, ,RGYA GAR SKAD DU, PANYTZA DE WA T'I S'A DHA NAm AUTDE SHA, BOD SKAD DU, LHA MO LNGA'I SGRUB THABS MDOR BSTAN PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DE NAS KHRUS BYAS PA'I MTHAR LHA MO LNGA MDOR BSTAN PA NI, DE LA SO SO 'BRANG BA CHEN MO NI SKU MDOG SER MO ZHAL GSUM PA, ZHAL SO SO LA SPYAN GSUM GSUM PA, PHYAG BCU PA'O, ,NAG PO DANG, DKAR PO DAG NI G-YAS DANG, CIG SHOS KYI ZHAL LO, ,G-YAS KYI PHYAG LNGA RNAMS NI GO RIMS BZHIN DU RAL GRI DANG, RDO RJE DANG, MDA' DANG, MCHOD SBYIN DANG, PHYAG THUGS KAR GNAS PA LA GDUGS RNAMS SO, ,DE BZHIN DRUG DU G-YON GYI PHYAG LNGA RNAMS NA GZHU DANG, RGYAL MTSAN DANG, RIN PO CHE'I CHUN PO DANG, DGRA STA DANG, DUNG RNAMS SO, ,RIN CHEN 'BYUNG LDAN KYI DBU RGYAN CAN, SHA 'GAG NAG PO CAN, STOD G-YOGS DMAR POS BRGYAN PA, SKYIL KRUNG PHYED PAS 'GYING ZHING BZHUGS PA, LHA'I RGYAN DANG, GOS THAMS CAD KYIS BRGYAN PA'O, ,RMA BYA CHEN MO NI SKU MDOG LJANG GU ZHAL GCIG PA, PHYAG GNYIS PA, MDZES SHING RMA BYA'I MDONGS DANG LDAN PA MCHOG SBYIN GYI PHYAG RGYA PHYAG G-YAS PA DANG G-YON PA DAG GIS SO ZHES SO, ,STONG CHEN MO RAB TU 'JOMS MA NI SNGON MA JI LTA BA DE BZHIN NO, ,GSANG SNGAGS CHEN MA RJES SU 'DZIN MA NI ZHAL GCIG PA, PHYAG BZHI PA, SKU MDOG NAG MO PHYAG G-YAS PA DAG GIS RAL GRI DANG, MCHOG SBYIN GYI PHYAG RGYA'O, ,PHYAG G-YON PA DAG GIS DGRA STA DANG, ZHAGS PA BSNAMS PA'O ZHES SO, ,BSIL BA'I TSAL CHEN MO NI SKU MDOG DMAR MO ZHAL GCIG PA PHYAG BZHI PA PHYAG G-YAS PA DAG GIS RAL GRI DANG, MCHOG SBYIN, ,
, ,G-YON PA DAG GIS DGRA STA DANG ZHAGS PA'O ZHES SO, ,YI GE GSUM GYIS MTSAN CING RANG GI SA BON GYI DBUS SU RANG GI MING DANG BCAS PA NI 'DI RNAMS KYI SNGAGS SO, ,LHA MO LNGA'I SGRUB THABS MDOR BSTAN PA RDZOGS SO,,