, ,RGYA GAR SKAD DU, A'ARYA SHR'I MA T'I KU RU KULLE S'A DHA NAm, BOD SKAD DU, DPAL LDAN 'PHAGS MA RIGS BYED MA'I SGRUB THABS, 'PHAGS MA KU RU KU LLE LA PHYAG 'TSAL LO, ,RANG GI SNYING GAR ZLA BA'I DKYIL 'KHOR LA HR'I:YIG LAS SKYES PA'I AUTPA LA DMAR PO'I DBUS SU HR'I:YIG GIS MNAN PA BSAMS LA DE YONGS SU GYUR PA LAS 'PHAGS MA RIGS BYED MA SKU MDOG DMAR MO PADMA DMAR PO DANG ZLA BA'I GDAN LA BZHUGS PA, 'OD ZER DMAR PO'I DKYIL 'KHOR CAN, NA BZA' DMAR PO SNA TSOGS PA'I STONG G-YOGS CAN, 'OD DPAG TU MED PAS DBU BRGYAN PA, PHYAG BZHI PA, RTZA BA'I PHYAG DAG GIS AUTPA LA DMAR PO'I MDE 'US RNAM PAR MDZES PA'I MDA' DANG BCAS PA'I ME TOG GI GZHU RNA BA'I RTZAR 'GENGS PA, G-YON SDONG BU DANG BCAS PA'I AUTPA LA DMAR PO KHA BYE BA BSNAMS PA, G-YAS PA MTSOG SBYIN MDZAD PA'O, ,SGEG PA'I NYAMS CHEN POS ROL PAR BLTAS TE, YE SHES SEMS DPA' DANG LHAN CIG TU BYAS NAS RANG GI LUS KYI 'OD ZER DMAR PO'I LCAGS KYUS BKUG PA'I LHA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, GNOD SBYIN DANG, SKYES PA DANG, BUD MED BRGYA STONG LA SOGS PA'I TSOGS SHIN TU GUS PAR LUS 'DUD
CING MCHOG TU DBANG DU GYUR PAR PHYOGS BCU RNAMS SU YANG DAG PAR BLTA'O, ,AOm KU RU KULLE HR'I:SV'A H'A, ZHES PA'I SNGAGS BZLAS PA 'BUM NAS BRTZAMS NAS, JI SRID BCOM LDAN 'DAS MA MNGON SUM DU MA GYUR GYI BAR DU BZLAS PAR BYA'O, ,DE NAS 'GA' ZHIG DBANG DU BYA PAR 'DOD NA JI LTAR GSUNGS PA'I CHO GAS BZLAS PA 'BUM BYAS NAS GUS SHING 'DUD PA'I LHA DANG LHA MA YIN LA SOGS PA'I DBUS SU 'JUG CING RANG GI LUS KYI 'OD ZER GYI LCAGS KYUS BSGRUB BYA BKUG LA MDUN DU BKOD NAS, RANG GI SNYING GAR AUTPA LA DMAR PO 'DAB MA BCU DRUG PA, DE'I SNYING GAR YAm BSAMS NAS 'PHAGS PA YAN LAG MED PA'I RDO RJES GSUNGS PA'I RIM PAS BUNG BA'I LCAGS KYU BSGOMS LA, DE'I MING GI YI GE RANG GI SNYING GA'I SNGAGS KYIS SHIN TU MNAN NAS DE BZHIN DU MDAS SNYING GAR PHUG STE CHAGS PA CHEN POS BRGYAL ZHING GZHU RGYUD KYIS RKANG PA BCINGS SHING SKE AUTPA LA'I ZHAGS PAS BCINGS NAS YANG DAG PAR BKUG STE RANG GI RKANG PA DAG GI DRUNG DU BSGYEL LA, SKYES PA YIN NA LCAGS KYUS SNYING GAR DBUG PAR BYA'O, ,BUD MED KYI CHOS 'BYUNG LA'O, ,AOm KU RU KULLE CHE GE'AM CHE GE MO A'A KARshA YA HR'I:SV'A H'A, ZHES BYA BA'I SNGAGS BZLAS PAR BYA'O, ,BSGRUB BYA KHUG NAS, DE LA DE BZHIN DU SNGAGS LA DBANG DU BYA BA NANG DU SPEL LA BZLAS PAR BYA'O, ,BRGYA BZLAS PAS SKYES PA DANG, MI MO DANG, RGYAL PO DANG, BLON PO'I TSOGS PHAL PA DBANG DU 'GYUR RO, ,KHRI BZLAS PAS MNGA' RIS KYI 'JIG RTEN NO, ,'BUM BZLAS PAS RGYAL PO'O, ,'BUM PHRAG BDUN GYIS LHA DANG LHA MA YIN GYI BU MO'O, ,BYE BAS NAM MKHA' LDING DANG, GLANG PO CHE SA SRUNG GI BU LA SOGS PA'I LHA'I DUD 'GRO RNAMS DANG, DUD 'GRO PHAL PA RNAMS KYANG NGO, ,GUS PAS RGYUN MI CHAD PAR DUS RING PO DPAG TU MED PAR BZLAS NAS GSUM YANG DBANG DU BYED PAR 'GYUR RO, ,DPAL LDAN 'PHAGS MA RIGS BYED MA'I SGRUB THABS RDZOGS SO,,