, ,RGYA GAR SKAD DU, MA H'A PRA TI S'A RA S'A DHA NAm, BOD SKAD DU, SO SO 'BRANG BA CHEN MO'I SGRUB THABS, 'PHAGS MA SO SO 'BRANG BA CHEN MO LA PHYAG 'TSAL LO, ,SNGON DU GSUNGS PA'I CHO GA 'DIS STONG PA NYID DU BSGOMS PA'I RJES LA AA YIG LAS ZLA BA'I DKYIL 'KHOR LA PRAm YIG SER PO SNA TSOGS PA'I 'OD ZER 'PHRO BAS GZHAN GYI DON BYAS SHING DE YONGS SU GYUR PA LAS BCOM LDAN 'DAS MA SO SO 'BRANG MA CHEN MOR BDAG NYID SKAD CIG GIS BSKYED PAR BYA'O, ,SKU MDOG SER MO ZHAL BZHI PA, SPYAN GSUM PA, PHYAG BRGYAD PA'O, ,ZHAL DANG PO SER PO, G-YAS DKAR PO, RGYAB KYI ZHAL SNGON PO, G-YON DMAR PO'O, ,PHYAG G-YAS PA RNAMS KYIS RAL GRI DANG, 'KHOR LO DANG, RTZE GSUM PA DANG, MDA' BSNAMS BA, PHYAG G-YON BA RNAMS KYIS DGRA STA DANG, GZHU DANG, ZHAGS PA DANG, RDO RJE BSNAMS PA'O, ,SNA TSOGS PADMA DANG, ZLA BA'I GDAN LA ROL PA'I STABS KYIS YANG DAG PAR BZHUGS PA 'OD KYI DKYIL 'KHOR DMAR PO CAN, RGYAN THAMS CAD KYIS BRGYAN PA, SNA TSOGS PA'I NA BZA' BSNAMS PA, DAR GYI STOD G-YOGS CAN, DE BZHIN DU RIN PO CHE SNA TSOGS PA'I DBU RGYAN CAN DU BSAM PAR BYA'O, , DE NAS SKU GSUNG THUGS RNAMS SU ZLA BA LA GNAS PA'I AOm A'A:H'Um DKAR PO DANG DMAR PO DANG, SNGON PO'I YI GE GSUM BSAM PAR BYA'O, ,DE NAS NU MA'I BAR DU ZLA BA LA GNAS PA'I PRAm YIG RNAM PAR BSAMS LA BDAG NYID LA LHA MO RNAMS KYIS RNAM PA SNA TSOGS PA'I MCHOD PA BYED PAR BLTA ZHING JI SRID MI NGAL BAR DE SRID DU BSGOM
PAR BYA'O, ,NGAL BAR GYUR NA RANG GI SNYING GAR ZLA BA LA SNGAGS RNAMS MU TIG GI DO SHAL BZHIN DU BLTAS LA BZLAS PAR BYA'O, ,AOm MA nI DHA RI BADZRI nI MA H'A PRA TI S'A RE H'Um H'Um PHAt PHAt SV'A H'A, SO SO 'BRANG BA CHEN MO'I SGRUB THABS RDZOGS SO,,