35 · GMLW-002669

The Sutra of Maitreya (Maitrī Sūtra)

BYAMS PA'I MDO

נושאי-מדףSubjects:

SHER PHYIN SNA TSOGSOther Teachings on the Perfection of Wisdom

MDO MANGCollection of Sutras (Sūtra)$$

נושאיםTopics:the BuddhaKarmaVirtuethe Four TruthsGivingSuffering

חיי היום-יוםDaily life:daily practice

נמצא בfound inOther Teachings on the Perfection of Wisdom

מספר טוהוקוTohoku numberToh 35 · Prajnaparamita

מהדורהrecensionDerge

כותרת בסנסקריטSanskrit titleMEE TR'I S'U TRA

כניעה לhomage toBYAMS PA

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDHE DPAL BRTZEGS RAKshI TAS

פוליוfolios409a–420a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra in verse; a prophecy of the future Buddha

מקום החיבורplace of compositionKapilavastuthe Buddha is at Kapilavastu in the banyan park on the bank of the river Rohini

אנשים ומקומותpeople and places namedShariputra · Jinamitra · Peltsek RakshitaShariputra asks about the Conqueror to come; the colophon names Jinamitra with the lotsawa Bande PELTSEK RAKSHITA

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textnothe head calls it the Sutra of Maitreya and the closing calls it the PROPHECY of Maitreya

הקבציםThe files

KL00035E-1_BYAMS PA'I MDO_The Sutra of Maitreya (Maitrī Sūtra).txt/7. SHER PHYIN SNA TSOGS_Other Teachings on the Perfection of Wisdom/VOL 1 (KA)

KL00035E-2_'PHAGS PA BYAMS PA'I MDO_The Exalted Sutra of Maitri (Ārya Maitrī Sūtra Nāma).txt/10. MDO MANG_Collection of Sutras (Sūtra)$$/VOL 28 (SA)

KL00035E-3_'PHAGS PA BYAMS PA LUNG BSTAN PA_The Exalted Sutra of the Prediction of the Coming of Maitreya (Ārya Maitrī Vyākaraṇa).txt/10. MDO MANG_Collection of Sutras (Sūtra)$$/VOL 28 (SA)

הטקסטThe text

טיבטיתTibetanKL00035E-1_BYAMS PA'I MDO_The Sutra of Maitreya (Maitrī Sūtra).txt25,669 תוויםcharacters

409a

,,RGYA GAR SKAD DU, MEE TR'I S'U TRA, BOD SKAD DU, BYAMS PA'I MDO, 'PHAGS PA DKON MCHOG GSUM LA GUS PAS PHYAG 'TSAL LO, ,STON PA DUS GCIG NA SER SKYA'I GZHI DANG, N+YA GRO

409b

DHA'I KUN DGA' RA BA DANG, CHU KLUNG RO HI NA'I 'GRAM NA BZHUGS SO, ,DE NAS TSE DANG LDAN PA SH'A RI'I BUS MA 'ONGS PA'I RGYAL BA DE'I PHYIR BCOM LDAN 'DAS LA ZHUS PA, KHYED KYI RJES BSTAN BLO BRTAN NI, ,CI 'DRA'I SANGS RGYAS SU 'GYUR BAR, ,SPYAN LDAN YONGS SU RGYAS PAR NI, ,BDAG NI RAB TU NYAN PAR 'DOD, ,GNAS BRTAN ZHUS PA GSAN NAS NI, ,BCOM LDAN 'DAS KYIS 'DI SKAD GSUNGS, ,BSOD NAMS PHUNG PO MI NYUNG BA'I, ,GRAGS PA CHEN PO MI PHAM PA'I, ,YON TAN THAMS CAD BRJOD MI NUS, ,MDOR BSDUS NAS NI LEGS BSHAD PA, ,PHYOGS GCIG TZAM NI BSTAN PAR BYA, ,SH'A RI'I BU NYON NGA YI TSIG ,'DI NI BSKAL BA BZANG PO STE, ,SKYE BA BYE BA'I LO RU NI, ,BYAMS PA ZHES PA'I MING NYID KYIS, ,RKANG GNYIS MCHOG GI SANGS RGYAS SO, ,JI LTAR NGA 'DAS NAS DANG POR DUS LNGA 'BYUNG STE, 'BRAS BU'I BAR GYI DUS DANG, BSGRUB PA'I BAR GYI DUS DANG, LUNG GI BAR GYI DUS DANG, RTAGS TZAM GYI BAR GYI DUS DANG, SKU GDUNG GI BAR GYI DUS SO, ,DE LA 'BRAS BU'I BAR GYI DUS NI, SANGS RGYAS YONGS SU MYA NGAN LAS 'DAS NAS, LO STONG PHRAG GCIG GI NANG DU RTOGS BA SKYED PAR NUS SO, ,DE SONG ZHING SONG BA'I DUS SU, PHYIR MI 'ONG BA RNAMS DANG, LAN GCIG PHYIR 'ONG BA DANG, RGYUN DU ZHUGS PA'O, ,DE RNAMS YOD PA NA 'BRAS BU'I BAR GYI

410a

, ,DUS MED CES BRJOD BAR MI BYA'O, ,LHAG MA NI RGYUN DU ZHUGS PA STE, DE 'DAS NAS 'BRAS BU'I BAR GYI DUS NUB PA ZHES BYA'O, ,'DI NI 'BRAS BU'I BAR GYI DUS NUB PA ZHES BYA BA YIN NO, ,BSGRUB PA'I BAR GYI DUS ZHES BYA BA NI, ZHI GNAS DANG, LHAG MTHONG GI LAM GYI 'BRAS BU BSLAB PAR MI NUS PAR PHAM PA BZHI PO BSRUNG BAR NUS PA TZAM MO, SONG ZHING SONG BA'I DUS SU, PHAM PA BZHI PO DE NYID BSRUNG BA TZAM MO, ,PHAM PA BZHI PO SRUNG BAR BYED PA NI, DGE SLONG RNAMS STONG PHRAG GCIG GI NANG NA BRGYA TZAM YOD NA YANG BSGRUB PA'I BAR GYI DUS NUB PA ZHES MI BYA'O, ,BRGYA'I NANG NA DGE SLONG GCIG TZAM YOD PA LAS SDOM PA ZHIG PA DANG, SHA BI NA BSGRUB PA'I BAR GYI DUS NUB PA ZHES BYA'O, ,'DI NI BSGRUB PA'I BAR GYI DUS NUB PA ZHES BYA'O, ,LUNG GI BAR GYI DUS ZHES BYA BA NI, SANGS RGYAS KYI GSUNG RAB SDE SNOD GSUM PO'I DON MI GO ZHING SGRA TZAM KLOG PA DANG, PO TI YOD PA'I BAR NI LUNG GI BAR GYI DUS YONGS SU RDZOGS PA ZHES BYA'O, ,SONG ZHING SONG BA'I DUS SU RTZOD PA'I DUS KYI RGYAL PO RNAMS CHOS MA YIN PA BYED PAR 'GYUR RO, ,BLON PO LA SOGS PA RNAMS KYANG CHOS MA YIN PA BYED PAR 'GYUR TE, DE NAS YUL 'KHOR RNAMS DANG, LJONGS RNAMS KYANG DE BZHIN NO, ,DE RNAMS

410b

KYIS CHOS MA YIN PA'I RGYU YIS LHA RNAMS CHAR LEGS PAR MI 'BEBS SO, ,'BRU RNAMS LEGS PAR MI SMIN NO, ,DE RNAMS KYI 'BRU MA SMIN PAS DGE SLONG GI DGE 'DUN LA BZA' BA STER MI NUS SO, ,DGE SLONG RNAMS KYIS KHA ZAS MA RNYED PAS SLOB MA DANG, YANG SLOB RNAMS 'DZIN PAR MI NUS SO, ,SONG ZHING SONG BA'I DUS SU LUNG GI DUS DMAN PA'O, , DANG PO NI RAB TU BYED PA CHEN PO NYAMS PAR 'GYUR RO, ,DE NUB NAS YA MA KAm GI TSIGS SU BCAD PA DANG, BZHI DANG, GANG ZAG DANG, GDAGS PA DANG, SKU GDUNG GI GTAM DANG, RNAM 'BYED DANG, CHOS BSDU BA NUB PAR 'GYUR BA'I, CHOS MNGON SDE SNOD NUB NAS, MDO SDE'I SDE SNOD NUB PAR 'GYUR RO, ,DE NAS AAm GA PHYI MA'I SDE PA NUB PAR 'GYUR RO; ;AAm GA PHYI MA'I SDE PA NUB NAS, YANG DAG PAR LDAN PA'I SDE PA NUB PAR 'GYUR RO, ,BAR MA'I SDE PA DANG, RING PO'I SDE PA NUB PAR 'GYUR RO, ,RING PO'I SDE PA NUB NAS 'DUL BA DANG BCAS PA'I SKYES RABS GNAS SO, ,'DUL BA'I SDE SNOD LA YANG NGO TSA DANG LDAN PA TZAM 'DZIN NO, ,SONG ZHING SONG BA'I DUS SU SKYES PA'I RABS TZAM YANG 'DZIN PAR MI NUS SO, ,DANG PO THAMS CAD SGROL GYI SKYES PA'I RABS NUB PAR 'GYUR RO, ,THA MAR LO MA MED PA'I SKYES PA'I RABS NUB PAR 'GYUR RO, ,SKYES RABS RNAMS NUB NAS

411a

, ,'DUL BA'I SDE SNOD 'BA' ZHIG 'DZIN NO, ,SONG ZHING SONG BA'I DUS SU MI GANG ZHIG GIS SANGS RGYAS KYI GSUNG RAB KYI TSIGS SU BCAD PA GCIG TZAM DAR BAR BYED NA, LUNG GI BAR GYI DUS NUB PA MED DO, ,GANG ZHIG RGYAL PO CHOS LA DAD PA'I DUS SU GLANG PO CHE'I RGYAB TU GSER GYI ZA MA TOG GCIG GZHAG STE, NOR STONG PHRAG GCIG DE RU BCUG NAS SANGS RGYAS KYIS GSUNGS PA'I TSIGS SU BCAD PA GCIG GANG GIS SHES PA DES NOR STONG PHRAG DE LONG ZHES GRONG KHYER GYI DBUS SU ROL MO'I SGRA LAN GSUM BSGRAGS NAS DE SKAD BRJOD DE, DE LEN PAR MI NUS PA NA NOR STONG PHRAG DE RGYAL PO'I MDZOD DU YANG 'JOG GO, DE'I DUS NI LUNG GI BAR GYI DUS NUB PA'I DUS SU 'GYUR RO; ;'DI NI LUNG GI BAR GYI DUS NUB PA'I DUS ZHES BYA BA YIN NO, ,SONG ZHING SONG BA'I DUS SU CHOS GOS 'DZIN PA DANG, LHUNG BZED 'DZIN PA DANG, GCER BU PA'I DGE SBYONG DANG 'DRA BAR CHAG TSANG KU BA'I SNOD, SLONG BA'I SNOD DANG, LAG PA'I RTZE MO LA 'PHYANG BA'I TSUL DANG 'DRA BA DANG DRA BA'I NANG DU KHYER NAS 'GRO BA'O, ,SONG ZHING SONG BA'I DUS SU GOS DUR SMRIG GIS BDAG LA CI BYED, CUNG ZAD TSOS SU BYAS PA'I DUM BU LAG PA'AM, MGRIN PA'AM, RNA BA RNAMS SU'AM, SKRA RNAMS LA BGEBS SO, ,BAG MA

411b

LEN PA DANG, SO NAM DANG, TSONG LA SOGS PA BYAS NAS, 'TSO BA'I PHYIR DU SPYOD CING 'GRO BAR BYED DO, ,DE'I TSE YON STER CING DGE 'DUN GYI CHED DU DE THAMS CAD STER BAR BYED DE, DE'I TSENGS, KUN DGA' BO, DGE 'DUN GYI YON GYI 'BRAS BU NI GRANGS MED PAR BSHAD DO, ,SONG ZHING SONG BA'I DUS SU 'DI CI BDAG GI DON DU DUR SMRIG GI DUM BU BTOGS NAS DGON PA'AM, NAGS TSAL DU SKYUR BAR BYED DO, ,DE RNAMS KYI DUS SU RTAGS TZAM 'DZIN PA'I BAR GYI DUS NUB PAR 'GYUR RO, ,'DI NI RTAGS TZAM 'DZIN PA'I BAR GYI DUS NUB PA'I DUS ZHES BYA BA YIN NO, ,DE NAS YANG DAG PAR RDZOGS PA'I SANGS RGYAS KYI BSTAN PA LO STONG PHRAG LNGA PA LA RNYED PA DANG, BKUR STI LA SOGS PA'I RNYED PA CHUNG NGO, ,SKU GDUNG RNAMS BSNYEN BKUR BYED PA'I GNAS SU 'GRO BAR BYED DO, ,SONG ZHING SONG BA'I DUS SU GNAS THAMS CAD DU BKUR STI DANG, BSTI STANG MA THOB NAS, BSTAN PA THA MA'I DUS SU KLU'I YUL DANG, LHA'I 'JIG RTEN DANG, TSANGS PA'I 'JIG RTEN GYI GNAS THAMS CAD NAS 'ONGS NAS, SKU GDUNG THAMS CAD BYANG CHUB KYI SNYING PO KHO NAR BSDUS TE SANGS RGYAS KYI SKU RU GYUR NAS, GSHIN RJE'I RDZU 'PHRUL DU MA STON PA DANG 'DRA BAR GZHAN LA STON NO, ,DE'I GNAS SU SEMS CAN MIR GYUR PA'I MING YANG MED DO, ,STONG PHRAG BCU'I LHA'I 'JIG RTEN GYI KHOR YUG GI BAR THAMS CAD 'DUS NAS, DE RING STOBS BCU

412a

, ,PA YONGS SU MYA NGAN LAS 'DA' BAR BYED DO, ,DENG NAS BZUNG NAS MUN NAG TU GYUR TO ZHES DU BAR BYED DO, ,SKU GDUNG THAMS CAD LA ME'I KHAMS LANGS NAS DE'I SKU LUS LHAG MA MED BAR SREG PAR BYED DO, ,'DI NI SKU GDUNG GI BAR GYI DUS NUB BA ZHES BYA BA YIN NO, ,DE NAS LO STONG PHRAG LNGA PO 'DIR BSTAN PA NUB PAR GYUR NAS 'JIG RTEN BA RNAMS LA MI DGE BA LHAG PAR 'PHEL BAR BYED DO, ,ZHES BYA BA'I DON NO, ,MI RNAMS LA NGO TSA DANG, KHREL MED PAR 'GYUR ZHING, MA DANG, BU MO DANG, SRING MO LA SOGS PA'I 'DU SHES MED PAR 'GYUR RO, ,PHAG DANG, CE SPYANG LA SOGS PA DANG 'DRA BAR NGO TSA MED PAR 'GYUR RO, ,DE NAS MI DGE BA LA SBYOR ZHING TSE BRI NAS TSE LO BCU PAR 'GYUR RO, ,LO LNGA PA'I KHYE'U LA LO LNGA PA'I BU MO BAG MAR LEN NO, ,YANG LO LNGA'I NANG NYID DU BU DANG, BU MO DANG, TSA BO DANG, TSA MO'ANG 'BYUNG NGO, ,DE'I DUS SU MTSON GYI BSKAL PA BAR MA 'BYUNG BAR 'GYUR RO, , BSKAL PA BAR MA GSUM STE, MU GE'I BSKAL PA BAR MA DANG, NAD KYI BSKAL PA BAR MA DANG, MTSON GYI BSKAL PA BAR MA'O, ,DE LA GANG GI TSE 'JIG RTEN GYI SEMS CAN RNAMS LA 'DOD PA LHAG PAR SKYES NAS, MU GE'I BSKAL PA BAR MAR 'GYUR RO, ,GANG GI TSE GTI MUG LHAG BAR CHE STE, NAD KYI BSKAL PA BAR MAR 'GYUR RO, ,GANG GI TSE SKYON DU

412b

GYUR PA DE'I DUS SU MTSON GYI BSKAL BA BAR MAR 'GYUR RO, ,MU GE'I BSKAL PA BAR MAS SEMS CAN RNAMS BRLAG PAR BYAS NAS YI DVAGS SU SKYE BAR 'GYUR RO, ,NAD KYI BSKAL BA BAR MAS SEMS CAN RNAMS BRLAG PAR BYAS NAS, DUD 'GROR SKYE BAR BYED DO, ,MTSON GYI BSKAL BA BAR MAS SEMS CAN RNAMS BRLAG PAR BYAS NAS, DMYAL BAR SKYE BAR 'GYUR RO, , DE'I TSE MI RNAMS PHAN TSUN DU RI DVAGS KYI 'DU SHES DANG BCAS PA THOB PAR GYUR NAS, MTSON SO GCIG PA DANG, MTSON SO GNYIS PA DANG, SPU GLI'I SO DANG 'DRA BA'I MTSON CHA RNAMS BZUNG NAS PHAN TSUN GSOD PAR BYED DO, ,DE RNAMS SU MKHAS PA GANG ZHIG DES 'JOMS PAR THOS NAS RI'I SUL LA SOGS PAR ZHAG BDUN GYI KHA ZAS BZUNG STE YIB NAS SDOD DO, ,DE RNAMS SU MA YIB PA'I SEMS CAN LHAG MA RNAMS PHAN TSUN DU BRDEG CING GSOD DO, ,SA GZHI THAMS CAD SHA DANG, KHRAG TU 'GYUR RO, ,DE'I DUS SU SPRIN CHEN PO 'DUS NAS CHAR 'BEBS PAR BYED DO, ,LHA YIS CHAR PHAB PA'I RJES SU DRI ZHIM PA'I CHAR 'BAB CING 'BAB PAR BYED DO, ,DE RNAMS KYI DUS SU GNAS THAMS CAD YID DU 'ONG BAR 'GYUR RO, ,GNAS THAMS CAD DAG PAR GYUR NAS 'BRAS SHUN PA CAN CHAR 'BAB CING 'BAB PAR 'GYUR RO, ,'BRAS SHUN PA CAN GYI CHAR PHAB PA'I RJES SU 'BRAS SHUN PA MED PA'I CHAR 'BAB CING

413a

, ,'BAB BAR 'GYUR RO, ,DE'I RJES SU GOS DANG, RGYAN GYI CHAR 'BAB CING 'BAB PAR BYED DO, ,DE'I MTHAR BUS MO NUB TZAM GYI TSAD DANG MNYAM PA'I RIN PO CHE SNA BDUN GYI CHAR 'BAB CING 'BAB PAR BYED DO, ,DE'I PHYIR BCOM LDAN 'DAS KYIS BKA' STZAL PA, DRI ZHIM PA YI CHAR 'BAB CING, ,SHUN CAN SHUN MED 'BRAS KYI CHAR, ,GOS DANG RGYAN GYI CHAR 'BAB PA, ,DE LTAR DGA' TSAL MDZES PA BZHIN, ,RIN CHEN SNA BDUN MA LUS PA'I, ,DE YI GNAS SU CHAR 'BAB BO, ,GNAS KUN GANG BAR BYAS NAS NI, ,DE TSE DGA' TSAL MDZES PA BZHIN, ,DE RNAMS 'DAS NAS MI YIB PA RNAMS 'THON TE, DE RNAMS 'THON NAS PHAN TSUN DU 'KHYUNG PA DANG, DU BA DANG, TSUL KHRIMS LNGA LA SOGS PA'I DGE BA'I CHOS RNAMS RJES SU DRAN PAR BYAS NAS RDZOGS PAR RTZOM MO, ,DE NAS TSE LO BCU PA'I MI RNAMS LAS SKYES PA'I BU DANG, BU MO TSE LO NYI SHU PAR 'PHEL LO, ,DE NAS MI RNAMS LA LHAG PAR CHOS 'PHEL BAS GO RIM BZHIN DU TSE 'PHEL TE TSE LO GRANGS MED PAR 'GYUR RO, ,DE'I TSE SEMS CAN RNAMS LA RGAS PA DANG, 'CHI BA MI MTHONG BAR 'GYUR RO, ,DE LTAR SEMS CAN GZHAN YANG BAG YOD PAR 'GYUR TE, DMYAL BA'I SDUG BSNGAL ZHES BYA BA NI CI, ZHES SEMS CAN RNAMS SEMS PA MED DO, ,DE NAS TSE

413b

GRANGS MED PA RNAMS 'BRI BAR BYED DO, ,SNGAR BZHIN DU BRI NAS TSE LO BRGYAD KHRI PAR 'GYUR RO, ,DE'I DUS SU 'DZAM BU'I GLING THAMS CAD DU LHA'I BU MO'I SKAL BA DANG 'DRA BAR BUD MED DANG; DE LTAR SKYES PA DANG BCAS PAS GANG BAR 'GYUR RO, ,LHA'I CHAR PA ZLA BA PHYED DU 'BAB PA DANG, ZHAG BCU DANG, ZHAG LNGA DANG, NYIN ZHAG PHYED DU SA'I BCUD 'PHEL BAR 'GYUR RO; ;DE'I TSES GZHI THAMS CAD KYI CHA MNYAM PA DANG, TSER MA DANG, SHING RAD ROD MED CING, GRONG KHYER LA PHYOGS BZHI'I SGO DANG LDAN PA DANG, GRONG KHYER GYI DBUS SU DPAG BSAM GYI SHING SKYE BAR 'GYUR RO, ,DE'I PHYIR GSUNGS PA, DE NAS DE YI GRONG KHYER NI, ,SNA TSOGS TSONG 'DUS SO SO DANG, ,LEGS PAR RAB BYUNG RDZING BU DANG, ,DGA' ZHING RAB TU GNAS PA DANG, ,DRI MA MED PA'I CHU CHEN PO, ,SHIN TU GRANGS ZHING DRI BZANG LDAN, ,RNYOG MED MNYAM ZHING TSIM PA DANG, ,DE NAS RNYOG MA YANG DAG GNAS, ,PADMA AUTPAL GYIS GANG ZHING, ,RBA RLABS DANG NI RNYOG PA MED, ,T'A LA'I PHRENG BA BDUN GNAS SHING, ,RIN CHEN RANG BZHIN GYIS KHEBS PA, ,LCAGS RI BDUN DANG LDAN PA DANG, ,GRONG KHYER THAMS CAD 'BREL PA DANG, ,RTZVA CAN RGYAL PO'I PHO BRANG STE, ,DE TSE TOG DANG LDAN PAR 'GYUR, ,GRONG KHYER PHYOGS KYI SGO BZHI BU?, ,DPAG BSAM SHING NI SKYE BAR 'GYUR, ,SNGON PO SER BO DMAR PO

414a

, ,DANG, ,DKAR PO RAB TU GSAL BA'I 'OD, ,LHA YI GOS NI SKYE BAR 'GYUR, ,LHA YI DRIN GYIS RGYAN DANG NI, ,LONGS SPYOD NYE BAR SPYOD PA RNAMS, ,THAMS CAD STENG NAS 'PHYANG BA YIN, ,DE NAS GRONG KHYER DBUS SU NI, ,KHANG DMIGS BZHI DANG LDAN BA YIN, ,BSOD NAMS LAS KYIS GRUB PA NI, ,DPAG BSAM SHING GI STENG NAS 'BYUNG, , RAS BAL RAS NI BZANG PO DANG, ,KO MA AU DUM WA RA'I RAS, ,BSOD NAMS LAS KYI GRUB PA NI, ,DPAG BSAM SHING GI STENG NAS 'BYUNG, ,MRi TA MA NI LAG PAS RDUNG, ,MU RA RDZA DANG AA LAM BHA, ,BSOD NAMS LAS LAS BYUNG BA NI, ,DPAG BSAM SHING GI STENG NAS 'BYUNG, ,DPUNG RGYAN DAG GI RGYAN DANG NI, ,DPUNG RGYAN DANG NI DO SHAL DANG, ,RIN CHEN RANG BZHIN MGUL PA'I RGYAN, ,BSOD NAMS LAS LAS BYUNG BA NI, ,DPAG BSAM SHING GI STENG NAS 'BYUNG, ,DPAL BA KHA YI RGYAN DANG NI, ,NOR BU 'OG PAG LUS LA LDAN, , BSOD NAMS LAS LAS BYUNG BA NI, ,DPAG BSAM SHING GI STENG NAS 'BYUNG, ,GZHAN YANG RNAM PA SNA TSOGS PA'I, ,RGYAN RNAMS KUN GYIS RNAM PAR BRGYAN, ,BSOD NAMS LAS LAS GRUB PA NI, ,DPAG BSAM SHING GI STENG NAS 'GYUR, ,MA SMOS MA BTAB RANG BYUNG BA'I, ,BSOD NAMS LAS KYIS SKYES PA NI, ,MA ZHIG SPUN MED DI MA MED, ,

414b

'BRAS KYI 'BRAS BU DRI ZHIM LDAN, ,'BRAS RNAMS BDE BAR BTZOS PA NA, ,MI RNAMS YONGS SU LONGS SPYOD DO, ,DE YI 'BRAS LA ZAL ZEL MED, ,STONG PHRAG BRGYA NI 'BYUNG BA YIN, , 'BRAS KYI MYU GU SKYE BA NI, ,THAMS CAD DU NI KHYAB PAR GNAS, ,'BRAS SNYE RE RE SKYE BA LA, ,PHUL NI RE RE 'BYUNG BAR 'GYUR, ,MI RNAMS KYI NI 'BRAS KYI DRI, ,THAMS CAD DU NI LONGS SPYOD DO, ,STONG PHRAG GNYIS KYI SHING RTA'I TSAD, ,SHING RTA BRGYA MI TSAD TZAM DANG, ,SHING RTA SUM CU RTZA DGU DANG, ,BRE CHEN BCU DRUG PA YI KHAL, ,DE NAS YANG NI KU BA GNYIS, ,DE LTA BU YI 'BRAS 'BYUNG NGO, ,SA BON GCIG LA SKYE BA NI, ,SKYE BO RNAMS KYI BSOD NAMS LAS, ,GANG ZHIG TOG DANG LDAN PAR GNAS, ,DUNG GI RGYAL PO MI YI BDAG, DE YI TSE NI DE LTAR 'GYUR, ,YON TAN GYI NI DPUNG RGYAN 'DZIN, ,BSAM PA THAMS CAD YONGS SU RDZOGS, ,BZHIN LEGS RNA BA'I RGYAN DANG LDAN, ,HA RI TZANDAN NA LUS LA BYUGS, ,KA SHI'I GOS NI MCHOG TU GYON, ,NOR NI RGYA CHER MANG BA DANG, ,TING SHAG PI WANG GIS SAD BYED, ,RTAG TU SHIN TU SKYID PA DANG, ,DE YI LUS DANG SEMS BDE ZHING, ,DPAG TSAD STONG PHRAG BCU RU NI; ;'DZAM BU GLING NI GNAS PA YIN, ,TSER MA MED CING SHING MED BA, ,MNYAM ZHING 'JAM LA SNGO BA SANGS GNAS, ,DE LA NAD NI GSUM 'BYUNG STE, ,'DOD DANG ZHEN DANG RGAS PA'O,,

415a

, ,LNGA BRGYA'I LO LON BUD MED NI, ,RGAN DANG GZHON PA BAG MAR LEN, ,GTAN DU GNYIS KA BDE BA YIN, ,RTZOD PA MED PAR 'GYUR BA YIN, ,'PHRAS BU LO TOG PHUN SUM TSOGS, ,'KHRI SHING GEL BA SHING GI TSAL, ,RTZVA NI SOR BZHI PA RU SKYE, ,SHIN TU 'JAM PA'I SHING BAL 'DRA, ,HA CANG MI GRANG MI DRO ZHING, ,CHAR NI MNYAM PAR 'BAB BA DANG, ,RLUNG NI SHIN TU CHUNG BA DANG, ,DUS TSOD MNYAM PAR LDAN PA DANG, ,CHU KLUNG T'A LA MI DMAN ZHING, ,DE DANG DE YIS YI CHA, ,SA LA RDO NI CHUD LDAN LA, ,SRAN NAG SRAN CHUNG TSAD TZAM MO, ,MU TIG 'DRA BAS YONGS SU GANG, ,RGYAN RNAMS SKYED MOS TSAL DANG 'DRA, ,DGA' ZHING YID DU 'ONG BAR 'GYUR, ,GRONG DANG GRONG RDAL MANG POS GANG, ,DE DANG DE NI NYE BA RU, ,'OD MA MYUG PHRAN TSAL BZHIN NO, ,BYA GAG 'PHUR BA TZAM NYID DO, ,DGE ZHING RGYAS LA RDZU 'PHRUL LDAN, ,LUGS LA NYE BAR 'TSE BA MED, ,RTAG TU RTZE ZHING DGA' BA DANG, ,GCIG TU BDE BAS TSIM PA DANG, ,RGYU SKAR BDE BAS BSKOR BA DANG, ,DGA' ZHING TSIM LA RAB TU DGA', ,BZA'? DANG BTUNG BA MANG PO ZA, ,SHA CHANG CHU BZHIN MANG BA NI,, LHA YI PHO BRANG LCANG LO BZHIN, ,KHANG BZANG RGYAL PO'I PHO BRANG NI, ,NYAMS DGA' SGRA MI SNYAN BZHIN NO, ,'DZAM BU GLING YANG DE BZHIN GYUR, ,DE'I DUS SU BYANG CHUB SEMS DPA'

415b

BYAMS PA 'DI NI BSKAL PA GRANGS MED PA BCU DRUG DANG, BSKAL PA 'BUM PHRAG GCIG LHAG TZAM DU SBYIN PA'I PHA ROL TU PHYIN PA DANG, PHA ROL TU PHYIN PA SUM CU RDZOGS PAR BYAS NAS THAMS CAD SGROL BZHIN DU SKYE BA LHAG MA'I LUS SBYIN PA CHEN PO BYAS SHING, PHA ROL TU PHYIN PA YONGS SU RDZOGS PAR BYAS TE, DE'I LUS ZHIG NAS DGA' LDAN DU SKYE BA RDZOGS PAR BYAS NAS, SANGS RGYAS BYON PAR 'GYUR RO ZHES SGROGS SO, ,STONG PHRAG BCU YI KHOR YUG GI LHA RNAMS NI SANGS RGYAS BYON PAR 'GYUR RO ZHES DAM 'CHA'O, ,PHYOGS LNGAR GZIGS TE DGA' LDAN GYI LHA'I CHAGS RNAMS KYI 'KHOR GYIS BSKOR LA, DGA' LDAN NAS BYON TE, TOG LDAN ZHES BYA BA'I RGYAL PO'I PHO BRANG DU DUNG GI RGYAL PO'I TSANGS BZANG MDUN NA 'DON, BRAM ZE'I RIGS KYI TSANGS LDAN MA'I RUM DU ZHUGS TE, 'JIG RTEN GYI KHAMS STONG PHRAG BCU G-YOS SO, ,ZLA BA BCU 'DAS NAS, DRANG SRONG LHUNG BA DANG, RI DVAGS RGYU BA'I GNAS SU MA'I RUM NAS 'THON TE RIM PA BZHIN DU SHES PA DANG LDAN PAR GYUR TE, BDAG NYID KYI BSOD NAMS KYIS MTHUS SA GZHI BRTOL NAS STENG DU 'ONGS TE RIN PO CHE SNA BDUN GYI RANG BZHIN GYI KHANG BZANG BZHIR RANG NYID KYI LHA BZHIN DU LHA MO ZLA BA'I GDONG CAN MA LA SOGS PA LHA'I BU MO BZHIN DU BUD MED MANG PO DE RNAMS DANG 'GROGS NAS, LO STONG PHRAG

416a

, ,GCIG LHA BZHIN DU RJES SU NYAMS SU MYONG BAR 'GYUR TE, DE'I NYIN PAR RAB TU BYUNG BA'I GZUGS GCIG MTHONG NAS GSER GYI GZEB LA MI DGA' BA SENG GE'I RGYAL PO BZHIN DU DPAL 'BYOR MA LUS PA RDZOGS PA RIN PO CHE'I KHANG BZANG RNAMS LA SHIN TU MI DGA' BAR GYUR NAS NGES PAR 'BYUNG BA'I 'DOD PA SKYES SO, ,THAMS CAD STONG PHRAG BCU'I KHOR YUG GI LHA RNAMS LHA'I ME TOG LA SOGS PA LAG PAS BLANGS NAS, 'JIG RTEN GYI 'KHOR LO 'DI GCIG TU 'DUS TE, DUNG GI RGYAL PO LA SOGS PA'I SKYE BO CHEN POS BZUNG NAS DRI BZANG DANG, PHRENG BA DANG, BDUG SPOS LA SOGS PAS KHANG BZANG LA BSKOR NAS 'DUG GO ,NAM MKHA'I LHA RNAMS KYIS LHA'I ME TOG LAG PAS BZUNG NAS LEGS SO, ,ZHES BYA BA'I SGRA GCIG TU 'BYIN PAR BYED DO, ,'OG MIN GYI BAR DU THAMS CAD SGRA GCIG TU BYED CING GNAS SO, ,DE'I DUS SU RIN PO CHE'I KHANG BZANG RDZA MKHAN GYI 'KHOR LO LTAR 'KHOR ZHING NAM MKHA' LA 'GRO'O, ,ZLA BA NYA BA LA RGYU SKAR GYI PHRENG BAS BSKOR BA BZHIN NO, ,BYANG CHUB SEMS DPA'I BTZUN MO CHEN MO LA SOGS PA NAM MKHA' LA BZHUD DO, ,GANG ZHIG SEMS DPA' CHEN PO DANG 'GROGS NAS 'GRO BA'I SEMS KYIS, DE RNAMS KYIS RANG RANG GI NAM MKHA' MTHONG STE, TSANGS

416b

PA CHEN POS DPAG TSAD GSUM GYI TSAD DANG MNYAM PA'I GDUGS DKAR PO 'DZIN NO, ,BRGYA BYIN LHA'I RGYAL POS DUNG LA SOGS PA BZUNG NAS 'BUD DO, ,DE LTAR DPAL DANG, SKAL BA BZANG PO DANG LDAN PA'I LHA DANG, MI'I TSOGS KYIS BSKOR NAS KHANG BZANG GI KLU SHING BYANG CHUB SHING DRUNG DU GSHEGS SO, ,DE'I TSAD NI, KHRU BRGYA NYI SHU YAL GA'I BAR, ,YAL GA'I MTHO TSAD DE DANG MNYAM, ,'KHRIL NAS STENG NAS 'OG TU 'PHYANG, ,RMA BYA'I GDUGS BZHIN MDZES PA'O, ,RTAG TU RTZE MOR ME TOG GSAL, ,LHA YI DRI BZANG BSUNG LDANG ZHING, ,KE SAR PHUL LU GANG TZAM MO, ,ME TOG BZANG PO 'KHOR LO TZAM, ,PHYOGS PHYOGS RLUNG GIS KHYER BAR BYED, ,DPAG TSAD BCU RU KHYAB PA 'O, ,STENG GI ME TOG 'OG TU LHUNG, ,BYANG CHUB SNYING POR ME TOG BRTZEGS, DE'I DUS SU NAM MKHA' LA 'GRO BA'I BYA RNAM PA SNA TSOGS PA'I TSOGS KYI SGRA SNYAN PAS MCHOD DE, DE LTAR KLU SHING GI BYANG CHUB KYI SHING DRUNG DU GSHEGS TE NAM MKHA' LA 'PHANG ZHING SA'I CHU THAMS CAD NYAMS DGA' BA'I GNAS SU SDOD DO, ,DE LA ZHAG BDUN DU DPAL GYI SNYING POR DKA' BA SPYOD DO, ,TSANGS PA CHEN POS BLANGS NAS DNGOS PO RNAMS BZUNG NAS RAB TU BYUNG NGO,, JI SNYED PA'I 'KHOR THAMS CAD KYANG RAB TU BANG NGO, ,DE NAS GZHAN YANG, STONG PHRAG BRGYAD CU RTZA BZHI YIS, ,BRAM ZE'I RIG BYED MCHOG SHES SHING, ,BYAMS PA RAB TU BYUNG BAR

417a

, ,'GYUR, ,DE DANG DE NI RAB TU BYUNG, ,DE LA RAB TU BYUNG NAS ZLA BA'I GDONG CAN GYI LHA MOS SHIN TU DNGAR BA'I 'O THUG PHUL LO, ,YONGS SU LONGS SPYAD NAS, SROD KYI THUN LA BYANG CHUB KYI SHING DRUNG DU SA MNYAM NAS SKYIL KRUNG GIS MA PHAM PA BZHUGS SO, ,SHAR GYI 'JIG RTEN GYI KHAMS KYI PHYOGS SU GZIGS SHING BZHUGS SO, ,RIM PA BZHIN DU DUS LA THAMS CAD MKHYEN PA'I YE SHES SO SOR RTOGS SO, ,'DI SKAD GSUNGS PA, 'KHOR BA'I SKYE BO MA LUS PA, ,DUG MED PA NI BTZAL BA'I PHYIR, ,DUG MED KHYIM NI BYED PA NI, ,YANG YANG SKYE BA SDUG BSNGAL BA, ,KHYIM NI BYED PA MTHONG BAR 'GYUR, ,KHYIM NI GZHAN NI BYED PA MED, ,SDUG BSNGAL THAMS CAD GZHIG PA DANG, ,DUG LDAN KHYIM NI GZHIG PA'O, ,SEMS KYI DUG NI SPONG BA DANG, ,SRED PA ZAD NAS GROL BAR 'GYUR, ,CHED DU BRJOD PA GSUNGS PA'O, ,BYANG CHUB KYI SHING GI DRUNG DU ZHAG BZHI BCU RTZA DGU BZHUGS NAS TSANGS PAS GSOL BA 'DEBS PA'I PHYIR, CHOS KYI 'KHOR LO BSKOR BA'I CHED DU DRANG SRONG LHUNG BA'I GNAS SU GSHEGS PA DANG, DE NAS DER GSHEGS PA NA, ZHABS NI BTEG DANG BZHAG PA NA, ,ME TOG PADMA SKYES PAR 'GYUR, ,'DAB MNYAM KHRU NI SUM CU PA, ,'DAB CHUNG KHRU NI NYI SHU LNGA, ,GE SAR KHRU NI NYI SHU PA, ,LTE BA KHRU NI BCU DRUG PA, ,GE SAR

417b

RNAMS NI KHYAB PAR GNAS, ,PADMA'I MDZOD SPU THAMS CAD DU'O, ,STOBS BCU PA'I 'OD KYIS NYIN MOR BYED PA'I 'OD ZIL GYIS GNON NO, ,NYIN MO DANG, MTSAN MO MI BYED BAR GYUR TO, , DE LA SROD DANG, THO RANGS BYA RNAMS SKAD SGROGS SO, ,ME TOG KHA ZUM PA DANG, BYE BAS MTSAN MO DANG, NYIN MOR SHES PAR BYED DO, ,GANG DANG, GANG DU CHOS STON PAR BYED PA DE DANG, DE RU CHOS KYI SGRA SGROGS SO, ,DE'I PHYIR GSUNGS PA, 'OD DANG 'OD ZER TSAD RNAMS NI, ,DBYANGS DANG DBYANGS KYI TSAD TZAM MO, ,GZI BRJID GZI YI TSAD RNAMS NI, ,BSOD NAMS BSOD NAMS KYI NI TSAD, ,SHES RAB SHES RAB KYI NI TSAD, ,GRAGS PA GRAGS PA YI NI TSAD, ,KHA DOG KHA DOG GI NI TSAD, ,CHOS NI CHOS RNAMS KYI NI TSAD, ,DE NAS STONG PHRAG BRGYAD CU RTZA BZHI'I BRAM ZE DANG, BYE BA PHRAG BCO BRGYAD KYI TSANGS PA RNAMS KYIS BDUD RTZI'I BTUNG BA 'THUNG NAS, JI LTAR BCOM LDAN 'DAS BSOD NAMS KYI MTHU YIS RNAM PA BRGYA PHRAG DU MA'I 'OD ZER 'PHRO ZHING, RNAM PA BRGYA PHRAG DU MA'I MTSAN RDZOGS PA MTSAN SUM CU RTZA GNYIS MCHOG DANG LDAN PA, DPE BYAD BZANG PO BRGYAD CU DANG LDAN PAR BRGYA PHRAG DU MA'I SKU MDOG RNAM PA DU MA'I YA MTSAN DANG LDAN PAR GYUR PA, BRGYA PHRAG DU MA'I 'OD ZER DE'I SKU LAS 'THON PAR GYUR TO, ,DE NI KHA DOG SNGON PO DANG, KHA DOG SER PO DANG, KHA DOG DMAR PO DANG,

418a

, ,KHA DOG DKAR PO DANG, BTZOD KYI MDOG LTA BU'I 'OD ZER DANG LDAN PA'I SKU MDOG CAN NO, ,DE'I SKU LUS LA 'BYUNG BA NI SHING T'A LA'I TSAD TZAM GYI 'OD ZER 'PHRO'O, ,DUS DANG, DUS MA YIN PA DANG, ZUNG DANG, ZUNG MA YIN PA DANG, PHUNG PO DANG, PHUNG PO MA YIN PA NI, BCOM LDAN 'DAS KYI SKU LUS LA LAN GSUM BSKOR BA BYAS NAS RGYANG RING DU 'GRO BA DANG, THUNG DU 'GRO BA'O, ,BCOM LDAN 'DAS DE'I SKU LUS NI MTHO TSAD DU KHRU BRGYAD CU RTZA BRGYAD PAR 'GYUR RO, ,ZHABS KYI 'OG NAS PUS MO'I BAR DU KHRU NYI SHU RTZA GNYIS SO, ,PUS MO NAS LTE BA'I BAR DU KHRU NYI SHU RTZA GNYIS SO, ,LTE BA NAS SGROG RUS KYI BAR DU KHRU NYI SHU RTZA GNYIS SO, ,SGROG RUS NAS SPYI GTZUG GI BAR DU KHRU NYI SHU RTZA GNYIS SO; ;DPUNG PA GNYIS KYI BAR DU KHRU NYI SHU RTZA LNGA'I TSAD DO, ,SGROG RUS RE RE'I KYUS NI KHRU LNGA LNGA'O, ,SNYAN GNYIS KYI RTZE MO NAS RTZA BA'I BAR LA KHRU BDUN BDUN NO, ,SPYAN RE RE'I MCHU RU KHRU LNGA LNGA'O, ,SMIN MA GNYIS KYI DKYUS SU KHRU LNGA LNGA'O, ,SMIN MA GNYIS KYI DBUS KYI BAR ZHENG LA KHRU LNGA'O, ,SHANGS LA KHRU BDUN NO, ,YA MCHU MA MCHU GNYIS KYI MCHU RU KHRU BCU BCU'O, ,LJAGS KYI BZLUMS SU KHRU LNGA'O, ,GTZUG TOR LA KHRU LNGA'O, ,GSER GYI ME LONG DANG 'DRA BA'I ZHAL GYI DKYIL 'KHOR LA KHRU NYI SHU RTZA LNGA'O, ,MGUL PA LA KHRU LNGA'O, ,

418b

PHYAG GNYIS KYI RING DU KHRU BZHI BCU RTZA BZHI PA YIN NO, ,DE NI 'DI BZHIN DU DPE MED PA'I SANGS RGYAS KYI DPAL MTHA' YAS PA'I SANGS RGYAS KYI ROL PA'O, ,STONG PHRAG BCU'I 'JIG RTEN GYI KHOR YUG THAMS CAD KYI LHA RNAMS DANG, DE'I RJES SU MI RNAMS KYI NANG DU GNAS NAS CHOS KYI 'KHOR LO BSKOR RO, ,CHOS STON PA'I GNAS DANG, BYE BA 'BUM PHRAG GCIG GI LHA DANG, MI'I 'CHING BA GROL BA DANG, CHOS KYI DANG PO THOB PA DANG, CHOS KYI DANG PO MA THOB PA RNAMS MTHO RIS SU SKYE BAR 'GYUR RO, ,DE LTAR MCHOG DANG LDAN PA'I BYAMS PA SU ZHIG GIS MI MTHONG, NGA NI MA BSAD PA DANG, PHA BSAD PA DANG, DGE SLONG MA SUN PHYUNG BA DANG, DGE 'DUN GYI DBYEN BYAS PA DANG, MTSAMS MED PA LNGA'I LAS BYAS PA DANG, MCHOD RTEN BSHIG PA DANG, BYANG CHUB KYI SHING BCAD PA DANG, BYANG CHUB SEMS DPA' BSAD PA DANG, DGE 'DUN GYI KHA ZAS BRLAG PAR BYAS PA DANG, SHIN TU SER SNA CHE BA DANG, LOG PAR LTA BA NGES PA DANG, 'PHAGS PA'I GANG ZAG LA SKUR PA 'DEBS PA DANG, GCER BU PA'I RIGS TE, DE RNAMS KYIS MI MTHONG NGO, ,TSIGS BCAD STONG PHRAG GCIG GIS SO SOR BRGYAN PA 'DI THAMS CAD SGROL GYI SKYES RABS CHEN PO NYI MA GCIG LA SKYE BO RNAMS KYIS BSHAD PA DANG, MNYAN PA DANG, MAR ME STONG PHRAG GCIG GAM, STONG PHRAG

419a

, ,GCIG GI ME TOG PHUL PA'AM, STONG PHRAG GCIG GI AUTPA LA SNGON PO'I ME TOG GAM, MCHOD RTEN BYED PA'AM, SANGS RGYAS KYI SKU GZUGS BYED PA'AM, DE LA MCHOD PA BYED PAS NI BYAMS PA SANGS RGYAS PA'I DUS SU, DE'I DRUNG DU DANG PO'I CHOS THOB CES SKYE BAR 'GYUR RO, ,SEMS CAN LHAG MA RNAMS KYIS SBYIN PA BYIN PA DANG, TSUL KHRIMS BSRUNGS PA DANG, GTZUG LAG KHANG SBYANGS PA DANG, BYANG CHUB KYI SHING BSKRUN PA DANG, MCHOD RTEN BYAS PA DANG, MCHOD RTEN DANG, BYANG CHUB KYI SHING LA RIM GRO BYAS PA DANG; SKYED MOS TSAL BSKRUN PA DANG, ZAM PA BTZUGS PA DANG, LAM BCOS PA DANG, MGRON KHANG BYAS PA DANG, KHRON PA BYAS PA DANG, BSTAN PA'I BYA BA BYAS PA DANG, CHOS KYI GNAS LA BYI DOR BYAS PA DANG, DRI DANG, PHRENG BA LA SOGS PAS MCHOD PAR BYED PA DANG, GUS PAR BYAS NAS CHOS MNYAN PA DANG, KHA ZAS TZAM GYI SBYIN PA DGE 'DUN LA GTONG BA DANG; PHA DANG, MA LA BSNYEN BKUR BYED PA DANG, RIGS KYI GTZO BO LA BSNYEN BKUR BYED PA DANG, GSO SBYONG LA GNAS PA LA KHA ZAS STER BA DANG, GLO BUR BA'I BTZUN PA LA SBYIN PA STER BA DANG, BSOD SNYOMS PA LA STER BA DANG, STAN 'BUL BA'I SKYE BOS YANG DAG PAR RDZOGS PA'I SANGS RGYAS BYAMS PA MTHONG BAR 'GYUR RO, ,THA NA ME TOG SNYIM PA

419b

GANG TZAM MAM, MAR ME GCIG TZAM 'BUL BA'AM, GZHAN BSOD NAMS BYED PA RNAMS LA RJES SU YI RANG BA DANG, LHA'AM, MI RNAMS KYI DGE BA 'DI RNAMS BYED PA NI, DE'I DUS SU BYON PA'I YANG DAG PAR RDZOGS PA'I SANGS RGYAS BYAMS PA MTHONG BAR 'GYUR RO, ,DE LA YANG DAG PAR RDZOGS PA'I SANGS RGYAS BYAMS PA MTHONG BAR 'DOD PA RNAMS KYIS SBYIN PA GTONG PA DANG, TSUL KHRIMS BSRUNG BA DANG, GSO SBYONG GI LAS BYED PA SGOM PAR BYED PA DANG, DGE BA'I LAS KYI BAG YOD PAR GYUR NA GDON MI ZA BAR MTHONG NGO, ,GANG ZHIG TSANGS PAR SPYAD PA SPYOD, ,THUB PA'I GSUNG RAB THOS PA DANG, ,DE RNAMS 'KHOR BA LAS GROL ZHING, ,BLA MED MCHOG GYUR 'CHI BA MED, ,TSANGS PAR SPYAD PA SPYOD BYED CING, ,MCHOD 'OS RNAMS LA STER BA DANG, ,GSO SBYONG RNAMS LA GNAS PA DANG, ,LEGS PAR BYAMS PA BSGOM PAR GYIS, ,BAG YOD PAR NI 'GYUR BA DANG, ,RTAG TU BSOD NAMS BYA BA BYED, ,DGE BA 'DI RNAMS BYAS PA YIS, ,SDUG BSNGAL MTHAR NI BYED PA'O, ,BCOM LDAN 'DAS KYIS DE SKAD CES BKA' STZAL NAS, DGE SLONG DE DAG BCOM LDAN 'DAS KYIS GSUNGS PA LA MNGON PAR BSTOD DO, ,BYAMS PA'I MDO RDZOGS SO,, ,,PAndI TA CHEN PO A'ANNTA SHR'I'I ZHAL SNGA NAS, MANG DU THOS PA'I LO TZTSA BA SH'AKYA'I DGE SLONG NYI MA RGYAL MTSAN

420a

, ,DPAL BZANG POS, SKAD GNYIS SMRA BA RNAMS KYI GDAN SA GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O, ,SA STENG DU NYI MA DANG, ZLA BA LTAR GYUR CIG;

טיבטיתTibetanKL00035E-2_'PHAGS PA BYAMS PA'I MDO_The Exalted Sutra of Maitri (Ārya Maitrī Sūtra Nāma).txt27,534 תוויםcharacters

478b

,RGYA GAR SKAD DU, A'ARYA MEE TRI S'U TRAm N'A MA, BOD SKAD DU, 'PHAGS PA BYAMS PA'I MDO ZHES BYA BA, DKON MCHOG GSUM LA GUS PAR PHYAG 'TSAL

479a

, ,LO; ;'DI SKAD BDAG GIS THOS PA DUS GCIG NA, BCOM LDAN 'DAS STON PA SER SKYA'I GNAS N+YA GRO DHA'I GTZUG LAG KHANG RE HI NI'I 'BAB CHU'I 'GRAM NA DGE SLONG GI DGE 'DUN DANG THABS CIG TU BZHUGS SO, ,DE NAS TSE DANG LDAN PA SH'A RI'I BUS BCOM LDAN 'DAS LA DRI BA 'DI SKAD CES GSOL TO, ,MA 'ONGS DUS NA 'BYUNG BA YI, ,RGYAL BA JI LTA BU ZHIG LAGS, ,NYID KYI RJES LA RAB BSTAN PA'I, ,SANGS RGYAS JI LTAR 'BYUNG BA LAGS, ,RGYA CHER BDAG NI NYAN PAR 'TSAL, ,SPYAN DANG LDAN PAS GSUNG DU GSOL, ,GNAS BRTAN GYI NI TSIG GSAN NAS, ,BCOM LDAN 'DAS KYIS BKA' STZAL PA, ,BSOD NAMS DPAG MED PHUNG PO NI, AA DZI TA ZHES YE SHES CHE, ,DA YI YON TAN THAMS CAD NI, ,BSHAD PAR MI NUS CUNG ZAD CHA, ,CHU THIGS TZAM ZHIG NGAS BSHAD KYI, ,SH'A RI'I BU YIS 'DI LA NYON, ,BSKAL BZANG 'DI LAS GRANGS MED LO, ,RIM GYIS BRGYAD KHRIR GYUR PA'I TSE, , BYAMS PA ZHES BYA'I MTSAN LDAN PA'I, ,RKANG GNYIS MCHOG GYUR RDZOGS SANGS 'BYUNG, ,JI LTAR ZHE NA, DA MYA NGAN LAS 'DAS NAS RIM GYIS RNAM PA LNGA NUB PAR 'GYUR TE, DANG POR 'BRAS BU THOB PA RNAMS NUB PAR 'GYUR BA DANG, DE NAS SGRUB PA LA GNAS PA RNAMS NUB PAR 'GYUR BA DANG, DE NAS LUNG GI CHOS RNAMS NUB PAR 'GYUR BA DANG, DE NAS

479b

DUR SMRIG GI RTAGS RNAMS NUB PAR 'GYUR BA DANG, DE NAS THUB PA'I RING BSREL RNAMS NUB PAR 'GYUR BA YIN NO, ,DE LA SANGS RGYAS MYA NGAN LAS 'DAS NAS LO STONG PHRAG GCIG GI TSAD DU 'BRAS BU RNAMS THOB PAR NUS PA YIN NO, ,DE NAS RIM PA RIM PA'I DUS SONG NAS PHYIR MI 'ONG BA DANG, PHYIR 'ONG BA DANG, RGYUN DU ZHUGS BA DE RNAMS THOB PA YOD PA NA 'BRAS BU THOB PA NUB PAR MA GYUR BA YIN NO, ,DE'I RJES LA RGYUN DU ZHUGS PA LA GNAS PA GCIG TZAM YANG MED PAR GYUR PA NA 'BRAS BU LA GNAS PA NUB PAR GYUR BA YIN NO, ,'DI NI, 'BRAS BU LA GNAS PA NUB PAR 'GYUR BA'I TSUL YIN NO, ,SGRUB PA LA GNAS PA NUB PAR 'GYUR BA GANG ZHE NA, BRTZON 'GRUS KYIS MTHONG LAM GYI 'BRAS BU SGRUB MI NUS SHING, TSUL KHRIMS KYI RTZA BA BZHI SO SOR DAG PA SRUNG BA TZAM NYAMS SU LEN TE, DE NAS RIM PA RIM PA'I DUS SONG NAS TSUL KHRIMS KYI RTZA BA BZHI TZAM SRUNG STE, SDOM PA'I RTZA BA BZHI TZAM SRUNG BA'I DGE SLONG STONG PHRAG GCIG GAM, BRGYA PHRAG GCIG TZAM YOD NA YANG SGRUB PA LA GNAS PA NUB PAR MA GYUR PA YIN NO, ,DE'I RJES LA DGE SLONG GCIG TZAM LUS PA YANG SDOM PA BTANG BA'AM, TSE'I DUS BYAS PAR GYUR NA SGRUB PA LA GNAS PA NUB PAR GYUR PA YIN NO, ,'DRI NI, ,SGRUB PA LA GNAS PA NUB PAR 'GYUR BA'I TSUL YIN NO, ,LUNG GI CHOS NUB PAR 'GYUR BA GANG ZHE NA, SANGS RGYAS KYIS GSUNGS PA'I SDE SNOD GSUM GYI

480a

, ,'GREL BA DANG LUNG YOD PA NA LUNG GI CHOS RNAMS THAMS CAD YOD PA YIN NO, ,DE NAS RIM PA RIM PA'I DUS SONG NAS RTZOD PA'I DUS KYI RGYAL PO RNAMS KYANG CHOS LA MI DAD, BLON PO RNAMS KYANG CHOS LA MI DAD, YUL 'KHOR DANG LJONGS DANG YUL GYI MA RNAMS KYANG DE'I RJES SU 'BRANGS NAS 'DI RNAMS CHOS LA DAD PA MED PAR GYUR PAS LHA YANG CHAR LEGS PAR MI 'BEBS, ,'BRU RNAMS KYANG LEGS PAR MI SMIN, 'BRU RNAMS NYUNG BAR GYUR NAS SBYIN PA PO RNAMS KYANG DGE SLONG GI DGE 'DUN RNAMS LA SBYIN PA BYED MI NUS SHING, DGE SLONG RNAMS LA SBYIN PA BYED PA MED PAS NYE BAR 'KHOR BA RNAMS DANG, SLOB MA RNAMS 'DZIN MI NUS SO, ,DE NAS RIM PA RIM PA'I DUS SONG NAS LUNG GI CHOS RNAMS NYUNG NGUR 'GYUR RO, ,DE NAS THOG MA NYID DU RAB TU BYED PA CHEN PO ZHES BYA BA'I CHOS NUB PAR 'GYUR RO, ,DE NUB PAR GYUR NAS RIM GYIS YA MA K'Am DANG, TSIGS SU BCAD PA DANG, GZHI DANG, PUNGGA LA DANG, GTZUG DANG, KHAMS KYI TSOGS DANG, RNAM PAR 'BYED PA DANG, CHOS YANG DAG PAR SDUD PA ZHES PA STE, MNGON PA'I SDE SNOD RIM GYIS NUB PAR GYUR NAS MDO SDE'I SDE SNOD NUB PAR 'GYUR BA NI, AAm GOTTA RA NI KA YAm ZHES BYA BA NUB PAR 'GYUR RO, ,AAm GOTTA RA NI KA YAm NUB PAR GYUR NAS YANG DAG PAR LDAN PA'I LUNG DANG, LUNG BAR MA DANG, LUNG RING PO NUB PAR 'GYUR RO, ,LUNG RING POR NUB PAR GYUR NAS 'DUL BA'I SDE SNOD

480b

DANG, MDO'I SDE SKYES RABS LNGA BRGYA LNGA BCU PA 'DZIN PAR BYED DO, ,'DUL BA'I SDE SNOD NGO TSA SHES PA RNAMS 'DZIN PAR BYED DO, ,DE NAS RIM PA RIM PA'I DUS SONG NAS SKYES PA'I RABS KYANG 'DZIN BAR MI NUS TE, THOG MA NYID DU THAMS CAD SGROL BA'I SKYES BA'I RABS NUB PAR 'GYUR RO, ,THA MA NYID DU AA PA RNA KA'I SKYES PA'I RABS NUB PAR 'GYUR RO, ,SKYES PA'I RABS THAMS CAD RIM GYIS NUB PAR GYUR NAS 'DUL BA'I SDE SNOD 'DZIN PAR BYED DO, ,DE NAS RIM PA RIM PA'I DUS SONG NAS RKANG PA BZHI PA'I TSIGS SU BCAD PA GCIG 'CHAD PA'I MI YOD NA YANG LUNG GI CHOS NUB BAR MA GYUR PA YIN NO,, DE NAS DAD PA CHEN PO DANG LDAN PA'I RGYAL PO ZHIG GIS GLANG PO CHE'I RGYAB TU GSER GYI ZA MA TOG GI NANG DU NOR STONG PHRAG GCIG BTZUD DE BKAL NAS SANGS RGYAS KYIS GSUNGS PA'I TSIGS SU BCAD PA GCIG SHES PA YOD NA, NOR STONG PHRAG GCIG PO 'DI KHYER CIG CES GRONG KHYER LA LAN GSUM BSKOR BA BYED CING RNGA BRDUNGS TE DRIL BSGRAGS PA NA, DA LEN PA'I MI MED PAR GYUR NAS NOR STONG PHRAG GCIG PO YANG RGYAL PO'I PHO BRANG DU 'DZUD PAR BYED PAR 'GYUR TE, DE NI, LUNG NUB PAR GYUR BA STE, 'DI NI, LUNG GI CHOS RNAMS NUB BAR 'GYUR BA'I TSUL YIN NO, ,DE NAS RIM PA RIM PA'I DUS SONG NAS CHOS GOS KHYER BA DANG, LHUNG BZED KHUR BA MU STEGS GCER BU PA'I DGE SBYONG DANG 'DRA STE, LHA SKOR GYI LHUNG BZED DANG, KU BA'I LHUNG BZED LAG TU PHYAR PHYAR BOR KHYER TE LAG PAS STEG STEG POR

481a

, ,'DZIN CING DRA BAR BTUMS NAS RGYU BAR BYED DO, ,DE NAS RIM BA RIM PA'I DUS SONG NAS 'DI SKAD DU GOS SER BO 'DIS BDAG CAG LA DON MED CES GOS SER PO'I DUM BU GCIG LAG TU BYED PA DANG, RKE LA 'DOGS PA DANG, RNA RGYAN DU BYED PA DANG, SKRA LA 'DOGS SO, ,DE NAS BAG MA LEN PA DANG, ZHING RMO BA DANG, NYO TSONG LA SOGS BA BYED CING RANG GI 'TSO BA CHED CHER BYED PA YIN NO, ,DE'I DUS NA SBYIN PA'I BDAG PO SBYIN PA BTANG NA DGE 'DUN GYI MING YID LA BYIS TE DE DAG LA SBYIN PA BYAS NA, KUN DGA' BO, DE'I DUS NA DGE 'DUN GYI MING LA PHUL BA'I BSOD NAMS GRANGS MED PAR NGA NYID 'CHAD DO, ,DE NAS RIM PA RIM PA'I DUS 'DAS SHING SONG NAS 'DIS BDAG CAG LA DON CI ZHIG YOD CES ZER TE GOS GSAR PA'I DUM BU BCAD NAS THANG LA SKYUR BAR BYED DO, ,DE'I DUS NA RTAGS DANG CHA LUGS NUB PAR GYUR PA STE, 'DI NI, RTAGS DANG CHA LUGS NUB PAR 'GYUR BA'I TSUL YIN NO, ,DE'I RJES LA YANG DAG PAR RDZOGS PA'I SANGS RGYAS KYI BSTAN PA STONG PHRAG LNGA PA LA DAD PAS BKUR STI DANG MCHOD PA BYED PA NYUNG BAR GYUR NAS RING BSREL RNAMS KYANG DAD PAS BKUR STI DANG MCHOD PA BYED PA'I GNAS SU 'BYON PA YIN NO,, DE NAS RIM PA RIM PA'I DUS SONG NAS 'JIG RTEN THAMS CAD DU DAD PAS BKUR STI DANG MCHOD PA BYED PA MED PAR 'GYUR RO, ,DE NAS BSTAN PA RDZOGS PA'I DUS NA KLU'I YUL NA BZHUGS PA

481b

DANG, LHA'I YUL NA BZHUGS PA DANG, TSANGS PA'I 'JIG RTEN NA BZHUGS PA'I RING BSREL THAMS CAD BYANG CHUB CHON PO'I GNAS SU BYON ZHING SANGS RGYAS KYI SKUR MDZAD DE, CHO 'PHRUL GYIS RDZU 'PHRUL MDZAD NAS KUN LA SNANG BAR MDZAD DE, GNAS DER MI'I SEMS CAN GYI MING YANG MED LA, 'JIG RTEN DU 'KHOR LO STONG PHRAG BCU'I LHA KHRI PHRAG THAMS CAD 'ONGS NAS DE RING STOBS BCU MNGA' BA'I BSTAN PA NUB PAR 'GYUR RO, ,DA NI, 'JIG RTEN THAMS CAD MUN PAR 'GYUR RO, ,ZHES DU BAR BYED DO, ,RING BSREL DE'I SKU THAMS CAD ME'I KHAMS NAS BSREGS TE LHAG MA MED PAR 'GYUR RO, ,'DI NI, RING BSREL NUB PAR 'GYUR BA'I TSUL YIN NO, ,'DI LTAR STONG PHRAG LNGA PA'I BSTAN PA 'DI NUB PAR GYUR NAS 'JIG RTEN DU MI DGE BA SPYOD PA SHAS CHE BAR 'GYUR RO, ,MI RNAMS NGO TSA DANG KHREL MED BAR 'GYUR TE; MA DANG, SRING MO DANG, BU MO YIN PA'I SEMS MI BYED PAR PHAG DANG, WA DANG 'DRA STE NGO TSA MED PAR 'GYUR RO, ,DE NYID KYIS SDIG PA SHAS CHER SONG NAS TSE THUNG NGUR SONG STE TSE LO BCU PAR 'GYUR RO,, LO LNGA BA'I SKYES PA DANG BUD MED KHYIM THAB BYED DO, ,YANG LO LNGA'I NANG DA BU DANG BU MO DANG TSA BO 'BYUNG BA YIN NO, ,DE'I DUS SU MTSON GYI BSKAL BA 'BYUNG STE, BAR GYI BSKAL PA GSUM NI, MU GE'I BSKAL PA DANG, NAD KYI BSKAL PA DANG, MTSON GYI BSKAL PA'O, ,GANG GI TSE 'JIG RTEN GYI SEMS CAN RNAMS SER SNA SHAS CHER GYUR BA NA MU GE'I BSKAL PA 'BYUNG BA YIN NO, ,GANG GI TSE GTI MUG

482a

, ,SHAS CHER GYUR PA NA NAD KYI BSKAL PA 'BYUNG BA YIN NO, ,GANG GI TSE ZHE SDANG SHAS CHER GYUR PA NA MTSON GYI BSKAL PA 'BYUNG STE, MU GE'I BSKAL PA LA SHI BA'I SEMS CAN RNAMS YI DVAGS SU SKYE BAR 'GYUR RO, ,NAD KYI BSKAL PA LA SHI BA'I SEMS CAN RNAMS DUD 'GRO'I YUL DU SKYE BAR 'GYUR RO, ,MTSON GYI BSKAL BA LA SHI BA'I SEMS CAN RNAMS DMYAL BAR SKYE BAR 'GYUR RO, ,DE'I TSE MI RNAMS GCIG LA GCIG RI DVAGS YIN PA'I SEMS SU BYED DE, MTSON CHA RTZE GCIG PA DANG, RTZE GNYIS PA DANG, RTZE GSUM PA RNON PO SPU GRI LTA BU KHYER NAS GCIG GIS GCIG BSAD DE 'CHI BAR 'GYUR RO, ,DE DAG GI NANG NAS BSOD NAMS YOD PA'I MKHAS PA LA LAS ZHAG BDUN NAS MTSON GYI BSKAL PA 'BYUNG ZHES NUB MO LHA LAS THOS TE RI'I PHUG GAM, SA'I 'OG TU ZHAG BDUN BDUN GYI 'TSO BA KHYER TE SDOD PAR BYED DO, ,DE DAG MA YIN PA'I SEMS CAN LHAG MA RNAMS GCIG GIS GCIG BSAD DE 'CHI BAR 'GYUR RO, ,SA THAMS CAD SHA DANG KHRAG GIS GANG BAR 'GYUR RO, ,DE'I RJES LA 'BRUG SGRA CHEN PO BYUNG STE CHAR 'BAB BO, ,RI DANG SHA THAMS CAD PHYI'I RGYA MTSOR 'KHYER BAR 'GYUR RO, ,LHAS KYANG CHAR CHEN PO PHAB PA'I RJES LA DRI BZANG PO'I CHAR 'BAB BO, ,DE'I RJES LAS THAMS CAD GTZANG MAR 'GYUR TE, ,SA THAMS CAD DAG PAR GYUR NAS 'BRU'I CHAR 'BAB

482b

PA; ;'BRU'I CHAR GYI RJES LA 'BRAS KYI CHAR 'BAB BO, ,CHAR DE'I BAR DU GOS DANG RGYAN GYI CHAR 'BAB BO, ,DE'I BAR DU PUS MO NUB TZAM GYI RIN PO CHE SNA BDUN GYI CHAR 'BAB PAR 'GYUR RO, ,DE LA 'DI SKAD CES BYA STE; DRI BZANG CHAR BA RAB 'BAB CING, ,'BRU RNAMS DANG NI 'BRAS RNAMS DANG, ,GOS DANG RGYAN RNAMS SNA TSOGS 'BAB, ,DE'I TSE DGA' TSAL YANG 'OD SNANG, ,DE TSE RIN CHEN SNA BDUN MANG, ,DE TSE DER NA 'BAB GYUR TE, ,DE TSES KUN GANG BAR 'GYUR, ,DE TSE DGA' TSAL YID 'ONG 'GYUR, ,MTSON GYI BSKAL PA ZHAG BDUN 'DAS NAS DE'I TSE MI RI'I PHUG LA SOGS PAR BROS TE GAB PA RNAMS PHYIR 'ONGS NAS GCIG LA GCIG 'KHYUD DE DU ZHING PHAN PAR SEMS PAS CHOS YID LA BYED CING SDOM PA LNGA LEGS PAR SRUNG BAR BYED DO, ,DE NAS LO BCU BA'I MI LA BU LO NYI SHU PA 'BYUNG BA YIN NO, ,DE NAS MI RNAMS CHOS LA SHIN TU LEGS PAR DAD DE RIM GYIS TSE RING POR 'PHEL ZHING TSE LO GRANGS MED PAR 'GYUR RO, ,DE'I DUS SU SEMS CAN RNAMS LA RGAS PA DANG SHI BA MI MTHONG STE, DER SEMS CAN RNAMS YANG CHOS LA DAD PA MED PAR GYUR NAS DMYAL BA'I SDUG BSNGAL GANG YIN PA YANG MI SHES TE, TSE LO GRANGS MED PA THUNG NGUR 'GYUR ZHING RIM GYIS MAR LA 'GRIB STE TSE LO BRGYAD KHRI BAR 'GYUR BA YIN NO, ,DE'I DUS NA 'DZAM BU'I GLING THAMS CAD DU LHA LTA BU'I SKYES PA DANG, LHA MO LTA BU'I BUD MED SHIN TU MANG PO 'BYUNG BA YIN NO, ,LHA RNAMS KYIS ZLA BA PHYED TZAM DANG, ZHAG BCU TZAM

483a

, ,DANG, ZHAG LNGA LNGA TZAM DU CHAR 'BABS SHING, NAM GYI GUNG LAS THAMS CAD DRI BZANG BO DANG RO ZHIM ZHING BCUD CHEN POR 'GYUR TE, DE NAS SA THAMS CAD RAB TU MNYAM ZHING RDO DANG TSER MA MED PAR 'GYUR BA YIN NO, ,GRONG KHYER GYI SGO BZHI DANG, ZUR BZHI DANG, GRONG KHYER GYI DBUS SU DPAG BSAM GYI SHING 'BYUNG BAR 'GYUR RO, ,DE LA 'DI SKAD CES BYA STE, GZHAN YANG DE YI GRONG KHYER DU, ,SNA TSOGS SNA TSOGS MANG BA'I SRANG, ,MNGON PAR GRUB PA'I RDZING BU LA, ,THEM SKAS SHIN TU LEGS PA 'BYUNG, ,CHU CHEN SHIN TU DRI MA MED; ;BSIL ZHING DRI ZHIM YID 'ONG LDAN, ,BDE MNYAM DANG PA DU MAR BCAS, ,BYE MA MU TIG MDOG 'DRA BA, ,AUTPAL PADMO'I ME TOG 'KHRIGS, ,DUS RNAMS KUN TU RNYING MA 'KHRUNGS,, RIN PO CHE YI RANG BZHIN GYI, ,TA LA'I RAB BDUN GYIS BSKOR, ,DE YI GRONG KHYER THAMS CAD LA, ,RIN CHEN LCAGS RI BDUN GYIS BSKOR, ,DE TSE RTZVA MCHOG GRONG KHYER 'DIR, ,GRONG KHYER RGYAL MTSAN BLO GROS 'BYUNG, ,GRONG KHYER ZUR BZHI DANG NI SGOR, ,DPAG BSAM LJON SHING RAB TU SKYE, ,SNGON PO SER PO DMAR PO DANG, KHA DOG SNA TSOGS 'OD ZER CAN, ,LHA YI GOS NI DE LAS SKYE, , LHA YI RGYAN RNAMS DE LAS 'BYUNG, ,GZHAN YANG DGOS 'DOD SNA TSOGS PA, THAMS CAD DE LAS RAB TU 'BYUNG, ,GRONG KHYER DE YI DBUS SU YANG, ,SGO BZHI BZHI LDAN KHANG BZANG BZHI,

483b

BSOD NAMS LAS LAS RAB TU 'GRUB, ,DPAG BSAM LJON SHING MANG PO 'KHRIGS, ,KA SHI'I GOS DANG KA RA BAS, ,LA MA AU DUM WA RA'I GIS, ,BSOD NAMS LAS LAS RAB GRUB PA'I, ,DPAG BSAM SHING LAS RAB TU 'BYUNG, ,LAG RNGA DANG NI RJA RNGA DANG, ,RNGA ZLU MA DAG NI PHRAG RNGA YANG, ,BSOD NAMS LAS LAS RAB GRUB PA'I, ,DPAG BSAM SHING LAS RAB TU 'BYUNG, ,RIN CHEN PHRENG BA MGUL RGYAN DANG, ,RIN CHEN PHRENG PA'I DO SHAL YANG, ,BSOD NAMS LAS LAS RAB GRUB PA'I, ,DPAG BSAM SHING LAS RAB TU 'BYUNG, ,GTZUG RGYAN MDZOD SPU'I RGYAN DANG NI, ,DPUNG RGYAN NOR BU'I SKED RGYAN DANG, ,BSOD NAMS LAS LAS RAB GRUB PA'I, ,DPAG BSAM SHING LAS RAB TU 'BYUNG, ,GZHAN YANG SNA TSOGS DU MA YI, ,RGYAN MANG LEGS PO THAMS CAD NI, ,BSOD NAMS LAS LAS RAB GRUB PA'I, ,DPAG BSAM SHING LAS RAB TU 'BYUNG, ,BSOD NAMS LAS CAN SEMS CAN LA, ,MA GRUGS SKOG MED DRI MED DKAR, ,DRI ZHIM 'BRAS KYI SNYE MA 'GRUB, ,MA RMOS MA BTAB RANG BYUNG LA, ,MA G-YOS MA BSKOL 'BRAS KYI ZAS, MI RNAMS THAMS CAD LEGS PAR ZA, ,DER NI RTZA BA GCIG LAS KYANG, ,'BRAS KYI YAL GA 'BUM PHRAG SKYE, ,SDONG BU KUN LA MYU GU RNAMS,, THAMS CAD RE RES KUN NAS BSKOR, ,'BRAS RNAMS SO MA RE RE LA, ,DE TSE BRE NI RE RE 'BYUNG, ,DUS KUN DRI ZHIM LDAN PA'I 'BRAS, ,MI KUN LA NI 'BYUNG BA YIN, ,'KHOR LO GNYIS PA'I SHING RTA NI,,

484a

, ,NYIS STONG DANG NI NYIS BRGYA DANG, ,SHING RTA BDUN CU RTZA GNYIS DANG, KHAL NI BCU DRUG DE BZHIN DU, ,KU BA GNYIS DANG BCAS PA'I 'BRAS, ,SEMS CAN BSOD NAMS LDAN PAS NA; ;SA BON GCIG LAS DE SNYED 'BYUNG, ,RGYAL PO DUNG GI GRONG KHYER NI, ,RGYAL MTSAN BLO GROS DER GNAS MI, ,THAMS CAD MA LUS DE KUN KYANG, ,YON TAN KUN LDAN RGYAN RNAMS 'DZIN; ;YID LA GANG BSAM BDE BAR 'BYOR, ,GZUGS BZANG ME TOG RGYAN LA SOGS, ,HA RI TZANDAN NA LUS LA BYUGS, ,KA SHI KA YI GOS MCHOG GYON, ,MNYEN GSHIN NOR MANG DBANG PHYUG LDAN, ,PI WANG TING TING SHAGS KYIS RTZE, ,LUS DANG DE BZHIN YID RNAMS KYANG, ,NYIN MTSAN MED PAR SHIN TU SKYID, ,'DZAM GLING 'DI YI RGYA KHYON YANG, ,DPAG TSAD STONG PHRAG BCU YIN TE; ;TSER MA CAN DANG MTHA' 'KHOB MED, KHANG MNYAM LJANG KHU'I RTZVA GSAR LDAN, ,'DOD DANG RGAS DANG MTHAR 'CHI STE, ,NAD GSUM TZAM NI DE TSE YOD, ,BU MO LNGA BRGYA'I LO LON TSE, ,KHYIM THAB LA NI 'GRO BAR BYED, ,KUN TU SEMS MTHUN BDE DANG LDAN, ,'THAB DANG RTZOD PA MED PAR GNAS, ,ME TOG 'BRAS BU MANG PO DANG, ,'KHRI SHING SHING THOG YOD PA'I TSAL, ,SOR BZHI'I DBANG TZAM RTZVA RNAMS RIGS, ,SHING BAL LTA BUR REG BYA 'JAM, ,BSIL DROD SHIN TU SNYOMS PA STE, ,CHAR DANG RLUNG YANG SHIN TU SNYOMS, ,DE TSE DBYAR DGUN STON YANG SNYOMS, ,MTSO DANG 'BAB

484b

CHU RLABS MED CING, ,SA KUN DE DANG DE RU NI, ,GSEG MA BYE MA DKAR PO YANG, ,SRAN MA DANG NI SRAN DKAR TZAM, ,MU TIG LTA BU MANG POS MDZES, ,LEGS PAR BRGYAN PA'I TSAL BZHIN DU, ,KUN NAS BZANG PO 'BYUNG BA YIN, ,GRONG DANG GRONG RDAL 'DAB 'BREL BA, ,DE DER NYE ZHING SHIN TU NYE, ,SMYUG MA'I TSAL DANG 'OD MA'I TSAL, ,KUN TU KHYIM BYA MANG PO RGYU, ,NOR MANG PHYUG CING 'JIGS PA MED, ,KUN TU KHRIMS BZANG GNOD MED LDAN, ,NYIN MTSAN 'DOD YON LNGA YIS RTZE, ,GCIG TU BDE BAR GNAS PA YIN, ,SKAR MA'I 'OD KYI MDA' LTAR 'GRO, ,YID RAB DANG ZHING BDE DAGS GNAS, ,BZA' DANG BTUNG BA BZANG ZHING MANG, ,SHA DANG CHANG SOGS MANG BAR LDAN, ,BYANG GI SGRA MI SNYAN DANG NI, ,LHA YI GRONG KHYER LCANG LO CAN, ,YANGS PA CAN GYI GRONG KHYER BZHIN, ,'DZAM GLING KUN NAS BZANG POR 'GYUR; ;DE'I DUS NA BYANG CHUB SEMS DPA' BYAMS PA 'DI GRANGS MED PA'I BSKAL PA 'BUM PHRAG GCIG DANG BCU DRUG TU SBYIN PA'I PHA ROL TU PHYIN PA LA SOGS PA PHA ROL TU PHYIN PAR THAMS CAD RDZOGS NAS THAMS CAD SGROL BA'I TSUL GYIS THA MA NYID DU SBYIN PA CHEN PO STE, PHA ROL TU PHYIN PA'I TSOGS THAMS CAD MTHAR PHYIN CING 'DI NAS DGA' LDAN DU MNGON PAR SKYES TE; DE'I DUS NA 'JIG RTEN GYI KHAMS STONG PHRAG BCU'I LHA THAMS CAD 'ONGS TE SANGS RGYAS 'JIG RTEN DU 'BYUNG BAR 'GYUR RO, ,ZHES SGRA DBYANGS SNYAN PA CHEN PO 'BYIN CING MNGON PAR

485a

, ,RDZOGS PAR 'TSANG RGYA BAR GSOL ZHES SKUL BAR BYED DE, ,DE NAS GZIGS PA RNAM PA LNGA LA MNGON PAR GZIGS TE DGA' LDAN GYI LHA'I 'KHOR NAS 'ONGS TE RGYAL PO DUNG GI GRONG KHYER RGYAL MTSAN BLO GROS SU BRAM ZE MDUN NA 'DON TSANGS RAB CES BYA BA'I BTZUN MO TSANGS LDAN MA ZHES BYA BA'I LHUMS SU 'JUG STE, 'JIG RTEN GYI KHAMS STONG PHRAG BCU 'DAR ZHING G-YO BAR 'GYUR RO, ,DER ZLA BA BCU SONG NAS DRANG SONG LHUNG BA'I RI DVAGS RGYU BA'I GNAS SU YUM LAS 'KHRUNGS TE, RIM GYIS NAR SON NAS RANG GI BSOD NAMS KYI MTHU LAS SA 'OG NAS NOR BU RIN PO CHE BDUN LAS GRUB BA'I KHANG BZANG BZHI BYUNG BA'I NANG DU RANG NYID LHA BZHIN DU LHA MO ZLA BA'I GDONG CAN DANG, GZHAN YANG LHA MO LTA BU'I BUD MED MANG PO DANG LHAN CIG TU LO STONG PHRAG GCIG TU LHA'I LONGS SPYOD LTA BU LA BDE BAR SPYOD DE, DE NAS THA MA'I ZHAG LA BTZUN PA'I GZUGS SHIG MTHONG NAS GSER GYI KHANG BUR SENGGE'I RGYAL PO MI DGA' BA BZHIN DU RIN PO CHE'I KHANG BZANG DPAL MANG PO YOD PA LA MI DGA' ZHING NGES PAR 'BYUNG BA CHEN PO'I SEMS BYUNG STE 'JIG RTEN 'KHOR LO STONG PHRAG BCU THAMS CAD KYI LHA RNAMS LHA'I ME TOG LAG TU KHYER NAS 'JIG RTEN GYI 'KHOR LO 'DIR 'ONGS TE 'KHOD PAR BYED DO, ,RGYAL PO DUNG DANG BCAS PA'I MI MANG PO YANG ME TOG DANG DRI DANG SPOS

485b

PHYIR TE KHANG BZANG LA BSKOR NAS 'KHOD PAR BYED DO, ,NAM MKHA'I LHA RNAMS KYANG LHA'I ME TOG LAG TU KHYER NAS LEGS SO LEGS SO,, ZHES 'OG MIN GYI BAR DU SGRA CHER SGROG CING 'KHOD PAR BYED DO; ;DE NAS RIN PO CHE'I KHANG BZANG RDZA MKHAN GYI 'KHOR LO BZHIN DU 'KHOR ZHING NAM MKHA' LA SONG NAS BCO LNGA'I ZLA BA SKAR MA'I TSOGS KYIS YONGS SU BSKOR BA BZHIN DU BYANG CHUB SEMS DPA' NI, ZLA BA'I GDONG CAN MA DANG, GZHAN BTZUN MO'I TSOGS DANG BCAS PA NAM MKHA' LA 'GRO BAR BYED DE, SEMS DPA' CHEN PO DE DANG THABS CIG TU 'GRO BA'I SEMS YIN PA THAMS CAD KYANG NAM MKHA' LA 'GRO BAR BYED DO, ,DE NAS TSANGS PA CHEN POS NI, DPAG TSAD GSUM TZAM YOD PA'I GDUGS DKAR PO 'DZIN CING LHA'I DBANG POS DUNG 'PHUD PAR BYED DO; ;'DI LTAR BSOD NAMS KYI DPAL CHEN POS LHA DANG MIS BSKOR BA'I KHANG BZANG DANG BCAS PAS BYANG CHUB GYI SHING GI DRUNG DU NYE BAR 'ONGS TE, DE JI LTAR ZHE NA, SHING SDONG KHRU BRGYA NYI SHU STE, , YAL GA'ANG KHRU BRGYA NYI SHU'I SRID, ,RLUNG GIS DAL BUR BSKYOD PA NA, ,RMA BYA'I GAR GYI GDUGS LTAR SNANG, ,DUS KUN LHA YI ME TOG NI, ,SHIN TU LEGS PAR RGYAS PA YANG, ,'KHOR LO TZAM GYI LTE BA LA, ,GSER DRI BZANG BRE GANG TZAM, ,RLUNG GIS PHYOGS BCUR BSKYOD PA NA, ,DPAG TSAD BCUR NI DRI YIS KHYAB, ,ME TOG SA LA BAB PA YANG, ,BYANG CHUB SHING DRUNG NYID DU GNAS, ,

486a

, ,DE'I DUS SU NAM MKHA' LA 'GRO BA'I BYA'I RIGS MANG PO SKAD SNYAN POS MCHOD PA BYED CING 'GRO BAR BYED DO, ,DE LTAR BYANG CHUB KYI SHING KLU SHING GI NYE 'KHOR DU 'ONGS TE NAM MKHA' LAS BABS NAS KHANG BZANG SA'I NYE 'KHOR YID DU 'THAD PA'I STENG DE NYID DU 'KHOR BAR BYED DO, ,DER DPAL GYI KHANG BZANG GI NANG DU ZHAG BDUN DU DKA' THUB BYED DO, ,DE NAS TSANGS PA CHEN POS PHUL BA MKHO BA'I YO BYAD BLANGS TE RAB TU BYUNG BAR BYED DO, ,'KHOR THAMS CAD KYANG RAB TU 'BYUNG BAR 'GYUR RO, ,'DI LTA STE, BRGYAD KHRI BZHI STONG GRANGS SNYED KYI, , BRAM ZE RIG BYED RAB MKHAS PA, ,DE YI RJES SU RAB TU 'BYUNG, ,'KHOR RNAMS KUN KYANG RAB TU 'BYUNG, ,DE LTAR RAB TU BYUNG NAS LHA MO ZLA BA'I GDONG CAN MAS PHUL BA'I 'O THUG RO SNA TSOGS DANG LDAN PA GSOL BAR BYED DO, ,DE'I DGONG THUN LA BYANG CHUB KYI SHING DRUNG DU NYE BAR 'ONGS TE RNAM PAR RGYAL BA'I KHANG BZANG DU KHRI BSHAMS PA LA SHAR GYI 'JIG RTEN LA MNGON PAR GZIGS TE BZHUGS PAR MDZAD DO, ,DE NAS RIM GYIS NYI MA'I SKYA RENGS SHAR BA'I DUS NA YANG DAG PAR RDZOGS PA'I SANGS RGYAS KYI YE SHES MNGON DU MDZAD DE 'DI SKAD GSUNG BAR 'GYUR RO, ,'KHOR BA'I SKYE BO MANG POR NI, ,DUG MED PA YI DON GYI PHYIR, ,GNAS BZANG KUN TU BTZAL BYAS KYANG, ,YANG YANG SKYE BA'I SDUG BSNGAL BYUNG, ,DA NI GNAS BZANG MCHOG THOB

486b

PAS; ;DA GZOD GNAS GDON MI 'GRO STE, ,DUG KHYIM SDUG BSNGAL THAMS CAD BCAS, ,RAB BCOM THO BAS BSHIG PA YIN, ,NYON MONGS DUG BCAS 'DOD PA YI, ,YID NI RNAM PAR DAG PAR BYAS,, 'DI SKAD CES GSUNGS NAS BYANG CHUB KYI SHING LA NYE BAR GNAS TE ZHAG BDUN PHRAG BDUN SONG BA DANG, TSANGS PAS GSOL BA 'DEBS PA GSAN NAS DRANG SONG LHUNG BA'I GNAS SU BYIN TE CHOS KYI 'KHOR LO BSKOR BA LA GSHEGS PA'I TSE, ,ZHABS NI BSKYOD MI BSKYOD PA YANG, ,SHIN TU RGYAS PA'I BDE STENG GSHEGS, ,'DAB MA KHRU NI SUM CUR BCAS, ,BAR GYI 'DAB MA NYI SHU LNGA, ,GE SAR NYI SHU'I KHRU DANG LDAN, ,ZE 'BRU LA NI BCU DRUG STE, ,GE SAR KHA DOG SHIN TU DMAR, ,ME TOG PADMA CHEN PO 'BYUNG, ,STOBS BCU MNGA' BA'I 'OD ZER RAB TU 'BAR ZHING GSAL TE NYI MA'I 'OD MI GSAL ZHING NYIN MTSAN BYE BRAG MED PAR 'GYUR RO, ,DE'I TSE SNGA DRO DANG DGONG MO BYA'I SGRAS SHES PAR BYED PA DANG, ME TOG RGYAS PAS KYANG 'JIG RTEN PA RNAMS GO BAR BYED DO, ,GANG DANG GANG NA CHOS 'CHAD PA YOD PA DE DANG DER CHOS KYI SGRA THAMS CAD LA RAB TU GRAGS SHING 'CHAD PAR BYED DO, ,DE'I TSE BRAM ZE BRGYAD KHRI BZHI STONG DANG, TSANGS PA SA YA PHRAG BCO BRGYAD KYIS THOG MAR CHOS KYI BDUD RTZI 'THUNGS TE 'DI LTAR BCOM LDAN 'DAS BSOD NAMS DANG BYIN RLABS BRGYA PHRAG MANG PO DANG LDAN PA, 'OD ZER KHA DOG

487a

, ,SNA TSOGS PA 'GYED CING BRGYA PHRAG MANG PO'I MTSAN CAN MTSAN BZANG PO SUM CU RTZA GNYIS DANG DPE BYAD BRGYAD CU MNYAM PAR LDAN ZHING NGO MTSAR MANG PO MNGA' BA, BRGYA PHRAG MANG PO'I 'OD DE'I SKU LAS 'BYUNG BA YIN, ,JI LTAR ZHE NA, SNGON PO DANG, SER PO'I KHA DOG DANG, DMAR PO'I KHA DOG DANG, DKAR PO'I KHA DOG DANG, SHEL GYI KHA DOG DANG, DNGUL GYI KHA DOG GSAL ZHING GSAL BA'I 'OD ZER DANG BCAS PA 'BYUNG NGO, ,SANGS RGYAS KYI SKU DE LAS 'OD 'PHRO BA TA LA'I SHING LTA BU PHYOGS THAMS CAD DU BSKOR ZHING PHUNG PO SO SOR BCOM LDAN 'DAS KYI SKU LA LAN GSUM BSKOR BA BYAS SHING YAR MAR 'GRO BAR BYED DO, ,BCOM LDAN 'DAS DE'I SKU KHRU BRGYAD CU RTZA BRGYAD KYI SRID DANG LDAN PA YIN TE, ZHABS KYI MTHIL NAS PUS MO'I BAR LA KHRU NYI SHU RTZA GNYIS SO, ,PUS MO DANG LTE BA'I BAR LA KHRU NYI SHU RTZA GNYIS SO, ,LTE BA DANG MGUR GYI BAR LA KHRU NYI SHU RTZA GNYIS SO, ,MGUR DANG DBU'I BAR LA KHRU NYI SHU RTZA GNYIS PA'O, ,DPUNG PA GNYIS KYI BAR LA KHRU NYI SHU LNGA LNGA'O, ,SGROG RUS RE RE LA'ANG KHRU LNGA LNGA'O, ,SNYAN SHAL GNYIS LA KHRU BDUN BDUN NO; ;SPYAN RE RE'I DKYUS LA KHRU LNGA LNGA'O, ,SMIN MA GNYIS LA'ANG KHRU LNGA LNGA'O, ,SMIN PHRAG LA'ANG KHRU LNGA'O, ,SHENGS KYI DKYUS LA KHRU BDUN NO, ,MCHU GNYIS LA KHRU

487b

BCU'O; ;LJAGS KYI BSKOR LA KHRU LNGA'O, ,GTZUG TOR LA KHRU LNGA'O, ,ZHAL GYI BSKOR GSER GYI ME LONG LTA BU LA KHRU NYI SHU RTZA LNGA'O, ,MGRIN PA LA'ANG KHRU LNGA'O, ,PHYAG GNYIS KYI DKYUS LA KHRU BZHI BCU RTZA BZHI BZHI BCU RTZA BZHI 'BYUNG BA YIN NO, ,DE LTA BU'I SANGS RGYAS DE NI, DPE MED PA'I DPAL DANG, SANGS RGYAS KYI YON TAN MTHA' MED PA DANG LDAN ZHING 'JIG RTEN 'KHOR LO STONG PHRAG BCU PO THAMS CAD KYI LHA DANG MI'I DBUS SU BZHUGS NAS CHOS KYI 'KHOR LO BSKOR ZHING STON PAR MDZAD PA YIN NO, , DE'I RJES SU SA YA 'BUM PHRAG GCIG GI LHA DANG MI RNAMS 'DZIN PA MED PAR DANG PO NYID DU CHOS KYI MCHOG GIS RNAM PAR GROL BA THOB PAR 'GYUR TE, RNAM PAR GROL BA MA THOB PA RNAMS LHA'I YUL DU SKYE BAR 'GYUR RO, ,'DI LTAR BYAMS PA LEGS PA'I MCHOG CHEN PO DE GANG GIS MI MTHONG ZHE NA, MA BSAD PA DANG, PHA BSAD PA DANG, DGRA BCOM PA BSAD PA DANG, DGE SLONG MA SUN PHYUNG BA DANG, DGE 'DUN GYI DBYEN BYED PA STE, SDIG PA'I LAS LNGA BYED PA DANG, MCHOD RTEN BSHIG PA DANG, BYANG CHUB KYI SHING BCAD PA DANG, BYANG CHUB SEMS DPA' GSOD PA DANG, DGE 'DUN GYI 'TSO BA NYAMS PAR BYED PA DANG, SER SNA CHE BA DANG, RTAG CHAD DU NGES

488a

, ,PAR LTA BA'I MU STEGS DANG, 'PHAGS PA RNAMS LA SMOD PA DANG, GCER BU PA'I RIGS CAN RNAMS KYIS MI MTHONG BA YIN NO, ,TSIGS BCAD STONG PHRAG GCIG GI RGYAN YOD PA'I THAMS CAD SGROL BA'I SKYES RABS CHEN PO STONG PHRAG GSUM PA ZHAG GCIG LA 'CHAD CING NYAN PAR BYED PA'I MI DANG, MAR ME STONG PHRAG GCIG 'BUL BA DANG, DRI BZANG PO MED NA YANG ME TOG STONG PHRAG GCIG TZAM 'BUL BA DANG, AUTPA LA SNGON PO STONG PHRAG GCIG TZAM 'BUL BA DANG, SANGS RGYAS KYI RING BSREL YOD PA'I MCHOD RTEN DANG, SANGS RGYAS KYI SKU LA MCHOD PA BYED PA THAMS CAD NI, SANGS RGYAS BYAMS PA DE CHOS 'CHAD PA'I DUS SU DE'I DRUNG DU CHOS KYI MCHOG GIS RNAM PAR GROL BA THOB PA DANG, MTHONG BAR 'GYUR RO, ,DE MA YIN PA SEMS CAN SBYIN PA GTONG BA DANG, SDOM PA SRUNG BA DANG, LHA KHANG BYED PA DANG, BYANG CHUB KYI SHING GI SA BON SKYED PA DANG, RING BSREL GYI MCHOD RTEN BYED PA DANG, BYANG CHUB KYI SHING DANG MCHOD RTEN LA ZHABS TOG BYED PA DANG, SEMS CAN LA PHAN PA'I TSAL BYED PA DANG, ZAM PA BYED PA DANG, LAM 'CHOS PA DANG, MGRON PO'I GNAS KHANG BYED PA DANG, CHU MIG BYED PA DANG, SANGS RGYAS KYI BSTAN PA LA DAD PAR BYED PA DANG, SANGS RGYAS KYI CHOS 'DI DAG 'CHAD PA LA DRI

488b

DANG ME TOG LA SOGS PA'I MCHOD PA BYED PA DANG, KHRI LA BYI DOR BYED CING LEGS PAR CHOS NYAN PA DANG, DGE 'DUN LA BSNYEN BKUR DAM PA BYED PA DANG, MA DANG PHA'I ZHABS TOG BYED PA DANG, RIGS KYIS CHE BA LA GUS PAR BYED PA DANG, SDOM PA SRUNG BA'I DUS SU DGE 'DUN LA BSNYEN BKUR BYED PA DANG, TSES BCO LNGA LA DUS STON BYED PA DANG, LHUNG BZED 'BUL BA DANG, STAN STER BAR BYED PA THAMS CAD KYIS YANG DAG PAR RDZOGS PA'I SANGS RGYAS BYAMS PA MTHONG ZHING MJAL BA YIN NO, ,DE LTA BU'I BSOD NAMS MANG PO MI NUS NA YANG ME TOG SBAR MO RE TZAM DANG, MAR ME GCIG TZAM 'BUL BAR BYED PA DANG, GZHAN GYI BSOD NAMS LA RJES SU YI RANG BA'I DGE BA BYED PA'I LHA DANG MI RNAMS KYIS DE'I DUS NA YANG DAG PAR RDZOGS PA'I SANGS RGYAS BYAMS PA MTHONG BA YIN NO, ,YANG DAG PAR RDZOGS PA'I SANGS RGYAS BYAMS PA DE MTHONG BAR 'DOD PA'I DAD PA YOD CING SBYIN PA GTONG BA DANG, TSUL KHRIMS SRUNG BA DANG, BSNYEN GNAS SGRUB PA DANG, DON YANG DAG PAR SGOM PA DANG, DGE BA'I LAS SHIN TU LEGS PAR BYED PA RNAMS KYIS SHIN TU LEGS PAR MTHONG BA YIN NO, , THUB PA'I GSUNG RAB THOS GYUR NAS, ,TSANGS PAR SPYOD PA SGRUB BYED PA, ,DE RNAMS 'KHOR BA'I PHA ROL PHYIN, ,'CHI MED THAR PA THOB PAR 'GYUR, ,TSANGS SPYOD YANG DAG SGRUB BYED CING, ,

489a

, ,SBYIN GNAS MCHOG LA SBYIN BYED DANG, ,BSNYEN GNAS BSLAB PA SOGS SRUNG DANG, ,BYAMS PA'I SGOM LA LEGS GNAS PA, ,RTZE GCIG PA YIS SGRUB PAR GYIS, ,NYIN MTSAN BSOD NAMS RAB SGRUB GYIS, ,'DI RU DE DAG SGRUB BYED NA, ,SDUG BSNGAL ZAD PAR BYED PAR 'GYUR, ,BCOM LDAN 'DAS KYIS DE SKAD CES BKA' STZAL PA DANG, TSE DANG LDAN PA SH'A RI'I BU DANG BCAS PA'I 'KHOR DE DAG THAMS CAD YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA BYAMS PA'I MDO RDZOGS SO,, ,,THUB DBANG MCHOG DANG RGYAL PA BYAMS PA YI, ,BSTAN PA GSAL BYED MDO SDE'I DBANG PO 'DI, ,YON TAN DANG LDAN SINGGE GLING YUL GYI, ,STONG PHRAG MANG PO'I DGE 'DUN KUN GYI GTZO, ,MAR ME MDZAD SLOB RDO RJE GDAN BZHUGS PA, ,PAn CHEN A'A NANDA SHR'I YON TAN CAN, ,DGE SLONG CHOS KYI SPYAN CAN MKHAS GNYIS MKHAS, ,BSTAN LA PHAN 'DOD BZANG PO DE NYID DANG, ,DE LA LEGS GTUGS DGE SLONG LUNG RIGS 'DZIN, ,SKAD GNYIS SMRA BA MCHOG GI RJES 'JUG PA, , KUN DGA' RGYAL MTSAN THUB BSTAN DPAL BZANG POS, ,STON PA 'DAS NAS LO STONG BRGYAD BRGYA DANG, ,LNGA BCU LHAG PA'I ZLA BA BCU 'DAS DUS, ,CHOS KYI RGYAL PO HA SHANG MNGA'

489b

GSOL TSE, ,ME LUG DGUN ZLA RA BA'I YAR NGO LA, ,DPAL LDAN BLA MA KUN DGA' SENGGE YI, ,SKU DRIN LA BRTEN DPAL LDAN SA SKYAR NI, ,SGRA DON JI BZHIN LEGS PAR BSGYUR BA MIN, , 'PHAGS NOR RGYAN LDAN SKYES BU DAM PA RNAMS, ,DAM CHOS RIN CHEN 'DI LA GTZUG RGYAN MDZOD, ,NYON MONGS NAD CAN PHRAG DOG RAB RIB CAN, ,CHOS SMAN 'DI BSTEN NAD MED MIG GSAL 'GYUR, ,DGE BA 'DI GZHAN MA LUS LEGS BSDOMS TE, ,BLA MA THUB DBANG BYAMS PA MGON LA SOGS, ,SANGS RGYAS KUN MNYES RNAM DAG RGYA CHEN ZHING, ,RNAM DAG RAB BSGRUBS BSTAN PA MCHOG BSGRUBS NAS, ,PHYOGS BCU'I ZHING RDUL SNYED KYI SPRUL PA YIS, ,SEMS CAN THAMS CAD BSTAN LA DANG BYAS SHING, ,SANGS RGYAS BSTAN PA RAB TU RGYAS BYAS TA, ,SANGS RGYAS SKU GSUM YE SHES MYUR THOB SHOG ,SHES BYA MTHA' YAS RAB TU ZAB PHYIR DANG, ,SHES BYED CHED CAN RAB TU RTOGS SLA'I PHYIR, ,'KHRUL PAR GYUR NA RAB TU SEMS DGE'I PHYIR, ,SKYE BO MKHAS RNAMS RAB TU BZOD MDZAD RIGS, ,RGYA DPE DANG LEGS PAR GTUGS SO, ,PHYOGS DUS THAMS CAD DU BKRA SHIS DANG BDE LEGS KYIS KHYAB PAR GYUR CIG,

טיבטיתTibetanKL00035E-3_'PHAGS PA BYAMS PA LUNG BSTAN PA_The Exalted Sutra of the Prediction of the Coming of Maitreya (Ārya Maitrī Vyākaraṇa).txt15,173 תוויםcharacters

489b

,,*, ,RGYA GAR SKAD DU, A'ARYA MEE TRI YA BY'A KA RA nA, BOD SKAD DU, 'PHAGS PA BYAMS PA LUNG BSTAN PA, 'PHAGS PA

490a

, ,BYAMS PA LA PHYAG 'TSAL LO, ,CHOS KYI SDE DPON KHYAB BDAG DPAL, ,SHES RAB CHEN PO SH'A RI'I BUS, ,'JIG RTEN RNAMS LA SNYING BRTZE'I PHYIR,, STON PA LA NI YONGS ZHUS PA, ,SNGON DANG PHYI MTHA'I MDO LAS NI, ,MA 'ONGS PA YI SANGS RGYAS GANG, ,'JIG RTEN 'DREN PAR MDZAD PA PO, ,BYAMS PA ZHES BYA BSTAN PA DE, ,'DREN PA BDAG NI DE'I MTHU DANG, ,RDZU 'PHRUL DANG NI DON THAMS CAD, ,RGYAS PAR RAB TU NYAN 'TSAL NI, ,DE NI MI MCHOG BDAG LA GSUNGS, ,DE LA STON PAS BKA' STZAL PA, ,SANGS RGYAS BYAMS PA'I MCHOG DE'I, ,'BYOR PA RGYAS PAR KHYOD LA NGAS, ,LUNG BSTAN BYA YI NGA LA NYON, ,DE YI TSE NA RGYA MTSO NI, ,KHOR YUG TU NI DPAG TSAD BRGYA, ,SKAM PAR 'GYUR TE DE YANG NI; ;'KHOR LOS BSGYUR BA'I LAM BZANG YIN, ,DE TSE DZAMBU'I GLING 'DI YANG, ,CHU ZHENG THA GRU MNYAM PAR NI, ,DPAG TSAD STONG PHRAG BCU PA STE, ,'BYUNG PO KUN GYI GNAS SU 'GYUR; ;DE YI TSE NA YUL GYI MI, ,DAR CING 'BYOR LA CHAD PA MED, ,'TSE MED MI NI DE DAG KYANG, ,DGE BA BYED PA DAG TU 'GYUR, ,SA GZHI TSER MA MED PA DANG, ,MNYAM ZHING NE'U GSING SNGO DANG LDAN, ,'PHAR ZHING NEM ZHES BYED PA STE, ,SHING BAL 'DAB MA BZHIN DU 'JAM, ,MNGAR ZHING DRI NI ZHIM PA YI, ,S'A LU MA RMOS PAR SKYE'O, ,SNA TSOGS TSON GYIS MDZES BYAS

490b

PA'I; ;GOS KYI LJON SHING 'BYUNG BAR 'GYUR, ,ME TOG LO MA 'BRAS LDAN PA'I, ,LJON SHING 'PHANG DU RGYANG GRAGS 'BYUNG, ,DE DAG RNAMS KYI TSE LO NI, ,BRGYAD KHRI KHO NA THUB PAR 'GYUR, , SEMS CAN DE DAG SKYON MED CING, ,NYES BRAL SPRO BA TSE DANG LDAN PA, ,LUS CHEN KHA DOG LDAN PA STE, ,TSAN PO CHO YI STOBS DANG LDAN, ,NAD NI GSUM ZHIG 'BYUNG BAR 'GYUR, ,'DOD DANG MI ZA RGA BA'O; ;BU MO LA NI LNGA BRGYA DAG ,LON NAS KHYO LA BAG MAR 'GRO ,DE TSE TOG LDAN ZHES BYA BA'I, ,RGYAL PO'I PHO BRANG 'BYUNG 'GYUR TE, ,SROG CHAGS DGE BA'I LAS BYED PA'I, ,SEMS CAN RNAMS KYI GNAS YIN NO, ,CHUR NI DPAG TSAD BCU GNYIS TE, ,RGYAR NI DPAG TSAD BDUN YOD PA'I, ,BSOD NAMS BYAS PA RNAM DAG GI ,GRONG KHYER YID 'ONG 'BYUNG BAR 'GYUR, , RIN CHEN BDUN LAS BYAS MTHO BA'I, ,RA BA 'PHANG DU RGYANG GRAGS 'BYUNG, ,SHING THAGS DANG NI SGO KHANG RNAMS, ,RIN CHEN SNA TSOGS DAG GIS BRGYAN, ,RIN CHEN SO PHAG GIS BRTZEGS SHING, ,PADMA AUTPAL GCAL DU BKRAM, ,DUR PAS MDZES PAR BYAS PA YI, ,'OBS KYANG 'BYUNG BA KHO NAR 'GYUR, ,KHOR YUG TU NI TA LA YI, ,PHRENG BA BDUN GYIS YONGS SU BSKOR, ,DRIL BU'I DRA BAS MDZES BYAS PA, ,RIN CHEN BZHI RGYU'I TA LA DAG ,RLUNG BSKYOD TA LA DE DAG LAS, ,SNYAN PA'I SGRA NI 'DI LTAR DPER, ,SIL SNYAN YAN LAG LNGA LDAN BZHIN, ,DE LAS YID 'ONG

491a

, ,SGRA GRAG 'GYUR, ,MI RNAMS GANG DAG GRONG KHYER DER, ,RTZE DGA' BDE DON GNYER BA RNAMS, ,DE DAG TA LA'I SGRA DE YIS, ,RAB TU MGU ZHING RTZEN PAR BYED; ;AUTPAL KU MU DAS GANG BA'I, ,RDZING BU DAG KYANG 'BYUNG BAR 'GYUR, ,GRONG DE SKYED MOS TSAL DANG NI, ,NAGS TSAL PHUN SUM TSOGS PAR 'GYUR, ,DER NI DUNG ZHES BYA BA YI, , RGYAL PO GZI BRJID CHE LDAN ZHING, ,STOBS CHE GLING BZHI'I DBANG PHYUG PA, ,MNGA' BDAG 'KHOR LOS BSGYUR BA 'BYUNG, ,DPUNG GI YAN LAG BZHI 'BYOR CING, ,RIN CHEN BDUN DANG YANG DAG LDAN, ,RGYAL PO DE YI SRAS RNAMS NI, ,STONG DU TSANG BAR 'BYUNG BAR 'GYUR, ,MI YI DBANG PO DE YANG NI, ,SA 'DI RGYA MTSO'I MTHA' KLAS PAR, ,CHAD PA MED CING CHOS DANG NI, , MTHUN PAS YONGS SU SKYONG BAR 'GYUR, ,DE TSE DUNG ZHES BYA BA YI, ,SA BDAG RGYAL PO DE LA NI, ,RIN CHEN KHRAG KHRIG BRGYAS MTSON PA'I, ,GTER CHEN BZHI NI 'BYUNG BAR 'GYUR, ,SU YI MTSAN NI SER SKYA STA, ,BCOM BRLAG NA NI DKAR PO YIN, ,SA 'DZIN NA NI AE LA'I 'DAB, ,W'A RA n'A SI'I GRONG KHYER DUNG, ,GTER NI BZHI PO KHO NA DANG, ,RGYAL PO YANG DAG LDAN PAR NI; ;'BYUNG 'GYUR DPA' PO CHEN PO DE, ,BSOD NAMS BRGYA LO STOBS LAS SKYES, ,DE TSE RGYAL DE'I MDUN NA 'DON, ,BRAM ZE TSANGS RAB CES BYA BA, ,THOS MANG RIG BYED BZHI 'DON PA'I, ,

491b

MKHAN PO ZHIG NI 'BYUNG BAR 'GYUR, ,'DON DU 'JUG DANG GSANG TSIG 'DZIN, ,DRAN LDAN RIG BYED GZHUNG 'GREL DANG, ,SGRA NGES SBYOR BCAS PHA ROL PHYIN, ,BRDA SPROD PA DANG TSIG DANG LDAN,, DE TSE DE YI CHUNG MA NI, ,TSANGS LDAN MA ZHES BYA BA STE, ,MDZES SHING BLTA NA SDUG PA DANG, ,GZUGS MTHONG GRAGS DANG LDAN PA 'BYUNG, ,BYAMS PA GANG ZAG MCHOG GYUR PA, ,DGA' LDAN GNAS NAS SHI 'PHOS NAS, ,DE TSE DE YI LHUMS SU NI, ,NGES PAR NYING MTSAMS SBYOR BAR 'GYUR, ,GZI BRJID CHEN PO ZLA BA BCU, ,TSANGS PAR LHUMS SU ZHUGS NAS KYANG, ,BYAMS PA'I YUM NI SKYED MOS TSAL, ,ME TOG BZANG RGYAS NANG GSHEGS NAS, ,CHOS STON MA DE MI 'DUG CING, ,MI NYAL 'GRENG BZHIN DAG TU NI, ,SHING GI YAL GA LA BZUNG NAS, , BYAMS PA BLTAMS PA NYID DU 'GYUR, ,MI YI MCHOG TU GYUR PA DE, ,GLO G-YAS NAS NI 'BYUNG 'GYUR TE, ,DPER NA SPRIN GYI PHUNG PO NAS, ,NYI MA BYUNG BA BZHIN DU GSAL, ,JI LTAR CHU YI PADMA BZHIN, ,MNGAL GYI 'DAM GYIS MI GOS SO, ,KHAMS GSUM 'DI NI THAMS CAD DU, ,'OD KYIS RGYAS PAR 'GENGS PAR 'GYUR, ,DE NAS BRGYA BYIN LHA DBANG PO, ,BDE SOGS MNGA' BDAG DGA' GYUR NAS, ,BYAMS PA RKANG GNYIS MCHOG GYUR PA, ,BLTAMS PA'I TSE NA LON PAR 'GYUR, ,DE NI BLTAMS MA THAG TU YANG, ,GOM PA BDUN DAG

492a

, ,'DOR BAR 'GYUR, ,GOM PA RE RER GTER DANG NI, ,PADMA RE RE 'BYUNG BAR 'GYUR, ,PHYOGS BZHI DAG TU GZIGS NAS NI, ,BDAG GI SKYE BA THA MAS NI; ;'DI YIN YANG SRID YOD MA YIN, ,YANG DANG YANG DU PHYIR MI 'ONG, ,ZAG MAD MYA NGAN 'DAS 'GRO ZHES, ,GSUNG YANG RAB TU BKA' STZAL TO, ,KLU RNAMS KYIS NI CHU YI RGYUN; ;BSIL DANG 'JAM PAS SKU BSIL 'GYUR, ,NAM MKHA'I NGOS NAS LHA RDZAS KYI, ,GOS DANG ME TOG 'BAB PAR 'GYUR, ,DE YI DBU LA GDUGS DKAR PO, ,LHA RNAMS KYIS NI 'DZIN PAR 'GYUR, ,MTSAN MCHOG SUM CU GNYIS MNGA' BA, ,BYAMS PA DPAL GYIS 'BAR BA DE, ,MA MAS YANG DAG BLANGS NAS SU, ,YUM GYI PHYAG TU 'BUL BAR 'GYUR, ,RIN CHEN SNA TSOGS KYIS BRGYAN PA'I, ,KHYOGS NI YID DU 'ONG BA LA, ,SRAS DANG BCAS PAR BZHUGS GSOL NAS, ,LHA RNAMS KYIS NI KHYER BAR 'GYUR, ,SIL SNYAN STONG PHRAG DU MA DAG ,SGRA 'BYIN 'KHROL BA'I GRONG KHYER DER, ,BYAMS PA GSHEGS PA TZAM GYIS NI, ,ME TOG CHAR BA 'BAB PA 'GYUR, , DE YI NYIN PAR SBRUM PA YI, ,BUD MED RNAMS KYANG BTZA' BAR 'GYUR, ,DE DAG THAMS CAD NYAMS BDE ZHING, ,BDE LEGS SU NI BTZA' BAR 'GYUR, ,TSANGS RAB TSEN [?]

492b

MCHOG SUM CU GNYIS, ,LDAN PA'I SRAS DE MTHONG NAS NI, ,GSANG TSIG DGAL RAB BRTAGS NAS, ,DE YI 'OG TU DGA' BAR 'GYUR, ,JI LTAR GSANG TSIG LAS 'BYUNG BZHIN; ;GZHON NU'I 'GRO BA GNYIS YIN TE, ,MI DBANG 'KHOR LOS BSGYUR BA'AM, ,SANGS RGYAS RKANG GNYIS MCHOG TU 'GYUR, ,BYAMS PA RKANG GNYIS MCHOG GYUR PA; ;DPAL DE NA TSOD RDZOGS NAS NI, ,SKYE RGU 'DI NI SDUG BSNGAL SNYAM, ,CHOS KYI BDAG NYID DGONGS PAR MDZAD, ,DBYANGS CHE TSANGS PA'I DBYANGS DANG LDAN, ,'OD CHE GSER GYI MDOG DANG LDAN, ,STENG PHEL CHE ZHING THAL GONG RGYAS, ,PADMA'I 'DAB MA 'DRA BA'I SPYAN, ,DE YI SKU YI KHRUN DU NI, ,KHRU NI BRGYAD CU DAG TU 'GYUR, ,ZHENG NI KHRU RNAMS NYI SHU STE; ;ZHAL GYI DKYIL 'KHOR DE YI PHYED, ,BYAMS PA DE NI BRAM ZE'I BU, ,STONG PHRAG BZHI PO DAG DANG NI, ,BRGYAD CUS MDUN DU BDAR NAS NI, ,GSANG TSIG DAG KYANG 'DON DU 'JUG ,DE NAS RGYAL PO CHEN PO DUNG, ,SPOMS SU 'DOM NI DRUG CU BZHI, ,'PHANG DU 'DOM NI STONG YOD PA'I, ,MCHOD SDONG ZHIG NI 'DZUGS PAR 'GYUR, ,MI DBANG DE YIS MCHOD SDONG DE, ,RIN CHEN SNA TSOGS KYIS BRGYAN NAS, ,MCHOD SBYIN GYIS NI SPYAN DRANGS TE, ,BRAM ZE DAG LA RAB TU 'BUL, ,MCHOD SDONG YID 'ONG RIN CHEN RGYU, ,DE NI

493a

, ,PHUL MA THAG TU YANG, ,BRAM ZE STONG PO RNAMS KYIS NI, ,DE MI MOD LA BGED PAR GYUR, ,BYAMS PAS MCHOD SDONG DE YI NI, ,MI RTAG NYID DE MTHONG NAS KYANG, ,'KHOR BA MTHA' DAG RNAMS BSAM STE, ,RAB TU 'BYUNG BAR 'DOD PAR 'GYUR, ,'DIR BDAG RAB TU BYUNG NAS NI, ,BDUD RTZI'I GO 'PHANG REG 'GYUR DANG, ,SKYE BO 'CHI BDAG NAD RGA BA'I, ,'JIGS LAS 'GROL BAR 'GYUR SNYAM ZHES, ,SKYE BO RAB DANG GZIGS NAS NI, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'GOG PA DANG, ,BDE BA MYA NGAN LAS 'DAS 'GRO, ,'PHAGS LAM YAN LAG BRGYAD PA YI, ,BDEN PA DAG KYANG STON PAR 'GYUR, ,DE YI CHOS DE THOS NAS KYANG, ,BSTAN PA LA NI NAN TAN SGRUB, ,BYAMS PA GANG ZAG MCHOG GYUR DE, ,STONG PHRAG BZHI PO DAG DANG NI, ,BRGYAD CU DAG GIS MDUN BDAR NAS, ,RAB TU 'BYUNG BAR NGES 'BYUNG 'GYUR; ;DE TSE DE YI BYANG CHUB SHING, ,KLU SHING ZHES BYA 'BYUNG 'GYUR TE, ,DE YI YAL GA GNAM 'PHANG DU, ,DPAG TSAD TZAM DU YANG DAG 'PHAGS, ,DE NI BYANG CHUB SHING DE YI; ;YAL GA GEL PA THAMS CAD DU, ,KHO RA KHOR YUG RGYANG GRAGS DRUG ,KHEBS PA KHO NA DAG TU 'GYUR, ,BYAMS PA RKANG GNYIS MCHOG GYUR DE, ,DE YI DRUNG DU GSHEGS NAS

493b

SU; ;BLA MED BYANG CHUB ZHI BA NI, ,THOB 'GYUR 'DI LA THE TSOM MED, ,GANG GI NUB MO KHO NA LA, ,RAB TU 'BYUNG BAR MNGON 'BYUNG BA, ,DE YI NUB MO KHO NA LA, ,BYANG CHUB DAM PA 'THOB PAR 'GYUR; ;DE YI 'OG TU THUB MCHOG GO ,DAM CHOS SDUG BSNGAL KUN SPONG ZHING, ,ZHI BA YAN LAG BRGYAD LDAN PA'I, ,GSUNG GIS STON PAR MDZAD PAR 'GYUR, ,ME TOG MDZES PA BRGYUS PA YI; ;SKYED MOS TSAL DU DE YI 'KHOR, ,DPAG TSAD BRGYA KHYON GANG BA DAG ,YANG DAG 'DU BA KHO NAR 'GYUR, ,DE NAS MI DBANG RGYAL PO DUNG, ,GRAGS PA CHEN POS THOS NAS NI, ,SBYIN PA GRANGS MED BYAS NAS KYANG, ,RAB TU 'BYUNG BAR 'DOD PAR 'GYUR, ,RGYAL PO STONG PHRAG BZHI DANG NI, ,BRGYAD CU DAG GIS MDUN BDAR TE, ,KHYIM NAS DES PAR BYUNG NAS NI, ,RAB TU 'BYUNG BAR 'GRO BAR 'GYUR, ,BYAMS PA'I YAB KYANG DE BZHIN DU, ,DE YI TSAD DANG MNYAM PA YI, ,BRAM ZE RNAMS KYIS MDUN BDAR NAS, ,RAB TU 'BYUNG BAR 'GRO BAR 'GYUR, ,DE NAS DE TSE KHYIM BDAG NI, , NOR BZANG TSOGS NI RNAM GRAGS PA, ,CHOS KYI BDAG NYID STONG DAG GIS, ,BSKOR NAS RAB TU 'BYUNG BAR 'GYUR, ,DUNG GI BUD MED RIN PO CHE, ,SA GA ZHES NI RNAM GRAGS PA, ,BUD MED STONG PHRAG BZHI DANG NI, ,BRGYAD CU DAG GIS MDUN BDAR TE, ,DE YI 'OG TU MNGON BYUNG NAS, ,RAB TU 'BYUNG BAR 'GRO BAR 'GYUR, ,DE YI TSE NA BYAMS PA YI, ,BSTAN PA LA NI SROG CHAGS

494a

, ,DAG ,STONG PHRAG DANG NI BRGYA PHRAG RNAMS, ,RAB TU 'BYUNG BAR 'GRO BAR 'GYUR, ,DE YI 'OG TU THUGS RJE CAN, ,STON PA BYAMS PA RKANG GNYIS MCHOG , 'KHOR LO RNAM PAR GZIGS NAS NI, ,SH'AKYA SENGGE THUB PA STE, ,GTZO BO SKYOB PAR MDZAD PA PO, ,DAM PA'I CHOS DBYINGS GZIGS GYUR PA, ,'JIG RTEN MGON POS 'DI DAG KUN, , THAR PA'I LAM DE BSKYED NAS KYANG, ,DON GYIS NGA YI BSTAN LA BTANG, ,GDUGS DANG RGYAL MTSAN PA DAN DANG, ,DRI DANG PHRENG BA BYUG PA YIS, ,SH'AKYA THUB LA MCHOD NAS NI, , NGA YI BSTAN LA LHAGS PA YIN, ,GUR GUM CHU YIS GDAB PA DANG, ,TZANDAN GYI NI BYUG PA YIS, ,SH'AKYA THUB PA'I MCHOD RTEN LA, ,MCHOD NAS NGA YI BSTAN LA LHAGS, ,DE TSE SANGS RGYAS CHOS DANG NI, ,DGE 'DUN LA YANG SKYABS SONG ZHING, ,DGE BA'I LAS KYANG BYAS NAS NI, ,NGA YI BSTAN LA LHAGS PA YIN, ,SH'AKYA SENGGE'I BSTAN PA LA, ,BSLAB GZHI YANG DAG BLANGS NAS SU, ,JI LTAR GSUNG BZHIN BSGRUBS NAS NI, ,NGA YI BSTAN LA LHAGS PA YIN, ,DGE 'DUN LA YANG CHOS GOS DANG, ,ZHAL ZAS DANG NI BTUNG BA DANG, SNYUN GSOS SNA TSOGS SBYIN PA RNAMS, ,PHUL NAS NGA YI BSTAN LA LHAGS, ,BCU BZHI DANG NI BCO LNGA DANG, ,DE BZHIN ZLA GCIG TSES BRGYAD DANG, ,CHO 'PHRUL WA YI ZLA BA LA, ,

494b

YAN LAG BRGYAD LEGS MNYAM BZHAG CING, ,BSNYEN GNAS GSO SBYONG BYAS NAS NI, ,NGA YI BSTAN LA LHAGS SO ZHES, ,DON 'DI RAB TU GSUNG BAR 'GYUR, ,DE YI NYAN THOS RNAMS KYANG NI, , CHO 'PHRUL GSUM GYIS 'DUL BAR 'GYUR, ,DE TSE DE DAG THAMS CAD NI, ,ZAG ZAD 'GROGS NA BDE BAR 'GYUR, ,DE YI 'DUS PA DANG PO NI, ,NYAN THOS SRID PA BCAD GYUR PA, ,DUNG PHYUR PHRAG DGU BYE PHRAG DRUG ,TSANG BA'I NYAN THOS 'BYUNG BAR 'GYUR, ,DE YI 'DUS PA GNYIS PA NI, ,NYON MONGS 'CHING BA LAS GROL BA'I, ,DUNG PHYUR PHRAG DGU BYE PHRAG BZHI, ,TSANG BA'I NYAN THOS 'BYUNG PAR 'GYUR, ,DE YI 'DUS PA GSUM PA NI, ,SEMS ZHI RNAM PAR GROL GYUR PA, ,DUNG PHYUR PHRAG DGU BYE PHRAG GNYIS, ,TSANG BA'I NYAN THOS 'BYUNG BAR 'GYUR, ,CHOS KYI 'KHOR LO RAB BSKOR NAS, , LHA DANG MI RNAMS RNAM BTUL TE, ,NYAN THOS DGE 'DUN THABS CIG TU, ,GRONG DU BSOD SNYOMS SPYOD LA RGYU, ,DE NAS RTOG LDAN DGA' LTA YI, ,GRONG KHYER DER NI GSHEGS PA NA, ,GRONG KHYER MCHOG TU MAND'A RA'I, ,ME TOG CHAR CHEN 'BAB PAR 'GYUR, ,THUB PA GRONG DER GSHEGS PA LA, ,LHA YIS ME TOG 'THOR BAR 'GYUR, ,RGYAL PO CHEN PO BZHI DAG DANG, ,BRGYA BYIN SUM CU RTZA GSUM DBANG, ,TSANGS PA LHA SOGS THABS CIG TU, ,DE LA MCHOD PA BYED PAR 'GYUR, ,LHA YI BU NI MTHU CHEN GYIS, ,AUTPAL PADMA KU MU TA, ,PADMA DKAR PO DRI ZHIM DANG, ,AA GA RU DANG

495a

, ,TZANDAN DANG, ,DE BZHIN LHA RDZAS PHRENG BA DANG, ,LHA RDZAS GOS KYANG 'THOR PAR 'GYUR, ,'JIG RTEN MGON DE GRONG KHYER GYI, ,MCHOG TU GSHEGS PA MTHONG NAS NI; ;SHING BAL 'DAB LTAR 'JAM PA YI, ,SA DER GDING BRGYA CHER 'DING, ,DE DAG LAM GAR PHRENG BA NI, ,SNA TSOGS MDZES PA RNAM PAR 'GREM, ,LHA YI BU NI MTHU CHEN DANG, ,MI RNAMS YID NI RAB DANG BA, ,GDUGS DANG RGYAL MTSAN BA DAN DANG, ,SPOS DANG PHRENG BA BYUG PA DANG, ,ROL MO SGRA SNYAN BSGRAGS PA YIS, ,STON PA LA NI MCHOD PAR 'GYUR, ,BRGYA BYIN MIG STONG LHA RNAMS KYI, ,RGYAL PO BDE SOGS BDAG PO DE, ,RAB MGU THAL MO SBYAR NAS NI, ,'JIG RTEN MGON LA BSTOD PAR BYED, ,SKYES BU CANG SHES KHYOD LA 'DUD, ,SKYES MCHOG KHYED LA PHYAG 'TSAL LO, ,GANG ZAG MCHOG GYUR BCOM LDAN 'DAS, ,SKYE RGU LA NI THUGS BRTZER MDZOD, ,DE YI TSE NA LHA YI BU, ,MTHU CHEN BDUD CES BYA BA 'BYUNG, ,DE YANG THAL MO RAB SBYAR NAS, ,'JIG RTEN MGON LA BSTOD PAR BYED, ,TSANGS PA'I 'KHOR GYIS YONGS BSKOR CING, ,TSANGS PAS KYANG NI MDUN BDAR TE, ,TSANGS PA'I DBYANGS NI SGROG BZHIN DU, ,DAM PA'I CHOS NI GSUNG BAR 'GYUR, ,ZAG ZAD NYES PA RNAMS BRAL ZHING, ,SRID PA'I 'CHING BA RAB SPANGS PA'I, ,DGRA BCOM RNAMS KYIS SA 'DI NI, ,THAMS CAD KUN TU GANG BAR

495b

'GYUR; ;LHA DANG MI DANG DRI ZA DANG, ,GNOD SBYIN DANG NI SRIN PO KLU, ,MTHU CHEN RNAMS NI MGU GYUR NAS, ,STON LA MCHOD PA BYED PAR 'GYUR, ,GANG DAG BYAMS PA'I BSTAN PA LA, ,TSANGS PAR SPYAD PA SPYOD GYUR PA, ,DE DAG GDON MI ZA BAR NI, ,NYON MONGS MED CING THE TSOM MED, ,GANG DAG BYAMS PA'I BSTAN PA LA, ,TSANGS PAR SPYOD PA SPYOD GYUR PA, ,DE DAG GDON MI ZA BAR NI; ;NGA YI MED CING YONGS 'DZIN MED, ,GSER DANG DNGUL LA 'DZIN MED CING, ,GNAS MED CHAGS PA'ANG YOD PA MIN, ,GANG DAG BYAMS PA'I BSTAN PA LA, ,TSANGS PAR SPYAD PA SPYOD GYUR PA; ;DE DAG GDON MI ZA BAR NI, ,SRED PA'I DRA BA BCAD PA DANG, ,BSAM GTAN RDZOGS PAR BYAS NAS NI, ,DGA' DANG BDE DANG YANG DAG LDAN, ,'BYUNG PO KUN LA THUGS BRTZE BA, ,BYAMS PA RKANG GNYIS RNAMS KYI MCHOG ,LO NI DRUG KHRI DAG TU YANG, ,DAM PA'I CHOS NI STON PAR 'GYUR, ,DE NA SROG CHAGS BRGYA STONG DANG, ,'BUM PHRAG RNAM PAR 'DREN PA STE, ,DAM PA'I CHOS LA BTUL NAS NI, ,DE NAS MYA NGAN 'DA' BAR 'GYUR, ,THUB PA CHEN POS GSUNGS PA DE, ,YONGS SU MYA NGAN 'DAS NAS KYANG, ,DE TSE DE YI DAM CHOS NI, ,LO KHRI DAG TU GNAS PAR 'GYUR; ;RGYAL BA SH'AKYA THUB DE LA, ,SEMS NI RAB TU DAD PAR GYIS, ,DES NA BYAMS PA RKANG GNYIS MCHOG ,RDZOGS PA'I SANGS RGYAS MTHONG BAR 'GYUR, ,DE PHYIR SANGS RGYAS CHOS DAG

496a

, ,DANG, ,DGE 'DUN TSOGS KYI MCHOG LA NI, ,SEMS NI RAB TU DAD GYIS DANG, ,DON CHEN RAB TU 'GRUB PAR 'GYUR, ,THUGS RJE CHE LDAN DE LTA BU'I, , BYAMS PA RKANG GNYIS MCHOG GYUR PA, ,DE TSE MNYES PAR BYAS NAS NI, ,DE NAS MYA NGAN 'DA' BAR 'GYUR, ,YA MTSAN 'DI DAG THOS GYUR CING, ,'BYOR PA MI NYUNG MTHONG MDZAD DE, ,NAG PO'I RIGS KYANG DAD 'GYUR NA, ,MKHAS PA SU ZHIG DAD MI 'GYUR, ,DE PHYIR 'DI NA BDAG NYID CHE, ,'DOD CING BDAG LA LEGS 'DOD PAS, ,SANGS RGYAS BSTAN PA DRAN BZHIN DU, ,DAM PA'I CHOS LA GUS PAR BYA, ,'PHAGS PA BYAMS PA LUNG BSTAN PA RDZOGS SO,, ,,RGYA GAR GYI MKHAN PO DZI NA MI TRA DANG, LOTZTSA BA BANDHE DPAL BRTZEGS RAKshI TAS BSGYUR,,