ,MI 'GYUR PA YI MCHOG 'GRUB BO, ,KUN TU SNA TSOGS BLA MA LA, ,YON MCHOG DAG NI DBUL BAR NGES,, GANG LA YONGS SU GTANG DKA' GANG, ,DA NI MCHOG TU BSHAD PA YIN, ,GANG DANG GANG NI SDUG PA'I MCHOG ,YANG NA SHIN TU KHYAD PAR CAN, ,DE DANG DE NI BLA MA LA, ,DE NYID MI ZAD 'DOD PAS DBUL, ,YANG NA DE NI 'DOD 'GYUR BA'AM, ,'ON TE SEMS LA DGOS PA DAG ,DE SBYIN YANG NA DGOS PA BYA, ,DE NI CHUNG YANG MCHOG YIN NO, ,DE LA GAL TE MCHOG BDOG LA, ,DE YANG NGAN PA'I YON 'BUL NA, ,KUN GYI SLOB DPON BRNYAS PAS NA, ,DE NI RTAG TU SDUG BSNGAL 'THOB, ,BU MO SHIN TU BRGYAN PA'AM, ,DE BZHIN CHUNG MA SDUG PA DAG ,PHUL NAS RIN GYIS BLU BA NI, ,SANGS RGYAS BYANG CHUB MCHOG GI YON, ,MA CHEN DAG NI PHUL NAS SU, ,SLAR YANG RIN GYIS BLU BA NI, ,RDO RJE 'DZIN DPAL SBYOR BA YI, ,'ON TE MCHOG GI YON YIN NO, ,MU TIG BZANG DANG NOR BU DANG, ,SHIN TU DKAR BA'I RAS ZUNG DANG, ,DE BZHIN RTA NI DKAR PO DAG ,PADMO CAN GYI YON MCHOG YIN, ,RGYAL SRID LONGS SPYOD GTER RNAMS DANG, ,GOS DANG RGYAN GYI TSOGS RNAMS DANG, ,DE BZHIN MCHOD PA THAMS CAD NI, ,RDO RJE NYI MA'I YON YIN NO,, SHIN TU BRGYAN PA'I RTA DAG DANG, ,GLANG PO SHIN TU BRGYAN PA DANG, ,SHING RTA RIN CHEN GANG BA DAG ,RTA YI RGYAL PO'I YON YIN NO, ,KHAMS KYI RANG BZHIN THAMS CAD DAM, ,SROG DANG RTZA BA'I DE BZHIN

267a

, ,TE; ;SANGS RGYAS RIN CHEN DBANG BSKUR BA, ,MKHAS PAS RNAM PA SNA TSOGS BRTAG ,SPYI BO DANG NI DPRAL BA DANG, ,LDAN PA GNYIS DANG LHAG PA RU, ,SANGS RGYAS RIN CHEN THAMS CAD KYI, ,DBU RGYAN MI 'GYUR DAM PA'O, ,KHAMS KYI RANG BZHIN THAMS CAD DAM, ,SROG DANG RTZA BA DE BZHIN TE, ,THOD PA RIN CHEN DBU RGYAN NAM, ,SANGS RGYAS GTZUG GI NOR BU DAG ,KUN TU SNA TSOGS BLA MAR NI, ,KUN GYI SLOB DPON KUN LA BYA, ,RGYAL SRID THAMS CAD RNAM DAG LA, ,MA LUS LUS PA MED PAR 'GRUB, ,RIN CHEN NGO MTSAR GCIG LAS BYAS; ;DE BZHIN SNA TSOGS RGYAN GYIS SPRAS, ,SANGS RGYAS PADMO'I DBANG BSKUR BAS, ,SLOB MA THAMS CAD DBANG BSKUR RO, ,SANGS RGYAS RIN CHEN RDO RJE BYED, ,RDO RJE RIGS LA RDO RJE YIN, , SPYAN RAS GZIGS KYI SANGS RGYAS SKU, ,NOR BU 'DZIN GYI NOR BU YIN, ,SANGS RGYAS RIN CHEN PADMO DANG, ,RDO RJE NOR BU DE BZHIN DU, ,THAMS CAD MCHOG NI RTA MCHOG LA, ,RANG GI DBANG BSKUR BSDUS PA'O, ,BLUGS PA DANG NI BYAS PA'AM, ,BRDUNGS PA'AM YANG NA KHRIS PA'ANG RUNG, ,SNA TSOGS RAB TU LEGS PA YI, ,MTSAN MA'I PHYAG RGYA RAB TU BRTAG ,KUN TU SNA TSOGS SKAL BZANG PO, ,RANG BYUNG RNAMS KYI MTSAN MA'I RGYA, ,NAM MKHA'I DBYINGS KYI MTHA' KLAS PA'I, ,LHA MO RNAMS KYI BDE BA'I MCHOG ,GZHU DANG MDA' DANG DE BZHIN DU, ,SKAL LDAN DE

267b

BZHIN SKAL BA BZANG, ,THOD PA DANG NI KHA tV'Am GA ,RDO RJE RGYA GRAM DE BZHIN NO, ,PADMO RGYA GRAM DPAG MED TSE'I, ,SANGS RGYAS KUN GYI TSE SGRUB PA, ,LHA MO TSOGS RNAMS THAMS CAD KYI, ,MTSAN MA PHYAG RGYA TSOGS SGRUB BZHIN, ,MDA' DANG DE BZHIN TSANGS PA'I MGO ,DE BZHIN 'KHOR LO'I PHYAG RGYA DANG, ,RDO RJE TRI SHUL PHYAG RGYA'I MCHOG ,DPAG BSAM SHING DANG LCUG MA DANG, ,PADMO RTA MGRIN 'PHANG MTHO BA, ,RTA MGRIN LJANG GU DE BZHIN NO, ,PHAG GI MCHE BA GRUB PA DANG, ,ZLA BA NYI MA DE BZHIN NO, ,RIN CHEN SNA TSOGS SNOD CHEN DU, ,SANGS RGYAS GZUGS KYI RA SA YI, ,THAMS CAD BDAG NYID MYONG SKAL BZANG, ,MTSAN MA'I PHYAG RGYA'I TSOGS GZHAN NO, ,GLING BU DANG NI PI WANG KUN, ,KU MUNdA DANG MU RA DZA, ,ME TOG BDUG PA MAR ME DANG, ,SNA TSOGS DRI RNAMS DE BZHIN NO, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,MTSAN MA'I PHYAG RGYA DAM PA'I TSOGS, ,NAM MKHA' KUN GYI SKABS NA DPAL, ,RDO RJE SEMS DPA' NYID LA GNAS, ,GRUB PA'I DBANG PHYUG RAB GRUB PAS, ,THAMS CAD BDAG NYID GRUB PAR 'GYUR, ,CHOS GOS DANG NI LHUNG BZED DANG,, DE BZHIN DU NI 'KHAR SIL DANG, ,DAM PA'I CHOS NI GLEGS BAM DAG ,MTSAN MA'I PHYAG RGYA'I TSOGS GZHAN NO, ,DE BZHIN RTZE YI PHYAG RGYA DANG, ,CHA LANG DANG NI RNGA DAG DANG, ,RDO RJE DANG NI RIN CHEN

268a

, ,SNOD, ,MTSAN MA'I PHYAG RGYA'I TSOGS GZHAN NO, ,DE BZHIN SANGS RGYAS GZUGS BRNYAN DANG, ,ME LONG DANG NI RLUNG YAB DANG, ,RDO RJE SER BA'I SPRIN DANG BCAS, ,DE BZHIN MIG GI PHYAG RGYA DANG, ,RDO RJE 'BAR BA KHA tV'Am GA ,THOD PA KHAM PHOR DE BZHIN NO, ,DMAR CHEN DANG NI SNYING RJE DANG, ,SHA CHEN DANG NI DE BZHIN TE, ,RNON PO MDA' DANG DE BZHIN 'DREN, ,CHANG DANG CHU DANG DE BZHIN TE, ,LCUG MA RLUNG GI SA BSKYOD PA DANG, ,RAS DANG DE BZHIN ME DANG NI, ,RDO RJE KHRO BO RGYAL PO'I DPAL, ,GDUG PA THAMS CAD ZA BA YI, ,MTSAN MA'I PHYAG RGYA GRUB PA'I TSOGS, , RNAL 'BYOR DNGOS GRUB RAB SGRUB PA'O, ,PADMO SNA TSOGS DMAR PO DANG, ,LJANG GU DE BZHIN DKAR PO DANG, ,MTHING GA SER PO LE BRGAN DAG ,PADMO MTSAN MCHOG RNAM PA BDUN, ,PADMA SMYUNG PO BUD MED RGYA, ,DE BZHIN CHOS KYI 'KHOR LO DANG, ,GSAL ZHING DPAL BSKYED RDO RJE DAG ,PADMO MTSAN MA'I TSOGS GZHAN NO, ,GZHU DANG MDA' DANG RAL GRI DANG, ,DE BZHIN DU NI 'BAR BA'I ME; ;DBANG BSKUR GTER DANG RGYAL MTSAN DAG ,MCHOD PA'I MTSAN MA BSDUS PA'O, ,DE BZHIN SNA TSOGS PADMO DANG, ,RDO RJE RGYA GRAM DE BZHIN TE, ,MTSAN MA'I PHYAG RGYA GRUB PA YIS, ,RGYAL SRID THAMS CAD 'JOMS PA STE, ,SANGS RGYAS THAMS CAD LA SOGS PA, ,DNGOS PO BRTAN G-YO MA LUS KUN, ,RANG BYUNG RNAMS KYI MTSAN MA'I RGYA, ,NAM MKHA'I DBYINGS KYI MTHA' KLAS

268b

PA'O, ,DE SKAD BCOM LDAN DE BZHIN GSHEGS, ,RDO RJE SEMS DPA' DPAL GYI GSUNGS, ,SANGS RGYAS THAMS CAD DANG MNYAM PAR SBYOR BA MKHA' 'GRO SGYU MA'I BDE BA'I MCHOG LAS, DKYIL 'KHOR THAMS CAD KYI PHYAG RGYA ZHES PA'I RTOG PA STE BDUN PA'O,, ,,DE NAS GZHAN DAG BSHAD BA NI, ,RDO RJE SEMS DPA' DPAL GYI LHA'I, ,RNAM PA KUN TU SNA TSOGS MCHOG , MCHOD PA THAMS CAD RNAM SPRUL PA'O, ,LAG PA G-YAS G-YON GNYIS DAG GIS, ,MDZUB MO MTHE'U CHUNG MDZES PAR BSGYUR, ,DPAL LDAN G-YON PA 'GYING BA'I THABS, ,G-YAS PA BDAN GSUM DU BYA; ;SRID ZHUR BCAS PA'I STEG PA'I MCHOG ,BDAG NYID RDO RJE SEMS DPA' DPAL, ,'DZUM DANG BCAS PA'I MIG GIS BLTA, ,BSAM PA G-YOS PA'I PHYAG RGYA'O, ,SANGS RGYAS RDO RJE PADMO 'DZIN, ,RDO RJE NYI MA KHAMS GSUM PAS, ,SKAD CIG GIS KYANG PHYAG BYED NA, ,KHENGS PA GZHAN LTA CI ZHIG SMOS, ,DRAG PO DBANG PO NYE DBANG BCAS, ,NYI ZLA GSHIN RJE TSANGS PAR BCAS, ,BTUD DE RAB TU PHYAG 'TSAL NAS, ,LAS RNAMS THAMS CAD BYED PAR 'GYUR, ,RDO RJE DPAL GYI THAL MO BSGYUR, ,BSAM PA G-YOS PAS PHYAG BYAS PA'I, ,SANGS RGYAS MCHOD PA LEGS BYAS NA, , MA LUS LUS PA MED PAR 'GRUB, ,SMIN MA G-YON DU 'DEGS TSUL GYIS, ,RU LU RU LUR BCAS BGAD NA, ,TSANGS PA NYE DBANG DRAG POR BCAS, ,KHAMS GSUM PA RNAMS PHYAG BYED 'GYUR, ,

269a

, ,THAL MO PADMO KHA 'BUS BZHIN, ,RANG GI SBYOR LDAN SNYING GAR BCING, ,MTHE BONG MTHE'U CHUNG 'DAB MA BZHIN, ,RGYAS PA BTUD PA'I PHYAG KYANG BYA, ,LUS KYI YAN LAG THAMS CAD NI, ,SA LA BSNYAL TE PHYAG BYA BA, ,SNYING GA KHA DANG SPYI GTZUG TU, ,THAL MO SBYAR TE PHYAG BYA'O, ,DPAL LDAN RDO RJE 'GYING BA'I THABS, ,'DZUM PA'I MIG GI SA PHYAG BYAS NAS, ,KHAMS GSUM PA YANG PHYAG BYAS NAS, ,MTHU SNYEMS GZHAN LTA CI ZHIG SMOS, ,PHYAG 'TSAL BA'I PHYAG RGYA ZHES PA'O, ,GAR GYI RGYUN RNAMS JI SNYED DANG, ,DE BZHIN BYA BA'I TSUL STON KUN, ,DE DAG RDO RJE SEMS DPA'I RGYA, ,RANG GI DON RNAMS GRUB PAR BYED PA'O, ,'GYING DANG BCAS PA'I TSUL BYAS NAS, ,JI LTA'I TSUL BZHIN GAR BYED CING, ,BSKOR BA'I GAR RNAMS SNA TSOGS KYIS, ,MCHOD PA THAMS CAD DBUL BAR BYA, ,LAG PA G-YAS G-YON GNYIS DAG GIS, ,MDZUB MO MTHE'U CHUNG MDZES BSGYUR TE, ,G-YON PA'I MDZUB MO KHU TSUR BCANG, ,G-YAS PA BA DAN GSUM PAR BYA, ,PHYAG RGYA 'DI YIS BTAB NA NI, ,SANGS RGYAS KUN DANG 'GROGS PA DANG, ,DNGOS GRUB CHEN PO MCHOG KUN GYI, ,DBANG PHYUG CHEN PO 'GRUB PAR 'GYUR, ,SANGS RGYAS THAMS CAD DANG 'GROGS PA, ,DPAL SKAL PA BZANG PO ZHES BYA BA'I PHYAG RGYA'O, ,SNYEMS 'DZIN CHEN POR BCAS PA YI, ,SBYOR BA DE NYID BTEGS

269b

NAS SU, ,'GRAM PA'I PHYOGS SU YONGS BSGYUR NAS, ,SPYI BO'I MTSAMS SU GZHAG PAR BYA, ,THAMS CAD 'BEBS PA'I GAR BYED PAS, ,GAR BYAS DE NAS PHAB NAS SU, ,SKAL BZANG H'Um ZHES BYA BA'I GLUS, ,MCHOD PA THAMS CAD DBUL BAR BYA, ,SANGS RGYAS THAMS CAD DANG MNYAM PAR SBYOR BSKAL BA BZANG PO BDE BA CHEN PO ZHES BYA BA'I PHYAG RGYA'O, ,LAG PA G-YAS G-YON GNYIS DAG GIS, ,MDZUB MO MTHE'U CHUNG MDZES BSGYUR BA'I, ,RDO RJE THAL MO SBYAR NAS SU, ,DE BZHIN G-YON DU BSGYUR BAR BYA, ,DE NI SBYOR BAS BTEGS NAS SU, ,SPYI BO'I MTSAMS SU GZHAG PAR BYA, ,SKAL BZANG AOm ZHES BYA BA'I GLUS, ,MCHOD PA THAMS CAD DBUL BAR BYA, ,DPAL RDO RJE THAL MO SBYAR BA SANGS RGYAS KYI MCHOD PA'O, ,LAG PA G-YAS G-YON GNYIS DAG GIS, ,MDZUB MO MTHE'U CHUNG MDZES BSGYUR TE, ,RDO RJE THAL MO GYEN DU DGROL, ,MCHOD PA'I GTOR MA KUN GYI TSUL, ,DUR KHROD CHA LUGS GAR BYED PAS, ,PHYAG RGYA 'DI YIS GAR BYED CING, ,SKAL BZANG RDO RJE DRAG POR DGOD, ,MCHOD PA THAMS CAD DBUL BAR BYA, ,DPAL RDO RJE HE RU KA'I THOD PA'I THAL MO STE MCHOD PA'I GTOR MA THAMS CAD KYI CHO GA'O, ,LAG PA G-YAS G-YON GNYIS DAG GIS, ,MDZUB MO MTHE'U CHUNG MDZES BSGYUR TE, ,G-YAS G-YON THAL MO BRDABS PA YIS, ,MCHOD PA THAMS CAD DBUL BAR BYA, ,DPAL PADMO GAR GYI DBANG PHYUG GI

270a

, ,THAL MO'O, ,LAG PA G-YAS G-YON GNYIS DAG GIS, ,MDZUB MO MTHE'U CHUNG MDZES BSGYUR TE, ,RDO RJE RIN CHEN THAL SBYAR NAS, ,MCHOD PA THAMS CAD DBUL BAR BYA, ,RE BA THAMS CAD YONGS SU RDZOGS PAR BYED PA DPAL RDO RJE RIN CHEN ZHES BYA BA'I PHYAG RGYA'O, ,GYEN DU 'THOR ZHING THUR DU 'BEBS, ,BSKOR ZHING DE BZHIN NYUG PA DANG, ,ME TOG BDUG PA MAR ME MCHOG ,DRI YI MCHOD PA 'BYUNG BA'O, ,GANG BA'AM 'ON TE STONG PA'ANG RUNG, ,YANG NA CI 'BYOR BA YIS KYANG, ,DAM TSIG MNYAM PAR SGRUB PA YIS, ,MCHOD PA THAMS CAD 'GRUB PAR 'GYUR, ,PHYAG RGYA 'DI RNAMS BCINGS NAS NI, ,SANGS RGYAS THAMS CAD MCHOD PAR 'GYUR, ,DNGOS GRUB DBANG PHYUG GRUB PAS KYANG, ,KUN GYI BDAG NYID MCHOD PAR 'GYUR, CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,RANG BYUNG RNAMS KYI MCHOD PA KUN, ,GANG DAG DE YIS MA BYAS SHING, ,SPEL BAR YANG NI MA GYUR PA'I,, RLABS CHEN DAM PA GANG YANG MED, ,SANGS RGYAS THAMS CAD MNYAM SBYOR BA, ,SBYOR BA'I DBANG PHYUG BDE CHEN DANG, ,DNGOS GRUB LAS DANG BDE BA DAG ,'DI YIS MI 'GRUB GANG YANG MED; ;MCHOD PA RAB 'BYAMS GRUB PA RNAMS, ,MA LUS LUS PA MED PA 'GRUB, ,BCOM LDAN RDO RJE SEMS DPAS GSUNGS, ,SANGS RGYAS THAMS CAD DANG MNYAM PAR SBYOR BA

270b

MKHA' 'GRO SGYU MA BDE BA'I MCHOG LAS, MCHOD PA THAMS CAD DANG MNYAM PAR SBYOR BA DPAL SKAL PA BZANG PO DAM TSIG GI RTOG PA STE BRGYAD PA'O,, ,,DE NAS GZHAN YANG BSHAD PA NI, ,RDO RJE SEMS DPA' DPAL GYI LHA'I, ,KUN TU SNA TSOGS MCHOG RNAMS KYI, ,PHYAG RGYA THAMS CAD RNAM SPRUL PA'O, ,SEMS DPA' SANGS RGYAS KUN GYI DNGOS, ,RDO RJE SEMS DPA' BDE BA'I MCHOG ,GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,BDE BA THAMS CAD RNAM DAG PHYIR, ,RDO RJE SEMS DPA' BDE BA'I MCHOG ,ZLA BA NYA LTAR RTZA DMAR SKU, ,'DOD CHAGS KUN LA CHAGS PA'I PHYIR, ,CHAGS PA CHEN PO BCOM LDAN 'DAS, ,RDO RJE SEMS DPA'I PHYAG RGYA 'DI, ,DMAR PO SNA TSOGS 'BAR BA'I 'ONG, ,KHAMS GSUM DAG NA RIN CHEN GZHAN, ,SANGS RGYAS RIN CHEN LTA BU MED, ,SANGS RGYAS KUN GYI RIN CHEN CHE, ,DBU RGYAN CAN NI BDE BA'I MCHOG ,GZHAN GYI NOR MIN MI 'PHROG PA, ,LHA YI CHU 'DIS DAG PA STE, ,MTHU DANG NGO BO NYID DAG DANG, ,RANG BZHIN GYIS NI DE 'GRUB BO, ,THOD PA'I PHRENG BA'I DBU RGYAN DRANG, ,SANGS RGYAS GTZUG GI NOR BU CAN, ,KUN NAS NYON MONGS 'JIG RTEN DBANG, ,MI MJED LA SOGS DE 'GRUB BO, ,RDO RJE SEMS DPA' DPAL SBYOR BA, ,LHA MO KUN DANG 'DUS PA YIS, ,KUN TU SNA TSOGS SKAL BZANG PO, ,MKHA' 'GRO MA NI THAMS CAD 'GRUB,

271a

, ,SANGS RGYAS RDO RJE PADMO 'DZIN, ,RDO RJE NYI MA KHAMS GSUM PA, ,RGYAS BTAB RMONGS PAS BSLANGS NAS NI, ,LAS RNAMS KUN LA SBYOR BAR BYED, ,PHYAG RGYA 'DI YIS BTAB PA NI, ,'DOD PA BZHIN DU 'GRO 'ONG LDING, ,LHA MO KUN MCHOG DPAL DANG LDAN, ,RDO RJE SEMS DPA' RAB TU 'GRUB, ,MCHOG TU DGA' BA LA RAB TU SBYOR BA SKAL BA BZANG PO DPAL RDO RJE SEMS DPA' BDE BA'I MCHOG ROL PA ZHES BYA BA MCHOG GI PHYAG RGYA'O, ,G-YAS DANG G-YON GYI SBYOR BA YI, ,BDE BA'I CHA LUGS GAR BYED CING, ,SEMS DPA'I SKYIL MO KRUNG BCAS NAS, ,DPUNG RNAMS THAMS CAD RAB TU 'JOMS, ,DPAL RDO RJE SEMS DPA'I SKYIL MO KRUNG NGO, ,ZLA BA'I KHA DOG 'DZUM PA'I ZHAL, ,DNGOS GRUB THAMS CAD DAG PA DANG; ;PADMO'I 'DOD CHAGS RNAM DAG PHYIR, ,BRLA YI DBUS NI DMAR LA DKAR, ,PHYAG MCHOG LO MA SNGON PO 'DRA, ,DE BZHIN BDE BA'I DBANG PHYUG DANG, ,BDE BAR REG PA'I DBANG PHYUG PAS, ,DKAR ZHING SER BA'I BRLA DANG LDAN, ,LHA RDZAS SNA TSOGS KHA DOG MCHOG ,'BAR BA SNA TSOGS 'KHRIGS PA'I 'OD, ,PADMO SNA TSOGS LA GNAS PA, ,THAMS CAD DAG PAR RAB TU GNAS, ,SANGS RGYAS PADMO LA SOGS MCHOG ,RIN CHEN SNA TSOGS RGYAN DANG GOS, ,SANGS RGYAS THAMS CAD 'DUS PA YIN, ,MI MJED PA SOGS BRGYAN PA BZHIN, ,BYA BA DANG

271b

NI BZLOG PA DANG, ,'PHROG PA DAG KYANG LHAG PAR MDZAD, ,BDAG LA 'KHYUD PA'I PHYAG RGYA YIS, ,YAN LAG THAMS CAD 'PHROG PAR 'GRUB, ,PHYAG RGYA 'DI YIS BTAB NA NI, ,'DOD PA BZHIN DU 'GRO 'ONG LDING, ,DPAL LDAN 'DOD PA KUN LA DBANG, ,RDO RJE SEMS DPA' RAB TU 'GRUB, ,MCHOG TU DGA' BA LA RAB TU SBYOR BA SKAL BA BZANG PO DPAL RDO RJE MDA' BDE BA'I MCHOG ROL PA ZHES BYA BA'I PHYAG RGYA'O, ,RNAM PA SNA TSOGS DAM TSIG CHAGS, ,BDE BA'I 'BEBS PA'I GAR BYED PAS, ,BDAG LA 'KHYUD PA'I PHYAG RGYA MCHOG ,DBUS KYI LHA MCHOG CHEN PO YIS, ,PHYAG RGYA 'DI YIS RNAL 'BYOR PA, ,'DOD PA BZHIN DU 'GRO 'ONG LDING, ,BDE CHEN DBANG PHYUG DPAL DANG LDAN, ,RDO RJE SEMS DPA' RAB TU 'GRUB, ,MCHOG TU DGA' LA RAB SBYOR BA, ,SKAL BA BZANG PO DPAL RDO RJE SEMS DPA'I DAM TSIG BDE BA'I MCHOG ROL PA ZHES BYA BA'I PHYAG RGYA'O, ,SER LA KHA YI TSUL DAG TU, ,RDO RJE KHA tV'Am GA BZUNG STE, ,BDAG LA 'KHYUD PA'I PHYAG RGYA NI, ,PAD BCAS RDO RJE RGYA GRAM MCHOG ,PHYAG RGYA 'DI YIS BTAB NA NI, ,'DOD PA BZHIN DU 'GRO 'ONG LDING, ,RNAL 'BYOR KUN GYI DBANG PHYUG RGYAL, ,RDO RJE SEMS DPA' RAB TU 'GRUB, ,MCHOG TU DGA' BA LA RAB TU SBYOR BA SKAL BA BZANG PO DPAL RDO RJE RNAL 'BYOR BDE BA'I MCHOG ROL PA ZHES BYA BA'I PHYAG RGYA'O, ,RDZOGS SANGS RGYAS KYI KHAM PHOR 'GRUB, ,BDAG LA 'KHYUD PA'I PHYAG RGYA YIS, ,RDO RJE SEMS

272a

, ,DPA' DPAL SBYOR BA, ,DBUS KYI LHA MCHOG CHEN PO'O, ,PHYAG RGYA 'DI YIS RNAL 'BYOR PA, ,'DOD PA BZHIN DU 'GRO 'OD LDING, ,DPAL LDAN TSE DANG GZHON 'GRUB PA, RDO RJE SEMS DPA' RAB TU 'GRUB, ,MCHOG TU DGA' BA LA RAB TU SBYOR BA SKAL BA BZANG PO DPAL RDO RJE TSE BDE BA'I MCHOG ROL PA ZHES BYA BA'I PHYAG RGYA'O, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,RANG BYUNG PHYAG RGYA SNA TSOGS RNAMS, ,NAM MKHA' KUN GYI SKABS NA DPAL, ,RDO RJE SEMS DPA' LA GNAS TE, ,GRUB PA'I DBANG PHYUG RAB GRUB PAS, ,THAMS CAD BDAG NYID 'BAB 'GRUB 'GYUR, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA BDE BA'I MCHOG GI RTZA BA'I PHYAG RGYA'I TSOGS SO, ,GTZUG LAG JI LTA'I RJES MTHUN PA'I, ,DPAL RDZOGS RGYA CHEN GAR DAG GIS, ,MDA' BZHI YONGS SU 'PHANGS NA NI, ,BDUD BZHI DAG LAS RGYAL BAR 'GYUR, ,TSANGS PA CHEN PO'I MGO DPAL RDO RJE MDA' ZHES BYA BA'I PHYAG RGYA'O, ,RKANG PA 'DEG CING PHAB PA DANG, ,GSHIBS TE MCHONG BA'I STABS DAG GIS, ,'KHOR LO'I PHYAG RGYAS BSTOD NAS NI, ,KHAMS GSUM DAG LAS MCHOD PAR 'GYUR, ,DPAL RDO RJE MTHU BO CHE ZHES BYA BA'I PHYAG RGYA'O, ,BYA BA DANG NI BZLOG PA DANG, ,'PHROG PA DAG GI KHYAD PAR

272b

DU; ;SNA TSOGS PHYAG RGYAS GAR BYED CING, ,KHAMS GSUM DAG NI BSDU BAR BYA, ,DPAL RDO RJE GAR GYI DBANG PHYUG ZHES BYA BA'I PHYAG RGYA'O, ,LHUG MA GANG YANG RUNG BZUNG NAS, ,BDAG LA 'KHYUD PA'I PHYAG RGYA YIS, ,BUD MED THAMS CAD RTZES NAS NI, ,DPAG BSAM SHING LTAR RTAG TU 'GRUB, ,DPAL RDO RJE 'DOD PA'I LHA MO ZHES BYA BA'I PHYAG RGYA'O, ,MYANG BA BTUNG BA LTAR BYAS PAS, DRAG PO DBANG PO NYE DBANG BCAS, ,NYI ZLA GSHIN RJE TSANGS PA YI, ,'JIG RTEN GSUM DAG SKAM PAR BYED, ,DPAL RDO RJE RTA GDONG ZHES BYA BA'I PHYAG RGYA'O, ,SNA YI MYANG BA'I RDUB PA YIS, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, ,KHAMS GSUM YANG NI SDUD PAR BYED, ,DPAL RDO RJE PHAG MO ZHAS BYA BA'I PHYAG RGYA'O, ,MIG TSUGS ZHEN PAR LTA BA YIS, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, ,'JIG RTEN GSUM YANG ZA BAR BYED, ,DPAL RDO RJE SPYAN NYI ZLA ZHES BYA BA'I PHYAG RGYA'O, ,THAMS CAD BDAG NYID MYANGS PA YIS; ;DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, ,THAL BAR GYUR PA'ANG 'TSO BAR BYED, ,DPAL RDO RJE KUN GYI BDAG NYID KHAMS GSUM SLAR 'TSO BA ZHES BYA BA'I PHYAG RGYA'O, ,GLING BU LEN PA'I TSUL STON CING, ,JI LTAR 'BAB PA'I GAR BYED PAS, ,TSANGS DANG NYE DBANG DRAG POR BCAS, ,'GRO BA GSUM DAG DBANG DU BYED, ,DPAL RDO RJE GLING BU'I DBANG BYED

273a

, ,CES BYA BA'I PHYAG RGYA'O, ,PI WANG LEN PA'I TSUL STON CING, ,JI LTAR 'BAB PA'I GAR BYED PAS, ,LAS RNAMS GRUB PA RAB 'BYAMS DANG, ,DNGOS GRUB MA LUS MYUR DU 'GRUB, ,DPAL RDO RJE PI WANG BDE BAS RMONGS PAR BYED PA ZHES BYA BA'I PHYAG RGYA'O, ,CANG TE'U TSUL STON RNAL 'BYOR PA, ,JI LTAR 'BAB PA'I GAR BYED PAS, ,RIMS DANG GDON DANG DUG ZHEN PA'I, ,SDUG BSNGAL THAMS CAD MYUR DU SEL, ,DPAL RDO RJE CANG TE'U SDUG BSNGAL THAMS CAD SEL BAR BYED PA ZHES BYA BA'I PHYAG RGYA'O, ,RDZA RNGA'I TSUL STON RNAL 'BYOR PA, ,JI LTAR 'BAB PA'I GAR BYED PA, ,GNAS GSUM DAG NI MA LUS PA, ,SKAD CIG TZAM GYIS 'BEBS PAR BYED, ,DPAL RDO RJE RDZA RDZAS MYOS PAR BYED PA ZHES BYA BA'I PHYAG RGYA'O, ,PHYAG RGYA GAR GYI MCHOD PA YIS, ,MCHOD PA THAMS CAD BYAS NAS NI, ,RANG BYUNG GAR GYI MCHOD PA RNAMS, ,MA LUS LUS PA MED PAR 'GRUB, ,RIMS DANG DUG DANG DBYIG DUG BYED, ,PHRA MEN GDON GYI GNOD PA RNAMS, ,BSKOR BA'I GAR RNAMS SNA TSOGS KYIS, ,SKAD CIG TZAM GYIS ZHI BAR 'GYUR, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, , RGYAS BTAB RMONGS BYAS ZOS PA DAG ,SKAD CIG TZAM GYIS 'TSO BAR BYED, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA'I, ,NAM MKHA'I DBYINGS KYI

273b

MTHA' KLAS PA, ,RANG BYUNG LHA MO PHYAG RGYA RNAMS, ,NAM MKHA' KUN GYI SKABS NA DPAL, ,RDO RJE SEMS DPA' LA GNAS TE, ,DNGOS GRUB DBANG PHYUG RANG NUB PAS, ,THAMS CAD BDAG NYID BABS PAR 'GYUR, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG GIS, ,RAB TU GRUB PA'I GLU RNAMS KYIS, ,BLA MED PA YI DNGOS GRUB 'THOB, ,DE NAS PHYAG RGYA YE SHES 'DI, ,DPAL LDAN RDO RJE MCHOG GI GLU, ,LAS RNAMS THAMS CAD RAB GRUB CING, ,SRID PA SHIN TU SGRUB PA NI, ,RDO RJE SEMS DPA' BDE CHEN SKAL BZANG DPAL KHYOD BDAG LA BSGRUBS LA RTOGS PAR MDZAD DU GSOL, ,KYE DE BZHIN GSHEGS PA KUN GYI BDAG NYID BDE BA MKHA' 'GRO SGYU MA SNA TSOGS BDE BA'I MCHOG ,'GRO BA'I RGYUD RNAMS RNAM PA SNA TSOGS 'DUL MCHOG SGRUB PA BDAG LA GRUB PAR MDZAD DU GSOL, ,AA LA LA LA HO, ,DE BZHIN GSHEGS PA'I SBYOR BA RNAM PA SNA TSOGS GAR RNAMS BSTAN DU GSOL, ,DZA:H'Um BAm HO, ,KYE BDE MCHOG BDE BAS ZUNGS LA RNAM PAR SPRUL, ,H'Um SNANG BAR MDZAD DU GSOL, ,AA LA LA LA HO, ,DE BZHIN GSHEGS KUN SNA TSOGS MKHA' 'GRO SGYU MAS SLOB MA GZUNG DU GSOL, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,KUN TU KUN NAS THAMS CAD DU, ,'DI NYID KYIS NI MYUR DU 'GRUB, ,SANGS RGYAS THAMS CAD DANG MNYAM PAR SBYOR BA

274a

, ,MKHA' 'GRO MA'I RNAL 'BYOR GYI DKYIL 'KHOR GYI PHYAG RGYA ZHES BYA'O, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, ,THAR THAMS CAD BLA MA DAG PHYIR, ,SANGS RGYAS PHYAG RGYA DPAL DU GNAS, ,'DOD DAM RNAM PAR DAG PA'I PHYIR, ,BCOM GSER GYI KHA DOG BZHIN, ,CHAGS MED LA SOGS CHAGS TSON PHYIR; ;DKAR ZHING SMA TSOGS GSAL BA'I MDANGS, ,CHOS KYI RGYAL SRID RAB BSGRUBS PAS, ,RIN CHEN CHOS LAS LHAG PA MED, ,DE BAS THEG CHEN BYANG CHUB SEMS, ,RGYAL BA RDO RJE RIN CHEN CAN, ,G-YAS PA'I MTHE BONG GUNG MO GNYIS, ,G-YON PA'I KHU TSUR BCANGS PA NI, ,SOR MO KUN LA REG PA NI, ,RTZA BA'I PHYAG RGYA YIN PAR GRAGS, ,'DI NI SANGS RGYAS THAMS CAD KYI; ;SHES RAB PHA ROL PHYIN GSAL YIN, ,BYANG CHUB SEMS CHEN SKYE BA DANG, ,CHOS KYI 'KHOR LO BSKOR BA STE, ,PHYAG RGYA 'DI YIS BTAB NA NI, ,SHES RAB PHA ROL PHYIN PA'I TSUL, NAM MKHA'I DBYINGS KYI MTHA' KLAS PAR, ,RAB TU BSGRAGS PAR 'GYUR BA YIN, ,BYANG CHUB SEMS CHEN BSKYED PA DANG, ,CHOS KYI 'KHOR LO BSKOR BA STE, ,SANGS RGYAS NYID DU RIG PAR BYA; ;MCHOG TU RTAG PA'I SANGS RGYAS SO, ,GANG GIS LDAN PA 'DI MTHONG ZHING, ,RNAM PA KUN TU MCHOD BYED PA, ,DE YI SANGS RGYAS RTAG PA'I MCHOG ,MTHONG ZHING MCHOD PA BYED

274b

PAR 'GYUR, ,SEMS NI BSKYED MA THAG TU YANG, ,CHOS KYI 'KHOR LO LEGS PA BSKOR, ,DPAL DAM TSIG CES BYA BA'I PHYAG RGYA'O, ,G-YAS PA'I YAN LAG GNON PA YIS, ,G-YON PA'I YAN LAG KUN LAS RGYAL, ,SEMS DPA'I SKYIL MO KRUNG BCAS NAS, ,BDUD RNAMS THAMS CAD RAB TU 'JOMS, ,DPAL RDO RJE SEMS DPA'I SKYIL MO KRUNG NGO, ,RDO RJE KHU TSUR BCANGS NAS SU, ,LAG PA G-YON PAS BKAB PA NI, ,SANGS RGYAS KUN BLO DNGOS GRUB RNAMS, ,MA LUS LUS PA MED PA'I 'GRUB, ,DE BZHIN DPAL LDAN HE RU KA'I, ,RDO RJE KHU TSUR CHEN PO DAG PA, ,DPA' BO 'DOD PA'I DNGOS GRUB RNAMS, ,MA LUS LUS PA MED PAR 'GRUB, ,PADMO'I BUD MED KHU TSUR NI, ,DE BZHIN G-YON PAS BKAB NA YANG, ,BYANG CHUB SPYOD RAB 'GRUB PA RNAMS, ,MA LUS LUS PA MED PAR 'GRUB, ,RIN CHEN 'DZIN PA'I KHU TSUR YANG, ,LAG PA G-YON PAS BKAB NA NI, ,SANGS RGYAS NOR KUN DNGOS GRUB PA, ,MA LUS LUS PA MED PAR 'GRUB, ,SANGS RGYAS KHU TSUR BCANGS NAS SU, ,LAG PA G-YON PAS BKAB NA NI, ,SANGS RGYAS KUN GYI TSE 'GRUB PA, ,MA LUS LUS PA MED PAR 'GRUB, ,BUD MED PHYAG RGYA BCINGS NAS SU, ,LAG PA G-YON PAS BKAB NA NI, ,DNGOS GRUB THAMS CAD MYUR 'GRUB PA, ,MA LUS LUS PA MED PAR 'GRUB, ,RTA GDONG DPAL GYI KHU TSUR YANG, ,LAG PA G-YON PAS BKAB NA NI, ,THAMS CAD 'GUGS PAR RAB GRUB PA, ,MA LUS LUS PA MED PAR

275a

, ,'GRUB; ;DPAL GRUB SPYAN GYI KHU TSUR YANG, ,LAG PA G-YON PAS BKAB BA NI, ,SNANG BA THAMS CAD RAB 'GRUB PA, ,MA LUS LUS PA MED PAR 'GRUB, ,DANG PO SANGS RGYAS KUN SNOD PA, ,GNYIS PA DE BZHIN DPA' BO YIN, ,GSUM PA KUN TU BZANG PO'I LO, ,BZHI PA MI ZAD SNOD YIN NO, ,SANGS RGYAS YAN LAG KUN LDAN DPAL, ,DE BZHIN ZHAL BZANG GZUNGS MA YIN; ;SPRIN CHEN MO NI BDUN PA STE, ,BRGYAD PA NAM MKHA'I SPYAN YIN NO, ,GZUNGS MA THAMS CAD KYI PHYAG RGYA'O, ,PHYAG RGYA SHES PA 'DI DAG GI ,SANGS RGYAS SPRUL PA'I GLU MCHOG NI, ,'GRUB PAR 'GYUR PA BYED PA'I MCHOG ,LAS RNAMS THAMS CAD RAB SGRUB PA, ,SLONG BAR BYED PA BSTAN SGRUB PA, ,DE BZHIN SNA TSOGS RGYAS PA DAG ,DRUG PA'I DBYANGS KYI GLU BLANGS NAS, ,DE PA TA YI GLU BLANG NGO, ,'JIG RTEN KHAMS MANG RDUL PHRAN GRANGS SNYED KHYAB PAR 'PHROS PA YI, ,RGYAL BA'I DON RNAMS RAB TU PHRA BA'I RDUL GYI GRANGS SNYED PA, ,SPRUL PA'I SKU RNAMS PHRA BA'I RDUL GYI GRANGS SNYED NI, ,SRID PA BDE CHEN DE BZHIN GSHEGS KUN RNAM 'PHRUL SNA TSOGS KYIS, ,RDUL PHRAN GRANGS SNYED DE BZHIN GSHEGS PA'I RNAM PAR SPRUL PA MDZOD HO, ,DPAL RNAM PAR SNANG MDZAD SBYOR BA AA LA LA LA HO, ,DE RING GRUB PAR MDZOD, ,GLU 'DI DAG NI BLANGS PA YIS, ,NAM MKHA' THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,GRUB PAR 'GYUR BA GDON

275b

MI ZA; ;DE NAS BUD MED BZHI RNAMS DANG, ,RANG GI YANG DAG GSANG BA YIS, ,CHO GA RGYAS PA'I TSUL BZHIN DU, ,ME TOG LA SOGS MCHOD PA BYA, ,DE BZHIN GSHEGS PA'I PHYAG RGYA ZHES PA'O, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, ,DAM TSIG LA SDANG RNAM SBYANG PHYIR, ,DUR KHROD DPAL GYIS PHYAG RGYAR GSAL, ,SHIN TU GDUG CING GTUM PO LA, ,ZHI PAS PHAN PAR MI 'GYUR TE, ,SHES RAB THABS KYI RNAL 'BYOR GYIS, ,RNAL 'BYOR BDE MCHOG DAM PAR 'GYUR, ,SANGS RGYAS KHROS BYUNG KHRO BO NI, ,THAL BAR 'JIG PA MCHOG YIN TE, ,SEMS DPA' SNGON PO 'BAR BA CAN, ,'BAR BA'I DKYIL 'KHOR DMAR PO SNANG, ,GZHAN GYIS MA YIN MI 'PHROG PA, ,LHA RDZAS CHU YIS DGANG BA STE, ,'DI NI RANG BZHIN NYID DAG DANG, ,MTHU DANG NGO BO NYID KYIS 'GRUB, ,GOS CHEN PO DANG BLUGS PA CHE, ,SHA CHEN PO DANG SBRANG RTZI CHE, ,DUR KHROD KUN GYI 'BYUNG PO YI, ,PHYAG RGYA DPAL LDAN DBANG PHYUG MCHOG ,SHIN TU KHRO GDUG GTUM PA YI, , SEMS CAN KHAMS RNAMS RNAM SBYANG PHYIR, ,'DI NI DPAL LDAN HE RU KA'I, ,RDO RJE RGYAL CHEN DBANG PHYUG MCHOG ,THOD PA'I PHRENG BA'I DBU RGYAN DANG, ,SANGS RGYAS GTZUG GI NOR BU DAG ,RGYAL SRID THAMS CAD RAB SGRUB PA, ,MA LUS LUS PA MED PA 'GRUB, ,RDO RJE KHA tV'Am RDO RJE BCAS, ,DRIL BU DKROL BA'I SGRAR BCAS PA, ,DPAL LDAN HE RU KA BABS PA'I, ,PHYAG RGYA SNA TSOGS RNAM

276a

, ,SPRUL PAS, ,SANGS RGYAS RDO RJE PADMO 'DZIN, ,RDO RJE NYI MA KHAMS GSUM PA, ,RGYAS BTAB RMONGS BYAS DE ZOS NAS, ,THAL BAR GYUR BA'ANG 'TSO BAR BYED, ,DPAL RDO RJE HE RU KA RDO RJE 'BAB PA RNAM PAR 'PHRUL PA PADMA GAR GYI DBANG PHYUG BCAS BYA BA'I PHYAG RGYA'O, ,SE RAL KHA YI TSUL DAG TU, ,KHA tV'Am GA LA RGYA BRTEN BYAS, ,LAG PA G-YON NA THOD PA THOGS,, G-YAS PA BA DANG GSUM PAR BYAS, ,NAM MKHA'I PHYAG RGYAS RNAL 'BYOR PA, ,NAM MKHA' KUN TU 'GRO BAR 'GYUR, ,BUD MED LA SOGS RIN CHEN MCHOG ,DNGOS PO THAMS CAD MKHA' LAS 'BYIN, ,PHYAG RGYA 'DI YIS YONGS BTAB NAS, ,BDE BAR LHAG PA'I TSUL STON PAS, ,NAM MKHA' LAS NI KUN LHAGS TE, ,BDAG GI SPYOD PAR DE SPYOD DO, ,DRAG PO DBANG PO NYE DBANG BCAS; ;NYI ZLA MKHA' 'GRO MI BZAD TSOGS, ,MKHA' LAS SGYU MA KUN BLAGS NAS, ,LUS PA MED PAR DE ZA'O, ,NAM MKHA' THAMS CAD MNYAM SBYOR BSKAL BA BZANG PO DPAL RDO RJE MKHA' 'GRO MA'I BDE BA'I MCHOG CES BYA BA'I PHYAG RGYA'O, ,G-YAS DANG G-YON PA'I SBYOR BA YIS, ,BDE BAR 'BAB PA'I GAR BYED PAS, ,SKYIL MO KRUNG NI PHYED BCAS LA, ,RKANG PA RANG GI BRLA BSDAMS NA, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA, ,RGYAS BTAB RMONGS BYAS BSLANGS NAS SU, ,GAR DAG BYED CING DE ZA'O, ,DE NYID KYI NI SBYOR BA YIS, ,

276b

DE NAS BDE BAR BRLA BSDAMS PAS, ,LEGS PAR BSDAMS DE PHYIR BTAGS NAS, ,RAB TU BKRAM STE BTUNG BAR BYA, ,SGYU MA DE DAG NYID KYIS NI, ,DE NAS BLA PHRAG BSKYOD PA YIS, ,SKAL BZANG LHA DANG MI RNAMS KYI, ,BUD MED KUN LA DE SPYOD DO, ,BDE BAR REG PA THAMS CAD MNYAM PAR SBYOR BA SKAL BA BZANG PO DPAL RDO RJE DRAG PO GNAS PA ZHES BYA BA'I PHYAG RGYA'O, ,DE NAS GZHAN YANG RAB BSHAD PA SANGS RGYAS MKHA' 'GRO'I DKYIL 'KHOR DU, ,DPAL LDAN HE RU KA BABS PA'I, ,PHYAG RGYA SNA TSOGS GNAS PA'O, ,ZHI DANG DRAG PO RMONGS PA'I MCHOG ,DGA' BA'I GAR BYED 'GYUR BAR BCAS, ,SHI BA LDANG BA'I SBYOR BA YIS, ,BDE BA'I PHYAG RGYA RAB TU GNAS, ,ZHI DANG DRAG PO RMONGS BYED DANG, ,GYEN DU DBUGS 'BYIN GAR BYED LUS, ,LTA BA'I PHYAG RGYA GRUB PA'I MCHOG ,GSANG BA'I SBYOR BA BDE MCHOG GIS, ,ME TOG BDUG PA'I SBYOR BA MCHOG ,CHANG DANG CHU DANG LCUG MA DANG, ,RAS DANG ME GTONG GRUB PA YIS, ,KHYAD PAR DU NI RGYAS 'DEBS SO, ,RTZE GCIG MNYAM PAR SBYOR BA YIS, ,SBYOR BA'I GNYER BA BDE BA SBYIN, ,MNGON PAR GTOR ZHING SA GOL RDEB, ,DAL BUS GYEN DU DBUGS 'BYIN PAS, ,G-YON DU LTA ZHING LAG PAS DRANGS, ,'O BYED 'KHYUD PA DE BZHIN TE, ,GAR BYED RAB TU RMONGS PA DANG, ,ZA DANG GSANG BA'I LUS RNAMS DANG, ,TSANGS PA CHEN PO'I MGO DANG NI, ,DE BZHIN 'JIG RTEN GSUM LAS RGAL, ,DE BZHIN GZHAN LAS 'DREN PA DANG, ,RANG GI PHYAG RGYA'I TSUL

277a

, ,STON DANG, ,DUR KHROD DAG GI GAR BYED DANG, ,DE BZHIN RLUNG GI DKYIL 'KHOR DANG, ,RAB TU 'JIGS PAR SREG PA'I ME, ,LAS KYI PHYAG RGYA RAB TU GNAS, ,DANG PO RGYAS 'DEBS MA YI RGYA, ,SNYING 'DREN MA YI GNYIS PA'O, ,GSUM PA SHIN TU RMONGS BYED PA'O, ,DE BZHIN BZHI PA 'DEG BYED MA'O, ,LNGA PA GAR BYED PA YI RGYA, ,DRUG PA GSOD MA'I YIN BAR BSHAD, ,BDUN PA ZAB MO BA YI RGYA, ,BRGYAD PA LAS KYI PHYAG RGYA YIN, ,DE NAS PHYAG RGYA 'DI KUN GYI, ,PHYAG RGYA'I LAN RNAMS BLA NA MED, ,PHYAG RGYA'I BDAG NYID KUN 'JOMS PA, ,KHYAD BAR DU NI BSHAD PAR BYA, ,DPAL LDAN RDO RJE PADMO SLONG, ,GAR DAG BYED CING BYAS NA NI, ,RGYAS BTAB RMONGS BYAS ZOS PA DANG, ,THAL BAR GYUR PA'ANG 'TSO BAR BYED, ,DE NAS PHYAG RGYA SHES PA 'DI; ;DPAL LDAN RDO RJE SBYOR BA'I GLU, ,LAS RNAMS THAMS CAD RAB SGRUB PA, ,KHYAD PAR DU NI BSHAD PAR BYA, ,GZIGS PA RNAM PA SNA TSOGS 'GYUR BA'I RGYAS THOB LA, ,RNAM PA SNA TSOGS 'O BYED 'KHYUD PAS RMONGS MDZAD DE, ,RNAM PA SNA TSOGS BDE BA'I MCHOD STON KUN GSOL BA, ,RNAM PA SNA TSOGS BDE MCHOG NGO MTSAR BSTAN DU GSOL, ,RGYAS BTAB RMONGS BYAS MAN BAS SU GSOL, ,BDE MCHOG NGO MTSAR BDE BA ZHUGS, ,H'Um AA LA LA LA HO SNANG BAR MDZOD, ,RNAL 'BYOR BDE MCHOG SGYU MAS SPRUL, ,DAM TSIG DAG LA 'JUG TU GSOL, ,NYON

277b

MONGS KUN PHYAG [?] RGYAL BAR MDZOD, ,MA LUS PA DAG MNABS SU GSOL, ,NYON MONGS THAMS CAD BSAL BAR MDZOD, ,GLU 'DI DAG NI BLANGS PA YIS, ,RDO RJE THAMS CAD MNYAM SBYOR BA, ,MKHA' 'GRO RGYU MA BDE BA'I MCHOG ,GDON MI ZA BAR 'GRUB PAR 'GYUR, ,DPAL HE RU KA'I RDO RJE'I PHYAG RGYA ZHES PA'O, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, , 'DOD CHAGS THAMS CAD RNAM DAG PHYIR, ,PADMO PHYAG RGYA DPAL DU GNAS, ,MI 'GYUR DAM PA GRUB PA'I PHYIR, ,SHEL SGONG SHIN TU DAG PA 'DRA, ,'DOD CHAGS THAMS CAD BSAL BA'I PHYIR, ,'BAR BA SNA TSOGS 'KHRIGS PA'I 'OD, ,SANGS RGYAS TSE NI RIN CHEN SPRAS, ,GOS DANG SNA TSOGS RGYAN GYIS BRGYAN, ,SANGS RGYAS THAMS CAD 'DUS PA YIS, ,BDE BA CAN BZHIN DAM PAR 'GYUR, ,GAR THABS RNAM PA SNA TSOGS KYIS, ,YONGS SU BSGYUR ZHING GAR BYAS PAS, ,PADMO'I MTSAN MCHOG PADMOR BCAS, ,PHYAG NI BRGYA RNAMS 'KHOR LO BSKOR, ,SANGS RGYAS RDO RJE PADMO 'DZIN, ,RDO RJE NYI MA KHAMS GSUM PA, ,PADMO SGYU MAS RNAM SBYANGS NAS, ,SANGS RGYAS BYANG CHUB SGRUB PAR MDZAD, ,'DUL BA'I THABS NI SNA TSOGS PA'O, ,SKAL PA BZANG PO DPAL PADMO GAR GYI DBANG PHYUG CES BYA BA'I PHYAG RGYA'O, ,G-YAS DANG G-YON PA'I SBYOR BA YIS, ,SKYIL MO KRUNG NI PHYE MAR GNAS, ,RGYAL BO'I SKYIL MO KRUNG BCAS NA, ,SDUG BSNGAL THAMS CAD SEL BAR BYED, ,DPAL PADMO RGYAL PO GNAS PA

278a

, ,ZHES BYA BA'I PHYAG RGYA'O, ,SNYEMS PA'I LAG PA G-YON PA YIS, ,PADMO DMAR PO CI BDER BZUNG, ,RANG GI SNYING GAR 'DREN PA'I TSUL, ,PADMA 'DAB MA KHA 'BYED PA'O, , SNYEMS PA'I LAG PA G-YON PA YIS, ,PADMO SNGON PO CI BDER BZUNG, ,RANG GI SNYING GAR 'DREN TSUL GYIS, ,BUD MED PHYAG RGYA BCING BAR BYA, ,SNYEMS PA'I LAG PA G-YON PA YIS, ,PADMO DKAR PO CI BDER BZUNG, ,'KHOR LO'I PHYAG RGYA BCINGS NAS NI, ,CHOS KYI 'KHOR LO RAB TU BSKOR, ,SNYEMS PA'I LAG PA G-YON PA YIS, ,PADMO MTHING KHA CI BDER BZUNG, ,G-YAS PAS RAB TU GAR BYED PA; ;DPAL GYI PHYAG RGYA BA DAN GSUM, ,SNYEMS PA'I LAG PA G-YON PA YIS, ,PADMO SER PO CI BDER BZUNG, ,G-YAS PA RAB TU GAR BYED PAS, ,CHU SRIN TSUL DU BSGRENG BAR BYA, ,SNYEMS PA'I LAG PA G-YON PA YIS, ,PADMO LA BRGAN MCHOG BZUNG STE, ,RANG GI SNYING GAR 'DREN TSUL GYIS, ,RDO RJE'I PHYAG RGYA BCING BAR BYA, ,RNAM PAR GZIGS PA'I RNAM DAG DPAL, ,SGROL MA'I BYANG CHUB MCHOG YIN NO, ,RGYA CHEN MA YI 'KHOR LO BSKOR, ,KHRO GNYER MA NI PHYAG RGYA'I LAN, ,PADMO GNAS PA'I DPAL CHEN YIN, ,'DOD PA'I DBANG MO'I 'GRO BA GSUM, ,DPAL PADMO'I RGYAL PO'I RIG PA'I LHA MO CHEN MO RNAMS SO, ,DE NAS PHYAG RGYA SHES PA 'DI, ,PADMO RGYAL PO DPAL GYI GLU, ,LAS RNAMS THAMS CAD RAB SGRUB PA, ,KHYAD PAR DU NI BSHAD PAR BYA, ,DE BZHIN GSHEGS

278b

PA KUN LA SOGS PA'I GZUGS MCHOG SNA TSOGS 'DZIN, ,SEMS CAN RNAM PA SNA TSOGS 'DUL MCHOG DNGOS GRUB MCHOG MNGA' BA, ,KYE SEMS DPA' PADMO DGA' MCHOG SGYU MA'I DGA' BA BSTAN DU GSOL, ,AA LA LA LA HO, ,KYE GAR DBANG THAR DGA' DGA' BA'I GAR MDZOD CIG ,SANGS RGYAS RDO RJE 'DZIN BDAG TSANGS PA 'JUG SEL DBANG PHYUG BDAG ,NYI ZLA BDAG LAGS AA LA LA LA HO, ,PADMA SGYU MA SNA TSOGS 'DUL MDZAD DAG PA'I TSUL GYIS GAR MDZAD PA, ,PADMO DAM TSIG DBANG PHYUG SANGS RGYAS GAR RNAMS MDZAD DU GSOL, ,'DOD CHAGS RNAM PAR SPYOD PA THAMS CAD DA DUNG RNAM PAR SBYONGS, ,PADMO 'DZIN PA DE YI SPYAN SNGAR GAR MKHAN GAR MDZOD CIG ,GLU 'DI DAG NI BLANGS PA YIS, ,SNA TSOGS PADMO MNYAM SBYOR BA, MKHA' 'GRO SGYU MA BDE BA'I MCHOG GDON MI ZA BAR 'GRUB PAR 'GYUR, ,DPAL PADMO GAR GYI DBANG PHYUG GI PHYAG RGYA'O, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, ,NOR MCHOG RNAM PAR SBYANG BA'I PHYIR, ,DPAL LDAN NYI MA PHYAG RGYAR GNAS, ,NAM MKHA'I SNYING PO THAMS CAD PHYOGS, ,RE BA THAMS CAD RDZOGS MDZAD PA, ,BUD MED LA SOGS RIN CHEN MCHOG ,RIN CHEN THAMS CAD MKHA' LAS 'BEBS, ,SHIN TU GDUG CING GTUM PO LA, ,ZHI BAS PHAN PAR MI 'GYUR TE, ,SHES RAB THABS KYI NYI MA NI, ,DAM PA'I DON DU DRAG POR GYUR, ,DRAG POS 'DUL BA'I 'JIG RTEN

279a

, ,RNAMS, ,DRAG PO NYID KYIS SGRUB PAR BYED, ,NYI MA'I GZUGS DANG SPYOD LAM DANG, ,TSUL DANG GZI BRJID CHEN POS STON, ,RDO RJE GZHU DANG MDA' MCHOG DAG ,SHIN TU LEGS PAR 'GENGS PA STE, ,MDANGS GSAL 'DZUM DANG BCAS PA'I SPYAN, ,G-YON PA 'BYED CING GYEN DU 'DEG ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, ,'JIG RTEN GSUM PO MA LUS PA, ,DRAG SHUL NYID KYIS 'DUL BAR MDZAD, ,DPAL KHAMS GSUM RNAM PAR RGYAL BA ZHES BYA BA'I PHYAG RGYA'O, ,RDO RJE BUS MO GNYIS BCINGS TE, ,RDO RJE SKYIL MO KRUNG BCAS NAS, ,BDAG NI STAN LA 'DUG NAS NI, ,BGEGS RNAMS THAMS CAD GZHIG PAR BYA, ,DPAL RDO RJE SKYIL MO KRUNG NGO, ,DBANG BSKUR BA DANG GTER DAG DANG, ,RGYAL MTSAN MCHOG LDAN MCHOD PA CHE, ,JI LTA'I TSUL DAG STON PA DRAG ,RANG GI DON RNAMS 'GRUB PA'O, ,DE NAS PHYAG RGYA SHES PA 'DI, ,RGYAL PO'I SGYU MA MCHOG GI GLU, ,LAS RNAMS THAMS CAD RAB SGRUB PA; ;KHYAD PAR DU NI BSHAD PAR BYA, ,KHAMS GSUM KUN GYI RGYAL SRID SNA TSOGS MCHOG GI NOR LDAN PAS, ,MJAL DU MA G-YUL 'GYED RNAM MANG KHYAD PAR SANGS RGYAS KYIS 'DUL BA, RNAM PA SNA TSOGS MJAL DU MA RNAM PAR RGYAL BA'I RGYAL MTSAN CAN, ,RDO RJE NYI MA RGYAL PO BDE MCHOG SGYU MA BSTAN DU GSOL, ,SEMS CAN SPRIN LA BYANG CHUB MCHOG SBYIN SNA TSOGS

279b

CHAR 'BEBS PA, ,BDAG GI RE BA KUN SGRUB MYUR DU STON, ,AA LA LA LA HO, ,MI ZAD GTER GYI DBANG BSKUR KHYAD PAR BDAG LA STZAL DU GSOL, ,KHYAD PAR RIN CHEN 'DI DAG THAMS CAD BUD MED RIN CHEN RNAMS KYI PHYIR, ,RIN CHEN TSOGS KUN NANG NA BUD MED RIN CHEN GCIG BU MCHOG ,BUD MED RIN CHEN DAG PA DAM PA'I DON DU THAMS CAD 'GRO, ,GLU 'DI DAG NI BLANGS PA YIS, ,RGYAL SRID THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,GDON MI ZA BAR 'GRUB PAR 'GYUR, ,DPAL RDO RJE NYI MA'I PHYAG RGYA ZHES PA'O, ,RNAL 'BYOR DE NYID BCOM LDAN 'DAS, ,RDO RJE SEMS DPA' DE BZHIN GSHEGS, ,DRAG SHUL SBYOR BAS RNAL 'BYOR DPAL, ,RTA YI PHYAG RGYA RAB TU GNAS, ,THAMS CAD DAG PAR MOS PA YI, ,SDIG MED STOBS KYIS NGO THON DU, ,RAB TU GDON PA'I RTZAL DAG GIS, ,'JIG RTEN THAMS CAD RAB TU 'JOMS, ,'DOD CHAGS CAN LA G-YEM PAR STON, ,GDUG PA RNAMS LA GDUG PAR STON, ,ZHI BA RNAMS LA ZHI BAR 'GYUR, ,DRAG SHUL CAN LA DRAG SHUL SBYOR; ;'DI LA BZHI PA LA PHYAG BZHI PA, ,ZHABS BZHI PA LA RMIG PA BZHI, ,RTA MGRIN RGYAL PO CHEN PO STE, ,DBANG PHYUG DAM PA GRUB PAR 'GYUR, ,G-YON PA'I MDZUB MO KHU TSUR GYIS, ,DPAL LDAN PADMO SNA TSOGS 'DZIN, ,RDO RJE BCAS SHING SLONG BSGRUB, ,G-YAS PA BA DAN GSUM PAR BYA, ,PHYAG RGYA 'DI YIS BTAB NA NI, ,SHIN TU LTUNG BAR GYUR PA YANG, ,DE MA THAG TU KUN BSLANGS NAS, ,LDANG BA THAMS

280a

, ,CAD RAB TU 'GRUB, ,THAMS CAD DAG PA MNYAM PAR SBYOR BA SKAL BA BZANG PO DPAL RDO RJE SLONG BA ZHES BYA BA'I PHYAG RGYA'O, ,G-YAS DANG G-YON PA'I SBYOR BA YIS, ,BRKYANG BRKUM PA YI TSUL BYAS NAS, ,KHRO BO'I SKYIL MO KRUNG BCAS TE, ,'JIG RTEN THAMS CAD RAB TU BSHIG ,DPAL RDO RJE KHRO BO GNAS PA'O, ,DE NAS PHYAG RGYA SHES PA 'DI'I, ,RTA MCHOG DPAL DANG LDAN PA'I GLU, ,LAS RNAMS THAMS CAD RAB SGRUB PA, ,KHYAD PAR DU NI BSHAD PAR BYA, ,MYOS BYED STONG PAS LHAG PAR BDE BA 'DOD PA'I GZUGS STON PA, ,'DUL BA'I DBANG GIS GSHIN RJE STONG PAS LHAG PAR RAB TU 'JIGS, ,ZHI BA'I SKUR YANG TSANGS PA STONG PAS SHIN TU LHAG PAR STON, ,DKYIL 'KHOR KUN GYI MCHOG TU DE BZHIN GSHEGS KUN 'GRUB PAR MDZOD, ,THAMS CAD RNAM PAR DAG PAS NGO THON STOBS KYIS GNON PAS NON, ,HI HE HE HE HE, DBANG PHYUG THAMS CAD RAB SHIG RAB TU SHIG ,RAB KYI RTZAL GYIS GNON PA'I STOBS KYIS NGO THON DBANG PHYUG NON, , SBYOR CHEN HU LU HU LU MIG GSUM PA LAS GSUM GRUB DRONGS, ,RAB KYI RTZAL GYIS GNON PA'I STOBS KYIS NGO THON MTHU CHEN NON, ,MNYAM SBYOR RU tA MA tA SNYING LAS DPAL MO DRONGS SHIG RAB DRONGS SHIG ,RAB KYI RTZAL GYIS GNON PA'I STOBS KYIS NGO THON TSANGS PA NON, ,SBYOR CHEN TSANGS LAS GROL MA DRONGS SHIG SMA RA tA, ,RAB KYI RTZAL GYIS GNON PA'I STOBS

280b

SA NGO THON DGA' DBANG NON, ,MNYAM SBYOR KUN GYI DBANG LA DGA' DRONGS AA LA LA LA HO, ,GDUG CING KHRO LA RAB TU GTUM PA'I SEMS CAN BSGRAL BA'I PHYIR, ,SGRUB ZHUGS AA LA LA LA HO, , AOm SU MBHA NI SUMBHA H'Um PHAd PHAd, MDZA' BO MI LA BYA 'AM MI BYA YONGS RTOG DE DAG MED KYANG BLA, ,DE 'DRA'I MDZA' BO SGYU MA YIN PAS DE LA MDZA' BSHES SU ZHIG ZER, ,RGOL BAL A YANG BYA 'AM MI BYA YONGS SU RTOG PA MED KYANG BLA, ,DE 'DRA'I RGOL BA SGYU MA YIN PAS DE LA DPA' ZHES SU ZHIG ZER, ,GLU 'DI BLANGS PA TZAM GYIS NI, ,RTA MCHOG MNYAM PAS SBYOR BA YI, ,MKHA' 'GRO SGYU MA BDE BA'I MCHOG ,GDON MI ZA BAR 'GRUB PAR 'GYUR, ,THAMS CAD 'BYUNG BA'I PHYAG RGYA ZHES PA'O, ,MDZUB MOS MTHE BONG MNAN NAS NI, ,RANG GI MTHE BOS MDZUB MO MNAN, ,DPAL GRUB SPYAN GYI PHYAG RGYA STE; ;MDZUB MO MIG GI 'BRAS BUR BYAS, ,RDO RJE THAL MO MNYAM SBYAR NAS, ,RDO RJE SPYAN NI GNYIS DAG TU, ,KHONG STONG DU NI SBYAR BAR BYA, ,DPAL GRUB RDO RJE'I SPYAN YIN NO, ,'DI NI SANGS RGYAS THAMS CAD DANG, ,DE BZHIN DPA' BO THAMS CAD DANG, ,RDO RJE 'DZIN PA THAMS CAD DU, ,TSE 'DI NYID LA 'GRUB PAR 'GYUR, ,DPAL GRUB SPYAN NI GRUB PA STE, ,SEMS CAN THAMS CAD DBANG BYED PA, ,LAS KYI DNGOS GRUB RAB 'BYAMS RNAMS, ,MA LUS DNGOS GRUB MYUR DU 'GRUB, ,RDO RJE THAL MO MNYAM SBYAR TE, ,MDZUB MO GNYIS KYI RTZE MO DGUG ,MTHE BO'I RTZE MO MNYAM PAR GZHAG ,KHONG STONG MI

281a

, ,'GYUR DAM PA'O, ,SPYI BO'I MTSAMS SU RAB BZHAG NAS, ,'DI YIS BSRUNG BA BYAS NA NI, ,SANGS RGYAS DNGOS GRUB MA LUS PA, ,LUS PA MED PAR 'GRUB PAR 'GYUR, , SEMS DPA'I GTZUG TOR GYI PHYAG RGYA'O, ,RDO RJE THAL MO GYEN DU DBYE, ,MDZUB MO GNYIS KYI RTZE MO DGUG ,MTHE BONG GNYIS KYI MCHE BA GTZIGS, ,'JIGS PA'I RDO RJE GNOD SBYIN MA, ,'GRUB PA BDUD LA SOGS PA ZA, ,DE BZHIN DU NI RMONGS PAR BYED, ,DBAB PA THAMS CAD RAB TU 'GRUB, ,DE BZHIN RNAM PAR SHES PA SGRUB, ,GTER RNAMS 'BYIN PAR BYED PA DANG, ,DE BZHIN NOR KUN 'PHROG PAR BYED, ,NGAL BSO PO NI DPAL MNAN TE, ,DPAL MO DAG KYANG 'PHROG NAS NI, ,MNGAG GZHUG MAR NI BYED PA DANG, ,GNOD SBYIN MA DANG DGA' BA SPYOD, ,GNOD SBYIN DAG GI SDE DPON DU, ,'DIS NI MYUR DU 'GRUB PAR 'GYUR, ,DPAL RDO RJE GNOD SBYIN GYI PHYAG RGYA'O, ,RDO RJE THAL MO MNYAM SBYAR NAS, ,GUNG MO MNYAM PAR RAB TU SGRUB, ,MTHE BONG MTHE'U CHUNG 'DAB MA BZHI; ;PADMO DRI MED RAB TU RGYAS, ,'DIS NI SDIG RNAMS 'BYANG BAR 'GYUR, ,SDIG PA BYANG NA RAB TU 'GRUB, ,SANGS RGYAS BYANG CHUB MNGON SANGS RGYAS, ,RDO RJE SEMS DPA' NYID DU 'GYUR, , DPAL LDAN PADMO'I PHYAG RGYA'O, ,RDO RJE THAL MO MNYAM SBYAR LA, ,MDZUB MO MNYAM BAR PHYIR BKUG STE, ,MTHE BONG RDO RJE G-YOGS PA NI, ,RDO RJE DPAL GYI NOR BU STE, ,PHYAG RGYA 'DI YIS BTAB

281b

NA NI; ;NAM MKHA' THAMS CAD RAB 'GRUB STE, ,BUD MED LA SOGS RIN CHEN MCHOG ,MKHA' LAS DNGOS RNAMS THAMS CAD SPYOD, ,RDO RJE THAL MO MNYAM SBYAR NAS, ,MTHE'U CHUNG SRIN LAG MNYAM PAR BRKYANG, ,MDZUB MO RTZE BSNYAMS BKUG PA NI, ,DPAL MCHOG RTA ZHES GRAGS PA STE, ,PHYAG RGYA 'DI YIS BTAB NA NI, ,SANGS RGYAS BYANG CHUB RAB 'BREL NA, ,THAMS CAD DGA' BAR BYED PA'I DPAL, ,LHA YI SKAL BZANG SMOS CI DGOS, ,DAM TSIG GI PHYAG RGYA SHES PA'O, ,LUS DANG NGAG SEMS RDO RJE YI, ,MTSAN MA'I PHYAG RGYAR LDAN BYAS TE, ,THAMS CAD 'BYUNG BA'I SBYOR BA YIS; ;BDAG GI LHAR NI BDAG NYID BYA, ,'DIS NI SANGS RGYAS THAMS CAD DPAL, ,DE BZHIN DPA' BO THAMS CAD DANG, ,RDO RJE 'DZIN PA THAMS CAD DU, ,TSE 'DI NYID LA 'GRUB PAR 'GYUR,, SANGS RGYAS BDAG LA DNGOS GRUB NI, ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA'I, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA BDE MCHOG 'DIS, ,MI 'GRUB SBYOR BAR MI 'GYUR BA'I, ,DAM PA RGYA CHEN GANG YANG MED, ,DAM TSIG CHEN PO'I PHYAG RGYA SHES PA'O, ,RDO RJE SEMS DPA' DPAL SBYOR BA'I, ,JI LTA'I GZUGS DANG DBYIBS SU LDAN, ,BDE BA NYID KYIS KUN GYI BDAG ,KUN GYI BDAG LA ZHUGS PAR BYA, ,PHYAG RGYA 'DI YIS RNAL 'BYOR PA, ,'DOD PA BZHIN DU 'GRO 'ONG LDING, ,RGYAL PO'I SANGS RGYAS KUN DANG

282a

, ,'DRA; ;RDO RJE SEMS DPA' RAB TU 'GRUB, ,SANGS RGYAS THAMS CAD DANG MNYAM PAR SBYOR BA SKAL PA BZANG PO'I DPAL RDO RJE SEMS DPA' ZHES BYA BA'I PHYAG RGYA'O, ,CHAGS PA MED CING MA CHAGS MED, ,DBU MAR YANG NI DMIGS SU MED, ,BUD MED KUN GYI SGYU SBYOR 'DI, ,GNYIS SU MED CING THEG PA'I MCHOG ,PHYAG RGYA 'DI YIS BTAB NA NI, ,'DOD PA BZHIN DU 'GRO 'ONG LDING, ,DPAL LDAN SGYU MA KUN GYI BDAG ,RDO RJE SEMS DPA' RAB TU 'GRUB, ,SGYU MA THAMS CAD KYI LHA MO'I PHYAG RGYA SHES PA'O, ,YOD PA MA YIN MED PA'ANG MIN, ,DBU MAR YANG NI DMIGS SU MED; ;SHES RAB PHA ROL PHYIN SBYOR BA, ,SANGS RGYAS BYANG CHUB RAB 'GRUB PA'O, ,THAMS CAD NAM MKHA'I MTSAN NYID DE, ,NAM MKHA' LA YANG MTSAN NYID MED, ,KHAMS GSUM DAG NI MA LUS PA; ;THAMS CAD SGYU MA LTA BU STE, ,JI LTAR SGYU MA THAMS CAD DU, ,MTHONG BA DANG NI REG PAR 'GYUR, ,DMIGS SU YOD PA'ANG MA YIN TE, ,DE BZHIN 'GRO BA KUN GYI TSUL, ,PHYAG RGYA 'DI YIS RNAL 'BYOR PA, ,'DOD PA BZHIN DU 'GRO 'ONG LDING, ,BUD MED LA SOGS RIN CHEN MCHOG ,MKHA' LAS DNGOS RNAMS THAMS CAD SPYOD, ,DNGOS PO MED PAR BDAG SBYOR BAS, ,NAM MKHA' KUN DANG MNYAM SBYOR BA, ,MKHA' 'GRO SGYU MA BDE BA'I MCHOG ,SHIN TU RTAG PAR 'GRUB PAR 'GYUR, ,JI LTAR PADMA DMAR PO 'DI, ,CHAGS PA'I NYES PAS MI GOS PA, ,RNAL 'BYOR LDAN PA'ANG

282b

DE BZHIN DU, ,GNAS KYI NYES PAS YONG MI GOS, ,SHIN TU GDUG CING DRAG PO LA, ,ZHI BAS PHAN PAR MI 'GYUR TE, ,SHES RAB THABS KYI SBYOR BA NI, ,RNAM PAR RGYAL PHYIR RAB TU DRAG ,THAMS CAD DAG PAR MOS PA YIS, ,SDIG MED STOBS KYIS NGO THON DU, ,DRAG SHUL SBYOR BAS MNYAM SBYOR BA, ,'JIG RTEN THAMS CAD GZHOM PAR BYA, ,SBYOR BA'I PHYAG RGYA SHES PA'O, ,SBYOR BA JI SNYED YOD KUN DANG, ,BYED PA RNAM PA SNA TSOGS LA, ,RDO RJE SEMS DPA' DPAL GYI RGYA, ,DNGOS GRUB THAMS CAD RAB SGRUB PA'O, ,BYED PA'I PHYAG RGYA 'DI RNAMS KYIS, ,'DOD PA BZHIN DU 'GRO 'ONG LDING, ,CHAGS PA CHEN PO DBANG PHYUG DPAL, ,RDO RJE SEMS DPA' RAB TU 'GRUB, ,KUN TU SNA TSOGS SKAL PA BZANG PO DPAL DAM TSIG CES BYA BA'I PHYAG RGYA'O, ,BYA BA DANG NI BZLOG PA DANG, ,KHYAD PAR DU NI 'PHROG PA DANG, ,YAN LAG KUN TU BYED PA YIS, ,DE NI NOR RNAMS KUN KYANG 'PHROG ,'O BYED 'KHYUD LA SOGS PA YIS, ,KHAMS GSUM PA YANG RGYAS 'DEBS SO, ,THAR PAR BYED CING GSOD PAR BYED, ,SHI BA'ANG MOD LA SOS PAR BYED, ,SBYOR BA'I LONGS SPYOD THAMS CAD KYIS, ,GNAS GSUM PO NI MA LUS PAR, ,RGYAS BTAB RMONGS BYAS BSLANGS NAS SU, ,GAR BYAS NAS NI ZA BAR BYED, ,SBYOR BA KUN GYI BDE MYONG BAS, ,KHAMS GSUM PA NI MA LUS PA, ,RGYAS BTAB RMONGS BYAS ZOS PA DANG, ,THAL BAR GYUR PA'ANG 'TSO BAR BYED, ,SBYOR BA THAMS CAD KYI PHYAG RGYA SHES PA'O, ,LHA MO KUN GYI BDE

283a

, ,BA'I MCHOG ,MDZES PA'I ZHAL NI RNAM BSGYUR ZHING, ,BDE BA MYONG BAR RAB SBYOR BA, ,MDZES PAR LTA BA'I GAR BYED PAS, ,SANGS RGYAS RDO RJE PADMO 'DZIN, ,RDO RJE NYI MA KHAMS GSUM PA, ,RGYAS BTAB RMONGS BYAS ZOS PA DANG, ,THAL BAR GYUR PA'ANG 'TSO BAR BYED, ,BUD MED MKHAS PA SGYU MA CHE, ,MDZES PA'I BZHIN NI RNAM BSGYUR BA, ,RIM GROR BCAS SHING STEG PA'I MCHOG ,MDZES PAR LTA BAS GAR BYAS PA, ,SANGS RGYAS PADMO RDO RJE 'DZIN, ,RDO RJE NYI MA KHAMS GSUM PA, ,RGYAS BTAB RMONGS BYAS BSLANGS NAS NI, ,ZOS NAS SLAR YANG 'TSO BAR BYED, ,SANGS RGYAS BYANG CHUB MNYAM SBYOR BA, ,RAB TU DGA' BAR LTA ZHING 'DZUM, ,SHIN TU SRID PA YANG DAG SGRUB, ,GSANG BAR LTA LA GNAS NA NI, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, ,SRID PA KUN TU KUN BSGRUBS NAS, ,GNAS GSUM DAG NI SGRUB PAR BYED, ,STEG LA SOGS PA'I NYAMS DANG LDAN, ,MDZES PA'I BZHIN NI RNAM BSGYUR ZHING, ,RIM GROR BCAS SHING STEG PA'I MCHOG ,STEG PA'I LTA BAS GAR BYED CING, ,MDZES PA'I TSUL DANG THABS RNAMS KYIS, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA'I, ,'JIG RTEN GSUM DAG SGRUB PAR BYED, ,MCHE BA CHUNG ZAD GTZIGS PA'I KHA, KHRO ZHING 'DZUM DANG BCAS PA BZHIN, KHRO LA 'GYUR BAR BCAS SHING 'DZUM, ,

283b

GSAL BAR LTA ZHING LEGS PAR GNAS, ,DRAG PO DBANG PO NYE DBANG BCAS, ,NYI ZLA GSHIN RJE TSANGS BCAS PA, ,RGYAL PO SGYU MAS RNAM RGYAL NAS, KHAMS GSUM DAG NI SGRUB PAR BYED, , 'DOD CHAGS MYOS PAS G-YEM SPYO BA, ,MDZES PA'I BZHIN NI RNAM PAR BSGYUR, ,'DI NI BZHIN GYI PHYAG RGYA MCHOG ,KHAMS GSUM DAG KYANG DGA' BAR BYED, ,DRAG PO MCHE BA RNON PO GTZIGS, ,GDUG PA ZA BA 'JIGS 'JIGS LTA, ,G-YAS PA'I BZHIN GYI PHYAG RGYA YIS, ,KHAMS GSUM DAG KYANG ZA BAR BYED, ,DNGOS GRUB KUN GYI BDE BA'I MCHOG ,RAB TU DGA' BAR LTA ZHING 'DZUM, ,G-YON PA'I BZHIN GYI PHYAG RGYA YIS, ,KHAMS GSUM DAG KYANG THAR PAR BYED, ,SPYI BOR RTA MGRIN GSANG MTHO BA, ,RTA GDONG LJANG SER KHA DOG GSAL, ,SO GTZIGS PAS NI MCHU MNAN NA, ,'JIG RTEN THAMS CAD 'JIGS PAR BYED, ,BZHIN GYI PHYAG RGYA SHES PA'O, ,LHA MO KUN GYI BDE BA'I MCHOG, ,MDZES MA'I MCHU NI SOS MNAN TE, ,'DZUM PA'I PHYAG RGYA MCHOG 'DI NI, ,SANGS RGYAS THAMS CAD DGYES PAR BYED, ,'DOD CHAGS BDE BAS G-YEM SPYO BA, ,STEG PA'I MA MCHU SOS MNAN PA'I, ,'DZUM PA'I PHYAG RGYA MCHOG 'DI NI, ,KHAMS GSUM DAG KYANG DGA' BAR BYED, ,SBYOR BA KUN GYI BDE BA MCHOG ,MDZES PA'I MA MCHU G-YO BAR BYED, ,'DZUM PA'I PHYAG RGYA MCHOG 'DI NI, KHAMS GSUM DAG KYANG DGA' BAR BYED, ,SHA CHEN

284a

, ,GYI NI RO MYONG ZHING, ,MA MCHU SO YIS MNAN PA YI, ,'DZUM PA'I PHYAG RGYA MCHOG 'DI NI, KHAMS GSUM DAG KYANG ZA BAR BYED, ,BDE BA KUN GYI RO MYONG ZHING, , MA MCHU RNAM BAR MDZES BYAS PA, ,'DZUM PA'I PHYAG RGYA MCHOG 'DI NI, ,THAL BAR GYUR PA'ANG 'TSO BAR BYED, ,'DZUM PA'I PHYAG RGYA MCHOG SHES PA'O, ,BDE BA MYONG BAR RAB SBYOR BA,, ZAM ZIM LTA BA RNAM BSGYUR BAS, ,RGYAS BTAB RMONGS BYAS ZOS PA YI, ,KHAMS GSUM DAG KYANG 'TSO BAR BYED, ,BUD MED MKHAS PA SGYU MA'I MCHOG ,MDZES PAR LTA BA'I GAR BYAS NAS, ,RGYAS BTAB RMONGS BYAS BSLANGS NAS NI, ,KHAMS GSUM DAG KYANG SGRUB PAR BYED, ,SANGS RGYAS GSANG BA'I MNYAM SBYOR BA, ,LTA BA RAB ZHI BDE BAR GNAS, ,LTA BA'I PHYAG RGYA MCHOG 'DI NI, ,BUD MED THAMS CAD DBANG DU BYED, ,SMIN MTSAMS KHRO GNYER 'GYUR BAR BCAS, ,LTA BA RAB 'BAR RNAM PAR BSGYUR, ,LTA BA'I PHYAG RGYA MCHOG 'DI [?], , KHAMS GSUM DAG KYANG 'BAR BAR BYED, ,KHRO ZHING 'GYUR BAR BCAS PAR 'DZUM, ,LTA BA GSAL LA BDE BA GNAS, ,LTA BA'I PHYAG RGYA MCHOG 'DI NI, ,KHROS PA THAMS CAD RAB TU SGRUB; ;STEG LA SOGS PA'I RO DANG LDAN, ,STEG BCAS LTA BA'I GAR BYED PA, ,LTA BA'I PHYAG RGYA MCHOG 'DI NI, ,KHAMS GSUM DAG KYANG GAR BYED 'JUG ,LTA BA'I PHYAG RGYA SHES

284b

PA'O; ;NA MASTU SARBBA BUDDHE BHYA:, ZHES PA'I PHYAG RGYA LA GNAS NA, ,LAS DANG MCHOD PA MA LUS PA, ,LUS PA MED PAR THAMS CAD 'GRUB, ,RANG BYUNG RNAMS KYI MCHOD PA KUN, ,CHOS DBYINGS MNYAM DANG MI MNYAM PA, ,NAM MKHA'I DBYINGS KYI MTHA' KLAS PA, ,LAN GCIG BRJOD PAS 'GRUB PA'I PHYIR, ,DAM PA'I CHOS KYI PHYAG RGYA 'DIS, ,GANG DAG BYAS PAR MA GYUR CING, ,SPEL BA DAG TU MA GYUR PA'I, ,DAM PA RGYA CHEN DE DAG MED, ,AOm RU RU SPU RU DZV'A LA TIshthA SIDDHA LO TZA NE SARBA AARTHA S'A DHA NI SV'AH'A, CHOS KYI PHYAG RGYA MCHOG 'DI NI, ,SEMS CAN THAMS CAD DBANG BYED PA, ,STOBS KYIS MYUR DU BKUG NAS NI, ,BRAN BZHIN DU NI BYED DU 'JUG ,SU BHA G'A STVAm MA H'AN DE BI HI RI, MI RI, RI TI, NI RI SHRI YE SV'AH'A, CHOS KYI PHYAG RGYA DAM PA 'DI, ,'DOD PA'I BDE BA KUN SBYIN PA'O, ,AOm T'A RE TUTT'A RE TU RE SV'AH'A, CHOS KYI PHYAG RGYA LA GNAS PA, ,SANGS RGYAS BYANG CHUB RAB SGRUB NA, ,BUD MED GZHAN LTA CI ZHIG SMOS, ,TRAm BHA BA t'A t'A, TRA tA TRA tA, RE BA THAMS CAD KUN NAS RDZOGS, , CHOS KYI PHYAG RGYA DAM PA DANG, ,RE BA THAMS CAD RDZOGS BYED PA'O, ,SHRI BADZRA PADMA BA dA BA MU KHA YO G'I SH'A RA HI HI HI HI HI, CHOS KYI PHYAG RGYA DAM PA 'DI, ,'JIG RTEN THAMS CAD RAB TU 'JIG ,CHOS KYI PHYAG RGYA SHES PA'O, ,SKAD KYI GSANG NI MTHON DMAN DANG, ,GRE BSGYUR BCOS SHING BZLAS PA DANG, ,DUS RAB ZHI BA MCHOG RNAMS KYIS, ,H'Um LA SOGS PA'I GLU BLANG ZHING, ,TSIG RNAMS KUN

285a

, ,GYIS CI 'DOD PAR, ,JI LTAR SPRO BAR GLU KUN GYIS, ,H'Um GI GLU YI PHYAG RGYA DPAL, ,RDO RJE SEMS DPA' RAB SGRUB PA'O, ,LHA MO KUN GYI LHA MO MCHOG ,CHA LUGS BZHIN DU GAR BYA ZHING, ,KA KA LA SHAm BHA LA SOGS, ,GLU RNAMS THAMS CAD RJES SU BLANG, ,AOm GYI GLU YI PHYAG RGYA NI, ,TSANGS PA'I DBYANGS KYIS CI DGAR SLANG, ,MA LUS LUS PA MED PA YIS, , SEMS CAN THAMS CAD THAR PAR BYED, ,RDO RJE DRAG PO GAD ME CHE, ,MKHUR BA'I DBUGS KYI SA RLUNG 'BYIN CING, ,'BRUG GI SGRA LTAR ZAB PA YI, ,RU LU RU LU'I SGRA BYUNG NA, ,PHYAG RGYA 'DI YIS RNAL 'BYOR PA, ,KHAMS GSUM DAG KYANG RGYAS 'DEBS SHING, ,THAR PAR BYED CING GSOD PAR BYED, ,SHI BA MOD LA 'TSO BAR BYED, ,RDO RJE DRAG TU BZHAD PA ZHES BYA BA'I PHYAG RGYA'O, ,tE ZHES BYA BA'I GLU YI RGYA, ,THAMS CAD DAG PAR RAB BSGRUBS PA'O, ,HI ZHES BYA BA GLU YI RGYA, ,KHAMS GSUM RNAM PAR RGYAL BAR BYED, ,KA KA LA LYE DANG CO RA'I DBYANGS, ,DE BZHIN RAB TU GDANGS SNYAN DANG, ,KA TA SHA YI GLU YI RGYA, ,'JOMS PA THAMS CAD GRUB PA'O, ,GLU YI PHYAG RGYA SHES PA'O, ,GLING BU DANG NI RGYUD GCIG DANG, ,DE BZHIN RGYUD MANG RGYUD STUG DANG, ,SIL SNYAN PHYAG RGYA BSHAD PA RNAMS, ,LAS RNAMS THAMS CAD RAB SGRUB PA'O, ,CHA LUGS BZHIN DU GAR BYED PAS, ,MA BRDUNGS PAR YANG RAB TU 'GRUB, ,LAS RNAMS KUN LA MCHOG TU NI, ,

285b

BRDUNGS NA DPAL NI BZHI 'GYUR 'GRUB, ,SNYING PO PHYAG RGYA SNGAGS RIG DANG, ,BYA BA [?] RNAM PA SNA TSOGS DANG, ,RNAM PAR SEL LA SOGS PA'I THABS, ,DNGOS GRUB THAMS CAD RAB SGRUB PA'O, ,DZA:H'Um BAm HO:RUttA MAttA, SMA R'A RA tA, HU LU HU LU, PRA SIDDHYA, tAKKI H'Um DZA: KI NI DHU NI H'Um TRUm, tAKKI H'Um DZA: HU LU HU LU, AA LA LA LA HO, ,SHUDDHYA SIDDHYA, DA RIsh'A YA SARBBA NA tA GHEE GHEE, tA tA GHEE GHEE GHEE, tA GHEE tA KA GEE GEE GEE ,tA TA KEE ,tA TA KEE ,tA GE ,HAm tO nA, tAKKI H'Um DZA: GE TA GE DHO NA, tAKKI H'Um TRUm, AA LA LA LA HO, ,RUttA MAttA, THAL MO BRDAB PA BRTAG PA'O, ,tA GHE GHE, tA GHE GHE, tA KE NA tA GHEm GHEm GHEm, tA GHEm GHEm tA GHEm, RGYUN GYI RNGA'O, ,A'Am A'Am A'Am, H'Um H'Um H'Um, B'Am B'Am B'Am, DHAm DHAm DHAm, DAM TSIG GSUM GYI RNGA'O, ,DHEKHOm KHOm KHOm KHOm, DHE BADZRA BADZRA n+YANG, KOm KOm KOm KOm ,H'Um BHYO H'Um BHYO H'Um BHYO, RU LU RU LU H'Um BHYO, DHEm, KHOm KHOm KHOm KHOm, dnEm; KHOm KHOm KHOm, dnE KOm KOm KOm ,DPAL RDO RJE HE RU KA'I RDO RJE RNGA'I PHYAG RGYA'O, ,PADMA PADMA HRI, PADMA PADMA SHI ,PADMA PADMA HRI, DPAL PADMO BRDAB PA'I RNGA'O, ,TR'Am TR'Am TR'Am, BHA BHA BHA BHA BHA BHA BHA, T'A t'A T'A t'A t'A t'A t'A t'A; T'Am, T'A T'A T'A, TR'A TR'A TR'A TR'A TR'A, TRAm tAm KE TANGKUTTA, TUttATTRA, RGYAL PO'I RNGA'O, ,tAKKI H'Um DZA: tAKKI H'Um DZA: SNYEMS PA'I 'GROS SO, ,TR'AttA TR'A TR'A TR'A TR'A TRA, MYUR ZHING RAB TU MYUR BA'O, ,TA tA BHA TA, BA TRUm, TA TH'A GA TA; BA H'Um, TA t'A BHA TA TA BHA HI NA, DPAL RTA MCHOG RNAM PAR ROL PA'O, ,TA T'A BHA tA tA BHA T'A T'A, SHIN TU MYUR BA'I RNGA'I PHYAG RGYA STE, SIL SNYAN GYI PHYAG RGYA SHES PA'O, ,RDO RJE SEMS DPA'

286a

, ,BDAG SBYOR BAS, ,LAG GNYIS RDO RJER BCINGS PA YI, ,RDO RJE SE GOL BRDABS PA YIS, ,SANGS RGYAS THAMS CAD BSDU BAR BYA, ,DE YI BKA' TZAM GYIS SKRAG NAS, ,'KHOR GYI DKYIL 'KHOR DANG BCAS PA'I, ,SANGS RGYAS KUN KYANG 'DU 'GYUR NA, ,GZHAN LTA SMOS KYANG CI ZHIG SMOS, ,G-YON PA'I SE GOL BRDABS PA DANG, ,THAL MO DAL BUS BRDABS PAS 'GRUB,, G-YAS BA'I THAL MO YIN PAR GSUNGS, ,GNYIS KA KUN TU SDUD PA YIN, ,THAL MO'I SBYOR BA RAB SBYOR BAS, ,LAS KYI TSUL BZHIN 'BRANG BA DANG, ,THAL MO DAL BUS BSDU BA DANG, ,GLU DANG SIL SNYAN GAR BYED PAS, ,STEG DANG DPA' DANG SNYING RJE DANG, ,DGOD DANG KHRO DANG 'JIGS PA DANG, ,MI SDUG NGO MTSAR ZHI BA YI, ,NYAMS KYI PHYAG RGYA RANG DON SGRUB, ,STEG LA SOGS BA'I NYAMS DANG LDAN, ,SNA TSOGS PHYAG RGYA'I GAR BYAS PAS, ,THAMS CAD BDAG NYID RGYAR SBYOR BAS, ,DBAB PA THAMS CAD RAB TU 'GRUB, ,RDO RJE SEMS DPA' STEG PA LA, ,DPAL LA DPA' BO DE BZHIN GSHEGS, ,RDO RJE 'DZIN PA SNYING RJE LA, ,DGOD PA 'JIG RTEN DBANG PHYUG MCHOG ,RDO RJE NYI MA KHRO BA LA, ,RDO RJE DRAG PO 'JIGS PA LA, ,SH'AKYA THUB PA MI SDUG LA, ,NGO MTSAR LA NI AA RA LI, ,RAB TU ZHI LA SANGS RGYAS RTAG ,SDUG BSNGAL THAMS CAD ZHI BA'I PHYIR, ,DNGOS PO KUN GYI RANG BZHIN GYIS, ,NYE BAR GNAS SHING BYIN GYIS RLOB, ,BLTA BAS MI NGOMS PA YI

286b

GZUGS, ,THAMS CAD BDAG NYID STON PAR MDZAD, ,LEGS SO ZHES BYA 'GRUB PA YI, ,MCHOG TU GYUR PA'ANG RAB TU STZOL, ,THAMS CAD BDAG NYID GRUB PA'I MCHOG ,RE BA THAMS CAD YONGS RDZOGS PA, ,SANGS RGYAS KUN TU 'GYUR BA'I MCHOG ,RNAL 'BYOR DAM PA STER BAR 'GYUR, ,PHYAG RGYA SBYOR BA 'DI DAG GIS, ,RANG GI MCHOD PA RAB TU SBYAR, ,RDO RJE SEMS DPA' DPAL GYI LHA'I; ;SBYOR BA THAMS CAD RNAM 'PHRUL DANG, ,PHYAG RGYA PHYAG RGYA'I LAN RNAMS DANG, ,SNA TSOGS PHYAG RGYA RNAM 'PHRUL PAS, ,YID LA BSAM PA KUN RDZOGS PHYIR, ,MCHOD PA DAM PA SBYAR BAR BYA; ;KUN TU SNA TSOGS SKAL BZANG PO, ,KUN GYI SLOB DPON BDAG NYID BSGYUR, ,KUN 'BYUNG LA SOGS SBYOR BA YIS, ,RGOL BA BDAG DANG GAR BYAS TE, ,DE NAS RGOL BA CI RIGS PAR, , SANGS RGYAS THAMS CAD 'BYUNG BAR 'GYUR, ,DE NAS SLAR NI RGOL BA YANG, ,RDO RJE 'DZIN PA CHEN POR BSGYUR, ,RGOL BA'ANG DE NAS TSUL BZHIN DU, ,PADMO GAR 'BYUNG MCHOG TU BSGYUR, ,DE NAS SLAR DU RGOL BA YANG, ,RDO RJE NYI MA MCHOG TU BSGYUR, ,DE NAS PHYIR YANG RGOL BA NI, ,RTA MCHOG 'BYUNG BAR BSGYUR BAR BYA, ,DE NAS SLAR NI RGOL BA YANG, ,BDAG NYID 'BYUNG BAR RAB TU 'GRUB, ,DE NAS PHYAG RGYA SHES PA 'DI, ,SDOM PA THAMS CAD RAB STON PA, ,RDO RJE SEMS DPA' DPAL GYI GLU, ,KHYAD PAR DU NI BSHAD PAR BYA, ,LA LAR DRI MED ZLA BA'I DKYIL 'KHOR STONG LAS MDZES

287a

, ,PA'I GZUGS SU RNAM PAR SNANG, ,LA LAR RAB TU 'JIGS PA'I NYI MA BYE BA PHRAG DGU'I 'OD ZER MCHOG BAS 'JIGS, ,LA LAR MDANGS BZANG GZI CHE BDE DANG ZHI BAR LDAN PA RGYAL BA'I GZUGS SU SNANG, ,LA LAR 'GRO BA THAMS CAD MNYAM PAR 'JOG PA'I GZUGS LDAN GSUNG MCHOG LDAN PAR STON, ,RDO RJE SEMS DPA' 'GRUB PHYIR 'DUL LA MKHAS PA MA LUS BDE BA'I MCHOG RNAMS LAS, ,AA RA LI RNAMS MNYAM SBYOR SRUNG MDZOD RUttA MAttE AA LA LA LA HO, ,RNAM PA MANG PO 'DUL BAR MDZAD PA'I TSUL LA GAR MKHAN MCHOG GIS GAR MDZAD PA, ,DAM TSIG GAR GYI DBANG PHYUG SANGS RGYAS GAR MDZOD AA LA LA HO, ,RNAM MANG BDE MCHOG RAB TU BAR MDZAD PA YIS THAR PA'I BDE BA'ANG THOB PAR MDZOD, ,'DI DAG GLUR NI BLANGS PA YIS, ,SANGS RGYAS THAMS CAD MNYAM SBYOR BA'I, ,MKHA' 'GRO SGYU MA BDE BA'I MCHOG, ,'GRUB PAR 'GYUR BA GDON MI ZA, ,DE LTAR RAB TU GAR BYAS TE, ,DE LAS GANG ZHIG PHAM GYUR PA, ,TSOGS LA DE YIS TSOGS KYI ZAS, ,YON DANG BCAS PAR DBUL BAR BYA, ,MCHOD PA'I CHO GA 'DI DAG GIS, ,SDIG PA KUN LAS THAR PAR 'GYUR, ,BSOD NAMS THAMS CAD 'PHEL PAR 'GYUR, ,DE BZHIN RTAG PAR SRUNG BAR 'GYUR, ,RIMS DANG DUG DANG DBYIG DUG DANG, ,MKHA' 'GROS GTZE DANG GDON RNAMS DANG,,

287b

BDUD DANG SEMS CAN DMYAL BA RNAMS, ,'DI YIS RAB TU ZHI BAR 'GYUR, ,DNGOS GRUB RNAMS DANG PHUN SUM TSOGS, ,DGA' DANG DE BZHIN BDAG PO DANG, ,SANGS RGYAS DAM PA THAMS CAD DANG, ,PHYAG RGYA'I MCHOG RNAMS 'GRUB PAR 'GYUR, ,GAR GYI PHYAG RGYA SHES PA'O, ,RAB TU DGA' BA RJES SU RAB CHAGS DGA' BA'I MDA' GZHU RAB TU PHRA BA'I RGYAS BTAB PAS, ,RAB TU DGA' BAR SBYOR BA'I BDE BAS MYOS PA BDE BA THAMS CAD BDAG LA GRUB PAR MDZOD, ,RAB TU BDE MCHOG RNAM PA SNA TSOGS RNAM PAR RGYAL BA'I RGYAL MTSAN BSGRENG BA'I LONGS SPYOD DANG, ,RAB TU DGA' BA'I DBANG PHYUG TSE MCHOG GRUB PAS DE BZHIN GSHEGS PA ZHUGS HO RTA MCHOG HO, ,RAB TU SNA TSOGS BDE BA'I MCHOG LA ROL CIG HO, ,BDE BAS SLONG LA RNAM PAR ROL CIG H'Um SNANG MDZOD, , AA LA LA LA HO, ,DE BZHIN GSHEGS PA KUN GYI MKHA' 'GRO SGYU MA SNA TSOGS KYIS, ,SLOB MA RAB TU GZUNG DU GSOL, ,KYE MA'O BDE MCHOG GRUB PAR MDZOD, ,KYE MA'O BDE BA BDE BA STZOL, , DAM PAR RAB TU ZHUGS PAR MDZOD, ,BDAG LA RAB TU DGYES PAR GYUR, ,AA LA LA HO, ,AE MA'O SHI SHI ZHUGS SHIG ZHUGS SHIG ,MKHA' 'GRO BDE MCHOG YONGS BSKOR KUN TU ZHUGS, , 'DI DAG GLUR NI BLANGS PA YIS, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,'GRUB PAR 'GYUR BA GDON MI ZA, ,RDO RJE SEMS DPA' SDUD PA DANG, ,RDO RJE

288a

, ,RIN CHEN BLA MED PA, ,RDO RJE CHOS NI GSUNG BA DANG, ,RDO RJE LAS NI BYED BAR 'GYUR, ,H'Um RDO RJE LAS KYI MDA' GZHU LA PHYAG 'TSAL LO, ,DPAL RDO RJE CHAGS PA'I DAM TSIG LA PHYAG 'TSAL LO, ,RDO RJE KHA tV'Am GA RAB TU 'JIGS PA LA PHYAG 'TSAL LO, ,DPAL RDO RJE DRIL BU RAB TU 'KHROL BA LA PHYAG 'TSAL LO, ,LA LAR RAB TU DRAG CING SKYE BOR DRAG LA DRAG PA'I BUD MED SKU LTAR RAB TU SNANG, ,'GRO BA MTHA' YAS 'DUL PHYIR LA LAR RAB TU RNO BA'I 'KHOR LO PHYAG NA BSNAMS PA'I SKU, ,LA LAR RAB TU DES SHING ZHI BA MI 'GYUR SBYIN PA TSANGS PA'I SKUR YANG STON PAR MDZAD, ,LA LAR RAB TU 'BAR BA'I CHAGS PA PADMA RGYAL PO'I DAM TSIG BDAG LA GRUB PAR MDZOD, ,THAMS CAD DBANG BSKUR DBANG PHYUG DAM PA MI ZAD GTER MCHOG BDAG LA GRUB BAR MDZAD DU GSOL, ,KUN MCHOG RGYAL MTSAN RNAM RGYAL BSGRENG BA'I RDO RJE RIN CHEN SHIN TU CHE BA BDAG LA GRUB PAR MDZOD, ,LA LAR MKHAS PA'I GZUGS KYANG 'DZIN, ,LA LAR DUS MTHA'I DUS LTAR DRAG ,LA LAR RGYAL BA'I DBANG PO BZHIN DU ZHI, ,LA LAR RTA MCHOG SBYOR BAS 'DOD PA SGRUB, ,RDO RJE GLU'I MCHOD PA'I PHYAG RGYA SHES PA'O, ,ME TOG DKAR DANG DMAR BA DANG, ,MTHING KHA SER PO KUN BSDUS PA, ,ME TOG PHYAG RGYA MCHOG 'DI NI, ,'DOD PA'I YON TAN LNGA LA SPRO, ,RGYA SKYEGS MTHING KHA LJANG GU'I MDOG ,TSON SNA

288b

BZHI YIS BCOS PA DANG, ,DKAR BO LNGA YI PHYAG RGYA DAG ,SNGA MA BZHIN DU MNYAM PAR SGRUB, ,KHAMS LAS BYUNG BA THAMS CAD DANG, ,SROG DANG RTZA BA DE BZHIN TE, ,RNAM PAR MDZES SHING DRI ZHIM PA; ;SNGA MA BZHIN DU MNYAM PAR SGRUB, ,TZANDAN GNYIS DANG GLA RTZI DANG, ,GA PUR N'A GA SHA LA KI ,BDUG PA BU RAM DANG SBYAR BA, ,LAS RNAMS THAMS CAD RAB SGRUB PA'O, ,GANDHAR DRI DANG GU GU LA DANG, , SARDZA GA PUR GLA RTZI DANG, ,RDZAS 'DI DAG LAS BTZOS PA'I MAR, ,ME MAR BYAS NA SNANG BA SKYE, ,TZANDAN GUR GUM SBRi KA DANG, ,GA BUR DANG NI GLA RTZI DANG, ,BCAS PA BDUG PA GRUB PA STE, ,SPOS KYI PHYAG RGYA SPOS MCHOG 'GYUR, ,KA KO LA DANG SUG SMEL DANG, ,GLA SGANG GA PUR GLA RTZI DANG, ,'DI RNAMS ZHIB TU BTAGS PA NI, ,SENG LDENG BU RAM DAG DANG SBYAR, ,SHING TSVA BA TVA LO DRA DANG, ,NA LE SHAM DANG GA PUR SBYAR, ,SA HA KA RA'I SHING MNGAR GYIS, ,SBRUS PA KHA YI SPOS YIN NO, ,DPAL RDO RJE SEMS DPA'I PHYAG RGYA SBYOR BA'O, ,ME TOG DMAR PO SANGS RGYAS LA, ,RDO RJE CAN LA SNA TSOGS PA, , 'JIG RTEN DBANG LA ME TOG DKAR, ,SER BO MKHA' LAS BYUNG BA LA, ,TZANDAN BDUG BA SANGS RGYAS LA, ,RDO RJE CAN LA DU RU SKA, ,SPYAN RAS GZIGS DBANG KA PI TA, ,CE POG RDO RJE NYI MA LA, ,MAR ME PHRENG BA SANGS RGYAS LA, ,RDO RJE CAN LA MAR ME BDUN, ,SPYAN RAS GZIGS LA MAR ME BRGYA, ,STONG NI RDO RJE NYI MA LA, ,SANGS RGYAS RNAMS LA TZANDAN SPOS, ,RDO RJE CAN LA GUR GUM YIN, ,

289a

, ,SPYAN RAS GZIGS LA TZANDAN DMAR, ,GA PUR RDO RJE NYI MA LA, ,ME TOG KUN DANG BDUG PA KUN, ,DE BZHIN MAR ME THAMS CAD DANG, ,SPOS RNAMS THAMS CAD CI SNYED PA; ;RDO RJE RTA LA DBUL DU RUNG, ,MCHOD PA THAMS CAD KYI PHYAG RGYA SHES PA'O, ,SGEG MO DANG NI NA CHUNG DANG, ,MYOS DANG DE BZHIN BDUD RTZI DANG, ,GCIG TU DPA' DANG 'DOD CHAGS SRA, , G-YON CAN BRAN MO DE BZHIN TE, ,LAN TSVA LA SOGS RO KUN DANG, ,KHA RA LA SOGS BDUD RTZI BZHIN, ,BDAG NYID KUN GYI RO SGRUB BA, ,MA LUS LUS PA MED PAR 'GRUB, ,SHA DANG CHANG DU LDAN PA YI; ;BZA' BA SNA TSOGS GRUB PA NI, ,DGA' BA'I LONGS SPYOD SKAL MCHOG STE, ,TSE YI DAM BA RAB TU 'GRUB, ,AA 'BRA SMIN DANG RGUN 'BRUM DANG, ,PA NA SA DANG NA LE KAR, ,AARKA LA SOGS 'BRAS BU'I, ,PHYAG RGYA'I MCHOG NI 'DI RNAMS TE, ,DNGOS GRUB 'BRAS BU THAMS CAD 'THOB, ,KHA RA SBRANG RTZI BYUGS PA YI, ,AA 'BRA LA SOGS TSIG GUS BYUG ,SA HA RA YI MAR LA SOGS; ;MNYAM PA'I DRI YIS BSKU BAR BYA, ,YUNGS DANG RGYA SKEGS LA SOGS PA'I, ,TSON GYIS MTHUN PAR KHA BSGYUR NAS, ,SHUN PA GRO BA LA SOGS BYAS, ,MCHOD PA'I TSE NA DBUL BAR BYA; ;'BRAS BUR BCAS PA'I PHYAG RGYA SHES PA'O, ,SANGS RGYAS RNAMS LA BSHOS DBUL LO, ,SHA DANG CHANG NI RNAM PAR SPANG, ,GLU DANG SIL SNYAN GRUB PA DANG, ,GDUGS DANG RGYAL

289b

MTSAN BA DAN DANG, ,SHA DANG CHANG DU BCAS PA NI, ,GTOR MA'I MCHOG STE SNA TSOGS PA'O, ,BDAG GI PHYUG CHEN SKAL BZANG BO, ,RDO RJE'I LAS NI DPAL GRUB PA'O, ,BSHOS DANG GTOR MA DKAR PO DANG, ,PADMA'I ME TOG LDAN PA NI, ,SPYAN RAS GZIGS DBANG GTZO BO LA, ,PHUL NA DGOS PA THAMS CAD 'GRUB, ,RGYAL PO'I KHA ZAS SNA TSOGS PA, ,SHA DANG CHANG DU LDAN PA DANG, ,GLU DANG SIL SNYAN SKAL BZANG DAG ,RDO RJE NYI MA'I 'KHOR LA DBUL, ,KHA ZAS KUN GYI RO RNAMS DANG, ,SHA DANG SHA YI MCHOG RNAMS DANG, ,SHA YI SBYOR DANG SHA SKAM DANG, ,BSHOS DAG RDO RJE RTA LA DBUL,, MCHOD PA DANG GTOR MA THAMS CAD KYI CHO GA'I PHYAG RGYA'O, ,MTHE BONG SEMS DPA'I SKYIL MO KRUNG, ,MDZUB MO GNYIS KYI RTZE MO DGUG ,GUNG MO GNYIS NI MNYAM PAR SBYAR, ,LHAG MA RDO RJE THAL MO SBYAR, ,SANGS RGYAS RIN CHEN PHYAG RGYA 'DI, ,RANG BYUNG RNAMS KYI DBANG BSKUR BA, ,RGYAL SRID THAMS CAD MA LUS PA, ,LUS PA MED PA MYUR DU 'GRUB, ,SPYI BO DANG NI DPRAL BA DANG, ,LDAN PA GNYIS DANG RTAG PAR NI, ,SANGS RGYAS KUN GYI RIN CHEN MCHOG ,DBU RGYAN KUN TU BRGYAN PAR BYA, ,DBU RGYAN BCING BAS BCINGS NAS NI, ,'GYING ZHING MTHA' NAS DGROL BAR BYA, ,DAR GYI MTHA' MA DPYANGS PA LTAR, ,BYAS NAS THAL MO BRDAB PAR BYA, ,SANGS RGYAS PADMO RDO RJE 'DZIN, ,RDO RJE NYI MA KHAMS GSUM PA, ,DE YIS DGRA MED SDIG MED PAR, ,BDAG GI LONGS SPYOD NYID DU

290a

, ,SPYOD; ;'DI YIS BSRUNG BA BYAS NAS NI, ,RDO RJE SEMS DPA' DPAL DANG 'DRA, ,SANGS RGYAS KUN GYI DNGOS GRUB CHE, ,'KHOR LOS BSGYUR BA RAB TU 'GRUB, ,DE BZHIN GSHEGS PA THAMS CAD KYI NOR BU RIN PO CHE'I DBU RGYAN MNYAM PAR SBYOR BSKAL PA BZANG PO DPAL GYI PHRENG BA ZHES BYA BA'I PHYAG RGYA'O, ,SOR MO THAMS CAD NANG DU BSNOL, ,SOR MO RTZE MO KUN SPRAD NAS, ,MTHE BONG RDO RJES MNAN PA NI, ,SNA DANG MIG PHUGS LTA BU STE, ,PADMO'I RIN CHEN PHYAG RGYA 'DI, ,BDAG NYID CHEN POR DBANG BSKUR BA, ,RGYAL SRID THAMS CAD MA LUS PA; ;LUS PA MED PAR MYUR DU 'GRUB, ,SPYI BO DANG NI DPRAL BA DANG, ,LDAN PA GNYIS DANG LHAG PAR SBYAR, ,THOD PA'I PHRENG BA DBU RGYAN TE, ,SANGS RGYAS GTZUG GI NOR BU 'BAR, ,DBU RGYAN BCING BAS BCINGS NAS NI, ,'GYING BA'I MTHA' NAS DGROL BAR BYA, ,DAR GYI MTHA' MA DPYANGS PA LTAR, ,BYAS NAS THAL MO BRDAB PAR BYA, ,'DI YIS BSRUNG BA BYAS NAS NI; ;RDO RJE SEMS DPA' DPAL DANG 'DRA, ,KHAMS GSUM DAG NI RGYAL SRID CHE, ,'KHOR LOS BSGYUR BA RAB TU 'GRUB, ,DPAL RDO RJE HE RU KA PADMO'I NOR BU RIN PO CHE'I DBU RGYAN MNYAM PAR SBYOR BA SKAL PA BZANG PO DPAL GYI PHRENG BA ZHES BYA BA'I PHYAG RGYA'O, ,RDO RJE THAL MO MNYAM SBYAR TE, ,LAG GNYIS NOR BU RIN CHEN DU, ,JI LTAR RIGS PAR MNYAM SBYAR

290b

NAS; ;MDZUB MO MTHE BO'I RTZE MO BZHI, ,YONGS SU BSGYUR TE BTEG NAS SU, ,DPRAL BAR LEGS PAR BZHAG NAS NI, ,KHAMS GSUM BDAG PO RGYAL BAR BDAG ,MA LUS LUS PA MED PAR 'GRUB; ;DPAL RDO RJE RIN CHEN GYI PHYAG RGYA'O, ,LAG PA SHIN TU BRKYANG BA YIS, ,MDZUB MO GNYIS PA'I MDUD PAR BCING, ,GUNG MO MTHE BO'I RTZE MO CAN, ,RDO RJE'I PHYAG RGYA YONGS SU BSGYUR, ,YONGS SU BSGYUR TE BTEG NAS KYANG, ,KHRO GNYER DU NI LEGS BZHAG NA, ,RGYAL SRID THAMS CAD LEGS 'GRUB PA, ,MA LUS LUS PA MED PAR 'GRUB, ,'DI YIS BSRUNG BA BYAS NA NI, ,RDO RJE LAS KYI DPAL DANG 'DRA, ,RNAL 'BYOR DBANG PHYUG RAB BSGRUBS PA, ,MA LUS LUS PA MED PAR 'GRUB, ,MA MO DANG NI BYAD MA DANG, ,MKHA' 'GRO MA YANG LHAG PAR 'GRUB, ,DUR KHROD DNGOS GRUB THAMS CAD DANG, ,LAS RNAMS THAMS CAD BYED PAR 'GYUR, ,DPAL RDO RJE HE RU KA'I PHYAG RGYA'O, ,MTHE BONG DPA' BO'I SKYIL MO KRUNG, ,MDZUB MO GNYIS KYI RTZE MO DGUG ,GUNG MO GNYIS NI MNYAM PAR SBYAR, ,LHAG MA RDO RJE THAL MO'I 'OD, ,RDO RJE RIN CHEN PHYAG RGYA 'DI, ,RANG BYUNG RNAMS KYI DBANG BSKUR BA'O, ,'JIG RTEN DBANG PO DAM PA KUN, ,MA LUS LUS PA MED PAR 'GRUB, ,'DI YIS BSRUNG BA BYAS NA NI, ,RNAM PAR SNANG MDZAD DPAL DANG 'DRA, ,SANGS RGYAS KUN GYI TSE 'GRUB PA, ,MA LUS LUS PA MED PAR 'GRUB, ,TSE DANG YE SHES DPAG TU MED PA RNAM PAR NGES PA ZHES

291a

, ,BYA BA'I PHYAG RGYA'O, ,RDO RJE THAL MO MNYAM SBYAR LA, ,MDZUB MO BSNYAMS TE PHYI ROL DGUG ,MTHE BONG GNYIS NI RAB TU BRKYANG, ,RDO RJE NOR BU ZHES KYANG BYA, ,DPRAL BAR MYUR DU BZHAG PA NI, ,BSAM PA THAMS CAD YONGS RDZOGS SHING, ,RGYAL SRID THAMS CAD RAB SGRUB PA, ,MA LUS LUS PA MED PAR 'GRUB, ,DPAL NOR BU RIN PO CHE DBANG BSKUR BA'I PHYAG RGYA'O, ,SANGS RGYAS RIN CHEN PADMO DANG, ,DE BZHIN RDO RJE RIN CHEN DANG, ,YID BZHIN NOR BU RIN CHEN MCHOG ,RTA MCHOG RAB TU 'GRUB PAR 'GYUR, ,PHYAG RGYAS RAB TU DBANG BSKUR BA'I PHYAG RGYA SHES PA'O, ,SOR MO PHAN TSUN BSNOL BA NI, ,RDO RJE THAL MO YIN PAR BSHAD, ,SOR MO THAMS CAD BSDAMS PA NI, ,RDO RJE BSDAMS PA YIN PAR BSHAD, ,RDO RJE BSDAMS BA BYAS NAS NI; ;MDZUB MO MTHE BO'I NANG DAG TU, ,G-YAS PA'I MTHE BO'I MTSAN MA 'DI, ,RTZE MO BCUG LA BSDAM PAR BYA, ,DGA' CHEN DPAL GYI PHYAG RGYA STE, ,PHYAG RGYA THAMS CAD RANG BYUNG BA, ,RAB 'BYAMS LAS RNAMS DNGOS GRUB NI, ,MA LUS LUS PA MED PAR 'GRUB, ,DGA' BA'I RDO RJE BCINGS NAS NI, ,GUNG MO BCINGS PA'I NANG DU GZHUG, ,MTHE BONG MTHE'U CHUNG RTZE MO CAN, ,RDO RJE'I PHYAG RGYA YONGS SU BSGYUR, ,'DI YIS SANGS RGYAS THAMS CAD DANG, ,DE BZHIN DPA' BO THAMS CAD DANG, ,RDO RJE 'DZIN PA THAMS CAD NI, ,TSE 'DI NYID LA 'GRUB PAR 'GYUR, ,DPAL BDE

291b

BA CHEN PO'I RDO RJE'I PHYAG RGYA'O, ,DE LAS GUNG MO LCAGS KYU NI, ,BDAG GI SNYING GAR SBYAR BAR BYA, ,'DI NI THAMS CAD 'GUGS PA'I RGYA, ,DE MA THAG TU PHYAG RGYA 'DIS, ,SANGS RGYAS PADMO RDO RJE 'DZIN,, RDO RJE NYI MA KHAMS GSUM PA, ,BKUG STE DBANG DU BYAS NAS NI, ,LAS RNAMS KUN LA SBYOR BAR BYED, ,DPAL BDE BA CHEN PO RDO RJE LCAGS KYU ZHES BYA BA'I PHYAG RGYA'O, ,RDO RJE BSDAMS PA BYAS NAS NI; ;GUNG MO BCINGS PA'I NANG DU GZHUG ,MTHE'U CHUNG MTHE BONG RTZE MO CAN, ,RDO RJE'I PHYAG RGYAR YONGS BSGYUR NA, ,SANGS RGYAS BYANG CHUB SEMS DPAR YANG, ,SBYOR BA 'DI YIS MI DKA' NA, , DNGOS GRUB GZHAN DANG LAS KYI MCHOG ,RAB 'BYAMS GZHAN LTA CI ZHIG SMOS, ,DE BZHIN GSHEGS PA THAMS CAD KYI DPAL RDO RJE'I PHYAG RGYA'O, ,RDO RJE'I PHYAG RGYA BCINGS PA LAS, ,SBYOR LDAN THAL MO KHONG STONG SBYAR, ,KHAMS GSUM DAG NI MA LUS PA, ,DE MA THAG TU 'BEBS PAR BYED, ,DPAL RDO RJE DBAB PA'I PHYAG RGYA'O, ,RDO RJE'I PHYAG RGYA BCINGS PA LAS, ,GUNG MO DE BZHIN BKUG NAS NI; ;RDO RJE RDO RJE ZHES BRJOD DE, ,GUNG MO NAM MKHA'I RDO RJE MCHOG ,PHYAG RGYA 'DI YIS BTAB NA NI, ,'DOD PA BZHIN DU 'GRO 'ONG LDING, ,DPAL LDAN 'DOD PA KUN GYI BDAG ,RDO RJE SEMS DPA' RAB TU 'GRUB, ,DPAL RDO RJE SNYING PO'I PHYAG RGYA'O, ,RDO RJE BSDAMS PA LA GNAS TE, ,MTHE BO'I RTZE MO DE BZHIN BSNYAMS, ,MDZUB MO GNYIS KYI RTZE MO DGUG ,RDO RJE'I PHYAG RGYA BCING BAR

292a

, ,BYA; ;PHYAG RGYA 'DI YIS RNAL 'BYOR PA, ,DAG PA KUN LA RAB TU GNAS, ,BYANG CHUB SEMS NI MTHA' YAS MCHOG ,DNGOS GRUB THAMS CAD RAB TU 'GRUB, ,DPAL RDO RJE RAB TU GNAS PA RDO RJE'I PHYAG RGYA'O, ,RDO RJE'I PADMOR BYAS PA LAS, ,GUNG MO BCINGS PA'I DBUS NA GNAS, ,MTHE'U CHUNG BSNYAMS PA'I RTZE MO MDE'U, ,RDO RJE MDA' NI YONGS SU 'PHANG,, PHYAG RGYA 'DI YIS BTAB NA NI, ,TSANGS PA NYE DBANG DGA' BYED BCAS, ,MTHU YIS MYUR DU BRGYAL BYAS NAS, KHAMS GSUM DAG NI SGRUB PAR BYED, ,DPAL RDO RJE MDA'I PHYAG RGYA'O, ,RDO RJE'I PHYAG RGYA YONGS BCINGS NA, ,GUNG MO BCINGS PA'I PHYI ROL BZHAG ,RDO RJE SNA TSOGS DPAL GYI RGYA, ,LDANG BA THAMS CAD RAB GRUB PA'O, ,RDO RJE PHYAG RGYA THAMS CAD SHES PA'O, ,A'A LI K'A LI MNYAM BYAS NAS, ,MKHA' YI THAD KAR BSDU BAR BYA, ,DE YI 'OG TU RI MO RNAMS, ,YI GE THAMS CAD DGOD PAR BYA, ,GUG SKYED DAG GI LCUG MAR BYA, ,YI GE RA NI MYU GUR BYA, ,KLAD KOR ZLA BA KHAM PA DANG, ,TSEG GNYIS ZLA BA GNYIS SU BYA, ,'DI NI SANGS RGYAS THAMS CAD KYI, ,PHYAG RGYA MI 'GYUR DAM PA STE, ,SANGS RGYAS DPAL GYI RI MOR BSHAD, ,YI GE DAG KYANG MI 'GYUR MCHOG ,RDO RJE SEMS DPA' DPAL GYI LHA'I, ,BSTOD DANG BCAS PA'I MTSAN BRIS NA, ,SDIG PA KUN LAS THAR PAR 'GYUR, ,BSOD NAMS THAMS CAD RAB TU 'GRUB, ,RDO RJE SEMS

292b

DPA' DPAL SBYOR ZHES, ,RAB TU CHAGS PA'I MTSAN BRIS NA, ,SDUG BSNGAL KUN LAS THAR PAR 'GYUR, ,BDE BA THAMS CAD RAB TU 'GRUB, ,CHAGS CHEN GROL BA DPAL ZHES PA'I, ,CHAGS PA'I MTSAN DAG BRIS NA NI, ,SDIG PA KUN LAS THAR PAR 'GYUR, ,'GRO BA KUN LA RAB TU GNAS, ,SNYING RJE DRI MED KHRO DPAL ZHES, ,BSTOD DANG BCAS PA'I MTSAN BRIS NA, ,SDIG PA KUN LAS THAR PAR 'GYUR, ,DNGOS GRUB KUN GYI MCHOG KYANG 'GRUB, ,PADMO CHAGS PA DPAL DAG CES, ,CHAGS PA'I MTSAN DAG BRIS NA NI, ,SDIG PA KUN LAS THAR PAR 'GYUR, ,DAG PA THAMS CAD RNAM PAR DAG ,RDO RJE NYI MA'I DPAL MDANGS ZHES, ,BSTOD DANG BCAS PA'I MTSAN BRIS NA, ,SDIG PA KUN LAS THAR PAR 'GYUR, ,LONGS SBYOD KUN LA RAB TU GNAS, ,RTA MCHOG PHA ROL GNON DPAL ZHES, ,CHAGS PA'I MTSAN DAG BRIS NA NI, ,SDIG PA KUN LAS THAR PAR 'GYUR, ,DBANG PHYUG THAMS CAD RAB TU 'GRUB, ,BRJOD PA DAG KYANG DE BZHIN TE, LAS KYI DNGOS GRUB RAB 'BYAMS DAG ,MA LUS PAR NI MYUR DU 'GRUB, ,LHAG PA'I LHA NI GANG GANG GIS, ,SLOB DPON GANG DANG GANG YIN PAS, ,DE DANG DE YI MTSAN DAG NI, ,DPAL GYI TSIG DANG LDAN PAR BRJOD, , SLOB MA DKYIL 'KHOR BTZUD NAS KYANG, ,YON GYI MCHOG DAG BLANGS NAS NI, ,RDO RJE MING NI DBANG BSKUR BAS, ,DE BZHIN GSHEGS PAR DE LUNG BSTAN, ,PHYAG RGYA'I SBYOR BA 'DI DAG GIS,,

293a

, ,BYANG CHUB SNYING PO'I BAR DU NI, ,RDO RJE'I MING DU RAB TU GNAS, ,DE NAS SANGS RGYAS SU YANG 'GYUR, ,BSTOD PA DANG BCAS PA'I MING GI PHYAG RGYA ZHES PA'O, ,SBYI BOR NYUG PA GANG YIN PA, ,PHYAG 'TSAL BAR NI STON PA YIN, ,DPRAL BAR REG PAR BYED PA NI, ,PHYAG LAN YIN PAR SHES PAR BYA, ,SMIN MA BSKUL BA GANG YIN PA, ,SANGS RGYAS THAMS CAD GNAS PA'I BRDA, ,G-YAS PAS NAM MKHAR 'GRO BA 'GRUB, ,G-YON PA RNAM PAR RGYAL BA YIS, ,RANG BYUNG RNAMS KYI BRDA YI RGYA, ,MIG GNYIS G-YO BAR 'GRUB BA STE, ,G-YON PA BUD MED BZANG MO YIN, ,G-YAS PA SKYES PA BZANG PO 'O, ,RNA BA DAG LA REG PA'I BRDA, ,G-YAS G-YON GNYIS KA DE BZHIN TE, ,G-YON PA LEGS PAR BLANGS PA YI, ,G-YAS PA LEGS PAR SMRAS PA'O, ,SNA YI BU GA GNYIS KYI BRDA, ,SANGS RGYAS THAMS CAD GNAS PA STE, ,G-YAS PA BDAG LA BDUG PA SLONG, ,G-YON PA BDAG LA DRI SLONG PA'O, ,LCE NI BLDAG PA LTAR BYED PA; ;BRDA YI PHYAG RGYAR GNAS PA STE, ,G-YAS PA SHA YI PHYAG RGYA YIN, ,G-YON PA CHANG GI PHYAG RGYA YIN, ,MCHE BA G-YAS DANG G-YON PA YI, ,BAR DU MA MCHU MNAN PA NI, ,G-YON PA BUD MED REG NA BDE, ,G-YAS PA DE BZHIN SKYES PA'O, ,LKOG MAR REG PA'ANG DE BZHIN TE, ,BRDA YI PHYAG RGYAR GNAS PA STE, ,THEG PA CHEN PO BLA MED PA'I, ,RTOG PA THAMS CAD SMRA

293b

BA'I MCHOG ,SNYING GAR GYEN DU 'DREN PA NI, ,RANG BYUNG PHYAG RGYA'I BRDA GRUB PA, ,RDO RJE THAMS CAD 'DREN PA STE, ,'KHOR BA SHIN TU SDUD PA'O, ,LTE BA'I DKYIL DU REG PA NI, ,BRDA YI PHYAG RGYAR GNAS PA STE, ,DBU MA'I NAN TAN BSGRUBS PA YIS, ,CHOS KYI 'KHOR LO CHEN PO'I DKYIL, ,RANG GI DBANG PO BSGRENG BA NI, ,RANG BYUNG RNAMS KYI BRDA YI RGYA, ,DE LAS DE BZHIN BDE BA YIS, , SANGS RGYAS THAMS CAD THOB PAR 'GYUR, ,PHRAG PA GNYIS NI KUN BSTOD PA, ,BRDA YI PHYAG RGYAR GNAS PA STE, ,G-YAS PA 'GUGS PA'I PHYAG RGYA YIN, ,G-YON PA SLAD DU GTONG PA'O, ,DPUNG PA G-YAS G-YON GNYIS KA YIS, ,BDAG LA 'KHYUD PA'I PHYAG RGYA NI, ,G-YAS PA THAMS CAD 'GRUB PA YIN, ,G-YON PA DBANG PHYUG THAMS CAD 'GRUB, ,KHU TSUR G-YAS G-YON GNYIS KA YIS, , KHU TSUR BCINGS DANG DGROL BA DAG ,G-YAS PA RGYAS 'DEBS PHYAG RGYA YIN, ,G-YON PA MI RNAMS THONG ZHIG PA'O, ,BRLA GNYIS RAB TU BSDAMS PA NI, ,G-YAS DANG G-YON PA DE BZHIN TE,, G-YON PA 'DOD LA RAB TU BRTZON, ,G-YAS PA CHOS LA BRTZON PA 'O, ,PUS MO LHA NGA'I BRDA DAG KYANG, ,G-YAS DANG G-YON PA DE BZHIN TE, ,G-YON PA 'DUD PA'I PHYAG RGYA STE, ,G-YAS PAR RAB TU PHYAG 'TSAL LO, ,BUS MO G-YAS G-YON GNYIS DAG GIS, ,BRDA YI PHYAG RGYAR RAB TU GNAS, ,G-YAS PA BCING PA'I PHYAG RGYA STE, ,G-YON PA THAMS CAD RNAM PAR DGROL, ,RKANG

294a

, ,PA GNYIS KYIS SA GNON PA, ,G-YAS DANG G-YON PA DE BZHIN TE, ,G-YON PA THAMS CAD GNOD PAR BYED, ,G-YAS PA THAMS CAD RAB TU 'JOMS, ,DNGOS GRUB LAS DANG BDE BA DANG, ,'DI YIS MI 'GRUB GANG YANG MED, ,RANG DON LAS RNAMS RAB GRUB PA, ,MA LUS LUS PA MED PAR 'GRUB, ,BRDA YI PHYAG RGYA SHES PA'O, ,AOm AA TI BHU ZHES BYA BA'I BRDA; ;'DI NI PHYAG 'TSAL BA ZHES PA'O, ,BRA TI AOm DHI BHU ZHES PA, ,PHYAG LAN YIN PAR SHES PAR BYA'O, ,SEMS DPA' SNGON DANG MTHA' MED PA, ,RDO RJE SEMS DPA' BDE BA'I MCHOG, ,SANGS RGYAS BRDA YI PHYAG RGYA YIS, ,AE MA'O BDE BA YIN PAR BSHAD, ,AE MA'O BDE BA DPAL GYI MTSAN, ,RDO RJE SEMS DPA' GANG BRJOD PA, ,SDIG PA KUN LAS THAR PAR 'GYUR, ,BDE BA THAMS CAD RAB TU 'GRUB, ,BDE MCHOG AE MA'O BDE BA DANG, ,SGRON MA DE BZHIN SHI SHI DAG ,RGYAS 'DEBS MA DANG RMONGS BYED DANG, ,ZA BA MO DANG TSE 'PHEL MA, ,SANGS RGYAS BYANG CHUB CHOS 'KHOR LO; ;DE BZHIN KHAMS GSUM RNAM PAR RGYAL, ,'DOD PA'I LCUG MA THAMS CAD KYANG, ,PHYAG RGYA BRDA YI PHYAG RGYA 'O, ,RTA DANG RDO RJE SNANG BA DANG, ,THAL PAR RLOG PA'I RO LANGS MA, ,SANGS RGYAS KUN GYI BRDA YIN NO, ,GLING BU DANG NI RGYUD RNAMS DANG, ,DE BZHIN DU NI RGYUD GCIG DANG, ,STUG PO DANG NI RDZA RDA DAG ,SANGS RGYAS BRDA YI PHYAG RGYA'O, ,ME TOG MCHOD DANG BDUG PA'I

294b

MCHOD; ;DE BZHIN MAR ME'I MCHOD PA DANG, ,SPOS KYI MCHOD PA GLA RTZI DAG ,LONGS SBYOD PHYAG RGYA'I BRDA YIN NO, ,DE LA SOGS PA MTHA' YAS MCHOG ,CHOS DBYINGS MNYAM DANG MI MNYAM PA, , NAM MKHA'I DBYINGS KYI MTHA' KLAS PA'I, ,LHA MO KUN GYI BRDA YIN NO, ,SMIN MA BSKYOD PA MDA' BZHI YIN, ,BHA GA LING+GA AE MA'O BDE, ,THOD PA PADMO YIN PAR BSHAD, ,KHA tV'Am GA YANG RGYAL MTSAN CHE; ;SANGS RGYAS PHYAG RGYA PADMOR GNAS, ,BDE BA KUN GYI BDUD RTZI YIN, ,SANGS RGYAS BRDA YI PHYAG RGYA YIS, ,SHI SHI SANGS RGYAS KUN TU BSHAD, ,DKYIL 'KHOR LA NI 'KHOR LOR BSHAD, ,DE NYID DAM TSIG YIN PAR BSHAD, ,LHA RNAMS THAMS CAD TSOGS PAS NA, ,SKYE PO DAM PA KUN TSOGS PA, ,TSOGS KYI 'KHOR LO DAM PA NI, ,MDZA' BA THAMS CAD 'DUS PA STE, ,SANGS RGYAS KUN GYI BRDA DAG GIS, ,DE BZHIN MDZA' BA 'DUS PAR GSUNGS, ,RDO RJE SEMS DPA' DPAL SBYOR BAS, ,DKYIL 'KHOR THAMS CAD YIN PAR BSHAD, ,LHA MO THAMS CAD KUN 'DUS PAS, , THAMS CAD SNA TSOGS SKAL BA BZANG, ,RDO RJE SEMS DPA' DPAL SBYOR BA, ,SANGS RGYAS KUN TU BDAG SBYOR BAS, ,RNAM PA KUN MKHYEN SHES PA'I PHYIR, ,KUN GYI SLOB DPON YIN PAR BSHAD, , KUN GYI SLOB DPON RAB GNAS PA, ,LHA MO THAMS CAD 'DUS PAS NA, ,SANGS RGYAS KUN GYI MCHOG DAG GIS, ,KUN TU SNA TSOGS SKAL BZANG PO'O, ,DE YI SLOB MA GRUB PA NI, ,GRUB PA'I RJES

295a

, ,SU GRUB PAS NA, ,SANGS RGYAS BRDA YI GSANG BA YIS, ,RGYAL MTSAN YIN PAR RNAM PAR BSHAD, ,DE LAS GZHAN PA'I SLOB MA KUN, ,MCHOG DANG 'BRING DANG THA MA'I RNAMS; ;SANGS RGYAS KUN GYI BRDA DAG GIS, ,BYANG CHUB SEMS DPA' YIN PAR BSHAD, ,SANGS RGYAS THAMS CAD RIN CHEN MCHOG, ,DBU RGYAN MI 'GYUR DAM PA YIN, ,SANGS RGYAS KUN GYI RGYAL SRID MCHOG ,YIN PAR RANG BYUNG RNAMS KYIS GSUNGS, ,THOD PA'I PHRENG BA'I DBU RGYAN DANG, ,SANGS RGYAS GTZUG GI NOR BU DAG ,SANGS RGYAS BRDA YI PHYAG RGYA YI, ,DPAL GYI PADMO'I TSUL DU BSHAD, ,SANGS RGYAS RANG BZHIN GRUB GCIG DANG, ,DE BZHIN PADMO'I RANG BZHIN GCIG ,THAMS CAD DBANG BSKUR DBANG BSKUR CHE, ,YIN PAR DON KUN GRUB PAS GSUNGS, ,YON GYI DAM PA GRUB PA NI, ,NOR GYI DBYIG TU BSHAD PA STE, ,SNYING YANG NOR GYI MCHOG YIN PAR, ,SANGS RGYAS BRDA YI PHYAG RGYAR BSHAD, ,GA BUR TZANDAN DMAR PO DANG, ,SBYAR BA BRAG CHEN YIN PAR BSHAD; ;TSOGS KYI DBUS SU BZHAG PA DPAL, ,THAMS CAD LDANG PA'I RA SA YIN, ,BAG ZAN LAS NI BYAS PA'I PHYUGS, ,TZANDAN DMAR POS BSKUS PA DANG, ,BAG PHYE'I ZAN LAS BYAS PA'I SHA ,RGYAL PO'I ZAN ZHES GANG BSHAD PA'O, ,DE NAS GRUB PA'I MNA' BSGAGS PA, ,DAM TSIG CES PAR GNAS PA'O, ,BDE MCHOG BDE MCHOG CES GSUNGS PA, ,SANGS RGYAS BDE MCHOG

295b

THAMS CAD KYIS, ,PHYAG RGYA'I BDE BA MCHOG TU GSUNGS, ,DE BZHIN AE MA'O BDE BA DANG, ,SNANG BA SHES PA'ANG RAB TU GNAS, ,SHI SHI SRID PA'ANG SRID PA'O, ,DE BZHIN GSHEGS PA KUN GYIS KYANG,, 'DA' BAR BYA BA'ANG MA YIN PAS, ,SANGS RGYAS BRDA YI PHYAG RGYA YIS, ,PHYAG RGYA YIN PAR BSHAD, ,PHYAG RGYA'ANG SBYOR BA YIN PAR BSHAD, ,SBYOR BA'ANG PHYAG RGYA YIN PAR BSHAD, ,RDO RJE SEMS DPA' DPAL SBYOR BA, ,SBYOR BA THAMS CAD YIN PAR BSHAD, ,NGA NI SNA TSOGS DAM TSIG STE, ,RDO RJE SEMS DPA' BDE BA CHE, ,SANGS RGYAS BRDA YI PHYAG RGYA YIS, ,SBYOR BA THAMS CAD YIN PAR BSHAD,, DE YI NYE PA'I LONGS SBYOD NI, ,KHAMS GSUM THAMS CAD MA LUS PA'O, ,DE YI GZUGS DANG SGRA DANG DRI, ,RO DANG REG PA BDE MYOS PA'O, ,GZUGS NI RI MO YIN PAR GSUNGS, ,SGRA NI GLU YIN ZHES BSHAD DO, ,DRI NI RAB TU TSIM PAR GSUNGS, ,RO NI RA SA YA NA YIN, ,REG PA BDE BA YIN PAR BSHAD, ,RAB TU REG PA DGA' BA'I BDE, ,SANGS RGYAS BRDA YI PHYAG RGYA YI, ,CHOS NI SBYOR BA YIN PAR BSHAD; ;SBYOR BA'I LONGS SBYOD THAMS CAD KYIS, ,JI LTAR BDE BAR STEN BYED CING, ,BDAG GI LHAG PA'I LHAR SBYAR BA, ,RANG GI MCHOD PA'I DAM TSIG YIN, ,RJES SU SBYOR BAS MCHOD NA NI, ,SBYOR BA KUN GYI BDE BA'I MCHOG ,SANGS RGYAS BRDA YI PHYAG RGYA YIS, ,BDE BA CHEN PO YIN PAR BSHAD, ,LHA MO KUN DANG MNYAM SBYOR BA, ,SANGS RGYAS THAMS CAD 'DUS PA 'O, ,YE SHES TZAM LA SNYOMS

296a

, ,'JUG PA, ,RNAL 'BYOR ZHES NI BSHAD PA YIN, ,SANGS RGYAS BRDA YI PHYAG RGYA YIS, ,TING 'DZIN RAB TU SBYOR BA'ANG BSHAD, ,LHA MO KUN DANG MNYAM SBYOR BA, ,SANGS RGYAS THAMS CAD 'DUS PA 'O, ,SANGS RGYAS THAMS CAD MNYAM SBYOR BA, ,SANGS RGYAS KUN GYIS BYIN BRLABS PA'O, ,DGA' BAR SBYOD PA GRUB PAR BSHAD, ,RJES SU SBYOR BA RJES SU SGRUB, ,SKYES PA LTAR BYED DGA' SBYOD PA, ,SLAR YANG RJES SU SGRUB PAR MDZAD, ,LHA MO KUN LA BDE SDUG PA, ,SBYOR BA KUN LA MOS PA NI, ,KUN TU SANGS RGYAS KUN GYI BDAG ,RAS YA NA BDE BAR BSHAD, , THAMS CAD LDANG PA KUN 'GRO BA, ,DNGOS GRUB DAM PAR RAB TU BSHAD, ,DNGOS GRUB CHEN PO LDANG BA CHER, ,SANGS RGYAS BRDA YI PHYAG RGYAR BSHAD, ,DNGOS GRUB CHEN PO KUN GYI MCHOG, DBANG PHYUG CHEN PO BLA NA MED, ,SANGS RGYAS DAM PA KUN GYI MCHOG ,SANGS RGYAS KUN GYI BRDA YIS BSHAD, ,DNGOS GRUB CHEN PO KUN GYI MCHOG ,DBANG PHYUG CHEN PO BDE BA'I MCHOG ,SANGS RGYAS THAMS CAD MNYAM SBYOR BA, ,SBYOR BA'I DBANG PHYUG BDE CHEN NO, ,KHRAG NI ME TOG YIN PAR BSHAD, ,MDANGS NI BDUG PA YIN PAR BSHAD, ,SHA CHEN DAG NI MAR ME STE, ,THAL MO DAG NI SPOS SU BSHAD, ,CHANG NI SGEG MO YIN PAR BSHAD, ,RAB TU MYOS PA SBRANG RTZI 'O, ,BU RAM CHANG NI MYOS BYED GSUNGS, ,RGUN CHANG DAG NI BDUD RTZI YIN, ,BDUD RTZI LAM GYI YAN LAG BRGYAD, ,

296b

SANGS RGYAS KUN GYI BRDA YIN NO, ,RGUN DANG SBRANG RTZI MCHOG TU DPA', ,TSVA NI 'DOD CHAGS SRA BA YIN, ,SKYUR PO'I KHU BA G-YON CAN YIN, ,KAm BHI LA NI BRAN MOR BSHAD, ,PHYUR BA ZLA BA NYA BA YIN, ,SHA NI SMAN GYI MCHOG YIN TE, ,DBANG PHYUG DAM PA KUN GYI MCHOG, ,SANGS RGYAS KUN GYI BRDA YIS BSHAD, ,DNGOS GRUB CHEN PO KUN GYI MCHOG ,CHANG NI RA SA YA NAR BSHAD, ,ZAS NI TSE ZHES BYA BAR BSHAD; ;BZA' BA SNA TSOGS GRUB PA NI, ,SHA DANG CHANG DU LDAN PA DAG, ,DGA' BA'I LONGS SPYOD SKAL BZANG PO, ,TSE YI DAM PA YIN PAR BSHAD, ,AA 'BRA RGUN 'BRU PA NAS, ,NA LI KE RA AA RU KA, 'BRAS BU CHEN PO'I KHYAD PAR DAG ,BDUD RTZI'I 'BRAS BU YIN PAR BSHAD, ,AA MRA SMIN PA GROL BAR BSHAD, ,DE BZHIN BDE BAR NYAL BA DANG, ,BDE BAS RAB TU RMONGS PA DAG ,SANGS RGYAS KUN GYI BRDA YIN NO, ,'BRAS BU CHEN PO PA NA SA; ;RGUN 'BRUM KHU BA KHU BA'I MCHOG ,NA LE KE RA'I DNGOS GRUB CHE, ,DAM CHOS 'BRAS BU AA RU KA ,GLU YI TSIG TU BRJOD PAR BSHAD, ,DAR DIR DAG NI SIL SNYAN YIN, ,SANGS RGYAS BRDA YI PHYAG RGYA YIS; ;GAR NI RNAMS PAR ROL PAR BSHAD, ,RDO RJE SEMS DPA' DPAL SBYOR BA'I, ,GLU DANG SIL SNYAN GAR BYED PA, BRDA YI DAM PAR BSHAD PA NI, ,SANGS RGYAS KUN GYI RNAM SPRUL PA'O, ,RAB TU ZHI BA'I SIL SNYAN GLU, ,DUR KHROD GLU DANG SIL SNYAN DANG, ,GAR NI SHIN TU RNAM SPRUL PA'O, ,CHAGS BCAS GLU DANG SIL SNYAN DANG, ,GAR NI SHIN TU RNAM SPRUL PA'O, ,MI YI DBANG PO'I SIL SNYAN GLU, ,GAR NI

297a

, ,SHIN TU RNAM SPRUL PA'O, ,RAB TU DGA' BA'I SIL SNYAN GLU, ,RANG GI RTZAL GYI GAR BYAS PA, ,RTA MCHOG RNAM PAR SPRUL PA NI, ,BRDA YI DAM PAR RAB TU BSHAD, ,d'I ZHES BYA BA MKHA' 'GRO YI, ,KHAMS GSUM 'DIR NI RNAM PAR BRTAG ,NAM MKHAR 'GRO BA'I PHYAG RGYA DAG ,MKHA' 'GRO ZHES NI RAB TU GRAGS, ,KUN TU SNA TSOGS PHYAG RGYA NI, ,THAMS CAD NAM MKHAR 'GRO BA STE, ,SANGS RGYAS THAMS CAD MNYAM SBYOR BA, ,MKHA' 'GRO MA ZHES RAB TU GRAGS, ,SGYU MA'I GAR DBANG GRUB PA NI, ,AA RA LI ZHES MING DU BTAGS, ,MKHA' 'GRO MA YANG AA RA LI, , SANG RGYAS BRDA YI PHYAG RGYA 'O, ,SANGS RGYAS THAMS CAD MNYAM SBYOR BA, ,SGYU MA KUN GYI GAR BYED PA, ,SANGS RGYAS THAMS CAD MNYAM SBYOR BA'I, ,MKHA' 'GRO MA YI DAM TSIG MCHOG ,BCOM LDAN RDO RJE SEMS DPA' DPAL, ,RDO RJE AA RA LI ZHES BSHAD, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE BA'I MCHOG ,SEMS DPA' SNGON DANG MTHA' MED PA, ,RDO RJE SEMS DPA' DGA' BA'I MCHOG, ,SANGS RGYAS BRDA YI PHYAG RGYA YIS, ,DE NI SKAL PA BZANG POR BSHAD, ,GANG ZHIG RDO RJE SEMS DPA'I MTSAN, ,SKAL PA BZANG PO ZHES BRJOD NA, ,SHIN TU SRID PA KUN 'GRUB CING, ,DE NI DBANG PHYUG CHEN PO 'GRUB, ,tAKKI 'DOD PA YIN PAR BSHAD, ,DGA' BA KI LI KI LI LA YIN, ,BYAMS PA CHU SRIN YIN PAR BSHAD, ,'DOD PA'I DBANG PO DBANG PHYUG

297b

MCHOG ,RDO RJE DRIL BU'I PHYAG RGYA DAG ,DAM TSIG GSUM GYI DAM PA YIN, ,AOm DANG BHU KHAm KUN BSHAD PA, ,SANGS RGYAS BRDA YI PHYAG RGYA YIN, ,GRANGS TE BCUG NAS BCINGS PA DANG, ,ZHUGS NAS DBANG DU GYUR PA NI, ,DZA:H'Um BAm HO:BSHAD PA STE, ,SANGS RGYAS KUN GYI BRDA YIN NO, ,AE HI YA HI ZHES BSHAD PA, ,TSUR SBYON PHAR BZHUD ZHES BSGRAGS PA'O, ,TISHA HA ZHES GSUNGS PA NI, ,LONGS LA DRONGS SHIG DRONGS SHIG PA'O, ,KHA KHA KH'A HI ZO ZHIG PA'O, ,AA PI ZHES PA 'THUNGS SHIG PA'O, ,DA RA DA RA BYIN CES PA'O, ,RU TA MA TA ROL CIG PA'O, ,HU LU HU LU ZHUGS SHIG PA'O, ,AA RA RA RAR SKUL CIG PA'O, ,AE MA'O BDE MCHOG NGO MTSAR NI, ,AA LA LA LA HO ZHES BSHAD PA'O, ,BDE MCHOG RGYAS 'DEBS PHYAG RGYA YIN, ,AE MA'O BDE BA RMONGS BYED MA'O, ,SNANG BA ZHES BA ZAB MO'O, ,H'Um [?] SHI NI TSE 'PHEL MA'O, ,SHIN TU BRTAN DANG RAB TU BRTAN, ,KUN TU BRTAN DANG CHER BRTAN PA, ,SANGS RGYAS RDO RJE 'DZIN PA DANG, ,'JIG RTEN DBANG DANG MKHA' LAS SKYES, ,SHES 'GYUR DAG 'GYUR GRUB PAR 'GYUR, ,ZHUGS LA DBANG DU 'GYUR PAR MDZOD, ,AAm AAm AA AA KUN BSHAD PA, ,SANGS RGYAS BRDA YI PHYAG RGYA YIN, ,THAMS CAD MKHYEN PAR GYUR PA DANG, ,DE BZHIN BDE BAR MKHYEN PA NI, ,AOm SARBA BID CES BSHAD PA STE, ,SANGS RGYAS BRDA YI PHYAG RGYA YIN, ,AOm RU RU SPHU RU DZV'A LA TIshthA SIDDHA LO TZA NE SARBBA AA RTHA S'A DHA NI SV'AH'A, 'KHOR LO DNGOS GRUB MKHYEN PA DANG, ,DON DAM NYE BAR ZHI BA'I PHYIR, ,SANGS RGYAS RANG BYUNG BCOM LDAN

298a

, ,'DAS; ;RNAM SNANG MDZAD CHEN GTZO BO NI, ,SANGS RGYAS BRDA YI PHYAG RGYA YIN, ,SKAL PA BZANG PO ZHES BSHAD PA'O, ,KE tA shA, KO tA BA, KO tA BASHTZA, KO tA RI KA ,KO LA GAKshA, KO LA BA; KO LA, KO LA BASHTZA, KO LA BHA STA TH'A, PHYAG NA RDO RJE RANG DON GYI, ,MTSAN 'DI RNAMS NI GANG BRJOD PA, ,DE LA RGYAL PO RDO RJE 'DZIN, ,BRAN BZHIN DNGOS GRUB GTER BAR 'GYUR, ,RGYAL SRID DANG NI LONGS SBYOD DANG, ,GTER GYI RNAMS KYANG LHAG PAR STER, ,DGOS PA THAMS CAD BYED PAR 'GYUR, ,DE BZHIN DGRA YANG MED PAR BYED, ,MIG DANG RNA BA SNA DAG DANG, ,LCE DANG LUS KYANG DE BZHIN TE, ,GZUGS DANG SGRA DANG DRI DAG DANG, ,RO DANG REG KYANG BDAG GI DON, ,RDO RJE MTSON CHA BE DI DANG, ,DGRA BO DAG TU RAB GRAGS PA, ,DE YI PHYAG NA RDO RJER 'GYUR, ,LAG NA RDO RJE ZHES KYANG BYA; ;NYON MONGS THAMS CAD GANG ZAD DANG, ,DGRA RNAMS KYANG NI GANG ZAD PA, ,PHYAG NA RDO RJES 'DUL BA'I PHYIR, ,DE NI YAKshA YIN PAR BSHAD, ,HE RU DPAL NI RDO RJE CHE, ,THAL BAR 'JIG PA'I MCHOG YIN TE; ;SANGS RGYAS KUN GYI KHRO BO CHE, ,BRDA YIS RAB TU BSHAD PA YIN, ,RDO RJE 'BAR BA RAB TU 'JIGS, ,KHA tV'Am GA NI RGYAL MTSAN CHE, ,THOD PA KHAM PHOR PADMA'I SNOD, ,KHRAG CHEN DANG NI SBRANG RTZI CHE; ;DKAR ME RKU BYED RAB RMONGS DANG, ,RO LANGS DANG NI SPOS BYED DANG, ,GTUM MO DANG NI SMRA MA DANG, ,LHA MO BDUN NI BRDA YIN NO, ,SRUNGS SHIG MYUR DU RNAM RGYAL DPAL, ,THAL BA BZHIN [?]

298b

DU RAB TU LHOGS, ,HAm HAm HRI H'Um KUN BSHAD PA, ,SANGS RGYAS BRDA YI PHYAG RGYA YIN, ,ROL CIG DGONGS SHIG DE BZHIN DU, ,ROL DU CHUG CIG GSOD DU CHUG ,MAR tA PHAt PHAt CES BSHAD PA, SANGS RGYAS KUN GYI BRDA YIN TE, RGYAL PO CHEN PO RDO RJE 'DZIN, ,DBANG PHYUG DAM PA'I RIG PA NI, ,SANGS RGYAS BRDA YI PHYAG RGYA YIS, ,SKAL PA BZANG PO YIN PAR BSHAD, ,RGYAL PO SPYAN RAS GZIGS DBANG PHYUG 'JIG RTEN DBANG PHYUG CES BSHAD DE, ,SANGS RGYAS KUN GYI BRDA DAG GIS, ,DE YANG SKAL BA BZANG ZHES BSHAD, ,DAG DANG GRUB DANG DE BZHIN BLO, ,RJU [?] 'PHRUL 'PHEL DANG 'BYOR PA DANG, ,RNAM PAR LTA DANG SGROL MA DANG, ,RGYAL CHEN MA DANG KHRO GNYER MA, ,PADMOR GNAS ZHES BYA BA DANG, ,RDO RJE PADMO'I DBANG PHYUG MA, ,PADMO LHA MO RIGS CHEN TE, ,SANGS RGYAS BRDA YI PHYAG RGYAS BSHAD, ,NAM MKHA'I SNYING PO THAMS CAD PHYOGS, ,RE BA THAMS CAD RDZOGS MDZAD PA, ,SKAL BA BZANG ZHES RNAM PAR GRAGS, ,RDO RJE NYI MA NOR PO CHE, ,TR'I DANG BA BA tA tA DANG, ,TRA tA TRA tA KUN GRAGS PA, ,SANGS RGYAS KUN GYI BRDA YIN TE; ;DBANG BSKUR BA DANG GTER DAG DANG, ,RGYAL MTSAN RTZE MO MCHOD CHEN PO, ,SNA TSOGS PADMO THAMS CAD SBYAN, ,DE BZHIN 'JIG RTEN THAMS CAD PA, ,BYANG CHUB KUN GYI SEMS CHEN PO, ,SNA TSOGS RDO RJE BLA NA MED, ,THAMS CAD DAG PAR MOS PA YIS, ,'JIG RTEN THAMS CAD RAB 'JIGS PA, ,RTA MCHOG PADMA DPAL DANG LDAN, ,SKAL PA BZANG ZHES BRDA YIS BSTAN, ,BRDA YI PHYAG RGYA 'DI RNAMS

299a

, ,KYIS; ;DKYIL 'KHOR SBYOR BAS NGES PA NI, ,GROGS PO MKHAS PAR BCAS PA YI, ,DNGOS GRUB THAMS CAD GRUB PAR 'GYUR, ,BRDA YI PHYAG RGYA SHES PA'O, ,RJES SU CHAGs PAR BYA'O ZHES, ,CHA LUGS SHES PA BZHIN BYED CING, ,DNGOS GRUB KUN LA RJES CHAGS PA, ,MI 'GYUR DAM PA 'GRUB PAR 'GYUR, ,KUN TU KUN NAS THAMS CAD NI, ,BDAG NYID RTAG TU RNAM PA KUN; ;LAS KYI DNGOS GRUB RAB 'BYAMS DAG ,MA LUS PAR NI MYUR DU 'GRUB, ,RJES SU CHUD PAR BYA'O ZHES, ,CHA LUGS SHES PA BZHIN BYED PAS, ,SKU GSUNG THUGS KYI RDO RJE MCHOG, ,CHO 'PHRUL DAG NI STON PAR BYED, ,RJES SU CHUD PAR BYA 'O ZHES, ,CHA LUGS SHES PA BZHIN BYED PAS, ,MKHA' 'GRO SGYU MA BDE BA'I MCHOG ,MA LUS LUS PA MED PAR 'GRUB, ,RJES SU SBYANG BAR BYA 'O ZHES; ;CHA LUGS SHES PA BZHIN BYED PAS, ,SGRIB SBYANG THAMS CAD DNGOS GRUB RNAMS, ,MA LUS LUS PA MED PAR 'GRUB, ,RJES SU YI RANG BYA 'O ZHES, ,CHA LUGS SHES PA BZHIN BYED PAS, , BUD MED LA SOGS RIN CHEN MCHOG, MCHOD PA'I LAS KUN MYUR DU 'GRUB, ,RJES SU GZHOM PAR BYA'O ZHES, ,CHA LUGS SHES PA BZHIN BYED PAS, ,RTUL PHOD LAS RNAMS THAMS CAD NI, ,MA LUS LUS PA MED PAR 'GRUB, ,YE SHES KYI PHYAG RGYA SHES PA'O, ,RDO RJE SEMS DPA' DPAL SBYOR BA, ,DBYIBS DANG GZUGS NI CI 'DRAR LDAN, ,THAMS CAD BDAG NYID RGYAR SBYOR BA, ,MI

299b

'GYUR DAM PA 'GRUB PAR 'GYUR, ,KUN TU KUN NAS THAMS CAD NI, ,BDAG NYID RTAG TU RNAM PA KUN, ,PRA SE NA YI DNGOS GRUB MCHOG ,MA LUS LUS PA MED PAR 'GRUB, ,SANGS RGYAS THAMS CAD MNYAM SBYOR BA, ,MKHA' 'GRO SGYU MA BDE MCHOG GIS, ,YANG DAG BDE BA TSUL BZHIN DU, ,MTHONG BA DANG NI THOS PAR BYED, ,SA CHU ME RLUNG NAM MKHA' DANG, ,KHAMS RNAMS KUN NI THAMS CAD LAS; ;THAMS CAD MTHONG ZHING THOS PAR BYED, ,RNAM PAR SHES PA KUN 'GRUB CING, ,KUN TU THAMS CAD KUN GYI BDAG ,'DOD PA'I YON TAN THAMS CAD DANG, ,RNAM PAR SHES PA'I LAS KUN LA, , THAMS CAD MTHONG ZHING SHES PAR BYED, ,PADMOR CHAGS PAR RJES CHAGS SHING, ,SNA TSOGS PADMOR KHA 'BYED PAS, ,PRA SE NA NI SNA TSOGS PA, ,MTHONG BA DANG NI THOS PAR BYED, ,ME TOG BDUG PA MAR ME MCHOG ,SPOS DANG MCHOD PA THAMS CAD LA, ,RNAM PAR SHES PA KUN GRUB PA, ,THAMS CAD MTHONG ZHING THOS PAR BYED, ,REG DANG MA REG RDO RJE CHE, ,RAL GRI ME LONG MDA' GZHU DANG, ,SHING DANG CHU DANG 'BAB CHU BRAG ,GZUGS BRNYAN BYUNG BA'I KHYIM DAG LAS, ,BYA DANG DE BZHIN MI BYA DANG, ,STOR BA DANG NI MA STOR DANG, ,'PHROG PA DANG NI MA 'PHROG DANG, ,DE BZHIN RNYED DANG MA RNYED DANG, , GSON PA DANG NI SHI BA DANG, ,DE BZHIN RGYAL DANG PHAM PA DANG, ,DON YOD DANG NI DON MED DANG, ,DE BZHIN GRUB DANG MI GRUB DANG, ,BDE DANG MI BDE CHO GA BZHIN, ,LHA YUL DAG NI DON RNAMS DANG,,

300a

, ,SANGS RGYAS ZHING GI DON RNAMS KYANG, ,KUN TU KUN NAS THAMS CAD NI, ,BSAM PA MTHONG ZHING THOS PAR BYED, ,RNAM PAR SHES PA'I PHYAG RGYA SHES PA'O, ,RDO RJE SEMS DPA' DPAL SBYOR BA, ,JI LTA'I DBYIBS DANG GZUGS LDAN PAS, ,DUR KHROD LHA YI GNAS RNAMS DANG, ,MA MO GNAS KYI THAL BA MCHOG ,THAMS CAD DPRAL BA'I SRUNG BA NI, ,THIG LE SOR RIS GSUM DU BYA, ,PHYOGS MTSAMS NAM MKHA' BCINGS NA, ,SRUNG BA KUN GYI BLA MED PA'O, ,DPAL RDO RJE THAL BA'I DAM TSIG CES BYA BA'I SRUNG BA'O, ,RDO RJE SEMS DPA' DPAL SBYOR BA, ,JI LTA'I DBYIBS DANG GZUGS LDAN PAS, ,RGYA MTSOR 'BAB PA'I GZUGS CHU'I 'GRAM, ,LHA RDZAS ZHI BA'I CHU MCHOG GIS, ,GTOR BA DANG NI BLUGS PA DANG, ,KHRUS BYA BA DANG 'BOGS PA YIS; ;PHYOGS MTSAMS NAM MKHA' SA BCINGS NA, ,SRUNG BA KUN GYI BLA MED PA'O, ,DPAL RDO RJE BDUD RTZI DRI MA MED PA'I RGYA MTSO ZHES BYA BA'I PHYAG RGYA'O, ,RDO RJE SEMS DPA' DPAL SBYOR BA; ;JI LTA'I GZUGS DANG DBYIBS LDAN PAS, ,MI YI THOD PA'I NANG DU NI, ,NYUNGS KA RA BSKYED NAS BLANG BAR BYA, ,LO MA NYUNGS MAR ZAS SU BZA', ,MGO BSKUL DE BZHIN 'BRAS BU YIS, , PHYOGS MTSAMS NAM MKHA' SA BCINGS NA, ,SRUNG BA KUN GYI BLA MED PA'O, ,DPAL DON THAMS CAD GRUB PA ZHES BYA BA'I PHYAG RGYA'O, ,RDO RJE SEMS DPA' DPAL SBYOR BA, ,MA MCHU SO YIS

300b

LEGS MNAN NAS, ,DPAL LDAN G-YON DU 'GYING DANG BCAS, ,GSAL BAR PHYOGS SU 'KHOR LO'I TSUL, ,BLA 'OG TU NI BYIN BRLABS NA, ,GNAS GSUM DAG NI RGYAS 'DEBS SO, ,GZHUG DKA' BDAG NYID NGAN PA'I RNAMS, ,SANGS RGYAS KUN GYI NGO BOR 'GRUB, ,THAMS CAD KYI MCHOG GNAS KYI DBANG PHYUG BYIN GYIS BRLABS PA DPAL SKAL BA BZANG PO ZHES BYA BA'I PHYAG RGYA'O, ,RDO RJE SEMS DPA' DPAL SBYOR BA, ,LHA MO KUN DANG 'DUS PA YIS, ,KUN TU SNA TSOGS SKAL BZANG PO, ,BDE BAR RAB TU 'GRUB PAR 'GYUR, ,RGYA 'DIS BTAB MA THAG TU NI, ,SANGS RGYAS KUN GYIS BYIN BRLABS 'GYUR, ,SHIN TU BYIN GYIS BRLABS PA LAS, ,SANGS RGYAS KUN DANG PHRAD PAR 'GYUR, ,SANGS RGYAS KUN DANG MNYAM SBYOR BAS, ,SANGS RGYAS KUN DANG MNYAM PAR 'GYUR, , SANGS RGYAS KUN DANG MNYAM PAS NA, ,SANGS RGYAS THAMS CAD RAB TU 'GRUB, ,SANGS RGYAS KUN DANG MNYAM SBYOR BA, ,DPAL SKAL PA BZANG PO'I DAM TSIG CES BYA BA'I SRUNG BA'O, ,RDO RJE SEMS DPA' DPAL SBYOR BA, ,SANGS RGYAS KUN BDAG SBYOR LDAN PAS, ,PHYOGS SU LEGS PAR 'KHOR LO'I TSUL, ,BLA DANG 'OG TU BYIN BRLABS NAS, ,'DI YIS BSRUNG BA BYAS NA NI, ,KHAMS GSUM DAG NI MA LUS [?] PAR, ,GZHUG DKA' BDAG NYID NGAN BA RNAMS, ,SANGS RGYAS KUN GYIS BYIN BRLABS 'GYUR, ,THAMS CAD KYI MCHOG GNAS KYI DBANG PHYUG DPAL ZHES BYA BA'I PHYAG RGYA'O, ,RDO

301a

, ,RJE SEMS DPA' DPAL SBYOR BA, ,HE RU DPAL GYIS RNAM SPRUL PAS, ,THAMS CAD KUN TU KUN GYI BDAG ,THAMS CAD SRUNG BA MI 'GYUR CHE, ,RIMS DANG DUG DANG DBYIG DUG NAD, ,MKHA' 'GROS GTZE DANG GNOD RNAMS DANG, ,BDUD DANG NGAN KHRID THAMS CAD NI, ,MOD LA RAB TU ZHI BAR 'GYUR, ,DPAL RDO RJE HE RU KA DBAB PA RNAM PAR SPRUL PA ZHES BYA BA'I PHYAG RGYA'O, ,RDO RJE SEMS DPA' DPAL SBYOR BA, ,JI LTA'I DBYIBS DANG GZUGS LDAN ZHING, ,SNA TSOGS PADMO KHA 'BYED PAS, ,SGRIB PA MED PAR 'GRUB PAR 'GYUR, ,SGRIB PA KUN LAS RNAM PAR GROL, ,DAG PA THAMS CAD THOB PAR 'GYUR, ,DAG PA THAMS CAD RNAM DAG NA, ,MI 'GYUR DAM PA 'GRUB PAR 'GYUR, ,CHOS THAMS CAD LA SGRIB PA MED PA'I YE SHES RDO RJE'I PADMO ZHES BYA BA'I SRUNG BA'O, ,RDO RJE SEMS DPA' DPAL SBYOR BA, ,'BAR BA LTA BA'I TSUL ZHUGS NA, ,RDO RJE RAB TU 'BAR BA'AM, ,RAB TU 'JIGS PA MI BZOD 'GYUR, ,'DI YIS BSRUNG BA BYAS NA NI, ,BSKAL PA YI NI ME LTAR 'BAR, ,'DI YIS NGAN 'GRO RNAM GSUM DANG, ,KHAMS GSUM DAG KYANG THAL BAR RLOG ,RDO RJE CHEN PO'I ME RAB TU 'JIGS PA 'BAR BA MI BZOD PA'I DAM TSIG CHEN PO'I DPAL ZHES BYA BA'I PHYAG RGYA'O, ,RDO RJE SEMS DPA' DPAL SBYOR BA, ,JI LTA'I TSUL BZHIN BYED PA YIS, ,RDO RJE'I KHU TSUR GNYIS BCINGS NAS, ,GO CHA

301b

BGO BA'I THABS SU BYA, ,SPYI BO DANG NI DPRAL BAR GNYIS, ,GLO GNYIS DANG NI RGYAB TU GNYIS, ,RDO RJE PHRENG BA BCING BA DANG, ,SANGS RGYAS GTZUG GI NOR BU DAG ,DAR BCINGS THABS SU BCINGS NAS NI; ;'GYING DANG BCAS PAR MTHA' NAS DGROL, ,DAR DPYANGS BA YI THABS BYAS NAS, ,THAL MO BRDABS PAS BSTAN PAR BYA, ,'DI YIS BSRUNG BA BYAS NA NI, ,RDO RJE SEMS DPA' DPAL DANG 'DRA, ,MI CHOD PA DANG MI PHYED PA'I, ,RDO RJE'I SKU NI RAB TU 'GRUB, ,RIMS NAD DUG DANG DBYIG DUG NAD, ,MKHA' 'GROS GTZE DANG GDON RNAMS DANG, ,YAN LAG MA RUNGS BYED PA KUN, , 'DI YIS BSRUNGS NA YONG MI TSUGS, ,DPAL RDO RJE GO CHA ZHES BYA BA'I PHYAG RGYA'O, ,SRUNG BA THAMS CAD KYI PHYAG RGYA SHES PA'O, ,CHOS SEMS PA YI TSUL STON CING, ,RDO RJE KHU TSUR GNYIS DAG DANG, ,ZHI BA'I LTA BAS BLTAS NAS NI, ,RIMS DANG DUG RNAMS THAMS CAD SEL, ,RDO RJE KHU TSUR GNYIS BCINGS NAS, ,MTHE'U CHUNG LCAGS KYU LTA BUR BCING, ,MDZUB MO BSNYAMS PA'I RTZE MOS MNAN, ,NAD RNAMS THAMS CAD ZLOG PAR BYED, ,YONGS SU BSGYUR TE BTEG NAS NI, ,DPAL BAR BDE BAR GZHAG PAR BYA, ,MA LUS LUS PA MED PA YI, ,SDUG BSNGAL THAMS CAD SEL BAR BYED; ;DPAL RDO RJE SMIN MTSAMS LUS KYI NAD GSO PA'O, ,RDO RJE BSDAMS PA BYAS PA LAS, ,MDZUB MO PHAN TSUN MDON PHYOGS PA, ,MA LUS LUS PA MED PA YI, ,ZUG RNGU KUN LAS GROL BAR

302a

, ,'GYUR; ;BU NAD LHOG RGAL SKRAN DAG DANG, ,DMU RDZING LA SOGS KUN LAS THAR, ,'DI NYID GRUB PAR GYUR NAS NI, ,NANG RNAMS KUN GYIS GNOD PA MED, ,ZUG RNGU THAMS CAD MED PAR BYED, ,GRUB PA DPAL GYI SPYAN BCINGS TE, ,'DI YIS MIG GNYIS PHYIS NA NI, ,PHYAG RGYA'I SBYOR BA MCHOG 'DI YIS, ,LONG BA DAG KYANG MTHONG BAR 'GYUR, ,BDAG NYID SBYOR BAS LDAN BYAS LA, ,RDO RJE KHU TSUR DAM PO YIS, ,DRANG BA'I TSUL DU KLAD PA NAS, ,KHA PHYOGS DRANG ZHING BTUNG BAR BYA, ,RIMS DANG DUG DANG GDON RNAMS KUN, ,RDO RJE KHU TSUR DPAL GYIS BZUNG, ,BDAG GIS LHAR NI SBYOR LDAN PAS, ,'THUNGS NA THAMS CAD MED PAR 'GYUR, ,KLAD PA'I SMAN NO, ,TA TH'A GA TA GARBHA STVAm SI HO, ,'DI NI RNA BAR BZLAS PA'I MCHOG ,ZUG RNGU MED CING MYUR DU THAR; ;ZUG RNGU THAMS CAD 'BYIN PA PO, ,G-YAS PA YI NI LAG PA YIS, ,SEMS DPA'I GTZUG TOR BCINGS NA NI, ,BYIS PA NAD MED 'TSO BAR 'GYUR, ,THAMS CAD SRUNGS SHIG BDE BA 'THOB, , GZHON NU GSO BA'O, ,G-YAS PA YI NI LAG PA YIS, ,KLU YI GDENGS KA LTA BUR BYA, ,'BAR BA'I TSUL STON 'DEBS BCAS NA, ,DUG GI LAS RNAMS BSGRUB PAR BYA, ,'BAR DANG 'DUL DANG BCING BA DANG, ,ZA BA'I DUG RNAMS MED PAR BYED, ,GDUG PAS ZIN DANG LU TA DANG, ,SHI BA SOS PAR BYED PA'I MCHOG ,GDENGS KA'I PHYAG RGYA'O, ,G-YAS PA'I MTHE BONG GUNG MO GNYIS, ,G-YON

302b

PA'I KHU TSUR BCANGS PA YI, ,GUNG MO LA NI REG BYAS NA, ,GDON RNAMS KUN LAS THAR PAR 'GYUR, ,DUG GSO BA DANG GDON GYI CHO GA 'O, ,BA DAN GSUM PO GNYIS BCINGS NAS, ,GUNG MO GNYIS NI MDUD PAR BCING, ,MDZUB MO MTHE'U CHUNG RTZE MO CAN, ,RDO RJE'I PHYAG RGYA YONGS BCINGS LA, ,YONGS SU BSGYUR TE BTEG NAS SU, ,SMIN MA'I MTSAMS SU BZHAG PA NI, ,MKHA' 'GRO'I LAS RNAMS MA LUS PAR, ,LUS PA MED PAR THAMS CAD 'GRUB, ,PHYAG RGYA 'DI YIS BTAB NA NI, ,GNAS GSUM PO NI MA LUS PA, ,RGYAS BTAB RMONGS BYAS ZOS PA DANG, ,THAL BAR GYUR PA'ANG 'TSO BAR BYED, , DPAL RDO RJE HE RU KA'I KHRO GNYER ZHES BYA BA'I PHYAG RGYA STE MA MO SHES PA'O, ,RDO RJE SEMS DPA' DPAL SBYOR BAS, ,RTA RNAMS THAMS CAD ZHON NA NI, ,RTA RNAMS NAD MED SOS PA DANG, ,NYAM SKYE THAR ZHING MGYOGS PAR 'GYUR, ,DPAL RTA MCHOG GI PHYAG RGYA'O, ,RDO RJE SEMS DPA' DPAL SBYOR BAS, ,GLANG PO KUN LA ZHON NA NI, ,GLANG PO THAMS CAD NAD MED SOS, ,NYAM SKYE SPRO LDAN MYOS PAR 'GYUR; ;SHR'I BADZRA SATVA STVAm MA SI HO, ,'DI NI RNA BAR BZLAS PA'I MCHOG ,BYA RNAMS NAD MED 'TSO BAR 'GYUR, ,MI YI SKAD DU SMRA BAR 'GYUR, ,BYA GSO BA YI PHYAG RGYA 'O, ,RDO RJE SEMS DPA' DPAL SBYOR BAS, ,'BYOR PA KUN LA RJES CHAGS NA, ,SHING RNAMS NAD MED MI SKAM ZHING, ,RTAG TU ME TOG 'BRAS BUR LDAN, ,SHING RNAMS SKYED PA'I GTZUG LAG LAS, ,SBYOR PA'I CHO GA GANG

303a

, ,BSHAD PA, ,PHYAG RGYA 'DI YIS THAMS CAD NI, ,YID LA BSAM PA BZHIN DU 'GRUB, ,SHING SKYED PA'I PHYAG RGYA SHES PA'O, ,'KHRUL 'KHOR GYIS 'PHANGS MA 'PHANGS DANG, ,DE BZHIN LAG PAS 'PHANGS PA DANG, ,'PHANGS NAS SLAR DU GZUNG BA DANG, ,STOBS SU 'GYED PA LNGA YIN TE, ,RANG BYUNG RNAMS KYI DGRA CHA'I DPYAD, ,PHYAG RGYA LNGA LA RAB TU GNAS, ,RDO RJE SEMS DPA' DPAL GYIS BSHAD, ,DAM PA DE DAG BSHAD PAR BYA, ,DBYIBS DANG BDE BLAG SBYOR BA DANG, ,KUN TU SBYOR DANG 'DREN MAR MYUR, ,'GENGS DANG 'PHEN DANG GSAL BA 'O, , RKANG PA GSHIBS PAS SA MNAN CING, ,RKANG PA 'GYED PAS SA GNON TO, ,DKYIL 'KHOR DAG KYANG MNAN PAR BYA, ,BRKYANG BSKUM GYIS KYANG GNAS GSUM MNAN, ,DBYIBS KYI PHYAG RGYA'O, , MI LTOD PA DANG SRAN GZUGS DANG, ,MNYEN CING YAN LAG BRTEN PA DANG, ,RGYA CHER 'GENGS SHING RNAM PAR DAG ,LUS KYI PHYAG RGYA BDE BLAG CAN, ,'DI YIS LUS LA GNON PA DANG, ,RIMS DANG DUG DANG DBYIG DUG DANG, ,MKHA' 'GROS GTZE DANG GDON RNAMS KYIS, ,NAM YANG TSUGS PAR YONG MI 'GYUR, ,RGYA CHER 'GENGS PA'I PHYAG RGYA'O, ,RANG GI SNYING GAR 'DREN TSUL DU, ,BDE BLAG CAN GYIS GZHU BZUNG NAS, ,G-YAS PA RAB TU GAR BYED CING, ,MDA' 'PHANGS NA NI 'GRUB PAR 'GYUR, ,DPAL KHAMS GSUM RNAM PAR RGYAL BA'I 'O, ,LAG PA G-YON PA LEGS

303b

BSRANGS LA, ,SKYON MED PA YI G-YAS PA DGUG ,GZHU RGYUD DAL BUS DRANGS NAS NI, ,'GRO BA THAMS CAD DGUG PAR BYA, ,THAMS CAD DGUG PA'I PHYAG RGYA'O, ,RNA DRUNG BAR DU ZLUM BOR NI, ,JI LTAR RIGS PAR LEGS BKANG LA, ,YI GE AOm TZAM RANG GI KHAR, ,BZUNG NA 'GRO BA 'DZIN PAR 'GYUR, ,'DZIN PA'I PHYAG RGYA'O, ,JI LTAR RIGS PAS DRANGS NAS NI, ,CHO GA BZHIN DU BZUNG NAS KYANG, ,DER NI CUNG ZAD DBYE BAR BYA, ,'GENGS PA THAMS CAD 'GRUB PAR 'GYUR, ,'GENGS PA'I PHYAG RGYA'O, ,CHANG PAS 'BEN NI BSGRIB PAR BYA, ,'DZUM DANG BCAS PA'I MIG GIS BLTA, ,LTA BA CHANG PA LA GTAD NAS,, MYUR DU 'PHANGS NA DAM PA 'GRUB, ,MDA' GZHUS RGYAL BAR BYA BA'I PHYAG RGYA'O, ,GRU BZHI PA LA RNO BA DANG, ,DE BZHIN KUN NAS BSKOR BAR BYA, ,G-YAS PHYOGS NAS NI MDA' BSKOR NAS, ,SMAD DE DE BZHIN BSTOD PA DANG, ,RKANG PAS MNAN CING RMIG PAS MNAN, ,'BIGS PA BCU YI RGYA MCHOG GIS, ,KHAMS GSUM RGYAL SRID CHEN PO DAG ,BDE BAR THUB NAS NYE BAR SPYOD, ,DPAL KHAMS GSUM RNAM PAR RGYAL BA'I 'O, ,RAB TU 'PHANGS DANG MNYAM PAR 'PHANGS, ,DE BZHIN GLOG LTAR 'PHANGS PA DANG, ,GLOG LTAR 'KHRUG PA DE BZHIN TE, ,PHYAG RGYA THABS RNAMS SGRUB PA'O, ,THABS THAMS CAD KYI PHYAG RGYA'O, ,NYAM NGA LAG DANG BDE PHYOGS DANG, ,THAD KA DE BZHIN GYEN DU 'DEBS, ,'DI DAG ZLOG PA'I PHYAG RGYA STE, ,GNAS GSUM DAG NI BZLOG PAR BYA, ,NGES PAR ZLOG PA THAMS CAD KYI

304a

, ,PHYAG RGYA'O, ,THAMS CAD 'DEBS DANG NGES PAR 'DEBS, ,KUN 'DEBS GYEN DU 'DEBS PA'I GAR, ,'DI DAG 'PHROG PA'I PHYAG RGYA STE, ,GNAS GSUM DAG KYANG 'PHROG PAR BYED, ,'PHROG PA THAMS CAD KYI PHYAG RGYA'O, ,KUN TU KUN NAS THAMS CAD KYI, ,RTAG TU BDAG NYID RNAM PA KUN, ,MDA' GZHU'I DPYAD KYI PHYAG RGYA'I MCHOG ,MI 'GYUR DAM PA 'GRUB PAR 'GYUR; ;DGRA CHA THAMS CAD KYI PHYAG RGYA SHES PA'O, ,SRIN LAG GNYIS KYI NANG DU NI, ,MTHE BO LEGS PAR GZHAG PAR BYA, ,DE NAS KHU TSUR BCANGS NAS NI, ,MDZUB MO LEGS BAR DGUG PAR BYA; ;RDO RJE KHU TSUR DPAL GYI RGYA, ,RDO RJE SEMS DPA' DPAL LA GNAS, ,LAS KYI DNGOS GRUB RAB 'BYAMS RNAMS, ,MA LUS PAR NI MYUR DU 'GRUB, ,DPAL RDO RJE KHU TSUR GYI PHYAG RGYA'O, , RDO RJE KHU TSUR LEGS BCANGS LA, ,BDAG GI MTHE BO'I NANG DU GZHUG ,ZHI BA'I LAS RNAMS RAB GRUB PAS, ,MA LUS LUS PA MED PAR 'GRUB, ,DE BZHIN GSHEGS PA THAMS CAD KYI KHU TSUR RO; ;RDO RJE KHU TSUR LEGS BCANGS LA, ,MTHE'U CHUNG GNYIS NI RAB BRKYANGS NAS, ,MKHA' 'GRO'I LAS RNAMS THAMS CAD NI, ,MA LUS LUS PA MED PAR 'GRUB, ,DPAL RDO RJE HE RU KA'I KHU TSUR GYI PHYAG RGYA'O, ,BRDEG PA'I KHU TSUR BCANGS PA LAS, ,MTHE BONG DAG LA GUNG MO BZHAG ,DPAL PADMO'I KHU TSUR GRUB PA STE, ,THAMS CAD DAG PA'I LAS LA SBYAR, ,DPAL PADMO'I KHU

304b

TSUR RO; ;KHU TSUR RDO RJE RIN CHEN MCHOG ,'BEBS PA THAMS CAD YONGS RDZOGS PA, ,RANG DON LAS RNAMS GRUB PA NI, ,MA LUS LUS PA MED PAR 'GRUB, ,DPAL RDO RJE RIN PO CHE'I KHU TSUR GYI PHYAG RGYA'O, ,RDO RJE KHU TSUR DPAL BCANGS LA, ,SOR MO THAMS CAD YONGS SU BZUNG, ,RTUL PHOD LAS RNAMS THAMS CAD NI, ,MA LUS LUS PA MED PAR 'GRUB, ,LAS THAMS CAD KYI PHYAG RGYA SHES PA'O; ;RKANG PA BRKYANG DANG GNON PA DANG, ,BSKUMS NAS BTEG PA'I STABS DAG DANG, ,G-YAS DANG G-YON GYI SBYOR BA YIS, ,GZUGS RNAMS THAMS CAD MNAN PAR BYA, ,SDIG MED STOBS KYIS NGO THON DU; ;RNAM PAR SNANG MDZAD DPAL MNAN NAS, ,KUN TU BYANG CHUB YONGS BKUG STE, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,RDO RJE 'DZIN PA DPAL MNAN NAS, ,KUN TU GRUB PA YONGS BKUG STE, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,SPYAN RAS GZIGS DBANG DPAL MNAN NAS, ,KUN TU DPAL MO YONGS BKUG STE, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,RDO RJE NYI MA DPAL MNAN NAS, ,KUN TU LONGS SPYOD YONGS BKUG STE, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,RTA MCHOG DAM PA DPAL MNAN NAS, ,THAMS CAD DBANG PHYUG YONGS BKUG STE, ,BDAG GI SPYAD BAR DO SPYOD DO, ,BYANG CHUB PHA ROL PHYIN PA DANG, ,GRUB DANG GZUGS DANG SA RNAMS DANG, ,RIG DANG PHYAG RGYA

305a

, ,RNAMS MNAN NAS, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,DBANG PHYUG DAM PA MNAN NAS NI, ,MIG GSUM PA LAS GSUM GRUB BKUG , BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,MTHU PO CHE YANG MNAN NAS NI, ,SNYING LAS DPAL MO YONGS BKUG STE, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,SKYE RGU'I BDAG MO MNAN NAS NI, ,MOS LAS GROL MA YONGS BKUG NAS, ,BDAG GI SPYAD PAR DE SPYOD DO, ,SDIG MED STOBS KYIS NGO THON DU, ,RAB DGA'I DBANG PHYUG MNAN NAS NI, , KUN GYI BDAG LAS DGA' BA BKUG ,BDAG GI SPYAD PAR NGES SPYOD DO, ,'JIGS LA SOGS PA'I LHA MO DANG, ,MA MO BYANG MA'I MA MO DANG, ,MKHA' 'GRO MA RNAMS MNAN NAS NI, ,BDAG GI SPYAD PAR DE SPYOD DO, ,DE BZHIN KU BE RA LA SOGS, ,RIG PA 'GRUB PA SPYOD PA DANG, ,MI YI RGYAL PO LA SOGS KYANG, ,MNAN NAS BDAG GI SPYAD PA SPYOD, ,'GRO BA DANG NI MI 'GRO BA'I, ,DNGOS PO THAMS CAD MA LUS PA'ANG, ,RNAL 'BYOR BDAG NYID DES MNAN NAS, ,BDAG GI SPYAD PAR DE SPYOD DO, ,DPAL RDO RJE GNON PA'I PHYAG RGYA SHES PA'O, ,KHU TSUR SNYING GAR BCANGS PA NI, ,BUD MED PHYAG RGYAR DE BSHAD DO, ,BUD MED SBYOR BA MA LUS PA, ,LUS PA MED PA'ANG THAMS CAD 'GRUB, ,G-YON PA 'GYING PA'I TSUL BYAS NAS, ,LAG G-YAS BDAG GI SNYING GAR NI, ,GYEN DU DRANG BA'I TSUL BYAS NA, ,

305b

BUD MED THAMS CAD DBANG DU 'GYUR, ,DPAL RDO RJE 'GYING BA'O, ,DPAL LDAN SNA TSOGS PADMO 'DZIN, ,G-YON PA BRDEG PA'I KHU TSUR DANG, ,G-YAS PAR LDANG BAR GYUR PA DANG, ,SANGS RGYAS DBANG PHYUG TING 'DZIN BYA, ,SANGS RGYAS THAMS CAD DU 'PHAR BA'O, ,G-YON PA DRIL BU'I SGRA SGROG CING, ,G-YAS PA YI NI LAG PA YIS, ,RDO RJE GYEN DU GSOR ZHING BSKOR, ,SGYU MA THAMS CAD 'BYUNG BAR BYA, ,DPAL RDO RJE SGYU MA'I DBANG PHYUG MA'O, ,G-YON PA G-YON PA'I BRLA LA BZHAG ,LAG PA G-YAS PA'I MDZUB MO YI, ,RTZE MOS PADMO DAM PAR 'DZIN, ,G-YAS PA'I BRLA LA LAG NGAR GZHAG ,MI DGE BA THAMS CAD SEL BA'I PHYAG RGYA'O, ,BDAG GI SNYING GAR 'DREN TSUL DU, ,G-YON PA NOR BU RIN CHEN 'DZIN, ,G-YAS PA RE BA KUN RDZOGS PA'I, ,BUD MED LA SOGS RIN CHEN 'DZIN, ,BSAM PA THAMS CAD YONGS SU RDZOGS PAR BYED PA'O, ,BDAG GI SNYING GAR 'DREN TSUL DU, ,PADMO SNA TSOGS DAM PA 'DZIN, ,G-YAS PA RDO RJE 'GYING BA YIS, ,DBANG PHYUG DAM PA THOB PAR 'GYUR, ,DNGOS GRUB KUN GYI DBANG PHYUG GI PHYAG RGYA SHES PA'O, ,ZHES BCOM LDAN 'DAS RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE BA'I MCHOG LAS, KUN TU RNAM PA SNA TSOGS KYI DAM TSIG GI PHYAG RGYA'I RTOG PA STE DGU PA'O,, ,,DE NAS KUN TU SNA TSOGS 'DI, ,PHYAG RGYA SHES PA'ANG GRUB PA NI, ,KUN TU SNA TSOGS SBYOR BA YIS, ,KUN TU SNA TSOGS

306a

, ,BSHAD PAR BYA, ,SMIN MA MIG DANG SO DANG MCHU, ,KHA DANG LUS DANG RKANG LAG GIS, ,CHA LUGS BZHIN DU GAR BYED PAS, ,PHYAG RGYA THAMS CAD YONGS SU DGROL, ,RDO RJE SEMS DPA' DPAL SBYOR BAS, ,LHA MO KUN DANG 'DUS PA NI, ,KUN TU SNA TSOGS SKAL BZANG PO, ,RAB TU BDE BAR GRUB PAR 'GYUR, ,PHYAG RGYA 'DI YIS BTAB NA NI, ,SANGS RGYAS THAMS CAD BYIN GYIS RLOB, ,LEGS PAR BYIN GYIS BRLABS NA NI, ,SANGS RGYAS THAMS CAD 'DUS PAR 'GYUR, ,SANGS RGYAS KUN DANG MNYAM SPYOD BAS, ,SANGS RGYAS KUN DANG MNYAM PAR 'GYUR, , SANGS RGYAS KUN DANG MNYAM PAS NA, ,SANGS RGYAS THAMS CAD RAB TU 'GRUB, ,RDO RJE SEMS DPA' DPAL SBYOR BA'I, ,MTHU NYID KYIS NI THAMS CAD DU, ,MDOR NA PHYAG RGYA THAMS CAD NI, ,SO SO DAG NAS GRUB PAR 'GYUR, ,BLTA BAS MI NGOMS PA YI SKU, ,THAMS CAD BDAG NYID STON PAR MDZAD, ,LEGS SO LEGS SO ZHES GRUB PA'I, ,DAM PA DAG KYANG RAB TU STZOL, BSAM PA THAMS CAD YONGS RDZOGS PA'I, ,GRUB PA KUN MCHOG NYAMS DGA' BA, ,JI LTAR 'DOD PA'I LONGS SPYOD DU, ,THAMS CAD KYI NI BDAG NYID STZOL, ,DANG PO KUN LAS BYUNG BA YI, , MCHOD PA'I SPRIN CHEN THAMS CAD KYI, ,BKOD PA RAB 'BYAMS TSOGS RNAMS KYI, ,THAMS CAD BDAG NYID MCHOD PA MDZAD, ,DPAL LDAN G-YON PA 'GYING DANG BCAS, ,DPAL LDAN LAG PA

306b

G-YAS PA YI, ,PADMO KHU TSUR DPRAL BAR BZHAG ,BDAG GI MIG NI GYEN DU LTA, ,'DI NI RDO RJE SEMS DPA' YI, ,PHYAG RGYA THAMS CAD RAB SGRUB PA'O, ,GYEN DU 'PHAR BA'I DNGOS GRUB DANG, ,RAB 'BYAMS LAS RNAMS MYUR DU 'GRUB, ,PHYAG RGYA 'DI YIS BTAB NA NI, ,KHAMS GSUM PA DAG MA LUS PA, ,RGYAS BTAB RMONGS BYAS ZOS PA DANG, ,THAL BAR GYUR PA'ANG 'TSO BAR BYED, ,BCOM LDAN 'DAS RDO RJE SEMS DPAS DE SKAD GSUNGS SO, ,KUN TU SNA TSOGS SKAL BZANG PO, ,DPAL RDO RJE PADMO GYEN DU 'PHAR BA'I SPYAN ZHES BYA BA'I PHYAG RGYA STE, RNAM PA SNA TSOGS THAMS CAD KYI PHYAG RGYA DANG, PHYAG RGYA'I LAN ZHES BYA'O, ,SANGS RGYAS THAMS CAD 'DUS PA YIS, ,RTAG TU DPAG MED TSE DANG LDAN, ,NAM MKHA'I DBYINGS KYI MTHA' KLAS PA'I, ,BDEN PA'I TSIG NI RAB TU SMRA, ,MTHA' YAS PA DANG MU MED PA'I, ,RTOG PA KUN DANG 'DI YI NI, ,MTHU DANG YON TAN BSNGAGS PA'I MTHA', ,BRJOD PA DAG TU YONG MI NUS, ,MTHU DANG RANG BZHIN DAG GIS GRUB, ,NGO BO NYID KYIS RTAG TU GRUB, ,SO SO RJES GRUB BDE BA STER, ,'DI NI GSANG MCHOG MCHOG GI MCHOG ,SEMS CAN DON PHYIR LAS RNAMS SBYONG BA DANG, ,RNAM PAR DAG PAR RGYAL BA YONG MI MDZAD, ,'DI LA BGEGS MED BDUD KYANG YOD MA YIN, ,RTOG PAS MI 'GRUB THAR PAR YONG MI NUS, ,MI BRTAN PA DANG BDUD DU NGA MI 'GYUR, ,BRTAN PAR BYA BA'I PHYIR YANG NGA MI 'DOMS, ,GANG ZHIG RANG GI BDE BAS DA SGRUB NA, ,DNGOS GRUB

307a

, ,MCHOG GIS DE NI BRTAN PAR BYED, ,KUN TU SNA TSOGS PAS NI DE SKAD GSUNGS, ,BCOM LDAN DE BZHIN GSHEGS PA RTAG TU DGYES, ,RDO RJE SEMS DPA' DPAL GYIS LEGS GSUNGS LA, ,MNGON PAR BSTOD CING RAB TU DGYES PAR GYUR, ,LE'U BCU PA'O,, ,,RNAM MANG RJES CHAGS DGA' BA'I PADMO RNAM DAG MCHOD PA DANG, ,RTA MCHOG RNAL 'BYOR BDE BAS GSAL BAR RJES SU MCHOD NA NI, ,RAB TU BDE BA'I RNAL 'BYOR DAM PA SKAL BZANG DGA' BA'I MCHOG ,RAB MCHOG BDE BA'I RANG BZHIN DAM TSIG BDE BAS RJES SU GRUB PAR 'GYUR, ,BCOM LDAN 'DAS DPAL RDO RJE SEMS DPAS DE SKAD GSUNGS SO, ,SANGS RGYAS THAMS CAD DANG MNYAM PAR SBYOR BA MKHA' 'GRO SGYU MA BDE BA'I MCHOG CES BYA BA'I RTOG PA, RTOG PA THAMS CAD KYI 'KHOR LO BSKOR BA CHEN PO BDE BA CHEN PO RDZOGS SO,,