, ,RGYA GAR SKAD DU, BADZRA SVA RA SVA ST'I S'A DHA NAm, BOD SKAD DU, RDO RJE DBYANGS CAN MA'I SGRUB THABS, 'PHAGS MA DBYANGS CAN MA LA PHYAG 'TSAL LO, ,SNGON DU GSUNGS PA'I CHO GAS SNYING GAR CHU SKYES DMAR PO ZLA BA LA DO:YIG DMAR PO'I SA BON YONGS SU GYUR PA LAS CHU SKYES DMAR PO 'DAB MA BRGYAD PA LA RANG GI SA BON GYI SNYING PO CAN, DE YONGS SU GYUR PA LAS, BCOM LDAN 'DAS MA RDO RJE DBYANGS CAN MA ZHAL GSUM PA, PHYAG DRUG PA, SKU MDOG DMAR MO SPYAN GSUM MA, SNGON PO DANG DKAR PO NI G-YAS DANG G-YON GYI ZHAL LO, ,PADMA DANG, RAL GRI DANG, GRI GUG RNAMS PHYAG G-YAS PA RNAMS NA BSNAMS PA, THOD PA DANG, RIN PO CHE DANG, 'KHOR LO RNAMS PHYAG G-YON PA RNAMS NA BSNAMS PA, ZHABS G-YON BRKYANG BA'I GZHON NU MA'I LANG TSO DANG LDAN PA, RGYAN SNA TSOGS PA 'CHANG BA, THUGS KAR GNAS PA'I SA BON GYI MTSAN MAS GZHAN GYI DON MDZAD PAR SPRO BA'I BDAG NYID BSGOMS NAS, AOm PI TZU PI TZU PRADZNY'A BARDHA NI, DZVA LA DZVA LA ME DHA BARDHA NI, DHI RI DHI RI BU DHI BARDHA NI SV'A H'A, ZHES PA'I SNGAGS BZLAS PAR BYA'O, ,RDO RJE DBYANGS CAN MA'I SGRUB THABS RDZOGS SO,,