, ,RGYA GAR SKAD DU, SARBA AARTHA S'A DH'A N+YA A'ARYA BRA SANNA T'A R'A S'A DHA NI, BOD SKAD DU, DON THAMS CAD GRUB PA RAB TU SBYIN PA'I 'PHAGS MA SGROL MA'I SGRUB THABS, 'PHAGS MA SGROL MA LA PHYAG 'TSAL LO, ,SNGON MA'I RIM PA RAB TU SBYOR BAS BHA GA'I DBUS SU ZLA BA'I DKYIL 'KHOR LA LHA MO SGROL MA CHEN MO GSER GYI MDOG LTA BU 'JIGS PA CHEN MO ZHAL BRGYAD PA, SPYAN GSUM PA, PHYAG BCU DRUG GIS RNAM PAR BRGYAN PA, DBU SKRA KHAM PA GYEN DU BRDZES PA, MGO BO RLON PA'I PHRENG BA BRGYA PHYED KYIS DO SHAL BYAS PA, 'GRO BA RNAMS SKYOB PA'I STOBS CHEN MO ZHABS G-YAS BRKYANG BA DANG LDAN PA, BZHAD CING LANG CHO GZHON NU LA SNA TSOGS PA'I GOS KYIS BRGYAN PA, RTZA BA'I ZHAL SENG PO, G-YAS KYI GNYIS PA NI NAG PO, GSUM PA NI LJANG GU, BZHI PA NI NAM MKHA' LTA BU SNGON PO'O, ,G-YON PA NI KUNDA LTA BU, GNYIS PA NI DMAR PO, GSUM PA NI NAM MKHA' LTA BU SNGON PO, STENG NI DU BA'I MDOG LTA BU 'JIGS PA CHEN MO'O, ,ZHAL DBUS MA RNAM PAR GTZIGS PA'O, ,PHYAG G-YAS PA RNAMS NA RAL GRI DANG, AUTPA LA DANG MDA' DANG, RDO RJE DANG LCAGS KYU DANG, DBYUG PA DANG, GRI GUG BSNAMS PA DANG, MI 'JIGS PA RNAMS SO, ,G-YON GYI
PHYAG RNAMS NA ZHAGS PA DANG BCAS PA'I SDIGS MDZUB DANG, THOD PA DANG, GZHU DANG, KHA tV'Am GA DANG, RDO RJE DANG BCAS PA'I ZHAGS PA DANG, TSANGS PA'I MGO BO DANG, RIN PO CHE DANG, BUM PA RNAMS BSNAMS PA'O, ,SNA TSOGS PADMA DANG ZLA BA LA BZHUGS PA, ,NYI MA'I 'OD KYIS RNAM PAR BRGYAN PA, ZHABS G-YON PAS DBANG PO DANG, ZHABS GNYIS KYI DBUS SU DRAG PO DANG, TSANGS PA DANG, 'KHOR LO CAN LA GNAS PA'O, ,SGRIB PA THAMS CAD RNAM PAR 'JOMS PA, RNAL 'BYOR PAS BSGOMS PAS MYUR DU DNGOS GRUB RNAMS THOB PAR 'GYUR RO, ,BZLAS PA'I SNGAGS NI AOm PRA SANNA T'A REE AA MRi TE, AA MRi TA MU KHE AA MRi TA LO TZA NE SARB'ARTHA S'A DHA NI SARBA SATVA BA SHAm KA RI H'Um H'Um PHAt SV'AH'A, ZHES PA NI DON THAMS CAD RAB TU GRUB PA SBYIN PA'I 'PHAGS MA SGROL MA'I SGRUB THABS RDZOGS SO,,