, ,RGYA GAR SKAD DU, SHU KL'U PRADZNY'A P'A RA MI T'A S'A DHA NAm, BOD SKAD DU, SHES RAB KYI PHA ROL TU PHYIN MA DKAR MO'I SGRUB THABS, 'PHAGS MA SHES RAB KYI PHA ROL TU PHYIN MA LA PHYAG 'TSAL LO, ,SNGON DU GSUNGS PA'I CHO GAS RANG GI SNYING GAR CHU SKYES DKAR PO DANG ZLA BA'I DKYIL 'KHOR LA PHYIR YIG DKAR PO RNAM PAR BKOD PA LA DE BZHIN DU SNGON MA BZHIN DU THAMS CAD BYA'O, ,PRAm YIG DANG PADMA YONGS SU GYUR PA LAS BCOM LDAN 'DAS MA SKU MDOG DKAR MO ZHAL GCIG PHYAG GNYIS PA LUNG DANG RTOGS PA'I GZUGS CAN MA, RIN PO CHE'I COD PAN BSNAMS PA, SHES RAB KYI PHA ROL TU PHYIN PA'I PUSTIS MTSAN PA'I CHU SKYES GNYIS G-YON DANG G-YAS KYI LOGS NGAG GI NANG DU LANGS BA BSNAMS PA'I PHYAG DAG GIS CHOS 'CHAD PA'I PHYAG RGYA MDZAD PA, PADMA DKAR PO DANG ZLA BA LA RDO RJE SKYIL KRUNG GIS BZHUGS PA, LANG TSO GZHON ZHING DAR LA BAB PA, NA BZA' DANG RGYAN RNAM PA SNA CHOGS PAS BRGYAN PA, SO SOR SNANG BA TZAM RAB TU 'PHRO BA'I SNA TSOGS PA'I 'OD ZER GYI TSOGS KYIS NAM MKHA' GANG BA, MAR ME'I PHRENG BA LTA BU THOGS PA MED PA'I SHES RAB KYI PHA ROL TU PHYIN PA DPAG TU MED PA SPRO ZHING BSDU BA'I SBYOR BAS THAMS CAD RANG BZHIN GCIG TU LHAG PAR MOS PAS JI SRID SHES RAB KYI PHA ROL TU PHYIN MA MNGON DU MA GYUR PA DE SRID DU BSGOM PAR BYA'O, ,DE NAS GANG GI TSE DGONG BAR GYUR NA PADMA DKAR PO SNA'I RTZE MOR TZA NA KA'I TSAD TZAM KUN NAS BRIS PA BZHIN DU RNAM PAR BSGOMS LA, DE LA BZHUGS PA'I SHES RAB KYI PHA ROL TU PHYIN MA SHIN TU PHRA BAR GSUNGS PA'I GZUNGS LA RTZE GCIG PA'I YID KYIS YANG DANG YANG DU MNGON DU BYA ZHING BSGOM PAR BYA'O, ,DE NAS BSKYED PA'I RIM PA'I PHYOGS KYI SNGAGS NI AOm KHRAm SV'A H'A, RDZOGS PA'I RIM PA'I PHYOGS LA NI, ,SNGAGS MED DON DAM RIM PA'O, ,SHES RAB PHA ROL PHYIN MA YI, ,MAN NGAG THOB PA'I RNAL 'BYOR PA, ,DGE 'DUN BYIN GYI BU YIS NI, ,RIGS KYI MING GIS KYANG 'BAD NAS, ,SEMS CAN KUN GYI DON
PHYIR DU, ,SGRUB THABS GSAL PO 'DI BRIS SO, ,SHES RAB KYI PHA ROL TU PHYIN MA DKAR MO'I SGRUB THABS SLOB DPON DGE 'DUN BYIN GYI BUS MDZAD PA RDZOGS SO,,