, ,RGYA GAR SKAD DU, BADZRA SVA RA SVA T'I S'A DHA NAm, BOD SKAD DU, RDO RJE DBYANGS
, ,CAN MA'I SGRUB THABS, RDO RJE DBYANGS CAN MA LA PHYAG 'TSAL LO, ,RDO RJE BZHI'I RIM PAS SGRUB THABS BRI BAR BYA'O, ,SNGON MA BZHIN DU SNYING GAR AAm YIG LAS ZLA BA BSGOMS TE SDIG PA BSHAGS NAS DANG POR STONG PA'I BYANG CHUB KYI MTHAR THUG PA, PAm YIG LAS SKYES PA'I CHU SKYES LA ZLA BA, AAm YIG GI SA BON LAS SPRO BA LA SOGS PA LAS YANG DAG PAR BYUNG BA'I SKU MDOG DKAR MO YID DU 'ONG BA, PHYAG G-YAS NA CHU SKYES DMAR PO BSNAMS PA, G-YON NA SHES RAB KYI PHA ROL TU PHYIN PA'I PU STI BSNAMS PA, RDO RJE BSDU BA'I PHYAG RGYAS AOm BADZRA SA M'A DZA: DZ'A:DZ'A:DZ'A:ZHES PAS YE SHES SEMS DPA' GZHUG PA LA SOGS PA SNGON DU 'GRO BAS SHES RAB KYI PHA ROL TU PHYIN MA RDO RJE SKYIL MO KRUNG GIS BZHUGS PA BSGOM PAR BYA'O, ,DE'I THUGS KAR ZLA BA LA GNAS PA'I AOm YIG BSGOMS NAS SPRA BA DANG BSDU BA LA SOGS PA'I RIM PAS SNGAGS BZLAS PAR BYA'O, ,AOm PI TZU PI TZU PRADZNY'A BARDHA NI, DZVA LA DZVA LA ME DHA BARDHA NI, DHI RI DHI RI BUDHI BARDHA NI SV'AH'A, MAR ME'I PHRENG BA BZHIN DU 'BAR BZHIN PA ZHAL NAS 'THON TE LTE BA'I DKYIL 'KHOR LA RAB TU ZHUGS PAR BSAM PAR BYA'O, ,DE BZHIN DU GZHAN YANG 'DIS BLTA BAR BYA'O, ,DE BZHIN DU YANG GSUNGS TE, DANG PO STONG PA'I BYANG CHUB STE, ,GNYIS PA SA BON BSDU BA YIN, ,GSUM PA GZUGS NI RDZOGS PA BZHIN, ,BZHI PA YI GE DGOD PA'O, ,RDO RJE DBYANGS CAN MA'I SGRUB THABS RDZOGS SO,,