, ,RGYA GAR SKAD DU, MA H'A TZ'I NA KRA MA T'A R'A S'A DHA NAm, BOD SKAD DU, RGYA NAG CHEN PO'I RIM PA'I SGROL MA'I SGRUB THABS, BCOM LDAN 'DAS MA SGROL MA LA PHYAG 'TSAL LO, ,G-YON BRKYANG ZHABS KYIS RO YI SNYING GAR MNAN CING MI BZAD MCHOG GI GAD RGYANGS DGOD, ,RAL GRI AUTPAL GRI GUG THOD PA PHYAG BSNAMS H'Um YIG SA BON LAS BYUNG MA, ,THUNG ZHING SNGO LA SBOM PA RAL PA'I THOR TSUGS SER PO MCHOG GI KLU DANG LDAN, ,'GRO BA RNAMS KYI MI SHES THOD PA LA BKOD 'JOMS SHING DRAG PO'I SGROL MA NYID, ,SGROL MA SRID PA GSUM SGROL MA, ,RGYA NAG RIM 'ONGS LA BTUD DE, ,BLA MA'I MAN NGAG JI LTA BAR, ,DE YI SGRUB THABS BDAG GIS BRJOD, ,LING+GA GCIG DANG DUR KHROD DANG, ,YANG NA KHYIM NI STONG PA RU, ,THAMS CAD DU NI DER GNAS NAS, ,SRID PA GSUM LAS SGROL BA YI, ,RIG PA RNAL 'BYOR BA YIS BSGRUB, ,STAN 'JAM
, ,NANG TSANGS CAN LA GNAS, ,GZHAN YANG 'JAM POR GYUR PA YI, ,SHING STAN LA SOGS MNYAM GNAS LA, ,DNGOS GRUB MCHOG NI BSGRUB PAR BYA, ,SKAD CIG RNAM PA'I SBYOR BA YIS, ,RDO RJE GSUM LAS LEGS MNYAM GZHAG ,GNAS GSUM DU NI DE BSAM BYA, ,DE LAS 'OD ZER RNAM 'PHROS NAS, ,SRID GSUM SPYOD PA'I SEMS CAN RNAMS, ,GSAL BAR MDZAD NAS SLAR YANG NI, ,BSDUS NAS KHAMS GSUM MTHA' DAG KYANG, ,STONG PA NYID DU BSAM PAR BYA, ,DE NAS RGYAL BA'I GSANG SNGAGS BRJOD, ,AOm SH'U N+YA T'A SOGS RANG BZHIN NO, ,DE NAS NAM MKHA' A'A:YIG LAS; ,CHU SKYES DMAR PO BSAM PAR BYA, ,SLAR YANG DE STENG BSAM BYA BA, ,T'Am YIG LAS NI PADMA'I SNOD, ,SLAR YANG DE DBUS BSAM PAR BYA, ,H'Um YIG MTHON MTHING DANG MTSUNGS PA, ,DE LAS H'Um YIG LAS SKYES PA'I, ,GRI GUG SA BON GYIS BRGYAN BLTA, ,GRI GUG YONGS SU GYUR PA LAS, , BDAG NYID SGROL MA DANG MTSUNGS BSGOM, ,ZHABS NI G-YON BRKYANG MI BZAD MA, ,MGO BO'I PHRENG BA RAB TU 'PHYANG, ,THUNG ZHING LTO 'PHYANG 'JIGS BYED MA, ,CHU SKYES SNGON POS RNAM PAR BRGYAN, ,BZANG MO ZHAL GCIG SPYAN GSUM MA, ,MI BZAD GAD RGYANGS 'OD DANG LDAN, ,RAB TU DGYES SHING RO LA ZHON; ,KLU BRGYAD KYIS NI RNAM PAR BRGYAN, ,SPYAN NI DMAR ZHING ZLUM PA STE, ,STAG GI PAGS PA RKED LA MNABS, ,LANG TSO GZHON ZHING PHUN SUM TSOGS, ,PHYAG RGYA LNGA YIS RNAM PAR BRGYAN, ,LJAGS NI BSGRIL ZHING MCHE BA GTZIGS, ,'JIGS CHEN 'JIGS PAR BYED PA MO, ,PHYAG G-YAS RAL GRI GRI GUG STE, ,G-YON NA AUTPAL THOD PA BSNAMS, ,DMAR SER RAL GCIG GYEN DU BRDZES, ,MI BSKYOD DBU BRGYAN BSAM PAR BYA, ,BSGOMS PA'I STOBS NI RDZOGS PA YIS, ,RNAL 'BYOR SNYAN NGAG CHEN POR 'GYUR, ,GAL TE BLUN ZHING RMONGS GYUR KYANG, ,BSGOM PA'I RO LA BRTZON PHYED NA, , 'JAM PA'I DBYANGS NYID THOB PAR 'GYUR, ,'BUM PHRAG GCIG NI BZLAS PAR BYA, ,YE GE GSUM GYI SNGAGS CHEN PO, ,PHAt YIG MTHA' RU SNYING GAR DGOD, ,'OD ZER LNGA DANG YANG DAG LDAN, ,MA SHES BUD SHING BSREG PA PO, ,RNAL 'BYOR SPYOD PA'I RJES 'BRANGS NAS, ,DE YIS BTU BA'I CHO GA
BRJOD; ,DANG PO SA YI PHA ROL PHYIN, ,DBYANGS YIG BZHI PAS RNAM PAR BRGYAN, ,RA YIG LA ZHON 'OD ZER 'PHRO, ,ZLA BA THIG LE YANG DAG LDAN, ,DE NI YIG LA YANG SBYIN, ,DE BZHIN BZHI PAS RNAM PAR BRGYAN, ,SLAR YANG HA YIG LA SBYOR TE, ,AU YIG RING PO YANG DAG LDAN, ,PHAt KYI YI GE'ANG DE NAS SBYIN, ,YONGS RDZOGS GRUB PA'I SNGAGS NYID DO, ,MKHAS PAS RAL GRI'I GNAS SU NI, ,MI YI RUS PA'I PHRENG BA BSAM,, SPRO DANG BSDU BA'I SBYOR BA YIS, ,SNGAGS MCHOG YANG DAG BZLAS PAR BYA, ,BRTAN PA'I SEMS KYIS BRTAG BYAS NA, ,BDAG NYID MKHAS SHING SNYAN NGAG CHE, ,RTAG TU BSGOM PA GOMS PA YIS, ,DE NYID THE TSOM MED PAR 'GYUR, ,SGROL MA'I SGRUB THABS BRTZAMS PA LAS, ,BDAG GIS DGE BA GANG BSAGS PA, ,DE YIS SROG CHAGS THAMS CAD NI, ,RGYAL BA'I BSTAN LA MKHAS PAR SHOG ,DE 'DIR RTAG PA'I RDO RJE YIS, ,BLO 'PHEL SGRUB THABS BYAS PA YIS; ,ZAB MO LA NI MKHAS PA RNAMS, ,'DI LA BZOD PA MDZAD PAR RIGS, ,RGYA NAG CHEN PO'I RIM PA'I SGROL MA'I SGRUB THABS SLOB DPON RTAG PA'I RDO RJES MDZAD PA RDZOGS SO,, ,,