, ,RGYA GAR SKAD DU, NEE R'ATMYA S'A DHA NAm, BOD SKAD DU, BDAG MED MA'I SGRUB THABS, BCOM LDAN 'DAS MA BDAG MED MA LA PHYAG 'TSAL LO, ,DANG POR SEMS CAN THAMS CAD GDON PAR 'DOD PA'I TSUL GYIS SNYING RJE BSGOMS NAS PHYI DANG NANG DU BCAS PA STONG PA NYID DU DMIGS TE, BAR SNANG LA AAm YIG LAS GRI GUG DE'I YU BAR ZLA BA LA AAm YIG RNAM PAR BSAMS TE, DE NAS RNAL 'BYOR PAS 'KHOR LO SPRO BA DANG BSDU BA BSGOMS NAS DE THAMS CAD YONGS SU GYUR PA LAS RO'I SNYING GAR ZLA BA'I DKYIL 'KHOR LA BCOM LDAN 'DAS BDAG MED MA SKU MDOG NA GA MO GRI GUG DANG THOD PA DANG KHA tV'Am GA 'DZIN PA, PHYAG GNYIS PA ZHAL GCIG PA BSAM PAR BYA'O, ,DMAR ZHING ZLUM PA'I SPYAN GSUM PA, DBU SKRA DMAR SER GYEN DU BRDZES PA, MGO BO DANG MGRIN PA DANG SNYING GA RNAMS SU AOm A'A:H'Um GI YI GE RNAMS SO, ,SNYING GAR ZLA BA LA GRI GUG GI YU BAR ZLA BA LA AAm YIG BSAMS NAS SNGAGS BZLAS PAR BYA'O, ,AOm AA A'A AI A'I AU A'U Ri R'i Li L'i AE AEE AO AOO AAm SV'A H'A, ZHES SNGAGS BZLAS PAR BYA'O, ,BDAG MED MA'I SGRUB THABS RDZOGS SO,,