,,'PHAGS PA ZLA BA'I SNYING POS ZHUS PA'I MDO LAS, SANGS RGYAS KYI BSTAN PA GNAS PA DANG, 'JIG PA'I TSUL LUNG BSTAN PA, SNGON SANGS RGYAS BCOM LDAN 'DAS SH'AKYA THUB PA RI KHA RHI THAG GI STENG NA BZHUGS TE, DE'I TSE PHYOGS BCU'I BYANG CHUB SEMS DPA' SEMS DPA' CHEN PO 'KHOR
DANG BCAS PA DANG, DGRA BCOM PA DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, MI'AM CI DANG, LTO 'PHYE CHEN PO DANG, NAM MKHA' LDING DANG, BDUD SDIG CAN LA SOGS PA MTHU BO CHE THAMS CAD TSOGS PA DE'I DUS NA, SANGS RGYAS BCOM LDAN 'DAS SH'AKYA THUB PA'I ZHAL GYI SMIN MTSAMS NAS 'OD ZER SHAR GYI LUS 'PHAGS DANG, LHO'I 'DZAM BU GLING DANG, NUB KYI BAN GLANG SPYOD DANG, BYANG GI SGRA MI SNYAN DANG, GLING 'DI BZHIR 'OD ZER KUN DU KHYAB PAR BKRAM STE, 'OD ZER BTANG BA DE'I TSE RI RAB LA SOGS PA RI CHEN PO DANG, RI DANG, NAGS TSAL DANG, SMAN LJONGS, RI SUL, GRAGS GROG KUN LA'ANG SNANG BAR MNYAM STE, LAG MTHIL DANG 'DRA BAR GLING BZHI CAR SNANG BAS GSAL BAR GYUR, 'OD ZER DE DAG LAS SANGS RGYAS KYI SKU GZUGS KHA DOG DANG, DBYIBS SNA TSOGS 'OD DANG BCAS PA PHAL PO CHE BYUNG BA, BYANG CHUB SEMS DPA' DANG, LHA DANG, KLU LA SOGS PA SEMS CAN MANG PO KUN GYIS MTHONG STA NGO MTSAR DU GYUR TO, ,DE NAS BCOM LDAN 'DAS SH'AKYA THUB PA LA BEE SHRA WA NA LA SOGS PA RGYAL PO CHEN PO BZHIS GSOL PA, 'OD ZER 'DI LTA BU DE CI'I DON DU MDZAD PA LAGS ZHES ZHUS PA LAS, BCOM LDAN 'DAS KYIS BKA' STZAL PA, NGA MYA NGAN LAS 'DAS PA'I 'OG TU GLING BZHIR NGAS GSUNGS PA'I DAM
, ,PA'I CHOS KYI GSUNG RAB DANG, RING BSREL DANG, GZUGS BRNYAN 'DI LTA BU DAG 'BYUNG STE, 'DI KHYED KYI LAG TU GTAD KYIS SRUNGS SHIG ,DE NAS BCOM LDAN 'DAS LA BYANG CHUB SEMS DPA' ZLA BA'I SNYING POS GSOL PA, BCOM LDAN 'DAS, 'DI LTA BU'I THUGS RJE CHEN POS BCOM LDAN 'DAS MYA NGAN LAS 'DAS PA'I 'OG TU DAM PA'I CHOS RGYAL PO CHEN PO DAG LA GTAD PA SHIN TU NGO MTSAR TO, ,SNGA MA 'DAS PA'I SANGS RGYAS MYA NGAN LAS 'DAS NAS DGUNG LO BDUN LAGS NAS DAM PA'I CHOS KYI GZUGS BRNYAN NUB NA, BCOM LDAN 'DAS SH'AKYA THUB PA MYA NGAN LAS 'DAS PA'I 'OG TU DAM PA'I CHOS JI TZAM GYI BAR DU GNAS PAR 'GYUR, DE NAS BCOM LDAN 'DAS KYIS BKA' STZAL PA 'DI LTA BU'I CHOS ZHUS PA LEGS SO, ,LEGS PAR NYON CIG DANG, NGAS BSHAD PAR BYA'O, ,NGA MYA NGAN LAS 'DAS NAS DAM PA'I CHOS KYI GZUGS BRNYAN LO NYIS STONG DU GNAS PAR 'GYUR RO, ,BYANG CHUB SEMS DPA' ZLA BA'I SNYING POS GSOL PA, BCOM LDAN 'DAS, DAM PA'I CHOS 'DI THA MAR JI LTAR NUB PAR 'GYUR, RGYU CI LAS NYAMS, SUS MA MCHIS PAR BGYID, BKA' STZAL PA, NGA MYA NGAN LAS 'DAS PA'I 'OG TU LO LNGA BRGYA'I BAR DU NGA'I BSTAN PA LA SPYOD PA'I SEMS CAN RNAM PAR GROL BA MANG DU 'GYUR
RO; ;DE NAS LO LNGA BRGYA'I BAR DU TING NGE 'DZIN LA SPYOD PA MANG DU 'GYUR RO, ,RGYAL PO DANG, BLON PO DANG, SEMS CAN PHAL RNAMS KYANG DAM PA'I CHOS LA DAD CING SPYOD PA'ANG PHYIR ZHING NYUNG BAR 'GYUR RO, ,DE NAS LO LNGA BRGYA'I BAR DU DAM PA'I CHOS STON CING SEMS CAN 'DREN PA DANG, THAR BAR BYED PA'I SLOB DPON MANG DU 'BYUNG NGO, ,NYAN THOS DGRA BCOM PA NI NYUNG BAR 'GYUR RO, ,RGYAL PO DANG, BLON PO DANG, SEMS CAN PHAL RNAMS KYANG NYAN PA TZAM DU ZAD DE, NYAMS SU LEN CING SPYOD PA'AM, BRTZON 'GRUS NI MI BYED DE, DAD PA 'BRI BAR 'GYUR RO, , DAM PA'I CHOS KYI SRUNGS MA RNAMS KYANG MI DGA' BAR 'GYUR TE, DAM PA'I CHOS LA MA DAD PA'I SEMS CAN RNAMS NI SNGON PAS MTHU STOBS SKYE BAR 'GYUR RO, ,'DZAM BU'I GLING GI MI'I RGYAL PO RNAMS KYANG PHAN TSUN GCIG LA GCIG DMAG 'DREN CING 'KHRUG PAR 'GYUR RO, ,BDUD KYI RIS KYANG 'PHEL BAR 'GYUR RO, ,DE NAS YANG LO LNGA BRGYA'I TSE LO SUM BRGYAR NI DAM PA'I CHOS LA GNAS PA'I LHA KLU LA SOGS PA SEMS CAN SRUNGS MA RNAMS MI GNAS SHING DAM PA'I CHOS GANG DU DAR BAR 'GRO BAR 'GYUR, SEMS CAN CHOS LA MA DAD PAR 'GYUR; SEMS CAN CHOS SPYOD PA RNAMS KYANG CHOS KYI GZHUNG BZHIN MI SPYOD, BRTZON 'GRUS CHUNG BAS GRUB PA NYUNG BAR 'GYUR, KHA DOG BZHI DANG, BZHI LAS GYUR PA'ANG 'BRI,
, ,DRI DANG, RO LA SOGS PA'ANG CHUNG BAR 'GYUR RO, ,MI NAD DANG, PHYUGS NAD DANG, MU GE'ANG 'BYUNG BAR 'GYUR RO, ,LO NYIS BRGYAR NI DGE SLONG YANG CHOS BZHIN MI SPYOD, 'JIG RTEN GYI KHE DANG, GRAGS PA TSOL, SNYING RJE CHUNG ZHING KHRIMS LA MI GNAS, DAM PA'I CHOS TSUL BZHIN SPYOD PA RNAMS LA NI GLAN KA TSOL ZHING SKUR PA 'DEBS, LONGS SPYOD DANG, YO BYAD 'PHROG ,'JIG RTEN GYI RGYAL PO'I GSANG LA RTEN CING RGYAL SRID 'DZIN, RGYAL PO'I PHRIN PA'I PHO NYAR NGO 'PHRAL TSOL ZHING 'GRO, RGYAL PO DANG, 'BANGS SRID 'KHRUGS PA'I DBYEN BYED, NYO TSONG DANG, KHE SPOGS BYED THABS TSOL, DAM PA'I CHOS SPYOD PA'ANG SNYING NAS NYAMS SU BLANGS TE MI SPYOD KYI, PHAL CHER KHA GSAG DANG, 'PHRAL GYI TSUL 'CHOS PA'I YA MA BRAL BYED DE, DE'I DUS NA CHOS LA DGA' BA'I LHA KLU THAMS CAD KYIS RGYAL KHAMS KYI DGE SLONG 'DI LTAR SPYOD PA'I SA GZHI BOR TE MI GNAS SHING, BDUD KYI RIS LA SOGS PA CHOS KYI BGEGS KYI RIS RNAMS DER 'BYUNG STE, MTHU DANG, STOBS SKYE BAR 'GYUR, RGYAL PO DANG, BLON PO LA SOGS PA DAD PA 'BRI, DGE SDIG GI DMIGS MI PHYED, DAM PA'I CHOS LA RMA 'BYIN, DKON MCHOG GSUM GYI DKOR DANG, DGE 'DUN GYI RDZAS LA SPYOD CING RKU 'PHROG BYED
DE SDIG LA MI 'DZEM, GZUGS BRNYAN DANG, MCHOD RTEN RNAMS KHAD KYIS BSHIG ,MCHOD PA'I YO BYAD PHRI, DE'I TSE DAM PA'I CHOS MA NOR BAR SPYOD PA DGE SLONG DANG, KHYIM PA 'GA' 'GA' TZAM GNAS PA DE'I BSOD NAMS KYIS YUL PHYOGS SU CHAR CHU DUS SU 'BAB CING LO LEGS, MI RGYAGS LA NAD NYUNG ZHING YUL BDE BA DAG KYANG BAR 'GA' 'BYUNG, DE LTA BU MI GNAS PA PHAL CHER NI SDUG BSNGAL MI BDE BA SNA TSOGS 'BYUNG, DE'I DUS SU RGYA GAR DANG, RGYA MA YIN PA'I RGYAL PO CHEN PO GSUM 'BYUNG STE, GSUM LA, YA BA NA DANG, BALHI KA DANG, SHA KU NA DANG, 'DI GSUM DAM PA'I CHOS MI SPYOD, DMAG 'DREN CING G-YUL 'GYED DE, NUB DANG, BYANG GI YUL KHAMS MANG PO ZHIG 'BEBS PAR BYED DE, DE NAS YUL KHAMS DE'I MCHOD RTEN DANG, GTZUG LAG KHANG LA SOGS PA YANG BSHIG CING MES BSREGS TE, DGE 'DUN GYI YO BYAD DANG, DKON MCHOG GSUM GYI DKOR LA SOGS PA'ANG BROGS SHING BCOM STE, RGYAL PO 'DI GSUM GCIG LA GCIG GNOD PA SNA TSOGS KYIS 'THAB MO BYED DE, GSUM CAR GYI RGYAL SRID MI BDE BAR 'GYUR RO, ,DE'I RJES LA RGYAL PO DE GSUM NANG SRID GCIG TU BYAS NAS DMAG MANG PO 'DUS TE, RGYA GAR GYI YUL CHU BO GANG G'A'I TSU ROL GNAD RA DANG, MA DDYA DE SHA LA SOGS PA'I YUL PHROGS NAS BZUNG, DE'I
, ,DUS NA CHU BO GANG G'A'I PHA ROL LHO PHYOGS KYI RGYUD NA, YUL KO'U SH'AM B'I ZHES BYA BA'I RGYAL PO MA HE NA DRA SE NA ZHES BYA BA DE LA SRAS ZHIG BTZAS TE, DE'I MING NI NGU SBRA SA HASTA ZHES BYA STE, SMIN MTSAMS NA LCAGS KYI SME BA ZHIG YOD PA, LAG PA GRU MO MAN CHAD KHRAG GIS BSKUS PA ZHIG 'BYUNG NGO, ,DE DANG DUS GCIG TU RGYAL PO DE'I BLON PO LNGA BRGYA LA'ANG KHYE'U LNGA BRGYA BTZA' STE, RIL GYIS LAG PA MKHRIG MA MAN CHAD KHRAG CAN DU 'BYUNG STE, DE'I DUS NA RGYAL PO'I RTA LA RTE'U SMRA SHES PA ZHIG SKYES TE, RGYAL PO DANG, BLON PO DANG, RTE'U SMRA SHES PA SKYES PA'I NUB MO'ANG NAM MKHA' LAS KHRAG GI CHAR PA BAB NAS, RGYAL PO MA HE NA DRA SE NAS DRANG SRONG GI MKHAN PO LNGA MNGON PAR SHES PA ZHIG LA BDAG CAG 'KHOR GYI BU DANG, RTAG LA YA MTSAN 'DI LTA BU BYUNG BA DANG, KHRAG GI CHAR PA BAB PA 'DI CI'I LTAS ZHES SMRAS PA DANG, DRANG SRONG NA RE, KHYOD KYI BUS 'DZAM BU'I GLING GIS GZHI 'DI MI'I KHRAG GIS GSHER BAR BYED PAR 'GYUR RO, ,DE'I 'OG TU KHYOD KYI BU 'DZAM BU'I GLING GI RGYAL PO CHEN PO BYED PAR 'GYUR RO ZHES SMRAS SO, , RGYAL BU DE THOG MA BTZAS NAS LO BCU GNYIS LON PA DANG, DE'I TSE RGYAL PO YA BA NA DANG, BALHI KA DANG, SHA KU NA GSUM 'DUS PA'I DMAG GSUM 'BUM RGYAL PO DANG BCAS TE,
RGYAL PO MA HEN DRA SE NA'I YUL DU DRANGS PA LAS, YUL DU DMAG PHAL MO CHE BYUNG BAS RGYAL PO SNYING MI DGA' STE, MYA NGAN BYED CING 'DUG PA LA BU NGU SPRAS HA STAS PHA LA DRIS PA, YAB; 'DI LTAR THUGS MI DGYES PA CI LAS GYUR CES ZHUS PA DANG, PHA NA RE, RGYAL PO GSUM GYI DMAG BYIN CHEN PO BDAG CAG GI YUL DU BYUNG BAS MI DGA' ZHES SMRAS PA DANG, BUS SMRAS PA; YAB; MI DGYES SU MA MDZAD CIG ,DMAG 'DI BDAG GIS THUB PAR BGYI'O ZHES BGYIS PA DANG, PHA NA RE, LEGS SO ZHES SMRAS NAS, BU DANG, BLON PO'I BU YA MTSAN CAN LNGA BRGYA LA SOGS TE, DMAG NYIS 'BUM BCAS TE BTANG NAS 'THAB MO BYAS PA'I TSE, SMIN MTSAMS NA LCAGS KYI SME BA YOD PA BSKYED NAS LUS RIL LCAGS SU BYAS NAS RAB TU KHROS NAS BRGAL BA DANG, DU SPRA HASTA'I DMAG RGYAL TE PHYIR LOG PA DANG, PHA NA RE, BU; KHYOD KYIS RGYAL PO GSUM GYI DMAG 'DI LTA BU DANG 'THAB MO BYAS PA LAS RGYAL BA LEGS SO, ,DA PHYIN CHAD KHYOD KYIS RGYAL SRID ZUNGS SHIG ,NGA NI 'BYUNG NGO ZHES BSGO NAS RGYAL SRID KYANG BU LA BYIN NO, ,DE NAS LO BCU GNYIS KYI BAR DU RGYAL PO GSUM GYI DMAG DANG 'THABS PA LAS DMAG DPON YANG RIL GYIS GTUBS, RGYAL PO GSUM YANG BZUNG NAS MED PAR BYAS SO, ,DE TSUN CHAD 'DZAM BU'I GLING GI RGYAL PO CHEN PO BYAS PAR GYUR TO, ,DE NAS RGYAL POS
, ,BLON PO RNAMS LA SMRAS PA, NGA 'DZAM BU'I GLING GI RGYAL PO CHEN PO BYED PA NI DGA' NA, GUD NA MI DGA' BA ZHIG KYANG YOD CES SMRAS PA DANG, BLON PO RNAMS KYIS SMRAS PA, CI MI DKYES ZHES ZHUS PA DANG, SEMS CAN MANG PO 'DI SNYED CIG BSAD PA SDIG CHE BAS MI DGA' NA, SDIG 'DI JI LTA BU ZHIG TU BYAS NAS SUS 'BYANG BAR 'GYUR ZHES SMRAS PA DANG, BLON PO RNAMS KYIS GSOL PA, YUL PA tA LI PU TRA STE DMAR BU CAN ZHES BYA BA NA CHOS KYI MKHAN PO SDE SNOD GSUM LA MKHAS PA, BRAM ZE AAG NI DA TI PU TRA STE MES BYIN GYI BU ZHES BYA'O, ,MING NI SHI shYA KA STE, SLOB MA CAN ZHES BGYI BA ZHIG DGON PA'I GNAS NA GNAS PA DE SPYAN DRANGS NAS MCHOD BKUR BGYIS NA SDIG PA 'BYANG RNGO THOGS SO ZHES GSOL PA DANG, RGYAL PO'ANG DGYES NAS DGE SLONG SHI shYA KA'ANG 'GUGS PA BTANG NAS RGYAL PO'I DRUNG DU 'ONGS SO, ,DE NAS MKHAN PO SHI shYA KA LA RGYAL POS PHYAG BYAS TE, MKHAN PO, BDAG GIS SDIG BYAS PA RNAMS CIS 'BYANG BAR 'GYUR ZHES GSOL PA DANG, MKHAN POS SMRAS PA, RGYAL PO CHEN PO DKON MCHOG GSUM LA LO BCU GNYIS KYI BAR DU MCHOD CING SKYABS SU SONG NA SDIG RNAMS 'BYANG BAR 'GYUR RO ZHES SMRAS PA DANG, DE NAS RGYAL PO DU SBRAS HA STAS PHO NYA MANG PO PHYOGS BCUR BTANG STE, 'DZAM BU'I GLING NA DGE SLONG 'DUG GO COG BKUG STE,
'DZAM BU'I GLING GI DGE SLONG RI LA 'ONGS TE, CHU BO GANG G'A'I PHA ROL YUL KO'U SHA MA B'I'I RGYAL PO DU SPRAS HASTA'I GNAS GA LA BA DER BSDUS PAS 'DZAM BU'I GLING GI YUL KHAMS GZHAN NA CHOS SPYOD PA DANG, DGE SLONG DAG MED PAR 'GYUR RO, ,DGE SLONG BSDUS PA DE'I TSE NA LAM DU DGE SLONG GYAG CING CHUD ZOS PA'ANG MANG STE, RGYAL PO'I PHO BRANG DU NI 'BUM TZAM ZHIG PHYIN PAR 'GYUR RO, ,DGE SLONG LAM DU GYAG CING CHUD ZOS PA'ANG GCAN GZAN SNA TSOGS DANG, MI RGOD DANG, CHU LA SOGS PAS PHAL KHYER TE CHUD ZOS SO, ,DGE 'DUN MANG PO PHYIN PA DANG, RGYAL POS MCHOD STON DRANGS, YON PHUL TE MCHOD PA BYAS SO, ,DE'I TSE DGE 'DUN RNAMS GCIG LA GCIG GTAM DU SMRAS PA, KHYED KYI MKHAN PO GA RE, SLOB MA GAR SONG; GROGS PO KHRIMS ZLA GA RE ZHES SO SOR GTAM DU GLENGS PA DANG, STAG DANG, SENG GE DANG, MI RGOD KYIS BSAD PA DANG, CHUS KHYER BA DANG, NAD KYIS BTAB NAS SHI BA LA SOGS PA'I GTAM BYAS NAS DGE SLONG SO SO NAS MYA NGAN LANGS TE NGUD MOS 'DEBS TE BRANG RDUNG NGO, ,DE NAS DE'I TSE RGYAL POS MYA NGAN MA BGYID MA DU ZHES BSGO BA DANG, DGE 'DUN RNAMS MA NYAN PA DANG, RGYAL PO'ANG MI DGA' NAS KHA PHYOGS TE NYAL LO, ,NYAL BA'I TSE SMON LAM DU BTAB PA, GANG ZAG GI DGE 'DUN LA NI SKYABS SU SONG NAS MCHOD PA BYAS NA, BDAG GIS DGRA BCOM
, ,PA'I ZHAL MA MTHONG STE, BDAG GIS DGRA BCOM PA ZHIG GI ZHAL MTHONG BAR SHOG CIG CES SMON LAM DU BTAB PA DANG, 'JIG RTEN GYI LHA ZHIG GIS RMI LTAS SU BSTAN PA, GAN DHA M'A DE NA STE SPOS NGAD LDANG ZHES BYA BA'I RI LA SU DHA NA PU TRA RARNA SHA STE TSONG DPON NOR BZANG GI BU ZHES BYA BA RAB TU BYUNG BA SU RA TA STE DES PA ZHES BYA BAR MING BTAGS PA DGRA BCOM PA'I 'BRAS BU THOB PA ZHIG BZHUGS TE, DE SPYAN DRANGS NAS BSNYEN BKUR BYAS TE, DE LA SDIG BSHAGS NA SDIG KYANG 'BYANG, THE TSOM YANG BRAL BAR 'GYUR RO ZHES LHAS BSTAN PA RMIS PA DANG, RGYAL PO SAD PA DANG 'PHRAL DU PHO NYA BKYE STE, SPOS NGAD LDANG GI RI LAS DGRA BCOM PA SU RA TA SPYAN DRANGS TE, RGYAL PO'I PHO BRANG DU BYON PA DANG, RGYAL POS KYANG TSUL BZHIN DU PHYAG BYAS SHING MCHOD DE BSNYEN BKUR BYAS SO, ,DE'I DUS NA TSES BCU BZHI'I NUB MO DGE 'DUN RIL GYIS 'DUS PA'I NANG NAS, DGE SLONG GSAR ZHUGS RNAMS KYIS SDE SNOD GSUM SHES PA'I MKHAN PO shYA KA LA PR'A TI MO KshA GDON PAR GSOL BA LAS, SHI shYA KA NA RE, MI LA MIG ZHAR, SNA DANG, RNA BA MED NA ME LONG CI DGOS, BLTAR CI YOD, 'DUL BA BSHAD KYANG KHYED 'DUL BA LTAR MI SPYOD, TSUL KHRIMS MI BSRUNG BA LA 'DUL BA BSHAD KYANG CI PHAN ZHES SMRAS PA DANG, DE'I TSE SU RA TA ZHES BYA BA DGRA BCOM PAS SENG GE'I SGRA BYUNG
NAS SMRAS PA, SANGS RGYAS BCOM LDAN 'DAS KYI TSUL KHRIMS NGAS MNOS NAS DA TZAM GYI BAR DU RTZVA MCHOG TZAM YANG MA NYAMS NA, 'DI SKAD MA ZER BAR PR'A TI MO KshA THON CIG PAR SMRAS PA DANG, MKHAN PO SHI shYA KA'ANG DGRA BCOM PAR NGO SHES TE RAB TU SKYENGS NAS CANG MI ZER BA DANG, SHI shYA KA'I SLOB MA DGE SLONG AAm GA DA STE DPUNG GI TSOGS 'JIGS SU RUNG ZHES BYA BA DE 'KHOR 'DUG PA'I NANG NAS LANGS TE SU RA TA ZHES BYA BA DGRA BCOM PA DE LA KHYED CI STE NGA'I MKHAN PO LA DE SKAD SMRA, KHYOD KHRIMS KYANG MED, 'DUL BA'ANG MI SHES NA, NGA'I MKHAN PO SDE SNOD GSUM LA MKHAS PA DE LA CI'I PHYIR KHA ZLOGS ZHES KHROS NAS SGO GTAN BLANGS TE, DGRA BCOM PA BRDEGS NAS BSAD DO, ,DE'I TSE CHOS LA DGA' BA'I GNOD SBYIN DA DHI MU KHA ZHO GDONG DIR RGA MU KHA ZHES BYA BAS LAG PAR RDO RJE THOGS NAS MNGON DU BYUNG STE, DGE SLONG AAm GA DA LA, CI STE DGRA BCOM PA BSAD CES ZER TE RDO RJE PHYUNG NAS BSAD DO, ,DE'I DUS NA DGE SLONG GI RAD CES BYA BAS MKHAN PO SHI shYA KA BRDEGS TE BSAD DO, ,DE NAS DE'I RJES LA DGE 'DUN RIL GYIS 'KHRUGS NAS GCIG GIS GCIG BSAD DE GCIG KYANG MA LUS SO, ,DE'I DUS NA NAM MKHA' LA LHA KLU LA SOGS PA CHOS KYI SRUNG MA PHAL PO CHE MA DGA' NAS DUS PA'I MCHI MA NI KHRAG DANG, ME'I
, ,CHAR BAB BO, ,NAM MKHA' DAG NI SER DANG, NAG POR GYUR, GLOG DANG, SGRA CHEN PO BYUNG, SKAR MA DH'U MA KE TU ZHES BYA BA LUS LAS DU BA NAG PO GTONG BA ZHIG BYUNG NAS, DES SKAR MA DANG, ZLA BA LA SOGS PA 'OD KYANG MED, GCIG KYANG BLTAR MI SNANG BAR 'ONG NGO, ,DE'I DUS NA SUM CU RTZA GSUM GNAM GYI LHA DANG, YUM M'A Y'A DE B'I LA SOGS PA 'KHOR PHAL MO CHE DANG DER 'ONGS NAS DGE 'DUN GYI GOS TSON CAN RIL GYIS BSDUS NAS KHYER BAR 'ONG NGO, ,DE'I DUS NA RGYAL POS 'DI LTA BU'I KU CO SGRA CHEN PO BYUNG BA CI LAS GYUR CES SMRAS PA DANG, DGE 'DUN 'KHRUGS NAS GCIG GIS GCIG BSAD PAR GYUR TO ZHES GSOL PA DANG, RGYAL PO MI DGA' STE, LANGS NAS THO RANGS MKHAR GYI PHYI ROL GYI LHA KHANG DU PHYIN PA DANG, DGE 'DUN LA LA NI MGO BCAD, LA LA NI MIG PHYUNG, LA LA NI RKANG LAG BCAD DE, DE LTAR SNA TSOGS SU SHI BA MTHONG NAS, DGRA BCOM PA DANG, SHI shYA KA SDE SNOD GSUM SHES PA'I MKHAN PO'I RO BTZAL NAS GNYIS KA'I RO SNYED PA DANG, MCHAN KHUNG G-YAS G-YON DU BZHAG NAS DGRA BCOM PA NI NGA'I PHA YIN; SHI shYA KA NI CHOS KYI MDZOD YIN, 'DI GNYIS 'DAS PAR GYUR PA NI DA PHYIN CAD NGA'I LUS DANG, SROG KYANG GCES PA MED, RGYAL SRID KYANG SU 'DOD PA LA SBYIN NO ZHES
SMRAS PA DANG, MIG KYANG LDONGS TE MI SNANG BAR GYUR TE, DE'I DUS NA BLON PO RNAMS KYIS RGYAL PO LA SNYING BRTZE STE, MYA NGAN BSANG BA'I PHYIR MI LNGA BRGYA BANDE LTAR BCOS TE, SKRA DANG, KHA SPU BREG TU SPU GRIS MA CHOD NAS, SKRA DANG, KHA SPU MES BSREGS, TSON SNA BRGYA YANG DE'I CHE NUB PAS BANDE LNGA BRGYA YANG CHOS GOS MI BDOG NAS PHYUGS NAG PO DANG, DMAR PO'I KO BA GYON TE, BANDE LTAR BCOS NAS RGYAL PO'I DRUNG DU 'ONGS SO, ,BLON POS RGYAL PO LA BANDE LNGA BRGYA 'ONGS SO ZHES GSOL PA DANG, RGYAL PO DGA' NAS MIG PHYE STE BANDE DAG LA BRTAGS NA, BANDE YANG RIL GYIS PHYUGS KYI PAGS PA GOS SU GYON LA, SKRA DANG, KHA SPU MA BREGS PAR MES BSREGS PA NI MA MTHONG NAS RGYAL PO YANG DGA' STE, DKON MCHOG GSUM LA MCHOD PA'I YO BYAD 'ON CIG CES BSGO NAS BANDE DE RNAMS LA MCHOD DE, BANDE RNAMS LA RGYAL POS ZHIB TU BRTAGS NA, PHYUGS KYI PAGS PA CHOS GOS SU GYON LA, SKRA DANG, KHA SPU MA BREGS PAR MES BSREGS PA GSAL BAR MTHONG NAS RGYAL PO NYID SOM NYI RU GYUR TE, 'DI DAG DGE SLONG NI MA YIN MOD KYI, BDAG GIS CUNG ZAD CIG DRI'O SNYAM NAS DGE SLONG GI LTA BA DANG, TSUL KHRIMS GANG YIN ZHES DRIS NA, DE RNAMS GANG GIS KYANG DGE SLONG GI LTA BA DANG, TSUL KHRIMS DANG, BRTUL ZHUGS CUNG ZAD KYANG MI SHES
, ,PAS RGYAL PO DE LA LAN MA BTAB PAR CANG MI SMRA BAR 'KHOD PA DANG, RGYAL POS BSAMS PA, DA NI SANGS RGYAS KYI BSTAN PA NUB STE, DKON MCHOG GSUM GYI TSUL YANG DAG PAR RGYUN CHAD PA LTA ZHIG SNYAM NAS RGYAL PO YANG MYA NGAN CHEN PO LANGS TE DU BAR 'GYUR RO, ,DE NAS RGYAL PO DES BANDE PHAL PO CHE BTUNGS TE SHI BA'I RO RNAMS BLANGS TE BSREGS NAS MCHOD PA BYAS TE, DE'I 'OG TU RGYAL PO NYID KYANG BSTAN PA NUB PA'I THUGS NGAN GYIS ZHAL 'TSOS TE 'DAS SO, ,DE'I TSE DE'I DUS NA 'DZAM BU'I GLING GI DAM PA'I CHOS RIL GYIS NUB STE, GSUNG RAB KYI YI GE RNAMS KYANG DUNG BYIS PA BZHIN DU BLTAR MI MNGON PAR GYUR TO, ,GSER NI DNGUL DU 'GYUR RO, ,DNGUL NI ZANGS DANG, LCAGS SU 'GYUR RO; ;ZANGS DANG, LCAGS NI RDOR 'GYUR RO, ,RIN PO CHE DANG, MU TIG NI RVAR 'GYUR RO, ,KHA ZAS NI RO DRUG YOD PA LA MNGAR BA DANG, SKYUR BA DANG, LAN TSVA'I RO LA SOGS PA NI NUB BO, , KHA BA DANG, BSKA BA GNYIS NI LUS SO, ,SANGS RGYAS BCOM LDAN 'DAS SH'AKYA THUB PA LA 'PHAGS PA ZLA BA'I SNYING POS ZHUS PA'I MDO LAS, SANGS RGYAS MYA NGAN LAS 'DAS NAS BSTAN PA GNAS PA DANG, 'JIG PA'I TSUL LUNG BSTAN PA'I SKABS RDZOGS SO,,