, ,RGYA GAR SKAD DU, BA SU DH'A R'A S'A DHA NAm, BOD SKAD DU, NOR RGYUN MA'I SGRUB THABS, LHA MO NOR RGYUN MA LA PHYAG 'TSAL LO, ,DE NAS NOR RGYUN MA BSGOM PAR 'DOD PAS DE'I TSE SNGON MA BZHIN DU THAMS CAD BYAS NAS, 'ON KYANG DRUG PA'I SA BON LA ZLA BA PHYED PA DANG THIG LES BRGYAN PA'O, ,DE DE BZHIN DU YONGS SU RDZOGS PA LAS NOR RGYUN MA SKU MDOG SER MO PHYAG G-YON NA 'BRU'I SNYE MA DANG RIN PO CHE SNA TSOGS PA'I CHAR 'BAB BZHIN PA'I BUM PA BSNAMS PA, PHYAG G-YAS PA MCHOG SBYIN MDZAD PA, RGYAN THAMS CAD KYIS BRGYAN PA, GROGS
, ,MO'I 'KHOR GYIS BSKOR BAR BSGOM PAR BYA'O, ,BDAG NYID DE BZHIN DU NOR RGYUN MA ZHES SO, ,LAG PA GNYIS KHU TSUR BCINGS NAS GUNG MO'I TSIGS GSUM PA BCAG PA NOR RGYUN MA'I PHYAG RGYA'O, ,DE NAS SNGAGS BZLAS PAR BYA'O, ,AOm BA SU NI DHA NA KshE TRE SV'A H'A, BCOM LDAN 'DAS MA'I BRIS SKU BKRAM NAS MCHOD PA CHEN PO BYAS TE BSGOMS NAS NYAL BAR BYA'O, ,DE NAS BCOM LDAN 'DAS MA'I DNGOS GRUB TU 'GYUR RO, ,NOR RGYUN MA'I SGRUB THABS RDZOGS SO,,