,,RGYA GAR SKAD DU, MEE TRI BH'A BAN S'U TRA, BOD SKAD DU, BYAMS PA BSGOM PA'I MDO, 'PHAGS PA DKON MCHOG GSUM LA GUS PAS PHYAG 'TSAL LO, ,'DI SKAD BDAG GIS THOS PA'I DUS GCIG NA, BCOM LDAN 'DAS MNYAN YOD NA RGYAL BYED TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS BCOM LDAN 'DAS KYIS DGE SLONG RNAMS BOS NAS, DGE SLONG DAG BTZUN PA BCOM LDAN 'DAS KYI SBYAN SNGAR SO SOR 'ONGS PA LA, BCOM LDAN 'DAS KYIS KYANG 'DI SKAD CES BKA' STZAL TO, ,SEMS RNAM PAR GROL BAR BYA BA'I PHYIR BYAMS PA BSGOM PAR BYA'O, ,BSAM PA BRTAN PAR BYA BA'I PHYIR RO, ,MANG DU BYED PA DANG, ZHI BAR BYED PA DANG, GZHIR BYED PA DANG, RJES SU GNAS PAR BYED PA DANG, 'DIS PAR BYA BA DANG, SHIN TU BTZUN PAR BYA'O, ,PHAN YON BCU GCIG PO SO SOR BSHAD PAR BYA'O, ,BCU GCIG GANG ZHE NA, BDE BAR NYAL BA DANG, BDE BAR SAD PA DANG, SDIG PA'I RMI LAM MI MTHONG BA DANG, DE LA MI RNAMS DGA' BA DANG, MI MA YIN RNAMS
DGA' BA DANG, LHA RNAMS KYIS BSRUNG BA DANG, ME DANG, DUG DANG, MTSON RNAMS KYIS GNOD BAR MI 'GYUR RO, ,DUS RTAG TU SEMS SHIN TU DGA' BAR GNAS PA DANG, BZHIN GYI MDANGS RAB TU GSAL BA DANG, SEMS GSAL BAR 'CHI BA DANG, CHES CHER BAG YOD BAR BYED PAS TSANGS PA'I 'JIG RTEN DU SKYE BA'O, ,DGE SLONG DAG ,BYAMS PA'I SEMS DANG MI 'BRAL BAR BYA'O, ,BSAM BAS BRTEN PAR BYA'O, ,BSGOM PAR BYA BA DANG, MANG DU BYED PA DANG, ZHI BAR BYED PA DANG, GZHI'I BYED PA DANG, RJES SU GNAS BAR BYED PA DANG, 'DRIS PAR BYA BA DANG, SHIN TU BRTZON PAR BYA'O, ,BCU GCIG PO RNAMS KYI PHAN YON RNAMS SO SOR BSHAD ZIN TO, ,DGE SLONG DAG, GZHAN ? ? MAS PA'I PHAN YON RNAMS BSHAD PAR BYA'O, ,KHA ZAS DU MA THOB PA DANG, ,RANG GI YUL DU NYE BAR GNAS, ,MANG PO RNAMS NI 'TSO BA NI, ,GANG GIS BYAMS PA MA? SPANGS NA'O, ,GRONG RDAL GANG GANG 'GRO BA DANG, ,GRONG KHYER RGYAL PO'I PHO BRANG DANG, ,THAMS CAD DU NI MCHOD PAR 'GYUR, ,GANG GIS BYAMS PA MA SPANGS NA'O, ,DE LA CHOM RKUN MI 'BYUNG ZHING, ,DE LA RGYAL PO GNOD MI BYED, ,SEMS CAN THAMS CAD BSHES SU 'GYUR, ,GANG GIS BYAMS PA MA SPANGS NA'O, ,KHRO MED RANG YUL ? PHAR GNAS, ,SKYE PO'I MDUN SAR SMOD MED DGA', ,MCHOG GI MNYEN DANG LDAN
, ,PAR 'GYUR, ,GANG GIS BYAMS PA MA SPANGS NA'O, ,MCHOD NA MCHOD PA THOB PAR 'GYUR, ,'DUD NA SO SOR 'DUD PAR BYED, ,SNYAN DANG GRAGS PA THOB PAR 'GYUR, ,GANG GIS BYAMS PA MA SPANGS NA'O, ,BKUR STI BYAS NA BKUR STI THOB, ,GUS PAR BYAS NA GUS PA THOB, ,KHA DOG GZI BRJID LDAN PAR 'GYUR, ,GANG GIS BYAMS PA MA SPANGS NA'O; ;ME LTAR RAB TU 'BAR BA YI, ,LHA YI LUS DANG 'DRA BAR 'GYUR, ,DPAL DANG BRAL BAR MI 'GYUR RO, ,GANG GIS BYAMS PA MA SPANGS NA'O, ,PHYUGS RNAMS MANG PO THOB PA DANG, ,ZHING LA 'BRU MANG SKYE BA DANG, ,BU DANG BU MO MANG BAR 'GYUR, ,GANG GIS BYAMS PA MA SPANGS NA'O, ,RI LAS THUR DU LHUNG BA DANG, ,SHING LAS 'OG TU LHUNG BA DANG, , LTUNG BAR MI 'GYUR GNAS SA THOB, ,GANG GIS BYAMS PA MA SPANGS NA'O, ,PHA tA'I SHING STENG 'DZEGS GYUR NA, ,RLUNG GIS BSKYOD BAR MI NUS BZHIN, ,DGRA BOS CUNG ZAD BYA MI NUS; ;GANG GIS BYAMS PA MA SPANGS NA'O, ,BCOM LDAN 'DAS KYIS DE SKAD CES BKA' STZAL PA DANG, DGE SLONG DE DAG LA BCOM LDAN 'DAS KYIS DE SKAD CES BKA' STZAL PA DANG, DGE SLONG DE DAG BCOM LDAN 'DAS KYIS GSUNGS PA LA MNGON PAR BSTOD DO?, ,BYAMS PA BSGOM PA'I MDO RDZOGS SO,, ,,PAndI TA CHEN PO
A'ANANDA SHR'I'I ZHAL SNGA NAS, MANG DU THOS PA'I LOTZTSA BA SH'AKYA'I DGE SLONG NYI MA RGYAL MTSAN DPAL BZANG POS, SKAD GNYIS SMRA BA RNAMS KYI GDAN SA, GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O, ,SA'I STENG DU NYI MA DANG, ZLA BA LTAR GYUR CIG,,