, ,RGYA GAR SKAD DU, MUKTE KE NA T'A RODBHA BA KU RU KULLE S'A DHA NAm, BOD SKAD DU, SGROL MA'I RTOG PA LAS BYUNG BA'I TSIG LHUG PA'I RIGS BYED MA'I SGRUB THABS, 'PHAGS MA RIGS BYED MA LA PHYAG 'TSAL LO, ,GANG GIS DRAN PA TZAM GYIS NI, ,LHA DANG LHA MIN MIR BCAS RNAMS, ,NGES PAR MNGAG GZHUG BYED 'GYUR BA'I, ,SGROL MA DE LA PHYAG 'TSAL LO, ,DANG PO RE ZHIG SNGAGS PAS YID DANG MTHUN PA'I GNAS SU BUD MED KYI TSOGS LA SOGS PA DANG BRAL BAR STAN BDE BA LA 'DUG STE, RANG GI SNYING GAR DBYANGS YIG DANG PO YONGS SU GYUR PA LAS ZLA BA'I DKYIL 'KHOR GYI STENG DU 'OD ZER DANG BCAS PA'I HR'I:YIG GI SA BON LAS BYUNG BA'I 'OD ZER DMAR PO'I TSOGS KYIS 'GRO BA RNAMS GSAL BAR MDZAD PA SNGON DU 'GRO BAS KU RU KULLE'I RI LA GNAS PA'I BCOM LDAN 'DAS MA RIGS BYAD MA YANG DAG PAR BSKUL NAS SPYAN DRANGS SHING MDUN GYI NAM MKHA' LA YANG DAG PAR BSAMS TE, SNYING GA'I SA BON GYI 'OD ZER LAS SPRUL PA'I ME TOG DANG BDUG SPOS LA SOGS PA SNA TSOGS PA'I
MCHOD PAS MCHOD PAR BYA'O, ,DE'I RJES LA PHYAG 'TSAL BA DANG, SDIG PA BSHAGS PA DANG, BSOD NAMS LA RJES SU YI RANG BA DANG, YONGS SU BSNGO BA DANG, GSUM LA SKYABS SU 'GRO BA DANG, BYANG CHUB TU SEMS BSKYED PA SNGON DU 'GRO BAS, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES LAN GSUM BRJOD PAR BYA'O, ,DE NAS TSAD MED PA'I GNAS BZHI BSGOM PA SNGON DU 'GRO BAS, CHOS THAMS CAD STONG PA NYID DU BSGOM ZHING, SNGAGS 'DIS BYIN GYIS BRLAB PA BRJOD PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm, DE'I RJES LA 'GRO BA SDUG BSNGAL BA MTHA' DAG LA SNYING RJE BAS, RANG GI SEMS KYI SA BON GYI GZUGS LA BLTA STE, DE YONGS SU GYUR PA LA AUTPA LA DMAR PO'I STENG NA DBYANGS YIG DANG PO YONGS SU GYUR PA LAS ZLA BA LA GNAS PA'I SA BON GYI 'OD ZER RNAMS KYIS SNGON BZHIN DU 'GRO BA RNAMS GSAL BAR MDZAD NAS, DE BZHIN GSHEGS PA BYE BA MTHA' YAS PA YANG DAG PAR BSKUL ZHING SPYAN DRANGS NAS MDUN DU BSGOM PAR BYA'O, ,DE NAS AUTPA LA LA SOGS PA YONGS SU GYUR PA LAS SKU MDOG DMAR MO, PADMA DMAR PO DANG ZLA BA'I GDAN LA BZHUGS PA, DAR DMAR PO'I STOD G-YOGS BYAS PAS 'OD ZER DMAR PO DANG LDAN PA, RIN PO CHE DMAR PO'I RNA RGYAN CAN, PHYAG BZHI PA, G-YAS PAS MI 'JIGS PA RAB TU SBYIN PA, GNYIS PAS MDA' YANG DAG PAR 'GENGS PA, G-YON NA RIN PO CHE'I GZHU BSNAMS PA, GNYIS PAS AUTPAL DMAR PO BSNAMS PA, DE BZHIN GSHEGS PA 'OD DPAG MED KYI DBU RGYAN CAN, KU RU KULLE'I RI'I PHUG NA BZHUGS PA, SGRA GCAN ZIN GYI MGO LA GNAS PA'I 'DOD LHA CHUNG MA DANG BCAS PA'I STENG DU BZHUGS PA, SGEG PA'I NYAMS KYIS ROL ZHING DANG PO'I LANG TSO DANG LDAN PA'I RIGS BYED MA BSGOM PAR BYA'O, ,DE LTAR NA DAM TSIG SEMS DPA' BSKYED NAS SKAD CIG GIS YE SHES SEMS DPA' MDUN DU SPYAN DRANGS TE YANG DAG PAR MCHOD NAS DAM TSIG GI PHYAG RGYAS ZHAL GYI NANG NAS NANG DU
, ,GZHUG PAR BYA'O, ,DE LA DAM TSIG GI PHYAG RGYA NI 'DI YIN TE, THAL MO YANG DAG PAR SBYAR NAS GUNG MO DAG RTZE MOR BYAS PA'I DBUS SU MING MED DAG BCUG STE, GUNG MO'I RGYAB TU MDZUB MO GNYIS GNAS SHING MTHEB CHEN GNYIS 'OG TU GZHUG PA DE LTA BU'I RNAM PA NI AUTPA LA'I PHYAG RGYA'O, ,DE'I RJES SU, BYANG CHUB RDO RJES SANGS RGYAS LA, ,JI LTAR MCHOD CHEN STZAL BA LTAR, ,BDAG KYANG BSKYAB PA'I DON GYI PHYIR, ,NAM MKHA'I RDO RJE DENG BDAG STZOL, ,ZHES GSOL BA BTAB LA, DBANG BSKUR BA NI RDO RJE CHE, ,KHAMS GSUM KUN GYIS PHYAG BYAS PA, ,SANGS RGYAS KUN GYI GSANG GSUM GYI, ,GNAS LAS BYUNG BA BDAG GIS SBYIN, ,ZHES BRJOD PA RNAMS KYI SANGS RGYAS KYI BKAS SPYAN MA LA SOGS PA RNAMS KYIS DBANG BSKUR BA STER BAR BSAM PAR BYA ZHING 'OD DPAG MED DBU RGYAN DU BZHUGS PA'O, ,DE LTAR BSGOMS NAS BZLAS PA BYA STE, HA CANG SKYEN MIN BUL BA'ANG MIN, ,MI GSAL MA YIN CHA MNYAM MIN, ,YANG DAG MA YIN RTOG PA SPANGS, AOm KU RU KULLE HR'I:H'Um SV'A H'A, DE LTAR THUN MTSAMS GSUM GYI RIM PAS KHUR BA DANG KA RA LA SOGS PA'I GTOR MA DBUL BA SNGON DU 'GRO BAS RTAG TU RGYUN MA CHAD PAR BRTAN PAR 'JUG PAS ZLA BA DRUG TU BSGOM PAR BYA'O, ,GRUB PA'I MTSAN MA RNAMS NI 'BYUNG BAR 'GYUR RO, ,DE'I RJES LA ZLA BA DANG PO LA NAD LA SOGS PA BAR DU GCOD PA BRGYA 'BYUNG BAR 'GYUR RO, ,ZLA BA GNYIS PA LA STON MO GYA NOM PA MA BSLANGS PAR RNYED PAR 'GYUR RO, , GSUM PA LA GOS SNA TSOGS PA RNYED PAR 'GYUR RO, ,BZHI PA LA SNA TSOGS PA'I SO RTZI RGYUN MI 'CHAD PAR RNYED PAR 'GYUR RO, ,LNGA PA LA RNAM PA SNA TSOGS PA'I GZUGS LA SOGS PA'I YON TAN GYIS BRGYAN PA'I BUD MED RNAMS KYIS GROGS RNYED PAR 'GYUR RO, ,ZLA BA DRUG PA LA LHA DANG KLU DANG, GNOD SBYIN DANG, DRI ZA DANG, MI'AM CI LA SOGS PA'I BUD MED YID DU 'ONG BA DANG PHRAD PAR 'GYUR RO, ,BCOM LDAN 'DAS MA BSGOMS NA PHAL CHER BUD MED RNAMS KYIS 'TSO BAR 'GYUR RO, ,DE LA BDUD KYI LAS 'DI RNAMS SPANGS TE, BCOM LDAN 'DAS MA SGOM PAR
BYED PA LA RMI LAM MAM DNGOS SU STON PAR 'GYUR RO, ,RAL GRI DANG, MIG SMAN DANG, RKANG PA'I BYUG PA DANG, MI SNANG BA DANG, BCUD LEN DANG, MKHA' LA SPYOD PA DANG, SA LA SPYOD PA DANG, SA 'OG GI DNGOS GRUB LA SOGS PA'I DNGOS GRUB RNAMS BSGRUB PAR BYA'O, ,GAL TE SO SOR BKAS STON PAR MA GYUR NA, DE'I TSE SNGAR GSUNGS PA'I PHYAG RGYA BCINGS NAS MCHOD PA DANG, GTOR MA DBUL BA SNGON DU 'GRO BAS ZLA BA DRUG GI MTHAR ZLA BA YONGS SU GANG BA'I MTSAN MO RIL POR BZLAS PAR BYA'O, ,DE NAS PHYAG RGYA 'BAR TE 'GRUB PAR 'GYUR RO, ,PHYAG RGYA DES TSANGS PA DANG, DBANG PO DANG, NYE BA'I DBANG PO DANG, DRAG PO DANG, SRED MED KYI BU LA SOGS PA YANG DAG PAR BKUG STE, YANG DAG PAR 'ONGS NAS MNGON PAR 'DOD PA RNAMS RDZOGS PAR SGRUB PAR BYED PAR 'GYUR RO, ,DE NAS BZUNG STE SKYE BA DANG, RGAS PA DANG, 'CHI BA DANG BRAL ZHING GRUB PA'I 'JIG RTEN GYI KHAMS RNAMS SU SONG NAS DE BZHIN GSHEGS PA RNAMS BLTA ZHING SA DANG GZUNGS LA SOGS PA RNAMS THOB PAR 'GYUR RO, ,SGROL MA'I RTOG PA LAS BYUNG BA'I TSIG LHUG PA'I KU RU KULLE'I SGRUB THABS SLOB DPON 'PHAGS PA KLU SGRUB KYIS MDZAD PA RDZOGS SO,, ,,