, ,RGYA GAR SKAD DU, M'A R'I TZYEE S'A DHA NAm, BOD SKAD DU, 'OD ZER CAN GYI SGRUB THABS, 'PHAGS MA 'OD ZER CAN LA PHYAG 'TSAL LO, ,DANG PO NYI MA'I DKYIL 'KHOR GYI STENG
DU DANG PO'I BCU GSUM PA'I SA BON ZLA PHYED DANG THIG LES NYE BAR BRGYAN PA DE LAS SKYES PA'I 'OD ZER CAN SKU MDOG DMAR MO ZHAL DRUG PA DANG PO DMAR PO, GNYIS PA NAG PO, GSUM PA LJANG GU BZHI PA SER PO, LNGA PA DKAR PO DRUG PA NI STENG GI PHAG ZHAL TE NAG PO'O, ,MYA NGAN MED PA'I SHING DANG MCHOD RTEN GYIS BRGYAN PA, LTO 'PHYANG BA THOD PA'I PHRENG BAS MDZES SHING DBU SKRA BRDZES PA SPRUL GYIS RNAM PAR BRGYAN PA, STAG GI PAGS PA'I SHAM THABS CAN, BGEGS 'JOMS PAR MDZAD PA, KHA DOG SNA TSOGS PA'I PHAG GI SHING RTA LA BZHUGS PA, PHYAG G-YAS NA RAL GRI DANG, RDO RJE DANG, GTUN SHING DANG, MDA' DANG, RDO RJE RTZE GCIG PA DANG, DGRA STA BSNAMS PA, G-YON PA SDIGS MDZUB DANG BCAS PA'I ZHAGS PA DANG, THOD PA DANG, MYA NGAN MED PA'I YAL GA DANG, TSANGS PA'I MGO BO DANG, GZHU DANG, RTZE GSUM BSNAMS PA STE, 'DI PHYAG BCU GNYIS PA, SPYAN GSUM PA, KHA DOG DMAR ZHING ZLUM PA, ZHAL GTZIGS PA'O, ,SHING RTA'I DBUS SU PHYAG GNYIS PA SDIGS MDZUB DANG YAL GA BSNAMS PA, MDUN DU GNYIS PA BSGOM PAR BYA'O, ,DE NAS BDAG NYID BCOM LDAN 'DAS MA 'OD ZER CAN GYI PHYAG RGYA BCING BAR BYA'O, , RDO RJE THAL MO SBYAR NAS TING NGE 'DZIN GYIS GUNG MO BRKYANG NAS MNYAM DU MYU GUR BYAS TE, MTHEB CHEN SKYIL KRUNG BCINGS NAS MDZUB MO'I RTZE MO RNAM PAR GZUNG BAR BYA'O, ,AOm M'A R'I TZYEE M'Am H'Um H'Um PHAt PHAt SV'A H'A, 'OD ZER CAN GYI SGRUB THABS RDZOGS SO,,