, ,RGYA GAR SKAD DU, A'ARYA BADZRA SVA RA SVA T'I S'A DHA NAm, BOD SKAD DU, 'PHAGS MA RDO RJE DBYANGS CAN MA'I SGRUB THABS, 'PHAGS MA RDO RJE DBYANGS CAN MA LA PHYAG 'TSAL LO, ,YANG DAG RDZOGS SANGS RGYAS GSUNGS GSAL SBYIN YON TAN RANG BZHIN RDO RJE DBYANGS CAN MAR BTUNG NAS, ,RANG LA PHAN PA YANG DAG SGRUB MDZAD MDZES PA'I NYAMS LNGA RTZOD PAS THUB PAR DKA' MDZAD MA, ,DE YI SGRUB THABS 'DI NI KUN NAS YANG DAG MI BZAD MI SHES MUN PA 'JOMS MDZAD PA, ,BLO NGAN RNAMS KYIS
, ,RTOGS PHYIR SEMS CAN PHAN PHYIR LEGS PAR GSUNGS PA'I CHO GAS BSHAD PAR BYA, ,DANG POR SNGA BAR KHA LA SOGS PA DAG PA'I RANG BZHIN SNYING RJE DANG LDAN BZOD LDAN PAS, ,SNGAGS PAS GTZANG BA'I STAN LA BYAMS PA'I DGA' BAS MYOS SHING GANG ZHIG DGA' BA DANG LDAN PAS, ,GNAS KYANG YID DU 'ONG ZHING DBEN BAR YANG NI RANG GI SNYING GAR CHU SKYES BLTA BAR BYA, ,DE LAS SPRUL PA LAS BYUNG RI BONG 'DZIN PA YANG DAG BSGOM PAR BYA'O DE LA YANG, ,DO:YIG 'OD ZER RNAMS KYIS PHYOGS DANG BAR RNAMS KYANG NI 'DI YIS YONGS SU GANG BAR GYUR, ,DE NAS SANGS RGYAS TSOGS RNAMS MDUN DU BLTAS NAS 'DIR NI MCHOD PHAL SOGS BSGOM PAR BYA, ,ME TOG LA SOGS DE NAS PHYAG 'TSAL SLAR YANG 'DIR NI SDIGS PA RAB TU BSHAGS PA BYA, ,DE BZHIN BSOD NAMS RJES SU YI RANG SNGAGS RIG PA YIS GSUM LA SKYABS SU YANG DAG 'GRO, ,ZHES PA LA SOGS SMON LAM LEGS BTAB DE YIS BDAG NYID KYANG NI DMIGS PA RAB TU BYA, ,GCIG DANG DU MA DANG BRAL RANG BZHIN YONGS SU BRJOD PA DRI MED YANG DAG SHES RTOGS PA, ,DE NAS SNA TSOGS RNAM RTOG DRA BA MA LUS THAMS CAD STONG PA NYID DU BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm, STONG PA NYID LAS BYUNG BA CHU SKYES DANG NI ZLA BA LA GNAS DO:YIG DMAR PO STE, SLAR YANG SNA TSOGS 'OD ZER TSOGS RNAMS SHIN TU MDZES PAR GYUR PA'I PADMA 'DAB BRGYA DA PA, ,DE LA DMAR ZHING 'OD ZER CHEN PO DANG LDAN BCOM LDAN 'DAS MA MDZES PA'I RGYAN GYIS BRGYAN, ,G-YON BRKYANG BA YI ZHABS KYIS YANG DAG GNAS SHING ZHAL GSUM PHYAG DRUG GIS NI RAB BRGYAN PA, ,G-YAS PA'I ZHAL NI SNGO ZHING PHYAG NA PADMA RAL GRI GRI GUG RAB TU BSNAMS PA STE, ,G-YON ZHAL DKAR ZHING PHYAG NA LHUNG BZED DANG BCAS RIN CHEN BZANG DANG 'KHOR LO DE BZHIN NO, ,SNYING GAR PADMA LA GNAS ZLA BA'I DBUS SU GNAS PA'I DER YANG DO:YIG 'OD GSAL BAS, ,SNA TSOGS MI SHES MUN BA 'JOMS PA'I 'OD ZER GYIS NI 'GRO BA MA LUS 'GENGS MDZAD PA, ,YANG DAG BSDUS LA RANG GI SNYING GAR ZLA BA LA GNAS SA BON BLTAS LA SLAR YANG SPRO,,
DE NYID YANG DANG YANG DU RTAG TU SNYOM LAS MED PAR NYI MA SO SOR BSAM PAR BYA, ,BSAM GTAN NGAL NA SA BON MNYAM SKYES BSDUS LA SNGAGS 'DI YIS NI BZLAS PA RAB TU BYA, ,DO SHAL G-YO ZHING NYIN BYED RIM PAS 'BYUNG BA'I YID BZHIN DU NI SNGAGS KYIS BZLAS PAR BYA'O, ,AOm PI TZU PI TZU PRADZNYA WARDHA NI, DZRA LA DZVA LA, ME DHA WARDHA NI, DHI RI DHI RI BUDHI WARDHA NI SV'A H'A, THUN MTSAMS THAMS CAD DU NI LHA MO'I SKU LA YID NI RTAG TU RAB TU DGA' BA YIS, ,YANG DAG GSUNGS PA'I CHO GAS SEMS CAN RNAMS GYI DON GYUR SNGAGS 'DI YONGS SU BZLAS PAR BYA, ,BSOD NAMS KYANG NI YONGS SU BSNGO BYA DGOS PA BYED NA BSAM GTAN RTZE GCIG GNAS PAR SPYOD, ,JI SRID 'BUM PHRAG YONGS SU MA RDZOGS PA'AM RDZOGS NAS KYANG NI LAS KYI RIM BZHIN BYA, ,RNAM PA THAMS CAD DU NI MI MTHUN PHYOGS SU NYE BAR YANG YANG DE NYID BSAM GTAN BYED, ,DKAR PO'I TSES GCIG NAS NI SHIN TU DGE BA'I YID KYIS JI SRID ZLA BA GNAS KYI BAR, ,DE SRID LEGS SPYAR DE BZHIN NUB RE BZHIN DU JI SRID ZLA BA GANG BA BZHIN DU BYA, ,DE NYID KYI NI MTSAN MO THUB PAR DKA' BA'I SNYAN NGAG MKHAN GYI DNGOS GRUB THOB PAR 'GYUR, ,GANG ZHIG DPAL LDAN GSHIN RJE GSHED KYI RGYUD LA GNAS SHING DPAL LDAN NAG PO'I GZI BRJID KYIS, ,DPAL LDAN RDO RJE DBYANGS CAN BCOM LDAN 'DAS MA DE YI YANG DAG SGRUB PA'I THABS GYUR PA, ,SEMS CAN RNAMS LA PHAN PA'I DON DU BDAG GIS BRTZAMS PA'I BSOD NAMS YANG DAG THOB GYUR PA, ,DE YIS 'GRO RNAMS NAG PO LTA BUR THUB PAR DKA' BA'I SNYAN NGAG MKHAN DU GRUB PAR SHOG ,SANGS RGYAS RNAL 'BYOR DPAL 'DZIN GYIS, ,DPAL LDAN RDO RJE DBYANGS CAN GYI, ,'JOMS BYED MTHAR NI BYED PA YI, ,SGRUB PA'I THABS NI LEGS BYAS SO, ,'PHAGS MA RDO RJE DBYANGS CAN MA'I SGRUB THABS SLOB DPON DPAL 'DZIN GYIS MDZAD PA RDZOGS SO,,