, ,RGYA GAR SKAD DU, A'ARYA DZ'Am GU L'I S'A DHA NAm, BOD SKAD DU, 'PHAGS MA DZ'Am GU L'I'I SGRUB THABS, 'PHAGS MA DUG SEL MA LA PHYAG 'TSAL LO, , SEMS CAN RNAMS LA BRTZE BA CAN, ,'PHAGS MA DUG SEL GZUGS CAN MA, ,BCOM LDAN SGROL MA LA BTUD NAS, ,DE YI SGRUB THABS BRI BAR BYA, ,DANG PO RE ZHIG SNGAGS PAS GTZANG ZHING KHRUS BYAS NAS, PHRENG BA DANG GOS DKAR PO BZUNG STE, SKYE BOS DBEN PA'I SA PHYOGS LEGS PAR BYUGS SHING DRI BZANG DKAR PO'I CHUS CHAG CHAG BTAB NAS ME TOG DKAR PO GCAL DU BKRAM STE, STAN BDE BA LA NYE BAR 'DUG NAS 'GRO BA RNAMS LA BYAMS PA DANG, SNYING RJE DANG, DGA' BA DANG, BTANG SNYOMS RNAMS RNAM PAR BSGOM PAR BYA'O, ,AOm SVA BH'A BA SHUDDHA:SARBA DHARM'A:SVABH'A WA SHUDDHO&HAm ZHES BRJOD PAR BYA'O, ,DE NAS GZUNG BA DANG 'DZIN PA DANG BRAL BAR BLTA'O, ,DE NAS PAm YIG YONGS SU GYUR PA LAS PADMA DKAR PO 'DAB MA BRGYAD PA RNAM PAR BSAM PAR BYA'O, ,DE'I ZE'U 'BRU LA AA YIG DKAR PO YONGS SU GYUR PA LAS ZLA BA'I DKYIL 'KHOR
BLTAS NAS, DE'I STENG DU HR'I: YIG KHA DOG DKAR PO LAS SKYES PA'I BDAG NYID 'PHAGS MA DUG SEL MA SKU MDOG THAMS CAD DKAR MO PHYAG BZHI PA, ZHAL GCIG PA, RAL PA'I COD PAN CAN, DKAR MO GOS DKAR POS STOD G-YOGS BYAS PA, RIN PO CHE'I RGYAN DKAR POS BRGYAN PA, SBRUL DKAR POS BRGYAN PA, SEMS DPA'I SKYIL KRUNG GIS BZHUGS PA, RTZA BA'I PHYAG DAG GIS PI WANG BSGRENG BAR MDZAD PA, G-YON GYI GNYIS PAS SBRUL DKAR PO BSNAMS PA, G-YAS KYI GNYIS PAS MI 'JIGS PA RAB TU SBYIN PA, ZLA BA'I 'OD KYI PHRENG BA BSNAMS PA BSAM PAR BYA'O; ,MGO BO DANG MGRIN PA DANG NU MA'I BAR DU ZLA BA'I DKYIL 'KHOR LA A'A:HR'I:H'Um GI YI GE RNAM PAR BSGOM PAR BYA'O, ,DE'I RJES SU HR'I:YIG GI 'OD ZER GYI NAM MKHA' LA GNAS PA'I YE SHES SEMS DPA' GDAN DRANGS TE DAM TSIG SEMS DPA' DANG GCIG TU BYAS TE RNAM PAR BSGOM PAR BYA'O, ,DZA:H'Um BAm HO:RAB TU SBYOR BAS SO, ,SLAR YANG HR'I:YIG GI 'OD ZER GYIS NAM MKHA' LA BZHUGS PA'I DE BZHIN GSHEGS PA THAMS CAD GDAN DRANGS TE SEMS CAN GYI DON LA BRTZON BAS KUN NAS DBANG BSKUR ZHING LUS KYI NANG DU ZHUGS PAR BSAM PAR BYA'O, ,DE BZHIN DU BSAMS NAS SNGAGS BZLAS PAR BYA'O, ,HR'I:ZHES PA'I SNGAGS 'BUM PHRAG BDUN BZLAS NAS ME TOG DKAR PO'I SBYIN SREG KHRI PHRAG BDUN BYA'O, ,RGYAN DKAR POS RNAM PAR BRGYAN PAR BYA'O, ,'DI'I RIM PAS NAM MKHA' LDING GI DBANG PHYUG NYID KYI MKHAS PAR GYUR NAS BSTAN BCOS THAMS CAD LA 'JIGS PA MED CING DUG THAMS CAD 'JOMS PA NYID DU 'GYUR TE THE TSOM MED DO, ,'PHAGS MA DZ'Am GU L'I'I SGRUB THABS RDZOGS SO,,