, ,RGYA GAR SKAD DU, ,shA tA BHU JA KU RU KULLE S'A DHA NAm, BOD SKAD DU, RIGS BYED MA PHYAG DRUG MA'I SGRUB THABS, ,KU RU KULLE LA PHYAG 'TSAL LO, ,DANG POR SNGAGS PAS STAN BDE BA LA 'DUG STE, RANG GI SNYING GA'I SA BON GYI 'OD ZER GYIS BCOM LDAN 'DAS MA DANG SANGS RGYAS
, ,DANG BYANG CHUB SEMS DPA' RNAMS GDAN DRANGS NAS MCHOD PA DANG, SKYABS SU 'GRO BA LA SOGS PA BYA'O, ,DE NAS STONG PA NYID DU MOS PA BYA ZHING, SNGAGS KYIS BYIN GYIS BRLABS LA, AOm YIG LAS BYUNG BA'I ZLA BA'I DKYIL 'KHOR LA RAm YIG 'OD ZER GYI PHRENG BA DANG BCAS PA RNAM PAR BSAM ZHING DE YONGS SU GYUR PA LAS BCOM LDAN 'DAS MA RIGS BYED MA BLTA BAR BYA'O, ,PADMA DMAR PO 'DAB MA BRGYAD PA DANG NYI MA'I GDAN LA RDO RJE SKYIL KRUNG GIS NYE BAR BZHUGS PA, PHYAG DRUG PA, G-YAS DANG G-YON GYI PHYAG DANG PO GNYIS KYIS 'JIG RTEN GSUM LAS RNAM PAR RGYAL BA'I PHYAG RGYA 'DZIN PA, GNYIS PA'I G-YAS PA DANG, G-YON PA DAG GIS LCAGS KYU DANG, AUTPAL LA DMAR PO BSNAMS PA'O, ,PHYAG LHAG MA GNYIS KYIS MDA' DANG GZHU RNA BA'I RTZAR 'GENGS PA, NA BZA' DMAR PO MNABS PA, DE BZHIN GSHEGS PA LNGAS DBU BRGYAN PA, BSGRUB BYA'I SNYING GAR AUTPAL DMAR PO'I ZE'U 'BRU LA ZLA BA'I DKYIL 'KHOR LA RAm YIG KHA DOG DMAR PO RNAM PAR BSGOMS TE, RLUNG GI DKYIL 'KHOR LA GNAS SHING DE'I SNYING GAR LCAGS KYUS PHUG STE BKUG NAS SNYING GAR ZHUGS SHING AUTPAL DMAR PO'I MDE'U CAN GYI MDAS BSGRUB BYA YANG NAS YANG DU 'GUGS SHING SNGAGS BZLAS PAR BYA'O, ,DE LA YANG SNGAGS 'DI'O, ,AOm KU RU KULLE HR'I:CHE GE MO BDAG GI DBANG DU GYIS SHIG HO:SV'A H'A, DE NAS DE LA BSGRUB BYA MOS PA'I DBANG DU BYAS NAS RKANG PA'I DRUNG DU LHUNG BAR BLTA ZHING BSKUL BAR BYA'O, ,DE LTA BSU BRGYA BYIN YANG DBANG DU BYED DO, ,GES BYED MA PHYAG DRUG MA'I SGRUB THABS RDZOGS SO,,