, ,RGYA GAR SKAD DU, AUshn'I shA BI DZA Y'A S'A DHA NAm, BOD SKAD DU, GTZUG TOR RNAM PAR RGYAL MA'I SGRUB THABS, 'PHAGS MA GTZUG TOR RNAM PAR RGYAL MA LA PHYAG 'TSAL LO, ,BSAM GTAN MA CHAGS 'GRO LA MNYES, ,'GRO MGON PADMA LA BTUD NAS; ,RANG NYID SGRUB THABS DRAN BYA'I PHYIR, ,RNAM PAR RGYAL MA'I SGRUB THABS BSHAD, ,SA 'DZIN LA SOGS YID 'ONG BA'I, ,PHYOGS 'GA' ZHIG TU GNAS NAS NI, ,SHIN TU 'JAM PA'I STAN LA 'DUG ,RNAL 'BYOR BSAM BYA BSAM PAR BYA, ,SEMS CAN RNAMS KYI BDE 'BYUNG BA, ,DE LA BHR'Um BCAS 'OD ZER 'PHROS, ,SANGS RGYAS RNAMS NI GSAL BYAS NAS, ,DUS GSUM GSHEGS RNAMS MCHOD PAR BYA, ,MCHOD CING DE RNAMS MDUN DU NI, ,LUS SOGS LAS SKYES SDIG PA RNAMS, ,BGYID STZAL DBYE BAS YANG DAG SKYES, ,MAN NGAG RIG PAS THAMS CAD BSHAGS, ,DE LA BYUNG BA RNAM PAR SBYANG, ,DGE BA KUN LA RJES YI RANG, ,DKON MCHOG GSUM LA SKYABS SONG NAS, ,SPROS PA DANG BCAS RIM PA BZHIN, ,MAN NGAG GIS NI BRTAN BYAS NAS, , JI SRID BYANG CHUB BAR DU BSGRUB, ,BRTZE BAS SEMS CAN RNAMS LA DMIGS, ,BYANG CHUB SEMS NYID BSGOM PAR BYA, ,MTSAN MED DMIGS PA MED PA YI, ,RANG BZHIN MED PA MKHA' DBYINGS BZHIN, ,DE LA AA YIG LAS BYUNG BA'I, ,CHU SKYES LA GNAS ZLA DKYIL LA; ,SA BON LAS BYUNG LHA MO NI, ,ZHAL GSUM SO SOR SPYAN GSUM PA, ,LANG TSO GZHON ZHING PHUN SUM TSOGS, ,SGEG PA LA SOGS NYAMS DANG LDAN, ,SANGS RGYAS KUN GYI YON TAN GANG, ,RGYAN RNAMS KUN GYIS RNAM PAR BRGYAN, ,'OD ZER DANG LDAN NA BZA' NI, ,STON KA'I ZLA BA DANG MTSUNGS PA, ,RJE BU N'A DA'I GSER MDOG CAN, ,G-YAS PA'I ZHAL NI ZHI BA'O, ,DUS MTHA'I ME 'BAR SPRIN BZHIN 'PHRO, ,'JIGS SHING MI BZAD G-YON PA'I ZHAL, ,PHYAG G-YAS NYID KYI THUGS KAR NI, ,SNA TSOGS RDO RJE
, ,YANG DAG BSNAMS, ,GNYIS PA CHU SKYES STENG GNAS PA'I, ,SANGS RGYAS DANG NI GSUM PAR MDA', ,MCHOG SBYIN PHYAG RGYA BZHI PA'O, ,G-YON NA GO RIMS JI BZHIN DU, ,SDIGS MDZUB DANG BCAS ZHAGS PA DANG, ,GZHU DANG DE BZHIN MI 'JIGS PA, ,BUM PA GANG BA BSNAMS PA NI, ,MCHOD RTEN NANG BZHUGS BSGOM PAR BYA, ,SNYING GAR SA BON DANG BCAS PA'I, ,PADMA BSAM BYA DE STENG DU, ,'OD ZER DKAR PO'I DRA BA YIS, ,BSBUL [*BSKUL?] ZHING GDAN DRANGS NAM MKHA' LA, ,SANGS RGYAS SPRIN TSOGS CHEN PO DANG, ,BYANG CHUB SEMS DPA' MTHA' DAG 'KHOD; ,BRTZE CHEN BDAG NYID DE RNAMS KYANG, ,RANG RGYUD DUS GSUM 'KHOR BAR BSAM, ,DBANG BSKUR RAB TU SBYIN PAR MDZAD, ,'BAD PAS RTAG TU BSAM PAR BYA, ,MCHOD RTEN NANG BZHUGS AOm DANG TR'Am, ,A'A:YIG 'OD ZER RAB TU 'PHRO, ,H'Um HR'I:AAm A'A:ZHES PA YI, ,SA BON LAS SKYES GO RIM PA BZHIN, ,SPYI BO DPRAL BA MGRIN PA'I GNAS, ,SNYING GA LTE BA RKANG PA'I GNAS, ,ZLA BA'I DKYIL 'KHOR DBUS GNAS PA'I, ,'JIG RTEN DBANG PHYUG RNAL 'BYOR BSAM, ,STON KA'I ZLA 'OD DANG MTSUNGS PA, ,'OD ZER NGAG GI PHRENG BA 'PHRO, ,CHU SKYES RDO RJE DAG LAS BYUNG; ,G-YAS PA DAG GIS RNGA YAB BSNAMS, ,PADMA RDO RJE 'DZIN PA DAG ,DE YI G-YAS G-YON LOGS SU'O, ,MDUN DU MI G-YO BA DANG NI, ,'DOD PA'I RGYAL PO G-YAS PHYOGS SU, ,RGYAB KYI PHYOGS SU DBYUG SNGON CAN, ,G-YON DU STOBS CHEN DGOD PAR BYA, ,RAL GRI LCAGS KYU DBYUG PA DANG; ,RDO RJE RNAMS NI PHYAG NA BSNAMS, ,GLOG BCAS RDO RJE LTUNG BZHIN PA'I, ,DUS MTHA'I CHU 'DZIN DANG MTSUNGS PA, ,SPYAN NI SOS KA'I NYI 'OD BZHIN, ,GDUG PA RNAMS KYI SROG 'PHROG BYED, ,KUN GYI PHYAG G-YON RNAMS NA NI, ,SDIGS MDZUB DANG BCAS ZHAGS PA BSNAMS, ,'OD ZER 'BAR BA'I PHRENG BAS 'KHRIGS, ,SNA TSOGS PADMA NYI DKYIL BZHUGS, ,SNGAGS PAS NYIN DANG MTSAN MO RU, ,RNAL 'BYOR LDAN PA 'DI YIS BSGOM, ,RDO RJE'I THEG PAR RAB ZHUGS NAS, ,DE YIS MYUR DU BYANG CHUB 'THOB, ,CES PA NI GTZUG TOR RNAM PAR RGYAL MA'I SGRUB THABS RDZOGS SO,, ,,