, ,RGYA GAR SKAD DU, KU RU KULLE S'A DHA NAm, BOD SKAD DU, KU RU KULLE'I SGRUB THABS, ,'PHAGS MA RIGS BYED MA LA PHYAG 'TSAL LO, ,DE NAS SNGAGS PAS SKYES PA DANG BUD MED DBANG DU BYA BAR 'DOD PAS, DKAR PO'I TSES GCIG NAS BRTZAMS NAS, THUN MTSAMS GSUM DU NYI MA SO SO LA KHRI PHRAG RE BZLAS PAR BYA'O, ,BCOM LDAN 'DAS MA'I SKU LA NA BZA' DMAR PO RNAMS DBUL PAR YANG BYA'O, ,DE LA RIM PA 'DIS RANG GI SNYING GAR NYA MA LA GNAS PA'I HR'I:DMAR PO LAS SKYES PA'I CHU SKYES DMAR PO 'DAB MA BRGYAD PA SDONG PO LAS SKYE GNAS KYI MTHAR THUG PAR SON PA RNAM PAR BSAMS LA, DE'I 'DAB MA BRGYAD PA RNAMS SU BUD PA BRGYAD DE, A'A A'I A'U R'i L'i AEE
AOO AA:, ZHES PA'I DBYANGS BRGYAD YONGS SU GYUR GYUR PA LAS SHIN TU DGA' BA RGYAS SHING KHRO BA KHA DOG DMAR PO RIM PA BZHIN DU GNAS PA RANG GI SNA BUG GI RLUNG GIS BSKUL BAR BLTAS LA, RANG GI SNA BUG G-YON NAS 'THON TE, BSGRUB BYA'I SNA G-YAS KYI BU GNAS RAB TU ZHUGS TE, , DES PADMA'I SDONG BU GSAR PA RNAMS RNYINGS NAS, AA AI AU Ri LI AE AO AAm ZHES PA'I DBYANGS YIG THUNG DU BRGYAD BSAMS LA, DE YONGS SU GYUR PA LAS RNA BA'I RTZAR BKANG BA'I AUTPAL DMAR PO'I MDE'U CAN GYI MDA'I TSOGS KYIS BSGRUB BYA'I PADMA'I ZE'U 'BRU PHUG NAS, DE 'GYEL ZHING MDA'I SGRAS SNA BUG G-YON PA'I BUG NAS 'THON TE RNAL 'BYOR PA'I SNA BUG G-YAS NAS RANG GI SNYING GNAS ZHUGS PAR RNAM PAR BSAM PAR BYA'O, ,PHYI NAS AUTPAL'I RANG BAS SKE BCINGS NAS LCAGS KYIS SKYE GNAS PHUG CING BTZIR NAS 'OD ZER RAB TU 'BAR BAS GZHAN GANG ZHIG DBANG DU BYAS TE, DE LA ZHON NAS DE'I DGA' BA'I SNGAGS BZLAS PAR BYA'O, ,AOm KU RU KULLE HR'I:CHE GE MO BDAG GI DBANG DU GYIS SHIG SV'A H'A ZHES SO, ,BUNG BA'I SBYOR BAS NYI MA BDUN GYIS 'GRUB PAR 'GYUR RO, ,KU RU KULLE'I SGRUB THABS RDZOGS SO,,