, ,RGYA GAR SKAD DU, HE BADZRA KRA MA KU RU KULLE S'A DHA NAm, BOD SKAD DU, KYE RDO RJE'I RIM PA'I RIGS BYED MA'I SGRUB THABS, KU RU KULLE LA PHYAG 'TSAL LO, ,DANG PO RANG GI SNYING GAR KHA DOG DMAR PO'I ZLA BA'I DKYIL 'KHOR BSGOMS LA, DE LA HR'I:YIG DMAR PO BLTA BAR BYA'O, ,DE NAS SDIG PA BSHAGS PA LA SOGS PA BYA'O, ,PHYI NAS STONG PA NYID BSGOM PAR BYA'O, ,'DIR RNAL 'BYOR PAS STONG PA NYID LA GNAS NAS RAm YIG LAS MDUN DU NYI MA RNAM PAR BSGOMS LA; DE'I STENG DU H'Um YIG KHA DOG NAG PO 'OD ZER DANG LDAN PA BSGOM PAR BYA'O, ,DE YONGS SU GYUR PA LAS SNA TSOGS RDO RJE'O, ,DE YONGS SU GYUR PA LAS RDO RJE'I RANG BZHIN GYIS GZHI DANG, RDO RJE'I RAB DANG, RDO RJE'I GUR BCINGS NAS AOm RAKshA RAKshA H'Um H'Um H'Um PHAt PHAt PHAt SV'A H'A, PHYI NAS
RNAL 'BYOR PAS PADMA DMAR PO'O, ,DE'I STENG DU ZLA BA'I DKYIL 'KHOR RO, ,DE'I STENG DU HR'I:YIG DMAR PO YONGS SU GYUR PA LAS AUTPA LA DMAR PO'O, ,DE'I STENG DU SLAR YANG ZLA BA'I DKYIL 'KHOR RO, ,DE YONGS SU GYUR PA LAS KU RU KULLER BDAG NYID BSAM PAR BYA STE, SKYIL KRUNG PHYED PA'I GAR STABS KYIS BZHUGS PA GZHON ZHING RKED PA LA STAG GI PAGS PA'I SHAM THABS MNABS PA, PHYAG RGYA LNGAS RNAM PAR BRGYAN PA, SKRA DMAR SER GYEN DU BRDZES PA MGON PO 'OD DPAG TU MED PAS DBU BRGYAN PA, PHYAG NA MDA' GZHU DANG DE BZHIN DU AUTPA LA BSNAMS PA'O, ,'DIR GNAS NGES PA MED CING ZAS KYANG NGES PA MED LA, 'DIR SNGAGS BZLAS SHING BYA BA DANG LDAN PAS SO, ,JI LTA BA BZHIN DU 'GA' ZHIG GIS KYANG MI SHES TE DE BZHIN DU BSGRUB PAR BYA'O, ,AOm KU RU KULLE HR'I:SV'A H'A, ZLA BA PHYED DU KHRI PHRAG GCIG GIS RGYAL BO DANG, SKYE DGU'I 'JIG RTEN DBANG DU 'GYUR RO, , BYE BAS DUD 'GRO DANG GNOD SBYIN LA SOGS PA DANG, 'BUM PHRAG BDUN GYIS LHA MA YIN RNAMS KYANG NGO, ,KYE'I RDO RJE'I RIM PA'I KU RU KULLE'I SGRUB THABS RDZOGS SO,,