, ,RGYA GAR SKAD DU, KAL POKTA DA SHA BHU DZA S'I TA M'A R'I TZYEE S'A DHA NAm, BOD SKAD DU, RTOG PA LAS GSUNGS PA'I 'OD ZER CAN DKAR MO PHYAG BCU PA'I SGRUB THABS, 'PHAGS MA 'OD ZER CAN LA PHYAG 'TSAL LO, ,SNGON DU GSUNGS PA'I CHO GAS PAm YIG LAS SKYES PA'I SNA TSOGS PADMA'I STENG DU ZLA BA LA MAm YIG DKAR PO LAS SKYES PA'I 'OD ZER CAN DKAR MO ZHAL LNGA PA, PHYAG BCU PA, ZHABS BZHI PA'I BDAG NYID DU SKAD CIG GIS BSAM PAR BYA'O, ,DE LA RTZA BA'I ZHAL DKAR PO, G-YAS NAG PO, G-YON PHAG ZHAL DMAR MO, RGYAB ZHAL LJANG GU, DBU'I STENG DU ZHAL SER MO, RIN PO CHE SNA TSOGS PA'I ZUR PHUD GSUM GYIS BRGYAN CING RAL PA'I COD PAN CAN, PHYAG G-YAS PA LNGA RNAMS NA NYI MA'I DKYIL 'KHOR DANG, RDO RJE SNGON PO DANG, MDA' DANG, LCAGS KYU DANG KHAB PHYAG NA BSNAMS PA'O, ,G-YON PA LNGA RNAMS NA ZLA BA'I DKYIL 'KHOR DANG, GZHU DANG, MYA NGAN MED PA'I LO MA DANG, ZHAGS PA DANG BCAS PA'I SDIGS MDZUB DANG, SKUD PA BSNAMS PA'O, ,LANG TSO GZHON ZHING PHU DUNG STOD G-YOGS DKAR PO CAN, MCHOD RTEN GYI NANG NA GNAS PA, PHAG BDUN GYI SHING RTA LA ZHON PA, KHYAB 'JUG DANG, DBANG PO DANG, BDE BYED DANG, TSANGS PA RNAMS ZHABS BZHIS MNAN PA, DE'I SHING RTA'I DBUS SU GNAS PA'I CHU SRIN MNAN PA'I BCOM LDAN 'DAS MA GZHAN TE, SKU MDOG NAG MO PHAG GI GDONG PA CAN, RDO RJE DANG SDIGS MDZUB NI G-YAS DANG G-YON GYI PHYAG NA'O, ,G-YAS PHYOGS SU GZHAN BCOM LDAN 'DAS MA NI PHAG ZHAL DMAR MO PHYAG BZHI BA G-YAS PA GNYIS KYIS LCAGS KYU DANG KHAB BSNAMS PA'O, ,PHYAG
G-YON PA GNYIS KYIS ZHAGS PA DANG BCAS PA'I SDIGS MDZUB DANG SKUD PA BSNAMS PA'O, ,MDZES PA'I RGYAN GYIS BRGYAN PA'O, ,G-YON GYI PHYOGS SU RJE BTZUN MA GZHAN RNAMS NI PHAG ZHAL DMAR MO'O, ,RNA BA'I BAR DU BSKANG BA'I GZHU DANG MDA' DANG, RDO RJE DANG, MYA NGAN MED PA'I SHING GI YAL GA NI G-YAS DANG G-YON GYI PHYAG NA BSNAMS PA'O, ,SNA TSOGS PA'I RGYAN GYIS BRGYAN PA STE, SHING RTA 'DREN PA'I PHAG GI 'OG NAS NYI MA LA SOGS PA'I GZUGS GZA' DGU STE, NYI MAS NYE BAR 'TSE BA'I NAD KYI TSOGS KYANG MI'I GZUGS KYI 'OG TU LTUNG BAR BSAM PAR BYA'O, ,DE NAS SNYING GA'I ZLA BA LA GNAS PA'I MAm GI SA BON GYI 'OD ZER GYIS DE BZHIN GSHEGS PA RNAMS GDAN DRANGS TE, DBANG BSKUR BA BLANGS NAS DBU LA RNAM PAR SNANG MDZAD KYIS RGYAS GDAB PA'O, ,DE NAS SNYING GA'I SA BON LAS DE BZHIN DU PHRENG BA'I RNAM PA LTA BU'I SNGAGS KYI YI GE RNAMS KHA NAS 'THON NAS LTE BA, LTE BA NAS KHA RU, KHA NAS SLAR YANG LTE BA LA SOGS PAR 'KHOR LO 'KHOR BA'I RIM PA BZHIN DU SNGAGS BZLAS PAR BYA'O, ,DE LA SNGAGS NI 'DI YIN TE, AOm M'A R'I TZYEE M'Am H'Um H'Um PHAt PHAt SV'A H'A, RANG GI SA BON GYI BYIN GYIS BRLABS LA ZAS LA SOGS PA THAMS CAD LA RJES SU GNAS PAR BYA'O, ,NGAL NA YI GE BRGYA BA'I SNGAGS BRJOD LA CI BDER GNAS PAR BYA'O, ,RTOG PA LAS GSUNGS PA'I 'OD ZER CAN DKAR MO PHYAG BCU PA'I SGRUB THABS RDZOGS SO,,