, ,RGYA GAR SKAD DU, SAPTA SHA TI KA KALPOKTA HA YA GR'i BA S'A DHA NAm, BOD SKAD DU, RTOG PA BDUN BRGYA PA LAS GSUNGS PA'I RTA MGRIN GYI SGRUB THABS, DPAL RTA MGRIN LA PHYAG 'TSAL LO, ,DNGOS PO THAMS CAD RANG BZHIN GYIS MI GNAS PA ZHES PA NI BDE BAR GSHEGS PA RNAMS KYI DGONGS PAR RIG PAR BYAS NAS, DE NAS RI RAB YAN LAG BRGYAD PA RIN PO CHE SNA BDUN GYI RANG BZHIN LA DE'I DBUS SU DPAG TSAD STONG GI TSAD KYI GDAN LA NYE BAR 'DUG STE, DKON MCHOG GSUM LA SKYABS SU 'GRO BA LA SOGS PA SNGON DU 'GRO BAS LUS DANG NGAG DANG YID BYIN GYIS BRLABS LA, DE YIS DE BZHIN DU NAM MKHA' KHYAB PA'I NYI MA'I DKYIL 'KHOR LA MNGON PAR KHYAB PAR SPRUL NAS, DE LA DE BZHIN DU H'Um YIG 'BAR BA LAS 'OD ZER GYI RNAM PAR BSAM ZHING, DE NAS LUS NGAG YID THAMS CAD RDO RJE RNAMS KYIS PHYAG 'TSAL BAS AOm A'A: H'Um ZHES PA 'DIS PHYOGS BCU'I MTHAR THUG PA'I 'JIG RTEN GYI KHAMS NA BZHUGS PA'I SANGS RGYAS DANG BYANG CHUB SEMS DPA' RNAMS GDAN DRANGS NAS YE SHES KYI RNAM PAS RAB TU ZHUGS TE, SLAR YANG H'Um YIG GNYIS PAS RTA MGRIN YANG DAG PAR BSKUL ZHING GDAN DRANGS NAS RAB TU ZHUGS TE H'Um YIG GSUM PAS BDAG NYID DE BZHIN DU RTA MGRIN BZHIN DU RDO RJE'I RANG BZHIN GYI BDAG NYID CAN SKU MDOG DMAR PO 'JIGS SU RUNG BA SPYAN GSUM PA, DRAG PO SMA RA DMAR SER CAN, GSUS PA CHE BA, ZHAL MCHE BA GTZIGS PA, THOD PA'I PHRENG BA CAN, RAL BA'I COD PAN CAN, 'OD DPAG TU MED PAS DBU BRGYAN PA, ZHAL GNYIS PA SNGO ZHING 'JIGS SU RUNG BA'I H'I H'I'I SGRA SGROGS SHING TSANGS PA'I SGO NGA'I RTZE MO NAS RNAM PAR GNON PA, GNYIS PAS SRID PA LA SOGS PA'I MTHAR THUG PA LA'O, ,KLU BRGYAD KYIS BRGYAN PA, MI'U THUNG GI RNAM PA CAN, STAG GI PAGS
, ,PA'I SHAM THABS CAN, SBRUL GYI RGYAN GYIS BRGYAN PA, LHA DANG LHA MA YIN MTHA' DAG LA BSDIGS PAR MDZAD PA, RDO RJE DANG DBYUG PA BSNAMS PA, RTA MGRIN LAS KHA DOG SNA TSOGS PA'I 'OD ZER SPRO BA DANG BSDU BA BSAM PAR BYA'O, ,SNGAGS NI AOm HA YA GR'i BA HR'I:H'Um PHAt SV'A H'A ZHES TE, BCOM LDAN 'DAS 'DI'I MTHUS YID BZHIN GYI NOR BU DANG, BUM PA BZANG PO DANG, DPAG BSAM GYI SHING DANG, BCUD DANG, BCUD KYIS LEN LA SOGS PA'I DNGOS GRUB RNAMS BSGRUB PAS MNGON DU 'GYUR RO ZHES RTOG PA BDUN BRGYA PA LAS GSUNGS SO; ,CIS KYANG BCOM LDAN 'DAS KYI BZLAS PA 'BUM PHRAG GSUM BYAS PAS 'KHOR LOS SGYUR PA DANG RGYAL SRID GNYIS MNGON DU 'GYUR RO, ,LHA'I BU MO DPAG TU MED PA'I 'KHOR GYIS BSKOR ZHING RIG 'DZIN MA MDUN DU BYAS TE, DE LA BDE BA'I 'BRAS BU NYAMS SU MYONG ZHING GNAS SO; ,LHA'I DBANG POS GDUGS 'DZIN PAR 'GYUR RO, ,TSANGS PA'I SNGAGS PA DANG, THAG BZANGS RIS KYI DMAG DPON DANG, 'PHROG BYED DANG, SO SOR 'PHROG BYED DANG, LHA RNAMS MTHA' DAG STOBS MED PAR 'GYUR RO, ,GCER BU PA'I SLOB DPON BDE BYED DANG MTHA' DAG GI YON TAN RNAMS NYE BAR STON PAR BYED DO, ,JI SRID BCOM LDAN 'DAS KYI BYAMS PA MNGON PAR MA RTOGS PA DE SRID DU GNAS SO, ,MNGON PAR RTOGS NAS BLA NA MED PA YANG DAG PAR RDZOGS PA'I BYANG CHUB TU LUNG STON PAR 'GYUR RO, ,RTOG PA BDUN BRGYA PA LAS GSUNGS PA'I RTA MGRIN GYI SGRUB THABS RDZOGS SO, ,