, ,RGYA GAR SKAD DU, SAm KshIPTA DZAm BHA LA S'A DHA NAm, BOD SKAD DU, DZAm BHA LA'I SGRUB THABS MDOR BSDUS PA, BCOM LDAN 'DAS DZAm BHA LA LA PHYAG 'TSAL LO, ,SNGON DU GSUNGS PA'I CHO GAS SNYING GAR PADMA DANG, ZLA BA LA DZAm YIG LAS BYUNG BA'I 'OD ZER GYIS SANGS RGYAS LA SOGS PA YANG DAG PAR MCHOD NAS, SDIG PA BSHAGS PA LA SOGS PA BYA'O, ,DE NAS STONG PA NYID SNGON DU BYA STE, DE LA DE BZHIN DU GNAS PA'I SNA TSOGS PADMA DANG ZLA BA LA DZAm LAS BYUNG BA'I SA BON GYI 'OD ZER GYIS SEMS CAN GYI DON MDZAD NAS, DE YONGS SU GYUR PA LAS DZAm BHA LA GSER GYI MDOG LTA BU SANGS RGYAS LNGA'I COD PAN CAN, MDZES PA'I GOS DANG, RGYAN GYIS SPRAS PA, ZHAL GCIG PHYAG GNYIS PA, PHYAG G-YAS NA P'I DZA P'U RA KA DANG, G-YON NA KHA NAS RIN PO CHE SNA TSOGS SKYUG PA'I NE'U LE BSNAMS PA, AUTPA LA SNGON PO'I PHRENG PA CAN, LOGS GNYIS NA RIN PO CHE'I SNYE MA'I CHAR 'BEBS PA'I GNOD SBYIN GNYIS GNAS PA, ZHABS KYI 'OG NA GNAS PA'I RIN PO CHE'I SNYE MA'I BUM PA DPAG TU MED PA'I 'OD ZER GYI PHRENG BA 'KHRIGS PA'I BDAG NYID DU BSAM PAR BYA'O, ,AOm DZAm BHA LA DZA LENDRA YE SV'A H'A, ZHES PA'I SNGAGS BZLAS SO, ,LAG PA GNYIS KHU TSUR BCINGS TE GUNG MO'I DBUS SU TSIGS GSUM PA BCAG PA'I PHYAG RGYAS SNYING GA DANG, MGRIN PA DANG, SPYI BO DANG MDZOD SPU RNAMS SU SBYIN PAR BYA'O, ,SNGA BAR YANG DE BZHIN DU SKAD CIG GIS BSGOMS NAS, 'DIS CHU SNYIM PA BRGYA RTZA BRGYAD DBUL BAR BYA'O, ,AOm DZAm BHA LA DZA LENDRA YE DHA NA ME DE HI DA DA P'A YA SV'A H'A, DZAm BHA LA'I SGRUB THABS MDOR BSDUS PA RDZOGS SO,,