354 · GMLW-002714

An Exalted Sutra of the Greater Way entitled "A Teaching on the Causes and Results of Good and Bad" (Ārya Bhadra Duṣṭa Hetu Phala Nirdeśa Nāma Mahāyāna Sūtra)

'PHAGS PA LEGS NYES KYI RGYU DANG, 'BRAS BU BSTAN PA ZHES BYA BA THEG PO CHEN PO'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:KarmaVirtueGiving

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 354 · Sutra

מהדורהrecensionDerge

כניעה לhomage toBYANG CHUB SEMS DPA' THAMS CAD

פוליוfolios314a–330a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title74%

ז'אנרgenreRoot Texta sutra of the Greater Way; there is no Sanskrit title line

מקום החיבורplace of compositionShravastithe Buddha is in Prince Jeta's grove teaching to a boundless assembly of bodhisattvas, gods and men

אנשים ומקומותpeople and places namedAnanda · ChodrubAnanda asks for the sake of beings; the colophon: the chief editor-translator Bande CHODRUB translated it FROM THE INDIAN AND THE CHINESE manuscripts

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textyesthe head gives the Tibetan title and the closing repeats it without 'PHAGS PA

הקבציםThe files

KL00354_'PHAGS PA LEGS NYES KYI RGYU DANG, 'BRAS BU BSTAN PA ZHES BYA BA THEG PO CHEN PO'I MDO_An Exalted Sutra of the Greater Way entitled "A Teaching on the Causes and Results of Good and Bad" (Ārya Bhadra Duṣṭa Hetu Phala Nirdeśa Nāma +.txt/10. MDO MANG_Collection of Sutras (Sūtra)$$/VOL 30 (AA)$$

הטקסטThe text

טיבטיתTibetanKL00354_'PHAGS PA LEGS NYES KYI RGYU DANG, 'BRAS BU BSTAN PA ZHES BYA BA THEG PO CHEN PO'I MDO_An Exalted Sutra of the Greater Way entitled "A Teaching on the Causes and Results of Good and Bad" (Ārya Bhadra Duṣṭa Hetu Phala Nirdeśa Nāma +.txt41,349 תוויםcharacters

314a

, ,BOD SKAD DU, 'PHAGS PA LEGS NYES KYI RGYU DANG, 'BRAS BU BSTAN PA ZHES BYA BA THEG PO CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS TE, DE'I TSE BCOM LDAN 'DAS BYANG CHUB SEMS DPA' TSAD MED PA DANG, LHA DANG, MI'I 'KHOR MANG POS YONGS SU BSKOR CING, SEMS RTZE GCIG TU CHOS NYAN PA DAG LA CHOS STON PAR MDZAD DO, ,DE NAS TSE DANG LDAN PA KUN DGA' BOS SEMS CAN RNAMS KYI CHED DU, BCOM LDAN 'DAS LA 'DI SKAD CES GSOL TO, ,BCOM LDAN 'DAS, DA LTAR 'JIG RTEN NA RNAM PA GCIG TU MIR SKYES PAR MTSUNGS PA LA, KHA CIG NI SDUG CING KHA CIG NI BYAD BZHIN MI SDUG PA DANG, KHA CIG NI DPA' ZHING, KHA CIG NI ZHAN PA DANG, KHA CIG NI DBUL ZHING, KHA CIG NI PHYUG PA DANG, KHA CIG NI SDUG BSNGAL ZHING, KHA CIG NI BDE BA DANG LDAN PA DANG, KHA CIG NI YA RABS SU GYUR CING, KHA CIG NI MA RABS SU GYUR TE, SGRA DBYANGS MI MTSUNGS SHING SKAD THA DAD PAR GYUR PA DANG, KHA CIG NI LO BRGYAR LON KYANG 'CHI BAR MI 'GYUR LA, KHA CIG NI LO SUM CU LON NAS SNGAR 'GUM PA DANG, KHA CIG NI LO BCO LNGA LON NAS GLO BUR 'CHI BA DANG, KHA CIG

314b

NI MA'I MNGAL NYID DU 'GUM PA DANG, KHA CIG NI BYAD BZHIN SDUG CING MDZES PA DANG, KHA CIG NI DBUL ZHING MA RABS SU GYUR LA BYAD BZHIN MI SDUG PA DANG, KHA CIG NI PHYUG CING YA RABS SU SKYE BA DANG, KHA CIG NI DPA' ZHING DMAN PAR GYUR LA, KHA CIG NI ZHAN CING RIGS MTHONG POR SKYES PA DANG, KHA CIG NI SDUG BSNGAL ZHING TSE RING LA, KHA CIG NI BDE ZHING TSE THUNG BA DANG, KHA CIG NI DGE BA SPYAD KYANG, NONGS SKYON DANG BCAS PAR 'GYUR LA, KHA CIG NI SDIG PA BGYIS KYANG BSOD NAMS KYI PHAN YON THOB PA DANG, KHA CIG NI TSO ZHING DKAR YANG MIG YA YOR GYUR CING MI GSAL LA, KHA CIG NI SNGO ZHING GANG KYANG MNGAL BYAD DANG LDAN PA DANG, KHA CIG NI THUNG ZHING BONG THUNG YANG SEMS RTZAL DANG LDAN PA DANG, KHA CIG NI RING ZHING BONG CHE'ANG GZHAN DAG GI G-YOG BGYID PA DANG, KHA CIG NI BU TSA MNGAL, KHA CIG NI GCIG PU GNAS PA DANG, KHA CIG NI SLAD ROL TU RGYU ZHING BKRES PA DANG, GRANG BA DAG GIS NYEN PAR 'GYUR LA, KHA CIG NI KHYIM NA GNAS KYANG GOS ZAS DAG LA DGA' 'BYOR PA DANG, KHA CIG NI GZHON PA'I TSE DBUL ZHING PHONGS LA, RGAS PA'I TSE GDOD PHYUG POR 'GYUR PA DANG, KHA CIG NI YUS MA MCHIS BZHIN DU'ANG NONGS PA MA MCHIS PAR NAN GYIS GO RAR STZAL PA DANG, KHA CIG NI PHA MA'ANG SNYING RJE DANG LDAN PA, BU'ANG SRI ZHU CHE ZHING MDO SDE DANG, GTZUG LAG GI DON GLENG BAR BGYID

315a

, ,LA; KHA CIG NI PHU BO NU BO SO SOR PHYE NAS 'THAB CING RTZOD PAR BGYID PA DANG, KHA CIG NI KHANG KHYIM DAG BRTZIGS NAS 'BYOR PA SNA TSOGS DANG LDAN LA, KHA CIG NI KHANG KHYIM MA MCHIS PAS GZHAN DAG LA RTEN PA DANG, KHA CIG NI BYA 'DAB CHAGS BZHIN DU SHING DANG, THANG LA GNAS PA DANG, KHA CIG NI GCAN GZAN GYI RNAM PA DANG MTSUNGS SHING SPU'I GSOD DANG LDAN PA ZAS SU RTZVA 'TSAL ZHING KHRAG 'THUNG BA DANG, KHA CIG NI YI GE MA 'TSAL BA DANG, KHA CIG NI CI YANG MA BGYIS PAR BDE BA'I RNAM PAR SMIN PA MYONG BAR 'GYUR LA, KHA CIG NI SLA BAR BGYID PA'I GNAS KYANG MI RNYED PA DANG, KHA CIG NI DBANG PO GSAL BAS SHES PA DANG LDAN LA, KHA CIG NI DBANG PO MI GSAL BAS SHES PA DANG LDAN PA DANG, KHA CIG NI BTZAL NA GDOD THOB PAR 'GYUR LA, KHA CIG NI MA BTZAL BAR YANG RNYED PAR 'GYUR BA DANG, KHA CIG NI PHYUG KYANG SER SNA CHE LA, KHA CIG NI DBUL POR GYUR KYANG GTONG BA LA DGA' BA DANG, KHA CIG NI TSIG SMRAS PA RNAMS MNYEN ZHING DES LA, KHA CIG NI TSIG SMRAS PA RNAMS GTUM ZHING BRLANG BA DANG, KHA CIG NI MANG PO KUN GYIS BKUR ZHING SNYING DU SDUG PAR 'GYUR LA, KHA CIG NI MANG PO KUN GYIS THAG RING DU SPONG BAR BGYID PA DANG, KHA CIG NI BYAMS PA'I SEMS KYIS SROG CHAGS GSO BAR BGYID LA, KHA CIG NI SROG CHAGS DPAG TU

315b

MA MCHIS PA DAG GSOD PAR BGYID PA DANG, KHA CIG NI YANGS PA MANG PO KUN GYIS YID DU MCHI BAR 'GYUR LA, KHA CIG NI GZHAN DAG GIS SPONG BAR BGYID PA DANG, KHA CIG NI CHUNG MA DANG GYOS SGYUG LA SOGS PAS SDANG BAR 'GYUR LA, KHA CIG NI GNYEN BSHES KUN DGA' BAR 'GYUR BA DANG, KHA CIG NI CHOS KYI TSIG MNYAN PAR DGA' BA DANG, KHA CIG NI MDO SDE THOS NAS GNYID LOG BGYID PA DANG, KHA CIG NI DPA' ZHING RTZAL DANG LDAN KYANG ZHES MA MCHIS LA, KHA CIG NI TSIG 'BRU DANG, DON DAG LA SLOB PAR MOS PA DANG, KHA CIG NI DUD 'GRO'I DBYIBS THA DAD PA SNA TSOGS BGYIS PA DAG GDA' NA, BCOM LDAN 'DAS, DE DAG GI RGYU DANG, 'BRAS BU GANG LAGS PA RGYA CHER BKAS BSHAD DU GSOL, 'KHOR MANG PO RNAMS KYIS THOS SHING RTOGS PAR 'GYUR LA SEMS RTZE GCIG TU DGE BA LA GZHOL BAR 'GYUR BA LAGS SO, ,BCOM LDAN 'DAS KYIS BKA' STZAL PA, KUN DGA' BO, KHYOD KYIS JI SKAD DRIS PA DE DE BZHIN TE, RNAM PAR SMIN PA MYONG BAR MI MTSUNGS PAR GYUR PA DE DAG THAMS CAD NI, TSE RABS SNGA MA DAG LAS KYI SPYOD PA MI MNYAM PA'I DBANG GIS NA, THA DAD PA'I BYE BRAG BRGYA STONG MANG PO MYONG BAR GYUR PA YIN TE; TSE 'DI LA BYAD BZHIN SDUG PA GANG YIN PA DE NI, BZOD PA DANG DU BLANGS PAR LAS 'ONGS PA YIN NO, ,BYAD MI SDUG PA GANG YIN PA DE NI, KHONG KHRO BA LAS 'ONGS PA YIN NO, ,MIR

316a

, ,GYUR KYANG DBUL POR GYUR PA GANG YIN PA DE NI, SER SNA BYAS PA LAS 'ONGS PA YIN NO, ,MIR GYUR KYANG PHYUG POR GYUR PA GANG YIN PA DE NI, SBYIN PA BTANG BA LAS 'ONGS PA YIN NO, ,YA RABS MTHONG POR GYUR PA GANG YIN PA DE NI, GZHAN DAG LA GUS PAR PHYAG BYAS PA LAS 'ONGS PA YIN NO, ,MA RABS SU GYUR PA GANG YIN PA DE NI, NGA RGYAL BYAS PA LAS 'ONGS PA YIN NO, ,MIR GYUR KYANG LUS RING ZHING BONG CHE BA GANG YIN PA DE NI, GUS PAS BKUR STI BYAS PA LAS 'ONGS PA YIN NO, ,LUS THUD DU GANG YIN PA DE NI, CHOS LAS BRNYAS PA LAS 'ONGS PA YIN NO, ,MIR GYUR KYANG BKA' BLO MI BDE BA GANG YIN PA DE NI, SNGON LUG BYAS PA LAS 'ONGS PA YIN NO, ,MIR GYUR KYANG MANG CING RID PA GANG YIN PA DE NI, DE BZHIN GSHEGS PA'I SNANG BA BSGRIBS PA LAS 'ONGS PA YIN NO, ,MIR GYUR KYANG MCHU MI SDUG PA GANG YIN PA DE NI, MCHOD RTEN GYI BRAS MYANGS PA LAS 'ONGS PA YIN NO, ,MIR GYUR KYANG MIG DMAR BA GANG YIN PA DE NI, ME'I SER SNA BYAS PA LAS 'ONGS PA YIN NO, ,MIR GYUR KYANG MIG MI GSAL BA GANG YIN PA DE NI, KHRA'I MIG BRUS PA LAS 'ONGS PA YIN NO, ,MIR GYUR KYANG LKUGS PA GANG YIN PA DE NI, CHOS LAS SKUR PA BTAB PA LAS 'ONGS PA YIN NO, ,MIR GYUR KYANG 'ON BAR GYUR PA GANG YIN PA DE NI, CHOS THOS PAR MI DGA' BA LAS 'ONGS PA YIN NO, ,

316b

MIR GYUR KYANG SO RNON POR GYUR PA GANG YIN PA DE NI, RUS PA 'CHA' ZHING SHA ZA BAR MNGON PAR DGA' BA LAS 'ONGS PA YIN NO, ,MIR GYUR KYANG SNA DGYE BOR GYUR PA GANG YIN PA DE NI, DRI MI ZHIM PA DAG GIS DE BZHIN GSHEGS PA LA MCHOD PA BYAS PA LAS 'ONGS PA YIN NO, ,MIR GYUR KYANG MCHU SHO RER GYUR PA GANG YIN PA DE NI, NYA'I 'GRAM PA PHUG PA LAS GYUR PA YIN NO, ,MIR GYUR KYANG SKRA SER POR GYUR PA GANG YIN PA DE NI, PHAG GI SPU GTOGS PA LAS 'ONGS PA YIN NO, ,MIR GYUR KYANG RNAM BA RAL BA GANG YIN PA DE NI, GZHAN DAG GI RNA BA PHUG PA LAS GYUR PA YIN NO, ,MIR GYUR KYANG LUS KYI SHA BRUR LTA BUR GYUR PA GANG YIN PA DE NI, GOS YANG ZHING SRAB PA DAG BGOS NAS, DE NAS DE BZHIN GSHEGS PA'I SKU GZUGS KYI SPYAN SNGAR 'ONGS PA LAS GYUR PA YIN NO, ,MIR GYUR KYANG MDOG GANG PA GANG YIN PA DE NI, DE BZHIN GSHEGS PA'I SKU GZUGS KHYAMS DAG GI 'OG TU BZHAG NAS DUD PAS BDUGS PA LAS GYUR PA YIN NO; ;MIR GYUR KYANG RKANG LAG ZHA BOR GYUR PA GANG YIN PA DE NI, MKHAN PO DANG, SLOB DPON DANG, BLA MA RNAMS MTHONG YANG LDANG BA MED PA LAS GYUR PA YIN NO, ,MIR GYUR KYANG SGUR POR GYUR PA GANG YIN PA DE NI, GOS YANG ZHING SRAB PA DAG BGOS NAS PHAN TSUN DU 'GRO BA'I TSE, DE BZHIN GSHEGS PA'I SKU GZUGS LA RGYAB KYIS PHYOGS PA LAS GYUR PA YIN NO, ,MIR GYUR KYANG DPRAL BA

317a

, ,MI SDUG PA GANG YIN PA DE NI, DE BZHIN GSHEGS PA MTHONG BA'I TSE PHYAG KYANG MI BYED LA, LAG PAS DPRAL BAR BRDABS PA LAS GYUR PA YIN NO, ,MIR GYUR KYANG GNYA' BA THUNG BA GANG YIN PA DE NI, BLA MA DAG MTHONG NAS MGO SPAS TE BROS NAS 'BYOL BA LAS GYUR PA YIN NO, ,MIR GYUR KYANG RTAG PAR SNYING NA BA GANG YIN PA DE NI, SEMS CAN GYI LUS KYI YAN LAG BCAD CING GTUBS PA LAS GYUR PA YIN NO, ,MIR GYUR KYANG MDZE CAN DU GYUR PA GANG YIN PA DE NI, NYES PA MED PAR GZHAN DAG GI NOR BLANGS PA LAS GYUR PA YIN NO, ,MIR GYUR KYANG DBUGS THUNG BA GANG YIN PA DE NI DGUN GRANG BA'I DUS KYI TSE, GZHAN DAG LA ZAS GRANG MO DAG BYIN PA LAS GYUR PA YIN NO, ,MIR GYUR KYANG BU KHYE'U DANG; BU MO MED PAR GYUR PA GANG YIN PA DE NI, BYA MANG PO DAG GI PHRU GU BSAD PA LAS GYUR PA YIN NO, ,MIR GYUR NAS BU TSA MANG BA GANG YIN PA DE NI, SEMS CAN GSO BAR DGA' BA LAS 'ONGS PA YIN NO, ,MIR GYUR NAS TSE RING BA GANG YIN PA DE NI, BYAMS PA'I SEMS DANG LDAN PA LAS 'ONGS PA YIN NO, ,MIR GYUR NAS TSE THUNG BA GANG YIN PA DE NI, SROG CHAGS MANG PO BSAD PA LAS GYUR PA YIN NO, ,MIR GYUR NAS PHYUG POR GYUR PA GANG YIN PA DE NI, SBYIN PA BTANG BA LAS GYUR PA YIN NO, ,MIR GYUR NAS RTA DANG, SHING RTA DANG LDAN PA GANG

317b

YIN PA DE NI, DKON MCHOG GSUM LA RTA DANG, SHING RTA PHUL BA LAS GYUR PA YIN NO, ,MIR GYUR NAS DBANG PO GSAL BA GANG YIN PA DE NI, MDO SDE 'DRI ZHING KHA TON 'DON PA LAS GYUR PA YIN NO, ,MIR GYUR KYANG DBANG PO MI GSAL BA GANG YIN PA DE NI, DUD 'GRO'I GNAS NAS 'ONGS PA YIN NO, ,MIR GYUR KYANG GZHAN GYI BRAN DANG, BRAN MO BYED PA GANG YIN PA DE NI, BU LON CHAGS PA LAS 'ONGS PA YIN NO, ,MIR GYUR KYANG MI BRTAN CING YANGS PA GANG YIN PA DE NI, SNGON SPRE'U BYAS PA LAS 'ONGS PA YIN NO, ,MIR GYUR KYANG MDZE NAD KYIS BTAB PA GANG YIN PA DE NI, DKON MCHOG GSUM RNAM PAR BSHIG PA LAS GYUR PA YIN NO, ,MIR GYUR KYANG RKANG LAG 'JAM 'GRUS SU GYUR PA GANG YIN PA DE NI, SEMS CAN GYI RKANG LAG DAM DU BCINGS BA LAS 'ONGS PA YIN NO, ,MIR GYUR KYANG LUS LA RMA DANG, SHU BA 'BYUNG ZHING YUN RING POR SMAN DANG, DPYAD BYAS KYANG SOS SU MI BTUB PA GANG YIN PA DE NI, SEMS CAN LA BRDEG BTZOG BYAS PA LAS 'ONGS PA YIN NO, ,MIR GYUR KYANG RANG BZHIN MI SRUN PA GANG YIN PA DE NI, SDIG SBRUL BYAS PA LAS 'ONGS PA YIN NO, ,MIR GYUR NAS DBANG PO DRUG TSANG BA GANG YIN PA DE NI, TSUL KHRIMS BSRUNGS PA LAS 'ONGS PA YIN NO, ,MIR GYUR KYANG DBANG PO RNAMS MA TSANG BA GANG YIN PA DE NI, TSUL KHRIMS 'CHAL BA LAS 'ONGS PA YIN NO, ,MIR GYUR KYANG GTZANG

318a

, ,SBRA MED PA GANG YIN PA DE NI, PHAG BYAS PA LAS 'ONGS PA YIN NO, ,MIR GYUR NAS GLU GAR LA DGA' BA GANG YIN PA DE NI, ROL MO MKHAN BYAS PA LAS 'ONGS PA YIN NO, ,MIR GYUR KYANG 'DOD CHEN CHE BA GANG YIN PA DE NI, KHYI BYAS PA LAS 'ONGS PA YIN NO, ,MIR GYUR KYANG GNYA' BAR LBA PA YOD PA GANG YIN PA DE NI, GCIG PU BSNOGS PA LAS 'ONGS PA YIN NO, ,MIR GYUR NAS KHA'I DRI MNAM PA GANG YIN PA DE NI, TSIG NGAN GYIS GZHAN LA SPYOD PA LAS 'ONGS PA YIN NO, ,MIR GYUR KYANG PHO MTSAN DANG MI LDAN PA DE NI, KHYI DANG, PHAG RNAMS KYI RLIG PA BCAD PA LAS GYUR PA YIN NO, ,MIR GYUR NAS LCE THUNG BA GANG YIN PA DE NI, DBEN PA DAG TU BLA MA DAG LA TSIG MI SNYAN PA BRJOD PA LAS 'ONGS PA YIN NO, , MIR GYUR KYANG GZHAN GYI CHUNG MA LA G-YEM PAR DGA' BA DE NI, SHI 'PHOS NAS BYA NGANG PA DAG TU LTUNG BAR 'GYUR RO, ,MIR GYUR KYANG BDAG DANG NYE ZHING GNYEN DU 'BREL BA DAG LA G-YEM PAR MNGON PAR DGA' BA GANG YIN PA DE NI, SHI 'PHOS NAS BYE'U MCHIL BA DAG TU LTUNG BAR 'GYUR RO, ,MIR GYUR NAS MDO SDE DANG, BSTAN BCOS DAG LA SER SNA BYED CING SHES KYANG SBAS NAS GZHAN DAG LA MI STON PA GANG YIN PA DE NI, SHI 'PHOS NAS SHING SRIN DAG TU SKYE BAR 'GYUR RO, ,MIR GYUR NAS MDA' GZHU THOGS SHING GZHOM PA LA MNGON PAR DGA' BA

318b

GANG YIN PA DE NI, SHI 'PHOS NAS KLA KLO CAN DU LTUNG BAR 'GYUR RO, ,RNGON PA BYED CING SROG CHAGS BSOD PA LA MNGON PAR DGA' BA GANG YIN PA DE NI, SHI 'PHOS NAS 'PHAR SPYAD DAG TU LTUNG BAR 'GYUR RO, ,MGO RGYAN DANG, ME TOG THOGS PA LA MNGON PAR DGA' BA GANG YIN PA DE NI, SHI 'PHOS NAS GCIN RTUG GI SRIN BU BYED PAR 'GYUR RO, ,GOS RING PO GYON PAR DGA' BA DE NI, SHI 'PHOS NAS SRIN BU MJUG RING BYED PAR 'GYUR RO, ,NYAL ZHING ZA BAR MNGON PAR DGA' BA DE NI, SHI 'PHOS NAS PHAG TU SKYE BAR 'GYUR RO, ,GOS TSON CAN GYON PA LA MNGON PAR DGA' BA GANG YIN PA DE NI, SHI 'PHOS NAS BYE'U KHRE'U BYED PAR 'GYUR RO, ,GZHAN GYI TSIG ZLOS SHING KU RE BYED PA MNGON PAR DGA' BA DE NI, SHI 'PHOS NAS BYA NE TZO BYED PAR 'GYUR RO; ;PHRA MA BYED PA LA MNGON PAR DGA' BA GANG YIN PA DE NI, SHI 'PHOS NAS SBRUL LUS PO CHE DAG TU SKYE BAR 'GYUR RO, ,NYES PA MED PAR DAG LA RNAM PAR 'TSE BA GANG YIN PA DE NI, SHI 'PHOS NAS SRIN BU 'KHON DU 'DZIN PA'I SEMS DANG BCAS PA DAG TU SKYE BAR 'GYUR RO, ,GZHAN GYI DBYEN BYED PAR DGA' BA GANG YIN PA DE NI, SHI 'PHOS NAS SRIN BYA DAG TU SKYE BAR 'GYUR RO, ,DMOD MO'I TSIG SMRA BA LA MNGON PAR DGA' BA GANG YIN PA DE NI, SHI 'PHOS NAS WA DAG TU SKYE BAR 'GYUR RO, ,GZHAN DAG SKRAG CING DNGANGS PAR MNGON PAR DGA'

319a

, ,BA GANG YIN PA DE NI, SHI 'PHOS NAS RI DVAGS SHA BA'I RIGS SU SKYE BAR 'GYUR RO, ,TSE SNGA MA LA SHING GI LHA MA GON NAS DRI GTZANG KHANG DU ZHUGS PA GANG YIN PA DE NI, TSE 'DI LA RTA'I RIGS SU SKYE BAR 'GYUR RO, ,TSE SNGA MA LA 'PHYEN GTONG BA LA MNGON PAR DGA' BA GANG YIN PA DE NI, SRIN BU GNAM PO'I RIGS SU SKYE BAR 'GYUR RO, ,TSE SNGA MA LA DGE 'DUN GYI GTUN DANG, RANG THAG YONGS SU SPYOD PA GANG YIN PA DE NI, TSE 'DI LA SROG CHAGS SRIN BU MGO RDEBS PA DAG TU SKYE BAR 'GYUR RO, ,TSE SNGA MA LA GZHAN DAG GI ZAS KYI BGEGS BYAS NA, TSE 'DI LA SHING SRIN BYED PAR 'GYUR RO, ,DGE 'DUN GYI CHU BRKUS NAS YONGS SU SPYAD PA GANG YIN PA DE NI, TSE 'DI LA NYA DANG, CHU SRIN DAG TU SKYE BAR 'GYUR RO, , DGE 'DUN GYI SA GZHI DAG LA MI GTZANG BA 'DOR BA GANG YIN PA DE NI, BSHAD GCI'I NANG DU SRIN BU DAG TU SKYE BAR 'GYUR RO, ,DGE 'DUN GYI SHING TOG BRKUS PA GANG YIN PA DE NI, 'JIM RDZAB ZA BA'I SRIN BU BYED PAR 'GYUR RO, ,DGE 'DUN GYI DKOR BRKUS PA GANG YIN PA DE NI, RANG THAG 'DREN PA'I GLANG DANG, BONG BU BYED PAR 'GYUR RO, ,DGE 'DUN GYI DKOR LA LA NAN GYIS SLONG ZHING SNGA [?] SKYIN BYED NA, PHUG RON DKAR PO BYED PAR 'GYUR RO, ,DGE 'DUN LA 'PHYA ZHING SMOD PAR BYED NA GLANG GI GNYA' BA'I SRIN BUR SKYE BAR 'GYUR RO, ,DGE 'DUN GYI

319b

TSOD LDUM ZOS NA TSOD MA'I SRIN BUR SKYE BAR 'GYUR RO, ,DGE 'DUN GYI KHRI STAN LA 'DUG NA SA'I SRIN BU MJUG RING DU SKYE BAR 'GYUR RO, ,DGE 'DUN GYI YO BYAD SNA TSOGS DAG LA YONGS SU SPYOD PAR BYED NA PHYE MA LEB TU SKYE BAR 'GYUR RO, ,RUS PA DAG THOGS NAS GTZUG LAG KHANG DU BYED NA BYA MCHU RING DU SKYE BAR 'GYUR RO, ,DMAR RTZI DANG, DKAR RTZI DAG MCHU LA BRKUS NAS GTZUG LAG KHANG DU 'JUG PAR BYED NA, BYA MCHU DMAR DAG TU SKYE BAR 'GYUR RO, ,GOS TSON CAN BGOS TE GTZUG LAG KHANG DU 'GRO BAR BYED NA BYA KHA DOG SER PO DAG TU SKYE BAR 'GYUR RO; ;KHYO SHUG GTZUG LAG KHANG DU GNAS NAS NYAL PO BYAS NA BYA MGO SNGON DAG TU SKYE BAR 'GYUR RO, ,DE BZHIN GSHEGS PA'I MCHOD RTEN LA BRDZIS NA RNGA MO'I LUS BYED PAR 'GYUR RO, , LHAM BGOS TE DE BZHIN GSHEGS PA'I DRI GTZANG KHANG DU 'GRO BAR BYED NA, SBAL BAR SKYE BAR 'GYUR RO, ,CHOS NYAN PA'I TSE KLAG COR ZER NA NI BYA LCE BRGYA PA DAG TU SKYE BAR 'GYUR RO, ,DGE SLONG MA GTZANG MA SUN PAR BYED NA, SHI 'PHOS NAS SEMS CAN DMYAL BA'I GNAS LCAGS KYI BRAG PHUG TU LTUNG ZHING RAL GRI'I 'KHOR LO BRGYA STONG DU MA GCIG TU BABS NAS LUS GCOD PAR 'GYUR RO, ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS KYIS 'DI SKAD GSUNGS PA LTA NA DGE 'DUN GYI

320a

, ,RDZAS YONGS SU SPYOD PA GANG LAGS PA DE DAG LA YANG DAG PAR SHIN TU LCI BA ZHIG LAGS PAR GYUR NA, SBYIN BDAG BZHI PO JI LTAR GTZUG LAG KHANG DU MCHI ZHING BKUR STI DANG; PHYAG 'TSAL BAR BGYID PA LAGS, BCOM LDAN 'DAS KYIS BKA' STZAL PA, DGE 'DUN GYI GTZUG LAG KHANG DU 'GRO BA LA SEMS RNAM PA GNYIS YOD DE, DGE BA'I SEMS DANG, MI DGE BA'I SEMS GANG YIN PA'O, ,DGE BA'I SEMS ZHES BYA BA NI JI LTA BU ZHE NA, GANG GIS GTZUG LAG KHANG DU PHYIN NAS, DE BZHIN GSHEGS PA MTHONG NA PHYAG BYED PA DANG, DGE 'DUN MTHONG NA GUS PAR BKUR STI BYAS NAS, MDO SDE'I DON 'DRI BAR BYED PA DANG, SDOM PA YANG DAG PAR BLANGS NAS NYES PA 'CHAGS PAR BYED PA DANG, NOR RDZAS DAG YONGS SU BTANG NAS DKON MCHOG GSUM GYI ZHAL TA BYED PA DANG, LUS DANG, SROG LA 'PHANGS PA MED PAR CHOS CHEN PO YONGS SU SRUNG ZHING YANG DAG PAR 'DZIN PAR BYED PA'I GANG ZAG DE LTA BU DAG NI GOM PA GCIG 'DOR BAR BYED NA YANG, LHA'I GZHAL MED KHANG DRUNG DU 'ONG ZHING, MA 'ONGS PA NA KHYIM BDAG SHUG DE KA BZHIN DU RNAM PAR SMIN PA'I 'BRAS BU MYONG BAR 'GYUR BA GANG YIN PA DE NI, SKYES BU MCHOG TU DGE BA ZHES BYA'O, ,MI DGE BA'I SEMS DANG LDAN PA JI LTA BU ZHE NA, SEMS CAN GANG LA LA ZHIG GTZUG LAG KHANG DU 'JUG

320b

PA'I TSE, DGE 'DUN LA SLONG MO DANG, G-YAR PO DANG, SNGA SKYIN 'BA' ZHIG BYA BAR SEMS PA DANG, DGE 'DUN GYI SKYON TSOL ZHING RTZE GCIG TU RNAM PAR BSHIG PA 'BA' ZHIG TU 'DOD PA DANG; DGE SLONG GI DGE 'DUN GYI ZAS ZOS NA'ANG SEMS LA GNOD PA CI YANG MED CING, KHUR BA DANG, SHING TOG DANG, LDAM LDUM DAG KHYER NAS, RANG GI KHYIM DU 'GRO BAR BYED PA'I GANG ZAG DE LTA BU DAG SHI 'PHOS MA THAG TU LCAGS KYI THU LUM ZA BA'I SEMS CAN DMYAL BAR LTUNG ZHING, ZANGS KYI NANG DU BTZO BA DANG, SPAR BA'I MES BSREGS PA DANG, RAL GRI LTA BU'I RI LO MA CAN GYI LJON SHING LA 'DZEG PA LA SOGS PA'I SDUG BSNGAL GANG YANG MI MYONG BA MED PAR 'GYUR TE, 'DI NI SKYES BU MCHOG MI DGE BA ZHES BYA'O, ,BCOM LDAN 'DAS KYIS BKA' STZAL PA; KUN DGA' BO, 'DI NI NGAS MA 'ONGS PA'I DUS KYI SLOB MA RNAMS LA RJES SU BSTAN PA YIN GYI, BAG YOD PAR BSGRIMS TE, DKON MCHOG GSUM PO DAG LA NYES PA MI BYED PA PA DANG, NUR BA'I SEMS SKYE BA MED PAR DE BZHIN GSHEGS PA'I BKA' STZAL PA BZHIN BYED NA, DE BZHIN GSHEGS PA BYAMS PA 'JIG RTEN DU BYUNG BA'I TSE, YONGS SU MYA NGAN LAS 'DA' BAR 'GYUR BA THE TSOM MED DO, ,BCOM LDAN 'DAS KYIS BKA' STZAL PA, TSE 'DI LA GZHAN GYI LUS LAS GOS BSHUS TE 'PHROG PAR BYED NA, SHI 'PHOS NAS GRANG BA'I SEMS

321a

, ,CAN DMYAL BAR LTUNG BA DANG, GZHAN YANG, DAR GYI SRIN BUR SKYES NAS 'TSED PAR 'GYUR RO, ,TSE 'DI LA SKU GZUGS DANG, MDO SDE'I SPYAN SNGAR MAR ME SBAR BA LA MNGON PAR MI DGA' NA, SHI 'PHOS NAS RI 'KHOR YUG GI BAR NA SEMS CAN DMYAL BA'I GNAS MUG NAG YOD PA DAG TU LTUNG BAR 'GYUR RO, ,TSE 'DI LA SEMS CAN GYI SROG BCAD PAS DMYAL ZHING GTUB PAR BYED NA, SHI 'PHOS NAS SEMS CAN DMYAL BA MTSON LTAR RAB TU RNO BA'I RI LA, RAL GRI LO MA CAN GYI LJON SHING 'DZEGS PA DAG TU LTUNG BAR 'GYUR RO,, TSE 'DI LA KHA CIG SDIG GTONG ZHING RNGON PA BYED PAR MNGON PAR DGA' BA DE DAG NI, SHI 'PHOS NAS SOG LES 'DRAL BA'I SEMS CAN DMYAL BAR LTUNG BAR 'GYUR RO, ,TSE 'DI LA MANG DU 'DOD PAS LOG PAR G-YEM PA GANG YIN PA DE NI, SHI 'PHOS NAS ZANGS KYI KA BA RAB TU 'BAR BA LA 'JU BA DANG, LCAGS KYI KHRI RAB TU TSA BA LA NYAL BA'I SEMS CAN DMYAL BAR LTUNG BAR 'GYUR RO, ,TSE 'DI LA CHUNG MA MANG PO 'CHANG BA GANG YIN PA DE NI, LCAGS KYI RANG THAG TU 'THAG PA'I SEMS CAN DMYAL BAR LTUNG BAR 'GYUR RO, ,TSE 'DI LA KHYIM THAB MANG PO BDOG PA GANG YIN PA DE NI, SHI 'PHOS NAS SBRUL GDUG PA DANG LDAN PA'I SEMS CAN DMYAL BAR LTUNG BAR 'GYUR RO, ,TSE 'DI LA SGO NGA BSREGS PA GANG YIN PA DE NI, SHI 'PHOS NAS ME MA

321b

MUR RAB TU TSA BA DANG LDAN PA'I SEMS CAN DMYAL BAR LTUNG BAR 'GYUR RO, ,TSE 'DI LA PHAG DANG, BYA RNAMS BSHU ZHING 'THOG PA GANG YIN PA DE NI, SHI 'PHOS NAS ZANGS DAG TU 'TSED PA'I SEMS CAN DMYAL BA DAG TU LTUNG BAR 'GYUR RO, ,TSE 'DI LA PHAG DANG, KHYI'I RLIG PA 'BYIN PA GANG YIN PA DE NI, SHI 'PHOS NAS RDO ZUR DANG LDAN PA'I SEMS CAN DMYAL BAR LTUNG BAR 'GYUR RO, ,TSE 'DI LA CHANG 'THUNGS NAS MYOS PAR BYAS PA GANG YIN PA DE NI, SHI 'PHOS NAS LCAGS KHU 'THUNGS PA'I SEMS CAN DMYAL BAR LTUNG BAR 'GYUR RO, ,TSE 'DI LA SEMS CAN GYI LUS KYI YAN LAG BCAD CING GTUBS PA GANG YIN PA DE NI, SHI 'PHOS NAS LCAGS KYI 'KHOR LO DANG LDAN PA'I SEMS CAN DMYAL BAR LTUNG BAR 'GYUR RO, ,TSE 'DI LA DGE 'DUN GYI SHING TOG BRKUS PA GANG YIN PA DE NI, SHI 'PHOS NAS LCAGS KYI THU LUM ZA BA'I SEMS CAN DMYAL BAR LTUNG BAR 'GYUR RO, ,TSE 'DI LA PHAG GI RGYU MA DANG, SHA ZOS PA GANG YIN PA DE NI, SHI 'PHOS NAS LJAN LJIN GYIS GANG BA'I SEMS CAN DMYAL BAR LTUNG BAR 'GYUR RO, ,TSE 'DI LA NYA GSON POR ZOS PA GANG YIN PA DE NI, SHI 'PHOS NAS MTSON CHA DANG, DBYIG PA DANG, RAL GRI SO CAN GYI LJON SHING DANG LDAN PA'I SEMS CAN DMYAL BAR LTUNG BAR 'GYUR RO, ,TSE 'DI LA MA YAR MOR GYUR NAS CHUNG MA SDAN MA'I BU DAG LA NER PA BYAS PA

322a

, ,GANG YIN PA DE NI, SHI 'PHOS NAS ME RAB TU 'BAR BA'I SHING RTA DANG LDAN PA'I SEMS CAN DMYAL BAR LTUNG BAR 'GYUR RO, ,TSE 'DI LA PHRA MA BYAS NAS DKRUGS MA BYAS PA GANG YIN PA DE NI, SHI 'PHOS NAS LCAGS KYI THONG GSHOL GYIS RMO BA'I SEMS CAN DMYAL BAR LTUNG BAR 'GYUR RO, ,TSE 'DI LA MI SNYAN PAS GZHAN DAG LA SPYOS PA GANG YIN PA DE NI, SHI 'PHOS NAS LCE RAB TU 'BYIN PA'I SEMS CAN DMYAL BAR LTUNG BAR 'GYUR RO, ,TSE 'DI LA RDZUN MANG DU SMRAS PA GANG YIN PA DE NI, SHI 'PHOS NAS LCE LCAGS KYI GZER GYIS 'DEBS PA'I SEMS CAN DMYAL BAR LTUNG BAR 'GYUR RO, ,TSE 'DI LA SROG BCAD NAS LOG PA'I LHA LA MCHOD SBYIN BYAS PA GANG YIN PA DE NI, SHI 'PHOS NAS LCAGS KYI RTUN GYIS BRDUNGS PA'I SEMS CAN DMYAL BAR LTUNG BAR 'GYUR RO, ,TSE 'DI LA BON MO BYAS NAS 'DRE GDON GYI TSIG 'DON CING GZHAN DAG BSLUS TE NOR BLANGS PA GANG YIN PA DE NI, SHI 'PHOS NAS SHA'I RI LTA BU'I SEMS CAN DMYAL BAR LTUNG BAR 'GYUR RO, ,TSE 'DI LA BON MO BYAS NAS MIG BTZUMS TE, SA LA NYAL NAS GZHAN DAG LA MTHO RIS SU SKYE BAR 'GYUR RO ZHES DRANG PO MA YIN PA'I 'DRE GDON DAG GIS LEN PA GANG YIN PA DE NI, SHI 'PHOS NAS RKED PA GTUB PA'I SEMS CAN DMYAL BAR LTUNG BAR

322b

'GYUR RO, ,TSE 'DI LA BON MO BYAS NAS GZHAN DAG GI SROG BCAD, LHA 'DRE DANG, LAM LNGA'I SA'I BDAG PO DANG, SRIN MO LA SOGS PA LA MCHOD PA BYED DU BCUG PA GANG YIN PA 'DI LTA BU LA SOGS PA DE DAG THAMS CAD NI SKYES BU BLUN PO RNAMS 'DRID PA YIN PAS, SHI 'PHOS NAS STA RES GCOD PA'I SEMS CAN DMYAL BAR LTUNG BAR 'GYUR RO, ,SEMS CAN DMYAL BA'I SRUNG MA RNAMS KYIS YAN LAG BCAD CING GTUB PA DANG, BYA LCAGS KYI MCHU CAN GYIS MIG GI 'BRAS BU GNYIS LA 'THOG PAR 'GYUR RO, ,TSE 'DI LA BON MO BYAS NAS MI SHI BA'I RO RNAMS SBED PA DANG, KHANG KHYIM RNAMS KYI BZANG NGAN DANG, RIGS LNGA PO RNAMS KYIS KHE 'THOB PA DANG, MI 'THOB PA LTA BA DANG, KLU RNAMS BDE BAR 'GOD PA DANG, DAR GYI SRIN BU DAG LA GTANG RAG GTONG BA DANG, SRIN MNAN NAS SKYES BU BLUN PO DAG BSLUS TE, NOR MANG PO BLANGS PA DANG, RDZUN TSIG GIS BZANG NGAN STON PA GANG YIN PA DE DAG NI SHI 'PHOS NAS; LCAGS KYI DRA BA CAN GYI SEMS CAN DMYAL BAR LTUNG BAR 'GYUR BAS, BYA 'DAB CHAGS MA RUNGS PA TSAD MED PA SNYED DE'I LUS LA 'DU STE, SHA RNAMS MA LUS PAR ZOS NAS RUS PA DANG, RGYUS PA RNAMS KYANG 'THOG PAR BYED PAS SDUG BSNGAL DPAG TU MED PA DAG MYONG BAR 'GYUR RO, ,TSE 'DI LA SMAN PA BYAS TE, NAD GSO BAR MI NUS BZHIN DU

323a

, ,GZHAN DAG BSLUS TE NOR BLANGS PA GANG YIN PA DE NI, SHI 'PHOS NAS GTAR BA DANG, ME BTZAS BSREGS PA'I SEMS CAN DMYAL BAR LTUNG BAR 'GYUR BAS LUS LA KUN TU ME RAB TU 'BAR BA'I SEMS CAN DMYAL BA CHEN POR LTUNG BAR 'GYUR RO, ,TSE 'DI LA MCHOD RTEN DANG, GTZUG LAG KHANG BSHIG PA DANG, MKHAN PO DANG, SLOB DPON GYI BSGO BA MA NYAN PA DANG, PHA MA LA SRID ZHU MED PA GANG YIN PA DE DAG NI, SHI 'PHOS NAS MNAR MED PA'I SEMS CAN DMYAL BA CHEN PO DANG, SEMS CAN DMYAL BA CHEN PO BRGYAD PO DAG TU SDUG BSNGAL SNA TSOGS MYONG BA DANG, GZHAN YANG, SEMS CAN DMYAL BA CHUNG DU BRGYA SUM CU RTZA DRUG PO KUN TU 'JUG CING, BSKAL PA GCIG GAM, BSKAL PA GNYIS SAM, BSKAL PA LNGA BRGYA'I BAR DU SDUG BSNGAL MYONG NAS, DE'I 'OG TU GDOD THAR BAR 'GYUR TE, DGE BA'I BSHES GNYEN DANG PHRAD NA NI; BYANG CHUB TU SEMS BSKYED PAR 'GYUR LA, GAL TE PHRAD PAR MI GYUR NA NI, SLAR YANG SEMS CAN DMYAL BAR LTUNG BAR 'GYUR RO, ,BCOM LDAN 'DAS KYIS BKA' STZAL PA, MIR GYUR KYANG LUS KYI BONG CHE ZHING SHIN TU MNAM PA DANG, KHRO SKYEN ZHING DGROL DKA' BA GANG YIN PA DE NI, SNGON GYI RNGA MO BYAS PA LAS 'ONGS PA YIN NO, ,MIR

323b

GYUR KYANG 'GRO BA LA DGA' ZHING, ZAN ZA BA 'GRUS PA DANG, NYAM NGA BA DAG LA 'BYOL BA MED PA GANG YIN PA DE NI, SNGON RTA BYAS PA LA 'OS PA'I YIN NO, ,MIR GYUR KYANG GRANG BA DANG; TSA BA DAG BZOD CING SEMS LA 'DZIN PA MED PA GANG YIN PA DE NI, SNGON GLANG BYAS PA LAS 'ONGS PA YIN NO, ,MIR GYUR KYANG SGRA SKAD CHE BA DANG, NGO TSA MED CING KHREL MED PA DANG; SRED PA DANG, GRANG BA MANG ZHING LEGS NYES KYI BYE BRAG MI PHYED PA GANG YIN PA DE NI, SNGON GYI BONG BU BYAS PA LAS 'ONGS PA YIN NO, ,MIR GYUR KYANG RTAG PAR SHA LA BRKAM ZHING; BYA BA DAG LA 'JIGS PA MED PA GANG YIN PA DE NI, SNGON SENG GE BYAS PA LAS 'ONGS PA YIN NO, ,MIR GYUR KYANG LUS RING ZHING MIG ZLUM PA DANG, 'BROG DGON PA NA MANG DU RGYU BA DANG, BU DANG, CHUNG MA LA SDANG BA GANG YIN PA DE NI, SNGON STAG BYAS PA LAS 'ONGS PA YIN NO, ,MIR GYUR KYANG SRAN ZHING MIG CHUNG BA DANG, GNAS GCIG TU GNAS PAR MOS PA MED PA GANG YIN PA DE NI, SNGON BYA 'DAB CHAGS BYAS PA LAS 'ONGS PA YIN NO, ,MIR GYUR KYANG RANG BZHIN MI BRTAN ZHING SROG CHAGS PHRA MO GSOD PA LA DGA' BA GANG YIN PA DE NI, SNGON GYI WA BYAS PA LAS 'ONGS PA YIN NO, ,MIR GYUR KYANG DPA' ZHING BSHOR BA DANG, 'DOD CHAGS CHUNG ZHING CHUNG MA LA SRED PA MED PA GANG YIN PA DE NI, SNGON SPYANG GI BYAS

324a

, ,PA LAS 'ONGS PA YIN NO, ,MIR GYUR KYANG GOS BZANG PO LA MI DGA' BA DANG, MA YIN PA BYAS PA DAG LA RTOG PA DANG, GNYID CHUNG ZHING ZHE SDANG MANG BA GANG YIN PA DE NI, SNGON GYI BYAS PA LAS 'ONGS PA YIN NO, ,MIR GYUR KYANG G-YEM PA LA DGA' ZHING SKYE BO MANG PO'I YID DU 'ONG BA'I GTAM BRJOD PA LA MNGON PAR DGA' BA GANG YIN PA DE NI, SNGON NE TZO BYAS PA LAS 'ONGS PA YIN NO, ,MIR GYUR KYANG LUS KYI BONG CHUNG ZHING G-YEM PA LA DGA' BA DANG, SEMS RTZE GCIG TU MI GNAS PA DANG, GZUGS MTHONG MA THAG TU MNGON PAR ZHEN PA'I SEMS 'BYUNG BA GANG YIN PA DE NI, SNGON BYE'U MCHIL PA BYAS PA LAS 'ONGS PA YIN NO, ,MIR GYUR KYANG MIG DMAR ZHING SO THUNG BA DANG, SMRA BA'I TSE LBU BA 'BYUNG ZHING, NYAL NAN GOS KYIS LUS DKRI BAR BYED PA GANG YIN PA DE NI, SNGON SPRUL DANG, RTZANGS PAR BYAS PA LAS 'ONGS PA YIN NO, ,MIR GYUR KYANG SMRAS MI THAG TU KHONG KHRO ZHING PHA ROL GYI DON LA SO SOR MI RTOG PA DAG GI GDUG PA 'BYIN PA GANG YIN PA DE NI, SNGON SDIG PA BYAS PA LAS 'ONGS PA YIN NO, ,MIR GYUR KYANG GCIG PU DBEN PAR GNAS SHING ZAS LA BRKAM PA DANG, MTSAN MO GNYID CHUNG BA GANG YIN PA DE NI, SNGON BYI LA BYAS PA LAS 'ONGS BA YIN NO, ,MIR GYUR KYANG RTZIG PA PHUG NAS RKUN PO BYED PA DANG, NOR LA

324b

BRKAM ZHING 'KHON 'BYUNG SLA BA DANG, NYE RING GI MTSAN MA MED PA GANG YIN PA DE NI, SNGON BYI BA BYAS PA LAS 'ONGS PA YIN NO, ,BCOM LDAN 'DAS KYIS BKA' STZAL PA, MIR GYUR KYANG MCHOD RTEN DANG, GTZUG LAG KHANG BSHIG PA DANG, DKON MCHOG GSUM GYI DKOR SBAS NAS, BDAG NYID KYIS YONGS SU SPYOD PA GANG YIN PA DE NI, SHI 'PHOS NAS SEMS CAN DMYAL BA CHEN POR MNAR MED PAR LTUNG BAR 'GYUR RO, ,SEMS CAN DMYAL BA LAS THAR BAR GYUR NA'ANG, DUD 'GRO'I SKYE GNAS KYI LUS, 'DI LTA STE, PHUG RON DANG, MCHIL PA DANG; DUR PA DANG, NE TZO DANG, BYE'U SNGON PO DANG, NYA DANG, RUS SPAL DANG, SPRE'U DANG, RI DVAGS KYI LUS LEN PAR 'GYUR RO, ,BRGYA LAM NA MI'I LUS THOB PAR GYUR NA'ANG MA NING DANG; BUD MED DANG, MTSAN GNYIS PA DANG, DBANG PO MED PA DANG, SMAD 'TSONG MA DAG TU 'GYUR RO, ,MIR GYUR KYANG KHONG KHRO BA DAG LA MNGON PAR DGA' BA DE NI, SHI 'PHOS NAS SPRUL GDUG PA DANG, STAG DANG, SENG GE DANG, SPYANG KI DANG, DOM DANG, DRED DANG, BYI LA DANG, BYA KHRA'I RNAM PA DAG TU LTUNG BAR 'GYUR RO, ,BRGYA LA BRGYA LAM NI MI'I LUS THOB PAR GYUR NA'ANG KHYIM BYA DANG, PHAG GSOD PA DANG, BSHAN PA DANG, RNGON PA BYED PA DANG, BYA SHOR BA DANG, BRTZON SRUNG BYED PA LA MNGON PAR DGA' BAR 'GYUR RO, ,MIR GYUR KYANG

325a

, ,GLEN ZHING GTI MUG PA DANG, RIGS PA'I TSUL GANG YIN PA MI SHES PA DE NI, SHI 'PHOS NAS GLANG PO CHE DANG, PHAG DANG, BA LANG DANG, CHU GLANG DANG, SRO SHIG DANG, SBRANG MA DANG, SBRANG BU MCHU RING DANG, GROG MA LA SOGS PA'I LUS LEN PAR 'GYUR TE, GAL TE MI'I LUS THOB PAR GYUR NA'ANG 'ON PA DANG, LONG BA DANG, KLUGS PA DANG, LUS KYI YAN LAG MA TSANG BA DANG, RGYAB SGUR BA DANG, DBANG PO MA TSANG BA DAG TU 'GYUR RO, ,MIR GYUR KYANG KHENGS SHING NGA RGYAL CHE BA GANG YIN PA DE NI, SHI 'PHOS NAS MI GTZANG BA'I GNAS KYI SRIN BU DANG, RNGA MO DANG, BONG BU DANG, RTA DANG, KHYI DAG TU LTUNG BAR 'GYUR TE, GAL TE MIR SKYES NA'ANG BRAN MO'I LUS LEN CING DBUL PHONGS PAS SLONG MO BYED PA DANG, MANG PO KUN GYIS BRNYAS SHING SMAD PA DAG TU LTUNG BAR 'GYUR RO, ,MIR GYUR KYANG BLA MA'I MTHU BSNYEMS PA'I RGYUS GZHAN GYI NOR LEN PA GANG YIN PA DE NI, SHI 'PHOS NAS SHA'I RI LTA BU'I SEMS CAN DMYAL BAR LTUNG BAR 'GYUR ZHING, SKYE BO BRGYA STONG MANG POS LUS KYI SHA BCAD NAS ZA BAR 'GYUR RO, ,TSE 'DI LA GZHAN DAG BGRANG DU BZHUGS PA LA MNGON PAR DGA' BA GANG YIN PA DE NI, TSE 'PHOS NAS GLANG PO CHE DAG TU SKYE ZHING RKANG LAG DRANG BAS NYAL DU MED PA DAG TU LTUNG BAR 'GYUR RO, ,TSE 'DI LA MCHOD RTEN

325b

DRAL NAS NUB MO ZAN ZOS PA GANG YIN PA DE NI, TSE 'PHOS NAS YI DVAGS 'DRE BKREN DAG TU LTUNG BAS, LO BRGYA PHRAG MANG POR BZA' BA DANG, BTUNG BA THOB PAR MI 'GYUR RO, ,'GRO BA'I TSE LHU TSIGS KUN TU ME RAB TU 'BAR BAR 'GYUR RO, ,TSE 'DI LA SGRON MOR 'DUG PA LA MNGON PAR DGA' BA GANG YIN PA DE NI, TSE 'PHOS NAS GRANG BAS SBREBS PA'I SRIN BU DAG TU SKYE BAR 'GYUR RO, ,TSE 'DI LA MCHOD RTEN GYI ZAS LHAG MA KHYER BA GANG YIN PA DE NI, SHI 'PHOS NAS LCAGS KYI SA GZHI RAB TU TSE BA'I SEMS CAN DMYAL BAR LTUNG BAR 'GYUR RO; ;BRGYA LA MIR SKYES PAR GYUR NA'ANG LKOG MA NAD KYIS BTAB PA DANG, TSE THUNG BAR 'GYUR RO, ,TSE 'DI LA DE BZHIN GSHEGS PA'I SKU GZUGS LA PHYAG BYED NA'ANG MGO BO SA LA MI GTUG PA GANG YIN PA DE NI, SHI 'PHOS NAS MGO THUR DU DBYANGS PA'I SEMS CAN DMYAL BAR LTUNG BAR 'GYUR TE, BRGYA LAM NA MI'I NANG DU SKYES NA'ANG, GZHAN DAG GIS MANG DU SLU BAR 'GYUR RO, ,TSE 'DI LA DE BZHIN GSHEGS PA'I SKU GZUGS LA PHYAG BYAS PA NA, THAL MO MI SBYOR BAR BYED PA GANG YIN PA DE NI, SHI 'PHOS NAS YUL MTHA' 'KHOB DAG TU SKYE BAR 'GYUR ZHING, 'BAD PA MANG PO BTZAL YANG CI YANG 'THOB PAR MI 'GYUR RO, ,TSE 'DI LA DRIL CAN GYI SGRA THOS KYANG MI LDANG BA GANG YIN PA DE NI, SHI 'PHOS NAS

326a

, ,SPRUL LUS CHEN PO DAG TU LTUNG BAR 'GYUR ZHING, LUS RING LA CHE BAS SROG CHAGS PHRA MO MANG PO RNAMS KYIS BZA' BAR 'GYUR RO, ,TSE 'DI LA LAG PA RGYAB TU BSTAN TE, DE BZHIN GSHEGS PA LA PHYAG BYAS PA GANG YIN PA DE NI, SHI 'PHOS NAS PHYIN KA LOG TU BCINGS PA'I SEMS CAN DMYAL BAR LTUNG BAR 'GYUR TE, GAL TE MIR SKYES PAR GYUR NA, NYES PA MED PAR GYOD 'BYUNG BAR 'GYUR RO, ,TSE 'DI LA THAL MO SBYAR NAS YAN LAG LNGA SA LA GTUGS TE, PHYAG BYAS PA GANG YIN PA DE NI, RTAG PAR CHO RIGS BTZUN PAR 'GYUR ZHING, RGYUN DU BDE BA MYONG BAR 'GYUR RO, ,TSE 'DI LA KHRO SKYON ZHING LTO LA 'KHOD PA GANG YIN PA DE NI, SNGON SMYON PA BYAS PA LAS 'ONGS PA YIN NO, ,TSE 'DI LA MIG YA YOR GYUR PA GANG YIN PA DE NI, SNGON LOG PA'I SEMS KYIS GZHAN GYI CHUNG MA LA BLTAS PA LAS GYUR PA YIN NO, ,TSE 'DI LA CHUNG MA'I NON BYAS NAS PHA MA LA SPYOS PA GANG YIN PA DE NI, SHI 'PHOS NAS LCE THONG GSHOL GYIS RMOD PA'I SEMS CAN DMYAL BAR LTUNG BAR 'GYUR RO, ,TSE 'DI LA CHANG GI NANG DU BSNAN TE, GZHAN DAG LA BYIN PA GANG YIN PA DE NI, SHI 'PHOS NAS CHU'I NANG DU SRIN BU DAG TU SKYE BAR 'GYUR RO, ,BRGYA LA MI'I NANG DU SKYES BAR GYUR NA'ANG LUS SKRAD ZHING DBUGS THUNG BAS 'CHI BA'I

326b

DUS BYED PAR 'GYUR RO, ,BCOM LDAN 'DAS KYIS BKA' STZAL PA, JI SKAD DU BSTAN PA'I SDUG BSNGAL SNA TSOGS MANG PO DE DAG THAMS CAD NI, SDIG PA MI DGE BA'I LAS RNAMS PA BCU'I DBANG LAS GYUR PA YIN PAS, RAB GANG YIN PA DE NI SEMS CAN DMYAL BA'I RGYU DANG, RKYEN BYED PAR 'GYUR RO, ,'BRING GANG YIN PA DE NI DUD 'GRO'I SKYE GNAS KYI RGYU DANG, RKYEN BYED PAR 'GYUR RO; THA MA GANG YIN PA DE NI YI DVAGS KYI RGYU DANG, RKYEN BYED PAR 'GYUR RO, ,SROG GCOD PA'I KHA NA MTHO BA DES NI, SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR 'GYUR RO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PAR GNYIS 'THOB PAR 'GYUR TE, TSE THUNG BA DANG, NAD MANG BA GANG YIN PA'O; ;MA BYIN PAR LEN PA'I KHA NA MA THOB PA GANG YIN PA DE NI, SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR BYED DO, ,GAL TE MIR SKYES PAR GYUR NA YANG RNAM PAR SMIN PA'I 'BRAS BU RNAM PA GNYIS 'THOB PAR 'GYUR TE, DBUL ZHING PHONGS PA DANG, NOR THUN MONG DU 'GYUR ZHING RANG DBANG MED PA GANG YIN PA'O,, 'DOD PAS LOG PAR G-YEM PA'I KHA NA MA THO BA GANG YIN PA DE NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG

327a

, ,BAR BYED DO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PA GNYIS 'THOB PAR GYUR TE, CHUNG MA GZHAN GYIS BYI BA BYED PA DANG, CHUNG MA DANG, PHAN TSUN RTZOD CING BDAG GI SEMS KYIS BSAMS PA BZHIN DU MI 'GYUR BA GANG YIN PA'O, ,BRDZUN DU SMRA BA'I KHA NA MA THO BA GANG YIN PA DE NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR BYED DO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PA GNYIS 'THOB PAR 'GYUR TE, SKUR PA MANG BA DANG, RTAG PAR GZHAN GYI MANG DU BSLUS PAR 'GYUR BA GANG YIN PA'O, ,PHRA MA BYAS PA'I KHA NA MA THO BA GANG YIN PA DES NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR BYED DO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PA GNYIS 'THOB PAR 'GYUR TE, RTAG PAR SGRA MI SNYAN PA THOS PAR 'GYUR BA DANG, GANG CI SMRAS KYANG RUNG BA STE, RGYUN DU RTZOD PA CAN 'GYUR BA GANG YIN PA'O, ,TSIG KYAL BA SMRAS PA'I KHA NA MA THO BA GANG YIN PA DES NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN

327b

DAG TU LTUNG BAR BYED DO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PA GNYIS 'THOB PAR 'GYUR TE, BDEN PA ZHIG SMRAS NA'ANG GZHAN DAG YID CHES BAR MI 'GYUR BA DANG, TSIG SMRAS PA RNAMS GZHAN GYIS GO BAR MI 'GYUR BA GANG YIN PA'O, ,BRNAB SEMS BSKYED PA'I KHA NA MA THO BA GANG YIN PA DES NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR BYED DO, ,GAL TE MIR SKYES NA'ANG RNAM PAR SMIN PA'I 'BRAS BU RNAM PA GNYIS 'THOB PAR 'GYUR TE; NOR LA BRKAM ZHING CHOG SHES PA MED PA DANG, MANG DU TSOL ZHING RTAG PAR YID BZHIN DU MNGON PAR GRUB PAR MI 'GYUR BA GANG YIN PA'O, ,GNOD SEMS KYI KHA NA MA THO BA GANG YIN PA DE NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR BYED DO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PA GNYIS MYONG BAR 'GYUR TE, RTAG PAR GZHAN GYIS GLAGS TSOL BAR 'GYUR BA DANG, RTAG PAR GZHAN GYIS GNOD PA BYED PAR 'GYUR BA GANG YIN PA'O, ,LOG PAR LTA BA'I KHA NA MA THO BA GANG YIN PA DES NI, SEMS CAN RNAMS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DAG TU LTUNG BAR

328a

, ,BYED DO, ,GAL TE MIR SKYES PAR GYUR NA'ANG RNAM PAR SMIN PA'I 'BRAS BU RNAM PA GNYIS 'THOB PAR 'GYUR TE, RTAG PAR LOG PAR LTA BA'I KHYIM DAG TU SKYE BAR 'GYUR BA DANG, SEMS G-YO SGYU DANG BCAS PAR 'GYUR BA GANG YIN PA'O, ,KYE SANGS RGYAS KYI SRAS RNAMS, DE LTAR NA SDIG PA MI DGE BA'I LAS KYI LAM BCU PO RNAMS NI SDUG BSNGAL MANG PO SNA TSOGS KYIS PHUNG PO CHEN PO'I RGYU DANG, RKYEN DU GYUR PA YIN NO, ,DE NAS DE'I TSE 'KHOR 'DUS PA CHEN PO DE NYID DU SDIG PA MI DGE BA'I LAS BCU PO DAG BYAS PA GANG YIN PA DE DAG BCOM LDAN 'DAS KYIS SEMS CAN DMYAL BA'I SDUG BSNGAL GYI RNAM PAR SMIN PA BKAS BSHAD PA THOS PA DANG, DE DAG THAMS CAD SKAD CHER PHYUNG STE DUS NAS; BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG CAG DGE BA JI LTA BU ZHIG SPYAD NA, SDUG BSNGAL 'DI DAG LAS THAR PAR 'GYUR LAGS, BCOM LDAN 'DAS KYIS BKA' STZAL PA, SEMS CAN THAMS CAD BSOD NAMS KYI LAS LA GZUD PAR BYA STE, JI LTAR BSOD NAMS MNGON PAR BSGRUB PAR BYA ZHE NA, SEMS CAN GANG LA LA ZHIG TSE 'DI LA YONGS SU BSKUL BA'I BDAG PO CHEN PO BYAS TE, DE BZHIN GSHEGS PA'I MCHOD RTEN DANG, DRI GTZANG KHANG DANG, GTZUG LAG KHANG BRTZIGS NA

328b

MA 'ONGS PA NA, GDON MI ZA BAR RGYAL PO BYED CING, SKYE BO MANG PO LA DBANG BYED PAR 'GYUR BAS, GANG YANG DAG MI NYAN PA MED PAR 'GYUR RO, ,TSE 'DI LA GRONG DANG, GRONG GI GTZO BOR GYUR KYANG DRANG RKAN CHE ZHING CHOS BZHIN DU SKYONG BAR BYED PA GANG YIN PA DE NI, MA 'ONGS PA NA GDON MI ZA BAR RGYAL PO'I BLON PO BYED PAR 'GYUR ZHING, GOS ZAS DANG, RTA PHUN SUM TSOGS PA DANG, CI DANG, CI 'DOD PA 'BYOR BAR 'GYUR RO, ,TSE 'DI LA SKYE BO MANG PO BSOD NAMS BYED PAR BSKUL ZHING GZUNG BA GANG YIN PA DE NI, MA 'ONGS PA NA GDON MI ZA BAR CHO RIGS BTZUN ZHING SHIN TU PHYUG PA'I KHYIM BDAG TU 'GYUR BAR SKYE'O, ,SKYE BO MANG PO KUN GYIS BKUR BA DANG, PHYOGS BCU PO DAG TU DON GNYER BA DAG KYANG 'GRUB PAR 'GYUR RO, ,TSE 'DI LA MAR ME BTZUGS NAS MCHOD PA BYED PA LA MNGON PAR DGA' BA GANG YIN PA DE NI, NYI ZLA'I LHAR SKYE BAR 'GYUR BAS 'OD ZER GYIS BDAG NYID GSAL BAR BYED PAR 'GYUR RO, ,TSE 'DI LA SBYIN PA GTONG BA LA DGA' BA DANG, BYAMS PA'I SEMS KYIS SROG CHAGS GSO BAR DGA' BA GANG YIN PA DE NI, SKYE BA THAMS CAD DU PHYUG POR 'GYUR BAS GOS ZAS DAG RANG 'BYUNG BAR 'GYUR RO, ,TSE 'DI LA SKYE BO MANG PO RNAMS LA BZA' BA DANG, BTUNG BA SBYIN PA LA MNGON PAR DGA' BA GANG YIN PA DE NI, SKYE BA THAMS CAD DU LHA'I ZAS RANG 'BYUNG

329a

, ,BAR 'GYUR BA DANG, GZUGS DANG, STOBS PHUN SUM TSOGS PA DANG, DBANG PO RNO ZHING SPOBS PA DANG LDAN PA DANG TSE RING BAR 'GYUR RO, ,GANG GIS DUD 'GRO'I GNAS SU SONG BA RNAMS LA SBYIN PA YONGS SU BTANG NA, RNAM PAR SMIN PA'I 'BRAS BU BRGYA 'GYUR SNYED 'THOB PAR 'GYUR RO, ,'DOD CHEN PO DAG LA SBYIN PA YONGS SU BTANG NA RNAM PAR SMIN PA STONG 'GYUR SNYED 'THOB PAR 'GYUR RO, ,TSUL KHRIMS DANG LDAN PA'I DGE SLONG LA SBYIN PA YONGS SU BTANG NA RNAM PAR SMIN PA KHRI 'GYUR SNYED 'THOB PAR 'GYUR RO, , GANG GIS THEG PA CHEN PO DE BZHIN GSHEGS PA'I GSANG BA'I SNYING PO 'KHOR MANG PO LA YANG DAG PAR BSGRAGS NAS, SEMS KYI MIG 'BYED PA'I CHOS SMRA BA GANG DAG LA SBYIN PA YONGS SU BTANG NA RNAM PAR SMIN PA'I 'BRAS BU TSAD MED PA SNYED 'THOB PAR 'GYUR RO, ,GANG GIS SANGS RGYAS DANG, BYANG CHUB SEMS DPA' RNAMS LA SBYIN PA YONGS SU BTANG NA, RNAM PAR SMIN PA'I 'BRAS BU MTHAR THUG PA MED PA SNYED LA LONGS SPYOD PAR 'GYUR RO, ,GZHAN YANG, GANG ZAG RNAM PA GSUM LA SBYIN PA YONGS SU BTANG NA RNAM PAR SMIN PA'I 'BRAS BU YONGS SU GTUGS PAR MI 'GYUR TE, DE BZHIN GSHEGS PA RNAMS DANG, PHA MA DANG, NAD PA RNAMS SO, ,ZAS ZA GCIG TZAM YONGS SU BTANG BAS KYANG RNAM

329b

PAR SMIN PA'I 'BRAS BU TSAD MED PA SNYED 'THOB PAR 'GYUR RO, ,RTAG PAR YONGS SU BTANG BAS YONGS SU GTUGS PAR MI 'GYUR BA LTA SMOS KYANG CI DGOS, TSE 'DI LA DGE 'DUN MANG PO'I SKU BSIL BA GANG YIN PA DE NI, SKYE BA THAMS CAD DU BYANG BZHIN SDUG CING MDZES PA DANG, RANG BZHIN GYIS GOS ZAS DANG LDAN PA DANG, SKYE BO MANG PO LA KUN GYIS BKUR BAR 'GYUR RO, ,TSE 'DI LA BSNGAGS PA BRJOD PA DANG, MDO SDE'I CHOS KLOG CING KHA TON DU 'DON PAR DGA' BA GANG YIN PA DE NI, SKYE BA'I GNAS THAMS CAD DU SGRA DBYANGS SNYAN CING THOS PA RNAMS RAB TU DGA' BAR 'GYUR RO, ,TSE 'DI LA TSUL KHRIMS BSRUNG BAR MNGON PAR DGA' BA GANG YIN PA DE NI, SKYE BA THAMS CAD DU BYAD BZHIN SDUG CING, MI'I NANG NA MCHOG TU 'GYUR RO, ,TSE 'DI LA LAM KAR KHRON PA BRKOS NAS SKYED SHING BTZUGS NAS GRIB MA MANG PO KUN LA BSGRIBS PAR MNGON PAR DGA' BA GANG YIN PA DE NI, SKYE BA THAMS CAD DU MI'I RGYAL PO BYED CING RO BRGYA DANG LDAN PA'I BZA' BA DANG, BTUNG BA BSAMS PA TZAM GYIS 'BYOR BAR 'GYUR RO, ,TSE 'DI LA MDO SDE BRIS TE GZHAN DAG LA BYIN NAS KLOG TU BCUG PA LA MNGON PAR DGA' BA GANG YIN PA DE NI; SKYE BA THAMS CAD DU BDAG GI SPOBS PA MANG PO DANG LDAN PA DANG, CHOS BSLABS PA LA LAN GCIG THOS PA TZAM GYIS GO BAR 'GYUR BA DANG, SANGS RGYAS DANG, BYANG CHUB SEMS

330a

, ,DPA' RNAMS KYIS BYIN GYIS RLOB CING, YONGS SU BSRUNG BA DANG, RTAG PAR MI'I NANG DU MCHOG DAM PA GTZO BO BYED PAR 'GYUR RO, ,TSE 'DI LA ZAM PA DANG, GRU GZINGS BCAS NAS SKYE BO MANG PO SGROL BAR MNGON PAR DGA' BA GANG YIN PA DE NI, SKYE BA THAMS CAD DU RIN PO CHE SNA BDUN PHUN SUM TSOGS PA DANG, SKYE BO MANG PO KUN GYIS BKUR ZHING BSNGAGS PA BRJOD NAS MNGON PAR DGA' BA DANG, PHAN TSUN 'GRO ZHING 'ONG BA'I TSE MANG PO KUN GYIS BSNYEN BKUR DANG, RIM GRO BYED PAR 'GYUR RO, ,BCOM LDAN 'DAS KYIS BKA' STZAL PA, KUN DGA' BO, NGAS JI SKAD DU MDO SDE DE DANG, DE DAG TU RGYU DANG, 'BRAS BU BSTAN NAS SEMS CAN MANG PO RNAMS KLOG PA DANG, KHA TON DU 'DON PA DANG, MNGON PAR BSGRUB PAR BSKUL NAS SDUG BSNGAL GYIS BGEGS LAS YONGS SU BZLAS PA DE BZHIN DU 'DIR YANG DE LTAR BSTAN PA YIN PAS, GANG LA LA ZHIG GIS CHOS KYI RNAM GRANGS 'DI THOS NAS; SKUR PA 'DEBS PAR BYED PA DE NI, TSE 'DI NYID LA LCE'I DBANG PO LTUNG BAR 'GYUR RO, ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, , BCOM LDAN 'DAS, CHOS KYI RNAM GRANGS 'DI'I MING CI LAGS, CI LTAR YONGS SU GZUNG BAR BGYI, BCOM LDAN 'DAS KYIS BKA' STZAL PA, KUN DGA' BO, CHOS KYI RNAM GRANGS

330b

'DI NI LEGS NYES KYI RGYU DANG, 'BRAS BU BSTAN PA ZHES BYA STE, BYANG CHUB SEMS DPA'I SPYOD PA MNGON PAR SGRUB PAR SMON LAM BTAB PA ZHES BYA BAR YANG ZUNGS SHIG ,BCOM LDAN 'DAS KYIS CHOS KYI RNAM GRANGS 'DI BSTAN PA NA, LHA DANG, MI STONG PHRAG BRGYAD CU BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR GYUR TO, ,BUD MED BRGYA STONG DU MA TSE 'DI NYID LA BUD MED KYI DBANG PO MED PAR GYUR NAS, SKYES PA'I LUS MNGON PAR GRUB PAR GYUR TO, ,SDIG PA SPYOD PA'I SKYE DGU STONG NYIS BRGYA NI, GDUG PA'I SEMS SPANGS NAS, BDAG GI TSE RABS DRAN PAR GYUR TO, ,DGE BA SPYOD PA'I SKYE BO TSAD MED PA DAG NI MI SKYE BA'I BZOD PA THOB NAS, RTAG PAR BDE BA MYONG BAR GYUR TO, ,TSE 'PHO BAR 'GYUR BA TSAD MED PA SNYED NI SANGS RGYAS KYI ZHING YONGS SU DAG PAR SKYES NAS, BYANG CHUB SEMS DPA' RNAMS DANG MNYAM ZHING MTSUNGS PA'I GROGS SU GYUR TO, ,BCOM LDAN 'DAS KYIS DE SKAD CES BKA' STZAL NAS, 'KHOR 'DUS PA THAMS CAD RANG GI GNAS SU DONG STE, BSOD NAMS MNGON PAR 'DU BYED CING, RAB TU DGA' BAR DGA' BZHIN DU SPYOD PAR GYUR TO, ,'PHAGS PA LEGS NYES KYI RGYU DANG; 'BRAS BU BSTAN PA ZHES BYA BA'I MDO RDZOGS SO,, ,,ZHUS CHEN GYI LO TZTSA BA BANDE CHOS GRUB KYIS RGYA GAR DANG, RGYA'I DPE LAS BSGYUR CING ZHUS TE GTAN LA PHAB PA,, ,,