,,RGYA GAR SKAD DU, SHR'I K'A LA TZAKRA GARBHA N'A MA TANTRA, BOD SKAD DU, DPAL DUS KYI 'KHOR LO ZHES BYA BA'I RGYUD KYI SNYING PO, 'JAM DPAL GZHON NUR GYUR PA LA PHYAG 'TSAL LO, ,THAMS CAD MKHYEN PA'I YE SHES SKU, ,NYIN MOR BYED PA'I 'OD LTA BU, ,PADMA'I 'DAB MA 'DRA BA'I SPYAN, ,SANGS RGYAS SENG+GE'I GDAN LA BZHUGS, ,LHA YI MCHOG GIS PHYAG BYAS PA SPYI BOS GTUGS TE PHYAG 'TSAL LO, ,RGYAL PO ZLA BA BZANG POS ZHUS, ,YAN LAG PADMA SBYAR BA NI, ,YAN LAG MCHOG LA BZHAG BYAS TE, ,DUS KYI 'KHOR LO'I SBYOR BA NI, ,RTZOD PA DAG GI DUS KYI NI MI RNAMS GROL ZA'I RGYU RU'O, ,SO SOR SDUD PA RNAM PA BCU, ,RGYAL BA YI NI DBANG POR 'GYUR, ,DE BZHIN BSAM GTAN MI BSKYOD PA, ,SROG DANG RTZOL BA RAL GRI CAN, ,SLAR LA YANG NI RNAM PA
, ,BCU; ;GZUNG BA RIN CHEN PHYAG RGYA CAN, ,G-YUNG MO RJES SU DRAN PA NI, ,PADMA 'DZIN PHA RU NI 'GYUR, ,DPAL GYI TING 'DZIN 'KHOR LO CAN, ,RE RE YANG NI LNGA RU DBYE, , SLAR LA YANG NI GANG DBYE BA, ,AA LA SOGS DANG KA LA SOGS, ,SO SOR SDUD PA YUL DANG NI, ,YUL CAN RNAM PA BCU PO RNAMS, ,LUS LA 'JUG PA MED PA'O, ,SHES RAB RTOG DANG DPYOD PA'O, , DGA' BA MI G-YO BDE BA DANG, ,BSAM GTAN SEMS NI RTZE GCIG PA'O, ,SROG DANG RTZOL BA GNYIS KYI LAM, ,MI 'JUG PA RU 'GYUR BA NI, ,DBU MAR SROG NI 'JUG PA'O, ,THIG LE RU NI SROG 'JUG CING, ,GNYIS KA 'GRO DANG 'ONG BA DAG ,GZUNG BA YID NI SEMS GCIG PA, ,GTUM MO YI NI SNANG BA GANG, ,LUS LA NGES PAR GSAL 'GYUR BA, ,NAM MKHA' DE NI RJES DRAN 'GYUR, ,SHES RAB THABS KYI BDAG NYID KYI, LHAN CIG SKYES PA'I BDEN DBANG GIS, ,YE SHES SKU NI TING 'DZIN TE, ,'DI NI CHU SOGS DBYE BA YIS, ,GSUM DU YANG NI 'GYUR BA YIN, ,SNA TSOGS BDAG PO'I SGRUB THABS SO, ,PHYAG RGYA GSUM DANG TSAD NI GSUM, ,RNAM PA GSUM GYI SRID DBANG GIS, ,LAS DANG KUN RTOG BZANG PO YI, ,SO SOR SDUD PA RNAL 'BYOR PA, ,YUL DU RNAM PAR BRAL BA DANG, ,SNGAGS KUN GYIS NI BYIN GYIS BRLABS, ,BSAM GTAN SBYOR BA DAG PA YIS, ,MNGON SHES LNGA NI THOB PAR 'GYUR, ,SROG DANG RTZOL BA DAG PAS NI,, ZLA BA NYI MA
DAG PAS BRAL, ,BYANG CHUB SEMS DPA' RNAMS KYIS MCHOD, ,GZUNG BA YI NI STOBS KYIS NI, ,NYON MONGS LA SOGS BDUD 'JOMS SHING, ,STOBS BCU LA NI 'JUG PAR 'GYUR, ,DRI MED 'OD 'PHRO DKYIL 'KHOR TE, ,GZHAN YANG YE SHES SKU LAS SO, ,DE PHYIR DAG BA TING 'DZIN GYIS, ,NYI MA CUNG ZAD TZAM GYIS NI, ,YE SHES SKU NI 'GRUB PAR 'GYUR, ,SO SOR SDUD LA SOGS PA YIS, ,GAL TE GA BAR DE 'GYUR NA, ,SNGAGS PA RNAMS KYIS 'DOD MI 'GRUB, ,SGRA LA GOMS PA YAN LAG MA'I, ,PAD SONG RDO RJE NOR BU YI, ,THIG LE SGRUB PA SONG BAR BYA, ,BSNYEN PA DANG PO SBYOR BA NI, ,NAM MKHA' RU NI RNAM PA BCU; ;'KHOR LO CAN NI KHRO LTA BA'O, ,BGEGS NI MTHAR BYED KYI LTA BA, ,BDUD RTZI LAM DU SONG BA YANG, ,NYE BA'I BSNYEN PA YAN LAG DRUG ,SHES RAB LAS 'PHROS ZLA THIG LE, ,GZHAN YANG RDO RJE NOR BU STE; ;YI GE GSUM NI SGRUB PAR 'GYUR, ,BDE BAR MNYAMS GCIG ZHI BA, ,LHAN CIG SKYES PA RU NI 'GYUR, ,SGRUB CHEN YE SHES SBYOR BA'O, ,SROG DANG RTZOL BA KUN NAS NI, ,MGO BO'I BAR NI PHAN PA STE, , MNYAM PA'I BDE BA 'BRAS STER BA, ,DE LAS STENG NI MI PHAN PA, ,'CHI BA'I 'JIG PA BYED PA'O, ,SEMS CAN NGES PAR KLOG PA'I RGYU, ,GTZUG TOR SGO NI PHUG NAS SU, ,MCHOG TU BDE BA'I GO 'PHANG DU; ;'DI NI SBYAR BAR BYA BA NYID, ,PHUNG PO MED PA'I RNAL 'BYOR MA, ,MNYAM PA'I BDE BA LA BZHUGS MOD, ,'ON KYANG 'JIG RTEN GRAGS PA MED, ,DBUS SU SROG DANG 'JUG PA NI, ,YUL DANG RNAM
, ,PAR BRAL BA NYID, ,SNA TSOGS YUM GYIS 'KHYUD PA'O, ,PADMAR 'JUG PA'I RANG RDO RJE, ,SPRO BA YANG NI DE BZHIN TE, ,RDO RJE DBUS SU GZHAG PAR BYA, ,SA BON MA LHUNG BDE BA,, SHIN TU CHAGS PA'I CHAGS PAR SONG, ,RNAL 'BYOR PA YI 'BYOR PA NYID, ,MCHOG TU YANG NI KHYAB PA'I BDAG ,DPAL NI GSANG LAS GSAR BA PO, ,GTZUG TOR DU NI RTZE LNGA PA'O, ,RDO RJE YI NI 'GYUR BA YIN; ;PHYI YI RTZE MO NYIS 'GYUR DU, ,'GYUR BA CHOS KYI DKYIL 'KHOR RO, ,DE NI GNYIS SU 'DRES PA DANG, ,DE NI GZHAN YANG NYIS 'GYUR RO, ,DE YI YANG NI GZHAN NYIS 'GYUR, ,LHAN CIG SKYES DANG LONGS SPYOD RDZOGS, ,SPRUL PA YI NI 'KHOR LOR RO, ,DE YI NANG DU RTZE GCIG GO ,MNYAM PA'I BDE BA'I 'BRAS STER BA, ,GSANG BA'I PADMA'I NANG GSANG BA'O, ,RNAL 'BYOR BA DANG SROG GCOD PA, ,NYIN DANG MTSAN DU PHYE BA NI, ,DE NI SROG 'JIGS PA RU GSUNGS, ,SGRA GANG KHA DANG BRAL BA NI, ,SNYING LA YOD PAR RAB 'GYUR BA, ,DE NI BRDZUN DU SMRA BA NYID, ,KUN MKHYEN GYI NI YE SHES SAR, ,'DZIN PAR YANG NI DBYE BA GANG, ,RNAL 'BYOR PA LA DE GSUNGS SO, ,BDE BA'I THIG LE MA LHUNG BA, ,GZHAN GYI BUD MED DU NI 'GYUR, ,BSTEN PA CHAGS BRAL MIN PA'O, ,SROG DANG RTZOL BA'I ME YIS NI, ,RI BONG CAN LA ZHU BA YI, ,BTUNG BA CHANG GI BTUNG BA'O, ,MTHE BO'I TSIGS NAS GTZUG TOR DU, ,CHOS KYI DBANG GIS 'GRO BA NI, ,NYA MTHAR THUG PAR RANG GI SEMS, ,GTZUG TOR GNAS NAS
MTHO BO RU, ,YID NI 'DIR NI 'GRO 'GYUR TE, ,NAG PO'I PHYOGS KYI MTHAR THUG PAR, ,RNAL 'BYOR MA SPYOD PA DES NI, ,NYI MA RE RE'I DUS SU NI, ,'DOD PA'I DNGOS GRUB RAB TU STER, ,SPYOD DANG 'DOD PAS LUS TSAN, ,MCHOG GI KHA YI PADMA LAS, ,TSIG MI 'BYUNG DANG GNYID LOG DANG, ,'GUL DANG NA BA LKUGS PA DANG, ,YID NI 'KHRUG DANG BRGYAL BA NI, ,DU BA LA SOGS RDO RJE CAN, ,DE RNAMS GSAL BA RNAM PA BCU; ;SROG CAN LUS KYI GNAS SKABS SO, ,'JIG RTEN 'DOD PA'I GNAS SKABS NI, ,NGES PA KHO NAS GSAL BA LAS, ,SU ZHIG RGYAL BA SU 'DOD PA, ,THIG LE DKAR PO'I RGYUN NI GANG, ,NYIN DANG MTSAN MOR LTUD PA NI, ,M'A MA KI NI DE CHAD DO, ,KO KU LA SOGS MIG LA SOGS, ,NYI MA RE RE BZHIN SPRO BAS, ,SHA GZHAN RES 'GA' YANG MA YIN, ,BDUD RTZI LNGA RNAMS BSTEN PA NI, ,RANG GI RIGS KYI SAR SONG BA; ;LHA RNAMS DAG PA'I LUS LAS SO, ,STONG PA'I SEMS DE RTZOD PA YIS, ,LHAN CIG SKYES PA KHYAB BDE BAS, ,DE NI SKYE GNAS 'KHRIG PA MED, ,NOR GYI SBYIN PA BTANG BA DANG, ,BUD MED SBYOR LA YID KYIS NI; ;MI 'JIG PA NI TSUL KHRIMS SO, ,BZOD PA SGRA SOGS MI 'JUG PA, ,GNYI GAR 'GRO BA'I LE LO NI, ,RNAM PAR 'JIG PA BRTZON 'GRUS SO, ,BSAM GTAN SHES RAB SEMS DANG NI, ,BDE BA LHAN CIG PAR SONG BA, ,KUN 'GRO THAMS CAD BRJOD PA'O, ,SEMS CAN DON DU DE RDZU 'PHRUL, ,SRID PA DON NI MED BYED PA, ,THOB PA GZHAN NI BZHI PA'O, ,LUS GCIG LA NI NUS LDAN PA, ,CHA DGU DANG NI LHAN CIG PA, ,NYI
, ,SHU RTZA LNGA BDAG NYID SOGS, ,BSAM GTAN PHYAG RGYA'I GNYIS DAG NYID, ,CUNG ZAD TZAM GYI NYI MA YIS, ,DNGOS GRUB YANG DAG 'BYUNG BAR 'GYUR, ,ZHI BA DBANG DANG RENGS PA DANG, ,SRID PA 'JIG PAR BYED PA NI, ,ZHAL GYI DBYE BAS PHYE BA NYID, ,'BYUNG BA RNAMS KYI DKYIL 'KHOR GNAS, ,LHA MIN LAG 'GRO DAG GI RIGS, ,'DI BSGOMS NAS NI BSGRUB PAR BYA; ;DPAL DAM PA DANG PO'I SANGS RGYAS STONG PHRAG BCU GNYIS PA LAS GSUNGS PA DPAL DUS KYI 'KHOR LO ZHES BYA BA LAS, THABS DANG SHES RAB GNYIS SU MED PA SBYOR BA YAN LAG DRUG PA'I SGRUB THABS BKOL BA'I DUM BU'O, ,RGYA GAR GYI MKHAN PO SHR'I BHA DRA BO DHI'I ZHAL SNGA NAS DANG, BOD KYI LO TZ'A BA GYI JO BANDHE ZLA BA'I 'OD ZER GYIS 'BRO DGE SLONG GI PHYIR BSGYUR CING ZHUS TE GTAN LA PHAB PA,