, ,RGYA GAR SKAD DU, DURGA TI AUTT'A RI n'I S'A DHA NAm, BOD SKAD DU, NGAN SONG LAS SGROL MA'I SGRUB THABS, ,'PHAGS MA SGROL MA LA PHYAG 'TSAL LO, ,NA MA A'ARY'A BA LO KI TE SH'A R'A YA, BO DHI SATV'A YA, MA H'A SATV'A YA, MA H'A K'A RU nI K'A YA, NA MO BHA GA BA TEE A'ARYA T'A RA YEE, AOm T'A RE TUTT'A RE TU RE B'I RE DURGA TI AUTT'A RA YA, HR'Im HR'Im HR'Im SARBA DU:KH'ATA MO TZA NI BHA GA BA TI DURG'A TV'A RA nO MA H'A YO GESHTZA RI HRI'm NA MO TU RE SV'A H'A, 'DIR BCOM LDAN 'DAS MA NGAN SONG LAS SGROL BA'I SGROL MA LJANG SNGON PHYAG BZHI PA, G-YON PAS ZHAGS PA BSNAMS PA, G-YAS PAS LCAGS KYU BSNAMS SHING GUS PAS DBYUGS 'BYIN PA, G-YAS PAS MCHOG SBYIN PA, MDZES PA'I PHRENG BA DANG NA BZA' MNABS PA, PHYAG G-YON PAS AUTPA LA SNGON PO BSNAMS SHING NA BZA' DKAR PO SKU LA MNABS PA PADMA'I GDAN LA BZHUGS PA DUS GSUM DU BSGOM PAR BYA'O, ,SDUG BSNGAL THAMS CAD LAS SGROL ZHING BCINGS PA RNAMS GROL BAR BYED DE, LCAGS SGROG GIS BSDAMS PA DANG, ZHAGS PAS BCINGS PA DANG, GDON GYIS RENGS PA LAS SGROL BAR BYED DO, ,BCINGS PA'I GNAS SU BZLAS PAR BYA'O, ,STONG NGAM BRGYAD BRGYA NYI MA RE RE LA BZLAS PAS GROL BAR 'GYUR RO, ,GAL TE MI GROL NA DE'I TSE MGO 'GAS SHING BCAD PAR 'GYUR BAS BDE BAR 'GYUR RO, ,CHE GE MO GROL BAR GYIS SHIG ,GAL TE MA GROL NA DE'I TSE MGO 'GAS PAR 'GYUR RO, ,RIMS CHEN POR 'GYUR RO, ,MI BZAD PA'I ZUG RNGU CHEN POR 'GYUR RO, ,SGRUB PA PO MTHONG BAS STER BAR 'GYUR RO, ,NYI MA BDUN GYIS NGES PAR GROL BAR 'GYUR RO, ,'DI NI BCOM LDAN 'DAS NGAN SONG LAS SGROL BA'I SGROL MAS GSUNGS SO, ,H'Um HR'Im DZA:LAN BDUN DU ME TOG LA MNGON PAR BSNGAGS NAS SBYIN PAR BYA'O, ,MCHOD PA'I DBUS SU KHAm T'Am, G-YON SKOR GYIS BHR'Um A'Am DZR'Im H'Um, G-YAS SKOR GYIS L'Am M'Am P'Am P'Am T'Am ZHES SO, ,NGAN SONG LAS SGROL MA'I SGRUB THABS RDZOGS SO,, ,,