, ,RGYA GAR SKAD DU, AE KA DZ'A t'I S'A DHA NAm, BOD SKAD DU, RAL PA GCIG MA'I SGRUB THABS, 'PHAGS MA AE KA DZ'A t'I LA PHYAG 'TSAL LO, ,AOm A'A:H'Um AOm BADZRA YO GI N'I PRA T'ITZTSA MAm BA LIm HR'Im H'Um HA HA HA HA HE HE HAm HA:PHAt MA MA SH'ANTIm KU RU SV'AH'A, AOm A'A:RAL'I HAm ZHES PA LA SOGS PA BRJOD PAR BYA'O, ,DE NAS RAB TU BSHAD BYA BA, ,PHYAG GNYIS RAL GCIG SGRUB PA'I THABS, ,RAL GCIG KHAM PA GYEN BRDZES PA'I, ,LHA MO GRI GUG THOD PA BSNAMS, ,DE BZHIN LHA MO PHYAG BZHI MA, ,RTOG PAR YANG MI BDAG GIS BSHAD, ,MDA' DANG RAL GRI G-YAS NA BSNAMS, ,G-YON NA GZHU DANG THOD PA STE, ,DE BZHIN DU NI PHYAG BRGYAD KYANG, ,RIM GYUR BDAG GIS BSHAD PAR BYA, ,G-YAS NA RAL GRI MDA' DANG NI, ,RDO RJE GRI GUG DE BZHIN DU, ,G-YON NA AUTPAL GZHU DANG NI, ,STA GRI DANG NI THOD PA BSNAMS, ,SKU MDOG NAG MO DANG LDAN MA, ,STAG LPAGS SHAM THABS KUN NAS MNABS, ,ZHAL GCIG SPYAN NI GSUM PA STE; ,RAL PA KHAM PA GYEN DU BRDZES, ,DRAG MO KUN NAS LTO BA 'PHYANG, ,G-YON BRKYANG ZHABS KYIS YANG DAG GNAS, ,KHRO BA DANG BCAS ZHAL GTZIGS SHING, ,MGO BO'I PHRENG BA 'PHYANG BA CAN, ,RO LA GNAS SHING 'JIGS CHEN MO, ,MI BSKYOD PA YIS DBU LA BRGYAN, ,LANG TSO GZHON ZHING PHUN SUM TSOGS,, MI BZAD GAD RGYANGS 'PHRO BA CAN, ,t'Am YIG SA BON LAS BYUNG BA, ,DE MA THAG RKYEN BYED PA CAN, ,SNA TSOGS PADMA'I STENG DU NI, ,RAB TU 'BAD PAS NYI MA BSAM, ,HR'Im TR'Im H'Um PHAt, MKHAS PAS RAL GRI'I GNAS SU NI, ,RUS PA'I PHRENG BA BSAM PAR BYA, ,JI LTAR SNGON GSUNGS RIM PA YIS, ,SNGAGS MCHOG YANG DAG BZLAS PAR BYA, ,BSGOM PA'I STOBS NI RDZOGS PA NA, ,RNAL 'BYOR SNYAN NGAG CHEN POR 'GYUR, ,'BUM PHRAG GCIG GI BZLAS PA YIS, ,'JAM DBYANGS DANG MTSUNGS THOB PAR 'GYUR, ,SGROL MA'I SGRUB THABS BRTZAMS PA YIS, ,BDAG GIS BSOD NAMS GANG BSGRUBS DES, ,SROG CHAGS SKYE
, ,BO MA LUS PA, ,SGROL MA DANG NI MTSUNGS PAR SHOG ,RAL PA GCIG MA'I SGRUB THABS RDZOGS SO,,