,,RGYA GAR SKAD DU, DVI DA SHA LO TZA NA N'A MA S'U TRA, BOD SKAD DU, MIG BCU GNYIS PA ZHES BYA BA'I MDO, GRUB PAR GYUR CIG ,SANGS RGYAS BCOM LDAN 'DAS RGYAL PO'I KHAB KYI GRONG KHYER 'OD MA'I TSAL NA BZHUGS TE, DE'I TSE GLOG BYUNG, SKAR MNGA' LHUNG, GNAM LCAGS BAB PA DANG, DE NAS RGYAL PO GZUGS CAN SNYING PO 'KHOR DANG BCAS PAS, LTAS MKHAN BRAM ZE RNAMS BKUG NAS SMRAS PA; CI'I RGYU CI'I RKYEN GYIS GNAM KUN 'KHRUG PAR 'GYUR, BRAM ZE RNAMS KYIS GSOL PA, LTAS 'DI LTA BU DAG MIG BCU GNYIS ZHES BGYI BA'I GTZUG LAG LAS 'BYUNG STE, BDAG GI KHREL PAR RNGO MI THOGS SO, ,DE NAS RGYAL PO GZUGS CAN SNYING PO BCOM LDAN 'DAS GA LA BA DER SONG STE ZHABS LA PHYAG BTZAL NAS 'DI SKAD CES GSOL TO, ,BCOM LDAN 'DAS, SEMS CAN GYI DON DU THUGS BRTZE BAR DGONGS TE, MIG BCU GNYIS KYI LTAS KYI GTZUG LAG BSHANG DU GSOL, BCOM LDAN
, ,'DAS KYIS BKA' STZAL PA, RAB TU BYUNG BAS NI PHYI ROL BA 'JIG RTEN GYI GTZUG LAG 'DI LTA BU DAG BSHAD PA'I CHA MA YIN NO, ,DE NAS YANG RGYAL PO GZUGS CAN SNYING POS BCOM LDAN 'DAS LA BSKYAR TE GSOL PA, BCOM LDAN 'DAS, BDAG LA THUGS BRTZE BAR DGONGS TE, THE TSOM 'DI DGROL DU GSOL, DE NAS BCOM LDAN 'DAS KYIS BSHAD PAR GNANG NAS, SNGON GYI GLENG GZHI BKA' STZAL PA, RGYAL PO CHEN PO, SNGON 'DAS PA'I DUS NA GANGS KYI RI'I DRUNG NA, DRANG SRONG BHA GA BA ZHES BYA BA ZHIG GNAS PA DE DUS GZHAN ZHIG NA, STAG MO GZHON NU ZHIG 'KHYAMS PA MTHONG BA DANG, 'DOD CHAGS SKYES TE, DRANG SRONG GIS 'KHRIG PA'I CHOS SPYAD PA LAS LO DUS SU BU BCU GNYIS BYUNG BAR GYUR TO, ,BU BTZAS NAS LO BDUN LON PA DANG, PHA MA GNYIS SHI NAS PHRU GU [?] RNAMS KYIS LO BCU GNYIS KYI BAR DU TSANGS PA'I DNGOS GRUB BSGRUBS NAS, BSAM PA DANG, RE BA BSKANG BAR GSOL PA DANG, DE NAS TSANGS PAS SNYING RJES BLTAS TE, BRGYA BYIN LHA'I DBANG PO DANG, RGYAL PO CHEN PO BZHI 'KHOR DANG BCAS PAR 'DZAM BU'I GLING DU LHAGS TE, DE NAS TSANGS PAS BYIS PA DE RNAMS LA SMRAS PA, BU KHYED RNAMS CI 'DOD, DE NAS BYIS PA RNAMS KYIS TSANGS PA LA SMRAS PA, LHA; BDAG CAG
RNAMS NI BYIS PA'I RANG BZHIN SHIN TU BLO DMAN PA LAGS TE, LEGS NYES MA 'TSAL LAGS NA, NYI ZLA DANG, GZA' DANG, RGYU SKAR GYI LTAS DANG, DKYIL 'KHOR DANG, GTZUG LAG JI LTA BU LAGS PA BSHAD DU GSOL, DE NAS BRGYA BYIN LHA'I DBANG POS TSANGS PA LA 'DI SKAD CES SMRAS SO, ,LHA'I STON PA, KHYOD KYIS BYIS PA 'DI RNAMS LA DNGOS GRUB STZAL BA'I RIGS SO, ,DE NAS TSANGS PAS BYIS PA RNAMS LA SMRAS PA, BYIS PA NYON CIG ,RGYU SKAR NYI SHU RTZA BRGYAD DANG, SKAR MA THAMS CAD KYI DKYIL 'KHOR DANG, LTAS DANG, NYI ZLA DANG; GZA' DANG, GNAM LCAGS 'BEBS PA DANG, SA G-YO ZHING 'GUL BA DANG, LTAS KYI GTZUG LAG JI LTA BU YIN PA DAG BSTAN PAR BYA'O, ,DGUN ZLA RA BA YAR GYI NGO DANG, MAR GYI NGO DANG, TSES BRGYAD DANG, BCU BZHI DANG, BCO LNGA LA NYI MA'I 'OD MUN PA 'DRA BA NAG POR GYUR NA, MI YA RABS MDZANGS SHING MKHAS PA RNAMS LA BGEGS CHEN PO 'BYUNG BAR 'GYUR RO, ,RGYU SKAR AA SHI NI'I NYI MA LA, NYI MA LAS DU BA 'DRA BA BYUNG STE 'KHOR ZHING 'THUL NA, LO BCU GNYIS KYI BAR DU CHAR MI 'BAB PAR 'GYUR RO, ,RGYU SKAR BHA RA NA'I NYI MA LA, NYI MA GSER GYI MDOG 'DRA BAR GYUR NA, NYE KOR GYI RGYAL KHAMS KYI YUL 'JIG PA DANG, DBUS SU MU GE CHEN PO 'BYUNG NGO, ,DGUN ZLA THA CHUNG GI NGO RGYU SKAR KARTI KA'I NYI MA
, ,LA; NYI MA LHAG PAR GSAL BAR 'GYUR NA, MTHA'I YUL KHAMS 'JIG CING, DBUS SU CHAR MI 'ONG NGO, ,DBYID ZLA RA BA'I NGO RGYU SKAR AA RTA'I NYI MA LA; NYI MA 'KHYIMS PA DANG, NYI MA GNYIS SU SNANG NA, MI NAD 'BYUNG, RGYAL PO SDE GNYIS LA GNOD PA'I BGEGS 'BYUNG, DPYID ZLA 'BRING PO'I NGO RGYU SKAR PU shYE'I NYI MA LA; NYI MA MUN PA 'DRA BAR 'GYUR ZHING, NYI MA NUB KAR KHA DOG SKYA BOR GYUR NA, RGYAL PO CHEN PO LA BGEGS 'BYUNG, DPYID ZLA THA CHUNG GI NGO RGYU SKAR BA RA NA'I DUS LA, NYI ZLA GZAS ZIN NA, BLON POS RGYAL PO BSAD PAR 'ONG NGO, ,DBYAR ZLA RA BA'I NGO RGYU SKAR P'U RA PA BHA DRA P'A D'A'I DUS LA, NYI MA DMAR POR GYUR NA, RGYAL PO DANG, BLON PO DANG, DE'I YUL 'KHOR DU GNOD PA'I BGEGS CHEN PO 'BYUNG, DBYAR ZLA 'BRING PO'I NGO RGYU SKAR P'URB'A SH'A dH'A'I DUS LA, ZLA BA NYA LA GZAS ZIN NA, YUL 'KHOR 'KHRUG PA DANG, MI NAD DANG, MU GE 'BYUNG, DBYAR ZLA THA CHUNG GI NGO RGYU SKAR M'U LA'I DUS LA, NYI ZLA GAS SHING SER GA BYUNG BAR SNANG NA, YUL DER GNOD PA CHEN PO 'BYUNG, STON ZLA RA BA'I NGO RGYU SKAR AA SHI NI'I DUS LA, NYI ZLA DUS GCIG TU SHAR NA, YUL 'KHOR DER KHRAG 'KHRUG CHEN POS KHRAG 'BAB PAR 'ONG NGO, ,STON ZLA 'BRING PO'I NGO RGYU SKAR K'ARTI KA'I DUS
ZLA BA NYA LA, ZLA BA ME'I KHA DOG 'DRA BAR GYUR NA, YUL 'KHOR DER DGRA'I DMAG GIS YUL 'JIG PAR 'GYUR, DGU NA ZLA RA BA'I NGO RGYU SKAR BHA RA n'I'I NYI MA LA, RLUNG DMAR NAG PO BYUNG LA, NYI MA MI GSAL BAR GYUR NA, DGRA'I TSOGS KYIS YUL 'JIG PAR 'GYUR RO, ,DGUN ZLA THA CHUNG GI NGO RGYU SKAR P'URA BA PHA LA GU NI'I NYI MA LA, SA BAB CING RLUNG DMAR CHEN PO BYUNG NA, RGYAL PO CHEN PO LA GNOD PA 'BYUNG, DPYID ZLA RA BA DANG 'BRING PO'I NGO RGYU SKAR BI SH'A KH'A'I NYI MA LA, SER BA BAB NA, YUL 'KHOR DER KHRAG NAD DANG GNOD PA BYUNG, DPYID ZLA THA CHUNG GI NGO RGYU SKAR DZYE shA'I NYI MA LA NAM NANGS KAR SKAR MA NYI MA BAS 'OD BZANG POR GSAL BA BYUNG NA, GZA' THAMS CAD LA BGEGS CHEN PO 'BYUNG, DBYAR ZLA RA BA'I NGO RGYU SKAR P'URB'A SH'A dH'A'I NYI MA LA, SA BAB CING NYI MA MI GSAL NA, RGYAL PO STONG 'KHRUG CING 'THAB PAR 'GYUR, YANG DBYAR ZLA RA BA'I NGO RGYU SKAR P'URB'A SH'A dH'A'I NYI MA LA, RLUNG CHEN PO BYUNG NA, CHU DKON, KHA ZAS DANG, 'BRU ZAN MA RUNG BAR 'GYUR, DBYAR ZLA 'BRING PO'I NGO RGYU SKAR SHRA BA n'A'I NYI MA LA, RLUNG DRAG POR LANGS SHING, NAM MKHA' MUN PAR GYUR NA, NYE 'KHOR GYI YUL KHAMS GZHAN DU 'JIGS PA CHEN PO 'BYUNG, DBYAR ZLA 'BRING PO'I NGO RGYU SKAR P'URB'A BHA DR'A B'A D'A'I NYI MA LA, SER BA
, ,BAB; GNAM LCAGS GRUM NA, YUL 'KHOR DER NAD DANG, MU GE 'BYUNG, DBYAR ZLA THA CHUNG GI NGO RGYU SKAR P'URB'A BHA DR'A P'A DRA'I NYI MA LA, BYANG PHYOGS NAS RLUNG DMAR CHEN PO LANGS NAS, LHA KHANG DANG, MCHOD RTEN DANG, KHANG KHYIM DANG, SHING SDONG PO CHEN PO BSGYEL NA, YUL KHAMS SU GNOD PA CHEN PO 'BYUNG, STON ZLA RA BA'I NGO RGYU SKAR A'A SHVI NI'I NYI MA LA, THOG BAB BAM, SKAR MDA' LTUNG NGAM, SOR BA BAB NA, YUL KHAMS DER 'THAB MO CHEN PO 'ONG, DGUN ZLA RA BA'I NGO RGYU SKAR MA GH'A'I NYI MA LA, CHAR PA BAB NA, YUL KHAMS THAMS CAD KHA ZAS MOD PAR 'ONG, DGUN ZLA THA CHUNG GI NGO RGYU SKAR A'A DRA'I NYI MA LA, GNAM ME'I KHA DOG 'DRA BAR GYUR NA , LTAS RAB TU NGAN TE, YUL KHAMS SU MI BDE BA DANG, 'JIGS PA CHEN PO 'BYUNG, DPYID ZLA THA CHUNG GI NGO RGYU SKAR BHA RA n'A'I NYI MA LA, BYANG PHYOGS NAS SGRA CHEN PO BYUNG NGAM, GNAM SER POR SONG NA, DGRA THAMS CAD KYIS YUL KHAMS BSHIG PAR 'GYUR RO, ,DPYID ZLA RA BA'I NGO RGYU SKAR SVA TI'I NYI MA LA, CHAR BAB LA RLUNG MA LANGS PAR 'JA' BYUNG NA, GRONG KHYER CHEN PO MES TSIG PAR 'GYUR RO, ,DBYAR ZLA RA BA'I NGO RGYU SKAR PU shYA'I NYI MA LA, GLOG DANG, SBUR MA DANG, NYAL NYIL GYI CHAR
BAB NA, YUL KHAMS DER MU GE 'BYUNG, DBYAR ZLA 'BRING PO'I NGO RGYU SKAR M'U LA'I NYI MA LA, CHAR CHER BAB LA 'JA' BYUNG NA, RGYAL RIGS RNAMS LA GNOD PAR 'GYUR, DBYAR ZLA THA CHUNG GI NGO RGYU SKAR AUTTA RA BHA DRA P'A D'A'I NYI MA LA, SA LAS SGRA BYUNG NGAM, RLUNG NAG PO LANGS NA, YUL DER MU GE 'BYUNG, DBYAR ZLA 'BRING PO'I NGO PHYOGS MTSAMS DAG NAS SGRA CHEN PO BYUNG NA, YUL PHYOGS DER KHRAG KHRUG CHEN PO 'BYUNG, STON ZLA RA BA'I NGO RGYU SKAR BHA RA n'I'I NYI MA LA, GNAM LAS SGRA CHEN PO BYUNG NA, BTZUN PA DANG, DKA' THUB CAN RNAMS LA GNOD PA 'BYUNG, STON ZLA RA BA'I NGO DBANG PO'I NYI MA LA, GNAM LAS SGRA BYUNG NA, MI LE LO CAN DANG, PHYUGS LA GNOD PA 'BYUNG, STON ZLA THA CHUNG GI NGO RGYU SKAR DHA NI shth'A'I NYI MA LA, GNAM LAS ROL MO'I SGRA BYUNG NA, RTZA DANG, LO TOG LEGS PAR 'GYUR, CHAR DUS SU 'BAB, MJUG TU MI NAD 'BYUNG, DGUN ZLA RA BA'I NGO RGYU SKAR SV'A TI'I NYI MA LA, GNAM LAS SGRA CHEN PO 'BYUNG ZHING, GNAM 'KHRUG NA YUL 'KHOR DER 'JIGS PA CHEN PO 'BYUNG, DGUN ZLA THA CHUNG GI NGO RGYU SKAR DZYE shth'A'I NYI MA LA, 'TSUB MA LANGS SHING SA G-YOS NA, DGE SBYONG DANG, BRAM ZE RNAMS LA BGEGS DANG, GNOD PA 'BYUNG, DBYID ZLA RA BA'I NGO RGYU SKAR P'URB'A BHA DR'A P'A D'A'I NYI MA LA,
, ,NYIN PAR SA G-YOS NA, LO GNYIS KYI BAR DU DUS SU YUL KHAMS DER DMAG 'OD, DPYID ZLA 'BRING PO'I NGO RGYU SKAR P'URB'A SH'A dH'A'I NYI MA LA, SA 'GUL NA, BLON POS RGYAL PO BSAD PA DANG, YUL KHAMS DER 'KHRUG PA CHEN PO 'BYUNG, DBYAR ZLA 'BRING PO'I NGO RGYU SKAR M'U LAm DBANG PA LA, NUB MO SA G-YOS NA, KHAMS KYI DBANG PO RNAMS LA GNOD PA 'BYUNG, DBYAR ZLA THA CHUNG GI NGO RGYU SKAR RO HI n'I DBANG PO LA, NUB MO SA G-YOS SHING, RLUNG DMAR BYUNG, CHAR MA BAB NA, 'BRU ZAN MA RUNG BAR 'GYUR ZHING DMAG 'ONG, STON ZLA 'BRING PO'I NGO RGYU SKAR AUTTA RA BHA DR'A P'A D'A'I NYI MA LA, NYIN PAR SA G-YOS NA, PHA ROL GYI DGRAS RGYAL PO DE PHAM PAR 'GYUR, YUL PHYOGS KYANG CHOM RKUN GYIS 'JIG PAR 'GYUR, STON ZLA THA CHUNG GI NGO RGYU SKAR K'ARTI KA'I NYI MA LA, SA G-YOS NA, GRONG KHYER CHEN PO DANG, KHANG KHYIM 'JIG CING MU GE 'BYUNG, DGUN ZLA RA BA'I NGO RGYU SKAR AA SHVI N'I DANG, AUTTA RA PHAL GU n'I DBANG PA'I NUB MO SA G-YOS NA, BYIS PA CHUNG NGU DANG, BUD MED SBRUM MA LA BGEGS DANG, GNOD PA 'BYUNG, DGUN ZLA 'BRING PO'I NGO RGYU SKAR MRi GA SHI R'A DANG, P'URB'A BHA DR'A P'A D'A'I NYIN PAR SA G-YOS NA, RKANG 'GROS LA BGEGS DANG, GNOD
PA 'BYUNG, DBANG PO'AM, MA GHA'I NYI MA LA GTZUG LAG KHANG SKU GZUGS G-YO ZHING 'GUL LAM, SA 'PHOS NA YUL KHAMS DER MYUR DU 'JIG PAR 'GYUR, GTZUG LAG KHANG GI SKU GZUGS GDAN LAS 'PHOS SAM, DNGUL LTA BU BYUNG NGAM, 'GYEL NA, YUL KHAMS DE RGYAL PO DANG BCAS PAR RGYAL KHAMS GZHAN GYI DBANG DU 'GYUR, GTZUG LAG KHANG GI SKU GZUGS 'PHOS SAM, SPYAN NAS MCHI MA BYUNG NA, YUL KHAMS DE'I MI DPA' BO GCES PA BU SMAD DANG BCAS PAR YUL BYUNG BAR 'GYUR, GTZUG LAG KHANG GI SKU GZUGS GDAN LAS 'PHOS SAM, 'GUL LA, LHA KHANG NAS DUD PA 'DRA BA 'BYUNG NA, YUL KHAMS DE'I RGYAL PO LA GNOD PAR 'GYUR, GTZUG LAG KHANG CHEN PO DANG, GNAS KHANG LTA BU G-YOS NA, GRONG KHYER DE PHYOGS RGYAL KHAMS GZHAN GYIS GNANGS SU BCAD PA'AM, MES TSIG PAR 'GYUR, ZLA BA'I ZUR LA GZA' PHUR BU BYUNG NA, MI PHYUG PO LA RGYAL POS NOR 'PHROG CING, GNOD PAR 'GYUR, NYI ZLA DMAR POR SONG NA KHAMS KYI DBANG PO LA GNOD PA 'BYUNG, GZA' SPEN PA ZLA BA'I STENG DU BYUNG NA; YUL 'KHOR DER 'JIGS PA CHEN PO DANG, BGEGS 'BYUNG, LTAS 'DI RNAMS BYUNG BA'I DUS SU ZLA BA GZAS ZIN NA, RGYAL PO CHEN PO RNAMS LA GNOD PA DANG,
, ,BGEGS 'BYUNG, RGYAL PO DANG PO SKYES PA'I RGYU SKAR GYI STENG DU ZLA BA BYUNG ZHING, ZLA BA'I STENG DU YANG GZA' MJUG RING BYUNG NA, YUL KHAMS DE'I RGYAL PO DANG, RGYAL KHAMS NYE BA GZHAN GYI RGYAL PO DANG 'THAB MO 'ONG, GZA' SPEN PA RGYU SKAR RO HA n'I DANG, K'ARTI KA'I DBUS SU SHAR NA, RGYAL KHAMS DE'I MI THAMS CAD LA GNOD PA CHEN PO DANG, BGEGS BYUNG NAS MI SUM CHA GCIG LUS PAR 'GYUR, GZA' PA BA SANGS DANG, RGYU SKAR MA GA DANG, P'URB'A PHAL GU NI ZLA BA'I DBUS SU SHAR NA, LO TOG LA GNOD PA 'BYUNG, GZA' PHUR BU DANG, PA BA SANGS DANG, SPEN PA RNAMS DMAR POR SONG NA, YUL KHAMS DER 'JIGS PA CHEN PO 'BYUNG, GZA' MJUG RING RGYU SKAR PU shYA'I STENG DU SHAR NA, RING POR MI THOGS PAR PHYOGS BZHI NAS DMAG CHEN PO 'BYUNG, GZA' PHUR BU DANG, MIG DMAR RGYU SKAR SHRA BA n'A'I STENG DU SHAR NA, LO GSUM GYI BAR DU YUL KHAMS DER 'JIGS PA CHEN PO DANG, GNOD PA 'BYUNG, GZA' PHUR BU DANG, SPEN PA RGYU SKAR BI SH'A KHA'I STENG DU SHAR NA, MI MANG PO 'THAB MO LA MCHI BAR 'GYUR RO, ,LHA KHANG DANG, KHANG PA CHEN PO'I STENG DU BYA ROG GAR BYED CING 'PHYANG MO NYUG NA, YUL
KHAMS DER 'THAB MO CHEN PO 'BYUNG, BUD MED LA MI MA YIN PA'I BU BYUNG NGAM, YANG NA PHYUGS LA MI'I BU BYUNG NA, YUL KHAMS DE'I BUD MED LA BGEGS DANG; GNOD PA CHEN PO 'BYUNG, MA'I MNGAL NA BU YOD PA RGOD DAM, SMRA BA'AM, NGU NA YUL KHAMS DE 'JIGS PAR 'GYUR, BUD MED KYI MNGAL NA BU RKANG GCIG PA'AM, RKANG GSUM PA'AM, RKANG BZHI PA 'BYUNG NA, YUL DE'I RGYAL PO CHEN PO LA GNOD PA CHEN PO 'BYUNG, BUD MED KYI LTO NAS BU MA NING MTSAN GNYIS PA BYUNG NA, YUL KHAMS DE'I RGYAL PO 'CHI BAR 'GYUR, BUD MED LAS BYOL SONG GI BU DANG, BU MGO MANG PO CAN BYUNG NA, YUL KHAMS DE 'JIGS PAR 'GYUR; ;BUD MED LAS BU MGO GCIG LA GDONG GNYIS, MIG GSUM PA BYUNG NA, YUL KHAMS DE MYUR DU 'JIG PAR 'GYUR, BUD MED LAS BU GRUL BUM MGO BZHI PA BYUNG NA, YUL 'KHOR DER 'JIGS PA CHEN PO 'BYUNG, BUD MED LAS BU PHAG GI GDOD CAN BYUNG NA, PHYOGS BZHI NAS YUL KHAMS DE 'JIGS PAR 'GYUR, BUD MED LAS BU GDONG NYI MA'I 'OD BZHIN 'BAR BA BYUNG NA, NANG 'KHRUG GIS YUL KHAMS DE 'JIG PAR 'GYUR, BYIS PA TSEM BU NA GNAS PA CHEN PO BZHIN TSIG SMRA
, ,NA; YUL 'KHOR DE 'JIG PAR 'GYUR, MA NYID KYIS MA TSOR BAR MNGAL NAS BU BYUNG NA; YUL KHAMS DER GEGS DANG, GNOD PA CHEN PO 'BYUNG; BUD MED KYI LTO NAS BU PHAG GAM SBRUL LTA BU BYUNG NA, 'DRE GDON DANG, BGEGS NAD KYIS YUL KHAMS DE 'JIG CING; 'JIGS PA CHEN PO 'BYUNG, BUD MED LAS BU SKYE NUB PA DANG, SO SKYES PA BYUNG NA, YUL KHAMS DGON PAR GYUR TE, MI THAMS CAD KYANG PHYOGS GZHAN DU 'GRO BAR 'GYUR, BUD MED LAS BU MGO MED PA LAG PA GCIG PA BYUNG NA, YUL KHAMS DER GNOD PA CHEN PO 'BYUNG, YUL KHAMS SU ME TOG DANG, SHING TOG 'BRAS BU LAN GNYIS 'BYUNG ZHING , SHING DANG, 'BRAS BU LAS KHU BA 'DZAG NA RGYAL PO'I RGYAL TSAB LA BGEGS DANG, GNOD PA 'BYUNG, DUS MA YIN PAR BZA' SHING LAS ME TOG DANG, 'BRAS BU SKYE NA, RGYAL PO DANG, YUL MIR BCAS PAS YUL BOR BAR 'GYUR, BZA' SHING GI 'BRAS BU LHAG PAR MDOG BZANG POR GYUR TAM, YANG NA KHRAG 'DRA BA 'DZAG NA, YUL KHAMS DER 'JIGS PA CHEN PO DANG, NAD DANG, MU GE 'BYUNG, SKYED SHING GI GRIB MA MI 'KHOR BAR PHYOGS GCIG TU 'DUG NA, DGRA'I DMAG BYIN CHEN POS YUL
PHYOGS DE BCOM PAR 'GYUR, SKYED SHING 'GRO BA LTAR SNANG NA, YUL KHAMS DER 'JIGS PA CHEN PO 'BYUNG, SKYED SHING LHAG PAR BRJID CING GSAL BAR SNANG NA, YUL KHAMS DE'I RGYAL PO TSE THUNG BAR 'GYUR, 'JIG RTEN PA'I LHA MCHOD PA'I TSE LHA SMRA'AM, 'DZUM NA, RGYAL PO LA BGEGS DANG, GNOD PA 'BYUNG, ME TOG GI CHAR 'BAB PA'AM, RLUNG DMAR LANGS SHING, GNAM LAS SRIN BU BAB NA, YUL KHAMS DER CHOM RKUN GYIS 'JIG PAR 'GYUR, 'JIG RTEN PA'I LHA KHANG DU ME MBUS PAR DU BA BYUNG ZHING, LHA YANG MTSAN DANG CHO 'PHRUL STON NA, RGYAL PO LA BGEGS DANG, GNOD PA 'BYUNG, 'JIG RTEN PA'I LHA KHANG DU ME MAR MA BUS PAR ME MAR 'DRA BAR SNANG NA; RGYAL PO'I GNANG CHEN LA BGEGS DANG, GNOD PA 'BYUNG, RGYAL PO BTZUN MO'I 'KHOR DU SONG STE, 'DOD CHAGS MI LDANG NA, RGYAL PO'I PHO BRANG MES TSIG CING, RGYAL PO LA MI DGE BA SNA TSOGS 'BYUNG, CHAR PA DANG, SER BA 'BAB LA, GNAM LA KHA DOG GSAL BA DAG BYUNG NA, YUL KHAMS DER 'JIGS PA CHEN PO 'BYUNG, GRONG KHYER TSUB MAS BSKOR CING 'GRO BA DANG, RLUNG DMAR LANGS SHING CHAR PA KHRAG 'DRA BA BAB NA, YUL KHAMS DER 'JIGS PA CHEN PO 'BYUNG, GLOG 'BYUNG ZHING CHAR PA 'BAB LA,
, ,SPRIN 'KHOR LING 'KHOR LING DU CHAD DE, SPRIN 'KHOR LING DU CHAD PA'I BAR BAR NA, DRI ZA'I GRONG KHYER 'DRA BA SNANG NA, YUL KHAMS DER 'JIGS PA CHEN PO 'BYUNG, ZLA BA DMAR POR GYUR NA, YUL KHAMS DER GRONG KHYER MES TSIG PA DANG, RIMS KYIS MI NGAS PAR 'GYUR, ZLA BA'I MTHA' DMAR LA DBUS NAG POR SONG NA, YUL KHAMS DE 'JIGS PA CHEN POR 'GYUR, ZLA BA'I KHA DOG BTZAG 'DRA BAR DMAR POR SNANG LA, SLAR YANG 'PHRAL DU DKAR PO'I RANG BZHIN DU GYUR NA, RLUNG MI LDANG BAR DRAG POR 'BAB, RI SKAM LTA BUR CHU MIG BYUNG NA, LO TOG LEGS PAR 'GYUR, ME MA BUS PAR YUL KHAMS DER DU BA BYUNG NA, YUL 'KHOR DER 'JIGS PA CHEN PO 'BYUNG, MDA' GZHU SKYES KOR LA, ME'AM, DUD PA BYUNG NA, YUL KHAMS DER DGRA'I 'JIGS PA 'BYUNG NGO, ,DE SKAD BCOM LDAN 'DAS KYIS BKA' STZAL PA DANG, RGYAL PO GZUGS CAN SNYING PO 'KHOR DANG BCAS PA BCOM LDAN 'DAS KYIS GSUNGS PA LA YID RANGS TE MNGON PAR BSTOD DO, ,MIG BCU GNYIS PA ZHES BYA BA'I MDO RDZOGS SO,, ,,