, ,RGYA GAR SKAD DU, KALPOKTA M'A R'I TZYEE S'A DHA NAm, BOD SKAD DU; RTOG PA LAS GSUNGS PA'I 'OD ZER CAN GYI SGRUB THABS, 'PHAGS MA 'OD ZER CAN LA PHYAG 'TSAL LO, ,BLA MED BDE LA MA CHAGS PA, ,BLA MA SHES RAB PHA ROL PHYIN, ,PHYAG 'TSAL RTOG PA'I 'OD ZER CAN, ,SGRUB THABS DE LTAR BRI BAR BYA, ,DE LA DANG POR RE ZHIG RNAL 'BYOR PAS 'GRO BA MA LUS PA 'DON PA'I LHAG PA'I BSAM PAS AOm PHAt CES PA'I SNGAGS KYIS SNYING GA DANG, MGRIN PA DANG, MDZOD SPU DANG, SPYI BO RNAMS SU KHRO BO'I KHU TSUR BYIN NAS, AOm M'A R'I TZYEE BIGHN'Am NUT+S'A RA YA H'Um PHAt CES PAS BGEGS BSKRAD NAS, RANG GI SNYING GAR AOm YIG YONGS SU GYUR PA LAS NYI MA LA MAm YIG BSAMS NAS DE LAS BYUNG BA'I 'OD ZER GYI TSOGS KYIS BCOM LDAN 'DAS MA GDAN DRANGS TE MDUN GYI NAM MKHA' LA BZHUGS SU GSOL TE, GSER LTA BU ZHAL GSUM PA, SPYAN GSUM PA, PHYAG BRGYAD PA, DMAR PO NI G-YAS KYI ZHAL LO, ,SNGON PO MI SDUG PA PHAG GI ZHAL NI G-YON DU'O, ,RDO RJE DANG, LCAGS KYU DANG, MDA' DANG, KHAB RNAMS NI G-YAS KYI PHYAG BZHIN BSNAMS PA'O, ,MYA NGAN MED PA'I SHING GI YAL GA DANG, GZHU DANG, SKUD PA DANG, SDIGS MDZUB NI G-YON GYI PHYAG BZHIN BSNAMS PA'O, ,RNAM PAR SNANG MDZAD KYI DBU RGYAN CAN, RGYAN SNA TSOGS PAS BRGYAN PA, MCHOD RTEN GYI NANG NA GNAS PA, GOS DMAR PO'I PHU DUNG GI STOD G-YOGS CAN PHAG BDUN GYI SHING RTA'I STENG NA ZHABS G-YON BRKYANG GIS BZHUGS PA, PAm YIG LAS SKYES PA'I RLUNG GI DKYIL 'KHOR LA HAm YIG LAS SKYES PA'I ZLA BA DANG NYI MA 'DZIN PA'I GZA' CHEN PO SGRA GCAN YANG DAG PAR GNAS PA'I SHING RTA'I DBUS SU LHA MO BZHIS YONGS SU BSKOR TE, DE LA SHAR PHYOGS SU BATT'A LI DMAR MO PHAG GI GDONG PA CAN PHYAG BZHI PA KHAB DANG, LCAGS KYU PHYAG G-YAS NA BSNAMS PA, ZHAGS PA DANG, MYA NGAN MED PA'I SHING PHYAG G-YON NA BSNAMS PA, SHA 'GAG
DMAR PO CAN NO, ,DE BZHIN DU LHO PHYOGS SU BA D'A LI SER MO MYA NGAN MED PA'I SHING DANG, KHAB NI G-YON DANG G-YAS KYI PHYAG DAG NA'O, ,RDO RJE DANG ZHAGS PA NI G-YAS KYI DANG G-YON GYI PHYAG NA'O, ,GZHON NU'I GZUGS CAN LANG TSO DANG LDAN ZHING RGYAN GYIS BRGYAN PA'O, ,DE BZHIN DU NUB TU BA R'A LI DKAR MO RDO RJE DANG, KHAB NI PHYAG G-YAS PA DAG NA'O, ,ZHAGS PA DANG, MYA NGAN MED PA'I SHING NI PHYAG G-YON PA DAG NA BSNAMS PA'O, ,ZHABS G-YON BRKYANG GIS BZHUGS SHING LEGS PA'I GZUGS CAN MA'O, ,DE BZHIN DU BYANG PHYOGS KYI CHAR PHAG ZHAL MA DMAR MO SPYAN GSUM PA, PHYAG BZHI PA; RDO RJE DANG, MDA' NI PHYAG G-YAS NA BSNAMS SHING, GZHU DANG, MYA NGAN MED PA'I SHING NI PHYAG G-YON NA BSNAMS PA STE, GZUGS MDZES MA BSAMS NAS MCHOD PA DANG, PHYAG 'TSAL BA DANG, BSTOD PA DANG, SDIG PA BSHAGS PA DANG, BSOD NAMS LA RJES SU YI RANG BA DANG, YONGS SU BSNGO BA DANG, GSUM LA SKYABS SU 'GRO BA DANG, BYANG CHUB TU SEMS BSKYED PA DANG, LAM LA BRTEN PA LA SOGS PA BYAS TE, TSAD MED PA'I GNAS BZHI BSGOMS NAS, AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES PAS STONG PA NYID KYI TING NGE 'DZIN LA DMIGS NAS, DE NAS NYI MA'I DKYIL 'KHOR LA AOm YIG LAS SKYES PA'I RNAM PAR SNANG MDZAD SEN GE'I GDAN LA BZHUGS PA SKU MDOG DKAR PO RAL PA'I COD PAN BCINGS PA BYANG CHUB MCHOG GI PHYAG RGYA MDZAD PA ZHI BRGYAN THAMS CAD KYIS BRGYAN PA'O, ,DE'I THUGS KAR ZLA BA LA YI GE NYI SHU RTZA LNGAS YONGS SU BSKOR BA'I MAm YIG GI SA BON YONGS SU GYUR PA LAS SKYES PA'I MYA NGAN MED PA'I YAL GA ,DE'I STENG DU ZLA BA LA MAm YIG GI SA BON DE THAMS CAD YONGS SU GYUR PA LAS JI LTAR GSUNGS PA'I SKU MDOG DANG PHYAG LA SOGS PA'I MTSAN NYID CAN 'OD ZER CAN GYI SKU'I BDAG NYID DU SKAD CIG GIS BSAMS NAS; AOm M'A R'I TZYEE BATT'A LI BA D'A LI BA R'A LI B'A R'A H'A MU KHI A'A KARshA YA DZA:SV'AH'A, ZHES PA 'DIS BATT'A LI SHAR GYI PHYOGS SU DGOD PAR BYA'O, ,DE BZHIN DU AOm M'A R'I TZYEE BATT'A LI BA D'A LI BA R'A LI B'A R'A H'A MU KHI SARBA DUsht'A PRA DUsht'A NAm MU KHAm BANDHA BANDHA H'Um SV'A H'A, ZHES PAS LHO PHYOGS SU BA D'A LI'O, ,DE
, ,BZHIN DU AOm M'A R'I TZYEE BATT'A LI BA D'A LI BA R'A LI B'A R'A H'A MU KHI SARBA DUsht'A NAm MU KHAm STAm BHA YA BAm SV'A H'A ZHES PAS NUB TU BA R'A LI'O, ,DE BZHIN DU AOm M'A R'I TZYEE BATT'A LI BA D'A LI BA R'A LI B'A R'A H'A MU KHI SARBA SATV'A BA SHA MA N'A YA HO:SV'A H'A ZHES PA 'DIS BYANG DU B'A R'A H'A MU KHI'O ZHES SO, ,AOm M'A R'I TZYEE M'Am H'Um H'Um PHAt SV'A H'A ZHES PA NI BSGOMS PA'I RJES LA BZLAS PAR BYA'O, ,DE BZHIN DU THUN MTSAMS GSUM DU BYIN GYIS BRLABS NAS LHA'I RNAL 'BYOR GYIS GNAS PAR BYA'O, ,RTOG PA LAS GSUNGS PA'I 'OD ZER CAN GYI SGRUB THABS RDZOGS SO,,