, ,RGYA GAR SKAD DU, ,BADZRA B'I nA SVA RA SVA T'I S'A DHA NAm, BOD SKAD DU, RDO RJE PI WANG DBYANGS CAN MA'I SGRUB THABS, RDO RJE DBYANGS CAN MA LA PHYAG 'TSAL LO, ,DANG POR CHOS ZHABS LA BTUD NAS, ,SHES RAB DE NYID NYER STON PA'I, ,'KHOR LO 'JIG RTEN PHAN 'BYUNG BA'I, ,DBYANGS CAN MA 'DIR BSHAD PAR BYA, ,GANG ZHIG BDE BA'I STAN LA GNAS, ,STONG NYID RNAL 'BYOR BSGOM PAR BYA, ,SA BON CHU SKYES DE BZHIN DU, ,BDUN PA'I GNYIS PA LA GNAS PA'I, ,BRGYAD PA YI NI BZHI PA LAS, ,DANG PO YI NI BZHI PAS BRGYAN, ,DE LA THIG LE DANG BCAS PA, ,DE LAS BYUNG BA'I DBYANGS CAN MA, ,PI WANG SGROGS
SHING DE BZHIN TU, ,ZLA BA DKAR PO'I 'OD GSAL LA, ,RGYAN RNAMS KUN GYIS RNAM PAR BRGYAN, ,NGES BZHUGS LHA MO CHEN MO NI, ,'PHEL BYED KYI GNAS BSAM PAR BYA, ,DANG PO'I YI GE LAS SKYES PA'I, ,'KHOR LOR RTZIBS BRGYAD KYIS BRGYAN PA, ,DE DBUS ZLA BA LA GNAS PA, ,DE YI SA BON BRTAN BAR BSAM, ,DE LAS DE YI 'OD ZER GYIS, ,BDAG GI LUS 'DI SNANG BAR MDZAD, ,DE NAS BA SPU'I KHUNG NAS NI, ,'THON GYUR SRID PA MA LUS PA'I, ,MI SHES RAB RIB BCOM NAS NI, ,SLAR YANG RANG NYID LA ZHUGS TE, ,LNGA PA'I 'OG NAS DRUG PA YI, ,DBYANGS LA THIG LE GNYIS KYIS BRGYAN, ,AA A'I SNGON BZHIN AU DANG AEE, ,AOm DANG AA:YIS NYE BAR MTSON, SNYING GA SPYI BO'I GTZUG DANG NI, ,MGRIN PA MIG DANG PHRAG PA LA, ,CHO GA 'DI YIS BKOD NAS NI, ,'DI YIS TSANGS BAR SPYAD PAR BYA, ,DE RJES 'KHOR LO 'KHOR BA YIS, ,MUN CHEN SNYING LA GNAS PA LA, ,MI G-YO RANG GI SA BON LA, ,BLO DANG LDAN PAS BRTAN PAR BSGOM, ,DE NAS 'BUM DU BZLAS PAR BYA, ,BDUN GYI GRANGS DANG LDAN PA YIS, ,RNAM SPYOD RAB TU DANGS PA YIS, ,THUGS KAR LHA MO DBYANGS CAN MA, ,TSIGS BCAD RKYANG PA MA LUS PA'I, RANG BZHIN GNYIS PA NGAG DBANG BZHIN, ,SNGON MA MTHONG BA SHES PAR 'GYUR, ,SNGAGS SOGS KUN GYI NGAG RANG BZHIN, ,SNYAN NGAG RGYAL PO 'KHOR LO 'DI, ,DE DON LO PHYED BSTEN PAS 'PHEL, ,STEN BYED RTA DBYANGS DANG MTSUNGS PA, YUN MI RING BAS STER BAR BYED, ,RDO RJE PI WANG DBYANGS CAN MA'I SGRUB THABS RDZOGS SO,,