, ,RGYA GAR SKAD DU, SAm KshIPTA SHR'I DZAm BHA LA S'A DHA NAm, BOD SKAD DU, DPAL DZAm BHA LA'I SGRUB THABS MDOR BSDUS PA, DPAL LDAN DZAm BHA LA LA PHYAG 'TSAL LO, ,SNGON DU GSUNGS PA'I CHO GAS SNYING GAR ZLA BA'I DBUS SU DZAm YIG SER PO LAS DPAL DZAm BHA LA SKU MDOG SER PO PHYAG GNYIS PA, PHYAG G-YAS NA B'I DZA P'U RA KA DANG, G-YON NA NE DU LE RIN PO CHE'I CHAR 'BEBS BZHIN PA BSNAMS PA, SANGS RGYAS LNGA'I COD PAN CAN, ZHABS GNYIS KYIS DUNG GI MGO DANG PADMA'I MGO'I GTER CHEN PO DAG MNAN PA, AUTPA LA SNGON PO'I PHRENG BA CAN RGYAN THAMS CAD KYIS BRGYAN PA'I DZAMBHA LA'I SKUR RANG NYID BSGOM PAR BYA'O, ,RANG GI KHYIM DU YANG RIN PO CHE SNA TSOGS PA'I CHAR 'BAB BZHIN PA RAB TU 'JUG PA'I BDAG NYID BSAM PAR BYA'O, ,DE NAS LAG PA GNYIS KHU TSUR BCINGS TE, GUNG MO DAG GI DBUS MA'I TSIGS GSUM PA BKUG PA NI DZAm BHA LA'I PHYAG RGYA'O, ,AOm DZAm BHA LA DZA LENDRA YE SV'A H'A, SNGAGS 'DIS RJE BTZUN LA CHU KHYOR BA BRGYA RTZA BRGYAD DBUL BAR BYA'O, ,PHYI NAS MCHOD NAS SNGAGS BZLAS PAR BYA'O, ,DNGOS GRUB NI SBYIN BDAG CHEN POR 'GYUR TE THE TSOM MED DO, ,DPAL DZAm BHA LA'I SGRUB THABS MDOR BSDUS PA RDZOGS SO,, ,,SLOB DPON CHEN PO TZANDRA GO MIS MDZAD PA'O,, ,,