, ,RGYA GAR SKAD DU, SHR'I AA DZI T'A N'A THA S'A DHA NAm, BOD SKAD DU, DPAL MI PHAM MGON PO'I SGRUB THABS ZHES BYA BA, 'PHAGS PA BYAMS PA LA PHYAG 'TSAL LO, ,SA BCU'I DBANG PHYUG 'JIG RTEN MGON, ,BYAMS CHAN MI PHAM MGON PO LA, ,PHYAG 'TSAL NAS NI RANG DRAN PHYIR, ,DE YI SGRUB THABS MDOR BSDUS BYA, ,DANG POR RE ZHIG SNGAGS PAS YID DANG RJES SU MTHUN PA'I GNAS SU 'DUG STE, TSANGS PAR SPYOD PA DANG, TSANGS PA'I GNAS PAS LEGS PAR GNAS PAR BYAS LA, CHOS THAMS CAD STONG PA NYID DU BSGOM MO, ,DE'I NGANG LA PADMA DANG ZLA BA'I STENG DU BDAG NYID YI GE MEEm GSER GYI MDOG CAN BLTAS LA, 'OD ZER SPRO BA DANG BSDU BA SNGON DU SONG BAS BYANG CHUB KYI KLU SHING GI BUM PAS MTSAN PAR BSAM MO, ,DE YANG SNGA MA LTAR SBYAR TE SANGS RGYAS KYI ZHING YONGS SU SBYANGS PAS 'PHAGS PA BYAMS PA'I SKUR NYE BAR BLTA'O, ,DE LA 'PHAGS PA BYAMS PA GSER BTZO MA'I MDOG CAN, KHRU BRGYAD CU'I TSAD MNGA' BA MTSAN BZANG PO YONGS SU DAG PAS BRGYAN PA, BRTZON PA'I CHA BYAD 'GYING BAG PHUN SUM TSOGS PA DANG LDAN PA, PHYAG G-YAS CHOS 'CHAD DANG, G-YON KLU SHING RGYAS PA'I SDONG BU RIL BAS MTSAN PA 'DZIN PA, SKU BLTA BAS CHOG MI SHES SHING RANG BZHIN GYI 'AD [*'OD?] KYI DKYIL 'KHOR RNAM PAR 'PHRO BA RAL PA'I CHOD PAN CAN MDZES PA LA, MCHOD RTEN GYIS NI GTZUG TOR SPRAS, ,TSANGS SKUD DANG NI PHRENG BAS BRGYAN, ,SNYING GAR PAGS PA BSNAMS PA'O, ,DE RDZAS MGON PO NYID BSKUL BA, ,DGA' LDAN NAS NI YE SHES DGUG ,DZA:H'Um BAm HO:'I RIG PA YIS, ,DAM TSIG LA NI BSTIM PAR BYA, ,DE NAS MCHOD SOGS CHO GA BZHIN, ,BYAMS LA SNYING RJE CHEN PO CAN, ,GRUB PA'I GSANG SNGAGS BZLAS PAR BYA, ,'BUM PHRAG BCUS NI BSNYEN PA
, ,'GRUB, ,DNGOS DANG RMI LAM DAG MTHONG LA, ,DGA' LDAN GZHAL MED BGROD PA DANG, ,DE YI PHYAG MTSAN GNYIS MTHONG NGAM, ,MI PHAM RGYAL TSAB MTHONG GYUR PA, ,DE TSE DE YI DRI MA DAG ,CHU BOS BROS NAS ZOS PA YI, ,LJON SHING BZHIN DU 'BAD MED PAR, ,TSE 'DI NYID LA ZAD PAR BYED, ,AOm MEEm MEE TRI MEE TRI YEE SV'A H'A, ,SGRUB PO GANG ZHIG 'PHAGS PA LA, ,DAD PA MANG DANG 'GRO LA BRTZE, ,RTAG TU SMON LAM YANG STON PA, ,DE DAG RJE BTZUN MDUN DU SKYE, ,DPAL MI PHAM MGON PO'I SGRUB THABS, SLOB DPON NI RI TI BAS MDZAD PA, GNUBS LO TZ'A BA BYAMS PA'I DPAL GYIS BSGYUR BA'O,,