, ,RGYA GAR SKAD DU, PRADZNY'A P'A RA MI T'A S'A DHA NAm, BOD SKAD DU, SHES RAB KYI PHA ROL TU PHYIN MA'I SGRUB THABS, SHES RAB KYI PHA ROL TU PHYIN MA LA PHYAG 'TSAL LO, ,YID 'ONG GNAS NI 'GA' ZHIG TU, ,BDE BA'I STAN LA 'DUG BYAS NAS, ,RNAL 'BYOR BYAMS DANG SNYING RJER LDAN, ,SNGAGS NI LAN GSUM BRJOD PAR BYA, ,AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES PAS BRTAN DANG G-YO BA'I DNGOS, ,DAG GI LUS KYANG THAMS CAD DU, ,SEMS KYIS STONG NYID BSGOM PAR BYA, ,RMI LAM RMI LAM MTSUNGS PA RU, ,PAm YIG RNAM PA LAS SKYES PA'I, ,PADMA ZLA BA'I GDAN GNAS PA'I, ,DH'I:YIG SER PO DGOD BYA STE, ,DE YIS BDAG NYID BCOM LDAN MA, ,PHYAG GNYIS SHES RAB PHA ROL PHYIN, ,SNA TSOGS GOS 'CHANG SNA TSOGS RGYAN,, CHOS 'CHAD PHYAG RGYA YANG DAG LDAN, ,SGEG PA GCIG PU'I NYAMS LDAN ZHING, ,RDO RJE SKYIL KRUNG YANG DAG GNAS, ,PUSTI DANG BCAS CHU SKYES NI, ,G-YON GYI LOGS SU BSNAMS PA'O, ,SPYI BO MGRIN PA SNYING GNAS SU, ,ZLA BA LA GNAS DE NYID GSUM, ,AOm A'A:H'Um, A'A:YIG
H'Um YIG DAG GI DBUS, ,ZLA BA DHI:YIG SER PO YI, ,'OD ZER RNAM PAR BSGOMS NAS NI, ,DE NAS SKU MDOG SER MO BSGOM, ,KUN RDZOB KYI NI RNAL 'BYOR PAS, ,SHES RAB SHES RAB BSGOM PAR BYA, ,DON DAM PA NI RTOGS PA'I SKU, ,SHES RAB BDAG NYID CHEN POR GSUNGS, ,GANG GIS BYANG CHUB NGES THOB PA'I, ,RIM PA SBYOR BAS RGYAL BAR 'GYUR, ,STON KA'I ZLA BA LTA BU YI, ,DKAR BA'I SEMS NI RNAM PAR BSGOM, ,SNA TSOGS G-YO DANG MI G-YO BA, ,PHYI NAS NAM MKHA'I DPE DANG 'DRA, ,RNAM RTOG MA LUS STONG PA STE, ,RANG BYUNG STONG PA GZUGS KYANG MED, , GZUGS SGRA DRI DANG RO DANG NI, ,REG BYA LA SOGS GZUNG DANG 'DZIN, ,RTOG PAS YONGS SU MA GOS PA, ,BSAM MI KHYAB PA'I RKYEN LAS BYUNG, ,YANG DAG RDZOGS PA'I BYANG CHUB GNAS, ,KUN MKHYEN SEMS KYI GO 'PHANG NGO, ,DE LA BZLAS PA'I SNGAGS NI 'DI'O, ,AOm BRADZNYE MA H'A PRADZNYE SHRU TI SMRi TI BI DZ'A YE DH'I:SV'A H'A, SHES RAB PHA ROL PHYIN BSGOM PA'I, ,BDAG BYAS BSOD NAMS GANG THOB PA, ,DE YIS 'JIG RTEN MA LUS KUN, ,SHES RAB PHA ROL PHYIN YUM SHOG ,SHES RAB KYI PHA ROL TU PHYIN MA'I SGRUB THABS RDZOGS SO,,